དཔལ་གསང་ཆེན་གྲུབ་པའི་རྣལ་འབྱོར་བ་ཆེན་པོ་དགེ་སློང་ཆོས་གྲགས་རྒྱ་མཚོ་ངོ་སྤྲོད་མདོར་བསྡུས།    དཔལ་གསང་ཆེན་གྲུབ་པའི་རྣལ་འབྱོར་བ་ཆེན་པོ་དགེ་སློང་ཆོས་གྲགས་རྒྱ་མཚོ་ངོ་སྤྲོད་མདོར་བསྡུས།  2-1.jpg    
  དཔལ་གསང་ཆེན་གྲུབ་པའི་རྣལ་འབྱོར་བ་ཆེན་པོ་དགེ་སློང་ཆོས་གྲགས་རྒྱ་མཚོ་ནི།  རབ་བྱུང་བཅུ་དྲུག་པའི་སྤྱི་ལོ༡༩༣༥ལོའི་གཟའ་སྐར་འཕྲོད་སྦྱོར་འགྲིག་པའི་ཉིན་མོ་ཞིག་ལ་མཚོ་སྔོན་ཞིང་ཆེན་མཚོ་ལྷོ་ཁུལ་ཁྲི་ཀ་རྫོང་འཕྲང་དམར་དུ་སྐུ་བལྟམས།  དགུང་ལོ་བརྒྱད་ཀྱི་སྟེང་ཁྲི་ཀའི་དགོན་མ་ལག་ཉེར་ལྔའི་ཡ་གྱལ་རྙེ་དབེན་གནས་རི་ཁྲོད་ལྷུན་གྲུབ་ཆོས་རྫོང་གི་ཆོས་སྒོར་ཞུགས་ཏེ་སྡེ་དེའི་ཐུན་མོང་མ་ཡིན་པའི་ཕྱག་ལེན་ལ་སྦྱངས་པ་བྱས་ནས་ཚོགས་རྒྱུགས་འབུལ།    དགུང་ལོ་བཅོ་བརྒྱད་སྟེང་ཨ་ལགས་གཙན་ཚ་རིན་པོ་ཆེ་མཆོག་གི་དྲུང་དུ་དགེ་སློང་གི་སྡོམ་པ་མནོས།    དེའི་རྗེས་བཅུ་ཕྲག་རིག་པའི་མཛོད་ལ་མངའ་བརྙེས་པ་རྣལ་འབྱོར་གྱི་རྟོགས་པ་མཐར་སོན་པའི་ངེས་དོན་གྱི་བཤེས་གཉེན་ཆེན་པོ་ཨ་ལགས་བླ་ཁོ་རྡོ་རྗེ་འཆང་འཇིགས་མེད་འཕྲིན་ལས་རྒྱ་མཚོ་དང་།    རེབ་གོང་སྐུ་ཕྱོགས་ཆེན་མོ་ཨ་རོལ་བློ་བཟང་ལུང་རིགས་རྒྱ་མཚོ།  ཐར་ཤུལ་ཆོས་སྐྱོང་རྒྱ་མཚོ།   ཨ་ལགས་ཁོ་ཚེ་རིན་པོ་ཆེ་སོགས་བསམ་སྦྱོར་གཉིས་ཀྱིས་ཚུལ་བཞིན་དུ་བསྟེན་ནས་ལོ་མང་པོར་དབང་ལུང་རྗེས་གསུམ་གྱི་མན་ངག་གིས་རང་རྒྱུད་ཕྱུག་པོར་བྱས།    ༡༩༥༨ལོར་གློ་བུར་སྲིད་ཇུས་ལ་གནམ་ས་བླ་འོག་བརྗེ་བ་ལྟ་བུའི་རྐྱེན་ངན་བྱུང་བའི་དབང་གིས་ཕྱོགས་སོ་སོའི་གྲྭ་བཙུན་གྲངས་ལས་འདས་པ་རྣམས་དང་མཉམ་དུ་འཛིན་བཟུང་གིས་ཆབ་ཆའི་དགོན་གསར་དུ་དཀའ་སྡུག་དང་བཀྲེས་སྐོམ་གྱི་སྡུག་བསྔལ་ཚད་ལས་འདས་པ་མྱངས་མཐར་ཕྱིར་རང་ཡུལ་ལ་ལོག     ༡༩༦༢ལོར་གློ་བུར་རང་ཉིད་ཀྱི་ལུས་ཕུང་ཅུང་མི་བདེ་བས་སྐུ་བསྙུང་ནས་ཉིན་གསུམ་གྱི་འཕྲོ་རུ་ཇེ་སྡུག་ཏུ་སོང་ཡང་།  དེ་དུས་འཚོ་བ་དཀའ་བས་ནད་བཅོས་ཀྱི་མཐུན་རྐྱེན་མེད་མོད་སེམས་ཀྱི་དཔའ་བསྐྱེད་ནས་འཆི་བདག་ལ་ཉིན་མང་བོར་འཐབ་པའི་སྡུག་བསྔལ་འོག་ཏུ་རང་ཉིད་སྨན་པ་ཞིག་བྱ་བའི་འདུ་ཤེས་སྐྱེས།         ༡༩༦༤ལོའི་ཟླ༡༢ཚེས༡༦ཉིན་ནས་དྲག་པོ་གསུམ་སྦྲེལ་དང་གསང་བདག་འཁོར་ཆེན་སོགས་ལ་འབད་ནས་ནད་ཀུན་སེལ་བའི་ཐབས་བློ་རྙེད། ༡༩༦༥ལོའི་ཆུ་སྟོད་ཟླ་བའི་ཚེས༡༣ཉིན་གློ་བུར་དུ་བཀྲ་ཤིས་པའི་རྟགས་མཚན་དུ་མ་མིག་གི་མཐོང་སྣང་དུ་དངོས་སུ་འོང་སྟེ་དཔལ་གསང་བའི་བདག་པོ་ཞལ་མཇའ་ནས་སྔགས་ནུས་ལ་ཀློང་བརྡོལ་པའམ་གྲུབ་པ་བརྙེས་ཏེ་རང་གི་ལུས་སྟེང་དུ་རྨ་འཛེར་མཐེ་བོང་འདྲ་བ་དག་ལ་སྔ་དྲོ་ལྗགས་མཆིལ་བྱུག་རྗེས་ཕྱི་དྲོ་ཤུལ་མེད་དུ་གྱུར་བའི་ཡ་མཚར་གྱི་ནུས་རྟགས་བྱུང་།      ༡༩༧༥ལོ་ནས་རང་ཡུལ་དང་ཐག་ཉེའི་སྡེ་བ་མང་པོའི་ནད་པ་སེར་སྐྱ་མང་པོར་གསང་བའི་ཚུལ་གྱིས་བྱབས་ཁྲུས་ཐེངས་འགའ་རེ་བྱས་རྗེས་ནད་གཞི་དྲག་པོ་དག་ཀྱང་སངས་དྲག་ཏུ་སོང་བ་མང་པོ་བྱུང་།      ༡༩༨༠ལོ་ནས་བཟུང་རླབས་ཆེ་བའི་གཞན་ཕན་ལྷག་བསམ་དཀར་པོའི་ངང་ནས་འགྲོ་དོན་སྐྱོང་འགོ་ཚུགས་ཏེ་མཚོ་སྔོན་དང་ཀན་སུའུ།  སི་ཁྲོན།  ལྷ་ས།  ཡུན་ནན།  པེ་ཅིན།  ནང་སོག   ཞིན་ཅང་།  ཧོ་པེ།   ཧྲིན་ཡང་།  ཧུའུ་ནན།  བོད་ལྗོངས།  ཏུང་པེ།   ཧྲང་ཧེ    ལོ་ཡང་།   ཀྲེ་ཅང་།   ཧྲན་ཞི་སོགས་ཞིང་ཆེན་མང་བོ་དང་།    ནེ་པོ་འར།   ཨོ་ཏ་ལིས་ཡ་སོགས་རྒྱལ་ཁབ་ཁ་ཤས་བཅས་ཀྱི་ནད་པ་ཉིན་རེར་སྟོང་དང་བརྒལ་བའི་ཁ་གྲངས་ལ་བྱབས་ཁྲུས་བྱས་པ་ཉུང་ཉུང་མིན།   ཉིས་སྟོང་བཅོ་ལྔ་ལོར་བསྡོམས་རྩིས་བྱས་པ་ལྟར་ན། སངས་དྲག་ཏུ་སོང་བའི་ནད་པ་འབུམ་ཕྲག་བཅུ་ལས་བརྒལ་ཡོད་ལ་ཚུར་ཡོང་ནད་པ་བརྒྱ་ཆའི་དགུ་བཅུ་སངས་དྲག་སོང་ཡོད་འདུག          ཁོང་གིས་བྱབས་ཁྲུས་དང་བཀའ་སློབ་ཀྱི་ནུས་པ་ཕྱོགས་ཀུན་ཏུ་ཁྱབ་པ་དེས་ཚན་རིག་དང་སྨན་ཁང་སོགས་ཀྱང་ཟིལ་གྱིས་གནོན་པར་གྱུར་ཡོད་ཅེས་བཤད་ཀྱང་ཆེ་བརྗོད་མིན་ལ་མི་སེམས་ཐེ་ཚོམ་གྱིས་བཟི་བའི་དུས་རབས་འདིར་དཀོན་མཆོག་གི་བྱིན་བརླབས་ཟེར་བའང་རམ་འདེགས་བྱས་ཡོད་འདུག         ཁོང་གིས་སྐུ་ཚེ་ཧྲིལ་བོར་བསྟན་འགྲོའི་དོན་འབའ་ཞིག་ལ་གཞོལ་ནས་མཛད་པ་རེ་ཞིག་མཐར་སོན་ཏེ། དགུང་གྲངས་དོན་བདུན་བཞེས་པ་རབ་བྱུང་བཅུ་བདུན་པའི་ཆུ་ཕོ་འབྲུག༼སྤྱི་ལོ༢༠༡༢༽ལོའི་བོད་ཟླ༡༡པའི་ཚེས༦ཉིན་དགོངས་པ་ཆོས་དབྱིངས་སུ་ཐིམ་པའི་ཚུལ་བསྟན་ནོ།།            ངོ་སྤྲོད་པ་ཁྲི་སྲས་བ།    2-2.jpg    
  2-3.jpg    
  2-4.jpg    

   Amdo  subjects 1079 For more information about this term, see Full Entry below.Subjects Tibet and HimalayasBibliographic ClassificationTibetan and HimalayanCultural and Environmental GeographyPlacesTibetFull EntryRelated Subjects (1)Related Texts (24) Biography  subjects 123 For more information about this term, see Full Entry below.Subjects Literary GenresTibetan Literary GenresFull EntryRelated Subjects (8)Related Texts (10)Related Images (3) Healing rituals  subjects 2170 For more information about this term, see Full Entry below.Subjects RitualTibetan ritualFull EntryRelated Subjects (9)Related Texts (1)Related Audio-video (2)Related Images (2)