ཀྲུང་གོའི་བོད་རིག་པ་ཞིབ་འཇུག་ལྟེ་གནས་ཀྱི་ཆོས་ལུགས་ལོ་རྒྱུས་ཞིབ་འཇུག་སོའོ་དང་།

ཀྲུང་གོའི་བོད་བརྒྱུད་ནང་བསྟན་མཐོ་རིམ་སློབ་གླིང་།

ཟི་ཁྲོན་ཞིང་ཆེན་དཀར་མཛེས་ཁུལ་ཆོས་ལུགས་ཅུད།

དཀར་མཛེས་ཁུལ་ཡིག་བསྒྱུར་ཅུད་བཅས་ལས་ཁུངས་བཞི་ནས་བསྡུ་སྒྲིག་བྱས།

(ནང་ཁུལ་ཡིག་ཆ་ཡིན་པས། ཉར་ཚགས་བྱེད་རྒྱུར་ཡིད་གཟབ་བྱེད་དགོས།)

1995ལོའི་ཟླ་10ཚེས་25ལ།

[page i] དེ་ཡང་བོད་ཀྱི་རིག་གནས་ནི་ཀྲུང་ཧྭ་མི་རིགས་ཀྱི་རིག་གནས་བང་མཛོད་ཆེན་པོའི་ནང་གི་དགེ་ཚན་ཁྱད་དུ་འཕགས་པའི་རིག་གནས་ཤིག་ཡིན་པར་མ་ཟད། འཛམ་གླིང་རིག་གནས་ཀྱི་བང་མཛོད་ཆེན་པོའི་ཁྲོད་དུའང་ཆེས་སྔོན་ཐོན་གྱི་མ་ལག་ཆ་ཚང་བའི་རིག་གནས་ཤིག་ཡིན། བོད་དུ་ནང་བསྟན་ཆོས་ལུགས་དར་བ་ནས་བཟུང་བོད་ཀྱི་སྤྱི་ཚོགས་རིག་གནས་ཀྱི་ལོ་རྒྱུས་ཕལ་ཆེར་བ་ཆོས་ལུགས་དང་དགོན་པ་ཁག་གི་ལོ་རྒྱུས་དང་འབྲལ་བ་ངེས་ཅན་ཞིག་ཆགས་ཡོད་པར་བརྟེན། ང་ཚོའི་བོད་ཀྱི་རིག་གནས་དང་། ལོ་རྒྱུས། ཆབ་སྲིད། ཆོས་ལུགས་བཅས་བོད་ཀྱི་སྤྱི་ཚོགས་ཀྱི་གནས་ཚུལ་དངོས་ལ་ཞིབ་འཇུག་བྱེད་ཚེ། ངེས་པར་དུ་བོད་ཁམས་ཡོངས་ཀྱི་དགོན་པ་སོ་སོའི་ལོ་རྒྱུས་ཤེས་དགོས་པ་དང་། བོད་ཀྱི་དགོན་པ་ནི་བོད་ཀྱི་རིག་གནས་དང་རིག་དངོས་ཀྱི་གནས་ཡུལ་ལྟེ་གནས་ལྟ་བུ་ཞིག་ཡིན་པར་མ་ཟད། བོད་ཀྱི་ལོ་རྒྱུས་སྟེང་ཆོས་སྲིད་བཟུང་འབྲེལ་གྱི་ལམ་ལུགས་ཆགས་པ་ནས་བཟུང་བོད་ཀྱི་སྤྱི་ཚོགས་འཕེལ་རྒྱལ་སོགས་ལའང་ཤུགས་རྐྱེན་ཟབ་མོ་ཞིག་ཡོད་པ་ཡིན།

དེར་བརྟེན་བོད་ཀྱི་དགོན་སྡེ་ཕལ་མོ་ཆེ་ཞིག་གི་ལོ་རྒྱུས་ནི་ཡིག་ཐོག་ཏུ་ཆ་ཚང་ཙམ་རེ་བཀོད་ཡོད་པ་དང་། འགའ་ཞིག་གི་ལོ་རྒྱུས་ནི་ཤོག་དྲེལ་ཙམ་མམ་ཡང་ན་མི་རབས་ནས་མི་རབས་བར་རྒན་པོ་དག་གི་ངག་རྒྱུན་ཙམ་ལ་བརྟེན་པ་ལས་ཡེ་གེར་བཀོད་ཡོད་པ་ནི་མི་སྣང་། བར་སྐབས་སུ་དུས་ཀྱི་འཕོ་འགྱུར་དང་སྤྱི་ཚོགས་ཟང་ཟིང་གི་རྒྱུ་རྐྱེན་སྣ་ཚོགས་ཀྱི་དབང་གིས་དགོན་པའི་ལོ་རྒྱུས་དཔྱད་གཞིའི་ཡིག་ཆ་ཕལ་ཆེར་འཐོར་བརླག་དང་། ངག་རྒྱུན་ཤེས་པའི་རྒན་རབས་རྣམས་ཀྱང་ཕལ་ཆེ་བ་དུས་ལས་འདས་ཟིན་པར་བརྟེན། དགོན་པ་ཁག་གི་ལོ་རྒྱུས་གནས་ཚུལ་ཕལ་ཆེར་མི་མངོན་པའི་དབྱིངས་སུ་ཐིམ་ལ་ཉེ་བའི་སྐབས་འདིར། ཀྲུང་གོའི་བོད་ཀྱི་ཤེས་རིག་ཞིབ་འཇུག་ལྟེ་གནས་གྱི་སྤྱི་ཁྱབ་ལས་འཛིན་གཞོན་པ་བློ་བཟང་ལགས་ནས་བོད་ཀྱི་གྲུབ་མཐའ་རིས་མེད་ཀྱི་དགོན་སྡེ་སོ་སོའི་ལོ་རྒྱུས་ཕྱོགས་སྒྲིག་བྱ་རྒྱུར་དངོས་སུ་ཁྲིད་གནང་བར་མ་ཟད། ད་དུང་ཉིད་ཀྱི་འཆར་གཞི་ནན་ཏན་བཟོས་ཏེ་སྤྱི་ལོ་1994ལོ་ནས་བྱ་ལས་འདི་སྒྲུབ་པའི་ལས་འགོ་བརྩམས་པ། དེ་ནས་ཀྲུང་གོའི་བོད་ཀྱི་ཤེས་རིག་ཞིབ་འཇུག་ལྟེ་གནས་དང་། ཀྲུང་གོ་བོད་བརྒྱུད་ནང་བསྟན་མཐོ་རིམ་སློབ་གླིང་། དཀར་མཛེས་བོད་རིགས་རང་སྐྱོང་ཁུལ་ཆོས་དོན་ཁང་། དཀར་མཛེས་བོད་རིགས་རང་སྐྱོང་ཁུལ་རྩོམ་སྒྱུར་ཁང་། བཅས་ལས་ཁུངས་བཞི་མཉམ་འབྲེལ་བྱས་ཏེ། དཀར་མཛེས་བོད་རིགས་རང་སྐྱོང་ཁུལ་དུ་ཡོད་པའི་བོད་ཀྱི་གྲུབ་མཐའ་སོ་སོའི་དགོན་པའི་ལོ་རྒྱུས་དང་དཔལ་འབྱོར་ཡོང་ཁུང་སོགས་ཀྱི་གནས་ཚུལ་ངོ་མ་རྣམས་སྒྲོ་སྐུར་དང་བྲལ་བའི་སྒོ་ནས་ཁ་གསལ་དོན་འདུས་པ་ཞིག་བྲིས་[page ii] ཡོད་པ་འདིས། བོད་ཀྱི་སྲོལ་རྒྱུན་རིག་གནས་ཉམས་པ་རྣམས་སླར་གསོ་དང་མ་ཉམས་པ་གོང་འཕེལ་གཏོང་བ། བོད་ཀྱི་ཤེས་རིག་ཞིབ་འཇུག་གནང་མཁན་རྣམས་ལ་དཔྱད་གཞིའི་ཡིག་ཆ་མཁོ་འདོན་དང་། རྒྱ་ཆེ་བའི་ཆོས་དད་མང་ཚོགས་རྣམས་ཀྱི་རེ་འདོད་ཀྱང་སྐོང་ཐུབ་པ་བཅས་ཀྱི་དགེ་མཚན་མང་དུ་ཐོན་ཡོད།

ལོ་རྒྱུས་འབྲི་སྟངས་ཀྱི་ཐད་ནས་ཡིག་ཚོགས་བསྐྱུང་བའི་ཕྱིར་མཆོད་བརྗོད་ཀྱི་རྒྱས་སྤྲོས་མང་པོའི་ཚོགས་བཅད་དང་། སྣོད་བཅུད་ཀྱི་འཇིག་རྟེན་ཆགས་ཚུལ། སྟོན་པའི་ཆོས་འཁོར་བསྐོར་ཚུལ། ས་དཔྱད་དང་གནས་བཤད་སོགས་དོར་ཡོད་པར་མ་ཟད། ད་དུང་རང་རང་གང་ལ་དད་མོས་བྱེད་པའི་བླ་མ་དེ་ལ་སྙན་ངག་གི་ལམ་ནས་རབ་བཏགས་སོགས་ཀྱི་བསྟོད་པ་སྣ་ཚོགས་དང་། བླ་མ་དེས་གྲུབ་རྟགས་སྣ་ཚོགས་བསྟན་ཚུལ་དང་ལྷ་འདྲེ་བཏུལ་ཚུལ་སོགས་འཇིག་རྟེན་ཆོས་ཉིད་ལས་བརྒལ་བའི་ལྷ་སྒྲུང་གི་གཏམ་རྒྱུད་ལྟ་བུའི་བཤད་ཚུལ་རྣམས་དང་། དགོན་པའི་ལོ་རྒྱུས་དངོས་བརྗོད་པ་ལ་དགོས་པ་ཆེར་མེད་པའི་ཚིག་ཉོག་མང་པོའི་ལོ་འདབ་རྣམས། འདིར་དཔེ་སྒྲིག་གི་སྐབས་སུ་འདོར་ཐུབ་བྱས་ཏེ། སྐབས་དོན་གྱི་ལོ་རྒྱུས་སྙིང་པོ་རྣམས་ཁ་གསལ་ཞིང་གོ་བདེ་བར་བསྒྲིགས་ཡོད་པ་ཡིན།

འོན་ཀྱང་ཐེངས་འདིའི་ལོ་རྒྱུས་འབྲི་མཁན་གྱི་རྩོམ་པ་པོ་སོ་སོའི་ཤེས་ཡོན་ཀྱི་ཆུ་ཚད་ལ་གནམ་ས་ལྟ་བུའི་ཁྱད་པར་ཆེན་པོ་འདུག་པས། ལོ་རྒྱུས་འབྲི་སྐབས་ལ་ལས་དཔྱད་གཞིའི་ཡིག་ཆའམ་ཆོས་འབྱུང་ལོ་རྒྱུས་སོགས་ཀྱི་དགོངས་དོན་ཇི་བཞིན་མ་ལོན་པའམ། ཡང་ན་དཔྱད་གཞིའི་ཡིག་ཆ་ཚད་ལྡན་མེད་པར་རང་བཟོས་ལོག་བཤད་སྣ་ཚོགས་དང་། ཚིག་སྦྱོར་དང་ཡིག་ནོར་སོགས་ཀྱི་ཐད་ལ་ནོར་འཁྲུལ་མི་ཉུང་བ་ཞིག་མཆིས་པས། དེ་རེ་རེ་ནས་ཞུ་དག་ཞིབ་མོ་ཞིག་བྱ་ཐབས་བྲལ་བས། རྗེས་ནས་གཟུར་གནས་བློ་ལྡན་རྣམས་ཀྱིས་དག་བཅོས་ལེགས་པོ་ཞིག་གནང་བར་དགོངས་འཇགས་ཞུ།

ཞེས་རྩོམ་སྒྲིག་པ་འཇིགས་མེད་བསམ་གྲུབ་ཀྱིས།

༡༩༩༥ལོའི་ཟླ༡༡ཚེས་༡ལ།

[page iii] ཐེངས་འདིར་དཀར་མཛེས་རྫོང་གི་དགོན་སྡེ་སོ་སོའི་ལོ་རྒྱུས་བྲི་བར་ཀྲུང་གོའི་བོད་ཀྱི་ཤེས་རིག་ཞིབ་འཇུག་ལྟེ་གནས་ཀྱི་ཆོས་ལུགས་ལོ་རྒྱུས་ཞིབ་འཇུག་སོ་ཡི་བློ་མཐུན་ཚེ་རིང་ཐར་དང་གངུགས་དཀར་ཚེ་རིང་བློ་གྲོས། འཇིགས་མེད་བསམ་གྲུབ་བཅས་ཀྱིས་སྤྱི་ལོ་1994ལོའི་ཟླ་དྲུག་པ་ནས་བཅུ་པའི་བར་དཀར་མཛེས་རྫོང་གི་དགོན་སྡེ་སོ་སོའི་ལོ་རྒྱུས་ཀྱི་དཔྱད་གཞིའི་ཡིག་ཆ་འཚོལ་བསྡུ་དང་། དགོན་སྡེ་སོ་སོར་དངོས་སུ་ཕྱིན་ཏེ་གནས་ཚུལ་ངོ་མ་བཅར་འདྲི་གནང་སྐབས་དཀར་མཛེས་རྫོང་གི་རིམ་པ་སོ་སོའི་འགོ་ཁྲིད་བློ་མཐུན་རྣམས་དང་། ལྷག་པར་དུ་རྫོང་མི་དམངས་སྲིད་གཞུང་གི་འགོ་ཁྲིད་(ཞན་ཀྲང་གཞོན་པ་)རྒྱལ་བསྟན་བློ་བཟང་བྱམས་པ་མཆོག་དང་། རྫོང་ཆོས་ལུགས་ཅུད་ཀྱི་(ཅུད་ཀྲང་གཞོན་པ)ཚེ་དབང་དངོས་གྲུབ་རྣམ་གཉིས་ཀྱིས་ང་ཚོ་དགོན་པ་སོ་སོར་འགྲོ་སྐབས་རླངས་འཁོར་བཀོད་སྒྲིག་དང་། དཔྱད་གཞིའི་ཡིག་ཆ་མཁོ་འདོན་སོགས་ཐེངས་འདིའི་བྱ་ལས་ཐད་མགོ་ནས་མཇུག་བར་རྒྱབ་སྐྱོར་བླ་ན་མེད་པ་ཞིག་གནང་བ་ལ་ང་ཚོས་སྙིང་ཐག་པ་ནས་བཀའ་དྲིན་ཆེ་ཞུ་བ་ཡིན། ཞེས་ཀྲུང་གོའི་བོད་ཀྱི་ཤེས་རིག་ཞིབ་འཇུག་ལྟེ་གནས་ཀྱི་ཚན་ཞིབ་རྣམ་གྲངས་འདིའི་ཞིབ་འཇུག་ཚན་ཆུང་ནས།

དགའ་ལྡན་ཐུབ་ཆེན་ཆོས་འཁོར་གླིང་གི་ལོ་རྒྱུས།དགེ་ལུགས། …………(2)

འཇའ་དགོན་ཆོས་བསམ་གླིང་གི་ལོ་རྒྱུས།དགེ་ལུགས། …………(28)

སྐྱིད་འཇོ་བཤད་སྒྲུབ་དར་རྒྱས་བདེ་ཆེན་གླིང་གི་ལོ་རྒྱུས།དགེ་ལུགས། …………(32)

ཨ་ཡིག་དགོན་བཀྲ་ཤིས་ཆོས་འཁོར་གླིང་གི་ལོ་རྒྱུས།དགེ་ལུགས། …………(35)

ལ་བསྟོད་བསམ་གཏན་གླིང་གི་ལོ་རྒྱུས།དགེ་ལུགས། …………(36)

ཨ་མདོ་སྒང་ཐོག་དགོན་གྱི་ལོ་རྒྱུས།དགེ་ལུགས། …………(40)

བཞག་མ་ཐང་དགེ་ལྡན་བཤད་སྒྲུབ་ཆོས་གླིང་གི་ལོ་རྒྱུས།དགེ་ལུགས། …………(40)

དགོན་དཀར་ཆོས་ཀྱི་ཕོ་བྲང་གི་ལོ་རྒྱུས།དགེ་ལུགས། …………(46)

གཡོན་རུ་དགའ་ལྡན་རབ་རྒྱས་གླིང་གི་ལོ་རྒྱུས།དགེ་ལུགས། …………(47)

དགའ་ལྡན་ལྷུན་གྲུབ་གླིང་གི་ལོ་རྒྱུས།དགེ་ལུགས། …………(51)

བཟང་སྤྱོད་གྲྭ་ཚང་གི་ལོ་རྒྱུས།དགེ་ལུགས། …………(53)

སྐེ་བཀྲ་གྲྭ་ཚང་གི་ལོ་རྒྱུས།དགེ་ལུགས། …………(53)

འཇོ་ཐང་གྲྭ་ཚང་གི་ལོ་རྒྱུས།དགེ་ལུགས། …………(54)

ས་སྐོར་གྲྭ་ཚང་གི་ལོ་རྒྱུས།དགེ་ལུགས། …………(54)

ཁ་ཤུལ་གྲྭ་ཚང་གི་ལོ་རྒྱུས།དགེ་ལུགས། …………(54)

གླང་རྐང་གྲྭ་ཚང་གི་ལོ་རྒྱུས།དགེ་ལུགས། …………(54)

ཧོར་རྙིང་གྲྭ་ཚང་གི་ལོ་རྒྱུས།དགེ་ལུགས། …………(55)

དགའ་ལྡན་བཀྲ་ཤིས་གླིང་གི་ལོ་རྒྱུས།དགེ་ལུགས། …………(55)

གནས་སྒོ་བྱང་ཆུབ་ཆོས་གླིང་གི་ལོ་རྒྱུས།དགེ་ལུགས། …………(56)

དགའ་ལྡན་འགིར་དགོན་གྱི་ལོ་རྒྱུས།དགེ་ལུགས། …………(58)

ལྷ་ཁང་སུམ་མདོའི་ལོ་རྒྱུས།དགེ་ལུགས། …………(60)

རྩེ་རི་ཁྲོད་ཀྱི་ལོ་རྒྱུས།དགེ་ལུགས། …………(61)

བྲག་དཀར་རི་ཁྲོད་ཀྱི་ལོ་རྒྱུས།དགེ་ལུགས། …………(63)

[page ii] སྨན་ལུང་རི་ཁྲོད་ཀྱི་ལོ་རྒྱུས།དགེ་ལུགས། …………(63)

གནས་ཕུ་རི་ཁྲོད་ཀྱི་ལོ་རྒྱུས།དགེ་ལུགས། …………(64)

ཚྭ་ཁ་རི་ཁྲོད་ཀྱི་ལོ་རྒྱུས།དགེ་ལུགས། …………(65)

ཝ་དགོན་ཕུན་ཚོགས་གླིང་གི་ལོ་རྒྱུས།ས་སྐྱ། ………………(66)

མི་འགྱུར་དགོན་གྱི་ལོ་རྒྱུས།ས་སྐྱ། ………………(69)

སྒ་ཐོག་དགོན་གྱི་ལོ་རྒྱུས།ས་སྐྱ། ………………(78)

བཤད་སྒྲུབ་རབ་རྒྱས་གླིང་གི་ལོ་རྒྱུས།ས་སྐྱ། ………………(79)

སྟོང་པད་མོ་དགོན་གྱི་ལོ་རྒྱུས།ས་སྐྱ། ………………(80)

ཐང་དཀར་ནོར་བུ་གླིང་གི་ལོ་རྒྱུས།ས་སྐྱ། ………………(82)

རི་ནག་ཐུབ་བསྟན་གླིང་གི་ལོ་རྒྱུས།ས་སྐྱ། ………………(84)

དགོན་བཞི་བཤད་སྒྲུབ་ནོར་བུ་གླིང་གི་ལོ་རྒྱུས།ས་སྐྱ། ………………(86)

གྱོན་རུ་ས་སྐྱ་དགོན་ལོ་རྒྱུས།ས་སྐྱ། ………………(87)

ས་སྐྱ་དུང་དགོན་བཀྲ་ཤིས་གླིང་གི་ལོ་རྒྱུས།ས་སྐྱ། ………………(88)

བཤད་སྒྲུབ་དར་རྒྱས་གླིང་གི་ལོ་རྒྱུས།ས་སྐྱ། ………………(91)

རློབས་བདེ་ཆེན་གླིང་གི་ལོ་རྒྱུས།ས་སྐྱ། ………………(95)

རྟ་ནུ་དགོན་གྱི་ལོ་རྒྱུས།ས་སྐྱ། ………………(99)

དགའ་ཚལ་གླིང་གི་ལོ་རྒྱུས།ས་སྐྱ། ………………(100)

ས་སྐྱ་དགོན་པའམ་ཚྭ་རུ་དགོན་གྱི་ལོ་རྒྱུས།ས་སྐྱ། ………………(103)

ཞི་དར་ནོར་བུ་གླིང་གི་ལོ་རྒྱུས།རྙིང་མ། ………………(104)

ཨོ་རྒྱན་བསམ་འཕེལ་ཆོས་གླིང་གི་ལོ་རྒྱུས།རྙིང་མ། ………………(108)

ཁོལ་རི་གསང་སྔགས་གླིང་གི་ལོ་རྒྱུས།རྙིང་མ། ………………(110)

གཡོན་རུ་རྙིང་མའི་གྲྭ་ཚང་གི་ལོ་རྒྱུས།རྙིང་མ། ………………(113)

ཆོས་གྲགས་དགོན་གྱི་ལོ་རྒྱུས།རྙིང་མ། ………………(114)

མཐའ་དམར་དགོན་གྱི་ལོ་རྒྱུས།རྙིང་མ། ………………(115)

བོན་མགོ་དགོན་གྱི་ལོ་རྒྱུས།རྙིང་མ། ………………(115)

གཡུང་དྲུང་བདུད་འདུལ་གླིང་གི་ལོ་རྒྱུས།བོན་པོ། ………………(116)

[page iii] སེར་ཤུལ་དགོན་གྱི་ལོ་རྒྱུས།དགེ་ལུགས། ……………(123)

འབུམ་གསར་དགོན་གྱི་ལོ་རྒྱུས།དགེ་ལུགས། ……………(152)

འབར་ངྷ་དགོན་གྱི་ལོ་རྒྱུས།དགེ་ལུགས།། ……………(157)

ཇོ་བོ་དགོན་གྱི་ལོ་རྒྱུས།དགེ་ལུགས། ……………(160)

ཉིན་རྫོང་དགོན་གྱི་ལོ་རྒྱུས།དགེ་ལུགས། ……………(162)

གྲུ་བ་དགོན་གྱི་ལོ་རྒྱུས།དགེ་ལུགས། ……………(164)

འདན་ཀ་ཕུད་དགོན་གྱི་ལོ་རྒྱུས།དགེ་ལུགས། ……………(165)

འཛུ་མང་དགོན་གྱི་ལོ་རྒྱུས།དགེ་ལུགས། ……………(166)

མང་དགེ་དགོན་གྱི་ལོ་རྒྱུས།དགེ་ལུགས། ……………(168)

འདན་ཁྲི་ཐོག་དགོན་གྱི་ལོ་རྒྱུས།དགེ་ལུགས། ……………(170)

དྲེལ་དཀར་དགོན་གྱི་ལོ་རྒྱུས།རྙིང་མ།…………………(171)

རྫ་རྒྱལ་དགོན་གྱི་ལོ་རྒྱུས།རྙིང་མ། ………………(172)

འབར་ཆུང་དགོན་གྱི་ལོ་རྒྱུས།རྙིང་མ། ………………(177)

དུང་དཀར་དགོན་གྱི་ལོ་རྒྱུས།རྙིང་མ། ………………(178)

ཉི་ཟེར་དགོན་གྱི་ལོ་རྒྱུས།རྙིང་མ། ………………(181)

འབུམ་རྙིང་དགོན་གྱི་ལོ་རྒྱུས།དགེ་ལུགས། ……………(182)

རྔ་ཡབ་བྲག་ཆེན་དགོན་གྱི་ལོ་རྒྱུས།རྙིང་མ། ………………(184)

ནོར་གླིང་དགོན་གྱི་ལོ་རྒྱུས།རྙིང་མ། ………………(186)

འཇུ་ཉུང་དགོན་གྱི་ལོ་རྒྱུས།རྙིང་མ། ………………(186)

བདེ་དགོན་དགོན་པའི་ལོ་རྒྱུས།ས་སྐྱ། ………………(189)

འདན་ཤུག་ར་དགོན་པའི་ལོ་རྒྱུས།ས་སྐྱ། ………………(191)

འབུར་ལེགས་དགོན་གྱི་ལོ་རྒྱུས།ས་སྐྱ། ………………(192)

མེ་རི་དགོན་གྱི་ལོ་རྒྱུས།བཀའ་བརྒྱུད།…………(194)

རྩེ་དགོན་བཀྲ་ཤིས་ཆོས་གླིང་གི་ལོ་རྒྱུས།འབྲི་གུང་བཀའ་བརྒྱུད།………(196)

ཁམས་གླང་ཐང་སྒྲོལ་མ་ལྷ་ཁང་གི་ལོ་རྒྱུས།དགེ་ལུགས། ……………(197)

དབོན་པོ་དགོན་གྱི་ལོ་རྒྱུས།དགེ་ལུགས། ……………(205)

རྨ་མགྲིན་དགོན་གྱི་ལོ་རྒྱུས།དགེ་ལུགས། ……………(214)

ཀ་བཞི་དགོན་གྱི་ལོ་རྒྱུས།དགེ་ལུགས། ……………(216)

[page iv] བ་རོད་དགོན་གྱི་ལོ་རྒྱུས།དགེ་ལུགས། ……………(226)

བོ་རོད་དགོན་གྱི་ལོ་རྒྱུས།དགེ་ལུགས། ……………(230)

ཐར་ཤུལ་དགོན་གྱི་ལོ་རྒྱུས།དགེ་ལུགས། ……………(233)

མགོ་ཚྭལ་དགོན་གྱི་ལོ་རྒྱུས།རྙིང་མ།………………(235)

དགེ་མང་དགོན་གྱི་ལོ་རྒྱུས།རྙིང་མ།………………(237)

ཀིཿལུང་དགོན་གྱི་ལོ་རྒྱུས།རྙིང་མ།………………(245)

ཕྱག་ཚལ་དགོན་གྱི་ལོ་རྒྱུས།རྙིང་མ།…………………(255)

ཕུག་ཁང་དགོན་གྱི་ལོ་རྒྱུས།རྙིང་མ།…………………(256)

ཕུག་ཁང་བཤད་གྲྭའི་ལོ་རྒྱུས།རྙིང་མ།…………………(260)

ལྕང་མ་དགོན་གྱི་ལོ་རྒྱུས།རྙིང་མ།…………………(261)

དགེ་དགོན་པའི་ལོ་རྒྱུས།རྙིང་མ།…………………(265)

འདན་བཀྲ་ཤིས་རྣམ་རྒྱལ་གླིང་གི་ལོ་རྒྱུས།བཀའ་བརྒྱུད། ………………(266)

དྲན་ཐང་རི་ཁྲོད་ཀྱི་ལོ་རྒྱུས།བཀའ་བརྒྱུད། ………………(269)

ཀླུ་དཀྱིལ་དགོན་གྱི་ལོ་རྒྱུས།བཀའ་བརྒྱུད། ………………(272)

གའུ་དགོན་གྱི་ལོ་རྒྱུས།བཀའ་བརྒྱུད། ………………(275)

རབ་ཆོས་དགོན་གྱི་ལོ་རྒྱུས།ས་སྐྱ། …………………(276)

གླིང་ཡག་དགོན་གྱི་ལོ་རྒྱུས།ས་སྐྱ། ………………(278)

ལྷ་རྩེ་དགོན་གྱི་ལོ་རྒྱུས།རྙིང་མ།………………(284)

རྒྱ་ཕྱུག་དགོན་གྱི་ལོ་རྒྱུས།རྙིང་མ།………………(293)

རླུང་ཤར་དགོན་གྱི་ལོ་རྒྱུས།རྙིང་མ།………………(296)

གནུབས་ཟུར་དགོན་གྱི་ལོ་རྒྱུས།རྙིང་མ།………………(296)

ཧོར་ཤུལ་དགོན་གྱི་ལོ་རྒྱུས།རྙིང་མ།………………(302)

མཁན་ལེབ་དགོན་གྱི་ལོ་རྒྱུས།རྙིང་མ།………………(306)

དབུ་ཚབ་དགོན་གྱི་ལོ་རྒྱུས།རྙིང་མ།………………(310)

[page v] བསྟན་རྒྱས་དགོན་གྱི་ལོ་རྒྱུས།རྙིང་མ།………………(312)

སྒོ་ཆེན་དགོན་གྱི་ལོ་རྒྱུས།རྙིང་མ།……………(315)

མཆོད་རྟེན་དགོན་གྱི་ལོ་རྒྱུས།རྙིང་མ།……………(318)

སྟག་ལུང་དགོན་གྱི་ལོ་རྒྱུས།རྙིང་མ།……………(323)

དཀྱིལ་སྔོན་དགོན་གྱི་ལོ་རྒྱུས།རྙིང་མ།……………(325)

འཕྲུལ་སྟེང་དགོན་གྱི་ལོ་རྒྱུས།རྙིང་མ།……………(327)

དུང་དཀར་དགོན་གྱི་ལོ་རྒྱུས།རྙིང་མ།……………(328)

དཀྱིལ་ལུང་དགོན་གྱི་ལོ་རྒྱུས།རྙིང་མ།……………(331)

ཡར་ལུང་དགོན་གྱི་ལོ་རྒྱུས།རྙིང་མ།……………(333)

རྡོ་གྲུབ་ཆེན་དགོན་གྱི་ལོ་རྒྱུས།རྙིང་མ།……………(337)

སྙན་ལུང་དགོན་གྱི་ལོ་རྒྱུས།རྙིང་མ།……………(339)

འབུམ་ལུང་དགོན་གྱི་ལོ་རྒྱུས།རྙིང་མ།……………(342)

སྟག་རྩེ་དགོན་གྱི་ལོ་རྒྱུས།རྙིང་མ།……………(345)

རགས་བཀྲམ་དགོན་གྱི་ལོ་རྒྱུས།རྙིང་མ།……………(348)

སེ་ར་ཐེག་ཆེན་འཁོར་གླིང་གི་ལོ་རྒྱུས།རྙིང་མ།……………(353)

ཏྲ་ཏྲ་དགོན་གྱི་ལོ་རྒྱུས།རྙིང་མ།……………(361)

ཕུའུ་དགོན་གྱི་ལོ་རྒྱུས།རྙིང་མ།……………(363)

འབྲོང་རི་དགོན་གྱི་ལོ་རྒྱུས།རྙིང་མ།……………(366)

བརྡ་ཚང་དགོན་གྱི་ལོ་རྒྱུས།རྙིང་མ།……………(367)

ཁང་དམར་ན་མདོ་དགོན་གྱི་ལོ་རྒྱུས།རྙིང་མ།……………(369)

གཞུ་ཆེན་དགོན་གྱི་ལོ་རྒྱུས།རྙིང་མ།……………(372)

རྒྱའུ་གདོང་དགོན་གྱི་ལོ་རྒྱུས།རྙིང་མ།……………(374)

བག་སྟེང་དགོན་གྱི་ལོ་རྒྱུས།རྙིང་མ།……………(375)

བླ་རུང་སློབ་གླིང་གི་ལོ་རྒྱུས།རྙིང་མ།……………(376)

ཆ་ཕྲེང་བསམ་འཕེལ་གླིང་གི་ལོ་རྒྱུས།དགེ་ལུགས།……………(380)

རི་ཆིང་དགོན་གྱི་ལོ་རྒྱུས།དགེ་ལུགས།……………(384)

[page vi] བདེ་ཆེན་དགོན་གྱི་ལོ་རྒྱུས།དགེ་ལུགས།……………(384)

བེ་ཡ་དགོན་གྱི་ལོ་རྒྱུས།དགེ་ལུགས།……………(385)

རྡོ་རྭ་ལྷ་ཁང་གི་ལོ་རྒྱུས།དགེ་ལུགས།……………(385)

ལྡེང་ཐང་དགོན་གྱི་ལོ་རྒྱུས།རྙིང་མ། ………………(386)

སྤང་སྒང་དགོན་གྱི་ལོ་རྒྱུས།དགེ་ལུགས།……………(387)

རི་ཤུལ་དགོན་གྱི་ལོ་རྒྱུས།རྙིང་མ། ………………(387)

བསྟན་རྒྱས་གླིང་གི་ལོ་རྒྱུས།རྙིང་མ། ………………(389)

གྲུབ་པ་དགོན་གྱི་ལོ་རྒྱུས།རྙིང་མ། ………………(392)

ལྷ་རི་དགོན་གྱི་ལོ་རྒྱུས།རྙིང་མ། ………………(396)

གནམ་བསྐོས་དགོན་གྱི་ལོ་རྒྱུས།རྙིང་མ། ………………(398)

རྩེ་ར་དགོན་གྱི་ལོ་རྒྱུས།རྙིང་མ། ………………(399)

འབའ་ཡ་སོ་དགོན་གྱི་ལོ་རྒྱུས།རྙིང་མ། ………………(401)

ཆོས་གླིང་གྱི་ལོ་རྒྱུས།རྙིང་མ། ………………(403)

མཚོ་ཕུ་དགོན་གྱི་ལོ་རྒྱུས།རྙིང་མ། ………………(403)

རྡོར་དགེ་དགོན་གྱི་ལོ་རྒྱུས།རྙིང་མ། ………………(404)

སྤུང་རི་དགོན་གྱི་ལོ་རྒྱུས།རྙིང་མ། ………………(405)

གནས་ཞོལ་དགོན་གྱི་ལོ་རྒྱུས།རྙིང་མ། ………………(410)

བྱང་དཀར་དགོན་གྱི་ལོ་རྒྱུས།རྙིང་མ། ………………(412)

གོ་བོ་རོང་བསམ་གྲུབ་དགོན་གསར་གྱི་ལོ་རྒྱུས།དགེ་ལུགས།…………(415)

གྲུབ་འབྱུང་དགོན་གྱི་ལོ་རྒྱུས།དགེ་ལུགས།………………(419)

སྔོ་བཅུ་དགོན་གྱི་ལོ་རྒྱུས།དགེ་ལུགས།………………(420)

རྫིང་མཛོད་དགོན་གྱི་ལོ་རྒྱུས།དགེ་ལུགས།………………(421)

རི་སྟོད་དགོན་གྱི་ལོ་རྒྱུས།དགེ་ལུགས།………………(423)

ཆོས་སྡེ་དགོན་གྱི་རྒྱུས།དགེ་ལུགས།………………(424)

མོ་ཏོག་དགོན་གྱི་ལོ་རྒྱུས།དགེ་ལུགས།………………(428)

བསམ་གཏན་དགོན་གྱི་ལོ་རྒྱུས།བཀའ་རྙིང་འདྲེས་མ། …………(429)

རྡོ་བཅང་བཀྲ་ཤིས་གླིང་གི་ལོ་རྒྱུས།བཀའ་བརྒྱུད།………………(432)

རྒོ་ཨོ་རྒྱན་བདུད་འདུལ་གླིང་གི་ལོ་རྒྱུས།བཀའ་བརྒྱུད།………………(435)

ཤིང་མཁར་བྱང་ཆུབ་གླིང་གི་ལོ་རྒྱུས།བཀའ་བརྒྱུད།………………(440)

ཨོཾ་བརྒྱའི་དགོན་གྱི་ལོ་རྒྱུས།བཀའ་བརྒྱུད།………………(442)

དཔལ་འབར་དགོན་གྱི་ལོ་རྒྱུས།བཀའ་བརྒྱུད།………………(445)

སྣང་བཟང་དགོན་གྱི་ལོ་རྒྱུས།བཀའ་བརྒྱུད།………………(449)

ཨཱ་ར་དགོན་གྱི་ལོ་རྒྱུས།ས་སྐྱ། ………………(457)

གསེར་རི་དགོན་གྱི་ལོ་རྒྱུས།ས་སྐྱ། ………………(459)

བརྒྱད་ཟིལ་དགོན་གྱི་ལོ་རྒྱུས།དགེ་ལུགས། ………………(459)

རི་བོ་ལྷ་ཁང་སྒྲུབ་གནས་ཀྱི་ལོ་རྒྱུས།བོན་པོ། ………………(461)

འབྲས་ལུང་དགོན་གྱི་ལོ་རྒྱུས།བོན་པོ། ………………(462)

གནས་གསར་དགོན་གྱི་ལོ་རྒྱུས།རྙིང་མ།………………(465)

དར་དཀར་རྩེ་དགོན་གྱི་ལོ་རྒྱུས།རྙིང་མ།………………(466)

རྡོ་འགོ་དགོན་གྱི་ལོ་རྒྱུས།རྙིང་མ།………………(466)

གསང་སྔགས་བསྟན་རྒྱས་གླིང་གི་ལོ་རྒྱུས།རྙིང་མ།………………(467)

ར་ཅོ་དགོན་གྱི་ལོ་རྒྱུས།རྙིང་མ།………………(468)

དེའུ་འབུར་དགོན་གྱི་ལོ་རྒྱུས།རྙིང་མ།………………(469)

སྤོས་རྩེ་ལྷ་ཁང་གི་ལོ་རྒྱུས།རྙིང་མ།………………(469)

ཀུན་འགྲོ་དགོན་གྱི་ལོ་རྒྱུས།རྙིང་མ།………………(470)

ཐུབ་བསྟན་ཕན་བདེ་གླིང་གི་ལོ་རྒྱུས།རྙིང་མ།………………(470)

འོ་ངྷི་དགོན་གྱི་ལོ་རྒྱུས།རྙིང་མ།………………(471)

འོད་གསལ་བཤད་སྒྲུབ་གླིང་གི་ལོ་རྒྱུས།རྙིང་མ།………………(473)

བཀྲ་ཤིས་ཆོས་གླིང་དགོན་གྱི་ལོ་རྒྱུས།རྙིང་མ།………………(475)

སྐྱིད་ལུང་དགོན་གྱི་ལོ་རྒྱུས།རྙིང་མ།………………(477)

འབྲུ་སྨིན་ཐེག་ཆེང་གླིང་གི་ལོ་རྒྱུས།རྙིང་མ།………………(490)

གསང་སྔགས་རབ་བརྟན་གླིང་གི་ལོ་རྒྱུས།རྙིང་མ།………………(491)

བྲག་སྟེང་ཕུན་ཚོགས་གླིང་གི་ལོ་རྒྱུས།དགེ་ལུགས། ……………(491)

ཐེག་ཆེན་གསང་སྔགས་གླིང་གི་ལོ་རྒྱུས།དགེ་ལུགས། ……………(494)

མཆོད་རྟེན་དགོན་གྱི་ལོ་རྒྱུས།དགེ་ལུགས། ……………(496)

པ་སྦར་ཧྲ་ལ་དགོན་གྱི་ལོ་རྒྱུས།དགེ་ལུགས། ……………(497)

འབྲས་སྟོན་དགོན་གྱི་ལོ་རྒྱུས།དགེ་ལུགས། ……………(498)

དགའ་ལྡན་ཕུན་ཚོགས་གླིང་གི་ལོ་རྒྱུས།དགེ་ལུགས། ……………(498)

བདེ་ཆེན་ལྷུན་གྲུབ་གླིང་གི་ལོ་རྒྱུས།དགེ་ལུགས། ……………(499)

བཀྲ་ཤིས་རིན་ཆེན་གླིང་གི་ལོ་རྒྱུས།དགེ་ལུགས། ……………(500)

གླིང་ཆེན་ཆོས་གླིང་དགོན་གྱི་ལོ་རྒྱུས།དགེ་ལུགས། ……………(501)

གཡུང་དྲུང་དར་རྒྱས་གླིང་གི་ལོ་རྒྱུས།བོན་པོ། ………………(505)

གྲུབ་ཐོབ་བླ་བྲང་དགོན་གྱི་ལོ་རྒྱུས།བོན་པོ། ………………(507)

དཔག་བསམ་ལྷུན་གྲུབ་གླིང་གི་ལོ་རྒྱུས།བོན་པོ། ………………(509)

འདོད་དགུ་ཕུན་ཚོགས་གླིང་གི་ལོ་རྒྱུས།བོན་པོ། ………………(510)

གཡུང་དྲུང་བདེ་ཆེན་གླིང་གི་ལོ་རྒྱུས།བོན་པོ། ………………(511)

བོན་འཛུགས་དགོན་གྱི་ལོ་རྒྱུས།བོན་པོ། ………………(512)

གནས་འགོ་གཡུང་དྲུང་གི་ལོ་རྒྱུས།བོན་པོ། ………………(513)

འཇམ་དབྱངས་ལྷ་ཁང་གི་ལོ་རྒྱུས།བོན་པོ། ………………(514)

ཧྲ་ཁོ་དགོན་གྱི་ལོ་རྒྱུས།བོན་པོ། ………………(515)

གཡུང་དྲུང་ཆུ་འཁོར་གླིང་གི་ལོ་རྒྱུས།བོན་པོ། ………………(515)

གཡུང་དྲུང་བདེ་ལྡན་གླིང་གི་ལོ་རྒྱུས།བོན་པོ། ………………(516)

བདེ་ལྡན་ནོར་བུ་གླིང་གི་ལོ་རྒྱུས།བོན་པོ། ………………(517)

མི་ཕམ་རྣམ་རྒྱལ་གླིང་གི་ལོ་རྒྱུས།བོན་པོ། ………………(517)

ཁྱུང་ལུང་དགོན་གྱི་ལོ་རྒྱུས།བོན་པོ། ………………(518)

རི་ལོགས་དགོན་པའི་ལོ་རྒྱུས།ས་སྐྱ། …………………(523)

སྦྱར་བ་དགོན་པའི་ལོ་རྒྱུས།ས་སྐྱ། …………………(524)

མཚོ་སྔོན་དགོན་པའི་ལོ་རྒྱུས།ས་སྐྱ། …………………(525)

ལས་སྨོན་དགོན་པའི་ལོ་རྒྱུས།ས་སྐྱ། …………………(527)

ཐུབ་པ་དགོན་པའི་ལོ་རྒྱུས།ས་སྐྱ། …………………(528)

རི་ཁྲོད་དགོན་པའི་ལོ་རྒྱུས།ས་སྐྱ། …………………(529)

འགྲ་དུང་འཁོར་དགོན་པའི་ལོ་རྒྱུས།ས་སྐྱ། …………………(530)

གཟིངས་འགུལ་དགོན་པའི་ལོ་རྒྱུས།ས་སྐྱ། …………………(532)

མདོ་དྟོད་དགོན་པའི་ལོ་རྒྱུས།ས་སྐྱ། …………………(533)

ལྷ་འབྲི་དགོན་པའི་ལོ་རྒྱུས།ས་སྐྱ། …………………(534)

འགྲ་ཡང་ལྡན་དགོན་པའི་ལོ་རྒྱུས།ས་སྐྱ། …………………(536)

མི་ཉག་རི་སློ་དགོན་པའི་ལོ་རྒྱུས།ས་སྐྱ། …………………(538)

རི་རྒྱ་དགོན་པའི་ལོ་རྒྱུས།དགེ་ལུགས། ………………(538)

བྲག་དཀར་དགོན་པའི་ལོ་རྒྱུས།དགེ་ལུགས། ………………(540)

བཀྲ་ཤིས་འཇམ་དབྱངས་དགོན་པའི་ལོ་རྒྱུས།དགེ་ལུགས། ……………(541)

སྤང་གདོང་དགོན་པའི་ལོ་རྒྱུས།དགེ་ལུགས། ………………(543)

དགོན་གསར་དགོན་པའི་ལོ་རྒྱུས།དགེ་ལུགས། ………………(544)

ཐང་དཀར་དགོན་པའི་ལོ་རྒྱུས།དགེ་ལུགས། ………………(546)

རྣམ་རྒྱལ་གླིང་དགོན་པའི་ལོ་རྒྱུས།བཀའ་བརྒྱུད། ………………(549)

ཕུན་ཚོགས་གླིང་དགོན་གྱི་ལོ་རྒྱུས།བཀའ་བརྒྱུད། ………………(550)

ལྡིར་གྲགས་དགོན་པའི་ལོ་རྒྱུས།བཀའ་བརྒྱུད། ………………(552)

ཕག་མོ་རིའི་དགོན་པའི་ལོ་རྒྱུས།བཀའ་བརྒྱུད། ………………(553)

སྨིན་གྲོལ་དགོན་པའི་ལོ་རྒྱུས།རྙིང་མ། ……………………(556)

བཱཿགནས་དགོན་པའི་ལོ་རྒྱུས།རྙིང་མ། ……………………(557)

སྤུ་པ་རོང་དགོན་པའི་ལོ་རྒྱུས།རྙིང་མ། ……………………(560)

ཐང་སྒང་དགོན་པའི་ལོ་རྒྱུས།བོན་པོ། ……………………(561)

མི་ཉག་འདུ་ར་དགོན་པའི་ལོ་རྒྱུས།བོན་པོ། ……………………(562)

ཤར་རོང་དགོན་གྱི་ལོ་རྒྱུས།རྙིང་མ། …………………(566)

རྭ་ཤེལ་དགོན་གྱི་ལོ་རྒྱུས།རྙིང་མ། …………………(569)

གོང་ཐར་དགོན་གྱི་ལོ་རྒྱུས།རྙིང་མ། …………………(576)

གཡུ་མཁར་དགོན་གྱི་ལོ་རྒྱུས།རྙིང་མ། …………………(578)

བྲག་ཐོག་དགོན་གྱི་ལོ་རྒྱུས།རྙིང་མ། …………………(583)

སེང་གེ་དགོན་གྱི་ལོ་རྒྱུས།རྙིང་མ། …………………(584)

སྐུ་ནུབ་དགོན་གྱི་ལོ་རྒྱུས།རྙིང་མ། …………………(586)

སྐྱིད་སྣང་དགོན་གྱི་ལོ་རྒྱུས།རྙིང་མ། …………………(591)

ལའུ་ཐང་དགོན་གྱི་ལོ་རྒྱུས།རྙིང་མ། …………………(595)

ཉི་འོད་དགོན་གྱི་ལོ་རྒྱུས།རྙིང་མ། …………………(598)

གནས་ཞོགས་དགོན་གྱི་ལོ་རྒྱུས།རྙིང་མ། …………………(601)

བདེ་ཆ་དགོན་གྱི་ལོ་རྒྱུས།རྙིང་མ། …………………(603)

རྒྱལ་འཕགས་དགོན་གྱི་ལོ་རྒྱུས།རྙིང་མ། …………………(607)

དཀར་ཆོས་དགོན་གྱི་ལོ་རྒྱུས།རྙིང་མ། …………………(614)

བེ་ལོ་རི་ཁྲོད་དགོན་གྱི་ལོ་རྒྱུས།རྙིང་མ། …………………(617)

སྲིབ་ལུང་དགོན་གྱི་ལོ་རྒྱུས།དགེ་ལུགས། ………………(622)

བྱམས་ཆེན་དགོན་གྱི་ལོ་རྒྱུས།རྙིང་མ། …………………(624)

མགར་ཐར་བྱམས་པ་གླིང་གི་ལོ་རྒྱུས།དགེ་ལུགས། ……………(626)

སྔོན་སྡེས་དགོན་གྱི་ལོ་རྒྱུས།དགེ་ལུགས། ……………(631)

ཏེས་རོ་དགོན་གྱི་ལོ་རྒྱུས།དགེ་ལུགས། ……………(634)

ལོ་གོས་དགོན་གྱི་ལོ་རྒྱུས།དགེ་ལུགས། ……………(635)

ཉ་མཚོ་དགོན་གྱི་ལོ་རྒྱུས།དགེ་ལུགས། ……………(637)

ཁ་ཐོག་དགོན་གྱི་ལོ་རྒྱུས།དགེ་ལུགས། ……………(645)

གདུགས་དཀར་དགོན་གྱི་ལོ་རྒྱུས།དགེ་ལུགས། ……………(649)

མུ་གུ་དགོན་གྱི་ལོ་རྒྱུས།དགེ་ལུགས། ……………(652)

རག་ཕྲུག་དགོན་གྱི་ལོ་རྒྱུས།དགེ་ལུགས། ……………(652)

[page xi] སྔགས་སྒང་དགོན་གྱི་ལོ་རྒྱུས།དགེ་ལུགས། ……………(653)

སྨན་ཆུ་ལྷ་ཁང་གི་ལོ་རྒྱུས།གྲུབ་མཐའ་རིས་མེད། …………… (658)

དགུ་རྫབ་དགོན་གྱི་ལོ་རྒྱུས།བོན་པོ། ……………… (659)

བསམ་གྲུབ་དགོན་གྱི་ལོ་རྒྱུས།བོན་པོ། ……………… (661)

སྨོང་སྐྱིད་དགོན་གྱི་ལོ་རྒྱུས།བོན་པོ། ……………… (664)

ཆུ་མིག་དགོན་གྱི་ལོ་རྒྱུས།བོན་པོ། ……………… (666)

དམ་པ་རང་གྲོལ་དགོན་གྱི་ལོ་རྒྱུས།བོན་པོ། ……………… (668)

ས་མཁར་དགོན་གྱི་ལོ་རྒྱུས།ས་སྐྱ། ……………… (670)

ཀ་བཞི་དགོན་གྱི་ལོ་རྒྱུས།དགེ་ལུགས། ……………… (671)

[page 1]

ས་མིང་ཚིག་མཛོད་མིག་བཤར།

[page 2] དེ་ཡང་ལི་ཐང་ཐུབ་བསྟན་བྱམས་ཆེན་ཕྱོགས་ཐམས་ཅད་ལས་རྣམ་པར་རྒྱལ་བའི་སྡེ་ཞེས་གྲགས་པ་འདི་ནི། རྒྱལ་བ་སྐུ་ཕྲེང་གསུམ་པ་བསོད་ནམས་རྒྱ་མཚོ་དགུང་ལོ་སོ་བརྒྱད་སྤྱི་ལོ་1580ལྕགས་འབྲུག་གི་ལོའི་བོད་ཟླ་ལྔ་པའི་ཚེས་བཅུ་གཉིས་ཉིན་ལ་མགོ་བཙུགས་ཏེ་ཐུབ་ཆེན་ལྷ་ཁང་ཀ་བ་བཅོ་བརྒྱད་དང་། འདུ་ཁང་ཀ་བ་བརྒྱད་ཅུ་གྱ་གཉིས། མགོན་ཁང་ཀ་བ་བཞི། རྒྱལ་པོ་ལྕོག་ཀ་བ་དྲུག གཟིམས་ཁང་ཀ་བ་བརྒྱད། གཟིམས་ཆུང་ཡང་དབེན་ཀ་བ་དྲུག་སོགས་གྲུབ་པ་དང་། མ་གྲུབ་པ་རྣམས་ཀྱི་ས་བཀྲ་སོགས་མཛད་པ་དང་། ལྷན་གཅིག་གསེར་ཟངས་ལས་གྲུབ་པའི་བྱང་ཆུབ་ཆེན་པོ་ཐུབ་ཆེན་ཁམས་གསུམ་ཟིལ་གནོན་རྒྱབ་མཐོ་རེ་བཞི་པ་བཞེངས་ཏེ། མགོན་ཁང་སོགས་གྲུབ་ཟིན་རྣམས་ལ་རབ་ཏུ་གནས་པར་མཛད། དགོན་པའི་མཚན་ལ་ཐུབ་བསྟན་བྱམས་ཆེན་ཕྱོགས་ཐམས་ཅད་ལས་རྣམ་པར་རྒྱལ་བའི་སྡེར་གསོལ། རབ་བྱུང་དང་བསྙེན་རྫོགས་བརྒྱ་ཕྲག་བརྒལ་བ་བསྒྲུབས། གདུལ་བྱ་རྣམས་ལ་ཆོས་ཀྱིས་ཚིམ་པར་མཛད། ཉིད་ཀྱི་རྒྱལ་ཚབ་ཏུ་སྐུ་སྐྱེ་རིན་པོ་ཆེ་བསོད་ནམས་ཡེ་ཤེས་བཞག་ནས་ཐུགས་སྨོན་དང་བཅས་ཧོར་ཟླ་བཅུ་གཅིག་པའི་ནང་རྨ་ཁམས་བརྒྱུད་དེ་ཆབ་མདོ་བྱམས་པ་གླིང་དུ་ཕེབས་པ་ཡིན་ནོ།

དེ་ལྟར་རྒྱལ་བའི་དབང་པོ་ཉིད་ཀྱིས་དགོན་སྡེ་ཆེན་པོ་ཐུབ་བསྟན་བྱམས་ཆེན་གླིང་འདི་གཞི་བརྩམས་པའི་ལོ་འདི་ཀ་ནས་བཟོ་འགོ་བཙུགས། ཐོག་མར་བཟོ་བོ་དཔོན་མོ་ཆེ་བ་པུ་ཎྻེ་ཤྲཱི་གྲོགས་མཆེད་གསུམ་སོགས་དཔོན་གཡོག་རྣམས་བལ་ཡུལ་ནས་འོངས་བ་ལ་རྫོགས་སྣ་མཐུབ་རྐྱེན་མཐའ་དག་གི་སྦྱིན་བདག་སྐྱི་ཤོད་ནས་སྡེ་བ་བཀྲ་ཤིས་དཔོན་གྱིས་གནང་། ཕྱག་ཕྱིར་ལི་ཐང་ས་ཡི་ཐིག་ལེ་འདིར་ཕེབས་འཕྲལ། བར་ཆད་བདུད་རིགས་ལོག་པར་འདྲེན་པ་ཐམས་ཅད་ཚར་གཅོད་པའི་དཔལ་ལྡན་ལྷ་མོ་འདིར་སྲུང་མར་མཆོག་ཏུ་བསྔགས་པའི་རྒྱུ་མཚན་ཡོད་པས། འདོད་ཁམས་དབང་ཕྱུག་དམག་ཟོར་རྒྱལ་མོ་བཀའ་རྒྱུད་འདིའི་སྲུང་མ་ཐུན་མོང་མ་ཡིན་པ་དེའི་སྐུ་དང་། གདོང་ཅན་གཉིས་དུས་བཞིའི་ལྷ་མོ་དང་རྗེ་ཙོང་ཁ་པའི་བཀའ་སྲུང་དམ་ཅན་ཆོས་རྒྱལ་སོགས་དངུལ་གྱིས་བཞེངས། ལོའི་དེའི་ཧོར་ཟླ་ལྔ་བའི་ཚེས་བཟང་ལ་བཟོ་འགོ་བཙུགས་པ་དང་མཉམ་དུ་བྱང་ཕྱོགས་ཀྱི་ཆ་དཀར་ཆེན་མོའི་རྒྱལ་པོས་བརྒྱ་འབུལ་སོགས་འབྱོར་ཏེ་རྟེན་འབྲེལ་འགྲིགས།

དེ་ནས་སོག་པོ་ཇིང་གིར་དཔོན་གྱི་ཕྱག་མཛོད་ཀྱིས་ཐུབ་ཆེན་བཞེངས་པའི་སྐུ་རྒྱུ་བསམ་གྱིས་མི་ཁྱབ་པ་ཕུལ་བས། རྒྱུ་ནོར་ལོགས་སྤྱོད་སོགས་ནམ་མཁར་མཛོད་ལ་དབང་སྒྱུར་བ་ལྟར་བྱུང་། ཐུབ་ཆེན་[page 3] རྒྱབ་མཐོ་རེ་བཞི་པ་བལ་པོ་རྒྱལ་མོ་མི་གསུམ་གྱིས་བཞེང་རྒྱུ་ཁས་བླངས། ཐུབ་ཆེན་ཁམས་གསུམ་ཟིལ་གནོན་འདིའི་གཟུངས་གཞུག་ཏུ་རྒྱ་བོད་ཀྱི་བླ་མ་བརྒྱ་དང་དྲུག་ཅུ་རྩ་དྲུག་གིས་བྱིན་གྱིས་བརླབས་པའི་རྟེན་དཔག་མེད་དང་། བླ་མ་དེ་དག་གི་བཤེས་གཉེན་གྱི་བྲིས་སྐུ་འབུར་མ་བརྒྱ་དང་ལྔ་བཅུ། སངས་རྒྱས་སྤྲུལ་བའི་སྐུའི་ཆ་བྱད་ཅན་གྱི་བྲིས་སྐུ་འབུར་མ་སྟོང་ཕྲག་གཉིས་དང་བརྒྱ་དང་བརྒྱད་ཅུ། ཆོས་ཀྱི་སྐུའི་རྟེན་སངས་རྒྱས་ཀྱི་འཕེལ་གདུང་རྣམས་ཀྱིས་བྱས་པའི་རིང་བསྲེལ་སོ་བརྒྱད། ཡི་དམ་རྒྱུད་སྡེ་གཙོ་བཞིའི་དཀྱིལ་འཁོར་ཉིས་བརྒྱ་དང་ལྔ་བཅུ། ཆོས་སྐྱོང་སྲུང་མའི་བྲིས་སྐུ་འབུར་མ་བརྒྱད་བཅུ་རྩ་གཉིས། གསུང་རྟེན་མདོ་དང་བསྟན་བཅོས་པོད་སུམ་བརྒྱ་ལྷག་དང་། ཐུགས་རྟེན་མཆོད་རྟེན་བྲིས་འབུར་ཉིས་བརྒྱ་དང་སུམ་ཅུ་རྩ་བདུན། གནས་ཡིག་བརྒྱ་དང་ལྔ་བཅུ་རྩ་ལྔ་བཅས་ཀྱིས་མཚོན་སྐུ་གསུམ་ཐུགས་ཀྱི་རྟེན་འདིར་ཡི་གེ་འཁོད་པ་དང་། མ་འཁོད་པ་ཡང་དུ་མ་ཡོད་པས་ཐམས་ཅད་བསྡོམས་ན་བྲིས་འབུར་གྱི་སྐུ་འདྲ་ཁོ་ན་ཁྲི་ཕྲག་ལྷག་དང་། གཞན་ཡང་ལྷ་ཆེན་རང་ལ་ཡང་གསར་དུ་བཅོས་པའི་གནོད་སྦྱིན་འཁོར་ལོ་ཉི་ཤུ། རྡོ་དྲིལ་ཆ་ལྔ། ལྷུང་བཟེད་གསུམ། དུང་དཀར་བཅུ་གཅིག དཀར་སྐྱན་གཉིས་དང་རྡོ་རྗེ་ཕ་ལམ་སོགས་ཀྱིས་གཙོ་བྱས་ནོར་སྣ་ཁྱད་འཕགས་དུ་མ་བཞུགས། དེ་ལྟར་ཐུབ་ཆེན་ཁམས་གསུམ་ཟིལ་གནོན་ལེགས་པར་གྲུབ་པའི་ཉིན། གནས་འདི་ལ་འཇམ་འོད་ཀྱི་གུར་སུམ་རྩེགས་དང་། ཉི་ཟླ་གཟའ་སྐར་གསུམ་ལ་ཡང་འཇའ་འཚོན་སྣ་ལྔའི་གུར་ཕུབ་པ་སོགས་ཀུན་གྱི་བློ་ཡུལ་ལས་འདས་པ་བྱུང་བ་ཡིན་ནོ།

རྒྱལ་མཆོག་ཉིད་ཀྱི་སྐུ་མཆེད་རྗེ་བསོད་ནམས་ཡེ་ཤེས་དབང་པོས་དགོན་པ་འགོ་བཙུགས་པ་ནས་བཟུང་། རྒྱལ་མཆོག་ཉིད་ཀྱི་ཞལ་བཀོད་ལྟར་བཙུག་ལག་ཁང་སོ་སོར་བཞེངས་བའི་ལྡེབས་བྲིས་དང་ཚོན་རྩི་ལེགས་བྲིས་སོགས་དང་། སླར་དུས་འཁྲུགས་མི་ཡོང་བའི་ཆེད་དུ་ཐུབ་ཆེན་གྱི་གཡས་སུ་གསེར་ཟངས་ལས་གྲུབ་པའི་མི་འཁྲུགས་པའི་སྐུ་དང་། རྒྱལ་བའི་དབང་པོ་ཉིད་ཀྱིས་བཙུགས་པའི་ཕྱག་ལེན་ལྟར་ལྔ་དྲོའི་ཆོས་ཐུན་ལ་སངས་རྒྱས་ཀྱི་འཁྲུངས་རབས་སོགས་ཆོས་ལུང་མང་པོ་བསྩལ་ཏེ་གདུལ་བྱ་སྐྱེ་འགྲོ་རྣམས་ཆོས་བཀོད། གྲྭ་སློབ་བསྡུས་ཏེ་དགེ་ཚུལ་གྱི་སྡོམ་པ་དང་བསྙེན་རྫོགས་སོགས་བརྒྱ་ཕྲག་བརྒལ་བ་བསྒྲུབས།

དེ་ནས་གདན་ས་ཉིད་ལ་གྲྭ་སའི་ཁྲི་བ་རིམ་བྱོན་ནི། ཚ་བ་རིན་ཆེན་སེང་གེ་དང་ནམ་ལངས་ཆོས་མཛད། སྦ་ཡན་ཆོས་རྗེ། ཝ་ཤུལ་དགེ་འདུན་ལེགས་གྲུབ་སོགས་གྱིས་མཁན་པོ་མཛད་དེ་ཆོས་མངོན་རིན་ཆེན་འདྲེན་པའི་ཤིང་རྟ། ཕར་ཕྱིན་བློ་བཟང་དགོངས་རྒྱན། དབུ་མ་ཐེག་ཆེན་རྒྱ་མཚོར་འཇུག་པའི་གྲུ་རྫིངས་སོགས་མདོ་ཕྱོགས་ཀྱི་འགྲེལ་བ་བཞི་སྦྲགས་སོགས་རྒྱུད་སྨད་པའི་ཡིག་ཆ་དང་མཐུན་པར་མདོ་སྔགས་གཉིས་ཀའི་འཆད་ཉན་གནང་སྟེ་རྒྱལ་བའི་བསྟན་པ་སྔར་ལས་གོང་འཕེལ་མཛད། དེའི་དུས་སུ་ལི་ཐང་དགོན་པའི་ཐད་ཀའི་རི་ཐོག་དེར་བོན་པོའི་དགོན་ཞིག་ཡོད་པས། དགོན་པ་དེ་གཉིས་གྲུབ་མཐའ་དང་ལྟ་བ་གཅིག་པའི་རྩོད་གླེང་དང་མི་མཐུན་པ་དུ་མ་བྱུང་སྟེ་མཐར་བོན་དགོན་དེ་མེད་པར་[page 4] གྱུར།

དེ་ནས་སྒོ་མང་དོན་གྲུབ་རྒྱ་མཚོ་ཁྲིར་ཕེབས་ཏེ་སྔགས་ཟུང་འབྲེལ་གྱི་བསྟན་པ་རིན་པོ་ཆེ་དར་རྒྱས་སུ་བཏང་བ་མ་ཟད། གཙུག་ལག་ཁང་རྟེན་བཞེངས་དང་ཚོགས་ཆེན་འདུ་ཁང་ཆེན་མོ་ཀ་བ་བརྒྱད་ཅུ་དང་ཆོས་ར་ཀ་བ་བརྒྱ་དང་བརྒྱད་ཅུ་ཡོད་པ་དང་། འདུ་ཁང་ཕོ་བྲང་དམར་པོ་ཐོག་བརྩེགས་གསུམ་དང་ཕོ་བྲང་དཀར་པོ་ཐོགས་རྩེགས་གཉིས་བཅས་ལ་སྤེན་པ་ལྡེབས་བྲིས་ཚོན་རྩི་ཐོག་ཁང་གསེར་ཟངས་ཀྱི་རྒྱ་ཕེབས་དང་། རྒྱལ་མཚན། རི་དྭགས་ཆོས་འཁོར་སོགས་ལེགས་པར་བཞེངས་བ་མ་ཟད། རྗེ་བཙུན་བྱམས་པ་ཐོག་ཚད་གཅིག་བཅས་གསར་བསྐྲུན་མཛད། དེའི་དུས་སུ་གྲོང་སྡེ་དཔོན་ཨ་ཤེས་སྒྲོལ་མས་མཁན་པོ་དོན་འགྲུབ་རྒྱ་མཚོ་ལ་མོ་རང་གིས་ཐུབ་ཆེན་ལ་དབུ་རྒྱན་ཞིག་འབུལ་རྒྱུ་རེ་བ་ཞུས་ཀྱང་། མཁན་པོའི་ཐུགས་དགོངས་ལ་མོ་འདི་ནི་སྐྱེ་མཐའ་བཟང་པོ་ཞིག་མི་འདུག་པས། གལ་ཏེ་དབུ་རྒྱན་ཕུལ་བཅུག་ན་དགོན་པའི་བསྟན་པ་ཉམས་འགྲོ་བའི་གནོན་པ་ཡོང་ངེས་དགོངས་ཏེ་ཁྱོད་ཀྱི་ཚོགས་ཆེན་ཆོས་རྭ་ནང་སངས་རྒྱས་སྟོང་སྐུ་བཞེངས་ཐུབ་ན་ལེགས། ཐུབ་ཆེན་གྱི་དབུ་རྒྱན་ང་ཚོས་གྲ་བསྒྲིགས་བྱས་ཚར་ཞེས་གསུངས་སོ། དེ་ནས་སྡེ་བ་ཨི་ཤེས་སྒྲོལ་མས་རྡོ་སྐུའི་སངས་རྒྱས་སྟོང་སྐུ་ཞིག་བཞེངས། མཁན་པོ་དོན་གྲུབ་རྒྱ་མཚོས་སོག་པོ་ཇིང་གིར་རྒྱལ་པོ་ལ་ལི་ཐང་ཐུབ་ཆེན་ལ་དབུ་རྒྱན་གཅིག་དགོས་པས་ཁྱོད་ཀྱིས་ད་དུང་རོགས་གནང་ཞུས་པས། ཇིང་གིར་རྒྱལ་པོའི་གཙོས་སྦྱིན་བདག་དུ་མའི་རོགས་སྐྱོར་འོག་ཐུབ་ཆེན་ལ་དབུ་རྒྱན་དང་ལོངས་སྐུའི་ཆ་བྱད་མ་ལུས་པར་གསོལ་ཏེ་ཇོ་བོ་ཁམས་གསུམ་ཟིལ་གནོན་ཞེས་མཚན་གསོལ་བར་མཛད་དོ།

ཡང་རྗེ་བསོད་ནམས་རྒྱ་མཚོའི་སྐུ་ཚེ་སྨད་ལ་སོག་ཡུལ་དུ་རྒྱལ་བའི་བསྟན་པ་སྤེལ་བ་དང་དོན་གྲུབ་རྒྱ་མཚོ་ཡང་སོག་པོའི་བླ་མ་ཞིག་ཡིན་པས་ཇིང་གིར་རྒྱལ་པོ་ཐོག་མཐའ་བར་གསུམ་དུ་བཀའ་དྲིན་ཤིན་ཏུ་ཆེ་བ་ཡིན་ནོ།

དེ་ནས་མཁན་དོན་གྲུབ་རྒྱ་མཚོ་དབུས་ཕྱོགས་སུ་ཕེབས་དུས། རྒྱུ་གཟེར་ཟངས་ལས་བསྐྲུན་པ་མི་འཁྲུགས་པའི་སྐུ་ཞིག་ཕུལ་བར་མཁན་པོ་དོན་འགྲུབ་རྒྱ་མཚོས་རྟེན་འབྲེལ་འགྲིགས་སོང་གསུངས་ནས་ལྷ་སར་གདན་དྲངས་ཏེ་སྒོ་མང་ཚོགས་ཆེན་འདུ་ཁང་དུ་བཞུགས་སུ་གསོལ།

རྒྱལ་བ་སྐུ་ཕྲེང་བདུན་པ་བསྐལ་བཟང་རྒྱ་མཚོ་མཆོག་གིས་ལྷ་ས་ནས་ཕྱག་མཛོད་གཅིག་མངགས་ཏེ་ལི་ཐང་ཐུབ་ཆེན་བྱམས་པ་གླིང་དུ་སྙན་ཤལ། མཆོད་འབུལ། མང་འགྱེད་སོགས་མཛད་པར་མ་ཟད།

རྒྱལ་བའི་བསྟན་པ་རིན་པོ་ཆེ་རིང་དུ་གནས་པ་དང་བསྟན་འཛིན་གྱི་སྐྱེས་བུ་དམ་པ་རྣམས་ཀྱི་སྐུའི་རིམ་གྲོ་ལ་དམིགས་ཏེ་ཀ་བ་བཅུ་དྲུག་གི་ལྷ་ཁང་གསར་འཛུགས་ཀྱི་ཚོན་རྩི་ལེགས་གྲུབ་ཐོག་ནས་བརྟན་བཅུ་དྲུག་གི་ཞིང་བཀོད་རྣམ་པར་བཀྲ་བ་ཞིག་བཞེངས། དེ་མཚུངས་རྒྱལ་བའི་བཀའ་འགྱུར་རིན་པོ་ཆེ་གསེར་སྦྱངས་ལས་གྲུབ་པའི་པོ་ཏི་རིའི་དབུ་ཤོག་ལ་གནས་བཅུ་སྐུ་ཚང་བ་བཅས་བཞེངས་པས་རབ་གནས་བརྟན་[page 5] བཞུགས་ཡང་ལེགས་པར་མཛད་པ་ཡིན་ནོ།

རྗེས་སུ་སླར་ཡང་རྒྱལ་མཆོག་ཉིད་མདོ་སྨད་ཁུལ་འཁྲུངས་ཡུལ་ལི་ཐང་དང་མགར་ཐར་དུ་བསྟན་པ་སྤེལ་བར་ཞལ་བཞེས་གནང་སྟེ་ས་མོ་བྱའི་ལོ་ཧོར་ཟླ་གཉིས་པའི་ཚེས་བརྒྱད་ཉིན་ཆབ་མདོ་ནས་ཆིབས་སྒྱུར་གནང་སྟེ། མཁན་པོ་དང་ལས་སྣེ་དཔོན་རིགས་རྣམས་ཀྱིས་ཆིབས་བསུ་དང་དགེ་འདུན་འདུས་པ་རྒྱ་མཚོའི་ཚོགས་ཀྱིས་བྱེ་བྲག་མཆོད་པ་དཔག་ཏུ་མེད་པའི་མདུན་བསུས་ཏེ་གཙུག་ལག་ཁང་གི་ཡང་ཐོག་གཟིམས་ཆུང་དུ་ཕྱག་ཕེབས། དེའི་ཕྱི་ཉིན་ཁོང་གི་འཁྲུངས་ས་ལྷ་བོན་རི་ལ་བསང་དང་གསོལ་མཆོད་ཕུལ། དེའི་སྐབས་ས་གཡོ་ཉིན་ཁ་ཤས་བསྟུད་མར་བྱུང་བར་བརྟེན་འཚུབ་ཆ་བཟློག་ཕྱིར་སྐུའི་གམ་དུ་བཅར་བའི་དགེ་འདུན་པ་རྣམས་ནས་རི་གྲོ་ལེགས་པར་བསྒྲུབས་པས་རང་ཞིར་སོང་། དེ་ནས་ལི་ཐང་གྲྭ་ཚང་གི་ཚོགས་ཆེན་དུ་གདན་འདྲེན་ཞུས་ཏེ། རྗེས་གོང་མའི་གསེར་ཁྲིར་ཞབས་སེན་མངོན་པར་འཁོད་དེ་ལི་ཐང་ཆོས་སྡེ་ནས་དངོས་འབྱོར་རྒྱ་ཆེ་བ་བཅས་བརྟན་བཞུགས་རྒྱས་པ་ཕུལ་ཞིང་དགེ་འདུན་འདུས་ཚོགས་རྣམས་ལ་དཔལ་ལྡན་ས་གསུམ་མའི་ལྗགས་ལུང་། ལམ་རིམ་བསྡུས་དོན་གྱི་བཤད་ལུང་བཅས་བསྩལ། མང་འགྱེད་ཀྱི་བསྙེན་བཀུར་ཕུན་སུམ་ཚོགས་པ་དང་། འདུ་ཁང་མཐོང་ཡོངས་རྫོགས་ཁེབས་པའི་གོས་བཟང་མ་ཎི་གསེར་མའི་དྲ་བ་དྲ་བྱེད་བཅས་སྙན་དར་སྣ་ཚོགས་དང་། གོས་བཟང་སིའུའི་ཕྱེ་ཕུར་ཆ་བཅས་སྦྱོར་འཇོག་གནང་། ཚེས་བཅོ་ལྔའི་ཉིན་དགོན་པའི་ཚོགས་ཆེན་འདུ་ཁང་དུ་གསོ་སྦྱོང་གི་མདོ་འཆད་པ་སོགས་བསྟན་པའི་བྱ་བརླབས་ཆེན་མཛད། ཟླ་བ་གཅིག་གི་རིང་འཇིགས་མཛད་རྡོ་རྗེ་ལྗགས་བསྙེན་ཐུན་བཞིའི་རྣལ་འབྱོར་ལ་བརྩོན་པར་མཛད། དེ་ནས་ཐུབ་ཆེན་ཁང་བྱམས་པའི་སྐུ་བརྙན་གྱི་ནང་རྟེན་རྩ་ཆེན་ཞིག་དང་། མཆོད་རྫས། གསེར་ཆབ་སྙན་ཤལ་སོགས་ཕུལ་ཏེ་ཐུགས་སྨོན་གྱིས་མཚམས་སྦྱོར་ཡང་དག་གནང་། ཟླ་བ་གཉིས་དང་ཞག་ཉི་ཤུའི་རིང་སྐུ་མཚམས་ལ་བཞུགས་དེ། གྲོལ་རྗེས་ལི་ཐང་དགོན་པའི་ལོ་མཇུག་གི་སྐུ་རིམ་གཏོར་རྒྱག་དང་འཆམ་སོགས་ལ་གཟིགས་རྟོགས་གནང་། ལྕགས་ཁྱིའི་ལོའི་གནམ་ལོ་གསར་ཚེས་ཀྱི་སྲིད་གསུམ་བདག་མོའི་མཆོད་སོགས་སྔར་རྒྱུན་ལྟར་མངའ་གསོལ་རྒྱས་པར་མཛད། དེ་ནས་ཚོགས་ཆེན་འདུ་ཁང་དུ་རྒྱུ་སྨད་མཁན་ཆེན་རྡོ་རྗེ་འཆང་གིས་གཙོས།

ཞབས་ཕྱི་པའི་བླ་མ་དགེ་བཤེས་རྣམས་དང་། ཡབ་རྗེ་དམ་པ་དང་། དྲུང་འཁོར་སེར་སྐྱ་དྲག་ཞན། གོང་མ་ཆེན་པོའི་མི་དྲག་མེ་རིང་ཇང་གི་ནིའི་གེ་དང་ཙོང་བན་སོགས་རྒྱ་དཔོན་ཆེ་ཆུང་མང་པོ་དང་ལི་ཐང་དགོན་གྱི་མཁན་པོ་སློབ་དཔོན་ལས་སྣེ་སོགས་བརྒྱ་ཕྲག་དུ་མར་གསོལ་སྟོན་གཟབ་རྒྱས་ཐོག་གར་རོལ་སོགས་ཀྱི་དགའ་སྟོན་ལ་དགྱེས་པར་རོལ། དེ་ནས་ཡབ་རྗེ་དམ་པས་ཚོགས་དབུས་སུ་རྒྱ་ནག་ནས་ལེགས་འབུལ་བྱུང་བའི་དངོས་ཆས་མཆོད་རྫས་དཔག་ཏུ་མེད་པ་ཕུལ། རྗེ་ཉིད་ཀྱིས་ཚོགས་པ་ལ་རིགས་གསུམ་མགོན་པོ་བཟླས་ལུང་བསྩལ་བ་མ་ཟད། མདོ་སྨད་ཕྱོགས་འདིར་རི་བོ་དགེ་ལུགས་པའི་རིང་ལུགས་འཛིན་པའི་བཤད་སྒྲུབ་ཀྱི་སྡེ་མང་དུ་མཆིས་པ་ལས་ལི་ཐང་ཐུབ་ཆེན་བྱམས་པ་གླིང་འདི། རྗེ་བསོད་ནམས་རྒྱ་[page 6] མཚོས་ཕྱག་ལེན་གཙང་བ་མདོ་རྒྱུད་འཆད་ཉན་སྒོམ་སྒྲུབ་ཀྱི་མིག་ལྟོས་བཟང་བོས་ལུང་རྟོགས་ཀྱི་ཡོན་ཏན་རྒྱ་ཆེ་བའི་དགེ་བའི་བཤེས་གཉེན་མང་དུ་བཞུགས་པ་བཅས་གཅིག་ཏུ་བསྔགས་པར་འོས་པའི་གནས་སུ་ཡོད་ལ། ཆོ་འཕྲུལ་སྨོན་ལམ་ཆེན་མོའི་ཕྱག་ལེན་ཡང་རྒྱས་པ་ཡོད་སྟབས། རྒྱལ་བསྟན་ལེགས་པར་སྐྱོང་དགོས་པའི་ཞལ་གདམས་སུ་མ་གནང་སྟེ། ཚོགས་པ་ཐམས་ཅད་མི་ཕྱེད་པའི་དད་པ་ཐོབ་སྟེ་རང་རང་གི་དབང་པོ་དང་འཚམ་པའི་ཐེག་པ་གསུམ་གྱི་རིགས་ཀྱི་ནུས་བ་བལྟས་པར་སྔར་ཅུང་ཟད་མི་འགྱོད་པ་རྣམས་འགྱོད་པ་སྐྱེས་ཤིང་ཕྱིན་ཆད་ཁ་ཙམ་མ་ཡིན་པའི་གུས་པ་ལྷུར་ལེན་པར་གྱུར་ཏོ། ལི་ཐང་སྡེ་པ་དང་སྤྱི་སོ་ཁམས་ཚན་རྣམས་ཀྱིས་ཀྱང་འབུལ་བ་སྦམས་མཐོ་བ་བཏེགས། དར་རྒོད་ཁག་གཉིས་དང་། ཨ་ཕག་རྒྱ་མཚོ། བསོད་ནམས་མཚོ་སོགས་ཉི་འཁོར་བཅས་ཀྱིས་མཚོན་སེར་སྐྱ་སྟོང་ཕྲག་དུ་མར་མཇལ་ཁ་དང་ཕྱག་དབང་གནང་།

དེ་ནས་ལྕགས་ཁྱི་ལོའི་ཟླ་བ་དང་པོའི་ཚེས་ཉེར་གཅིག་ཉིན་ལི་ཐང་ཆོས་སྡེ་ནས་མགར་ཐར་ཕྱོགས་སུ་ཆིབས་ཁ་སྒྱུར། ཟླ་བ་གཉིས་པའི་ཚེས་གསུམ་ལ་མགར་ཐར་ཆོས་སྡེ་སོགས་ཀྱིས་བསུ་བ་བཅས། ཀ་བཞི་དགོན། འགི་བ་ཁ་དགོན། རྟའུ་ཉ་མཚོ་དགོན། བྲག་འགོ་དགོན། ཧོར་དཀར་མཛེས་དགོན་སོགས་ཀྱི་དགོན་སྡེ་དང་དཔོན་རིགས་ཁག་མང་པོའི་འབུལ་ཚན་དང་མཇལ་ཁ་ཞུས། མགར་ཐར་དགོན་རྒྱས་འདེབས་དང་རྟེན་བཞེངས་སོགས་ལེགས་པར་པར་མཛད་པ་མ་ཟད། དགེ་འདུན་གྱི་སྡེ་ཡར་རྒྱས་དང་བསླབ་པ་གསུམ་སོགས་མདོ་སྔགས་ཀྱི་བསྟན་པ་རྒྱ་ཆེར་སྤེལ།

དབུས་ཕྱོགས་ཀྱི་དགོན་སྡེ་དང་སེར་སྐྱ་ཡོང་ཀྱིས་ཡང་ཡང་གསོལ་བ་བཏབ་པས་མེ་མོ་ཡོས་ཀྱི་ལོར་ཧོར་ཟླ་གསུམ་པའི་ཚེས་ཉེར་གཅིག་གཟའ་སྐར་འཕྲོད་སྦྱོར་བཟང་པོའི་ཉིན་མགར་ཐར་ནས་དབུས་ཕྱོགས་སུ་ཆིབས་ཁ་བསྒྱུར། སླར་ཡང་ལི་ཐང་ཐུབ་ཆེན་བྱམས་པ་གླིང་གི་མཁན་པོས་གཙོས་དགེ་འདུན་པ་ཆིག་སྟོང་བརྒྱད་བརྒྱ་ལྷག་གིས་སེར་འཕྲེང་གིས་བསུ་བ་དང་མང་ཚོགས་ཁྲི་ཕྲག་བརྒལ་བའི་མཇལ་བསུས་ཐོག་ཚོགས་ཆེན་འདུ་ཁང་དུ་གདན་དྲངས་ཏེ་ཐུབ་ཆེན་བྱམས་པ་གླིང་དགོན་མ་ལག་དང་བཅས་ཀྱིས་རྟེན་གསུམ་དང་མཎྚལ་གསེར་དངུལ། ཇ་གོས་དར་སོགས་ཀྱི་འབུལ་བ་རྒྱ་ཆེན་དང་ཞབས་པད་བརྟན་པའི་བདེན་ཚིག་བརྗོད། ཚོགས་པ་དད་ལྡན་སྟོང་ཕྲག་ལ་བྱང་ཆུབ་ལམ་གྱི་སྒྲོན་མེའི་ལྗགས་ལུང་སོགས་བསྩལ་ཏེ་མཇལ་ཁ་ཞུས། གྲྭ་ཚང་ནང་རྟེན་དུ་རྒྱལ་དབང་ལྔ་བ་ཆེན་པོའི་ཕྱག་སྦུབ་བྱིན་ཅན་འཛམ་གླིང་གཡས་བཞག་གནང་། མཁན་སློབ་ལས་སྣེ་བཅས་ལ་སོ་སོར་གོ་གནས་དང་བསྟུན་ནས་གནང་ཆ་སོགས་སྩལ། ཐུབ་ཆེན་ཁང་དུ་གསེར་ཆབ་དང་བརྒྱ་མཆོད་ཀྱི་ཏིང་ཀོང་གོས་བཟང་གི་གནམ་རྒྱན། འཕན་བླ་བྲེ། མངག་བཏགས་དར་ཚོན་སྣ་ལྔའི་སྙན་ཤལ། ལྷ་མོ་བསེ་ཁྲབ་མའི་མགོན་ཁང་དུའང་སྙན་ཤལ་སྤྱན་གཟིགས་སོགས་མཆོད་སྤྲིན་རྒྱ་ཆེར་སྤྲོས་ཏེ་ཐུགས་སྨོན་མཛད། གཟིམས་ཁང་དུ་རྗེ་ཙོང་ཁ་པ་ཆེན་པོའི་སྐུ་བརྙན་གྱི་སྐུ་གསུམ་ཐུགས་རྟེན་མང་པོ་དང་དེ་དག་མཆོད་ཐེབས་ཀྱང་སྦྱོར་འཇགས་མཛད། [page 7] ཆ་ཕྲེང་བསམ་འཕེལ་གླིང་དང་འདབས་ཡང་སྟེང་དགོན། འགིར་དགོན། འཇའ་བྱ་མོ་དགོན། གཞི་བ་ཁམས་ཚན། གངས་དཀར་གླིང་། ཤོག་དྲུག་སོགས་དགོན་སྡེ་ཁག་དང་གཡོན་རུ་ཝ་ཤུལ་དཔོན་པོ་བསོད་ནམས་ནོར་བུ་སོགས་དཔོན་རིགས་ཁག་བཅས་ཀྱིས་རང་རང་གི་འབྱོར་བ་དང་བསྟན་པའི་དངོས་འབུལ་རྒྱ་ཆེར་བགྱིས་ཏེ་མཇལ་ཁ་ཞུས། ལི་ཐང་དགོན་དུ་རྒྱ་དམག་མི་འདུག་པ་དང་བུད་མེད་དང་བྱ་ཕག་སོགས་གཏན་ནས་གསོ་མི་ཆོག་པའི་སྒྲིག་ལམ་བཅས་མི་དྲག་རྣམས་ལ་བསྩལ་བ་དང་དུ་བླངས་བས་ཕྱིན་ཆད་ཕན་པ་རྒྱ་ཆེར་བྱུང་། དེ་ནས་ལི་ཐང་ཐུབ་ཆེན་བྱམས་པ་གླིང་ནས་རྗེ་ཉིད་དབུས་ཕྱོགས་སུ་ཆིབས་སྒྱུར་གནང་། དེ་ནས་ལི་ཐང་ཐུབ་ཆེན་བྱམས་པ་གླིང་ནས་རྗེ་ཉིད་དབུས་ཕྱོགས་སུ་ཆིབས་སྒྱར་གནང་།

སྐུ་ཞབས་རྡོ་རིང་སྤྲུལ་བའི་སྐུ་བློ་བཟང་བསྟན་པའི་རྒྱ་མཚན་ནི། བོད་རབ་བྱུང་བཅུ་གསུམ་པའི་འཕར་བ་ཞེས་པ་ལྕགས་མོ་གླིང་གི་ལོར་ལི་ཐང་ཐུབ་ཆེན་བྱམས་པ་གླིང་གི་ཉེ་འདབས་སུ་སྐྱེས་ཆེན་དམ་པ་དུ་མ་འཁྲུངས་ཡུལ་དེར། ཡབ་ལི་ཐང་སྡེ་བ་ཨ་ཚོར་ནོར་བུ་དང་ཡུལ་ཆོས་སྦྱིན་མ་གཉིས་ཀྱི་སྲས་སུ་མཚེ་མའི་གྲོང་དུ་སྐུ་བལྟམས། དགུང་ལོ་དྲུག་ལ་ཁྲི་བ་འབྲས་སྤུངས་དགེ་བཤེས་བློ་བཟང་ཕུན་ཚོགས་ཀྱི་དྲུང་དུ་རབ་ཏུ་བྱུང་ནས་མཚན་ལ་བློ་བཟང་བསྟན་པའི་རྒྱལ་མཚན་གསོལ། ས་མོ་བྱིའི་ལོར་དགུང་ལོ་དགུ་ཡི་དུས་སུ་དབུས་གཙང་ཆོས་ཀྱི་ཞིང་དུ་བྱོན་ཏེ་རྒྱལ་དབང་ཡབ་སྲས་དང་སྐྱེས་ཆེན་དམ་པ་རྣམས་དང་། ར་མོ་ཆེ། སེ་འབྲས། པོ་ཏ་ལ་སོགས་རིམ་པར་མཇལ། སྦྱིན་བདག་བཀའ་བློན་རྡོ་རིང་པའི་གདན་དྲངས་ཏེ་ཞབས་ཕྱི་སྒྲུབ། སེ་ར་བྱས་པ་གྲྭ་ཚང་དུ་ཞུགས་ཏེ་དགེ་བའི་བཤེས་གཉེན་བློ་བཟང་སློབ་དཔོན་དུ་བསྟེན་ཞིང་། གཞུང་ཆེན་རྣམས་ལ་སློབ་གཉེར་མཛད་པས་མཁས་པ་ཕུལ་དུ་ཕྱིན། ཀུན་མཁྱེན་རྒྱལ་བའི་དབང་པོ་བློ་བཟང་འཇམ་དབྱངས་རྒྱ་མཚོའི་ཞལ་སྔ་ནས་བསྙེན་པར་རྫོགས། དགའ་ལྡན་ཁྲི་བ་ཏྲེ་ཧོར་བློ་བཟང་བཀྲ་ཤིས་དང་ཡོངས་འཛིན་ཁྲི་རིན་པོ་ཆེ་ངག་དབང་སྙན་གྲགས། ཀུན་གཟིགས་པཎ་ཆེན་རིན་པོ་ཆེ་མཁས་ཆེན་མང་པོའི་ཞལ་སྔ་ནས་མདོ་སྔགས་ཀྱི་དབང་ལུང་ཁྲིད་གསུམ་གྱི་མན་ངག་མང་དུ་གསན། ལི་ཐང་དུ་ཕེབས་ཁར་ཁྲི་རིན་པོ་ཆེ་ནས་ཁྱེད་རང་མར་བྱོན་ནས་བྲག་དཀར་དང་ཚྭ་ཁ་ཅི་རིགས་ཀྱི་རི་ཡི་ཁྲོད་དུ་བཞུགས་ཏེ་སྒྲུབ་པ་སྙིང་པོ་མཛད་དགོས་ཀྱི་བཀའ་སློབ་གནང་། དམ་པ་ཉིད་ཀྱིས་བླ་མའི་བཀའ་བཞིན་ཁས་བླངས་ཏེ། ལྕགས་སྤྲེལ་ལོར་ལི་ཐང་དགོན་དུ་འབྱོར། མི་རིང་བར་བྲག་དཀར་རི་ཁྲོད་དང་གནས་རི་ཅི་རིགས་སུ་བྱོན་ཏེ་བླ་མའི་བཀའ་བཞིན་མི་ལོ་ཧྲིལ་པོ་བཅོ་ལྔ་ཙམ་གྱི་བར་དུ་རྩྭ་དང་ལོ་མའི་གདན་ཐོག་ཏུ་སྐྱིལ་ཀྲུང་འཁོད་དེ་རི་དྭགས་རྨས་མ་བཞིན་དུ་འདོད་ཡོན་དགྲ་ལ་བལྟས་ནས་ཐུན་མོང་དང་ཐུན་མོང་མ་ཡིན་པའི་ལམ་གྱི་རིམ་པ་རྣམས་ལ་ཉམས་བཞེས་གནད་དུ་སྨིན་པར་མཛད། སྐབས་དེར་ལི་ཐང་ནས་ཆོད་སྡེ་སྤྱི་དང་ཁམས་ཚན་སྡེ་བ་གཉིས་སོགས་ཚང་མས་ནན་ཆེན་གྱིས་གསོལ་བ་བཏབ་པ་ལྟར་དགུང་ལོ་སོ་བདུན་ཐོག་ལི་ཐང་དགོན་གྱི་རྡོ་རྗེ་སློབ་དཔོན་གྱི་ཁྲིར་འཁོད། ཁྲི་ཐོག་མཁན་པོ་སེར་སྨད་ཚོ་གསུམ་གྱི་དགེ་བཤེས་སྐུ་གཤེགས་ནས་དམ་པ་ཉིད་བོད་རབ་བྱུང་བཅུ་བཞི་[page 8] པའི་ས་སྟག་པོའི་ཟླ་བ་བཞི་བར་ལི་ཐང་ཐུབ་ཆེན་བྱམས་པ་གླིང་གི་མཁན་ཁྲི་རྒྱལ་བའི་དབང་པོ་བསོད་ནམས་རྒྱ་མཚོ་དཔལ་བཟང་པོའི་བཞུགས་ཁྲི་ལ་མངའ་གསོལ། ལོ་ལྔའི་རིང་སྔགས་དང་མཚན་ཉིད་ཀྱི་རྩི་བཞག་དང་སྒྲིག་ལམ་སོགས་མ་ཉམས་གོང་འཕེལ་དུ་གནང་། དེ་ནས་དགུང་ལོ་ཞེ་གསུམ་པ་ཆུ་ལུག་ལོར་མོ་ལ་དགའ་ལྡན་བྱང་རྩེ་དགེ་བཤེས་བློ་གྲོས་འབྱུང་གནས་མཁན་པོའི་ཁྲི་བ་དང་སེ་ར་བྱེས་ཁྲོམ་ཐེག་མཆོག་རིན་པོ་ཆེ་འཕྲིན་ལས་དཔལ་ལྡན་རྡོ་རྗེ་སློབ་དཔོན་དུ་མངའ་གསོལ། རྗེ་ཉིད་གདན་སར་ཟུར་བཞུགས་མཛད། དགུང་ལོ་དྲུག་ཅུའི་སྐབས་དགོངས་པ་ཆོས་དབྱིངས་སུ་གཤེགས་པ་ཡིན་ནོ།

ལི་ཐང་དགོན་པའི་མཁན་རབས་ཉེར་དྲུག་པ་སྤྲུལ་པའི་སྐུ་སྐལ་ལྡན་རྒྱ་མཚོ་ནི། དགོན་པའི་ཉེ་འདབས་མཚེ་མའི་གྲོང་དུ་སྐུ་འཁྲུངས། ཆུང་དུས་ནས་དབུས་ཀྱི་གདན་ས་ཆེན་པོར་བྱོན་ནས་སློབ་གཉེར་མཐར་ཕྱིན་མཛད། ལི་ཐང་དགོན་གྱི་མཁན་སློབ་ཀྱི་འགན་བཞེས་ཏེ་མདོ་སྔགས་ཀྱི་བསྟན་པ་རིན་པོ་ཆེ་འཛིན་སྐྱོང་སྤེལ་གསུམ་གནང་སྟེ་བཀའ་དྲིན་ཤིན་ཏུ་ཆེ་བ་ཡིན་ནོ།

དེ་ནས་བར་སྐབས་ཞིག་ལ་ལྡེ་བ་ཨ་འབུམ་ཡེ་ཤེས་ཉིད་ཀྱིས་སྦྱིན་བདག་མཛད་དེ་པར་ཁང་ཆོས་མཛོད་ཆེན་པོ་གསར་དུ་བསྐྲུན་ཏེ། རྒྱུ་ཟངས་གསེར་ལས་གྲུབ་པའི་རྗེ་བཙུན་བྱམས་པའི་སྐུ་ཐོག་ཚད་གཉིས་ཙམ་བཞེངས་ཤིང་། དགོན་པའི་འདོན་ཆོག་ཆོས་སྤྱོད་ཡོངས་རྫོགས། སྨན་བླ་མདོ་རིང་། འཇིགས་བྱེད་མགོན་པོ་སོགས་ཀྱིས་མཚོན་བསྐང་གསོ་ཡོངས་རྫོགས་དང་། དེ་མིན་གྱི་འདོན་ཆོག་རྣམས་པར་དུ་བརྐོས་པ་ཡིན་ནོ།

ཨ་རྫ་སྐུ་ཕྲེང་བཞི་པ་ངག་དབང་མཁྱེན་རབ་འཕྲིན་ལས་བསྟན་པའི་རྒྱལ་མཚན་གྱིས་རྗེ་བསོད་ནམས་རྒྱ་མཚོའི་ཕོ་བྲང་ཉམས་གསོ་མཛད་དེ་རྒྱུ་ཟངས་གསེར་གྱི་རྒྱལ་བ་བསོད་ནམས་རྒྱ་མཚོའི་འདྲ་སྐུ་དང་བྱམས་པའི་སྐུ་འདྲ་གཉིས་དང་། རྗེ་ལྷ་ཁང་ཞིག་གསོ་གནང་སྟེ་རྒྱུ་སྨན་འདམ་ལས་གྲུབ་པའི་རྗེས་ཡབ་སྲས་གསུམ་བཅས་རྩེགས་ཚད་དང་། ལྷ་ཆེན་ཇོ་ཁང་དུ་གཡུ་བྱུ་རུ་སོགས་རིན་པོ་ཆེ་སྣ་ཚོགས་ལས་བཟོས་པའི་སྨན་སྐུ་མི་ཆེ་ཚད་ཙམ་དང་། སྤང་ཐོག་ཆོས་ར་ཞེས་པའི་མཚན་ཉིད་གྲྭ་ཚང་བཅས་བཞེངས་བསྐྲུན་མཛད་པ་ཡིན་ནོ།

སྐྱབས་མགོན་སྐུ་ཕྲེང་གཉིས་པ་ངག་དབང་བློ་བཟང་བསྟན་འཛིན་ལས་རྒྱ་མཚོ་ནི་ཡབ་བློ་བཟང་ཕུན་ཚོགས་དང་། ཡུམ་སྐལ་བཟང་ལྷ་མོ་གཉིས་ཀྱི་སྲས་སུ་ས་ཕོ་སྤྲེལ་གྱི་ལོར་ཤོག་དྲུག་སྒྲོ་མདངས་གནས་སྨད་ནོར་བུའི་གྲོང་དུ་སྐུ་འཁྲུངས། དགུང་ལོ་བཅུ་བཞི་བར་དབུས་གཙང་དུ་བྱོན་ཏེ་འབྲས་སྤུངས་བློ་གསལ་གླིང་དུ་སློབ་གཉེར་མཛད། དགུང་ལོ་ཉེར་དགུའི་ཐོག་མཁན་པོ་ལོ་གཉིས་མཛད་སྐབས་དགོན་དུ་འདུལ་བའི་བཅའ་ཁྲིམས་རྣམས་ཕྱག་ལེན་བསྟར་ཏེ། བྱང་ཆུབ་ལམ་རིམ་ཆེན་མོའི་སྐྱེས་བུ་ཆུང་འབྲིང་ཆེ་གསུམ་ཀྱི་ཁྲིད་དང་། བླ་མ་མཆོད་པའི་ཟབ་ཁྲིད། སྦྱོར་བ་ཆོས་དྲུག ནཱ་རོ་ཆོས་དྲུག དུས་འཁོར་དབང་ཆེན། འཇིགས་བྱེད་དཔའ་བོ་གཅིག་པའི་དབང་ཆེན་སོགས་དབང་ལུང་མང་དུ་བསྩལ་ཏེ། [page 9] གདུལ་བྱ་རྣམས་སྨིན་གྲོལ་གྱི་ལམ་ལ་བཀོད། དགོན་པའི་གཙུག་ལག་ཁང་རྣམས་ཉམས་གསོ་དང་གསར་སྐྲུན་གྱི་ཞལ་བཀོད་མཛད་དེ། ཕྱི་ལྕགས་རི་རྨང་ནང་གསར་སྐྲུན་དང་ནང་གི་ཚོགས་ཆེན་ཆོས་ར་ལ་སྤེན་པར་བཅས་ཀ་བ་བརྒྱ་དང་བརྒྱད་ཅུ། ཐུབ་ཆེན་ཁང་ཀ་བ་བརྒྱ་དང་སུམ་ཅུ། པར་ཁང་ཀ་བ་བརྒྱད་ཅུ། རྗེའི་ལྷ་ཁང་བཅས་ཉམས་གསོ་རྩ་ནས་མཛད། རྩེ་རྣམ་རྒྱལ་ཕོ་བྲང་དམར་པོ་ཀ་བ་བརྒྱད་ཅུ་ཆོས་ར་དང་བཅས་པ་བཞེངས། རྩེ་ཕོ་བྲང་ནང་དུ་གསེར་ཟངས་ལས་གྲུབ་པའི་རྗེ་ཡབ་སྲས་ཐོག་ཚད་གསུམ་དང་རྗེ་ཡན་སྲས་གསུམ་གྱི་གསུང་འབུམ་ཡོངས་རྫོགས་ཀྱི་པར་གསར་དུ་སྐྲུན། རྩེ་ཕོ་བྲང་ཐོག་ཏུ་གསེར་ཟངས་ཀྱི་རྒྱ་ཕིབས་དང་། རྒྱལ་མཚན། གཉྫིར། རི་དྭགས་ཆོས་འཁོར་སྤེན་རྒྱན་དང་བཅས་པ་གསར་དུ་བཞེངས། ཐུབ་ཆེན་ཁང་ཐོག་ཀར་ཟངས་ཀྱི་རི་དྭགས་ཆོས་འཁོར་དང་། རབ་བྱུང་བཅུ་དྲུག་པའི་ཆུ་ལུག་ལོར་ཡང་བསྐྱར་ལྷ་ས་མཆོད་འབུལ་དང་རྒྱ་གར་གནས་སྐོར་བྱོན་སྐབས་བླ་མ་ཉིད་ཀྱིས་ཕྱག་མཛོད་ཚུལ་ཁྲིམས་ལ་བཀའ་གནང་ནས་ལི་ཐང་བྱམས་གླིང་དགེ་འདུན་བདུན་སྟོང་ཙམ་གྱི་ཚོགས་ཁྲོ་གཉིས་རྒྱ་གར་ནས་ཉོས་ཏེ་དྲེལ་ཐོག་རྒྱ་ཉི་ཤུ་ཙམ་བཀལ་ནས་ལི་ཐང་ལྷུ་བསྒྲིགས་ཏེ་གྲྭ་ཚང་ལ་ཕུལ་བ་ད་ལྟ་ཡང་སྐྱོན་མེད་དུ་བཞུགས་པ་དེ་ཡིན་ནོ། གཞན་ཡང་ཐུབ་ཆེན་ཁང་བསྐྱར་བཞེངས་སྐབས་ཐུབ་ཆེན་ཆོས་རའི་ནུབ་ཕྱོགས་སུ་ལྷ་ཁང་ཞིག་བཞེངས་ཏེ་བརྒྱ་སྟོང་ཚོང་དཔོན་གྱིས་སྦྱིན་བདག་ཞུས་ཏེ་ཟངས་གསེར་གྱི་མི་འཁྲུགས་པ་ཐོག་ཚད་གཉིས་ཙམ་བཞེངས་པས་མི་འཁྲུགས་པའི་ལྷ་ཁང་ཞེས་མཚན་གསོལ། ཡང་དགོན་འདི་བཙུགས་ནས་ལོ་ཉིས་བརྒྱ་ཙམ་གྱི་དུས་སུ་རྒྱ་ནག་ཁྲུའུ་ཏུ་ནས་རྒྱ་རིགས་ལག་རྩལ་མི་སྣ་གདན་དྲངས་ཏེ་ལི་ཐང་དུ་ཟངས་རག་གསེར་དངུལ་སོགས་རྫས་སྦྱོར་བྱས་ནས་དགེ་འདུན་ཉིས་སྟོང་ལྷག་གི་གསོལ་ཇ་བསྐོལ་སྣོད་ཀྱི་ཚོགས་ཁྲོ་སྤུས་ལེགས། ངོས་སོ་སོར་ལ་རྒྱ་ཡིག་དང་བོད་ཡིག་གི་སྨོན་ཚཻག་གིས་བསྐོས་ཡོད་པ་གཉིས་བླུགས་ནས་ད་ལྟ་ཡང་དགོན་ནང་དུ་བཞུགས།

བློ་བཟང་འཇམ་དབྱངས་ཡེ་ཤེས་བསྟན་པའི་རྒྱལ་མཚན་ནི་བོད་རབ་བྱུང་བཅོ་ལྔ་པའི་མེ་ཕོ་འབྲུག་གི་ལོར་ལི་ཐང་གྲོང་ཚོ་བརྒྱད་ཀྱི་ནང་ཚན་མཚེ་མ་གྲོང་དུ་ཡབ་མེས་ཀྱི་རུས་ནི་དགའ་བ་གཏོགས་པ་ཡབ་མགོན་པོ་དོན་གྲུབ་དང་། ཡུམ་གུ་རུ་ལྷ་འཚོ་གཉིས་ཀྱི་སྲས་དུ་སྐུ་འཁྲུངས། དགུང་ལོ་བཞི་བར་པཎ་ཆེན་བློ་བཟང་ཐུབ་བསྟན་ཆོས་ཀྱི་ཉི་མས་ཀུན་མཁྱེན་སྐུ་ཕྲེང་བཞི་པའི་ཡང་སྲིད་དུ་ངོས་འཛིན་གནང་སྟེ་མཚན་ལ་བློ་བཟང་འཇམ་དབྱངས་ཡེ་ཤེས་བསྟན་པའི་རྒྱལ་མཚན་ཞེས་གསོལ། དགུང་ལོ་ལྔ་བར་བླ་བྲང་བཀྲ་ཤིས་འཁྱིལ་དུ་གདན་དྲངས་ཏེ་ཁྲི་ལ་མངའ་གསོལ་མཛད། ཁོང་གི་སྐུ་མཆེད་གྲྭ་ཕྲུག་ཨ་བློས་ལི་ཐང་དགོན་པར་གོས་ཆེན་ཚེམ་དྲུབ་ཀྱི་རྗེ་ཡབ་སྲས་གསུམ་དང་སྐུ་འགྱེད་དང་མཆོད་འབུལ་རྒྱ་ཆེན་བགྱིས།

བོད་རབ་བྱུང་བཅུ་དྲུག་པའི་ཤིང་ལུགས་ལོར་སྐྱབས་རྗེ་ཁྲི་བྱང་རིན་པོ་ཆེ་བློ་བཟང་ཡེ་ཤེས་ལི་ཐང་ཐུབ་ཆེན་བྱམས་པ་གླིང་གི་ཚོ་འཕྲུལ་སྨོན་ལམ་ཆེན་མོ་སྐབས་བྱོན་ཏེ་སེར་སྐྱ་ཁྲི་ཉེ་བར་ཐུགས་རྗེ་ཆེན་པོ་ངན་གསོ་ཀུན་གྲོལ་གྱི་རྗེ་གནང་དང་། དགའ་ལྡན་ལྷ་བརྒྱ་མ། ཡོན་ཏན་གཞི་གྱུར་མ། བསྟན་རྒྱས་[page 10] མ་སོགས་ཀྱི་ཁྲིད་ལུང་བསྩལ།

ལོ་དེའི་ས་ག་ཟླ་བའི་དུས་སུ་སྐྱབས་མགོན་རྒྱལ་བའི་དབང་པོ་པེ་ཅིན་དུ་ལྟ་སྐོར་བྱོན་སྐབས་མི་ཉག་ར་རྔ་ཁར་ལི་ཐང་དགོན་པས་གྲལ་སྒྲིག་བྱས་ཏེ་བླ་སྤྲུལ་སེར་སྐྱ་སྟོང་ལྷག་ལ་ཐུགས་རྗེ་ཆེན་པོའི་དབང་ཆེན་དང་ཡོན་ཏན་གཞི་གྱུར་མ་སོགས་ཁྲིད་ལུང་མང་དུ་བསྩལ་བ་ཡིན་ནོ།

དེ་ལྟར་དགོན་འདིའི་མཁན་སྤྲུལ་དགེ་བཤེས་སོགས་རིམ་པར་བྱོན་ཏེ། རྒྱལ་བའི་བསྟན་པ་རིན་པོ་ཆེ་ལམ་བསླབ་པ་གསུམ་གྱི་ཉམས་ལེན་དང་། ལུང་སྡེ་སྣོད་གསུམ་ལ་འཆད་ཉན་སྒོམ་སྒྲུབ་བགྱིས་ཏེ་བཤད་སྒྲུབ་འཁོར་ལོ་གཉིས་ལྡན་གྱི་སྒོ་ནས་གཙུག་ལག་ཁང་བརྒྱད་ཀྱི་ལྷ་ཁང་དང་། ཁམས་ཚན་ཆེ་ཆུང་བཅུ་གཉིས་ཀྱི་འདུ་ཁང་། སྤྱི་སོ་ཁག་དགུའི་ཚོང་ཁང་། བླ་བྲང་ཁག་ཉི་ཤུའི་གཟིམས་ཤག་གྲྭ་ཚང་གཞུང་གི་ཕྱག་མཛོད་དང་ཚོང་གཉེར་ཁང་། གྲྭ་ཤག་ཆེ་ཆུང་བཞི་བརྒྱ་བརྒྱད་ཅུ་ལྷག་ལ་གྲྭ་བཙུན་བཞི་སྟོང་ཙམ་བཞུགས་པ་ཡིན་ནོ།

དགོན་པའི་མཁན་རབས་རིམ་བྱོན། མཁན་རབས་དང་པོ་རྒྱལ་མཆོག་བསོད་ནམས་རྒྱ་མཚོས་ལི་ཐང་ཐུབ་ཆེན་ཆོས་འཁོར་གླིང་བཏབ། མཁན་རབས་གཉིས་པ་མཆོག་སྤྲུལ་བསོད་ནམས་ཡེ་ཤེས་ནས་བཟུང་ལྷ་ས་འབྲས་སྤུངས་ནས་ལི་ཐང་དགོན་དུ་མཁན་པོ་ཐོག་མ་མངག་པའི་སྲོལ་བཏོད། མཁན་རབས་གསུམ་པ་ཚ་བ་ཆོས་རྗེ་རིན་ཆེན་སེང་གེ། བཞི་པ་ནམ་ལངས་ཆོས་རྗེ་བློ་བཟང་བསྟན་འཛིན། ལྔ་པ་བླ་ཡན་ཆོས་རྗེ་རིན་ཆེན་དོན་གྲུབ། དྲུག་པ་ཝ་ཤུལ་ཆོས་རྗེ་དགེ་འདུན་ལས་གྲུབ། བདུན་པ་ཀོང་པ་ཆོས་རྗེ་ལྷུན་གྲུབ་དཔལ་འབྱོར། བརྒྱད་པ་ཨ་ཏི་ཆོས་རྗེ་བློ་བཟང་བསྟན་འཕེལ། དགུ་པ་སྐྱེ་ཤོག་ཆོས་རྗེ་བློ་བཟང་འོད་ཟེར། བཅུ་པ་ཚྭ་བ་ཆོས་རྗེ་བློ་བཟང་རྒྱ་མཚོ། བཅུ་གཅིག་པ་བེ་རི་ཆོས་རྗེ་བློ་བཟང་བསྟན་དར། བཅུ་གཉིས་པ་ཉག་རེ་ཆོས་རྗེ་བློ་བཟང་ཆོས་གྲགས། བཅུ་གསུམ་པ་ཨེ་བེ་ཆོས་རྗེ་བློ་བཟང་མཁས་གྲུབ། བཅུ་བཞི་པ་ཕེན་པོ་ཆོས་རྗེ་བློ་བཟང་འཇམ་དཔལ། བཅོ་ལྔ་པ་སྒོ་མང་ཆོས་རྗེ་དོན་འགྲུབ་རྒྱ་མཚོ།

དེ་ནས་བོད་རབ་བྱུང་བཅུ་གཉིས་པའི་དུས་མཇུག་དང་བོད་རབ་བྱུང་བཅུ་གསུམ་པའི་དུས་འགོ་ཙམ་དུ་དགའ་བ་སངས་རྒྱས་ཆོས་འཕེལ་དབུས་སུ་སློབ་གཉེར་ལ་བྱོན་ཏེ། རྒྱལ་བ་བསྐལ་བཟང་རྒྱ་མཚོ་དང་བླ་སློབ་ཀྱི་འབྲེལ་ཆགས་དང་། རྒྱལ་མཆོག་ཉིད་འཁྲུངས་ཡུལ་ལི་ཐང་ཡིན་པས་རྒྱུན་དུ་ཐུགས་ཁུར་ཆེན་པོ་མཛད་པས། དགའ་བ་སངས་རྒྱས་ཆོས་འཕེལ་གྱིས་རྒྱལ་མཆོག་ལ་ལི་ཐང་དང་ལྷ་ས་བར་ཐག་རིང་བས་མཁན་པོ་དང་གྲྭ་བ་སོགས་སྐྱེལ་བསུ་དཀའ་བ་དང་། མཁན་པོ་རྣམས་ཡར་བྱོན་སྐབས་འབུལ་སྐྱེས་ཚང་མ་དབུས་སུ་འདྲེན་ཏེ་གྲྭ་ཚང་དང་ཁམས་ཚན་ལ་ཕན་གང་ཡང་མི་ཐོགས་པས། ཕྱིན་ཆད་ལི་ཐང་དགོན་པ་རང་གི་ས་གནས་ནས་མཁན་པོ་བསྐོ་གཞག་བྱེད་ཆོག་པའི་བཀའ་ཞུས་ལྟར་བསྩལ་ནས། མཁན་རབས་བཅུ་དྲུག་པ་དགའ་བ་ཆོས་རྗེ་སངས་རྒྱས་ཆོས་འཕེལ། བཅུ་བདུན་པ་དགའ་བ་[page 11] ཆོས་རྗེ་བློང་བཟང་བསྟན་རྒྱས། བཅོ་བརྒྱད་པ་སྦྲ་ནག་ཆོས་རྗེ་བློ་བཟང་ཆོས་འཕགས། བཅུ་དགུ་པ་མོ་ལ་ཆོས་རྗེ་ཕུན་ཚོགས་རྒྱ་མཚོ། ཉི་ཤུ་པ་ཝ་ཤུལ་ཆོས་རྗེ་བློ་བཟང་ཚེ་དབང་། ཉེར་གཅིག་པ་ཝ་ཤུལ་ཆོས་རྗེ་ངག་དབང་ལེགས་བཤད། ཉེར་གཉིས་པ་ཝ་ཤུལ་ཆོས་རྗེ་བསམ་གཏན་རྒྱ་མཚོ། ཉེར་གསུམ་པ་དགའ་བ་ཆོས་རྗེ་ཆོས་གྲགས་འོད་ཟེར། ཉེར་བཞི་པ་སྦྲ་ནག་ཆོས་རྗེ་བློ་བཟང་ཕུན་ཚོགས། ཉེར་ལྔ་པ་མོ་ལ་ཆོས་རྗེ་གྲགས་རྒྱ་མཚོ། ཉེར་དྲུག་པ་ལི་ཐང་ཆོས་རྗེ་བློ་བཟང་སྐལ་ལྡན་རྒྱ་མཚོ། ཉེར་བདུན་པ་ཆ་ཕྲེང་ཆོས་རྗེ་བློ་བཟང་དཔལ་ལྡན་རྒྱ་མཚོ། ཉེར་བརྒྱད་པ་ཝ་ཤུལ་ཆོས་རྗེ་ཕུན་ཚོགས་དར་རྒྱས། ཉེར་དགུ་པ་སྣ་པོ་ཆོས་རྗེ་བློ་བཟང་དོན་གྲུབ། སུམ་ཅུ་པ་གཞི་བ་ཆོས་རྗེ་ཚངས་དབྱངས་རྒྱ་མཚོ། སོ་གཅིག་པ་ཚོ་གསུམ་ཆོས་རྗེ་འཇམ་དབྱངས་ཚུལ་ཁྲིམས། སོ་གཉིས་པ་ལི་ཐང་ཆོས་རྗེ་མཁས་གྲུབ་བློ་བཟང་བསྟན་པའི་རྒྱལ་མཚན། སོ་གསུམ་པ་མོ་ལ་ཆོས་རྗེ་བློ་བཟང་ཆོས་གྲགས། སོ་དྲུག་པ་ལི་ཐང་ཆོས་རྗེ་ཀླུ་སྒྲུབ་ཕུན་ཚོགས། སོ་བདུན་པ་ཚོ་གསུམ་ཆོས་རྗེ་དགེ་འདུན་ཕུན་ཚོགས། སོ་བརྒྱད་པ་གཞི་བ་ཆོས་རྗེ་བློ་གྲོས་ཆོས་བཟང་། སོ་དགུ་པ་ཚོ་གསུམ་ཆོས་རྗེ་བློ་བཟང་ཡར་འཕེལ། བཞི་བཅུ་པ་གཞི་བ་ཆོས་རྗེ་ངག་དབང་འཕྲིན་ལས་སྙན་གྲགས། ཞེ་གཅིག་པ་ཆ་ཕྲེང་ཆོས་རྗེ་ཡེ་ཤེས་རྒྱ་མཚོ། ཞེ་གཉིས་པ་ལྭ་ཤུལ་ཆོས་རྗེ་བྱམས་པ་ཕུན་ཚོགས། ཞེ་གསུམ་པ་འགོ་ལོག་ཆོས་རྗེ་བློ་བཟང་ངག་དབང་དཔལ་ལྡན། ཞེ་བཞི་པ་གཞི་བ་ཆོས་རྗེ་ལྷུན་གྲུབ་རྒྱ་མཚོ། ཞེ་ལྔ་པ་སྣ་པོ་ཆོས་རྗེ་ངག་དབང་འཕྲིན་ལས་སྙན་གྲགས། ཞེ་དྲུག་པ་གཞི་བ་ཆོས་རྗེ་ངག་དབང་བློ་བཟང་འཕྲིན་ལས་ཕུན་ཚོགས། ཞེ་དགུ་པ་མོ་ལ་ཆོས་རྗེ་ཕུན་ཚོགས་ལེགས་ལྡན། ལྔ་བཅུ་པ་གཞི་བ་ཆོས་རྗེ་འཕྲིན་ལས་དམ་ཆོས། ང་གཅིག་པ་ཤོག་དྲུག་ཆོས་རྗེ་དབང་བློ་བཟང་ཡེ་ཤེས་བསྟན་པའི་རྒྱལ་མཚན། ང་གཉིས་པ་གཞི་བ་ཆོས་རྗེ་ངག་དབང་བློ་བཟང་བསྟན་འཛིན་རྒྱ་མཚོ། ང་གསུམ་པ་བཞག་པ་ཆོས་རྗེ་སྦྱིན་པ་ཆོས་དར། ང་བཞི་པ་ལི་ཐང་ཆོས་རྗེ་ངག་དབང་བློ་བཟང་དཔལ་ལྡན་ཀླུ་སྒྲུབ། ང་ལྔ་པ་ཚོ་གསུམ་ཆོ་རྗེ་འཕྲིན་ལས་མཁས་བརྩོན་དགེ་འདུན་འབྱུང་གནས། ང་དྲུག་པ་ལྔ་བཅུ་ཆོས་རྗེ་ཕུན་སུམ་ཚོགས་རྣམ་རྒྱལ། ང་བདུན་པ་དགའ་བ་ཆོས་རྗེ་ངག་དབང་ཀུན་དགའ། ང་བརྒྱད་པ་གཡོན་རུ་ཆོས་རྗེ་ཡོན་ཏན་རྒྱ་མཚོ། ང་དགུ་པ་ཆ་ཕྲེང་ཆོས་རྗེ་ངག་དབང་བློ་བཟང་བསྟན་འཛིན་རབ་དགའ། དྲུག་ཅུ་པ་ལི་ཐང་ཆོས་རྗེ་ངག་དབང་ཚུལ་ཁྲིམས་དར་རྒྱས། རེ་གཅིག་པ་སྣ་པོ་ཆོས་རྗེ་བློ་བཟང་འཇམ་དབྱངས་ལུང་རིག་བསྟན་འཛིན་རྒྱ་མཚོ། རེ་གཉིས་པ་གཡོན་རུ་ཆོས་རྗེ་ངག་དབང་བློ་བཟང་ཡེ་ཤེས་ཆོས་འཕེལ། རེ་གསུམ་པ་སྣ་པོ་ཆོས་རྗེ་ངག་དབང་མཁྱེན་རབ་འཕྲིན་ལས་བསྟན་པའི་རྒྱལ་མཚན། རེ་བཞི་པ་གཡོན་རུ་ཆོས་རྗེ་སྐལ་བཟང་བྱམས་པ་ཕུན་ཚོགས། རེ་ལྔ་པ་གྱང་བ་ཆོས་རྗེ་ངག་དབང་བློ་བཟང་ཀུན་དགའ། རེ་དྲུག་པ་གཡོན་རུ་ཆོས་རྗེ་ངག་དབང་བློ་བཟང་བསྟན་[page 12] འཛིན་འཕྲིན་ལས་རྒྱ་མཚོ། རེ་བདུན་པ་ཆོ་གསུམ་ཆོས་རྗེ་སྦྱིན་པ་མཐུ་སྟོབས། རེ་བརྒྱད་པ་ཨོ་ཐོག་ཆོས་རྗེ་ངག་དབང་བློ་བཟང་འཕྲིན་ལས་ཆོས་འཕེལ། རེ་དགུ་པ་བཞག་པ་ཆོས་རྗེ་འཇམ་དབྱངས་མཁས་གྲུབ། བདུན་ཅུ་པ་གཡོན་རུ་ཆོས་རྗེ་སྐལ་བཟང་ཐུབ་བསྟན་རྒྱ་མཚོ། དོན་གཅིག་པ་མོ་ལ་ཆོས་རྗེ་ཆོས་གྲགས་རྒྱ་མཚོ། དོན་གཉིས་པ་གཡོན་རུ་ཆོས་རྗེ་ཕུན་ཚོགས་གྲགས་པ། དོན་གསུམ་པ་ཤོག་དྲུག་ཆོས་རྗེ་ངག་དབང་བློ་བཟང་བསྟན་འཛིན་འཕྲིན་ལས། དོན་བཞི་པ་གཡོན་རུ་ཆོས་རྗེ་བློ་བཟང་ཡོན་ཏན་སྙན་གྲགས་རྒྱ་མཚོ། དོན་ལྔ་པ་ཚོ་གསུམ་ཆོས་རྗེ་ངག་དབང་བློ་བཟང་འཕྲིན་ལས་རྒྱ་མཚོ། དོན་དྲུག་པ་གཡོན་རུ་ཆོས་རྗེ་བློ་བཟང་ཆོས་ལྡན། དོན་བདུན་པ་དགའ་བ་ཆོས་རྗེ་ཕུན་ཚོགས་འཇམ་དབྱངས། དོན་བརྒྱད་པ་ལྔ་བཅུ་ཆོས་རྗེ་བློ་བཟང་བདེ་ཆེན། དོན་དགུ་པ་འཇའ་བ་ཆོས་རྗེ་ཐུབ་བསྟན་ལུང་རྟོགས། བརྒྱད་ཅུ་པ་ཨོ་ཐོག་ཆོས་རྗེ་བློ་བཟང་ཆོས་འཕགས། གྱ་གཅིག་པ་མོ་ལ་ཆོས་རྗེ་འཇམ་དབྱངས་མཁས་གྲུབ། གྱ་གཉིས་པ་གཡོན་རུ་ཆོས་རྗེ་བློ་བཟང་ཐུབ་བསྟན་ཆོས་ཀྱི་ཉི་མ། གྱ་གསུམ་པ་བཞག་པ་ཆོས་རྗེ་ངག་དབང་བློ་བཟང་བསྟན་འཛིན་སྦྱིན་པ། གྱ་བཞི་པ་གཡོན་རི་ཆོས་རྗེ་ངག་དབང་མཁྱེན་རབ། གྱ་ལྔ་པ་ཚོ་གསུམ་ཆོས་རྗེ་བློ་བཟང་བསྟན་པའི་ཉི་མ། གྱ་དྲུག་པ་གཡོན་རུ་ཆོས་རྗེ་རྟ་མགྲིན་ཚེ་དབང་། གྱ་བདུན་པ་མོ་ལ་ཆོས་རྗེ་འཇམ་དབྱངས་མཁས་བཙུན། གྱ་བརྒྱད་པ་གཡོན་རུ་ཆོས་རྗེ་གླིང་ངག་དབང་བསྟན་འཛིན། གྱ་དགུ་པ་གྱང་པ་ཆོས་རྗེ་དགེ་ལེགས་བསྟན་འཛིན་འཕྲིན་ལས་རྒྱ་མཚོ།

དེ་ལྟར་ལི་ཐང་ཐུབ་ཆེན་ཆོས་འཁོར་གླིང་གི་མཁན་པོ་བསྐོ་ཚུལ་ནི། ཕྱི་འདུལ་བའི་ལག་ལེན་ལ་མཁས་པ། ནང་གསང་སྔགས་ཀྱི་ཆོ་ག་ལ་མཁས་པའི་མཁན་སྤྲུལ་རྣམས་ཀྱི་མཚན་ཤོག་བུ་ལ་བཀོད་དེ་དཀར་ཡོལ་ཡུ་རིང་དུ་བཅུག་ཅིང་། དར་འཕྲུ་དམར་པོ་ཁ་གཡོགས། ཐལ་རྩེ་རྒྱབ་སྟེ་སྲུང་མའི་མདུན་དུ་བཞག་ནས་འཕྲིན་བཅོལ་ཐུགས་སྨོན་མཛད་དེ། ཁྲི་ཐོག་མཁན་པོས་དཀར་ཡོལ་བསྐོར་ནས་གང་བབས་དེ་མཁན་ཁྲིར་མངའ་གསོལ་བ་ཡིན་ནོ། དེ་ལས་གོང་གི་མཁན་པོ་རིམ་བྱོན་རྣམས་ལས་དབུས་ནས་བྱོན་པའི་མཁན་རབས་བཅོ་ལྔ་པོས་ལོ་བརྒྱ་དང་དྲུག་ཅུ་ཙམ་ལ་མཁན་པོ་མཛད་པ་དང་། ལི་ཐང་ས་གནས་རང་གིས་བསྐོས་པའི་དགའ་བ་སངས་རྒྱས་ཆོས་འཕེལ་དང་རྡོ་རིང་བླ་མ་བློ་བཟང་བསྟན་པའི་རྒྱལ་མཚན་གཉིས་ཀྱིས་མཁན་པོ་ལོ་ལྔ་རེ་མཛད། དེ་ནས་བོད་རབ་བྱུང་བཅོ་ལྔ་བའི་དཀྱིལ་ཙམ་ནས་དགོན་པར་མཁན་སྤྲུལ་དང་བཀའ་རིམ་པའི་དགེ་བའི་བཤེས་གཉེན་མང་བས་མཁན་པོ་ལོ་གཉིས་རེ་ཙམ་མཛད་སྲོལ་ཡོད།

སྐུ་གསུང་ཐུགས་རྟེན། དེ་ལ་དགོན་འདིར་ལྷ་ཁང་དང་གཙུག་ལག་ཁང་བརྒྱད་ཡོད་པའི་དེའི་ནང་རྟེན་གྱི་གཙོ་བོ་རྣམས་ཅུང་ཟད་བརྗོད་པར་བྱ་སྟེ། དང་པོ་ཐུབ་ཆེན་ཁང་དུ་རྒྱལ་བ་བསོད་ནམས་རྒྱ་མཚོའི་སྐུ་དངོས་ཀྱི་ཞལ་བཀོད་ལྟར་བཞེངས་པའི་ཐུབ་ཆེན་ཁམས་གསུམ་ཟིལ་གནོན་རྒྱབ་མཐོ་རེ་བཞི་པ་དང་མཆོག་ཟུང་གཉིས། དགོན་པའི་མཁན་པོ་རིམ་བྱོན་ཁྲི་ཟུར་བའི་སྐབས་སུ་བཞེངས་པའི་གདུང་རྟེན་[page 13] བཞི་བཅུ་ལྷག་རྩམ་ཡོད་པ་དེ་དག་རྣམས་ཀྱང་ཟངས་གསེར་སོགས་རིན་པོ་ཆེ་སྣ་ཚོགས་ལས་གྲུབ་པ་དང་། རྒྱུ་སྨན་འདམས་ལས་གྲུབ་པའི་མི་འཁྲུགས་པ་ཐོག་ཚད་དང་རྒྱུ་ཟངས་སེར་ལས་གྲུབ་པའི་རྗེ་ཚེ་འཛིན་མ་ཐོག་ཚད། ཙན་དན་སྦྲུལ་སྙིང་གི་ཇོ་བོ་ལོ་ཀི་ཤྭ་ར་ཁྲུ་གང་། རྒྱལ་བའི་བཀའ་འགྱུར་གྲངས་མ་ངེས་པ་དང་། བསྟན་འགྱུར་རིན་པོ་ཆེ་བུབས་དྲུག གསེར་དངུལ་གྱི་བྲིས་པའི་འབུམ་བསྐལ་བཟང་གསེར་འོད་དང་། མཚལ་པར་གྱི་འབུམ། སྡེ་བ་ཨ་འབྱམ་གྱིས་རྒྱ་ནག་ནས་གདན་དྲངས་བའི་བཀའ་འགྱུར་སྤྲང་སྐས་མ་བཅས་ཧ་ཅང་རྩ་ཆེ་ལ་འགངས་མཐོ་བའི་ཆོས་པོ་ཏི་དུ་མ་བཞུགས་པ་མ་ཟད། སྟག་གུར་དང་གཟིག་གུར་བཅས་མ་ངེས་པ་བཞུགས། གཉིས་པ་ཚོགས་ཆེན་འདུ་ཁང་ཆེན་མོ་རྒྱ་ཁྱོན་ཡངས་ཤིང་གྲྭ་དགེ་འདུན་ཉིས་སྟོང་ལྷག་ཚོགས་ཆོག་པའི་གཞལ་ཡས་ཁང་དེའི་ནང་རྟེན་ནི། སུམ་ཐོག་གཟིམ་ཆུང་སྦུག་ཏུ་འཇམ་དབྱངས་གསུང་འབྱོན་མ་དང་གསེར་སྐུ་ལི་མ་གྲངས་མང་དང་། གཟིམས་ཁང་ཕྱི་མ་ནང་བྱམས་པ་ཨ་སྐས་ནང་སངས་ཞེས་གསུང་འབྱོན་མ་དང་གསེར་ཟངས་ཀྱི་རྒྱལ་བ་བསོད་ནམས་རྒྱ་མཚོ་འདྲ་སྐུ། རྒྱལ་བ་བསྐལ་བཟང་རྒྱ་མཚོའི་འདྲ་སྐུ་བཅས་དང་། བརྒྱད་སྟོང་འཛམ་གླིང་གཡས་བཞག་དང་བཀའ་འགྱུར་བུབས་གཅིག རྒྱལ་བ་བསོད་ནམས་རྒྱ་མཚོའི་ཆིབས་པ་གཡང་འཛིན་གྲོ་དཀར་གྱི་དབུ་ཐོད་དཀྱིལ་དུ་དུང་དཀར་རང་བྱུང་ཅན་དང་། རྒྱལ་བ་སྐལ་བཟང་རྒྱ་མཚོའི་ཞབས་རྗེ་དང་སྐུ་གསུང་ཐུགས་རྟེན་བསམ་གྱི་མི་ཁྱབ་པ་དང་། བར་ཐོག་ལ་ཞལ་རས་ལྷ་ཁང་ནང་དུ་གསང་འདུས། བདེ་མཆོག འཇིགས་བྱེད། མི་འཁྲུགས་པ། རྒྱུད་སྡེ་བཞིའི་དཀྱིལ་འཁོར་གཞལ་ཡས་ཁང་གྲུ་བཞི་སྒོ་བཞི་རྟ་བབས་བཞི་དང་བཅས་པ་འཇིམ་བཟོས་འབུད་དོད་ཚོན་མདངས་རྣམ་པར་བཀྲ་བ་དང་། སྲུང་མ་ཁང་དང་རྣམ་སྲས་ཁང་དུ་དཔལ་ལྡན་ལྷ་མོའི་སྐུ་བརྙན་གཙོས་མགོན་པོ་ཕྱག་དྲུག་པ། མགོན་པོ་ཞལ་བཞི་པ། དམ་ཅན་ཆོས་རྒྱལ། རྒྱལ་ཆེན་རྣམ་སྲས། ཨ་ཕྱི་ཆོས་སྒྲོན། རྒྱལ་པོ་བསྲེ་ཁྲབ། གནས་ཆུང་འཕྲིན་ལས་རྒྱལ་པོ་བཅས་དང་། ཞབས་ཐོག་འདུ་ཁང་སྦུག་ཏུ་རྒྱུ་ཟངས་གསེར་ལས་གྲུབ་པའི་རྗེ་བཙུན་བྱམས་པའི་སྐུ་ཐོག་ཚད་གཅིག་དང་། རྒྱ་ནག་ཚེམ་དྲུབ་ཀྱི་གནས་བརྟན་བཅུ་དྲུག་གི་སྐུ་ཐང་ཉི་ཤུ་དང་། གཞན་ཡང་རོལ་མོ་ཁང་དུ་སྦུབ་ཆལ་འཛམ་གླིང་གཡས་བཞག་དང་གསེར་གཞུང་འཁྱིལ་བ་ཤང་ཤང་སིལ་སྙན་སོགས་གྲངས་མང་དང་། རྒྱ་ནག་དྲིལ་བུ་དང་འཛམ་གྲགས་འཁར་རྔ་སོགས་མཆོད་རྫས་རྩ་ཆེན་གྲངས་མེད་བཞུགས།

གསུམ་པ་འདུ་ཁང་ལྷག་མའམ་གནས་བཅུ་ལྷ་ཁང་དུ་གནས་བརྟན་བྲག་རི་མ་ཞེས་པའི་བྲག་ཕུག་རེ་ནང་གནས་བརྟན་རེ་བཞུགས་པའི་གནས་བརྟན་བཅུ་དྲུག་དང་རྒྱལ་ཆེན་སྡེ་བཞི། རྒྱལ་བའི་བཀའ་འགྱུར་ཆ་ཚང་དང་བསོད་ནམས་རྒྱ་མཚོས་ཕྱག་བཟོས་ཀ་གདོང་བསེ་ཁྲབ་དང་གང་ཉིད་ཀྱི་ཞབས་རྗེས། བཀའ་གདམས་མཆོད་རྟེན་དང་ལི་སྐུ་གང་མང་། རྒྱ་ནག་ཚེམ་དྲུབ་ཀྱི་ཐུབ་པ་གཙོ་འཁོར་གསུམ་དང་རྗེ་བཙུན་བྱམས་པ། རྗེ་ཡབ་སྲས་གསུམ་དང་རྒྱལ་བ་བསོད་ནམས་རྒྱ་མཚོའི་གོས་སྐུ་བཅས་ཐོག་ཚད་གསུམ་[page 14] བཅས་སྐུ་ཐང་རྩ་ཆེན་དུ་མ་བཞུགས་པ་ཡིན་ནོ།

བཞི་པ་རྩེ་ཕོ་བྲང་དམར་པོར་རྒྱུ་ཟངས་གསེར་ལས་གྲུབ་པའི་རྒྱན་དྲུག་མཆོག་གཉིས་དང་རྗེ་ཡབ་སྲས་གསུམ་བཅས་ཐོག་ཚད་གཉིས་ཙམ་དང་། རྒྱུ་ཟངས་གསེར་ལ་རིན་པོ་ཆེ་དུ་མའི་ཕྲ་རྒྱན་དང་བཅས་པའི་སྐྱབས་མགོན་སྐུ་ཕྲེང་གཉིས་པ་རྗེ་བཙུན་ངག་དབང་བློ་བཟང་བསྟན་འཛིན་རྒྱ་མཚོའི་སྐུ་དམར་གདུང་གི་མཆོད་རྟེན་ཐོག་ཚད་གཉིས་དང་དེ་མིན་གྱི་གདུང་རྟེན་ཁ་ཤས་དང་། རྗེ་ཡབ་སྲས་གསུམ་གྱི་གསུང་འབུམ་གྱི་པར་ཤིང་དང་གང་གི་གསུང་འབུམ་བཅས་ཆ་ཚང་། རྒྱལ་ཆེན་རྡོ་རྗེ་ཤུགས་ལྡན་གྱི་སྐུ་བརྙན་བཅས་བཞུགས་སོ། ལྔ་པ་རྗེ་ལྷ་ཁང་དུ་རྒྱུ་ཟངས་གསེར་ལས་གྲུབ་པའི་རྗེ་ཡབ་སྲས་གསུམ་དང་། གནས་བརྟན་བཅུ་དྲུག་མགོན་པོ་ཕྱག་དྲུག་པ། དམ་ཅན་ཆོས་རྒྱལ་ཡབ་ཡུམ་གཉིས་ཀྱི་འདྲ་སྐུ་ཐོག་ཚད་དང་། རྒྱུ་གསེར་དངུལ་གྱི་ཞུན་མ་ལས་བྲིས་པའི་རྒྱལ་བའོ་བཀའ་འགྱུར་རིན་པོ་ཆེ་བཅས་བཞུགས།

དྲུག་པ་པར་ཁང་ཆེན་མོ་ཐུབ་ཆེན་བྱམས་པ་གླིང་དུ་རྒྱུ་ཟངས་གསེར་ལས་གྲུབ་པའི་རྗེ་བཙུན་བྱམས་པ་ཐོག་ཚད་གཉིས་དང་། རྒྱལ་བ་བསོད་ནམས་རྒྱ་མཚོ། རྒྱལ་བ་བསྐལ་བཟང་རྒྱ་མཚོ། རྒྱལ་བ་ཐུབ་བསྟན་རྒྱ་མཚོ། པཎ་ཆེན་ཆོ་ཀྱི་ཉི་མ་བཅས་ཀྱི་སྐུ་རྒྱུ་སྨན་འདམ་ལས་གྲུབ་པ་མི་ཚད་ཙམ་རེ་དང་། འཇང་ས་དམ་རྒྱལ་པོས་བཞེངས་པའི་རྒྱལ་བའི་བཀའ་འགྱུར་རིན་པོ་ཆེ་པར་སྡེབ་སུམ་ཁྲི་བཞི་སྟོང་ལྷག་དང་བྱང་ཆུབ་ལམ་རིམ་ཆེན་མོ་དང་། ཆོས་སྤྱོད་ཡོང་རྫོགས་གསང་བདེ་འཇིགས་གསུམ་བཅས་ཀྱི་བསྐང་གསོ་ཡོངས་རྫོགས་བཅས་ལྡེབ་ལྔ་ཁྲི་ལྷག་ཙམ་བཞུགས་སོ། བདུན་པ་སྨྱུང་གནས་ལྷ་ཁང་དུ་རྒྱུ་རིན་པོ་ཆེ་དང་བྱིན་རྟེན་སྣ་ཚོགས་ཕྱོགས་གཅིག་དུ་བསྡུས་དེ་འཇིམ་པའི་བཟོས་པའི་སྤྱན་རས་གཟིགས་ཕྱག་སྟོང་སྤྱན་སྟོང་ཆེ་བ་ཞིག་དང་། གཏེར་ནས་དྲངས་བའི་རྣམ་པར་སྣང་མཛད་དང་རིན་ཆེན་འབྱུང་ལྡན། འོད་དཔག་མེད། དོན་ཡོད་གྲུབ་པ། མི་བསྐྱོད་པ་བཅས་རྒྱལ་བ་རིགས་ལྔ་དང་། གནས་བརྟན་བཅུ་དྲུག་རྒྱལ་བ་ཐུབ་ཆེན་པོ་བཅས་ཀྱི་འདྲ་སྐུ་རྣམས་བཞུགས་སོ།

གཞན་ཡང་རྒྱལ་བ་བསོད་ནམས་རྒྱ་མཚོས་བཞེངས་པའི་ས་འདུལ་མཆོས་རྟེན་གསེར་མགོ་མ་ཞེས་པའི་མཐའ་སྐོར་དུ་དུང་འཁོར་ཆེན་པོ་བཞི་དང་འཁོར་ཕྲན་བརྒྱ་ལྷག་གིས་བསྐོར་བའི་ལྷ་ཁང་དང་དེའི་ཤར་ལྷོའི་སྒོ་མོ་ཆེ་གཉིས་ལ་དར་བོ་ཆེ་རེ་རེ་བཙུགས་ཡོད་དོ།

ཚེས་དུསཅ་སྒྲུབ་མཆོད་ནི། བོད་ཟླ་དང་པོའི་ཚེས་ལྔ་ནས་བཅོ་ལྔའི་བར་ཆོས་འཕྲུལ་སྨོན་ལམ་ཆེན་མོ། ཚེས་བཅུ་གསུམ་ལ་དགེ་སྐོས་ཚོགས་གཞུང་དུ་ཆོ་འཕྲུལ་སྨོན་ལམ་གྱི་སྒྲོགས་སྦྱང་དང་བཀའ་རིམ་པའི་དགེ་བའི་བཤེས་གཉེན་རྣམས་ཀྱིས་དགེ་འདུན་འདུས་པ་རྒྱ་མཚོ་ལྟ་བུའི་དབུས་སུ་གཞུང་བཀའ་པོ་ལྔ་ལ་བགྲོ་གླེང་དང་རིགས་དྲུག་གི་སྡུག་བསྔལ་སེལ་བའི་དམ་བཅའ་དང་ཐུགས་སྨོན་མཛད། ཚེས་བཅོ་ལྔ་ཉིན་ཐུབ་ཆེན་གོས་སྐུ་བཤམས་སྟོན་དང་། ཚེས་བཅུ་དྲུག་ཉིན་དུང་དང་རྒྱ་གླིང་གིས་སྣ་དྲངས་ཏེ་རྒྱལ་བ་བྱམས་པ་[page 15] རྒྱབ་སྐོར་དུ་བྱོན་ཏེ་ཆོས་རར་རྗེ་བཙུན་བྱམས་པའི་གོས་སྐུ་བཤམས། མཁན་སློབ་རྣམ་གསུམ་དང་དགེ་འདུན་ཡོངས་ཀྱིས་བསྐོར་བ་བྱས་ཏེ་སྐུ་ཁྲུས་མཎྚལ་གསོལ་ཞིང་བྱམས་བསྟོད་དང་བརྟན་བཞུགས་ཤིས་བརྗོད་སོགས་རྒྱས་པར་མཛད་པ་ཡིན་ནོ། བོད་ཟླ་གཉིས་པའི་ཚེས་གཅིག་ནས་ཉི་ཤུའི་བར་མི་འཁྲུགས་པའི་ཆོ་ག་བདག་མདུན་དབང་གསུམ་དང་། བོད་ཟླ་གསུམ་པའི་ཚེས་བདུན་ནས་ཉིན་ཉི་ཤུའི་རིང་ལ་སྨན་བླ་མདོ་རིང་གི་ཆོ་ག་གཉིས་ལྟར་ཆ་ཚང་རེ་གསུང་དགོས་པ་དང་། བོད་ཟླ་བཞི་པའི་ཚེས་གཉིས་ནས་ཉིན་བཅུ་དྲུག་རིང་གསང་འདུས་འཇིག་རྟེན་དབང་ཕྱུག་གི་ཆོ་ག་དང་མ་ཎི་བུམ་སྒྲུབ། ཟླ་བ་དེའི་ཚེས་གཅིག་ནས་སྨྱུང་གནས་ལྷ་ཁང་དུ་སྨྱུང་གནས་དཀར་པོ་ཆ་བརྒྱད་དང་། དེའི་ཚེས་ཉེར་གསུམ་ནས་ཉིན་བདུན་གྱི་བར་མགོན་པོ་གཏེར་ཆེན་གྱི་གཏོར་རྒྱག་གཏོར་སྒྲུབ་བཅས་ཆ་ཚང་དང་། བོད་ཟླ་ལྔ་པའི་ཚེས་བདུན་ནས་ཉིན་བརྒྱད་དུ་གསང་འདུས་མི་བསྐྱོད་རྡོ་རྗེ་བདག་མདུན་དབང་གསུམ་གྱི་ཆོ་ག་དང་དེའི་ཁ་སྐོང་སྦྱིན་སྲེག་དང་བཅས་པ། ཚེས་བཅུ་དགུ་ནས་འཇིགས་བྱེད་སྒྲུབ་མཆོད་ཉིན་བདུན་དང་། ཚེས་ཉེར་བདུན་ནས་རབ་གནས་དགེ་ལེགས་ཆར་འབེབས་ཉིན་གཉིས་དང་དགེ་གཏོར་ཉིན་གཅིག བོད་ཟླ་དྲུག་པའི་ཚེས་དྲུག་ནས་བདེ་མཆོད་ཉིན་བརྒྱད། བོད་ཟླ་དྲུག་པའི་ཚེས་བཅོ་ལྔ་ནས་བོད་ཟླ་བདུན་པའི་ཚེས་སུམ་ཅུའི་བར་དབྱར་གནས། བོད་ཟླ་བདུན་པའི་ཚེས་བརྒྱད་ནས་གསང་འདུས་སྒྲུབ་མཆོད་ཉིན་བརྒྱད་དང་ཚེས་བཅོ་ལྔའི་ཉིན་ཐུབ་ཆེན་གོས་སྐུ་བཤམས་ཤིང་མར་མེ་བརྒྱ་མཆོད་སྦར་ཏེ་བསྔོ་བ་སྨོན་ལམ་མཛད་པ་དེ་ལ་བཞུགས་པའི་བརྒྱ་མཆོད་ཅེས་སོ། ཚེས་ཉེར་གསུམ་ནས་ལྷ་མོ་གཏོར་ཆེན་ཉིན་བདུན། བོད་ཟླ་བརྒྱད་པའི་ཚེས་བཅོ་ལྔ་ནས་འཇིགས་བྱེད་ཉིན་བདུན་དང་། བོད་ཟླ་དགུ་བའི་ཚེས་གསུམ་ནས་བསེ་ཁྲབ་གཏོར་ཆེན་གཏོར་སྒྲུབ་ཉིན་བདུན་དང་། བོད་ཟླ་བཅུ་པའི་ཆོས་མཚམས་སྐབས་བདེ་མཆོག་ཉིན་བདུན་དང་ཚེས་བཅུ་ལ་དམིགས་རྩེ་མ་དུང་འདོན་ཉིན་བཅུ་དང་ཨ་ར་པ་ཙ་དུང་འདོན་ཉིན་གསུམ་དང་། དེའི་ཚེས་ཉེར་གསུམ་ནས་ཚེས་ཉེར་ལྔའི་བར་དགའ་ལྡན་ལྔ་མཆོད་ལ་མར་མེ་ཁྲི་སྟོང་དུ་མ་ཕུལ་ཏེ་རྗེའི་བསྟོད་པ་དང་རྗེའི་རྣམ་ཐར་སོགས་སྐྱོར་སྦྱང་མཛད་པ་ཡིན་ནོ། བོད་ཟླ་བཅུ་གཅིག་པའི་སྐབས་ཆོས་མཚམས་དང་། བོད་ཟླ་བཅུ་གཉིས་པའི་ཚེས་བཅུ་གསུམ་ཉིན་དབུ་ཆོས་རྣམས་ཀྱིས་འཆམ་རྒྱུག་བླངས་ནས་ཚེས་བཅུ་བརྒྱད་བཅུ་དགུ་ལ་སྐྱ་འཆམ་དང་། ཚེས་ཉིར་གཅིག་ནས་སྤྱི་གཏོར་ཉིན་མཚན་དགུ་ལ་འཚོགས་ཏེ། ཚེས་ཉིར་དགུ་ཉིན་སྲུང་མ་རྣམས་སྐུ་དངོས་སུ་བྱོན་པ་བཞིན་རྔམ་བརྗིད་ལྡན་པའི་འབག་འཆམ་ཉིན་གཅིག་དང་ཕྱི་དྲོ་གཏོར་རྒྱག་བཅས་འཚོགས་དགོས་པ་ཡིན་ནོ། དེ་ལས་ཚེས་ཉེར་དགུའི་འཆམ་གྱི་སྐོར་བཅུང་ཟད་བརྗོད་ན། འཆམ་དཔོན་བཞི་ཡོད་པའི་དང་པོ་འཆམ་དཔོན་གཉིས་ནི་སོག་རྒན་སོགས་ཇིང་གིར་རྒྱལ་པོ་བསྟན་འཛིན་ཆོས་རྒྱལ་དང་ཚ་ཁ་ཨ་བསྟན་རྒྱ་པོའི་དགོན་པར་སྐུ་དྲིན་ཆེ་བའི་སྦྱིན་བདག་གཉིས་དང་། རྒྱ་ནག་ཧ་ཤང་དང་ཧ་ཕྲུག་བཞི། ཨ་ཙ་ར་དཀར་ནག་གཉིས། ཐོད་སྐམ་གཉིས། གངས་རུས་བཞི། འཆམ་དཔོན་དམ་ཅན་ཆོས་རྒྱལ། ཡུམ་ཙ་མིན་ཌི། རྡོ་རྗེ་[page 16] འཇིགས་བྱེད། གཤིན་རྗེ་དཀར་དམར་བཞི། དཔལ་ལྡན་ལྷ་མོ། ཆུ་སྲིན་གདོང་ཅན། སེང་གེ་གདོང་ཅན། དཔྱིད་ཀྱི་རྒྱལ་མོ། དབྱར་གྱི་རྒྱལ་མོ། སྟོན་གྱི་རྒྱལ་མོ། དགུན་གྱི་རྒྱལ་མོ། དཔལ་མགོན་ཕྱག་དྲུག་པ། རྒྱལ་ཆེན་རྣམ་ཐོས་སྲས། ཨ་ཕྱི་ཆོས་ཀྱི་སྒྲོལ་མ། བསེ་ཁྲག གནས་ཆུང་འཕྲིན་ལས་རྒྱལ་པོ་བཅས་སྲུང་མ་རྣམས་དང་། ཨ་ཕྱི་མ་འདྲེ་མོ་བཞི། ཞྭ་སྟབས་འཆམ་དཔོན་གཙོས་སྔགས་པའི་ཆ་ལུགས་ལགས་པའི་ཞྭ་ནག་བཅས་འཆམ་པ་ལྔ་བཅུའོ།

གཞན་ཡང་དགོན་པའི་ཁམས་ཚན་སོ་སོའི་བྱེད་སྒོ་ལ་དགོན་པའི་ཕྱེད་ཆ་དཔལ་ལྡན་གཞི་བ་ཁམས་ཚན་ལ་འདུ་ཁང་ཀ་བ་བརྒྱད་ཅུ་ལ་རིང་བཅུ་དྲུག་དང་རི་དྭགས་ཆོས་འཁོར་གསེར་ཏོག་སྤེན་རྒྱན་བཅས་ཀྱིས་ལེགས་པར་བརྒྱན་པའི་གཙུག་ལག་ཁང་དེར། རྒྱུ་ལི་ལས་གྲུབ་པའི་རྗེ་ཡབ་སྲས་གསུམ་དང་། རིག་འཛིན་ཀློང་གསལ་སྙིང་པོས་གཏེར་ནས་བཏོན་པའི་སེང་གདོང་ཕུར་མཇུག་ཅན་དང་། གསེར་དངུལ་བྲིས་ཀྱི་ཐང་ཀ་དང་གདུགས་རྒྱལ་མཚན་ཀ་འཕན་ཡོལ་བ་སོགས་རྩ་ཆེན་དུ་མ་བཞུགས་པར་མ་ཟད། མི་ཚན་གསུམ་ཡོད་དེ། གཡོན་རུ་མི་ཚན། གྲོང་པ་མི་ཚན། ཨོ་ཐོག་མི་ཚན་བཅས་ལ་གྲྭ་དགེ་འདུན་ཉིས་སྟོང་ལྷག་ཙམ་བཞུགས་ཤིང་། ལོ་གསར་ཉིན་གསུམ་དང་། བོད་ཟླ་གསུམ་པར་དུས་འཁོར་ཉིན་ལྔ་འཚོགས་དགོས་པ་ཡིན་ནོ། དེ་བཞིན་དུ་ཚོ་གསུམ་ཁམས་ཚན་ལ་གྲྭ་དགེ་དྲུག་བརྒྱ་ལྷག་ཙམ་བཞུགས་པ་དང་། མོ་ལ་ཁམས་ཚན་ལ་གྲྭ་དགེ་འདུན་བཞི་བརྒྱ་ལྷག་དང་། སྣ་པོ་ཁམས་ཚན་ལ་གྲྭ་སུམ་བརྒྱ་ལྷག་དང་། དགའ་ཁམས་ཚན་ལ་གྲྭ་ཉིས་བརྒྱ་ལྷག་དང་། བྱང་པ་ཁམས་ཚན་ལ་གྲྭ་དགེ་འདུ་ཆིག་བརྒྱ་ལྔ་བཅུ་དང་། བཞག་པ་ཁམས་ཚན་ལ་གྲྭ་དགེ་འདུན་ཆིག་བརྒྱ་ལྷག་དང་། དབྲ་བ་ཁམས་ཚན་ལ་གྲྭ་ཆིག་བརྒྱ་ལྷག་དང་། འགོ་ལོག་ཁམས་ཚད་ལ་གྲྭ་དགེ་འདུན་ལྔ་བཅུ་ལྷག་དང་། ཆ་ཕྲེང་ཁམས་ཚན་ལ་གྲྭ་ལྔ་བཅུ་ཙམ་དང་། མདོ་བ་ཁམས་ཚན་ལ་གྲྭ་སུམ་ཅུ་ལྷག་དང་། ཤོག་དྲུག་ཁམས་ཚན་ལ་གྲྭ་དགེ་འདུན་ཉི་ཤུ་ལྷག་ཙམ་བཞུགས་པ་དེ་དག་ལ་ཁམས་ཚན་སོ་སོས་གཏོང་སྒོ་མཛད་དེ་ལོ་ལྟར་འཚོགས་དགོས་པ་ཡིན་ནོ།

བཤད་སྒྲུབ་ཀྱི་སྲོལ་ཚུགས་ཚུལ་སྐྱབས་མགོན་རྗེ་འཆང་རྗེ་བཙུན་ངག་དབང་བློ་བཟང་བསྟན་འཛིན་འཕྲིན་ལས་དཔལ་བཟང་པོ་གང་གིས་མཚན་ཉིད་ཀྱི་གྲྭ་བཙུགས་ཏེ། སྟག་ཚང་ར་བསྟོད་བསྡུས་གྲྭ། རྣམ་འགྲེལ་ཐར་གསལ་བྱེད། ལེགས་བཤད་གསེར་གྱི་ཕྲེང་བ། རྣམ་བཤད་སྙིང་པོའི་རྒྱན། དྲང་ངེས་ལེགས་བཤད་སྙིང་པོ། འཇུག་འགྲེལ་དགོང་པ་རབ་གསལ། འདུལ་ཊིཀ་ཉི་མའི་འོད་ཟེར། མཛོད་འགྲེལ་མངོན་པའི་རྒྱན། མཛོད་འགྲེལ་ཐར་ལམ་གསལ་བྱེད་སོགས་རྗེ་ཡབ་སྲས་ཀྱི་གསུང་གཙོ་བོར་མཛད་དེ། འཛིན་གྲྭ་བཅུ་གཉིས་ཡོད་པའི་འཛིན་གྲྭ་རེ་ལ་སྐྱོར་དཔོན་གཉིས་རེ་བསྐོས་ཏེ། འཛིན་གྲྭ་དང་པོ་བསྡུས་གྲྭ། གཉིས་པ་རྟགས་རིག གསུམ་པ་བློ་རིག བཞི་པ་དོན་བདུན་ཅུ། ལྔ་པ་གཞུང་འོག་མ། དྲུག་པ་གཞུང་གོང་མ། བདུན་པ་སྐབས་དང་པོ་གཉིས། བརྒྱད་པ་ཕར་ཕྱིན། དགུ་པ་[page 17] དབུ་མ་གསར་པ། བཅུ་པ་དབུ་མ་རྙིང་པ། བཅུ་གཅིག་པ་མཛོད། བཅུ་གཉིས་པ་འདུལ་བའི་འཛིན་གྲྭ་བཅས་འཛི་གྲྭ་བཅུ་གཉིས་ཡོད་པ་དེ་དག་གིས་ལོ་ལྟར་ཟླ་བ་གསུམ་པའི་ཟླ་ཆོས་དང་། ཟླ་བ་བརྒྱད་པའི་ཟླ་ཆོས། ཟླ་བ་བཅུ་གཅིག་པའི་ཟླ་ཆོས་བཅས་གསུམ་རེ་འཚོགས་དགོས་ཤིང་། གཞུང་བཀའ་པོད་ལྔ་ལ་སློབ་མཐར་ཕྱིན་རྗེས་བཀའ་རམས་པ་འདུས་པ་རྒྱ་མཚོ་ལྟ་བུའི་དབུས་སུ་རྩོད་རྒྱུགས་བླངས་ནས་མཁན་སློབ་རྣམ་གསུམ་གྱིས་དགེ་བཤེས་ཀྱི་མཚན་གསོལ་བ་ཡིན་ནོ།

ཡོན་གྱི་འབྱུང་ཁུངས། གཉེར་པ་རོགས་ལྡན་ལྔའི་ལས་འགན་ནི་དགོན་གཞུང་གྱི་གྲྭ་ཚང་ལ་མ་དངུལ་གང་ཡང་མེད་པར་གཙོ་བོ་མི་སེར་རྣམས་ལ་རྐྱེན་ངན་བར་ཆད་གེགས་སེལ་དང་བསྔོ་བ་སྨོན་ལམ་བྱེད་པའི་ཡོན་སྦྱོར་ལོ་གཅིག་ལ་དངུལ་རྡོ་ཚད་ལྔ་སྟོང་དང་། མཆོད་འབྲུ་ཁལ་ཉིས་སྟོང་ཡོད་པ་དེས་ལོ་གཅིག་གི་འགྲོ་སོང་དང་གཏོང་སྒོ་བྱེད་དགོས་པ་དང་། དགོན་གཞུང་གི་ཕྱག་མཛོད་སྐུ་སྦུག་མ་བཞིའི་ལག་དུ་དགོན་གཞུང་གི་མ་དངུལ་དང་མཚན་ཉིད་གྲྭ་ཚང་གི་མ་དངུལ་བཅས་རྡོ་ཚད་ཉིས་སྟོང་ལྷག་དང་། དགོན་གཞུང་སྤྱི་ལོ་ཁག་མ་དྲུག་གི་ལག་དུ་མ་དངུལ་རྡོ་ཚད་སུམ་སྟོང་ལྷག་ཙམ་ཡོད་པ་དེ་དག་གིས་བུན་སྐྱེད་དང་ཁེ་ཚོང་བྱས་ནས་ལོ་གཅིག་གི་འགྲོ་སོང་མཛད་རྗེས་མ་དངུལ་གང་ཡོད་ཆད་ལྷག་མེད་པར་དགོན་གཞུང་ལ་སྤྲོད་དགོས། ཞབས་བརྟན་སྤྱི་སོ་ལ་ལོ་ལྟར་འབྲུ་རིགས་ཁལ་སུམ་ཅུ་སོ་བཞི་ཙམ་དོ།

ཁམས་ཚན་སོ་སོའི་དཔལ་འབྱོར་སྐོར། གཞི་བ་ཁམས་ཚན་གྱི་ལོ་གསར་སྤྱི་ལོ་ལ་ལོ་གསར་གཏོང་སྒོའི་མ་དངུལ་རྡོ་ཚད་ལྔ་བརྒྱ་ལྷག་དང་། རྒན་བསམ་གཞུང་ལ་མ་དངུལ་རྡོ་ཚད་བརྒྱ་དང་། དགེ་རྒན་མི་གསུམ་ལག་དུ་རྡོ་ཚད་ཉིས་བརྒྱ་དང་། དགེ་འདྲ་མི་གསུམ་ལག་དུ་དངུལ་རྡོ་ཚད་བརྒྱ་ཡོད་དེ་དག་གི་ཁེ་སྐྱེད་སོགས་གོང་ལྟར་དང་། ས་ཞིང་མུའུ་བརྒྱད་ཅུ་ཙམ་ཡོད་པའི་འབྲུ་རིགས་ལོ་ལྟར་བསྡུ་ཆོག་པ་ཡིན་ནོ། ཚོ་གསུམ་ཁསམ་ཚན་ལ་རྒན་བསམ་ཞུང་ལག་དུ་མ་དངུལ་རྡོ་ཚད་བརྒྱ་དང་། དགེ་རྒན་དགེ་འདྲ་མི་དྲུག་ལག་ཏུ་མ་དངུལ་རྡོ་ཚད་སུམ་བརྒྱ་དང་ས་ཞིང་ཁལ་གསུམ་ལྷག་ཙམ་ཡོད་པའི་འགྲོ་སོང་དང་གཏོང་སྒོ་གོང་དང་མཚུངས།

མོ་ལ་ཁམས་ཚད་རྒན་བསམ་གཞུང་ལག་དུ་མ་དངུལ་རྡོ་ཚད་ལྔ་བཅུ་ལྷག་དང་། དགེ་རྒན་དང་དགེ་འདྲ་མི་དྲུག་གི་ལག་དུ་མ་དངུལ་རྡོ་ཚད་ཉིས་བརྒྱ་ལྷག་དང་ས་ཞིང་ཁལ་དྲུག་ལྷག་ཙམ་ཡོད་དོ།

སྣ་པོ་ཁམས་ཚན་ལ་རྒན་བསམ་གཞུང་གི་ལག་དུ་མ་དངུལ་རྡོ་ཚད་སུམ་བརྒྱ་ཙམ་དང་དགེ་རྒན་འདྲའི་ལག་དུ་མ་དངུལ་རྡོ་ཚད་ཉིས་བརྒྱ་ལང་བཅུ་ཙམ་ཡོད་དོ། དགའ་བ་ཁམས་ཚན་ལ་དགེ་རྒན་མི་གདུམ་ལག་དུ་མ་དངུལ་རྡོ་ཚད་བརྒྱ་ཙམ་ཡོད་དོ། གྱང་བ་ཁམས་ཚན་གྱི་དགེ་རྒན་མི་གཉིས་ལ་མ་དངུལ་རྡོ་ཚད་དྲུག་ཅུ་ཙམ་དང་། བཞག་པ་ཁམས་ཚན་གྱི་དགེ་རྒན་མི་ཁ་ཤས་ཀྱི་ལག་དུ་མ་དངུལ་རྡོ་ཚད་ལྔ་བཅུ་དང་ས་ཞིང་ཁལ་གསུམ་ལྷག་ཙམ་དང་། དབྲ་བ་ཁསམ་ཚན་གྱི་དགེ་རྒན་མི་ཁ་ཤས་ཀྱི་ལག་དུ་མ་[page 18] དངུལ་རྡོ་ཚད་བཞི་བཅུ་ལྷག་དང་། འགོ་ལོག་ཁམས་ཚན་གྱི་དགེ་རྒན་ཚོའི་ལག་དུ་མ་དངུལ་རྡོ་ཚད་སུམ་ཅུ་དང་། ཆ་ཕྲེང་ཁམས་ཚན་གྱི་དགེ་རྒན་ལག་དུ་མ་དངུལ་རྡོ་ཚད་སུམ་ཅུ་དང་། དེ་ལས་མཚན་ཉིད་གྲྭ་ཚང་ལ་འབྲི་སུམ་བརྒྱ་ལྷག་ཙམ་ཤེ་མ་བཞག་ཡོད་པས་ལོ་ལྟར་མར་རྒྱ་མ་བཞི་སྟོང་ཙམ་དང་ཞིང་པའི་ས་ཁུལ་ལ་ཡོ་ཡག་དུས་འབྲུ་ཁལ་བཞི་ཙམ་སློང་ཐུབ་པ་ཡིན་ནོ།

དགོན་གྱི་བླ་བྲང་མཁན་པོ་ཁྲི་བ་ལ་དཔལ་འབྱོར་ཐད་མ་དངུལ་གང་ཡང་མེད་པས་བླ་བྲང་གི་གཉེར་པས་ཡུལ་གང་གི་འགོ་པ་ཇ་བག་ཁ་ཤས་སྦྱིན་ནས་འགོ་བ་དེས་རོགས་མཛད་དེ་ལོ་ཡག་དུས་འབྲུ་ཁལ་བཞི་བརྒྱ་ལྷག་ཙམ་དང་མར་དོ་བོ་བཅུ་ཙམ་བསྡུ་ཐུབ་པས་དེ་དག་གིས་འགྲོ་སོང་གཏོང་དགོས་པ་ཡིན་ནོ།

སྐྱབས་མགོན་བླ་བྲང་གི་ཕྱག་རྫས་བདག་གཉེར་པ་ཕྱག་མཛོད་རྒན་གཞོན་བཞི་དང་དྲུག་ཡིག་བདག་གཉེར་པ་བཅས་ཡོད་པའི་ཕྱག་མཛོད་ཁང་ཆེན་ཞིག་བཙུགས་ཏེ་བླ་མ་ལ་འབུལ་བའི་རྒྱུ་ནོར་ཕལ་ཆེར་ཚོད་རྩིས་བྱས་ན་དངུལ་རྡོ་ཚད་སྟོང་ཕྲག་གཉིས་གསུམ་ཙམ་ཡོད་པ་ཡིན་ནོ།

རྩ་འཛུགས་དང་སྲིད་འཛིན། དགོན་པའི་རྩ་འཛུགས་ལ་མཁན་པོ་ཁྲི་བ་གཅིག་དང་། བླ་མ་སློབ་དཔོན། མཚན་ཉིད་མཁན་པོ། དགེ་སྐོས་རྒན་གཞོན་གཉིས། ཚོགས་ཆེན་དབུ་མཛད། རྒྱུད་གཞུང་དབུ་མཛད། སྐུ་རིམ་དབུ་མཛད། མགྲོན་གཉེར་གཅིག ལས་ཐོག་བླ་བྲང་ལ་ཕྱག་མཛོད་རྒན་གཞོན་གཉིས། ཨ་དྲུང་རྒན་གཞོན་གཉིས། གསོལ་དཔོན་རྒན་གཞོན་གཉིས་བཅས་གྲྭ་པ་བཅུ་གསུམ། ཕྱག་མཛོད་སྦུག་མ་བཞི། དགེ་གཡོག་བཞི། པར་དཔོན་དང་མཆོད་རྫས་འགོ་བ། རྒན་བསམ་བཅོ་བརྒྱད། དགོན་གཞུང་ལ་གཉེར་རྒན་དང་ཉེར་ཆུང་གཉིས། རོགས་ལྡན་གཉིས། དྲུང་ཡིག་གཅིག་དགོན་གཞུང་དུ་སྤྱི་ལོ་ཁག་མ་དྲུག ཁམས་ཚན་དྲུག སྐྱབས་མགོན་བླ་བྲང་ཁག་སོ་སོ་བཅས་སོ།

དགོན་པའི་ཆོས་སྲིད་མཉམ་འབྲེལ་གྱི་བདག་པོ་མཁན་པོ་ཁྲི་བས་ནི་ཆོས་ཕྱོགས་ཀྱི་བྱེད་སྒོར་གཟིགས་སྐྱོང་གནང་དགོས་པ་མ་ཟད་སྲིད་ཕྱོགས་ལ་ཡང་གཟིགས་སྐྱོན་གནང་དགོས། ཆོས་ཕྱོགས་སུ་གཙོ་བོ་དམ་པ་གོང་མའི་ཕྱག་སྲོལ་མི་ཉམས་གོང་འཕེལ་བཏང་སྟེ་མདོ་སྔགས་ཟུང་འབྲེལ་གྱི་བསྟན་པ་འཛིན་སྐྱོང་སྤེལ་གསུམ་གནང་ནས་ལོ་ལྟར་ཟླ་བ་དྲུག་པའི་ཚེས་བཅོ་ལྔ་ཉིན་ནས་ཟླ་བ་བརྒྱད་པའི་ཚེས་གཅིག་བར། དབྱར་གནས་དགག་དབྱེ་སོགས་གཞི་གསུམ་གྱི་ཆོ་ག་ལག་ལེན་དང་ཟླ་བ་ཡར་ངོའི་བཅོ་ལྔ་དང་མར་ངོའི་སུམ་ཅུ་ལ་ཆད་མེད་གསོ་སྦྱོང་དང་། ལོ་ལྟར་ཟླ་བ་བཞི་པའི་ཚེས་བཅོ་ལྔ་ལ་མདོ་རིང་བློ་སྐྱོར་དགེ་འདུན་སྤྱིའི་འདུལ་ཁྲིམས་བཅས་ཆོས་འདུལ་པའི་བཅའ་ཁྲིམས་ལྟར་དགོན་གྱིས་བཅའ་ཡིག་ཆེན་མོ་ཚོགས་གཞུང་དུ་བསྒྲག་སྦྱངས་གནང་བ་སོགས་ཀྱི་ཕྱག་ལེན་མཛད་དགོས་སོ།

བླ་མ་སློབ་དཔོན་གྱི་འགན་གཙོ་བོ་ནི་རྒྱུད་སྡེ་བཞི་སོགས་སྔགས་ཀྱི་སྒྲུབ་ཐབས་དང་དཀྱིལ་འཁོར་ཆོ་ག་རྣམས་ལེགས་པར་ཕྱག་ལེན་དགོས་པ་དེ་ཡིན། མཚན་ཉིད་མཁན་པོའི་འགན་གཙོ་བོ་ནི་མདོ་[page 19] ཕྱོགས་གཞུང་ཆེན་མོ་ཕར་ཕྱིན་དབུ་མ་འདུལ་མཛོད་རྣམས་ཀྱི་སློབ་གཉེར་རྩོད་གྲྭ་སོགས་དང་། འཛིན་གྲྭ་བཅུ་གཉིས་དང་མཚན་ཉིད་པ་སུམ་བརྒྱ་ལྷག་གི་མཁན་པོའི་མཛད་དགོས་པ་ཡིན་ནོ།

ཚོགས་ཆེན་དབུ་མཛད་ཆེན་མོའི་འགན་ནི་ལོ་གཅིག་གི་འདོན་རྟ་དབྱངས་རྡུང་རྔ་ཆིངས་སོགས་འགན་འཛིན་གནང་ནས་མདོ་སྔགས་ཕྱོགས་ཀྱི་འདོན་ཆ་རྣམས་བློ་ལ་འདོན་དགོས། རྒྱུད་གཞུང་དབུ་མཛད་ཀྱི་འགན་ནི་རྒྱུད་སྡེ་བཞིའི་རྒྱུད་གཞུང་རྣམས་སྐྱོར་སྦྱོང་དང་། སྐུ་རིམ་དབུ་མཛད་ཀྱི་འགན་ནི་དགོན་པ་སྤྱིའི་རིམ་འགྲོ་དང་སྦྱིན་བདག་རྣམས་ཀྱིས་ཞུས་པའི་རིམ་གྲོ་སོགས་དགུང་ཚོགས་རྒྱུན་དུ་བྱེད་དགོས་པ་ཡིན་ནོ།

དགེ་སྐོས་རྒན་པའི་འགན་ནི་འདུལ་བའི་བཅའ་ཁྲིམས་ལྟར་དགེ་འདུན་པའི་སྒྲིག་ལམ་ཀུན་སྤྱོད་དང་སྒྲུབ་མཆོད་དང་དུས་མཆོད་སོ་སོའི་སྐབས་ཉིན་ལྟར་ཇ་ཞུས་དང་རྒྱུད་སྡེ་བཞིའི་ཆེད་བརྗོད་དང་ཟླ་བ་བཞི་པའི་ཚེས་བཅོ་ལྔ་ལ་རྗེ་བསོད་ནམས་རྒྱ་མཚོའི་རྣམ་ཐར་དང་། ཟླ་བ་བཅུ་པའི་ཚེས་ཉེར་ལྔའི་ལྔ་མཆོད་ཉིན་རྗེ་རིན་པོ་ཆེའི་རྣམ་ཐར། ཟླ་བ་དང་པོའི་ཚེས་བཅུ་གསུམ་ཉིན་ཆོ་འཕྲུལ་བཤད་པ་བཅས་ཚོགས་གཞུང་དུ་བློ་ལ་འདོན་དགོས་པ་མ་ཟད་དགོན་གྱི་ལས་སྣེ་སོ་སོའི་འགན་ཁུར་ཡོད་མེད་བརྟག་དཔྱད་གནང་དགོས་པ་དེ་ལ་དགེ་སྐོས་གཞོན་པས་རྒན་པ་རམ་འདེགས་བྱེད་དགོས་སོ།

ཚོགས་ཆེན་དགོན་གཞུང་ལ་གཉེར་བ་རྒན་གཞོན་གཉིས་དང་། རོགས་ལྡན་གཉིས། དྲུང་ཡིག་གཅིག་བཅས་མི་ལྔའི་ལས་འགན་ནི་ལོ་གཅིག་གི་ནང་ལ་ལི་ཐང་དགོན་པའི་ཆོས་དད་མང་ཚོགས་རིམ་གྲོ་དང་བསྔོ་སྨོན་གྱི་སྐུ་ཡོན་བདག་གཉེར་བྱས་ཏེ་བཙང་བའི་དངོས་རྫས་ཀྱི་ཡོང་འབབ་གང་ཡོད་དེ་དགོན་གཞུང་དུས་མཆོད་སོགས་ལ་རྒྱུན་ཇ་དང་མཆོད་པ་མཆོད་མེ་སོགས་འགྲོ་སོང་བྱས་པའི་དངུལ་ལྷག་གང་ཡོད་དགེ་འདུན་པའི་ཕྱག་དུ་ཕུལ་དགོས་པ་གང་ཉིད་ཀྱི་འགན་ལོ་གཅིག་ནོ།

དགོན་གཞུང་ལ་སྤྱི་སོ་ཁག་མ་དྲུག་ཡོད་དེ། སྤྱི་རྒན་མ་དང་ཞབས་བརྟན་སྤྱི་སོ། བླ་བྲང་སྤྱི་སོ། སྭ་ཤུལ་སྤྱི་ལོ། པར་ཁང་སྤྱི་སོ། བར་མ་སྤྱི་སོ་བཅས་དྲུག་ཡོད་པའི་སྤྱི་སོ་རེ་ལ་དགོན་གཞུང་གི་མ་དངུལ་རྡོ་ཚད་ལྔ་བརྒྱ་ལྷག་ཙམ་ཡོད་པ་ལས་ཚོང་བྱས་ཏེ་ཁེ་སྐྱེད་ལས་ལོ་ལྟར་གྲངས་ཚད་ཡོད་པའི་གཏོང་སྒོ་དང་འགྲོ་སོང་ཅི་རིགས་བཏང་སྟེ། ལོ་གསུམ་གྱི་རྗེས་སུ་མ་དངུལ་ཆད་ལྷག་མེད་པར་གཞུང་ལ་སྤྲོད་དགོས་པ་ཡིན་ནོ།

དགོན་པའི་མཁན་པོ་ཁྲི་བ་ལ་བླ་བྲང་ཞེས་མིང་བཏགས་ཏེ་སྐུ་འཁོར་བཅུ་གསུམ་ཡོད་པ་ལས་མཁན་པོ་དང་མགྲོན་གཉེར་ནི་ཆོས་སྲིད་དབང་འཛིན་ལས་ཁུངས་ཡིན་ལ། སྔོན་མཁན་པོ་དབུས་ནས་ཕེབས་སྐབས་བོད་ལུགས་སྲོལ་ལྟར་མགྲོན་གཉེར་གཅིག་དང་ཨ་དྲུང་རྒན་གཞོན་གཉིས་སོགས་གོ་གནས་དང་དབང་ཆ་ཤིན་ཏུ་ཆེ་བ་དང་། ཕྱག་མཛོད་རྒན་གཞོན་གཉིས་དང་གསོལ་དཔོན་རྒན་གཞོན་གཉིས་བཅས་དང་གཞན་ཡང་སྐུ་འཁོར་དུ་མ་བཞུགས། མཁན་པོ་བརྗེ་ལེན་སྐབས་དགོན་གཞུང་དུ་མཆོད་རྟེན་[page 20] སོགས་སྐུ་གསུང་ཐུགས་རྟེན་གང་རུང་རེ་འཇོག་དགོས་པ་ཡིན་ནོ།

སྐྱབས་མགོན་བླ་བྲང་ལ་ཕྱག་མཛོད་རྒན་གཞོན་བཞི་དང་དྲུང་ཡིག་བཅས་འབྱོར་ཕྱུག་ལྡན་པའི་བླ་བྲང་ཆེ་ཁག་ཅིག་ཡིན་པས་དེའི་འོག་ཏུ་སྒོ་སོག་བླ་བྲང་དང་། ཁྲོམ་ཐོག་བླ་བྲང་། ཨ་རྫ་བླ་བྲང་། བྲག་དཀར་བླ་བྲང་། འཛམ་གླིང་བླ་བྲང་། ཚྭ་ལྷག་བླ་བྲང་། ག་གཟི་བླ་བྲང་། གཙང་ཤུལ་བླ་བྲང་། སྨ་ཁམས་བ་བྲང་། ཁྲི་དཔོན་བླ་བྲང་། ཨ་ཀྱོག་བླ་བྲང་། བཞག་བླ་བྲང་། སྒོ་སྦེ་བླ་བྲང་། ཀླུ་ཟུང་བླ་བྲང་། ནང་རིགས་བླ་བྲང་། བྱ་རྫ་བླ་བྲང་། ཞོ་རིས་བླ་བྲང་། ཕོ་ཉ་བླ་བྲང་བཅས་དམིགས་བསལ་དང་ལྡན་པའི་བླ་བྲང་ཁག་དུ་མ་ཡོད་དོ།

གཞན་ཡང་གཞི་བ་ཁམས་ཚན་ལ་རྒན་པ་ལྔ་དང་ཚོ་གསུམ་ཁམས་ཚན་ལ་རྒན་པ་གསུམ། མོ་ལ་ཁམས་ཚན་ལ་རྒན་པ་གཉིས། སྣ་པོ་ཁམས་ཚན་ལ་རྒན་པ་གཉིས། དགའ་བ་ཁམས་ཚན་ལ་རྒན་པ་གཅིག གྱང་བ་ཁམས་ཚན་ལ་རྒན་པ་གཅིག བཞག་པ་ཁམས་ཚན་ལ་རྒན་པ་གཅིག དབྲ་བ་ཁམས་ཚན་ལ་རྒན་པ་གཅིག ཆ་ཕྲེང་ཁམས་ཚན་ལ་རྒན་པ་གཅིག ཤོག་དྲུག་ཁམས་ཚན་ལ་རྒན་པ་གཅིག མདོ་པ་ཁམས་ཚན་ལ་རྒན་པ་གཅིག་བཅས་རྒན་བསམ་བཅོ་བརྒྱད་ནི་ཁམས་ཚན་སོ་སོའི་བྱ་བ་ཐག་གཅོད་པའི་དབང་ཆ་ཡོད་དོ།

པར་དཔོན་གྱི་འགན་ནི་བཀའ་འགྱུར་སོགས་པར་སྐྲུན་བྱེད་སྐབས་འགན་ཁུར་དང་བདག་སྲུང་བྱེད་དགོས། མཆོད་རྫས་འགོ་བའི་འགན་ནི་གཙུག་ལག་ཁང་སོ་སོའི་མཆོད་ཆས་རྒྱུ་ནོར་སོགས་བདག་གཉེར་བྱེད་དགོས།

དགོས་པའི་ཕྱག་སྦུབ་བཞི་ནི་གཅིག་དགུ་བཅུ་ཞེ་གསུམ་ལོར་སྐྱབས་གོན་སྐུ་ཕྲེང་གཉིས་པས་དགོན་པ་བདག་གཉེར་དང་འཛུགས་སྐྲུན་བྱེད་སྐབས་ཁམས་ཚན་སོ་སོའི་ནང་གི་རྒན་ཟུར་གདམ་གསེས་བྱས་ཏེ་ཕྱག་སྦུབ་བཞི་བསྐོ་གཞག་གནང་སྟེ་དགོན་གཞུང་དུ་མ་དངུལ་བདག་གཉེར་དང་སྲིད་འཛིན་ཐོག་དབང་འཛིན་ཤུགས་སྣོན་བྱེད་པའི་ལས་ཁུངས་ཤིག་བཙུགས་པ་ཡིན་ནོ།

དགོན་པའི་སྲོད་འཛིན་ནི་དགོན་པ་བཙུགས་ནས་བཟུང་མཁན་པོ་ཁྲི་བ་དང་མགྲོན་གཉེར་རྣམས་དགོན་གཞུང་གི་ཐམ་ཀའི་བདག་པོ་དང་། ཁམས་ཚན་སོ་སོའི་རྒན་བསམ་བཅོ་བརྒྱད་དང་དགེ་སྐོས་རྒན་པ་རྣམས་ཐམ་ཀའི་བདག་པོ་ཡིན་པ་མ་ཟད་སྲིད་འཛིན་ལས་ཁུངས་དང་ཁྲིམས་དང་ཁྲིམས་འཛིན་ལས་ཁུངས་ཀྱང་ཡིན་པས་དམངས་དོན་ཐམས་ཅད་བདག་གཉེར་བྱས་ཏེ་ཐག་གཅོད་བྱེད་དགོས་པ་དང་། བར་སྐབས་ཤིག་ནས་གོང་གི་ཁྲིམས་འཛིན་བདག་པོ་ལ་ཕྱག་བཞིས་ཤུགས་སྣོན་དང་ས་གནས་དཔོན་དང་མཉམ་དུ་སྤྱིར་ཁྲིམས་དང་འགལ་བ་ལ་ཁྲིམས་ཆད་དང་བཙོན་ཁང་། བྱེ་བྲག་དགོན་པའི་ཁྲིམས་དང་འགལ་ན་གྲྭ་བཙུན་རྣམས་ཀ་བ་དང་སྐྱེ་ཕོ་མོ་རྣམས་ཕུར་པར་བཅིངས་བ་དང་། ཉེས་པ་ཆེ་ཆུང་ལ་བརྟེན་ནས་དངོས་ཆད་དང་ལུས་ཆད་གཅོད་དགོས་པ་དང་དགོན་པའི་རྒྱུ་ནོར་བུད་སྐྱེད་དང་དངོས་རྫས་[page 21] བཙོང་བའི་རིན་སྒོར་སོགས་མི་སྤྲོད་ན་མི་དེ་དང་དུད་ཁ་དེ་ཡི་ཁང་པ་དང་རྒྱུ་ནོར་གཞུང་བཞེས་ཀྱང་བྱ་ཆོག་པ་ཡིན་ནོ།།

དགོན་པའི་བཅའ་ཁྲིམས། རབ་བྱུང་གི་རྟགས་ཆ་ལུགས་རྣམས་རུང་བ་ཚད་ལྡན་མ་གཏོགས་རྒྱགས་པ་དང་དྲེགས་པ་འཕེལ་བའི་ཁ་མདོག་བཟང་བ་དང་ཚད་ལས་ལྷག་པའི་མཆོར་ཆས་དང་། མཐང་ཤམ་རྔུལ་གཟན་མེད་པར་སམ་སྲང་དང་ཕྱི་རོལ་ཏུ་མི་འགྲོ་བྱེས་བགྲོད་ལྟ་བུའི་ཚེ་ཆང་དང་། ཕྱི་དྲོའི་ཁ་ཟས་འཛེམ་མེད་དུ་སྤྱོད་པ། འཁྲུག་གྲལ་དུ་གོ་གྱོན་མཚོན་ཐོགས་ཁྲིམས་གྲོགས་མེད་པར་ཉེ་དུ་མིན་པའི་བུད་མེད་དང་གནས་དབེན་པ་སྐྱབས་མེད་པར་ཞག་ཏུ་ལྷན་ཅིག་ཉལ་པ་བྱུང་ན་སླར་གྲལ་འདིར་མི་འཇུག་པའམ། ཡང་ན་ཆང་ཕྱི་དྲོའི་ཁ་ཟས་འཁྲུག་པ་གསུམ་ལ་མང་ཇ་ཚ་ར་འབུལ་ཚན་སོགས་ཀྱི་ཆད་པ་དང་། ཕྱི་མ་ལ་མི་ཚངས་སྤྱོད་ཀྱི་སྐྱོན་ཡོད་མེད་ཀྱི་ཆར་ལག་འདོགས་ཀྱིས་དག་པར་བྱས་ནས་སྤྱོད་ལམ་མ་བཟོས་པ་ལ་ཆད་པ་གོང་བཞིན་སྒྲུབ། སྤྱི་ལོའི་འདུ་ཁང་དུ་སྡེ་གཉིས་ཀ་འཚོགས་པའི་ཚེ་ཆབ་སྐད་དང་དུང་གཏོང་ལུགས་སོགས་དཔལ་ལྡན་སྤུངས་དང་མཐུན་པར་བྱེད། གྲལ་མཚེས་དང་ལོག་གཏམ་སྨྲ་བ། གཉིད་ལོག་པ། བཞད་གད། རྩིག་པ་དང་ཀ་བར་བསྙེ་བ། དེ་དག་ལ་མཆིལ་སྣབས་འདོར་བ་སོགས་བདུད་ལས་རྣམས་སྤངས་ཏེ་མ་ཡེངས་བར་ཆོས་སྤྱོད་ཀྱི་རམ་འདེགས། བསྙེན་བཀུར་ལ་སྤྱོད་པའི་ཚེ་ཅག་ཅག་ཧུ་ཧུ་དང་ལྕེ་པ་སོགས་ཆོས་འདུལ་བ་ནས་བཀག་པ་རྣམས་མི་བྱེད། བཤོལ་དུ་མི་བཏུབ་པའི་རིས་མ་བྱུང་བར་བསྔོ་བ་ཚར་གོང་ནས་འགྲོ་བ་དང་། ཚོགས་གྱེས་པའི་ཚེ་གཞན་དག་གིས་འཕྱ་སྨོན་གྱི་གནས་སུ་འགྲོ་བར་མ་བྱའོ།

ཡོ་བྱད་ཀྱི་དབུལ་བའི་ནད་པ་དང་འདུ་སྡེ་འདིའི་ཁོངས་སུ་མི་གཏོགས་པའི་ནད་པ་སོགས་ཉམ་ཐག་པའི་ཡུལ་རྣམས་ལ་ཟས་གོས་དང་སྨན་ནད་གཡོག་སོགས་རིམ་གྲོ་བྱེད། ནད་རིམས་ཡོད་སར་ཕྱིན་ན་དགེ་འདུན་སྤྱི་ལ་འབག་པའི་ཉེས་ཡོད་པས་མི་འགྲོ། སྲོག་ལ་རྒོལ་བར་ཐུག་པའི་ནག་ཆེན་སྐྱབས་འཚོས་བར་བྱུང་ན་བསྟན་ཅིང་། རྒྱང་གྲགས་གཅིག་ཚུན་གྱི་རི་ཀླུང་དུ་སེམས་ཅན་བརྔོན་པ་བསྲུང་ཏེ་མི་འཇིགས་པའི་སྦྱིན་པ་སྟེར། རྩ་བ་བཞི་ལ་སྐྱོན་གང་བྱུང་ན་གནས་ནས་དབྱུང་བ་ཐག་ཆོད་དང་། དགེ་འདུན་རྣམས་ཀྱིས་བག་མེད་པའི་སྤྱོད་ལམ་སྤངས་ཏེ་གཞན་དག་དང་བ་འདྲེན་པའི་ཚུལ་ལྡན་གྱི་སྒོ་ནས་འདུལ་ཞིང་བསླབ་གྲལ་མ་འཁྲུགས་པར་བྱེད། ཆོས་སྡེ་ཆེན་པོ་འདིར་འཁོར་ལོ་གསུམ་གྱི་སྒོ་ནས་ཡར་ལྡན་དུ་འགྱུར་བར་མཆོག་དམན་སེར་སྐྱ་ཀུན་གྱིས་བསྒྲུབས་ན་འདི་ཕྱིའི་དོན་ཆེན་སྤེལ་བའི་ཐབས་བླ་ན་མེད་པའི་ཐུགས་རྗེ་གཟིགས་པར་མཁྱེན།

དེ་མིན་གྱི་ཁྲིམས་ནི་དགོན་པའི་རྒྱབ་རི་དང་སོག་རི་སོགས་ལ་རི་དྭགས་རྔོན་མི་ཆོག་གང་མོས་ཀྱིས་ས་རྐོ་རྡོ་སློག་དགོན་པའི་མདུན་རི་དང་སོག་རིའི་མདུན་གྱི་དཔག་བསམ་ཁའཁྲི་ཤིང་གི་ནགས་ཚལ་བཅད་མི་ཆོག གྲོང་ཤོག་བརྒྱད་ཀྱིས་གང་མོས་ཞིང་ར་དང་རྩྭ་ར་སྒར་མི་ཆོག ཟླ་བ་བརྒྱད་པའི་དབྱར་[page 22] གནས་དགག་དབྱེ་ཚར་རྗེས་དགོན་པས་ཤིང་ལོ་སེར་པོ་རེད་ཡོད་མེད་བརྟགས་ནས་ཆོག་མཆན་མ་ཐོབ་པར་དགོན་པའི་ཉེ་འདབས་ཀྱི་ཐང་ཁྲམ་བསྡུ་བ་དང་། རི་ཐང་སོགས་ལ་རྩྭ་བརྔ་བསྡུ་བྱེད་མི་གཅིག་ཀྱང་འགྲོ་མི་ཆོག་པ་བཅས་ཆོས་སྐྱོང་སྲུང་མ་བཀའ་གཏད་མཛད་ཡོད་དོ།

ཚེས་ཆེན་དུས་ཆེན་མ་གཏོགས་དགོན་པའི་ནང་བུད་མེད་གང་མོས་འོང་མི་ཆོག་ཚེས་ཆེན་དུས་ཆེན་ལ་གཙུག་ལག་ཁང་སོ་སོ་དང་ཁམས་ཚན་ཁག་དང་ཤག་ཚན་ཁང་ཚང་མའི་སྒོ་ཁར་ཕྱགས་དར་དང་དཀར་ཐིག་འབྲི་བ་སོགས་བྱེད་དགོས་པ་ཡིན་ནོ།

དགོན་པའི་བསྟན་པ་དར་རྒྱས་དང་ཉམས་རྒུད། དེ་ལ་ལི་ཐང་བྱམས་ཆེན་ཆོས་འཁོར་གླིང་བཏབ་ནས་ལོ་ངོ་བཞི་བརྒྱ་ལྷག་ཙམ་རིང་བསྟན་འཛིན་གྱི་སྐྱེས་བུ་རིམ་བྱོན་གྒྱཻས་རྒྱལ་བའི་བསྟན་པ་རིན་པོ་ཆེ་འཛིན་སྐྱོང་སྤེལ་གསུམ་དང་། ལྷག་པར་རྒྱལ་མཆོག་བསྐལ་བཟང་རྒྱ་མཚོ་དང་སྐུ་ཞབས་རྡོ་རིང་བློ་བཟང་བསྟན་པའི་རྒྱལ་མཚན། སྤྲུལ་བའི་སྐུ་སྐལ་ལྡན་རྒྱ་མཚོ་གཙོས་པའི་མཁན་པོ་རིམ་བྱོན་རྣམས་ཀྱིས་ཆོས་སྲིས་ཟུང་འབྲེལ་གྱི་ཐུགས་ཁུར་རྒྱ་ཆེར་བཞེས་ཏེ་འཆད་རྩོད་རྩོམ་གསུམ་གྱི་སྒོ་ནས་འཇམ་མགོན་བླ་མ་ཙོང་ཁ་པའི་བསྟན་པ་ཉིན་མོ་ལྟར་གསལ་བར་མཛད་ཅིང་། འགྲོ་ཀུན་ཕན་བདེའི་མཛད་འཕྲེང་འགྲན་ཟླ་དང་བྲལ་ཞིང་སྙན་གྲགས་ཕྱོགས་ཀུན་ཁྱབ་པར་གྱུར། དེ་ནས་ཤོག་དྲུག་སྐྱབས་མགོན་སྐུ་ཕྲེང་གཉིས་པ་རྗེ་བཙུན་ངག་དབང་བློ་བཟང་བསྟན་འཛིན་འཕྲིན་ལས་རྒྱ་མཚོས་འགྲོ་བའི་ཕན་བདེ་འབྱུང་གནས་མདོ་སྔགས་ཀྱི་གཞུང་ཆེན་རྣམས་ལ་བརྟེན་ཏེ་རྒྱུན་མི་ཆད་པར་ཆོས་ཀྱི་འཁོར་ལོ་བསྐོར་ཏེ་མདོ་ཁམས་སྨད་དུ་འབྲོག་རི་བོ་དགེ་སྡེ་ཆེན་པོ་འདི་ལ་ཡན་ལག་དང་ཉིང་ལག་ཚུལ་གྱི་བཤད་གྲྭ་དང་སྒྲུབ་གྲྭ་རྒྱས་ཤིང་མཁས་བཙུན་བཟང་གསུམ་འཛོམས་པའི་བསྟན་འཛིན་གྱི་སྐྱེས་བུ་དམ་པ་དུ་མ་བསྐྲུན་ཏེ། ལུས་ཅན་མཐའ་དག་ལ་ཕན་བདེ་མ་ལུས་པའི་གཏེར་ཆེན་པོ་ལོངས་སྤྱོད་པའི་སྐལ་བ་བཟང་པོ་བྱུང་ན་ཡང་། གདུལ་བྱ་རྣམས་ལ་བཀའ་དྲིན་ཆེ་བའི་བླ་མ་རིན་པོ་ཆེ་སྐུ་གཤེགས་རྗེས། དཀར་ཕྱོགས་ཀྱི་ལྷ་རྣམས་ཉམས་ཤིང་འཁོར་བའི་རྩ་བ་བདག་འཛིན་གཅོད་མ་ནུས་པས་བླ་མའི་བཀའ་དང་། སངས་རྒྱས་ཀྱི་གསུང་རབ་དགོན་པའི་སྒྲིག་ཁྲིམས་བཅས་དང་མི་མཐུན་པར་དགོན་ནང་དུ་དུག་རྫས་ཉོ་ཚོང་དང་། རྒྱུ་རྫས་འགྲན་རྩོད། མདའ་རྫས་ཉར་ཚགས་སོགས་བྱས་ཏེ། དགེ་འདུན་གྱི་དབྱེན་དཀྲུགས་ཏེ་མི་བསད་པ་སོགས་ཀྱི་ལས་ངན་དུ་མ་བསགས་ནས་བསྟན་པ་ཉམས་དུ་སོང་།

སྤྱི་ལོ་ཅིག་སྟོང་དགུ་བརྒྱ་ང་དྲུག་ལོར་ཀྲུང་གོ་གུན་ཁྲན་ཏང་གི་དམངས་གཙོ་བཅོས་རྒྱུར་བྱེད་པ་དེ་རྒྱལ་ཁབ་དང་མི་དམངས་ཀྱི་དོན་ཡིན་པར་གསལ་པོར་མ་རྟོགས་པའི་སྐུ་དེག་དང་ས་གནས་འགོ་པ་ཉུང་ཤས་ཀྱིས་བཅོས་སྒྱུར་ལ་བཀག་འགོག་བྱས་ཏེ་སྡིག་པའི་བླངས་དོར་དང་ཙུལ་ཁྲིམས་སོགས་དོར་ཏེ་ཟིང་ཆ་དང་འཁྲུགས་པ་བསླངས་ནས་རྒྱལ་བའི་བསྟན་པ་རིན་པོ་ཆེ་རང་གིས་བརླག་བཤིག་བྱས། དེ་རྗེས་ལོ་[page 23] རབས་དྲུག་ཅུའི་དཀྱིལ་དུ་རིག་གནས་གསར་བརྗེའི་འགུལ་སྐྱོད་དང་ཏང་ནང་གི་ངོ་རྒོལ་ཚོགས་ཁག་གི་ཏང་དང་རྒྱལ་ཁབ་ལ་ངོ་རྒོལ་བྱས་ཏེ་གྱོང་ཆ་ཚབས་ཆེན་བཟོས་པ་མ་ཟད། དགོན་པ་རྟེན་དང་བརྟེན་པར་བཅས་པ་མིང་གི་ལྷག་མར་གྱུར།

དེ་ནས་སླར་ཡང་རྒྱལ་དང་དེ་སྲས་རྣམས་ཀྱི་ཐུགས་བསྐྱེད་དང་གདུལ་བྱ་བསོད་ནམས་དཔལ་དུ་ཤར་ཏེ་ཆོས་དང་རང་དབང་གི་གོ་སྐབས་བཟང་པོ་བྱུང་སྟེ། བོད་རབ་བྱུང་བཅུ་དྲུག་པའི་ཆུ་མོ་བྱ་ཡི་ལོའི་ཟླ་བ་བཞི་པའི་ཚེས་བཅོ་ལྔ་ས་ག་ཟླ་བའི་དུས་བཟང་ཉིན་ཆོས་ཀྱི་བྱེད་སྒོ་སྤེལ་ཏེ། གསོ་སྦྱོང་བཙུགས་ནས་རིམ་བཞིན་རབ་བྱུང་དང་བསྙེན་རྫོགས་བརྒྱ་ཕྲག་བརྒལ་བ་བསྒྲུབས་ཏེ་སངས་རྒྱས་ཀྱི་བསྟན་པ་དར་བའི་འགོ་བཙུགས། སྐྱབས་མགོན་སྐྱ་གོང་མའི་གཟིམ་ཤག་རྩེ་རྣམ་རྒྱལ་ཕོ་བྲང་ཞཻག་གསོ་གནང་སྟེ་འདུ་ཁང་བྱེད། དགེ་སློང་སྦྱིན་པ་སྨོན་ལམ་གྱིས་དགོན་པ་ཉམས་གསོ་བྱས་པའི་འགན་གཙོ་དང་རྒན་རབས་དུ་མས་རོགས་རམ་མཛད། སྔར་དགོན་པ་བཤིག་གཏོར་སྐབས་སུ་སྦྱིན་པ་སྨོན་ལམ་དང་ཆ་ཕྲེང་དགེ་སློང་ཐར་འདོད་དང་བསམ་གཏན་སོགས་ཀྱིས་ཉར་ཚགས་བྱས་པའི་གསེར་སྐུ་ལི་མ་གྲངས་ལང་བཅུ་ཙམ་དང་། རྩ་ཆེན་གྱི་ཙན་དན་ཇོ་བོ་ལོ་ཀི་ཤྭ་ར་དང་། གསེར་སྐུ་ལི་ནག་གི་བདེ་མཆོག་གསུང་འབྱོན་མ་དང་། ལིའི་འཇིགས་བྱེད་གསུང་འབྱོན་མ་དང་། ལིའི་སྒྲོལ་མ་གསུང་འབྱོན་མ། རྗེ་ཡབ་སྲས་གསུམ་གྱི་གསེར་སྐུ། ཟ་བྱེད་མཁན་འགྲོ་གསུང་འབྱོན་མ་དང་། མི་སེར་གྱིས་ཉར་ཚགས་བྱས་པའི་རྒྱ་ནག་གི་འཐག་གྲུབ་ཀྱི་རྒྱན་དྲུག་མཆོག་གཉིས་སྐུ་ཐང་བརྒྱད་དང་། འདུ་ཁང་གདོང་ཁེབས་དྲ་བ་དྲ་ཕྱེད། ཤང་ཤང་སིལ་སྙན་རྩ་ཆེན་དང་། རི་དྭགས་བསེ་རིའི་རྭ། སྦུབ་ཆས་དང་འཁར་རྔ་ཚོགས་གདན། མཆོད་རྫས་མི་ཉུང་བ་ཕུལ་བ་དང་། ལས་ཁུངས་ནང་བདག་གཉེར་བྱས་ཡོད་པའི་རིན་ཐང་ཆེ་བའི་ཚོགས་ཁྲོ་རྩ་ཆེན་རྣམས་དགོན་པ་ལ་སྤྲད། ས་གནས་ཀྱི་ཏང་ཨུ་འགོ་ཁྲིད་དང་སྲིད་གཞུང་སྡེ་ཁག་དང་འབྲེལ་ཡོད་ལས་ཁུངས་ཀྱིས་རོགས་རམ་ཐོག། ཆོས་དད་མང་ཚོགས་དགའ་སྤྲོ་འཁོལ་བའི་ངང་ནས་རང་རང་གི་འབྱོར་བ་དང་བསྟུན་ཏེ་དགོན་པ་ལ་དངོས་འབུལ་དང་རོགས་རམ་བྱས་ནས་སྦྲུལ་པའི་སྐུ་བྲག་དཀར་རིན་པོ་ཆེ་བློ་བཟང་བསྟན་ཉི་མས་མཁན་པོ་མཛད། དགེ་སློང་ངག་དབང་ཐུབ་བསྟན་གྱིས་དབུ་མཛད་གནང་སྟེ་དགེ་འདུན་བརྒྱ་ཕྲག་འགའ་ཡིས་སྣགར་སྲོལ་བཟང་པོ་མ་ཉམས་པའི་ཆོ་ག་ཕྱག་ལེན་སླར་གསོ་མཛད་དེ། རིམ་བཞིན་ཆོ་འཕྲུལ་སྨོན་ལམ་ཆེན་མོའི་དུས་བཟང་དང་སྨོན་ལམ་མཆོད་པ་དམ་བཅའ་ཆེན་མོ་སོགས་དང་། སྤྱི་གཏོར་དགུ་འཆམ་ཆེན་མོ། དྲུག་པའི་རི་བསང་ཆེན་མོ་སོགས་སླར་གསོ་མཛད་དེ་དགོན་པའི་དོ་དམ་ལྷན་ཚོགས་བཙུགས། རིམ་བཞིན་མཁན་སློབ་བརྗེ་ལེན་དང་དགེ་སྐོས་སོགས་དབུ་ཆོས་དོ་དམ་ལས་སྣེ་བསྐོ་གཞག་བྱས་ཏེ་དགོན་པའི་སྒྲིག་སྲོལ་དང་ལམ་ལུགས་ཆ་ཚང་བཙུགས་ལོ་ལྟར་དགེ་འདུན་པ་རིམ་གྱིས་འཕེལ་ཏེ་ལི་ཐང་སྐྱབས་མགོན་སྐུ་ཕྲེང་གསུམ་པ་འཇམ་དབྱངས་དཔལ་ལྡན་རྡོ་རྗེའི་ཞལ་བཀོད་དང་སློབ་སྟོན་ལྟར་བླ་མ་འཇམ་དབྱངས་མཁས་བཙུན་གྱིས་ལས་འགོ་གཙོ་བཞེས། [page 24] གཙང་ཤུལ་བླ་མ་ཚེ་རིང་རྡོ་རྗེ། གླང་བླ་མ་ངག་དབང་བསྟན་འཛིན། བྲག་དཀར་བླ་མ་བློ་བཟང་བསྟན་པ། ཚྭ་ལྟག་བླ་མ་དགེ་ལེགས་རྒྱ་མཚོ་བཅས་ཀྱིས་འགན་འཛིན་ཐོག་བཀའ་རིམ་དགེ་བཤེས་དང་དགེ་འདུན་དུ་མ་དང་ཆོས་དད་མང་ཚོགས་བཅས་ཀྱིས་རོགས་རམ་དང་ས་གནས་དང་ཏང་སྲིད་ཀྱིས་རྒྱབ་སྐྱོར་འོག་བོད་རབ་བྱུང་བཅུ་དྲུག་པའི་ཆུ་ཕག་ལོར་རྩེ་ཕོ་བྲང་དམར་པོ་གསར་བཞེངས་ཀྱི་ལས་འགོ་བཙུགས། ཕོ་བྲང་དམར་པོ་ཐོག་རྩེག་གསུམ་དང་ཕོ་བྲང་དཀར་པོ་ཐོག་རྩེག་གཉིས་ལ་ཀ་བ་བརྒྱད་ཅུ་གྱ་བརྒྱད་ལ་ཀ་རིང་བཅུ་དྲུག་དང་། ཆོས་ར་ཀ་བ་བརྒྱ་དང་ཉིས་ཤུ། ཕྱི་ཡི་རྩིག་པ་དང་ནང་གི་སྐོས་རི་མོ་ཚོན་རྩི་ལྡེབས་རིས་བཅས་ཡོངས་སུ་གྲུབ། རྩེ་ཕོ་བྲང་གི་ནང་རྟེན་གཙོ་བོ་སྐྱབས་མགོན་སྐུ་ཕྲེང་གཉིས་པའི་སྐུ་གདུང་མཆོད་རྟེན་གསེར་ཟངས་ལས་གྲུབ་པ་གཟི་བྱུ་རུ་སོགས་ཕྲ་རྒྱན་སྤུས་བཟང་དུ་མས་བརྒྱན་པ་ཐོག་ཚད་གཅིག་དང་། རྒྱུ་སྨན་འདམ་ལས་གྲུབ་པའི་རྗེ་བཙུན་བྱམས་པའི་སྐུ་བརྙན་ཐོག་ཚད་གཅིག་དང་། རྒྱལ་བ་བསོད་ནམས་རྒྱ་མཚོ་དང་སྐྱབས་མགོན་སྐུ་གོང་མ་སོགས་ཀྱི་འདྲ་སྐུ་མི་ཚད་ཙམ་དང་། སྡེ་དགེ་ནས་རྒྱལ་བའི་བཀའ་འགྱུར་དང་བསྟན་འགྱུར་གཉིས་གདན་དྲངས། དགོན་གཞུང་གི་གདུགས་རྒྱལ་མཚན་འཕན་བླ་བྲེ་རོལ་ཆ་སྣ་ཚོགས་དང་གདན་བཅས་གསར་གྲུབ་ལེགས་པར་བྱུང་། བྲག་དཀར་མཁན་པོ་བློ་བཟང་བསྟན་པས་ཐུབ་པ་གཙོ་འཁོར་གསུམ་གྱི་གོས་སྐུ་ཆེན་པོ་ཞིག་དང་། རྗེ་བཙུན་བྱམས་པའི་གསེར་སྐུ་ཁྲུ་དོ་ཅན་ཞིག་དང་། སྦུབ་ཆས་སྦུབ་ལྡན་དང་གསེར་ཞོ་བཅུ་གཉིས་ཀྱིས་བཞེངས་པའི་སངས་རྒྱས་སྟོང་སྐུའི་ག་བཅས་བཞག་གནང་མཛད། འཛམ་གླིང་མཁན་པོ་འཇམ་དབྱངས་མཁས་བཙུན་གྱིས་རྒྱ་ནག་འཐག་གྲུབ་ཀྱི་རྗེའི་སྟོང་སྐུ་ལ་སྐུ་ཐང་བརྒྱ་དང་བཅུ་གསུམ་དང་ལྷ་ས་ནས་གདན་དྲངས་བའི་བརྒྱད་སྟོང་གསེར་བྲིས་བཅས་རྟེན་བཞག་མཛད། སྨ་ཁམས་མཁན་པོའི་དགེ་བཤེས་རྟ་མགྲིན་ཚེ་དབང་གིས་རྒྱལ་བའི་བཀའ་འགྱུར་རིན་པོ་ཆེ་ཆ་གཅིག་དང་། གླང་མཁན་པོ་ངག་དབང་བསྟན་འཛིན་གྱིས་རྗེ་ཡབ་སྲས་གསུམ་གྱི་གོས་སྐུ་ཚེམ་དྲུབ་ཐོག་ཚད་གསུམ་ཡོད་པ་ཞིག་དང་། ཚེམ་དྲུབ་ཀྱི་གནས་བརྟན་བཅུ་དྲུག་དང་རྒྱལ་ཆེན་སྡེ་བཞི་བཅས་ཀྱི་སྐུ་ཐང་ཉི་ཤུ་རྟེན་བཞག་མཛད།

བོད་རབ་བྱུང་བཅུ་དྲུག་པའི་མེ་སྟག་ལོའི་ཟླ་བ་དགུ་པའི་ཚེས་བཅོ་བརྒྱད་དུ་པཎ་ཆེན་རིན་པོ་ཆེ་སྐུ་ཕྲེང་བཅུ་པ་བློ་བཟང་འཕྲིན་ལས་ལྷུན་གྲུབ་ཆོས་ཀྱི་རྒྱལ་མཚན་དཀར་མཛེས་བོད་རིགས་རང་སྐྱོང་ཁུལ་དུ་གཟིགས་ཞིབ་གནང་སྐབས་སུ་ལི་ཐང་རྫོང་དང་ལི་ཐང་དགོན་པས་གྲ་སྒྲིག་དང་ཕེབས་བསུ་རྒྱ་ཆེར་བྱས་ཏེ་སེར་སྐྱི་ཕོ་མོ་ཁྲི་ཕྲག་ཁ་ཤས་ལ་ཆོས་ལུང་དང་ཚེ་དབང་བསྐུར་ཏེ་རྩེ་ཆོས་ར་ནང་དུ་ཁོང་གི་ཕྱག་དབང་དང་ཚེ་རིལ་ཕཡག་མདུད་བཅས་གནང་བའོ་སྐལ་བཟང་པོ་བྱུང་བ་མ་ཟད། པཎ་ཆེན་རིན་པོ་ཆེས་ཚོགས་ཆེན་འདུ་ཁང་བཞེནགས་བའི་ཞལ་བཀོད་དང་ཕྱག་ནས་གཏོར་ཏེ་ཐུགས་སྨོན་གནང་ཞིང་། དགོན་པའི་ལྕགས་རི་སོགས་ཉམས་གསོ་དགོས་ཚུལ་སོགས་ཀྱི་ཞལ་ཏ་དུ་མ་གསུངས་སོ།

བོད་རབ་བྱུང་བཅུ་བདུན་པའི་མེ་ཡོས་ལོར་ཏང་ཀྲུང་དབྱང་དང་ས་གནས་དང་སྲིད་གཞུང་གིས་[page 25] སྔ་རྗེས་བར་གསུམ་དུ་ཤོག་དངུལ་སྒོར་ཁྲི་དགུ་བཅུ་གོ་གཅིག་དང་དྲུག་སྟོང་ལྷག་ཙམ་རོགས་རམ་དང་རྒྱབ་སྐྱོར་མཛད་དེ། སྐྱབས་མགོན་དཔལ་ལྡན་རྡོ་རྗེས་ཞལ་བཀོལ་དང་ཐུགས་ཁུར་འོག བླ་མ་འཇམ་དབྱངས་མཁས་བཙུན་དང་། ཚྭ་ལྷག་བླ་མ་དགེ་ལེགས་རྒྱ་མཚོ། གཙང་ཤུལ་བླ་མ་ཚེ་རིང་རྡོ་རྗེ་རྣམས་ཀྱིས་ལས་འགོ་གཙོ་བོ་གནང་སྟེ། ཆོས་ཚོགས་ལས་ཁུངས་ཀྱི་བླ་སྤྲུལ་ཁག་དང་བཀའ་རིམ་པའི་དགེ་བཤེས་དགེ་འདུན་མང་ཚོགས། ཆོས་དད་པ་ཡོངས་ཀྱི་ཐུགས་ཁུར་དང་རོགས་འདེགས་འོག་བཟའ་སྐར་འཕྲོད་སྦྱོར་ཕུན་སུམ་ཚོགས་པའི་ཉིན་ཚོགས་ཆེན་འདུ་ཁང་ཆེན་མོ་བཞེངས་པའི་འགོ་བཙུགས། དང་པོ་ལས་འགོ་བླ་མ་གསུམ་གྱིས་བཟོ་བཀོད་དང་རྒྱ་ཁྱོན་མཐོ་ཚད། ས་བཀྲ་འབྲི་བ་སོགས་ཐིག་ལེན་མཛད། གཉིས་པ་ས་གནས་ཐོག་གི་བོད་ཀྱི་ཁྱད་ཆོས་ལྡན་པའི་བཟོ་རྩལ་མཁས་པ་ཀུན་གྱིས་ཐུན་མོང་མ་ཡིན་པའི་བློ་གྲོས་མཐའ་དག་ཕྱོགས་གཅིག་ཏུ་བསྡུས་ཏེ་འགོ་འདོན། གསུམ་པ་དྲ་རྡོ་དང་ཤིང་ཆ་རྒྱུ་ཆ་སོགས་དང་རྩིག་བཟོ་ཤིང་བཟོ་འཇིམ་བཟོ་བརྐོས་རིས་པ། མཛེས་རྩལ་པ། ལྡེབས་བྲིས་པ། ངལ་རྩོལ་པ་སོགས་གྲ་སྒྲིག་དང་འཆར་བཀོད་གནང་། ཕོ་བྲང་དམར་པོ་ཐོག་རྩེག་གསུམ་དང་། ཕོ་བྲང་དཀར་པོ་ཐོག་རྩེག་གཉིས། ཆོས་ར་ཀ་བ་ཉིས་བརྒྱ་དང་བདུན་ཅུ་དང་། ཚོགས་ཆེན་ཇ་ཁང་ཀ་བ་ཉི་ཤུ་རྩ་ལྔ་དང་། འདུ་ཁང་ཆེན་མོ་སུམ་རྩེག་ལ་དཀྱིལ་ཀ་ཆིག་བརྒྱ་དྲུག་ཅུ་ལ་ཀ་རིང་ཉེར་བཞི་ཡོད་པའི་སྟེང་དུ་གསེར་ཏོག་དང་གསེར་གྱི་རྒྱ་ཕིབས། བར་ཁང་དུ་སྒྲོལ་མ་ཉེར་གཅིག འདུ་ཁང་སྦུག་གི་བྱམས་ཁང་ཀི་རི་བཅུ་གཉིས་ཡོད་པ་དེར། བོད་རབ་བྱུང་བཅུ་བདུན་པའི་ཤིང་ཁྱི་ལོར་གཡོན་རུ་ཧོར་རྙིང་སྡེ་ཤོག་དང་འཇམ་དབྱངས་ཆོས་འཁོར་གླིང་གཙོས་པའི་དད་ལྡན་སེར་སྐྱ་ཕོ་མོ་རྣམས་ཀྱིས་སྦྱིན་བདག་ཞུས་ཏེ། བོད་ལྗོངས་ལྷ་ས་ནས་བཟོ་རྩལ་མཁས་ཅན་བུ་གོང་སྤུན་མཆེད་སོགས་བཟོ་བ་མི་བཅུ་གདན་དྲངས་ནས། ལི་ཐང་སྐྱབས་མགོན་གྱི་ཞལ་བཀོད་དང་འགན་བཞེས་འོག རྒྱུ་ཟངས་གསེར་ལ་རིན་པོ་ཆེ་དུ་མས་ཕྲ་རྒྱན་སྤུད་པའི་རྗེ་བཙུན་བྱམས་མགོན་སྐུ་རྩེག་ཚད་གཉིས་དང་དེ་མིན་གྱི་སྐུ་བརྙན་དེ་མིན་སྐུ་བརྙན་དུ་མ་བཞུགས་གསོལ། སྟོང་སྐུ་ལྷ་ཁང་ལ་དཀྱིལ་ཀ་དྲུག་ཅུ་རེ་བརྒྱད་ཡོད་པ་དེ་ལ། བོད་རབ་བྱུང་བཅུ་དྲུག་པའི་ཁྲག་སྐྱུག་ཅེས་པའི་ཆུ་མོ་ཕག་གི་ལོར་ཁྲིན་ཏུའུ་ནས་བོད་ཡུལ་དགོན་ཁག་གིས་ལྷ་སྐུ་རྣམས་གདན་འདྲེན་སྐབས་ལི་ཐང་སྐྱབས་མགོན་འཇམ་དབྱངས་དཔལ་ལྡན་རྡོ་རྗེ་ལ་ཕུལ་བའི་ཇོ་བོ་མི་འགྲོ་གསུང་འབྱོན་ལོངས་སྐུ་ཆ་བྱད་ཅན་དང་། རྒྱུ་ཟངས་གསེར་ལས་གྲུབ་པའི་རྗེ་སྟོང་སྐུ་དང་སྒྲོལ་མ་སྟོང་སྐུ་བཅས་བཞུགས་སུ་གསོལ། དེ་ལྟར་གཙུག་ལག་ཁང་དེ་དག་གི་ཕྱི་ཡི་བཟོ་དབྱིབས་སོགས་སྔར་ལས་རྒྱ་ཆེ་བ་དང་སྦཽས་ལེགས་པའི་ངོ་མཚར་བཀོད་པ་ཡོངས་སུ་མཛེས་ཤིང་ལྟ་ན་སྡུག་པ་དང་། ནང་གི་གཙུག་ལག་ཁང་སོ་སོའི་ངོས་བྲིས་སོགས་མཛེས་རྩལ་ཡིད་དུ་འོང་བ། མཆོད་པའི་ལྷ་མོ་དང་རྒྱན་དྲུག་མཆོག་གཉིས་ལམ་རིམ་བརྒྱུད་པའི་བླ་མ་ཚོགས་ཞིང་དང་ཐུབ་པ་སོགས་སངས་རྒྱས་རིམ་བྱོན་གྱི་ཞིང་བཀོད་སྣ་ཚོགས། རྒྱུད་སྡེ་བཞི་སོགས་ཡི་དམ་ལྷ་ཚོགས་དཔག་མེད་དང་། དཔའ་བོ་མཁའ་འགྲོའི་ལྷ་ཚོགས་མགོན་པོ་ཕྲག་དྲུག་ལ་སོགས་ཆོས་སྐྱོང་སྲུང་མའི་[page 26] ཚོགས་འཁོར་དང་བཅས་གྲངས་སུ་མ་ངེས་པ་དང་འདུ་ཁང་སྒོ་ཆེན་གཡས་གཡོན་དུ་རྒྱལ་ཆེན་སྡེ་བཞི་བརྗིད་ཉམས་ལྡན་ཞིང་ཡེ་ཤེས་པའི་རང་སྣང་ལས་གྲུབ་པའི་གཞལ་ཡས་ཁང་ས་ལ་འཕོས་པ་ལྟ་བུ་ཞིག་སྣང་ངོ་།

བོད་རབ་བྱུང་བཅུ་བདུན་པའི་ཆུ་ལུག་ལོར་ལི་ཐང་དུ་འཁྲུངས་བའི་ཆབ་མདོ་སྤྲུལ་པའི་སྐུ་འཕགས་པ་ལྷ་དགེ་ལེགས་རྣམ་རྒྱལ་གྱིས་ལྷ་ས་ནས་ལི་ཐང་དགོན་ཆེན་ལ་རྗེ་བཙུན་བྱམས་པའི་སྐུ་ཁྲུ་དོ་ཙམ་ཡོད་པའི་གསེར་སྐུ་ལི་མ་ཞིག་དང་། ཐུགས་རྟེན་བཀའ་གདམས་མཆོད་རྟེན་ལི་མ་དང་སྦུབ་ཆལ་སྤུས་ལེགས་བཅས་བསྩལ་གནང་མཛད།

བོད་རབ་བྱུང་བཅུ་བདུན་པའི་ཆུ་སྤྲེལ་ལོར་བྱ་བ་དཀར་པོའི་འབྱུང་གནས་སྟོན་པའི་ཆོས་ལ་དད་པ་ཚད་མེད་ལགས་པའི་རྒྱ་སྟོ་བུ་དཀར་གྱིས་རྒྱ་གར་འཕགས་པའི་ཡུལ་ནས་གདན་དྲངས་བའི་རྒྱུ་ཟངས་གསེར་ལས་གྲུབ་པའི་སངས་རྒྱས་སྟོང་གཅིག་བཞག་འཇོག་མཛད། མཁན་རབས་གྱ་དགུ་པ་མཆོག་སྤྲུལ་ཚྭ་སྟག་དགེ་ལེགས་བསྟན་འཛིན་འཕྲིན་ལས་རྒྱ་མཚོས་ཆབ་མདོ་ནས་བཟོས་པའི་རྒྱུ་ཟངས་གསེར་ལས་གྲུབ་པའི་ཤཱཀྱ་ཐུབ་པའི་སྐུ་རྒྱབ་མཐོ་བཅུ་བཞི་ཅན་ཞིག་བཞག་འཇོག་མཛད། དེ་ལྟར་དད་ལྡན་མང་ཚོགས་རྣམས་ཀྱིས་རྟེན་བཞེངས་དཔག་མེད་མཛད་དེ་རབ་ཏུ་གནས་པའི་ཆོ་ག་མཛད་པའི་ཚེ་ཡེ་ཤེས་པ་མངོན་སུམ་དུ་ཞུགས་པ་སོགས་ངོ་མཚར་བའི་མཛད་པ་རྨད་དུ་བྱུང་། གྲྭ་ཉིས་སྟོང་ལྷག་གིས་ཁྱིམ་དུད་དྲུག་སྟོང་ལྷག་གི་དད་གཤིན་རྫས་དང་ཚོང་ཁང་དང་མོཊ་ཟུང་གི་ཡོང་སྒོ་བཅས་ལ་བརྟེན་ནས་སྔོན་གྱི་ཆོས་ཕྱོགས་གྱི་སྲོལ་རྒྱུན་བཟང་པོ་མ་ལུས་པའི་ཕྱག་ལེན་གནང་བ་མ་ཟད་དུས་ཆེན་གྱི་སྲོལ་རྣམས་མ་ཆད་པར་བཙུགས་ཏེ། དགོན་པའི་འགན་ཁུར་བ་རྣམས་ཀྱིས་སྔོན་གྱི་བཅའ་ཡིག་གཞི་བྱས་ནས་གསར་དུ་སྒྲིག་ཡིག་དོན་ཚན་བཅུ་གཅིག་གཤམ་གསལ།

དང་པོ། རང་དགོན་གྱི་བླ་སྤྲུལ་དགེ་བཤེས་རྣམ་པ་དང་དགེ་འདུན་ཡོངས་ཀྱིས་རྒྱལ་གཅེས་དང་མེ་རྒྱལ་གཅིག་གྱུར་ལ་སྲུང་སྐྱོབ་དང་ཏང་གི་སྲིད་ཇུས་དང་རྒྱལ་ཁབ་ཀྱི་རྩ་ཁྲིམས་དང་མཐུན་པའི་སྒོ་ནས་དྲང་བདེན་གྱི་ཆོས་ལུགས་བྱེད་སྒོ་སྤེལ་དགོས།

གཉིས་པ། རང་རེའི་དགོན་ཆེན་གྱི་མཆོག་དམན་སུ་ཡིན་རུང་སོ་སོས་ལོ་ཐར་གྱི་སྡོམ་པ་ཚུལ་བཞིན་དམ་བླངས་ཐོག བདག་གཉེར་དོ་དམ་སྒྲིག་ཡིག་འདི་རང་མོས་ཐོག་སྒྲིག་སྲུང་དམ་འཛིན་བྱེད་དགོས།

གསུམ་པ། རང་མོས་ཀྱིས་སྒོ་ནས་དགོན་ཆེན་འདིའི་ནང་ཞུགས་ཕྱིན། ཐོག་མར་ཞུགས་པའི་སྐབས་སུ་དགེ་སྐོས་ཀྱི་དྲུང་དུ་མཚན་ཐོ་འབུལ་དགོས་ལ་རྗེས་སུ་རྐྱེན་གང་ཞིག་གི་ཆེད་དུ་ཕྱིར་འཐེན་བྱེད་དགོས་ན་དགེ་སྐོས་ཀྱི་དྲུང་དུ་གནས་ཚུལ་དྲང་པོར་ཞུས་ནས་ཆོག་མཆན་གནང་བ་ཐོབ་རྗེས་གཞི་ནས་ཕྱིར་འཐེན་བྱེད་ཆོག གལ་ཏེ་དགེ་སྐོས་ལ་སྙན་སེང་མ་ཞུས་པར་རང་མོས་ཕྱིར་འཐེན་བྱས་ན་ཐག་གཅོད་[page 27] ངེས་ཅན་བྱེད་རྒྱུ།

བཞི་པ། དགོན་པའི་ནང་གྲྭ་ཤག་རྒྱག་ཟིན་པ་རྣམས་ཀྱིས་ངེས་པར་དུ་རྒྱུན་དུ་ཤག་སྲུང་དགོས་པ་དང་གྲྭ་པ་རང་བཞུགས་དགོས་པ་ལས་ཁྱིམ་པ་ཕོ་མོ་གང་རུང་ཚབ་བྱེད་མི་ཆོག་པ་མ་ཟད་ཤག་ཕྱི་ནང་ཀུན་ལ་གཙང་སྦྲ་ནན་ཏན་བྱེད་དགོས།

ལྔ་པ། གླིང་གི་ནང་དུ་མཐོ་དམན་སུ་ཡིན་རུང་མ་བྱིན་པ་ལེན་པ་ལ་སྒོར་སྟོང་གཅིག་ཡན་ཆད་ཀྱི་ཉེས་ཆད་གཅོད་རྒྱུ་དང་དགེ་འདུན་པའི་ནང་ནས་གནས་དབྱུང་གཏོང་རྒྱུ། ཁྲིམས་འགལ་གྱི་རིགས་འདི་སོགས་ནི་དགེ་སྐོས་སོགས་ལ་བརྟེན་ནས་ཐག་གཅོད་པ་མ་གཏོགས་བཤད་བྱེད་པའང་འབྲེལ་མེད་ཀྱི་ཐེ་གཏོགས་བྱེད་པ་དང་ངན་པའི་རྒྱབ་སྐྱོར་བྱེད་མཁན་བཅས་ལ་རྐུན་མ་དང་མཚུངས་པའི་ཐག་གཅོད་བྱེད་རྒྱུ། དེ་མིན་རྣམས་ལྕི་ཡང་ལ་དཔགས་ཏེ་ཐག་གཅོད་བྱེད་རྒྱུ།

དྲུག་པ། གླིང་ནང་དང་ཚོགས་སུ་དགེ་འདུན་སྡེ་དཀྲུགས་པའི་འཁྲུགས་རྩོད་བྱས་ན་ལྗི་ཡང་ལ་དཔག་ནས་ཐག་གཅོད་ནན་ཏན་བྱེད་རྒྱུ། ཁྱད་པར་དུ་བདག་གཉེར་དོ་དམ་གྱི་ལས་བྱེད་པ་དང་མཁན་པོ་དང་དགེ་སྐོས་གཙོ་བོའི་བླ་མ་ལས་སྣེ་བཅུ་གཉིས་སོགས་ཀྱི་སྤྱི་དོན་དུ་དོ་དམ་ལག་བསྟར་བྱེད་སྐབས་འགོག་རྒོལ་དང་འཁོན་འཛིན་གྱི་འཁྲུགས་རྩོད་བྱེད་ན། དགེ་འདུན་གྲལ་ནས་གནས་དབྱུང་གཏོང་རྒྱུ་ཁྲིམས་འགལ་པ་དགེ་འདུན་གྲལ་ནས་གནས་དབྱུང་གཏོང་བའི་རིགས་མཐའ་དག་ལ་དེའི་ཁམས་ཚན་དང་མི་ཚན་སོགས་ཀྱིས་ངོ་ཞུས་མི་ཆོག བདུན་པ། འདི་ལ་དོན་ཚན་ལྔ་སྟེ། ལོ་རེར་ལས་སྣེ་བཀོད་སྒྲིག་མཚམས་གཅོད་བརྡ་ཐོ་འབྱོར་རྗེས་གྲྭ་བ་རྒན་གཞོན་སུ་ཡིན་རུང་ངེས་པར་དུ་ཕེབས་དགོས་ལ། གལ་སྲིད་དུས་ཚད་ནང་མ་ཕེབས་ན་སྒོར་སྟོང་གཅིག་གི་ཉེས་ཆད་གཅོད་པ་དང་། ཉིན་བདུན་ནང་དུ་མ་འཇལ་ན་དགེ་འདུན་གྲལ་ནས་གནས་དབྱུང་གཏོང་རྒྱུ་དང་གཅིག གླིང་ནང་དུ་མཐོ་དམན་སུ་ཡིན་རུང་ཚོང་རྫས་ཉར་བ་དང་ཚོང་ལས་ཀྱི་བྱེད་སྒོ་སྤེལ་ན་ཚོང་རྫས་ཡོད་ཚད་གཞུང་བཞེས་བྱེད་རྒྱུ་དང་གཉིས། མཁན་གདན་ཟུར་ཕུད་པའི་བླ་གྲྭ་མཆོག་དམན་སུ་ཡིན་རུང་གླིང་ནང་དུ་ཕེབས་ཕྱིན་གོས་ཕུ་དུང་ཅན་དང་ཞྭ་མོ་སོགས་ཁྱིམ་པའི་ཆ་ལུགས་བྱས་ན་གཞུང་བཞེས་བྱ་རྒྱུ་དང་གསུམ། ཁྱིམ་པའམ་དགོན་སྡེ་གཞན་ནས་ཡོང་བའི་གྲྭ་པ་སོགས་སུ་ཡིན་རུང་གླིང་ནང་དུ་གྲི་རིང་དང་མཚོན་ཆ་ཁྱེར་བ་དང་། ཞྭ་མོ་གྱོན་ནས་ཡོང་ན་གཞུང་བཞེས་བྱ་རྒྱུ་དང་བཞི། མཁན་གདན་ཟུར་ཕུད་མཆོག་དམན་སུ་ཡིན་རུང་གླིང་ནང་རྟ་བཞོན་ནས་ཡོང་མི་ཆོག གལ་ཏེ་རྟ་བཞོན་ནས་འོངས་ན་ཐག་གཅོད་ངེས་ཅན་བྱེད་རྒྱུ་དང་ལྔའོ།

བརྒྱད་པ་མཆོག་དམན་སུ་ཡིན་རུང་གླུ་གར་ཁང་དང་གློག་བརྙན་ཁང་སོགས་སུ་མཚན་མོར་གང་བྱུང་དུ་འཁྱམས་འགྲོ་མཁན་དང་། རྒྱན་འཛུགས་རིགས་དང་སྤོ་ལོའི་རིགས་སོགས་རྩེ་བ་ལ་ཐག་གཅོད་ངེས་ཅན་བྱེད་རྒྱུ་དང་གཅིག གླིང་ནང་དུ་གློག་སྐྱེས་གཟུགས་བརྙན་འཕྲུལ་ཆ་བཙུགས་ན་གཞུང་བཞེས་བྱ་རྒྱུ་དང་གཉིས། གླིང་ནང་དུ་བུད་མེད་ཞག་སྡོད་བཅུག་པ་བཅས་མི་ཆོག་པ་དང་གསུམ་མོ།

[page 28] དགུ་པ། རྒྱུན་དུ་གླིང་ནང་གཙང་སྦྲ་བྱ་དགོས། ཆོས་ཐོག་འཚོགས་དུས་དཀར་ཐིག་དང་གད་དར་བྱ་དགོས་པ་དང་། མི་སུ་ཡིན་རུང་གཤང་ལྕི་གང་བྱུང་དུ་འདོར་བ་དང་ལུད་པ་དང་གད་སྙིགས་བསོག་པ་བཅས་ལ་གནས་ཚུལ་གཞིགས་ནས་དངུལ་ཆད་གཅོད་རྒྱུ།

བཅུ་པ། གྲྭ་ཚང་གཞུང་གི་སྤྱི་རྫས་རྣམས་རྒྱལ་ཁབ་ཀྱི་དཔལ་འབྱོར་སྒྲིག་ཡིག་རྩ་དོན་ཐོག་གཏན་འབེབས་བྱས་པ་བཞིན་ཉར་ཚགས་དང་དམ་འཛིན་བྱས་ནས་ལོ་རེ་བཞིན་དགེ་འདུན་དམངས་ལ་གསལ་བཤད་དང་གྲྭ་ཚང་གི་ཡོང་འབབ་རྣམས་གཉེར་པ་རྒན་གཞོན་གྱི་འགན་ཁུར་མཛད་ནས་ལོ་རེའི་བོད་ཟླ་དང་པོའི་ཚེས་ཉེར་དྲུག་ནང་མཚམས་གཅོད་གཙང་མ་བྱེད་ཐུབ་དགོས་ལ་གང་མོས་ཕྱིར་འཐེན་བྱེད་མིག་ཆོག

བཅུ་གཅིག་པ། དགོན་གཞུང་གི་བཀོད་སྒྲིག་ལྟར་འདུ་ཆོས་སོ་སོ་ལ་དགེ་འདུན་བགྲེས་གཞོན་རྣམས་ངེས་པར་དུ་ཕེབས་ཐུབ་པར་བྱེད་དགོས། གལ་ཏེ་ཕེབས་མ་ཐུབ་ཚེ་གནས་ཚུལ་ལ་གཞིགས་ནས་ཐག་གཅོད་བྱེད་རྒྱུ།

གོང་དུ་བཀོད་པའི་བདག་གཉེར་དོ་དམ་གྱི་སྒྲིག་ཡིག་འདི་ལག་བསྟར་བྱེད་མཁན་དངོས་ནི་དགེ་སྐོས་རྣམ་གཉིས་ཆབ་རིལ་བ་རྣམས་གཉིས། གླིང་སྲུང་བ་བཅས་ཡིན། དེར་མ་ཟད་གླིང་སྲུང་བས་སྒོ་ཕྱེ་མཁར་རྔ་དང་གསུང་ཆོས་འཁར་རྔ་བརྡུང་རྒྱུ། གད་དར་དང་དཀར་ཐིག་བཅས་ཀྱི་ལན་སྐྱེལ་རྒྱུ། རྒྱས་འཛོམས་ཀྱི་ལན་སྐྱེལ་རྒྱུའི་ལས་འགན་ཡིན། གལ་ཏེ་དོ་དམ་གྱི་གནས་ཚུལ་ཐག་གཅོད་དཀའ་བ་བྱུང་ཚེ་མཁན་པོ་དང་དགོན་པའི་བདག་གཉེར་ཨུ་ཡོན་ལྷན་ཁང་གིས་རྒྱབ་སྐྱོར་མཐའ་འཁྱོངས་བྱེད་དགོས་སོ། དེ་ལས་སྔོན་གྱི་ལོ་རྒྱུས་ལྟར་ན་ལི་ཐང་དགོན་བརྒྱ་དང་བཅུ་གསུམ་ཡོད་པར་གྲགས། དེ་ལྟར་དགོན་པའི་ལོ་རྒྱུས་འདི་ནི་དགའ་ལྡན་ཆོས་བྱུང་བེེ་སེར་དང་གངས་ཅན་མཁས་གྲུབ་རིམ་བྱོན་གྱི་མིང་མཛོད་དང་རྣམ་པོ་ཚེ་རིང་གིས་བྲིས་པའི་ལི་ཐང་དགོན་པའི་ལོ་རྒྱུས་སོགས་ལ་གཞི་བྱས། རྣམ་པོ་ཚེ་རིང་གི་གསུང་སྒྲོལ་ཁུངས་ཐུབ་རྣམས་ལས་ཟུར་བརྒྱན་ཏེ་མུ་པོས་བྲིས་པའོ།།

ས་མིང་ཚིག་མཛོད་མིག་བཤར།

མདོ་སྨད་སྤོ་འབོར་སྒང་གི་ཆར་གཏོགས་ལི་ཐང་བྱམས་ཆེན་ཆོས་འཁོར་གླིང་གི་ལྷོ་ཕྱོགས་ལེ་བར་སུམ་ཅུ་ལྷག་གི་སར། སྔོན་འཇའ་སྒྲོ་ལུ་བླ་མ་ཞེས་པ་ཞིག་གི་བཀའ་བརྒྱུད་པའི་དགོན་པ་ཞིག་བཏབ་ཟེར་བ་ངག་སྒྲོས་ཙམ་མ་གཏོགས་དུས་ནམ་བཏབ་དང་བླ་མའི་རྣམ་ཐར་སོགས་མི་སྣང་། དེ་ནས་བཀའ་དགོན་དེ་ཉཻད་མ་དགོན་དུ་བསྒྱུར་ཟེར་བ་ཙམ་མ་གཏོགས་བླ་མ་སུའི་རིང་དང་དུས་ནམ་གསལ་ཁ་མེད་ལ། དེ་ནས་མ་དགོན་དེ་རབ་བྱུང་བཅུ་པའི་སྟོད་ཙམ་དུ་དགེ་ལུགས་སུ་འགྱུར་བ་ཡིན་ཏེ། དགའ་ལྡན་ཆོས་[page 29] འབྱུང་བེེཌཱུརྱ་སེར་པོ་ལས། ཐམས་ཅད་མཁྱེན་པ་བསོད་ནམས་རྒྱ་མཚོ་ལི་ཐང་ཕྱོགས་སུ་ཕེབས་སྐབས་ས་སྐྱ་བའི་དགོན་ཆུང་ཞིག་ནས་གྲྭ་རེ་གཉིས་ཀྱིས་བསྙེན་རྫོགས་ཞུས་པ་དེས་སོན་ལྟ་བུ་བྱས། རྗེས་སོར་གཙང་གངས་ཅན་པ་དགེ་འདུན་ལེགས་གྲུབ་ཀྱིས་གསར་འཛུགས་མཛད། དེ་ནས་ཉང་པོ་ལྷུན་གྲུབ་དཔལ་འབྱོར། བྱང་བར་རིན་རྒྱན། ཨེ་པ་བློ་བཟང་མཁས་གྲུབ། དགའ་སྔགས་རམས་པ། ལྔ་བ་རྒྱལ་མཚན་ཤྲཱི། བློ་བཟང་ཤེས་རབ་སོགས་ཀྱི་བསྟན་པ་ཡུན་རིང་བསྐྱངས། གྲྭ་རྒྱུན་སེར་འབྲས་སུ་སྤོ་འབོར་དང་དགའ་ལྡན་དུ་གསེར་ཀོང་པ། དགེ་འདུན་སུམ་ཅུ་སྐོར། ཞེས་གསུངས་པ་ལྟར་རོ། དེ་རྗེས་དགོན་འདིའི་ནང་ནས་དབུས་གཙང་དུ་མདོ་སྔགས་གཞུང་ལུགས་ཐོས་བསམ་བྱས་པའི་དགེ་བའི་བཤེས་གཉེན་མང་དུ་བྱོན་པའི་ནང་གི་ཨ་ལྕོག་བླ་མ་སྐུ་ཕྲེང་གཉིས་དང་། ག་གཟི་བླ་མ་སྐུ་ཕྲེང་གསུམ་དང་། སྡེ་དགེ་དགེ་བཤེས་སྐུ་ཕྲེང་གཉིས། རྟག་དགེ་བཤེས་སྐུ་ཕྲེང་གཉིས་བཅས་བྱོན་པའི། ཨ་ལྕོག་བླ་མ་སྐུ་ཕྲེང་དང་པོ་སེ་ར་སྨད་ཀྱི་དགེ་བཤེས་མཛད། སྐུ་ཕྲེང་གཉིས་པ་ཐུབ་བསྟན་ལུང་རྟོགས་ནི་འཇའ་བ་ཨ་ལྕོག་ཚང་ལ་སྐུ་འཁྲུངས། གྲྭ་ས་སེ་ར་སྨད་དུ་ཕེབས་ཏེ་སློབ་གཉེར་མཐར་ཕྱིན་མཛད་དེ་ལི་ཐང་དགོན་པའི་མཁན་པོ་ཁྲི་ཐོག་དོན་དགུ་པ་མཛད། ག་གཟི་བླ་མ་སྐུ་ཕྲེང་དང་པོ་རྒྱུད་སྨད་གྲྭ་ཚང་དུ་ཞུགས་ཏེ་རྒྱུད་སྡེ་ཕྱི་ནང་ཀུན་བསམ་མཛད་དེ་ག་གཟི་རྒྱུད་རྒན་ཞེས་གྲགས་པའི་སྙན་པ་ས་སྟེང་ཀུན་ཏུ་ཁྱབ་པ་དེ་ཡིན་ལ། སྐུ་ཕྲེང་གཉིས་པ་སྤྲུལ་པའི་སྐུ་སྦྱིན་པ་མཐུ་སྟོབས་ནི་འཇའ་ག་གཟི་ཚང་ལ་འཁྲུངས། གྲྭ་ས་དགའ་ལྡན་དུ་ཕེབས་ཏེ་མདོ་ཕྱོགས་ལ་སློབ་གཉེར་མཐར་ཕྱིན་མཛད་ནས་ལི་ཐང་དགོན་པའི་མཁན་རབས་རེ་བདུན་པ་མཛད། སྐུ་ཕྲེང་གསུམ་པ་སྐྱབས་རྗེ་རྡོ་རྗེ་འཆང་རྗེ་བཙུན་ངག་དབང་བློ་བཟང་བསྟན་འཛིན་ཕྲིན་ལས་དཔལ་བཟང་པོ་ནི། ཚོ་གསུམ་བྱང་པ་སྦས་རྒྱ་ཚང་ལ་སྐུ་བལྟམས། གྲྭ་ས་དགའ་ལྡན་དུ་ཕེབས་ཏེ་ཐོས་པའི་ཡང་རྩེར་སོན་ཏེ་གཟིགས་ཕྱོགས་ལེགས་པའི་དགོན་འདི་ཞབས་ཀྱིས་བཅགས་ནས་འདུ་ཁང་གསར་བཞེངས་ཀྱི་བཀའ་དང་འཆམ་འབག་དང་འཆམ་གོས་ཆ་ཚང་དང་། སྐྱབས་མགོན་རག་དུང་དུ་གྲགས་པ་སོགས་སྦྱོར་འཇོག་མཛད་ཅིང་། བྱང་ཆུབ་ལམ་རིམ་ཆོས་ཁྲིད་དང་གསང་བདེ་འཇིགས་གསུམ་གྱི་དབང་ལུང་དང་། ཨ་ལྕོག་རིན་པོ་ཆེས་ལམ་རིམ་བདུད་རྩི་སྙིང་པོའི་ཆོས་ཐོག་གསར་འཛུགས་གནང་ཞིང་། མགོན་ཁང་དུ་ཆོས་སྐྱོང་གི་གསོལ་རྒྱུན་ཆགས་མཛད་དོ། དེ་ལས་དགོན་འདིའི་འདུ་ཁང་ཀ་བ་བརྒྱད་ཅུ་དང་། ཁང་དམར་སུམ་ཐོགཆོས་ར་ཀ་བ་བརྒྱ་དང་ཉི་ཤུ། གྲྭ་ཤག་དྲུག་ཅུ་རེ་གྲངས་དང་། སྐུ་གསུང་ཐུགས་རྟེན་སྔོན་གྱི་སྐྱེས་ཆེན་དམ་པ་རིམ་བྱོན་གྱིས་བཞེངས་པའི་རྟེན་དང་བརྟེན་པ་གྲངས་དང་བཀོད་པ་འདི་ཙམ་མོ་ཞེས་སྨྲ་བར་མི་ནུས་ཀྱང་། གཙོ་བོ་ཁ་ཤས་ཐོ་ཙམ་བཀོད་ན། འདི་ལྟ་སྟེ། དེའང་སུམ་ཐོག་ཏུ་རྒྱལ་བ་སྐལ་བཟང་རྒྱ་མཚོའི་མ་ཡུམ་གྱི་ཐུགས་དམ་རྟེན་གསེར་ཟངས་ཀྱི་བྱམས་པ་དང་བླ་སྐུ་བཀའ་འགྱུར་ཆ་ཚང་གཅིག་དང་། གཡས་ཀྱི་གཟིམ་ཆུང་དུ་སྒྲོལ་མ་[page 30] དང་། གླང་དར་ཁྲིམས་ཕོག་གཙོས་པའིགསེར་སྐུ་ལི་མ་དང་བཀའ་གདམས་མཆོད་རྟེན་མང་ཙམ་དང་། གཡོན་གྱི་གཟིམ་ཆུང་དུ་རྒྱུ་སྨན་འདམ་ལས་བསྐྲུན་པའི་ཚེ་འཛིན་མ་དང་། རྗེ་ཡབ་སྲས་གསུམ་དང་། གསེར་སྐུ་དང་སྐུ་བཀའ་གདམས་མཆོད་རྟེན་མང་ཙམ་དང་། བར་ཐོག་གཡས་ཀྱི་མགོན་ཁང་དུ་འཇིགས་བྱེད། མགོན་པོ། བསེ་ཁྲབ། ཤུགས་ལྡན། དམ་ཅན། རྒྱལ་མོ་སོགས་ཆོས་སྐྱོང་རྣམས་ཀྱི་སྐུ་བརྙན་དང་། གཡོན་དུ་གནས་བརྟན་བྲག་རི་དང་། རབ་སེལ། ཁང་འདབ་ཨུ་དུ་ཇོ་བོ་གསུང་འབྱོན་མ་ལི་མ་མདའ་ཚད་མ་དང་། བསྟན་འགྱུར་ཆ་གཉིས། གཡས་ཀྱི་གཟིམ་ཆུང་དུ་རྒྱུ་སྨན་འདམ་ལས་བསྐྲུན་པའི་རྗེ་ཡབ་སྲས་གསུམ་དང་། གསེར་སྐུ་ཁ་ཤས་དང་། གཡོན་གྱི་གཟིམ་ཆུང་དུ་ཙན་དན་ཇོ་བོ་ལོ་གི་ཤྭ་ར་མདའ་ཚད་མ་བཅུ་གཅིག་ཞལ་ཁྲུ་གང་དང་། གསེར་སྐུ་དང་བཀའ་གདམས་མཆོད་རྟེན་མང་ཙམ་དང་། འདུ་ཁང་སྦུག་མ་ལས་བྱམས་པའི་སྐུ་རྩེག་ཚད་གཉིས། རྒྱུ་སྨན་འདམ་ལས་བསྐྲུན་པའི་འཇམ་དབྱངས། རྒྱན་དྲུག་མཆོག་གཉིས་རྩེག་ཚད་ཕྱེད་གཉིས། སྤྱན་རས་གཟིགས་ཕྱག་སྟོང་སྤྱན་སྟོང་། གསང་འདུས། ཕྱག་རྡོར། བདེ་མཆོག རྟ་མགྲིན་སོགས་ཀྱི་སྐུ་བརྙན་དུ་མ་དང་། འཇིགས་བྱེད་བློས་སློང་དང་། རྒྱལ་བའི་བཀའ་འགྱུར་ཆ་གུསམ་དང་། ཚོགས་ཁང་དུ་སངས་རྒྱས་འོད་སྲུང་གི་འཕེལ་གདུང་བྱེའུ་སྒོ་ང་ཙམ་ཡོད་པ་དང་། གསེར་ཟངས་ལས་བསྐྲུན་པའི་རྗེ་ཡབ་སྲས་གསུམ་དང་། མི་འཁྲུགས་པ། སྒྲོལ་མ། ཚེ་དཔག་མེད། སྒྲོ་ལུ་བླ་མའི་འདྲ་སྐུ་སོགས་དང་། མཆོད་ཆས་ལ། སྦུབ་ཆལ་ཁམས་གསུམ་དབང་འདུས། ཚངས་དབྱངས་འབྲུག་སྒྲ། ནོར་བུ་སྔོ་ལུ། སྐལ་བཟང་ཕྱག་སྦུབ། སྐྱབས་མགོན་ཕྱག་སྦུབ་སོགས་དང་། སིལ་ཟླ་ལྷ། སིལ་མ་ཎི་མ། མདར་མཁན་གྱི་སིལ་མ་ཎི་མ། ག་གཟི་བརྒྱུད་པའི་སིལ་མ་ཎི་མ། པ་རི་གཟིགས་དགོན་འཁར་རྔ་སོགས་མཆོད་ཆས་དང་རོལ་ཆས་འགངས་ཆེན་དུ་མ་ཞིག་ཡོད་དོ།

ཚེས་དུས་སྒྲུབ་མཆོད་ནི། བོད་ཟླ་དང་པོའི་ཚེས་བརྒྱད་ནས་བཅུ་དྲུག་བར་སྨོན་ལམ་ཆེན་མོ་དང་། བོད་ཟླ་གཉིས་པའི་ཚེས་བརྒྱད་ནས་བཅུ་དྲུག་བར་ཉིན་བརྒྱད་ལ་གསང་འདུས་དང་། བོད་ཟླ་གསུམ་པའི་ཚེས་ལྔ་ནས་ཐིག་གདབ་ཚེས་བརྒྱད་ནས་བཅུ་དྲུག་བར་ཉིན་བརྒྱད་དུ་འཇིགས་བྱེད་དང་། བོད་ཟླ་བཞི་པའི་ཚེས་གཅིག་ནས་བཅུ་གཉིས་བར་བཟང་སྤྱོད་དང་དེ་ནས་རབ་གནས་དགེ་ལེགས་ཆར་འབེབས་ཉིན་གསུམ་དང་། ལྷ་ཁང་སུམ་མདོ་ཁྲུས་གསོལ་ཉིན་གསུམ། ཚེས་ཉེར་གཅིག་ལ་སྨོན་ལམ་མདོ་རིམ་དང་བསྐང་གསོ་ཉིན་གསུམ་དང་། བོད་ཟླ་ལྔ་བའི་ཚེས་ལྔ་ནས་ཐིག་གདབ་ཚེས་བརྒྱད་ནས་བདེ་མཆོག་ཉིན་བརྒྱད་དང་། དེའི་ཟླ་མཇུག་ཏུ་ལམ་རིམ་བདུད་རྩི་སྙིང་པོ་ཉིན་དྲུག་དང་། དྲུག་པའི་ཚེས་བརྒྱད་ནས་མཎྜལ་བཞི་ཆོ་ག་དང་རྒྱུད་གསང་བ་འདུས་པ་ཉིན་བརྒྱད་དང་། བདུན་པའི་ཚེས་ལྔ་ཐིག་གདབ་ནས་ཚེས་བརྒྱད་ནས་གསང་བ་འདུས་པ་ཉིན་དགུ་དང་། དྲུག་པའི་ཚེས་ལྔ་ནས་བརྒྱད་པའི་ཚེས་གཅིག་བར་དབྱར་གནས་དང་། དགུ་བའི་ནང་གྲོང་ཆོག་དུ་བདེ་མཆོག་ཆོས་སྤྱོད་སོགས་འདོན། བཅུ་པའི་[page 31] ཉེར་ལྔ་ལ་ལྔ་མཆོད་དང་། བཅུ་གཅིག་པའི་ཚེས་གཅིག་ནས་བཅུའི་བར་མ་ཎི་བུམ་སྒྲུབ་དང་དེ་ནས་མགོན་པོའི་གཏོར་སྒྲུབ། བཅུ་གཉིས་པའི་ཚེས་ཉེར་གཅིག་ནས་སྤྱི་གཏོར་བསྐང་གསོ་དང་། ཚེས་ཉེར་དགུ་ཉིན་སྐྱ་འཆམ་དང་འབག་འཆམ་གཉིས་བྱ་དགོས་སོ། སྔོན་གཅིག་དགུ་སུམ་ཅུ་དྲུག་ལོའི་ཟླ་བ་ལྔ་བའི་ནང་དུ་ཞུའོ་ཁེ་དང་ཝན་ཀན། གྲོང་ཙེ་ཡུའུ་སོགས་ཀྱི་དམག་ཁག་དྲུག་པ་འཇའ་བྱ་མོ་དགོན་དུ་འབྱོར་སྐབས་དགོན་པས་སྣེ་ལེན་བྱས་ནས་དམར་དམག་ལ་འཚོ་བ་སོགས་གང་ཐད་ནས་རོགས་རམ་རྒྱ་ཆེར་བྱས་པས་དམར་དམག་གིས་དགོན་པའི་བདག་གཉེར་པ་ནམ་མཁའ་རྒྱལ་མཚན་ལ་འཛིན་དང་ཕྱག་བྲིས་སོགས་ཀྱང་གནང་མྱོང་ན་ཡང་རྐྱེན་དབང་གིས་བརླགས་སོང་།

ཡོན་གྱི་འབྱུང་ཁུངས་ནི། དགོན་པ་ལ་ཟོག་ནག་ཉིས་བརྒྱ་ཙམ་དང་། ཞིང་ས་ཁལ་དྲུག་ཅུ་ཡས་མས་ཤིག་ཡོད་པ་དེ་དག་ལ་ཞིང་འབྲོག་ལས་པས་ཤེ་ཕྱེད་སྤྲད་དགོས་པ་དེ་དང་། དགོན་པའི་མངའ་འོག་གི་དུད་ཚང་བརྒྱ་དང་དྲུག་བཅུ་ཙམ་ཡོད་པ་དེ་དག་གི་དད་རྫས་དང་གཤིན་རྫས་ལ་བརྟེན་ནས་གྲྭ་བརྒྱ་ལྷག་གི་འགྱེད་གཏོང་སྒོ་བྱེད་དགོས་པ་ཡིན་ནོ། དེ་ནས་ངོ་རྒོལ་བཞི་དང་རིག་གནས་གསར་བརྗེ་སྐབས་གོང་ལེན་དང་གཏོར་བཤིགས་བྱས་ནས་མིང་གི་ལྷག་མ་གྱུར། དེ་ནས་ཏང་གི་སྐབས་བཅུ་གཅིག་པའི་གྲོང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་རྗེས་ནས། རྒྱལ་བསྟན་ཉམས་གསོ་ཆོག་པའི་དུས་སྐབས་བཟང་པོ་མངོན་པར་ཤར་ཏེ། གཙང་ཤུལ་སྐུ་ཕྲེང་དྲུག་པ་ཚེ་རིང་རྡོ་རྗེས་ཐུགས་འགན་གཙོ་བོ་བཞེས་ནས། ག་གཟི་སྐལ་བཟང་རྒྱ་མཚོ། དངོས་གྲུབ་ཕུན་ཚོགས། བུ་རིག་བློ་བཟང་བྱམས་པ། འབྱོར་ཟག་བློ་བཟང་། མིག་དམར་དགེ་འདུན། འབྱོང་རིག་དགེ་འདུན་ཆོས་འཕེལ། གྲུ་ཞབས་བློ་བཟང་བསྟན་པ། ཨ་དཀར་ཡར་འཕེལ་བཅས་ཀྱིས་ཐུགས་འགན་གནང་སྟེ། གཙུག་ལག་ཁང་ཀ་ཐང་ང་དྲུག་གི་ས་དང་། གྲྭ་ཁང་བཞི་བཅུ་ལྷག་ཙམ་བཞེངས་ཏེ། གཙུག་ལག་ཁང་དུ་རྒྱུ་སྨན་འདམ་ལས་བསྐྲུན་པའི་རྒྱལ་བ་བྱམས་པའི་སྐུ་རྩེག་ཚད་གཉིས་དང་། རྗེ་ཡབ་སྲས་གསུམ་དང་། ཐུགས་རྗེ་གཏེར་ཆེན་གསུམ་དང་། རིགས་གསུམ་མགོན་པོ་དང་། མི་འཁྲུགས་པ་དང་སྒྲོལ་མ་བཅས་མི་ཚད་ཙམ་དང་། རྒྱ་གར་ནས་བྱུང་བའི་ཚེ་ལྷ་རྣམ་གསུམ་དང་། རྗེ་ཡབ་སྲས་གསུམ་དང་། སྒྲོལ་མ་བཅས་ཁྲུ་གང་དྲགས་དང་། རྟེན་རྙིང་ཙནྡ་གྱི་ལོ་ཀི་ཤྭ་ར་ཆེ་ཆུང་བཞི་ཙམ་དང་། རོལ་ཆས་སྐོར་སྦུབ་ཆལ་གཉིས་དང་། གསར་བ་ཉི་ཤུ་ལྷག་དང་། རྒྱ་གླིང་ཆ་གཉིས། སིལ་སྙན་གསུམ། རག་དུང་ཆ་གསུམ། ཐང་ག་རྙིང་བ་ལམ་རིམ་བླ་བརྒྱུད་དང་ཚོགས་ཞིང་སོགས་ཀྱི་གཙོས་ཐང་བཞི་བཅུ་ལྷག་དང་། གདུགས་དང་རྒྱལ་མཚན་ཀ་འཕན་ཆ་ཚང་། འཆམ་གོས་དང་འཆམ་འབག་ཆ་ཚང་བཅས་བཞུགས་ལགས་སོ། དེ་ལས་དགོན་པའི་སློབ་བཞིན་ལགས། དགོན་པའི་གྲྭ་བརྒྱ་དང་ཉི་ཤུ་ལྷག་ཙམ་ལ་མོ་ཊ་གཅིག་དང་ཚོང་ཁང་གསུམ། དགོན་པའི་མངའ་འོག་གི་ཁྱིམ་དུད་བརྒྱ་ལྷག་གི་དད་རྫས་དང་གཤིན་རྫས་སོགས་ལ་བརྟེན་[page 32] ནས་ཚེས་དུས་སྒྲུབ་མཆོད་སྔོན་མ་ནང་བཞིན་ཡིན་ཡང་། དཔལ་འབྱོར་གྱི་ཆ་རྐྱེན་ཞན་པས་ཉིན་གྲངས་ཇེ་ཉུང་དུ་མངག་ཡོད་དོ། ལོ་རྒྱུས་འདི་ནི་ཆོས་འབྱུང་བཌཱུརྱ་སེར་པོ་དང་། གྲྭ་བློ་བཟང་བྱམས་པའི་ངག་རྒྱུན་ལྟར་མུ་པོས་བྲིས་པའོ།།

ས་མིང་ཚིག་མཛོད་མིག་བཤར།

ལི་ཐང་བྱམས་ཆེན་བཆོས་འཁོར་གླིང་གི་བྱང་ཕྱོགས། འཇམ་མགོན་བླ་མ་བློ་བཟང་གྲགས་པའི་དངོས་སློབ་གཙང་པ་སངས་རྒྱས་དཔལ་བཟང་ཞེས་སྙན་པའི་བ་དན་སྲིད་པ་གསུམ་ན་མངོན་པར་གཡོ་བ་གང་གིས་བོད་རབ་བྱུང་བདུན་པའི་དཀྱིལ་ཙམ་དུ་འབྲོག་རི་བོ་དགེ་ལུགས་པའི་གྲུབ་མཐའ་བཤད་སྒྲུབ་གཉིས་ལྡན་གྱི་སྒོ་ནས་སྐྱོང་བའི་དགོན་པ་འདི་ཉིད་ཕྱག་བཏབ་མཛད། དེ་ནས་གཙང་པ་ཀུན་དགའ་རྒྱལ་མཚན། ཆོས་སྐྱོང་དཔལ་བཟང་། གྲགས་པ་རྒྱལ་མཚན། དཔལ་འབྱོར་བཤེས་གཉེན། ཉག་རོང་དཔལ་བཤེས། ཚ་བ་རིན་ཆེན་སེང་གེ གྱོང་ནང་བཤེས་དོན་པ། དཔལ་སེང་། བློ་བཟང་ཚུལ་ཁྲིམས། ངག་དབང་བདེ་ལེགས། ལི་ཐང་ངག་དབང་ཚུལ་ཁྲིམས། གྱོང་ནང་ངག་དབང་སྙིང་པོ་དང་། གནས་བརྟན་སྤྲུལ་བའི་སྐུ་བློ་བཟང་དཔལ་འབྱོར། སྐུ་ཕྲེང་གཉིས་པ་ཆོས་བཟང་རིན་པོ་ཆེ། སྐུ་ཕྲེང་གསུམ་པ་ངག་དབང་ཆོས་ལྡན། སྐུ་ཕྲེང་བཞི་པ་ཚུལ་ཁྲིམས་བསྟན་འཛིན། སྐུ་ཕྲེང་ལྔ་པ་བློ་བཟང་རྒྱ་མཚོ། སྐུ་ཕྲེང་དྲུག་པ་རྗེ་བཙུན་བློ་བཟང་ཀུན་དགའ། སྐུ་ཕྲེང་བདུན་པ་མཆོག་སྤྲུལ་བསྟན་འཛིན་དགེ་ལེགས་གང་ཉིད་ད་སྐབས་དག་བཤེས་ལྷ་རམས་པའི་མཆོད་རྟགས་ཨང་དང་པོ་བཞེས་ནས་སྐུ་འཚོ་ཞིང་བཞུགས་པའི་སྒོ་ནས་ཆོས་འཁོར་བསྐོར་བཞིན་ཡིན་པ་མ་ཟད། དགེ་བའི་བཤེས་གཉེན་ཕྲིན་ལས་དར་རྒྱས་གང་ཉིད་དགོན་འདིར་བཞུགས་ནས་འདོན་རྟ་དབྱངས་དང་ཆོ་གའི་ཕྱག་ལེན་སོགས་སྦྱངས་བ་མཐར་ཕྱིན་མཛད་དེ། དབུས་གཙང་ཆོས་ཀྱི་ཞིང་སར་སེ་ར་ཐེག་ཆེན་གླིང་སུ་ལོ་ཉི་ཤུ་ལྷག་ཙམ་བཞུགས་ཏེ་གཞུང་བཀའ་པོད་ལྔ་ལ་ཐོས་བཟམ་མཐར་ཕྱིན་མཛད་རྗེས། སྐྱབས་རྗེ་ཁྲི་བྱང་རིན་པོ་ཆེ་མཆོག་དང་། བྲག་རི་རྡོ་རྗེ་འཆང་། སྐྱབས་རྗེ་ཕ་བོང་ཁ་བདེ་ཆེན་སྙིང་པོ་སོགས་སྐྱེས་ཆེན་དམ་པ་བསམ་གྱིས་མི་ཁྱབ་པ་དུ་མ་བསྟེན་ཏེ་བཤད་སྒྲུབ་ཟུང་འབྲེལ་གྱི་སྒོ་ནས་མདོ་སྔགས་རིག་གནས་དུ་མ་མངའ་དབང་བརྙེས་ནས། སླར་ཡང་ཆོས་སྡེ་ཆེན་པོ་འདིར་ཕེབས་ནས་གཞི་གསུམ་ཆོ་གའི་ལག་ལེན་སོགས་ཉམས་པ་སླར་གསོ་དང་མི་ཉམས་གོང་འཕེལ་མཛད་དེ། གདུལ་བྱ་རྣམས་ལ་གང་ལ་གང་འདོད་ཀྱི་སྒོ་ནས་བྱང་ཆུབ་ལམ་རིམ་ཆེན་མོ་དང་། ཟབ་ལམ་བླ་མའི་མཆོད་པ། སྤྱོད་འཇུག་ཆེན་མོ་བཅས་ཁྲིད་དང་། ཐུགས་རྗེ་ཆེན་པོ་དང་། དཔལ་གསང་བ་འདུས་པ་དང་། བདེ་མཆོག་ལུས་དཀྱིལ་དྲིལ་བུ་ལྷ་ལྔ་དང་། འཇིགས་བྱེད་དཔའ་བོ་གཅིག་པ་དང་། འཇིགས་བྱེད་ལྷ་བཅུ་གསུམ་གྱི་དབང་ཆེན་དང་མུ་ཊ་བརྒྱ་རྩ་[page 33] དང་། ཆོས་སྐྱོང་རྣམས་ཀྱི་རྗེས་གནང་བཅས་ཀྱིས་གདུལ་བྱ་རྣམས་ལ་ཆོས་ཀྱི་འཁོར་ལོ་རྒྱ་ཆེར་བསྐོར་ནས་སྨིན་གྲོལ་གྱི་ལམ་ལ་བཀོད་པར་མཛད་དོ།

དེ་ལས་སྐྱེས་ཆེན་དམ་པ་དེ་དག་གི་སྐུ་རིང་དུ་འདུ་ཁང་ཀ་བ་བདུན་ཅུའི་ས་དང་། གྲྭ་ཤག་བརྒྱ་ལྷག་ཙམ་བསྐྲུན་ནས། གཙུག་ལག་ཁང་དུ་རྒྱུ་ལི་སེར་ལས་གྲུབ་པའི་རྗེ་ང་འདྲ་མ་དང་། རྒྱུ་ལི་ནག་ལས་གྲུབ་པའི་བདེ་ཆེན་གསུང་འབྱོན་མ། རྒྱ་གར་ཤར་ལི་མའི་འཇིགས་བྱེད་ལྷ་བཅུ་གསུམ་གྱི་འདྲ་སྐུ་བཅས་དང་། རྒྱུ་ལི་ལས་གྲུབ་པའི་ལྷ་མོ་རབ་བརྟན་མ། ཟངས་གསེར་ལས་གྲུབ་པའི་མི་འཁྲུགས་པའི་སྐུ་བརྙན་མི་ཚད་ཙམ་དང་། རྩེ་མགོ་ལྷ་ཁང་དུ་རྒྱུ་ལི་སེར་ལས་གྲུབ་པའི་རྗེ་ཙོང་ཁ་བའི་སྟོང་སྐུ་དང་། དེའི་སྟེང་དུ་རྒྱུ་ཟངས་གསེར་ལས་གྲུབ་པའི་ཐུབ་དབང་སྟོང་སྐུ་དང་། ཚོགས་ཆེན་འདུ་ཁང་སྟེང་དུ་རྒྱུ་ཟངས་གསེར་ལས་གྲུབ་པའི་སྐུ་གདུང་མཆོད་རྟེན་ཆ་བརྒྱད་དང་། དེའི་གཡས་སུ་གྲུབ་ཆེན་བརྒྱད་ཅུ། ལྷ་ཁང་ནང་དུ་ཟངས་གསེར་ལས་གྲུབ་པའི་རྒྱལ་བ་བྱམས་པའི་འདྲ་སྐུ་རྩེག་ཚད་གཅིག་དང་གྲུབ་ཆེན་བརྒྱད་ཅུའི་འདྲ་སྐུ་བཅས་དང་། དེའི་དཀྱིལ་གྱི་བྱམས་ཁང་དུ་རྒྱུ་སྨན་འདམ་ལས་གྲུབ་པའི་བྱམས་སྐུ་རྩེག་ཚད་གཉིས་ལྷག་དང་། དེའི་གཡས་གཡོན་གཉིས་སུ་དེ་བཞིན་གཤེགས་པ་མར་མེ་མཛད་དང་འོག་སྲུང་བཅས་ཀྱི་འདྲ་སྐུ་རྩེག་ཚད་གཅིག་དང་། སྨན་བླ་བདེ་གཤེགས་མཆེད་བརྒྱད་ཀྱི་འདྲ་སྐུ་བསྐུམ་ཁྲུ་གཉིས་ལྷག་དང་། རྒྱུ་ལི་ལས་གྲུབ་པའི་ལྷ་མོ་རབ་བརྟན་མ། ཟངས་གསེར་ལས་གྲུབ་པའི་མི་འཁྲུགས་པའི་སྐུ་བརྙན་མི་ཚད་ཙམ་དང་། རྩེ་མགོ་ལྷ་ཁང་དུ་རྒྱུ་ལི་སེར་ལས་གྲུབ་པའི་རྗེ་ཙོང་ཁ་བའི་སྟོང་སྐུ་དང་། དེའི་སྟེང་དུ་རྒྱུ་ཟངས་གསེར་ལས་གྲུབ་པའི་ཐུབ་དབང་སྟོང་སྐུ་དང་། ཚོགས་ཆེན་འདུ་ཁང་སྟེང་དུ་རྒྱུ་ཟངས་གསེར་ལས་གྲུབ་པའི་སྐུ་གདུང་མཆོད་རྟེན་ཆ་བརྒྱད་དང་། དེའི་གཡས་སུ་གྲུབ་ཆེན་བརྒྱད་ཅུ། ལྷ་ཁང་ནང་དུ་རྒྱུ་ཟངས་གསེར་ལས་གྲུབ་པའི་རྒྱལ་བ་བྱམས་པའི་འདྲ་སྐུ་རྩེག་ཚད་གཅིག་དང་གྲྱབ་ཆེན་བརྒྱད་ཅུའི་འདྲ་སྐུ་བཅས་དང་། དེའི་དཀྱིལ་གྱི་བྱམས་ཁང་དུ་རྒྱུ་སྨན་འདམ་ལས་གྲུབ་པའི་བྱམས་སྐུ་རྩེག་ཚད་གཉིས་ལྷག་དང་། དེའི་གཡས་གཡོན་གཉིས་སུ་དེ་བཞིན་གཤེགས་པ་མར་མེ་མཛད་དང་འོད་སྲུང་བཅས་ཀྱི་འདྲྲ་སྐུ་རྩེག་ཚད་གཅིག་དང་སྨན་བླ་བདེ་གཤེགས་མཆེད་བརྒྱད་ཀྱི་འདྲ་སྐུ་བསྐུམ་ཁྲུ་གཉིས་ལྷག་དང་། གཡས་ཀྱི་མགོན་ཁང་དུ་རྒྱུ་སྨན་འདམ་ལས་གྲུབ་པའི་གསང་བད་འཇིགས་གསུམ་གྱི་འདྲ་སྐུ་རྩེག་ཚད་གཅིག་དང་། དེའི་ཡང་ཐོག་ཏུ་གནས་བརྟན་བྲག་རི་མའི་ལྷ་ཁང་དུ་རྒྱུ་ཟངས་གསེར་ལས་གྲུབ་པའི་ཇོ་བའི་སྐུ་མིའི་ལུས་ཚད་ཙམ་ཡོད་པའི་བྱིན་རླབས་ཀྱི་གཟི་འོད་འབར་བ་དང་། ཚོགས་ཆེན་ཁང་དུ་རྒྱུ་སྨན་འདམ་ལས་གྲུབ་པའི་རྗེ་ཡབ་སྲས་གསུམ་གྱི་འདྲ་སྐུ་རྩེག་ཚད་དང་། དེའི་གཡས་སུ་ཟངས་གསེར་ལས་གྲུབ་པའི་ཇོ་བོ་ལོ་ཀི་ཤྭ་རའི་སྐུ་ཁྲུ་གསུམ་ཙམ་དང་། དེའི་གཡོན་ཕྱོགས་སུ་འཕགས་པ་སྤྱན་རས་གཟིགས་དང་ལམ་རིམ་བླ་མའི་བླ་བརྒྱུད་དུ་མ་དང་། རྗེའི་ཤངས་ཁྲག་གིས་བྲིས་པའི་ལྷ་མོ་དངུལ་ལེན་མ་དང་། ཐུབ་དབང་གོ་སྐུ་རྩེག་ཚད་གསུམ་ཡོད་པ་ཞིག་དང་། དགེ་བཤེས་ཕྲིན་ལས་[page 34] དར་རྒྱས་གྱིས་ཡོན་སྦྱོར་མཛད་ནས་བཞེངས་པའི་དཔག་བསམ་འཁྲི་ཤིང་གི་གསེར་ཐང་མཐའ་གཤམ་ཧོར་གོས་ལས་གྲུབ་པའི་རྒྱུ་གསེར་དང་དངུལ་གྱི་དྲིལ་ཏོག་དང་བཅས་སྤུས་ལེགས་ཆ་ཚང་དང་། དངུལ་ཐང་སྒྲོལ་མ་སྟོང་སྐུ་དང་སྤྱན་རས་གཟིགས་ཀྱི་སྐུ་ཐང་རྩེག་ཚད་བཅས་བཞུགས་སུ་གསོལ། པར་ཁང་དུ་ལྷོ་བྲག་སྙན་བརྒྱུད་དང་གསང་བདེ་འཇིགས་གསུམ་བཅས་ཀྱིས་མཚོན་ཆོས་སྤྱོད་ཡོངས་རྫོགས་ཀྱི་པར་ཤིང་བཞི་སྟོང་ལྷག་དང་རྒྱལ་བའི་བཀའ་བསྟན་འགྱུར་ཆ་བཞི་དང་དེ་མིན་གྱི་གསུང་རབ་སྐོར་དུ་མ་བཞུགས་པར་མ་ཟད། མཆོད་ཆས་རོལ་མོ་སྐོར་ལ་མཆོག་སྤྲུལ་བློ་བཟང་དཔལ་འབྱོར་གྱི་རྒྱལ་ཐང་འོ་མའི་མཚོ་ནས་གཏེར་བཏོན་པའི་སྦུབ་ཆལ་འཛམ་གླིང་གཡས་བཞག་གིས་མཚོན་སྦུབ་ཆལ་ཉི་ཤུ་ལྷག་དང་། ཚྭ་དྲིལ་དང་རྒྱ་དྲིལ་འཁོར་ལོ་མ་བཅས་བརྒྱ་ཕྲག་ལྷག་དང་། ཏིང་ཤགས་ཆ་བཅོ་ལྔ་དང་སྡེ་བ་ས་འབུམ་གྱིས་ཕུལ་བའི་ཧོར་གོས་ལས་གྲུབ་པའི་རྒྱལ་མཚན་ལྔ། འགྲོ་མགོན་ཆོས་རྒྱལ་འཕགས་པའི་སྒམ་ཟག་ཆ་གཅིག་བཅས་ཀྱིས་མཚོན་སྐུ་གསུང་ཐུགས་རྟེན་དང་མཆོད་ཆས་རོལ་མོ་དུ་མ་བཞུགས་པ་ཡིན་ནོ།།

དགོན་འདིའི་དགེ་འདུན་ཞལ་གྲངས་གྲྭ་བཞི་བརྒྱ་ལྷག་ལ་ཁྱིམ་དུད་ལྔ་བརྒྱ་ཡས་མས་ཀྱིས་ཡོན་སྦྱོར་མཐུན་རྐྱེན་བསྒྲུབས་ནས་བོད་ཟླ་དང་པོའི་ཚེས་ལྔ་ནས་ཚེས་བཅུ་བདུན་བར་ཆོ་འཕྲུལ་སྨོན་ལམ་ཆེན་མོ་དང་། བོད་ཟླ་གཉིས་པའི་ཚེས་ཉེར་བརྒྱད་ནས་བོད་ཟླ་གསུམ་པའི་ཚེས་བཅུ་བདུན་པར་མ་ཎིའི་བུམ་སྒྲུབ་དང་། བོད་ཟླ་གསུམ་པའི་ཚེས་ཉེར་བརྒྱད་ནས་བོད་ཟླ་བཞི་བའི་ཚེས་བཅུ་དྲུག་བར་སྨྱུང་གནས་དཀར་པོ་ཆ་བརྒྱད་དང་། བོད་ཟླ་ལྔ་པའི་ཚེས་ལྔ་ནས་བཅུ་བཞི་བར་བདེ་མཆོག་དང་། བོད་ཟླ་དྲུག་པའི་ཚེས་བདུན་ནས་བཅོ་ལྔའི་བར་འཇིགས་བྱེད་སྒྲུབ་མཆོད་དང་། བོད་ཟླ་བདུན་པའི་ཚེས་གསུམ་ནས་བཅུ་དྲུག་བར་དཔལ་གསང་བ་འདུས་པའི་སྒྲུབ་ཆོག་དང་། བོད་ཟླ་བརྒྱད་པའི་ཚེས་གཉིས་ནས་བཅུའི་བར་སྨན་བླའི་ཆོ་ག་དང་། བོད་ཟླ་དགིུ་པའི་ཚེས་ཉེར་གཉིས་ནས་ཚེས་ཉེར་ལྔའི་བར་ལྷ་བབ་དུས་ཆེན། བོད་ཟླ་བཅུ་པའི་ཚེས་ཉེར་གཉིས་ནས་བོད་ཟླ་བཅུ་གཅིག་པའི་ཚེས་གཅིག་བར་དགའ་ལྡན་ལྔ་མཆོད་དང་དགུ་གཏོར་ཆེན་མོ་གཉིས་དུས་མཉམ་དུ་འཚོགས་པ་དང་འབྲེལ་འཆམ་ཆེན་བཅོ་ལྔ་དང་འཆམ་ཆུང་བརྒྱད་བཅས་ཚེས་ཉེར་བརྒྱད་ལ་སྐྱ་འཆམ་དང་ཚེས་ཉེར་དགུ་ལ་འབག་འཆམ་དང་གཏོར་རྒྱག་བཅས་འཚོགས་དགོས་པ་ཡིན་ནོ།།

དེ་ནས་སེམས་ཅན་གྱི་ལས་དང་བསོད་ནམས་ཟད་པའི་སྟོབས་ཀྱིས་རྒྱལ་བསྟན་ནུབ་རིའི་ཕྱོགས་སུ་ཡིབས་ཏེ། གཙུག་ལག་ཁང་རྟེན་དང་བརྟེན་པ་ཐམས་ཅད་སྲེག་ཟའི་ཁར་བསྟིམས་ནས་མི་ལོ་སུམ་ཅུ་ལྷག་གི་རིང་དུ་རྒྱལ་བསྟན་གྱི་སྒྲ་ཙམ་ཡང་མི་གྲགས་པའི་གནས་སུ་གྱུར། སླར་ཡང་མཆོག་གསུམ་དམ་པའི་བྱིན་མཐུ་ལ་བརྟེན་ནས་བོད་རབ་བྱུང་བཅུ་དྲུག་པའི་ཁྲག་སྐྱུག་སྟེ་ཆུ་མོ་ཕག་གི་ལོར་རྒྱལ་བསྟན་སླར་གསོ་ཆོག་པའི་གོ་སྐབས་བཟང་པོའི་ཉིན་ཉི་གཞོན་ཤར་རིའི་རྩེ་ནས་མངོན་པར་འཕྲོས་ནས། དགེ་སློང་བློ་བཟང་ཚེ་རིང་གིས་དབུ་མཛད་ནས་གཙུག་ལག་ཁང་དང་གྲྭ་ཤག་སོགས་སྔོན་མ་ནང་བཞིན་བསྐྱར་གསོ་[page 35] མཛད་དེ། འདུ་ཁང་རྒྱུ་སྨན་འདམ་ལས་བསྐྲུན་པའི་རྗེས་ཡབ་སྲས་གསུམ་ཐོག་རྩེག་གཉིས་དང་། གཙང་ཆེན་མཁས་གྲུབ་སངས་རྒྱས་དཔལ་བཟང་དང་། གཙང་ཆུང་ཀུན་དགའ་རྒྱལ་མཚན་བཅས་ལེགས་བསྐྲུན་མཛད་པ་མ་ཟད། དགེ་བཤེས་འཕྲིན་ལས་དར་རྒྱས་བཅས་གྱི་འདྲ་སྐུ་དང་། དེའི་ཐོག་ཁར་རྗེ་བཙུན་བྱམས་པ་མགོན་པོའི་སྐུ་རྩེག་ཚད་གཅིག་དང་རྒྱལ་བའི་བཀའ་འགྱུར་དང་བསྟན་འགྱུར་ཆ་རེ་དང་དུང་འཁོར་གཅིག་བཅས་ཀྱང་བཞེངས་བསྐྲུན་མཛད་དེ། བླ་གྲྭ་དགེ་འདུན་ཞལ་གྲངས་བཞི་བརྒྱ་ལྷག་གིས་སྔོན་མ་ནང་བཞིན་ཡུལ་སྡེའི་ཡོན་སྦྱོར་ལ་བརྟེན་ནས་ཚེས་དུས་སྒྲུབ་མཆོག་སོགས་འཚོགས་བཞིན་ཡིན་ནོ། དེ་ལྟར་ལོ་རྒྱུ་འདི་ནི་དགའ་ལྡན་ཆོས་འབྱུང་བེེ་སེར་ལ་གཞི་བྱས་གྲྭ་བླ་རྒན་རྣམས་ཀྱི་ངག་རྒྱུན་ཁུངས་ཐུབ་རྣམས་ལས་ཟུར་བརྒྱན་ཏེ་མུ་པོས་བྲིས་པའོ།།

ས་མིང་ཚིག་མཛོད་མིག་བཤར།

དགའ་བ་སངས་རྒྱས་ཆོས་འཕེལ་གང་གིས་བོད་རབ་བྱུང་བཅུ་གཉིས་པའི་དཀྱིལ་ཙམ་དུ་དགོན་པ་འདི་ཉིད་ཕྱག་བཏབ་མཛད་དེ། དགའ་བ་ཆོས་རྗེ་བསམ་གཏན་རྒྱ་མཚོ། ངག་དབང་ཀུན་དགའ་ཕུན་ཚོགས་འཇམ་དབྱངས། བློ་བཟང་བཙན་རྒྱས། ཆ་ར་མཁན་པོ་སོགས་སྐྱེས་ཆེན་དམ་པ་དུ་མ་བྱོན་པའི་སྐུ་རིང་དུ་རྟེན་གཙུག་ལག་ཁང་ཀ་བ་ཉེར་བཞི་དང་གྲྭ་ཁང་སོ་བདུན་ལེགས་བསྐྲུན་བྱས་ཏེ། འདུ་ཁང་དུ་རྒྱུ་སྨན་འདམ་ལས་གྲུབ་པའི་རྗེ་བཙུན་བྱམས་པ་དང་། གསང་འདུས། བདེ་མཆོག་འཇིགས་བྱེད། མི་འཁྲུགས་པ། རྗེ་ཡབ་སྲས་གསུམ་སོགས་རྩེག་ཚད་དང་། གསེར་སྐུ་ལི་མ་རྒྱལ་བ་བྱམས་པའི་སྐུ་བརྙན་གསུང་འབྱོན་མ་ཁྲུ་གང་བས་མཚོན་ལི་སྐུ་ཆེ་ཆུང་ཅུ་ལྷག་དང་། ཐུགས་རྟེན་བཀའ་གདམས་མཆོད་རྟེན་ཁྲུ་གང་བ་བརྒྱད་དང་། གསང་བདེ་འཇིགས་གསུམ་དང་འོད་དཔག་མེད་ཀྱི་ཞིང་བཀོད་བཅས་གསེར་ཐང་ལུས་ཚད་མ་གྲངས་མང་དང་། ཀུན་རིག་གཙོ་འཁོར་བརྒྱད་ཅུ། རྗེ་རིན་པོ་ཆེའི་ཐུགས་ཀྱི་སྒྲ་དབྱངས་ལུས་ཚད་མ་བཅས་ཀྱིས་མཚོན་ཐང་ག་འགངས་ཆེན་བརྒྱ་ལྷག་དང་། རྒྱལ་བའི་གསུང་རབ་བཀའ་འགྱུརདང་བསྟན་འགྱུར། གསེར་དངུལ་གྱི་ཞུན་མས་བྲིས་པའི་འབུམ་སོགས་གསུང་རབ་པོད་བཞི་བརྒྱ་ལྷག་དང་། རོལ་མོ་སྐོར་ལ་རག་དུང་ཆ་གཉིས། སྦུབ་ཆལ་བྱ་ཤང་ཤང་གིས་མཚོན་ཆ་དྲུག་དང་། གསེར་དངུལ་བྲ་མའི་རྒྱ་གླིང་ཆ་གཅིག་གིས་རྒྱ་གླིང་ཆ་དྲུག་དང་། འགངས་མཐོ་བའི་དྲིལ་བུ་གཉིས་ཀྱིས་མཚོན་དྲིལ་བུ་ཉི་ཤུ་རྩ་གྲངས། བསྐང་གསོ་ལྔ་འཆམ་གྱི་འཆམ་འབོག་དང་འཆམ་གོས་བཅུ་གསུམ་དང་འཕན་གདུགས་རྒྱལ་མཚན་བླ་བྲེལ་སོགས་དུ་མ་དང་། ལོགས་ངོས་སུ་སྟོན་པ་གཙོ་འཁོར་གསུམ་དང་། རྒྱན་དྲུག་མཆོག་གཉིས། རྗེ་ཡབ་སྲས་གུསམ་སོགས་ཀྱིས་མཚོན་བླ་མ་ཡི་དམ་མཁའ་འགྲོ་ཆོས་སྐྱོང་སོགས་ཀྱི་སྡེབས་བྲིས་དུ་མ་མངོན་པར་བཀྲ་བ་དང་། དེ་དག་བཞེངས་པའི་ཡོན་[page 36] སྦྱོར་དགའ་བ་ག་ལི་བུ་ཕྲུག་དང་དགོན་པའི་མངའ་འོག་གི་ཁྱིམ་དུད་བརྒྱ་ལྷག་གིས་བགྱིས་པ་མ་ཟད་ལོ་རེ་བཞིན་གྲྭ་བརྒྱ་ལྷག་གིས་ཚེས་དུས་སྒྲུབ་མཆོད་འཚོགས་པའི་ཡོན་བདག་མཛད་དེ། བོད་ཟླ་བཅུ་གཉིས་པའི་ཚེས་བཅུ་དགུ་ནས་ཉེར་དགུའི་བར་སྤྱི་གཏོར་ཆེན་མོ་དང་། བོད་ཟླ་དང་པོའི་ཚེས་གསུམ་ནས་སྨོན་ལམ་ཆུང་བ་ཚེས་བརྒྱད་བར་དང་། ཚེས་དགུ་ནས་སྨོན་ལམ་ཆེན་མོ་བཅུ་དྲུག་བར་དང་ཚེས་བཅུ་དྲུག་ལ་བྱམས་པ་གདན་དྲངས་དང་། བོད་ཟླ་གཉིས་པའི་ཚེས་བརྒྱད་ནས་མི་འཁྲུགས་པ་ཉིན་བཅོ་ལྔ་དང་། ཚེས་ཉེར་དྲུག་ནས་འཇིགས་བྱེད་ཉིན་བཅུ་དང་། ཚེས་སུམ་ཅུ་ནས་སྨྱུང་གནས་ཆ་བརྒྱད་དང་། བོད་ཟླ་བཞི་པའི་ནང་གསང་འདུ་ཉིན་བཅུ། དེ་ནས་བདེ་མཆོག་ཉིན་བཅུ། དེ་ནས་སྨན་བླ་སྒྲུབ་མཆོད་ཉིན་བཅོ་ལྔ་དང་། བོད་ཟླ་དྲུག་པའི་ཚེས་བཅོ་ལྔ་ནས་བདུན་པའི་སུམ་ཅུའི་བར་དབྱར་གནས་བཅས་འཚོགས་དགོས་པ་ཡིན་ནོ། དེ་ནས་སེམས་ཅན་རྣམས་ལས་དང་བསོད་ནམས་དམན་པས་བཅོས་སྒྱུར་དང་རིག་གསར་སྐབས་བོད་ཡུལ་དགོན་སྡེ་སྤྱི་དང་མཚུངས་པར་གཙུག་ལག་ཁང་གིས་འབྲུ་ཁང་དང་སློབ་གྲྭ་སོགས་བྱས་ནས་སྐུ་གསུང་ཐུགས་རྟེན་ཐམས་ཅད་མིང་གི་ལྷག་མར་གྱུར།

སླད་ནས་ཆོས་ལུགས་དད་མོས་ཀྱི་སྤྲིན་གསེབ་ཉི་མ་ཤར་ཏེ་རབ་བྱུང་བཅུ་དྲུག་པའི་ཟད་པ་སྟེ་མེ་ཕོ་སྟག་གི་ལོར་དགོན་འདིའི་ཆོས་སྒོ་ཕྱེས་ཏེ་ཨ་ཤང་ཐུབ་བསྟན་གྱིས་གཙོ་བྱས་ནས་འདུ་ཁང་ཀ་བ་ཉེར་བརྒྱད་དང་གྲྭ་ཁང་ལྔ་བཅུ་ལྷག་ཙམ་གསར་བསྐྲུན་མཛད། འདུ་ཁང་དུ་རྒྱུ་སྨན་འདམ་ལས་གྲུབ་པའི་བྱམས་པ་རྩེག་ཚད་གཉིས། གསང་བདེ་འཇིགས་གསུམ་དང་། ཇོ་བོ་མི་འཁྲུགས་པ། སྟོན་པ་གཙོ་འཁོར་གསུམ་བཅས་ཁྲུ་དོ་དང་། བྱམས་པ་གསུང་འབྱོན་མས་མཚོན་ལི་སྐུ་རྙིང་པ་དྲུག་དང་། གསང་བདེ་འཇིགས་གསུམ་དང་། ཐུགས་ཀྱི་སྒྲ་དབྱངས་མི་འཁྲུགས་པ་བཅས་ཐང་ག་གསར་རྙིང་བརྒྱ་ལྷག་དང་། རྒྱལ་བའི་བཀའ་འགྱུར་ཆ་བཞི། བསྟན་འགྱུར་ཆ་གཅིག་བཅས་སྡེ་དགེ་པར་ཁང་ནས་གདན་དྲངས། སྒོར་ཁྲི་གཅིག་ལྷག་གི་མ་དངུལ་གྱི་ཚོང་ཁང་དང་ཁྱིམ་དུད་བརྒྱ་ལྷག་གི་དད་གཤིན་རྫས་སོགས་ཀྱི་ཡོན་སྦྱོར་ལ་བརྟེན་ཏེ། གསང་བདེ་འཇིགས་གསུམ་མ་གཏོགས་པ་དེ་མིན་དུས་མཆོད་ཐམས་ཅད་སྔོན་མ་ནང་བཞིན་གྲྭ་བརྒྱ་ལྷག་གིས་འཚོགས་བཞིན་ཡིན་ནོ། ལོ་རྒྱུས་འདི་ནི་ལི་ཐང་དགོན་པའི་ལོ་རྒྱུས་སོགས་ལ་བརྟེན་ནས་རྒྱལ་མཚན་བྱང་ཆུབ་ཀྱི་ངག་རྒྱུན་ཁུངས་རྣམས་ལ་གཞི་བྱས་ཏེ་མུ་པོས་བྲིས་པ་ཡིན་ནོ།།

ས་མིང་ཚིག་མཛོད་མིག་བཤར།

རབ་བྱུང་གསུམ་པའི་ཤིང་བྱི་ལོར་ཀརྨ་པཀྵི་ཆོ་ཀྱི་བླ་མ་སྐུ་བལྟམས་ཏེ། དུས་མཁྱེན་གྱི་ཡང་སྲིད་དུ་ངོས་འཛིན་མཛད་དེ་བཀའ་བརྒྱུད་པའི་བསྟན་པ་ཉི་མ་ཤར་བ་ལྟར་སྤེལ་ཏེ་མདོ་སྨད་ས་ཡི་ཐིག་ལེ་ཀརྨ་བ་དུས་མཁྱེན་གྱི་གདན་ས་ཀ་པོ་གངས་ཀྱི་རབ་གནས་ཆེན་དུ་ཕྱག་ཕེབས་ནས་སྒྲུབ་པ་ཉམས་ལེན་[page 37] མཛད་ནས་མཆོག་གི་དངོས་གྲུབ་བརྙེས། གནས་ཆེན་ཉེར་བཞིའི་ནང་དཔལ་འཁོར་ལོ་སྡོམ་པའི་གནས་ཀྱི་ཆར་གཏོགས་གསུང་གི་གནས་ཀ་མ་རུ་པ་དང་། འདབས་སྤང་ཕུག་འཕྲིན་ལས་ཀྱི་གནས་དང་། ཤར་ཕྱོགས་སྤང་རི་ཡོན་ཏན་གྱི་གནས་གསུམ་ཡང་ཞབས་ཀྱིས་བཅགས་ཤིང་བྱིན་གྱིས་བརླབས་པར་མཛད་དེ་འདམ་སྤང་ཕུག་འཕྲིན་ལས་ཀྱི་གནས་དེ་ལ་སྤང་ཕུག་དགོན་བཏབ། ཤར་ཕྱོགས་སྤང་རི་ཡོན་ཏན་གྱི་གནས་དེ་ལ་སྒྲུབ་སྡེ་ཆུང་ངུ་ཞིག་བཙུགས་ཏེ་ལ་སྟོད་དགོན་ཞེས་མཚན་གསོལ། བོད་རབ་བྱུང་བདུན་པའི་དུས་མཇུག་ཙམ་དུ་འཇམ་མགོན་བླ་མ་བློ་བཟང་གྲགས་པའི་ཞལ་སློབ་གསེར་ཀོང་དབོན་པོས་དགོན་པ་དེ་དར་རྒྱས་དུ་མཛད། དེ་ནས་ནམ་སོ་བཟུང་ལྷ། དགེ་འདུན་ལེགས་རབ། བཀྲ་ཤིས་དཔལ་འབྱོར། ཉང་པོ་ལྷུན་གྲུབ་དཔལ་འབྱོར། བྱང་བར་དགེ་འདུན་བཀྲ་ཤིས། དཔལ་འབྱོར་སོགས་ཀྱི་བསྟན་པ་ཡུན་རིང་བསྐྱོང་། གྲྭ་རྒྱུན་སེ་འབྲས་སུ་སྤོ་འབོར་དང་དགའ་ལྡན་དུ་གསེར་ཀོང་པ། དགེ་འདུན་སུམ་ཅུ་ཙམ་བཞུགས་ལགས་སོ། དེའི་རྗེས་འཛམ་གླིང་རིན་པོ་ཆེ་སྐུ་ཕྲེང་དང་པོ་བསམ་གཏན་རྒྱ་མཚོ་ལྷ་ས་ལྷོ་ཁ་ཞབས་ཚང་ལ་འཁྲུངས་ཏེ། སེ་ར་སྨད་དུ་སློབ་གཉེར་མཛད་ནས་རྗེས་སུ་ལི་ཐང་དགོན་པའི་མཁན་པོ་ཁྲི་ཐོག་ཉེར་གཉིས་པ་མཛད། དེ་ནས་དམ་པ་ཉིད་ལ་སྟོན་དགོན་དུ་ཕེབས་ཏེ་དགོན་པ་ཉམས་གསོ་མཛད། དགོན་བདག་དང་མཁན་པོ་མཛད་ནས་དགོན་པ་ལ་བསམ་གཏན་གླིང་ཞེས་མཚན་གསོལ། དམ་པ་ཉིད་ཀྱིས་གྲྭ་སློབ་བསྡུས་ཏེ་དགེ་ཚུལ་གྱི་སྡོམ་པ་དང་། བསྙེན་རྫོགས་ཀྱི་སྡོམ་པ་སོགས་ལེགས་པར་གནང་། སེར་སྐྱ་མང་ཚོགས་ལ་ཆོས་ཀྱི་དབང་ལུང་མང་དུ་བསྩལ་ཏེ་གདུས་བྱའི་སྐྱེ་འགྲོ་རྣམས་ཆོས་ལ་བཀོད། དེ་རྗེས་འཛམ་གླིང་སྐུ་ཕྲེང་གཉིས་པ་ཚོ་གསུམ་མཛོ་སྣའི་གྲོང་དུ་འཁྲུངས། ལྷ་ལྡན་སེ་ར་སྨད་དུ་སློབ་གཉེར་བྱས། ལི་ཐང་དགོན་པའི་མཁན་པོ་ཁྲི་ཐོག་སོ་བདུན་པ་མཛད། ལ་སྟོད་དགོན་པའི་བསྟན་པ་ཡུན་རིང་དུ་བསྐྱངས། འཛམ་གླིང་སྐུ་ཕྲེང་གསུམ་པ་མོ་ལ་ཤ་གྲོང་དུ་འཁྲུངས་ཏེ་གདན་ས་སེ་ར་ཐེག་ཆེན་གླིང་དུ་ཐོས་བསམ་གནང་། ལི་ཐང་དགོན་པའི་མཁན་པོ་ཁྲི་ཐོག་ང་ལྔ་པ་མཛད། དགོན་འདིའི་མཁན་པོ་དང་དགོན་པ་བདག་སྐྱོང་བྱས། སྡོམ་པ་གསུམ་གནས་ནས་སྐྱེས་བུ་གསུམ་གྱི་ལམ་དང་རིམ་གཉིས་ཀྱི་རྣལ་འབྱོར་ལྷུར་བླངས་ཤིང་། སྡེ་སྣོད་གསུམ་དང་རྒྱུད་སྡེ་བཞི་ལ་འཆད་ཉན་སྒོམ་སྒྲུབ་བྱས་ཏེ། ཐུབ་པའི་བསྟན་པ་ཕྱོགས་བཅུར་རྒྱས་པར་མཛད་དེ་མཐར་རྡོ་རྗེ་རྣལ་འབྱོར་མ་དངོས་སུ་གྲུབ་པས་འཇའ་འོད་ཀྱི་གུར་ཁང་དུ་དགོངས་པ་རྫོགས་སོ།།

དགོན་པའི་འདུ་ཁང་ཆེ་བ་ཀ་བ་སུམ་ཅུ་དང་། འདུ་ཁང་ཆུང་བ་ལ་ཀ་བ་བཅུ་གཉིས་དང་། ཆོས་ར་ཀ་བ་བཞི་བཅུ་པ་དེ་དག་ལ་ལོགས་བྲིས་བཀའ་དམས་པའི་བླ་མ་དང་། རྗེ་ཡབ་སྲས་སོགས་བརྒྱུད་སྣ་ཚོགས་ཀྱི་ཚོགས་ཞིང་དང་། རྒྱུད་སྡེ་བཞི་སོགས་ཡི་དམ་སྐོར་དང་། རྒྱལ་ཆེན་རིགས་བཞི་སོགས་སྲུང་མའི་སྐོར་དང་། འདུ་ཁང་ཆེ་བའི་ནང་དུ་རྒྱུ་སྨན་འདམ་ལས་བསྐྲུན་པའི་ཀ་རྨ་པ་ཞྭ་དམར་ནག་གཉིས་ཀྱི་སྐུ་བརྙན་རྩེག་ཚད་དང་། རྒྱུ་ལི་ལས་གྲུབ་པའི་སྟོན་པའི་སྐུ་མི་ཚད་མ་གཅིག་དང་། [page 38] བཀའ་གདམས་པའི་སངས་རྒྱས་ཀྱི་འདྲ་སྐུ་སུམ་ཅུ་ལྷག་དང་། གླང་དར་ཁྲིམས་ཐར་སྒྲོལ་མའི་སྐུ་དང་། བཀའ་གདམས་མཆོད་རྟེན་སྒོ་བརྒྱ་མ་དང་། དེ་མིན་བཀའ་གདམས་མཆོད་རྟེན་ཉི་ཤུ་ལྷག་དང་། སྦུབ་སིལ་སྣ་ཚོགས་སུམ་ཅུ་ཙམ་དང་། འདུ་ཁང་ཆུང་བའི་ནང་རྟེན་གཙོ་བོ་འཇམ་མགོན་ཆོས་ཀྱི་རྒྱལ་པོ་ཙོང་ཁ་བའི་སྐུ་གསེར་ཟངས་ལས་བསྐྲུན་པ་རྩེག་ཚད་གཉིས། ཀརྨ་པཀྵིས་བཞེངས་པའི་བཀའ་གདམས་མཆོད་རྟེན་ཐོག་ཚད་གཉིས། སྨན་ལྷ་མཆེད་བརྒྱད་ཀྱི་མཆོད་རྟེན་བརྒྱད་དང་། འཛམ་གླིང་སྐུ་ཕྲེང་གསུམ་པ་འཕྲིན་ལས་མཁན་བཙུན་དགེ་འདུན་འབྱུང་གནས་ཀྱི་སྐུ་གདུང་མཆོད་རྟེན་དང་། གཞན་ཡང་བྲིས་ཐང་དང་མཆོད་ཆས་རོལ་མོ་དུང་རྒྱ་གླིང་ལྔ་སྦུབ་སིལ་སྙན་གདུགས་རྒྱལ་མཚན་ཚོགས་གདན་བཅས་གྲངས་མང་བཞུགས། འཛམ་གླིང་སྤྲུལ་སྐུ་རིམ་བྱོན་གྱི་ཐུགས་བསྐྱེད་མཛད་ཕྲིན་འོག་དགེ་འདུན་ཞལ་གྲངས་བརྒྱ་ལྷག་ཙམ་གྱིས། བོད་ཟླ་དང་པོའི་ཚེས་བཅུ་གསུམ་ནས་བཅུ་དྲུག་བར་མཆོད་ཕྲེང་སྨོན་ལམ་ཆེན་མོ་ཉིན་གསུམ་དང་། ཚེས་ཉེར་དྲུག་ནས་བོད་ཟླ་གཉིས་པའི་ཚེས་བརྒྱད་པར་གསང་འདུས་ཉིན་བཅུ་གསུམ་དང་། བོད་ཟླ་གསུམ་པའི་ཚེས་བཅོ་ལྔ་ནས་བོད་ཟླ་བཞི་པའི་ཚེས་བཅོ་ལྔའི་བར་བདེ་མཆོག་བོད་ཟླ་བཞི་པའི་ཚེས་བཅི་ལྔ་ནས་བོད་ཟླ་ལྔ་བའི་ཚེས་བཅོ་ལྔའི་བར་འཇིགས་བྱེད་དབང་ཆོག བོད་ཟླ་དྲུག་པའི་ཚེས་བརྒྱད་ནས་བཅོ་ལྔའི་བར་མི་འཁྲུགས་པའི་སྒྲུབ་མཆོད་དང་ཚེས་བཅོ་ལྔ་ནས་དབྱར་གནས་ཟླ་གཅིག བོད་ཟླ་བརྒྱད་པའི་ཚེས་བཅོ་ལྔ་ནས་སུམ་ཅུའི་བར་གསང་འདུས། བོད་ཟླ་བཅུ་གཉིས་པའི་ཚེས་བཅོ་བརྒྱད་ནས་དང་པོའི་ཚེས་གསུམ་བར་དགུ་གཏོར་དང་ཚེས་ཉེར་བརྒྱད་དང་ཉེར་དགུ་གཉིས་ལ་སྐྱ་འཆམ་དང་འབག་འཆམ་བཅས་འཚོགས་དགོས་པ་ཡིན་ནོ།

དགོན་འདིའི་གཙོ་བོའི་ཡོན་གྱི་འབྱུང་ཁུངས་ནི། བྱང་སྡེ་དཔོན་རབས་དང་པོ་བསོད་ནམས་དབང་རྒྱལ། དཔོན་རབས་གཉིས་པ་རིག་འཛིན། དཔོན་རབས་གསུམ་པ་དོན་གྲུབ་ཚེ་རིང་། དཔོན་རྦས་བཞི་པ་བློ་བཟང་བརྩོན་འགྲུས། དཔོན་རབས་ལྔ་པ་རྒྱ་ཐར་ག་རི་སོགས་དཔོན་རབས་རིམ་བྱོན་གྱིས་ཡོན་བདག་བགྱིས་པ་མ་ཟད། དགོན་པའི་མངའ་འོག་གི་ཁྱིམ་དུད་བརྒྱད་ཅུ་གྱ་གཅིག་ཡོད་པའི་དད་གཞིན་རྫས་དང་། དགོན་གཞུང་གི་ཞིང་ས་ཁལ་བདུན་ལྷག་དང་ཤེ་འབྲི་མ་ཉི་ཤུ་རྩ་ལྔ་ཡོད་པ་དེ་དག་བདག་གཉེར་དོ་དམ་དམངས་ལ་འགན་སྤྲོད་བྱེད་དེ་འབྲུའི་ཡོངས་འབབ་བརྒྱ་ཆ་སུམ་ཅུ་དང་ཤེ་མར་བརྒྱ་ཆ་དོན་ལྔ་དང་ཤེ་ཕྱུར་བརྒྱ་ཆ་བཅུ་བཅས་དགོན་གཞུང་ལ་ཕུལ་དགོས་པ་ཡིན་ནོ།།

དེ་ལྟར་རྒྱལ་བསྟན་སྤྱི་བྱེ་ཐམས་ཅད་རབ་ཏུ་དར་ནས་བདེ་ལྡན་ཞིང་མཆོག་ས་ལ་འཕོས་པ་དང་ཀུན་ནས་མཚུངས་ན་ཡང་། སེམས་ཅན་གྱི་ལས་དང་བསོད་ནམས་དམན་པའི་སྟོབས་ལས་ཆོས་ཀྱི་སྣང་བ་རེ་ཞིག་ནུབ་རིར་ཕྱོགས་ཏེ་དགོན་པ་རྟེན་དང་བརྟེན་པར་བཅས་པ་མིང་གི་ལྷག་མར་གྱུར། སླད་ནས་ཆོས་དད་རང་མོས་ཀྱི་སྤྲིན་གསེབ་ཉི་མ་རེ་ཞིག་ཤར་ནས་བོད་རབ་བྱུང་བཅུ་དྲུག་པའི་ཁྲག་སྐྱུག་ཅེས་པ་ཆུ་མོ་ཕག་གི་ལོར་ཆོས་སྒོ་ཕྱེ་སྐབས་འཛམ་གླིང་མཆོག་སྤྲུལ་སྐུ་ཕྲེང་བཞི་པ་བསྟན་འཛིན་ཕྲིན་ལས་ཀྱིས་གཙོ་[page 39] འགན་བཞེས་ཏེ་དགེ་འདུན་མང་ཚོགས་ཀྱིས་གཙུག་ལག་ཁང་ཀ་བ་སུམ་ཅུ་ལ་ཀ་རིང་བརྒྱུད་ཀྱི་སར་ཐོག་རྩེག་གསུམ་དང་། ཆོས་ར་ཀ་བ་བརྒྱད་ཅུ་དང་། ཇ་ཁང་ཀ་བ་བརྒྱད་ཀྱིས་སར་ཉིས་རྩེག་དང་། འདུ་ཁང་ཆུང་བ་དཀྱིལ་ཀ་བ་བཅུ་གཉིས་ཅན་རྩེག་བཅས་གསར་བསྐྲུན་བྱས་པ་མ་ཟད། གཙུག་ལག་ཁང་ཆེ་བའི་ནང་དུ་རྒྱུ་སྨན་འདམ་ལས་བསྐྲུན་པའི་རྗེ་བཙུན་བྱསམ་པའི་སྐུ་བརྙན་སུམ་རྩེག་དང་། མི་འཁྲུགས་པའི་སྐུ་བརྙན་ཉིས་རྩེག་དང་། ཇོ་བོ་ཐོག་ཚད་གཅིག་བཅས་ལ་དབུ་རྒྱན་དང་དཔུང་རྒྱན་བཅས་གསེར་དངུལ་སོགས་རིན་པོ་ཆེ་དུ་མས་བརྒྱན་པ་ཡིན་ནོ། འདུ་ཁང་གི་ཐོག་ཁར་སྤྱན་རས་གཟིགས་ཕྱག་སྟོང་སྤྱན་སྟོང་། རྗེ་ཡབ་སྲས་གསུམ་བཅས་རྩེག་ཚད་དང་། ཇོ་སྟོན་རྗེ་གསུམ་དང་། གནས་བརྟན་བཅུ་དྲུག་བཅས་མི་ཚད་ཙམ་རེ་དང་། འཛམ་གླིང་སྐུ་ཕྲེང་གསུམ་པའི་འདྲ་སྐུ་བཅས་བཞུགས། སྲུང་མ་ཁང་དུ་ཀརྨ་བ་དུས་གསུམ་མཁྱེན་པའི་འདྲ་སྐུ་དང་ཀརྨ་བ་པཀྵིའི་འདྲ་སྐུ། དམ་ཅན་མགར་ནག་དང་སྔོན་ཀརྨ་བ་པཀྴིས་བཞེངས་པའི་འབའ་འབའ་ཞེས་པའི་བཀའ་གདམས་མཆོད་རྟེན་ཐོག་ཚད་གཉིས་དང་། གསུང་རྟེན་རྒྱལ་བའི་བཀའ་འགྱུར་ཆ་གཉིས། བསྟན་འགྱུར་ཆ་གཅིག རྗེ་ཡབ་སྲས་གསུམ་གྱི་བཀའ་འབུམ། རྒྱ་ནག་ཐགས་ལས་དྲུབས་པའི་རྗེ་རིན་པོ་ཆའི་ཞལ་ཐང་ལྔ་དང་སྟོན་པའི་གོས་སྐུ་གཅིག བླ་མ་མཆོད་པའི་ཚོགས་ཞིང་བཅས་ཐོག་ཚད་གཅིག་ཕྱེད་ཙམ་བཞུགས་སུ་གསོལ་ནས། དགེ་འདུན་ཞལ་གྲངས་བརྒྱ་ལྷག་བཞུགས་པའི་གྲྭ་ཤག་སུམ་ཅུ་སོ་གྲངས་ཡོད་དོ། དེ་མིན་ཚེས་དུས་སྒྲུབ་མཆོད་སོགས་སྔོན་མ་ནང་བཞིན་ཡིན་ནོ།།

དེའི་ཟུར་དུ་ཏཱ་ལའི་བླ་མ་སྐུ་ཕྲེང་ལྔ་པ་ངག་དབང་བློ་བཟང་གིས་ལ་སྟོད་དཔོན་ལ་སྤྲིངས་བའི་ཡི་གེ་འདི་ལྟ་སྟེ།

གོང་མའི་ལུང་གིས། ནུབ་ཕྱོགས་མཆོག་དུ་དགེ་བའི་ཞིང་གི་རྒྱལ་དབང་ས་སྟེང་གི་རྒྱལ་བསྟན་ཡོངས་ཀྱི་བདག་པོ་ཐམས་ཅད་མཁྱེན་པ་བཛྲ་ངྷ་ར་ཏཱ་ལའི་བླ་མར་འབོད་པའི་གཏམ། འཛམ་གླིང་ཡངས་པའི་གཞིར་འཁོད་པའི་སྐྱེ་དགུ་སྤྱི་དང་། བྱེ་བྲག་མདོ་ཁམས་ལི་ཐང་གི་སའི་ཆར་འཁོད་པའི་བླ་མ་སེར་མོ་བ། རྒྱལ་པོ། རྒྱལ་རིགས། ཝང་། དཔལ་ལི། སྦས་སེ། ཏཱ་ལམ་ཡེ། རྒྱ་དཔོན། ཇའི་སང་། མི་བཟང་། ཏ་རོ་ཁ། རྒྱ་སོག་ཧོར་བོད་སོགས་ཀྱི་དམག་དང་ཨེལ་ཆི་གསེར་ཡིག་མི་སྣའི་འགྲིལ་འགྲུམ་པ། མདའ་དཔོན། སྒར་དཔོན། རྫོང་སྡོད། གཞིས་སྡོད། ཞི་དྲག་བསྐུལ་བརྡའི་སྣེ་སླེབས། བྱང་འབར་དཔོན་གྱི་གཙོས་ཆུ་ཉིན་སྲིབ་ཀྱི་རྒན་བཅུ་མི་དམངས་ཞི་དྲག་གི་སྣེ་མོར་དམིགས་བསལ་བཏང་སླེབས་སོགས་ལ་སྤྲེངས་པ། ངག་དབང་བློ་བཟང་འདི་པ་སྐུ་འབུམ་སཏན་ཆགས་སྐབས་གམ་དུ་འབྱོར་བ་དང་སྡེ་དྲུག་མཁན་པོ་སྔགས་རྨས་པ་བསམ་གཏན་རྒྱལ་མཚན་གྱི་རོགས་འགྱུར་གྱང་བྱུང་འདུག་པ་བཅས་ཁོ་བོའི་ཁ་མེས་དུས་ཀྱི་ས་གཞི་ཁང་། བྲག་རྒན་གྱི་ཤིང་རྩྭ་བརྔ་པ་སོགས་མདོར་ན་དབང་རིགས་བདག་ཐོབ་ཅི་ཡིན་ཁོ་པའི་སྤུན་གཡུང་དྲུང་ཚེ་འཕེལ་བརྒྱུད་བཅས་ལ་ཇི་[page 40] སྲིད་བར་འཇགས་གནང་དང་། རྐང་འགྲོའི་ཁྲལ་རིགས་སྐོར་གལ་ཆེ་དམིགས་བསལ་མ་བྱུང་ཕྱིན། རྔ་འཕྱངས། ཁལ་འཕྱངས་ངོས་སྐྱེས་རྟ་འུལ་སོགས་ཀྱིས་མཚོན་གཞུང་སྒེར་གྱི་རྐང་འགྲོའི་ཁྲལ་རིགས་ཆེ་ཕྲ་ཆུང་གསུམ་མིག་རྐྱང་གི་ཁོ་པའི་ཚེ་སྒང་བར་ཡངས་པའི་གསེར་ཐེམ་ཆེན་མོ་ཕྱིན་ཡོད་པས། ཁྱོད་གོང་འཁོད་འགོ་ཡོད་ཚང་མས་ཕན་གྲོགས་རོགས་རམ་གང་དྲག་ལས། ཁྲལ་གསར་འགེལ་སོགས་གནོད་འགལ་ལོག་པའི་སྙད་གཙེར་སྤུ་ཙམ་མ་བྱེད་པར་བདེ་བར་བརྒྱུད་བཅས་གནང་ཆུགས་ཞེས་གོ་བར་བྱ་བའི་ཡི་གེ་སྣ་ཚོགས་དབྱིག་ཅེས་པ་ཤིང་སྤྲུལ་ཟླ་བ་གཉིས་པའི་ཚེས་དགུ་ལ་དགེ་བར་ཕོ་བྲང་གྲུ་འཛིན་གཉིས་པ་པོ་ཏ་ལ་ནས་བྲིས། དགོན་པའི་ལོ་རྒྱུས་འདི་ནི་དགའ་ལྡན་ཆོས་འབྱུང་བེེ་སེར་དང་དགོན་པ་རང་གིས་བྲིས་པའི་ལོ་རྒྱུས་ལ་གཞི་བྱས། མཆོག་སྤྲུལ་བསྟན་འཛིན་ཕྲིན་ལས་ཀྱི་གསུང་རྒྱུན་ཁུངས་ཐུབ་རྣམས་ལས་ཟུར་བརྒྱན་ཏེ་མུ་པོས་བྲིས་པའོ།།

ས་མིང་ཚིག་མཛོད་མིག་བཤར།

འཇམ་དབྱངས་བཞད་པ་སྐུ་ཕྲེང་བཞི་པ་སྐལ་བཟང་ཐུབ་བསྟན་དབང་ཕྱུག་གང་ཉིད་མདོ་སྨད་ལི་ཐང་ཕྱོགས་སུ་ཕེབས་ནས་གཡོ་རུ་དཔོན་ལས་ས་བསླངས་ཏེ་དགོན་པ་འདི་ཉིད་བཏབ་ནས་རྟེན་འབྲེལ་འགྲིག་པས་སྐུ་ཐོག་རྗེ་མ་ལི་ཐང་འདིར་འཁྲུངས་བ་ཡིན་ཟེར་བའི་སྲོལ་ཞིག་དང་། ལ་ལས་ཀུན་མཁྱེན་འཇམ་དབྱངས་བཞད་པ་སྐུ་ཕྲེང་ལང་པ་བློ་བཟང་འཇམ་དབྱངས་ཡེ་ཤེས་བསྟན་པའི་རྒྱལ་མཚན་ཁོང་ལི་ཐང་དུ་འཁྲུངས་ནས་ཁོང་གིས་བཏབ་པ་ཡིན་ཞེས་པའི་སྲོལ་གཉིས་ཡོད་ཀྱང་། ཕྲན་ཆུང་གིས་མདོ་སྨད་ཆོས་འབྱུང་དང་། གངས་ཅན་མཁས་གྲུབ་རིམ་བྱོན་གྱི་མིང་མཛོད་སོགས་ཡིག་ཚང་འགའ་ལ་བལྟས་ན་ཡང་། འདི་ཡིན་འདི་མིན་གྱི་ཁ་ཚོད་གཅོད་པའི་སྤོབས་པ་མ་བྱུང་། མདོར་ན་འཇམ་དབྱངས་བཞད་པ་སྐུ་ཕྲེང་གང་རུང་ཞིག་གིས་འབྲོག་རི་བོ་དགེ་ལྡན་པའི་བསྟན་པ་སྐྱོང་བའི་དགོན་ཆུང་ཞིག་བཏབ་པར་ངེས་སོ་གཞན་ཡང་ལུང་པ་འདི་སྟོད་སྨད་ཨབར་གསུམ་དུ་དགོན་ཤུལ་ཉི་ཤུ་ལྷག་ཙམ་ཡོད་ཀྱང་དགོན་པ་དེ་དག་སུས་བཏབ་དང་དུས་ནམ་བཏབ་གྲུབ་མཐའ་གང་ཡིན་སོགས་ད་ལྟ་ཤེས་མཁན་སུ་ཡང་མེད་དོ།། ལོ་རྒྱུས་འདི་ནི་མུ་པོས་བྲིས་པའོ།།

ས་མིང་ཚིག་མཛོད་མིག་བཤར།

བླ་མ་བློ་བཟང་དཔལ་བ་ཞེས་མཚན་སྙན་གྱི་བ་དན་དཀར་པོ་སྲིད་པ་གསུམ་ན་མངོན་པར་གཡོ་བ་གང་གིས་བོད་རབ་བྱུང་བདུན་པའི་ནང་ཙམ་དུ་དགོན་པ་འདི་ཉིད་བཏབ་པ་ཡིན་ལ། དེ་ནས་འཆད་[page 41] རྩོད་རྩོམ་གསུམ་ལ་དབང་འབྱོར་བའི་གཙང་པ་སངས་རྒྱས་དཔལ་བཟང་། ཀུན་དགའ་རྒྱལ་མཚན་གཞོན་ནུ་རབ་བརྟན། འཛོམ་ཁྲི་སྟོན། བཀྲ་ཤིས་འོད་ཟེར། རིན་ཆེན་སེང་གེ ནམ་མཁའ་རྒྱ་མཚོ། རྒྱ་ཉེ་དཀའ་བཅུ། ཨ་འབྲུག་དཀའ་བཅུ། བྱང་ཆུབ་རིན་ཆེན། ཚུལ་ཁྲིམས་རྒྱ་མཚོ། གྲགས་པ་འབྱུང་གནས། ལི་ཐང་ལྷ་དབང་ཆོས་འབྱོར། དེའི་རྗེས་དགོན་འདིར་སྐྱེས་བུ་དམ་པ་དུ་མ་ཞིག་བྱོན་ན་ཡང་དེ་དག་གི་མཛད་རྣམ་སོགས་མེད་པས་རེ་ཞིག་ཡིག་ལམ་དུ་མ་གྱུར་ལ། དེ་ནས་དགོན་འདིའི་བསྟན་པ་ལ་བྱ་བ་རྒྱ་ཆེར་མཛད་པའི་བཞག་ཕོ་ཉ་མཁར་ཟུར་སྦྱིན་པ་ཆོས་དར་ཞེས་པ་ནི། ཡུལ་འདིར་ངོ་མཚར་དུ་མ་དང་བཅས་ཏེ་སྐུ་བལྟམས། དགོན་འདིར་ཞུགས་ནས་འདོན་ཆོག་སོགས་ནས་བཟུང་ཐུན་མོང་རིག་གནས་སྤྱི་དང་། གདན་ས་ཆེན་པོ་སེ་ར་ཐེག་ཆེན་གླིང་དུ་མཁས་གྲུབ་དུ་མ་བསྙེན་ཏེ་གཞུང་བཀའ་པོད་ལྔ་ལ་སྦྱངས་བ་མཐར་ཕྱིན་མཛད་དེ་དགེ་བཤེས་ལྷ་རམས་པ་ཨང་དང་པོའི་མཚན་བཞེས་ཐོག དཔལ་ལྡན་སྨད་རྒྱུད་གྲྭ་ཚང་དུ་ཞུགས་ཏེ་སྔགས་ཀྱི་མཚན་ཉིད་ལ་གསན་བསམ་མཛད་ནས་སྔགས་རམས་ཨང་དང་པོའི་མཚན་བཞེས་ཤིང་། བདག་ཉིད་ཆེན་པོའི་མཚན་སྙན་གྱི་བ་དན་དཀར་པོ་ཕྱོགས་བཞིར་གཡོས། སྐུ་ཡུལ་དུ་ཕེབས་ཏེ་ལི་ཐང་ཐུབ་བསྟན་བྱམས་ཆེན་ཆོས་འཁོར་གླིང་གི་མཁན་རབས་ང་གསུམ་པའི་འགན་བཞེས་དགོན་འདིར་ཕེབས་ཏེ་མདོ་སྔགས་ཀྱི་ཆོས་འཁོར་བསྐོར་ནས་གདུལ་བྱ་དུ་མ་སྨིན་པར་མཛད། དེའི་ཡང་སྲིད་བཞག་མཁན་ཟུར་རིན་པོ་ཆེ་ངག་དབང་བློ་བཟང་བསྟན་འཛིན་སོགས་དགོན་འདིའི་མཁན་པོ་རྣམས་ལོ་རེ་བཞིན་ལི་ཐང་དགོན་ཆེན་ནས་མངགས་དགོས་པས། དེ་དག་གི་ལོ་རྒྱུས་ཀྱི་མཚན་ཐོ་ཞིག་ཡོད་ཀྱང་རིག་གསར་སྐབས་བརླགས་ཏེ་མེད་དོ།

སྐུ་གསུང་ཐུགས་རྟེན་སྐོར། རྟེན་གྱི་གཙོ་བོའི་ཇོ་བོ་ང་འགྲོ་གསུང་འབྱོན་ནི། ལྷ་སའི་ཇོ་ཁང་ནང་ཇོ་བོ་ཤཱཀྱ་མུ་ནེ་སྐུ་འདྲ་གསུམ་གྱི་ནང་ཚན་ལྷ་སའི་ཇོ་བོའི་ལས་ཅུང་ཆུང་བ་དེ། སྔོན་སྡེ་སྲིད་སངས་རྒྱས་རྒྱ་མཚོས་ཁམས་ཀྱི་རྟེན་སྐལ་ཞིག་བྱོན་དགོན་པས་སུ་བྱོན་ཞུས་སྐབས། ཇོ་བོ་འདིས་ང་འགྲོ་གསུངས་ནས་དགོན་འདིར་གདན་དྲངས་ཏེ་ས་ལ་བཅུད་ཆགས། ཡུལ་ལ་བཀྲ་ཤིས་པ་དེ་ཡིན་ནོ།

འཛམ་གླིང་གཡས་བཞག་གི་སྦུབ་ནི། ཞྭ་དཔེ་རིན་པོ་ཆེ་དགོན་འདིའི་མཁན་པོ་མཛད་སྐབས་ཁོང་ནི་བླ་མ་བྱ་བྲལ་ཡིན་པས་ཕྱག་རྫས་སོགས་མེད་ན་ཡང་། ཁོང་གི་ཐུགས་དགོངས་ལ་ངས་དགོན་འདིའི་མཁན་པོའི་འགན་ཁུར་ཚར་དུས་རྟེན་བཞག་གཅིག་དགོས་དགོངས་ཏེ་ཆབ་གསང་བྱོན་སྐབས་གསང་སྒོའི་རྒྱབ་ཀྱི་ཕ་བོང་ཞིག་གི་སྟེང་བྱ་རོག་ཅིག་གིས་མཆུ་བརྡ་ཞིག་བྱས་ཏེ་སོང་བས། ཅི་ཡིན་སྙན་སྟེ་བལྟས་པས་སྦུབ་ཁྱད་མཚར་ཅན་ཞིག་བཞག་ཡོད་པ་དེ་དགོན་འདི་ལ་ཕུལ་བ་ཡིན་ནོ། དེ་ལས་ངོ་མཚར་བའི་སྦུབ་ཆས་དང་། དངུལ་ཏིང་། ལི་ཏིང་། དྲིལ་བུ། ཏིང་ཤགས། དངུལ་བུམ། ཟངས་བུམ། རྐང་དུང་། ཟངས་དུང་། རག་དུང་། རྒྱ་གླིང་། ཌ་མ་རུ། དུང་སོགས་རོས་ཆས་སྐོར་དུ་མ་དང་། གསེར་སྐུ་དང་གསེར་ཐང་། བཀའ་གདམས་མཆོད་རྟེན་དང་འཇིམ་སྐུ་སོགས་ཆེ་ཆུང་དུ་མ་དང་། རྒྱལ་[page 42] བའི་བཀའ་འགྱུར་ཆ་བཅུ་གསུམ་དང་། བསྟན་འགྱུར་ཆ་གཅིག གསུང་འབུམ་དང་སྒྲུབ་བཏུས་རྒྱུད་བཏུས་སོགས་ཀྱིས་མཚོན་པོད་ཉིས་བརྒྱ་ལྷག་ཙམ་བཞུགས་སོ།།

དགོན་འདིའི་ཚེས་དུས་སྒྲུབ་མཆོད་ནི། དབུ་མཛད་ཀྱི་ལག་སྡེབ་ཅེས་པའི་ཡིག་རྙིང་ཞིག་ཡོད་པ་ལས་དཔེ་བཤུས་ཏེ་བཀོད་ན་འདི་ལྟ་སྟེ། ཧོར་ཟླ་གསུམ་པའི་ཆོས་མཚམས་ཆེན་པོ་ཡར་འཚོགས་གནང་། བཅོ་ལྔའི་ཉིན་རི་བསང་ལ་འཛམ་གླིང་སྤྱི་བསང་། བླ་མཆོད་དང་ཚོགས། ལེགས་མཚོ། དགྲ་བླ་སྐུ་མཁར་བཅས་གསུང་དགོས། དེའི་ཉིན་གསོ་སྦྱོང་། དགུང་ཁར་ཡར་འདུས་ནས་ཆ་གསུམ་གསུང་དགོས། ཚེས་བཅུ་དྲུག་ནས་བཅུདགུ་བར་ཕོ་ཉའི་བཀའ་འགྱུར་ཉིན་རེ་ཆ་གསུམ་གསུང་དགོས། ཚེས་ཉི་ཤུ་ཉིན་འཇིགས་བྱེད་དཔལ་གཅིག་དང་ཆོས་རྒྱལ་འདོན། དྲུག་ཅུ་གསུམ་འབུལ། གཏོར་ཆེན་བཅའ་བསྒྲིགས་བྱ། ཚེས་ཉེར་གཅིག་ནས་ཉི་ཤུ་དགུའི་བར་དཔལ་གཅིག་དང་། མགོན་པོའི་གཏོང་ཆེན་དཔེ་ནང་ཕྱག་ལེན་བཞིན་གསུང་། གྲྭ་ཚང་ནས་མགོན་པོའི་གར་གཏོང་སར་ལྷ་མོ་ཕྱག་བཞི་མའི་བསྟོད་པ་བསྐལ་མེ་མ་འདོན་དགོས་དེ་མན་གྲོང་ཆོག་སོགས་མགོན་པོ་གར་གཏོར་སར་མངའ་གསོལ་ནས་མཇུག་མ་ཕུད་དགོས། གནམ་གང་ལ་མགོན་པོའི་སྤྱིན་སྲེག ཚེས་གཅིག་ལ་ཚོགས། ཉིན་རེ་གཉིས་ལ་མགོན་ཆོས་གཉིས་གསུང་། གསོལ་ཁ་ཆོས་རྒྱལ་གྱི་དབྱངས་ཡོང་རྫོགས། མགོན་པོའི་གཏོར་ཆེན་ཉིན་དང་པོ་ནས་གཏོར་རྒྱག་བར་དབྱངས་ཡོངས་རྫོགས། ཚེས་གཉིས་ནས་བཞིའི་བར་སྨན་བླ་མཆོག་བརྒྱད་མ་ཉིན་གསུམ། ཚེས་ལྔ་དང་དྲུག་གཉིས་ལ་བཀའ་འགྱུར་གསུང་དགོས། ཚེས་བདུན་ལ་མཁན་ཟུར་སྦྱིན་པ་ཆོས་འཕེལ་གྱི་འདས་མཆོད་ལ། བླ་མཆོད་དང་ས་ལམ་སྐབས་གསུམ་གནས་བཅུ་སྨོན་ལམ་རྣམས་གསུང་དགོས། ཚེས་བརྒྱད་ནས་བཅུ་དྲུག་བར་སྙུང་གནས་ཆ་བཞིའི་རིགས་ལ་ཉིན་རེ་ལ་ཐུན་གསུམ། ཐུན་རེ་ལ་པོ་བསྟོད་ཚར་ཉེར་གཅིག་རེ་དང་བསྙེན་གྲངས་ཚང་བ། དབང་མཆོག་སྨོ་ལམ་བཀྲ་ཤིས་རྒྱས་པ། ཚེས་བཅུ་བདུན་བཅོ་བརྒྱད་གཉིས་ལ་མགོན་ཁང་དུ་བསྐང་སོགས་འཕར་མ་ལ་བསྐང་གསོ་ཡོངས་རྫོགས། གསོལ་ཀ་ལྷུན་བདེ་མ་དང་རབ་འབར་མ་གཉིས་ཀྱི་རྟ། ལེགས་མཚོའི་རྟ། ཚེས་བཅོ་བརྒྱད་བླ་མཆོད་དང་ཚོགས། ཚེས་བཅུ་དགུ་ལ་རྒྱལ་ཆེན། ཚེས་ཉི་ཤུ་ནས་ཉིན་བརྒྱད་ལ་ཞོ་ཇ་ལ་སྨན་བླ། དེ་ཕན་བཟང་སྤྱོད་དང་སྨོན་ལམ་རྣམ་ལྔ་གསུང་དགོས། ཚེས་ཉེར་བརྒྱད་ཉེར་དགུ་གཉིས་ལ་སྐུ་རིམ་དགུ་གཏོར། མ་ཟད་ལོ་གཅིག་གི་སྐུ་རིམ་དགུ་གཏོར་གང་ཡོད་ལ་ཉིན་དང་པོ་ལ་ཞལ་བཞི་དང་ཆོས་རྒྱལ་གསོལ་ཀ ཉིན་གཉིས་པ་ལ་བསྐང་གསོ་ཡོངས་རྫོགས་གསོལ་ཀ་དྲུག་ཅུ་མ་འབུམ་དགོས། ཚེས་གཅིག་ནས་འཇིགས་བྱེད་སྒྲུབ་མཆོད་ལ་ཉིན་དང་པོར་མགོ་བརྩམས་ནས་བདག་མདུན་བུམ་གསུམ་དང་དབང་ཆོག་བཅས་ཀྱི་དབྱངས་གོ་རིམ་མ་ནོར་བ་གསུང་དགོས། ཇ་རྒྱབ་ཤེར་སྙིང་དང་ཟློག་པ་གསུང་དགོས། ས་གསུམ་མ་དང་། ཕྲིན་བཅོལ་རྣམས་ཆོས་ཐོག་ཆེ་ཁག་རིགས་ལ་ལོང་སྐབས་དང་བརྟེན་ཤེས་དགོས། ཆོས་ཐོག་ཆུང་ཁག་རིགས་ལ་ས་ལམ་སྐབས་གསུམ་རེས་མི་བྱེད། དེ་མན་ཆོས་ཐོག་ཆེ་ཆུང་ཅི་ཡང་བར་ཇ་བཞེས་ནས་གཟུངས་[page 43] ཆེན་སྡེ་ལྔ་ནི་མ་ཆག་པར་གསུང་དགོས། ཚེས་བཅུ་གསུམ་ནས་བཅོ་ལྔའི་བར་ཉིན་གསུམ་ལ་ཆོས་རྒྱལ་གསུང་ནས་དྲུག་ཅུ་འབུལ་དགོས། བཅོ་ལྔ་ལ་ཆོས་རྒྱལ་གློ་བུ་ལས་ཆོག་གི་གཏོར་རྒྱག་ལ་བཀའ་ཉན་བཞི་སྐུལ་འཚབས་ལ། དགེ་སྡིག་ཤན་འབྱེད་མ་གསུང་དགོས། སྦྱིན་སྲེག་ཉིན་དབང་ཆོག་གསུམ་དགོས། དེའི་བར་གཤེགས་གསོལ་མི་བྱ། དེ་ནས་གཤེགས་གསོལ་བྱ། ཚེས་ཉི་ཤུ་ལ་བླ་མཆོད་གསུང་དགོས། ཚེས་ཉེར་གཅིག་ལ་གྲྭ་ཚང་སྨན་བླ་གསུང་དགོས། ཉེར་བརྒྱད་དང་ཉེར་དགུ་ལ་སྐུ་རིམ་དགུ་གཏོར། གནམ་གང་ལ་སྒྲོལ་ཆོག་ཟླ་བ་དྲུག་པའི་ཚེས་ཅིག་དང་གཉིས་ལ་ཞོ་ཇ་ལ་སྨན་བླ། བར་ཇ་ཕན་ཆད་བཟང་སྤྱོད་དང་སྨོན་ལམ་རྣམ་ལྔ་གདུང་དགོས། ཚེས་གསུམ་ལ་རི་སྐྱབས་རི་བསང་ལ་རྣམ་དག་ཆོས་སྐུ་མ་དང་བླ་མཆོད་དང་ཚོགས། ཚེས་ལྔ་ནས་བརྩམས་ཏེ་གསང་འདུས་སྒྲུབ་མཆོད་ཉིན་བཅུ་གསུམ། སྤྱི་ཆུང་གཏོང་སྒོ་མ་ཐུག་བར་བདག་བུམ་གསུམ་ཆོག་བཀྲ་ཤིས་བཅས་དབྱངས་གོ་རིམ་བཞིན་གསུང་དགོས། ཚེས་བཅུ་བདུན་ལ་སྦྱིན་སྲེག ཚེས་བཅོ་བརྒྱད་དུ་ཕྱག་མཆོད། ཚེས་བཅུ་དགུ་ལ་ལྷུང་བཤགས་གསུང་དགོས། ཚེས་ཉི་ཤུ་ལ་གྲྭ་མང་སྔ་ཆ་སྐུ་རིམ་རྣམ་གསུམ་དང་། ཕྱི་དྲོ་ཆ་གསུམ་ལ་གཤེགས་གཏོར་བརྒྱད་མ་གཏོང་དགོས། ཚེས་ཉེར་གཅིག་དང་ཉེར་གཉིས་ཉེར་གསུམ་ལ་གོང་ལྟར། སྨན་བླ་བཟང་སྤྱོད་སྨོན་ལམ་རྣམ་ལྔ་གསུང་དགོས། ཉེར་བཞི་ནས་ཟླ་བ་བདུན་པའི་ཚེས་བདུན་བར་བདེ་མཆོག་སྒྲུབ་མཆོད། བདག་མདུན་བུམ་གསུམ་གྱི་དབྱངས་དང་ཚོགས་སྦྱིན་སྲེག་བཅས་སྙུང་གནས་ནས་ཟླ་བ་བཞི་པ་དང་འདྲ། ཚེས་བཅུ་བདུན་བཅོ་བརྒྱད་ལ་སྐུ་རིམ་དགུ་གཏོར་ཡིན། ཚེས་བཅུ་དགུ་ནས་མགོན་པའི་གཏོར་སྒྲུབ། གནམ་གང་ལ་དགག་དབྱེ་དེའི་སྔར་ཉེར་བརྒྱད་ཉེར་དགུ་ལ་སྐུ་རིམ་དགུ་གཏོར། ཚེས་བཅུ་ལྔ་ལ་གསོ་སྦྱོང་འཚོགས་ནས་དཀར་རྩི་དམར་རྩི། ཕྱི་དྲོ་ཆོས་རི་ཤིས་བརྗོད་ལ་སྐུ་རིམ་རྣམ་གསུམ་དང་ཕྲིན་བཅོལ་ཁྲུས་གསོལ། གསང་འདུས་སྨོན་ལམ། བཀྲ་ཤིས། ལམ་རིམ་སྨོན་ལམ། བསྟན་འབར་མ་བཅས་གསུང་དགོས། ཆོས་མཚམས་གྲོལ་ནས་ཟླ་བ་བཅུ་པའི་ཚེས་ཉེར་ལྔ་ལ་དགའ་ལྡན་ལྔ་མཆོད་ལ། ལོ་དང་

པོ་གསང་འདུས་དང་འཇིགས་བྱེད། ལོ་གཉིས་པ་བདེ་མཆོག་དང་འཇིགས་བྱེད་གསུང་དགོས། བླ་མཆོད་ཚོགས་བསང་གསོལ་ཀ ཤར་གངས་རི་མ་དང་ས་ལམ་སྐབས་གསུམ་གསུང་དགོས། ཟླ་བ་བཅུ་གཉིས་པའི་སྤྱི་གཏོར་ཆེན་པོ་ལ་ཚེས་ཉེར་གཅིག་ལ་ཡར་འདུས་ཏེ་འཇིགས་བྱེད་དང་ཆོས་རྒྱལ་ཚར་གཅིག དྲུག་ཅུ་མ་ཕུལ་དགོས། ཉེར་གཅིག་ནས་ཉེར་གསུམ་བར་གྲྭ་ཚང་སྐུ་རིམ་ལ་ཞལ་བཞི་ཆོས་རྒྱལ་གཉིས་བསྐང་བཤགས་ཚར་གྲངས། གསོལ་ཀ ཚེས་ཉེར་བཞི་ནས་དངོས་གཞི་ལ་བསྐང་གསོ་ཡོངས་རྫོགས་ལ་མགོན་པོ་རྣམ་གཉིས་ཀྱི་རྟ་དབྱངས། དབུ་མཛད་ནས་སྤྱན་འདྲེན་བཞེངས་ཤིག་མ་ལ་རྟ་གཉིས། ཆོས་དབྱངས་མའི་རྟ། རྣམ་སྲས་ཀྱི་རྟ་གདོང་གྲལ་བ་ལ་བབས་འོས། རྩ་བརྒྱུད་མ་དང་མྱུར་མཛད་མ་དབུ་མཛད། དེ་མན་སྤྲིན་ཤུགས་མ་ནས་བཟུང་བསྟོད་པ་རིམ་བཞིན་བབས་འོས། ཚེས་ཉེར་ལྔ་ལ་ཞལ་བཞི་དང་ཆོས་རྒྱལ་གཉིས་ཀྱི་རྟ་དབྱངས། དབུ་མཛད་མྱུར་[page 44] མགྱོགས་མའི་དབུ་སྐུལ་ཚེས་ཉེར་དྲུག་ལ་ཨ་ཕྱི་དང་ལྷ་མོ་གཉིས་ཀྱི་རྟ་དབྱངས་དབུ་མཛད་ནས་དཔོན་སློབ་མའི་དབུ་སྐུལ། དེ་མན་བབ་འོས། ཚེས་ཉར་བདུན་ལ་འཇིགས་བྱེད་གཏོར་མགྲོན་རྒྱས་པ། ལྷ་མོའི་ལྷ་གཙོ་མ་དར་རམ་ལྷ་ལྟར་མ་འོང་ཆེན་མ་བབས་འོས། དབུ་མཛད་ནས་ཆོས་སྐུ་མའི་རྟ་མཐུན་གྲུབ་མ་རྒྱུད་རྟ། ཚེས་ཉེར་བརྒྱད་ལ་འཇིགས་བྱེད་གཏོར་མགྲོན་འབྲིང་བ། ཚོགས་ཆེན་ལ་དགྲ་བགེགས་སྒྲོལ་ཆོག་རི་རབ་སྐུལ་བརྒྱུད་རྟ་རིང་དབུ་མཛད། ཟོར་བསྔོ་ཟོར་བསྐྱེད། ཚེས་ར་ནང་དུ་སྒྲོལ་ཆོག་ནུབ་མོ་གཏོར་རྒྱབ་ལ་ཟོར་བསྔོ་ཟོར་བསྐྱེད། ཟོར་ལམ། གསེར་སྐྱེམས། བཀའ་ཉན་བཞེས་བསྐུལ། ཆོས་སྐུ་མ་མངའ་གསོལ་བརྗོད་པར་གནམ་གང་ལ་བསྐང་གསོ། མགོན་ཆོས་གཉིས་ལྷ་མོའི་གསོལ་ཀ་ལེགས་ཚོགས་གཏོར་མ། ལྷ་མོའི་གཤེགས་གཏོར་རྣམས་ཟིན་ནས་གཏང་རག་མཆོད་བསྟོད། མཇུག་ཏུ་གཤེགས་གསོལ་བྱས་ནས་མཆོད་པ་དཀྲོལ། གཏོར་མ་བགོ་ནས་ཟིན་པ་ཡིན། ཚེས་གཅིག་ལ་ལས་སྣེ་གསར་པ་རྣམས་བླ་མ་མཇལ་ཁ་ཟིན་ནས། ཐོག་མཁར་ལ་བསང་རྣམ་དག་ཆོས་སྐུ་མ། བསྟན་འབར་མ་གསུང་དགོས། ཚེས་གཅིག་ནས་བཅོ་ལྔའི་བར་ཀུན་རིག་བདག་མདུན་གཉིས། སྔ་དྲོའི་ཚོགས་ཐུན་གཉིས་གསུང་དགོས། ཕྱི་དྲོའི་ཚོགས་ཐུན་ལས་ས་ལམ་སྐབས་གསུམ་ཤར་གསུམ་ཤར་གངས་རི་མ་སོགས་རེས་མོ་བྱེད། བཟང་སྤྱོད་ཚར་རེ། ཚེས་བཅུ་གཅིག་ནས་སྨོན་ལམ་མགོ་བརྩམས་ནས་ས་ལམ་སྐབས་གསུམ་རྟ། ཚེས་བཅུ་གསུམ་ལ་ལས་སྣེ་ཁྲི་སྟོན་ལ་དགེ་སྐོས་ནས་གཏོང་ཐོག ས་གསུམ་མ་དང་སྒྲོལ་མ་འཕྲིན་བཅོལ་ཚེ་གཟུངས་གསུང་དགོས། སྨོན་ལམ་དངོས་གཞི་ནས་བརྩམས་ཏེ་སྐྱབས་འགྲོ་སེམས་བསྐྱེད། དགུང་ཇ་ལ་ཡར་འཚོགས་ནས་ལམ་རིམ་གསོལ་འདེབས། མཆོད་ཡོན་ཁྲུས་གསོལ། ཕུལ་བྱུང་མ་དབུ་སྐུར། ཚེས་བཅོ་ལྔ་ལ་ཀུན་རིག་ཁྲུས་ཆོག ཚེས་བཅུ་དྲུག་ལ་བྱམས་པ་གདན་འདྲེན། ཁྲུས་གསོལ། ཤར་གངས་རིམ། ཕྱག་ཆེན་གསོལ་འདེབས། བཟང་སྤྱོད། ལེགས་མཚོ་གཏོར་མ། རྡོ་སློབ་ནས་ཆོ་འཕྲུལ་བཤད་པ། བླ་མ་བསྔོ་བ་དང་བསྟན་འབར་མ་སོགས་གསུང་དགོས། སྨོན་ལམ་རིགས་ལ་ཕྱོགས་གཏོར་ཆོས་གྲོལ་ནས། ཚོགས་ཆེན་དུ་བཀའ་འགྱུར་གསུང་དགོས། མགོན་ཁང་དུ་སྔགས་རྒྱུད་ནས་མ་མཐའ་འཇིགས་བྱེད་དཔལ་གཅིག་དང་མགོན་ཆོས་གཉིས། གསོལ་ཁ་གཏོར་འབུལ་ཆོས་སྐྱོང་སྤྱི་ལ་མ་ཆག་པ་དགོས། ཟླ་བ་གསུམ་པའི་ནང་ཆ་ལ་སྤྱིའི་ཆ་གཏོར། སྙུང་གནས་ཆ་གཅིག ཚེས་བརྒྱད་ལ་བཀའ་འགྱུར། ཚེས་དགུ་ལ་ཆོས་རྒྱལ་གློ་བུ་ལས་ཆོག་གི་སྒོ་ནས་གཏོར་རྒྱག བྱང་འདྲེན་རྣམས་ནས་ཇི་སྲིད་བར་ཡིད་ལ་འཇགས་ཆེད་བྲིས་པའོ།།

དགོན་འདིའི་གཙུག་ལག་ཁང་ཀ་བ་ལྔ་བཅུ་དང་། བཤད་གྲྭ་གཉིས། སྒྲུབ་གྲྭ་གཉིས། གྲྭ་ཤག་བརྒྱ་དང་བཅུ་གསུམ། དེ་ལ་དགེ་འདུན་ཞལ་གྲངས་བརྒྱ་དང་སུམ་ཅུ་སོ་གྲངས་ལ རྒྱ་ངར་ཆར་སངས་ཀྱིས་ཡོན་བདག་བགྱིས་ཏེ་གཙུག་ལག་ཁང་རྟེན་དང་བརྟེན་པར་བཅས་པ་བཞེངས། དགེ་འདུན་གྱི་འཚོ་རྟེན་ནི་སྟོན་ཐོག་མཆོད་ཞིང་དང་དགོན་པའི་མངའ་འོག་གི་དུང་གྲངས་བརྒྱ་དང་བཟི་བཅུ་ཙམ་གྱིས་[page 45] འབུལ་བ་བརྟེན་ནས་མཆོད་ཐོག་འཚོགས་དགོས་པ་ཡིན་ནོ།།

དེ་ནས་སེམས་ཅན་གྱི་ལས་དང་བསོད་ནམས་ཟད་པའི་སྟོབས་ཀྱིས་ངོ་རྒོལ་བཞི་དང་རིག་གནས་གསར་བརྗེ་སྐབས་རྣམས་སུ་གཙུག་ལག་ཁང་བརྟེན་དང་བརྟེན་པར་བཅས་པ་ཐལ་བའི་རྡུལ་ཕྲན་བཞིན་དུ་བརླགས་ཏེ་ལོ་ངོ་སུམ་ཅུ་ཙམ་སོང་། སླར་ཡང་ཏང་གི་སྲིད་ཇུས་བཟང་པོའི་ཉི་འོད་ཕྱོགས་བཅུར་འཕྲོས་ཏེ་ཆོས་སྒོ་ཕྱེ་སྐབས་ཚེ་རིང་དར་རྒྱས། བསྟན་འཛིན་གྲགས་པ། རྒྱ་ལི་ཨ་འགྱ་སོགས་ཀྱིས་གཙོ་བྱས། གཙུག་ལག་ཁང་ལྟག་མ་ཀ་བ་ལྔ་བཅུ་དང་། འོག་མ་ཀ་བ་བཅུ་དྲུག གྲྭ་ཤག་ལྔ་བཅུ་ང་གྲངས་གསར་དུ་བསྐྲུན། གཙུག་ལག་ཁང་འོག་མའི་ནང་དུ་སྤྲུལ་སྐུ་འཇམ་དབྱངས་མཁས་གྲུབ་ཀྱིས་རྒྱུ་སྨན་འདམ་ལས་རྗེ་ཡབ་སྲ་གསུམ། སྤྲུལ་སྐུ་དགེ་ལེགས་ཀྱིས་རིགས་གསུམ་མགོན་པོ། གྲྭ་ཚང་རང་གིས་སྟོན་པ་གཙོ་འཁོར་གསུམ་བཅས་མི་ཚད་ཙམ་རེ་གསར་བསྐྲུན་བྱས། གཞན་ཡང་སྐུ་གུསང་ཐུགས་རྟེན་དང་རོལ་ཆས་རྙིང་པའི་སྐོར་གྲངས་འཚམས་རེ་བཞུགས་སོ།།

ཚེས་དུས་སྒྲུབ་མཆོད་སྐོར་ནི། བོད་ཟླ་གཉིས་པའི་ཚེས་ཉེར་བརྒྱད་ནས་སུམ་ཅུའི་བར་གདུགས་དཀར་གཏོར་ཆེན། གསུམ་པའི་ཚེས་གཅིག་ལ་ཆོད་སྐོར་གཉིས་ནས་ཆ་གཏོར་དང་ཐུགས་རྗེ་ཆེན་པོ་དབང་ཉིན་བཞི། མི་སེར་ལ་སྨྱུང་གནས། དྲུག་ཉིན་དང་བདུན་བརྒྱད་ལ་བཀའ་འགྱུར་ཚར་གཅིག་དགུ་ཉིན་ཆོས་རྗེ་གློ་བུ་ལེ་ཚན་སྒོ་ནས་གཏོར་རྒྱག ཚེས་བཅུ་དང་བཅུ་གཅིག་ལ་གཏོར་མ་བརྒྱ་རྩ། གསང་བདེ་འཇིགས་གསུམ་གྱི་སྒྲུབ་མཆོད་ཉིན་ཉེར་གཅིག། དེའི་རྗེས་ཀུན་རིག་སྒྲུབ་མཆོད་ཉིན་བཞི་དང་། བོད་ཟླ་བཅུ་གཉིས་པའི་ཚེས་ཉེར་བཞི་ནས་སྤྱི་གཏོར་ཉིན་བདུན་ལ་མགོན་པོ། ཆོས་རྒྱག་རྣམ་སྲས། ཤུགས་ལྡན། བསེ་ཁྲབ་སོགས་ཀྱི་གསོལ་ཁ། ཉེར་བརྒྱད་དང་ཉེར་དགུ་ལ་འབག་འཆམ་ཀར་ཕྲེང་བཅས་ཚེས་དུས་སྒྲུབ་མཆོད་བཅས་སྔོན་མ་ནང་བཞིན་དང་། ལོ་རེར་ཟླ་བ་གཅིག་ཕྱེད་རིང་ལ་རེས་མོ་བྱས་ཏེ། ལམ་རིམ་ཆེན་མོ། སྤྱོད་འཇུག སྔགས་རིམ། བཀའ་གདམས་ཕ་ཆོས་བུ་ཆོས་སོགས་ཀྱི་ཆོས་ཁྲིད། དབྱར་གནས་སྐབས་སུམ་རྟགས་དག་གསུམ་དང་སྒྲ་སྙན་སོགས་འཁྲིད་བཞིན་ལགས།

ཡོན་གྱི་འབྱུང་ཁུངས་ནི། རྟ་ལུག་ནོར་གསུམ་བཞི་བརྒྱ་ལྷག་དང་ཚོང་ཁང་གཅིག་ལ་མ་དངུལ་སྒོར་གསུམ་ཙམ་གྱི་ཁེ་དང་དགོན་པའི་མངའ་འོག་གི་དུད་གྲངས་བརྒྱད་དང་ལྔ་བཅུ་ལྷག་གི་དད་གཤིན་རྫས་སོགས་ལ་བརྟེན་ནས་ཆོས་ཐོག་འཚོགས་དགོས་པ་ཡིན་ནོ།། དགོན་འདིའི་བདག་གཉེར་དོ་དམ་སྐོར། བདག་གཉེར་གཙོ་བོ་གཅིག་དང་གཞོན་པ་གཉིས་དྲུང་ཡིག་གཅིག་བཅས་འདེམས་བསྐོ་བྱས་ཏེ་ལོ་བཞི་ལ་འགན་ཁུར་དང་། ཟླ་བ་གཉིས་རེ་ནས་བདག་གཉེར་དོ་དམ་ཚོ་ཆུང་གི་འཚོགས་རེ་དང་ལོ་མཇུག་ཏུ་འགྲོ་སོང་དང་ཡོང་སྒོ་བཅས་ཕྱོགས་བསྡོམས་བྱས་ཏེ་བླ་གྲྭ་བརྒྱ་ལྷག་ལ་སྙན་གསན་འབུལ་དགོས་པ་ཡིན་ནོ།། དགོན་པའི་ལོ་རྒྱུད་འདི་ནི་དགའ་ལྡན་ཆོས་འབྱུང་བེེ་སེར་དང་གྲྭ་ངག་དབང་འཕྲིན་ལས་ཀྱིས་བཀོད་པའི་ལོ་རྒྱུས་དང་དབུ་མཛད་ལག་དེབ་བཅས་ལ་གཞི་བྱས། མཆོག་སྤྲུལ་འཇམ་དབྱངས་མཁས་གྲུབ་ཀྱིས་[page 46] གསུངས་པ་ལྟར་མུ་པོས་བྲིས་པའོ།།

ས་མིང་ཚིག་མཛོད་མིག་བཤར།

རྗེ་ཀརྨ་པ་གང་ཉིད་དགུང་ལོ་ལྔ་བཅུ་པར་བོད་རབ་བྱུང་གསུམ་པའི་རྣམ་གནོན་ཞེས་པ་ལྕགས་ཕོ་འབྲུག་གི་ལོར་དྭགས་པོ་ཁུ་དབོན་གྱིས་ལུང་བསྟན་པ་བཞིན་གནས་འདིར་བྱོན་ཏེ་སྒྲུབ་པ་ཉམས་ལེན་ལ་རྩེ་གཅིག་ཏུ་གཞོལ་སྐབས། ལན་ཅིག་ཁྱི་ར་བ་ཞིག་ཤ་བདས་བྱུང་། རྗེ་དུས་མཁྱེན་བཞུགས་པའི་ས་དེར་སླེབས་དང་ཕུག་པ་ན་རྗེ་དུས་གསུམ་མཁྱེན་པ་བཞུགས་པར་མཐོང་ནས་མིག་ཡེངས་ཏེ་ཤ་བ་ཐར། སྤྲང་རྒན་ཁྱོད་ཀྱིས་ངའི་འཚོ་བའི་འགེགས་བྱ་ཞེས་སྲོག་རྡུང་བྱེད་དུ་བྱུང་། དྲུང་ན་སླེབས་པ་དང་ཟིལ་མ་བཟོད་པས་ཁྲོ་བ་ཞི་སྡེ་གླེང་སློང་མང་དུ་མཛད་པས་དད་པ་སྐྱེས་སྐྱ་ཆས་དང་མདའ་གཞུ་ཐམས་ཅད་ཕུལ། ཡུལ་དུ་མ་ལོག་པར་དེ་ཉིད་དུ་སྐྲ་བཅད་སློབ་མ་བྱས་ཏེ་མཚན་ཆོས་བརྩོན་དུ་བཏགས། གདམས་ངག་ཞུས་པས་ཡོན་ཏན་ཕུལ་དུ་ཕྱིན་པ་སྐྱེས་ནས་ཉམས་མྱོང་གི་བཀའ་བབ་རྗེ་དུས་མཁྱེན་གྱི་ཐུགས་ལ་གཙུག་ལག་ཁང་ཞིག་འཛུགས་དགོངས་ནས་ཤུག་པ་འདི་དང་པོ་ལྷ་ཁང་འདིའི་མལ་དུ་ཡོད་པ་རྗེ་དུས་མཁྱེན་གྱིས་ཐུ་བར་བསྣམས་ཏེ་མར་སྤོས། ཉེ་གནས་ཆོས་བརྩོན་དང་སློབ་དཔོན་གཉིས་མར་བྱོན་ནས་ཤིང་བཅད་དབྲ་དགེ་ཆོས་བརྩོན་ལ་ཁྱོད་ཀྱི་སྣ་དྲོངས་གུསངས་བླ་མས་ཤིང་ཐམས་ཅད་དར་ཁྱུ་དར་ཁྱུ་དེད་ནས་བྱོན་བྱུང་། གཙུག་ལག་ཁང་ཆུང་ངུ་ཞིག་བཞེངས་བར་མཛད་པ་འདི་ནི་ཀརྨ་པའི་གནས་གཞི་ཐམས་ཅད་ཀྱི་ཐོག་མ་ཡིན་ལ། དེང་སང་ཡོང་གྲགས་ཀྱི་སྤྲུལ་ཀྱི་ལྷ་ཁང་ཟེར་བ་དེ་ཡིན་ནོ། ལྷ་ཁང་རྗེ་དུས་གསུམ་མཁྱེན་པའི་ལི་སྐུ་གསུང་འབྱོན་མ་ཞིག་ཡོད་པ་སྐུ་བཞུགས་རིང་གནས་འདིར་རྦབ་ཀྱིས་གནོདཔ་མི་ཡོང་ངེས་ཅན་དུ་གྲགས་པ་དང་། གཙང་ཁང་གི་རྟེན་གྱི་གཙོ་བོ་ལྷ་ཆེན་བྱིན་རླབས་དཔལ་འབར་བཅས་བཞེངས་ཏེ། གདན་ས་ཆེན་པོ་འདི་ཉིད་བཀའ་ཅི་རིགས་པས་བསྟན་པ་འཛིན་སྐྱོང་སྤེལ་གསུམ་བྱས་ནས་བསྟན་འཛིན་གྱི་སྐྱེས་བུ་དུ་མ་བྱོན་ཅིང་རྒྱལ་བའི་བསྟན་པ་མདོ་ཁམས་སྨད་དུ་ལྷག་པར་དར་པ་ཡིན་ནོ། དུས་ཕྱིས་བསྟན་པ་ལ་ཉམས་རྒུད་སྣ་ཚོགས་བྱུང་བས་གཙུག་ལག་ཁང་དང་རྟེན་གུསམ་རྣམས་ཞིག་སྐབས། ཀརྨ་བ་ཆོས་ཀྱི་དབང་ཕྱུག་བྱོན་ཏེ། ཡོད་ལོ་ཟླ་བ་ལྔ་བ་ལ་གཙུག་ལག་ཁང་འདི་བཞེངས་པའོ་དབུ་བཙུགས་ཕྱག་ཚད་ཚང་བའི་སྐུའི་དུམ་བུ་རྣམས་གཤེགས་སུ་གསོལ། མཆོད་རྟེན་སླར་བཞེངས་རྡོ་མི་ཐོག་པ་དེ་གཉིས་འདུག་པ་རྣམས་ཀྱང་ཆུ་བོར་གདན་དྲངས། གཙང་ཁང་གི་རྟེན་གྱི་གཙོ་བོ་ལྷ་ཆེན་བྱིན་རླབས་དབལ་འབར་འདི་བཞེངས་ཏེ། དེ་ཡང་རིན་པོ་ཆེ་དང་སྨན་དང་དྲི་བཟང་དང་དར་གོས་ལ་སོགས་པའི་རྒྱུ་རུང་བ་རྣམས་དང་། བྱིན་རླབས་རྫས་མང་པོ་སྦྱར་བའི་འཇིམ་པ་ལས་བཟོ་བོ་ཀརྨ་རིགས་བྱེད་ཀྱི་གྲོགས་བགྱིས་ཤིང་། རང་གི་སུམ་པས་ལས་འདུ་བགྱིས་ཏེ་བཞེངས། སྟོན་པ་དེ་བཞིན་གཤེགས་[page 47] པའི་འཕེལ་གདུང་། ཀརྨ་པའི་དབུ་ཀླད་རིང་བསྲེལ་དང་རང་སངས་རྒྱས་ཀྱི་རིང་བསྲེལ། རྗེ་རང་བྱུང་རྡོ་རྗེའི་དབུ་ཐོད་རིང་བསྲེལ་སོགས་ཡུངས་འབྲུ་ལྟ་བུའི་རིང་བསྲེལ་མང་དུ་བཞུགས། ཀརྨ་ཀ་ཚང་གཙོ་བོར་གྱུར་བའི་བཀའ་བརྒྱུད་བླ་མ་རྣམས་ཀྱི་དབུ་ལོ་ཕྱག་སེན་ན་བཟའ་ལ་སོགས་པ་སྐུ་བལ་གྱི་རིང་བསྲེལ་མང་དུ་བཞུགས། ཁྱད་པར་དབུ་གཟུངས་གཙུག་ཏོར་གྱི་སྡེ་དང་བླ་མ་བརྒྱུད་པ་དང་བླ་མེད་དང་རྣལ་འབྱོར་རྒྱུད་སྤྱོད་དང་བྱ་རྒྱུད། མདོ་གཟུངས། པད་གཟུངས། སྐྱེ་མཆེད་རྣམ་སྦྱར། གདན་དང་འོག་གཞི་བྱིན་གྱིས་བརླབས་པ་སོགས་ཆོས་སྐུའི་རིང་བསྲེལ་གྲངས་མང་བཞུགས། ཕྱག་ཚད་ནོར་འཁྲུལ་མེད་པར་ཟང་ཐང་གི་ལུགས་ཀྱི་སྐུའི་ཚུགས་སུ་གྲུབ། གསེར་ཆབ་ཀྱིས་བྱུགས་ཏེ་ལྷམ་མེར་བགྱིས་པ་དང་། ལོགས་བྲིས་ལ་འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་བརྒྱད་སྟོང་པའི་མདོ་རིས་རང་གི་ཕྱག་བསྟར་ཏེ་བྲིས། གསང་སྔགས་ཁང་དུ་རྗེ་བཙུན་དམ་པ་དབང་ཕྱུག་རྡོ་རྗེའི་སྐུ་བཞུགས། སི་ཏུ་ཆོས་གྱི་རྒྱལ་མཚན་གྱི་ཕྱག་བྲིས་སུ་མཛད་པའི་སྐུ་འདྲ་གཞན་གཉིས་དང་། ངེད་རང་གི་ལག་བྲིས་ཀྱི་མ་མགོན་མགར་གསུམ་གྱི་སྐུ་དང་བཅས་པ་མདོར་ན་གཙུག་ལག་ཁང་གི་རྟེན་དང་བཅས་པ་འདི་དག་ཟླ་བ་གསུམ་ལྷག་ཙམ་ནས་ཚགས་སུ་གྲུབ། སྤྱན་དབྱེ་གཟའ་སྐར་སྦྱོར་བྱེད་ཚེས་གྲངས་བཀྲ་ཤིས་ལ་རབ་ཏུ་གནས་པ་ལེགས་པར་གྲུབ་པར་བགྱིས་ཏེ། དེ་ཡང་དགོན་དཀར་གྱི་གཙུག་ལག་ཁང་སྔ་མ་དེ་ཉམས་ནས་ཕྱི་ནང་རྣམས་ཀྱང་རིམ་བཞིན་རྒུད་པར་གྱུར་ཞེས་ཐོས་པར་མ་ཟད་ཆོས་རྗེ་དུས་གསུམ་མཁྱེན་པས་རྟེན་འབྲེལ་བྱིན་རླབས་མཛད་པའི་གནས་འདི་ཞབས་ཏོག་འདི་ཙམ་ཞིག་བྱས་ཀྱང་། གནས་འདི་ཉིད་དང་ཕྱོགས་བཅུའི་བསྟན་འགྲོ་ཐམས་ཅས་ལ་ཕན་བདེ་རྒྱུན་ཆད་མེད་པར་འབྱུང་བར་གོར་མ་ཆག ཉམས་གསོ་རྒྱུད་ལ་སྐྱེས་པ་ལ་བརྟེན་ནས་ལྷག་པའི་བསམ་པ་དང་སྨོན་ལམ་དེ་ལྟ་བུས་མཚམས་སྦྱར་ནས་ཞབས་ཏོག་ཆུང་ངུ་འདི་ཙམ་ཞིག་དང་བླངས་པ་ཡིན་ནོ། ཞེས་གསུངས་པ་ལྟར་རོ། དགོན་འདི་རྒྱལ་མཆོག་ལྔ་པ་བློ་བཟང་རྒྱ་མཚོའི་དུས་ཙམ་ནས་གྲུབ་མཐའ་རི་བོ་དགེ་ལྡན་པར་བསྒྱུར་ཏེ། དགོན་དཀར་བློ་བཟང་ཆོས་རྗེ་སོགས་སྐྱེས་ཆེན་དམ་པ་དུ་མ་བྱོན་ནས་བསྟན་པ་རྒྱ་ཆེར་སྤེལ་ན་ཡང་། མི་རིང་བར་སེམས་ཅན་གྱི་ལས་དང་བསོད་ནམས་ཟད་པས་དགོན་པ་རྟེན་དང་བརྟེན་པར་བཅས་པ་མེས་འཇིག་པ་ཡིན་ནོ། ལོ་རྒྱུས་འདི་ནི་འགོ་སེས་ལོས་དེབ་སྔོན་དང་གནས་སྒོ་དགོན་པའི་གནས་ཡིག་བཅས་གཞི་བྱས་གནས་སྒོ་དགོན་པའི་མཆོག་སྤྲུལ་རྒྱལ་མཚན་དབང་ཕྱུག་གི་ངག་རྒྱུན་ཁུང་ཐུབ་རྣམས་ལས་ཟུར་རྣམས་ལས་ཟུར་བརྒྱན་ཏེ་མུ་པོས་བྲིས་པའོ།།

ས་མིང་ཚིག་མཛོད་མིག་བཤར།

ལུང་དང་རྟོགས་པའི་མངའ་བདག་ཁྲི་ཆེན་ངག་དབང་མཆོག་ལྡན་གང་གིས་བོད་རབ་བྱུང་བཅུ་གཉིས་པའི་སྲིན་བུ་ཞེས་པ་ཤིང་མོ་ཡོས་ཀྱི་ལོར་མདོ་ཁམས་སྨད་དུ་ཕེབས་ཏེ། དཔལ་མཉམ་མེད་རི་བོ་[page 48] དགེ་ལྡན་པའི་རིང་ལུགས་དྲི་མ་མེད་པར་འཛིན་པའི་གུར་དཀར་པོའི་དགོན་པ་བཅུ་གསུམ་བཏབ་པའི་ནང་ཚན། ཐོག་མར་བཏབ་པའི་གུར་དགོན་འདི་ལ་དགའ་ལྡན་རབ་རྒྱས་གླིང་ཞེས་མཚན་གསོལ། དེ་དུས་དགེ་འདུན་བརྒྱ་སྐོར་ཙམ་བཞུགས་པ་ལ་དགེ་ཚུལ་དང་བསྙེན་རྫོགས་ཀྱི་སྡོམ་པ་དང་རྒྱུད་སྡེ་བཞིའི་སྒྲུབ་མཆོད་བཙུགས། སྡེ་དཔོན་བསོད་ནམས་ནོར་བུ་སྤུན་མཆེད་རྣམས་ཀྱིས་ཁྲོམ་ཐོག་ལྷ་ལུང་དཔལ་གྱི་རྡོ་རྗེ་སྐུ་ཕྲེང་ལྔ་པ་སྤྲུལ་བའི་སྐུ་མཆོག་བསོད་ནམས་ཆོས་རྒྱལ་མཁན་པོར་བསྐོས། དམ་པ་ཁྲི་ཆེན་ཉིད་ཀྱིས་རྒྱལ་བའི་བསྟན་པ་རིན་པོ་ཆེ་དར་ཞིང་རྒྱས་པའི་ཐུགས་སྨོན་མཛད། དེ་ཨནས་སྤྲུལ་སྐུ་བསོད་ནམས་ཆོས་རྒྱལ་གྱིས་ཚྭ་ཁ་རི་ཁྲོད་བཏབ་སྟེ། རིམ་བཞིན་དགོན་སྡེ་གཉིས་པོ་དར་ཞིང་རྒྱས་པ་ཡིན་ནོ།།

དེའི་རྗེས་རབ་གླིང་གུར་དཀར་དགོན་པའི་གདན་ས་སྤོས་ཏེ། ཡངས་ཤིང་རྒྱ་ཆེ་བའི་སྤང་ལྗོངས་ཕྱུག་མོར་རྩི་ཤིང་སྨན་རིགས་མེ་ཏོག་ཁ་མདོག་སྣ་ལྔའི་མདངས་ལྷག་པར་བཀྲ་བའི་རྩ་ཐང་ཆེན་པོ་དེར་དགོན་གནས་མཛད་པ་ཡིན་ནོ། དེ་ནས་དགོན་འདིའི་གདན་རབ་རིམ་བྱོན་ནི། ལྷ་ལུང་དཔལ་རྡོར་གྱི་སྐུ་ཕྲེང་དང་པོ་བོད་ལྗོངས་སུ་སྐུ་བལྟམས་ཏེ་རྒྱལ་པོ་གླང་དར་བསད་དེ་མཚོ་སྔོན་ཕྱོགས་སུ་ཕེབས། སྐུ་ཕྲེང་གཉིས་པ་དང་གསུམ་པ་བཞི་པ་རྣམས་མཚོ་སྔོན་ཕྱོགས་སུ་འཁྲུངས་ནས་བསྟན་འགྲོའི་དོན་རྒྱ་ཆེར་མཛད། སྐུ་ཕྲེང་ལྔ་པ་བསོད་ནམས་ཆོས་རྒྱལ། སྐུ་ཕྲེང་དྲུག་པ་འཕྲིན་ལས་དཔལ་ལྡན། སྐུ་ཕྲེང་བདུན་པ་ངག་དབང་བློ་བཟང་འཕྲིན་ལས་ཕུན་ཚོགས། སྐུ་ཕྲེང་བརྒྱད་པ་ཡོན་ཏན་རྒྱ་མཚོ། སྐུ་ཕྲེང་དགུ་པ་ངག་དབང་བློ་བཟང་ཐུབ་བསྟན་ཆོས་ཀྱི་ཉི་མ། སྐུ་ཕྲེང་བཅུ་པ་བསྟན་འཛིན་མཁྱེན་རབ་བཅས་དང་། རྒྱུད་པའི་བླ་མ་དབུ་མཛད་སྐུ་ཕྲེང་གསུམ་ལ་སྤྲུལ་བའི་སྐུ་ངག་དབང་བློ་བཟང་བསྟན་འཛིན་འཕྲིན་ལས་རྒྱ་མཚོ། སྐུ་ཕྲེང་བཞི་པ་སྤྲུལ་བའི་སྐུ་བློ་བཟང་དམ་ཆོས་འཕྲིན་ལས་རྒྱ་མཚོ་བཅས་སྐུ་ཕྲེང་རིམ་བྱོན་རྣམས་གདན་ས་ཆེན་པོ་སེ་ར་ཐེག་ཆེན་ཆོས་གླིང་དུ་བྱོན་ནས། གཞུང་ཆེན་བཀའ་པོད་ལྔ་ལ་གསན་བསམ་མ༥ཐར་ཕྱིན་མཛད་དེ་གདན་ས་འདིར་ཞབས་ཟུང་འཁོད་དེ་མཁན་རྦས་བརྒྱུད་འཛིན་གནང་བ་ཤ་སྟག་ཡིན་ནོ།།

དེ་ལས་གཞན་པའི་སྐྱེས་ཆེན་དམ་པ་དུ་མས་ཀྱང་ཞབས་ཀྱིས་བཅགས་ཏེ། ཁྲི་ཆེན་ངག་དབང་མཆོག་ལྡན། ཁྲི་ཆེན་བློ་བཟང་ཆོས་རྒྱལ། ཁྲི་ཆེན་བཟང་ཡེ་ཤེས། བླ་མ་སྨན་གྲུབ་པ་བློ་བཟང་དགའ་བ། སྐྱབས་རྗེས་ངག་དབང་བློ་བཟང་བསྟན་པ་འཕྲིན་ལས་རྒྱ་མཚོ། སྐྱབས་མགོན་འཇམ་དབྱངས་དཔལ་ལྡན་རྡོ་རྗེ། གླང་སྤྲུལ་ངག་དབང་བསྟན་འཛིན་འཕྲིན་ལས་དར་རྒྱས། སྨ་ཁམས་སྤྲུལ་སྐུ་བློ་བཟང་ཐོགས་མེད། སྨ་ཁམས་སྤྲུལ་སྐུ་ངག་དབང་མཁྱེན་རབ་བློ་བཟང་བསྟན་པའི་ཉི་མ། འཛམ་གླིང་སྤྲུལ་པའི་སྐུ་ཕྲེང་ལས་མཁས་བཙུན་དགེ་འཛུན་འབྱུང་གནས། བྲག་དཀར་སྤྲུལ་བའི་སྐུ་བློ་བཟང་བསྟན་པའི་ཉི་མ། སྒོ་སྤེལ་སྤྲུལ་སྐུ་བློ་བཟང་ཡོན་ཏན་སྙན་གྲགས་རྒྱ་མཚོ། སྨ་ཁམས་རིན་པོ་ཆེ་རྟ་མགྲིན་[page 49] ཚེ་དབང་། བློ་བཟང་དབང་ཕྱུག་སོགས་མཁས་བཙུན་བཟང་གསུམ་དང་ལྡན་པའི་དགེ་བའི་བཤེས་གཉེན་དུ་མ་བྱོན་ཏེ་རྒྱལ་ཨའི་བསྟན་པ་རིན་པོ་ཆེ་བཤད་སྒྲུབ་གཉིས་ཀྱི་སྒོ་ནས་འཛིན་སྐྱོང་སྤེལ་གསུམ་མཛད་པ་ཡིན་ནོ།། དགོན་འདིའི་དགེ་སྐོས་དང་གྲྭ་རྒན་རྣམས་ཀྱིས་འགན་འཛིན་འོག རྡོ་རྗེ་སློབ་དཔོན་དབུ་མཛད་གདོང་གྲས་བརྒྱད་བཅུ་གཙོས་དགེ་འདུན་ཆིག་སྟོང་བཞུགས་པའི་གུར་དཀར་གྱི་འདུ་ཁང་ཆེན་མོ་ཞིག་དང་། དགེ་འདུན་པ་སྟོང་བཞུགས་པའི་གུར་ཆུང་བརྒྱ་དང་བརྒྱད་ཅུ་ལྷག་ཙམ་དང་། སྤྲ་ནག་གི་ཐབ་ཚང་ཆེན་མོའི་ནང་དུ་སྔོ་གཉན་སྡིག་རྡོར་དང་བཀྲ་ཤིས་ནམ་ལངས་ཞེས་པའི་ཚོགས་ཁྲོ་ཆེན་པོ་གཉིས་ཡོད་དོ།།

རྟེན་དང་མཆོད་རྫས་སྐོར་ལ། རྒྱུ་ཟངས་གྲུབ་པའི་རྗེ་བཙུན་བྱམས་པ་གསུང་བྱོན་མ་ཁྲུ་གཅིག་ཕྱེད་ཙམ་དང་། རྗེ་ཡབ་སྲས་གསུམ། སྒྲོལ་མ། ཟ་བྱེད་མཁའ་འགྲོ་སོགས་གསེར་སྐུའི་སྐོར་དང་། གསང་འདུས། བདེ་མཆོག འཇིགས་བྱེད། མི་འཁྲུགས་པ། ཀུན་རིག རྗེ་ཡབ་སྲས་གསུམ། རྒྱལ་བ་བྱམས་པ། བླ་མ་མཆོད་པའི་ཚོགས་ཞིང་། རྒྱུད་སྡེ་རྣམས་ཀྱི་དཀྱིལ་ཐང་བཅས་གསེར་ཐང་ཆེ་ཆུང་དུ་མ་དང་། གདུགས་དང་རྒྱ་མཚན་ཀ་ཕན། དཀྱིལ་འཁོར་ཡོལ་བ་དབང་རྫས་ཅོད་པན་རིག་ལྔའི་དབུ་རྒྱན་ལྷག་དང་། སྦུབ་རྔ་སིལ་བཅས་གང་མང་བཞུགས་སོ།།

ཚེས་དུས་སྒྲུབ་མཆོད་ནི། དབྱར་ཆོས་སྒྲུབ་མཆོད་ཆེན་མོ་སྐར་བཟང་ཚེས་བཟང་མགོ་བཙུགས་ཏེ་ཉིན་ཉེར་གཅིག་འཚོགས་རྒྱུ་ཡོད་ལ། སྔགས་ཀྱི་ཆོ་ག་ཕྱག་ལེན་གནང་མཁས་པར་མ་ཟད། བསྙེན་སྒྲུབ་སྔོན་སོང་གི་འདུས་འཛིན་གནས་བརྟན་རྒན་པ་ཞིག་གིས་རྡོ་རྗེ་སློབ་དཔོན་མཛད་དེ། མི་འཁྲུགས་པའི་སྒྲུབ་མཆོད་ཉིན་བཞི་དང་། བདེ་མཆོག་ཉིན་ལྔ། གསང་འདུས་མི་བསྐྱོད་རྡོ་རྗེ་ཉིན་ལྔ་འཇིགས་བྱེད་ཉིན་བཞི། ཀུན་རིག་སྒྲུབ་མཆོད་ཉིན་གཉིས། སྲུང་མའི་བསྐང་གསོ་ཉིན་གཅིག་བཅས་འཚོགས་དགོས། སྒྲུབ་མཆོད་སོ་སོའི་སྐབས་དགེ་སྐོས་ཀྱིས་ཆེད་བརྗོད་སོ་སོ་ཚོགས་གཞུང་དུ་སྒྲོགས་སྦྱང་གནང་དགོས་པ་མ་ཚད་ཉིན་ཉེར་གཅིག་རིང་གི་སྒྲིག་ལམ་ཀུན་སྤྱོད་སྐོར་གྱི་ཚོགས་གཏམ་འབུལ་དགོས། ཚེས་བཅོ་ལྔ་ལ་གསོ་སྦྱོང་དང་བཅུ་དྲུག་ཉིན་རྗེ་བཙུན་བྱམས་པའི་ཆོས་འཁོར་བསྐོར་དགོས་སོ།།

དགོན་འདིའི་ཉིན་ཉེར་གཅིག་རིང་གི་སྒྲིག་ལམ་བསྡུས་ཙམ་བཤད་ན། དུང་མཁན་གཉིས་ཀྱིས་ཐོ་རངས་ལ་དུང་བརྡ་འབུད་པ་ནས་ལྷུང་བཤགས་སོགས་སྦྱོར་སྦྱང་མཛད། དུང་ཆེན་འབུད་པ་དང་མཉམ་དུ་དགེ་འདུན་པ་རྣམས་འདུ་ཁང་དུ་ཕེབས་ཏེ་དགེ་སློང་བསླབ་གྲལ་ཏྲྱལ་མཚན་གྱི་གོ་རིམ་བཞིན་དང་དགེ་ཚུལ་མཁས་གྲལ་རྡོ་སྐས་ཀྱི་ཐེམ་པ་བཞིན་བཞུགས་དགོས་པ་མ་གཏོགས་རང་སྣང་གང་ཤར་གྱིས་བཞུགས་མི་ཆོག དགེ་འདུན་གྱི་ལས་བྱ་མཁན་ཡིན་ནམ་མ་གཏོགས་ཚང་མ་ཉིན་ལྟར་ཚོགས་ཐེངས་གསུམ་ལ་མགོ་སྐྱབས་ལྷུང་བཤགས་ནས་མཇུག་ཤིང་བརྗོད་མ་ཚར་བར་བཞུགས་དགོས། ཚོགས་སུ་མི་བཞུགས་ནས་རང་མོད་ཀྱིས་ཕྱི་ལོགས་སུ་འཁྱམ་པ་དང་སྐྱ་ཆས་གྱོན་པ་སོགས་བྱེད་ན་འཕྲལ་དུ་འཇུ་[page 50] བཟུང་སྤྲད་དེ་ཚོགས་གཞུང་དུ་ལང་བཅུག་པ་དང་ལྕག་ཚན་གཞུ་བ། དངུལ་ཆད་གཅོད་པ་སོགས་ཀྱི་ཁྲིམས་ཁུར་དགོས། གུར་གྲལ་ནང་ཀི་སྒྲ་དང་རྩེད་མོ་ཧ་དགོད་སོགས་ཆོས་འདུལ་བའི་ཁྲིམས་དང་འགལ་བའི་བྱ་བ་བྱེད་མི་ཆོག ན་ཚ་སོགས་བྱུང་ནས་ཚོགས་ལ་ཞུགས་མ་ཐུབ་ན་ལམ་སང་དགེ་སྐོས་ལ་དགོངས་པ་ཞུ་དགོས། ས་རུབ་པ་དང་འཁར་རྔས་སྒྲ་ཐོས་མཉམ་དུ་སྐད་གསང་མཐོན་པོར་དམིགས་བརྩེ་མ་སྐྱོར་སྦྱང་བྱེད་དགོས། གཟིམ་དུང་འབུད་པ་དང་དུས་མཉམ་དུ་གཟིམ་དགོས་པ་ཡིན་ནོ།

དགུན་གྱི་དུས་ཚོད་ཅིག་ལ་དགུན་ཆོས་ཉིན་དྲུག་འཚོགས་དགོས་ཏེ། དཔོན་ཚང་གི་སྦྲ་ཆེན་ནང་གཡོན་རུ་དགེ་རྙིང་གསུམ་གྱི་དགེ་འདུན་བརྒྱ་སྐོར་ཞིག་འཚོགས་ནས་དགེ་ལུགས་པས་མགོན་པོ་ཁྲི་ཚར་དང་བསྐང་གསོ་ཡོང་རྫོགས། ས་རྙིང་གཉིས་ཀྱིས་གདུགས་དཀར་ཁྲི་དར་གསུང་དགོས་པ་དང་། ལོ་ལྟར་བོད་ཟླ་བཅུ་པའི་ཚེས་ཉེར་ལྔ་ལ་རྗེ་ཙོང་ཁ་བ་སྐུ་གཤེགས་པའི་འདས་མཆོད་ཉིན་ལྔ་འཚོགས་པ་ཡིན་ནོ།

ཡོན་གྱི་འབྱུང་ཁུངས་ནི། ཆོས་ཐོག་ཉེར་གཅིག་རིང་གི་ཆོས་ཡོན་སྦྱིན་བདག་རྣམས་ལོ་ལྟར་གཡོན་རུ་དཔོན་གྱིས་དུད་ཁ་རབ་འབྲིང་ལ་བརྟེན་ཏེ་སྤྱི་སོ་ཞེས་མིང་བཏགས། ལོ་དང་པོ་གཉིས་ལ་གྲ་སྒྲིག་བྱས་ཏེ་ལོ་གསུམ་པ་ལ་གཏོང་སྒོ། ཉིན་དང་པོ་ལ་གསོལ་ཇ་དང་འབྲུ་ཕོགས། ཉིན་གཉིས་པ་ལ་རབ་མར་ཁུ་མཐའ་འབྲས་ཐིག སྐུ་འགྱེད་བཞག་འཇོག་རྫས་སོགས་འབུལ་བའི་སྲོལ་ཏེ་གཡོན་རུ་དཔོན་ཝ་ཤུས་བསོད་ནམས་ནོར་བུ་ནས་བསོད་ནམས་དབང་རྒྱལ་བར་དཔོན་རབས་དགུའི་བར་ཡོད་དོ། དགོན་འདིའི་མངའ་འོག་གི་སྡེ་ཤོག་དྲུག་ནི། དཔོན་སྐོར། ཁ་ཤུལ། ཧོར་རྙིང་། ཧོར་གསར། འཇོ་ཐང་། གླང་རྐང་བཅས་ཤོག་དྲུག་ཡོད་དོ།།

ངོ་རྒོལ་བཞི་དང་རིག་གནས་གསར་བརྗེ་སྐབས་དགོན་པ་རྟེན་དང་བརྟེན་དང་བརྟེན་པར་མིང་གི་ལྷག་མར་གྱུར། སླད་ནས་སྐབས་བཅུ་གཅིག་པའི་ཚང་འཛོམ་གྲོས་ཚོགས་ཐེངས་གསུམ་པ་འཚོགས་ཏེ་མི་རིགས་ས་ཁུལ་གྱི་ཆོས་ལུགས་དང་མི་རིགས་ཀྱིས་སྲིད་ཇུས་ཡང་དག་པ་ལག་ལེན་བསྟར་ནས་དགོན་པ་སོ་སོ་ཆོས་སྒོ་ཕྱེ་ཆོག་པའི་བཀའ་ཐོབ་རྗེས། དགོན་འདིས་བོད་རབ་བྱུང་བཅུ་དྲུག་པའི་ཆུ་ཕག་ལོར་ས་གནས་ཏང་སྲིད་དང་། རྫོང་ཆོས་ཚོགས་ལས་ཁུངས་འོག་ཆོས་དད་དམངས་ཚོགས་རྣམས་དགའ་སྤྲོ་ངང་ནས་བཀྲ་ཤིས་པའི་རྟེན་འབྲེལ་གྱི་བྱེད་སྒོ་བཙུགས་ཏེ། དང་པོར་རབ་རྒྱས་གླིང་གྲྭ་ཚང་གཉིས་སུ་ཕྱེས་ཏེ་དཔོན་སྒོར་གྲྭ་ཚང་དང་ཧོ་རྙིང་བརྒྱ་ཤོག་གི་གྲྭ་ཚང་གཉིས་སུ་ཕྱེས་ནས་འཚོགས། ད་ལྟ་མཉམ་དུ་རབ་གླིང་དུ་འཚོགས་ནས་ལི་ཐང་དགོན་པའི་མཁན་ཟུར་རྨ་ཁམས་དགེ་བཤེས་རྟ་མགྲིན་ཚེ་དབང་། སྤྲུལ་སྐུ་ངག་དབང་བསྟན་འཛིན་ཕྲིན་ལས་དར་རྒྱས། སྤྲུལ་བའི་སྐུ་མཆོག་བྲག་དཀར་བློ་བཟང་བསྟན་པའི་ཉི་མ་སོགས་ཀྱིས་དགོན་འདིའི་བསྟན་པ་སྐྱོང་བཞིན་པ་མ་ཟད། ངག་དབང་བསྟན་འཛིན་ཕྲིན་ལས་དར་རྒྱས་མཆོག་གིས་ཚོགས་གཙོ་གནང་སྟེ་དགོན་པའི་བདག་གཉེར་ཁང་བཙུགས་ནས། དགེ་སྐོས། བླ་མ་སློབ་དཔོན། དབུ་[page 51] མཛད། གདོང་གྲས་བརྒྱད་ཅུ་བཅས་དགེ་འདུན་བརྒྱད་བརྒྱ་ལྷག་ཙམ་བཞུགས་པའི་གུར་དཀར་པོའི་འདུ་ཁང་ཆེན་པོ་ཞིག་དང་། གྲྭ་བ་རྣམས་བཞུགས་པའི་གུར་ཆུང་བརྒྱ་ལྷག་ཙམ་ཡོད་པ་ལས། སྐུ་རྟེན་གཙོ་བོ་ཟངས་གསེར་ལས་གྲུབ་པའི་སྔོན་གྱི་རྟེན་རྙིང་གི་བྱམས་པ་གསུམ་འབྱོན་མ་དང་དེ་མིན་མཆོད་རྫས་གདུགས་རྒྱལ་མཚན་ཀ་འཕན། རོལ་ཆོས། དབང་རྫས། ཚོགས་གདན་དོགས་སྔར་ལྟར་རོ།།

ཚེས་དུས་སྒྲུབ་མཆོད་དབྱར་ཆོས་སྔོན་མ་ནང་བཞིན་ཉིན་ཉེར་གཅིག་དང་། དགུན་ཆོས་དགའ་ལྡན་ལྔ་མཆོད་སྔོན་བཞིན་འཚོགས་དགོས་ན་སྟབས་མི་བདེ་བས། དབྱར་ཆོས་ཚར་མ་ཐག་གདོང་གྲལ་ལྔ་བཅུ་ཙམ་བཞུགས་ཏེ་ཉིན་བཞི་འཚོགས་བཞིན་ཡིན་ནོ། ཚྭ་ཁ་རི་ཁྲོད་བསྐྱར་བཞེངས་བྱས་ཏེ་རབ་གླིང་དགོན་པའི་སྦྲ་གུར་མཆོད་རྫས་གདན་ཐབ་བཅས་འཇོག་པའི་བདག་གཉེར་ཁང་ཞིག་ཡིན། དེར་དགུན་ཆོས་མགོན་པོ་ཁྲི་ཚར་གྲྭ་བརྒྱ་ཙམ་གྱིས་ཉིན་བརྒྱད་འཚོགས་རྒྱུ་ཡོད་དོ།།

ཡོན་གྱི་འབྱུང་ཁུངས་སྔོན་མ་ནང་བཞིན་ལས། ད་སྐབས་སྦྱིན་བདག་རྣམས་ཀྱིས་རང་མོས་གང་འབྱོར་དང་མཐུན་པའི་སྒོ་ནས་ཡོན་སྦྱར་བ་མ་གཏོགས། ཁྲལ་བཀོད་ཀྱི་བྱ་བ་སོགས་གང་ཡང་མེད་དོ།། དགོན་པའི་ལོ་རྒྱུས་འདི་ནི་དགོན་པ་རང་བྲིས་པའི་ལོ་རྒྱུས་ལ་གཞི་བྱས་ནས་རྣམ་པོ་ཚེ་རིང་སོགས་ཀྱི་ངག་རྒྱུན་ཐུན་རྣམས་ལ་བརྟེན་ནས་མུ་པོས་བྲིས་པའོ།།

ས་མིང་ཚིག་མཛོད་མིག་བཤར།

བླ་མ་བཟོད་པ་ལྷུན་གྲུབ་ཀྱིས་བོད་རབ་བྱུང་བཅུ་གཉིས་པའི་དུས་དཀྱིལ་ཙམ་དུ་སྔ་འགྱུར་རྙིང་མའི་དགོན་པ་ཞིག་བཏབ་པ་དེ་ལ་མངའ་འབངས་རྣམས་ཀྱིས་ངག་རྒྱུན་དུ་བླ་མ་དགོན་པ་ཞེས་ཐོགས། དེ་རྗེས་དམ་པ་ཁོང་གིས་འབྲོག་རི་བོ་དགེ་ལྡན་པའི་ཆོས་ལུགས་སུ་བསྒྱུར་ནས་ཐུབ་བསྟན་བྱམས་ཆེན་ཆོས་འཁིར་གླིང་གི་དགོན་ལག་ཏུ་གྱུར་ཏེ། ཆོ་ག་ཕྱག་ལེན། ཚེས་དུས་སྒྲུབ་མཆོད། འདོན་རྟ་དབྱངས་སོགས་མ་དགོན་དང་མཚུངས་ཤིང་། དགོན་པའི་མཁན་པོའམ་མངའ་བདག་སོགས་མ་དགོན་གྱིས་བཀའ་ལྟར་གཏོང་མངགས་བྱེད་དགོས་པས། དེ་ནས་བཟུང་སྟེ་ཆོས་ལུགས་གྲུབ་མཐའ་དང་བླ་མ་རང་གི་མཚན་དང་མཐུན་པས་དགའ་ལྡན་ཁུན་གྲུབ་གླིང་ཞེས་དགོན་པར་མཚན་གསོལ།

དེ་ནས་བོད་རབ་བྱུང་བཅུ་གཉིས་པའི་དུས་མཇུག་ཙ་དུ་སྔར་ཡོད་ཀྱི་གཙུག་ལག་ཁང་དང་ཇ་ཁང་ཆོས་ར་སོགས་རྒྱ་བསྐྱེད་དེ་ཀ་བ་བཞི་བཅུ་ཙམ་གྱི་སར་གསར་བསྐྲུན་མཛད་དེ། ནང་རྟེན་གྱི་གཙོ་བོ་རྒྱུ་སྨན་འདམ་ལས་གྲུབ་པའི་གུ་རུ་གསུང་འབྱོན་མས་སྔོན་ཕྱག་ཕྲེང་གི་དམག་གིས་དགོན་འདི་བཅོམ་སྐབས་རིན་ཐང་ཆེ་བའི་སྐུ་གསུངས་ཐུགས་རྟེན་དུ་མ་འཕྲོག་བཅོམ་གཏོར་བྱེད་སྐབས་སློབ་དཔོན་གདན་ཁྲི་ལས་བབས་ནས་ཆོས་རའི་དཀྱིལ་དུ་བྱོན་ནས་ཆོམ་རྐུན་གྱི་འགྲོ་ལམ་བཀག་ནས་བྲོས་པའི་ལོ་རྒྱུས་[page 52] ངོ་མཚར་དུ་མ་དང་ལྡན་པ་དེ་དང་། དབུས་སུ་སྤྱན་རས་གཟིགས། གཡོན་དུ་འཇམ་མགོན་བློ་བཟང་གྲགས་པ་བཅས་ཀྱི་སྐུ་བརྩེགས་ཚད་དང་། སྤྱན་རས་གཟིགས་ཕྱག་སྟོང་སྤྱན་སྟོང་མི་ཚད་ཙམ་དང་། སྟོན་པའི་ལི་སྐུ་ཁྲུ་གང་ཚད་དང་། རྗེ་ཚེ་འཛིན་མས་མཚོན་གསེར་ལི་སྐུ་མང་ཙམ་དང་། རྒྱལ་བའི་བཀའ་འགྱུར། ལྷ་སའི་འབུམ། སྡེ་དགེའི་འབུམ། དི་མིན་གྱི་གསུང་རབ་སྐོར་དང་། རྩིག་ངོས་ཀྱི་ལྡེབས་རིས། ག་གདུང་རྐོས་དཀྲོལ་སོགས་རིན་ཐང་ཆེ་བ་དུ་མ་བསྐྲུན།

དེ་རྗེས་བོད་རབ་བྱུང་བཅོ་ལྔ་པའི་མགོ་ཙམ་ལ་སླར་ཡང་ཕྱག་མཛད་སྡེ་དཔོན་སོགས་ཀྱིས་དབུ་འགན་བཞེས་ཏེ་ཚོགས་ཁང་དང་བྱམས་ཁང་འདྲེས་མ་ཞིག་དང་། གྲྭ་ཤག་ལྔ། མ་ཎི་དུང་འཁོར་དང་ཁང་རྩེག་མཆོད་རྟེན་སོགས་ཀ་ཁྱོན་སུམ་ཅུ་ལྷག་ཙམ་བཞེངས་ཏེ། འདུ་ཁང་དུ་རྒྱུ་སྨན་འདམ་ལས་གྲུབ་པའི་ཇོ་བོ། འཇམ་དབྱངས། ཤཱཀ་ཐུབ་བཅས་དང་། སྟེང་དུ་རྒྱ་ཕིབས། རྩིག་ངོས་ཀྱི་ལྡེབས་རིས་སོགས་ཀྱིས་མཚོན་སྐུ་གསུང་ཐུགས་རྟེན་དང་མཆོད་ཆས་རོལ་མོ་སོགས་སྤུས་གཙང་ལ་སྒྲོས་ལེགས་པ་དུ་མ་བསྐྲུན་པར་མ་ཟད། གདན་ས་སྐྱོང་བའི་ལུང་རྟོགས་ཀྱི་ཡོན་ཏན་དུ་མས་ཕྱུག་པའི་སྐྱེས་ཆེན་དམ་པ་བྱམས་པ་བློ་གསལ། བློ་བཟང་རྒྱ་མཚོ། བསོད་ནམས་དོན་གྲུབ། མཁྱེན་རབ་འཕགས་པ་སོགས་ཀྱིས་བཤད་སྒྲུབ་འཁོར་ལོ་གཉིས་ལྡན་གྱི་སྒོ་ནས་མདོ་ཁམས་སྨན་འདིར་འཇམ་མགོན་བླ་མ་བློ་བཟང་གྲགས་པའི་དཔལ་གྱི་བསྟན་པ་བླ་ལྷག་ཏུ་སྤེལ་བ་ཡིན་ནོ། དེ་ནས་སེམསཅན་གྱི་ལས་དང་བསོད་ནམས་དམན་པས། རེ་ཞིག་དགོན་པ་རྟེན་དང་བརྟེན་པར་བཅས་པ་མིང་གི་ལྷག་མར་གྱུར།

སླད་ནས་དད་པའི་རང་དབང་གི་སྤྲིན་གསེབ་ཀྱི་ཉི་མ་ཤར་མ་ཐག་སླར་གསོའི་ཕྲིན་ལས་ཀྱི་དབུ་བཙུགས་ཏེ་འདུ་ཁང་དང་བྱམས་ཁང་འདྲེས་མ་ཞིག་དང་ཇ་ཁང་བཅས་ཀ་ཁྱོན་སུམ་ཅུ་ལྷག་གསར་དུ་བསྐྲུན་ཏེ། གཙུག་ལག་ཁང་དུ་སངས་རྒྱས་ཤཱཀྱ་མུ་ནེ། ཚེ་དཔག་མེད། ཇོ་བོ་རྗེ་དཔལ་ལྡན་ཨ་ཏེ་ཤ། རྗེ་ཡབ་སྲས་གསུམ་བཅས་རྒྱུ་སྨན་འདམ་ལས་བསྐྲུན་པ་མི་ཚད་ཙམ་རེ་དང་། ཡང་སྟེང་དུ་བླ་མ་བཟོད་པ་ལྷུན་གྲུབ་ཀྱི་འདྲ་སྐུ་དང་། དད་ལྡན་རྣམས་ཀྱིས་རང་མོས་སྒོ་ནས་ཕུལ་བའི་ཆད་བརླག་སོང་བའི་འགྱུར་དང་འབུམ་འདྲ་སྐུ་བཅས་དང་། རྔ། སྦུས་ཆས་དང་། དུང་རག་དུང་། རྒྱ་གླིང་བཅས་རོལ་ཆས་དང་མཆོད་ཆས་སྐོར་དུ་མ་གསར་དུ་ཉོས་ན་རྒྱལ་བསྟན་ཡར་ངོའི་ཟླ་ལྟར་རྒྱས་ན་ཡང་། ཡུལ་ལུང་འདིར་ཡོན་བདག་ཁྱིམ་དུད་བརྒྱ་ཙམ་ལས་མེད་པས། དབྱར་དུས་སུ་འབྲོག་ཕྱོགས་སུ་དཀར་བསོད་དང་། སྟོན་དུས་སུ་རོང་ཁག་ཏུ་ནས་བསོད་ལ་ཕེབས་ནས་གྲྭ་སུམ་ཅུ་ཙམ་གྱིས་བོད་ཟླ་དང་པོའི་ཚེས་བརྒྱད་ནས་བཅུ་དྲུག་བར་སྨོན་ལམ་དང་བྱམས་ཆེན་ཆོས་འཁོར། བོད་ཟླ་དྲུག་པར་དབཡར་ཆོས། བོད་ཟླ་བཅུ་པའི་ཚེས་ཉི་ཤུ་གསུམ་ནས་གནམ་གང་བརདགའ་ལྡན་ལྔ་མཆོད བོད་ཟླ་བཅུ་གཉིས་པའི་ཚེས་ཉེར་གསུམ་ནས་སུམ་ཅུའི་བར་སྤྱི་གཏོར་ཆེན་མོ་བཅས་འཚོགས་དགོས་པ་ཡིན་ནོ། དགོན་པའི་ལོ་རྒྱུས་འདི་ནི་གྲྭ་བློ་[page 53] བཟང་དབྱིག་གཉེན་དང་བློ་བཟང་ཏིང་འཛིན་གཉིས་ཀྱིས་བྲིས་པའི་ལོ་རྒྱུས་ལ་གཞི་བྱས་གྲྭ་བསྟན་འཛིན་བཀྲ་ཤིས་ཀྱི་ངག་རྒྱུན་ལས་ཟུར་བརྒྱན་ཏེ་མུ་པོས་བྲིས་པའོ།།

ས་མིང་ཚིག་མཛོད་མིག་བཤར།

སྔོན་ཁྱིམ་དུད་ལྔ་ཡོན་བདག་བགྱིས་ཏེ་ལོ་རེ་ལ་བཟང་སྤྱོད་འབུམ་ཐེར་རེ་འདོན་སྲོལ་ཡོད་པ་དེ་ལ་ཏྲེ་ཧོར་སྤྱི་དཔོན་རིན་པོ་ཆེ་བྱོན་ནས་བཟང་སྤྱོད་གྲྭ་ཚང་ཞེས་མཚན་གསོལ། དེ་རྗེས་གངས་ལྗོངས་མཁས་གྲུབ་ཡོང་ཀྱི་གཙུག་རྒྱན་ཁྲི་ཆེན་ངག་དབང་མཆོག་ལྡན་གང་ཉིད་ཀྱིས་བོད་རབ་བྱུང་བཅུ་གཉིས་པའི་སྨད་ཙམ་དུ་གུར་དཀར་པོའི་དགོན་པ་ཞིག་ཕྱག་བཏབ་མཛད་དེ་རིམ་བཞིན་ཁྲི་ལུང་རྟོགས་དགེ་ལེགས། ཁྲི་དྲེ་མད། ཨ་བསེ་བླ་མ། དྲི་མེད་འོད་ཟེར་སྤྲུལ་སྐུ། ལི་ཐང་སྐྱབས་མགོན་སོགས་བྱོན་ཏེ་དཔལ་མཉམ་མེད་རི་བོ་དགེ་ལྡན་པའི་བསྟན་པ་ཡུན་རིང་བསྐྱངས་ཤིང་། ལོ་རེ་བཞིན་དགུ་གཏོར་ཆེན་མོ་དང་སྨོན་ལམ་དགའ་ལྡཟན་ལྔ་མཆོད་བཅས་ལ་གྲྭ་དྲུག་ཅུ་ཙམ་ཡོད་པ་དེ་དག་ལི་ཐང་ཐུབ་ཆེན་ཆོས་འཁོར་གླིང་གི་གྲྭ་བ་ཁམས་ཚན་དུ་ཞུགས་ནས་འཚོགས་དགོས་པ་ཡིན་ནོ། དེ་ལས་སྐུ་གསུང་ཐུགས་རྟེན་དང་ཡོན་གྱི་འབྱུང་ཁུངས་སོགས་སྨན་ལུང་རི་ཁྲོད་སྐབས་སུ་བརྗོད་པར་བྱ་ལ། སྤྱིར་བཅོས་སྒྱུར་སྔོན་ནས་སྨན་ལུང་དང་བཟང་སྤྱོད་གཉིས་དགོན་པ་གཅིག་ལྟ་བུ་ཡིན་པ་དང་། བཅོས་སྒྱུར་རྗེས་སུ་བཟང་སྤྱོད་དང་མྶན་ལུང་རི་ཁྲོད་གཉིས་དགོན་པ་གཅིག་བྱས་ནས་ད་ལྟ་བཟང་སྤྱོད་ཆོས་འཁོར་གླིང་ཞེས་བརྗོད་བཞིན་ཡིན་ནོ། ལོ་རྒྱུས་འདི་ནི་དགོན་པ་རང་གིས་བྲིས་པའི་ལོ་རྒྱུས་ལ་གཞིར་བྱས་རྣམ་པོ་ཚེ་རིང་གི་ངག་རྒྱུན་ཁུང་ཐུབ་རྣམས་ལས་ཟུར་བརྒྱན་ཏེ་མུ་པོས་བྲིས་པའོ།

ས་མིང་ཚིག་མཛོད་མིག་བཤར།

མདོ་སྨད་སྤོ་འབོར་སྒང་གི་ཆར་གཏོགས། གཡོན་རུ་དཔོན་པོ་བསོད་ནམས་ནོར་བུའི་མངའ་འབངས། དགའ་ལྡན་རབ་རྒྱས་གླིང་གི་གྲྭ་རྒྱུན་དུ་གྱུར་པའི་གུར་དཀར་པོའི་གྲྭ་ཚང་ཞིག་ཡོད་པ་དེས་ལོ་རེ་བཞིན་བཅུ་ཤོག་དྲུག་གི་ཡོན་སྦྱོར་ལ་བརྟེན་ནས་གྲྭ་ཚང་ཞིག་ཡོད་པ་དེས་ལོ་རེ་བཞིན་བཅུ་ཤོག་དྲུག་གི་ཡོན་སྦྱོར་ལ་བརྟེན་ནས་གྲྭ་ལྔ་བཅུས་སྨོན་ལམ་དང་བཟང་སྤྱོད་ཉིན་བཅུ་ཙམ་རེ་འཚོགས་སྲོལ་ཡོད་པ་དེ་ནི་སྔོན་ཁྲི་ཆེན་ངག་དབང་མཆོག་ལྡན་ནས་ད་ལྟའི་བར་རོ།། ལོ་རྒྱུས་འདི་ནི་གཡོན་རུ་དགོན་པའི་གྲྭ་བཙུན་བསྟན་འཛིན་གྱིས་གསུངས་པ་ལྟར་མུ་པོས་བྲིས་པའོ།།

ས་མིང་ཚིག་མཛོད་མིག་བཤར།

[page 54] དགའ་ལྡན་རབ་རྒྱས་གླིང་གི་གྲྭ་རྒྱུན་དུ་གྱུར་པའི་གུར་དཀར་པོའི་གྲྭ་ཚང་ཞིག་ཡོད་པ་དེས་ལོ་རེ་བཞིན་བཅུ་ཤོག་བཞིའི་ཡོན་སྦྱོར་ལ་བརྟེན་ཏེ་གྲྭ་ལྔ་བཅུས་དབྱར་ཆོས་གསང་འདུས་དང་མི་འཁྲུགས་པའི་བསྐང་གསོ་དང་། སྒྲོལ་མ་འབུམ་ཐེར་བཅས་ཉིན་བཅོ་ལྔ་འཚོགས་སྲོལ་ཡོད་པ་དེ་ནི་སྔོན་ཁྲི་ཆེན་ངག་དབང་མཆོག་ལྡན་ནས་ད་ལྟའི་བར་རོ། ལོ་རྒྱུས་འདི་ནི་གཡོན་རུ་དགོན་པའི་གྲྭ་བཙུན་བསྟན་འཛིན་གྱིས་གསུངས་པ་ལྟར་མུ་པོས་བྲིས་པའོ།།

ས་མིང་ཚིག་མཛོད་མིག་བཤར།

དགའ་ལྡན་རབ་རྒྱས་གླིང་གི་གྲྭ་རྒྱུན་དུ་གྱུར་པའི་གུར་དཀར་པོའི་གྲྭ་ཚང་ཞིག་ཡོད་པ་དེས་ལོ་རྭ་བཞིན་བཅུ་ཤོག་གཅིག་གི་ཡོན་སྦྱོར་ལ་བརྟེན་ནས་གྲྭ་བཞི་བཅུས་འཇིགས་བྱེད་གཙོ་བོར་བྱེད་པའི་ལོ་རེ་མི་འཁྲུགས་པ་དང་ལོ་རེ་གསང་འདུས་བཅས་འཚོགས་སྲོལ་ཡོད་པ་དེ་ནི་ཁྲི་ཆེན་ངག་དབང་མཆོག་ལྡན་ནས་ད་ལྟའི་བར་རོ། ལོ་རྒྱུས་འདི་ནི་གཡོན་རུ་དགོན་པའི་གྲྭ་བཙུན་བསྟན་འཛིན་གྱིས་གསུངས་པ་ལྟར་མུ་པོས་བྲིས་པའོ།

ས་མིང་ཚིག་མཛོད་མིག་བཤར།

དགའ་ལྡན་རབ་རྒྱས་གླིང་གི་གྲྭ་རྒྱུན་དུ་གྱུར་པའི་གུར་དཀར་པོའི་གྲྭ་ཚང་ཞིག་ཡོད་པ་དེས་ལོ་རེ་བཞིན་བཅུ་ཤོག་གསུམ་གྱི་ཡོན་སྦྱོར་ལ་བརྟེན་ཏེ་གྲྭ་དྲུག་ཅུས་དབྱར་ཆོས་མི་འཁྲུགས་པ་དང་། འཇིགས་བྱེད་བསྐང་གསོ་བཅས་ཉིན་ཉི་ཤུ་ཙམ་རེ་འཚོགས་སྲོལ་ཡོད་པ་དེ་ནི་སྔོན་ཁྲི་ཆེན་ངག་དབང་མཆོག་ལྡན་ནས་ད་ལྟའི་བར་རོ། ལོ་རྒྱུས་འདི་ནི་གཡོན་རུ་དགོན་གྲྭ་བཙུན་བསྟན་འཛིན་གྱིས་གསུངས་པ་བཞིན་མུ་པོས་བྲིས་པའོ།།

ས་མིང་ཚིག་མཛོད་མིག་བཤར།

དགའ་ལྡན་རབ་རྒྱས་གླིང་གི་གྲྭ་རྒྱུན་དུ་གྱུར་པའི་གུར་དཀར་པོའི་གྲྭ་ཚང་ཞིག་ཡོད་པ་དེས་ལོ་རེ་བཞིན་བཅུ་ཤོག་གསུམ་གྱི་ཡོན་སྦྱོར་ལ་བརྟེན་ཏེ་གྲྭ་ལྔ་བཅུ་ཙམ་གྱིས་དབྱར་ཆོས་མི་འཁྲུགས་པ་དང་། [page 55] སྨྱུང་གནས། བདེ་མཆོག་བཅས་ཉིན་ཉི་ཤུ་ཙམ་རེ་འཚོགས་སྲོལ་ཡོད་པ་དེ་ནི་སྔོན་ཁྲི་ཆེན་ངག་དབང་མཆོག་ལྡན་ནས་ད་ལྟའི་བར་རོ།། ལོ་རྒྱུས་འདི་ནི་གཡོན་རུ་དགོན་པའི་གྲྭ་བཙུན་བསྟན་འཛིན་གྱིས་གསུངས་པ་ལྟར་མུ་པོས་བྲིས་པའོ།།

ས་མིང་ཚིག་མཛོད་མིག་བཤར།

དགའ་ལྡན་རབ་རྒྱས་གླིང་གི་གྲྭ་རྒྱུན་དུ་གྱུར་པའི་གུར་དཀར་པོའི་གྲྭ་ཚང་ཞིག་ཡོད་པ་དེས་ལོ་རེ་བཞིན་བཅུ་ཤོག་དྲུག་གི་ཡོན་སྦྱོར་ལ་བརྟེན་ནས་གྲྭ་དྲུག་ཅུ་ཙམ་གྱིས་དབྱར་ཆོས་མི་འཁྲུགས་པ་དང་། འཇིགས་བྱེད། སྨྱུང་གནས། སྒྲོལ་མ་འབུམ་ཐེར་བཅས་ཟླ་བ་གཅིག་ལ་འཚོགས་སྲོལ་ཡོད་པ་དེ་ནི་སྔོན་ཁྲི་ཆེན་ངག་དབང་མཆོད་ལྡན་ནས་ད་ལྟའི་བར་རོ།། ལོ་རྒྱུས་འདི་ནི་གཡོན་རུ་དགོན་པའི་གྲྭ་བཙུན་བསྟན་འཛིན་གྱིས་གསུངས་པ་བཞིན་མུ་པོས་བྲིས་པའོ།

ས་མིང་ཚིག་མཛོད་མིག་བཤར།

མཁས་གྲུབ་བྱེ་བའི་གཙུག་རྒྱན་ཁྲི་ཆེན་ངག་དབང་མཆོག་ལྡན་གང་ཉིད་བོད་རབ་བྱུང་བཅུ་གཉིས་པའི་མཇུག་ཙམ་ལ་མདོ་ཁམས་སྨད་དུ་བྱོན་ཏེ། དཔལ་མཉམ་མེད་རི་བོ་དགེ་ལྡན་པའི་རིང་ལུགས་དྲི་མ་མེད་པར་འཛིན་པའི་གུར་དཀར་པོའི་དགོན་པ་བཅུ་གསུམ་བཏབ་པའི་ནང་ཚན། གུར་དཀར་པོའི་དགོན་པ་འདི་ལ་དགའ་ལྡན་བཀྲ་ཤིས་དོན་གཉིས་ལྷུན་གྲུབ་གླིང་ཞེས་མཚན་གསོལ་ཏེ། ཉིད་ཀྱི་རྒྱལ་ཚབ་ཏུ་མཁན་རབ་བཅུ་བཞི་ཙམ་བྱོན་པ་མ་ཟད། ལི་ཐང་བྱམས་ཆེན་ཆོས་འཁོར་གླིང་གི་མཁན་རབས་སོ་བཞི་པ་ཝ་ཤུས་ཆོས་རྗེ་འཕྲིན་ལས་དཔལ་ལྡན་དང་། མཁས་རབས་ཞེ་བརྒྱད་པ་ཆོས་རྗེ་འཕྲིན་ལས་མཐར་ཕྱིན། མཁན་རབས་ང་དྲུག་པ་ཆོས་རྗེ་ཕུན་ཚོགས་རྣམ་རྒྱལ། མཁན་རབས་དོན་བརྒྱད་པ་ཆོས་རྗེ་བློ་བཟང་བདེ་ཆེན་སོགས་སྐྱེས་ཆེན་དམ་པ་གསེར་རི་ཕྲེང་བ་ཚར་དུ་དངར་བ་ལྟར་བྱོན་ན་ཡང་དེ་དག་རེ་རེ་བཞིན་ལོ་རྒྱུས་ཀྱི་ཡིག་ཚང་སོགས་མེད་པས་ཡིག་ལམ་དུ་མ་གྱུར་ལ།

དགེ་འདུན་བརྒྱ་དང་བཞི་བཅུ་ལྷག་ཙམ་བཞུགས་ཆོག་པའི་གུར་མོ་ཆེ་དང་། གུར་ཕྲན་བརྒྱ་ལྷག་ཡོད་པ་ལ། རྒྱུ་ཟངས་གསེར་ལས་གྲུབ་པའི་འཇིགས་བྱེད། མགོན་པོ། རྗེ་ཡབ་སྲས་གསུམ་བཅས་ཀྱི་སྐུ་བརྙན་དང་། གསང་བདེ་འཇིགས་གསུམ་གྱི་སྐུ་ཐང་གང་མང་ཡོད་པ་མ་ཟད། འགངས་མཐོ་བའི་སྦུབ་ཆས། རྒྱ་གླིང་། དུང་དཀར་སོགས་རོལ་ཆས་སྐོར་དུ་མ་བཞུགས་ལགས་སོ།

ཚེས་དུས་སྒྲུབ་མཆོད་ལ་དབྱར་ཆོས་དང་དགུན་ཆོས་གཉིས་སུ་ཡོད་པ་ལས དབྱར་ཆོས་སྒྲུབ་[page 56] མཆོད་ཆེན་མོ་དུས་ཚོད་གང་རུང་ཞིག་ལ་སྒྲོལ་མ་འབུམ་ཐེར་དང་། སྒྲོལ་དཀར་ཚེ་སྒྲུབ། མགོན་པོའི་གཏོར་སྒྲུབ་བཅས་ཉིན་གང་འཚམ་དང་། དགུན་ཆོས་མི་འཁྲུགས་པ་ཉིན་བཞི། འཇིགས་བྱེད་ཀུན་རིག་ཉིན་གཉིས། གསང་འདུས་ཉིན་ལྔ། བདེ་ཆེན་ཉིན་ལྔ། བསྐང་གསོ་ཉིན་གཅིག་བཅས་ཁྱིམ་དུད་དྲུག་ཅུ་ཙམ་ཡོད་པ་ལས། ལོ་རེ་ལ་ཁྱིམ་ཚང་བདུན་རེ་ནས་ཡོན་བདག་དང་། དེ་མིན་སྤྱི་གཏོར་སྨོན་ལམ་ཆེན་མོ་དུས་མཆོད་དུ་ལི་ཐང་དགོན་ནང་བཞུགས་དགོས་པ་ཡིན་ནོ།

དེ་ནས་ངོ་རྒོལ་བཞི་དང་རིག་གསར་སྐབས་དགོན་པ་རྟེན་དང་བརྟེན་པ་མིང་གི་ལྷག་མར་གྱུར། སླད་ནས་ཆོས་ལུགས་དད་པ་རང་དབང་གི་སྐབས་བཟང་པོ་ཐོབ་སྟེ། བོད་རབ་བྱུང་བཅུ་དྲུག་པའི་ཁྲག་སྐྱུག་ཅེས་པ་ཆུ་མོ་ཕག་གི་ལོར་དགོན་བཅག་ཨུ་ཡོན་ལྷན་ཁང་མི་ལྔས་གཙོ་བྱས་ཏེ། འཚོགས་གུར་དང་གུར་ཕྲན་སོགས་གང་མང་བསྐྲུན་ནས་དགེ་བཤེས་སྐལ་བཟང་ནོར་བུའི་ཐུགས་བསྐྱེད་འོག དགེ་འདུན་ཞལ་གྲངས་བདུན་ཅུ་དོན་གྲངས་ཀྱིས་སྔོན་མ་ནང་བཞིན་དབཡར་ཆོས་དང་དགུན་ཆོས་རྣམས་ཁྱིམ་དུད་བརྒྱད་ཅུ་ལྷག་གིས་འབུལ་ཡོན་སོགས་ལ་བརྟེན་ནས་འཚོགས་བཞིན་ཡོད་པ་མ་ཟད། ལི་ཐང་དགོན་ཆེན་དུ་ཆོས་ར་ཞུགས་མུས་ཡིན་ལགས་སོ།

ལོ་རྒྱུས་འདི་ནི་ལི་ཐང་བྱམས་ཆེན་ཆོས་འཁོར་གླིང་གི་ལོ་རྒྱུས་སོགས་ལ་གཞི་བྱས་རྣམ་པོ་ཚེ་རིང་གི་གསུངས་པ་ལྟར་མུ་པོས་བྲིས་པའོ།

ས་མིང་ཚིག་མཛོད་མིག་བཤར།

དཔལ་དུས་གསུམ་མཁྱེན་པའི་བོད་རབ་བྱུང་གསུམ་པའི་ཉི་སྒྲོལ་བྱེད་ཅེས་པ་ཤིང་ཕོ་སྤྲེལ་གྱི་ལོར་ཁམས་སུ་ཀམ་པོ་གནས་ནང་དགོན་པ་བཏབ་སྟེ་དཔལ་རྒྱལ་བ་བཀའ་བརྒྱུད་པའི་བཤད་སྒྲུབ་ཀྱི་བསྟན་པ་བླ་ལྷག་ཏུ་བསྒྲེངས་ཏེ་གདུལ་བྱ་དུ་མ་སྨིན་པར་མཛད། དེ་ནས་ཀརྨ་པ་སྐུ་ཕྲེང་བཅུ་པའི་དུས་ཙམ་ནས་བཀའ་ལུགསདེ་འབྲོག་རི་བོ་དགའ་ལྡན་པའི་བསྟན་པར་བསྒྱུར་ནས། འཇམ་མགོན་བླ་མ་ཙོང་ཁ་བའི་བསྟན་པ་སྐྱོང་བ་གསེར་རིའི་ཕྲེང་བ་ཚལ་དུ་དངར་བ་ལྟ་བུ་དུ་མ་བྱོན་ན་ཡང་། ད་ལྟ་དྲུན་ཡུལ་དུ་གྱུར་པ་ནི་བྱང་རྩེ་ཆོས་རྗེ་དང་། བྱང་རྩེ་བློ་བཟང་ཚུལ་ཁྲིམས་དཔལ་བཟང་པོ་འདི་གཉིས་ཙམ་མོ། དེ་ལས་གཞན་ཡང་སྐྱེས་ཆེན་དམ་པ་དུ་མའི་ཞབས་ཀྱིས་བཅགས་ཏེ། ཀརྨ་བ་ཡེ་ཤེས་རྡོ་རྗེ། ཀརྨ་བ་བྱང་ཆུབ་རྡོ་རྗེ། ཀརྨ་བ་བདུད་འདུལ་རྡོ་རྗེ། ཀརྨ་བ་ཐེག་མཆོག་རྡོ་རྗེ། ཀརྨ་བ་མཁའ་ཁྱབ་རྡོ་རྗེ། རྒྱལ་བ་བསོད་ནམས་རྒྱ་མཚོ། ལྕང་སྐྱ་རོལ་པའི་རྡོ་རྗེ། ཧལ་ཧ་རྗེ་བཙུན་དམ་པ། རྒྱལ་དབང་བསྐལ་བཟང་རྒྱ་མཚོ། ཁྲི་ཆེན་ངག་དབང་མཆོག་ལྡན། ཀུན་མཁྱེན་འཇམ་དབྱངས་བཞགད་པ། ལི་ཐང་སྐྱབས་མགོན་སྐུ་ཕྲེང་རིམ་བྱོན་སོགས་རིས་མེད་ཀྱི་སྐྱེས་ཆེན་དམ་པ་དུ་མ་བྱོན་ནས། ལུང་གི་ཆོས་འཆད་ཉན་[page 57] དང་རྟོགས་པའི་ཆོས་སྒོམ་སྒྲུབ་རྒྱ་ཆེར་མཛད་དེ་འཇམ་མགོན་བླ་མ་བློ་བཟང་གྲགས་པའི་བསྟན་པ་བསྐྱངས་བར་མཛད་པ་ཡིན་ནོ། དེ་ལྟར་སྐྱེས་ཆེན་དམ་པ་དེ་དག་གི་སྐུ་རིང་དུ་གཙུག་ལག་ཁང་ཀ་རིང་བཞི་དང་གྲྭ་ཤག་ལྔ་བཅུ་ལྷག་ཙམ་བཞེངས་བསྐྲུན་མཛད་དེ། ནང་དུ་སྐུ་རྟེན་རྒྱ་གར་ཤར་ལི་མ་ཐུབ་པ་ཚུལ་ཁྲིམས་ཞོ་བདུན་ཅན་དང་། རྒྱ་ནག་ལི་སྐུའི་ཆོས་ལོངས་སྦྲུལ་གསུམ་དང་། རྒྱ་གར་ཤར་ལི་མ་རྒྱལ་བ་རྡོ་རྗེ་འཆང་། ཐུབ་པ་རྡོ་གཟིགས་མ། རྡོ་རྗེ་ཕག་མོ་བཅས་ཁྲུ་ཚད་དང་། བདེ་མཆོག གསང་འདུས། བཀའ་གདམས་མཆོད་རྟེན་བཅས་ཀྱིས་མཚོན་ལི་སྐུ་དང་མཆོད་རྟེན་འགངས་ཆེན་ཉི་ཤུ་རྩ་གྲངས་དང་། རྒྱལ་བའི་བཀའ་འགྱུར་ཆ་གཅིག བསྟན་འགྱུར་ཆ་གཉིས། ལོ་རྒྱུས་ཀྱི་གནས་ཡིག་པོད་གཅིག་བཅས་ཀྱིས་མཚོན་གསུང་རབ་སྐོར་པོད་ལྔ་བརྒྱ་ལྷག་དང་། མཆོད་ཆས་སྐོར་ལ་སྦུབ་ཆས་ཉི་མ་འབྲུག་གྲགས། ག་ག་གླིང་། ཕོ་རོག་མཚོ་ཕུལ། པོད་སྟོད་རྒྱ་སྦུབ། བསོད་སྟོད་གྲྒས་སྦུབ་བཅས་ཀྱིས་མཚོན་སྦུབ་ཆས་རྩ་ཆེན་ཆ་གསུམ་ལྷག་དང་། དངུལ་གྱི་རྒྱ་གླིང་། དངུལ་གྱི་རག་དུང་། ཀརྨ་དུས་གསུམ་མཁྱེན་པའི་གཏེར་དུང་། ཤ་བ་ཡུ་མོ་རྭ། དགེ་བསྙེན་བླ་རྡོ། གཡུའི་མར་གད། གོས་ཆེན་རྒྱ་གསེར་ལས་གྲུབ་པའི་འཆམ་གོས་དང་འཆམ་འབག་ཉེར་གཉིས་དང་། རྒྱུ་དངུལ་ལས་གྲུབ་པའི་རིགས་ལྔའི་དབུ་རྒྱན་ཆ་བཅུ་དྲུག་བཅས་བཞུགས་སུ་གསོལ། ལོ་སྟར་གེ་མོ། སྤོ་བ། གེ་རྫས། འགྲམ་ཟླ་བཅས་སྡེ་ཤོག་བཞིའི་ཡོན་སྦྱོར་ལ་བརྟེན་ནས་ཁང་ཚན་གྱི་གྲྭ་དགེ་འདུན་ཞལ་གྲངས་ལྔ་བརྒྱ་ལྷག་གིས་བོད་ཟླ་བཅུ་གཉིས་པའི་ཚེས་བཅུ་གསུམ་ལ་དགུན་ཆོས་འཚོགས་ནས་ཚེས་བཅོ་ལྔ་ནས་གཡང་ར་དང་སྐྱ་འཆམ། ཚེས་ཉེར་གཉིས་ནས་ཉེར་དགུའི་བར་དགུ་གཏོར། བོད་ཟླ་དང་པོའི་ཚེས་གཅིག་ནས་ཆོ་འཕྲུལ་སྨོན་ལམ། ཚེས་ཉེར་གཅིག་ནས་ཉེར་ལྔའི་བར་གསང་འདུས་དབང་ཆོག་བོད་ཟླ་གཉིས་པའི་ཚེས་ལྔ་ནས་ཚེས་དགུའི་བར་མགོན་པོ་གཏོར་སྒྲུབ། ཚེས་བཅུ་གཅིག་ནས་འཇིགས་བྱེད་དབང་ཆོག་ཉིན་ལྔ་དང་། ལྷ་མོ་གཏོར་སྒྲུབ་ཉིན་གསུམ། བོད་ཟླ་གསུམ་པའི་ཚེས་གཅིག་ནས་བདེ་མཆོག་དབང་ཆོག་ལྔ་དང་། ལྷ་མོ་གཏོར་སྒྲུབ་ཉིན་གསུམ། བོད་ཟླ་གསུམ་པའི་ཚེས་གཅིག་ནས་བདེ་མཆོག་དབང་ཆོག་ཉིན་ལྔ། གཏོང་སྒོ་ཉིན་བཅོ་ལྔ། མི་འཁྲུགས་པ་ཉིན་གསུམ། སྨན་བླ་ཉིན་གསུམ། བོད་ཟླ་བཞི་པའི་ནང་སྨྱུང་གནས་ཉིན་བཅུ་དྲུག བོད་ཟླ་ལྔ་པར་རྡུལ་ཚོན་དང་སྦྲགས་ཏེ་གསང་འདུས་དབང་ཆོག་ཉིན་བདུན། བོད་ཟླ་ལྔ་པའི་མཇུག་དང་དྲུག་པའི་མགོར་རྡུལ་ཚོན་དང་སྦྲགས་ཏེ་འཇིགས་བྱེད་དབང་ཆོག་ཉིན་བདུན། བོད་ཟླ་དྲུག་པའི་ཚེས་བཅོ་ལྔ་ནས་བོད་ཟླ་བདུན་པའི་སུམ་ཅུའི་བར་དབྱར་གནས། བོད་ཟླ་བརྒྱད་པའི་ཚེས་གཅིག་ནས་བཅོ་ལྔའི་བར་རབ་གནས། བོད་ཟླ་བཅུ་པའི་ཚེས་བཅུ་བཅོ་ལྔ་ཉེར་ལྔ་བཅས་ལ་དགའ་ལྡན་ལྔ་མཆོད་དང་། མགོན་ཁང་དུ་དུས་རྒྱུན་མགོན་པོ་དང་དགེ་བསྙེན་གྱི་གསོལ་ཁ་བཅས་འདོན་དགོས་པ་ཡིན་ནོ། དེ་ནས་བཅོས་སྒྱུར་སྐབས་དགོན་པ་རྟེན་དང་བརྟེན་པར་བཅས་པ་མིང་གི་ལྷག་མར་གྱུར། སླད་ནས་ཆོས་ལུགས་དད་མོས་ཀྱི་སྤྲིན་གསེབ་ནས་ཉི་མ་ཤར་ནས་འདུ་ཁང་ཀ་བ་བརྒྱའི་སར་དང་། གྲྭ་ཁང་ཅུ་སོ་གྲངས་གསར་བསྐྲུན་བྱས་ཏེ། གཙུག་ལག་ཁང་དུ་རྒྱུ་ཟངས་གསེར་[page 58] ལས་གྲུབ་པའི་རྗེ་ཡབ་སྲས་གསུམ་རྩེག་ཚད་གཉིས་དང་། བྱམས་པ། ཇོ་བོ། སྐུ་གདུང་མཆོད་རྟེན་ཆ་གཉིས་བཅས་རྩེག་ཚད་དང་། སྔོན་གྱི་ལྡེ་ཤོག་བཞིའི་ཡོན་སྦྱོར་ལ་བརྟེན་ནས་གྲྭ་བརྒྱ་ལྷག་གིས་ཚེས་དུས་སྒྲུབ་མཆོད་སྔོན་མ་ནང་བཞིན་འཚོགས་བཞིན་ལགས་སོ། དེ་ལྟར་ལོ་རྒྱུས་འདི་ནི་ཀརྨ་བ་ཆོས་ཀྱི་དབང་ཕྱུག་གི་གནས་ཡིག་དང་གངས་ལྗོངས་ལོ་རྒྱུས་ཐོག་གི་གྲགས་ཅན་མི་སྣ་བཅས་ཀྱི་ལོ་རྒྱུས་ལ་གཞི་བྱས་མཆོག་སྤྲུལ་རྒྱལ་མཚན་དབང་ཕྱུག་གི་གསུང་སྒྲོས་ཁུངས་ཐུབ་རྣམས་ལས་ཟུར་བརྒྱན་ཏེ་མུ་པོས་བྲིས་པའོ།

ས་མིང་ཚིག་མཛོད་མིག་བཤར།

འཇམ་མགོན་ཆོས་ཀྱི་རྒྱལ་པོའི་དངོས་སློབ་སློབ་སངས་རྒྱས་དཔལ་བཟང་གིས་བོད་རབ་བྱུང་བདུན་པའི་དཀྱིལ་ཙམ་དུ་མགོན་པ་འདི་ཉཻད་ཕྱག་བཏབ་མཛད་དེ། རྒྱུ་ཟངས་གསེར་ལས་བསྐྲུན་པའི་བྱམས་པ་ཐོག་རྩེག་གསུམ་དང་། རྗེ་བཙུན་འཇམ་དབྱངས་ཀྱི་སྐུ་བརྙན་རྩེག་ཚད་གཉིས། ཐུབ་དབང་གི་སྐུ་བརྙན་རྩེག་གཅིག་དང་། ལི་ནག་གི་ཇོ་བོ་རྩེག་ཕྱེད་ཅན་གཉིས། སངས་རྒྱས་དཔལ་བཟང་རྒྱ་ནག་ལ་བྱོན་སྐབས་རྒྱ་ནག་རྒྱལ་པོས་ཕུལ་བའི་རྗེ་སྐུ་རྩེག་ཚད་དང་། རྒྱ་ནག་གོང་མ་ཏའོ་གུང་གིས་ཕུལ་བའི་ཚོགས་ཟངས་ཆུ་ཟོམ་བཅོ་ལྔ་འགྲོ་བ་གཅིག་བཅས་ཀྱིས་མཚོན་སྐུ་གསུང་ཐུགས་རྟེན་དུ་མར་གསར་བསྐྲུན་མཛད་དེ་བས་གསར་བསྐྲུན་མཛད་དེ་བསྟན་འགྲོ་དོན་རླབས་ཆེན་སྤེལ།

ཁོང་གི་དངོས་སློབ་གདན་སར་གཙང་པ་ཀུན་དགའ་རྒྱལ་མཚན་གྱི་སྐུ་དུས་སུ། རྒྱུ་ཙནྟ་ལས་བསྐྲུན་པའི་སྤྱན་རས་གཟིགས་ཕྱག་སྟོང་སྤྱན་སྟོང་། རྒྱུ་སྨན་འདམ་ལས་བཟོས་པའི་འཇིགས་བྱེད། བདེ་མཆོག་ཆོས་རྗེ། མགོན་པོ་ཕྱག་དྲུག་པ། འདམ་དྲི་མེད་ཞིང་སྐྱོང་ཞེས་པའི་གྲུབ་ཆེན་ཞིག་བྱོན་ཏེ་གདུགས་དཀར་སྐུ་བརྙན་གཅིག་བཞེངས་པ་བཅས་རྩེག་ཚད་དང་། རྒྱུ་ཙནྟ་སྦྲུལ་གྱི་སྙིང་པོ་ལས་བསྐྲུན་པའི་ཇོ་བོ་ལོ་ཀི་ཤྭ་ར་དང་། རྒྱུ་སྨན་འདམས་ལས་བསྐྲུན་པའི་དཔལ་ལྡན་ལྷ་མོ་གཉིས་རྩེག་ཕྱེད། རྒྱུ་སྤོས་འདམ་ལས་བསྐྲུན་པའི་གནས་བརྟན་བཅུ་དྲུག་ཁྲུ་གང་། སངས་རྒྱས་དཔལ་བཟང་གི་སྐུ་དམར་གདུང་སོགས་བཞེངས་བསྐྲུན་རྒྱ་ཆེར་མཛད།

རྒྱལ་དབང་ཐམས་ཅད་མཁྱེན་པ་སྐུ་ཕྲེང་གསུམ་པ་བསོད་ནམས་རྒྱ་མཚོ་བྱོན་ནས་དགོན་འདིའི་བསྟན་པ་ལ་བྱ་བ་རྒྱ་ཆེར་སྤེལ། དེ་ནས་ཆོས་སྐྱོང་དཔལ་བཟང་། རྒྱལ་བ་བསམ་གྲུབ། དཔལ་འབྱོར་ཤེས་སྙིང་། དཔལ་འབྱོར་རབ་རྒྱས། དཔལ་ལྡན་གྲགས་པ། གྲགས་པ་བཀྲ་ཤིས། བདེ་གཤེགས་རྒྱ་མཚོ། ནམ་ལངས་ཆོས་མཛད། ཚ་བ་འབྲུག་གྲགས། བར་སྟོང་ཅུང་ཟད་བྱུང་རྗེས་དགེ་འདུན་ལས་རབ། ཚུལ་ཁྲིམས་དཔལ་རབ། གུང་ཐང་དཀོན་ཅོག་ལྷུན་གྲུབ། ལི་ཐང་དགེ་བཀོད། དོན་གྲུབ་དཔལ་བཟང་། ལི་ཐང་སྦྱིན་པ་རྒྱལ་མཚན། བློ་བཟང་བསམ་གཏན། འགོ་ཟག་སྐུ་བློ་བཟང་འཇམ་དཔལ། རྡོ་བཞེད་བླ་མ་འཇམ་དབྱངས་བཤད་སྒྲུབ། གཡུ་རིག་དགེ་བཤེས་བློ་བཟང་ཕུན་ཚོགས། [page 59] ཀུ་ལུ་དགེ་བཤེས་བློ་བཟང་དགེ་འདུན་སོགས་ཐོག་མཐའ་བར་གསུམ་དུ་དགེ་བཤེས་དང་མཁན་པོ་སོགས་དུ་མ་བྱོན་ནས་རྒྱལ་བའི་བསྟན་པ་བཤད་སྒྲུབ་གཉིས་ཀྱི་སྒོ་ནས་རྒྱ་ཆེར་སྤེལ་ན་ཡང་ད་ལྟ་དྲན་པའི་ཡུལ་དུ་མ་གྱུར་ལ། དེ་ལས་ཁྱད་པར་སྐྱབས་མགོན་རིན་པོ་ཆེ་རྗེ་བཙུན་ངག་དབང་བློ་བཟང་བསྟན་འཛིན་དགོན་འདིར་བྱོན་ཏེ། དགོན་པ་གསར་བཞེངས་ཀྱི་འགན་འཁུར་དང་བཀོད་སྒྲིག་མཛད་དེ། འདུ་ཁང་ཀ་བ་ལྔ་བཅུ་དང་ར་སྐོར་ཀ་བ་བརྒྱ་དང་བཞི། མགོན་ཁང་དཀྱུས་ཀ་བཞི། ཇ་ཁང་དཀྱུས་ཀ་དྲུག་བཅས་གསར་བསྐྲུན་མཛད་ནས། དགོན་འདིར་ལུང་རྟོགས་གཉིས་ལྡན་གྱི་སྒོ་ནས་རྒྱལ་བའི་བསྟན་པ་རྒྱ་ཆེར་སྤེལ་བའི་མཛད་པའི་དུས་སྐབས་དེར་གྲྭ་བརྒྱ་དང་ང་དྲུག་ཙམ་ཡོད་དོ།

སྐུ་གསུང་ཐུགས་རྟེན་སྐོར། རྒྱལ་པོའི་གླང་དར་ཁྲིམས་ཐར་བྱམས་པའི་སྐུ་བརྙན་ཁྲུ་གང་། རྩེག་ཕྱེད་ཚད་ཀྱི་སྐྱེས་རབས་དཔག་བསམ་འཁྲི་ཤིང་གི་གསེར་ཐང་སུམ་ཅུ་སོ་གཉིས་པོ་རྒྱབ་ཏུ་རྒྱལ་དབང་སྐུ་ཕྲེང་བརྒྱད་པའི་ཕྱག་དམ་རེ་ཡོད་པ་དང་། རྗེ་གཙོ་འཁོར་བརྒྱད་ཅུའི་སྐུ་ཐང་བཅོ་ལྔས་མཚོན་སྐུ་ཐང་ཆེ་ཆུང་དགུ་བཅུ་གོ་གྲངས་དང་། རྒྱལ་པོ་སྟག་ཚས་ཕུལ་བའི་སྐྱེས་གཟུངས་ཐང་ཀ་དྲུག་ཅུ་རེ་གྲངས་དང་། རྒྱུ་གསེར་གྱི་ཞུན་མས་བྲིས་པའི་འབུམ་པོད་བཅུ་དྲུག རྒྱལ་བའི་བཀའ་འགྱུར་མཚལ་བར་ཚར་བཅུ་དང་སྣག་བར་ཚར་གཅིག རྗེ་བཀའ་འབུམ། ཆོས་བཟང་རིན་པོ་ཆེའི་གསུང་འབུམ། བཀའ་གདམས་གླེགས་བམ་པོ་གཉིས། སངས་རྒྱས་དཔལ་བཟང་གི་རྣམ་ཐར་པོད་གཅིག་བཅས་བཞུགས་སོ། མཆོད་ཆས་རོལ་མོའི་སྐོར། བྱ་ཤང་ཤང་། སྐྱབས་མགོན་རིན་པོ་ཆེའི་ཕྱག་སྦུག་རྒྱལ་བ་སྐུ་ཕྲེང་བརྒྱད་པའི་སྦྱབ་ཆལ་བཅས་ཀྱིས་མཚོན་སྦུབ་ཆལ་དགུ་བཅུ་གོ་གྲངས། སིལ་སྙན་མ་ཎི་ཧཱུཾ། འདུལ་བའི་སིལ་སྙན། གཏོར་དྲུག་སིལ་སྙན་བཅས་ཀྱིས་མཚོན་སིལ་སྙན་ཆ་བདུན། འཛམ་གླིང་གཡས་བཞག་གིས་འཁར་རྔས་མཚོན་འཁར་རྔ་གསུམ། རག་དུང་སྦུལ་ཤན་མས་མཚོན་རག་དུང་ཆ་བཞི། གསེར་དངུལ་བྲ་མའི་རྒྱ་གླིང་ཆ་གཉིས་ཀྱིས་མཚོན་རྒྱ་གླིང་ཆ་དྲུག རྒྱ་ནག་གོང་མས་ཕུལ་བའི་རྐང་དུང་ཆ་གཉིས། རྒྱུ་གསེར་ལ་གཡུ་ཡི་འབྲུག་འབུར་དུ་དོད་པའི་སྤོས་ཕོརགཅིག་ཀ་འཕན་མཁའ་འགྲོའི་སྤྲིན་ཐགས་རྩེགས་ཕྱེད་ཅན་བཞི་དང་། ཀ་འཕན་རྡོ་རྗེ་ས་ལམ་བཞི་ལ་རྩེག་གཅིག་ཕྱེད་ཅུང་མི་ཚད་པ་བཞི། གསེར་རྒོད་ཟླ་བས་ལྷ་ས་ནས་བསྐུར་བའི་ཀ་འཕན་ཉི་ཤུ་དང་། དི་མིན་འཕན་རིན་གི་རྒྱལ་མཚན་དྲུག དར་སྣའི་རྒྱལ་མཚན་དྲུག ཐེག་ཆེན་དྲིལ་བུ་ཉེར་ལྔ་དང་། རྒྱ་ནག་དྲ་ཕྱེད་མ་སུམ་ཅུ། སྡེ་དགེ་དྲིལ་སུམ་ཅུ་དང་ཊ་མ་རུ་སུམ་ཅུ་དང་ཐོད་མདར་བཅུ་གཉིས། རྒྱ་ནག་གོང་མས་ཕུལ་བའི་དགང་གཟར་གཅིག་གིས་མཚོན་དགང་གཟར་ལྔ་དང་། གོས་ཆེན་རྒྱུ་གསེར་གྱི་འཆམ་གོས་གསར་རྙིང་རེ་བཞི་དང་འཆམ་འབག་སོ་གཉིས་བཅས་བཞུགས་སོ།

ཚེས་དུས་སྒྲུབ་མཆོད་ནི། བོད་ཟླ་དང་པོའི་ཚེས་བདུན་ནས་མཆོད་ཕྲེང་སྨོན་ལམ་ཚེས་བཅུ་བདུན་བར། བོད་ཟླ་གཉིས་པའི་ཚེས་བཅོ་བརྒྱད་ལ་བློ་མཆོད། བོད་ཟླ་གསུམ་པའི་ཚེས་བདུན་ནས་[page 60] བདེ་མཆོག་ཉིན་བདུན། ཚེས་བཅུ་དྲུག་ནས་ཆར་བཅོས་ཉིན་གཉིས། བོད་ཟླ་བཞི་པའི་ཚེས་ལྔ་ནས་མགོན་པོའི་གཏོར་སྒྲུབ་ཉིན་བདུན། བོད་ཟླ་ལྔ་པའི་ཚེས་བདུན་ནས་གསང་བ་འདུས་པ་ཉིན་བདུན། བོད་ཟླ་དྲུག་པའི་ཚེས་བདུན་ནས་མི་འཁྲུགས་པ་ཉིན་བདུན། ཚེས་བཅུ་དྲུག་ནས་དབྱར་གནས་བོད་ཟླ་བརྒྱད་པའི་གནམ་གང་བར། བོད་ཟླ་བདུན་པའི་ཚེས་བདུན་ནས་འཇིགས་བྱེད་དང་རབ་གནསདགེ་ལེགས་ཆར་འབེབས་བདེ་མཆོག་རས་བྲིས་བཅས་ཉིན་གསུམ་རེ། བོད་ཟླ་དགུ་བའི་ཚེས་ཉེར་གཉིས་ནས་ཉིན་བདུན་བར་ལྷ་བབ་དུས་ཆེན། བོད་ཟླ་བཅུ་པའི་ཚེས་ཉེར་ལྔ་ནས་དགའ་ལྡན་ལྔ་མཆོད་ཉིན་ལྔ། བོད་ཟླ་བཅུ་གཅིག་པའི་ཚེས་ཉེར་གསུམ་ནས་ཉེར་དགུའི་བར་སྤྱི་གཏོར་དང་ཚེས་སུམ་ཅུའི་ཉིན་འཆམ་དང་གཏོར་རྒྱག བོད་ཟླ་བཅུ་གཉིས་པའི་ཚེས་བཅོ་བརྒྱད་ནས་མཆོད་ཕྲེང་སྨོན་ལམ་ཉིན་བདུན་བཅས་འཚོགས་དགོས་པ་ཡིན་ནོ།

ཡོན་གྱི་འབྱུང་ཁུངས་ནི། ཞིང་དོར་ཁ་གཅིག་གི་ས་དང་དགོན་པའི་མངའ་འོག་གི་ཁྱིམ་དུད་ཉིས་བརྒྱ་ལྷག་གི་དད་གཤིན་རྫས་སོགས་ལ་བརྟེན་ནས་མཆོད་ཐོག་འཚོགས་དགོས་པ་ཡིན་ནོ།

བཅོས་སྒྱུར་སྐབས་དགོན་པ་རྟེན་དང་བརྟེན་པར་བཅས་པ་མིང་གི་ལྷག་མར་བྱས་ཏེ། སླད་ནས་ཏང་གི་སྲིད་ཇུས་བཟང་པོའི་འོག་ཆོས་སྒོ་ཕྱེ་བའི་སྐབས་བཟང་པོར་རྙེད་ནས། སྐྱབས་མགོན་དཔལ་ལྡན་རྡོ་རྗེ་ཐུགས་བློ་ལྟར་སྔོན་གྱི་དགོན་གནས་ནས་མར་ཨ་བརྒྱ་མགོར་སྤོ་བ་ལ་གཙང་ཤུལ་རིན་པོ་ཆེ་ནས་ས་གཟིགས་གནང་སྟེ། དགོན་པའི་ཆགས་དཔེ་བཟོས་ཏེ་གྱ་དྲུག་ལོར་འདུ་ཁང་ཀ་བ་ང་བཞིའི་སར་དང་ཇ་ཀ་བ་བརྒྱད་དང་། གྲྭ་ཁང་དྲུག་ཅུ་ཙམ་བཞེངས་བསྐྲུན་མཛད་དེ། འདུ་ཁང་ནང་དུ་རྒྱུ་སྨན་འདམ་ལས་བཟོས་པའི་རྒྱལ་བ་བྱམས་པ་རྩེག་ཚད་གཉིས། འཇམ་དབྱངས། མི་འཁྲུགས་པ། སྤྱན་རས་གཟིགས། འཇིགས་བྱེད། མགོན་པོ་ཕྱག་དྲུག་པ། ཤན་པ་བཅས་རྩེག་ཕྱེད། གླང་དར་ཁྲིམས་ཐར་བྱམས་པ་ཁྲུ་གང་། རྒྱལ་བའི་བཀའ་འགྱུར་ཚར་གཅིག་བཅས་བཞུགས་ལགས། དེང་དུས་གྲྭ་བ་བརྒྱ་དང་ཉེར་གཉིས་ཙམ་གྱི་ཚགས་གཏོང་སྒོ་ནི། མོ་ཊ་གཅིག་དང་ཚོང་ཁང་གཅིག་ཡོད་པ་དེ་དག་ལ་བརྟེན་ན་ཡང་མི་འདང་བས་ཚེས་དུས་སྒྲུབ་མཆེད་སོགས་ཀྱང་དོད་ཙམ་ལས་འཚོགས་མི་ཐུབ་པའི་གནས་སུ་གྱུར་ཡོད་དོ། ལོ་རྒྱུས་འདི་ནི་དགའ་ལྡན་ཆོས་འབྱུང་བེེ་སེར་ལ་གཞི་བྱས་རྒན་མཁྱེན་རབ་རྒྱལ་མཚན་གྱི་ངག་རྒྱུན་གྱིས་ཟུར་བརྒྱན་ནས་མུ་པོས་སྦྱར་བའོ།

ས་མིང་ཚིག་མཛོད་མིག་བཤར།

སྔོན་ཆོས་རྒྱལ་སྲོང་བཙན་སྒམ་པོའི་དུས་དུ་གཙུག་ལག་ཁང་བརྒྱ་རྩ་བརྒྱད་བཞེངས་བ་ལས་ལྷ་ཁང་དུམ་མདོ་འདི་ཡང་གཅིག་ཡིན་པར་བཤད་སྲོལ་འདུག་ལ། བུ་སྟོན་ཆོས་འབྱུང་ལས། དེ་ནས་རྒྱལ་[page 61] པོ་རྒྱ་ནག་རི་བོ་རྩེ་ལྔར་བྱོན་ནས་ལྷ་ཁང་བརྒྱ་ཙ་བརྒྱད་བཞེངས་སོ། ཞེས་པ་དང་། བཀའ་ཞེམས་ཀ་ཁོལ་མ་ལས། དེ་ནས་ཡང་བལ་མོ་བཟའ་ཁྲི་བཙུན་གྱིས་རང་གི་རྩེ་མཁར་དུ་ཕྱིན་ནས། རྒྱལ་པོ་དངུལ་ཟམས་ལ་སྤྱན་དྲངས་ནས་ལྷ་ཁང་རྩིག་པའི་གྲོལ་ཞུས་པས། རྒྱལ་པོའི་ཞལ་ནས་ཁྱོད་རང་གར་འདོད་པའི་སར་རྩིགས་གསུངས་ནས། འཁོར་རྟ་པ་མང་པོ་དང་བཅས་གནོད་སྦྱིན་ཕོ་མོ་མང་པོ་བྲན་དུ་བསྐུལ་ནས་ལ་དོང་གི་ནེའི་ཁར་ཉིན་བརྩིགས་པ་ནུབ་བཤིག་ནས་མ་བཏུབ། དེ་ནས་ཡར་ཀླུངས་དང་དབུ་རུ་ཀྱི་ཤོད་དང་། གཙང་དང་ཡུལ་གང་བཟང་ས་གང་ལེགས་རྣམས་སུ་ལྷ་ཁང་བརྒྱ་རྩ་བརྒྱད་ཀྱི་རྨང་བཏིང་བས་ཞིག ཅེས་གསུངས་པ་སོགས་ལ་དཔགས་ན་སྲོང་བཙན་དུས་སུ་བཙན་པོ་ཁོ་རང་གིས་གཙུག་ལག་ཁང་བརྒྱ་རྩ་བརྒྱད་བཞེངས་པ་ཡིན་ཡང་འདྲ། བལ་བཟའ་ཁྲི་བཙུན་གྱིས་བཞེངས་བ་ཡིན་ན་ཡང་འདྲ། མདོར་ན་སྲོང་བཙན་དུས་སུ་ལྷ་ཁང་བརྒྱ་རྩ་བརྒྱ་བཞེངས་ཡོད་པ་ནི་གང་གི་ལུང་གཉིས་པོ་ལས་གྲུབ་པས་དེའི་ནང་གི་གཅིག་ཡིན་པར་ངེས་སོ། གཙུག་ལག་ཁང་དེར་རྒྱུ་ལི་ལས་བསྐྲུན་པའི་ལྷ་སའི་ལོ་བོའི་སྐྱ་ཚད་ཙམ་གྱི་ཇོ་སྐུ་ཞིག་དང་། དེའི་ཕྱིས་བཞེངས་པའི་རྒྱུ་ཤིང་ལས་གྲུབ་པའི་བཀའ་གདམས་མཆོད་རྟེན་རྩེག་ཚད་མ་ཉི་ཤུ་ཙམ་བཞུགས། དེ་རྗེས་ལི་ཐང་དགོན་པའི་ཚོ་གསུམ་ཁང་མཚན་བྱས་ཏེ། ལོ་ལྟར་འགིར་དགོན་པ་དང་། ལྗ་བྱ་མོ་དགོན་པ་གཉིས་ཀྱིས་དཀོར་གཉེར་མཛད་ནས། འགིར་དགོན་དང་། ལྗ་བྱ་མོ་དགོན་དང་། རི་ནག་དགོན་བཅས་ཀྱི་སྨྱུང་གནས་དང་ཆར་བཅོས་སོགས་འཚོགས་སྲོལ་ཡོད། དེ་ནས་བཅོས་སྒྱུར་སྐབས་གཙུག་ལག་ཁང་རྟེན་དང་བརྟེན་པ་ཐམས་ཅད་མི་མངོན་པའི་དབྱིངས་སུ་བསྟིམས་ནས་ད་ལྟ་གྱང་རལ་དུ་ལུས་ཡོད་དོ། ལོ་རྒྱུས་འདི་ནི་བུ་སྟོན་ཆོས་འབྱུང་དང་བཀའ་ཆེམས་ཀ་ཁོལ་མ་གཉིས་ལ་བརྟེན་ནས། བློ་བཟང་བྱམས་པ་དང་མཁྱེན་རབ་རྒྱལ་མཚན་གཉིས་ཀྱི་ངག་རྒྱུན་ལྟར་མུ་པོས་བྲིས་པའོ།

ས་མིང་ཚིག་མཛོད་མིག་བཤར།

ལི་ཐང་ཐུབ་ཆེན་བྱམས་པ་གླིང་གི་རྒྱབ་རི་གླིང་ཆེན་ཉལ་འདྲའི་ས་དབྱིབས་ཀྱི་ཁ་ཁུག་ཏུ་ལྷ་ཁང་ཞིག་ཡོད་པར། བོད་རབ་བྱུང་བཅུ་པའི་རྣམ་གནོན་ཞེས་པ་ལྕགས་ཕོ་འབྲུག་གི་ལོར་རྒྱལ་དབང་ཐམས་ཅད་མཁྱེན་པར་བསོད་ནམས་རྒྱ་མཚོས་དེར་རྒྱུ་སྨན་འདམ་ལས་རྒྱལ་བ་བྱམས་པའི་སྐུ་བརྙན་ཞཻག་བཞེངས་ནས་རིམ་གྱིས་རི་ཁྲོད་པ་ཇེ་མང་སོངནས་རྩེ་རི་ཁྲོད་ཅེས་གྲགས་པ་ཡིན་ནོ།

དེ་ནས་ལི་ཐང་དགོན་པའི་སྐྱེས་ཆེན་དམ་པ་རིམ་བྱོན་རྣམས་ཀྱིས་ཐུགས་ཁུར་བཞེས་འོག འདུ་ཁང་ཀ་བ་བརྒྱད་ལ་ཀ་རིང་གཉིས་ཀྱི་སར་ཐོག་བརྩེགས་གཉིས་ཅན་དེ་ལ། ནང་རྟེན་གྱི་གཙོ་བོ་རྒྱུ་སྨན་འདམ་ལས་བསྐྲུན་པའི་རྒྱལ་བ་བྱམས་པ་དང་། སྲུང་མ་དམ་ཅན་ཆོས་རྒྱལ་གཉིས་མི་ཚད་ཙམ་རེ་དང་། [page 62] འཇིགས་བྱེད་དཔའ་གཅིག་མ་མདའ་ཚད་མ་དང་། གསང་བདེ་འཇིགས་གསུམ་གྱིས་མཚོན་གསེར་ལི་སྐུ་བརྒྱ་ལྷག་དང་། རྒྱ་ཙནྟན་ལས་བསྐྲུན་པའི་འཇིགས་བྱེད་ཀྱི་ལྷ་བཅུ་གསུམ་གྱི་འདྲ་སྐུ་དང་། མགོན་ཆོས་གསུམ། རྣམ་སྲས རྗེ་རིན་པོ་ཆེ། མཆོས་རྟེན་བཅས་མདའ་ཚད་མ་དང་། རྒྱུ་ལི་ལས་གྲུབ་པའི་བཀའ་གདམས་མཆོད་རྟེན་སུམ་ཅུ་ལྷག་དང་། ལྕང་སྐྱ་རོལ་པའི་རྡོ་རྗེས་ཕུལ་བའི་རྒྱུད་རྡོ་རྗེའི་ཕྲེང་བའི་གསེར་ཐང་བཅུ་གསུམ། རྒྱལ་བའི་བཀའ་འགྱུར་ཆ་གཉིས། གནམ་ལྕགས་གེགས་མཐར་བྱེད་ཀྱི་ཕུར་བུ་རྩ་ཆེན་གཅིག ཤང་ཤང་སིལ་སྙན་བཅས་སིལ་སྙན་གསུམ། སྦུབ་ཆལ་བཅུ། དྲིལ་བུ་སུམ་ཅུ། འཁར་རྔ་གསུམ་བཅས་བཞུགས་སོ།

ཚེས་དུས་སྒྲུབ་མཆོད་སྐོར། དབྱར་ཆོས་རྒྱུད་གསང་བ་འདུས་པ་ཉིན་ཉེར་ལྔ། བདེ་མཆོག་ཉིན་ཉེར་བཞི། འཇིགས་ཉིན་ཉེར་བཞི། སྨྱུང་གནས་ཆ་བརྒྱད། སེང་གེ་སྒྲ་ཉིན་དགུ བདེ་མཆོག་དབང་ཆོག་ཉིན་དགུ། འཇིགས་བྱེད་དབང་ཆོག་ཉིན་དགུ། བཀའ་གདམས་ཐིག་ལེ་བཅུ་དྲུག་གི་དབང་ཆོག་ཉེར་དགུ། སྨན་བླ་ཉིན་བཅུ། ལམ་རིམ་ཆོས་ཐོག་ཉིན་ཉེར་ལྔ། ལྔ་མཆོད་ཉིན་དགུ་དང་། ཟླ་བ་དགུ་པ་ནས་དནག་པོའི་བར་མཚམས་པ་རང་རང་གི་མཚམས་ཁང་དུ་མཚམས་བསྙེན་སྒྲུབ་བྱེད་དགོས་པ་ཡིན་ནོ།

དེ་ལས་གཞན་ཡང་ལི་ཐང་དགོན་པའི་མཁན་པོ་རིམ་བྱོན་ལོ་ལྟར་དབྱར་གནས་དགག་དབྱེའི་ཉིན་འདིར་བྱོན་ནས་ལྷ་གསོ་བ་དང་གཟིགས་རྟོགས་ཞིབ་པར་གནང་བ་མ་ཟད། ལྕང་སྐྱ་རོལ་པའི་རྡོ་རྗེ། ཁྲི་ཆེན་བློ་བཟང་ཆོས་རྒྱལ། སྤྲུལ་སྐུ་སྐལ་ལྡན་རྒྱ་མཚོ། སྨན་གྲུབ་བློ་བཟང་དགའ་བ། ཡར་ཞུ་མཁན་པོ་སོགས་ཀྱིས་མཚོན་སྐྱེས་ཆེན་དམ་པ་དུ་མས་ཞབས་ཀྱིས་བཅགས་ཤིང་བྱིན་གྱིས་བརླབས་པའི་གནས་མཆོག་ཅིག་ཡིན་པས། རི་ཁྲོད་འདི་ལ་འཇིགས་བྱེད་ཀྱི་བསྙེན་སྒྲུབ་པ་བཀའ་རིམ་གྱི་དགེ་བའི་བཤེས་གཉེན་གྱིས་མཚོན་མཚམས་པ་ཉེར་ལྔ་བཞུགས་པ་ལས། དེ་ལས་མང་མི་ཆོག་ཉུང་ན་ཡང་མི་འགྲིགས། གལ་སྲིད་མཚམས་པ་འདས་གྲོངས་སོང་ན་མཚམས་ཁང་སྤྱི་ལ་འབུལ་དགོས་པ་དང་། གསར་དུ་ཞུགས་ན་ལི་ཐང་དགོན་པའི་ལས་ཐོག་གི་མཁན་པོ་ལ་རྙན་གསན་ཞུས་ཏེ། ཞུགས་སྒོར་མཁན་པོ་ལ་འབུལ་དགོས་པ་ཡིན་ནོ། ལི་ཐང་དགོན་པས་གྲྭ་སྐལ་སྐུ་འགྱེད་ཅི་ཡོད་མཚམས་པ་རྣམས་ལ་འབུལ་དགོས་པ་མ་ཟད། རི་ཁྲོད་པ་རང་ལ་ཡང་ཤེ་འབྲི་བརྒྱད་ཅུ་ལྷག་ཙམ་དང་དེ་མིན་གྱི་རིམ་གྲོ་བསྔོ་རྟེན་སོགས་ལ་བརྟེན་ནས་འཚོ་བ་སྤྱོད་པ་ཡིན་ནོ།

ངོ་རྒོལ་བཞི་དང་རིག་གནས་གསར་བརྗེ་སྐབས་དགོན་པ་རྟེན་དང་བརྟེན་པ་བཅས་པ་མིང་གི་ལྷག་མ་གྱུར། སླད་ནས་ཆོས་དར་རང་མོས་ཀྱི་སྲིད་ཇུས་ཡང་དག་འོད་སྔོན་མ་ནང་བཞིན་འདུ་ཁང་གསར་བཞེངས་བྱས་ཏེ། རྒྱུ་སྨན་འདམ་ལས་བསྐྲུན་པའི་བྱམས་པ་བརྩེགས་ཚད་དང་། རྗེ་ཡབ་སྲས་གསུམ་དང་དམ་ཅན་ཆོས་རྒྱལ་གྱི་སྐུ་བཅས་མི་ཚད་དང་། རྒྱལ་བའི་བཀའ་འགྱུར་ཆ་གཅིག་དང་། [page 63] མཚམས་ཁང་བཞི་ལ་མཚམས་ཁང་བཞི་ལ་མཚམས་པ་གསུམ་གྱིས་དཔའ་གཅིག་དབང་ཆོག་ཉིན་ཉི་ཤུ་ཙམ་ལ་འཚོགས་བཞིན་ཡིན་ནོ། དགོན་པའི་ལོ་རྒྱུས་འདི་ནི་ལི་ཐང་དགོན་པའི་ལོ་རྒྱུས་སོགས་ལ་གཞི་བྱས་ཏེ་རྣམ་པོ་ཚེ་རིང་གིས་གསུངས་པ་བཞིན་མུ་པོས་བྲིས་པའོ།

ས་མིང་ཚིག་མཛོད་མིག་བཤར།

བོད་རབ་བྱུང་བཅུ་བཞི་པའི་དཀྱིལ་ཙམ་དུ་མཁས་ཚུལ་གྱི་ཡོན་ཏན་དུ་མས་ལེགས་པར་བརྒྱན་པ་བྲག་དཀར་རི་ཁྲོད་པ་སེ་སྨད་དགེ་བཤེས་མཁས་གྲུབ་དམ་པ་གང་གི་རི་ཁྲོད་འདི་ཉིད་ཕྱག་བཏབ་སྟེ།

སྒྲུབ་རྒྱུད་ཉམས་ལེན་གྱི་བསྟན་པའི་རྒྱལ་མཚན་བླ་ལྷག་ཏུ་བསྒྲེངས་ནས། འདུ་ཁང་ཀ་བ་བཅུ་དང་མཚམས་ཁང་ཉེར་ལྔ་ཙམ་གསར་སྐྲུན་མཛད་ཅིང་། གཙུག་ལག་ཁང་དུ་རྒྱུ་སྨན་འདམ་ལས་གྲུབ་པའི་གསང་བདེ་འཇིགས་གསུམ། རྗེ་ཡབ་སྲས་གསུམ་བཅས་མི་ཚད་ཙམ་དང་། སྟོན་པ་འཇམ་དབྱངས། གསང་བདེ་འཇིགས་གསུམ་བཅས་ཀྱི་སྐུ་ཐང་དང་། སངས་རྒྱས་སྟོང་སྐུའི་བར་ཐང་བཅས་ལེགས་བསྐྲུན་མཛད། དེ་ནས་བྲག་དཀར་སྤྲུལ་སྐུ་སྐུ་ཕྲེང་གཉིས་པ་སྐལ་བཟང་ཐུབ་བསྟན་རྒྱ་མཚོ་དང་། སྐུ་ཕྲེང་གསུམ་པ་མཆོག་སྤྲུལ་བློ་བཟང་བསྟན་པའི་ཉི་མ་བཅས་ཀྱིས་རིམ་བཞིན་སྒྲུབ་རྒྱུད་ཀྱི་བསྟན་པ་བསྐྱངས། རི་ཁྲོད་འདིར་མཚམས་པ་ཉེར་ལྔས་ཉམས་ལེན་གྱི་གཙོ་བོ་གསང་བདེ་འཇིགས་གསུམ་དང་། དུས་འཁོར་བཅས་ལ་མཛད་ཅིང་། ལི་ཐང་དགོན་པར་འགྱེད་གཏོང་སྒོ་གང་ཡོད་ཀྱི་བགོ་ཐོབ་དནག་དད་གཤིན་རྫས་སོགས་ཀྱི་འཚོ་བ་ལ་བརྟེན་ནས། སྒྲུབ་པ་ཉམས་ལེན་གྱི་ཚེ་མཐའ་འཁྱོལ་བ་ཡིན་ནོ། བཅོས་སྒྱུར་སྐབས་མཚམས་ཁང་རྟེན་དང་བརྟེན་པར་བཅས་པ་མིང་གི་ལྷག་མར་གྱུར་པ་ཡིན་ནོ། ལོ་རྒྱུས་འདི་ནི་ལི་ཐང་དགོན་པའི་ལོ་རྒྱུས་སོགས་ལ་གཞི་བྱས་རྣམ་པོ་ཚེ་རིང་གི་ངག་རྒྱུན་རྣམས་ལས་ཟུར་བརྒྱན་ཏེ་མུ་པོས་བྲིས་པའོ།

ས་མིང་ཚིག་མཛོད་མིག་བཤར།

རྗེ་ཁྲི་ཆེན་ངག་དབང་མཆོག་ལྡན་གང་གིས་བོད་རབ་བྱུང་བཅུ་གཉིས་པའི་སྨན་ཙན་དུ་རི་ཁྲོད་འདི་ཉིད་ཕྱག་བཏབ་མཛད་དེ། ཁྲི་ལུང་རྟོགས་དགེ་ལེགས། ཁྲི་དྲི་མེད། ཨ་བཟེ་བླ་མ། དགེ་བཤེས་དཔལ་ལྡན་ཆོས་གྲགས། ལི་ཐང་སྐྱབས་མགོན་སོགས་སྐྱེས་ཆེན་དམ་པ་སུ་མའི་ཞབས་ཀྱིས་བཅགས་ཤིང་བྱིན་གྱིས་བརླབས་པར་མཛད་དེ། འདི་ཁང་ཀ་བ་བཅུ་དྲུག་གི་བདག་ཉིད་ཅན་ཞིག་བཞེངས་ཏེ་ནང་དུ་རྒྱུ་ཟངས་གསེར་ལས་གྲུབ་པའི་རྒྱལ་བ་རྡོ་རྗེ་འཆང་། སྟོན་པ་གཙོ་འཁོར་གསུམ་དང་[page 64] གནས་རྟན་བཅུ་དྲུག་སྒོ་སྲུང་བཞི། གདན་རབས་རིམ་བྱོན་གྱི་གསེར་གདུང་མཆོད་རྟེན། རྒྱན་དྲུག་མཆོག་གཉིས། སངས་རྒྱས་སྟོང་སྐུ། སྒྲོལ་མ་སྟོང་སྐུ་བཅས་ཀྱི་གསེར་ཐང་གང་མང་དང་། གཙུག་ལག་ཁང་གི་ལྡེབས་བྲིས་དང་མཆོད་ཆས་སོགས་བཞུགས་པར་མ་ཟད། གནས་བརྟན་བཅུ་དྲུག་གི་གྲངས་དང་སྒོ་ཀུན་ནས་མཚུངས་པའི་མཚམས་ཁང་དང་མཚམས་པ་བཅས་བཞུགས་པ་ལ་ལི་ཐང་དགོན་པའི་འགྱེད་གཏོང་སྒོ་གང་ཡོད་ཀྱིས་ཡོན་སྦྱོར་མཛད་ནས་ཐུགས་དམ་གྱི་གཙོ་བོ་གསང་བདེ་འཇིགས་གསུམ་དང་དུས་འཁོར་བཅས་མཛད་དེ་ཚེ་མཐར་འཁྱོལ་བ་ཡིན་ནོ། དེ་རྗེས་རིམ་གྱིས་བཟང་སྤྱོད་གྲྭ་ཚང་གི་གྲྭ་པས་གཙོ་འདུ་ཚོགས་ཇེ་མང་དུ་འགྱུར་ཏེ་གྲྭ་ཁང་ལྔ་བཅུ་ལྷག་ཙམ་གསར་བསྐྲུན་བྱས་ནས་དགོན་པའི་མཚན་བཟང་སྤྱོད་ཆོས་འཁོར་གླིང་ཞེས་གསོལ་ཞིང་ལོ་རེ་བཞིན་ལི་ཐང་ཐུབ་ཆེན་ཆོས་འཁོར་གླིང་དུ་དགུ་གཏོར་ཆེན་མོ་དང་སྨོན་ལམ་དགའ་ལྡན་ལྔ་མཆོད་བཅས་ལ་བཞུགས་དགོས་པ་དང་། ཡུལ་དེའི་རྟ་རྒྱུག་སྐབས་ཟླ་བ་གཉིས་རེ་ཙམ་ཚོགས་མཆོད་བཅས་འཚོགས་དགོས་པ་དང་། ཚོགས་པའི་གཏོང་སྒོ་གྲྭ་པ་རེ་ལ་ཤེ་འབྲི་མ་རེ་དང་དད་ལྡན་རྣམས་ཀྱིས་འབུལ་རྫས་དང་སྤྱི་པའི་ཚོང་ཁེ་སོགས་ལ་བརྟེན་པ་ཡིན་ནོ།

དེ་ལྟར་ས་གནས་ཁྱད་པར་ཅན་བཀྲ་ཤིས་ཤིང་བྱིན་ཆགས་པིའ་གནས་མཆོག་དེར་སྨན་ལུང་དང་བཟང་སྤྱོད་གཉིས་གཅིག་ཏུ་བསྡུས་པའི་བཟང་སྤྱོད་ཆོས་འཁོར་གླིང་དེ་ངོ་རྒོལ་བཞི་དང་རིག་གསར་སྐབས་དགོན་པ་རྟེན་དང་བརྟེན་པར་བཅས་པ་མིང་གི་ལྷག་མར་གྱུར། དེང་ཆོས་ལྡན་བོད་འབངས་ཀྱིས་དང་པའི་རང་དབང་སྤྲིན་གསིབ་ཀྱི་ཉི་མ་ཤར་མ་ཐག་གདན་ས་འདིའི་མཆོག་སྤྱུལ་ཡེ་ཤེས་ཕུན་ཚོགས་ཀྱིས་གསེར་སྐུ་ལི་རྙིང་དང་གཏེར་མའི་རོལ་ཆས་སྐོར་མང་ཙམ་དགོན་གཞུང་ལ་ཕུལ་བས་བཀའ་དྲིན་ཤིན་ཏུ་ཆེ་བ་དང་། མཆོག་སྤྲུལ་བློ་བཟང་འཇམ་དབྱངས་ཀྱིས་གཙོ་བྱས་ཏེ་བཟང་སྤྱོད་དགོན་པའི་གཙུག་ལག་ཁང་དང་གྲྭ་ཤག་བཅོ་ལྔ་གསར་བསྐྲུན་མཛད་དེ། འདུ་ཁང་དུ་རྒྱུ་སྨན་འདམ་ལས་བསྐྲུན་པའི་རྗེ་ཡབ་སྲས་གསུམ་རྩེག་ཚད་དང་། ཇོ་བོ། རིགས་གསུམ་དགོན་པོ། བྱམས་པ། ཐུབ་དབང་། གནས་བརྟན་བཅུ་དྲུག་བཅས་ཁྲུ་གཉིས་ཙམ་དང་། ཀརྨ་བ་དུས་གསུམ་མཁྱེན་པའི་ལི་སྐུ་གཅིག་དང་། ཀརྨ་བ་དུས་གསུམ་མཁྱེན་པའི་གཏེར་ནས་བཏོན་པའི་གཏེར་ཁྲོ་དང་སྲུང་མའི་སྐུ་ཐང་གཅིག བྱ་ཤང་ཤང་གི་གཏེར་སྦུབ་བཅས་བཞུགས། དགོན་པའི་བླ་གྲྭ་ལྔ་བཅུ་ཙམ་གྱི་ཡོན་གྱི་འབྱུང་ཁུངས་དང་ཚེས་དུས་སྒྲུབ་མཆོད་རྣམས་སྔོན་མ་ནང་བཞིན་ཡིན་ནོ། དགོན་པའི་ལོ་རྒྱུས་འདི་ནི་དགོན་པ་རང་གིས་བྲིས་པའི་ལོ་རྒྱུས་ལ་གཞི་བྱས་རྣམ་པོ་ཚེ་རིང་གི་ངག་རྒྱུན་ཁུངས་ཐུབ་རྣམས་ལས་ཟུར་བརྒྱན་ཏེ་མུ་པོས་བྲིས་པའོ།།

ས་མིང་ཚིག་མཛོད་མིག་བཤར།

སྔོན་འཛམ་གླིང་མི་ཡི་ཉི་མ་སྐྱེས་མཆོག་སེང་ཆེན་ནོར་བུ་དགྲ་འདུལ་གྱིས་བོད་གངས་ལྗོངས་ཀྱི་[page 65] འཛིན་མ་ཡོངས་ལ་མངའ་དབང་སྒྱུར་བའི་དུས། གནས་འདིར་ལྷ་ཁང་ཀ་བ་བཅུ་གཉིས་ཅན་ཞིག་གསར་བསྐྲུན་མཛད་པ་དེ་ལ་ཡོངས་གྲངས་ཀྱི་གེ་སར་ལྷ་ཁང་ཞེས་བརྗོད་པ་དེ་ཡིན་ལ། ནང་རྟེན་གཙོ་བོ་རྒྱུ་སྨན་འདམ་ལས་བསྐྲུན་པའི་གླིང་གི་དཔལ་ཐུབ་སུམ་ཅུའི་འདྲ་སྐུ་དང་། གླིང་གེ་ཕ་འབུམ་དུམ་པ་བཅུ་གསུམ། གེ་སར་རྒྱལ་པོའི་ཆིབས་སྒ། འབྲུག་མོའི་བླ་གཡུ་བཅས་བཞུགས་པར་མ་ཟད། ཁྲི་བྱུང་རིན་པོ་ཆེའི་རྣམ་ཐར་ལས། ཉིན་གཅིག་གནས་དེའི་ཕུར། ཀམ་པོ་གནས་ཞེས་ཐ་སྙད་གདགས་གཞིའི་རྩ་བ་ཕ་བོང་ཆེན་པོ་ཡི་གེ་ཀ་རང་བྱོན་ཅན་ཞིག་ཡོད་པ་དེ་མཇལ་ཞིང་ཚོགས་འཁོར་ཕུལ། དེའི་ལམ་ཞོལ་ལྷ་ཁང་ཞིག་ཏུ་གླིང་གེ་སར་གྱི་དཔའ་བརྟུལ་མང་པོའི་གོ་ཁྲབ་དང་། མདའ་གྲི་མདུང་གསུམ་སོགས་མཚོན་ཆ་མང་པོ་དང་། རྒྱ་ཚ་ཞལ་དཀར་གྱི་རལ་གྲི་ཡ་ཟི་སྐར་བྲན་སོགས་མཇལ་རྒྱུ་འདུག་ཅེས་གསུངས་ལྟར་ཡིན་ནོ། དེ་རྗེས་ཀརྨ་དུས་གསུམ་མཁྱེན་པས་གནས་སྒོ་ཕྱེས་ཏེ་དཔལ་རྒྱལ་བ་བཀའ་བརྒྱུད་པའི་སྒྲུབ་རྒྱུད་ཀྱི་བསྟན་པའི་རྒྱལ་མཚན་བསྒྲེངས་བའི་སྐྱེས་ཆེན་དུ་མ་ཞིག་བྱོན་པར་མ་ཟད། རྒྱལ་མཆོག་སྐུ་ཕྲེང་ལྔ་པ་བློ་བཟང་རྒྱ་མཚོའི་དུས་ཙམ་ནས་འབྲོག་རི་བོ་དགེ་ལྡན་པའི་སྒྲུབ་རྒྱུད་ཀྱི་བསྟན་པ་སྐྱོང་བའི་གནས་བརྟན་བཅུ་དྲུག་གི་གྲངས་དང་སྒོ་ཀུན་ནས་མཚུངས་པའི་མཚམས་ཁང་དང་མཚམས་པ་རྣམས་ཀྱིས་ཉམས་ལེན་གྱི་གཙོ་བོ་གསང་བདེ་འཇིགས་གསུམ་དང་ཐུགས་དམ་མཛད་དེ། ལི་ཐང་ཐུབ་ཆེན་ཆོས་འཁོར་གླིང་གི་འགྱེད་གཏོང་སྒོ་གང་ཡོད་ཀྱི་ཡོན་སྦྱོར་ལ་བརྟེན་ནས་སྒྲུབ་པ་ཉམས་ལེན་གྱི་སྐུ་ཚེ་འདའ་བ་ཡིན་ནོ། བཅོས་སྒྱུར་སྐབས་རི་ཁྲོད་རྟེན་དང་བརྟེན་པ་བཅས་འཇིག་ནས་མིང་གི་ལྷག་མར་གྱུར། སླད་ཆོས་ལུགས་དད་མོས་ཀྱི་སྤྲིན་གསེབ་ཉི་བོད་གངས་ལྗོངས་ཀྱི་ས་འཛིན་སྤོར་འཆར་བ་དང་མཉམ་དུ་ལྷ་ཁང་ཞིག་གསོ་མཛད་སྐབས་གླིང་གི་ཕ་འབུམ་དུམ་པ་བཞི་དང་འབྲུག་མོ་བླ་གཡུ་བཅས་སླར་ཡང་རྙེད་ནས་ལྷ་ཁང་གྱི་རྒྱ་ཚད་སྔོན་མ་ནང་བཞིན་གསར་བསྐྲུན་བྱས་ཏེ་གོང་གི་གསར་རྙེད་ཀྱི་རྟེན་རྣམས་བཞུགས་སུ་གསོལ་བ་ཡིན་ནོ། ལོ་རྒྱུས་འདི་ནི་ཀམ་པོའི་གནས་ཡིག་དང་ཁྲི་བྱང་རིན་པོ་ཆེ་རྣམ་ཐར་རྣམས་ལ་གཞི་བྱས་རྣམ་པོ་ཚེ་རིང་གི་ངག་རྒྱུན་ཁུང་ཐུབ་རྣམས་ལས་ཟུར་བརྒྱན་ཏེ་མུ་པོས་བྲིས་པའོ།

ས་མིང་ཚིག་མཛོད་མིག་བཤར།

བོད་རབ་བྱུང་བཅུ་གཉིས་པའི་སྨད་ཙམ་དུ་གཡོན་རུ་ཝ་ཤུལ་དཔོན་པོ་བསོད་ནམས་ནོར་བུའི་སྤུན་མཆེད་ཁྲོམ་ཐོག་ལྷ་ལུང་དཔལ་གྱི་རྡོ་རྗེ་སྐུ་ཕྲེང་ལྔ་པ་སྤྲུལ་པའི་སྐུ་མཆོག་བསོད་ནམས་ཆོས་རྒྱལ་གྱིས་ཕྱག་བཏབ་མཛད། དེ་ནས་སྐུ་ཕྲེང་དྲུག་པ་སྤྲུལ་པའི་སྐུ་མཆོག་ཕྲིན་ལས་དཔལ་ལྡན། སྐུ་ཕྲེང་བདུན་པ་ངག་དབང་བློ་བཟང་ཕྲིན་ལས་ཕུན་ཚོགས། སྐུ་ཕྲེང་བརྒྱད་པ་ཡོན་ཏན་རྒྱ་མཚོ། སྐུ་ཕྲེང་དགུ་པ་ངག་[page 66] དབང་བློ་བཟང་ཐུབ་བསྟན་ཆོས་ཀྱི་ཉི་མ། སྐུ་ཕྲེང་བཅུ་པ་བསྟན་འཛིན་མཁྱེན་རབ་ཀྱིས་རི་ཁྲོད་འདིའི་སྒྲུབ་རྒྱུད་ཀྱི་བཙན་པ་ཆེ་ཆེར་བསྒྲེངས་བ་ཡིན་ལ། རི་ཁྲོད་འདིའི་གཙུག་ལག་ཁང་ཀ་བ་བཅུ་དྲུག་གི་བདག་ཉིད་དང་། མཚམས་ཁང་ཉེར་ལྔ་ཡོད་པ་ལས། འདུ་ཁང་རྒྱུ་སྨན་འདམ་ལས་བསྐྲུན་པའི་སྟོན་པ་དང་རྗེ་གཙོ་འཁོར་གསུམ་རྩེག་ཚད་དང་། བྱམས་པ་མི་ཚད་ཙམ་དང་། གསང་བདེ་འཇིགས་གསུམ་གྱི་བློས་བསླངས་དང་དཀྱིལ་ཐང་། ཀུན་རིག་གི་ཞལ་ཐང་། སྒྲོལ་མ་ཉེར་གཅིག་གི་སྐུ་ཐང་དང་ཀུན་རིག་གི་པར་ཤིང་བཅས་བཞུགས་སུ་གསོལ། མཚམས་པ་ཉེར་ལྔའི་གཙོ་བོའི་ཐུགས་དམ་གསང་བདེ་འཇིགས་གསུམ་དང་དུས་འཁོར་མི་འཁྲུགས་པ་བཅས་ལ་མཛད་དེ། རབ་རྒྱས་གླིང་དང་ལི་ཐང་བྱམས་ཆེན་གླེང་གཉིས་ཀྱི་འགྱེད་གཏོང་སྒོ་གང་ཡོད་ཀྱི་ཡོན་སྦྱོར་སོགས་ལ་བརྟེན་ནས་སྒྲུབ་པ་ཉམས་ལེན་གྱི་སྒོ་ནས་སྐུ་ཚེ་མཐར་ཕིན་པ་ཡིན་ནོ།།

བཅོས་སྒྱུར་དང་རིག་གསར་སྐབསརི་ཁྲོད་རྟེན་དང་བརྟེན་པར་བཅས་པ་མིང་གི་ལྷག་མར་གྱུར། སླད་ཆོས་སྒོ་ཕྱེ་སྐབས་འདུ་ཁང་དང་མཚམས་ཁང་བཅུ་ཙམ་གསར་བསྐྲུན་མཛད་དེ། རབ་རྒྱས་གླིང་གི་སྦྲ་གུར་མཆོད་རྫས་གདན་ཐབ་བཅས་བཞག་འཇོག་མཛད་པའི་བདག་གཉེར་ཁང་དང་། འདུ་ཁང་དུ་དགུན་ཆོས་མགོན་པོ་ཁྲི་ཚར་རེ་འཚོགས་བཞིན་ཡིན་ནོ། ལོ་རྒྱུས་འདི་རབ་རྒྱས་དགོན་པའི་ལོ་རྒྱུས་ལི་ཐང་བྱམས་ཆེན་གླིང་གི་ལོ་རྒྱུས་བཅས་ལ་གཞི་བྱས་རྣམ་པོ་ཚེ་རིང་གི་ངག་རྒྱུན་ཁུངས་ཐུབ་རྣམས་ལས་ཟུར་བརྒྱན་ཏེ་མུ་པོས་བྲིས་པའོ།

ས་མིང་ཚིག་མཛོད་མིག་བཤར།

བོད་རབ་བྱུང་དྲུག་པའི་ནང་ཙམ་དུ་འགྲོ་མགོན་ཆོས་རྒྱལ་འཕགས་པའི་དངོས་སློབ་ཞང་སྟོན་ཆོས་རྒྱལ་གྱིས་ཕྱག་བཏབ་མཛད་དེ། ས་སྐྱའི་ངོར་ལུགས་ཀྱི་བསྟན་པ་སྐྱངས་ནས་ཡུན་རིང་སོང་། ཕྱིས་སུ་ལི་ཐང་བློ་བཟང་དཔལ་འབྱོར་གྱིས་གྲུབ་མཐའ་དགེ་ལུགས་སུ་བསྒྱུར་ནས། ལི་ཐང་དགོན་པས་དགེ་བཤེས་སོགས་གཏོང་མངག་མཛད་དེ། མོ་ལྷ་དམ་ཆོས། བྲ་ཡག་ཚུལ་ཁྲིམས་དབང་པོ། བསམ་འགྲུབ་རྒྱ་མཚོ། མགོ་སེར་དགེ་བཤེས། ཨ་ལག་བྱམས་པ་དཔལ་ལྡན། ཀརྨ་དགེ་བཤེས་དགེ་འདུན་རྒྱ་མཚོ། ཨ་ཀ་ལྷག་དགེ་བྱམས་པ་ཆོས་གྲགས། རྒྱ་དགེ་ཐུབ་བསྟན་ལུང་རིག ཞལ་ངོ་ཆོས་འཕེལ་སོགས་བྱོན་ནས་དགེ་བསྟན་དར་རྒྱས་མཛད་པར་གྲགས་སོ།

གཙུག་ལག་ཁང་དང་རྟེན་གསུམ་སྐོར་ནི། གཙུག་ལག་ཁང་ཀ་བ་བཞི་བཅུ་ལ་ཐོག་རྩེག་བཞི་དེ་ལ་ལོགས་བྲིས་སུ་སྟོན་པའི་མཛད་པ་བཅུ་གཉིས། གུ་རུ། རྗེ་ཡབ་སྲས་གསུམ། གསང་བདེ་འཇིགས་གསུམ་སོགས་ཡི་དམ་སྐོར་དང་། མགོན་ཆོས་སྣ་ལྔ་སོགས་ཆོས་སྐྱོང་སོགས་ཀྱི་ལོགས་བྲིས་དུ་མ་[page 67] དང་། རྒྱུ་སྨན་ལས་བསྐྲུན་པའི་རྗེ་བཙུན་བྱསམ་པའི་སྐུ་དང་། གུ་རུའི་སྐུ། རྗེ་ཡབ་སྲས་གསུམ་སྟོན་པ། ཚེ་དཔག་མེད། འཇིགས་བྱེད་བཅས་རྩེག་ཚད་དང་། རྡོ་རྗེ་འཇིགས་བྱེད་གཞལ་ཡས་ཁང་ཁང་མིག་གཅིག་དང་། གནས་བརྟན་བཅུ་དྲུག་གི་སྐུ་ཁྲུ་གང་། མགོན་ཁང་དུ་ཆོས་སྐྱོང་བདུན་གྱི་འདྲ་སྐུ་རྩེག་ཚད་དང་། ཟངས་གསེར་ལས་བསྐྲུན་པའི་ཐུབ་དབང་མེ་བདུན་གསུང་འབྱོན་མ་ཁྲུ་དོ། ཐུབ་དབང་ཚུལ་ཁྲིམས་མ་ཁྲུ་དོ། རྒྱ་ནག་ལི་མ་དང་བཀའ་གདམས་མཆོད་རྟེན་ཁྲུ་གང་བ་སུམ་ཅུ་ལྷག་དང་། རྣམ་རྒྱལ་མཆོད་རྟེན་ཁྲུ་གང་ཅན་དང་དེ་མིན་གསེར་སྐུ་མཐོ་ཚད་མ་སུམ་ཅུ་ལྷག་དང་། གསེར་བྲིས་ཀྱི་སྐུ་ཐང་སྐོར་ལ། མཆོད་རྟེན་ཆ་བརྒྱད་ཀྱི་སྐུ་ཐང་བརྒྱད་དང་། རྗེ་ཡབ་སྲས་གསུམ་གྱི་སྐུ་ཐང་རྣམས་རྩེག་ཚད་དང་། སྟོན་པའི་སྐུ་ཐང་རྩེག་ཕྱེད་དང་། བདེ་མཆོག གསང་འདུས། འཇིགས་བྱེད། དགེ་བྱམས་པ་ཆོས་གྲགས་ཀྱིས་བཞེངས་པའི་ཞིང་བཀོད་དང་། ཟངས་མདོག་དཔལ་རིའི་ཞིང་བཀོད། གནས་བརྟན་བཅུ་དྲུག་གི་སྐུ་ཐང་བཅུ་དྲུག་དང་། རྗེས་གཟིགས་པ་ལྔ་ལྡན་གྱི་སྐུ་ཐང་གཉིས་བཅས་ཁྲུ་དོ། གཞན་ཡང་གོས་ཆེན་གྱི་ཚེས་དྲུབས་ཀྱི་གནས་བརྟན་བཅུ་དྲུག་དང་། རྗེ་ཡབ་སྲས་ཀྱི་སྐུ་ཐང་དང་། གསུང་རབ་སྐོར་ལ། རྒྱལ་བའི་བཀའ་འགྱུར་ཆ་བཞི། བསྟན་འགྱུར་ཞ་གཅིག འབུམ་ཆ་གཅིག་དང་། བསྐལ་བཟང་གསེར་བྲིས་པོད་གཅིག་བཅས་གསུང་རབ་ཏུ་མ་དང་། རོལ་ཆས་སྐོར་ལ། སྦུབ་ཆལ་འཛམ་གླིང་གཡས་བཞག་གིས་མཚོན་སྦུབ་ཆལ་ཆ་ཉི་ཤུ་ལྷག་དང་། བྱ་ཤང་ཤང་གིས་སིལ་སྙན་གྱིས་མཚོན་སིལ་སྙན་གྱིས་མཚོན་སིལ་སྙན་ཆ་གསུམ་དང་། འཁར་རྔ་གཉིས། རབ་གནས་དགེ་ལེགས་ཆར་འབེབས་སྐབས་མ་གཏོགས་མི་སྤྱོད་པའི་དྲིལ་བུ་ཨ་བསེ་རབ་འབྱམས་ཀྱིས་མཚོན་དྲིལ་བུ་བཞི་བཅུ་ལྷག་དང་། གསེར་དངུལ་གྲ་མའི་རྣམ་རྒྱལ་བུམ་པས་མཚོན་བུམ་པ་ཆ་ཉི་ཤུ་ཙམ་དང་། དངུལ་གྱི་བདུན་ཚར་ཆེན་པོ་ཆ་གསུམ་དང་ཆུང་བ་ཆ་ལྔ། ལིའི་བདུན་ཚར་ཆ་ལྔ། རག་ཀོང་སྟོང་ལྷག་དང་། རྔ་ཆེན་བཞི། རྔ་ཕྲག་བཅུ་དྲུག དུང་དཀར་གསུང་འབྱོན་མས་མཚོན་དུང་དཀར་ཆ་བརྒྱད་དང་། དངུལ་གྱི་དབུ་རྒྱན་ཉུ་ཤུ་དང་གོས་ཆེན་རྒྱ་གསེར་ལས་གྲུབ་པའི་སྟོད་འབག་ཉི་ཤུ། དཔུང་རྒྱན་ཉི་ཤུ། རྣ་རྒྱན་ཉི་ཤུ་དང་། དགེ་བཤེས་བསྟན་ཆོས་འཕེལ་གྱཻས་ཕུལ་བའི་གོས་ཆེན་རྒྱལ་མཚན་གཅིག་དང་། དགེ་བཤེས་བྱམས་པས་ཕུལ་བ་གཅིག་དང་ཤ་རྫ་མཁན་པོ་བློ་བཟང་འཕགས་པས་ཕུལ་བ་གཅིག་བཅས་རྒྱལ་མཚན་དྲུག་དང་། རྒྱ་ནག་ཚེམ་དྲུབས་གྱི་ཀ་ཤུབས་དྲུག་བཅས་མཆོད་རྫས་དུ་མ་དང་། དགོན་འོག་མ་ཕུན་ཚོགས་གླིང་ནི་ཉག་རོང་བླ་མ་གྲགས་པ་རྒྱལ་མཚན་གྱིས་བཞེངས་བའི་ཀ་བ་བཞིའི་སར། དེར་རྟེན་གྱི་གཙོ་བོ་རྒྱུ་སྨན་འདམ་ལས་བསྐྲུན་པའི་སྤྱན་རས་གཟིགས་ཕྱག་སྟོང་སྤྱན་སྟོང་དང་སྒྲོལ་མ་དཀར་སྔོན་གཉིས། བཀའ་གདམས་མཆོད་རྟེན་དང་དགེ་སློང་དཔལ་མོ་སྐུ་ཆས་ཆ་ཚང་དང་། ཟངས་དཀར་ཨ་ཐར་རིགས་བཟང་གསུང་འབྱོན་མས་མཚོན་ཟངས་དཀར་དགུ་དང་རྒྱ་ནག་གི་གདན་རིང་དང་གཙང་སར་གྱི་གདན་བཅས་གདན་ཐུང་བཞི་བཅུ་ལྷག་ཙམ་ཡོད་དོ།

[page 68] དགེ་བཤེས་དང་སྒྲུབ་མཆོད་སྐོར། མཁན་པོ་དང་སློབ་དཔོན་དགེ་སྐོས་དབུ་མཛད་བཅས་དགེ་འདུན་བརྒྱ་དང་བརྒྱད་ཅུ་ལྷག་ཙམ་ལ། གྲྭ་ཤག་དྲུག་ཅུ་དང་མི་ཚན་བཞི། ཆོས་ཐོག་བཅུ་གཉིས་ཡོད་པ་དེ་བོད་ཟླ་དང་པོའི་ཚེས་བརྒྱད་ནས་བཅུ་དྲུག་བར་ཚོགས་ཆེན་སྨོན་ལམ་ཆེན་མོ་ཉིན་བརྒྱད་དང་། ཚེས་བཅུད་བདུན་ནས་ཉི་ཤུ་བར་སྨན་བླའི་ཆོ་ག བོད་ཟླ་གཉིས་པའི་ཚེས་བཅུ་གཅིག་ནས་བཅུ་དྲུག་བར་ཕུན་ཚོགས་གླིང་དུ་སྙུང་གནས་དཀར་པོ་ཆ་བརྒྱད། བོད་ཟླ་གསུམ་པའི་ཚེས་ཉེར་གསུམ་ནས་སུམ་ཅུའི་བར་ཉིན་བརྒྱད་ལ་མ་ཎི་ཆོ་ག བོད་ཟླ་བཞི་པའི་ཚེས་གཅིག་ནས་བཅུ་དྲུག་བར་སྙུང་གནས། བོད་ཟླ་ལྔ་པའི་ཆེས་བརྒྱད་ནས་ཕུན་ཚོགས་གླིང་དུ་ཇིགས་བེཡད་ཉིན་ཉི་ཤུ། བོད་ཟླ་དྲུག་པའི་ཚེས་བཅོ་ལྔ་ནས་བརྒྱད་པའི་ཚེས་བཅོ་ལྔ་བར་དབཡར་གནས། བོད་ཟླ་དགུ་པའི་ཚེས་ཉེར་གཉིས་ནས་ལྷ་བབས་དུས་ཆེན། བཅུ་པའི་ཚེས་ཉེར་བཞི་ནས་ཉིན་བརྒྱད་ལ་དགའ་ལྡན་ལྔ་མཆོད། བཅུ་གཅིག་པའི་ཚེས་བརྒྱད་ནས་བདེ་མཆོག་ཉིན་བརྒྱད། བོད་ཟླ་བཅུ་གཉིས་པའི་ཚེས་ཉི་ཤུ་ནས་ཉེར་དགུའི་བར་སྤྱི་གཏོར། ཉེར་བརྒྱད་ལ་སྐྱ་འཆམ་དང་ཉེར་དགུ་ལ་འབག་འཆམ་བཅས་སོ།

དཔལ་འབྱོར་སྐོར། དགོན་པའི་སྤྱི་ཁག་ལྔ་ལ་དངུལ་རྡོ་ཚད་ཉིས་སྟོང་ལྷག་ཙམ་དང་། མཆོད་ཞིང་ཞིང་པ་དུད་ཁག་བཅུ་གཉིས་ལ་ཞིང་ཁལ་དྲུག་ཅུ་ལྷག་ཙམ། དུད་ཚང་བཞི་ལ་ཤེ་མ་འབྲུ་མཛོ་མོ་བདུན་ཅུ་ལྷག་དང་སྦྲ་དང་སྣོད་ཆས་བཅས་ཆ་ཚང་ངོ་། དམངས་གཙོ་བཅོས་སྒྱུར་དང་རིག་གནས་བརྗེ་སྐབས་དགོན་པ་རྟེན་དང་བརྟེན་པར་མིང་གི་ལྷག་མར་བྱས། སླད་ནས་ཏང་གི་སྲིད་ཇུས་བཟང་པོའི་འོག་བསྐྱར་གསོ་ཆོག་པའི་གོ་སྐབས་བཟང་པོ་དེ་ཉིད་བྱུང་སྟེ། ཐོག་མར་ཆ་རྐྱེན་ཞན་པས་གུར་དཀར་པོ་ཞིག་གི་འདུ་ཁང་བྱས་ཏེ། རྒན་བྱམས་པ་ཆོས་གྲགས་ཀྱི་དབུ་མཛད་འོག་ཆོས་ཕྱོགས་ཀྱི་བྱེད་སྒོ་སྤེལ། གཅིག་དགུ་དགུ་བཅུ་ཐམ་པའི་ལོར་ཕུན་ཚོགས་གླིང་གི་ལྷག་རྒྱབ་ཏུ་གཙང་ཤུལ་རིན་པོ་ཆེ་ཚེ་རིང་རྡོ་རྗེས་དགོན་པའི་ས་གཟིགས་མཛད་དེ་འདུ་ཁང་ཀ་བ་ང་བཞི་ལ་ཀ་རིང་བརྒྱད་ཡོད་པའི་སུམ་ཐོག་ཞིག་བཞེངས། མཐའ་སྐོར་དུ་གྲྭ་ཁང་སོ་གཅིག་ལ་གྲྭ་བ་བརྒྱ་དང་ཉི་ཤུ་ཙམ་ཡོད་དོ། གཙུག་ལག་ཁང་དུ་རྒྱ་གར་ནས་བཟོ་པ་རྒྱུ་ཡངས་རག་ལས་བསྐྲུན་པའི་སྟོན་པའི་སྐུ་ཁྲུ་གསུམ་དང་། རྗེ་ཡབ་སྲས་གསུམ་གྱི་སྐུ་ལས་རྗེ་ཁྲུ་བཞི་དང་སྲས་གཉིས་ཁྲུ་གསུམ་ཙམ་དང་། རྒྱལ་བའོ་བཀའ་འགྱུར་ཆ་གཅིག་དང་མདོ་སྡེ་བསྐལ་བཟང་གིས་མཚོན་གསུང་འབུམ་སོགས་པོད་བརྒྱ་ཕྲག་ལྷག་དང་། དགོན་པའི་དུས་མཆོད་དང་མཆོད་ཐོག་སོགས་དམ་པ་གོང་མའི་ཕྱག་ལེན་ནང་བཞིན་ཡིན་ཡང་། དགོན་པའི་མངའ་འོག་གི་ཁྱིམ་དུད་ཉིས་བརྒྱ་ཙམ་གྱི་དད་གཤིན་གྱི་རྫས་ཙམ་མ་གཏོགས་དཔལ་འབྱོར་གྱི་ཡོང་སྒོ་གཞན་མེད་པས། སྔོན་གྱི་མཆོད་ཐོག་གི་ཕྱེད་ཙམ་མ་གཏོགས་འཚོགས་མི་ཐུབ་པ་ཡིན་ནོ། དགོན་པའི་ལོ་རྒྱུས་འདི་ནི་དགའ་ལྡན་ཆོས་འབྱུང་བེེ་སེར་དང་རྒན་བྱམས་པ་ཆོས་གྲགས་ཀྱི་ངག་རྒྱུན་ལྟར་མུ་པོས་སྦྱར་བའོ།

ས་མིང་ཚིག་མཛོད་མིག་བཤར།

[page 69] དགོན་པ་འདི་ནི་མཁས་གྲུབ་ཆེན་པོ་དཀོན་མཆོག་རྒྱལ་མཚན་དཔལ་བཟང་པོས་ཕྱག་བཏབ་གནང་། སྐྱེས་བུ་ཆེན་པོ་འདི་ཉིད་དཔལ་ལྡན་ས་སྐྱ་ནས་རིམ་པར་དཔག་ཚད་མང་པོ་བགྲོད་པའི་ཤར་ཕྱོགས་སུ་སྤོ་འབོར་སྒང་ཆེན་ཞེས་བྱ་བའི་སའི་ལྟེ་བ། ཆུ་བོ་གངྒ་དང་ཚུལ་མཚུངས་པ་རྒྱ་ཆུ་ཞེས་བྱ་བའི་རྒྱུ་མོ་ས་ཞེས་པའི་ཡུལ་གྱི་མཐིལ་དུ་འཁྲུངས།

དེ་ནས་བོད་རབ་བྱུང་བརྒྱད་པའི་དགེ་བྱེད་དེ་ཆུ་ཕོ་སྟག་གི་ལོར་བདག་ཉིད་ཆེན་པོ་དགུང་ལོ་བཞི་བཅུ་བཞེས་པའི་ཁྲུམས་ཀྱི་ཟླ་བའི་ཡར་ཚེས་བཅུའི་ཉིན་གནས་བརྟན་བསམ་གྲུབ་སོགས་དཔོན་སློབ་ལྔ་ཙམ་རུ་ཕེབས་སྒང་ནས་རིམ་གྱི་བྱོན་ཏེ། གླང་ཆེན་སྒང་དུ་ཅུང་ཟད་བཞུགས་སྐབས་ཕ་བུ་གཉིས་བྱུང་ནས་བྱིན་རླབས་ཞུས་ཏེ་ཁྱེད་ལ་ཅི་མིང་སོགས་གསུངས་པས་རྟེན་འབྲལ་ཤིན་ཏུ་འགྲིགས་ནས། ཨེ་མ་ངོ་མཚར་ཅན་གྱི་གནས་མཆོག་འདིར་དགོན་པ་འདེབས་པ་ཡིན། ཁྱེད་གཉིས་ཀྱིས་ཀྱང་ཡོན་བདག་གྱིས་མཚར་ཅན་གྱི་གནས་མཆོག་འདིར་དགོན་པ་འདེབས་པ་ཡིན། ཁྱེད་གཉིས་ཀྱིས་ཀྱང་ཡོན་བདག་གྱིས་ཞེས་གསུངས། དེའི་ནུབ་མོ་རྨི་ལམ་མཚན་མ་སོགས་ཤིན་ཏུ་ལེགས་པར་བྱུང་། ཕྱི་ཉིན་དེ་གཉིས་དང་གཞན་ཡང་བདག་འགའ་ཞིག་གིས་འབུལ་བ་མང་པོ་ཁྱེར་ནས་བྱུང་བས། བླ་མས་རྟེན་འབྲལ་བཟང་མང་ཇ་སྐོལ། ཚོགས་དུང་བུས་ཞེས་གསུངས། ཚོགས་དུང་བུས་པས་ཚོགས་པ་ཅི་ཙམ་སྣང་གསུང་བས་ལྔ་དྲུག་བརྒྱ་ཙམ་གདའ་ལགས་ཞུས་པས། ཚོགས་པ་ཆེ་བ་འདུག་རྟེན་འབྲེལ་བཟང་གསུངས་ནས་བསྔོ་བ་སྨོན་ལམ་བཀྲ་ཤིས་ཀྱི་ཚིག་མང་དུ་མཛད། དེ་ནས་རྒྱལ་བུ་དོན་ཀུན་གྲུབ་པ་དགའ་ལྡན་ནས་འཛམ་བུའི་གླིང་དུ་བྱོན་པའི་དུས་ཐ་སྐར་ཟླ་བའི་ཡར་ངོའི་ཚེས་གྲངས་དང་གཟར་སྐར་སྦྱོར་བྱེད་ལ་སོགས་པ་བཟང་པོ་ལ་བབས་པའི་ཉིན་གཅིག་གི་ཚེ་དགོན་པ་ཕྱག་བཏབ་མཛད་དེ། རིམ་གྱིས་དགེ་འདུན་སྟོང་ཕྲག་དུ་མ་ཚོགས་པ་ལ་ཕར་ཕྱིན། ཚད་མ། སྡོམ་གསུམ་རབ་དབྱེ། ས་སྐྱ་བཀའ་འབུམ། ཤེར་ཕྱིན་བརྒྱད་སྟོང་བ། མདོ་སྡེ་མཛངས་བླུན། འདུ་བ། དབུ་མ། མངོན་པ་གོང་འོག་དང་། སྤྱོད་འཇུག་སོགས་གཞུང་ཆེན་དུ་མ་ལ་འཆད་ཉན་མཛད། དེའི་ནང་ནས་རབ་བྱུང་བསྙེན་རྫོགས་སྒྲུབ་པ་དང་། གཞི་གསུམ་ཆོ་ག་ལག་ལེན་རྣམས་རྗེ་ཉིད་ཀྱིས་མཛད་པའི་འདུལ་བའི་བསླབ་བྱ་ཆེན་མོ་དང་། དེའི་མཐའ་གཅོད་བ་དན་དཀར་པོའི་ཕྲེང་བ་དང་། ལག་ལེན་ཀྱང་གཞན་དང་མ་འདྲེས་པར་རྩ་མདོ་གཉིས་དང་ལུང་སྡེ་བཞི། འདུལ་བ་འོད་ལྡན། མེ་ཏོག་ཕྲེང་རྒྱུད་སོགས་ལས་ཇི་ལྟར་བཤད་པ་བཞིན་མཛད་དོ། ཁོང་གི་གསུང་རྩོམ་སྐོར་ལ་ཚད་མ་རྣམ་འགྲེལ་བ་ཚོག་ཉུང་ལ་དོན་འདུས་པ་དང་། ཚད་མའི་སྤྱི་དོན་ཆེ་བ་ཐལ་ཕྲེང་ཞེས་པ་དང་། ཚད་མའི་མདོ་ཊཱཀྐི། རྣམ་འགྲེལ་ཊཱིཀྐ་སྤྱི་དོན་དང་བཅས་པ་ཤིན་ཏུ་རྒྱས་པ་[page 70] གཅིག སྡེ་བདུན་ཕྱི་མ་དྲུག་ལ་ཊཱིཀྐ་སྤྱི་དོན་དང་བཅས་པ་རེ་རེ། ཚད་མའི་ལྟ་ཁྲིད། ཕར་ཕྱིན་སྤྱི་དོན་དཔལ་དགོན་གདོང་བཞི་པའི་སྒྲུབ་ཐབས། དཔལ་མགོན་ཉམས་ལེན་བསྡུས་པ་ལ་སོགས་པ་བསྟན་བཅོས་ཤིན་ཏུ་མང་པོ་མཛད་དོ། དེ་ནས་གཙུག་ལག་ཁང་དང་སྐུ་གསུང་ཐུགས་རྟེན་བཞེངས་ཚུལ་གྱི་སྒོ་ནས་གཞན་དོན་ཕྲིན་ལས་རྒྱས་ཚུལ་འོག་ཏུ་འཆད་པར་འགྱུར་རོ། དེ་ལྟར་དམ་པ་ཉིད་ཀྱི་འགྲོ་དོན་རེ་ཞིག་རྫོགས་ནས་ལྕགས་མོ་ལུག་གི་ལོ་དགུང་ལོ་བདུན་ཅུ་བར་རྗེ་ཉིད་ཀྱི་སློབ་མའི་མཆོག་གནས་བརྟན་བསམ་གྲུབ་ཧོར་ཟླ་དང་པོའི་ཚེས་བརྒྱད་ལ་སྐུ་ཁམས་ཅུང་ཟད་སྙུང་བས་ཉེ་གནས་ཞིག་གིས་རྨི་ལམ་ཅི་འདྲ་ཞུས་པས་ད་ལོ་མྱུར་དུ་འཆི་བ་འདྲ། ང་འཆི་ན་བླ་མ་ཡང་གཤེགས་པར་འདྲ་ཞེས་རྒྱུ་མཚན་མང་དུ་གསུངས་ནས། ཚེས་བཅོ་ལྔའི་ནུབ་མོ་གཤེགས་ཏེ་སྐུ་གདུང་རིང་བསྲེལ་གྱི་ཕུང་པོར་གྱུར། ལོ་དེའི་ཧོར་ཟླ་བཅུ་པའི་ཚེས་བཅུ་དགུ་ཉིན་སློབ་དཔོན་རྣམས་ཀྱི་གཙོ་དགེ་བཤེས་ཆེན་པོ་དང་གླིང་གི་རྒན་པ་རྣམས་ལ་བོས་ཤིག་གསུངས་ནས། ཐམས་ཅད་སྐུ་མདུན་དུ་ཕེབས་པའི་ཚེ། ཀུ་རེ་དང་བཞད་གད་མང་དུ་མཛད་པས་ཐམས་ཅད་ཀྱི་གད་མོ་བྱས། དེ་ནས་ངེས་ཀྱིས་དབུས་པ་ཆོས་རྗེའི་དྲུང་དུ་དགེ་བསྙེན་གྱི་སྡོམ་པ་ནོད་པ་ནས་བཟུང་གོང་དུ་སྨོས་པ་བཞིན་རབ་སྒང་དང་དབུས་གཙང་དུ་བྱོན་ནས་ཡོངས་འཛིན་དུ་མ་བསྟེན་ནས་ཆོས་གསན་ཚུལ་དགོན་པ་བཏབ་ཚུལ་འཆད་ཉན་མཛད་ཚུལ་སོགས་མདོར་བསྡུས་ཙམ་གསུངས་ཏེ། འདི་རྣམས་བསྟན་པ་དང་སེམས་ཅན་གྱི་ཆེད་ཁོ་ན་ཡིན་པས་ཁྱེད་རྣམས་ཀྱིས་ཀྱང་རྣམ་གཞག་འདིའི་སྲོལ་མ་ཉམས་པར་གྱིས། ངེད་ད་ལོ་ལོ་བདུན་ཅུ་ལ་ཐུག་པ་ཡིན་པས། མ་ཐོན་བསམ་པ་ཡིད་ལ་འཁྲི་བ་ཅི་ཡང་མེད། ད་འཆི་རན་ཡིན་འཆི་བ་ལ་འགྱོད་ན་བནྡེ་ཡང་མ་ཡིན་ཞེས་ཐུགས་དམ་གྱི་གླེགས་བམ་དབུ་ཐོག་ཏུ་སྤྱན་དྲངས་ནས། སྐུ་རྣམ་སྣང་ཆོས་བདུན་དང་ལྡན་པར་མཛད་དེ་ཚེས་ཉི་ཤུའི་བར་མཉམ་བཞག་གཅིག་གི་ངང་དུ་བཞུགས་པར་མཛད་དོ། ཉི་ཤུའི་ཉིན་སྐབས་སྐབས་སུ་དབུ་གཡོ་བར་མཛད་པ་དང་སྤྱན་ནམ་མཁར་ཧུར་མཛད་དེ། ཡེ་ཤེས་འདི་ནི་ཆེས་ཕྲ་ཞིང་། རྡོ་རྗེ་ནམ་མཁའི་དཀྱིལ་ལྟ་བུ། རྡུལ་ཕྲན་མཐར་སྦྱིན་ཞི་བ་ཉིད། ཁྱེད་རང་ཡང་ནི་དེ་ཡི་ཕ། ཞེས་དང་དོན་ཙམ། བཏགས་པ་ཙམ། མིང་ཙམ། རང་རིག་གསལ་ཞེས་གསུངས་ཤིང་། སྐུའི་ནང་གི་འབྱུང་བ་རྣམས་ཐུགས་གསལ་རིག་ལ་རིམ་གྱིས་བསྡུས། གསལ་རིག་འོད་གསལ་ཕྱག་རྒྱ་ཆེན་པོ་དེ་མའི་པང་དུ་བུ་འཇུག་པ་ལྟ་བུའི་ཚུལ་གྱིས་གཉིས་མེད་དབུ་མའི་ངང་དུ་ཐིམས་ཏེ་ཟུང་འཇུག་སྒྱུ་མ་ལྟ་བུའི་ཏིང་ངེ་འཛིན་ལ་ཐུགས་མཉམ་པར་བཞག་གོ དེ་ནས་སྐྱ་གདུང་ཞུགས་སུ་བླུག་ན་རིང་བསྲེལ་གྱི་གོང་བུ་འགྱུར་བ་གདོན་མི་ཟ་སྟེ། སྔར་ཚེམས་དང་ཞབས་ཀྱི་སེན་མོ་ལ་སོགས་གྲྭ་པ་དང་ཡོན་བདག་དད་པ་ཅན་འགའ་ཞིག་ལ་གནང་བ་རྣམས་ལ་རིང་བསྲེལ་མང་དུ་བྱུང་བ་མངོན་སུམ་གྱིས་གྲུབ་པའི་ཕྱིར་ན། མི་བཞུ་བར་བཞུགས་སུ་གསོལ་ན་བསྟན་སྤྱི་དགོས་ཡུན་རིང་དུ་གནས་པ་བྱ་བའི་ཕྱིར་དང་སྐྱེ་དགུ་མཐའ་དག་ལ་བདེ་སྐྱིད་ཀྱི་དཔལ་ཕུན་སུམ་ཚོགས་པ་འབྱུང་བའི་ཕྱིར་དུ་སྒྲོམ་གྱི་ནང་དུ་སྤྱན་དྲངས་ནས་ལོ་གཅིག་གི་བར་དུ་ཕྱག་མཆོད་རྒྱས་[page 71] པར་ཕུལ་ཏེ་བཞུགས་སུ་གསོལ། དེ་ནས་བྱང་ཆུབ་མཆོད་རྟེན་གསེར་ཟངས་ལས་གྲུབ་པའི་བུམ་པའི་ནང་དུ་སྤྱན་དྲངས་ཏེ་རྒྱུ་སྡེ་རིན་པོ་ཆེའི་རྣམས་ལས་ཇི་ལྟར་གསུངས་པའི་ཆོ་ག་མཚན་ཉིད་དང་ལྡན་པའི་སྒོ་ནས་རབ་ཏུ་གནས་པ་རྒྱས་པར་བྱུང་ཏེ། རྒྱུན་མི་ཆད་པའི་བྱིན་རླབས་ཀྱི་རང་བཞིན་ཅན་དུ་དེང་སང་བར་དུ་བཞུགས་པ་ཡིན་ནོ།།

དེ་ནས་གདན་རབས་བྱུང་ཚུལ་ནི་ཆོས་ཀྱི་རྒྱལ་མཚན་ཁོང་གི་གདན་རབ་ཐོག་མ་མཛད་པ་ནས་བཟུང་དེང་བར་གདན་རབས་སུམ་ཅུ་སོ་བདུན་ཙམ་བྱོན་པར་གྲགས་ཀྱང་སྔོན་གྱི་གདན་རབས་རིམ་བྱོན་གྱི་མཚན་དང་མཛད་རྣམ་སོགས་ད་ལྟ་ཡིག་ཚང་སོགས་མེད་པས་ཡིག་ལམ་དུ་མ་གྱུར་ལ། དེ་ལས་བོད་རབ་བྱུང་བཅུ་པའི་ལྕགས་འབྲུག་ལོར་མི་འགྱུར་རིན་པོ་ཆེའི་སྐུ་ཕྲེང་དང་པོ་འཇམ་དབྱངས་བཀྲ་ཤིས་ཕུན་ཚོགས། གཉིས་པ་འཇམ་དབྱངས་ཀུན་དགའ་བསྟན་པའི་རྒྱལ་མཚན། གསུམ་པ་འཇམ་དབྱངས་ཤེས་རབ་གྲགས་པ། བཞི་པ་མཚུངས་མེད་ཤེས་རབ་ལྷུན་གྲུབ། ལྔ་པ་རྗེ་བཙུན་ཤེས་རབ་བྱང་ཆུབ། དྲུག་པ་རྗེ་བཙུན་བྱམས་པ་བསྟན་འཛིན། བདུན་པ་བླ་མ་ཤཱཀྱ་དགེ་འཕེལ། བརྒྱད་པ་མཁན་ཆེན་བསྟན་པ་འབྱུང་གནས། དགུ་པ་ངག་དབང་ཀུན་དགའ་བསྟན་པའི་རྒྱལ་མཚན། བཅུ་པ་མཆོག་སྤྲུལ་ཚུལ་ཁྲིམས་གྲགས་པ། བཅུ་གཅིག་པ་ད་ལྟ་སྐུ་དངོས་ཨ་རི་ཐེ་ཝན་སོགས་སུ་སངས་རྒྱས་ཀྱི་བསྟན་པ་ཕྱི་གླིང་ཀུན་དུ་དར་སྤེལ་གནང་བཞིན་པ་མི་འགྱུར་སྤྲུལ་སྐུ་ངག་དབང་བསྟན་འཛིན་ཀུན་དགའ་འཕྲིན་ལས་རྒྱ་མཚོ། གཞན་ཡང་མི་འགྱུར་གཙོ་བོ་ཞེས་པ་དགོན་པའི་ཤར་ཕྱོགས་སུ་དེའུ་འབུར་ཐོག་ཏུ་ཆགས་ཡོད་པའི་བླ་བྲང་དགོན་ཆུང་ཞིག་མི་འགྱུར་དགོན་པ་མ་ཆགས་སྔོན་ལ་ཡོད་པར་གྲགས་པ་དེའི་གདན་རབས་རིམ་བྱོན་གྱིས་མི་འགྱུར་དགོན་པའི་བསྟན་པ་སབསྐྱང་ཚུལ་ནི་གཙང་ངོར་དགོན་གྱི་ཀླུ་ལྡིང་བླ་བྲང་གི་བླ་དཔོན་གཏང་དགོས་པ་མ་ཟད། བླ་མའི་སྐུ་ཚ་སོགས་ཀྱིས་གདན་རབས་འཛིན་དགོས་པ་ལས་སྤྲུལ་སྐུ་སོགས་བླུ་སྲོལ་མེད། དེ་ཡང་ཚོགས་མཆོད་སྒྲུབ་པ་སོགས་མི་འགྱུར་དགོན་ལས་ཐ་དད་མིན། རིག་གནས་གསར་བརྗེ་པར་དུ་བླ་རྒྱུད་རིམ་བྱོན་བཞུགས་ཀྱང་དེང་སང་རྒྱུན་ཆད་ནས་མི་བཞུགས་སོ།

བཤད་སྒྲུབ་ཀྱི་བསྟན་པ་ཇི་ལྟར་དར་ཚུལ་ནི་དགོན་འདི་ཐོག་མར་ཆགས་ནས་ད་བར་བཤད་སྒྲུབ་ཀྱི་བསྟན་པ་ཉམས་ཙམ་གནས་ཀྱང་། ཆེས་ཤིན་ཏུ་དར་བའི་དུས་ནི་དགོན་པ་འདི་ཕྱག་བདེབས་པ་པོ་བུ་ཡུམ་དཀོན་མཆོག་རྒྱལ་མཚན་བཞུགས་སྐབས་སུ་བཤད་གྲྭ་པ་སྟོང་ཕྲག་གཉིས་ལྷག་དང་། སྒྲུབ་གྲྭ་བ་བཅུ་ཕྲག་བཅུ་ལྷག་བཞུགས་པར་གྲགས། དེའི་སྐབས་མདོ་ཁམས་སྨད་ཕྱོགས་སམ་རོང་ཉག་རྒྱུད་ཆུ་བཞིའི་གྲྭ་པ་རྣམས་དགོན་པ་འདིའི་ནང་གྲྭ་སར་བྱོན་པ་མངོན། དགོན་པ་འདིས་བླ་དཔོན་མངག་པ་དང་གསར་འདེབས་བྱས་པའི་དགོན་ལག་གམ་བུ་དགོན་ཉི་ཤུ་རྩ་ལང་ཡོད་པ་ལས་དེང་སང་ཡོད་པའི་མཚན་ཐོ་བཀོད་ན། མགོན་བཀུར་སྦྱོ་བ་སྐད་དགོན། མདའ་ཤི་རི་ཁྲོད་དགོན། སྤོ་སུ་གཟན་འགུ་དགོན། སྐྱི་རྫུ་དགོན། ཐུབ་པ་དགོན། མཚོ་སྔོན་དགོན། མི་ཉག་རི་ཁུག་དགོན། འཇིག་སྟོད་ཁུ་འགྱུར་[page 72] དགོན། སྤོ་སར་ཐང་དཀར་དགོན། སྨུ་འགུ་དགོན། སྤྱི་བླ་དགོན། སྣ་པོ་དགོན་གསར་དགོན། འདབ་བྲག་ནག་དགོན། རྫ་ཀོར་དགོན། བསམ་གཏན་དགོན། ཐར་ལམ་དགོན། བློ་སྒོག་དགོན། སྨུ་ལུ་ཏིང་ཡུམ་དགོན། ཚེ་མ་རིང་རུ་ལུ་དགོན། ས་རྔ་རོང་དགོན་རྣམས་སོ། རིག་གནས་གསར་བརྗེ་སྔོན་རྩམ་ལ་འཇམ་མགོན་ངག་དབང་ལེགས་པ་དང་། སྡེ་གཞུང་བླ་མ་ཆོས་འཕེལ་སོགས་བྱོན་ནས་དབང་ལུང་མན་ངག་གནང་ནས་སྒྲུབ་སྡེ་གཙུགས། ཁྱད་པར་དུ་ཀུན་མཁྱེན་གོ་རམས་པའི་སྤྲུལ་པར་གྲགས་པ་སྐྱ་ཤུལ་སྤྲུལ་སྐུ་ཀུན་བཟང་ཆོས་ཀྱི་ཉི་མ་སྐུ་དངོས་བཞུགས་ནས་བཤད་གྲྭ་མཁན་པོ་མཛད་ནས་ལོ་གསུམ་ཙམ་སོང་སྐབས་རིག་གསར་ཐུག་པ་ཡིན་ནོ།

སྐུ་གསུངས་ཐུགས་རྟེན་བཞུགས་ཚུལ་རག་ཙམ་སྨོས་ནས། འདུལ་བ་ལུང་ལས་འཛམ་བུའི་གྲིབ་མ་ལ་བཞུགས་པའི་སྐུ་གཟུགས་ཀྱང་བགྱིའོ་ཞེས་གསུངས་པ་ལ་བརྟེན་ནས་གཙུག་ལག་ཁང་ཁྱད་པར་ཅན་རྣམས་སུ་བདེ་བར་གཤེགས་པའི་རྟེན་ངོ་མཚར་ཅན་རྣམས་དང་། ཁྱད་པར་དུ་མཉམས་ཤིང་ཤཱཀྱའི་རྒྱལ་པོའི་ཞལ་སྐྱིན་དུ་ཐུབ་པའི་དབང་པོའི་སྐུ་རབ་གནས་ཅན་བཞུགས་དགོས་པར་བཤད་པ་ལྟར། རྗེ་འདི་ཉིད་དུ་རེ་ཞིག་གི་ཚེ་དབང་རྫ་སྟོལ་ནང་ཕེབས་སྐབས། དཀར་པོའི་ལས་དང་དབང་བའི་སྨོན་ལམ་གྱིས་མཚམས་སྦྱོར་ཏེ་དབུས་ཀྱི་ལྷ་བཟོ་མཁས་པ་ཕུལདུ་བྱུང་བ་ཞིག་དང་མཇལ་ནས་མཉམ་མེད་ལོ་ཙཱ་བ་ཆེན་པོའི་སྐུ་མདའ་གང་ཙམ་གཅིག་བླུགས་ནས། རང་བྱོན་ལྟ་བུ་ཤིན་ཏུ་ལེགས་པ་ཞིག་བྱུང་བས་རྗེ་ཉིད་ཀྱིས་རྟེན་འབྲེལ་བཟང་གསུངས་ཤིང་ཐུགས་དགྱེས་པ་རྒྱ་ཆེན་པོ་མཛད་དེ་ལྷ་བཟོ་བ་ལས་སྤྲུལ་སྐུ་ཁྱེད་ཀྱི་ཟླ་བར་ཆོས་འཁོར་ཡངས་པ་ཅན་དུ་འགྲོ་དགོས་གསུངས་ནས། ལྷ་བཟོ་བ་མཉེས་ཏེ་དཔོན་སློབ་ལྷན་ཅིག་ཏུ་བྱོན་ནས་སྤྲུལ་སྐུའི་རྟེན་དུ་དབུས་ཀྱི་ལྷ་སར་བཞུགས་པའི་ཇོ་བོ་རིན་པོ་ཆེའི་སྐུ་ཚད་ལས་ཅུང་ཟད་ལྷག་པའི་སྟོན་པའི་གསེར་སྐུ་ལ་སོགས་པ་སྐུ་གསུངས་ཐུགས་ཀྱི་རྟེན་བཞེངས་དགོངས་པའི་མཐུན་པའི་རྐྱེན་འབད་མེད་ལྷུན་གྱིས་གྲུབ། ཇོ་བོ་སྐུ་ཚད་ལས་མཐོ་གང་ཙམ་གྱི་ལྷག་པ་ཞིག་རང་བྱོན་ལྟ་བུའི་ཚུལ་བྱིན་བརླབས་ཀྱི་བརྗིད་ཆགས་ཤིང་ངོ་མཚར་གྱི་གཟི་འོད་འབར་བ་དང་། གཞན་ཡང་ས་པཎ་དང་ནཱི་ཝ་པའི་སྐུ་སོགས་བླ་སྐུ་ཆེ་མང་པོ་དང་། ལོངས་སྐུའི་རྟེན་དུ་སངས་རྒྱས་རྡོ་རྗེ་འཆང་གི་སྐུ་དང་། ཆོས་སྐུའི་རྟེན་དུ་རྣམ་རྒྱལ་མཆོད་རྟེན་དེ་རྣམས་མི་ཚད་ཙམ་རེ་བཞུགས་པ་དང་། གསུངས་གི་རྟེན་དུ་བདེ་བར་གཤེགས་པའི་བཀའ་འགྱུར་ཆ་མང་པོ་དང་། དགོང་འགྲེལ་བསྟན་བཅོས་འགྱུར་རོ་ཅོག་པོད་བཅུ་ཕྲག་སུམ་ཅུ་ལྷག་ཙམ་བཞུགས། དེ་ནས་བདག་ཉིད་ཆེན་པོ་ཆོས་ཀྱི་རྒྱལ་མཚན་དགུང་ལོ་རེ་གཅིག་ལོན་པའི་ཚེ་རྟེན་འདི་དག་བཞུགས་པའི་གཙུག་ལག་ཁང་ཁྱད་པར་ཅན་བཞེངས་དགོངས་པའི་ཚེ་རྣམ་ལམ་དུ་གཙུག་ལག་ཁང་བཏབ་པའི་ས་དེར། གཞི་དང་སྙིང་པོ་མེ་ཏོག་གི་རྒྱན་གྱིས་བརྒྱབ་པའི་མཐིལ་དུ་སྟོན་པ་ཐུབ་པའི་དབང་པོ་ལ་ཕྱོགས་བཅུའི་རྒྱལ་བ་སྲས་དང་བཅས་པ་བསམ་གྱིས་མི་ཁྱབ་པས་སྐོར་ནས་བྱོན་པའི་གནས་དེར་བཞུགས་པ་དང་། རྒྱལ་པོ་ཆེན་པོ་བཞི་ལ་སོགས་པའི་འཇིག་རྟེན་སྐྱོང་བའི་སྲུང་མ་[page 73] རྣམས་ཀྱིས་ཐུགས་རྐྱེན་བསྒྲུབ་ཅིང་འགལ་རྐྱེན་སེལ་བར་བྱེད་པ་ལ་སོགས་པ་ཤིན་ཏུ་གསལ་བར་བྱུང་བས། ས་ཕྱོགས་དེར་ཆབ་གཏོར་དང་ཀླུ་གཏོར་ཕྱོགས་དང་འབྱུང་པོའི་གཏོར་མ་རྣམས་ཕྱོགས་བཞིར་གཏོར་དུ་བཅུག རྗེ་ཉིད་ཀྱིས་རྡོ་རྗེ་མི་འཁྲུགས་པའི་ཆོ་ག་མཛད། གཙུག་ལག་ཁང་གི་རྨང་གཏིང་ཐིག་བཏབ་ནས་ཕྱོགས་བཅུའི་རྒྱལ་བ་སྲས་དང་བཅས་པ་སྤྱན་དྲངས། སྤྲིན་མཆོད་རྟེན་གྱི་རྣམ་པ་ཕྱོགས་ཀུན་ཏུ་འཁོར་བ་དང་། འཇའ་འོད་འཁྲིག་པ་བཅས་རྟེན་འབྲེལ་ཤིན་ཏུ་བཟང་གསུངས། འཇིག་རྟེན་སྐྱོང་བའི་སྲུང་མ་དམ་ཚིག་ཅན་རྣམས་ཀྱིས་གྲོགས་མཛད་ནས་ཁང་བུ་བརྩེགས་པའི་མཆོད་རྟེན་གྱི་རྣམ་པ་ལྟ་བུ་ཀ་ཆེན་བཞིས་བཏེགས་པའི་ཐོག་རིམ་པ་གསུམ་དབུས་ས་གྲུ་བཞི་པ། ལོགས་ཀུན་དུ་མཉམ་པ་སྒོ་ཁང་དང་བཅས་པའི་མདུན་དུ་དགེ་འདུན་གྱི་གཙུག་ལག་ཁང་ཆེན་པོ་ཀ་བ་བཅུ་དྲུག་གིས་བཏེགས་པ་ཐོག་དཔངས་མཐོ་ཞིང་སྒོ་ཁང་རྟ་བབས་ཀྱིས་བརྒྱན་པ། ཕྱི་རོལ་འཁོར་ཡུག་དང་བཅས་པ་ཁྱད་པར་དུ་འཕགས་པ་ལེགས་པར་གྲུབ་པས་གཙུག་ལག་ཁང་གི་མཆོད་རྟེན་ཁང་བུ་བརྩེགས་པ་ལྟ་བུའི་དབུས་ཀྱི་གདོང་ལ་སྟོན་པ་ཐུབ་པའི་དབང་པོ་ལ་འཁོར་ཉན་ཐོས་མཆོག་ཟུང་དང་བཅས་པ་དང་མཛད་པ་བཅུ་གཉིས་ཀྱིས་བསྐོར་བ་དང་། དེའི་གཡས་གཡོན་དང་ཤར་ནུབ་ཀྱི་ངོས་རྣམས་སུ་ཞིང་ཁམས་བཅུ་དྲུག་དུ་བྱས་པའི་དབུས་སུ་འཕགས་པ་གནས་བརྟན་བཅུ་དྲུག་པོ་རྣམས་ལ་འཁོར་དགྲ་བཅོམ་པ་མང་པོས་བསྐོར་བ་དང་བཅས། སྒོའི་གཡས་གཡོན་གཉིས་སུ་ཞིང་ཁང་རེའི་དབུས་སུ་གཡས་ཕྱོགས་སུ་སངས་རྒྱས་མི་འཁྲུགས་པ་སྤྲུལ་སྐུའི་ཆ་ལུགས་སུ་བཞུགས་པ་ལ་བཀྲ་ཤིས་ཀྱི་ལྷ་མོ་བརྒྱད་ཀྱིས་བསྐོར་བ་དང་། སྒོ་འགྲམ་གཡས་གཡོན་དུ་སྟོབས་འཕྲོག་ནག་པོ་བྲམ་ཟེའི་གཟུགས་ཅན་ལ་ཡུལ་ཆེན་མཁའ་འགྲོ་བཞིས་བསྐོར་བ་རེ་དང་། གཡས་གཡོན་དུ་རྒྱལ་ཆེན་རིགས་བཞི་གཉིས་གཉིས་རེ་དང་བཅས་པ། དེ་དག་ཐམས་ཅད་ཀྱི་སྟེང་རྣམས་སུ་ཕར་ཕྱིན་དང་། ཚད་མ། བདེ་མཆོག། ཀྱེེ་རྡི་རྗེའི་བླ་རྒྱུད་རྣམས་གྲལ་ཕྲེང་དུ་བཀོད་པ་དང་། འོག་གི་ཟུར་ཁུག་གཡས་གཡོན་དུ་དགེ་བསྙེན་ངྷརྨ་ཏ་དང་། ཧ་ཤང་དང་དམར་ཆེན་དབང་གི་རྒྱལ་པོ་བསྲེ་ཁྲབ་ཅན་འཁོར་དང་བཅས་པ་དང་། དེའི་ཕྱི་ངོས་སུ་འདུ་ཁང་ཆེན་པོའི་གདུང་གཡས་གཡོན་གཉིས་སུ་ཞིང་ཁམས་རེ་རེ་བྱས་པའི་དབུས་སུ་ཡུམ་གྱི་མདོའི་གླིང་བཞི་ནས་གསུངས་པའི་ཕྱོགས་བཅུའི་སངས་རྒྱས་ཀྱི་བཀོད་པ་ཁྱད་པར་མི་དྲ་བ་གཉིས་རེ་དང་། དེའི་དབུས་ཀྱི་ཕྱམ་གདོང་ནས་ཁང་བུ་བརྩེགས་པའི་གཙུག་ལག་ཁང་གི་སྒོ་ཡོད་པའི་གཡས་གཡོན་གྱི་འགྲམ་སྟེང་འོག་དུ་གཡས་ཕྱོགས་ཀྱི་སྟེང་དུ་མཉམ་མེད་ལོ་ཙྭ་བ་ཆེན་པོ་དང་། འོག་ཏུ་མཁན་ཆེན་གཡག་པ་གཉིས། གཡོན་ངོས་ཀྱི་སྟེང་དུ་ས་སྐྱ་པཎྚིཏ་ཆེན་པོ་ཞིག་དང་འོག་ཏུ་ཆོས་རྗེ་རོང་སྟོན་ཤེས་བྱ་ཀུན་རིག་རྣམས་བཞུགས་ལ། འདུ་ཁང་གི་གཡས་ཕྱོགས་ངོས་ཀྱི་ཞིང་ཁམས་དང་པོར་ཐུགས་རྗེ་ཆེན་པོ་ཕྱག་སྟོང་སྤྱན་སྟོང་གཙོ་འཁོར་གསུམ་དང་། གཡོན་ཕྱོགས་ངོས་ཀྱི་ཞིང་ཁམས་དང་པོར་རྗེ་བཙུན་མ་གཙོ་འཁོར་དགུ་ལ་འཇིགས་པ་བརྒྱད་སྐྱོབས་དང་ཕྲག་གོང་གཉིས་སུ་སྒྲོལ་མ་དཀར་མོ་དང་ཁྲོ་གཉེར་ཅན་གཉིས། སྒོ་ཁང་བྱང་ཤར་དུ་སངས་རྒྱས་ཀླུ་[page 74] དབང་གྱི་རྒྱལ་པོ་ལ་ཀླུ་ཆེན་བརྒྱད་ཀྱིས་བསྐོར་བ་དང་བཅས་པ་རྣམས་འབད་མེད་ལྷུན་གྱིས་གྲུབ་པའི་ཚུལ་བཞེས་པའོ། དེའི་རྗེས་སུ་གདན་རབས་རིམ་བྱོན་གྱིས་བཞེངས་ཚུལ་མདོར་བསྡུས་ཙམ་བཀོད་ན། བྱམས་ཆེན་སྐུ་ཐོག་རྩེག་གསུམ་ཅན། ཀྱེེ་རྡོར། འཇམ་དབྱངས་རྣམ་གསུམ་བཅས་ཐོག་རྩེག་རེ་དང་། རྒྱུ་ལི་མ་ལས་གྲུབ་པའི་རྣམ་པར་སྣང་མཛད་དང་། ཐུབ་པ། རྡོ་རྗེ་འཆང་། བི་ཝ་པ་གསུང་འབྱོན་མ་ངོར་ཆེན། རྒྱལ་བ་རིག་ལྔ་བཅས་མི་ཚད་ཙམ་དང་། གསེར་ཟངས་ལས་གྲུབ་པའི་བྱམས་པ། རྡོ་རྗེ་འཆང་། ཆོས་རྗེ་དགོན་ཆོག་རྒྱལ་མཚན། རྒྱུ་ལི་ལས་གྲུབ་པའི་ཀྱེེ་རྡོར་བུམ་སྐུ་མ་དང་། བྱམས་པའི་སྐུ་གཏེར་མ་མི་ཚད་ཙམ། ཙནྡ་ལས་གྲུབ་པའི་གུར་མགོན་ལྷ་བརྒྱད་མི་ཚད་ཙམ། གཞན་ཡང་མཐོ་གང་ཙམ་གྱི་ལི་སྐུ་སུམ་བརྒྱ་ཁ་ལྷག་དང་། གསེར་ཟངས་ལས་གྲུབ་པའི་སྐུ་ཕྲག་ལྷག་ཙམ་བཞུགས། གསུང་རྟེན་རྒྱལ་བའི་བཀའ་འགྱུར་གསེར་བྲིས་མ་ཆ་དགུ། མཚལ་པར་ཆ་གཉིས། གསེར་རྐྱང་བས་བྲིས་པའི་ཡུམ་རྒྱས་འབྲིང་བསྡུས་གསུམ་དང་མདོ་བསྐལ་གསེར་གསུམ་ནག་བརྩིགས་བྱས་པ་ཀ་མིག་དོ་དང་། བསྟན་འགྱུར་མཚལ་བྲིས་ཆ་གཅིག ས་སྐྱ་བཀའ་འབུམ་གསེར་དངུལ་གྱི་བྲིས་པ། འབུམ་རྒན་མར་གྲགས་པའི་པོད་གཅིག་མི་སྟོབས་ཆེན་ཞིག་གིས་ཁུར་ཐུབ་ཙམ་ཆ་གཅིག གཞན་ཡང་སྐྱེས་བུ་དམ་པ་རྣམས་ཀྱི་བཀའ་འབུམ་བཅས་ཁྱོན་པོད་ཁྲི་ལ་ཉེ་བར་མངོན་གསུམ་དུ་འཇལ་རྒྱུ་ཅན་དུ་བཞུགས། སྐུ་ཐང་རིགས་ལ་དཔག་བསམ་འཁྲི་ཤིང་གསེར་ཐང་ཆ་གཉིས། གསེར་ཐང་སྟོང་སྐུ་དང་གོང་མ་རྣམ་ལྔ་ལ་གནས་བརྟན་བཅུ་དྲུག་གིས་བསྐོར་བའི་རྩེག་ཚད་གཉིས་ཅན་ལྔ། ལམ་འབྲས་བླ་བརྒྱུད་སོགས་ཐང་ག་དཔག་མེད་བཞུགས། གཞན་ཡང་སྨན་སྐུ་རིགས་ལ་སྤྱན་རས་གཟིགས་བརྩེགས་ཚད་གསུང་ཅན་དང་། ཉེ་སྲས་བརྒྱད་གནས་བརྟན་བཅུ་དྲུག་ཆ་གསུམ་ཚེ་དཔག་མེད། གུར་མགོན། བསེ་ཁྲབ་གསུང་འབྱོན་མ་སོགས་དཔག་ཏུ་མེད་པ་བཞུགས། མཆོད་པའི་ཡོ་བྱད་ལ་སྦུབ་ཆལ་འཛམ་གླིང་གཡས་བཞག བྱ་རྒོད་ཀྱིས་ཁྱེར་ཡོང་བ་གྲགས་པའི་ཐང་དཀར་སྦུབ་ཆེན། ཤང་ཤང་སིལ་སྙན། ཆོས་ཀྱི་རྒྱལ་མཚན་ལ་བྲག་བཙན་གྱིས་ཕུལ་བའི་རྡོ་རྗེ་གཏེར་མ་ཁྲུ་གང་ཙམ། མདོར་ན་ལི་རྙིང་གི་སྦུབ་ཆེན་དང་སིལ་སྙན་ཆ་བརྒྱ་ཙམ་དང་རག་དུང་ཆ་གསུམ། གསེར་དངུལ་ལས་གྲུབ་པའི་རྒྱ་གླིང་ཆ་གཉིས། ཚྭ་དྲིལ་བདུན། རྒྱ་དྲིལ་ཉེར་ལྔ་བཅས་ཁྱོན་རྡོ་དྲིལ་བརྒྱ་ཕྲག་གཅིག གོས་ཆེན་མཁའ་འགྲོའི་སྤྲིན་འཐག་མ་མིག་དགུ་ཁེབས་ཙམ། འཆམ་གོས་སྤྲིན་འཐག་མ་བུབས་གསུམ་སོགས་རིན་ཐང་གཞལ་དུ་མེད་པའི་མཆོད་རྫས་དུ་མ་བཞུགས་ལགས་སོ།

དུས་མཆོག་རྒྱུན་སྲོལ་ནི་བོད་ཟླ་དང་པོའི་གཅིག་ནས་བཅོ་ལྔའི་བར་དུ་ཆོས་སྤྱོད་སྨོན་ལམ་གྱི་རིམ་པ་དང་། བོད་ཟླ་གཉིས་པའི་ཚེས་བཅོ་ལྔ་ནས་སུམ་ཅུའི་བར་གསང་འདུས་དང་བདེ་མཆོག་གི་སྒྲུབ་མཆོད་ཁག་གཉིས་བྱས་ནས་འཚོགས། བོད་ཟླ་གསུམ་པའི་ཚེས་བདུན་ནས་བཅོ་ལྔའི་བར་ཀུན་རིག་རྡུལ་ཚོན་གྱི་སྒྲུབ་པ་ལས་བཞིའི་སྤྱིན་སྲེག་བཅས་ཉིན་བདུན་དང་། བོད་ཟླ་བཞི་པའི་ཚེས་གཅིག་ནས་བཅོ་[page 75] ལྔའི་བར་སྨན་བླ་ཆོ་ག། བོད་ཟླ་དྲུག་པའི་ཚེས་གཅིག་ནས་བཅོ་ལྔའི་བར་འཇིགས་བྱེད་བསྐང་གསོ་དང་ཚེ་བཅུ་གསུམ་ཉིན་མི་འགྱུར་རི་བར་ཞེས་པ་སྐད་གྲགས་ཆེན་པོ་ཡོད་པའི་གར་འཆམ་བྱ་རྒྱུ། དེ་ནས་དགེ་སློང་དང་དགེ་ཚུལ་ཡོངས་རྫོགས་དབྱར་གནས་ངོར་པའི་ཕྱག་ལེན་ལྟར་ཞག་བཞི་བཅུ་ཞེ་ལྔའི་བར་དུ་བླ་མཆོད་དང་འཆི་བསླུའི་ཆོ་ག་རབ་གནས་བཅས་འཚོགས་སྲོལ་ཡོད། བོད་ཟླ་དགུ་པའི་ནང་ཀྱེེ་རྡོ་རྗེ་སྒྲུབ་པ་སྦྱིན་སྲེག་དང་བཅས། བོད་ཟླ་བཅུ་པའི་ཚེས་བཅུ་ནས་གཡང་སྒྲུབ་ཁང་དུ་གཡང་སྒྲུབ་བུམ་གཏེར་འཇོག་རྒྱུ་བཅས་ཉིན་བདུན། བོད་ཟླ་བཅུ་གཅིག་པའི་ཚེས་གཅིག་ནས་བཅོ་ལྔའི་བར་ཡི་དམ་ཆོས་སྐྱོང་རྣམས་ཀྱི་གཏོར་བསྔོ་བསྐང་གསོ་གཏོར་མ་རྒྱག་པ་དང་འཆམ་བཅས་འཚོགས་རྒྱུ་ཡོད་དོ། དགོན་པའི་འགན་བཞེས་པའི་བསྟན་བདག་དང་ཁྲི་བ་དགེ་སྐོས་ཡོན་བདག་བཅས་རགས་ཙམ་སྨོས་ན། དགོན་པ་འདི་ནང་དུ་དང་པོར་ཞུགས་སྐབས་མང་ཇ་འགྱེད་བཅས་འབྱོར་ཚད་དང་མཐུན་པར་བཏང་ནས་འདོན་ཆ་ཁ་གྲལ་སོགས་ཡོངས་རྫོགས་བློ་སྦྱངས་ཚོགས་རྒྱུགས་ལེགས་པར་གྲུབ་རྗེས་ཚུལ་གནས་ཐོས་དང་བསམ་ལྡན་པའི། བསྒོམ་པ་ལ་ནི་རབ་ཏུ་སྦྱོར་ཞེས་གསུངས་པ་དང་བསྟུན་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་ནས་བཤད་གྲྭ་ནང་ཞུགས་ནས་ལོ་བདུན་ནས་བཅོ་ལྔའི་བར་གང་རུང་གི་ཚེ་རིག་པའི་གནས་བཅུའམ་གཙོ་བོ་ནང་དོན་རིག་པ་ལ་སྦྱངས་བ་ཕུལ་དུ་ཕྱིན་སྐབས། རང་གི་འབྱོར་ཚད་དང་མཐུན་པའི་མཁན་སྤྲུལ་རྣམ་པ་ལ་བརྒྱ་འབུལ་དང་ཚོགས་པ་ཡོངས་རྫོགས་ལ་འགྱེད་གཏོང་སྒོ་བྱས་ཏེ་ཁྲི་ལ་འཁོད་དེ་བཀའ་བཅུ་མཁན་པོའི་མིང་བཏགས་གནང་བ་ཡིན་ནོ། གཞན་ཡང་གཙང་ངོར་དགོན་དང་ས་སྐྱ་གོང་སོགས་སུ་བྱོན་ནས་གསང་སྔགས་རིན་པོ་ཆེ་ལམ་འབྲས་བུ་དང་བཅས་པའི་གདམས་ངག་གཙོས་དབང་ལུང་མན་ངག་དང་བཅས་པ་ཡོངས་སུ་རྫོགས་ནས་རབ་བའབྱམས་ཀྱི་མཚན་བཏགས་ནས་འདིའི་མཁན་རབས་སམ་གདན་རབས་འཛིན་དགོས། དེ་ལྟར་བཤད་གྲྭ་ནང་ཞུགས་མ་ཐུབ་ཀྱང་ཁ་གྲལ་ཡོངས་རྫོགས་བྱང་ནས་ཇ་རྒྱུགས་དང་མཆོད་གཡོག་རོལ་མཁན་བཅས་རིམ་བཞིན་དབུ་མཛད་ལམ་གསུམ། དགེ་སྐོས་ཀྱང་དེ་བཞིན་དུ་ལན་གསུམ་མཛད་དགོས། མདོར་ན་དབུ་མཛད་བྱས་ན་དགེ་སྐོས་གནང་མི་དགོས། དགེ་སྐོས་བྱས་ན་དབུ་མཛད་གནང་མི་དགོས། དེ་ནས་དབང་ལུང་མན་ངག་ཞུས་ནས་འབུམ་ལྔ་བསགས་པ་ནས་ལྷ་རང་རང་གི་བསྙེན་ཚད་འཁྱོལ་ནས་དབུ་མཛད་ཀྱིས་རྡོ་རྗེ་སློབ་དཔོན་གྱི་ཁུར་བཞེས་དགོས། དེ་ནས་བུ་དགོན་གཞན་ལ་གཏང་རྒྱུ་གསལ་ཁ་མེད་ཀྱང་མེད་ཀྱང་མི་ཉག་ཐུབ་པ་དགོན་དུ་བླ་དགོན་ལ་དབུ་མཛད་དང་། མཚོ་སྔོན་དགོན་ལ་དགེ་སྐོས་བླ་དཔོན་བྱོན་སྲོལ་ཡོད་དོ། དེ་ལྟར་དཔེ་ཆ་དང་ཁ་གྲལ་སྐོར་ལ་སྦྱང་བརྩོན་མ་ཐུན་པའི་གྲྭ་པ་རྒྱུད་དྲང་པོ་བློ་ཁོག་ཡངས་པ་རྣམས་བསལ་ནས་ཕྱག་མཛོད་བསྟན་བདག་སོགས་འགོ་བ་བཅོ་བརྒྱད་ཅེས་པའི་ནང་དུ་བཞག་ནས་དགོན་པའི་སྤྱི་འགན་བཞེས་དགོས། དེ་ལས་དགོན་པ་འདི་ཐོག་མར་བཞེངས་བའི་མཐུན་རྐྱེན་སྒྲུབ་པའི་སྦྱིན་བདག་འཇིག་རྟེན་མི/་ཡིས་བགྱིས་པ་མ་ཡིན་པར་མི་མ་ཡིན་གྱིས་ཆོས་རྗེ་ཉིད་ལ་གསེར་ཟངས་དཀར་གང་ཕུལ་བས་གཙོ་བོ་དེས་བྱེད་པར་གྲགས། [page 76] ཟངས་དཀར་ཆེ་ཆུང་ཆུ་ཟོམ་དོ་ཙམ་ཤོང་བ་གཡང་སྒྲུབ་ཁང་དུ་བཞག་ཡོད་པ་དེ་དེང་སང་མི་རྒན་ཁ་ཤས་ཀྱི་ངག་ལས་གསལ། རྗེས་སུ་རྨང་ངེ་དཔོན་ཞེས་པའི་རོང་ཉག་རྒྱུད་ཆུ་བཞིའི་དཔོན་པོར་གྲགས་པ་དེས་གཙོ་མི་འགྱུར་བླ་བྲང་གི་ཡོན་བདག་དང་དགོན་པའི་ཚོགས་མཆོད་སྒྲུབ་པའི་མཐུན་རྐྱེན་དཔག་མེད་མཛད། ཕྱིས་སུ་སྨུ་གླུ་དཔོན་པོ་ཚང་ལ་མི་འགྱུར་རིན་པོ་ཆེ་སྐུ་ཕྲེང་བཅུ་པ་དེ་འཁྲུངས་ནས་ཡོན་བདག་མཛད་ཚུལ་སོགས་ནི་ཡོན་བདག་ཆེ་ཤོས་ཙམ་བཀོད་པ་ལགས་སོ། དགོན་པ་འདིའི་མངའ་འོག་གི་ཡོན་བདག་དུད་ཚང་དགུ་བརྒྱ་ལྷག་ཙམ་ཡོད་པ་དང་། དགེ་འདུན་པའི་ཞལ་གྲངས་སྔོན་ཆོས་རྗེ་བཞུགས་སྐབས་བཤད་གྲྭ་བ་རྐྱང་པ་གྲྭ་ཉིས་སྟོང་བཞུགས་པ་རྣམ་ཐར་ལས་གསལ། རྒྱུན་གྲྭ་སྟོང་ཕྲག་གཅིག་བཞུགས་པ་དང་རིག་གསར་སྔོན་ཙམ་དུ་གྲྭ་བ་མང་སྐབས་ལྔ་བརྒྱ་དང་ཉུང་དུས་སུམ་བརྒྱ་ཙམ་རེ་བཞུགས་ཅེས་ངག་རྒྱུན་ལས་གསལ། གོང་དུ་དགོན་པའི་རྒྱ་ཁྱོན་མདོ་ཙམ་སྨོས་པ་དེ་དཀོན་མཆོག་རྒྱལ་མཚན་ཁོང་བཞུགས་སྐབས་ཡིན་ལ་རིམ་གྱིས་རྒྱ་རྗེ་ཆེར་ཕྱིན་ནས་དགོན་པའི་རྒྱབ་གཡས་སུ་གཡང་སྒྲུབ་ཁང་དང་། གཡོན་དུ་མགོན་ཁང་། མདུན་གཡས་གཡོན་དུ་གཟིམས་ཆུང་སྤུས་ལེགས་གཉིས། གཞན་ཡང་བསེ་ཁྲབ་ཁང་། སྨྱུང་གནས་ཁང་རྣམས་ཐོག་གཉིས་རྩེག་དང་སུམ་རྩེག་ཅན་ནང་དུ་སྐུ་གསུང་ཐུགས་རྟེན་གྲངས་ལས་འདས་པ་དང་། གཙོ་བོ་བླ་བྲང་གི་དགོན་ཆུང་ཙམ་གྱི་རྒྱ་ཁྱོན་མཆིས་པས་ནང་གི་སྐུ་གསུངས་ཐུགས་རྟེན་གནའ་རྫས་རིན་ཐང་བྲལ་བ་དུ་མ་དང་། དགོན་པ་གཞུང་ལ་འཚོགས་རྒྱུ་མེད་སྐབས་འཇིགས་བྱེད་དྲུག་ཅུ་སོགས་སྒྲུབ་མཆོད་མང་ཙམ་འཚོགས་རྒྱུ་དང་། མི་འགྱུར་རིན་པོ་ཆེའི་བླ་བྲང་དགོན་པའི་འོག་ཏུ་ཀ་བཞི་བཅུ་ཙམ་གྱི་གཡས་གཡོན་གཉིས་སུ་གཟིམས་ཆུང་གཉིས་རེ་དང་། དཀྱིལ་དུ་ཕྱིས་སུ་བཤད་གྲྭ་བ་འཚོགས་ཆོག་པ་ཐོག་བརྩེགས་སྟེང་འོག་ཀུན་དུ་སྐུ་གསུང་ཐུགས་རྟེན་འགངས་ཆེན་བསམ་ལས་འདས་པ་བཞུགས་པ་དང་། གཞན་ཡང་རོལ་ཆས་རྡོ་དྲིལ་མཆོད་ཆ་དང་ཐ་ན་ཆིབས་སྒ་དང་ཆིབས་སྲབ་སོགས་རྒྱ་ནག་གི་གནའ་རྫས་རིན་ཐང་ཅན་ལག་སྒམ་དྲུག་ཅུ་ཙམ་ཡོད་པ་དང་། སྔོན་གྱི་དུས་གྲྭ་ཤག་བརྒྱ་ཕྲག་གཉིས་ལྷག་ཙམ་ཡོད་པ་ཡིན་ནོ། དེ་ལྟར་བཤད་སྒྲུབ་ལས་གསུམ་གྱི་སྒོ་ནས་མདོ་སྨད་དུ་རྒྱལ་བསྟན་སྤྱི་དང་བྱེ་བྲག་དཔལ་ལྡན་ས་སྐྱ་བའི་བསྟན་པ་རིན་པོ་ཆེ་འཛིན་སྐྱོང་སྤེལ་གསུམ་གྱི་ཕྱི་མོ་ལྟ་བུར་གྱུར་ན་ཡང་གདུལ་བྱའི་ལས་དང་བསོད་ནམས་གྱི་དབང་གིས་དགོན་པའི་རྟེན་དང་བརྟེན་པར་བཅས་པ་ངོ་རྒོལ་བཞི་པའི་སྐབས་གནོད་ཚབས་ཆེན་པོ་ཐེབས་སྐབས་དང་མཉམ་དུ་འཇིག་པོ་ཡིན་ནོ།

དེང་ཆོས་དད་རང་མོས་ཀྱི་སྲིད་ཇུས་བཅང་པོ་ལ་བརྟེན་ནས་དགོན་པ་སླར་བཞེངས་ཚེ་གསེར་སྐུ་འགའ་དང་ཐང་དཀར་སྦུབ་ཆེན་ཤང་ཤང་སིལ་སྙན་སོགས་དང་། ཁྱད་པར་དུ་སྐྱེ་དགུའི་བསོན་ནམས་ཀྱི་ཞུང་དུ་དགོན་པ་ཕྱག་འདེབས་པ་པོས་ཆོས་རྗེ་དཀོན་མཆོག་རྒྱལ་མཚན་གྱི་སྐུ་དམར་གདུང་དད་ལྡན་སྐྱེ་བོ་འགས་རང་མོས་ཀྱིས་ཕུལ་བ་དང་། ཨ་མྱེ་བླ་མ་སོགས་བླ་རྒན་བཅུ་ལྷག་གི་འགན་ཁུར་འོག་ཡུལ་མི་རྒན་པ་རྣམས་ཀྱིས་གྲོགས་བྱེད། དད་ལྡ་སྐྱེ་བོ་རྣམས་ཀྱིས་དོངས་རྫས་ཅུང་ཟད་ཕུལ་བ་དང་། [page 77] གཙོ་བོ་སྟོབས་བཅུའི་དབང་ཐང་མངའ་བའི་མཆོག་སྤྲུལ་ངག་དབང་བསྟན་འཛིན་གྱིས་དགོན་པའི་དཔེ་དང་ཆ་རྐྱེན་གནང་ནས་གཙུག་ལག་ཁང་ཀ་བ་བརྒྱད་ཅུའི་བདག་ཉིད་ཅན་དང་བསེ་ཁྲབ་ཁང་དང་སྨྱུང་གནས་ཁང་བཅས་ལེགས་པར་གྲུབ་པ་དང་། མི་འགྱུར་བླ་བྲང་ཀ་བ་སུམ་ཅུའི་སར་བོད་རབ་བྱུང་བཅུ་བདུན་པའི་ཤིང་ཕོ་ཁྱི་ནས་ད་ལོར་གྲུབ། མི་འགྱུར་བླ་བྲང་ཀ་བ་སུམ་ཅུའི་སར་བོད་རབ་བྱུང་བཅུ་བདུན་པའི་ཤིང་ཕོ་ཁྱིས་ནས་ད་ལོར་གྲུབ། ཁྱད་པར་དུ་སངས་རྒྱས་ཀྱི་བསྟན་པ་དངོས་བཤད་སྒྲུབ་གཉིས་ལ་ཐུག་པར་དགོངས་ནས་བཤད་གྲྭ་གསར་འཛུགས་དགོས་པའི་བཀའ་གནང་མཛད་དེ་དགེ་སྐོས་བསྟན་འཕེལ་དང་ལས་སྣེ་བསོད་ནམས་ཆོས་འཕེལ། ཨ་ཁུ་བུ་ཕྲུག དཀོན་མཆོག་དར་རྒྱས་སོགས་ཀྱིས་ཐུགས་ཁུར་རྒྱ་ཆེན་གནང་ནས་ག་ས་ནས་བཤད་གྲྭའི་མཁན་པོ་ཨུ་ལོན་བལྟས་ཚེ་དཀར་པོའི་ལས་དང་དག་པའི་སྨོན་ལམ་གྱི་མཚམས་སྦྱར་ཏེ་མཁན་པོ་བསོད་ནམས་རྒྱ་མཚོ་གདན་དྲངས་ནས་བོད་རབ་བྱུང་བཅུ་བདུན་པའི་དཔལ་གདོང་སྟེ་ཆུ་བྱ་ལོའི་ཆུ་སྟོད་ཟླ་བའི་ཚེས་བཞི་བདག་ཅག་གི་སྟོན་པས་ཆོས་འཁོར་ཐོག་མར་བསྐོར་བའི་དུས་ཆེན་ཉིན་དབུ་བཙུགས་ཤིང་རྫོང་ཆོས་ལུགས་ཇུས་ཀྱིས་ཆོག་མཆན་ཐོབ། ཤིང་ཕོ་ཁྱིའི་ལོར་ཨ་རི་ནས་མི་འགྱུར་རིན་པོ་ཆེ་འདིར་ཕེབས་སྐབས་འདི་ཕྱོགས་ཀྱི་དགོན་པ་བཅུ་ཕྲག་ཁ་ཤས་ལ་དགོན་པ་བཞེངས་རྐྱེན་དང་མཁན་སྤྲུལ་དགེ་འདུན་འཁོར་ཚོགས་ལ་འགྱེད་དང་མང་ཇ་ཕུན་སུམ་ཚོགས་པ་སྦྱར། ཁྱད་པར་དུ་རིས་མེད་བསྟན་པ་འཛིན་པ་ཁོང་གིས་འགྲོལ་བདེ་སྐྱིད་འབྱུང་བའུ་སྒོ་གཅིག་པུ་རྒྱལ་བའི་ལུང་རྟོགས་ཀྱི་བསྟན་པ་རིན་པོ་ཆེ་འདི་ཁོ་ན་ཡིན་དགོངས་ནས་བཤད་གྲྭའི་གཙུག་ལག་ཁང་དང་གྲྭ་ཤག་བཅས་ཀྱི་ས་བཀྲ་དང་བཞེངས་རྐྱེན་ཕུན་སུམ་ཚོགས་པ་གནང་སྦྱིན་མཛད། རབ་བྱུང་བཅུ་བདུན་པའི་ཤིང་ཕག་ལོའི་ཆོ་འཕྲུལ་ཟླ་བའི་ཚེས་བཅུ་གསུམ་ཉིན་དགེ་འདུན་བརྒྱ་ཕྲག་གཅིག་གིས་བཀྲ་ཤིས་བའི་གསོ་སྦྱོང་འཚོགས། ཏེ་ནས་མི་འགྱུར་དགོན་པའི་བྱང་ཕྱོགས་རྒྱང་གྲགས་གསུམ་ཙམ་གྱི་སར་ཟླ་བ་གཞུང་ཞེས་པ་དེར་མཁན་པོས་ས་དཔྱད་དང་ས་བསླང་མཛད་དེ། འདུ་ཁང་ཀ་བ་བཅུ་དྲུག་ལ་སྒོ་ཁང་ཀ་བ་བརྒྱད་ཕྱིར་འབུར་བ་དང་། དེའི་གཡས་སུ་གསོལ་ཁང་ཀ་བ་བརྒྱད། ཇ་ཁང་ཀ་བ་གསུམ། འདུ་ཁང་གཡོན་དུ་དཔེ་ཀློག་ཁང་ཀ་བ་བརྒྱད་དང་། དཔེ་མཛོད་ཁང་ཀ་བ་གཉིས་ཡོད་པ་དེ་དག་ཐམས་ཅད་ཀྱང་ཐོག་རིམ་གསུམ་གྱི་བདག་ཉིད་ཅན་དང་། རྒྱབ་ཕྱོགས་གཡས་གཡོན་དུ་གསང་སྤྱོད་ཁང་གཉིས་གཉིས་རེ་དང་། མཐའ་སྐོར་དུ་གྲྭ་ཤག་ཀ་བ་རེ་རེ་ཅན་བཞི་བཅུ་ལ་ཐོག་རྩེག་གཉིས་བཅས་ཟླ་བ་གཅིག་དང་ཞག་གསུམ་གྱི་བར་བཞེངས་གྲུབ་ནས་མདོ་སྨད་མི་འགྱུར་སྤྲུལ་པའི་ལྷ་ཁང་བརྩེ་ཆེན་བཤད་སྒྲུབ་བསྟན་འཕེལ་གླིང་ཞེས་མཚལ་གསོལ་ཏེ། ཤར་རྒྱལ་མོ་རོང་དང་། ཉག་རོང་། ཉག་ཆུ་ཁ། མུ་ལི། འདབ་པ། ལི་ཐང་སོགས་དགོན་ཁག་བཅུ་གསུམ་ཙམ་གྱི་དགེ་འདུན་ཞལ་གྲངས་བཅུ་ཕྲག་བརྒྱད་ལྷག་ལ་འཇམ་དབྱངས་བློ་གཏེར་དབང་པོའི་གཞུང་ལུགས་གཙོ་བྱས་ཏེ་དཔལ་ལྡན་ས་སྐྱ་བའི་གཞུང་ལུགས་རྣམས་ལ་ཐོས་བསམ་མཛད་བཞིན་ཡིན་ནོ། དེ་ལས་དགོན་པའི་མངའ་འོག་གི་ཁྱིམ་དུད་དགུ་བརྒྱ་ལྷག་གི་དད་གཤིན་རྫས་སོགས་ལ་བརྟེན་ནས་གྲྭ་སུམ་བརྒྱ་ལྷག་གིས་སྔོན་མ་ནང་བཞིན་ཚེས་དུས་སྒྲུབ་མཆོད་སོགས་[page 78] འཚོགས་བཞིན་ལགས་སོ། དགོན་པའི་ལོ་རྒྱུས་འདི་ནི་མཁན་པོ་བསོད་ནམས་རྒྱ་མཚོས་བྲིས་པའི་ལོ་རྒྱུས་ལ་གཞི་བྱས། ཆོས་རྗེ་དཀོན་མཆོག་རྒྱལ་མཚན་གྱི་རྣམ་ཐར་གངས་ཅན་མཁས་གྲུབ་རིམ་བྱོན་གྱི་མིང་མཛོད་སོགས་ལ་བརྟེན་ནས་མུ་པོས་བྲིས་པའོ།།

