ཇོ་རུའི་ཞབས་རྗེས།     ཇོ་རུའི་ཞབས་རྗེས།    ཟི་ལིང་། དབང་ཆེན་ཚེ་རིང་།   ཤུལ་རྟེན་འདི་ནི་ཆུ་ཤར་ཡུལ་ཚོ་ཚལ་མཐའ་སྡེ་བ་མེ་ལོང་ལུང་བའི་གེ་སར་སྒྲུབ་ཕུག་གི་ཁ་གཏད་དུ་ཡོད། མི་རྣམས་ཀྱིས་གེ་སར་རྒྱལ་པོ་ཆུང་དུས་ཀྱི་ཞབས་རྗེས་ཡིན་ཞེས་འཆད། ད་ལྟའི་བར་དུ་རྡོ་སྟེང་གི་ཞབས་རྗེས་གསལ་པོར་མངོན་ཡོད། རྡོ་དེའི་ཆེ་ཆུང་ནི་སྨི་གྲུ་བཞི་མ་གཉིས་ལྷག་ཡོད་པ་དང་ལྗིད་ཚད་ལ་སྤྱི་རྒྱ་སུམ་བརྒྱ་ཡས་མས་ཡོད་པ་རེད། ཞིང་ས་གསར་སྤེལ་བྱེད་པའི་སྐབས་སུ་ཇོ་རུའི་ཞབས་རྗེས་ཡོད་པའི་རྡོ་ལ་གནོད་སྐྱོན་ཐེབས་པར་དོགས་ནས་ཚལ་མཐའ་སྡེ་བའི་སྡེ་མི་ཞིག་གིས་རང་ཁྱིམ་དུ་ཁྱེར་ཡོང་ནས་ཉར་ཚགས་བྱས་ཡོད། རྒྱུས་ལོན་བྱས་པ་ལྟར་ན། དེ་སྔ་ཁྲི་ཀའི་མཚར་རྡོ་ཉར་ཚགས་བྱེད་མཁན་ཞིག་གིས་མ་དངུལ་མང་པོ་བཏང་སྟེ་ཇོ་རུའི་ཞབས་རྗེས་ཀྱི་རྡོ་འདི་ཉོ་མཁན་བྱུང་ཡང་སྡེ་མི་ཉར་ཚགས་མཁན་གྱིས་མ་བཙོང་ཞེས་བཤད། ངག་རྒྱུན་ལ་ཇོ་རུས་ཇ་རྫོང་རི་སྐེད་ཀྱི་སྒྲུབ་ཕུག་ནང་གི་བདུད་རྒན་གསོད་སྐབས། རྡོ་ཆེན་དེའི་སྟེང་ནས་ལྷ་མདའ་འཕངས་ཏེ་བདུད་རྒན་བསད་ཅིང་ཇོ་རུའི་ཞབས་རྗེས་བབས་པས། ཡུལ་མི་རྣམས་ཀྱིས་ཞབས་རྗེས་ཡོད་པའི་རྡོ་ཆེན་དེ་ལྷ་རྡོའི་ཚུལ་དུ་བཀུར་ཞིང་མཆོད་བཞིན་ཡོད་ལ། ཇོ་རུའི་མཛད་རྗེས་ཡུལ་ལུང་ཀུན་ཏུ་ཁྱབ་སྟེ་ངག་རྒྱུན་མ་ཉམས་པ་དང་ལྷ་རྡོ་ཉར་ཚགས་བྱས་ཡོད་པར་མ་ཟད། ཞབས་རྡོའི་ཤུལ་ནས་རྡོ་འབུམ་བཞེངས་འདུག
   Gesar of Ling Epic  subjects 6106 For more information about this term, see Full Entry below.Subjects CollectionsTibetan and Himalayan CollectionsLiterature: Genres, Readings and Oral Commentaries in TibetanFull EntryRelated Subjects (2)Related Texts (11)Related Audio-video (1) Triga  places 1176 For more information about this term, see Full Entry below.Feature Type CountyPlaces EarthAsiaChinaQinghaiTsolho Tibetan Autonomous PrefectureFull EntryRelated Subjects (1)Related Places (76)Related Texts (116)Related Audio-video (81)Related Images (192) ཞབས་རྗེས  terms 167439  Wyliezhabs rjes/ExpressionFor more information about this term, see Full Entry below.Terms zhazhabs skyes/Full EntryRelated Texts (1)Related Images (23)