སྐྱུར་ཚག་གི་མཚམས་སྦྱོར།
（ཁྲི་ཀ）དགེ་འདུན།
མངར་ཚག་སྟེ་ནུང་བྱང་ས་ཁུལ་གྱི་ཁྱད་ལྡན་སིལ་ཟས་ཤིག ཡུག་གོའམ་ནས་བསྙལ་ནས་བཟོས་ཤིང་མཚོ་སྔོན་མཐོ་སྒང་གི་གནའ་མཁར་ཟི་ལིང་དང་རོང་འབྲོག་ཡུལ་གྲོང་སོ་སོར་ཁྱབ་པའི་དམངས་ཁྲོད་ཀྱི་སིལ་ཟས་ཡིན། སྐྱུར་ཚག་སྟེ་མཚོ་བོད་མཐོ་སྒང་དུ་འཁྱག་འགོག་སྨིན་སྔ་བའི་འབྲུ་རིགས་ཤིག་ནས་ཞིབ་ལསབྱས་པའི་ཡུལ་གྱི་ཁྱད་ལྡན་སིལ་ཟས་ཏེ། མང་ཚོགས་གྱི་ངག་རྒྱུན་ལྟར་ན། སྐྱུར་ཚག་མངར། རན་བྱིས་འགྲམ་ཆུ་ལྡང་། དཀར་ཡལ་གང་དོས་ཟས་འཇུ་བཟང་། དཀར་ཡོལ་སུམ་བཞིས་ལྟོ་བ་འགྲངས། ཞེས་བཤད་ལ། དེར་དྲི་ལད་ལྡང་ཞིང་འཁྱག་ཅིང་བསིལ་བ། རོ་མངར་བའི་ཁྱད་ཆོས་ལྡན་ལ། ཟས་ན་ལོ་ཆང་བསིལ་མའི་དྲི་ལད་ཞིང་ལྡང་ལ། དབྱར་ཀར་ཟས་ན་ལུས་ཁམས་དྭངས་ཤིང་རྣམ་རིག་གསལ་ལ་ངལ་དུབ་སེལ་ཐུབ། དགུན་ཁར་ཟས་ན་ལུས་སྟོབས་རྒྱས་ཤིང་ཟས་འཇུ་བཟང་བས། མཚོ་སྔོན་མཐོ་སྒང་གི་ཐུན་མོང་མ་ཡིན་པའི་བྲོ་ལྡན་སིལ་ཟས་ཤིག་ཡིན།