ས་མིང་ཚིག་མཛོད་མིག་བཤར།

དེ་ཡང་ས་སྐྱའི་འཇམ་མགོན་ལྷུན་གྲུབ་དཔལ་ལྡན་གྱིས་ས་མིང་དང་མཚུངས་པའི་སྒོ་ནས་སྒ་ཐོག་དགོན་པ་དེ་ཉིད་ཕྱག་བཏབ་མཛད། དེ་ལས་དགོན་འདི་བཏབ་པའི་དུས་དང་གདན་རབས་མཁན་རབས་སོགས་ནི་དགོན་པའི་ལོ་རྒྱུས་མེད་པས་གསོལ་པོར་འབྲི་རྒྱུ་མ་རྙེད་ལ། གྲྭ་རྒན་རྣམས་ཀྱི་ཟེར་སྒྲོས་ལ་དགོན་འདིའི་ཐོག་མར་གྲྭ་ཆུང་རྣམས་དགོན་པར་ཞུགས་ནས་འདོན་རྟ་དབྱངས་ཀྱི་ཆོ་ག་རྣམས་ལེགས་པར་སྦྱངས་ནས་གྲྭ་པ་ལེགས་ཤོས་རྣམས་ས་སྐྱའི་གཙང་ངོར་ཨེ་ཝཾ་དུ་བྱོན་ནས་ཐོས་བསམ་སྒོམ་གསུམ་བྱས་ཏེ། བླ་དཔོན་གྱི་ཐུགས་ཁུར་གནང་དགོས་པར་གསུངས། དགོན་འདི་སྐུ་གསུངས་ཐུགས་རྟེན་འགངས་ཆེན་ཤིན་ཏུ་མང་པོ་བཞུགས་པའི་ངག་རྒྱུན་ཡོད་ཀྱང་བར་སྐབས་ཤིག་ལ་མེས་འཇིག་ནས་དེའི་རྗེས་རྟེན་གྱི་གཙོ་བོ་རྒྱུ་ལི་ལས་གྲུབ་པའི་སྒྲོལ་མ་གསུང་འབྱོན་མ་ཁྲུ་གང་ཅན་གཉིས་དང་། ཞང་ཕག་རྒྱལ་གསུམ། ཕྱག་ན་རྡོ་རྗེའི་སྐུ་གླང་དར་ཁྲིམས་ཐར་མ་གཅིག རྒྱལ་བའི་བཀའ་འགྱུར་དང་བསྟན་འགྱུར་འབུམ་བཅས་ཆ་གཉིས་རེ་དང་། གཞན་ཡང་མཁས་དབང་རྣམས་ཀྱི་བཀའ་འབུམ་སོགས་པོད་བརྒྱ་ཕྲག་ཁ་ཤས་དང་། བཀའ་གདམས་མཆོད་རྟེན་མཐོ་ཚད་ཅན་གསུམ་བཅས་དང་། རོལ་ཆས་སྐོར་ལ་མ་ཎི་སིལ་སྙན་དང་། འགངས་མཐོ་བའི་སྦུབ་ཆལ་བཞི་དང་། རྒྱ་ནག་རྐང་གླིང་གཅིག རྒྱན་མི་རྐང་གླིང་གཅིག རྒྱན་མི་མགོ་ཁ་སྤྲོད་ཀྱི་ཏིང་པོར་བུན་ཆ་གཉིས་གཞན་པའི་སྦུབ་ཆལ་ལྔ། ལི་ཏིང་བརྒྱ་ཁ་ལྷག་སོགས་ཀྱིས་མཚོན་རོལ་ཆས་མང་ཙམ་དང་། མཁའ་འགྲོའི་སྤྲིན་ཐགས་དང་། འཆམ་གོས་དབང་རྫས་སོགས་མཆོད་ཆས་སྐོར་མང་ཙམ་བཞུགས་ལགས་སོ། དགོན་འདིའི་རྒྱ་ཁྱོན་ལ་འདུ་ཁང་ཀ་བ་ཉི་ཤུའི་བདག་ཉིད་ཅན་དང་། གྲྭ་ཤག་བཅུ། གྲྭ་གྲངས་སུམ་ཅུ་ཙམ་བཞུགས། ཚོགས་པའི་གཏོང་སྒོ་ལ་ཞིང་ལ་དུད་གྲངས་གཉིས་དང་། དགོན་པའི་མངའ་འོག་གི་དུད་གྲངས་ཞེ་ལྔ་ཡོད་པ་དེ་རྣམས་ཀྱི་དད་རྫས་དང་གཤིན་རྫས་འབུལ་བ་སོགས་ལ་བརྟེན་ནས་མཆོད་ཐོག་འཚོགས་དགོས་སོ། ཚེ་དུས་སྒྲུབ་མཆོད་སྐོར་ལ་བོད་ཟླ་དང་པོའི་ཚེས་གཅིག་ལ་ཆོས་སྤྱོད་བྱིངས་དང་བཅལ་དལ་འདོན་ལེགས་པོ་དང་སྨོན་ལམ་སྐོར་བཅས་གསུངས་པ་ནས་བཅུ་གཉིས་པའི་ཉི་ཤུ་སྐོར་གྱི་བསྐང་གསོ་བར་ཟླ་བ་རེ་རེ་ལ་རིང་ན་ཉིན་བདུན་རེ་དང་ཐུང་ན་ཉིན་གསུམ་རེ་འཚོགས་རྒྱུ་མེད་པའི་དུས་མེད་པ་ནི་ལི་ཐང་ཕྱོགས་ཀྱི་དགོན་ཡོངས་རྫོགས་མཐུན་པས་འདིར་ཞིབ་འབྲི་མ་བྱས་སོ། དེ་ནས་བཅོས་སྒྱུར་སྐབས་དགོན་པ་རྟེན་དང་བརྟེན་པར་བཅས་པ་འཇིག སླར་ཡང་ཏང་གི་སྐབས་བཅུ་[page 79] གཅིག་པའི་གྲོང་ཨུ་ཚང་འཛོམས་གྲོས་ཐེངས་གསུམ་པ་འཚོགས་ནས་ཆོས་ལུགས་དད་པ་རང་མོས་སྒོ་ནས་དགོན་པ་བྱིངས་ཀྱི་ཆོས་སྒོ་ཕྱེ་ན་ཡང་དགོན་འདི་ལ་ཆོག་མཆན་མ་ཐོབ་པས་དགོན་བཞི་དགོན་པར་བསྡོམས་ནས། སྔོན་གྱི་དགོན་ཤུལ་དེ་གྱང་རལ་དུ་ལྷག་ནས་ཡོད་དོ། དགོན་པའི་ལོ་རྒྱུས་འདི་ནི་གྲྭ་བློ་བཟང་སྤེན་པ་སོགས་ཀྱིས་གསུངས་པ་ལྟར་མུ་པོས་བྲིས་པའོ།།

ས་མིང་ཚིག་མཛོད་མིག་བཤར།

བོད་རབ་བྱུང་བཅུ་གསུམ་པའི་མཇུག་ཙམ་དུ་མཁས་ཤིང་གྲུབ་པར་བརྙེས་པའི་གྲོས་བླ་དབང་པོ་རབ་བརྟན་གྱིས། གཙུག་ལག་ཁང་ཀ་བ་ཉི་ཤུ་བདག་ཉིད་ཅན་ཞིག་བཞེངས་ཏེ། དགེ་འདུན་ཞལ་གྲངས་བརྒྱ་ལྷག་ལ་དཔལ་ལྡན་ས་སྐྱ་པའི་ཆོས་རྒྱུན་སྤེལ། དེ་ནས་བཟུང་དགོན་འདིར་སྤྱིར་སྐྱེས་ཆེན་དམ་པ་དུ་མ་བྱོན་ན་ཡང་དེ་དག་གི་གོ་རིམ་དང་མཛད་རྣམ་སོགས་ཀྱི་ཡིག་ཚང་མེད་པས་གང་དྲན་ཙམ་བཀོད་ན། དབོན་པོ་རབ་བརྟན། སེ་ཨ་སྙན་རྒྱ་མཚོ། སྙན་གྲགས་རྒྱ་མཚོ། སངས་རྒྱས་བསྟན་འཕེལ། ཐོས་པ་དགའ། བླ་མ་ཡང་དགའ་སོགས་ཀྱི་བཤད་སྒྲུབ་གཉིས་ལྡན་གྱི་སྒོ་ནས་བསྟན་པ་ཡུན་རིང་སྐྱངས་ན་ཡང་། བར་སྐབས་རྐྱེན་དབང་ལས་བོད་དམག་གིས་དགོན་པ་འདི་བཅོམ་ནས་མིང་གི་ལྷག་མར་བྱས། དེ་ནས་གནས་མཆོག་སྐྱབས་ཤུལ་ཞེས་པ་དེར། བོད་རབ་བྱུང་བཅུ་དྲུག་པའི་ས་འཛིན་ཏེ་མེ་ཕོ་བྱི་བའི་ལོར་མཆོག་གི་སྤྲུལ་བའི་སྐུ་ཀུན་བཟང་ཆོས་ཀྱི་ཉི་མ་ཞེས་མཚན་སྙན་གྱི་བ་དན་སྲིད་ཞིའི་མཁའ་ལས་མངོན་པར་མཐོ་བ་གང་ཉིད་ཀྱིས་གསར་དུ་གཙུག་ལག་ཁང་ཀ་བ་ཉེར་བཞི་དང་གྲྭ་ཤག་ལྔ་བཅུ་ལྷག་མམ་བསྐྲུན་ཏེ། ཆོས་རྗེ་ས་པཎ་གྱི་སྐུ་འབུམ་ཁ་ཤས་ཀྱིས་མཆོད་རྟེན་བཏབ་པས་སྐུ་འབུམ་དགོན་དུ་ཐོགས། རྗེ་འདི་ཉཻད་ཀྱི་ཐུགས་བསྐྱེད་དང་ཕྲིན་ལས་ཀྱི་སྣང་བས་ཆོས་ཀྱི་དབྱངས་ཀུན་ཏུ་ཁྱབ་པར་བརྡལ་བས། ཡིད་ཅན་ཀུན་ལ་འཕྲལ་ཕུགས་ཀྱི་ཕན་བདེ་སྟེར་བར་མཛད་པ་གང་ཉིད། ལྗོངས་འདིར་མཁས་པའི་ཡང་རྩེར་བསྔགས་ཤིང་། བཅུ་ཕྲག་རིག་པའི་གནས་ལ་ཐོགས་པ་མེད་པ་དང་། དུས་གསུམ་མངོན་པར་གཟིགས་པའི་དཔལ་ས་སྐྱ་བའི་བསྟན་པའི་མངའ་བདག་ཆེན་པོ་ཞིག་ཡིན་ཏེ། འདི་ཕྱོགས་ས་དགོན་མི་འགྱུར་དགོན། བྲག་ནག་དགོན། ཞི་བརྩོན་དགོན། ཐང་དཀར་དགོན། རྟ་ནུ་དགོན་སོགས་སོགས་ཀྱི་བསྟན་བདག་དང་དབུ་བླ་མཛད་དེ་བཤད་སྒྲུབ་འཁོར་ལོ་གཉིས་ལྡན་གྱི་སྒོ་ནས་བསྟན་པ་འཛིན་སྐྱོང་སྤེལ་གསུམ་གྱི་ཕྲིན་ལས་ནམ་མཁའ་དང་མཉམ་པར་བསྟན་འགྲོ་ལ་ཕན་བདེ་རྒྱ་ཆེར་སྟེར་བར་མཛད་པ་ཡིན་ནོ།

གཞན་ཡང་དགོན་གནས་འདིར་སྐྱེས་ཆེན་དམ་པ་དུ་མའི་ཞབས་ཀྱིས་བཅགས་ཤིང་བྱིན་གྱིས་བརླབས་པ་ཡིན་ཏེ། ཀརྨ་མཐོང་བ་དོན་ལྡན་དང་སི་ཏུ་ཆོས་ཀྱི་དབང་ཕྱུག་གཉིས་བྱོན་ནས་སྨིན་བྱེད་ཀྱི་དབང་དང་གྲོལ་བྱེད་ཀྱི་གདམས་པ་དུ་མ་བསྩལ། ན་ལེནྡྲའི་མཁན་པོ་གཟིམས་འོག་བྱམས་པ་རིན་པོ་ཆེན་[page 80] བྱོན་ནས་ལོ་གཅིག་བཞུགས་ཏེ་བསྟན་པ་ཉམས་གསོ་མཛད་དེ་སྨིན་གྲོལ་གྱིས་བཀའ་དྲིན་བསྐྱངས། སྒ་སྟོད་ངག་དབང་ལེགས་པ་དང་འཇམ་དབྱངས་ཀུན་དགའ་རྣམ་རྒྱལ་སོགས་བྱོན་ནས་དགོན་འདིའི་བསྟན་པ་སྤེལ་བ་ལ་བཀའ་དྲིན་ལྷག་པར་ཆེ་བ་ཡིན་ནོ།

དགེ་སྐོས་དང་དབུ་མཛད་སོགས་ཀྱི་ཐོབ་ཐང་ནི། དགོན་འདིའི་གྲྭ་དཀྱུས་མ་ཞིག་ལ་མཚོན་ན། དང་པོ་གྲྭ་ཚང་གི་འདོན་ཆ་མཐར་ཕྱིན་སྦྱངས་ཏེ། རྔ་བ་ལོ་གསུམ། དུང་མཁན་ལོ་གསུམ། དེ་ནས་དབུ་མཛད་དང་དགེ་སྐོས་བྱེད་པའི་སྲོལ་ཡོད། དགོན་འདིའི་ཚེས་དུས་སྒྲུབ་མཆོད་ནི། ཆོ་འཕྲུལ་ཟླ་བའི་ཚེས་གསུམ་ནས་བཅུ་གསུམ་བར་རྒྱལ་བའི་བཀའ་འགྱུར་དག་འདོན་དང་། ཚེས་བཅུ་གཅུམ་ནས་ཉེར་གཅིག་བར་མགོན་པོ་འབུམ་གཏོར། བོད་ཟླ་དྲུག་པའི་ཚེས་བཅུ་བཞི་ནས་དབྱར་གནས་ཟླ་བ་གཅིག་ཕྱེད། བོད་ཟླ་བདུན་པའི་ཚེས་བཅོ་ལྔ་ནས་སུམ་ཅུའི་བར་དུ་སྒྲུབ་མཆོད་སྔ་མ་དང་། བོད་ཟླ་དགུ་པའི་ཚེས་བཅོ་ལྔ་ནས་སུམ་ཅུ་བར་སྒྲུབ་མཆོད་ཕྱི་མ་ཡིན་ནོ། དེ་གཉིས་ལ་ཀྱེེ་རྡོར་ཚེ་མཆོག་སྨན་བླ། མི་འཁྲུགས་པ་སོགས་འཚོགས་དགོས་པ་ཡིན་ནོ། སྐུ་གསུང་ཐུགས་རྟེན་སྐོར་ལ། རྒྱུ་ལི་ལས་གྲུབ་པའི་གུར་པའི་གུར་མགོན་གསུང་འབྱོན་མ་ཁྲུ་གང་བ་དང་། བཀའ་གདམས་མཆོད་རྟེན་ཆ་གཉིས། གསུང་རྟེན་བཀའ་འགྱུར་ཆ་གཅིག བྱ་ཤང་ཤང་རོལ་མོ་གཡོག་འཇའ་ཆ་གཅིག དུང་དཀར་གསུང་འབྱོན་མ་ཆ་གཅིག་བཅས་རོལ་མོའི་སྐོར་ཆ་ཚང་དང་། རི་དྭགས་ཆོས་འཁོར་གདུགས་རྒྱལ་མཚན་སོགས་ཀྱིས་མཚོན་འགངས་ཆེ་བའི་ཁྱད་ནོར་དུ་མ་ཡོད་ན་ཡང་། སྐྱེ་དགུ་བསོད་ནམས་དམན་པས་བསྟན་པའི་ཉི་མ་ནུབ་རིར་ཕྱོགས་པས་མི་ལོ་སུམ་དུའི་རིང་ལ་བསྟན་པའི་རྣམ་བཞག་ཐམས་ཅད་སྟོང་སྟེ་གཙུག་ལག་ཁང་རྟེན་དང་བརྟེན་པ་བཅས་པ་ཐམས་ཅད་མིང་གི་ལྷག་མར་གྱུར་བའོ། སླད་ནས་ཏང་གི་སྐབས་བཅུ་གཅིག་པའི་ཚང་འཛོམ་གྲོས་ཚོགས་ཐེངས་གསུམ་པ་ནས་བཟུང་ཏང་གིས་ཆོས་ལུགས་བྱེད་སྒོ་སྤེལ་ཏེ་གཙུག་ལག་ཁང་སྔོན་མ་ནང་བཞིན་བཞེངས་ཏེ། རྒྱུ་སྨན་འདམ་ལས་བསྐྲུན་པའི་ཐུབ་པ་གཙོ་འཁོར་གསུམ་རྩེགས་ཚད་དང་། ཆོས་རྗེ་ས་པཎ། སྤྱན་རས་གཟིགས་སོགས་མི་ཚད་ཙམ་ཡོད་དོ། གྲྭ་བ་ལྔ་བཅུ་ལྷག་ཙམ་གྱིས་སྔོན་མ་ནང་བཞིན་ཚེས་དུས་སྒྲུབ་མཆོད་འཚོགས་བཞིན་ཡིན། ཡོན་གྱི་འབྱུང་ཁུངས་ཤེ་འབྲུ་བདུན་ཡོད་པ་དེ་ཤི་མེད་རྒས་མེད་བྱས་ནས་ལོ་རེ་ལ་མར་རྒྱ་མ་བརྒྱད་རེ་དགོན་པ་ལ་སྤྲོད་དགོས་པ་ཡིན་ནོ། ལོ་རྒྱུས་འདི་ནི་གྲྭ་ཚེ་རིང་ནོར་བུ་དང་བསྟན་འཛིན་ཆོས་འཕེལ་གཉིས་ཀྱི་ངག་རྒྱུན་ལྟར་མུ་པོས་བྲིས་པའོ།།

ས་མིང་ཚིག་མཛོད་མིག་བཤར།

འགྲོ་མགོན་ཆོས་རྒྱལ་འཕགས་པ་གང་གིས་བོད་རབ་བྱུང་བཞི་པའི་ཁྲོ་བོ་ཞེས་པ་ཤིང་མོ་གླིང་གི་[page 81] ལོར་ཡས་མས་ཤིག་ལ་དགོན་གསར་དགོན་པའམ་སྟོང་པད་མོ་དགོན་པ་འདི་ཉིད་ཕྱག་བཏབ་མཛད། དེ་ལ་སྔོན་དགོན་པ་འདི་ཉིད་ཤིན་ཏུ་དར་རྒྱས་བྱུང་སྐབས་གྲྭ་སྟོང་གཅིག་ཙམ་རེ་ཡོད་པས། དགོན་མིང་དུ་སྟོང་པད་མོ་དགོན་ཞེས་མཚན་གསོལ། དགོན་འདིའི་ཕྱོགས་བཞིར་གཟི་བརྗིད་རྟག་པ་དགོན། འབའ་གསེར་ལྟོ་དགོན། ལམ་པ་བྱ་སྤྲེལ་དགོན། དགོན་ཆུང་སྤུས་ར་དགོན་བཅས་ལ་སྟོང་པད་མོ་དགོན་པའི་ཆོས་དང་དཀར་པོ་རྒྱང་གྲགས་ཀྱི་ས་ཟེར་བ་དང་། དགོན་འདིའི་གཡས་གཡོན་དུ་ཝ་དགེ་ལེགས་རི་ཁྲོད་དང་། ངག་དབང་སྙན་གྲགས་རི་ཁྲོད། མགོ་སེར་དགེ་བཤེས་ཀྱི་རི་ཁྲོད། དགེ་བཤེས་དགེ་འདུན་གྱི་རི་ཁྲོད་བཅས་དགོན་པ་དང་རི་ཁྲོད་དུ་མའི་མངའ་བདག་ཡིན་ན་ཡང་། ཆགས་འཇིག་དུ་མ་བྱུང་བས་དགོན་འདི་གོང་འོག་ཀུན་ཏུ་དགོན་ཤུལ་འབའ་ཞིག་གིས་གང་ཡོད་པ་ནི་ད་ལྟ་ཡང་དངོས་སུ་མཐོང་ཡུལ་དུ་གྱུར་པ་དེ་ཡིན་ནོ།

དེའི་རྗེས་གཙུག་ལག་ཁང་ཀ་བ་དྲུག་དང་ཀ་རིང་བཞི། གྲྭ་ཤག་བཅུ་བདུན་ལ་གྲྭ་བ་སུམ་ཅུ་སོ་གསུམ་ཙམ་ཡོད་ལ། གཙུག་ལག་ཁང་དུ་ནང་རྟེན་གཙོ་བོ་རྒྱུ་ཟངས་གསེར་ལས་གྲུབ་པའི་ཇོ་བོའི་སྐུ་དང་། རྒྱུ་སྨན་འདམ་ལས་བསྐྲུན་པའི་མིང་འཁྲུགས་པ། རྗེ་བཙུན་བྱམས་པ་སྤྱན་རས་གཟིགས་བཅས་རྩེག་ཚད་དང་། ས་སྐྱ་པཎྚི་ཏའི་སྐུ་རྩེག་ཚད་གཉིས། ཨ་ངག་ཆོས་རྒྱལ་གྱི་སྐུ་དམར་གདུང་དང་། རྒྱུ་ལི་ལས་གྲུབ་པའི་སྤྱན་རས་གཟིགས་ཀྱི་སྐུ་ཁྲུ་གང་བ་དང་། འོད་དཔག་མེད་ཀྱི་སྐུ་མཐོ་ཚད་དང་། གསེར་དངུལ་ལས་བྲིས་པའི་རྒྱལ་བའི་བཀའ་འགྱུར་དང་། བརྒྱད་སྟོང་། སྐལ་བཟང་། གཟུངས་འདུས། གསེར་ཐང་བཅུ་བདུན། གཏེར་ནས་བཏོན་པའི་སྦུབ་ཆལ་རྒྱལ་ཨ་ཐོད་གཙོས་སྦུབ་ཆལ་ཆ་དགུ། གཏེར་ནས་དྲངས་པའི་སིལ་སྙན་ཉི་མ་འབྲུག་གྲགས་གཙོས་སིལ་སྙན་ཆ་བཞི། ལིའི་བདུན་ཚར་ཆ་བདུན། དངུལ་གྱི་བདུན་ཚར་ཆ་གཉིས། རག་གདུང་ཆ་བཞི། དུང་དཀར་ཆ་བཞི། འཁར་རྔ་གཅིག ཚོགས་ཟངས་ཆེན་མོ་ཟོམ་བཅུ་གཉིས་ཙམ་བླུག་ཆོག་པ་གསུམ་བཅས་བཞུགས་ལགས་སོ།

ཚེས་དུས་སྒྲུབ་མཆོད་ནི། བོད་ཟླ་བཅུ་གཉིས་པའི་ཚེས་ཉེར་དགུ་དང་སུམ་ཅུ་གཉིས་ལ་ས་སྐྱའི་ཁྲོ་བཅུ་འབུམ་དམག་དང་། བོད་ཟླ་དང་པོའི་ཚེས་གཅིག་ལ་བསྐང་གསོ། ཚེས་གཉིས་ལ་ཚོགས་མཆོད། ཚེས་གསུམ་ལ་བསང་མཆོད། ཚེས་བཅུ་གཉིས་ནས་སྨོན་ལམ་ཉཻན་བཅུ་གཉིས་དང་། ཟླ་བ་ནམ་ཤར་གྱི་ཉ་སྟོང་ལ་གསོ་སྦྱོང་དང་། བོད་ཟླ་གཉིས་པའི་ཚེས་བདུན་ནས་ཀུན་རིག་སྙན་བརྒྱུད་ཉིན་བཅུ་གཉིས་དང་། བོད་ཟླ་གསུམ་པའི་ཚེས་བཅུ་གསུམ་ནས་ཀུན་རིག་ཆོ་ག་ཉིན་བཅུ་གསུམ་དང་། བོད་ཟླ་བཞི་པའི་ཚེས་བཅུ་གསུམ་ནས་ཀུན་རིག་ཆོ་ག་ཉིན་བཅུ་གསུམ་དང་། བོད་ཟླ་བཞོ་པའི་ཚེས་བཅུ་གསུམ་ནས་སྨྱུང་གནས་ཆ་བརྒྱད་དང་། བོད་ཟླ་དྲུག་པའི་ཚེས་བཅུ་གསུམ་ནས་བརྒཡད་པའི་ཚེས་གཅིག་བར་དབྱར་གནས་དང་། བོད་ཟླ་དགུ་པའི་ཚེས་ཉེར་གཉིས་ནས་ལྒ་བབས་དུས་ཆེན་ཉིན་བདུན་དང་། བོད་ཟླ་བཅུ་པའི་ཚེས་ཉེར་བཞི་ནས་དགའ་ལྡན་ལྔ་མཆོད་ཉིན་བརྒྱད་དང་། བོད་ཟླ་བཅུ་གཅིག་པའི་ཚེས་ཉི་ཤུ་[page 82] ནས་སྤྱི་གཏོར་ཆེན་མོ་ཉིན་བཅུ་གཉིས་བར་དུ་འཚོགས་དགོས་པ་ཡིན་ནོ།

ཡོན་གྱི་འབྱུངས་ཁུངས་ནི། ཞིང་པ་བཞི་ལ་ཞིང་ཁལ་བཅུ་བཞི་ཙམ་གྱི་ས་དང་། དགོན་པའི་མངའ་འོག་གྱི་ཁྱིམ་དུད་བཞི་བཅུ་ཞེས་གྲངས་ཡོད་པ་དེ་དག་གི་དད་རྫས་སོགས་ལ་བརྟེན་པ་ཡིན་ནོ།

རིག་གནས་གསར་བརྗེ་སྐབས་དགོན་པ་རྟེན་དང་བརྟེན་པར་བཅས་པ་མིང་གི་ལྷག་མར་བྱས། སླར་ཡང་ཏང་གི་སྲིད་ཇུས་བཟང་པོའི་འོག་དགོན་པ་སླར་གསོ་ཆོག་པའི་གོ་སྐབས་བཟང་པོ་བྱུང་སྟེ། གཙུག་ལག་ཁང་གི་རྒྱ་ཚད་སྔོན་མ་ནང་བཞིན་ལ། ནང་རྟེན་རྒྱུ་སྨན་འདམ་ལས་བསྐྲུན་པའི་ཚེ་དཔག་མེད། ཀུན་རིག སྨན་ལྷ། ཐུབ་བསྟན་ལུང་རིག་གི་འདྲ་སྐུ། གཙང་ཤུལ་རིན་པོ་ཆེའི་འདྲ་སྐུ་བཅས་ཁྲུ་བཞི་དང་། སྟོན་པའི་སྐུ་ཁྲུ་གང་དང་། མི་འཁྲུགས་པའི་སྐུ་དང་། ས་སྐྱ་པཎྚི་ཏའི་སྐུ་ཁྲུ་བཞི་ཕྱེད་དང་། ས་སྐྱའི་གོང་མ་རྣམ་ལྔ། ཕྱག་ན་རྡོ་རྗེ། འཇམ་དབྱངས་བཅས་ཁྲུ་གང་ཕྱེད་དང་འོད་དཔག་མེད་གྱི་གསེར་སྐྱ་ཁྲུ་གང་ཕྱེད་དང་། རྣམ་སྲས། ལམ་རིམ་བླ་བརྒྱུད། སྒྲོལ་མ། དཔལ་ལྡན་ལྷ་མོ་བཅས་ཀྱི་ཐང་ག་རྩེག་ཚད་དང་། ཇོ་ཁང་དུ་རྒྱུ་སྨན་འདམ་ལས་བསྐྲུན་པའི་བྱམས་པ། སྤྱན་རས་གཟིགས་རྩེག་ཚད་དང་། སྒྲོལ་མ་ཁྲུ་གཉིས་ཕྱེད་དང་། ཇོ་བོ་ཁྲུ་གསུམ་བཅས་དང་། མགོན་ཁང་དུ་རྒྱུ་སྨན་འདམ་ལས་བསྐྲུན་པའི་རྣམ་སྲས་ཁྲུ་གཉིས་ཕྱེད། མགོན་པོ་ཕྱག་དྲུག་པ་ཆོས་རྒྱལ། བསེ་ཁྲབ་བཅས་ཁྲུ་གསུམ་ཕྱེད། གུར་མགོན་ཁྲུ་དོ་དང་། དེ་མིན་བསེ་ཁྲབ་གཅིག་བཅས་དང་། གསུང་རྟེན་སྐོར་ལ་རྒྱལ་བའི་བཀའ་འགྱུར་དང་། བརྒྱ་སྟོང་ གཟུངས་འདུས་སོགས་པོད་བརྒྱ་དང་ཉི་ཤུ་ཙམ་བཞུགས། དེ་མིན་རོལ་ཆས་སྐོར་ཡང་དོན་ཙམ་དང་། ཚེས་དུས་སྒྲུབ་མཆོད་སོགས་སྔོན་མ་ནང་བཞིན་དང་། དགོན་པའི་མངའ་འོག་གི་ཁྱིམ་དུ་བཞི་ཞེ་གྲངས་ཀྱི་དད་རྫས་སོགས་ལ་བརྟེན་ནས། གྲྭ་ཉེར་ལྔ་ཙམ་གྱི་ཚེས་དུས་སྒྲུབ་མཆོད་འཚོགས་དགོས་པ་ཡིན་ནོ། ལོ་རྒྱུས་འདི་ནི་གྲྭ་རྟ་མགྲིན་ཕུན་ཚོགས་དང་འཇམ་དབྱངས་ནོར་བུ། ངག་དབང་བསོད་ནམས། ཐུབ་བསྟན་སོགས་ཀྱི་ངག་རྒྱུན་ལྟར་མུ་པོས་བྲིས་པའོ།

ས་མིང་ཚིག་མཛོད་མིག་བཤར།

ཀཿདམ་པ་བདེ་གཤེགས་ཀྱིས་མ་འོངས་འབྱུང་འགྱུར་ལུང་བསྟན་བུ་བཞིའི་ནང་ཚན་ཨུ་བུ་བྱམས་པ་འབུམ་གྱི་དངོས་སློབ་འབྲུ་ཚ་བརྩོན་འགྲུས་བཟང་པོས་བོད་རབ་བྱུང་ལྔ་པའི་སྟོད་ཙམ་དུ་སྦ་ཡུལ་གནས་ཆེན་འདི་ཡི་གནས་སྒོ་ཕྱེས་ཏེ་དགོན་པ་འདི་ཡི་གཞི་བཏབ། ཕྱིས་སུ་རྗེས་འབངས་ལོ་པཎ་རྨ་རིན་པོ་ཆེ་མཆོག་སྙིགས་དུས་སྐྱེ་འགྲོའི་དོན་དུ་བསམ་བཞིན་མི་གཟུགས་སུ་བྱོན་ཏེ། དབྲ་བྱ་བའི་ཡུལ་དུ་ཡབ་རིགས་སྔགས་འཆང་དཀོན་མཆོག་དབང་པོ་དང་ཡུམ་དཀོན་མཆོག་སྒྲོལ་མ་ཞེས་བྱ་བ་གཉིས་ཀྱི་སྲས་སུ་ངོ་མཚར་བ་དུ་མ་དང་བཅས་ཏེ་སྐུ་འཁྲུངས། སྐུ་ན་ཆུང་ངུའི་དུས་ནས་དམ་པའི་སྐྱེས་བུ་དུ་མའི་ཞབས་ལ་གཏུགས་ཏེ་འདི་སྣང་འཇིག་རྟེན་གྱི་བྱ་བ་ཐམས་ཅད་རྒྱབ་ཏུ་བསྐྱུར་ཞིང་། དབེན་པའི་རི་ལུང་དུ་དཀའ་སྤྱད་དྲག་པོའི་སྒོ་ནས་ཉམས་ལེན་ལ་རྩེ་གཅིག་ཏུ་གཞོལ་བའི་མཚན་དུ་ཁོལ་རི་བླ་མ་བྱང་ཆུབ་རྒྱལ་མཚན་གྲགས། མཁའ་ཀློང་བདེ་ཆེན་རི་ཁྲོད་དུ་བཞུགས་སྐབས་རིགས་ཀྱི་ཊཀྐི་རྣམས་ཀྱི་སྲས་སུ་ཉམས་སད་ནས་[page 111] པདྨའི་ཟབ་གཏེར་གྱི་བདག་པོར་དབང་འབྱོར། དེ་ནས་གཏེར་ཆེན་ཆོས་ཀྱི་རྒྱལ་པོ་རིག་འཛིན་ཀློང་གསལ་སྙིང་པོ་གདན་ས་འདིར་བཞུགས་སྐབས་ཝ་ཤུལ་ཡོན་རུའི་དཔོན་མི་རྒན་ཐལ་ཇུ་ཟེར་བའི་བཙུན་མོ་སོག་བཟའ་མ་སྨྱོ་ནད་ཀྱིས་ཐེབས་ཏེ། གཞན་བླ་སྤྲུལ་གང་གིས་ཀྱང་དྲག་མ་ནུས་པ་དེ་ཉིད་ཀྱི་ནད་གདོན་ཚར་བཅད་དེ། ཀུན་གྱི་དད་པའི་གནས་སུ་གྱུར་ཏེ་དཔོན་དནག་མངའ་འབངས་སྡེ་རིས་བཅས་ཀྱི་ནོར་རྫས་སོགས་མཎྜལ་དུ་མ་ཕུལ་ཞིང་། ཁྱད་པར་ཞབས་བརྟན་ཁོལ་རི་དགོན་པའི་བསྟན་པའི་བདག་པོར་མངའ་གསོལ་ཞིང་ཕུལ་བ་ལས། གཏེར་ཆེན་རིན་པོ་ཆེས་བདག་གི་བཞེས་ཏེ་བསྟན་པའི་གནད་རྣམས་རྨང་ནས་གསོ་ཞིང་ཞིག་གསོས་ཏེ། སྐུ་གསུང་ཐུགས་རྟེན་ངོ་མཚར་ཅན་དུ་མ་བཞེངས། ཉིད་ཀྱི་གཏེར་བྱོན་ཟབ་ཆོས་གསེར་སྦྱངས་བཅོ་མ་ལྟ་བུ་རྡོ་རྗེ་སྙིང་པོའི་རྒྱལ་བསྟན་གྱི་ལུགས་སྲོལ་དར་ཞིང་རྒྱས་ཏེ་བཞུགས་པ་ལགས། དེ་ནས་བསྟན་པའི་བདག་པོ་རིག་འཛིན་ཆེན་པོའི་རྒྱལ་ཚབ་ཏུ་བདུད་འདུལ་རྡོ་རྗེའི་སྐུ་སྲས་ནོར་བུ་ཡོངས་གྲགས་ཀྱི་གདུང་རྦས་རྒྱལ་སྲས་སྐུ་ཕྲེང་བར་མ་ཆད་པ་བྱོན་ནས་དགོན་འདིར་སྔ་འགྱུར་རྙིང་མའི་བསྟན་པ་བསྐྱངས་བའི་སྐྱེས་ཆེན་དེ་དག་གི་སྐུ་རིང་དུ་རྟེན་གཙུག་ལག་ཁང་དང་བརྟེན་པ་སྐུ་གསུང་ཐུགས་རྟེན་སོགས་བཞེངས་ཚུལ་ནི།

ཐོག་མར་རིག་འཛིན་ལྷ་ཁང་ངམ་མཁའ་འགྲོ་འབུམ་རྫོང་ཆེན་མོ་ནི་རིག་འཛིན་ཀློང་གསལ་སྙིང་པོས་ལྷ་སྲིན་ལས་བཅོལ་ནས་བརྩིགས་པ་དེ་བསམ་ཡས་དང་འདྲ་བར་གསུངས་ལ། དེའི་ནང་རྟེན་གྱི་གཙོ་བོ་རིག་འཛིན་ཆེན་པོ་དགུང་ལོ་བརྒྱད་ཀྱི་སྐུ་ཚད་གསུང་འབྱོན་ང་འདྲ་མ་དང་། ཆོས་སྐུ་རྡོ་རྗེ་འཆང་། གནམ་ཆོས་མི་འགྱུར་རྡོ་རྗེ་དགུང་ལོ་གསུམ་པའི་སྐུ་ཚད། ས་སྐྱ་པཎྚི་ཏ་སོགས་བླ་རབས་རྟེན་རྙིང་ཁྱད་འཕགས་ཁ་ཤས་དང་། བཟང་ཞིང་སྨན་འདམ་སོགས་ལས་གྲུབ་པའི་འདྲ་སྐུ་དུ་མ་དང་། གསུང་རྟེན་རྒྱལ་བའི་བཀའ་འགྱུར་དང་གསེར་དངུལ་བྲིས་སོགས་སྨོས་ཀྱིས་མི་ལང་བ་དང་། ལོགས་བྲིས་ཀློང་གསལ་སྙིང་པོའི་དག་སྣང་བྱོན་པ་ལྟར་རྒྱ་གར་གྱི་རིག་འཛིན་བརྒྱད། སྒོའི་ལོགས་སུ་བཞུགས་པའི་བསྟན་སྲུང་མ་མགོན་མགར་གསུང་གྱི་ཐང་ག་མཐིང་ནག་མ་འདི་གྲུབ་སྐབས་ཧྲཱིཿཕྱོགས་བཅུའི་སངས་རྒྱས་ཀུན་གྱི་སྐུ་གསུང་ཐུགས། ཀ་དག་དབང་ཕྱུག་འཆི་མེད་དམ་པའི་དཔལ། ཀློང་གསལ་སྙིང་པོ་རྒྱལ་བའི་རིག་པ་འཛིན། ཕྲིན་ལས་དམ་བཅའ་བསྐལ་བརྒྱར་བཞུགས་གསོལ་འདེབས། ཞེས་ཞབས་བརྟན་ཚིག་བཞི་ཞལ་ནས་འགགས་མེད་རང་སྒྲས་གསུང་འབྱོན་པ་དང་། སྟེང་ཁང་དུ་གཙོ་བོ་བསྐལ་བཟང་རྣམ་འདྲེན་ཤཱཀྱའི་དབང་པོ་ལ་འཁོར་བདེ་གཤེགས་སོ་ལྔས་བསྐོར་བ་དང་། གཡུ་ཐོག་ཡོན་ཏན་མགོན་པོ་ལ་སོགས་པ་སྐུ་གསུངས་ཐུགས་རྟེན་དུ་མ་དང་། གསེར་དངུལ་ཀོང་སྟོང་ལྷག་བཅས་བཞུགས་སུ་གསོལ།།

ཨོ་རྒྱན་ལྷ་ཁང་འདི་སྔོན་འབྲུ་ཚ་སྒམ་པོའི་དུས་འདུ་ཁང་ཡིན་ཀྱང་ཕྱིས་སུ་ཀློང་གསལ་སྙིང་པོས་ཞིག་གསོ་ཕུལ་ཏེ། ནང་བཞུགས་ཨོ་རྒྱན་སྐུ་བརྙན་བརྩེགས་ཚད་གཉིས་ལྡན་འདི་རིག་འཛིན་ཆེན་པོའི་ཞལ་བཀོད་གནང་སྟེ། ལྷ་བཟོ་གསུམ་ལ་བཞེངས་བཅུག་སྟེ་རིག་འཛིན་ཆེན་པོས་རབ་གནས་མཛད་ཚར་བ་[page 112] དང་། རིགས་ཀྱི་ཊཱཀྐི་རྣམས་ཀྱིས་མཁའ་འགྲོའི་གླིང་དུ་གདན་དྲངས་ཏེ་བྱོན་པར་བཞེད་ཚེ། རིག་འཛིན་ཆེན་པོའི་མི་ཡུལ་ལ་སྤྱོད་ཀྱི་ཞིང་དུ་སྐུ་ཚབ་མཆོད་པའི་རྟེན་དུ་བསྐལ་བ་མ་སྟོང་གི་བར་དུ་བཞུགས་པར་ཞས་ཤིང་བརྟན་བཞུགས་མཛད་པའི་ཨོ་རྒྱན་ཞལ་མི་གཉིས་པའི་ཚུལ་དུ་བཞུགས། དབུ་ཐོག་ཏུ་སྒྲུབ་པ་བཀའ་བརྒྱད་ཀྱི་དཀྱིལ་འཁོར་ཉི་མ་རང་ཤར་དང་། ལོགས་བྲིས་སུ་ཀློང་གསལ་དག་སྣང་གི་གུ་རུའི་རྣམ་ཐར་དང་བསྟན་སྲུང་མ་གཟའ་རྡོར་གསུམ་བཅས་རབ་གནས་མ་དང་། ཕྱིའི་མཚམས་ཆེན་དུ་ཀློང་གསལ་ཕྱག་བཟོ་སློབ་དཔོན་གཙོ་འཁོར་གསུམ་བཅས་བཞུགས་པ་དེ་དག་བར་སྐབས་སྙིགས་དུས་ཀྱི་སྐྱེ་འགྲོ་བསོད་ནམས་དམན་པའི་དབང་གིས་འཇིག་པ་ཅུང་ཟད་བྱུང་ནའང་རྒྱལ་སྲས་དུང་རབས་ལྔ་པའི་ཐུགས་བསྐྱེད་ལས། དགོན་ཡུལ་སྡེ་འབངས་ཐམས་ཅད་ཀྱིས་ཉམས་པ་གསོས་ནས་སྐུ་རྟེན་གུ་རུ་མཚན་བརྒྱད་དང་། གསུང་རྟེན་སྔ་འགྱུར་བཀའ་མ་རིན་ཆེན་གཏེར་མཛོད་ལ་སོགས་ནང་རྟེན་གྱི་བྱེ་བྲག་རི་མོ་ངོས་བྲིས་སོགས་གང་ཐད་ནས་སྣགར་ལས་བཞུགས་པ་ཡིན་ནོ།།

གཙུག་ལག་ཁང་མཐོང་གྲོལ་ཁམས་གསུམ་ཟིལ་གནོན་ཚོགས་ཁང་ཀ་བ་དྲུག་ཅུའི་ས་དེར། བསྐལ་བཟང་རྣམ་འདྲེན་བཞི་པའི་སྐུ་དང་དེའི་ལྷག་ན་འཕགས་པ་གནས་བརྟན་ཆེན་པོ་བཅུ་དྲུག་བྲག་རི་མ་དང་རྒྱན་དྲུག་མཆོག་གཉིས། གཡས་སུ་བོད་གངས་ལྗོངས་ཀྱི་ལྷ་སྐལ་འཕགས་པ་སྤྱན་རས་གཟིགས་ཕྱོག་སྟོང་སྤྱན་སྟོང་གཙོ་འཁོར་གསུམ། ཀློང་གསལ་འདྲ་སྐུ་གྲགས་ཅན་དང་། གཡོན་དུ་གུ་རུ་མཚོ་སྐྱེས་རྡོ་རྗེ་སོགས་སྐུ་རྟེན་བྱིན་ལྡན་དུ་མ་དང་། དྲ་མིག་རྣམས་སུ་རྒྱལ་བའི་བཀའ་འགྱུར་སོགས་གསུང་རྟེན་ཁྱད་འཕགས་གང་མང་དང་། གཞན་ཡང་འཁོར་འབར་མཆོད་རྟེན་སོགས་ཐུགས་རྟེན་དུ་མ་དང་། ཀློང་གསལ་སྙིང་པོའི་ཀྲམ་མཚོ་ཕུ་ནས་གཏེར་དྲངས་པའི་གཏེར་ཁྲོ་དང་གཏེར་དུང་། འབག་ཁང་དུ་ཀློང་གསལ་ཕྱག་བཟོ་ཞལ་འབག་བྱིན་ལྡན་དུ་མ་དང་། ངོས་བྲིས་རྗེ་འབངས་ཉེར་ལྔ་དང་རྒྱ་གར་གྲུབ་ཆེན་བརྒྱད་ཅུ། ཀློང་གསལ་བླ་བརྒྱུད་དང་གངས་ཅན་འཇམ་དབྱངས་རྣམ་གསུམ་བཅས་དང་། གསང་སྔགས་སྒྲུབ་ཁང་འདོད་ཁམས་བདག་མོའི་བཞུགས་གནས་མགོན་ཁང་ནང་དུ་བསམ་ཡས་ལ་འདུལ་གྱི་མཆོད་རྟེན་ཆེན་མོ་དང་། རཏྣ་གླིང་པས་བཞེངས་པའི་མགོན་པོ་ཚོགས་བདག ཀློག་གསལ་ཤངས་ཁྲག་གི་བྲིས་པའི་འདོད་ཁམས་ལྷ་མོའི་དྲེལ་ཞོན་མའི་ཞལ་ཐང་དང་མ་གཟའ་རྡོར་གསུམ་གྱི་ཞལ་ཐང་དང་། འབྲུ་ཚ་སྒམ་པོའི་ཐུགས་དམ་གྱི་རྟེན་མ་མགོན་མགར་ཐང་དང་། ཙན་དན་དཀར་དམར་ལས་གྲུབ་པའི་གུ་དྲག་དང་གུར་མགོན་གཉིས་ཀྱི་སྐུ་བརྙན་དང་། གྲུབ་ཆེན་ཐང་སྟོང་རྒྱལ་པོས་རྒྱ་གར་ནས་ས་སྣ་དང་རྒྱ་ནག་ནས་ཆུ་སྣ་བསྡུས་ཏེ་བཞེངས་པའི་གཏེར་གྱི་བུམ་པ། ནང་དུ་ཀློང་གསལ་སྙིང་པོའི་ཚུན་གྲུབ་ཆེན་གོང་མ་རྣམས་ཀྱིས་བསྒྲུབ་པའི་མྱོང་གྲོལ་རིལ་བུའི་གང་བ་བཅས་དང་། འགངས་ཤིན་ཏུ་མཐོ་བའི་རྒྱ་ནག་སྦུབ་ཆལ་དང་འབྲུག་གཉིས་ཁ་སྤྲོད། གྲལ་རྒྱས་འདོད་སོགས་སྦུབ་ཆལ་དང་རོལ་ཆས་སྐོར་དུ་མ་བཞུགས་སུ་གསོལ།

[page 113] དེ་ལྟར་མ་དགོན་དཔལ་རྒྱལ་བ་ཀཿཐོག་པའི་ཕྱག་སྲོལ་ལྟར་ཁྱིམ་དུད་བརྒྱ་དང་བདུན་ཅུ་ལྷག་གི་ཡིག་སྦྱོར་ལ་བརྟེན་ཏེ་གྲྭ་བ་ཞལ་གྲངས་བརྒྱ་ལྷག་གིས་ལོ་ལྟར་བོད་ཟླ་བཞི་པའི་ཚེས་བཅོ་ལྔ་ལ་སྙུང་གནས་དང་། བོད་ཟླ་དྲུག་པའི་ཚེས་བཅུ་ལ་ཚེས་བཅུ་དང་། བོད་ཟླ་བརྒྱད་པའི་ཡར་ཚེས་ལ་མ་ཎི་བུམ་སྒྲུབ། བོད་ཟླ་བཅུ་གཉིས་པའི་ཚེས་ཉེར་གསུམ་ནས་དགུ་གཏོར་ཆེན་མོ་ཉིན་བརྒྱད་ལ་འཚོགས་དགོས་པ་ཡིན་ནོ།

ངོ་རྒོལ་བཞི་དང་རིག་གསར་སྐབས་དགོན་པ་རྟེན་པར་བཅས་པ་མིང་གི་ལྷག་མར་གྱུར། སླད་ནས་ཆོས་དད་རང་མོས་ཀྱི་གོ་སྐབས་བྱུང་སྟེ། འདུ་ཁང་དང་རིག་འཛིན་ལྷ་ཁང་ཨོ་རྒྱན་གྲྭ་ཁང་བཅས་གསར་བསྐྲུན་མཛད་དེ། འདུ་ཁང་དུ་རྒྱུ་སྨན་འདམ་ལས་གྲུབ་པའི་གུ་རུ་དང་སྟོན་པ་ཀློང་གསལ་སོགས་དང་། ཨོ་རྒྱན་ལྷ་ཁང་དུ་རྒྱུ་སྨན་འདམ་ལས་གྲུབ་པའི་གུ་རུ་རྩེག་ཚད་གཉིས་དང་རྒྱུ་ཟངས་གསེར་ལས་གྲུབ་པའི་སློབ་དཔོན་མི་ཚད་ཙམ་དང་། སྔོན་གྱི་ཐང་རྙིང་རིག་འཛིན་ཀློང་གསལ་སྙིང་པོའི་ཤངས་ཁྲག་གིས་བྲིས་པའི་ཞལ་ཐང་། གྲུབ་ཆེན་ཐང་སྟོང་རྒྱལ་པོའི་གཏེར་བུམ་བཅས་བཞུགས་སུ་གསོལ་ཏེ་ཁྱིམ་དུད་བརྒྱ་ལྷག་གི་ཡོན་སྦྱོར་སོགས་ལ་བརྟེན་ནས་དགེ་འདུན་ཞལ་གྲངས་བརྒྱ་ལྷག་གིས་སྔོན་མ་ནང་བཞིན་ཚེས་དུས་སྒྲུབ་མཆོད་སོགས་འཚོགས་པ་ཡིན་ནོ། དགོན་པའི་ལོ་རྒྱུས་འདི་ནི་དགོན་པའི་གནས་ཡིག་གཞི་བྱས་ཏེ་གྲྭ་རྒན་རྣམས་ཀྱི་གསུང་སྒྲོས་ཁུངས་ཐུབ་རྣམས་ལས་ཟུར་བརྒྱན་ཏེ་མུ་པོས་བྲིས་པའོ།

ས་མིང་ཚིག་མཛོད་མིག་བཤར།

གཡུང་དྲུང་བོན་གྱི་འདུས་གནས་ཆེན་པོ་སྒྲུབ་སྡེ་གཡུང་དྲུང་བདུད་འདུལ་གླིང་གི་རུ་ལག་བཀྲ་ཤིས་པའི་གཙུག་ལག་ཁང་གཤེན་བསྟན་རབ་རྒྱས་གླིང་འདི་ནི། བདུད་རྩི་རྒྱལ་མཚན་ཞེས་པ་དེ་མདོ་སྨད་འབོར་སྒང་ཞེས་པའི་ཡུལ་དུ་དབྲ་རིགས་འགྲོ་མགོན་གདུང་སྲས་སུ་ངོ་མཚར་རྟགས་མཚན་དུ་མ་དང་བཅས་སྐུ་བལྟམས། སྐྱེས་སྦྱངས་ཀྱི་ཤེས་རབས་ཤིན་ཏུ་ཡངས་བས་སྐུ་ཆུང་དུས་ནས་འབྲི་ཀློག་སོགས་མཁས་པ་ཆེན་པོར་གྲགས། དགུང་གྲངས་ཉེར་གཅིག་པ་（སྤྱི་ལོ་དྲུག་བརྒྱ་ཉི་ཤུ་）རྣམ་གནོན་ཞེས་པ་ལྕགས་ཕོ་འབྲུག་གི་ལོ་ལ་བཞག་སྒང་དྲན་པ་ཞི་ཁྲོའི་གཡས་ཟུར་དུ་གཙུག་ལག་ཁང་རྟེན་དང་བརྟེན་པ་གསར་དུ་བསྐྲུན་ཏེ། མེ་གཉོས་རྣམ་གཉིས་ལ་སོགས་མཁས་གྲུབ་དུ་མའི་ཞབས་ལ་གཏུགས་ཡེ་ཕྱི་ནང་གསང་བའི་བོན་སྒོ་མ་ལུས་པ་ལ་ཐོས་བསམ་གྱིས་སྒྲོ་འདོགས་ལག་པར་བཅད། ཁྱད་པར་དུ་དགུང་གྲངས་ཉེར་ལྔའི་དུས་འགྲོ་མགོན་གཡོར་མེད་དྲུང་དུ་དག་པ་དྲག་སྲོང་གི་སྡོམ་པ་བླངས་ནས་ཚུལ་མིང་བདུད་རྩི་རྒྱལ་མཚན་གསོལ་ཏེ། གསང་སྔགས་ཕྱི་ནང་གི་དབང་བཞི་ཡོངས་རྫོགས་ནོད་དེ་བསྙེན་སྒྲུབ་མཐར་ཕྱིན་མཛད། འཆད་རྩོད་རྩོམ་གསུམ་གྱི་སྒོ་ནས་གདུལ་བྱ་དུ་མ་སྨིན་པར་མཛད་དེ་དགུང་གྲངས་ལྔ་བཅུ་རྩ་བརྒྱད་དུས་སུ་གཟུགས་སྐུའི་བཀོད་པ་དབྱིངས་སུ་བསྡུས་སོ།

དེ་ནས་འ་ཞ་བློ་གྲོས་རྒྱལ་མཚན་ནི་སྤྱི་ལོ་དྲུག་བརྒྱ་ཉེར་བཞི་ཉི་སྒྲོལ་བྱེད་ཅེས་ལ་ཤིང་ཕོ་སྤྲེལ་ལོ་ལ་སྐུ་བལྟམས་ཏེ། དགུང་གྲངས་ཉེར་བརྒྱད་དུས་སུ་ཁུ་དབོན་བདུད་རྩི་རྒྱལ་མྶྟཧན་དྲུང་དུ་རབ་ཏུ་བྱུང་ནས་ཚུལ་མིང་བློ་གྲོས་རྒྱལ་མཚན་གསོལ། སྐྱིད་མཁར་དུ་སློབ་དཔོན་མེའུ་དྲུང་དུ་བྱོན་ནས་ཕྱི་ནང་གསང་བའི་དབང་ལུང་མ་ལུས་རྫོགས་པར་གསན། ཁྱད་པར་དུ་ཁུ་ཚ་བཞག་སྟོན་སོགས་ཀྱི་གཏེར་ནས་ཐོན་པའི་བོན་སྡེ་རྣམས་ཀྱི་དབང་ལུང་མན་ངག་རྒྱུན་མཐུད་ཅིང་དེ་རྣམས་འཛིན་སྐྱོང་སྤེལ་གསུམ་མཛད་པ་མ་ཟད། འགྲོ་མགོན་བདུད་རྩི་རྒྱལ་མཚན་གྱི་རྗེས་སུ་འབྲངས་ནས་ལུང་དོན་གྱི་ངོ་སྤྲོད་གདམས་པ་དམར་ཁྲིད་དང་བཅས་པ་བུམ་པ་གང་བྱོས་ཀྱི་ཚུལ་དུ་གནང་ནས་དབེན་གནས་རྣམས་སུ་ཉམས་སུ་བླངས་ཏེ་ཉམས་རྟོགས་དཔག་མེད་ཤར། ཁོད་སྤུངས་དྲན་པ་མཇལ་ནས་རྩ་རླུང་འཕོ་ཁྲིད་གདམས་པ་སོགས་གནང་ནས་སྣང་སྲིད་ལེགས་ཉེས་ཐམས་ཅད་མ་སྒྲུབ་ས་སེར་མཁྱེན་པའི་གྲུབ་རྟགས་དང་རྫུ་འཕྲུལ་དཔག་མེད་ལ་དབང་འབྱོར། མཁས་ཚུལ་གསུམ་གྱི་བློ་གྲོས་སྤོབས་པ་རྒྱ་ཆེན་པོ་ཐོབ་ནས། བསྟན་བཅོས་རྩ་རྒྱུད་གསེར་ཐུབ་འགྲེལ་ཆེན་དང་འཕྲུལ་སྒྲོན་སོགས་པོད་དུ་མ་ཞིག་མཛད་ནས་འཆད་རྩོད་རྩོམ་གསུམ་གྱི་[page 117] སྒོ་ནས་བསྟན་པ་བསྐྱངས། དགུང་གྲངས་དྲུག་ཅུ་རྩ་གསུམ་གྱི་སྟེང་དུ་གཟུགས་སྐུའི་བཀོད་པ་ཆོས་དབྱིངས་སུ་བསྡུས་ཏེ་གདུང་ལ་འཇའ་འོད་ཀྱིས་གུར་ཕུབ་ཅིང་གདུང་དང་རིང་བསྲེང་དུ་མ་ཕྱི་རབས་ཀྱི་རྟེན་དུ་བཞག་པ་ཡིན་ནོ།

ལྷོ་འགྲོ་བའི་མགོན་པོའི་གདུང་ལས་ཉེ་བར་བྱོན་པའི་བླ་རབས་དག་གི་སྐུ་རིང་ལ་ལུང་གི་བོན་ལ་འཆད་ཉན་དང་རྟོགས་པའི་བོན་ལ་སྒོམ་སྒྲུབ་མཛད་ནས་སྔ་དར་འཕྲུལ་ངག་གཡུང་དྲུང་བོན་གྱི་བསྟན་པ་འཛིན་སྐྱོང་སྤེལ་གསུམ་ཇི་ལྟར་མཛད་པའི་ཚུལ་ནི། འགྲོ་མགོན་བདུད་རྩི་རྒྱལ་མཚན་སྐུ་རིང་དུ་སྟོད་མངའ་རིས། བར་དབུས་གཙང་། སྨད་མདོ་ཁམས་སོགས་ནས་སྐལ་ལྡན་གྱི་སློབ་མ་རྣམས་འདུས་ཏེ། ཕྱི་འདུལ་བ་ནང་གསང་སྔགས་གསང་བྱང་སེམས་ཡང་གསང་རྫོགས་པ་ཆེན་པོའི་གན་ངག་བཅས་ལ་འཆད་ཉན་སྒོམ་སྒྲུབ་བྱེད་པའི་སྐྱེས་ཆེན་དམ་པ་དུ་མ་བསྐྲུན་པ་ལས། ནང་ཐུགས་ཟིན་ཀྱི་སློབ་མ་མཆོག་ཏུ་འགྱུར་པ་ནི། ལ་སྟོད་ཚུལ་ཁྲིམས་རྒྱལ་མཚན། གཙང་བྲུ་སྟོན་འདུལ་བ། མདོ་ཁམས་ཁྲོ་ཚང་ཚུལ་རྒྱལ། སྐྱེས་བུ་དམ་པ་བློ་གྲོས་རྒྱལ་མཚན་ཞེས་སོགས་རྒྱལ་ཚབ་རིམ་བྱོན་གྱིས་གཡང་དྲུང་བོན་གྱི་བསྟན་པ་འདི་བཤད་སྒྲུབ་གཉིས་གྱི་སྒོ་ནས་རྒྱ་ཆེར་སྤེལ་བར་མ་ཟད། ཤར་རྫ་བཀྲ་ཤིས་རྒྱལ་མཚན། འགྲོ་འདུལ་གར་དབང་གསང་སྔགས་གླིང་པ་སོགས་ཀྱིས་བོན་སྐོར་རྣམས་ལྷག་ལུས་མེད་པར་བུམ་པ་གང་བྱོས་ཚུལ་དུ་གནང་བ་མ་ཟད་ཞི་ཁྲོ་དམ་པ་རིགས་བརྒྱའི་གནནས་ནས་ངན་སོང་རང་གྲོལ་ཞི་ཁྲོ་དགོངས་པ་ཀུན་འདུས་དང་གསེར་སྐུ་དུ་མ་ཞིག་གཏེར་ནས་དྲངས་པ་ཡིན་ནོ། བོད་རབ་བྱུང་བཅུ་དྲུག་པའི་སྟོད་ཙམ་དུ་སུ་ལ་པནྟི་ཏ་བསྐལ་བཟང་བསྟན་པའི་རྒྱལ་མཚན་བྱོན་ཏེ་ཆར་ལྡན་དབྱར་གྱི་དུས་རིག་གནས་མདོ་སྔགས་དནག་ཅྦས་པའི་བཤད་ཁྲིད་དང་། བསིལ་ལྡན་དགུན་གྱི་དུས་སུ་རྒྱུད་སྡེ་བཞི་དང་འབྲེལ་བའི་ཉམས་ལེན་གྱི་རིམ་པ་རྒྱས་བཤད་གནང་ནས་རིས་མེད་ཀྱི་སྐྱེས་ཆེན་སྨྲ་བའི་དབང་པོ་དུ་མ་སྤེལ་བ་ཡིན་ནོ། ད་སྐབས་མཆོག་སྤྲུལ་བསྐལ་བཟང་བསྟན་རྒྱལ་གྱི་རྣམ་རོལ་དམ་པ་ཡོངས་འཛིན་འཆི་མེད་རྣམ་རྒྱལ་དཔལ་བཟང་པོ་གང་ཉིད་གཞོན་ནུའི་དུས་ནས་སྐྱེས་ཆེན་དམ་པ་དུ་མའི་ཞབས་རྡུལ་སྤྱི་བོར་བླངས་ཏེ། མཁྱེན་རབ་དྲི་མ་མེད་པའི་རྩལ་རྫོགས་ནས་མཁས་གྲུབ་ཀྱི་སྙན་གྲགས་ཕྱོགས་ཀུན་ཁྱབ། འགྲོ་མགོན་བློ་གྲོས་རྒྱལ་མཚན་དང་མཉམ་མེད་ཤེས་རབ་རྒྱལ་མཚན་ཤར་རྫ་བཀྲ་ཤིས་རྒྱལ་མཚན་ལ་སོགས་པའི་གསུང་རྣམས་ལ་འཆད་ཉན་མཛད་པའི་གཡུང་དྲུང་བོན་གྱི་བཤད་སྒྲུབ་ཀྱི་སྡེ་དེ་བོད་རབ་བྱུང་བཅུ་བདུན་པའི་སྐྱེས་བདག་ཅེས་པ་ལྕགས་མོ་ལུག་གི་བཙུགས་ཏེ། དབྱར་དུས་སུ་བཤད་གྲྭ་དང་དགུན་དུས་སུ་སྒོམ་གྲྭ་གཉིས་ལ་འཆད་ཉན་བྱེད་བཞིན་ཡིན་ནོ།

སྐུ་གསུངས་ཐུགས་རྟེན་སྐོར་ལ། སྤྱིར་འགྲོ་མགོན་གུདང་རབས་གོང་མའི་སྐྱེས་ཆེན་རིམ་བྱོན་གྱིས་བཞེངས་པའི་རྟེན་དནག་བརྟེན་པའི་གྲངས་དཀར་པ་འདི་ཙམ་ཞེས་སྨྲ་མི་ནུས་ཀྱང་གངས་ཅན་བོད་ཀྱི་དྲན་དབང་དུ་མའི་ཟུར་ཕུད་ལ་ཞབས་ཀྱི་པད་མོའི་ངལ་གསོ་ཐོབ་པའི་པནྟི་ཏ་ཆེན་པོ་འ་ཞ་བློ་གྲོས་[page 118] རྒྱལ་མཚན་གྱི་སྐུ་རིང་དུ་དངོས་སུ་བཞུགས་པའི་མཚན་ཐོ་ཙམ་བཀོད་ན། དེའང་ས་ལ་བཀྲ་ཤིས་པའི་རྟགས་མཚན་རབ་ཏུ་ལྡན་པའི་དཀྱིལ་དུ་བཤད་སྒྲུབ་རབ་བརྟན་གཡུང་དྲུང་བདུད་གླིང་ཞེས་པའི་འདུ་ཁང་ཀ་བ་བཅུ་ཕྲག་དུ་མ་ཡོད་པ་ཞིག་དང་། བཤད་གྲྭ་ཁང་། སྒྲུབ་གྲྭ་ཁང་། གསོལ་ཇ་ཁང་། ཀ་བ་བཅུ་ཕྲག་དུ་མ་ཡོད་པའི་གྲྭ་ཤག་དྲུག་ཅུ་ལྷག་ཙམ་བཅས་བཞུགས་པ་ལས། འདུ་ཁང་དུ་རྒྱ་ནག་ས་དབང་གི་རྒྱལ་པོས་ཕུལ་བའི་ལོངས་སྤྱོད་རྫོགས་སྐུའི་ཆས་ཅན་གསུང་འབྱོན་མ་གཞོན་ནུ་ལོ་བཅུ་དྲུག་ཙམ་གཅིག་གི་མཐའ་འཁོར་དུ་ཐུགས་སྲས་ཉེ་བའི་སྲས་བརྒྱད་པོ་བྱིས་པ་ལོ་བརྒྱད་ཙམ་དང་། གཞན་ཡང་སྐུ་རྟེན་ལ་གསེར་སྐུའི་ལི་མ་བཅུ་ཕྲག་དུ་མ་དང་། རྒྱུ་གསེར་དངུལ་ལས་བྲིས་པའི་མཛད་པ་བཅུ་གཉིས་ཀྱི་ཐང་ཁ་སོགས་བརྒྱ་ཕྲག་ལྷག་དང་། འགྲོ་དགོན་བླ་རབས་ཀྱིས་གཏེར་ནས་དྲངས་པའི་རྟེན་གསུམ་ནང་གསེར་གྱི་སྟོང་ལྗོངས་སོགས་སྐུ་རྟེན་འདྲ་མིན་དུ་མ་དང་། གསུང་རྟེན་རྒྱལ་བའི་བཀའ་འགྱུར་ཆེན་མོ་ཆ་གཅིག རྗེ་མཉམ་མེད་བཀའ་འབུམ་ཆ་ཚང་གཅིག ཤར་རྫ་བཀྲ་ཤིས་རྒྱལ་མཚན་བཀའ་འབུམ་ཆ་གཉིས། མཐོང་གྲོལ་ཆེན་པོ་གཏེར་བརྒྱའི་ཁྱུ་མཆོག་གསང་སྔགས་གླིང་པའི་གཏེར་ནས་དྲངསཔའི་བོན་སྐོར་དང་བཀའ་མ་བཅས་པོད་བཅུ་ཕྲག་ལྷག་དང་། སུ་ལ་པནྟི་ཏ་ཆེན་པོ་དབྲ་སྟོན་ངག་དབང་བསྐལ་བཟང་བསྟན་པའི་རྒྱལ་མཚན་གསུང་འབུམ་མགུར་མ་དང་བཅས་པོད་བཅུ་ཕྲག་ལྷག་གིས་མཚོན་བཀའ་མ་དང་གཏེར་མ་སོགས་པོད་བརྒྱ་ཕྲག་དུ་མ་དང་། ཐུགས་རྟེན་ལ་རྒྱུ་ཟངས་གསེར་ལས་གྲུབ་པའི་མཆོད་རྟེན་རྩེག་ཚད་མ་གཉིས་བཅས་བཞུགས་སོ།

སྒྲུབ་རྒྱུད་བསྟན་པའི་རྒྱུན་སྲོལ་རགས་ཙམ་བརྗོད་པ་ལ། བོད་ཟླ་དང་པོར་ཆོ་འཕྲུལ་ཟླ་བ་རྫོགས་པ་དང་པོ་ནས་འགྲོ་འདུལ་གར་དབང་གསང་སྔགས་གླིང་པའི་གཏེར་ཆོས་བླ་མ་སྐུ་གུསམ་དྲག་ཕུར་དཀྱིལ་འཁོར་ཞལ་ཕྱེས་ཏེ་སྐྱིལ་འཁོར་ཞི་སྒྲུབ་དྲུག་ནས་བཟུང་སྒྲུབ་པའི་ཡན་ལག་བཅོ་བརྒྱད་དང་བཅས་ཚང་མ་དང་གར་འཆམ་བཅུ་ཕྲག་བཞི་ལྷག་ཙམ་གྱིས་ཞག་བདུན་ཕྲག་གཅིག་ལ་སྒྲུབ་མཆོད་དང་ཟོར་འཆམ་བཅས་དང་། བོད་ཟླ་བཞི་པ་ས་ག་ཟླ་བའི་ཚེས་བརྒྱད་ནས་ཡུལ་དགོན་གཉིས་ཀྱིས་དུས་ངན་སྙིགས་མའི་ལྷ་སྐལ་བླ་ཆེན་དྲན་པའི་ཐུགས་སྲས་གུ་རི་པདྨ་འབྱུང་གནས་ཐུགས་སྲོག་གི་སྙིང་པོའི་སིདྡྷ་ཉིན་བདུན་དང་། བོད་ཟླ་ལྔ་པའི་ཚེས་ལྔ་ནས་བོད་ཟླ་དྲུག་པའི་ཚེས་བཅོ་ལྔའི་བར་དགེ་འདུན་པ་ཀུན་འདུས་ནས་བཀའ་འགྱུར་དག་ཚང་དང་། མདོ་དྲི་མེད་གཟི་བརྗིད་ལས་བྱུང་བའི་སྤྱན་འདྲེན་གྱི་ཆོ་ག་བདེ་གཤེགས་ཀུན་རིག་སྒྲོལ་མ་ཉིན་ཉེར་ལྔ་དང་། བོད་ཟླ་དྲུག་པའི་ཚེས་བཅོ་ལྔ་ནས་བདུན་པའི་ཚེས་སུམ་ཅུའི་བར་དབྱར་གནས་ཟླ་བའི་ཕྱེད་གཉིས་ལ་གཞི་གསུམ་ཆོ་ག་དང་ཐུན་མཚམས་སུ་མཚམས་སུ་སྡོམ་གསུམ་དང་བཀའ་ལུང་རྒྱ་མཚོ་སྡེ་སྣོད་མཛོད་སོགས་ཀྱི་འཆད་ཉན་དང་། བོད་ཟླ་དགུ་པའི་ཚེས་ཉེར་གཉིས་ནས་དབལ་བོན་སྟག་ལྷའི་དགུ་གཏོར་ཉིན་བདུན་ཟོར་འཕངས་དང་བཅས། བོད་ཟླ་བཅུ་གཅིག་པའི་ཚེ་ཉེར་གཉིས་ནས་ཡིད་དམ་ཁྲོ་ཕུར་ཞང་གུསམ་སྦྲག་ནས་ཉིན་བདུན་བར་འཚོགས་དགོས་པ་ཡིན་ནོ།

[page 119] བཤད་སྒྲུབ་འཛུགས་རྟེན་དང་ཚོགས་པའི་གཏོང་སྒོ་ནི། སྔོན་རྒྱ་ནག་དང་བོད་ཀྱི་དབང་རྣམས་ཀྱིས་ཡོན་བདག་བགྱིས་ཏེ་གཙུག་ལག་ཁང་རྟེན་དང་བརྟེན་པ་བཅས་བཞེངས་པའི་མཐུན་རྐྱེན་སྒྲུབ་མཆོད་ཐེབས་འཚོ་བའི་ཡོན་བདག་ནི་མཆོད་ཞིང་བརྒྱ་དནག་རྩ་བརྒྱད་དང་དེ་མིན་ཚོགས་པའི་རྟེན་བཞག་ཐམས་ཅད་དགོན་གཞུང་གིས་འབྲུ་རིགས་ལོ་ལྟར་ལེན་སྲོལ་ཡོད། གཞན་ཡང་བཤད་སྒྲུབ་དང་དུས་མཆོད་སོ་སོའི་མཆོད་ཐེབས་སུ་འགྲོ་བའི་དངུལ་ཁྲི་ཚོ་ལྔ་ལྷག་ཙམ་ཡོད་དོ།

སྔོན་འགྲོ་མགོན་བློ་གྲོས་རྒྱལ་མཚན་ཡར་སྔོན་དང་སེའི་སྐབས་རྣམས་སུ་བསྟན་པ་འོད་པོ་ཆེ་གངས་ཅན་གྱི་འཛིན་མའི་ཕྱོགས་ཀུན་ཁྱབ་པར་སྤེལ་བས་མདོ་སྨད་ཀྱི་དགོན་ཁག་ཕལ་ཆེར་འགྲོ་མགོན་གྱི་མགོན་ལག་ཏུ་གྱུར་ཚུལ་བཤད་སྲོལ་ཡོད་མོད། བཞག་སྟོད་བོན་བསྟན་དགོན་དང་། སྟེང་ཆེན་དགོན། བཞག་སྨན་ཞྭ་དཀར་བྲག་སྐར་དགོན་དེ་གསུམ་འགྲོ་མགོན་གྱི་དགོན་ལག་ཏུ་ངེས་པ་ཡིན་ནོ། དེའི་རྗེས་དུས་ཀྱི་འཕོ་འགྱུར་དང་བསྟན་པ་མར་འགྲིབ་ཀྱི་དུས། དགོན་ལག་དེ་དག་ཀྱང་ཉམས་རྒུད་དུ་གྱུར། སྐྱབས་མཆོག་གཡུང་དྲུང་བོན་ལ་སྤྱོད་པའི་སྐལ་བ་མེད་པས་གྲུབ་བརྙེས་གར་དབང་རྡོ་རྗེ་ཡང་མཁར་སྤྱོད་དུ་གཤེགས་པ་དང་། མཆོག་སྤྲུལ་བསྐལ་བ་བཟང་བསྟན་རྒྱལ་མ་བྱོན་གྱི་བར་དུ་འགྲོ་མགོན་གྱི་བསྟན་པ་འོད་པོ་ཆེ་དེ་ནུབ་ཕྱོགས་ཆུ་ལྷའི་རི་ལ་ཉེ་བའི་སྐབས། གར་དབང་རྣམ་རོལ་དག་པ་ཆུ་ཤེལ་ཀྱི་སྐྱིལ་འཁོར་གསར་དུ་ཚེས་བས། རབ་བྱུང་བཞི་པའི་སྨད་ཙམ་དུ་ཁོང་གི་ཐུགས་རྗེའི་འོད་ཟེར་དང་ཉག་སྐལ་བཟང་དགོན་པ་གཅིག་པུ་ལ་བརྟེན་པས་དེའི་དགོན་ལག་ཏུ་གྱུར། དེ་ནས་འགྲོ་མགོན་གྱི་བསྟན་པ་སླར་ཉམས་གསོས་བྱས་ནས་ནམ་ལངས་ཀྱི་ཉི་འོད་བཞིན་དུ་རྒྱས་ན་ཡང་། ངོ་རྒོལ་བཞི་དང་རིག་གནས་གསར་བརྗེ་སྐབས་རྣམས་སུ་བཤད་སྒྲུབ་ཀྱི་སྲོལ་སྟོང་བ་ཅི་སྨོས། གཙུག་ལག་ཁང་རྟེན་དང་བརྟེན་པར་བཅས་པ་ཐལ་བའི་རྡུལ་དུ་བརླགས་ནས་ལོ་ངོ་སུམ་ཅུ་སོ་གྲངས་སོང་བ་ཡིན་ནོ།

སླར་ཡང་བཞག་ཡུལ་པདྨའི་དགའ་ཚལ་འགྲོ་མགོན་གཡུང་དྲུང་བདུན་འདུལ་གླིང་གི་བཤད་སྒྲུབ་ལས་གསུམ་གྱི་སྒོ་ནས་སྐྱོང་བའི་སྐལ་བཟང་བ་པོ་དང་འཕྲད་ནས་གཙུག་ལག་ཁང་ཀ་བ་བཅུ་གཉིས་དང་། གྲྭ་ཤག་སུམ་ཅུ་སོ་གྲངས་ཙམ་བཞེངས་བསྐྲུན་བྱས་ཏེ། སྐུ་གསུང་ཐུགས་རྟེན་རྙིང་པ་ལྷག་ལུས་ཡོད་པ་རྣམས་དད་ལྡན་འགས་རང་མོས་ཀྱིས་ཕུལ་བ་དང་། གསར་དུ་རྒྱུ་སྨན་འདམ་ལས་གང་འཚམ་རེ་བསྐྲུན་ཏེ། སེམས་དཔའ་བདུན་ཅུ་ལྷག་ཙམ་གྱི་སྦྱིན་བདག་ཁྱིམ་དུད་བརྒྱ་ལྷག་གིས་འབུལ་བ་སོགས་ལ་བརྟེན་ནས་སྔ་སྲོལ་དུས་མཆོད་གར་འཆམ་དང་བཅས་རྨང་གཞི་ཙམ་ཚུགས་པ་ཡིན་ནོ། དེང་རྒྱལ་བསྟན་ཡང་དར་གྱི་སྐབས་འདི་ལ་གོང་མའི་ཞབས་ཀྱིས་བཅགས་ཚུལ་ནི། གྲུབ་པའི་དབང་མོ་རྗེ་བཙུན་མཁའ་སྤྱོད་དབང་མོ་འགྲོ་མགོན་གསེར་ཁྲི་ལ་མངའ་གསོལ་ཏེ་གདུལ་བྱ་སྣོད་ལྡན་དུ་མ་ལ་གསང་སྔགས་དབང་བཞི་བུམ་པ་གང་བྱོས་ཚུལ་དུ་བསྐུར། དེའི་རྗེས་འཇིག་རྟེན་འཁྲུལ་བའི་སྣང་བ་ལ་སྐྱོ་ཤེས་དྲག་པོ་ཐུགས་ལ་འཁྲུངས་ནས་ཚེ་གཅིག་དབེན་པའི་གནས་ཁོ་ན་བརྟེན་པའི་སྐྱེས་བུ་དམ་པ་ཉི་མ་ཚུལ་ཁྲིམས་བྱོན་ནས་[page 120] རྫོགས་ཆེན་དངོས་གཞིའི་མན་ངག་ཕྱག་བཞེས་དང་བཅས་དམར་ཁྲིད་ཀྱི་ཚུལ་དུ་གསུང་བར་མ་ཟད། འདུས་པ་ཀུན་ལ་དག་པ་དྲང་སྲོང་གི་སྡོ་པ་གནང་ནས་འདུལ་བའི་བསྟན་པ་རྒྱ་ཆེར་སྤེལ་བ་ཡིན་ནོ། བོད་རབ་བྱུང་བཅུ་བདུན་པའི་དྲག་པོ་ཞེས་པ་ལྕགས་ཕོ་སྤྲེལ་ལོའི་ཟླ་བ་དང་པོའི་ནང་ཉག་སྨད་ཀྱི་མཁས་གྲུབ་ཆེན་པོ་ཁོང་སྤུངས་རྒྱུད་འཛིན་གཡུང་དྲུང་དབང་རྒྱལ་བྱོན་ནས་དད་ལྡན་གྱི་ཡུལ་མི་ཀུན་ལ་མདོ་སྔགས་ཀྱི་སྐོར་དུ་མ་བསྩལ་བ་ཡིན་ནོ།

དགོན་པའི་བཅའ་ཡིག་ནི། བོད་གངས་ཅན་གྱི་ལྗོངས་འདིར་འཕྲུལ་ངག་གཡུང་དྲུང་བོན་གྱི་བཀའ་འོད་ཏུ་དད་པས་འདུས་པའི་གཤེན་སྡེའི་ཚོགས་རྣམས་ལ་ཟློ་བ། འདིར་གདུལ་བྱ་འཇིག་རྟེན་གྱི་བདེ་སྐྱིད་ནི་རྒྱལ་བའི་བསྟན་པ་ལ་ལྟོས་ཤིང་རྒྱལ་བསྟན་གཤེན་སྡེ་འདུས་པས་འཛིན་དགོས་པ་དགེ་འདུན་མཐའ་དག་བསྟན་པའི་གཞུང་ལམ་ནས་ཞུགས་པའི་བཅའ་སྒྲིག་གི་བཀའ་འོག་ཏུ་ཚུད་དགོས། དེ་ལ་གནས་སྡེ་གཅིག་ཏུ་ལས་འཕྲོ་དང་དད་པས་འདུས་ནས་གླིང་ཁ་གང་བབས་རྒྱན་ཤར་བསྡུམ་ནས་བཀའ་བཀོད་བློ་བླངས་མགོ་བཏུད་ཀྱིས་གཉའ་ལེན་དགེ་རྒན་དང་གནས་ཀྱི་མཁན་པོ་གང་རུང་བསྟེན་པ་དང་། འདུལ་ཆ་དངོས་གཙང་གྲྭ་བསྒྲིགས་ནས་བྱ་བ་ཅི་བྱེད་མགོ་འོག་ལུས་ཚུད་ཀྱིས་འདུལ་པ་གོང་ཀུན་ནས་མིག་མདས་མ་ཕོག་པར་བྱ་བ་དང་། ལེགས་ཚོགས་ཀྱི་གཞི་མ་འབྲི་ཀློག་དང་སྒྲིག་འདོན་གྱི་བོན་སྤྱོད་སྐབས་གང་བབས་བློ་འཛིན་དག་ཐོན་དགོས་པ་དང་། ཁྲོ་ཕུར་ཤང་གསུམ་རྣམ་ཀློང་རྒྱལ་གསུམ་སོགས་ཀུན་ཏུ་དགོས་པའི་སྒྲུབ་ཕྲིན་དང་སྒྲུབ་མཆོད་བཅུ་གཉིས་སོགས་སྐབས་ཀྱི་ཆོ་གའི་རིགས་འཛིན་ཀློག་བློ་ངོར་མ་ཤོར་བ་འདྲིས་པར་བྱ་བ་དང་། དུང་ཚིགས་བརྡ་གཏོང་དང་བསྟུན་ནས་ཚོགས་སུ་འཇུག་ངོས་ཆེ་མགོ་སྒྲིག་གསུམ་གྱི་གྲལ་རིམ་ཕན་ཚུལ་མ་འཛིར་བར་སྲོལ་དོད་ལུགས་བཞིན་གནས་པ་དང་། ཆོ་གའི་གཞུང་གི་སྦྱོར་དངོས་རྗེས་གསུམ་གདངས་འདུར་གང་བབས་སྐད་འགྲིག་སྙན་ལ་བརྗིད་ཆགས་སུ་གཏོང་བ་དང་། ལན་ཚན་སྐོས་ཐོབ་རྣམས་ཀྱིས་རོལ་མོ་ཐོག་མཐའ་གང་བབས་ཏེ་མདུན་ལས་ལང་ཤོར་ཅི་བདེར་མ་སོང་བར་སྐབས་དང་འབྱོར་བར་བྱ་བ་དང་། ལས་གཉེར་ཁྲིམས་གུསམ་སོགས་སོ་སོ་ནས་ཚོགས་ཀྱི་རྙེད་པ་ཇི་སྙེད་དམིགས་སུ་འགྲོ་ངེས་པའི་མཐུན་སྤྱོར་གྱི་འགན་ཁུར་མིང་ཙམ་དུ་མ་སོང་བའི་རྒྱུ་འབྲས་ཐུབ་ངེས་སུ་བྱ་བ་དང་། ཚོགས་པ་བྱིང་ནས་ཚོགས་བསགས་མདོ་ཆོག་རིགས་ཚོགས་ཁང་དང་དམ་གཙང་བསལ་བཏུས་ཀྱིས་སྔགས་ཆོག་རྣམས་སྒྲུབ་ཁང་དུ་གཞི་བཟུང་འཆོལ་མེད་སོ་སོར་བསྐྱང་བར་བྱ་བ་དང་། ལོ་ལྟར་གྱི་དབྱར་སོས་དང་ཡར་ངོ་རྣམས་ལ་གཞུང་དང་གདམས་ངག་གི་ཁྲིད་ལ་འཆད་ཉན་དང་དགུན་དཔྱིད་དང་མར་ངོ་རྣམས་ལ་གསང་སྔགས་ཕྱི་ནང་གི་བསྙེན་སྒྲུབ་ལ་འབད་པས་བརྩོན་པ་དང་། ཟླ་རེ་བཞིན་ཡར་མར་གྱི་གསོ་སྦྱོང་གཙོས་པའི་དུས་དང་རྒྱུན་གྱི་མཆོད་པའི་བཤམས་བདར་བྱི་དོར་སྒྲོས་ཐོན་བཅས་བསྒས་སྦྱང་གི་བྱ་བ་ལ་ཆེད་གཏད་ཀྱིས་འཇུག་པ་དང་། ཟླ་དུས་སུ་དངོས་གྲུབ་ཀྱི་ཆེད་དུ་ཞི་བ་ཀུན་བཟང་གཙོས་པའི་སྒྲུབ་མཆོད་བཅུ་གཉིས་དང་བསྟན་རིམ་གྱི་ཆེད་དུ་ཁྲོ་ཕུར་ཞང་གསུམ་གྱི་འབན་[page 121] ཟློག་རྣམས་གུས་སྦྱོར་རྟག་འགྲུས་ཀྱི་སྒོ་ནས་འབད་པ་དང་། ཕྲིན་ལས་ཀྱི་ལག་ལེན་སྤྱི་དང་ཐིག་ཚོན་གཏོར་བཟོ་གདངས་རོལ་གར་གསུམ་སོགས་རང་བཟོ་མེད་པར་ཁུངས་ལྡན་དང་ཚད་ལྡན་ཉིས་ཚོགས་སུ་བྱ་བ་དང་། སྤྱི་རིམ་དང་གསོན་གཤིན་གྱི་སྐུ་ཡོན་འདོན་སྒྲུབ་ཡོན་བདག་གི་བློ་མཐུན་སོ་སོར་དམིགས་ཕྱེད་པར་བྱ་བ་དང་། ལྟ་བ་ཡས་བབ་དང་སྤྱོད་པ་མས་འཛེགས་ཀྱི་བཀའ་སྲོལ་མདོ་སྔགས་ཟུང་འབྲེལ་གྱི་ཕྱག་ལེན་ལ་བསླབས་ནས་ཕྱི་ནང་གི་བྱ་བཞག་གོ་ལྡོག་ཏུ་མ་སོང་བར་བསྟན་པའི་དམིགས་རྐྱེན་དུ་འགྱུར་བར་བྱ་བ་དང་། བཀའ་བབས་གོང་མ་ཆེ་བཞི་དང་གཙང་སྟོན་དམ་པ་རིམ་བྱོན་གྱི་བཀའ་བརྒྱུད་ཁུངས་ནས་བྱུང་བ་རྣམ་བཤད་སྒྲུབ་ཀྱིས་ཐོས་བསམ་སྒོམ་སྒྲུབ་ལ་འཇུག་དགོས་པ་དང་། ཀུན་བཟང་རིགས་ཀྱི་ལམ་དབང་དང་རིག་འཛིན་མཁའ་འགྲོའི་ཚོགས་དང་སྙིང་པོ་རྣམ་གསུམ་གྱི་སྒོམ་བཟླས་རྣམས་ཆད་མེད་ལམ་སྲོལ་དུ་ཚུད་པ་ལ་བསླབ་པ་དང་། ཁྱད་པར་དབང་ཁྲིད་གདམས་པ་ཐོབ་རིམ་བཞིན་བསགས་སྦྱང་སྔོན་སོང་གིས་བསྙེན་བཟླས་སྤྱི་དང་ཉམས་ལེན་གྱི་ཐུགས་དམ་ལ་རྒྱུན་བཞུགས་གང་ནུས་ཆག་མེད་བྱ་བ་དང་། མཆོད་སྦྱིན་སྣ་རེ་དང་སྲུང་མའི་གཏོར་བསྔོ་གང་དགོས་རྒྱུན་ཆད་མེད་པར་གཏོང་བ་དང་། བརྒྱུད་པའི་ཁུངས་ཡོད་པའི་བཀའ་གཏེར་ལྔ་དར་གྱི་བོན་སྡེ་རྣམས་གཙོ་བོར་བྱ་བ་ལས་གསར་དར་གྱི་བོན་སྡེ་འདྲ་མེད་མིན་སྣ་ཚོགས་བསྲེས་ནས་ལྷད་འཛུད་མི་ཆོག་པ་དང་། དེའི་སྒོ་ནས་ཡོན་ཏན་གྱི་ཁྱད་པར་ཐོན་པ་བྱུང་རིགས་དང་མཐུན་པར་ཆེ་འདོན་མིང་བཏགས་དང་འབྲེལ་བར་བརྩི་བཀུར་བྱ་ངོ་ཤེས་པ་དང་། འཕྲལ་དུ་གྲྭ་ཇ་དང་ཁང་ཚན་མགོ་ཇ་སོགས་རྣམ་བཞག་གི་རིམ་པ་རྣམས་དགེ་རྒན་ཆེ་ཆུང་སོགས་སྔར་ལམ་བཞིན་བློ་མཐུན་གྱི་བཀའ་བཅད་ནས་ཁྲིམས་སུ་བསྟར་བ་དང་། དེ་དག་ལ་ཧམ་པས་གྱེན་ལོག་གི་སྒྲིག་ལམ་ལད་རྐྱེན་སུས་བྱེད་པ་དེ་མཚུངས་ཀྱི་ཆས་ལས་སོ་སོར་དབབ་དགོས་པ་བཅས་བཀོད་པ་གཙོ་བཏུས་སུ་བགྱིས་པ་སྟེ། ཡང་ན་གནས་བློ་བཏང་ནས་ཕན་ཚུན་མི་རེ་བར་རང་མགོ་འདོན་པའམ། ཡང་ན་འཕྲུལ་སྟེགས་བཞིན་ཕན་ཚུན་གྲ་འགྲིགས་ལ་གཡང་ཆགས་པས་གནས་སྡེའི་སྤུ་གྲྭ་མ་ཉམས་པ་ཞིག་དགོས་པས་འདུས་པའི་སྡེ་བཟང་ནས་བཀོད་འདོསམ་འདི་བཞིན་གལ་ཆེ་བ་བཅས་མཆོག་དམན་ཀུན་ཡིད་ངེས་འདྲོངས་ངོ་ཤེས་པར་གྱིས། འདི་ལ་འགལ་ཞིང་འཁྲུ་བའི་རིགས་ལ་དམ་ཅན་སྤྱི་དང་བཀའ་སྐྱོང་མ་མགོན་ལྕམ་དྲལ་གྱི་བྱ་ར་གྱིས་ལ་བཀའ་ཆད་པ་ཆོད། ཚུལ་འདི་བཞིན་ཉན་ཞིང་བསྒྲུབ་པ་རྣམས་ཀྱི་བར་ཆད་སོལ་ལ་མཐུན་རྐྱེན་དང་དགེ་ལེགས་ཡིད་བཞིན་དུ་འགྲུབ་པའི་གྲོགས་གྱིས་ཤིག ས་མ་ཡ། མུ་ཙུག་སྨར་རོ། འདི་ནི་རྒྱལ་རིགས་བྲུའི་གདན་ས་གཡས་རུ་དབེན་སའི་བཅའ་ཡིག་འགྲོ་མགོན་བློ་གྲོས་ཀྱི་གསུངས་ལས་བྱུང་བའོ། དགོན་པའི་ལོ་རྒྱུས་འདི་ནི་གྲྭ་འཆི་མེད་དང་ངག་དབང་བཙོན་འགྲུས་གཉིས་ཀྱིས་བྲིས་པའི་ལོ་རྒྱུས་ལ་གཞི་བྱས་བླ་མ་འཆི་མེད་སོགས་ཀྱི་ངག་རྒྱུན་ལས་ཟུར་བརྒྱན་ཏེ་མུ་པོས་བྲིས་པའོ།།

ས་མིང་ཚིག་མཛོད་མིག་བཤར།

གཡོན་རུ་རྙིང་མ་གྲྭ་ཚང་གསང་སྔགས་དགའ་ཚལ་གླིང་ཞེས་གྲགས་པ་ནི། སྔོན་ཁྲི་ཆེན་ངག་དབང་མཆོག་ལྡན་གྱིས་དགའ་ལྡན་རབ་རྒྱས་གླིང་གི་ཆོས་སྡེ་དང་གཅིག་ཡིན། དེའི་རྗེས་བོད་རབ་བྱུང་བཅུ་གཉིས་པའི་མཇུག་ཙམ་དུ། ཀཿཐོག་པ་དགོན་ཉིན་སྤྲུལ་སྐུ་འགྱུར་མེད་ངེས་དོན་བསྟན་འཛིན་གྱི་ཡང་སྲིད་གཡོན་རུ་དཔོན་ཚང་ལ་སྐུ་འཁྲུངས་ཏེ་དགོན་ཉིན་མཆོག་སྤྲུལ་གཞན་ཕན་རྡོ་རྗེ་ཞེས་པ་དེ་ཀཿཐོག་རྡོ་རྗེ་གདན་གྱི་གསེར་ཁྲིར་མངའ་གསོལ་ནས་བསྟན་པའི་བདག་པོ་ལོ་མང་མཛད། སླར་ཁྱིམ་གཞིས་སུ་བྱོན་ཏེ་རབ་རྒྱས་གླིང་གི་ཆོས་སྡེ་ནས་གྲྭ་ཚང་ཕྱོགས་གཅིག་ཟུར་དུ་ཕྱུང་ནས་ཀཿཐོག་ཆོས་བརྒྱུད་འཛིན་པའི་རྙིང་མའི་གྲྭ་ཚང་གི་ཆོས་སྡེ་བཙུགས་པ་ཡིན། འོན་ཀྱང་དགའ་ལྡན་རབ་རྒྱས་གླིང་དང་སྒྲིག་ཁྲིམས་གཅིག་པ། སྤྱི་གསོ་གཅིག་པ། དགོན་པ་གཅིག་གི་རྣམ་པ་ལྟ་བུ་ཡིན་ཡང་དགོན་ཉིན་གཞན་ཕན་རྡོ་རྗེ་བཀའ་མའི་དོང་སྤྲུག་སྒྲུབ་མཆོད་དང་། སྐུ་གསུམ་ཆོ་ག ཀར་གླིང་ཞི་ཁྲོ། གུ་དྲག་ཡེ་ཤེས་རབ་འབར་སོགས་ཀྱི་ཕྱག་ལེན་དང་འདོན་སྒྲུབ་མཛད་རྒྱུའི་ཕྱག་སྲོལ་བཞག་སྟེ་དུས་བཟང་སྐར་བཟང་གང་རུང་ལ་གཡོན་རུ་དཔོན་པོ་རིམ་བྱོན་གྱིས་ཆོས་སྡེ་འདིའི་དབུ་ཡི་མཆོད་གནས་སུ་བཀུར་ནས། བདག་རྐྱེན་གཟིགས་སྐྱོང་རྒྱ་ཆེན་གནང་། ཁྱད་པར་དུ་གཡོན་རུ་འཆི་མེད་རྡོ་རྗེ་སྔ་སྲོལ་རྣམས་དང་[page 114] རང་གཏེར་བཅས་ཀྱི་དབང་ཁྲིད་ཟབ་རྒྱས་དང་། གྲུབ་ཆེན་ཆོས་དབྱིངས་རང་གྲོལ་གྱི་སྐུ་སྐྱེ་མཆོག་སྤྲུལ་བཞད་པ་རྡོ་རྗེས་གྲྭ་ཚང་འདིའི་དབུ་འཛིན་མཛད་དེ་སྒྲིག་ལམ་ཀུན་སྤྱོད་དག་བཅོས་ཞིབ་པར་གནང་ནས་བཀའ་དྲིན་ཆེན་པོས་རྗེས་སུ་བསྐྱངས། གཞན་ཡང་ཛཿཀ་མཆོག་སྤྲུལ་ཀུན་བཟང་རྣམ་རྒྱན་དང་ཀཿཐོག་སི་ཏུ་ཆོས་ཀྱི་རྒྱ་མཚོ། མཁན་ཆེན་རྒྱལ་མཚན་འོད་ཟེར་སོགས་སྐྱེས་ཆེན་དམ་པ་མང་པོས་ཆོས་སྡེ་འདི་ལ་སྔ་འགྱུར་བཀའ་གཏེར་དུ་མའི་དབང་། ཁྲིད། ལུང་བཅས་ཀྱི་བཀའ་དྲིན་ཆེན་པོར་བསྐྱངས། ཕྱིས་ཀཿཐོག་སི་ཏུའི་དངོས་སློབ་གཡོན་རུ་བླ་མ་རིན་པོ་ཆེ་མཆོག་གིས་གྲྭ་ཚང་འདི་ལ་སྨིན་གྲོལ་མང་པོའི་སྲོལ་རྒྱུན་སྤེལ་ཞིང་ཀུན་སྤྱོད་སྒྲིག་ལམ་གྱི་སྤྱོད་བཟང་ཡང་དག་པར་བཞག་ནས། ཕྱི་སོ་ཐར་གྱི་ཀུན་སྤྱོད་གཙང་བ། ནང་བྱང་སེམས་ཀྱི་ཐུགས་རྒྱུད་རློན་པ། གསང་བ་སྔགས་ཀྱི་རིམ་གཉིས་ཟབ་མོའི་ཉམས་བཞེས་ཡོད་པ། ཕྱི་གཙང་ནང་གཙང་པདྨའི་སྦུབ་ལྟ་བུ་ཡིན་པས་ཀུན་གྱིས་ཡིད་སྨོན་དུ་གྱུར་པའི་ཆོས་སྡེ་ཞིག་ཡིན། སྔོན་དུས་གྲྭ་བརྒྱ་ལྷག་ཙམ་རེ་ཡོད་པ་དང་།

སྐུ་གསུང་ཐུགས་རྟེན་སྐོར་ལ་གསེར་ཐང་སོ་ཐར་སྡོམ་རྒྱུད་དང་། གནས་བརྟན་བཅུ་དྲུག རྒྱ་གར་གྲུབ་ཆེན་བརྒྱད་ཅུ། གུ་རུའི་ཞལ་ཐང་བཅས་བཞུགས་སུ་གསོལ་ཏེ། སྦུབ་ཆལ། རྔ། རྒྱ་གླིང་། དུང་། རག་དུང་། གདུགས། རྒྱལ་མཚན། བླ་བྲེ། འཕན་སོགས་མཆོད་ཆས་སྐོར་དུ་མ་ཡོད་པ་ཡིན་ནོ།

རིག་གནས་གསར་བརྗེའི་སྐབས་དགོན་པའི་སྐུ་གསུངས་ཐུགས་རྟེན་ཐམས་ཅད་བརླགས་ནས་སྔ་མའི་རྟེན་རྫས་སོགས་ཅི་ཡང་ལྷག་མེད། ད་ལྟ་གོང་རིམ་ཏང་གི་སྲིད་ཇུས་བཟང་པོའི་འོག་མང་ཚོགས་ཆོས་དད་པ་རྣམས་ཀྱིས་ངར་ཤུགས་དང་། སྤྲུལ་སྐུ་འཇམ་དབྱངས་མཆོག་དང་། གྲྭ་བླ་རྒན་ལྷག་ལུས་རྣམས་ཀྱིས་ཐུགས་ཁུར་ཟབ་བཞེས་བྱས་ཏེ། སྦྲ་གུར་མཆོད་ཆས་སྒྲུབ་མཆོད་སོགས་གང་ཐད་ནས་སྔ་མའི་གྲྭ་ཚང་གི་མིང་མ་བོར་ཙམ་དུ་དགེ་འདུན་ཞལ་གྲངས་ལྔ་བཅུ་ལྷག་ཙམ་ལ་ཡོན་བདག་སྡེ་ཤོག་དྲུག་གིས་བགྱིས་ཏེ་ཚེས་དུས་སྒྲུབ་མཆོད་སོགས་འཚོགས་བཞིན་ཡིན་ནོ། ལོ་རྒྱུས་འདི་ནི་གྲྭ་ཚང་རང་གིས་བྲིས་པའི་ལོ་རྒྱུས་ལ་གཞི་བྱས་སྤྲུལ་སྐུ་འཇམ་དབྱངས་ཀྱི་གསུང་སྒྲོས་ཁུངས་ཐུབ་རྣམས་ལས་ཟུར་བརྒྱད་སྟེ་མུ་པོས་བྲིས་པའོ།།

ས་མིང་ཚིག་མཛོད་མིག་བཤར།

གཡོན་རུ་ས་སྐྱ་གྲྭ་ཚང་ངམ་ས་སྐྱ་དགོན་པ་ནི། ཁྲི་ཆེན་ངག་དབང་མཆོག་ལྡན་གང་ཉིད་ཀྱིས་བོད་རབ་བྱུང་བཅུ་གཉིས་པའི་ནང་དུ་དཔལ་ལྡན་ས་སྐྱ་བའི་གྲུབ་མཐའ་སྐྱོང་བའི་གུར་དཀར་པོའི་དགོན་པ་ཞིག་བཏབ་པ་དེ་ཡིན་ལ། དེའི་རྗེས་སུ་ཡང་སྐྱེས་ཆེན་དམ་པ་གསེར་རི་ཚར་དུ་དངར་བ་ལྟ་བུ་དུ་མ་བྱོན་ནས་རྒྱལ་བའི་བསྟན་པ་བཤད་སྒྲུབ་གཉིས་ལྡན་གྱི་སྒོ་ནས་སྐྱོང་བ་ནི་སྨོས་མ་དགོས་ན་ཡང་། ད་ཐེངས་དགོན་འདིའི་ལོ་རྒྱུས་འབྲི་སྐབས་ཕྲན་ཆུང་མཆོག་སྤྲུལ་ཞང་ཞང་དྲུང་དུ་བཅར་ནས། ད་ལྟ་ཁུལ་[page 88] གཅིག་གི་དགོན་པའི་ལོ་རྒྱུས་པར་བསྐྲུན་བྱེད་བཞིན་ཡིན་ཚུལ་དང་ལོ་རྒྱུས་ཤིག་བྲིས་ན་དགོས་མཁོ་ཆེ་ཚུལ་སོགས་ཞིབ་ཕྲ་ཞུས་ཀྱང་། ད་སྐབས་ཁོམ་པ་མེད་སྨོན་ལམ་འཚོགས་སྐབས་བྲི་ནས་བསྐུར་འོང་གསུངས་ནས་འབྲི་རྒྱུ་མ་རེག དེ་རྗེས་ཕྲན་ཧོར་ཟླ་བཅུ་གཅིག་པའི་ཚེས་ཉེར་བརྒྱད་ཉིན་སླར་ཡང་མདུན་དུ་བཅར་སྐབས། ཁོང་གིས་ད་དུང་བྲིས་མེད་གསུངས་ནས་ཕྲན་གྱིས་འབྲི་རྒྱུ་དང་བྲིས་པ་སོགས་གང་ཡང་ལག་སོན་མ་བྱུང་། དེའི་རྗེས་ཞག་ཁ་ཤས་སོང་མཚམས་ཕྲན་ཆུང་ཡང་སྐུ་མདུན་དུ་སོང་ཡང་། ཁོང་གིས་ད་སྐབས་ནད་པ་མང་བས་ཁོམ་པ་མེད་རྒྱ་ཟླ་གཉིས་པའི་ནང་བསྐུར་འོང་གསུངས་ཀྱང་ད་ལྟ་ཧ་ལམ་ཟླ་བ་བཞི་ཙམ་བསྒུགས་ན་ཡང་ལོ་རྒྱུས་དང་སྐད་ཆ་སོགས་གང་ཡང་འབྱོར་ཐོས་མེད་པས། དགོན་པ་འདིའི་ལོ་རྒྱཽས་དེ་ཙམ་ལས་འབྲི་རྒྱུ་ལོན་མ་བྱུང་། སྤྱིར་སྤྲུལ་པའི་སྐུ་མཆོག་མཛད་ཕྲིན་ཆེ་བ་ཕྲན་ཆུང་ནུས་པ་ཆུང་བས་རང་གི་འོང་འགན་དེ་ལེགས་པོར་འགྲུབ་མེད་པས་ཡེ་ཤེས་ཀྱི་སྤྱན་དང་ལྡན་པ་རྣམས་ཀྱི་སྤྱན་སྔར་མི་དམིགས་བཏང་སྙོམས་ངང་དུ་བཤགས་པར་བགྱི་བ་ལགས་སོ།། ལོ་རྒྱུས་འདིའི་ནི་མུ་པོས་བྲིས་པའོ།།

ས་མིང་ཚིག་མཛོད་མིག་བཤར།

བཙོ་ལས་བླ་མ་བརྩོན་འགྲུས་རྒྱལ་མཚན་གང་གིས་སྔ་འགྱུར་རྙིང་མའི་གྲུབ་མཐའ་བཤད་སྒྲུབ་གཉིས་ལྡན་གྱི་སྒོ་ནས་སྐྱོང་བའི་དགོན་པ་འདི་ཉིད་ཕྱག་བཏབ་མཛད་དེ། རིམ་གྱིས་བསྟན་འཛིན་གྱི་སྐྱེས་བུ་དུ་མ་བྱོན་ནས་ད་ལྟའི་བར་དུ་རིང་ལུགས་སྔ་འགྱུར་རྙིང་མའི་བསྟན་པ་འདི་ཉིད་བཤད་སྒྲུབ་[page 115] གཉིས་ལྡན་གྱི་སྒོ་ནས་སྐྱོང་བ་ཡིན་ཀྱང་། དགོན་འདི་ས་ཐག་རིང་བ་དང་། འགྲོ་ལམ་མི་བདེ་བ་དང་། དགོན་པ་རང་ཉིད་ཀྱིས་དགོན་པའི་ལོ་རྒྱུས་ལ་དོ་སྣང་མེད་པ་བཅས་ཀྱིས་རྐྱེན་ལས། ལི་ཐང་རྫོང་ཆོས་ལུགས་ཅུས་ཀྱི་སྔ་གཞུག་ཏུ་གློག་བརྡ་དང་བཀའ་ཤོག་སོགས་དུ་མ་བསྩལ་ན་ཡང་། དགོན་པའི་གྲྭ་བ་སོགས་ཡར་རྫོང་ཐོག་ཏུ་བཅར་གཏུག་སོགས་གང་ཡང་མི་བྱེད་པ་དང་གཅིག ཕྲན་རང་ངོས་ནས་བཤད་ན་རྟ་ཞོན་ནས་འགྲོ་དགོས་ན་ངོ་ཤེས་མེད་པ་དང་ས་ཐག་རིང་བ་བཅས་ཀྱིས་འགྲོ་བའི་སྤོབས་པས་དབེན་པས་རེ་ཞིག་དགོན་འདིའི་ལོ་རྒྱུས་དེ་ཙམ་ལས་ཞིབ་ཕྲ་འབྲི་རྒྱུ་མ་སོན་པས། དེ་ལུགས་ཡེ་ཤེས་ཀྱི་སྤྱན་དང་ལྡན་པ་རྣམས་ལ་བཟོད་པར་ལན་བརྒྱ་གསོལ་བ་ཡིན་ནོ། ལོ་རྒྱུས་ཕྲན་བུ་འདི་ནི་མུ་པོས་བྲིས་པའོ།

ས་མིང་ཚིག་མཛོད་མིག་བཤར།

འགྲོ་བའི་མགོན་པོ་ཆོས་རྒྱས་འཕགས་པ་དེ་ཉིད་ཀྱིས་བོད་རབ་བྱུང་བཞི་པའི་བག་མེད་ཅེས་བྱ་བ་ཆུ་མོ་གླང་ལོར་ཡས་མས་ཤིན་ལ་བཏབ་པར་མངོན་ཏེ་《གངས་ལྗོངས་ལོ་རྒྱུས་ཐོག་གི་གྲགས་ཅན་མི་སྣའི་ངོ་སྤྲོད་》ལས། འགྲོ་མགོན་དགུང་ལོ་བཅུ་དགུ་པ་ཆུ་གླང་ལོར་ཁམས་སྡེ་དགེའི་ཤར་ཕྱོགས་སྨན་ཤོད་ཅེས་པའི་ས་ཆར་རྫོང་གསར་དགོན་པ་ཕྱག་བཏབ་གནང་ཞེས་ཟེར་བ་ལ་དཔགས་ན་ཁོང་གིས་དགོན་པ་འདི་ཡང་དེའི་སྐོར་ཙམ་ལ་བཏབ་པར་མངོན། གདན་རབ་སྐོར་ལ་དགོན་པ་འདིའི་ནང་ཆོས་སྒོར་ཞུགས་[page 83] ནས་འབྲི་ཀློག་སོགས་ལེགས་པར་སྦྱངས་ཏེ་ས་སྐྱ་གོང་དུ་གྲྭ་སར་ཕེབས་ནས་ཐོས་བསམ་སྒོམ་གསུམ་དང་བསྙེན་སྒྲུབ་ལས་རུང་དང་ལྡན་པ་ཞིག་གི་བླ་མ་མཛད་དགོས་པར་གྲགས་ཏེ། བྲག་ཁ་བླ་མ་གྲགས་པ་རྒྱལ་མཚན། རྒྱ་འབབ་བླ་མ་བསྟན་འཛིན་མཁན་གྲུབ། བླ་མ་མགོན་པོ་རྒྱལ་མཚན། མགོ་སྟོད་བླ་མ། འདབས་མགོ་བླ་མ་འཇམ་དབྱངས་བློ་ལྡན། འདེ་འབེས་བླ་མ་བསྟན་འཛིན་ཕུན་ཚོགས་སོགས་སྐྱེས་ཆེན་དམ་པ་དུ་མ་ཞིག་བྱོན་ན་ཡང་དེ་དག་ནི་མཚན་ཁ་ཤས་ཙམ་མ་གཏོགས་རྣམ་ཐར་གསལ་པོར་མེད་པས་འབྲི་རྒྱུ་རྙེད་ལགས།

དགོན་འདིའི་གཙུག་ལག་ཁང་ཀ་བ་ཉེར་བཞིའི་བདག་ཉིད་ཅན་དང་ཇ་ཁང་ཀ་བ་བརྒྱད་པ་དེའི་མཐའ་སྐོར་དུ་གྲྭ་ཤག་བཅོ་ལྔ་ཡོད་པ་དེ་ལ་སྐུ་གསུང་ཐུགས་རྟེན་བཞུགས་ཚུལ་ནི་སྐུ་རྟེན་ལ་ཆོས་རྒྱལ་འཕགས་པའི་འདྲ་སྐུ་རྒྱུ་ལི་ལས་གྲུབ་པ་བཅས་རྩེག་ཚད་དང་། རྒྱུ་ལི་ལས་གྲུབ་པའི་རིག་གསུམ་མགོན་པོའི་སྐུ་མི་གཟུགས་ཚད་རེ་དང་། གླང་དར་ཁྲིམས་ཐར་ཐུབ་པའི་སྐུ་དང་། སྒྲོལ་མའོ་སྐུ། ཆོས་འཕགས་སྐུ་སོགས་ཁྲུ་གང་ཡས་མས་ཀྱི་ལི་སྐུ་བཅུ་ཕྲག་གཉིས་ལྷག་དང་། གཞན་ཡང་ཟངས་གསེར་ལས་གྲུབ་པའི་སྐུ་བཅུ་ཕྲག་གཅིག་དང་། ཙནྟ་ལས་བསྐྲུན་པའི་སྤྱན་རས་གཟིགས་བཅུ་གཅིག་ཞལ་དང་། ཀྱེེ་རྡོར་སྐུ་དང་མཁའ་སྤྱོད་མའི་སྐུ་མི་གཟུགས་ཙམ་དང་། རྒྱ་ནག་ཞལ་ཐང་ཚེམ་དྲུབས་མ་ཚེ་དཔག་མེད་ཀྱི་སྐུ་ཐང་གསུམ་དང་། ཆོས་སྐྱོང་གུར་ཞལ་གཉིས་བཅས་ཀྱི་སྐུ་ཐང་རེ་རེ་བཞུགས་པ་དང་། གསུངས་རྟེན་ལ་རྒྱ་ནག་ནས་དྲངས་པའི་རྒྱུ་གསེར་དངུལ་བྲིས་པ་རྒྱལ་བའི་བཀའ་འགྱུར་དང་འབུམ་རྒན་མ། དགོངས་འགྲེལ་གྱི་བསྟན་བཅོས་རྣམས་དང་། མཚལ་བར་གྱི་བཀའ་འགྱུར་དང་། ས་སྐྱའི་བཀའ་འབུམ་སོགས་པོད་གྲངས་ལས་འདས་པ་དང་། ཐུགས་རྟེན་བཀའ་གདམས་མཆོས་རྟེན་ཁྲུ་གང་བ་ཉི་ཤུ་ལྷག་དང་། གཞན་ཡང་འགངས་ཆེན་གྱི་ཆོས་རྒྱལ་འཕགས་པའི་ཕྱག་སྦུབ། ཕྱག་དྲིལ། ཆིབས་སྒ། ཆིབས་སྲབ། སྤོས་ཕོར་དང་སྤོས་གོས། དགང་གཟར། རྒྱ་ནག་ཀ་འཕན་ཟངས་གསེར་གྱི་ཙི་མགོ་ཅན་དང་། དབང་ཆས་བཅས་ཆོས་རྗེས་རྒྱ་ནག་ནས་དྲངས་བ་དང་། ཆོས་རྒྱལ་འཕགས་པས་དགོན་པའི་གཡས་ཟུར་གཏེར་མཚོ་ནས་དྲངས་བའི་ན་བ་ཟངས་དཀར་དང་། བྲག་དཀར་བླ་མའི་ཕྱག་སྦུབ་དང་ཕྱག་དྲིལ། མ་ཎི་སིལ་སྙན། སྦུལ་ཆལ་འབྲུག་བརྒྱ་མ་དང་གྲྭ་བརྒྱ་མ་ཉི་ཤུ་ལྷག་དང་། དེ་མིན་རག་དུང་། རྐང་གླིང་། སྦུབ་ཆལ། ལི་ཏིང་སུམ་བརྒྱ་ལྷག་དང་། འཕན་གདུགས་བླ་བྲེ་རྒྱལ་མཚན་སོགས་གྲངས་ལས་འདས་པ་བཞུགས་སོ།།

ཚེས་དུས་སྒྲུབ་མཆོད་ལ་ཧོར་ཟླ་གཉིས་པའི་ཚེས་གསུམ་ནས་བཅུ་བར་ཉིན་བདུན་ལ་སྔ་དྲོ་རྣམ་རྒྱལ་མ་དང་ཕྱི་དྲོ་རྣམ་འཇོམས་ཚོ་ག་དང་། ཟླ་བ་གསུམ་པའི་ཚེས་བརྒྱད་ནས་བཅོ་ལྔའི་བར་ཉིན་བདུན་ལ་སྔ་དྲོ་སྒྲོལ་དཀར་དང་ཕྱི་དྲོ་ཚེ་དཔག་མེད་ཀྱི་སྒྲུབ་མཆོད་དང་། ཧོར་ཟླ་བཞི་པའི་ཚེས་བདུན་ནས་[page 84] བཅོ་ལྔའི་བར་ཉིན་བདུན་ལ་ཀུན་རིག་དང་སྨན་བླ། ཧོར་ཟླ་ལྔ་པའི་ཚེས་བཅུ་ནས་བཅུ་གསུམ་བར་བསྐང་གསོ་དང་བཅུ་གསུམ་ཉིན་རྟ་རྒྱུག་ཆེན་མོ་དང་། ཚེས་བཅུ་ལྔ་ལ་ལས་སྣེ་བསྐོས་བཞག་དང་སློབ་དཔོན་དང་དབུ་མཛད་སོགས་བརྗེ་ལེན་དང་། ཧོར་ཟླ་དྲུག་པའི་ཚེས་བཞི་ནས་བཅུ་གཅིག་བར་ཉིན་བདུན་ལ་མི་འཁྲུགས་པ་དང་འོད་དཔག་མེད་ཀྱི་ཆོ་ག་དང་། ཟླ་བ་བདུན་པའི་ཚེས་བཞི་ནས་བཅོ་ལྔའི་བར་ཉིན་བཅུ་གཅིག་གི་བར་ཀྱེེ་རྡོར་དབང་ཆེན་དང་ཕྱི་དྲོ་བསྐང་གསོ་དང་སྦྱིན་བསྲེག་བཅས། ཟླ་བ་བཅུ་གཅིག་པའི་ཚེས་བཅོ་བརྒྱད་ནས་ཉེར་དགུའི་བར་ཉིན་བཅུ་གཅིག་གི་བར་འཇིགས་བྱེད་དང་བསྐང་གསོ་གཏོར་རྒྱག་དང་། བླ་བ་བཅུ་གཉིས་པའི་ཚེས་ཉེར་བདུན་ནས་དང་པོའི་ཚེས་གཅིག་གི་བར་ཉིན་ལྔ་ལས་ཉིན་དང་པོ་གསུམ་ལ་བསྐང་གསོ་དང་ཉིན་ཕྱི་མ་གཉིས་ལ་ཆོས་སྤྱོད་བཅས་འཚོགས་དགོས་སོ།།

ཡོན་གྱི་འབྱུང་ཁུངས་ནི། ཞིང་པ་དུད་ཚང་གསུམ་དང་སྦྱིན་བདག་བཅུ་ཕྲག་བརྒྱད་ཀྱི་དད་རྫས་དང་གཤིན་རྫས་ལ་བརྟེན་ནས་གྲྭ་ལྔ་བཅུ་ལྷག་གི་མཆོད་ཐོག་འཚོགས་དགོས་པ་ཡིན་ནོ།

བཅོས་སྒྱུར་སྐབས་རྟེན་གཙུག་ལག་ཁང་དང་གྲྭ་ཁང་བརྟེན་པ་སྐུ་གསུང་ཐུགས་རྟེན་ཐམས་ཅད་མི་མངོན་པའི་དབྱིབས་སུ་བསྟིམས་ཏེ་ལོ་ངོ་སུམ་ཅུ་ལྷག་ཙམ་སོང་ནས། སླར་ཡངཏང་གི་སྐབས་བཅུ་དྲུག་གཅིག་པའི་གྲོས་ཚོགས་ཐེངས་གསུམ་རྗེས་ཆོས་ལུགས་དད་མོས་ཀྱི་སྲིད་ཇུས་དོན་ཐོག་ཏུ་འཁྱོལ་ཏེ་དགོན་པ་བྱིངས་ཀྱི་ཆོས་སྒོ་ཕྱེ་ན་ཡང་། དགོན་འདི་ལ་དེའི་སྐལ་བའི་དབེན་པས། སྔ་མའི་དགོན་པ་དེ་གྱང་རལ་དུ་ལུས་ཏེ་གྲྭ་རྣམས་དགོན་བཞི་ནོར་བུའི་གླིང་དུ་འཚོགས་དགོས་པ་ཡིན་ནོ། ལོ་རྒྱུས་འདི་ནི་གངས་ལྗོངས་ལོ་རྒྱུས་ཐོག་གི་གྲགས་ཅན་མི་སྣའི་ངོ་སྤྲོད་དང་གྲྭ་བསོད་ནམས་ཚེ་བརྟེན་སོགས་ངག་རྒྱུན་ལྟར་མུ་པོས་བྲིས་པའོ།

ས་མིང་ཚིག་མཛོད་མིག་བཤར།

ཁ་བུག་བླ་མ་ནམ་མཁའ་རྒྱལ་མཚན་གྱིས་བོད་རབ་བྱུང་བཞི་པའི་སྟོད་ཙམ་དུ་དགོན་འདི་ཉིད་བཏབ་སྟེ། དཔལ་ལྡན་ས་སྐྱ་བའི་གྲུབ་མཐའི་ཕྱག་སྲོལ་མ་ནོར་བའི་སྒོ་ནས་རྒྱལ་བའི་བསྟན་པ་ལ་ལུང་རྟོགས་གཉིས་ཀྱི་སྒོ་ནས་བྱ་བ་རྒྱ་ཆེར་མཛད་པའི་སྐྱེས་ཆེན་དམ་པ་དུ་མ་ཞིག་བྱོན་ན་ཡང་། དེ་དག་གི་མཚན་དང་མཛད་ཕྲིན་སོགས་ཀྱི་ལོ་རྒྱུས་ཀྱི་ཡིག་ཚང་མེད་པས་ད་ལྟ་ཡིག་ལམ་དུ་གྱུར་མ་ཐུབ་ལགས།

དེ་ལས་གནས་མཆོག་འདིར་འགྲོ་མགོན་ཆོས་རྒྱལ་འཕགས་པ་བྱོན་ཏེ་ཆོས་གསུང་བའི་བཞུགས་ཁྲི་[page 101] ཡང་ད་ལྟ་དངོས་སུ་མཇལ་རྒྱུ་ཡོད་པ་མ་ཟད། ཁོང་གིས་སྟོན་པའི་ལི་སྐུ་དང་། འཕགས་ཀོང་བདུན་ཚར་ཆ་གཉིས་དང་སྦུབ་ཆལ། ཕྱག་དྲིལ། ག་བཞེས་སོགས་ཀྱིས་མཚོན་སྐུ་གསུང་ཐུགས་རྟེན་དུ་མ་བསྩལ། ངོར་གྱི་མཁན་ཆེན་ཞི་ཆེན་མི་འགྱུར་རྒྱལ་མཚན་བྱོན་ནས་གླང་དར་ཁྲིམས་ཐར་གྱི་ཐུབ་སྐུ་དང་། ངོར་ཆེན་གྱི་སྐུ་འདྲ་དང་རྒྱ་གླིང་ཆ་གཅིག་བཅས་གནང་སྟེ་ཆོས་སྦྱིན་འཛད་པ་མེད་པའི་སྒོ་ནས་དགོན་འདིའི་བསྟན་པ་ལ་བྱ་བ་རྒྱ་ཆེན་མཛད། དེ་ལས་ས་སྐྱའི་རྗེ་བཙུན་རྟ་དབང་པོ་དང་། སྒ་སྟོད་ངག་དབང་ལེགས་པ། སྤྲུལ་པའི་སྐུ་མཆོག་སྐུ་ཤུལ་ཀུན་བཟང་། ལི་ཐང་སྐྱབས་མགོན་སྐུ་ཕྲེང་གཉིས་པ་དཔལ་ལྡན་རྡོ་རྗེ་བཅས་བྱོན་ནས་དགོན་འདིར་དབང་ལུང་ཁྲིད་གསུམ་སོགས་ཆོས་སྦྱིན་རྒྱ་ཆེར་བསྩལ། ཁྱད་པར་དུ་སྡེ་གཞུང་ཆོས་འཕེལ་གྱིས་དགོན་པའི་བར་ཤིང་ཞུ་དག་སོགས་ལ་བྱ་བ་རྒྱ་ཆེར་མཛད་པར་གྲགས་སོ།

གཙུག་ལག་ཁང་ཀ་བ་ལྔ་བཅུའི་བདག་ཉིད་ཅན་དེའི་གཡས་ཟུར་དུ་ཇ་ཁང་དང་གཉེར་ཁང་ཀ་བ་ཉི་ཤུ་དང་། པར་ཁང་ཀ་བ་བཅུ་ཅན་དུ་ས་སྐྱའི་ངོར་ལུགས་ཀྱི་འདོན་ཆོག་ཡོངས་རྫོགས་ཀྱི་བར་ཤིང་དང་། དེའི་མཐའ་སྐོར་དུ་གྲྭ་ཁང་ཉེར་གཅིག་དང་། གྲྭ་བ་ཉིས་བརྒྱ་ཙམ་བཞུགས་པའི་གཙུག་ལག་ཁང་དུ་རྒྱུ་སྨན་འདམ་ལས་བསྐྲུན་པའི་བྱམས་པ་དང་ཉེ་སྲས་བརྒྱད་ཀྱི་སྐུ་བརྙན་སུམ་རྩེགས་དང་། ཀུན་རིག་དང་ལྷུང་བཤགས། བདེ་གཤེགས་མཆེད་བརྒྱད། གནས་བརྟན་བཅུ་དྲུག་ས་སྐྱ་གོང་མ་རྣམ་ལྔ། ངོར་གྱི་བླ་བརྒྱུད་དང་ལམ་འབྲས་བླ་བརྒྱུད་བཅས་ཁྲུ་དོ་ཅན་བདུན་ཅུ་དོན་གྲངས་དང་། རྒྱུ་གསེར་དངུལ་ལས་བསྐྲུན་པའི་ནམ་མཁའ་རྒྱལ་མཚན་གྱི་སྐུ་གདུང་རྩེག་གཅིག་ཕྱེད་དང་། གསེར་སྐུ་སྐོར་ལ། ས་པཎ་སྟོང་སྐུ་དང་། སངས་རྒྱས་སྟོང་སྐུ། གནས་བརྟན་བཅུ་དྲུག་གི་སྐུ་དང་རྒྱུ་ཙན་དན་ལས་གྲུབཔའི་ཆོས་སྐྱོང་སོགས་ཀྱི་སྐུ་དགུ་བཅུ་གོ་གྲངས་དང་། ཧལ་ཧ་རྗེ་བཙུན་དམ་པས་རྒྱ་རྟོགས་བླ་མ་ལ་ཕུལ་བའི་ནོར་བུ་བསམ་འཕེལ་གྱི་ལི་སྐུ་ཉི་ཤུ་བཅས་མཐོ་ཚད་ཙམ་མོ། རྒྱུ་གསེར་དངུལ་གྱི་ཞུན་མས་བྲིས་པའི་རྒྱལ་བའི་བཀའ་འགྱུར་དང་འབུམ། བརྒྱད་སྟོང་། བསྐལ་བཟང་། གསེར་འོད། པདྨ་བཀའ་ཐང་། གཟུངས་འདུས་དང་། དེ་མིན་གྱི་སྣོག་མཚལ་བར་སྐོར་ལ་གཙང་བུར་གྱི་བཀའ་འགྱུར་ཆ་གཉིས། བསྟན་འགྱུར་ཆ་གཉིས། ས་སྐྱའི་གོང་མ་རྣམ་ལྔའི་བཀའ་འབུམ་དང་ངོར་ཆེན་བཀའ་འབུམ་སོགས་གསུང་འབུམ་སྐོར་མང་ཙམ་བཞུགས་པ་དང་། རྒྱུ་ཟངས་གསེར་ལས་བསྐྲུན་པའི་མཆོས་རྟེན་ཁྲུ་དོ་ཅན་ཆ་བརྒྱད་དང་། དཔག་བསམ་འཁྲི་ཤིང་གི་གསེར་ཐང་ཆ་གཉིས་དང་། དེ་མིན་གསེར་ཐང་རྩེག་ཚད་གཉིས་ཅན་བཅུ་ཕྲག་ཁ་ཤས་བཅས་བཞུགས་ལགས་སོ། མཆོད་ཆས་དང་རོལ་མོའི་སྐོར་ལ། སྦུབས་ཆལ་འཛམ་གླིང་གཡས་བཞག་གིས་མཚོན་སྦུབ་ཆལ་འགངས་ཆེན་ཆ་བརྒྱད་དང་། སིལ་སྙན་འགངས་ཆེན་ཆ་སོ་བདུན་ཙམ་དང་། རྔ་ཆེ་ཆུང་བདུན་ཅུ་དོན་གྲངས་དང་། ཙན་དན་གྱི་རྒྱ་གླིང་ཆ་བདུན་དང་གསེར་དངུལ་བྲ་མའི་རྒྱ་གླིང་ཆ་གསུམ། རག་དུང་ཆ་དྲུག འཁར་རྔ་བརྒྱད། རྒྱ་ལྟོས་བཞག་པའི་[page 102] གསེར་གྱི་མཚན་ཐུབ་མར་རྒྱ་མ་བརྒྱད་ཙམ་འགྲོ་བ་ཞཻག་གིས་མཚོན་གསེར་དངུལ་གྱི་མཚན་ཐུབ་དྲུག་དང་། དངུལ་གྱི་བདུན་ཚར་ཆ་བཞི་དང་ལིའི་བདུན་ཚར་ཆ་གཉིས། མཁའ་འགྲོ་སྤྲིན་ཐགས་བཀྲ་ཤིས་མིག་གསུམ་ཅན་གཅིག་གིས་མཚོན་རྒྱ་གསེར་གྱི་གདུགས་དང་རྒྱལ་མཚན་ཆ་དགུ།

ཀ་རིང་དྲུག་གི་མགོར་ཟངས་གསེར་ལས་བསྐྲུན་པའི་ཙུ་མགོ་དྲུག་དང་། གདན་རིང་ཆ་གཉིས་བཅས་འབོར་གདན་ཉེར་བཞི། རྒྱ་ནག་གདན་རིང་ཆ་གསུམ། ཟངས་དཀར་ཆུ་ཟོམ་བཅོ་ལྔ་ཙམ་འགྲོ་བ་བཞི་དང་ཆུ་ཟོམ་བདུན་ཙམ་འགྲོ་བ་བདུན་བཅས་ཡོད་ལགས་སོ།

ཡོན་གྱི་འབྱུང་ཁུངས་ནི། ཞིང་ཁལ་དྲུག་ཅུ་ལྷག་དང་འབྲི་མཛོ་མོ་ཉིས་བརྒྱ་ལྷག་དང་། རྒྱ་ལྟོ་ཚང་གིས་ཡོན་བདག་བྱས་ཏེ་མི་བཅུ་གཉིས་ལ་མི་རེ་ལ་དངུལ་རྡོ་ཚད་བརྒྱ་དང་བཅུ་དྲུག་བཏང་ཡོད་པས། དེ་དག་གི་སྐྱེད་དང་ཤེ་རྣམས་ལ་བརྟེན་པ་དང་དགོན་པའི་མངའ་འོག་གི་ཁྱིམ་དུད་བརྒྱ་དང་བརྒྱད་ཅུ་ཙམ་ཡོད་པ་དེ་དག་གི་དད་གཤིན་རྫས་སོགས་ལ་བརྟེན་ནས་དགོན་པའི་ཚོགས་གཏོང་སྒོ་བྱེད་པ་ཡིན་ནོ།

ཚེས་དུས་སྒྲུབ་མཆོད་ནི། ཀྱེེ་རྡོར། འཇིགས་བྱེད། ཀུན་རིག། མི་འཁྲུགས་པ། སྨན་ལྷ། རྣམ་རྒྱལ་མ། སྨོན་ལམ། དབྱར་གནས། བསྐང་གསོ། སྨྱུང་གནས་སོགས་ཚེས་དུས་སྒྲུབ་མཆོད་སྐོར་ལི་ཐང་ཕྱོགས་ཀྱི་ས་སྐྱའི་དགོན་པ་བྱིངས་དང་མཐུན་པས་འདིར་ཡི་གེ་མང་དོགས་ནས་མ་བྲིས་སོ།

བཅོས་སྒྱུར་སྐབས་དགོན་པ་རྟེན་དང་བརྟེན་པར་བཅས་པ་མི་མངོན་པར་དབྱིངས་སུ་བསྟིམས་ཏེ་རྒྱལ་བའི་བསྟན་པ་ལ་གནོད་འཚེ་ཚབས་ཆེན་ཐེབས། སླད་ནས་ཏང་གི་སྲིད་ཇུས་བཟང་པོའི་འོག་རྒྱལ་བསྟན་ཡང་དར་ཆོག་པའི་གོ་སྐབས་བཟང་པོ་དང་ཕྲད་ནས། གཙུག་ལག་ཁང་སོགས་སྔོན་མ་ནང་བཞིན་དང་། གྲྭ་ཁང་སུམ་ཅུ་ཁ་གྲངས་དང་། སློབ་གྲྭ་ཁང་ཀ་བ་ཉི་ཤུ་ཅན་དེ་ལ་རྒྱུ་སྨན་འདམ་ལས་བསྐྲུན་པའི་ཐུགས་རྗེ་ཆེན་པོ་ཕྱག་སྟོང་སྤྱན་སྟོང་དང་། ཇོ་བོ། རིགས་གསུམ་མགོན་པོ། རྗེ་ཡབ་སྲས་གསུམ་བཅས་རྩེག་ཚད་དང་། གཙུག་ལག་ཁང་དུ་བྱམས་སྐུ་རྩེག་ཚད་གཉིས་དང་། ཉེ་སྲས་བརྒྱད་རྩེག་ཚད་གཅིག གནས་བརྟན་བཅུ་དྲུག། ཀུན་རིག ཚེ་ལྷ་རྣམ་གསུམ། གུ་རུ། ཀུན་ཏུ་བཟང་པོ། ངོར་ཆེན། འུ་ཡུག་པ། བླ་སྐུ་གསུམ་བཅས་ཁྲུ་གང་ཙམ་རེ་དང་། རྒྱ་གར་ནས་དྲངས་བའི་རྒྱུ་རག་ལས་བསྐྲུན་པའི་ཐུབ་པ་གཙོ་འཁོར་གསུམ། མཆོད་རྟེན་བཅས་མཐོ་ཚད་དང་། སྡེ་དགེ་ནས་བསླུས་པའི་རྒྱལ་བའི་བཀའ་འགྱུར་དང་བསྟན་འགྱུར། ས་སྐྱའི་བཀའ་འབུམ། ངོར་ཆེན་བཀའ་འབུམ། ཀུན་དགའ་བཟང་པོ་བཀའ་འབུམ་བཅས་བཞུགས། དགོན་འདིའི་མངའ་འོག་གི་དུད་གྲངས་སུམ་བརྒྱ་ལྷག་གི་དད་གཤིན་རྫས་ལ་བརྟེན་ནས། གྲྭ་བདུན་ཅུ་ཙམ་གྱིས་སྔོན་མ་ནང་བཞིན་ཚེས་དུས་སྒྲུབ་མཆོག་འཚོགས་བཞིན་པ་ཡིན་ནོ།

དགོན་པའི་ལོ་རྒྱུས་འདི་ནི་གྲྭ་ངག་དབང་ཆོས་འཕེལ། རྒྱ་ཐར། ཕྲིན་ལས་སྐལ་ལྡན། ཆོས་འཕེལ་དབང་ལྡན་བཅས་ཀྱི་ངག་རྒྱུན་ལྟར་མུ་པོས་བྲིས་པའོ།

ས་མིང་ཚིག་མཛོད་མིག་བཤར།

སྤྱི་ལོ་གཅིག་དགུ་གྱ་བཞི་ལོར་ཆོས་སྒོ་ཕྱེ་སྐབས་འཛོམས་ཁག་གི་ས་སྐྱའི་དགོན་པ་བཞི་པོ་རེ་རེ་བཞིན་ཆོས་སྒོ་ཕྱེ་བའི་ཆོག་མཆན་མ་ཐོབ་པས། ལི་ཐང་སྐྱབས་མགོན་རིན་པོ་ཆེ་དཔལ་ལྡན་རྡོ་རྗེ་འཆང་གིས་འཛོམས་ཁག་གི་སྒ་ཐོག རྟ་ནུ། དཔལ་ལྡན་ཐང་དཀར་དགོན་བཅས་གཅིག་ཏུ་བསྡུས་ནས་དགོན་གསུམ་བཤད་སྒྲུབ་ནོར་བུ་གླིང་ཞེས་མཚན་གསོལ། དེའི་རྗེས་གཙང་ཤུལ་རིན་པོ་ཆེ་ཚེ་རིང་རྡོ་རྗེས་འཛོམས་ཁག་གོ་དགོན་གསུམ་དགོན་པའི་སྟེང་དུ་ས་སྐྱ་དགོན་པ་བསྣན་ནས་དགོན་བཞི་ནོར་བུ་གླིང་ཞེས་ས་སྐྱའི་དགོན་དགོན་ཆུང་བཞི་པོ་དེ་ཕྱོགས་གཅིག་ཏུ་བསྡུས་ནས། རིག་འཛིན་ཀློང་གསལ་སྙིང་པོའི་རྣམ་འཕྲུལ་སྒོ་སོག་རིན་པོ་ཆེ་ཞེས་པ་དེང་སང་རྒྱ་གར་སེར་སྨད་གྲྭ་ཚང་དུ་སྐུ་དངོས་བཞུགས་ཡོད་པ་དེས། ས་དཔྱད་ཕུན་སུམ་ཚོགས་པ་དང་ལྡན་པའི་འཛོམས་སྟོད་སའི་ཐིག་ལེ་དབང་དགང་ཞེས་མི་གན་རྐྱལ་ལྟ་བུའི་བྲང་ཐོག་ཏུ་ས་གཟིགས་མཛད་དེ། གཙང་ཤུལ་རིན་པོ་ཚེ་རིང་རྡོ་རྗེས་དབུ་མཛད་དེ་གྲྭ་དགེ་འདུན་ཡར་འཕེལ། བློ་བཟང་དཔལ་འབར། བློ་བཟང་ཟླ་བ། བཀྲ་ཤིས་ཕུན་ཚོགས། ཨོ་འགྲུབ། སྐལ་བཟང་། བུ་འབྲུལ། སྐལ་ཚེ་རིང་། ངག་དབང་བསོད་ནམས་བཅས་ཀྱི་ལས་དཔོན་དང་། སྦྱིན་བདག་རྒན་པ་བཀྲ་ཤིས་ཕུན་ཚོགས་དང་། རྟ་འགྲིན་དབང་རྒྱལ་སོགས་ཀྱིས་གཙོ་བྱས་ནས། འདུ་ཁང་ཀ་བ་ང་བཞི་དང་། སློབ་གྲྭ་ཁང་ཀ་བ་དྲུག་ཅུ། གྲྭ་ཁང་ཉི་ཤུ་རྩ་གཅིག་ཙམ་བསྐྲུན་ཏེ། གཙུག་ལག་ཁང་གི་རྒྱ་མཐོང་ཁར་ལུགས་སུ་བླུག་པའི་སེང་ཆེན་དྲུག་དང་། གཙུག་ལག་ཁང་གི་ཀ་རིང་གཉིས་ལ་འབུར་དུ་བརྐོས་པའི་གཡུ་འབྲུག་ཁ་སྤྲོད་དང་། ལོགས་ངོས་སུ་སྟོན་པ་དང་འབྱུང་འདུལ། ཀུན་རིག་རྣམ་པར་སྣང་མཛད། འོད་དཔག་མེད་དང་གདུགས་དཀར། ཚེ་དཔག་མེད། མཁའ་སྤྱོད་མ། འཇིགས་བྱེད། མགོན་པོ། སྒྲོལ་མ་སྔོ་ལྗང་སོགས་ཡི་དམ་སྐོར་དང་། དམ་ཅན་མགར་བ་ནག་པོའི་གཙོས་ཆོས་སྐྱོང་སྐོར་སོགས་ཀྱི་ལོགས་བྲིས་དུ་མ་དང་། རྒྱུ་སྨན་འདམ་ལས་བསྐྲུན་པའི་རྒྱལ་ཚབ་བྱམས་པ་མགོན་པོའི་སྐུ་ཐོག་རྩེག་གཉིས་དང་། ཀྱེེ་རྡོ་རྗེ་དང་རྡོ་རྗེ་སེམས་དཔའ། སྤྱན་རས་གཟིགས་བཅུ་གཅིག་ཞལ་བཅས་ཐོག་རྩེག་རེ་དང་། ཟངས་གསེར་ལས་བསྐྲུན་པའི་ཐུབ་སྐུ་ཁྲུ་གསུམ་ལྷག་ཙམ་དང་། སྔོན་གྱི་རྟེན་རྙིང་འགྲོ་མགོན་ཆོས་རྒྱལ་འཕགས་པ་ལི་སྐུ་ཁྲུ་གང་ཙམ་གཅིག་དང་། གསུང་རྟེན་རྒྱལ་བའི་བཀའ་འགྱུར་ཆ་[page 87] གཉིས་དང་། ས་སྐྱའི་བཀའ་འབུམ་དང་ངོར་ཆེན་བཀའ་འབུམ། རོལ་ཆས་སྐོར་ལ་འགྲོ་མགོན་ཆོས་རྒྱལ་འཕགས་པའི་ཕྱག་སྦུབ་དང་། བྲག་དཀར་བླ་མའི་ཕཡག་སྦུབ། དེང་སང་གི་རྒྱ་གླིང་ཆ་གཅིག་རག་དུང་ཆ་གཅིག་དབུབ་ཆལ་གཉིས། རྔ་ཆེ་ཆུང་བཅུ་གཉིས་དང་འཆམ་གོས་འཆམ་འབག་ཆ་ཚང་བཅས་བཞུགས་ལགས་སོ།

དགོན་པའི་སློབ་གྲྭ་ཁང་དུ་སློབ་ཕྲུག་ཉེར་ལྔ་ལ་དགེ་བློ་བཟང་དཔལ་འབར་གྱིས་ཡི་གེ་འབྲི་ཀློག་དང་རྒྱུ་སྡེའི་འདོན་རྟ་དབྱངས་སོགས་བསླབ་ནས་གྲྭ་མང་གསོ་སྐྱོང་བྱེད་བཞིན་ལགས། ཚེས་དུས་སྒྲུབ་མཆོད་ལ་ཧོར་ཟླ་གཉིས་པའི་ཚེས་གསུམ་ནས་བཅུའི་བར་ཉེར་བདུན་དུ་སྔ་དྲོ་རྣམ་རྒྱལ་མ་དང་ཕྱི་དྲོ་རྣམ་འཇོམས་ཆོ་ག་དང་། ཟླ་བ་གསུམ་པའི་ཚེས་བརྒྱད་ནས་བཅོ་ལྔའི་བར་ཉིན་བདུན་ལ་སྔ་དྲོ་སྒྲོ་དཀར་དང་ཕྱི་དྲོ་ཚེ་དཔག་མེད་ཀྱི་དགུརབ་མཆོད་དང་། ཧོར་ཟླ་བཞི་པའི་ཚེས་བདུན་ནས་བཅོ་ལྔའི་བར་ཉིན་བདུན་དུ་ཀུན་རིག་དང་སྨན་བླ། ཧོར་ཟླ་ལྔ་པའི་ཚེས་བཅུ་ནས་བཅུ་གསུམ་བར་བསྐང་གསོ་དང་བཅུ་གསུམ་ཉིན་རྟ་རྒྱུག་ཆེན་མོ་དང་། ཚེས་བཅོ་ལྔ་ལ་ལས་སྣེ་བསྐོ་བཞག་དང་སློབ་དཔོན་དང་དབུ་མཛད་སོགས་བརྗེ་ལེན་དང་། ཧོར་ཟླ་དྲུག་པའི་ཚེས་བཞི་ནས་བཅུ་གཅིག་བར་ཉིན་བདུན་ལ་མི་འཁྲུགས་པ་དང་འོད་དཔག་མེད་ཀྱི་ཆོ་ག་དང་། ཟླ་བ་བདུན་པའི་ཚེས་བཞི་ནས་ལྔའི་བར་དུ་ཉིན་བཅུ་གཅིག་གི་བར་ཀྱེེ་རྡོར་དབང་ཆེན་དང་ཕྱི་དྲོ་བསྐང་གསོ་དང་སྦྱིན་བསྲེགས། ཟླ་བ་བཅུ་གཅིག་པའི་ཚེས་བཅོ་བརྒྱད་ནས་ཉེར་དགུའི་བར་ཉིན་བཅུ་གཅིག་གི་བར་འཇིགས་བྱེད་དང་བསྐང་གསོ་གཏོར་རྒྱག་དང་། ཟླ་བ་བཅུ་གཉིས་པའི་ཚེས་ཉེར་བདུན་ནས་དང་པོའི་ཚེས་གཅིག་གི་བར་ཉིན་ལྔ་ལས་ཉིན་དང་པོ་གསུམ་ལ་བསྐང་གསོ་དང་ཉིན་ཕྱི་མ་གཉིས་ལ་ཆོས་སྤྱོད་བཅས་འཚོགས་དགོས་སོ།། དགོན་འདིར་དགེ་འདུན་ཞལ་གྲངས་བརྒྱ་ཕྲག་གཅིག་ལྷག་ཙམ་ལ་ཡོན་བདག་ཁྱིམ་དུད་བརྒྱ་ཕྲག་གསུམ་ལྷག་གི་དད་རྫས་དང་གཤིན་རྫས་ལ་བརྟེན་ནས་མཆོད་ཐོག་འཚོགས་དགོས་པ་ཡིན་ནོ་

དགོན་པའི་ལོ་རྒྱུས་འདི་ནི་བློ་བཟང་ཟླ་བའི་གསུངས་པ་བཞིན་མུ་པོས་བྲིས་པའོ།།

ས་མིང་ཚིག་མཛོད་མིག་བཤར།

སྔོན་འགྲོ་མགོན་ཆོས་རྒྱལ་འཕགས་པ་རྒྱ་ནག་གོང་མའི་དབུ་བླར་བྱོན་ཏེ། རབ་བྱུང་ལྔ་པའི་སྟོད་ཙམ་དུ་ཕྱིར་ཨ་སྐྱར་ཕེབས་སྐབས། སྡེ་གཞུང་གི་དཔོན་པོ་ཨ་འབུམ་ནས་བདག་ལ་དམ་པ་ཉིད་ཀྱིས་གཟིགས་རྟོགས་མཛད་པའི་དགོན་ལག་ཤིག་དགོས་ཞེས་གསོལ་བ་ལྟར། རི་གསེར་ཉ་འདྲ་བའི་གཡོན་ཟུར། མཚོ་མེ་ལོང་འདྲ་བའི་གཡས་ཟུར། སྤང་གསེར་ཁྲི་འདྲ་བའི་ཡངས་སྟེང་དུ་དགོན་པ་ཞིག་བཏབ་ན། རྡོ་རྗེ་གུར་གྱི་མགོན་པོའི་སྤྲུལ་པའི་ཟློས་གར་རྒྱུན་མི་འཆད་ཅིང་། འདུལ་འཛིན་གྱི་དགེ་འདུན་རྒྱུ་སྐར་གྱི་ཕྲེང་བ་ཚལ་དུ་དངར་བ་ལྟར་འབྱུང་བ་ལུང་བསྟན་ཅིང་དགོན་པའི་མཚན་ལ་བཤད་སྒྲུབ་དར་རྒྱས་གླིང་ཞེས་གསོལ། དེའི་དུས་སྡེ་གྲངས་ཉུང་བ་དང་འབྲོག་དགོན་དུ་སོང་གཤིས་སྦྲ་གུར་ཙམ་ལ་བརྟེན་ནས་བཞུགས་དགོས་པ་ས་ནག་སྒར་དགོན་ཞེས་གྲགས་པ་ཡིན་ནོ།

ཨ་འབུམ་ལ་བུ་གཉིས་ཡོད་པའི་ཆེ་བ་ཇོ་ལོས་སྡེ་དཔོན་མཛད། ཆུང་བ་གསང་བདག་རྡོ་རྗེ་འཆང་དབང་མཁྱེན་རབ་རབ་བརྟན་ཞེས་པ་ནི་རྒྱུད་འཇམ་ཞིང་ཤེས་རིག་ལ་མཁས་པ། བསྟན་པ་དང་སེམས་ཅན་ལ་བློ་དཀར་བ་སོགས་ཡོན་ཏན་དུ་མས་བརྒྱན་པ་དེ་ཉིད་ཀྱིས་གོས་མ་ཆེན་པོ་འགྲོ་མགོན་ཆོས་རྒྱལ་འཕགས་པ་བསྟེན་ཏེ། སྤྱིར་མདོ་སྔགས་རིག་གནས་དང་བཅས་པ་སྦྱངས་བ་མཐར་ཕྱིན་མཛད་པ་མ་ཟད། རྒྱུད་བརྟག་པ་གཉིས་པ་དང་ཀྱེེ་རྡོ་རྗེ་སོགས་རྒྱཽད་དོན་ལ་ལྷག་པས་མཁས་པས། བླ་མའི་ཞལ་ནས་ཁྱོད་ཀྱིས་མདོ་ཁམས་སྨད་དུ་བཤད་སྒྲུབ་ཀྱི་བསྟན་པ་སྤེལ་དགོས་ཞེས་བཀའ་ལུང་སྤྱི་བོར་མནོས་ཏེ། ཕྱག་རྟེན་དུ་རྒྱུ་ལི་ལས་གྲུབ་པའི་འཇམ་དབྱངས་སྐུ་བརྙན་མི་ཚད་ཙམ་དང་། རོལ་ཆས་ཨ་རག་གམ་ཕུན་ཚོགས་སྒྲ་དབྱངས་དང་། ཉིད་ཀྱི་བླ་གསོ་དང་དབུ་ཞྭ། གསུང་ངག་རིན་པོ་ཆེ་ལམ་འབྲས་སོགས་སྐུ་གསུངས་ཐུགས་རྟེན་དུ་མ་བསྩལ་ཏེ། དཔལ་ལྡན་ས་སྐྱ་པའི་བསྟན་པའི་བདག་པོར་མངའ་གསོལ། རང་ཡུལ་བཤད་སྒྲུབ་དར་རྒྱས་དུ་བྱོན་ནས་བཤད་སྒྲུབ་འཁོར་ལོ་གཉིས་ལྡན་གྱི་སྒོ་ནས་རྒྱལ་བའི་བསྟན་པ་འཛིན་སྐྱོང་སྤེལ་གསུམ་དང་། ཁྱད་པར་དུ་དཔལ་ལྡན་ས་སྐྱ་བའི་བསྟན་པ་འདི་མདོ་ཁམས་སྨད་དུ་ཉིན་མོ་བཞིན་གསལ་བར་མཛད་པ་ཡིན་ནོ།།

དེའི་རྗེས་བླ་མ་ཕྲིན་ལས་རབ་རྒྱས། བློ་གྲོས་དབང་ཕྱུག སྙན་གྲགས་ལུང་རིག་ཉི་མ་སོགས་མཁས་གྲུབ་གཉིས་ལྡན་གྱི་སྐྱེས་ཆེན་དམ་པ་དུ་མ་བྱོན་ན་ཡང་ད་ལྟར་དྲན་པའི་ཡུལ་དུ་མ་གྱུར་རོ། དེ་ནས་དཔལ་ལྡན་ས་སྐྱའི་བསྟན་པའི་སྒྲོནམེ་གཅིག་པུར་གྱུར་པ་ནི། ཤར་དྭགས་པོ་བཀྲ་ཤིས་རྣམ་རྒྱལ་[page 92] དང་རྒྱལ་བ་ཀློང་ཆེན་རབ་འབྱམས་སོགས་སྤྲུལ་པའི་ཟློས་གར་བདུན་གྱི་དྲུག་པ་བཅོ་བརྒྱད་གཟིམས་འོག་བྱམ་པ་ངག་དབང་བསྟན་འཛིན་སྙན་གྲགས་ཀྱི་སྤྲུལ་པའི་སྐུ་མཆོག་འཇམ་དབྱངས་ཀུན་དགའ་བསྟན་པའི་རྒྱལ་མཚན་དཔལ་བཟང་པོ་དེ་ཉིད་ཡབ་ཝ་ཤུལ་རྦ་བརྟན་དབང་རྒྱལ་དང་། ཡུམ་ཨ་ཐོག་དཔོན་གྱི་སྲས་མོ་ནོར་བུ་སྒྲོལ་མ་གཉིས་ལ་ངོ་མཚར་ལྟས་དང་བཅས་ཏེ་སྐུ་བལྟམས། དམ་པ་འདི་ཉིད་སྐུ་ན་ཆུང་བའི་དུས་ནས་ཐུགས་རིག་ཤིན་ཏུ་གསལ་བས་འབྲི་ཀློག་སོགས་ཚེག་མེད་དུ་མཁྱེན། རྒྱལ་བའི་རྒྱལ་ཚབ་རུ་ངེད་པའི་རིས་མེད་ཀྱི་དམ་པ་མང་པོ་ཚུལ་བཞིན་དུ་བསྟེན་ཏེ། མདོ་སྔགས་གསར་རྙིང་རིས་མེད་ཀྱི་དམ་པ་མང་པོ་ཚུལ་བཞིན་དུ་བསྟན་ཏེ། མདོ་སྔགས་གསར་རིས་མེད་ཀྱི་ཆོས་ལ་ཐོས་པ་རྒྱ་ཆེར་མཛད་དེ། རྗེ་འདི་ཉིད་ཀྱི་ཞལ་ནས་བཅུ་ཕྲག་གཉིས་ཀྱི་ཡོང་འཛིན་དམ་པ་བསྟེན་ཞེས་གསུངས་པ་ལྟར། དེ་དག་ལས་ཀྱང་རྩོད་མེད་ཀྱི་མཁས་གྲུབ་ཆེན་པོ་བཞི་དང་། བཀའ་དྲིན་འགྲན་ཟླ་དང་བྲལ་བ་གཅིག་བཅས་ལས་གསན་བསམ་མང་དུ་མཛད། ཁྱད་པར་དུ་མགོན་པོ་འཇམ་པའི་དབྱངས་ཀྱི་རྣམ་འཕྲུལ་འཛམ་གླིང་མཁས་པོ་ཡོངས་ཀྱི་གཙུག་རྒྱན་དཔལ་ས་སྐྱ་པཎྚི་ཏ་ཞེས་སྙན་པར་གྲགས་པའི་བདུག་ཉིད་ཆེན་པོ་དེ་ཉིད་སྙན་བརྒྱུད་རྒྱ་མཚོའི་བསྟན་པའི་མེ་རོ་གསོ་བའི་ཕྱིར་བསམ་བཞིན་དུ་བྱོན་པའི་མཁས་གྲུབ་ཆེན་པོ་སྒ་སྟོད་འཇམ་མགོན་རིན་པོ་ཆེ་ངག་དབང་ཀུན་དགའ་ལེགས་པའི་འབྱུང་གནས་ཡེ་ཤེས་རྒྱལ་མཚན་དཔལ་བཟང་པོ་ཞེས་གྲགས་པ་དམ་པ་འདི་ཉིད་ཀྱི་དྲུང་ནས་ལམ་འབྲས་བུ་དང་བཅས་པའི་གདམས་ཁྲིད་ཀྱི་མན་ངག་ཟབ་པའི་ཚུལ་བཅུ་གཅིག་དང་། སྙན་བརྒྱུད་ཚད་མ་བཞི་ལྡན་གྱི་གདམས་པ་ཟབ་མོ་རྣམས་བུམ་པ་གང་བྱོས་ཚུལ་དུ་གནང་སྟེ་དཔལ་ལྡན་ས་སྐྱ་བའི་བསྟན་པའི་བདག་པོར་མངའ་གསོལ་བ་ཡིན་ནོ།།

དམ་པ་འདིའི་ལྗགས་རྩོམ་སྐོར་ལ་ཡང་། དོན་འགྲེལ། དཀའ་འགྲེལ། སྨོན་ལམ། བླ་རྣམ། ཉམས་མགུར། བསྟོད་ཚོགས། ཞབས་བརྟན། རྣམ་ཐར། བླ་མ་རྒྱང་འབོད་དང་གསོལ་འདེབས། སྒྲུབ་ཐབས། ལག་ལེན། ཞལ་གདམས། གསོལ་འཕྲིན་སོགས་ཀྱི་སྐོར་པོད་ལྔ་དྲུག་ཙམ་བཞུགས།

སྐུ་གསུངས་ཐུགས་རྟེན་སྐོར་ལ། འགྲོ་མགོན་ཆོས་རྒྱལ་འཕགས་པའི་གནང་བའི་རྒྱུ་ལི་ལས་གྲུབ་པའི་འཇམ་དབྱངས་སྐུ་བརྙན་མི་ཚད་ཙམ་དང་། རྒྱུ་ཟངས་གསེར་ལས་བསྐྲུན་པའི་སྤྱན་རས་གཟིགས་ཀྱི་སྐུ་དང་། རྒྱུ་ཙནྟ་ལས་བཟོས་པའི་སྒྲོལ་མའི་སྐུ་དང་སྟོན་པའི་སྐུ་མི་ཚད་མ། གསུང་རྟེན་གསང་ངག་རིན་པོ་ཆེ་ལམ་འབྲས་ཆ་གཅིག རོལ་མོ་ཨ་རག་གམ་ཕུན་ཚོགས་སྒྲ་དབྱངས། རྒྱ་དབང་སྐལ་བཟང་རྒྱ་མཚོའི་ཕྱག་གནང་གི་འཁར་རྔ་འཛམ་གླིང་ནོར་དགའ། ཐགས་སུ་གྲུབ་པའི་རྣམ་རྒྱལ་མའི་སྐུ་ཐང་། ཟངས་མོ་ཆེ་བཀྲ་ཤིས་བཅུད་འཁྱིལ། ཤར་ཕྱོགས་རྒྱ་ནག་གོང་མའི་ཆོས་དུང་དགེ་འདུན་ཁྲི་སྡུད། རོལ་ཆས་སྟོང་གསུམ་འབྲུག་སྒྲ། རས་བྲིས་ཀྱི་སྟོན་པ་གཙོ་འཁོར་གསུམ་བཅས་རྟེན་རྙིང་སྐོར་དང་། དེའི་ཕྱིས་ཀྱི་མཁས་གྲུབ་རྣམས་ཀྱིས་བཞེངས་པ། རྒྱུ་ཟངས་གསེར་ལས་གྲུབ་པའི་གོང་མ་རྣམ་ལྔ་མི་ཚད་ཙམ། འཇམ་དབྱངས་སྐུ་མདའ་ཚད་མའི་སྟོང་ལྷག་དང་། སྟོན་པ་གཙོ་འཁོར་གསུམ། སྒྲོལ་མ། [page 93] ཐུགས་རྗེ་ཆེན་པོ། ཀྱེེ་རྡོར། གུ་རུ་གཙོ་འཁོར་གསུམ་སོགས་གསེར་དངུལ་ཟངས་གསུམ་ལས་གྲུབ་པ་ཤ་སྟག་གོ། གསེར་ཐང་ལ་ལམ་འབྲས་བླ་བརྒྱུད། མཛད་པ་བཅུ་གཉིས། སངས་རྒྱས་སྟོང་སྐུ། སྒྲོལ་མ་སྟོང་སྐུ། གོང་མ་རྣམ་ལྔ་བཅས་ཐང་ཆེན་དང་ཐང་ཕྲན་སྐོར་དུ་མ་དང་། གསུང་རབ་ལ་རྒྱལ་བའི་བཀའ་འགྱུར་རིན་པོ་ཆེ་ཚར་ཉེར་ལྔ། བསྟན་འགྱུར་ཆ་བཞིང་། གསུང་ངག་རིན་པོ་ཆེ་ལམ་འབྲས་པར་མ་ཆ་གཅིག་དང་གསེར་དངུལ་གྱིས་བྲིས་མ་ཆ་གཅིག གཞན་ས་སྐྱའི་བཀའ་འབུམ་སོགས་བཀའ་འབུམ་སྐོར་དུ་མ་ཡོད་པ་དེ་དག་ཐམས་ཅད་གླེགས་ཤིང་སོགས་གསེར་བྲིས་དང་ལྡན་ཞིང་སྤུས་ལེགས་ལ་སྒྲོས་གཙང་བ་བླ་མ་གོང་མ་རྣམས་ཀྱིས་བྱིན་རླབས་ཆགས་པ་དང་། སྐུ་རྟེན་ཐམས་ཅད་ལ་ཆོས་འཕགས་དང་ས་པཎ་རྒྱལ་དབང་བདུན་པ་སོགས་ཀྱི་དབུ་སྐྲ་ན་བཟའ། ཁྱད་པར་དུ་འགྲོ་མགོན་ཆོས་རྒྱལ་འཕགས་པ་ཉིད་ཀྱི་ཞལ་ཚེམས་ཆོས་རྗེའི་སྐུ་ཆས། སློབ་དཔོན་རིན་པོ་ཆེའི་སྐུ་ཆས། ཡེ་ཤེས་མཚོ་རྒྱལ་གྱི་ན་བཟའ། སངས་རྒྱས་འོད་སྲུང་སོགས་ཀྱི་རིང་བསྲེལ་རྣམས་གཟུངས་གཞུག་ཏུ་ཕུལ་བའི་བྱིན་རླབས་ཀྱི་ཚན་ཁ་ཤིན་ཏུ་ཆེ་བ་དུ་མའོ།

འཇམ་དབྱངས་ཀུན་དགའ་བསྟན་པའི་རྒྱལ་མཚན་དཔལ་བཟང་པོའི་སྐུ་རིང་དུ་སྔོན་གྱི་གཙུག་ལག་ཁང་ཀ་བ་ཉེར་བཞི་དང་ཁང་ཕྲན་བཅས་རྒྱ་བསྐྱེད་དེ་གཙུག་ལག་ཁང་ཀ་བ་སོ་དྲུག་ཅན་དང་། ཉེར་བཞི་ཅན། མགོན་ཁང་། རུང་ཁང་། ཆོས་ར་བཅས་བསྐྲུན་ནས། གྲྭ་བཞི་བརྒྱ་ལྷག་ཙམ་ལ་དེ་སྙེད་ཀྱི་གྲྭ་ཤག་དང་ཆོས་སྡེ་ཆེན་པོར་འོང་བའི་ཁང་ཕྲན་ཆ་ལག་དང་བཅས་པའི་ནང་དུ་རྒྱུ་ཟངས་གསེར་ལས་གྲུབ་པའི་ཐུབ་པ་རྩེག་ཚད་མས་མཚོན་ཐུབ་སྐུ་དུ་མ་དང་། འཇམ་མགོན་བླ་མའི་དབུ་སྐྲ་བསྲེས་ནས་ཆོས་རྗེ་ས་པཎ་གྱི་སྐུ་འབུམ་ཕྲག་གཉིས་ཙམ་བཞེངས་པ་དེ་དག་ཐམས་ཅད་ལ་གསེར་ཆབ་གསོལ་ཡོད་པ་དང་། གསུང་རྟེན་རྒྱལ་བའི་བཀའ་འགྱུར་ཆ་གསུམ་དང་། བསྟན་འགྱུར་ཆ་བརྒྱ་ཕྲག་ལྷག་དང་། ས་སྐྱ་བཀའ་འབུམ། ཀུན་མཁྱེན་བཀའ་འབུམ་སོགས་གསུང་འབུམ་སྐོར་དང་། རྒྱུད་བཏུས་སྒྲུབ་བཏུས་སོགས་སྨིན་གྲོལ་ཕྱོགས་ཀྱི་སྐོར་དང་། མདོ་སྔགས་གཞུང་འགྲེལ་སྣ་ཚོགས་པོད་བརྒྱ་ཕྲག་དུ་མ་དང་། བྲིས་མ་མགོན་པོ་མེ་འབར་མ་ཁ་སྐོང་། ཡང་སྐོང་སོགས་དང་། སྤྱི་ལྗོན་ནང་དུ་བཞུགས་པའི་མདོ་སྔགས་ཀྱི་ལུང་ཕྱོགས་གཅིག་ཏུ་བསྡུས་པའི་གསེར་གྱི་གླེགས་བམ། ཐུགས་རྟེན་གསེར་དངུལ་ཟངས་གསུམ་ལས་བསྐྲུན་པའི་མཆོད་རྟེན་ཆེན་པོ་བཞི་དང་། སྟེང་ཁང་དུ་ཆོས་སྐྱོང་ཐམས་ཅད་ཀྱི་རུ་མཚོན་གྱི་རྒྱལ་མཚན་སོགས་མཆོད་རྫས་དང་རྟེན་རྫས་དུ་མའོ།

དེ་ལ་དགོན་འདི་བསྟན་བདག་དང་དབུ་མཛད་དགེ་སྐོས། རྒྱུ་རྫས་འགན་བཞེས་ཀྱི་སྤྱི་པ་སོགས་བྱ་བ་ཆེ་ཕྲ་ཇི་སྙིད་ཡོད་པ་དེ་དག་ཐམས་ཅད་ལ་དུས་རྒྱུན་པར་གཟིགས་པ་མ་གཏོགས་བརྗེ་སྲོལ་མེད། མཁན་པོ་ནི་རྡོ་རྗེའི་སློབ་དཔོན་དང་། གནས་བརྟན་ནི་དབྱར་གནས་དང་སྨྱུང་གནས་སོགས་ཀྱི་མཁན་པོ་ཡིན་ཞིངདེ་གཉིས་ནི་ལོ་བཞི་ལྔ་རེ་མཚམས་སུ་གྲྭ་ཚང་དུ་བཤད་སྒྲུབ་ཀྱི་བསྟན་པ་འཛིན་པ་ཡོད་ན་བརྗེ་[page 94] སྲོལ་ཡོད། ཆོས་ཁྲིམས་མི་ལོ་གཉིས། དགོན་འདིའི་བུ་དགོན་ནི་སྐྱབས་ཤུལ་དང་བཞག་ཁོག་གི་ས་སྐྱ་དགོན་པ་གཉིས་ཡིན་ནོ།།

ཚེས་དུས་སྒྲུབ་མཆོད་ནི། བོད་ཟླ་གསུམ་པའི་ཚེས་ཉེར་དགུ་ནས་སྒ་སྟོད་རིན་པོ་ཆེའི་བླ་མཆོད་ཉིན་ལྔ། བོད་ཟླ་བཞི་པའི་ཚེས་བཅོ་ལྔ་ནས་ཕུར་བ་ཉིན་བདུན། བོད་ཟླ་ལྔ་པའི་ཆེས་བཅོ་ལྔ་ནས་ཀྱེེ་རྡོར། ཀུན་རིག མི་འཁྲུག་པ་བཅས་ཉིན་བདུན། བོད་ཟླ་བདུན་པའི་ཚེས་བཅོ་ལྔ་ནས་མཁའ་སྤྱོད་མ། ཚེ་མཆོག སྨན་ལྷ་བཅས་ཉིན་བདུན། བོད་ཟླ་བཅུ་གཅིག་པའི་ཚེས་ཉི་ཤུ་གཉིས་ནས་སྡེ་སྤྲུལ་རིན་པོ་ཆེ་བླ་མཆོད་ཉིན་ལྔ། བོད་ཟླ་བཅུ་གཉིས་པའི་ཚེས་ཉེར་ལྔ་ནས་མཁན་ཆོས་འཕེལ་གྱི་བླ་མཆོད་ཉིན་ལྔ་བཅས་འཚོགས་དགོས་པ་ཡིན་ནོ། དེ་ལ་སྔོན་མ་དགོན་པའི་མངའ་འོག་ཏུ་དུད་གྲངས་ལྔ་བརྒྱ་ལྷག་ཙམ་ཡོད་པ་དེ་དག་གི་དད་གཤིན་རྫས་ལ་བརྟེན་ནས་འཚོགས་པའི་གཏོང་སྒོ་དགོས་པ་ཡིན་ནོ། བཅོས་སྒྱུར་དང་རིག་གསར་སྐབས་དགོན་པ་རྟེན་དང་བརྟེན་པར་བཅས་པ་མིང་ལྷག་མར་བྱས། སླད་ནས་ཏང་སྲིད་བཟང་པོའི་འོག་ཆོས་ལུགས་དད་པ་རང་མོས་ཀྱི་སྐལ་བཟང་པོའི་ཚེ་བའི་དུས་འདིར། ལྔ་རིག་སྨྲ་བའི་པཎྚི་ཏ་ཆེན་པོ་ཆོས་རྗེ་བདག་ཉིད་ཆེན་པོ་ས་པཎ་ཀུན་དགའ་རྒྱལ་མཚན་བསམ་བཞིན་རྡོ་རྗེ་ཐེག་པའི་བསྟན་པའི་སྲོག་ཤིན་འཛིན་པར་བྱོན་པ་སྒ་སྟོད་ངག་དབང་ལེགས་པ་ཞེས་རྒྱལ་བའི་ལུང་གི་ཡང་ཡང་བསྔགས་པ་དེ་ཡི་འཕྲིན་ལས་ཀྱི་ཟློས་གར་སྙིགས་དུས་འགྲོ་བའི་དཔལ་དུ་ངུར་སྨྲིག་རྡོ་རྗེ་འཛིན་པའི་སྐུར་བཞེངས་པ་མཚན་ནས་བརྗོད་པར་དཀའ་ཞིང་དོན་གྱི་སླད་དུ་མཚན་ནས་སྨོན་ན་འཇམ་དབྱངས་མགོན་པོ་བསོད་ནམས་མཆོག་ལྡན་སངས་རྒྱས་བསྟན་པའི་རྒྱལ་མཚན་དཔལ་བཟང་པོ་དེ་ཉིད། ཡབ་ཝ་ཤུལ་ཨ་འབུམ་ནས་དཔོན་རབས་ཉེར་གཉིས་པ་འཇམས་དབྱངས་རྡོ་རྗེ་ཞེས་དཔལ་རྩལ་མཛངས་གསུམ་གྱིས་ལེགས་པར་བརྒྱན་པ་དེ་དང་། ཡུམ་ཆུ་རྒོད་དཔོན་ཚང་གི་སྲས་མོ་རྡོ་རྗེ་མ་ཞེས་བྱམས་སྙིང་རྗེ་བཅོས་མིན་རྒྱུད་ལ་འཁྲུངས་བ་གཉིས་ཀྱི་སྲས་སུ་བོད་རབ་བྱུང་བཅུ་དྲུག་པའི་དགའ་བ་ཞེས་པ་ཆུ་ཕོ་འབྲུག་གི་ལོར་ངོ་མཚར་ལྟས་དང་བཅས་ཏེ་འཇམ་དབྱངས་སྐུ་འབུམ་དགོན་གྱི་ཡང་སྟེང་དུ་སྐུ་བལྟམས། དམ་པ་དེ་ཉིད་འཁྲུང་མ་ཐག་ཏུ་ཁྲོམ་ཁོག་ནས་གནས་བརྟན་བཅུ་དྲུག་གི་ཞལ་ཐང་དང་། རོང་ཁོག་ས་སྐྱ་དགོན་ནས་འཁར་གསར་སོགས་དུ་མ་ཕུལ་བས་རྟེན་འབྲེལ་ལེགས་པར་ཚང་བ་མ་ཟད། སྡེ་སྤྲུལ་འཇམ་དབྱངས་ཀུན་དགའ་རྒྱལ་མཚན་དང་། རྡོ་རྗེ་འཛིན་པ་གྲུབ་པའི་དབང་ཕྱུག་ཆེན་པོ་ཁྲོམ་དགེ་ཨ་རིག་སོགས་ཀྱིས་སྐུ་ཁྲུས་གསོལ་ཏེ། མཚན་དུ་མགོན་པོ་བསོད་ནམས་མཆོག་ལྡན་གསོལ། འཇམ་དབྱངས་མཁྱེན་བརྩེ་རིན་པོ་ཆེ་ཆོས་ཀྱི་བློ་གྲོས་ཀྱིས་འཇམ་མགོན་ཆོས་ཀྱི་རྒྱལ་པོ་ངག་དབང་ལེགས་པའི་སྤྲུལ་སྐུ་མངའ་གསོལ། སྡེ་སྤྲུལ་རིན་པོ་ཆེས་ཆག་མེད་རྣམ་བཞི་ནས་དབང་རྗེས་གནང་དཔག་མེད་དང་། སྡེ་སྣོད་འཛིནཔའི་གཙུག་རྒྱན་མཁན་ཆོས་འཕེལ་ནས་སྒྲུབ་ཐབས་ཡོངས་རྫོགས་ཀྱི་གཙོ་དབང་སོགས་གནང་བ་ནས་བཟུང་མཚམས་བསྙེན་སྒྲུབ་འབའ་ཞིག་མཛད་དེ། ཕྱིས་སུ་དགུང་གྲངས་སོ་བདུན་པར་སྐྱེ་[page 95] དགུ་དོན་གྲུབ་གླིང་སོགས་སུ་བྱོན་ནས་སྨིན་ཁྲིད་དུ་མ་བསྩལ། ཁྱད་པར་དུ་དགོན་འདི་བསྐྱར་གསོ་སྐབས་ནས་བཟུང་ཐོག་མཐའ་བར་གསུམ་དུ་ཐུགས་ཁུར་མཛད་དེ། གཙུག་ལག་ཁང་། དགེ་ཁང་། མཛོད་ཁང་། ལྷ་གཉེར་ཁང་། རུང་ཁང་། མགོན་ཁང་། དཔེ་ཁང་། འཁོར་ཁང་། ཆོས་ར་སོགས་ཀྱི་ཚད་དསྔོན་མ་ནང་བཞིན་བཞེནགས་ཏེ། ནང་རྟེན་དུ་རྒྱུ་སྨན་འདམ་ལས་སྟོན་པ་གཙོ་འཁོར་གསུམ་རྩེག་ཚད་དང་། ས་སྐྱའི་གོང་མ་རྣམ་ལྔ། ཚར་ཆེན། ངོར་ཆེན། ལམ་འབྲས་བླ་བརྒྱུད་རྣམས་དང་། གུ་རུ་དང་ཡི་དམ་ཐུགས་རྗེ་ཆེན་པོ། སྒྲོལ་མ་སོགས་མི་ཚད་ཙམ་དང་། རྒྱུ་གསེར་དངུལ་ལས་བསྐྲུན་པའི་སྐུ་གདུང་མཆོད་རྟེན་རིན་པོ་ཆེ་གཟི་བྱུར་གྱིས་བཀོད་པ་མི་ཚད་མ་བཞི། ཟངས་གསེར་ལས་གྲུབ་པའི་མཆོས་རྟེན་མི་ཚད་མ་ཉི་ཤུ། ཞལ་ཐང་སྐོར་བཅུ་ཕྲག་འགའ་དང་། རྒྱལ་བའི་བཀའ་འགྱུར་ཆ་གཅིག བསྟན་འགྱུར་ཆ་གཉིས། གཞན་ཡང་བཀའ་འབུམ། སྒྲུབ་བཏུས། རྒྱུད་བཏུས་སོགས་པོད་བརྒྱ་ཕྲག་ལྷག་དང་། གཞན་ཡང་སྤྱི་ཡི་ཡོ་བྱད་ལ་འཕན་གདུགས་རྒྱལ་མཚན། རི་དྭགས་ཆོས་འཁོར། རྒྱ་གླིང་། སིལ་སྙན་སོགས་ཆ་ཚང་དང་། དགོན་པའི་མངའ་འོག་གི་ཁྱིམ་དུད་ལྔ་བརྒྱ་ལྷག་གི་དད་གཤིན་རྫས་སོགས་ལ་བརྟེན་ནས་དགེ་འདུན་གྱི་ཞལ་གྲངས་བཞི་བརྒྱ་ལྷག་གིས་སྔོན་མ་ནང་བཞིན་ཚེས་དུས་སྒྲུབ་མཆོད་སོགས་འཚོགས་བཞིན་ཡིན་ནོ།། དགོན་པའི་ལོ་རྒྱུས་འདི་ནི་འཇམ་དབྱངས་ཀུན་དགའ་བསྟན་པའི་རྒྱལ་མཚན་དཔལ་བཟང་པོའི་རྣམ་ཐར་ལ་གཞི་བྱས་མཆོག་སྤྲུལ་མགོན་པོ་བསོད་ནམས་ཀྱི་ངག་རྒྱུན་ལས་ཟུར་བརྒྱན་ཏེ་མུ་པོས་བྲིས་པའོ།

ས་མིང་ཚིག་མཛོད་མིག་བཤར།

སྔོན་རྒྱལ་མཆོག་བསོད་ནམས་རྒྱ་མཚོས་ལི་ཐང་ཐུབ་ཆེན་ཆོས་འཁོར་གླིང་འདེབས་སྐབས་དེར་གཡུང་དྲུང་བོན་གྱི་བསྟན་པ་སྐྱོང་བའི་བོན་དགོན་ཞིག་ཡོད་པ་ལས། རིམ་གྱིས་ཐང་དགོན་པའི་སྟོབས་དང་མངའ་ཐང་ཇེ་རྒྱས་སུ་གྱུར་ཏེ། གཡུང་དྲུང་བོན་གྱི་བསྟན་པ་ཉམས་ནས་མཐར་དགོན་པ་དེ་མིང་གི་ལྷག་མར་འགྱུར་བ་ཡིན་ལ། དེ་ལས་དེང་དུས་ཀྱི་ལོ་རྒྱུས་སྨྲ་བ་ཁ་ཅིག་གིས་འདོད་པ་ལྟར་རྒྱལ་མཆོག་བསོད་ནམས་རྒྱ་མཚོས་བོན་པོའི་གྲུབ་མཐའ་དེ་དགེ་ལུགས་ཀྱི་གྲུབ་མཐར་བསྒྱུར་བར་འདོད་པ་ནི་[page 116] མ་བརྟག་པའི་གཏམ་འབའ་ཞིག་ལས་མ་འདས་སོ། ལོ་རྒྱུས་འདི་ནི་ལི་ཐང་དགོན་པའི་ལོ་རྒྱུས་སོགས་ལ་གཞི་བྱས་རྣམ་པོ་ཚེ་རིང་གི་ངག་རྒྱུན་ཁུངས་ཐུབ་རྣམས་ལས་ཟུར་བརྒྱན་ཏེ་མུ་པོས་བྲིས་པའོ།།

ས་མིང་ཚིག་མཛོད་མིག་བཤར།

རིག་གསལ་བླ་མ་ཞེས་རྙིང་མའི་གྲུབ་མཐའ་བཤད་སྒྲུབ་གཉིས་ལྡན་གྱི་སྒོ་ནས་སྐྱོང་བའི་དགོན་པ་འདི་ཉིད་ཕྱག་བཏབ་མཛད་དེ། བསྟན་འཛིན་གྱི་སྐྱེས་བུ་གསེར་རིའི་ཕྲེང་བ་ཚར་དུ་དངར་བ་ལྟ་བུ་དུ་མ་བྱོན་ནས་སྔ་འགྱུར་རྙིང་མའི་བསྟན་པ་བཤད་སྒྲུབ་གཉིས་ལྡན་གྱི་སྒོ་ནས་བླ་ལྷག་ཏུ་སྤེལ་ནས་ད་ལྟའི་བར་དུ་གནས་པ་ནི་སྨོས་མ་དགོས་པ་ཡིན་མོད། དེ་ལས་དགོན་འདི་ནི་ས་ཐག་རིང་བ་དང་། འགྲོ་ལམ་མི་བདེ་བ་དང་། དགོན་པ་རང་ཉིད་ཀྱི་དགོན་པའི་ལོ་རྒྱུས་ལ་དོ་སྣང་མེད་པ་བཅས་ཀྱིས་རྐྱེན་བྱས། ལི་ཐང་རྫོང་ཆོས་ལུགས་ཅུས་ཀྱི་སྔ་གཞུག་ཏུ་གློག་བརྡ་དང་བཀའ་ཤོག་སོགས་དུ་མ་བསྩལ་ན་ཡང་། ཡར་རྫོང་ཐོག་ཏུ་བཅར་གཏུག་སོགས་གང་ཡང་མི་བྱེད་པ་དང་གཅིག ཕྲན་རང་ངོས་ནས་བཤད་ན་རྟ་ཞོན་ནས་འགྲོ་དགོས་ན་ངོ་ཤེས་མེད་པ་དང་ས་ཐག་རིང་བ་བཅས་ཀྱིས་རྐྱེན་བྱས་ནས་དེ་ལྟ་བུའི་སྤོབས་པ་མེད་པས་རེ་ཞིག་དེ་ཙམ་ལས་ལོ་རྒྱུས་ཞིབ་ཕྲ་འབྲི་རྒྱུ་མ་ལོན་པས། དེ་ལུགས་ཡེ་ཤེས་ཀྱི་སྤྱན་དང་ལྡན་པ་རྣམས་ཀྱི་སྐུ་མདུན་དུ་བཟོད་པར་ལན་བརྒྱ་གསོལ་པ་ཡིན་ནོ། ལོ་རྒྱུས་ཕྲན་བུ་འདི་ནི་མུ་པོས་བྲིས་པའོ།།

ས་མིང་ཚིག་མཛོད་མིག་བཤར།

རྗེ་བྱམས་པ་འབུམ་གྱིས་དགོན་སྡེ་བརྒྱ་རྩ་བརྒྱད་འདེབས་པའི་ལུང་བསྟན་ལྟར། སྐུ་ཚེ་ཧྲིལ་པོར་དགོན་སྡེ་བརྒྱ་རྩ་བརྒྱད་བཏབ་པའི་ནང་ཚན་གྱི་དགོན་པ་འདི་ཡང་རབ་བྱུང་ལྔ་པའི་ནང་ཙམ་དུ་བཏབ་པར་མངོན་ནོ།

ཉིན་ཞིག་ཁོང་གི་དངོས་སློབ་མ་ཨ་གུ་རི་བ་ཚང་གི་བུ་དང་མཉམ་དུ་དགོན་པ་བཞེངས་པའི་ལྟ་གོན་དུ་འདུ་ཁང་གི་ཀ་རིང་དེ། གྲུབ་པའི་མཛད་སྤྱོད་ཀྱི་སྒོ་ནས་ཨུ་གུ་རི་བ་ཚང་གི་བུད་ཁྲིད། ཆོས་རྗེ་རིན་ཆེན་གྱིས་དེད་དེ་འོང་སྐབས། རྡོ་ཕ་བོང་ཞིག་གི་སྟེང་དུ་བྱོལ་སོང་ལས་ཁྱད་དུ་འཕགས་ཤིང་ཡ་མཚན་དང་གཟི་བརྗིད་ཤིན་ཏུ་ཆེའི་བ་ཞིག་མཐོང་ནས། ཀ་རིང་དེ་དེད་རྒྱུ་མེད་པར་ལྷན་ནེ་བསྡད་པས། དེར་དམ་ཅན་རྡོ་རྗེ་ལེགས་པས་ལུང་བསྟན་ཡིན་པ་ཤེས་ཏེ། གཙུག་ལག་ཁང་རྟེན་དང་བརྟེན་པར་བཅས་བཞེངས་ནས་རབ་གནས་ཀྱི་མེ་ཏོག་འཐོར་སྐབས། འཇའ་ཚོན་གྱི་གུར་ཕུབ་མེ་ཏོག་གི་ཆར་བབས་པ་སོགས་ངོ་མཚར་བའི་རྟགས་མཚན་དུ་མངོན་དུ་གྱུར་ཏེ། རྙིང་མའི་སྒྱུ་འཕྲུལ་ཞི་ཁྲོའི་ཞི་འཆད་ཉན་སྒོམ་སྒྲུབ་དར་སྤེལ་མཛད་པས་ཞི་དར་དགོན་ཞེས་པའི་མཚན་གསོལ།

ཆོས་རྗེ་རིན་ཆེན་གྱི་དངོས་སློབ། ཨ་གུ་རི་བ་ཚང་གི་བུ་ནི་གཙུག་ལག་ཁང་བཞེངས་བསྐྲུན་དང་ཆོས་ལ་སྙིང་རུས་ཤིན་ཏུ་ཆེ་བས་ཆོས་རྗེ་རིན་ཆེན་གྱིས་བརྩོན་འགྲུས་བུ་དཔལ་ཞེས་མཚན་གསོལ། དེའི་རྗེས་ཀ་དག་བརྩོན་འགྲུས་འབུམ་པ་བླ་བྲང་འདིར་འཁྲུངས་ཏེ། འབྱུང་བ་ལ་རང་དབང་ཐོབ་པའི་སྐྱེས་ཆེན་དམ་པ་ཞིག་ཡོད་པས། རྡོ་ལ་ཞབས་རྗེས་བཞག་པ་སོགས་ད་ལྟ་ཡང་མཇལ་རྒྱུ་ཡོད་པ་ཡིན་ནོ། དེ་ནས་སངས་རྒྱས་རྒྱལ་མཚན། ཞི་དར་དབོན་རྒན། མདོ་སྔགས་བསྟན་འཛིན། དགེ་སློང་ལས་འཛིན་སོགས་བླ་རབས་བཅུ་གསུམ་ཙམ་བྱོན་པར་ངེས། དེའི་རྗེས་བླ་མ་འགྱུར་མེད་བསྟན་འཛིན། ཡང་སྤྲུལ་བཛྲ་ས་ཡུལ་བར་རོ།

བཤད་སྒྲུབ་ཀྱི་བསྟན་པ་སྤེལ་ཚུལ་ནི། སྤྱིར་དགོན་འདིར་སྒྱུར་འཕྲུལ་ཞི་ཁྲོ་དང་བཀའ་བརྒྱད་བདེ་གཤེགས་འདུས་པ་སོགས་ལ་བརྟེན་ནས་འཆད་ཉན་སྒོམ་སྒྲུབ་ཤིན་ཏུ་དར་སྲོལ་ཆེ་བ་མ་ཟད། ལྕགས་མདུད་ཤེས་རབ་རྒྱལ་མཚན་བྱོན་ཏེ་གུ་དྲག་མེ་རླུང་འཁྱིལ་བ་དང་མགོན་པོ་ཚོགས་བདག་གི་བསྟན་པ་སྤེལ། [page 105] དེ་རྗེས་བདུད་འདུལ་དང་ཀློ་གསལ་བྱོན་ནས། བདུད་ཀློང་གི་ཆོས་སྐོར་དང་། འབར་བྲག་ཡག་དགོན་ནས་རིག་འཛིན་རྒོད་ལྡེམ་གཏེར་བྱོན་བྱང་པའི་ཟབ་གཏེར་དང་། མ་ཏི་སེང་གདོང་སོགས་དར་ཁྱབ་ཆེ་ཕྱིས་སུ་དཔོན་པོ་འགྱུར་མེད་བསྟན་འཛིན་གྱིས་སངས་རྒྱས་མི་གཟིགས་སུ་བྱོན་པ་རྫོགས་སྤྲུལ་ལྔ་པ་ཐུབ་བསྟན་ཆོས་ཀྱི་རྡོ་རྗེ་མཉེས་པ་གསུམ་གྱི་སྒོ་ནས་ཡུན་རིང་བསྙེན། དགོན་པའི་གཙུག་ལག་ཁང་མེས་འཇིག་སྐབས་ཕྱིར་བྱོན་ཏེ། དཔོན་བིང་མགོ་མཐར་ཕྱིན་གྱིས་ཡོན་སྦྱོར་ལ་བརྟེན་ནས་འོག་ཕྱོགས་ཀླུ་ཉ་ཞེས་འབོད་པའི་ས་ཆ་དེར་གཙུག་ལག་ཁང་དང་གྲྭ་ཤག་སོགས་ལེགས་བསྐྲུན་བྱས། ཐུབ་བསྟན་ཆོས་ཀྱི་རྡོ་རྗེ་མཚོན་མཁན་སྤྲུལ་ཉེར་ལྔ་ཙམ་བྱོན་ཏེ་དགོན་པ་རྟེན་དང་བརྟེན་པར་བཅས་པ་ལ་རབ་གནས་ཀྱི་མེ་ཏོག་འཐོར། གྲྭ་བརྒྱ་ལྷག་ལ་ཟབ་ཆོས་ཞི་ཁྲོའི་དགོངས་པ་རང་གྲོལ་སྨིན་བྱེད་ཀྱི་དབང་། གྲོལ་བྱེད་ཀྱི་ཁྲིད། རྒྱབ་བརྟེན་གྱི་མན་ངག་སོགས་གནང་སྟེ་རྫོགས་ཆེན་སྙིང་ཐིག་གི་བསྟན་པ་སྤེལ་ནས་དགོན་པའི་མཙཧན་ལ་རུ་དམ་ཨོ་རྒྱན་ནོར་བུ་གླིང་ཞེས་གསོལ་བས། རྫོགས་ཆེན་དགོན་ལག་ཏུ་གྱུར། དེའི་མ་ཚད་དཔོན་པོ་འགྱུར་མེད་བསྟན་འཛིན་སྐབས་ཨུ་ཤག་མཐར་དམར་བུ་དགོན་ཚུལ་དུ་གཟིགས་ནས་རྫོགས་ཆེན་གྱི་དགོན་ལག་ཏུ་བསྒྱུར། ཁོང་གི་གཟུགས་སྐུའི་བཀོད་པ་དབྱིངས་སུ་བསྡུ་སྐབས་མེ་ཏོག་གི་ཆར་དང་། བར་སྣང་འཇའ་གུར་འཁྲིགས་པ་སོགས་རྟགས་མཚན་བཟང་པོ་དུ་མ་མངོན་པར་བཀྲ་བས་སྐྱེ་དགུའི་དང་བ་འདྲེན་པའི་དཔལ་དུ་གྱུར། དེའི་རྗེས་ལོ་གསུམ་ནས་ཡང་སྤྲུལ་བཛྲ་ཨ་ཡུག་སྐུ་འཁྲུངས་ཏེ་གསེར་ཁྲི་ལ་མངའ་གསོལ། བསྟན་རྒྱུན་ཉམས་པ་རྣམ་གསོ་ཕྱིར་དུ་རྫོགས་ཆེན་ནས་རིམ་པ་ལྟར། འབྲུག་པ་སྐུ་ཆུང་། རྒྱལ་བཟི་སྤྲུལ་སྐུ། མཁྱེན་བརྩེ་སྤྲུལ་སྐུ་སོགས་བྱོན་ནས་གདུལ་བྱ་རྣམས་སྨིན་གྲོལ་གྱི་ལམ་ལ་བཀོད། ཁྱད་པར་དུ་མཁན་འཇམ་དབྱངས་ཀྱིས་སྙིང་ཐིག་ཀུན་བཟང་བླ་མའི་ཞལ་ལུང་གི་ཟབ་ཁྲིད་རྒྱས་བཤད་དུ་སྨིན་པར་མཛད། དེའི་རྗེས་གཏེར་ཆེན་འཆི་མེད་རྡོ་རྗེ་ལུང་བསྟན་ལྟར། ཨ་གུ་རི་བ་ཚང་གིས་འགན་བཞེས་ཏེ་དགོན་པ་སྔོན་མའི་དགོན་ཤུལ་དུ་སྤོས་ནས་གཙུག་ལག་ཁང་དང་གྲྭ་ཤག་རྣམས་གསར་བཞེངས་མཛད། དེའི་དུས་བླ་གྲྭ་བརྒྱ་དང་བཅུ་བདུན་ཙམ་ཞལ་བཞུགས།

སྐུ་གསུང་ཐུགས་རྟེན་སྐོར་ལ། འདུ་ཁང་དུ་རྒྱུ་སྨན་འདམ་ལས་བསྐྲུན་པའི་ཆོས་ལོངས་སྤྲུལ་གསུམ་རྩེག་ཚད། མགོན་ཁང་དུ་གཏེར་རྙིང་སྐོར་གྱི་སྲུང་མ་ཁ་ཚང་དང་སྙིང་ཐིག་གི་སྲུང་མ་ཁ་ཚང་། གུ་རུའི་སྐུ་འབུམ་དང་། ཚེ་ལྷ་རྣམ་གསུམ་གྱི་སྐུ་འབུམ། རིགས་གསུམ་མགོན་པོའི་སྐུ་འབུམ། ཐུབ་པའི་སྐུ་སྟོང་གཅིག གནས་བརྟན་བཅུ་དྲུག་སྐུ་ཆ་བརྒྱ་བཅས་དང་། གསེར་ཁང་དུ་རྒྱུ་ལི་ལས་གྲུབ་པའི་ཇོ་བོ། བྱམས་པ། གུ་རུ། སྒྲོལ་མ། ཚེ་དཔག་མེད། སྤྱན་རས་གཟིགས། རྡོ་རྗེ་སེམས་དཔའ། ཐུབ་པ་སྟོང་སྐུ་བཅས་གསེར་སྐུ་ཆེ་ཆུང་དུ་མ་དང་། གསེར་དངུལ་གྱིས་བྲིས་པའི་ཐང་ག་སྐོར་མང་ཙམ་དང་། གསུང་རབ་སྐོར་ལ། བླ་བྲང་དུ་རྒྱུ་གསེར་ལས་བྲིས་པའི་རྒྱལ་བའི་བཀའ་འགྱུར། [page 106] བསྟན་འགྱུར། རྙིང་མའི་རྒྱུད་འབུམ། ཨ་རག་གསེར་འབུམ་བཅས་དང་། མཚལ་པར་དང་སྣག་པར་སྐོར་བཀའ་འགྱུར། བསྟན་འགྱུར། འབུམ། བསྐལ་བཟང་། རྡོར་གཅོད། བཀའ་མ་སོགས་དང་། གཏེར་མའི་སྐོར་ལ་བཀའ་དགོངས་ཕུར་གསུམ་གྱི་ཆོས་སྐོར་ཆ་ཚང་། ཉང་རལ། རྒོད་ལྡེམ། གུ་རུ་ཆོས་དབང་། རནྡ་གླིང་པ། མ་ཏི་སྙིང་ཐིག་གི་གཏེར་ཆོས་དང་། ཆོས་འབྱུང་། དཀར་ཆག་བླ་རབས་རིམ་བྱོན་ཀྱི་རྣམ་ཐར་སོགས་པོད་ལྔ་སྟོང་ཙམ་དང་། དུང་འཁོར་དང་འཁོར་ཆུང་གྲངས་མང་བཅས་བཞུགས། ཐུགས་རྟེན་བཀའ་གདམས་མཆོད་རྟེན་གྲངས་མང་དང་། གསེར་དངུལ་མུ་ཏིག་གཟི་བྱི་རུ་སྤོས་ཤེལ་སོགས་ཀྱི་ཕྲ་དང་བཅས་པའི་སྐུ་གདུང་ལྔ། བསམ་ཡས་རྡོ་ར་གང་མང་དང་། མཆོད་ཆས་རིན་ཐང་ཆེ་བ་གསེར་དངུལ་རིན་པོ་ཆེའི་ཕྲ་དང་ལྡན་པ་ཁ་ཚང་ཆ་གསུམ། སྦུབ་ཆལ་འཛམ་གླིང་གཡས་བཞག་གིས་མཚོན་གཏེར་མ་དང་ལི་མ་ཆ་ཉེར་ལྔ། སིལ་སྙན་ཆ་བཞི། འཆམ་གོས། འཆམ་འབག འདམ་འབག འཆམ་དར་བཅས་ཆ་བརྒྱད་ལྷག་ཙམ་བཅས་བཞུགས་ལགས་སོ།

ཚེས་དུས་སྒྲུབ་མཆོད་ནི། བོད་ཟླ་དང་པོ་ཡུལ་དགོན་གཉིས་ཀྱིས་སྨྱུང་གནས་ཉིན་བཅུ་དྲུག་དང་། རྒོད་ལྡེམ་གཏེར་བྱོན་བྱང་པའི་ཟབ་གཏེར་ཐུགས་རྗེ་ཆེན་པོ་འགྲོ་བ་ཀུན་གྲོལ། བོད་ཟླ་བཞི་པའི་ས་ག་ཟླ་བར་རནྟ་གླིང་པའི་ཟབ་གཏེར་གུ་དྲག་མེ་རླུང་འཁྱིལ་བའི་ཚེས་བཅུ། བོད་ཟླ་ལྔ་པའི་ནང་བྱང་པའི་ཟབ་གཏེར་གུ་རུ་ཐུགས་སྒྲུབ་ཚེས་བཅུ་དང་ཉ་སྟོང་ལ་སྙིང་ཐིག་གི་འདས་མཆོད། བོད་ཟླ་དྲུག་པའི་ནང་འཇིགས་གླིང་གི་རིག་འདུས་ཚེས་བཅུ་དང་འཁོར་བ་དོང་སྤྲུག་འཚོགས་དགོས་པ་མ་ཟད་ཟླ་བ་ལྔ་པ་དང་དྲུག་པའི་ནང་བཅོས་དཀར་ཟླ་གཅིག་དང་བཅོས་ནག་ཟླ་གཅིག་དང་དབྱར་གནས་བཅས་འཚོགས་དགོས། བོད་ཟླ་བདུན་པའི་ནང་སྙུང་གནས་ཆ་བཞི། བོད་ཟླ་དགུ་པའི་ནང་གུ་དྲག་དང་མགོན་པོ་གྲི་མདོ་དང་ཡུལ་བའི་གཏོ་རིམ་གྲོ་སོགས་བྱ། བོད་ཟླ་བཅུ་གཅིག་པའི་ཚེས་བཅུ་དགུ་ནས་ཉེར་དགུའི་བར་བཀའ་བརྒྱུད་བདེར་གཤེགས་འདུས་པའི་གཏོར་ཟློག ཚེས་སུམ་ཅུ་ལ་ཚེ་ཆོག བོད་ཟླ་བཅུ་གཉིས་པའི་ཚེས་ཉེར་ལྔ་ནས་ཉེར་དགུའི་བར་མ་ཏིའི་སེང་གདོང་གི་གཏོར་ཟློག ཚེས་སུམ་ཅུའི་ཉིན་ལས་རབ་གླིང་པའི་གཏེར་བྱོན་རྟེན་འབྲེལ་ཉེས་སེལ། ལོ་སར་ཚེས་གཅིག་ཉིན་ཡུལ་དགོན་གཉིས་ཀྱི་ལྷ་བསང་། མི་ཁྲུས་རྟ་ཁྲུས། རི་ཁྲུས་བཅས་འཚོགས་དགོས་པ་ཡིན་ནོ།

ཡོན་གྱི་འབྱུང་ཁུངས་དང་འགན་བཞེས་ཀྱི་གོ་རིམ་ནི། ཆོས་སྡེ་འདིའི་བཤད་སྒྲུབ་འཛུགས་རྟེན་གཙོ་བོ་ཆོས་རྗེ་དང་བརྩོན་འགྲུས་བུ་དཔལ་སོགས་ཀྱི་སྐབས་འབོར་ཆེན་དུད་གྲངས་ཉིན་བརྒྱ་དང་སྲིབ་བརྒྱ་ཡོད་པ་དང་། ཨ་བརྩེ་ཨ་གུ་རི་བའི་འགོ་དཔོན་གྱིས་ཡོན་བདག་བགྱིས་ཏེ་གཙུག་ལག་ཁང་རྟེན་དང་བརྟེན་པར་བཅས་པ་བཞེངས་པའི་མཐུན་རྐྱེན་སྦྱར། དགེ་འདུན་པའི་འཚོ་བ་ནི་རྒྱ་གར་འཕགས་པའི་ཡུལ་དང་མཐུན་པར་འཚོ་བ་བསོད་སྙོམས་འབའ་ཞིག་ལས་ཟས་གོས་སོགས་ཕུགས་ནོར་འཆང་བའི་སྤྲོས་པ་མ་མཛད། དེའི་རྗེས་བླ་རྦས་རིམ་བྱོན་གྱིས་ཀྱང་དེ་བཞིན་འཚོ་བ་བསོད་སྙོམས་ལ་བརྟེན་པའི་སྲོལ་[page 107] ལྟར་ཡིན་ན་ཡང་། འཇང་དམག་སོགས་ཀྱིས་འཇིག་ནས་དུད་གྲངས་ཕལ་ཆེར་སྟོང་། ཞི་དར་དཔོན་རྒན་སྐབས་མཆོད་ཞིང་བསྟན་ཞིང་གི་ཡོན་ཁ་དང་། སྤྱི་བ་གཉིར་བ་སོགས་འགན་སྤྲད་ནས། དངུལ་ཊཾ་སོགས་འགྲོ་སྒོ་གཏོང་བའི་སྲོལ་བཙུགས། མདོ་སྔགས་དང་དགེ་སློང་ལས་འཛིན་སྐབས་དབྱར་གནས་དང་དུས་མཆོད་འཚོགས་རྟེན། འབྱོན་ལྡན་ཡོན་བདག་རྣམས་ཀྱིས་སྦྱར་བ་ཡིན་ནོ།

འགན་བཞེས་ཀྱི་གོ་རིམ་ནི། དེ་ཡང་ཐོག་མར་མཁན་པོ་ནི་གྲྭ་དཀྱིས་མ་ཞིག་བཤད་གྲྭ་ཞུགས་ཏེ་མདོ་སྔགས་རིག་གནས་དང་བཅས་པའི་གཞུང་ལུགས་སོ་སོར་སྦྱངས་བ་མཐར་ཕྱིན་པའི་སྐྱེས་བུ་ཞིག་ལ་སྡེ་སྣོད་གསུམ་མཚོན་པའི་ཞྭ་དཀྲིས་གསུམ་ཅན་གྱི་དབུ་ཞྭ་གནང་སྟེ་མཁན་པོའི་ཁྲི་ལ་མངའ་འོག་གསོལ། བཤད་གྲྭར་ལོ་ལྔ་དང་སྒྲུབ་གྲྭར་ལོ་གསུམ་ལ་ཐོས་བསམ་སྒོམ་སྒྲུབ་སྨིན་གྲོལ་གནད་དུ་སྨིན་པ་ཞིག་ལ་དགོན་གཞུང་གིས་རོལ་བསུ་བྱས་ནས་བླ་ཁྲི་ལ་མངའ་གསོལ་ཏེ་བླ་མའི་མཚན་གསོལ། དེ་ལས་བཤད་སྒྲུབ་གྲྭར་ནང་དུ་ལོ་འགའ་བཞུགས་པ་ཙམ་ལ་བླ་མའི་ཐོབ་ཐང་སོགས་མེད་པ་ནི་དཔལ་རྒྱལ་བ་ཀཿཐོག་པའི་ཕྱག་སྲོལ་ལྟར་རོ། ཆོ་གའི་ཕྱག་ལེན་དང་འདོན་རྟ་དབྱངས། འབུད་དཀྲོལ་བརྡུང་གསུམ་སོགས་ལ་མཁས་པའི་དབུ་མཛད་ལ་བྱང་འདྲེན་ཆེན་མོ་ཞེས་མཚན་གསོལ། དཀྱིལ་འཁོར་གྱི་ཐིག་ཚོན། མཆོད་གཏོར་གྱི་བཟོ་རྩལ་ལ་མཁས་པ་ཞིག་ལ་མཆོད་དཔོན་གྱི་མཚན་གསོལ། རྩ་གར་ཁྲོ་གསུམ་དང་གར་སྟབས་ཕྱག་ཞབས་འགྲོ་སྟངས་སོགས་ལ་མཁས་པ་ཞིག་ལ་འཆམ་དཔོན་གྱི་མཚན་གསོལ། དཔལ་འབྱོར་གྱི་འགན་གཙོ་བོ་ནི་དགོན་གཞུང་གི་ཕྱག་མཛོད་རྒན་གསུམ། གཉེར་བ། གཏོང་སྒོའི་ལས་ཐོག་གི་སྤྱི་པ་སོགས་མི་ལྔས་ཁུར་དགོས་པ་ཡིན་ནོ།

དེ་ལྟར་རྒྱལ་བའི་བསྟན་པ་བཤད་སྒྲུབ་ལས་གསུམ་གྱིས་བསྐྱངས་ཏེ་རྒྱལ་བསྟན་སྤྱི་དང་། བྱེ་བྲག་གསང་ཆེན་ལྔ་འགྱུར་རྡོ་རྗེ་ཐེག་པའི་རིང་ལུགས་ཤིན་ཏུ་དར་རྒྱས་ཆེ་ན་ཡང་། སྐྱེ་དགུའི་བསོད་ནམས་དམན་པས་བསྟན་པ་ཉི་མ་ནུབ་རིར་ཆས་པས་མི་ལོ་སུམ་ཅུ་ཙམ་གྱི་རིང་བོད་ཁམས་ཀྱི་དགོན་སྡེ་བྱིངས་དང་མཚུངས་པར་ངོ་རྒོལ་བཞི་པ་ཞེས་པའི་སྐབས་བཤད་སྒྲུབ་ཀྱི་རྣམ་པ་ཐམས་ཅད་སྟོང་མིང་གི་ལྷག་མར་གྱུར། དེང་ཆོས་ལྡན་བོད་འབངས་ཀྱི་ཆོས་ལུགས་དད་པའི་རང་དབང་གི་སྤྲིན་གསེབ་ཀྱི་ཉི་མ་ཤར་མ་ཐག སྤྲུལ་སྐུ་བཛྲ་ཨ་ཡུལ། དབོན་པོ་བསོད་ནམས་ཆོས་ལྡན་གཉིས་གསེར་ཁྲི་ལ་མངའ་གསོལ་ནས། བླ་གྲྭ་དྲུག་ཅུ་རེ་ཙམ་དང་ལས་སྣེ་དང་ཡོན་བདག་བཅས་བློ་རྩེ་གཅིག་དྲིལ་སྒོས་སླར་གསོའི་ཀྱི་དབུ་བཙུགས་ཏེ། སྔོན་གྱི་གདན་ས་འབོར་ཆེན་དུ་འདུ་ཁང་དང་གྲྭ་ཁང་སུམ་ཅུ་སོ་གྲངས་གསར་བསྐྲུན་བྱས། འདུ་ཁང་དུ་རྟེན་རྙིང་ཚེ་དཔག་མེད། སྤྱན་རས་གཟིགས། སྒྲོལ་མ། ཇོ་བོ། སྦུབ་ཆལ་ཆ་བཞི། ཨ་རག་གསེར་འབུམ། དུང་དམར་བཅས་དད་ལྡན་འགས་རང་མོས་ཕུལ་བ་ཡིན་ལ། འདུ་ཁང་དུ་ཆོས་ལོངས་སྤྲུལ་གསུམ་རྩེགས་ཚད། སྲུང་མ་ཁང་དུ་མགོན་པོ་ཚོགས་བདག་སོགས་སྲུང་མ་སྐོར་ཡོངས་རྫོགས་སྨན་འདམ་ལས་བསྐྲུན་པ་དང་། སངས་རྒྱས་ཀྱི་སྐྱེས་རབས། ཞི་དྲག་སེང་གསུམ། བདེ་ཆེན་ཞིང་[page 108] བཀོད། སྙིང་ཐིག་བླ་བརྒྱུད། སྤྱན་རས་གཟིགས། སྲུང་མའི་སྐོར་བཅས་རས་ཐང་དང་། རྒྱལ་བའི་བཀའ་བསྟན་འགྱུར་ཆ་ལྔ། རིན་ཆེན་གཏེར་མཛོད། རྙིང་མའི་རྒྱུད་འབུམ། མི་ཕམ་གསུང་འབུམ། ཀློང་ཆེན་དང་འཇིགས་གླིང་གི་ཆོས་སྐོར་ཆ་ཚང་། དུས་མཆོད་ཀྱི་འདོན་ཆོག་ཆ་ཚང་། ཤིང་གི་སྐུ་གདུང་ཆ་བརྒྱད། དུང་འཁོར་བཅས་བཞུགས་སོ། དགོན་འདིའི་མངའ་འོག་གི་དུད་གྲངས་བརྒྱ་དང་སུམ་ཙམ་གྱིས་ཡོན་སྦྱོར་ལ་བརྟེན་ནས། མཚོ་སྤྲུལ་རྡོར་ལོས་ལྗགས་བསྒྲིགས་ཟབ་ཆོས་ཞི་ཁྲོད་དགོངས་པ་རང་གྲོལ་གྱི་མྱོང་གྲོལ་དམ་རྫས་རིལ་སྒྲུབ་དེ་ས་ག་ཟླ་བའི་ནང་ཉིན་བཅུ་འཚོགས་པ་མ་གཏོགས་དེ་མིན་ཚེ་དུས་སྒྲུབ་མཆོད་ཐམས་ཅད་སྔ་མ་ནང་བཞིན་ཡིན་ནོ། ལོ་རྒྱུས་འདི་ནི་གྲྭ་བླ་རྒན་རྣམས་ཀྱི་ངག་སྒྲོས་ལས་ཟུར་བརྒྱད་དབོན་བསོད་ནསམ་ཆོས་འཕེལ་གྱིས་བྲིས་པའི་ལོ་རྒྱུས་ལ་གཞི་བྱས་ཏེ་མུ་པོས་བྲིས་པའོ།།

ས་མིང་ཚིག་མཛོད་མིག་བཤར།

འགྲོ་བའི་མགོན་པོ་ཆོས་རྒྱལ་འཕགས་པས་བོད་རབ་བྱུང་བཞི་པའི་ཁྲོ་བོ་ཞེས་པ་ཤིང་མོ་གླང་གི་ལོར་ཡས་མས་ཤིག་ལ་བཏབ་པར་གྲགས། ཟེར་སྒྲོས་ལ་སྔོན་དགོན་པ་འདི་བྲག་དཀར་ལ་རྒྱབ་ཏུ་ཡོད་པ་ལས་རྐྱེན་འགའ་ཞིག་ཡན་འགའ་གང་དུ་སྤོས་ནས་ཡུན་རིང་མ་སོང་ཨབར་འགྲོ་མགོན་ཆོས་རྒྱལ་འཕགས་པ་བྱོན་ནས་དེང་དུས་ཀྱི་རི་ནག་དགོན་དེར་བཀའ་བརྒྱུད་པའི་དགོན་པ་ཞིག་ཡོད་པ་དེ་ཞིག་ནས་དེར་སྤོས་པ་ཡིན་ཟེར་སྲོལ་ཡོད་ལ། དེ་ནས་གཞན་ཕན་བསྟན་འཛིན་ཞེས་པའི་སྐྱེས་ཆེན་དམ་པ་ཞིག་བྱོན་ནས་དགོན་འདིའི་བསྟན་འགྲོའི་དོན་རླབས་ཆེན་མཛད་དེ་གཙང་ངོར་བྱོན་ནས་དེར་སྐུ་གཤེགས། དེ་ལས་སྤྱིར་སྐྱེས་ཆེན་དུ་མ་བྱོན་ཡང་དེ་དག་གི་མཛད་རྣམ་སོགས་མེད་པས་རེ་ཞིག་ཡིག་ལམ་དུ་བཀོལ་ཐབས་བྲལ། སྔོན་གཙུག་ལག་ཁང་ཀ་བ་བཅུ་དྲུག་དང་། གྲྭ་ཤག་བཅུ་བཞི། གྲྭ་བ་སོ་དྲུག་ཙམ་ཡོད་[page 85] པ་ཡིན་ལ། གཙུག་ལག་ཁང་དུ་རྒྱུ་སྨན་འདམ་ལས་བསྐྲུན་པའི་གོང་མ་རྣམ་ལྔ་རྩེག་ཚད་དང་། རྒྱུ་ལི་ལས་གྲུབ་པའི་འགྲོ་མགོན་ཆོས་འཕགས་ཀྱི་འདྲ་སྐུ་དང་། སྟོན་པའི་སྐུ་གཉིས། ངོར་ཆེན་རྡོ་རྗེ་འཆང་གི་སྐུ་དང་། མི་འཁྲུགས་པ། རྡོ་རྗེ་སེམས་དཔའ། སྤྱན་རས་གཟིགས་ཕྱག་སྟོང་སྤྱན་སྟོང་བཅས་ཁྲུ་གསུམ་ཕྱེད་དང་། བཀའ་གདམས་མཆོད་རྟེན་ཁྲུ་གང་ཅ་ལྔ་དང་། ཀྱེེ་རྡོ་རྗེ། ངོར་ཆེན་རྡོ་རྗེ་འཆང་། གཞན་ཕན་བསྟན་འཛིན་གྱི་འདྲ་སྐུ་བཅས་གསེར་ཟངས་ལས་བསྐྲུན་པའི་ཁྲུ་ཕྱེད་གཉིས་དང་། ཇོ་བོའི་སྐུས་མཚོན་གསེར་སྐུ་དང་གསེར་ཐང་དུ་མ་དང་། གསེར་དངུལ་གྱིས་བྲིས་པའི་རྒྱལ་བའི་བཀའ་འགྱུར་དང་། འབུམ་བཅས་དང་། སྣག་པར་སྐོར་ལ་བསྟན་འགྱུར་དང་། ས་སྐྱའི་བཀའ་འབུམ་ལམ་འབྲས་ཀུན་མཁྱེན་གོ་བོ་རབ་བྱམས་པའི་བཀའ་འབུམ་བཅས་གསུང་རབ་སྐོར་དུ་མ་དང་འགྲོ་མགོན་ཆོས་རྒྱལ་འཕགས་པའི་ཕྱག་སྦུབ་གསེར་ཚ་ཅན་དང་། སྦུབ་ཆལ་ནམ་མཁའ་འབྲུག་གྲགས་དང་། དེ་མིན་ཆ་ལང་དཀྱུས་མ་བཅུ་དང་། འགྲོ་མགོན་ཆོས་འཕགས་ཀྱི་ཕྱག་དྲིལ་རྩེ་དགུ་ཅན་དང་། དྲིལ་བུ་དཀྱིས་མ་བཅོ་ལྔ་ཙམ་དང་། རྒྱ་གླིང་དང་རག་དུང་སོགས་མཆོད་ཆས་སྐོར་མང་ཙམ་བཞུགས། ཡོན་གྱི་འབྱུང་ཁུངས་ནི། དགོན་པའི་སྤྱི་པ་གཉིས་ལ་དངུལ་རྡོ་ཚད་བཅོ་ལྔ་སྤྲད་ནས་དེའི་ཚོང་སྐྱེད་དང་། དགོན་པའི་མངའ་འོག་གི་ཁྱིམ་དུད་དྲུག་ཅུའི་དད་རྫས་སོགས་ལ་བརྟེན་ནས། བོད་ཟླ་དང་པོའི་ཚེས་བརྒྱད་ནས་མི་འཁྲུགས་པ་དང་སྨོན་ལམ་ཉིན་དགུ་དང་། བོད་ཟླ་གཉིས་པའི་ཚེས་བཅུ་གསུམ་ནས་ཆོས་སྤྱོད་ཉིན་ལྔ་དང་། བོད་ཟླ་གསུམ་པའི་ཚེས་བཅུ་ནས་ཉིན་དྲུག་ལ་ལྷུང་བཤགས་དང་། བོད་ཟླ་བཞི་པའི་ཚེས་བརྒྱད་ནས་ཀུན་རིག་ཆོས་ཆོག་ཉིན་བཅུ་དང་། བོད་ཟླ་ལྔ་པའི་ཚེས་བཅུ་གསུམ་ནས་བཀའ་འགྱུར་དང་འབུམ་ཉིན་གསུམ་ལ་ཞལ་ཕྱེ་དང་། བོད་ཟླ་དྲུག་པའི་ཚེས་བརྒྱད་ནས་སྨྱུང་གནས་ཆ་བརྒྱད་དང་། བོད་ཟླ་བདུན་པའི་ཚེས་བཅོ་ལྔ་ནས་ཀྱེེ་རྡོར་ཉིན་བཅུ་དང་། བོད་ཟླ་དགུ་པའི་ཚེས་ཉེར་གཉིས་ནས། བསྟན་གསོལ་ཉིན་གཉིས། བོད་ཟླ་བཅུ་པའི་ཚེས་གསུམ་ནས་དགའ་ལྡན་ལྔ་མཆོད་ཉི་ལྔ་དང་། བོད་ཟླ་བཅུ་གཅིག་པའི་ཚེས་བཅོ་བརྒྱད་ནས་སྤྱི་གཏོར་ཉིན་བཅུ་ལྔའི་བར་འཚོགས་དགོས་པ་ཡིན་ནོ། བཅོས་སྒྱུར་དང་རིག་གསར་སྐབས་དགོན་པ་མིང་གི་ལྷག་མར་བྱས། དེ་ནས་སྐབས་བཅུ་གཅིག་པའི་གྲོས་ཚོགས་ཐེངས་གསུམ་པའི་རྗེས་ནས། དགོན་པ་བསྐྱར་གསོ་ཆོག་པའི་གོ་སྐབས་བཟང་པོ་ཐོབ་ནས། དགོན་པའི་གཙོ་འགན་བླ་མ་བུ་ཕྲུག་སོགས་ཀྱིས་བཞེངས་ཏེ་ཁང་ཚད་སྔོན་མ་ནང་བཞིན་དང་གྲྭ་ཤག་བཅུ་བཞི་ལ་གྲྭ་བ་སོ་ལྔ་ཙམ་ཡོད་ལ། གཙུག་ལག་ཁང་སུ་རྒྱུ་སྨན་འདམ་ལས་བསྐྲུན་པའི་གོང་མ་རྣམ་ལྔ་རྩེག་ཚད་དང་། ཇོ་བོའི་སྐུ་ཁྲུ་གཅིག་ཕྱེ་དང་། ངོར་ཆེན་རྡོ་རྗེ་འཆང་དང་། བྱམས་པ། མི་འཁྲུགས་པ། རྡོ་རྗེ་སེམས་དཔའ། སྤྱན་རས་གཟིགས་ཕྱག་སྟོང་སྤྱན་སྟོང་དང་། བསྟན་འགྱུར་ཆ་གཅིག། རྒྱ་གླིང་ཆ་གཅིག། རག་དུང་ཆེ་ཆུང་གཉིས། དུང་དཀར་ཆ་གཉིས། རྔ་ཆེ་ཆུང་ལྔ། ཚེས་དུས་སྒྲུབ་མཆོད་འཚོགས་དུས་སྔོན་མ་ནང་བཞིན་ཡིན་ན་ཡང་། དཔལ་འབྱོར་གྱི་ཆ་རྐྱེན་ཞན་པས་དུས་[page 86] ཡུན་ཇེ་ཐུང་དུ་བཏང་ཡོད་ལ། ཡོན་གྱི་འབྱུང་ཁུངས་ནི། དགོན་པ་ལ་ཟོག་ནག་སུམ་ཅུ་སོ་གྲངས་ཤིག་ཡོད་པ་དེ་ལ་ཟོག་རེ་ལ་ལོ་རེར་མར་རྒྱ་བཅུ་རེ་དགོན་པ་ལ་སྤྲོད་དགོས། སེམས་ཅན་དེ་དག་འཆི་མེད་རྒས་མེད་ཡིན། དགོན་པའི་མངའ་འོག་ཏུ་དུད་ཚང་དྲུག་ཅུ་ཙམ་ཡོད་ལགས་སོ། དགོན་པའི་ལོ་རྒྱུས་འདི་ནི་བླ་མ་བུ་ཕྲུག་གི་ངག་རྒྱུན་ལྟར་མུ་པོས་བྲིས་པའོ།།

ས་མིང་ཚིག་མཛོད་མིག་བཤར།

དགོན་འདི་ཐོག་མར་འདེབས་པ་པོ་ནི། མཁས་ཤིང་གྲུབ་པ་བརྙེས་པའི་འཛོམས་སྟོན་པ་ཞེས་བཀའ་བརྒྱུད་ཆེ་བཞི་ཆུང་བརྒྱད་དུ་གྲགས་པ་སྟག་ལུང་བཀའ་བརྒྱད་ཀྱི་ཆོས་རྒྱུད་འཛིན་པ་ཞིག་བྱོན་ལ། ཁོང་འཁྲུངས་ཡུལ་འཛོམས་སྟོད་དུ་ཡིན་པ་ཙམ་ལས་རྣམ་ཐར་ལག་སོན་མ་བྱུང་བས་ཇི་བཞིན་འབྲི་རྒྱུ་མ་མཆིས་ཀྱང་། མདོར་ན་ཁོང་གྲུབ་པ་བརྙེས་པའི་སྐྱེས་བུ་དམ་པ་ཞིག་ཡིན་ཚུལ་ནི་ངག་རྒྱུན་དུ་མ་ཞིག་ཡོད་དེ། དགོན་པའི་རྒྱབ་རི་དེ་ལ་སྒྲུབ་ཕུག་མང་པོ་ཡོད་པ་ལས་སྒྲུབ་ཕུག་ཆེ་བ་གཅིག་གི་མིང་ལ་འཛོམས་སྟོན་སྒྲུབ་ཕུག་ཟེར་བ་དང་དེའི་འོག་ཏུ་ཞབས་རྗེས་དུ་མ་ཡོད་པ་དེང་སང་ཡང་མིག་ལམ་དུ་བཀྲ་བ་དང་། ཉིན་ཞིག་ཁོང་དགོན་པའི་གཡས་ངོས་ཕར་རྒྱབ་ནགས་ཚལ་སྟུག་པོ་དང་ལྡན་པའི་ལུང་ཆེན་དུ་ཕྱིན་ནས། གྲྭ་པ་ལ་ཁྱོད་སྔོན་ལ་སོང་། བྱ་བ་ཅི་བྱུང་ན་ཕྱིར་མིག་མ་བལྟ་གསུངས་ནས་ཁོང་གིས་ནགས་ཚལ་རྣམས་ཁྲལ་བྱིའུ་འདེད་པ་ལྟར་འུར་སྒྲ་དང་བཅས་དགོན་པའི་རྒྱབ་རི་ནགས་ཚལ་གྱིས་བཀོང་བར་དགོངས་ན་ཡང་། གྲྭ་པས་སྒྲ་ཆེན་མ་བཟོད་པས་ཕྱིར་བལྟས་པས་རྟེན་འབྲེལ་མ་འགྲིག་པས་ནགས་རྣམས་དེར་འགགས་པས། དེང་སང་ཡང་ནགས་འགགས་སུ་གྲགས་པ་དང་། ལུང་པ་དེའི་སྟོད་སྨད་བར་གསུམ་དུ་སྐུ་ལུས་ཡོངས་རྫོགས་ཀྱི་སྐུ་རྗེས་དང་ཨ་རང་བྱོན་སོགས་མཇལ་རྒྱུ་ཡོད་པ་དེ་སོགས་ལ་[page 100] དཔགས་ན་འབྱུང་བཞི་ལ་རང་དབང་ཐོབ་པའི་གྲུབ་ཆེན་བྱོན་པར་མངོན་ནོ།

དེ་ནས་དུས་དབང་གི་བཀའ་བརྒྱུད་པའི་འདོན་རྟ་དབྱངས་ཆོ་ག་ཕྱག་ལེན་རྣམས་ཇི་བཞིན་དུ་མ་གྲུབ་པས་དུས་འདི་ཙམ་ཞེས་གསལ་ཁ་མེད་ཀྱང་། ཕྱིས་སུ་སྔ་འགྱུར་བསྟན་པའི་ཉིན་བྱེད་ཨ་ཤུལ་བླ་མ་བཟོད་པ་ལྷུན་གྲུབ་ཀྱིས་ས་སྐྱའི་གྲུབ་མཐར་བསྒྱུར་བ་ཡིན་ཞེས་ངག་རྒྱུན་འདུག དགོན་འདིའི་གྲྭ་ས་ངོར་ཨེ་ཝཾ་ཆོས་ལྡན་དུ་ཕེབས་ནས་ངོར་ཆེན་རྡོ་རྗེ་འཆང་གི་ཕྱག་སྲོལ་མཁྱེན་པ་ཞིག་གིས་བླ་མའི་ཁུར་བཞེས་དགོས་སོ། སྔོན་དུས་སུ་འདུ་ཁང་ཀ་བ་ཉི་ཤུའི་བདག་ཉིད་ཅན་དང་། གྲྭ་ཤག་བདུན་ཙམ་ཡོད་ལ། རྟེན་གྱི་གཙོ་བོ་བཀའ་གདམས་མཆོད་རྟེན་རྒྱུ་ལི་མ་ལས་གྲུབ་པ་མཐོ་ཚད་ཁྲུ་གསུམ་ཡོད་པ་ཞིག་དང་། ས་སྐྱ་པཎྜི་ཏ་ཁྲུ་གང་ཅན་དང་། དགོན་པའི་འདུ་ཁང་གི་ཕུགས་ལ་རྒྱུ་སྨན་འདམ་ལས་གྲུབ་པ་འབུམ་པ་མཆོད་རྟེན་དང་། བྱང་ཆུབ་མཆོད་རྟེན་རྩེག་ཚད་གཉིས་དང་། ཟངས་གསེར་ལས་གྲུབ་པའི་ཐུབ་པའི་སྐུ་ཆེ་ཆུང་བཅུ་ཕྲག་གཉིས་ལྷག་ཙམ་དང་། ཐང་སྐུ་སོགས་མང་དུ་བཞུགས། དེ་ལས་རྒྱལ་བའོ་གསུང་རབ་བཀའ་འགྱུར་གྱི་གཙོས་པོད་བརྒྱ་ཕྲག་ཁ་ཤས་དང་། གཞན་ཡང་འགངས་ཆེ་བའི་སྤུབ་ཆལ་སོགས་མང་ཙམ་བཞུགས་ལགས་སོ། ཚེས་དུས་སྒྲུབ་མཆོད་ནི་ཟླ་བ་རེ་རེ་ལ་ཞག་བདུན་དང་གསུམ་གྱི་བར་དུ་དཔལ་ཀྱེེ་རྡོ་རྗེ་སོགས་རྒྱུད་སྡེ་སོ་སོར་སྒྲུབ་མཆོད་རྒྱུན་དུ་ཡོད་པ་སོགས་ནི་དེའི་ཕྱོགས་ཀྱི་ས་དགོན་སྤྱི་འགྲོས་ལྟར་རོ། ཆོགས་པའི་གཏོང་སྒོ་ཞིང་པ་དུད་གྲངས་གསུམ་དང་། འབྲོག་པ་ཁྱིམ་དུད་གཅིག་དང་། དགོན་པའི་མངའ་འོག་གི་སྦྱིན་བདག་ཁྱིམ་དུད་བཞི་བཅུ་ལྷག་ཙམ་ཡོད་པ་དེ་དག་གི་དད་རྫས་དང་གཤིན་རྫས་ལ་བརྟེན་ནས་དགེ་འདུན་བཅུ་ཕྲག་གསུམ་ལྷག་གི་མཆོད་ཐོག་འཚོགས་དགོས་སོ། བཅོས་སྒྱུར་སྐབས་དགོན་པ་རྟེན་དང་བརྟེན་པར་བཅས་པ་མི་མངོན་པའི་དབྱིངས་སུ་བསྟིམས་ནས་ལོ་སུམ་ཅུ་ལྷག་ཙམ་སོང་། སླར་ནས་ཏང་གི་སྲིད་ཇུས་ཀྱི་ཆོས་ལུགས་དད་པ་རང་མོས་སྒོ་ནས་ཆོས་སྒོ་ཕྱེ་ན་ཡང་དགོན་པ་འདི་ལ་དེའི་སྐལ་བ་མ་ལྡན་པས། དགོན་བཞི་དགོན་པར་བསྡུས་ཏེ་དགོན་རྙིང་ཞིག་རལ་དུ་ལུས་སོ། དགོན་པའི་ལོ་རྒྱུས་འདི་ནི་གྲྭ་བསོད་ནམས་ཚེ་བརྟན་སོགས་ཀྱི་ངག་རྒྱུན་ལྟར་མུ་པོས་སྦྱར་བའོ།

ས་མིང་ཚིག་མཛོད་མིག་བཤར།

འཇམ་དབྱངས་བཀྲ་ཤིས་ཕུན་ཚོགས་ཞེས་པ་མཚན་སྙན་གྱི་བ་དན་སྲིད་པ་གསུམ་ན་མངོན་པར་གཡོ་བ་གང་གིས་བོད་རབ་བྱུང་གཉིས་པའི་རྔ་ཆེན་ཞེས་པ་ཆུ་ཕོ་ཁྱི་ཡི་ལོ་ཙམ་དུ་བཏབ་པར་མངོན་ཏེ། རྒྱལ་མཆོག་བསོད་ནམས་རྒྱ་མཚོས་ལི་ཐང་བྱམས་ཆེན་གླིང་གི་ཆོས་གྲྭ་འདེབས་སྐབས། རློབས་བདེ་ཆེན་གླིང་འདི་ཉིད་བཏབ་ནས་ལོ་སུམ་བརྒྱ་བདུན་ཅུ་དོན་གཅིག་ཡོད་གསུངས་པ་ལ་བརྟག་ན་ཤེས་སོ།

སྤྱིར་དགོན་པ་འདིའི་བླ་རབས་དང་མཁན་རབས་སོགས་ཞིབ་པར་ཤེས་མཁན་མེད་ན་ཡང་། གང་དྲན་ཙམ་བཀོད་ན་འདི་ལྟ་སྟེ། གཙང་བླ་ཤཱཀྱ་ཡར་འཕེལ། ཤཱཀྱ་བསྟན་འཕེལ། ངོ་མཚར་སྣང་མཛད། བཀྲ་ཤིས་རྣམ་རྒྱལ། མཁན་ཆེན་བསྟན་པའི་འབྱུང་གནས། མཁན་རྒན་ཚུལ་ཁྲིམས་རྒྱལ་མཚན་དཔལ་བཟང་པོ། མུ་ལེ་མཁན་ཆེན་ཚུལ་ཁྲིམས་གྲགས་པ། ད་ལྟའི་མཁན་པོ་ངག་དབང་བསྟན་འཛིན་ཀུན་དགའ་ཕྲིན་ལས་རྒྱ་མཚོ་སོགས་ཐོག་མཐའ་བར་གསུམ་སུ་སྐྱེས་ཆེན་དམ་པ་དུ་མ་བྱོན་ནས་དཔལ་ལྡན་ས་སྐྱ་བའི་བསྟན་པ་བླ་ལྷག་ཏུ་སྤེལ་བར་མཛད་པ་ཡིན་ནོ།།

[page 96] སྐུ་གསུང་ཐུགས་རྟེན་ནི། གཙུག་ལག་ཁང་ཆེ་ཆུང་གཉིས་དང་། བླ་བྲང་གཅིག་བཅས། དེ་དག་གི་ནང་གསེས་བྱམས་ཁང་། མགོན་ཁང་། སྲུང་མ་ཁང་། པར་ཁང་། བཤད་གྲྭ་ཁང་། སྒྲུབ་གྲྭ་ཁང་སོགས་སུ་སྐུ་གསུང་ཐུགས་རྟེན་བསམ་གྱིས་མི་ཁྱབ་པ་ཞིག་བཞུགས་ན་ཡང་། སྔོན་བླ་བྲང་མེས་འཇིག་སྐབས་སྐུ་གསུང་ཐུགས་རྟེན་མི་ཉུང་བ་ཞིག་བརླག་ཚར།

འདུ་ཁང་ཆེ་བའི་ནང་དུ་གསེར་གདུང་ཆེ་བ་ཐོག་རྩེག་གཅིག་དང་། ཆུང་བ་མདའ་ཚད་མ་གཅིག་དངུལ་གྱི་མཆོད་རྟེན་མདའ་ཚད་མ་གསུམ། གསེར་སྐུ་ལི་སྐུ་ཆེ་ཆུང་སུམ་ཅུ་སོ་གྲངས། རྒྱུ་སྨན་འདམ་ལས་བསྐྲུན་པའི་བྱམས་པ་རྩེག་ཚད་གཉིས། འཇམ་དབྱངས་ལྷ་ཁང་དུ། ཉེ་བའི་སྲས་བརྒྱད། འཇམ་དབྱངས་སྨྲ་བའི་སེངྒེ། འདུ་ཕུག་ཏུ་གོང་མ་རྣམ་ལྔ། རྒྱན་དྲུག་མཆོག་གཉིས། འབྱུང་འདུས། གུ་རུ་བཅས་ཀྱིས་མཚོན་སྟེང་ཤོད་ཐམས་ཅད་དུ་ལོགས་བྲིས་དུ་མ་དང་། འདུ་ཁང་གཅིག་གི་ནང་དུ། རྒྱུ་གསེར་ཟངས་ལས་བསྐྲུན་པའི་འོད་དཔག་མེད། སྤྱན་རས་གཟིགས། ས་ཆེན་ཀུན་དགའ་སྙིང་པོ། ས་ཀྱ་པཎྜི་ཏ་ཀུན་དགའ་རྒྱལ་མཚན། འཇམ་སྤལ་ཡེ་ཤེས་སེམས་དཔའ། ཐུབ་པ། བཀྲ་ཤི་ཕུན་ཚོགས་ཀྱི་སྐུ་གདུང་བཅས་རྩེག་ཚད། སྟེང་ཁང་དུ་རྒྱུ་སྨན་འདམས་ལ་བཟོས་པའི་གནས་བརྟན་བཅུ་དྲུག མུ་ལེ་མཁན་ཆེན་ཚུལ་ཁྲིམས་གྲགས་པས་བཞག་པའི་འགངས་ཆེན་བའི་གོས་ཆེན་ཚེམ་དྲུབ་ཀྱི་སྨན་བླ་མཆེན་བརྒྱད་ཀྱི་སྐུ་ཐང་དང་། དེ་མིན་ལམ་འབྲས་ཚོགས་ཞིང་། སྤྱན་རས་གཟུགས། རྣམ་པར་སྣང་མཛད་བཅས་ཀྱི་གསེར་ཐང་རྩེག་ཕྱེད་གཉིས་དང་། སྐྱེས་རབས་དཔག་བསམ་འཁྲི་ཤིང་། མཛད་པ་བཅུ་གཉིས། གནས་བརྟན་བཅུ་དྲུག སྨན་བླ་མཆེན་བརྒྱད་བཅས་ཀྱི་གསེར་ཐང་མདའ་ཚད་མ་སོགས་ཀྱིས་མཚོན་ཐང་ག་དུ་མ་བཞུགས་ལགས་སོ།

མཆོད་ཆས་རོལ་མོའི་སྐོར། ཟུར་སྒང་འཁར་རྔ་རྒྱང་གྲགས་སུམ་སྒྲོག་མ། སྐྱབས་བུ་འཁར་རྔ། ཚོགས་བསྡུ་འཁར་རྔ། འཁར་བ་སྐད་གཉིས་མ། འཁར་རྔ་འབྲིང་པོ་གསུམ་བཅས་ཀྱིས་མཚོན་འཁར་རྔ་དུ་མ་དང་། དུང་ཆེན་ནོར་བུ་རིན་ཆེན་གྱིས་མཚོན་འགངས་ཆེ་བའི་དུང་དཀར་ཆ་བཅུ། སྦུབ་ཆལ་ལི་ཧོར་གྲ་ཤང་ཤང་སོགས་ཀྱིས་མཚོན་འགངས་ཆེ་བའི་སྦུབ་ཆལ་ཆིག་བརྒྱ་ཉེར་དྲུག རག་དུང་ཆ་གསུམ་དངུལ་གྱི་རྐང་གླིང་ཆ་གཅིག སྡེ་དགེ་རྐང་གླིང་ཆ་བཞི། དངུལ་གྱི་རྒྱ་གླིང་ཆ་གཅིག་རག་གི་རྒྱ་གླིང་ཆ་གཉིས། དངུལ་གྱི་སྤོས་ཕོར་ཆ་གཅིག རག་གི་སྤོས་ཕོར་ཆ་གཅིག་གཙུག་ལག་ཁང་དང་སྒྲུབ་གྲྭ་བཤད་གྲྭ་སོགས་ཀྱི་ཀ་བ་ཡོད་ཚད་ལ་གོས་ཆེན་ཟ་འོག་གི་ཀ་འཕན་དང་ཀ་ཤུབས་གསེར་གྱི་ཙུ་མགོ་ཁྲུ་ཕྱེད་ཙམ་ཡོད་པ་དུ་མས་ལེགས་པར་བརྒྱན་པ་མ་ཟད། གཙུག་ལག་ཁང་གི་སྟེང་དུ་རི་དྭགས་ཆོས་འཁོར་དང་རྒྱལ་མཚན་ཆེ་བ་ལྔ་དང་ཆུང་བ་གསུམ་གྱིས་ལེགས་པར་བརྒྱན་ྤའོ།།

དགོན་པའི་པར་ཁང་དུ། སྨན་བླ་མདོ་ཆོག ཀུན་རིག ཚེ་ཆོག རྣམ་འཇོམས། བླ་མཆོད། མི་འཁྲུགས་པའི་ཆོ་ག། ཀྱེེ་རྡོར་ཆོ་ག ཀྱེེ་རྡོར་བདག་སྐྱེད། བདེ་མཆོག་ཆོ་ག གསང་འདུས་ཆོ་ག[page 97] མཁའ་སྤྱོད་མའི་བདག་སྐྱེད། གདུགས་དཀར། མཚན་བརྗོད། ཟབ་མདོ། བླ་མའི་རྣལ་འབྱོར། གསེར་འོད། རྡོར་གཅོད། གཏེར་མཆོད་མཛེས་རྒྱན། བསྐང་ནག བསེ་ཁྲབ་བསྐང་གསོལ། གཏོར་མ་བརྒྱ་རྩ། ཀླུ་གཏོར་ཆ་འབེབས། གནས་བརྟན་ཕྱག་མཆོད་སོགས་འདོན་ཆོག་སྐོར་དུ་མ་དང་། དེ་ལས་ཁྱད་པར་དུ་གཞུང་ཆེན་བཅུ་གསུམ་གྱི་རྩ་བ་དང་མཆན་འགྲེལ་བཅས་པར་བསྐྲུན་ལ་རྫོགས་ཆེན་ཀྱི་རྣམ་འབྱོར་པ་ཆེན་པོ་ཚུལ་ཁྲིམས་མཐར་ཕྱིན་གྱིས་འགྲོ་གྲོན་ཡོངས་རྫོགས་བཏང་ནས། དགོན་འདིར་པར་ཤིང་བསྐྲུན་པར་མ་ཟད། སྐལ་ལྡན་གྱི་འཁོར་ཚོགས་རྣམས་ལ་སྔོན་འགྲོའི་ཀུན་བཟང་བླ་མའི་ཞལ་ལུང་གིས་མཚོན་རྫོགས་ཆེན་གྱི་ཆོས་སྐོར་དུ་མ་གསུངས་ནས་སྨིན་གྲོལ་གྱི་ལམ་ལ་བཀོད་པས་བཀའ་དྲིན་ལྷག་པར་ཆེ་བ་ཡིན་ནོ།།

ཚེས་དུས་སྒྲུབ་མཆོད། བོད་ཟླ་དང་པོའི་ཚེས་གཅིག་ནས་བཅོ་ལྔའི་བར་ཆོ་འཕྲུལ་དུས་ཆེན་དུ་ཆོས་སྤྱོད་ཀྱི་རྣམ་གྲངས་དུ་མ་ཉིན་བཅོ་ལྔ་དང་། བོད་ཟླ་བཞི་པའི་ཚེས་གཅིག་ནས་བཅུ་དྲུག་བར་སྐྱ་སེར་ཡོངས་ཀྱིས་སྨྱུང་གནས་ཆ་གཉིས། ཚེས་ཉེར་གཅིག་ལ་ཆར་སློང་། བོད་ཟླ་དྲུག་པའི་ཚེས་བཅུ་གསུམ་ལ་མཆོད་པའི་རྣམ་གྲངས་རྒྱ་ཆེར་བཤམས་ཏེ་དབྱར་གནས་ཟླ་བ་ཕྱེད་གཉིས། བོད་ཟླ་བརྒྱད་པའི་ཚེས་དགུ་ནས་ཀྱེེ་རྡོར། གསང་འདུས། བདེ་མཆོག་སྟེ་རྒྱུད་སྡེ་གསུམ་པོ་ཚེས་བཅུ་བདུན་བར། བོད་ཟླ་བཅུ་གཅིག་པའི་ཚེས་ཉེར་གཅིག་ནས་ཁྲོ་བཅུ་གཏོར་ཟློག་ཚོགས་ནས་འབག་འཆམ་དང་དགྲ་བགེགས་སྒྲོལ་བའི་གཏོར་རྒྱག་བོད་ཟླ་བཅུ་གཉིས་པའི་ཚེས་གཅིག་ནས་བཅོ་ལྔའི་བར་ཀུན་རིག་སྒྲུབ་མཆོད། ཚེས་ཉེར་གཅིག་ནས་ཉེར་དགུའི་བར་སྤྱི་གཏོར། ཚེས་ཉེར་དགུ་དང་སུམ་ཅུ་གཉིལ་སྐྱ་འཆམ་དང་འབག་འཆམ། འཆམ་འབག་དེ་དག་གི་ཞྭ་ཐོད་ཉི་ཤུ་ལ་དངུལ་གི་མེ་ཏོག ཕྱག་མཚན་ཡོད་ཚད་དངུལ་ཆས་ཀྱིས་བརྒྱན་པ་ཤ་སྟག་ཡིན་ནོ། གཞན་ཡང་ཆར་དཀོད་པའི་སྐབས་སུ་ཆར་སློང་དུ་སེེངྒེ་སྒྲ། ས་བདག་སྙིང་ཐིག བུམ་སྒྲུབ་སྐབས་རྣསམ་སུ་རྒྱལ་བའི་བཀའ་འགྱུར་དང་འབུམ་བཅས་ཀློག་སྲོལ་ཡོད། ཡོན་གྱི་འབྱུང་ཁུངས་ནི། སྔོན་འཇམ་དབྱངས་བཀྲ་ཤིས་ཕུན་ཚོགས་འཇང་རྒྱལ་བསོད་ནམས་རབ་བརྟན་གྱི་དབུ་བླ་བྱོན་ཏེ། འཇང་གིས་དྲིལ་ཆེན་སོགས་ཕུལ་བ་ཡོན་བདག་འཇང་གིས་བགྱིས་པ་མ་ཟད། སྟོས་རོང་རྫོང་དུ་མཆོད་གཞི་སྡེ་དགུ་ཞེས་གྲགས་པ་ནི། མགོ་ཞུབ། རྨིག་གཞི། འབར་མདའ་མཚོ་སྐམ། སྐོས་དགོན། གླང་རྒན། ཇ་འགད། ཛ་ཡངས་སོགས་ཁྱིམ་དུད་བརྒྱ་ལྷག་དང་། འདབ་རྫོང་དུ་རི་ཤུབས། དགུ་བ། སྐྱིད་པོ་བཅས་སྡེ་གསུམ་སོགས་ཀྱི་དད་གཤིན་རྫས་སོགས་ལ་བརྟེན་ནས་བླ་གྲྭ་སུམ་བརྒྱ་ལྷག་གི་ཚོགས་པའི་གཏོང་སྒོ་མཛད་དགོས་པ་ཡིན་ནོ།

དགོན་པ་གཞན་དང་བྲེལ་བའི་སྐོར་ལ། མ་དགོན་མི་འགྱུར་དགོན་དང་། དགོན་འདིའི་མ་ལག་བརྒྱ་དང་བཅུ་གསུམ་ཟེར་བའི་ངག་རྒྱུན་ཙམ་སྣང་ཡང་། ད་ལྟ་དངོས་ཡོད་ནི་འདབ་རྫོང་བྲག་ནག་དགོན། བསམ་གཏན་དགོན། གླང་དགོན། དཀོས་དགོན། སྟེང་ཡངས་དགོན། ཐར་ལམ་མཛེས་[page 98] པོ་དགོན། དེ་ལ་ད་ལྟ་དགོན་རོ་ཙམ་དུ་གྱུར་ཡོད་པའི་དགོན་པ། རི་བོང་དགོན། གཙང་ཡངས་དགོན། པད་བཞག་དགོན། དམར་སྦྱོང་དགོན། ལྕང་དགོན། ཨ་ཅོ་དགོན། ཞག་དགོན། ཇ་འོག་དགོན་སོགས་དང་། དེ་ལས་དགོན་རོ་ཙམ་ལས་ད་ལྟ་མིང་མི་ཤེས་པའི་དགོན་པ་ཡང་དུ་མ་ཞིག་ཡོད་དོ།

དེ་ལས་དགོན་འདིའི་གཙུག་ལག་ཁང་དང་པར་ཁང་སོགས་ཀྱི་མཐའ་སྐོར་དུ་གྲྭ་ཤག་བརྒྱད་ཅུ་གྱ་གྲངས་ཀྱིས་བསྐོར་ཡོད་པ་མ་ཟད། ཡིག་བརྒྱའི་དུང་འཁོར་རྩེག་གཉིས་དང་། མ་ཎི་དུང་འཁོར་དྲུག ཇ་ཁང་དང་རྡོ་འབུམ་སོགས་དུ་མས་བསྐོར་བའོ། བཅོས་སྒྱུར་སྐབས་དགོན་པ་རྟེན་དང་བརྟེན་པར་བཅས་པ་མིང་གི་ལྷག་མར་གྱུར། སླད་ནས་ཏང་གི་ཆོས་ལུགས་སྲིད་ཇུས་ཀྱི་ཉི་གཞོན་གསར་བ་ཤར་རིའི་རྩེ་ནས་མངོན་པར་བཞད་དེ། གངས་ལྗོངས་ཡུལ་ཀུན་ཏུ་ཆོས་སྒོ་ཕྱེ་ཆོག་པའི་གོ་སྐབས་བཟང་པོ་བྱུང་སྟེ། གཙུག་ལག་ཁང་ཀ་བ་བཞི་བཅུ་ལ་རྩེག་ཚད་གསུམ་གྱི་བདག་ཉིད་ཅན་དེ་གསར་བསྐྲུན་བྱས་ཤིང་། འོག་ཁང་དུ། རྒྱུ་སྨན་འདམ་ལས་བཟོས་པའི་ཇོ་བོའི་སྐུ་དང་། ས་སྐྱ་གོང་མ་རྣམ་ལྔ། སྐུ་གདུང་ཡིད་བཞིན་ནོར་བུ། བཀྲ་ཤིས་ཕུན་ཚོགས་ཀྱི་སྐུ་བརྙན་བཅས་ལུས་ཚད་དང་། ངག་དབང་བསྟན་འཛིན་ཀུན་དགའ་ཕྲིན་ལས་རྒྱ་མཚོས་གནང་བའི། ཐུབ་པའི་ལི་སྐུ་དང་སྒྲོལ་མའི་སྐུ་ཚད་ཙམ་དང་། དེ་ལས་ཅུང་ཆུང་བའི་ཐུབ་སྐུ་གཅིག གསུང་རྦས་སྐོར་ལ་རྒྱལ་བའི་བཀའ་འགྱུར་ཆ་གཉིས། བསྟན་འགྱུར་ཆ་གཅིག ས་སྐྱ་བཀའ་འབུམ། ཀུན་མཁྱེན་བཀའ་འབུམ། ཞུ་ཆེན་བཀའ་འབུམ། མཁྱེན་བརྩེ་བཀའ་འབུམ། གཞུང་ཆེན་བཅུ་གསུམ་གྱི་མཆན་འགྲེལ། ལམ་འབྲས། སྒྲུབ་ཐབས་ཀུན་བཏུས། རྒྱུད་སྡེ་ཀུན་བཏུས། འབུམ་ཆ་གསུམ། གཟུངས་འདུས། བརྒྱད་སྟོང་བཅས་གསུང་རབ་སྐོར་དང་། བར་ཁང་དུ། ཀུན་རིག་ཆོ་ག སྨན་བླའི་ཆོ་ག བླ་མཆོད། རྣམ་འཇོམས། ཀྱེེ་རྡོ་རྗེ་བདག་སྐྱེད། བྲག་རྫོང་མའི་བདག་སྐྱེད། འབྱུང་འདུལ་གྱི་བདག་སྐྱེད། ལམ་འབྲས་བླ་མའི་རྣམ་ཐར། རྣམ་དག་མ། གང་བློ་མ། ཟབ་མདོ། མཚན་བརྗོད། གཟུངས་གཞུག སྒྲོལ་ཆོག་སོགས་ཤིང་པར་དྲུག་བརྒྱ་དྲུག་ཅུ་རེ་ལྔ་ཙམ་དང་། གནས་བརྟན་བཅུ་དྲུག གུར་ལྷ་བརྒྱད། འཇམ་དབྱངས། གདུགས་དཀར། ལྟུང་བཤགས་སོགས་ཀྱི་ལྷའི་བར་ཤིང་དང་། རྒྱ་མཐོང་ཁར། གསེར་ཐང་སྐོར། ཀུན་རིག་རྩ་ལྷ་སོ་བདུན། ལམ་འབྲས་ཚོགས་ཞིང་སྤྱན་རས་གཟིགས། གནས་བརྟན་བཅུ་དྲུག་གི་ཐང་ཀ་བཅུ་གཅིག་དཔག་བསལ་འཁྲི་ཤིང་གི་ཐང་ཀ་སོ་གཉིས་སྨན་བླའི་ཐང་ཀ་བརྒྱད། གསེར་ཐང་རྙིང་པ་ལ་མཛད་པ་བཅུ་གཉིས་ཀྱི་ཐང་ཀ་ལྔ། དེ་མིན་ཐང་ཀ་དཀྱུས་མ་དྲུག་ཅུ་རེ་གྲངས་དང་། མགོན་ཁང་དུ་རྒྱུ་སྨན་འདམ་ལས་བསྐྲུན་པའི་གུར་མགོན་ལུས་ཚད་དང་། མགོན་པོ། ལྷ་མོ། ཆོས་རྒྱལ། བསེ་ཁྲབ་བཅས་ཀྱི་ཞལ་འབག གསེར་སྐུ་སྐོར་ལ་སྒྲོལ་མ་དང་ཀྱེེ་རྡོར་གཉིས་ཀྱིས་མཚོན་གསེར་སྐུ་ཆེ་ཆུང་ཉེར་གཅིག་དང་། བཀའ་གདམས་མཆོད་རྟེན་ལྔ། རྒྱུ་གསེར་དངུལ་འདྲེས་མའི་གའུའི་ནོར་བུ་ས་ལེ་སྒྲོམ་གཅིག་[page 99] བཅས་བཞུགས་སོ།

མཆོད་ཆས་རོལ་མོའི་སྐོར། སྦུབ་ཆལ་བཅོ་བརྒྱད། དངུལ་གྱི་རྒྱ་གླིང་ཆ་གཅིག་གི་མཚོན་རྒྱ་གླིང་ཆ་བཞི། རག་དུང་ཆ་གསུམ། དུང་ཆེན་ཆ་གཅིག། དུང་དཀར་ཆ་གསུམ། འཁར་རྔ་གསར་བ་གཅིག སྤོས་ཕོར་གཅིག བདུན་ཚར་ཆ་བཞི། རྐང་གླིང་ཆ་གསུམ། ལྕགས་ཀྱི་སྦུབ་ཆལ་ཆ་གཉིས་འཆམ་འབག་སོ་གཉིས། གོས་ཆེན་གྱི་འཆམ་གོས་སོ་གསུམ། ཞྭ་ཐོས་ཉེར་གཅིག་ལ་དངུལ་གྱི་མེ་ཏོག་དང་འདུ་ཁང་སྟེང་དུ་རི་དྭགས་ཆོས་འཁོར་སོགས་ཀྱི་ལེགས་པར་བརྒྱན་པའོ།

འདུ་ཁང་སངྒེེ་རྣམ་རྒྱལ་ཁང་དུ་ཀ་རིང་བརྒྱད་དང་ཀ་ཐང་སོ་གཉིས་ལ་རྩེག་གསུམ་དང་། གྲྭ་ཤག་དོན་དགུ མ་ཎི་དུང་བཅུ་གཅིག་གི་དུང་འཁོར་གཅིག་དང་དུང་བཞི་ཡོད་པའི་དུང་འཁོར་གཅིག བླ་གྲྭ་བརྒྱ་དང་ལྔ་བཅུ་ཙམ་གྱིས་གསང་འདུས། བདེ་མཆོག ཁྲོ་བཅུ། དམར་ཆེན་རྣམས་མ་གཏོགས་སྔོན་མ་ནང་བཞིན་དང་། དགོན་པའི་མངའ་འོག་ཏུ་ཁྱིམ་དུད་ལྔ་བརྒྱ་སོ་གཉིས་ཙམ་ཡོད་པས། དེ་དག་གི་དད་གཤིན་རྫས་ལ་བརྟེན་ནས་དགོན་པའི་ཚོགས་གཏོང་སྒོ་བྱེད་དགོས་པ་ཡིན་ནོ།། དགོན་པའི་ལོ་རྒྱུས་འདི་ནི་གྲྭ་རྒན་ཡེ་ཤེས་འབྱུང་གནས་ཀྱིས་བྲིས་པའི་ལོ་རྒྱུས་ལ་གཞི་བྱས། ངག་རྒྱུན་ཁུངས་ཐུབ་རྣམས་ཀྱིས་ཟུར་བརྒྱན་ཏེ་མུ་པོས་བྲིས་པའོ།

ས་མིང་ཚིག་མཛོད་མིག་བཤར།

[page 103] དཔལ་ལྕགས་ཟམ་པ་ཐང་སྟོང་རྒྱལ་པོ་ཞེས་མཚན་ཡོངས་སུ་གྲགས་པ་དེ་ཉིད་བོད་རབ་བྱུང་བརྒྱད་པའི་ཀུན་འཛིན་ཏེ་ས་ཕོ་བྱི་བའི་ལོར་དགུང་ལོ་གྱ་དྲུག་ཐོག མདོ་ཁམས་སྒང་དྲུག ཤོད་དྲུག་རོང་དྲུག གཤོང་དྲུག ཆུ་དྲུག མཐིལ་དྲུག་ལ་སོགས་པ་ཞབས་ཀྱི་བཅགས། རྫ་ཆུ། འབྲི་ཆུ། ཉག་ཆུ་སོགས་ལ་ལྕགས་ཟམ་འཛུགས་པ་དང་། ཟལ་མོ་སྒང་དང་། ལི་ཐང་ལ་སྐུ་གསུངས་ཐུགས་ཀྱི་རྟེན་བཞེངས་བའི་རྟེན་འབྲེལ་སྒྲིགས། ཞེས་རྣམ་ཐར་ལས་གསུངས་བ་ལ་དཔག་ན་བོད་རབ་བྱུང་བརྒྱད་པའི་སྐེད་ཙམ་དུ་དགོན་པ་འདི་བཏབ་པ་འདྲ། དེ་ལས་དགོན་པ་འདེའི་མཁན་བརྒྱུད་བླ་བརྒྱུད་བཤད་སྒྲུབ་ཀྱི་བསྟན་པ་ཇི་ལྟར་བྱུང་ཚུལ་གྱི་དཀར་ཆག་སོགས་མེད་ཀྱང་གྲྭ་ས་ནི་གཙང་ངོ་རུ་དགོན་དུ་ཕེབས་དགོས་པ་དང་ཕྱག་ལེན་ཐམས་ཅད་ངོར་པ་ལྟར་ཡིན་ནོ། སྔོན་མ་འདུ་ཁང་ཀ་བ་ཉི་ཤུ་ཅན་དང་། གྲྭ་ཤག་བདུན་དང་གྲྭ་བའི་ཞལ་གྲངས་བཞི་བཅུ་ཙམ་བཞུགས། རྟེན་གྱི་གཙོ་བོ་རྒྱུ་ལི་མ་ལས་གྲུབ་པའི་ཐུབ་པའི་སྐུ་དང་། སྒྲོལ་མ། མགོན་པོ་བཅས་ཀྱིས་མཚོན་ལི་སྐུ་བཅུ་ཕྲག་ལྷག་དང་། ཐུགས་རྟེན་བཀའ་གདམས་མཆོད་རྟེན་གསུམ་དང་། གཞན་ཡང་ཐང་སྐུ་དང་སྨན་སྐུ་སོགས་མང་ཙམ་དང་། གསུང་རྟེན་རྒྱལ་བའི་བཀའ་འགྱུར་སོགས་པོད་བརྒྱ་ཕྲག་དང་། སྦུབ་ཆལ་འཛམ་གླིང་བརྡ་ར་མ་སོགས་ཀྱིས་མཚོན་རོལ་ཆས་མང་ཙམ་བཞུགས།

ཚེས་དུས་སྒྲུབ་མཆོད་ནི། བོད་ཟླ་དང་པོའི་ཚེས་བརྒྱད་ནས་བཅུ་དྲུག་བར་ཉིན་བརྒྱད་དུ་སྨོན་ལམ་དང་། བོད་ཟླ་གཉིས་པའི་ཆེས་བཅོ་ལྔ་ནས་ཉིན་བདུན་དུ་རྣམ་རྒྱལ་སྟོང་མཆོད་དང་། བོད་ཟླ་གསུམ་པའི་ཚེས་བཅོ་ལྔ་ནས་ཉིན་བདུན་ལ་ཚེ་དཔག་མེད་དང་གསྲོལ་དཀར་གྱི་སྒྲུབ་མཆོད། བོད་ཟླ་བཞི་བའི་ཚེས་གཅིག་ནས་ཉིན་བཅོ་ལྔ་ཀུན་རིག་སྒྲུབ་མཆོད། བོད་ཟླ་ལྔ་པའི་ཚེས་དྲུག་ནས་ཉིན་བཅུ་བར་སེར་སྲུང་དང་། བོད་ཟླ་དྲུག་པའི་ཚེས་བཅོ་ལྔ་ནས་བདུན་པའི་སུམ་ཅུ་བར་དབྱར་གནས་དང་། བོད་ཟླ་བརྒྱད་པའི་ཚེས་བདུན་ནས་བཅོ་ལྔ་བར་ཉིན་བདུན་ལ་ཀྱེེ་རྡོར་སྒྲུབ་མཆོད། བོད་ཟླ་དགུ་པའི་ཚེས་བརྒྱད་ནས་བཅུ་དྲུག་བར་སེང་གེ་སྒྲ་དང་། བོད་ཟླ་བཅུ་པའི་ཚེས་ཉེར་བདུན་ནས་སུམ་ཅུའི་བར་ཉིན་གསུམ་ལ་དགའ་ལྡན་ལྔ་མཆོད། བོད་ཟླ་བཅུ་གཅིག་པའི་ཚེས་ཉེར་གཉིས་ནས་སུམ་ཅུའི་བར་འཆམ་དང་དགུ་གཏོར། བོད་ཟླ་བཅུ་གཉིས་པའི་ཚེས་ཉེར་གསུམ་ནས་སུམ་ཅུའི་བར་ཉིན་བར་བརྒྱད་ལ་ལྷ་གསོལ་བཅས་འཚོགས་དགོས། ཚོགས་པའི་གཏོང་སྒོ་ནི་ཞིང་པ་དུད་གྲངས་གཉིས་དང་། འབྲོག་པ་དུད་གྲངས་གཅིག་ཙམ་ཡོད། དགོན་པའི་མངའ་འོག་ཏུ་ཁྱོན་དུད་གྲངས་སོ་ལྔ་ཙམ་ཡོད་པ་དེ་དག་གིས་དད་རྫས་དང་གཤིན་རྫས་སོགས་ལ་བརྟེན་ནས་མཆོད་ཐོག་འཚོགས་པ་ཡིན་ནོ། བཅོས་སྒྱུར་སྐབས་དགོན་པ་རྟེན་[page 104] དང་བརྟེན་པར་བཅས་པ་མི་མངོན་པའི་དབྱིང་སུ་བསྟིམས། ད་ལྟ་དགོན་བཞིར་དགོན་པར་བསྡོམས་པས། དགོན་རྙིང་ཤུལ་དུ་རྩྭ་དང་ཤིང་སྡོང་གིས་གང་ནས་གནས་ཡོད་པ་ལགས་སོ། ལོ་རྒྱུས་འདི་ནི་ཐང་སྟོང་རྒྱལ་པོའི་རྣམ་ཐར་དང་བློ་བཟང་སྤེན་པ། བསོད་ནམས་ཚེ་བརྟན། བསོད་ནམས་ཚེས་བརྟན། བློ་བཟང་ཟླ་བ། བཀྲ་ཤིས་ཕུན་ཚོགས། ཐུབ་བསྟན་སྙིང་པོ་རྣམས་ཀྱིས་གསུངས་པ་ལྟར་མུ་པོས་སྦྱར་བའོ།

ས་མིང་ཚིག་མཛོད་མིག་བཤར།

མགོ་བླ་ཀུན་དགའ་རྒྱལ་མཚན་ཞེས་མང་དུ་ཐོས་པ་ལུང་དང་རྟོགས་པས་རབ་ཏུ་ཕྱུག་པ་གང་གིས་བོད་རབ་བྱུང་དགུ་པའི་དྲག་པོ་ཞེས་པ་ལྕགས་ཕོ་སྤྲེལ་གྱི་ལོར་དཔལ་ལྡན་ས་སྐྱ་བའི་ཆོས་རྒྱུན་འཛིན་པའི་དགོན་པ་འདི་ཉིད་བཏབ་སྟེ་དགོན་པ་ཆགས་ཡུལ་དང་མཐུན་པས་དུང་དགོན་བཀྲ་ཤིས་གླིང་ཞེས་མཚན་གསོལ། དེ་ནསལུང་དང་རྟོགས་པའི་མངའ་བདག་ཡེ་ཤེས་འབྱུན་གནས། ངག་དབང་རིན་ཆེན་ཆོས་བཟང་། ནམ་མཁའ་ཆོས་སྐྱོང་། སངས་རྒྱས་རིན་ཆེན། ཟླ་འོད། རྣམ་དགའ། འཇམ་དབྱངས་མཁས་གྲུབ། ཚེ་དབང་སོགས་བྱོན་ནས་དཔལ་ལྡན་ས་སྐྱ་བའི་བསྟན་པ་བླ་ལྷག་ཏུ་སྤེལ་བར་མ་ཟད། ངག་རྒྱུན་དུ་མ་མགོ་བླ་བླ་རབས་བརྒྱ་དང་བརྒྱད་ཙམ་བྱོན་པར་གྲགས་སོ། དགོན་འདིའི་བཤད་སྒྲུབ་ཀྱི་བསྟན་པ་དར་ཚུལ་ནི། སྟོད་ས་སྐྱ་ཆོས་འཁོར་གླིང་ནས་བྱོན་པའི་གོང་མ་རིན་པོ་ཆེ་འཛམ་གླིང་ཆོས་འཁོར་དབང་འདུས་དགོན་འདིར་བྱོན་ནས་ཆོས་འཁོར་ཡུན་རིང་བསྐོར་བ་དང་། ས་སྐྱའི་ངོར་དགོན་ནས་དཔོན་ལྡན་ཆོས་འཛིན་གྱིས་འདུལ་བ་དང་སྔགས་ཕྱོགས་ཀྱི་རིམ་གཉིས་མན་ངག་བཅས་སྣོད་རུང་གི་གདུལ་བྱ་དུ་མ་ལ་སྤེལ་ཏེ་སྨིན་གྲོལ་གྱི་ལམ་ལ་བཀོད། སྒ་སྟོད་ངག་དབང་ལེགས་པ་དང་། སྡེ་གཞུང་མཁན་ཆེན་ཀུན་དགའ་རྣམ་རྒྱལ་སོགས་དགོན་འདིར་ཏེ་ཐུགས་ཁུར་རྒྱ་ཆེར་མཛད་དེ་ཨེ་ཝཾ་བཀའ་འབུམ་གྱི་འཆད་ཉན་དང་རྒྱུད་སྡེ་ཀུན་བཏུས་སྒྲུབ་ཐབས་ཀུན་བཏུས། གསུང་ངག་རིན་པོ་ཆེ་ལམ་འབྲས་སོགས་ཀྱི་དབང་ལུང་ཁྲིད་གསུམ་དུ་མ་བསྩལ་བས་དགོན་འདི་ལ་བཀའ་དྲིན་ཤིན་ཏུ་ཆེ་བ་ཡིན་ནོ།

[page 89] དགོན་འདིའི་གཙུག་ལག་ཁང་ཀ་བ་བཅུ་གསུམ་དང་། མགོན་ཁང་། ཇ་ཁང་། མཛོད་ཁང་དང་། གྲྭ་ཤག་དྲུག་ཅུ་ཙམ་ཡོད་པ་དེ་ལས་གཙུག་ལག་ཁང་དུ་རྒྱུ་ཟངས་གསེར་ལས་བསྐྲུན་པའི་ཐུབ་སྐུ་གསུང་བྱོན་མ་བསྐུམས་ཁྲུ་བརྒྱད་དང་། རྒྱུ་ལི་ལས་གྲུབ་པའི་རྡོ་རྗེ་ནག་པོ་ཆེན་པོ་གུར་མགོན་དང་རྡོར་སེམས་གཉིས་མཐོ་ཕྱེད་གཉིས། རྒྱ་གསེར་དངུལ་ལས་གྲུབ་པའི་སྤྱན་རས་གཟིགས་ཕྱག་སྟོང་སྤྱན་སྟོང་མི་ཚད་ཙམ་ཡོད་པ་དེའི་ཞལ་ནས་དུས་རྒྱུན་བདུད་རྩི་འབབ་པ་ཞིག་དང་། རྒྱ་མཐོང་ཁར་ཁོ་ར་ཁོར་ཡུག་ཀུན་ཏུ་རྒྱུ་སྨན་འདམ་ལས་བསྐྲུན་པའི་རྒྱ་གར་གྱི་གྲུབ་ཆེན་བརྒྱད་ཅུ། གནས་བརྟན་བཅུ་དྲུག ཉེ་བའི་སྲས་བརྒྱད་བཅས་འདྲ་སྐུ་རྣམས་ཀྱི་ཞལ་རས་ལ་གསེར་བྱ་སྒོར་ཙམ་གསོལ་ཡོད་པ་དང་། རྒྱུ་ཙནྡ་དཀར་པོ་ལས་བཞེངས་བའི་ཐུབ་དབང་ཁྲུ་དོ་ཅན་དང་། གསུང་རྟེན་རྒྱལ་བའི་བཀའ་འགྱུར་ཆ་བརྒྱད། རྒྱུ་གསེར་དངུལ་གྱི་ཞུན་མས་བྲིས་པའི་འབུམ་ཆ་བཅུ་གཉིས། ཨེ་ཝཾ་བཀའ་འབུམ་ས་སྐྱ་བཀའ་འབུམ། སྒྲུབ་ཐབས་ཀུན་བཏུས། རྒྱུད་སྡེ་ཀུན་བཏུས་སོགས་གསུང་འབུམ་པོད་ཉིས་བརྒྱ་ལྷག་དང་། ཐུགས་རྟེན་རྒྱུ་གསེར་དངུལ་ཟངས་གསུམ་ལ་རིན་པོ་ཆེ་གཡུ་བྱིར་སྤོས་ཤེས་སོགས་ཀྱི་ཕྲ་དང་ལྡན་པའི་གདུང་རབས་མཆོད་རྟེན་ལྔ་དང་། སྦྱིན་བདག་དད་ལྡན་རྣམས་ཀྱིས་བཞེངས་བའི་མཆོད་རྟེན་གསུམ་དང་། རོལ་ཆས་སྐོར་ལ་སྦུབ་ཆལ་འཛམ་གླིང་གཡས་བཞག་གིས་མཚོན་སྦུབ་ཆལ་ཉེར་གཅིག བྱ་ཤང་ཤང་གཉིས་ཀྱིས་མཐའ་ཡས་རྒྱ་མཚོའི་ཕ་རོལ་ནས་ཁྱེར་ཡོང་བའི་སིལ་སྙན་ཤང་ཤང་མས་མཚོན་སིལ་སྙན་ཆ་ལྔ་དང་། གོས་ཆེན་རྒྱ་སེར་ལས་བཟོས་པའི་འཆམ་གོས་ཆ་བཞི་བཅུ་ཞེ་གསུམ། ཞལ་འབག་སུམ་ཅུ་སོ་གྲངས་བཅས་བཞུགས་སོ།

ཚེས་དུས་སྒྲུབ་མཆོད་ནི། མཆུ་ཟླའི་ཚེས་བདུན་ནས་ཉིན་གསུམ་ལ་དཔལ་རྡོ་རྗེ་འཇིགས་བྱེད་ཀྱི་གཏོར་མའི་ཆོག་ཕྲིན་ལས་ཆ་དང་། ཚེས་བཅོ་ལྔ་ལ་དབུ་མཛད་དང་དགེ་སྐོས་ཁྲི་བ་འགན་ཁུར་བརྗེ་ལེན་དང་། དེ་ནས་ཉིན་བརྒྱད་ལ་ཀུན་རིག ནག་ཟླའི་ཚེས་ལྔ་ནས་ཉིན་གསུམ་ལ་ཆར་གཏོར། ཚེས་བརྒྱད་ནས་སྨྱུང་གནས་ཉིན་བརྒྱད། ཚེས་བཅུ་བདུན་ལས་གསུར་ཆུ་གཏོར། ཚེས་ཉེར་གཉིས་ལ་བླ་མཆོད། ཚེས་ཉེར་བདུན་ལ་བསང་དགྲ་བླ། ས་ག་ཟླ་བའི་ཚེས་གཅིག་ལ་ཀུན་རིག་ཚེས་གཉིས་ནས་ཉིན་བདུན་ལ་སྨན་བླའི་ཆོ་ག ཚེས་དགུ་ལ་བསྐང་གསོ་སོ་བརྒྱད་ལ་དབྱངས་མི་དགོས། ཚེས་བཅུ་ནས་ཉིན་བདུན་ལ་སྨྱུང་གནས། སྣོར་ཟླའི་ཚེས་གཅིག་ནས་བཟུང་ཉིན་ཉེར་གཅིག་ལ་ཀུན་རིག ཚེས་ཉེར་གཉིས་ནས་ཉེར་དགུའི་བར་བཀའ་འགྱུར་ཀློག ཆུ་སྟོད་ཟླ་བའི་གཅིག་ལ་དཔལ་ཀྱེེ་རྡོ་རྗེའི་སྒྲུབ་མཆོད་ཀྱི་ལྟ་གོན། ཚེས་གཉིས་ནས་དངོས་གཞི་ཉིན་བདུན་འཚོགས་ནས། ཚེས་དགུའི་ཕྱི་དྲོལ་སྦྱིན་སྲེག་རྡུལ་ཚོན་ཆུར་གཤེགས་ཏེ་མཐར་ཕྱིན། ཚེ་བཅུ་ནས་ཉིན་ལྔའི་བར་མི་འཁྲུགས་པའི་ཆོ་ག ཚེ་བཅུ་དྲུག་ནས་ཉིན་ལྔ་ལ་འཆི་མེད་ཆེ་བའི་ཆོ་ག ཚེས་ཉེར་གཅིག་ནས་ཉིན་བཞི་ལ་སྨོན་ལམ། ཚེས་ཉེར་ལྔ་ནས་ཉེར་དགུའི་བར་རྣམ་རྒྱལ་སྟོང་མཆོད་འཚོགས། གྲོ་བཞིན་ཟླ་བའི་ཚེས་གཅིག་ནས་བདུན་བར་ཆོས་སྤྱོད་[page 90] གནས་བཅུ། ཚེས་བརྒྱད་ནས་བཅུ་བཞི་བར་དུ་བསྙེན་གནས། ཚེས་བཅུ་དྲུག་ནས་ཉིན་གཉིས་ལ་ཀུན་རིག་འཚོགས། དབྱུག་ཟླའི་ཚེས་ཉེར་གཅིག་ནས་ཉེར་གཉིས་ལ་ཀུན་རིག ཚེས་ཉེར་གསུམ་ནས་བཟུང་རྡོ་རྗེ་འཇིགས་བྱེད་གཏོར་མའི་ཕྲིན་ལས་ཚ་ཟེར་མའི་དབྱངས་རོལ་མོའི་འབུད་དཀྲོལ་དང་བཅས་པའི་སྒོ་ནས་བདུན་གཅིག་གི་རྗེས་མའི་ཉིན་ལ་གཏོར་རྒྱག་དང་དྲག་པོའི་སྦྱིན་སྲེག་རྣམས་ཆ་ཚང་། སྨིན་དྲུག་ཟླ་བའི་ཚེས་གཅིག་ལ་བསང་དགྲ་བླ་འཚོགས། མགོ་ཟླ་བའི་ཚེས་བཅུ་དྲུག་ནས་ཉིན་གསུམ་ལ་ཀུན་རིག ཚེས་ཉེར་གསུམ་ནས་བཟུང་རྡོ་རྗེ་འཇིགས་བྱེད་གཏོར་མའི་ཕྲིན་ལས་ཚ་ཟེར་མའི་དབྱངས་རོལ་མོའི་འབུད་དཀྲོལ་དང་བཅས་པའི་སྒོ་ནས་བདུན་གཅིག་གི་རྗེས་མའི་ཉིན་ལ་གཏོར་རྒྱཕ༹་དང་དྲག་པོའི་སྦྱིན་སྲེག་རྣམས་ཆ་ཚང་། སྨིན་དྲུག་ཟླ་བའི་ཚེས་གཅིག་ལ་བསང་དགྲ་བླ་འཚོགས། མགོ་ཟླ་བའི་བཅུ་དྲུག་ནས་ཉིན་གསུམ་ཀུན་རིག་ཚེས་བཅུ་དགུ་ཉི་ཤུ་གཉིས་ལ་འཆམ་སྦྱོང་། ཚེས་ཉེར་གཅིག་ནས་ཉེར་བདུན་བར་བསྐང་གསོ་སོ་བརྒྱད་དབྱངས་རོལ་མོ་འབུད་དཀྲོལ་དང་བཅས། ཚེས་ཉེར་བརྒྱད་ལ་སྐྱ་འཆམ། ཚེས་ཉེར་དགུ་ལ་འབག་འཆམ་ནམ་མ་ལངས་གང་ནས་འཆམ་སྟེ་ཕྱི་དྲོ་གཏོར་རྒྱག རྒྱལ་ཟླའི་ཚེས་གཅིག་ནས་སྨོན་ལམ་ཚེས་བཅུ་གཅིག་བར། དུས་རྟག་དུ་འདུས་ལུགས་ལྟར་ཉ་སྟོང་གཉིས་ལ་གསོ་སྦྱོང་འཚོགས་དགོས་པ་ཡིན་ནོ།

དགོན་འདིའི་བར་ཤིང་ལ་ཐར་མདོ། རྡོར་གཅོད། གདུགས་དཀར། སྒྲོལ་མ། དཔུང་རྒྱན་བཅས་ཀྱིས་མཚོན་བར་ཤིང་རིགས་མང་ཙམ་བཞུགས་སོ།།

ཡོན་གྱི་འབྱུང་ཁུངས་ལ་ལི་ཐང་རྒྱལ་པོ་ཟླ་དགོད་ཅེས་པས་བྲེ་བརྒྱ་འདེབས་པའི་ཞིང་ས་དང་། སྦྱིན་བདག་སི་ལུས་ཤི་གསོན་གཉིས་ཀྱིས་ཆེད་དུ་བྲེ་བརྒྱད་ཅུའི་ས་དང་། སྦྱིན་བདག་སྒོང་རུ་མགོས་བྲེ་སུམ་ཅུའི་ས་དང་། སྦྱིན་བདག་ཟོ་ཁོས་བྲེ་ལྔ་བཅུ་འདེབས་ཆོག་པའི་ས་ཞིང་བཅས་དང་། དགོན་འདིའི་མངའ་འོག་གི་ཁྱིམ་དུད་བདུན་ཅུ་དོན་གྲངས་ཀྱི་དད་གཤིན་རྫས་སོགས་ལ་བརྟེན་ནས་དགེ་འདུན་ཞལ་གྲངས་བདུན་ཅུ་དོན་གྲངས་ཀྱི་ཚོགས་པའི་གཏོང་སྒོ་བྱེད་དགོས་པ་ཡིན་ནོ།

ངོ་རྒོལ་བཞི་དང་རིག་གནས་གསར་བརྗེའི་སྐབས་དགོན་པ་རྟེན་དང་བརྟེན་པ་མང་གི་ལྷག་མར་བྱས་ཏེ། མི་ལོ་སུམ་ཅུ་ལྷག་ཙམ་ལ་སྐུ་གཟུགས་མིག་གིས་མི་མཐོང་བ་དང་། ཆོས་སྐད་རྣ་བའི་མི་ཐོས་པའི་གནས་སུ་གྱུར། སླད་ནས་ཏང་སྲིད་ཇུས་བཟང་ཆོས་སྒོ་འབྱེད་སྐབས། དགོན་འདིའི་གཙུག་ལག་ཁང་སྔོན་མ་ནང་བཞིན་སླར་གསོ་དང་། གྲྭ་ཤག་ཉི་ཤུ་ཙམ་གསར་བསྐྲུན་བྱས་ཏེ་འདུ་ཁང་དུ་རྒྱུ་སྨན་འདམ་ལས་བསྐྲུན་པའི་གོང་མ་རྣམ་ལྔ། ཇོ་བོ། བྱམས་པ། རྡོར་སེམས་བཅས་ཀྱི་སྐུ་མི་ཚད་ཙམ་དང་། རྒྱལ་བའི་བཀའ་འགྱུར། བསྟན་འགྱུར། གསུང་འབུམ་སྐོར་གང་འཚམ་དང་། གྲྭ་ཨ་ཕྲིན་དང་ཕྲིན་ལས་གཉིས་ཀྱིས་སྔོན་གྱི་རྟེན་རྙིང་ཐུབ་སྐུ་དང་གུར་མགོན། རྡོར་སེམས། སྦུབ་ཆལ་འཛམ་གླིང་གཡས་བཞག འཆམ་གོས་ཉི་ཤུ་དང་དུང་ཆ་གཅིག་བཅས་ཉར་བྱས་ནས་དགོན་འདི་ལ་ཕུལ་བས་བཀའ་དྲིན་ཤིན་དུ་ཆེ་བ་ཡིན་ནོ། དགོན་འདིའི་མངའ་འོག་གི་ཁྱིམ་དུད་ལྔ་བཅུ་ཙམ་གྱིས་འབུལ་བ་སོགས་ལ་བརྟེན་ནས། ཚེས་དུས་སྒྲུབ་མཆོད་སྔོན་མ་རྣམས་རྒྱུན་མ་ཆད་ཙམ་རེ་གྲྭ་བདུན་ཅུ་དོན་གྲངས་ཀྱིས་མཚོགས་བཞིན་ཡོད་པ་མ་ཟད། གྲྭ་ཉི་ཤུ་ཙམ་ལ་འཇམ་དབྱངས་བློ་གཏེར་དབང་པོའི་གསུང་ཆོས་ཐོག་ནས་ཐོས་བསམ་གང་འཚམ་རེ་བྱེད་བཞིན་ལགས་སོ།། དགོན་པའི་ལོ་རྒྱུས་འདི་ནི་གྲྭ་ཀུན་དགའ་[page 91] ཆོས་འཕེལ་དང་ཚེ་རིང་སྟོབས་རྒྱལ་གཉིས་ཀྱིས་བྲིས་པའི་དགོན་པའི་ལོ་རྒྱུས་ལ་གཞི་བྱས་ཏེ་མཆོག་སྤྲུལ་འཇམ་དབྱངས་མཁས་གྲུབ་ཀྱིས་གསུང་གི་ཟུར་བརྒྱན་ཏེ་མུ་པོས་བྲིས་པའོ།།

ས་མིང་ཚིག་མཛོད་མིག་བཤར།

གདན་ས་འདིར་ཐོག་མར་བཀའ་བརྒྱུད་ཆེ་བཞིའི་ནང་ཚན་ཕག་གྲུ་བཀའ་བརྒྱུད་ཀྱི་སློབ་དཔོན་ཆེན་པོ་ཕག་མོ་གྲུ་པའམ་ཕག་གྲུ་རྡོ་རྗེ་རྒྱལ་པོ་གང་གིས་བོད་རབ་བྱུང་གསུམ་པའི་སྟོད་ཙམ་དུ་ཆོས་སྡེ་འདི་ཉིད་བཏབ་སྟེ་ཕག་གྲུ་བཀའ་བརྒྱུད་ཀྱི་ཆོས་རྒྱུན་སྤེལ། ཀརྨ་བ་ཞྭ་དམར་ནག་གཉིས་ཀྱང་རིམ་གྱིས་བྱོན་ནས་དར་རྒྱས་མཛད་པ་སོགས་ཀྱིལོ་རྒྱུས་དང་དགོན་ཤུལ་ཞབས་རྗེས་སོགས་དུ་མ་ཡོད་དོ།

