སུམ་བྷའི་ཀླུ་ཆུ་འཐུང་བ་བུ་འགྲུབ།    སུམ་བྷའི་ཀླུ་ཆུ་འཐུང་བ་བུ་འགྲུབ། （ཟི་ལིང）རིན་ཆེན་བཀྲ་ཤིས།           ༄༅། ། ཨོཾ་སྭསྟི་སིདྡྷཾ། མཁྱེན་བརྩེ་ཆུ་འཛིན་བསྣོལ་མར་འཁྲིགས་པ་ལས། །ལུང་རྟོགས་བདུད་རྩིའི་གྲུ་ཆར་འཇོ་བའི་དཔལ། །མཁའ་ཁྱབ་ཞིང་དུ་གྲགས་པའི་ཕྲེང་བ་ཅན། ། མཆོག་གསུམ་སྲུང་མར་བཅས་པས་ཤིས་པ་སྩོལ། ། གང་གི་མཚན་ཙམ་འཛིན་དང་དྲན་པ་ཡིས།   ། མི་བཟད་སྡུག་བསྔལ་མཐའ་དག་སེལ་མཛད་པ།   ། ཀླུ་ཡི་དབང་ཕྱུག་རྒྱལ་པོ་གཙོ་འཁོར་ལྔར།   ། ལུས་ངག་ཡིད་གསུམ་གུས་པས་ཕྱག་འཚལ་ལོ།   ། གདེངས་ཀ་ནོར་བུ་འབར་བའི་འོད་ཀྱིས་ནི།   ། ས་འོག་མུན་པ་མ་ལུས་སེལ་མཛད་ཅིང་།   ། བསྟན་ལ་རབ་དགའ་མཐུ་སྟོབས་བསམ་མི་ཁྱབ།   ། ཀླུ་རྒྱལ་འཁོར་དང་བཅས་ལ་ཕྱག་འཚལ་བསྟོད།   །      དེ་ཡང་བསང་ལྷ་ལམ་ཀུན་ཁྱབ་ཏུ། ཀྱེ། སྔོན་གྱི་བསྐལ་བའི་དང་པོ་ལ། ། སློབ་དཔོན་པདྨའི་སྤྱན་སྔ་རུ། ། ཁྱོད་ཀྱིས་ཁས་བླངས་དམ་བཅས་པའི། ། ཤར་ཕྱོགས་བྲག་གནས་མགོན་པོ་ཞེས། ། ཀླད་ནས་སྤང་སེར་ལམས་སེ་ལམ། ། ཉི་ཟླ་འོད་འབར་ཁྱུགས་སེ་ཁྱུག ། གཡས་ན་བྲག་རི་བངས་སེ་བང་། ། གཡོན་ན་བྲག་སྔོན་སེངས་སེ་སེང་། ། གཡས་ན་ཆུ་ཕྲན་ཤ་ར་ར། ། གཡོན་ན་ལྷ་ཆབ་དཀར་པོ་འུ་རུ་རུ། ། བྲག་གནས་མགོན་པོ་ཁྱོད་ཀྱི་མདུན་ཕྱོགས་སུ། ། གཡུ་ཡི་སྣང་བ་སྔོན་མོ་ཀྱི་ལི་ལི། ། གཡུ་ཆུ་སྔོན་མོ་བྲངས་སེ་བྲང་། ། ཕྱོགས་ཀྱི་ལུང་པ་ཐམས་ཅད་ན། ། རི་དྭགས་གཅན་གཟན་ཐ་ར་ར། ། ཀླད་ན་བྱ་རྒོད་ཉི་ལི་ལི། ། ཕྱག་ན་ཐང་ཤིང་རྒྱངས་སེ་རྒྱངས། ། སྨྲ་ར་གཡས་གཡོན་སེར་སེ་སེར། ། བྲག་གནས་མགོན་པོ་གཉན་པོ་ཁྱོད། ། བཞུགས་ནི་ཤར་གྱི་ཕྱོགས་སུ་བཞུགས། ། གཟིགས་ནི་ནུབ་ཀྱི་ཕྱོགས་སུ་གཟིགས། ། ཞེས་པ་ལྟར། ཆུ་མིག་འདིའི་འབྱུང་སའི་ཁུངས་བྲག་གནས་མགོན་པོའམ་ཨ་མྱེས་དམག་དཔོན་ནི་བསྐལ་བ་ཆགས་པའི་དུས་ནས་ཡོད་ཅིང་སློབ་དཔོན་པདྨས་དམ་ལ་བཏགས་པའི་བཀའ་སྲུང་ཡིན་ཞིང་། དེའི་མདུན་གྱི་ཆུ་མིག་འདི་ཡང་བསྐལ་བ་ཆགས་པའི་དུས་ནས་ཡོད། ཆུ་མིག་འདི་ནི་དགུན་དྲོ་ཞིང་དབྱར་འཁྱག་ལ། དཔྱིད་དབྱར་ཆར་ཆུ་མཁོ་དུས་ཇེ་ཆེར་འགྱུར་ཞིང་། སྟོན་དགུན་མི་མཁོ་བའི་དུས་སུ་ཇེ་ཆུང་དུ་འགྲོ། ཆུ་མིག་འདི་ཀླུས་བདག་གིར་བཟུང་ཡོད་པས་ན་ཀླུ་ཆུ་ཟེར་ཞིང་། ཆར་ཆུ་དཀོན་དུས་ཆུ་མིག་འདིའི་ཁ་ནས་སྔགས་མང་གིས་ཀླུ་བསང་ཀླུ་གཏོར་དང་། སྤྲིན་ཆེན་པོའི་མདོ་སོགས་བཏོན་ནས་ཆར་ཆུ་ཕབ་ན་ངེས་པར་འབབ་པ་དང་། དེའི་ལུགས་སྲོལ་ནི་ད་ལྟའི་བར་དུ་མ་ཉམས་པར་མཆིས་སོ། ། ཡང་དེ་ཉིད་ལས། གཞིའི་བུ་བུ་འདོད་བུ་དང་སྤྲོད། ། ཅེས་གསུངས་པ་ལྟར་བུ་འདོད་པ་རྣམས་ཀྱིས་ཆུ་འདི་འཐུང་ན་བུ་སྐྱེས་པར་འགྱུར་ཞེས་ཀྱང་གྲགས་སོ། ། སརྦ་མངྒ་ལཾ། ། དགེའོ། །
   proper place names  subjects 2604 For more information about this term, see Full Entry below.Subjects Tibet and HimalayasTopicsPlacesFull EntryRelated Subjects (4)Related Audio-video (2)Related Texts (4) Triga  places 1176 For more information about this term, see Full Entry below.Feature Type CountyPlaces EarthAsiaChinaQinghaiTsolho Tibetan Autonomous PrefectureFull EntryRelated Subjects (1)Related Places (76)Related Images (192)Related Texts (116)Related Audio-video (81)