འགག་བཟའི་གུར་ཤུལ་དང་འབྲེལ་བའི་གླིང་གེ་སར་ངག་རྒྱུན། འགག་བཟའི་གུར་ཤུལ་དང་འབྲེལ་བའི་གླིང་གེ་སར་ངག་རྒྱུན།   སྙིང་ལྕགས་རྒྱལ་གྱིས་འཚོལ་སྡུད་བྱས།   ཁྲི་ཀ་རྫོང་འཕྲང་དམར་གྲོང་རྡལ་འགག་བཟའི་ས་ཆ་གླིང་དཀར་སྨད་ཀྱི་ས་ཁོངས་སུ་གཏོགས་པར་ཡུལ་འདིའི་མི་རྣམས་ཀྱིས་མགྲིན་དབྱངས་གཅིག་ཏུ་བརྗོད། ཨ་ཁུ་ཁྲ་རྒན་བདུད་ཡུལ་དུ་ལྷ་ཕྲུག་སློང་དུ་སོང་རྗེས།  མ་འགག་བཟའ་ལྷ་མོར་མངལ་སྦྲུམ། ཨ་ཁུ་ཁྲོ་ཐུང་གིས་རང་ཉིད་ཀྱི་སྲིད་དབང་ལ་གནོད་སྐྱོན་ཡོང་བར་དོགས་ནས་མ་འགག་བཟའ་ལྷ་མོར་ལྷ་ཕྲུག་མངལ་དུ་འཁོར་ཡོད་པ་མཁྱེན་ནས་གླིང་སྨད་དུ་སྤྱུགས།དེ་ཡང་གླིང་སྨད་འགག་བཟའི་གུར་ཤུལ་ནི་གླིང་སྟོད་དང་བསྡུར་ན་ཡུལ་མཐའ་འཁོབ་དུ་གནས་པས།མ་འགག་བཟའ་ལྷ་མོས་གནས་དེ་རུ་མཚེར་ས་བཟུང་ནས་གུར་ཕུབས་པའི་རྒྱུ་མཚན་གྱིས་ཡུལ་དེར་གུར་ཤུལ་ཞེས་ཐོགས།དེ་ནས་ཨ་ཁུ་ཁྲོ་ཐུང་གིས་མ་འགག་བཟའ་ལྷ་མོའི་ལྷ་ཕྲུག་མངའ་སྤྲུམ་ཡོད་པ་བདུད་འགོམས་པ་ཁྱི་ཁ་ར་སོའི་སྙན་དུ་གསོལ་ཏེ་བདུད་དཔུང་གིས་དེ་ནི་བདུད་ཡུལ་གྱི་མ་འོངས་པའི་འགོག་རྐྱེན་ཆེན་པོ་ཞིག་ཡིན་པ་སེམས་ནས།གུར་ཤུལ་དུ་རྒྱོགས་རྡོ་འཕང་ནས་མཐུ་སོགས་བཏང་སྟེ་འགག་བཟའ་ལྷ་མོ་མ་བུ་གཉིས་བཀྲོངས་རྩིས་ལན་མང་བྱས།རྒྱོགས་རྡོ་འཕང་བ་ད་ལྟ་ཡང་དངོས་སུ་འགག་གཟའ་སྡེ་བ་ན་མཇལ་རྒྱུ་ཡོད། དེ་ལྟར་དཀའ་སྡུག་གི་འཚོ་བའི་ཁྲོད་ནས་ལྷ་ཕྲུག་ཇོ་རུ་སྐུ་འཁྲུངས།གླིང་གིས་ལོ་རེ་བཞིན་བདུད་ལ་མི་ཁྲལ་རྟ་ཁྲལ་སོགས་འཇལ་བཞིན་ཡོད་པ་དང་ཁྲོ་ཐུང་གིས་དེར་དམིགས་ནས་བདུད་འགོམས་པ་ཁྱི་ཁ་ར་སོར་ལྷ་ཕྲུག་མི་ཁྲལ་དུ་འཇལ་རྩིས་བྱས་ཏེ་གུར་ཤུལ་དང་ཐག་ཉེ་བའི་སར་ཡོད་པའི་རི་དུང་དཀར་ཞེས་པའི་གནས་དེར་དྲངས།བདུད་འགོམས་པ་ཁྱི་ཁ་ར་སོ་གནས་དེར་ལྷགས་ནས་ལྷ་ཕྲུག་འགམ་རྩིས་བྱས་པ་ན། མ་བུ་གཉིས་ཀྱིས་སྔོན་ནས་གྲོས་བྱས་ཏེ་མར་གྲོད་རིལ་གཅིག་གི་ནང་དུ་གྲི་རྣོ་ངར་ལྡན་པ་སྦས་ཡོད་པ་དེ་སྔོན་ལ་འདྲེན་རྒྱུ་དང་དེ་ནས་བུ་ཟ་རུ་འཇུག་རྩིས་ཡོད་པས།མ་འགག་བཟའ་ལྷ་མོས་བདུད་འགོམས་པ་ཁྱི་ཁ་ར་སོ་ལ་སྔོན་ལ་མར་གྲོད་རིལ་མིད་དུ་བཅུག་པ་དང་དེ་ནས་ལྷ་ཕྲུག་འགམ་དུ་བཅུག་པ་ན།གྲི་ཡིས་དོན་ལྔ་སྣོད་དྲུག་གཅོད་འབྲེག་འབལ་གསུམ་བྱས་ཏེ་བདུད་འགོམས་པ་ཁྱི་ཁ་ར་སོ་བཀྲོངས།ལྷ་ཕྲུག་བདུད་འགོམས་པ་ཁྱི་ཁ་ར་སོའི་ཐོད་གཙུག་ནས་ཅོར་སེ་བུད་པས་མ་འགག་བཟའ་ལྷ་མོས་བུ་ཡི་མཚན་ལའང་ཇོ་རུ་ཞེས་གསོལ།དེ་ནས་བཟུང་ལྷ་བདུད་དང་རྒྱལ་བའི་རྟེན་འབྲེལ་དུ་རི་དུང་དཀར་ཡུལ་འགང་ཆེན་དུ་ངོས་བཟུང་སྟེ།འགག་བཟའ་ཡུལ་ཚོའི་རི་དུང་དཀར་ཐོག་ཏུ་རླུང་རྟའི་ཀ་འཛུགས་དང་དགྲ་ལྷ་བསྐྱོན་པ་སོགས་ཀྱི་བྱེད་སྒོ་ལོ་རེ་བཞིན་སྤེལ་ནས་ད་ལྟའི་བར་དུ་རྒྱུན་མ་ཆད་པར་ཡོད།མ་འགག་བཟའ་ལྷ་མོས་གུར་ཤུལ་དུ་མཚེར་ས་བཟུང་བ་དང་ཇོ་རུ་སྐྱེས་པ། ལྷ་བདུད་དང་རྒྱལ་བའི་གནས་ཁྱད་པར་བ་ཡིན་པས་ལུང་ཁོག་དེའི་མིང་ལའང་འགག་བཟའ་ཞེས་ཐོགས། Gesar of Ling Epic subjects 6106 For more information about this term, see Full Entry below.Subjects CollectionsTibetan and Himalayan CollectionsLiterature: Genres, Readings and Oral Commentaries in TibetanFull EntryRelated Subjects (2)Related Texts (11)Related Audio-video (1) Triga places 1176 For more information about this term, see Full Entry below.Feature Type CountyPlaces EarthAsiaChinaQinghaiTsolho Tibetan Autonomous PrefectureFull EntryRelated Subjects (1)Related Places (76)Related Images (192)Related Texts (116)Related Audio-video (81) གེ་སར terms 26598 Wyliege sar/ExpressionFor more information about this term, see Full Entry below.Terms gagus so/Full EntryRelated Texts (3)