ཕྱིས་སུ་དགོན་སྡེ་འདི་ཉིད་ཕྱག་འདེབས་ཚུལ་ནི། པདྨ་རྣམ་གྲོལ་གླིང་པའི་གཏེར་ལུང་ལས། ཤར་རི་ལ་གནས་རྒྱལ་འགོང་གིས། སྐྱེ་འགྲོའི་བླ་ཚེ་སྲོག་དབུགས་སྡུདཿདེས་ཕག་མོའི་སྤྲུལ་པ་ནིཿཨ་ཡིག་མིང་གི་གདུལ་བར་བྱཿཞེས་པའི་ལུང་བསྟན་དུས་ལས་མི་ཡོལ་བར་རྫོགས་ཆེན་ཡིད་བཞིན་ནོར་བུའི་སྐུ་ཕྲེང་ལྔ་པ་ཐུབ་བསྟན་ཆོས་ཀྱི་རྡོ་རྗེ་མཆོག་གི་དངོས་སློབ་རྡོ་རྗེ་བདག་མེད་མ་དང་པཎ་ཆེན་སྨོན་ལམ་གྲུབ་པ་སོགས་དམ་པ་དུ་མ་དང་། རྫོགས་ཆེན་པ་ཀརྨ་བྱང་ཆུབ་རྒྱལ་མཚན་ནམ་བླ་མ་ཨ་ཀར་ཞེས་པའི་གདན་ས་འདི་རུ་དགོན་སྡེ་གསར་དུ་འདེབས་དགོས་པའི་བཀའ་གནང་ནས་ཡོན་རུའི་མི་དབང་ཆོས་རྒྱལ་ཆེན་པོ་བསོད་ནམས་རྒྱ་མཚོས་ཞབས་བཏེགས་ནས་ཡུལ་འདིར་ཕྱག་ཕེབས། དེ་ནས་རིག་འཛིན་འགགས་མེད་རྡོ་རྗེ་བླ་མ་ཐུབ་བསྟན་དགེ་འདུན་མཆོག་གིས་གྲོགས་མཛད་དེ་བོད་རབ་བྱུང་བཅོ་ལྔ་པའི་མིག་དམར་ཏེ་ཤིང་ཕོ་བྱི་བའི་ལོར་གཙུག་ལག་ཁང་རྟེན་དང་བརྟེན་པར་བཅས་པ་གསར་དུ་བསྐྲུན། འདུ་ཁང་ཕུག་ཏུ་རྒྱུ་སྨན་འདམ་ལས་བསྐྲུན་པའི་སྟོན་པའི་གཙོ་འཁོར་གསུམ། སློབ་དཔོན། སྤྱན་རས་གཟིགས། རྗེ་གཙོ་འཁོར་གསུམ་བཅས་བརྩེགས་ཚད་དང་། རྒྱལ་བའི་བཀའ་འགྱུར་དང་བསྟན་འགྱུར། ཐར་མདོ། བཀའ་ཐང་། སྨོན་ལམ་རྣམ་ལྔ། ལེའུ་བདུན་མ་བཅས་ཀྱི་འཁོར་བར་དང་འདོན་ཆ། གླིང་གེ་སར་རྒྱལ་པོའི་བདའ། གཞུ། མདུང་། གྲི་སོགས་རྟེན་གསུམ་བྱིན་ལྡན་དུ་མ་བཞུགས་སུ་གསོལ་ཞིང་རབ་[page 109] གནས་མཐར་ཕྱིན་མཛད། རྫོགས་སྤྲུལ་ཐུབ་བསྟན་ཆོས་ཀྱི་རྡོ་རྗེས་སྔ་འགྱུར་ནོར་བུའི་ཆོས་མཛོད་ཨོ་རྒྱན་བསམ་འཕེལ་ཆོས་གླིང་ཞེས་པའི་མཚན་གསོལ། ཀརྨ་པ་རང་བྱུ་རྡོ་རྗེ་དང་སི་ཏུ་པདྨ་དབང་མཆོག་རྒྱལ་པོ་རྣམ་གཉིས་བྱོན་ནས་གྲུབ་ཆེན་བརྒྱད་ཅུ་དང་ཕག་མོ་གྲུ་པའི་ཞལ་གཟིགས། རྟེན་གསུམ་ལ་རབ་གནས་ཀྱི་མེ་ཏོག་འཐོར་ཞིང་སྐལ་ལྡན་རྣམས་ལ་སྨིན་གྲོལ་གྱི་བདུད་རྩིའི་རྒྱུན་སོགས་སྩོལ་བར་མཛད། སྔར་ཕག་གྲུ་བཀའ་བརྒྱད་ཀྱི་ཆོས་རྒྱུན་ཉམས་གསོ་དང་ཁྱད་པར་དུ་གྲྭ་ས་གོང་མ་གདན་ས་ཆེན་པོ་རུ་དམ་རྫོགས་ཆེན་པའི་ཕྱག་བཞེས་ལྟར་ཆོས་འཕྲུལ་ཟླ་བའི་ཡར་ཚེས་ལ་སིདྡྷིའི་བུམ་སྒྲུབ་གཏོར་ལ་བདུད་རྩིའི་རྒྱུན་བབས་པ་སོགས་ཀྱི་ངོ་མཚར་བའི་རྟགས་མཚན་མངོན་དུ་གྲུབ་པ་དང་། གཞན་ཡང་སྔ་འགྱུར་རྙིང་མའི་གཏེར་ཆོས་བྱང་ཕུར་དང་གུ་དྲག་ཡེ་ཤེས་རབ་འབར་སོགས་དབྱར་དགུན་གྱི་དུས་མཆོད་ཡང་དག་པར་གཙུགས། མཁན་རིན་པོ་ཆེ་བསོད་ནམས་རྒྱལ་མཚན་རྫོགས་ཆེན་ཤྲཱི་སེང་དུ་མཁས་གྲུབ་མའི་མདུན་ནས་མདོ་རྒྱུད་བསྟན་བཅོས་ཐསམ་ཅད་ལ་གསན་མཛད་དེ། ཡུལ་འདིར་འདུལ་བ་གཞི་གསུམ་གྱི་ཕྱག་བཞེས་དང་སྤྱོད་འཇུག་དང་སྡོམ་གསུམ་སོགས་ཀྱི་ཁྲིད་རྒྱུན་བཙུགས་ནས་བཀའ་དྲིན་གཞལ་དུ་མ་མཆིས་སོ། དེ་བཞིན་དམ་པ་རྣམས་ཀྱིས་དབུ་མཛད་དེ་ཚུལ་ལྡན་གྱི་དགེ་འདུན་བཅུ་ཕྲག་ལྔ་ལ་ཉེ་བ་ཙམ་གྱིས་བཤད་སྒྲུབ་ལས་གསུམ་གྱི་བསྟན་པ་བསྐྱངས། དེ་རྗེས་དུས་འགྱུར་གྱི་དཔང་གིས་བསྟན་པ་ལ་ཉམས་ཉེས་ཆེས་ཆེར་བྱུང་སྟེ་དགོན་འདིའང་མིང་གི་ལྷག་མར་གྱུར། ཕྱིས་སུ་དད་ལྡན་འབངས་སྡེའི་སྟོབས་ལ་བརྟེན་ནས་གཙུག་ལག་ཁང་དང་སྐུ་རྟེན་བཅས་ཡོངས་སུ་གྲུབ་པར་མཛད། སྔོན་གྱི་མགོན་སྐུ་ཡིད་བཞིན་ནོར་བུ་སོགས་རྟེན་རྙིང་པ་འགའ་ཡོད་པ་རྣམས་བཞུགས་སུ་གསོལ། བཀའ་དང་བསྟན་འགྱུར་རྙིང་མའི་རྒྱུད་འབུམ་སོགས་གསུང་རྟེན་དུ་མ་སྤྱན་དྲངས་པ་མ་ཟད། འབྱོར་ལྡན་གྱི་སྦྱིན་བདག་རྣམས་ཀྱིས་བཀའ་འགྱུར་ཆ་ཉི་ཤུ་ལྷག་ཙམ་དྲངས། ཚོགས་ཆེན་བུམ་སྒྲུབ་ཆེན་མོ་སོགས་སྔ་སྲོལ་གྱི་དུས་མཆོད་རྣམས་རྒྱུན་བཙུགས། རུ་དམ་རྫོགས་ཆེན་པའི་ཕྱག་སྲོལ་ལྟར་གླིང་རྗེ་གེ་སར་རྒྱལ་པོའི་གར་འཆམ་གསར་དུ་བཙུགས་ནས་ཞལ་འབག་དང་འཆམ་གོས་སོགས་སྤུས་ལེགས་བཞི་བཅུ་ལྷག་ཙམ་གྲུབ་པར་མཛད། སྔ་འགྱུར་བཀའ་མའི་ཚོགས་ཆེན་འདུས་པའི་སྒྲུབ་མཆོད་དང་བཀའ་བརྒྱད་དང་ཀ་གླིང་ཞི་ཁྲོ་སོགས་སྔོན་མེད་གསར་འཛུགས་དང་། བསྟན་རྩ་འདུལ་བ་ཡིན་པར་དགོངས་ནས་རབ་བྱུང་ངུར་སྨྲིག་གི་རྒྱལ་མཚན་འཆང་བའི་དགེ་འདུན་དྲུག་ཅུ་ལྷག་ཙམ་ལ་འདུལ་བ་གཞི་གསུམ་གྱི་ཕྱག་བཞེས་དང་སྡོམ་གསུམ་གྱི་ཁྲིད་རྒྱུན་གནང་། མཆོག་སྤྲུལ་རིན་པོ་ཆེ་ཕྲིན་ལས་རྣམ་རྒྱལ་དང་བླ་མ་ཐུབ་བསྟན་དགེ་འདུན་གྱི་སྤྲུལ་སྐུ་རིག་འཛིན་རྡོ་རྗེ་དང་མཁན་ཐུབ་བསྟན་པདྨ་བཀྲ་ཤིས་རྣསམ་རིམ་གྱིས་མཁན་ཁྲིར་མངའ་གསོལ། སྤྲུལ་སྐུ་ཕྲིན་ལས་རྣམ་རྒྱལ་ཁོང་གཉིས་ཀྱིས་པར་ཁང་ཆོས་མཛོད་ཆེན་མོ་གསར་དུ་བསྐྲུན་ཏེ། ཀུན་མཁྱེན་ཀློང་ཆེན་པའི་མཛོད་བདུན་དཀར་ཆགས་དང་བཅས་པ། སྔོན་འགྲོ་ཀུན་བཟང་བླ་མའི་ཞལ་ལུང་། ཁྲིད་ཡིག་ཡེ་གེ་བླ་མ། སྡོམ་གསུམ་རྣམ་ངེད་ཀྱི་འགྲེལ་བ། བསམ་ལྷུན་སྒྲོལ་མ་[page 110] ལྟུང་བཤགས་དཔུང་རྒྱན་སོགས་ཇོ་དར་གྱི་པར་བཅས་གསར་དུ་བསྐྲུན། སངས་རྒྱས་ཀྱི་རིང་བསྲེལ་དང་གསར་རྙིང་གི་སྐྱེས་ཆེན་དུ་མའི་རིང་བསྲེལ་དང་ན་བཟའ་སོགས་དང་བཀའ་འགྱུར་ཆ་གསུམ་སོགས་བཞུགས་པའི་ཐུགས་རྟེན་བྱང་ཆུབ་མཆོད་རྟེན་ཆེན་པོ་སོགས་བཞེངས་གེ་མང་དགོན་གྱི་རྟེན་གསུམ་ཞེས་སྙན་པའི་ཕྱོགས་ཀུན་ཁྱབ་པ་ཡིན་ནོ།

དེ་ལྟར་སྒྲུབ་སྡེ་འདིས་གསང་ཆེན་སྔ་འགྱུར་བའི་ཁྱད་ཆོས་རྫོགས་ཆེན་སྙིང་ཐིག་གི་མན་ངག་ཉམས་ལེན་ལ་བརྟེན་ནས་སློབ་ཚོགས་རྣམས་ཞིང་འདི་ནས་གཞན་དུ་ཡོལ་བའི་ཚེ་ས་གཡོ་ཞིང་འཇའ་འོད་འཁྲིགས་པ་དང་གདུང་ལ་རིང་བསྲེལ་དང་ལྷ་སྐུ་ཡིག་འབྲུ་འཁྲུངས་པ་དང་ཐུགས་ལྗགས་སྤྱན་གསུམ་བཞག་པ་སོགས་ཀྱིས་འདས་རྗེས་གྲུབ་པའི་སྐྱེས་ཆེན་དུ་མ་བྱོན་པ་དང་། མ་འོངས་འབྱུང་འགྱུར་ལ་ཡང་། ཀརྨ་ཆགས་མེད་ཀྱིས། ཉན་ཐོས་འགྲོ་དོན་ཐུབ་པ་ཡི། གེ་མང་བླ་མ་ཞེས་བྱ་བ། མཁས་པ་ཆེན་པོ་འབྱུང་བར་འགྱུར། ཞེས་དང་། བདུད་འཇོམས་གཏེར་ལུང་ལས། གེ་མང་སྡེ་ཚན་ནསཿའཇའ་ལུས་ཆེན་པོ་བཞི་ཡང་འབྱུངཿཞེས་སོགས་དམ་པ་རྣམས་ཀྱིས་ཁྱས་འཕགས་ཀྱི་ལུང་བསྟན་དུ་མ་བསྩལ་བའོ། གཞན་ཡང་དགོན་འདིར་སྔོན་དུས་སུ་འདུ་ཁང་གཅིག་དང་གྲྭ་ཤག་ཉི་ཤུ་ཙམ་ཡོད་པ་དང་། དེང་སྐབས་འདུ་ཁང་གཅིག་དང་པར་ཁང་གཅིག་གྲྭ་ཤག་བཞི་བཅུ་ཙམ་ཡོད། ལོ་ལྟར་དུས་མཆོད་འཚོགས་པའི་ཡོན་བདག་སྔོན་དུད་གྲངས་ལྔ་བཅུ་ཙམ་དང་ད་སྐབས་དུད་ཁ་བརྒྱ་དང་སུམ་ཅུས་ཆོས་མཐིན་གྱི་འཚོ་བ་རེས་མོས་མཛད་བཞིན་ལགས་སོ། དགོན་པའི་ལོ་རྒྱུས་འདི་ནི་གྲྭ་ཨ་ཆོས་ཀྱིས་བྲིས་པའི་དགོན་པའི་ལོ་རྒྱུས་ལ་གཞི་བྱས་ངག་རྒྱུན་ཁུངས་ཐུབ་རྣམས་ལས་ཟུར་བརྒྱན་ཏེ་མུ་པོས་བྲིས་པའོ།།

[page 122]

ས་མིང་ཚིག་མཛོད་མིག་བཤར།

[page 123] དགོན་འདིའི་སྦྱིན་བདག་དང་བསྟན་འཛིན་གྱི་རུས་བརྒྱུད་འབྱུང་ཁུངས་ནི། མན་ཇུའི་གོང་མ་ཁང་ཞི་ཏེ་བོད་སྐད་དུ་བདེ་སྐྱོང་རྒྱལ་པོའི་སྐུ་རིང་ལ་སོག་རྒྱལ་བློན་འཁོར་བཅས་དབུར་གཙང་དུ་ཕེབས་པར་ཟི་ལིང་དུ་སླེབས་པ་ན་སོག་རྒྱལ་པོས་ནང་བློན་པཎ་ཞྭ་སེར་ལྡིང་ལ་ཁྱོད་འདི་ནས་ལྷོ་ཕྱོགས་སུ་སོང་དང་བཀྲ་ཤིས་བདེ་ལེགས་ཀྱི་ས་ཕྱུག་པོ་གུསམ་དནག་བཙན་པོ་གུསམ་གྱི་མིང་དོན་ཆག་སར་སླེབས་གནས་དེར་སྡོད་དང་ཤིན་ཏུ་ལེགས་ཞེས་ལུང་བསྟན། དེ་ནས་དགེ་རྩ་པཎ་ཞུ་སེར་ལྡིང་མཚོ་སྔོན་པོའི་ཕྱོགས་སུ་རེ་ཞིག་སྡོད་སྐབས་མཚོ་ནང་ནས་དགྲ་ལྷ་ཝེར་མ་དང་བཅས་རང་ཆས་སུ་འཁོར་བའི་བེའུ་མཚོ་ཁ་མ་ཞེས་གྲགས་པ་མཚོ་གཏེར་བླངས་ཏེ་རིམ་གྱིས་འོང་བ་ན་ཡུལ་སྐྱོང་རྫ་རྒྱལ་འཕན་ཕྱུག་ཀྱི་ཞོལ་དུ་སླེབས། སྔར་ལུང་བསྟན་པ་བཞིན་ས་དེར་རྫ་རྒྱལ་འཕཧན་ཕྱུག་ངང་མ་ལུག་ཕྱུག ལྕང་མ་རྟ་ཕྱུག གསུམ་གྱི་མིང་ཐོས་པ་མ་ཕྱུག་པོ་གུསམ་གྱི་ས་དེ་བདག་ཏུ་བཟུང་། དེ་ནས་རིམ་གྱིས་འོང་བ་དང་སྒྲོམ་སྟོད་ལྕགས་མཁར་ཐང་སྟེང་དུ་སླེབས། དེའི་གཞུང་ཆེན་ལ་སྒྲོམ་སྡོད་གནས་ལ་ལྕགས་མཁར་ཐང་། བྲག་རི་ལ་ཨ་མྱེ་རྔ་བརྡུང་ཟེར་བ་དེ་བཙན་པོ་གུསམ་གྱི་སར་ཡུལ་སྡེ་ཆགས་པའི་འགོ་ཚུགས་སྐབས། སོག་པོའི་རིགས་རུས་ཡིན་ངེས་ཅན་གྱི་སོག་པོ། སོག་མོ། སོག་རུ། གསུམ་ལ་སོག་དུད་བདུན་དང་། གཞན་དུད་ཁ་ཤས་བཅས་ཡོད་པ་ཀུན་གྱིས་དགེ་བཅུའི་ཆོས་དནག་དུ་བླངས་བསལ་འདི་དང་ཕྱི་མར་ལེགས་པའི་ཡང་བརྩེ་ཐོབ་ཅིང་པཎ་ཞུ་སེར་ལྡིང་གི་གདུང་རྒྱུད་ཡིན་པས་དགེ་རྩེ་སེར་ཤུལ་ཞེས་མིང་ཆགས་སོ།།

བསྟན་དགོན་འདི་ཉིད་ཐོག་མར་ཕྱག་འདེབས་པ་པོ་བཀའ་བཅུ་བ་བློ་བཟང་ཆོས་དར་གྱི་རྣམ་ཐར་མདོར་བསྡུས་ནི། དམ་པ་འདི་ཉིད་རབ་བྱུང་བཅུ་གཉིས་པའི་དཀྱིལ་ཙམ་ནས་སྔར་སྨྲོས་པའི་སོག་མོའི་རིགས་རུས་ཆོ་འབྲང་ཕུན་སུམ་ཚོགས་པ་སྐུ་འཁྲུངས། ཆུང་གཞོན་ནུའི་དུས་ངན་བྱིས་པའི་ངན་སྤྱོད་མཐའ་དག་རྒྱང་རིང་དུ་བསྲིངས་ཏེ་གཅིག་ཏུ་དམ་པའི་ངང་ཚུལ་ལ་གནས་ཤིང་ཕ་མ་ལ་གུས་པ་བླ་ལྷག་ཏུ་བྱེད་པ་ཞིག་གོ སྐུ་ན་ཆེར་སོན་པ་ན་ངེས་འབྱུང་གི་བསམ་པ་ཤུགས་དྲག་པོས་ཁྱིམ་ནས་ཁྱིམ་མེད་པར་རབ་ཏུ་བྱུང་སྟེ་མཚན་ལ་བློ་བཟང་ཆོས་དར་ཞེས་གསོལ། དེ་ནས་རིམ་གྱིས་དབུས་ཕྱོགས་སུ་ཕེབས་ཏེ་ཇོ་ཤཱཀྱ་རྣམ་གཉིས་སོགས་རྟེན་བྱིན་ཆེན་མཇལ་རེས་ཀྱིས་བློ་བཟང་རྒྱལ་བ་གཉིས་པའི་བསྟན་པ་རིན་པོ་ཆེར་བྱ་བ་རྒྱ་ཆེར་བྱེད་པ་དང་འགྲོ་བ་ཡོངས་ལ་ཕན་པ་རླབས་ཆེན་འགྲུབ་པའི་ཐུགས་སྨོན་ཡང་དག་པར་གནང་སྟེ་སེར་བྱེས་མཁས་སྙན་གྲྭ་ཚང་གི་ཆོས་གྲྭ་ཞུགས་ནས་དབུ་ཕར་སོགས་ལ་གསན་སྦྱངས་ཕུལ་ཕྱིན་མཛད་པས་གཞུང་ལུགས་རབ་འབྱམས་ལ་མཁས་པའི་ཕུལ་དུ་བྱུང་བར་གྱུར། སྐྱབས་མགོན་རྒྱལ་བའི་[page 124] དབང་བོ་སྐལ་བཟང་རྒྱ་མཚོ་སོགས་དབུས་གཙང་ཕྱོགས་ཀྱི་དགེ་བའི་བཤེས་གཉེན་དུ་མ་ལས་མདོ་སྔགས་ཀྱི་ཆོས་མང་དུ་གསན། ཁྱད་པར་བྱམས་མགོན་མི་མི་ཡི་གར་རོལ་ཕུར་ལྕོག་ངག་དབང་བྱམས་པ་དཔལ་བཟང་བོ་ལས་ཆོས་མང་དུ་གསན་ཅིང་རྗེ་བྱམས་པ་རིན་པོ་ཆེས་མཁན་པོ་མཛད་དེ་མཁན་སློབ་དགེ་འདུན་གྲངས་ཚང་བའི་དབུས་སུ་བསྙེན་པར་རྫོགས་པ་དགེ་སློང་གི་སྡོམ་པ་རིན་པོ་ཆེས་ཐུགས་རྒྱུད་ལེགས་པར་ཕྱུག་པར་གྱུར་ཏེ་སོ་ཐར་གྱི་ཚུལ་ཁྲིམས་ལ་གཅེས་སྤྲས་སུ་མཛད་པ་གཞིར་བྱས་ནས་བཤད་སྒྲུབ་ཀྱི་བྱ་བ་ལ་ཆིག་དྲིལ་དུ་གཞོལ་བར་མཛད་པས་རྗེ་བྱམས་པ་རིན་པོ་ཆེ་ཐུགས་ཤིན་ཏུ་དགྱེས་པར་གྱུར་ནས་བསྔགས་བརྗོད་རྒྱ་ཆེན་པོ་དུ་མ་མཛད་དེ་རྗེ་དཀའ་བཅུ་རིན་པོ་ཆེ་འདི་ཉིད་དང་དགེ་བའི་བཤེས་གཉེན་ཆེན་པོ་གྲུབ་དབང་རྒྱལ་མཚན་འོད་ཟེར་གཉིས་ལ་ཁྱེད་གཉིས་རང་རང་གི་ཡུལ་ཕྱོགས་སུ་ཕེབས་ནས་དགེ་འདུན་གྱི་སྡེ་བཙུགས་ཏེ་བསྟན་པའི་བྱ་བ་རྒྱ་ཆེན་པོ་གནང་དགོས་ཚུལ་གྱི་བཀའ་སློབ་ཞིབ་རྒྱས་དང་རྗེ་དཀའ་བཅུ་རིན་པོ་ཆེ་ལ་ཆོས་དུང་དཀར་པོ་དྲི་མ་མེད་པ་ཞིག་དང་རྗེ་ཨ་རིག་དགེ་བཤེས་ཆེན་མོ་དབུ་པཎ་གནང་། དོན་དེ་བཞིན་པཎ་ཆེན་ཐམས་ཅད་མཁྱེན་པ་བློ་བཟང་དཔལ་ལྡན་ཡེ་ཤེས་ཀྱིས་ཀྱང་བཀའ་སློབ་ལུང་བསྟན་ཞིབ་རྒྱས་དང་བསྟོད་སྔགས་ཆེར་མཛད་དེ་དཀའ་བཅུ་ཚང་ལ་ཆོས་རྒྱལ་གྱི་ཐོད་དབྱུག་ཞགས་པ་གནང་ནས་རྗེ་ཕུར་ལྕོག་རིན་པོ་ཆེ་པཎ་ཆེན་རིན་པོ་ཆེ་གཉིས་ཀས་དཀའ་བཅུ་བར་རྣམ་བཞིའི་འཕྲིན་ལས་བསྒྲུབ་པའི་གྲོགས་དམ་ཅན་ཆོས་རྒྱལ་པོ་ལ་གཉེར་དུ་གཏད། ཚུལ་འདི་ནི་ཁྲི་ཆེན་བསོད་ནམས་གྲགས་པའི་ཞལ་སྔ་ནས། ལེགས་བཤད་པདྨ་དཀར་པོའི་ཆུན་པོ་ལས་མཁས་པའི་སྙན་པ་བརྗོད། དེ་ཡིས་ལུས་ཅན་དང་བ་འདྲེན། རི་བོང་སེམས་དཔའ་གྲགས་པ་གང་། རྒྱ་བྱིན་གྱིས་ནི་བརྗོད་ལ་ལྟོས། ཞེས་གུསངས་པ་ལྟར་མཐར་དབུས་ཀྱི་སྐྱེས་འགྲོ་ཡོངས་ཀྱིས་བཀའ་བཅུ་རིན་པོ་ཆེ་བློ་བཟང་ཆོས་དར་ཞེས་སྙན་པའི་གྲགས་པ་ཕྱོགས་ཀུན་ཏུ་ཁྱབ་པ་དེ་བྱུང་བ་ཡིན་ལ། དེ་ནས་དམ་པའི་བཀའ་ལུང་བཞིན་རང་ཡུལ་དུ་ཕེབས་པར་ཉེ་བ་ན་བླ་མ་དམ་པ་རྣམས་དང་ཇོ་ཤཱཀྱ་རྣམ་གཉིས་གདན་ས་གསུམ་སོགས་སུ་བྱོན་ནས་བློ་བཟང་རྒྱལ་བ་གཉིས་པའི་མདོ་སྔགས་ཀྱི་བསྟན་པའི་གདུགས་དཀར་སྲིད་རྩེར་བསྒྲེངས་བ་ལ་འགྲན་ཟླ་བྲལ་བའི་ཆོས་སྡེ་ཆེན་པོ་ཞིག་འཛུགས་སྐྲུན་བྱེད་པར་འོང་བའི་ཐུགས་གཏད་སྐྱབས་ཞུས་ཟབ་རྒྱས་གནད་སྨིན་མཛད་ནས་རབ་བྱུང་བཅུ་གསུམ་པའི་ས་ཡོས་ལོ། སྤྱི་ལོ་1759ལོ་དགེ་རྩེ་སེར་ཤུལ་གྱི་སྡེ་གླིང་དུ་ཕྱག་ཕེབས་མཛད་པ་ཡིན་ནོ།

དམ་པ་དེ་ཉིད་ཀྱིས་ཆོས་སྡེ་འདི་ཉིད་ཇི་ལྟར་བཏབ་པའི་ཚུལ་ནི། རབ་བྱུང་བཅུ་གསུམ་པའི་ལྕགས་ཕོ་འབྲུག་གི་འགྲང་བྱ་བཅུ་བདུན་ལོ་སྤྱི་ལོ་1760ལོ་རྗེ་དཀའ་བཅུ་རིན་པོ་ཆེ་བློ་བཟང་ཆོས་དར་ཉིད་སྐུ་འཁོར་དང་བཅས་པ་ཉམས་དགའ་བག་ཕེབས་ཀྱི་གནས་འདིར་དགོན་ས་བརྟག་ཕྱིར་ཕེབས་པ་དུས་མཚུངས་སུ་མང་དགེ་བླ་མ་རྗེ་གྲུབ་པའི་དབང་ཕྱུག་དགེ་ལེགས་ཡར་འཕེལ་ཆེས་གཞོན་ནུའི་ངང་ཚུལ་ཅན་ཡང་དེར་ཕེབས་པའི་མིང་བཀྲ་བརྟགས་ཨོ་མཆོག་ཏུ་ལེགས་ཤིང་སྔར་བྱམས་མགོན་བླ་མ་རིན་པོ་ཆེ་གནང་[page 125] བའི་དུང་དཀར་དེ་འབུད་དུ་བཅུག་པས་གདངས་སྙན་དབྱངས་ཀྱི་ང་རོ་ཕྱོགས་ཀུན་འགེངས་པ་ཞིག་བྱུང་བ་བླ་མ་དམ་པ་གཉིས་ཀ་ལ་རྟེན་འབྲེལ་གྱི་སྒོ་དང་པོ་མཆོག་ཏུ་ལེགས་པ་ཞིག་བྱུང་བ་ཡིན་ལ། དེར་མ་ཟད་ཇི་སྐད་དུ་འཇམ་མགོན་དབྱངས་ཅན་གྲུབ་པའི་རྡོ་རྗེའི་འདོད་འཇོ་དཔག་བསམ་སྙེ་མ་ལས། གཞོམ་བྲལ་རྡོ་རྗེའི་ཏིང་འཛིན་ཡུད་ཙམ་གྱིས། ལོག་འདྲེན་སྡེ་བརྒྱད་མ་ལུས་དམ་ལ་བཏགས། ལྐོག་གྱུར་ཆོས་ཀུན་ལག་མཐིལ་རྫས་བཞིན་གཟིགས། བློ་བཟང་རྣམ་རྒྱལ་ཞེས་གསུངས་བ་བཞིན་ཁྱབ་བདག་གྲུབ་པའི་དབང་ཕྱུག་ལྷ་དགོན་བློ་བཟང་རྣམ་རྒྱལ་རིན་པོ་ཆེའང་མ་སྒྲིག་རྟེན་འབྲེལ་རང་གྲུབ་ཀྱི་ཉིན་དེར་གནས་དེར་ཕྱག་ཕེབས་པས་དམ་པ་གསུམ་ལྷན་ཅིག་ཏུ་ཞལ་འཛོམས་པའི་གཟའ་སྐར་དུས་སྦྱོར་ལེགས་པའི་ཉི་མ་དེ་ལ་ས་འདུལ་རྨིལ་འདིང་གི་འགོ་བཙུག་ནས་དམ་པ་གཉིས་ཀས་སའི་ཆོ་ག་སྦྱོར་དངོས་མཇུག་གསུམ་ཡོང་སུ་རྫོགས་པ་བརྒྱུད་ལྡན་བླ་མ་དམ་པའི་ཕྱག་བཞེས་ལྟར་མཛད་ནས་གནས་གཞི་རིམ་པར་ཆགས་ཏེ་དགེ་འདུན་གྱི་སྡེ་རྣམས་གོང་ནས་གོང་དུ་འཕེལ་བའི་བློ་བཟང་རྒྱལ་བ་གཉིས་པའི་རྣམ་ཐར་བཞིན་དུ་བསྟན་པའི་རྩ་བ་གཞི་གུསམ་གྱི་ཕྱག་བཞེས་གདམས་པའི་མཐིལ་དུ་བཟུང་ནས་མཇམ་མགོན་བླ་མའི་ལམ་རིམ་ཆེ་ཆུང་བློ་སྦྱོང་སོགས་ལ་ཐོས་བསམ་དང་། གསང་འཇིགས་གཉིས་ཀྱི་དཀྱིལ་འཁོར་སྒྲུབ་མཆོད་སོགས་ཀློག་སྤོང་འཁོར་ལོ་གུསམ་གྱི་བྱ་བས་དུས་འདའ་བར་མཛད། དེ་ནས་བཟུང་ལྷ་མགོན་སྐུ་ཕྲེང་རིམ་བྱོན་བར་མ་ཆད་པར་སེར་ཤུལ་སྡེ་དགོན་གཉིས་དང་བླ་སློབ་ཏུ་འབྲེལ་བ་ཤ་སྟག་ཡིན་པར་མ་ཟད་ཆོས་སྲིད་གང་ཐད་ནས་གཞལ་དུ་མེད་པའི་བཀའ་དྲིན་གྱིས་སྐྱོང་བར་མཛད། དེ་སྐབས་འཕགས་པ་ལྷ་སྐུ་ཕྲེང་བདུན་པ་འཇིགས་མེད་ཡེ་ཤེས་བསྟན་པའི་མགོན་པོའི་དུས་སུ་བྱོན་པ་ཆབ་མདོ་ལྕགས་ར་ངག་དབང་འཕྲིན་ལས་དཔལ་བཟང་གིས་ཀྱང་དཀའ་བཅུ་བ་ལ་བསྔགས་པའི་མེ་ཏོག་འཐོར་བཞིན་དགོན་པ་ལའང་ནང་རྟེན་ཐུབ་པ་མེ་ཐུབ་མར་གྲགས་པ་གནང་ནས་དགོན་པ་བདག་གིར་བཞེས་ཏེ་བླང་དོར་གྱི་སློབ་སྟོན་ཆབ་ཤོག་གི་ལམ་ནས་ཡང་ནས་ཡང་དུ་དགྱེས་བསྩལ་མཛད། དེ་ནས་བཟུང་ལྕགས་ར་མཆོག་སྤྲུལ་རིམ་བྱོན་གྱིས་དགོན་འདི་ཐུགས་བརྩིས་བསྐྱངས་ཚུལ་འོག་ཏུ་འཆད་པར་བྱའོ།

དགོན་འདིའི་བདག་པོ་སྐུ་ཞབས་སྨན་ཤུལ་རིན་པོ་ཆེའི་སྐྱེས་རབས་ཀྱི་ཕྲེང་བ་རགས་རིམ་ཞིག་བརྗོད་ན་ལབ་སྐྱེབས་མགོན་དབང་ཆེན་དགྱེས་རབ་རྡོ་རྗེའི་བཀའ་ལུང་གིས་གསལ་བ་བཞིན་མཚན་གྱི་ཐོའུ་འགོད་པ་ནི། ལྷ་མིའི་རྣམ་འདྲེན་ཟས་གཙང་སྲས་པོའི་སྤྱན་སྔར་འཕགས་མཆོག་བློ་གྲོས་རྒྱ་མཚོ། དེ་ནས་དཔལ་ལྡན་ཕྱོས་ཀྱི་གླང་བོ། གྲུབ་པའི་དབང་ཕྱུག་ལྭ་བའི་ན་བཟའ་ཅན། བླ་ཆེན་དགོངས་པ་རབ་གསལ་རྣའ་འབྱོར་བ་བྱང་ཆུབ་རིན་ཆེན། འདུལ་བ་འཛིན་པ་གྲགས་པ་རྒྱ་མཚན། ཨ་རིག་ར་རྒྱ་དགོན་གྱི་ཁྲི་ཐོག་དང་བོ་བླ་བྲང་བཀྲ་ཤིས་འཁྱིལ་གྱི་དགེ་བཤེས་ཁྲི་རྒན་ཡེ་ཤེས་ཀུན་བཟང་། པཎ་ཆེན་བསྟན་པའི་ཉི་མའི་བཀའ་ལུང་གིས་སྨན་ཤུལ་ཨེར་ཏི་ནི་མེར་གེན་ཆེ་བི་ལི་ཐུ་ཞེས་བསྔགས་རྗེ་བཙུན་བློ་བཟང་ཡེ་ཤེས་བསྟན་འཛིན། རྗེ་བཙུན་ངག་དབང་ཆོས་ཀྱི་ཉི་མ་འཇམ་དཔལ་ཡེ་ཤེས་བསྟན་འཛིན། རྗེ་བློ་བཟང་[page 126] འཇམ་དབྱངས་བསྟན་འཛིན་ཆོས་ཀྱི་ཉི་མ་འདིའོ།

ཆོས་སྡེ་འདི་ཉིད་ཐོག་མར་ཐུགས་བརྩེས་བདག་གིར་བཞེས་པ་པོ། སྨན་ཤུལ་ཨེར་ཏི་ནི་རྗེ་བཙུན་བློ་བཟང་ཡེ་ཤེས་བསྟན་འཛིན་དཔལ་བཟང་པོའི་རྣམ་པར་ཐར་བ་བརྗོད་པ་ལ་རྗེ་འདི་ཉིད་གང་དུ་སྐུ་འཁྲུངས་པའི་གནས་ནི། འཇམ་མགོན་རྒྱལ་བ་གཉིས་པ་སོགས་དམ་པ་སུ་མས་བྱིན་གྱིས་བརླབས་ཤིང་ཆོས་འཁོར་རྒྱ་ཆེར་བསྐོར་བའི་གནས་ཁྱད་པར་ཅན་སྐ་ཕུའི་ཆུ་འགོ་སེར་འབའ་ཞེས་ཡབ་སྨན་ཤུལ་བསོད་ནམས་དར་རྒྱས་དང་། ཡུམ་བློ་བཟང་ཆོས་མཚོ་ཞེས་བྱ་བ་ཡབ་ཡུམ་གཉིས་ཀ་རིགས་རུས་ཆོ་འབྲང་ཕུན་སུམ་ཚོགས་པའི་སྲས་སུ་རབ་བྱུང་བཅུ་གསུམ་པའི་བགྲང་བྱ་ལྔ་བཅུ་ང་དགུ་བར་སོན་པའི་ལོ་སྤྱི་ལོ་1804ཆོས་སྡེ་འདི་ཉིད་ཆགས་ནས་ལོ་46ཏུ་སོན་པ་ཤིང་མོ་གླང་གི་ལོའི་ཆུ་སྟོད་ཟླ་བའི་ཚེས་ཉེར་དགུའི་ཉི་མ་རྩེ་ཤར་གྱི་དུས་ངོ་མཚར་བའི་ལྟས་དུ་མ་དང་བཅས་ཏེ་སྐུ་བལྟམས། འཁྲུངས་ཙམ་ཉིད་ནས་སྐུ་སྟོན་ཟླ་ལྟར་དཀར་བ་དང་། སྙན་ཤལ་རིང་དུ་འཕྱང་བ་སོགས་ཀུན་གྱི་ཡིད་དང་བ་འདྲེན་པའི་དམ་པའི་སྐྱེས་བུའི་མཚན་རྟགས་ཁྱད་འཕགས་དུ་མ་རང་ཆས་སུ་མངའ་ཞིང་བག་མེད་བྱིས་པའི་འཆལ་སྤྱོད་མཐའ་དག་ནི་རྒྱང་རིང་དུ་དོར་བ་ཞིག་ཡིན་ལ་དགུང་ལོ་ལྔ་བར་སླེབས་པ་ན་མཚུངས་མེད་ཤིང་གཟའ་རིན་པོ་ཆེ་བློ་བཟང་དར་རྒྱས་པས་ར་རྒྱ་དགོན་བཤད་སྒྲུབ་བྱམས་པ་གླིང་གི་ཁྲི་ཐོག་དང་བོ་དགེ་བཤེས་ཡེ་ཤེས་ཀུན་བཟང་གི་སྐྱེ་སྤྲུལ་འཁྲུལ་མེད་དུ་ཐག་བཅད། དགུང་ལོ་དྲུག་པར་རྗེ་དེ་ཉིད་ཀྱིས་དགེ་ཚུལ་གྱི་སྡོ་པ་བདུད་རྩིའི་ཆུ་རྒྱུན་གྱིས་དམ་པ་འདིའི་ཐུགས་ཀྱིས་བུམ་བཟང་འགེངས་བར་མཛད་དེ། མཚན་རྗེ་བཙུན་བློ་བཟང་ཡེ་ཤེས་བསྟན་འཛིན་ཅེས་གསོལ། འཇམ་དཔལ་སྨྲ་བའི་སེངྒེ་དང་རྗེ་བཙུན་བྱམས་པ་མགོན་པོ་སོགས་ལྷག་ལྷ་དཔག་ཏུ་མེད་པས་དངོས་དང་མནལ་ལམ་ཅི་རིགས་པར་རྗེས་སུ་བཟུང་ཞིང་དམ་ཅན་རྡོ་རྗེ་ལེགས་པ་སོགས་སྲུང་མ་བྲན་དུ་འཁོར་བའི་རྟགས་མཚན་སུས་ཀྱང་མཐོང་ཐོས་ཀྱིས་གྲུབ་ལ། ཕལ་བ་དང་ཐུན་མོང་དུ་མ་གྱུར་བའི་རྣམ་ཐར་ནི་ཆེས་མང་ཡང་འགོད་པ་སྐབས་སུ་མ་བབས་པས་རེ་ཞིག་བཞག་གོ། དགུང་ལོ་12པའི་དུས་ཆོས་གྲྭ་ཆེན་པོ་དགའ་ལྡན་བཀྲ་ཤིས་འབྱུང་གནས་སུ་དགེ་འདུན་རྣམས་ལ་བསྙེན་བཀུར་ཕུན་སུམ་ཚོགས་པ་མཛད་དེ་དགོན་དེ་ཉིད་ཀྱི་ཆོས་གྲྭ་གསར་འཇུག་མཛད་ནས་རིགས་པའི་སྒོ་འབྱེད་བསྡུས་གྲྭ་ནས་བཟུང་། ཕར་ཕྱིན་གྱི་བར་ལ་གསན་སྦྱོང་ཕུལ་དུ་ཕྱིན་པ་གནང་བར་མ་ཟད་དམ་པའི་ཡོནམག་འཛིན་དུ་མ་ལས་མདོ་སྔགས་ཟྦ་རྒྱས་ཀྱི་ཆོས་བཀའ་དཔག་ཏུ་མེད་པ་གསན། ཁྱད་པར་སྒོ་མང་ཤར་རྩེ་རྟ་འོན་པ་ཁྲི་རྒྱལ་མཚན་སེངྒེ་ལས་དབང་ཆེན་ཡང་གསང་ཁྲོས་པ་ལྷ་དགུའི་ཟབ་དབང་ཡོངས་སུ་རྫོགས་པ་ཐུགས་རྒྱུད་སྨིན་ངེས་སུ་མནོས། དགུང་ལོ་ཉེར་གཉིས་བཞེས་པ་མེ་ཕོ་ཁྱིའི་ལོར་རྗེ་གསེར་ཁང་བ་ཆེན་པོ་བློ་བཟང་བསྟན་འཛིན་རྒྱ་མཚོ་སོགས་མཁན་སློབ་དགེ་འདུན་གྲངས་ཚང་བའི་དབུས་སུ་བསྟན་པ་ཡོངས་སུ་རྫོགས་པའི་སྡོམ་པ་བཞེས་ནས་བསླབ་ཁྲིམས་ཕྲ་རགས་མ་ལུས་པ་སྤྱན་གྱི་འབྲས་བུ་ལྟར་བསྲུང་བར་མཛད། ལོ་དེ་ལ་དབུས་གཙང་ཆོས་ཀྱི་ཕྱོགས་སུ་ཕྱག་བཏེགས་ནས་སེར་བྱེས་མཁས་སྙན་གྲྭ་ཚང་གི་[page 127] གླིང་དེར་ཕེབས་འཕྲལ་དབང་ཆེན་རྣམ་སྤྲུལ་བྱེས་མཁན་ཆེན་བསོད་ནམས་གྲགས་པས་དབང་ཆེན་ཡང་གསང་ཁྲོས་པ་ལྷ་དགུའི་དཀྱིལ་འཁོར་དུ་བཅུག་སྐབས། གཙོ་བོ་ཉིད་རིགས་ཀྱི་ལྷན་ཐོབ་སྟོན་པ་ལྷ་ལས་བབས་པའི་ཟླ་ཚེས་མཆོག་ཏུ་དགེ་བ་བསྟུན་མཁས་གྲུབ་བྱེ་བའི་འབྱུང་གནས་སེར་བྱེས་མཁས་སྙན་གྲྭ་ཚང་དུ་ཆོས་ཞུགས་གནང་ནས་ཆོས་ཐོག་དེའི་རིང་ལ་བསྡུས་ཆུང་འཛིན་གྲྭར་བཞུགས་དེ་ནས་བསྡུས་གྲྭ་གཞན་ལ་དམ་བཅའ་བཞག་ནས་གཞུང་གསར་འཛིན་གྲྭར་ཕེབས་སྐབས་རྒྱ་བོད་གཞུང་ལུགས་རྒྱ་མཚོར་སྦྱངས་བརྩོན་མཛད། ཉམས་བཞེས་ཀྱི་གཙོ་བོ་དམ་པའི་ཡོངས་འཛིན་གཙུག་རྒྱན་དུ་བསམ་སྦྱོར་དག་པས་བསྟེན་པ་དང་། ཐོས་དོན་སྒྲུབ་ལ་གཞོན་བ་ཁོ་ནས་དུས་མདའ་བ་ཞིག་ཡིན་པར་མ་ཟད་གཞན་དག་ལའང་དགེ་བསྐུལ་དེ་བ་རང་མཛད་དེ་བསླབ་བྱ་གསུང་མགུར་གྱི་རིམ་པ་དུ་མ་དང་། རྗེ་བླ་མའི་རྣམ་ཐར་གསོལ་འདེབས་དད་པའི་པདྨོ་རྒྱས་པའི་ཉིན་བྱེད་སོགས་ལྕགས་རྩོམ་གནང་ངོ་།།

དེ་ལྟར་གཞུང་ཆེན་བཀའ་པོད་ལྔ་མདོ་སྔགས་རིག་གནས་དང་བཅས་པ་ཐུགས་སུ་ཆུད་པའི་རྗེ་འདི་ཉིད་དགུང་ལོ་ཉེར་བརྒྱད་ལོན་པ་ཆུ་འབྲུག་ལོའི་མཇུག་ཏུ་བྱ་བྲལ་ཁང་ཚན་གྱི་གྲྭ་རྒན་པ་རྣམས་ཀྱི་གྲྭ་ཚང་བྱེས་དང་ཁང་ཚན་རིན་པོ་ཆེའི་དོན་དུ་ཁམས་ཕྱོགས་སུ་འབུལ་སྡུད་ལ་ཕེབས་དགོས་ཞེས་ནན་ཏན་གྱིས་བསྐུལ་བ་ན། རྗེ་འདིས་ཆོས་རྗེ་ཤར་བ་རིན་པོ་ཆེར་རྒྱུ་མཚན་ཞུས་པས་ཤར་བ་རིན་པོ་ཆེས་བསླབ་བྱ་གནང་བའི་ཟོལ་གྱིས་འབྱུང་འགྱུར་ལུང་བསྟན་འདི་ལྟར་མཛད་དེ། ཤིན་ཏུ་ལེགས་འོང་ཁམས་ཕྱོགས་སུ་ཡུན་རིང་བཞུགས་དགོས་ཞུ་མཁན་ཡོད་ན་སླར་འབྱོན་ཆད་བྱེད་དགོས་ནའང་འབྱོན་ཐེངས་འདི་ལ་ལོ་གསུམ་ལས་མ་བཞུགས་པ་ལེགས་གསུངས། དེ་ནས་ཁམས་ཕྱོགས་སུ་བསྟན་འགྲོའི་ཕན་བདེ་རྒྱ་ཆེན་པོ་སྤེལ་ཐུབ་པའི་ཐུགས་སྨོན་ཟབ་རྒྱད་གནང་ནས། ཆུ་སྤྲུལ་ཧོར་ཟླ་གཉིས་པའི་ཚེས་བཅུ་དགུ་ལ་ཁམས་ཕྱོགས་སུ་ཆིབས་བསྒྱུར་མཛད་དེ་རིམ་པར་ཕེབས་ནས་སེར་ཤུལ་གྱི་ས་ཞ་དཀར་ཆེན་ཐང་དུ་ཕྱག་ཕེབས་པ་དང་། དགེ་རྩེ་བླ་མ་ཤེས་རབ་བཟང་པོ་ཟེར་བ་དེར་བྱོན་པ་དུས་འགྲིག དེས་མཚམས་སྦྱར་ཏེ་སྦྱིན་བདག་གི་ཐོག་མ་བསྟན་པ་ཡར་འཕེལ་ཟེར་བ་ཞིག་བྱུང་བ་རྟེན་འབྲེལ་ཤིན་ཏུ་ལེགས་དགོངས་ཏེ་དེ་རིང་ཅིས་ཀྱང་དགོན་ཐོག་ཏུ་འབྱོན་དགོས་སྦྱིན་བདག་གིས་སར་གནང་ཙམ་ཡང་བྱོན་ཆོག་གསུངས་ནས་སྟོན་པ་ཐུབ་པའི་དབང་བོད་བདེན་བཞིའི་ཆོས་འཁོར་བསྐོར་བའི་དུས་ཟླ་ཁྱད་པར་ཅན་ཆུ་སྟོད་ཟླ་བའི་ཆོས་བཅོ་ལྔ་ལ་ཆོས་སྡེ་ཆེན་པོ་ཐེག་ཆེན་དར་རྒྱས་གླིང་དུ་ཕྱག་ཕེབས་པ་དང་དུས་མཚུངས་དགེ་འདུན་རྣམས་དབྱར་གནས་ལ་འདུ་བ་བྱུང་བ་སོགས་ཆེད་དུ་བསྒྲིགས་པ་ལྟ་བུའི་རྟེན་འབྲེལ་ཕུན་སུམ་ཚོགས་པ་སྒོ་དུ་མ་ནས་འགྲིགས། དགེ་འདུན་བདུན་ཅུ་ལྷག་ཙམ་ལ་ཀུན་འདུས་ནོད་བུའི་ལུགས་ཀྱི་དགའ་ལྡན་ལྷ་བརྒྱ་མའི་ཟབ་ཁྲིད་རྒྱས་པ་ཉིན་གསུམ་གྱི་བར་དུ་བསྩལ་བ་ནས་བཟུང་ཟླ་བ་དྲུག་ལྷག་ཙམ་དུ་སེར་སྐྱ་མཆོག་དམན་སོ་སོའི་འདོ་བློའི་ཡོལ་གོ་སོ་སོའི་འདོད་ཆོས་ཀྱི་བདུད་རྩིས་འགེངས་ངེས་པར་མཛད་ཅིང་། དཀའ་བཅུ་འཕྲིན་ལས་ཆོས་འཕེལ་དང་ས་སྐྱོང་བློ་བཟང་རྣམ་རྒྱལ་སོགས་ཀྱིས་དགོན་འདིར་ཡུན་ཏུ་བཞུགས་དགོས་[page 128] ཀྱི་ཞུ་བ་ཕུལ་བར་ད་ལམ་གྲྭ་ཚང་རིན་པོ་ཆེ་དང་ཁང་ཚན་གྱི་མཐུན་ཆས་ཀྱི་དངོས་པོ་འདི་དག་བརྩིས་འབུལ་མ་འགྱངས་བར་དགོས་པ་དང་ཤེར་རྩེ་རིན་པོ་ཆེས་གུསངས་ཚུལ་བཅས་ཀྱིས་དབུས་ཕྱོགས་སུ་ཡར་འབྱོན་དགོས་ཀྱང་བསྟན་དགོན་གྱི་བདག་པོ་མཛད་པ་དགྱེས་བཞིན་དུ་ཞལ་བཞེས་གནང་སྟེ་ཡི་དམ་ཁང་བ་གསར་འཛུགས་མཛད། དུས་ཚེས་མཆོག་ཏུ་དགེ་བའི་ཉིན་སྔ་དྲོ་མང་ཇ་ཞིག་བཏང་ནས་བྱང་ཆུབ་ལམ་རིམ་ཆེན་མོའི་དབུ་ནས་བརྩམས་ཏེ་བཀའ་ཆོས་གུསང་བཤད་དང་། དེ་ནས་ཆོས་ཁྲིའི་ཁར་བཞུགས་ནས་ལེགས་བཤད་རིན་པོ་ཆེ་གསེར་གྱི་ཕྲེང་བའི་དབུ་ནས་རྩི་བཞག་གནང་བ་སོགས་ཕྱིའི་འབྱུང་འགྱུར་གྱི་རྟེན་འབྲེལ་བཟང་བོའི་དབུ་དེ་ཉིན་ནས་འཛུགས་པར་མཛད། ལོ་དེའི་སྟོན་དུས་དབུས་ཕྱོགས་སུ་ཆིབས་བསྐྱོད་ནྫད་དེ་རྒྱལ་ཟླ་བའི་ཚེས་ཉེར་བདུན་ལ་བཤད་སྒྲུབ་མ་ལུས་པའི་འབྱུང་གནས་སེ་རྭ་ཐེག་ཆེན་གླིང་དུ་ཕྱག་ཕེབས་གྲྭ་ཚང་བྱེས་ཁང་ཚན་ཕུར་ལྕོགས་བྱམས་པ་ཁྲི་བྱང་ཆུབ་ཆོས་འཕེལ། ཁྲི་འཇམ་དཔལ་ཚུལ་ཁྲིམས། ཤར་རྩེ་རིན་པོ་ཆེ་སོགས་བླ་ལྷ་དགོན་སྡེ་ཐམས་ཅད་གཅེས་དགུའི་དངོས་པོའི་མཆོད་འབུལ་གྱིས་དགྱེས་པར་མཛད། ཁྲི་ཆེན་འཇམ་དཔལ་ཚུལ་ཁྲིམས་དང་ཤར་རྩེ་རིན་པོ་ཆེ་གཉིས་ནས་གྲྭ་སའི་མིང་བཏགས་ལེན་པ་ལས་གཙང་ཕྱོགས་སུ་བྱོན་ནས་ས་པཎ་ཆེན་ཐམས་ཅས་མཁྱེན་པའི་ཞབས་ལ་གཏུགས་ན་དགོས་དོན་ཆེ་བར་ལུང་བསྟན་པ་ལྟར་དགུང་ལོ་34བ་ས་ཁྱི་ལོའི་ཟླ་བ་བཅུ་བར་གཙང་ཕྱོགས་སུ་ཕྱག་བཏེགས་ནས་བཀྲ་ཤིས་ལྷུན་པོར་ཕྱག་ཕེབས་པར། པཎ་ཆེན་ཐམས་ཅད་མཁྱེན་པོ་བློ་བཟང་དཔལ་ལྡན་བསྟན་པའི་ཉི་མ་ཕྱོགས་ལས་རྣམ་ལ་རྒྱལ་བའི་སྡེ་དཔལ་བཟང་བོ་དང་ཕྱོགས་དེའི་བླ་ལྷ་དགེ་འདུན་དང་བཅས་པ་རྒྱ་ཆེན་མཆོད་འབུལ་གྱི་བཀོད་པས་དགྱེས་པར་མཛད། ཁྱད་པར་པཎ་ཆེན་ཐམས་ཅད་མཁྱེན་པའི་སྐུའི་མདུན་སར་གནམ་བསྐོས་གོང་མ་རིན་པོ་ཆེའི་བཀའ་ལུང་གིས་གཟེངས་བསྟོད་ཀྱི་བཀའི་གསེར་ཡིག་སླེབ་པའི་བཀའ་འགྲོའི་ཚོགས་གླེང་རྗེ་འདི་བ་དང་མཁན་ཆེན་ཐོགས་མེད་པ་གཉིས་ལ་བཀའ་ཕེབས་པར་ལྟར། སེམས་བསྐྱེད་ཆོས་འཁོར་སྐབས་བརྒྱད་པ་རྣམས་ཀྱི་ཚོགས་གླེང་མཛད་སྐབས། རྩོད་ལན་གཉིས་ཆར་དམ་པ་འདི་ཉིད་ཕུལ་དུ་ཕྱིན་པར་གྱུར་ནས་དགྱེས་པའི་མཆོད་སྤྲིན་དུ་ལེགས་པར་སྨིན་པར་གྱུར་བ་ཞིག་བྱུང་། ཀུན་གཟིགས་པཎ་ཆེན་རིན་པོ་ཆེས་ཀྱང་ཐུགས་དགྱེས་པ་ཆེན་པོའི་ཉམས་དང་བཅས་ཏེ་ལེགས་སོའི་བདག་རྐྱེན་གཟེངས་བསྟོད་འགྱུར་མེད་བཀའ་ལུང་བཟང་བོས། ཨེར་ཏི་ནི་མེར་རྒན་མཁན་པོ་མན་ཤུལ་ཞེས་རྒྱལ་བསྟན་འཛིན་སྤེལ་གྱི་བྱེད་པོའི་མཁན་པོར་མངའ་གསོལ་ནས་འཇའ་ས་ཐམ་ཀ་བཅས་བསྩལ་ཏེ་མདོས་མད་སོགས་སུ་བསྟན་འགྲོའི་དོན་དགོས་ཚུལ་གྱི་བཀའ་ཕེབས་གནང་། དེ་ནས་གཙང་ཕྱོགས་ནས་འཇམ་མགོན་བླ་མའི་གདན་ས་འབྲོག་རི་བོ་ཆེ་དགེ་ལྡན་རྣམ་པར་རྒྱལ་བའི་གླིང་དུ་ཕྱག་ཕེབས་མཛད་ནས་ཁྲི་རིན་པོ་ཆེ་འཇམ་དཔལ་ཚུལ་ཁྲིམས་པའི་ཞབས་ལ་གཏུགས་ཏེ་ཡབ་སྲས་གཉིས་ཟབ་རྒྱས་ཆོས་ཀྱི་གསུང་གླེང་རྒྱ་ཆེར་མཛད་སྐབས། ཁྲི་རིན་པོ་ཆེ་ནས་ཁྱེད་རང་ཁམས་ཕྱོགས་སུ་བྱོན་ནས་འཇམ་མགོན་བླ་མའི་བསྟན་པ་སྤེལ་བ་ལ་སྙིང་སྟོབས་དང་བརྩོན་པའི་སྤུང་ཤུགས་དྲག་པོ་བསྐྱེད་དང་འདི་ནས་[page 129] དགའ་ལྡན་གསེར་ཁྲིར་འགོད་པ་ལས་ཀྱང་ཆེས་ཁྱད་པར་དུ་འཕགས་པའི་འཕྲིན་ལས་ཀྱིས་བསྟན་པ་དང་སེམས་ཅན་བགྲང་ལས་འདས་པ་ལ་ཕན་པ་རྒྱ་ཆེན་པོ་འབྱུང་ངོ་དོན་འདི་ལ་དགོངས་ནས་པཎ་ཆེན་ཐམས་ཅད་མཁྱེན་པའི་སྐུའི་མདུན་ས་ནས་ཀྱང་ཁྱེད་ལ་ལེགས་སོའི་གཟེངས་བསྟོད་ཀྱི་བདག་རྐྱེན་ངང་གིས་བསྩལ་ཏེ་དགའ་ལྡན་རིང་ལུགས་དྲི་མ་མེད་པའི་ཆོས་ཀྱི་རྒྱལ་སྲིད་གཏན་ནས་དེ་འཛིན་པའི་བླ་ཆེན་གྱི་གོ་སར་མངའ་གསོལ་བར་མཛད་པ་ལགས་པས། དེ་དང་མཐུན་པར་མཛོད་གཉེར་གསོལ་དཔོན་གཟིམ་དཔོན་གྱིས་མཚོན་པའི་ལས་ཚན་དྲུང་འཁོར་གྱི་རྣམ་གྲངས་དང་། དབུ་གདུགས་རྟ་དར་གྱིས་མཚོན་པའི་ཆས་ཡོ་བྱད་གང་ཐད་ནས་རྟེན་འབྲེལ་མ་འཕྱུགས་པ་གྱིས་གསུངས་ནས་ཁྲི་རིན་པོ་ཆེ་རང་གི་དབུ་གདུགས། བསྟན་པའི་བདག་པོའི་སྣང་བརྙན་སོགས་དང་དབུགས་དབྱུང་བསྔགས་བརྗོད་རྒྱ་ཆེར་གནང་སྟེ་མདོ་སྨད་སོགས་སུ་བསྟན་འགྲོའི་དོན་དགོས་ཚུལ་གྱི་བཀའ་ལོབ་ཕེབས། དབུས་སུ་ཕེབས་ནས་འདི་བར་ལྷ་དང་བླ་བ་རྟེན་དྲུང་ཆོས་སྡེ་ཆེན་པོ་སོགས་སུ་རྣམ་ལྔའི་མཆོད་པ་འགྲོ་གང་ཆེ་དང་འབྲེལ། བསྟན་འགྲོའི་དོན་དུ་ཐུགས་བསྐྱེད་རྒྱ་ཆེན་པོ་ཡང་ནས་ཡང་དུ་ལན་མང་དུ་མཛད་པའི་ཐུགས་བསྐྱེད་ཀྱི་མཐུ་ཡོངས་སུ་སྨིན་པ་ལྕགས་བྱི་ལོ་དགུང་ལོ་སོ་དྲུག་ཏུ་སླེབས་པའི་དུས་སུ་མདོ་སྨད་དུ་ཆིབས་ཁ་བསྒྱུར་ཏེ་རིམ་གྱིས་ཆོས་སྡེ་ཆེན་པོ་བཤད་སྒྲུབ་ཐར་བ་གླིང་དུ་ཕྱག་ཕེབས། དགུང་ལོ་སོ་བདུན་པ་ལྕགས་གླང་ཟླ་བ་གསུམ་པའི་ཚེས་བཅུ་གཅིག་ལ་སླར་ཇི་ལྟར་ཞལ་བཞེས་གནང་བ་བཞིན་ཆོས་སྡེ་འདིའི་མི་འཇིགས་ཆོས་ཀྱི་ཁྲི་ལ་༧ཞབས་སེན་བཀྲ་ཤིས་ཀྱི་རེ་ཁ་བརྟན་པོར་བཀོད་དེ་སྤྱིར་གདན་སའི་སྒྲིག་ལམ་རིམ་བཞིན་འཛུགས་པར་མཛད་ཅིང་། ཁྱད་པར་དུ་༡ཁྲིམས་གཙང་ཕྱོགས་ལ་ཞིབ་འཇུག་ནན་ཆེར་མཛད་པས་བསྟན་པ་ལ་སྐུ་དྲིན་ཤིན་ཏུ་ཆེ། ཐུགས་མཐུན་ཕྱོགས་ལ་གཟིགས་ཞིབ་རྒྱ་ཆེར་གནང་བས་དགེ་འདུན་ཐམས་ཅད་ཆོས་སྲིད་གང་ཐད་ནས་ཕྱར་བ་ཟུར་འདེགས་ཀྱི་དཔེ་བཞིན་དུ་གྱུར།། ཆོས་བཤད་སྒུརབ་ཀྱི་འཆད་ཉན་ཉམས་པ་སལར་གསོ་གནས་པ་ཡར་སྤེལ་སྲོལ་མེད་གསར་འཛུགས་ཀྱིས་གང་ཅིའི་ཕྱོགས་ནས་སེར་ཐེག་ཆེན་གླིང་གི་རྗེས་སུ་འགྲོ་བ་ཞིག་མཛད། དགོན་འདི་ལ་མདོ་སྔགས་ཀྱི་གྲྭ་ཚང་གཉིས་སུ་ཕྱེ་བའི་ཐུགས་དམ་གནས་བསྐུལ་དང་འཕྲིན་བཅོལ་མཛད་པའི་ནུབ་དེར་ཆོས་སྡེ་འདིའི་སྔར་གྱི་རྡོ་ཏིང་དེ་རང་བྱུང་གིས་དུམ་བུར་སོང་བ་རྟེན་འབྲེལ་མཆོག་ཏུ་གཟིགས་ནས་རྨད་བྱུང་ཐོས་བསམ་གླིང་གྲྭ་ཚང་དང་། གསང་སྔགས་རྒྱུད་གྲྭ་ཚང་གཉིས་ཕྱེ་ནས་གཏན་འཇགས་མཛད། རྗེ་རང་གིས་རྨད་བྱུང་ཐོས་བསམ་གླིང་མཁན་པོ་དང་། ཚད་མའི་སྐྱེས་ཆེན་ཧོར་བློ་བཟང་བཟོད་པས་རྨད་བྱུང་རྒྱུད་པ་གྲྭ་ཚང་གི་མཁན་པོ་མཛད་ནས་ཐོས་བསམ་གླིང་སེར་བྱེས་མཁས་སྙན་གྲྭ་ཚང་གི་ཕྱག་ལེན་ལྟར་དང་། རྒྱུད་པ་གྲྭ་ཚང་དཔལ་ལྡན་སྨད་རྒྱུད་གྲྭ་ཚང་གི་ཕྱག་ལེན་ལྟར་འཛུགས་པར་མཛད་པ་ཡིན་ནོ།

རྨད་བྱུང་ཐོས་བསམ་གླིང་གྲྭ་ཚང་གི་བཤད་སྒྲུབ་ཆོས་སྤྱོད་ཇི་ལྟར་ཕྱག་བཞེས་གནང་ཚུལ་མདོ་ཙམ་སྨོས་པ་ནི། གྲྭ་ཚང་འདི་ལ་འཛིན་གྲྭ་བཅུ་གཅིག་ཡོད་པ་ལས། དང་པོ་གསར་བུ་བ་རྣམས་ལོ་བཅུ་སྐོར་[page 130] ཡན་མན་ཙམ་གྱི་རིང་བསྡུས་གྲྭ་ཁག་གསུམ་གྱི་འཛིན་གྲྭར་བཞུགས་སྐབས། རིགས་ལམ་སྒོ་བརྒྱ་འབྱེད་པའི་བསྡུས་ཚན་དང་། དབུ་ཕར་གཞུང་བརྒྱའི་རྩ་བ་རྒྱན་འཇུག་དང་བསྟོད་ཚོགས་སྨོན་ལམ་ཆོ་ག་ཆོས་སྤྱོད་བཅས། བྱིས་པའི་རོལ་རྩེད་ངང་ནས་བྱང་ཆུབ་པར་མཛད། དེ་ནས་དམིགས་བསལ་ཁྱེད་པར་ཅན་གྱི་སྐབས་མ་གཏོགས་འཛིན་གྲྭ་རེར་ལོ་ལྔ་རེར་བཞུགས་དགོས་ལ་དེ་ཡང་གཞུང་གསར། གཞུང་རྙིང་། ཟུར་བཀོལ། ཕར་ཕྱིན། དབུ་མ། འདུལ་བ། མཛོད་པ་གསར་བ་དེ་ལོ་སུམ་བཅུ་སོ་ལྔའི་རིང་ལ་གཞུང་ཆེན་བཀའ་པོད་ལྔ་རང་རང་གི་བཤད་བྱ་རྩ་བའི་མདོ་རྩ་བ་འགྲེལ་བ་འགྲེལ་བཤད་བཅས་འཕགས་ཡུལ་མཁས་པའི་དབང་བོ་འཛམ་གླིང་རྒྱན་དྲུག་མཆོག་གཉིས་སོགས་ཀྱིས་ལེགས་པར་བཀྲལ་བའི་བསྟན་བཅོས་རྣམས་དང་། སྙིགས་དུས་རྒྱལ་པའི་མཚུངས་མེད་ཀུན་མཁྱེན་བླ་མ་ཤར་ཙོང་ཁ་པ་ཆེན་པོ་ཡབ་སྲས་བརྒྱུད་འཛིན་བཅས་ཀྱིས་རྒྱལ་བསྟན་ཡོངས་སུ་རྫོགས་པ་ལ་རྟོགས་པ་དང་ལོག་པར་རྟོག་པ་དང་། ཐེ་ཚོམ་གྱི་ཆོས་ཕྲ་མོ་ཙམ་ཡང་མི་མང་མངའ་བར་ཚུལ་བཞིན་བཤད་པའི་བསྟན་བཅོས་རྣམས་དང་། ཁྱད་པར་དུ་ཡང་འཇམ་དབྱངས་མིའི་རྣམ་སྤྲུལ་ལུང་རིགས་སྨྲ་བའི་ཁྲུ་མཆོག་རྗེ་བཙུན་ཆོས་ཀྱི་རྒྱལ་མཚན་དཔལ་བཟང་པོས། གོ་བ་སྤམ་བཤད་དུ་མ་སོང་། དཔྱད་པ་ཐལ་ཆེ་བ་མ་ཡིན་པར་གོ་རིགས་ཟུང་དུ་འབྲེལ་བའི་སྤྱི་མཐས་མཚོན་པའི་རྒྱ་བོད་ཀྱི་གཞུང་ལུགས་རྒྱ་མཚོ་ཆེན་པོར་རྣམ་དག་ཐོས་བསམ་སྒོམ་པའི་གྲུ་གཟིངས་བརྟན་པོ། གུས་རྟག་བརྩོན་པ་མཆོག་གི་མཐུན་པའི་རླུང་གིས་བསྐྱོད་པས་མདོ་སྔགས་རིག་གནས་མ་ལུས་པའི་དགོངས་དོན་ནོར་བུའི་བང་མཛོད་ལ་མངའ་བརྙེས་པའི་ཚད་མའི་སྐྱེས་ཆེན་གསེར་རིའི་ཕྲེང་བ་ལྟ་བུ་བགྲང་ལས་འདས་པ་རིམ་པར་བྱོན་པ་རྣམས་ཀྱིས་སྒྲུབ་པའི་རྒྱལ་མཚན་རྣམ་པ་གསུམ་ལེགས་པར་འཛུགས་པར་མཛད་པ་ཡིན་ནོ།། དཔལ་ལྡན་རྒྱུད་པ་གྲྭ་ཚང་གིས་བཤད་སྒྲུབ་ཆོས་སྤྱོད་ཀྱི་རིམ་པ་ཕྱག་བཞེས་ཇི་ལྟར་གནང་བའི་ཚུལ་མདོ་ཙམ་སྨོད་པ་ནི། གྲྭ་ཚང་འདི་ལ་འཛིན་གྲྭ་གསུམ་ཡོད་པ་ལས། དང་བོ་གསར་བུ་བ་རྣམས་བསྐྱེད་རིམ་གྱི་འཛིན་གྲྭར་ལོ་བདུན་བརྒྱད་ཙམ་བཞུགས་སྐབས། དཔལ་ལྡན་གསང་བ་འདུས་པའི་རྩ་བའི་རྒྱུད། འཇིགས་གསང་བདེ་གསུམ་ཆོ་ག་ཡོངས་རྫོགས་དང་། བསྐང་གསོ་བསྟོད་ཚོགས་ཆོས་སྤྱོད་སྨོན་ལམ་བཅསང་། ཞལ་འདོན་མཐའ་དག་ཐུགས་ལ་བྱང་བར་མཛད། ཟབ་རྒྱས་གཞུང་གི་སྒོ་འབྱེད་པའི།། རིགས་ལམ་འཕྲུལ་གྱི་ལྡེ་མིག་དང་།། གར་ཐིག་རྡུལ་ཚོན་དབྱངས་རོལ་དང་།། ཕྱག་རྒྱ་རྩེད་འཇོའི་རྣམ་པ་སྦྱངས།། དེ་ནས་ཊི་ཀ་ཆུང་བའི་འཛིན་གྲྭ་ལོ་བཅུ་ཕྲག་ཙམ་བཞུགས་སྐབས་གསང་ཆེན་རྒྱུད་སྡེ་རྣམ་བཞིའི་ས་ལམ་གྱི་བགྲོད་ཚུལ་དང་ལམ་ཐུན་མོང་བའི་རྣམ་བཞག་བྱང་ཆུབ་ལམ་གྱི་རིམ་པ་ཆེ་ཆུང་བློ་སྦྱོང་བསླབ་བྱའི་རིམ་པ་ལ་གཟིགས་དཔྱོད་རྒྱ་ཆེར་མི་ཆུང་བ་དང་། གསང་བདེ་འཇིགས་གསུམ་སོགས་གསང་ཆེན་རྒྱུད་སྡེ་རྣམ་བཞིའི་བློས་བསླངས་བཞེངས་ཚུལ་རྡུལ་ཚོན་གྱི་བཀོད་པ་རས་བྲིས་ཀྱི་དཀྱིལ་འཁོར་ཅི་རིགས་པའི་ཐིག་རྩ་ཚོན་ཐོབ། ཞི་རྒྱས་དབང་དྲག་གི་སྦྱིན་སྲེག་སོ་སོའི་ཐབ་ཐིག་ཚོན་འབྱེད་ཀྱི་ཕྱག་ལེན་ཆེ་ཕྲ་མཐའ་དག་སྒྲོ་སྐུར་དང་བྲལ་བ་བྱང་ཆུབ་པར་མཛད། དེ་ནས་ཊི་ཀ་ཆེ་བའི་[page 131] འཛིན་གྲྭར་ཕེབས། རྣམ་མང་ཐོས་པ་རྒྱ་མཚོའི་འཇུག་ཡུལ་གྱི་གཙོ་བོ་རྒྱུད་ཀྱི་སྟོན་པ་རྡོ་རྗེ་འཆང་གིས་མཐའ་དྲུག་ཚུལ་བཞིའི་ཕྱག་རྒྱས་ལེགས་པར་བཏབ་པའི་རྒྱུད་ཀྱི་རྒྱལ་པོ་དཔལ་ལྡན་གསང་བ་འདུས་པའི་རྩ་བའི་རྒྱུད་འདུ་པ་ཕྱི་མའི་རྒྱུད་དང་བཅས་པ། བཤད་པའི་རྒྱུད་ལྔ། ཟླ་བས་སྒྲོན་གསལ། ཡབ་རྗེ་རྒྱལ་བ་གཉིས་པའི་མཆན་བུ་མཐའ་དཔྱོད་རིན་ཆེན་མྱུ་གུ་བསྡུས་དོན་བཞི་སྦྲགས་པས་འགྲེལ་བ་བཞི་སྦྲགས་ཞེས་གྲགས་པ་དེ་དང་། རྒྱལ་བ་ཁྱབ་བདག་རྡོ་རྗེ་འཆང་ཆེན་པོའི་ལམ་གྱི་རིམ་པ་གསང་བ་ཀུན་གྱི་ལམ་གྱི་གནང་རྣམ་པར་ཕྱེ་བ་དང་། རིམ་ལྔ་གསལ་བའི་སྒྲོན་མེ་བཅས་གཙོ་བོར་བཟུང་ནས་གཞུང་དོན་མཐའ་གཅོད་པའི་ཡན་ལག་ཏུ་རྒྱ་བོད་ཀྱི་པཎ་གྲུབ་སོ་སོས་མཛད་པའི་གཞུང་རྣམས་དང་བསྐྱེད་རྫོགས་ཀྱི་ཡིག་ཆ་ལ་ཐོས་པ་དཔྱིས་ཕྱིན་པར་མཛད་པས་རབ་འབྱམས་རྒྱུད་སྡེ་རྒྱ་མཚོའི་དགོངས་དོན་མ་ལུས་པ་མངོན་དུ་གྱུར། དཔལ་ལྡན་འཁོར་ལོ་སྡོམ་པ་ལ་སྒྲུབ་པ་སྙིང་བོར་མཛད་པས་རྩ་རླུང་ཐིག་ལི་ནུས་པ་ཁྱད་པར་དུ་འཕགས་པས་ཐུན་མོང་མཆོག་གི་དངོས་གྲུབ་ལ་མངའ་བརྙེས། ཡི་དམ་རྡོ་རྗེ་འཇིགས་བྱེད་ཀྱི་བསྙེན་སྒྲུབ་ཟབ་མོས་བར་ཆད་བདུད་སྡེའི་གཡུལ་ངོ་རྨེག་མེད་དུ་བཅོམ་སྟེ་ཕྱོགས་ལས་རྣམ་པར་རྒྱལ་བའི་རྒྱལ་མཚན་གྱི་རྩེ་མོར་གསེར་མདོག་ཅོ་པཎ་འཆང་བའི་རིང་ལུགས་དྲི་མ་མེད་པའི་ནོར་བུ་ཡིད་བཞིན་དབང་གི་རྒྱལ་པོ་མི་ནུབ་སྲིད་མཐའི་བར་ཏུ་བསྒྲེངས་བར་མཛད་པ་ཡིན་ནོ།

ཆོས་སྡེ་འདི་ཆབ་མདོ་ལྕགས་ར་ངག་དབང་འཕྲིན་ལས་དཔལ་བཟང་སོགས་སྐུ་ཕྲེནག་རིམ་བྱོན་གྱིས་ཇི་ལྟར་ཐུགས་བརྩེ་བསྐྱངས་ཚུལ་ནི། ལྕགས་ར་བླ་བྲང་གི་ནང་རྟེན་དམ་ཅན་ཆོས་རྒྱལ་ནང་སྒྲུབ་ཀྱི་ཞལ་འབག་བྱིན་རླབས་དང་འཕྲིན་ལས་ཀྱི་རྟགས་མཚན་སྐྱེ་བོ་རང་ག་བ་རྣམས་ལ་ཡང་མངོན་སུམ་དུ་གྱུར་བ་ཞིག་ཡོད་པ་ཆོས་སྡེ་འདིར་དད་རྟེན་དུ་གནང་གྲབ་མཛད་པ་ན་བླ་བྲང་སྐུ་འཁོར་དག་གིས་མི་འོས་བར་ཞུས་ནས་ཞལ་འབག་གསར་བཟོ་སྤུས་ལེགས་པ་ཞིག་བཞེངས་ནས་འདི་གནང་ནས་འཐད་པར་གསོལ་བས། ཨེ་ངེད་ཚོ་བླ་སློབ་དམ་ཚོགས་ཤིན་ཏུ་གཙང་ཞིང་ཁོང་ཚོའི་བསོད་ནམས་ཀྱི་བགོ་སྐལ་ཅི་འདྲ་ཡོད་ཁྱེད་ཚོས་ཤེས་ཨེ་ཡོང་གསུང་། སང་ནང་བར་གནང་རྒྱུ་ཡིན་པའི་ནུབ་མོར་བླ་བྲང་སྐུ་འཁོར་ཚོར་ཤོག་གསུངས་ནས། རྟེན་གང་བྱོན་ཆོས་སྐྱོང་རང་གིས་དགོངས་པ་ལས་འོ་ཅག་གིས་མི་ཤེས་མོད་འོན་ཀྱང་ཁྱེད་རང་ཚོས་ཡིད་ཆེས་སྐྱེད་ཕྱིར་ནནང་རྟེན་ཁང་གི་སྒོའི་ལྡེ་མིག་ཁྱེད་རང་ཚོས་ཉར་ཚགས་ལེགས་པོ་གྱིས་གསུངས་ནས། ལྡེ་མིག་ཁོང་ཚོ་ལ་གཏད་དེ་བླ་མ་རང་གིས་འཕྲིན་བཅས་གང་ཟབ་གནང་། ཕྱི་ནང་བར་སྐུ་འཁོར་ཚོ་འོང་བ་ན་ཞལ་འབག་སྔ་མ་དེ་འོད་ཀྱི་ལེ་དེར་བྱོན་འདུག་པས་སྐུ་འཁོར་དག་གིས་བྱ་ཐབས་གཞན་མ་བྱུང་ངོ་། དེ་ནས་བླ་མ་རིན་པོ་ཆེ་འཁོར་བཅས་གཟའ་སྐར་དུས་སྦྱོར་ལེགས་པ་ཉེ་མ་དེ་ཉིད་ལ་ཆིབས་ཁ་འདི་ཕྱོགས་སུ་བསྒྱུར་སྐབས་སྔར་གྱི་ཞལ་འབག་བྱིན་ལྡན་དེ་དང་། རྗེ་རང་ལ་གོང་ས་ལྷ་མིའི་རྣམ་འདྲེན་ཀུན་གཟིགས་རྒྱལ་བའི་དབང་བོ་བློ་བཟང་བསྟན་པའི་དབང་ཕྱུག་འཇམ་དཔལ་རྒྱ་མཚོས་ཕྱག་བསྩལ་མཛད་པའི་ཁམས་གསུམ་ཆོས་ཀྱི་རྒྱལ་པོ་རྗེ་ཙོང་ཁ་པ་བློ་བཟང་གྲགས་པའི་དཔལ་གྱི་ཚེམས་རིང་བསྲེལ་གྱི་བྱུར་བུར་གཏམས་[page 132] ཤིང་བྱིན་རླབས་ཀྱི་འོད་ཆགས་འབར་བ་སྲིད་ན་རྙེད་པར་དཀའ་བ་དང་། ཕྱག་ཕྲེང་གི་གཙོས་རྟེན་གསུམ་དང་ཆོས་སྐྱོང་གཞན་གྱི་ཞལ་འབག་དང་། གཞན་དངོས་པོ་གྱ་ནོམ་པ་དུ་མ་བསྣམས་ནས་རིམ་བཞིན་འབྱོན་པར་མཛད་པས་སྡེ་འདིར་ཕྱག་ཕེབས། ཆོས་སྡེ་འདིའི་ཆོས་ཀྱི་ཁྲི་ལ་ཞབས་སེན་བཀྲ་ཤིས་ཀྱི་རཱེ་ཁ་མཛེས་པར་བཀོད་དེ་བརྩེ་ཆེན་ཐུགས་རྗེའི་ཀློང་ནས་ཟབ་རྒྱས་ཆོས་ཀྱི་ཆར་བ་རྒྱ་ཆེར་ཕབས་པས་ཐར་བ་དང་ཐམས་ཅད་མཁྱེན་པའི་སྒོ་ཡངས་བོར་ཕྱེ་ནས་སྨིན་པ་དང་གྲོལ་བའི་སྐྱེ་བོས་ས་འདི་འགེངས་བར་མཛད། ཐུགས་སྨོན་མཚམས་སྦྱོར་གྱི་རིམ་པ་རྒྱ་གང་ཆེ་དང་འབྲེལ་གོང་གསལ་གྱི་ནང་རྟེན་ཁྱད་འཕགས་རྣམས་དང་གྱ་ནོམ་པའི་དངོས་པོ་བཅས་ཐུགས་དགྱེས་པ་ཆེན་པོས་ཉམས་དང་ལྡན་པས་བསྩལ་བའི་བཀའ་དྲིན་གྱི་ལན་ཞིང་ཁམས་རབ་འབྱམས་རྒྱ་མཚོ་རིན་ཆེན་དང་བོད་བྱུར་བུར་བཀང་སྟེ་ཕུལ་ཡང་ཆ་ཤས་ཙམ་གཞལ་བར་ནུས་པ་མ་ཡིན་ནོ། དེ་ནས་སྐུ་རྗེས་མ་ལྕགས་ར་ཆོས་འཁོར་མ་མི་ཚད་ལས་ཆུང་ཙམ་དང་ཟབ་རྒྱས་ཀྱི་ཆོས་བཀའ་མང་དུ་གནང་། བར་ཏུ་ཕེབས་སྐབས་རྗེ་ཡབ་སྲས་གསུམ་གྱི་སྐུ་བརྙན་དང་། གོས་བཟང་ལས་གྲུབ་པའི་ཕན་རིང་ཆ་བཅས་དང་། ཟབ་རྒྱས་ཀྱི་གདམས་པ་མང་དུ་གནང་། རྗེས་སུ་ཕེབས་སྐབས་ཆོས་བྱང་ཆུབ་ལམ་རིམ་ཆེན་མོའི་བཤད་ལུང་འཕགས་མཆོག་ཐུགས་རྗེ་ཆེན་པོའི་དབང་ཆེན་སོགས་ཟབ་རྒྱས་ཀྱི་ཆོས་བཀའ་ཅི་རིགས་པ་གསུངས། སྒྲིག་ལམ་ལ་གཟེངས་བསྟོད་དང་ད་ཕན་བཙན་པ་ཡར་ལྡན་དུ་ཡོད་དགོས་ཚུལ་གྱི་བཀའ་སློབ་དང་འབྲེལ་མང་ཇའི་རྟེན་ལ་ཟོག་བརྒྱ་དང་བཅུ་གཅིག སྐྱོགས་སེར་བཞི་བཅུ་གནང་། ཐུབ་པའི་སྐྱེས་རབས་སོ་བཞི་བའི་ཞལ་ཐང་སུམ་ཅུ་སོ་ལྔ་གོང་ཤམ་བཟང་གོས་ཙནྡན་གྱི་དྲིལ་ཤིང་དང་ལྡན་པ་དང་། ཡ་ནེ་ཚོས་གཉིས་མ་འགང་ཆེ་བ་ལ་བྲི་གཞི་བྱས་པའི་ཆོས་བྱང་ཆུསབ་ལམ་གྱི་རིམ་པ་དང་། དམ་ཆོས་འདུལ་བའི་དགོངས་དོན་ལྟར་བླང་དོར་ཁྲིམས་སུ་བཅའ་བའི་བཀའི་ཡི་གེ་ལྕགས་རྩོམ་གནང་། ནག་ཆུ་རྐུ་གསུམ་གྱིས་ཁྲིམས་རལ་བ་དང་། དགེ་འདུན་གྱི་ནང་ཁྲིམས་དང་མི་བསྟུན་པར་སྒོམ་གསུམ་མེད་ཀྱི་བྱ་བར་རང་དགར་སྤྱོད་པ་འགའ་མཆིས་པ་གནས་དབྱུང་མཛད་དེ། སེར་ཤུལ་དགོན་སྡེ་གཉིས་ཀ་ཐུགས་བརྩེས་སྐྱོང་བ་དནག་ཁྱད་པར་དུ་ཡང་བསྟན་པའི་གཞི་རྩ་སོ་ཐར་གྱི་བསླབ་པ། བསྟན་པ་འཛིན་སྤེལ་བཤད་སྒྲུབ་ཀྱི་འཆད་ཉན། བསྟན་པའི་རྒྱུད་འཛིན་དགེ་འདུན་གྱི་སྡེ་རྣམས་འཕེལ་ཞིང་རྒྱས་པའི་ཐབས་འབའ་ཞིག་ཐུགས་ཁུར་ལྷུར་བཞེས་གནང་བས་སྐུ་ཞབས་སྨན་ཤུལ་རིན་པོ་ཆེ་དང་མཛད་འཕྲིན་ངོ་བོ་དབྱེར་མེད་དུ་གྱུར། ཆོས་སྡེ་འདི་རི་བོ་དགའ་ལྡན་པའི་ཕྱག་ལེན་རྣམ་ཐར་གཙང་མ་རྒྱུན་སྐྱོང་མཛད་པ་ཞིག་ཡིན་པ་འདི་དམ་པ་འདིའི་བཀའ་དྲིན་ཡིན་ནོ། དེའི་སྐུ་རྗེས་མ་ལྕགས་རྭ་ངག་དབང་ཆོས་ཀྱི་ཉི་མ་ཡང་ཆོས་སྡེ་འདཻར་ལན་དུ་མར་ཕེབས་ནས་གོང་མའི་རྣམ་ཐར་བཞིན་ཆོས་དང་སྲིད་ཀྱི་བཀའ་དྲིན་གཞལ་དུ་མེད་པས་སྐྱོང་བར་མཛད། དེའི་སྐུ་རྗེས་མ་ངག་དབང་བློ་བཟང་འཇིགས་མེད་བསྟན་པའི་རྒྱལ་མཚན་ཡང་སྡེ་འདིར་ཆིབས་ཀྱི་ཁ་ལོ་བསྒྱུར་ཏེ་མདོ་དང་སྔགས་ཀྱི་[page 133] ཆོས་ཀྱི་བདུད་རྩིས་སེར་སྐྱ་སོངས་ཀྱི་རེ་བའི་ཡོལ་གོ་འགེངས་བར་མཛད་པ་ཡིན་ནོ། དེའི་སྐུ་རྗེས་མས་ལྕགས་ར་འཇམ་དཔལ་སྐལ་བཟང་འཇིགས་མེད་ཆོས་ཀྱི་རྒྱལ་མཚན་དཔལ་བཟང་བོ་ཡང་སྡེ་འདིར་ཆིབས་ཀྱི་ཁ་ལོ་བསྒྱུར་ཏེ་ཆོས་དང་སྲིད་ཀྱི་བཀའ་དྲིན་རྒྱ་ཆེན་པོས་བརྩེ་སྐྱོང་བསམ་གྱིས་མི་ཁྱབ་པ་གནང་བ་ཡིན་ནི། བྱིན་རླབས་ཐུགས་བརྩེའི་ཆུ་འཛིན་གཡོ་བ་ཡི། སྐྱེས་ཆེན་ཀླུ་ཡི་དབང་པོ་གཞན་གྱིས་ཀྱང་། བྱིན་ལྡན་རྟེན་གསུམ་སྤྲིན་གྱི་མེ་ཏོག་འདིར། ཕབས་པས་བཤད་སྒྲུབ་དབྱར་གྱི་མཚོ་ཆེན་བརྡོལ། རྫ་ལྷ་མགོན་བློ་བཟང་རྣམ་རྒྱལ་ནས་བཟུང་། ལྷ་མགོན་མཁྱེན་རབ་འོད་ཟེར་བློ་བཟང་ཐུབ་བསྟན་ཉི་མ། བློ་བཟང་རབ་རྒྱས་བསྟན་པའི་རྒྱལ་མཚན་ནམ་འཇམ་དཔལ་དབྱངས་ཅན་དགྱེས་པའི་རྡོ་རྗེ། བློ་བཟང་ཐུབ་བསྟན་སྐལ་བཟང་ཉི་མ། ཐུབ་བསྟན་མཁས་གྲུབ་སྐལ་བཟང་བསྟན་པའི་སྒྲོན་མེ། བྱམས་པ་མཁས་གྲུབ་བློ་བཟང་རྒྱལ་མཚན་གྱི་བར་སྐུ་ཕྲེང་རིམ་བྱོན་རྣམས་ཀྱིས་མདོ་དང་སྔགས་ཀྱི་ཟབ་པ་དང་རྒྱ་ཆེ་བའི་ཆོས་བཀའ་བཟམ་གྱིས་མི་ཁྱབ་པ་དང་། སྐུ་གསུང་ཐུགས་རྟེན་འགངས་ཆེ་ལ་གྲངས་མང་བ་དང་། བཟང་གོས་སྣ་ཚོགས་ལས་གྲུབ་པའི་མཆོད་རྫས་རྒྱ་ཆེ་བ་དགྱེས་བསྩལ་གནང་བ་སོགས་བསྐལ་བའི་བར་དུ་འཁོར་མཐའ་དང་བྲལ་བའི་བཀའ་དྲིན་རྒྱ་ཆེན་པོས་བསྐྱོངས་བར་མཛད་དོ། ཧོར་ཆོས་རྗེ་བློ་བཟང་བསྟན་འཛིན་མཐུ་སྟོབས་ནས་བཟུང་། ངག་དབང་ཆོས་འཕེལ་བསྟན་པའི་རྒྱལ་མཚན་བློ་བཟང་དཔལ་ལྡན་བསྟན་འཛིན་ཆོས་གྲགས་ཀྱི་བར་སྐུ་ཕྲེང་རིམ་བྱོན་རྣམས་ཀྱིས་བརྩེ་བ་ཆེན་པོས་བསྐྱངས་ཤིང་། ཁྱད་པར་དུ་ཉག་རོང་དང་ཨམ་བན་གྱིས་གཏོར་བརླགས་ཐེབས་ནས་ཉམས་དམས་ཐོག བཀའ་དྲིན་བརྗོད་མཐའ་དང་བྲལ་བས་བདག་རྐྱེན་མཛད། ཁྱད་པར་དུ་ཆོས་རྗེ་ངག་དབང་ཆོས་འཕེལ་བས། ཇོ་བོའི་གསེར་སྐུ་མི་ལོ་བརྒྱད་ཙམ་གྱི་བོངས་ཚོད་རྒྱུའི་ཡེ་མེད་ཀྱང་གྲུབ་པའི་སྐྱེས་བུ་འགའ་ཡིས་ཀྱང་ལྷ་སའི་ཇོ་བོ་དང་བྱིན་རླབས་མཉམ་པར་ལུང་བསྟན་པའི་ཇོ་བོའི་གསེར་སྐུ་གནང་། ཆོས་རྗེ་བློ་བཟང་དཔལ་ལྡན་པས་ཉིད་ཀྱི་སྐུ་གོང་མའི་གོང་མ་ལ་རྒྱལ་བདང་ཐམས་ཅས་མཁྱེན་པ་སྐལ་བཟང་རྒྱ་མཚོའི་སྐུའི་མདུན་ས་ནས་ཕྱག་བསྩལ་གནང་བའི་ཇོ་བོའི་གསེར་སྐུ་ལི་མ་འཁྲུལ་མེད་གླང་དར་མས་ཕྱག་རྟགས་བརྒྱབ་པ་བྱིས་པ་ལོ་གཅིག་ཙམ་ལོན་པའི་བོང་ཚད་ཅན་དགྱེས་བསྩལ་དང་། ཟབ་རྒྱས་ཀྱི་ཆོས་བཀའ་དུ་མས་སྐྱོང་བར་མཛད་དོ། དགའ་ལུང་དཔལ་གྱི་ལྷ་སའི་ལབ་ཆོས་སྡེ་དགོན་གྱི་སྤྲུལ་སྐུ་རྣམ་གསུམ་གྱིས་ཀྱང་བཀའ་དྲིན་ཆེན་པོས་ཡང་ནས་ཡང་དུ་བསྐྱངས་ལ། ཁྱད་པར་དུ་བསྟན་པའི་སྒྲོན་མེ་བློ་བཟང་བསྟན་རྒྱས་ཀྱིས་གནས་མཆོག་འཕགས་པའི་ཡུལ་གྱི་དཔལ་ནྭ་ལེཎྜའི་དགོན་པ་ནས་གདན་དྲངས་པའི་གཎྜི་དང་གན་གཡོག་གཉིས་ཀ་རྒྱུ་ཙནྟན་དམར་པོའི་ལྗོན་པ་གཅིག་ལས་གྲུབ་པའི་ཚད་ལྡན་ཤེས་ཕྱིན་ག་ཏེའི་སྒྲ་རང་བྱུང་གིས་སྒྲོགས་པ་དམ་པའི་སྐྱེས་བུའི་ཐོས་པའི་ནང་རྟེན་ངོ་མཚར་ཅན་དགྱེས་བསྩལ་མཛད། བཀའ་དྲིན་མཚུངས་མེད་དྲུག་པ་རྡོ་རྗེ་འཆང་དང་ངོ་བོ་དབྱེར་མ་མཆིས་མ་ཐུབ་བསྟན་ངག་དབང་བློ་བཟང་རབ་ཡངས་བས། ཀུན་གཟིགས་ལྔ་བ་ཆེན་པོའི་ཐུགས་དམ་གྱི་རྟེན་དབང་ཆེན་ཡང་གསང་ལྷ་དགུའི་ཞལ་ཐང་ཤིང་སྤང་བྱས་པ་དགྱེས་པའི་[page 134] ངང་ནས་བསྩལ།

ཆོས་སྡེ་འདིར་ཁྲི་ཐོག་རིམ་པར་བྱོན་པའི་མཚན་གྱི་ཐོ་ནི། ཁྲི་ཐོག་དང་པོ། སྨན་ཤུལ་ཨེར་ཏི་ནི་མེར་གེན་ཆེ་བི་ལིག་ཐུ་ཞེས་བསྔགས་པ་རྗེ་བཙུན་བློ་བཟང་ཡེ་ཤེས་བསྟན་འཛིན་ལགས། དེ་ལ་པཎ་ཆེན་དཔལ་ལྡན་ཡེ་ཤེས་དང་། དགའ་ལྡན་ཁྲི་ཆེན་འཇམ་དཔལ་ཚུལ་ཁྲིམས་གཉིས་ཀྱི་བསྟན་པའི་བདག་པོ་འཇའ་ས་གནང་བ་རང་གི་གདན་ས་འཛིན་པ་དག་ལ་གཏན་འཇགས་སུ་གཏད་དོ། ཁྲི་ཐོག་གཉིས་པ་ཧོར་བློ་བཟང་བཟོད་པ། ཁྲི་ཐོག་གསུམ་པ་ངག་དབང་ཡེ་ཤེས་བསྟན་འཛིན། ཁྲི་ཐོག་བཞི་བ་སོག་པོ་དགེ་བཤེས་བསོད་ནམས་ཡར་འཕེལ། ལྔ་བ་སྡེ་ཁྲི་བློ་བཟང་ཕུན་ཚོགས། དྲུག་པ་ཨ་མྱེ་བསོད་ནམས་ཕུན་ཚོགས། བདུན་པ་ཤིར་རིན་བློ་བཟང་ཐུབ་བསྟན་རྒྱ་མཚོ། བརྒྱད་པ་ཨག་གནམ་བློ་བཟང་དར་རྒྱས། དགུ་པ་དགེ་རྩེའི་ལྷ་རམས་པ་བློ་བཟང་ཐུབ་བསྟན། བཅུ་བ་ཨ་མྱེ་གསེར་ཁྲི་དགེ་ལེགས་རབ་མཆོག བཅུ་གཅིག་པ་ཨག་གནམ་དགེ་བཤེས་ངག་དབང་དོན་ལྡན། བཅུ་གཉིས་པ་ཨ་ལག་ངག་བདང་ལེགས་བཤད། བཅུ་གསུམ་པ་ཨ་སྒྲེས་མཁྱེན་རབ་སངས་རྒྱས། བཅུ་བཞི་པ་ཨག་གནམ་ཡེ་ཤེས་གྲགས་པ། བཅོ་ལྔ་བ་ཨ་སྤེན་དགེ་བཤེས་བློ་བཟང་རྒྱལ་མཚན། བཅུ་དྲུག་པ་ཇོ་བོའི་བློ་བཟང་རྣམ་རྒྱལ། བཅུ་བདུན་པ་དགེ་བཤེས་དགེ་འདུན་དར་རྒྱས། བཅོ་བརྒྱད་པ་དབུ་རྒན་འཇམ་དཔལ་ཡེ་ཤེས་རྒྱ་མཚོ། བཅུ་དགུ་བ་ཇོ་སེ་དགེ་བཤེས་བློ་བཟང་བསྟན་འཛིན། ཉི་ཤུ་པ་ཡག་སྐྱ་བློ་བཟང་བསྟན་དར། ཉེར་གཅིག་པ་འབུམ་གསར་དགེ་བཤེས་བློ་བཟང་བསམ་གཏན། ཉིར་གཉིས་པ་ཁྲི་བརྟན་ཆོས་མཛད་བློ་བཟང་དགེ་ལེགས་རབ་རྒྱས། ཉེར་གསུམ་པ་ཨ་པད་བློ་བཟང་དགེ་ལེགས་བསྟན་འཛིན། ཉེར་བཞི་བ་དཔོན་ཚང་དཀོན་མཆོག་རྒྱལ་མཚན། ཉེར་ལྔ་བ་དགེ་ལེགས་བསྟན་དར། ཉེར་དྲུག་པ་ཨ་ཤུལ་བློ་བཟང་བསྟན་དང་། ཉེར་བདུན་པ་དགེ་རྩེ་དགེ་བཤེས་བློ་བཟང་དོན་གྲུབ། ཉེར་བརྒྱད་པ་ནང་ཆེན་བློ་བཟང་ཆོས་ལྡན། ཉེར་དགུ་པ་གང་བློ་བཟང་ཚུལ་ཁྲིམས་ཏུབ་བསྟན་རབ་རྒྱས། སུམ་བཅུ་པ་དགོན་པ་བློ་བཟང་དགེ་ལེགས་བསྟན་དར། སོ་གཅིག་ལི་ཐང་དགེ་བཤེས་བློ་བཟང་དཔལ་ལྡན། འདི་ཡང་གྱི་དགེ་བཤེས་ནི་གདན་ད་གསུམ་གང་རུང་གི་དགེ་བཤེས་ཡིན། སོ་གཉིས་པ་ཇོ་བོ་འཇམ་དབྱངས་བསྟན་པའི་སྒྲོན་མེ། སོ་གསུམ་པ་རྒྱ་ར་ཐུབ་བསྟན་ཆོས་ཀྱི་ཉི་མ། སོ་བཞི་བ་དཔོན་སྤྲུལ་རིན་པོ་ཆེ་ཐུབ་བསྟན་དགེ་ལེགས་བསྟན་པའི་ཉི་མ། སོ་ལྔ་པ་རང་དགོན་གྱི་བཤེས་འབུམ་རྙིང་བློ་བཟང་འཕྲིན་ལས། སོ་བདུན་པ་དཔོན་སྤྲུལ་ཐུབ་སྟན་སྙན་གྲགས་ཆོས་ཀྱི་རྒྱལ་མཚན་དང་། སོ་བརྒྱད་པ་ཐུབ་བསྟན་བློ་བཟང་བསྟན་པའི་ཉིན་མའམ་ཁྲི་ལས་འཛིན་པ་ཨ་ཤུལ་བླ་མ་བློ་བཟང་བཀྲ་ཤིས་འདི་རྣམ་པ་གཉིས་ནས་ད་ལྟར་བསྟན་འགྲོའི་དོན་དུ་ཞལ་བཞུགས་སོ།

སྐྱེས་ཆེན་དམ་པ་འདི་དག་གི་ཁྲི་འཛིན་སྐབས་གསུང་ཆོས་བྱང་ཆུབ་ལམ་གྱི་རིམ་པ་ཆེ་ཆུང་སོགས་ལམ་རིམ་རྣམས་དང་། ཐུབ་པ་ཆེན་པོས་སྔོན་སློབ་པ་ལམ་གྱི་གནས་སྐབས་སུ་རླབས་ཆེན་རྒྱལ་སྲད་ཀྱི་སྤྱོད་པ་ཇི་ལྟར་སྐུ་ཉམས་སུ་བཞེས་པའི་ཚུལ་གསལ་བར་སྟོན་པ་སྐྱེས་རབས་སོ་བཞི་པ་དང་། བདེ་བ་ཅན་[page 135] དུ་སྐྱེས་བ་འཛིན་པའི་རྒྱུ་བཞི་གསལ་བར་བྱེད་པ་ཞིང་མཆོག་སྒོ་འབྱེད་དང་། བསྟན་པའི་རྩ་བ་དགེ་ཚུལ་སློང་གི་བསླབ་པ་སྦྱིན་པ་སོགས་ཆོས་སྲིས་ཀྱི་རྣམ་དཀར་གྱི་རིགས་མ་ལུས་པ་སྒོ་ཀུན་བས་དར་རྒྱས་ཡུན་གནས་སུ་བྱེད་པའི་ཐབས་ཁོ་ན་ཐུགས་ལྷུར་བཞེས་གནང་བ་ཤ་སྟག་ཕེབས་པ་ཡིན་ནོ།

ཞ་སེར་མནབས་པའི་དགེ་འདུན་ལ་གུས་ཤིང་། སྔོན་བསགས་བསོད་ནམས་དཔུང་གིས་དྲག་ཤུལ་ཅན། ས་སྤྱོད་དཔོན་གྱི་ཕྲེང་བ་རིམ་བྱུང་རྣམས། ཆོས་སྲིད་གཉིས་ཀར་བཀའ་དྲིན་ཤིན་ཏུ་ཆེ། དཔོན་པོའི་ཐོག་མ་སོག་པོ་བསོད་ནམས་དར་རྒྱས། གཉིས་པ། དེའི་བུ་བློ་བཟང་རྣམ་རྒྱལ། གསུམ་པ། དེའི་བུ་དཀོན་མཆོག་དར་རྒྱས། བཞི་བ། དེའི་བུ་མགོན་པོ་བསོད་ནམས། ལྔ་བ། དེའི་བུ་སྦྲ་ཆུང་མགོན་པོ་དབང་དར། དྲུག་པ་ནོས་ཞེས་བསོད་ནམས་རབ་བརྟན། བདུན་པ་སྦྲ་ཆེན་མགོན་པོ་ཚེ་རིང་། འདི་ལ་བུ་སྤུན་བཞི་ཡོད། བརྒྱད་པ། ཆེ་བ་མགོན་པོ་སྟོབས་ལྡན། དགུ་བ། སྤུན་ཆུང་བ་དཔོན་གཡུང་བཀྲ་ཤིས་དབང་བསྡད། སྤུན་གཞན་གཉིས་སེར་རྒྱུད་ཡིན། བཅུ་བ་མགོན་སྟོབས་ཀྱི་བུ་ཀུན་དགའ་དབང་རྒྱལ་བཅུ་གཅིག་པ་སྦྲ་ཆེན་དཀོན་མཆོག་དོན་གྲུབ་རྣམས། དེ་དག་གི་ནང་ནས་བློ་བཟང་རྣམ་རྒྱལ་གྱི་སྐུ་རིང་ལ་ཆོས་སྡེ་འདི་ཕྱག་འདེབས་པར་མཛད། དཀོན་མཆོག་དར་རྒྱས་ཀྱི་སྐུ་རིང་ལ། དཔོན་ཚང་སྤྲུལ་བའི་སྐུ་ངག་དབང་ལྷུན་གྲུབ་དང་། དཔོན་ཚང་ཁྲི་བ་དཀོན་མཆོག་རྒྱལ་མཚན་གསུམ་གྱིས། དགོན་འདིའི་རབ་བྱུང་དག་སྤེལ་དང་སྒྲིག་ལམ་གསར་འཛུགས། སྒྲིག་ཡིག་ལམ་སྒྲོན་ཆེན་མོ་ལྗགས་རྩོམ་གནང་སྟེ། ཁོང་གསུམ་གྱིས་བསྟན་པའི་བྱ་བ་རྒྱ་ཆེན་པོ་མཛད། ཀུན་དགའ་དབང་རྒྱལ་གྱི་སྐུ་རིང་ལ། དགོན་བདག་བླ་མ་སྨན་ཤུལ་རིན་པོ་ཆེ་ངག་དབང་ཆོས་ཀྱི་ཉི་མ་འཇམ་དཔལ་ཡེ་ཤེས་བསྟན་འཛིན་དཔལ་བཟང་བོ་དང་། ཐོས་བསམ་གླིང་གྲྭ་ཚང་གི་མཁན་པོ་འབྲས་སྤུངས་སྒོ་མང་གྲྭ་ཚང་གི་དགེ་བཤེས་ལྷ་རམ་པ་ལི་ཐང་བློ་བཟང་དཔལ་ལྡན་གསུམ་གྱིས་གཙོ་འགན་བཞེས་ཏེ། རབ་བྱང་བཅུ་དྲུག་པའི་མེ་བྱི་ཧོར་ཟླ་བ་བཅུ་བའི་ཚེས་བཅུ་གཅིག་ལ་པཎ་ཆེན་རྒྱལ་བའི་དབང་བོ་ཐམས་ཅད་མཁྱེན་གཟིགས་ཆེན་པོ་བློ་བཟང་ཐུབ་བསྟན་ཆོས་ཀྱི་ཉི་མ་དགེ་ལེགས་རྣམ་པར་རྒྱལ་བའི་སྡེ་དཔལ་བཟང་བོ་བསྟན་དགོན་འདིར་གདན་དྲངས་ཏེ་འཇིགས་བྲལ་གདོང་ལྔས་བཏེགས་པའི་ཁྲི་འཕང་མཐོན་པོ་ཞབས་སེན་གྱི་རི་མོ་རྣམ་པར་བཀོད། དེ་སྐབས་མདོ་སྔགས་ཀྱི་གྲྭ་ཚང་ཟུང་གི་མཁན་པོ། དགེ་བཤེས་བློ་བཟང་དཔལ་ལྡན་དང་། སྒོམ་པ་བློ་བཟང་དགེ་ལེགས་བསྟན་དར་གཉིས་ཀྱི་བཀའ་འགྲོས་ཀྱི་ཚོགས་གླེང་ཕུལ་བས། འདྲེན་མཆོག་མཚུངས་བ་མེད་པ་ཐུགས་དགྱེས་པའི་འཛུམ་མདངས་བཞད། ཚེས་༡༣ལ་སེར་སྐྱ་མཆོག་དམན་ཡོངས་ཀྱི་རྡོ་བཅས་ཀྱི་ཕུང་བོ་མ་སྤངས་བར་བདེ་ལྡན་དག་པའི་ཞིང་དུ་དངོས་སུ་ཕྱིན་པ་ལྟ་བུའི་རྒྱལ་བ་འོད་མཐའ་ཡས་པའི་མཐོང་གྲོལ་མཚན་དཔེའི་སྐུ་མཆོག་ཆུ་བུར་མིག་གི་དགའ་སྟོན་དུ་གྱུར།

དགྱེས་གསུང་ཟབ་རྒྱས་ཀྱི་ལེགས་བཤད་དྲུག་ཅའི་གསུང་དབྱངས་ཀྱིས་གདམས་པས་སྲིད་ཞིའི་འཇིགས་པ་བརྒྱ་སྐྱོབ་པའི་བློ་བཟང་སྙན་རྒྱུད་བདུད་རྩའི་རྒྱ་མཚོསརེ་བའི་ཡོན་གོ་གང་བར་གྱུར། ཚེས་[page 136] བཅོ་ལྔ་ལ། ཕྱི་ནང་གི་གྲྭ་སྟོང་ཕྲག་རྒལ་བ་ལ་དགྱེས་པ་ཆེན་པོས་དུས་ཚིགས་གསོ་སྦྱོང་གི་བླ་མ་མཛད། ཚེས་༡༨ལ་དུས་འཁོར་ལྷ་གཅིག་གི་རྗེས་གནང་རྩལ། དེ་སྐབས་སྔོན་འགྲོའི་གསུང་བཤད་ལ་བཀའ་པོད་ལྔ་དནག་མདོ་སྔགས་ཀྱི་གནས་མ་ཚང་བ་མེད་པའི་གསུང་བཤད་ཞིབ་རྒྱས་གནང་། གཞན་དགའ་ལྡན་ལྷ་བརྒྱ་མ། དམིགས་བརྩེ་མ། ཚེ་གཟུངས། མཁའ་སྤྱོད་དང་ཤམྦྷ་ལར་སྐྱ་བའི་སྨོན་ལམ་དང་། སྐྱབས་འགྲོ་མ་ནི་སོགས་ཟབ་རྒྱས་ཀྱི་ཆོས་བཀའ་མང་དུ་གསུངས། མཇལ་ཁ་ཐམས་ཅན་གྱི་སྐབས་སུ་གྲྭ་ཕྱག་དཔེ་བ་རྣམས་ཀྱིས་གཞུང་ཆེན་བཀའ་པོད་ལྔའི་དམ་བཅའ་དང་། རྩོད་རྒྱུག་སྙན་སྒྲོན་སྐབས་སྤྱན་ལམ་དུ་སོན་པ་དག་ཀྱང་མི་གཟིགས་པའི་ཚུལ་གྱིས་སྙན་གཏད་གནང་མཐར་གྲྭ་ཕྱག་དཔེ་བ་ཟང་གྲས་ཐམས་ཅད་ལ་ཁ་བཏགས་རེ་མགུལ་བསྐོན་མཛད། དགེ་འདུན་གྱི་ཞལ་གྲངས་ཙམ་གཏོགས། སྒྲིག་ལམ་ནི་གདན་ས་ལས་ཀྱང་ཆེས་ལྷག་པ་ཞིག་རེད། རྩོད་གྲྭའང་མ་དགོན་དང་བི་དགོན་ངོ་མཉམ་པའི་གཟེངས་བསྟོད་ཆེས་མཐོ་བའི་མཛད་དེ་ད་ཕན་ཆད་ལོ་རེ་རེ་བཞིན་སྨོན་ལམ་རབ་འབྱམས་པའི་མཚན་བཏགས་རེ་གཏོང་རྒྱུའི་ཕྱག་སྲོལ་བཟང་བོ་གསར་འཛུགས་མཛད་སྒོས་ཀྱི་བཀའ་བཟང་སྤྱི་བོར་ཕེབས། སྐྱབས་རྗེ་རང་གི་བཀའ་ལུང་གིས་ཕྱག་དཔེ་བ་བཟང་གྲས་ལྔ་ལ་མཚན་བཏགས་གནང་བ་རྣམས་རིམ་པ་བཞིན། རབ་རྒྱས་མེ་གླང་ལོའི་སྨོན་ལམ་ལ་ཨང་དང་བོ། བློ་བཟང་ཚེ་བརྟན། གཉིས་པ་ངག་དབང་ཐོགས་མེད། གསུམ་པ་ཐུབ་བསྟན་ལེགས་མཛེས་རྣམས་སོ། ས་སྟག་ལོ་ཨང་དང་པོ། འཕྲིན་ལས་ཚུལ་ཁྲིམས། གཉིས་པ་བློ་བཟང་བཀྲ་ཤིས། ས་ཡོས་ལོ་ཚུལ་ཁྲིམས་བཟང་པོ། ལྕགས་འབྲུག་ལོ་དཔལ་ལྡན་དགའ་བ། ལྕགས་སྦྲུལ་ལོ་ཕུན་ཚོགས་དོན་གྲུབ། ཆུ་རྟ་ལོ་བསམ་འགྲུབ་རྡོ་རྗེ། ཆུ་ལུག་ལོ་བསོད་ནམས་ཡར་འཕེལ། ཤིང་སྤྲེལ་ལོ་བློ་བཟང་ཆོས་འཕེལ། ཤིང་བྱ་ལོ་ངག་དབང་སྦྱིན་པ། མེ་ཁྱི་ལོ་བློ་བཟང་ལེགས་འོང་། མེ་ཕག་ལོ་བློ་བཟང་བཀྲ་ཤིས། ས་བྱི་ལོ། སྦྱིན་པ་སྐལ་བཟང་། ས་གླང་ལོ་ཐུབ་བསྟན་ཆོས་འབྱོར། ལྕགས་སྟག་ལོ་འཇམ་དཔལ་ཚུལ་ཁྲིམས། ལྕགས་ཡོས་ལོ་ཐུབ་བསྟན་དགེ་ལེགས། ཆུ་འབྲུག་ལོ་ཆོས་ཧོར་སྤྲུལ་སྐུ། ཆུ་སྦྲུལ་ལོ་ཐུབ་བསྟན་རྒྱ་མཚོ། ཤིང་རྟ་ལོ་ངག་དབང་ཆོས་དར། ཤིང་ལུགས་ལོ་དགེ་ལེགས་མཆོག་གྲུབ། ཐུབ་བསྟན་ཕུན་ཚོགས་གཉིས། མེ་སྤྲེལ་ལོ་དགེ་ལེགས་བསྟན་འཛིན། མེ་བྱ་ལོ་བློ་བཟང་དར་རྒྱས། ས་ཁྱི་ལོ་དགེ་ལེགས་གྲགས་པ། ས་ཕག་ལོ་ཐུབ་བསྟན་དབང་པོ། ཆོས་སྒོས་ཕྱེ་ནས་ལྷ་རམས་པ་ནི་ཆུ་ཁྱིའི་ལོ་ཐུབ་བསྟན་ལེགས་སྒྲུབ། ཐུབ་བསྟན་དབང་པོ་གཉིས། ཆུ་ཕག་ལོ་ངག་དབང་དར་རྒྱས། ཤིང་བྱི་ལོ་བློ་བཟང་བསམ་གཏན། ཤིང་གླིང་ལོ་ཐུབ་བསྟན་ཆོས་འབྱོར། མེ་སྟག་ལོ་མཁན་བློ་བཟང་ཐུབ་བསྟན། མེ་ཡོས་ལོ་མཁན་ངག་དབང་ལེགས་འོང་ས་འབྲུག་ལོ་ཐུབ་བསྟན་དཀོན་མཆོག ས་སྦྲུལ་ལོ་མཁན་བློ་བཟང་བསྟན་འཛིན་དང་བློ་བཟང་དོན་གྲུབ་གཉིས། ལྕགས་རྟ་ལོ་བློ་བཟང་བསམ་གྲུབ། ལྕག་ལུག་ལོ་འཇམ་དབྱངས་འཕྲིན་ལས། ཆུ་སྤྲེལ་ལོ་མཁྱེན་རབ་འོད་ཟེར། ཆུ་བྱ་ལོ་བློ་བཟང་རྣམ་རྒྱལ། ཤིང་ཁྱི་ལོ་དཔལ་ལྡན་རྡོ་རྗེ་ཐུབ་བསྟན་བསམ་གཏན་གཉིས་སོ། ད་ལྟར་དགོན་འདིར་དགེ་བཤེས་ལྷ་རམས་པ་བཅུ་བཞི་ཞལ་བཞུགས་སོ།།

[page 137] བླ་ན་མེད་པའི་བཀའ་དྲིན་འདི་ལ་བརྟེན་ནས་སྤྱིར་ཆོས་སྡེ་འདིའི་གཞུང་ཆེན་བཀའ་པོད་རྣམ་ལྔའི་འཛིན་སྐྱོར་རྩོད་གྲྭ་ཆེས་ཆེར་འཕེལ་ཞིང་ཁྱད་པར་རབ་འབྱམས་འཛིན་གྲྭར་ཕེབས་པ་རྣམས་ཀྱིས་ལོ་ལྔའི་རིང་ལ་ལོ་རེ་བཞིན་ལྷ་བབས་ཕྱི་མའི་ཚེས་༢༢ནས་མཆིམས་འཇམ་པའི་དབྱངས་ཀྱིས་མཛད་པའི་འགྲེལ་བ་མངོན་པའི་རྒྱན་གྱི་དབུ་ནས་ཉིན་གཉིས་རེའི་ཤོག་བུ་མདའ་ཚད་མ་དྲུག་རེ་རྩ་བ་དང་སྦྲགས་རྩ་འགྲེལ་གཉིས་ཀ་སྒྲ་དག་གསལ་གསུམ་གྱིས་འཛིན་སྐྱོར་དང་དཔེ་འཆད་འབྲེལ་ཉིན་གཉིས་པ་ལ་ཉི་མ་ཕྱེད་ཡོལ་ཙམ་ནས་དམ་བཅའ་བཙུགས་ནས་གོ་རིམ་བཞིང་གྲྭ་སོ་སོ་ནས་སྐྱོར་དེ་མི་རེ་རེས་སྐྱོར་བ་ལ་བརྒལ་བརྟག་གི་སྒོ་ནས་གཏན་ལ་ཕབ་སྟེ་ཧོར་ཟླ་གུསམ་པའི་ཚེས་དྲུག་ནས་རྫོགས་ངེད་བྱེད། དེའི་ཚེས་བདུན་ནས་འདུལ་བ་མདོ་རྩ་བ་མཚོ་ཊི་ཀ་ཉི་མའི་འོད་ཟེར་ལེགས་བཤད་ལུང་གི་རྒྱ་མཚོ་དང་སྒྲགས་ནས་དཔེ་འཆད་དང་ཉིན་གཉིས་རེས་མཚོ་ཊི་ཀ་ཤོག་བུ་མདའ་ཚད་མ་ལྔ་རེ་འཛིན་སྐྱོར་དམ་བཅའ་སྔར་བཞིན་གནང་སྟེ་ཧོར་ཟླ་བརྒྱད་པའི་ཚེས་ཉེར་དགུའི་བར་འཛིན་སྐྱོར་མཛད་ནས་ལོ་གཉིས་ཀྱིས་རྫོགས་ངེས་བྱེད་པའི་ཕྱག་སྲོལ་བཟང་བོས་འདུལ་མངོན་རྒྱ་མཚོའི་གཞུང་གི་འཆད་རྩོད་རྩོམ་གསུམ་དབྱར་གྱི་ཆུ་གཏེར་བཞིན་དུ་འཕེལ། དེ་ནས་ཟླ་བ་གཅིག་ལྷག་ལ་ཚད་མ་རྣམ་འགྲེལ་བརྒལ་བརྟག་གཏན་འབེབས་མཛད་ནས་དགུ་བའི་ཉིན་གཉིས་ནས་སྔར་ལྟར་ལགས་ཤིང་ཆོས་ཐུན་དང་དམ་བཅའ་གཅིག་ཙམ་ལའང་བྲེལ་བ་དམིགས་བསལ་གྱིས་ཆག་པ་མེད་པར་ཕྱག་ལེན་མཛད་དགོས་པ་ཡིན་ལ། སྤྱིར་དགོན་འདིར་མདོ་དང་སྔགས་གྱི་བསྟན་བཅོས་ལྕགས་རྩོམ་གནང་ཐུབ་པའི་མཁས་གྲུབ་མང་དུ་བྱོན་པ་ལས་རགས་རིམ་ཞིག་བཀོད་ན། སྦྲ་ཆེན་ཆོས་རྗེ་བློ་བཟང་ཕུན་ཚོགས་པའི་རྗེ་བླ་མའི་ལེགས་བཤད་ཉི་ཟླ་གཉིས་ལྟ་བུར་གྲགས་པ་དྲང་བ་དང་ངེད་པའི་དོན་རྣམ་པར་འབྱེད་པ་བསྟན་བཅོས་ལེགས་པར་བཤད་པའི་སྙིང་བོའི་དཀའ་འགྲེལ་ཟབ་དོན་གསལ་བའི་སྒྲོན་མེ། རིམ་པ་ལྔ་གསལ་བའི་སྒྲོན་མེའི་མཐའ་དཔྱོད་གསང་ཆེན་ཀནྟ་བཞད་པའི་ལེགས་བཤད་སྒྲ་སྐར་བདག་པོ་ས་ལམ་དོགས་གཅོད་མཁས་དབང་དགོངས་རྒྱན། དབུ་མ་བཞི་བརྒྱ་བའི་འགྲེལ་བ་པོད་གཅིག་སོགས་པོ་ཏི་བཞི་ལྷག་ཙམ་ཡོད། འབའ་མདའ་བ་ཐུབ་བསྟན་དགེ་ལེགས་རྒྱ་མཚོས་མཛད་པའི་བསྡུས་གྲྭའི་སྤྱི་དོན་པོད་གཅིག། དབུ་མའི་བསྟན་བཅོས་པོད་གཉིས། ཕར་ཕྱིན་རྒྱས་འགྲེལ་པོད་དྲུག་འགྲེལ་ཆུང་པོད་གཅིག། འདུལ་བ་དནག་མངོན་པའི་དགོངས་འགྲེལ་སོགས་བཀའ་པོད་ལྔའི་དགོངས་འགྲེལ་དང་ཐུན་མོང་གི་རིག་གནས་རྩིས་དཀར་ནག་ལ་ཉེར་མཁའི་རིགས་དུ་མ་དང་ཇོ་ནང་བཀའ་བརྒྱུད། རྙིང་མ་སོགས་ཀྱི་ཁྲིད་ཡིག་སྣ་ཚོགས་དང་སྔགས་གསར་རྙིང་གི་དཀྱིལ་འཁོར་གྱི་ཐིག་ཡིག་བཅས་པོད་ཉེར་གཉིས་ཙམ། དཀྱིལ་འཁོར་ཕྱོགས་བསྡུས་བྱས་པ་འདི་འདྲ་འཛམ་གླིང་ན་མེད་སྐད། སྔགས་རྙིང་མ་ལ་དཀྱིལ་འཁོར་བཅོ་བརྒྱད་གསར་མ་ལ་དཀྱིལ་འཁོར་ལྔ་རེ་གྲགས། ཁྲི་ཆེན་བློ་བཟང་ཐུབ་བསྟན་གྱིས་མཛད་པའི་བྱང་ཆུབ་སྤྱོད་འཇུག་ཆེན་མོའི་འགྲེལ་བ་ཀུན་བཟང་ཞིང་གི་ཉི་མ་སོགས་པོ་ཏི་གསུམ་ལྷག་ཙམ་ཡོད། མཁན་ཆེན་ངག་དབང་ཐོགས་མེད་པས་མཛད་པའི་ཞིང་མཆོག་སྒོ་འབྱེད་ཀྱི་འགྲེལ་བ་བདེ་ཆེན་[page 138] ཞིང་དུ་འགྲོད་པའི་ཐེམ་སྐབ་གསར་བ་དང་ཆོས་འབྱུང་ལེགས་བཤད་སོགས་པོད་གཉིས། ཁྲི་ཆོས་མཛད་བློ་བཟང་དགེ་ལེགས་རབ་རྒྱས་ཀྱིས་མཛད་པའི་ལམ་རིམ་དྲིས་ཞུས་སོགས་པོད་གསུམ་ལྷག་ཙམ་ཡོད། མཁན་ཆེན་རིན་པོ་ཆེ་ཐུབ་བསྟན་འཇམ་དབྱངས་ཉི་མས་གསུང་རྩོམ་པོད་བཞི་ཡོད། དབུ་མཛད་བཀྲ་ཤིས་རྣམ་རྒྱལ་བས་མཛད་པའི་རྩིས་གཞུང་དོར་གསལ་བའི་ཉིན་བྱེད་སོགས་པོ་ཏི་གཉིས་ཙམ་ཡོད། ཁྲེ་ཆེན་བློ་བཟང་ཚུལ་ཁྲིམས་ཐུབ་བསྟན་རབ་རྒྱས་བས་མཛད་པའི་གཡང་འབོད་ཆེན་མོ་སྲིད་ཞིའི་ཕྱ་གཡང་འགུགས་པའི་ལྕགས་ཀྱུ་སོགས་པོ་ཏི་ཕྱེད་གཉིས་ཙམ་ཡོད། མཁར་ནང་དཔོན་སྤྲུལ་མཁྱེན་རབ་འཇམ་དབྱངས་བློ་བཟང་འཕྲིམ་ལས་བས་མཛད་པའི་ཤེར་ཕྱིན་སྡུད་པའི་རྒྱ་ཆེར་འགྲེལ་སོགས་པོད་ལྔ་ཙམ་ཡོད། དབུ་མཛད་ཐུབ་བསྟན་ཕུན་ཚོགས་པས། བསྟན་བཅོས་མངོན་པར་རྟོགས་པའི་རྒྱན་གྱི་འགྲེལ་བ་ལེགས་བཤད་གསེར་གྱི་ཕྲེང་བའི་བསྡུས་དོན་མངོན་པ་མཛོད་རྩ་བའི་བསྡུས་དོན་སོགས་པོ་ཏི་གསུམ་ལྷག་ཙམ་བཙམས་ཡོད། ཁྲེ་ཆེན་དགེ་འདུན་དར་རྒྱས་བས་མཛད་པའི་སེར་བྱེས་མཁས་སྙན་གྲྭ་ཚང་གི་དབུ་ཕར་དཀའ་གནད་ཀྱི་འཛིན་མཚམས་སོགས་པོད་གཉིས་ཡོད། ཁྲེ་ཆེན་བློ་བཟང་དགེ་ལེགས་བསྟན་དར་བའི་གསུང་པོད་གསུམ་ཙམ་ཡོད། མཁན་ཆེན་ཐུབ་བསྟན་དབང་བོས་མཛད་པའི་ལམ་རིམ་གྱི་ཁྲིད་ཀུན་ལས་བཏུས་པ་གཏད་གྱི་འདུན་མའི་སྙིང་པོ་སོགས་པོད་གཅིག་ཙམ་ཡོད། གཞན་ཁྲི་ཆེན་འཇམ་དབྱངས་བསྟན་པའི་སྒྲོན་མེ། ཁྲི་ཆེན་དོན་ལྡན་གྲགས་པ། ཁྲི་ཆེན་འཇིགས་མེད་རྡོ་རྗེ་སོགས་བསྟན་བཅོས་རང་སྟོབས་ཀྱིས་རྩོམ་ནུས་པའི་བཤད་གཉེན་ནམ་མཁའི་སྐར་ཚོགས་ལྟ་བུ་བྱོན་པ་ནི་བརྗོད་པར་མི་ནུས་སོ། ད་ལྟར་བསྟན་པ་དང་འགྲོའི་དོན་དུ་ཞལ་བཞུགས་པ་མཁན་ཆེན་ངག་དབང་ལེགས་འོང་པས་མཛད་པའི་དཀར་ཆག་ཆེན་མོ་དང་ཆོས་འབྱུང་སོགས་གསུང་སྣ་ཚོགས་པོད་གཅིག་ལྷག་ཙམ་ཡོད། མཁན་ཆེན་བློ་བཟང་བསྟན་འཛིན་གྱིས་མཛད་པའི་རྟེན་འབྲེལ་བསྟོད་པའི་འགྲེལ་བ་སོགས་པོད་གཅིག་ལྷག་ཙམ་ཡོད། གཞན་མཁན་གདན་ཟུར་དང་དགེ་བའི་བཤེས་གཉེན་གསུང་སྣ་ཚོགས་འཇགས་རྩོམ་གནང་བའི་དམ་པ་མང་དུ་མཆིས། དེ་དག་ཕལ་ཆེ་བའང་སྐྱབས་མགོན་པཎ་ཆེན་རྒྱལ་བའི་དབང་བོ་དབུས་བཞུགས་མཛད་ནས་རྨད་བྱུང་གདན་ས་གསུམ་གྱི་མཁན་པོ་མཚན་ཞབས་དགེ་བའི་བཤེས་གཉེན་ཆེན་པོ་ཆེས་མང་པོ་དང་དགོན་འདིའི་མཁས་པ་རྣམས་བཀའ་པོད་ལྔའི་བགྲོ་གླེང་གང་ཟབ་མཛད་མཐར། སྐྱབས་རྗེ་པཎ་ཆེན་རིན་པོ་ཆེའི་དབུས་གདན་སའི་མཁན་ཆེན་རྣམས་དང་བཅས་པས་ལེགས་སོའི་གཟེགས་བསྟོད་མཛད་པ་ནི་གོང་གསལ་བཀའ་དྲིན་གྱིས་བསྐྱངས་པའི་ཕྱག་རྗེས་ཡིན་ནོ། དེར་མ་ཟད་དགོན་འདིའི་བཅའ་ཡིག་ལ་གོང་དམ་དང་སྐྱབས་རྗེ་མཆོག་གིས་དགོན་འདིའི་བླང་དོར་ཁྲིམས་སུ་བཟའ་བའི་ཡི་གེ་ལྗགས་རྩོམ་གནང་། འཇིག་རྟེན་གྱི་ངོས་ནས་དཔོན་པོ་ལ་རིམ་པ་གཉིས་པའི་འཇའ་ས་གསེར་ཡིག་དང་། ཐོབ་ཞྭ་ཏོག་ལྡན། ལྔ་མཆོད་ཆེན་མོ་ཉིན་གཅིག་གི་གཏོང་ཐེབས་དང་། གྲྭ་ཚང་རྣམ་གཉིས་ལ་མཆོད་རྫས་ཆེན་དངུལ་ཞོ་བདུན་སྒོར་སྟོང་ལྔ། རྟ་ཕོ་རྒོད་སོ་ལྔ་འབྲི་ཁལ་བརྒྱ། མཛོ་མཛོ་མོ་གསུམ་བཅས་བསྩལ། [page 139] ད་ལྟར་སྐྱབས་རྗེས་རིན་པོ་ཆེ་ཆོས་སྲིད་གང་ཐད་ནས་བཀའ་དྲིན་འཁོར་མཐའ་བྲལ་ཡང་མེ་ཏོག་ཆུང་ཡང་ལྷ་རྫས་ཀྱི་དཔེ་ལྟར་དངོས་འབུལ་སད་རྩ་ལྟ་བུ་ནི། རྒྱ་དངུལ་སྒོར་༣༦༨༠མཛོ་མཛོ་མོ་བཅུ། རྟ་ཕོ་རྒོད་༥༠་མར་ཤེ་སུམ་བརྒྱ་དང་ལྔ་ཆེ་ཁལ་ཉིས་བརྒྱ་དནག་གསུམ་ལསྒ་སྟན་རྒྱབ་ཐག་སྦྲགས་མ་སོགས་སོ། གཙོ་བོ་བཀའ་བཞིན་སྒྲུབ་པའི་མཆོད་པར་དམིགས་ནས་ལུང་བཀའ་པོད་ལྔ་དང་སྡེ་སྣོད་གསུམ་གྱི་འཆད་ཉན་རྟོགས་པ་བསླབ་པ་གསུམ་དང་རིམ་གཉིས་ཟབ་མོའི་ཉམས་ལེན་སྤྱི་དང་། བྱེ་བྲག་སྨོན་ལམ་རམ་འབྱམས་པའི་མིང་བཏགས་ཀྱི་ཕྱག་ལེན་ནི་སྒོ་ཀུན་ནས་ཡར་ཚེས་ཟླ་བའི་དཔལ་ལ་ཅོ་འདྲི་བ་ཞིག་མཛད། ཁྱད་པར་རབ་རྒྱས་ལྕགས་བྱ་ལོ་ཆོས་སྒོ་ཕྱེས་འཕྲལ་ཆེད་གཉེར་གྱིས་སྔར་སྲོལ་ལྟར་སྒྲུབ་པའི་མཆོད་པར་འགྲོ་ངེས་པ་ཞིག་འཛུགས་བསྐྲུན་གནང་ཡོད། ཆོས་སྡེ་ཆེན་པོ་འདི་ལ་ཁང་ཚན། ཧ་གདོང་། བསམ་བློ། བྱ་བྲལ་ལྷོ་བ། ཏྲེ་བོ་ལྔ་ཡོད་ཕྱོགས་གཞན་ནས་ཕེབས་པའི་བྲལ་བ་རྣམས་ཁང་ཚན་རང་རང་གི་ཐོབ་ཁུངས་བཞིན་ཕེབས་མ་ཐག་བཞུགས་གནས་སྒྲིག་ཆས་སོགས་མཐུན་རྐྱེན་འོས་པའི་རིགས་རང་གི་ཁང་ཚན་ནས་ལེགས་སྒྲུབ་བྱེད་པའི་ཕྱག་སྲོལ་བཟང་བོ་ཡོད། ལོ་གཅིག་ལ་ཆོས་ཐོག་དྲུག་དུས་མཆོད་ཆེན་པོ་བརྒྱད་དང་ཆུང་བ་མང་དུ་ཡོད། རིགས་ཆེ་ཆུང་གི་ཚོགས་གླེང་གཞུང་ཆེན་བཅུ་དྲུག་གྲྭ་ཕྱག་དཔེ་བ་རྣམས་ནས་ཀྱང་ཟླ་བ་ཕྱེག་གསུམ་ལྷག་ཙམ་གྱི་རིང་ལ་རང་གི་བགོ་སྐལ་དུ་གནང་བའི་གཞུང་ལ་འཛིན་སྐྱོར་ཁྲིད་སྦྱངས་རྒྱུན་སྐྱོང་བྱས་མཐར་འཛིན་གྲྭ་སོ་སོ་དང་ཁང་ཚན་ལྔ་ལ་དབྱར་ཆོས་ཆེན་མོའི་སྐབས་དམ་བཅའ་འཇོག་འཛིན་གྲྭ་དང་ཁང་ཚན་སོ་སོའི་གྲྭ་ཕྱག་དཔེ་བ་རྣམས་ཀྱིས་ལུང་རིགས་ཟུང་དུ་འབྲེལ་ནས་བརྒལ་བརྟག་འབབ་གང་ཆེ་མཛད།

དཔལ་ལྡན་རྒྱུན་པ་གྲྭ་ཚང་གི་དཔྱིད་དང་དཀའི་རྡུལ་ཚོན་པའི་རྣམས་ཆོ་ག་ཕྱག་ལེན་ལ་མཁས་པའི་གྲྭ་པ་བཞི་རེ་བབ་དང་བསྟུན་ནས་སྤྲོད་རྡུལ་ཚོན་པ་སོ་སོ་ནས་ཀྱང་ལྷ་རང་རང་གི་བསྙེན་པ་ཁ་སྐོང་དང་བཅད་ཚད་ལྡན་མཛད་ནས་ཆོ་ག་ཕྱག་རྒྱ་དབྱངས་རོལ་ཐིག་རྡུལ་ཚོན་བཅས་སྔར་སྲོལ་བཟང་བོ་ཉམས་མེད་གོང་ནས་གོང་དུ་སྤེལ་བར་མཛད། ཆོས་སྡེ་འདིར་ཕྱོགས་གཞན་ནས་བློ་གསལ་དོན་གཉེར་ཅན་ནམ་མཁའི་སྐར་ཚོགས་ལྟ་བུ་བྱོན་པའི་གཙོ་བོ་ནི།

སེར་བྱེས་མཁན་པོ་ལྡམ་མ་ངག་དབང་ཕུན་ཚོགས། མཁས་པ་དཔལ་དགེ་རྒྱལ་བོ། འབའ་མདའ་བ་ཐུབ་བསྟན་དགེ་ལེགས་རྒྱ་མཚོ། ཇོ་བོ་ཁྲི་ཆེན་བློ་བཟང་རྣམ་རྒྱལ། མན་པོ་འཇམ་དཔལ་བློ་གྲོས། མཁན་པོ་བཙན་རྒོད། འཇུ་མཁན་པོ་འཇམ་དབྱངས་ཆོས་ཀྱི་བཤེས་གཤེན། འབུམ་གསར་མཁན་པོ་བློ་བཟང་རིག་འཛིན་འབུམ་རྙིང་མཁན་པོ་རིམ་བྱོན། བོ་རོད་མཁན་པོ་ཤེས་རབ་ཕུན་ཚོགས། མང་དགེ་མཁན་པོ་ཚེ་རྣམ། ཀ་བཞིའི་མཁན་པོ་སྒྲོན་ནེ། པ་རོད་མཁན་པོ་བློ་རིས། མཁར་ནང་མཁན་པོ་གནས་ཆུང་། ཟེ་དཀར་མཁན་པོ་འཇམ་བདྱངས་ཐ་ཤུལ་མཁན་པོ་རབ་ཡངས་གསེར་ཐར་མཁན་པོ་རིགས་བཟང་སོགས་མདོར་ན་གཞི་དགོན་གང་དང་གང་ནས་འདིར་ཕེབས་པ་ཞིག་ཡིན་ཕྱིན་[page 140] ཆད་ཕྱིར་ཕེབས་པ་ན་གཞི་དགོན་དེའི་མཁན་པོ་མ་མཛད་པ་རེ་གཉིས་ལས་མི་སྲིད་པ་ལྟ་བུ་ཡིན། དགོན་འདིའི་སྐྱེས་ཆེན་དམ་པ་རྣམས་ཀྱི་ཐུགས་རྒྱུད་ཡོན་ཏན་རིན་པོ་ཆེས་བྱུར་བུར་འགེངས་བ་མཚོ་ནང་གི་ནོར་བུ་ལྟར་སྦས་ཀྱང་མཁས་བཙུན་གྲུབ་པའི་འོད་ཕུང་འགོག་ཏུ་མེད་པར་ཕྱོགས་ཀུན་ཏུ་འཕྲོས་པས་བསྟཔ་དགོན་གཞན་གྱི་བདག་པོའི་དེད་དཔོན་དག་གིས་ལས་སྨོན་སྐལ་བ་བཟང་བོའི་གྲུ་གཟིངས་ཐབས་མཁས་ཀྱི་རླུང་གིས་བསྐྱོད་དེ་ལེགས་པར་སྤྱན་དྲངསནས་ཆོས་ཁྲི་ལ་མངའ་ཏེ་མཆོད་ཅིང་གསོལ་བ་བཏབ་པས་འཆད་རྩོམ་གསུམ་གྱི་འདོད་པའི་དངོས་པོ་ཡོངས་སུ་གྲུབ་པ་ནི། རྗེ་བཙུན་བློ་བཟང་ཡེ་ཤེས་བསྟན་འཛིན་དང་། ཆོས་མཛད་བློ་བཟང་དགེ་ལེགས་རབ་རྒྱས་པས། པ་རོད་དགོན་དུ་བསླབ་གཞི་བཅའ་ཁྲིམས་དང་། འཆད་ཉན་སྤེལ་སྲོལ་བཟང་ད་དུང་གནས། ངག་ལ་དབང་འབྱོར་འཆད་ལ་ཐོགས་མེད་དང་། ལྡན་མ་ངག་དབང་ལེགས་ལྡན་ལ་སོགས་པས། ཟེ་དཀར་དགོན་དུ་བཀའ་པོད་ལྔ་རྣམས་དང་། མདོ་སྔགས་རིགས་གནས་བཤད་སྒྲུབ་རྒྱ་ཆེར་སྤེལ། མཁན་པོ་བསམ་འགྲུབ་རྡོ་རྗེ་དང་། བློ་བཟང་ལེགས་འོངས་གཉིས་ཀྱིས་ཀྱང་། གོང་མའི་ཕྱག་སྲོལ་རྒྱུན་བཟང་བསྐྱངས། སྡེ་དེའི་བསྟན་པ་ཡར་ལྡན་གྱུར། ཁྲི་ཆེན་འཇིགས་མེད་རྡོ་རྗེ་ཡིས།། ཀ་བཞི་དགོན་དུ་སྒྲིག་ལམ་དང་།། འཇམ་མགོན་བླ་མའི་བསྟན་པ་ཡིས།། བཤད་སྒྲུབ་ཕྱག་བཞེས་གཙང་མ་སྤེལ། མཁྱེན་རབ་འཇམ་དབྱངས་བློ་བཟང་འཕྲིན་ལས་ཀྱིས།། མཁར་ནང་དགོན་པར་དགེ་ལྡན་ལུགས་བཟང་གི། ཐོསབསམ་སྒོམ་པའི་བྱ་བ་རྒྱ་ཆེན་པོ། སྤེལ་བའི་མཛད་པ་མཆོག་གིས་ཆེས་ཆེར་བསྐྱངས།། དགོན་པ་བློ་བཟང་དགེ་ལེགས་བསྟན་དར་དང་། དགེ་བའི་བཤེས་གཉེན་ངག་དབང་ཆོས་དར་བས།། དབོན་པོ་དགོན་པར་རྒྱལ་བ་ཙོང་ཁ་བའི།། མདོ་སྔགས་ལུགས་བཟང་དྲི་མ་མེད་པ་སྤེལ།། ཨ་ཝ་མཁན་པོ་ནས་བཟུང་སྟེ།། ད་ལྟའི་ངག་དབང་དར་རྒྱས་བར།། མཁར་རབས་བར་མ་ཆད་པ་ཡིས།། འབུམ་རྙིང་དགོན་པར་འཆད་ཉན་སྤེལ།། ངག་དབང་ཐོགས་མེད་པ་ཡིས་ཀྱང་།། འཇམ་དགོན་བླ་མའི་ཕྱག་བཞེས་ལྟར།། གསང་ཆེན་རྒྱུད་སྡེ་རྒྱ་མཚོ་ཡི།། དབང་ལུང་མན་ངག་མཐའ་ཡས་གནང་། ལི་ཐང་ཁྲི་ཆེན་བློ་བཟང་དཔལ་ལྡན་པས། འབུམ་གསར་དགོན་པར་བསྟན་པའི་ཡང་སྙིང་མཆོག། གསེར་དོག་ཅོད་པཎ་འཆང་བའི་ལུགས་བཟང་གི། ཟབ་རྒྱས་ཆོས་ཆར་རྒྱ་མཚོ་འཛད་མེད་སྤེལ།། ཆོས་མཛད་དགེ་ལེགས་རབ་རྒྱས་དང་།། གང་བ་བློ་བཟང་ཚུལ་ཁྲིམས་ཀྱིས།། བོ་རོད་དགོན་པར་རྗེ་བླ་མའི།། བྱང་ཆུབ་ལམ་རིམ་འཆད་ཉན་བཙུགས།། མདོ་སྔགདས་ཟབ་རྒྱས་ཆོས་བཀའ་རྒྱ་ཆེན་དང་།། དམ་ཆོས་འདུལ་བ་བྱང་ཆུབ་ལམ་རིམ་གཉིས།། སྦྲགས་པའི་སྒྲིག་ཡིག་ལ་སོགས་མཛད་བཟང་གི། སྲོལ་འཛིན་རྣམ་དག་ད་ལྟར་མང་དུ་འཕེལ།། ཁྲི་ཆེན་བློ་བཟང་རྣམ་རྒྱལ་དང་།། འཇམ་དཔལ་བློ་གྲོས་ལ་སོགས་པས།། མདོ་སྨད་ཇོ་བོ་དགོན་པ་ཡི།། བསྟན་པ་གོང་ནས་གོང་དུ་སྤེལ།། ཁྲི་ཆེན་བློ་བཟང་ཚུལ་ཁྲིམས་དང་།། དགེ་བཤེས་བློ་བཟང་བཀྲ་ཤིས་ཀྱིས།། མང་དགེ་དགོན་པར་འཆད་ཉན་དང་།། དབང་ཁྲིད་རྗེས་གནང་མང་དུ་གནང་།། དགེ་བའི་བཤེས་གཉེན་དགེ་ལེགས་བྱམས་པ་ཡིས།།

[page 141] ཐལ་ཤུལ་དགོན་པར་དབུ་ཕར་རྣམ་གཉིས་དང་།། སྡོམ་པ་གསུམ་གྱི་བསླབ་བྱ་ལ་སོགས་པ།། ཟབ་ཅིང་རྒྱ་ཆེའི་གདམས་པས་རིང་དུ་བསྐྱངས།། འཇམ་དབྱངས་ཆོས་ཀྱི་བཤེས་གཉེན་གྱིས།། འཇུ་བ་དགོན་པར་རྒྱལ་བ་ཡི།། ལུང་རྟོགས་བསྟན་པ་རིན་པོ་ཆེ།། བཤད་དང་སྒྲུབ་པས་རྗེས་འཛིན་མཛད།། ཁྲི་ཆེན་བློ་བཟང་དགེ་ལེགས་བསྟན་དར་གྱིས།། འབའ་རྡ་དགོན་དང་གྲུ་བ་དགོན་པ་ལ།། དབང་བཀའ་ཁྲིད་དང་སྡོམ་གསུམ་བསླབ་བྱ་སོགས།། ལེགས་གསུངས་རྒྱ་མཚོ་དགྱེས་བཞིན་རིང་དུ་བསྐྱངས།། དེ་ལྟར་ཆོས་སྡེ་འདི་ཉིད་མདོ་སྨད་བསྟན་པའི་རྩ་ལག་ཆེན་པོ་ཡིན་ཕྱིར། གངས་ཅན་འགྲོ་བའི་མགོན་པོ་སྐྱབས་དགོན་རྒྱལ་པཎ་རིམ་བྱོན་གྱིསགཟིགས་སྐྱོང་རྒྱ་ཆེན་པོ་གནང་ཞིང་ཁྱད་པར་རྒྱལ་དབང་བཅུ་གསུམ་པ་ཆེན་པོའི་སྐུ་མདུན་ས་ནས་དགོན་འདིར་མདོ་སྔགས་ཀྱི་འཆད་ཉན་བྱེད་ཚུལ་སྔར་སྲོལ་བཟང་པོ་ད་ཆར་ཅི་འདྲ་ཞེས་བཀའ་འདྲི་སྤྱི་བོར་ཕེབས་འཕྲལ་གྲྭ་ཚང་རྣམ་གཉིས་ཀྱི་རྒྱུགས་ཐོ་དང་འཆད་ཉན་མཛད་ཚུལ་གསེར་སྙན་བསྒྲོན་སྐབས་བསྔགས་བརྗོད་དང་ཕྱིས་སུ་ཡར་ལྡན་དགོས་ཚུལ་གྱི་བཀའ་བཟང་དང་ཉིད་ཀྱི་འབྲལ་སྤང་ཐུབ་དབང་མཆོག་ཟུང་དང་བཅས་བ་དགྱེས་བཞིན་དུ་བསྩལ། པཎ་ཆེན་ཆོས་ཀྱི་ཉི་མས་ཀྱང་ཉིད་ཀྱི་དབུ་པཎ་སྣེ་རིང་དང་ཕྱག་ལྷམ་གོས་ཟོམ་གཉིས་དགྱེས་རྩལ་གནང་། རྒྱལ་དབང་བཅུ་བཞི་པ་ཆེན་པོའི་སྐུའི་མདུན་སར་རྨད་བྱུང་ཐོས་བསམ་གླིང་གྲྭ་ཚང་གི་དབུ་མཛད་ཐབ་བསྟན་ཕུན་ཚོགས་དང་། བློ་གསལ་བ་བློ་བཟང་ཐུབ་བསྟན་སོགས་མི་བཞིའི་ཤོག་བུ་མདའ་ཚད་མ་སྟོང་ཕྲག་བརྒལ་བ་བཞི་དང་། དེ་འོག་དགུ་བརྒྱ་ནས་ཉུང་མཐའ་མདའ་ཚད་མ་སུམ་ཅུའི་བར་སྒྲ་དག་གསལ་གསུམ་གྱིས་རྒྱུགས་འབུལ་བྱས་པའི་ཐོ་དང་། དཔལ་ལྡལ་རྒྱུད་པ་གྲྭ་ཚང་གི་བློ་གསལ་བསམ་གཏན་གྱི་ཤོག་བུ་གདའ་ཚད་མ་སྟོང་ཕྲག་ལྷག་ཙམ་ནས་ཉུང་མཐའ་ཚད་མ་བཅོ་ལྔ་བར་སག་གསལ་སྙན་གསུམ་གྱིས་རྒྱུགས་འབུལ་བྱས་བའི་ཐོའུ་གཟིགས་འབུལ་ཞུས་པ་ན་ཐུགས་གཏིང་ནས་དགྱེས་པའི་འཛུམ་མདངས་མཛད་དེ། ཉིད་ཀྱི་གོས་བེར་དང་བླང་དོར་ཁྲིམས་སུ་བཅའ་བའི་བཀའི་གླེགས་བུ་བཟང་གོས་མཐོང་ཆེན་གྱི་ངོས་སུ་གསར་བསྐྲུན་མཛད་པ་དགྱེས་ཉམས་ཀྱིས་བསྩལ། པཎ་ཆེན་རིན་པོ་ཆེས་མཛད་བཟང་གི་སྟེང་དུ་ལོ་རེ་དགེ་བཤེས་སྨོན་ལམ་རབ་འབྱམས་པ་རེ་རེ་འཕར་འཛུགས་ཀྱི་བཀའ་སློབ་བཟང་བོ་སྤྱི་བོར་ཕེབས།། སྤྱིར་དགོན་འདིར་མི་ཐོག་གཅིག་ཚུན་ཆད་ཀྱི་རིང་ལ་ཤོག་བུ་མདའ་ཚད་མ་སྟོང་ཕྲག་བརྒལ་བ་སྒྲ་དག་སྒྲོས་གཙང་རྒྱུགས་འབུལ་བྱེད་པའི་གྲྭ་བློ་གསལ་བ་བདུན་བྱུང་བ་སོགས་བསྟན་པ་ཁོ་ན་ཐུགས་ལ་བཅིངས་བ་མང་དུ་བྱོན་པ་ལགས་ལ། རབ་རྒྱལ་ས་ཁྱི་ལོ་དགོན་འདིར་དགེ་འདུན་ཆིག་སྟོང་ལྔ་བརྒྱ་ལྷག་ཙམ་འཕེལ།།

དེང་གི་གནས་ཚུལ་ནི་རིག་གནས་གསར་བརྗེའི་སྐབས་འདུ་ཁང་དང་ལྷ་ཁང་སྐུ་གསུང་ཐུགས་རྟེན་སོགས་གཏོར་བཤིག་སོང་པའི་གནས་ཚུལ་མདོ་ཙམ་འགོད་ན། དེ་ལྟར་ཐེག་པ་ཆེན་པོ་དར་ཞིང་རྒྱས་པའི་གླིང་འདིར་མདོ་སྔགས་ཀྱི་བསྟན་པ་ཡིད་བཞིན་དབང་གི་རྒྱལ་པོ་ལྟ་བུ་འདི་ཉིད་གནས་མཆོག་འཕགས་ཡུལ་བཞིན་དུ་མ་ཏོགས་ལོག་རྟོག་ཐེ་ཚོམ་གྱི་མུན་པ་དང་བྲལ་བའི་རྒྱལ་བསྟན་ཉིན་མོ་བཞིན་དུ་གྱུར་[page 142] ནའང་། འགྲོ་ཀུན་བསོད་ནམས་དམན་པས་བསྟན་པའི་ཉི་མ་ནུབ་རིའི་ཕག་ཏུ་ནུབ་ནས། བགྲང་བྱ་སུམ་བཅུ་ལྷག་ཙམ་གྱི་རིང་ལ་མདོ་སྔགས་ཀྱི་བཤད་སྒྲུབ་སོགས་རྣམ་དཀར་ཆོས་ལྡན་གྱི་བྱ་བ་ཐམས་ཅད་སྟོང་སྟེ་མིང་གི་ལྷག་མར་གྱུར་བ་མ་ཟད། རྒྱུད་ཟངས་གསེར་ལས་གྲུབ་པའི་རྗེ་བཙུན་བྱམས་པ་མགོན་པོའི་སྐུ་བརྙན་ཁང་བརྩེགས་བཅུ་ཚད་ཙམ་ལ་རིན་པོ་ཆེ་སྣ་ཚོགས་ཀྱིས་ཕྲ་རྒྱན་བྱས་པ་ཅན་འགྲོ་བ་རྣམས་ཀྱི་མིག་གིས་མཐོང་མ་ཐག་ཕྱི་ནང་གི་ཉེར་འཚེ་ཐམས་ཅད་ཞི་བ་དང་། སྡིག་པ་བསགས་འདག་ཅིང་ཕྱིན་ཆད་མི་བྱེད་པའི་སྡོམ་སེམས་རང་དབང་མེད་པར་སྐྱེ་བ་སོགས་ཡོད་ཏན་ཁྱད་ལྡན་ངོ་མཚར་ཡིད་དུ་འོང་བའི་མཐོང་སྨིན་བྱམས་པའི་ཕྱི་ནང་གཉིས་ཀ་དང་། ཀ་བ་བརྒྱ་དང་དྲུག་བཅུ་ཅན་གྱི་ཚོགས་ཆེན་འདུ་ཁང་དང་འདུ་ཁང་ཆེ་ཆུང་དྲུག་དང་། རུང་ཁང་ཆེ་ཆུང་དྲུག ཆོས་ར་བརྒྱད། འཁོར་ཁང་ཆེ་ཆུང་གསུམ་དང་། ལྷ་ཁང་སུམ་ཅུ་ལྷག་ཙམ་སོགས་ཐམས་ཅད་རྨང་ནས་བཤིག་པ་དང་། གྲྭ་ཤག་དགུ་བརྒྱ་ལྷག་ཙམ་ཡོད་ཀྱང་གྲྭ་ཤག་སུམ་བཅུ་ཙམ་དང་འདུ་ཁང་གཅིག་མ་གཏོགས་ཐམས་ཅད་བཤིག་ཤུལ་ས་ཕུང་རྡོ་ཕུང་ཙམ་ལས་མེད་པར་གྱུར། ནང་བཞུགས་གསེར་ཟངས་སྨན་འདམ་སོགས་ཅི་རིགས་ལས་གྲུབ་པའི་དཔངས་ཁང་བརྩེགས་གཅིག་ཡོད་པའི་འགྲོ་དོན་འཕེལ་ཞེས་གསུངས་འབྱོན་པའི་སྒྲོལ་མ་གསུང་འབྱོན་མ་སོགས་ལྷ་སྐུ་ཉེར་ལྔ་དང་། གཞན་གསེར་སྐུ་ལི་མ་དང་གཏེར་མ་སོགས་བདུན་བརྒྱ་དྲུག་བཅུ་ཙམ་དང་། གྲྭ་ཚང་སོ་སོའི་སྒྲུབ་ཐང་དང་ཞལ་ཐང་དང་སྨན་སྐུ་གསེར་སྐུ་སོགས་བརླགས་གྲངས་སྟོང་གཉིས་དང་ཉིས་བརྒྱ་བཅུ་ཙམ་དང་། གསུང་རྟེན་ཡང་རྒྱུ་གསེར་དངུལ་ལས་གྲུབ་པའི་གསེར་ཡིག་རྒྱལ་པའི་བཀའ་བསྟན་ཟུང་གཅིག་དངུལ་ཡིག་ཟུང་གཅིག་གིས་གཙོ་བྱས་བཀའ་བསྟན་ཟུང་བརྒྱ་ལྷག་ཙམ་དང་། གཞན་གངས་ཅན་མཁས་པའི་དབང་པོ་ཕལ་ཆེར་གྱི་གསུང་འབུམ་དང་བཅས་རྒྱ་དཔེ་དང་བོད་དཔེ་ཚང་མ་བསྡོམས་ན་པོ་ཏི་འབུམ་གཅིག་བཞུགས་པར་གྲགས་པས་ཡུལ་མི་གཞན་གྱིས་ཆོས་སྡེ་འདི་རྫ་ཆོས་མང་དགོན་ཞེས་འབོད། དེའི་ནང་ནས་པོད་བཅུ་བདུན་ཙམ་མ་གཏོགས་ཐམས་ཅད་རླང་དང་མེལ་བསྲེགས་པ་སོགས་བྱས་ཟིན་པ་ནི་བོད་ཀྱི་རིག་གཞུང་ལ་གནོད་ཚབ་ཆེན་པོ་བྱུང་། ཐུགས་རྟེན་དང་བཤམས་བཀོད་མཆོད་རྫས་མཆོད་ཆས་རྔ་རོལ་མོ་དང་གནའ་རྫས་དང་དངོས་རྫས་བརླགས་ཚུལ་ལ་བསམ་ན་ཡིད་སྐྱོ་བའི་རྒྱུར་གྱུར་བ་དང་། དཀར་མཛེས་ཁུལ་རྩོམ་སྒྱུར་ཅུས་ཀྱིས་རེ་བ་ལྟར་མདོ་ཙམ་མ་གཏོགས་རྒྱས་པར་མ་བཀོད།

དགོན་འདིའི་ཆོས་སྒོ་ཕྱེས་ནས་སྐྱེས་བུ་དམ་པ་རྣམས་ཀྱིས་བསྟན་འགྲོའི་དོན་བྱེད་ཚུལ་མདོ་ཙམ་འགོད་ན། དེ་ནས་སྐྱེས་བུ་དམ་པའི་ཐུགས་བསྐྱེད་དང་ཆོས་དད་འགྲོ་བ་ཡོངས་ཀྱི་ལས་སྨོན་བཟང་བོའི་འབྲས་བུ་སྨིན་པའི་དུས་ལ་བབས་ནས། བསྟན་པའི་ཉི་མ་སླར་ཡང་ཤར་རིའི་རྩེ་ནས་འོར་ཟེར་སྔར་ལས་ལྷག་པར་ཞིག་དཀྱིལ་འཁོར་ཡོངས་སུ་རྫོགས། དེ་ནས་སྨན་ཤུལ་ཨེར་ཏི་ནི་བློ་བཟང་འཇམ་དབྱངས་བསྟན་འཛིན་ཆོས་ཀྱི་ཉི་མས་དགོན་འདིའི་ཆོས་སྒོ་ཕྱེས་ཐབས་གང་དྲག་མཛད་པས་སྤྱི་ལོ་1981ལོར་དགོན་འདིའི་ཆོས་སྒོ་ཕྱེས་ནས་དམ་པ་འདིས་ལུང་སྡེ་སྣོད་གསུམ་དང་བསླབ་པ་གསུམ་གྱི་ཉམས་བཞེས་མཛད་[page 143] པའི་འཕགས་པའི་གནས་བརྟན་ལྟ་བུ་སྔར་གྱི་གྲ་པ་བརྒྱ་དང་ལྔ་བཅུ་ཙམ་ཞལ་བཞུགསཡོད་པ་རྣམས་ལ་ཐོས་བསམ་སློབ་གཉེར་དང་སྒྲིག་ལམ་ཀུན་སྤྱོད་ཆོས་ཐོག་ཆོས་མཚམས་དུས་མཆོད་སོགས་སྔར་གྱི་སྲོལ་བཟང་ཐོག་གནས་དགོས་ཚུལ་གྱི་བཀའ་སློབ་ཡང་ནས་ཡང་དུ་གནང་གནས་བརྟན་དེ་རྣམས་ཀྱིས་དམ་པའི་གསུང་བཞིན་སྔར་གྱི་བཀའསློབ་ཡང་ནས་ཡང་དུ་གནང་གནས་བརྟན་དེ་རྣམས་ཀྱིས་དམམ་པའི་གསུང་བཞིན་སྔར་གྱིས་སྲོལ་བསང་ཤུལ་གནས་པར་མཛད། དེ་ནས་དམ་པ་འདིས་དགོན་འདིའིདགོན་འདིའི་རྟེན་གསུམ་མང་དུ་བཞེངས་ཀྱང་གཙོ་བོ་ནི། ཟངས་གསེར་ལས་གྲུབ་པའི་གསེར་གདུང་ཁང་བརྩེགས་ཕྱེད་གཉིས་ཙམ་ལ་རིན་པོ་ཆེ་སྣ་ཚོགས་ཀྱིས་བརྒྱན་པའི་འགྲོ་སོང་ལ་སྒོར་འབུམ་དྲུག་ལྷག་ཙམ་དང་། དེར་མ་ཟད་ཆོས་བྱེད་འགྲོ་བའི་དད་རྟེན་དུ་འཁོར་ལོ་ཆེ་ཆུང་གསུམ་བཞེངས། ཆེ་བ་ལ་མ་ཎི་ཡིག་བརྒྱ་སོགས་དུང་བཅོ་བརྒྱད་དང་འཁོར་འབྲིང་ལ་མ་ཎི་དུང་བརྒྱད་དང་འཁོར་ཆུང་ལ་དུང་ལྔ་ཡོད་པས་ཕྱི་ནང་ཐམས་ཅད་ཀྱི་འགྲོ་སོང་ལ་སྒོར་འབུམ་གསུམ་ལྷག་ཙམ་དང་། དེ་ནས་སྤྱིར་འཇོག་ལ་རྟ་ཟོག་བཞི་བརྒྱ་ལྷག་ཙམ་དང་། དགེ་འདུན་ལ་བསྙེན་བཀུར་དང་སྐུ་འགྱེད་ཟུང་ལན་དུ་མ་དང་། བཟང་སྤྱོད་ཆེན་མོ་ཉིན་བཞི་དང་བདག་འཇུག་ཉིན་བཞི་དང་བདག་འཇུག་ཉིན་བཞི་སོགས་མདོར་ན་དམ་པ་འདིས་སེར་ཤུལ་སྡེ་དགོན་གཉིས་པོ་ཐུགས་རྗེས་བསྐྱངས་བའི་བཀའ་དྲིན་ནི་སེར་ཤུལ་སྡེ་དགོན་ཟུང་གིས་སྟོང་གསུམ་རིན་པོ་ཆེ་སྣ་བདུན་གྱིས་བཀང་སྟེ་ཕུལ་ན་ཡང་བཀའ་དྲིན་ཆ་ཤས་ཙམ་ཡང་གཞལ་པར་མི་ནུས་སོ།།

དེ་ནས་པཎ་ཆེན་ཨེར་ཏི་ནི་ཆོས་རྒྱན་མཚན་1986ལོར་ཐེག་ཆིན་དར་རྒྱས་གླིང་གི་འཇིགས་བྲལ་ཆོས་ཀྱི་ཁྲི་ལ་ཞབས་ཀྱི་པད་མོ་མཛེས་པར་བཀོད་དེ། སྔོན་འགྲོའི་གསུང་བཤད་ལམ་གྱི་རིམ་པ་སྤྱི་དང་བློ་ལྡོག་རྣམ་བཞི་ཆོས་ལུགས་ཀྱི་སྲིད་ཅུས་བཟང་པོ་དང་འབྲེལ་སྐྱབས་འགྲོ་སེམས་བསྐྱེད་ཚད་མེད་བཞི་སོགས་ཡོངས་གྲགས་ལྟར་དང་། དགའ་ལྡན་ལྷ་བརྒྱ་མ། དམིགས་བརྩེ་མ་སོགས་ཀྱི་ལྗགས་ལུང་ལུགས་གཉིས་ཀྱི་བསླབ་བྱ་གལ་ཆེན་དུ་མ་གནང་། དེ་ནས་ཤར་སྟོད་ནོར་ནོར་བུའི་ཐང་དུ་ཕེབས་ཏེ་སེར་སྐྱ་ཁྲི་བདུན་ལྷག་ཙམ་ལ་མི་དགེ་བཅུ་སྤོང་གི་ཚུལ་ཁྲིམས་དང་སྔོན་དུས་ཀྱི་ཆས་གོས་བསླབ་ཡུལ་གྱི་རིག་གནས་ཡི་གེ་སྐད་ལུགས་སོགས་གནའ་སྲོལ་བཟང་པོ་གཞིར་བཞག་ཏེ་གནས་དགོས་པའི་སློབ་སྟོན་དང་འབྲེལ། རིགས་གསུམ་མགོན་པོའི་བསྙེན་པ་ཚེ་ལྷ་རྣམ་གསུམ་གྱི་བསྙེན་པ་ལམ་སེལ་བསྡུས་པ། འོད་མཚན། ཤམྦྷ་ལའི་སྨོན་ལམ་སིངྷི་བཅས་ཀྱི་ལྗགས་ལུང་དང་། འཕྲལ་ཡུན་བདེ་བའི་བཀའ་སློབ་རིམ་གྱིས་གནང་སྟེ་འཁོར་མཐའ་མེད་པའི་བཀའ་དྲིན་གྱིས་བསྐྱངས།

དེ་སྐབས་སེར་ཤུལ་སྡེ་དགོན་གཉིས་ཀྱིས་ཀྱང་མེ་ཏོག་ཆུང་ཡང་ལྷ་རྫས་ཀྱི་དཔེ་ལྟར་སྟག་ལྤགས་ཀྱི་གཙོས་ལྤགས་རིགས་དགུ་ཚན་སྐུ་འགག་གི་གཙོས་གོས་རིགས་དགུ་ཚན་གསུམ། རྟ་ཕོ་རྒོད་བརྒྱ་ས་ལེའི་ར་ཟུང་གཅིག་ནོར་ལྔ་བརྒྱ་ལུག་བརྒྱ་ར་བཅུ། ་རྒྱ་དངུལ་རྟ་རྨིག་མ་བཅུ་ལྔ་ཕྲུག་གསུམ། ཞོ་བདུན་བརྒྱ། ཞོ་གསུམ་སྒོར་བཅུ་བཞི་ཇ་སྒམ་སུམ་བརྒྱ་ལྔ་བཅུ། སྒོར་ཁྲི་གཅིག་སྟོང་ལྔ་སོགས་འབུལ་ལམ་ཞུས། སྐྱབས་རྗེ་པཎ་ཆེན་རིན་པོ་ཆེས་འཇིག་རྟེན་གྱི་ངོས་ནས་ཆོས་སྡེ་འདིར་དུས་མཆོད་དང་ཆོས་ཐོག་སོགས་ཀྱི་གནད་[page 144] གང་ཆེའི་གཏོང་ཐེབས་ཀྱི་ཆེད་གནང་སྤྱིན་ནི། ཇ་སྒམ་བཞི་བརྒྱ་སུམ་ཅུ། རྟ་ཟོག་ལྔ་བརྒྱ་དྲུག་བཅུ། གོས་འཕྲུག་འབོར་ཆེན། སྒོར་ཁྲི་གཅིག་སྟོང་ལྔ་བརྒྱ་སོགས་སགྱེས་བརྩལ་མཛད། ད་ལམ་བྲེལ་བ་ཆེ་ཡང་རྗེས་སུ་དལ་བའི་ཚུལ་གྱིས་ཕེབས་ཡོང་གསུངས་ཞེས་ཞལ་བཞེས་བཟང་པོ་གནང་བ་ནི་ཕྱི་མའི་རྟེན་འབྲེལ་རྨད་དུ་བྱུང་བ་ཞིག་གོ།

དེ་ནས་ཨ་ཤུལ་མཆོག་སྤུལ་ཁྲི་བ་བློ་བཟང་བཀྲ་ཤིས་དགོན་འདི་ཐུགས་རྗེས་བསྐྱང་ཚུལ་མདོ་ཙམ་བརྗོད་ན། སྐྱེས་བུ་དམ་འདི་དགོན་འདིར་བཞུགས་ནས་ཐུགས་རྗེས་བསྐྱང་ཚུལ་དང་སྐུ་ཕྲེང་གོང་མ་རྣམས་ཀྱིས་ཐུགས་རྗེས་བསྐྱངས་ཚུལ་རགས་ཙམ་ཡང་ངླུན་རྨོངས་བདག་ལྟར་བུས་བརྗོད་པར་མི་ནུས་ཤིང་འོན་ཀྱང་སྐུ་འདིས་གཙུག་ལག་ཁང་དང་རྟེན་གསུམ་བཞེངས་ཚུལ་མདོ་ཙམ་འདི་ལྟར་དམ་པ་འདིས་བཞེང་པའི་རྟེན་གསུམ་གཙོ་བོ་ནི། སྨན་འདམ་ལས་གྲུབ་པའི་བྱམས་པ་མགོན་པོའི་སྐུ་བརྙན་ཁང་བརྩེག་བཅུ་ཚད་ཙམ་གྱི་ཕྱིའི་ལྷ་ཁང་དང་བཅས་པ་དང་། ནང་གི་མཆོད་ཁྲི་བཤམས་དང་། གཞན་ཡང་ཁང་བརྩེག་གཅིག་ལས་ལྷག་པའི་ཞལ་ཐང་སུམ་ཅུ་ལྷག་ཙམ་སོགས་མདོར་ན་ཕྱི་ནང་གཉིས་ཀའི་འགྲོ་སོང་ལ་སྒོར་འབུམ་ལྔ་ལྷག་ཙམ་དང་། གཞན་འདུ་ཁང་ཆེ་ཆུང་གཉིས་ཀའི་སྟེང་འོག་གི་ལྷ་ཁང་དུ་མིའི་ནང་ལ་ལྷ་སྐུ་སུམ་བཅུ་ལྷག་ཙམ་མཆོད་ཁྲི་མཆོད་བཤམ་དང་ལྡན་པ་དང་། རུང་ཁང་ལ་ཆུ་ཟོམ་བརྒྱ་ལྷག་ཙམ་འགྲོ་བ་ངེས་པའི་ཚོགས་ཟངས་ཆེ་བ་གཉིས་སོགས་ཀྱི་འགྲོ་སོང་ལ་སྒོར་འབུམ་གཅིག་ལྷག་ཙམ་དང་མདོར་ན་དམ་པ་འདིས་ད་ལྟར་ཁྲི་བ་མཛད་ནས་སེར་ཤུལ་སྡེ་དགོན་གཉིས་པོ་ཐུགས་བརྩེས་སྐྱོང་བཞིན་པའི་ངང་ནས་ཐོས་བསམ་སློབ་གཉིས་དང་སྒྲིག་ལམ་ཀུན་སྤྱོད་ ཐིག་རྡུལ་མཚོན་གར་ཐིག་དབྱངས་རོལ་སོགས་སྔར་ལས་ལྷག་པ་ཡོད་དགོས་ཚུལ། མཁན་གདན་ཟུར་དང་ཞལ་ངོ་དགེ་སྐོས། སོགས་ལས་སྣེ་མོ་སུམ་བཅུ་ལྷག་ཙམ་ལ་བཀའ་སློབ་བཟང་པོ་ཡང་དུ་གནང་བ་མ་ཟད་ཉིད་ཀྱིས་ཀྱང་སྒྲིག་ལམ་ཀུན་སྤྱོད་སོགས་ལ་གཟིགས་པ་རྒྱ་ཆེར་གནང་པའི་སྐུ་དྲིན་གྱིས་དམ་ཆོས་འདུལ་བ་དང་མཐུན་པའི་སྒྲིག་ལམ་བཟང་པོ་འདི་ནི་གདན་ས་ལས་ལྷག་པར་མ་ཟད་འདི་འདྲ་འཛམ་གླིང་ན་མེད་པར་གྲགས་པ་འདི་ནི་དམ་པ་འདིའི་སྐུ་དྲིན་ཡིན་ལ། ཁྲི་བའི་ལས་ཁུར་བཟང་ནས་ལོ་རེ་ལ་སྒོར་ཁྲི་གསུམ་ལྷག་ཙམ་འགྲོ་སོང་བྱེད་དགོས་པ་སོགས་མདོར་ན་དམ་པ་འདིའིབཀང་དིན་རགས་ཙམ་ལ་ཡང་སྟོང་གསུམ་སྣོད་དུ་བྱས་ནས་ཉི་བའི་རིན་ཆེན་བདུན་དང་འདོད་ཡོན་སྣ་ལྔ་སོགས་ཀྱིས་བཀང་སྟེ་ཕུལ་ན་ཡང་ཆ་ཙམ་བསབ་པར་མི་ནུས་སོ།།

དེ་ནས་དཔོང་ཚང་མཆོག་སྤྲུལ་ཟུར་ཐུབ་བསྟན་སྙན་གྲགས་ཆོས་ཀྱི་རྒྱན་མཚན་གྱིས་དགོན་སྡེ་འདི་དང་མདོ་སྨད་བསྟན་དགོན་རྣམས་སུ་བསྟན་འགྲོའི་དོན་མཛད་ཚུལ་རྒྱ་མཚོ་ལྟ་བུ་ཆུ་ཐིགས་ཙམ་ཞིག་འགོད་ན། ཁྲི་དང་པོ་རྗེ་བཙུན་བློ་བཟང་ཡེ་ཤེས་བསྟན་འཛིན་གྱིས་ཁྲི་ཐོག་སོ་བདུན་པ་ནི་ལུང་རྟོགས་[page 145] གང་གི་ཆ་ནས་ང་ལས་ལྷག་པའི་སྐྱེས་ཆེན་དམ་པ་ཞིག་འོང་ཞེས་སྐྱེས་བུ་དམ་པའི་ལུང་དང་མཐུན་པར་དམ་པ་འདི་ནི་དགོན་འདིར་ཆོས་ཞུགས་མཛད་ནས་མཁན་ཆེན་ཐུབ་བསྟན་དབང་བོ་སོགས་སློབ་གྲངས་ཚང་བའི་དབུས་སུ་དགེ་ཚུལ་སློང་གི་སྡོམ་པ་བཞེས། ཁས་བླངས་པའི་དམ་ཚིག་དང་སྡོམ་པ་མིག་འབྲས་བཞིན་དུ་བསྲུང་ནས་ཡུན་རིང་མ་ལོན་པར། ཐེག་ཆེན་གླིང་གི་ཁྲི་བའི་ལས་ཁུར་བཟུང་། དེའི་རིང་ལ་སྒྲིག་ལམ་ཀུན་སྤྱོད་དང་ཆོས་བཤད་སྒྲུབ་ཀྱི་འཆད་ཉན། ཐིག་རྡུལ་མཚོན་གར་ཐིག་དབྱངས་རོལ་སོགས་ཕྱོགས་གང་འཐད་ནས་སྔར་གྱི་ཤུལ་དུ་གནས་པར་མཛད། དེ་ནས་དཔལ་ལྡན་རྒྱུད་སྨད་གྲ་ཚང་དང་ཐོས་བསམ་གླིང་གྲྭ་ཚང་གཉིས་ཀྱི་ནང་ནས་གྲྭ་ཕྱག་དཔེ་བ་བཟང་གྲས་དྲུག་བཅུ་ལྷག་ཙམ་ལ་དུས་རྒྱུན་དུ་དཔེ་ཆ་ཁྲིད་སྦྱོངས་བྱེད་དགོས་ཚུལ་དང་། ཆོས་ཐོག་ཆོས་མཚམས་ཐམས་ཅད་རྒྱུན་མ་ཆད་པར་དམ་བཅའ་འཛུགས་དགོས་ཚུལ་དང་ཉིན་དགའ་མ་གཏོགས་རང་ཁྱིམ་དང་ཕྱོགས་ཡར་མར་དང་དགོས་པ་མེད་པར་གླིང་སྟོད་སྨད་སོགས་ལ་ཡང་དོན་མེད་འཁྱམས་རྒྱུ་སྣ་ཚོགས་བྱེད་མི་ཆོག་པའི་བཀའ་སློབ་བཟང་པོ་སྩལ། གྲྭ་པ་དེ་རྣམས་དུས་རྒྱུན་དུ་དགོན་འདིར་བཞུགས་ནས་ཐོས་བསམ་སློབ་གཉེར་ལ་བརྩོན་པ་གཏན་འཇགས་མཛད། དེ་ནས་དམ་པ་འདིས་བོད་རིག་གཞུང་མི་ཉམས་རྒྱས་ཕྱིར་དུ་སྨན་ཁང་དང་པར་ཁང་གསར་དུ་འཛུགས་ཚུལ་གྱི་བཀའ་གནང་ནས་ཉིད་ཀྱིས་གསོ་རིག་གཞན་ཕན་གྲྭ་ཚང་ཞེས་གྲགས་པ་གསར་དུ་འཛུགས་བསྐྲུན་བྱས། དགོན་པ་མཆོག་སྤྲུལ་ཐུབ་བསྟན་དར་རྒྱས་ཀྱིས་ཟབ་རྒྱས་ཆོས་མཛོད་གྲྭ་ཚང་ཞེས་གྲྭ་ཚང་འདི་ནི་གསར་དུ་འཛགས་སྐྲུན་བྱས་ཡིན་ལ། གྲྭ་ཚང་འདི་གཉིས་ཀྱིས་བསྟན་འགྲོའི་དོན་བྱེད་ཚུལ་དང་ནང་བཞུགས་པར་ཤིང་གི་གྲངས་འོག་ཏུ་འགོད་པར་བྱའོ།། དེ་ནས་དམ་པ་འདིས་ཁྲི་བའི་ལས་ཁུར་ལོ་བདུན་བཟུང་ནས། དགའ་སྟོན་ལ་དགེ་འདུན་རེ་ལ་སྒོར་སུམ་བཅུ་དང་། སྤྱི་འཇོག་ལ་རྟ་ཟོག་བརྒྱ་ལྷག་ཙམ་བཞག་ནས་བསྟན་པ་དང་འགྲོ་བའི་དོན་དུ་གནས་མཆོག་འཕགས་པའི་ཡུལ་གནས་མཇལ་དང་ཕྱག་བསྐོར་ལ་ཕེབས། དེ་ནས་གནས་མཆོག་འཕགས་པའི་ཡུལ་གྱི་གནས་ཆེན་བརྒྱ་དང་གནས་ཕྲན་དུ་མར་ཕེབས་ནས་བསྟན་པ་དང་འགྲོ་བའི་དོན་ཆེན་ཡོང་ཆེད་ཐུགས་སྨོན་ཟབ་རྒྱས་རྒྱ་ཆེར་གནང་བ་མ་ཟད། གངས་ཅན་ལྷ་གཅིག་ཕྱག་ན་པད་དཀར་འཆང་དངོས་རིས་མེད་བསྟན་འཛིན་ཡོངས་ཀྱི་གཙུག་རྒྱན་གོང་ས་སྐྱབས་མགོན་ཐམས་ཅད་མཁྱེན་པ་ངག་དབང་བློ་བཟང་བསྟན་འཛིན་རྒྱ་མཚོ་སྲིད་གསུམ་དབང་བསྒྱུར་མཚུངས་བ་མེད་པའི་ཞི་བདེ་སྐྱེས་བུ་མཆོག་གི་ཞལ་མཇལ་གསུང་གླེང་མང་དུ་གནང་། དམ་པ་འདིས་དགོན་འདིའི་སྒྲིག་ལམ་དང་ཐོས་བསམ་སློབ་གཉེར་ལ་སྦྱངས་བརྩོན་བྱེད་ལུགས་དང་ཁྲི་བ་དང་། མཁན་གདན་ཟུར་དང་དགེ་བའི་བཤེས་གཉེན་རྣམས་ཀྱིས་མདོ་དྨད་དུ་བསྟན་པ་དང་འགྲོ་བའི་དོན་བྱེད་ཚུལ་མ་ལུས་པར་ཞུས་པས། སྐྱབསམགོན་མཆོག་ཐུགས་དགྱེས་འཛུམ་མདངས་བཞད་པའི་ངང་ནས། ཉིད་ཀྱི་ཆོས་གོས་དང་། དབུ་པཎ་སྣེ་རིང་དང་། དགོན་འདིར་འགྲིག་ཡིག་གནང་བ་མ་ཟད། མདོ་སྨད་བསྟན་པའི་འབྱུང་གནས་གདན་ས་སེར་ཤུལ་ཐིག་ཆེན་གླིང་ཞེས་མཚན་གྱི་གཟེངས་[page 146] བསྟོད་གནང་ནས་མདོ་སྨད་གདན་ས་འདི་དབུས་ཀྱི་གདན་ས་རྣམས་དང་མཉམ་དགོས་ཚུལ་གྱི་བཀའ་སློབབཟང་བོ་བསྩལ། དེ་ནས་དམ་པ་འདིས་བསྟན་པ་དང་འགྲོ་བའི་དོན་ཆེན་ཡོང་བའི་གནས་བདག་ལ་སྐྱབས་མགོན་ཁྱེད་ཀྱི་ལུང་བསྟན་དུ་གསོལ་ཞེས་ཞུས་ནས་སྐྱབས་མགོན་མཆོག་གིས་དམ་པ་ཁྱེད་རང་ཡུལ་ལ་ཕེབས་ནས་བོད་ཆོལ་ཁ་གསུམ་གྱི་བསྟན་པ་དང་འགྲོ་བའི་དོན་བྱེད་དགོས་ཚུལ་གྱི་བཀའ་སློབ་བཟང་པོ་སྤྱི་བོར་ཕེབས། དེ་ནས་དམ་པ་འདིའི་སྐུའི་འཁོར་དང་བཅས་པ་རང་ཡུལ་དུ་བདེ་བར་འབྱོར་པས་དགའ་སྟོན་རྒྱ་ཆེར་མཛད་ནས་གྲྭ་རེ་ལ་སྒོར་ལྔ་དང་སྤྱིར་འཇོག་ལ་གསེར་སྐུ་ལི་མ་ཁྲུ་གང་ཙམ་ཡོད་པ་བཅུ་དང་གཞན་མནའ་གོས་སོགས་དུ་མ་བཞག་དེ་ནས་དམ་པ་འདིས་བོད་ཀྱི་སྐད་ཡིག་དང་རིག་གཞུང་སོགས་དང་ལྷག་པར་དུ་སྐྱེ་རྒུ་འགྲོ་བའི་བདེ་རྩར་བོད་རང་སྐྱོང་ཁུལ་ས་ཁུལ་ལྔ་ཙམ་ལ་ཚོགས་པ་ལྔ་བཅུ་འཛུགས་ཟིན་པ་དང་། ཁྱད་པར་དུ་ལོ་གསར་པའི་ནང་དུ་དགོན་ཁག་བཞི་བཅུ་ལྷག་ཙམ་དགོན་འདིར་ཕེབས་ནས་བཟང་སྤྱོད་བྱེ་བ་གཅིག་གསུང་ངེས་ཡིན་པར་མ་ཟད། བོད་ཆོལ་གསུམ་གྱི་དགོན་སྟེ་མང་ཙམ་ཕེབས་ངེས་ཡིན་པས་དེའི་མཐུན་རྐྱེན་དང་། ལྷག་ཏུ་དགོན་འདི་ཉེ་ཕྱོགས་ཞིག་ལ་རིགས་གནས་མ་ལུས་པ་དང་སྐད་རིགས་སྣ་ཚོགས་སྦྱངས་བརྩོན་བྱེད་པའི་བོད་ཀྱི་སློབ་གྲྭ་ཆེན་མོ་ཞིག་འཛུགས་བསྐྲུན་བྱེད་པའི་ཆར་བཀོད་པའི་དེའི་མཐུན་རྐྱེན་སོགས་རྫོང་དང་རང་སྐྱོང་ས་ཁུལ་ཞིང་ཆེན་སོགས་ཀྱིས་ཐུགས་ཁུར་མཛད་རོགས་ཞུ། མདོར་ན་དཔོང་ཚང་མཆོག་སྤྲུལ་ཁྲི་ཟུར་ཐུབ་བསྟན་སྙན་གྲགས་ཆོས་ཀྱི་རྒྱལ་མཚན་གྱིས་མཆོག་དམན་འགྲོ་བ་ཡོངས་ལ་བྱམས་པ་དང་བརྩེ་བས་བསྐྱངས་ཚུལ་དང་ཉིན་མཚན་ཀུན་ཏུ་བསྟན་པ་དང་འགྲོ་བའི་དོན་དུ་ཐུགས་ཁུར་མཛད་ཚུལ་དང་བསྟན་པ་དང་འགྲོ་བའི་དོན་མཛད་ཚུལ་རགས་ཙམ་ཡང་བདག་གིས་སྨྲ་མི་ནུས།

མདོ་སྨད་བསྟན་པའི་འབྱུང་གནས་གདན་ས་སེར་ཤུལ་ཐེག་ཆེན་དར་རྒྱས་གླིང་གི་མཁན་གདན་ཟུར་རྣམས་ཀྱིས་མདོ་སྨད་དུ་བསྟན་འགྲོའི་དོན་བྱེད་ཚུལ་མདོ་ཙམ་བརྗོད་ན་མཁན་རིན་པོ་ཆེ་སངས་རྒྱས་དང་པོ་དང་ངོ་བོ་དབྱེར་མ་མཆིས་པ་རྗེ་བཙུན་བླ་མ་ཐུབ་བསྟན་དབང་པོ་དེ་ཉིད་ཀྱིས་དགོན་འདིའི་ཆོས་སྒོ་ཕྱེས་མ་ཐག་མཁན་པོའི་ལས་ཁུར་བཟུང་ནས་དེའི་རིང་ལ། དཔེ་ཆ་ཁྲིད་སྦྱངས་དང་དབང་བཀའ་རྗེས་གནང་དང་ལྷག་པར་དུ་དགོན་འདི་དང་གཞི་དགོན་གཞན་གྱི་གདུལ་བྱ་ལྔ་སྟོང་ཙམ་ལ་དགེ་ཙུལ་སློང་གི་སྡོམ་པ་སྦྱིན་པ་དང་གདམས་ངག་སྦྱིན་པ་སོགས་མདོར་ན་བསྟན་འགྲོའི་དོན་རྒྱ་ཆེར་མཛད་ནས་མཐར་བདག་ཅག་བརྩོན་པ་ཆུང་བས་གཞུང་ཆེན་གཞན་ལ་ཐོས་བསམ་ཆེར་མི་ནུས་པ་མཁན་བུ་དང་སློབ་བུ་རྣམས་ཀྱིས་ཉིན་རེ་བཞིན་དལ་འབྱོར་སྟོང་ཟད་དུ་མི་ཤོར་བར་དོད་ལྡན་མཆོག་ཏུ་འགྱུར་བའི་ཐབས་སུ་ཐུགས་བརྩེ་བ་ཆེན་པོའི་ངང་ནས་ངོ་བོ་མ་ནོར་བ། གྲངས་མ་ཆད་པ། གོ་རིམ་མ་འཆོལ་བ། དོན་གྱི་ས་ཆོད་ཆེ་ཞིང་ལག་ཏུ་ལེན་བདེ་བའི་ལམ་ཁྲིད་ཀུན་ལས་བཏུས་པ་ལམ་རིམ་ཤར་སྒོམ་གཏན་གྱི་འདུན་མའི་སྙིང་པོ་ཞེས་ཉིད་ཀྱི་ཞལ་ཚབས་སུ་མཛད་ནས། སྲིད་འབྱོར་ཀློག་གི་གར་ལ་རྟག་པར་འཆར་བའི་གདུལ་བྱ་[page 147] རྟག་འཛིན་ཅན་རྣམས་ཆོས་ལ་སྐུལ་ཕྱིར། སྤྱི་ལོ་༩༤ཟླ་གཉིས་པའི་ཚེས་བཅུ་བཞིའི་ཉིན་རྡོ་རྗེའི་སྐུ་མཆོག་རགས་པ་ཚོས་དབྱིངས་སུ་རེ་ཞིག་ཐིམ་ཚུལ་བསྟན། གཞན་ཡང་། ཐོས་བསམ་གླིང་གྲྭ་ཚང་གི་མཁན་པོ་ལས་ཐོག་པ་དགེ་བའི་བཤེས་གཉེན་ཆེན་པོ་ངག་དབང་ལེགས་འོང་བས་དགོན་འདིར། ཐོས་བསམ་སློབ་གཉེར་དང་། དབང་བཀའ་རྗེས་གནང་། སྒྲིག་ལམ་ཀུན་སྤྱོད་སོགས་གཟིགས་པ་རྒྱ་ཆེར་གནང་བ་མཛད། ཡུལ་དགོན་གཞན། འབར་རྟ་དགོན། གྲུ་བ་དགོན། རྨ་འགྲིལ་དགོན། ཇོ་བོ་དགོན། འབུམ་གསར་དགོན་སོགས་དགོན་སྡེ་མང་ཙམ་ལ། གཞི་གསུམ་ཕྱག་ལེན། དབང་བཀའ་རྗེས་གནང་། དགེ་ཚུལ་སློང་གི་སྡོམ་པ་སྤྱིན་པ་སོགས་ད་ལྟར་བསྟན་འགྲོའི་དོན་རྒྱ་ཆེར་མཛད་བཞིན་བཞུགས། ཁོང་གི་གསུང་ལ་དཀར་ཆག་ཆེན་མོ་དང་ཆོས་འབྱུང་སོགས་གསུང་སྣ་ཚོགས་པོད་གཅིག་ལྷག་ཙམ་ཡོད། མདོར་ན་སྐྱེས་བུ་དམ་པ་འདི་རིག་གནས་ཆེ་ཆུང་མ་ལུས་པར་ཐུགས་སུ་ཆུད་པའི་སྟན་བཅོས་རང་སྟོབས་ཀྱིས་བརྩོམ་པར་ནུས་པའི་སྐྱེས་བུ་དམ་པ་ཡིན་པར་མདོ་སྨད་དང་དབུས་ཕྱོགས་ཀྱི་གྲྭ་ཚང་མས་མཁྱེན་བཞིན་པ་རེད། གཞན་སློབ་དཔོན་འདུལ་བ་འཛིན་པ་ཡོངས་ཀྱི་དགེ་བའི་བཤེས་གཉེན་ཆེན་པོ་མཁན་ཆེན་བློ་བཟང་བསྟན་འཛིན་གྱིས་དཔལ་ལྡན་རྒྱུད་པ་གྲྭ་ཚང་གི་མཁན་པོའི་ལས་ཁུར་བཟུང་ནས་དགོན་འདིར་ཆོས་བཤད་སྒྲུབ་ཀྱི་འཆད་ཉན་དང་ཐིག་རྡུལ་མཚོན་དང་གར་ཐིག་དབྱངས་རོལ་ཆོ་ག་ཕྱག་ལེན་ལེན་སོགས་ཕྱོགས་གང་ཐད་ནས་སྔར་གྱི་ཤུལ་དུ་གནས་པ་མཛད་པར་མ་ཟད་དགོན་སྟེ་གཞན་པ་རོད་དགོན་པ་དང་། དབོན་པོ་དགོན་པ་སོགས་དགོན་ཁག་དུ་མ་ལ་དབང་ལུང་མན་ངག་དཔེར་ཆ་ཁྲིད་སྦྱངས། གཞི་གསུམ་ཕྱག་ལེན་དང་གངུལ་བྱ་བརྒྱ་ཕྲག་དུ་མ་བསླབ་སྤྱིན་སོགས་བསྟན་པའི་བྱ་བ་རྒྱ་ཆེར་མཛད་བཞིན་བཞུགས། ཁོང་ཡང་བསྟན་བཅོས་རང་སྟོབས་ཀྱིས་རྩོམ་པའི་མཁས་གྲུབ་ཡིན་པས་ཉིད་ཀྱིས་ལྕགས་རྩོམ་གནང་བའི་གསུང་། རྟེན་འབྲེལ་བསྟོད་པའི་འགྲེལ་ཆེན་སོགས་མཁན་མཁན་པོ་གཉིས་ཀྱིས་བོད་གཅིག་ལྷག་ཙམ་ཡོད། འཇིག་རྟེན་ཐད་ནས་ཀྱང་བཟང་སྤྱོད་ཆེན་མོའི་ཉིན་གཉིས་རེ་ལ་ཚོགས་དྲང་དགོས་ལ་དེའི་འགྲོ་སོང་ལ་སྒོར་འབུམ་གཅིག་སྟོང་ལྔ་ལྷག་ཙམ་འགྲོ་སོང་བྱེད་དགོས་ལ་ཁྱོན་མཁན་པོ་རྣམ་པ་གཉིས་ཀྱིས་ལོ་ལྔའི་རིང་ལ་གཞན་རེ་རེས་སྒོར་འབུམ་བདུན་ལྷག་ཙམ་འགྲོ་སོང་བྱེད་དགོས་གཞན་མཞན་ཟུར་གསུམ་དང་། ལྷརམས་པ་བཅོ་ལྔ་དང་། དགེ་བའི་བཤེས་གཉེན་དུ་མ་དང་། བླ་མ་སྤྲུལ་པའི་སྐུ་རྣམས་ཀྱིས་དགོན་འདི་ཆོས་འཇིག་རྟེན་གཉིས་ཀྱིས་བསྐྱངས་ཚུལ་ཕྲ་ཞིབ་རྒྱས་པ་ནི་བརྗོད་པར་མི་ནུས་སོ།།

གསུམ་པ་མགོན་འདིར་བཞུགས་པའི་རྟེན་གསུམ་དང་ཟབ་རྒྱས་ཆོས་མཛོད་ནང་བཞུགས་ཀྱི་པར་ཤིང་གི་གྲངས་དང་གསོ་རིག་གཞན་ཕན་གྲྭ་ཚང་གི་ལོ་རྒྱུས་མདོ་ཙམ་བརྗོད་པ། ད་ལྟར་བཞུགས་པའི་སྐུ་རྟེན་གྱི་གྲངས་ནི་གཟངས་གསེར་སྨན་འདམ་སོགས་ལས་བཞེངས་པ་དང་། ལི་མ་དང་གཏེར་མ་སོགས་ལྔ་སྟོང་ལྷག་ཙམ་དང་། གསུང་རྟེན་ནི་བཀའ་བསྟན་ཟུང་བཅུ། བརྒྱད་སྟོང་པོ་ཏི་སྟོང་པོ་སྟོང་གཅིག་ལྷག་ཙམ་དང་། རྗེའི་ཡབ་སྲས་གསུམ་འབུམ་དང་བོད་ཀྱི་མཁས་གྲུབ་ཡོངས་ཀྱི་གསུམ་འབུམ་སོགས་པོད་ཁྲི་གཅིག་ལྷག་[page 148] ཙམ་བཞུགས། ཐུགས་རྟེན་ནི་གསེར་དངུལ་ལས་གྲུབ་པའི་གསེར་གདུང་དང་དངུལ་གདུང་དགུ་ཙམ་བཞུགས། རྟེན་གྱི་གཙོ་བོ་ནི་རྗེ་རྒྱལ་བ་གཉིས་པ་བློ་བཟང་གྲགས་པའི་ཚེམས་རིང་བསྲེལ་དང་བདུད་བརྩིའི་བྱུར་བུར་གཏམས་ཤིང་། བྱིན་རླབས་ཀྱི་འོད་ཆགས་འབར་པ་སྲིད་ན་ཉིད་པར་དཀའ་བ་དེ་དང་། གནས་མཆོག་འཕགས་པའི་ཡུལ་གྱི་དཔལ་ན་ལེཎྚའི་དགོན་པ་ནས་གདན་དྲངས་པའི་གན་གཡོག་གཉིས་ཀ་ཙནྡན་དམར་པོའི་ལྗོན་པ་གཅིག་ལས་གྲུབ་པའི་ཚད་ལྡན་ཤེར་ཕྱིན་གཎ་དྲིའི་རང་སྒྲ་སྒྲོགས་པ་གཅིག་དང་དུས་འགྱུར་ངན་པའི་སྐབས་སུ་གཏོར་བཤིག་མ་འཐེབ་པའི་དཔངས་ཁང་བརྩེག་གཅིག་ལས་ལྷག་པའི་མཐུ་ཆེན་འཇམ་དབྱངས་སྤྱན་རས་གཟིགས་ཏེ་རྒྱལ་བ་རིག་གསུམ་མགོན་པའི་སྐུ་སྣང་ངོ་མཚར་ཡིད་དུ་འོང་བའི་མཐོང་གྲོལ་སྨན་སྐུ་ཆེན་མོ་དང་དབུལ་ཀྱི་ཇོ་བོ་ཤྭཀྱ་མུ་ནེ་དང་བྱིན་བརླབས་མཉམ་པའི་ཇོ་བོ་ཤྭཀྱ་མུ་ནེ་བྱིས་པ་ལོ་གསུམ་ཚད་ཙམ་ཡོད་པ་སོགས་མདོར་ན་ལི་མ་དང་གཏེར་མ་རྒྱས་པཎ་རིམ་བྱོན་གྱིས་གནང་བའི་སྐུ་གསུངས་ཐུགས་རྟེན་དང་། མནའ་རྫས་དང་། རོལ་མོ་སོགས་རིན་ཐང་བྲལ་བའི་རྟེན་ཁྱད་པར་ཅན་མང་དུ་ཡོད་ན་བློ་དམན་བདག་གིས་དེ་ཙམ་འགོད་མི་ནུས་སོ། ཟབ་རྒྱས་ཆོས་མཛོད་གྲྭཚང་གི་པར་ཤིང་གྲངས་ནི་ལེགས་བཤད་རོལ་མཚོ་མཐའ་དཔྱོད། དྲང་ངེས་ཟིན་བྲིས། སྐབསབཞི་པའི་ཟིན་བྲིས། རིམ་ལྔའི་མཐའ་དཔྱོད་གསང་དོན་ཀུན་ད་བཞད་པའི་ལེགས་བཤད། སྟོངཐུན་བདེ་ཆེན་རོལ་མཚོ། ས་དང་ལམ་གྱི་རྣམ་པར་བཞག་པ་རིམ་ལྔའིརང་ལུགས་སྙིང་པོ། ལམ་རིམ་ཤར་སྒོམ་གཏན་གྱི་འདུན་མ་སོགས་འདི་དག་ནི་ཆེས་དཀོན་པས་བཀོད་པས་བཀོད་པ་ཡིན་ལ་གྲྭ་ཚང་འདིའི་ནང་ལ་བཞགས་པའི་པར་ཤིང་གི་གྲངས་ནི་སུམ་བརྒྱ་ལྷག་ཙམ་བཞུགས། དེ་རྣམས་ཐམས་ཅད་བཀོད་ན་ཡི་གེ་མང་བར་དོགས་ནས་མ་བྲིས་གསོ་རིག་གཞན་ཕན་གྲྭ་ཚང་གི་ལོ་རྒྱུས་རགས་བསྡུས། སྔར་དགོན་འདིར། ཁྲི་ཐོག་སུམ་བཅུ་བ་བསྒོམ་པ་དགེ་ལེགས་བསྟན་དར་གྱིས་དགོན་འདིར་གསོ་རིག་གྲྭ་ཚང་ཞིག་ཚུགས་ན་སྙམ་པའི་ཐུགས་བསྐྱེད་བཟང་པོ་ཡོད་པས་ཉིད་ཀྱིས་གྲྭ་པ་བརྒྱ་ཕྲག་ཙམ་ལ་གསོ་རིག་གི་ཆོས་བསྐོར་ཡོངས་རྫོགས་དང་ལྷག་ཏུ་ལྟ་ཉན་སོགས་ལ་སྦྱངས་པར་མཐར་ཕྱིན་མཁས་པའི་གོ་འཕང་ཐོབ་པར་མཛད་ནའང་དེའི་མཚམས་དུས་འགྱུར་ངན་པའི་རྐྱེན་གྱིས་གསོ་རིགས་གྲྭ་ཚང་གསར་དུ་མ་ཚུགས་ཀྱང་ཆོས་སྒོ་ཕྱེས་ནས་སྤྱི་ལོ་༩༢དང་བོད་རྒྱལ་ལོ་༢༡༡༩ལོར་སྨན་ཤུལ་ཨེར་ཏི་ནི་བློ་བཟང་འཇམ་དབྱངས་བསྟན་འཛིན་ཆོས་ཀྱི་ཉི་མ་དང་། དཔོན་ཚང་མཆོག་སྤྲུལ་ཁྲི་ཟུར་ཐུབ་བསྟན་སྙན་གྲགས་ཆོས་ཀྱི་རྒྱལ་མཚན་དང་དམ་པ་གཉིས་ཀྱིས་གྲྭཚང་འདི་ཕྱག་འདེབས་མཛད། དེ་ནས་དགེ་བའི་བཤེས་གཉེན་ཆེན་པོ་སྔར་གྱི་གྲྭ་རྒན་པ་དྲུག་དང་། དད་བརྩོན་རྣམ་དཔྱོད་ཅན་གྱི་གྲྭ་གསར་བུ་བ་བཅུ་ཕྲག་དུ་མ་ལ་དམ་པ་གཉིས་ཀྱིས་དབུལ་ཞིང་ཕོངས་པའི་ཉམས་ངན་སྐྱེས་འགྲོའི་དོན་དུ་གསོ་རིགས་གྲྭ་ཚང་འདི་འཛུགས་བསྐྲུན་བྱས་ན་གསོ་རིག་པ་ཁྱེད་རྣམས་ཀྱིས་དམན་པ་དེ་རྣམས་ལ་བྱམས་བརྩེས་བསྐྱོང་དགོས་ཚུལ་དང་། ལྷག་ཏུ་དེ་རྣམས་ལ་སྨན་གྱི་ཡོན་སྒོར་ཟུར་ཡང་ལེན་མི་ཆོག་པའི་བཀའ་བཟང་སྦྱི་བོར་ཕེབས་ནས་སྨན་གྱི་ཆ་རྐྱེན་དུ་སྒོར་ལྔ་ཁྲི་གནང་སྤྱིན་མཛད། དེ་[page 149] ནས་སྔར་གྱི་སྨན་པ་རྒན་རབས་པ་རྣམས་ཀྱིས་གྲྭ་གསར་བུ་བ་རྣམས་ལ་གསོ་རིགས་རྒྱུད་བཞི། འགྲེལ་བ་བེེཌྰུར་སྔོན་པོ་བཀའ་རྒྱ་མ། གཟུངས་འདུས་ཨེ་ཝཾ་གཉིས་ཟི་ཐིག་ཡང་ཐིག་ཡང་ཐིག་གཉིས། མན་ངག་ལྷན་ཐབས་ལྡེ་མིག་མཁའ་འགྲོའི་གཏེར་མཛོད། མཁྱེན་བརྩེ་ཀ་འབུམ། མི་ཕམ་གསུང་སོགས་མཐོང་བ་བརྒྱུད་པའི་བླ་མའི་ཕྱག་ལེན་ལྟར་ཁྲིད་སྦྱངས་མཛད་པ་དང་དུས་རྒྱུན་དུ། དགོན་པ་མཆོག་སྤྲུལ་ནས་དཀྱིལ་འཁོར་སྒྱུབ་མཆོད་ཆ་ཚང་བཞག་པས་དཀྱིལ་འཁོར་སྒྱུབ་མཆོད་དང་། སྨན་ལྷ་མཆོག་བརྒྱད་དང་མདོ་ཆོག་སོགས་ཆག་མེད་མཛད་བཞིན་བཞུགས་སོ།

མདོ་སྨད་བསྟན་པའི་འབྱུང་གནས་གདན་ས་སེར་ཤུལ་ཐེག་ཆེན་དར་རྒྱས་གླིང་ལ་འབྲེལ་བ་ཡོད་པའི་གཞི་དགོན་གཞན་གྱི་གྲངས་མདོ་ཙམ་སྨྲོས་ན། རྒྱལ་བ་གཉིས་པའི་གདན་ས་དགའ་ལྡན་རྣམ་པར་རྒྱལ་བའི་གླིང་། སེ་ར་ཐེག་ཆེན་གླིང་ག། དཔལ་ལྡན་འབྲས་སྤུངས་དགོན། བཀྲ་ཤིས་ལྷུན་པོ། རྒྱུད་སྨད་གྲྭ་ཚང་། རྒྱུད་སྟོད་གྲྭ་ཚང་། ཆབ་མདོ་བྱམས་པ་གླིང་། སྐྱེས་བུ་དམ་པ་མཁན་པོ་ཐུབ་དགའི་གདན་ས་ལྕང་མ་དགོན་འདི་དང་སེར་ཤུལ་གླིང་གཉིས་ཡུལ་སྡེ་བ་གཅིག་གི་དགོན་པ་ཡིན་པར་མ་ཟད་དགོན་དཔོན་བླ་མ་ཡང་གཅིག་ཡིན་ནོ། གཞན་ཡང་པ་རོད་དགོན། ཀ་བཞི་དགོན། མཁར་ནང་དགོན། དཔོན་པོ་དགོན། འབུམ་རྙིང་དགོན། འབུམ་གསར་དགོན། བོ་རོད་དགོན། ཇོ་བོ་དགོན།

མང་དགེ་དགོན། ཐལ་ཤུལ་དགོན། འཇུ་བ་དགོན། ལབ་དགོན་པ། རྫ་བསམ་འགྲུབ་དགོན། རྫ་དགོན་གསར་དགོན། འབམ་ལེ་དགོན། བཀའ་བརྒྱུད་དགོན་ཆེན་འཛིན་དགའ་དགོན། ཤུས་མ་དགོན། བཀྲིས་ལྷ་ཕུག་དགོན། བཀྲ་ཤིས་ཆོས་སྒང་དགོན། བསྟན་གཉིས་དར་རྒྱས་གླིང་། ར་རྒྱ་དགོན། ཨ་སྒྲེས་དགོན། དགེ་རྒྱས་དགོན། དགེ་རྒྱས་ལྷ་བབས་དགོན། དགོན་འདི་དག་ནི་སེར་ཤུལ་ཐེག་ཆེན་གླིང་ལ་གྲྭ་རྒྱུན་བྱོན་པའམ་ཡང་ན་ཆོས་འབྲེལ་ཆེ་པས་རགས་ཙམ་བཀོད་པ་ཡིན་ལ། མདོར་ན་མདོ་སྨད་ཀྱི་དགོན་སྡེ་ཐམས་ཅད་རེ་གཉིས་མ་གཏོགས་ཕལ་ཆེར་ཆོས་འཇིག་རྟེན་གཉིས་ཀྱིས་འབྲེལ་བ་མེད་ས་མེད་པས་རྒྱས་པར་མ་བྲིས། དགོིན་འདིའི་མངའ་འོག་ཏུ་གཏོགས་པའི་སེར་ཤུལ་སྡེ་པའི་དུད་གྲངས་སྟོང་གཉིས་དང་དྲུག་བཅུ་ལྷག་ཙམ་ཡོད། མི་གྲངས་ཁྲི་གཅིག་གཉིས་བརྒྱ་ལྷག་ཙམ་ཡོད། ལྔ་བ་དགོན་འདིའི་ལས་སྣེ་ཐོབ་ཐང་དང་གཙུག་ལག་ཁ་སོགས་ཀྱི་གྲངས་འགོད་པར་ནི་དགོན་འདིའི་ཁྲི་བ་ནི། དགོན་འདི་ལ་ལས་སྣེ་སུམ་ཅུ་ལྷག་ཙམ་ཡོད་ལ་གེ་རྣམས་ཀྱིས་ལས་སྣེ་ཡིན་པ་དང་ཞལ་ངོ་ནི་དགོན་འདི་ལ་གྲྭ་ཚང་དུ་མ་ཡོད་ལ་དེ་རྣམས་ཐམས་ཅད་མཉམ་དུ་ཚོགས་པའི་ཚོགས་ཆེན་གྱི་ལས་སྣེ་ཡིན་དགེ་སྐོས་ནི་གྲྭ་ཇ་དང་ཆོས་ར་ཚོགས་པའི་གྲྭ་ཚང་གི་ལས་སྣེ་ཡིན་ནོ། དགོན་འདིར་ད་ལྟར་འདུ་ཁང་ལྔ། ཆོས་ར་དྲུག སྤྱི་ཁང་གསུམ། མཛོད་ཁང་གསུམ། གྲྭ་ཤག་དྲུག་བརྒྱ་ལྷག་ཙམ་ཡོད་རྒྱ་ཁྱོན་ནི་ཁྲི་གཅིག་ལྷག་ཙམ་ཡོད། ལྷ་ཁང་བཞི་བཅུ་ཙམ་ཡོད། དཔེ་ཁང་གཅིག་སོགས་ཡོད། དགོན་འདིའི་ཚོགས་པའི་གཏོང་སྒོ་ནི་སྔར་ཡིན་ན་སྤྱི་ཁག་[page 150] བརྒྱ་ལྷག་ཙམ་ཡོད་ན་ད་ལྟར་དེ་རྣམས་མེད་པས་དགོན་པ་རང་ཉིད་ཀྱི་ཚོང་ཁང་བདུན་ཙམ་ཡོད་པས་རང་ཁ་རང་གསོའི་ངང་དུ་གནས་སོ། དགེ་འདུན་གྱི་ཞལ་གྲངས་ནི་བདུན་བརྒྱ་ལྷག་ཙམ་ཡོད།

དྲུག་པ་ཐེག་ཆེན་གླིང་གིས་བསྟན་པ་དང་འགྲོ་བའི་དོན་བྱེད་ཚུལ་མདོ་ཙམ་འགོད་ན། ཐེག་ཆེན་གླིང་འདིར་ད་ལྟར་བསྟན་པའི་གཞི་མ་སོ་ཐར་གྱི་ཚུལ་ཁྲིམས་ཀྱིས་རྒྱུད་གཏམས་པའི་ངུར་སྨྲིག་འཆང་བ་གྲྭ་བདུན་བརྒྱ་ལྷག་ཙམ་བཞུགས་ཡོད་ལ་དམ་པ་དེ་རྣམས་ཀྱིས་བླང་དོར་གྱི་བྱ་བ་ནི། ཀུན་གཟིགས་པཎ་ཆེན་མཆོག་གིས་གནང་བའི་བཅའ་ཡིག་དང་། སྐྱབས་དགོན་ཡིད་བཞིན་ནོར་བུས་བསྩལ་བའི་བཅའ་ཡིག་དང་། སྨན་ཤུལ་རིན་པོ་ཆེས་བསྩལ་བའི་བཅའ་ཡིག་སོགས་དང་ལྷག་ཏུ་དཔོན་ཚང་མཆོག་སྤྲུལ་གྱིས་བསྩལ་བའི་སྒྲིག་ཡིག་ལམ་སྒྲོན་ཆེན་མོ་ཞེས་གྲགས་པ་དེབ་ཐུང་པོད་བཅོ་བརྒྱད་ཡོད་པས་དེའི་ནང་བཞིན་ཁས་བླངས་པའི་དམ་ཚིག་དང་སྡོམ་པ་མིག་འབྲས་བཞིན་དུ་སྲུང་ནས་ཐོས་བསམ་སྒོམ་གསུམ་ཡ་མ་བྲལ་བའི་ངང་ནས་བསྟན་པ་དང་འགྲོ་བའི་དོན་ཆེར་མཛད་བཞིན་བཞུགས་པ་སོགས་མདོར་ན་རང་རང་གྱི་བླང་དོར་གྱི་གནས་ལ་རྨོངས་པའི་ངང་ནས་ཀུན་མཁྱེན་ཉི་མའི་གཉེན་གྱི་ལུང་རྟོགས་ཀྱི་བསྟན་པ་སྤྱི་དང་བྱེ་བྲག་ཏུ་ཡང་རིགས་གསུམ་གཅིག་གྱུར་རྒྱལ་གཉིས་པས་བསྲེགས་བཅད་བརྡར་བའི་གསེར་གྱི་ཞུན་མ་འདི་ཉིད་སྲིད་མཐར་མ་སྟོང་བར་དུ་ཉམས་མེད་བསྒྲེངས་བར་མཛད་པ་ཡིན་ནོ།

ཅེས་ཆོས་དང་སྲིད་ཀྱི་སྔོན་བྱུང་ལོ་རྒྱུས་འདི་ནི་དགེ་བའི་བཤེས་གཉེན་མཁན་ཆེན་ངག་དབང་ལེགས་འོང་པས་སྔར་ནས་སྦྱར་ཟིན་ཡང་། ད་ལྟར་མཁན་གདན་ཟུར་རྣམས་དང་དགེ་བའི་བཤེས་གཉེན་རྣམས་ཡུལ་དགོན་གཞན་དུ་བསྟན་པ་དང་འགྲོའི་དོན་དུ་ཕེབས་ཤུལ་དཀར་མཛེས་ཁུལ་ནས་ཙ་འཛིན་དང་ཟུར་བཀོད་འབྱོར་བྱུང་བས། བདག་གི་དགེ་བའི་བཤེས་གཉེན་གྱིས་ལྗགས་ཙོམ་གནང་པའི་ཆོས་བྱུང་ནང་དུ་དཀར་མཛེས་ཁུལ་གྱིས་བཅད་འགའ་མི་ཚང་བ་དང་ལྷག་ཏུ་དགོན་འདིའི་དེང་གི་གནས་ཚུལ་མེད་པའི་རྐྱེན་གྱིས་བླ་མའི་གསུང་ལ་ཚིག་འགའ་ཟུང་གིས་ཁ་སྐོང་བ་དང་། དེང་གི་གནས་ཚུལ་མཇུག་མཐུད་བྱས་ནས་སློབ་མ་ཐ་ཤལ་བ་ཞིག་གིས་འདི་འབྲི་བའི་སྐབས་གྲྭ་རྒན་རབས་རྣམས་དང་དམངས་ཚོགས་རྒན་རབས་རྣམས་ཀྱི་ངག་རྒྱུན་དང་སྔོན་ཡོད་ཡིག་ཆ་དང་ཆོས་འབྱུང་སོགས་ལ་རང་གི་ནུས་པ་དང་མཐུན་པ་ཁུངས་གཏུགས་ཏེ་བྲིས་ན་ཡང་། སྔོན་གྱི་གནས་ཚུལ་འདི་དུས་དང་ཡུལ་གྱིས་བསྐལ་བས་ཇི་མ་ཇི་བཞིན་མ་ཤེས་ཀྱང་རྫུན་གཏམ་དང་རང་བཟོ་ཆགས་སྡང་སོགས་སྤང་ཅི་ཐུབ་བྱས་ཡོད།།

གནམ་བསྐོས་པའི་ཚངས་པ་ཆེན་པའི་ལུང་གིས་པཎ་ཆེན་ཨེར་ཏི་ནིར་ཞེས་བསྔགས་ཤིང་། རྣམ་འདྲེན་ཟས་གཙང་སྲས་པོའི་རང་ལུགས་འཛིན་ཅིང་སྤེལ་བའི་ལྷག་བསམ་གྱི་སྙིང་སྟོབས་མཆོག་ཏུ་དགེ་བ་ཤཀྱའི་དགེ་སྦྱོང་བློ་བཟང་ཐུབ་བསྟན་ཆོས་ཀྱི་ཉི་མ་དགེ་ལེགས་རྣམ་རྒྱལ་དཔལ་བཟང་པོར་འབོད་པའི་གཏམ།

ཀུན་གསལ་འཆི་མེད་ཀྱི་ལམ་དུ་མངོན་པར་མཛེས་པའི་སྣང་བྱེད་བདག་པོའི་འོག་རུལ་ཏུ་གནས་ཤིང་[page 151] རྒྱུ་བའི་སྐྱེ་རྒུ་སྤྱི་དང་། བྱེ་བྲག་བོད་དབུས་གཙང་སྨད་མདོ་ཁམས་སྒང་དྲུག། མཚོ་སྔོན་ཕྱི་ནང་སོག་རིགས་བཅས་ཀྱི་སའི་ཆར་གནས་པའི་ཆོས་ཀྱི་གདན་ཁྲི་འཛིན་པའི་བླ་མ་མཁན་པོ་སློབ་དཔོན་ལས་སྣེ་རྣམས་དང་། གཞན་ཡང་སེར་སྐྱ་དཔོན་དམག་སོགས་མཆོག་དམན་བར་གསུམ་མཐའ་དག་གིས་གཉན་པར་བྱ་བ་ནི།

མདོ་སྨད་ཡུལ་གྱི་སའི་ཆ་རྫ་སྟོད་སེར་ཤུལ་ཁུལ་གྱི་དགོན་ཁག་གི་གཙོ་བོ་བཤད་སྒྲུབ་བསྟན་པའི་འབྱུང་འབྱུང་གནས་ཆོས་སྡེ་ཐུབ་བསྟན་དར་རྒྱས་གླིང་འདི་ཉིད་དུ་སྔར་ནས་དགེ་འདུན་གྱི་སྡེ་རྣམས་སྡོམ་བཙོན་བཤད་སྒྲུབ་འཁོར་གསུམ་གྱི་བྱ་བས་ཉིན་མཚན་ཁོར་ཡུག་ཏུ་དུས་འདའ་བས་མཁས་གྲུབ་ཉིས་ལྡན་གྱི་དམ་པ་མང་དུ་བྱུང་བ་སོགས་བོད་ལྗོངས་གདན་ས་རྣམས་དང་ཁྱད་པར་མ་མཆིས་པ་ལྟ་བུ། ཁུལ་འདི་སྐྱེ་འགྲོའི་བསོད་ནམས་ཞིང་མཆོག་བླ་ན་མ་མཆིས་པ་མཆོག་དམན་ཚང་མས་བསྙེན་བཀུར་ཕྱག་འོས་ཀྱི་གནས་སུ་གྱུར་ཅིང་། ངོས་ནས་ཀྱང་གོམས་པའི་འདེགས་འཇོག་གནང་། འདིར་བཀོད་ནས་མདོ་སྔགས་ཀྱི་ཟབ་ཆོས་དུ་མའི་འབྲེལ་པས་བསྐྱངས་ཤིང་ཏིང་ངེ་འཛིན་གྱི་སྲུང་འཁོར་དུ་བཅུག་ཟིན་པ་མ་ཟད། བསྟན་པའི་ཙ་ལག་དམ་པ་ཆབ་མདོ་ལྕགས་ར་ཧོ་ཐོག་ཐུ་དང་། སྨན་ཤུལ་སྤྲུལ་པའི་སྐུ་གཉིས་ནས་གནང་བའི་བཅའ་ཡིག་དང་། རྒྱབ་དེབ་དཔོན་ཚང་སྤྲུལ་སྐུ་གོང་མའི་བཅའ་ཡིག་བཅས་ཀྱི་འབྲུ་དོན་ལ་མཆོད་མོས་ཀུན་གྱི་ཉམས་ལེན་སྙིང་པོར་སྨིན་པ་བྱ་བཞིན་ལ་བརྟེན། བསྟན་པའི་རྒྱན་དུ་འགྱུར་ངེས་ཡོད་འདུག་པ་འདི་ཐད་སླད་ཆར་མི་ཉམས་གོང་འཕེལ་འབྱུང་ཆེད་ངོས་ནས་ཀྱང་དམིགས་བསལ་རྒྱབ་གཉེར་གྱི་ཐམ་ཀ་བྱིན་པ་ཡིན་པས། དེའི་དོན་ལྟར་དགོན་གྲྭ་རྣམས་གནས་བཅའ་ཡིག་གཞིར་བཟུང་མདོ་སྔགས་ཟུང་འབྲེལ་གྱི་རང་ལུགས་ལྟ་སྒོམ་སྤྱོད་གསུམ་གཙང་བའི་འཇམ་མགོན་བླ་མའི་བཞེད་སྲོལ་ཇི་ལྟ་བ་མི་ཉམས་གོང་དུ་༏ཕེལ་ཞིང་། མི་སྡེ་རྣམས་ཀྱང་བོད་རྒྱལ་གོང་མས་རིམ་ནས་སྲོལ་གཏོད་ལྷ་ཆོས་མི་ཆོས་གཙང་མའི་གཙང་མའི་ཁྲིནས་གཉིས་དྲང་པོའི་ལམ་བསྐྱང་ཏེ་བསྟན་འགྲོའི་ལེགས་ཚོགས་གྲོགས་སུ་སྨིན་པར་བགྱི་བ་ཡིན་ལུགས་སུ་སྤྱོད་པར། ཁྱོད་གོང་མཁོད་མཆོག་དམན་ཚང་མས་ལུང་དང་མཐུན་པའི་བཀོད་དོན་དང་ལེན་བྱེད་པ་ལས་ཞི་དྲག་ཁྲལ་རིགས་འཕར་འགེལ་སོགས་ཁྲིམས་འགའ་ལོག་སྤྱོད་རིགས་སུ་ཐད་ནས་ཕྲ་མོ་ཙམ་ཡང་བགྱིས་ན་མི་འཐུས་ཤིང་། ཚུལ་བཞིན་སྒྲུབ་པ་རྣམས་ལ་བསྟན་སྲུང་དམ་ཅན་རྒྱ་མཚོས་ཀྱང་སྲུང་སྐྱོབ་ཀྱི་གདོང་གྲོགས་གཡེལ་མེད་མཛད་པ་གདོན་མོ་ཟ་བ་བཅས་ཡིད་ཡུལ་དུ་བཅགས་པ་འཚལ། ཞེས་གོ་བར་བྱ་བའི་ཡི་གེ་རབ་བྱུང་བཅུ་དྲུག་པའི་འཛིན་བྱེད་ཅེས་པ་མེ་བྱི་གནམ་ལོའི་སྨིན་དྲུག་ཟླ་བའི་གྲལ་ཚེས་དགེ་བར་དགོན་འདིའི་གནྡྷོ་ལའི་ཡང་སྟེང་ནས་བྲིས།།

ས་མིང་ཚིག་མཛོད་མིག་བཤར།

[page 152] དགོན་འདི་ཐོག་མར་ཕྱག་འདེབས་པ་པོ་ནི་མཁས་ཤིང་གྲུབ་པའི་དབང་ཕྱུག་ཇོ་ནོ་མཆོག་སྤྲུལ་སྐལ་བཟང་དགེ་ལེགས་རྒྱལ་མཚན་ཡིན། འདེབས་པའི་དུས་ནི་རབ་བྱུང་བཅུ་གསུམ་པའི་ནང་དཔོན་དཔལ་ལྡན་མགོན་པའི་སྦྱིན་བདག་བྱས་ནས་གཙུག་ལག་ཁང་རྟེན་དང་བརྟེན་པར་བཅས་པ་བཞེངས་པའི་དབུ་ཙམས། དེ་ནས་རིམ་གྱིས་འཕེལ་རྒྱས་སུ་བྱུང་བ་ཡིན། གྲུབ་མཐའ་རི་བོ་དགེ་ལྡན་རིང་ལུགས་པ་ཡིན། གདན་རབས་ནི། ཐོག་མར་རིག་འཛིན་རྒྱལ་སྲས་གླིང་པའམ་བཤེས་གཉེན་ངག་གི་དབང་ཕྱུག་ནི་རབ་བྱུང་བཅུ་པའི་ནང་ནས་དགེ་ཙེ་འབུམ་གྱི་སྲས་སུ་སྐུ་འཁྲུངས། གཞོན་ནུའི་དུས་ནས་རབ་ཏུ་བྱུང་སྟེ་ཚུལ་ཁྲིམས་མིག་འབྲས་ལྟར་སྲུང་། ནར་སོན་ནས་དབུས་སུ་ཕེབས་ཏེ་སེ་ར་ཐེག་ཆེན་གླེང་གི་མཁས་མང་འདུས་བའི་བསྟི་གནས་ཟླ་བྲལ་བྱེས་པ་གྲྭ་ཚང་གི་ཆོས་སྒོར་ཞུགས་ནས་ཞུང་ལུགས་པོ་ཏི་ལྔ་ལ་ཐུགས་གཉེར་མཛད། ལྷ་རམས་པའི་མཚན་བཏགས་བཞེས། དེ་རྗེས་རྒྱལ་བའི་དབང་པོ་ངག་དབང་བློ་བཟང་རྒྱ་མཚོའི་དབུ་བླར་ཕེབས། དེ་དུས་རྒྱལ་བའི་དབང་པོ་མཆོག་གིས་ཀྱང་གུ་རུ་མཚོ་སྐྱེས་རྡོ་རྗེའི་སྐུ་ལི་མ་གསུང་འབྱོན་མ་དང་། ཉིད་ཀྱི་ཤངས་ཁྲག་གིས་བྲིས་པའི་འདོད་ཁམས་བདག་མོའི་ཞལ་ཐང་བྱིན་ཅན་སོགས་རྟེན་སྐལ་དུ་སྩལ་བ་ད་ལྟའི་བར་དུ་མཇལ་རྒྱུ་ཡོད། སླར་མདོ་སྨད་དུ་ཕེབས་ནས་བསྟན་འགྲོའི་དོན་ཆེན་མཛད་པའི་ལོ་རྒྱུས་མང་།

ཁམས་ཀྱི་སྟག་མོ་ཁ་ར་ནི། འཁྲུངས་ཡུལ་རང་སྡེའི་ནང་ཡིན། དབུས་སུ་ཕེབས་ནས་སེ་ར་ཐེག་ཆེན་ཟླ་བྲལ་བྱེ་པ་གྲྭ་ཚང་གི་ཆོས་སྒོར་ཞུགས་ནས་བཀའ་པོད་ལྔས་མཚོན་པའི་ཕྱི་ནང་རིག་གནས་ཀུན་ལ་སྦྱངས། སེ་རའི་སྟག་ཕྲུག་བཞིའི་ནང་ཚན་ཁམས་ཀྱི་སྟག་མོ་ཁ་ར་ཞེས་སྙན་པའི་གྲགས་པ་རྒྱས། ཕྱིས་སུ་རང་ཡུལ་དུ་ཕེབས་ནས་མཁན་ཁྲིར་བཞུགས། དབང་ཆེན་གྲུབ་པའི་རྡོ་རྗེ་ནི་འབུམ་ཤུལ་ཨ་མྱེ་མཐུ་སྟོབས་མགོན་པོའི་སྲས་སུ་སྐུ་འཁྲུངས། གཞོན་ནུའི་དུས་ནས་ཆོས་སྒོར་ཞུགས་ནས་ཐོས་བསམ་ལ་ཙེ་གཅིག་ཏུ་གཞོལ་བ་ཞྷིག་ཡིན།

བཤད་སྒྲུབ་ཀྱི་སྲོལ་ཚུགས་ཚུལ་ནི། ཆོས་སྡེ་འདི་ཕྱག་བཏབ་པ་ནས་བཟུང་བཤད་སྒྲུབ་ཀྱི་སྲོལ་ཅུང་ཟད་ཡོད་ཀྱང་དེ་རྗེས་པ་ཐུར་མཁན་པོ་ཐུབ་བསྟན་ཆོས་འཕེལ་དང་མཁན་ཆེན་ཀུན་བཟང་དཔའ་ལྡན་སོགས་བྱོན་ནས་བྱང་ཆུབ་སྤྱོད་འཇུག་ཆེན་མོའི་བཤད་ལུང་ཟླ་ཆོས་ཁ་ཤས་གསུངས་མྱོང་། ཁྱད་པར་དུ་རབ་བྱུང་བཅུ་དྲུག་པའི་བགྲང་བྱ་ཉི་ཤུ་ཡར་མར་ཞིག་ལ་འབྲས་སྤུངས་སྒོ་མང་གྲྭ་ཚང་གི་ལྷ་རམས་པ་རྫ་སེར་ཤུལ་དགོན་གྱི་ཁྲི་ཐོག་སོ་གཅིག་པ་ལི་ཐང་བློ་བཟང་དཔལ་ལྡན་ཆེད་གཉེར་གྱིས་གདན་འདྲེན་ཞུས་སྟེ་མཆོག་དམན་ཀུན་གྱིས་ནུས་ཤུགས་ཅི་ཡོད་ཕུད་དེ་བཀའ་པོད་ལྔའི་ཙོད་གྲྭ། འཛིན་གྲྭ་བསྟུས་གྲྭ་ཁག་[page 153] གསུམ། གཞུང་གསར་རྙིང་གཉིས། དབུ་ཕར་འདུལ་མཛོད་ཁག་བདུན།

སྟོན་དཔྱིད་གཉིས་ལ་དཔེ་རྒྱུགས་མ་མཐལ་ལྡེབ་རིང་གསུམ་ཅུ་ནས་ཡ་མཐའ་སྟོང་ཤོག་བཅས་སྤྲོད་སྲོལ་ཡོད། ཆོས་ཐོག་ལྔ་དང་དབྱར་གནས་ཀྱི་རིང་ལ་དཔེ་ཆ་སོ་སོའི་ཁྲིད་སྦྱངས་ཆག་མེད་དང་། བསྟུས་གྲྭ་ཁག་གསུམ་ནས་བསྟུས་གཞུང་སོ་སོ་དང་ཞལ་འདོན་རྒྱུགས་སྤྲོད་དགོས།

སྐུ་གསུང་ཐུགས་རྟེན་ནི། དགོན་སྡེ་འདི་ལ་འདུ་ཁང་ལྷ་ཁང་འཁོར་ཁང་ཆོས་ར་སོགས་གཙུག་ལག་ཁང་དྲུག་ཙམ་ཡོད། དེ་རྣམས་སོ་སོའི་ནང་རྟེན་བླ་མ་ཡིད་དམ་སངས་རྒྱས་བྱང་སེམས་ཀྱི་སྐུ་བརྙན་བགྲང་ལས་འདས་པ་ཡོད་ཀྱང་། གཙོ་བོ་ནི་འཇམ་མགོན་བདག་ཉིད་ཆེན་པོའི་སྐུ་ལི་མ་མཐུ་བཟློག་མ་དང་། གསེར་མར་ལས་གྲུབ་པའི་མཉམ་མེད་ཐུབ་པའི་དབང་པོའི་

སྐུ། རྒྱལ་དབང་ལྔ་བ་ཆེན་པོས་སྩལ་བའི་གུ་རུ་མཚོ་སྐྱེས་རྡོ་རྗེའི་སྐུ་ལི་མ་གསུངས་བྱོན་མ། གུ་རུ་སྟག་ཤམ་རྡོ་རྗེ། རྒྱལ་དབང་ཐམས་ཅད་མཁྱེན་པའི་ཕྱག་བྱུང་ཐུབ་སྐུ་ལི་མ་བྱིན་ཅན། ཁམས་པ་སྒྲུབ་བརྒྱུད་མའི་འདྲ་སྐུ་གསུང་བྱོན་མ་བྱིན་ཅན། དངུལ་ལས་གྲུབ་པའི་མཉམ་མེད་ཤཱཀྱ་སེངྒེ་སྐུ་ལུས་ཚད་སོགས་སྐུ་ལི་མ་བརྒྱ་ཕྲག་ཁ་ཤས་དང་། གསེར་དང་དངུལ་ཟངས་སྨན་འདམ་སོགས་ལས་གྲུབ་པའི་སྐུ་ཆེ་བ་ཐོགས་བཙེགས་དང་ཆུང་བ་མཐེ་བོང་ཙམ་སོགས་སྟོང་ཕྲག་ཁ་ཤས་ཡོད། རྒྱལ་མཆོག་ལྔ་བ་ཆེན་མོས་ཤངས་ཁྲག་ལས་བྲིས་པའི་འདོད་ཁམས་བདག་མོའི་ཞལ་ཐང་དང་། མགོན་པོ་ནས་ལེན་མ། མགོན་པོ་གསུངས་བྱོན་མ། ལྷ་མོ་དུད་དབེན་མ་སོགས་གསེར་ཐང་ཚོན་ཐང་སོགས་སྟོང་ཁྲག་ཁ་ཤས་ཡོད། སྐྱེས་རབས་དཔག་བསམ་འཁྲི་ཤིང་། ཐུབ་པའི་གནས་བརྟན་བཅུ་དྲུག་སོགས་མང་ཙམ་བཞུགས། གསུང་རྟེན་གྱི་སྐོར་ནི། རྒྱལ་བའི་བཀའ་འགྱུར་རིན་པོ་ཆེ་དང་། རྒྱ་བོད་མཁས་གྲུབ་མང་པོའི་གསུང་འབུམ་སོགས་པོ་ཏི་སྟོང་ཕྲག་མང་པོ་ཡོད། ཐུག་རྟེན་སྐོར། གཏེར་སྟོན་རྒྱལ་སྲས་གླིང་པའི་ཐུགས་དམ་གྱི་རྟེན་ཕྱག་རྡོར་དང་། ཧཱུཾ་ཡིག་རང་བྱོན་སོགས་ཀྱི་བཞུགས་ཁང་མཆོད་རྟེན་གསུམ། དགེ་བཤེས་ངག་དབང་འབྱུང་གནས་ཀྱི་ཐུགས་རྟེན་ཕྱག་ན་རྡོ་རྗེའི་བཞུགས་ཁང་ཟངས་གསེར་ལས་གྲུབ་པའི་མཆོད་རྟེན། དེ་ཉིད་ཀྱི་དབུ་ཐོད་སྟེང་དུ་སྒྲོལ་མ་རང་བྱོན་དོད་པའི་བཞུགས་ཁང་དངུལ་ལས་གྲུབ་པའི་མཆོད་རྟེན། འདུ་ཁང་ཀ་བ་ཉེར་བཞི། དུད་ཁང་ཀ་བ་བརྒྱད། གྲྭ་ཤག་བརྒྱ་དང་བརྒྱད་ཅུ་ཙམ་རྒྱ་ཁྱོན་སྲིད་དུ་གཞི་འདོམ་བརྒྱ་དང་ལྔ་བཅུ་ཙམ། ཞེང་དུ་གཞི་འདོམ་ལྔ་བཅུ་ང་བདུན་ཙམ་ཡོད། དགེ་བདུན་པའི་ཞལ་གྲངས་བརྒྱ་དང་དགུ་བཅུ་གོ་དགུ། མཆོད་བའི་ཡོ་

བྱད་ནི་རོལ་མོ་རྒྱ་ནག་འཛམ་གླིང་གཡས་བཞག། སྦ་ཆེན་གཟིག་མགོམ། རྒྱ་ནག་ཀླུ་འབུམ། རྒྱ་མཚངས་དབྱངས་འབྲུག་གྲགས་སོགས་མཆོད་རྫས་ཡོ་བྱད་མ་ཚང་བ་མེད་པ་མང་དུ་བཞུགས་སོ།

དུས་མཆོད་རྒྱུན་སྲོལ་ནི། གནམ་ལོ་གསར་བའི་དགའ་བ་དང་དོའི་ཚེས་ཀྱི་ཐོག་མར་ཐོ་རངས་ཁར་འདོད་ཁམས་བདག་མོའི་བསྐང་གསོལ་དང་འབྲེལ་བའི་ཚེས་གཏོར། དེའི་ཚེས་བཞི་ནས་དགུའི་བར་རྒྱུད་ཐམས་ཅད་ཀྱི་རྒྱལ་བོ་དཔལ་གསང་བ་འདུས་པའི་རིམ་གཉིས་ཟབ་མོའི་ཉམས་བཞེས་ཀྱི་སྒོ་ནས་སྨོན་ལམ་[page 154] ཆེན་པོ་ཞེས་ཡོངས་སུ་གྲགས་པ་དང་། ཧོར་ཟླ་གསུམ་པའི་ཚེས་བཅུ་གསུམ་ཉིན་ཁྲི་ཆེན་བློ་བཟང་དཔལ་ལྡན་གྱི་འདས་མཆོད། ཚེས་བཅུ་བཞི་ནས་ཉིན་བཞིའི་རིང་རབ་གནས་དགེ་ལེགས་ཆར་འབེབས། ཧོར་ཟླ་བཞི་པའི་ཚེས་ལྔ་ནས་ཉིན་བདུན་གྱི་རིང་གཏེར་སྟོན་རྒྱལ་སྲས་གླིང་བའི་གཏེར་ཆོས་གུ་རུ་བཞི་བའི་སྒྲུབ་ཐབས། ཚེས་བཅུ་གསུམ་བསང་གཞུང་བཀྲ་ཤིས་འཁྱིལ་བ་དང་འབྲེལ་བའི་སྒོ་ནས་གྲྭ་ཤག་སོ་སོའི་སྟེང་དུ་བསང་བརྒྱ་ཕུད་སྲོལ་ཡོད། ཚེས་བཅུ་བཞི་ནས་སྨྱུང་གནས་ཆ་གཅིག། ཧོར་ཟླ་དྲུག་པའི་ཚེས་བཞི་ཉིན་སེམས་བསྐྱེད་མཆོད་པ། ཚེས་དགུ་ནས་ཉིན་ལྔའི་རིང་ཐང་འཚོགས། ཚེས་བཅོ་ལྔ་ནས་ཟླ་ཕྱེད་གཉིས་རིང་དབྱར་གནས། དེའི་རིང་རིགས་ཆེ་ཆུང་གི་ཚོགས་གླེང་ཆ་བཅུ་ཙམ་དང་། ཧོར་ཟླ་བདུན་པའི་ཚེས་བཅུ་བདུན་ནས་ཉིན་དྲུག་གི་རིང་དཔལ་རྡོ་རྗེ་འཇིགས་བྱེད་ལྷ་བཅུ་གསུམ་མའི་རྡུལ་ཚོན་དང་འབྲེལ་བའི་སྒོ་ནས་བདག་འཇུག། ཧོར་ཟླ་དགུ་པའི་ཚེས་དྲུག་ནས་ཉིན་བདུན་གྱི་རིང་དམིགས་བཙེ་བུམ་སྒྲུབ། དེའི་བཅོ་ལྔ་ནས་དགེ་བཤེས་ངག་དབང་འབྱུང་གནས་ཀྱི་འདས་མཆོད་ཉིན་བཞི། ཚེས་ཉི་ཤུ་ནས་ཉིན་གསུམ་གྱི་རིང་སྒྲོལ་མ་སྟོང་མཆོད་དང་འབྲེལ་བའི་སྒོ་ནས་ལབ་སྦྲུལ་སྐུ་རྣམས་གསུམ་གྱི་ཞབས་བརྟན། ཧོར་ཟླ་བཅུ་པའི་ཚེས་ཉེར་གསུམ་ནས་ཉིན་གསུམ་གྱི་རིང་དགའ་ལྡན་ལྔ་མཆོད་ཆེན་མོ། ཧོར་ཟླ་བཅུ་གཅིག་པའི་ཚེས་ཉེར་ལྔ་ནས་ཉིན་ལྔའི་རིང་བཟང་སྤྱོད་ཆེན་མོ། ཧོར་ཟླ་བཅུ་གཉིས་པའི་ཚེས་ཉེར་ལྔ་ནས་ཉིན་ལྔའི་རིང་ཆོས་སྐྱོང་ཡོངས་རྫོགས་ཀྱི་སྐང་གསོལ་དང་འབྲེལ་བའི་སྒོ་ནས་ལྷ་མོའི་གཡུལ་མདོས་དང་མགོན་པོའི་གཏོར་སྒྲུག། དུས་ཚོད་ལ་ངེས་པ་མེད་ཀྱང་ལོ་རེ་བཞིན་དུ་དཔལ་རྟ་མགྲིན་གསང་སྒྲུབ་ཀྱི་བཟློག་སྟོང་ཉིན་གསུམ། ལྷ་མོ་ཁྲི་ཚར་ཉིན་གཅིག་བཅས་དུས་མཆོད་ཉིན་གྲངས་བརྒྱ་དང་དགུ། དགུན་དཔྱིད་གཉིས་ལ་ཟླ་ཆོས་དང་། དབྱར་སྟོན་གཉིས་ལ་ཉི་ཤུའི་ཆོས་ཐོག། ཉིན་བཅོ་ལྔའི་རིང་སྤྱོད་འཇུག་ཆོས་ཐོག་སོགས་ཁྱོན་ཉིན་བརྒྱ་དང་བཅོལྔ། ཟླ་རེ་བཞིན་དུས་འབྲེལ་གསོ་སྦྱོང་ཆག་མེད་ཡོད།

ཡོན་གྱི་འབྱུངས་ཁུངས་དང་འགན་ཞེས་པའི་གོ་རིམ་ནི། དེ་ལྟར་གཙུག་ལག་ཁང་དུ་སྐུ་གསུང་ཐུགས་རྟེན་དུས་མཆོད་ཆོས་ཐོག་སོགས་ཀྱི་བསྟན་པའི་སྦྱིན་བདག་ནི་ཐོག་མར་དཔོན་དཔལ་ལྡན་མགོན་པའི་སྦྱིན་བདག་བྱས་ནས་གཙུག་ལག་ཁང་རྟེན་དང་བརྟེན་པར་བཅས་པ་བཞེངས། དེ་ནས་བཟུང་ལྷ་དབང་དང་མི་དབང་རིམ་བྱོན་གྱི་ཞལ་བཀོད་ལྟར་གཉེར་པ་དང་སྡེ་བའི་ནང་ནས་འབྱོར་ལྡན་སོ་སོའི་ཡོན་སྦྱར་ནས་སྐུ་གསུངས་ཐུགས་རྟེན་གྲངས་ལས་འདས་པ་བཞེངས། དུས་མཆོད་ནི་ཕྱེད་ཀ་དགོན་པའི་སྤྱི་གསོས་དང་། སྡེ་ནང་གི་འབྱོར་ལྡན་སོགས་ལ་དགོན་པ་རང་གི་སྤྱིར་རྒྱུ་སྤྲད་ནས་འཚོགས་སྲོལ་ཡོད། ཆོས་ཐོག་རྣམས་ནི་དགོན་པ་རང་གི་འཚོགས་སྲོལ་ཡོད། འགན་བཞེས་ཐོབ་ཐང་བསྟན་པའི་བདག་པོ་ལབ་སྐྱབས་མགོན་ཡབ་སྲས་ཡིན། དེ་ནས་དགོན་དཔོན། ཁྲི་བ། ཞལ་ངོ་། དགེ་སྐོས། བླ་མ། མཁན་པོ། དབུ་མཛད་སོགས་རིམ་པ་ལྟར་ཡིན། ལྷ་འབངས་དུད་གྲངས་སུམ་བརྒྱ་ལྷག་ཙམ་ཡོད། ཡུལ་དོན་གཞན་དང་འབྲེལ་བ་ནི་སེ་ར་ཐེག་ཆེན་གླིང་དང་རྫ་སེར་ཤུལ་དགོན་སོགས་གྲྭ་རྒྱུན་ལ་བྱོན་ནས་མཚན་[page 155] ཉིད་ལ་སྦྱངས་བཙོན་བྱས་པ་སོགས་གོང་སྨོས་ལྟར་རོ། གདན་ས་འདིར་གཞན་གྱི་སྐྱེས་བུ་དམ་པ་རྣམས་ཀྱིས་ཞབས་ཀྱི་པདྨ་མཛེས་པར་བཀོད་ནས་ཆོས་ཀྱི་འབྲེལ་བ་གནང་ཚུལ་ནི། པཎ་ཆེན་སྣང་མཐའི་སྒྱུ་འཕྲུལ་དགུ་བ་ཆོས་ཀྱི་ཉི་མ་དང་། བཅུ་པ་ཆོས་ཀྱི་རྒྱལ་མཚན་གཉིས་ཀྱིས་ཚེ་དབང་དང་ཆོས་འབྲེལ་ཁ་ཤས་གནང་། འཇམས་དབྱངས་བཞད་པ་སྐུ་ཕྲེང་བཞི་བ་སྐལ་བཟང་ཐུབ་བསྟན་དབང་ཕྱུག་དང་། དགུ་རོང་རྒྱལ་སྲས་སྐུ་ཕྱོགས་གསེར་ཁང་རིན་པོ་ཆེ། ལྷ་ཁམས་པ་སྒྲུབ་རྒྱུད་ཉི་མ། ལབ་སྐྱབས་མགོན་སྐུ་ཕྲེང་རིམ་བྱོན། མཁན་ཆེན་སྐུ་ཕྲེང་རིན་བྱོན། བསྟན་རྒྱས་སྐུ་ཕྲེང་རིམ་བྱོན། རྒྱལ་སྲས་བསོད་ནམས་ཙེ་མོ། འཇམ་དབྱངས་དགེ་འདུན་རྒྱ་མཚོ། ལྕགས་ར་ངག་དབང་འཕྲིན་ལས། རྫོགས་སྤྲུལ་ཐུབ་བསྟན་ཆོས་རྡོར། ཞེ་ཆེན་རབ་འབྱམས་བསྟན་པའི་རྒྱལ་མཚན། དགོན་བསྟོད་ཁྲག་འཐུང་རོལ་བའི་རྡོ་རྗེ། རྒྱལ་ཚབ་བསྟན་པའི་ཆོས་རྒྱལ། དཔོན་སྤྲུལ་ཨོ་རྒྱན་ཚེ་བརྟན། མཆོག་སྤྲུལ་འོད་ཟེར་གྲགས་པ། མཁན་ཆེན་ཐུབ་བསྟན་ཆོས་འཕེལ། མཁན་ཆེན་ཀུན་བཟང་དཔལ་ལྡན། རྫ་དགོན་གསར། རྫ་ལྷ་མགོན་སོགས་དམ་པ་མང་པོ་བྱོན་ནས་ཆོས་ཀྱི་བདུད་ཙི་ཅི་འདོད་དུ་སྩལ་ཞིང་། བཀའ་དྲིན་ལྷག་པར་དུ་ཆེ་བ་རྣམས་ནི་ཁམས་པ་སྒྲུབ་རྒྱུད་ཉི་མ་འབུམ་ཤུལ་ས་མྱེ་མཐུ་སྟོབས་མགོན་པོའི་དབུ་བླར་མཛད་ནས་བཙམས་ཆོས་ཛ་རྨ་དང་ཡུལ་ལྷ་སྤྱི་བཟང་སོགས་པོད་ཆུང་གཅིག་དང་། གཞན་ཡང་དམ་ཅན་འབུལ་གཏོར་དང་གུ་རའི་སྒྲུབ་ཐབས་སོགས་མང་དུ་བཞུགས། ལྕགས་ར་ངག་དབང་འཕྲིན་ལས་ཀྱིས་བསྟན་པ་དག་ཐེར་མཛད་ནས་བཅའ་ཡིག་ཀྱང་སྩལ། ལབ་བསྟན་རྒྱས་ནས་རྒྱུད་སྡེ་སོ་སོའི་དབང་ཆེན་དང་ཚོགས་གླིང་གི་ཁྲི་བ་མཛད་པ་སོགས་བཀའ་དྲིན་གཞལ་དུ་མེད་པ་གནང་། མཁན་ཆེན་རིན་པོ་ཆེ་ནས་རབ་བྱུང་བསྙེན་རྫོགས་ཀྱི་སྡོམ་པ་སྩལ་བ་དང་། རྒྱན་འཇུག་གི་བཀླགས་ལུང་རྒྱུད་སྡེ་མང་བོའི་དབང་ཆེན་སོགས་བཀའ་དྲིན་དཔག་དུ་མེད་པ་གནང་། ལྷག་པར་དུ་ཆོས་སྡེ་འདི་ཉིད་ལ་གསུབ་ཏུ་མེད་པའི་ཕྱག་རྗེས་ཀྱི་བཀའ་དྲིན་སྐྱོང་བར་མཛད་པ་ནི་བདག་ཅག་རྣམས་ཀྱི་འདྲེན་མཆོག་བླ་ན་མེད་པ་དཔལ་ལྡན་བླ་མ་དམ་པ་དོན་གྱི་སླད་དུ་མཚན་ནས་སྨོས་ན་དབང་ཆེན་དགྱེས་རབ་རྡོ་རྗེ་ནས་བསྟན་འཛིན་ཡོན་ཏན་མགོན་པོའི་བར་དང་ཁྲི་ཆེན་བསོད་ནམས་ཙེ་མོ་སོགས་ཀྱིས་ཆོས་སྲིད་ཀྱི་མངའ་བདག་མཛད་ནས་དབང་ལུང་མན་ངག་སོ་ཐར་བསླབ་རྒྱུན་སྩལ་བ་སོགས་དང་། མཁོ་བའི་ཡོ་བྱད་དང་། རྟགས་གསལ་རྒྱུགས་ལེན་སོགས་མདོར་ན་བྱད་པ་གང་ཐད་ནས་བསྟན་པ་ལ་གཞལ་དུ་མེད་པའི་བཀའ་དྲིན་བསྐྱངས།

དེང་གི་གནས་ཚུལ་ནི། དེ་ལྟར་རྒྱལ་བའི་བསྟན་པ་རིན་པོ་ཆེ་སྤྱི་དང་བྱེ་བྲག་འཇམ་མགོན་རྒྱལ་བ་གཉིས་པ་ཞྭ་སེར་བསྟན་པའི་མངའ་བདག་མཉམ་མེད་ཙོང་ཁ་ཆེན་པོའི་བསྟན་པའི་གདུགས་དཀར་དགུང་དུ་བསྒྲེངས་བའི་དུས་ན། བཀའ་གདམས་གླེགས་བམ་ལས། འདོད་ཡོན་བདུད་ཀྱི་གཡབ་མོ་འབྱུང་། བསམ་གཏན་ཆགས་སྡང་དག་ལ་འཆོར། ཞེས་གསུངས་བ་ལྟར་རིག་གསར་བཞི་རྒོལ་སྐབས་སུ་རྒྱལ་བའི་བསྟན་པ་ལ་གནོད་ཚབས་ཆེན་པོ་བྱུང་སྟེ་སྐུ་གསུང་ཐུགས་རྟེན་ལ་སོགས་གྱོང་གུད་ཕོན་ཆེན་ཐེབས་ནས་ལོ་[page 156] འཁོར་སུམ་ཅུ་ཙམ་གྱི་རིང་བསྟན་པའི་བྱ་བ་རྣམས་དྲན་པའི་ཡུལ་ལས་འདས། སླར་ཡང་མཉམ་མེད་ཐུབ་པའི་དབང་པོ་དང་དམ་པ་གོང་མ་རྣམས་ཀྱི་ཐུགས་བསྐྱེད་དུས་སུ་སྨིན་ནས་ཕྱི་རབས་གདུལ་བྱ་རྣམས་ཀྱིས་བསོད་ནམས་བསགས་པའི་འབྲས་བུ་ལ་བརྟེན་ནས་བསྟན་པའི་བ་དན་དགུང་གི་ཁྲི་གདུགས་སྤྲིན་གསེབ་ནས་ཤར་བའི་སྐབས། སྔར་གྱི་མཁན་ཆེན་རྡོ་རྗེ་འཆང་ཐུབ་བསྟན་ལེགས་མཛད་དང་ཞལ་ངོ་གྲགས་པ་ཚེ་རིང་སོགས་རྒན་རབས་རྣམས་ཀྱིས་བཀའ་དྲིན་ཕུལ་དུ་

བྱུང་བ་བསྐྱངས་ནས་བསྟན་པ་སླར་གསོ་མཛད་སྐབས། ལས་སྨོན་གྱི་འབྲེལ་བའི་བསྟན་པའི་བདག་པོ་ཁྲི་ཆེན་བསོད་ནམས་ཙེ་མོ་ཁོང་ཉམ་ངའི་ཁྲི་སྨོན་རྡོ་རྗེ། དབུ་མཛད་བློ་བཟང་རྒྱལ་མཚན། གཞུང་གཉེར་སྟོབས་བཅུ་ཕུན་ཚོགས་སོགས་བསྐོས་བཞག་གནང་། ཁོང་རྣམས་ཀྱི་ཅི་གསུངས་བཀའ་བཞིན་སྒྲུབ་ནས་བྱ་བ་ཕྱི་ནང་གསང་གསུམ་ལ་ཞལ་བཀོད་མཛད་དེ་ད་སྐབས་སྔར་ལས་ལྷག་པའི་གཙུག་ལག་ཁང་དང་སྐུ་གསུང་ཐུགས་རྟེན་མཆོད་རྫས་རོལ་མོ་སོགས་དར་རྒྱས་བྱུང་སྟེ། འདུ་ཁང་ཆེ་བ་ཀ་བ་བརྒྱད་ཅུའི་ས་དང་། ཆུང་བ་ཀ་བ་ཉེར་བཞི། གཞན་ལྷ་ཁང་དང་། ཆོས་ར་སྤྱི་ཁང་འཁོར་ཁང་སོགས་གཙུག་ལག་ཁང་དྲུག། དེ་དག་གི་ནང་རྟེན་རྒྱལ་བ་མ་ཕམ་མགོན་པོའི་སྐུ་ཐོག་བཙེགས། རྡོར་སེམས་དེ་མཚུངས། གཞན་ཡང་རྡོ་སྐུ། སྒྲོལ་སྐུ། ཉེ་བའི་སྲས་བརྒྱད། རྒྱལ་བ་ཡབ་སྲས། ཨོ་རྒྱན་སངས་རྒྱས་གཉིས་པ། རིགས་གསུམ་མགོན་པོའི་སྐུ་སོགས་ཟངས་གསེར་ལས་གྲུབ་པ་མང་ཙམ་བཞུགས། རྒྱལ་བའོ་བཀའ་འགྱུར་རིན་པོ་ཆེ་དང་བསྟན་འགྱུར་སོགས་ཆ་མང་ལ། གཞན་ཡང་མཁས་གྲུབ་མང་པོའི་གསུང་འབུམ་དང་ཨར་འདམ་ལས་བཞེངས་པའི་བདེ་གཤེགས་མཆོད་རྟེན་ཆ་བརྒྱད། བྱང་ཆུབ་མཆོད་རྟེན་ཐོག་བཙེགས་ལྔ་བ་ཅན་དང་། ཟངས་གསེར་ལས་གྲུབ་པའི་མཆོད་རྟེན་ཁ་ཤས་སོགས་བཞུགས། བཤད་སྒྲུབ་གྱི་སྲོལ་ནི་སྤྱིར་སྔར་ལྟར་ཡིན་ལ་རབ་བྱུང་བཅུ་བདུན་པའི་ཐོག་མ་མེ་ཡོས་ལོར་རྫ་སེར་ཤུལ་དགོན་གྱི་དགེ་བའི་བཤེས་གཉེན་ཆེན་པོ་མཁས་ཤིང་གྲུབ་པའི་དབང་ཕྱུག་རྗེ་བཙུན་བླ་མ་དམ་པ་ངག་དབང་ལེགས་འོང་དཔལ་བཟང་བོ་མཆོག་ཡུལ་དགོན་གཉིས་ཀྱི་རྒན་རབསརནམས་ནས་གྲོས་མཐུན་གྱིས་གདན་འདྲེན་ཞུས་སྟེ་སྔར་གྱི་འཆད་ཉན་ཉམས་པ་རྣམས་སོར་ཆུད་དང་། མི་ཉམས་པ་རྣམས་གོང་འཕེལ་དུ་བྱས་ནས། ཆོ་འཕྲུལ་སྨོན་ལམ་ཆེན་མོའི་སྐབས་ལོ་རེ་བཞིན་དམ་བཅའ་བ་ལྔ་རེའི་ཕྱོགས་ལ་ཚད་མ་དང་། བཞེངས་བར་རྣམས་དང་དགུང་ཆོས་སོགས་ལ་བཀའ་པོད་ལྷག་མ་རྣམས་ཀྱི་དམ་བཅའ་འཇོག། གསུང་ཆོས་ལ་སྐྱེས་རབས་སོ་བཞི་བ་ཁྲི་རིན་པོ་ཆེའི་འཆད་སྲོལ་སོགས་གདན་ས་ལྟར་སྒྲིག་ལམ་གསར་འཛུགས་དང་། རིགས་ཆེ་ཆུང་གི་ཚོགས་གླེང་ལོ་རེ་ཆ་བཅུ་གཉིས་ཡོད་པ་སོགས་བཀའ་དྲིན་བསྐྱངས་ནས་ད་ལྟ་ལྟ་བཀའ་པོད་ལྔའི་ཙོད་པ་ཡག་པོ་ཞིགས་ཚུགས་ཡོད། མཆོད་རྫས་ཡོ་བྱད་ནི་མཁན་རིན་པོ་ཆེ་བློ་བཟང་རྒྱལ་མཚན་ནས་རོལ་མོ་འཛམ་གླིང་གཡས་བཞག་སོགས་སྦུབ་ཆ་བཅུ་ལྷག་ཙམ་དང་། མཁར་རྔ་དང་རྒྱ་གླིང་དུང་དཀར་ཟངས་རྐང་སོགས་མཁོ་ཆས་ཡོ་བྱད་མང་བོ་བཞག། དེ་རྗེས་དད་[page 157] ལྡན་ཕོ་མོ་རྣམས་ཀྱིས་འབྲེལ་འཇོག་བྱས་པའི་དགོན་སྡེ་འདི་ལ་དགོས་པའི་ཆས་རྣམས་མ་ཚང་བ་མེད་པ་འཛོམས་བྱུང་། དུས་མཆོད་རྒྱུན་སྲོལ་ནི་ཁྲི་ཆེན་བསོད་ནམས་བཙེ་མོའི་མ་འོང་ལུང་བསྟན་དུ་ཡར་ངོས་ཀྱི་ཚེས་བརྒྱད་གང་ཚེས་ལ་མཎྜལ་བཞི་བ་ཅི་འགྲོ་དང་ལྷ་མོའི་ཚོགས་སྟོང་རྒྱུན་འདོན། འབུམ་ཟླའི་ཚེས་བཅུ་ཉིན་གུ་རུའི་ཚོགས་འབུམ་སོགས་སར་ཚུགས་མཛད་པ་ལས་གཞན་རྣམས་སྔར་ལྟར་ཡིན་ནོ།

དེང་སྐབས་ཀྱི་དུས་སུ་ཆོས་སྡེ་འདི་ལ་བཀའ་དྲིན་ལྷག་པར་དུ་ཆེ་བ་མདོ་སྨད་བསྟན་པའི་གསལ་བྱེད་འཇམ་མགོན་རྒྱལ་བའི་གདུང་འཚོབ་སྐྱབས་རྗེ་དམ་པ་རིན་པོ་ཆེ་མཚན་བརྗོད་པར་དཀའ་བ་དོན་གྱི་སླད་དུ་མཚན་ནས་སྨྲོས་ན་འཇམ་དཔལ་བསོད་ནམས་བསྟན་པའི་དབང་ཕྱུག་དཔལ་བཟང་པོ་མཆོག་ནས་རབ་བྱུང་དང་བསྙེན་རྫོགས་ཀྱི་མཁན་པོ་དང་སྒྱུད་སྡེ་མང་བོའི་དབང་ལུང་གནང་བ། སྤྱི་ཙ་སྒྲུབ་མཆོད་ལ་འབྲེལ་འཇོག་བྱེད་པ་སོགས་མདོར་ན་བྱ་བ་གང་ཐད་ནས་ཐུགས་ཀྱིས་གཅེས་པར་བསྐྱངས་པའི་བཀའ་དྲིན་གཞལ་ཟླ་དང་བྲལ་བའོ། གཞན་ཡང་མཁན་ནང་དཔོན་སྤྲུལ་དང་། གསེར་རྟ་མཁན་པོ་འཇིགས་ཕུན་སོགས་སྐྱེས་བུ་དམ་པ་རྣམས་ཀྱིས་ཞབས་སེན་མཛེས་པར་བཀོད་ནས་ཆོས་ཀྱི་མཛད་སྒ་མི་ཆུང་བ་ཞིག་སྤེལ། ད་ལྟར་ལྷ་སྡེ་དུད་གྲངས་ལྔ་བརྒྱ་ལྷག་ཙམ་ད། མི་གྲངས་ཉིས་སྟོང་ལྷག་ཙམ་ཡོད། གྲྭ་གྲངས་ཉིས་བརྒྱ་བདུན་ཅུ་དོན་ལྔ། གྲྭ་ཤག་བརྒྱ་དང་བདུན་ཅུ་ཙམ་ཡོད། དེ་ལྟར་ཆོས་སྡེ་ཆེན་པོ་འདི་ཉིད་ཀྱི་མགོ་བླ་དབུ་མཁན་གསུམ་ནས་མཇུག་གསར་བུ་བ་ཡན་ཆད་རྣམས་ཐུགས་མཐུན་ཁྲིམས་གཙང་བའི་ངེས་པ་ནས་མཉམ་མེད་ཤཱཀྱའི་དབང་པོའི་བསྟན་པ་སྤྱི་དང་བྱེ་བྲག་འཇམ་མགོན་བློ་བཟང་གྲགས་པའི་རང་བསྟན་འཛིན་སྐྱོང་སྤེལ་གསུམ་གྱིས་ལུས་ཅན་མཐའ་དག་འཕྲལ་ཡུན་གཏན་བདེའི་དཔལ་ལ་འགོད་པའི་མཛད་བཟང་ཡར་ལྡན་དུ་མཆིས་སོ།།

ས་མིང་ཚིག་མཛོད་མིག་བཤར།

གང་གི་ཕྱག་འདེབས་པ་དང་དགོན་པ་ཆགས་ཚུལ་ནི། དགོན་པ་ཕྱག་འདེབས་མཁན་ནི་གླིང་ཇོ་བཟང་ཞེས་མཚན་གསོལ་བ། རྗེ་བདག་ཉིད་ཆེན་པོའི་དངོས་སློབ་ཡིན་པར་ཡང་གྲགས་པ་དེ་ཉིད་ཀྱི་ཕྱག་བཏབ་པ་ཡིན། དེ་ཡང་ཐོག་མར་གླིང་ཇོ་བཟང་གི་ཐུགས་དགོངས་ལ་དགོན་པ་ཞིག་གསར་འཛུགས་ཐུབ་ཚེ་བསྟན་འགྲོ་སྤྱི་ལ་ཕན་པ་

གཟིགས་ནས་འདན་ཁོག་བརྒྱུད་ཡར་ཕེབ་སྐབས། ལམ་ཞོར་གྱི་གྲོང་མི་ཚོ་ལ་ས་བཤད་དང་རི་བཤད་ཆུའི་མིང་བཅས་དྲི་བ་གནང་བཞིན་འབྱོན་སྐབས། རི་གླང་ཆེན་གྱི་སྣ་འདྲ་བ་ཞིག་གི་སར་བྱོན་ནས་གྲོང་མི་ཞིག་གི་རི་དང་ཆུ་ཡི་སྐོར་དྲི་བ་གནང་སྐབས། གྲོང་མི་དེས་ཞུས་པ། རྒྱབ་རི་སྤོ་ར་ལྷ་ཙེ་འདུར་རི་མཚོ་སྨོན་རྒྱལ་མོ་ཆུ་ཡི་མིང་ལ་ཆོས་ལུང་ཆུ་ཞེས་བརྗོད་ཞུས་པས། ཁོང་ནས་རྟེན་འབྲེལ་ཤིན་ཏུ་ཆེ་བ་འདུག་ཅེས་གསུངས་ནས་འབར་དྷ་དགོན་པ་ཕྱག་བཏབ་པ་ཡིན། གླིང་ཇོ་བཟང་ཞིག་མཚན་[page 158] གསོལ་བའི་རྗེ་བདག་ཉིད་ཆེན་པོའི་དངོས་སློབ་ཁྱད་པར་ཅན་མཚན་སྙན་གྲགས་ཀུན་ལ་ཁྱབ་པ་མཁས་གྲུབ་གཉིས་ལྡན་སྐྱེས་ཆེན་དེ་ཉིད་ཀྱི་དངོས་སློབ་བཅུ་དང་ཁོང་བཅས་བླ་གྲྭ་བཅུ་གཅིག་གི་འབར་དྷ་དགོན་པ་འཛིན་སྐྱོང་སྤེལ་གསུམ་གནང་ནས། ལྟ་གྲུབ་གཙང་མའི་རྒྱུད་པ་སྤེལ་ནས་ཚོགས་ཆོས་སོགས་སློབ་གཉེར་གཏིང་གཟབ་གནང་། ཡི་དམ་གསང་འདུས་རྗེ་གསུམ་ཡ་མ་བྲལ་ཐོག་ནས་གཞུང་ཆེན་ཁག་ལ་གསན་བསམ་ལྷོད་མེད་གནང་།

དགོན་པའི་རྟེན་གྱི་གཙོ་བོ་གང་ཡིན་གྱི་སྐོར། དགོན་པའི་རྟེན་གྱི་གཙོ་བོ་ནི་ཇོ་བོ་ཤཀྱ་མུ་ནེ་ཡིན། དེ་ཉིད་ཀྱི་མཚན་ཡོངས་གྲགས་ལ་རྟེན་བཀྲ་ཤིས་འོད་འབར་བརྗོད། དེ་ཉིད་ཐོག་མར་དགོན་པར་གདན་དྲངས་ཚུལ་ནི་གླིང་ཇོ་བཟང་གི་དངོས་སློབ་གྲུབ་ཐོབ་ཁྱད་པར་ཅན་དགའ་རབས་འབྱམས་བསྟན་པ་དར་རྒྱས་ཞེས་མཚན་གསོལ་དེ་དགོན་པའི་གཡོན་རི་ཙ་རྒྱལ་ཞེས་པ་དེ་ཡི་གནས་གཟིགས་དང་བསྒྲགས་རི་ཙེ་ཕེབས་སྐབས་བྲག་ཁྱད་པར་ཅན་ཞིག་གི་འདུན་ངོས་ནས་བརྙན་རྟེན་བཀྲ་ཤིས་འོད་འབར་དང་། དུང་དཀར་གཡས་འཁྱིལ་གཅིག་བཅས་མཉམ་དུ་གཟིགས་ནས་དད་གུས་དང་དགའ་སྤྲོ་ཁྱད་པར་ཅན་སྐྱེས་ནས་དགོན་པར་གདན་དྲངས། རྟེན་གྱི་གཙོ་ཡང་དེ་ཡིན། དེང་སྐབས་ཀྱང་དངོས་སུ་མཇལ་རྒྱུ་ཡོད། གཞན་ཡང་སྐུ་བརྙན་གསང་འདུས། སྤྱན་རས་གཟིགས། རྡོ་རྗེ་འཆང་། གུ་རུ་རིན་པོ་ཆེ། བཀའ་གདམས་མཆོད་རྟེན་ལི་མ་སོགས་ཡོད། གཞན་ཡང་མཆོད་རྫས་རྙིང་པའི་རིགས་དུ་མ་ཡོད་ཀྱང་ཁྱད་པར་ཅན་ཞིག་ནི་སྔོན་རྒྱ་བཟའ་ཀོང་ཇོ་ཡིས་རྒྱ་ནག་ནས་གདན་དྲངས་པའི་རོལ་མོ་འབྲུག་རིས་ཅན་ཡོད། གོང་གི་རྟེན་གཙོ་གདན་དྲངས་མཁན་དགའ་རབས་འབྱམས་བསྟན་པ་དར་རྒྱས་དེ་ཉིད་ཀྱིས་འབར་དྷའི་གསེར་ཁང་ཀྱང་གསར་འཛུགས་གནང་སྐབས་གདན་དྲངས་པ་ཡིན།

དགོན་པའི་ཚོགས་ཆོས་སྐོར། ལོ་གཅིག་གི་རིང་ཆོས་ཚོགས་ཆེན་པོ་བཞི་ཡོད། དེ་ཡང་དབྱར་ཆོས་སྟོན་ཆོས་དགུན་ཆོས་དཔྱིད་ཆོས་བཅས་བཞི་ཡོད། དབྱར་ཆོས་སྐབས། དགོན་པའི་དགེ་འདུན་ཀུན་དབྱར་གནས་ཟླ་བ་གཅིག་དང་ཕྱེད་བཞུགས་དགོས། དེ་ཡི་རིང་སྔ་དྲོ་བདེ་གསང་འཇིགས་གསུམ་གང་རུང་གི་བདག་བསྐྱེད་བར་མ་འཆད་པ་གནང་། དེ་ནས་མཚན་ཉིད་ཀྱི་གཞུང་ལ་ཐོས་བསམ་གནང་། ཕྱི་དྲོ་ཆོས་ར་ཚོགས་ནས་ཙོད་གྲྭ་རྒྱུན་གང་རིང་གནང་། སྟོན་ཆོས་སྐབས་བསྐང་གསོལ་ཆེན་མོ། ཀུན་རིག་སྒྲུབ་མཆོད་ལྷ་བབས་དུས་ཆེན་ཁྱོན་བསྡོམ་ཉིན་བཅོ་ལྔ་ཚོགས། ཙོད་གྲྭ་སོགས་སྔར་བཞིན་དགུན་ཆོས་ཆེན་མོའི་སྐབས་ལྔ་མཆོད་དགུ་ཆེན། དགུ་ཆུང་། གསང་འདུས་སྒྲུབ་མཆོད་བཅས་ཟླ་བ་གཅིག་གནང་སྲོལ་ཡོད། དཔྱིད་ཆོས་སྐབས་ཆོ་འཕྲུལ་སྨོན་ལམ་ཆེན་མོ། བཅོ་ལྔ་མཆོད་པ། འཇིགས་བྱེད་སྒྲུབ་མཆོད། རབ་གནས་ཆེན་མོ། མ་ཎི་བུམ་སྒྲུབ། མྱུང་གནས་ཆ་བརྒྱད་བཅས་ཟླ་བ་གཅིག་དང་ཕྱེད་བཅས་ཚོགས་སྲོལ་ཡོད། ཆོས་ཐེབས་ཆེན་མོ་བཞི་ཡི་སྤྱི་ཙ་ས་ཞིང་ཡིན། ཆོས་ཐེབས་ཆེན་མོ་མ་ཡིན་པའི་སྐབས་སུ་དད་ལྡན་སྦྱིན་བདག་རྣམས་ནས་འགལ་རྐྱེན་སེལ་ཕྱིར་ཞབས་རིམ་དང་མཆོད་འབུལ་སོགས་གནང་ནས་རང་གི་[page 159] འདོད་བློ་ཁེངས་པ་མཛད།

སྔོན་དགེ་འདུན་པའི་གྲངས་ཚན་ནི། གོང་དུ་གསལ་བ་བཞིན་འབར་དྷ་དགོན་པ་ཆགས་ནས་ལོ་དྲུག་རྒྱ་ལྷག་ཙམ་སོང་བའི་ནང་དགེ་ལུགས་པའི་གྲུབ་མཐའ་ཡིན། སྔོན་གྱི་སྐབས་སུ་དགེ་བདུན་ཉིས་བརྒྱ་བརྒྱས་བཅུ་ཡོད།

བླ་མ་རྣམས་པའི་སྐོར། གོང་དུ་གསལ་བ་བཞིན་གླིང་ཇོ་བཟང་དགའ་རབ་འབྱམས་བསྟན་པ་དར་རྒྱས་ཁོང་རྣམ་གཉིས་དགོན་པའི་བདག་པོ་ཡི། དེ་ལྟ་བུ་སྐྱེས་ཆེན་རྣམ་གཉིས་ཀྱི་རྒྱུད་པ་བར་མ་ཆད་པ་སྐྱེས་སྤྲུལ་རིམ་བྱོན་བྱུང་སྟེ་དེང་སྐབས་ཀྱང་གུང་འབར་ཆེན་ཆུང་གཉིས་ཞེས་གྲགས་པའི་སྐུ་ཕྲེང་རིམ་པར་ཕེབས་ཡོད། སྐུ་ཕྲེང་རེ་རེ་ནས་མཛད་པའི་རྣམ་ཐར་བསམ་གྱིས་མི་ཁྱབ་ཡོད་ཀྱང་དེང་སྐབས་སྐུ་ཕྲེང་རིམ་བྱོན་གྱི་རྣམ་ཐར་འདིར་མི་བཞུགས་པས་འབྲི་ཐབས་བྲལ། སྐུ་ཕྲེང་ཁ་ཤས་ཀྱི་རྣམ་ཐར་རྒན་པོ་རྣམས་ཀྱི་ངག་རྒྱུན་ལྟར་བྲིས་ན་གུང་འབར་ཆེ་ཆུང་ཚང་ཞེས་པ་ནི་དགུང་ལོ་ཆེ་ཆུང་གི་དབང་གིས་མཚན་གསོལ་བ་ལས་མཐའ་གཅིག་ཏུ་ངེས་བཞུང་མེད། ད་ལྟ་བཞུགས་བཞིན་པའི་གུང་འབར་ཆེ་ཚང་རིན་པོ་ཆེ་སྐུ་སྐྱེས་གོང་མ་གྲུ་བ་བེ་རུ་ཚང་ལ་འཁྲུངས་ནས་ངོས་འཛིན་གནང་མཁན་རྒྱལ་བ་སྐུ་ཕྲེང་བཅུ་གསུམ་པ་ཆེན་པོ་ཡིན། ངོས་འཛིན་གནང་བ་ནས་བཟུང་བསྟན་འགྲོར་ཕན་པའི་བདེ་ཐབས་ཁོ་ན་གཟིགས་ནས་མདོ་སྔགས་ཀུན་ལ་གསན་བསམ་ལྷོད་མེད་གནང་། གདུལ་བྱ་བསོད་ནམས་དམན་པའི་རྐྱེན་གྱིས་

དགུང་ལོ་ཉེར་ལྔ་མ་གཏོགས་མ་བཞུགས།

ད་ལྟ་བཞུགས་བཞིན་པའི་གུང་འབར་ཆེ་ཚང་རིན་པོ་ཆེ་ནི་ཕྱི་ལོ་༡༩༤༢ཙི་ཕུ་ཡབ་བློ་རྣམ་དང་ཡུམ་ཚེ་དགའ་གཉིས་ཀྱི་སྲས་སུ་སྐུ་འཁྲུངས། ངོས་འཛིན་གནང་མཁན་ལབ་མཁན་ཆེན་རྡོ་རྗེ་འཆང་ཡིན། དགུང་ལོ་བཞི་ནས་ཁྲི་སྟོན་གནང་། དགུང་ལོ་བཅུ་གཞི་འབར་དགོན་དུ་བཞུགས་ནས་ཡི་གེ་འབྲི་ཀློག་སོགས་དགོན་པའི་འདོན་ཆ་ཚང་གཟིགས། དགུང་ལོ་ཅོ་ལྔ་ནས་ལྷ་སར་འབས་སྤུངས་སུ་མཚན་ཉིད་ཀྱི་གཞུང་ཆེན་པོ་ལ་གསན་གསམ་ཆེད་བློ་གསལ་གླིང་གི་ཆོས་སྒོར་བཞུགས། དགུང་ལོ་སོ་བཞིའི་ཐོག་དགེ་བཤེས་ལྷ་རམས་དམ་བཅའ་མཛད། མཁས་པའི་ཡང་ཙེར་སོན་སྟེ་དེང་སྐབས་རྒྱ་གར་འཕགས་ཡུལ་དུ་བཞུགས། ད་ལྟ་བཞུགས་བཞིན་པའི་གུང་འབར་ཆུང་ཚང་རིན་པོ་ཆེ་སྐུ་སྐྱེས་གོང་མ་ནི་རྫ་སེར་ཤུལ་དབུ་སྟོད་མ་སྙིལ་ལ་མི་ཚང་ཡབ་གསོད་དགོན་དང་ཡུམ་སྒྲོན་དཀར་གཉིས་ཀྱི་སྲས་སུ་སྐུ་འཁྲུངས། ངོས་འཛིན་གནང་མཁན་རྒྱལ་དབང་སྐུ་ཕྲེང་བཅུ་གསུམ་པ་ཡིན། ཁྲི་སྟོན་གནང་ནས་ལོ་ཤས་རིང་ཡི་གེ་འབྲི་ཀློག་སོགས་དང་དགོན་པའི་འདོན་ཆ་སོགས་ཆ་ཚང་གཟིགས། དེ་ནས་རྫ་སེལ་ཤུལ་དགོན་དུ་མཚན་ཉིད་ཀྱི་གཞུང་ལ་གསན་བསམ་གནང་། དེ་རྗེས་འབར་དགོན་དུ་ཕེབས་ནས་སྒྲུབ་པ་ཉམས་བཞེས་ལྷོད་མེད་གནང་རྗེས། ལྷ་ས་ཕྱོགས་སུ་གནས་མཇལ་སོགས་ལ་ཕེབས་སྐབས་གདན་ས་ཁག་ལ་བསྙེན་བཀུར་ཟབ་རྒྱས་གནང་སྟེ་མཐར་འབྲས་སྤུངས་དགོན་དུ་སྐུ་གཤེགས། ད་ལྟ་བཞུགས་བཞིན་པའི་གུང་འབར་ཆུང་ཚང་རིན་པོ་ཆེ་ཕྱི་ལོ་༡[page 160] ༩༦༣ལོར་འདན་ཁོག་རྨ་འགྲིན་གཉའ་ཚང་ཡབ་གཅོད་སྤྲུལ་དང་ཡུམ་ཚེ་རིང་གཡང་སྐྱིད་གཉིས་ཀྱི་སྲས་སུ་འཁྲུངས། འཁྲུངས་ཡུལ་ནི་ལ་དྭགས་ཕྱོགས་ཡིན། འདིར་སྡེ་དགོན་གཉིས་ནས་ཡང་སྲིད་ངོས་འཛིན་གནང་ངོས་འཛིན་དགོས་ཚུལ་གྱི་ཞུ་ཡིག་གུང་འབར་ཆེ་ཚང་རིན་པོ་ཆེ་ལ་ཕུལ་བས། རིན་པོ་ཆེ་ནས་དགའ་ལྡན་ཁྲི་ཐོག་གོ་བདུན་པ་གླིང་ཡོངས་འཛིན་དང་གནས་ཆུང་གཉིས་ནས་ངོས་བཟུང་། རྒྱ་ཁར་འབྲས་སྤུངས་བློ་གསལ་གླིང་དུ་མཚན་ཉིད་ཀྱི་གཞུང་ལ་སྦྱངས།

དེང་གི་གནས་ཚུལ། ད་ལྟར་འབར་དྷ་དགོན་ལ་གུང་སྤྲུལ་ཆེ་ཆུང་གཉིས་གཙོས་གྲྭ་རྒན་རབས་རྣམས་ཀྱི་དབུ་ཁྲིད་བྱས་ནས་དད་ལྡན་ཆོས་དད་དམངས་ཚོགས་ཀྱིས་དགོན་པ་ཉམས་གསོ་ཕྲན་བུ་བྱུང་ཐུབ་ཡོད། གྲྭ་བ་བརྒྱ་དང་བདུན་ཡོད། ཚོགས་པ་འཚོགས་སྐབས་འཚོ་བ་རང་ཁ་རང་གསོ་བྱེད་རྒྱུ་མ་གཏོགས་སྤྱི་ཞིང་དང་སྤྱི་ཟོག་མེད། རང་ཁ་རང་གསོ་ཐབས་ཤེས་ནི་ཚོང་ཁང་ཆུང་ཆུང་ཞིག་ཚུགས་ཡོད། ལོ་གཅིག་ལ་ཚོགས་སྒོ་ཉིན་བརྒྱ་ལྷག་ཙམ་ཡོད། མཚན་ཉིད་ཙོད་གྲྭ་ད་ལྟ་ཚུགས་ཐུབ་མེད། མདོར་ན་གུང་སྤྲུལ་ཆེ་ཆུང་གཉིས་དང་གྲྭ་རྒན་གཞོན་བར་གསུམ་ཚང་མ་འབད་བཙོན་ལྷོད་མེད་མཛད་ནས་དགོན་པ་འདི་ཉིད་སྔར་ལྟར་ཉམས་གསོ་གང་ཐུབ་བྱེད་རྒྱུ་དང་ཆོས་དད་དམངས་ཚོགས་ཀྱི་རེ་འདུན་སྐོང་གང་ཐུབ་བྱེད་རྒྱུ་བཅས་ཡིན།

ས་མིང་ཚིག་མཛོད་མིག་བཤར།

དགོན་འདི་ཐོག་མར་ཕྱག་འདེབས་པ་པོ་ནི་ངག་བདང་གྲགས་པ་རྒྱ་མཚོས་རབ་བྱུང་བཅུ་གསུམ་པའི་དཀྱིལ་ཙམ་ཡིན་ཡང་ལོ་ཚིགས་གསལ་བོར་ནི་ངེས། ཆོས་སྡེ་འདིའི་མཚན་ལ་དགའ་ལྡན་བཤད་སྒྲུབ་འཕེལ་རྒྱས་གླིང་ཞེས་འདོགས་པའི་རྒྱུ་མཚན་ནི། རི་བོ་དགེ་ལྡན་པའི་ལྟ་གྲུབ་ཕྱག་ལེན་གཙང་མ་ཉམས་བཞེས་མཛད་ཅིང་ཁྱད་པར་དུ་འདུལ་བ་གཞི་གསུམ་གྱི་ཕྱག་ལེན་སྤུས་གཙང་གཞིར་བཟུང་ནས་མདོ་སྔགས་ལམ་གྱི་རིམ་པ་ཐུགས་དམ་གྱི་མཐིལ་དུ་བཟུང་ནས་གསང་ཆེན་རྒྱུད་སྡེ་བཞིའི་ཐིག་ཆོག། དབྱངས་རོལ། དཀྱིལ་འཁོར་སྒྲུབ་མཆོད་སོགས་རྗེ་རྒྱལ་བ་དེ་ཉིད་ཀྱིས་བསྩལ་བའི་ཤེར་བུམ་དུ་གསལ་བ་དང་། རྒྱུད་སྡེ་བཞིའི་ཕྱག་བཞེས་དཔལ་ལྡན་སྨད་རྒྱུད་གྲྭ་ཚང་ལྟར་ད་ལྟའང་ཉམས་གསོས་ཡོད་དོ། སྤྱིར་ཕྱག་བཏབ་པའི་དུས་ཚོད་ནི་ལྔ་བ་ཆེན་མོའི་སྐུ་དུས་ཡིན་པ་ཤེར་བུམ་དུ་གསལ་བ་ལྟར་རབ་བྱུང་བཅུ་གཅིག་པའི་དཀྱིལ་ཡས་མས་ཞིག་ཡིན་ཞིང་འདིར་བཀོད་པ་ནི་སྒྲིག་ལམ་དང་འཆད་ཉན་གསར་

