ཁྲི་ཀའི་ཚ་ཞང་འདན་མའི་བླ་མཚོ།       ཁྲི་ཀའི་ཚ་ཞང་འདན་མའི་བླ་མཚོ།    ཟི་ལིང་། དབང་ཆེན་ཚེ་རིང་།   ངག་རྒྱུན་ཤུལ་རྟེན་འདི་ནི་འཕྲང་དམར་གྲོང་རྡལ་མངའ་ཁོངས་ཀྱི་གླིང་ཚ་སྡེ་བར་ཡོང་། ས་བབ་ཧྲིལ་བོའི་ཆ་སྙོམས་ཀྱི་མཐོ་ཚད་ནི་མཚོ་ངོས་ལས་སྨི༢༨༤༠ཡིན། ཡུལ་འདི་ནི་ཚ་ཞང་འདན་མའི་ཕ་ཡུལ་ཞེས་པའི་ངག་རྒྱུན་ཁྱབ་ཡོད་དེ། ཆུང་དུས་ནས་ཡུལ་དེར་ནར་སོན་པའི་ཨ་ཁུ་སྐར་མ་ཐར་གྱིས་གླིང་ཚ་སྡེ་བར་ཉེ་བའི་ལྷོ་ཕྱོགས་ཀྱི་རི་བོའི་སྐེད་ན་ཤུག་པའི་སྡོང་བོ་ཁེར་སྐྱེས་ཤིག་ཡོད་པ་དེ་ནས་འགོ་བརྩམས་ཏེ་ངག་རྒྱུན་ཤུལ་རྟེན་མཚམས་སྦྱོར་བྱས། བཤད་རྒྱུན་ལ་ཤུག་སྡོང་ཁེར་སྐྱེས་དེ་ནི་སྲིན་མོ་དང་འགྲོགས་ཏེ་ནགས་ཚལ་དང་མཚོ་མོ་སོགས་གླིང་ཚའི་ཉག་ག་དགུ་གཤགས་ཏེ་འབྲོ་བའི་སྐབས་སུ་ཤུག་སྡོང་གཉིད་སོང་བའི་སྟབས་ཀྱིས་ལུས་སོང་བ་ཡིན་སྐད། དེས་ན་སྲིན་མོ་དང་། ནགས་ཚལ། མཚོ་མོ་སོགས་འབྲོ་དགོས་པའི་རྒྱུ་མཚན་ཅི་ཡིན་དྲིས་ཚེ། སྒྲུང་པ་སྐར་མ་ཐར་གྱིས་གཏམ་རྒྱུད་ཅིག་དང་སྦྱར་ནས་བཤད། གནའ་སྔ་མོར་ཚ་ཞང་འདན་མ་ཁོང་ཉིད་མཚམས་ལ་སྡོད་པའི་སྐབས་སུ། ཡུལ་འདིའི་ནགས་ཚལ་དང་མཚོ་མོ་སྐམ་བཞིན་མཆིས་པ་དེ་ནི་སྲིན་མོ་ཞིག་གིས་གནོད་བྱེད་བཞིན་ཡོད་པ་ཐུགས་སུ་མཁྱེན་ཏེ། ཚ་ཞང་འདན་མས་ལུས་ལ་ཁྲབ་ཆེན་ཉི་མ་རང་ཤར་གྱོན་པ་དང་། མགོ་ལ་རྨོག་ཆེན་བྱུ་རུ་མདངས་འཛིན་གོན་པ། རྟ་འདོ་བ་དངོས་གྲུབ་ལྡན་པར་བཅིབས་པ། རལ་གྲི་ལྗང་པ་ཡུ་དམར་བཏགས་ཏེ་གཞུ་མོ་མི་འགྱུར་དུང་གཞུ་དཀར་པོ་རང་འཁྱིལ་སྟེང་ལ་མདའ་མོ་མི་འགྱུར་གནམ་ལྕགས་ཐོག་མདའ་བཞག་སྟེ་སྲིན་མོ་སྟེང་ལ་འཕངས་ཀྱང་འདུལ་མ་ཐུབ་ཅིང་གླིང་ཚའི་ཉག་ག་དགུ་གཤགས་ནས་བྲོས། མདའ་མོ་མི་འགྱུར་གནམ་ལྕགས་ཐོག་མདའ་དེ་མཚོ་ནང་གི་གླང་ལ་ཕོག་པས་མཚོ་གླང་བསད། གླང་ཁྲག་བཞུར་རྒྱུན་མང་བས་མཚོ་མོའི་མདོག་ཀྱང་དམར་པོར་གྱུར་པ་ལགས། རྗེས་སུ་མི་རྣམས་ཀྱིས་མཚོ་མོ་དེར་ཚ་ཞང་འདན་མའི་བླ་མཚོ་ཞེས་པའི་མིང་བཏགས་པར་བཤད་དོ། །
   Folklore  subjects 1378 For more information about this term, see Full Entry below.Subjects Tibet and HimalayasBibliographic ClassificationTibetan and HimalayanLiterary ArtsFull EntryRelated Subjects (1)Related Texts (5)Related Audio-video (111)Related Sources (1) Triga  places 1176 For more information about this term, see Full Entry below.Feature Type CountyPlaces EarthAsiaChinaQinghaiTsolho Tibetan Autonomous PrefectureFull EntryRelated Subjects (1)Related Places (76)Related Texts (116)Related Audio-video (81)Related Images (192) ངག་རྒྱུན་ལོ་རྒྱུས  terms 45387  Wyliengag rgyun lo rgyus/ExpressionFor more information about this term, see Full Entry below.Terms ngangag skad/Full EntryRelated Texts (6)Related Audio-video (9)