ཁྲི་ཀའི་ཁྲག་ཆེན་ཐང་།

ཟི་ལིང་། དབང་ཆེན་ཚེ་རིང་།

ཤུལ་རྟེན་འདི་ནི་དཀར་བརྗིད་ཡུལ་ཚོའི་ཁོངས་གཏོགས་དང་དཀར་བརྗིད་སྡེ་བའི་ཞིང་ས་ཡིན། མཛོ་མོ་རུ་རྫོང་མཁར་མདུན་གྱི་བྱང་ཕྱོགས་ན་ཡོད། ངག་རྒྱུན་ལ་ཧོར་དམག་མང་པོ་བསད་པའི་ཤུལ་ཡིན་པར་གྲགས། ཁྲག་ཆེན་ཐང་གི་ས་ཞིང་དེའི་ཆེ་ཆུང་ལ་ས་མུའུ་བདུན་བརྒྱ་དང་དྲུག་ཅུ་ལྷག་ཡོད། དེར་བཤད་རྒྱུན་འདི་འདྲ་ཞིག་ཡོད་དེ། ཧོར་གླིང་གཡུལ་འཁྲུག་གི་སྐབས་སུ་དེ་ནས་ཧོར་དམག་མང་པོ་བསད་པས་ཁྲག་བཞུར་བའི་ཐང་ཡིན་ལ། ཧོར་དམག་རྣམས་ཕམ་རྗེས་རྨས་མ་རྣམས་བྲོས་ཏེ་ཁྲག་ཆེན་ཐང་གི་ནུབ་བྱང་མཚམས་ཀྱི་ལུང་བ་ཧོར་སྐྱོང་ནང་དུ་བསྡད་སྐད། ཁྲག་ཆེན་ཁུག་གི་ས་ཞིང་དུ་གནའ་བོའི་དུར་ཁྲོད་མང་པོ་ཡོད་ཅིང་མིའི་རུས་རྙིང་སོགས་མང་པོ་རྙེད་ལ། རུས་པ་སྤྱིར་བཏང་གི་མི་དང་མི་འདྲ་བར་ཅུང་ཆེ་བ་ཡོད་པར་བཤད་དོ། །