དུ་ཚུགས་པའི་དབང་དུ་བྱས་པ་ཡིན་ནོ།།

ངག་དབང་གྲགས་པ་རྒྱ་མཚོའི་སྐུ་སྐྱེ་སྔོན་མ་ཨོ་དབོ་ཎི་སྤྲུལ་ལ་སོག་པོ་གྂ་ཤྲི་བསྟན་འཛིན་ཆོས་ཀྱི་[page 161] རྒྱལ་བོ་ཨེར་ཏེ་ནི་ཧོ་ཐོག་ཐུའི་ཆོ་ལོ་དང་བཀའ་གཏན་སྩལ་བ་དང་། རྒྱལ་མཆོག་ལྔ་བ་ཆེན་པོས་ཤེར་བུམ་སྩལ་བ་ཡོད་ཀྱང་། སྔོན་དུས་འགྱུར་གྱི་དབང་གིས་མེད་པ་བཟོས་ཟིན། འོན་ཀྱང་དེ་ལྟར་གནང་བ་ནི་རྒྱལ་མཆོག་བདུན་པ་ཆེན་པོས་ངག་དབང་གྲག་པ་རྒྱ་མཚོ་ལ་གནང་བའི་ཤེར་བུམ་ད་ལྟ་བཞུགས་པར་གསལ། ཆོས་སྡེ་འདིར་སྐྱེས་ཆེན་དམ་པ་སེར་བྱེས་མཁས་སྙན་གྲྭ་ཚང་གི་ལྷ་ལྡན་སྨོན་ལམ་ཆེན་མོའི་རབ་འབྱམས་པ་སྐུ་ཆུང་བློ་བཟང་བསྟན་པའི་རྒྱལ་མཚན་དང་། སེར་བྱེས་མཁས་སྙན་གྲྭ་ཚང་གི་གྲྭ་སྐོར་བ་བསྐལ་བཟང་དགེ་ལེགས་རྒྱལ་མཚན། རྗེ་བློ་བཟང་མདོ་རྒྱུད། ཁྲི་ཆེན་བློ་བཟང་སྐལ་བཟང་རྣམ་རྒྱལ། མཁན་ཆེན་འཇམ་དབྱངས་བློ་བཟང་སོགས་མཁས་གྲུབ་གཉིས་འཛོམས་ཀྱི་སྐྱེས་ཆེན་བསམ་གྱིས་མི་ཁྱབ་པ་མང་པོ་བྱོན། མཁན་རབས་དང་སྤྲུལ་སྐུ་རྣམས་ཀྱིས་མཛད་པ་རྣམ་མང་དགེ་བླ་མ་རྒོད་ཚང་རི་ཁྲོད་པ་དགེ་ལེགས་ཡར་འཕེལ་གྱི་རྣམ་ཐར་སོགས་སུ་ཁ་ཤས་གསལ་ནའང་ད་ལམ་དཔེ་མ་རྙེད། ཆོས་སྡེ་འདིར་ཀུན་མཁྱེན་འཇམ་དབྱངས་བཞད་པ་སྐུ་ཕྲེང་བཞི་པ་སྐལ་བཟང་ཐུབ་བསྟན་དབང་ཕྱུག་དང་། ས་སྐྱ་གོང་མ་ངག་དབང་ཀུན་དགའ་བསོད་ནམས་སོགས་སྐྱེས་ཆེན་དུ་མའི་ཞབས་ཀྱིས་བཅགས་ཤིང་བྱིན་གྱིས་རླབས་པའི་གནས་སུ་ངེསསོ།

ལོ་གཅིག་གི་མཛད་སྒོའི་རིམ་པ་ནི་དུས་བཞིའི་ཆོས་ཐོག་ཟླ་ཆོས་དང་། དབྱར་གནས་ཟླ་བ་ཕྱེད་གཉིས་ཀྱི་སྐབས་སོགས་ཆོས་ཐོག་གི་མཚམས་རྣམས་སུ་སེ་ར་རྗེ་བཙུན་ཆོས་ཀྱི་རྒྱལ་མཚན་དཔལ་བཟང་བོའི་ཡིག་ཆ་སོགས་ཀྱི་སྟེང་ནས་གཞུང་བཀའ་པོད་ལྔའི་འཆད་ཉན་དང་། བཟང་སྤྱོད་སྨོན་ལམ། དགའ་ལྡན་ལྔ་མཆོད་ཆེན་མོ་སོགས་དང་། གསང་བདེ་འཇིགས་གསུམ་གྱི་གཙོས་གསང་ཆེན་རྒྱུད་སྡེ་བཞིའི་དཀྱིལ་འཁོར་སྒྲུབ་མཆོད་དང་། གཏེར་ཆེན་དྲུག་བཅུའི་ལྕགས་མཁར་ཟུར་བཅུ་དྲུག་པའི་སྒྲུབ་པ་སོགས་དུས་མཆོད་རྣམས་ཡོད། དགོན་འདི་ལ་བཅའ་ཡིག་ཆེ་ཆུང་གཉིས་ཡོད་དོ།

དགོན་འདིར་མཐུན་སྐྱེན་སྦྱར་བའི་ལྷ་སྡེ་ཁྱིམ་ཚང་བརྒྱ་ལྷག་ཙམ་ཡོད་ཅིང་། ཕྱིས་སུ་ཇོ་བོ་སྐུ་ཆེན་སྐུ་ཕྲེང་འདིས། སྔོན་བློ་བཟང་བསྟན་པ་རབ་རྒྱས་སྡེ་དགེའི་གཉེར་རྒྱ་ལོ་དོན་གྲུབ་ཀྱི་(བྱ་རྒོད་སྟོབས་ལྡན་)སྤུན་མཆེད་ཡིན་སྐབས་བྱ་རྒོད་ཀྱི་ལྷ་སྡེ་རྒྱ་གར་ཟེར་བ་དུད་ཚང་བཞི་བཅུ་ཙམ་དང་། སྡེ་དགེའི་ཨ་གནམ་རྡོ་རྗེ། ཕུ་མ་རི་རྣམས་ཀྱི་འཁོར་དུད་ལས་ལྟོ་རི་དུད་ཚང་སུམ་ཅུ་ཙམ་ཇོ་བོ་དགོན་གྱི་ཆོས་སྡེད་གནང་བ་ཡིན། སྐུ་གསུང་ཐུགས་རྟེན་གྱི་གཙོ་བོ་ནི། རྗེ་བཙུན་སྒྲོལ་མའི་སྐུ་རྒྱུ་ཟངས་གསེར་ལས་གྲུབ་པ་དང་། སྟག་ཕུ་གར་གྱི་དབང་པོའི་ཐུགས་དམ་གྱི་རྟེན་ནང་དུ་བཞུགས་པའི་སྒྲོལ་མའི་སྣང་བརྙན་ལུས་ཚད་མ། རྡོ་རྗེ་འཇིགས་བྱེད་རྭ་ལོ་ཙ་བའི་དབུ་ལོ་བུབ་སོགས་ནང་རྟེན་ཚད་ལྡན་ཅན་གྱི་སྐུ་ཐོག་བཙེགས་ཅན། རྟ་མགྲིན་ཡང་གསང་ལ་ནང་རྟེན་དང་བཟོ་སྒྲོས་སོགས་སེ་རའི་རྟ་མགྲིན་དང་མཉམ་པ་ཞིག། ཟངས་གསེར་ལས་གྲུབ་པའི་འཇམ་མགོན་ཙོང་ཁ་བའི་སྐུ་འདྲ། གསེར་ཐང་སྟོན་པའི་སྣང་སྐུ་ཙེགས་གཉིས་ཅན། གཞན་ཡང་གསེར་སྐུ་དུ་མ་སོགས་སྐུ་གསུང་ཐུགས་རྟེན་གྲངས་ལས་འདས་པ་བཞུགས།

དམ་པ་རྣམས་ཀྱི་[page 162] གསུང་ཙོམ་ལྟ་བཞུགས་པ་ནི། སྐུ་ཆེན་སྐལ་བཟང་དགེ་ལེགས་རྒྱལ་མཚན་གྱི་གསུང་པོད་གཉིས་ཙམ་ཡོད། མཁན་ཆེན་བློ་བཟང་མདོ་རྒྱུད་ཀྱིས་མཛད་པའི་རིམ་ལྔའི་རིང་ལུགས་སྙིང་བོ་དང་། རྟ་མགྲིན་གསང་སྒྲུབ་ཀྱི་ལས་ཚོགས་སོགས་པོ་ཏི་གསུམ་ལྷག་ཡོད། མཁན་ཆེན་འཇམས་དབྱངས་བློ་གསལ་གྱི་གསུང་མ་རྒྱུད་ས་ལམ་དང་། སྟོང་ཐུན་བདེ་ཆེན་མྱུ་གུ་སོགས་གསུང་ཙོམ་དུ་མ་བཞུགས། མང་དགེ་དགེ་ལེགས་ཡར་འཕེལ་གྱིས་མཛད་པའི་སྐལ་བཟང་དགེ་ལེགས་རྣམ་རྒྱལ་གྱི་རྣམ་ཐར་ལེ་བཾ་ངོ་མཚར་ཕྲེང་བ་ཞེས་པ་པོ་ཏི་གཅིག་བཞུགས།

མཆོད་རྫས་རོལ་མོ་སིལ་སྙན་སོགས་འགང་ཆེན་མི་ཉུང་བ་ཞིག་ཡོད་རུང་། ད་ལྟ་ལྷག་ཡོད་པ་ནི་སིལ་སྙན་རྒྱུ་ཤིན་ཏུ་སྤུས་ལེགས་པ་ཞིག་དང་། མིང་རྒྱལ་རབས་ཀྱི་རྒྱལ་པོ་ཅན་ཏེའུ་ཡི་དུས་སུ་བཟོས་པའི་སྦུབ་ཆ་དེ་གཉིས་མ་གཏོགས་མེད། དགོན་འདིར་སྔོན་དགེ་འདུན་པའི་ཞལ་གྲངས་ནི་སུམ་བརྒྱ་ཙམ་ཡོད་མོད་ད་ལྟ་བརྒྱ་དང་བཅུ་ཙམ་ཞིག་བཞུགས་སོ། རིག་གསར་བཞི་རྒོལ་སྐབས་དགོན་པ་ཤུལ་མེད་དུ་སོང་ནས་གཅིག་དགུ་བརྒྱད་ཅུ་གྱ་གཉིས་ལོ་ལ་གཙུག་ལག་ཁང་གསར་བཞེངས་དང་། བསྟན་འགྱུར་ཆ་གཉིས། འབུམ། གསེར་སྐུ། ཞལ་ཐང་། མཆོད་རྫས་སོགས་ཉེར་མཁོའི་རིགས་སྣ་ཚོགས་ཇོ་བོ་སྐུ་ཆེན་དང་འཇམ་དཔལ་ལུང་རིགས་བསོད་ནམས་སེངྒེ་ནས་དགུང་ལོ་ལྔ་བཅུར་ཉེ་བའི་སྐབས་སུ་རྟེན་བཞེངས་བྱས་པ་ཡིན། གཞན་ཡང་རྡོ་རྗེ་འཇིག་བྱེད་དང་། རྟ་མགྲིན་ཡང་གསང་གི་སྐུ་ཁང་ཐོགས་བཙེགས་གཅིག་ཅན་གཟུངས་གཞུག་སྤུས་བཟང་ལྡན་པ་སོགས་སྔར་དང་འདྲ་བ་ཞིག་ཇོ་བོའི་གྲུབ་ཐོབ་ཟེར་བས་བཞེངས་ཡོད། གཞན་ཡང་བཀའ་བསྟན་གསུང་འབུམ་སོགས་ཆོས་ཀྱི་གླེགས་བམ་ཉིས་སྟོང་ལྷག་ཙམ་ཡོད་ཅིང་། ད་ལམ་བསྟན་པ་ཡང་དར་སྐབས་སྔར་གྱི་སྲོལ་རྒྱུན་རྣམས་ཕལ་ཆེར་ཚུགས་ནས་བསྟན་པ་འཛིན་སྐྱོང་བྱེད་བཞིན་ཡོད། ལོ་རྒྱུས་གྱི་ཡིག་ཆ་མེད་པ་དང་རྒན་རབས་རྣམས་འདས་ཟིན་པས་གསལ་བོར་མི་ངེས་ཀྱང་ལྷད་མེད་ཀྱི་ཞུ་བ་མདོར་བསྡུས་དེ་ཙམ་ཡིན། འདིས་ཀྱང་རྒྱལ་བའི་བསྟན་པ་རིན་པོ་ཆེ་ཕྱོགས་ཐམས་ཅད་དུ་དར་ཞིང་

རྒྱས་པར་གྱུར་ཅིག།

ས་མིང་ཚིག་མཛོད་མིག་བཤར།

རྒྱལ་བ་སྐུ་ཕྲེང་གསུམ་པ་བསོད་ནམས་རྒྱ་མཚོ་ཞེས་མཚན་སྙན་ཡོངས་སུ་གྲགས་པ་དེས། རབ་བྱུང་བརྒྱད་པའི་དུས་སུ་ཀ་བ་བཞི་དཔོན་གྱི་ཡོན་བདག་བགྱིས་ཏེ་གཙུག་ལག་ཁང་རྟེན་དང་བརྟེན་པ་བཅས་གསར་དུ་བཞེངས། རབ་གནས་མཛད་སྐབས་འཇའ་ཚོན་གྱི་གུར་ཕུབ། མེ་ཏོག་གི་ཆར་བབས་པ་སོགས་བཀྲ་ཤིས་པའི་རྟགས་མཚན་བཟང་པོ་མངོན་དུ་གྱུར། དེའི་ཉིན་མོ་སེང་ཨ་དམ་གྱི་མཁར་འཇིག་ནས་ཁར་[page 163] དེ་ཕྱོགས་སུ་བཞེངས་ནས་ཉིན་དང་། རྫོང་དེའི་ཕྱོགས་ལ་གནས་པའི་ཉིན་རྫོང་དགོན་པ་ཞེས་སུ་མཚན་གསོལ། གནའ་མི་རྒན་རབས་རྣམས་ཀྱི་ངག་རྒྱུན་ལྟར་བྲིས་པ་ཡིན། དགོན་པ་ཐོག་མར་འདེབས་སྐབས་ནས་དགེ་ལྡན་རིང་ལུགས་ཡིན། སྔར་གྱི་དུས་སུ་ཉིན་རྫོང་དགོན་འདི་ཆོས་འཁོར་དགོན་པའི་ནང་ཚན་ཆོས་འཁོར་གྲྭ་ཚང་དང་ཀ་བཞི་གྲྭ་ཚང་གཉིས་ཡོད་པའི་ཀ་བཞི་གྲྭ་ཚང་དེ་ཡིན། ཆོས་འཁོར་དགོན་འདི་བོད་ལྗོངས་ཀྱི་ཁོངས་སུ་གཏོགས། ཉིན་རྫོང་དགོན་ཀ་བཞི་གྲྭ་ཚང་སི་ཁྲོན་གྱི་ཁོངས་གཏོགས་ཡིན་པས། ད་སྐབས་དགོན་གཉིས་སུ་གྱུར། དགོན་འདི་ཆགས་སའའི་རྒྱ་ཁྱོན་གཞུ་འདོམས་གྲུ་བཞི་མ་བརྒྱ་ཙམ་ཟིན་པ་ལ་འདུ་ཁང་དང་མགོན་ཁང་བྱམས་ཁང་། བསྙེན་ཆེན་ཁང་། བླ་བྲང་གཉིས་བཅས་དེ་ལ་འདུ་ཁང་ནང་དུ་ཟངས་གསེར་ལས་གྲུབ་པའི་རྗེ་ཙོང་ཁ་བ་ཡབ་སྲས་གསུམ། ཐུབ་པ་གཙོ་འཁོར་གསུམ། སྒོལ་མ་ཉེར་གཅིག་བཅས་དང་། སྨན་འདག་གི་སྐུ་གནས་བརྟེན་བཅུ་དྲུག། གསེར་དངུལ་གྱི་བྲིས་པའི་འབུམ་རྒྱས་འབྲིང་བསྡུས་གསུམ་དང་གཟུངས་བསྡུས་མདོ་སྡེ་སྐལ་བཟང་། ཙོང་ཁ་བརྒྱད་ཅུའི་ཞལ་ཐང་། ཐུབ་པའི་ཚེས་དུས་སྒྲུབ་མཆོད་ཟླ་བ་དང་པོའི་ཚེས་བདུན་ནས་བཅུ་བདུན་བར་སྒྲོལ་མ་ལྷ་ཁང་དུ་སྨོན་ལམ་ཆེན་མོ་འཚོགས་ནས་སྒྲོལ་མའི་གཏེར་དབང་བསྐུར། ཟླ་བ་གཉིས་པ་དང་གསུམ་པའི་བར་ལ་སྒྲུབ་མཆོད་བརྒྱད་འཚོགས། ཟླ་བ་བཞི་པ་ལ་མཚམས་ཆེན་ཉིན་བཅོ་ལྔ་ལ་འཚོགས། ཟླ་བ་ལ་ལྔ་པ་ལ་དབྱར་བྱུང་ཉིན་ཉེར་གཅིག་འཚོགས། ཟླ་བ་དྲུག་པའི་ཚེས་བཅོ་ལྔ་ནས་ཉིན་ལྔ་བཅུ་ལ་དབྱར་གནས། ཟླ་བ་དགུ་པ་ལ་དགུན་ཆུང་ཉིན་བཅུ་གསུམ་ལ་འཚོགས། ཟླ་བ་བཅུ་པ་ལ་དགེ་ལྡན་ལྔ་མཆོད་ཉིན་ལྔ་ལ་འཚོགས། ཟླ་བ་བཅུ་གཉིས་ནང་ལ་དགུ་ཆེན་ཉིན་བཅོ་བརྒྱད་ལ་འཚོགས། གཞན་ཡང་ཟླ་བ་རེ་བཞིན་ཟླ་གསོལ་དང་གསོ་སྦྱོང་འཚོགས། རྒྱུན་དུ་སྒྲོལ་མ་ལྷ་ཁང་ནང་དུ་རྒྱུན་འཚོགས་བཞུགས་པ་དང་ཉིན་རྫོང་དགོན་ལ་རྒྱུན་བཞུགས་མཚམས་ཆེན་གཅིག་དང་མགོན་བླ་གཉིས་བཅས་ཡོད།

དགོན་པའི་འགན་བཞེས་པའི་བསྟན་བདག་ནི་སྤྲུལ་སྐུ་གཉིས་དང་མཁན་པོ་རིམ་བྱོན། མཆོད་དཔོན་དགེ་བསྐོས། དབུ་མཛད་བཅས་རིམ་བྱོན་གྱིས་འགན་བཞེས་ཤིང་། གནའ་རྫས་གྱི་གཙོ་བོ་ནི། རྒྱ་ནག་གོང་མའི་དུས་རོལ་མོ་གོང་མ་དབྱངས་ཅན་ཞེས་པ་ཁ་སྦུབ་འབྲུག་ཡོད་པ་གཅིག། ཐུབ་སྐུ་བྱེའུ་དྲོད་ཞེས་པ་དུས་བཟང་ཉིན་ཐུགས་ཀ་ལ་བྱེའུ་དྲོད་ཙམ་ཡོད་པ། ཞལ་འབག་ཆོས་སྐྱོང་རང་འཁོར་དང་གཞན་ཡང་གསེར་འབག་དངུལ་འབག་འདམ་གྱི་འབག་བཅས་ཁྱོན་བདུན་ཅུ་ཙམ་ཡོད།

ཡོན་གྱི་འབྱུང་ཁུངས་ནི། སྔོན་ཙེ་དྲུང་གྲགས་པ་བཀའ་ལྡན་དང་། ཀ་བཞི་དཔོན་བློ་བཟང་དགྲ་འདུལ་བཅས་ཀྱི་འགའ་བཞེས་ནས་འདན་སྟོད་ཁྱི་འདྲའི་རྡོ་ནག་མན་དང་འདན་སྨད་ཀ་ཡུལ་ཚེར་སྤུང་དམར་པོ་ཡན་ཀ་བཞི་གྲྭ་ཚང་གི་ཆོས་སྡེ་ཡོད་པ་དེ་ལ། མཆོད་ཐེབས་ལ་ཞིང་པ་དུད་གྲངས་བརྒྱ་དང་ལྔ་བཅུ་ཙམ་དང་འབྲོག་པ་དུད་གྲངས་བཞི་བཅུ་ཙམ་ལ་དགོན་གཞུང་གིས་འབྲུ་རིགས་དང་མར་ཆུར་ལོ་ལྟར་ལེན་རྒྱུ་ཡོད་པའི་སྲོལ་བཙུགས། གཞན་ཡང་དུས་མཆོད་སོ་སོར་མཆོད་ཐེབས་སུ་སྤྱི་ཁག་གསུམ་བསྐོས་[page 164] ནས་ལོ་ལྟར་རྒྱུན་མ་ཆད་པར་སྲོལ་བཙུགས། དགེ་འདུན་འདུས་པའི་ཞལ་གྲངས་ཁྱོན་སུམ་བརྒྱ་ལྷག་ཙམ་ཡོད་པར་གྲགས། དགོན་འདིའི་མངའ་འོག་གི་ཆོས་སྡེ། སེང་འབར། འཇའ་བ། དགོན་གསར། བྱ་ར། གོ་བ་མ་བུ་ཕྱོགས་གཉིས། ལོ་ཆུང་ནང་བ། ལྷ་ཁང་ནང་། ཆུ་ཐག་ནང་། མཁར་སྔོན། ཉ་མཁར། རབ་རི། ཤུག་པ་བཅས་ཡོད་པར་གྲགས། རྔོ་རྒོལ་བཞི་པ་ཞེས་པས་བཤད་སྒྲུབ་ཀྱི་རྣམ་པ་ཐམས་ཅད་སྟོང་སྟེ་རྟེན་དང་བརྟེན་པ་ཐམས་བཅད་བརླགས། དེང་ཆོས་ལྡན་བོད་འབངས་ཀྱ་དད་པའི་རང་དབང་སྤྲིན་གསེབ་ཀྱི་ཉི་མ་ཤར་མ་ཐག་གདན་ས་འདིའི་སྔར་གྱི་མཁན་སྤྲུལ་རྣམ་པ་མི་བཞུགས་ཀྱང་སྔོན་གྱི་ཐུགས་བསྐྱེད་བཟང་པོ་ད་ལྟར་ཉིན་རྫོང་དགོན་ཞེས་པ་འདུ་ཁང་ལ་ཐོགས་བཙེགས་བྱམས་ཁང་། མགོན་ཁང་བསྙེན་ཆེན་ཁང་བཅས་ཡོད་པ་ཡིན། མགོན་ཁང་ནང་དུ་འདུག་སྐུ་འཇིགས་བྱེད་གཙོས་ཆོས་སྐྱོང་ཆ་བརྒྱད་བཞེངས་ཡོད། འདུ་ཁང་ནང་དུ་ཐུབ་པ་གཙོས་འདག་སྐུ་ཐོག་བཙེགས་ཅིག་ཡོད་པ་བདུན། ཐུབ་སྐུ་རྡོ་གདན་མ་གཅིག་རྒྱལ་བ་བསོད་ནམས་རྒྱ་མཚོའི་ཕྱག་བཟོ་གནས་སྲུང་ཞལ་འབག་དང་། གཞན་རོལ་མོ་བཀྲ་ཤིས་གདངས་སྙན་ཞེས་པ་དང་། བཀའ་བསྟན་འགྱུར་མཆོད་རྫས་ཡོ་བྱད་ཕྲན་བུ་བཅས་གསར་བ་ཡོད་པ་ཡིན།

ས་མིང་ཚིག་མཛོད་མིག་བཤར།

ཐོག་མར་ཕྱག་འདེབས་པ་པོ་ནི། བླ་མ་གླིང་ཇོ་བཟང་ཞེས་པའི་སྤྱི་ལོ་1444ལ་ཕྱག་བཏབ་པ་སྟེ་གྲུ་བ་དགོན་བཀྲ་ཤིས་གླིང་ཞེས་མཚན་གསོལ། མཛད་རྣམ་གཙོ་བོ་ནི་མདོ་སྔགས་རིག་གནས་དང་ཅས་པ་ཀུན་ལ་བཤད་ཁྲིད་གནང་བ་དང་། རྒྱུད་སྡེའི་ལུང་རྒྱུན་སྤེལ་བ་བཅས་འགྲོ་དོན་རླབས་པོ་ཆེ་མཛད་ཅིང་འཕྲིན་ལས་ཕ་མཐར་གསོན། སློབ་མའང་མཁའ་སྤྱོད་རྟ་མགྲིན་སོགས་གྲུབ་པ་ཐོབ་པ་མང་དུ་བྱུང་།

གཙུག་ལག་ཁང་རྟེན་དང་བཅས་པའི་ཚད་ནི། འདུ་ཁང་ཆེན་མོ་གཅིག་འཁོར་ཁང་ཆོས་ར་གཉེར་ཁང་དགོན་ཁང་གསེར་ཁང་མཆོད་རྟེན་གཉིས་སོགས་དང་། གྲྭ་ཤག་ཉེར་ལྔ་གྲྭ་པའི་གངས་ལྔ་བཅུ་ཆོས་སྡེ་ང་གཉིས་བཅས་ཡོད། སྐུ་གསུང་ཐུགས་རྟེན་གྱི་སྐོར་རྒྱ་གར་ཤར་ལི་མ་ཇོ་བོ་མདའ་ཚད་གང་བ། གསེར་སྐུ་ལི་མ་ཐུབ་པ་གཙོ་འཁོར་གསུམ། ཉེ་བའི་སྲས་བརྒྱད། སྒྲོལ་མ་ཉེར་གཅིག་རྗེ་ཡབ་སྲས་གསུམ་རིག་གསུམ་མགོན་པོ། ཚེ་ལྷ་རྣམ་གསུམ། ཐུབ་པ་བྱིའུ་དྲོད་མ། འཇིགས་བྱེད་རང་བྱོན། རྟ་མགྲིན་གསུང་བྱོན་དུ་གྲགས་པ་རྣམས་དང་། གཙང་ཁང་དུ་གསེར་ཟངས་ཀྱི་རྒྱལ་བ་བྱམས་པ་ཉིས་ཐོག་མ། སྤྱན་རས་གཟིགས་ལི་མའི་སྐུ་གསུམ། ཨོ་རྒྱན་ཆེན་པོ་གཏེར་མ། བཀའ་གདམས་མཆོད་རྟེན་བརྒྱད། བཀའ་བསྟན་འགྱུར་ཆ་ཚང་རེ། རྗེ་རིན་པོ་ཆེའི་གསུང་འབུམ་གསེར་བྲིས་མ་ཆ་གཅིག་སོགས་ཡོད་དོ།

དེང་གི་གནས་ཚུལ་ནི་དགོན་འདིའི་འཁོར་ཡུག་གི་རྒྱ་ཁྱོན་ལ་རྨུ་110ཙམ་དང་། གཙུག་ལག་ཁང་གཅིག་འཁོར་ཁང་གཅིག་བླ་བྲང་གཅིག་མགོན་ཁང་གཅིག་གསེར་ཁང་གཅིག་གཉེར་ཆོས་གྲྭ་[page 165] ཆེན་མོ་གཅིག་གྲྭ་ཁང་ཉི་ཤུ། གྲྭ་པ་སོ་བརྒྱད། ཆོས་སྡེ་མི་གྲངས་སུམ་བརྒྱ་བརྒྱད་ཅུ་གྱ་བརྒྱད་དང་སྐུ་གསུང་ཐུགས་རྟེན་སྐོར་རྒྱ་ཁར་ཤར་ལི་མ་ཇོ་བོ་མདའ་ཚད་གང་བ་དེ་དང་། རྗེ་ཡབ་སྲས་གསུམ། འཇིགས་བྱེད་རང་བྱོན། རྒྱལ་བ་བྱམས་པ། འཇམ་པའི་དབྱངས་མདའ་ཚད་ཙམ་པ། བྱང་ཆུབ་མཆོད་རྟེན་ཁང་བཙེགས་གཉིས་ལྷག་ཙམ་པ་གཉིས་དང་། གསུང་རྟེན་དུ་བཀའ་བསྟན་འགྱུར་སོགས་ཡོད་དོ། རྒྱུན་མཆོད་སྐོར་ལ། མ་ཎི་བུམ་སྒྲུབ། སྨོན་ལམ་སྒྲུབ་མཆོག་དང་། སྨྱུང་གནས། ཀུན་རིག་བདག་འཇུག་གསང་བསྟོད་མཆོད་པ། བདེ་མཆོག་སྒྲུབ་མཆོད། གསང་འདུས། སྨན་ལྷ། བསྔོ་བ་སྨོན་ལམ། བླ་མ་མཆོད་པ། བཟང་སྤྱོད་སྨོན་ལམ། ལྷུང་བཤགས། དགུ་ཆུང་། དགུ་ཆེན་སོགས་ཡོད་དོ། དེ་དག་སྤྱི་པའི་རྟེན་ནི། རྒྱུན་དུ་དགོན་པའི་ཡོང་འབབ་དང་། གནག་འབྲི་བཞི་བཅུ་ལྷག་ཙམ་ཡོད་པ་དེ་དག་གིས་ཙ་བ་འཛིན་ྤའོ།། གོང་གསལ་གྱི་ལོ་རྒྱུས་ནི་རྒན་རབས་རྣམས་ཀྱི་ངག་རྒྱུན་ལྟར་བཀོད་པའོ།

ས་མིང་ཚིག་མཛོད་མིག་བཤར།

ཐོག་མར་ཕྱག་འདེབས་པ་པོ་ནི། ཐོག་མ་བོན་དགོན་ཡིན་པར་གྲགས་ཀྱང་ཕྱག་འདེབས་པ་པོ་ནི་མི་གསལ། དེ་ནས་ས་སྐྱ་རུ་བསྒྱུར་ཡང་ཕྱག་འདེབས་པ་པོའང་མི་གསལ། དེ་ནས་དགེ་ལུགས་སུ་བསྒྱུར་ནས་ཕྱགས་འདེབས་པ་པོ་ཀ་གཞི་བྱང་ཆུབ་སེམས་དཔའ་ཡིན། གདན་རབས་རགས་རིམ་ནི། མཁར་དཀར་སྤྲུལ་སྐུ། མཁར་དམར་སྤྲུལ་སྐུ། གདུང་རྒྱུད་སྤྲུལ་སྐུ། རྒྱལ་སྲས་སྤྲུལ་སྐུ་བཅས་སྦྲུལ་སྐུ་བཞི་ཡོད་ཀྱང་དགོན་པར་ཆ་རྐྱེན་སོགས་མ་འཛོམས་པས་ངོས་འཛིན་རྒྱུ་མ་ལོན། མཁན་པོ་དགེ་འདུན་ཆོས་གྲགས་དང་དབང་འགྱུར་མེད་སོགས་མང་པོ་བྱོན་ནོ། བླ་མ་ཚུལ་ཁྲིམས་བསམ་གཏན། ཚུལ་ཁྲིམས་ཉི་མ། ཚུལ་ཁྲིམས་གར་འབངས་ཞེས་ཀ་ཕུ་ཚུལ་ཁྲིམས་རྣམ་གསུམ་ཟེར་བ་མཁས་པའི་གྲགས་པས་ས་གསུམ་དུ་ཁྱབ་པོ། བཤད་སྒྲུབ་ཀྱི་སྲོལ་གཙུགས་ཚུལ་མི་གསལ། སྐུ་གསུང་ཐུགས་རྟེན་ནི། ཀ་གཞི་པ་བྱང་ཆུབ་སེམས་དཔའ་ཉིད་ཀྱིས་བཞག་པའི་རྒྱ་གར་ཤར་ལི་ལས་གྲུབ་པའི་ཐུབ་པའི་སྐུ་གཅིག། ཙནྡ་དཀར་དམར་ལས་གྲུབ་པའི་འཇིགས་བྱེད་གཅིག། ཙནྡ་སྨུག་པོའི་གཙང་སྨྱོན་པའི་སྐུ་གཅིག་བཅས་སྐུ་རྟེན་ཁྱོན་བསྡོམས་བརྒྱ་དང་བཅུ་གསུམ་ཡོད། ཞལ་ཐང་སངས་རྒྱས་སྐྱེས་རབས་ཞལ་ཐང་སུམ་བརྒྱ་ལྷག་ཙམ་ཡོད། འདན་མའི་ཁྲབ་རྨོག་གོ་གསུམ་ཆ་ཚང་མཁར་དཀར་མགོན་ཁང་དུ་ཡོད།

གསུང་གི་སྐོར་ལ་འདན་མས་བཞེངས་པའི་གསེར་བྲིས་ཆ་ཚང་གཅིག་དང་བཀའ་བསྟན་འགྱུར། ས་སྐུའི་བཀའ་འབུམ་སོགས་ཁྱོན་པོད་བདུན་བརྒྱ་ཙམ་ཡོད་དོ། མཆོད་ཆས་དང་འཆམ་འབག་སྐོར་ལ་རོལ་མོ་ཁམས་

གསུམ་ཟིལ་གནོན་ནམ་འཛམ་གླིང་གཡས་བཞག་གཙོའི་རོལ་མོ་ཆ་བཞི་བཅུ་ཞེ་བརྒྱད། མཁར་རྔ་རྒྱ་ནག་ཆོས་འཁོར་གཙོའི་ཆ་ལྔ། གླང་ཆེན་འབྲུག་བྲགས་གཙོའི་དུང་དམར་ཆ་བཞི། དུང་དཀར་[page 166] གཡས་འཁྱིལ་གཙོའི་ཆ་གསུམ། གསེར་དངུལ་གཞིས་ལས་གྲུབ་པའི་རྒྱ་གླིང་ཆ་ལྔ། རྐང་གླིང་ཆ་ལྔར་བཅས་འདུ་ཁང་དུ་བཞུགས། མཁར་དཀར་དགོན་ཁང་དུ་སྒྲོལ་མའི་དངུལ་སྐུ་གཅིག་དང་ཁྱོན་སྐུ་དགུ་ཙམ་ཡོད། མང་དགེ་རྡོ་རྗེ་འཆང་དང་ཤུག་རེའི་གཅོད་སྨྱོན་མ་གཉིས་ཀྱི་ཆོས་གོས་དང་མཆོད་ཆས་སོགས་ཐམས་ཅད་ཡོད།

གསུང་ཆོས་རྗེ་རིན་པོ་ཆེའི་བཀའ་འབུམ་ཆ་གཅིག་དང་བསྟན་འགྱུར་ཆ་ཚང་གཅིག་ཡོད་དོ།།

དུས་མཆོད་སྐོར། འབུམ་འགྱུར་ཟླ་བའི་ཚེས་བདུན་ནས་བཅོ་ལྔ་བར་ལ་སྨོན་ལམ་ཆེན་མོ། ས་ག་ཟླ་བའི་ཚེས་བཅུ་གཅིག་ནས་མགོ་གཟུང་སྨྱུང་གནས་ཆ་གཉིས། དབྱར་ཟླ་ཐ་མའི་ཚེས་བཅོ་ལྔ་ནས་སྟོན་ཟླ་མགོ་མའི་གནམ་གང་བར་དབྱར་གནས། དགུན་ཟླ་མགོ་མའི་ཉི་ཤུ་ལྔ་ནས་རྗེ་ཙོང་ཁ་བའི་འདས་མཆོད་ཉིན་བཅུ་གཉིས་འཚོགས་སོ།

ཡོན་གྱི་འབྱུངས་ཁུངས། ཡོན་གྱི་འབྱུངས་ཁུངས་གཙོ་བོ་ད་ལྟ་དགེ་བདུན་པ་རྣམས་གསོལ་སྙོམས་ལ་བྱོན་ནས་ཟས་ནོར་སྒྲུབ་པ་དང་སྡེ་མི་སེར་རྣམས་ཀྱི་བཞག་པ་དང་རྒྱུན་འཚོགས་ཀྱི་ཡོང་སྒོ་ཙམ་ལ་བརྟེན་ནས་དུས་མཆོད་སོགས་སྒྲུབ་བཞིན་ཡོད།

དེང་གི་གནས་ཚུལ། དེ་ལྟར་འདན་ཀ་ཕུ་དགོན་ཞེས་པའི་མཚན་སྙན་ས་གསུམ་དུ་ཁྱབ་པ་འདི་ཉིད་ཀྱི་རྟེན་གསུམ་ངོ་རྒོལ་བཞི་པའི་སྐབས་ལ་མང་ཙམ་བརླགས་ཀྱང་སེམས་ཅན་བསོད་ནམས་མ་ཟད་པའི་མཐུ་ལས་ཐུབ་སྐུ་རྒྱ་གར་ཤར་ལི་རྡོ་རྗེ་ལྡན་མར་བཅས་པའི་སྐུ་བརྒྱད་དང་། རོལ་མོ་ཆ༣ སིང་སྙན་ཆ་༡ རྒྱ་གླིང་ཆ་༡ དུང་དམར་ཆ་༡ རྐང་གླིང་ཆ་༡རྔ་༡ འཆམ་འབག་ལྔ་བཅུ་ང་བདུན། འཆམ་ཆས་ཡོད་ལ། ཨ་ལི་རྡོ་རྗེ། འཇམ་མགོན། དོན་འགྲུབ་གཙོས་པའི་བླ་གྲྭ་སུམ་ཅུ་སོ་བདུན་གྱིས་དུས་མཆད་དུས་འཆམ་སོགས་སྒྲུབ་པ་མཛད་ནས་འགྲོ་བ་རིག་དྲུག་གི་དོན་དུ་རྒྱལ་བའི་བསྟན་པ་རིན་པོ་ཆེན་ལ་འཛིན་སྐྱོང་སྤེལ་གསུམ་གྱི་འཕྲིན་ལས་རྒྱས་པ་འབད་འབུངས་ལྷོད་མེད་མཛད་བཞིན་ཡོད་དོ།།

ས་མིང་ཚིག་མཛོད་མིག་བཤར།

ཐོག་མར་བཏབ་དུས་རབ་བྱུང་བརྒྱད་པའི་ནང་ཙམ་ཞིག་ཡིན་པར་གྲགས་ལ། ཕྱག་འདེབས་པ་པོའི་མཚན་དང་ལོ་རྒྱུས་ད་ལྟ་ཁུངས་དག་མི་གསལ། དེ་ནས་རྒྱལ་དབང་ལྔ་བའི་དུས་སུ། མགར་བ་མེས་རྒན་ཆོས་རྗེ་བྱ་བ་མཚན་སྙན་གྱི་མེ་ཏོག་མཁའ་ལ་མཐོར་བ་དེ་ཉིད་ནི། གདན་ས་སེ་ར་བྱེས་པ་གྲྭ་ཚང་དུ་[page 167] ཚོགས་ཞུགས་མཛད་ནས། གཞུང་ལུགས་རབ་འབྱམས་སྨྲ་བ་ལྷ་རམས་པའི་གྲྭ་སྐོར་མཛད་པ་མ་ཟད། སྐུ་ཚེའི་སྨད་དུ་ཤར་ཙེའི་ཆོས་རྗེ་མཛད་མྱོང་བ་དེ་ཉིད་ཀྱི་ཐུགས་བབ་དང་བསྟུན། སོག་སྟོད་ནས་མཁའ་འགྲོ་བློ་བཟང་བསྟན་སྐྱོང་གིས་སོག་བོད་དཀྲུགས་ཏེ་མི་བདེ་བའི་དུས་ཟིང་གི་གདོང་གྲྭ་སར་བཞུགས་པའི་དགེ་བཤེས་བློ་བཟང་བསྟན་འཛིན་དང་། ནང་སོག་བློ་བཟང་དོན་གྲུབ། ཚེ་འབུམ་རྒྱལ་གསུམ་གྱི་སྐུ་འབུམ་གྲྭ་ཚང་ལ་མགོ་འབུལ་ཞུས་ཏེ། སྔོན་གྲུབ་མཐའ་རྙིང་མ་ཡིན་པར་གྲགས་པ་ལ། ཕྱིས་དགའ་ལྡན་པར་བསྒྱུར། དེ་ནས་བཟུང་ད་བར་མཁན་ཐོག་སུམ་ཅུ་སོ་བརྒྱད་བྱོན་སོང་། དགོན་སྡེ་འདིའི་བསྟན་པའི་བདག་པོ་ཟེ་ཆེན་རབ་འབྱམས་བསྟན་པའི་རྒྱལ་མཚན་ཡིན་ཞིང་། དེ་འོག་གི་དགོན་པའི་ལས་སྒོ་ཆེ་ཕྲ་ཐམས་ཅད་ལ་རག་ལས་པའི་ལས་སྣེའི་གོ་རིམ་ནི་མཁན་པོ། དགོན་དཔོན། དབུ་མཛད། དགེ་སྐོས་ཆབ་རིལ་ཏེ་རིམ་པ་ལྟར་ཡིན། དགོན་སྡེ་འདིར་ལྷ་ཁང་ངམ་འདུ་ཁང་ཆེན་མོ་གཅིག། ཆོས་ར་གཅིག། རུང་ཁང་ངམ་སྤྱི་ཁང་། འཁོར་ཁང་། གྲྭ་ཤག་སུམ་བཅུ་ཙམ་ཡོད་ལ་འདུ་ཁང་གི་རྒྱ་ཁྱོན་ཡང་ཀ་རིང་བཞི་དང་ཀ་ཐུང་བརྒྱད་བཅུའི་ཚད་དང་ལྡན་པ་ཡོད་དོ། རྟེན་གྱི་གཙོ་བོ་ནི། མཁས་གྲུབ་རྗེས་འཇམ་མགོན་བླ་མའི་ཤངས་ཁྲག་གིས་ཕྱག་གཟོ་མཛད་པའི་དམ་ཅན་ཆོས་རྒྱལ་གྱི་ཞལ་ཐང་དང་། མཆོག་ཚང་བླ་མ་ལྷ་སྲུང་གི་སྐུ་གདུང་ལ་རྗེ་ཡབ་སྲས་གསུམ་གྱི་སྐུ་དོད་ཡོད་པ་གཅིག། སྐུ་ཞབས་ཨ་སྒྲས་རིན་པོ་ཆེའི་སྐུ་གུང་ལ་རྡོ་རྗེ་འཇིགས་བྱེད་ཀྱི་སྐུ་དོད་ཡོད་པར་གྲགས་པ་གཅིག། གོང་དུ་གསལ་བའི་ཟངས་གསེར་གྱི་རྒྱལ་བ་བྱམས་པའི་སྐུ་ཁང་བཙེགས་གཉིས་ཅན་དང་། ཟངས་གསེར་གྱི་སྟོན་པའི་སྐུ་ལུས་ཚད་ཅན། ཟངས་གསེར་གྱི་མར་མེ་མཛད་གྱི་སྐུ་ལུས་ཚད་མ། ཟངས་གསེར་གྱི་བྱམས་པའི་སྐུ་མདའ་ཚད་མ། བླ་མ་རིན་ལོས་བཞག་པའི་བཀའ་གདམས་མཆོད་རྟེན། ལབ་སྐྱབས་མགོན་གྱི་བཞག་པའི་བཀའ་གདམས་མཆོད་རྟེན། ཟེ་ཆེན་རབ་འབྱམས་པས་བཞག་པའི་སྟོན་པའི་སྐུ་ལི་མ་ཁྲུ་ཚད་མ། རྫོགས་ཆེན་ཐུབ་བསྟན་ཆོས་རྡོས་གྱིས་བཞག་པའི་བློ་བཟང་གྲགས་པའི་སྐུ་ལི་མ་མཐོ་ཚད་མ། དཔོན་པོ་བློ་བཟང་སྐལ་ལྡན་གྱིས་བཞག་པའི་བྱམས་པའི་སྐུ་ལི་མ་མཐོ་ཚད་མ་དང་བདེ་མཆོག་ཡབ་ཡུམ་གྱི་སྐུ་ལི་མ་མཚོ་ཐད་མ། ལྷ་མོའི་སྐུ་ལི་མ་ཁྲུ་ཚད་མ་སོགས་གསེར་སྐུ་ཆེ་ཆུང་བརྒྱ་ལྷག་ཡོད། གསུང་རྟེན་རྒྱལ་བའི་བཀའ་འགྱུར་རིན་པོ་ཆེ་ཆ་བརྒྱད་དང་། བསྟན་འགྱུར་ཆ་གསུམ། རྗེ་ཡབ་སྲས་གསུམ་གྱི་གསུང་འབུམ། བརྒྱད་སྟོང་ཚར་ལྔ་བཅུའི་ནང་གསེར་བྲིས་མ་གཅིག་ཀློང་ཆེན་མཛོད་བདུན། མི་ཕམ་གསུང་འབུམ། ཆ་གསུམ་ནང་གསེར་བྲིས་མ་གཅིག་ལམ་རིམ་དང་སྔགས་རིམ་སུམ་བཅུ་རེ་ཙམ་ཡོད། ཆོས་སྡེ་འདི་ལ་འཚོ་བ་ཞབས་ཕྱི་སོགས་སྒྲུབ་པའི་སྤྱིན་པའི་བདག་པོ་ནི། མཆོད་གཞིས་ཀྱི་ཡུལ་ལ་འཇུ་མང་སྡེ་ཤོག་གི་དད་ཅན་ཡོན་བདག་རྣམ་ཡིན། དགོན་སྡེ་འདིའི་དགེ་འདུན་འདུས་པའི་ཞལ་གྲངས་བརྒྱ་ལྷག་ཙམ་ཡོད་ལ། སྡེ་ཤོག་གི་དུད་གྲངས་ཡང་ནིས་བརྒྱ་ལྷག་ཡོད་དོ། འདི་དག་ནི་སྔོན་གྱི་ལོ་རྒྱུས་ཡིན་ལ་དུས་ཀྱི་འཕོ་འགྱུར་གྱི་དབང་གིས་དམངས་[page 168] གཙོ་བཅོས་སྒྱུར་དང་རིག་གནས་གསར་བརྗེའི་སྐབས་སུ་གཏོར་བཤིག་བཏང་བས་གཙུག་ལག་ཁང་རྟེན་གསུམ་འདུས་སྡེ་དང་བཅས་པ་ཤུལ་མེད་བརླགས་སོང་བར་མ་ཟད། སྔོན་གྱི་དགོན་པ་ཆགས་སའི་ས་ཆ་ད་ལྟ་སེལ་ཤུལ་རྫིང་གིས་བཟུང་ཡོད།

སླར་ཡང་རྒྱལ་བསྟན་ཉམས་གསོའི་སྐབས་གོང་རིམ་ལ་ཞུ་ལྟར་དགོན་པ་གསར་དུ་ཆགས་པའི་ས་གནས་ཐར་རྐས་གོང་མ་རུ་རབ་བྱུང་དྲུག་པའི་ཤིང་མོ་གླིང་གི་ལོ་ཧོར་ཟླ་བརྒྱད་པའི་ཚེས་༢༢ཉིན་ཆོས་ལུགས་ས་ཚིགས་ར་བ་བཙུགས། མེ་སྟག་ལོ་པཎ་ཆེན་ཐམས་ཅད་མཁྱེན་པ་རྗེ་བཙུན་བློ་བཟང་འཕྲིན་ལས་ལྷུན་གྲུབ་ཆོས་ཀྱི་རྒྱལ་མཚན་དཔལ་བཟང་པོ་འདིེར་ཕེབས་ནས་ཆོས་བཀའ་མང་དུ་བསྩལ། ད་ལྟ་དགོན་སྡེ་འདིར་རྟེན་གྱི་གཙོ་བོ་ཆོས་རྒྱལ་ཞལ་ཐང་གསར་བཞེངས་དང་། བཀའ་འགྱུར་ཆ་དྲུག་བསྟན་འགྱུར་ཆ་གཉིས། འབུམ་ཚར་བཞི་ཞལ་ཐང་ཆེ་ཆུང་ལྔ་བཅུ་མཆོད་རྟེན་མདའ་ཚད་ཅན་གཉིས། སྦུབ་ཆ་ཁྱོིན༡༥། སིལ་སྙན༡། རྔ་༡༥། དུང་དཀར་ཆ༢། དུང་དམར་ཆ༤། རྒྱ་གླིང་ཆ༤། སྤོས་ཕོར་ཆ༢། མཁར་རྔ༣སོགས་མཆོད་རྫས་དུ་མ་ཡོད། དུས་མཆོད་དཀྱིལ་འཁོར་སྒྲུབ་མཆོད་ཀྱི་རིམ་པ་སྔོན་དུས་ལྟར་ཡིན་ལ། གསར་དུ་བཞེངས་པའི་གཙུག་ལག་ཁང་གཅིག ཆོས་ར་གཅིག པཎ་ཆེན་ལྷ་ཁང་། འཁོར་ཁང་གཉིས། གྲྭ་ཤག་བཞི་བཅུ་ཙམ་ཡོད། དགེ་འདུན་འདུས་པའི་ཞལ་གྲངས་བདུན་བཅུ་ཙམ་ཡོད་ཅིང་། ཁོང་རྣམས་ཀྱིས་བཤད་སྒྲུབ་འཁོར་ལོ་གསུམ་གྱི་ཉམས་ལེན་དང་རྨད་བྱུང་འཆད་རྩོད་རྩོམ་པའི་བྱ་བ་ལ་གུས་རྟག་གི་བརྩོན་པ་ལྷུར་བཞེས་ནས་ཕྱི་འདུལ་བའི་ཀུན་སྤྱོད་དང་། ནང་གསང་སྔགས་ཀྱི་ཉམས་ལེན་བྱང་སེམས་ཀྱི་བསླབ་བྱ་ཐུགས་ཉམས་སུ་བཞེས་བཞིན་ཡོད།

ས་མིང་ཚིག་མཛོད་མིག་བཤར།

རྒྱལ་བ་སྐུ་ཕྲེང་བཞི་བ་བསོད་ནམས་རྒྱ་མཚོའི་སྐུ་ཚེའི་སྨད་རྩམ་ཏེ་རབ་བྱུང་བཅུ་པའི་ནང་ཚན་ལ་བླ་མ་དམ་ཆོས་ཀྱི་བཏབ། གྲུབ་མཐའ་ནི་དང་པོ་ཉིད་ནས་དགེ་ལུགས་པ་ཡིན། རྒྱལ་དབང་ལྔ་པ་ཆེན་པོས། མང་དགེ་དཔོན་ཚང་ལ་གཟའི་སྲོག་གཏད་གསུངས། གནམ་ལྕགས་ཀྱི་ཕུག་ཕོར་འགང་ཆེ་བ་གནང་ཡོད། རྒྱལ་བ་སྐུ་ཕྲེང་བདུན་པ་སྐལ་བཟང་རྒྱ་མཚོའི་རིང་ལ། རྗེ་བཙུན་ཆེན་པོ་དགེ་ལེགས་ཡར་འཕེལ་སྐུ་འཁྲུངས་ནས་ལོ་ངོ་གསུམ་བརྒྱ་ལྷག་ཙམ་སོང་། དེ་ཉིད་ཀྱིས་བསྟན་པ་དང་འགྲོ་བའི་དོན་མཛད་ཚུལ་ནི་སྟོན་པའི་གཞི་གསུམ་གྱི་ཕྱག་ལེན་ལྟར། སེར་ཤུལ་དགོན་དང་། དཔོན་པོ་དགོན། འབུམ་སྙིང་དགོན་སོགས་དགོན་པ་རྣམས་ལ་དབྱར་གནས་དང་། དུས་མཆོད་འགའ་བཙུགས། སྐུ་ཕྲེང་གོང་མ་དབུས་གཙང་གི་བླ་མ་ཤ་ར་བ་ཡིན་པར་རྣམ་ཐར་དུ་གསལ། སྐུ་ཕྲེང་གཉིས་པ་དགོན་པ་འདི་ཉིད་ཕྱག་འདེབས་[page 169] པ་པོ་བླ་མ་དམ་ཆོས་ཡིན་པ་ཞལ་རྒྱུན་ལྟར་ཡིན། སྐུ་ཕྲེང་གསུམ་པ་དགེ་ལེགས་ཡར་འཕེལ། སྐུ་ཕྲེང་བཞི་བ་ཐུབ་དབང་མདོ་རྒྱུག་སྤྲུལ་སྐུ་དབུས་གཙང་ཕྱོགས་ཀྱི་རྒྱལ་མེ་ཏོག་ཐང་དུ་སྐུ་འཁྲུངས། སྐུ་ཚེ་དེ་ཉིད་ལ་མཚམས་བསྙེན་སྒྲུབ་བྱས་པ་ཡིན། དགོན་འདིའི་སྔོན་མའི་བཤད་སྒྲུབ་གྱི་སྲོལ་ནི་ལམ་རིམ་གྱི་བཤད་གྲྭ་དང་སྒོམ་སྒྲུབ་ཀྱི་སྲོལ་བཟང་པོ་ཡོད་དེ། སྔར་བླ་མ་གྲྭ་བ་བརྒྱ་ཉི་ཤུ་ཡོད་དོ། མང་དགེ་དགོན་དགའ་ལྡན་བསམ་གཏན་དར་རྒྱས་འདི་ནི། སེ་ར་ཐེག་ཆེན་གླིང་གི་དགོན་ལག་ཡིན་པར་ངེས་ཤིང་། གཙུག་ལག་ཁང་དང་། འདུ་ཁང་། གྲྭ་ཤག་བཅས་ཁང་པ་ང་ལྔ་ཡོད།

སྔར་དུས་མཆོད་ཡོང་གྲངས་ལ་ཚོགས་བསགས་མཆོད་པ་ཉིན་ཉེ་ལྔ། རིལ་སྒྲུབ་ཆེན་པོ་ཉིན་བརྒྱད། སྨྱུང་གནས་ཉིན་བཞི། དགེ་ལེགས་ཡར་འཕེལ་གྱི་འདས་མཆོད་ཉིན་གསུམ། རབ་གནས་དགེ་ལེགས་ཆར་འབེབས་ཉིན་བརྒྱད། དབྱར་གནས་ཉིན་ལྔ་བཅུ། སྨན་བླ་ཉིན་བཞི། བདག་འཇུག་ཉིན་བཞི། ལྷ་ལྡན་བཟང་སྤྱོད་ཆེན་པོ་ཉིན་བརྒྱད། སྤྱི་སྲུང་བསང་ལྔ་མཆོད་དང་བཅས་ཉིན་ལྔ། དགུ་མཚམས་ཉིན་ལྔ་བཅུ། ཆོ་འཕྲུལ་སྨོན་ལམ་ཆེན་མོ་ཉིན་དགུ། མཆོད་པ་ཉིན་དྲུག རབ་འབྱམས་པའི་འདས་མཆོད་ཉིན་གསུམ། ཁྱོན་ཉིན་གྲངས་བརྒྱ་དང་དོན་དགུ་ཡོད་དོ།

ངོ་རྒོལ་བཞི་བ་ཞེས་པའི་སྐབས་བཤད་སྒྲུབ་ཀྱི་རྣམ་པ་ཐམས་ཅད་སྟོང་སྟེ། མིང་གི་ལྷག་མར་གྱུར་ཅིང་རྟེན་བརྟེན་པ་ཐམས་ཅད་བརླགས། གཙུག་ལག་ཁང་གྲྭ་ཤག་དང་བཅས་པའི་ཞིག་ཤུལ་ས་ཕུང་དང་རྡོ་ཕུང་ཙམ་ལས་མེད་པར་གྱུར། རིག་གནས་གསར་བརྗེ་སྐབས་རིན་ཐང་གཞལ་བར་དཀའ་བའི་གནའ་རྫས་ཀྱང་བརླགས་ཚུལ་ལ་བསམ་ན་ཡིད་སྐྱོ་བའི་གནས་སོ།།

དེང་སྐབས་ཆོས་ལྡན་བོད་འབངས་ཀྱི་དད་པའི་རང་དབང་སྤྲིན་གསེབ་ཀྱི་ཉི་མ་ཤར་མ་ཐག མཆོག་སྤྲུལ་ངག་དབང་དགེ་ལེགས་བསོད་ནམས་རབ་རྒྱས་སྐུ་འཁྲུངས་ཏེ་བསྟན་འགྲོའི་མགོན་དུ་གནས་ཡོད། དུས་འགྱུར་ཆེན་པོའི་སྐབས་ལའང་བར་ཆད་དང་འགལ་རྐྱེན་གང་གིས་ཀྱང་མ་ཚུགས་པར་འཆོ་ཞིང་གཞེས་ལ་གངས་ལྗོངས་རྒྱལ་བསྟན་ཉམས་གསོ་ཆོག་པའི་སྐབས། དགོན་རྩ་ལག་སླར་གསོའི་དབུ་བཙུགས་ཏེ། མང་དགེ་དགོན་པའི་རྟེན་དང་བརྟེན་པ་བཅས་བཞེངས། སྐུ་གསུང་ཐུགས་རྟེན་རྙིང་པ་ཅུང་ལྷག་ཡོད་པ་རྣམས་དད་ལྡན་འགས་རང་མོས་ཀྱིས་ཕུལ་བ་དང་། ཁོང་ཉིད་ཀྱིས་ཕྱག་རྫས་ཀྱིས་བླུས་པའི་གསེར་སྐུ་རྙིང་བ་དང་། མཆོད་རྫས་བཅས་ཐེབས་བཞག་གནང་ཞིང་། རྒྱལ་ཁང་དང་། འདུ་ཁང་གཙུག་ལག་ཁང་བཅས་སྐྱར་བཞེངས་མཛད། ད་ལྟ་བླ་མ་གྲྭ་བ་བརྒྱ་དང་ཉི་ཤུ་རྩ་ལྔ་ཙམ་གྱིས་སྔར་སྲོལ་དུས་མཆོད་ཀྱི་རྨང་གཞི་ཙམ་ཚུགས་ཡོད་པས། སྔར་སྲོལ་བཤད་སྒྲུབ་ཀྱི་འཆད་ཉན་སྒོམ་སྒྲུབ་སོགས་འབད་བཞིན་གཞི་བྱེས་བླ་སེར་ཀུན་གྱིས་ཕྱི་སོ་ཐར། ནང་བྱང་སེམས། གསང་བ་སྔགས་ཀྱི་ཉམས་ལེན་དང་ཆོས་མཐུན་གྱི་མཛད་སྤྱོད་གནང་བཞིན་ཡོད་དོ།

ས་མིང་ཚིག་མཛོད་མིག་བཤར།

[page 170] ས་གཞི་གདན་ཁྲི་བརྩེགས་འདྲའི་ཐོག་ཏུ་དགོན་པ་ཆགས་ཡོད་པས་ཁྲི་ཐོག་དགོན་པ་ཞེས་གྲགས་པ་དེའི་བྱུང་བ་མདོར་ཙམ་བཀོད་ན། དགོན་པ་འདི་ཉིད་ཐོག་མར་ཕྱག་འདེབས་པ་པོ་ནི་ཆབ་མདོ་ལྕགས་ར་མཆོག་སྤྲུལ་རིན་པོ་ཆེ་ཡིས་རི་བོ་དགེ་ལྡན་པའི་གྲུབ་མཐའ་འཛིན་པའི་དགོན་པ་འདི་ཉིད་སྤྱི་ལོ་1620ཡས་མས་ལ་བཏབ་ཡོད་པ་འདྲ། དེ་དུས་དགོན་འདིའི་བསྟན་པའི་བདག་པོ་ཕ་རྒན་ཡ་ཟུང་གིས་མཛད་ཅེས་བཤད་སྲོལ་ཡོད་པ་ལ་དཔྱད་ན་དེའི་སྐབས་ཀྱི་དགོན་པའི་བླ་མ་རྣམས་བཙུན་པ་ཤ་སྟག་མིན་པ་འདྲ། དེའི་རྗེས་ཆབ་མདོ་ལྕགས་ར་མཆོག་སྤྲུལ་རིན་པོ་ཆེ་ནས་དགོན་འདི་ཉིད་བསྟན་པ་ཡར་རྒྱས་དང་འདུལ་ཁྲིམས་དང་ལྡན་པ་ཞིག་ཡོང་ཆེད་དུ་སྤྲུལ་སྐུ་ཞིག་གནང་བའི་མཚན་ལ་དགེ་ལེགས་ཕུལ་བྱུང་གྲགས་ཏེ་སྐུ་ཉིད་ནི་དགོན་འདིར་སྤྲུལ་སྐུ་ཡོད་པའི་སྲོལ་ཐོག་མ་དང་སྐུ་ཕྲེང་དང་པོ་ཡིོན། དེ་ནས་རིམ་བཞིན་དགོན་དཔོན་གྱི་བླ་མ་ལ་འདྲེ་དཀྲོག་ལྷ་རྗེ་བྱ་བ་དང་། བླ་མ་བཀྲ་ཤིས་བྱ་བ་སོགས་བྱོན་ནས་དགོན་འདིོ་སེར་ཞིབ་མཛད་དེ་བླ་གྲྭ་ཁྲིམས་འཆལ་འགའ་ཞིག་གནས་དབྱུང་བཏང་སྟེ་དགོན་པ་འདི་ཉིད་བཅའ་ཁྲིམས་དང་འདུལ་ཁྲིམས་ལྡན་པ་ཞིག་ཏུ་གྱུར།

དེ་ནས་མཆོག་སྤྲུལ་སྐུ་ཕྲེང་གཉིས་པ་རིགས་ལྔ་ཚེ་རིང་སྐྱབས་མགོན་བསྟན་འཛིན་རྒྱ་མཆོ་ངོས་འཛིན་གནང་ཡང་ཁྲི་ལ་མངའ་གསོལ་མ་ཐུབ། དེའི་སྐབས་དགོན་འདིའི་བསྟན་པའི་བདག་པོ་བླ་མ་བསོད་ནམས་དང་བླ་མ་བློ་བཟང་ཕྲིན་ལས། བླ་མ་ཚུལ་ཁྲིམས་མཐར་ཕྱིན་སོགས་ཀྱི་རིམ་བཞིན་མཛད་དོ། དེང་གི་གནས་ཚུལ་ནི། དགོན་འདིའི་བསྟན་པའི་བདག་པོ་ནི་མཆོག་སྤྲུལ་གོང་མའི་ཡང་སྲིད་དུ་འདན་དིང་གི་གནས་ཚུལ་ནི། དགོན་འདིའི་བསྟན་པའི་བདག་པོ་ནི་མཆོག་སྤྲུལ་གོང་མའི་ཡང་སྲིད་དུ་འདན་དིང་འགོ་མཁྱེན་བརྩེ་རིན་པོ་ཆེ་མཆོག་གི་སྐྱབས་དགོན་བསྟན་འཛིན་རྒྱ་མཚོ་ཉིད་ལ་ཞུས་ནས་ངོས་འཛིན་གནང་བའི་མཚན་དུ་བློ་བཟང་རྣམ་རྒྱལ་བྱ་བ་འདི་ཉིད་ཡིན། དགོན་པའི་རྒྱ་ཁྱོན་ལ་མུའུ་བརྒྱ་ལྷག་དང་གཙུག་ལག་ཁང་སྔོན་ལྟར་གཉེར་ཁང་གཅིག དུང་འཁོར་གཅིག གྲྭ་ཤག་ཉེར་བཞི། བླ་གྲྭའི་ཞལ་གྲངས་སོ་བདུན། སྐུ་གསུང་ཐུགས་རྟེན་གསེར་སྐུ་ལི་མ་མོ་ཚད་ཙམ་བཞི་གསེར་སྐུ་གསར་པ་བཅུ་གཉིས། ཐང་ག་རྙིང་པ་བདུན། གསར་པ་བཅུ་གསུམ། བཀའ་བསྟན་འགྱུར་ཆ་གཅིག་སོགས་དང་བཀའ་གདམས་མཆོད་རྟེན་གཅིག་བཅས་ཡོད་ལ། མཆོད་ཆས་སྐོར་ལ་རོལ་མོ་རྙིང་པ་ཆ་གསུམ། གསར་པ་ཆ་ལྔ། སིལ་སྙན་རྙིང་པ་ཆ་གཅིག གསར་པ་ཆ་གཅིག དུང་དམར་ཆ་གཅིག དུང་དཀར་གཅིག རྐང་གླིང་ཆ་གཅིག རྒྱ་གླིང་ཆ་གཅིག་བཅས་སོགས་ཡོད་དོ། ཚེས་དུས་སྒྲུབ་མཆོད་སྐོར་ལ་ལྔ་མཆོད། དབུ་ཆུང་འཆམ་དང་བཅས་པ་ལྷུང་བཤགས། བཟང་སྤྱོད། སྒྲོལ་མ། སྨན་ལྷ་བཅས་ཚུགས་ཡོད། འཚོ་བའི་འབྱུང་ཁུངས་ནི་དགོན་པའི་རང་ཁ་རང་གསོ་ཡིན།

ས་མིང་ཚིག་མཛོད་མིག་བཤར།

[page 171] ཐོག་མར་ཕྱག་བཏབ་ཚུལ་ནི། ངག་དབང་པདྨ་བཟང་པོ་ཞེས་པ་དེ་ཡིན། ཁོང་ནི་དགེ་རྩེ་ཤལ་མིའི་རུས་སུ་གཏོགས་པ་ཡབ་གསང་སྔགས་རྒྱ་མཚོ་དང་། ཡུམ་ཝ་བཟང་ཤྰཀྱ་སྨན་གཉིས་ཀྱི་སྲས་སུ་སྐུ་ཆུང་དུས་ནས་ཐུགས་རབ་ཤིན་ཏུ་གསལ་ཞིང་དང་པའི་ངང་ཚུལ་དང་ལྡན་པས་ཡབ་ཀྱིས་མཚན་པདྨ་བཟང་པོ་ཞེས་གསོལ། དགུང་ལོ་བརྒྱད་ཙམ་ནས་འབྲི་ཀློག་དང་ཐུན་མོང་གི་རིག་གནས་སྐོར་ཡུལ་དུ་ཕྱིན། དགུང་ལོ་བཅུ་བཞིའི་ཐོག་མཁན་ཀུན་བཟང་ཞེས་པ་ལས་རབ་ཏུ་བྱུང་། ཀཿཐོག་དགོན་ལ་གྲྭ་རྒྱུན་བཞུགས་སྐབས་ངག་དབང་པདྨ་བཟང་པོ་ཞེས་མཚན་གསོལ། ཐོས་བསམ་མཐར་ཕྱིན་པར་མཛད། རྒྱལ་བདང་ལྔ་བ་ཆེན་པོ་ལས་བསྙེན་རྫོགས་སྒྲུབས། ལོ་ཆེན་ཆོས་དཔལ་ལས་སྒྱུ་འཕྲུལ་དང་རྩ་བའི་མདོ་བཞིའི་རྒྱུད་བཤད་དང་དབང་། སེམས་ཀློང་མན་ངག་བཅས་ཀྱི་ཟབ་ཁྲིད་རྫོགས་པར་གསན་ཏེ་ཐུགས་རྟོགས་ཁྱད་པར་ཅན་འཁྲུངས། གཞན་ཡང་སྟག་ལུང་རིན་པོ་ཆེ་སོགས་རིས་མེད་ཀྱི་བཤེས་གཉེན་བཅུ་ཕྲག་ལྔ་ལྷག་ཙམ་བསྟེན། དབེན་པའི་རི་རྣམས་སུ་སྒྲུབ་པ་འབའ་ཞིག་མཛད་པའི་དམ་བཅའ་ཕུལ། གནས་ངེས་མེད་དུ་སྒྲུབ་པ་ཡུན་རིང་བྱས་མཐར་སླར་རང་ཡུལ་དུ་འཁོར། སྒོ་བྲག་སྒམ་དུ་ལོ་བརྒྱད་སྐུ་མཚམས་ལ་བཞུགས་པས་ཡི་དམ་གུ་རུ་དྲག་པོའི་ཞལ་གཟིགས། ཆོས་སྐྱོང་མ་གཟའ་དམ་གསུམ་དངོས་སུ་བྱོན་ནས་ལུང་བསྟན། རླུང་སེམས་ཀ་བ་འཕྲེད་ཆོད་ཀྱི་རྫུ་འཕྲུལ་གྱིས་རྡོ་ལ་ཞབས་རྗེས་བཞག་པ་དང་། སྒྲུབ་རྟགས་མཆོག་གི་དངོས་སྒྲུབ་ཐོབ། ཤོང་ཡོས་ལོར་དགོན་ས་བཙལ་བས་དེ་ཡང་ཇི་སྐད་དུ་རིག་འཛིན་བདུད་འདུལ་རྡོ་རྗེའི་གཏེར་ལུང་ལས། ཟླ་ཀླུང་ལྗོངས་ཀྱི་ས་ཆ་རུ། གཤེད་བཞི་ལོ་པ་པདྨའི་མིང་ཅན་འབྱུང་། ཞེས་པ་ལྟར་མཎྜལ་ལ་ཁ་ན་བཞུགས་སྐབས་མགོན་པོ་བྱ་རོག་ཏུ་སྤྲུལ་བས་ཕྱག་འཕྲེང་ཁུར་ནས་འཕུར་སོང་། དེ་བཙལ་བས་དྲེལ་དཀར་རྡོ་རྗེ་གཡུང་དྲུང་ཞེས་པ་བྲག་རི་བ་གམ་འདྲ་བའི་ཐོག་བཞག་འདུག་པ་རྙེད། དེའི་སྐབས་གཏེར་བདག་བྱང་སྐྱོང་དང་དགོངས་བཙན་གཉིས་དངོས་སུ་བྱུང་ཞིང་གཟི་སྨུག་ལས་གྲུབ་པའི་བདེ་མཆོག་ཡབ་ཡུམ་གྱི་སྐུ་གཏེར་ནས་བཞེས། དེར་ས་གཞི་བྱིན་གྱིས་བརླབས་ཤིང་གདུང་ཡབ་གསང་སྔགས་རྒྱ་མཚོ་དང་ལྷན་དུ་དགོན་འདི་བཏབ་ཅིང་སྐུ་ཚེ་གང་བོའི་རིང་འཁོར་ལོ་རྣམ་གསུམ་གྱི་མཛད་བཟང་བསྐྱངས། དགུང་ལོ་རེ་ལྔའི་ཐོག་སྐུ་གཤེགས་ཚུལ་བསྟན།

གདན་རབས་རིམ་པ་ནི། སྐུ་ཕྲེང་གཉིས་པ་ཁང་དམར་ནོར་བུ་རྒྱལ་མཚན་ནི། དྲེལ་དཀར་དབོན་པོ་བསོད་སྦྱིན་དང་བླ་མ་རང་བྱུང་པ་གཉིས་ཀྱིས་བསྟན་བདག་བྱས་ཡོད། རབ་བྱུང་བཅུ་བཞི་པའི་ལྕགས་མོ་ཕག་གི་ལོར་ཕ་ཡབ་བླ་བྲང་ནག་ཡུ་དང་ཡུམ་གཡོན་འབྲུག་དགའ་གཉིས་ཀྱི་སྲས་སུ་འཁྲུངས། རྫོགས་སྤྲུལ་བཞི་བམི་འགྱུར་ནམ་མཁའི་རྡོ་རྗེ་ངོས་འཛིན་བྱས་ནས་པདྨ་ཐེག་མཆོག་བསྟན་འཛིན་དུ་མཚན་གསོལ། དགུང་ལོ་བཅུ་གསུམ་ཐོག་མཁན་པདྨ་བཛྲ་ལས་རབ་ཏུ་བྱུང་། དགུང་ལོ་བཅུ་བདུན་ཐོག་སྨིན་[page 172] གླིང་གི་གྲྭ་རྒྱུན་ལ་བཞུགས་ནས་མཁས་པའི་ཡང་རྩེར་སོན་པའི་ཐོས་བསམ་མཛད། དུས་མཆོད་རྒྱུན་སྲོལ་ནི་ཁྱོན་དགེ་འདུན་གྲངས་ཉིས་བརྒྱ་ཡོད་ལ། ཧོར་ཟླ་དང་པོའི་ཚེས་བཅུ་གཅིག་ནས་དགེ་འདུན་པ་བརྒྱད་ཅུ་ཙམ་འདས་མཆོད་ཉིན་བརྒྱད། ཧོར་ཟླ་གཉིས་པའི་ཚེས་བཅུ་གསུམ་ནས་དགེ་འདུན་ལྔ་བཅུ་ཙམ་སྤྱོད་འཇུག་ཉིན་སུམ་ཅུ། ཧོར་ཟླ་གསུམ་པའི་ཚེས་ཉེར་ལྔ་ནས་དགེ་འདུན་པ་དྲུག་ཅུ་ཙམ་རྡོར་སེམས་རབ་གནས་ཉིན་བདུན། ཧོར་ཟླ་བཞི་པའི་ཚེས་བཅུ་ནས་དགེ་འདུན་སུམ་ཅུ་ཙམ་སྨྱུང་གནས་ཆ་བརྒྱད། བདེ་ཆེན་ཞིང་སྒྲུབ་ཉིན་བདུན། ཧོར་ཟླ་ལྔ་བའི་ཚེས་བརྒྱད་ནས་ཞིང་འཚོགས་མགོན་པོའི་སྤྱི་སྲུང་ཉིན་བདུན། ཧོར་ཟླ་དྲུག་པའི་ཚེས་བཅུ་བཞི་ནས་དགེ་འདུན་པ་དྲུག་ཅུ་ཙམ་དབྱར་གནས་ཉིན་ཞེ་ལྔ། ཧོར་ཟླ་བརྒྱད་པའི་ཚེས་བཅུ་ནས་དགེ་འདུན་པ་ཉི་ཤུ་ཙམ་གསང་སྙིང་ཉིན་བཅུ་གཉིས། ཧོར་ཟླ་ཅུ་གཉིས། ཧོར་ཟླ་དགུ་པའི་ཚེས་གསུམ་ནས་བླ་མ་གསང་འདུས་ཚེས་བཅུའི་ཉིན་གར་འཆམ་དང་བཅས་པ་ཉིན་བརྒྱད། ཚེས་བཅུ་གསུམ་ནས་གྲྭ་གྲངས་དགུ་བཅུ་ཙམ་འཇའ་ཚོན་སྤྱི་འདུས་ཀྱི་བུམ་སྒྲུབ། ཧོར་ཟླ་བཅུ་པའི་ཚེས་གཉིས་ནས་དགེ་འདུན་པ་སུམ་ཅུ་ཙམ་ཀར་གླིང་ཞི་ཁྲོའི་ཟླ་སྒྲུབ་ཉིན་སུམ་ཅུ། ཧོར་ཟླ་བཅུ་གཅིག་པའི་ཚེས་བཅོ་ལྔ་ནས་དགེ་འདུན་པ་ཉི་ཤུ་ཙམ་དགུན་ཁའི་སྤྱི་སྲུང་ཉིན་བདུན། ཧོར་ཟླ་བཅུ་གཉིས་པའི་ཚེས་ཉེར་གསུམ་ནས་བཀའ་བརྒྱད་ཞིང་འཚོགས་དཔལ་ཆེན་འདུས་པ་དང་ཕུར་པ་ཡང་གསང་གཉིས་སྒྲུབ་པ་ཞག་བདུན་དགུ་ཆེན་གར་འཆམ་བཅས་ཡོད། རྫོགས་ཆེན་སྨིན་གླིང་ཉི་གྲགས་སྙིང་ཐིག་བདུད་འདུལ་ཆོས་སྐོར་སོགས་ཀྱི་སྒྲུབ་སྲོལ་སྐོར་ཡོད།

དེང་གི་གནས་ཚུལ་ནི། དེ་ལྟར་སྔ་འགྱུར་བའི་རིང་ལུགས་འཛིན་པའི་དགོན་སྡེ་འདི་སྐྱེ་དགུ་བསོད་ནམས་དམན་པའི་ཤུགས་ལས་ལོ་སུམ་ཅུའི་རིང་གི་ཉམས་གུད་དང་གཏོར་བརླག་དགོན་གཞན་དང་འདྲ། སྔར་གྱི་མཁན་སྤྲུལ་ཕལ་ཆེ་བ་མི་བཞུགས་ཀྱང་བསྟན་པ་ཡང་དར་གྱི་སྐབས་འདིར་མོག་སྤྲུལ་འཕྲིན་ལས་རྣམ་རྒྱལ་དང་བླ་མ་འཇིོགས་ཚུལ་དགེ་སྐོས་ཞེས་རྩེག་སོགས་ཀྱིས་གཙོ་བོི་འགན་བཞེས་ནས་དགོན་སྡེ་ཉམས་པ་སླར་གསོ་དང་རྫོགས་མཁན་པོ་བློ་གྲགས་ཀྱི་ཡང་སྤྲུལ་སྤྲུལ་སྐུ་སྐྱ་སྡེ། སྤྲུལ་སྐུ་འཇིགས་མེད་ཚུལ་ཁྲིམས་བཅས་ནས་ཐུགས་མཐུན་ཁྲིམས་གཙང་སྒོས་བཤད་སྒྲུབ་ལས་གསུམ་སྤེལ་བཞིན་པ་དང་བཅས་སོ།།

ས་མིང་ཚིག་མཛོད་མིག་བཤར།

བོད་རབ་བྱུང་བཅུ་གཅིག་པའི་ཆུ་བྱིའི་ལོར་སྤྱི་ལོ་1672ལོར་ཝ་བླ་མ་ངག་དབང་བཟང་པོ་དང་རབ་དཔོན་གཉིས་ཀྱིས་ནག་སྒར་ཞིག་བཏབ། དེའི་རྗེས་ནས་སྡེ་དགེའི་རྒྱལ་པོ་དང་རྫོགས་སྤྲུལ་ངེས་དོན་བསྟན་འཛིན་བཟང་པོ་གཉིས་ནས་སངས་རྒྱས་གླིང་བའི་གདུང་རྟེན་གནང་། དེ་ད་ལྟ་ཡང་བཞུགས་ཡོད། [page 173] བདག་པོ་ཡོན་མཆོད་གཉིས་ཀྱི་གཟིགས་སྐྱོང་འོག་རྫོགས་ཆེན་པད་མ་བདུད་འདུལ་སོགས་ཀྱིས་རིམ་པར་བཀའ་དྲིན་བསྐྱངས་ཏེ་འདུས་སྡེ་བཅུ་ཕྲག་འགའ་བཞུགས་པར་གྲགས། དེའི་རྗེས་སུ་རྗེ་འཇིགས་མེད་རྒྱལ་བའི་མྱུ་གུས་ཕྱག་བཏབ་པ་ཡིན་ཏེ། ཁོང་ནི་བོད་ཀྱི་རུས་ཆེན་བཞི་དང་རྒོད་ལྷ་དཀར་པོའི་རིགས་ཏེ་མི་རིགས་ལྔ་བྱུང་བའི་ནང་ཚན་སྡོང་ལས་ཆད་པ་མི་ཁྱིམ་ཕུན་སུམ་ཚོགས་པ་དགེ་མྱོན་བཀྲ་ཤིས་དང་། ཤར་ཀཿཐོག་པའི་ཆོས་བརྒྱུད་འཛིན་པ་རིག་འཛིན་ཀློང་གསལ་སྙིང་པོའམ་བླ་མ་པད་མ་རྡོ་རྗེ་ཞེས་པའི་དབོན་སྲིང་བཀྲ་ཤིས་སྐྱིད་ཅེས་པ་གཉིས་ཀྱི་སྲས་སུ་རབ་བྱུང་བཅུ་གསུམ་པའི་ས་སྐྱོང་ཞེས་པ་ཤིང་མོ་བྱ་ཡི་ལོ་སྟེ་སྤྱི་ལོ་1765ལོར་སྐུ་འཁྲུངས། སྐུ་ཆུང་དུས་ནས་ཐེག་པ་ཆེ་ཆུང་གི་ཆིས་ཀུན་ལ་དབང་འབྱོར་བའི་རིགས་སད། རྗེ་བླ་མ་འཇིགས་མེད་འཕྲིན་ལས་འོད་ཟེར་སོགས་དབུ་ཡི་ཅོད་པན་དུ་བཀུར། ཕ་ཡུལ་ཁྲི་མུན་ལྟ་བུ་འདི་ལས་ཕྱུང་ནས་རྩེ་གཅིག་ཏུ་སྒྲུབ་པ་ལ་གཞོལ་བའི་དམ་བཅའ་འདྲོངས་ངེས་བྱུང་། དེ་ནས་རྗེ་བླ་མ་འཇིགས་མེད་འཕྲིན་ལས་འོད་ཟེར་གྱིས་ལུང་བསྟན་པ་ལྟར། དབུས་གཙང་གིོ་ཕྱོགས་སུ་ཕེབས། དེར་ཡང་མཚན་ལྡན་གྱི་བླ་མ་མང་པོའི་ཞབས་ལ་གཏུགས་ཤིང་། ཁྱད་པར་དུ་སྔ་འགྱུར་བའི་བསྟན་པའི་བདག་པོ་ཀུན་མཁྱེན་འཇིགས་མེད་གླིང་པ་ངེས་པ་དོན་གྱི་ཡོངས་འཛིན་དུ་ངེས་འདྲོངས་ཏེ་སྒོ་གསུམ་གུས་པ་ཆེན་པོས་མཆོད་ཅིང་མཐར་བླ་སློབ་དགོངས་ཀློང་དབྱེར་མེད་དུ་གྱུར། དེ་ནས་རྗེ་འཇིགས་མེད་གླིང་པའི་ཞལ་ནས། ཁྱོད་ཡུལ་མཐའ་འཁོབ་སྐྱེ་བོ་ལ། བསམ་པ་བཟང་པོ་ཁོ་ན་ཡིས།། དགེ་སྡིག་རྒྱུ་འབྲས་འདོར་ལེན་ཤོད།། བསམ་པ་བཟང་ན་སེམས་ཅན་གྱི།། དོན་དུ་མི་འགྱུར་འགའ་མེད་པས།། ཁྱད་པར་བཻ་རོ་ཙ་ན་དང་།། ང་ཡི་ཐུགས་བསྐྱེད་སྨོན་ལམ་མཐུས།། ཡུལ་དེ་ཆོས་ལ་འགྱུར་བར་ཤོག ཅེས་གསུངས་ཤིང་ཕྱག་འཁར་དང་ཁྲིད་ཡིག་སོགས་གནང་ནས་སླར་མདོ་སྨད་དུ་ཕེབས། འགྲོ་དོན་ཐུགས་བསྐྱེད་དུས་བབས་དང་སྔོན་གྱི་སྨོན་ལམ་རྫོགས་ནའི་མཐུ་ལས། གླིང་ཚང་། སྡེ་དགེ་ས་སྐྱོང་ཆེན་པོ་སོགས་འགྲོ་བ་མི་ཆེ་དགུ་དང་། རྫ་ཆུ་ཁ། མགོ་ལོག་རོང་སྡེ་སོགས་འགྲོ་བ་ཕལ་བ། གཞི་བདག་གཉན་ཆེན་ཐང་ལྷ། རྨ་རྒྱལ་སྤོམ་ར། རྫ་རྒྱལ་འཕན་ཕྱུག་སོགས་མི་མ་ཡིན་ཐམས་ཅད་ཟབ་རྒུའི་ཆོས་ཀྱི་སྨིན་པར་བྱས། དངོས་རྫས་ཀྱང་མི་དང་མི་མིན་གྱི་འབུལ་བ་སྣ་ཚོགས་བྱུང་། དེ་ལྟར་འགྲོ་བ་མི་དང་མི་མ་ཡིན་པ་ཀུན་གྱི་འདྲེན་པ་ཆེན་པོར་བཞུགས་པས་མཚུངས་མེད་བླ་མ་པདྨ་ཀུན་བཟང་ངམ་འཇིགས་མེད་རྒྱལ་བའི་མྱུ་གུ་ཞེས་རླུང་ལྟར་དུ་གྲགས་པ་དེ་ཉིད་མཆོག་གཟིགས་རྣལ་འབྱོར་དམ་པའི་ལུང་དང་མཐུན་པའི་ལྗོངས། ཁྲ་མ་ལུང་འདིར་དཔོན་སློབ་ཉུང་ཤས་ཤིག་སྒྲུབ་པ་མཛད་ཅིང་བཞུགས། ངག་རྒྱུན་དུ་ཁྲ་མ་བླ་མ་ཞེས་པ་ཐོགས་དོན་ནི། གནས་དེར་དཔལ་ཆེན་པོའི་བསྐྱེད་རྫོགས་ཀྱི་སྒྲུབ་པ་ལ་བཞུགས་པས་མི་མ་ཡིན་རྣམས་ཟིལ་མ་བཟོད་དེ་ཀུན་བྲོས་སོང་བས་མཐར་རྩི་ཤིང་ཐམས་ཅད་སྐམ་སྟེ་ཤིང་ཁྲ་མ་ཁོ་ནར་གྱུར། དེ་གཟིགས་པས་སླར་ཐུགས་རྗེ་ཆེན་པོི་སྡུག་བསྔལ་རང་གྲོལ་གྱི་སྒྲུབ་པ་ལ་བཞུགས་པས་སླར་མི་མ་ཡིན་ཐམས་ཅད་ཚུར་འདུས་ཏེ་རྩི་ཤིང་ཐམས་ཅད་སྔོ་བ་ཡིན་ཞེས་དང་དེའི་རྗེས་ནས་རྫ་ཁྲ་མ་བླ་མ་འཇིགས་མེད་རྒྱལ་བའི་མྱུ་གུ་ཞེས་སུ་

[page 174] གྲགས་ཟེར་སྲོལ་ཡོད། ཁོང་གི་རྣམ་ཐར་དགོན་ན་ཡོད་པས་དེར་ཇི་ལྟར་ཡོད་མི་ཤེས། དེ་ནས་རང་ལོ་བཞི་བཅུ་ཤིང་མོ་བྱི་བའི་ལོར་ལུང་བསྟན་དང་མཐུན་པར་གདན་ས་ཕུན་ཚོགས་ནོར་བུའི་གླིང་ངམ་དཔལ་མིག་སྨན་ཐིག་ལེ་ཆོས་སྡེ་ཆེན་པོ་ཞེས་པ་འདི་བཏབ། གྲུབ་རྗེའི་ཞལ་ནས་ཀྱང་། དབེན་གནས་ཟླ་རྒྱལ་ལྷུན་པོ། ཆེ་ལྔའི་དབང་བའམ་ཕྱོགས་སུ་ཆུ་སྐྱེས་ཁ་འབུས་པ་ལྟར་དང་། རྒྱབ་རི་བསྒོམ་ཆེན་མཉམ་བཞག་མདུན་རི་རྫ་སྣོད་བསྐྱོར་འདྲ། གཡས་རི་ལྷ་གོས་དགུང་དུ་འཐེན་འདྲ། མདུན་ན་བྱ་བཞིས་ཕྱག་འཚལ་ལྟར་དང་རྣ་རྒྱན་བྱས་འདྲ། འཁོར་ས་ལྕགས་རི་བྲིས་འདྲ། འབབ་ཆུའི་དབྱངས་གསལ་ལེན་འདྲ། རྩི་ཤིང་མེ་ཏོག་བཀྲ་བའི་གནས་མཆོག འདི་རུ་སྟ་གོན་རྩོམས་ཤིག་ཅེས་གནས་ཀྱི་བསྔགས་བརྗོད་དང་བཅས་པ་མཛད། དེ་ནས་ཕྱོགས་ཀྱི་དགེ་འདུན་ཐམས་ཅད་པད་མའི་མཚོ་རུ་ངང་པ་ལྟར་འདུས་ནས་བཤད་སྒྲུབ་ཀྱི་བསྟན་པ་བསྐྱངས་པས་འཁོར་ཚོགས་རྒྱ་མཚོ་ལྟ་བུ་བྱུང་། དེའི་ནང་ནས་ཐུགས་གྱི་སྲས་མཆོག་ཆེན་པོ་དཔལ་སྤྲུལ་ཨོ་རྒྱན་འཇིགས་མེད་ཆོས་ཀྱི་དབང་པོ་ནི། བོད་རབ་བྱུང་བཅུ་བཞི་པའི་ས་འབྲུག་ལོར་བྱང་འབྲོག་དགེ་རྩེ་རྫ་ཆུ་ཁའི་སྡེར་གཏོགས་རྒྱལ་ཐོག་ཅེས་པའི་གདུང་ལས་སྐུ་འཁྲུངས། རྡོ་གྲུབ་ཆེན་འཇིགས་མེད་འཕྲིན་ལས་འོད་ཟེར་གྱིས་དཔལ་དགེ་བསམ་གཏན་ཕུན་ཚོགས་ཀྱི་སྤྲུལ་སྐུར་ངོས་འཛིན་མཛད་ནས། དཔལ་སྤྲུལ་ཨོ་རྒྱན་འཇིགས་མེད་ཆོས་ཀྱི་དབང་པོ་ཞེས་གསོལ། སྐུ་ཆུང་ངུའི་དུས་ནས་འབྲི་ཀློག་ལ་སྦྱངས། རྒྱལ་སྲས་གཞན་ཕན་མཐའ་ཡས་དང་མདོ་མཁྱེན་བརྩེ་ཡེ་ཤེས་རྡོ་རྗེ་སོགས་མཁས་གྲུབ་ཀྱི་སྐྱེས་བུ་ཆེན་པོ་མང་དུ་བསྟེན་ནས་མཁས་པའི་ཕ་མཐར་ཕྱིན། གྲུབ་པའི་མངོན་རྟོགས་བརྙེས། དགུང་ལོ་སུམ་ཅུའི་སྐོར་ཡན་ནས་རུ་དམ་རྫོགས་ཆེན་སོགས་རྫ་ཆུ་ཁའི་གསར་རྙིང་རིས་མེད་ཀྱི་དགོན་སྡེ་མང་པོ་ཆོས་ཀྱི་འཁོར་ལོ་བར་མེད་དུ་བསྐོར། རྫ་རྒྱལ་དགོན་ཕུན་ཚོགས་ནོར་བུའི་གླིང་འདི་གདན་སའི་མཐིལ་མཛད། སྐུ་གོང་མ་དཔལ་དགེ་བསམ་གཏན་ཕུན་ཚོགས་ཀྱི་རྡོ་འབུམ་ཁ་གསོས། ད་ལྟ་ཡང་དཔལ་སྤྲུལ་རྡོ་འབུམ་ཞེས་པ་ཡོད། རབ་བྱུང་བཅོ་ལྔ་པའི་མེ་ཕག་ལོའི་ས་ག་ཟླ་བའི་ཚེས་བཅོ་བརྒྱད་ལ་སྐུ་གཤེགས། གཞན་ཡང་སློབ་མའི་གཙོ་བོ་བཀའ་བབས་བདུན་ལྡན་འཇམ་དབྱངས་མཁྱེན་བརྩེའི་དབང་པོ་རྣམ་གཉིས་ཞེས་བསྟན་པ་ཐམས་ཅད་ཀྱི་མངའ་བདག་ཏུ་གྱུར་པ་གཉིས་དང་། རྫོགས་ཆེན་པ་མི་འགྱུར་ནམ་མཁའི་རྡོ་རྗེ། ཀཿཐོག་རྨོག་སྤྲུལ། བསོད་ནམས་དཔལ་དགེ། གླིང་རྗེ་དྲུང་སོགས་དང་མི་མ་ཡིན་རྫ་རྒྱལ་འཕན་པོས་དངོས་སུ་གདན་དྲངས་པ་སོགས་ཀྱི་འགྲོ་དོན་བསྐྱངས་མཐར་རབ་བྱུང་བཅུ་བཞི་བའི་ཆུ་སྟག་ལོར་སྐུ་གཤེགས། རྫ་རྒྱལ་དགོན་ཞེས་པ་ནི་ས་མིང་དགོན་ལ་ཆགས་པའོ༎ བཤད་སྒྲུབ་ཀྱི་སྲོལ་ཚུགས་ཚུལ། བསྟན་འཛིན་གྱི་སྐྱེས་ཆེན་དམ་པ་དག་གི་སྐུ་རིང་ལ་འཆད་ཉན་སྒོམ་གསུམ་གྱི་སྲོལ་ནི་གྲྭ་ཚང་སྤྱི་ནས་འབུམ་ལྔ་ཚང་དགོས་པ་རྒྱུན་སྲོལ་དང་ཁྲིད་ཡིག་ཀུན་བཟང་བླ་མ། ཡེ་ཤེས་བླ་མ། བླ་མ་ཡང་ཏིག བར་དོ་དྲུག་ཁྲིད། རྩ་རླུང་གི་ཁྲིད་སྦྱོང་། སྡོམ་གསུམ། སྤྱོད་འཇུག་སོགས་རྩ་བ་ཡིན། སྟོན་ཟླ་ཆ་ཆུང་བཞི་ལ་ཞི་ཁྲོའི་སྒྲུབ་གྲྭ། [page 175] ཧོར་ཟླ་བཅུ་གཉིས་པའི་ཚེས་ཉེར་གཅིག་ནས་རྗེ་འཇིགས་མེད་རྒྱལ་བའི་མྱུ་གུའི་འདས་མཆོད་ཉིན་གསུམ། ཉེར་བཞི་ནས་ཉེར་དགུའི་བར་གདུགས་དཀར་འབུམ་ཚར་ལྷག་ཙམ། གནམ་སྟོང་ཉིན་གྲྭ་ཚང་སྤྱི་ནས་གསོལ་ཀ་ཁྲུས་མཆོད་བཟང་སྤྱོད་སྨོན་ལམ་སྟོང་། ལོ་གསར་ཚེས་གཅིག་ནས་བཅུ་གཅིག་བར་བསམ་པ་ལྷུན་གྲུབ་བྱེད་བ་དང་འབུམ་ཕྲག་ཁ་ཤས། ཚེས་བཅུ་གསུམ་ནས་ཉེར་ལྔའི་བར་རིག་འདུས་སྒྲུབ་ཆེན་གར་འཆམ་སྦྱིན་སྲེག་བཅས་བྱང་ཆུབ་སེམས་དཔའི་སྤྱོད་འཇུག་ཆེན་མོའི་ཕྱག་མཆོད་བཅས་ཉིན་ཉེར་ལྔ། ཧོར་ཟླ་བཞི་པའི་ཚེས་བཅུ་དྲུག་ནས་དཔལ་སྤྲུལ་ཨོ་རྒྱན་འཇིགས་མེད་ཆོས་ཀྱི་དབང་པོའི་འདས་མཆོད་ཉིན་གསུམ། དབྱར་གནས་ཀྱི་དཀྱིལ་ཧོར་ཟླ་བདུན་པའི་ཚེས་བརྒྱད་ནས་འཚམས་སྤྲུལ་ཀུན་བཟང་བདེ་ཆེན་རྡོ་རྗེའི་འདས་མཆོད་ཉིན་གསུམ། ཟླ་བ་བྱུང་ངོ་ཅོག་གི་ཚེས་བཅུ་དང་ཉེར་ལྔ་རྒྱུན་འཚོགས་བཅས་ཡོད།

སྐུ་གསུང་ཐུགས་རྟེན་དང་སྣོད་ལྷ་ཁང་གི་རྣམ་གྲངས། ཡངས་པའི་རྒྱ་ཁྱོན་སྤྱི་ལེ་གྲུ་བཞི་མ་ཙམ་ཟིན་པ་ལ། འདུ་ཁང་གཉིས་ལྷ་ཁང་བཞི། གྲྭ་ཤག་བརྒྱ་ལྷག་ཙམ། རྗེ་འཇིགས་མེད་རྒྱལ་བའི་མྱུ་གུའི་སྐུ་དམར་གདུང་སྣང་སྲིད་ཉིལ་གནོན། རིག་འཛིན་འཇིགས་མེད་གླིང་པའི་འདྲ་སྐུ་ང་འདྲ་མ་གསུང་བྱོན་མ། སངས་རྒྱས་གླིང་པའི་གདུང་རྟེན། འཇུ་མི་ཕམ་གྱི་གདུང་རྟེན། དཔལ་སྤྲུལ་ཨོ་རྒྱན་འཇིགས་མེད་ཆོས་ཀྱི་དབང་པོའི་གདུང་རྟེན། གསེར་ཟངས་ཕྲ་དང་ལྡན་པའི་མཆོད་རྟེན་མཐོ་ཕྱེད་ཙམ་པ་དྲུག་དང་འཇིགས་མེད་ཧཱུཾ་ཆེན་པོའི་སྐུ་དམར་གདུང་། སྟོན་པ་རྒྱན་དྲུག་མ་གཙོ་འཁོར་གསུམ་པ་གསེར་ལྡན། དུས་གསུམ་སངས་རྒྱས་ལི་མ་ཁྲུ་གང་ཚད་པ། མཁན་སློབ་ཆོས་གསུམ་གསེར་སྐུ། མཆོད་རྟེན་ཆ་བརྒྱད། ཉེ་སྲས་བརྒྱད། གསུང་གི་རྟེན་ལ་རྒྱལ་བའི་བཀའ་འགྱུར་རིན་པོ་ཆེ་དང་བསྟན་འགྱུར་སོགས་བཀའ་གཏེར་གྱི་པོད་ཁྱོན་སྟོང་ཕྲག་གསུམ་གསུམ་ལྷག་ཙམ་བཞུགས། པར་ཤིང་ལ་རྗེ་འཇིགས་མེད་རྒྱལ་བའི་མྱུ་གུའི་རྣམ་ཐར། ཀུན་བཟང་བདེ་ཆེན་རྡོ་རྗེའི་གསུང་ཆོས་བཅས་བཞུགས། ཐང་སྐུ་ལ་འཇིགས་མེད་རྒྱལ་བའི་མྱུ་གུའི་ཞལ་ཐང་། སྨན་བླ་མཆེད་བརྒྱད་ཀྱི་གསེར་ཐང་སོགས་ཐང་ཀ་གྲངས་མང་ཙམ། མཆོད་པའི་ཡོ་བྱད་སྐོར་ནི་དཔལ་སྤྲུལ་ཨོ་རྒྱན་འཇིགས་མེད་ཆོས་ཀྱི་གསེར་ཐང་སོགས་ཐང་ཀ་གྲངས་མང་ཙམ། མཆོད་པའི་ཡོ་བྱད་སྐོར་ནི་དཔལ་སྤྲུལ་ཨོ་རྒྱན་འཇིགས་མེད་ཆོས་ཀྱི་དབང་པོའི་ཕྱག་ཏུ་བྱུང་བའི་མི་མ་ཡིན་པའི་ནོར་རྫས་སིལ་སྙན་འཛམ་གླིང་གཡས་བཞག་དང་། གྲ་བླ་མ་ཞེས་པའི་གཏེར་བྱོན་སིལ་སྙན་ཧོར་ཉི་ཟེར་མ། སིལ་སྙན་དཀར་དྲས་མ། རོལ་མོ་རྒྱ་ཧོར་ཁ་སྤྲོད། ཧོར་དྭ་མི་གནམ་ལྕགས་ཐོག་རོལ། ཧོར་ཤང་ཤང་སོན་རྒྱ་མ། ཧོར་འབྲུག་རིས་མ། ཧོར་གུ་ལིང་། གནོད་སྦྱིན་ཆེན་པོའི་བླ་རོལ་གཟི་དཔོན་བཀྲ་ཤིས་དགེ་ལེགས། རྫོགས་ཆེན་ཐུབ་བསྟན་ཆོས་ཀྱི་རྡོ་རྗེའི་ཕྱག་ནས་བྱུང་བ་ཧོར་རྒྱ་མདུད་མ། ཧོར་ཛ་ལན་དྷ་རི། རོལ་མོ་སྤྲེལ་ཐོད། རྗེ་འཇིགས་མེད་འཕྲིན་ལས་འོད་ཟེར་གྱི་ཕྱག་བྱུང་ཆོས་རྔ་དཀར་དྲས་མ་སོགས་སིལ་སྙན་དང་རོལ་མོ་མང་ཙམ་དང་། གསེར་དངུལ་གྱི་རྒྱ་གླིང་དང་རྒྱ་གླིང་གསེར་ལྡན། ཟངས་གསེར་གྱི་དུང་ཆེན་ཆ་གཉིས། གསེར་དངུལ་གྱི་རྒྱུ་བྱས་པའི་མཆོད་ཆ་རིན་པོ་ཆེའི་ཕྲ་ཅན་དང་ཕུར་ཕོར་[page 176] མཆོད་རྫས་ཆ་གཉིས། གསེར་དངུལ་གྱི་མཆོད་ཀོང་རེ་རེ་ལ་དངུལ་བོད་རྒྱ་ལྔ་རེ་ཅན་བཅུ་ཕྲག་གཙོས་ཀོང་བུ་གྲངས་མང་། གསེར་དངུལ་ཕྲ་ལྡན་གྱི་མཎྜལ་སྤུས་ལེགས། གུ་རུ་མཚན་བརྒྱད་ཀྱི་འབག་དང་ཀིང་ཀུན་ཕུབ་བཅས། བཟང་གོས་སྤུས་ལེགས་ཀྱི་འཆམ་གོས། གསེར་དངུལ་གྱི་སྤོས་ཕོར་ཆེ་བ་ཆ་གཉིས་བཅས་བཞུགས།

ཡོན་གྱི་འབྱུང་ཁུངས། རང་སྡེ་ཁྲོམ་གོང་དུ་དུད་གྲངས་ལྔ་བརྒྱ་ལྷག་ཙམ་དང་། རྫ་ཆུ་ཁ་བ། མགོ་ལོག་ཁག་གསུམ། སྦྲ་ནག་ཁག་གསུམ། རྒྱ་སྡེ་ཁག་གསུམ། སྡེ་དགེ་དང་གླིང་ཚང་སོགས་སོ༎

དེང་གི་གནས་ཚུལ། དེ་ལྟར་རྫ་རྒྱལ་དགོན་ཕུན་ཚོགས་ནོར་བུའི་གླིང་དུ་སྔ་འགྱུར་རྫོགས་པ་ཆེན་པོ་ཀློང་ཆེན་སྙིང་གིོ་ཐེག་ལེ་ཞེས་བསྟན་པ་ཐམས་ཅད་ཀྱི་གནད་ཚང་བ་མན་ངག་ཐམས་ཅད་ཀྱི་བཅུད་བསྡུས་པ། རྒྱུད་སྡེ་ཐམས་ཅད་ཀྱི་ཐིག་ལེ་ཞེས་བསྟན་པ་ཐམས་ཅད་ཀྱི་གནད་ཚང་བ་མན་ངག་ཐམས་ཅད་ཀྱི་བཅུད་བསྡུས་པ། རྒྱུད་སྡེ་ཐམས་ཅད་ཀྱི་སྙིང་ཕྱུང་བ། བཤད་སྒྲུབ་ཟུང་འབྲེལ་གྱི་བསྟན་པ་སྤེལ་ན་ཡང་། སེམས་ཅན་བསོད་ནམས་དམན་པའི་དབང་གིས་མི་ལོ་སུམ་ཅུའི་རིང་དགོན་སྡེ་ཕལ་མོ་ཆེ་གཞན་དང་མཚུངས་པར་ངོ་རྒོལ་བཞི་དང་རིག་གནས་གསར་བརྗེས་ཀྱི་ལས་འགུལ་གཅིག་རྗེས་གཉིས་མཐུད་དུ་བྱུང་ནས་བཤད་སྒྲུབ་ཀྱི་བསྟན་པ་ཐམས་ཅད་སྟོང་སྟེ་སྐུ་གསུང་ཐུགས་རྟེན་རྣམས་གཏོར་བརླག་དང་བསྡུ་ལེན་བྱས་ནས་ཉམས་པ་མ་ཟད། ཕྱི་ཡི་གཙུག་ལག་ཁང་དང་གྲྭ་ཤག་ཐམས་ཅད་ཀྱང་ས་ཕུང་རྡོ་ཕུང་ཙམ་ལས་མེད་པར་གྱུར་ན་ཡང་། དེང་ཆོས་ལྡན་བོད་འབངས་ཡོངས་ཀྱི་ཆོས་དད་རང་དབང་ཐོབ་ནས་བསྟན་པ་ཡང་དར་གྱི་སྐབས་འདིར་སྔོན་བྱོན་དམ་པ་རྣམས་ཞལ་མི་བཞུགས་ན་ཡང་། ཐུགས་བསྐྱེད་སྨོན་ལམ་བཟང་པོ་དུས་སུ་བབས་པའི་མཐུ་ལས་བསླབ་གསུམ་སྡེ་སྣོད་འཛིན་པ་མཁན་ཐུབ་པ་བསྟན་རིན་ཆེན་ཉིད་ནི་གྲུབ་དབང་འཇིགས་མེད་དབང་དང་མཁན་ཆེན་ཐུབ་བསྟན་ཆོས་འཕེལ་སོགས་ཀྱི་སློབ་མར་གྱུར་ཅིང་རྫོགས་པ་ཆེན་པོའི་རང་ལུགས་ཀྱི་གདམས་པ་ཉམས་བཞེས་མཛད་པས་ལོ་ངོ་སུམ་ཅུའི་རིང་གི་བར་ཆད་ཀྱི་གཡུལ་ལས་རྒྱལ་ཏེ་དབང་ལུང་ཁྲིད་གསུམ་གྱི་བསྟན་པ་རྒྱུན་ཆད་ལ་ཉེ་བའི་སྐབས་འདིར། ཁྲིད་ཡིག་ཀུན་བཟང་བླ་མ། ཡེ་ཤེས་བླ་མ། སྤྱོད་འཇུག སྡོམ་གསུམ། བླ་མ་ཡང་ཏིག རྩ་རླུང་། བར་དོ་དྲུག་ཁྲིད་སོགས་ཀྱི་ཆོས་ཆར་དང་། དགོན་ཁག་གཞན་རྣམས་དང་རང་དགོན་ལ་འདུལ་བ་གཞི་གསུམ་གྱི་ཕྱག་བཞེས་སྐྱོང་བཞིན་བཞུགས་ཡོད་དོ། གཞན་ཡང་། སྤྲུལ་སྐུ་རྒྱལ་མཚན་རབ་དབྱིངས་བླ་མ་འཚོ་བའི་གདུང་གྱི་ཡང་སྲིད། སྤྲུལ་སྐུ་གསལ་བྱེད་རིག་འཛིན། དབང་དྲག་མགོན་པོའི་ཡང་སྲིད། སྤྲུལ་སྐུ་ཐུབ་བསྟན་དགེ་ལེགས་སམ་སྨད་འོད་གསལ་མདོ་སྔགས་སྙིང་པོ། སྤྲུལ་སྐུ་མི་འགྱུར་རྡོ་རྗེ། རིག་འགྱུར་སྤྲུལ་སྐུ། དྲག་རྒྱམ་སྤྲུལ་སྐུ། མཁན་ཆོས་མཆོག མཁན་མི་འགྱུར། དཔལ་སྤྲུལ་སྲས་མོ་མཁའ་འགྲོ་མ་ཀུན་བཟང་དབང་མོ་སོགས་མཁན་སྤྲུལ་རྣམས་ཀྱི་གཟིགས་སྐྱོང་འོག་དགོན་འདིའི་ལྷ་ཁང་དང་འཁོར་ཁང་མཆོད་རྟེན་ཀ་ལིང་སྒྲུབ་ཁང་སོགས་དང་། གསུང་རྟེན་རྒྱལ་བའི་མྱུ་གུའི་རྣམ་ཐར། བཀའ་འགྱུར་བསྟན་འགྱུར། གསུང་འབུམ་

[page 177] སོགས་དང་། སྐུ་རྟེན་རྗེ་རྒྱལ་བའི་མྱུ་གུའི་སྐུ་གདུང་སོགས་རྟེན་དང་བརྟེིན་པ་བཅས་དང་། གཞན་ཡང་དད་ལྡན་སྦྱིན་བདག་འགའི་རང་མོས་ཀྱིས་སངས་རྒྱས་གླིང་བའི་གདུང་རྟེན་བྱིན་རླབས་ཅན། བཀའ་གདམས་མཆོད་རྟེན་སོགས་སྐུ་གསུང་ཐུགས་རྟེན་རགས་ཙམ་ལག་སོན་བྱུང་། དགེ་འདུན་པའི་ཞལ་གྲངས་ཉིས་བརྒྱ་ལྔ་བཅུ་ལྷག་ཙམ་བཞུགས།

ས་མིང་ཚིག་མཛོད་མིག་བཤར།

དགོན་པ་འདི་ནི་མེ་སྟག་ལོ་བཞི་སྣའི་ནང་དུ་བླ་མ་དམ་པ་འཆི་མེད་མགོན་པོ་ནས་ཐོག་མར་ཕྱག་འདེབས་མཛད་ཅིང་ཁོང་ཉིད་དང་པོ་ལྷོ་གཤོང་ནག་དགོན་དུ་སྐུ་འཁྲུངས་ཤིང་དེར་ཚོགས་ལ་བཞུགས། བོད་ལྗོངས་ཆབ་མདོ་ས་ཁུལ་སིབ་མདའ་རྫོང་། དེ་ནས་དགུང་ལོི་ཉི་ཤུ་སྐོར་ཞེ་ཆེན་བཤད་གྲྭར་བྱོན། གཙོ་བོ་འཕགས་བོད་ཀྱི་གཞུང་ཕལ་མོ་ཆེ་ལ་ཐོས་བསམ་མཛད། ཞེ་ཆེན་ཀོང་སྤྲུལ་རིན་པོ་ཆེ་དང་། རབ་འབྱམས་རིན་པོ་ཆེ། བོད་པ་སྤྲུལ་སྐུ་ལུང་རྟོགས་བསྟན་པའི་ཉི་མ། མཁྱེན་སྤྲུལ་ཆོས་ཀྱི་བློ་གྲོས་སོགས་དམ་པའི་སྐྱེས་ཆེན་མང་པོ་ལས་སྨིན་གྲོལ་གྱི་གདམས་པ་ཐུགས་ཉམས་སུ་བཞེས།

དགོན་པའི་མིང་ནི་ཨོ་རྒྱན་ཐེག་མཆོག་བསྟན་གཉིས་དར་རྒྱས་གླིང་ཞེས་གྲུབ་མཐའ་སྔ་འགྱུར་རྙིང་མ་ཞེ་ཆེན་པའི་དགོན་ལག་ཏུ་འགྱུར། དགོན་འདིའི་གདན་རབས་དང་པོ་བླ་མ་འཆི་མེད་མགོན་པོ། གཉིས་པ་སྤྲུལ་སྐུ་པདྨ་རྒྱལ་མཚན་ཉིད་ཁྲི་ལ་བཞུགས་བཞིན་པ་ཡིན། མཁན་རབས་དང་པོའི་འགན་ཁུར་གནང་མུས་དང་། རྟེན་བཞེངས་ལ་དགོན་གཞུང་དུ་ཟངས་གསེར་གྱི་མཁན་སློབ་ཆོས་གསུམ་དང་། སྟོན་པའི་སྐུ། རྡོ་རྗེ་སེམས་དཔའ། རིགས་གསུམ་མགོན་པོའི་སྐུ་བཅས་བརྒྱད་པོ་སོ་སོར་མི་ཚད་རེ་ཡོད། རྟེན་རྙིང་རྡོ་རྗེ་འཆང་གི་སྐུ་ལི་མ་གཅིག་བཀའ་བསྟན་གསར་རྙིང་གི་དཀྱིལ་འཁོར་བཅུ་ལ་བསྙེན་སྒྲུབ་སྡེ་བ་གྲྭ་པ་དཀོན་གཡོག་དྲུག་གི་འཚོ་ཆས་སྦྱར་པའི་སྲོལ་བཙུགས། བསྟན་པའི་བདག་པོ་དང་ཁྲི་པ་གཅིག་ལྕོགས་མཛད་རྒྱུ་ལས་དུས་ཡུན་ངེས་བ་མེད། ལས་སྡེ་ཕྲ་རིམ་ནས་ཡས་རིམ་བཞིན་འགན་གཞག་ནས་དགེ་སྐོས་ཀྱི་འགན་ལོ་གསུམ་རེ་ལ་འཁུར་རྒྱུ་སྤྱི་ཙམ་དུ་ཡིནཞ འདུ་ཁང་ཀ་བ་དྲུག་གི་ཁྱོན་ཅན། སྤྱི་ཁང་གཅིག སྨྱུང་གནས་ལྷ་ཁང་གཅིག་གྲྭ་ཤག་ཉེར་ལྔ་བཅས་སྤྱིིའི་རྒྱ་ཁྱོན་སྤྱི་ཁྲི་གྲུ་བཞི་མ་བཞི་བརྒྱ་ཙམ་ཡོད། སྒྲུབ་གྲྭ་བ་ལ་གྲྭ་ཁང་བཅས་རྒྱ་ཁྱོན་སྤྱི་ཁྲི་བརྒྱ་ཙམ་ཡོད་དོ། རྟེན་གསུམ་གཙོ་བོ་གོང་ལྟར་དང་། རྒྱ་ཧོར་གྱི་རོལ་མོ་སིལ་སྙན། གཞན་མཆོད་ཆ་དང་འཕན་གདུགས་སོགས་ཡོ་བྱད་དུ་མ་ཡོད། དུས་མཆོད་ནི་དབྱར་གནས་དང་། དེ་རྗེས་ཚེ་སྒྲུབ་གསང་འདུས་བདུན་སྒྲུབ་གསང་འདུས་བདུན་སྒྲུབ་ཞི་ཁྲོའི་སྒྲུབ་མཆོད་ཉིན་བརྒྱད། རྡོར་སེམས་བུམ་སྒྲུབ་གཞན་སྒྲོལ་མ་བསམ་ལྷུན་བསང་བརྔན་བཅས་ཉིན་གསུམ། སྟོན་དུས་སྨྱང་གནས་ཆ་བཅུ། དགུན་[page 178] དུས་ཕུར་བའི་དགུ་ཆེན་ཉིན་བཞི་བཅས་སོ། དེ་ལྟར་ཚོགས་པ་ཐམས་ཅད་ཀྱི་འཚོ་བའིོ་སྦྱིོན་བདག་ནི་དབྱར་གནས་དང་དགུ་ཆེན་གཉིས་མ་གཏོགས་གཞན་ཐམས་ཅད་ལ་དགོན་པ་རང་གི་རྒྱུ་རྩ་སྤྱི་པ་ལ་སྤྲད་དེ་འཚོགས་པ་ཡིན། དགེ་འདུན་འདུས་པའི་སྡེའི་ཞལ་གྲངས་ང་དགུ་དང་དུད་གྲངས་བརྒྱ་ཕྲག་ཙམ་ལ་མི་གྲངས་༣༥༣མཆིས། དེ་ལྟར་གོང་དུ་བཤད་པ་འདི་ནི་རྩ་འཛིན་གྱི་གོ་རིམ་ལྟར་བྲིས་པ་ཡིན་སྔོན་དུས་ནག་སྒར་ཕྲན་བུ་ཙམ་ལས་མ་མཆིས་ཤིང་འདིར་བཤད་པ་ནི་ད་ལྟའི་ལོ་རྒྱུས་ཤ་སྟག་ཡིན་ནོ།

ས་མིང་ཚིག་མཛོད་མིག་བཤར།

དུང་དཀར་པདྨ་སྒང་གོ་ཆོས་སྡེ་འདི་ཉིད་ཀྱི་རྟེན་གཞིའམ་ཚོ་བ་ནི། སྔོན་དགེ་རྩེ་རྡ་ཐ་མ་ཡིན་ཞིང་རབ་བྱུང་བཅུ་གཅིག་པའི་དཀྱིལ་ཙམ་ལ་ས་གྲ་རྡ་གཉིས་ཀྱི་འཛོམས་ནས་ཡར་དགེ་རྩེ་དུད་བདུན་དུ་གྲགས་པ་འོང་ཞིང་རྫ་འོམ་བུ་ཉིས་ཀྱི་ངོ་སྒོ་བཟུང་ནས་བསྡད་ཅེས་གྲགས་ལ། དེ་ཡང་ངག་རྒྱུན་དུ་དགེ་རྩེ་ཁྲོ་རྒྱལ་ཡག་གི་ཤུལ་མི་ཡིན་པས་ཁྲོ་ཤུལ་དུ་འབོད་པ་ཡིན་ཟེར་ཡང་། མདོ་སྨད་ཆོས་འབྱུང་ལས། དགེ་རྩེ་ཁྲོ་རྒྱལ་སྐྱབས་ཀྱི་ཤུལ་མི་ཁྲོ་ཤུལ་ཟེར་བར་བཤད་ཅིང་། ཀཿཐོག་དགེ་རྩེ་མ་ཧཱ་པཎྜི་ཏ་ཡང་ཁྱིམ་འདི་ལ་འཁྲུངས་བར་བཤད་ཡོད། ངག་རྒྱུན་ལའང་དགེ་པན་དེ་ཁུ་བོ་ཡིན་པར་བཤད་པ་དང་མཚུངས་སོ། དེ་དུས་ཆོས་ལུགས་ཀྱང་ཀཿཐོག་པ་ཡིན་ལ། དེ་ནས་དགེ་རྩེ་ཚེ་སྐྱབས་ཐར་དང་རྡོ་རྗེ་ཐར་ཕུ་ནུ་གཉིས་ཀྱིས་སོ་སོར་འོམ་བུ་གོང་འོག་གཉིས་ཀྱི་ས་བཟུང་། རིམ་གྱིས་ཚོ་བ་དང་ཆོས་ལུགས་ཀྱང་སོ་སོར་རང་བཞིན་གྱིས་གྱེས་ཏེ། དགེ་རྩེ་ཁྲོ་ཤུལ་འོམ་བུ་གོང་མ་སྨིན་གླིང་བ་དང་། དགེ་རྩེ་ཁྲོ་ཤུལ་འོམ་བུ་འོག་མ་ནི་ཁམས་རྫོགས་ཆེན་པའི་དགོན་ལག་དང་། ཁྱད་པར་གཏེར་ཆེན་ཉི་མ་གྲགས་པའི་ཟབ་གཏེར་ལ་གཙོ་བོར་ཉམས་བཞེས་མཛད་པར་གྱུར་སོང་། དེ་དུས་ནས་གདོང་ཁང་སུམ་མདོ་འདིར་ནག་དགོན་ལ་བརྟེན་ནས་འདུས་སྡེ་དང་དུས་མཆོད་སོགས་ཡོད་པར་དེས་ཀྱང་འདི་དང་འདི་ལྟར་ཡོད་ཆེས་ལོ་རྒྱུས་ཀྱི་ཡིག་ཆ་དང་ངག་སྒྲོས་གཉིས་ཀས་དབེན།

དགེ་སྤྲུལ་སྐུ་ཕྲེང་གསུམ་པ་རིག་འཛིན་འབད་མེད་གཞི་གྲོལ་ལམ། ཨོ་རྒྱན་འགྲོ་འདུལ་རྡོ་རྗེ་གང་གིས། རབ་བྱུང་བཅོ་ལྔ་བའི་ལྕགས་ཕག་ལོ་ནས་དབུ་བཙུགས་རིམ་པར་གུ་རུའི་ལྷ་ཁང་དང་མ་ཎིའི་དུང་འཁོར་ཚོགས་ཆེན་འདུ་ཁང་སོགས་བཞེངས་ནས། དུང་དཀར་པདྨ་སྒང་འོག་མིན་གསང་ཆེན་ཆོས་གླིང་ཞེས་མཚན་དུ་གསོལ། དེ་ཡང་དབུས་སུ་དུང་དཀར་གཡས་འཁྱིལ་རྣམ་པ་གསལ་བ་དང་། འདེབས་དམིགས་དེ་པདྨའི་ཟེའུ་འབྲུ་ལྟ་བུའི་སྒང་ལ་ཆགས་པས་དེ་སྐད་དུ་གྲགས་སོ། དགོན་འདི་དེ་དུས་ནས་ད་བར་དུ་སྔ་འགྱུར་རྫོགས་ཆེན་དགོན་གྱི་དགོན་ལག་ཏུ་གནས་ཤིང་། རབ་བྱུང་བཅོ་ལྔའི་ནང་ཙམ་དུ་བློན་འབར་ཆུང་གིས་དཔོན་ཐོབ་ལ་ཧམ་ནས། དགེ་འབར་གཉིས་ནང་མ་འདུམ་པར། སྡེ་དགེ་ཚང་གི་བཀས་[page 179] ཚོ་འགོ་སོ་སོར་ཕྱེས་ནས་མ་བཅད་དེ་ས་ཡོ་ཅིག་གཉིས་ས་ལ་འབར་རྙིང་མར་གྲགས་པ་དེའོ། ཁྲོ་ཤུལ་སྡེ་གཞུང་དང་ཆོས་ལུགས་ལ་ད་ལྟའི་བར་འཕོ་འགྱུར་མ་བྱུང་བར་གནས། དགོན་འདི་ཀའི་རྡོ་རྗེ་རྒྱལ་པོ་དགེ་རྩེ་བླ་རབས་ཐམས་ཅད་དང་རྡོ་རྗེ་རྒྱལ་ཐེབས་པ་ཨ་འཛི་བླ་རབས་ཐམས་ཅད་ཀྱིས་བྱེད་ཅིང་། སྐུ་བཤེགས་བཞུགས་ཀྱི་དབང་གིས་བླ་རབས་དགུ་སོང་ཞིང་། མཁན་པོ་རྒུལ་ཤུལ་སྨོན་ལམ་དང་། འབར་རེ་ཚུལ་ཁྲིམས་རྣམ་རྒྱལ། ཡུ་ཤུལ་ཀ་པས་སོགས་མཁན་རབས་བརྒྱད་པའི་སྟེང་བསྟན་པ་སྟོང་བྱུང་སོང་། དེ་ནས་བསྟན་པ་ཡང་དར་གྱི་སྐབས་སུའང་མཁན་འགྱུར་མེད་བཟང་པོ་སོགས་མཁན་རབས་གསུམ་པ་ཡིན། བླ་རབས་རེའི་ཅི་ཙམ་བཞུགས་རིང་ལ་ཁྲི་བའམ་གདན་ས་འཛིན་པ་ལས་གདན་རབས་ཀྱི་བསྐོ་བཞག་ཟུར་པ་མེད། མཁན་རབས་རེ་ཕལ་ཆེར་ལོ་གསུམ་གསུམ་དང་། འགའ་ཞིག་གིས་འཕར་མའམ། ལོ་དྲུག་དང་དགུ་སོགས་མཐའ་གཅིག་ཏུ་མ་ངེས། དགེ་རྩ་རིག་འཛིན་རྒྱ་མཚོ་ལ་གསུང་ཆོས་ཐོར་བུ་རེ་ཡོད་ཀྱང་ཕྱོགས་བསྡུས་ཀྱིས་གསུང་འབུམ་དུ་མ་བསྡུས། དེའི་སྐུ་ཕྲེང་གསུམ་པ་ཨོ་རྒྱན་འགྲོ་འདུལ་རྡོ་རྗེ་ལ། དག་སྣང་དང་། དགོངས་གཏེར་ལྗགས་རྩོམ་སོགས་པོད་བཅུ་གསུམ་ཙམ་ཡོད་པར་གྲགས་ཀྱང་། ད་ལྟ་ལོ་ཆེན་སྙུང་གནས་ཆོ་གའི་རྣམ་བཤད་སོགས་གཞན་འདོན་ཆ་ཕྲན་བུ་ཙམ་ལས་འགྲོ་དོན་གྱི་སྤྱོད་ཡུལ་དུ་མི་བཞུགས། རྟེན་བཞེངས་ཡང་ཟངས་གསེར་གུ་རུའི་སྐུ་ཐོག་ཚད་ལོང་བའི་གཙོ་འཁོར་གསུམ་གྱི་ལྷ་ཁང་། དེ་བཞིན་ཐུགས་དམ་རྟེན་རྒྱུད་ལུགས་འཇམ་དཔལ་ཕྱག་བཞི་བའི་སྐུ་ཐོག་ཚད་ལོང་བའི་ལྷ་ཁང་། ཡང་སྨན་འདམ་གྱི་གུ་རའི་སྐུ་མདའ་ཚད་མ་བཞུགས་པའི་ལྷ་ཁང་གོང་མ་དང་འདུ་ཁང་དུ། ཐུབ་པའི་དབང་པོའི་སྐུ་ཇོ་བོའི་ཆ་ལུགས་སུ་བཞུགས་པ་མི་ཚད་ཙམ་དང་། ཐུབ་དབང་གནས་བཅུ་སོགས་སྐུ་བརྙན་བྲིས་འབུར་གྲངས་མང་། རྒྱལ་བའི་བཀའ་འགྱུར་ཆེན་མོ་དང་། བསྟན་འགྱུར་ཆ་བཞི། རྙིང་མ་རྒྱུད་འབུམ་ཆ་གཉིས། གཞན་བཀའ་འབུམ་སོགས་གསུང་རབ་བོད་གྲངས་ཉིས་བརྒྱར་ཉེ་བ་ཙམ་དང་། མ་ནྀ་དུང་འཁོར་བྱིན་ལྡན་གནས་འདུས་ཀྱི་བྱིན་འབེབས་ཅན་དང་། རྡོ་འབུམ་མཆོད་རྟེན་བཞེངས་པ་སོགས་དང་། རབ་བྱུང་ཅུ་དྲུག་པའི་མེ་ཕག་ལོ་ལ་ཨ་སྤྲུལ་བྱམས་པ་འོད་ཟེར་གྱིས་སྔར་དགེ་སྤྲུལ་རིན་པོ་ཆེའི་ལྷ་ཁང་གོང་མ་ཞེས་པར་གཞིར་བྱས་གཞན་གྲྭ་ཤག་བཅུ་ལ་གྲྭ་བ་བཅུ་ལོ་གསུམ་རེ་བརྗེ་ལེན་ཅན་གྱི་ཉི་གྲགས་གཏེར་བྱོན་བླ་མ་བདེ་མཆོག་འཁོར་ལོའི་གཅོས་སྒྲུབ་ཐབས་བཅུའི་སྒྲུབ་གྲྭ་བཙུགས་ཤིང་། དེ་ནས་ལོ་བཅུ་གཉིས་ན་བོད་སྤྱི་ལ་བྱུང་བའི་ལོ་རྒྱུས་ལྟར་ཐམས་ཅད་རྩ་གཏོར་བཏང་ཞིང་བཤད་སྒྲུབ་ཀྱིས་སྟོང་བར་གྱུར། སླར་ཡང་རབ་རྒྱལ་ཤིང་གླང་སྤྱི་ལོ་1987ནས་བཟུང་སྔ་ར་སྲོལ་བཞིན་ཉམས་གསོ་གྲུབ། སྤྲུལ་སྐུ་འགྱུར་མེད་བདེ་ཆེན་དང་ཡོན་ཏན་རྒྱ་མཚོ་ཟུང་གིས་ཀྱང་སྔར་ཨོ་རྒྱན་འགྲོ་འདུལ་རྡོ་རྗེའི་རྫོགས་ཆེན་སྣང་སྦྱང་གསུང་བའི་གནས་ཤུལ་དེར། རྫོགས་ཆེན་བསྟན་པའི་ཤིང་རྟ་ཆེན་པོ་ཀུན་མཁྱེན་ཀློང་ཆེན་གཉིས་པ་ལྟ་བུ་མཁན་མུན་སེལ་རིན་པོ་ཆེ་དང་། དེའི་ཞལ་སློབ་ཡོངས་ཀྱི་ཐུ་བོ་པདྨ་རྒྱལ་མཚན་ཟུང་གི་ཞལ་བཀོད་ལྟར། སྒོམ་གྲྭ་བ་བཅུ་ལ་བཞུགས་ཁང་རེ་རེ་དང་ལྷ་ཁང་སོགས་བཞེངས་གྲུབ། ཡང་ཨ་སྤྲུལ་ཀརྨ་རྡོ་རྗེའི་གཙོས་ཐེག་གསུམ་[page 180] ཆོས་འཁོར་གླིང་ཞེས་པའི་བཤད་གྲྭ་ཞིག་ཀྱང་གསར་བཞེངས་བྱེད་བཞིན་ཡོད། རབ་བྱུང་གི་སྡོམ་རྒྱུན་ནི་སྔ་མོ་ནས་ལེན་སྲོལ་ཕལ་ཆེར་མཆིས་ལ། རང་ལུགས་ཉི་གྲགས་ཆོས་སྐོར་ཡང་སྔར་དགེ་མང་གི་སྡོམ་རྒྱུན། རྒྱ་རོང་དང་ཕན་ཚུན་བླ་སློབ་ཡིན་པས་རྒྱ་རོང་ནམ་སྤྲུལ་ལས་དབང་གི་རྒྱུན་ལེན་པ་དང་། དེང་དུས་ཡོང་རྫོགས་བསྟན་པའི་སློབ་གླིང་ནས་རབ་བྱུང་དང་དབང་ལུང་ཁྲིད་གསུམ་གཞུང་བཤད་བཅས་པའི་རྒྱན་ཕལ་ཆེར་དེ་ལས་ལེན་ལ། རྫོགས་པ་ཆེན་པོའི་ཁྲིད་ནི་བསྟན་འཛིན་གཙོ་བོ་རྣམས་ཀྱིས་མཁན་མུན་སེལ་རིན་པོ་ཆེ་དང་། ཐུབ་བསྟན་ནོར་བུ། `ཨ་འཛོམ་འབྲུག་པ་སོགས་ནས་ཞུ་བ་ཡིན། འོན་ཀྱང་ཡིད་ཕམ་པ་གཅིག་ལ་མ་དགོན་རྫོགས་ཆེན་ཚང་དང་འབྲེལ་བ་ཇེ་ཞན་དུ་འགྲོ་བར་མཆིས། དགོན་པའི་གཙོ་བོས་འགན་ཏེ་བསྟན་པའི་བདག་པོའམ་དགོན་དཔོན་ནི་གཙོ་ཆེར་དགེ་སྤྲུལ་སྐུ་ཕྲེང་རིམ་བྱོན་དང་བླ་རབས་ཐམས་ཅད་ཡིན། དེ་རྣམས་ཞལ་མི་བཞུགས་པའི་སྐབས་ཨ་འཛིན་བླ་མ་རྣམད་ཀྱིས་མཛད་ལ། སྐབས་འགའ་རེར་དགེ་རྩེ་དཔོན་པོས་ཀྱང་དགོན་དཔོན་གྱི་འགན་བཞེས་ཡང་མཛད། འགེ་བསྐོས་པ་ཡང་། སྤྱི་ཙམ་དུ་མཆོད་དཔོན་དང་། དབུ་མཛད་དགེ་སྐོས་སོགས་ལས་སྣེ་ཕྲ་རིན་གྱིས་ཡས་རིན་བསྒྲོད་དགོས་ལ། དེ་དག་གི་འགན་ཁུར་ཡུན་ཕལ་ཆེར་ལོ་གསུམ་རེ་ཡིན། དགོན་འདིར་སྔོན་དུས་འདུ་ཁང་ཀ་བ་སུམ་ཅུའི་རྒྱ་ཁྱོན་ཅན་དང་། སྤྱི་ཁང་གཅིག ལྷ་ཁང་བཞི། དུང་འཁོར་གཅིག གྲྭ་ཤག་དབུན་ཅུ་ཡས་མས་ཡོད། ད་ལྟ་ཡང་འདུ་ཁང་སྔ་ལྟར་དང་། ལྷ་ཁང་གོང་མ་ཉམས་གསོ་གྲུབ་ཅིང་། གཞན་གསུམམ་ཉམས་གསོ་བྱེད་བཞིན་དང་བྱེད་འདུན་ཡོད་པ་ཙམ་ལས་གསོས་མ་གྲུབ། སྒོམ་གྲྭ་དང་དགོན་གཞུང་དུ་བརྒྱད་ཅུར་ཉེ་བར་མཆིས། དགོན་པའི་འཁོར་ཡུག་གི་རྒྱ་ཁྱོན་སྤྱི་ཁྲི་གྲུ་བཞི་མ་དགུ་བརྒྱ་ཙམ་དང་། བཤད་གྲྭ་ལ་གྲྭ་ཁང་ཉི་ཤུ་ལྷ་ཁང་བཅས། རྒྱ་ཁྱོན་སྤྱི་ཁྲི་གྲུ་བཞི་མ་ཉིས་བརྒྱ་ཙམ། སྒྲུབ་གྲྭ་ལ་གྲྭ་ཁང་བཅུ་ལྷ་ཁང་བཅས་རྒྱ་ཁྱོན་སྤྱི་ཁྱི་གྲུ་བཞི་མ་བརྒྱ་ཙམ། སྒོམ་གྲྭ་ལ་གྲྭ་ཁང་བཅུ་གཉིས་ལྷ་ཁང་བཅས་རྒྱ་ཁྱོན་སྤྱི་ཁྲི་གྲུ་བཞི་མ་ཉིས་བརྒྱ་ཙམ་ཡོད། འདི་དག་འདི་དག་རགས་རྩིས་ཚོད་དཔག་བྱས་པ་ཡིན། རང་དགོན་གྱི་གནའ་རྫས་རྟེན་གསུམ་རྙིང་པ་ཉི་སྤྲུལ་གཉིས་པའི་ཕྱག་བཟོ་མ་གུ་དྲག་པདྨ་དྲག་ཁྲོས་ཀྱི་ཐང་ཀ་རྙིང་བ་ལུས་པ་ཙམ་ལས་གང་ཡང་མེད། དེང་དུས་ཉོ་སྒྲུབ་བྱས་པ་དང་གཞན་གྱིས་རྟེན་བཞག་ལ་སྐུ་རྙིང་ལི་མ་བདུན། རོལ་སིལ་བཅུ་གཅིག་བཅས་སོ། སྔོན་དུས་དགོན་པ་ལ་བཅའ་ཡིག་རེ་ཡོད་ཀྱང་ད་ལྟ་ནི་མི་འདུག ད་ལྟ་སྔོན་དུས་ཀྱི་སྒྲིག་ལམ་འདི་དང་འདིའོ་ཞེས་རྒན་རབས་ཀྱི་ངག་རྒྱུན་དང་དེང་གི་གནས་ཚུལ་ཟུང་དུ་འབྲེལ་ནས་དབུ་ཆོས་ཐུན་མོང་དང་། འདུས་པ་བྱིངས་བཅས་གྲོས་བྱས་བཅའ་ཡིག་རབ་དཀར་དར་གྱི་རྒྱ་འདུད་ཞེས་པ་རྩོམ་པ་ཡོད་ཀྱང་རེ་ཞིག་དུས་ཚོད་ཐུང་བ་དང་། ཡིག་ཚོགས་མང་བར་དོགས་པས་མ་བྲིས། ཞར་བྱུང་བསྟན་པའི་སྦྱིན་བདག་གམ་བསྟན་པ་ལ་དད་པའི་སྡེ་ཡུལ་ལ་དུད་གྲངས་བཞི་བརྒྱ་ལྷག དགེ་འདུན་[page 181] འདུས་པའི་ཞལ་གྲངས་250སྐོར་ཙམ་གྱི་ལོ་ན་བཞི་བཅུ་ཡན་ལས་སྔགས་པ་གོས་དཀར་ལྕང་ལོའི་སྡེ་བཅུ་ཕྲག་ལྷག་མ་གཏོགས་གཞན་ཕལ་ཆེར་རབ་བྱུང་ངུར་སྨིག་གི་སྡེར་གཏོགས་པ་ཤ་སྟག་གོ།

ས་མིང་ཚིག་མཛོད་མིག་བཤར།

དགོན་པ་འདི་ཐོག་མར་འདེབས་པ་པོ། ཀླུ་ལྡིང་རིན་ཆེན་མི་འགྱུར་རྒྱལ་མཚན་ཡིན་པ་ངག་རྒྱུན་དུ་གསལ། དགོན་འདེབས་པ་པོ་སྡེ་དགེར་ཕེབས་པ་དང་ཡར་བྱོན་པའི་དུས་ལ་རྟག་ན། རབ་བྱུང་བཅུ་གསུམ་པ་གང་རུང་ཞིག་ལ། བྱང་ཟླ་ཀླུང་སྔོན་མོའི་གཡས་འགྲམ་དྲེལ་མདའི་དཀར་མོ་ལེབ་ཞེས་པ་ཁྲུང་ཆེན་སྒྲོ་གུར་ཕུབ་འདྲའི་རི་ངོས་སུ། དཔལ་ལྡན་ས་སྐྱ་བའི་ཆོས་རྒྱུན་འཛིན་པའི་དགོན་སྡེ་ཞིག་བཏབ་པ་ཉིད་ཕྱིས་ཉག་དམག་གིས་འཚེ་རྐྱེན་ལ་བརྟེན་ཏེ། ཁམས་སྲིན་མོ་རྫོང་གི་རྫོང་ཕྲན་གནས་མཆོག་རྡོ་རྗེ་སྙིང་རྫོང་ཞེས་པ་ས་དཔྱད་ཕུན་གསུམ་ཚོགས་པ་དུ་མས་བརྒྱན་པ་དེར་དགོན་སྡེ་གསར་ཆགས་བྱས། དགོན་མིང་ལ་ཐུབ་བསྟན་བསྟན་གཉིས་དར་རྒྱས་གླིང་ཞེས་མཁན་ཐུབ་སྙན་ནས་གསོལ། སྔར་གྲྭ་ཁང་བཅོ་བརྒྱད་དང་ལྷ་ཁང་གཅིག འཁོར་ཁང་གཅིག་བཅས་ཡོད།

དུས་མཆོད་རྒྱུན་སྲོལ། ཨ་སེ་སྤྲུལ་སྐུའི་རིང་ལ་རྒྱུན་འཇགས་སུ་གྱུར་བའི་དུས་མཆོད་ནི་བོད་ཟླ་དང་པོ་ཆོ་འཕྲུལ་ཟླ་བའི་ཚེས་གསུམ་ནས་བཅུའི་བར་ཉི་གྲགས་གཏེར་བྱོན་མ་རིག་མུན་སེལ་དང་ཆེ་ཡོལ་རིག་འཛིན་ཆེན་མོའི་དགོན་གཏེར་ཐུགས་རྗེ་ཆེན་མོ་འགྲོ་བ་ཀུན་གྲོལ་གཉིས་ཀྱི་བུམ་སྒྲུབ་ལོ་རེ་བརྗེ་རེས་བྱས་གསུངས། བོད་ཟླ་དྲུག་པའི་ཚེས་གསུམ་ནས་བཅུ་བར་དཀོན་མཆོག་སྤྱི་འདུས་ཀྱི་བུམ་སྒྲུབ། ཟླ་དེའི་ཚེའི་བཅུ་དྲུག་ནས་བདུན་པའི་ཉེར་དགུ་བར་དབྱར་གནས་དང་ཟླ་དགུ་བའི་ཚེས་གསུམ་ནས་བདུན་བར་ཀྱེ་མཆོད་དང་། ཚེས་བརྒྱད་ནས་བཟུང་ཉིན་ལྔ་ལ་ཉི་གྲགས་བླ་མ་བདེ་མཆོག་འཁོར་ལོའི་སྒྲུབ་མཆོད། ཟླ་བཅུ་གཅིག་པའི་ཚེས་ཉེར་གསུམ་ནས་ཉེར་དགུའི་བར་དྲུག་བཅུའི་སྒྲུབ་པ། ཟླ་བཅུ་གཉིས་པའི་ཚེས་ཉེར་གསུམ་ནས་ཉེར་དགུའི་བར་ཉི་གྲགས་རྟ་མགྲིན་དྲག་ཟིལ་གྱི་སྒྲུབ་པ་བཅས་ཚོགས་རྒྱུ་མཆིས།

དེང་གི་གནས་ཚུལ། དུས་འགྱུར་སྐབས་སྐུ་གསུང་ཐུགས་རྟེན་རྣམས་གཏོར་བརླག་བྱས་ཏེ་བསྟན་པའི་མིང་ཙམ་ལས་མེད་པ་བཏང་འཕྲལ། སླར་ཡང་ཡུལ་འདིར་བསྟན་པ་ཡང་སྐྱར་དར་ཏེ། བཤད་གྲྭའི་གྲྭ་ཁང་ཉེར་ལྔ་དང་ལྷ་ཁང་ཀ་བ་དྲུག་གི་རྒྱ་ཁྱོན་ཅན། ནང་རྟེན་དང་བཅས་པ་གསར་བཞེངས་དང་། ཞོ་ཁྲོའི་བམ་སྒྲུབ་གསར་འཛུགས། དབྱར་གནས་སྤྱི་ཐེབས་གསར་གཞག་མཛད་པ་སོགས་ཕྱག་རྗེས་རྒྱ་ཆེ། ནམ་སྤྲུལ་ཆོས་ཉིད་དོན་རྟོགས་ནས་ཟངས་གསེར་ལས་གྲུབ་པའི་གུ་རུའི་བརྙན་ཐོག་ཚད་གཅིག་ཅན་དང་། རྡོར་སེམས་མདའ་ཚད་གཅིག་ཅན་གྱི་སྐུ་གཉིས། མཁན་སློབ་ཆོས་གསུམ་སྐུ་བརྙན་མདའ་ཚད་ཅན་དང་། ཨ་སེ་སྤྲུལ་སྐུའི་གསེར་གདུང་ཁྱད་མཚར་བ་སོགས་བཞེངས་དང་བཞེངས་བཞིན་ྤའོ།།

[page 182] ད་ལྟ་ལྷ་ཁང་གཅིག འཁོར་ཁང་གཉིས། སྤྱི་ཁང་གཅིག གྲྭ་ཀང་སུམ་ཅུ། གྲྭ་བ་བདུན་བཅུ་དོན་ལྔ། མཁན་གསར་རྙིང་ལྔ། སྤྲུལ་སྐུ་གཉིས་བཅས་བཞུགས། གོང་དུ་བཤད་པའི་ལྷ་ཁང་དེ་སྤྱི་ལོ་1993ལོར་ས་འགུལ་རྐྱེན་གྱིས་ཞིག་སོང་བ་སླར་གསོ་བྱེད་སྦྱར་སྒོར་གྱི་རོགས་རམ་སྔར་ཞུས་ལྟར་གནང་རོགས་ཞུ།

ས་མིང་ཚིག་མཛོད་མིག་བཤར།

རབ་བྱུང་བཅུ་གཅིག་པའི་སྨད་ཙམ་ལ་གོང་ས་ལྔ་བ་ཆེན་པོའི་བཀའ་ལུང་ཕབས་པ་བཞིན། དཔོན་བསོད་ནམས་འབུམ་གྱིས། གནས་གཞན་ཞིག་ཏུ་བཀལ་ནས་རི་བོ་དགེ་ལུགས་པའི་གྲུབ་མཐའི་འཛིན་པའི་སྙིང་སྟོབས་ཀྱི་གོ་ཆ་དགོས། ཕྱིས་རབ་བྱུང་བཅུ་གཉིས་པའི་དཀྱིལ་ཙམ་དུ་ཆོས་རྒྱལ་བསྟན་པ་ཚི་རིང་ལས་སློབ་བྱས་ནས། རུས་ཆེན་བདུན་གྱི་གཙས་དུད་ཁག་འགའ་ཞིག་འདིར་འོངས། དགེ་ལྡན་པའི་སྙན་རྒྱུད་ཟབ་མོ་ལ་འཆད་ཉན་གྱི་རྐང་བཙུགས་ཏེ་འབུམ་ཤུལ་ཆོས་ཁྲིད་སྒར་ཞེས་བྱ་བ་ཕྱག་བཏབ། ནག་ཤུལ་རབ་འབྱམས་བློ་བཟང་བསམ་གཏན་པས་བཅའ་ཡིག་གནང་སྟེ་ཆོས་སྲིད་ཟུང་འབྲེལ་གྱི་སྒོ་ནས་བསྐྱངས། གཞན་ཡང་ཨག་པ་བླ་མ་བློ་བཟང་དར་རྒྱས། ནག་ཤུལ་སྔགས་རམ་པ། ཚེ་ཤུལ་བླ་མ་སོགས་ཀྱིས་འཆད་ཉན་ལེགས་པར་བསྐྱངས། དད་ལྡན་སྦྱིན་བདག་དུ་མས་བསྙེན་བཀུར་རྒྱ་གང་ཆེ་དང་། སྤྱི་པའི་མ་ཎི་ཟེར་བའི་རྡོ་མཁར། སྤྱི་སྤྲུང་ཆེ་ཆུང་སོགས་དུས་མཆོད་འགའ་ཞིག་ཚུགས། གོང་ས་རྒྱལ་དབང་མཆོག་གིས་བཅའ་ཡིག་དང་བཀའ་སློབ། པཎ་ཆེན་ཐམས་ཅད་མཁྱེན་པས་ལས་སྣེ་བསྐོས་བཞག་དང་ཆོས་སྲིད་ཀྱི་སློབ་སྟོན་རྒྱ་ཆེར་བསྩལ། ལབ་མཁན་ཆེན་སྐུ་ཕྲེང་ཉེར་ལྔ་བས་བཅའ་ཡིག་ཆེན་མོ་ལྗགས་རྩོམ་མཛད་ཅིང་ལས་སྣེ་བསྐོ་བཞག་སོགས་ལུགས་ཉིས་ཟུང་འབྲེལ་གྱི་སྒོ་ནས་བསྐྱངས་ཤིང་། མྱ་ངན་ལས་འདའ་ཁར་ཡང་ལབ་བསོད་ནམས་རྩེ་མོ་རིན་པོ་ཆེར་དགོན་འདི་གཉེར་དུ་གཏད་ཚུལ་ཁྲིད་རིན་པོ་ཆེ་ཉིད་ཀྱིས་ཞལ་བཞེས་མཛད་པ་ལྟར་དང་། ད་ལྟ་ཡང་མཁན་ཆེན་སྐུ་ཕྲེང་ཉེར་བདུན་པས་འདིར་ཕེབས་ནས་བརྩེ་བས་བདག་གིར་མཛད། ཁྲད་སྣེ་སྐོར་ལ་མཁན་རིན་པོ་ཆེ། དགོན་དཔོན། དབུ་མཛད། དགེ་སྐོས་རྒན་གཞོན་གཉིས་སོགས་ཀྱིས་ཐགས་མཐུན་ཁྲིམས་གཙང་དང་འཆད་ཉན་དང་འདོན་ལྟ་དབྱངས་སོགས་སྒྲིག་ལམ་ལ་རྟིང་སྐུལ་གཏོང་།

བླ་གྲྭའི་ཞལ་གྲངས་ནི་དགེ་འདུན་སུམ་བརྒྱ་ཉེར་ལྔ་ཙམ་བཞུགས། དུས་མཆོད་སོགས་ནི། ཐོག་མར་ཆོ་འཕྲུལ་སྨོན་ལམ་ཆེན་མོ་དང་། དེ་ནས་རིམ་བཞིན་སྨྱུང་གནས། བདག་འཇུག། རིག་ཆེ་ཆུང་གི་ཚོགས་ལངས་སོགས་དུས་མཆོད་རྣམས་སྡོམ་པར་ཉིན་དྲུག་ཅུ་ལྷག་ཙམ་དང་། དབྱར་དགུན་སྟོན་དཔྱིད་ཀྱི་ཆོས་ཐོག་བཞི་དང་དཔྱིད་ཆོས་ཆུང་བར་བཅས་ཁྱོན་ཟླ་བ་བཞི་ཙམ། དབྱར་གནས་ཉིན་ཞེ་བཞི། དེ་དག་གི་རིང་ལ་གསང་བདེ་འཇིགས་གསུམ་སོགས་རྒྱད་སྡེའི་སྐོར། ནག་པོ་སྐོར་གསུམ་སོགས་ཀྱི་ཆོ་ག་ཕྱག་ལེན་རྟ་[page 183] དབྱངས་རྣམས་རྒྱུད་སྨད་ལྟར་རྒྱན་འཇུག་ཆོས་སྤྱོད་སྨོན་ལམ་ཆོས་གྲྭའི་འདོན་འགྲིག་སོགས་སེ་ར་བྱེས་པ་གྲྭ་ཚང་ལྟར་ཡིན། སྔོན་བཅའ་ཡིག་དང་སྒྲིག་ཡིག་མང་པོ་ཡོད་ཀྱང་ད་ལྟ་མ་ཉམས་པར་བཞུགས་པ་ལབ་མཁན་ཆེན་སྐུ་ཕྲེང་ཉེར་ལྔ་བས་གནང་བའི་བཅའ་ཡིག་བླང་དོར་ཀུན་གསལ་གསེར་གྱི་མེ་ལོང་འདི་ཇིད་གཙོ་བོར་འཛིན་པ་ཡིན། བཅོས་བསྒྱུར་མ་བྱས་སྔོན་དུ་ལཡབ་གྲུབ་ཆེན་རིན་པོ་ཆེས་ནས་སྐུ་འགའ་ཞིག་གཏེར་བཞེས་ཏེ་དཔོན་མགོན་པོ་ཚེ་ལྡན་གྱི་རྟེན་སྐལ་དུ་སྩལ་བའི་མགོན་པོའི་སྐུ་དང་། སྨན་འདམ་ལས་གྲུབ་པའི་རྗེ་ཙོང་ཁ་བའི་སྐུ་སོགས་འཇིམ་སྐུ་མང་པོ། འཇམ་དབྱངས་གསུང་བྱོན་མ་སོགས་ཟངས་གསེར་གྱི་སྐུ་བཅུ་ཕྲག་འགའ། རྒྱལ་དབང་བཅུ་བཞི་བའི་ཕྱག་སྩལ་ཐུབ་དབང་གི་སྐུ་སོགས་ལི་སྐུ་མང་ཙམ་བཀའ་བསྟན་གྱི་གླེགས་བམ་སྟོང་ཕྱེད་གཉིས། མཁན་ཆེན་ཉེར་ལྔ་བའི་ཕྱག་ཚ་མཁའ་སྤྱོད་མ་གཉིས་རང་བྱོན། ་མདའ་གཞུ་ཆག་འཕྲོ། ཕར་རྒྱབ་བཀའ་ཆེན་གྱི་དབུ་ཞྭ། ཡིག་འཐོར་འགའ་ལྷག་མར་ལུས་མཁན་ཐུབ་བསྟན་དབང་ཕྱུག་གི་སྐུ་གདུང་ལ་སྒྲོལ་དཀར་དང་དུང་གཡས་འཁྱིལ་སོགས་རང་བྱོན་དུ་མ། སྐྱབས་ཤུལ་སྐུ་ཕྲེང་གཉིས་པའི་སྐུ་གདུང་ལ་མཁའ་སྤྱོད་རང་བྱོན་རྣམས་རྟེན་གྱི་གཙོ་བོ་དང་། རྗེ་རིན་པོ་ཆེའི་དབུ་ཞྭའི་ཆ་ཤས། མཁན་ཆེན་ཉེར་ལྔ་བའི་ཕྱག་ཚ་འཇམ་དབྱངས་རང་བྱོན། མཁན་ངག་དབང་དར་རྒྱས་ཀྱི་གདུང་རུས་ཅུང་ཟད་དང་གདུང་ཚ། པཎ་ཆེན་ཕྱག་ཚ། རྫ་དཔལ་སྤྲུལ་གྱི་གདུང་རུས་ཀྱི་ཚ་ཚ། ལབ་སྤྲུལ་སྐུ་རྣམ་གསུམ་གྱི་དབུ་ལོ་དང་ན་བཟའ་ནང་རྟེན་དུ་ཕུལ་བའི་རྗེ་ཡབ་སྲས་གསུམ་གྱི་འཇིམ་སྐུ། སེ་ར་རྗེ་བཙུན་པའི་དབུ་ཞྭ་སོགས་ནང་རྟེན་དུ་ཕུལ་བའི་རྗེ་བཙུན་པའི་སྐུ། སྐྱབས་ཤུལ་བཀའ་འགྱུར་ཆ་ལྔ། བསྟན་འགྱུར་ཆ་གཉིས། ལམ་རིན་པོ་ཏི་སྟོང་ཕྲག་གཅིག་དང་ཉིས་རྒྱ་ལྷག་ཙམ། རྗེ་ཡབ་སྲས་གསུམ་གྱི་གསུང་འབུམ་ཆ་གསུམ། རྗེ་བཙུན་པའི་ཡིག་ཆ་སོགས་གླེགས་བམ་སྟོང་གསུམ་ཙམ། དགེ་བཀྲ་ཤིས་འབུམ་གྱི་སྭའི་གདུང་ཐལ་ལས་རྡོར་སེམས། རིགས་གསུམ་མགོན་པོ། ཚེ་ལྷ་རྣམ་གསུམ་སོགས་ཀྱི་སྐུ་དུ་མ། སངས་རྒྱས་འོད་སྲུང་གི་རིང་བསྲེལ་འཁྲུལ་མེད། རྩ་མཆོག་དྲུང་གི་བཅོམ་ལྡན་འདས་ཀྱི་གདུང་རྟེན་མཆོད་རྟེན་ལས་བྱང་བའི་གདུང་ཐལ་དང་ཚ་ཚ། ཤེལ་བྲག་གི་གུ་རུའི་ཆོས་གོས་ཉི་ཟེར། ཇོ་བ་རྗེའི་གདུང་ཚ། མར་བ་ལོ་ཙྰའི་དབུ་ཐོད་ཀྱི་ཆ་ཤས། ས་པཎ་གྱི་ན་བཟའ། ཇོ་བོ་ཡིད་བཞིན་ནོར་བུའི་སྐུ་ཁྲུས་རིལ་བུ་དང་ཇོ་ཤྰཀ་རྣམ་གསུམ་གྱི་ན་བཟའ་བེེ་རོ་ཙ་ནའི་ན་བཟའ། རྠེ་མི་ལའི་ན་བཟའ་རས་དཀར་འཁྲུལ་མེད། རྗེ་བླ་མའི་དབུ་སྐྲ། འདུལ་འཛིན་གྲགས་པ་རྒྱན་མཚན་གྱི་ན་བཟའ་བྱམས་ཆེན་ཆོས་རྗེའི་ན་བཟའ། རྒྱལ་དབང་བཅུ་བཞི་བ་ཆེན་པོའི་སྣམ་སྦྱར། ལབ་རྩེ་མོ་རིན་པོ་ཆེའི་ན་བཟའ་དང་དབུ་སྐྲ། ཡོངས་འཛིན་གླིང་རིན་པོ་ཆེའི་གདུང་ཚ། བྱང་ཆུབ་ཤིང་གི་ལོ་མ། མདི་ཁམས་བདེ་མཆོག་རང་བྱོན་གྱི་སྐུ་ཤ། གཞན་ཡང་སྟོན་པའི་གནས་ཆེན་ཁག་དང་། པཎ་ཆེན་དུ་མའི་སྒྲུབ་གནས་ཀྱི་[page 184] གནས་ས་སོགས་བྱིན་རླབས་འོ་ཟེར་འབར་བའི་རྟེན་འདུས་དུ་མས་གཏམས་པ། མཁན་ཐུབ་བསྟན་དབང་ཕྱུག་གི་གདུང་རྟེན། སྐྱབ་ཤུལ་སྐུ་ཕྲེང་གཉིས་པའི་གདུང་རྟེན་བླ་མ་ངག་ལོ་སྐུ་ཕྲེང་གཉིས་པའི་གདུང་རྟེན་བཅུ་ཕྲག་ལྷག་ཙམ་ད་ལྟར་བཞུགས་ཡོད། གཞན་རོལ་ཆ་མཆོད་རྫས་སོགས་ཀྱང་སྔོན་དང་ཆ་འདྲ་ཙམ་དང་འདུ་ཁང་། ཆོས་ར་འཁོར་ཁང་གསུམ། གྲྭ་ཤག་བརྒྱ་དང་བཅུ་ཕྲག་ལྷག་ཙམ་ཡོད། ཚོགས་པའི་སྦྱིན་བདག་ནི། སྔོན་འབྲི་སྟོང་ལྷག་ཙམ་གྱི་ཤེ་ཁག་གཉིས་སུ་བྱས་ནས་ཆོས་ཐོག་གི་ཕོག་གཏོང་སྒོ་སོགས་དང་ཡུལ་མི་འབྱོར་ལྟན་རྣམས་ཀྱིས་སྤྱི་གཟུང་ནས་དུས་མཆོད་སོགས་འཚོགས་སྲོལ་ཡོད་ནའང་ད་སྐབས་གང་ཅིའི་མཐུན་སྐྱེན་ཞན་སྟབས་དགོན་པའི་ཚོང་ཁག་གཉིས་སུ་བྱས་ནས། འཚོ་བ་སྦྱོར་ཞིང་། རབ་དགོན་གྱི་མངའ་ཁོང་སྡེ་བ་མི་དུད་ལྔ་བརྒྱ་ལྷག་ཙམ་དང་། གཞན་ཡང་ཕྱི་སྡེའི་ནང་ནས་ཀྱང་དད་ལྡན་ཡོན་བདག་དུ་མས་རྙེད་བཀུར་ཞབས་ཏོག་ཕུལ་དུ་ཕྱིན་པ་ལ་བརྟེན་ཅིང་གནས་སོ།།

ས་མིང་ཚིག་མཛོད་མིག་བཤར།

དགོན་པ་ཐོག་མར་ཕྱག་འདེབས་པ་པོ་ནི། བྲོས་བླ་ཨོ་རྒྱན་བསྟན་སཐརུང་ཞེས་བ་དེ་ཡིན། ཁོང་གི་མདོ་སྨད་ས་ཡི་ཐིག་ལེ་འདིར། ཡབ་སྐལ་བཟང་སྟོབས་ལྡན་དང་། ཡུམ་བདེ་ཆེན་གཡུ་སྒྲོན་གཉིས་ཀྱི་སྲས་སུ་རབ་བྱུང་བཅུ་གཉིས་པའི་ཆུ་ཕག་ལོར་སྐུ་འཁྲུངས། ཁུ་བོ་རྡོ་རྗེ་དོན་གྲུབ་སོགས་སྐྱེས་ཅེན་དུ་མ་ལས་ཡི་གེ་ཀློག་པ་དང་མདོ་སྔགས་རིག་གཞུང་ཐམས་ཅད་ཀྱི་སྦྱང་པ་མཐར་སོན་མཛད་དེ་གྲུབ་པའི་ས་མཐོ་ལ་གཤེགས་པའི་དམ་པ་དེ་ཉིད་ཀྱིས་རབ་བྱུང་བཅུ་ཉིས་པར་ཆུ་བཟང་དུ་དགོན་པ་བཏབ་སྟེ་མཚན་བཤད་གྲུབ་བསྟན་པའི་བདག་པོ་དགེ་རྩེ་བླ་མ་འགྱུར་མེད་སྐལ་བཟང་ནི། རབ་བྱུང་བཅུ་གསུམ་པའི་ལྕགས་འབྲུག་ལོར་ཡབ་མགོན་པོ་ལྷུན་གྲུབ་དང་། ཡུམ་བྲོས་བཟའ་ལྷ་མོ་གཉིས་ཀྱི་སྲས་སུ་འཁྲུངས་ནས། བླ་མ་ཨོ་རྒྱན་བསྟན་སྲུང་ལས་སྨིན་གྲོལ་གདམས་པའི་བདུད་རྩི་མནོས་ནས་དགོན་བདག་མཛད་སྐབས། འཕྲལ་རྐྱེན་འགའ་ཞིག་ལ་བརྟེན་ནས་ཁམས་སྐྱོང་སྡེ་དགེ་ཚང་དང་གྱོད་ལ་ཐུག་སྐབས། དགོན་པ་བསྐྱུར་ཏེ་མཚོ་སྔོན་པོའི་ཕྱོགས་སུ་སོང་། བླ་མ་འགྱུར་མེད་སྐལ་བཟང་དབུས་ལ་བྱོན་ནས། ཨོ་རྒྱན་སྨིན་གྲོལ་གླིང་གི་ཁྲི་ཆེན་བླ་མར་བརྟེན་ཏེ་གྲུ་སར་བཞུགས་པས་རྡོ་འཛིན་མཔན་པོ་མཛད་དེ་སླར་ཡང་མདོ་ཁམས་རང་ཡུལ་དུ་བྱོན་ཞིང་། རབ་བྱུང་བཅུ་གསུམ་པའི་མེ་ལུག་ལོར་རྫ་འོལ་ལས་ཤེལལ་བྲག་དགོན་ནམ་ཐེག་ཆེན་ཆོས་འཁོར་གླིང་བཏབ་ཏེ་ཆོས་རྒྱན་སྨིན་གླིང་དུ་བསྒྱུར། དེ་ནས་དེའི་སློབ་མ་འགྱུར་མེད་མཐའ་ཡས་ནི་རབ་བྱུང་བཅུ་གསུམ་པའི་[page 185] ཤིང་གླང་ལོར་སྐུ་འཁྲུངས་ཏེ་བསྟན་པ་ཚུལ་བཞིན་བསྐྱངས། དེ་ནས་དེའི་སློབ་མ་འགྱུར་མེད་གྲུབ་པ་རྡོ་རྗེས་འསྟན་པ་བསྐྱངས། དེ་གསུམ་འགྱུར་མེད་རྣམ་གསུམ་དུ་གྲགས། དེའི་སློབ་མ་དགེ་རྩེ་བླ་མ་ཐུབ་བསྟན་ཉི་མ། དེའི་སློབ་མ་ཐེག་མཆོག་རྡོ་རྗེ་སྟེ་དེ་རྣམས་ཀྱིས་རིམ་བཞིན་བསྟན་པ་སྐྱོང་སྐབས། རབ་བྱུང་བཅུ་བཞི་པའི་ས་འབྲུག་ལོ་མགོ་ལོག་པདྨ་འབུམ་སྨར་རོང་མོ་ཆེ་ལ་དམག་སྟོང་གཉིས་ཡོད་ནས་དགྲ་འཐབ་མང་དུ་བྱས་མཐར་བ་རྒྱབ་ཚེམ་གསུམ་དུ་ས་བུད་ནས་སོང་སྟེ་ལོ་དུ་མར་བསྡད། རྔ་ཡབ་ཐེག་ཆེན་དགོན་ཞེས་ས་གཞི་དཔྱད་དེ་ས་དཔྱད་ཤིན་ཏུ་ལེགས་པའི་གནས་མཆོག་དེར་རྔ་ཡབ་བྲག་ཆེན་དགོན་བཀྲ་ཤིས་ཐེག་མཆོག་གླིང་དེ་བཏབ་པ་ཡིན། དེང་དུས་སླར་ཡང་བསྐྱར་གསོ་བྱས་ཚུལ། འདུ་ཁང་དང་གྲྭ་ཁང་མང་ཙམ་འཛོམས་ཡོད། ནང་རྟེན་བཀའ་བསྟན་གཉིས། རྙིང་རྒྱད། དེ་ལས་གཞན་པོད་ལྔ་བཅུ་ཙམ་ཡོད། སྐུ་གདུང་གསུམ། རིན་པོ་ཆེའི་ཕྲ་ཡོད་གཅིག། ཟམས་ལས་བྱས་པའི་མཁན་སློབ་ཆེས་གསུམ། སྔར་གྱི་ལི་བདུན་ནང་ནས་ཆ་གཉིས། ཟངས་རག་ཀྱི་མཆོད་ཆ་ཆ་ཚང་གཅིག རག་བདུན་ཆ་ལྔ། རྐོང་བུ་ཁ་ཤས། ཆ་ལང་ཆ་དྲུག་སོགས་མང་། དུས་མཆོད་རྒྱུན་སྲོལ་ནི། ས་ག་ཟླ་བའི་ཚེས་གཅིག་ནས་བཅོ་བརྒྱད་སྨྱུང་གནས་གྲྭ་གྲངས་བརྒྱ་ལྷག་ཙམ་ཡོད། ཟླ་དེའི་ཚེས་བཅུ་དགུ་ནས་སྨིན་གླིང་རྡོར་སེམས་སྒྲུབ་མཆོད་ཉིན་བདུན་གྲྭ་གྲངས་བརྒྱད་ཅུ་ཡོད། དེ་ནས་ཟླ་བ་དྲུག་པའི་ཚེས་གཅིག་ནས་སྨིན་གཏེར་ཐུགས་ཆེན་བདེ་གཤེགས་ཀུན་འདུས་ཉིན་བདུན། ཐོས་གྲོལ་ཉིན་གཅིག་བཅས་ཡོད། མགོན་པོ་ཚོགས་བདག་གི་བསྒྲུབ་པ་ཉིན་པའི། གཏེར་ཆེན་ལས་རབ་གླིང་བའི་ཕུར་བུ་ཉིན་བཞི། བསང་རྔན་ཉིན་གཅིག་དབྱངས་རྟ་འདོན་བཅས་དེ་རྣམས་གྲྭ་གྲངས་བརྒྱ་ཐམ་པ། ཟླ་དེའི་ཚེས་བཅུ་དྲུག་ནས་ཟླ་ཕྱེད་གཉིས་རིང་ལ་དབྱར་གནས་གྲྭ་གྲངས་ཉིན་གཅིག ཧོར་ཟླ་བརྒྱད་པའི་ཚེས་བཅོ་ལྔ་ནས་སླར་འདུས་ཏེ་དགུ་པའི་ཚེས་གཅིག་དར་ཁྲག་འཐུང་རྩལ་འཆམ་སོགས་འཆམ་དང་དེའི་ཚེས་གཅིག་ནས་བཅུ་གཅིག་བར་གུ་རུ་ཆོས་ཀྱི་དབང་ཕྱུག་གི་གཏེར་བྱོན་བླ་མ་གསང་བ་འདུས་པའི་བུམ་སྒྲུབ་འཚོགས་ཤིང་གྲྭ་གྲངས་བརྒྱ་དང་བཞི་བཅུ་ཡོད། ཐོས་གྲོལ་ཉིན་གཅིག དེ་ནས་ཧོར་ཟླ་བཅུ་གཉིས་པའི་ཚེས་ཉེར་ལྔ་ནས་ཀློང་གསལ་རྡོ་རྗེ་སྙིང་པོའི་གཏེར་ཆེན་དྲག་པོ་ཡེ་ཤེས་རབ་འབར་གྱི་སྒྲུབ་པ་ཉིན་བཞི་གྲྭ་གྲངས་ལྔ་བཅུ་ཡར་ལྷག་ཡོད། ཚེ་འབར་གཉིས་དུས་རྒྱུན་དུ་ཡོད། དུས་རྒྱུན་དུ་ཚེས་བཅུ་ཉེར་ལྔ་གསོ་སྦྱོང་བཅས་འཚོགས་རྒྱུ་ཡོད་ཅིང་། གྲྭ་གྲངས་བཞི་བཅུ་དང་ལྔ་བཅུ་བར་ཡོད། སྔར་གྱི་དུས་སུ་ཡོང་པ་ལ་ད་ལྟ་སླར་གསོ་མ་ནུབ་པ་ནི། སྤྱོད་འཇག་མཆོད་པ་དང་བཀའ་བརྒྱད་གྱི་བསྒྲུབ་པ་གཉིས་ཡོད།

ས་མིང་ཚིག་མཛོད་མིག་བཤར།

[page 186] དགོན་པ་འདིའི་ཕྱག་འདེབས་པ་པོའི་མཚན་ཁྱེའུ་རིག་འཛིན་ཆེན་པོ་ཟེར། རབ་བྱུང་བརྒྱད་པའི་དཀྱིལ་དབང་སྡེ་དགེ་རྒྱལ་པོའི་མཆོད་གནས་མཛད་སྐབས་མཐུན་རྐྱེན་གྱི་རོགས་སྐྱོར་བསྒྲུབས་ཏེ་ཐོག་མར་བཏབ་ཟེར། ཐོག་མར་འདེབས་སྐབས་ནས་གྲུབ་མཐའ་རྙིང་མའི་རྒྱུན་སྲོལ་འཕོ་འགྱུར་མེད། རྫོགས་ཆེན་དགོན་ལག་ཀྱི་གྲས་སུ་གཏོགས། གནས་འདིར་ཁམས་ཀྱི་གླ་རི་ཞེས་ཨོ་རྒྱན་པདྨའི་མཚན་གསོལ་ཞིང་ཞབས་ཀྱིས་བཅག་བྱིན་གྱིས་རླབས་བའི་གནས་རྒྱུད་དང་བསྟན་བཅོས་རྣམས་ལས་གསུངས་པའི་སའི་དཔྱད་ཕུན་སུམ་ཚོགས་པ་དང་ལྡན་ལ། གནས་དང་སྟོན་པ་ཐམས་ཅད་པདྨ་འོད་དང་དབྱེར་མ་མཆིས་པའི་ས་གནས་ཆེན་པོ་ལ། ཉི་སྤྲུལ་བཞི་པ་ཐེག་མཆོག་བསྟན་པའི་རྒྱན་མཚན་ཕེབས་ནས་སྨིན་དབང་གྲོལ་ཁྲིད་གྱི་བཀའ་དྲིན་བདག་ཅན་བླ་ན་མ་མཆིས་པར་མཛད། གཞན་ཡང་རྫོགས་མི་འགྱུར་ནམ་རྡོར་དང་། ཨ་འགྱུར་མེད་རྡོ་རྗེ། རྒྱ་ནག་མཁའ་ཚེ་དབང་མཆོག་གྲུབ། གླིང་འཇམ་དབྱངས་དགེ་ལེགས་ཆོས་འཕེལ། ཁྲོ་འབད་མེད་གཞི་གྲོལ། གླིང་འགྱུར་མེད་པདྨ་བསྟན་འཛིན་སོགས་དགེ་བའི་ཤེས་གཉེན་དུ་མ་དགོན་འདིར་ཕེབས་བཞུགས་མཛད་ནས་རིམ་གཉིས་ཟབ་མོ་རྣལ་འབྱོར་སྤྱི་དང་ཁྱད་པར་འོད་གསལ་རྫོགས་ཆེན་སྐོར་གསུམ་སོགས་མན་ངག་བདུད་རྩིའི་གནད་རྣམས་བཀྲོལ། དད་ནོར་དངོས་རྫས་འབུལ་བ་རྣམས་རྟེན་བཞེངས་དང་སྒྲུབ་རྩར་གནང་སྦྱིན་མཛད། གང་ཉིད་ཀྱི་སྐུ་གསུང་ཐུགས་ཡོན་ཏན་འཕྲིན་ལས་ཀཐི་སྤྲུལ་པའི་ཟློས་གར་འགོག་མེད་དུ་འཆར་བའི་མཁས་གྲུབ་ཟུང་ལྡན་གྱི་སྐྱེས་ཆེན་མང་དུ་བྱོན། ཆོ་གའི་སྒྲུབ་མཆོད་ཚེས་བཅུའི་གར་འཆམ། དབྱར་ཁས་ལེན་སོགས་སྔར་གྱི་ཕྱག་སྲོལ་བཞིན་དེང་སྐབས་ཡང་མི་ཆད་ཙམ་དུ་ཡོད། འདུས་སྡེའི་གྲངས་ལ་བརྒྱ་ཕྲག་གཉིས་ནས་ད་སྐབས་བཅུ་ཕྲག་བཅུ་ལྷག་ཙམ་ཞིག་བཁོད་འདུག སྔར་རྟེན་གསུམ་དང་མཆོད་ཆས་རོལ་མོ་སོགས་འཛམ་གླིང་ན་རིན་ཐང་བྲལ་བ་མང་དུ་ཡོད་ཀྱང་། སེམས་ཅན་སྤྱི་མཐུན་བསོད་ནམས་དམན་པའི་བསྟན་པ་ཆག་འཇིག་འོང་ནས་རིག་གནས་གསར་རྗེས་སྐབས་གོང་ལེན་དང་གཏོར་བརླགས་སོང་བས་ཡིད་སྐྱོ་བའི་གནས་སུ་གྱུར། དེང་སང་གཙུག་ལག་ཁང་ཞིག་གསོ་དང་རྟེན་གཙོ་བོ་གང་ཉིད་ཀྱི་གསེར་གདུང་བཟང་པོ་ཞིག་བཞེངས་ནས་དུས་བཞི་ལ་སྒྲུབ་མཆོད་དང་བུམ་སྒྲུབ་སོགས་དུས་མཆོད་ཁ་ཤས་ཙམ་རེ་འཚོགས་བཞིན་བཞུགས་སོ།

ས་མིང་ཚིག་མཛོད་མིག་བཤར།

འཇུ་ཉུང་བཤད་སྒྲུབ་ཆོས་གླིང་ཞེས་པའི་དགོན་འདི་ཐོག་མར་ཕྱག་འདེབས་པ་པོ་ནི་མདུན་ནག་ཅན་བཅུ་གསུམ་གྱི་རྗེས་མ་ཨ་མྱེ་སྐལ་བཟང་དར་རྒྱས་གྱིས་སྲས་སྙིང་དཀར་འབུམ། དེ་ལ་སྲས་གཉིས་ཡོད་པའི་[page 187] ཆེ་བ་ཁྲི་རབས་དང་བོ་འཇུ་བླ་གསང་སྔགས་འཛིན་ཡིན། ཁོང་ཉིད་བོད་རབ་བྱུང་དཅུ་གཉིས་པའི་བགྲང་ཆ་སོ་བདུན་པ་ཆུ་ཡོས། སྤྱི་ལོ་1723ལ་སྐུ་འཁྲུངས། དགུང་ལོ་ཉེར་བརྒྱད་བཞེས་པ་ལྕགས་རྟ་ལ་ཀ༔ཐོག་ཏུ་གྲྭ་སར་ཕེབས། སུམ་ཅུ་ཞེས་པ་རབ་བྱུང་བཅུ་གསུམ་པའི་བགྲང་བྱ་དྲུག་པ་ཆུ་སྤྲེལ། སྤྱི་ལོ་1752ཕུ་ལུགས་སྟོན་པའི་འདས་ལོ་2633ཆན་ལུང་ཁྲི་ལོ་བཅུ་བདུན་པ་ལ་མོ་ཧོར་ཞེས་གྲགས་པའི་ས་འདིར་གསང་སྔགས་བཤད་སྒྲུབ་ཆོས་གླིང་གི་དགོན་པ་བཏབ། གྲུབ་མཐའ་སྔ་འགྱུར་རྙིང་མ་ཡིན་ཞིང་། འདུ་ཁང་ཀ་བཞི་མ་དང་། བླ་བྲང་། རི་ཁྲོད་བསམ་གཏན་ཡང་རྩེ་སོགས་བཞེངས། འདུས་པ་བཅོ་ལྔ་ཙམ་ལ་ཤོག་ཁག་དུད་ཚང་བཅུ་བདུན་ཡས་མས་ཡོད། དགོན་བདག་ལོ་ཞེ་དྲུག་མཛད། ཁྲི་རབས་གཉིས་པ་འཇུ་བླ་སྐུ་ཆུང་བསྟན་འཛིན་རྣམ་རྒྱལ་གྱི་རབ་ཆུང་བཅུ་གསུམ་པའི་ས་རྟ་ནས་བཅུ་བཞི་པའི་ཆུ་འབྲུག་བར་ལོ་སོ་ལྔ་དགོན་བདག་མཛད། འདི་སྐབས་ཉག་ཟིང་གི་སྐབས་སུ་ཁེག་བས་དགོན་བས་དགོན་པ་ཉམས་གསོ་སོགས་ཀྱི་དོ་དམ་ལེགས་པོ་མཛད། ཁྲི་རབས་བཞི་བ་སྐུ་ཆུང་སྤྲུལ་སྐུ་འགྲོ་འདུལ་ཚེ་དབང་མགོན་པོ་ནས་རབ་བྱུང་བཅོ་ལྔ་བའི་མེ་ཡོས་ནས་ས་སྟག་བར་ལོ་བཅུ་གཅིག་ལ་དགོན་བདག་མཛད། ཁྲི་རབས་ལྔ་པ་དབོན་པོ་འཇིགས་མེད་ཕྱོགས་ལས་རྣམ་རྒྱལ་གྱིས་རབ་བྱུང་བཅོ་ལྔ་བའི་ས་སྟག་ནས་ས་ཁྱི་བར་དགོན་བདག་ལོ་ཉི་ཤུར་མཛད། ཁྲི་རབས་དྲུག་པ་སྤྲུལ་སྐུ་འགྱུར་མེད་དབང་རྒྱལ་གྱིས་རབ་བྱུང་བཅོ་ལྔ་པའི་ས་ཁྱི་ནས་མེ་འབྲུག་བར་ལོ་བཅུ་དགུར་དགོན་བདག་མཛད། ཁྲི་རབས་བདུན་པ་དབོན་སྤྲུལ་འཇིགས་མེད་སྟོབས་ལྡན་དབང་པོས་རབ་བྱུང་བཅོ་ལྔ་བའི་ས་བྱི་བར་ལོ་སོ་གཉིས་ལ་དགོན་བདག་མཛད། ཁྲི་རབས་བརྒྱད་པ་དགོན་སྤྲུལ་ཨོ་རྒྱན་བསྟན་འཛིན་གྱིས་རབ་བྱུང་བཅོ་ལྔ་བའི་ས་གླང་ནས་ས་ཕག་བར་ལོ་བཅུ་གཅིག་ལ་དགོན་བདག་མཛད། སྤྱིར་དགོན་འདིར་ང་བརྒྱད་ཡན་ཁྲི་བ་མཛད་མྱོང་བའི་བླ་སྤྲུལ་བརྒྱད་དང་གཞན་མཁས་གྲུབ་གཉིས་ལྡན་གྱི་སྐྱེས་བུ་དམ་པ་སུམ་ཅུ་ལྷག་བྱོན། དགོན་འདིར་སྔགས་བཙུན་འདྲེས་མར་གྱུར་བས་བཙུན་པ་རྣམས་དགོན་ཡར་མར་གྱི་བཤད་གྲྭར་སློབ་སྦྱོང་ལ་འགྲོ་བ་དང་། སྔགས་པ་རྣམས་དགུན་འབྲིང་པོར་ཟླ་མཚམས་རེ་ལ་འདུག་པ་ཙམ་ལས་བཤད་གྲྭ་སྒྲུབ་གྲྭ་ཞེས་ལོགས་སུ་དགར་བ་མེད། ང་བརྒྱད་ལོ་ཡན་ལ་གྲྭ་གྲངས་མང་སྐབས་བཞི་བཅུ་ནས་ལྔ་བཅུ་བར་ཡོད་ཅིང་། གྲྭ་ཁ་བཞི་བཅུ་ཡས་མས་དང་ལྷ་འབངས་དུད་གྲངས་དྲུག་ཅུ་མ་ཟིན་ཙམ་ཡོད། ད་སྐབས་གྲྭ་བ་དགུ་བཅུ། གྲྭ་ཁང་བཞི་བཅུ། ལྷ་སྡེ་དུད་གྲངས་བརྒྱ་དང་བདུན་བཅུ་ཡས་མས་ཡོད། ཉག་ཟིང་སྐབས་ཀྱང་གཙུག་ལག་ཁང་ཞིག་རལ་སོགས་ཀྱི་སྐྱོན་མ་བྱུང་། ད་སྐབས་འདུ་ཁང་བཞེངས་ཐུབ་མེད། ལོ་རེའི་དུས་མཆོད་ཧོར་ཟླ་དང་པོའི་ཚེས་བརྒྱད་ནས་བཟུང་། ཡང་འདུས་བུམ་སྒྲུབ་དང་རིལ་འདུས་ཉིས་ལོ་ལྟར་རེས་མོས། རྡོར་སེམས་སྒྲུབ་མཆོད་ཞག་བདུན། ཕུར་བ་བུམ་སྒྲུབ་ཞག་བདུན། ཕུར་བུ་བུམ་སྒྲུབ་ཞག་བདུན། ལྟུང་བཤགས་ཉིན་གཉིས། སྤྱོད་འཇུག་[page 188] ཉིན་གཉིས། སྒྱུ་འཕྲུལ་ཞག་བཅུ། དབྱར་གནས། སྤྱི་བསྲུང་ཞག་བཅུ། མགོན་པོའི་དགྲ་ཆོས་ཞག་བརྒྱད། དགུན་ཟླ་སྒྲུབ་བཅས་གཏན་འཇག་ཡིན་ལ། བཅིངས་འགྲོལ་ཡན་དས་མཆོད་རྣམས་ལ་སྤྱི་རྒྱུ་སྤྲད་ནས་སྤྱི་བ་བསྐོ་སྲོལ་ཡོད་པ་དང་། ད་སྐབས་བླ་གྲྭ་རྣམས་རང་རང་གི་བབས་བསྟུན་གྱིས་འཚོགས་པ་ལས་སྤྱི་རྒྱུ་དང་སྤྱི་བ་མེད། ང་བརྒྱད་ལོ་ཡན་དགོན་བདག་དང་ཁྲི་བདག་དང་ཁྲི་བ་གཅིག་ལྕོགས་ཡིན། དེ་ནས་ས་སྣེ་ཆེ་བཞི། དགེ་བསྐོས་གཉིས། མཆོད་དཔོན་གཉིས། དབུ་མཛད་གཉིས། རྒྱན་ཁང་གཉིས་བཅས་སོ། གཞན་རྔ་དུང་འབུད་མཁན་སོགས་ལའང་ལས་སྣེ་ཆུང་ངུ་ཞེས་འབོད་པར་བྱེད། སྔར་རོལ་མོ་རིན་ཐང་ཆེ་བ་མཛོད་ཆེ་ཆུང་གཉིས། གནམ་ལྕགས་ལས་གྲུབ་པའི་ཕུར་བ་ཆ་ཤས། མི་ཕམ་ཆོས་རྗེའི་ཉེར་སྤྱད་ཆ་ཚང་། ལོ་མ་དང་གཏེར་མ་སྐུ་ཆེ་ཆུང་གསུམ་ཙམ་བཞུགས་པ་རྣམས་ང་བརྒྱད་ལོའི་སྐབས་མིང་གི་ལྷག་མར་གྱུར།

དེ་ནས་རིམ་བཞིན་ལྕགས་སྤྲེལ་ལོར་སྤྲེལ་ལོར་སྤྲེལཟླ་ཚེས་བཅུ་ཚོགས་ཤིང་འབུམ་རྙིང་དུ་འཁྲུངས་པའི་མཆོག་སྤྲུལ་རྣམ་རྒྱལ་རྒྱ་མཚོ་ཉིད་གསེར་ཁྲིར་མངའ་གསོལ། དགོན་པ་ཉམས་གསོ་བྱེད་པའི་དབུ་བཟུང་བོད་རབ་བྱུང་དྲུག་པའི་བགྲང་བྱ་ང་དགུ་བ་ཤིང་གླང་སྤྱི་ལོ་1984ལོར་ཆོས་སྒོ་ཕྱེ་བའི་འཕྲིན་བཟང་ཁྱབ་བསྒྲགས་བྱས་པ་དང་ཆབས་གཅིག་ཏུ་སྔ་འགྱུར་བསྟན་པའི་མཛེས་རྒྱན་མཁྱེན་བརྩེ་རབ་གསལ་ཟླ་བ་ཉིད་བཀའ་དྲིན་བསྐྱངས། དེ་ཚུན་ནས་རྒྱ་ཆེའི་ཆོས་དད་མང་ཚོགས་ཀྱི་རྒྱབ་སྐྱོར་འོག་འཁོར་ཁང་དང་། ཇོ་ཁང་། དགོན་ཁང་། ཆོས་རྗེ་མི་ཕམ་པའི་གཟིམ་ཁང་ཉམས་གསོ། སྤྱི་ཁང་བཅས་གསར་བཞེངས་དང་། སྔར་ཡོད་དུས་མཆོད་ཁག་རྣམས་དང་གར་འཆམ་སོགས་སྔར་སྲོལ་ཆད་མེད་དུ་འཚོགས་པ་སོགས་ཀྱི་ངང་དུ་གནས་སྐབས། སྐྱབས་མགོན་པཎ་ཆེན་རིན་པོ་བྱོན་ནས་ཆོས་འབྲེལ་དང་བཀའ་སློབ་སྩལ་བ་སོགས་དགྱེས་གཟིགས་དང་། འཇིགས་མེད་ཕུན་ཚོགས་འབྱུང་གནས་གྱིས་ཆོས་འབྲེལ་དང་མི་ཕམ་ཆོས་རྗེ་འཁྲངས་ཤུལ་དུ་མཆོད་རྟེན་བཞེངས་དགོས་གསུངས་བ་སོགས་མཛད། སྤྱིར་དགོན་འདི་སྔར་དབྱར་གནས་ཡོད་པ་ཉག་ཟིང་སྐབས་ཆད་དེ་སྱར་གསོ་མ་ཐུ་པར་ལུས་པ་ལ་ཁྲི་རབས་བརྒྱད་ཀྱི་རྗེས་མ་དགོན་སྤྲུལ་གྱི་རབ་བྱུང་བཅུ་དྲུག་པའི་ཤིང་སྤྲེལ་སྤྱི་ལོ་1944ལར་དབྱར་གནས་བཙུགས་ཤིང་ལོ་གསུམ་མཁན་པོ་མཛད་པ་མཁན་རབས་དང་པོ་ཡིན། དེ་ནས་མཁན་པོ་བསྟན་འཛིན་འོད་ཟེར། སངས་རྒྱས་ཆོས་འཕེལ། ཚུལ་ཁྲིམས་དཔལ་ལྡན། ཡོན་ཏན་རྒྱ་མཚོའི་སྐབས་སུ་ཕྲིན་ལས་ཀྱི་མཇུག་བསྡུས། ཤིང་གླང་ལོ་ནས་ད་བར་མཁན་པོ་བཀྲ་ཤིས་རྡོ་རྗེ་དང་ལོ་ལྔར་མཁན་པོ་མཛད་དེ་གཤེགས། གཞན་ཡང་གཞོན་རས་ནས་ལོ་གསུམ་དང་བཟང་པོ་སྟོབས་ལྡན་ནས་ལོ་གསུམ་མཁན་པོ་མཛད་བཞིན་པའི་སྐབས་སོ། རབ་བྱུང་བཅུ་གསུམ་པའི་ཆུ་སྤྲེལ་སྤྱི་ལོ་1752ལ་དགོན་པ་བཏབ་ནས་ད་ལྟའི་རབ་བྱུང་བཅུ་བདུན་པའི་ཅིང་ཁྱི་སྤྱི་ལོ་1994བར་ལོ་ཉིས་བརྒྱ་ཞེ་གཉིས་གྱི་བྱུང་བ་རགས་བསྡུས་བྲིས་པའི་དཔྱ་གཞིའི་ཡི་གེ་ནི་ལོ་གསུམ་བརྒྱ་ཡན་གྱི་[page 189] བྱུང་བ་རྣམས་ཅིང་གིར་གདུང་གིར་གདུང་རབས་ཡི་གེ་པད་མ་ར་གའི་ཕྲེང་བ་དང་། འགྱུར་མེད་བཀྲ་ཤིས་རྒྱ་མཚོའི་རྣམ་ཐར་གཉིས་ལ་གཞིར་བཅོལ། གཞན་ཡང་དེབ་སྔོན་དང་དེབ་དམར་སོགས་དང་ཡང་བསྟུན། དེ་ཚུན་གྱི་ལོ་རྒྱུས་རྣམས་ཁྲི་རབས་ལྔ་བ་དཔོན་འཇིགས་མེད་རྡོ་རྗེས་རབ་བྱུང་བཅོ་ལྔ་བར་བྲིས་པའི་འཇུའི་རུས་མཛོད་ལྟར་བཀོད་པ་དང་། དེ་ཚུན་གྱི་བྱུང་བ་རྣམས་དགོན་སྤྲུལ་ཨོ་རྒྱན་བསྟན་འཛིན་དང་དཔོན་ཚུལ་ཁྲིམས་མཐར་ཕྱིན་གཉིས་ཀྱི་སྐབས་བྲིས་པ་ལྟར་ལ་གཞན་ངག་རྒྱུན་ཁུངས་དག་རྣམས་ཀྱིས་ཀྱང་ཁ྄བསྐངས་ཏེ་བྲིས་པས་ཕལ་ཆེར་ཁུངས་དག་ཡིན་ངེས་ལ། ང་བརྒྱད་ཚུན་གྱི་ལོ་རྒྱུས་རྣམས་གྲྭ་རྒན་གཟུ་བོར་གནས་པ་དག་གི་གསུངས་པ་ལྟར་དང་ད་སྐབས་རང་གི་མཐོང་ཐོས་བཅས་སྒྲོ་བཏགས་དང་ཟོལ་བསྟོད་མ་བྱས་པར་བྀས་ཁུལ་ལགས་ཀྱང་སྐྱེས་སྦྱངས་ཀྱི་ཡོན་ཏན་ཞན་པས་ལོ་ཚིགས་སོགས་ལ་གོང་འོག་འགྲིགས་མིན་དང་ཆད་ལྷག་ཀྱི་སྐྱོན་སོགས་མཆིས་ན་རྒྱ་ཆེའི་ཀློག་པ་པོ་རྣམས་ཀྱིས་ཡོ་བསྲང་དང་བསྐྱར་ཞུ་བྱེད་པར་བཀའ་དྲིན་མཛད་པ་དང་དགོངས་འཆར་སྩོལ་གནང་ཞུའོ།

ས་མིང་ཚིག་མཛོད་མིག་བཤར།

འགྲོ་མགོན་ཆོས་རྒྱལ་འཕགས་པས་གནས་མཆོག་འདིར་དགོན་པ་བཏབ་ན་བསྟན་པ་རྒྱས་ཤིང་འགྲོ་རྣམས་བདེ་ལ་འགོད་པའི་སྐྱེས་བུ་དམ་པ་འབྱུང་བར་དགོངས་ནས་རབ་བྱུང་བཞི་པའི་ནང་དགོན་པ་འདི་ཉིད་ཕྱག་བཏབ་མཛད་པར་དཔལ་ལྡན་བདེ་དགོན་དགོན་པ་ཞེས་གསོལ། གཞན་ཡང་སྡེ་དགོན་ཞེས་ཡང་འབྲི་སྲོལ་མཆིས། དགོན་པ་འདི་ཉིད་ལ་སྐྱེས་བུ་དམ་པ་རིམ་པར་བྱོན་པ་ནི་ཐོག་མར་དྲུང་ནམ་མཁའ་ལེགས་པ་སོགས་བླ་རབས་བཅུ་བདུན་ཙམ་བྱོན་པ་དེ་དག་གི་མཛད་ཕྲིན་དང་འགྲོ་དོན་ཡང་བསམ་གྱིས་མི་ཁྱབ་པ་བྱུང་ལ་གསུངས་འབུམ་པོད་ཁ་ཤས་ཡོད་པར་གྲགས། དེ་ནས་དགོན་པ་འདི་ལ་མེ་འཇིག་དང་ས་གཡོས་འཇིག་པ་ཡང་བྱུང་མྱོང་ལ་གོ་འཇོ་མཆོད་དཔོན་ཐོག་དཔོན་གྱི་བཀའ་དྲིན་ལས་སླར་གཙུག་ལག་ཁང་ཀ་བ་བཅུ་གཉིས་ཅན་ཞིག་དང་། གཉེར་ཁང་། མགོན་ཁང་སོགས་གསར་བཞེངས་མཛད། དེའི་སྐབས་དགོན་འདིར་གྲྭ་ཤག་ལྔ་བཅུ་ལྷག་དང་གྲྭ་གྲངས་ཆིག་བརྒྱ་ལྷག་ཡོད་པ་འདྲ། དེ་ནས་རྒྱལ་དབང་སྐུ་ཕྲེང་དགུ་པ་ལུང་རྟོགས་རྒྱ་མཚོ་འདན་ཆོས་འཁོར་དུ་སྐུ་འཁྲུངས་སྐབས། དབོན་ཐོག་དཔོན་གྱིས་དཔོན་ཐོག་སྡེ་དགོན་གཉིས་རྒྱལ་བ་ལུང་རྟོགས་རྒྱ་མཚོར་ཕུལ་བས་དེ་ནས་དགོན་འདི་ཉིད་ཆོས་འཁོར་དགོན་པའི་བུ་དགོན་ལྟ་བུར་གྱུར་ལ། ས་དགེ་གཉིས་འདྲེས་ཀྱི་ཕྱག་ལེན་ཅན་དུ་གྱུར་རོ། དེའི་རྗེས་མཆོད་རབས་བརྒྱད་ཙམ་བྱོན་ཞེས་བརྗོད་སྲོལ་མཆིས་ཀྱང་དོན་ལ་སྐྱེས་ཆེད་དམ་པ་དརྒྱད་ཙམ་བྱོན་པ་ལས་ཁྱད་པར་དུ་བླ་མ་བྱང་ཆུབ་ཅེས་པ་མཁས་གྲུབ་གཉིས་ལྡན་ཞིག་བྱོན་པ་དེ་ཉིད་ཡང་སྲིད་དུ་བྱོན་པར་བདེ་དགོན་དགོན་པའི་སྤྲུལ་སྐུ་རུ་ངོས་འཛིན་མཛད་པར་ཐོག་སྤྲུལ་སྐུ་ཞེས་གྲགས།

[page 190] དེའི་སྔོན་དགོན་པའི་སྐུ་གསུངས་ཐུགས་རྟེན་གཙོ་ཆེན་རྣམས་ནི་སྐུ་རྟེན་དུ་གསེར་ལས་གྲུབ་པའི་ཇོ་བོ་ཁ་སར་པ་ཎིའི་སྐུ་ལུས་ཚད་ཙམ་གཅིག་སོགས་རིན་ཐང་གཞལ་ཐབས་དཀའ་ལ་མཐོང་བ་དཀོན་པའི་གསེར་སྐུ་ཉེར་ལྔ་དང་གཞན་ཡང་ཟངས་གསེར་ལས་གྲུབ་པ་སོགས་འབོར་ཆེན་ཡོད་པ། ཐང་སྐུ་ལ་འགྲོ་དགོན་འཕགས་པའི་ཤངས་ཁྲག་གིས་བྲིས་པའི་དཔལ་མགོན་ཞལ་བཞི་པའི་སྐུ་ཐང་འདམ་ཚད་ཙམ་དང་། གསུང་རྟེན་དུ་ཤོག་ནག་གསེར་བྲིས་ཅན་གྱི་གསུང་རབ་པོད་བརྒྱ་དང་བདུན་ཅུ་ལྷག་བཅས་དང་སྣག་པར་གྱི་བཀའ་བསྟན་འགྱུར་ཆ་གཅིག་སོགས་འབོར་ཆེན་ཡོད་ལ། ཐུགས་རྟེན་དུ་ལི་གསེར་ལས་གྲུབ་པའི་བཀའ་གདམས་མཆོད་རྟེན་མཐོ་ཚད་ཙམ་གསུམ་དང་མཆོད་ཆས་རིགས་ལ་རོལ་མོ་བྱ་རྒྱལ་ཁྱུང་ཆེན་གྱི་ས་མཐའ་མེད་རྒྱ་མཚོ་ཕ་རོལ་ནས་འཁྱེར་ཡོང་བ་རེད་ཅེས་བཤད་སྲོལ་ཅན་དང་། སིལ་སྙན་མ། མཁར་རྔ་ཤེལ་འགྲིལ་མ་སོགས་དུ་མ་དང་། གཞན་ཡང་གསེར་དངུལ་གྱི་མཆོད་རྫས་གྲངས་མང་ཡོད་ལ་སྒྲུབ་པ་དུས་མཆོད་སྐོར་ནི་ལྔ་མཆོད། དགུ་ཆུང་། མཚམས་ཆེན། ཀུན་རིག མི་འཁྲུགས་འཇིགས་བྱེད། སྙུང་གནས། རི་བསྟོད། དབྱར་གནས་སོགས་ཡོད་པ་ལས་དགུ་ཆུང་འཆམ་ཡང་འཆམ་རྒྱུ་ཡོད།

སྒྲུབ་པ་དུས་མཆོད་དེ་དག་གི་སྤྱི་རྟེན་ནི་ས་ཞིང་མུའུ་དགུ་བརྒྱ་ལྷག་དང་འབྲི་བརྒྱ་དང་སུམ་ཅུ་ལྷག་ཡོད་པ་དེའི་ཡོང་བསྒོ་ཡིས་བཙུགས་པ་ཡིན། བཤད་སྒྲུབ་ཀྱི་བསྟན་པ་སྐྱོང་ཚུལ་ལ་དྲུང་ནམ་མཁའ་ལེགས་པ་སོགས་སྐྱེས་བུ་དམ་པ་རྣམས་ཀྱི་སྐུ་རིང་ལ་བཤད་སྒྲུབ་གཉིས་ཀ་ཡོད་པ་བཤད་ཀྱང་དེང་ཁ་གསལ་འབྲི་ཐབས་དབེན། ཕྱིས་སུ་གྲྭ་བཅུ་ཡས་མས་ཀྱིས་འཇིགས་བྱེད་བསྙེན་ཆེན་སོགས་བསྙེན་མཚམས་ལོ་གསུམ་ལྷག་བཞུགས་སྲོལ་མཆིས།

དེང་གི་གནས་ཚུལ་ནི་ད་ལྟར་དགོན་པའི་ཁོར་ཡུག་གི་རྒྱ་ཁྱོན་མུའུ་བཅུ་ལྷག་ཡོད་ཅིང་། གཙུག་ལག་ཁང་ཀ་བ་བཅུ་གཉིས་ཅན་ཞིག གཉེར་ཁང་གཅིག གྲྭ་ཤག་བཅུ་གཉིས་ཙམ་བླ་གྲྭའི་ཞལ་གྲངས་བཞི་བཅུ་ལྷག དེའི་ཆོས་སྡེ་དབོན་ཐོག་དང་འོ་རུ་གཉིས། གྲོང་སྡེ་གཞན་དག་ལས་ཀྱང་ཁྱིམ་དུད་འགའ་ཤས་དགོན་པའི་གྲྭ་སར་ཞུགས་ཡོད། སྐུ་རྟེན་ཟངས་གསེར་ལས་གྲུབ་པའི་སྐུ་ཉི་ཤུ་ལྷག་དང་གསེར་གྱིས་བཞེངས་པའི་གསེར་ཐང་ཁང་ཚད་གཉིས་ཙམ་གཅིག་སོགས་ཐང་རྙིང་འགའ་ཤས་དང་། གསུང་རྟེན་དུ་ཤོག་ནག་གསེར་བྲིས་ཅན་གསུང་རབ་པོད་དགུ་བཅུ་ཙམ་དང་སྣག་པར་གྱི་བཀའ་བསྟན་འགྱུར་ཆ་གཅིག་སོགས་དང་། སྒྲུབ་པ་དུས་མཆོད་ཚུགས་ཚུལ་ནི་ལྔ་མཆོད། དགུ་ཆུང་འཆམ་དང་བཅས་མཚམས་ཆེན། སྙུང་གནས། རི་བསྟོད། དབྱར་གནས་སོགས་ཀྱི་སྒྲུབ་མཆོད་ལ་སྤྱི་བའི་རྟེན་སུམ་ཅུ་ཙམ་ཡོད་སྒོ་དང་དེ་མིན་དགོན་པ་རང་ཁ་རང་གསོ་ཡིན།

ས་མིང་ཚིག་མཛོད་མིག་བཤར།

[page 191] དགོན་པ་འདིའི་ཕྱག་འདེབས་པ་པོ་འགྲོ་མགོན་ཆོས་རྒྱལ་འཕགས་པ་ཡིས་རབ་བྱུང་བཞི་པའི་ནང་དུ་བཏབ་ཟེར། ཐོག་མར་ཕྱག་འདེབས་སྐབས་ཀྱི་གྲུབ་མཐའ་ནི་ས་སྐྱ་ཡིན། འདུ་ཁང་ཞིག་བཞེངས་ཡོད་པ་ཕྱིས་ས་གཡོས་ཀྱིས་འཇིག་ཅིང་སླར་ཡང་འདུ་ཁང་ཞིག་འདུ་ཁང་རྙིང་པའི་ལྟག་ཏུ་བཞེངས་མྱོང་། དགོན་འདི་ཁམས་ཀྱི་མགོན་གཟིགས་དགོན་པའི་དགོན་ལག་ཡིན། ཤུག་ར་དགོན་ཞེས་པའི་མཚན་དོན་ནི་དགོན་འདི་བཞེངས་པའི་ས་འདི་ཤུག་པའི་རྭ་བ་སྐོར་ཡོད་པས་སོ། འདི་མི་ཡིས་བཙུགས་པ་མ་ཡིན་ངོ་བོ་ཉིད་ལས་བྱུང་ངོ་། མཚན་དངོས་ནི་འདན་ཤུག་ར་བསམ་གྲུབ་གླིང་ཞེས་འབོད། དགོན་འདི་བླ་མ་ཡང་ཤུག་རའི་གཅོད་སྨྱོན་མ་ཞེས་གཏམ་པདྨོའི་ཚལ་གྱི་ཟློས་གར་ནང་དུ་གསལ། གཞན་ཡང་ཟམ་བླ། དབྲ་ཐོ་བླ་མ། བོད་མོ་བླ་མ། ཇོ་བོ་རྗེ་དཔལ་ལྡན་ཨ་ཏི་ཤའི་སྐྱེ་བ་བླ་མ་འཇམ་དབྱངས་ལྷུན་གྲུབ་བཅས་བྱོན་མྱོང་། འཇམ་དབྱངས་ལྷུན་གྲུབ་དགུང་ལོ་བཅོ་བརྒྱད་ཐོག་རྫོགས་ཆེན་བཤད་གྲྭ་ལ་བྱོན་ནས་མཁན་ཐུབ་བསྟན་སྙན་གྲགས་མདུན་ནས་བཅུ་ཕྲག་རིག་པ་ལ་སྦྱངས་ནས་མཁས་པའི་གོ་འཕང་ཐོབ། དགོན་འདི་ངོ་རྒོལ་བཞི་པ་ཞེས་པའི་དུས་ངན་ལོ་ལ་འདུ་ཁང་ཆུང་དུ་དང་གྲྭ་ཁང་ཉི་ཤུ་སོགས་རྩ་བ་ནས་བཤིགས་སོང་བ་དང་། བཀའ་ཆོས་རྣམས་ཀྱང་བརླགས། ཆོས་ལྡན་བོད་འབངས་རྣམས་ཀྱི་དད་པའི་རང་དབང་གི་མཐུ་བརྟས་པ་ལས་ཆོས་སྒོ་ཕྱེས་མ་ཐག་སྔར་གྱི་གདན་ས་འདིར་སྙིགས་དུས་བསྟན་པའི་སྒྲོན་མེ་འཇམ་དབྱངས་ལྷུན་གྲུབ་ཁོང་གིས་འདུ་ཁང་གསར་བཞེངས་མཛད་པ་མ་ཟད་བཀའ་བསྟན་སོགས་གསུང་ཆོས་མང་པོ་བླུས་ནས་བཞག་པ་དང་འཆམ་འབག་ཀྱང་བཞི་བཅུ་ཙམ་བཞེངས། དེ་ནས་ཁོང་སྐུ་འཚམས་ལ་ལོ་དགུ་ཙམ་བཞུགས་རྗེས་རབ་བྱུང་བཅུ་བདུན་པའི་སྤྲུལ་ལོ་ལ་དགོངས་པ་རྫོགས་སོ། སྒྲུབ་མཆོད་སྐོར་ནི་ཧོར་ཟླ་བཅུ་གཅིག་པའི་ཚེས་བཅུ་བཞི་ནས་བཟུང་ཉིན་བདུན་ལ་མཁའ་སྤྱོད་དུས་མཆོད། ཉིན་བདུན་ལ་མ་ཎི་བུམ་སྒྲུབ། ཉིན་བདུན་ལ་འཇིགས་བྱེད་དྲུག་ཅུ། ཧོར་ཟླ་དང་པོའི་ཚེས་བདུན་ནས་བཟུང་ཀྱེ་རྡོར་སྒྲུབ་མཆོད་ཉིན་བདུན་ལ་ཚོགས། ཧོར་ཟླ་བཞི་པའི་ཚེས་ལྔ་ནས་ཉིན་བཅུ་བཞི་ལ་ཀུན་རིག་འཚོགས། ཧོར་ཟླ་ལྔ་པའི་ཚེས་བཅོ་ལྔ་ནས་དྲུག་པའི་ཚེས་སུམ་ཅུར་དབྱར་གནས་ཚོགས། ཧོར་ཟླ་དགུ་པའི་ཚེས་བཅོ་ལྔ་ཉིན་ལ་ས་ཆེན་འདས་མཆོད་བཅས་ཚོགས། དུས་རྒྱུན་གསོལ་ཀ་སོགས་གསུངས་ནས་རྒྱུན་ཚོགས་བར་མ་ཆད་པ་ཡོད།

དགོན་པ་འདིའི་ཡོང་སྒོ་ནི་ཆེན་པོ་མེད། འདུ་ཁང་སོགས་བཞེངས་ཚེ་དགོན་སྡེ་རྣམས་ཀྱི་རོགས་སྐྱོར་དང་དགེ་འདུན་པ་རྣམས་གདུལ་བྱ་ཕྲན་ཙམ་ལོན་པ་ལ་བརྟེན་ནས་འགྲུབ་ཐབས་བྱེད་དགོས། སྔར་དགོན་པ་འདི་བླ་གྲྭ་བརྒྱད་ཅུ་གྱ་གསུམ་ཙམ་ཡོད་ཅིང་དགུ་ཆེན་གྱི་འཆམ་བྱེད་པ་དང་དུས་མཆོད་རྣམས་ལེགས་པོ་འཚོགས་ནས་བཞུགས་སོ།།

ས་མིང་ཚིག་མཛོད་མིག་བཤར།

[page 192] དགོན་པ་འདི་ཡི་ཕྱག་འདེབས་པ་པོ་ལ་ངག་རྒྱུན་དུ་བཤད་སྲོལ་གཉིས་ཡོད་ལ། གཅིག་ནི་རབ་བྱུང་ལྔ་པའི་མེ་ཡོས་ལོར་འགྲོ་མགོན་ཆོས་རྒྱལ་འཕགས་པ་དགུང་ལོ་གསུམ་སྟེ་སྤྱི་ལོ་1267ལོར་ཧོར་གྱི་རྒྱལ་པོས་གདན་དྲངས་པའི་ལམ་བར་དུ་ཡུལ་འདིར་བརྒྱུད་ནས་དགོན་ས་བཏབ་པ་ཡིན་ཞེས་པའི་རྟགས་མཚན་དུ་གནམ་ལྕགས་ཀྱི་ཕུར་པ་གྲུ་གང་ཙམ་ཞིག་གནང་ཡོད་པ་ནི་དེང་སང་ཡང་དགོན་དུ་མཇལ་རྒྱུ་ཡོད། གཞན་ཞིག་ནི་དགོན་འདིའི་མཆོག་སྤྲུལ་ཐོག་མ་རྒྱ་གར་གྱི་གྲུབ་ཆེན་རྰེ་དྷ་པའི་རྣམ་སྤྲུལ་མདོ་ལ་མཁས་པ་གཡག་སྟོན་པ་གཡག་ཕྲུག་སངས་རྒྱས་དཔལ་གྱིས་དུས་མཚུངས་སུ་དགོན་ས་བཏ་པ་ཡིན་ཞེས་པའི་རྟགས་མཚན་དུ་ཞལ་དཀར་འབྲུག་བརྒྱ་གཙོ་གནང་ཡོད་མོད་རྗེས་སུ་སོག་རྟ་ཁྱབ་ཅན་གྱིས་དཀར་ཆག་སོགས་བཅོམ་པའི་སྐབས་སུ་མཚོ་སྔོན་ཁོངས་ཀྱི་ཆོས་དབྱིངས་རྡོ་གདན་དགོན་དུ་གདན་དྲངས་ད་ལྟ་འདིའི་དགོན་དུ་མི་བཞུགས། དཀར་ཆག་སོགས་མེད་པས་མཆོག་སྤྲུལ་འདིའི་འཁྲུངས་པའི་ཡུལ་དང་དུས་ལ་སོགས་པ་གསལ་བོར་མི་ཤེས་ལ། འདི་ཉིད་ཀྱིས་རྩོམ་གནང་མཛད་པའི་བཀའ་འབུམ་སོགས་ད་ལྟ་སྡེ་དགེ་པར་ཁང་དུ་བཞུགས་པས་གཟིགས་པར་འཚལ། འབུར་ལེགས་དགོན་ཞེས་པའི་མཚན་དོན་ནི་ས་འབུར་པོ་ཞིག་གི་སྟེང་ལ་ཐང་ལེགས་པོར་ཞིག་ཡོད་པར་དགོན་དེར་ཆགས་པས་འབུར་ལེགས་དགོན་ཞེས་འབོད། མཚན་དངོས་ནི་ཐུབ་བསྟན་དར་རྒྱས་གླིང་ཞེས་ཟེར།

སྔར་ཡོད་ཀྱི་གཙུག་ལག་ཁང་སོགས་དང་ནང་བཞུགས་ཀྱི་སྐུ་གསུང་ཐུག་རྟེན་ནི། དེ་ཡང་དགོན་འདི་ཆགས་ནས་རིག་གནས་གསར་རྗེས་ཀྱི་བར་དུ་གཙུག་ལག་ཁང་གཙོ་བོ་གཉིས་བཞེངས་ཡོད་ལ། དེའི་ནང་བཞུགས་ཀྱི་རྟེན་ཡང་དད་ལྡན་ཀུན་གྱི་མཇལ་བར་མིག་གི་བདུད་རྩི་རུ་གྱུར་བའི་མགོན་པོ་གཟི་འོད་འབར་བ། མགོན་པོ་བྱེའུ་དྲོད། གནམ་ལྕགས་ཕུར་པ། སངས་རྒྱས་དཔལ་གྱི་འདམ་སྐུ། ཆུ་འབག་ཆ་གཅིག དུར་ཁྲོད་ཀྱི་འབག་ཆ་གཅིག འཇམ་མགོན་དབང་བསྡུས་སྙིང་པོས་གནང་བའི་དབུ་ཞྭ། རྒྱལ་བའི་བཀའ་འགྱུར་དང་བསྟན་འགྱུར་ཆ་གཉིས། ས་སྐྱའི་སྒྲུབ་ཐབས་ལ་སོགས་པ་སྐུ་གསུང་ཐུགས་རྟེན་མང་ཙམ་འདིའི་དགོན་དུ་བཞུགས་མྱོང་བ་ལ། དེའི་ནང་ནས་སངས་རྒྱས་དཔལ་གྱི་འདམ་སྐུ་དང་ཆུ་འབག་ཆ་གཅིག་བཅས་ལ་ངོ་མཚར་བའི་གཏམ་རྒྱུད་མང་ཙམ་ཡོད་པ་ལས། ཐོག་མ་སངས་རྒྱས་དཔལ་གྱི་འདྲ་སྐུ་དེས་ཡུལ་མི་ཀུན་གྱི་ཀླུ་ནད་དང་མཛེ་བཅས་སེལ་བའི་མཐུ་ནུས་ལྡན་པས་ངོ་མཚར་ཤིན་ཏུ་ཆེ་ལ་འཛམ་གླིང་དུ་ཡང་དེ་འདྲ་གཉིས་མེད་པའི་འདམ་སྐུ་ཞིག་ཡིན་མོད། སྙན་གྲགས་ཆེ་བའི་དབང་གིས་བཅོམ་འཕྲོག་གི་བར་ཆད་ཀྱང་བྱུང་མྱོང་ལ། དེ་ནི་དགོན་འདིའི་བླ་སེར་ཀུན་གྱིས་ཆོས་ཁྲིམས་ལེགས་པར་སྲུང་ནས་དམ་པའི་ཆོས་ལ་རབ་ཏུ་བརྩོན་ཏེ་ཉམ་ཆུང་གིས་དགོན་དང་བསྟན་པ་སྐྱོང་ནས་བཞུགས་ཡོད་པའི་སྐབས་ཞིག་ལ་འབྲི་ཆུ་ཕ་རོལ་གྱི་ཉེ་བའི་གནས་ན་འདམ་ཐོག་དགོན་ཞེས་པ་ཞིག་ཡོད་པ་དེས་གྲྭ་[page 193] དམག་འབུར་ལེགས་དགོན་དུ་ཕབ་སྟེ་བུ་བཙན་གྱིས་སྐུ་འདྲ་དེ་འཕྲོག་ནས་དགོན་པའི་བྱང་ཕྱོགས་ཀྱི་ངོས་ཐུར་གྲྭ་བ་བཞིས་འཀྱགས་ཏེ་གདན་དྲངས་སྐབས་འདྲ་སྐུ་རང་བྱུང་གིས་ཇེ་ལྗིད་དུ་སོང་ནས་ངལ་གསོ་མི་བྱེད་ཐབས་མེད་བྱུང་སྟེ། སྐུ་འདྲ་བཞག་ནས་ངལ་གསོས། དེ་ནས་གདན་དྲངས་ཏེ་མར་འགྲོ་སྐབས་སྐུ་འདྲ་བཞག་པའི་ཤུལ་ནས་ཆུ་མིག་ངོ་མཚར་ཅན་ཞིག་བྱུང་བ་དེ་ནི་ཆུ་སྣ་ཀུན་དང་མི་འདྲ་ལ། དབྱར་གསུམ་ལ་ཇེ་ཆུང་དང་དགུན་གསུམ་ལ་ཇེ་ཆེ་འགྲོ་ནས་དགོན་སྡེ་བཅས་ཀྱི་འཐུང་ཆུ་རུ་གྱུར་བས་དྲིན་རབ་ཏུ་ཆེ་བས་སངས་རྒྱས་དཔལ་གྱི་སྒྲུབ་ཆུ་ཞེས་མཚན་དུ་འབོད་པར་མཇལ་བར་སྤྲོ། འདྲ་སྐུ་མར་གདན་དྲངས་ནས་པེ་ཡུ་ཞེས་པའི་གྲོང་འདབས་སུ་སླེབས་སྐབས་ཡ་མཚན་གྱི་གནམ་ནས་རྡོ་རིལ་གྱི་ཆར་བབས་ཏེ་འདམ་ཐོག་དགོན་གྱི་གྲྭ་དམག་རྣམས་སྐུ་འདྲ་བསྐྱུར་ཏེ་བེ་ཡུ་གྲོང་དུ་བྲོས་ནས་མི་གབ་ཀ་མེད་བྱུང་།

འབུར་ལེགས་དགོན་གྱི་དགོ་སློང་ཨ་རྒྱལ་ཡིས་སྐབས་དེ་དང་བསྟུན་ནས་འདྲ་སྐུ་ཕྲག་ཏུ་ཁུར་ནས་དབུགས་ཐེངས་གཅིག་གིས་ཕྱིར་དགོན་དུ་གདན་དྲངས། ངོ་མཚར་གྱི་གནས་ཚུལ་དེ་དག་མཐོང་རྗེས་འདམ་ཐོག་གི་གྲྭ་དམག་རྣམས་ཀྱིས་སྐུ་འདྲ་དེ་རང་ལ་མི་དབང་བ་ཤེས་ནས་ལག་སྟོང་དུ་ཕྱིར་མི་ལོག་ཐབས་མེད་བྱུང་། ཡ་ཚན་ཅན་གྱི་རྡོ་རིལ་དེ་དག་ཀྱང་ད་ལྟ་དངོས་སུ་མཇལ་རྒྱུ་ཡོད། ཡང་ཐེངས་ཤིག་ལ་ས་གཡོ་ཆེན་པོས་གནོད་པ་དྲག་ཏུ་ཐེབས་པ་ལས་འདུ་ཁང་དང་གྲྭ་ཁང་ལ་སོགས་ཤུལ་ཙམ་རེ་མ་གཏོགས་ཐལ་བའི་རྡུལ་དུ་བརླགས་རུང་། སྐུ་འདྲ་དེ་དང་རྟེན་གཙོ་བོ་ཁ་ཤས་ལ་གནོད་པ་སྤུ་ཙམ་མེད་པ་ཡ་མཚན་གྱིས་ཁྲི་ཐོག་ཏུ་སྔར་བཞིན་བཞུགས་ཡོད། དེ་འདྲ་བའི་འཛམ་གླིང་དུ་དཀོན་པའི་རྟེན་ཆེན་དེ་ནི་རིག་གནས་གསར་བརྗེ་ཞེས་པའི་སྐབས་སུ་ཆག་དཀྲུགས་ཚབས་ཆེན་ཐེབས་པ་མ་ཟད་འབྲི་ཆུ་རུ་འཕངས་ཏེ་རྩ་མེད་བྱས་པ་ནི་ཇི་འདྲ་བློ་ཕམ་པ་དང་འགྱོད་པ་ཤོར་བ་ཞིག་རེད་ཨང་།

བཤད་སྒྲུབ་ཀྱི་བསྟན་པ་སྐྱོང་ཚུལ་དང་དུས་མཆོད་ཀྱི་སྐོར། སྔོན་གྱིས་དུས་སུ་འབུར་ལེགས་དགོན་དུ་བཤད་གྲྭ་ཞེས་ལྷག་པ་མི་གསལ་ལ། ཕལ་ཆེན་སྒྲུབ་པ་ཉིད་ཀྱིས་བསྟན་པ་བསྐྱངས་པ་ཡིན་པས། སྒྲུབ་པའི་སྙིང་པོ་ནི། ཀྱེ་རྡོའི་སྒྲུབ་མཆོད། མཁའ་སྤྱོད་ཀྱི་སྒྲུབ་པ། ཕུར་པའི་སྒྲུབ་པ། མགོན་པོའི་སྒྲུབ་པ། ཀུན་རིག་གི་སྒྲུབ་པ། མཁའ་སྤྱོད་ཀྱི་སྒྲུབ་པ་ལ་སོགས་ཡོད། དེ་ནས་ཡང་སྒྲུབ་པ་དུས་མཆོད་ནི་མཚམས་མ་ཆད་པ་དང་སྙིང་རུས་ཆེན་པོ་དང་དད་ལྡན་ཀུན་ལ་མཇལ་དུ་བཅུག་པ་སྟེ། ས་ཆེན་ཀུན་དགའ་སྙིང་པོའི་སྒྲུབ་མཆོད་དང་། ཕུར་བའི་སྒྲུབ་མཆོད། ཀྱེ་རྡོའི་སྒྲུབ་མཆོད། མཁའ་སྤྱོད་ཀྱི་སྒྲུབ་མཆོད། མགོན་པོའི་སྒྲུབ་མཆོད་བཅས་ཡོད་ལ། དེ་དག་གི་སྐབས་སུ་འགྲོ་གྲོན་ནི་དགོན་ཉིད་ཀྱི་སྤྱི་བའི་ས་ཞིང་ལས་འབྱུང་དགོས་ལ། སྒྲུབ་མཆོད་རེ་ལ་ཆ་སྙོམས་ས་ཞིང་མུའུ་ལྔ་རེ་ཙམ་ཡོད། དེའི་སྐབས་སུ་བླ་སེར་དྲུག་ཅུ་ལྷག་གིས་སྒྲུབ་པ་ཚད་ལྡན་གྱིས་བསྟན་པ་བསྐྱངས་ཏེ་བཞུགས་མྱོང་ངོ་། འོན་ཀྱང་ལོ་བཅུ་རིང་གི་གོད་ཆགས་ཚབས་ཆེན་གྱི་ནང་དུ་རྒྱལ་ཡོངས་ཀུན་དང་འདྲ་བ་འབུར་ལེགས་དགོན་ལ་ཡང་གནོད་སྐྱོན་ཚབསཆེན་ཐེབས་པ་ནི་འདུ་ཁང་ལ་སོགས་ཤུལ་ཙམ་མ་གཏོགས་མེད་པར་བརླགས་སོང་བ་མ་ཟད། བཀའ་བསྟན་གཉིས་ཀྱང་མེ་ལ་བསྲེག་པས་ཡུལ་མི་[page 194] ཀུན་ལ་འགྱོད་པ་དང་ཡིད་ཕམ་དྲག་པོ་ཐེབས་པ་ནི་སྨོས་མ་དགོས་སོ།།

དེང་དུས་འདུ་ཁང་དང་སྐུ་གསུང་ཐུགས་རྟེན་བཅས་གསར་བཞེངས་དང་སྒྲུབ་མཆོད་ཀྱི་སྐོར་ནི་ཏང་གི་ཆོས་ལུགས་སྲིད་ཇུས་བཟང་པོའི་བཀའ་དྲིན་གྱིས་རྒྱལ་ཡོངས་སྤྱི་ལ་ཆོས་ཀྱི་ཉི་མ་འཆར་དུ་འཇུག་པ་ཇི་བཞིན་དཔལ་ལྡན་འབུར་ལེགས་དགོན་དུ་ཡང་ཆོས་ཀྱི་གཟི་འོད་འཕྲོས་ཏེ་སྔོན་ཤུལ་ཙམ་ལས་མེད་པར་བྱས་ཡོད་པའི་འདུ་ཁང་དེ་ད་ལྟ་འདུ་ཁང་ཀ་བ་ཉི་ཤུ་ཡོད་པ་ཞིག་དང་སྒྲུབ་ཁང་ཀ་བ་དྲུག་ཡོད་པ་ཞིག་མགོན་ཁང་ཀ་བ་དྲུག་ཙམ་ཡོད་པ་ཞིག་ལེགས་བཞེངས་ཟིན་ལ། ནང་བཞུགས་ཀྱི་སྐུ་གསུང་ཐུགས་རྟེན་ནི་སྔར་ཡོད་ཀྱི་ནང་ནས་སངས་རྒྱས་དཔལ་གྱི་འདམ་སྐུ་མེད་བརླག་ཏུ་བཏང་བ་ལས་དེ་མིན་ཡོད་ཚད་ད་ལྟ་དགོན་དུ་བཞུགས་ཡོད་པ་མ་ཟད། ད་ལྟ་གསར་དུ་ས་སྐྱ་གོང་མ་རྣམ་ལྔའི་འདྲ་སྐུ་དང་གསར་བླུ་ཡི་བཀའ་བསྟན་ཆ་གཉིས། གོང་མ་རྣམ་ལྔའི་གསུང་འབུམ། ཐུབ་པ་གཙོ་འཁོར་གསུམ། གུ་རུ་གཙོ་འཁོར་གསུམ། སྤྱན་རས་གཟིགས་གཙོ་འཁོར་གསུམ། ལྕམ་དྲལ་གསུམ་གྱི་སྐུ་ལ་སོགས་པ་བཞེངས་ཏེ་ད་ལྟ་དགོན་དུ་བཞུགས་ཡོད་པ་དང་། དགོན་གྱི་འཁོར་ཡུག་མུའུ་ཉི་ཤུ་ཙམ་གྱི་ནང་དུ་གྲྭ་ཤག་བཞི་བཅུ་ལྷག་ཙམ་ཡོད་པའི་ནང་གི་བླ་སེར་ཞེ་བཞི་ཡིས་དབྱར་དགུན་སོགས་ལ་དམ་པའི་ཆོས་ལ་བརྩོན་པ་དང་དད་ལྡན་ཀུན་གྱི་མིག་གི་བདུད་རྩི་རུ་གྱུར་བའི་ས་ཆེན་ཀུན་དགའ་སྙིང་པོའི་སྒྲུབ་མཆོད། ཕུར་བའི་སྒྲུབ་མཆོད། སྙིང་རྗེའི་སྒྲུབ་མཆོད། ཀྱེ་རྡོའི་སྒྲུབ་མཆོད་བཅས་དུས་ཐོག་ཏུ་སྒྲུབ་བཞིན་ཡོད། དེ་དག་གི་འགྲོ་གྲོན་ནི་དགོན་པ་ཉིད་ཀྱིས་བཏང་དགོས་པ་ལས་སྤྱི་བའི་ས་ཞིང་དང་སྒྲུབ་མཆོད་ཀྱི་འགྲོ་གྲོན་ཞེས་པ་ཞིག་ནི་གཏན་ནས་མ་མཆིས་སོ། དེ་ནས་དགོན་འདིར་བཞུགས་པའི་བླ་སེར་ཀུན་གྱིས་སེམས་ཅན་གྱི་དོན་ཉིད་ལ་བསམ་ནས་དམ་པའི་ཆོས་ལ་འབད་པ་ཆེན་པོས་དགོན་འདིའི་བསྟན་པ་བསྐྱངས་ཏེ་བཞུགས་ཡོད།

ས་མིང་ཚིག་མཛོད་མིག་བཤར།

དགོན་པ་འདི་ཕྱག་འདེབས་པ་པོ་ནི་ཀརྨ་ཁ་བདུན་པ་ཆོས་གྲགས་རྒྱ་མཚོ་མཆོག་གིས་རབ་བྱུང་བརྒྱད་པའི་ནང་དགོན་པ་འདི་བཏབ་པར་མཚན་དུ་བཀྲ་ཤིས་ཉི་ཤར་མེ་རི་དགོན་པ་ཞེས་གསོལ། དེའི་མཚན་དོན་ནི་རྒྱབ་རི་ལ་མེ་ལྕེ་མཆེད་འདྲའི་མཐའ་སྐོར་དུ་བཀྲ་ཤིས་རྟགས་བརྒྱད་ཚང་བའི་གནས་མཆོག་དེར་སྟོན་པ་རིན་པོ་ཆེའི་བསྟན་པ་རྣམ་གཉིས་ཉི་མ་ཤར་བ་བཞིན་ཡོང་པའི་ཐུགས་བསྐྱེད་ཀྱི་སྒོ་ནས་བཏགས་པ་ལ་མེ་རི་དགོན་ཞེས་གྲགས། གྲུབ་མཐའ་བཀའ་བརྒྱུད་དང་ཆོས་བརྒྱུད་ཀཾ་ཚང་བཀའ་བརྒྱུད་ཡིན། བརྒྱུད་འཛིན་གྱི་སྐྱེས་བུ་དམ་པ་མཁས་གྲུབ་གཉིས་ལྡན་གྱི་བླ་རབས་དུ་མ་དང་མཆོག་སྤྲུལ་རིམ་བྱོན་གྱི་རྣམ་ཐར་གྱི་ཡིག་ཚོགས་ཤེས་མཁན་མེད་པས་གོང་མ་རྣམས་འབྲི་ཐབས་དབེན།

སྐུ་ཕྲེང་གསུམ་པ་ནི་མཆོག་སྤྲུལ་དམ་པ་བྱང་ཆུབ་རྡོ་རྗེ་ཟེར་བ་གྲུབ་བརྙེས་ཀྱི་སྐྱེས་བུ་ཆེན་པོ་ཞིག་[page 195] བྱོན་པ་དེའི་སྐབས་དགོན་འདིར་ཆོས་བཤད་སྒྲུབ་ཀྱི་བསྟན་པ་ཉི་མ་ཤར་བ་བཞིན་དར་རྒྱས་ཧ་ཅང་བྱུང་སྟེ་དགེ་འདུན་ཞྭ་ཁྲ་ཅན་ལ་བརྒྱད་ཅུ་སོགས་ཡོད་པར་གྲགས་པས་བླ་མ་ཞྭ་ཁྲ་ཅན་བརྒྱད་ཅུ་དང་གྲྭ་བཙུན་བརྒྱབ་ལྷག་ཡོད་པ་འདྲ། དེ་ནས་སོག་རྟ་ཁྲབ་ཅན་གྱི་དམག་དང་ས་གཡོས་འཇིག་པ་བཅས་རིམ་བཞིན་བྱུང་རྐྱེན་གྱིས་དགོན་པ་འདི་ཤིན་ཏུ་ཉམས་དམའ་རུ་གྱུར་ནས་མཆོག་སྤྲུལ་གོང་མའི་ཡང་སྲིད་ཀྱང་ཁྲིར་འདོན་མ་ཐུབ་པ་ནས་བཟུང་། དགོན་འདིར་དཔལ་སྤྲུལ་ས་དགོན་ནས་བླ་སྐོས་བཏང་བའི་སྲོལ་དང་དེའི་རྗེས་རྣམ་རྒྱལ་དགོན་ནས་བླ་སྐོས་བཏང་བའི་སྲོལ་ཡོད་པ་ནས་དགོན་འདི་རྣམ་རྒྱལ་དགོན་པའི་བུ་དགོན་ཡིན་པ་ཞེས་གྲགས་སོ།།

དམ་པ་གོང་མའི་སྐུ་རིང་དུ་དགོན་འདིའི་རྟེན་དང་བརྟེན་པའི་རྣམ་བཞག་མཚོན་ཙམ་བརྗོད་ན་གཙུག་ལག་ཁང་ཀ་རིང་བཞི་ཅན་གཅིག མགོན་ཁང་གཅིག སྒྲུབ་ཁང་གཅིག གཉེར་ཁང་གཅིག བླ་བྲང་གཅིག གྲྭ་ཤག་གྲངས་མང་ཞིག་ཡོད་ཅིང་། སྐུ་རྟེན་དུ་རྒྱ་གར་ཤར་ལི་ཆོས་སྐུ་རྡོ་རྗེ་འཆང་སྐུ་མདའ་ཚད་མ་གཅིག སངས་རྒྱས་མར་མེ་མཛད་ཀྱི་སྐུ་གླང་དར་ཁྲིམས་ཕོག་མ་ཁྲུ་ཚད་ཙམ་གཅིག ཡང་གླང་དར་ཁྲིམས་ཕོག་མའི་གསེར་སྐུ་ལི་མ་ཆུང་ངུ་ལྔར་བཅས་གཞན་ཡང་ལི་གསེར་དང་ཟངས་གསེར་ལས་གྲུབ་པའིགསེར་སྐུ་དང་གཏེར་མ་འབོར་ཆེན་ཞིག་ཡོད་དོ།

ཀརྨ་པ་བདུན་པ་ཆོས་གྲགས་རྒྱ་མཚོའི་ཕྱག་བཟོ་སྨན་འདག་ལས་གྲུབ་པའི་བེར་ཅན་གྱི་སྐུ་ཁྲུ་ཚད་ཙམ་གཅིག ཐང་ནག་གསེར་བྲིས་ཅན་རྩ་ཆེན་འགའ་ཞིག་ཡོད། གསུང་རྟེན་དུ་གསེར་དངུལ་ལས་བྲིས་པའི་བཀའ་བསྟན་འགྱུར་དང་བརྒྱད་སྟོང་གསུམ་ཕབ། གཞན་ཡང་སྣག་པར་གྱི་བཀའ་འབུམ་གྲངས་མང་མཆིས། ཐུགས་རྟེན་དུ་བཀའ་གདམས་མཆོད་རྟེན་ཆེ་ཆུང་བདུན་དང་དགོན་པའི་གཡས་ཕྱོགས་སུ་རྣམ་རྒྱལ་མཆོད་རྟེན་ཁང་ཚད་བཞི་ཅན་ནང་རྟེན་ཁྱད་འཕགས་དུ་མ་བཞུགས་པ་སོགས་དང་། མཆོད་རྫས་རིགས་ལ་བྱ་མཁའ་ལྡིང་གིས་ཁྱེར་ཡོང་བར་གྲགས་པའི་འཁར་རྣ་འབྲུག་གྲགས་མ་ཟེར་བ་གཅིག་དང་། གཞན་ཡང་འཁར་རྔ་ཆེ་ཆུང་ལྔ། དུང་དཀར་གསེར་དངུལ་གྱི་གཤོག་པ་ཅན་བཀྲ་ཤིས་རྟགས་བརྒྱད་ཀྱི་རི་མོ་ཡོད་པ་ཆ་གཅིག རོལ་མོ་རྒྱལ་སྦུད་ཟེར་བ་ཆ་གཉིས། སིལ་སྙན་མ་ཎི། གསེར་དངུལ་གྱི་རྒྱ་གླིང་སོགས་འགངས་ཆེན་གྲངས་མང་ཞིག་ཡོད་དོ།

ཚེས་དུས་སྒྲུབ་མཆོད་ནི་གྲོ་ལོད། ཞི་ཁྲོ། སྙུང་གནས། ཚེས་བཅུ། བཀའ་འགྱུར་ཉིན་ཚོགས་གཅིག དབྱར་གནས། རི་བསྟོད། ཕག་མོ། བདེ་མཆོག རྒྱལ་བ་རྒྱ་མཚོ་སོགས་གྲུབ་མཐའ་བརྒྱུད་པའི་སྲོལ་ལྟར་རྒྱས་ཤིང་ཆ་ཚང་བའི་ཚོགས་པ་ཡོད་དོ། དེའི་སྤྱི་རྟེན་དུ་ས་ཞིང་འབོར་ནག་ལྕགས་ལུང་མ་སུམ་བརྒྱ་ཞེས་གྲགས་པས་ལོ་རེའི་ཕར་འདེབས་ཀྱི་ས་ཞིང་ལ་ས་བོན་འབོར་ཆེན་དེའི་སུམ་བརྒྱ་ས་ཞིང་ཡོད་པ་འདྲ། གཞན་ཡང་འབྲོག་པ་དང་སྤྱི་རྩའི་རྒྱུ་རྫས་འབོར་ཆེན་ཞིག་ཡོད་པ་གྲངས་ཀྱང་གྲངས་མ་ངེས་སོ། རིག་གསར་བཞི་རྒོལ་དུས་སུ་ཕྱི་ནང་ཐམས་ཅད་གཏོར་བརླགས་ཤོར་ནས་དེང་གི་གནས་ཚུལ་ནི་དགོན་འདིའི་[page 196] ཁོར་ཡུག་གི་རྒྱ་ཁྱོན་ལ་མུའུ་སུམ་ཅུ་ལྷག་ཡོད་པ་གཙུག་ལག་ཁང་བཞེངས་རྒྱུའི་གྲལ་སྒྲིག་ཙམ་ལས་ད་དུང་བཞེངས་མེད། སྒྲུབ་ཁང་གཅིག མགོན་ཁང་གཅིག སྤྱི་ཁང་གཅིག གཉེར་ཁང་གཅིག རྒྱན་ཁང་གཅིག སྙུང་གནས་ལྷ་ཁང་གཅིག དུང་ཁང་གཅིག མཆོད་རྟེན་ཁང་ཚད་བཞི་ཙམ་གཅིག གྲྭ་ཤག་བཅུ་ལྷག བླ་གྲྭའི་ཞལ་གྲངས་ཉི་ཤུ་ལྷག་ཡོད་ལ། སྟོན་པ་རིན་པོ་ཆེའི་བསྟན་པ་དམ་ཆོས་ཟབ་མོའི་ཡང་སྙིང་ཆོས་དྲུག་སོགས་ཉམས་བཞེས་མཛད་པའི་སྒྲུབ་གནས་འདི་གསར་དུ་བཞེངས་ནས་སྔོན་རྗེས་སྒྲུབ་བླ་བརྒྱུད་པ་གོང་མའི་སྲོལ་རྒྱུན་ལྟར་སྒྲུབ་པ་མཐར་སོན་ཏེ་ཚུལ་འཆལ་གྱི་དྲི་མས་མ་གོས་པ་བཅོ་ལྔ་ཙམ་བྱུངཡོད་པ་ནི་བསྟན་པ་རིན་པོ་ཆེ་དར་སྤེལ་གསར་བྱུང་གི་རྒྱལ་མཚན་ཚུགས་པའི་རྟེན་འབྲེལ་ཐོག་མའོ།

ཚེས་དུས་སྒྲུབ་མཆོད་ཚུགས་ཚུལ་ནི། དགུ་གཏོར། གྲོ་ལོད། སྙུང་གནས། རྒྱུད་སྡེའི་སྒྟུབ་མཆོད་འགའ་ཞིག་སོགས་ཚུགས་ཡོད། དེ་དག་གི་ཚོགས་པའི་རྟེན་དང་བླ་གྲྭའི་འཚོ་བའི་འབྱུང་ཁུངས་ནི་དགོན་པས་རང་ཁ་རང་གསོ་ཡི་བྱེད་ཐབས་ལ་གཞི་འཛིན་པ་ཞིག་ཡིན། དགོན་འདིའི་ཆོས་སྡེ་ལ་ཤུགས་གྲོང་བའི་དུད་གྲངས་དྲུག་ཅུ་ལྷག་ལས་དེ་མིན་ནི་དགོན་པ་གཞན་ལ་གཏོགས་པ་ཞིག་ཡིན། གོང་གསལ་སླར་གསོ་ཅུང་ཟད་ཐུབ་ཟིན་པ་འདི་དག་ནི་སྒྲུབ་དཔོན་བླ་མ་རིན་པོ་ཆེ་ཟླ་དགའ་ཉིད་ཀྱིས་བཀའ་དྲིན་དང་ཐུགས་རྗེའི་བདག་རྐྱེན་གཙོ་བོ་བྱས་ཏེ་དད་ལྡན་སྦྱིན་བདག་ལྷག་བསམ་དཀར་བ་རྣམས་ཀྱིས་མཐུན་རྐྱེན་བྱས་ནས་བྱུང་བ་ཡིན་པ་ནི་སྨྲ་མ་དགོས་པ་ཡིན་ལ། ད་ལྟ་དགོན་འདིའི་གཙོ་འགན་བཞེས་མི་ནི་ཁྲི་བ་ངག་དབང་བཟོད་པ་མཚན་གཞན་དུ་བླ་མ་ཟླ་དགའ་ཟེར། ཆོས་ཁྲིམསབསྟན་པའི་རྒྱལ་མཚན། དབུ་མཛད་ལེགས་བཤད་སེང་གེ་སོགས་ཀྱིས་བསྟན་པ་རིན་པོ་ཆེ་འཛིན་སྐྱོང་སྤེལ་གསུམ་གྱི་མཛད་རྗེས་ལ་ཐུགས་ཁུར་བཞེས་བཞིན་ྤའོ།།

ས་མིང་ཚིག་མཛོད་མིག་བཤར།

དགོན་པ་འདི་ཕྱག་འདེབས་པ་པོ་ནི་མགེའུ་ཆོས་རྗེ་སྤྲུལ་སྐུ་མཆོག་ཡིན། རབ་བྱུང་བཅུ་གཉིས་པའི་མཇུག་ཙམ་ལ་ཐོག་མར་བཏབ་པའི་ཡུལ་ནི་འབྲི་རྒྱབ་ཡིན། ཐོག་མར་འདེབས་སྐབས་གྲུབ་མཐའ་ནི་འབྲི་གུང་བཀའ་བརྒྱུད་ཡིན་པ་དང་ཕྱིས་སུ་དར་སྤེལ་བྱུང་བས་དར་རྒྱས་ཤིན་ཏུ་ཆེ། རིག་གསར་དང་བཞི་རྒོལ་སྐབས་དགོན་པ་འཇིག་སྟེ་ཤུལ་ཙམ་ལས་མེད་པ་སོང་ཡང་ཆོས་སྒོ་ཕྱེ་སྐབས་རྩེ་སྤྲུལ་ཡབ་སྲས་གཉིས་དང་ལྷོོ་མགར་ཆེན། མཁའ་བསྐྱོད་དབང་མོ་སོགས་ཀྱིས་གཙོ་བྱས་ནས་གསར་བཞེངས་མཛད། གཙོ་བོར་གཙུག་ལག་ཁང་མཐོ་ཚད་བརྩེགས་གཉིས་ཅན་གཅིག་དང་། དུང་ཁང་ཉིས་བརྩེགས་ཅན་གཅིག ཞི་ཁྲོ་ལྷ་ཁང་གཅིག་བཅས་ཡོད། རྒྱུན་བཞུགས་བླ་གྲྭ་ཞེ་དྲུག་དང་སྒྲུབ་མཆོད་སྐབས་བླ་གྲྭ་བརྒྱ་ཙམ་འདུས། དགོན་འདིའི་སྔོན་གྱི་དུས་མཆོད་དང་སྒྲུབ་མཆོད་ཡོད་གྲངས་ལ། ཞི་ཁྲོ་དང་། ཚེ་སྒྲུབ། བཟང་སྤྱོད། [page 197] ཀུན་རིག སྐྱོབས་པའི་ལྔ་མཆོད། ཁྲུས་ཆོག་སྨོན་ལམ། བསྟོད་པ་ཉི་ཤུ། ལོ་རིན་མཆོག་བསངས། ལོ་ལེགས་ཆོ་ག སྨིན་གླིང་རྡོ་སེམས། ལྟུང་བཤགས་ཆོ་ག གུ་རུ་ཚེ་འཕེལ། འཛམ་གླིང་སྤྱི་སྒྲུབ། སྤྱོད་འཇུག་སྒྲུབ་པ། བསམ་ལྷུན་སྒྲུབ་པ། མ་ཎི་བུམ་སྒྲུབ། བདེ་མཆོག ཞི་བའི་བློ་གྲོས་དགོངས་རྫོགས། གུ་དྲག་སྒྲུབ་པ། བཀའ་བརྒྱད་སྒྲུབ་པ་ལ་གར་འཆམ་སོགས་བཅས་སྒྲུབ་མཆོག་དང་ཟླ་རེར་ལ་དུས་མཆོད་གསུམ་ཡོད་པ་དེ་ནམས་གཙོ་བོར་དགོན་པ་ལ་ཡོད་པའི་འབྲི་1200དང་ཞིང་མུའུ་1043ལ་བརྟེན་ནས་སྒྲུབ་མཆོད་འཚོགས་པ་ཡིན། དགོན་འདིའི་ད་ཡོད་ཀྱི་སྒྲུབ་པ་དུས་མཆོད་ནི། ལྷ་བབས་དུས་ཆེན་དང་། བསམ་ལྷུན་སྒྲུབ་པ། སྨིན་གླིང་རྡོ་སེམས། མ་ཎི་བུམ་སྒྲུབ། པད་གླིང་གུ་དྲག གཤིན་རྗེའི་སྒྲུབ་པ། དགུ་ཆེན། འཛམ་གླིང་སྤྱི་སྒྲུབ། སྐྱོབས་པའི་ལྔ་མཆོད་བཅས་ཡོད།

ས་མིང་ཚིག་མཛོད་མིག་བཤར།

ཁམས་གླང་(ཀློང)ཐང་སྒྲོལ་མའི་གཙུག་ལག་ཁང་ཞེས་གངས་ལྗོངས་ཙམ་དུ་མ་ཟད་རྒྱ་དཀར་ནག་སོགས་འཛམ་གླིང་ཐ་གྲུ་ཀུན་ཏུ་སྙན་གྲགས་ཀྱིས་ཡོངས་སུ་ཁྱབ་ཏེ་ལྷུན་གྱིས་བཞུགས་སོ། གཙུག་ལག་ཁང་འདི་ཉིད་ཀྱི་མདུན་ཕྱོགས་ཐང་དུ་འབྲུ་རིགས་སྣ་ལྔའི་ཕྱུར་བུར་གཏམས་ཤིང་སྔར་རྒྱ་བཟས་གླང་གིས་ཐང་ལ་ཞིང་རྨོས་པས་གླང་ཐང་ཞེས་མིང་ཆགས། ཐང་འདི་ཉིད་ཀྱི་མགོར་གླང་རོང་ཆུ་ཡི་འདབས་སུ་སྔར་རྒྱ་བཟས་ཆུ་འཐག་ཏུ་གསེར་མཆིག་བཙུགས་པས་དུད་ཚང་དེར་ཆུ་འཐག་ཚང་ཞེས་མིང་ཆགས། གཙུག་ལག་ཁང་གཡས་ཕྱོགས་ནས་འབྲུ་ཆུ་དལ་གྱིས་འབབ་ཤིང་མཐོ་དམའ་འབྲིང་ཙམ་གྱི་འགབ་རི་བཀྲ་ཤིས་རྟགས་བརྒྱད་ཀྱིས་མི་མཐུན་པའི་ཕྱོགས་ཀྱི་རྒོལ་བར་འགོག་པའི་ཚུལ་དུ་ཆུ་བོའི་རྒྱུད་ཡོངས་སུ་བསྐོར་ལ། རི་འདིའི་དཀྱིལ་སྟོད་དེ་གཙུག་ལག་ཁང་གི་ཕྱོགས་ནས་མིག་རྒྱང་གང་ཙམ་ལ་ནགས་མཛེས་མའི་དབུ་སྐྲ་རྒྱ་ལྕང་ལྟ་བུ་ཞིག་མངོན་ཐུབ་པར་རྗེ་བཙུན་སྒྲོལ་མས་རྫུ་འཕྲུལ་གྱིས་དབུ་སྐྲའི་འོད་ཞགས་ཀྱིས་བཀྱེ་བ་ལས་སྐྱེས་སྟབས་སྒྲོལ་མའི་དབུ་སྐྲ་ཡིན་ཞེས་སུས་ཀྱང་རྩྭ་འབྲེག་ཤིང་འཐུ་སོགས་གནོད་པའི་ལས་འཇུག་མ་སྤོབས་པས་ནགས་ཀླུང་ཇེ་རྒྱས་སུ་འགྲོ་བར་མངོན། རི་འདིའི་འདབས་འབྲུ་ཆུའི་གཡས་ཕྱོགས་སུ་བྲག་རི་སྟག་མོ་འགྱིང་པའི་སྟབས་སུ་ཡོད་པ་དེ་བྲག་དམར་ཀླུ་བཙན་ཞེས་བརྗོད་པར་རྒྱ་བཟའ་གྲུ་ཡིས་བརྒལ་ཏེ་ཕྱག་ལྕག་གིས་བྲིས་པའི་བཟང་སྤྱོད་སོགས་ད་ལྟའང་མཇལ་རྒྱུ་ཡོད་ཅིང་རྒྱ་བཟའི་ལྕག་རིས་མ་ཟེར། གྲུ་ཆུང་བགྲོད་ཤུལ་དུ་དར་ཆགས་པ་ཕྱིས་སྒྲོལ་མའི་ལྷ་དར་གྲགས། ལྷ་དར་ཆགས་པར་ཡུལ་མི་ཀུན་གྱིས་ཕྱི་ལོར་ལོ་ལེགས་པ་སོགས་བཀྲ་ཤིས་པའི་རྟགས་སུ་འཛིན་ཏེ་སྒྲོལ་མ་རང་བྱོན་དང་ལྕག་རིས་སོགས་མཇལ་བར་ལྷ་དར་མ་བྱོན་བར་དུ་རྒྱུན་མི་ཆད། ལར་རི་དེའི་དབྱིབས་སུ་དབང་པོ་རབ་ཀྱིས་བཀྲ་ཤིས་རྟགས་བརྒྱད་དུ་སྣང་བ་ཡིན་ནོ།། གཙུག་ལག་ཁང་རྒྱབ་ཕྱོགས་ནས་ལེ་དབར་སུམ་ཅུ་ལྷག་ལ་སེང་ཨ་དོམ་གྱི་[page 198] མཁར་ཤུལ་ཡོད་ཅིང་དེའི་ཐང་ལ་འདན་མས་ནས་གཏེར་ཐང་ཡིན། གཙུག་ལག་ཁང་མདུན་ཕྱོགས་ནས་ལེ་དབར་ཉི་ཤུ་ཙམ་ལ་འདན་མའི་མཁར་ཤུལ་སོགས་ཡོད་པ་ནི་ད་ལྟའང་མཇལ་རྒྱུ་ཡོད། མདོར་ན་ཆོས་སྡེ་འདི་ཉིད་འདན་མ་འབྲུ་ཡི་གཏེར་མཛོད་ཅེས་ས་དཔྱད་བཟང་པོ་ཡོད་རྒུ་ཚང་བ་དེ་ཟི་ཁྲོན་ཞིང་ཆེན་དཀར་མཛེས་བོད་རིགས་རང་སྐྱོང་ཁུལ་སེར་ཤུལ་རྫོང་འདི་ཉིད་ལ་གནས་སོ།།

ཐོག་མའི་ཕྱག་འདེབས་ཚུལ། བོད་ཐུགས་རྗེ་ཆེན་པོའི་གདུལ་ཞིང་འདིར་སངས་རྒྱས་ཀྱི་བསྟན་པ་ཉི་མ་ཤར་བ་ལྟར་དར་ཞིང་། སྐུ་གསུངས་ཐུགས་ཀྱི་རྟེན་དང་བརྟེན་པ་ཡུལ་གྲུ་ཀུན་ལ་སྔར་རྒྱལ་བའི་བཀའ་བཞིན་དྲིན་གྱིས་གཞལ་བ་མེད་པའི་ཆོས་རྒྱལ་ལོ་པཎ་རྣམས་ཀྱིས་སོ་སོའི་དགོས་པ་དང་ཉིང་དགོས་ཀྱི་དབང་དུ། འཛམ་གླིང་ཡོངས་སུ་གྲགས་པའི་སྙན་པ་བླ་ན་འབར་བ་ཇི་སྙེད་བཞེངས་པ་ལས། བོད་ཡུལ་སྲིན་མོ་གན་རྐྱལ་དུ་ཉལ་བའི་ས་དཔྱད་ངན་པ་གནོན་པའི་ཆེད། མཐའ་འདུལ་ཡང་འདུལ་རུ་ནོན་གྱི་གཙུག་ལག་ཁང་སྟེ་མི་འགྱུར་བའི་གཟེར་བཅུ་གཉིས་ཀྱི་ཡ་གྱལ་ཁམས་སུ་གླང་(ཀློང)ཐང་སྒྲོལ་མ་ལྷ་ཁང་ཞེས་པ་ནི་འདི་ཉིད་ཡིན་ལ། ཆོས་སྡེ་འདིའི་མཚན་ལ་བོད་ཀྱི་ལོ་རྒྱུས་དེབ་ཐེར་ལས་ཀློང་ཐང་སྒྲོལ་མ་ལྷ་ཁང་དང་གློང་ཐང་སྒྲོལ་མ་ལྷ་ཁང་། གླང་ཐང་སྒྲོལ་མ་ལྷ་ཁང་ཞེས་འབྲི་ཚུལ་གསུམ་ཙམ་སྣང་ལ། ཡུལ་གྱི་བཤད་པ་དང་བསྟུན་ན་ཕྱི་མ་ལྟར་རྒྱུ་མཚན་དང་འབྲེལ།

དེའང་ཆོས་སྡེ་འདི་ཉིད་ནི། སྔར་འཕགས་པ་མིག་མི་འཛུམ་པ་མངོན་སུམ་མི་ཡི་རྣམ་རོལ་དུ་བྱོན་ལ། འདི་ཉིད་མི་ཡི་ལྷའམ་ཡང་ན་སྐྱེ་བོ་མི་བསྲུན་པ་འདུལ་དཀའ་བ་རྣམས་ལུགས་གཉིས་སྲོལ་བཟང་པོའི་ལམ་དུ་ནན་གྱིས་སྲོང་ཞིང་། མཛའ་བ་དང་མི་མཛའ་བ་དང་བར་མ་རྣམས་ལ་ཐུགས་རབ་ཏུ་སྙོམས་པའི་ཕྱོགས་སུ་མ་ལྷུང་བའི་ཕྱིར་ཤིན་ཏུ་དྲང་བའི་བཀའ་ཁྲིམས་བཙན་པོའི་གནས་ལས་མངའ་འོག་པ་རྣམས་འདའ་བའི་སྐབས་མེད་པ་དང་། ཕྱི་དང་ནང་གི་བྱ་བའི་གནས་ཐམས་ཅད་ལ་མ་འཆོལ་ཞིང་འཁྲུགས་པ་མེད་པར་དཔྱད་པ་གསུམ་གྱིས་གཏན་ལ་འབེབས་ཤིང་མཛངས་པར་གྲགས་པ་རྣམས་ཀྱང་དགོངས་པའི་གཏིང་དཔོག་པ་མེད་པའི་ཕྱིར་སྒམ་པོ་སྟེ་སྲོང་བཙན་སྒམ་པོ་ཞེས་མཚན་སྙན་པར་གྲགས་པ་འདི་གངས་ཅན་སྐྱེ་རྒུའི་དཔལ་དུ་ཤར་ཏེ། མཐའ་བཞིའི་ཆེ་དགུ་དབང་དུ་བསྡུས། ཡི་གེ་དང་བསྟན་བཅོས་ཀྱི་དབུ་བཙུགས། འཕྲུལ་གྱི་བཙུན་མོ་གཉིས་ཏེ་ཇོ་མོ་ཁྲོ་གཉེར་ཅན་གྱི་སྤྲུལ་བ་བལ་བཟའ་ཁྲི་བཙུན་དང་སྒྲོལ་མའི་སྤྲུལ་བ་རྒྱ་བཟའ་ཀོང་ཇོ་རྣམ་གཉིས་ཁབ་ཏུ་བཞེས། སྐུ་རྟེན་རིན་པོ་ཆེ་ཇོ་ཤག་རྣམ་གཉིས་སྤྱན་དྲངས། དེ་ནས་འཕགས་པའི་གནས་བརྟན་བཅུ་དྲུག་དངོས་སུ་གདན་དྲངས་པའི་སྦྱིན་བདག་རྒྱ་ནག་རྒྱལ་པོ་ཐང་ཛུའི་(康太宗)སྲས་མོ་སྒྲོལ་མའི་སྤྲུལ་པ་ས་ཕག་ལོ་ལ། རྒྱ་ནག་གི་སྐད་དུ་ཝུན་ཁྲིན་ཀོང་ཇོ་(文成公主)བོད་སྐད་དུ་ཆུ་ནང་གི་པདྨ་ཞེས་མཚན་གསོལ་བ་དེས། ཁ་བའི་ལྗོངས་སུ་གཙུག་ལག་ཁང་བཞེངས་པར་སྤོར་ཐང་བརྒྱད་ཅུ་སྐོར་གྱི་སྟེང་ནས་བརྩིགས་པས། བོད་ཀྱི་ཡུལ་འདི་སྲིན་མོ་གན་རྐྱལ་དུ་ཉལ་བའི་གཟུགས་སུ་སྣང་། འོ་ཐང་གི་མཚོ་འདི་སྲིན་མོའི་སྙིང་ཁྲག་དམར་ལྕགས་ཀྱི་རི་འདི་སྙིང་གི་རུས་པའི་རྣམ་[page 199] པར་འདུག་པར་མཚོ་འདི་སྟེང་དུ་ཤཱཀྱ་མུ་ནེ་བཞུགས་པ་དང་། རིའི་རྩེར་རྒྱལ་པོའི་ཕོ་བྲང་ཡོད་པས་ནོན་ནའང་། དེའི་ཡན་ལག་དང་ཉིང་ལག་ནོན་པར་མཐའ་འདུལ་དང་ཡང་འདུལ་རུ་ནོན་གྱི་གཙུག་ལག་ཁང་བཞི་གསུམ་བཅུ་གཉིས་བཞེངས་པའི་དགོས་པ་བསྟན་ནོ། དེ་ཡང་དེབ་ཐེར་དཔྱིད་ཀྱི་རྒྱལ་མོའི་གླུ་དབྱངས་སུ། གཞན་ཡང་ས་དཔྱད་ངན་པ་རྣམས་གནོན་པར་བྱེད་པའི་ཐབས་སུ། ཐོག་མ་རྒྱལ་པོ་ཡབ་ཡུམ་གསུམ་གྱིས་སྐྱིད་ཤོད་ཉང་བྲན་ཕ་བོང་ཁར་སྒྲུབ་པ་མཛད་ནས། སྒྲུབ་པའི་རྟགས་ཐོན་པ་དང་། སྲིན་མོའི་ཡན་ལག་དང་སྲིན་ལག་གནོན་པར་བྱེད་པ་ལ། གཡོན་རུ་ཁྲ་འབྲུག་གཡས་རུ་གཙང་འགྲམ། དབུས་རུ་བཀའ་ཚལ། རུ་ལག་གྲུམ་པ་རྒྱང་གི་ལྷ་ཁང་སྟེ། མཐའ་འདུལ་གྱི་ལྷ་ཁང་བཞི། ཀོང་པོ་བུ་ཆུ། ལྷོ་དྲན་མཁོ་མཐིང་། བྱམས་སྤྲིན་དགེ་རྒྱས། བྱང་པྲ་དུན་བརྩེ་སྟེ། ཡང་འདུལ་གྱི་ལྷ་ཁང་བཞི། ཁམས་གླང་ཐང་སྒྲོལ་མ། སྤ་གྲོ་སྐྱེ་ཆུ། ཚལ་རིགས་ཤེས་རབ་སྒྲོལ་མ། ཚངས་པ་རླུང་གནོན་ཏེ། རུ་གནོན་གྱི་གཙུག་ལག་ཁང་རྣམས་བརྩིགས། ཞེས་དང་། ཡང་ཡར་ལུང་ཇོ་བོའི་ཆོས་འབྱུང་དུ། མེ་ཕོ་སྤྲེའུའི་ལོ་དཔྱད་ཟླ་འབྲིང་པོའི་ཚེས་བརྒྱད་ལ་འཕགས་མ་སྒྲོལ་མའི་སྤྲུལ་པ། རྒྱ་ནག་ཇོ་རྩེ་འཕྲུལ་ཆུང་གི་སྲས་མོ་ཀོང་ཇོས་རྒྱ་རང་ཐང་ཛུ་ཟེར། ལྷ་སའི་རྡོ་རིངས་ཀྱི་ཡི་གེ་ལ་འུན་གོང་ཀོང་ཇོ་ཟེར ཐུགས་དམ་དུ། ཇོ་བོ་རིན་པོ་ཆེ་ཤིང་རྟའི་སྟེང་དུ་བཞུགས་སུ་གསོལ་ནས། མདོ་སྡེ་བཞི། ཧ་ཤང་དང་བཅས་པ་ར་མོ་ཆེར་ཕྱག་ཕེབས། ས་ཕོ་ཁྱིའི་ལོ་ལ་འོ་ཐང་གི་མཚོ་བསུབས། ལོའི་དབང་ཐང་འདི་རྣམས་ལྷ་སའི་ཡོན་ཏན་རིན་གྱི་ཡི་གེ་བཞིན་བྲིས ས་མོ་ཕག་གི་ལོ་(སྤྱི་ལོ་639)ལ་འཕྲུལ་སྣང་གི་རྨང་བཏིང་། བོད་ཀྱི་ལྷ་སྲིན་གདུག་པ་ཅན་གྱིས། ཉིན་བརྩིགས་པ་ནུབ་བཤིགས་པས། དེ་ནས་ཁྲ་འབྲུག་ལ་སོགས་མཐའ་འདུལ་ཡང་འདུལ་གྱི་གཙུག་ལག་ཁང་བརྩིགས་ཏེ། རྒྱལ་པོས་སྤྲུལ་བ་བཀྱེ་ནས། ལྷ་སའི་འོག་ཁང་ཉིན་ཞག་གཉིས་ལ་ཚར། སྟེང་ཁང་རྣམས་བལ་མོ་བཟས་ལོ་སྐོར་གཅིག་ལ་ཞབས་སུ་བྱོན་པར་བྱས་ཤིང་། རྒྱལ་པོ་ཉིད་ཀྱིས་སྔར་རྒྱ་རྗེ་ལ་ཁས་བླངས་པ་ཆད་བཙན་པ་དང་། རྒྱའི་སོ་ཁ་ཕྱིར་འཕུལ་བའི་ཕྱིར། རྒྱ་ནག་པོར་བྱོན་ནས་རྒྱའི་ཡུལ་དང་། ཕྱིར་ལྷ་ཁང་བརྒྱ་རྩ་བརྒྱད་བཞེངས་པའི་ཐ་མར་རབ་སྒང་དུ་བརྩིགས་ཏེ། ཡོངས་རྫོགས་ལྷ་ཁང་ཞེས་བྱའོ། ཞེས་ཁུངས་བཙུན་གྱི་རྒྱ་བོད་ལོ་རྒྱུས་དང་བསྟུན་ན། ཆོས་སྡེ་འདི་ཉིད་འཕྲུལ་སྣང་གི་གཙུག་ལག་ཁང་མ་བཞེངས་པའི་སྔོན་དུ་བཞེངས་པས་དུས་རབས་བདུན་པར་(སྤྱི་ལོ638)བཞེངས་ཤིང་། ལྷ་ཁང་དེ་རྣམས་བཞེངས་པའི་བྱིན་རླབས་ཀྱིས་ཉི་འོག་གི་རྒྱལ་ཁམས་ཟིལ་གྱིས་མནན་ཏེ། ར་ས་འཕྲུལ་སྣང་གི་གཙུག་ལག་ཁང་བཞེངས་པ་ལ་འགལ་རྐྱེན་བར་ཆད་མེད་པར་ལྷུན་གྱིས་གྲུབ་པའོ།

དགོན་པ་འདི་འདེབས་པོ་ནི་ལོ་རྒྱུས་དེབ་ཐེར་དང་ཡུལ་མིའི་ངག་རྒྱུན་གཅིག་མཚུངས་སུ་ཆོས་ཀྱི་རྒྱལ་པོ་སྲོང་བཙན་སྒམ་པོས་རྫུ་འཕྲུལ་གྱིས་བཞེངས་པར་འདོད་དེ། རྒྱལ་པོའི་བཀའ་ཡི་ཐང་ཡིག་ལས། བཞེངས་པའི་ལྷ་ཁང་ཇི་ལྟར་བཞེངས་པ་ནི། ཆོས་རྒྱལ་སྲོང་བཙན་སྒམ་པོའི་སྐུ་རིང་ལ། ཐོག་མར་མི་འགྱུར་བྱམས་པའི་གཙུག་ལག་ཁང་། གཡུ་རུ་ཁྲ་འབྲུག དབུ་རུ་བཀའ་སྩལ་བཞེངས། གཡས་རུ་གཙང་[page 200] འགྲམ་རུ་ལག་གྲོམ་པ་བཞེངས། ལྷོ་བྲག་མཁོ་མཐིང་མོན་ཡུལ་བུམ་ཐང་བཞེངས། སྤ་གྲོར་སྐྱར་ཆུ་མདོ་ཁམས་ཀློང་ཐང་སྒྲོལ། ཉང་རོང་རྩིས་དང་རྒྱང་རོང་དཔལ་ཚབ་བཞེངས། ཀོང་པོར་ཆུ་དང་ལྷ་ཁང་བཞེངས་སུ་གསོལ། ཞེས་དང་། རྒྱལ་རབས་གསལ་བའི་མེ་ལོང་དུ། དེའི་བར་[རས་ས་འཕྲུལ་སྣང་དང་རྒྱ་སྟག་ར་མོ་ཆེ་བཞེངས་པའི་བར་]ལ་རྒྱལ་པོས་སྤྲུལ་པ་མཛད་ནས་མཐའ་འདུལ་དང་ཡང་འདུལ། རུ་གནོན་གྱི་ལྷ་ཁང་བཞེངས་པ་ནི། སྲིན་མོའི་དཔུང་པ་གཡས་གནོན་པའི་ཕྱིར། སྤུ་རུ་ཀ་རྩལ་མི་འགྱུར་བའི་ལྷ་ཁང་བཞེངས། དེའི་ལག་ཏུ་གསེར་ཤང་གི་རྟིའི་ལྷ་ཁང་བཞེངས། དེའི་སྒབ་པ་རྩེ་ནོ་གདོང་གི་བྲག་ཕུག་ཏུ་བྱས་སོ། དཔུང་པ་གཡོན་གནོན་པའི་ཕྱིར། གཡོ་རུ་ཁྲ་འབྲུག་བཀྲ་ཤིས་བྱམས་སྙོམས་ཀྱི་ལྷ་ཁང་བཞེངས། དེའི་ལག་ཏུ་བཙན་ཐང་གི་ལྷ་ཁང་བཞེངས། དེའི་སྒྲུབ་པ་ཕུག་མོ་ཆེར་བྱས་སོ། དཔྱི་མགོ་གཡས་གནོན་པའི་ཕྱིར། གཡས་རུ་གཙང་འབྲང་བྱང་ཆུབ་དགེ་གནས་ཀྱི་ལྷ་ཁང་བཞེངས། དེའི་ལག་ཏུ་དགེ་དྲུང་གི་ལྷ་ཁང་བཏབ། དེའི་སྒྲུབ་པ་ཙེའི་བྲག་ཕུག་ཏུ་བྱས་སོ། དཔྱི་མགོ་གཡོན་མནོན་པའི་ཕྱིར། གྲུབ་པ་རྒྱལ་དྲི་མེད་རྣམ་དག་གི་ལྷ་ཁང་བཞེངས། དེའི་ལག་ཏུ་འབྲེའི་ལྷ་ཁང་བཏབ། དེའི་སྒྲུབ་པ་རྒྱང་གི་བྲག་ཕུག་ཏུ་བྱས་སོ། དེ་ནས་ཡང་འདུལ་གྱི་ལྷ་ཁང་བཞི་བརྩིགས་པ་ནི། གྲུ་མོ་གཡོན་གནོན་པའི་ཕྱིར། ལྷོ་འབྲུག་གི་ཟེ་སྟེང་དུ། ལྷོ་བྲག་མཁོན་མཐིང་གི་ལྷ་ཁང་བཞེངས། པུས་མོ་གཡས་གནོན་པའི་ཕྱིར། ནུབ་ཕྱོགས་བྱ་དམར་པོའི་སྒལ་སྟེང་དུ། བྱམས་ཆེན་དགེ་རྒྱས་ཀྱི་ལྷ་ཁང་བཞེངས། པུས་མོ་གཡོན་གནོན་པའི་ཕྱིར། བྱང་རུས་སྦལ་གྱི་དཔྲལ་སྟེང་དུ། པྲ་དུན་ཙེའི་ལྷ་ཁང་བཞེངས། དེས་ཀྱང་མ་ཐུབ་པར་དོགས་ནས། རུ་གནོན་གྱི་ལྷ་ཁང་བཞི་བཞེངས་ཏེ། ལག་མཐིལ་གཡས་གནོན་པའི་ཕྱིར། ཁམས་སུ་གློང་ཐང་སྒྲོལ་མ་ལྷ་ཁང་མི་ཉག་གིས་ལག་དཔོན བྱས་ནས་བཞེངས། ལག་མཐིལ་གཡོན་གནོན་པའི་ཕྱིར། ལྷོ་ཕྱོགས་སུ་བུམ་ཐང་སྐྱེར་ཆུའི་ལྷ་ཁང་ཐོ་དཀར་གྱིས་ལག་དཔོན་བྱས་ནས་བཞེངས། རྐང་མཐིལ་གཡས་གནོན་པའི་ཕྱིར། ནུབ་དཔལ་ཁ་ཆེའི་གནས་སུ། མཚལ་རིག་ཤེས་རབ་སྒྲོལ་མའི་ལྷ་ཁང་བལ་པོས་ལག་དཔོན་བྱས་ནས་བཞེངས། རྐང་མཐིལ་གཡོན་གནོན་པའི་ཕྱིར། བྱང་ཕྱོགས་སུ་ཚངས་པ་རླུང་ནོན་གྱི་ལྷ་ཁང་དོར་སྦ་དཔལ་དབྱངས་ཀྱི་ལག་དཔོན་བྱས་ནས་བཞེངས་སོ། ཞེས་གསུངས་པ་ལྟར། རྒྱལ་པོ་སྲོང་བཙན་གྱིས་རྫུའཕྲུལ་གྱིས་བཞེངས་ཤིང་མི་ཉག་གིས་ལག་དཔོན་བྱས་ནས་ཞེས་འདེབས་པོ་དངོས་སུ་ཡིན་མི་གསལ་བས་དཔྱོད་ལྡན་མཁས་དབང་རྣམས་ཀྱིས་དཔྱད་པར་འཚལ།

གསུམ་པ། དགོན་སྡེའི་རྟེན་གཙོ། ཆེས་སྡེ་འདི་ཉིད་ཐོག་མའི་གྲུབ་ཚུལ་ཡང་། སྔོན་གྱི་གཏམ་མེ་ཏོག་ཕྲེང་པ་ལས། ཁམས་སུ་གླང་ཐང་སྒྲོལ་མའི་གཙུག་ལག་ཁང་། ཕྱི་མཆོད་རྟེན་ནང་ལྷ་ཁང་། རྩ་བ་གཟེར་མགོ། རྩེ་མོ་རྒྱ་ཕུབས་ཀྱི་ཚུལ་དུ་བཞེངས་སོ། ཞེས་རྒྱ་བོད་ལག་རྩལ་གྱི་ཉིང་བཅུད་ཀུན་ནས་བསྡུས་ཏེ་མཐུན་མིན་གྱི་བཀོད་པ་དང་བཅས་འདན་མ་ཆོས་སྐུ་སྣང་མཛོད་དུ་རང་བྱོན་སྒྲོལ་མ་རྟེན་གཙོར་[page 201] ལྷུན་གྱིས་གྲུབ་ཏེ་བཞེངས། རྟེན་འདི་ལྷ་ཀླུ་མི་དང་མི་མ་ཡིན་སུས་ཀྱང་ལག་པས་འདུ་བྱེད་ཀྱིས་བསྐྲུན་ཏེ་བྱས་པ་མ་ཡིན། རྒྱལ་བའི་ཐུགས་རྗེ་དང་གདུལ་བྱའི་བསོད་ནམས་ཀྱིས་མཐུས་བྱིན་རླབས་རང་བྱོན་གྱི་ཚུལ་དུ་ལྷུན་གྱི་གྲུབ་པ་ཡིན་ཏེ། སློབ་དཔོན་པདྨ་འབྱུང་གནས། མངའ་བདག་ཁྲི་སྲོང་ལྡེའུ་བཙན། མཁོན་ཀླུ་དབང་སོགས་ཀྱི་སྤྲུལ་པ། འཕགས་པ་སེམས་ཉིད་ངལ་གསོ་དང་གཉིས་སུ་མེད་པ། གཏེར་སྟོན་གྲུབ་ཐོབ་ཐམས་ཅད་ཀྱི་རྒྱལ་པོ་གར་དབང་འགྲོ་འདུལ་གླིང་པས་གཏེར་ལུང་མན་ངག་ལམ་རིམ་ལས། དམ་ཆོས་ཁྱད་འཕགས་བདུད་རྩིའི་ཐིགས་པ་འདིཿད་ལྟ་བཞུགས་པའི་མཁན་སློབ་ཆོས་རྒྱལ་དངཿལོ་པཎ་སྐྱེས་མཆོག་འདུས་པའི་ལྕམ་དྲལ་ལཿཆོས་ཀྱི་དགའ་སྟོན་གདམས་པའི་སྙིང་པོ་བཤད། ཉམས་སུ་ལོངས་ཤིག་མ་འོངས་ཕྱི་མ་དུས། བདག་གཞན་དོན་གཉིས་དཔལ་ལ་སྤྱོད་པ་ཡོངཿའདི་ནས་རིང་འདས་དུས་ཀྱི་ཐ་མ་ལཿཉེར་བཞིའི་གནས་ཀྱི་མཆོག་གྱུར་ཀོ་ས་ལཿརུ་ཏྲ་མིག་འབྲས་མིག་ཆུ་དཀར་ནག་ལཿསྒྲོལ་མ་མཆོད་གཉིས་རང་བྱོན་ལྡན་པའི་ལུངཿབོད་ཁམས་སྲིན་མོ་གན་རྒྱལ་འགྱེལ་འདྲ་ཡིཿལག་མཐིལ་གཡས་པ་ཁམས་ཀྱི་གློང་ཐང་སྒྲོལཿསྲོང་བཙན་ཆོས་ཀྱི་རྒྱལ་པོས་གནད་ས་བསྡམསཿད་ལྟ་ཚངས་པ་ལྷ་ཡི་མེ་ཏོག་གིསཿཞིག་རལ་གསུངས་པའི་གནས་མཆོག་དམ་པ་འདིཿདར་ན་བོད་ཁམས་འགྲོ་བ་ཡོངས་ལ་ཕནཿགུད་ན་དེ་བཞིན་སྤྱི་ཡི་བསོད་ནམས་ཉམསཿབདུད་དཔུང་བཙན་པས་ཞིག་རལ་མང་དུ་འབྱུངཿའོན་ཀྱང་ས་ལ་གནས་པའི་བྱང་སེམསཿགཏེར་འདི་བརྡོལ་དུས་ཞིག་རལ་བ་སྲུབས་ཀྱང་སྲིདཿབོད་ཁམས་ཡོངས་ལ་སྐྱིད་ཐེམས་ཐང་གཅིག་འབྱུངཿཞེས་གསུངས་པ་བཞིན། རུ་ཏྲ་ཐར་པ་ནག་པོ་རྟ་ཕག་ཡབ་ཡུམ་གཉིས་ཀྱིས་བསྒྲལ་ཏེ། ཁོས་ཁོག་ལ་གཞལ་ཡས་ཁང་གི་ཐིགས་གདབ། ཡ་གླཾ་བརྒྱད་ལ་གསང་སྔགས་འབྱོན་པའི་གནས་དུར་ཁྲོད་བརྒྱད་དུ་བྱིན་གྱིས་བརླབས། ཁམས་དཀར་དམར་དབང་པོའི་དྭགས་མ་ལས་དེ་བཞིན་གཤེགས་པའི་སྐུ་གསུང་ཐུགས་ཀྱི་རྟེན་བསམ་གྱི་མི་ཁྱབ་པ་རང་བྱོན་དུ་གྲུབ་པ་སྒྲོལ་མ་མཆོད་གཉིས་མིག་གིས་འབྲས་བུ་དཀར་ནག་ལས་གྲུབ་ཅིང་། ལྷ་ཀླུ་མི་གསུམ་གྱི་འགྲོ་བའི་རྟེན་སྐལ་དུ་གྱུར་པ་དེ་ཉིད། སྔོན་གྱིས་སྨོན་ལམ་དང་བསོད་ནམས་ཀྱི་མཐུས་སྤྲུལ་པའི་ཆོས་རྒྱལ་ཆེན་པོའི་ཕྱག་ཏུ་བབས་པ་རུ་ནོན་གྱི་གཙུག་ལག་ཁང་འདི་ཉིད་ཀྱི་རྟེན་གཙོར་བཞུགས་སུ་གསོལ་བ་ལ། བདུད་དབང་བཙན་པོའི་སྟོབས་ཀྱིས་གཙུག་ལག་ཁང་ཞིག་རལ་མང་དུ་འབྱུང་ཞིང་། ཁྱད་པར་རྒྱལ་དབང་ལྔ་པ་བློ་བཟང་རྒྱ་མཚོའི་སྐུ་ཚེའི་སྟོད་ཙམ་དུ་གཙུག་ལག་ཁང་གཡོས་འཇིག། སྒྲོལ་མ་མཆེད་གཉིས་ས་འོག་ཏུ་སོང་བ་ཟོལ་གྱིས་མ་རྙེད་པ་ན། རྟེན་ཚབ་ཏུ་ང་འགྲོ་གསུང་བྱོན་ཞེས་བྱ་བ་གནང་། དེའི་སྐུ་ཚེའི་སྨད་དུ་གཏེར་ཆེན་ཉི་མ་གྲགས་པ་ལ་མདོ་ཁམས་མཆོད་རྟེན་དཀར་པོ་གཙོས་ཁམས་ཕྱོགས་ཀྱི་གནས་རྟེན་ཉམས་པ་རྣམས་གསོ་བ་དང་། གསར་བཞེངས་ཀྱིས་ས་གནད་མེ་བཙའི་བསྡམས་དགོས་པའི་བཀའ་ལུང་གི་ཅོད་པཎ་སྤྱི་བོར་ཕེབས་པ་དང་། སློབ་དཔོན་པོས་མན་ངག་ལམ་རིན་དུ་ལུང་བསྟན་པ་གོང་དུ་དྲངས་པ་ལྟར་ལ། གཞན་ཡང་མ་འོངས་པ་ན་བླ་མ་ཕལ་ཆེར་མི་དབོན་དུ་འགྱུར་ཞིང་ཁྲིམས་ལས་བྱེདཿམི་དབོན་ཕལ་ཆེར་བླ་མར་གྱུར་ཅིང་དད་ཟས་ཟཿདེ་དུས་[page 202] བཤད་སྒྲུབ་ཆོས་བརྒྱད་ཀྱི་དབང་ཁོ་ནར་གཏོགས་པས་དཀར་ཕྱོགས་ཀྱི་གཞི་བདག་ཉམས་དམའཿནག་ཕྱོགས་དར་བས་ཧོར་སོག་ཀྱི་མི་སྣ་ཐར་ཐོར་འབྱུངཿནད་རིགས་དང་མི་དགེ་བའི་ལྟས་ཚབ་ཚུབ་ལསཿདེ་རྣམས་བཟློག་པར་འདོད་ན་མདོ་ཁམས་མཆོད་རྟེན་དཀར་པོ་དང་གླང་ཐང་སྒྲོལ་མ་སོགས་ད་ལྟ་ང་ཡིས་བརྒྱབ་པའི་ས་གནད་གསོས་པའི་མཆོད་རྟེན་འདི་རྣམས་ལ་ཞིག་གསོ་དང་གླང་ཐང་སྒྲོལ་མ་སོགས་ད་ལྟ་ང་ཡིས་བརྒྱབ་པའི་ས་གནད་གསོས་པའི་མཆོད་རྟེན་འདི་རྣམས་ལ་ཞིག་གསོ་དང་རབ་གནས་སྐྱོར་ན་བཟློག་ཐུབ་ཀྱང་བྱེད་མཁན་ཤིན་ཏུ་དཀོན་པ་འབྱུངཿཞེས་གསུངས་པ་དུས་ལ་བབས་པར་དགོངས་ནས་མདོ་ཁམས་མཆོད་རྟེན་དཀར་པོ་སོགས་ཉམས་གསོ་བྱས། ཁྱད་པར་གླང་ཐང་སྔོན་མོའི་སྐུ་རྟེན་ཡིད་བཞིན་ནོར་བུ་འདི་ཉིད་གཏེར་གྱི་ཚུལ་སྤྱན་དྲངས། ད་ལྟའི་གཙུག་ཁང་འདིའི་ས་གཞི་བྱིན་བརླབས་ནས་རྟེན་དང་བརྟེན་པར་བཅས་པའི་གྲུབ་པའི་རྒྱབ་ནོན་དུ་བདུད་འདུལ་མཆོད་རྟེན་དང་། མཆོད་རྟེན་བཀྲ་ཤིས་སྒོ་མང་ཞེས་བྱ་བ་གཉིས་བཞེངས།

ཀོང་ཇོ་ཉིད་ཀྱི་གནང་བའི་སྒྲོལ་མ་གསུང་བྱོན་མ་དང་རྒྱལ་དབང་ལྔ་བའི་ཐུགས་དམ་ཀྱི་རྟེན་ར་འགྲོ་གསུང་བྱོན་མ། མི་དབང་བསོད་ནམས་སྟོབས་རྒྱས་ཀྱི་རྟེན་སྒྲོལ་སྐུ་ཟི་བྱིན་ལས་གྲུབ་པའི་སྤོང་སོར་དྲུག་ཅན་དང་ལི་ཁྲ་ལས་གྲུབ་པའི་སྒྲོལ་དཀར་ཡིད་བཞིན་འཁོར་ལོ་སྐུར་སེང་གེ་ལྔ་ཡི་ཁྲི་ཅན། ཇ་བརྒྱ་མ་བཅས་སྐུ་རྟེན་གྲངས་དགུ་བཅུ་ལྷག་ཡོད་པ་ལས་ལི་མ་དང་ཟངས་གསེར་ལས་གྲུབ་པ་དང་རྒྱ་གར་ནས་ཐོན་པའི་ལི་གསར་སོགས་ཡོད་དོ། ཞལ་ཐང་སོ་སོ་འབྲང་མའི་ཞལ་ཐང་རྙིང་པ་སོགས་གསེར་ཐང་བཅུ་གཉིས་དང་དེ་བཞིན་ཞལ་ཐང་བཅུ། གསར་པ་བཅོ་ལྔ་བཅས་མཆིས་སོ།

