ཁྲི་ཀའི་གེ་སར་གར་འཆམ།    ཁྲི་ཀའི་གེ་སར་གར་འཆམ།   ཟི་ལིང་། དབང་ཆེན་ཚེ་རིང་།   ཁྲི་ཀའི་ཡུལ་གྱི་གེ་སར་གར་འཆམ་ནི《ཁྲི་ཀའི་རིག་གནས་ལོ་རྒྱུས》དང་།《ཁྲི་ཀའི་གེ་སར་རིག་གནས་ཀྱི་ཐོག་མའི་དཔྱད་གཏམ》《བོད་ཡུལ་གྱི་གེ་སར་རྒྱལ་པོའི་ཤུལ་རྟེན་གྱི་རྣམ་བཤད་རབ་གསལ་མེ་ལོང་》སོགས་འབྲེལ་ཡོད་ཀྱི་དཔེ་ཆ་དང་རྩོམ་ཡིག་ཁྲོད་དུ་བཀོད་ཡོད་པ་དག་འདིར་བརྗོད་རྒྱུ་མིན། སྤྱིར་གེ་སར་གར་འཆམ་གྱི་འབྱུང་ཁུངས་ནི་ཁམས་རྫོགས་ཆེན་དགོན་པ་ནས་རིམ་བཞིན་ཕྱོགས་སོ་སོར་དར་བ་ཡོངས་ཁྱབ་ཏུ་གྲགས། ཁྲི་ཀའི་གེ་སར་གར་འཆམ་གྱི་འབྱུང་ཁུངས་ཀྱང་དེ་ལས་མ་འདས་ཤིང་། ཐོག་མར་མཛོ་སྣ་དགོན་པས་རྫོགས་ཆེན་དགོན་པ་ནས་བསླབས་ཏེ་རིམ་བཞིན་སྐེ་བ་སྔགས་ཁང་དང་། དཀར་བརྗིད་སྔགས་ཁང་། གླིང་ཚ་སྔགས་ཁང་སོགས་སུ་དར་བར་བཞེད་དེ། གླིང་ཚ་སྡེ་བ་ན་ཚ་ཞང་འདན་མའི་འཆམ་སྟེག་པའི་སྲོལ་མཆིས། ས་དེའི་ལོ་ལོན་སྐར་མ་ཐར་གྱིས་བཤད་པ་ལྟར་ན། ལོ་རེའི་དགུ་བའི་ཉེར་གཅིག་ནས་བཅུ་བའི་ཚེས་གཅིག་བར་དུ་ཆོས་ཐོག་ཡོད་པ་དང་ཚེས་ཉེར་ལྔ་ཉིན་འཆམ་སྟེག་པའི་སྲོལ་ཡོད། མཛོ་སྣ་དང་། གླིང་ཚ། དམེ་ཀྱཱ་སོགས་ཀྱི་འཆམ་ནི་གཅིག་མཚུངས་ཡིན་པ་དང་། གླིང་ཚ་སྡེ་བའི་འཆམ་ནི་མཛོ་སྣ་དགོན་པ་ནས་ཡུལ་འདིར་ཁྱབ་པ་ཡིན་ཞིང་ཚ་ཞང་འདན་མའི་འཆམ་སྟེག་སྲོལ་ཡོད། ཡིན་ཡང་ད་ལྟ་གླིང་ཚ་སྡེ་བའི་གེ་སར་གར་འཆམ་འཁྲབ་པའི་སྲོལ་དེ་ཉམས་དམས་སུ་སོང་འདུག་སྐད། གཞན་ཡང་། སྔོན་ཆད་དཀར་བརྗིད་སྔགས་ཁང་དུའང་གེ་སར་སྒྲུང་ལས་ཧོར་སྟོབས་ཆེན་གླང་བོ་ཁྲ་འབར་གྱི་འཆམ་སྟེག་པའི་སྲོལ་ཡོད་པ་དང་། ཆུ་ཤར་ཡུལ་ཚོའི་གོང་བ་སྔགས་ཁང་གི་འཆམ་དུ་གེ་སར་རྒྱལ་པོ་དང་སྲིན་པོ་ཡུལ་ལྷ་གཉིས་ཀྱིས་བདུད་འདུལ་བའི་འཁྲབ་ཚན་ཞིག་ཡོད་པར་བཤད་དོ། །
   Monastic Dance  subjects 1537 For more information about this term, see Full Entry below.Subjects Tibet and HimalayasBibliographic ClassificationTibetan and HimalayanReligionRituals and CeremoniesFull EntryRelated Subjects (1)Related Texts (1)Related Sources (1)Related Images (1) Triga  places 1176 For more information about this term, see Full Entry below.Feature Type CountyPlaces EarthAsiaChinaQinghaiTsolho Tibetan Autonomous PrefectureFull EntryRelated Subjects (1)Related Places (76)Related Texts (116)Related Audio-video (81)Related Images (192) གླིང་གེ་སར  terms 30827  Wyliegling ge sar/ExpressionFor more information about this term, see Full Entry below.Terms gaglal ba/Full EntryRelated Texts (5)Related Images (1)Related Audio-video (1)གར་འཆམ  terms 25862  Wyliegar 'cham/ExpressionFor more information about this term, see Full Entry below.Terms gagar gyi phu dong /Full EntryRelated Texts (1)Related Images (28)