བཞི་པ་དུས་མཆོད་རྒྱུན་སྲོལ། གོང་ཞུས་གནས་རྟེན་འདི་ཉིད་ཁུངས་བཙུན་ཞིང་ཕན་ཡོན་ཆེ་བའི་ཚུལ་ཡིན་པ་ནི་རྟོགས་ངེས། དགོན་སྡེའི་གནས་ཕུན་སུམ་ཚོགས་ཅིང་རྟེན་ཕུན་སུམ་ཚོགས་པ་ཚང་ཕྱིན་དགེ་བའི་ཕན་ཡོན་དང་སྡིག་པའི་ཉེས་དམིགས་སོགས་བླང་དོར་གྱི་གནས་འབྱེད་དེ་ཡུལ་གྲུ་དེ་ག་དང་ཡང་ན་བོད་སྤྱིའི་བསོད་ནམས་དང་ཡེ་ཤིས་ཀྱི་ཚོགས་གཉིས་ལེགས་པར་བསོག་ཕྱིར་དགེ་ལུགས་ཞྭ་སེར་བའི་ལུགས་ལྟར་ཆོ་ག་སྒྲུབ་མཆོད་རྒྱུན་ལྡན་འཛུགས་པ་ནི་ཉིང་དགོས་ཀྱི་ཚུལ་དུ་ངོས་ནས་ཆོས་སྡེ་འདི་ཉིད་གཙོས་པའི་ཉིན་རྫོང་དགོན་གྱི་སྡུས་སྡེ་ཡོངས་རྫོགས། རྗེ་བཙུན་སྒྲོལ་མའི་སྐུ་རྟེན་ཡིད་བཞིན་ནོར་བུས་རྗེས་གནང་དང་། གཏེར་ཆོས་ཟབ་མོ་དེ་ཀའི་བྱིན་རླབས་ཀྱི་དབང་གིས་ཆོ་ག་གྲུབ་པར་ལོ་ལྟར་ཧོར་ཟླ་དང་པོའི་ཚེས་བདུན་ནས་བཅུ་བདུན་བར་སྨོན་ལམ་ཆེན་མོ་ཞེས་འཚོགས་ནས་དད་ལྡན་སྤྱི་དང་བྱེ་བྲག་ཀུན་ལ་སྒྲོལ་མའི་གཏེར་དབང་ཟབ་རྒྱས་བསྐུར་བ་སྒྲོལ་མའི་གཏེར་དབང་ཞེས་ཕྱོགས་ཀུན་གྲགས་པ་འདི་ཉིད་ཡིན། དེ་ཟླ་གཉིས་པ་དང་གསུམ་པའི་བར་ལ་སྒྲུབ་མཆོད་བརྒྱད་འཚོགས། ཟླ་བ་བཞི་པར་མཚམས་ཆེན་ཉིད་བཅོ་ལྔ་འཚོགས། ཟླ་བ་ལྔ་པར་དབྱར་ཆུང་ཉིན་ཉེར་གཅིག་འཚོགས། ཟླ་བ་དྲུག་པའི་ཚེས་བཅོ་ལྔ་ནས་བདུན་པའི་གནམ་སྟོང་[page 203] བར་དབྱར་གནས་བཞུགས། དགུ་པར་དགུན་ཆུང་ཉིན་བཅུ་གསུམ་འཚོགས། བཅུ་གཅིག་ནས་བཅུ་གཉིས་པའི་གནམ་སྟོང་བར་དགུན་ཆེན་འཚོགས། གཞན་ཡང་ཟླ་རེ་བཞིན་ཟླ་ག་སོ་དང་གསོ་སྦྱང་འཚོགས། དུས་རྒྱུན་དུ་གསོ་ཀའི་ཆོ་ག་སོགས་བསྒྲུབས་ཏེ་རྒྱུན་ཚོགས་བར་མ་ཆད་པ་འཚོགས་པ་སོགས་འགྲོ་དོན་རྒྱ་ཆེར་མཛད་པས་ཕྱོགས་མཚམས་ནས་དད་ལྡན་ཡོངས་ཀྱི་ཞབས་ཏོག་མཛད་བར་སྟོན་སྤྲིན་གྱི་འདུ་འགོད་དང་མཚུངས་སོ།

ལྔ་པ་དགེ་འདུན་འདུས་སྡེ་དང་གདན་རབས་དགེ་འདུན་འདུས་སྡེ་ཡང་སྔར་འདན་མ་ཆུ་ལ་ཉིན་སྲིབ་གཉིས་སུ་གྲགས་པའི་ཡུལ་སྡེ་ཕལ་ཆེར་འདི་ཉིད་ཀྱི་སྡེར་གཏོགས་ཤིང་བཤད་སྒྲུབ་ཀྱི་བསྟན་པ་སྤེལ་མོད་ཕྱིས་ལྡན་ཆོས་འཁོར་དགོན་ཞེས་སྔར་དགོན་པ་འདི་ཉིད་ཀྱི་བཤད་གྲྭ་བོད་ལྗོངས་སུ་ཆད། འབྲུ་ཆུ་ཉི་རྒྱུད་ཀྱི་སྒྲོལ་མ་ལྷ་ཁང་དང་ཉི་རྫོང་དགོན་སྔར་ཆོས་སྡེ་འདི་ཉིད་སྒྲུབ་གྲྭ་གཉིས་ཀྱི་མཁན་སློབ་དགེའདུན་གྱི་གྲྭ་དྲུག་ཅུ་ལྷག་ཡོད། འདན་ཆུ་ཉིན་སྲིབ་གཉིས་འདུས་ཀྱིས་བཤད་སྒྲུབ་བསྟན་པ་ཟམ་མི་ཆད་པར་བཙུགས་ཤིང་། ཐུན་མོང་དང་ཐུན་མོང་མ་ཡིན་པའི་མདོ་སྔགས་རིག་ཀུན་ལ་ཐོས་བསམ་སྒོམ་གསུམ་གྱི་འཕྲིན་ལས་ཀྱི་རྒྱུན་འཛིན་མཁས་གྲུབ་དུ་མ་བྱོན་མྱོང་ལ་སྤྲུལ་སྐུའི་གདུང་རབས་ཀྱང་བཅུ་ཙམ་བྱོན་པར་གྲགས་ཀྱང་། ཆོས་སྡེ་ཉིན་སྲིབ་གྱིས་ཤིང་གསར་བརྗེ་ཆེན་མོ་སོགས་དུས་ངན་གྱིས་རྐྱེན་པས་བླ་རབས་མཁན་རབས། སྤྲུལ་སྐུའི་གདུང་རབས་གསལ་པོར་བཀོད་པའི་ཡིག་ཆ་རྩ་བ་ནས་བརླག་སྟབས་ཚད་ལྡན་སྨྲ་བའི་ཐབས་བྲལ། འོན་ཀྱང་དེང་སང་སྐུ་བཞུགས་པའི་མཁན་པོ་དང་སྤྲུལ་སྐུའི་བླ་ངོར་འཆར་བ་བཞིན་བཀོད་ན། མཁན་ཚེ་བརྟན་རྡོ་རྗེ། ངག་དབང་ཡར་འཕེལ་བློ་བཟང་ཆོས་ལྡན་དགེ་འདུན་བཟོད་པ་ཐུབ་བསྟན་དཔལ་བཟང་བཅས་དང་། སྤྲུལ་སྐུ་ད་བར་སྐུ་ཕྲེང་བཅུ་གཅིག་ཙམ་བྱོན་ཡང་སྔོན་གྱི་ཡིག་ཆ་བརླག་པས་སྐུ་ཕྲེང་བརྒྱད་པ་ཚུན་གྱི་མཚན་ལས་གསལ་ཆ་ནི་མི་ཤེས་སྟེ། སྐུ་ཕྲེང་བརྒྱད་པ་བློ་གྲོས་ནོར་བུ་ཁོང་གིས་སྨན་ལྷ་ཆོས་བརྒྱད། སྒྲོལ་མའི་གཡུལ་མདོས། ལྷ་མོའི་མདོས་ཆེན་གདུགས་དཀར་གཏེར་ཆེན། དྲུག་ཅུ་ལྕགས་མཁར་བཅས་མཛད་འཕྲིན་གྱི་སྲོལ་བཙུགས་ཤིང་ད་ལྟའི་བར་རྒྱུན་བསྲིངས།

དགུ་པ་དགེ་ལེགས་བསྟན་པར་༡༩༣༨ལོར་འདན་འཇའ་པ་སེང་གེའི་མདོ་ལ་སྐུ་འཁྲུངས། སྐུ་ཕྲེང་བཅུ་པ་བློ་བཟང་བྱམས་པ་རྒྱ་མཚོ། ཁོང་མངལ་དུ་ཆགས་ནས་ཟླ་ངོ་ལྔ་ཙམ་སོང་ཚེ་མངལ་ནས་མ་ཎི་གསུངས་པར་གྲགས། དགུང་ལོ་བཅུ་གཅིག་སོན་པར་སྐུ་གོང་མའི་ཡང་སྲིད་དུ་ངོས་བཟུང་། དགུང་ལོ་བཅུ་གཉིས་ཐོག་རྫ་སེར་ཤུལ་དགོན་དུ་བཤད་གྲྭར་ཕེབས་ཏེ་ལོ་བཅུ་གཉིས་བཞུགས་མཐར་ལྷ་སའི་འབྲས་སྤུངས་ཐེག་ཆེན་གླིང་དུ་ཕེབས་ཏེ་ལོ་བཅུ་བཞུགས་བཀའ་པོད་གཞུང་ལྔ་ལ་མཐར་ཕྱིན་པ་ཐོས་བསམ་མཛད། དེ་ལྷ་རམས་པའི་མཚན་རྟགས་ཐོབ། སྐུ་ཕྲེང་བཅུ་གཅིག་པ་བསྟན་འཛིན་ཀུན་མཁྱེན་ཡབ་གཙང་པ་སྟོབས་རྒྱལ་དང་ཡུམ་བཀྲ་ཤིས་ལྷ་མོ་གཉིས་ཀྱི་སྲས་སུ་རྒྱ་གར་འཁྲུངས། ཆུང་དུས་ནས་བློ་རིག་གསལ་ལ་དམ་པའི་ཆོས་སྤྱོད་ཀྱི་ཚུལ་དང་ལྡན། དགུང་ལོ་ལྔ་བཞེས་པར་ངོས་ནས་སེར་མོ་བྱེད་དགོས་ཅེས་ཡབ་ཡུམ་ལ་ཞུས་པ་ལྟར་རྒྱ་གར་གདན་ས་ཆེན་པོ་སེ་ར་ཐེག་ཆེན་གླིང་དུ་རབ་དུ་བྱུང་། གཞུང་ལ་ཐོས་བསམ་མཛད་དེ་བཞུགས། དགུང་ལོ་བཅུ་གཅིག་ལ་སྐྱབས་མགོན་རྒྱལ་བ་རིན་པོ་ཆེས་ར་མདའ་སྤྲུལ་[page 204] སྐུ་བློ་བཟང་བྱམས་པ་རྒྱ་མཚོའི་ཡང་སྲིད་དུ་ངོས་འཛིན་བྱས། ཉིན་རྫོང་སྤྲུལ་སྐུ་སྐུ་ཕྲེང་དགུ་པ་པདྨ་འགྲོ་འདུལ་དབང་པོས་ཟངས་གསེར་ལས་གྲུབ་པའི་གནས་བསྟན་བཅུ་དྲུག་གི་མཐོ་ཚད་ཁྲི་ཙེ་ལྔ་ཙམ་ཡོད་པ་ཞེས་བཞེངས་པ་མཛད་དོ།

དྲུག་པ་ཡོན་གྱི་འབྱུང་ཁུངས་དང་འགན་བཞེས་པའི་གོ་རིམ་སྔོན་འདན་མ་ཆུ་ལ་ཉིན་སྲིབ་ཀྱི་ཡུལ་སྡེ་ཡོངས་ཀྱིས་ཞབས་ཏོག་དང་མཐུན་རྐྱེན་ཕུན་སུམ་ཚོགས་པར་བསྐྲུན་པས་དགོན་སྡེའི་བཤད་སྒྲུབ་རྒྱུན་ཚོགས་དང་བཅས་ལེགས་བྱས་ཀྱི་འཕྲིན་ལས་ཡར་ངོའི་ཟླ་ལྟར་འཕེལ་ཞིང་མཁའ་མཉམ་སེམས་ཅན་གྱི་འགྲོ་དོན་ལེགས་འབྲས་ཁུར་དུ་དུད་པ་གནས། ཉིན་སྲིབ་ཕྱེས་ནས་དགོན་སྡེ་འདི་ཉིད་རང་ཚུགས་སུ་བཞུགས་སྐབས། དགོན་སྡེ་རྒྱུན་ཚོགས་ཀྱི་ཡོང་སྒོ་དང་དུས་བཟང་ཚེས་བཟང་དབང་བསྐུར་སོགས་ཀྱི་ཡོང་སྒོ་ལ་བརྟེན་ནས་འཚོགས་བཞུགས་དང་བཤད་གྲྭར་འབྲེལ་བ་དགོས་པ་ཆེར་དམིགས་ཀྱི་རྟེན་བཞེངས་ཕྲན་ཙམ་གྱི་འགྲོ་སོང་མགོ་བུད་ཙམ་དང་། མ་བུད་ཚེ་དགེ་འདུན་པ་རྣམས་འདུལ་བྱར་བྱོན་ཏེ་མཐུན་རྐྱེན་བསྐྲུན་པ་ལས་དགེ་འདུན་ཚོགས་ཀྱིས་རང་ངོས་ནས་བྱ་བྲལ་ཚུལ་དུ་བཞུགས་པ་ཁོ་ནའོ། ཆོས་སྡེ་འདིའི་འགན་བཞེས་ནི་སྔོན་མར་སྤྲུལ་སྐུ་དང་མཁན་པོ་དགེ་སྐོས། ཕྱག་མཛོད་དང་གཉེར་པ་རྣམས་ཀྱིས་སོ་སོའི་ལས་འགན་འགན་ཐོག་བབས་འབྲེལ་གྱི་སྤང་བྱ་ལྟར་ལེགས་འགྲུབ་མཛད། བཅིངས་བཀྲོལ་ཚུན་རྒྱལ་ཁབ་ཀྱིས་བསྐོ་བཞག་དང་བསྟུན་ནས་སྔ་ཕྱི་ཐུབ་བསྟན་ཚེ་རིང་། ཐུབ་བསྟན་དཔལ་བཟང་། ཚུལ་ཁྲིམས་རྒྱལ་མཚན། བསོད་ནམས་སྙན་གྲགས། བློ་བཟང་བསྟན་པ། འཇམ་དཔལ་ཆོས་གསན། འཇམ་དབང་རྡོ་རྗེ་སོགས་ཀྱིས་རིམ་བཞིན་འགན་བཞེས་ཏེ་དགེ་འདུན་གྱི་གྲངས་གྱ་ལྔ་ཙམ་ཡོད་པ་དེའི་ཆོས་སྡེ་ལ་ལོ་རྒྱུས་ཐོག་ཏུ་ལྷ་ཁང་ནང་པ། ལོ་ཕྱུག་ནང་པ། ཤེལ་མཛངས་ནང་པ། ཆུ་འཐག་ནང་བ། གོ་བ་མ་བུ་ཕྱོགས་གཉིས། ཤུག་པ། ཉ་མཁར། རབ་རི། སེང་པ། འཇལ་བ། དགོན་སར། བྱ་ར་བཅས་སྟོད་ཁྱི་འདྲ་རྡོ་ནག་མས་ཆད་དང་སྨད་བཀའ་ཕུལ་ཚེར་ཕུང་དམར་པོའི་ཡས་ཆད་དེ་ཀ་བཞི་དཔོན་འོག་གི་ཀ་བཞི་གྲྭ་ཚང་ཞེས་པ་དེ་ཡིན་པ་ལོ་རྒྱུས་ཐོག་ད་ལྟ་མཐོང་ཐོས་སུ་མངོན་གསལ་དུ་གནས་སོ།།

དེང་གི་གནས་ཚུལ། དེ་ཡང་གངས་རིའི་ཁོན་འདིའི་མ་རུང་མི་མཐུན་ཕྱོགས་ཀྱི་བདུད་དཔུང་རྨག་མེད་དུ་བཏང་ཞིང་། གཞན་ཕན་ལྷག་བསམ་གྱི་ཐུགས་བསྐྱེད་ངོ་ཚར་འཕྲུལ་གྱི་འདུ་བྱེད་རྫོགས་ལྡན་གསར་པའི་སྤྲིན་ཕུང་ཕྱོགས་ཀྱི་ཐ་གྲུ་མ་ལུས་པའི་འགྲམ་པར་ཉེ་བར་དཀྲིགས་པའི་ཀློང་ལས་ཅི་དགར་བབས་པའི་རང་མོས་ཆོས་དད་གྱི་སྦྲང་ཆར་སྙོམས་པོར་བཀྱེས་པའི་དཔལ་ལས། མཐའ་ཡས་ས་ལའི་ལྗོངས་ཀྱི་ཞིང་ས་གཤིན་པོར་དད་ལྡན་འབྲུ་ལྔའི་མྱུ་གུ་ལེགས་པར་འཁྲུངས་ཤིང་། སོ་སོའི་འབྱོར་ཚོགས་ཀྱི་མཐུ་ལ་བཞིགས་ནས་རྟེན་དང་བརྟེན་པ་གསར་དུ་བཞེངས་པར། ལྷག་བསམ་དཀར་པོས་མཐུན་རྐྱེན་བསྐྲུན་ཏེ། དུས་ཉེས་སྐབས་ས་རྡོའི་ཕུང་འགར་གྱུར་ཅིང་། མ་འཇིག་པའི་འདུ་ཁང་ཆེན་མོ་སོགས་ནི་[page 205] ཕག་པའི་ཚང་དུ་བྱས་ཤིང་རྟེན་བརྟེན་པ་ཡོད་རྒུ་ཙནྡ་སོལ་བའི་ཚུལ་དུ་བཏབ་པ་རྣམས་སྔར་གྱི་རྣམ་པ་གསར་པའི་དཔལ་ཡོན་ཤར་རོ། དེ་ནས་ཐུབ་བསྟན་གདུགས་དཀར་གྱི་ཕན་བདེའི་གྲིབ་བསིལ་ཅན་སྲིད་པའི་རྩེ་མོར་བསྒྲེངས་ཤིང་མཚུངས་མེད་བློ་བཟང་གྲགས་པའི་སྲོལ་འཛིན་བསླབ་གསུམ་དག་པའི་ལམ་ལ་བརྩོན་པའི་སྐྱེས་མཆོག་དམ་པའི་འདུ་འགོད་ཀྱི་སྤྲིན་རུམ་ནས་མཁའ་མཉམ་འགྲོ་བའི་སྲིད་པའི་ཟུག་རྔུ་འཇོམས་བྱེད་འཆི་མེད་བདུད་རྩིའི་གྲུ་ཆར་རིས་མེད་ཕབ་པས། ཟབ་མོ་ཆོས་ཀྱི་བདུད་རྩི་མྱོང་པར་འདོད་པའི་ཡིད་ཀྱི་རྩེད་དགའ་བར་མི་ཆད་པར་རོལ་བར་གྱུར་ཏོ། ཕྱོགས་དང་ཕྱོགས་མཚམས་ཀུན་དང་རྒྱ་བོད་རིགས་ནི་གཅིག་པའི་སྐྱེ་བོ་ཡོངས་ཀྱིས་མེས་པོའི་སྲོལ་རྒྱུན་གྱི་དལ་འགྲོ་ཡང་བསྐྱར་འདྲེན་པའི་རེ་བ་དང་མཐུན་ཅིང་། གོང་རིམ་ཐུགས་རྗེའི་བཅུ་གཉིས་བདག་པོས་ཟེར་བརྒྱ་སྤྲོས་པའི་མཐུ་ལས་འདུ་ཁང་ཆེན་མོ་དང་གྲྭ་ཁང་། ལྷ་གསར་བཞེངས་པ་དང་། དུས་མཆོད་རྒྱུན་སྲོལ་ཀྱང་སྔར་ལྟར་བཙུགས་མོད། འོན་ཀྱང་ཉེ་ཆར་སླར་ཡང་སྐྱེ་བོ་ངན་པ་མ་བྱིན་བླངས་པའི་འདྲེ་ངན་ཁོག་ཏུ་བཞུགས་ཏེ་རྟེན་གཙོ་མི་ཉུང་བ་གཡོ་ཐབས་ཀྱི་ཁྱེར་རུང་། འབྱོར་སྟོབས་དང་ཕས་རྒོལ་ལ་མི་འཇིགས་པའི་གོ་ཆ་བརྟན་པོར་བགོས་པའི་དད་ལྡན་རྣམས་ཀྱིས་ཕྱག་རོགས་མཛད་མཐར་ཡང་བསྐྱར་གནས་འདིར་དྲངས་པར་མཛད་པས། བཀའ་དྲིན་གཞལ་དཀའ་བའི་སྐབས་དང་བྲལ་ལོ། རྐྱེན་ངན་སྣ་ཚོགས་ཀྱིས་གཞིར་བྱས་འབྱོར་ཚོགས་ཀྱི་སྟོབས་དམན་སྟབས་བཤད་སྒྲུབ་ཀྱི་བྱེད་སྒོ་སྤེལ་བའི་སྐལ་བ་མི་ལྡན་ཡང་། མི་རིགས་བར་འབད་འབུངས། དཀའ་སྤྱད་ཀྱིས་འགྲུབ་པའི་རེ་བཞིན་འཆིས། བཤད་གྲྭ་འཛོམས་པའི་རྒྱུ་མཚན་གྱིས་ཕྱིར་མདོ་སྔགས་གཞུང་ལུགས་ལ་ཐོས་བསམ་མཛད་འདོད་ཅིང་བློ་གྲོས་ཀྱི་རྩལ་དང་ལྡན་པའི་དགེ་འདུན་ཉུང་ཤོས་འབྲུ་དངུལ་གྱི་རྫོང་དང་བཅས་རྫ་སེར་ཤུལ་དགོན་སོགས་ཚད་ལྡན་གྱི་དགོན་པའི་བཤད་གྲྭར་ཕེབས་པར་སྐུལ་སློང་བྱས་སོ། དེ་ལྟར་གནས་རྟེན་འདི་ཡི་ཡོན་ཏན་སོགས་ཇི་བཞིན་བརྗོད་དགོས་ན་བདག་ལྟའི་བློ་གྲོས་དམན་པས་བརྗོད་ག་ལ་ནུས། འོན་ཀྱང་འདི་ལྟར་འགྱིས་ན་འདི་ལ་ཕན་པ་ཆེ་ཞིང་དད་ལྡན་དང་དོན་གཉེར་ཅན་ལ་ཀུན་སློང་བཟང་པོ་ཞིག་ཐེབས་པར་ལྷག་བསམ་དཀར་པོའི་ཚུལ་དུ་བྲིས་པའོ།

ས་མིང་ཚིག་མཛོད་མིག་བཤར།

སེར་ཤུལ་རྫོང་གི་ཤར་ཕྱོགས་རྫ་ཆུའི་འགྲམ་སྤྱི་ལེ་གོ་གཉིས་ཙམ་གྱི་སར་ཆགས་ཡོད། དགོན་གནས་དེ་ཉིད་ཀྱི་བསྟན་པའི་སྦྱིན་བདག་དང་ཆོས་སྡེ་དེ་འབྱུང་ཁུངས་རུས་བརྒྱུད་ནི། སྔོན་རྒྱལ་དབང་ལྔ་པ་ཆེན་པོས་བོད་ཧྲིལ་བོ་ལ་མངའ་མཛད་པའི་སྐབས། སྤྱི་ལོ་1652ལོར་བོད་རབ་བྱུང་བཅུ་གཅིག་པའི་བགྲང་བྱ་ཉེར་དྲུག་པ་ཆུ་འབྲུག་ལོར་གོང་ས་ཆེན་མོ་དགུང་གྲངས་སོ་དྲུག་གི་ཐོག་ཧོར་ཟླ་གཉིས་པའི་ཚེས་བཅོ་ལྔ་ཉིན། ཆིང་རྒྱལ་རབས་ཀྱི་གོང་མ་ལེགས་སྐྱོང་རྒྱལ་པོས་གདན་ཞུས་ལྟར། གོང་ས་ཆེན་མོ་ཆིབས་ཞབས་[page 206] གསོལ་གཟིམས་ཞབས་འབྲིང་དང་བཅས་པ་པེ་ཅིང་དུ་ཕེབས། གོང་མ་ཆེན་པོས་བསུ་བ་ཞབས་ཏོག་གང་ལེགས་གནང་བ་མ་ཟད། གསེར་གྱི་བྱང་བུ་བཅོ་ལྔ་འཕྲུལ་མིག་ཏུ་སྦྲེལ་ཏེ་ལྡེབ་ཆོག་པ་ཞིག་གི་ཐོག “ནུབ་ཀྱི་ལྷ་གནས་ཆེན་དགེ་བར་བདེ་བར་གནས་པའི་སངས་རྒྱས་ཀྱིས་བཀའ་ལུང་གནམ་འོག་གི་སྐྱེ་འགྲོ་ཐམས་ཅད་བསྟན་པ་གཅིག་ཏུ་གྱུར་བ་འགྱུར་མེད་རྡོ་རྗེ་འཆང་རྒྱ་མཚོའི་བླ་མ་”ཞེས་བོད་མན་རྒྱ་གསུམ་གྱི་ཡི་གེ་ཤན་སྦྱར་འཁོད་པའི་འཇའ་ས་སོགས་བསྩལ། དེའི་ཕྱི་ལོ་ཧོར་ཟླ་གསུམ་པའི་ཚེས་བཅུའི་ཉིན་གོང་ས་ཆེན་མོ་པེ་ཅིང་ནས་ཆིབས་ཁ་བསྒྱུར་ཏེ་ཏའི་ཁར་ཞེས་པའི་ས་གནས་སུ་འབྱོར་སྐབས་གོང་མ་ཆེན་པོས་ཕོ་ཉ་ཆེད་དུ་མངགས་ཏེ་གསེར་ཡིག་པ་དང་ཐམ་ཀ་སྐད་རིགས་བཞི་སྦྱར་འབྲུ་དོན་དུ། ནུབ་ཕྱོགས་ཀྱི་ཕུལ་བྱུང་ཞི་བ་སངས་རྒྱས་རྒྱ་ཆེན་ཁྱོན་ལ་སངས་རྒྱས་བསྟན་པའི་མངའ་བདག་ཐམས་ཅད་མཁྱེན་པ་རྡོ་རྗེ་འཆང་ཏཱ་ལའི་བླ་མའི་ཐམ་ཀ ཞེས་འཁོད་པ་ཞིག་གནང་། དེའི་དུས་སུ་མཆོ་སྔོན་མིའི་གཡས་རུའི་ནང་ན་སྨྱུག་པོ་གདོང་གི་རུས་ཆེན་བཞི་ཟེར་བ་ནི། ཆེན་པོ་འབྲིང་པོ་ཆུང་ངུ་གསུམ། དགེ་རྩེ་དཔོན་དང་རུས་བརྒྱུད་བཞི་ཡི་དུད་ཁྱིམ་བདུན་ཡོད་པ་ལ་དེའི་དཔོན་ལ་དཔོན་བོ་རྒྱལ་ཟེར་ཞིང་། དཔོན་ལགས་ཀྱི་མཚན་དངོས་བློ་བཟང་ཆོས་འཕེལ་ཟེར། ཁོང་ནི་སྐུ་གཞོན་ནུའི་དུས་ནས་བློ་རིག་བཀྲ་ཞིང་འབངས་ལ་བྱམས་པ་དཔའ་མཛངས་བརྟུལ་ཕོད་དང་ལྡན་པ་ཡ་རབས་སྐྱེས་བུའི་སྤྱོད་པ་རྣམས་མ་སྦྱངས་རང་ཤེས་སུ་ཡོད་པ་ཞིག་ཡིན། དཔོན་དེའི་ཕུ་བོ་ནི་དཔོན་པོ་ཞབས་དྲུང་དཀར་པོ་ཞེས་ཆུང་ངུའི་དུས་ནས་ཐུགས་ཞི་ཞིང་དུལ་བ། མཐོ་དམན་ཀུན་ལ་དགྲ་གཉེན་གྱི་ཆགས་སྡང་མི་མངའ་བ་མཁས་བཙུན་བཟང་གསུམ་མ་ཚང་བ་མེད་ཅིང་། ཕྱི་སྡེ་སྣོད་གསུམ་གྱི་འཆད་ཉན་དང་ནང་བསླབ་པ་གསུམ་གྱི་ཉམས་ལེན་ལ་ཐུགས་ཁུར་ལྷུར་ལེན་བྱད་པའི་ཚད་མའི་སྐྱེས་བུ་ཞིག་ཡོད། ཁོང་སྤུན་གཉིས་ཀྱིས་ད་ལྟ་རྨ་ལྷོ་བོད་རིགས་རང་སྐྱོང་ཁུལ་གྱི་ས་ཆ་ཆུ་མགོ་བཀྲ་ཤིས་འཁྱིལ་བ་ཞེས་པའི་སའི་ཆར་གོང་ས་ཆེན་མོ་ལ་རྟེན་གསུམ་དང་གཡུ་ཡི་མཎྜལ་རྟ་བརྒྱ་ལུག་སྟོང་ཕུལ་ནས་དུད་ཚང་བདུན་ལ་ཚེ་རབས་རྗེས་འཛིན་གྱི་ཐུགས་བསྐྱེད་དང་བསང་མཆོད་བཀྲ་ཤིས་འཁྱིལ་བ་སོགས་ཡང་ཡང་ཞུས་ངོར། འཕྲད་དུ་བསང་མཆོད་བཀྲ་ཤིས་འཁྱིལ་བ་བརྩམས་པ་དང་གཞན་ཡང་དཔལ་ཆེན་རྟ་མཆོག་རོལ་བའི་རྗེས་གནང་དང་སྤྱན་རས་གཟིགས་དབང་གི་རྗེས་གནང་བཅས་གནང་ཞིང་། ད་དུང་ཐུགས་བརྩེ་བ་ཆེན་པོས་རྗས་སུ་བཟུང་ནས་ཆེས་ཆེན་དཔོན་པོ་རྒྱལ་བློ་བཟང་ཆོས་འཕེལ་ལ་ཙན་དན་གྱི་ཕྱག་ཐམ་དང་བཀའ་ཤེལ་བུམ་གསེར་ཡིག་སོགས་གནང་ནས། དུད་ཚང་བདུན་ལ་གསེར་སྐུ་ལི་མ་བདུན་དད་པའི་རྟེན་དུ་བསྩལ་ཅིང་ལུགས་གཉིས་ཀྱི་བྱ་བའི་ཐད་ལ་བཀའ་དྲིན་གཞལ་དུ་མེད་པའི་གཟིགས་རྟོགས་མཛད།

དགོན་པ་འདི་ཉིད་གནས་ཡུལ་དང་ཕྱག་འདེབས་པ་པོ་བཏབ་པའི་དུས་ཚོད་སྐོར། དུས་དེ་ནས་བཟུང་མཚོ་སྔོན་མོའི་གཡས་རུར་ཡོང་ནས་ལོ་འཁོར་སོ་གཅིག་ཙམ་གྱི་རིང་ནག་སྒར་ཙམ་མ་གཏོགས་གནས་གཞི་གཏན་འཁེལ་བ་མེད། དེའི་རྗེས་སུ་མདོ་ཁམས་སྒང་དྲུག་གི་ཡ་གྱལ་འབྲི་རྫ་ཟལ་མོ་སྒང་དུ་[page 207] གྲགས་པ་སྟོབས་ལྡན་སྡེ་དགེའི་རྒྱལ་པོའི་མངའ་རིས་ཀྱི་ཆར་གཏོགས་ཤར་གསེར་ཡུལ་གཞོང་ཞེས་པ་འདིར་འོངས། ས་དཔྱད་ཕུན་སུམ་ཚོགས་པ་ལྷ་མིང་མི་ལ་ཆགས་པ་ལྷ་རྣམ་ཐོས་སྲས་པོ་ཡུལ་སྐྱོང་གི་ཚུལ་དུ་རྫ་རྒྱལ་རྡོ་རྗེ་འཕན་ཕྱུག་གངས་དཀར་པོ་དཔལ་གྱི་ལྷ་བཤོས་ལྟ་བུ་དཀར་ཕྱོགས་ཀྱི་སྲུང་མ་ཆེན་མོ་ལྷ་མི་མཉམ་འགྲོགས་སུ་ཡོད་པ་བྱང་སྡེ་རྫ་ཆུ་ཁ་ཞེ་གྲགས་པའི་ནང་ཚན་རྫ་ཉིན་སྲིབ་གཉིས་ཀྱི་ཆ་ལས་རྫ་ཆུའི་གཡོན་འགྲམ། ཨུ་མ་ཧཱི་ཟེར་བའི་མདོར་ཡི་དམ་པདྨ་དབང་ཆེན་གྱི་གནས་རི་ཁྱད་འཕགས། རྒྱབ་རི་མིང་དང་དོན་མཚུངས་གདུགས་ལྟར་ཕུབ་པ། ཤར་ཕྱོགས་རྫ་སྤང་རི་ཁྲ་བོ་གནམ་ལ་བསླང་བ་ལྟ་བུ། ནུབ་ཕྱོགས་བྲག་དམར་བྱ་རྒྱལ་གཟན་ལ་ཆས་འདྲ། བྱང་ཕྱོགས་རྫ་སྤང་འཐབ་མ་རུས་སྦལ་རྒྱལ་པོས་འོ་ཆུ་འཐུང་འདྲ། གཡོག་ཕྱོགས་སུ་ཨུ་མ་ཧཱའི་ཆུ་བོས་ཉིན་མཚན་ཀུན་དུ་སྤྱན་རས་གཟིགས་དབང་གི་གཟུངས་སྔགས་ཀྱི་རང་སྒྲ་སྒྲོགས་པ། དེ་ལྟེར་ས་ཡི་དགེ་བཅུ་དང་ཡུལ་གྱི་དགེ་བཅུ་ཚང་བའི་གནས་དེར་བོད་རབ་བྱུང་བཅུ་གཉིས་པའི་བགྲང་བྱ་ཉེར་གཉིས་པ་ས་བྱའི་ལོ་སྤྱི་ལོ་༡༧༠༨ལོར་བུ་དགོན་གོ་རྒྱལ་དགོན་པ་ཞེས་པའི་བསྟན་པའི་བདག་པོ་གོ་རྒྱལ་དགེ་བ་ཚུལ་ཁྲིམས་ཞེས་པས་དབོན་དགོན་དགའ་ལྡན་དར་རྒྱས་གླིང་འདི་ཉིད་ཕྱག་བཏབ་པ་ཡིན། དུས་དེ་ནས་བཟུང་དགོན་འདིར་ཁོང་གིས་རབ་བྱུང་གི་སྡེ་གཙང་ཞིང་དག་པ་གངས་ཀྱི་ཆབ་དང་ཤེལ་དཀར་འཕྲེང་བ་ལྟ་བུ་བཙུགས་པས་མདོ་སྔགས་ཟུང་འབྲེལ་གྱི་བསྟན་པ་དབྱར་མཚོ་ལྟར་སྤེལ་ཞིང་ལོ་སུམ་ཅུའི་རིང་དགོན་གནད་འདི་ལ་བདག་སྐྱོང་བྱས། དེ་ནས་ཁོང་གི་ཀྱང་རྒྱུད་སྡེ་གོང་འོག་གི་དབང་ལུང་མན་ངག་སོགས་ཟབ་རྒྱས་གནང་ཞིང་། སྐུ་ཉིད་ཀྱི་ཤངས་ཁྲག་ལས་བྲིས་པའི་བསྟན་སྲུང་ཆོས་རྒྱལ་ཞིང་གི་པཎ་འདབ་ཀྱི་ཞལ་ཐང་དང་བསྒྲུབ་ཆོག་བཀའ་རྒྱ་མ་གནང་སྟེ་དགོན་འདིའི་སྲུང་མའི་གཙོ་བོར་མཆོད་དགོས་པའི་བཀའ་གནང་། ཁོང་གིས་ལོ་ཞེ་ལྔ་རིང་བདག་སྐྱོང་གནང་སྟེ་མཐར་དགོངས་པ་ཆོས་དབྱིངས་སུ་ཐིམ། དེ་ནས་ལོ་ཤས་རིང་བསྟན་པའི་བདག་པོ་འདི་ཡིན་མེད། དེ་ནས་བླ་དཔོན་བློ་གྲོས་གཅིག་མཐུན་གྱིས་སླར་ལྕགས་ར་སྐུ་འཕྲེང་བདུན་པ་ངག་དབང་འཕྲིན་ལས་སྐུ་བདག་མཇད་ནས་དགུང་ལོ་བཅུ་གསུམ་ཐོག་དགོན་འདིའི་བསྟན་བདག་གི་ཁྲིར་འཁོད། ལོི་གསུམ་ལྔའི་མཚམས་ནས་ཐུགས་བསྐྱེད་སྨོན་ལམ་དུས་སུ་བབ་སཏེ་གཟིགས་ཞིབ་གནང་རིགས་ཚགས་དམ་ཞིང་བླ་སྤྲུལ་བྱེ་བྲག་དང་གྲྭ་ཚང་ཡོངས་ལ་དབང་ལུང་མན་ངག་ཆོས་ཆར་འཛད་མེད་ཕབ་ཆིང་ལོ་བཞི་བཅུའི་རིང་བཀའ་དྲིན་འགྲན་ཟླ་དང་བྲལ་བའི་གཟིགས་སྐྱོང་མཛད། དེ་ནས་སྨན་ཤུལ་བློ་བཟང་བསྟན་འཛིན་ལ་དགོན་པ་བདག་པོ་མཛད་དགོས་པའི་བཀའི་གནང་བ་བསྩལ། ཁོང་གིས་ཀྱང་བཀའ་དང་དུ་བཞེས་ནས་གདན་ས་ཆེན་པོ་རྣམ་བཞི་གསང་ཆེན་རྒྱུད་གྲྭ་རྣམ་གཉིས་དང་རྩོད་གྲྭ་གསར་འཛུགས་བཅའ་ཡིག་འབྲི་རྒྱུ་སོགས་མདོ་སྔགས་ཟུང་གི་ཕྱག་བཞེས་འགྲན་ཟླ་བྲལ་བ་མཛད་ཅིང་ལོ་བཅོ་ལྔའི་རིང་ཐུགས་ཁུར་ཆེར་བཞེས་མཛད། དེ་རྗེས་ལྕགས་ར་སྐུ་འཕྲེང་བརྒྱད་པ་ངག་དབང་ཆོས་ཀྱི་ཉི་མ་དགོན་འདིའི་ནང་ཆེད་དུ་གཟིགས་[page 208] རྟོགས་ཕེབས་ཤིང་བསྟན་དགོན་ལ་ཐུགས་བརྩེ་ཆེར་མཛད་ནས་ཁོང་གིས་ཆོས་སྐྱོང་ཞིང་གི་པན་འདབ་དགོན་གནང་འདིར་དངོས་སུ་བཞུགས་ནས་འཕྲིན་ལས་གཡེལ་མེད་དུ་སྒྲུབ་བཞིན་ཡོད་ཅེས་གསུངས་པ་དང་། སྔོན་ཆད་ཆབ་མདོ་དགོན་པ་རང་ཉིད་ལ་ཡང་ཆོས་སྐྱོང་འདི་བཀའ་རྒྱ་ཤིན་ཏུ་ཆེ་ཞིང་བླ་མ་ནང་ཕན་ཚུན་མ་གཏོགས་སྲོག་གཏད་མི་གསུངས་ན་ཡང་། དབོན་དགོན་འདིས་ཡར་ཞུ་མ་དགོས་པར་གྲྭ་ཚང་སྤྱི་ལ་སྲོག་གཏད་གནང་། སྲུང་མ་དེ་ཉིད་དགོན་སྡེ་འདི་ཉིད་ལ་འཕྲིན་ལས་གཉེར་དུ་གཏད་ནས་བཀའ་སྒོ་དམ་བཞག་ཡང་ཡང་མཛད། དེས་མ་ཚད་ཁོང་གིས་གྲྭ་ཚང་འདིའི་ནང་དུ་མཐོང་ཐོས་དྲན་རེག་གིས་འགྲོ་བ་འདྲེན་ནུས་པའི་བྱང་ཆུབ་སེམས་དཔའ་བཅུ་གསུམ་ཡོད་གུངས། ཐུགས་རྩིས་ཧ་ཅང་ཆེ་བར་མཛད་ནས་ལོ་འཁོར་བཞི་བཅུ་ཞེ་བདུན་གྱི་རིང་དགོན་པ་འདི་ཕྱག་རིས་ཀྱིས་བསྐྱངས་མཐར། ལབ་ལུང་མཁན་ཆེན་ཐུབ་བསྟན་འཇམ་དབྱངས་ཉི་མ་འཇིགས་མེད་རྣམ་རྒྱལ་དཔལ་བཟང་པོ་དེ་ཉིད་ལ་གཟིགས་རྟོགས་སུ་ཕུལ། ཁོང་གིས་བསྟན་དགོན་འདིའི་བདག་པོ་དང་དགེ་འདུན་པ་དུ་མར་རབ་བྱུང་བསྙེན་རྫོགས་ཀྱིས་སྡོམ་པ་གནང་བ་དང་རྒྱུད་སྡེ་གོང་འོག་གི་དབང་བསྐུར་རྒྱུད་བཤད་མན་ངག་གནང་བ་སོགས་ཀྱི་བཀའ་དྲིན་བསྐྱངས། སྤྱིར་དགོན་སྡེ་འདི་ཉིད་ཆགས་ནས་ད་བར་ཕྱི་སྡེ་སྣོད་ཀྱི་འཆད་ཉན་ནང་བསླབ་པའི་ཉམས་ལེན་རྣམ་པར་དག་ཅིང་ལམ་རིམ་པ་གཉིས་ཀྱི་ཉམས་རྟོགས་དང་ལྡན་པའི་རྟོགས་པའི་རྣལ་འབྱོར་བ་མངོན་ཤེས་ལ་ཐོགས་པ་མེད་པ་ཇི་སྙེད་ཅིག་བྱོན་མྱོང་བ་ནི། དཔལ་ཆེན་རྟ་མཆོག་རོལ་བའི་རྣལ་འབྱོར་བ་དགེ་བཤེས་ངག་དབང་མཁས་གྲུབ། རྒྱ་གར་གྲུབ་ཆེན་ཨ་མོ་གྷ་བཛྲ་གྱིས་རྗེས་སུ་བཟུང་བའི་རི་ཁྲོད་པ་ཀརྨ་བསྟན་དར། སྤྱན་རས་གཟིགས་ཀྱི་སྤྲུལ་བ་ཨ་སྒྲིས་མཁན་ཆེན་བློ་བཟང་བཀྲ་ཤིས། རབ་འབྱམས་པ་བློ་བཟང་རབ་ཡངས། རབ་འབྱམས་པ་བསོད་ནམས་ཡར་འཕེལ། རབ་འབྱམས་པ་བློ་བཟང་དོན་གྲུབ། རབ་འབྱམས་པ་ནམ་མཁའ་བཟང་པོ། རབ་འབྱམས་པ་བློ་གྲོས་རྒྱལ་མཚན། རབ་འབྱམས་པ་བློ་བཟང་དབང་པོ། རབ་འབྱམས་པ་བློ་བཟང་འོད་གསལ། རབ་འབྱམས་པ་བློ་གྲོས་ལེགས་བཤད། མཁན་ཆེན་བསོད་ནམས་སྙན་གྲགས། རྒྱལ་བ་ཙོང་ཁ་བའི་ཐུགས་སྤྲུལ་རབ་འབྱམས་པ་བློ་བཟང་ཆོས་འཕེལ་སོགས་བཀའ་རབ་འབྱམས་པའི་དགེ་བའི་བཤེས་གཉེར་བཅོ་བརྒྱད། དེར་མ་ཟད་ལྷག་པའི་ལྷས་དངོས་སུ་ཞལ་གཟིགས་ཤིང་བསྟན་འགྲོའི་དོན་མཛད་ནུས་པའི་སྤྲུལ་པའི་སྐུ་རིམ་པར་བྱོན་པ་ནི། རྡོ་རྗེ་འཇིགས་བྱེད་ཀྱི་རྣམ་འཕྲུལ་གླིང་ཁོ་ངག་དབང་རྣམ་རྒྱལ། སང་ཤུལ་མཁན་པོ་ཚུལ་ལོ། སྤྲུལ་སཀྭ་བསོད་མེ། སྤྲུལ་སྐུ་གསང་ལོ། དགེ་བཤེས་ཚེ་དཔལ། དགེ་བཤེས་དར་ཁོ། བླ་མ་ངག་དབང་ཐབས་མཁས། ཨ་སྒྲིས་བླ་མ་སྟག་རྒྱལ། འབའ་བླ་མ། དཔོན་ཚང་བླ་མ། དཔོན་ཚང་ལྷ་གཉེར། ཨ་ལག་བློ་བཟང་བསྟན་པའི་རྒྱལ་མཚན། ཚེ་བོ་བླ་མ། སྤྲུལ་སྐུ་ཐུབ་བསྟན་རིག་འཛིན། སྤྲུལ་སྐུ་དར་རྒྱས། ཨ་སྒྲིས་སྤྲུལ་སྐུ་སོགས་སོ། ཁྱད་པར་དུ་ཆབ་མདོ་ལྕགས་ར་སྐུ་འཕྲེང་བདུན་པ་ངག་དབང་འཕྲིན་ལས་ཀྱི་སྐུ་དུས་སུ་ཁོང་ཕེབས་བསིུ་སྐབས་འབུད་དཀྲོལ་རྡུང་དང་སེར་སྦྲེང་གི་ཆས་སོགས་ཧ་ཅང་སྤུས་དག་པ་ཞིག་མེད་སྟབས་ཁོང་གི་ཞབས་[page 209] འབྲིང་བ་རྣམས་ཀྱིས་དེ་རིང་བསྟན་པའི་བདག་པོ་ཁྱེད་ལ་བསུ་བ་དེ་འདྲའི་འདྲ་ཆགས་པོ་བྱས་སོང་ཞེས་ཀུ་རེ་བྱས་པ་ལ། ཉིད་ཀྱི་ཞལ་ནས་དེ་རིང་འདྲ་བའི་སྐལ་བ་དང་ལྡན་པ་ནི་ཤིན་ཏུ་དཀོར། ཕྱི་ཚུལ་ནི་མཛེས་པ་ཆེར་མེད་ཀྱང་དོན་དམ་དུ་ནི་དཔལ་ཆེན་རྟ་མཆོག་རོལ་བ་དང་གཤིན་རྗེ་གཤེད་ཀྱི་རྣལ་འབྱོར་བ་བཅུ་གསུམ་གྱིས་ང་ལ་བསུ་བ་བྱས་པ་ཤིན་ཏུ་བཟང་ཞེས་གསུངས། བྱེ་བྲག་དགོན་སྡེ་འདི་ཉིད་ཀྱི་བསྟན་པའི་བདག་པོ་གཙོ་བོར་ཐུགས་བཞེས་གནང་མཁན་མཁས་གྲུབ་ཆེ་པོ་སྤྱོད་འཇུག་བླ་མ་བློ་བཟང་འགྱུར་མེད་ཞེས་པ་བྱོན་མྱོང་བ་ནི། སྐྱེས་རབས་སྔ་མ་རྣམས་སུ་དག་པའི་སྐྱེ་བ་དུ་མར་བརྒྱུད་ཅིང་། བོད་རབ་བྱུང་བཅུ་བཞི་པའི་བགྲང་བྱ་བཅུ་པ་མེ་བྱི་ལོར་སྤྱོ་ལོ་༡༨༡༦ལོ་ལ་ཆེས་ཆེ་དཔོན་པོ་རྒྱལ་གྱི་གདུང་བརྒྱུད་དཔོན་བདུད་འདུལ་གྱི་སྲས་སུ་སྐུ་འཁྲུངས། སྐུ་ཆུང་དུས་ནས་ངེས་འབྱུང་གི་བློ་སྟོབས་སད་དེ་ཁྱབ་བདག་དགེ་ལེགས་ཡར་འཕེལ་གྱི་དྲུང་ནས་རབ་ཏུ་བྱུང་སྟེ་མཚན་དགེ་ལེགས་དཔལ་བཟང་ཞེས་སུ་གསོལ། དམ་པ་དེ་དང་དགེ་བཤེས་འཕགས་པ་བློ་བཟང་སོགས་ཡོངས་འཛིན་དུ་མ་སྤྱི་གཙུག་ཏུ་མཆོད་ནས་ཐུན་མོང་དུ་ཕྱི་སྐྱེས་བུ་གསུམ་གྱི་ལམ་རིམ་ལ་ཐུགས་ལེགས་པར་གཞོལ་ཞིང་། ཐུན་མིན་རྒྱུད་སྡེ་གོང་འོག་གི་ལམ་རིམ་པ་གཉིས་ཀྱི་རྩལ་རྫོགས་ཏེ་ཐུགས་དམ་འབའ་ཞིག་ལ་ཐུགས་གཞོལ་ནུས་པ་བྱུང་། སླར་དད་ལྡན་སེར་སྐྱ་ཁྲི་སྟོང་མང་པོ་ཆོས་ཀྱི་བདུད་རྩིའི་ཚིམ་པར་བྱས་མཐར། བཅོམ་ལྡན་འདས་འཁོར་ལོ་བདེ་མཆོག་གི་རྣལ་འབྱོར་ཟབ་མོ་ཉམས་སུ་བླངས་ཏེ་ཟུང་འཇུག་རྡོ་རྗེ་འཆང་གི་གྲུབ་པའི་མཚན་མ་མངོན་དུ་གྱུར་ཏེ་བོད་རབ་བྱུང་བཅོ་ལྔ་པའི་བགྲང་བྱ་ཉེར་བརྒྱད་པ་ཤིང་རྟ་སྤྱི་ལོ་༡༨༩༤ལོར་དགུང་གྲངས་བདུན་ཅུ་དོན་དགུའི་ཐོག་གཟུགས་སྐུའི་བཀོད་པ་ཆོས་དབྱིངས་སུ་བསྡུས། ཐུགས་ལྗགས་སྤྱན་གསུམ་ལས་བཅོམ་ལྡན་འདས་འཁོར་ལོ་སྡོམ་པ་ཡབ་ཡུམ་དང་རྒྱལ་ཡུམ་ཨརྱ་ཏཱ་རེ་མ་བྱུང་ར་ད་ལྟ་ཡང་མཇལ་རྒྱུ་ཡོད། སྤྱིར་དམ་པ་དེ་ཉིད་ལ་སྤྱོད་འཇུག་བླ་མ་ཞེས་པའི་མཚན་ཐོགས་དོན་ནི། སྔོན་གྱི་དུས་སུ་དཔལ་དགེ་ཆེན་མོ་ཨོ་རྒྱན་འཇིགས་མེད་ཆོས་ཀྱི་དབང་པོས་མདོ་སྨད་ཀྱི་དགོན་སྡེ་གྲུབ་མཐའ་གསར་རྙིང་ཀུན་ལ་བྱང་ཆུབ་སེམས་དཔའི་སྤྱོད་འཇུག་གི་བཤད་འཁྲིད་སྤེལ་སྐབས་དགོན་འདིའི་ནང་དུ་སྤྱོད་འཇུག་ཁྲིད་ཐེངས་བཞི་རེ་ལོ་རེར་འཁྲིད་རྒྱུ་བྱས། ལོ་དང་པོ་ལ་དཔལ་དགེ་རིན་པོ་ཆེ་ཁོང་གིས་ཟླ་བ་བཞིའི་རིང་རྫོགས་པར་གསུངས་ཤིང་། ད་ཕན་བླ་མ་བློ་འགྱུར་ཉིད་ཀྱིས་འཆད་དགོས་ཞེས་བཀའ་གནང་བས། དེའི་ཚུན་ནས་ཁོང་གིས་བླ་མ་དམ་པ་དེ་ཉིད་ཀྱི་བཀའ་དང་དུ་བླངས་ཤིང་སྤྱོད་འཇུག་འཆད་པ་ཉམས་ལེན་གྱི་སྙིང་པོ་ཡང་དེ་ལ་བྱེད་པས་སྤྱོད་འཇུག་བླ་མ་ཞེས་སུ་མཚན་ཐོགས། དམ་པ་དེ་ཉིད་ཀྱི་ཡང་སྤྲུལ་ཐུབ་བསྟན་འགྱུར་མེད་དགེ་ལེགས་རྣམ་རྒྱལ་ནི། ཆེས་ཆེན་དབོན་པོ་རྒྱལ་གྱི་གདུང་རིགས་ཡབ་ཚེ་རིང་དང་། ཡུམ་མཚམས་སྐྱིད་གཉིས་ཀྱི་སྲས་སུ་བོད་རབ་བྱུང་བཅོ་ལྔ་པའི་བགྲང་བྱ་སོ་དགུ་བ་ཤིང་སྤྱི་ལོ་༡༩༠༥ལོར་ངོ་མཆར་བའི་མཚན་ལྟས་བཟང་པོ་དང་བཅས་སྐུ་འཁྲུངས། ལབ་ལུང་མཁན་ཆེན་ཐུབ་བསྟན་འཇམ་དབྱངས་ཉི་མ་འཇིགས་མེད་རྣམ་རྒྱལ་གྱིས་བློ་བཟང་འགྱུར་མེད་དབྱངས་ཅན་དགའ་བའི་བློ་གྲོས་ཀྱི་ཡང་སྲིད་དུ་ངོས་[page 210] འཛིན་མཛད། རབ་ཏུ་བྱུང་སྟེ་མཚན་ཐུབ་བསྟན་འགྱུར་མེད་དགེ་ལེགས་རྣམ་རྒྱལ་ཞེས་སུ་གསོལ། ཁོང་ནི་སྐུ་ཆུང་དུས་ནས་སྙིང་རྗེ་དང་བྱམས་སེམས་ཀྱི་ཐུགས་རྒྱུད་བརླན་པ། གྲུབ་པའི་རྟགས་དང་རྗེ་བཙུན་སྒྲོལ་མ་སོགས་ལྷག་པའི་ལྷས་དངོས་སུ་ཞལ་གཟིགས་པ་སོགས་མང་དུ་མངའ། གཞོན་ནུའི་དུས་ནས་ཐུགས་བསྐྱེད་དང་སྨོན་ལམ་མཐུ་བཙན་པའི་དབང་གིས་དགོན་པ་འདིའི་ཐུགས་ཁུར་ཆེར་བཞེས་གནང་སྟེ་ཁྱད་པར་བྱ་བ་ལས་ཀྱི་འཁོར་ལོའི་ཐད་དམ་ཆོས་འདུལ་བའི་ཕྱག་བཞེས་གཞི་གསུམ་གྱི་ཕྱག་བཞེས་མི་ཉམས་གོང་འཕེལ་བྱས་ཤིང་རྒྱུད་སྡེ་གོང་འོག་གི་རྒྱུད་གྲྭ་དཀྱིལ་འཁོར་སྒྲུབ་མཆོད་ཕྱག་བཞེས་གསང་སྔགས་ཀྱི་དགོངས་དོན་དང་འགལ་མེད་མཛད་ཅིང་རྒྱལ་བ་བློ་བཟང་གྲགས་པའི་བསྟན་པ་ལ་བསྲེ་ལྷད་མ་ཞུགས་པའི་མདོ་སྔགས་ཟུང་འབྲེལ་གྱི་ཆོ་ག་ཚང་ཞིང་མ་ནོར་བ་བཙུགས། དམ་ཚིག་དང་སྡོམ་པ་ཚུལ་མིན་དུ་འགལ་བ་རྣམས་ཡོ་བསྲང་། ཡུལ་སྡེའི་ནང་དུ་ཡང་རྔོན་ཀུན་ཇག་གསུམ་དང་ཁྲམ་པ་གཡོ་སྒྱུའི་སྦྱོར་ཐབས་ནང་དམེ་སོགས་བྱེད་མི་ཆོག་པའི་དགེ་བཅུའི་ཁྲིམས་ཡིག་དར་དཀར་འཇམ་པོས་ཁོར་ཡུག་ཀུན་ཏུ་ཁྱབ་པར་བྱས། དགུང་ལོ་ཉི་ཤུའི་ཐོག་སེར་དགོན་ཐེག་ཆེན་དར་རྒྱས་གླིང་གི་ཆོས་སྒོར་ཞུགས། དགུང་ལོ་ཉི་ཤུ་རྩ་གསུམ་ཚུན་ལ་ཚད་མ་རྣམ་འགྲེལ་ཕར་ཕྱིན་ཟུར་བཀོད་དང་བཅས་པ་གསན་སྦྱོང་གྲུབ་པར་མཛད། ཞོར་དུ་སྒྲའི་རི་མོ་དང་སྙན་ངག་དག་ཡིག་སོགས་ལ་སྦྱོང་བརྩོན་མཛད་དེ་བོད་རབ་བྱུང་བཅུ་དྲུག་པའི་བགྲང་བྱ་གཉིས་པ་ས་འབྲུག་སྤྱི་ལོ་༡༩༢༨ལོར་དགུང་ལོ་ཉེར་བཞིའི་ཐོག་རང་དགོན་དུ་ཕེབས། འདུ་ཁང་སྔོན་མ་དེ་རྒྱ་ཆུང་བ་དང་བགྲེས་སྐྱོན་ཤིན་རུ་ཆེ་བར་སྣང་བས་རྨང་ནས་བསལ་ཏེ་སླར་ད་ལྟའི་གཙུག་ལག་ཁང་བདེ་ལྡན་རབ་འབར་སྣང་བ་ཞེས་ཆེ་ཆུང་ཀ་རིང་བརྒྱད། ཀ་ཐུང་བརྒྱ་དང་བརྒྱད་ཅུ་ལས་གྲུབ་པ་མཐོ་ཚད་ཁྲུ་བཞི་ཚད་ཙམ་པ་དང་བཅས་ཕྲ་རྒྱན་ཅན་གསར་བཞེངས་མཛད། འོག་ཁང་དུ་ཡང་རྒྱུ་ཟངས་གསེར་ལས་གྲུབ་པའི་ཆོས་ལོངས་སྤྲུལ་གསུམ་ཚེ་ལྷ་རྣམ་གསུམ་སོགས་གསེར་སྐུ་ཁྱོན་དགུ་དང་། བྲིས་ཆ་ལ་ཐུབ་པའི་སྐྱེས་རབས་ཙོང་ཁ་བརྒྱད་ཅུ། གྲུབ་ཆེན་བརྒྱད་ཅུ་སོགས་བླ་མ་ཡི་དམ་སངས་རྒྱས་བྱང་སེམས་ཀྱི་གསེར་ཐང་བརྒྱ་ཕྲག་ཁ་ཤས་གསེར་བཞེངས་མཇད་པ་རེད། གཞན་ཡང་གསེར་དངུལ་ལས་གྲུབ་པའི་དུང་ཆེན་རྐང་གླིང་སོགས་མཆོད་པའི་ཡོ་བྱད་གྲངས་ལས་འདས་པ་གསར་བསྐྲུན་མཛད་དེ་མཐར་རབ་བྱུང་བཅུ་དྲུག་པའི་བགྲང་བྱ་བཅུ་དྲུག་པ་ཆུ་རྟ་སྤྱི་ལོ་༡༩༤༢ལོར་གཟུགས་སྐུའི་བཀོད་པ་ཆོས་དབྱིངས་སུ་བསྡུས། འཕེལ་གདུང་ལ་མཉམ་མེད་ཙོང་ཁ་བ་མཁའ་འགྲོ་སེང་གདོང་མ། དབུ་ཐོད་ལ་དུང་དཀར་གཡས་འཁྱིལ་རིང་བསྲེལ་ཁ་དོག་སྣ་ཚོགས་པ་སོགས་སྐལ་ལྡན་དད་པའི་གསོས་སུ་སྨིན་ཡོད། སྤྱོད་སྤྲུལ་སྐུ་ཕྲེང་གསུམ་པ་ཐུབ་བསྟན་འབྱུང་གནས་ནི་ཡབ་རྒྱ་མཚོ་དང་ཡུམ་ཕྱུག་ལོ་གཉིས་ཀྱི་སྲས་སུ་བོད་རབ་བྱུང་བཅུ་དྲུག་པའི་བགྲང་བྱ་བཅུ་བདུན་པ་ཆུ་ལུག་སྤྱི་ལོ་༡༩༤༢ལོར་སྐུ་འཁྲུངས། ལབ་ལུང་མཁན་ཆེན་ཐུབ་བསྟན་འཇམ་དབྱངས་འཇིགས་མེད་རྣམ་རྒྱལ་གྱིས་སྤྱོད་སྤྲུལ་སྐུ་ཕྲེང་གསུམ་པར་ངོས་[page 211] འཛིན་མཛད། ཁོང་གི་དྲུང་ནས་རབ་ཏུ་བྱུང་ཞིང་དགེ་ཚུལ་གྱི་སྡོམ་པ་བཞེས། དགུང་ལོ་བརྒྱད་པའི་ཐོག་གསེར་ཁྲིར་མངའ་གསོལ། བོད་རབ་བྱུང་དྲུག་པའི་ཤིང་རྟ་ལོར་ལབ་ལུང་མཁན་ཆེན་པས་མཆོག་སྤྲུལ་ཐུབ་བསྟན་འབྱུང་གནས་འདི་ཉིད་དགུང་ལོ་ཆུང་བས། ཆེས་ཆེན་རྒྱལ་གྱི་གདུང་བརྒྱུད་སྤྲུལ་སྐུ་ཐུབ་བསྟན་རིག་འཛིན་ནས་ནམ་མཚན་གཞན་ཐུབ་བསྟན་ཆོས་འབྱོར་དཔལ་བཟང་པོ་འདི་ཉིད་ལ་དགོན་པའི་བསྟན་བདག་མཛད་དགོས་པའི་བཀའ་བསྐུལ་ངོར་ཁོང་གིས་ཐུགས་ཁུར་བཞེས་ན་ཡང་། ལོ་ལྔ་ཙམ་ལས་མ་འགོར་བར་ས་ཕག་ལོའི་དུས་ཟིང་ཆེན་པོ་ལ་སླེབས་པས་དགོན་པའིི་སྣོད་བཅུད་དང་བཅས་པ་རེ་ཞིག་མི་དམིགས་པའི་དབྱིངས་སུ་སྐུ་ངལ་གསོལ་བར་རྒྱས་བཏབ་པ་ནི་ཕལ་ཆེར་ཀུན་མཐུན་ལྟར་རོ།

སྐུ་གསུང་ཐུགས་རྟེན་དང་མཆོད་རྫས་ཅི་ཡོད་སྐོར་ནི། སྐུའི་རྟེན་གསེར་ཟངས་ལས་གྲུབ་པའི་རྒྱལ་ཚབ་བྱམས་པ་མགོན་པོའི་སྐུ་བརྙན་ངོ་མཚར་བ་བྱིན་རྟེན་དང་རིང་བསྲེལ་གྱིས་བྱུར་བུར་གཏམས་ཤིང་ཡེ་ཤེས་པ་མངོན་སུམ་དུ་བཞུགས་པའི་བྱིན་རླབས་ཅན་ཐུགས་ཀ་ན་ལབ་ལུང་མཁན་ཆེན་ཐུབ་བསྟན་འཇམ་དབྱངས་ཉི་མ་འཇིགས་མེད་རྣམས་རྒྱལ་དེ་ཉིད་ཀྱིས་ཕྱག་དམ་གནང་བ་ཐུབ་དབང་གནས་བརྟན་བཅུ་དྲུག་རྒྱལ་ཆེན་སྡེ་བཞི་དང་བཅས་པ་རང་གསལ་དུ་ཡོད་པ་དེ་དང་། དེ་མིན་ཚེ་ལྷ་རྣམ་གསུམ་ཆོས་ལོངས་སྤྲུལ་གསུམ་རྒྱལ་བ་ཙོང་ཁ་བ་སོགས་ཟངས་གསེར་ལས་གྲུབ་པའི་སྐུ་ཁྲུ་དོ་ཙམ་ཡོད་པ་དགུ་དང་། གསེར་སྐུ་ལི་མ་རྡོར་གདན་མ་གསུམ་སོགས་རབ་གཟི་ལས་གྲུབ་པ་དང་ལི་མ་གསེར་དངུལ་སྨན་འདམ་ཟངས་རག་ལས་གྲུབ་པ་དང་གཏེར་མ་སོགས་ཀྱི་སྐུ་བརྙན་ཆེ་བ་ཁྲུ་གང་ཙམ་ཆུང་བ་མཐེ་བོང་ཙམ་པ་ཁྱོན་སྟོང་ལ་ཉེ་བ་ཙམ་ཡོད། ཁྱད་པར་དུ་རྟེན་གྱི་གཙོ་བོ་རིན་ཐང་བྲལ་བ་སྤྱོད་འཇུག་བླ་མ་བློ་བཟང་འགྱུར་མེད་ཀྱི་ཐུགས་ལྗགས་སྤྱན་རས་གསུམ་དང་སྐུའི་ཆ་ཤས་ལས་རང་བྱོན་དུ་གྲུབ་པའི་དཔལ་འཁོར་ལོ་སྡོམ་པ་ཞལ་བཞི་ཕྱག་བཅུ་གཉིས་པ་དང་རྒྱལ་ཡུམ་ཨརྱ་ཏཱ་རེ། སྤྱོད་སྤྲུལ་སྐུ་འཕྲེང་གཉིས་པའི་ཐུགས་ལྗགས་སྤྱན་གསུམ་ལས་གྲབ་པའི་རྒྱལ་བ་ཙོང་ཁ་བ། སྐུ་སྟོད་ཀྱི་སྒལ་ཚིགས་ལས་མཁའ་འགྲོ་སེང་གདོང་མ། དབུ་ཐོད་ལ་དུང་དཀར་གཡས་འཁྱིལ་དང་དབྱངས་གསལ་རང་བྱོན་ཆོས་སྐུའི་རིང་བསྲེལ། དགེ་བཤེས་གླིང་ཁོའི་གདུང་རྟེན་རྡོ་རྗེ་འཇིགས་བྱེད་དཔའ་བོ་གཅིག་པ་རང་བྱོན་ཁྲུ་གང་བ་བཅས་དང་། ཆབ་མདོ་ལྕགས་ར་སྐུ་འཕྲེང་དྲུག་པའི་ཤངས་ཁྲག་ལས་བྲིས་པའི་རྒྱལ་ཆེན་གཙུག་ན་དཔལ་དགེའི་ཐང་ལ། གཉམ་མེད་ཐུབ་པའི་དབང་པོའི་གསེར་ཐང་མཐོང་བ་དོན་ལྡན་དེ་ལ་སངས་རྒྱས་འོད་སྲུང་དང་ཐུབ་པ་ཉིད་ཀྱི་རིང་བསྲེལ་གསུམ་མགྲིན་པ་སྨིན་ཚམས་ཐུགས་ཀ་ན་བཞུགས་ཡོད་པ་ཆེ་ཆུང་སྤྱི་ཁྲུ་བཅུ་ཙམ་པ་དང་། རྒྱལ་ཚབ་བྱམས་པ་མགོན་པོའི་གསེར་ཐང་སྤྱི་ཁྲུ་བཅུ་ལྷག་ཙམ་པ། བདེ་ཆེན་ཞིང་བཀོད་གསེར་ཐང་སྤྱི་ཁྲི་དྲུག་ཡོད་པ། དེ་མིན་སྐྱེས་རབས་སོ་བཞི་པ། ཙོང་ཁ་བརྒྱད་ཅུ། སྐྱེས་རབས་བརྒྱ་བ། རྗེ་འབངས་ཉེར་ལྔ་སོགས་ཐང་ཀ་རབ་གསེར་ཐ་མ་ཚོན་རྩི་ལས་བྱས་པའི་ཐང་ཀ་སྟོང་ལྷག་ཙམ་ཡོད། གསུམ་གི་རྟེན་ལ་[page 212] རྒྱལ་བའི་བཀའ་འགྱུར་ཆ་དྲུག་འགྱུར་ཆ་གཅིག་ཙོང་ཁ་བའི་གསུང་འབུམ་ཆ་གསུམ། བརྒྱད་སྟོང་པ་གསེར་བྲིས་ཚར་གསུམ། གཞན་ཡང་གསུང་རབ་སྣ་ཚོགས་པོ་ཏི་ཉིས་བརྒྱ་ལྷག་ཙམ་དང་པར་ཤིང་གྲངས་ལས་འདས་པ་ཡོད། ཐུགས་ཀྱི་རྟེན་ལ་བཀའ་གདམས་མཆོད་རྟེན་དང་གསེར་ཟངས་དངུལ་སོགས་ལས་གྲུབ་པའི་མཆོད་རྟེན་རིན་པོ་ཆེ་སྣ་ཚོགས་པའི་ཕྲ་རྒྱན་ཅན་ཆེ་བ་ཁྲུ་དོ་ལྷག་ཙམ་དང་ཆུང་བ་ཁྲུ་གང་ཙམ་ཡོད་པ་ཉི་ཤུ་ལྷག་ཡོད། མཆོད་ཆས་ཡོ་བྱད་ཀྱི་སྐོར་ལ་རོལ་མོ་འཛམ་གླིང་གཡས་བཞག་སྲིད་གསུམ་ཀུན་གྲགས་ཚངས་པའི་སྒྲ་དབྱངས་འབྲུག་སྒྲ་ཟིལ་གནོན་སོགས་རོལ་མོ་སིལ་ཆ་ལྔ་བཅུ་ཙམ། དྲིལ་བུ་ལ་རྒྱ་ཧོར་ཚ་ཉག་ལས་བྱུང་བ་སོགས་སྲིད་ན་དཀོན་པའི་རིགས་བདུན། མཚན་ལྡན་གྱི་ཌཱ་མ་རུ་བཅུ་དྲུག་ལྷག་སྤྲོད་དང་། རབ་བ་སོ་དང་ཙན་དན་འབྲིང་སེང་ལྡེང་སོགས་ལས་ཌཱ་མ་རུ་མང་ཙམ། འཕན་གདུགས་རྒྱལ་མཚན་བླ་བྲེ་སོགས་རབ་འབྲིང་ཐ་གསུམ་དང་གསེར་དངུལ་ཟངས་སྟོང་རག་ལས་གྲུབ་པའི་རྐང་གླིང་དུང་ཆེན་རྒྱ་གླིང་བུམ་པ་སྨན་ར་ཀ་སོགས་བཅུ་ཕྲག་ཁ་ཤས་ཡོད། སྤྱོད་སྤྲུལ་གོང་མའི་སྐུ་དུས་སུ་༡༨༥༠ལོར་ཉག་དུས་ལོག་ནས་སྡེ་རྣམས་མགོ་ལོག་ཏུ་སོང་བས་དགོན་པ་ལོ་ལྔ་ཙམ་ལ་སྟོང་སོང་༡༨༥༥ལོར་རྒྱལ་བསྟན་སླར་གསོའི་སྐབས་འབངས་སྡེ་རྣམས་རང་གཞིས་ཆགས་ཚེ་སྐུ་གསུང་ཐུགས་རྟེན་ལ་གོད་ཆག་ཅི་ཡང་མ་བྱུང་། དགོན་འདིའི་འགར་ཁུར་བ་རིམ་པ་ནི། བསྟན་བདག་ཁྲི་བ་མཁན་པོ་དབུ་མཛད། མཆོད་དཔོན་གཅིག མཆོད་གཡོག་བཞི། དགེ་སྐོས་ཞལ་ངོ་གཉིས། ཆབ་རིལ་རྒན་གཞོན་གཉིས། མགོན་བླ་གཉིས། ལྷ་གཉེར་བཞི། ཤེ་དཔོན་བཞི། ཤེ་དཔོན་གཉིས་སྐྱི་སོས་སྣ་རྫི་གཅིག་བཅས་དང་གཞན་ཡང་འགར་ཁུར་བ་འགའ་ཞིག་ཡོད།

དགོན་འདིའི་སྦྱིན་བདག་དང་འཚོ་བའོ་འབྱུང་ཁུངས་ལྷ་སྡེའི་ཆེ་ཆུང་ནི་སྔོན་རྫ་ཉིན་སྲིབ་གཉིས་ལ་དུད་ཁྱིམ་བདུན་བརྒྱ་ལྷག་དང་ད་ལྟ་ཤང་གཉིས་ལ་རུ་ཁག་བརྒྱད་མི་གྲངས་སུམ་སྟོང་དྲུག་བརྒྱ་ཅུ་ལྷག་ཡོད། དེ་དག་གི་དད་ལྡན་ཕོ་མོས་ཕུལ་བའི་ཡོན་རྣམས་གྲྭ་ཚང་སྤྱིའི་དུས་མཆོད་དང་འགྲོ་སོང་གི་རྟེན་དུ་འཇོག་པ་ཡིན།

དགོན་འདིའི་རྒྱ་ཆེ་ཆུང་སྐོར་རྒྱ་ཁྱོན་ལ་ཁྲུ་བཞི་སྟོང་བདུན་བརྒྱ་ལྷག་ཡོད་ལ། འདུ་ཁང་ཆེ་ཆུང་གཉིས། རུང་ཁང་གཅིག་གཉེར་ཁང་གཅིག་ཤེ་ཁང་གཅིག་འཁོར་ཁང་གཉིས་གཞན་བླ་བྲང་ཁག་གསུམ་དང་བླ་བྲན་ཁ་ཤས། གྲྭ་ཤག་སུམ་བརྒྱ་དགུ་ཅུ་ལྷག་དང་། གྲྭ་པའི་གྲངས་སྔོན་དགེ་ཚུལ་སློང་བཞི་བརྒྱ་ལྷག་དང་ཉུང་མཐར་ཡང་སུམ་བརྒྱ་བདུན་ཅུ་ཡས་མས་འཛོམས་མྱོང་བ་རེད།

དེང་གི་གནས་ཚུལ་ནི་སྤྱི་ལི་༡༩༨༤ལོར་ཆོས་སྒོ་སླར་ཕྱེས་ཏེ་བསྟན་པ་ཡང་དར་གྱི་དབུ་ཚུགས། སྤྱོད་སྤྲུལ་ཐུབ་བསྟན་འབྱུང་གནས་ཀྱིས་གཙོ་བོ་ཐུགས་ཁུར་བཞེས། གཞན་མཆོག་སྤྲུལ་ཐུབ་བསྟན་རིག་འཛིན་དང་མཆོག་སྤྲུལ་དར་རྒྱས་ཨ་སྒྲིག་སྤྲུལ་སྐུ་སོགས་ཞལག་བཞུགས་པ་རྣམས་ཀྱིས་བསྟན་པ་རིན་པོ་ཆེ་[page 213] ཕག་རིས་བཟང་པོས་སྐྱོང་བཞིན་དང་། གོང་རིམ་ནས་རོགས་དངུལ་ཡང་སྒོར་ཁྲི་གཉིས་ཙམ་ཐོབ། ད་ལྟ་ཉམས་གསོའི་ལྷ་ཁང་སྔོན་ཡོད་འདུ་ཁང་དང་རུང་ཁང་བཅས་ཡོད། རྟེན་གྱི་གཙོ་བོི་སྤྱོད་འཇུག་བླ་མ་སྐུ་འཕྲེང་རྣམས་ཀྱི་སྐུ་གདུང་རིང་བསྲེལ་རྣམས་དང་རྫོགས་ལྡན་དུས་འཁོར་གླིང་དུ་བྱམས་པའི་སྐུ་སྨན་འདམ་ལས་གྲུབ་པ་སྤྱི་ཁྲུ་དྲུག་ཅན་སོགས་ད་ལྟ་སྔོན་དང་བསྡུར་ན་སྤུས་ཀ་ཞན་ཡང་གྲངས་ནི་ཕལ་ཆེར་མཚུངས་ཙམ་ཡོད། བསྟན་པ་འཛིན་པའི་སྐྱེས་བུ་འཁོར་བཅས་ཀྱང་ཕྱི་སྡེ་སྣོད་གསུམ་གྱི་འཆད་ཉན་ནང་རྒྱུད་སྡེ་གོང་འོག་གི་དབང་ལུང་ཁྲིད་སྡོམ་དམ་ཚིག་བསྙེན་ཚད་སོགས་ཚུལ་བཞིན་དང་རིག་གནས་ཆེ་ཆུང་ཀུན་སྦྱོང་བརཙོན་བྱེད་བཞིན་གར་ཐིག་དབྱངས་ཀྱི་ཆོ་ག་སོགས་མྱུ་གུ་སྔར་ལས་ཆེར་འབུས་བཞིན་ྤའོ།།

རྒྱུན་འཚོགས་དུས་མཆོད་སྐོར། ཟླ་བ་རེ་རེ་བཞིན་བཅོ་ལྔ་གནང་སྟོང་སོགས་ལ་དུས་ཚིགས་གསོ་སྦྱོང་དང་། ཧོར་ཟླ་དང་པོའི་ཚེས་བརྒྱད་ནས་བཅུ་དྲུག་བར་ཆོ་འཕྲུལ་སྨོན་ལམ་ཆེན་མོ། ཚེས་བཅུ་བཞི་ལ་མཆོད་པ་ཚེས་ཚེས་བརྒྱད་ནས་བཅུ་དྲུག་བར་ཆོ་འཕྲུལ་སྨོན་ལམ་ཆེན་མོ། ཚེས་བཅུ་བཞི་ལ་མཆོད་པ་ཚེས་བཅོ་ལྔ་ལ་མཚན་མོ་དད་ལྡན་ཕོ་མོས་ཡོན་ཆབ་མར་མེ་སོགས་མཆོད་འབུལ་བྱེད། ཚེས་བཅུ་དྲུག་ཉིན་བྱམས་སྐུ་མཐོང་གྲོལ་ཆེན་མོ་གདན་འདྲེན། བྱམས་པའི་གསེར་ཐང་ཚོགས་པ་སྤྱི་ལ་མཇལ་ཁ་གནང་ཞིང་སེར་སྐཡ་མཆོག་དམན་ཀུན་ལ་ཆང་དང་དུ་བ་རྔོན་སོགས་མི་བྱེད་པའི་ཁས་ལེན་མནོད་དུ་འཇུག་པར་བྱེད། དཔྱིད་ཐོག་མའི་ཚེས་བཅུ་བདུན་ནས་དཔྱིད་འབྲིང་པོའི་ཚེས་བདུན་གྱི་བར་ཉིན་ཉི་ཤུ་ལ་དཔྱིད་ཆོས་ཆེན་མོ། དཔྱིད་འབྲིང་པོའི་ཚེས་ཉེར་དྲུག་བར་སྨན་བླ་དང་མཁའ་སྤྱོད་མའི་སྒྲུབ་མཆོད། དཔྱིད་ཐ་མའི་ཚེས་ཉེར་དྲུག་ནས་དབྱར་ར་བའི་ཚེས་བཅུ་གསུམ་བར་སྨྱུང་གནས། བཅུ་བཞི་ནས་བཅུ་བདུན་བར་སྒྲོལ་མ་ཙི་ཏཱ་མ་ནའི་དཀྱིལ་འཁོར་སྒྲུབ་མཆོད། བཅུ་དགུ་ནས་ཉེར་གཉིས་བར་གསང་བ་འདུས་པའི་སྒྲུབ་མཆོད། ཉེར་བཞི་ནས་ཉེར་བདུན་བར་དཔལ་འཁོར་ལོ་སྡོམ་པའི་སྒྲུབ་མཆོད། རབ་གནས་དང་སྦྲགས་མ། ཚེས་ཉེར་བརྒྱད་ནས་གནམ་སྟོང་བར་ཀུན་རིག་སྒྲུབ་མཆོད་ཉིན་གསུམ། དབྱར་འབྲིང་པོའི་ཚེས་དགུ་ནས་བཅུ་གཉིས་ཀྱི་བར་ཉི་ལྡོག་མཆོད། རབ་གནས་དགེ་ལེགས་རྒྱ་མཚོའི་ཆར་འབེབས་དང་སྦྲགས་མ་ཉིན་གསུམ། ཚེས་བཅུ་དྲུག་ནས་ཉེར་བཞིའི་བར་ཉིན་ཞག་བཅུ་དྲུག་ལ་མ་ཎི་བུམ་སྒྲུབ་འཚོགས། དེ་ནས་བླ་མ་ལས་སྣེ་རྣམས་རང་རང་གི་ཐོབ་དང་མཐུན་པའི་རྟ་སྒ་ཆས་དབུ་ཞྭ་ཏོག་སོགས་དང་གྲྭ་པ་བྱིངས་ནས་རྟ་ལ་སྒ་དམར་སྟན་དམར་སོགས་ཆས་འགྲིག་ལུས་འགྲིག་གིས་རྒྱབ་རི་ཁྱུང་བཙན་རི་མཐོ་ལ་བསང་དང་རླུང་རྟ་བསྒྲོན་དུ་འགྲོ་དགོས། ཚེས་ཉེར་དགུ་ནས་རྫ་ཉིན་སྲིབས་གཉིས་ཀྱི་སྡེ་བའི་ཐང་འཚོགས་ཉིན་བདུན་རིང་མགོན་ཆོས་སྐོར་བདུན་དང་སྟོང་མཆོད་སྐུ་རིམ་རྣམ་གསུམ་སོགས་གསུངས། ཉིན་རྗེས་མའི་ཉིན་ཡུལ་སྡེའི་རྒན་གཞོན་ཆེ་ཆུང་མེད་པ་འདུ་འཛོམས་བྱས་ཏེ་[page 214] གནས་བདག་གཞི་བདག་ལ་བསང་དང་རླུང་རྟ་བྱེད་ཅིང་རྟ་རྒྱུག་གི་རྩེད་མོ་སོགས་རྩེ་རིགས་སྣ་ཚོགས་བྱེད། དབྱར་ཐ་མའི་ཚེས་བཅུ་བཞི་ནས་སྟོན་ར་བའི་ཚེས་ཉེར་དགུའི་བར་ཉིན་ཞག་ཞེ་ལྔ་ལ་དབྱར་གནས། དགག་དབྱེ་མཛད་རྗེས་སུ་དབྱར་མཐོང་ཉིན་གསུམ་རིང་གནས་བདག་གཞི་བདག་གི་འཆམ་སོགས་རྩེད་འཇོའི་རིགས་སྣ་ཚོགས་བྱེད། སྟོན་འབྲིང་པོའི་ཚེས་བཅུ་གཉིས་ནས་བཅོ་ལྔའི་བར་བདེ་ཆེན་ཞིང་དབང་། ཚེས་ཉེར་གཅིག་ནས་སྟོན་ཐ་ཆུང་གི་ཚེས་བཅུའི་བར་ཉིན་ཉི་ཤུ་ལ་སྟོན་ཆོས། དགུན་ར་བའི་ཚེས་བཅུ་དགུ་ནས་ཉི་ཤུ་གཉིས་ཀྱི་བར་སྤྱོད་འཇུག་བཤད་ཁྲིད་དང་བཅས་པ་ཉིན་གསུམ། ཉེར་གསུམ་ཉེར་དྲུག་གི་བར་དགའ་ལྡན་ལྔ་མཆོད་ཆེན་མོ། དགུན་འབྲིང་པོའི་ཚེས་བཞི་ནས་ཉེར་ལྔའི་བར་དགུན་ཆོས། ཉེར་དྲུག་ནས་ཉེར་བརྒྱད་ཀྱི་བར་ཉིན་གསུམ་ལ་བཟང་སྤྱོད་ཆེན་པོ། དགུན་ཐ་མའི་ཉི་ཤུ་ནས་གནང་སྟོང་གི་བར་དྲུག་ཅུ་ལྕགས་མཁར་ཆེན་མོ་ལྷ་འཆམ་དང་བཅས་པ། གཞན་ཡང་དབྱར་གནས་ནང་དུ་དུས་མཆོད་རྣམ་སྲས་གཡང་སྒྲུབ་ཉིན་གཅིག་དང་། ཚེས་བརྒྱད་སྨན་བླ་ཉིན་གཉིས། མགོན་པོའི་གཏོར་ཆེན་ཉིན་གསུམ། སྨན་བླའི་མཆོད་པ་ཉིན་གཉིས། མི་འཁྲུགས་པའི་དཀྱིལ་འཁོར་སྒྲུབ་མཆོད་ཉིན་གསུམ། འཇིགས་བྱེད་ལྷ་བཅུ་གསུམ་མའི་དཀྱིལ་འཁོར་སྒྲུབ་ཆོས་སྒྲུབ་མཆོད་རྡུལ་ཚོན་ལ་བརྟེན་པ་ཉིན་བདུན་བཅས་ཉིན་བཅོ་བརྒྱད་ལ་འཚོགས་དགོས། བཤད་གྲྭའི་སྐོར་ནི་བསྡུས་ར་ཁག་གསུམ་དང་། དབུ་ཕར་འདུལ་མཛོད་ཀྱི་བཤད་གྲྭ་དང་རྩོད་གྲྭ་ཡོད། སླད་མར་གསོ་རིག་སྙན་ངག་དག་ཡིག་སོགས་སློབ་གཉེར་བྱེད་སའི་འཛིན་གྲྭ་ཞིག་འཛུགས་རྒྱུའི་འཆར་གཞི་ཡོད། དེ་ལྟར་ཡིག་རྙིང་སྐོར་དང་ངག་རྒྱུན་རྣམས་ཕྱོགས་གཅིག་ཏུ་བསྒྲིགས་པའོ།

ས་མིང་ཚིག་མཛོད་མིག་བཤར།

དགོན་པ་ཐོག་མར་ཕྱག་འདེབས་པ་པོ་ནི་བཻ་སེར་ལས་གསུངས་པ་བཞིན་ལོ་བརྒྱད་བརྒྱ་སྔོན་ནས་ཞིག་རལ་དུ་སོང་བའི་དགོན་རྙིང་ཞིག་ཡོད་པ་ཙམ་ལས་ལོ་རྒྱུས་ཁ་གསལ་མེད་པ་འདྲ། ཡིན་ན་ཡང་ཕྱིས་སུ་རབ་འབྱམས་པ་དགེ་འདུན་རྒྱལ་མཚན་གྱིས་ཞིག་གསོ་བགྱིས་པ་ནས་རྨ་མགྲིན་ཐུབ་བསྟན་བྱང་ཆུབ་གླིང་ཞེས་གསོལ་བ་ཡིན། དེ་ནས་བཟུང་དགོན་འདི་ཆགས་ནས་བགྲང་བྱ་ཉག་མ་དགུ་བརྒྱར་ཉེ་བའི་རིང་སྐྱེས་ཆེན་དམ་པ་རིམ་བྱོན་གྱིས་བཞེངས་པའི་རྟེན་དང་བརྟེན་པའི་གྲངས་སོགས་བཀོད་པ་འདིར་ཙམ་མོ་ཞེས་སྨྲ་མི་ནུས་ཀྱང་། སྐུ་ཉིད་ཀྱི་སྐུ་རིང་ལ་དངོས་སུ་བཞུགས་པའི་མཚན་ཐོ་ཙམ་འགོན་པར་བྱ་སྟེ། དེའང་སའི་རྒྱ་ཁྱོན་གཞུ་འདོམ་གྲུ་བཞི་མ་ཉིས་བརྒྱ་ཙམ་ཟིན་པ་ལ་གཙུག་ལག་ཁང་དང་བྱམས་ཁང་། བཀའ་འགྱུར་ལྷ་ཁང་། དབྱར་གནས་ལྷ་ཁང་། མགོན་ཁང་། ཆོས་ར་ལྷ་ཁང་བཅས་ཁྱོན་ལྷ་ཁང་ཆེ་བ་དྲུག་གྲྭ་ཤག་བདུན་ཅུ་དོན་གསུམ་བཅས་བཞུགས། དགེ་སློང་འདུལ་བ་འཛིན་པ་ལྔ་བཅུ་ཙམ་རེ་དབྱར་[page 215] གནས་ལ་བཞུགས། གྲྭ་གྲངས་བརྒྱད་བཅུ་ཙམ་རྒྱུན་དུ་ཡོད་ཅེས་བཀོད་ཡོད་པས་མང་དུས་བླ་གྲྭ་ཚང་མ་བརྒྱ་དང་བཅུ་གསུམ་ཙམ་རེ་བཞུགས་པ་ཡིན་ནོ། མཆོད་པའི་ཡོ་བྱད་སོགས་ནི་འཁར་རྔ་སྒྲ་ཐོས་པ་ཙམ་གྱིས་ངན་སོང་ཀུན་འཇོམས་སོགས་དང་རྒྱ་གླིང་གསེར་དངུལ་ཟངས་རག་གི་རྒྱུ་ལས་བྱས་པ་ཆ་བརྒྱད། དུང་ཆ་གསུམ་སོགས་གསེར་དངུལ་ཟངས་རག་གི་རྒྱུ་ལས་བྱས་པའི་གཟི་དང་བྱུ་རི་གཡུ་སྤོས་ཤེལ་སོགས་ཀྱི་ཕྲ་དང་ལྡན་པའི་མཆོད་ཆས་དང་གཏོར་ཆས་འཕན་གདུགས་ཡོ་བྱད་བཅས་རིན་ཐང་དང་ལྡན་པ་སྒྲུབ་སྡེ་སོ་སོར་བརྗེ་ལེན་བྱ་ཆོག་པ་བཞུགས། འཆམ་གོས་མཁའ་འགྲོ་སྤྲིན་འཐག་བཅུ་གསུམ་ཆུ་བྲག་ཅན་བཞི་བཅུ་སྣ་ཚོགས་ཅན་བདུན་ཅུ་དོན་ལྔ་ཁྱོན་འཆམ་གོས་བརྒྱ་དང་ཉེར་བརྒྱད་ཙམ་ཞྭ་ནག་བཅུ་གསུམ་རྩེ་ཁྲ་ཟངས་གསེར་ལས་གྲུབ་པ། ཐོད་རྐམ་དངུལ་ལས་གྲུབ་པ་ཆ་ཉི་ཤུ་རྩ་དྲུག་གསེར་འབག་དངུལ་འབག་ཤོག་འདམ་གྱི་འབག་བཅས་ཁྱོན་ལྔ་བཅུ་ལྷག་ཙམ་གྱི་འཆམ་ཆས་བཅས་ཀྱང་བཞུགས་སོ།།

སྒྲུབ་མཆོད་གསར་དུ་ཚུགས་པ་ནས་རིམ་གྱིས་འཕེལ་རྒྱས་ཕྱིན་ཚུལ་དགེ་འདུན་རྒྱལ་མཚན་གྱིས་སྐུ་རིང་ཙམ་ལ་གཏན་འཇགས་སུ་གྱུར་ཟིན་པའི་དུས་མཆོད་རགས་རིམ་ཞིག་བཀོད་ན། བོད་ཟླ་དང་པོའི་ཚེས་ལྔ་ནས་ཉིན་བཅུ་གཅིག་ལ་སྨོན་ལམ་ཆེན་མོ། ཚེས་བཅུ་དྲུག་ནས་ཉིན་བརྒྱད་ལ་བཟང་སྤྱོད་ཆེན་མོ། ཚེས་ཉེར་བཞི་ནས་ཉིན་བདུན་ལ་མ་ཎི། བོད་ཟླ་གཉིས་པའི་ཚེས་བཅུ་གསུམ་ནས་ཉིན་བདུན་ལ་ཀུན་རིག་བདག་འཇུག་ཚེས་ཉི་ཤུ་ནས་ཉིན་ལྔ་ལ་སྤྱི་རིམ། བོད་ཟླ་གསུམ་པའི་ཚེས་བཅུ་གསུམ་ནས་ཉིན་བདུན་ལ་འཇིགས་བྱེད་བདག་འཇུག བོད་ཟླ་བཞི་པའི་ཚེས་བཅུ་བཞི་ནས་ཉིན་བཅུ་བདུན་ལ་རྨྱུང་གནས། བོད་ཟླ་ལྔ་བའི་ཚེས་བཅུ་གསུམ་ནས་ཉིན་བདུན་ལ་བདེ་མཆོག བོད་ཟླ་དྲུག་པའི་ཚེས་གཅིག་ནས་ཉིན་བཅུ་ལ་རི་བསྟོད་དང་རི་ཁྲུས། ཚེས་བཅུ་གསུམ་ནས་ཟླ་བ་གཉིས་ལ་དབྱར་གནས། བོད་ཟླ་དགུ་པའི་ཚེས་ཉེར་གཉིས་ནས་ཉིན་ལྔ་ལ་སྟོན་པ་ལྷ་ལས་བབས་པའི་དུས་ཆེན། བོད་ཟླ་བཅུ་པའི་ཚེས་བཅོ་ལྔ་ནས་གྲྭ་ཇ། ཚེས་ཉེར་ལྔ་ནས་དགའ་ལྡན་ལྔ་མཆོད་ཉིན་གཉིས་དང་དགུ་ཆུང་ཉིན་གཉིས། བོད་ཟླ་བཅུ་གཅིག་པའི་ཚེས་བཅུ་གསུམ་ནས་ཉིན་བདུན་ལ་གསང་འདུས། ཚེས་ཉི་ཤུ་ནས་ཉིན་ལྔ་ལ་སྨན་བླ། བོད་ཟླ་བཅུ་གཉིས་པའི་ཚེས་བཅུ་དྲུག་ནས་ཉིན་བཅུ་དྲུག་ལ་དགུ་ཆེན། ཚེས་བདུན་བརྒྱད་དགུ་གསུམ་ལ་འཆམ་སྣ་གྲངས་བཅུ་གསུམ་ཙམ། གཞན་ཡང་རྔ་རྒྱ་གླིང་སིལ་རོལ་དུང་རགས་བཅས་པ་འཚོགས་རྒྱུ་མཆིས་སོ། དེ་དག་གིས་སྒྲུབ་རྟེན་ནི་ཞིང་མུའུ་ཉེར་བདུན་ལྷག་ཙམ་དང་འབྲི་མཛོ་དྲུག་བཅུ་ཙམ་ལོ་རེ་ལ་སྤྱི་སྲོལ་བཙུགས། དགོན་པའི་སྒོ་ཕྱུགས་འབྲི་མཛོ་བདུན་བཅུ་ཙམ་དེ་དག་དགེ་འདུན་རྣམས་ཀྱི་སྒྲུབ་རྟེན་ཚུགས། སྔ་རབས་པའི་བཤད་སྲོལ་ལ་དགོན་འདིའི་ཆོས་རྒྱུད་ཀྱི་འབྲེལ་བ་ནི། ར་ཤུས་གླིང་ཤིས་དགོན་ནི་བུ་དགོན། ཐུབ་བསྟན་བྱང་ཆུབ་གླིང་ནི་ཕ་དགོན། འདན་ཆོས་འཁོར་དགོན་ནི་མ་དགོན་ཡིན་ཟེར་སྲོལ་ཡོད། དེ་ལྟར་ཐུབ་བསྟན་བྱང་ཆུབ་གླིང་གི་བཤད་སྒྲུབ་ལས་གསུམ་གྱི་རྒྱལ་བསྟན་སྐྱངས་ཚུལ་ནི་སྐྱེ་དགུ་བསོད་ནམས་དམན་པས་བསྟན་པའི་ཉི་མ་ནུབ་ལ་ཉེ་བ་ལས་དམངས་གཙོ་དང་བཞི་རྒོལ་སྐབས་སུ་བོད་ཁམས་དགོན་སྡེ་[page 216] བཤད་སྒྲུབ་ཀྱི་རྣམ་པ་ཐམས་ཅད་སྟོང་སྟེ་རྟེན་དང་བརྟེན་པ་ཐམས་ཅད་དང་གཙུག་ལག་ཁང་དང་གྲྭ་ཤག་བཅས་པ་ས་ཕུང་ཙམ་ལས་མེད་པར་གྱུར། དེང་ཆོས་སྡན་བོད་འབངས་ཀྱི་དད་པའི་རང་དབང་སྤྲིན་གསེར་ཀྱི་ཉི་མ་སྟོན་པས་སྔར་གྱི་མཁན་སྤྲུལ་རྣམས་མི་བཞུགས་ཀྱང་སྔོན་གྱི་ཐུགས་སྐྱེད་བཟང་པོ་དུས་སུ་སྨིན་པས་ད་ལྟར་བསྟན་པའི་སྒྲོན་མེ་འཇིགས་བྲལ་བློ་བཟང་ཀུན་དགའ་བསོད་ནམས་བཞུགས་ཡོད་པས་རྒྱལ་བསྟན་ཉམས་གསོ་ཆོག་པའི་སྐབས་སླར་གསོ་ཕྲིན་ལས་དབུ་བཙུགས་ཏེ་གཙུག་ལག་ཁང་གསུམ་ཙམ། གྲྭ་ཤག་སུམ་ཅུ་ཙམ་དང་བཀའ་འགྱུར་དང་བསྟན་འགྱུར་ཚར་གསུམ། སྐུ་གསུང་ཐུགས་རྟེན་རྙིང་པ་ཐུབ་པ་གླང་དར་ཁྲིམས་ཕོག་གཙོ་ལ་བྱས་པ་བཅུ་གསུམ་ཙམ་ལས་ལྷག་མེད། དགོན་པ་འདི་ཉིད་ཀྱི་ཆོས་སྡེ་ནི་རྨ་མགྲིན་དང་འཕྲང་འགོ་གཉིས་ཡིན། དགེ་འདུན་སུམ་བཅུ་སོ་ལྔ་ཙམ་ཡོད་པའི་དེ་དག་གིས་སྔར་སྲོལ་དུས་མཆོད་འཆམ་དང་བཅས་རྨང་གཞི་ཙམ་ཚུགས་ཡོད། སྒྲུབ་མཆོད་ཀྱི་སྤྱི་བའི་རྟེན་དང་གྲྭ་བའི་འཚོ་བའི་འབྱུང་ཁུངས་ནི་དགོན་པའི་རང་ཁ་རང་གསོ་ཡིན། ཞེས་པ་འདི་དག་སྔོན་གྱི་ངག་རྒྱུན་ལྟར་བྲིས་སོ།

ས་མིང་ཚིག་མཛོད་མིག་བཤར།

དེང་སི་ཁྲོན་ཞིང་ཆེན་དཀར་མཛེས་བོད་རིགས་རང་སྐྱོང་ཁུལ་སེར་ཤུལ་རྫོང་། ཀ་བཞི་ཤང་། ཀ་བཞི་ཡུལ་ཚོའི་ཁོངས་སུ་གཏོགས་པ། ཀ་བཞི་ཞེས་པའི་དོན་ནི་གཉིས་ཏེ། གཅིག་ནི་བོད་སིལ་བུའི་སྐབས་སུ་ཀ་བཞི་དཔོན་པོ་ལྷུན་གྲུབ་ཀྱི་སྡེ་རིས་སུ་གཏོགས་པས་རུ་སྡེ་ཡོངས་ཀྱི་མིང་ལ་ཀ་བཞི་བྱ། དེའི་དགོན་པ་ཡིན་ཕྱིར་ཀ་བཞི་ཟེར་ལ། གཉིས་ནི་རྒྱལ་དབང་བསོད་ནམས་རྒྱ་མཚོའི་ལུང་བསྟན་ལྟར་ཐོག་མར་འདུ་ཁང་ཀ་རིང་བཞི་ཅན་ཞིག་བཞེངས་པ་ལ་གཞི་བྱས་ཏེ་དགོན་པ་འདི་ཆགས་པས་དེ་ཡིས་ཀྱང་ཀ་བཞི་ཟེར། དགོན་འདི་ཇི་ལྟར་བྱུང་བའི་ལོ་རྒྱུས་ནི། སྔོན་འཇམ་མགོན་བླ་མ་ཙོང་ཁ་པ་ཆེན་པོའི་དངོས་སློབ། དགའ་ལྡན་ཁྲི་བཞི་ཞྭ་ལུ་བ་ལེགས་པ་རྒྱལ་མཚན་(བོད་རབ་བྱུང་དྲུག་པའི་ཤིང་ཡོས་སྤྱི་ལོ་༡༣༧༥ལོར་འཁྲུངས་ཤིང་རབ་བྱུང་བརྒྱད་པའི་ལྕགས་རྟ་སྤྱི་ལོ་༡༤༥༠ལོར་འདས)ལ་རྗེ་ཉིད་ཀྱི་ལུང་བསྟན་པ་ལྟར་ཁམས་སུ་ཕེབས་ནས་ལྡན་ཀ་ཆོས་གཉིས་ཕྱག་བཏབ་པར་གྲགས་ལ། 《དགའ་ལྡན་ཆོས་འབྱུང་བཻཌཱུརྱ་སེར་པོ》ལས། “འཇམ་པའི་དབྱངས་བཀྲ་ཤིས་དཔལ་ལྡན་པ་དང་ཞྭ་ལུ་བ་ལེགས་པ་རྒྱལ་མཚན་སོགས་ཀྱི་གསུང་ལས་སྐྱེས་པ་གཞུང་ལུགས་རབ་འབྱམས་ལ་མི་འཇིགས་པའི་སྤོབས་པ་མཆོག་ཏུ་དགེ་བ་ཉག་རོང་རྡོ་རྗེ་རྒྱལ་མཚན་གྱིས་བཏབ། ”ཅེས་དང་། 《དཔལ་ལྡན་ཆོས་སྐྱོང་རྟོགས་བརྗོད》ལས། “གྲུབཐོབ་ཉག་སེས་བཏབ་ནས་རྒྱལ་དབང་བསོད་ནམས་རྒྱ་མཚོས་བསྐྲུན་པའི་རྟེན་གཏོར་བཞུགས་ངེས་པའི་ཆོས་གྲྭ་ཆེན་པོ”ཞེས་ཀྱང་གསུངས། རྗེའི་སློབ་མ་དར་ཆེན་དྲུག་གི་ཡ་གྱལ་ལྡན་མ་མཁན་ཆེན་ཡོན་ཏན་དཔལ་གྱིས་ཆོས་རྒྱུན་ལེགས་པར་སྤེལ་ཏེ་བསྟན་པ་ཤིན་ཏུ་རྒྱས་པར་མཛད། རྒྱལ་དབང་སྐུ་ཕྲེང་གསུམ་པ་བསོད་ནམས་རྒྱ་[page 217] མཚོ་མཆོག་ལྡན་ཆོས་འཁོར་དགོན་དུ་ཕེབས་སྐབས། བྱང་འཕྲུ་དམར་རྒྱལ་བོའི་གདུང་རིགས། ཤར་རྨ་ཆེན་སྤོམ་རའི་འཕྲུལ་སྲས། ཀ་བཞི་དཔོན་ཇོ་རོག་གིས་གོང་ས་མཆོག་གི་བཀའ་བློན་མཛད་པ་ལ། རྒྱལ་དབང་ཉིད་ནས་བཀའ་ཤེར་བུམ་སོགས་གནང་ནས། ཁོང་གིས། ཁྱེད་ཤར་རྨ་ཆེན་སྤོམ་རའི་བླ་བུ་ཡིན་པས་བྱང་རྫ་རྒྱལ་ཞེས་པའི་ས་ཕྱོགས་དེར་སོང་ན་ཆོས་སྲིད་གཉིས་ཀ་དར་ཞིང་རྒྱས་པ་ཞིག་ཡོང་གསུངས་ནས། བྱང་དུ་འགྲོ་དགོས་པའི་བཀའ་དང་། རྟེན་གྱི་གཙོ་བོར་རྗེ་དགེ་ལེགས་མའི་སྐུ་དང་། ཉིད་ཀྱི་ཤངས་ཁྲག་གིས་བྲིས་པའི་དཔལ་ལྡན་དམག་ཟོར་རྒྱལ་མོའི་ཞལ་ཐང་། ཙན་དན་ལས་གྲུབ་པའི་རྡོ་རྗེ་དྲག་ལྡན་གྱི་སྐུ། ཉིད་ཀྱིས་ཕྱག་ནས་མཛད་པའི་རྒྱལ་པོ་དྲག་ལྡན་གྱི་ཞལ་ཐང་། ཆོས་རྒྱལ་ཞལ་ཐང་། མགོན་པོ་དང་ཆོས་རྒྱལ་གྱི་དར་ནག་སོགས། རྟེན་གསུམ། མཆོད་ཆས། ཆོས་སྐྱོང་གི་སྤྱན་གཟིགས། ལྡན་ཆོས་འཁོར་དགོན་ནས་བླ་མ། གྲྭ་ཚང་བཅས་འདྲ་གཉིས་སུ་བགོས་ཏེ་བྱང་དུ་བཏང་། དུས་ནི་རྒྱལ་དབང་མཆོག་དགུང་ལོ་སོ་དྲུག་བཞེས་པ་རབ་བྱུང་བཅུ་པའི་ས་སྟག་(སྤྱི་ལོ་༡༥༧༨)ལ་ཨ་མདོར་ཕེབས་པའི་སྐབས་འདི་ཙམ་ན་ཨེ་ཡིན་སྙམ་ནའང་ཁ་ཚོན་བཅོད་པའི་སྤོབས་པ་མེད་དོ། ཀ་བཞི་དཔོན་ཇོ་རོག་དང་ཨ་ཕོ་ཚང་བས་དུད་ཚང་བདུན་བྱང་རྫ་རྒྱལ་རྡོ་རྗེ་འཕེན་ཕྱུག་གི་གཡོན་ངོས་སུ་སླེབས་ཏེ་གནས་གཞི་ཆགས་པའི་རྨ་རང་དུད་བདུན་མ་ཞེས་གྲགས་ཤིང་། དགོན་པའང་སྦྲ་དགོན་མཛད་ནས་དེར་ལོ་འགའ་དང་། གྱུ་གྱུ། རྭ་མཆོག མདུན་ལུང་། བ་བོར། འོམ་བུ། ཡག་གཞུང་སོགས་ལའང་ལོ་འགའ་བཞུགས། དེ་སྐབས་བླ་གྲྭ་མང་དུ་འཕེལ་བ་ཐང་ཆེན་རབ་འབྱམས་པས་དབུ་བླ་མཛད་དེ་དགོན་ལུང་འོམ་བུ དུ་དགོན་ས་བཏབ་པས་འདུ་ཁང་དང་གྲྭ་ཤག་མང་དུ་བཞེངས། ད་ལྟ་དགོན་ཤུལ་གྱི་གྱང་རལ་དང་མ་ཎིའི་རྡོ་སྤུངས་ཆེན་པོ་ཡོད། ཆོས་རྗེ་ངག་དབང་ལྷུན་གྲུབ་རྒྱ་མཚོ་དེར་ཕེབས་ཏེ་གནས་བདག་ལ་བསང་མཆོད་དང་། བཀའ་བསྒོ་མཛད་ཅིང་དགོན་སྡེ་གཉིས་ལ་མཐུན་རྐྱེན་བཀའ་དྲིན་བསྩལ། དེ་ཕྱིན་གྲྭ་ས་ལ་ཕེབས་ཏེ་ཐོས་བསམ་སྒོམ་གསུམ་དང་གདན་ས་གསུམ་ནས་དགེ་བཤེས་ཀྱི་མཚན་རྟགས་བཞེས་པ་བཅུ་ཕྲག་ལྷག་བྱུང་བས་ཀ་བཞིའི་རྒྱལ་མཚན་བཅུ་གསུམ་ཞེས་ཡོངས་སུ་གྲགས། དཔོན་ཇོ་རོག་གི་རྒྱུད་ལ་ཕྱིས་བོད་ཐོབ་དང་། རྒྱ་ཐོབ། སོག་ཐོབ་གསུམ། སྡེ་དགེའི་མངའ་འོག་ཏུ་གཏོགས་པའི་ཟུར་ཐོབ་བཅས་ཐོབ་མིང་བཞི་ཡོད་ཀྱང་། ཆོས་འཁོར་དགོན་སོགས་ཀྱང་ཀ་བཞིའི་དཔོན་གྱི་བདག་སྐྱོང་གནང་ཏེ། ངོར་མཁན་ཆེན་དཔལ་ཆོས་སྐྱོང་རབ་བྱུང་བཅུ་གསུམ་པའི་ས་སྦྲུལ་(སྤྱི་༡༧༤༩)ལོར་ཆོས་སྡེ་བསམ་གྲུབ་དགོན་དུ་ཕེབས་སྐབས་《རྟོགས་བརྗོད》ལས། “ཁྱད་པར་ཆོས་སྡེ་གཙུག་ལག་ཁང་དེ་བགྲེས་ཆེ་བ་དང་སྟེང་ཁང་ཀ་བཞི་དཔོན་གྱི་གཟིམས་ཁང་ཡིན་སྟབས། བསམ་པ་མི་མཐུན་པའི་སོ་སོར་ཁག་གི་བྱ་བྱེད་དཀའ་འདུག་པས། ངེད་རང་གིས་དམ་ཅན་སྲུང་མར་འཕྲིན་ལས་བཅོལ་ནས་གསར་དུ་བསྐྲུན་ན་མཐར་ཕྱིན་མི་ཕྱིན། གེཊ་དང་བར་བཅོད་བླ་མ་དགོན་སྡེ་བཅས་དང་ཁྱད་པར་དུ་ཀ་བཞིའི་དཔོན་ཁག་སོགས་ལ་ཡོད་མེད་ཞིབ་ཏུ་བརྟགས་པར། བསམ་དོན་ཐམས་ཅད་ལྷུན་གྱིས་འགྲུབ་པ་དང་། བཀྲ་ཤིས་བདེ་ལེགས་རྒྱ་ཆེན་པོ་འབྱུང་[page 218] བའི་ལུང་གསལ་བོར་ཕེབས་དོན་ལྟར། གེཊ་སེལ་གྱི་རིམ་གྲོ་དང་། ཁྱད་པར་ཀ་བཞི་དཔོན་ཁག་ལ་ངེད་རང་གིས་ཁེ་དང་རྒྱལ་ཁ་མི་ལ་ཐོངས་གསུངས་པ་ལྟར། ངེད་རང་དང་བླ་དགོན་ཐམས་ཅད་ཀྱིས་རྣམས་གྲངས་བཟང་བ་རྟ་མཛོ་བཅས་དགུ་ཚན་གསུམ་དང་། ཁང་ཚབ་སྔར་དཔོན་པོའི་སྒར་གྱི་ཁང་བ་ཕྱག་འདུད་སོགས་བཟབ་པར་ཕུལ། ཕོ་བྲང་དེའི་ནང་ན་ཀ་བཞི་དཔོན་ཇོ་རོག་ཐུ་ཨ་ནི་རྒན་མོའི་རུས་པ་རྩིས་གཞུང་ལྟར་བཞག་འདུག་པ་མཐོང་ནས་བསྔོ་སྨོན་སོགས་བགྱིས་ནས་རི་མགོ་མཐོ་པོའི་སའི་སྤེལ་ལེགས་པ་ཞིག་ཏུ་སྤོར་བཅུག་ཀྱང་། ཀ་བཞིའི་དཔོན་ཁག་གི་ཡབ་སྲས་རྣམས་ལ་ཉེས་སྐྱོན་མི་འོང་བའི་ཁག་ཁུར་ལྟ་བུས་ཐམས་ཅད་བདེ་འཇགས་ཀྱིས་རྗེས་སུ་ཡི་རངས་བྱས། ”གསུངས། འདིའི་བར་རྒྱལ་བ་བསོད་ནམས་རྒྱ་མཚོ་ནས་བཟུང་རྒྱལ་དབང་སྐུ་ཕྲེང་རིམ་བྱོན་རྣམས་ཀྱི་དགོན་བདག་མཛད་ནས་ཐུགས་བཞེས་རྒྱ་ཆེར་མཛད། ཡིན་ནའང་ས་ཁུག་པོ་དང་ལམ་ཐག་རིང་བའི་སྟབས་ཀྱིས་ཆིབས་བསྒྱུར་གནང་མ་ཐུབ། ཕྱིས་སུ་ཆབ་མདོའི་ལྕགས་ར་ངག་དབང་འཕྲིན་ལས་སེར་ཤུལ་དགོན་པའི་དབུ་བླར་ཕེབས་ཤིང་། དེ་ནས་ཀ་བཞིའི་དབུ་བླ་གནང་སྟེ་དཔལ་གསང་བ་འདུས་པའི་བླ་བརྒྱུད་ཁ་སྐོང་སོགས་བརྩམས། ཆོས་ཁྲིམས་དག་ཐེར་དང་ཐུགས་ཁུར་ཟབ་མོ་གནང་བས་བཅའ་ཡིག་སེར་ཁོ་མ་ཞེས་གོས་སེར་ཁ་བཞི་ཙམ་གྱི་སྟེང་དུ་འབྲུ་ཚས་བྲིས་པའི་བཅའ་ཡིག་ཐམ་ཀ་དང་བཅས་པ། སྐུ་རྟེན་དུ་མིང་རྒྱལ་རབས་ཀྱི་གོང་མ་ཞུན་ཏི་སྐབས་སུ་བཟོས་པའི་ལི་ནག་ལས་གྲུབ་པའི་སྟོན་པའི་སྐུ་མཐོ་ཚད་ཅན་བྱིན་རླབས་ཀྱི་ཚན་ཁ་འབར་བ་སོགས་གནང་བ་དང་། བསྟན་པ་ཡུན་རིང་བསྐྱངས་ཏེ་དགོན་པའི་མཚན་ཡང་རྨད་བྱུང་དགའ་ལྡན་བྱང་ཆུབ་ཆོས་འཕེལ་གླིང་ཞེས་གསོལ། དཔོན་ཇོ་རོག་འདས་རྗེས་དཔོན་ཨ་བསམ་ཞེས་པ་ཞིག་དཔོན་ཐོབ་ལ་ཡོད་སྐབས། དཔོན་བློན་ནང་འགལ་གྱི་འཁྲུགས་ཟིང་ཅུང་བྱུང་བ་ལ་བརྟེན་ནས་དགོན་པའང་གྱུ་གྱུ་མཛོ་ལུང་དུ་སྤོས། ཐོག་མར་སྦྲ་དགོན་དང་དེ་ནས་འདུ་ཁང་དང་གྲྭ་ཤག་ཀྱང་བཞེངས་ཏེ་བཞུགས་སྐབས། དགེ་བཤེས་རྒྱལ་མཚན་ཐོགས་མེད་དང་བླ་མ་མཁས་མཆོག་རྣམ་གཉིས་སྐུ་ན་ཕྲ་མོ་ཡིན་པས་དབྱར་གནས་མཁན་པོ་ངག་དབང་ལྷུན་གྲུབ་ཀྱིས་དགོན་བདག་གནང་སྟེ་དབྱར་གནས་པ་སོགས་རྒྱལ་བསྟན་ཡུན་རིང་བསྐྱངས། དེ་རྗེས་ལབ་སྐྱབས་མགོན་དབང་ཆེན་དགྱེས་རབ་རྡོ་རྗེ། འཇམ་དབང་བློ་བཟང་རྒྱ་མཚོ། འཇིགས་མེད་འཕྲིན་ལས་བསྟན་འཛིན་རྒྱ་མཚོ་སོགས་སྐུ་ཕྲེང་གསུམ་གྱིས་བདག་བསྐྱངས་གནང་སྟེ་ཐུགས་ཁུར་རྒྱ་ཆེན་མཛད། བླ་མ་མཁས་མཆོག་དགུང་ལོ་སུམ་ཅུ་ཙམ་ལོན་པ་རབ་བྱུང་བཞི་བའི་ཤིང་བྱི་(སྤྱི་ལོ་༡༨༦༤)ལོར། ཉག་རོང་མགོན་པོ་རྣམ་རྒྱལ་གྱིས་དགོན་སྡེ་རྣམས་ཉག་ཁོག་ཏུ་བཙན་ཤེད་ཀྱིས་དེད། དེའི་དགོན་ཤུལ་གྱི་གྱང་རལ་ད་ལྟ་མཇལ་རྒྱུ་ཡོད། མགོན་པོ་རྣམ་རྒྱལ་རང་ལོ་རེ་བདུན་པའི་ཤིང་གླང་(སྤྱི་ལོ་༡༨༦༥)ལོར་ལྔ་ལམ་དུ་གྱུར་པས་སྡེ་དགོན་རྣམས་ཡར་འཁོར་ཏེ་ད་ལྟའི་དགོན་གནས་འདིར་སྦྲ་དགོན་མཛད་ནས་བཞུགས། དེ་ལྟར་རྒྱལ་དབང་བསོད་ནམས་རྒྱ་མཚོས་ལུང་བསྟན་པའི་གནས་སུ་རྟེན་འབྲེལ་གྱི་དབང་གིས་རེ་ཞིག་ཆགས་མ་ཐུབ་པར། ཆོས་ལུང་དང་། གྱུ་གྱུ་སོགས་སུ་གནས་སྤོར་ནས་བཞུགས་དགོས་བྱུང་། དེ་[page 219] སྐབས་ཆབ་མདོའི་ལྕགས་ར་ངག་དབང་དཔལ་ལྡན་རྒྱ་མཚོ་ཕེབས་ཏེ་གོང་ས་མཆོག་གིས་ལུང་བསྟན་པའི་འདུ་ཁང་ཀ་རིང་བཞི་ཅན་བཞེངས་དགོས་ཚུལ་གྱི་ཞལ་བཀོད་ཞིབ་རྒྱས་དང་། འདུལ་ཁྲིམས་དག་ཐེར་གྱིས་བསྟན་པ་སྐྱོང་ཚུལ། རྟེན་གྱི་སྐུ་རྟེན་དུ་མིང་རྒྱལ་རབས་ཀྱི་གོང་མ་ཡུང་ལོའི སྐབས་སུ་བཟོས་པས་སྒྲོལ་མའི་སྐུ་བྱིན་རླབས་ཁྱད་དུ་འཕགས་པ་མཐོ་ཚད་ལས་ལྷག་ཙམ་བཅས་གནང་ནས་མཁན་ཤུལ་མཁན་པོ་མཁན་ཁྲི་ལ་མངའ་གསོལ། འདིའི་ཡན་གྱི་མཁན་རབས་རྣམས་དགེ་བཤེས་རྒྱལ་མཚན་བཅུ་གསུམ་ཞེས་པའི་མཚན་རྟགས་བཞེས་པ་སོགས་མང་དུ་མཆིས་ཀྱང་། འདི་གའི་ཆོས་འབྱུང་དེབ་ཐེར་ལ་དུས་ཀྱི་འཕོ་འགྱུར་གྱི་མི་འདོད་པའི་བར་གེགས་ཐེབས་པས་སྔར་མཇལ་བའི་དྲན་ཚོར་དང་ངག་རྒྱུན་ཙམ་མ་གཏོགས་ཕལ་ཆེ་བ་གནའ་གཏམ་ལྟ་བུ་ཞིག་ཏུ་འགྱུར་ལ་ཉེ། བློ་བཟང་མཁས་མཆོག་ཁོང་སྐུ་ན་ཕྲ་མོའི་དུས་ནས་ཆབ་མདོའི་ཞི་འཕགས་རྣམ་གཉིས་སོགས་མཁས་གྲུབ་ཀྱི་བླ་མ་མང་པོར་བསྟེན་ཅིང་། སྤྱིར་རིག་པའི་གནས་ཆེན་ལྔ་དང་ཁྱད་པར་དུ་ཕར་ཕྱིན་དང་དབུ་ཚད་སོགས་ལ་སྦྱངས་པ་ཕུལ་དུ་ཕྱིན་པ་མཛད། ཉིད་ཀྱིས་དགོན་འདིའི་མཁན་པོ་དང་། དབུ་མཛད། ཆོས་ཁྲིམས་སོགས་ཀྱི་ལས་འཛིན་ལོ་ཉི་ཤུ་ལྷག་ཙམ་མཛད། 《གནས་ཆུང་རྒྱལ་བོའི་བསྟོད་པ》ཞེས་པའི་མཇུག་བྱང་དུ། “ཀ་བཞིའི་དཔོན་བློ་བརྟན་ནས་བསྐུལ་ངོར། བན་རྒན་བློ་ཁ་ཡངས་པའི་རླུང་གི་སྦྲུགས་པའི་ཨ་ར་དུང་གི་མན་ཚར་ཅན་མཁན་མིང་འཛིན་པ་བློ་བཟང་མཁས་མཆོག་གིས་མེ་རླུང་སྦྱོར་བའི་གཟའ་སྐར་བཟང་པོར་བྲིས་པ་དགེ་ལེགས་འཕེལ། ཞེས་གསུངས་བ་ལ་དཔགས་ན་དགུང་ལོ་མཐོན་པོར་བཞུགས་ནས་གཤེགས་པ་མངོན། དེའི་ཡང་སྲིད་ཀ་བཞི་རེ་ཆུང་ཚང་དུ་འཁྲུངས་པ་ཁྲིར་བཀོད། ནར་སོན་སྐབས་སྔགས་འཆང་གི་བརྟུལ་བཞུགས་བཅངས་ནས་མགོ་ལོག་ཕྱོགས་སུ་ཕེབས། གཙང་གྲུབ་ཆེན་སོགས་མཁས་གྲུབ་ཀྱི་བླ་མ་དུ་མར་བསྟེན་ནས་གྲུབ་པ་བརྙེས་ཏེ་དགུང་ལོ་བཞི་བཅུ་ཙམ་ལ་ཞི་བར་གཤེགས། དེའི་ཡང་སྲིད་འོད་ཟེར་སྙིང་པོ་ནི། དབུས་གཙང་ནས་བྱུང་བའི་བོད་པ་མི་རྒན་ཞེས་པ་ཞིག་གི་སྲས་སུ་རབ་བྱུང་བཅུ་དྲུག་པའི་ཤིང་ཕག་ལོར་འཁྲུངས་བོད་པ་སྤྲུལ་སྐུ་ཞེས་ཀྱང་ཟེར། ལབ་མཁའ་ལྡིང་ནམ་མཁའ་རྡོ་རྗེས་སྐུ་སྔ་མའི་ཡང་སྲིད་དུ་ངོས་འཛིན་གནང་ནས་ཁྲིར་བཀོད། ཐོས་བསམ་སྒོམ་པས་བསྟན་པའི་རྒྱུན་བསྐྱངས་ཏེ་དགུང་ལོ་ཉེར་ལྔ་པའི་ས་ཕག་ལོ་ལ་སེར་ཤུལ་རྫོང་གི་བཙོན་ཁང་དུ་འདས། མཁན་ཤུལ་མཁན་པོས་མཁན་པོ་ལོ་འགའ་མཛད་ནས་བསྟན་པ་ལེགས་པར་བསྐྱངས་ཏེ་གཤེགས། དེ་རྗེས་མཁན་པོ་ཨ་ངག་ཁྲིར་འཁོད་དེ་ལོ་མང་པོར་ཆོ་ག་དང་། ཆོས་སྤྱོད། གཞི་གསུམ་གྱི་ཉམས་ལེན་གནད་དུ་སྨིན་པ་སྤེལ་ཏེ་བརྩམས་ཆོས་ཀྱང་མ་དུ་མཛད། སྐུ་གཤེགས་རྗེས་གདུང་རུས་ལ་རིང་བསྲེལ་འཁྲུངས་པ་སོགས་དམ་པའི་རྣམ་ཐར་ཁྱད་དུ་འཕགས་པ་བྱུང་། འདིའི་ཡན་གྱི་དགོན་པའི་དབུ་བླ་ཆབ་མདོའི་ལྕགས་ར་དང་ལབ་སྐྱབས་མགོན་སྐུ་ཕྲེང་གསུམ་དང་དབྱར་གནས་མཁན་པོ་ངག་དབང་ལྷུན་གྲུབ་སོགས་ཀྱིས་མཛད། དེ་རྗེས་ཀ་བཞི་ཨ་ཕོ་ཚང་གི་དགེ་སློང་གྲགས་རྒྱལ་ཞེས་པ་མཁན་པོའི་ཁྲིར་བཞུགས། ཁོང་ནི་གཞིས་དགོན་གཉིས་ཀར་འབྱོར་ཕྱུག་ཤིན་ཏུ་རྒྱས་པའི་ལབ་སྐྱབས་[page 220] མགོན་སྐུ་ཕྲེ་བཅུ་གཉིས་པ་དབང་ཆེན་དགྱེས་རབ་རྡོ་རྗེ་ལ་འབུལ་ཆེན་བཏེགས་ཤིང་ཀ་བཞི་དགོན་པའི་དབུ་བླའི་ཚུལ་དུ་བཀུར། རྒྱ་ནག་ལ་ཕེབས་ཏེ་ཆིང་གོང་མ་བདེ་སྐྱིད་རྒྱལ་བོ་ཡིན་པ་《ལབ་དགོན་པའི་ལོ་རྒྱུས》སུ་གསུང་། སྤྱི་ལོ་༡༦༦༢ནས་༡༧༢༢བར མཆོག་གི་སྟོན་པའི་སྐུ་དང་། རྗེ་བདག་ཉིད་ཆེན་པོའི་སྐུ། སྒྲོལ་མའི་སྐུ་སོགས་ལི་མ་ཁྲུ་གང་ཅན་བཅུ་གསུམ་གྱི་གཙོས་སྐུ་རྟེན་ཉིས་བརྒྱ་ལྷག་དང་། དུང་དམར། འཁར་རྔ་སོགས་མཆོད་རྫས་འབོར་ཆེན་ཕུལ་བ་གདན་དྲངས་ཤིང་། རྒྱལ་བསྟན་ལ་བཀུར་བསྡི་རྒྱ་ཆེར་མཛད་དེ་གཤེགས། དེ་ནས་ལབ་སྐྱབས་མགོན་སྐུ་ཕྲེང་བཅུ་གསུམ་པ་འཇམ་དབྱངས་བློ་བཟང་རྒྱ་མཚོས་དགོན་བདག་མཛད། དེ་སྐབས་མཁན་པོ་གྲགས་རྒྱལ་གྱི་ཡང་སྲིད་དེ་རབ་བྱུང་བཅུ་དྲུག་པའི་ཤིང་ཕག་སྤྱི་ལོ་༡༩༣༥ལོར་ཧོར་འཇིགས་བཟང་ཚང་དུ་འཁྲུངས་པ་ལབ་སྐྱབས་མགོན་འཇམ་དབྱངས་བློ་བཟང་རྒྱ་མཚོ་ཉིད་ཀྱིས་ངོས་འཛིན་གནང་བ་དང་། གྲུབ་ཐོབ་ལ་ལི་ཏའི་སྐྱེས་མཐར་བསྔགས། སྐུ་ན་ཕྲ་མོའི་དུས་ནས་མཁས་བཙུན་བཟང་གསུམ་གྱི་རྣམ་ཐར་བསྐྱངས། གྲྭ་ས་སེ་ར་བྱེས་ལ་ཕེབས་ཏེ་བཤད་སྒྲུབ་ཀྱི་འཆད་ཉན་སོགས་ཐོས་བསམ་གྱི་ལས་ལ་བརྩོན། དགུང་ལོ་ཉི་ཤུ་ཙམ་ནས་རྒྱ་གར་དུ་ཕེབས་ཏེ་འཆད་རྩོད་རྩོམ་གསུམ་གྱི་ཉིན་མཚན་འདའ་བར་མཛད། དགུང་ལོ་ཉེར་ལྔ་བཞེས་པའི་ས་ཕག་(སྤྱི་ལོ་༡༩༥༩)ལ་རྒྱ་གར་དུ་གཤེགས། དེའི་ཡང་སྲིད་བསྟན་འཛིན་ཡོན་ཏན་རབ་བྱུང་བཅུ་དྲུག་པའི་མེ་རྟ་(སྤྱི་ལོ་༡༩༦༦)ལོར་འཁྲུངས་པ་ད་ལྟ་རྒྱ་གར་དུ་བཞུགས། དེ་རྗེས་མཁན་ཆེན་བཟང་པོ་ཁྲིར་བཞུགས། ཁོང་ནི་བསྐྱེད་རྫོགས་ཀྱི་རྟོགས་པ་མངོན་དུ་གྱུར་ཅིང་སྦས་པའི་རྣལ་འབྱོར་གྱི་བརྟུལ་བཞུགས་འཛིན། ཆོས་སྐྱོང་གི་ཞལ་གཟིགས་པ་དང་མངོན་སྤྱོད་དྲག་ལས་ཀྱི་དབང་ལ་མངའ་བརྙེས། ལམ་རིམ་དང་ཆོ་ག་ཆོས་སྤྱོད་སོགས་ལེགས་པར་སྤེལ་བའི་འཕྲིན་ལས་བསྐྱངས་མཐར་(སྤྱི་ལོ་༡༩༣༠)གཤེགས། དེའི་ཡང་སྲིད་ཐུབ་བསྟན་ངག་དབང་བསྟན་པ་འཕེལ་རྒྱས་ནི། ཡབ་ཀ་བཞིའི་དཔོན་གྲགས་པ་ཚེ་རིང་དགུང་ལོ་ཉེར་བདུན་དང་། ཡུམ་ངང་ལྷ་དགུང་ལོ་ཉེར་ལྔ་བ། རབ་བྱུང་བཅུ་དྲུག་པའི་མེ་ཕག་(སྤྱི་ལོ་༡༩༤༧)ལོར་འཁྲུངས་པ་ལབ་མཁན་ཆེན་ཐུབ་བསྟན་འཇམ་དབྱངས་འཇིགས་མེད་རྣམ་རྒྱལ་གྱིས་ལྕགས་ཡོས་(སྤྱི་ལོ་༡༩༥༡)ལོའི་ཟླ་བ་བདུན་པའི་ཚེས་ཉེར་བདུན་ཉིན་ངོས་འཛིན་གྱི་ཕྱག་བྲིས་དམ་འབྱར་མ་གནང་ཞིང་གྲུབ་ཆེན་ནག་པོ་སྤྱོད་པའི་རྣམ་སྤྲུལ་དུ་བསྔགས། དེ་རྗེས་མཁན་པོའི་ཁྲི་ལ་འཁོད་པའི་དགེ་སློང་ངག་དབང་ཆོས་འཕེལ་ནི། རྭ་ལོ་རྡོ་རྗེ་གྲགས་པའི་རྣམ་སྤྲུལ་ཡིན་པ་ལྕགས་རྭའི་རི་ལུང་གིས་བསྔགས། ལབ་མཁན་ཆེན་འཇམ་དབྱངས་ཉི་མ་འཇིགས་མེད་རྣམ་རྒྱལ་གྱིས་རྡོ་རྗེ་འཇིགས་བྱེད་ཀྱི་སྐུ་དངོས་སུ་གཟིགས་ནས་གསོལ་འདེབས་ཀྱང་བརྩམས། ཁོང་ནི་ཡབ་ཨ་རྒྱལ་དོན་གྲུབ་དང་ཡུམ་དགའ་ལོ་སྒྲོལ་མའི་སྲས་སུ་རབ་བྱུང་ལྔ་པའི་ལྕགས་སྤྲུལ་(སྤྱི་ལོ་༡༨༨༡)ལོར་འཁྲུངས། དགུང་ལོ་དགུ་པའི་ས་གླང་(སྤྱི་ལོ་༡༨༨༩)ལོར་ལབ་བསམ་གཏན་འཕེལ་རྒྱས་གླིང་གི་ཆོས་གྲྭར་ཞུགས། དེའི་ཡང་སྲིད་སྐལ་ལྡན་རྒྱ་མཚོ་ནི། རབ་བྱུང་བཅུ་དྲུག་པའི་མེ་རྟ་(སྤྱི་ལོ་༡༩༦༦)ལོར་ཡབ་ཡོན་ཏན་རབ་རྒྱས་དང་། ཡུམ་དོན་གྲུབ་ལྷ་མོ་གཉིས་ཀྱི་སྲས་སུ་འཁྲུངས། དགུང་ལོ་[page 221] བཅུ་གསུམ་ས་རྟ་སྤྱི་ལོ་༡༩༧༨ ལོར་རབ་ཏུ་བྱུང་། ལབ་ཁྲི་པ་འཇམ་དབྱངས་བློ་གྲོས་རིན་ཆེན་གྱིས་སྐུ་སྔ་མའི་ཡང་སྲིད་དུ་ངོས་འཛིན་དང་དབང་ལུང་བཀའ་ཁྲིད་མང་དུ་བསྩལ། དེ་རྗེས་མཁན་པོ་སྒྲོན་ནེ་ཁྲིར་བཞུགས་ཏེ། འདུལ་བ་དང་ཆོ་ག་ཆོས་སྤྱོད་སོགས་ཀྱི་ཉམས་ལེན་གནད་དུ་སྨྲིན་པ་གནང་། ཕྱག་རྩོམ་གྱི་འཕྲིན་ལས་སྤེལ་ཀྱང་ལོ་བཅུའི་གྱོང་ཆེན་སྐབས་བྱིན་ཟའི་གསོས་སུ་གྱུར། དེ་རྗེས་མཁན་པོ་ངག་དབང་བསྟན་དར་ཁྲིར་འཁོད་ཅིང་། འཆད་ཉན་གྱི་མཛད་འཕྲིན་རབ་ཏུ་རྒྱས་པར་མཛད། དེ་རྗེས་མཁན་པོ་དཔལ་ལྡན་ཁྲིར་འཁོད། ཆོ་ག་ཆོས་སྤྱོད་དང་ཐིག་རྡུལ་མཚོན། གཞི་བསླབ་པ་གསུམ་གྱི་ཉམས་ལེན་སོགས་ལེགས་པར་སྤེལ་བའི་བཀའ་དྲིན་ཚད་མེད་བསྐྱངས་ཤིང་། མཐར་རབ་བྱུང་བཅུ་དྲུག་འི་ས་ཕག་ལོར་གཤེགས། དེའི་ཡང་སྲིད་བསྟན་འཛིན་རྡོ་རྗེ་ཡབ་བཟང་པོ་དང་ཡུམ་སྐལ་བཟང་ཆོས་སྒྲོན་གྱི་སྲས་སུ་རབ་བྱུང་བཅུ་དྲུག་པའི་མེ་རྟ་ལོར་འཕགས་ཡུལ་དུ་འཁྲུངས། དགུང་ལོ་བཅུ་དགུ་བའི་ཤིང་བྱི་ལ་སྐུ་སྔ་མའི་ཡང་སྲིད་དུ་ངོས་འཛིན་མངའ་གསོལ་དང་། ད་ལྟ་འཕགས་ཡུལ་སེ་རའི་ཆོས་གྲྭར་བཞུགས། དེ་རྗེས་མཁན་པོ་འཇམ་དབྱངས་ཁྲིར་བཞུགས་ཏེ་འཆད་ཉན་གྱི་འཕྲིན་ལས་ལོ་འགའ་བསྐྱངས་ཤིང་དགུང་ལོ་བདུན་ཅུ་ལྷག་ཙམ་སོན་པ་རབ་བྱུང་བཅུ་དྲུག་པའི་ས་ཕག་ལ་སྤྱི་ལོ་༡༩༥༩ལོར བཙོན་ཁང་དུ་འདས། དེ་དང་བསྟན་པ་ལ་སྐུ་དྲིན་ཤིན་ཏུ་ཆེ་བའི་འཇམ་དབྱངས་དགེ་ལེགས་ཕུན་ཚོགས་ནི། རབ་བྱུང་བཅོ་ལྔ་སའི་ས་སྟག་སྤྱི་ལོ་༡༨༧༨ ལོར་ཁམས་སྟོད་ལྷ་དགྲའི་ཀྲ་གུ་གྲོང་དུ་འཁྲུངས་ཤིང་མཚན་ལ་ནོར་ལུ་ཟེར། ཆུང་ངུ་ནས་ཇོ་བོ་སྨྲི་ཏི་ཛྙ་ནས་བཞེངས རབ་བྱུང་དང་པོའི་ལོ་སྐོར་དང་པོ་སྤྱི་ལོ་༡༠༣༠ པའི་འཛོམ་ཉག་མཆོད་རྟེན་དཔལ་གྱི་ལྷུན་པོའི་དྲུང་དུ་སྒ་རབ་འབྱམས་པ་ཀུན་དགའ་ཡེ་ཤེས་ཀྱིས་ཕྱག་བཏབ་པའི་བསམ་གྲུབ་བདེ་ཆེན་གླིང་དུ་བཞུགས་ནས་ཐོས་བསམ་དོན་དུ་གཉེར། དགུང་ལོ་ཉི་ཤུ་བའི་མེ་བྱ་སྤྱི་ལོ་༡༨༩༧ ལ་ངོར་ཨེ་ཝྃ་ཆོས་ལྡན་དུ་གྲྭ་སར་ཕེབས། བསྙེན་པར་རྫོགས་པའི་མཚན་ལ་འཇམ་དབྱངས་དགེ་ལེགས་ཕུན་ཚོགས་གསོལ། ལམ་འབྲས་བུ་དང་བཅས་པའི་ཆོས་སྐོར་རྣམས་གསན་ནས་བསམ་གྲུབ་དགོན་ལ་སླར་ཕེབས་ཏེ། མགོན་དཀར་ཡིད་བཞིན་ནོར་བུའི་སྒྲུབ་པ་ལ་ཡུན་རིང་བཞུགས། ཉིད་ཀྱི་སྐུ་ཚེ་གང་པོར་མགོན་དཀར་ཡིད་བཞིན་ནོར་བུ་ཡི་དམ་དུ་བཟུང་བས་བསྙེན་པ་དུང་འགའ་གསུངས། སྐབས་ཤིག་ཁོང་གི་སྐུ་རྣམས་ཀྱིས་གཞན་དང་འཁོན་རྩོད་ཤོར་བ་སོགས་ཀྱི་བཞུགས་མི་བདེ་བ་ཅུང་ཟད་བྱུང་བ་དགེ་བ་བསྒྲུབ་པའི་བར་ཆད་དུ་དགོངས། སྐུ་མཚམས་ལས་གྲོལསྐུ་མཚམས་ལས་གྲོལ་ཏེ་དགུན་ཟླ་འབྲིང་པོའི་ཚེས་བཅོ་ལྔ་ཞིག་ལ་འབྲི་ཆུའི་དར་བུད་དེ་ཐོག་མར་སྒ་སྟོད་སྤང་ཤར་དགོན་དུ་ཕེབས། རྡོ་མགར་སྤྲུལ་སྐུའི་དྲུང་དུ་ཟླ་ཤས་བཞུགས། དེ་རྣམས་རྣལ་འབྱོར་གྱི་སྤྱོད་པས་རྡོག་ཁྲས་དང་དཔེ་ཆ་རྣམས་སྣམས་རེ་ཁམས་སྟོད་ཤུལ་མའི་དགོན་དུ་ཟླ་འགའ་བཞུགས། ཡང་བ་རོང་དགོན་ཏུ་ཕེབས་ཏེ་མཁན་པོ་དཔལ་རབ་ཀྱི་ཤག་ཏུ་བཞུགས། ཁྲི་བ་སྙན་བློའི་དྲུང་ནས་ཆོས་ཚན་འགའ་གསན་ཅིང་ཡི་གེ་བྲིས་ཏེ་ཟླ་བ་ཁ་ཤས་བཞུགས། གཏན་དུ་བཞུགས་པར་ཞུས་ཀྱང་གཅིག་པུ་སྒྲུབ་ལ་གོམས་པས་མ་གསན་པར་ཀ་བཞི་ལ་བྱོན། མ་མོའི་དྲེལ་དཀར་[page 222] ཕུག་ཏུ་ཟླ་འགའ་བཞུགས། དེར་རྐུན་མའི་གནས་བཅའ་བ་སོགས་བཞུགས་མི་བདེ་བར་ཅུང་བྱུང་བས་ཡར་ཉི་ཟླ་ཁ་མདོར་ཕེབས། མི་ཞིག་བྱུང་བ་ལ་རྟེན་འབྲེལ་བརྟག་དགོངས་ཏེ། ཁྱེད་སུ་ཡིན། ས་འདིའི་མིང་ལ་ཅི་ཟེར་གསུངས་པས། དེས། ང་ལ་དར་རྒྱས་བཀྲ་ཤིས་དང་། ས་འདི་ས་ཉི་ཟླ་ཁ་མདོ་ཟེར། ཕ་གིའི་ཕུག་པ་ལ་སེ་བཙུན་སྒྲུབ་ཕུག་གམ་དམ་ཅན་ཕུག་པ་ཟེར་ཞིང་དམ་ཅན་རང་བྱོན་ཡོད། སྔོན་བླ་མ་སེ་བཙུན་(འབྲོམ་སྟོན་པ་རྒྱལ་བའི་འབྱུང་གནས་དགུང་ལོ་བཅུ་དགུ་བའི་ཆུ་ཁྱི་སྤྱི་ལོར་༡༠༤༣ལོར་དབུས་སུ་ཕེབས་པའི་བར་ལོ་ཉེར་གཅིག་ལ་ཁམས་སུ་བཞུགས་པའི་རང་བསྟེན་པའི་བླ་མ)དང་དགེ་བ་ཚུལ་ཁྲིམས་སོགས་ཀྱི་སྒྲུབ་ཕུག་ཡིན་ཟེར་བ་ན། ཕུག་པའི་མིང་གསན་མ་ཐག་དེར་བཞུགས་པའི་ཐུགས་སྤྲོད་དཔག་མེད་འཁྲུངས་ཤིང་རྟེན་འབྲེལ་ལེགས་པར་དགོངས། ཕྱིན་ཉིན་ཡང་ཕྱིང་བ་དཀར་བོ་ནག་ནོག་གི་དྲི་མ་མེད་པ་ཞིག་དང་ཞོ་ཟོ་བ་གང་འབུལ་མཁན་བྱུང་བས་རྟེན་འབྲེལ་ཁྱད་པར་དུ་བཟང་དགོངས་ནས་གནས་དེར་སྒྲུབ་པ་ལ་ཡུན་དུ་བཞུགས། ཁོང་ནི་སྙན་པ་ཕྱོགས་མཐར་ཁྱབ་ཏེ་འབུལ་དངོས་དཔག་མེད་བྱུང་བ་ལས་ཉིད་ཀྱི་གསོལ་ཆོས་ཙམ་ལ་མ་གཏོགས་དགེ་རྩར་བཏང་སྟེ། མ་ཎི་དང་། ཡིག་བརྒྱ། ཐར་མདོ། ཞི་ཁྲོ་དམ་པ་རིགས་བརྒྱ། སྲིད་པ་འཁོར་ལོ། ཐུབ་པ་རིགས་དྲུག། ཕྱག་སྟོད་སྤྱན་སྟོང་། མགོན་དཀར་ཡིད་བཞིན་ནོར་བུ་སོགས་རྡོ་ལ་བརྐོས་པས་ཡོན་གནང་ནས་བཞེངས་པའི་རིང་ཚད་སྤྱི་ཁྲུ་(Meter 公尺)གྱ་ལྔ་དང་། མཐོ་ཚད་སྤྱི་ཁྲུ་གསུམ། ཞེང་ལ་སྤྱི་ཁྲུ་བཞི་ཅན་དང་། བདུད་འདུལ་མཆོད་རྟེན་ཁང་བརྩེགས་བཞི་ཅན་སོགས་ད་ལྟ་དངོས་སུ་བཞུགས་ལ། ཀ་བཞི་དགོན་འདིར་ཆོ་འཕྲུལ་སྨོན་ལམ་ཆེན་མོའི་སྐབས་སུ་མ་ཎི་བུམ་སྒྲུབ་ཀྱི་སྒྲུབ་མཆོད་རྒྱུན་འཛུགས་མཛད་པ་འཛོམ་ཉག་བསམ་གྲུབ་དགོན་པའི་ལུགས་བཞིན་ཡིན་ཡང་། དེ་ལས་མཆོད་པ་རྒྱས་ཤིང་ཉིན་གྲངས་མང་བ་ད་ལྟའང་ལོ་རེ་བཞིན་མཆིས། དེ་དང་མགོན་དཀར་གྱི་བསང་དང་། ལྟ་རྟོགས་ཀྱི་མགུར་སོགས་ཕྱག་རྩོམ་གནང་། སྐུ་ཚེ་དང་སྒྲུབ་པ་མཉམ་པས་དགུང་ལོ་དོན་གསུམ་དུ་སོན་པ། རབ་བྱུང་བཅུ་དྲུག་པའི་ལྕགས་ཕག་སྤྱི་ལོ་༡༩༥༠ལོར་དགོངས་པ་ཆོས་དབྱིངས་སུ་ཐིམ། དེའི་ཡང་སྲིད་ངག་དབང་ཡོན་ཏན་རྒྱ་མཚོ་ནི་ཡབ་ཚེ་རིང་ནོར་བུ་དང་ཡུམ་པདྨ་ལྷ་མོ་དགུང་ལོ་སོ་བདུན་ལོན་པ། རབ་བྱུང་བཅུ་དྲུག་པའི་ལྕགས་ཡོས་སྤྱི་ལོ་༡༩༥༡ལོར་ཁམས་སྟོད་སྒ་ཀྲེ་གུའི་ཕལ་ཆེན་ཚང་དུ་འཁྲུངས། ཆུ་འབྲུག་སྤྱི་ལོ་༡༩༥༢ལོའི་དགུན་ཁར་དཔལ་ས་སྐྱའི་ཕུན་ཚོགས་ཕོ་བྲང་གི་བདག་ཆེན་ངག་དབང་ཀུན་དགའ་བསོད་ནམས་བསམ་གྲུབ་དགོན་དུ་ཕེབས་སྐབས་སྐུ་སྔ་མའི་ཡང་སྲིད་དུ་ཐུགས་ཐག་བཅད་ནས་མཚན་ལ་ངག་དབང་ཡོན་ཏན་རྒྱ་མཚོ་ཞེས་གསོལ་བ་དང་བསམ་འགྲུབ་དགོན་པའི་ན་བཟའ་སྐུ་ཆས་ཕུལ། ཡང་གོང་མ་རིན་པོ་ཆེ་སེར་ཤུལ་དགོན་དུ་ཕེབས་སྐབས་ཀ་བཞིའི་དཔོན་བློ་བཟང་དགྲ་འདུལ་གྱིས་བསྐྱར་དུ་ཞུས་པ་སྔ་མ་བཞིན་ལུང་བསྟན་བྱུང་བས་ཡིད་ཆེས་མོས་གུས་ཀྱི་པད་མོ་ལྷག་པར་རྒྱས། དགུ་ལོ་ལྔ་བཞེས་པའཆི་ཤིང་ལུག་སྤྱི་ལོ་༡༩༥༥ལོར་ཀ་བཞི་དགོན་དུ་ཁྲིར་བཀོད། ལབ་ཁྲི་བ་རྗེ་བཅུན་འཇམ་དབྱངས་བློ་གྲོས་རིན་[page 223] ཆེན་གྱིས་སྒ་ལྷ་ལུང་དཔལ་གྱི་རྡོ་རྗེའི་སྐྱེས་མཐར་བསྔགས། དབུ་མཛད་རྡོ་རྗེ་འཛིན་པ་ཀུན་དགའ་ནི། ཡབ་པདྨ་ཚེ་སྐྱབས་དང་ཡུམ་སྒྲོལ་དཀར་གྱི་སྲས་སུ་ཁམས་སྟོད་སྣ་འཛོམ་ཉག་ཏུ་འཁྲུངས། དགུང་ལོ་ཆུང་ངུའི་སྐབས་ནས་རབ་ཏུ་བྱུང་ཏེ་བསམ་འགྲུབ་དགོན་དུ་བཞུགས། དགུང་ལོ་ཞེ་དྲུག་ཙམ་ལ་ཞང་པོ་འཇམ་དབྱངས་དགེ་ལེགས་ཕུན་ཚོགས་ཀྱི་སྐུ་མདུན་དུ་ཕེབས། ལམ་བར་རྫ་ཆུའི་འགྲམ་དུ་ཕྱག་ཕྲེང་ལྷུང་བ་ལ། ཁོང་གིས། རྟེན་འབྲེལ་གྱི་དབང་གིས་ད་ཕ་ཡུལ་དུ་འཁོར་ཐུབ་པ་མི་འདུག་གསུངས། དེ་ནས་ཀ་བཞི་དགོན་དུ་བགྲང་བྱ་འགའ་བཞུགས་ཤིང་བསྟན་པར་སྨན་པའི་མཛད་འཕྲིན་སྤེལ། དགུང་ལོ་ཞེ་བརྒྱད་ཙམ་སོན་པ་རབ་བྱུང་བཅུ་དྲུག་པའི་ས་བྱི་(སྤྱི་ལོ་༡༩༤༠)ལ་རྡོ་རྗེ་སེམས་དཔའི་བཞུགས་སྟབས་སུ་མྱ་ངན་ལས་འདའ་བའི་ཚུལ་བསྟན། དེའི་ཡང་སྲིད་བློ་བཟང་ཐབས་མཁས་ནི། ཡབ་བསྟན་པའི་ཉི་མ་དང་ཡུམ་པདྨ་ཆོས་མཚོ་གཉིས་ཀྱི་སྲས་སུ་རབ་བྱུང་བཅུ་དྲུག་པའི་ལྕགས་ཡོས་(སྤྱི་ལོ་༡༩༥༡)ལོར་འཁྲུངས་ཤིང་། ཆུང་དུ་ནས་དམ་པའི་མཛད་བཟང་ལས་མ་འདས་པ་ཞིག་བཞུགས་ཀྱང་དུས་ངན་གྱི་དབང་གིས་དགུང་ལོ་བཅུ་དྲུག་བཞེས་པའི་མེ་རྟ་(སྤྱི་ལོ་༡༩༦༦)ལོར་སྐུ་གཤེགས་པས་མཛད་པའི་འཕྲིན་ལས་དེ་ཙམ་རྒྱས་ལོང་མ་བྱུང་། དེའི་ཡང་སྲིད་བསོད་ནམས་དོན་གྲུབ་ནི། ཡབ་ཚེ་རྡོ་དགུང་ལོ་ཞེ་གཅིག་དང་། ཡུམ་ཞེ་དགའ་དགུང་ལོ་སོ་གསུམ་བཞེས་པ། རབ་བཅུ་དྲུག་པའི་མེ་ལུག་ལོར་འཁྲུངས། དགུང་ལོ་བཅུ་གསུམ་པའི་ས་ལུག་(སྤྱི་ལོ་༡༩༧༩)ལོར་ལབ་ཁྲི་ཆེན་རྗེ་བཙུན་འཇམ་དབྱངས་བློ་གྲོས་རིན་ཆེན་གྱི་དྲུང་ནས་རབ་ཏུ་བྱུང་བས་མཚན་ལ་བསོད་ནམས་དོན་གྲུབ་ཅེས་གསོལ། དགུང་ལོ་ཉི་ཤུ་བའི་མེ་སྟག་སྤྱི་ལོ་༡༩༨༦ལོར་ལབ་ཁྲི་ཆེན་ཉིད་ཀྱི་སྐུ་དྲུང་དུ་བསྙེན་པར་རྫོགས་ཤིང་སྐུ་གོང་མའི་ཡང་སྲིད་འཁྲུལ་མེད་ཡིན་པས་ངོས་འཛིན་གྱི་ཕྱག་བྲིས་ཐམ་ཀ་བཏབ་པ་བཅས་གནང་ཞིང་བཀའ་དྲིན་རྒྱ་ཆེར་བསྐྱངས། དེ་ནས་རབ་བྱུང་བཅུ་དྲུག་པའི་ལྕགས་སྤྲེལ་(སྤྱི་ལོ་༡༩༨༠)ལོ་ནས་རང་འགུལ་གྱིས་དགོན་པ་སླར་བཞེངས་མགོ་བརྩམས། ལྕགས་བྱ་(སྤྱི་ལོ་༡༩༨༡)ནས་ཤིང་བྱའི་བར་མཁན་པོ་ཆོས་ལྡན་ཁྲིར་བཞུགས། ཁོང་ནི་རབ་བྱུང་བཅོ་ལྔ་བའི་ཤིང་སྟག་(སྤྱི་ལོ་༡༩༡༥)ལོར་ཡབ་འཛི་སྟག་སྙན་གྲགས་ཀྱི་སྲས་སུ་འཁྲུངས། ཆུང་ངུ་ནས་ཤེས་བྱ་རིག་པའི་མཛོད་ལ་སྦྱངས་པ་ཁོང་དུ་ཆུད་ཅིང་འཁོར་བར་ངེས་འབྱུང་དྲག་པོ་སྐྱེས་པས། མེ་ལས་ཚ་བའི་རྦ་རླབས་ཀྱི་ཁྲོད་ནས་ཀྱང་འགྱུར་བ་མ་བྱུང་། བསྟན་པའི་མེ་རོ་གསོ་བའི་ཚེ་འདུལ་བའི་ཕྱག་ལེན་གྱི་སྐོར་འཆད་སྤེལ་གནང་བ་སོགས་བཀའ་དྲིན་བསྐྱངས་ཏེ་དགུང་ལ་དོན་དྲུག་པའི་ལྕགས་རྟ་(སྤྱི་ལོ་༡༩༩༠)ལོར་དགོངས་པ་ཆོས་དབྱིངས་སུ་ཐིམ། བོད་ཤིང་གླང་སྤྱི་ལོ་༡༩༨༥ལོར་གོང་རིམ་ནས་ཆོག་མཆན་ཐོབ་སྟེ་དགོན་པའི་ཆོས་སྒོ་ཕྱེས། མཁན་པོ་དགེ་འདུན་ཡོན་ཏན་ཁྲིར་བཞུགས། ཁོང་ནི་ཡབ་ཁོ་ནེ་དང་ཡུམ་མཚོའི་བློའི་སྲས་སུ། རབ་བྱུང་བཅུ་དྲུག་པའི་ས་སྦྲུལ་སྤྱི་ལོ་༩༢༩ལོར་འཁྲུངས་ཤིང་ད་ལྟ་བསྟན་པའི་རྒྱལ་མཚན་འཛུགས་བཞིན་བཞུགས་ལགས། བོད་རབ་བྱུང་བཅུ་བདུན་པའི་ལྕགས་ལུག་སྤྱི་ལོ་༡༩༩༡ལོར་མཁན་པོ་རིན་ཆེན་རྡོ་རྗེ་ཁྲིར་བཞུགས། ཁོང་ནི་ཡབ་ལྡན་མ་ཚེ་དབང་དང་ཡུམ་ཚེ་འཛོམས་གཉིས་ཀྱི་སྲས་[page 224] སུ་རབ་བྱུང་བཅུ་དྲུག་པའི་ཆུ་སྤྲེལ་སྤྱི་ལོ་༡༩༣༣ལོར་འཁྲུངས། ད་ལྟ་རྒྱལ་བའི་བསྟན་པ་རིན་པོ་ཆེ་དོན་དུ་གཉེར་ནས་ཁྲི་ལ་བཞུགས། རབ་བྱུང་བཅུ་བདུན་པའི་ས་སྤྲེལ་སྤྱི་ལོ་༡༩༩༢ལོར་མཁར་ནང་མཆོག་སྤྲུལ་ཐུབ་བསྟན་འཇམ་དབྱངས་མཁྱེན་རབ་འཕྲིན་ལས་རབ་རྒྱས་དཔལ་བཟང་པོ་ཕེབས་ཏེ་འདུལ་ཁྲིམས་སོགས་ཀྱི་བཅའ་གཞི་དང་། ཆོས་རའི་ལྟ་དབྱངས། ཆོས་ཐེབས་སུ་བདོག་པ། ཁྱད་པར་དུ་དགེ་ཚུལ་སློང་བརྒྱ་ཕྲག་ལས་བརྒལ་བ་བསྒྲུབས་ཤིང་། བློ་རྟགས་སོགས་ཀྱི་དཔེ་ཁྲིད་མཛད་པ་དང་། ཆོས་ཐོག་རེ་རེའི་ཞལ་འདོན་གྱི་ལུགས་སྲོལ་སྒྲིག་ལམ་སོགས་སེར་བྱེས་མཁས་སྙན་གྲྭ་ཚང་ལ་ཁུངས་བྱས་ནས་ཞལ་བཀོད་བཅའ་གཞི་མཛད། དཔེ་ཁྲིད་དགེ་རྒན་གཟིགས་སྐྱོང་མཛད། མཚན་ཉིད་ཇེ་རྒྱས་སུ་གཏོང་། མདོར་ན་ཆོས་སྲིད་གཉིས་ཀ་ནས་བཀའ་དྲིན་བསྐྱངས་པར་མ་ཟད། ཚེ་ལྷ་རྣམ་གསུམ་གྱི་སྐུ་རྟེན་ཁྲུ་གང་བ་སུམ་ཅུ་བཅས་གནང་ཞིང་དགོན་འདིའི་དབུ་བཞུགས་སུ་བཀའ་དྲིན་བསྐྱངས། སྤྱིར་དགོན་སྡེ་འདི་ཉིད་ལ་སྔར་མཁན་ཐོག་རིམ་བྱོན་མ་གཏོགས། སྤྲུལ་སྐུ་ངོས་འཛིན་བྱེད་པའི་ལུགས་སྲོལ་མེད་ལ། ཕྱིས་སུ་སྤྲུལ་སྐུ་ངོས་འཛིན་བྱེད་སྲོལ་ཆགས། སྤྱི་ལོ་༡༩༤༧ལོར་ལ་ཀ་བཞི་རྒྱ་རང་ཨ་མཆོད་རྒྱ་ནག་ལ་ཕེབས་ནས། ལྕང་སྐྱ་ངག་དབང་མཆོག་ལྡན་གྱི་གཟིམས་ཆུང་གི་ནང་ནས་སྐུ་ཁྱད་པར་ཅན་བརྒྱ་ལྷག་ཙམ་བསླུ་རྒྱུ་བྱུང་། དེའི་མང་གི་ཐང་རྒྱལ་རབས་སྐབས་སུ་བཟོས་པའི་འབྲལ་སྤང་རྒྱལ་བ་ཤཱཀྱ་ཐུབ་པའི་སྐུ་བྱིན་རླབས་ཀྱི་ཚན་ཁ་འབར་བའང་ད་ལྟ་བཞུགས། དེའི་ནང་ལ་ཡོད་པའི་དཔལ་ཆེན་རྟ་མཆོག་རོལ་བ་ཡང་གསང་དང་། གསང་སྒྲུབ། འཇིགས་བྱེད་བཅུ་གསུམ་པ། གཙུག་ཏོར་གདུགས་དཀར་མོ། ཐུགས་རྗེ་ཆེན་པོ་ཕྱག་སྟོང་། ཚེ་ལྷ་རྣམ་གསུམ་སོགས་སྲིད་ན་རྙེད་དཀའ་བ་མང་དུ་མཆིས་ཀྱང་ད་ལྟ་ཁ་ཤས་གཏོགས་སྤྱི་ལོ་༡༩༤༩ལོར་ལྷག་མེད་དུ་གཏོར། དེ་འདྲའི་སྐུ་ཡོད་པ་ད་ལྟ་རྒྱ་ནག་ལ་ཡོང་ཧོ་དགོན་པ་མ་གཏོགས་མི་འདུག སྔར་སྐུ་འདྲ། སིལ་སྙན། སྦུབ་ཆས་སོགས་རྒྱ་ནག་གི་ཐོབ་ཡིག་དང་དཔང་རྟགས་ཡོད་མཁན་མང་དུ་མཆིས་ཀྱང་། དུས་ཀྱི་འཕོ་འགྱུར་གྱིས་ལྷག་མེད་གཏོར།

ད་ལྟར་དགེ་འདུན་བརྒྱ་ཕྲག་གཉིས་ལྷག་བཞུགས་ཤིང་། འདུ་ཁང་ཀ་རིང་བཞི་དང་ཀ་ཐུང་སོ་གཉིས་ཅན་གྱི་གཙོས་པའི་གཙུག་ལག་ཁང་དང་། རུང་ཁང་། འཁོར་ཁང་། གྲྭ་ཤག། གཞན་སྐུ་གསུང་ཐུགས་རྟེན་ནི། ཟངས་གསེར་ལས་གྲུབ་པའི་རྒྱལ་བ་ཡབ་སྲས་གསུམ་གྱི་སྐུ་མི་ཚད་ལས་ལྷག་དང་། ལབ་ཁྲི་ཆེན་རྗེ་བཙུན་འཇམ་དབྱངས་བློ་གྲོས་རིན་ཆེན་གྱི་གསུང་འབུམ། ཐང་རྒྱལ་རབས་སྐབས་ཀྱི་རྗེ་དགེ་ལེགས་མའི་སྐུ། སྤྱན་རས་གཟིགས་དང་རྡོ་རྗེའི་འཇགས་བྱེད་སོགས་གཙོ་བོར་བཞུགས་པའི་བོད་བཟོས་ལི་མ་བྱིན་ལྡན་ཁྱད་འཕགས་གྲངས་མང་མཆིས་པ་དང་། མིང་རྒྱལ་རབས་ཀྱི་གོང་མ་ཡུང་ལོའི་སྐབས་སུ་བཟོས་པའི་སྒྲོལ་མའི་སྐུ། ཆིང་རྒྱལ་རབས་ཀྱི་གོང་མ་ལྷ་སྐྱོང་སྐབས་སུ་བཟོས་པའི་ལྷ་མོ་ནོར་རྒྱུན་མ་སོགས་སྐུ་བརྙན་དང་། སྐུ་ཕྲེང་བཅུ་གསུམ་པ་གོང་ས་ལྷ་མིའི་རྣམ་འདྲེན་རྒྱལ་དབང་ཐུབ་བསྟན་རྒྱ་མཚོ་ཁོང་ཨ་མདོར་ཕེབས་སྐབས། དགོན་སྡེ་འདི་ཉིད་ལ་རྟེན་གསུམ་ན་བཟའ་སྐུ་ཆས་སོགས་གནང་ནས་[page 225] བདག་སྐྱོང་མཛད། སྐུ་ཕྲེང་བཅུ་བཞི་བ་གངས་ཅན་བསྟན་འགྲོའི་མགོན་པོ་ངག་དབང་བློ་བཟང་ལ་བསྟན་འཛིན་རྒྱ་མཚོ་སྲིད་གསུམ་དབང་བསྒྱུར་མཚུངས་པ་མེད་པའི་སྡེ་དཔལ་བཟང་པོ་དེ་ཉིད་རྒྱ་ནག་ལ་ཕེབས་སྐབས་དགོན་སྡེ་འདི་ཉིད་ལ་ཐང་རྒྱལ་རབས་སྐབས་ཀྱི་སྐུ་གསང་བདེ་འཇིགས་གསུམ་དང་། གོང་མ་ཏ་མིང་(མིན་)རྒྱལ་བོའི་སྐབས་ཀྱི་སྐུ་སྒྲོལ་མ་ཏ་མིང་འབྲི་དྲུག་མ་ཞེས་བྱིན་རླབས་ཀྱི་ཚན་ཁ་འབར་བ་སོགས་དང་། ཉིད་ཀྱི་སྐུ་ཤམ་བཅས་གནང་བའི་བདག་སྐྱོང་བསམ་བརྗོད་ལས་འདས་པ་གནང་ཤིང་། གཞུང་ལམ་ལ་ཧ་ཅང་ཀྱོག་པོ་ཡིན་བཏབ་ཆིབས་བསྒྱུར་མཛད་མ་ཐུབ། རྒྱལ་དབང་སྐུ་ཕྲེང་རིམ་བྱོན་གྱིས་གནང་བའི་རྟེན་གསུམ་རྣམས་ད་ལྟའང་བཞུགས། ཁ་ཤས་བརླར་ཚར། ཡང་དགོན་སྡེ་འདི་ཉིད་ལ་སྐུ་དྲིན་ཤིན་ཏུ་ཆེ་བའི་བླ་མ་རྒྱལ་དབང་བསོད་ནམས་རྒྱ་མཚོ། རྒྱལ་དབང་བསྐལ་བཟང་རྒྱ་མཚོ། རྒྱལ་དབང་ཐུབ་བསྟན་རྒྱ་མཚོ། གོང་ས་ལྷ་མིའི་རྣམ་འདྲེན་རྒྱལ་དབང་སྐུ་ཕྲེང་བཅུ་བཞི་པ་ཆེན་པོ་ལ་ངག་དབང་བློ་བཟང་བསྟན་འཛིན་རྒྱ་མཚོ་མཆོག་དང་། ལབ་སྐྱབས་མགོན་སྐུ་ཕྲེང་བཅུ་པ་དབང་ཆེན་དགྱེས་རབ་རྡོ་རྗེ་ནས་བཟུང་སྐུ་ཕྲེང་གསུམ་དང་། སེར་ཤུལ་དཔོན་སྤྲུལ་ཐུབ་བསྟན་དགེ་ལེགས་བསྟན་པའི་ཉི་མ་དང་། ལབ་ཁྲི་ཆེན་རྗེ་བཙུན་འཇམ་དབྱངས་བློ་གྲོས་རིན་ཆེན་དང་། མཁར་ནང་མཆོག་སྤྲུལ་ཐུབ་བསྟན་འཇམ་དབྱངས་མཁྱེན་རབ་འཕྲིན་ལས་རབ་རྒྱས་དང་། རྒྱལ་མཚན་རབ་ཡངས་སོགས་དམ་པ་དེ་རྣམས་དགོན་སྡེ་འདི་ཉིད་ལ་སྐུ་དྲིན་ཤིན་ཏུ་ཆེ་བའི་བླ་མ་རྣམས་ཡིན་ལ། གོང་ས་ལ་སྐྱབས་མགོན་ཆེན་པོས་གནང་བའི་སྟོན་པ་གཙོ་འཁོར་གསུམ་གྱིས་གཙོས་པའི་ཞལ་ཐང་གྲངས་མང་། ཀུན་གཟིགས་པཎ་ཆེན་རིན་པོ་ཆེ་ཆོས་ཀྱི་རྒྱལ་མཚན་གྱིས་གནང་བའི་སྐྱབས་མཆོག་པཎ་ཆེན་སྐུ་ཕྲེང་གོང་རིམ་གྱི་ནམ་རྙིང་ཛར་བུ་བྱིན་རླབས་ཀྱི་ཚན་ཁ་འབར་བ། གཞན་ཡང་བོད་བཟོས་རོལ་མོ་དང་སིལ་སྙན་རྙིང་བ་སྤུས་ལེགས། མིང་རྒྱལ་རབས་གོང་མ་ཞུན་ཏི་སྐབས་ཀྱི་རོལ་མོ་སོགས་སིལ་རོལ་གྲངས་མང་། འཁོར་ཆེན་གཉིས་དང་འཁོར་ཆུང་བརྒྱ་ཕྲག་འགའ། གཞན་ཡང་གསུང་རབ་གླེགས་བམ། མཆོད་རྫས་རྣམས་སྔར་ཡོད་སྲུང་སྐྱོང་དང་ཉམས་གསོ་གསར་བཞེངས་སོགས་བྱས་ཤིང་། བྱེད་བཞིན་པ་བཅས་རེ་ཞིག་དེ་ཙམ་གྱིས་ཆོག་པར་བྱའོ། དཔྱད་གཞིའི་ཡིག་ཆའི་སྐོར་ནི། 《དེབ་ཐེར་སྔོན་པོ》དང་《ཆོས་འབྱུང་མཁས་པའི་དགའ་སྟོན》《དགའ་ལྡན་ཆོས་འབྱུང་བཻཌཱུརྱ་སེར་པོ》《ངོར་མཁན་ཆེན་དཔལ་ལྡན་ཆོས་སྐྱོང་གི་རྟོགས་བརྗོད》《འཛོམས་ཉག་མཆོད་རྟེན་དཔལ་གྱི་ལྷུན་པོའི་དཀར་ཆག》《བསྟན་རྩིས་ཀུན་བཏུས》《བཀའ་གདམས་གསར་རྙིང་རྗེས་འབྲང་དང་བཅས་པའི་བླ་མ་བརྒྱུད་པའི་རྣམ་ཐར་ཀུན་བཏུས་ནོར་བུའི་དོ་ཤལ་ཞེས་བྱ་བ》ལྕགས་རྭ་ངག་དབང་འཕྲིན་ལས་ཀྱིས་མཛད་པའི་《གསང་འདུས་བླ་བརྒྱུད》བློ་བཟང་མཁས་མཆོག་གིས་མཛད་པའི་《གནས་ཆུང་རྒྱལ་པོའི་བསྟོད་པ》《གནས་ཆུང་རྒྱལ་བོའི་ཆེས་འབུལ》《སྡེ་དགེ་རྒྱལ་རབས》《ལབ་དགའ་ལྡན་མདོ་སྔགས་བཤད་སྒྲུབ་འཕེལ་རྒྱས་གླིང་གི་ལོ་རྒྱུས་པད་མའི་དཔལ་གྱི་བདུད་རྩི་ཞེས་བྱ་བ》《ཀྲུང་གོའི་ལོ་རྒྱུས་དོན་ཆེན་ལོ་ཚིགས》《དཀར་མཛེས་བོད་རིགས་རང་སྐྱོང་ཁུལ་གྱི་ལོ་རྒྱུས་དཔྱད་ཡིག་བདམས་བཏུས》[page 226] སོགས་ཁུངས་སུ་བྱས་ཤིང་། མཐོང་ཐོས་དྲན་པའི་བརྒྱུད་རིམ་བཅས་གོང་བསྒྲིགས་ཁུལ་ཙམ་ལགས་ཀྱང་། སྐྱེས་སྦྱངས་གོམས་པའི་བློ་རྩལ་ཤིན་ཏུ་དམན་པས་འགལ་འཁྲུལ་གྱི་རིགས་ངེས་པར་ཡོད་སྲིད་པ་མཁྱེན་ལྡན་དག་གིས་དགོངས་བཞག་དང་སྐྱོན་སེལ་གནང་བ་ཞུ་ཞུ།

ས་མིང་ཚིག་མཛོད་མིག་བཤར།

སྔར་ལོ་རྒྱུས་ཀྱི་དུས་ཡུན་རིང་ཙམ་ཞིག་གི་སྔོན་དུ། བྱང་སྡེ་རྫ་ཆུ་ཁར་དགའ་ལྡན་པའི་དགོན་པ་ཡོངས་ཀྱི་ཐོག་མར་ཇོ་བོ་དགོན་བཤད་སྒྲུབ་འཕེལ་རྒྱས་གླིང་གི་དགོན་པའི་མངའ་བདག་ཇོ་བོ་སྐལ་བཟང་དགེ་ལེགས་རྣམ་རྒྱལ་གྱིས་བ་རོད་དགོན་འདི་ཉིད་ཕྱག་བཏབ་པ་ཡིན་ལ། རྒྱལ་དབང་ལྔ་བ་ངག་དབང་བློ་བཟང་རྒྱ་མཚོ་སྲིད་གསུམ་དབང་བསྒྱུར་མཚུངས་པ་མེད་པའི་སྡེ་ཆེན་པོའི་མཛད་པའི་དགའ་ལྡན་ཆོས་འབྱུང ནང་དུ་རི་བོ་དགེ་ལྡན་པའི་དགོན་པ་ཡོངས་ཀྱིས་མཚན་གྱི་རྣམ་གྲངས་ནང་དུ་ཇོས་དགོན་པ་འཁོད་འདུག་པའི་དུས་དེ་ལ་ང་ཚོས་མ་དགོན་ཇོ་བོ་དགོན་ཆག་ཡོད་པར་མ་ཟད། ལྔ་བ་ཆེན་མོས་ཇོས་སྐལ་བཟང་དགེ་ལེགས་རྣམ་རྒྱལ་ལ་སྩལ་བའི་བཀའ་ཤེར་བུ་མ་བཅས་ཡོད་པ་དེ་ཚད་མས་གྲུབ་ལ། ང་ཚོའི་དགོན་འདི་ཐོག་མར་ཤག་ཁོག་ལ་རབ་དཀར་མ་ཎི་ཟེར་བའི་ཉེ་འདབས་སུ་ཕྱག་བཏབ་སྟེ་གྲུབ་མཐའ་དགེ་ལུགས་པ་ཡིན། སྔར་ནས་ད་བར་འགྱུར་ལྡོག་བྱུང་མ་མྱོང་། བོ་རོད་དགོན་པའི་འདུ་ཁང་དང་། སྤྱོད་བླ་བླ་བྲང་དང་། དགེ་འདུན་པ་དག་གིས་ཤུལ་ཁྱོན་ཁང་མིག་བཅུ་ཚོ་གཉིས་ལྷག་ཡོད། ཆུ་ཁོལ་དགོན་ནི་ཡག་གཞུང་གིས་ཚེས་ཁོག་གིས་རྒོད་མ་ལུང་ཟེར་བ་དེ་ན་གཙུག་ལག་ཁང་དང་གྲྭ་བཙུན་ཉུང་ཙམ་གྱི་ཤུལ་ཡོད་ཀྱང་དགོན་པ་དེ་གཉིས་དང་ཁྱད་པར་དུ་བོ་རོད་དགོན་པའི་གནས་སྤོར་བྱས་ཚུལ་དགོན་དེའི་ལོ་རྒྱུས་ནང་བྲིས་ཡོད་པས་འདིར་དེ་ཙམ་ལས་མ་སྤྲོས་སོ།

སྤྱི་ལོ་1864ལོ་ལ་ཉག་དུས་ཉགརོང་ཨ་རྣམ་མགོན་པོའི་དབང་བསྒྱུར་སྐབས ལོག་སྐབས་བ་རོད་དགོན་པ་ཤག་ཁོག་ནས་གནས་སྤོ་བྱས་དེ་བོ་རོད་དགོན་པ་དང་ཟླ་སྒྲིལ་གཅིག་བྱས་ནས་ལོ་ངོ་ཆ་ཤས་ལ་བཞུགས་མཚམས་ཁེབ་བཅད་དཔོན་པོ་བ་ཐུལ་ཅན་ཤི། བུ་དེ་འགོ་ལོག་ཇག་པའི་དཀར་ཆེན་འཕྲང་ནས་བསད་དེ་མཐར་སྡེ་བའི་མགོ་འཛིན་མེད་པར་གྱུར། དགོན་སྡེ་གསུམ་པོ་འཐོར་ཞིག་ཏུ་གྱུར་ནས་རྫ་སྐེད་ཆུས འོམ་ཆུང་སྟོད་ལ་འགྲོ་རྩིས་བྱེད་པ་དང་ང་ཚོས་རོད་དགོན་སྡེ་གཉིས་པོ་སྔར་ལུགས་ལྟར་རང་ཚུགས་བཟུང་ནས་སེར་ཤུལ་དགོན་གྱིས་གཙོ་བདག་རྒྱལ་བ་སྣང་མཐའི་རང་གཟུགས་སྨན་ཤུལ་ཨེར་ཏི་ནི་བློ་བཟང་ཡེ་ཤེས་བསྟན་འཛིན་ལ་དགོན་པའི་སྐྱིད་སྡུག་གཟིགས་པར་ཞུས་ཏེ་ཁོང་གིས་ཀྱང་ཞལ་བཞེས་གནང་པར་མ་ཟད་མཁན་ཁྲིའི་ཐོག་དུ་མངལ་གསོལ་སྟེ་མཁན་པོ་མཛད་ནས་སེ་བྱས་མཁན་སྙན་གྲྭ་ཚང་གིས་སྒྲིག་ལམ་དང་ཕྱོགས་མཐུན་པར་མ་ཟད་དབུ་ཞྭ་དང་། ལྷམ་སོགས་དམིགས་གསལ་རེ་འགའ་ར་རྒྱ་[page 227] དགོན་པ་(མཚོ་སྔོན་ཕྱོགས)དང་ཆ་འདྲ་བར་མཛད། དུས་དེ་ནས་བཟུང་མཁན་པོའི་སྲོལ་དར་སྟེ། གདན་རབས་ཉེར་གཅིག་འདས་ཟིན་པ་དང་དུས་དེའི་སྔོན་ལ་ཡང་འདུལ་བ་གཞི་གསུམ་གྱི་ཕྱག་བཞེས་ལེགས་པོར་ཡོད་ནའང་ལས་བྱེད་པ་པོ་ལ་མཁན་པོའི་མཚན་འདོགས་ཀྱི་མེད་པར་བླ་ཟེར་སྲོལ་ཡོད་དོ། སྤྱི་ལོ་1870ལོའི་ཡས་མས་ལ་ཆབ་མདོ་ལྕགས་རྭ་རིན་པོ་ཆེ་ངག་དབང་འཕྲིན་ལས་ཀྱིས་ས་འདུལ་དང་རབ་གནས་མཛད་དེ་དགོན་འདི་ཆགས་ཡོད།

སྔོན་བྱོན་གྱི་ཕྱག་སོལ་བཟང་བོའི་སྐོར། དགོན་པ་འདི་ཉིད་ཀྱིས་རྒྱུན་སྲོལ་ལ་སྔར་ནས་བཟུང་སྟེ། གནམ་བཏེགས། ས་ཕབ། སྐྱེལ་བུ་ལྕག་བཤེད་སོགས་ཡ་ང་བའི་ཁྲིམས་བཅད་སྲོལ་མེད་ལ། དེ་ཡང་སྒྲིག་ཡིག་ནང་ལྟར་འཚོགས་སྡོམ་ཆེན་མོའི་གཞུང་ལས་སྟོན་རྒྱུ་ནི། ཆོས་སྡེ་འདི་ནི་ཆོས་འདུལ་བའི་གྲྭ་ཚང་། ཡ་རབ་ལྕགས་བཟང་གིས་གྲྭ་ཚང་། བྱམས་སྙིང་རྗེའི་གྲྭ་ཚང་ཡིན་པས་གལ་ཏེ་དགོན་པའི་སྒྲིག་ལམ་དང་འགལ་བ་བྱུང་ཚེ་རྩ་བཞི་ཆང་ལྔ་ཕུད། དེ་མིན་རྣམས་ཚབས་ཆེ་ཆུང་ལ་གཞིགས་ནས་ཆོས་ཆད་གཙོ་བོ་བྱེད་རྒྱུ་ཞེས་འཁོད་འདུག་པ་ལྟར་ཕལ་ཆེར་དེ་ལྟར་ལག་ལེན་བྱེད་པ་དང་། མཆོད་ཡོན་དུ་གྱུར་བའི་སྦྱིན་བདག་དང་ཡང་ན་ཉམས་ཐག་དམན་པ་ཀུན་ལ་ཆོས་དང་ཟང་ཟིང་གིས་སྦྱིན་གཏོང་མཛད་སྲོལ་ནི་དགོན་དེའི་ཉི་འདབས་སུ་དབུལ་བོ་བདག་མེད་རྣམས་ཤི་བའི་སྐབས་སུ་ཞག་གསུམ་བར་དུ་ཆོས་སྦྱིན་གྱི་མཛད་པ་ཉིན་ལྟར་ཆད་མེད་དང་། ཞག་གསུམ་ཚང་རྗེས་གྲྭ་བཙུན་རྣམས་རོ་དུར་ཁྲོད་དུ་སྐྱེལ་ནས་རོ་དུར་མེད་པ་བྱེད་པས་མི་ཚད་ཞེ་དགྲ་རྫོགས་པ་དང་བཅས་པ་མཛད་སྲོལ་དང་། མ་པུ་ཧྥང་དབང་བསྒྱུར་མཁན་ལ་ངོ་རྒོལ་བྱས་སྐབས་ཚེམ་གྱིས་སྟོད་ཟིལ་ཞས་ནས་ཕོ་མོ་བྱིས་པ་ཁྱོན་བརྒྱ་ཕྲག་ལ་ཉེ་བ་ཞིག་ངན་གསོད་སྣ་ཚོགས་བྱས་ནས་འཕྲོ་ལུས་ཀྱི་འགྲོ་ཐུབ་རྣམས་ས་མཐར་བྲོས་བྱོལ་བྱས་པར་དགོན་པའི་སྙན་དུ་གསན་རྗེས་འཕྲལ་དུ་གྲྭ་བ་ཉི་ཤུ་སྐོར་ཞོན་པ་ཡོད་མེད་ལ་མ་ལྟོས་པར་ལེ་བར་ལྔ་བཅུ་ལ་ཉེ་བའི་སར་ཕེབས་ནས་གཤིན་ལོའི་དུར་སར་ནས་འཕོ་བ་འདེབས་པ་དང་ཕ་མ་བསད་ཚར་བའམ། བྲོས་བྱོལ་དུ་སོང་ནས་ཤུལ་ལྷག་གི་བྱིས་པ་ཕོ་མོ་བཅུ་བཞི་ལྷག་ཡོད་པ་དེ་དག་གིས་ཕ་མའི་མིང་ཙམ་ཡང་མི་ཤེས་ལ་ཉམས་ཐག་དེ་རྣམས་བླ་མ་གྲྭ་བཙུན་ཚོས་བང་དུ་བླངས་ནས་ཕྱིར་དགོན་དང་དུ་སྐྱེལ་ནས་བླ་བྲང་ཁག་དང་། གྲྭ་བ་དང་ཡུལ་མི་དུད་ཚང་ཕྱུག་པོ་དང་བུ་རྒྱུད་མེད་པའམ་ཉུང་བ་དག་ལ་གསོ་རྒྱུ་སྤྲད་པར་མ་ཟད། རྒན་འཁོགས་དང་རྨས་མ་ནོར་དབང་ཟེར་བ་སོགས་མི་ལྔ་ཙམ་ཡང་སྨན་བཅོས་དང་གསོ་སྐྱོང་བྱས་ནས་མི་དག་དགའ་མགུ་ཡི་རངས་བ་དེ་དག་ནི་གཞན་ལས་ཁྱ་པར་དུ་འཕགས་པའི་ཁྱད་ཆོས་ཞིག་མཚོན་ཡོད་དོ།

ཐོས་བསམ་བསྒོམ་གསུམ་གྱིས་སྲོལ་ནི། དགོན་འདིས་གྲྭ་བ་བློ་གྲོས་དང་ལྡན་པ་རྣམས་སེ་རྭ་དང་། བླ་བྲང་བཀྲ་ཤིས་འཁྱིལ། སེར་ཤུལ་དགོན་སོགས་ཕལ་ཆེར་རྒྱུན་ཆད་མེད་པར་མང་སྐབས་གྲྭ་བ་བཅུ་ཚོ་ལས་བརྒལ་བ་དང་ཉུང་འཐར་རེ་འགའ་ཕེབས་ནས་སྐད་གྲགས་ཡོད་པའི་སློབ་དཔོན་དག་ལ་བརྟེན་ཏེ་སྦྱོང་བ་མཐར་ཕྱིན་པར་མཛད་ནས་ཕྱིར་རང་དགོན་དུ་ཕེབས་པ་རེད། སྤྱི་ལོ་1910ལོའི་ཡས་མས་ལ་སོག་[page 228] པོ་དགེ་བཤེས་ལྷ་རམ་པ་ཨང་གསུམ་པ་འཇམ་དཔལ་ཚུལ་ཁྲིམས་ཁོང་སེར་བྱས་མཁས་སྙན་གྲྭ་ཚང་ནས་མིང་བཏགས་བཞེས་ནས་ཕྱིར་རང་དགོན་དུ་ཕེབས་མ་ཐག་དགོན་འདིའི་བཟང་སྤྱོད་ཆེན་མོ་ཐོག་མར་འཛུགས་སྐབས་དང་དུས་མཉམ་པའི་དམ་པ་དེ་ཉིད་ཀྱི་སེ་རྭ་གྲྭ་ཚང་གིས་སྒྲིག་ལམ་ཇི་མ་ཇི་བཞིན་དུ་འཚོགས་འདོན་བྱོན་གཞུགས་སོགས་ཀྱི་སྐོར་རྣམས་བཙུགས་ནས་ཟླ་བ་དྲུག་ཙམ་ལས་མ་འགོར་བར་དགོངས་པ་ཆོས་དབྱིངས་སུ་ཐིམ་མོ།།

མཚན་སྙན་དང་མང་ཐོས་ལྡན་པའི་སློབ་དཔོན་ལྷ་རམས་པ་ཨང་དང་པོ་ཤུལ་མ་(མཚོ་སྔོན)དགེ་བཤེས་བློ་བཟང་རྣམ་གྲོལ་གདན་དྲངས་ནས་དབུ་ཕར་འདུལ་མཛོད་ཚད་མ་གསང་སྔགས་སོགས་གཞུང་ཆེན་བཀའ་པོད་ལྔའི་སློབ་ཁྲིད་རྒྱ་ཆེར་མཛད། གཞན་ཡང་ཨང་དང་པོའི་རབ་འབྱམས་པ་དགེ་བཤེས་གཞན་ཕན་དར་རྒྱས་(སེར་ཤུལ་རྫོང)ཁོང་གིས་དྲུང་ནས་རིག་གནས་སྤྱི་དང་བྱེ་ཕྲག་སྨན་རྩིས་སྡེབ་སྦྱོར་སོགས་ཆེ་ཕྲ་མཐའ་དག་ལ་བློ་རིག་ལྡན་པ་རྣམས་ཀྱིས་དམ་པ་དེ་དྲུང་ནས་བརྩོན་པ་ལྷུར་ལེན་གྱིས་ལོས་སུམ་ཅུ་ཙམ་ལ་ས་དེར་བཞུགས་ནས་སློབ་ཁྲིད་མཛད་ཏེ་དེ་ནས་ཁོང་སྐུ་ཞི་བར་གཤེགས། མང་དུ་ཐོས་པའི་ལྷ་རམ་པ་ཨང་དང་པོ་ཁ་ནང་སོ་དགེ་བཤེས་མཚོ་སྔོན བློ་བཟང་བསྟན་འཕེལ་དང་། ཨ་སྒྲིས་མཆོག་སྤྲུལ་རིན་པོ་ལྷ་རམས་པ་བཅས་ཀྱི་དྲུང་ནས་ཤེར་ཕྱིན་སོགས་གཞུང་ཆེན་རྣམས་དང་མངོན་མཛོད་ཀྱི་རྩོད་པ་བཅས་འཙུགས་ནས་འཆད་རྩོད་རྩོམ་གསུམ་གྱི་བསྟན་པ་འཛིན་སྤེལ་དར་རྒྱས་ཡོང་ཆེད་གོང་གི་དམ་པ་དེ་ཙམ་གདན་དྲངས་ནས་ཞབས་སེན་བཀྲ་ཤིས་ཀྱི་རེ་ཁ་འཁོད་པའི་སྐོར་རགས་ཙམ་བཀོད་པ་དེ་དང་དེ་དག་གིས་ལག་རྗེས་བཟང་བོས་འཐུས་བཀའ་པོད་ལྔའི་རྩོད་པ་དང་། གཞན་ཡང་རྩིས་དཀར་ནག་དབྱངས་འཆར་སོགས་དང་རྒྱུད་སྡེ་གོང་འོག་ཀུན་གྱིས་ཐིག་སོགས་དགོན་ཁག་གཞན་ལ་མ་ལྟོས་བར་རང་སྐྱ་ཕེར་ངེས་ཀྱིས་ཡོན་ཏན་ཡོད་པ་དང་། དག་ཡིག་སྙན་ངག་སྡེབ་སྦྱོར་དང་བྲིས་གཟུགས་སོགས་ཀྱང་མིང་གྲགས་ཡོད་པའི་མཁས་པ་དང་གསོ་བ་རིག་པའི་ཐད་ལ་ཡང་རང་སྐྱ་ཕེར་བ་སོགས་གོང་གི་དམ་པ་དེ་དག་གིས་བཀའ་དྲིན་ལ་བརྟེན་ནས་མདོ་སྔགས་ཕྱོགས་ནས་ཁུངས་དག་པ་རྗེ་བློ་བཟང་གྲགས་པའི་ལྟ་གྲུབ་གཙང་མའི་ཕྱག་བཞེས་ལྟར་བཅོས་ལྷད་མེད་པར་གཙོ་བོ་ཆབ་ལེན། ལྷམ་ཕུད། གྲོ་མཚམ་བཅད་ཉམས་ལེན་སྐོར་སྒྲིག་ལམ་གྱི་སྡོམ་ཚིག་ཞིག་ཡོད་ཕྱིར་ཚིག་ཕྱི་མའི་བསླབ་སྡོམ་ནོད་རྗེས་ཕྱི་དྲོའི་ཁ་ཟས་གསོལ་རྒྱུ་མེད་པ་དང་། དགོན་པ་སྤྱིའམ་སྒེར་གྱིས་ཡོན་བདག་ཚོས་ཤི་གསོན་གང་གིས་ཆེད་དུ་བསྔོ་སྨོན་ནས་རིམ་གྲོ་ཅི་གསུང་ཀྱང་རྒྱུན་དུ་བསྔོ་ཤ་རྟེན་ནས་གསོལ་མི་ཆོག་པས་བཀག་རྒྱ་དམ་པོ་བཅས་ཆོས་མཐུན་གྱིས་སྒྲིག་ལམ་དག་ཚད་སའི་སྐྱེས་ཆེན་དམ་པ་དང་བློ་གཟུ་བོར་གནས་པ་དག་ཐུགས་དགྱེས་པའི་རྣམ་ཐར་དང་རྒྱལ་བ་དགྱེས་པའི་མཆོད་སྤྲིན་སྐོར་མང་དུ་མཆིས་ཀྱང་འདིར་མ་བཀོད་དོ།།

ཏང་གིས་སྐབས་བཅུ་གཅིག་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པས་སྲིད་ཇུས་དངོས་འབབ་བྱེད་པའི་ལག་རྗེས་ཀྱི་མཐུས། སྤྱི་ལོ་1985ལོ་རྒྱལ་བསྟན་ཡོངས་ཀྱི་བསྟན་པས་མེ་རོ་ལྷར་[page 229] གསོ་བྱས་ནས་ཕྱིའི་གཙུག་ལག་ཁང་དེ་རིག་གནས་གསར་བརྗེའི་སྐབས་སུ་ཕྱིའི་རྡོ་རྩིག་ལྷག་མ་ཙམ་མ་གཏོགས་ཤིང་ཐུར་མ་གཅིག་མ་ལུས་པར་གཏོར་བརླག་སོང་བའི་ཆོས་སྡེ་འདི་ཉིད་ས་ཚུགས་རྭ་བ་འཛུགས་ཆོག་པའི་ཆོག་ཆན་ཐོབ་ནའང་བཞུགས་གནས་མེད་རྐྱེན་སྔར་གྱི་གསོལ་ཇ་སྐོལ་སའི་རུང་ཁང་དེ་གནས་སྐབས་བེད་སྤྱོད་བྱས་ནས་འདུ་ཁང་བསྐྱར་བཟོ་བྱེད་འགོ་ཙམ་ཏེ་སྔར་ཡོད་ཀྱིས་རྩིག་པ་ཁ་གསོ་དང་ཤིང་དང་ཤིང་མཁན་གྱི་ལས་བཟོ་བ་དང་འབུར་རྐོ་བྱེད་པའི་ལག་རྩལ་བ་གདན་དྲངས་ནས་ལས་འགོ་རྩོམ་པ་ལ་འབྱོར་བའི་ཐོག་བླ་གྲྭ་ཆོས་དད་མང་ཚོགས་ཀྱི་ཁ་སྣོན་སྤྱི་དང་བྱེ་བྲག་དུ་ཡང་བསྟན་པ་ཡོངས་ཀྱི་མངའ་བདག་བ་རོད་ཡང་སྤྲུལ་མཆོག་ནས་རྟ་ཟོག་བརྒྱ་དང་ལྔ་བཅུ་སྒོར་བརྒྱ་ཕྲག་དུ་མའི་ཁ་སྣོན་དང་། དགེ་ངག་དབང་གྲགས་པ་ནས་རྟ་ཟོག་བརྒྱ་དང་བཞི་བཅུ། སྒོར་བརྒྱ་ཕྲག་ཁ་ཤས་ཡོད། ནང་ཆེན་དབུ་མཛད་བསྟན་པ་དར་རྒྱས་ནས་ཁྱོན་ཁྲི་ཕྲག་དུ་མའི་རིན་ཀྱིས་རྒྱུ་དངོས་ཡོ་བྱད་དང་སྒོར་ཁྲི་ཕྲག་དུ་མའི་ཁ་སྣོན་བྱས་ཏེ་སྔར་ལུགས་ལྟར་གྱི་བཟོ་དབྱིབས་དང་ལྡེབས་རིས་སོགས་ཕལ་ཆེར་དགོན་པའི་འཁོར་ཡུག་རྒྱ་ཁྱོན་སྔར་དང་མཚུངས་ལ་གྲྭ་བའི་ཞལ་གྲངས་སྔར་ཡོད་ཀྱིས་གྲངས་ལ་བླ་གྲྭ་སུམ་རྒྱ་ཙམ་ཕལ་ཆེར་ཡོད་ཀྱང་ད་ལྟ་དེའི་ཕྱེད་ཀ་བླ་གྲྭ་150ལ་ཉེ་བ་ཞིག་ཡོད། ད་ཡོད་ཀྱིས་བསྟན་པའི་བདག་པོ་བ་རོད་ཡང་སྤྲུལ་ནས་དགོན་པ་དེའི་ཆོས་དང་འཛུགས་སྐྲུན་ཐད་ནས། སྤོང་བ་ཐོས་བསམ། ཀློག་པ་བསམ་གཏན། བྱ་བ་ལས་ཀྱི་འཁོར་ལོ་ཏེ་འཁོར་ལོ་གསུམ་གྱི་བྱ་བ་དང་། རྟེན་བཞེངས་སོགས་ཀྱི་ཕྱོགས་ནས་རྒྱུན་དུ་བཀོད་པ་དང་སྒྲིག་ལམ་ཀྱི་ཐད་ནས་ད་ལྟ་ཡང་འགན་མཐའ་དག་ལྷུར་བླངས་ནས་དགོན་སྡེ་འདི་ཉིད་ཀྱིས་བསྟན་པ་དང་འགྲོ་བའི་དཔལ་མགོན་དུ་འཚོ་ཞིང་བཞེས་ཏེ་ད་དུང་ཡང་མཛད་པ་སྐྱོང་དང་སྐྱོང་མུས་སུ་གནས་པ་དང་། མཆོག་སྤྲུལ་ཐུབ་བསྟན་རྒྱ་མཚོ་ནས་དགོན་པ་བདག་གཉེར་དོ་དམ་ཁང་གི་ཙུའུ་ཀྲང་གིས་འགན་བཞེས་ཡོད། ལབ་ཁྲི་ཆེན་བསོད་ནམས་རྩེ་མོ་ནས་སྤྲུལ་སྐུར་ངོས་འཛིན་པའི་དེང་དུས་ཀྱི་ཁྲི་རབས་བཅུ་བ་ཀུན་དགའ་སྙིང་པོ་ཐོག་མར་ཇོ་བོ་སྐུ་ཆེན་ནས་ངོས་འཛིན་དེ་རྗེས་གོང་ས་ཆེན་པོ་ཕྱག་ན་པད་དཀར་འཆང་བ་ངག་དབང་བློ་བཟང་བསྟན་འཛིན་རྒྱ་མཚོ་ནས་ཁྱེའུ་ནོར་གླིང་སྤྲུལ་སྐུ་སེར་ཤུལ་རྫོང་ནི་ཟླ་བ་བཟང་བོ་ཡིན་པར་ངོས་འཛིན་བྱས་པ་དེ་ཉིད་ཡང་ད་ལྟ་དགོན་དེར་བཞུགས་ནས་བསྟན་པ་ལ་བྱ་བ་མཛད་བཞིན་མཆིས་སོ། བདག་མེད་དབུལ་བོས་རིགས་ཀྱི་གྲྭ་བ་གསར་བཟོ་བ་དག་གིས་ཡི་གེ་སློབ་པ་མི་ཚད་བདག་པོ་བྱེད་པའི་དགེ་རྒན་ལ་སློབ་ཡོན་སྒོར་གཅིག་ཙམ་སྤྲད་མི་དགོས་པར་མ་ཟད་ད་དུང་སློབ་དཔོན་ནས་སློབ་ཕྲུག་ལ་འཚོ་བའི་རོགས་སྐྱོར་ཡང་མཛད་པའི་སྲོལ་རྒྱུན་བཟང་བོ་མ་ཉམས་པར་ད་ལྟ་ཡང་ཕྱག་བཞེས་སུ་གནས་ལགས། ད་ལྟའི་མཁན་པོ་འཇམ་དཔལ་ཤེས་རབ་ཁོང་མཁན་རབས་པ་ཡིན། ཁྲི་རབས་པ་དཔལ་ལྡན་རྒྱ་མཚོའི་འགན་བཞེས་སོ། ཡོན་གྱི་བདག་པོ་ནི་གཙོ་བོས་རོད་སྡེ་བ་ལ་དུད་སུམ་བརྒྱ་ལྷག་ཡོད་པ་དང་། ད་དུང་ཧོར་ཝ་དཀར་ཚང་(དཀར་མཛེས་རྫོང་)གིས་གསེར་དང་དངུལ་རྟ་མིག་མ་མང་ཙམ་ཕུལ་ནས་རྒྱུན་ལྟར་དགོན་དེར་ཉིན་རྟག་པར་མང་ཇ་གསོལ་རྒྱུ་ཡོད་པའི་སྤྱི་རྩ་ཆེན་པོ་ཕུལ་ནས་ཡོན་བདག་[page 230] གིས་གཙོ་བོ་དང་མཆོད་གནས་ཀྱི་གཙོ་བོ་དགོན་འདི་བྱས་པ་དང་། བླ་མའི་གཙོ་བོ་རྫ་དཔལ་སྤྲུལ་རིན་པོ་ཆེ་ཨུ་རྒྱན་འཇིགས་མེད་ཆོས་ཀྱི་དབང་པོ་ཡིན་པའི་ལོ་རྒྱུས་དག་ཡོད་ཕྱིར་ཕྱིས་སུ་མང་ཇ་ཡོད་དོ་ཅོག་ལ་ཝ་དཀར་མང་ཇ་ཟེར་ནས་མིང་ཐོགས་ཡོད།

ས་མིང་ཚིག་མཛོད་མིག་བཤར།

ཕྱག་བཏབ་ཚུལ་ནི། གཙང་སྟོད་བཀྲ་ཤིས་ལྷུན་པོའི་བཀའ་རབ་འབྱམས་པ་བསྟན་པ་དར་རྒྱས་ཞེས་པས་དགོན་པ་འདི་བཏབ། གཙང་བཀྲ་ཤིས་ལྷུན་པོའི་དགོན་ལག་ཏུ་གཏོགས། སྒྲིག་ལམ་དང་འདོན་རྟ་དབྱངས་སོགས་གཙང་པ་ལྟར་ཡིན། སྲུང་མ་ཡང་ནེ་སེར་ཇོ་བོ་ཆེན་པོ་ཡིན། བསྟན་པའི་བདག་པོ་གོང་བུ་རིན་པོ་ཆེ་མེར་མཁན་ཆོས་རྗེ་དགྱེས་པ་ལྷུན་གྲུབ་རྒྱ་མཚོ་ཡིན། པཎ་ཆེན་བློ་བཟང་ཆོས་ཀྱི་རྒྱལ་མཚན་ནས་དགོན་འདི་ལ་བཅའ་ཡིག་སོགས་གནང་ནས་བསྟན་བདག་མཛད། གོང་སྤྲུལ་ལ་ཐོབ་ཡིག་ཐོབ་རྟགས་ཞྭ་ཏོག་སོགས་གནང་། རྒྱལ་དབང་ལྔ་བ་ཆེན་པོའི་སྐུ་རིང་ལ་ཁོང་གིས་དགོན་འདི་ལ་བཅའ་ཡིག་གོང་སྤྲུལ་ལ་ཐོབ་ཡིག་གསེར་བྲིས་ལྔ། རྗེའི་སྐུ་འདྲ་བཞད་འཕགས་མ། དགོན་འདིའི་བླ་གྲྭ་རྣམས་གང་དུ་སོང་ཡང་བསྙེན་བཀུར་ཞབས་ཏོག་གི་དང་ལེན་ཞུ་བ་མ་གཏོགས་བཀག་སྡོམ་ཉེས་བཅོམ་གཏན་ནས་མི་ཆོག་པའི་བཀའ་ཡིག་གནང་། པཎ་ཆེན་བློ་བཟང་ཐུབ་བསྟན་ཆོས་ཀྱི་ཉི་མས་གྲྭ་དགེ་ལེགས་བརྩོན་འགྲུས་གཟིམ་འགག་བྱས། གོང་སྤྲུལ་ལ་ཐོབ་ཡིག་ཐམ་ཀ་དང་། དགོན་ལ་རྟེན་སྐལ་རྒྱ་ཆེན་གནང་སྟེ་གཟིགས་རྟོགས་བཟང་པོ་གནང་།

གོང་སྤྲུལ་སྐུ་ཕྲེང་བཅུ་བདུན། གཙེང་སྤྲུལ་སྐུ་ཕྲེང་ལྔ། ཨ་སྤྲུལ་སྐུ་ཕྲེང་བཞི། གསེར་གླིང་སྐུ་ཕྲེང་གསུམ། གཟིམ་འགག་སྐུ་ཕྲེང་གསུམ། དགེ་སྤྲུལ་སྐུ་ཕྲེང་ལྔ། དེ་ལས་དགེ་སྤྲུལ་རིག་གྲོལ་ནི། རྒ་ལེན་དགོན་ནས་ལྷ་ལུང་དཔལ་རྡོར་གྱི་སྤྲུལ་སྐུར་ངོས་བཟུང་སྟེ་གདན་དྲངས་ཀྱང་མ་བྱོན་པ་རེད། ཁོང་ལ་དགེ་བཤེས་ལྷ་རམས་པ་མང་པོས་ཆོས་ཀྱི་བགྲོ་གླེང་མཛདཔ་ན་ཡིད་རབ་འཕྲོག་སྟེ་གདན་ས་གང་དུ་ཕེབས་པ་ཡིན་ཞེས་དྲིས་པ་ན། གདན་ས་གང་དུ་ཡང་མ་སོང་བ་ཡིན་ཞེས་གསུངས། མཁས་པའི་སྙན་གྲགས་རྒྱས། བོ་རོད་དགོན་གྱི་དགེ་སྐུལ་མཛད། དེའི་སྐུ་རྗེས་མ་སྤྲུལ་སྐུ་འཕེལ་ལོ་ཟེར་བ་གཅིག་བྱོན། དེའི་ཡང་སྲིད་ཐུབ་བསྟན་ལུང་རིག་རྒྱ་མཚོ་ལབ་ལ་འཁྲུངས། ཆུང་གཞོན་དུས་ནས་སློབ་གཉེར་གང་ཡང་མེད་པར་བསང་དང་གཏོར་ཚེག་སོགས་དད་ལྡན་རྣམས་ཀྱིས་གང་ཞུས་ལྟར་ལྗགས་རྩོམ་མཁས་པ་རྣམས་ཀྱིས་ཀྱང་བསྟོད་བསྔགས་ཐོབ་པ་གནང་། དགོངས་བརྟག་ལུང་བསྟན་ལ་ཐོགས་པ་མེད་པ་ཡིན། འདི་ཕྱོགས་ཀྱི་ཡུལ་དགོན་ཀུན་ལ་གཟིགས་རྟོགས་མཛད། མཐར་སྐུ་གཤེགས་ཚེ་སྐུ་གདུང་ལ་རིང་བསྲེལ་སོགས་རྟགས་ཁྱད་པར་ཅན་བྱུང་། དེའི་ཡང་སྲིད་ཐུབ་བསྟན་ཆོས་ཀྱི་ཉི་མ་ནི་རྦ་རྒན་ལ་འཁྲུངས། དེ་ནི་དམངས་གཙོ་[page 231] བཅོས་བསྒྱུར་སྐབས་སྐུ་གཤེགས་སོང་། གཅོད་སྤྲུལ་ཐོག་མ་གཅོད་ཞར་ནི་ནུས་མཐུ་ཅན་ཡིན་པ་ད་དུང་ཡང་ངག་རྒྱུན་ཡོད། དེའི་ཡང་སྲིད་གཅོད་སྨོན་ནི་རབ་ཏུ་བྱུང་བ་ཡིན། སྐུ་ཚེའི་སྨད་ཙམ་ན་ལབ་ལུང་དུ་ཕེབས། ཐེ་བདེ་སང་གི་བུ་མོ་ལ་ཕྱག་འཕྲེང་ཞིག་གནང་། འཁོར་རྣམས་ཀྱིས་ལོག་ལྟ་ཕྲན་བུ་ཡང་སྐྱེས། དེའི་རྗེས་སུ་ཟི་ལང་ཕྱོགས་སུ་ཕེགས་ཏེ་སྐུ་གཤེགས། སྐུ་གདུང་ལ་མ་ཅིག་ལབ་སྒྲོན་གྱི་སྐུ་ཞིག་རིང་བསྲེལ་དུ་བབས། ས་དེའི་ཕྱོགས་ཀྱི་དགོན་པ་ཞིག་གི་ནང་མཇལ་རྒྱུ་ཡོད་ཟེར། དེའི་ཡང་སྤྲུལ་སྔར་གྱི་ཕྱག་ཕྲེང་གནང་བའི་བུ་མོ་དེ་ལ་འཁྲུངས་པས་འཁོར་རྣམས་ཀྱི་ལོག་ལྟ་བསལ། དེའི་ཡང་སྤྲུལ་བློ་བཟང་བསྟན་འཛིན་འཕྲིན་ལས་ནི་མང་དགེ་རྩེའི་བློ་བཟང་ཚེ་རིང་ཚང་ལ་འཁྲུངས། སེར་དགོན་ལ་གྲྭ་རྒྱུན་ཕེབས་ཏེ་འཆད་རྩོད་རྩོམ་གསུམ་ལ་ཐོགས་པ་མེད་པའི་མཁས་པར་གྱུར། དེ་ནས་རང་དགོན་དུ་ཕེབས་ཏེ་བསྟན་པའི་ཡང་སྙིང་རབ་བྱུང་གི་སྡོམ་པ་གནང་བ་དང་། རྒྱུད་སོ་སོའི་དབང་བསྐུར་རྗེས་གནང་གི་ཆོས་ཆར་ཕབ། དཔེ་འཁྲིད་དང་སྒྲིག་ལམ་ནན་སྐྱོང་སོགས་བསྟན་དོན་རྒྱ་ཆེན་མཛད། ཨ་སྤྲུལ་སྐུ་ཕྲེང་ཐོག་མ་ནི་དགེ་ལེགས་ཡར་འཕེལ་དང་དུས་མཉམ། དེའི་རྗེས་ཀྱི་སྐུ་ཕྲེང་གཅིག་རང་དགོན་འདིའི་གྲྭ་པ་མཛད། སྐུ་ཕྲེང་གསུམ་པ་ནི་སྐྱབས་མགོན་འཇམ་དབྱངས་བློ་བཟང་རྒྱ་མཚོའི་སྐུ་ཚ་ཡིན། ལུང་བསྟན་ལ་ཐོགས་པ་མེད་ཅིང་མཐོང་ཐོས་གྲོལ་བའི་ཚད་མའི་སྐྱེས་བུ་ཆེན་པོར་གྱུར། སྐྱེ་འཆི་ལ་རང་དབང་ཐོབ་ཅིང་ཀུན་དད་པའི་གནས་སུ་གྱུར། གོང་སྤྲུལ་སྐུ་ཕྲེང་རིམ་བྱོན་ནི་དགོན་འདིའི་བསྟན་པའི་བདག་པོ་ཡིན། གོང་སྤྲུལ་སྐུ་ཕྲེང་བཅོ་ལྔ་བའི་སྐབས་ཉག་དུས་ལོག་པ་ལ་ཐུག་པས་བོ་རོད་སྡེ་དགོན་གཉིས་ཡིད་ལྷུང་དུ་ལྷ་བ་དང་བླ་མས་ལུང་བསྟན་པ་ལྟར་གནས་སྤོས། དེའི་ཚེ་ཡིད་ལྷུང་ལྷ་རི་དཔོན་ཚང་གི་བུ་མོ་བོར་སོང་། བླ་མ་མང་པོ་གདན་དྲངས་ནས་རིམ་གྲོ་ཅི་བྱས་ཀྱང་གང་ཡང་མ་ཐོན་པ་ན། བླ་མ་གོང་སྤྲུལ་གདན་དྲངས། ཁོང་དཔོན་གཡོག་གཉིས་གཡོག་སྣ་ལོ་རེ་ལ་ཆིབས་ནས་ཕོ་བྲང་གི་ལྕགས་རིའི་ནང་ཕེབས། བླ་མས་གཤིན་ཆོག་ཅིག་མཛད་དགོས་ཞེས་གྲ་སྒྲིག་བྱས། དཔོན་གྱི་མདུན་འཁོར་ཞིག་ཡོང་ནས། ཁོང་བླ་མ་རྣམས་ཀྱིས་རིམ་གྲོ་སྒྲུབ་བཞིན་ཡོད། བུ་མོ་ཤི་གསོན་གང་རེད་ཁྱེད་ཀྱིས་དགོངས་བརྟག་ཅིག་གནང་རོགས་ཞུས་པ་ན། བླ་མས་ཕྱག་མོ་ཞིག་བཏབ་སྟེ་འོ་གསོན་པོ་ཞིག་རྙེད་རྒྱུ་མེད་གསུངས། ཕུག་ལུང་ནགས་གསེབ་སོགས་སུ་བཙལ་ན་རྙེད་ངོ་ཤར་གསུངས། དེའི་དོན་བཞིན་བཙལ་བས་བུ་མོ་རང་འགག་བྱས་ཡོད་པ་རྙེད། བླ་མ་ལ་དད་པ་ལྷག་པར་འཕེལ་ཏེ་མཆོད་གནས་སུ་བཀུར། བོ་རོད་དགོན་ལ་གཞན་དང་མི་འདྲ་བའི་རོལ་མོ་འཛམ་གླིང་གཡས་བཞག་ཅིག་ཕུལ་བ་ད་ལྟ་ཡང་ཡོད། དེ་རྗེས་རང་ཡུལ་དུ་འཁོར་ཚེ་མང་དགེ་དགོན་ཞིག་རལ་དུ་སོང་ཡོད་པ་ཞིག་གསོ་མཛད། འབུམ་རྙིང་དགོན་དུ་བླ་མ་ངག་རྒན་མ་ཞེས་པའི་འཚམས་པ་ཞིག་མ་གཏོགས་བཞུགས་མེད་པས་འདུ་ཁང་སོགས་ཞིག་རལ་དུ་གྱུར་ཚད་སླར་གསོས། འདི་རིགས་ནི་ངག་རྒྱུན་ལྟར་བྲིས་པ་ལས་ལྷད་བསྲེས་ཅུང་ཟད་ཀྱང་མེད། ཁོང་གིས་རྟེན་བཞེངས་དང་རྡོ་བརྐོས་ཚུན་ཆད་ཀྱང་མང་དུ་མཛད། མཁན་རབས་ནི་འདི་ཡིན་མི་གསལ། གོང་སྤྲུལ་སྐུ་ཕྲེང་བཅུ་བདུན་པ་འཇམ་དཔལ་[page 232] བསོད་ནམས་བསྟན་པའི་དབང་ཕྱུག་དཔལ་བཟང་པོ་ནི། རིགས་རུས་ཕུན་སུམ་ཚོགས་པའི་སྲས་སུ་སྐུ་སྐྱེ་བཞེས། སྐུ་ཆུང་དུས་ནས་རྣམ་དག་ངེས་འབྱུང་སེམས་ཀྱིས་ཀུན་ནས་བསླངས་ཏེ་མཁན་སློབ་གྲངས་ཚང་བའི་དབུས་སུ་རབ་ཏུ་བྱུང་། བསྟན་རྩ་སོ་སོར་ཐར་པ་ལ་དག་ཐེར་དང་ཐུགས་དམ་གྱི་མཐིལ་དུ་འཛིན། བར་སྐབས་འདུལ་འཛིན་པ་ཉམས་ཉེས་པར་གྱུར་པ་ན་ཁོང་གིས་སྐལ་ལྡན་མང་པོ་ལ་བསླབ་སྡོམ་གྱི་སྦྲང་ཆར་ཕབ་པས་གུར་གུམ་མདངས་འཛིན་པས་ས་སྟེང་ཁྱབ་པ་བྱུང་བས་བླ་ཆེན་དགོངས་པ་རབ་གསལ་གཉིས་པ་ཞེས་མཚན་སྙན་ཀུན་ཏུ་ཁྱབ་པ་བྱུང་། དབང་ལུང་སོགས་གང་ལ་གང་འདོད་དུ་བསྩལ། ཁྱད་ཆོས་གསུམ་དང་ཆེ་བ་བཞི་ལྡན་གྱི་བསྟན་བཅོས་བྱང་ཆུབ་ལམ་གྱི་རིམ་པ་སོགས་ཐུགས་ཉམས་སུ་བཞེས་པས་མཁས་ཤིང་གྲུབ་པར་གྱུར། རྒྱ་གར་དང་རྒྱ་ནག་སོགས་སུ་བྱོན་ཏེ་རྒྱལ་པཎ་རྣམ་གཉིས་ཀྱི་གསུང་གི་བགོ་སྐལ་མྱོང་། མཁན་ཆེན་སྐུ་འཕྲེང་ཉེར་ལྔ་པ་སོགས་དམ་པ་དུ་མའི་ལུང་གིས་ཟིན། རྡོ་རྗེ་འཆང་ལབ་ཁྲི་ཆེན་བསོད་ནམས་རྩེ་མོའི་ཞལ་ནས་གོང་སྤྲུལ་རིན་པོ་ཆེ་འགྲན་པའི་ཟླ་བྲལ་བ་རྗེ་བཙུན་ཆོས་ཀྱི་རྗེ་འཇམ་དབྱངས་བསྟན་པའི་དབང་ཕྱུག་མཆོག་ནི་དམ་པ་དུ་མའི་བསྔགས་བརྗོད་ཀྱི་གནས་སུ་གྱུར་ཞེས་གསུངས། སེ་འབྲས་དགེ་གསུམ་སོགས་དགོན་ལག་གྲངས་ལས་འདས་པ་ལ་བསྙེན་བཀུར་དང་རྟེན་བཞེངས་ཞབས་ཏོག་བསམ་བརྗོད་ལས་འདས་པ་མཛད། དགོན་འདི་ལ་འདུ་ཁང་གསར་བཞེངས་སོགས་མཐུན་རྐྱེན་ཕུན་སུམ་ཚོགས་པ་དང་། སྒྲིག་ལམ་དང་ཀུན་སྤྱོད་དག་ཐེར་མཛད་ཅིང་སློབ་གཉེར་གྱི་མཁན་པོ་གཞན་ནས་གདན་དྲངས་ཏེ་ལུང་རྟོགས་ཀྱི་བསྟན་པ་རྒྱ་ཆེར་སྤེལ། གཞན་བུམ་གཏེར་སྦས་པ་སོགས་མཛད་དོ། བྱང་ཆུབ་སེམས་དཔའི་མངའ་བདག་བླ་མ་གསེར་གླིང་བ་ནི། རང་སྡེའི་ནང་དུ་སྐུ་འཁྲུངས། ཆུང་དུས་ནས་ངེས་འབྱུང་བྱང་ཆུབ་སེམས་ཀྱིས་ཐུགས་རྒྱུད་བརླན་ཏེ་ཡོན་ཏན་མཐའ་དག་ལ་རང་དབང་འབྱོར། བསྟན་དོན་དུ་དགོན་སྤྱི་དང་ཁྱད་པར་རང་དགོན་དུ་རྟེན་བཞེངས་མང་དུ་མཛད། དགོན་པའི་དགོན་བདག་དང་དད་ལྡན་རྣམས་ཀྱི་འཚོ་བའི་མཐུན་རྐྱེན་སྦྱོར་བ་སོགས་མཛད། གཅོད་སྤྲུལ་ཐུབ་བསྟན་རྡོ་རྗེ་འཆང་ནི་རང་སྡེའི་ནང་དུ་སྐུ་འཁྲུངས། མཁན་ཆེན་རྡོ་རྗེ་འཆང་གིས་ངོས་འཛིན་མཛད། སྐུ་ཆུང་ངུའི་དུས་ནས་དད་ལྡན་རྣམས་ཀྱིས་གང་ཞུས་ལུང་སྟོན་ནུས་པས་མཁས་པ་རྣམས་ཀྱིས་ཀྱང་བསྔགས་བརྗོད་བྱེད་པའི་གནས་སུ་གྱུར། ཆོས་འཁོར་བསྐོར་བ་སོགས་དགོན་སྡེ་ལ་གཟིགས་རྟོགས་རྒྱ་ཆེན་པོ་མཛད། ཨ་སྤྲུལ་ངག་དབང་བློ་བཟང་ཐུབ་བསྟན་ཆོས་ཀྱི་ཉི་མ་ནི་འབུམ་གསར་དུ་སྐུ་འཁྲུངས། དགེ་སྤྲུལ་ངག་དབང་ལྷུན་གྲུབ་འཇམ་དཔལ་བསོད་ནམས་རབ་རྒྱས་ནི་འབུམ་རྙིང་དུ་སྐུ་འཁྲུངས། ངེས་དོན་བསྟན་པའི་མངའ་བདག་ལབ་ཁྲི་ཆེན་འཇམ་དཔལ་བློ་གྲོས་རིན་ཆེན་གྱིས་ངོས་བཟུང་། དེ་རྣམས་ཀྱིས་བྱང་སྔགས་སོར་གསུམ་གྱི་སྡོམ་པའི་མཚམས་ལས་མི་འདའ་བར་བསྲུང་བ་དང་སྤེལ་བ་རྒྱལ་བའི་གསུང་རབ་འཆད་པ་སོགས་བྱས།

བཤད་སྒྲུབ་ཀྱི་བསྟན་པ་དར་བའི་ཚུལ་ནི་ཆོས་མཛོད་བློ་བཟང་དགེ་ལེགས་རབ་རྒྱས་དང་། དབུ་[page 233] ཟུར་ཁྱབ་བདག་གཞན་ཕན་མཐའ་ཡས་རྣམ་གཉིས་ཀྱིས་གོང་སྤྲུལ་སྐལ་བཟང་བསྟན་པའི་རྒྱལ་མཚན་གྱི་སྐུ་རིང་ལ་བྱང་ཆུབ་ལམ་རིམ་ཆེན་མོའི་འཆད་ཉན་དང་རྩོད་གྲྭ་སོགས་བཙུགས། དུས་མཆོད་ནི་ཆོ་འཕྲུལ་སྨོན་ལམ་ཆེན་མོ། བཟང་སྤྱོད་ཆེན་མོ། རབ་གནས་དགེ་ཆར་དབྱར་གནས་སོགས་ཆོས་ལུགས་དུས་ཆེན་ཐེངས་བཅུ་བདུན་ཡོད། དགེ་འདུན་པའི་གྲངས་སྔོན་ཆད་བརྒྱ་ལྷག་ཙམ་དང་ད་སྐབས་དྲུག་ཅུ་ལྷག་ཙམ་ཡོད།

སྐུ་གསུང་ཐུགས་རྟེན་གྱི་སྐོར་ནི། རྒྱལ་དབང་ལྔ་པ་རིན་པོ་ཆེས་གོང་སྤྲུལ་རིན་པོ་ཆེ་ལ་གནང་བའི་རྗེ་བཞད་འཕགས་མ། སྐྱབས་མགོན་མདོ་རྒྱུད་རིན་པོ་ཆེའི་ཐུགས་དམ་གྱི་རྟེན་སྒྲོལ་མའི་སྐུ་ལི་མ། ད་ལྟའི་གོང་སྤྲུལ་རིན་པོ་ཆེའི་བཞེངས་པའི་རྗེ་ཡབ་སྲས་གསུམ་ཁང་བརྩེགས་མ། གསེར་ཟངས་ལས་གྲུབ་པའི་ཚེ་དཔག་མེད་དང་སྒྲོལ་དཀར་རྣམ་རྒྱལ་མ། རྡོ་རྗེ་སེམས་དཔའ་རྣམས་ཁང་བརྩེགས་མ། དེ་མིན་སྐུ་ལི་མ་སོགས་བརྒྱ་ཙམ་དང་། མཆོད་རྟེན་བཅུ། འདུ་ཁང་སྟེང་གི་སྒྲོལ་མའི་ལྷ་ཁང་ནང་གསེར་ཟངས་ལས་གྲུབ་པའི་སྒྲོལ་མའི་སྐུ་ཁྲུ་གང་བ། གཞན་གསེར་ཟངས་ལས་གྲུབ་པའི་སྒྲོལ་མའི་སྐུ་ཁྲུ་གང་བ་བརྒྱ། གསེར་ཟངས་ལས་གྲུབ་པའི་གུ་རུའི་སྐུ་མི་ལུས་ཀྱི་ཚད་ཙམ་པ། བཀའ་འགྱུར་རིན་པོ་ཆེ་ཆ་དྲུག་ལམ་རིམ་དང་སྔགས་རིམ་སོགས་པོ་ཏི་ཉིས་བརྒྱ་ལྷག་ཙམ། ཐང་སྐུ་བཞི་བཅུ་རྣམས་གོང་སྤྲུལ་རིན་པོ་ཆེས་བཞེངས། ཨ་སྤྲུལ་རིན་པོ་ཆེས་བཞེངས་པའི་རྗེ་ཙོང་ཁ་བ་མི་ལུས་ཀྱི་ཚད་ཙམ་པ། གཞན་དགོན་པ་རང་ལ་ཡོད་པའི་སྐུ་གསུང་ཐུགས་རྟེན་གྲངས་མང་། བློ་བསམ་དང་ཚེ་བསམ་གཉིས་ནས་བཀའ་འགྱུར་ཚར་རེ་བཞག་པ་བཅས། གསུང་རབ་ཀྱི་པར་ཤིང་། ད་ལྟའི་གོང་སྤྲུལ་རིན་པོ་ཆེས་བཞེངས་པའི་ལམ་རིམ་མཐའ་དཔྱོད་ལྡེབ་རིང་༢༦༦སྦྱོར་དངོས་ལྡེབ་༥༠ཆོས་སྤྱོད་ལྡེབ་༨༢དགེ་སློང་བསླབ་བྱ་ནོར་བུའི་འོད་འཕྲེང་ལྡེབ་རིང་༣༧རིགས་ལམ་ཆུང་ངུ་ལྡེབ་༣༣མཚན་བརྗོད་ལྡེབ་༢༥དཀོན་མཆོག་རྗེས་དྲན་སོགས་འདོད་ཆོག་ལྡེབ་༥༢ལམ་སྒྲོན་ལྡེབ་༡༨འདུ་ཁང་གཅིག་མགོན་ཁང་གོང་འོག་གཉིས། གྲྭ་ཤག་སུམ་ཅུ་ཙམ་ཡོད། རྒྱལ་ཁབ་ཀྱིས་སྒོར་ཆིག་ཁྲི་ཉིས་སྟོང་སུམ་བརྒྱ་གནང་བ་དེས་ཆོས་ར་སྤུས་ལེགས་ཤིག་བཞེངས། ད་ལྟ་མཁན་སྤྲུལ་བདུན་གྲྭ་བ་དྲུག་ཅུ་རེ་བཞི་བཅས་དུས་མཆོད་རྣམས་ཆ་རྐྱེན་ཅི་འཛོམས་ཀྱིས་འཚོགས་བཞིན་ཡོད། སྒྲིག་ལམ་ཀུན་སྤྱོད་སོགས་སྐྱོན་མེད་ཅིང་དད་ལྡན་མང་ཚོགས་ཀྱི་འདོད་པ་སྐོང་བཞིན་ཡོད་དོ།།

ས་མིང་ཚིག་མཛོད་མིག་བཤར།

རྫ་སྐེད་དགོན་ཁག་བཅུ་གསུམ་གྱི་ནང་ཚན་ཐར་ཤུལ་དགོན་པ་ནི་བོད་རབ་བྱུང་བཅུ་གཉིས་པ་སྤྱི་ལོ་༡༧༣༠ལོར་ཇོ་བོ་མཆོག་སྤྲུལ་སྐལ་བཟང་དགེ་ལེགས་རྒྱལ་མཚན་གྱིས་ཕྱག་བཏབ་པ་ཡིན། དགོན་པ་ཐོག་མར་འདེབས་སྐབས་གྲུབ་མཐའ་ནི་དགའ་ལྡན་པ་ཡིན། འདིར་དགོན་པའི་མཚན་ཐོས་བསམ་འཕེལ་རྒྱས་[page 234] གླིང་ཞེས་གསོལ། མཚན་དོན་ནི་ཀློག་པ་ཐོས་བསམ་དང་སྤོང་བ་བསམ་གཏན་སོགས་རྣམ་དཀར་དགེ་བའི་ལས་རྣམ་པར་འཕེལ་བའི་གནས་ཡིན་པས་དེ་ལྟར་བཏགས། རབ་བྱུང་བཅུ་དྲུག་པའི་ཤིང་ལུག་ལོར་མེ་ཡི་འཇིག་པས་འདུ་ཁང་ཆེ་བ་མཆོད་རྫས་ལྷ་རྟེན་བཅས་ཚིག་ནས་རྗེས་ཤུལ་ཙམ་མ་གཏོགས་མེད་པར་སོང་། མཁན་རབས་ནི་བླ་མ་མཁན་པོ་ནས་རིམ་པར། གྲགས་པ་རྣམ་རྒྱལ། བསམ་འགྲུབ། ངག་དབང་མཐར་ཕྱིན། འཇམ་དཔལ་བསོད་ནམས། བློ་བཟང་བཟོད་པ། ངག་དབང་བློ་བཟང་། དགེ་ལེགས་རབ་གསལ། དཀོན་མཆོག་ཚེ་བརྟན། འཇིགས་མེད་བསོད་ནམས། ཆོས་ཀྱི་རྒྱལ་མཚན། སེངྒེ་བློ་གྲོས། འཇམ་དཔལ་བཟང་པོ། ད་ལྟ་ཡོན་ཏན་བཟང་པོར་བཅས་སོ། སྤྲུལ་སྐུ་རིམ་བྱོན་གྱི་ཐོག་མར་དགེ་བཤེས་ངག་དབང་བཀྲ་ཤིས། དེའི་ཡང་སྲིད་ཐར་ཤུལ་སྐུ་ཆེན། དེའི་ཡང་སྲིད་ཐུབ་བསྟན་བསྟན་པའི་ཉི་མ། དེའི་ཡང་སྲིད་ཐུབ་བསྟན་འཇིགས་མེད་དགེ་ལེགས་ཆོས་ཀྱི་རྒྱལ་མཚན། དེའི་ཡང་སྲིད་མཆོག་སྤྲུལ་བསོད་ནམས་དར་རྒྱས་བཅས་བྱོན། སྐུ་ཕྲེང་དྲུག་པ་ད་ལྟ་ངོས་འཛིན་བྱས་མེད། དགེ་སྤྲུལ་སྐུ་ཕྲེང་ཐོག་མ་བླ་མ་མཁན་རྒན་ནམ་སྦ་ནག་དགེ་བཤེས་ཀྱི་སྤྲུལ་སྐུ་དང་། དེའི་ཡང་སྲིད་ཐུབ་བསྟན་དགེ་ལེགས་ཆོས་ཀྱི་ཉི་མ། དེའི་ཡང་སྲིད་འཇམ་དཔལ་བསོད་ནམས་བསྟན་པའི་རྒྱལ་མཚན། དེའི་ཡང་སྲིད་མགོན་དགའ་མཆོག་སྤྲུལ་འདི་ཉིད་ཡིན། ཁྲོམ་གྲུབ་ཐོབ་རྒྱལ་བ་བྱང་ཆུབ་ཀྱི་ཡང་སྲིད། མཆོག་སྤྲུལ་ཐུབ་བསྟན་དབང་པོ་འདི་ཉིད་ཡིན། དགོན་མེས་ཚིག་རྗེས་ཐར་ཤུལ་སྐུ་ཕྲེང་གཉིས་པས་རྡོ་འབུམ་ཆེ་བ། མ་ཎི་འཁོར་ཆེན་བརྒྱད། སྐུ་ཕྲེང་བཞི་པས་མཛད་སྒོ་འདུ་ཁང་དང་ཆོས་ར། ཆོས་སེར་མ་རུང་ཁང་། སྒྲོལ་མ་ལྷ་ཁང་བཅས་བཞེངས་ཡོད། གསུང་ཆོས་ཀྱང་རླུང་རྟའི་གར་འཛུག་གི་སྒྲུབ་གཞུང་ཆེ་བ་དང་། རང་ཡུལ་གཞི་བདག་རྣམ་བཞིའི་བསང་། ཟབ་མོ་གཅོད་ཀྱི་ཉམས་ལེན་བསླབ་བྱ་སོགས་བརྩམས། བཤད་སྒྲུབ་ཀྱི་འཆད་ཉན་དང་ཁྱད་པར་རྩོད་གྲྭ་བཙུགས་ནས་རྒྱ་བོད་ཀྱི་གཞུང་རྣམས་ལ་སྦྱང་བརྩོན་རྣམ་དག་བྱེད་རྒྱུ་དང་། དེ་ནས་བཟུང་གྲྭ་ས་ཆོས་རྒྱུན་ནི་སེར་དགོན་ཐེག་ཆེན་དར་རྒྱས་གླིང་གི་ལྷོ་པ་ཁང་ཚན་ཡིན། དེ་ནས་ད་བར་ལ་མི་ཉམས་གོང་འཕེལ་ཉམས་པ་སོར་ཆུད་ཀྱི་དཔེ་ལྟར་འཛིན་སྐྱོང་སྤེལ་གསུམ་བྱེད་བཞིན་ཡོད། མཁན་ངག་དབང་བློ་བཟང་ཀྱིས་བཞེངས་པའི་སྐུ་རྟེན་ཞལ་ཐང་གྲངས་མང་། མ་ཎིའི་འཁོར་ཆེན་འཁོར་ཁང་རྡོ་འབུམ་སོགས་ཕྱག་རྗེས་ཟབ། མ་དགོན་ཇོ་བོ་དགོན་བཤད་སྒྲུབ་འཕེལ་རྒྱས་གླིང་དང་། ཕན་ཚུན་མཐུན་འབྲེལ་ཡག་པོ་ཡོད་པར་མ་ཟད། རྡུལ་ཚོན་གྱི་ཐིག་རྩ་འཆམ་ཕྱག་ལེན་རྟ་དབྱངས་སོགས་དེའི་ལུགས་བྱེད་པ་དང་། ཇོ་བོ་མཆོག་སྤྲུལ་བསོད་ནམས་སེངྒེ་ཁོང་གིས་ཀྱང་བསྟན་དགོན་འདི་ལ་གཟིགས་སྐྱོང་རྒྱ་ཆེ་མཛད་བཞིན་ཡོད། མཁན་པོ་དབུ་མཛད་དགེ་སྐོས་སོགས་རང་རང་གི་མཛད་སྒོ་གང་ཡོད་མཐོང་རྒྱུ་ལྟར་ཕྱག་ལེན་མཛད་པ་དང་ཐོབ་ཐང་རིམ་པ་ལྟར་ཡིན། དགོན་པ་འདི་ཆགས་ནས་རྟེན་དང་བརྟེན་པ་བཞུགས་ཚུལ་ནི་འོག་ཏུ་བཀོད་པ་རྣམས་ཏེ་ད་ལྟར་ཡང་ཇི་བཞིན་སྐྱར་བཞེངས་གྲུབ་པའི་སྐྱེས་ཆེན་དམ་པ་རྣམས་ཀྱི་བཞེངས་པའི་རྟེན་བརྟེན་པའི་གྲངས་ནི། འདུ་ཁང་གཅིག ཆོས་ར་ཆེ་བ་གཅིག ཆོས་སེར་མ། [page 235] སྒྲོལ་མ་ལྷ་ཁང་ཆུང་བ། འཁོར་ཁང་དུང་འཁོར་བཅས་ཚད་ལྡན། རུང་ཁང་། གྲྭ་ཤག་ཆེ་ཆུང་བཞི་བཅུ། གཞན་ཡང་མཆོད་རྫས། རོལ་ཆ། རྔ་རྡུང་། རྒྱ་གླིང་དུང་དམར་འཕན་གདུགས་རྒྱལ་མཚན། ཌཱ་དྲིལ་ནང་མཆོད། ནས་བཟེད་བུམ་པ་སོགས་མདོར་ན་ཆོད་རྫས་རིགས་ཅི་དགོས་ཐམས་ཅད་ཕལ་ཆེར་འཛོམས་ཡོད། དུས་མཆོད་རྒྱུན་སྲོལ་སྔོན་མ་ལྟར་བོད་ཟླ་དང་པོའི་ཆོ་འཕྲུལ་ཟླ་བའི་ཚེས་གཅིག་ནས་བཅུ་དྲུག་བར་ལྷ་ལྡན་སྨོན་ལམ་སྤྱོད་འཇུག་བཅས་འཚོགས། དེང་གི་གནས་ཚུལ་རྒྱལ་བསྟན་བཤད་སྒྲུབ་ལས་གསུམ་གྱི་བསྐྱངས་བས་རང་དགོན་གྱི་རྒྱལ་བསྟན་སྤྱི་དང་བྱེ་བྲག་དགའ་ལྡན་རང་ལུགས་འདི་ཉིད་ཀྱི་སྲོག་ཤིང་ལྟ་བུར་གྱུར་ནའང་སྐྱེ་དགུ་བསོད་ནམས་དམན་པས་ངོ་རྒོལ་བཞི་པ་ཞེས་པས་རྟེན་བརྟེན་པ་ཐམས་ཅད་བརླགས། ཐ་ན་གཙུག་ལག་ཁང་གྲྭ་ཤག་དང་བཅས་པ་གྱང་ཁོག་ཙམ་ལས་མེད་པར་གྱུར། དེ་རྗེས་ཡང་རིག་གནས་གསར་བརྗེ་ཞེས་པའི་དུས་མཐའི་རླུང་དམར་གྱིས་གཏན་མེད་དུ་བཏང་བར་མ་ཟད། རྒྱུ་རྫས་ལ་གནོད་ཚབས་ཆེན་པོ་བྱུང་ཚུལ་ལ་བསམ་ན་ཡིད་སྐྱོ་བའི་རྒྱུ་རུ་གྱུར་བ་ཞིག་གོ དེང་ཆོས་ལྡན་བོད་འབངས་ཀྱི་ཆོས་དད་རང་དབང་སྤྲིན་གསེབ་ཉི་མ་ཤར་བ་ལྟར་ཡོད་པའི་དུས་འདིར། སྔོན་གྱི་རྟེན་བརྟེན་པ་རྣམས་དང་གཙུག་ལག་ཁང་རྣམ་ལ་ཞིག་གསོ། མདོ་སྔགས་ཀྱི་རིག་གཞུང་ལ་འཆད་ཉན་དར་སྤེལ་སོགས་བྱས་ཡོད་པ་གོང་བྲིས་ཟིན། འདིར་བླ་གྲྭ་ཐམས་ཅད་ཐུགས་མཐུན་ཁྲིམས་གཙང་གི་ངོས་ནས་བཤད་སྒྲུབ་ལས་གསུམ་གྱི་མཛད་པར་འབད་བཞིན་པ་དང་། བླ་སེར་ཀུན་སོ་ཐར་བྱང་སེམས་གསང་སྔགས་ཀྱི་ཉམས་བཞེས་བཅས་ཆོས་མཐུན་གྱི་མཛད་སྒོ་རྣམས་ཇེ་དར་དུ་མཆིས་སོ།།

ས་མིང་ཚིག་མཛོད་མིག་བཤར།

ཀུན་མཁྱེན་འཇིགས་མེད་གླིང་པའི་ཐུགས་ཀྱི་སྲས་མཆོག་དགེ་རྩེ་བསོད་ནམས་བསྟན་འཛིན་ནམ་ཀིཿལུང་འཇིགས་མེད་ངོ་མཚར་རྒྱ་མཚོ་ཞེས་པས་རབ་བྱུང་བཅུ་གཉིས་པའི་ལྕགས་ཁྱིའི་ལོར་བཏབ་པ་ཡིན།

ཁོང་ནི་ཡབ་སྨུག་པོ་གདོང་གི་རུས་བརྒྱུད་དགེ་རྩེ་སྙིང་རྒྱུཨ་འབུམ་དང་ཡུམ་སྒྲོལ་མ་ཞེས་བྱ་བའི་རིགས་རུས་ཕུན་སུམ་ཚོགས་པར་རབ་བྱུང་བཅུ་གཉིས་པའི་མེ་ཁྱིའི་ལོར་སྐུ་བལྟམས། དགུང་ལོ་བརྒྱད་ཙམ་ནས་འབྲི་ཀློག་ཚེགས་མེད་དུ་མཁྱེན། དགུང་གྲངས་བཅོ་ལྔའི་དུས་རུ་དམ་ཨོ་རྒྱན་བསམ་གཏན་ཆོས་གླིང་དུ་མཁན་སློབ་གྲངས་ཚང་བའི་དབུས་སུ་རབ་ཏུ་བྱུང་སྟེ་ངུར་སྨྲིག་གི་རྒྱལ་མཚན་བཞེས། རྫོགས་ཆེན་པ་ངེས་དོན་བསྟན་འཛིན་བཟང་པོའི་དྲུང་ནས་རྫོགས་པ་ཆེན་པོའི་སྨིན་གྲོལ་རྒྱབ་རྟེན་དང་བཅས་པ་གསན། [page 246] གཞན་ཡང་ཁམས་ཀ༔དཔལ་སོགས་སུ་བྱོན་ནས་སྔ་འགྱུར་མདོ་སྒྱུ་སེམས་གམ་གཙོ་བོར་གྱུར་པའི་རྒྱུད་བཤད་དབང་ཁྲིད་དང་བཅས་པ་ལེགས་པར་མནོས། ཚུལ་བཞིན་ཐུགས་ཉམས་སུ་བསྟར་བས་ལམ་རྟགས་ཀྱི་ཡོན་ཏན་ཡང་ཚད་མེད་པ་འཁྲུངས། ཐུན་མོང་རིག་གནས་སྐོར་ཡང་བྱང་ཆུབ། དགུང་གྲངས་ཉི་ཤུ་གྱི་ཐོག་ལྷག་པའི་ལྷས་ལུང་བསྟན་དང་གྲུབ་དབང་རྫོགས་ཆེན་པའི་བཀའ་བཀོད་བཞིན་ལྷ་ལྡན་དུ་ཕེབས། དཔལ་ཚེ་རིང་ལྗོངས་སུ་ཀུན་མཁྱེན་ཆེན་པོ་རིག་འཛིན་འཇིགས་མེད་གླིང་པའི་ཞབས་ལ་གཏུགས་ཤིང་། ཀློང་ཆེན་གསུང་འབུམ་སྙིང་ཐིག་ཡ་བཞི་དང་། མཛོད་ཆེན་བདུན་སོགས་དང་སྐུ་ཉིད་ཀྱི་གསུང་སྐོར་ཡོང་རྫོགས་ཀྱི་ཆོས་བཀའ་ཐོབ། དཔལ་བསམ་ཡས་མཆིམས་ཕུ་དང་། ཡེར་བ་ཟླ་བ་ཕུག་ཤེལ་བྲག་ཞོ་ཏེ་སྒྲོ་སོགས་སྔོན་བྱོན་གོང་མའི་གནས་མཆོགཆེན་པོ་རྣམས་སུ་ཞབས་ཀྱིས་བཅགས་པ་དང་། སྒྲུབ་པ་ཉམས་བཞེས་གནས་འབྲེལ་ཚོགས་འཁོར་མཛད། དབུས་གཙང་གི་རིས་མེད་དགེ་འདུན་པའི་སྡེ་རྣཆམས་ལ་མཆོད་འབུལ་དང་མང་ཇ་སྙན་ཤལ་སྦྱིན་གཏོང་སོགས་ཀྱིས་བླ་མའི་ཐུགས་ཟིན་པའི་ཡང་རྩེར་གྱུར། དེ་ནས་ཕ་ཡུལ་དགེ་རྩེ་རུ་རྫོགས་པ་ཆེན་པོ་ཀློང་ཆེན་སྙིང་ཐིག་གི་གདན་ས་འདི་འཛུགས་པའི་བཀའི་གནང་བ་ཐོབ་པས་སྐུ་ཉིད་ཅེས་ཀྱང་ས་འདུལ་དང་གནས་བྱིན་གྱིས་བརླབས་པར་ཕེབས་དགོས་ཞུས་པ་ལ། ཞལ་ནས། ་ང་ལ་སྔར་སྡེ་དགེ་ས་སྐྱོང་གིས་ཀྱང་གདན་ཞུ་རིམ་པ་འབྱོར་ཡངཕོ་ཉ་རྣམས་ཕྱིར་བསློག་པ་ཡིན། ད་ལན་ཡང་ང་རང་ཡོང་སྐབས་མེད་ཀྱང་། ཁྱོད་དད་ལྡན་གྱི་སློབ་མ་ཨུ་ཚུགས་ཅན་ངོ་མི་གཅོག་ཙམ་དུ་ང་རང་འོང་སྟེ་ས་འདུལ་བྱས་པ་དང་འདྲ་བའི་རྟགས་ཐོན་པ་ཞིག་བྱེད་ཅེས་ཞལ་བཞེས་གནང་། དགོན་པའི་མཚན་ཡང་འོག་མིན་རིག་འཛིན་འཕེལ་རྒྱས་གླིང་ཞེས་འདོགས་དགོས་གསུངས་ཤིང་། ཉིད་ཀྱི་གཏེར་བྱོན་སྐུ་གསུང་ཐུགས་རྟེན་དུ་མ་ཡང་རྟེན་སྐལ་དུ་གནང་། དེ་ནས་ཁོང་བླ་མའི་བཀའ་བཞིན་རྟེན་རྣམས་བསྣམས་ནས་རང་ཡུལ་དུ་ཕེབས། ཀི༔ལུང་ཨམ་མཐོ་ཞེས་པའི་མདུན་དུ་གཙུགས་ལག་ཁང་གི་རྨང་འདིར་རྩིས་བྱས། དེའི་ཚེ་གནས་འདི་དགེ་རྩེའི་རུ་བ་དག་གི་དགུན་མཚེར་ཡིན་ཞིང་། གནས་འདི་ལ་སྡོད་མཁན་ནི་ཡི་ལེ་ཡིད་བཞིན་ཚང་ཞེས་པའི་ཁྱིམ་ཚང་འབྱོར་ཕྱུག་ཅན་ཞིག་ཡིན། དེ་ནས་ས་སློང་དུ་དཔོན་སློབ་ཁ་ཤས་གནས་འདིར་ཕེབས་མ་ཐག་ཏུ། ནམ་མཁའ་སྔོ་སངས་སྤྲིན་དུམ་བུ་དུམ་བུ་ཆད་པའི་བར་འཇའ་ཚོན་གྱི་དྲ་བས་སྤྲེལ་ཞིང་། མེ་ཏོག་གི་ཆར་སི་ལི་ལི་བབས། ལ་ལུང་ཀུན་དྲི་བསུང་གིས་ཁྱབ་པ་སོགས་བཀྲ་ཤིས་པའི་དགེ་མཚན་མང་པོ་འགྲིག་པ་བྱུང་། ཁྱིམ་ཚང་གི་འགྲམ་དུ་སླེབས་པ་ན་ཕྱུགས་ལྷས་ཀྱི་དཀྱིལ་ན་རྡོ་ཕ་བོང་མཆོད་རྟེན་ལྟ་བུ་ཞིག་ལ་མཛོ་མོ་མ་བུ་དང་བེའུས་རི་རྒྱལ་ལ་གླིང་གིས་བསྐོར་བ་བཞིན་བསྐོར་ཡོད་པ་མཐོང་། ་ཁྱིམ་བདག་མོ་བཀྲ་ཤིས་ཆོས་འཛོམས་ཟེར་བ་དེས་བཀྲ་ཤིས་རྟགས་བརྒྱད་ཀྱི་རི་མོ་ཅན་གྱི་ཟངས་དཀར་ནང་དུ་འོ་མ་གང་བསྐོལ་བཞིན་ཡོད་པ་ལ་བླ་མ་དཔོན་སློབ་རྣམས་སྦྲ་སྒོར་ཕེབས་པའི་དུས་འོ་མ་སྐྱོགས་གང་ལག་ཏུ་ཐོགས་ཏེ་བསུར་འོང་བ་སོགས་མ་བསྒྲིགས་རང་འགྲིག་གི་རྟེན་འབྲེལ་ཕྱིན་ནང་འཛོམས། ཁྱིམ་དེར་བྱོན་ནས་གདན་ལ་འཁོད་དེ་སྐྱེམས་བཞེས་པ་སོགས་[page 247] ཅུང་ཞིག་འགོར་རྗེས་གནས་འདིར་སྒྲུབ་གནས་འདེབས་དགོས་ཚུལ་གྱིས་ས་བསླངས་པས། ཁྱིམ་བདག་དེ་ཡང་དགའ་ཞིང་སྤྲོ་བའི་ངང་གནས་ཕུལ་ཞིང་འདེབས་ཀྱང་འཇོག་རྒྱུ་དང་ལེན་བྱས། དེ་ལྟར་ལྷ་མི་ཀུན་གྱིས་མཐུན་འགྱུར་ཕུན་སུམ་ཚོགས་པ་བྱས། དེ་ནས་ལྷ་ཁང་བཞེངས་པའི་དབུ་ཚུགས་པ་ན། སྐབས་དེར་ས་སྐྱོང་སྡེ་དགེའི་རྒྱལ་པོའི་རྒྱལ་སྲས་འགའ་སྐུ་ཆུང་ངུར་གཤེགས་པ་ན། རིམ་གྲོ་ཅི་དགོས་ཀུན་མཁྱེན་འཇིགས་མེད་གླིང་པ་དང་། གྲུབ་ཆེན་རིན་པོ་ཆེར་བརྟག་ལུང་ཞུས་པས་རྣམས་གཉིས་ཞལ་མཐུན་པར། ད་ལྟས་སྐྱོང་རང་གི་མངའ་ཁོངས་ཀྱི་ཆར་གཏོགས་རྫས་རྒྱལ་ཞེས་པའི་མདུན་ཀུན་མཁྱེན་གྱི་སློབ་མ་རྡོ་རྗེ་ཕུལ་བའི་གྲུབ་ཐོབ་ཅིག་བཞུགས་པ་དེ་རྒྱལ་པོའིཕོ་བྲང་དུ་གདན་དྲངས་ཤིང་། ་ཕུར་པའི་སྒྲུབ་དཀྱིལ་དང་རྒྱལ་བུ་ལ་ཚེ་དབང་བསྐུར་བ་སོགས་བྱས་ན་རྒྱལ་སྲས་སྐུ་ཚེ་མཐར་ཕྱིན་ཅིང་མངའ་འབངས་དགྱེས་པ་སོགས་འོང་ཞེས་ལུང་བསྟན་པ་ལྟར། སྡེ་དགེ་ནས་གདན་འདྲེན་ཕོ་ཉ་སླེབས་པས་མི་དབང་ས་སྐྱོང་ཆེན་པོའི་ཕོ་བྲང་དུ་ཕེབས། རྒྱལ་བློན་འབངས་དང་བཅས་པ་གེགས་ལས་གྲོལ་བར་བྱས་ཤིང་ཆོས་བཀའ་ཅི་རིགས་གནང་། དེའི་རྐྱེན་གྱིས་ཤིང་བཟོ་རྡོ་བཟོ་ལྷ་བཟོ་སོགས་མི་དབང་ཆེན་པོས་ཆེད་དུ་མངགས་ཤིང་འགྲོ་གྲོན་ཡང་སྦྱར། དེ་ལྟར་ཕྱི་གཙུགས་ལག་ཁང་ཀ་བ་བཅུ་དྲུག་ཅན་ཉིས་ཐོག་ལ་སྒོ་ཁྱམས་ཀ་བ་གཉིས་ཅན་བཀོད་པ་མཛེས་ཤིང་ཡན་ལག་ཚང་བ་དང་། ནང་དུ་ལྡེབས་རིས་སྐོར་ཚོགས་ཞིང་དང་ཞིང་བཀོད་གསེར་བྲིས་མང་པོ་དང་། གསེར་ཟངས་སྨན་འདམ་ལས་གྲུབ་པའི་སངས་རྒྱས་བྱང་སེམས་ཀྱི་སྐུ་ཆེ་ཆུང་སུམ་བརྒྱ་ལྷག་གསུང་རྟེན་བཀའ་བསྟན་སོགས་མདོ་སྔགས་ཀྱི་གསུང་རབ་པོ་སྟོང་ཕྲག་གཉིས་ཙམ། ཐུགས་རྟེན་གསེར་ཟངས་དང་ཤིང་གི་མཆོད་རྟེན་ཆེ་ཆུང་མང་པོ་བཅས་ལེགས་པར་གྲུབ། རབ་གནས་ཀྱི་ཉིན་དེར་ནམ་མཁར་འཇའ་ཚོན་རྣམ་ལྔས་མུ་ཁྱུད་དུ་གང་ཞིག། དྲི་བསུང་གི་ངད་ཀྱིས་ཁྱབ་པ། མེ་ཏོག་གི་ཆར་བབས་པ་སོགས་བྱུང་། དེ་ནས་དགོན་འདིར་འོད་གསལ་རྫོགས་པ་ཆེན་པོ་ཀློང་ཆེན་སྙིང་ཐིག་གི་འཆད་ཉན་དབང་འཁྲིད་བསྒོམ་བསྒྲུབ་བསྐྱངས་པས་ཀུན་མཁྱེནཡབ་སྲས་ཀྱིཆོས་སྡེའི་ཕྱི་མོ་ཞིག་ཏུ་གྱུར། སློབ་མའི་གཙོ་བོ་ཡང་གྲུབ་དབང་རྫོགས་ཆེན་པ་མི་འགྱུར་ནམ་མཁའི་རྡོ་རྗེ། མདོ་མཁྱེནབརྩེ་ཡེ་ཤེས་རོལ་བའི་རྡོ་རྗེ། རྒྱལ་སྲས་གཞན་ཕན་མཐའ་ཡས་སོགས་སྔ་འགྱུར་བསྟན་པ་གཞིར་བཞེངས་ཀྱི་མཛད་འཕྲིན་ཅན་མང་དུ་བྱུང་། དེ་ནས་དགུང་ལོ་དྲུག་ཅུ་ཙམ་ལ་སླེབས་པ་ན་མཛད་འཕྲིན་གྱི་ཐ་མ་གཟུགས་སྐུ་ཆོས་དབྱིངས་སུ་བསྡུ་བའི་ཚུལ་མཛད། གཞན་ཡང་མི་དབང་སྡེ་དགེའི་རྒྱལ་པོ་སོགས་གསར་རྙིང་རིས་མེད་ཀྱི་སྐྱེས་བུ་མབ་པོ་ཡང་རྗེས་སུ་བཟུང་བའི་བཀའ་འབངས་སུ་གཏོགས་པ་ཡོད། དེ་ཙམ་ནི་ཕྱག་འདེབས་པ་པོའི་རྣམ་ཐར་ཕྱག་བཏབ་ཚུལ་དང་བཅས་ྤའོ།།

བསྟན་པ་འཛིན་པའི་སྐྱེས་བུ་རིམ་བྱོན་ནི། དང་པོ་ཐོག་མ་ནི་རྗེ་བླ་མ་ངོ་མཚར་རྒྱ་མཚོ་ཡིན་པ་གོང་སྨྲོས་ལྟར་ལ། དེའི་རྗེས་སུ་ཡང་ཁོང་གི་སྐུ་འཕྲེང་དང་མུ་ར་མཆོག་སྤྲུལ་སྐུ་འཕྲེངས་རྣམས་ཀྱིས་རིམ་པར་བསྐྱངས། འཇིགས་མེད་རྒྱ་མཚོའི་ཡང་སྤྲུལ་འཇིགས་བྲལ་ཕྱོལས་ལས་རྣམ་རྒྱལ་དཔལ་བཟང་པོ་ནི་ཡབ་[page 248] མགོན་པོ་དར་རྒྱས་དང་ཡུམ་ཀླུ་མོ་ཞེས་པ་གཉིས་ཀྱི་སྲས་སུ་འཁྲངས། གྲུབ་དབང་རྫགས་ཆེན་པ་མི་འགྱུར་ནམ་མཁའི་རྡོ་རྗེ་སྐུ་གོང་མའི་ཡང་སྲིད་དུ་ངོས་འཛིན་མཛད་ནས་གདན་ས་འདིའི་ཁྲིར་བཀོད། ཀུན་མཁྱེན་ཐུགས་སྤྲུལ་དཔལ་རི་མཁྱེན་བརྩེ་ཡེ་ཤེས་རྡོ་རྗེའམ་གཏེར་ཆེན་འཇའ་ལུས་རྡོ་རྗེ་ཐུན་མོང་མ་ཡིན་པའི་བླ་མར་བསྟེན་ཏེ་ཀློང་ཆེན་སྙིང་ཐིག་གི་ཆོས་སྐོར་ཡོངས་སུ་རྫོགས་པ་གསན་བཞེས་མཛད། སློབ་ད་པོན་དང་མཉམ་པའི་རྟོགས་པ་ཁྱད་པར་ཅན་འཁྲུངས། དགོན་པའི་ལྟག་ཏུ་སྒྲུབ་ཁང་གསར་པ་བཞེངས་ཏེ་ཕུར་བསྙེན་དུང་ཕྱུར་སོགས་ཡི་དམ་མང་པོའི་ཐུགས་དམ་བཅད་རྒྱ་འབའ་ཞིག་མཛད། རྗེ་འདི་ཉིད་ཀྱིས་མཁྱེན་བརྩེ་རིན་པོ་ཆེས་གནང་ཡང་སྙིགས་དུས་ཀྱི་སྐྱེ་དགུ་བསོད་ནམས་དམན་ཕྱིར་རྟེན་འབྲེལ་འཕྲོ་ཅན་དུ་གྱུར། དགུང་ལོ་ལྔ་བཅུའི་བར་གདན་ས་འདི་ཉིད་བཤད་སྒྲུབ་ལས་གསུམ་གྱིས་བསྐྱངས་ཤིང་མཐར་སྐུའི་བཀོད་པ་བསྡུས། དེའི་ཡང་སྤྲུལ་ཀི༔ལུང་དངོས་གྲུབ་རྒྱ་མཚོའམ་འཇིགས་མེད་པད་མ་འཕྲིན་ལས་ནི། དགེ་རྩེ་རུ་སྐུ་འཕྲེང་གོང་མའི་གདུང་རིགས་སུ་གཏོགས་པ་ཡབ་དགེ་རྩེའི་ནོས་ཆུང་དང་ཡུམ་ཆོས་མཚོ་ཞེས་པ་གཉིས་སུ་སྐུ་འཁྲུངས། ་ཀུན་མཁྱེན་སྐུ་སྤྲུལ་འཇམ་དབྱངས་མཁྱེན་བརྩེའི་དབང་པོ་དང་ཐུབ་བསྟན་ཆོས་ཀྱི་རྡོ་རྗེ་སོགས་ཀྱིས་འཇིགས་བྲལ་ཕྱོགས་ལས་རྣམ་རྒྱལ་གྱི་ཡང་སྲིད་དུ་ངོས་བཟུང་ནས་གསེར་ཁྲིར་མངའ་གསོལ་ཁོང་སྐུ་འཁྲུངས་སའི་ཁྱིམ་ཚང་དེ་ཉིད་ཅུང་དབུལ་བ་ཞིག་ཡིན་པས་མཐུན་རྐྱེན་ཕུན་སུམ་ཚོགས་ཀྱང་། དམ་པའི་རིགས་སད་པའི་རྟགས་སུ་སྙིང་སྟོབས་དང་གོ་ཆ་ཆེན་པོས་ཀ༔ཐོག་གི་ཆོས་གྲུར་ཞུགས། ཐུགས་རབ་དང་བརྩོན་འགྲུས་ཆེ་བར་གྲགས་ཤིང་མཁས་པའི་གོ་སར་གཤེགས་ཏེ་སླར་གདན་སར་འབྱོར། དེ་ནས་བདུད་འཇོམས་རིན་པོ་ཆེའི་དྲུང་ནས་གཏེར་ཁའི་ཟབ་ཆོས་ཡོངས་རྫོགས་དང་ལྷག་པར་ཀུན་མཁྱེན་ཡབ་སྲས་ཀྱི་གསུང་འབུམ་སོགས་ཀློང་ཆེན་སྙིིང་ཐིག་གི་ཆོས་སྐོར་རྣམས་གསན། ཟབ་དགུའི་གདམས་པ་ཐུགས་ཉམས་སུ་བཞེས་ཤིང་སྒྲུབ་པའི་རྒྱལ་མཚན་བཙུགས། སྐུ་གོང་མའི་སྒྲུབ་ཁང་དུ་ཕུར་བསྙེན་དུ་ཕྱུར་དང་མ་ཎི་དུང་ཕྱུར་སོགས་ལྗགས་བསྙེན་མཛད།

དགོན་འདིར་བཀའ་བསྟན་འགྱུར་གྱི་གསུང་རབ་གསར་བཞེངས་མཛད། རྒྱ་ནག་མ་ཎི་ལ་རྟ་དྲེལ་བཅུ་ཙམ་དང་། མུ་རའི་མ་ཎི་ལ་རྟ་དྲེལ་དང་གསེར་དངུལ་སོགས་ཕོན་ཆེ་བའི་ཞལ་འདེབས་ཕུལ། རྫོགས་ཆེན་ཤྲྰི་སེང་ཆོས་གྲྭ་ལ་རྒྱལ་བའི་བཀའ་འགྱུར་ཆེན་མོ་ཞིག་ཕུལ་བ་སོགས་རྣམ་དཀར་གྱི་མཛད་པ་རྒྱ་ཆེ། དད་གཤིན་གྱི་འབུལ་བ་གང་བྱུང་མཆོད་འབུལ་གྱི་རྒྱུ་ཁོ་ནར་གཏོང་། ལྷག་པར་དུ་དགུང་གྲངས་ཉི་ཤུ་ཙམ་ནས་ཕྱག་རྫས་འབོར་ཆེན་བྱུང་བས་དེ་ནས་བཟུང་དགོན་འདི་ཉིད་ཀྱི་བླ་གྲྭ་བརྒྱ་སྐོར་ལས་མི་ཉུང་བ་རང་ལུགས་བླ་མ་རིག་འཛིན་འདུས་པའི་བུམ་པའི་སྒྲུབ་ཆེན་བདུན་སྐུ་རེ་ལོ་རེ་རེ་བཞིན་ཆད་མེད་དུ་འཚོགས། མཆོད་པ་དང་གསོལ་བ་དྲང་འདྲེན་སོགས་ཡོན་གང་དགོས་ཉིད་ནས་སྦྱར། གཤིན་པོའི་བསྔོ་རྟེན་དུ་ཕུལ་བའི་ཕྱུགས་རིགས་དཀར་ནག་ཁྲ་གསུམ་གང་ཡོད་གསོད་དུ་འཇུག་པ་ཕར་ཞོག་གཞན་ལ་[page 249] བཙོང་བ་ཙམ་ཡང་མི་མཛད། བར་དོའི་ཤེས་རྒྱུད་དང་གཞན་སེམས་ཤེས་པ་མ་འོངས་པའི་འབྱུང་འགྱུར་སོགས་ལྐོག་གྱུར་ཐམས་ཅད་སྒྲིབ་མེད་དུ་གཟིགས་པའི་གྲུབ་པའི་རྟགས་མང་པོ་མངའ། འདིར་མ་དཔེའི་ནང་དགུང་ལོ་འདི་ལ་སྐུ་གཤེགས་ཞེས་བྲེས་མེད་ཀྱང་དགུང་ལོ་ཆེར་མ་སོན་གོང་སྐུ་གཤེགས་ཡོད་པ་འདྲའོ། །དེའི་ཡང་ཀྱི་ཉེ་འདབ་འཛང་རྣམ་རྒྱལ་ལྷ་ཁང་གི་ཉེ་ཞོལ་སྦྲེལ་ཟླ་ནང་ཞེས་པར་ཡབ་བཀྲ་ཤིས་དོན་གྲུབ་དང་ཡུམ་སྐལ་བཟང་མཚོ་ཞེས་པ་གཉིས་ཀྱི་སྲས་སུ་འཁྲུངས། དགུང་གྲངས་དྲུག་ལ་སོན་པའི་དུས། གྲུབ་དབང་རྫོགས་ཆེནཔ་ཐུབ་བསྟན་ཆོས་ཀྱི་རྡོ་རྗེ་དང་། འཇམ་དབངས་མཁྱེན་བརྩེ་དབང་པོ་རྣམ་གཉིས་ཀྱིས་སྐུ་གོང་མའི་ཡང་སྲིད་དུ་ངོས་འཛིན་མཛད། གདན་སའི་ཁྲིར་བཀོད། དགུང་ལོ་བདུན་གྱི་དུས་ཡི་གེ་འབྲི་ཀློག་དང་རང་ལུགས་ཀྱི་ཆོ་ག་ཆོས་སྤྱོད་རྣམས་ལ་སྦྱངས། སྐུ་གོང་མའི་མཛད་སྤྱོད་རྣམས་གཉིས་ཀྱིས་སྐུ་གོང་མའི་མཛད་སྤྱོད་རྣམས་ཤར་མར་གསུངས་པ་སོགས་དུས་གསུམ་སྒྲིབ་མེད་གྲུབ་པ་བཤད་སྒྲུབ་རིན་ཆེན་དགའ་ཚལ་དུ་མཁས་ཆེན་ཀུན་བཟང་དཔལ་ལྡན་ཆོས་ཀྱི་གྲགས་པའི་དྲུང་ནས་རབ་ཏུ་བྱུང་ཞིང་མཚན་ཐུབ་བསྟན་འཕྲིན་ལས་དཔལ་བཟང་ཞེས་གསོལ། མདོ་སྔགས་ཀྱི་སྡེ་སྣོད་མང་པོ་ལ་སློབ་གཉེར་མཐར་ཕྱིན་པར་མཛད། མཁས་པའི་གྲགས་པ་ཐོབ། ཁྱད་པར་དུ་ལས་སྨོན་གྱིས་འབྲེལ་བའི་ཆོས་མཐུན་གྱི་གྲོགས་པོ་གྲུབ་ཆེན་སྤྲུལ་སྐུ་རྣམ་གཉིས་དང་འཚམས་སྤྲུལ་བཞི་བ་སོགས་དང་ལྷན་དུ་ཀློང་སྙིང་བསྟན་པའི་མངའ་བདག་མཁན་གང་ཉིད་ཀྱི་དྲུང་ནས་ཕ་ཆོས་ཀུན་མཁྱེན་ཡབ་སྲས་ཀྱི་གསུང་ཀའབུམ་ཡོངས་རྫོགས་གསན། ཀུན་མཁྱེན་ཆེན་པོ་འཇིགས་མེད་གླིང་པའི་སློབ་མ་འཇིགས་མེད་གོ་ཆ་མ་གཏོགས་འཛོམས་པ་དང་། ཁོང་ཡང་ཡོད་རུང་བའི་རྟེན་འབྲེལ་དང་ལེགས་ཚོགས་སྒོ་དུ་མ་ནས་འགྲིགས། སྙིགས་དུས་ཀྱི་སྐྱབས་མགོན་ཆེན་པོ་དཔལ་དགེ་སྤྲུལ་སྐུ་ཨོ་རྒྱན་འཇིགས་མེད་ཆོས་ཀྱི་དབང་པོའི་དྲུང་ནས་ཀུན་མཁྱེནཡབ་སྲས་ཀྱི་ཆོས་སྐོར་སོགས་གདམས་པའི་ཟུར་རྒྱན་དང་བཅས་པ་གསན། ཀློང་ཆེན་སྙིང་ཐིག་གི་བསྟན་པ་གཏད་ཅིང་བསྟན་པ་ཉག་ཕྲ་བ་ཐུགས་འབད་ཆེན་པོས་སྐྱོང་དགོས་པའི་བཀའ་གནང་། ཉམས་རྟོགས་ཁྱད་པར་ཅན་རྒྱུད་ལ་འཁྲུངས། ཐུན་མོང་མ་ཡིན་པའི་གྲུབ་རྟགས་མངོན་ཤེས་དང་བར་དོའི་སེམས་རྒྱུད་མཁྱེན་པ་བསད་པ་སླར་གསོ་ནུས་པ་སོགས་མངའ། ་སྐུ་འདས་པའི་རྗེས་ནས་ཀྱང་དད་སྟོབས་དག་སྣང་གིས་ཞལ་མཇལ། དེའི་རྗེས་སུ་ལྕང་རིའི་ཆོས་གྲྭ་ཆེན་མོ་རུ་མཁན་ཐུབ་བསྟན་ཆོས་འཕེལ་གྱི་དྲུང་ནས་སྐུ་རྒྱབ་མཁན་པོ་སྐལ་བཟང་བསྟན་འཛིན་དང་མཉམ་དུ་མདོ་སྔགས་གཞུང་ལུགས་རབ་འབྱམས་ལ་ཐོབ་བསམ་སྒྲོ་འདོགས་རྐང་ནས་ཆོད་པར་མཛད། དགུང་གྲངས་ཉེར་བདུན་ལ་སོན་ཚེ་དུས་འགྱུར་གྱི་དབང་གིས་སྐུ་གཤེགས། དེ་དག་ནི་འཇིགས་མེད་ངོ་མཚར་རྒྱ་མཚོ་སྐུ་འཕྲེང་རིམ་བྱོན་ནོ།།

ད་ནི་མུ་ར་སྐུ་འཕྲེང་རིམ་བྱོན་ནི། མུ་ར་རིག་འཛིན་རྒྱ་མཚོ་ནི་དབུས་ཕྱོགས་འབྲས་རི་ནག་ཤོད་ཅེས་[page 250] པར་སྐུ་འཁྲུངས། དགུང་ནར་སོན་ཚེ་གྲུབ་བརྙེས་ཀྱི་རིག་འཛིན་ཆེན་པོ་ཉི་མ་གྲགས་པའི་སློབ་མར་གྱུར། ཀུན་སྤང་བྱ་བཏང་གི་སྤྱོད་པ་འབའ་ཞིག་ལྷུར་ལེན། གནས་ངེས་མེད་དུ་སྒྲུབ་པའི་རྒྱལ་མཚན་བཙུགས། ཁམས་ཕྱོགས་སུ་ཕེབས་སྐབས་དགོན་སྡེ་འདི་ཉིད་ཀྱི་བླ་མ་མཛད། ད་ལྟའི་མུ་ར་རྡོ་འབུམ་ཞེས་པའི་རྡོ་འབུམ་འདི་གསར་བཞེངས་མཛད། དེ་མིན་གྱི་རྣམ་ཐར་མི་གསལ། དེའི་ཡང་སྤྲུལ་དབོན་པོ་འགྱུར་མེད་ཆོས་ལྡན་ནི་རང་ཡུལ་དུ་སྐུ་འཁྲུངས། གྲུབ་དབང་རྫོགས་ཆེན་པ་དཔོན་སློབ་ནམ་མཁའ་འོད་གསལ་གྱིས་གོང་མའི་ཡང་སྲིད་དུ་ངོས་འཛིན་མཛད། སྐུ་ཆུང་ངུས་ནས་གྲུབ་པའི་མཛད་སྤྱོད་མཐའ་ཡས་པ་མངའ། མུ་ར་མགོ་ལུ་ཟླུམ་ཟེར་བའི་དབེན་ཁྲོད་དུ་སྒྲུབ་པ་ལ་སྐུ་ཚེ་ཧྲིལ་བོར་མབཞུགས། དེ་མིན་བསྟན་དགོན་ལ་ཕྱག་རྗེས་ཅི་ཡོད་སོགས་རྣམ་ཐར་གཞན་མི་གསལ། དེའི་ཡང་སྤྲུལ་པད་མ་བདེ་ཆེན་བཟང་པོ་ནི། ཡབ་མགོན་རྒྱས་དང་ཡུམ་དགོ་ལུ་ཞེས་པར་སྐུ་འཁྲུངས། གྲུབ་དབང་མཆོག་གིས་གོང་མའི་ཡང་སྲིད་དུ་ངོས་བཟུང་ཞིང་གདན་སའི་ཁྲིར་བཀོད། སྐུ་ཆུང་དུས་ནས་འབྲི་ཀློག་སོགས་ལ་སྦྱངས། སྔོན་སྦྱང་གི་ལས་འཕྲོ་སད་པའི་སྟོབས་ཀྱིས་མཁས་བཙུན་གྲུབ་པའི་ཡོན་ཏན་ཆེར་རློམ་ཀུན་ལས་ཁྱད་པར་དུ་འཕགས། མཆོག་དམན་བར་མའི་འགྲོ་བ་མི་ཕར་ཞོག་ཐ་ན་དུད་འགྲོའི་སྐྱེ་གནས་སུ་གྱུར་བའི་སྤྱང་ཀི་དང་བྱི་ལ་སོགས་ཀྱང་སྤྱན་ལས་དུ་བརྒྱུད་པ་ཙམ་གྱིས་སྡིག་སེམས་རང་སར་ཞི་སྟེ་བྱམས་པ་ལ་གནས་པ་སོགས་འཕགས་མཆོག་པད་ད་ཀར་བ་འཆང་དངོས་ལྟ་བུའི་སྨོན་ལམ་དག་པའི་སྟོབས་མངའ། དགོན་དུ་བཀའ་བསྟན་རིན་པོ་ཆེ་དང་མ་ཎི་དུང་འཁོར་མ་ཎི་རྡོ་མཁར་སོགས་གསར་བཞེངས་མཛད། རྫ་ཉིན་ཕྱོགས་གྲ་མའི་ཐང་དུ་བོད་ཡུལ་ཙམ་ན་ཆེ་བའི་མུ་ར་རྡོ་མཁར་ཆེན་མོ་ཞེས་པའི་པད་འབུམ་དང་མཆོད་རྟེན་གསུམ་སོགས་བློས་དཔག་པར་དཀའ་བའི་རྟེན་བཞེངས་མཛད། གྲུབ་དབང་མི་འགྱུར་ནམ་མཁའི་རྡོ་རྗེ་དང་། རྫ་དཔལ་སྤྱུལ་རིན་པོ་ཆེ་སོགས་མཉེས་པ་གསུམ་གྱིས་མཆོད་དེ་ཟབ་གསན་བསམ་མཐར་ཕྱིན་པར་མཛད། ཉམས་རྟོགས་ཁྱད་པར་ཅན་འཁྲུངས་ཤིང་མཁས་གྲུབ་གཉིས་ལྡན་དུ་གྱུར། གསུང་སྐྱེས་སློབ་མའི་ཚོགས་ཀྱང་རྫོགས་སྤྲུལ་ལྔ་བ་ཐུབ་བསྟན་ཆོས་ཀྱི་རྡོ་རྗེ། ཨོ་རྒྱན་བསྟན་འཛིན་ནོར་བུ། མཁན་ཀུན་དཔལ། མཁན་ཡོན་དགའ། མཁན་ཐུབ་དགའ། ར་ཧོར་ཆོས་གྲགས། འཇུ་མང་དགེ་བཤེས་རིན་ལོ། སྟག་བླ་དཀོན་མཆོག་རྒྱལ་མཚན་སོགས་གསར་རྙིང་རིས་མེད་ཀྱི་སྐྱེས་ཆེན་མང་དུ་བྱོན། དགུང་གྲངས་དོན་གསུམ་གྱི་ཐོག་སྐུ་འདའ་ཚུལ་བསྟན། དེའི་ཡང་སྲིད་ཐུབ་བསྟན་པདྨ་ནོར་བུའམ་འགྲོ་འདུལ་པད་མ་འོད་སྐུ་ནི། མདོ་ཁམས་རྫོགས་ཆེན་དུ་ཡབ་ཨ་གྲོ་མཁན་བསོད་ཆོས་དང་ཡུམ་དཔལ་སྒྲོན་ཞེས་པ་གཉིས་ཀྱི་སྲས་སུ་འཁྲུངས། རྫོགས་སྤྲུལ་ལྔ་བ་མཆོག་གིས་པདྨ་བདེ་ཆེན་གྱི་ཡང་སྲིད་དུ་ངོས་འཛིན་མཛད་དེ་གསན་སའི་ཁྲིར་བཀོད། དགུང་གྲངས་བདུན་ཙམ་གྱི་དུས་ཡི་གེ་འབྲི་ཀློག་དང་ཆོ་ག་ཆོས་སྤྱོད་ཀུན་ཐུགས་སུ་ཆུད། རྫོགས་ཆེན་མཁན་ལྷ་དགོངས་ཀྱི་དྲུང་ནས་རབ་ཏུ་བྱུང་། རྫོགས་སྤྲུལ་ལྔ་བ་མཁན་མགོན་པོ། མཁན་བདེ་མཆོག མཁན་ཐུབ་དགའ་སོགས་ཡོངས་འཛིན་སྐྱེས་བུ་དམ་པ་མང་པོའི་དྲུང་ནས་ཆོས་ཀྱི་བདུད་རྩི་མང་[page 251] པོ་ཐོབ་ཅིང་ཉམས་རྟོགས་ཁྱད་པར་ཅན་ཐུགས་རྒྱུད་ལ་འཁྲུངས་ཤིང་མཁས་གྲུབ་གཉིས་ལྡན་དུ་གྱུར། དགོན་འདི་སྔིན་ཀི༔ལུང་ངོ་མཚར་བཞེངས་པ་བགྲེས་སྐྱོན་ཆེ་བར་སོང་ཡོད་པས་གཙུགས་ལག་ཁང་ཀ་བ་བཞི་བཅུ་ཤཅན་ཉིས་ཐོག་པ་བཟོ་བཀོད་ཕུན་སུམ་ཚོགས་པ་མཛད། སྐུ་གོང་མའི་སྒྲུབ་ཁང་ཡང་གསར་བཞེངས་མཛད། འདེ་ལྟར་མཛད་འཕྲིན་བཟང་པོ་བསྐྱངས་མཐར་དུས་ཀྱི་དབང་གིས་དགུང་གྲངས་ཞེ་ལྔའི་ཐོག་སྐུ་གཤེགས་ཚུལ་བསྟན། སྐལ་བ་དང་ལྡན་པའི་གང་ཟག་འགའི་ངོར་སྐུ་ལུས་མ་སྤང་བར་མཁའ་སྤྱོད་དུ་གཤེགས་པ་ཡང་མཐོང་ངོ་།། འབར་ཆུང་དབོན་པོ་བསྟན་བཀྲ་ནི་འབར་བླ་མ་བཀྲ་ཤིས་རྒྱ་མཚོའི་སྐུ་ཡིན། རྫ་ཉིན་ཕྱོགས་ཧུ་རལ་མདོ་རུ་ཡོད་པའི་པད་འབུམ་ཆེན་པོ་འདི་ཁོང་འབར་བླ་ཁུ་དབོན་གྱིས་བཞེངས་པ་ཡིན། དེའི་ཡང་སྲིད་སྤྱུལ་སྐུ་ཀུན་ཆོས་ནི་ཁམས་རྫོགས་ཆེན་དུ་སྐུ་འཁྲུངས། ཐུབ་བསྟན་ཆོས་ཀྱི་རྡོ་རྗེ་གོང་མའི་ཡང་སྲིད་དུ་བཟུང་ཞིང་གདན་སར་བཀོད། ཤྲྰི་སེང་ཆོས་གྲྭ་དང་ལྕང་རིའི་ཆོས་གྲྭ་སོགས་སུ་སློབ་གཉེར་མཛད། གྲུབ་པའི་མཛད་སྤྱོད་དང་མངོན་ཤེས་ཐོགས་མེད་མངའ། རླུང་སེམས་ལ་རང་དབང་ཐོབ་པ་སོགས་ཡོན་ཏན་ཚད་མེད་པ་ལྡན། དེའི་ཡང་སྲིད་ནི་སྐུ་གོང་མའི་གདུང་རིགས་ལས་འཁྲུངས། ལབ་མཁན་ཆེནསྤྲུལ་སྐུས་ངོས་འཛིན་ད་ལྟ་འཚོ་ཞིང་བཞུགས་ཡོད་པའོ། བླ་མ་འཕྲིན་ལོ་ཞེས་པའི་སྤྱུལ་སྐུ་རབ་གསལ་ཞེས་པ་ནི། དཔོན་རི་ཝ་ཤུལ་བླ་བྲང་དུ་སྐུ་འཁྲུངས། རྫོགས་སྤྱུལ་ལྔ་པས་ངོས་འཛིན་མཛད། ཤྲྰི་སེང་ཆོས་གྲྭ་རུ་སློབ་གཉེར་མཛད་རིག་པའི་གནས་ཆེ་ཆུང་ཀུན་ལ་ཐུགས་རབ་ཆེ་བར་གྲགས། རྫོགས་ཆེན་ལྷ་དགོངས་སོགས་ཀྱི་མདུན་ནས་ཟབ་དགུའི་གདམས་པ་མནོས་ཤིང་ཐུགས་རྒྱུད་གྲོལ་བས་མཁས་གྲུབ་གཉིས་ལྡན་དུ་གྱུར། དགུང་གྲངས་ལྔ་བཅུ་ཙམ་གྱི་དུས་སྐུ་གཤེགས་སོ། དེ་ལྟར་སྤྲུལ་སྐུ་ཁག་བཞིའི་ལོ་རྒྱུས་རྣམ་ཐར་རགས་ཙམ་མོ། དེ་ནས་མཁན་པོ་ནི། ཆོས་ཁྲིམས་མཁན་པོ་ཚེ་བསམ་མཁན་རིག་འཛིན། མཁན་བསྟན་འཛིན། མཁན་རྟ་ལི། མཁན་འཇམ་ཚེ། མཁན་སྐྱ་བྷོ། མཁན་སྐལ་བསྟན། མཁན་ཐུབ་བསྟན་དགེ་ལེགས། མཁན་སྤྱོད་སྐྱབས། མཁན་ལུག་ལོ། མཁན་བློ་གསལ། མཁན་འོད་བཟང་། མཁན་ཐར་མདོ་སོགས་མང་དུ་བྱོན། མཁན་འདི་དག་གིས་གདན་སར་འདུལ་བ་གཞི་གསུམ་གྱི་ཕྱག་བཞེས་དང་ཆོས་འཆད་པ་སོགས་མཛད། དགོན་འདི་ནི་སྔ་ཕྱི་ཀུན་རྫོགས་ཆེན་དགོན་དང་འབྲེལ་བ་ཆེ་ཞིང་རྫོགས་ཆེན་དགོན་པའི་དགོན་ལག་ཡིན། སྔོན་ཆད་ཉག་རོང་གི་འཇིག་པའི་སྐབས་ཡུལ་གཞན་གྱི་བསྟན་དགོན་མང་པོ་ངཅོམ་པ་ཐོས་པས་མཆོད་གཞིས་དང་མི་སེར་བཅས་པ་མགོ་ལོག་ཕྱོགས་སུ་བྲོས་ནས་ལོ་བདུན་གྱི་རིང་ནང་རྟེན་འགང་ཆེན་རྣམས་རྫོགས་ཆེན་དགོན་ལ་བཅོལ་བ་ཡིན། གོན་འདིར་ཆོས་གྲྭ་ཚུགས་མ་མྱོང་ལ་རྫོགས་ཆེན་ལྕང་ར་ཀ༔ཐོག་སོགས་སུ་ཆོས་གྲྭར་ཞུགས་ཏེ་སློབ་གཉེར་བྱེད་པ་ཡིན། འོན་ཀྱང་སྔོན་ཀི༔ལུང་བླ་མ་འཇིགས་མེད་ངོ་མཚར་སོག་ས་ཀྱི་འགྲོ་དོན་ཆེ་ཙམ་བྱུང་བ་ཡིན། དེ་ལྟར་སྔ་ཕྱའི་རིང་དགོན་འདིར་སྒྲུབ་པ་ཉམས་ལེན་མཛད་མཁན་འཇའ་ལུང་སུ་གཤེགས་པ་མང་པོ་དང་མ་ཎི་དུང་ཕྱུར་བཅོ་བརྒྱད་བཏོན་པའི་མཚམས་པ་ཚེ་རིང་རྡོ་རྗེ་སོགས་[page 252] མང་དུ་བྱོན་མྱོང་། འགན་འཛིན་གྱི་རིམ་པ་ནི་སྤྲུལ་སྐུ་དགོན་དཔོན་མཁན་པོ་ཆོས་ཁྲིམས་དགེ་སྐོས་སོག་ས་ཡིན། དགོན་འདིར་གཙུགས་ལག་ཁང་གཅིག་དང་སྤྱི་ཁང་གཅིག་འཆམ་རོལ་ཁང་གཅིག་མ་ཎི་རྡོ་འབུམ་གཉིས། གྲྭ་ཤག་བདུན་ཅུ་ཙམ་གྱི་སྐོར་ཡོད་ལ་ཁོར་ཡུག་རྒྱ་ཁྱོན་ལེ་བར་ཕྱེད་གཉིས་ཙམ་ཡོད་པ་ཡིན།

སྐུ་གསུངས་ཐུགས་རྟེན་གྱི་སྐོར་ནི། ཀུན་མཁྱེན་འཇིགས་མེད་གླིང་བའི་རྐེད་ཕུར། ཀུན་མཁྱེན་གཏེར་བྱོན་ཆོས་ལི་ཕྱི་མ་ཕུར་རྡོ་རྗེ་གཞོན་ནུ་ཡབ་ཡུམ་གྱི་སྐུ་ཁྲུ་ཚད། རྒྱུད་ཕུར་གྱི་ཟིན་བྲིས་ཀུན་མཁྱེན་ཕྱག་བྲིས་མ། བཀའ་བརྒྱད་རོལ་བ་ཆེན་པོའི་ཐང་ཆེན་གསེར་བཅད་མ་དགུ། ཀུ་མཁྱེན་ཞལ་ཐང་བཅུ་དེ་རྣམས་ཀུན་མཁྱེན་ཉིད་ཀྱི་ཕྱག་བཟོ་ཡིན་ལ་གོས་ཁ་ཐི་སྒམ་ལུང་གི་གོང་ཤམ་དང་ཨུ་རུ་སུའི་རྒྱ་གསེར་གྱི་མཐང་མ་འཛི་སུམ་བརྩེགས་ཀྱི་ཞལ་ཁེབས། ཙན་དན་གྱི་དྲིལ་ཏོག་སོགས་རིན་ཐང་བྲལ་བ་རྒྱབ་ཕྱོགས་སུ་ཡང་ཕྱག་ཐེལ་ཡོད་པ་ཡིན། བཀའ་གདམས་མཆོད་རྟེན་པད་སྤུངས་ཅན། ཀུན་མཁྱེན་ཕྱག་དྲིལ། དབང་ཞྭ་གསོལ་ཐོད་ཆོས་སྐྱོང་གི་བླ་རྡོ་རྗེ་སྲོག་འཁོར་ཕྱག་འཁར་ཚེ་མདའ་སྐུ་འཕན་གཉིས་རྩེ་ལེ་སྣ་ཚོགས་རང་གྲོལ་གྱི་དབུ་ཞྭ་འདི་རྣམས་ཀུན་མཁྱེན་འཇིགས་མེད་གླིང་པས་ཀི༔ལུང་བླ་མ་འཇིགས་མེད་ངོ་མཚར་རྒྱ་མཚོ་ལ་རྟེནསྐལ་དུ་གནང་བ་ཡིན། མུ་ར་པདྨ་བདེ་ཆེན་བཟང་པོའི་བདག་རྐྱེན་ལས་རྒྱལ་བ་ཀློངཆེན་པའི་སྐུ་ང་འདྲ་མ། ཙན་དན་ས་མཆོག་གི་གུ་རའི་སྐུ་ཉག་བླ་བསོད་རྒྱལ་གྱི་གཏེར་མ། འཕགས་པའི་གནས་བརྟན་བཅུ་དྲུག་གི་ཞལ་ཐང་བྱིནལྡན་དགེ་རྩེའི་བླ་མ་སྡེ་དགེའི་དབུ་བླར་ཕེབས་པའི་དུས་ས་དབང་འཁོར་བཅས་ཀྱིས་ཕུལ་བའི་འཁར་རྔ་ཧོར་ཉི་ཟེར་མ། སྦུབ་ཆེན་འབྲུག་སྒྲ་ཟིལ་གནོན། རྒྱ་རོང་རོལ་མོ། སིལ་སྙན་མ་ཎི་མ་སོགས་རྒྱ་ཧོར་གྱི་སིལ་སྦུབ་སྦུས་ལེགས་སུམ་ཅུ་ཙམ་ཡོད། གནའ་གོས་རིན་ཐང་ཅན་གྱི་ཡོལ་བ་བླ་བྲེ་ཁྲི་རྒྱན་སོགས་ཤིན་ཏུ་དཀོན་པའི་དངོས་རྫས་མང་པོ་དང་། གསུང་རབ་བཀའ་བསྟན་སོགས་སོ།། དུས་མཆོད་སྐོར་ནི། སྨོན་ལམ་བདུན་སྒྲུབ་གཅིག་རིག་འདུས་བུམ་སྒྲུབ་བདུན་སྒྲུབ། ཕུར་བ་རྒྱུད་ལུགས་ཀྱི་སྒྲུབ་མཆོད་བདུན་སྒྲུབ། ཀུན་མཁྱེན་ཡབ་སྲས་ཀྱི་འདས་མཆོད། རང་དགོན་གྱི་སྤྲུལ་སྐུ་གང་གཤེགས་ཀྱི་འདས་མཆོད། དབྱར་གནས་གསོ་སྦྱོང་། ཚེས་བཅུ་ཉེར་ལྔ། བཀའ་བརྒྱད་རོལ་བ་ཆེན་པོའི་དགུ་གཏོར་བདུན་སྒྲུབ་བཀའ་བརྒྱད་ལྷག་གྲངས་ཡོངས་རྫོགས་ཀྱི་འཆམ་དང་བཅས་པ། ཁྱོན་ཉིན་གྲངས་བརྒྱ་དང་བཅུ་ཙམ་ལ་འཚོགས་དགོས། ཚོགས་པའི་གཏོང་སྒའི་འབྱུང་ཁུངས་ནི། སྔོན་རྗེ་བླ་མ་ངོ་མཚར་རྒྱ་མཚོའི་སྐབས་ཁོངལོ་ལྟར་སྡེ་དགེ་རྒྱལ་པོའི་ཕོ་བྲང་དུ་བྱོན་ནས་ཕུར་བའི་སྒྲུབ་མཆོད་དགོན་འདི་ཉིད་ལ་དུས་མཆོད་གཏན་འཇགས་མཛད་དེ་འདན་ཁོག་ནས་ཞིང་ས་བཅོ་བརྒྱད་ཀྱི་འཁོར་དང་གཞན་ཡང་མཛོ་རྟ་གསེར་དངུལ་སོགས་དངོས་རྫས་མང་པོའི་ཡོན་སྦྱང་ཞིང་གཉེར་བ་ཡང་སྡེ་དགེ་ནས་མངགས་གཏོང་མཛད། དུས་མཆོད་གཞན་དག་ནི་ཡུལ་དགོན་འདི་ཉིད་ཀྱི་སྤྱི་གཉེར་ཁག་རྣམས་དང་ས་ཕྱོགས་གཞན་གྱི་དད་ལྡན་སྦྱིན་བདག་

[page 253] རྣམས་ཀྱིས་ཕུལ་བའི་དངོས་རྫས་ལ་བརྟེན་ནས་འཚོགསང་།

དེང་གི་གནས་ཚུལ་ནི། དེ་ལྟར་སྔ་འགྱུར་རྫོགས་པ་ཆེན་པོའི་ཀློང་ཆེན་སྙིང་ཐིག་གི་རང་རྐང་མ་ནོར་བའི་སྒྲུབ་སྡེ་འདི་ཉིད་མདོ་སྨད་ཀྱི་ཀློང་སྙིང་གི་བསྟན་པའི་ཆུ་འགོ་ལྟ་བུའི་གྱུར་ཀྱང་སྙིགས་དུས་སེམས་ཅན་བསོད་ནམས་དམན་པའི་སྟོབས་ཀྱིས་རྒྱལ་བསྟན་སྤྱི་ལ་གོད་ཆག་ཆེན་པོ་བྱུང་བ་དང་ཆབས་ཅིག་དགོན་འདི་ཡང་ཞིག་རལ་གཏོར་བརླག་སོགས་བྱུང་ན་ཡང་། བསྟན་པ་ཡང་དར་གྱི་སྐབས་འདིར་གདན་ས་འདིར་སྔ་གྱི་མཁན་སྤྲུལ་རྣམས་མི་བཞུགས་ཀྱང་

། སྔོན་གྱི་ལས་འཕྲོ་ཅན་བླ་མ་ལུང་རྟོགས་ཀྱི་བདག་རྐྱེན་ལས་དགོན་གནས་ཉམས་པ་སླར་གསོ་དང་ནང་རྟེན་ཡང་ལི་གཏེར་གྱི་སྐུ་བརྙན་ཆེ་བ་མཐོ་ཚད་མིའུ་སུམ་ཅུ་ཙམ་དང་ཕུར་པ་བྱིན་ལྡན་ཁྱབ་འཇུག་གི་ཞལ་ཐང་རོལ་མོ་སྤུས་ལེགས་བཅོ་ལྔ་ཙམ་གྱི་གནའ་རྫས་སླར་ལག་ཏུ་སོན། དགོན་ཞོལ་གྱི་དུང་འཁོར་དང་མ་ཎི་སོགས་བླ་རྒན་འཇིགས་རྣམ་ནས་ཞིག་གསོ་བྱས། རྫ་ཉིན་ཕྱོགས་ཀྱི་མུ་རའི་རྡོ་རྗེ་མཁར་ཆེན་མོ་ཞིག་གསོ་དང་མཆོད་རྟེན་ལྔ་ཙམ་གསར་བཞེངས་བླ་མ་ལུང་རྟོགས་ནས་མཛད། མུ་ར་སྐུ་འཕྲེང་བཞི་པ་པད་མ་ནོར་བུའི་སྐུ་དབོན་མཆོག་སྤྲུལ་པདྨ་སྐལ་བཟང་གིས་རྒྱལ་དབང་མཚོ་སྐྱེས་རྡོ་རྗེའི་སྐུ་བརྙན་གསེར་ཟངས་ལས་གྲུབ་ཐོག་ཚད་གཅིག་གི་གཙོས་གསེར་སྐུ་བཅུ་སྐོར་དང་ལྡེབས་བྲིས་དང་ཐང་ཀ་ཉི་ཤུ་ཙམ་བཞེངས། བཀའ་བསྟན་ཚར་ལྔ་རྒྱུད་འབུམ་རིན་པོ་ཆེ་ཀུན་མཁྱེན་ཡབ་སྲས་ཀྱི་གསུངས་འབུམ་སོགས་དད་མཆོད་རྫས་དང་རྒྱན་བཀོད་རགས་ཙམ་གྲུབ་ཡོད། བླ་གྲྭ་དྲུག་ཅུ་ཙམ་དང་དུས་མཆོད་བུམ་སྒྲུབ་བདུན་སྒྲུབ་གཅིག་དང་། དགུ་གཏོར་ཉིན་གསུམ་ཀུན་མཁྱེན་ཀློང་ཆེན་པའི་འདས་མཆོད། མུ་རའི་འདས་མཆོད་ཉིན་གཉིས། དབྱར་གནས་གསོ་སྦྱོང་ཚེས་བཅུ་ཉེར་ལྔ་སོགས་འཚོགས་རྒྱུ་ཡོད། བཤད་གྲྭ་ལ་རྫོགས་ཆེན་མཁན་པོ་ཞིག་གདན་དྲངས་ནས་དཔེ་ཁྲིད་མཛད་ཅིང་། བཤད་གྲྭ་བཙུགས་ནས་ལོ་གཉིས་ཙམ་སོང་སྔོན་དགོན་འདི་ཉིད་ཀྱི་མངའ་ཁོངས་སུ་གཏོགས་པའི་ཕྱིས་སུ་འཁྲུགས་ལོང་གི་སྐབས་བྲོས་འཐོར་དུ་སོང་བ་ད་ལྟ་མཚོ་སྔོན་མགོ་ལོག་ཁུལ་རྨ་སྟོད་རྫོང་གི་མངའ་ཁོངས་ན་དུད་གྲངས་བདུན་ཅུ་ཙམ་ཡོད། ་དེ་མིན་གྱི་ཤུལ་ན་དུད་གྲངས་བཞི་བཅུ་ཙམ་ཡོད་པ་སྔར་གྱི་ས་གནས་སུ་འདུག་མ་ཐུབ་པར་ཀྱང་རྒྱལ་གཉེར་ཕྱུགས་ར་ལ་དབང་བ་ཕྱིས་སུ་དགོན་པ་ལ་ལྟ་རྟོགས་མཛད་དེ་ཉེ་འདབ་ཏུ་རུ་བ་བཅུ་སྐོར་ཙམ་སྡོད་བཅུག་ྤའོ།།

ས་མིང་ཚིག་མཛོད་མིག་བཤར།

ཐོག་མར་ཕྱག་བཏབ་ཚུལ་ནི། ཐོག་མར་ནི་གྲུབ་པའི་དབང་ཕྱུག་རྫོགས་ཆེན་པད་མ་རིག་འཛིན་ཉིད་གོང་ས་ལྔ་བ་ཆེན་པོའི་བཀའ་ལུང་གིས་བསྐུལ་བ་དང་གདུལ་བྱ་འཕྲིན་ལས་དུས་བབ་ལ་ཤིང་ཕོ་བྱི་བའི་ལོ་ལ་མདོ་སྨད་ཤར་ཕྱོགས་སུ་ཞབས་པད་བསྐྱོད་པའི་དུས་ན། སྡེ་དགེའི་ཁྲི་ཆེན་གྱི་དབུའི་མཆོད་གནས་སུ་བཞུགས་ཏེ་མདོ་ཁམས་སུ་བསྟན་པ་རིམ་བཞིན་སྤེལ་བའི་ཚེ། དགེ་མང་བླ་མ་མདོ་སྔགས་བསྟན་འཛིན་ཞེས་པ་སྔོན་ཀཿཐོག་པའི་སློབ་བརྒྱུད་དུ་གྱུར་ཀྱང་གྲུབ་དབང་རིན་པོ་ཆེའི་ཞབས་པད་སྤྱི་བོར་བཀོད་དེ། སྨིན་གྲོལ་གྱི་གདམས་པ་མང་དུ་མནོས། མཉེས་པ་གསུམ་གྱིས་མཆོད་ཅིང་ཁྱད་པར་རབ་སྒྲུབ་པའི་མཆོད་པས་སྒྲུབ་ཚུགས་ཟིན་པའི་དམ་བཅའ་བླངས་ནས་བྲ་མ་བར་མི་དགོན་ལུང་ཞེས་པར་སྒྲུབ་གྲོགས་གཉིས་བཅས་ཀྱིས་སྦྲ་ཆུང་གསུམ་ཕུབ་ནས་ཟླ་དྲུག་བཅད་རྒྱར་བཞུགས་པ་ནི་སྒྲུབ་སྡེའི་ཐོག་མ་ཡིན། ཕྱིས་སུ་གྲུབ་དབང་རིན་པོ་ཆེ་ཐུགས་དགྱེས་པའི་རྩེར་སོན་ཏེ་གནས་དེ་ལ་བསྔགས་བརྗོད་གནང་བ་ནི། ཀ་དག་ལྷུན་གྲུབ་གདོད་མའི་གཞི་དབྱིངས་མཆོག། ཚེ་འདིར་མངོན་འགྱུར་བདེ་ཆེན་དག་པའི་ཞིང་། དམ་ལྡན་རིག་འཛིན་དཔའ་བོ་འདུ་བའི་གླིང་། ཞེས་གསུངས། བླ་མ་མདོ་སྔགས་བསྟན་འཛིན་ལ་སྔར་ཡང་། རིག་འཛིན་བདུད་འདུལ་རྡོ་རྗེའི་གཏེར་ལུང་ལས། ལོ་དྲུག་ཅུའི་ཐོག་མ་ཤིང་བྱིའི་ལོ། །བསྟན་པའི་གཞི་ཚུགས་སངྒའི་པད་ཚལ་རྒྱས། །ཞེས་པའི་ལུང་བསྟན་ཐོག་ཏུ་བབས་པ་ཡིན་པར་འདུག། ཁོང་དགུར་གྲངས་དགུ་བཅུ་རྩ་གཉིས་སུ་བཞུགས། སྒྲུབ་སྡེ་ཡང་མི་བཅུ་སྒོར་ནས་སུམ་ཅུའི་བར་མ་ངེས་པར་སྣང་། དེ་རྗེས་ཨོ་རྒྱན་བསོད་ནམས། གཟུངས་སྐྱབས་ཁམ་མེ། དཔོན་ཚང་སྤྲུལ་སྐུ་ཨ་དཀར་སོགས་ཀྱི་རིང་བྲ་མའི་སྒྲུབ་སྡེ་ཞེས་སུ་གྲགས། དེའི་རྗེས་སུས་སངས་རྒྱས་དགེ་ལེགས་ཞེས་པ་དགོན་པ་ཐོག་མར་ཕྱག་འདེབས་པ་ཡིན་པར་བྲིས་ཡོད། ཁོང་ནི་དཔོན་བརྒྱུད་དུ་འཁྲུངས་ཀྱང་ཆོས་བརྒྱད་དུག་བཞིན་དུ་སྤངས་ཏེ་རྣལ་འབྱོར་བ་བྱ་བཏང་གི་ལུགས་ལས་གདན་སའི་གཞི་བཀོད་ཆེར་མ་མཛད་པར་གྲགས། དེའི་རྗེས་ནས་བྲ་མ་དགོན་དུ་གྲགས།

དེ་སྐབས་ཨ་དོན་སྨོན་ལམ་དར་རྒྱས་དགེ་མང་ཁྲོད་དུ་བཞུགས་ནས་དཔེ་ཁྲིད་དང་གདམས་ཁྲིད་འགའ་གནང་བ་ཙམ་ལས་འཁོར་སློབ་ཆེར་རྒྱ་མ་བྱུང་། དེ་རྗེས་རྒྱལ་སྲས་གཞན་ཕན་མཐའ་ཡས་འོད་ཟེར་མཆོག་གི་སྔ་འགྱུར་བའི་བསྟན་པ་སྤྱི་ལ་བཀའ་དྲིན་ཆེས་ཆེ་བས་རྣམ་ཐར་མཛད་པ་དང་དཔལ་སྤྲུལ་ཆོས་ཀྱི་དབང་བོས། རྒྱ་སྐོང་གཞན་དགའ་ལ། རྣམ་ཐར་ཞལ་གསུངས་མ་སོགས་རྒྱས་པར་ཡོད་པས་དེ་ལ་[page 238] གཟིགས། འདིར་མི་ཕམ་རིན་པོ་ཆེའི་ཞལ་གསུངས་དངོས་འདི་ལྟར། རྒྱལ་བའི་སྲས་པོ་གཞན་ཕན་མཐའ་ཡས་འོད་ཟེར་ཞེས་པ་མཁན་ཆེན་བོ་དྷི་ས་ཏྭ་དང་། ལོ་ཆེན་བཻ་རོ་ཙ་ནའི་ཐུགས་རྗེའི་རྣམ་འཕྲུལ་གཅིག་ཏུ་བསྡུས་པ་དམ་པའི་ལུང་གིས་ཟིན་པ་འདི་ཉིད་སྐུ་ཆུང་ངུའི་དུས་ནས་ཐེག་པ་ཆེན་པོའི་རིགས་སད་ཅིང་། གསར་རྙིང་གི་བླ་མར་བསྟེན་ནས་གསན་བསམ་རྒྱ་མཚོའི་མཐར་ཕྱིན། གསང་སྔགས་ལམ་གྱི་དྲོད་རྟགས་མངོན་དུ་གྱུར། ཁྱད་པར་བོད་ཡུལ་འདིའི་དུས་སྐབས་ཀྱི་རྒུད་པ་ཆེན་པོ་སེལ་བའི་གང་ཟག་ཁྱད་པར་ཅན་ཡིན་ཏེ་སྐུ་ན་ཆུང་ངུའི་དུས་རི་ཁར་ཕེབས་པའི་སྐབས་ཞིག་ཏུ། བསམ་ཡས་མེའི་འཇིགས་པ་བྱུང་བ་གསན་ནས་ཐུགས་འགྱོད་ཆེན་པོ་བྱས། ་ཡང་ལྷ་སར་ཆུའི་འཇིགས་པ་ཟློག་པའི་ལུང་བྱང་ཡོད་པ་བཞིན་དེ་དོན་སུ་ལའང་མ་གསུངས་བར་སྦས་ཚུལ་གྱིས་ལྷ་ལྡན་དུ་ཕེབས་ཏེ་ཕྱག་རྡོར་དྲེགས་འདུལ་གྱི་སྐུ་མཚམས་སོགས་ལུང་བྱང་ལྟར་མ་ཡོང་བར་བསྒུགས་པས་ལྷ་སར་ཆུའི་གནོད་ཆེན་པོ་བྱུང་ཡང་བཟློག་པར་གྱུར་པ་སོགས་རྒྱལ་དབང་པདྨའི་ཕྲིན་ལས་ཀྱི་བྱེད་པོ་གཏེར་སྟོན་ཆེན་པོའི་སྐལ་བ་ཅན་ཡིན་ཞིང་། སྔ་མར་ཚངས་སྤྱོད་རྣམ་དག་གོས་དཀར་ལྕང་ལོའི་ཆ་བྱད་ཅན་དུ་བཞུགས་ཤིང་། ངེས་མེད་ཀྱི་གནས་སུ་སྒྲུབ་པའི་རྒྱལ་མཚན་འཛུགས་པའི་དགོངས་པ་མངའ་ལ། རྩ་ལུང་དང་བསྐྱེང་རྫོགས་ལ་ནུས་པ་ཐོན་པ་དང་བརྟུལ་ཞུགས་ཆེན་པོ་དང་ལྡན་པའི་རྣལ་འབྱོར་དབང་ཕྱུག་གིས་གནོན་ངེས་ཞིག་ཡིན་ན་ཡང་། རེས་གཅིག་སྔར་གྱི་ཇོ་འབྲོམ་ཡབ་སྲས་ཀྱི་དགོངས་བཞེད་ལྟར། རང་རང་སོ་སོའི་ཉམས་ལེན་ལ་གསང་སྔགས་ལས་ཟབ་པ་གང་ཡང་མེད་ཅིང་། གཅིག་པུར་དབེན་པར་བརྟེན་ན་གྲུབ་འབྲས་རེ་མངོན་དུ་འགྱུར་མོད་ཀྱི། བསྟན་འགྲོ་སྤྱི་ལ་མདོ་སྔགས་བཤད་སྒྲུབ་ཞིག་འཛུགས་པས་ཕན་པར་དགོངས་ཞིང་ལྷ་དང་བླ་མ་མཁའ་འགྲོའི་ཚོགས་ཀྱིས་བསྐུལ་བ་ལ་བརྟེན་ནས། རང་དོན་གལ་ཆུང་མཛད་ལ་བསྟན་དོན་ཁུར་དུ་བསྣམས་ཏེ། བསྟན་པ་སྤྱིའི་འཇུག་སྲོལ་གྱི་རིམ་པ་སྔར་ཆོས་རྒྱལ་ཆེན་པོས་བཀས་བཅད་པ་ལྟར་སྤྱོད་པ་མཁན་པོའི་ལུགས་དང་། ལྟ་བ་ཀླུ་སྒྲུབ་ཀྱི་ལུགས་དང་། ཉམས་ལེན་པདྨ་དང་བི་མའི་ལུགས་ལྟར་གསང་སྔགས་ལ་བྱས་ན་སྔ་འགྱུར་བའི་བསྟན་པ་རིན་པོ་ཆེ་འདི་ཉིད་དུས་ཀྱི་མཐར་ཡང་ཅུང་ཞིག་དར་རྒྱས་སུ་འགྱུར་སྙམ་པ་ཐུགས་ལ་བཞག་ནས་རབ་བྱུང་ངུར་སྨྲིག་འཆང་བའི་བརྟུལ་ཞུགས་དང་དུ་བཞེས་ནས་འདུལ་བའི་གནང་བཀག་ལ་ཚུལ་བཞིན་དུ་བསླབ་པས་རང་བཞིན་གྱིས་ཉེས་ལྟུང་ཕྲ་མོས་ཀྱང་མ་གོས་པ་འཕགས་པ་ཉེ་བ་འཁོར་དང་མཚུངས་པར་བསྔགས་འོས་པ། གང་ཟག་སུས་མཇལ་ཀྱང་ཐ་མལ་དུ་འཛིན་པའི་བློ་ལོག་སྟེ་འདི་ནི་འཕགས་པའི་གནས་བརྟན་བཅུ་དྲུག་གི་ནང་ནས་གཅིག་ཡིན་པ་སྙམ་པ་ལ་ཆེར་ལ་བྱུང་ཞེས་གླེང་། གཞུང་ལུགས་རྣམས་ཀྱི་ཟབ་དོན་ལ་གཞན་དྲིང་མི་འཇོག་པའི་རྣམ་དཔྱོད་རླབས་ཆེ་བ་ཐོབ་པས་སྔ་འགྱུར་རིང་ལུགས་ཀྱི་ལྟ་གྲུབ་ཟབ་མོའི་ཁྱད་པར་འཛིན་པ་ལ་རྒོལ་བ་གང་གིས་ཀྱང་གླགས་མི་རྙེད་པའི་སྤོབས་པ་ཐོབ། རྟག་ཏུ་བཤད་སྒྲུབ་གྱི་བྱ་བ་ལ་ཐུགས་གཞོལ་ཞིང་དབུས་གཙང་ཁམས་གསུམ་ཀུན་ཏུ་རྙིང་མའི་[page 239] དཔེ་རྙིང་གི་བསྡུ་རྩོམ་མཛད་ཅིང་། འདུལ་བ་ཀ་རི་ཀ་ནས་དཔལ་ལྡན་གསང་བ་སྙིང་པོ་དང་། རྫོགས་པ་ཆེན་པོའི་བར་གྱི་མདོ་རྒྱུད་བསྟན་བཅོས་ཀྱི་བཤད་གྲྭ་རྒྱ་ཆེ་བ་དང་དེའི་ཆ་རྐྱེན་ཡིག་ཆ་སྤར་དུ་འགོད་པ་སོགས་ཀྱི་ཐུགས་ཁུར་བཞེས། རྡོ་གྲུབ་དབང་རིན་པོ་ཆེས་ལུང་བསྟན་པ་ལྟར་རུ་རུམ་རྫོགས་ཆེན་གྱི་གནས་འདིར་ཕེབས་པ་དང་། སངས་རྒྱས་དངོས་བྱོན་རྫོགས་སྤྲུལ་བཞི་བ་མི་འགྱུར་ནམ་མཁའི་རྡོ་རྗེས་ཀྱང་ཡེ་ཤེས་ཀྱི་གཟིགས་པས་དམ་པ་འདིའི་ཡོན་ཏན་གྱི་ཆེ་བ་བསྔགས་ཤིང་གནས་འདིར་བཞུགས་དགོས་པ་དང་བཤད་སྒྲུབ་ཀྱི་སྲོལ་གཏོད་པའི་བཀའ་ལུང་གནང་བ་ལྟར། མདོ་སྔགས་བསྟན་བཅོས་ཀྱི་གཞུང་བཤད་ཅི་རིགས་དང་། བཀའ་འགྱུར་རིན་པོ་ཆེའི་ལྗགས་ལུང་། འདུལ་བ་གཞི་གསུམ་གྱི་ཕྱག་བཞེས། བཀའ་མའི་སྒྲུབ་ཆོག་རྣམས་སྤར་དུ་བཀོད་པ་སོགས་ཀྱི་ཕྲིན་ལས་བསྐྱངས་བས་རྙིང་བསྟན་གྱི་གསོས་ཆེན་པོར་གྱུར་ཅིང་། དེང་སང་ཕྱོགས་གང་ནའང་བྱམས་ཆོས་དང་དབུ་མ་སོགས་གཞུང་ལུགས་རྣམས་སྦྱང་བརྩོན་གྱི་སྲོལ་རིགས་ཚུགས་པ་དང་། འདུལ་བ་གཞི་གསུམ་གྱི་ཕྱག་བཞེས་དང་ཀྱང་རྙིང་ཕྱོགས་དང་། མདོ་ཁམས་འདིའི་གྲུབ་མཐའ་གཞན་པའི་དགོན་སྡེ་སྔར་དཔྱད གནས་སོགས་མེད་པ་རྣམས་སུ་ཡང་ངང་གིས་ཁྱབ་ཅིང་། བཀའ་འགྱུར་རོ་ཅོག་གི་ལུང་རྒྱུན་ཀྱང་ཇེ་བས་ཇེ་འཕེལ་དུ་བྱུང་བ་དམ་པ་མཆོག་འདིའི་ཐུགས་བསྐྱེད་དང་སྨོན་ལམ་གྱི་མཐུ་ལས་བྱུང་། མཁས་བཙུན་བཟང་པོའི་ཡོན་ཏན་ཕུལ་ཏུ་བྱུང་ཞིང་། སྔ་འགྱུར་བའི་རིང་ལུགས་བཤད་སྒྲུབ་ཀྱི་སྲོལ་རྨང་ནས་གསོ་བའི་ཐུགས་བསྐྱེ་རླབས་པོ་ཆེ་དང་ལྡན་པ་འདི་སྐུ་ཚེ་མཐར་ཕྱིན་པ་བཞུགས་ན་བསྟན་པའི་མངའ་ཐང་དབྱར་མཚོ་ལྟར་རྒྱས་པར་གོར་མ་ཆག་ཀྱང་། དེ་ལྟ་བུ་འགྲོ་བའི་བསོད་ནམས་ཀྱིས་མི་ཐུབ་པ་དང་རྗེ་ཉིད་རྟེན་སྔགས་པ་མཛད་ན་སྐུ་ཚེ་མཐར་ཕྱིན་དང་གསང་སྔགས་ཀྱི་ཕྲིན་ལས་ལ་ཕན་པ་འོང་བར་གཟིགས་ནས་དམ་པ་འགས་བསྐུལ་ཀྱང་མ་གསན་པར། ཁོ་བོ་སྟོན་པ་མཆོག་དེའི་བརྟུལ་ཞུགས་ཀྱི་རྗེས་སུ་སློབ་པའི་རྟེན་འདི་ལས་མ་འགྱུར་བར་ཤི་ན་རང་དོན་དུ་འགྱོད་པ་གང་ཡང་མེད་ལ། གཞན་དོན་དུ་ནི་ཕྱོགས་གང་ནས་ཀྱང་བསྟན་པའི་བྱ་བ་འདིའི་འཕྲོ་མཐུད་དེ་བརྩོན་པ་མི་ལྷོད་པ་སྨོན་ལམ་གྱི་དབང་གིས་འོངས་ཞེས་གསུངས་ཤིང་། སྐུ་འདའ་བའི་ནུབ་མོ་ཁོ་ནར་དེ་བཞིན་གཤེགས་པ་ལ་གནང་བ་ཞུས་ཏེ་སྐུ་ཆིངས་དཀྲོལ་ནས་དྲན་བཞིན་ཤེས་བཞིན་དུ་གཟིམས་པ་ལས་དུས་རྒྱུན་སྐུ་ཆིངས་མི་གྲོལ་ཞིང་ཉལ་སྙེས་འཕྲེས་པ་སོགས་ཀྱི་སྤྱོད་ལམ་དང་འདུལ་བ་དང་མི་མཐུན་པའི་ཉེས་བྱས་ཕྲ་མོ་ཙམ་གྱི་ཀུན་སྤྱོད་ཀྱང་མི་མངའ་བ་ཡིན་ཞེས། སྔར་ཁ་བྱང་བབ་ཚུལ་དང་། གསུང་འཕྲོས་འདི་དག་རྗེ་ཉིད་ཀྱི་སྐུ་ཚེ་སྨད་ཀྱི་ཞབས་ཞུར་རྟག་ཏུ་སྡོད་པ་དགེ་བའི་བཤེས་གཉེན་པདྨ་བཟང་པོ་ལ་ནང་འཕྲོས་སུ་གནང་བ་ཙམ་ལས་གཞན་ཡོངས་གྲགས་སུ་མ་གྱུར་ཀྱང་། བླ་མ་དེ་ལས་བདག་གིས་དངོས་སུ་ཐོབ་པ་ལྟར་འདིར་སྒྲོ་གདོགས་རྡུལ་ཙམ་དང་མ་འདྲེས་པར་བྲིས་པ་ཡིན་ནོ་ཞེས་སོ། དེ་ལྟར་འཇིག་རྟེན་མིག་གཅིག་བཻ་རོ་ཙ་ན་བསམ་བཞིན་བསྟན་འགྲོའི་དགོན་དུ་བྱོན་པ་མཁས་པའི་གཙུག་རྒྱན། བཙུན་པའི་ཁྱུ་མཆོག་གྲུབ་པའི་དབང་ཕྱུག་འགྲན་ཟླ་འོས་པ་འགའ་ཡང་མ་འཆིས་པ་ཀུན་མཁྱེན་བླ་མ་རྒྱལ་བའི་སྲས་[page 240] པོ་གཞན་ཕན་མཐའ་ཡས་འོད་ཟེར་མཆོག་གི་གསུང་གི་བདུད་རྩི་ལས་སྐྱེས་པའི་བརྒྱུད་འཛིན་གྱི་བུ་སློབ་ཀྱང་ནམ་མཁའི་རྒྱུ་སྐར་ལྟར་བཀྲ་ཡང་དེ་ཐམས་ཅད་ཀྱི་དབུས་ན་ཉ་གང་ཟླ་བ་ལྟར་རབ་ཏུ་གསལ་བ་མི་འགྱུར་ནམ་མཁའི་རྡོ་རྗེའམ་ཆེ་མཆོག་གྲུབ་རྩལ། མཆོག་གྱུར་བདེ་ཆེན་གླིང་བ། ཨོ་རྒྱན་འཇིགས་མེད་ཆོས་ཀྱི་དབང་པོ། འཇམ་དབྱངས་མཁྱེན་བརྩེ་དབངཔོ་སྟེ་འགྲན་ཟླ་དང་བྲལ་བའི་མཁས་གྲུབ་ཆེན་པོ་བཞི། དབུས་ཕྱོགས་སུ་དྭགས་པོ་ཐུབ་བསྟན་ཡོངས་འཛིན། ཁམས་ཕྱོགས་སུ་མཁན་ཆེན་པདྨ་བཛྲ་ཏེ་ཐུགས་སྲིན་གྱི་སྲས་གཉིས། དཔོན་སློབ་སྐུ་ཕྲེང་བཞི་པ་དཀོན་མཆོག་བསྟན་པའི་ཉི་མ་རྒྱལ་ཚབ་གཉིས་པ་ཨོ་རྒྱན་རང་བྱུང་རྡོ་རྗེ། གཏེས་སྟོན་ཟླ་བའི་འོད་ཟེར་གྱི་སྐུ་སྲས་གཅེན་རིག་འཛིན་མཐུ་སྟོབས་རྡོ་རྗེ། གཅུང་བློ་བཟང་བསྟན་པའི་རྒྱལ་མཚན། ཀུན་མཁྱེན་ཐེག་མཆོག་རྡོ་རྗེ། བཅོ་བརྒྱད་ཟིམ་འོག་རིན་པོ་ཆེ། གཤིས་སྤྲུལ་བསྟན་པའི་ཉི་མ། སྤྲུལ་བའི་སྐུ་མཆོག་ཐུབ་བསྟན་རྒྱལ་མཚན་དཔལ་བཟང་བོ་རྗེ་ཉིད་ཀྱི་དབོན་པོ་ཨོ་རྒྱན་བསྟན་འཛིན་ནོར་བུ་སོགས་གཞུང་ལུགས་རབ་འབྱམས་སྨྲ་བའི་མཁས་པ་བསླབ་པ་གསུམ་དང་ལྡན་པའི་མཁན་པོ། རིམ་གཉིས་གདེངས་དང་ལྡན་པ་སྔགས་པ། ཚེ་བློས་གཏང་གི་བྱ་བྲལ་སོགས་གྲངས་ལས་འདས་པ་ཞིག་སྣང་ཡང་ཡིག་ཚོགས་མང་དོགས་པས་འདིར་མ་བཀོད་དོ། །དགེ་མང་དབོན་པོ་བསྟན་འཛིན་ནོར་བུ་ནི། སྐྱབས་རྗེ་ཉིད་ཀྱི་ཡབ་ཚང་དུ་སྐྱབས་རྗེའི་མཆེད་ཡ་ཨ་དོན་བསོད་ནམས་དར་རྒྱས་ཞེས་བྱ་བའི་སྲས་སུ་འཁྲུངས་ཏེ། སྐུ་ན་ཆུང་ངུ་ནས་བྱམས་དང་སྙིང་རྗེ་ངེས་འབྱུང་སྐྱོ་ཤས་སོགས་སུས་ཀྱང་འགྲན་ཟླ་བྲལ་བས་སྐྱབས་མགོན་གཞན་ཕན་པས་བྱིས་པ་འདི་ཅུང་ཟད་ནར་སོན་ཚེ་ངེད་ཀྱི་དྲུང་དུ་བསྐྱོལ་ཅིག་གསུངས་ཏེ་བུ་སློབ་རྣམས་ལ་ངའི་དབོན་པོ་ཆུང་ངུ་དེ་ཕྱིས་སུ་རང་གི་རྗེས་ཤུལ་ཟིན་ངེས་འདུག་གསུངས་ཏེ་ཐུགས་བརྩེ་ཆེ་བར་གྲགས་སོ། དེ་ནས་དགུང་ལོ་བཅུ་གསུམ་ལོན་པ་ན་སྐྱབས་རྗེའི་མདུན་དུ་བྱོན་ཏེ། ཐོག་མར་བསྟན་པའི་གཞི་མ་རུ་དགོངས་ཏེ་སྐྱབས་མགོན་རྒྱལ་སྲས་ཉིད་ལས་རབ་ཏུ་བྱུང་ནས་ལྷག་པ་ཚུལ་ཁྲིམས་ཀྱི་བསླབ་པ་མིག་གི་འབྲས་བུ་ལྟར་བསྲུང་། སྐྱབས་རྗེ་ཉིད་ལས་མདོ་ཕྱོགས་ཀཱ་རི་ཀ་ནས་སྔགས་ཕྱོགས་ཀློང་ཆེན་སྙིང་ཐིག་སོགས་དངོས་གཞིའི་དབང་ཁྲིད་ཡོངས་རྫོགས་ནས། དེའི་ཚེ་གདུལ་བྱ་སེམས་ཅན་བསོད་ནམས་དམན་པའི་དབང་གིས་སྐྱབས་རྗེ་དགོངས་པ་ཆོས་དབྱིངས་སུ་རྫོགས་རྗེས། དབོན་རིན་པོ་ཆེ་དགུང་ལོ་བཅོ་ལྔ་སོན་པས་ཉིན་ཞིག་མཚུངས་མེད་བླ་མ་དམ་པ་རྗེས་དྲན་དང་སྐྱོ་ཤས་ངེས་འབྱུང་དྲག་པོས་བླ་མའི་ཐུགས་བརྒྱུད་བསྐུལ་བའི་གདུང་ཚིག་གིས་གསོལ་བ་བཏབ་པས་རྒྱལ་བའི་སྲས་པོ་གང་ཉིད་སྐུ་སྔར་བས་ཀྱང་གཟིམས་ཆེ་བ། པཎྚི་ཏའི་ཆ་བྱད་ཅན། སྤྲིན་དཀར་དང་འཇའ་འོད་འཁྲིགས་པའི་དབུས་སུ་མངོན་སུམ་བྱོན་ཏེ་འདས་རྗེས་སུ་གནང་བ་སྔར་རིག་འཛིན་སྙན་བརྒྱུད་ལྟར་འདུག་གོ། གཞན་ཡང་མཁས་གྲུབ་ཀྱི་བླ་མ་ཉེར་ལྔ། དེ་ལས་བཀའ་དྲིན་སུམ་ལྡན་གྱི་བླ་མ་བཅུ་གསུམ། དེ་ལས་ཉི་ཟླ་ལྟར་གྲགས་པའི་རྒྱལ་སྲས་གཉིས། འགྲན་ཟླ་དང་བྲལ་བའི་འཕགས་ཆེན་གཅིག། བཀའ་དྲིན་མཆོག་ཏུ་གྱུར་བའི་རྡོ་རྗེ་འཆང་ཆེན་པོ་གཅིག་བཅས་གྲུབ་རྙེས་ཀྱི་རིག་འཛིན་དེ་དག་[page 241] མཉེས་པ་གསུམ་གྱི་ལེགས་པར་བསྟེན་ནས་གསན་བསམ་སྒོམ་པ་མཐར་ཕྱིན་ཏེ་རྒྱལ་བསྟན་ཡོངས་རྫོགས་ཀྱི་མངའ་བདག་ཏུ་གྱུར་བ་ཡིན་ནོ། ལར་རྗེ་འདི་ཉིད་བསྟན་པ་ལ་ང་ཁྱོད་མེད་ཅིང་གྲུབ་མཐའ་ལ་ཕྱོགས་རིས་བྲལ་བས་ས་དགེ་བཀའ་རྙིང་སོགས་ཀྱི་དགོན་གནས་མང་བོ་ལ་རྒྱལ་སྲས་གཞན་ཕན་མཐའ་ཡས་ཀྱི་མཛད་པའི་འཕྲོ་མཐུད་སྟེ་བཤད་སྒྲུབ་ཀྱི་བསྟན་པ་ཉིན་མོ་ལྟར་མཛད་ཅིང་། རྗེ་ཉིད་ཀྱི་ཞལ་སློབ་ཀྱི་གཙོ་བོ། རྫོགས་སྤྲུལ་ལྔ་བ་ཐུབ་བསྟན་ཆོས་ཀྱི་རྡོ་རྗེ། རྡོ་གྲུབ་གསུམ་པ་འཇིགས་མེད་བསྟན་པའི་ཉི་མ་བཅས་ས་གསུམ་ན་འགྲན་ཟླ་བྲལ་བའི་འཕགས་ཆེན་གཉིས། བྱ་བྲལ་ཀུན་དགའ་དཔལ་ལྡན། རྫ་རྒྱལ་མཁན་ཆེན་སྤྲེལ་ལོ་སྟེ་སྒྲུབ་བརྒྱུད་འོད་གསལ་གྱི་བསྟན་པ་འཛིན་པ་གཉིས། མཁན་ཆེན་ཀུན་བཟང་ཆོས་གྲགས། གཞན་ཕན་ཆོས་ཀྱི་སྣང་བ། མཁས་གྲུབ་ཡོན་ཏན་རྒྱ་མཚོ་སྟེ་བཤད་སྒྲུབ་སྟེ་བཤད་སྒྲུབ་ལུང་གི་བསྟན་པ་འཛིན་པའི་ཐུགས་སྲས་བུ་ཆེན་གསུམ། པདྨ་ཐེག་མཆོག་བློ་ལྡན། འཚམས་སྤྲུལ་རིན་པོ་ཆེ་སོགས་མཁས་གྲུབ་གཉིས་ལྡན་གྱི་སྐྱེས་བུ་བསྟན་འགྲོའི་དཔལ་མགོན་དམ་པ་སྟོང་ཕྲག་ལྷག་ཙམ་བྱུང་བའོ། མཁན་རིན་པོ་ཆེ་ཡོན་ཏན་རྒྱ་མཚོ་མཆོག་ནི་ཨ་འཛོམ་འབྲུག་པ་འགྲོ་འདུལ་དཔའ་བོའི་ཞལ་ནས། སྔོན་ཚེ་སྟོན་པའི་ཉེར་གནས་ཀུན་དགའ་བོ། གངས་ལྗོངས་མཁས་པ་ལོ་ཆེན་བཻ་རོ་རྗེ། སྙིགས་དུས་བསྟན་པའི་ཉི་མ་འགྲོ་བའི་མགོན། མཁན་ཆེན་ཡོན་ཏན་རྒྱ་མཚོར་གསོལ་བ་འདེབས། ཞེས་བསྔགས་བརྗོད་རྒྱ་ཆེར་གནང་བ་གང་ཉིད་རྒྱལ་སྲས་གཞན་ཕན་མཐའ་ཡས་ཀྱི་དབོན་རིགས་ཨ་དོན་བྷ་ཞེས་བྱའི་སྲས་སུ་འཁྲུངས་ཤིང་། ཆུང་ངུའི་དུས་ནས་ཞི་དུལ་ཐུགས་རྒྱུད་དེས་པ་དམ་པའི་ངང་ཚུལ་གསལ་བས་མགོ་ཚྭའི་མཁན་པོ་ཤེས་རབ་ཕུན་ཚོགས་ལས་བསྙེན་པར་རྫོགས་ཤིང་ཐུན་མོང་མ་ཡིན་པའི་རིགས་བདག་དཔལ་སྤྲུལ་འཇིགས་མེད་ཆོས་ཀྱི་དབང་བོ། ཨོ་རྒྱན་བསྟན་འཛིན་ནོར་བུ་ཡབ་སྲས་གཉིས་ལས་གསུང་གི་བདུད་རྩི་མནོས་ནས་གསན་བསམ་སྦྱངས་བ་མཐར་སོན་པར་མཛད་པ་དང་། ཁྱད་པར་སྐུ་ན་ཆུང་ངུའི་དུས་སུ་ཡོན་ཏན་རྒྱ་མཚོ་རང་གི་གྲྭ་ཤག་ཏུ་དཔལ་སྤྲུལ་རིན་པོ་ཆེ་ཆེར་དུ་ཕེབས་པས་བཀའ་མ་ཞི་ཁྲོ་ན་རཀ་དོང་སྤྲུག་གི་སྐུ་མཚམས་ལ་བཞུགས་ནས་སྒྱུ་འཕྲུལ་གསང་བ་སྙིང་བོའི་འགྲེལ་བ་གསང་བདག་དགོངས་རྒྱན་དང་ཕྱོགས་བཅུ་མུན་སེལ་གཉིས་ཟླ་བ་དྲུག་ཏུ་དཔེ་ཁྲིད་མཛད་པས་བརྒྱུད་དོན་རྣམ་ཐར་བཤད་པའི་ཤིང་རྟའི་ལམ་སྲོལ་ཆེན་པོ་གཉིས་ལ་བཀའ་བབ་ཏུ་འདུག་ཅེས་བསྟོད་བསྔགས་རྒྱ་ཆེར་གནང་ཞིང་ཕྱིས་ནས་ཀྱང་རྒྱུད་ཀྱི་བཤད་པ་མ་ཆད་པར་གྱིས་ཞེས་གདམས་པས་ཕྱོགས་བཅུ་མུན་སེལ་དང་འབྲུ་འགྲེལ་ཡོངས་རྫོགས་ཐུགས་ལ་བཟུང་སྟེ་རྒྱུད་ཀྱི་བཤད་པ་དར་རྒྱས་སུ་བྱུང་བ་ཆོས་རྗེ་མི་ཕམ་གྱི་གསན་ཚེ། རྒྱུད་དོན་རྣམ་པར་འཆད་པ་ལ་མཁས་མཆོག་ཡོན་ཏན་རྒྱ་མཚོ་ལས་མི་དམིགས་གསུངས་ནས་བསྟོད་བསྔགས་རྒྱ་ཆེར་གནང་ཞིང་ཕུད་ཀོང་དངུལ་སྤྲས་ཅན་ལྷ་རེག་གི་སྐྱེས་དང་བཅས་པ་གནང་། ད་ལྟ་ཡང་གསང་སྙིང་ལྷ་ཁང་དུ་འདུག། ཁོང་ནི་སྐུ་ཚེ་གང་བོར་ཐོས་བསམ་སྒོམ་གསུམ་འཆད་རྩོད་རྩོམ་གསུམ་གྱི་དུས་འདའ་བས། བརྒྱུད་འཛིན་གྱི་སློབ་ཚོགས་ཀྱང་ཆེས་ཤིན་ཏུ་མང་བོར་བྱུང་། དེ་ཐམས་ཅད་ལས་ཁྱད་པར་དུ་གྱུར་བ་མཁན་ཆེན་ཐུབ་བསྟན་[page 242] ཆོས་འཕེལ་ནི་རྗེ་ཉིད་ཀྱི་རྒྱལ་ཚབ་དུ་མངའ་གསོལ་བ་དང་གཞན་ཡང་། འཚམས་སྲས་འཇིགས་མེད་དབང་པོ། རྒྱལ་ཚབ་རིན་པོ་ཆེ་འགྱུར་མེད་པདྨ་རྣམ་རྒྱལ། མཁན་ཆེན་འཇིགས་མེད་སྒྲ་དབྱངས། རྫོགས་ཆེན་གླིང་དཔོན་རིག་འཛིན་འོད་ཟེར། མཁན་ཆེན་འཇམ་དབྱངས་བསྟན་འཛིན་སྟེ། ཐུགས་སྲས་བུ་ཆེན་རྣམ་ལྔ། བཀའ་རྒྱུད་ཟུར་མང་དྲང་བ་རིན་པོ་ཆེ་ཀརྨ་ཆོས་ཀྱི་ཉིན་བྱེད། པཎ་ཆེན་སངས་རྒྱས་མཉམ་པ་ཀརྨ་བཤད་སྒྲུབ་བསྟན་པའི་ཉི་མ་སྟེ་རིས་མེད་སྐྱེས་ཆེན་སོགས་མང་པོར་ཞལ་སློབ་ཏུ་གྱུར་བས་མདོ་སྔགས་བསྟན་པ་རྒྱ་མཚོ་ཉི་མ་འཆར་བ་ལྟར་མཛད་པ་ཡིན་ནོ། རྒྱ་ཀོར་གཞན་འགའ་རིན་པོ་ཆེ་ནི། ཆོས་རྗེ་མི་ཕམ་པས། གཞན་ཕན་མཐའ་ཡས་མཆོག་གིས་སྤྲུལ་བའི་སྐུ། གཞན་ཕན་ཆོས་ཀྱི་སྣང་བ་ཞེསབྱ་བ། གསུངས་པ་ལྟར། ཁ་ནོར་རྒྱ་ཀོང་ཚང་ཞེས་བར་སྐུ་བལྟམས་ནས་འཇིག་རྟེན་གྱི་མཚོ་འཛིན་ལ་དགུང་ལོ་ཉེར་བརྒྱད་བར་དུ་བཞུགས་ཤིང་། ཉིན་ཞིག་གློ་བུར་དུ་རིགས་སད་ནས་ཨོ་རྒྱན་བསྟན་འཛིན་ནོར་བུའི་མཚན་སྙན་ཐུགས་ལ་འཆང་བས་རྫི་བོས་ཞར་དུ་རི་དྭགས་རྙི་ལས་བོར་བ་བཞིན་དེ་ཕྱོགས་སུ་ཕེབས་པས། དབོན་རིན་པོ་ཆེ་ནས་རྒྱལ་སྲསགཞན་ཕན་མཐའ་ཡས་ཀྱི་སྐུ་སྐྱེ་ཡིན་པ་སྒྲིབ་མེད་ཡེ་ཤེས་གཟིགས་པས་སྐུ་གི་ཚུལ་དུ་མཚོན་སྣ་གསུམ་གྱི་ལེགས་པར་བསྒྱུར་བའི་ན་བཟའ་ཕུལ་ཞིང་། གསེར་ཁྲིར་བཞུགས་སུ་གསོལ་ནས་དགེ་མང་དགོན་གྱི་མཁན་པོར་མངའ་གསོལ། བསྟན་པའི་གཉེར་ཁར་གཏད་ནས་ཐུགས་ཁ་རྩེ་བས་རྗེས་སུ་བཟུང་། འབྲི་ཀློག་ནས་བཟུང་བསླབ་སྦྱངས་མཐའ་ཡས་པ་མཛད། ཟླ་ཤེས་སོང་མཚམས་དབྱངས་ཅན་དཀར་མོའི་རྗེས་གནང་བརྩལ་ཏེ་བསྒྲུབས་པས་བདུན་ཕྲག་གཉིས་ཙམ་ནས་གྲུབ་པའི་རྟགས་ཐོན་ཏེ་འགྲན་དུ་མེད་པའི་བཟུངས་སྤོབས་བློ་གྲོས་ཀྱི་གཏེར་གྲོལ་ཏེ་མཁས་པའི་ཡང་རྩེར་སོན། ཡོན་ཏན་རྒྱ་མཚོ་ལས་རབ་ཏུ་བྱུང་ནས་མཚན་གཞན་ཕན་ཆོས་ཀྱི་སྣང་བ་གསོལ་བས་སྡོམ་བརྩོན་ངུར་སྨྲིག་འཛིན་པའི་ཁྱུ་མཆོག་ཏུ་གྱུར། དེ་ལྟར་དཔལ་ལྡན་བླ་མ་དམ་པ་མི་ལོ་བཅུ་གསུམ་གྱི་བར་དུ་མཉེས་པ་གསུམ་གསུམ་གྱི་སྒོ་ནས་ལེགས་པར་བསྟེན་པའི་དེའི་ཚེ། གདུལ་བྱ་རྟག་འཛིན་ལྡོག་པའི་ཆེད་དུ་ཞི་བར་གཟིམས་པས་སྔར་གསུངས་བཀོད་ལྟར། རྗེ་ཉིད་ཀྱི་གདན་ས་ལོ་མང་པོར་འཁོར་སློབ་ཀྱི་བསྟན་པ་རིན་པོ་ཆེ་ཉི་མ་ཤར་བ་ལྟར་གསལ་བར་མཛད། རྫོགས་ཆེན་ཤྲཱི་སེང་ཆོས་གྲྭ་སྔར་ཡོད་ཀྱང་བར་སྐབས་འཐོར་བ་བསྐྱར་གསོ་གནང་སྟེ་མཁན་པོ་མཛད། གཞན་དཔལ་སྤུངས་དགོན་དང་། ཁམས་བྱེ་བཤད་གྲྭ། སྐྱེར་དགོན་དོན་གྲུབ་གླིང་སོགས་མདོ་ཁམས་སྨད་ཕྱོགས་ཕལ་མོ་ཆེ་རྣམས་སུ་སློབ་གྲྭ་གསར་བཙུགས་དང་གཞུང་བཤད་རྒྱ་ཆེར་གནང་། གསར་རྙིང་གི་སྐྱེས་བུ་དམ་པ་དུ་མ་ཞིག་རྗེ་ཉིད་ཀྱི་ཞལ་སློབ་དུ་གྱུར་བ་དང་། ཁྱད་པར་དུ་བྱམས་མགོན་སིངྷི་རིན་པོ་ཆེ། འཇམས་དབྱངས་ཆོས་ཀྱི་བློ་གྲོས། རྫོགས་ཆེན་མཁན་ཡོན་ཏན མགོན་པོ། མཁན་ཐུབ་བསྟན་སྙན་གྲགས། མཁན་འགྱུར་མེད་ཚེ་རིང་། ཡབ་རྗེ་ང་དབང་ནོར་བུ། བླ་མ་འཇམ་དབྱངས་རྒྱལ་མཚན། མཁས་པ་ཆེན་པོ་དབོན་སྟོད་མཁྱེན་རབ་གཙང་སར་མཆོག་སྤྲུལ། ར་ཁོ་ཆོས་གྲགས། ངོར་ཁང་སར་མཁན་ཆེན་ངག་དབང་བློ་གྲོས་གཞན་ཕན་སྙིང་བོ། མཁན་ཆེན་དཀོན་[page 243] མཆོག་ཚུལ་ཁྲིམས་སོགས་བསྟན་འགྲོའི་དཔལ་མགོན་དམ་པ་མཁས་གྲུབ་གཉིས་ལྡན་གྱི་སྐྱེས་བུ་ཁྲི་དང་སྟོང་སོགས་བསམ་ཡུལ་ལས་འདས་པ་བྱོན་པས་ཇི་བཞིན་བརྗོད་མཐའ་བྲལ། དེ་ནས་མཁན་འཇམ་དབྱངས་བསྟན་འཛིན་མཁན་བསོད་ནམས་རྡོ་རྗེ། མཁན་དཀོན་མཆོག་ཚུལ་ཁྲིམས་ཀྱི་བར་མདོ་སྔགས་བསྟན་འཛིན་ནས་བཟུང་མཁན་རབས་སུམ་ཅུ་རྩ་བརྒྱད་བྱོན་པ་ཡིན་ལ། དམ་པ་འདི་དག་གི་རྫས་རྗེས་གཙོ་བོ་བཤད་སྒྲུབ་གཉིས་ཡིན་པས་གསུངས་འབུམ་གྱི་བསྐོར་གཞུངས་འགྲེལ་བཅུ་ཕྲག་ལྔ་ལས་བརྒལ་བ་ཡོད། དེ་ནས་མཁན་ཆེན་འཕྲིན་ལས་དབང་རྒྱལ་ནི་མཁྱེན་བརྩེ་རིན་པོ་ཆེ་ནས་གདན་ཞུས་མཛད་ཚེ། བསྟན་གཉིས་དར་རྒྱས་གླིང་འབྲུག་ཡུལ་བཅས་ཀྱི་རྒྱུད་རྒྱལ་གསང་བ་སྙིང་བོ་སོགས་མདོ་སྔགས་གཞུང་རྣམས་དཔེ་ཁྲིད་ལོ་ཕྱེད་གཉིས་ཙམ་ལ་མཛད་པས། མཁན་སྤྲུལ་བརྒྱ་ལྷག་ཙམ་དང་། རྫོགས་ཆེན་ཤྲཱི་སེང་ནས་མཁན་སྤྲུལ་སུམ་ཅུ་སྐོར་བཅས་ཀྱི་སྒྱུ་འཕྲུལ་འཆད་ཉན་བྱེད་རྒྱུ་དམ་བཅའ་གནང་བ་སོགས་མཛད་འཕྲིན་རླབས་པོ་ཆེའི་བསྟན་པ་བསྐྱངས་བར་མཛད་དོ། མཁན་ཆེན་རིན་པོ་ཆེ་རིག་འཛིན་དབང་རྒྱལ་མཆོག་ནི། ཡབ་སོག་པོ་ངག་དབང་བློ་གྲོས་དང་ཡུམ་ཝ་ཟ་དུང་ལྷ་གཉིས་ཀྱི་སྲས་སུ་སྐུ་མཆེད་གཉིས་འཁྲུངས། ཆེ་བ་རིག་འཛིན་དབང་རྒྱལ་ཞེས་པ་རབ་བྱུང་བཅོ་ལྔ་བའི་ཤིང་ཕོ་བྱའི་ལོར་སྐུ་བལྟམས། དེ་ནས་བཟུང་དམ་པ་འདི་རིགས་ཀྱི་མངོན་རྟགས་མང་བོ་མཆིས་ཀྱང་འདིར་མ་སྤྲོས། མཁན་ཆེན་འཇམ་དབྱངས་བསྟན་འཛིན་ལས་དགེ་ཚུལ་གྱི་སྡོམ་པ་ནོལ། དགུང་ལོ་བཅུ་བདུན་ལ་མཁན་ཆེན་ཐུབ་བསྟན་ཆོས་འཕེལ་དཔལ་བཟང་པོའི་ཞབས་པད་ཟིན་ནས་ལོ་གྲངས་བཅུ་གཉིས་ཀྱི་བར་ལ་ཀཿདཔལ་རྫོགས་གསུམ་སོགས་གནས་བསྐོར་མཆོད་འཇལ་དབང་ཁྲིར་གདམས་པ་བསྙེན་སྒྲུབ་ལས་གསུམ་སོགས་མཛད་པས་གྲུབ་འབྲས་མངོན་ཏུ་གྱུར་ནས། བྱ་བྲལ་ཀུན་དགའ་དཔལ་ལྡན། པདྨ་ཐེག་མཆོག་བློ་ལྡན། མཁན་ཆེན་ཐུབ་བསྟན་ཆོས་འཕེལ་སོགས་དམ་པ་དུ་མའི་ཐུགས་ཟིན་སྲས་ཀྱི་ཐུ་བོར་གྱུར། དེ་ནས་ལོ་གསུམ་གྱི་རིང་སྤྱོད་འཇུག་ཞག་ཉེར་ལྔའི་རིང་ཆོས་ཁྲིད་གསུངས་ཤིང་། དུས་མཆོད་ཆེ་ཕྲ་ཀུན་ལ་རྡོ་རྗེ་རྒྱལ་བོ་མཛད། རྒྱུན་པར་རྩ་བ་གསུམ་གྱི་བསྙེན་སྒྲུབ་ལ་ཐུགས་དམ་མཛད། ༡༩༨༢ལོར་བསྟན་པ་སླར་བསོའི་སྐྱ་རེངས་འཆར་དུ་ཉེ་བ་ལ་གཞིག་ནས་དགེ་ཚུལ་སློང་གི་སྡོམ་པ་གནང་བའི་དབུ་བཙུགས། འདིར་རང་དགོན་དུ་དབོང་སྟོབས་ལྔ་བཅུ་བསྐོར་གྱི་དབྱར་གནས་ཞིག་གསང་ཐབས་སུ་འཚོགས། དེ་ནས་བཟུང་དབྱར་གནས་བཅོ་ལྔའི་འདི་ལོར་མཚོན་ན་ཞག་གྲངས་བརྒྱ་དང་བཞི་བཅུར་ཉེ་བ་རེབ་ཀོང་རྣམ་རྫོངས་ཆུ་དམར། བོད་ལྗོངས། ཀན་སུའུ། དར་མདོ། ཉག་རོང་། རྒྱ་སྡེ། ཆབ་མདོ་སོགས་དཀོན་ཁག་ཆེས་མང་བོར། མཁན་སྤྲུལ་བླ་གྲྭ་སྟོང་དུ་ཉེ་བ་དང་། རྫ་རྒྱུད་འདིའི་རྙིང་དགོན་ཚང་མ་དང་། རྫོགས་ཆེན་ཤྲེ་སེང་ཆོས་གྲྭ་ལ་ཕེབས་ནས་མཁན་པོ་ཟླ་ཟེར་དང་ཆབ་གཅིག་དྲུག་བརྒྱ་ལྷག་ཙམ་ལ་བསླབ་སྡོམ་གནང་། ཞེ་ཆེན་དགོན་དུ་ཡང་བླ་གྲྭ་མང་རབ་ལ་དགེ་ཚུལ་སློང་གི་སྡོམ་པ་གནང་། འདིར་རི་ཁྲོད་བསྐྱར་བསོ་གནང་ནས་ཡོན་ཏན་མཛོད་ཚར་གསུམ། གཞུངས་ཆེན་བཅུ་གསུམ་ཆ་ཚང་། ཕྱོགས་བཅུ་མུན་སེལ་ཚར་དྲུག། དགོངས་རྒྱན་[page 244] ཚར་གཉིསསྤྱོད་འཇུག་ཚར་བཅོ་བརྒྱད། སྡོམ་གསུམ་ཚར་ཉེར་གཉིས། དབུ་མ་རྒྱན་སོགས་ལོ་བཅུ་གསུམ་གྱི་རིང་ལ་དུས་མཆོད་དང་དགོངས་གནང་ཟླ་བ་གཉིས་མ་གཏོགས་པར་འཆད་ཉན་མ་ཆད་པར་གནང་། མདོ་ལས། དམ་ཆོས་བཤད་པའི་དུས་བསྟན་ཕྱིར། རྔའམ་གཎྜི་བརྡུངས་བའི་སྒྲ། ཐོས་བས་བྱང་ཆུབ་ཐོབ་གྱུར་ན། །ཉན་ཕྱིར་ལྷགས་པ་སྨྲོས་ཅི་དགོས། །ཞེས་དང་དཔལ་སྤྲུལ་ཆོས་ཀྱི་དབང་པོའི་ཞལ་ནས། །གཞི་གསུམ་ཚུལ་འདི་གང་དུ་གནས་པ་དེར། །རྒྱལ་བསྟན་རིན་ཆེན་གནས་ཞེས་གདགས་འོས་ལ། ཡུལ་དབུས་ཡུལ་གྱི་སྙིང་པོ་དམ་པ་ཞེས། །བསྔགས་པའི་མེ་ཏོག་འདི་མིན་གང་ལ་འཐོར། །ཞེས་པ་ལྟར་རོ། །མཁན་པདྨ་དབང་རྒྱལ་ནི། བསྟན་པ་ཉམས་གསོའི་དུས་ཚོད་ཐོབ་པ་ནས་བཟུང་ད་ལྟའི་བར་ལོ་བཅུ་དྲུག་གི་རིང་བསྟན་དགོན་འདིས་ཕྱི་བཅའ་ནང་སྒྲིག་བསླབ་བྱ་བླང་དོར་ཆེ་ཕྲ་ཐམས་ཅད་ཐུགས་བཞེས་མཛད་ནས་ཕྱི་གཙུག་ལག་ཁང་། རྟེན་གསུམ་ཡོ་བྱད་ཆས་ཅ་ལག ནང་དགེ་འདུན་གི་གྲངས་སྤྱི་རྩ་སྒྲུབ་མཆོད། གར་འཆམ་དབྱངས་རོལ་སྔར་ལས་ཀྱང་ལྷག་པར་གོང་འཕེལ་དུ་གྱུར་ལ། ཚུལ་ལྡན་བཙུན་པའི་སྡེ་ཤ་སྟག་ཏུ་བསྒྱུར། མཁན་སྤྲུལ་གྲྭ་བཙུན་བཟང་ཤོས་ལྔ་བཅུ་ནས་བརྒྱ་ལྷག་གི་ཕྱོགས་ཀྱི་ཉམས་མྱོང་དང་རྟོགས་པ་ལྡན་པའི་ཆོས་བརྒྱུད་སེལ་མེད་ཀྱི་སྐྱེས་ཆེན་དམ་པ་མང་པོའི་མདུན་དུ་ཆེད་གཏོང་གནང་སྟེ་བཀའ་གཏེར་སྨིན་གྲོལ་ཀྱི་དབང་ལུང་ཞུས། དེ་ཡང་གོ་ཐོས་ཙམ་མིན་པར་ཟླ་རེ་ཟླ་འཚམས་ནས་ཞག་བརྒྱའི་བར་དགུན་དུས་སྒྲུབ་གྲྭ་སུམ་ཅུ་སྐོར་གཏན་འཇག་གི་བསགས་སྦྱངས་བསྙེན་སྒྲུབ་ལ་བརྩོན་དུ་འཇུག་པ་འདི་དག་ནི་དམ་པ་ཁོང་གི་མཛད་རྗེས་ཁོ་ན་ལགས་སོ། དེ་ལྟར་རྒྱལ་སྲས་གཞན་ཕན་མཐའ་ཡས་ཁུ་དབོན་རྣམས་ཀྱི་གདན་ས་འདི་ཉིད་བཤད་སྒྲུབ་ལས་གསུམ་གྱི་སྒོ་ནས་རྗེས་འཇུག་དམ་པ་རྣམས་ཀྱིས་བསྐྱངས་ཏེ་གསང་ཆེན་སྔ་འགྱུར་བའི་འབྱུང་གནས་སུ་གྱུར་བ་ཡིན་ནའང་། དེའི་ཚེ་སེམས་ཅན་བསོད་ནམས་དམན་པའི་དབང་གིས་ཕྱིའི་གཙུག་ལག་ཁང་དང་། ནང་རྟེན་གསུམ་ཡོ་བྱད་སོགས་བསམ་ཡུལ་ལས་འདས་པ་ཞིག་ཡོད་ཀྱང་དེ་ཐམས་ཅད་དུས་འགྱུར་གྱི་དབང་གིས་ཤུལ་མེད་དུ་གྱུར་སོང་། བཤད་སྒྲུབ་ཀྱི་བསྟན་པ་དང་དེར་འཛིན་སྐྱེས་བུ་ཐམས་ཅད་དྲན་པའི་ཡུལ་ཙམ་དུ་གྱུར། དེང་གི་ཆར་འདུལ་བྱའི་བསོད་ནམས་ཀྱི་སྟོབས་ལས་ཆོས་སྲིད་ཀྱི་རང་དབང་གློག་གི་ཟློས་གར་གསར་དུ་བསྒྱུར་བའི་ཚེ། དུས་འགྱུར་གྱི་སྐབས་སུ་བར་ཆད་དང་འགལ་རྐྱེན་སོགས་གནོད་པ་ཀུན་དང་བྲལ་ནས་འཚོ་ཞིང་གཞེས་པ་མཁན་ཆེན་དབང་རྒྱལ་རྣམ་གསུམ་གྱི་བཀའ་དྲིན་ལ་བརྟེན་ནས་སླར་ཉམས་གསོ་ཆོག་པའི་སྐབས། ཕྱི་གཙུག་ལག་ཆེ་བ་ལྔ་ཆུང་བ་དྲུག་བཅས་དང་ནང་རྟེན་ཟངས་གསེར་ལས་གྲུབ་པའི་གུ་རུ་མཚོ་སྐྱེས་རྡོ་རྗེའི་སྣང་བརྙན་གཙོའི་དཔངས་སུ་ཁང་བརྩེགས་གཉིས་ཡོད། རྡོ་རྗེ་སེམས་དཔའ་སོགས་ཁང་བརྩེགས་ཅན་བཞི་མདའ་ཚད་ནས་ཁྲུ་ཚད་གྱི་བར་བརྒྱད་བཅུ་མཐོ་ཚད་བཅས་ཁྱོན་བརྒྱ་ཕྲག་བརྒྱད་དང་གཞན་རིན་ཐང་བྲལ་བའི་རྟེན་རྙིང་ལི་གཏེར་བརྒྱ་ལྷག་བཅས་བཞུགས། སྐྱེས་རབས་ཞལ་ཐང་བརྒྱ་ལྷག་ཙམ་དང་ཀ་བར་བརྒྱད་བཅུ་གསེར་ཐང་ཆེ་བ་གསུམ་བཅས་བཞུགས། གསུང་རྟེན་བཀའ་བསྟན་ཆ་བཅུ་བཞི། རྙིང་[page 245] རྒྱུད་གཏེར་མཛོད་གསུང་འབུམ་སྐོར་བཅས་ཁྱོན་བཞི་སྟོང་ལྷག་ཙམ་དང་། གསེར་འཁོར་ཆེ་བ་གཉིས་སྤར་ཤིང་སྟོང་ལྡེབ་ལྷག་ཙམ་བཅས་བཞུགས། ཐུགས་རྟེན་དཔངས་སུ་ཁྲུ་ལྔ་བཅུ་ལྷག་ཙམ་གྱི་མཆོད་རྟེན་ཉི་ཤུ། ཁྲུ་གསུམ་གྱི་ཚད་དང་ལྡན་པའི་མཆོད་རྟེན་ཆ་བརྒྱད་ཟངས་གསེར་ལས་གྲུབ་ཅིང་ཕྲ་རྒྱན་སོགས་སྤུས་ཚད་དང་ལྡན་པ་བཅས་རིན་གོང་གཞལ་དཀའ་བའི་སྐུ་གསུང་ཐུགས་རྟེན་ཁྱད་འཕགས་སོགས་བཞེངས་སྐྲུན་མཐའ་ཡས་པའོ། དུས་མཆོད་ལ་ཟླ་བ་དང་པོ་ནས་སྤྱོད་འཇུག། ཡིག་བརྒྱ། གསང་སྙིང་། ཕུར་བའི་སྒྲུབ་ཆེན། རིགས་འདུལ་བུམ་སྒྲུབ། བཅོ་བརྒྱད་ཆེན་མོ། དབྱར་གནས་གཙོའི་འདུས་པ་ཡོངས་རྫོགས་དང་། གཞན་རྒྱུད་མར་ནང་ཚོགས་ཚེས་བཅུ་ཉེར་ལྔའི་ཚོགས་མཆོད་གསོ་སྦྱོང་། གར་འཆར་གྱི་སྐོར། ཕུར་བ་རྡོ་རྗེ་གཞོན་ནུའི་རྩ་བའི་ལྷ་ནི་ལྔ་བཅུ་རྩ་གཉིས། མ་བདུན། སྲིང་བཞི། ཕུར་སྲུང་བཅུ་གཉིས། རིགས་འདུས་ལྷ་གྲངས་ཡོངས་རྫོགས། གླིང་འཆམ། རླུང་རྟ་སྡེ་ལྔ། བོད་སྐྱོང་གཞི་བདག་ཆེད་དགུ་སོགས་ཁྱོན་གྲངས་ལྷ་ཚོགས་སུམ་བརྒྱ་ལྷག་ཙམ་ཡོད། དེ་ལྟར་ཕྱི་གཙུག་ལག་ཁང་གི་བཀོད་པ་མཛེས་ཤིང་། ནང་རྟེན་གསུམ་ཡོ་བྱད་ཀྱི་བཞེངས་སྐྲུན་སོགས་མཛད་རྗེས་གཙོ་བོ་བཤད་སྒྲུབ་གཉིས་ཀྱི་སྒོ་ནས་བསྟན་པ་བསྐྱངས་ཤིང་། རྒྱལ་སྲས་ཁུ་དབོན་རྣམ་གཉིས་དང་ཡོན་བདག་རྣམས་ཀྱི་བཀའ་དྲིན་ལ་བརྟེན། ཀཿདཔལ་རྫོགས་གསུམ་གྱིས་གཙོའི་ཁམས་དབུས་གསར་རྙིང་ཀུན་ཏུ་མཛད་འཕྲིན་མཁའ་ཁྱབ་དུ་དར་བ་བླུན་པོའི་རང་བསྟོད་མ་ཡིན་པར་མཁྱེན་གསལ་ལྟར་ལགས། གོང་འཁོད་འདི་དག་ཕྱོགས་ཞེན་གྱི་གཏམ་དང་ཟུར་ཟའི་ཆ་སོགས་མ་ཡིན་པར་ཚད་ལྡན་གྱི་ཡིག་ཆ་ལ་ཁུངས་གཏུགས། གནའ་རབས་ཀྱི་ལོ་རྒྱུས་ཡིག་ཆ་མེད་པ་རྣམས་ལོ་བརྒྱ་དང་གཉིས་ཅན་དགུ་བཅུ་ན་སླེབས་པའི་མི་རྒན་ཚོའི་ངག་རྒྱུན་ལ་དྲི་གཏོགས་ཞིབ་མོར་བགྱིས་ནས། འབྲི་པ་པོ་ནི་ཤཱཀྱའི་དགེ་སློང་དཔལ་ལྡན་རྒྱ་མཚོ་དང་བསོད་ནམས་དར་རྒྱས་གཉིས་ཀྱིས་སུག་བྲིས་བགྱིས་ྤའོ།།

ས་མིང་ཚིག་མཛོད་མིག་བཤར།

ཐོག་མར་ཕྱག་འདེབས་པ་པོ་ནི་མགོ་ཚྭ་ཀུན་དགའ་བྱམས་པ་རྒྱལ་མཚན་ཞེས་པ་དེ་ཡིན། ཁོང་ནི་རབ་བྱུང་གཉིས་པའི་ཤིང་སྟག་ལོར་སྐུ་འཁྲུངས། དབུས་གཙང་དུ་ཕེབས་ཏེ་ས་སྐྱའི་དཀར་པོ་རྣམ་གསུམ་ཕག་འབྲི་སྟག་གླིང་ཉང་རལ་སོགས་སྐྱེས་ཆེན་མང་དུ་བསྟེན་ནས་སླར་རང་ཡུལ་དུ་འཁོར། དགུང་ལོ་ཞེ་དགུ་པ་རབ་བྱུང་གསུམ་པའི་ཆུ་སྟག་ལོར་དགོན་སྡེ་ཆེན་པོ་འདི་ཉིད་བཏབ། དེ་ནས་རིམ་བཞིན་གདན་རབས་ནི་སྐུ་ཚ་བསོད་ནམས་དོན་གྲུབ། མགོན་པོ་རིན་ཆེན་པད་མ་རྣམ་རྒྱལ། ཆོས་དབྱིངས་རོལ་རྩལ། ཤེས་རབ་ཕུན་ཚོགས། འོད་གསལ་རྡོ་རྗེ། པདྨ་མདོ་སྔགས་བསྟན་འཛིན། ཀརྨ་ངེས་དོན་དཔལ་བཟང་། དཀོན་མཆོག་ཡེ་ཤེས། ཡེ་ཤེས་རང་གསལ། པདྨ་དྲི་མེད། པདྨ་བཀྲ་ཤིས། པདྨ་འགྱུར་མེད། ཆོས་དབྱིངས་འོད་གསལ། དབང་ཕྱུག་མགོན་པོ། ཨ་ཏི་བསམ་གཏན། མགོན་པོ་བས་གྲུབ། རིག་འཛིན་རྣམ་རྒྱལ། འཕྲིན་ལས་རྣམ་རྒྱལ། གཉེན་སྟོན་སངས་རྒྱས། ཀུན་བཟང་དཔལ་ལྡན། ཀུན་བཟང་ཆོས་ཀྱི་རྒྱ་མཚོ་སོགས་བླ་རབས་ལྔ་བཅུ་ང་གཅིག་ཙམ་བྱོན་པ་ལས་མཆོག་སྤྲུལ་ཀུན་བཟང་ཆོས་ཀྱི་རྒྱ་མཚོ་ནི་སྐྱེ་[page 236] ཕྲེང་གོང་མ་རྣམས་སུ་གནུབས་ཆེན་སངས་རྒྱས་ཡེ་ཤེས་དང་ཉང་ཆོས་དབང་མངའ་རིས་པཎ་ཆེན་སོགས་དག་པའི་སྐྱེ་བ་མང་པོ་བརྒྱུད་མཐར། གདན་ས་འདིར་འཇམ་དཔལ་བསམ་གཏན་རྒྱ་མཚོ་ནི་རབ་བྱུང་བཅུ་གསུམ་པའི་ལྕགས་ཕག་ལོར་འཁྲུངས། དགེ་རྩེ་མཧཱ་པཎྚི་ཏ་སོགས་སྐྱེས་ཆེན་མང་དུ་བསྟེན། གཟའ་དུ་བ་མཇུག་རིང་བཟིར་བ་སོགས་གྲུབ་རྟགས་མང་། མགོ་ཚ་ཡང་སྲིད་གད་ཐོག་ཚང་ལ་འཁྲུངས་པའི་ལུང་རྟོགས་བསྟན་པའི་ཉི་མ་ནི་རབ་བྱུང་བཅུ་བཞི་པའི་ལྕགས་བྱ་ལོར་སྐུ་བལྟམས། མཁས་པ་དང་གྲུབ་པའི་རྟགས་མཚན་མང་། གསུང་ཆོས་པོད་གཉིས་ཙམ་ཡོད། ད་ལྟ་ཁ་ཤས་བཞུགས། འཇམ་དབྱངས་མཁྱེན་རབ་རྒྱ་མཚོ་ནི་འབྲི་ཀླུང་ཕ་རིར་རབ་བྱུང་བཅོ་ལྔ་པའི་ལྕགས་སྤྲེལ་ལོར་སྐུ་འཁྲུངས། སྐྱེ་ཆེན་མང་དུ་བསྟེན། གསུང་ཆོས་སྤྱོད་འཇུག་འགྲེལ་ཆེན་སོགས་གཏེར་ཆོས་དང་བཅས་པ་དུ་མ་ཡོད་ཀྱང་ད་ལྟ་ཕལ་ཆེ་བ་ནུབ་ཚར། ཀུན་བཟང་ཆོས་ཀྱི་རྒྱ་མཚོ་ནི་རབ་བྱུང་བཅུ་དྲུག་པའི་ཆུ་བྱི་ལོར་ཤག་གི་སྨན་ཆུ་ཀླུ་རྒྱལ་ཕྱུག་མོའི་གཡས་ཟུར་དུ་བཀྲ་ཤིས་པའི་དུས་ཚེས་བཟང་པོར་ལེགས་པའི་དགེ་མཚན་བཅས་སྐུ་བལྟམས། ལམ་བསོད་ནམས་རྩེ་མོ། རྡོ་བྲག་སྐྱབས་མགོན་འཇམ་དཔལ་བློ་བཟང་། མཁན་ཆེན་ཡོན་ཏན་བཟང་པོ་སོགས་དམ་པ་དུ་མས་མགྲིན་གཅིག་ཏུ་ངོས་འཛིན་མཛད། ཤིང་བྱི་ལོར་གསེར་ཁྲིར་མངའ་གསོལ་ཏེ་མཚན་ལ་ཀུན་བཟང་ཆོས་ཀྱི་རྒྱ་མཚོ་དཔལ་བཟང་པོ་ཞེས་གསོལ།

ཆོས་བརྒྱུད་ནི་སྤྱིར་ས་སྐྱ་དང་བཀའ་བརྒྱུད་བཀའ་གདམས་སྔགས་གསར་མའི་ལུགས་དང་། ཁྱད་པར་ཀཿཐོག་ཉང་གུར་ལྷོ་གཏེར། སྙིང་ཐིག་གསར་རྙིང་སོགས་དང་། སྒོས་སུ་བྱང་བ་རིག་འཛིན་རྡོ་རྗེ་བྲག་གི་ཆོས་བརྒྱུད་གཙོ་བོར་བྱེད་པ་ཡིན། བྱང་བདག་བཀྲ་ཤིས་སྟོབས་རྒྱལ་གྱིས་ཆོས་བཀའ་གཏད་ནས་བྱང་པའི་རྟེན་ཆེན་བཅུ་གསུམ་གནང་། རྒྱལ་དབང་ལྔ་པ་ཆེན་པོས་དགོན་པའི་གཙུག་ལག་ཁང་ལ་གསེར་ཀྱི་རྒྱ་ཕིབས་གསུམ་དང་ཞྭ་བར་ཐམ་ཀ་སོགས་ཐོབ་དང་། ཤངས་ཁྲག་གིས་བྲིས་པའི་རྟ་མགྲིན་ཐང་ནག་སོགས་མང་དུ་གནང་། རྒྱ་ནག་གོང་མས་བོད་ཀྱི་བཀའ་བློན་ཕུ་ར་བ་སྡེ་དགེ་རྒྱལ་པོའི་དབུ་བླའི་ཐོབ་སོགས་ཤིན་ཏུ་མང་པོ། སྔོན་དགོན་པ་འདིར་གཙུག་ལག་ཁང་བཞིའི་ནང་རྟེན་སྐལ་དུ་གཙོ་བོ་བྱང་བའི་རྟེ་བཅུ་གསུམ། ཀཿཐོག་པའི་རྟེན་སྐལ་དུ་སངས་རྒྱས་འོད་སྲུང་ཐུབ་པ་བླ་མ་གྲུབ་པ་བརྙེས་མང་པོ་རིང་བསྲེལ་གྲངས་མེད། གྲུབ་ཆེན་ས་ར་ཧ་པའི་མདའ་དང་སྒོམ་ཐག་གླིང་རྒྱལ་བློན་ཁ་ཤས་ཀྱི་ཕྱག་མཚན་སོགས་སོ།།

དུས་མཆོད་ཀྱི་སྲོལ་ནི་བཤད་གྲྭ་དང་སྒྲུབ་གྲྭ་དུས་མཆོད་ཆེན་མོ་བརྒྱད་དང་རྒྱུན་འཚོགས་སྐོར། བླ་གྲྭའི་ཞལ་གྲངས་མཉན་སྤྲུལ་བཅུ་གསུམ་གྲྭ་བ་ལྔ་བརྒྱ་ལྷག་ཙམ་མོ། དེ་ལྟར་བྱང་པ་ཡབ་སྲས་ཀྱི་ཆོས་བརྒྱུད་འཛིན་པ་ཁམས་མགོ་ཚྭ་དགོན་གྱི་ལོ་རྒྱུས་མདོ་ཙམ་མོ། སྦྱིནབདག་ལ་ཝ་ཤུལ་དུད་གྲངས་ལྔ་བརྒྱ་དྲུག་ཅུ་རེ་ལྔ། དད་ལྡན་མང་ཚོགས་མི་གྲངས་ཉིས་སྟོང་བདུན་བརྒྱ་བཅུ་གཅིག་ཙམ་ཡོད། གཙུག་ལག་ཁང་ལ་བཤད་གྲྭ་དང་སྒྲུབ་གྲྭ་འདུ་ཁང་གསུམ་སྤྱི་ཁང་གཉིས་བཅས་ཡོད། དགོན་པའི་རྒྱ་ཁྱོན་ཁང་མིག་[page 237] བདུན་བརྒྱ་ལྷག་ཙམ་ཡོད།

[page 254]

ས་མིང་ཚིག་མཛོད་མིག་བཤར།

[page 255] དགོན་པ་འདི་ཕྱག་འདེབས་པ་པོ་ནི་ཀ༔ཐོག་པདྨ་ཆོས་ལྡན་ཞེས་གྲགས་པ་འདི་ཉིད་ནི་ཕྱག་ཚ་དཔོན་ཚང་གི་གཡོག་པོ་ཞིག་ཡིན། སྐུ་ན་ཆུང་དུ་ནས་སྤོངས་བ་བསམ་གཏན་དང་ཀློག་པ་ཐོས་བསམ་ལ་ས་གཞན་བསམ་དུ་མེད་པ་དང་། ཕྱིས་རྫེ་དཔོན་པདྨ་ཀུན་གྲོལ་རྣམ་རྒྱལ་སོགས་དམ་པ་དུ་མས་རྫེས་སུ་བཟུང་སྟེ་ཐུན་མོང་ཕྱི་ནང་གི་སྔོན་འགྲོ་ནས་མན་ངག་རྫོགས་པ་ཆེན་པོའི་བར་སྨིན་བྱེད་ཀྱི་དབང་གྲོལ་བྱེད་ཀྱི་གདམས་པ་དམ་ཞིག་མནོས་ནས་ལམ་རྟགས་ཀྱི་ཡོན་ཏན་སྟོང་ཉིད་དང་སྙིང་རྫེ་སོགས་སྔར་ལས་ལྷག་པ་ཞིག་འཁྲུངས། དེའི་རྗེས་སུ་རྗེ་ཉིད་ལྷ་ས་དང་བསམ་ཡས་གཙང་སོགས་སུ་བྱོན་སྐབས་ས་སྐྱ་གོང་མ་རིན་པོ་ཆེས་གྲུབ་ཆེན་ཐང་སྟོང་རྒྱལ་པོའི་རྣམ་རོལ་རྗེ་འདི་ཉིད་ཡིན་གསུངས་ཏེ་ངོས་འཛིན་དང་མངའ་གསོལ་གཟེངས་བསྟོད་མཛད་ནས་གཞན་ལ་མ་སྤེལ་བའི་མན་ངག་དུ་མ་གནང་ནས་ཐོས་བསམ་གྱི་སྒྲོ་འདོགས་དང་བྲལ་ནས་ཉམས་རྟོགས་ཀྱི་ཡོན་ཏན་ཁྱད་པར་ཅན་འཁྲུངས་ཏེ་སླར་རང་ཡུལ་དུ་བྱོན། བོད་རབ་བྱུངབཅུ་གསུམ་པའི་སྤྲེལ་ལོ་ལ་དགོན་པ་ཐོག་མར་ནག་སྒར་དུ་བཏབ་སྟེ། སྐལ་ལྡན་གྱི་སློང་མ་ངེས་ཅན་བསྟན་འཛིན་བཟང་པོ་སོགས་དམ་པ་དུ་མ་རྗེས་སུ་བཟུང་ནས་སྡེ་དགེའི་ཆོས་རྒྱལ་སོགས་ལ་དབུ་བླ་མཛད་ཚུལ་རྣམ་ཐར་ལས་གསལ། ཁོང་གི་དགོན་པའི་ནང་རྟེན་སོགས་རིན་ཐང་ཆེ་བ་དུ་མ་ཞིག་བཞག་ཡོད། གཞན་ཡང་གྲགས་པ་གསུམ་གྱི་ཡ་གྱལ་རིག་འཛིན་འགྱུར་མེད་གྲགས་པ་འདི་ཉིད་ནི་ཚེ་གཅིག་ལ་རི་ཁྲོད་དུ་མཚམས་ལ་བཞུགས་ཏེ་ཆོ་སྐྱོང་བྲན་དུ་འཁོལ་ཚུལ་སོགས་ཧ་ཅང་སྤྲོས་པས་ཆོག་ཀྱང་རེ་ཞིག་དེ་ཙམ་མོ།། ཁོང་གི་སྐུ་རྒྱུ་དང་ཕྱག་རྫས་ཅི་ཡོད་ཀྱིས་ཚེས་བཅུའི་འཆམ་དང་རྡོ་འབུམ་སྨྱུང་གནས་སོགས་རྟེན་བཞེངས་གཞལ་དུ་མེད་པ་མཛད་མཐར་དགུང་ལོ་བརྒྱད་ཅུ་གྱ་བདུན་གྱི་དུས་སུ་གཟུགས་སྐུའི་བཀོད་པ་བསྡུ་ཚུལ་བསྟན། དེ་ནས་རྗེ་ཉིད་ཀྱི་ཡང་སྲིད་མགོ་ལོག་ཨ་སྐྱོསང་ནང་ལ་སྐུ་འཁྲུངས་པ་ཐུབ་བསྟན་ཆོས་ཀྱི་རྡོ་རྗེས་ངོས་འཛིན་མཛད་ནས་རང་ཡུལ་དུ་ཁྲི་ལ་འཁོད་དེ་བཤད་སྒྲུབ་ཀྱི་སྒོ་ནས་དགེ་འདུན་གྱིག་སྡེ་འཛིན་སྐྱོང་སྤེལ་གསུམ་མཛད་ནསདགོན་པ་པ་ཡར་རྒྱས་རྒྱ་ཆེར་སོང་། གཞན་ཡང་མཁན་རིན་པོ་ཆེ་ཨ་སྐྱེས་ནི་ན་ལུང་གྲུབ་ཆེན་དང་རྫོགས་སྤྲུལ་དྲུག་པ་འཇིགས་བྲལ་བྱང་ཆུབ་རྡོ་རྗེ་གཉིས་ཀྱིས་རིག་འཛིན་འཇའ་ཚོན་སྙིང་པོའི་ཟློས་གར་དུ་བྱོན་པ་ནི་རྗེ་འདི་ཉིད་ཡིན་གསུངས་ཏེ་བསྔགས་བརྗོད་ཀྱི་མེ་ཏོག་གཏོར་བ་དང་། ལུང་རྟོགས་ཀྱི་བསྟན་པ་སྤེལ་བ། གྲུབ་ཆེན་བརྒྱད་ཅུའི་བེར་འབག་བཞེངས་པ་སོགས་ཡོད་པ་དང་། གཞན་ཡང་དམ་པའི་སྐྱེས་བུ་རྡོ་རྗེ་ཡེ་ཤེས་དང་ཡེ་ཤེས་རྡོ་རྗེ། མཁན་པོ་འཛུམ་དགའ། དམ་མེ་འོད་ཟེར་མཐའ་ཡས། ཉི་མ་རྡོ་རྗེ། འཇིགས་མེད་ཐབས་མཁས། རབ་སྤྲུལ། སྤྲུལ་སྐུ་རིན་ཆེན། འོད་ཟེར་གྲགས་པ། ཡེ་ཤེས་གྲགས་པ་དང་མཁན་པོ་ཚུལ་བཟང་སོགས་མཁན་[page 256] རབས་ནོར་བུའི་ཕྲེང་བ་ལྟར་བྱོན་པ་དང་ལུང་རྟོགས་ཀྱི་བསྟན་པ་སྤེལ་བ། གདུལ་བྱའི་དོན་མཛད་ཚུལ་སོགས་བསམ་གྱིས་མི་ཁྱབ་པ་ཡོད་ཀྱང་དེ་ཙམ་ལས་མ་བཀོད། ཕྱག་ཚྭ་དགོན་པའི་སྔར་གྱི་དུས་མཆོད་རྒྱུན་སྲོལ་ནི་དཔྱིད་ཟླ་དང་པོ་ནས་བུམ་སྒྲུབ་ཉིན་བདུན་དང་། ཞིང་སྒྲུབ་ཉིན་གསུམ། རྨྱུང་གནས་ཉིན་གསུམ། ཁྲིད་སྦྱོང་ཉིན་བཅོ་ལྔ། སྤྱི་བསང་ཉིན་བདུན། ཚེས་བཅུ་བུམ་སྒྲུབ་ཉིན་བདུན། ཚེས་བཅུའི་གར་འཆམ་ཉིན་བཞི། དབྱར་གནས་ཉིན་ལྔ་བཅུ། སྒྲུབ་མཆོད་ཉིན་བརྒྱད། སྟོན་ཀའི་ཚེས་བཅུ་ཉིན་བདུན། སྤྱོད་འཇུག་ཉིན་ལྔ། དགུ་ཆེན་ཉིན་བདུན་སོགས་ཡོད་ཅིང་། སྐུ་གསུང་ཐུགས་རྟེན་ནི་གསེར་ཟངས་ལས་གྲུབ་པའི་གྲུབ་ཆེན་བརྒྱད་ཅུའི་སྐུ། སྨན་འདམ་ལས་གྲུབ་པའི་མཁན་སློབ་ཆོས་གསུམ་དང་ཐང་སྟོང་རྒྱལ་པོའི་སྐུ། ལི་མ་ལས་གྲུབ་པ་ཐུབ་པ། སྒྲོལ་མ། ཛམ་བྷ་ལྷ་སོགས་སྐུ་ཆེ་ཆུང་ཞེ་དགུ། བཀའ་གདམས་མཆོད་རྟེན་ལི་གཏེར་འདྲེས་མ་བཅོ་བརྒྱད། གསེར་ཐང་དང་ཐང་ནག་སོགས་བྲིས་སྐུ་བརྒྱད། གོས་སྐུ་བརྒྱད། ཞལ་ཐང་དགུ་བཅས་ཡོད་དེ། ཕྱིས་སུ་དུས་འགྱུར་གྱི་སྐབས་སུ་རྩ་གཏོར་ཤོར་ནས་ད་ལྟར་སྨན་འདམ་གྱི་མཁན་སློབ་ཆོས་གསུམ་དང་ཟངས་རག་གི་ཐུབ་པ། སྒྲོལ་མ་སོགས་འདྲ་སྐུ་བཅོ་བརྒྱད་ལྷག་དང་། ཞལ་ཐང་ཉེ་བཞི་ཙམ་ལས་མེད། ད་ལྟར་ཉམས་གསོ་ཟིན་པའི་དུས་མཆོད་ནི། བུམ་སྒྲུབ་ཉིན་བདུན་དང་། ཞིང་སྒྲུབ་ཉིན་གསུམ། རྨྱུང་གནས་ཉིན་བཞི། ཁྲིད་སྦྱོང་ཉིན་བཅོ་ལྔ། སྤྱི་བསང་ཉིན་བདུན། སླར་ཡང་བུམ་སྒྲུབ་ཉིན་བདུན། གར་འཆམ་ཉིན་ལྔ། དབྱར་གནས་ཉིན་ལྔ་བཅུ། སྒྲུབ་མཆོད་ཉིན་བརྒྱད། རྡོར་སེམས་ཉིན་བརྒྱད། སྟོན་ཀའི་ཚེས་བཅུ་ཉིན་བཞི། དགུ་ཆེན་ཉིན་བདུན་སོགས་སོ།། ད་ལྟར་རིག་འཛིན་འགྱུར་མེད་གྲགས་པ་ཁྲིར་མ་འཁོད་ཀྱང་། མཁན་དགོན་པ་དང་། མཆོག་སྤྲུལ་བདེ་ཆེན་འཕྲིན་ལས་ཀུན་བཟང་བཤད་སྒྲུབ་སོགས་དགོན་པའི་འགན་ཁུར་རྣམས་ཀྱིས་བསྟན་དགོན་འདི་ལ་ཐུགས་ཁུར་ཆེར་བཞེས་པ་དང་། དད་ལྡན་གྱི་སྦྱིན་བདག་རྣམས་ལ་བརྟེན་ཏེ་དགོན་པ་སླར་གསོ་བྱེད་བཞིན་པ་དང་། དུས་མཆོད་ཀྱི་ཁྱད་པར་ཡང་སྔར་གྲྭ་པ་སུམ་བརྒྱ་ཙམ་ཡོད་ཀྱང་ད་ལྟ་བླ་གྲྭ་བརྒྱ་དང་ལྔ་བཅས་ལོ་རེ་བཞིན་ཉིན་བརྒྱ་དང་བདུན་ལ་ཆད་མེད་དུ་འཚོགས་བཞིན་ཡོད། དགོན་འདིའི་གྲུབ་མཐའ་ནི་སྔར་བཞིན་གསང་སྔགས་རྙིང་མའི་རིང་ལུགས་ལྷད་མེད་དུ་སྐྱོང་བཞིན་ཡོད་ལ། ཕྱིའི་བཅའ་སྒྲིག་དང་ནང་གི་ཚོགས་སྒྲིག་སྤྱིའི་ཚེ་འབར་དབྱངས་རྟ་རྡུང་གསུམ། ཆོ་ག་ཕྱག་ལེན། གཏོར་བཟོ་ཐིག་མཚོན་སོགས་སྔར་བཞིན་ཡར་རྒྱས་ཡོང་པའི་རེ་འདུན་དང་བཅས་གནས་ཡོད་དོ།།

ས་མིང་ཚིག་མཛོད་མིག་བཤར།

དེ་ཡང་གྲུབ་དབང་པདྨ་རིན་ཆེན་དྲིལ་མདའ་གད་སྐྱ་ཕུག་པ་རུ་སྐུ་མཚམས་ལ་བཞུགས་སྐབས། གནོད་སྦྱིན་ཙིའུ་དམར་པའི་སྤྲུལ་བ་སྤྱང་ཀི་བྱི་རུའི་མདངས་འཛིན་པ་ཞིག་གིས་ཤར་ཕྱོགས་ནས་དུད་[page 257] དཀར་པོ་ཞིག་ཁུར་འོང་ནས་སྒྲུབ་ཁང་གི་མདུན་གྱི་ཐང་དཀྱིལ་དུ་བཞག་པ་དེར་དགོན་པའི་གཙུག་ལག་ཁང་བཞེངས་རྒྱུར་དགོངས་ནས་གནོད་སྦྱིན་ཙིའུ་དམར་གིས་ལུང་བསྟན་པའི་གནས་དེར་དགེ་རྩེ་གྲུབ་དབང་པདྨ་རིན་ཆེན་གྱིས་རབ་བྱུང་བཅུ་གསུམ་པའི་ཆུ་སྤྲེལ་ལོ་ལ་ཕུག་ཁང་བདེ་ཆེན་ཆོས་འཁོར་གླིང་ཕྱག་འདེབས་བྱས་པ་རེད། ཡོངས་གྲགས་སུ་རྫ་ཕུག་ཁང་དགོན་པ་ཟེར། གྲུབ་མཐའ་སྔ་འགྱུར་རྙིང་མ་ཡིན། ཆོས་རྒྱུད་སྔོན་ཤར་ཀམ་ཐོག དྲུང་བ་ནམ་མཁའ་མཚན་དང་། འགྱུར་མེད་ཀུན་བཟང་རྣམ་རྒྱལ་སོགས་ལས་གསན་བསམ་རྒྱ་ཆེར་མཛད་ནས་མཁས་གྲུབ་གཉིས་ལྡན་དུ་གྱུར།

གཞན་ཡང་གདན་རབས་མཁན་རབས་སྐུ་ཕྲེང་གི་ལོ་རྒྱུས་ནི། གྲུབ་དབང་པདྨ་རིན་ཆེན་གྱི་ཡང་སྲིད་

འགྱུར་མེད་ངེས་དོན་བསྟན་འཕེལ་ནི་རབ་བྱུང་བཅུ་གསུམ་པའི་མེ་འབྲུག་ལ་འཁྲུངས། དེ་ནས་འགྱུར་མེད་ངེས་དོན་བསྟན་འཕེལ་གྱིས་ཡང་སྲིད་ཁྲི་རབས་གསུམ་པ་འགྱུར་མེད་པདྨ་ཐེག་མཆོག་ནི་རབ་བྱུང་བཅུ་བཞི་པའི་ས་རྟ་ལམའཁྲུངས། དེའི་ཡང་སྲིད་ཁྲི་རབས་འགྱུར་མེད་མདོ་སྔགས་བསྟན་འཛིན་ནི་རབ་བྱུང་བཅུ་དྲུག་པའི་ལྕག

རྟ་ལ་འཁྲུངས། དེའི་ཡང་སྲིད་ཁྲི་རབས་ལྔ་བ་ད་ལྟའི་ཕུག་ཁང་འགྱུར་མེད་དགའ་རབ་རྡོ་རྗེ་ནི་རབ་བྱུང་བཅུ་དྲུག་གི་ཤིང་སྟག་ལ་རྫ་རྒྱུད་འགོ་ཚ་དགོན་གྱི་ལྷ་སྡེ་ཕ་ཡབ་ཡོད་རྡིས་དང་མ་ཡུམ་སྲད་མ་གཡང་མཚོ་གཉིས་ཀྱི་སྲས་སུ་སྐུ་འཁྲུངས་པ་ཡིན་གཞན་ཡང་དེ་མིན་སྔར་བྱོན་གྱི་གདན་རབས་དང་མཁན་རབས་ཆེན་ཆེ་བ་གསུམ་ཙམ་གྱིས་མཛད་པ་དང་རྣམ་ཐར་ཡོད་ཀྱང་ཡི་གེ་མང་བས་འབྲི་མ་སྤོབས།

བཤད་པ་དང་སྒྲུབ་པའི་བསྟན་པ་སྤེལ་ཚུལ་ནི། དེ་ལྟར་གོང་སྨྲོས་ཀྱི་དམ་པ་རྣམས་ཀྱིས་ཁྱད་པར་སྒྲུབ་པ་

ཉམས་ལེན་ཐད་རང་རྐང་ཐུབ་པར་མ་ཟད་གཞན་ལ་འཆད་སྤེལ་རྣམས་ཟུར་ཙམ་བརྗོད་ན། ཕུག་ཁང་སྐུ་ཕྲེང་གཉིས་པ་འགྱུར་མེད་ངེས་དོན་བསྟན་འཕེལ་གྱིས་མདོ་སྨད་ཀམ་དཔེ་ཞེ་རྫོགས་ཀྱི་དམ་པའི་སྐྱེས་བུ་ཆེ་དགུ་ལ་རྒྱལ་བའི་བཀའ་འགྱུར་དང་རྙིང་མ་རྒྱུད་འབུམ། ངལ་གསོ་སྐོར་གསུམ། ཡ་བཞི། གསང་བདག་དགོངས་རྒྱན་དང་ཞལ་ལུང་། འདུས་མདོ་དང་འདོད་འཇོའི་བུམ་བཟང་སོགས་གསུང་འབུམ་མང་པོའི་དབང་ལུང་ཁྲིད་གསུམ་སོགས་འཆད་སྤེལ་གྲངས་ལས་འདས། ཁྱད་པར་རང་དགོན་དུ་ཡང་བཤད་པ་དང་སྒྲུབ་པའི་སྡེ་བཙུགས་ནས་སློབ་འབངས་རྣམས་ལ་ལོ་ལྟར་སྒྲུབ་པའི་བཙུགས་ནས་སློབ་འབངས་རྣམས་ལ་ལོ་ལྟར་གྲུབ་དབང་ནམ་མཁའ་འཇིགས་མེད་གདན་དྲངས་ཏེ་འོད་གསལ་རྫོགས་པ་ཆེན་པོ་ཟླ་བ་ཁ་ཤས་ལ་ཆགས་མེད་དུ་ཞུས་ནས་བྲག་དམར་རི་ཁྲོད་འོད་གསལ་ལྷུན་གྲུབ་གླིང་བཏབ། སྒོ་ཁོག་རེ་མོའི་དོ་ལ་མཁན་ཆེན་བླ་མ་དགེ་ལེགས་གྲགས་པས་སྒྲུབ་སྡེ་ཕོ་བྲང་པདྨ་འོད་གླིང་བཏབ་ནས་དེར་བཞུགས་ཀྱི་[page 258] བླ་གྲྭ་ཐམས་ཅད་འཇུ་སྤྲུལ་གྱིས་རྒྱལ་བའི་བཀའ་རིན་པོ་ཆེའི་བཀླགས་ལུང་དང་དེ་མིན་གྱི་དབང་ལུང་མང་པོ་གསུངས། ལོ་ལྟར་དེར་བཞུགས་ཐམས་ཅད་སྐུ་མཚམས་ཀྱི་བཅད་རྒྱ་མཛད། གཞན་ཡང་ད་ལྟའི་ཕྱིས་བྱོན་ཕུག་ཁང་མཁན་ཆེན་རིན་པོ་ཆེ་དགེ་ལེགས་ཆོས་འཕེལ་ལམ་པདྨ་ཚེ་དབང་ལྷུན་གྲུབ་ཞེས་ལོ་ཆེན་ཆོས་དཔལ་རྒྱ་མཚོ་མི་ཡི་ཟོལ་དུ་བྱོན་པ་འདི་ཉིད་དང་མཁན་ཆེན་གྲགས་པ་རྒྱལ་མཚན། མགོན་བླ་པདྨ་འོད་ཟེར་སོགས་ཀྱིས་སྔ་འགྱུར་རྙིང་མའི་བསྟན་པའི་མེ་རོ་གསོས་ཏེ་བཤད་པ་དང་སྒྲུབ་པའི་སྡེ་བཙུགས་པ་དང་འཆད་སྤེལ་གྲངས་ལས་འདས་སོ།

ཕྱི་ནང་གི་རྟེན་གྱི་གཙོ་བོ་ནི། ཕུག་ཁང་དགོན་ལ་སྔོན་འདུ་ཁང་ཆེན་མོ་ཀ་བ་བརྒྱད་ཅུ་ཅན་དང་། ལྷ་ཁང་གསར་རྙིང་གཉིས། ཆོས་ཁང་། སྤར་ཁང་། གཙང་ཁང་། མགོན་ཁང་། བཤད་གྲྭ། སྒྲུབ་གྲྭ། བླ་བྲང་ཆེ་ཆུང་བརྒྱད། གྲྭ་ཤག་ཁང་མིག་སུམ་བརྒྱ་ལྷག་འཁོར་ཁང་བཅས་དང་ཆོས་གཞིའི་ལྷ་སྡེ་མི་དུད་སྟོང་ལྷག་དང་དགེ་འདུན་འདུས་པའི་ཞལ་གྲངས་སྟོང་དང་མཁན་ཆོས་དབུ་མཛད་སོགས་ལས་སྣེ་བརྒྱད་བཅུ་ཡོད་པ་ཡིན། རྟེན་གྱི་གཙོ་བོ་པད་འབྱུང་སྣང་སྲིད་གཟིལ་གནོན་ཧཱུཾ་འབྱིན་མ་དང་། ཐུབ་སྐུ་བྱིས་དྲོད་ཅན། སྨིན་གཏེར་རིན་པོ་ཆེ་ཕྱག་བྱུང་སྒྲོལ་མ་དར་ལེན་མ། ལོ་ཆེན་ཆོས་དཔལ་རྒྱ་མཚོའི་ཁྲ་བེར་དང་ཕྱག་དྲིལ་གཤིན་རྗེའི་ཁོད་དམར་ཆུང་། གཞན་ཡང་ཐུབ་སྐུ་རྡོ་གདན་རྒྱ་གར་ལི་མ། སྔོན་བྱོན་གོང་མ་རྣམས་ཀྱི་གདུང་རྟེན་སྐུ་བརྙན་གསར་ཟངས་ལས་གྲུབ་པ་དང་། གཙང་ཁང་གསན་བརྟན་ལྷ་ཁང་། མགོན་ཁང་དུ་སྨིན་གཏེར་ཡི་དམ་ཡོངས་རྫོགས་བཀའ་བརྒྱད་དཔལ་དགུ་རྒྱུད་མགོན་ལེིགས་ལྡན་བཅས་བཞུགས། ཆོས་ཁང་དུ་གསེར་བྲིས་ཀྱི་བཀའ་འགྱུར་དང་སྡེ་དགེ་ཤིང་སྤར་གྱི་བཀའ་འགྱུར་ཉེར་ལྔ། བསྟན་འགྱུར། རྙིང་མ་འབུམ། གཏེར་མཛོད། མཛོད་ཆེན་ལྔ། གཞན་ཡང་ཆོས་རྒྱལ་གཏེར་བདག་གླིང་བ་ཡབ་སྲས་དང་ཀུན་མཁྱེན་རོང་ཀློང་རྣམ་གཉིས། ཟུར་མེས་དབོན་རྣམ་གསུམ། འཇམ་མགོན་མི་ཕམ་འཇམ་ཀོང་རྣམ་གཉིས། དཔལ་དགེ་སྔ་ཕྱི། བཀའ་གཏེར་གསར་རྙིང་རྣམས་ཀྱི་གསུང་འབུམ་དང་། གྲུབ་མཐའ་རིས་མེད་ས་དགེ་བཀའ་འབྲུག་འབྲུ་སྟག་ཤང་བ་ཇོ་ནང་སོགས་གངས་ཅན་མཁས་གྲུབ་ཆེན་པོ་རྣམས་ཀྱི་གསུང་འབུམ་གྲངས་ལས་འདས་སོ། པར་ཁང་ནང་དུ་སྨིན་གཏེར་གསུང་ཕལ་ཆེར་དང་། དཔལ་སྤྲུལ་ནམ་མཁའ་འཇིགས་མེད་ཀྱི་བཀའ་འབུམ་ཡོངས་རྫོགས་བཞུགས། གཞན་ཡང་མཆོད་པའི་ཡོ་བྱད་ལ་སིལ་སྙན་འཛམ་གླིང་གཡས་བཞག་སོགས་སྦུབ་སོལ་གྲངསམང་། དེ་མིན་མཁར་རྔ། རྒྱ་གླིང་། དུང་ཆེན། གཏོར་ཆས། འཕན་གདུགས། འཆམ་གོས། གསེར་འབག་དང་ཤོག་འདམ་གྱི་འབག་སོགས་ཡོད།

དེང་གི་གནས་གི་གནས་ཚུལ་ནི། རིག་གསར་དང་བཞི་རྒོལ་སོགས་དུས་འགྱུར་གྱི་དབང་གིས་དགོན་པའི་སྔར་གྱི་ཆགས་ཡུལ་ནས་སྤོས་ཏེ་རབ་བྱུང་བཅུ་དྲུག་པའི་ལྕགས་ཕོ་སྤྲོལ་གྱི་ལོ་ལ་སྨན་བཙུན་ཚེ་རིང་མཆེད་ལྔའི་གནས་ཀྱི་ཡང་རྫོང་རྒྱབ་རི་བརྟན་ཞིང་བརྗིད་པ་ཚེ་དཔག་མེད་ཀྱི་གནས་རིའི་འདབས་སུ་[page 259] བསྟན་པ་ཕྱི་དར་གྱི་སྐབས་སུ་ཕུག་ཁང་གདན་རབས་པ་ཆེན་པོ་མགོན་བླ་པདྨ་འོད་ཟེར་གྱིས་ཕྱག་འདེབས་མཛད། ཡོངས་གྲགས་ཀྱིས་ས་མིང་ལ་སྒོ་གསེར་ཉ་ཁང་ཟེར། འདུ་ཁང་ཆེན་མོའི་ས་ཁྱོན་སྤྱི་ཁྲི་ཆིག་སྟོང་སུམ་བརྒྱ་ཀ་བ་བརྒྱ་དང་ཉེར་བརྒྱད་དེ་ཀ་རིང་བཅུ་གཉིས་ཡིན། གཞན་ཡང་རྒྱན་ཁང་། ལྷ་ཁང་། ཆོས་ཁང་། མགོན་ཁང་། སྤར་ཁང་། བཤད་རའི་ལྷ་ཁང་། འཁོར་ཁང་། སྤྱི་ཁང་གཉིས་གྲྭ་ཤག་ཉིས་བརྒྱ་སོགས་དགོན་དེའི་སམཁྱོན་མུའུ་སྟོང་ལ་ཉེ་བ་ཡོད། དགེ་འདུན་འདུས་པའི་ཞལ་གྲངས་མཁན་སྤྲུལ་བཅུ་ཕྲག་བཅུ་ཕྲག་ཟུང་ལ་ཉེ་བ་དང་གྲྭ་གྲངས་བཞི་བརྒྱ་ཙམ་ཡིན། ཆོས་གཞིའི་ལྷ་སྡེ་མི་དུད་བརྒྱད་བརྒྱ་ལྷག་ཙམ་ཡོད། ད་ལྟའི་རྟེན་གྱི་གཙོ་བོ་སྔར་གྱི་ཐུབ་སྐུ་རྡོ་གདན་མ་དང་འགྱུར་མེད་ངེས་དོན་བསྟན་འཕེལ་གྱི་དག་སྣང་ཞིང་ཐང་འཇའ་ཟུག་མ། ཆོས་སྐུ་རྡོ་རྗེ་འཆང་རྒྱ་གར་ལི་མ། ཧེ་ཕུར་ཆེན་ཟེར་བ་གནམ་ལྕགས་ལས་གྲུབ་པ་རིན་ཐང་གཞལ་བར་མི་ནུས་པ། གཞན་ཡང་གསར་བཞེངས་ཀྱི་གོས་སྐུ་འབྲུག་གྲགས་མ་སོགས་སྐུ་བརྒྱ་ཕྲག་ལྷག་དང་རྒྱལ་བའི་བཀའ་ཆ་བཅུ། བསྟན་འགྱུར་ཆ་གཉིས། རྙིད་མ་རྒྱུད་འབུམ། མི་ཕམ་བཀའ་འབུམ། དཔལ་དགེ་སྔ་ཕྱི་གཉིས་ཀྱི་གསུངཡོངས་རྫོགས། གྲུབ་དབང་ནམ་མཁའ་འཇིགས་མེད་ཀྱི་གཏེར་པོད་བཀའ་འབུམ་ཡོངས་རྫོགས། གཏེར་ཆེན་བདུད་འཇོམས་གླིང་བའི་ཟབ་ཁྲིད་ཀྱི་སྐོར་དང་གསུང་སྐོར་གྲངས་མང་། བོད་སྤྲུལ་ལྷ་གྲུབ་ཤན་འབྱེད། དེ་མིན་གསང་བདག་ཞལ་ལུང་དང་དགོངས་རྒྱན་སོགས་ལྡེབ་གྲངས་ཁྲི་ལྷག་བཞུགས། བཤད་སྒྲུབ་ཀྱི་བསྟན་པ་ནི། རྒྱལ་བསྟན་ཉམས་གསོ་ཆོག་དུས་སུ་སྔོན་གྱི་ཐུགས་བསྐྱེད་དུས་སུ་སྨིན་ནས་སྤྲུལ་ལེགས་བློ་གྲོས་ཀྱི་ཕུ་ཁང་བཤད་གྲྭ་བཙུགས་ནས། མདོ་ཁམས་སྔ་འགྱུར་བསྟན་པའི་སྒྲོན་མེ་ཕུ་ཁང་མཁན་པདྨ་ཚེ་དབང་ནས་བཤད་གྲྭའི་མཁན་པོ་བཞེས་ཏེ་ཕྱོགས་བཞི་མཚམས་བརྒྱད་ནས་བྱོན་པའི་གྲྭ་སློབ་ཁྲི་ལྷག་ལ་འཆད་སྤེལ་མཛད་ཅིང་སྔ་འགྱུར་བསྟན་པའི་རྒྱལ་མཚན་བཙུགས། ཕུ་ཁང་བཤད་གྲྭར་ཞུགས་ནས་ཐུན་མོང་དང་ཐུནམོང་མ་ཡིན་པའི་རིག་པའི་གནས་མཐའ་དག་ཐུགས་སུ་ཆུད་པའི་དགེ་བའི་བཤེས་གཉེན་གྲངས་ལས་འདས་པ་སྔ་འགྱར་བསྟན་པའི་རྐང་འཛིན་ཐུབ་པ་ཤ་སྟག་བྱུང་། ཕུ་ཁང་བཤད་གྲྭའི་ལོ་རྒྱུས་ཞིབ་པར་ཟུར་བཀོད་དུ་ཡོད། རིས་མེད་བསྟན་པའི་སྣང་བྱེད་ཆེན་པོ་མཁན་གྲགས་པ་རྒྱལ་མཚན་དང་མགོན་བླ་པདྨ་འོད་ཟེར་གཉིས་ཀྱིས་གཞན་དོན་སྨིན་གྲོལ་གྱི་བསྟན་པ་བསྐྱངས་ནས་ཟབ་ཁྲིད་རྫོགས་པ་ཆེན་པོའི་དབང་ལུང་ཁྲིད་གསུམ་རྒྱ་ཆེན་གནང་སྟེ་བཤད་སྒྲུབ་ཀྱི་བསྟན་པ་སྔར་བས་དར་རྒྱས་སུ་བྱུང་ངོ་།

ས་མིང་ཚིག་མཛོད་མིག་བཤར།

[page 260] རྫ་ཕུ་ཁང་དགོན་བདེ་ཆེན་ཆོས་འཁོར་ལྷུན་པོའི་ཡང་དབེན་གྱི་བཤད་གྲྭ་ཆེན་མོ་དེས་དོན་བཤད་སྒྲུབ་དར་རྒྱས་གླིང་ངམ་མཁྱེན་རྩེ་རྡོ་རྗེ་འཆང་གིས་བཤད་གྲྭ་འདི་ལ་ལེགས་བཤད་ལུང་རྟོགས་འཕེལ་རྒྱས་གླིང་ཞེས་མཚན་དུ་གསོལ་བའི་བཤད་གྲྭ་འདི་ཉིད་ནི་སྔར་མཁས་བཙུན་བཟང་པོའི་དཔལ་གྱིས་མཛེས་པའི་དགེ་རྩེ་སྤྲུལ་སྐུ་ལུངས་རྟོགས་བསྟན་པ་སྣང་བྱེད་མཆོག་གིས་བཏབ་པར་མཛད་མོད། འོན་ཀྱང་བསྟན་པ་འཕེལལ་གྲིབ་ཀྱི་དབང་གིས་

ཉམས། རབ་བྱུང་བཅུ་དྲུག་པའི་སྨད་ཀྱི་ཁྲོ་བོ་ཞེས་པ་ཤིང་གླང་ལོར་ངེས་དོནབཤད་སྒྲུབ་དར་རྒྱས་གླིང་གི་བཏབ། ཐོག་མར་ཆོས་གྲྭ་འདི་ཉིད་རིག་འཛིན་ཆེན་པོའི་ཕྲིན་ལས་ཀྱི་སྤྲུལ་བ་ལེགས་པའི་བློ་གྲོས་ཀྱིས་ལྷ་ཁང་དང་། གྲ་ཤག་བཅུ་དྲག་གཉིས་ཙམ་བཞེངས་པའི་མཐུན་རྐྱེན་སྒྲུབ་པ་དེ་ལ་བརྟེན་ནས་མཁན་ཆེན་པདྨ་ཚེ་དབང་ལྷུན་གྲུབ་མཆོག་ཉིད་དང་གཞན་ཡང་སྐུ་ཚ་མཁནཔོ་འཆི་མེད་སྟོབས་རྒྱལ་དང་། མཁན་པོ་བསམ་གཏན་རྡོ་རྗེ་དང་འཇིགས་དཔལ་སོགས་ཀྱིས་རོགས་མཛད་ནས་བཤད་གྲྭ་འདི་ཉིད་སླར་ཡང་འདུ་ཁང་དང་གྲྭ་ཤག་ལྕགས་རི་སོགས་གོང་འཕེལ་དུ་སོང་ནས་སྤུས་ལེགས་བཞེངས་བ་གྲུབ་ཟིན་པ་དང་། བར་སྐབས་རྣམས་སུ་སླར་ཡང་རུ་དམ་རྫོགས་ཆེན་ཨོ་རྒྱན་བསམ་གཏན་ཆོས་གླིང་གི་དཔལ་སེང་གི་རིའི་ཆོས་གྲུའི་མཁན་པོ་མཛད་དེ་རྒྱལ་སྲས་གཞན་ཕན་མཐའ་ཡས་ཀྱི་གདན་ས་བསྐྱངས། རྫ་རྒྱུད་ཕྱོགས་རྗེ་ཉིད་ཀྱི་རྩ་བའི་བླ་མ་པྰ་ཐུར་མཁན་ཆེན་ཐུབ་བསྟན་ཆོས་འཕེལ་གྱི་གདན་སར་བྱོན་ཏེ་ལྕང་མ་ཆོས་སྒར་དུ་མདོ་ཕྱོགས་ཀྱི་བཤད་པ་དང་། མཚོ་སྔོན་ཞིང་ཆེན་གྱི་སྐྱེ་དགུ་ཁུལ་ནང་བསྟན་སློབ་གླིང་ཆེན་མོ་དབུ་འཛུགས་པ་ལ་གྲུབ་མཆོག་རིན་པོ་ཆེ་སོགས་ཀྱིས་གདན་འདྲེན་བྱས་ནས་དེར་ཕེབས་ཏེ། མཁན་སྤྲུལ་བཅུ་དྲུག་དུ་མ་དང་བློ་གསལ་མང་རབ་ལ་བཤད་པའི་ཆོས་ཚོགས་འཕེལ་རྒྱས་རྒྱ་ཆེན་བསྩལ། གཞན་ཡང་ནང་ཆེན་ཕྱོགས་ཀྱི་སྐྱོ་བྲག་དགོན་པའི་བཤད་གྲྭ་བཙུགས་པ་དང་། སྟག་དགོན་བཤད་གྲྭ་སོགས་སུ་བཤད་པ་དང་སྒྲུབ་པའི་བསྟན་པ་འཛིན་སྐྱོང་སྤེལ་གསུམ་གྱི་སྒོ་ནས་རྒྱལ་བསྟན་བཤད་སྒྲུབ་ཉི་ཟླའི་དཀྱིལ་འཁོར་ལ་འོད་སྣང་འབུམ་དུ་བརྡལ་བས་ཕྱོགས་ཀུན་མཛད་འཕྲིན་སྤེལ་བཞིན་བཞུགས། ཤེར་ཕྱིན་དང་། ཡང་མངོན་མཆིམས་ཆེན། ཚད་མ་རིག་གཏེར། གཞུང་ཆེན་བཅུ་གསུམ་སོགས་ཀྱིས་མཚོན་བཅུ་ཕྲག་རིག་པའི་གཞུང་ལུགས་རྒྱ་མཚོ་ལྟ་བུའི་སྐོར་ལ་འཆད་ཉན་གྱི་སྲོལ་ཕུབ་ནས་འཇིགས་བྲལ་གདོང་ལྔ་དབང་པོའི་ང་རོའི་སྲིད་པ་གསུམ་གྱི་ཁྱོན་ན་སྒྲོགས་པ་ནི་མཁན་ཆེན་བླ་མ་འདི་གཅིག་པུའོ། ཐུག་ཁང་བཤད་གྲྭ་གཙོ་བོར་སྨོས་པའི་སགོན་སྡེ་དང་ས་གནས་སོ་སོར་བཤད་གྲྭའི་རྒྱུན་མང་པོ་བཙུགས་ཏེ་རྒྱལ་བསྟན་རིན་པོ་ཆེ་བླ་ནས་བླ་རུ་བཏེགས་པའི་རྗེ་འདི་ཉིད་ཀྱི་ཞལ་སློབ་རགས་ཙམ་སྨོས་ན། ཨ་མདོའི་བྱ་བྲལ་རང་གྲོལ་གྱིས་རྫོང་མགོའི་བཤད་གྲྭ་བཙུགས་པ་དང་། ཨ་མདོ་[page 261] ཕྱོགས་ཀྱི་དགོན་སྡེ་འགའི་བཤད་གྲྭ་སོགས་ལ་བསྟན་པའི་བྱ་བ་རྒྱ་ཆེར་མཛད་པ་དང་ རྫོགས་ཆེན་མཁན་པོ་ཆོས་དགའ་ད་ལྟ་རྒྱ་གར་འཕགས་པའི་ཡུལ་ནས་བཤད་སྒྲུབ་ཀྱི་བསྟན་པ་སྐྱོང་བཞིན་གནས་པ་དང་ཨ་སེ་མཁན་པོ་ཨོ་རྒྱན་རིག་འཛིན་རྫོགས་ཆེན་ཤྰི་སེང་ཧ་རྒྱལ་སྲས་གཞན་ཕན་མཐའ་ཡས་ཀྱི་གདན་ས་སྐྱོང་བ་དང་གཡག་ཟེ་མཁན་པོ་བསོད་རྣམས་རིན་ཆེན་གྱིས་རང་དགོན་དུ་བཤད་གྲྭ་བཙུགས་པ་དང་ཨ་མདོའི་དགེ་བདུན་བསམ་གྲུབ་འབྲུ་འཇམ་དབྱངས་གྲགས་པ་སྐྱོ་བྲག་དམ་ཆོས་ཟླ་བ་ཟུར་མང་ཀརྨ་མཆོག་ལྡན་སུབ་མདའ་ཨ་ཆུང་རྡོ་རྗེ་ཁམས་རི་བོ་ཆེ་དགེ་འདུན་རྒྱལ་མཚན་ཁྲི་འདུ་བསྐལབཟང་དགོན་ལྷོ་རུང་སྤྲུལ་སྐུ་སྒྲུབ་རྒྱུད་དགོན་སྐྱེ་སྔ་སྤྲུལ་སྐུ་ཨ་ཆུང་གནམ་རྫོང་དགོན་པའི་མཆོག་སྤྲུལ་མགོན་པོ་རྒྱ་མཚོ་མཚོ་སྔོན་པོ་ཆོས་གཉིད་བློ་གསལ་ར་ཡ་དགོན་པའི་མཁན་ཚུལ་ཁྲིམས་དཔལ་ལྡན་གོ་ཆེ་དགོན་པའི་མཁན་བསྟནརབ་གོ་འཇོ་མཁན་པད་མ་བསྟན་འཛིན་གཟེ་མདུན་ལུང་གི་མཁན་པོ་འཇམ་དབྱངས་ལྷུན་གྲུབ་འཇུ་མཁན་པོ་བཟང་སྟོབས་ཟུར་དགེ་ལྡན་དགེ་བཤེས་ཨ་པན་ཨ་མདོ་བ་དགེ་ལེགས་ཉི་མ་ར་ཧོར་བློ་གྲོས་བཟང་པོ་ཕུག་ཁང་མཆོག་སྤྲུལ་མཁན་རིན་ཆེན་ཕུན་ཚོགས་མཁན་ཐུབ་བསྟན་སྨོན་ལམ་མཁན་དགེ་ལེགས་བསྟན་འཛིན་ མཁན་བསམ་གཏན་རྡོ་རྗེ་སོགས་ད་ལྟར་དགོན་དུ་ཡང་བསྟན་པ་སྐྱོང་བའི་མཁན་སྤྲུལ་དུ་མ་བཞུགས་བཞིན་པ་སོགས་མདོར་ན་ཞིང་ཆེན་སོ་སོ་དང་ཁུལ་དང་རྫོང་སོགས་རྒྱ་བོད་ཀུན་དུ་སློབ་ཚོགས་གྲངས་ལས་འདས་པ་མཁས་བཙུན་བཟང་པོའི་དཔལ་གྱིས་ཕྱུག་པ་གངས་ཅན་གྱི་ལྗོངས་སུ་ཁྱབ་རྒྱལ་བསྟན་སྤྱི་དང་ཁྱད་པར་གསང་སྔགས་རྙིང་མའི་བསྟན་པ་རིན་པོ་ཆེ་འདི་ཉིད་ཕྱོགས་ཀྱི་ཐ་གྲུ་ཀུན་དུ་མཁན་ཆེན་འདི་ཉིད་བཞུགས་ནས་འཆད་ཉན་གྱིས་འཁོར་སློབ་བགྲང་ལས་འདས་པ་ཀུན་ནས་སྐྱོང་བཞིན་བཞུགས་པ་ལགས་སོ།

ས་མིང་ཚིག་མཛོད་མིག་བཤར།

ཐོག་མར་དགོན་པ་ཕྱག་འདེབས་པ་པོ་ནི་རྗེ་བཙུན་འཇམ་དབྱངས་དཔལ་དཔའ་བོ་མིའི་སྲིད་པར་ཞལ་བསྒྱུར་བ་དཔལ་སྤྲུལ་རིན་པོ་ཆེ་ཨོ་རྒྱན་འཇིག་མེད་ཆོས་ཀྱི་དབང་པོ་དེ་ཉིད་ཡིན་ལ་ཁོང་རབ་བྱུང་བཅུ་བཞི་པའི་ས་འབྲུག་ལོར་དགེ་རྩེ་གོང་མར་རྒྱལ་ཐོག་དཔོན་ཚང་ལ་སྐུ་འཁྲུངས་འཇིགས་མེད་རྒྱལ་བའི་མྱུ་གུསོགས་མཁས་གྲུབ་གཉིས་ལྡན་གྱི་དམ་པ་དུ་མ་བསྟེན་ནས་མདོ་རྒྱུད་མན་ངག་རིག་གནས་དང་བཅས་པ་གསན་བསམ་སྒོམ་པ་མཐར་ཕྱིན་པར་མཛད་དེ་མཁས་པ་དང་གྲུབ་པའི་ས་མཐོར་གཤེགས་པས་མདོ་སྨད་འཛིན་མའི་རྒྱན་གཅིག་ཏུ་གྱུར་བ་དེ་ཉིད་ཀྱིས་རབ་བྱུང་བཅུ་བཞི་པའི་ནང་ཆོས་སྡེ་འདི་ཕྱག་[page 262] འདེབས་གནང་མཛད་ནས་བཤད་པ་དང་སྒྲུབ་པའི་བསྟན་པ་འཛིན་པའི་དགེ་འདུན་གྱི་སྡེ་བཙུགས་ཏེ། ཐུགས་སྲས་ཡོངས་ཀྱི་ཐུ་བོ་དགེ་མང་དཔོན་རིན་པོ་ཆེན་ཨོ་རྒྱན་བསྟན་འཛིན་ནོར་བུ། སྨྱོ་ཤུལ་ལུང་རྟོགས་བསྟན་པའི་ཉི་མ་སོགས་མཁས་ཤིང་གྲུབ་པ་བརྙེས་པའི་སྐྱེས་བུ་བསམ་གྱིས་མི་ཁྱབ་པས་སྔ་འགྱུར་བསྟན་པ་གསོས། དེ་ལྟར་རྒྱལ་བསྟན་བཤད་སྒྲུབ་གཉིས་ཀྱིས་བསྐྱངས་བའི་དམ་པ་འདི་ཉིད་རབ་བྱུང་བཅོ་ལྔ་པའི་མེ་ཕག་ལོར། ངོ་མཚར་བའི་རྟགས་དུ་མ་དང་བཅས་ཏེ་དགོངས་པ་ཆོས་དབྱིང་སུ་གཤེགས་སོ༎ དེ་སྐབས་དཔོན་སློབ་རྣམས་ཀུན་སྤང་བྱ་བཏང་གི་མཛད་པ་ལྷུར་བླངས་ཏེ། བཀའ་གདམས་གོང་མའི་རྣམ་ཐར་སྐྱོང་བའི་སྦྱངས་པའི་ཡོན་ཏན་ཤ་སྟག་ཡིན་པས། འཇིག་རྟེན་ཆེ་དགུའི་མངའ་ཐང་དང་དཔལ་འབྱོར་ལ་ཐུགས་མི་དགྱེའ་པས། འདུ་ཁང་དང་རྟེན་གསུམ་སོགས་ཀྱི་སྤྲོས་བསྐྱུངས་ཏེ་གཞུགས་སོ།། དེ་རྗེས་མཁས་གྲུབ་ཀྱི་སྐྱེས་བུ་རྣམས་རང་ཡུལ་དུ་ཕེབས་ནས་ལོ་མང་པོར་ལྕང་མ་རི་ཁྲོད་ཀྱི་དབེན་གནས་སྟོང་པར་སོང་། པྰ་ཐུར་བླ་གྲྭ་རྣམས་ཁྲི་འོག་མར་རྫ་དགོན་དང་ལྷན་དུ་ལོ་མང་པོར་ཆགས། དེ་རྗེས་རྒྱ་ཨམ་བན་དུས་རྒྱུར་སྐབས་རྫ་དགོན་དང་ཁ་བྲལ་ཏེ་རྔ་སྐེ་གོང་མ་དང་། དབུ་ཆུའི་ཆགས་སྟོད། བྲག་ཤར་འོག་མ་རྣམས་སུ་དགོན་པ་ཆགས་སྐབས། བླ་མ་མཁན་པོ་སྐང་ལོ་བཞུགས། དུས་ཚོད་རབ་བྱུང་བཅོ་ལྔ་ཡིན་ཞིང་བླ་གྲྭ་ཞལ་གྲངས་དང་གནམ་ལོ་གང་ཡིན་སོགས་མི་གསལ། མཁས་གྲུབ་ཐུབ་བསྟན་ཆོས་འཕེལ་བཟང་པོ་དེ་ཉིད་ཀྱིས་ཕྱག་འདེབས་གཁང་ལ། གསང་ཆེན་སྔ་འགྱུར་བའི་ལྟ་གྲུབ་འཛིན་པའི་ཆོས་སྡེ་ཆེན་པོ་སམ་གཏན་དར་རྒྱས་གླིང་ཆགས་ཚུལ་ནི། དམ་པ་འདི་ཉིད་རིགས་རུའ་དང་འཁྲུངས་ཡུལ་སྨུག་པོ་གདོང་གི་རིགས་ལས་མཆེད་པའི་དགེ་རྩ་ཁ་མགོན་པོ་སྨོན་ལམ་དེ་སོག་གི་རྒྱལ་པོའི་དམག་དཔོན་བྱེད་སྐབས། སོག་པོ་པྰ་ཐུར་ཏ་རི་ཧ་ཞེས་གྲགས་པ་འདི་ཉིད་ཀྱི་རིགས་རུའ་དང་སྡེ་ཤོག་ལ། པྰ་ཐུར་ཞེས་མིང་ཆགས། སླར་དགེ་རྩེ་ཁ་མགོན་པོ་སྨོན་ལམ་དེ་བྱང་རྫ་སྟོད་དུ་སྡོད་སྐབས། བུ་པཱ་ཐུར་དཔོན་པོ། ནོར་བུ་རྒྱལ། པན་ལོ་གསུམ་གྱི་ནང་ནས། ནོར་དུ་རྒྱལ་གྱི་རྒྱུད་པ་ཕ་པཱ་ཐུར་ཉི་མ་དོན་དང་། མ་མལ་ཟ་ཆུང་དགའ་ཞེས་རིགས་ཀྱི་མངོན་པར་མཐོ་ཞིང་ཆོས་ལ་རྣམ་པར་དཀར་བའི་ཁྱོ་ཤུག་དེ་གཉིས་ཀྱི་སྲས་སུ་རབ་བྱུང་བཅོ་ལྔ་པའི་མི་ཟད་ཞེས་པ་མེ་ཕོ་ཁྱི་ལོའི་ཆོ་འཕྲུལ་ཟླ་བའི་ཡར་ཚེས་དཀར་ཕྱོགས་དགའ་བ་དང་པོའི་ནམ་ལངས་ཀྱི་ཆ་ལ་དྲང་སྲོང་ཉི་མ་དང་། རྒྱུ་སྐར་མོན་གྲེ་ཟུང་དུ་འཚོགས་པའི་དུས་ཚེས་བཟང་པོ་ཉིད་མཚན་དཔེའི་ཟློས་གར་གསར་དུ་ངོམས་པ་ཡན་ནོ། སྐུ་ན་ཆུངངུའི་དུས་སུ་ཡང་ཙཎྜ་ས་མཆོག་ལ་དྲི་བསུང་འབྲལ་མེད་ལྟར་སྐྱེས་ཐོབ་ཀྱི་མཁྱེན་རབ་དང་དད་པ་དང་རྙིང་རྗེ་སོགས་དམ་པའི་ཡོན་ཏན་མ་ཚང་བ་མེད་དེ། དགུང་གྲངས་བཅུ་གཅིག་པ་ལ་དརྟན་མཁས་ཡོན་ཏན་གྱི་འབྱོར་བས་ཕྱུག་པ་གུ་ཎའི་མཚན་ཅན་ལས་རབ་ཏུ་བྱུང་། མཚན་ཐུབ་བསྟན་ཆོ་འཕེལ་གསོལ། སླར་དགུང་གྲངས་ཉེར་བཞི་པར་མཁས་མཆོག་ཡིན་ཏན་རྒྱ་མཚོ་སོགས་འདུལ་བ་འཛིན་པ་གྲངས་ཚང་གི་དབུས་ནས་བསྙེན་པར་རྫོགས་པས་སྡོམ་བརྩོན་ངུར་སྨྲིག་འཛིན་པའི་ཁྱུ་མཆོག་ཏུ་འགྱུར། དགེ་མིང་རི་[page 263] ཁྲོད་དུ་བགྲང་བྱ་མང་པོར་མཁས་མཆོག་ཡོན་ཏན་རྒྱ་མཚོ་སོགས་ཡོངས་འཛིན་དགེ་བའི་བཤེས་གཉེན་དུ་མ་ལས་མདོ་སྔགས་རིག་གནས་དང་བཅས་པར་སྦྱང་པ་མཐར་སོན་པར་མཛད། གྲུབ་པའི་རིག་འཛིན་ཆེན་པོ་ཀུན་བཟང་བདེ་ཆེན་རྡོ་རྗེ་དང་། པདྨ་བདེ་ཆེན་བཟང་པོ་གཉིས་ལས་བཀའ་གཏེར་སྤྱི་དང་། འོད་གསལ་སྙིང་ཐིག་གི་སྨིན་གྲོལ་གྱི་གདམས་པ་རྫོགས་པར་གསན་ཏེ་ཉམས་བཞེས་མཛད་པས་ཉམས་དང་རྟོགས་པའི་ཡིན་ཏན་མཐར་ཕྱིན་ཏོ། དེ་ནས་རྗེ་དམ་པ་འདི་ཉིད་དགུང་གྲངས་ཞེ་བདུན་པ་རབ་བྱུང་བཅུ་བྲུག་པའི་ཆུ་ཕོ་སྤྲེལ་གྱི་ལོ་སྨིན་དྲུག་ཟླ་བའི་དམར་ཕྱོགས་དགའ་བ་དང་པོའི་གྲལ་ཚེས་ལ་སྔར་བཤད་པ་ལྟར་དབེན་པའི་ཡན་ཏན་མ་ཚང་བ་མེད་པའི་གནས་དེར། ལྕང་མ་རི་ཁྲོད་བསམ་གཏན་དར་རྒྱས་གླིང་གི་ཆོས་སྡེ་ཕྱག་འདེབས་མཛད་པ་ཡིན་ལ། དུས་དེ་ནས་བཟུང་སྟེ་དབུས་གཙང་ཁམས་གསུམ་སོགས་གྲུབ་མཐའ་རིས་མེད་པར་ཆོས་འདོད་སྐལ་བཟང་སྐྱེས་བུ་རྣམས་དྲི་བསུང་རྒྱས་པའི་མེ་ཏོག་ལ་རྒྱང་རིང་གི་བུང་བ་འདུ་བ་ལྟར་འཁོར་ཏེ་འཇམ་མགོན་ས་པན་གྱིས། ཡོན་ཏན་ལྡན་ན་སྐྱེ་བོ་ཀུན།། མ་བསྡུས་པར་ཡང་རང་ཉིད་འདུ།། དྲི་ལྡན་མེ་ཏོག་རྒྱང་རིང་ཡང་།། བུང་བ་སྤྲིན་གྱི་ཚོགས་བཞིན་འཁོར།། ཅེས་གསུངས་པ་ལྟར་ཡིན་ནོ། བཤད་སྒྲུབ་ཀྱི་སྲོལ་ཚུགས་ཚུལ། དགོན་པ་འདི་ཕྱག་འདེབས་གནང་ནས་བཟུང་། གོང་གསལ་གྱི་སྐྱེས་བུ་དམ་པ་དག་གིས། ཆོས་འདོད་སྐྱེས་བུ་རྣམས་ལ། བཀའ་བསྟན་སྤྱི་དང་ཁྱད་པར་གཞུང་ཆེན་བཅུ་གསུམ། ཀློང་ཆེན་མཛོད་བདུན། སྙིང་ཐིག་ཡ་བཞི། ངལ་གསོ་སྐོར་གསུམ། ཡན་ཏན་མཛོད། རྙིང་མ་རྒྱུད་འབུམ། སྒྱུ་འཕྲུལ་གསང་བ་སྙིང་པོ་སོགས་ཀྱི་དབང་ལུང་འཁྲིད་གདམས་པ་ཡོངས་རྫོགས་གནང་ནས་མདོ་སྔགས་རིག་གནས་དང་བཅས་པ་འཆད་ཉན་སྒོམ་གསུམ་གྱི་དུས་འདའ་བར་མཛད་དོ། ལྔ་བ་སྐུ་གསུང་ཐུགས་རྟེན་ཕྱོགས་བཅུ་ནས་འདུ་བའི་དགེ་སདུན་རྣམས་ཀྱིས་འདུ་ཁང་ལེགས་པར་བསྐྲུན་ནས། ནང་རྟེན་ལ་དཔལ་སྤྲུལ་སྐུ་གདུང་དང་སློབ་དཔོན་སྣང་སྲིད་ཟིལ་གནོན་གཙོའི་གསེར་སྐུ་གསུམ་བརྒྱ་ལྷག་ཙམ་དང་། ཐུག་པ་གངས་ཆེན་མཚོ་སོགས་ལི་མ་བདུན་བཅུ་དང་། བཀའ་བསྟན་གཉིས་སོགས་པོ་ཏི་སྟོང་ལས་བརྒལ་བ། ཐུབ་པའི་སྐྱེས་རབས་བྲིས་སྐུ་སོགས་ཞལ་ཐང་བརྒྱ་ལྷག་ཙམ་ཡོད་དོ།

དྲུག་པ་དུས་མཆོད་རྒྱུན་སྲོལ། དུས་རྒྱུན་བར་ཆད་མེད་དུ་སྒྲོལ་མའི་མཎྜལ་བཞི་པའི་ཆོ་ག་དང་འབྲེལ་མར་མེ་ལྔ་བརྒྱ། མཚན་ཐུབ་གཉེར་ལྔ་སོགས་རྒྱུན་ཆགས་སུ་ཡོད་ལ། ཡར་ངོས་དང་མར་ངོས་ཀྱི་ཚེས་བཅུ་གཉེར་ལྔ་ལ་ཚོགས་ཉིས་བརྒྱ་མེ་མཆོད་སྦྱིན་སྲེག་ཆད་མེད་དང་། དུས་ཚིགས་གསོ་སྦྱོང་། དབྱར་གནས། སྒྱུ་འཕྲུལ་ཞག་བཅུ་མ། ཁྱད་པར་སྐལ་ལྡན་གྱི་བུ་སློབ་རྣམས་ཀྱིས། བཀའ་བཞིན་སྒྲུབ་པའི་མཆོད་པ་དང་སྤོང་བ་བསམ་གཏན་རྣམས་ཀྱིས་ནམ་ཕྱེད་ཕར་བཅད་ཐོ་རེངས་ཀྱི་མདུན་བསུས་ཏེ་གཞུང་བཀའ་པོད་ལྔ་མདོ་སྔགས་རིག་གནས་དང་ངཅས་པ་ལ་འཆད་ཉན་གྱི་དུས་མདའ་བར་མཛད་དོ། ཡོན་གྱི་འབྱུང་[page 264] ཁུངས་དང་འགན་ཁུར་བ། ཆོས་སྡེ་འདིའི་དགེ་འདུན་གྱི་འཚོ་བ་དང་། སྐུ་གསུང་ཐུགས་བརྟེན་བཞེངས་བ་སོགས་ཡོན་གྱི་འབྱུང་ཁུངས་ནི་སྤྱིར་རྫ་ཆུ་ཁ། མགོ་ལོག་སྟོད་སྨད། འདན་ཨ་སྡུག་སོགས་དང་། ཁྱད་པར་པཱ་ཐུར་སྡེ་ཤོག་དུད་གྲངས་བདུན་བཅུ་ལྷག་ཙམ་གྱིས་ཡིན་སྦྱར་ཏེ་རྗེ་དམ་པ་རང་གིས་འགན་ཁུར་གནང་བ་མ་གཏོགས་གཞན་དགེ་སྐོས་དང་སྤྱི་གཉེར་སོགས་ཡོད་པས། རྟེན་གའུམ་བཞེངས་པ་དང་མཆོད་མེ་སོགས་ཀྱི་ཆ་རྐྱེན་མཛད་ནས། དགེ་འདུན་པ་རྣམས་ལྟོ་གྲངས་ལྷག་བ་ཙམ་གྱི་འཚོ་རྟེན་ལ་བརྟེན་ནས་སྒྲུབ་པ་སྙིང་པོར་བྱེད་པ་ལས། འཇིག་རྟེན་ཆེ་དགུའི་མངའ་ཐང་དང་སྟོབས་འབྱོར་སོགས་སྒྲུབ་པའི་བྱ་བ་བསྐྱུངས་ཏེ་བཞུགས་སོ། རྗེ་བླ་མ་དམ་པ་འདིའི་སློབ་བརྒྱུད་དང་འབྲེལ་བའི་དགོན་ཁག་ལ་རྫ་དགོན། དགེ་གོང་དགོན། ཀི་ལུལ་དགོན། ཕུག་ཁང་དགོན། དྲིལ་དཀར་དགོན་སོགས་རྙིང་མའི་དགོན་པ་ཐམས་བཅད་དང་། མགོ་ལོག། གསེར་རྟ། མི་ཉག། འདན་མ། སྐྱེ་དགུ་སོགས་ཀྱི་བླ་མ་མཁན་པོ། སྤྲུལ་སྐུ་ཐམས་ཅད་རྗེ་དམ་པ་འདིའི་ཞལ་སློབ་ཏུ་འགྱུར་བས་ཆོས་སྡེ་གཞན་ཉམས་གསོ་མཛད་པ་དང་། རྒྱུད་སྡེའི་བཤད་རྒྱུན་འཛུགས་པདམ། འདུལ་བ་གཞི་གསུམ་གྱི་ཕྱག་བཞེས་དག་ཐེར་མཛད་པ་སོགས་སྔ་འགྱུར་རྙིང་མའི་བསྟན་པ་རྨིང་ནས་གསོ་བའི་བཀའ་དྲིན་འགྲན་ཟླ་བྲལ་བས་ཡུལ་དགོན་གཞན་དང་འབྲེལ་ཆེའོ།

དེང་གི་གནས་ཚུལ། ལྕང་མ་རི་ཁྲོད་པ་བསམ་གཏན་དར་རྒྱས་གླིང་གི་ཆོས་སྡེ་འདི་གསང་ཆེན་སྔ་འགྱུར་བའི་བསྟན་དགོན་ཡོངས་ཀྱི་མ་ཕྱིར་གྱུར་བ་ལགས་ཀྱང་། སྐྱེ་དགུའི་བསོད་ནམས་ཀྱི་མཐུ་དམན་པས་བསྟན་པའི་ཉིན་ཕྱེད་དགུང་དུ་ཡལ་ཏེ་ལོ་འཁོར་སུམ་ཅུ་ཙམ་གྱི་རིང་མུན་པའི་གླིང་ལྟ་བུར་གྱུར། ཁྱད་པར་རིག་གནས་གསར་རྗེའི་འགུལ་བསྐྱོད་ཀྱི་སྐབས་གཙུག་ལག་ཁང་དང་རྟེན་གསུམ་ཐམས་བཅད་རྩ་བ་ནས་གཏོར་བརླགས་བྱས་ནས་རྒྱལ་བསྟན་རིན་པོ་ཆེ་མིང་གི་ལྷག་མར་གྱུར་ཏོ། སླར་ཡང་ཏང་གི་ཆོས་ལུགས་སྲིད་འཇུས་ཀྱི་ལམ་ལུགས་ལག་ལེན་བསྟར་ཏེ་ཆོས་ལུགས་ཀྱི་ར་བ་འཛུགས་དགོས་པའི་བཀའ་ཕེབས་གནང་བ་ལྟར། ལྕང་མ་རི་ཁྲོད་ཀྱི་གྲུབ་མཐའ་སྒྲིག་ལམ་སྔར་རྒྱུན་ལྟར། རབ་བྱུང་བཅུ་དྲུག་པའི་ཤིང་བྱི་ལོའི་སྨིན་དྲུག་ཟླ་བའི་ཚེས་བཅུའི་ཉིན་ཆོས་ལུགས་ཀྱི་ར་བ་བཙུགས་སོ། ད་སྐབས་ཀྱི་རྟེན་གསར་བ་མཁན་ཐུབ་བསྟན་ཅོས་འཕེལ་གྱི་གཏང་རྟེན་གྱི་གདུང་རྟེན་ཐུབ་པ་དང་། གུ་རུའི་སྐུ་ཁང་བརྩེགས་མ་དང་། མཆོད་རྟེན་ཆེ་ཆུང་གསུམ་སོགས་སྐུ་འདྲ་ཆེ་ཆུང་བརྒྱ་ལྷག་ཕམ་དང་། ལི་མ་སུམ་བཅུ་ལྷག་ཙམ། གསུང་རྟེན་བཀའ་འགྱུར་ཆ་ལྔ་དང་། བསྟན་འགྱུར་གཅིག། བྲིས་སྐུ་བཅུ་ཕྲག་ཁ་ཤས། ཡིག་རྒྱ་མ་ཎི་དུང་བརྩེགས་པའི་འཁོར་ཆེན་རྣམས་བཞེངས་ཟིན་ཏོ། ད་སྐབས་དགེ་འདུན་བཅུ་གསུམ་སྡེ་བཞི་བཅུ་ཙམ་ཡོད། དུས་མཆོད་དང་སྒྲིག་ལམ་སྔར་རྒྱུན་ལྟར་རྗེ་དམ་པ་འདིའི་ཞལ་སློབ་འཕྲིན་ལས་དབང་རྒྱལ་གྱིས་མདོ་སྔགས་ཀྱི་ཆོས་རྒྱུན་བཙུགས། ད་ལྟའི་གནམ་ལོ་འདིར་མདོ་སྔགས་བསྟན་པའི་སྒྲོན་མེ་གསེར་རྟ་མཁན་འཇིགས་མེད་ཕུན་ཚོགས་འབྱུང་གནས་གདན་ས་འདིར་ཕེབས་ཏེ་དབང་ཁྲིད་གདམས་པ་གནང་ནས་ཆོས་[page 265] སྡེ་འདིའི་བསྟན་པའི་བདག་པོར་མངའ་གསོལ་ཏེ་བཞུགས་སོ། ད་ལྟ་དགོན་འདིའི་སྒྲིག་ལམ་སོགས་འགན་ཁུར་གནང་མཁན་མཐུ་སྟོབས་ཡིན།

ས་མིང་ཚིག་མཛོད་མིག་བཤར།

དགེ་གོང་དགོན་འདི་བ་བྱུང་བཅུ་གཅིག་པའི་ཡས་མས་སུ་ཆགས་གནས་ངེས་མེད་ཀྱི་ནག་སྒར་ཞིག་ཡིན་ལ། རོག་བཟའ་བསོད་ནམས་དཔལ་དགེས་བསྟན་པ་འཛིན་སྐྱོང་གི་འཕྲིན་ལས་སྤེལ། ཕྱིས་སུ་དུང་ཆུ་གོང་མ་ན་མཁན་པོ་ཀུ་ན་བཟང་ཆོས་གྲགས་ཀྱིས་དགོན་པ་བཏབ་སྟེ་སངས་སྔགས་རྙིང་མའི་ཆོས་སྡེའདི་བྱུང་བ་ཡིན། དགོན་པའི་མཚན་ནི་དགེ་རྩའི་དཔོན་མིང་དགོན་པ་ལ་ཐོགས་པ་སྟེ་རུ་ཆེན་རྫགས་ཆེན་པའི་དགོན་ལག་ཡིན། སྐབའ་འདིར་དགོན་པའི་རྟེན་གཙོ་བོ་ཟངས་གསེར་གྱི་གུ་རུའི་འདྲ་སྐུ་བྱིན་ཅན་ཞིག་དང་བཀའ་བསྟན་སོགས་གསུང་རབ་མང་། རོལ་མོ་སྤྲེལ་ཐོད་མ་སོགས་ཡོད་པར་གྲགས། དགོན་པ་འདིའི་བསྟན་བདག་ནི་རོག་བཟའ་སྤྲུལ་སྐུ་རིམ་བྱོན་དང་བོད་སྤྲུལ་གཉིས་སྟེ། རོག་བཟའ་སྐུ་ཕྲེང་དང་པོ་གསང་བདག་ན་རྡོ་རྗེ་མིའི་རོལ་པར་བྱོན་པ་རོག་བཟའ་བསོད་ནམས་དཔལ་དགེ་ལེགས་བསོད་ནམས་སྦྱིན་པ་ནི་གསེར་ཐར་ཡུལ་དུ་སྐུ་འཁྲུངས། མདོ་མཁྱེན་བརྩེ་ཡེ་ཤེས་རྡོ་རྗེའི་སློབ་མ་གོས་དཀར་ལྕང་ལོ་ཅན་གྱི་རྣལ་འབྱོར་པ་ཆེན་པོར་གྱུར། སྐུ་ཚེའི་སྨད་ལ་དགེ་གོང་དགོན་དུ་བཞུགས་ནས་རྩ་རླུང་གི་ཁྲིད་མཛད་དེ་གདུལ་བྱ་མང་པོ་ཐར་པའི་ས་ལ་བཀོད། དགུང་གྲངས་བརྒྱད་ཅུའི་ཐོག་མ་མོའི་སྣ་ཁ་ནག་ལ་རྡོ་རིང་ལུང་པ་རུ་གཟུགས་སྐུའི་བཀོད་པ་བསྡུས། རོག་བཟའ་སྐུ་ཕྲེང་གཉིས་པ་བསོད་ནམས་དཔལ་དགེ་ཡབ་ཆོས་ལུང་ཟླ་བ་དང་ཡུམ་བདེ་ཆེན་མཚོ་མོ་གཉིས་ཀྱི་སྲས་སུ་ལབ་ཏུ་སྐུ་འཁྲུངས། རྫོགས་ཆེན་རིན་པོ་ཆེས་ངོས་འཛིན་དེ་སྐུ་ནར་སོན་རྗེས་དགོན་པ་ལ་རྟེན་བཞེངས་རྒྱ་ཆེར་གནང་ཡོད། དགུང་ལོ་དྲུག་ཅུ་རེ་ལྔའི་ཐོག་མ་མོའི་རི་རྒན་མདོ་ལ་དགོངས་པ་ཆོས་དབྱིས་སུ་ཐིམ། འདས་མཆོད་གཟབ་རྒྱས་འཚོགས་ཤིང་གསུང་རྟེན་ལེགས་པར་གྲུབ་ཡོད། སྐུ་ཕྲེང་གསུམ་པ་རོག་བཟའ་ཡུལ་སྤྲུལ་ཏྲི་ཁོང་ནི་ཡབ་སྤྲུལ་སྐུ་བསྟན་སྡོ་དང་ཡུམ་འཛོམས་དཀར་གཉིས་ཀྱི་སྲས་སུ་ཤིང་རྟ་ལོར་དགེ་གོང་ཆུ་ནག་ཁ་ལ་སྐུ་འཁྲུངས། རྫོགས་ཆེན་རིན་པོ་ཆེ་དང་ཆབ་མདོའི་ལྕགས་ར་གཉིས་ཀྱིས་ངོས་འཛིན་མཛད། བསྟན་པ་ཡང་དར་སྐབས་སུ་དགོན་པའི་གཙུག་ལག་ཁང་དང་ཚོགས་ར། དུང་འཁོར་སོགས་བཞེངས་ཤིང་གསུང་ཐུགས་རྟེན་དང་ཚོགས་ཟངས་སོགས་ཐེབས་བཞག་མཛད་བས་བསྟན་འགྲོ་ལ་སྨན་པའི་མཛད་འཕྲིན་རྒྱ་ཆེ། རྫ་ཆུའི་ཟམ་པ་ལ་དངུལ་སྒོར་གནང་བ་དང་དབུལ་བཅོས་ཕྱུག་སྒྱུར་ལ་གནང་སྦྱིན་མཛད་པ་སོགས་ཡུལ་སྡེ་ལ་ཐུགས་རྗེ་བླ་ལྷག་ཏུ་ཆེ། དགེ་མང་དགོན་པ་ལ་ཡང་ཕན་ཅི་ཐོག་ཀྱི་ཐུགས་རྗེས་སྐྱོང་བཞིན་བཞུགས་སོ། བོད་སྤྲུལ་མདོ་སྔགས་བསྟན་པའི་ཉིན་མ་ནི་ཤར་དྭགས་ཡུལ་དུ་སྐུ་འཁྲུངས་ཤིང་སྐུ་ཚེ་ཧྲིལ་པོ་བསྟན་པ་རིན་པོ་ཆེ་ལ་[page 266] དགོངས་ནས་འཆད་ཉན་བསྐྱངས་བས། སྨིན་གྲོལ་གྱི་ཆོས་སྐལ་ཐོབ་པའི་གདུལ་བྱ་གྲངས་ལས་འདས། རང་དགོན་དུ་འཆད་ཉན་གྱི་སྡེ་བཙུགས་ནས་གྲྭ་པ་བཞི་བཅུ་ལྷག་ལ་ཆོས་ཁྲིད་རྒྱུན་དུ་གསུང་བའི་རི་ཁྲོད་ཅིག་གྲུབ་པར་མཛད། མཁན་ཆེན་ཀུན་ཆོས་ཀྱི་གདུང་རྟེན་བཞེངས་ནས་༡༩༥༤ལོར་རང་ཡུལ་དུ་དགོངས་པ་རྫོགས་སོ། གཞན་ཡང་དགེ་གོང་དགོན་ལ་གཟིགས་སྐྱོང་ཚད་མེད་པའི་མཁན་ཆེན་དམ་པ་ཀུན་བཟང་དཔལ་ལྡན་ནམ་ཀུན་བཟང་ཆོས་གྲགས་ནི་བོ་དྷི་ས་ཏྭའི་རྣམ་རོལ་འཁྲུལ་མོད་དུ་བསྔགས་ཤིང་། མཁན་བཙུན་བཟང་པོའི་ཡོན་ཏན་ཚད་མེད་པ་ལ་མངའ་དབང་འབྱོར་བ་དེས་རང་དགོན་གྱི་གཙུག་ལག་ཕྱི་ནང་གསར་བཞེངས་མཛད་ཅིང་། དབུ་ཕར་འདུལ་མཛོད་ཀྱི་འཆད་ཉན་སྤེལ་བས་བཤད་སྒྲུབ་ཀྱི་བསྟན་པ་ལ་བཀའ་དྲིན་གཞལ་དུ་མེད། འདུལ་བའི་གླེང་གཞི་དང་བསམ་ལྷུན་འགྲེལ་བ་སོགས་ལྗགས་རྩོམ་མང་པོ་སྤེལ་ཞིང་གུ་རུའི་གསེར་སྐུ་ངོ་མཚར་ཅན་སོགས་རྟེན་བཞག་མཛད་ནས་དགུང་གྲངས་བརྒྱད་ཅུའི་ཐོག་དུ་ཆའི་ངོ་སྒོ་རུ་ཞི་བར་གཤེགས་སོ།

དགེ་གོང་དགོན་ལ་གཙུག་ལག་ཁང་དང་དུང་འཁོར་གྲྭ་ཁང་སོགས་ཁྱོན་ཁང་བཞི་བཅུ་ལྷག་ཡོད་ཅིང་། དགེ་འདུན་པ་བརྒྱ་ལྷག་དང་ཆོས་སྡེ་ལྷ་འབངས་དུད་གྲངས་ཉིས་བརྒྱ་ཙམ་ཡོད། དགོན་པའི་དུས་མཆོད་གཙོ་བོ་ནི་བུམ་སྒྲུབ་ཉིན་བཅུ་གཉིས་དབྱར་སི་དྷིའི་ཉིན་བདུན། མཎྚལ་ཉིན་གཉིས། བསམ་ལྷུན་ཉིན་གཉིས། སྤྱོད་འཇུག་ཉིན་བཞི། གོ་བསང་ཉིན་གསུམ། ཡིན་བརྒྱ་ཉིན་བཅོ་ལྔ། རོག་བཟའི་འདས་མཆོད་ཉིན་གཉིས། དབྱར་གནས་ཉིན་ཞེ་ལྔ། མགོན་པོ་ཉིན་བརྒྱད། སྡོང་ཆེན་ཉིན་གསུམ། སྡོང་ཆུང་ཉིན་གསུམ། ཡི་བརྒྱ་ཉིན་བཞི། གཞན་ཡང་གར་འཆམ་བཅས་སོ། དགོན་པའི་སྐུ་གསུང་ཐུགས་རྟེན་ནི་འདྲ་སྐུ་བཞི་བཅུ་ཞེ་བདུན་དང་། མཆོད་རྟེན་གཉིས། གདུང་རྟེན་བྱིན་ཅན། མགོན་ཐང་གཙོ་བོར་བྱས་པའི་ཞལ་ཐང་ཉེར་ལྔ་ལྷག བཀའ་བསྟན་གཙོ་བོར་བྱས་པའི་གསུང་འབུམ་སྣ་ཚོགས་གྲངས་མང་། རོལ་མོ་བཅུ། རྒྱ་གླིང་ཆ་དྲུག རྐང་གླིང་དངུལ་ཤན་མ་གསུམ། དུང་དམར་ཆ་གཉིས། གསེར་རྔ་ཉེར་བཞི། དུང་འཁོར་གསུམ་སོགས་ཡོད་དོ། རིག་གནས་གསར་བརྗེ་དང་བཞི་རྒོལ་སྐབས་སུ་དགོན་པ་ལ་གཏོར་བརླགས་ཚད་མེད་བཏང་ནས་ད་ལྟའི་བསྟན་པ་ཡང་དར་གྱི་སྐབས་འདིར། རོག་བཟའ་ཡང་སྤྲུལ་ཏྲི་ཁོང་གཙོ་བོར་བྱས་པའི་བླ་གྲྭ་བདུན་ཅུ་དོན་དྲུག་གིས་རང་ཁ་རང་གསོའི་ཚུལ་ད་འབད་དེ་གཙུག་ལག་ཁང་གཙོ་བོར་བྱས་པའི་ཁང་པ་ལྔ་བཅུ་ཙམ་བཞེང་གྲུབ་ཅིང་། སྐུ་གསུངས་ཐུགས་རྟེན་ལྷག་མ་དང་གསར་བཞེངས་རྣམས་བཞུགས་སུ་གསོལ་ནས་དུས་མཆོད་སོགས་སྔོན་ལུགས་མཉམས་པ་སྐྱོང་བཞིན་མཆིས་སོ༎

ས་མིང་ཚིག་མཛོད་མིག་བཤར།

ཆོས་ཀྱི་རྒྱལ་པོ་སྲོང་བཙན་སྒམ་པོ་རྒྱ་མོ་བཟའ་འུན་ཤིང་ཀོང་ཇོ་རྒྱལ་དབང་པདྨ་ཀཱ་ར་རྗེ་འབངས་[page 267] དང་བཅས་པ། ལྷ་ལུང་དཔལ་རྡོར། ་སྒ་ཨ་མྱེ། དགེ་བ་དཔལ། ཨ་རོ་ཡེ་ཤེས་འབྱང་གནས། པཎ་ཆེན་མྲྀ་ཏི་ཛྙཱ་ན། ཁུ་རྔོག་འབྲོམ་གསུམ། རྒྱལ་དབང་ཀརྨ་པ་ཡབ་སྲས་རྣམས་ཀྱིས་ཞབས་ཀྱིས་བཅགས་ཤིང་བྱིན་གྱིས་བརླབས་པའི་གནས་སུ། སྔོན་གྱི་དུས་སུ་རྒྱ་མོ་བཟའ་གྱིམ་ཤིང་ཀོང་ཇོས་རྒྱལ་སྲས་ལྗང་ཚའི་དགོངས་རྫོགས་སུ་བཞེངས་པར་གྲགས་ལ། ལོ་ནི་ལྕགས་མོ་ཕག་ལ་བཏབ་པར་བཤད། རགས་རིམ་ཆོས་འབྱུང་རྣམས་སུགསལ་ལ་ཞིབ་པར་དགོན་པའི་དཀར་ཆག་ཏུ་གསལ། རྒྱལ་པོ་གླང་དར་གྱི་དུས་སུ་ཡང་མ་ཉམས་པར་གྲགས། པཎ་ཆེན་མྲྀ་ཏི་ཡན་ལ་སྔ་འགྱུར་བའི་རིང་ལུགས་དར་བ་ཡིན་ལ། ཕྱིས་སུ་ཧོར་དམག་སོགས་ཀྱིས་དགོན་པ་ལ་ཉམས་རྒུད་ཐེབས་པ་ཡིན་ལ། རྗེ་ཀརྨ་པ་ཀྵིའི་སྐུ་རིང་ལ་ཞིག་གསོ་བགྱིས་ཤིང་ཉེ་གནས་རིན་ཆེན་དཔལ་ཁམས་སུ་བསྟན་པ་སྤེལ་བ་བཏང་བས་བཀྲ་ཤིས་རྣམ་གླིང་དུ་ཕེབས་ནས་མིག་དམར་ཞེས་པ་ཤིང་ཕོ་བྱི་བ་(སྤྱི་ལོ་༡༢༠༤)ལོར་ཞིག་གསོ་དང་གྲུབ་མཐའ་ཀརྨ་ཀམ་ཚང་དུ་བསྒྱུར། རབ་མྱོས་ཞེས་པ་ལྕགས་ཕོ་རྟ་ལོ་ནས་བཟུང་དྲན་ཐང་ཀློང་ཐང་ཤོག་ར་ཚ་སྒང་སོགས་འདན་ཡུལ་སྟོད་སྨད་རྣམས་སུ་དགོན་པ་བཅུ་ཕྲག་ཁ་ཤས་ཉམས་གསོ་དང་གསར་དུ་བཏབ། སྐྱེས་བདག་ཞེས་པ་ལྕགས་མོ་ལུག་ལོ་ལ་གནས་ཆེན་ཙཱ་རི་ཏྲ་གཉིས་པ་མདོ་སྨད་གླིང་གི་བྲག་རའམ་གནས་མཆོག་བདྨའི་བྲག་དཀར་གནས་སྒོ་ཕྱེས་ནས་སྐལ་ལྡན་དུ་མ་སྨིན་གྲོལ་ལ་བཀོད་ནས་རྣམ་གནོན་ཞེས་པ་ལྕགས་ཕོ་འབྲུག་ལོ་ས་ཟླའི་མར་ངོའོ་ཚེས་བཅུ་དུས་མཆོད་ཚར་བ་དང་རྟགས་ཆོ་འཕྲུལ་དུ་མ་བཅས་དགོངས་ན་མྱ་ངན་ལས་འདས། དེ་ནས་སྐུ་ཕྲེང་རིམ་བྱོན་གྱིས་བསྟན་པ་འཛིན་སྐྱོང་སྤེལ་གསུམ་གྱི་བྱ་བ་བྱས་ནས་ད་ལྟའི་ལུང་རྟོགས་ཆོས་ཀྱི་ཉི་མས་ཡན་སྐུ་ཕྲེང་བཅུ་བཞི་བྱོན་ནོ། ཀརྨ་པ་བདུན་པའི་སྐབས་གཡོ་བའི་ལྷ་ཁང་དང་གྲྭ་ཤག་འཇིག་པ་དང་། རྗེ་བཅུ་པའི་དུས་སུ་སོག་དམག་གིས་གཏོར་བ་དང་དགོན་ལག་དུ་མ་གྲུབ་མཐའ་དགེ་ལྡན་དང་ས་སྐྱ་བསྒྱུར་བ་སོགས་འཚེ་བ་མང་དུ་བྱས། གཞན་ཡང་སྐུ་ཕྲེང་རིམ་བྱོན་སྐབས་སུ་ས་གཡོ་ཆེ་ཕྲ་དུ་མའི་འཇིག་པ་བྱུང་བར་གྲགས་ལ། བཅུ་བཞི་པ་ཡི་དུས་སུའང་མེ་ཡིས་ལྷ་ཁང་བརྒྱད་བསྲེགས་པ་དང་དངོས་རྫས་དུ་མ་གྱོང་རྒུད་བྱུང་བ་ཡོད་ཀྱང་ཞིབ་པ་བྲིས་ན་ཡི་གེ་མང་བས་འདིར་མ་བྲིས། བཤད་སྒྲུབ་ཀྱི་སྲོལ་ནི་བཙན་པོ་ཁྲི་སྲོང་སྐབས་སུ་བྱུང་བ་ཡིན་ལ་པཎྚི་ཏ་སྨི་ཏི་ཡན་ལ་བཤད་སྒྲུབ་ཀྱི་སྲོལ་མ་ནུབ་པར་ཡོད་པས་བསྟན་པ་སྔར་དར་དང་ཕྱི་དར་གྱི་སྲོལ་མཐུད་པ་པོ་ཡིན་ཞེས་ཤེས་ལྡན་རྣམས་ཀྱིས་མཁྱེན་པས་འདིར་མ་བཀོད་ལ། ཕྱིས་ཉེ་གནས་རིན་ཆེན་དཔལ་གྱིས་རྒྱད་ཀྱི་བཤད་པ་གུར་བརྟག་སམ་གསུམ་དང་། བྱམས་ཆོས་སྡེ་ལྔ་སོགས་མདོ་ལུགས་ཀྱི་དགོངས་འགྲེལ་དུ་མ་ཁྲིད་གནང་བས་ད་ལྟའི་བར་དུ་སྲོལ་མ་ནུབ་པར་ཡོད། མདོ་སྔགས་རབ་འབྱམས་ཀྱི་མཁན་པོ་མང་དུ་བྱོན་ཡང་གཙོ་བོར་ཉེ་གནས་རིན་ཆེན་དཔལ་གྱི་སྐུ་ཕྲེང་རིམ་བྱོན་གྱི་མཛད་པ་ཉིད་ཀྱི་རྣམ་ཐར་དུ་གསལ་ལོ། ལོ་ཙཱ་བ་འདན་མ་བརྩེགས་མང་ནས་གྲུབ་ཆེན་ཆོས་རྗེ་ཡེ་ཤེས་ཡན་ལ་འོད་ལུས་དང་མཁའ་སྤྱོད་དུ་གཤེགས་པ་བརྒྱ་ཕྲག་བཅོ་བརྒྱད་བྱུང་བ་དེ་དག་སྒྲུབ་པ་ཕྱག་རྫོགས་ལ་བརྩོན་པའི་རྣལ་འབྱོར་པ་ཤ་སྟག་གོ[page 268] ཆེ་ཆུང་དང་ནང་རྟེན་གྱི་སྐོར། གྱིམ་ཤིང་ཀོང་ཇོ་ཉིད་ཀྱི་བཞེངས་པའི་ལྷ་ཁང་རྒྱལ་སྲས་དགོངས་རྫོགས། ཉིད་ཀྱིས་བྲིས་པར་གྲགས་པའི་མཐིད་ཤོག་ལ་གསེར་ཞུན་མའི་བྲིས་པའི་མསྡོ་སྡེ་གསེར་འོད་པོ་ཏི། ཟུར་ཆུམ་ལས་གྲུབ་པའི་མྱང་འདས་མཆོད་རྟེན་གྲུ་ཚད། སློབ་དཔོན་བེེ་རོས་བྲིས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་བརྒྱ་པ་ལོ་ཙྰ་བ་རྩེགས་མང་གིས་བྲིས་པའི་ཕལ་པོ་ཆེ་སོགས་པུ་སྟི་བཅུ་དྲུག་གསེར་དངུལ་གྱི་བྲིས་པ་དང་། གུ་རུ་མཚན་བརྒྱད་ལ་རྗེ་འབངས་ཉེར་ལྔའི་བསྐོར་བ་ཞལ་ཐང་མཐོང་བ་རང་གྲོལ། ཨ་རོ་ཡེ་འབྱུང་གིས་མཛད་པའི་མརྫོད་ཀྱི་འགྲེལ་བ་དབྱིག་གཉེན་ཞལ་ལུང་ཐེག་ཆེན་ལམ་འབྱེད་སོགས་བཀའ་འབུམ་པོད་བརྒྱ་ཙམ་ཡོད་ཀྱང་། དུས་དབང་དང་ཧོར་སོགས་དམག། ས་གཡོ། རིག་གནས་གསར་བརྗེ། མེ་དགྲ་སོགས་ཀྱིས་ད་ལྟ་ནི་མིང་གི་ལྷག་མ་ཙམ་མ་གཏོགས་མེད། རྗེ་ཀརྨ་པ་ཀྴི་ཡིས་ཉེ་གནས་ཡོན་ཏན་དང་གདམས་ངག་བུམ་པ་གང་བྱོས་ཐོབ་པ་རིན་ཆེན་དཔལ་གྱིས་མརྫད་པའི་བརྟག་གཉིས་ཀྱི་འགྲེལ་པ་ཉི་མའི་སྙིང་པོ། རྒྱུད་བླའི་འགྲེལ་པ་བྱམས་པའི་དགོངས་གསལ། རྗེ་ཀརྨ་པཀྴི་ཡིས་རྣམ་ཐར་ཤེལ་དཀར་ཕྲེང་བ་སོགས་བཀའ་འབུམ་པོད་བདུན། རབ་བཀྲམ་སྒྲུབ་གྲྭ་བཏབ་ནས་ཆོས་དྲུག་འོད་གསལ་ལྷ་ཁང་གཙོས་ལྷ་ཁང་གསུམ་དང་དགོན་ནང་དུ་གཙུག་ལག་ཁང་གླིང་བཞི་བཀོད་ལེགས། རྡོ་རྗེ་འཆང་ལྷ་ཁང་། ཇོ་ཁང་། མགོན་ཁང་སོགས་བཅུ་བཞེངས། འདུ་ཁང་དུ་སངས་རྒྱས་སྟོང་སྐུའི་ལོགས་བྲིས་པ། སྟོན་པའི་སྐྱེས་རབས་ཞལ་ཐང་གོས་སྐུ་བཅུ་དྲུག་ཧོར་ཡུལ་ནས་བསྣམས་པ། གཞན་ཡང་ཐང་ག་གསུམ་བརྒྱ་ལྷག་ཙམ་གསར་བསྐྲུན་མརྫད། སྙན་བརྒྱུད་ལྷ་ཁང་ངམ་རྡོ་རྗེ་འཆང་ལྷ་ཁང་དུ་གཙོ་བོ་རྡོ་རྗེ་འཆང་ཁང་ཚད་ཙམ་ལ་རིན་པོ་ཆེ་ཕྲ་གཟི་བྱི་རུ། སྤོས་ཤེས། གཡུ། ཀེ་ཀེ་རུ། ཛྷེེ་སོགས་ཉིས་བརྒྱ་ཙམ་ཕྲ་བཀོད་པ་ལ་ངཀའ་བཞི་གདམས་པའི་བླ་མའི་བསྐོར་བ་ཟངས་གསེར་ལས་གྲཡབ་པ་མི་ཚད་ཙམ་བཅོ་བརྒྱད་ཡོད། ཇོ་ཁང་དང་མགོན་ཁང་སོགས་ལྷ་ཁང་རྣམས་སུ་སྨན་འདམ་ལས་གྲུབ་པ་ཇོ་བོ་མ་བགོན་ཞལ་སྦྱོར་ལ་ཕྱོགས་བཅུའི་མགོན་པོས་བསྐོར་བ་སོགས་མང་དུ་ཡོད་ཀྱང་ཡི་གེ་མང་བས་འཇིགས་པས་ཞིབ་པར་མ་བྲིས། མསྡོར་ན་ལྷ་ཁང་བཅུ་གསུམ་གཙོས་པའི་གྲྭ་ཤག་དྲུག་བརྒྱ་མ་ཟིན་ཙམ་ཡད་པར་གྲགས། ཧོར་ཡུས་མོང་གོལ་གྱི་གནང་བའི་རྒྱ་ནག་མ་གཙོས་པའི་རོལ་མོ་ཆ་བཅུ་གསུམ། སིལ་སྙན་སོགས་མང་། དུས་མཆོ་ནི་ཐོག་མ་སྨྱུང་གནས། མི་འཁྲུགས། ཀུན་རིག ཕག་མོ། བདེ་མཆོག དབྱར་གནས། ཚེས་བཅུ། དགུན་ཆུང་། དགུ་ཆེན། སྨོན་ལམ། བཀའ་འགྱུར་དག་ཚར། ཚེ་ཆོག་སྟེ་དཀྱིལ་འཁོར་བཅུ་གསུམ་ལ་དུས་མཆོད་ད་ལྟའང་ཚུགས་ཡོད། ཚེས་བཅུ་དང་དགུ་ཆེན་གཉིས་ལ་གར་འཆམ་ཉིན་གཉིས་རེ་ཡོད་དོ། སྦྱིན་བདག་སྔ་འགྱུར་དུས་སུ་ཆོས་རྒྱལ་མེས་དབོན་རྣམ་གསུམ་གྱིས་འཚོ་བ་ནས་སྦྱོར་བ་ཡིན་ལ། ཕྱིས་འགྱུར་དུས་སུ་འདན་མ་དཔོན་ཆེན་དང་། གླིང་ཚང་རྒྱལ་པོ། སྡེ་དགེ་ཆོས་རྒྱལ། གནམ་གླིང་མཆོད་སྡེ་དུད་ཆེན་༨༠སོགས་ཡོན་བདག་བྱས་པ་ཡིན་ནོ། ད་ལྟའི་བསྟན་པ་ཡང་དར་གྱི་ས་སྐབས་སུ་དབྱིན་གོ་བེ་རུ་ཤེས་རབ་དཔལ་ལྡན་གྱིས་བསྟན་པ་ཉམས་གསོའི་ཆེད་དུ་དངུལ་ཁྲི་བཅུ་ཕྲག་ཁ་ཤས་བཏང་བ་མ་བཏོགས་[page 269] རང་སྡེའི་སྤྱི་པ་སོགས་ཡོད་པ་མ་ཡིན་ལ་དགོན་པ་རང་ཉིད་ཀྱིས་རང་ཁ་རང་གསོ་ཡིན་ནོ། དགེ་འདུན་ནི་སྔ་དར་དུས་སུ་མང་དུ་ཡོད་ལ་ཕྱི་དར་གྱི་མཚམས་སུ་ཁྲི་ཕྲག་གཉིས་ལྷག་ཙམ་འདུས་ལ་དེ་དུས་དབུས་གཙང་མདོ་ཁམས་རྣམས་ཀྱིས་གྲྭ་ས་འདི་ཉིད་ཡིན་པས་ཁུ་རྡོག་འབྲོམ་གསུམ་ཡང་འདི་ནས་གྲྭ་ས་བཅད་པ་ཡིན། ཉེ་གནས་རིན་ཆེན་དཔལ་གྱི་དུས་སུ་དགེ་འདུན་ཆིག་ཁྲི་སུམ་སྟོང་ཙམ་ཡོད་ལ། ཡང་དར་ད་ལྟའི་དུས་སུ་བརྒྱ་ཕྲག་གཉིས་ལྷག་ཙམ་ཡོད། བཤད་གྲྭ་དང་སྒྲུབ་གྲྭ་ཡང་སྔར་སྲོལ་ལྟར་ཡོད་དོ།།

ས་མིང་ཚིག་མཛོད་མིག་བཤར།

པནྡི་ཏ་པཎྡི་ཏསྨྲི་ཏི་ཛྙྰརྟི་ཞེས་སུ་གྲགས་པ་དེ་ཉིད་རྒྱ་གར་འཕགས་པའི་ཡུལ་དུ་རྒྱལ་པོ་རྩིབས་ཀྱི་མུ་ཁྱུད་ཀྱི་སྲས་སུ་སྐྱེ་བ་བཟུང་། རྒྱལ་སྲིད་ལ་མ་ཆགས་པར་རབ་ཏུ་བྱུང་། སྒྲ་ཚད་སོགས་རིག་པའི་གནས་དང་འདུལ་མངོན་གཙོ་བོར་གྱུར་བའི་སྡེི་སྣོད་རྒྱུད་སྡེ་ཐམས་ཅད་ཀྱི་མཐར་སོན་པས་མཧྰ་པནྡི་ཏའི་མཚན་ཡོངས་སུ་གྲགས་ཏེ་སློབ་མའང་གདུགས་ཐོགས་ལྔ་བརྒྱ་ཙམ་འདུས་ཤིང་བསྟན་པ་ལ་བྱ་བ་ཆེར་མཛད། དཔལ་ནྰ་རོ་པ་ཆེན་པོ་ལས་གདམས་ངག་གསན་སྟེ་སྒྲུབ་པ་མཐར་ཕྱིན་པ་མཛད་པས་གྲུབ་པའི་དབང་ཕྱུག་ཆེན་པོར་གྱུར། དཔལ་ནྰ་རོ་པ་ཆེན་པོ་ལས་གདམས་ངག་གསན་སྟེ་སྒྲུབ་པ་མཐར་ཕྱིན་པ་མཛད་པས་གྲུབ་པའི་དབང་ཕྱུག་ཆེན་པོར་གྱུར། ཀུ་སྰ་ལིའི་སྤྱོད་པས་ཡུལ་ཐ་དད་དུ་གཤེགས་ནས་གདུལ་བྱ་མང་པོ་སྨྲིན་གྲོལ་ལ་བཀོད། བོད་ཡུལ་དབུས་གཙང་དུ་ཕེབས་ནས་མདོ་རྒྱུད་འགའ་ཞིག་ལོ་ཙྰ་མམ་དགོས་པར་རང་འགྱུར་དུ་མཛད་པ་སོགས་འགྲོ་དོན་མཐའ་ཡས། རི་བོ་རྩེ་སྔར་ཞབས་ཀྱིས་བཅགས་ནས་མཧྰ་ཙི་ནའི་རྒྱལ་ཁམས་ཆོས་ལ་བསྒྱུར། སླར་ཡང་མདོ་ཁམས་སུ་ཕེབས་ནས་གདུལ་བྱ་གདུལ་བའི་ཐབས་སུ་གསེར་ལྡན་འབྲི་ཀླུང་གི་འགྲམ་ངོགས་གསེར་འོག་ཅེས་པའི་གྲོང་ཁྱེར་ལ་ས་གཡོས་ཀྱི་གནོད་པ་འབྱུང་བར་མཁྱེན་ནས་རེ་ཞིག་རྒྱབ་རི་འུར་རྡོས་བཅིངས། དེ་ལྟ་བྱས་ཡོད་པས་ཐམས་ཅད་བྲོས་ཤིག་གསངས་པ་ན་ཕལ་ཆེར་གྱིས་རྫུན་པར་བསམ་སྟེ་མྲོས་པའི་གྲོང་ལྔ་བརྒྱ་ཙམ་ས་འོག་དུ་སོང་བའི་ཤུལ་ད་ལྟ་གསེར་འོག་རི་ཤུལ་གྱི་ས་དམར་འདི་ཡིན། རྒན་མོ་གཅིག་གིས་སྔར་ནས་ཆེ་བའི་ཡོན་ཏན་ཕྱོགས་ཙམ་མཐོང་བས་བདེན་པར་བཟུང་སྟེ་བྲོས་ནས་ཐར་བའི་རིགས་བརྒྱུད་ད་ལྟ་གསེར་འོག་གི་གྲོང་ཁྱེར་འདི་ཡིན་སྐད། དེ་སྐབས་གླང་དར་གྱིས་བསྟན་པ་མཐའ་དབུས་མེད་པར་བཤིབས་ནས་མིང་གི་ལྷག་མར་བྱས་པའི་ཚེ། གླང་ཐང་སྒྲོལ་མའི་གཙུག་ལག་ཁང་དུ་མངོན་པ་མཛོད་ཀྱི་བཤད་པ་མཛད་པས་གཡས་ཆེན་པོ་ཤེས་རབ་གྲགས་སོགས་མཁས་མཙུན་མང་དུ་འདུས་ཤིང་དེ་རྣམས་ཀྱིས་དབུས་གཙང་ཁམས་གསུམ་དུ་སྤེལ་བས་མངོན་པ་འོག་མའི་བསྟན་པ་གཞིར་བཞེངས་སུ་བཏང་། ཕྱི་དར་གྱི་བསྟན་པའི་རྩ་བ་བཙུགས། གསང་བ་འདུས་པ། ཡེ་ཤེས་ཞབས་ལུགས་འཆད་སྤེལ་མཛད་པས་འདུས་པ་ཁམས་ལུགས་སུ་གྲགས་པ་བྱུང་། མདོར་ན་བདག་ཉིད་ཆེན་པོ་འདི་ནི་[page 270] དུས་དབང་གི་འགྲོ་དོན་རྒྱ་ཆུང་ཙམ་ལས་མཁསམ་པའི་ངོ་ནས་སློབ་དཔོན་དབྱིག་གཉེན་ལ་འགྲན་ཞིང་། གྲུབ་པའི་ངོས་ནས་སློབ་དཔོན་ནག་པོ་སྤྱོད་པ་སོགས་དང་དབྱེར་མེད་དེ། པན་ཆེན་དྰ་ནི་ཤྰི་ལ་སྐུ་གཤེགས་ལ་ཉེ་བ་ན་ཁོ་བོ་བོད་མ་དག་པའི་ས་ཆར་འཆི་དགོས་པར་གསུངས་ནས་ཐུགས་མུག་གི་ཚུལ་བསྟན་པའི་ཚེ། གཞན་དག་གིས་སྔར་ཡང་རྒྱ་གར་གྱི་པན་ཆེན་མང་པོ་བོད་དུ་འདས་པས་སྐྱོན་མེད། ཇོ་བོ་རྗེ་ཨ་ཏི་ཤ་ཡང་འདས་ས་བོད་ཡིན་ཞུས་པས། ཨ་ཙ་ར་བཙུན་ཚུག་བཟང་བ་ལས་ངའི་ཡོན་ཏན་བརྒྱ་ཆ་ཡང་མེད་གསུངས། འོ་ན་ཕ་དམ་ཡང་འདས་ཞུས་པས། ཇོ་ཀི་གདམས་ངག་མང་བ་ལས་ངའི་ཡོན་ཏན་བཅུ་ཆ་ཡང་མེད་གསུངས། སྨྲྀ་ཏི་ཛྙྰ་ན་ཡང་འདས་ཞུས་པས་ཕྱག་ཐག་མོ་སྦྱར་ནས། འོ་ན་དེའི་ཡོན་ཏན་བརྒྱ་ཆེ་ཙམ་ཡང་ང་ལ་མེད་པས་འདས་ཆོག་པར་གདའ་གསུངས་ནས་ཐུགས་ངལ་སངས་པའི་ལོ་རྒྱུས་འབྱུང་བ་ལྟར་ལགས། དེ་ལྟར་མཁས་གྲུབ་ཆེན་པོ་དེའི་སྐུ་དངོས་ཀྱི་གདུལ་བྱ་རྫོགས་པར་ཉེ་བའི་ཚེ། གསེར་འོག་ཏུ་ཕེབས་ཏེ་རྡོ་ནག་ལུག་ཐོང་ཙམ་ཞིག་འུར་རྡོའི་སྟེང་ལ་བཞག་ནས། ངའི་འགྲོ་དོན་འབྱུང་བའི་གནས་ཞིག་ཏུ་བོར་ཅིག་གསུངས་ནས་འཕངས་བས་གནས་འདིར་བབ། དེ་ནས་ཙམ་གྲན་ཐང་ཞེས་པའི་ཆགས། དེ་ཚེ་འཇའ་འོད་མེ་ཏོག་གི་ཆར་དང་། ལྷའི་རྔ་སྒྲ། དྲི་བཟང་པོའི་ངད་ལ་སོགས་ངོ་མཚར་བའི་ལྟས་དུ་མང་དང་བཅས་ཏེ་མྱ་ངན་ལས་འདས་པའི་ཚུལ་བསྟན། ཞལ་ཆེམས་ལྟར་སྐུ་གདུང་ཧྲིལ་པོ་གནས་མཆོག་འདི་ཉིད་དུ་བཞུགས་པའི་ཚེ་དབྱར་ཟླ་ར་བའི་ཚེས་བཅོ་ལྔར་འབྲི་ཆུ་ལ་དར་ཆགས། དེང་སང་དྲན་ཐང་ལྷ་དར་ཟེར་བའི་རྒྱུན་དེ་ལས་བྱུང་། མཚན་མོར་ལྷ་འདྲེ་དུ་མས་བསྐོར་བ་དང་མར་མེ་འབུལ་བ་སོགས་དེ་ནས་བརྩམས་ད་ལྟའི་བར་མཐོང་སྣང་དུ་གྲུབ། བཞུགས་ཁང་རྙིང་བ་ཅུང་ཟད་གོག་པའིརྣམ་པ་བྱུང་བའི་སྐབས་འཇམ་དཔལ་རྩ་བའི་རྒྱུད་ཀྱི་ལུང་གིས་ཟིན་པའི་གངས་ཅན་ལྷ་གཅིག་སྲོང་བཙན་སྒམ་པོའི་སྣང་བརྙན་གཉིས་པ་ཆོས་ཀྱི་རྒྱལ་པོ་ས་སྐྱོང་སྡེ་དགེ་བསྟན་པ་ཚེ་རིང་མཆོག་ནས་འདན་ཡུལ་སྟོད་སྨད་དུ་དགོན་སྡེ་བཅོ་བརྒྱད་གསར་འདེབས་མཛད་པའི་སྐབས་སུ་གཙུག་ལག་ཁང་འདིའང་བསྐྲུན་པར་མཛད་ཅིང་། མཐིང་དམར་ཅོད་དཔན་འཆང་བའི་རྒྱལ་མཆོག་ཟུང་གི་གཙོས་རིས་མེད་ཀྱི་སྐྱེས་ཆེན་དུ་མས་ཚད་མར་འཛིན་སྟེ་ཞབས་ཀྱིས་བཅགས། ཁྱད་པར་བྱམས་མགོན་ཏྰའི་སི་ཏུ་ཆོས་ཀྱི་འབྱུང་གནས་དེ་ཉིད་ཀྱི་ཕྲིན་ལས་གདུགས་དཀར་སྲིད་རྩེར་བསྒྲེངས་པའི་སྐབས། འདིར་ཡང་དད་ལྡན་གྱི་ཡོན་སྦྱངས་ཞིང་སར་ཕལ་བའི་ལྷ་འབངས་མཆོད་གཞིས་ལ་བརྟེན། ཕྱི་གཙུག་ལག་ཁང་གི་ལེགས་སོ། ནང་ཀརྨ་བཀའ་བརྒྱུད་ཀྱི་དགེ་འདུན་འདུས་པ་དང་རྗེ་བཙུན་གསམ་གྱིས་ཕྱག་རྗེས་འགྲན་ཟླ་བྲལ་བར་མཛད། རི་ཁྲོད་འདིའི་སྤྲུལ་སྐུ་ནི་ཀརྨ་པ་གསུམ་པ་རང་བྱུང་རྡོ་རྗེའི་ངོས་འཛིན་ནས་རི་ཁྲོད་སྤྲུལ་སྐུ་སྐུ་མཚན་གསོལ་ཏེ་ད་ལྟའི་བར་སྐུ་ཕྲེང་བཅུ་བཞི་བྱོན། དེ་ཡང་སྐུ་ཕྲེང་བཅུ་བཅུ་གཉིས་པོ་སྐུ་ཁྲུངས་ཡུལ་དང་ངོས་འཛིན་མཛད་མཁན། སྐུ་དང་པོ་ནི་ཀརྨ་པ་རང་བྱུང་རྡོ་རྗེས་ངོས་འཛིན་མཛད། སྐུ་ཕྲེང་བཅུ་གསུམིནི་ཀརྨ་པ་རང་བྱུང་རིག་པའི་རྡོ་རྗེས་ངོས་འཛིན་མཛད། ཚེས་དུས་སྒྲུབ་མཆོད་གཙོ་བོ་ནི། ཕག་མོ་བདེ་མཆོག་[page 271] རྒྱལ་བ་རྒྱལ་མཚོ། དབྱར་གནས། གྲོ་ལོད། ཚེས་བཅུ། དགུ་ཆུང་། དགུ་ཆེན། རྡོར་སེམས། ཞི་ཁྲོ། ཚེ་སྒྲུབ། ཨ་ཕྱི་བཅས་ཡོད། གཙང་ཁང་ཀ་བ་180ལ་མཐོ་ཚད་ཐོག་གསུམ། མགོན་ཁང་གསུམ། ཇ་ཁང་གཅིག དུས་འཁོར་༡། སྒྲུབ་ཁང་༡། གྲྭ་ཁང་སུམ་བཅུ་སོ་དགུ། གྲྭ་པ་དགུ་བཅུ་བཅས་ཡོད། དེ་ལྟར་བསམ་བཞིན་ཏུ་སྐྱེ་བ་བཞེས་པ་མཆོག་གི་སྤྲུལ་བའི་སྐུ་རིན་པོ་ཆེ་པདྨ་མ་ཉིད་བྱེད་དབང་པོའི་ཞབས་ཀྱིས་བྱང་སྐུ་འབུམ་རིན་པོ་ཆེར་གྲང་གསེར་ལྗང་བྱུག་གི་སྲི་ཞུ་སོགས་སྔོན་གྱི་ཕྲིན་ལས་རྗེས་སྐྱོང་གི་བསྟན་ཕན་མཛད་བཟང་རླབས་ཆེན་གནང་ཞིང་མདོར་ན་དབུས་གཙང་ཁམས་གསུམ་གྱི་སྐྱེ་བོ་མཆོག་དམན་ཐམས་ཅད་ཀྱི་ཕྱག་མཆོད་བསྐོར་བའི་ཡུལ་དུ་གྱུར་པ་འབྲེལ་ཚད་དོན་ལྡནགྱི་གནས་མཆོག་འདིའི་དྲི་གཙང་ཁང་གི་དབུས་ན་རྟེན་གྱི་གཙོ་བོ་མཁས་སྒྲུབ་སྨྲི་ཏི་ཛྙ་ནའི་སྐུ་འབུམ་རིན་པོ་ཆེ་བདུད་ལས་རྣམ་པར་རྒྱལ་ཏེ་མངོན་པར་བྱང་ཆབ་པའི་མཆོད་སྡོང་གི་བཀོད་པ། བུམ་སྐུ་ཇོ་བོ་ཁ་སར་པ་ཎི། རིག་བྱེད་པ་བརྒྱ་སྟོན་ཆེན་པོའི་ཕྱག་བཟོ་པཎ་ཆེཎ་ཆེན་ཉིད་ཀྱི་འདྲ་ཞལ་བྱིན་ཆེན་མཐིང་དམར་ཅོད་པན་འཆང་བ་ཟུང་གི་པུར་སངས་རྒྱས་གཉིས་པ་པདྨ་ཀ་རའི་སྐུ་བསྙན། སངས་རྒྱས་འོད་དཔག་མེད་པའི་སྐུ། ཤྰཀྱ་ཐུབ་དང་བྱམས་མགོན། འཕགས་པའི་གནས་བརྟན་བཅུ་དྲུག། རྡོར་སེམས། སྟོང་སྐུ། ཐུབ་པ་འོད་དཔག་མེད་གུ་རུ་གསུམ་གྱི་སྐུ་འདྲ་ལི་མ་བཞི། བཀའ་གདམས་མཆོད་རྟེན་ལྔ་སྐུ་འདྲ་སྟོང་ཕྲག་གཅིག་གི་གྲངས་ལྡན། མགོན་སྐུ་མེ་འབར་མ། མགོན་པོ་འཁོར་ལྔའི་འདྲ་ཞལ། གྱང་ལོགས་སུ་ཚེ་དཔག་མེད་དང་རྡོར་སེམས་ཀྱི་སྐུ་བསྙན་སྟོང་རྩ། ཞལ་ཐང་ལ་གསེར་བྲིས་སངས་རྒྱས་སྟོང་སྐུ། བླ་མ་ཡི་དམ་སོགས་ཀྱི་སྐུ་སྣ་མང་གྲངས་མང་། རྒྱ་ནག་གོང་མ། ཀརྨ་པ་ཞྭ་དམར་ནག་ཁྲ་གསུམ། ཉེ་སྲས་བརྒྱད་ཀྱི་ཞལ་ཐང་བྱིན་ཆེན། སི་ཏུ་འགྲོ་མགོན་རས་ཆེན་ཕྱག་བཟོ་མགན་པོ་སྤྲིན་ཞལ་མ། འདུ་ཁང་གི་ལོགས་བྲིས་སུ་སངས་སུ་སྐྱེ་རབས་དཔག་བསམ། བདེ་ཆེན་ཞིང་གི་བཀོད་པ། ལྕང་ལོ་ཅན་གྱི་བཀོད་པ། མགོན་པོ་བེར་ཅན་འཁོར་ལྔ། གུར་ལྷ་བརྒྱད་རྒྱ་མཐོང་གི་ལོགས་བྲིས་སུ་བདག་ཅག་གི་སྟོན་པ་མཉམ་མེད་ཤྰཀྱའི་དབང་པོ་གཙོ་འཁོར་ལྔ། མཐོན་མཐིང་ཅོད་པན་འཆང་བ་ཡབ་སྲས། སོ་ཐར་སྡོམ་བརྒྱུད། གཡུ་ལོ་བཀོད་པ་དང་ཟངས་མདོག་དཔལ་རིའི་ཞིང་བཀོད་སོགས་བཞུགས་སྒོ་ཁང་དུ་སྟོན་པའི་དམ་ཆོས་སྐྱོང་བའི་ལྷའི་དགེ་བསྙེན་རྒྱལ་པོ་ཆེན་པོ་སྡེ་བཞིའི་བཞེངས་སྐུ། ལོགས་བྲིས་སུ་དམ་ཅན་རྡོར་ལེགས། དྲི་ཟའི་རྒྱལ་པོ་ཟུར་ཕུང་ལྔ་ལྡན་གཙོ་འཁོར། ལྷ་སྨན་བཀྲ་ཤིས་ཚེ་རིང་མཆེད་ལྔ་སོགས་ཀྱི་བྲིས་སྐུ་རྣམས་བཞུགས་ཡོད། གསུང་བརྟེན་དུ་རྒྱལ་བའི་བཀའ་བསྒྱུར་རོ་ཅོག་དང་བསྟན་བསྒྱུར་པུ་སྟི་བདུན་བརྒྱ་ཙམ་གྱི་གྲངས་གསོར་བྲིས་ཅན། བསྐོར་ཁང་དུ་ངཁོར་ལོ་བདུན་བརྒྱ་ལྷག་ཙམ་ལ་ཡིག་དྲུག་དུང་ཕྭར་ལྔ་བྱེ་བ་བརྒྱད་ས་ཡ་ཕྲག་གསུམ་ྤའོ།།

དེང་གི་གནས་ཚུལ་ནི་དགོན་པའི་འཁོར་ཡུག་གི་རྒྱ་ཁྱོན་ལ་མུའུ་ཉེར་ལྔ་ཡས་མས། གཙུག་ལག་ཁང་། སྒྲུབ་ཁང་གཅིག། ཇ་ཁང་གཅིག། དུང་འཁོར་གཅིག། གྲྭ་ཤག་ལས་ཟིན་པ་བཅུ་ལྷག། བླ་གྲའི་[page 272] ཞལ་གྲངས་སུམ་ཅུ་ལྷག། སྐུ་གསུང་ཐུགས་བརྟེན་བསྐའ་བསྟན་འགྱུར་ཆ་གཅིག་སོགས་གསུངས་རབ་དང་ལི་གསེར་དང་ཟངས་གསེར་ལས་གྲུབ་པའི་སྐུ་འདྲ་རྩ་ཆེན་འགའ་དང་ཐང་སྐུ་ཡང་འགའ་ཡོད་ཅིང་། བཤད་པའི་བསྟན་པ་ཚུགས་མེད་པས་གྲྭ་བཙུན་དུ་མ་ཞིག་བཤད་གྲྭ་གཞན་དུ་བཏང་ཟིན། སྒྲུབ་ཁང་ཚུགས་ནས་སྒྲུབ་རེས་གཉིས་ཙམ་རེད་ཟིན་ཏེ་དམ་པ་གོང་མའི་རང་ལུགས་བསྟར་བརྩོན་བཞིན་པའོ། ཚེས་དུས་སྒྲུབ་མཆོད་ཚུགས་ཟིན་པ་ལ་ཚེས་བཅུ་དགུ་ཆེ་ཆུང་། རྡོར་སེམས་ཞི་ཁྲོ། རི་བསྟོད་དང་སྤྱི་རིམ། མགོན་ཁང་དུ་རྒྱུན་དུ་གསོལ་ཁ་གསུང་བ་སོགས་ཀྱི་རྒྱུན་སྲོལ་ཚུགས་ཡོད་དེ་དག་གི་གསྟོང་སྒོ་དང་འཚོ་བའི་འབྱུངས་ཁུངས་ནི་གྲོང་ཚོ་སྤྱིས་སྒྲུབ་མཆོད་རེ་གཉིས་བཙུགས་པ་ལས་དེ་མིན་སློང་མོ་བྱས་ཏེ་མར་ནས་ཕྲན་བུ་སོགས་ཀྱིས་གསྟོང་སྒོའི་རྟེན་བྱེད་པ་ལས་གཞན་དག་ནི་རང་ཁ་རང་གསོའི་བྱེད་ཐབས་ལྟར་འཚོ་བ་སྤྱོད་བཞིན་པའོ། གོང་གསལ་གྱི་བརྟེན་དང་བརྟེན་པའི་སླར་གསོ་ཅུང་ཟད་ཐུབ་ཡོད་པ་འདི་དག་ནི་བསོད་ནམས་ཅན་གྱི་ཡུལ་སྡེ་དང་བཀའ་དྲིན་ཅན་གྱི་བླ་མ་ཚུལ་ཁྲིམས་བཅས་བླ་སྤྲུལ་རྣམ་པའི་བདག་རྐྱེན་ལས་བྱུང་བའོ་ཞེས་གནས་ལུགས་ཙམ་བྲིས་པས་དགེ་ལེགས་འཕེལ།

ས་མིང་ཚིག་མཛོད་མིག་བཤར།

དགོན་འདི་ནི་ཐོག་མར་ཕྱགས་འདེབས་ཚུལ་ནི་གནས་ཕྱོགས་ཁྱད་དུ་འཕགས་པ་བཀྲ་ཤིས་ཤིང་བྱིན་ཆགས་པའི་རི་གླངཆེན་གྱི་ཁྲི་འདུ་བའི་སྟེང་སྟེ་ཀླུ་རྒྱལ་མ་དྲས་པའི་ཕོ་བྲང་སྟེང་དུ་དགོན་པ་བཏབ་པས་ཀླུ་དཀྱིལ་དགོན་ཞེས་གྲགས་པ་འདི་ཉིད་ཐོག་མར་ཕྱག་འདེབས་པོ་ནི་རྗེ་ཕག་མོ་གྲུཔའི་བློན་ཆེན་འཕགས་པ་ཀླུ་སྒྲུབ་ཀྱི་རྣམ་འཕྲུལ་སྐྱོབ་པ་གཇིག་རྟེན་གསུམ་མགོན་དེའི་སློབ་མ་ལྔ་ཁྲི་ལྔ་སྟོང་བརྒྱ་ཉེར་ལྔ་བྱོན་པ་ལས་གྲུབ་ཆེན་པ་ར་ཞ་ཡི་རྣམ་འཕྲུལ་རབ་བྱུང་གསམ་པའི་ཤིང་སྤྲེལ་ལོར་ཡབ་ཀླུ་ལྡན་དང་ཡུམ་པད་མ་གཉིས་ཀྱི་སྲས་སུ་དགོན་ལུང་ཕུ་ལ་སྐུ་འཁྲུངས་ལ་གྲུབ་ཐོབ་རྒོད་འཕར་བ་ཞེས་གསོལ་བ་དབུ་སྤྱི་གཙུག་ཏུ་ངོ་མཚར་ཆེ་བའི་བྱ་རྒོད་ཀྱི་སྒྲོ་ཐུལ་ཞིག་ཡོད་པ་དེ་ཉིད་ཡི་གེ་འབྲི་ཀློག་སོགས་ལ་སྦྱངས་པ། བླ་མ་དམ་པ་སྒ་ལོ་དང་རྣལ་འབྱོར་པ་ཤེས་རབ་རྗེ། སངས་རྒྱས་སྒོམ་པ། བླ་མ་ཞང་རིན་པོ་ཆེ། སྐྱོབ་པ་འཇིག་རྟེན་མགོན་པོ་སོགས་དམ་པ་གོང་མའི་བླ་མར་གྱུར་ཏེ་གདམས་ངག་མངོན་དུ་གྱུར། སྟོབས་དང་རྫུ་འཁྲུལ་ལ་རང་དབང་མངའ། བྱ་དྲུག་གི་ལུང་བསྟན། ཨ་ཕྱི་ཡིས་ཞལ་གཟིགས། གཟའ་ཆེན་ཁྱབ་འཇུག་བྲན་དུ་འཁོལ་བ་བཅས་བྱུང་ཚེ་འབྲི་གུང་སྐོབ་པ་རིན་པོ་ཆེའི་ཞལ་ནས་ད་ལམ་ཁྱེད་ཉིད་ཀྱིས་གཞན་དོན་སྐྱོང་བའི་དུས་ལ་བབས་པས་འདན་ལུང་ལ་ཀླུ་ནད་ཀྱིཕ་འཇིགས་པ་ཡོད་པས་དེའི་ཁ་གནོན་དུ་མཚོ་རྔ་བོ་ཆེའི་སྟེང་དུ་གདན་ས་གྱིས་གསུང་པས་རབ་བྱུང་གསུམ་པའི་ཤིང་གླང་ལོ་རི་མགོ་ཟླ་བའི་དམར་ཕྱོགས་བཟའ་སྐར་འཕྲོད་སྡྱོར་དགེ་བའི་ཉིན་གནས་ལ་བྱིན་རླབས་མཛད་དེ་གདན་ས་འཛིན་པར་རྟེན་འབྲེལ་ཁྱད་པར་[page 273] ཅན་འགྲིགས་ནས་འདན་ཀླུ་དཀྱིལ་དགོན་པ་འདི་ཉིད་ཕྱག་བཏབ་ྤའོ།།

སྐུ་ཉིད་ལ་བརྒྱུད་འཛིན་སློབ་མ་མང་ལ་ཆོས་བརྒྱུད་འཛིན་པའི་དགོན་ལག་ཀྱང་མང་པོ་བྱུང་ནས་འབྲི་གུང་བཀའ་བརྒྱུད་ཀྱི་སྟན་པ་ཟླ་བ་ཡར་གྱི་ངོ་ལྟར་གོང་འཕེལ་དུ་མཛད་དེ་བསྟན་འགྲོའི་དོན་བརྒྱ་ཆེན་བགྱིས་པར་རབ་བྱུང་བཞི་པའི་ས་ཁྱི་ལོར་ངོ་མཚར་བའི་རྟགས་ཚན་དུ་མའི་སྒོ་ནས་གནས་སྐབས་ཀྱི་སྐུ་ཡི་བཀོད་པ་ཆོས་དབྱིངས་སུ་བསྡུ་བའི་ཚུལ་མཛད། གདན་རབས་རིམ་བྱུང་རགས་ཙམ་བཀོད་ན་དེའི་ཡང་སྲིད་རྗེ་བཙུན་དཀོན་མཆོག་སྐྱབས་ནས་འདན་ཁནརི་སྐུན་ཁྱབ་ཉི་མའི་བར་སྐུ་ཕྲེང་བཅུ་བཞི་བྱོན། སྤྱིར་བཏང་ཀླུ་དཀྱིལ་དགོན་ལ་གདན་རབས་ཅུ་སུ་བདུན་དང་བླ་རབས་བརྒྱད་ཅུ་བྱོན་ཟིན་གྲགས་པ་དེའི་ནང་ནས་མཁན་ཆེན་ཀརྨ་རབ་གསལ་ནས་བཟུང་ད་ལྟའི་དཀོན་མཆོག་བསྟན་འཛིན་ཐུབ་བསྟན་རྒྱ་མཚོའི་བར་སྐུ་ཕྲེང་དགུ་ཡིན། སྐུ་ཉིད་ལ་ཡོངས་གྲགས་སུ་བླ་མ་ཚེ་བསམ་ཞེས་ཀྱང་ཟེར་ད་ལྟ་རྩེ་རེ་དགོན་དུ་བཞུགས་ཡོད། གཤིན་རྗེ་གཤེད་མར་གྱི་རྣམ་འཕྲུལ་དཀོན་མཆོག་ཡོན་ཏན་རྒྱ་མཚོའི་ཡན་ལ་སྐུ་ཕྲེང་དྲུག་བྱོན་ཡོད་པ་འདྲ་ཡང་རྣམ་ཐར་གྱི་ཡིག་ཚོགས་མེ་པས་འབྲི་ཐབས་བྲལ། བཤད་སྒྲུབ་ཀྱི་བསྟན་པ་ཚུགས་ཚུལ་ནི་མདོ་སྔགས་རྒྱུད་སྡེ་ཀུན་གྱི་ཡང་རྙིང་དཔལ་བསྒྲུབ་བརྒྱུད་ཀྱི་བསྟན་པ་རིན་པོ་ཆེ་སྐྱེས་ཆེན་དམ་པ་གོང་མ་རྣམས་ཀྱི་སྐུ་རིང་ལ་གནས་མཆོག་འཛམ་ལུང་ནང་དུ་བཤད་གྲྭ་ཞིག་དང་། འདྲེན་མའི་མཚམས་ཁང་དཀར་པོ་རུ་སྒྲུབ་གྲྭ་བཙུགས་ཏེ་མཁན་པོ་ཀརྨ་རབ་གསལ་གྱིས་མཛད་དེ་མསྡོ་སྔགས་རིག་གནས་དང་གདམས་ངག་གི་བརྒྱུད་པ་སོགས་སྤེལ་བ་བཅས་བཤད་སྲོལ་ཙམ་མཆིས་ཀྱང་ལོ་རྒྱུས་ཁུངས་དག་ཚད་ལྡན་ཤེས་མཁན་དཀོན་པས་ཞུ་ཐབས་མ་མཆིས་སོ།།

དམ་པ་གོང་མའི་སྐུ་རིང་དུ་རྟེན་དང་བརྟེན་པའི་རྣམ་བཞག་མདོ་ཙམ་བཀོད་ན་རྒྱ་ཁྱོན་གཞུ་འདོམ་གྲུ་བཞི་མ་བརྒྱ་དང་གསུམ་ཙམ་ཟིན་པ་ལ་འདུ་ཁང་གཅིག མགོན་ཁང་གཅིག གཉེར་ཁང་གཅིག་བླ་བྲང་གསུམ་གྲྭ་ཤག་ཉེར་དགུ་བཅས་ཡོད་ཅིང་། སྐུ་སྟེན་དུ་དྲུང་ཚུལ་ཁྲིམས་འོད་ཟེར་གྱི་སྐུ་སྨན་འདམ་ལས་གྲུབ་པ་ནང་བརྟེན་དུ་ལི་གསེར་ལས་གྲུབ་པའི་ཉིད་ཀྱི་སྐུ་གྲུ་ཚད་ཙམ་དང་སངས་རྒྱས་རབས་བདུན་གྱི་རིང་བསྲེལ་སོགས་རྒྱ་བོད་བྱང་སེམས་གྲུབ་བརྙེས་ཀུན་གྱི་དབུ་ལོ་བཅས་བཞུགས་པ་གསངས་བྱོན་མ་ཞེས་གྲགས་པ་ཞིག་དང་ལི་གསེར་ལས་གྲུབ་པའི་སྐྱོབ་པའི་སྐུ་གྲུ་ཚད་ཙམ་གཅིག་ཅང་རྡོ་རྗེ་དྲག་གི་སྐུ་བྱིའུ་དྲོད་མ་ཞེས་བཅས་དང་གཞན་ཡང་ཟངས་གསེར་དང་སྨན་འདམ་ཙན་དན་སོགས་ཀྱི་སྐུ་འདྲ་གྲངས་བགྲང་པར་དཀའ་བ་ཞིག་ཡོད་པར་གྲགས། གོས་སྐུ་ལྔ་དང་སྒ་ལོའི་ཤངས་ཁྲག་གིས་བྲིས་བའི་ཐང་ནག་བཞི། འབྲི་གུང་བཀའ་བརྒྱུད་གསེར་ཕྲེང་གི་སྐུ་ཐང་འགང་ཆེན་བཅས་གྲགས་མང་ཡོད་དོ། གསུང་རྟེན་དུ་གླིང་འདན་མའི་འབུམ་བཅུ་དྲུག་ཤོག་ནག་གསེར་བྲིས་ཅན་དང་། སྣག་པར་གྱི་བསྐའ་བསྟན་འགྱུར་ཆ་བདུན་སོགས་གདུང་རབ་གླེགས་བམ་འབོར་ཆེན་ཡོད་ལ། ཐུགས་རྟེན་དུ་བཀའ་གདམས་མཆོད་རྟེན་གྲུ་ཚད་ཙམ་གསམ་དང་། གནམ་ལྕགས་རྡོ་རྗེ་[page 274] འབར་མ་ཞེས་པ་སོགས་ཡོད། ཆོད་རྫས་སྐོར་ལ་མཁར་རྔ་དར་ལེན་དབྱངས་ཁྱབ། རོལ་མོ་འབྲུག་བརྒྱ་མ་ཨ་དཀར་སིལ་སྙན་ཞེས་བྱ་བ་ཤང་ཤང་གིས་ཀླུ་ཡུལ་ནས་གདན་དྲངས་ཡོང་བར་གྲགས་པ་ཞིག་སིལ་སྙན་མཎྡལ་མ་སོགས་སྦུབ་སིལ་ཆ་སོ་བརྒྱད་ཙམ་དང་། གསེར་དངུལ་གྱི་རྒྱ་གླིང་ཆ་གཉིས། གཞན་ཡང་གསེལ་དངུལ་གྱི་མཆོད་ཆས་འབོར་ཆེན་མཆོས་སོ། གོང་བཀོད་ཀྱི་རྟེན་དང་བརྟེན་པའི་བདག་པོ་དང་དེའི་ཆོས་སྟེ་སྤྱི་པའི་རྟེན་རྩ་སོགས་དམ་པ་གོང་མའི་སྐུ་རིང་ལ་སྤུལ་སྐུ་གསུམ་བླ་མ་གཉིས་མཁན་པོ་གཅིག་གྲྭ་པའི་ཞལ་གྲངས་དྲུག་ཅུ་ལྷག་ཡོད། དེའི་ཆོས་སྡེ་ལ་སྔོན་རྒོད་འཕུར་པ་དང་རྗེ་བརྩུན་དཀོན་མཆོག་ཆོས་སྐྱབས་རྣམས་ཀྱི་སྐུ་རིང་དུ་ཡར་ལོག་བསྟན་པ་དར་རྒྱས་དང་གླིང་རྗེ་འདན་མ། ཡུས་ཤུལ་མཁན་པོ་སྣ་ཆེ་སོགས་ཀྱིས་ཡོན་བདག་བགྱིས་སྟེ་དགོན་འདིའི་བསྟན་པའི་མཐུན་རྐྱེན་གྱི་མཆོད་ཐེབས་ལ་སོང་བའི་སྟོང་སྐུ་དེའུ་ལེ་ཡན་ཆད་དང་སྟོད་སྟག་བརྒྱད་ཆུ་མིག་མན་ཆད། བྱང་ནས་འབྲི་རྫ་ཕྱུག་མོ་ཚུན་ཆད་དང་ཆུ་བོ་གསེར་ལྡན་ཕ་རོལ་གྱི་སྡེ་ལ་གདམས་འདུས་གྲོང་པ་ཚུ་རོལ་ནས་དགོན་སིང་། དེ་རྒོད་སྡོམ་གསུམ། སྨད་ནས་དྲན་ཆིལ་མཇལ་སེང་བཞི། སྟོད་ལ་ལྷ་ལུང་སྟག་བརྒྱད་སོགས་ལས་བསྡུ་རྒྱུགས་བྱས་པའི་མར་ཆུར་འབྲི་རིགས་དེ་རྣམས་འཚོ་བའི་རྟེན་གཞི་དང་སྒྲུབ་པ་བཙུགས་རྟེན་མཛད་སྐབས་ལྷ་ལུང་དང་སྟག་བརྒྱད་གཉིས་ས་སྐྱའི་ཆོས་སྡེ་རུ་བསྒྱུར་དྲན་པ་ཡེ་ཤེས་ཀྱིས་དྲན་ཐང་དགོན་པ་བཏབ་པས་དྲན་ཐང་དང་ཆིལ་འདྲ་གཉིས་བཀའ་བརྒྱུད་པའི་ཆོས་སྡེ་རུ་བསྒྱུར། སོག་བསྟན་འཛིན་ཆོས་རྒྱལ་གྱིས་སེང་བའི་མཁར་རྣམ་རྫོང་བཞེངས་སྐབས་མཇལ་གསིང་གཉིས་དེའི་ཆོས་སྡེ་རུ་བཀོད། ངེ་རྒོད། སྡོམ་གསུམ་ཀླུ་དཀྱིལ་དགོན་གྱི་ཆོས་ཐེབས་སུ་བཀོད། དེ་ནས་བཟུང་དགོན་འདི་ཉིད་ནས་བླ་སྤྲུལ་གཉིས་རེ་སོག་བསྟན་འཛིན་ཆོས་རྒྱལ་གྱི་གྲགས་བཞི་ཉེར་ལྔའི་གྲལ་དུ་ཡོད་དེ་ནས་རེ་ཞིག་ན་དགོན་འདི་ས་གཡོས་འཇིག་སྟེ་སླར་གསོ་མགྱོགས་པ་མ་ཐུབ་པ་དང་དམ་པ་གོང་མ་རྣམས་ཀྱང་ཞིཕང་དུ་བྱོན་ནས་ཡང་སྲིད་ཁྲིར་འདོན་མ་ཐུབ་པའི་སྐབས་ཤིག་ལ་ངེ་རྒོད་སྡོམ་གསུམ་ཡང་དྲན་ཐང་དགོན་པའི་ཆོས་སྡེ་ལྟ་བུར་གྱུར་སོང་བ་འདྲ། བརྒྱད་པ་ཡུལ་སྡེ་དགོན་པ་གཞན་དང་འབྲེལ་བའི་ཚུལ་ནི་དགོན་འདིའི་བུ་དགོན་མང་པོ་ཞིག་ཡོད་པར་གསུངས་ཀྱང་ད་ལྟ་རྒྱུན་ཡོད་རྣམས་བོད་ན་ཐང་དཀར་དགོན་པ། ཨ་ཡང་དགོན། ལུ་ཁམས་དགོན། རྩེ་ར་དགོན། གའུ་དགོན་སྒྲུབ་རྒྱུད་དགོན། སྔ་ཁོག་དར་རྒྱས་དགོན། དཔེ་རྙིང་དགོན། ཆོས་མཛོད་དགོན། འབར་དགོན། མགྲོན་མདའ་སྒྲུབ་དགོན་སོགས་ཡིན་པར་གྲགས་སོ།།

དགུ་པ་དེང་གི་གནས་ཚུལ་ནི་འདན་སྤྲུལ་ཀུན་ཁྱབ་ཉི་མ་དང་དཀོན་མཆོག་བསྟན་འཛིན་ཐུབ་བསྟན་རྒྱ་མཚོའི་ཐུགས་རྗེས་དང་བསྟན་པའི་སྦྱིན་པ་རྣམས་ཀྱིས་བསོད་རྣམས་བསགས་པའི་འབྱོར་པ་ལ་བརྟེན་ནས་སྔོན་གྱི་གཙུགལག་ཁང་ཉམས་གསོ། སྐུ་གསུང་ཐུགས་བརྟེན་ཡང་བཞེངས་པ་རྒྱ་ཆེན་མཛད་ཡོད། དགོན་པའི་ཁོར་གི་རྒྱ་ཁྱོན་ལ་མུའུ་ལྔ། གཙུག་ལག་ཁང་གཅིག་མགོན་ཁང་གཅིག་སྒྲུབ་ཁང་གཉིས། གྲྭ་ཤག་བཅུ་བླ་གྲྭའི་ཞལ་གྲངས་ཉེར་གསུམ་བཅས་དང་། སྐུ་གསུང་ཐུགས་རྟེན་དུ་རྒྱ་གར་ཤར་ལི་[page 275] གཅིག་རྡོ་རྗེ་འཆང་གི་སྐུ་ལི་གསེར་ལས་གྲུབ་པ་གཅིག ཐང་ནག་གསེར་ཐང་གཉིས་རྗེ་སྐྱོབ་པའི་གསེར་ཐང་གཅིག རྒྱལ་བའི་བཀའ་དང་རྗེས་འཇུག་མཁས་པའི་བསྟན་བཅོས་ཆ་གཅིག་སོགས་མཆིས་སོ།།

སྒྲུབ་པ་དུས་མཆོད་ཚུགས་ཚུལ་ནི་དགུ་ཆེ་ཆུང་གཉིས་དང་། བསྐང་བཤགས། རྡོར་སེམས། རི་བསྟོད་དང་སྤྱི་རིམ། ལྔ་མཆོད་བཅས་ཚུགས་ཡོད། དེ་དག་གི་རྟེན་རྩ་དང་འཚོ་བའིཕ་འབྱུང་ཁུངས་ནི་དགོན་པས་སྡེ་བར་སློང་མོ་བྱས་པའི་འབྲུ་མར་དང་གྲྭ་པ་རང་ཉིད་ཀྱིས་རང་ཁ་རང་གསོའི་བྱེད་ཐབ་ལ་གཞི་འཛིན་བཞིན་ཡོད། བཤད་གྲུབ་ཀྱི་བསྟན་པ་སྐྱོང་ཚུལ་ལ་ད་ལྟ་བཤད་པའི་བསྟན་པ་ཚུགས་མེད་ལ་གྲུབ་པའི་བསྟན་པ་བླ་མ་ཚེ་བསམ་གྱི་བཀའ་དྲིན་ལ་བརྟེན་ནས་སྒྲུབ་ཁང་དུ་གྲྭ་བཞི་བཞུགས་བཅུག་ནས་དཀོན་མཆོག་སྤྱི་འདུས་སོགས་བསྙེན་སྒྲུབ་མཛད་བཞིན་པའོ། ཞེས་ཅུང་ཟད་བཀོད་པ་འདི་དག་རྒན་རབས་ཀྱི་ངག་རྒྱུན་ལྟར་བྲིས་པ་དགེའོ།

ས་མིང་ཚིག་མཛོད་མིག་བཤར།

དགོན་པ་འདི་ཐོག་མར་ཕྱག་འདེབས་པ་པོ་ནི་ཕྱོགས་ངེས་མེད་ནས་བྱོན་པའི་རྟོགས་ལྡན་བསྟན་འཛིན་ཤེས་རབ་ཅེས་པའི་མཚན་ཅན་དེས་རབ་བྱུང་བཅུ་གཉིས་པའི་དཀྱིལ་ཙམ་དུ་གནས་དེར་བྱིན་གྱིས་རླབས་སྟེ་ཇོ་མོའི་དགོན་པ་ཞིག་ཕྱག་བཏབ་པ་ལ་བསམ་གཏན་ཆོས་གླིང་ཞེས་མཚན་གསོལ། སྐྱེས་མཆོག་དམ་པ་འདི་ཉིད་ཀྱི་རྣམ་ཐར་གསལ་པོ་ཤེས་མཁན་དེང་དཀོན་ལ་ཁོང་དགོངས་པ་ཆོས་དབྱིངས་སུ་ཐིམ་རྗེས་དགོན་པ་འདི་རྩེ་སྤྲུལ་དཀོན་མཆོག་ངག་དབང་འཕྲིན་ལས་མཆོག་གིས་བརྩེ་བསྐྱངས་བ་མཛད་པ་ཞིག་ཡིན་ལ་དེའི་སྐབས་དགོན་པ་འདིར་ལྷ་ཁང་གཅིག ཇ་ཁང་གཅིག གྲྭ་ཁང་བཞི་བཅུ་ལྷག གྲྭ་བཙུན་མ་བརྒྱ་ཡས་མས་ཡོད་པའི་བཀའ་བརྒྱུད་ཅུང་བརྒྱད་ལས་འབྲི་གུང་བཀའ་བརྒྱུད་ཀྱི་འཛིན་པ་ཞིག་ཡིན། སྐུ་སྟེན་དུ་ལི་གསེར་ལས་གྲུབ་པའི་ཐུབ་སྐུ་ལྔ། འཇམ་དབྱངས་སྐུ་གསུམ། ཟངས་གསེར་ལས་གྲུབ་པའི་རྡོ་སེམས་སྐུ་ལུས་ཚད་ཙམ་གཉིས། སྤྱན་རས་གཟིགས་ཀྱི་སྐུ་གཉིས། གུ་རུ་མཚན་མཚན་བརྒྱད་ཀྱི་སྐུ་སྒྲོལ་མ་ཉེར་གཅིག་གི་སྐུ། འབྲི་གུང་སྐྱོབ་པ་རིན་པོ་ཆེའི་སྐུ་གཅིག་བ་སོ་ལས་གྲུབ་པའི་གུ་རུའི་སྐུ་གཅིག གཞན་ཡང་གསེར་སྐུ་ཆུང་ངུ་མང་ཙམ་ཡོད་ཀྱང་གྲངས་ཀ་མི་གསལ། གསེར་ཐང་བཅོ་བརྒྱད་སོགས་ཡོད་དོ།།

གསུངས་རྟེན་དུ་བཀའ་བསྟན་འགྱུར་ཆ་གཅིག་སོགས་དང་། ཐུགས་རྟེན་དུ་ཟངས་གསེར་ལས་གྲུབ་པའི་མཆོད་རྟེན་བརྒྱད་བཅས་ཡོད་དོ།།

མཆོད་ཆས་སུ་དངུལ་གྱི་བདུན་ཚར་ཆ་ལྔ། དངུལ་གྱི་སྤོས་ཁང་གཅིག་གསེར་གྱི་རྒྱ་གླིང་ཆ་གཅིག དངུལ་གྱི་རྒྱ་གླིང་ཆ་གཉིས། དུང་ཆ་བཞི། རོལ་མོ་ཆ་བཅུ་གསུམ། གསེར་ལྔ་བརྒྱད། སིལ་སྙན་ཆ་བདུན། [page 276] རག་དུང་ཆ་བཞི། འཁར་རྔ་གསུམ། ཏིང་ཤགས་ཆ་ལྔ། དངུལ་བུམ་ཆ་གསུམ། དངུལ་གྱི་མཎྡལ་གཅིག བ་སོའི་ཌྰ་རུ་དྲུག དངུལ་གྱི་གཏོར་སྟེགས་ཆ་བཞི། ཕུར་བུ་གསེར་དངུལ་བཀྲ་མ་བརྒྱད། དངུལ་གྱི་ཀོང་བུ་ཆེ་ཆུང་བརྒྱད་བཅས་དང་ཚོགས་བཟང་ཆེ་ཆུང་ལྔ། སྤྱི་པའི་རྟེན་ས་ཞིང་རྨུ་བཅོ་ལྔ། ཕྱུགས་ཟོག་དྲུག་བཅུ་ལྷག་ཡོད་དོ།།

དེའི་གི་གནས་ཚུལ་ནི་དགོན་པ་འདིའི་ཕྱིའི་ལྷ་ཁང་། ནང་གི་སྐུ་གསུང་ཐུགས་རྟེན་གྱི་རྟེན་བཞེངས་རྣམས་ད་ལྟ་སྐུ་བགྲང་བྱ་གོ་གསུམ་དུ་ཟིན་པའི་འདས་ལོག་མ་མཁའ་སྤྱོད་དབང་མོའི་ཐུགས་རྗེ་དང་བཀའ་དྲིན་ཁོ་ན་ལས་བྱུང་བ་ཡིན། དགོན་པ་འདིའི་ཁོར་ཡུག་གི་རྒྱ་ཁྱོན་ལ་རྨུ་བཅོ་ལྔ་ཙམ། ལྷ་ཁང་ཀ་ཐུང་དྲུག་ཅན་ཞིག ཇ་ཁང་གཅིག གྲྭ་ཁང་ང་དྲུག གྲྭ་བཙུན་མ་ཆིག་བརྒྱ་ལྷག་བཅས་ཡོད།

སྐུ་རྟེན་དུ་ལི་གསེར་ལས་གྲུབ་པའི་སྒྲོན་སྐུ་གཅིག ཟངས་གསེར་ལས་གྲུབ་པའི་གུ་རུ་མཚན་བརྒྱད་ཀྱི་སྐུ་དང་སྒྲོན་གསུམ་སོགས་དང་། གསུང་རྟེན་དུ་བཀའ་བསྟན་འགྱུར་ཆ་གཅིག་སོགས་དང་། ཐུགས་རྟེན་དུ་མཆོད་རྟེན་ཁང་ཚད་ཙམ་ཞིག་སོགས་ཡོད་དོ། སྒྲུབ་མཆོད་སྐོར་ལ་སྒྲོལ་མའི་བུམ་སྒྲུབ། སྒྲོལ་མའི་གཡུལ་མདོས་ཀྱི་སྒྲུབ་པ། རྡོར་སེམས་ཀྱི་སྒྲུབ་པ། སྨྱུང་གནས་ཆ་བརྒྱད། སྐྱོབས་པའི་ལྔ་མཆོད། ཚེས་བཅུ་ལྷ་བབས་དུས་ཆེན་སོགས་ཀྱི་སྒྲུབ་མཆོད་ཡོད། དགོན་འདིའི་གྲྭ་རྒྱུན་རྣམས་མང་ཤོས་དཀར་མཛེས་ཁུལ་གྱི་རྫང་འགའ་ཤོས་ནས་བྱོན་པའི་ཇོ་མོ་ཡིན་ལ། ད་དུང་མཚོ་སྔོན་དང་བོད་ལྗོངས་སོགས་ནས་ཀྱང་མི་ཉུང་བ་ཞིག་ཡོད། དེ་དག་གི་འཚོ་བའི་རྟེན་གཞིའི་འབྱུང་ཁུངས་ནི་མཁའ་སྤྱོད་དབང་མོ་ཉིད་ལ་གཞན་གྱིས་ཕུལ་བའི་འབུལ་བ་རྣམས་གཞིར་བྱས་པའི་དགོན་པ་རང་ཁ་རང་གསོ་ཡི་ཚུལ་དུ་ཡོད་དོ། སྟོན་པའི་བསྟན་རིན་པོ་ཆེ་ཉམས་བཞེས་མཛད་ཚུལ་ནི་ཐོག་མ་སྔོན་འགྲོ་ཀུན་བཟང་བླ་མའི་ཞལ་ལུང་སོགས་ཀྱི་ཁྲིད་ཡིག་རྣམས་ལ་ཐོས་པ་བྱས་སྟེ་དེ་ནས་རིམ་བཞིན་སྒྲུབ་སྦྱོངབཅས་ཉམས་རྟོགས་སྐྱོང་བར་འབད་བརྩོན་ཁོ་ནས་དུས་འདའ་བ་བྱེད་པའི་བཀའ་དྲིན་གྱི་བདག་རྐྱེན་གྱིས་དགོན་འདིའི་གྲྭ་བཙུན་མ་རྣམས་དུས་སྐབས་འདི་དང་བསྟུན་ན་སངས་རྒྱས་བསྟན་པའི་མཛེས་རྒྱན་ལྟ་བུར་འགྱུར་བཞིན་ཡོད་ྤའོ།།

ཞེས་པ་འདི་ནི་བཀའ་དྲིན་ཅན་མཁའ་སྤྱོད་དབང་མོ་གཙོས་རྒན་རབས་འགའི་ངག་རྒྱུན་ལྟར་བྲིས་པ་དགེའོ།

ས་མིང་ཚིག་མཛོད་མིག་བཤར།

དཔལ་ལྡན་ས་སྐྱ་པ་གོང་མ་རྣམ་ལྔ་ལས་དམར་པོ་རྣམ་གཉིས་ཀྱི་ནང་ས་གསུམ་ན་འགྲན་ཟླ་བྲལ་བའི་སྐྱེས་ཆེན་དམ་པ་འགྲོ་མགོན་ཆོས་རྒྱལ་འཕགས་པ་མཆོག་གིས་རབ་བྱུང་བཞི་པའི་ནང་དུ་འདན་ཆོས་སྡེ་བསམ་གྲུབ་དགོན་པ་དང་རབ་ཆོས་རྣམ་རྒྱལ་དགོན་པ་གཉིས་པ་བཏབ་པ་ལ་རེ་ཞིག་[page 277] ན་ས་གཡོས་འཇིག་པ་བྱུང་པ་སྟེ་དགོན་པ་དེ་གཉིས་ཞིག་རལ་དུ་སོང་། རབ་བྱུང་བཅུ་གཉིས་པའི་སྨད་ཙམ་དུ་དཔལ་ས་སྐྱའི་བདག་ཆེན་དཔལ་ལྡན་ཆོས་སྐྱོང་མཆོག་གིས་དགོན་པ་དེ་གཉིས་གཅིག་ཏུ་བསྡོམས་པ་ད་ལྟའི་དགོན་པ་འདི་ཉིད་ཡི། དེ་ནས་བཟུང་དགོན་པ་འདིར་ས་སྐྱ་བླ་སྐོས་ཞེས་ས་སྐྱ་གོང་ནས་བླ་སྐོས་བཏང་བའི་སྲོལ་དང་བོར་པ་བླ་མ་ཞེས་དགོན་འདིའི་བླ་མ་རྣམས་ལ་ལས་བསྟན་པའི་བདག་པོ་ཞིག་ས་སྐྱ་གོང་མས་བསྐོ་བཞག་དང་ཐོབ་ཐང་གནས་པའི་སྲོལ་རྒྱུན་དར་བ་ནས་དགོནཔ་འདི་ཉིད་ས་ངོར་གཉིས་ལྡན་གྱི་ཕྱག་ལེན་ཅན་ཞིག་ཏུ་གྱུར་ཏེ་ད་ལྟའི་བར་རྒྱུན་སྲོལ་དེའི་རང་ཚུགས་མ་ཉམས་པ་ཡོད།

གཉིས་པ་རྟེན་དངབརྟེན་པའི་བྱུང་བ་རགས་ཙམ་བརྗོད་ན་གནས་འདིར་སྒྲུབ་བརྒྱུད་ཤིང་རྟ་བརྒྱད་ཀྱི་སྐྱེས་ཆེན་དུ་མ་ཞིག་གིས་ཞབས་ཀྱིས་བཅགས་ཏེ་བྱིན་གྱིས་བརླབས་ལ། ཁྱད་པར་དུ་དཔལ་ལྡན་ས་སྐྱ་པའི་དམ་པ་རིམ་བྱོན་ཕེབས་བཞུགས་དང་ཐུགས་རྗེའི་བདག་རྐྱེན་ལས་དགོན་པ་འདིར་བཤད་སྒྲུབ་ཀྱི་བསྟན་པ་རིན་པོ་ཆེ་ཡང་དར་རྒྱས་ཧ་ཅང་བྱུང་སྟེ་མདོ་སྔགས་རིག་གནས་དང་བཅས་པ་ཐོག་མར་ཐོས་བསམ་སྒོམ་གསུམ་གྱིས་རང་རྒྱུད་གྲོལ་བ། བར་དུ་འཆད་རྩོད་རྩོམ་གསུམ་གྱིས་གཞན་སྒྱུད་སྐྱོང་བ་མཐའ་མར་འཛིན་སྐྱོང་སྤེལ་གསུམ་གྱིས་བསྟན་པ་ཕྱོགས་མཐའ་རུ་རྒྱས་པ་མཛད་པའི་མཁས་སྒྲུབ་གཉིས་ལྡན་གྱི་དམ་པ་བགྲང་ལསའདས་པ་ཞིག་བྱོན་ཟིན་ཡང་། རྣམ་ཐར་ཞིབ་མོར་མི་གསལ་བས་མ་བཀོད་ལ་ད་ལྟ་བཞུགས་བཞིན་པའི་རབ་ཆོས་སྤྲུལ་སྐུ་གདི་ཉིད་ཀྱང་ངོར་པ་བླ་མ་གོང་མ་རྣམས་ཀྱི་བླ་སྤྲུལ་ཡིན་པར་ངོས་འཛིན་གནང་བ་ཞིག་ཡིན། དམ་པ་གོང་མའི་སྐུ་རིང་དུ་དགོན་པ་འདིར་གཙུག་ལག་ཁང་བཞི། མགོན་ཁང་གཅིག སྒྲུབ་ཁང་གཅིག བཤད་གྲྭ་ལྷ་ཁང་གཅིག གྲྭ་ཤག་ཆིག་བརྒྱ་ལྷག གྲྭ་པའི་ཞལ་གྲངས་སུམ་བརྒྱ་ལྔ་བཅུ་ལྷག་སྐུ་རྟེན་དུ་མིས་རྩོལ་སྐྲུན་ལས་གྲུབ་པ་མ་ཡིན་པའི་མི་མ་ཡིན་གྱིས་བཞེངས་པར་གྲགས་པའི་མགོན་པོའི་བདག་སྐུ་ངོ་མཚར་ཅན་གཅིག་དང་ས་སྐྱ་གོང་མ་སྐུ་དངོས་ནས་ཕྱག་བཟོ་མཛད་དེ་གནང་བའི་བེག་ཙེ་དང་དུར་བདག་ཡབ་ཡུམ་གྱི་འདག་སྐུ། ལི་གསེར་ལས་གྲུབ་པའི་བདེ་མཆོག་ཡབ་ཡུམ་གྱི་འདག་སྐུ་མདའ་ཚད་ཙམ་གཅིག་གོང་མ་རིན་པོ་ཆེ་སྐུ་ཉིད་ཀྱིས་ཉིད་ཀྱི་ཤངས་ཁྲག་གིས་བྲིས་མཛད་དེ་གནང་བའི་བེག་ཙེའི་ཐང་སྐུ་བཅས་དང་། ལི་གསེར་དང་ཟངས་གསེར་ལས་གྲུབ་པའི་སྐུ་འདྲ་ཆེ་ཆུང་སྣ་མང་དང་ཐང་ནག་གསེར་བྲིས་ཅན་དང་གོས་ཐང་སོགས་རིན་ཐང་བྲལ་བའི་རྟེན་རྙིང་འབོར་ཆེན་ཞིག་ཡོད་ཅིང་། གསུང་རྟེན་དུ་ཤོག་ནག་ལ་གསེར་གྱིས་འབུར་བྲིས་བྱས་པའི་བཀའ་བསྟན་འགྱུར་ཆ་གཅིག་དང་མཚལ་གྱིས་བྲིས་པའི་བཀའ་བསྟན་འགྱུར་ཆ་གསུམ་སོགས་གསུང་རབ་གླེགས་བམ་གྲངས་མང་ཞིག་མཆིས་སོ། ཐུགས་རྟེན་དུ་ཟངས་གསེར་ལས་གྲུབ་པའི་རྣམ་རྒྱལ་མཆོད་རྟེན་དང་བསམ་གྲུབ་མཆོད་རྟེན་ཁང་ཚད་ཕྱེད་གཉིས་ཙམ་གཉིས་ལ་ནང་རྟེན་དུ་སངས་རྒྱས་འོད་སྲུང་གི་གདུང་རུས་དང་གོང་མ་རིམ་བྱོན་གྱི་གདུང་ཚྰ་སོགས་ཁྱད་འཕགས་དུ་མ་བཞུགས་པ་ཞིག་དང་། དེ་མིན་ཡང་བཀའ་[page 278] གདམས་མཆོད་རྟེན་སོགས་འགང་ཆེན་ཡོད་ལ།

དེང་གི་གནས་ཚུལ་རགས་ཙམ་བརྗོས་ན་དགོན་འདིའི་ཁོར་ཡུག་གི་རྒྱ་ཁྱོན་ལ་མུའུ་བརྒྱ་དང་བཞི་བཅུ་ལྷག་ཡོད་པ་ལ་གཙུག་ལག་ཁང་གཅིག་མགོན་ཁང་གཅིག བླ་བྲང་གཅིག གྲྭ་ཤག་སུམ་ཅུ་ལྷག བླ་གྲྭའི་ཞལ་གྲངས་ཆིག་བརྒྱ་ལྷག་ཡོད་ྤའོ།།

སྐུ་གསུང་ཐུགས་རྟེན་དུ་གསེར་སྐུ་ཆེ་ཆུང་བཅུ། མགོནཔོའི་འཁོར་གྱི་སྲུང་མ་ཆ་ཚང་གི་འདག་སྐུ་སོགས་དང་བཀའ་བསྟན་འགྱུར་ཆ་རེ་ཐང་སྐུ་རྙིང་པ་ཡང་འགའ་ཤས་དང་མཆོད་ཆས་རྙིང་པ་འགའ་ཙམ་བཅས་ཡོད་དོ།། ཚེས་དུས་སྒྲུབ་མཆོད་སོགས་ཚུགས་ཟིན་པ་ནི་དགུ་ཆེན། དགུ་ཆུང་འཆམ་དང་བཅས་སྙུང་གནས་མ་ཎི། ས་སྐོར་གཞན་ཡང་རྒྱུན་དུས་བཞི་རྒྱུན་ཚོགས་དང་མགོན་བླ་བཅས་ཆག་མེད་དུ་འཚོགས་པ་སོགས་ཡོད་ལ་དེ་དག་གི་གཏོང་སྒོ་དང་འཚོ་བའི་འབྱུང་ཁུངས་ནི་དགོན་པའི་རང་ཁ་རང་གསོ་ཡི་བྱེད་ཐབས་ལ་གཞིར་བཟུང་ནས་འཚོ་བ་སྤྱོད་དགོས་པ་ཞིག་ཡིན།

གོང་གསལ་སླར་གསོ་ཅུང་ཟད་ཐུབ་པ་དག་ནི་ཐོག་མར་བླ་མ་རིན་པོ་ཆེ་ཐུབ་པ་བསྟན་ལེགས་བཤད་ཀྱིས་གཙོ་བོ་མཛད་པའི་བླ་སེར་དང་འབྱོར་བ་ལྡན་ལ་ལྷག་བསམ་དཀར་བའི་སྦྱིན་བདག་རྣམས་ཀྱི་བཀའ་དྲིན་ལས་བྱུང་བ་དང་། ད་ལྟ་ནི་མཆོག་སྤྲུལ་འཇམ་དབྱངས་བསྟན་པའི་དབང་ཕྱུག མཁན་པོ་བློ་གྲོས་བརྟན་པ། ཆོས་ཁྲིམས་འཇམ་དབྱངས་རྒྱལ་མཚན། ཉི་མ་དཀུན་དགའ། མཆོད་དཔོནའཇམ་དབྱངས་ཆོས་བཟང་སོགས་ཀྱིས་གཙོ་འགན་བཞེས་ཏེ་རྒྱལ་བསྟན་རིན་པོ་ཆེ་ཉམས་པ་སླར་གསོ་དང་མི་ཉམས་གོང་འཕེལ་དུ་སྤེལ་བཞིན་ྤའོ།། ཞེས་ཅུང་ཟད་བཀོད་པ་དེ་དག་ནི་གོ་ཐོས་ཀྱི་ཡུལ་དུ་གྱར་པ་རྣམས་བྲིས་པར་དགེ་ལེགས་སུ་གྱུར་ཅིག

ས་མིང་ཚིག་མཛོད་མིག་བཤར།

གྲུབ་ཆེན་ཤ་ཝ་རི་བའི་རྣམ་འཕྲུལ་ཧོར་བླ་མ་གླང་ནག་སངས་རྒྱས་རིན་ཆེན་བཙུགས་ནས་ལོཕ་ཁ་ཤས་རིང་སྦྲ་གུར་ལ་བརྟེན་ཏེ་གནས་ངེས་མེད་དུ་བྱས་པ་མ་གཏོགས་ངོས་བཟུང་ཆེར་མེད། ད་ལྟའི་ས་གནས་འདིར་སའི་ཀ་བ་བཞི་དང་སྲུང་བ་བཞི་སོགས་དཔལ་ལེགས་པའི་མཚན་ཉིད་ཚང་བ་དང་། གཞན་ཡང་བཀྲ་ཤིསརྟགས་བརྒྱད་ཀྱི་དབྱིབས་མཚོན་ཡོད་པའི་རི་གསེར་ཉ་འདྲ་བའི་དབུས་ན་མདོག་གཡུ་ལྟར་སྔོ་བ་རི་གླང་དར་མ་གཉིས་འདུག་ས་དེ་ལ་མཚན་ཉིད་ཚང་བའི་གནས་འདིར་དགོན་གྱི་ཕྱག་འདེབས་པ་པོ་ནི་རྗེ་བཙུན་སྒྲོན་མས་ལུང་བསྟན་པའི་གནས་མཆོག་རྒྱལ་བས་ལུང་གིས་ཟིན་པའི་རོང་ཆེན་རྡོ་རྗེ་འཆང་གི་གདན་སར་ཀླུ་ལྡིང་མི་འགྱུར་རྒྱལ་མཚན་གདན་རབས་སོ་དྲུག་པ་དེ་ཉིད་ཀྱིས་རབ་བྱུང་བཅུ་གཉིས་པའི་[page 279] མཇུག་ཙམ་ལ་མདོ་ཁམས་སུ་ཆིབས་ཀྱི་ཁ་ལོ་བསྒྱུར་ཏེ་ཆོས་སྲིད་ལུགས་གཉིས་ཀྱི་མཛད་བཟང་དགུང་ལ་བསྙེགས་པ་ལྟ་བུའི་སྐབས་སུ་ཕྱག་བཏབ་མཛད་ནས་གླིང་ཡག་དགོན་ཞེས་ཟེར། བཀྲ་ཤིས་གསེར་ཉ་འཁྱིལ་བའི་དབུས་ན་བཞུགས་པའི་ཆོས་སྡེའི་མཚན་བཀྲ་ཤིས་ཆོས་གླིང་དགོན་ཞེས་ཐོག་དེ་ནས་གཟུང་དཔལ་བརྩེ་བ་ཆེན་པོའི་རིང་ལུགས་ས་ངོར་རྒྱུན་འཛིན་ཡིན། ཕྱིས་སྡེ་དགེའི་ཆོས་རྒྱལ་ཆེན་པོའི་མངའ་འོག་ས་དགོན་ཉེར་ལྡ་ཞེས་པའི་གྲས་སུ་བགྲངས་བ་ཡིན། དེ་ནས་བར་སྐབས་སུ་སོག་རྟ་ཁྲབ་ཅན་དང་ཉག་དམག་གི་དུས་སྡེ་དགོན་གཏོར་བརླག་ཅུང་སོང་། ཐོག་མར་འགོ་འཛུགས་པའི་བླ་ཆེན་སངས་རྒྱས་རིན་ཆེན་རང་ཉིད་ཀྱི་གདན་སར་ཕྱིར་ཕེབས་ཏེ་སྡེ་དགོན་ཡོངས་རྗེར་སོར་ཡུལ་འདིར་སྐུ་སྐྱེ་བཞེས་འོང་བའི་ལུང་བསྟན་ཐོག་ཏུ་ཁེལ་ཏེ་ངོ་མཚར་བའི་ལྟས་དང་བཅས་བསོད་ནམས་དཔལ་མཆོག་གྲགས་པ་དེ་ཆེ་ཡོ་རིག་འཛིན་ཆེན་བོ་དང་སྐུ་མཆེད་དུ་གྱུར་ཏེ་སྐུ་འཁྲུངས། སྡེ་དགེ་ཆོས་རྒྱལ་གྱི་དབུ་བླར་ཕེབས་ནས་མཆོད་ཡོན་ཟུང་འབྲེལ་དུ་སོང་ནས་གཙུག་ལག་ཁང་སོགས་ཀྱི་བཞེངས་རྩ་བྱས་པའི་མཐུན་རྐྱེན་བསྒྲུབ་པ་དང་སྐུ་ཉིད་ས་ངོར་ཀྱི་གྲྭ་སར་བྱོན་ནས་ཐོས་བསམ་རྒྱ་ཆེར་མཛད་པ་དང་སྟན་འགྲོར་སྨན་པའི་སྐྱེས་ཆེན་དུ་མ་བྱོན་ཏེ་དགུང་གྲངས་མཐོན་པོར་བཞུགས་ནས་མྱ་ངན་ལས་འདས་སྐབས་དང་སྐུ་གདུང་བཞུ་འབུལ་སོགས་ཀྱི་དུས་འཇའ་འོད་འཁྱིལ་བ་དང་ངོ་མཚར་བའི་ལྟས་དུ་མ་ཡོད་པར་མངོན། དེ་རྗེས་བྱམས་པ་བསོད་ནམས་རྒྱ་མཚོ། ཀུན་དགའ་འགྲོ་མགོན་བསྟན་འཛིན་མཁྱེན་རབ་དགེ་བའི་དབང་པོ་སོགས་སྐུ་ཕྲེང་བར་མ་ཆད་པར་བྱོན་ཀྱང་བསྒྲེས་པ་རྣམས་སྐུ་གཤེགས་སྐྱེ་ཕྲེང་རྣམས་ཀྱི་རྣམ་ཐར་ཀྱི་ཡི་གེས་ཕོངས་བས་འཁྲུངས་ལོ་དང་ཡབ་མེས་ཀྱི་མིང་སོགས་བྲི་རྒྱུ་རྔོ་མ་ཐོགས་མཁྱེན་རབ་དགེ་བའི་དབང་བོའི་སྐུ་སྐྱེ་སྙན་གྲགས་ཤེས་བྱ་མཐར་ཕྱིན་རྫ་སྟོད་ཕྱོགས་སུ་དགེ་རྩེ་འོག་མ་ཟེར་བའི་ཡུལ་དེའི་ནང་མུ་ར་པད་མ་བདེ་ཆེན་དང་སྐུ་མཆེད་དུ་གྱུར་ཏེ་ངོ་མཚར་བའི་ལྟས་དང་བཅས་སྟེ་སྐུ་འཁྲུངས་ཁང་གཞོན་ནུའི་དུས་སུ་སྐུ་ལུས་ལ་འོད་འབྱུང་བ་སོགས་བྱིས་པའི་སྤྱོད་པ་ལས་འདས་པའི་ངང་ཚུལ་བཟང་བོ་སོགས་ཡོད། ཚུལ་དང་འཕན་ཡུལ་ན་ལེཎྡའང་རྒྱུན་གྱི་དབང་བོར་ཁེབས་ཏེ་ཀུན་མཁྱེན་རོང་སྟོན་ཆེན་པོའི་གདན་སར་ཡུན་རིང་བཞུགས་སྟེ་ཐོས་བསམ་སྒོ་གསུམ་མཛད་པ་ལྷུར་བཞེས་ས་ངོ་ཚར་གསུམ་གྱི་བཀའ་ཆོས་མང་དུ་གསལ་ཏེ་ཉམས་བཞེས་མཛད་མཐར་གནས་ཆུང་ཆོས་སྐྱོང་གི་ཕྱག་གི་རྟེནམདུན་གནང་སྟེ་གདན་སར་ཕེབས་དགོས་པའི་ལུང་བསྟན་བྱུང་ནས་གདན་སར་ཕེབས་གྲུབ་ཚུལ་ཀྱི་མཚན་མ། སྟོད་ཕྱོགས་སུ་འབུལ་སྡུད་ཞིག་ལ་བྱོན་སྐབས་ཕོ་རོག་རྒྱལ་མོའི་རྩལ་ཉེ་སྐབས་གྲྭ་སློབ་རྣམས་ཁོང་གི་རྩར་བཅོར་གསུངས་བ་དང་མཉམ་དུ་གཞི་བདག་ཕོ་རོག་རྒྱལ་མོས་ཐོ་བརྩམས་སྟེ་འབྲུག་སྒྲ་དང་མཉམ་དུ་ཐོག་ཕབ་ནས་ཁོང་གི་ཐང་ཞྭ་དང་ན་བཟའི་སྟེང་ཁྲོ་ཆུ་འཁྱིལ་བ་ལས་གནོད་པ་ཅི་ཡབ་མ་བྱུང་དང་། གཞན་ཡང་གྲུབ་ཚུལ་ཀྱི་མཚན་མ་རེ་ཟུང་ཡོད་པར་རྒན་པའིམནར་བ་ལ་འཕོ་བ་འདེབས་པ་ཙམ་གྱིས་བདེ་འགྲོར་དྲངས་ཚུལ་དང་སྐུ་ཚེ་[page 280] རིལ་བོར་ཐུགས་རྗེ་ཆེན་པོའི་བསྒོམ་བཟླས་དང་རྟ་མགྲིན་དགེས་རྡོར་སོགས་ཡི་དམ་དུ་མ་ལ་གཞོལ་བ་དང་མ་ཎིའི་འཁོར་ཆེན་བཞེངས་བ་སོགས་ཀྱི་མཛད་བཟང་རྒྱ་ཆེན་ཡོད། ཡང་སྲིད་འཇམ་དབྱངས་དགེ་ལེགས་ཆོས་འཕེལ་ནི་འཁྲུངས་ཡུལ་རྣམ་རྒྱལ་གླིང་རུས་ཚ་སྒང་ཕ་ཨ་ཁ་མ་མ་ཚེ་མཚོ་གཉིས་ལ་སྐུ་ལྟམས་པ་དེ་རྫོགས་ཆེན་པ་ཐུབ་བསྟན་ཆོས་ཀྱི་རྡོ་རྗེས་ངོས་འཛིན་གནང་བ་དང་། ཁོང་སྐུ་བལྟམས་པ་དང་མཉམ་དུ་རྗེ་བཙུན་སྒྲོལ་མའི་སྐུ་ལི་མ་རང་བྱོན་དུ་བྱུང་བ་བཅས་ངོ་མཚར་བའི་ལྟས་དུ་མ་དང་གཞོན་ནུའི་དུས་ནས་དམ་པའི་ངང་ཚུལ་དང་མཐུན་པར་ཀློག་སློབ་པ་ནས་བཟུང་གྲུབ་མཐའ་རིས་མེད་ཀྱི་སྐྱེས་བུ་མང་དུ་བསྟེན་པ་དང་ཁྱད་པར་ས་ངོར་སོགས་ལ་བྱོན་སྟེ་གསུང་ངག་རིན་ཆེན་དང་བཀའ་ཆོས་དུ་མ་གསན་བཞེས་མཛད། ཁྱད་པར་རྡོ་རྗེ་འཆང་ཁམ་སྟོད་ངག་དབང་ལེགས་པ་བརྟེན་ཏེ་ཉམས་བཞེས་ཀྱི་གཙོ་བོ་གསེར་ཆོས་བཅུ་གསུམ་དང་དགེས་པ་རྡོ་རྗེ་མཛད་དེ་རྟོགས་པ་ཕུལ་དུ་ཕྱིན་པ་དང་སྐུ་གསུང་ཐུགས་རྟེན་བཞེངས་བ་དང་ཁྱད་པར་ཡིག་བརྒྱའི་འཁོར་ཆེན་འབྲུ་ཆད་གཅིག་ཀྱང་མེད་པའི་དག་བཅོས་མཛད་དེ་ཡིག་བརྒྱ་དུང་གཅིག་དང་གཟུགས་སྔགས་གྲངས་ལས་འདས་པ་བཞུགས་པའི་འཁོར་ཆེན་དང་ཐར་མདོའི་ལག་སྐོར་ནང་མདོའི་ལག་སྐོར་ནང་མདོ་གཟུངས་མང་དུ་བཞུགས་པ་དང་སྤར་ལྡེབ་བརྒྱ་དང་སུམ་ཅུ་ཉག་མ་ལྔའི་གྲངས་ལྡན་དང་ཡིག་བརྒྱའི་སྤར་ཤིང་བཅོ་ལྔ་སོགས་བཞེངས་པ་བསྟན་འགྲོའི་དོན་ཁོ་ན་ལྷུར་བཞེས་ཏེ་སྐུ་ཚེ་རིལ་བོར་གཞན་ཕན་ཐུགས་བསྐྱེད་ཀྱི་ཁུར་མཛད་པའི་དགེ་བཤེས་གཉེན་མི་ཡི་ཟོལ་དུ་སྣང་བ་བྱོན། ས་སྐྱའི་གདུང་རབས་རིན་པོ་ཆེ་ངག་དབང་ཀུན་དགའ་བསོད་ནམས་མདོ་སྨད་ཕྱོགས་སུ་བྱོན་སྐབས་སྐུ་ཉིད་ཀྱི་ངོས་ལེན་སྤུས་ལེགས་གནང་སྦྱིན་མཛད་དེ་སྒྲུབ་གྲྭ་བདུན་བརྟན་འཇག་མཛད། དབྱར་གནས་སྐབས་སྤྱོད་འཇུག་སྡོམ་གསུམ་སོགས་འཆད་སྤེལ་གྱི་སྲོལ་རྒྱུན་དང་། སྐུ་གསུང་ཐུགས་རྟེན་གནས་བརྟན་བྲག་རི་རྣམས་དང་དུས་གསུམ་སངས་རྒྱས་གུ་རུ་དེ་རྣམས་ལུས་ཚད་རེ་དང་། ནང་རྟེན་གནས་བརྟན་བྲག་རི་རྣམས་དང་དུས་གསུམ་སངས་རྒྱས་གུ་རུ་དེ་རྣམས་ལུས་ཚད་རེ་དང་། ནང་རྟེན་སངས་རྒྱས་གདུང་རིང་བསྲེལ་གཙོ་བོར་བྱས་པའི་ཇོ་བོ་རྗེ་དང་ས་པཎ་སོགས་ཀྱི་གདུང་རྟེན་བྱས་པའི་སྐུ་རྣམས་ལ་གསེར་ཆབ་ཕུལ་བའི་སྐུ་གཟུགས་དང་། སྟེང་ཁང་ལ་སྟོན་པ་དང་རྡོར་སེམས་རྣམ་སྣང་སོགས་བཞུགས། གསུང་རྟེན་བཀའ་ཆོས་ཆ་གསུམ་དང་གོང་མ་རྣམ་ལྔ་ངོར་ཆེན་རྣམས་ཀྱི་བཀའ་འབུམ། སྒྲུབ་སྡེ་ཀུན་བཏུས། རྒྱུད་སྡེ་ཀུན་བཏུས་སོགས་ཀྱི་གླེགས་བམ་མང་དུ་བཞུགས། ཐུགས་རྟེན་བསོད་ནམས་དཔལ་མཆོག་གྲགས་པའི་གདུང་རྟེན་གསེར་ཟངས་ལས་གྲུབ་པའི་མཆོད་རྟེན་ཆ་བརྒྱད་གདུང་རབས་རིན་པོ་ཆེ་བྱམས་པ་ཕྱོགས་ཀྱི་གླང་བོ་ཁམས་སུ་ཕེབས་ནས་དགོན་འདིར་ཞིང་ལ་གཟིགས་ནས་གདུང་རྟེན་གསེར་ཟངས་ལས་གྲུབ་པའི་མཆོད་རྟེན། ལོ་གསར་ཚེས་འགོ་ནས་ཆོ་འཕྲུལ་ཟླ྄་བའི་དུས་བཟང་སྤྱོད་མཆོད་པ། དཔྱིད་ཆོས་ན་རོ་མཁའ་སྤྱོད་དང་མི་འཁྲུགས་བཅས་ཉིན་བཅུ་དབྱར་ཆོས་ཟླ་བ་ཕྱེད་གཉིས་སྟོན་ཆོས་ཀྱེེ་རྡོར་སྒྲུབ་མཆོད་ཉིན་བཅུ། དགུན་ཆོས་འཇིགས་བྱེད་དགུ་འཆམ་བཅས་ཕྱག་སྲོལ་ཡོད། ཡོན་གྱི་འབྱུང་[page 281] ཁུངས་དགོན་སྤྱི་དང་འགྲོས་བསྟུན་མ་གཏོགས་ངེས་གསལ་ཚོར་མེད། དེང་གི་གནས་ཚུལ་རགས་བསྡུས་དུས་ཀྱི་འཁོར་ཕྱོགས་ཀྱིས་བོད་ཁམས་ཡོངས་ལ་ཆོས་སྡེ་ཐམས་ཅད་རྨིང་མེད་དུབྱས་སྐབས་འཇམ་དབྱངས་དགེ་ལེགས་ཆོས་འཕེལ་དེ་ཉིད་ང་དགུའི་ལོར་ཁྲིམས་ཁང་ནང་ནས་སྐུ་བཤེགས་པའི་ཚུལ་བསྟན་ཏེ་ལོ་མང་སོང་སྐབས་སླར་ཡང་བསྟན་པའི་མེ་རོ་ཙམ་ལྷག་འཕྲོར་ཉམས་གསོ་བྱེད་རྒྱུ་དང་། བརྒྱུད་པ་བར་མ་ཆད་པར་གླིང་སྤྲུལ་སྐུ་འཕྲེང་བརྒྱད་པ་འདི་ཉིད་ཀྱི་ལོ་རྒྱུས་ཆེ་ལོང་ཙམ་སྨོས་པ་ནི། གངས་ལྗོངས་ས་ཡི་ཐི་ལེ། མདོ་ཁམས་གཡང་གི་རྭ་བ། ས་སྐྱོང་གླིང་ཚང་འགུ་ཟི་རྒྱལ་པོའི་མངའ་ཁོངས་ཡུལ་རྨ་རོང་སྟོད་རི་མོ་གསེར་ཐང་གླིང་དུ་ཡབ་ཀྱི་རུས་ནི་ས་རོང་ཞེས་འབོད་དེའི་གདུང་རྒྱུད་གཙང་མ་ལས་ཡབ་བློ་གྲོས་ཆོས་འཕེལ་དང་ཡུམ་ས་སྙིང་གི་སྤྲུལ་བ་ཤེས་རབ་ཕུན་ཚོགས་གིས་ཚ་མོ་ཆུང་བ་དབྱངས་ཅན་ལྷ་མོ་གཉིས་ཀྱི་སྲས་སུ་བོད་རབ་བྱུང་བཅུ་དྲུག་པའི་ཤིང་ཕོ་སྤྲེལ་གྱི་ལོ་ལ་སྐུ་འཁྲུངས། སྐུ་ཡུམ་གྱི་ལྷུམས་སུ་ཞུགས་པའི་སྐབས་སུ། ནམ་མཁའ་ནས་གསེར་གྱི་རྡོ་རྗེ་ཞིག་རང་གི་པང་དུ་ལྷུང་བ་སོགས་རྨིས། སྐུ་བལྟམས་པའི་ཚེ་ནའང་གྲོད་པུ་ལྟ་བུའི་ནང་དུ་ལྟོ་གཟན་དང་བཅས་ལེགས་པར་བཞུགས་ཡོད་པ་དང་། ས་གཡོ་འབྲུག་གྲགས་པ་སོགས་ངོ་མཚར་གྱི་མང་དུ་བྱུང་། ་སྤང་རྩའི་བླ་རབས་བཅུ་གསུམ་པ་དྲི་དགའ་རིན་པོ་ཆེའི་ཁྱེའུ་འདི་སྐུ་བལྟམ་པའི་ཉིན་བཟང་ཉིན་མ་ལ་ཁེལ་བས་མཚན་ཡང་ཐུབ་བསྟན་བཀྲ་ཤིས་ཉི་མ་ཞེས་བཏགས་དགོས་གསུངས། མཚན་གྱི་བྱེ་བྲག་ཀྱང་ས་སྐྱ་གོང་གིས་འཇམ་དབྱངས་ཆོས་ཀྱི་རྡོ་རྗེ་ཞེས་བཏགས་ལ། གཞན་ཡང་སྐྱབས་མགོན་རྒྱལ་བས། བསྟན་འཛིན་མཉམ་མེད་ཀུན་བཟང་དབང་རྒྱལ་ཞེས་གསུངས། སྡེ་དགེ་བ་ངག་དབང་ཆོས་འཕེལ་བཟང་པོས། ངག་དབང་བསྟན་འཛིན་འཕྲིན་ལས་ཞེས་ཀྱང་བཏགས་པར་མཛད་ལ། དེ་རྗེས་དགུང་ལོ་བཅུ་གསུམ་པ་ལ། གླིང་འགུ་ཟི་རབ་བསྟན་འཛིན་རྩེ་བའི་ཆོས་གྲྭ་ལ་བཞུགས་མཁན་ཡེ་ཤེས་བཟང་བོའི་འདུན་ནས་གཞུང་ཆེན་བཅུ་གསུམ་སོགས་དཔེ་ཁྲིད་གི་སྐོར་དང་། ལམ་འབྲས་སློབ་བཤད་དང་། ཀྱེེ་རྡོར། འཇིགས་བྱེད་སོགས་མདོར་ན་དཔལ་ལྡན་ས་སྐྱ་གོང་གིས་གླིང་སྤྲུལ་འཇམ་དབྱངས་དགེ་ལེགས་ཆོས་འཕེལ་གྱི་ཡང་སྲིད་འཁྲུལ་མེད་ཡིན་པར་བསླུ་བ་མེད་རྗེའི་བཀས་བསྔགས་པས་གླིང་ཡག་བཀྲ་ཤིས་ཆོས་གླིང་གི་གདན་སར་ཕེབས་ནས་སྔོན་འགྲོ་འབུམ་ལྔ། ཀྱེེ་རྡོར་བརྙེན་ཆེན། མགོན་པོ་བྲག་རྫོང་དང་། ཀུན་རིག་བསྙེན་ཆེན་སོགས་ཁ་བསྐང་དང་བཅས་ལེགས་པར་གྲུབ། དེ་ཉིད་འཕགས་ཡུལ་ལ་ཕེབས་ནས། ས་སྐྱའི་སྒྲོལ་མ་ཁྲི་ཆེན། བཅོ་བརྒྱད་ཁྲི་ཆེན། ཀླུ་ལྡིང་རྒྱལ་སྲས། འཇམ་དབྱངས་མཁྱེན་བརྩེ། སྐྱབས་རྗེ་རིན་པོ་རྒྱལ་དབང་བསྟན་འཛིན་རྒྱ་མཚོ། སྨིན་གླིང་ཁྲི་ཆེན་སོགས་ཕན་ཚུན་འཇལ་འཕྲད་གནང་། དམ་པ་དེ་དག་གིས་ཀྱང་གླིང་ཡག་ཆོས་གླིང་དགོན་གྱི་བསྟན་[page 282] པ་དེ། རྗེ་ཉིད་ཀྱིས་སྐྱོང་དགོས་ཚུལ་སོགས་གསུང་གླེང་མང་དུ་བྱས། རྟེན་གསུམ་འགང་ཆེ་ཤོས་ས་དང་། སྐྱེ་བོ་མཆོག་དམན་ཀུན་ཡིད་ཆེས་གཏིང་ནས་སྐྱེ་ཕྱིར་སླར་ཡང་སྐྱབས་མགོན་རྒྱལ་བ་དང་སྨིན་གླིང་ཁྲི་ཆེན་གཉིས་ཀྱིས་ཕྱག་ཡིག་ཐམ་ཀ་ཅན་ཡང་གནང་། སྔོན་གྱི་རྟེན་འབྲེལ་སོགས་ལ་དགོངས་ནས་རྗེ་ཉིད་ཀྱིས་ཀླུ་ལྡིང་རྒྱལ་སྲས། གླིང་ཡག་ཆོས་གླིངདུ་ཕེབས་པར་གདན་ཞུ་ཡང་བྱས། རྗེ་ཉིད་ཡུལ་དབུས་རྒྱ་གར་རྡོ་རྗེ་གདན་དང་། ཝ་ར་ཎ་སི་བྱ་རྒོད་སྤུངས་རི་ཡངས་བ་ཅན་བལ་ཡུལ་མཆོད་རྟེན་རྣམ་གསུམ་སྟག་མོ་ལུས་སྦྱིན་གངས་རི་ཏི་སེ་སོགས་གནས་ཆེན་སྤྱི་དང་། ཁྱད་པར་དུ་ཤ་བ་རི་བའ་སྒྲུབ་ཕུག་སོགས་ནས་སྐུ་འཚམས་ལ་བཞུགས་པ་སོགས་མདོར་ན་མཛད་པ་བཟང་པོ་དཔག་མེད་ཅིག་འཆིས་ཀྱང་ཡི་གེས་འཇིགས་པས་མ་བྲིས། དེ་ནས་རྗེ་ཉིད་སླར་ཕེབས་ནས། རྟེན་གསུམ་དང་དངོས་རྗས་མང་དུ་བསྩལ། དབང་ལུས་གདམས་པ་སོགས་མང་དུ་གནད། དགོན་གནས་འདི་བསྟན་སྲུང་ཆོས་སྐྱོང་རྣམས་ལ་བཀས་བཅོལ་བ་དང་། མདོར་ན་བསྟན་ལ་འདི་ཐུགས་རྩིས་རྒྱ་ཆེར་གནང་བ་ཡིན། ད་སྐབས་ཀྱི་ཕྱི་གཙུག་ལག་ཁང་སྟེང་ཤོད་གཉིས། རྡོ་རྗེ་འཆང་། ས་པཎ་འདྲ་སྐུ། སྒྲོལ་དཀར་མཁའ་སྤྱོད། མཆོད་རྟེན་ཆེ་ཆུང་གསུམ་སྟེང་ཁང་དུ་སྟོནཔའི་སྐུ་དང་འཇམ་དབྱངས། གུ་རུ། གནས་བརྟན་སོགས་བཞུགས། སྟེང་ཁང་འོག་ཁང་གཉིས་ཀར། བཀའ་བསྟན་ཆ་དང་ལམ་འབྲས་རོར་ཆེན་བཀའ་འབུམ། རྒྱུད་སྡེ་སྒྲུབ་སྡེ་གཞུང་སོགས་གླེགས་བམ་དུ་མ་དང་། དགེ་འདུན་གྱི་སྡེ་དང་ཉག་མ་ལྔའི་གྲངས་ལྡན་རྟེན་རབ་བྱུང་བསྙེན་རྫོགས་སུ་བཞུགས་སྟེ་ཆོས་སྤྱོད་ཀྱི་བྱ་བ་ལ་བརྩོན་བཞིན་མཆིས།

[page 283]

ས་མིང་ཚིག་མཛོད་མིག་བཤར།

[page 284] དགོན་པའི་མཚན་དོན་ནི། གཉན་ཆེན་བཞག་རི་ལྷ་རྩེའི་རིགས་སྲས་ནམ་མཁའ་དཔལ་བརྟན་གདན་ས་འདིར་འདིར་འཁྲུངས་བ་རྒྱུ་མཚན་དུ་བྱས་ནས་ལྷ་རྩེ་དགོན་ཞེས་གྲགས། དགོན་གནས་འདི་ཐོག་མར་ཕྱག་འདེབས་མཛད་པ་པོའི་མཚན་ནི་གཡུང་དྲུང་ཁྲོ་རྒྱལ་ཞུ་བ་དེ་ཡིན། དེའི་ལོ་རྒྱུས་ཉུང་ངུ་ཞིག་གླེང་ན། སྔོན་བོད་རྗེ་སྲོངབཙན་སྒམ་པོས་མཐའ་བཞིའི་ཡུལ་གྲུ་དབང་དུ་བསྡུ་བའི་སྐབས། ་མདོ་སྨད་བྱང་ཕྱོགས་སུ་དམག་དཔོན་བེེ་བྱ་བ་རྒྱ་བོད་ཀྱི་ས་མཚམས་སྲུང་བའི་རྒྱལ་པོར་དབང་བསྐུར་ཏེ། སྤྱི་ལོ་639ཕོ་བྲང་ཁམས་གསུམ་དབང་སྡུད་ཕྱོགས་རྒྱལ་ནག་པོ་བཞེངས་ནས། སྨུག་པོ་སྡོང་གི་རིགས་རྒྱུད་གླིང་ཟ་གསེར་ལྡན་མཚོ་ཁབ་ཏུ་བཞེས། ཆོས་རྒྱལ་མདོག་གཞེར་ནག་པོ་ཞེས་མཚན་གསོལ་བ་བསོད་ནམས་སྟོབས་ཀྱི་འཁོར་ལོ་བསྒྱུར་བའི་རྒྱལ་པོར་གྱུར་པ་དེའི་གདུང་རབས་དགུ་པ། རྒྱལ་རབས་བཅུ་བདུན་པ་གཡུང་དྲུང་ཁྲོ་རྒྱལ་ཞེས་བྱ་བ་དྲག་སྔགས་མངོན་སྤྱོད་ཀྱི་ལས་རབ་འབྱམས་ལ་མངའ་དབང་འབྱོར་བའི་མཐུ་དང་ནུས་པ་ཟླ་དང་བྲལ་བ་ཞིག་བྱོན། རབ་བྱུང་གཉིས་པའི་སྨད་ཙམ་ན་གནས་འདིར་སེང་མཁར་ལྷ་རྩེ་གཡང་ཐོག་ཅེས་ཕ་མཁར་ཆེན་པོ་ཞིག་བཞེངས། མངའ་ཐང་རབ་ཏུ་རྒྱས། དེའི་སྲས་ལྷ་རྩེ་བདུད་འདུལ་ཁྲོ་རྒྱལ་ལམ་གཡུང་དྲུང་མགོན་བྱ་བ། ཚེ་ཡི་རིག་འཛིན་བརྙེས་ནས་དགུང་གྲངས་ལོ་བརྒྱ་དང་སོ་དགུར་བཞུགས། དེ་ལ་རྒྱལ་སྲས་སྟོབས་ལྡན་དབང་དང་སྟོབས་ལྡན་རྒྱལ་དང་། མཆོག་གི་སྲས་མོ་ཕྲིན་ལས་དབང་མོ་གཉིས་འཁྲུངས། སྲས་རྒྱལ་སར་བཀོད། སྲས་མོ་བཞག་རི་རྩེར་དངོས་སུ་འཕྲད་པས། ལྷ་སྲས་ནམ་མཁའ་དཔའ་བརྟནསྐུ་འཁྲུངས། དེའི་སྲས་ཚེ་སྟོབས་ལྡན་དབང་རྒྱལ་དང་། མཆོག་གི་སྲས་མོ་ཕྲིན་ལས་དབང་མོ་གཉིས་འཁྲུངས། དེའི་སྲས་ཚེ་དབང་ནམ་མཁའ་དང་སྲས་མོ་སྨན་མོ་མཚོ་གཉིས་འཁྲུངས། སྲས་རྒྱལ་སར་བཏོན། སྲས་མོ་ལྷ་ལྡན་དུ་བྱོན་ཏེ་རིག་འཛིན་མེ་ལོང་རྡོ་རྗེ་ལས་སྨིན་གྲོལ་གྱི་གདམས་པ་མ་ལུས་པར་གསན་སྦྱང་ཕུལ་དུ་བྱུང་། ཁྱད་པར་ཀློང་སྡེའི་མན་ངག་ཤེལ་བྲག་ཏུ་ཐུགས་ཉམས་སུ་བཞེས་ཏེ་བརྩོན་པ་དྲག་པོས་བསྒོམ་པས་རྟོགས་པ་ཀློང་དུ་གྱུར། འདི་ནི་ལྷ་རྩེ་གདན་རབས་གདན་རབས་དང་པོ་རུ་ངོས་འཛིན་མཛད་པ། སྐྱབས་མགོན་གཉིས་པས་གདན་རབས་བདུད་རྩིའི་ཐིག་ཕྲེང་ལས་གསལ་བར་བཤད།།

གདན་རབས་གཉིས་པ་དང་གསུམ་པ། ལྷ་སྲས་ཚེ་དབང་ནམ་མཁའ་ལ། སྲས་ནམ་མཁའ་འཆི་མེད་སྲས་ལོངས་སྐུ། སྲས་འཕྲིན་ལས་གསུམའཁྲུགས། སྔ་མ་རྒྱལ་སར་བཏོན། སྲས་ཕྱི་མ་གཉིས་ལྷ་ལྡན་དུ་བྱོན་ཏེ་ཀློང་ཆེན་རབ་འབྱམས་ཀྱི་ཞབས་ལ་གཏུགས་ཏེ་མདོ་རྒྱུད་རྒྱལ་མཚོའི་སྨིན་གྲོལ་མ་ལུས་པ་གསན་སྦྱོང་མཐར་ཕྱིན་པར་མཛད། གདནརབས་བཞི་པ་རྒྱལ་སྲས་ནམ་མཁའ་འཆི་མེད་ཀྱི་སྲས། ནམ་མཁའའོད་བཟང་དང་སངས་རྒྱས་སྐྱབས་གཉིས་འཁྲུངས། སྔ་མ་རྒྱལ་སར་འཁོད། ཕྱི་མ་དབུས་སུ་བྱོན་ནས་གྲུབ་ཆེན་ཐང་རྒྱལ་ལས་དཔལ་ལྡན་ཤངས་པ་བཀའ་རྒྱུད་ཀྱི་གསེར་ཆོས་རྣམ་ལྔའི་སྨིན་གྲོལ་ན་ལུས་གསན་[page 285] སྦྱོང་མཛད་པས་སྒྱུ་ལུས་ལ་དབང་འབྱོར། གདན་རབས་ལྔ་པ་རབ་བྱུང་དགུ་པར་ས་བདག་རྟོགས་ལྡན་དང་ཆུ་ཕོ་རྟོགས་ལྡན་རྣམ་གཉིས་འཁྲུངས། སྔ་མས་ཤ་རི་སྔ་འགྱུར་གི་སྨིན་གྲོལ་ལ་གསན་སྦྱང་མཛད་པའི་གྲུབ་པའི་གོ་འཕང་མཐོན་པོར་གཤེགས། གདན་རབས་དྲུག་པ་ཆུ་ཕོ་རྟོགས་ལྡན་གྱི་གསང་སྔགས་རྙིང་མའི་མན་ངག་ཡང་ཟབ་རྣམས་ཐུགས་ཉམས་སུ་བཞེས་པས་ཉམས་རྟོགས་ཡོན་ཏན་གྱི་གཏེར་ཁ་ཀློང་དུ་བརྡོལ། གདན་རབས་བདུན་པ། ལྷ་སྲས་ནམ་མཁའ་གྲགས་ལྡན་གྱི་ནང་སྲས་ལྷ་རྩེ་བདེ་ཆེན་དབང་མོ་ནི། དབུས་གཙང་ཕྱོགས་སུ་བྱོན་སྐབས། གཙང་སྨྱོན་སངས་རྒྱས་མཚན་ཅན་གྱི་སྨིན་ཕྲག་སིནྟུ་རའི་ཐིག་ལེ་ཁོང་གི་སྨིན་མཚམས་སུ་བབ་པས། གྲུབ་ཆེན་གྱིས་ཚེ་དབང་གསང་བའི་ཕྱག་རྒྱ་ར་མཛད་དེ་སྨིན་གྲོལ་གྱི་གདམས་པ་མ་ལུས་པར་བསྩལ། སྒྲུབ་པམཛད་པས་རྡོ་རྗེ་ཕག་མོའི་ཞལ་གཟིགས་ཤིང་མཐུན་མོང་གི་གྲུབ་པ་བརྒྱད་ལ་དབང་འབྱོར། གདན་རབས་བརྒྱད་པ། གསེར་པ་ཡེ་ཤེས་རྒྱལ་མཚན་མཆོག་ནི་རབ་བྱུང་བཅུ་གཅིག་པའི་མེ་མོ་ཡོས་ལོར་སྐུ་འཁྲུངས། སྐུ་ན་ཕྲ་དུས་དམ་པའི་ཡོན་ཏན་གྱི་རིགས་དུ་མའི་མངོན་པར་མཐོ་ཞིང་། རྐང་པོ་བསྟན་འཛིན་ལེགས་བཤད་དང་། རིག་འཛིན་ཀུན་བཟང་ཤེས་རབ་སོགས་གསར་རྙིང་མཁས་གྲུབ་མང་པའི་ཞབས་ལ་གཏུགས་ཏེ་མདོ་སྔགས་རིག་གནས་དང་བཅས་པར་སྦྱང་བ་མཐར་སོན་ཏེ་མཁས་གྲུབ་གཉིས་ལྡན་དུ་གྱུར། རྒྱ་ནག་གོང་མའི་དབུ་བླར་བཀུར་ཏེ་རྒྱ་དགོན་ལྔ་བརྒྱའི་དགོན་མགོ་ཕུལ་བ་སོགས་ཕྲིན་ལས་རྒྱས། བཤད་སྒྲུབ་ལས་གསུམ་གྱི་མཛད་པ་རྒྱུན་རིང་བསྐྱངས། གདན་རབས་དགུ་པ། པདྨ་ཕྲིན་ལས་རབ་ཏུ་རྒྱས། རྗེ་ཡེ་ཤེས་སེངྒེ་སོགས་བཤེས་གཉེན་དུ་མའི་ཞབས་ལ་གཏུགས་ཏེ་མཁྱེན་རྟོགས་ཕུལ་དུ་ཕྱིན། མེ་བྱིར་གསང་སྔགས་རབ་བརྟན་གླིང་གི་གསེར་ཁྲིར་མངའ་གསོལ། འདུས་པ་སྟོང་ཕྲག་དུ་མར་ཆོས་ཀྱི་འཁོར་ལོ་བསྐོར། དགོན་ལག་བཅུ་དྲུག་སོགས་ཕྱག་འདེབས་མཛད་པས་ཕྲིན་ལས་རབ་ཏུ་རྒྱས། རྗེ་ཡེ་ཤེས་སེངྒེའི་གསང་རྣམ་མ་བཅོས་ལྷུགས་པའི་རྟོགས་བརྗོད་པོད་གསུམ་མཛད། སྤྱི་ལོ་1699ལ་གོང་མ་ཁང་ཞུ་རྒྱལ་པོས་རྒྱ་ནག་གི་དབུ་བླར་ཕེབས་དགོས་པའི་གསེར་ཡིག་བང་ཆེན་སླེབས་པར། རྒྱ་ནག་ཏུ་ཕེབས་ནས་གླང་ཆེན་རྩེའི་བསེ་དགོན་དུ་འབྱོར། གདན་རབས་བཅུ་པ། རྗེ་པདྨ་རྡོ་རྗེ་སྐུ་བལྟམས། རྗེ་བླ་མ་སོགས་བཤེས་གཉེན་དུ་མའི་ཞབས་ལ་གཏུགས་ཏེ་མཁྱེན་དཔྱོད་དང་ས་ལམ་གྱི་རྟོགས་པ་མཐོན་པོར་སོན། རབ་བྱུང་བཅུ་གཉིས་པར་ཆུ་ལུག་ཏུ་གསང་ངག་རབ་བརྟན་གླིང་གི་གསེར་ཁྲིར་བཀོད། དགེ་འདུན་པ་སྟོང་ཕྲག་དུ་མར་ཆོས་ཀྱི་འཁོར་ལོ་བས་ཕྲིན་ལས་རྒྱ་ཆེ་བ་བྱུང་། དགོན་ལག་བཅོ་དྲུག་ཕྱག་བཏབ་མཛད། རྗེ་འཇིགས་མེད་སྐལ་བཟང་སྐུ་བལྟམས། ཁྲི་ཆེན་པདྨ་རྡོ་རྗེ་ནས་རྗེ་བླ་མ་ཡེ་ཤེས་རྒྱལ་མཚན་གྱི་སྤྲུལ་པར་ངོས་འཛིན་མཛད་དེ་དགུང་གྲངས་གསུམ་པར་གསང་སྔགས་རབ་བརྟན་གླིང་གི་ཁྲིར་མངའ་གསོལ། སྐྱབས་རྗེ་པདྨ་རྡོ་རྗེ་སོགས་བཤེས་གཉེན་དུ་མར་བསྟེན་ཏེ་མཁྱེན་རྩལ་ཕུལ་དུ་ཕྱིན། དགེ་འདུན་གྱི་སྡེ་དང་རིག་པ་འཛིན་པའི་སྡེ་ཁྲི་ཕྲག་བརྒལ་ཙམ་ལ་ཆོས་ཀྱི་[page 286] འཁོར་ལོ་བསྐོར་ཏེ་ཕིན་ལས་རབ་ཏུ་རྒྱས། འདི་སྐབས་གོང་མའི་གསེར་ཡིག་དང་བོང་ཆེན་བརྫང་བས་རྗེ་བླ་མ་སྐུ་འཁོར་བཅས་རྒྱ་ནག་ཏུ་འབྱོར། གོང་མའི་དབུ་བླར་བཀུར་ཏེཕྲིན་ལས་བཅུར་རྒྱས། རྒྱ་ཡི་བླ་གྲྭ་སྟོང་ཕྲག་བརྒལ་ཙམ་ལ་ཟབ་ལམ་ཕྱག་རྒྱ་ཆེན་པོ་སྙིང་པོ་དོན་བརྒྱུད་ཀྱི་མན་ངག་གནང་བས་རང་བྱུང་སྐྱེས་མེད་ཀྱི་དོན་རྟོགས་པ་མང་དུ་བྱུང་། གདན་རབས་བཅུ་གཉིས་པ། ནམ་མཁའ་རིན་ཆེན་སྐུ་འཁྲུངས། རྗེ་འཇིགས་མེད་སྐལ་བ་བཟང་པོ་སོགས་རིགས་ཀྱི་དབག་པོར་བརྟེན་ནས་མཁྱེན་རྟོགས་ཀྱི་ཡོན་ཏན་ཕུལ་དུ་ཕྱིན། མེ་ཕག་ཏུ་གསང་སྔགས་རབ་བརྟན་གླིང་གི་གསེར་ཁྲིར་འཁོད། འདུས་སྡེ་ཁྲི་ཕྲག་ཙམ་ལ་ཆོས་ཀྱི་འཁོར་ལོ་བསྐོར། སེང་ཧའི་རྫོགས་རིམ་སོགས་མན་ངག་པོད་གཉིས་མཛད། དགོན་ལག་བཅུ་བདུན་ཕྱག་བཏབ་མཛད་པས་ཕྲིན་ལས་རབ་ཏུ་རྒྱས། གདན་ས་རབས་བཅུ་གསུམ་པ། ནམ་མཁའ་རྒྱལ་མཚན་འཁྲུངས། ཡབ་ནས་ཀློག་སྦྱང་དང་ནམ་མཁའ་རིན་པོ་ཆེན་པདྨ་རྡོ་རྗེ་སོགས་ལས་སྨིན་གྲོལ་གྱི་གདམས་པ་མ་ལུས་པར་གསན། མེ་སྦྲུལ་དུ་གསང་སྔགས་རབ་བརྟན་གླིང་གི་ཁྲིར་ཕེབས། དགེ་འདུན་སྟོང་ཕྲག་སོགས་ཀྱི་གནས་སུ་ཆོས་ཀྱི་འཁོར་ལོ་བསྐོར། རྗེ་ནམ་མཁའ་རིན་ཆེནཁོང་ཉིད་འགྲོ་མགོན་ཡེ་ཤེས་བླ་མའི་ཕྲིན་ལས་བཞེས་ཀྱི་རྒྱུད་འཛིན་དུ་ལུང་གིས་བསྔགས་པས། དཔལ་ཡུལ་བསྟན་པའི་ཤིང་རྟ་ཡེ་ཤེས་སེང་གེ་ཞབས་ཀྱི་ཞལ་ལུང་རིན་ཆེན་ཕྲེང་བ་པོད་གསུམ་གྱི་ཟིན་བྲིས་མཛད་པ་ཕྱག་བཞེས་ལྷ་ལུགས་ཅེས་ཕྲིན་ལས་རྒྱས། རིག་འཛིན་ཀརྨ་འོད་ཟེར་རྒྱལ་ཚབ་ཏུ་དབང་བསྐུར། ལྷ་རྩེ་བདེ་ཆེན་དབང་མོའི་ལུང་བསྟན་དུ་གཟིགས་པས་ཁོང་ཉིད་རྒྱ་རོང་ཕྱོགས་སུ་གནས་སྤོ་བར་མཛད་དེ། རྒྱ་རོང་དུ་ཐོན་ནས་དགོན་མ་ལག་གཉིས་སུ་གྱེས། ཚ་ཁོ་ཕྱོགས་སུ་བསྟན་འགྲོའི་དོན་ཕྱོགས་མེད་དུ་རྒྱས་སོ། གདན་རབས་བཅུ་བཞི་པ། རིག་འཛིན་ཀརྨ་འོད་ཟེར་སྐུ་འཁྲུངས། བཤེས་གཉེན་དུ་མར་བསྟེན་ཏེ་སྒྲུབ་པ་མཛད་པས་གྲུབ་བརྙེས་ཀྱི་གོ་འཕང་ཐོག། ཤིང་བྱིར་གསང་སྔགས་རབ་བརྟན་གླིང་གི་ཁྲིར་ཕེབས། འདུས་སྡེ་ཁྲི་ཕྲག་བརྒལ་ཙམ་ལ་ཆོས་འཁོར་བསྐོར། ལྷ་རྩེ་རུས་མཛོད་ཀྱི་རྣམ་བཤད་གྱི་ཕྲེང་བ་སོགས་པོད་གཉིས་མཛད། དགོན་ལག་ལྔ་ཙམ་ཕྱག་བཏབ་མཛད། གདན་རབས་བཅོ་ལྔ་པ། རོང་སྟོན་བདེ་ཆེན་གླིང་བ་སྐུ་ལྟམས། རྗེ་གོང་མ་རྣམས་ལས་སྨིན་གྲོལ་གྱི་གདམས་པ་མ་ལུས་པར་གསན་ཏེ་བསྙན་སྒྲུབ་མཛད་པས་རྒྱུད་སྡེ་རབ་འབྱམས་ཀྱི་དཀྱིལ་འཁོར་ལ་དབང་འབྱོར། ལྕགས་རྟར་གསང་སྔགས་རབ་བརྟན་གླིང་གི་ཁྲིར་འཁོད། འདུས་སྡེ་དུ་མར་ཆོས་འཁོར་བསྐོར་ཏེ་ཕྲིན་ལས་ཤིན་ཏུ་རྒྱས། དགོན་ལག་ཉེར་གཉིས་ཕྱག་བཏབ་མཛད། གདན་རབས་བཅུ་དྲུག་པ། མཁྱེན་བརྩེ་འོད་ཟེ ར་སྐུ་འཁྲུངས། རྗེ་གོང་མ་གྲུབ་པའི་དབང་ཕྱུག་རྣམས་ལས་སྨིནགྲོལ་གྱི་གདམས་པ་མ་ལུས་པར་གསན་སྦྱང་མཛད་དེ་སྒྲུབ་པ་ལ་རྩེ་གཅིག་ཏུ་གཞོལ། དཔལ་ཡུལ་དགོན་དུ་གྲྭ་སར་ཕྱིན། རིགས་པའི་གནས་ལྔ་སོགས་ལ་མཁྱེན་རྩལ་རྒྱས། གསང་སྔགས་རབ་བརྟན་གླིང་གི་གསེར་ཁྲིར་མངའ་གསོལ། འདུས་སྡེ་སྟོང་གི་དབུས་སུ་ཆོས་ཀྱི་འཁོར་ལོ་བསྐོར། གདན་རབས་བཅུ་བདུན་པ། ཡོན་ཏན་དཔལ་བཟང་སྐུ་འཁྲུངས། རྗེ་མཁྱེན་བརྩེ་རིག་པའི་གནས་ལྔ་དང་། རིག་[page 287] འཛིན་བདེ་ཆེན་གླིང་པ་ལས་སྨིནགྲོལ་གྱི་གདམས་པ་ལུས་པར་གསན་སྦྱང་མཛད། བསམ་ཡས་སུ་རྟེན་བཞེངས་རྒྱ་ཆེར་གནང་། གསང་སྔགས་རབ་བརྟན་གླིང་གི་གསེར་ཁྲིར་འཁོད། དགེ་འདུན་སྟོང་གི་དབུས་སུ་ཆོས་འཁོར་བསྐོར་ཞིང་མཁས་པའི་ཕྲིན་ལས་རྒྱ་ཆེ། གསུང་འབུམ་པོད་གཉིས་ལྗགས་རྩོམ་མཛད། གདན་རབས་བཅོ་བརྒྱད་པ། སངས་རྒྱས་དཔལ་ལྡན་ནི་དཔལ་བྲག་ལྷ་དགོན་པའི་བླ་བུར་སྐུ་འཁྲུངས། རྗེ་མཁྱེན་བརྩེ་འོད་ཟེར་སོགས་རྣམ་འདྲེན་དུ་མའི་ཞབས་ལ་གཏུགས་ཏེ་མདོ་སྔགས་རིག་གཞུང་བཅས་ལ་སྦྱང་བ་མཐར་ཕྱིན་པ་བྱས། རབ་བྱུང་བཅུ་བཞི་བའི་ཤིང་ཕག་ལོར་གསང་སྔགས་རབ་བརྟན་གླིང་ལ་མངའ་གསོལ། འཁོར་འདུས་པ་སྟོང་ཕྲག་མང་པོར་ཆོས་ཀྱི་འཁོར་ལོ་བསྐོར། གསུང་འབུམ་གླེགས་བམ་དགུ་ལྷགས་ཙམ་བརྩམསགདན་རབས་བཅུ་དགུ་པ། ལྷ་རྩེ་པ་རྗེ་བཙུན་འཇམ་དཔལ་རྒྱ་མཚོས་རྗེ་མཁྱེན་བརྩེ་འོད་ཟེར་སྐྱབས་མགོན་ངས་རྒྱས་དཔལ་ལྡན། རི་ཤུལ་ཡོན་ཏན་དཔལ་བཟང་སོགས་ལས་མདོ་སྒྱུ་སེམས་གསུམ་གྱི་སྨིན་གྲོལ་མ་ལུས་པ་གསན་བཞེས་མཛད། སྒྲུབ་པ་མཛད་པས་གྲུབ་པའི་གོ་འཕང་བརྙེས། རབ་བྱུང་བཅུ་བཞི་པའི་ཆུ་རྟར་གསང་སྔགས་རབ་བརྟན་གླིང་གི་ཁྲི་རྩེར་ཕེབས། དགེ་འདུན་སྟོང་ཕྲག་གི་དབུས་སུ་ཆོས་ཀྱི་འཁོར་ལོ་བསྐོར་ཞིང་ཕྲིན་ལས་རྒྱསསྤྲུལ་ཆེན་འོད་གསལ་རྒྱལ་ཚབ་ཏུ་དབང་བསྐུར། རྒྱ་རོང་རྒྱལ་ཁབ་བཅོ་བརྒྱད་ཀྱི་ལྷ་རྩེ་དགོན་ལག་རྣམས་དང་བསྟན་བདག་རྒྱལ་བློན་སོ་སོའི་གནས་སུ་བྱོན་བཞུད་མཛད་པས་སྐྱེ་བོ་དུ་མ་སྨིན་གྲོལ་དུ་བཀོད། རྨུ་རྡོར་དགོན་ལག་གཉིས་སོགས་བཏབ། གདན་རབས་ཉི་ཤུ་བ། པདྨ་འོད་གསལ་སྐུ་འཁྲུངས། ཁོང་གིས་སྐྱབས་མགོན་སངས་རྒྱས་དཔལ་ལྡན། རྗེ་འཇིགས་མེད་རྒྱ་མཚོ། ཡོན་ཏན་དཔལ་བཟང་སོགས་ལས་སྨིན་གྲོལ་གྱི་གདམས་པ་མ་ལུས་པར་གསན་ཞིང་སྒྲུབ་པས་རྟོགས་པ་རབ་ཏུ་གྱུར། རབ་བྱུང་བཅུ་བཞི་པའི་ས་གླང་དུ་གསང་སྔགས་རབ་བརྟན་གླིང་གི་ཁྲིར་ཕེབས་རྗེ་བཙུན་པདྨ་ ཐུབ་བསྟན་རྒྱལ་ཚབ་ཏུ་དབང་བསྐུར། གདན་རབས་ཉེར་གཅིག་པ། རྗེ་བཙུན་མཁྱེན་བརྩེ་འོད་ཟེར་མཆོག་སྤྲུལ་པདྨ་ཐུབ་བསྟན་ཁོང་ཉིད་བྱང་ཕྱོགས་བུ་འབོར་སྒང་དུ་སྐྱེ་བར་བཞེས། སངས་རྒྱས་དཔལ་ལྡན་ཞབས་ལས་སྨིན་གྲོལ་གྱི་གདམས་པ་མ་ལུས་པར་གསན། རབ་བྱུང་དེའི་ཆུ་ཡོས་སུ་གསང་སྔགས་རབ་བརྟན་གླིང་གི་ཁྲིར་ཕེབས། དགེ་འདུན་དུ་མའི་དབུས་སུ་ཆོས་ཀྱི་འཁོར་ལོ་བསྐོར། པདྨ་ཆོས་གྲགས་རྒྱལ་ཚབ་ཏུ་དབང་བསྐུར། གདན་རབས་ཉེར་གསུམ་པ། སྤྲུལ་པའི་གཏེར་ཆེན་ཏ་ངག་བདེ་ཆེན་གླིང་བའི་མཆོག་སྤྲུལ་པདྨ་ཆོས་གྲགས་ནས་སྐྱབས་མགོན་སངས་རྒྱས་དཔལ་ལྡན། འཇམ་དབྱངས་མཁྱེན་ཀོང་མཆོག་གསུམ་ཞབས་ལས་སྨིན་གྲོལ་གྱི་གདམས་པ་མ་ལུས་པར་གསན།

[page 288] སྒྲུབ་པ་མཛད་པས་རིམ་གཉིས་ཀྱི་རྟོགས་པ་བརྙེས། ལྕགས་ཕག་ཏུ་གསང་སྔགས་རབ་བརྟན་གླིང་གི་ཁྲིར་ཕེབས་དགེ་འདུན་རྒྱ་མཚོའི་དབུས་སུ་ཆོས་འཁོར་བསྐོར། རྗེ་འཇིགས་མེད་རྡོ་རྗེ་རྒྱལ་ཚབ་ཏུ་དབང་བསྐུར། གདན་རབས་ཉེར་བཞི་པ་ནི། འཇིགས་མེད་རྡོ་རྗེ་ནས་སྐྱབས་མགོན་སངས་རྒྱས་དཔལ་ལྡན། རྗེ་ཡོན་ཏན་དཔལ་བཟང་། རིག་འཛིན་པདྨ་ཆོས་གྲགས་སོགས་ལས་སྨིན་གྲོལ་གྱི་གདམས་པ་མ་ལུས་པར་གསན། རབ་བྱུང་བཅུ་བཞི་པའི་ས་རྟར་གསང་སྔགས་རབ་བརྟན་གླིང་གི་ཁྲིར་ཕེབས། དགེ་འདུན་སྟོང་ཕྲག་གི་དབུས་སུ་ཆོས་ཀྱི་འཁོར་ལོ་བསྐོར་པདྨ་མདོ་སྔགས་རྒྱལ་ཚབ་ཏུ་དབང་བསྐུར། གསུང་ཆོས་བཀའ་མའི་སྒྲུབ་མཆོད་ཕྱག་བཞེས་དང་མཁའ་སྤྱོད་སྙན་རྒྱུད་རྗེ་བརྩུན་བསོད་ནམས་རྩེ་མོའི་ཞལ་ལུང་སོགས་པོད་གཉིས་མཛད། གདན་རབས་ཉེར་དྲུག་པ། དཔལ་གྲུབ་པའི་དབང་ཕྱུག་གནུབས་ཆེན་པོ་སུམ་ལྡན་ངུར་སྨྲིག་འཛིན་པའི་གར་དུ་བསྒྱུར་བ་པདྨ་མདོ་སྔགས་བསྟན་འཛིན་མཆོག་གིས། སྐྱབས་མགོན་སངས་རྒྱས་དཔལ་ལྡན་རྗེ་པདྨ་བསྟན་འཛིན། ས་སྐྱའི་རྗེ་བཙུན་མ་སོགས་ལས་སྨིན་གྲོལ་གྱི་གདམས་པ་དང་མདོ་རྒྱུད་མན་ངག་ཐམས་ཅད་གསན་བཞེས་མཛད། རབ་བྱུང་བཅོ་ལྔ་པའི་ལྕགས་ལུག་ཏུ་གསང་སྔགས་རབ་བརྟན་གླིང་གི་ཁྲིར་ཕེབས། དགེ་འདུན་རྒྱ་མཚོའི་དབུས་སུ་ཆོས་ཀྱི་འཁོར་ལོ་བསྐོར་ཞིང་ཕྲིན་ལས་རབ་ཏུ་རྒྱས། གྲུབ་དབང་འགྲོ་འདུལ་རྡོ་རྗེ་རྒྱལ་ཚབ་ཏུ་དབང་བསྐུར། རབ་བྱུང་བཅུ་དྲུག་པའི་མེ་ཡོས་བར་དགོན་གནས་ཐུགས་ཁུར་དང་ཕྱོགས་ཀྱི་རྒྱལ་ཁབ་རྒྱ་རོང་སོགས་སུ་བསྟན་འགྲོའི་བྱ་བ་བྱས། གདན་རབས་ཉེར་བདུན་པ། གཏེར་ཆེནའགྲོ་འདུལ་རྡོ་རྗེ་ནས། སྐྱབས་མགོན་སངས་རྒྱས་དཔལ་ལྡན། རྗེ་པདྨ་བསྟན་འཛིན། རིག་འཛིན་བདུད་འཛོམས་གླིང་པ་སོགས་ལས་སྨིན་གྲོལ་གྱི་མན་ངག་མ་ལུས་པར་གསན། ཟབ་ཆོས་པོད་ལྔ་སོགས་གཏན་ལ་ཕབ། རབ་བྱུང་བཅོ་ལྔ་པའི་ཤིང་ཕག་ཏུ་གསང་སྔགས་རབ་བརྟན་གླིང་གི་ཁྲིར་ཕེབས། གདན་རབས་ཉེར་བརྒྱད་པ། བྱ་བྲལ་རིན་པོ་ཆེ་ཆོས་དབྱིངས་རང་གྲོལ་མཆོག་གི་བོད་རབ་བྱུང་བཅོ་ལྔ་པའི་ཆུ་ཕོ་སྤྲེལ་གྱི་གནམ་ལོ་གསར་དུ་བཞད་པའི་ཚེ། ཡབ་ཡུམ་ཆོས་ལྡན་གྱི་ཁྱིམ་དུ་སྐུའི་སྐྱེ་བ་བཞེས་ཤིང་། སྐུ་ན་ཆུང་ངུའི་དུས་ནས་ལྷ་དགོན་གྱི་གྲྭ་བཙུན་དཀྱུས་མའི་ཚུལ་དུ་ཞུགས། སྐྱབས་མགོན་རྡོ་རྗེ་འཆང་སོགས་བཤེས་གཉེན་དུ་མའི་ཞལ་ལས་སྨིན་གྲོལ་གྱི་བདུད་བརྩི་མནོས། དབང་པོ་རྣོ་ཞིང་ཤེས་རབ་མྱུར་བའི་ཚདདུ་གླེང་། མཐར་གསང་སྔགས་རབ་བརྟན་གླིང་གི་གསེར་ཁྲི་ལ་མངའ་གསོལ། གདུལ་བྱ་གྲངས་མེད་པར་སྨིན་གྲོལ་བདུད་རྩིའི་དགའ་སྟོན་འགྱེད་དེ་མཛད་པ་དོན་ལྡན་དུ་གྱུར། དབེན་རི་བཀྲ་ཤིས་དུང་དཀར་དུ་སྒྲུབ་པའི་རྒྱལ་མཚན་བསྒྲེངས་ཏེ། རྒྱལ་བ་དཔལ་ཡུལ་བ་ཆེན་པོའི་ཕྲིན་ལས་ཀྱི་འོད་སྣང་རབ་ཏུ་རྒྱས་པར་མཛད་དོ། གདན་རབས་ཉེར་དགུ་པ། གྲུབ་དབང་ཡེ་ཤེས་རྡོ་རྗེ་ནས་སྐྱབས་མགོན་སངས་རྒྱས་དཔལ་ལྡན། འཇམ་[page 289] དབྱངས་མཁྱེན་ཀོང་མཆོག་གསུམ། རུ་ཤུལ་ཡོན་ཏན་དཔལ་བཟང་སོགས་ལས་སྨིན་གྲོལ་གྱི་གདམས་པ་རྒྱ་ཆེར་གསན། རུ་ཤུལ་ཡོན་ཏན་དཔལ་བཟང་སོགས་ལས་སྨིན་གྲོལ་གྱི་གདམས་པ་རྒྱ་ཆེར་གསན། རབ་བྱུང་དྲུག་པའི་མེ་ཕག་ཏུ་གསང་སྔགས་རབ་བརྟན་གླིང་གི་ཁྲིར་ཕེབས། གདན་རབས་སུམ་བཅུ་པ། པདྨ་དབང་ལྡན་ནས་སྐྱབས་མགོན་སངས་རྒྱས་དཔལ་ལྡན། ལྕགས་སྤྲུལ་རོལ་པའི་རྡོ་རྗེ། རིག་འཛིན་འགྲོ་འདུལ་རྡོ་རྗེ་སོགས་ལས་སྨིན་གྲོལ་གྱི་གདམས་པ་མ་ལུས་པར་གསན། ལྕགས་ཡོས་ལོར་གསང་སྔགས་རབ་བརྟན་གླིང་གི་ཁྲིར་ཕེབས། གདན་རབས་སོ་གཅིག་པ། རྟོགས་ལྡན་ནམ་མཁའ་འོད་གསལ་གྱིས་ཡོངས་ཀྱི་བཤེས་གཉེན་བཅུ་ཕྲག་གསུམ་དང་ཁྱད་པར་རིག་འཛིན་བདུད་འཛོམས་གླིང་པའི་ཞབས་ལས་སྨིན་གྲོལ་རྣམས་གསན། ཤིང་རྟར་གསང་སྔགས་རབ་བརྟན་གླིང་གི་ཁྲིར་ཕེབས། གདན་རབས་སོ་གཉིས་པ། རྒྱལ་སྲས་ཆོས་དབྱིངས་གྲགས་པས་འཇམ་དཔལ་གྲུབ་དབང་སོགས་བཤེས་གཉེན་དུ་མའི་ཞབས་ལ་གཏུགས་ཏེ་ཐུན་མོང་གཞུང་ལུགས་ཀྱི་སྦྱང་པ་མཐར་སོན། རིག་འཛིན་བདུད་འཛོམས་གླིང་པ་ལ་སྨིན་གྲོལ་གྱི་གདམས་པ་མ་ལུས་པར་གསན་ནས་སྒྲུབ་པ་མཛད་པས་ས་ལམ་གྱི་རྟོག་པ་ཐོན་པོར་སོན། ས་ཁྱིལ་གསང་སྔགས་རབ་བརྟན་གླིང་གི་ཁྲིར་ཕེབས། གདན་རབས་སོ་གསུམ་པ། རིག་འཛིན་རྒྱ་མཚོ་ནས་གཏེར་ཆེན་འགྲོ་འདུལ་གླེང་བ། རོག་འཛིན་ནུས་ལྡན་རྡོ་རྗེ་སོགས་ལས་སྨིནགྲོལ་གྱི་གདམས་པ་གསན་སྒྲུབ་མཛད་པས་སྔགས་ཀྱི་ནུས་ལྡན་རྣམ་འབྱོར་དུ་གྱུར། ཆུ་སྟག་དུ་གསང་སྔགས་བརྟན་གླིང་གི་ཁྲིར་ཕེབས། གདན་རབས་སོ་བཞི་པ། པདྨ་བློ་གྲོས་ཀྱིས། རྒྱལ་ཚབ་ཆོས་དབྱིངས་གྲགས་པ་ལས་སྨིན་གྲོལ་རྣམས་གསན་སྒྲུབ་པ་མཛད་པས་དྲོད་རྟགས་བྱུང་། མེ་ལུག་ཏུ་གསང་སྔགས་རབ་བརྟན་གླིང་གི་ཁྲིར་ཕེབས། གདན་རབས་སོ་ལྔ་པ། ཤེས་རབ་འོད་ཟེར་རྒྱལ་ཚབ་ཆོས་དབྱིངས་གྲགས་པས་རྗེས་སུ་བཟུང་སྟེ་ཉམས་སྣང་གོང་དུ་འཕེལ་པའི་རྣལ་འབྱོར་བ་ཞིག་སྟེ། ལྕགས་ཕག་ཏུ་གསང་སྔགས་རབ་བརྟན་གླུང་གི་ཁྲིར་ཕེབས། གདན་རབས་སོ་བདུན་པ། ལྷ་རྩེ་ཀརྨ་འོད་ཟེར་གྱི་མཆོག་སྤྲུལ་འཇིགས་མེད་འོད་གསལ་ནས། ཁ་ལུང་འཇིགས་མེད་རྡོ་རྗེ། ཁུ་དབོན་མདོ་སྔགས་བསྟན་འཛིན་རྒྱལ་ཚབ་ཆོས་དབྱིངས་གྲགས་པ་སོགས་ལས་སྨིན་གྲོལ་གྱི་གདམས་པ་གསན། རབ་བྱུང་བཅུ་དྲུག་པའི་མེ་ཡོས་སུ་གསང་སྔགས་རབ་བརྟན་གླིང་གི་ཁྲིར་ཕེབས། གདན་རབས་སོ་རྒྱད་པ། པདྨ་རིག་འཛིན་ནས། མཁན་ཆེན་བསོད་ནམས་དབང་ཕྱུག གཙང་མདའ་ཨོ་རྒྱན་རིག་འཛིན་ལས་མདོ་རྒྱུད་སྨིན་གྲོལ་གྱི་གདམས་པ་མ་ལུས་པར་གསན་སྒྲུབ་མཛད་པས་རྟོགས་པ་ཏུ་གྱུར། རབ་བྱུང་དེའི་ཆུ་སྤྲེལ་དུ་གསང་སྔགས་རབ་བརྟན་གླིང་གི་ཁྲིར་ཕེབས། གདན་རབས་སོ་དགུ་པ། ཐུབ་བསྟན་ཟླ་བ་བཟང་པོ་ནས་རྗེ་ཨོ་རྒྱན་རིག་འཛིན། དཔལ་ཡུལ་མཆོག་སྤྲུལ། ནུས་ལྡནགླིང་པ་སོགས་ལས་སྨིན་གྲོལ་གྱི་གདམས་པ་མ་ལུས་གསན་སྒྲུབ་མཛད། རབ་བྱུང་དེའི་ས་སྟག་ཏུ་གསང་སྔགས་རབ་བརྟན་གླིང་གི་ཁྲིར་ཕེབས། གདན་རབས་བཞི་བཅུ་པ་བསོད་ནམས་རྡོ་རྗེ་ནས། མཛན་དངོས་[page 290] བསོད་ནམས་བསྟན་འཛིན་མཁས་མཆོག་ཨོ་རྒྱན་རིག་འཛིན། མཁན་ཆེན་ཙ་ན་རིན་པོ་ཆེ། གཏེར་སྟོན་ནུས་ལྡན་གླིང་པ་སོགས་ལས་མདོ་རྒྱུད་མན་ངག་མ་ལུས་པར་གསན། རབ་བྱུང་དེའི་ཤིང་ལུག་ཏུ་གསང་སྔགས་རད་བརྟན་གླིང་གི་ཁྲིར་ཕེབས། གདན་རབས་ཞེ་གཅིག་པ། པདྨ་ཐེག་མཆོག་རྒྱ་མཚོ་ནི། རབ་བྱུང་བཅོ་ལྔ་པའི་བགྲང་བྱ་ང་གཉིས་པ་ས་ཕོ་རྟ་ཡི་ལོར་སྐུ་འཁྲུངས། ཁོང་སྐུ་བྱིས་པའི་དུས་ནས་དབང་པོ་གསལ་ཞིང་བློ་མིག་དངས་ལ་ཀུན་གྱིས་ཡིད་དུ་འོང་བ་ཞིག་མཆིས། དགུང་གྲངས་བདུན་བཞེས་པ་ཙམ་ནས་ཁུ་བོ་བླ་མ་རིག་མཆོག་གིས་ཀློག་བསླབ། རིམ་གྱིས་གཡུ་ཁོག་བྱ་བྲལ་སོགས་དམ་པ་དུ་མ་ལས་གཞུང་དང་མན་ངག་སོགས་ཅི་རིགས་པར་གསན་སྦྱོང་མཛད། སྤྱི་ལོ་1978སྐབས་ལྷ་དགོན་གྱི་བསྟན་པའི་ཁུར་བཞེས་ཏེ་རྟེན་བཞེངས་སོགས་མཛད་པ་རྒྱ་ཆེ། གསང་སྔགས་རབ་བརྟན་གླིང་གི་ཁྲི་འགན་བཟུང་། གདན་རབས་བསྐྱང་ང་སོགས་ཕྲིན་ལས་རྒྱ་ཆེ་བ་བྱུང་ངོ་། མཐར་རབ་རྒྱལ་ཆུ་ཕག་ལོར་འདས་རྗེས་ཡི་གེ་ཕྱག་བྲིས་གནང་ནས་ཞལ་ཆེམས་བསྩལ་བར་མཛད་དེ་དགོངས་པ་ཆོས་དབྱིངས་སུ་གཤེགས་སོ། གདན་རབས་ལེ་གཉིས་པ། ཨ་ལགས་བླ་མ་དོན་ཡོད་རྒྱ་མཚོ་ནི། སྦས་ཡུལ་གསེར་གྱི་ཡུལ་ལྗོངས་སུ་ཡབ་ཡུམ་ཆོས་ལྡན་གྱི་རིགས་སུ་སྐུའི་སྐྱེ་བ་བཞེས། གཡུ་ཁོག་བྱ་བྲལ་སོགས་བཤེས་གཉེན་མང་པོའི་ཞབས་པད་གཙུག་ཏུ་བསྟེན། གདན་རབས་ཞེ་གསུམ་པ། ངག་དབང་ཀུན་དགའ་བསོད་ནམས་རིན་ཆེན་དཔལ་ཟང་པོ་ནི་རབ་རྒྱལ་ཤིང་སྤྲེལ་ལོར་སྐུ་འཁྲུངས། རྫོང་གསར་མཁྱེན་བརྩེ་སོགས་དམ་པ་དུ་མས་ལྷ་རྩེ་སྐྱབས་མགོན་གྱི་སྤྲུལ་སྐུ་ངོས་འཛིན་གནང་། གསར་རྙིང་མཁས་གྲུབ་མང་པོ་ལས་སྨིན་གྲོལ་གྱི་གདམས་པ་མ་ལུས་པར་གསན་སྦྱང་ཕུལ་ཕྱིན་མཛད་ཅིང་ཐུགས་ཉམས་བསྟར། རབ་རྒྱལ་ཤིང་བྱི་ལོར་གསང་སྔགས་རབ་བརྟན་གླིང་གི་གསེར་ཁྲི་ལ་མངའ་གསོལ། དགོན་པ་ཐོག་མར་འདེབས་དུས་ཀྱི་གྲུབ་མཐའ་བོན་ལུགས་ལྟར་ས་ཁྲིད་ཐིག་ལེའི་ཆོས་སྐོར་སོགའ་ཀྱི་འཆད་ཉན་སྒོམ་གྲྭ་དར་བ་དང་། རབ་བྱུང་ལྔ་པ་ནས་བན་བོན་འདྲེས་མ་རུ་གྱུར། དེ་རྗེས་རབ་བྱུང་བཅུ་གཅིག་པར་རྒྱལ་བ་དཔལ་ཡུལ་བའི་ཤིང་རྟ་ཆེན་པོས་བཀའ་གཏེར་ཡོངས་ཀྱི་སྙིང་པོའི་ཉམས་ལེན་གྱི་ཕྲིན་ལས་ཀྱི་རྒྱུན་བསྲིངས།

དགོན་འདི་ཆགས་པ་ནས་བཟུང་སྐྱེས་ཆེན་དམ་པ་དེ་དག་གིས་བཞེངས་བའི་སྐུ་གསུང་ཐུགས་རྟེན་གྱི་བཞུགས་བྱང་མདོ་ཙམ་ནི། རྒྱ་ཁྱོན་ཆེ་བའི་འདུ་ཁང་དང་། བཟོ་བཀོད་ལེགས་པའི་གཙུག་ལག་ཁང་གསུམ་གྱི་ནང་དུ་སྐུ་རྟེན་སྟོན་པ་མཉམ་མེད་ཐུབ་པའི་དབང་པོ་ལི་མ་བརྒྱ་ཕྲག་ལྔ། ལི་མ་སྟོང་གཅི་དཏེར་མ་བརྒྱ་ཕྲག་གཅིག་སོགས་ཤིན་ཏུ་མང་།

དུས་མཆོད་སྐོར་དབྱར་ཟླ་བར་དཔལ་ཡུལ་སྒྲུབ་སྡེ་ཉེར་ལྔའི་སྒྲུབ་མཆོད་དང་བཀའ་ཆོས་བཀླག་འདོན་བཅས་ཟླ་གཅིག དགུན་ཟླ་ཐ་ཆུང་ནང་ཕུར་སྒྲུབ་ཆེན་མོ་དང་སྦྲགས་ཞི་ཁྲོའི་རྩ་འཆམ་རྒྱས་སྤྲོས་དང་། ཆོ་འཕྲུལ་ཟླ་བའི་ནང་རྒྱལ་ཚབ་བྱམས་མགོན་གྱི་སྣང་བརྙན་མཇལ་སྐོར་དང་རིག་འཛིན་བྱིན་འབེབས་ཀྱི་གར་འཆམ། བོད་ཟླ་བཅུ་པར་ཟླ་གཅིག་ལ་སྐུ་གསུམ་སྒྲུབ་པ། དབྱར་གནས་རྒྱུུན་སྡོད་ཀྱི་[page 291] བཤད་གྲྭ་དང་སྒྲུབ་གྲྭ་བཅས་སོ༎

ཆོས་སྡེ་འདི་ཡི་རྟེན་དང་བརྟེན་པའི་གཙུག་ལག་པང་གི་རྟེན་དང་ཚོགས་པའི་གཏོང་སྒོ་སོགས་ནི་རྒྱ་རོང་རྒྱལ་ཁག་བཅོ་བརྒྱད་ཀྱི་ལྷ་འབངས་ཡོངས་ཀྱིས་མཐུན་རྐྱེན་སྦྱར་བ་མ་ཟད་ཤར་ཕྱོགས་གནམ་གྱི་རྒྱལ་པོའི་ཁབ་ནས་དབང་ལྡན་ཨ་རིའི་ཡུལ་གྲུ་ཚུན་ཆད་ནས་དད་ལྡན་ཡོན་བདག་ཀུན་གྱིས་མཐུན་རྐྱེན་གྱི་ཡོན་སྦྱར་བ་གདན་རབས་ལས་ཕྱོགས་ཙམ་བསྟན་པ་བཞིན་ནོ། འགན་བཞེས་པའི་གོ་རིམ་སོགས་ལྗོངས་འདིའི་དགོན་སྡེ་སྤྱི་ལྟར་རོ། སྔོན་ཆད་རྟེན་གཙུག་ལག་ཁང་དང་བརྟེན་པ་ལྷ་རྟེན་ཆོས་གསུམ། མཆོད་རྫས་ཡོ་སྤྱད་སོགས་ཤིན་ཏུ་འགང་ཆེ་བ་ཤ་སྟག་མཆིས་ཀྱང་། དུས་དབང་གིས་འཐོར་བ་སྤྱི་མཐུན་ལྟར་རོ། དེང་མེས་རྒྱལ་གྱིས་ཆོས་ལུགས་ཀྱི་མཛད་སྒོ་སྤེལ་རྗེས་སུ་ཆོས་དད་མང་ཚོགས་ཀྱི་བདག་རྐྱེན་འོག་བླ་གྲྭ་རྒན་གྲྭས་འགན་བླང་ཏེ་གཙུག་ལག་ཁང་དང་སྟོན་པ་གཙོ་འཁོར་གསུམ་གུ་རུ་གཙོ་འཁོར་གསུམ། བྱམས་པ། འཇམ་དབྱངས། སྤྱན་རས་གཟིགས། སྒྲོན་མ་སོགས་འཇིམ་སྐུ་བཅུ་ཕྲག་གཉིས་ལྷག་དང་། གུ་རུ་སྟོང་སྐུ། རྒྱལ་བའི་བཀའ་འགྱུར་ཆེན་མོ། གསུང་འབུམ་ཆ་ཤས། བྱ་བྲལ་རིན་པོ་ཆེའི་སྐུ་གདུང་དང་ཁང་བརྩེགས་མཆོད་རྟེན་དང་། གཞན་ཡང་རྔ་དུང་རོལ་མོ་སོགས་མཆོད་པའི་ཡོ་སྤྱད་དང་དར་གདུགས་འཕེན་གསུམ་དཀྱིལ་འཁོར་གྲྭ་ཆས་སོགས་དོད་ཐུབ་ཙམ་རེ་ལེགས་པར་གྲུབ་ནས་བླ་གྲྭ་བཅུ་ཙམ་གྱིས་དུས་མཆོད་རྣམས་འཚོགས་བཞིན་པ་དང་འབྱུང་འགྱུར་སྒྲུབ་གྲྭ་ཞིག་འཛུགས་རྒྱུའི་གྲོས་གཞི་འདོན་གྱིན་མཆིས་སོ།། ཆུ་ཕྱར་རི་ཁྲོད་ནི། ཆོས་སྡེ་འདི་ཐོག་མར་འདེབས་པ་པོ་ནི། གྲུབ་ཆེན་ཐང་སྟོང་རྒྱལ་པོ་ཡིན། དགོན་འདི་དང་པོ་ཇི་ལྟར་བཏབ་པའི་ལོ་རྒྱུས་ཕྲན་ཙམ་གླེང་ན། སྔོན་ཆོས་ཀྱི་རྒྱལ་པོ་སྲོང་བཙན་གྱི་བཀའ་བློན། ཆོས་རྒྱལ་མདོག་གཞེར་ནག་པོ་ཞེས་རྒྱ་བོད་ཀྱི་མཚམས་སྲུངས་སུ་དབང་བསྐུར་ཐོབ་པ་བསོད་ནམས་སྟོབས་ཀྱི་འཁོར་ལོ་བསྒྱུར་བའི་རྒྱལ་པོ་ཞིག་བྱུང་བ་དེའི་གདུང་རབས་ཉེར་གཉིས་པ། རྒྱལ་པོ་ནམ་མཁའ་འཆི་མེད་དང་། བཙུན་མོ་དབྱངས་ཅན་མཚོ་གཉིས་ལ། རྒྱལ་སྲས་ནམ་མཁའ་འོད་བཟང་དང་། སྐྱེས་མཆོག་སངས་རྒྱས་སྐྱབས་རྣམ་གཉིས་སྐུ་འཁྲུངས། སྔ་མ་རྒྱལ་སར་འཁོད། ཕྱི་མ་ཆོས་སྒོར་ཞུགས་ཏེ་བསྟན་པ་ལ་རབ་ཏུ་བྱུང་། སྐུ་ན་ཆུང་ངུའི་དུས་ནས་དམ་པའི་ཡོན་ཏན་གྱི་རིགས་དུ་མ་མངོན་དུ་གྱུར། དབུས་གཙང་དུ་ཕེབས་ཏེ་གྲུབ་ཆེན་ཐང་སྟོང་རྒྱལ་པོ་རིགས་ཀྱི་བདག་པོར་བསྟེན། དཔལ་ལྡན་ཤངས་པ་བཀའ་རྒྱུད་ཀྱི་གསེར་ཆོས་རྣམ་ལྔའི་སྨོན་གྲོལ་མ་ལུས་པར་གསན་ཞིང་། བརྩོན་པ་དྲག་པོས་ཐུགས་ཉམས་སུ་བསྟར་བས་སྒྱུ་ལུས་ལ་དབང་འབྱོར། བར་སྐབས་ཤིག་ན་གྲུབ་ཆེན་ཁམས་སུ་བྱོན་ནས་ཁོང་གིས་ཞབས་འབྲང་བར་བགྱིས་ཏེ་གསེར་ཡུལ་དུ་ཞབས་སོར་འཁོད། དེ་ཚེ་གྲུབ་ཆེན་ཉིད་ཆུ་ཕྱར་གནས་ཀྱི་བྲག་གི་ཀེ་ཚང་ནས་སྒྲུབ་པ་མཛད་དེ་རྒྱུན་རིང་ཙམ་བཞུགས། རི་འདི་རྟ་ཕག་ཟུང་སྦྱོར་གྱི་གནས་ཡིན་པས་བྱིན་རླབས་ནུས་པ་ཟླ་དང་བྲལ་ཞེས་བསྔགས་པ་མཛད། བྲག་རིའི་ངོས་ན་ནོར་བུ་དགའ་འཁྱིལ་གྱི་རི་མོ་རང་བྱོན་ཡོད་པ་འདི་དཔལ་རྟ་མཆོག་རོལ་པ་དང་། མ་ཅིག་རྡོ་རྗེ་ཕག་མོ་ཟུང་དུ་འཇུག་[page 292] པའི་བརྡ་མཚོན་ཡིན་ཞེས་གསུངས་ཏེ། ཆོས་སྡེ་འདིའི་མིང་ལ་ཨེ་ཝཾ་དགའ་འཁྱིལ་གླིང་ཞེས་པའི་མཚན་གསོལ། དེ་ནས་གྲུབ་ཆེན་ཉིད་ཀྱི་ཞལ་སློབ་དུ་མས་གདན་ས་བསྐྱངས། སྔགས་བཙུན་ཕོ་མོ་གྲངས་མེད་པས་སྒྲུབ་པ་རྩེ་གཅིག་ཏུ་གཞོལ་བས་འོད་ལུས་གྲུབ་པ་མང་དུ་བྱུང་། སྐབས་སྐབས་སུ་འཕེལ་འགྲིབ་སྣ་ཚོགས་བྱུང་ཞིང་རབ་བྱུ་བཅུ་གསུམ་པར། དཔལ་སྔགས་ཀྱི་བདག་མོས། སྐྱབས་མགོན་སངས་རྒྱས་དཔལ་ལྡན་ལ་ལུང་བསྟན་པའི་མཐུས། རྗེ་དེ་ཉིད་གནས་དེར་གཏན་བཞུགས་མཛད། འདི་སྐབས་དགེ་འདུན་གྱི་སྡེ་རབ་ཏུ་འཕེལ་ཞིང་། གྲྭ་ཁང་ལྔ་བརྒྱ་ལྷག་ཙམ་མཆིས་ཤིང་། བཤད་སྒྲུབ་ཆོས་ཀྱི་འཁོར་ལོ་རྒྱུན་དུ་བསྐོར་བས་བསྟན་པའི་རྒྱལ་མཚན་སྲིད་པའི་བླ་རུ་བསྒྲེངས་ཏེ་སྙན་པའི་གྲགས་པ་མདོ་དབུས་ཁམས་གསུམ་དུ་ཁྱབ་པ་བྱུང་། དེ་རྗེས་ནས་བྱ་བྲལ་ཆོས་དབྱིངས་རང་གྲོལ་གྱི་ཞལ་སློབ་ཡོངས་ཀྱི་མཆོག་ཏུ་གྱུར་བ་ལྷ་རྩེ་རིག་འཛིན་འོད་གསལ་རྡོ་རྗེ་སྙིང་པོའི་མན་ངག་ཐེག་མཆོག་རྫོགས་པ་ཆེན་པོའི་ཁྲིད་རྒྱས་པར་བསྩལ་བས། གདུལ་བྱ་གྲངས་མེད་སྨིན་གྲོག་ལ་བཀོད་པར་མཛད་དོ། དེ་ལྟར་རྒྱལ་བསྟན་སྤྱི་དང་བྱེ་བྲག་རྒྱལ་བ་དཔལ་ཡུལ་བའི་བསྟན་པ་རིན་པོ་ཆེ་གསེར་ལྡན་ནོར་འཛིན་ཡངས་པའི་ཁྱོན་ཀུན་ཏུ་སྤེལ་བ་ལ་རྒྱུ་སྐར་གྱི་ཕྲེང་བའི་ཁྲོད་ན་ཉ་རྒྱས་ཟླ་བའི་དཀྱིལ་འཁོར་བཞིན་ཆེས་རྨད་དུ་བྱུང་ཡང་དུས་ཀྱི་འཕོ་འགྱུར་ཆེན་པོའི་དབང་གིས་གཙུག་ལག་ཁང་རྟེན་དང་བརྟེན་པ་གྲྭ་ཤག་བཅས་རྡོ་ཕུང་ཞིག་ལས་མ་ལྷག་པར་བགྲང་བྱ་ཉག་མ་བཅུ་ཕྲག་གསུམ་གྱི་རིང་ལ་བཤད་སྒྲུབ་ཀྱི་བསྟན་པའི་མིང་ཙམ་ཡང་མེད་པའི་གནས་སུ་གྱུར་པ་ནི་བོད་ཁམས་ཀྱི་དགོན་སྡེ་ཕལ་མོ་ཆེ་དང་མཚུངས་སོ། ཁྱད་པར་ཆོས་དད་མང་ཚོགས་ཀྱིས་རྒྱུ་དངོས་ཀྱི་ཡོན་སྦྱར་ཞིང་། ངལ་རྩོལ་གྱི་ཞལ་འདེབས་བཅས་ལ་བརྟེན་ནས། གཙང་མདའ་རྡོ་རྗེ་ཐར་གྱི་རྣམ་རོལ་གླ་རི་པདྨ་ཞེས་མཁས་ཤིང་གྲུབ་པའི་དབང་ཕྱུག་དེ་དང་། ལྷ་རྩེ་འཇམ་དཔལ་རྒྱ་མཚོའི་མཆོག་སྤྲུལ་ཨ་ལགས་བླ་མ་དོན་ཡོད་རྒྱ་མཚོ་ཞེས་དཔལ་ངེ་པ་དོན་གྱི་རྣལ་འབྱོར་བ་དེ་དང་། སྐྱབས་མགོན་གཉིས་པ་ངག་དབང་ཀུན་དགའ་བསོད་ནམས་རིན་ཆེན་དཔལ་བཟང་པོ་སོགས་བླ་གྲྭ་རྒན་པ་རྣམས་ཀྱིས་ཐུགས་ཁུར་ཟབ་བཞེས་དང་། གཙུག་ལག་ཁང་རྟེན་དང་བརྟེན་པ་བཅས་སླར་གསོ་དང་། བཤད་གྲྭ་དང་། སྒྲུབ་གྲྭ་དང་། གཞན་གྲྭ་ཁང་ཉིས་བརྒྱ་ལྷ་ཙམ་དང་། དུང་འཁོར་སུམ་ཅུ་ལྷག ཟངས་མདོག་དཔལ་རི། སྲས་མཁར་དགུ་ཐོག མཆོད་རྟེན་དང་ཁང་བརྩེགས་སོགས་ཉི་ཤུ་ཡས་མས་བཅས་བརྟེན་བཞེངས་ཀྱི་རིགས་དུ་མ་གསར་བཞེངས་མཛད། རྒྱལ་བའི་བཀའ་འགྱུར་དང་བསྟན་འགྱུར་སོགས་གླེགས་བམ་བཞི་བརྒྱར་ཉེ་ཙམ་དང་། རྒྱན་ཆས་ཡོ་བྱད། རྔ་དུང་རོལ་མོ། འཆམ་གོས་ཞལ་འབགས་སོགས་ཅི་རིགས་པར་མཆིས་སོ། བླ་གྲྭ་ཉིས་བརྒྱ་ལྷག་ཙམ་གྱིས་འཚོགས་དུས་མཆོད་སོགས་སྔ་མ་ཅི་ཡོད་ད་ལྟའང་འཚོགས་བཞིན་ཡོད། དགོན་པའི་དུས་མཆོད་སོགས་ཀྱི་གཏོང་སྒོ་ལྷ་རྩེ་ཤོག་དྲུག་གིས་ཡོན་སྦྱར་བ་ལ་བརྟན་པའོ། རྟིང་མར་བྱ་བྲལ་སྐུ་སྐྱེ་མཉམ་མེད་མཆོག་དང་། མཁས་བཙུན་དམ་པ་སྤྲུལ་པའི་སྐུ་པད་འཛིན་རྣམ་གཉིས་ནས་བསྟན་དགོན་གྱི་ཁུར་བསྣམས་ནས། ཆོས་སྡེ་ཆེན་པོ་འདིར་འཚོགས་ཆོས་ར། ཁྲིམས་སྒྲིག་ལམ། [page 293] བཤད་སྒྲུབ་ལས་གསུམ་སོགས་རྒྱལ་བ་དཔལ་ཡུལ་བ་ཆེན་པོའི་བཀའ་སྲོལ་རྨད་དུ་བྱུང་བའི་རང་ལུགས་དྲི་མ་མེད་པ་འཛིན་སྐྱོང་སྤེལ་བའི་ཕྲིན་ལས་ཀྱི་རྒྱུན་མི་ཉམས་གོང་འཕེལ་དུ་མཛད་བཞིན་ལགས་སོ།

ས་མིང་ཚིག་མཛོད་མིག་བཤར།

རབ་བྱུང་དྲུག་པ་ཡས་མས་སུ་བླ་མ་ཉི་འོད་འབུམ་གྱི་སྲས་རྒྱལ་བ་བྱང་ཆུབ་ཞེས་བྱ་བ་མདོ་སྨད་དུ་ཕེབས་ནས་གནས་འདིར་བཀའ་རྒྱུད་ཀྱི་རི་ཁྲོད་ཞིག་ཐོག་མར་ཕྱག་བཏབ། དམ་ཅན་སྒྲུབ་ཕུག་ཏུ་ལོ་དུ་མར་རྩེ་ཅིག་ལ་གཞོལ། རྫས་གཏེར་དང་དགོངས་གཏེར་མང་དུ་བཏོན་ཏེ་གྲུབ་བརྙེས་རྣལ་འབྱོར་གྱི་དབང་ཕྱུག་ཏུ་གྱུར། དེའི་སྲས་གྲུབ་ཐོབ་གཡུ་སྒྲ་ཞེས་བྱ་བའི་གདན་ས་བསྐྱངས་ནས་འཁོར་ལོ་གསུམ་གྱི་མཛད་ཕྲིན་དབྱར་མཚོ་ལྟར་རྒྱས། སྐལ་ལྡན་གདུལ་བྱ་རྣམས་སྨིན་གྲོལ་ལ་བཀོད། བརྟུལ་ཞུགས་ཀྱི་སྤྱོད་པས་མི་སྲུན་པའི་སྐྱེ་བོ་རྣམས་ཀྱི་བློ་རྣ་དབང་མེད་དུ་ཆོས་ལ་བསྒྱུར། བར་སྐབས་ཤིག་ལ་མཁའ་འགྲོའི་ལུང་བྱང་དུ། གཡས་རྡོ་རྗེ་ལེགས་པའི་ཤར་རྩེའི་འོགཿ མགོན་པདྨའི་ཡང་ཟབ་གཏེར་གྱིམཆོགཿ སྣོད་མི་འགྱུར་ཟངས་ཀྱི་གའུ་རུཿ རྟེན་ཙཀྲ་བཅུ་གསུམ་སྲུང་མའི་ནོརཿ ཁྱད་འཕགས་གཏེར་གྱི་སྐལ་བ་ཡོདཿ ཞེས་ལུང་བསྟན་ལྟར་ཟླ་བ་དེའི་ཚེས་བཅུ་གཟའ་སྐར་འཕྲོད་སྦྱོར་སོགས་ཤིན་ཏུ་ལེགས་པའི་སྔ་དྲོ་ཉི་ཤར་གྱི་ཆ་ལ་རྟེན་འབྲེལ་སྣ་གཅིག་ཀྱང་མ་རལ་བར་གཏེར་སྒྲོམ་སྒམ་གྱི་རྣམ་པ་ཆུང་ངུ་ལས་དམ་ཅན་གསང་བ་ཡང་ཁོལ་གྱི་སྒྲུབ་ཐབས་མན་ངག་ལས་ཚོགས་དང་བཅས་པ་དང་། རིན་ཆེན་སྣ་ལྔ་ལས་གྲུབ་པའི་དམ་ཅན་རྡོ་རྗེ་ལེགས་པའི་སྐུ་བརྙན་མཛེས་ཁྱད་ཅན་དང་། མི་མིན་སྡེ་བརྒྱད་ཀྱིས་ཕྱག་བཟོ་དང་རྡོ་རྗེ་ལེགས་པའི་ཕྱག་ཐེལ་བཅས་ཡོད་པའི་དམ་ཅན་རོལ་མོ་དང་། གཞན་དགོངས་གཏེར་དུ་མ་བཅས་འཇའ་འོད་ཀྱི་གུར་ཕུབ་མེ་ཏོག་གི་ཆར་བབས། ས་གཡོ་བ་དང་སྒྲ་ཆེན་པོ་གྲགས་པ་སོགས་ངོ་མཚར་བའི་རྟགས་དུ་མ་དང་བཅས་ཏེ་གཏེར་ནས་སྤྱན་དྲངས། མདོར་ན་མངོན་ཤེས་དང་རྫུ་འཕྲུལ་སོགས་ལ་ཐོགས་པ་མི་མངའ་བས་ཀུན་གྱིས་རྩོད་མེད་དུ་གཙུག་ཏུ་བཀུར་ཏེ་མིང་དོན་མཐུན་པའི་གྲུབ་ཐོབ་རྣལ་མ་ཞིག་བྱུང་བར་གྲགས།

དེའི་གདུང་སྲས་ཀརྨ་རྒྱལ་མཚན་དང་། བླ་མ་ཀརྨ་ཐོགས་མེད། བླ་མ་ཀརྨ་བཟང་པོ་སོགས་མཁས་པའི་གྲགས་པ་འབར། གྲུབ་པའི་གདེང་དང་ལྡན། བཟང་པོའི་མཛད་ཕྲིན་རྒྱས་པའི་གྲུབ་བརྙེས་ཀྱི་རིག་འཛིན་མུ་ཏིག་བསྟར་ལ་བརྒྱུས་པ་ལྟ་བུ་བྱོན་ཏེ་ངེས་དོན་ཕྱག་ཆེན་པོ་སྤྱི་དང་བྱེ་བྲག་ཟབ་ལམ་ན་རོ་ཆོས་དྲུག་དང་དམ་ཆོས་བདུད་གཅོད་ཟབ་མོ་སོགས་ལ་རང་ཉིད་ཀྱིས་ཉམས་བཞེས་མཛད་ནས་གྲུབ་པའི་རྟགས་མཚན་མངོན་དུ་གྱུར། སྐལ་ལྡན་གྱི་གདུལ་བྱ་རྣམས་ལ་བློ་དང་དབང་པོའི་རིམ་པ་དང་འཚམས་པར་དབང་ལུང་ཁྲིད་གསུམ་གྱིས་རྗེས་སུ་བཟུང་སྟེ་བཀའ་བརྒྱུད་གོང་མའི་ཕྱག་སྲོལ་དང་མཐུན་པར་སྒྲུབ་རྒྱུད་ཀྱི་བསྟན་པ་འཛིན་སྐྱོང་སྤེལ་གསུམ་གྱི་སྒོ་ནས་བླ་རུ་སྤེལ་བར་གྲགས།

[page 294] དེ་ནས་མི་སྡོད་དུས་ཀྱི་འཁོར་ལོ་རིམ་གྱིས་བརྒྱུད་ནས་བོད་རབ་བྱུང་བཅུ་གཅིག་པའི་སྨད་ཙམ་ལ་སླེབས་སྐབས་གསེར་ལྗོངས་ས་སྐྱོང་གི་ཐོག་མ་དབལ་ཤུལ་ཤྰཀྱ་ཐར་དང་དུས་མཉམ་ཙམ་དུ་བླ་མ་ཀརྨ་ཐོགས་མེད་དཔལ་ཡུལ་རྣམ་རྒྱལ་བྱང་ཆུབ་གླིང་དུ་ཕྱིན་ནས་སྔ་འགྱུར་བསྟན་པའི་ཀ་ཆེན་རྒ་རྗེ་བླ་མ་ཀུན་བཟང་ཤེས་རབ་དང་གཙང་མདའི་རྡོ་རྗེ་ཐར་སོགས་མཁས་གྲུབ་ཀྱི་དམ་པ་དུ་མའི་ཞབས་པད་ཡུན་དུ་བསྟེན། གཞུང་ལུགས་ལ་བྱན་ཚུད་པའི་མཁས་པའི་ཁྱུ་མཆོག་ཏུ་གྱུ། ཁོང་གི་དགོན་པ་འདི་གཙང་མདའ་དགོན་པའི་དགོན་ལག་ཏུ་ཞལ་བཞེས་མཛད་ནས་ཆོས་རྒྱུན་དང་སློབ་རྒྱུན་རྒྱལ་བ་དཔལ་ཡུལ་བའི་ལུགས་སུ་བསྒྱུར། བུ་སློབ་གདུལ་བྱ་རྣམས་ལ་སྔ་འགྱུར་གྱི་བཀའ་གཏེར་སྤྱི་དང་བྱེ་བྲག་གསང་ཆེན་སྔ་འགྱུར་བའི་བཀའ་སྲོལ་འཛིན་པ་ཆེན་པོ་གསུམ་གྱི་ཡ་གྱལ་རྒྱལ་བ་དཔལ་ཡུལ་བའི་རང་ལུགས་དྲི་མ་མེད་པ་གཏེར་འབྱིན་ཡོངས་ཀྱི་འཁོར་ལོས་བསྒྱུར་བ། རཏྣ་གླིང་བ་དང་འཁྲུལ་ཞིག་དབང་དྲག་རྒྱ་མཚོའི་ཡང་སྤྲུལ་གནམ་ཆོས་སྤྲུལ་སྐུ་མི་འགྱུར་རྡོ་རྗེ་ཟབ་གཏེར་གྱི་དབང་ལུང་མན་ངག་བཅས་འཛིན་སྐྱོང་སྤེལ་བའི་ཕྲིན་ལས་ནམ་མཁའ་དང་མཉམ་པར་གྲགས། ཁོང་གི་གསུང་ལས་སྐྱེས་པའི་སྲས་ཀྱི་ཐུ་བོ་སྐུ་ཚེ་ཧྲིལ་བོར་སྒྲུབ་པ་ཉམས་ལེན་ཁོ་ན་ལ་རྩེ་གཅིག་ཏུ་གཞོལ་བས་གྲུབ་བརྙེས་ཀྱི་ས་མཐོར་གཤེགས་པའི་བླ་མ་ཀརྨ་དབང་ཆེན་བསྟན་པའི་བདག་པོར་མངའ་གསོལ་ཏེ་གསེར་སྲིབ་བྱམས་མགོན། གསེར་ཤར་དུ་གནས་སྤོར་བྱས་ནས་རི་ཁྲོད་དེ་ཉིད་དགོན་པར་བསྒྱུར། རི་ཆོས་གསུམ་དང་ནང་ཆོས་གསུམ་སྐུ་གསུམ་སྒྲུབ་པ་དང་དུས་མཆོད་སོགས་ཀྱི་སྲོལ་བཏོད། དེ་ནས་རེམ་བཞིན་བཤད་སྡྲུབ་བསྟན་པ་སྐྱོང་བའི་བྱེད་པོ་བླ་མ་བསོད་ནམས་རིན་ཆེན། གྲུབ་པའི་དབང་ཕྱུག་ཆེན་པོ་བླ་མ་ཡིད་བཞིན། མཁས་བཙུན་བཟང་པོའི་ཡོན་ཏན་གྱིས་ཕྱུག་པའི་བླ་མ་མདོ་སྔགས། ལུགས་གཉིས་བླ་བཞག་ལ་རྨད་དུ་བྱུང་བའི་བླ་མ་མཆོག་བཟང་། མངོན་ཤེས་རྫུ་འཕྲུལ་ལ་མངའ་དབང་འབྱོར་བའི་བླ་མ་དཔལ་སྟོབས། འདིའི་སྐུ་རིང་ལ་འཚོགས་ཆེན་འདུ་ཁང་ཆེན་མོ་རྒྱ་བསྐྱེད་མཛད། མཁན་སློབ་ཆོས་གསུམ་གྱི་གཙོས་སྐུ་གསུང་ཐུགས་རྟེན་དུ་མ་གསར་བཞེངས་དང་དབང་ཁྲེད་སོགས་ཅི་རིགས་གནང་ནས་བཤད་སྒྲུབ་སྔ་སྲོལ་ལྟར་བསྐྱངས། དེ་ནས་དམ་ཆོས་བདུད་གཅོད་ཀྱི་རྣལ་འབྱོར་བ་བླ་མ་དཔལ་འཛིན་དང་། གསང་བདག་རྟོགས་པའི་དཔལ་འབར་དབོན་པོ་ཆོས་ལོ། བསྙེན་སྒྲུབ་ནུས་པ་མཐར་ཕྱིན་དབོན་པོ་རིག་རྡོར། མཁྱེན་སྤྱནལྡན་པ་མཁན་པོ་བསོད་ལྡན་སོགས་མཁས་དང་གྲུབ་པའི་དབང་ཕྱུག་རིམ་པར་གདན་ས་འདིར་བྱོན་ནས་རྒྱལ་བསྟན་འཁོར་ལོ་གསུམ་གྱི་མཛད་བཟང་གི་དུས་འདའ་བར་བྱས་སོ༎

དེ་ལྟར་གདན་རབས་རིམ་བྱོན་གྱི་བསོད་ནམས་གྱི་བདག་རྐྱེན་ལས་གདུལ་བྱའི་དད་རྟེན་དུ་བཞེངས་གནང་མཛད་པའི་རྟེན་དང་བརྟེན་པའི་གྲངས་ཀ་ནི། གོང་གསལ་བླ་མ་གཡུ་སྒྲས་གཏེར་བྱོན་དམ་ཅན་རྡོ་རྗེ་ལེགས་པའི་སྐུ་བརྙན་དང་། གསང་བ་ཡང་ཁོལ་གྱི་སྒྲུབ་ཐབས་ཆ་ཚང་དང་གཏེར་སྒྲོམ་སྣ་མང་བླ་མ་ཡིད་བཞིན་གྱིས་དཔལ་བསམ་ཡས་ནས་སྤྱན་དྲངས་བའི་ཐུགས་རྗེ་ཆེན་པོ་སེམས་ཉིད་ངལ་གསོའི་སྐུ། [page 295] རྒྱལ་སྲས་ཚེ་དབང་གྲགས་པའི་སྤྲུལ་བའི་རྣམ་འབྱོར་དུ་གྲགས་པ་བླ་མ་དཔལ་སྟོབས་ཀྱིས་གངས་ཅན་འཛིན་མའི་མཐའ་དབུས་ཀུན་ན་སྙན་པར་གྲགས་པའི་ཨ་མྱེ་རྨ་ཆེན་གྱི་གྱི་གནས་མཆོག་ཏུ་རྩེ་གཅིག་སྒྲུབ་པ་ལ་གཞོལ་བའི་སྐབས་སུ་གཏེར་ནས་བཏོན་པའི་རྡོར་དྲིལ་དང་བཀའ་གདམས་མཆོད་རྟེན་གསེར་གྱི་རྟ་མཆོག་བཅས་ཡ་མཚན་ལྡན་པ་དང་། བླ་རབས་རིམ་བྱོན་གྱིས་སྐུ་གདུང་བྱིན་ལྡན་དུ་མ་དང་། ཐུབ་པ་གཙོ་འཁོར་གསུམ། གུ་ར་མཚན་བརྒྱད། རྒྱན་དྲུག་མཆོག་གཉིས། གནས་བརྟན་བཅུ་དྲུག་སོགས་སོ།། དུས་མཆོད་ཀྱི་རིགས་ནི། གཏེར་ཆེན་རཏྣ་གླིང་བའི་ཐུགས་ཆེན་གསང་བ་འདུས་པའི་སྒྲུབ་མཆོད་དང་། བཀའ་བརྒྱད་བདེ་གཤེགས་འདུས་པ་དང་། མ་ཏིའི་སེང་གདོང་། ཀརྨ་གླིང་བའི་ཞི་ཁྲོ་སོགས་ཟབ་སྒྲུབ་མི་ཉུང་བ། རཏྣའི་ཕུར་བ་དགུ་སྒྲུབ། བདེ་ཆེན་ཞིང་ཁྲིད་ཉིན་བརྒྱད་དང་། དབྱར་གནས། བླ་མ་སྐུ་གསུམ་གྱི་སྒྲུབ་པ་རི་ཆོས་གསུམ་ནང་ཆོས་གསུམ། མགོན་བླའམ་གསོལ་ཁ་བ་རྒྱུན་བཞག སྒྲུབ་གྲྭ་ལོ་འཚམས་ལ་བཞུགས་མཁན་གྲྭ་བཅུ་ལྷག་དང་། གནམ་གང་ལ་གསོ་སྦྱོང་ཚེས་བཅུ་དང་ཉེར་ལྔ་ལ་ཚོགས་བསྐང་བཅས་སླ་ཆོས་ཁྲལ་སོད་ཙམ་མ་ཡིན་པར་སྔོན་བྱོན་གོང་མ་རྣམས་ཀྱི་ཕྱག་སྲོལ་དང་མཐུན་པར་གནད་སྨིན་མཛད་སྲོལ་དུས་འགྱུར་བར་དུ་མ་ཉམས་པར་གནས།

ཆོས་སྡེ་འདིའི་གཏོང་སྒོ་ཡོན་གྱི་འབྱུང་ཁུངས་ནི། མཆོག་གཙང་རྒྱ་ཕྱུག་གི་གྲྭ་སྡེ་ཡོངས་རྫོགས་དང་། གཞན་ཟུར་གྲྭའི་ལྷ་འབངས་རྣམས་དང་བསྟན་བདག་གི་འགན་བཞེས་པའི་བླ་རབས་རིམ་བྱོན་དང་ཟུར་བླ་ཁག་རྣམས་དང་དགོན་གཞུང་གི་དགེ་སྐོས་དང་གཉེར་བ་རྣམས་ཀྱཡིས་ལོ་ལྔ་རེར་རང་རང་གི་ནུས་ཤུས་དང་ཐབས་ཤེས་ཅི་ཡོད་བཏོན་ནས་འགན་བཞེས་ཏེ་བཤད་གྲྭ་དང་སྒྲུབ་གྲྭ་སྒྲུབ་མཆོད་སོགས་ཀྱི་མཆོད་ཐེབས་དང་རྟེན་གསར་བཞེངས་དང་ཞིག་གསོ་སོགས་བྱེད་པའི་སྲོལ་རྒྱུན་མ་ཉམས་པར་གནས། དེ་ནས་སྐྱེ་དགུ་བསོད་ནམས་དམན་པས་རྒྱལ་བསྟན་གྱི་ཉི་གཞོན་ནུབ་རིར་ཆས་ནས་བགྲང་བྱ་སུམ་ཅུ་ཙམ་གྱི་རིང་ལ་ཆོས་སྡེ་འདིའི་རྟན་དང་བརྟེན་པའི་ཕྱི་ནང་གི་བཀོད་པ་ཀུན་འབྱུང་ལྔའི་ཁམས་སུ་འཐོར་ཞིག་དང་གཏོར་བརླགས་སུ་གྱུར། སླར་ཡང་རབ་བྱུང་བཅུ་དྲུག་པའི་ཉག་མ་ང་བཞི་པ་དྲག་པོ་ཞེས་པ་ལྕགས་སྤྲེལ་སྤྱི་ལོ་༡༩༨༠ནས་བཟུང་གངས་ལྗོངས་ཡོངས་ཀྱིས་རྒྱལ་བསྟན་ཉམས་གསོ་བྱེད་མགོ་བརྩམས་སྐབས། དཔོན་བླ་བསོད་ནམས་ཉི་མ་དང་བསོད་ནམས་རྣལ་རྒྱལ། ཨོ་རྒྱན་བཅས་ཀྱི་ཐུགས་ཁུར་གཙོ་བོར་མཛད། གཞན་ལྷག་བསམ་ལྡན་པའི་རྒན་རབས་རྣམས་དང་ལྷ་སྡེ་གྲྭ་ཚང་ཡོངས་ནས་ནུས་ཤུགས་བསྒྲིམས་ནས་གཙུག་ལག་ཁང་གིི་ཕྱི་ནང་གི་བཀོད་པ་ཡོངས་རྫོགས་དང་སློབ་གྲྭ་སྒྲུབ་གྲྭ་གོང་གསལ་དུས་མཆོད་ཀྱི་རིགས་རྣམས་སྔོན་སྲོལ་གང་ཡོད་མ་ལུས་པར་ཉམས་གསོ་མཛད་པ་དང་། མཆོག་སྤྲུལ་འཇམ་དཔལ་མཁྱེན་རབ་ཆེད་དུ་གདན་འདྲེན་བྱས་ནས་སྔོན་མེད་ཀྱི་ཚེས་བཅུའི་གར་འཆམ་རྒྱས་པ་གནུབས་ལུགས་ལྟར་གགསར་འཛུགས་མཛད་དེ་ད་ལྟ་བླ་སྤྲུལ་མི་ཉུང་བ་ཞིག་དང་གྲྭ་གྲངས་བཅུ་ཕྲག་ལྔ་ལྷག་གི་ཐུགས་མཐུན་ཁྲིམས་གཙང་གི་སྒོ་ནས་རྒྱལ་བསྟན་བཤད་སྒྲུབ་ལས་གསུམགྱི་འཁོར་ལོ་མི་འཆད་པར་ཆོས་མཐུན་གྱི་མཛད་[page 296] བཟང་གནང་མུས་སུ་མཆིས་བཞིན་པ་ལགས། ཅེས་རྒྱ་ཕྱུག་ཐེག་ཆེན་བསམ་གྲུབ་གླིང་གིས་ལོ་རྒྭས་བསྡུས་པ་འདི་ཡང་གནུབས་ཀྱི་གྲྭ་བཙུན་དཀོན་མཆོག་བཀྲ་ཤིས་ནས་བྲིས།

ས་མིང་ཚིག་མཛོད་མིག་བཤར།

རབ་བྱུང་བཅོ་ལྔ་བའི་ཤིང་ལུག་ལོར་བདུད་འཇོམས་གླིུང་བས་ཐོག་མར་བཏབ། གང་ཉིད་ཀྱིས་གཏེར་ནས་སྤྱན་དྲངས་བའི་སྟོན་པ་ཀར་ལི་མ། ཨོ་རྒྱན་པདྨའི་སྐུ་ཟ་ཧོར་མ། ཨོ་རྒྱན་པདྨའི་གཏེར་ཕུར་སོགས་རྟེན་གྱི་གཙོ་བོ་རུ་མངའ་གསོལ། དགོན་པའི་མཚན་ལ་རླུང་ཤར་དགོན་གྲགས། མཚན་དངོས་ལ་ཨོ་རྒྱན་བསམ་ཡས་ཆོས་འཁོར་གླིང་ཞུང་། གྲུབ་མཐའ་གཏེར་ཆེན་བདུད་འཇོམས་རྡོ་རྗེ་ཁྲོ་ལོད་རྩད་གྱི་ཟབ་གཏེར་ཐུག་ས་ཉམས་སུ་བཞེས་པའི་གཏེར་སར་བ་ཡིན། རིག་གནས་གསར་བརྗེ་ཆེ་པོས་དྲི་ཞིམ་མེ་ཏོག་དང་དུག་རྩ་དབྱེ་བ་མེད་པར་དགོན་འདི་རྨང་མེད་བྱས་སོ༎

སླར་ཏང་གི་མི་རིགས་སྲིད་ཇུས་དང་ཆོས་ལུགས་སྲིད་ཇུས་དོན་འཀཽལ་བྱས་ནས་ཆོས་སྒོ་ཕྱེས་ཚེ། མཆོག་སྤྲུལ་རྟ་མགྲིན་དབང་རྒྱལ། རིགས་སྲས་པདྨ་དབང་ལོ། དབོན་པོ་དགོན་པ་སྐྱབས། རྟ་ཤུལ་ཚེ་སྒྲུབ་སྐྱབས་སོགས་ཀྱི་འདུ་ཁང་དང་ལྷ་ཁང་གཉིས། རྒྱུ་རིན་པོ་ཆེ་སྣ་ཚོགས་དང་ཟངས་གསེར་ལས་གྲུབ་པའི་གཟི་བྱུ་རུ་མུ་མེན་སྤོས་ཤེལ་སོགས་ཀྱི་ཕྲ་ཅན་གྱི་མཁན་སློབ་ཆོས་གསུམ། འོད་དཔག་མེད། སྟོན་པ་མཉམ་མེད་ཐུབ་པའི་དབང་པོ། སྒྲོལ་མ། གུ་རུ་མཚན་བརྒྱད་བཅས་དང་། སྐུ་གདུང་མཆོད་རྟེན་བཅུ། གོས་ཐང་ཆེ་ཆུང་དྲུག་སྟོང་། དུང་འཁོར་ཆེ་ཆུང་བརྒྱ་དང་བརྒྱད། རྒྱལ་བའི་བཀའ་འགྱུར་ཆེན་མོ་དང་བསྟན་བཅོས། རིན་ཆེན་གེར་མཛོད། ཀློང་ཆེན་མཛོད་བདུན། རྙིང་མ་རྒྱུད་འབུམ། དཔལ་སྤྲུལ་བཀའ་འབུམ། མི་ཕམ་བཀའ་འབུམ། བདུད་མཇོམས་གླིང་བ་དང་བདུད་འདུལ་ཀློང་གསལ་སོགས་ཀྱི་བཀའ་འབུམ་ཆ་བཅུ། དུང་གླིང་རོལ་མོ། འཕན་གདུགས་རྒྱལ་མཚན་སོགས་རིན་ཐང་ལྡན་པའི་མཆོད་པའི་ཡོ་བྱད་རྣམས་ཚགས་སུ་ཚུད་དེ་སྔར་ཡོད་དུས་མཆོད་གསར་འཛུགས་བྱས། དེང་སྐབས་བླ་གྲྭ་ལྔ་བཅུ་ཙམ་ཡོད། གཞན་ཡང་མཆོག་སྤྲུལ་དམ་པ་དང་ཉི་ཟླ་ཟུང་གིས་སྔར་གྱི་སྤར་ཁང་སླར་གསོ་བྱས་ཏེ། རོང་ཟོབ་ཆོས་བཟང་དང་བདུད་མཇོམས་གསུང་འབུམ་གྱི་སྤར་ཤིང་ཁྲི་ལྷག་གསར་བཞེངས་བྱས་པ་བཅས་སོ། དགུང་ལོས་སྡུད་སྒྲིག་བྱས།

ས་མིང་ཚིག་མཛོད་མིག་བཤར།

རབ་བྱུང་བརྒྱད་པའི་ཉག་མ་སོ་བརྒྱད་པ་ཤིང་འབྲུག་ལ་གནུབས་ཟུར་བླ་མ་སྦྱིན་པ་རྒྱ་མཚོ་ཞེས་པས་ཆོས་སྡེ་འདི་ཐོག་མར་ཕྱག་འདེབས་གནང་། དེ་ནས་གདན་རབས་གཉིས་པ་གནུབས་ཟུར་བླ་མ་སངས་རྒྱས་[page 297] རྒྱ་མཚོས་བསྟན་དགོན་གྱི་འགན་བཞེས་ཏེ་དཔལ་ལྡན་ས་སྐྱའི་བསྟན་པ་ལ་བྱ་བ་བྱེད་འདོད་ཀྱིས་དགོན་པའི་གཞི་ཁྱོན་གྲྭ་ཁང་སོགས་རྒྱ་བསྐྱེད་མཛད། གདན་རབས་གསུམ་པ་དབེན་བླ་ཡེ་ཤེས་རྒྱ་མཚོས་བསྟབ་དགོན་གྱི་བདག་པོ་བྱས། དེ་ནས་གདན་རབས་ལྔ་པ་དཀོན་མཆོག་རྒྱལ་མཚན་གྱིས་བསྟན་དགོན་སྔར་ལུགས་ལྟར་བསྐྱངས། མདོར་ན་མཁས་གྲུབ་ཆེན་པོ་དེ་དག་གིས་ས་ལུགས་ཀྱི་བསྟན་པ་འཛིན་སྐྱོང་སྤེལ་གསུམ་མཛད་པས། དགྱེས་པ་རྡོ་རྗེའི་ཕྲིན་ལས་དབྱར་མཚོ་རྒྱས་པར་གྲགས། འདི་ཡན་ཆོད་ཀྱི་བླ་རབས་ལྔ་ནི་ཆོས་རྒྱུན་དཔལ་ལྡན་ས་སྐྱ་ཡིན་པ་དང་ཁོང་རྣམས་ཀྱང་དཔལ་ལྡན་ས་སྐྱ་དགོན་དང་རྟ་ནག་ཐུབ་བསྟན་གླིང་སོགས་སུ་གྲྭ་སར་ཕེབས་ནས་འོས་བབ་ཀྱི་ཐོབ་ཐང་གནང་ཚུལ་སོགས་སྔར་དགོན་པའི་རྟེན་ཁྲོད་ན་ས་སྐྱའི་བླ་མ་རྣམས་ཀྱིས་བསྐུར་གནང་མཛད་པའི་བཀའ་ཤོག་དང་གནའ་མི་བགྲེས་སོང་རྣམས་ཀྱི་ངག་རྒྱུན་ལ་བརྟེན་ནས་རགས་བསྡུས་ཙམ་བྲིས་པ་ལས། གཞན་ཁོང་རྣམས་ཀྱི་དགུང་སྙིང་དདང་ཡབ་ཡུམ་གྱི་མཚན་འཁྲུངས་ཡུལ་བསྟན་དགོན་ལ་བྱ་བ་ཅི་བགྱིས་སོགས་ཞིབ་ཕྲ་འགོད་མ་ནུས། དེ་ནས་གདན་རབས་དྲུག་པ་གནུབས་ཟུར་བླ་མ་བློ་གྲོས་རྒྱ་མཚོ་ནི། རབ་བྱུང་བཅུ་གཅིག་པའི་སྟོད་སྤྱི་ལོའི་དུས་རབས་བཅུ་བདུན་པའི་སྨད་ཙམ་ལ་གསེར་ལྗོངས་ས་ཡི་ཐིག་ལེར་ངོ་མཚར་བའི་ལྟས་དང་བཅས་ཏེ་སྐུ་བལྟམས། གནུབས་དགོན་གྱི་ཆོས་རྒྱུན་འདི་གསང་ཆེན་སྔ་འགྱུར་བའི་བཀའ་བབས་ཆེན་པོ་གསུམ་གྱི་ཡ་གྱལ་རྒྱལ་བ་དཔལ་ཡུལ་བའི་ལུགས་སུ་བསྒྱུར། རི་ཆོས་གུམ་ནང་ཆོས་གསུམ་སྐུ་གསུམ་སྒྲུབ་པ་དང་གཏེར་ཁ་གོང་འོག་ཞེས་རཏྣ་གླིང་བ་དང་གནམ་ཆོས་གཉིས་ཀྱི་ཟབ་ཆོས་ཡོངས་རྫོགས་ཉམས་ལེན་གྱི་གཙོ་བོ་དང་། གཞན་ཆགས་མེད་དང་འཇའ་ཚོན་སོགས་ཀྱིས་ཆོས་བཀའ་ཅི་རིགས་ཀྱིས་ཟུར་བརྒྱན་ཏེ་བར་སྐབས་སུ་བཤད་སྒྲུབ་དབྱར་མཚོ་ལྟར་འཕེལ་རྒྱས་བྱུང་བར་གྲགས། དེ་ནས་གདན་རབས་བདུན་པ་གནུབས་ཟུར་བླ་མ་ཨོ་རྒྱན་གྱིས་དཔལ་ཡུལ་བླ་མ་རིག་འཛིན་ཀུན་བཟང་ཤེས་རབ་དང་གདན་རབས་གཉིས་པ་པདྨ་ལྷུན་གྲུབ་རྒྱ་མཚོ་བླ་མར་བསྟེན་ནས། མདོ་སྔགས་ཀྱི་ཆོས་ཅི་རིགས་དང་ལྷག་པར་ཕ་ཆོས་གསེར་ཞུན་ལྟ་བུའི་ཟབ་གཏེར་གོང་འོག་གི་དབང་ཁྲིད་ཕྱག་བཞེས་སོགས་ལ་སྦྱང་བ་གནད་སྨིན་མཛད། སླར་རང་དགོན་དུ་ཕེབས་ནས་ཟབ་ཁྲིད་དབང་ལུང་བཅས་ཀྱི་རྒྱུན་སྤེལ། དེ་ནས་གདན་རབས་བརྒྱད་པར་གནུབས་ཟུར་བླ་མ་བཀྲ་ཤིས་རྒྱ་མཚོ་ནི་རབ་བྱུང་བཅུ་གཉིས་པའི་སྨད་ལ་སྐུ་བལྟམས། དཔལ་ཡུལ་གདན་རབས་གསུམ་པ་གྲུབ་དབང་པདྨ་ནོར་བུ་སྐུ་གོང་མ་དང་གདན་རབས་བཞི་པ་ཀརྨ་བཀྲ་ཤིས་གཉིས་བླ་མར་བསྟེན་ནས་གདན་རབས་སྔོན་མ་རྣམས་ཀྱི་ཕྱག་བཞེས་ལྟར་རི་ཆོས་གསུམ་ནང་ཆོས་གསུམ་སོགས་ཀྱིས་མཚོན་རྒྱལ་པ་དཔལ་ཡུལ་བའི་ཆོས་སྐལ་དུ་གྱུར་བ་རྣམས་མ་ཐོབ་པ་མེད་པར་མཛད། སླར་རང་དགོན་དུ་ཕེབས་ནས་དགོན་གཞུང་གི་འགན་བཞེས། གདན་རབས་དགུ་པ་གནུབས་ཟུར་བླ་མ་པདྨ་རིག་འཛིན་དཔལ་ཡུལ་རྣམ་རྒྱལ་བྱང་ཆུབ་གླིང་དུ་གྲྭ་སར་ཕེབས་ནས་འདྲེན་མཆོག་ཀརྨ་བཀྲ་ཤིས་བཀའ་དྲིན་གསུམ་ལྡན་གྱི་བླ་མར་བསྟེན་ནས་དབང་ཁྲིད་མན་ངག་[page 298] སོགས་ཅི་རིགས་གསན་ཏེ་སླར་རང་དགོན་དུ་ཕེབས་ནས་བཤད་སྒྲུབ་ལ་མཛད་རྗེས་མི་དམན་པར་གྲགས། ལྷག་པར་གཏེར་སྟོན་གུ་རུ་ཆོས་དབང་གི་དག་སྣང་ཚེས་བཅུའི་གར་འཆམ་བླ་མ་གསང་འདུས་ཀྱི་ཟབ་སྒྲུབ་དང་འབྲེལ་ཏེ་གསེར་ལྗོངས་སུ་སྲོལ་ཐོག་མར་བཏོད། གདན་རབས་བཅུ་པ་གནུབས་ཟུར་བླ་མ་གསང་སྔགས་སྒྲུབ་མཆོག་གིས་དཔལ་ཡུལ་གདན་རབས་ལྔ་པ་ཀརྨ་ལྷ་དབང་བླ་མར་བསྟེན། གདན་རབས་བཅུགཅིག་པ་གནུབས་ཟུར་བླ་མ་དཀོན་མཆོག་གིས་བསྟན་དགོན་གྱི་འགན་བཞེས་ནས་གྲྭ་ཚང་རྣམས་དུད་ཐོ་འགོད་པ་སོགས་མཛད་ནས་དགོན་པ་གཞི་རྒྱ་ཇེ་ཆེར་བཏང་། ཁོང་ལུགས་གཉིས་ཀྱི་བྱ་བ་ལ་མཁྱེན་དཔྱོད་དང་ལྡན་ཞིང་གཟུ་བོར་གནས་པའི་རྒྱེན་གྱིས་གསེར་ཐང་སྟོད་སྨད་ཀྱི་སྡེ་འཁྱུགས་དང་རྩེད་གཞི་ཕལ་ཆེ་བ་འཁོན་འདུམ་མཛད་པས་གཟུ་བ་བླ་མ་དཀོན་མཆོག་ཏུ་གྲགས། གདན་རབས་བཅུ་གཉིིས་པ་ནི་གོང་གསལ་སྐུ་ཆུང་གི་ཡང་སྤྲུལ་ནི་གསེར་སྨད་ཛ་མགོའི་ཡུལ་དུ་སྐུ་འཁྲུངས། བླ་མ་གསང་སྐུ་ཆུང་གི་ཡང་སྤྲུལ་ནི་གསེར་སྨད་ཛ་མགོའི་ཡུལ་དུ་སྐུ་འཁྲུངས། བླ་མ་གསང་སྔགས་སྒྲུབ་མཆོགས་དང་བླ་མ་དཀོན་མཆོག་གཉིས་ཀྱིས་ཁྲི་འདོན་མཛད་དེ་མཆོག་སྤྲུལ་ཚེ་དབང་རིག་འཛིན་ཞེས་མཚན་གསོལ། མི་རིང་བར་དཔལ་ཡུལ་དགོན་ཆེན་དུ་གྲྭ་སར་ཕེབས་ནས་གྲུབ་ཆེན་ཀརྨ་ལྷ་དབང་དང་ཀརྨ་དོན་དམ་གཉིས་བླ་མར་བསྟེན། སླར་རང་དགོན་དུ་ཕེབས་ནས་བསྟན་དགོན་ལ་སྨན་པའི་བྱ་བ་རྒྱ་ཆེར་བགྱིས། གདན་རབས་བཅུ་གསུམ་པ་གནུབས་ཟུར་བླ་འཇིགས་མེད་ནི། དཔལ་ཡུལ་བླ་མ་འགྱུར་མེད་ངེས་དོན་བསྟན་འཛིན་བླ་མར་བསྟེན་ནས་གདམས་ངག་གི་བཅུད་ཀྱིས་ཉམས་རྟོགས་ཀྱི་ལུས་སྟོབས་བརྟས་ཏེ་སླར་རང་ཡུལ་དུ་བྱོན་ནས་བསྟན་དགོན་གྱི་ཐུགས་འགན་བཞེས། གནུབས་བླ་པདྨ་རྒྱལ་མཚན་ནི་ཡབ་གནུབས་ཟུར་དབང་ཁོ་ཞེས་བྱ་བའི་སྟས་སུ་རབ་བྱུང་བཅུ་བཞི་བའི་ཤིང་ལུག་ལ་སྐུ་འཁྲུངས། དཔལ་ཡུལ་པདྨ་མདོ་སྔགས་བསྟན་འཛིན་གཙུག་གི་བླ་མར་བསྟེན་ནས་གཏེར་ཁ་གོང་འོག་གི་མཚོན་དབང་ཁྲིད་མན་ངག་བཅས་རྒྱ་ཆེར་གསན། གདམས་དོན་ཉམས་སུ་བླང་བས་རང་བྱུང་གི་རྟོགས་པ་མངོན་དུ་གྱུར་ཏེ་བླ་མའི་ཐུགས་མཉེས་སླར་ཡུལ་དུ་བྱོན་ནས་བསྟན་དགོམ་སྔར་ལུགས་ལྟར་བསྐྱངས་བར་མ་ཟད་གསེར་ཐར་དང་། སྙི་ཁོག་རྡོ་འཛི་སྨར་གསུམ་སོགས་སྣོད་ལྡན་གྱི་གདུལ་བྱ་རྣམས་ལ་ཕྱག་རྫོགས་ཆུ་བོ་གཅིག་འདྲེས་ཀྱི་ཁྲིད་བཏབ་སྐལ་ལྡན་བུ་སློབ་དུ་མ་སྨིན་གྲོལ་ལ་བཀོད། གདན་རབས་བཅོ་ལྔ་པ་གནུབས་ཟར་བླ་མ་གསང་ཆེན་ལ་ཁུ་བོ་བླ་མ་པདྨ་རྒྱལ་མཚན་ནས་བཀའ་གནང་བ་ལྟར་བསྟན་བདག་གི་འགན་བཞེས་སྟོད་མགོ་ལོག་གི་ཕྱོགས་སུ་ལོ་དུ་མར་འབུལ་སྡུད་ལ་བྱོན་ནས་དགོན་པའི་འཚོགས་ཆེན་འདུ་ཁང་ཆེན་མོ་རྟེན་དང་བརྟེན་པར་བཅས་པ་གསར་བཞེངས་མཛད། གདན་རབས་བཅུ་དྲུག་པ་ནི། རབ་བྱུང་བཅོ་ལྔ་པའི་ཤིང་སྤྲེལ་སྤྱི་ལོ་1884གོའི་ཚའི་རི་མང་ལ་ངོ་མཚར་བའི་རྟགས་མཚན་དང་བཅས་ཏེ་སྐུ་བལྟམས། དབོན་སྤྲུལ་གྲུབ་ཐོབ་བླ་མ་ཆེས་དབང་གིས་ངོས་འཛིན་དང་ཁྲི་འདོན་མཛད་ནས་གནུབས་ཟུར་ཡང་སྤྲུལ་མདོ་རྒྱུད་རྒྱ་མཚོ་ཞེས་མཚན་གྱི་ཅོད་པན་གནང་། ཡི་གེ་འབྲི་ཀློག་སོགས་ལེགས་པར་སྦྱངས་ནས་དཔལ་ཡུལ་རྣམ་རྒྱལ་བྱང་ཆུབ་གླིང་དུ་གྲྭ་སར་[page 299] བྱོན་ཏེ་གདན་རབས་བརྒྱད་པ་མདོ་སྔགས་ཆོས་ཀྱི་ཉི་མ་དང་གྲུབ་དབང་དཔལ་ཆེན་པ་གཉིས་བླ་མར་བསྟེན། གདན་རབས་བཅུ་བདུན་པ་གནུབས་ཟུར་སྤྲུལ་སྐུ་པདྨ་ནོར་བུ་ནི། རབ་བྱུང་བཅོ་ལྔ་བའི་ཉག་མ་སོ་བརྒྱད་པ་ཤིང་འབྲུག་ལ་སྐུ་འཁྲུངས་མི་རིང་བར་དཔལ་ཡུལ་ལྷ་སྤྲུལ་གྱིས་གོང་གསལ་གདན་རབས་བཅུ་བཞི་པ་གནུབས་བླ་པདྨ་རྒྱལ་མཚན་གྱི་ཡང་སྤྲུལ་དུ་ངོས་བཟུང་བ་ལྟར་གནུབས་ཟུར་ཡང་སྤྲུལ་མདོ་རྒྱུད་རྒྱ་མཚོས་ཁྲི་འདོན་མཛད་ནས་དཔལ་དར་ཐང་དགོན་དུ་གྲྭ་སར་བཏང་། མཆོག་སྤྲུལ་ཐུབ་བསྟན་ཆོས་ཀྱི་ཟླ་བ་དང་ལྷ་སྤྲུལ་རིན་ཆེན་རྣམ་གཉིས་བླ་མར་བསྟེན་ནས་རྒྱལ་བ་དཔལ་ཡུལ་བའི་ལུགས་ཀྱི་དབང་ལུང་ཁྲིད་གསུམ་སྒྲུབ་ཕྲིན་ཕྱག་ལེན་དང་བཅས་པ་ལ་ནང་བྱན་ཚུད་པར་བྱས། སླར་རང་དགོན་དུ་ཕེབས་ནས་བསྟན་རྩ་བཤད་སྒྲུབ་གཉིས་ལ་འདུས་པར་དགོངས་ཏེ་བཤད་གྲྭའི་འདུ་ཁང་གྲྭ་ཤག་བཅས་གསར་བཞེངས་དང་སྒྲུབ་གྲྭའི་རྒྱ་ཁྱོན་བཀོད་ལེགས་སྤུས་ལྡན་དུ་བསྒྱུར་ནས་ཟླ་རེ་བཞིན་ཕོག་ཐེབས་དང་ཁ་བཞོན་བཅས་རྒྱུན་བཞག་གནང་། དེ་ནས་གདན་རབས་བཅོ་བརྒྱད་པ་གནུབས་ཟུར་སྤྲུལ་སྐུ་བློ་གྲོས་དབང་པོ་ནོ། རབ་བྱུང་བཅུ་དྲུག་པའི་ས་འབྲུག་ལ་སྐུ་འཁྲུངས། མི་རིང་བ་མ་ཎི་བླ་མ་པདྨ་སིངྡྷས་གནུབས་ཟུར་ཡང་སྤྲུལ་ལ་སྐུ་བདག་བྱས་ན་བསྟན་འགྲོ་ལ་ཕན་པའི་འབྱུང་འགྱུར་ལུང་བསྟན་པ་བཞིན་གནུབས་ཟུར་བླ་མ་ཐོགས་མེད་ཀྱི་སྤྲུལ་སྐུར་ངོས་འཛིན་མཛད་ནས་ཁྲི་ཁར་བཀོད། སྐབས་སྐབས་སུ་བཤད་གྲྭའི་མཁན་པོ་དང་བསྟན་བདག་གི་འགན་གཉིས་ཀ་བཞེས་ནས་དམ་ཆོས་འདུལ་བ་དང་མཐུན་པར་བཅའ་ཁྲིམས་མཛད་པས་འདུས་སྡེ་ཀུན་ཐུགས་མཐུན་ཁྲིམས་གཙང་ཀུན་སྤྱོད་བཟང་བས་བསྟན་པའི་མིག་ལྟོས་སུ་གྱུར་ཏོ། གདན་རབས་བཅུ་དགུ་པ་མཆོག་སྤྲུལ་འཇམ་དཔལ་མཁྱེན་རབ་ནི་རབ་བྱུང་བཅུ་དྲུག་པའི་ཆུ་རྟ་ལ་བོ་ཆུང་རྟ་ཤུལ་གོང་མའི་དཔོན་རིགས་ཀྱི་རྒྱུད་དུ་སྐུ་འཁྲུངས། དེ་ནི་རི་ཆོས་གསུམ་དང་རཏྣ་གནམ་ཆོས་ཀྱི་ཟབ་གཏེར་ཡོངས་རྫོགས་དང་རིན་ཆེན་གཏེར་མཛོད་སོགས་དབང་ལུང་ཅི་རིགས་གསན་ནས་གྲྭ་སར་ཕེབས་ལ་ཉེ་བའི་སྐབས་སུ་བོད་ཁམས་ཕལ་མོ་ཆེ་དང་མཚུངས་པར་དུས་ཀྱི་འཕོ་འགྱུར་གྱི་དབང་གིས་དགོན་པ་འཐོར་ཞིག་ཏུ་གྱུ། བཤད་སྒྲུབ་མིང་གི་ལྷག་མར་གྱུར། ཁོང་ཡང་བགྲང་བྱ་བཅུ་གསུམ་གྱི་རིང་ལོ་བཙོན་དུ་བཅུག་ནས་མནར་གཅོད་མྱངས། སླར་བཙོན་གྲོལ་ཐོབ་ནས་རང་དགོན་དུ་བྱོན་ཏེ་བསྟན་དགོན་གྱི་ཐུགས་འགན་གཙང་བཞེས་མཛད་ནས་དགོན་པ་གསར་བཞེངས་ཀྱི་སྲོག་འཛིན་དུ་གྱུར། དགོན་ས་འིར་བཤད་སྒྲུབ་ཀྱི་འཕེལ་རྒྱས་ཇི་ལྟར་བྱུང་ཚུལ་ནི། རབ་བྱུང་བཅོ་ལྔ་པའི་སྟོད་ཡན་ལ་བཤད་སྒྲུབ་གཉིས་ལས་སྒྲུབ་པ་ཉམས་ལེན་གཙོ་བོར་མཛད། ཡི་གེ་འབྲི་ཀློག་སྦྱངས་རྗེས་སྔོན་འགྲོ་དང་། རྩ་རླུང་། རྫོགས་ཆེན་སངས་རྒྱས་ལག་འཆང་སྟེ་རི་ཆོས་རྣམ་གསུམ་དང་། མུན་ཁང་། སྒྲ་སྦྱང་། རྨི་ལམ་སྟེ་ནང་ཆོས་གསུམ། བླ་མ་ཆོས་སྐུ་ལོངས་སྐུ་སྤྲུལ་སྐུའི་སྒྲུབ་པ་གསུམ་ལོ་མཚམས་གཅིག་བཅས་གྲུབ་རྗེས་རབ་ཏུ་བྱུང་ནས་སྤྱོད་འཇུག་དང་སྡོམ་གསུམ་ཙམ་རེ་བསླབས་ཏེ་དབང་ལུང་ཅི་ཐོབ་དང་སྒྲུབ་པ་ཉམས་ལེན་ཁོ་ན་ལ་གཞོལ། རབ་བྱུང་བཅོ་ལྔ་བའི་སྨད་ཙམ་ནས་མི་ཕམ་རིན་པོ་ཆེའི་ཡིག་ཆ་གཞིར་བཞག་མཛད་ནས་བཤད་སྒྲུབ་ཟུང་[page 300] འཇུག་ཏུ་ཉམས་སུ་ལེན་མགོ་ཚུགས། ལྷག་པར་གནུབས་སྤྲུལ་པདྨ་ནོར་བུའི་བསླབ་གྲྭ་དང་སྒྲུབ་གྲྭ་སོ་སོར་སྡེ་གཉིས་སུ་བསྒོས་ནས་བཟུང་བར་སྐབས་སུ་དུས་ཀྱི་འཕོ་འགྱུར་གྱི་དབང་གིས་ལོ་སུམ་ཅུ་ལྷག་ལ་འཚམས་ཆད་པ་མ་གཏོགས་ད་ལྟ་ཡང་བཤད་སྒྲུབ་ཆུ་བོ་གཅིག་འདྲིས་སུ་གྱུར་ནས་སྔར་ལུགས་བཞིན་སྐྱོང་བཞིན་པ་ལགས་སོ། མདོར་ན་ད་ལྟ་རབ་བྱུང་བཅུ་བདུན་པའི་ཤིང་ཁྱི་ཡན་ལ་ལོ་ལྔ་བརྒྱ་དང་བཅུ་ཙམ་སོང་བའི་ལོ་རྒྱུས་ཀྱི་རང་བཞིན་ལྡན་པ་དང་དམངས་གཙོ་བཅོས་བསྒྱུར་མ་བྱས་སྔོན་ལ་འདུ་ཁང་ཆེ་ཆུང་གསུམ། གྲྭ་ཤག་བརྒྱ་ཅུ་ལྷག་སྐུ་གསུང་ཐུགས་རྟེན་གྱི་རྣམ་གྲངས་ཞིབ་ཕྲ་འགོད་མ་ནུས་ཀྱང་རགས་ཙམ་གྱི་མཚན་ཐོ་བཀོད་ན་རྟེན་གཙོ་འཚོགས་ཆེན་འདུ་ཁང་དུ་གསེར་ཟངས་ལས་གྲུབ་པའི་གུ་རུའི་སྐུ་སྤྱི་ཁྲུ་གཉིས་ཙམ་དང་སྨན་འདམ་ལས་གྲུབ་པའི་སྐུ་མི་ཚད་ཙམ་དུ་མ་གདན་རབས་རིམ་བྱོན་ཀྱི་སྐུ་གདུང་། བཀའ་འགྱུར་དང་བསྟན་འགྱུར་རྙིང་རྒྱུད་བཀའ་བརྒྱུད་རྒྱུད་དུམ་བཅུ་གསུམ་དང་། གྲུབ་དབང་པད་ནོར་གྱི་ཕྱག་དཔེ་རིན་ཆེན་གཏེར་མཛོད། རཏྣ་དང་གནམ་ཆོས་འཁྲུལ་ཞིག་དབང་གྲགས་རྒྱ་མཚོ་སོགས་ཀྱི་བཀའ་འབུམ་དང་། ཙ་ཀླི་ཆ་ཚང་། གསེར་དངུལ་གྱི་འབུམ་ཆ་ལྔ། རྟ་འབུམ་ཞེས་པོད་རེ་བྲི་པའི་ཡོན་ལ་རྟ་རེ་སྦྱིན་པར་གྲགས་པའི་འབུམ་བྲིས་མ་སྤུས་ལེགས་བྱིན་ལྡན་སོགས་མང་། དེ་ནས་རྒྱལ་བསྟན་ཡང་དར་གྱི་སྐབས་སྤྱི་ལོ་༡༩༨༣ནས་བཟུང་གནུབས་ཟུར་སྤྲུལ་སྐུ་བློ་གྲོས་དབང་པོ་དང་མཆོག་སྤྲུལ་འཇམ་དཔལ་མཁྱེན་རབ་གཉིས་ཀྱི་བསྟན་གཞི་གསར་བཞེངས་ཀྱི་སྲོག་ཤིང་བྱས། གྲྭ་སྡེ་རྣམས་ཀྱིས་རང་མོས་ཀྱི་ཐེབས་བཞག་དང་ཟུར་བླ་རྣམས་ནས་ནུས་ཤུགས་ཅི་ཡོད་རྩལ་སྤྲུགས་བྱས་ནས་དགོན་པའི་འཚོགས་ཆེན་འདུ་ཁང་ཆེན་མོ་རྟེན་དང་བརྟེན་པར་བཅས་པ་དང་། བསླབ་གྲྭ་དང་སྒྲུབ་གྲུའི་འདུ་ཁང་གཉིས་དང་། གྲྭ་ཞག་བརྒྱ་དང་བཅུ་ལྷག་ཙམ་དང་མཆོད་རྟེན་དང་དུང་འཁོར་སོགས་སྔར་ཡོད་ཉམས་གསོ་དང་སྔར་མེད་ཀྱང་དུ་མ་ཞིག་གསར་བཞེངས་དང་བཀའ་འགྱུར་ཆ་ལྔ་བསྟན་འགྱུར་དང་སྔ་འགྱུར་བཀའ་མའི་ཆོས་སྐོར་ཡོངས་རྫོགས་རིན་ཆེན་གཏེར་མཛོད་དང་རཏྣ་གནམ་ཆོས་ཀློང་ཆེན་རབ་འབྱམས་དང་རོང་ཟོམ་པ་རྣམས་ཀྱི་བཀའ་འབུམ་ཆ་གསུམ་རེ་མི་ཕམ་རིན་པོ་ཆེའི་ནང་རིག་པའི་སྐོར་གྱི་དཔེ་ཆ་རྣམས་ཆ་ཚང་རེ་དཔལ་སྤྲུལ་དང་ལས་གླིང་། བདུད་འཇོམས་སྐུ་གོང་མ་རྣམས་ཀྱི་གསུང་འབུམ་དུ་མ་དང་། གཞན་དགོན་པ་དང་རྒྱལ་བསྟན་ལ་བཅོས་མིན་གྱི་ཤ་ཞེན་མངའ་བའི་དད་ལྡན་སེར་སྐྱ་རྣམས་ཀྱིས་རིག་གནས་གསར་བརྗེ་དང་ངོ་རྒོལ་བཞིའི་སྐབས་སུ་རང་གི་ལུས་སྲོག་ལ་མ་ལྟོས་བར་གབ་སྦས་བྱས་པའི་དངོས་རྫས་རྙིང་བ་གསེར་ཁང་རྟེན་གཙོ་གུ་རུ་ཟ་ཧོར་མ་དང་། ཐུབ་པ་སེར་ལམ་མ་གཉིས་དང་། མགོན་ཁང་རྟེན་གཙོ་གུ་རུ་རྒྱ་ནག་མ་རྨེ་རྣམ་ཐུབ་པ་སྒྲོལ་མ་རྒྱ་ནག་མ་སོགས་ལི་མ་བཅུ་ཕྲག་དང་། བྱེ་མ་ཨ་ཀྲོང་གི་རྡོ་རྗེ་ཕག་མོའི་སྐུ་གནུབས་ཟུར་བླ་མ་འཇིགས་མེད་ཀྱི་སྒྲུབ་རྟེན་སྐབས་འཕུར་མྱོང་བའི་ཕུར་བ་སྲས་ཕུར་བྱ་བ་དང་། སྤུ་ཐོད་བསམ་མའི་དོན་འགྲུབ་དང་། ཐར་ཐོད་ཡིད་བཞིན་ནོར་བུ་གཉིས་ཀྱིས་གཙོས་ཐོད་སྒམ་བྱིན་ལྡན་གཉིས། སྲིན་ཆའི་འཛམ་གླིང་གཡས་བཞག་དང་གྲྭ་ཉི་ཟླ་ཁ་སྦྱོར་གྲྭ་ཧོར་ཤང་ཤང་སོགས་རོལ་ཆས་སྤུས་ལྡན་བཅུ་ཕྲག་གཅིག་[page 301] ལྷག་དང་། དུང་གླིང་དང་གདུགས་སོགས་དགོན་པ་གཞན་རྣམས་དང་ཕལ་ཆེར་གཅིག་མཐུན་ལྟ་བུ་ཡོད། དགོན་པའི་གཏོང་སྒོའི་འབྱུང་ཁུངས་གཙོ་བོ་གྲྭ་ཚང་ནི། གནུབས་ཟུར་སྟོད་སྨད་གཉིས། ཨ་སྐྱབས་འཛུ་ནོམ་གཉིས། རྡོ་བོང་མ་མགོན་འབྲུག་གཉིས་ཏེ་ནང་གྲྭ་གསུམ། རྒྱ་ཤུལ་ཉོ་དྲང་གཉིས་དང་། རྟ་ཤུལ་རུ་ཐ་མ། ཡོ་བེ་གསར་སྡེ་སྟེ་ཕྱི་གྲྭ་གསུམ་དང་། གཞན་གྲྭ་འཐོར་གྱི་རིགས་མཆོག་གཙང་། རུ་ཟ་ཚང་། ཝ་སྐོར་རྡོ་ཁོར་མ། སྟུག་རྒྱའི་ཨ་རྒ་ལྷ་གསུམ་སོགས་གྲྭ་ཚང་ཚོ་བ་བརྒྱད་ཞེས་སུ་གྲགས་སོ། སྔར་དགོན་པ་ལ་ཕྱི་གྲྭ་ལྔ་བརྒྱ་ནང་གྲྭ་ལྔ་བརྒྱ་སྟེ་ཞལ་གྲངས་ཆིག་སྟོང་ཡོད་པར་གྲགས་ཀྱང་ད་ལྟ་དགེ་འདུན་པ་སུམ་བརྒྱ་ཙམ་ཡོད་དོ།

དུས་མཆོད་རྒྱུན་སྲོལ་སོགས་ནི། གདན་རབས་རེའི་ཡུན་ལ་བཀའ་གཏེར་གང་རུང་རེའི་སྒྲུབ་མཆོད་རེ་གསར་དུ་བཙུགས་པ་དང་ཅུང་ཟད་རེ་འཕེལ་རྒྱས་སུ་གྱུར་བའི་ཚུལ་རྣམས་ཞིབ་གསལ་དུ་འགོད་མི་ནུས་ཀྱང་གོང་གསལ་གདན་རབས་བཅུ་དྲུག་པ་གནུབས་ཟུར་ཡང་སྤྲུལ་མདོ་རྒྱུད་རྒྱ་མཚོའི་སྐུ་རིང་ཚུན་ཆོད་ལ་རྒྱུན་འཇགས་སུ་གྱུར་བའི་དུས་མཆོད་ཀྱི་རིམ་པ་རགས་བསྡུས་ཞིག་བཀོད་ན། ཧོར་ཟླ་གཉིས་པའི་ནང་གཏེར་སྟོན་གུ་རུ་ཆོས་དབང་གི་གསང་འདུས་ལེའུ་བརྒྱད་མ་དང་འབྲེལ་ཚེས་བཅུའི་གར་འཆམ་རྒྱས་པ་དང་གཏོར་ཆོག་ཀརྨ་གླིང་པའི་ཞི་ཁྲོའི་སྒྲུབ་མཆོད་གཉིས་མཉམ་དུ་ཉིན་བཅུའི་རིང་ལ་འཚོགས་རྒྱུ་དང་། ཧོར་ཟླ་བཞི་པའི་ནང་གྲྭ་སྡེ་རྣམས་ལ་བསྙུང་གནས་དང་ཞིང་སྒྲུབ་གཉིས་མཉམ་དུ་ཉིན་བརྒྱད་ལ་འཚོགས་རྒྱུ་དེའི་ཚེས་ཉེར་དགུ་ལ་མི་ཕམ་རིན་པོ་ཆེའི་འདས་མཆོད་དུ་ཉིན་གང་ལ་བཤད་གྲྭའི་དགེ་འདུན་པ་རྣམས་ཀྱིས་མཆོད་ཆོག་རྒྱས་པ་དང་མུན་རུབ་ཚེ་དགོན་པ་ཡོངས་རྫོགས་ཀྱི་གླིང་མེ་སྒྲོན་སྲོལ་དར། དབྱར་སྔ་ཕྱི་གང་རུང་ལ་ཟླ་བ་གཅིག་དང་ཕྱེད་ཀྱི་ཡུན་ལ་དབྱར་གནད་དག་གཙང་ཞིབ་པ་དང་མཇུག་ཏུ་ཉིན་བཞི་ལྷག་ལ་དགོན་པའི་བསྲུང་བ་རིམ་གྲོ་ཅི་དགོས་སྒྲུབ་པ་དང་། ཧོར་ཟླ་བཅུ་གཅིག་པའི་ཚེས་བརྒྱད་ནས་དགུན་གྱི་བཅའ་ཁྲིམས་ཆེན་མོ་བསྡམས་ནས་རྩ་རླུང་སྔོན་འགྲོ་རྫོགས་རྣམས་དགོན་པའི་བཅའ་ཁྲིམས་ལྟར་མཐར་མ་ཕྱིན་རྣམས་རི་ཆོས་གསུམ་པོ་གང་རུང་ལ་འདུག་རྒྱུ་དང་། ལས་ཐོག་གི་དབུ་མཛད་དང་མཆོད་དཔོན་དགེ་བསྐོས་བླ་མ་བཅས་གཙོ་བོ་བྱས་ནས་གྲྭ་བ་སུམ་ཅུ་ཙམ་སྐུ་གསུམ་སྒྲུབ་པར་ཟླ་བ་གཅིག་ལ་ཐུན་བཞི་ལས་དྲུག་གི་སྒོ་ནས་ངག་བཅད་ཁོ་ན་བྱས་ནས་འདུག་རྒྱུ་དང་། དེ་རྣམས་སུ་མ་འཐུས་པའི་གྲྭ་བ་རྣམས་ཀྱང་བཅད་རྒྱ་མཛད་ནས་རང་གང་མོས་ཀྱི་ཡི་དམ་ལ་བསྙེན་སྒྲུབ་གནད་སྨིན་མཛད་རྒྱུ་ཧོར་ཟླ་བཅུ་གཉིས་པའི་ཚེས་ཉི་ཤུ་ནས་ཕུར་བའི་དགུ་སྒྲུབ་སྒྲུབ་ཕྲན་གྱི་ལུགས་ལྟར་ཉིན་དགུ་དང་གྲལ་འཛིན་སྣ་སེལ་སོགས་ཉིན་གཅིག་བཅས་ཉིན་བཅུ་གནམ་གང་ལ་རྟེན་འབྲེལ་ཉེ་སོལ་རྒྱས་འབྲིང་བསྡུས་དང་ཚོགས་བསྐང་བཅས་གནས་སྨིན་བྱེད་སྲོལ་ཡོད། བཤད་གྲྭ་བ་རྣམས་ཀྱིས་ཉིན་རེ་བཞིན་སྒྲོལ་མ་ཚར་བཅུ་གཉིས་དང་། བསམ་ལྷུན་ཚར་བཅུ་རྒྱུན་གསོལ་བསྡུས་ཙམ་དང་། ཟླ་བ་བྱུང་ངོ་ཅོག་གི་ཚེས་བཅུ་དང་ཉེར་ལྔ་ལ་ཚོགས་བསྐང་ཆགས་མེད་དང་། བཅོ་ལྔ་དང་གནམ་ནང་ལ་གསོ་སྦྱོང་དང་གསོལ་ཁ་རྒྱས་པ་རེ་འདོན་སྲོལ་[page 302] དང་དགོན་གཞུང་མགོན་ཁང་དུ་མགོན་བླ་རྒྱུན་བཞག་མཛད་ནས་སྔ་འགྱུར་རྙིང་མའི་ཆོས་སྐྱོང་གི་གཙོ་བོ་མ་གཟའ་དམ་གསུམ་དང་མགོན་པོ་ཚོགས་བདག་དུར་ཁྲོད་ལྷ་མོ་ངས་ནུས་མ་གེ་སར་བཅས་གཙོ་བོར་གྱུར་བའི་ཆོས་སྐྱོང་གི་སྐོར་གྱི་བསྐང་གསོལ་རྒྱས་པ་ཉིན་རྟག་པར་བྱེད་སྲོལ་དར་ཚུལ་ནི་རྒྱུན་འཇགས་དུས་མཆོད་ཀྱི་རིམ་པ་རགས་བསྡུས་སོ། དགོན་པའི་སྒྲིག་ལམ་བླ་གྲྭ་མཁན་སྤྲུལ་མཆོག་དམན་ཀུན་ཐུགས་མཐུན་ཁྲིམས་གཙང་གི་གཞིར་བྱས་ཐོག་སྔ་སྲོལ་མ་འཆུག་པར་བསྟན་དགོན་ལྷག་བསམ་གྱིས་སྐྱོང་དགོས་པ་ལས་ཆགས་སྡང་གི་ཕྱོགས་འཐེན་དང་རང་འདོད་ཁོངས་བཅུག་གི་སྒོས་དཀྲུགས་གཞིར་གྱུར་བའི་བྱ་བ་མཆོག་དམན་ཡོངས་ནས་བྱེད་མི་ཆོག་པ་དང་། དགོན་པའི་བྱ་བ་ཆེ་འབྲིང་གི་རིགས་རྣམས་ལ་བླ་སྤྲུལ་དང་དགེ་སྐོས་རྒན་རབས་ཡོངས་རྫོགས་གྲོས་བསྡུར་བྱས་ནས་ཐག་གཅོད་པ་ལས་མི་ཟུང་གིས་རང་སྣང་གང་ཤར་དུ་ཐག་བཅད་མི་ཆོག་ལ་གལ་སྲིད་གནས་ཚུལ་དེ་རིགས་བྱུང་ན་ཐག་གཅོད་མཁན་ཁོང་གི་འགན་ཁུར་དགོས་ཚུལ་ཁྲིམས་ལ་རལ་སྐྱོན་བྱུང་བ་ཤེས་གསལ་བྱུང་ཚེ་དམ་ཆོས་འདུལ་བའི་ཕྱག་སྲོལ་ལྟར་དབྱར་གནས་དང་གསོ་སྦྱོང་བསླབ་གྲྭ་རྒྱུན་སྡོད་བཅས་ཀྱི་གྲལ་དུ་མི་ཆོག་པ་དང་། གྲྭ་མང་ནས་དགོན་པའི་བླ་སྤྲུལ་མཁན་པོ་དགེ་སྐོས་སོགས་འགན་ཁུར་མཁན་མཆོག་དམན་ཡོངས་ཀྱི་བཀའ་གསུང་དང་ལེན་དགོས་པ་ལས་ཡ་ལན་དང་ངོ་རྒོལ་ཁྱད་གསོད་འཕྱ་སྨོད་འཁོན་འཛིན་སོགས་གཏན་ནས་བྱེད་མི་ཆོག འཚོགས་ཀྱི་བསྒྲིགས་ལམ་རྣམ་བཞི་སོགས་ད་ལྟ་ཡང་སྔར་ལུགས་ལྟར་སྐྱོང་བཞིན་པ་ལགས། དེ་ལྟར་གོང་དུ་བཤད་པའི་གདན་རབས་དང་དགོན་པའི་བྱུང་བ་རགས་བསྡུས་གཉིས་ཀ་མཁས་དང་རྒན་རབས་རྣམས་ཀྱི་ངག་རྒྱུན་ལ་གཞི་བྱས། མཆོག་སྤྲུལ་འཇམ་དཔལ་མཁྱེན་རབ་ནས་འཚོལ་སྡུད་བྱས་པའི་དཔྱད་གཞིའི་དཔེ་ཆ་ཟུང་གིས་ཟུར་བརྒྱན་ཏེ་བོད་རབ་བྱུང་བཅུ་བདུན་པའི་ནང་ཚན་དངོས་པོ་ཞེས་པ་ཤིང་ཁྱིའི་ལོར་གནུབས་ཀྱི་གྲྭ་རིགས་སུ་གཏོགས་པ་དཀོན་མཆོག་བཀྲ་ཤིས་སུ་འབོད་པས་བྲིས་པའོ།།

ས་མིང་ཚིག་མཛོད་མིག་བཤར།

རབ་བྱུང་བཅུ་གཅིག་བའི་ཉག་མ་ཞེ་བཞི་བ་ཐུན་མོང་ཞེས་པ་ལྕགས་ཁྱི་སྤྱི་ལོ་༡༦༩༠ལོར་རོང་སྟོན་ལྷུན་གྲུབ་རྒྱ་མཚོའམ་མཚན་ཡོངས་གྲགས་ལ་ཤུག་སྒང་བྷ་ཏིང་གིས་ཐོག་མར་ཕྱག་བཏབ་མཛད། འདི་ལའང་སྤྱིར་དགོན་ལག་དུ་མ་ཡོད་པའི་ནང་ཚན་གསེར་སྨད་ཧོར་ཤུལ་དགོན་ནམ་ཨོ་རྒྱན་བསམ་གྲུབ་གླིང་ནི་རབ་བྱུང་བཅུ་བཞི་པའི་ནང་ཤུལ་ཁང་པདྨ་འདུས་རྩལ་གྱི་ནུ་བོ་རྡོ་རྗེ་དཔལ་དབྱངས་ཟེར་བའི་གསེར་སྨད་ལི་མདོ་རུ་ཐོག་མར་ཕྱག་བཏབ་མཛད་ཀྱང་མི་རིང་བར་ཉག་སྐེད་ཀྱིས་ཟིང་ཆ་བསླང་རྐྱེན་སོགས་ཀྱིས་དགོན་པ་འཐོར་ཞིག་ཏུ་གྱུར། དེ་ནས་རབ་བྱུང་བཅོ་ལྔ་བའི་ནང་ཤུག་སྒང་བླ་མ་ཀུན་བཟང་དབང་ཕྱུག་དང་བླ་མ་མཐུ་སྟོབས་སོགས་ཀྱིས་ད་ལྟའི་དགོན་ས་འདིར་ལྷ་ཁང་ཆུང་ངུ་རྟེན་གཙོ་རིག་གསུམམགོན་པོའི་[page 303] སྐུ་བརྙན་རྒྱུ་སྨན་འདག་ལས་གྲུབ་པ་བཟོ་སྒྲོས་ལེགས་ཤེང་བྱིན་ལྡན་དུ་གྲས་པ་ལ་དཀོར་གཉེར་སོགས་ཞབས་ཏོག་སྒྲུབ་མཁན་དང་བདག་པོ་བྱེད་མི་ཆེར་མེད་སྐབས་སུ་གནས་དེ་ས་དཔྱད་ལེགས་ཤིང་ཆུ་ཤིང་སོགས་མཐུན་རྐྱེན་ཤིན་ཏུ་འཛོམས་པར་གཟིགས་ནས་གསེར་སྨད་ཧོར་ཤུལ་དགོན་ནམ་ཨོ་རྒྱན་བསམ་གྲུབ་གླིང་གི་ཆོས་སྡེ་འདི་གནས་སྤོར་བྱས་ཏེ་སླར་ཡང་ཕྱག་བཏབ་མཛད་དེ་རིམ་གྱིས་གྲྭ་ཤག་སོགས་གཞི་རྒྱ་ཆེར་གྱུར། འོན་ཀྱང་དར་གདུགས་རྒྱལ་མཚན་དང་འབུད་རྡུང་དཀྲོལ་གསུམ་འདུ་ཁང་བླ་བྲང་སོགས་བསྟན་པའི་མཛེས་རྒྱན་དང་ཡན་ལག་ཙམ་ལས་སྙིང་པོའི་བསྟན་པ་མིན་པར་གཟིགས་ནས་ཐུགས་དམ་གྱི་མཐིལ་དུ་བཤད་པའི་འཆད་ཉན་དང་སྒྲུབ་པའི་ཉམས་བཞེས་གཙོ་བོར་མཛད། ཕྱིས་འབྱུང་བསྟན་དགོན་ལ་ཕན་དུ་རེ་ནས་བཅའ་ཁྲིམས་དང་བསྒྲིགས་ཡིག་སོགས་ཀྱང་མཛད་པར་ཐོས། དེ་ནས་རབ་བྱུང་བཅུ་དྲུག་པའི་ནང་ཚེ་ཤུལ་སྤྲུལ་པའི་སྐུ་རིག་པའི་ཁུ་བྱུག་གིས་གཙུག་ལག་ཁང་རྟེན་དང་བརྟེན་པར་བཅས་པ་གསར་བཞེངས་མཛད། ཨ་བོའི་ཆུང་ཡོས་ལ་ཕུ་ནུའི་རུས་མཛོད་དང་དབྱར་གནས་ཀྱི་ཟིན་བྲིས་སོགས་བསྟན་བཅོས་ཀྱང་མི་ཉུང་བ་མཛད། ཁོང་གིས་བསྟན་བདག་གི་འགན་བཞེས་ཚེ་ལུགས་གཉིས་ཀྱི་མཁྱེན་སྤྱན་རབ་ཏུ་ཡངས་བས་ཀུན་གྱི་བརྩི་མཐོང་ཤིན་ཏུ་ཆེ་བར་གྲགས། དཔལ་ཡུལ་ཐུབ་བསྟན་ཆོས་ཀྱི་ཟླ་བ་སོགས་མཁས་གྲུབ་གཉིས་ལྡན་གྱི་བླ་མ་དགེ་བའི་བཤེས་གཉེན་བཅུ་ཕྲག་ལྷག་གི་ཞབས་པད་གཙུག་ཏུ་བཀུར། མཉེས་པ་གསུམ་གྱི་སྒོ་ནས་ཐུགས་ཟིན་པར་བྱས། མདོ་སྔགས་ཐུན་མོང་རིག་གནས་དང་བཅས་པ་ལ་གསན་བསམ་སྦྱང་བ་རྒྱ་ཆེར་བགྱིས། རང་བྱུང་རིག་སྟོང་ཆོས་སྐུའི་རང་ཞལ་མངོན་དུ་གྱུར། གཤིན་པོ་ལ་འཕོ་བ་བཏབ་ཚེ་སྐྲ་རྟགས་ཡར་བ་སོགས་རྟགས་མཚན་ཁྱད་པར་ཅན་མངོན་དུ་གྱུར། དམ་ཆོས་བདུད་གཅོད་ཟབ་མོ་ཉམས་གཞེས་གནད་སྨིན་མཛད་དེ་རྐྱེན་སྣང་ལམ་དུ་སློང་སླད་བརྟུལ་ཞུགས་སྤྱོད་པའི་གནས་ངེས་མེད་འགྲིམས། ལྷག་པར་དབུས་གཙང་ལྷ་ལྡན་དུ་ཕེབས་སྐབས་ཀུན་གྱིས་མཐུན་གླེང་ལ་དཀའ་བའི་ཚད་དུ་བརྩི་བ་དཔལ་བསམ་ཡས་ཀྱི་ཆོས་སྐྱོང་རྒྱལ་པོའི་བཙན་ཁང་བེ་ཧར་དཀོར་མཛོད་གླིང་དུ་གཉན་ཁྲོད་ལ་ཞག་གསུམ་དུ་བྱོན་པས་རྟོགས་པའི་གདེངས་ལྡན་གྱི་གྲུབ་བརྙེས་དམ་པ་ཡིན་པར་ཐམས་ཅད་ཚད་མས་གྲུབ། མདོར་ན་མཁས་པའི་ཚུལ། བཙུན་པའི་ཚུལ། གྲུབ་པའི་རྟགས། བཟང་པོའི་མཛད་སྤྱོད་སོགས་གང་ནས་བརྟགས་ཀྱང་བསྟན་འཛིན་གྱི་སྐྱེས་བུ་དམ་པ་ཞེས་བཏགས་ན་མིང་དོན་མཐུན་ཞིང་སྒྲ་བཤད་འཇུག་གཉིས་ག་ཡོད་པ་ནི་གཟུར་གནས་ཀུན་ལ་གྲགས།

ད་ནི་གདན་ས་འདིར་སྐྱེས་བུ་དམ་པ་རིམ་བྱོན་གྱིས་བཞེངས་པའི་སྐུ་གསུང་ཐུགས་རྟེན་སོགས་ཀྱི་གྲངས་རགས་ཙམ་བཀོད་ན་འདུ་ཁང་དུ་རྟེན་གྱི་གཙོ་བོ་རུ་ཟངས་གསེར་ལས་གྲུབ་པའི་གུ་རུ་གཙོ་འཁོར་གསུམ་དང་ཐུབ་པ་གཙོ་འཁོར་གསུམ་སྨན་འདག་ལ་གསེར་འགྱུར་བྱུག་པའི་ཉེ་བའི་སྲས་བརྒྱད། གནས་བརྟན་བཅུ་དྲུགགུ་རུ་མཚན་བརྒྱད། མཁན་སློབ་ཆོས་གསུམ། སྒྲོལ་མ། རྡོར་སེམས། མི་འཁྲུགས་པ། ཚེ་དཔག་མེད་སོགས་དང་གསེར་བྲིས་ཀྱི་སྟོན་པའི་སྐྱེས་རབས་དཔག་བསམ་འཁྲི་ཤིང་དང་ཚེ་ལྷ་རྣམ་[page 304] གསུམ་སོགས་བཟོ་སྒྲོས་ཤིན་ཏུ་ལེགས་པའི་ཚོན་བྲིས་ཐང་ཁ་བརྒྱ་ཕྲག་གཅིག་ཙམ་དང་། དཔེ་མཛོད་ཁང་དུ་རྒྱལ་བའི་བཀའ་འགྱུར་ཆེན་མོ་ཆ་ཉིས་དང་དེ་མཚུངས་ཀྱི་བསྟན་འགྱུར། གསེར་དངུལ་གྱི་བྲིས་པའི་འབུམ་ཆ་གཉིས། རིན་ཆེན་གཏེར་མཛོད། རྙིང་མ་རྒྱུད་འབུམ། ཀློང་ཆེན་མཛོད་བདུན་དང་ཡ་བཞི་ངལ་གསོ་སྐོར་གསུམ་དང་རང་གྲོལ་སྐོར་གསུམ་སོགས་ཆ་དུ་མ་དང་། དཔལ་རོང་ཟོམ་མ་ཧཱ་པཎྚི་ཏ་ཆོས་བཟང་དང་། ཀུན་མཁྱེན་གོ་རམ་པ་བསོད་ནམས་སེང་གེའཇུ་མི་ཕམ་འཇམ་དབྱངས་རྣམ་རྒྱལ་རྒྱ་མཚོ། དཔལ་སྤྲུལ་ཨོ་རྒྱན་འཇིགས་མེད་ཆོས་ཀྱི་དབང་པོ། འཇམ་མགོན་བླ་མ་བློ་བཟང་གྲགས་པ་སོགས་ཀྱི་བརྩམས་ཆོས་དང་དགོངས་གཏེར་སྐོར་ཅི་མང་དང་། རཏྣ་གླིང་བ་དང་། གནམ་ཆོས་འཇའ་ཚོན་སོགས་ཀྱི་བཀའ་འབུམ་དང་། བཀའ་བརྒྱད་རྣམས་གསུམ་སོགས་ཟབ་གཏེར་གྱི་ཆོས་སྐོར་སྣ་ཚོགས་དང་གདན་ས་འདི་ལ་སྔོན་རྗེས་སུ་རིམ་པར་བྱོན་པའི་མཁས་གྲུབ་ཀྱི་བླ་མ་རྣམས་ཀྱི་གསུང་འབུམ་དང་གཏེར་ཆོས་སྣ་མང་། ཤུག་སྒང་བྷ་ཏིང་དང་བླ་མ་ཀུན་བཟང་དབང་ཕྱུག་སོགས་གདན་རབས་རིམ་བྱོན་གྱི་གདུང་རྟེན་ཟངས་གསེར་སོགས་ཀྱི་མཆོད་རྟེན་དུ་མ་དང་། བཤད་གྲྭ་དང་སྒྲུབ་གྲྭ་དུང་འཁོར་དང་འཁོར་ཆུང་མཆོད་རྟེན་བཅས་དང་། གྲྭ་ཤག་བདུན་ཅུ་ལྷགརིན་ཐང་གཞལ་དུ་མེད་པའི་དངོས་རྙིང་རོལ་མོ་གྲ་ཧོར་རྒྱ་བ་ལ་སོགས་ཀྱི་སྦུབ་ཆལ་དང་འདར་སིལ་བཅུ་ཕྲག་དུ་མ་དང་། གཞན་མཁར་རྔ་དུང་གླིང་མཎྜལ་སྤོས་ཕོར་སོགས་གསེར་དངུལ་གྱི་རྒྱུ་ལས་གྲུབ་པ་ལ་གཟུ་ཕྱུར་རིན་པོ་ཆེ་སྣ་ཚོགས་ཀྱིས་མཛེས་པར་སྤྲས་པ་དང་རྒྱུ་དངོས་གཙང་ལ་བཟོ་བཀོད་ཤིན་ཏུ་ལེགས་པའི་དར་གདུགས་རྒྱལ་མཚན་སོགས་བརྗོད་ཡུལ་ལས་འདས་པ་ལྟ་བུ་ཞིག་མཆིས་སོ།།

དགོན་སྡེ་འདིའི་ཡུན་རིང་གི་བར་དུ་གཏན་འཇགས་སུ་གྱུར་བའི་དུས་མཆོད་ཀྱི་རིམ་པ་ནི་བོད་ཟླ་དང་པོ་ནས་གྲྭ་མང་ཡོངས་ཀྱིས་གར་དབྱངས་བཅའ་ཐིག་འབུད་རྡུང་དཀྲོལ་གསུམ་སོགས་ཉིན་མང་པོའི་རིང་ལ་རྒྱུགས་ལེན་དང་བསྒྲིགས་ཆུང་བྱས་ནས་ཚོད་བལྟ་གྲུབ་རྗེས་ཚེས་བཅུ་གསུམ་ནས་ཉིན་བརྒྱད་ཀྱི་རིང་ལ་ཚེས་བཅུའི་ནང་འཚོགས་རྒྱས་པ་དང་། བོད་ཟླ་བཞི་པའི་ནང་གྲྭ་སྡེ་རྣམས་དང་གཞན་ཉེ་འཁོར་གྱི་དགེ་སྒྲུབ་སྡིག་སྤང་གི་བྱ་བ་ལ་གཞོལ་མཁན་རྣམས་ལ་བསྟེན་གནས་ཉིན་བརྒྱད་ཀྱི་ཡུན་དང་། བོད་ཟླ་དྲུག་པའི་ནང་དགེ་ཚུལ་སློང་རྣམས་ཀྱིས་ཟླ་བ་གཅིག་དང་ཕྱེད་ལ་དབྱར་གནས་ལོ་ཆེན་གྱི་ཟིན་བྲིས་ནང་བཞིན་དང་། བོད་ཟླ་བརྒྱད་པའི་ནང་དབྱར་གྱི་དགུ་གཏོར་དང་བོད་ཟླ་བཅུ་པའི་ནང་བརྒྱད་ལ་བདེ་ཆེན་ཞིང་སྒྲུབ་དང་། བཅུ་གཅིག་པའི་ནང་རྒྱལ་བ་དཔལ་ཡུལ་བ་སྤྱིའི་ཕྱག་སྲོལ་ལྟར་དགུན་གྱི་བཅའ་ཁྲིམས་བསྡོམས་ནས་རི་ཆོས་རྣམ་གསུམ་དང་སྐུ་གསུམ་སྒྲུབ་པ་ཟླ་བ་གཅིག་ལ་འཚོགས་རྒྱུ་བཅས་སོ།།

ཆོས་སྡེ་འདིའི་ཡོན་གྱི་འབྱུང་ཁུངས་གཙོ་བོ་ནི་ཨ་བོས་ཆུང་ཡོས་འབྲོག་སྡེ་དུད་གྲངས་ལྔ་བརྒྱ་ལྷག་དང་གཞན་གྲྭ་འཐོར་དུད་གྲངས་རེ་ཟུང་བཅས་ཀྱིས་ཆོས་སྡེ་འདི་ཐོག་མར་ཕྱག་བཏབ་བྱས་ནས་བཟུང་ཡོན་བདག་དང་མཆོད་གནས་སུ་འབྲེལ་བ་དམ་པོར་བཅིངས་ནས་བཤད་སྒྲུབ་ཀྱི་བསྟན་པ་སྤེལ་འཇུག་[page 305] དང་གྲྭ་མང་གི་འཚོ་བ་བཅས་ལ་མཐུན་རྐྱེན་དང་ཞབས་ཏོག་གང་ལེགས་སྦྱར་བའི་སྲོལ་བཟང་གི་རྒྱུན་མ་ནུབ་པར་ད་ལྟ་ཡང་སྔར་ལུགས་ལྟར་སྐྱོང་བཞིན་མཆིས།

ད་ནི་གདན་རབས་ཀྱི་གཙོ་བོ་དང་མཁན་རབས་ཟུར་བླ་དགེ་འདུན་པའི་ཞལ་གྲངས་སོགས་རགས་ཙམ་གླེང་ནས་སྤྱིར་ཆོས་སྡེ་འདི་དང་ཤུགས་འོད་གསལ་བསམ་གྲུབ་གླིང་གཉིས་ཤུག་སྒང་བྷ་ཏིང་ངམ་རོང་སྟོན་ལྷུན་གྲུབ་རྒྱ་མཚོའི་སྐྱེ་སྤྲུལ་རིམ་བྱོན་རྣམས་ཀྱི་གདན་ས་གཉིས་ཁྱད་མེད་དུ་མཉམ་སྐྱོང་གནང་བ་དང་། བྱེ་བྲག་གདན་ས་འདི་ཐོག་མར་ཕྱག་འདེབས་མཛད་མཁན་དང་དེ་ནས་བསྟན་བདག་གི་འགན་བཞེས་ནས་གདན་རབས་སུ་འགོད་འོས་པ་ནི། ཐོག་མར་ཕྱག་འདེབས་མཛད་མཁན་ཤུག་སྒང་བླ་མ་པདྨ་འདུས་རྩལ་གྱི་ནུ་བོ་རྡོ་རྗེ་དཔལ་དབྱངས་དང་། བླ་མ་དམ་པ་མཐུ་སྟོབས་དང་། ཆོས་སྡེ་འདིའི་བར་གྱི་བྱེད་པོ་གཙོ་བོ་བླ་མ་ཀུན་དབང་དང་། མཆོག་སྤྲུལ་རིག་པའི་ཁུ་བྱུག་དང་། སྤྲུལ་སྐུ་ཁྱབ་བདག་རིག་འཛིན་ནོར་བུ་དང་གསུང་སྤྲུལ་བཅས་ཀྱི་བར་མཁས་གྲུབ་ཀྱི་བརྒྱུད་པ་བར་མ་ཆད་དུ་བྱོན། གཞན་བསྟན་བདག་གི་འགན་བཞེས་པའི་གདན་རབས་རིམ་བྱོན་གྱི་གྲལ་དུ་མ་འཐུས་པ་ཟུར་བླ་ལྟ་བུར་གྱུར་པའི་རིགས་ནི་བླ་མ་རྒྱ་མཚོ་དང་། བླ་མ་བློ་གསལ། ཤུག་སྒང་ཝོར་མ་ཤུག་སྒང་དབོན་སྤྲུལ། བླ་མ་མཐའ་ཡས་སོགས་ཀྱིས་མཚོན་དུ་མ་ཞིག་བྱུང་བར་གྲགས། བརྟན་མཁས་བཙུན་པའི་ཡོན་ཏན་གྱིས་ཐུགས་རྒྱུད་ཕྱུག་པའི་མཁན་རབས་ནི་མཁས་གྲུབ་གཉིས་ཀྱི་ཡོན་ཏན་གྱི་དཔལ་དང་ལྡན་པ་ཀཿཐོག་མཁན་ཆེན་ནུས་ལྡན་དང་། གཞུང་ལུགས་རབས་བྱམས་སྨྲ་བའི་མཁན་པོ་ཟླ་འོད། རྩེ་ཅིག་སྙིང་པོའི་སྒྲུབ་པ་ལ་གཞོལ་བའི་མཁན་པོ་པད་འཇིགས། ཉེས་ལྟུང་གི་དྲི་མས་མ་གོས་པའི་མཁན་པོ་ཀོང་ཚེ། གནས་བརྟན་འདུལ་བ་འཛིན་པའི་མཁན་པོ་ཆོས་གསལ་དང་རྟོག་གྲོལ་ཤེས་རབ་སོགས་མཁན་རབས་གསེར་རིའི་ཕྲེང་བ་ཚལ་དུ་མངར་བ་ལྟ་བུ་བྱོན། འདུས་སྡེ་དགེ་འདུན་པའི་ཞལ་གྲངས་མཐའ་གཅིག་ཏུ་ངེས་པ་མ་མཆིས་ཀྱང་ཉིས་བརྒྱ་ནས་སུམ་བརྒྱའི་བར་ཙམ་ལ་རྟག་ཏུ་གནས་བཞིན་མཆིས། དེ་ནས་རབ་བྱུང་བཅུ་དྲུག་པའི་ཉག་མ་སོ་གསུམ་པ་སྒྱུར་བྱེད་ཞེས་པ་ས་ཕག་སྤྱི་ལོ་༡༩༥༩ལོ་ནས་བཟུང་རིག་གནས་གསར་བརྗེ་མཇུག་མ་རྫོགས་ཀྱི་བར་དུ་གཙུག་ལག་ཁང་གྲྭ་ཤག་སྐུ་གསུང་ཐུགས་ཀྱི་རྟེན་རིན་ཐང་གཞལ་དུ་མེད་ཅིང་སླད་ནས་རྙེད་པར་དཀའ་བའི་དངོས་རྫས་རྙིང་བ་རྣམས་མིང་གི་ལྷག་མར་བྱས་སོ།

སླར་ཡང་རབ་བྱུང་བཅུ་དྲུག་པའི་ཉག་མ་ང་བཞི་བ་ལྕགས་སྤྲེལ་ལོ་ནས་བཟུང་དུས་ལས་ཡོལ་བ་མེད་པའི་རྒྱལ་བའི་ཕྲིན་ལས་དང་གདུལ་བྱའི་བསོད་ནམས་དུས་འཛོམས་པའི་མཐུས་རྒྱལ་བསྟན་ཡང་དར་གྱི་སྐྱ་རེངས་ཤར་བ་དང་དུས་མཚུངས་སུ་སྐྱེས་མཆོག་རྨ་སྤྲུལ་རིན་པོ་ཆེའི་ཆེད་མངག་ལྟར་ཤུག་སྒང་བླ་མ་ངེས་དོན་དང་རིགས་སྲས་བསོད་ནམས་སྟོབས་ལྡན་གཉིས་ཀྱི་གཙོ་བོའི་ཐུགས་འགན་བཞེས་ཏེ་དགོན་གཞུང་གི་ཚོགས་ཆེན་འདུ་ཁང་ཆེན་པོའི་ཕྱི་ནང་གི་བཀོད་པ་ཡོངས་རྫོགས་གསར་བཞེངས་དང་། བགྲང་བྱ་སུམ་ཅུའི་ཡན་ལ་རྒྱུན་ཆད་པའི་དུས་མཆོད་རྣམས་སླར་བཙུགས། རྒྱུན་སྡོད་གྲྭ་བ་བཅུ་ལ་སྒྲུབ་གྲྭ་གསར་[page 306] འཛུགས་དང་། གྲྭ་ཤག་ཞིག་རལ་དུ་གྱུར་བ་རྣམས་སླར་གསོ་བཅས་བྱས་སོ། དེ་སྐབས་སུ་གདུལ་བྱ་སྤྱི་དང་བྱེ་བྲག་གསེར་ལྗོངས་སྐྱེ་འགྲོའི་སྤྱི་མཐུན་བསོད་ནམས་ཀྱི་མཐུས། མཁས་དབང་བོད་སྤྲུལ་མདོ་སྔགས་བསྟན་པའི་ཉི་མ་དང་། པ་ཐུར་མཁན་ཆེན་ཐུབ་བསྟན་ཆོས་འཕེལ། གཡུ་ཁོག་བྱ་བྲལ་ཆོས་དབྱིངས་རང་གྲོལ་སོགས་ཀྱིས་དངོས་སློབ་ལྔ་ཕྲུག་གི་ཡོན་ཏན་ཉེར་གཅིག་དང་ལྡན་པའི་མཁན་རིན་པོ་ཆེ་ཆོས་ཁྱབ་ནི་མི་སྲུན་དུས་འགྱུར་ཆེན་པོའི་རྐྱེན་དབང་དུ་མ་ཤོར་བར་རྒྱལ་བསྟན་སྤྱི་དང་དགོས་སུ་སྔ་འགྱུར་བསྟན་པའི་སྲོག་ཤིང་དུ་ད་ལྟ་སྐུ་འཚོ་ཞིང་བཞེས་ལ། ཁོང་གི་སྐུ་ཚེ་གང་བོར་ཐོས་བསམ་སྒོམ་པའི་བྱ་བ་ཁོ་ན་ལ་རྩེ་གཅིག་ཏུ་གཞོལ་ཏེ་སྦྱང་བའི་ཡོན་ཏན་བཅུ་གཉིས་པོ་བདག་གིར་མཛད། འཇིག་རྟེན་ཆོས་བརྒྱད་ཀྱི་བྱ་ངན་རྒྱང་སྤྲིངས་ཏེ་སྔོན་བྱོན་དམ་པ་གོང་མའི་རྣམ་ཐར་གྱི་རྗེས་སུ་རྐང་པ་བཞགམདོར་ན་སྤྱི་སོ་ཐར་གྱི་ཀུན་སྤྱོད། ནང་བྱང་སེམས་ཀྱི་ཀུན་སློང་། གསང་བ་རིག་འཛིན་སྔགས་ཀྱི་ཉམས་བཞེས་སོགས་དང་མཁས་བཙུན་གྲུབ་པའི་མཛད་སྤྱོད་གང་ནས་བརྟགས་ཀྱང་དེང་གི་དུས་ཙམ་ན་འགྲན་བཟོད་པར་དཀའ་བ་འདི་ཉིད་ཀྱིས་མདོ་དབུས་ཁམས་གསུམ་གྱི་སྣོད་ལྡན་གདུལ་བྱ་ཉིས་བརྒྱ་ནས་ལྔ་བརྒྱའི་བར་ཙམ་ལ་རྟག་ཏུ་གཞུང་ཆེན་བཅུ་གསུམ་དང་མཛོད་ཆེན་བདུན་རྒྱུད་གསང་བ་སྙིང་པོ་ལྟ་གྲུབ་ཤན་འབྱེད་སོགས་རང་རྒྱུད་དང་སྦྱར་ཏེ་སྨིན་ཁྲིད་ལྟ་བུ་དང་། ལྷག་པར་མི་ཕམ་གྱི་གསུང་གི་མཛོད་ཀྱི་ཡང་ཞུན་ལྟ་བུ་ནི་དབུ་མ་རྒྱན་དང་ཤེར་འགྲེལ་མཁས་འཇུག་ངེས་ཤེས་མེ་དོན་རྣམ་ངེས་ཤེས་རབ་རལ་གྲི་སོགས་ཀྱི་གནད་རྣམས་ཐུན་མོང་མ་ཡིན་པར་རྩལ་དུ་བཏོན་ནས་ལན་གྲངས་དུ་མར་གསུངས་བས་སྔ་འགྱུར་གྲུབ་མཐའི་སྲོག་གི་ཟུངས་སུ་གྱུར། འདི་སྐབས་སུ་ཧོར་ཤུལ་ཨོ་རྒྱན་བསམ་གྲུབ་གླིང་གི་གྲྭ་རྒན་གཞོན་མེད་པར་ཁོང་གི་ཞལ་སློབ་གྱུར། དེ་ལྟར་ཨོ་རྒྱན་བསམ་གྲུབ་གླིང་གི་ལོ་རྒྱུའི་མདོར་བསྡུས་སུ་བཀོད་པ་འདི་ནི་སྤྲུལ་སྐུ་བསོད་ནམས་སྟོབས་ལྡན་དང་འཕྲིན་དགའ་ནས་བྲིས་པའི་ཆ་ལ་གཞིར་བྱས་ཏེ་དཀོན་བཀྲས་ཕྲལ་བྲིས་བགྱིས་པ་དགེང་།

ས་མིང་ཚིག་མཛོད་མིག་བཤར།

བོད་རབ་བྱུང་གཉིས་པ་ཁྲོ་བོ་ཞེས་པ་ཤིང་མོ་གླིང་གི་ལོར། བཀའ་བརྒྱུད་པའི་རི་ཁྲོད་ཅིག་ཐོག་མར་ཆགས་པ་ཡིན་ཞེས་ངག་རྒྱུན་འདུགདེ་ལྟར་རི་ཁྲོད་དེ་ཐོག་མར་ཕྱག་འདེབས་པ་པོ་ནི། འགྲོ་མགོན་ཆོས་ཀྱི་འབྱུང་གནས་ཡིན། ཁོང་གིས་བླ་མའི་ལུང་བསྟན་ལྟར་ལྷོ་ལྕགས་མོ་བྲག་དཀར་གྱི་གཡས་ཕྱོགས་འཕགས་པ་རིགས་གསུམ་མགོན་པོའི་གནས་རིང་བྱོན་ནས་མདོ་སྔགས་བཤད་སྒྲུབ་ཆོས་འཁོར་ཞེས་པའི་རི་ཁྲོད་ཅིག་ཐོག་མར་ཕྱག་བཏབ་མཛད་དེ་བཀའ་བརྒྱུད་གོང་མའི་ཕྱག་སྲོལ་སྤེལ་བས། གདོང་བཞི་དང་ཐུགས་སྲས་ཉེར་བརྒྱད་སོགས་གསུང་ལས་སྐྱེས་པའི་བུ་སློབ་མང་དུ་བྱུང་བ་ཡིན་ཞེས་ངག་རྒྱུན་ལ་རླུང་ལྟར་[page 307] གྲགས་སོ། དེའི་རྗེས་འགྲོ་མགོན་ཆོས་ཀྱི་འབྱུང་གནས་ཀྱི་སྲས་ཀྱི་ཐུ་བོ་ཀརྨ་ངེས་དོན་བསྟན་འཛིན་དང་སངས་རྒྱས་རྡོ་རྗེ། ནམ་མཁའ་སྙིང་པོ། འཇམ་དབྱངས་རྡོ་རྗེ། ཤཱཀྱ་འབྱུང་གནས། ཟླ་བ་རྒྱལ་མཚན་བཅས་ཀྱིས་བླ་རབས་བདུན་ལ་རི་ཁྲོད་བསྐྱངས་པར་གྲགས་སོ།།

བོད་རབ་བྱུང་བརྒྱད་པའི་ཐོག་མ་ཙམ་ལ་ཟླ་བ་རྒྱལ་མཚན་ལ་མ་མཁའ་འགྲོས། འབྲི་རྫ་གཉིས་ཀྱི་ས་མཚམས། ཚེ་འབར་ཁྱུང་གི་རྭ་བར། ཨ་ཡག་ཤཱཀྱ་རྒྱལ་མཚན་གྱི་ཡུལ་སྡེ་དེ་རུ་རི་ཁྲོད་སྤོས་ན་བཤས་སྒྲུབ་ཀྱི་བསྟན་པ་འཕེལ་ཞེས་ལུང་བསྟན་པ་ལྟར། རི་ཁྲོད་དེར་སྤོ་བར་ས་སྐྱོང་མི་ཡི་དབང་པོ་ས་ཡག་ཤཱཀྱ་རྒྱལ་མཚན་གྱིས་མཆོད་གནས་སུ་བཀུར་ཞིང་ལུགས་གཉིས་མཆོས་པའི་སྤྲིན་གྱིས་མཐུན་རྐྱེན་གང་ལེགས་སྦྱར་བས། འདུ་ཁང་རྟེན་དང་བརྟེན་པ་བཞེངས་ཤིང་བཀའ་བརྒྱུད་གོང་མའི་ཕྱག་སྲོལ་མ་ལུས་པར་མུ་མཐུད་རྒྱུན་འཇགས་སུ་སྤེལ་བའི་འཕྲིན་ལས་བསྲིངས་པའི་འདུས་སྡེ་བརྒྱ་ཕྲག་ལས་བརྒལ་བར་བྱུང་ཟེར། དེ་ནས་བླ་མ་ཀརྨ་བསྟན་འཛིན་དང་ཀརྨ་ངེས་དོན། སྤྲུལ་སྐུ་ངེས་དོན་བཟང་པོ། རིག་འཛིན་རྡོ་རྗེ། ངེས་དོན་རྒྱ་མཚོ། ནོར་བུ་བཀྲ་ཤིས་བཅས་བླ་རབས་བདུན་དང་། ཨ་ལག་ཤཱཀྱ་རྒྱལ་མཚན་དང་ཆོས་སྐྱོང་རྣམ་རྒྱལ། ཆོས་སྐྱོང་དགྲ་འདུལ། གདུགས་དཀར་མགོན་པོ། སྐལ་བཟང་དོན་གྲུབ། ཉི་མ་རྒྱལ་མཚན་བཅས་དཔོན་རབས་བདུན་བྱུང་བའི་མཇུག་མཐར་བོད་རབ་བྱུང་བཅུ་གཉིས་པ་གསེར་འཕྱང་ཞེས་པ་མེ་མོ་བྱ་ཡི་ལོར་༡༧༡༧སོག་པོ་ཇུན་གར་བའི་དམག་དཔུང་ལྷ་སར་བརྒྱུད་པའི་ལམ་ཞོར་དུ་དགོན་པ་དེའི་རྟེན་དང་བརྟེན་པར་གཏོར་བརླགས་ཚབས་ཆེན་ཐེབས་ཏེ། ཡུལ་དགོན་གཉིས་ཀ་བྲོས་བྱོལ་དུ་འགྲོ་དགོས་བྱུང་ཟེར། རབ་བྱུང་དེའི་སྨད་ཙམ་དུ་བླ་མ་ནོར་བུ་བཀྲ་ཤིས་འཁོར་དང་བཅས་པ་ཨ་སྐྱབས་སྡེ་བ་ནང་དུ་བྱོན། སྐབས་སེར་དཔལ་ཤུལ་ཤཱཀྱ་ཐར་གྱི་ཆབ་འབངས་སུ་གཏོགས་པ་ཨ་སྐྱབས་བྱ་སྙི་ཟླ་གསུམ་དཔོན་པོ་དོན་འགྲུབ་རྣམ་རྒྱལ་དང་ཨ་སྐྱབས་བླ་མ་ཆོས་ཀྱི་རྒྱལ་མཚན་སོགས་ཀྱི་ཆོས་གནས་སུ་ཡང་ཡང་བསྟེན་ནས་བཀའ་བརྒྱུད་གོང་མའི་གཞུང་ལུགས་ཟབ་དོན་བདུད་རྩིའི་རྒྱ་མཚོའི་མོས་ཀྱི་ཆར་པ་འབེབས་པར་བརྟེན། ཨ་སྐྱབས་བྱ་སྙི་ཟླ་གསུམ་གྱི་དབུ་བླར་གྱུར་བ་མ་ཟད། བླ་མ་ནོར་བུ་བཀྲ་ཤིས་རྣམ་པ་གསུམ་པོ་དབུར་བཞུགས་མཛད་དེ། ཨ་སྐྱབས་བྱ་སྙི་ཟླ་གསུམ་གྱིས་ཡོན་བདག་བགྱིས་པ་དང་ཆབས་གཅིག་ཏུ། མདོ་སྔགས་བཤད་སྒྲུབ་ཆོས་འཁོར་གླིང་གི་འདུ་ཁང་རྟེན་དང་བརྟེན་པ་ཐམས་ཅད་ཡང་བསྐྱར་བཞེངས་པར་མཛད་དེ། སྔར་སྲོལ་ཆོས་ཀྱི་རྒྱུན་སྲོལ་མ་ལུས་པའི་གཏིང་ཚུགས་པར་སྤེལ། ཡོངས་གྲགས་སུ་ཨ་སྐྱབས་མཁན་ལེབ་དགོན་པ་གནས་དེ་རུ་ཐོག་མར་ཕྱག་བཏབ་པར་བཤད།

དེའི་རྗེས་སུ་བླ་མ་ཆོས་དབྱིངས་རང་གྲོལ་གདན་སར་བྱོན་ཞིང་བསྟན་བདག་གི་འགན་བཞེས། ཁོང་ནི་ཐོག་མར་དཔལ་རྣམ་རྒྱལ་གླིང་དུ་གྲྭ་སར་བྱོན་ཞིང་སྐྱེས་ཆེན་དུ་མའི་ཞབས་པད་སྤྱི་གཙུག་ཏུ་བསྟེན་ནས་རྒྱལ་བའི་གསུང་བ་སྤྱི་དང་རྒྱལ་བ་དང་ཡུལ་བའི་གདན་རབས་གོང་མའི་ཕྱག་བཞེས་མ་ལུས་པ་ཉམས་བཞེས་སུ་བསྟར། དེ་ནས་རང་ཡུལ་གསེར་ལྗོངས་ཡུལ་གྲུའི་ཆར་གཏོགས། སྙི་སྨད་ལྗོ་ཁོག་པདྨའི་ལ་ཁར་[page 308] ཞབས་ཟུང་གསེར་གྱི་འཁོར་ལོ་བསྒྱུར་ཏེ། ཨ་སྐྱབས་མཁན་ལེབ་དགོན་པའམ་མདོ་སྔགས་བཤད་སྒྲུབ་ཆོས་འཁོར་གླིང་གི་ཆོས་བརྒྱུད་དང་སློབ་བརྒྱུད་ཚང་མ་རིག་འཛིན་ཆེན་པོ་ཀུན་བཟང་ཤེས་རབ་ཀྱི་ཕྱག་བཞེས་ལྟར་རྒྱལ་བ་དཔལ་ཡུལ་བའི་གྲུབ་མཐའ་རུ་བསྒྱུར། དེ་ནས་ལྷུན་གྲུབ་རྡོ་རྗེ་དང་ངེས་དོན་ཆོས་ཀྱི་འབྱུང་གནས། ཨ་སྐྱབས་ཆོས་འགྲུབ་སོགས་བྱོན་ནས་གདན་སར་བསྐྱངས་ཏེ་གདན་རབས་འགའ་སོང་རྗེས་སུ་དགོན་པ་དེར་མི་སྲུན་པའི་བར་ཆད་ཐེངས་མང་བྱུང་སྟེ་དགོན་པའི་བསྟན་སྲིད་ལ་ཤུགས་རྐྱེན་ངེས་ཅན་ཞིག་ཐེབས་པས། རྡོ་གྲུབ་རྒན་འཇིགས་མེད་འཕྲིན་ལས་འོད་ཟེར་གྱིས། མཁན་ལུ་ཆོས་ཁྲིའི་སྟེང་ལ། སྔར་མེད་བསྟན་པའི་བ་དན་བསྒྲེངསཿཞེས་རེ་ཞིག་གནས་གནས་སྤོ་བྱས་ན་ལེགས་པའི་ལུངས་བསྟན་ལ་ཁོངས་བཅོལ་ཏོ། ཨ་སྐྱབས་མཁན་ལེབ་དགོན་པས་མདོ་སྔགས་བཤད་སྒྲུབ་ཆོས་འཁོར་གླིང་གི་རྟེན་དང་བརྟེན་པ་ཐམས་ཅད་སླར་ཡང་གནས་སྤོ་བྱས་ཏེ་རིམ་བཞིན་དུ་བཞེངས་པར་མཛད་དེ་བདེ་བླག་ངང་གྲུབ། དེར་བརྟེན་གདན་རབས་གོང་མའི་ཕྱག་བཞེས་མ་ལུས་པའི་ཆོ་གའི་ཕྱག་ལེན་ཕྲ་མོའི་ཡན་ཆོད་ཀྱི་འཕྲིན་ལས་ཀྱི་རྒྱུན་ཟམ་མ་ཆད་པར་བསྲིངས་སོ།

དེ་ནས་ཨ་སྐྱབས་མཁན་ལེབ་དགོན་པའམ་མདོ་སྔགས་བཤད་སྒྲུབ་ཆོས་གླིང་དུ་བླ་རབས་རིམ་བྱོན་དང་སྤྲུལ་སྐུ་སྐུ་ཕྲེང་རིམ་བྱོན་གྱིས་བཤད་སྒྲུབ་ཀྱི་བསྟན་པ་སྤེལ་ཚུལ་རགས་བསྡུས་ཤིག་འགོད་པ་ལ། འགྲོ་འགོན་ཆོས་ཀྱི་འབྱུང་གནས་དང་ཀརྨ་ངེས་དོན་བསྟན་འཛིན། སངས་རྒྱས་རྡོ་རྗེ་སོགས་ནས་བླ་མ་ནོར་བུ་བཀྲ་ཤིས་ཡན་ཆོད་ཀྱི་བླ་རབས་རིམ་བྱོན་གྱི་དུས་སྐབས་སུ་བཀའ་བརྒྱུད་པའི་རི་ཁྲོད་ཅིག་བསྐྱངས་པར་མཛད་དེ་གྲུབ་པ་ཐོབ་པའི་གང་ཟག་མུ་ཏིག་བསྟར་ལ་བརྒྱུས་པ་བཞིན་བྱུང་བར་གྲགས་སོ།། རི་ཁྲོད་དེར་འཆད་ཉན་དར་མེད། རྗེས་སུ་སྒོ་ཆེན་དཔོན་པོ་བསོད་ནམས་སྙན་གྲགས། ཨ་སྐྱབས་ཆོས་འགྲུབ་སོགས་བྱོན་ནས་གདན་ས་བསྐྱངས་པར་མཛད། དེའི་རྗེས་སུ་མཆོག་གཙང་དཔོན་པོ་ཡི་ཁོ་དང་རྒྱལ་སྲས་དཔའ་བོ་མཐུ་སྟོབས། མདོ་སྔགས་བསྟན་པའི་རྒྱལ་མཚན། སྒོ་གཏེར་རིག་འཛིན་རྡོ་རྗེ་（གོང་གི་བླ་མ་བཞི་བོས་དགོན་པ་མཁན་ལུང་ཆོས་ཁྲིའི་ལ་སྟེང་དུ་གནས་སྤོས་མཛད་དེ）བཤད་སྒྲུབ་ཀྱི་བསྟན་པ་སྔར་ལས་དར་ཞིང་རྒྱས་པར་མཛད། མཁན་པོ་རྒྱམ་བཟང་། ཐུགས་སྲས་དྲི་མེད་གང་ཤར། སྤྲུལ་སྐུ་ཉི་མ་རང་ཤར་སོགས་གདན་སར་བར་མ་ཆད་དུ་བྱོན།

དེ་ལྟར་ཨ་སྐྱབས་མཁན་ལེབ་དགོན་པ་ཆགས་ནས་བགྲང་བྱ་ཉག་མ་དེ་དག་གི་རིང་ལ་སྐྱེས་ཆེན་དམ་པ་རིམ་བྱོན་གྱིས་བཞེངས་པའི་རྟེན་དང་བརྟེན་པ་ནི། སྤྱིར་དགོན་པ་དེ་ཐོག་མར་ཆགས་པ་ནས་བཟུང་ད་ལྟའི་བར་ཆགས་འཇིག་དང་གནས་སྤོ་ཐེངས་མང་བྱུང་ཡོད་པར་བརྒྱུད་པས། བླ་རབས་གོང་མ་རྣམས་ཀྱིས་བཞེངས་པའི་སྐུ་གསུང་ཐུགས་རྟེན་གྱི་གྲངས་ཀ་ཙམ་ཡང་འགོད་ནུས་པའི་ལོ་རྒྱུས་ཀྱི་ཡིག་ཆ་ཁུངས་ལྡན་དང་མཁྱེན་དཔྱོད་ཀྱི་སྤོབས་པ་མ་མཆིས་སོ། འོན་ཀྱང་དགོན་པ་དེར་མཛད་རྗེས་བླ་ན་འབར་བའི་རྒྱལ་སྲས་དཔའ་བོ་མཐུ་སྟོབས་དང་མདོ་སྔགས་བསྟན་པའི་རྒྱལ་མཚན། ཐུགས་སྲས་དྲི་མེད་གང་ཤར་སོགས་[page 309] ཀྱིས་གདན་ས་བསྐྱངས་པ་ཚུད་ཆད་ལ་དངོས་སུ་བཞུགས་ཡོད་པའི་རྟེན་དང་བརྟེན་པ་ནི། འདུ་ཁང་ཆེ་ཆུང་བཞི་（གཙུག་ལག་ཁང་དང་བཤད་སྒྲུབ་གྲྭ་ཁང་། དཔེ་མཛོད་ཁང་ནང་རྟེན་གྱི་གཙོ་བོར་གུ་རུ་བདུད་དཔུང་ཟིལ་གནོན། འཇམ་དབྱངས་སྨྲ་བའི་སེང་གེ། སྒྲོལ་མ་འཇིགས་པ་བརྒྱད་སྐྱོབ་སོགས་མང་ངོ་། ）

དེ་ཡང་ཨ་སྐྱབས་མཁན་ལེབ་དགོན་པའམ་མདོ་སྔགས་བཤད་སྒྲུབ་ཆོས་འཁོར་གླིང་གི་རྒྱུན་འཇགས་སུ་ཡོད་པའི་ལོ་འཁོར་མོའི་དུས་མཆོད་འཚོགས་ཚུལ་དང་། དགོན་པ་དེར་ཡོན་གྱི་འབྱུང་ཁུངས་ཇི་ལྟར་བགྱིས་ཚུལ། ཡུལ་དགོན་གཞན་དང་ཇི་ལྟར་འབྲེལ་ཚུལ་སོགས་མདོར་བསྡུས་ཤིག་འགོད་པ་ལ། དགོན་པ་དེའི་དུས་མཆོད་ནི་ཀྱེ་རྡོར་དང་བདེ་མཆོག་བུམ་སྒྲུབ། སྨྱུང་གནས། དབྱར་གནས། སྐུ་གསུམ་སྒྲུབ་པ། རྡོ་སེམས་ཟླ་སྒྲུབ། ཕུར་བ་དགུ་བསྒྲུབ། དགུ་གཏོར་ཀར་འཆམ་དང་སྦྲགས་པ་སོགས་མཆིས་སོ། རི་ཁྲོད་དེ་ཐོག་མར་ཕྱག་བཏབ་སྐབས་ཡོན་བདག་སུས་བགྱིས་པ་ཡིན་པའི་ལོ་རྒྱུས་ཀྱི་ཡིག་ཆ་མ་རྙེད། བོད་རབ་བྱུང་བརྒྱད་པའི་ནང་རི་ཁྲོད་དེ་འབྲི་རྫ་གཉིས་ཀྱིས་མཚམས་ཚེ་འབར་ཁྱུང་གི་རྭ་བར་གནས་སྤོ་བྱས་པའི་སྐབས་སུ་ཨ་སྐྱོང་མི་ཡི་དབང་པོ་ས་ཡག་ཤཱཀྱ་རྒྱལ་མཚན་སོགས་ཀྱི་ཀུན་བཟང་མཆོད་པའི་སྤྲིན་གྱིས་ཞབས་ཏོག་ལེགས་པར་སྦྱར་ཏེ་རི་ཁྲོད་བཞེངས་པར་མཐུན་རྐྱེན་སྤེལ་བར་ངེས། དེའི་རྗེས་བོད་རབ་བྱུང་བཅུ་གཉིས་པའི་སྨད་དུ་（འབྲི་རྫ་གཉིས་ཀྱི་ས་མཚམས་སུ་ཆགས་ཡོད་པའི་རི་ཁྲོད་དེ་སོག་པོ་ཇུན་གར་བའི་དམག་དཔུང་གིས་གཏོར་བརླབས་མིང་མེད་བྱས）གསེར་ལྗོངས་ས་ཡི་དཀྱིལ་འཁོར་གྱི་ཆར་གཏོགས་སྙི་སྨད་ལྗོ་ཁོག་ཏུ་ཡང་བསྐྱར་དུ་དགོན་པ་རྟེན་དང་བརྟེན་པ་བཞེངས་པའི་རྨང་འདིང་སྐབས་སུ། དབལ་ཤུལ་ཤཱཀྱ་ཐར་གྱི་ཆབ་འབངས་སུ་གཏོགས་པའི་ཨ་སྐྱབས་བྱ་སྙི་ཟླ་གསུམ་（ཚོ་བ་གསུམ）གྱི་དཔོན་པོ་དོན་གྲུབ་རྣམ་རྒྱལ་རྗེ་འབངས་ཡོངས་རྫོགས་ཀྱིས་ཡོན་བདག་བགྱིས་ཏེ། མཐུན་རྐྱེན་འོས་འཚམ་སྦྱར་བ་ནས་བཟུང་ཨ་སྐྱབས་བྱ་སྙི་ཟླ་གསུམ་དགོན་པའི་སྦྱིན་བདག་གམ་ལྷ་སྡེ་རུ་གྱུར་བ་དང་། དགོན་པ་དེར་སྒོ་ཆེན་བསོད་ནམས་སྙན་གྲགས་དང་རྒྱལ་སྲས་དཔའ་བོ་མཐུ་སྟོབས། མདོ་སྔགས་བསྟན་པའི་རྒྱལ་མཚན་སོགས་དམ་པ་རྣམས་གྱིས་དགོན་པའི་རྟེན་བཞེངས་དང་བཤད་སྒྲུབ་ཟུང་འབྲེལ་གྱི་བསྟན་པ་སྤེལ་བར་གཏོང་སྒོ་འབོར་ཆེན་གནང་ཡོད་པ་རེད། དགེ་འདུན་པའི་འཚོ་བ་ནི་ཤཱཀྱའི་རྗེས་འབྲང་ཕལ་མོ་ཆེ་དང་མཚུངས་སོ། དགོན་པ་དེ་སྒོ་ཆེན་བསོད་ནམས་སྙན་གྲགས་ཀྱིས་ཕྱག་བཏབ་མཛད་པའི་དགོན་པ་བཅུ་གསུམ་གྱི་གྲས་སུ་གཏོགས་པས་སྒོ་ཆེན་དགོན་པའི་བུ་དགོན་ཡིན་པ་ལགས་སོ།

རྔོ་རྒོལ་བཞི་པ་དང་རིག་གནས་གསར་བརྗེ་ཞེས་པའི་སྐབས་སུ། དགོན་པ་དེའི་བཤད་སྒྲུབ་ཀྱི་རྣམ་པ་ཐམས་ཅད་སྟོང་ཞིང་གཙུག་ལག་ཁང་རྟེན་དང་བརྟེན་པ་ཚང་མ་མིང་གི་ལྷག་མར་གྱུར་ཏེ་ཞིབ་ཏུ་བསམ་ན་ཡིད་སྐྱོ་གདུང་གིས་མནར་བའི་གནས་སོ། ཕྱིས་སུ་མི་རིགས་དང་ཆོས་ལུགས་ཀྱི་སྲིད་ཇུས་བཟང་པོས་སླར་ཡང་གངས་ལྗོངས་རྒྱལ་བསྟན་ཉམས་གསོ་བྱེད་ཆོག་པ་དང་། གསེར་རྟ་རྫོང་མི་དམངས་སྲིད་[page 310] གཞུང་གིས་（༡༩༨༤）ལོར་ཨ་སྐྱབས་མཁན་ལེབ་དགོན་པའམ་མདོ་སྔགས་བཤད་སྒྲུབ་ཆོས་འཁོར་གླིང་ཉམས་གསོ་བྱེད་རྒྱུའི་ཆོག་མཆན་གནང་བའི་སྔོན་འགྲོའི་མཐུན་རྐྱེན་བཟང་པོར་བརྟེན། གྲུབ་ཐོབ་ཨ་དགའ་ཉ་ཛ་ན་དང་རྒྱལ་སྲས་དཔའ་བོ་མཐུ་སྟོབས་ཀྱི་ཡང་སྲིད་ཉི་མ་རང་ཤར། མཁན་པོ་ཚུལ་ཁྲིམས་བཟང་པོ། མཁན་པོ་འཇིགས་མེད་བསྟན་འཛིན་སོགས་གྲོས་མོལ་གཅིག་མཐུན་གྱིས་རང་སྟོབས་རང་སྤེལ་བྱས་ཏེ་རིམ་བཞིན་དུ་འཁོར་ཁང་དང་མཆོད་རྟེན། བཤད་གྲྭ། སྒྲུབ་གྲྭ། འདུ་ཁང་སོགས་འཛུགས་སྐྲུན་བྱས་ཏེ་ལེགས་པར་གྲུབ། ནང་རྟེན་ལ་གྲུབ་ཐོབ་ཨ་དགའ་ཛྙ་ནས་ཕྱག་རྫས་ཁོ་ནའི་བཞེངས་པའི་གུ་རུ་གཙོ་འཁོར་གསུམ་（འཇིམ་སྐུ）དང་ཉེ་བའི་སྲས་ཆེན་བརྒྱད་（འཇིམ་སྐུ）ཛམ་བྷ་ལྷའི་འཇིམ་སྐུ་སོགས་དང་བྲིས་རྩལ་ལེགས་པའི་བདེ་ཆེན་ཞིང་ཐང་དང་མཛད་པ་བཅུ་གཉིས། གེ་སར་ནོར་བུ་དགྲ་འདུལ་ཡང་ཐུལ་དམ་པ་མི་བདུན། རྒྱལ་ཆེན་སྡེ་བཞི། དཔལ་མགོན་བདུན་བཅུ། གྲུ་བཙན་སོགས་ཐང་ཁ་མང་པོ་བཞེངས་པ་དང་། གཞན་ཡང་རྒྱལ་བའི་བཀའ་བསྟན་འགྱུར་དང་ཀློང་ཆེན་མཛོད་བདུན། རཏྣ་གནམ་ཆོས་ཀྱི་ཆོས་སྐོར་སོགས་རྟེན་བཞག་མཛད་པ་དང་། སྦུབ་ཆོལ་དང་སིལ་སྙན། འཁར་རྔ། དྲིལ་བུ་སོགས་རོལ་ཆས་ཆ་བཅོ་བརྒྱད་སོགས་རྟེན་བཞག་མཛད་པས་བཀའ་དྲིན་བསམ་བརྗོད་ལས་འདས་སོ། དེང་སང་དགོན་པ་དེར་དགེ་འདུན་པ་བཅུ་ཕྲག་ལྔ་ལྷག་ཙམ་གྱིས་སྔ་སྲོལ་ཆོས་ཀྱི་རྒྱུན་སྲོལ་མ་ལུས་པ་ཉམས་པ་སླར་གསོ་དང་མ་ཉམས་གོང་འཕེལ་གཏོང་བའི་ཆོས་མཐུན་གྱི་མཛད་སྤྱོད་གནང་མུས་མཆིས་པ་ལགས་སོ།།

ས་མིང་ཚིག་མཛོད་མིག་བཤར།

ཆོས་སྡེ་འདི་ནི་གསེར་ལྷ་རྩེ་དགོན་གྱི་དགོན་ལག་ཡོངས་ཀྱི་ཐོག་མ་ཡིན། གནས་འདིར་ལོ་ཆེན་བཻ་རོ་ཙ་ན་སོགས་མཁས་ཤིང་གྲུབ་པ་ཐོབ་པའི་དམ་པ་དུ་མའི་ཞབས་ཀྱིས་བཅགས་ཤིང་བྱིན་གྱིས་བརླབས་པའི་གཏེར་གནས་དང་སྒྲུབ་གནས་ཆེས་ཁྱད་པར་ཅན་ཞིག་མཆིས་ཏེ། ཆོས་དགོན་འདི་ཐོག་མར་འདེབས་པའི་དུས་ཚུགས་ལ་ཞལ་མི་མཐུན་པ་མང་སྟེ། རྗེ་གུ་ཎའི་ཞབས་ཀྱིས་རབ་བྱུང་གཉིས་པར་ཀརྨ་བ་དུས་གསུམ་མཁྱེན་པ་དང་། ཆུ་ཕོ་རྟོགས་ལྡན་དུས་མཉམ་པར་གསུང་མོད་ཀྱང་། གཞན་ཆོས་འབྱུང་དང་། ལོ་ཚུགས་རེའུ་མིགགདན་རབས་ལྔ་ཕྱིའི་བབ་གང་ལ་དཔྱད་ཀྱང་འགྲིགས་དཀའ་བར་སྣང་བས། ལྷ་རྩེ་གདན་རབས་བདུད་རྩིའི་ཐིག་ཕྲེང་དང་། ལྷ་རྩེ་རུས་མཛོད་རྣམ་བཤད་ཤེལ་གྱི་ཕྲེང་བ་སོགས་ཡིག་ཆ་ཁུངས་བཙུན་རྣམས་ལ་གཏུགས་ཏེ་ལོ་རྒྱུས་རགས་བསྡུས་ཤིག་འགོད་པར་སེམས་ཏེ། དེ་ལ་དགོན་འདི་ཐོག་མར་འདེབས་པའི་དུས་ནི་རབ་བྱུང་དྲུག་པར་ངེས་ཏེ། ཆོས་རྒྱལ་མདོག་བཞེར་གདུང་རབས་ཉེར་གཅིག་པ་རྒྱལ་པོ་ནམ་མཁའ་ཚེ་དབང་དང་། ཡུམ་ཤེས་བཟའ་བཀྲ་ཤིས་མཚོ་གཉིས་ཀྱི་སྲས་སུ་རྒྱལ་སྲས་ནམ་མཁའ་འཆི་མེད་དང་། རྒྱལ་སྲས་ལོངས་སྐུ་དང་ཕྲིན་ལས་རྣམས་རབ་བྱུང་དྲུག་པར་འཁྲུངས། སྲས་སྔ་མས་རྒྱལ་[page 311] སྲིད་བསྐྱངས། ཕྱི་མ་གཉིས་ལྷ་ལྡན་དུ་ཕེབས་ཏེ་རྒྱལ་བ་ཀློང་ཆེན་པའི་ཞབས་ལ་གཏུགས་ཏེ་སྔ་འགྱུར་གྱི་སྨིན་གྲོལ་ལ་གསན་བཞེས་མཛད་པའི་མཁས་གྲུབ་གཉིས་ལྡན་དུ་གྱུར། མཐར་ཡུལ་དུ་བྱོན་ནས་ལྷ་དགོན་དུ་ནང་པའི་ཆོས་འཁོར་བསྐོར་བ་སོགས་མཛད་པས། སྔ་མ་བོན་ལུགས་ཡིན་ཕྱིར་བོན་པོ་རྣམས་ལ་སྙིང་ནད་དུ་སོང་ཡང་། རྒྱལ་པོ་དབང་བཙན་པས་ཅི་བྱ་མ་འཁྱོལ། དེའི་རྗེས་ཙམ་ན་རྒྱལ་སྲས་ནམ་མཁའ་འཆི་མེད་སྐུ་གྲོངས་བས། བོན་རྣམས་ཀྱིས་ཁོང་སྐུ་མཆེད་གཉིས་ཡུས་ཕུད་བྱས་ཚེ། ཁོང་རྣམ་གཉིས་གསེར་དབུ་ཚབ་ཏུ་བྱོན་ནས་ཆོས་སྡེ་འདི་ཐོག་མར་བཏབ་ཏེ་འདུས་སྡེ་སྟོང་ཕྲག་ཙམ་ལ་ཆོས་འཁོར་བསྐོར་བས་ཕྲིན་ལས་རབ་ཏུ་རྒྱས་པ་བྱུང་། དེའི་རྗེས་སུ་དགོན་ཅུང་ཟད་ཉམས་པས་རབ་བྱུང་བརྒྱད་པར་གདུང་རབས་ཉེར་དྲྱག་པ་རྒྱལ་སྲས་ནམ་མཁའ་གྲགས་ལྡན་གྱིས་དགོན་འདི་སླར་གསོ་མཛད་པའི་ལོ་རྒྱུས་མང་། རབ་བྱུང་བཅུ་གཅིག་པར་རྗེ་ཡེ་ཤེས་སེང་གེ་ལ་དཔལ་མགོན་ནག་པོའི་རྒྱུད་ཀྱི་གཏད་རྒྱ་མཚམས་སྦྱར་སོགས་མཛད་པར་གྲགས་སོ། འདི་ནས་མིག་ལུང་བླ་རབས་བཅུ་གསུམ་རྣམས་རིམ་པར་བྱོན་ནས་ཕྲིན་ལས་ཀྱི་འོད་སྣང་རབ་ཏུ་རྒྱས་ཤིང་མཁས་པ་དང་གྲུབ་པའི་སྐྱེས་བུ་ཤ་སྟག་ཏུ་བྱོན་པས་སྔ་རྗེས་སུ་གསུང་འབུམ་པོད་ཉེར་གཅིག་ཙམ་བརྩམ་གནང་མཛད་དེ་བསྟན་པའི་གསོས་སུ་བཞག་གོཕྱིས་སུ་རྗེ་དཀར་བླ་མ་གསེར་འོད་སོགས་དམ་པ་དུ་མས་རྗེས་སུ་བསྟན་དགོན་གྱི་ཁུར་བཞེས་ཏེ་ཆོས་འདིའི་ཕྲིན་ལས་རྒྱ་ཆེར་བསྐྱངས། དམ་པ་གོང་མ་དེ་དག་གི་སྐུ་རིང་ལ་བཞེངས་པའི་རྟེན་ནི། གཙུག་ལག་ཁང་རྟེན་དང་བརྟེན་པ་སྐུ་རྟེན་གསེར་སྐུ་སོ་ལྔ། འཇིམ་སྐུ་ཞེས་བརྒྱད། གནམ་ཆོས། རཏྣ། དགོངས་འདུས། ཀར་གླིང་སོགས་ཀྱི་རྒྱུད་ཡིག་དང་བཀའ་འབུམ། གསེར་དངུལ་སོགས་ཀྱིས་བྲིས་པའི་ཤེར་ཕྱིན་འབུམ་པ་ཆ་ལྔ་སོགས་གླེགས་བམ་བརྒྱ་ཕྲག་གསུམ་ལྷག་ཙམ་རེ་མཆིས། གཞན་དུང་འཁོར་དང་མཆོད་རྟེན། རྔ་དུང་རོལ་ཆས་སོགས་རིན་ཐང་ཅན་ཆ་མང་པོ། གདུགས་དར་འཕན་གསུམ་མཆོད་རྫས་སྤུས་ལེགས་བསམ་གྱིས་མི་ཁྱབ་པ་ཡོད་ཀྱང་། སྤྱི་ལོ་༡༩༥༩ཙམ་ནས་རྟེན་དེ་རྣམས་མེ་ལ་བསྲེགས་ཆུ་ལ་བསྐྱུར་ཏེ་གཏོར་བཤིག་བྱས་ནས་མི་ལོ་སུམ་ཅུར་ཉེ་ཙམ་བར་ས་ཤུལ་རྡོ་ཕུང་ལས་མེད་པར་གྱུར་བ་བོད་ཁམས་སྤྱིའི་དགོན་སྡེ་ཐམས་ཅད་དང་མཚུངས་སོ། ཀྲུང་ཨུ་ཚང་འཛོམ་གྲོས་ཚོགས་ཐེངས་གསུམ་པ་འཚོགས་ཚུན་ནས་བསྟན་པའི་ཆོས་སྒོ་ཕྱེ་བར་བརྟེན་རྗེ་དཀར་བླ་མ་རྡོ་རྗེ་རྒྱལ་མཚན་གྱིས་གཙོ་འགན་བཞེས་ཏེ་བླ་གྲྭ་རྒན་པ་རྣམས་ཀྱི་ཁུར་བླང་ནས། ངལ་རྩོལ་མི་དམངས་ཀྱི་ཤུགས་བསྐྱེད་དེ། འདུ་ཁང་དང་། མཆོད་རྟེན། དུང་འཁོར། ཟངས་མདོག་དཔལ་རི་སོགས་རྟེན་བཞེངས་ཀྱི་རིགས་མང་པོ་བྱས། གྲྭ་ཁྱིམ་དྲུག་ཅུ་ལྷག་ཙམ་དང་བཅས་བསྟན་དགོན་གྱི་གཞི་ཚུགས་ཡོད། ད་ལྟ་བླ་གྲྭ་དྲུག་ཅུ་ལྷག་ཙམ་གྱིས། མགོན་སྒྲུབ་དང་། ཕུར་བ་དགུ་སྒྲུབ་སོགས་སྔོན་གྱི་དུས་མཆོད་ཅི་ཡོད་ཐམས་ཅད་འཚོགས་བཞིན་པ་ལགས་སོ། དེ་དག་གི་གཏོང་སྒོ་ནི་གྲྭ་ཚང་སྤྱིའི་ཞལ་འདེབས་དང་ཡོན་སྦྱོར་སོགས་ཀྱིས་མཐུ་ལ་བརྟེན་པ་ཡིན་ནོ། ཞེས་པའང་བསོད་ནམས་ཉི་མ་དང་མི་པོ་གཉིས་ནས་བསྒྲིགས།

ས་མིང་ཚིག་མཛོད་མིག་བཤར།

[page 312] དགོན་འདི་ཉིད་ཐོག་མར་ཕྱག་འདེབས་པ་པོ་བླ་མ་བསྟན་འཛིན་རྒྱ་མཚོ་ཡིན། ཁོང་ནི་སྐུ་ན་ཆུང་དུས་ནས་དཔལ་ཡུལ་རྣམ་རྒྱལ་བྱང་ཆུབ་གླིང་དུ་གྲྭ་སར་བྱོན་ནས་བླ་མ་གཞན་ཕན་འོད་ཟེར་སོགས་མཁསབཙུན་བཟང་བོའི་རྣམ་ཐར་གྱི་ཡང་རྩེར་སོན་པའི་སྐྱེས་ཆེན་དུ་མའི་ཞབས་ཀྱི་པདྨོ་སྤྱི་གཙུག་ཏུ་མཉེས་པ་གསུམ་གྱིས་སྒོ་ནས་ཡུན་རིང་དུ་བསྙེན། མདོ་སྔགས་རིག་གནས་དང་བཅས་པའི་གཞུང་ལུགས་རྒྱ་མཚོ་ལྟ་བུར་སྦྱང་བ་མཛད། དེ་ནས་ཕྱིར་རང་ཡུལ་དུ་ཕེབས། དཔོན་གྱི་དབུ་བླར་བཀུར་ཞིང་མཆོད་ཡོན་དུ་སྦྲེལ་བར་བརྟེན། སྨྱུག་རོང་གདོང་ལ་དགོན་བ་རྟེན་དང་བརྟེན་པ་བཅས་ཐོག་མར་བཏབ་ནས་གསང་སྔགས་སྔ་འགྱུར་བསྟན་པའི་གཞི་དང་དགེ་འདུན་གྱི་སྡེ་བཙུགས་ཏེ་རྒྱལ་བསྟན་རིན་པོ་ཆེ་བཤད་སྒྲུབ་ལས་གསུམ་གྱི་ཆོས་བརྒྱུད་ཟབ་མོའི་རྒྱུན་སྤེལ། སེར་རྒུ་རི་ཁྲོད་ཀྱང་ཕྱག་བཏབ་མཛད་ནས་སྒྲུབ་པའི་རྒྱལ་མཚན་ཚུགས། དེ་ནས་རབ་བྱུང་རྡོ་རྗེ་བསྟན་པའི་རྒྱལ་མཚན་ཚུགས། དེ་ནས་རབ་བྱུང་རྡོ་རྗེ་བསྟན་པའི་རྒྱལ་ཚབ་ཏུ་མངའ་གསོལ་ནས་དགུང་ལོ་དགུ་ཅུར་དགོངས་པ་ཆོས་དབྱིངས་སུ་ཐིམས། གདན་རབས་གཉིས་པ་རབ་བྱུང་རྡོ་རྗེ་ཡི་སྐབས་སུ་ཆོས་སྡེ་འདིའི་བཤད་སྒྲུབ་འཁོར་ལོ་གཉིས་ལྡན་གྱི་རྒྱུན་བསྐྱངས་ནས་རྒྱལ་བསྟན་རིན་པོ་ཆེ་སྔར་ལས་དར་ཤིང་རྒྱས་པར་བྱུང་། གདན་རབས་གསུམ་པ་བླ་མ་བསོད་ནམས་དཔལ་ལྡན་གྱིས་གདན་ས་བསྐྱངས། གདན་རབས་བཞི་པ་རྒྱ་བོད་བླ་མ་ཚེ་རིང་སྐྱབས་བྱོན། ཁོང་དཔལ་ཡུལ་རྣམ་རྒྱལ་བྱང་ཆུབ་གླིང་དུ་གྲྭ་སར་བྱོན་ནས་པདྨ་ལྷུན་གྲུབ་རྒྱ་མཚོ་སོགས་མཁས་གྲུབ་སྐྱེས་ཆེན་དུ་མ་ཐུན་མིན་གྱི་བླ་མར་བཟུང་། སྔ་འགྱུར་བཀའ་གཏེར་སྤྱི་དང་ཁྱད་པར་མདོ་སྒྱུད་སེམས་གསུམ་གྱི་དབང་ལུང་ཁྲིད་མན་ངག་ཐུགས་ཉམས་སུ་བསྟར་བས་གྲུབ་བརྙེས་ཀྱི་ས་མཐོར་གཤེགས། དེ་ནས་ཕྱིར་གསེར་ལྗོངས་ཡུལ་དུ་ཆིབས་ཁ་བསྒྱུར་ཏེ་བླ་མས་ལུང་བསྟན་ལྟར། ཤོ་རབ་དཔོན་གྱིས་མཐུན་རྐྱེན་ལེགས་པོར་སྦྱར་བར་འབྲེལ། བསྟན་རྒྱས་དགོན་པའི་གནས་གཞི་གདན་སྤོས་བྱས། དེ་རྗེས་གདན་ས་དེར་རིམ་བཞིན་བླ་མ་བསོད་ནམས་ཚེ་རིང་། ལྷུན་གྲུབ་རྒྱ་མཚོ། བསོད་ནམས་དཔལ་ལྡན། བསོད་ནམས་འཕྲིན་ལས། པདྨ་དབང་ལྡན་བཅས་བྱོན། ཕྱི་མ་འདི་ནི་མདོ་རྒྱུད་སྤྱི་དང་ཁྱད་པར་ཐུན་མོང་གི་རིག་གནས་མཐའ་དག་དང་མདོ་ཕྱོགས་ལ་སྦྱང་བ་མཐར་སོན་ནས་མཁས་པའི་དབང་པོར་གྱུར། གསེར་སྨད་བསྟན་རྒྱས་དགོན་དུ་མདོ་སྔགས་རིག་གནས་ཀྱི་འཆད་སྤེལ་དང་རྒྱུད་སྡེ་ཕྱི་ནང་གི་ཉམས་ལེན་སོགས་ཆེས་མཛད་རྗེས་རྨད་དུ་བྱུང་ངོ་། དེ་ནས་བླ་མ་ཆོས་སྐུ། བླ་མ་བདེ་ཕནབླ་མ་བདེ་འབྱུང་། བླ་མ་རིག་རྡོར། བླ་མ་འཇིགས་མེད་སོགས་མཁས་གྲུབ་གསེར་རིའི་ཕྲེང་བ་ཚར་དུ་དངར་བ་བཞིན་གདན་ས་དེར་བྱོན་ནས་འཆད་ཉན་དང་སྒོམ་སྒྲུབ་མཛད་ནས་རྒྱལ་བའི་བསྟན་པ་རིན་པོ་ཆེ་འཛིན་སྐྱོང་སྤེལ་གསུམ་གྱི་རྒྱུན་སྤེལ་བ་ལགས་སོ།

[page 313] གཞན་ཡང་ཆོས་སྡེ་འདིར་མཛད་རྗེས་ཤིན་ཏུ་ཆེ་བའི་གདན་རབས་བཅུ་བཞི་པ་བླ་མ་ཐེག་མཆོག་བསྟན་འཛིན་གྱིས་དགོན་པ་དེ་ཉིད་དུ་དགེ་འདུན་གྱི་ཁྲིམས་དང་ཆོས་ཀྱི་སྒྲིག་སྲོལ་རིམ་པར་གཏན་འབེབས་རྒྱུན་འཇགས་སུ་བྱས་ནས་དགེ་འདུན་པ་ཡོངས་ཀྱིས་ཐུགས་མཐུན་ཁྲིམས་གཙང་གི་སྒོ་ནས་བཤད་སྒྲུབ་འཁོར་ལོ་གཉིས་ལྡན་གྱི་རྒྱུན་སྤེལ་བའི་སྲོལ་ལེགས་པར་བཙུགས་ནས་རྣམ་པར་དཀར་བའི་མཛད་འཕྲིན་ལས་བཟང་པོ་ཕྱོགས་ཀུན་ཏུ་ཁྱབ་པོང་།

དེ་ནས་དགོན་འདི་ཆགས་ནས་བགྲང་བྱ་ཉག་མ་དེ་དག་གི་རིང་སྐྱེས་ཆེན་དམ་པ་རིམ་བྱོན་གྱི་བཞེངས་པའི་རྟེན་དང་བརྟེན་པའི་གྲངས་ཀ་རགས་ཙམ་བརྗོད་ན། གཙུག་ལག་ཁང་ཆེན་པོ་གཅིག་དང་བཤད་སྒྲུབ་གྲྭ་ཁང་གཉིས། གྲྭ་ཤག་བརྒྱ་དང་བདུན་བཅུ་ལྷག་ཙམ་དང་། ནང་རྟེན་གཙོ་བོ་ནི་ཁང་བརྩེགས་གཉིས་ཅན་གྱི་གུ་རུ་དང་། མི་ཡི་ལུས་ཚད་ལྷག་ཙམ་གྱི་ཐུབ་པ་གཙོ་འཁོར་གསུམ་དང་། ཐུགས་རྗེ་ཆེན་པོ། སྒྲོལ་མ་སོགས་དང་། གཏེར་མ་དང་ལི་མའི་རྟེན་རྙིང་བརྒྱ་ཕྲག་ཙམ་དང་། གསེར་དངུལ་གྱི་བྲིས་པའི་སྔོན་གྱི་བྲིས་རྙིང་ཐུབ་པའི་མཛད་པ་བཅུ་གཉིས། སྐྱེས་རབས་དཔག་བསམ་འཁྲི་ཤིང་། གནས་བརྟན་བཅུ་དྲུགབདེ་ཆེན་ཞིང་ཐང་། གུ་རུ་མཚན་བརྒྱད། ཞི་བ་བཞི་རྩ་གཉིས། འབར་བ་ཁྲག་འཐུང་ལྔ་བཅུ། ཚེ་ལྷ་རྣམ་གསུམ་གྱི་སྟོང་སྐུ། རིགས་གསུམ་མགོན་པོ། རྒྱལ་ཆེན་སྡེ་བཞི་སོགས་བླ་མ་ཡིད་དམ་མཁའ་འགྲོ་ཆོས་སྐྱོང་གི་ལྷ་ཚོགས་ཀྱི་རས་གཞི་དང་ཐང་ཁ་ལྡེབས་བྲིས་སོགས་མང་དུ་བཞུགས། རྒྱལ་བའི་བཀའ་འགྱུར་རིན་པོ་ཆེ་དང་བསྟན་འགྱུར་བཅས་ཆ་གསུམ། རིན་ཆེན་གཏེར་མཛོད་དང་རྙིང་མ་རྒྱུད་འབུམ་ཆ་གཉིས། ཀློང་ཆེན་མཛོད་བདུན། དཔལ་སྤྲུལ་གསུང་འབུམ་དང་མི་ཕམ་གསུང་འབུམ་ཆ་ཚང་། རོང་ཟོམ་པཎྚི་ཏའི་གསུང་འབུམ། གནམ་ཆོས་མི་འགྱུར་རྡོ་རྗེའི་གནམ་ཆོས་དང་དགོངས་གཏེར། རིག་འཛིན་ཆེན་པོ་ཀུན་བཟང་ཤེས་རབ་དང་མཁས་གྲུབ་ཀརྨ་ཆགས་མེད་སོགས་གཏེར་ཆོས་དང་གསུང་འབུམ་ཆ་ཚང་། གཞན་ཡང་རྡོ་གྲུབ་སྐྱེ་ཕྲེང་རིམ་བྱོན་གྱི་གསུང་འབུམ་སོགས་མཆིས་སོ། སྐུ་གདུང་མཆོད་རྟེན་ལྔ་དང་བྱང་ཆུབ་མཆོད་རྟེན་གཉིས་སོགས་ཐུགས་རྟེན་དང་། རིན་ཐང་གཞལ་དུ་དཀོན་པའི་ལི་རྙིང་གི་སྦུབ་ཆལ་སིལ་སྙན། འཁར་རྔ། དྲིལ་བུ་སོགས་དང་། གསེར་དངུལ་ཟངས་རག་གི་རྒྱུ་བྱས་པར་གཟི་བྱུར་སྤོས་ཤེལ་གྱི་ཕྲ་ཚོམ་བཏབ་པའི་དུང་རྒྱ་གླིང་། རྐང་གླིང་། སྤོས་ཕོར་སོགས་དང་། རིན་ཐང་ལྡན་པའི་འཕན་གདུགས་རྒྱལ་མཚན་གདན་རིང་སོགས་སྤུས་གཙང་ལ་བཟོ་སྒྲོས་ལེགས་པའི་མཆོད་ཆས་དང་གཏོར་ཆས་མཆིས། གཞན་ཡང་གོས་ཆེན་རྡོ་ཕྲང་ཅན་སོགས་ཀྱི་འཆམ་གོས་འབག་དང་བཅས་པ་གསར་བཞེངས་བྱས་ཡོད་དེ།

དགོན་པ་འདིར་རྒྱུན་འཇགས་སུ་གྱུར་ཡོད་པའི་འཚོགས་དུས་མཆོད་ནི། བོད་ཟླ་ལྔ་པའི་ཚེས་གཅིག་ནས་ཉིན་བདུན་གྱི་རིང་ལ་སྒྲུབ་མཆོད་འཆམ་དང་བཅས་པ་འཚོགས་རྒྱུ། བོད་ཟླ་དྲུག་པའི་ཚེས་བཅོ་ལྔ་ནས་ཟླ་བ་ཕྱེད་གཉིས་རིང་ལ་དབྱར་གནས་དང་། བོད་ཟླ་བཅུ་གཅིག་པའི་ཚེས་བཅོ་ལྔ་ཉིན་ནས་ཚེས་[page 314] ཉེར་བཞི་ཉིན་གྱི་བར་སྒྲུབ་ཆེན་དང་། བོད་ཟླ་བཅུ་གཉིས་པའི་ཚེས་ཉི་ཤུ་ཉིན་ནས་བཟུང་ཉིན་དགུའི་རིང་ལ་དགུ་སྒྲུབ། བོད་ཟླ་གཉིས་པ་ཟླ་བ་ཧྲིལ་པོར་སྐུ་གསུམ་སྒྲུབ་པ། དེ་མིན་གསོལ་ཀ་སོགས་རྒྱུན་འདོན་དང་འདས་མཆོད་སོགས་མཆིས་སོ།

ཆོས་སྡེ་འདིའི་ཚོགས་པའི་གཏོང་སྒོ་སོགས་ཡོན་གྱི་འབྱུང་ཁུངས་ནི་ས་སྐྱོང་མི་ཡི་དབང་པོ་ཤྭོ་རབ་དཔོན་གྱི་ཆབ་འབངས་སུ་གཏོགས་པའི་ཤུགས་སྡུ་ཚ་རྫ་དང་ལྷ་ཁྲོམ། གསར་སྡེ། ཉུག་སྨད། འཁྲིས་མདའ། ལྷ་སྐོར་སོགས་ཚོ་ཤོག་གིས་དགོན་པ་འདིའི་གཙུག་ལག་ཁང་རྟེན་དང་བརྟེན་པར་བཞེངས་པ་དང་བཤད་སྒྲུབ་གྲྭ་འཛུགས་པ། ཚེས་དུས་མཆོད་སོགས་འཚོགས་པར་ཐོག་མཐའ་བར་གསུམ་དུ་གཏོང་སྒོ་དང་མཐུན་རྐྱེན་སྤེལ་བའི་རྒྱུན་སྲོལ་ཆགས་པ་དང་ཁྲི་རབས་རིམ་བྱོན་གྱིས་བསྟན་བདག་གི་འགན་བཞེས་འོགལས་ཐོག་གི་སྤྱི་བླ་དང་གཉེར་བས་ཚོགས་པའི་གཏོང་སྒོ་སོགས་ཀྱི་མཆོད་ཐེབས་སྤེལ་བའི་སྲོལ་ཡོད་དོ།

དགོན་པ་འདི་སྔོན་དཔལ་ཡུལ་རྣམ་རྒྱལ་བྱང་ཆུབ་གླིང་གི་དགོན་ལག་ཡིན་པ་ལས། ཕྱིས་སུ་གདན་རབ་བཅུ་བཞི་པ་བླ་མ་ཐེག་མཆོག་བསྟན་འཛིན་གྱིས་གདན་ས་བསྐྱངས་པའི་སྐབས་དགོན་མགོ་རྡོ་གྲུབ་ཆེན་དགོན་པར་ཕུལ་ནས་གྲུབ་ཆེན་དགོན་པའི་དགོན་ལག་ཏུ་བྱས། དགོན་པ་འདིའི་ཆོས་བརྒྱུད་ལས་མཆེད་པའི་བུ་དགོན་གདན་རབས་ཐོག་མ་བླ་མ་བསྟན་འཛིན་རྒྱ་མཚོས་ཕྱག་བཏབ་པའི་སེར་རྒུ་རི་ཁྲོད་དོ།

རྒྱལ་བསྟན་ཉི་མ་ནུབ་རིའི་ཕག་ཏུ་ཡིབ་ནས་མི་ལོ་སུམ་ཅུའི་རིངལ་བོད་ཁམས་ཕལ་མོ་ཆེ་དང་མཚུངས་པའི་གཙུག་ལག་ཁང་རྟེན་དང་བརྟེན་པ་ཐམས་ཅད་རྩ་བརླག་ཏུ་སོང་ནས་ཞིག་ཤུལ་ས་ཕུང་རྡོ་ཕུང་ཙམ་ལས་མེད་པར་གྱུར། དད་ལྡན་བོད་འབངས་ཀྱི་ཆོས་དད་རང་མོས་ཀྱི་ཇུས་བཟང་གི་ཉི་མ་ཤར་མ་ཐགགདན་ས་འདིའི་སྔ་གྱི་མཁན་སྤྲུལ་རྣམས་མི་བཞུགས་ཀྱང་སྔོན་གྱི་ཐུགས་བསྐྱེད་བཟང་པོ་དུས་སུ་སྨིན་པ། སྙིགས་དུས་བསྟན་པའི་སྒྲོན་མེ་བླ་མ་འཇམ་དཔལ་གྲགས་པ་དང་དབོན་པོ་ཐེག་མཆོག་སོགས་ཀྱིས་གངས་ལྗོངས་རྒྱལ་བསྟན་ཉམས་གསོ་བྱེད་ཆོག་པའི་སྐབས། འདུ་ཁང་རྟེན་དང་བརྟེན་པ་བཅས་བཞེངས་པའི་རྨང་བཙུགས། དབོན་སྤྲུལ་དཔལ་ལྡན་ཀུན་བཟང་ཉི་མ་བསྟན་བདག་ཏུ་མངའ་གསོལ། ཁོང་ནི་ཡབ་གྲུབ་པའི་དབང་ཕྱུག་ཆེན་པོའི་བརྒྱུད་པའི་ཟམ་མ་ཆད་པ་རྗེས་དཀར་སྤྲེའུ་དང་ཡུམ་ཟླ་སྒྲོན་གཉིས་ཀྱི་སྲས་སུ་བོད་རབ་བྱུང་བཅུ་དྲུག་པའི་རྒྱལ་པ་ཞེས་པ་ཤིང་ཕོ་རྟའི་ལོར་（༡༩༥༤）ལྟས་བཟང་པོ་དུ་མ་དང་བཅས་ཏེ་སྐུ་བལྟམས། སྐུ་ན་ཆུང་དུས་ནས་ཁུ་བོ་བླ་མ་ཐེག་མཆོག་དང་འཇིགས་མེད་གཉིས་ཀྱི་མདུན་ཡི་གེ་འབྲི་ཀློག་སྦྱོར་གསུམ་ཚེགས་མེད་དུ་མཁྱེན་ནས་སྔོན་འགྲོ་སོགས་མདོ་སྔགས་ལམ་གྱི་རིམ་པར་གསན་བསམ་མཛད་མཁན་རིན་པོ་ཆེ་ཆོས་ཁྱབ་མདུན་དུ་འདུལ་མཛོད་དབུ་ཕར་ཚད་མ་སོགས་དང་འོད་གསལ་རྫོགས་པ་ཆེནཔོའི་དབང་ལུང་ཁྲིད་མན་ངག་སོགས་མདོ་སྔགས་རིག་གནས་དང་བཅས་པའི་གཞུང་ལུགས་རྒྱ་མཚོ་ལྟ་བུར་སྦྱངས། ལྷ་རྩེ་སྐྱབས་མགོན་མདུན་ནས་གནམ་ཆོས་མི་འགྱུར་རྡོ་རྗེ་དང་གཏེར་ཆེན་རཏྣ་གླིང་བའི་ཟབ་གཏེར་རྫོགས་པར་གསན་ཞིང་བསྒྲུབས་པས་གྲུབ་པའི་རྟགས་ཐོན། དེ་ནས་[page 315] ཕྱིར་རང་དགོན་དུ་བྱོན་ཞིང་ཕྱི་གཙུག་ལག་གི་ཁང་པ་དང་ནང་དཀོན་མཆོག་གི་རྟེན། བར་དགེ་འདུན་གྱི་སྡེ། མཚན་ཉིད་ཀྱི་བཤད་སྲོལ། གསང་སྔགས་ཀྱི་ཉམས་བཞེས། སྒོམ་སྒྲུབ་ཀྱི་ཉམས་ལེན་སོགས་སྔར་ལས་དར་ཞིང་རྒྱས་པར་བྱས་ཏེ། གསེར་སྨད་བསྟན་རྒྱས་དགོན་པའི་འཁོར་ལོ་གསུམ་གྱི་ཕྲིན་ལས་མི་ནུབ་པའི་རྒྱུན་བསྲིངས་པ་སོགས་ཆོས་མཐུན་གྱི་མཛད་སྤྱོད་རྨད་དུ་བྱུང་བར་མ་ཟད། ཁོང་ཉིད་ཀྱིས་བོད་མི་རིགས་ཀྱི་སྒྱུ་རྩལ་དར་སྤེལ་དང་ཡར་རྒྱས་གཏོང་ཆེད་《རྟ་རྒྱུག་ནོར་བུ་ཆ་བདུན》དང་《མངའ་རིས་གསེར་རྫོང་རིང་མོ》《ཡང་ཤུལ་དམ་པ་མི་བདུན》《ཨ་སྟག་འཁྱིལ་བའི་ཀླུ་མོ》《འདན་མའི་ནས་རྫོང་ཕབ་པ་》སོགས་གེ་སར་རྒྱལ་པོའི་སྒྲུང་གི་རྣམ་ཐར་སྣ་ཚོགས་ཀྱི་འཁྲབ་གཞུང་གསར་འཛུགས་བྱས་ཏེ་མཛད་འཕྲིན་ནམ་མཁའ་དང་མཉམ་པས་མདོ་སྨད་གསེར་ཁོག་གི་ཡུལ་གྲུ་ཀུན་གྱི་དད་ལྡན་འབངས་མི་ཡོངས་ཀྱིས་མགྲིན་གཅིག་ཏུ་བསྔགས་པའི་གཟེངས་སུ་བསྟོད། ཁོང་ནི་ཚུལ་འཆམ་གྱི་དྲི་ཙམ་ཡང་མ་གོས་ཤིང་བྱང་ཆུབ་ཀྱི་སྤྱོད་པ་བཟང་པོ་རྒྱུད་ལ་མངའ་འོ།

ས་མིང་ཚིག་མཛོད་མིག་བཤར།

ཆོས་སྡེ་འདི་ཉིད་ཐོག་མར་ཕྱག་འདེབས་པ་པོ་ནི། སོག་པོའི་རིགས་རྒྱུད་ལས་གྱེས་པའི་གཙང་འགྱིང་སྒོ་ཞེས་ཀོ་ལུ་ཁག་གསུམ་དུ་གྲགས་པའི་སྒོ་ཆེན་ཤེས་རབ་རིན་ཆེན་ཡིན། སྐྱབས་རྗེ་དམ་པ་དེ་ཉིད་གངས་ཅན་གྱི་དཔལ་རི་གཉིས་པ་ཨུ་རྒྱན་སྨིན་གྲོལ་གླིང་དུ་གྲྭ་སར་བྱོན་ནས། གྲུབ་པའི་ཁྱུ་མཆོག་ཆེན་པོ་དུ་མའི་ཞབས་པད་སྤྱི་གཙུག་ཏུ་ཡུན་རིང་ལ་བསྙེན་ནས་རྒྱུད་སྡེ་ཕྱི་ནང་གི་ལམ་གྱི་རིམ་པར་སྦྱང་བ་གཏིང་ཕྱིན་བར་མཛད་དེ་གྲུབ་བརྙེས་ས་མཐོར་གཤེགས། དེའི་རྗེས་ཕྱིར་རང་ཡུལ་དུ་ཕེབས་ནས་རྡོ་གྲུབ་ཆེན་གྱི་ལུང་བསྟན་ལྟར་སྙི་ལུང་མོ་ཆེའི་སྟོན་སྒྱུ་ཚེར་ཞེས་པའི་གནས་དེ་རུ་སྒོ་ཆེན་མདོ་སྔགས་བཤད་སྒྲུབ་གླིང་ཐོག་མར་ཕྱག་བཏབ་པར་མཛད་དེ། གསང་སྔགས་ཟབ་དོན་གྱི་སྙིང་པོ་རང་བཞིན་རྫོགས་པ་ཆེན་པོ་ཉམས་སུ་བསྟར་བའི་སྒྲུབ་པའི་བསྟན་པ་རང་རྐང་ཚུགས་པར་སྤེལ་མཐར། ཨུ་རྒྱན་བསོད་ནམས་གདན་ཚབ་ཏུ་མངའ་གསོལ་ཞིང་རེ་ཞིག་དགོངས་པ་རྫོགས། སྒོ་ཆེན་ཨུ་རྒྱན་བསོད་ནམས་ནི། དཔལ་ཡུལ་རྣམ་རྒྱལ་བྱང་ཆུབ་གླིང་དུ་གྲྭ་སར་བྱོན། རིག་འཛིན་ཀུན་བཟང་ཤེས་རབ་དང་། རིག་འཛིན་འཇིགས་མེད་གླིང་པ་སོགས་ཐུན་མོང་གྱི་བླ་མར་བཟུང་། མདོ་སྔགས་ཀྱི་གཞུང་ལུགས་ལ་བརྩོན་པ་དྲག་པོ་བྱས་ཏེ་རིག་པ་སྨྲ་བར་མགྲིན་པ་ཡངས་པོར་གྱུར། རང་ཡུལ་དུ་ཕྱག་ཕེབས་མཛད་སྐབས་རིག་འཛིན་ཆེན་པོ་ཀུན་བཟང་ཤེས་རབ་ཀྱིས་ཞལ་སྔ་ནས། ཁྱོད་ཀྱི་དགོན་པ་དེ་ད་ལྟའི་གནས་དེ་ཉིད་དུ་ཆགས་མི་ཐུབ་པས། སྨད་ཕྱོགས་སུ་འཕགས་པའི་རིགས་གསུམ་མགོན་པོའི་གནས་རི་ཁྱད་དུ་འཕགས་པའི་འོག་རྡོ་རྗེ་བྲག་ལས་གྲུབ་པའི་ཁྲི་རང་བྱུང་། སྟེང་འབྲས་ལྡན་ལྗོན་པའི་ཁྲི་གདུགས་ཀླད་ལ་ཕུབ་འདྲ། བར་དུ་རང་བྱུང་ཡི་གེ་དྲུག་[page 316] མའི་རང་བྱུང་གསལ་རྫོགས་སུ་གནང་བའི་བཀྲ་ཤིས་གདུགས་ཀྱི་མིང་ཆགས་པའི་གདན་ས་ཁྱད་པར་ཅན་ཞིག་ཡོད་པ་དེར་སྤོས་ཤིག་ཅེས་ལུང་བསྟན་གནང་བ་ལྟར། སྔར་གྱི་སྒོ་ཆེན་དགོན་པའི་གཙུག་ལག་ཁང་རྟེན་དང་བརྟེན་པ་ཐམས་ཅད་གདུགས་མགོར་སྤོས། དེའི་རྗེས་སྐྱབས་དམ་པ་ཉིད་ཀྱི་སྲས་ཀྱི་ཐུ་བོ་ཨུ་རྒྱན་བསྟན་འཛིན་དང་ཤེས་རབ་མེ་འབར་གཉིས་དང་ཚབ་ཏུ་མངའ་གསོལ་ཞིང་གསང་སྔགས་ཟབ་མོའི་དོན་རྣམས་མན་ངག་གི་ཚུལ་དུ་ལྷུག་པོར་བརྩལ་རྗེས་སུ་དགོངས་པ་ཆོས་དབྱིངས་སུ་བསྡུས་པའི་ཚུལ་བསྟན་ནོ།

དེ་ནས་སྒོ་ཆེན་མདོ་སྔགས་བཤད་སྒྲུབ་གླིང་དུ་གདན་རབས་ཇི་ལྟར་བྱོན་ཚུལ་རགས་རིམ་ཞིག་འགོད་པ་ལ། གདན་རབས་དང་པོ་སྒོ་ཆེན་ཤེས་རབ་རིན་ཆེན་（འདིས་སྒོ་ཆེན་དགོན་པ་ཐོག་མར་བཏབ་）གདན་རབས་གཉིས་པ་སྒོ་ཆེན་ཨུ་རྒྱན་བསོད་ནམས་（འདིས་སྒོ་ཆེན་དགོན་པ་གདུགས་མགོར་གནས་སྤོས་བྱས་）གདན་རབས་གསུམ་པ་བླ་མ་ཨུ་རྒྱན་བསྟན་འཛིན་དང་བླ་མ་ཤེས་རབ་མེ་འབར་རྣམ་གཉིས་དུས་གཅིག་ཏུ་བྱོན་ནས་གདན་རབས་གོང་མའི་ཕྱག་བཞེས་མ་ལུས་པ་སྤེལ་བར་མཛད། གདན་རབས་བཞི་པ་བྱ་བཏང་བསོད་ནམས་མཐུ་སྟོབས་བྱོན། གདན་རབས་ལང་བ་བླ་མ་ཀུན་བཟང་ནོར་བུ་བྱོན། （འདིས་གུ་རུ་འཛམ་གླིང་གཡས་བཞག་དང་ཐུགས་རྗེ་ཆེན་པོ་མཐོང་བ་རང་གྲོལ། སྒྲོལ་མ་གསུང་འབྱོན་མ་སོགས་གདན་དྲངས་བར་མཛད། ）གདན་རབས་དྲུག་པ་དབོན་རྒན་བསོད་ནམས་རྡོ་རྗེ་བྱོན་（འདིས་གསང་སྔགས་ཟབ་མོའི་དོན་གྱི་བཀའ་གཏེར་སྤྱིའི་འཆད་སྙན་སྒོམ་སྒྲུབ་ཀྱི་རང་རྐང་ལེགས་པར་བཙུགས་ཏེ། བཤད་སྒྲུབ་མཁོར་ལོ་གཉིས་ལྡན་གྱི་མཛད་འཕྲིན་ནམ་མཁའ་དང་མཉམ་པར་གྱུར། ）གདན་རབས་བདུན་པ་སྒོ་ཆེན་བསོད་ནམས་ཆོས་འཕེལ་བྱོན། གདན་རབས་བརྒྱད་པ་དབལ་ཤུལ་རོག་བཟའ་སྤྲུལ་སྐུ་བྱོན་（འདེས་རིག་འཛིན་ཀློང་གསལ་སྙིང་པོ་དང་གཏེར་ཆེན་རཏྣ་གླིང་བ། གནམ་ཆོས་མི་འགྱུར་རྡོ་རྗེའི་ཟབ་གཏེར་ཡོངས་ཀྱི་དབང་ལུང་གི་རྒྱུན་སྤེལ། ）གདན་རབས་དགུ་པ་འཇིགས་བྲལ་ཆོས་ཀྱི་བློ་གྲོས་དང་། གདན་རབས་བཅུ་པ་རྫ་སྤྲུལ་ཆོས་ཀྱི་བློ་གྲོས་དང་སྐོ་ཆེན་སྤྲུལ་རྒན་རིན་པོ་ཆེ་གཉིས་བྱོན་ཞིང་དུས་མཉམ་དུ་གདན་ས་བསྐྱངས་པར་མཛད། གདན་རབས་བཅུ་གཅིག་པ་བླ་མ་གསང་སྔགས་བསྟན་འཛིན་དང་བླ་མ་བསོད་གྲགས། བླ་མ་ཀུན་ཁྱབ། སྒོ་ཆེན་བསོད་ནམས་སྙན་གྲགས་སོགས་དུས་མཉམ་དུ་བྱོན་ཞིང་གདན་སར་བསྐྱངས། གདན་རབས་བཅུ་གཉིས་པ་བླ་མ་བསོད་ནམས་མཁས་གྲུབ་དང་བླ་མ་བདེ་འབྱུང་རྣམ་གཉིས་ཀྱིས་གདན་ས་བསྐྱངས། ཁོང་རྣམ་པ་གཉིས་ནི་སྐུ་ན་ཆུང་དུས་ནས་གྲྭ་ས་ངེས་མེད་དུ་བྱོན་ཞིང་ས་ལམ་གྱི་ཡོན་ཏན་མཆོག་ཏུ་མངའ་བའི་གཡུ་ཁོག་བྱ་བྲལ་ཆོས་དབྱིངས་རང་གྲོལ་སོགས་བླ་མ་སྐྱེས་ཆེན་དུ་མའི་ཞབས་པད་མཉེས་པ་གསུམ་གྱི་སྒོ་ནས་ཡུན་རིང་བསྟེན།

ཆོས་སྡེ་དེར་བཤད་སྒྲུབ་ཆོས་ཀྱི་རྒྱུན་སྲོལ་ཇི་ལྟར་གནང་བའི་ཚུལ་ནི། དགོན་པ་དེ་ཐོག་མར་ཆགས་པ་ནས་བཟུང་གདན་རབས་ལྔའི་རིང་ལ་གསང་ཆེན་ཐེག་པའི་བསྐྱེད་རྫོགས་ཉམས་སུ་བསྟར་བའི་རྟོགས་པ་ཀློང་བརྡོལ་གྱི་བསྟན་པ་བརྒྱུད་མར་བསྐྱངས། ཁྱད་པར་དུ་གདན་རབས་དྲུག་པ་སྒོ་ཆེན་དབོན་པོ་[page 317] བསོད་ནམས་རྡོ་རྗེའི་སྐུ་དུས་སུ་ཐུན་མོང་རིག་གནས་དང་མདོ་ཕྱོགས་ཀྱི་འཆད་སྤེལ་གཙོ་བོར་མཛད་པའི་བཤད་གྲྭ་དང་། རྒྱུད་སྡེ་ཕྱི་ནང་གི་ཉམས་ལེན་སྒྲུབ་པ་གཙོ་བོར་མཛད་པའི་སྒྲུབ་གྲྭ་བཙུགས་ཏེ་བཤད་སྒྲུབ་གྲྭ་སོ་སོའི་འཆད་ཉན་སྤེལ་བའི་ལུགས་སྲོལ་རྒྱུན་འཇགས་སུ་མཛད། གདན་རབས་བརྒྱད་པ་དབལ་ཤུལ་རོག་བཟའ་སྤྲུལ་སྐུ་རིག་འཛིན་ཀློང་གསལ་སྙིང་པོ་དང་གཏེར་ཆེན་རཏྣ་གླིང་བ། གནམ་ཆོས་མི་འགྱུར་རྡོ་རྗེ། རིག་འཛིན་ཀརྨ་ཆགས་མེད་སོགས་ཀྱི་ཟབ་གཏེར་ཡོངས་ཀྱི་དབང་ལུང་མན་ངག་གི་རྒྱུན་སྤེལ་དེ་ཆོས་ཀྱི་འཁོར་ལོ་རྒྱུན་མི་ཆད་བར་སྐོར་བ་ལགས་སོ།།

དེ་ནས་དགོན་པ་དེ་ཆགས་ནས་བཟུང་སྐྱེས་ཆེན་དམ་པ་རིམ་བྱོན་གྱི་བཞེངས་པའི་སྐུ་གསུང་ཐུགས་རྟེན་གྱི་གྲངས་ཀ་རགས་བསྡུས་ཞིག་འགོད་ན། གཙུག་ལག་ཁང་ཆེང་པོ་བཞི་དང་བཤད་གྲྭ་ཁང་། སྒྲུབ་གྲྭ་ཁང་པར་ཁང་། གཉེར་ཁང་། གྲྭ་ཤག་གཉིས་བརྒྱ་བརྒྱད་ཅུ་ལྷག་ཙམ་སོགས་མཆིས་སོ། ནང་རྟེན་གྱི་གཙོ་བོ་ནི་རྒྱུ་གསེར་ཟངས་ལས་གྲུབ་པའི་མིའི་ལུས་ཚད་ཙམ་ཡོད་པའི་ཐུབ་པ་གཙོ་འཁོར་གསུམ་དང་གུ་རུ་སྣང་སྲིད་གནོན། ཐུགས་རྗེ་ཆེན་པོ་སོགས་དང་། གུ་རུ་མཚན་རྒྱས་དང་མཁན་སློབ་ཆོས་གསུམ། རྒྱལ་བ་རིགས་ལྔ། ཚེ་ལྷ་རྣམ་གསུམ་སོགས་བླ་མ་ཡིད་དམ་མཁའ་འགྲོ་ཆོས་སྐྱོང་སོགས་ཀྱི་འཇིམ་སྐུ་གྲངས་ལས་འདས་པ་བཞུགས། གཞན་ཡང་གདན་རབས་ལྔ་བ་སྒོ་ཆེན་ཀུན་བཟང་ནོར་བུས་གཏེར་མ་དང་ལི་མའི་རྟེན་རྙིང་གུ་རུ་འཛམ་གླིང་གཡས་བཞགགནས་བརྟན་ཆོས་འཁོར་བཅུ་དྲུགཐུགས་རྗེ་ཆེན་པོ་མཐོང་བ་རང་གྲོལ། སྒྲོལ་མ་གསུང་འབྱོན་མ་སོགས་གཙུག་ལག་ཁང་འདི་ཉིད་དུ་གདན་དྲངས། གསེར་དངུལ་གྱི་སྔོན་གྱི་བྲིས་རྙིང་ལས་གྲུབ་པའི་སྟོན་པའི་མཛད་པ་བཅུ་གཉིས་དང་པདྨ་བཀའ་ཐང་། རྒྱུད་སྡེ་ཞི་ཁྲོ་ལྷ་ཚོགས་སོགས་ཀྱི་རས་གཞི་དང་ཐང་ཁ་བརྒྱ་ཕྲག་འགའ་དང་། གདན་རབས་དྲུག་པ་དབོན་རྒན་བསོད་ནམས་རྡོ་རྗེ་ཡིས་བཞེངས་པའི་སྐྱེས་རབས་དཔག་བསམ་འཁྲི་ཤིང་། གནས་བརྟན་བཅུ་དྲུགཞི་བ་བཞི་བཅུ་རྩ་གཉིས་འབར་བ་ཁྲག་འཐུང་ལྔ་བཅུ་སོགས་ཀྱི་གསེར་ཐང་དང་། གཙུག་ལག་ཁང་སོ་སོར་ལྡེབས་བྲིས་ཀྱང་ཤིན་ཏུ་མང་པོ་བཞུགས་སོ། བཀའ་བསྟན་བཅོས་ཆ་བདུན་དང་རིན་ཆེན་གཏེར་མཛོད་ཆ་གསུམ། རྙིང་མ་རྒྱུད་འབུམ་ཆ་གཉིས། ཀློང་ཆེན་མཛོད་བདུན། གཏེར་ཆེན་རཏྣ་གླིང་པའི་བཀའ་འབུམ་ཆ་ཚང་། འཇུ་མི་ཕམ་གྱི་གསུང་འབུམ་ཆ་ཚང་། རྫ་དཔལ་སྤྲུལ་ཨུ་རྒྱན་འཇིགས་མེད་ཆོས་ཀྱི་དབང་པོའི་གསུང་འབུམ། སྤྲུལ་སྐུ་མི་འགྱུར་རྡོ་རྗེད་ཕྱག་བྲིས་གནམ་ཆོས་པོད་གསུམ་དང་། རིག་འཛིན་ཀུན་བཟང་ཤེས་རབ། གཏེར་ཆེན་མི་འགྱུར་རྡོ་རྗེ། རིག་འཛིན་ཀརྨ་ཆགས་མེད། པདྨ་ལྷུན་གྲུབ་རྒྱ་མཚོ་སོགས་ཀྱི་གསུང་འབུམ་ཆ་ཚང་མཆིས། གདན་ས་འདི་ཉིད་དུ་རིམ་པར་བྱོན་པའི་མཁས་དབང་རྣམས་ཀྱི་གསུང་འབུམ་ཆ་ཚང་བཞུགས། གསེར་དངུལ་གྱི་རྒྱུ་ལས་གྲུབ་པའི་རིན་ཆེན་སྣ་ཚོགས་ཀྱིས་ཕྲ་ཚོམ་བཏང་བའི་གན་རབས་རིམ་བྱོན་གྱི་སྐུ་གདུང་མཆོད་རྟེན་དང་སྒོ་ཆེན་ཀུན་བཟང་ཉི་མས་གདན་དྲངས་བའི་བཀའ་གདམས་མཆོད་རྟེན་སུམ་ཅུ་སོགས་བཞུགས། སྦུབ་ཆིལ་དང་འཁར་རྔ་སིལ་སྙན་གྲ་ཧོར་ཤང་ཤང་རྒྱ་བལ་སོགས་ཀྱི་ལི་རྙིང་[page 318] དུ་མ་དང་། གདན་རབས་བརྒྱད་པ་དཔལ་ཤུལ་རོག་བཟའི་སྤྲུས་སྐུས་རྒྱུ་བསོད་ནམས་ཀྱི་ཚོགས་བསགས་ལས་བྱུང་བའི་སྙན་སེལ་འཛམ་གླིང་གཡས་བཞག་དང་སྦུབ་ཆལ་སྟོང་གསུམ་འབྲུག་གྲགས། གྲ་ཧོར་ཉི་ཟླ་ཁ་སྤྲོད། ཤང་ཐུས་མ་ཎི་མ། རྒྱ་འོ་མའི་དུང་མཚོ། རྒྱ་ནག་བང་སྒོ་མ་སོགས་རོལ་ཆས་ཆ་ལྔ་བཅུ་ཙམ་དང་། གདན་རབས་བཅུ་གཅིག་པ་གསང་སྔགས་བསྟན་འཛིན་སོགས་ཀྱི་སྐུ་དུས་སུ་ཡང་གྲ་ཧོར་ཤང་ཤས་སོགས་རིན་ཐང་གཞལ་མེད་པའི་རོལ་ཆས་དུ་མ་བཞག་གོགསེར་དངུལ་ཟངས་རག་གི་རྒྱུ་བྱས་པར་གཟི་བྱུ་རུ་སྤོས་ཤེལ་གྱི་ཕྲ་ལྡན་པའི་རྒྱ་གླིང་དང་རྐང་གླིང་། དུང་དཀར་གཡས་སུ་འཁྱིལ་བ། མཎྜལ། བུམ་པ་སོགས་མཆོད་པའི་ཡོ་བྱས་ཆ་ཚང་དང་། འཕེན་གདུགས་རྒྱལ་མཚན་འཆམ་གོས་འབག་དང་བཅས་པ་བཞུགས།

དགོན་པ་འདིའི་བཤད་སྒྲུབ་ཚོགས་པའི་གཏོང་སྒོ་སོགས་ཡོན་གྱི་འབྱུང་ཁུངས་ནི། དགོན་པ་འདི་ཆགས་ནས་བཟུང་ཏྲེ་ཧོང་རོང་ལོ་ཤོག་ཁག་གསུམ་དང་མ་སྐོར། ལྗགས་ཐམ། ཨ་པོས་ལི་ཤིས། ཨ་བོས་མགོན་ཚེ་ཡི་ཤོག་ཁག་སོགས་དུད་གྲངས་ལྔ་བརྒྱ་ལྷག་ཙམ་དགོན་པའི་ལྷ་སྡེ་རུ་གྱུར་ཏེ་དགོན་པའི་བཤད་སྒྲུབ་སོ་སོ་སྒྲུབ་འཛུགས་དང་རྟེན་བརྟེན་པ་བཞེངས་རྒྱུ། ཚེས་དུས་མཆོད་སོགས་གཏོང་སྒོ་སོགས་ཀྱི་ཐད་ལ་ཞབས་ཏོག་གང་ལེགས་བསྒྲུབས། དགེ་འདུན་པའི་འཚོ་བ་ནི་འཕགས་པའི་ཡུལ་གྱི་སྲོལ་ལྟར་བསོད་སྙོམས་ཁོ་ན་ལས་ཟས་གོས་སོགས་ཕུགས་ནོར་འཆང་བའི་སྤྲོས་ཆེས་མཛད་པའི་སྲོལ་མ་ཆགས། གཞན་ཡང་བཤད་སྒྲུབ་ཁག་དང་དུས་མཆོད་སོ་སོའི་མཆོད་ཐེབས་སུ་གཏོང་བྱེད་འགྲོ་སོང་ནི་དགོན་པའི་བསྟན་བདག་རིམ་བྱོན་གྱིས་གཙོ་འགན་བཞེས་པའི་འོགལས་ཐོག་དགེ་སྐོས་དང་གཉེར་བས་སྐབས་འབབ་ཀྱི་གཏོང་སྒོ་བྱེད་དགོས་པའི་རྒྱུན་སྲོལ་ཆགས་ཡོད་དོ།།

ས་མིང་ཚིག་མཛོད་མིག་བཤར།

གསེར་མཆོད་རྟེན་དགོན་ནམ་དཔལ་ཆོས་འཁོར་གླིང་གི་དགོན་པ་འདི་ཕྱག་འདེབས་མཛད་མཁན་བླ་མ་དམ་པ་ཨོ་རྒྱན་ནོར་བུ་ནི་སྐུ་ཆུང་ངུའི་དུས་ནས་མཁས་གྲུབ་ཀརྨ་ཆགས་མེད་དང་རིག་འཛིན་ཀུན་བཟང་ཤེས་རབ་གཉིས་བླ་མར་བསྟེན། མདོ་སྔགས་རིག་གནས་དང་བཅས་པ་ལ་སྦྱང་བ་གནད་སྨིན་མཛད། ལྷག་པར་གནམ་ཆོས་སྤྲུལ་སྐུ་མི་འགྱུར་རྡོ་རྗེའི་ཟབ་གཏེར་གྱི་སྐོར་དང་བརྩམས་པ་རྡོ་རྗེའི་སྙིང་པོ་བཅས་ཀྱི་སྨིན་བྱེད་དབང་གྲོལ་བྱེད་ཀྱི་ཁྲིད། རྒྱབ་བརྟེན་གྱི་ལུང་བཅས་རྫོགས་པར་གསན་ནས་ཐུན་མིན་རྫོགས་ཆེན་གྱི་སྐོར་རྣམས་ཐུགས་ཉམས་སུ་བསྟར། དེ་ནས་ཁོང་གི་བླ་མ་གཉིས་མ་བགྲོས་ཞལ་མཐུན་དུ་ཁྱེད་གྱིས་གསེར་མགོན་པོ་འབྲོང་རིའི་ཤར་ཕྱོགས་སུ་རྒྱལ་བ་དཔལ་ཡུལ་བའི་ལུགས་ཀྱི་ཆོས་སྡེ་ཞིག་གསར་འཛུགས་བྱེད་ནུས་ན་བསྟན་འགྲོ་ལ་སྨན་པའི་སྐྱེས་བུ་དམ་པ་རེ་ཟུང་མི་རབས་འགའ་ཞིག་ལ་རྒྱུན་མི་[page 319] འཆད་པར་འབྱུང་ཞེས་ལུང་བསྟན་པ་ལྟར། སླར་གསེར་ལྗོངས་སུ་ཆིབས་བསྒྱུར་མཛད་དེ་དབལ་ཤུལ་རོག་ཟའི་དཔོན་གཉན་ནེ་ཞེས་པའི་དབུ་བླར་གྱུར། ཡོན་མཆོད་གཉིས་ཐུགས་ཡིད་མཐུན་པའི་ཚེ། དཔོན་འབངས་ཀུན་གྱིས་བླ་མའི་བཀའ་དང་ལེན་མཛད་ནས་གསེར་སྲིབ་སྐྱིད་ཤར་ལུང་པར་ཆོས་སྡེ་འདིའི་རྨང་གཞིར་གྱུར་པའི་རི་ཁྲོད་ཞིག་ཐོག་མར་ཕྱག་བཏབ་མཛད། དུས་ཚོད་སོགས་ཡིད་གཏད་ཁེར་ངེས་མི་གསལ་ཡང་ཀུན་བཟང་ཤེས་རབ་དང་ཆགས་མེད་སོགས་བླ་མར་བསྟེན་ཚུལ་གྱིས་རྗེས་སུ་དཔག་ན་རབ་བྱུང་བཅུ་གཅིག་པའི་ནང་ཡིན་པར་གོར་མ་ཆགགྲྭ་བཅུ་ཕྲག་གཅིག་ལྷག་གིས་རི་ཁྲོད་བཟུང་སྟེ་རྩེ་གཅིག་ཏུ་འོད་གསལ་རྫོགས་ཆེན་གྱི་ལམ་ལ་བརྩོན་པས་གདེངས་བཞིའི་དྲོད་ཚད་ཐོབ་པའི་རྟོགས་ལྡན་རྣལ་འབྱོར་གྱི་དབང་ཕྱུག་དུ་མ་བྱུང་བར་གྲགས། ཁོང་གི་སྐུ་ཚ་སྒོ་ཆེན་དབུ་རྒྱན་བསོད་ནམས་ལ་རི་ཁྲོད་སྟོང་མི་ཉན་པའི་ཞལ་ཏ་དུ་མ་མཛད་དེ་སླར་བླ་མ་རྣམ་གཉིས་ཀྱི་གདན་སར་ཕེབས་ནས་རེ་ཞིག་དགོངས་པ་ཆོས་དབྱིངས་སུ་བསྡུས་སོ། དེ་ནས་གདན་རབས་གསུམ་པ་སྒོ་ཆེན་དབོན་རྒན་གྱི་དགོན་པའི་བསྟན་བདག་གི་འགན་བཞེས་ཏེ་དགུང་གྲངས་བཞི་བཅུ་ཙམ་ལ་སླེབས་བར་དུ་མཚམས་བསྙེན་སྒྲུབ་ཁོ་ནར་འབད། དེ་ནས་རྒྱལ་བ་དཔལ་ཡུལ་བའི་ལུགས་ཀྱི་ཆོས་བཀའ་ཕལ་མོ་ཆེའི་དབང་ལུང་གི་རྒྱུན་མདོ་ཁམས་ཀྱི་ཡུལ་གྲུ་ཀུན་ཏུ་རྒྱ་ཆེར་སྤེལ། མཐར་དགུང་གྲངས་བདུན་ཅུ་ཙམ་ལ་སོན་སྐབས་སྒོ་ཆེན་དབོན་ཆུང་ལ་བསྟན་དགོན་གྱི་འགན་གཏད་ནས་ཕྱོགས་ཕྱོགས་སུ་ཆ་འཕྲིན་བཏང་སྟེ་སློབ་ཚོགས་གྲངས་ཀྱི་མི་ཆོད་པ་ལྟ་བུ་ཞིག་ལ་ཁྲོམ་དབང་ཞིག་བསྐུར་ཏེ་བསྔོ་སྨོན་གྱི་མཇུག་རྫོགས་མ་ཐག་གཟིམ་མལ་དུ་བྱོན་ནས་ཆོས་སྣམ་མནབས་ཏེ་ཞབས་དཀྱིལ་དང་ཕྱག་མཉམ་བཞག་མཛད་དེ་སྐུ་གཤེགས་སོ། ཞག་བདུན་གྱི་རྗེས་སུ་ཡུལ་མི་རྣམས་ཀྱིས་གདུང་མཇལ་སྐབས་སྐུ་གདུང་གྲུ་གང་ཙམ་དུ་གྱུར། སྐུ་གདུང་ཞུགས་ལ་སྦྱང་སྐབས་ཉེ་འཁོར་ཐམས་ཅད་འཇའ་འོད་དང་ཐིག་ཕྲན་གྱི་གང་བ་དང་རིང་བསྲེལ་བབས་པ་སོགས་ངོ་མཚར་བའི་ལྟས་དུ་མ་བྱུང་ངོ་། དེ་ནས་གདན་རབས་བཞི་པ་སྒོ་ཆེན་དབོན་ཆུང་ནི་མི་གཞི་བཟང་ཞིང་ཀུན་སྤྱོད་ཞིབ་པས་ཀུན་གྱིས་སྤྱི་བོར་བཀུར། གནམ་ཆོས་ཀྱི་ཆོས་སྡེ་རྣམས་རྩལ་དུ་བཏོན་ནས་དབང་ལུང་གི་བརྒྱུད་པ་རྣམས་ས་ཁྱབ་རྡོ་ཁྱབ་ལྟ་བུར་སྤེལ། བླ་མ་རིག་བཟང་དང་། རྡོ་རྗེ་འཛིན་པས་བསོད་ནམས་རྣམ་རྒྱལ་རོག་ཟའི་གྲུབ་ཐོབ་དཔལ་དགེ། སྒོ་ཆེན་པདྨ་རིག་འཛིན་སོགས་ལ་རི་ཆོས་གསུམ་དང་ནང་ཆོས་རྣམས་རྫོགས་པར་སྦྱང་བཅུག་སྟེ་བླ་མ་རིག་བཟང་ཁྲི་འདོན་མཛད་དེ་ཁོང་བསྙུན་གཞི་མེད་པའི་ཚུལ་གྱིས་དགོངས་པ་ཆོས་དབྱིངས་སུ་གཤེགས་སོ། དེ་ནས་གདན་རབས་ལྔ་པ་གཡུ་ཐོག་ཡོན་ཏན་མགོན་པོའི་རྣམ་སྤྲུལ་དུ་གྲགས་པའི་མཁས་དབང་བླ་མ་རིག་བཟང་ནི་རབ་བྱུང་བཅུ་བཞི་པའི་བགྲང་བྱ་ཉེར་གཅིག་པ་ཐམས་ཅད་འདུལ་ཞེས་པ་མེ་ཕག་སྤྱི་ལོ་༡༨༢༧ལ་ངོ་མཚར་བའི་རྟགས་དུ་མ་དང་བཅས་ཏེ་སྐུ་འཁྲུངས། དེ་ནས་མི་རིང་བར་དཔལ་སྤྲུལ་ཨོ་རྒྱན་འཇིགས་མེད་ཆོས་ཀྱི་དབང་པོ་དང་། རྡོ་གྲུབ་སྐུ་འཕྲེང་གཉིས་པ་འཇིགས་མེད་ཕུན་ཚོགས་འབྱུང་གནས་སམ་གྲུབ་ཆེན་སྐུ་བར་སོགས་རྩོད་བྲལ་གྱི་མཁས་གྲུབ་དམ་པ་དུ་མའི་ཞབས་པད་ཡུན་[page 320] ཏུ་བསྟེན་ནས་རྒྱ་ཆེན་སྤྱོད་ཕྱོགས་དང་ཟབ་མོ་ལྟ་བའི་ཕྱོགས་ལ་མངའ་དབང་འབྱོར་བའི་མཁས་པའི་ཕ་རོལ་དུ་སོན་ཀྱང་སྦས་པའི་རྣལ་འབྱོར་བའི་ཚུལ་ལས་བླ་ཆེན་ལད་མོ་མི་མཛད། རིག་གནས་ཀྱི་སྐོར་སྤྱི་དང་བྱེ་བྲག་རྩིས་སྨན་གཉིས་བྱང་ཆུབ་པར་མཛད་དེ་རྩིས་གཞུང་ཆ་ལག་དང་བཅས་པ་མན་ངག་གི་ཟབ་ཁྱད་གཞན་ལས་ལྷག་པ་དང་། དུས་ནད་ངོས་ཟིན་དཀའ་བའི་རིགས་ལ་སྨན་དཔྱད་ཀྱི་སྡེབས་སྦྱོར་སོགས་ཉམས་ཡིག་ངོ་མཚར་བ་དུ་མ་བཅས་དུས་འགྱུར་བར་དུ་གནས་སོ། མཐར་སྐུ་གཤེགས་སྐབས་གམ་འཁོད་རྣམས་ལ་གཡུ་ཐོག་ཡིན་ཏན་མགོན་པོའི་ཞལ་གཟིགས་ཚུལ་སོགས་ཉམས་དགའ་བ་དང་གུས་འཕེལ་བའི་ཞལ་ཏ་གནང་ནས་གཞི་དབྱིངས་གདོད་མའི་སྦུབས་སུ་གཞི་སྣང་གི་བཀོད་པ་རེ་ཞིག་མཇུག་བསྡུས་སོ། གདུང་བཞུ་སྐབས་གདུང་རྟགས་མཇམ་དཔལ་གྱི་སྐུ་རྙན་རང་བྱུང་ཞིག་བྱུང་བ་དང་དབལ་ཤུལ་ཨ་གྲག་གིས་དད་རྟེན་དུ་དུས་འགྱུར་བར་དུ་གནས་པ་ཀུན་གྱི་མཐོང་ངོ་། གདན་རབས་དྲུག་པ་རྡོ་རྗེ་འཛིན་པ་བསོད་ནམས་རྣམ་རྒྱལ་ནི་རབ་བྱུང་བཅུ་བཞི་པའི་ལྕགས་སྤྲུལ་ལ་སྐུ་འཁྲུངས་མི་རིང་བར་བཀའ་བབས་བདུན་གྱི་མངའ་བདག་པདྨ་འོད་གསལ་མདོ་སྔགས་གླིང་བ་བླ་མར་བསྟེན་ནས་མདོ་སྒྱུ་སེམས་གསུམ་སོགས་སྔ་འགྱུར་གྱི་ཆོས་ཅི་རིགས་གསན། ལྷག་པར་རྒྱུད་གསང་བ་སྙིང་པོ་གཞན་ལ་སྤེལ་དགོས་པའི་བཀའ་གནང་ཐོབ་ཏེ་ཐབས་ཤེས་ཀྱི་རྟེན་མཚོན་པའི་རྡོར་དྲིལ་ངོ་མཚར་བ་ཞིག་གནང་། སླར་རང་ཡུལ་དུ་ཕེབས་ནས་མདོ་ཁམས་ཀྱི་མཁས་པའི་དབང་པོ་དེ་ཉིད་ནི། སྔོན་བྱོན་གོང་མའི་གཏེར་ལུང་ལས། རྒོད་མའི་ཐང་དུ་ཤེས་རབ་མེ་ལྟར་འབར། ཞེས་རྡོ་རྗེའི་ལུང་གིས་སྔགས་པ་ལྟར། མདོ་ཁམས་ཟལ་མོ་སྒང་གི་ཉེ་ཆར། ཟོ་དོར་ལྷ་རྩེའི་ནུབ་ཕྱོགས། དབལ་ཤུལ་རོག་ཟའི་ས་དཀྱིལ་གསེར་རྒོད་མ་ཐང་དུ་སྐུ་གསུང་ཐུགས་ཀྱི་རྟེན་གང་ཡང་མེད་པའི་ཐོག་མར་ཁྲག་འཐུང་བདུད་འཇོམས་རྡོ་རྗེ་བཀའ་བརྒྱད་བདེ་གཤེགས་འདུས་པའི་ཕྱི་སྒྲུབ་རྡོ་རྗེའི་ཕྲེང་བའི་ཡིག་ཆུང་ལས། རེ་ཆམས་ནག་པོའི་འཁྱིལ་ཁུག་ནས། མི་དྲག་རྫོང་ཆེན་གནས་གཞི་འཆའ། ཞེས་པའི་ས་གནས་དེ་བཅོས་ཐབས་ལ་རབ་བྱུང་བཅོ་ལྔའི་བགྲང་བྱ་ཉི་ཤུ་འམ། སྤྱི་ལོ་༡༨༨༥ལོ་ལ་ད་ལྟའི་རང་རྫོང་གི་ཤར་ཕྱོགས་དཔའ་བོའི་རྡོ་རིང་སར་བླ་མ་རིག་བཟང་གིས་ཕུར་བའི་ལྷ་ཁང་ཞིག་བཞེངས་ནས། ལྷ་གྲངས་ཡོངས་རྫོགས་ཀྱི་རྡོ་སྐུ་ཁོང་གིས་ཕྱག་བཟོ་མཛད། དེ་དུས་རོག་ཟ་ཡང་ཁག་གཉིས་སུ་བསྒོས་ནས། ཚོ་བ་ཕྱེད་ཀྱིས་ཕུར་བའི་རྡོ་འབུམ་བཞེངས། ཕྱེད་ཀྱིས་རྣམ་རྒྱལ་མཆོད་རྟེན་ཆུང་བ་ཞིག་བཞེངས། བླ་མ་རྣམས་ཀྱིས་འཁོར་ལོ་མང་པོ་བཞེངས་བ་དང་། ས་དེའི་ལ་ཐོག་ཏུ་གསེར་ལྗོངས་ཟོ་དོར་ཡོངས་རྫོགས་ཞལ་ཕྱོགས་པའི་གནས་དེར། ལོ་རེ་བཞིན་བསང་དར་ཀླུང་རྟ། དགའ་སྟོན་རྟ་རྒྱུགས་སོགས་དུས་འགྱུར་བར་དུ་བྱེད་སྲོལ་ཡོད། མཆོད་རྟེན་དགོན་པའི་རྒྱབ་རི་ད་ལྟ་ཡང་རང་རྫོང་གི་འབྲེལ་ཡོད་ལས་ཁུངས་ཁག་གི་ཆོག་མཆན་ཐོབ་མཐར་སྐྱབས་རྗེ་དམ་པ་ཡིད་བཞིན་ནོར་བུའི་ས་གཞི་བྱིན་རླབས་མཛད་ནས་ལབ་རྩེ་སླར་གསོ་བྱས། དེ་མིན་བསྟན་དགོན་གྱི་འགན་བཞེས་སློབ་ཚོགས་རྣམས་ལ་རྒྱལ་བ་དཔལ་ཡུལ་བའི་ལུགས་ཀྱི་དབང་ལུང་སོགས་ཀྱི་རྒྱུན་མ་ཉམས་པར་བསྐྱངས། ལྷག་པར་[page 321] རྡོ་གྲུབ་གསུམ་པ་འཇིགས་མེད་བསྟན་པའི་ཉི་མ་གཙོ་བོར་གྱུར་བའི་དམ་པ་དུ་མ་ལ་རྒྱུད་གསང་བ་སྙིང་པོའི་བཤད་རྒྱུད་རྒྱ་ཆེར་སྤེལ་བར་གྲགས་སོ། གདན་རབས་བདུན་པ་རོག་ཟའི་གྲུབ་ཐོབ་དཔལ་དགེ་ནི་རབ་བྱུང་བཅུ་བཞི་པའི་བགྲང་བྱ་སོ་གཅིག་པ་གསེར་འཕྱང་ཞེས་པ་མེ་བྱ་ལ་སྐུ་འཁྲུངས། བྱིས་པའི་དུས་ན་ལུང་བསྟན་དང་གྲུབ་རྟགས་ལ་ཐོགས་པ་མེད་པས་ཀུན་གྱིས་ཚད་མར་བརྩི་ཞིང་གཙུག་ཏུ་བཀུར། གནམ་ཆོས་ཀྱི་རི་ཆོས་རྣམས་མཐར་ཕྱིན་རྗེས་དཔལ་སྤྲུལ་རིན་པོ་ཆེ་སོགས་དགེ་བའི་བཤེས་གཉེན་དུ་མ་བླ་མར་བསྟེན། གདམ་ངག་གི་བདུད་རྩིས་ཐུགས་རྒྱུད་ཕྱུག་པར་བྱས། བསྟན་དགོན་ལ་སྨན་པའི་བྱ་བ་དུ་མ་བགྱིས། ལྷག་པར་ཀློང་ཆེན་སྙིང་ཐིག་གི་རྩ་རླུང་རྒྱུན་ཆད་ལ་ཉེ་བ་ལ་སྲོག་གི་ཟུངས་སྦྱིན་པར་གྲགས། མཐར་དགུང་གྲངས་དྲུག་ཅུའི་སྨད་ཙམ་གྱི་དགུན་དུས་ལ་ནམ་མཁར་མཇའ་དང་སྨུག་པ་འཐིབས། ས་གཞི་ལ་མེ་ཏོག་སྐྱེས་ཏེ་དགོངས་པ་རྫོགས་སོ། དེ་ནས་གདན་རབས་བརྒྱད་པ་ནི་གོང་གསལ་གདན་རབས་ལྔ་བ་བླ་མ་རིག་བཟང་གི་སྤྲུལ་སྐུ་བླ་མ་འབྲུག་སྒྲ་ནི་དགུང་ཟླ་ར་བར་སྐུ་བལྟམས་པ་དང་དུས་མཚུངས་ནམ་མཁའ་ནས་འབྲུག་སྒྲ་གྲགས་བྱུང་བས་མཚན་ལ་འབྲུག་སྒྲ་གསོལ། ཉག་བླ་བསོད་རྒྱལ་དང་། ཨ་དྲས་མཁན་པོ་ཐོགས་མེད་སོགས་བླ་མར་བསྟེན་ནས་མན་ངག་ཉམས་ལེན་གྱི་ཆོས་སྐོར་དུ་མ་ཞིག་ལ་གསན་སྦྱང་བྱས་ནས་རྟོགས་པའི་གདེང་ལྡན་གྱི་རྣལ་འབྱོར་བར་གྲགས། དུས་འགྱུར་ལ་ཉེ་བའི་སྐབས་སུ་གམ་འཁོད་རྣམས་ལ་དུང་དཀར་མཁན་པོ་དམ་ལོ་དང་ངེད་གཉིས་མཁའ་འགྲོའི་དར་ཐག་གི་ལམ་ནས་ཞིང་གཞན་དུ་ཕེབས་པའི་ཉམས་སྣང་ཤར་ཚུལ་གསུངས། མི་རིང་བར་ཁོང་རྣམ་གཉིས་ཕྱོགས་མཚུངས་ལྟ་བུར་སྐུ་གཤེགས། ཁོང་གི་སྐུ་གདུང་ཡང་ཁྲུ་གང་ཙམ་དུ་གྱུར་བ་དང་། རིང་བསྲེལ་ཁ་དོག་མི་འདྲ་བ་དུ་མ་བྱུང་བ་སོགས་ངོ་མཚར་བའི་རྟགས་དུ་མ་བྱུང་ངོ་། དེ་ནས་རབ་བྱུང་བཅོ་ལྔ་པའི་ལྕགས་མོ་ཕག་གི་ལོར་༡༩༡༡དབལ་ཤུལ་དཔོན་ལྷ་སྲས་བསོད་ནམས་ནོར་བུས་བསྟན་འགྲོ་སྤྱིའི་ཕན་བདེ་བླ་རུ་སྤེལ་སླད་དང་བྱེ་བྲག་གསེར་ཐང་མི་དམངས་ཀྱི་བདེ་ལེགས་བྱུང་བའི་གཞི་སྩར་དམིགས་ནས་གསེར་རྒོད་རྒན་ཐང་དུ་རྣམ་རྒྱལ་མཆོད་རྟེན་ཆེན་མོ་ཞེས་གངས་ལྗོངས་འཛིན་མའི་ཁྱོན་ཀུན་སྙན་གྲགས་ཀྱི་དབྱར་རྔས་ང་རོས་ཁྱབ་པ་འདི་ཉིད་ཀྱི་རྟེན་དང་བརྟེན་པའི་རྣམ་པ་ཡོངས་རྫོགས་བཞེངས་གྲུབ་ཚེ་དགོན་པ་འདིའི་མཚན་ལ་ཐམས་བཅད་ཀྱི་མཆོད་རྟེན་དགོན་ཞེས་མིང་ཆགས་སོ། དགོན་པ་འདི་ཐོག་མར་བླ་མ་དམ་པ་ཨོ་རྒྱན་ནོར་བུས་ཕྱག་བཏབ་མཛད་པ་ནས་ད་ལྟའི་བར་ལ་བླ་རབས་རིམ་བྱོན་གྱིས་བཞེངས་པའི་སྐུ་གསུང་ཐུགས་རྟེན་གྱི་མཚན་ཐོ་ཙམ་བཀོད་ན་འདུ་ཁང་ངམ་གཙུག་ལག་ཁང་གཅིག་དང་སྒྲུབ་གྲྭ་ཁང་དང་གྲྭ་ཤག་བཅུ་ཕྲག་གཉིས་ཙམ་དང་། རྟེན་གཙོ་ཐུབ་པ་གཙོ་འཁོར་གསུམ་དང་མཁན་སློབ་ཆོས་གསུམ། ཕུར་བ་རྡོ་རྗེ་གཞོན་ནུའི་ལྷ་ཚོགས་ཡོངས་རྫོགས། བཟོ་རྩལ་ཕུལ་དུ་བྱུང་བའི་གསེར་བྲིས་ཀྱི་ཐང་ཁ་འབོར་ཆེན། རྒྱལ་བའི་བཀའ་འགྱུར་དང་བསྟན་འགྱུར། རིན་ཆེན་གཏེར་མཛོད་ལྕགས་སྐོང་གཏེར་ཆེན་བདུད་འཇོམས་གླིང་སོགས་རྩོད་བྲལ་གཏེར་སྟོན་དུ་མའི་གཏེར་ཆོས་པོད་དུ་མ་དང་བཀའ་བརྒྱད་རྣམ་གཉིས་སོགས་ཀྱི་མཚོན་[page 322] གཏེར་རྙིང་གི་ཡིག་ཆ་སྣ་ཚོགས་བཅས་པོད་ཆིག་སྟོང་ལྷག་ཙམ་དང་། བཀའ་གདམས་མཆོད་རྟེན་དང་ལི་གཏེར་གྱི་གསེར་སྐུ་མི་ཉུང་བ། བླ་མ་རིམ་བྱོན་གྱི་སྐུ་གདུང་མཆོད་རྟེན་དུང་འཁོར་དང་རྡོ་འབུམ་སོགས་ཕྱག་སྐོར་ཀྱི་རྟེན་དུ་མ་དང་གཞན་མཆོད་རྫས་དུང་གླིང་སྦུབ་ཆས་འདར་སིལ་སོགས་དངོས་རྙིང་གི་རིགས་དང་དར་གདུགས་འཕན་གསུམ་དང་འཆམ་གོས་བཅས་དགོན་སྡེ་གཞན་རྣམས་དང་གཅིག་མཚུངས་ལྟ་བུར་ཡོད།

དགོན་པ་འདིའི་ཡོན་གྱི་འབྱུང་ཁུངས་གཙོ་བོ་ནི་དབལ་ཤུལ་རོག་ཟའི་དཔོན་གཉན་ནེ་ནས་བཟུང་ད་ལྟའི་བར་ལ་སྡེ་འབངས་ཡོངས་རྫོགས་ཀྱིས་དགོན་པའི་མཆོད་ཐེབས་ཡོངས་རྫོགས་དང་རྟེན་བཞེངས་སོགས་བྱ་བ་ཆེ་ཕྲ་ཀུན་ལ་མཐུན་རྐྱེན་ཅི་ནུས་སྒྲུབ་པའི་སྲོལ་བཟང་ད་ལྟའི་བར་དུ་གནས་སོ།། རྒྱུན་འཇགས་སུ་གྱུར་བའི་དུས་མཆོད་ཀྱི་རིམ་པ་ནི། ཞིང་སྒྲུབ། དབྱར་གནས། བསྙུང་གནས། དགུ་སྒྲུབ། སོའི་ཁ་དང་སྟོན་ཁའི་སྤྱི་སྲུང་གསོར་ལ་ཁ་བ་རྒྱུན་སྡོད་བཅས་དང་། ཆོས་རྒྱུང་གཞན་དང་འབྲེལ་བ་ནི་དབལ་ཤུལ་ཞོ་རོག་གི་དགོན་པ་འདི་ཐོག་མར་སྒོ་ཆེན་དགོན་པའི་བུ་དགོན་བཅུ་གསུམ་གྱི་ཡ་གྱལ་དུ་བསྒྲང་བར་སྐབས་སུ་སང་སང་དུང་དཀར་དགོན་པའི་དབོན་པོ་ཐེག་མཆོག་གི་སྐུ་རིང་ནས་བཟུང་དང་དམ་ཚིག་གི་འབྲེལ་འདྲིས་ཤིན་ཏུ་དམ་པོ་དུས་འགྱུར་གྱི་བར་གནས་སོ། དེ་ནས་ངོ་རྒོལ་བཞི་དང་རིག་གནས་གསར་བརྗེ་སོགས་གྱི་དུག་རླུང་གིས་བོད་ཁམས་སྤྱིའི་ཆོས་སྡེ་རྣམས་དང་མཚུངས་པར་མིང་གི་ལྷག་མར་བྱས། དེ་ནས་རབ་བྱུང་བཅུ་དྲུག་པའི་ཉག་མ་པ་ལྕགས་སྤྲེལ་ནས་རྒྱལ་བསྟན་ཡང་དར་གྱི་དབུ་བརྩམས་ཚེ་དཔལ་ཤུལ་རོག་ཟའི་དགོན་པ་འདི་མགོ་མེད་ཇ་སུག་ཏུ་གྱུར་སྐབས་སྔ་འགྱུར་བསྟན་པའི་སྲོག་ཤིང་མཁན་འཇིགས་མེད་ཕུན་ཚོགས་ཀྱི་ཞལ་ནས་ད་བར་སྐབས་ཤིག་ལ་སངས་རྒྱས་ཀྱི་བསྟན་པའི་ཉི་གཞོན་རེ་ཞིག་འཆར་སྲིད་ཀྱང་དབལ་ཤུལ་རོག་ཟའི་དགོན་པ་འདི་ལ་བླ་མ་དང་སྤྲུལ་སྐུ་གང་ཡང་མེད་པས་གནས་སྐབས་སྤྲུལ་སྐུ་མདོ་སྔགས་འདི་ཁྱེད་ཚོའི་རེ་འདུན་ལྟར་བསྟན་བདག་ཏུ་བཞག་གསུངས་པ་ལྟར་ཁོང་གིས་བསྟན་དགོན་གྱི་འགན་བཞེས། འདུ་ཁང་དང་བཤད་གྲྭ་སྒྲུབ་གྲྭ་དུང་འཁོར་མཆོད་རྟེན་སོགས་རྟེན་དང་བརྟེན་པ་ཡོངས་རྫོགས་གསར་བཞེངས་དང་། དུང་དཀར་དགོན་པའི་མཁན་ཆེན་དཀོན་མཆོག་བློ་གྲོས་གདན་དྲངས་ཏེ་རབ་བྱུང་བཅུ་དྲུག་པའི་ཤིང་གླང་ལ་དབྱར་གནས་གསར་འཛུག་དང་སྡོམ་གསུམ་དང་མཁས་འཇུག་སོགས་དབྱར་ཆོས་ཀྱི་སྲོལ་གཏོད། སྔར་སྲོལ་ལྟར་བདུད་འཇོམས་གླིང་བའི་ཕུར་བ་བདེ་སྙིང་གི་སྒྲུབ་གྲྭ་རྒྱུན་བཞག་དང་། ལས་གླིང་ཕུར་བའི་དགུ་སྒྲུབ་སོགས་མདོར་ན་བསྟན་དགོན་ལ་སྨན་པའི་མཛད་ཕྲིན་རྒྱས་བཞིན་པ་ལགས། ཅེས་མཆོད་རྟེན་དགོན་པའི་གདན་རབས་རིམ་བྱོན་གྱི་མཛད་རྣམ་རགས་བསྡུས་འདི་གྲྭ་རྒན་སྒྲོས་སོང་རྣམས་ཀྱི་ངག་རྒྱུན་དང་དཔྱད་གཞིའི་ཡིག་ཆ་ཅི་རིགས་ལ་བརྟེན་ནས་དཀོན་མཆོག་བཀྲ་ཤིས་སུ་འབོད་པས་ཞིབ་བྲིས་བགྱིས་པ་དགེང་།

ས་མིང་ཚིག་མཛོད་མིག་བཤར།

[page 323] སྟག་ལུང་དགོན་ནི་ལྒ་རྗེ་རིག་འཛིན་ཀུན་བཟང་ཤེས་རབ་ཀྱི་དངོས་སློབ་དབོན་པོ་ཉི་མ་རྒྱལ་མཚན་གྱིས་རབ་བྱུང་བཅུ་གཅིག་པའི་ནང་གྲྭའི་ཉི་མ་ལུང་དུ་ཐོག་མར་བཏབ། དེ་རྗེས་རབ་བྱུང་བཅུ་གཉིས་པའི་ཤིང་ལུག་ལོར་བླ་རབས་ལྔ་པ། མཆོག་དགེ་དབུ་རྒྱན་གྱིས་བྲག་གི་སྟག་ལུང་ལ་ཁ་ཞེས་གནས་མཆོག་ཉམས་དགའ་བ་དེར་ས་མིང་དགོན་པར་བཏགས་ནས་སྟག་ལུང་དགོན་དུ་གྲགས། དབོན་པོ་དར་རྒྱས་སོགས་བླ་རབས་བརྒྱད་ཀྱི་རྗེས་སུ། གློག་ཤུལ་དབོན་པོ་དགེ་ལྡན་བྱོན་ནས་རྒྱལ་བའི་བཀའ་འགྱུར་ཆེན་མོའི་གཙོའི་རྒྱུད་ཡིག་སྐུ་ཙཀ་བཅས་པོད་སྟོང་ལྷག་གསར་དུ་བཞེངས། དེ་རྗེས་དབོན་པོ་མཁས་གྲུབ་དང་། སྤྲུལ་སྐུ་བསྟན་པའི་རྒྱལ་མཚན་བྱོན། རྗེས་མས་འདུ་ཁང་གསར་བཞེངས་བྱས། དེ་ནས་གཟུང་ཤུལ་དབོན་པོ་དོན་རྟོགས་གྱི་རིང་ལ་དགོན་འདིར་དར་རྒྱས་ཧ་ཅང་ཆེ་བས་སྨད་ཁྲོ་ཆུ་ཡན་ཆད་ན་གྲྭ་ཚང་ཡོད། དེ་རྗེས་གློག་ཤུལ་དབོན་པོ་ནམ་མཁའ་ཀློག་ཡངས་དང་མ་ཤུལ་གཡུ་སྒྲ་རྣམ་གཉིས་ཀྱི་རིང་ལ་རྒྱལ་བའི་བཀའ་འགྱུར་ཆེན་མོ་དང་གསེར་དངུལ་སྦྲགས་མའི་མཆོད་གདུང་དངུལ་མཆོད་བཅས་བཞེངས། དེ་ནས་དབོན་པོ་པད་ཆོས་ནི་རབ་བྱུང་བཅོ་ལྔ་བའི་ས་ཡོས་ལ་སྐུ་འཁྲུངས། གཅོད་པ་གྲུབ་ཐོབ་ཀྱི་དངོས་སློབ་ཡིན། འདི་ཡི་རིང་ལ་གྲྭ་ཚང་སྟོང་དང་ལྔ་བརྒྱ་ཡོད་པར་གྲགས། དེ་རྗེས་དབོན་པོ་ལྷ་དགའ་དང་། མཁན་ཨ་ཏི་གླང་བླ་གར་ཆོས་བཅས་བྱོན། རྗེས་མས་ཟངས་མདོག་དཔལ་གྱི་རི་བོ་བློས་བསླང་མ་སུམ་ཐོག་ཅན་འགྲན་ཟླ་བྲལ་བའི་སྐུ་གསུང་ཐུགས་རྟེན་མང་པའི་བྱུར་བུར་གང་བ་བཅས་བཞེངས། དེ་རྗེས་སྤྲུལ་སྐུ་ཆོས་ཉིད་དོན་རྟོགས་དང་རྒྱལ་སྲས་ཞིང་སྐྱོང་ཡན་ལ་བླ་མ་ཉེར་བཞི་ཙམ་བྱོན་ནོ།

སྐྱེས་ཆེན་དམ་པ་དེ་དག་གི་རིང་ལ་ལུང་གི་ཆོས་ལ་འཆད་ཉན་དང་རྟོགས་པའི་ཆོས་ལ་སྒོམ་སྒྲུབ་བྱེད་ཚུལ་ནི། ཐོག་མར་གྲྭ་ཆུང་གི་དུས་ནས་བཟུང་བསྔོ་འགྲོ། རྩ་རླུང་། རྫོགས་ཆེན། སྡོམ་གསུམ། སྤྱོད་འཇུག་ནས་བཟུང་། དབུ་ཕར་མཛོད་འདུལ་སོགས་སྦྱང་བ་དང་། དེ་ནས་སྔ་འགྱུར་སྒྲུབ་སྡེ་སྤྱི་དང་བྱེ་བྲག་རིང་ལུགས་དཔལ་ཡུལ་བའི་ནང་ཆོས་གསུམ་ཉམས་བཞེས་མཛད་ནས་མཐར་བླ་མས་བཀའ་ལྟར་བླ་ལུང་གནང་བ་སོགས་མཛད།

དུས་མཆོད་རྒྱུན་སྲོལ་ནི་ཧོར་ཟླ་དང་པོའི་ཚེས་བརྒྱད་ལ་བདེ་ཆེན་ཞིང་ཁྲིད་དང་འབྲེལ་ཡན་ལག་བདུན་པ་སྟོང་འགྲོ་ངེས་བྱས་ཏེ་མར་མེ། ཞལ་ཟས། ཆུ་མཆོད། མེ་ཏོག་སོགས་མཆོད་པ་གྱ་ནོམ་པ་ཕུལ་ཏེ་ཞག་བདུན་ཕྲག་གཅིག་ལ་འཚོགས་ནས་མཐར་དགའ་སྟོན་ཁྲོམ་དབང་བཅས་གྲོལ། ས་ག་ཟླ་བ་ལ་དུས་ཁྲིམས་ཡན་ལག་བརྒྱད་པའི་སྡོམ་པ་སེར་སྐྱ་ཡོངས་ལ་ཆོ་ག་དགེ་སློང་དཔལ་མོའི་ལུགས་ལྟར་གནང་སྟེ་སྡེ་མཆོད་སྐོར་བཅས་ཉིན་བཅོ་ལྔའི་བར་འཚོགས་ནས་གྲོལ་ཁ་དགའ་སྟོན་ཚོགས་མཆོད་བཅས་སྐྱེས་པ་ཡོངས་ལ་རྔོན་རྒྱ་རྐུ་ཁྲི་སོགས་བསྒྲགས་ཏེ་ཁས་ལེན་བྱེད་དུ་བཅུགདབྱར་གནས་སྤྱི་ལྟར་ལ། ཧོར་ཟླ་བཅུ་པའི་[page 324] ཚེས་ལྔ་ནས་བཟུང་བླ་གྲྭ་ལྔ་བཅུ་མན་ཆད་ཀྱིས་སྐུ་གསུམ་སྒྲུབ་པ་འཚོགས། ཧོར་ཟླ་བཅུ་གཅིག་པའི་གནམ་གང་ནས་བཟུང་ཉིན་གཉིས་ལ་ཐུགས་ཆེན་གསང་འདུས་དང་འབྲེལ་རབ་གནས་བཀྲ་ཤིས་ཆར་འབེབས་སྒོས་དགོན་གནས་ཡོངས་ལ་མེ་ཏོག་འཐོར། ཧོར་ཟླ་གསུམ་པར་མདོ་འོག་མིན་ཚོགས་ཆེན་འདུས་པ་དང་ཡང་ཟབ་དགོན་མཆོག་སྤྱི་འདུས་གཉིས་བཀའ་གཏེར་ཟུང་འཇུག་ཏུ་བསྒྲུབ་པ་ནི་ཨོ་རྒྱན་སྨིན་གྲོལ་གླིང་གི་ཕྱག་བཞེས་ལྟར་རོ།

ཆོས་སྡེ་འདིའི་ཡོན་གྱི་འབྱུང་ཁུངས་ནི། དད་ལྡན་ཡོན་བདག་སོ་སོའི་ཕུལ་བའི་དངོས་རྫས་ཀྱིས་ལྷ་ཁང་དང་འདུ་ཁང་སྐུ་གསུང་ཐུགས་རྟེན་གསར་བཞེངས་དང་ཉམས་གསོ་བྱེད་པ་དང་གཞན་ཡང་གདན་རབས་རིམ་བྱོན་རྣམས་ལ་ཕྱག་རྫས་ཅི་ཡོད་ཀྱིས་དགོན་འདིར་རྟེན་མཆོད་བཞག་སོགས་བྱེད། དབྱར་གནས་དང་བཤད་གྲྭའི་མཁན་པོ། དབུ་མཛད་ཆེ་ཆུང་། མཆོད་དཔོན་ཆེ་ཆུང་བཅས་ཀྱི་འགན་ལོ་གསུམ་མམ་ཅི་རིགས་སུ་བཞེས་སྲོལ་ཡོད་པ་བཅས་སོ།།

དེང་གི་གནས་ཚུལ་རགས་ཙམ་ནི། དེ་ལྟར་རྒྱལ་བསྟན་སྤྱི་དང་བྱེ་བྲག་སྔ་འགྱུར་ཐེག་དགུའི་ཡང་བཅུད་རྒྱལ་བ་དཔལ་ཡུལ་བའི་རིང་ལུགས་དྲི་མ་མེད་པའི་བཤད་སྒྲུབ་ལས་གསུམ་གྱི་ཕྲིན་ལས་ལྗོངས་འདིའི་སྲོག་ཤིང་ལྟར་བསྐྱངས་ན་ཡང་སྤྱི་མཐུན་ལས་ཀྱི་དབང་གིས་རྒྱལ་བསྟན་ཉི་མའི་འོད་ཟེར་ནུབ་རིར་ཡིབ་ནས་བགྲང་བྱ་ཉག་མ་བཅུ་ཕྲག་གསུམ་ལྷག་གི་རིང་ལ་རྟེན་དང་བརྟེན་པའི་གཙུག་ལག་ཁང་དང་། གནའ་རྫས་རིག་དངོས་མཐའ་དག་མིང་གི་ལྷག་ཙམ་དུ་གྱུར་པ་ནི་དགོན་སྡེ་ཕལ་མོ་ཆེ་དང་ཆོས་མཚུངས་སོ། དེང་ཆོས་ལྡན་བོད་འབངས་ཡོངས་ལ་དད་པའི་རང་དབང་གི་ཉི་གཞོན་ཆུ་འཛིན་གྱི་ཀློང་ནས་ཤར་མ་ཐག་དབོན་པོ་ཞི་སྐྱོང་དང་། སྤྲུལ་སྐུ་བསྟན་འཛིན་བཟང་པོ། མཁན་ཆོས་ཀྱི་བློ་གྲོས་སོགས་ཀྱིས་གཙོ་འགན་བཞེས་ནས་འདུ་ཁང་ཆེ་ཆུང་གཉིས་དང་། གྲྭ་ཁང་བརྒྱ་ལྷགམཆོད་རྟེན་ཆེ་ཆུང་བཅུ་བཞི། འཁོར་ཁང་གཉིས། ཟངས་གསེར་གྱི་སྐུ་ལྕོག་གང་བ་གསུམ། ལུས་ཚད་མ་གཉིས། མཐོ་གང་བ་བཅོ་ལྔ། འདམ་ལས་གྲུབ་པའི་སྐུ་བཞི་བཅུ། ཞལ་ཐང་ཀ་ཤོག་བཅུ་བཞི། ཞལ་ཐང་ཆུང་བ་སྤུས་ལེགས་ཉེར་ལྔ་བཅས་སོ། གཞན་ཡང་བཀའ་བསྟན་ཆ་གཉིས། རྙིང་མ་རྒྱུད་འབུམ་ཆ་གཅིགརྒྱས་པ་འབུམ་ཆ་གསུམ། གནམ་ཆོས་གསུང་འབུམ་ཆ་གཉིས། བཤད་སྒྲུབ་གཉིས་ལ་རིས་མེད་གྲུབ་མཐའ་སོ་སོའི་གསུང་པོ་ཏི་སུམ་བརྒྱ་བཞི་བཅུ་ལྷག་བཅས་ཁྱོན་པོད་ཏི་སྟོང་བཅས་སོ། མཆོད་ཆས་ཡོ་བྱད་སྐོར་ལ་གསེར་མཆོད་ཆ་ཚང་དང་དངུལ་ཟངས་ཀྱི་མཆོད་ཆ་ལྔ། རོལ་མོ་གསར་རྙིང་བཅུ་ཕྲག་གསུམ། གཙུག་ལག་ཁང་གི་རྒྱན་ཆ་འཕན་གདུགས་བླ་བྲེ་དང་གདན་རིང་མདུན་འཇོག་བཅས་དང་། གར་ཆས་ཀྱི་ཡོ་བྱད་ཆ་ཚང་བཅུ་དྲུག་བཅས་གྲུབ་ནས་སྔར་གྱི་དུས་མཆོད་ཆ་ཚང་དང་། དགེ་འདུན་པ་བཅུ་ཕྲག་གསུམ་ཙམ་གྱིས་ལོ་རེར་རྒྱུན་ཆགས་སུ་ཐུན་བཞི་ལས་དྲུག་མཛད་དེ་གསང་འདུས་ཐུགས་རྗེ་ཆེན་པོའི་བསྙེན་སྒྲུབ་ལ་བརྩོན་པ་དང་། གྲྭ་གཞོན་ལྔ་བཅུ་ཙམ་གྱིས་དབུ་ཕར་མཛོད་འདུལ་སོགས་ཀྱི་འཆད་ཉན་མཛད་ནས་བཤད་རྒྱུགས་དང་བློ་རྒྱུགས་རྩོད་རྒྱུགས་[page 325] སོགས་གསར་འཛུགས་བྱས། སྤྱིར་དགོན་འདིའི་སྒྲིག་སྲོལ་ནི། དམ་ཚིག་མི་གཙང་བ་དང་ཚུལ་ཁྲིམས་མི་ལྡན་པའི་རིགས་གནས་ནས་དབྱུང་བ་དང་། དགེ་འདུན་པ་རྣམས་ཐུགས་མཐུན་ཁྲིམས་གཙང་གི་སྒོ་ནས་ལྗོངས་འདིའི་དགོན་སྡེ་ཡོངས་ཀྱིས་མིག་དཔེ་རུ་གྱུར་ཡོད་དོ།

ས་མིང་ཚིག་མཛོད་མིག་བཤར།

དཀོན་མཆོག་བཟང་པོའམ་འཕྲིན་ལས་ཀྱི་སྐུ་བསོད་ནམས་ནོར་བུ་ལ། རང་གི་རྨི་ལམ་འོད་གསལ་གྱི་སྣང་ཆར། གསེར་བའི་ཉི་འབུམ་དར་ཡག་གི་བཙན་རྫོང་ཡོད་པའི་ས་དེར། དགོན་པ་ཞིག་བཏབ་ན། ལུང་རྟོགས་ཀྱི་ཆོས་ཡུན་དུ་རྒྱས་ལ་དར་ཞིང་། སྐྱེད་མཆོག་དམ་པ་དུ་མ་འབྱོན་པ་དང་། བསྟན་པ་དང་སེམས་ཅན་གྱི་དོན་རྒྱ་ཆེན་འབྱུང་བར་ལུང་བསྟན། དེ་ནས་རབ་བྱུང་དགུ་པའི་མེ་ཕོ་སྤྲེལ་གྱི་ལོ་ཧོར་ཟླ་བཞི་པའི་ཚེས་བཅོ་ལྔ་ཉིན་གཟའ་ལེགས་པ་བརྒྱད་འཛོམས་ཀྱི་དུས་སུ་གསེར་དཀྱིལ་སྔོན་དགོན་གྱི་ཆོས་གཞི་གསར་དུ་ཚུགས་སྟོང་དཔོན་སྟོང་སྡེ་ཤོག་ཆེན་གྱིས་ལྷ་སྡེ་བྱས། དཀྱི་ཆུ་མན་ཆད་དང་། གསེར་ཆུའི་ཆུ་རྔ་ཡན་ཆད་ཀྱི་ཉིན་སྲིབ་ལ་ཡོད་པའི་གྲོང་སྡེ་རྣམས་ཀྱིས་ཡོན་བདག་ལ་གྲྭ་འབུལ་བྱས། དགེ་འདུན་པ་བདུན་བརྒྱ་ལྷག་གིས་བཤད་སྒྲུབ་ཀྱི་རྒྱལ་མཚན་མཐོན་པོར་བསྒྲེངས།

དེ་ནས་རིམ་བཞིན་དམ་པ་རིན་པོ་ཆེ་གད་ཕུག་བླ་མ་དཀོན་མཆོག་བསྟན་འཛིན་གྱིས་བསྟན་པ་བསྐྱངས། དེ་ནས་རབ་བྱུང་བཅུ་གཅིག་པའི་ནང་། རིག་འཛིན་ཀུན་བཟང་ཡེ་ཤེས་ཀྱི་དངོས་སློབ། ཏ་ངག་སེང་གེ་རྒྱལ་མཚན་གྱིས་དཔལ་ཡུལ་ཆོས་སྡེ་ལ་བསྒྱུར། ཡི་དམ་ཕུར་བ་བརྟེན། གསང་སྔགས་བསྟན་རྒྱས་གླིང་ཞེས་པའི་མཚན་གསོལ། དེ་ནས་སྐུ་སྐྱེ་གཉིས་པ་བསོད་ནམས་རྒྱལ་མཚན་གྱིས་བསྟན་པའི་འགན་བཞེས། ཡི་དམ་ཕུར་པའི་ཞལ་གཟིགས་རྒྱལ་བ་དཔལ་ཡུལ་གྱི་ཆོས་ཚན་ཕྱི་ཆོས་གསུམ་དང་། ནང་ཆོས་ལྔ། སྐུ་གསུམ་སྒྲུབ་པ། ཕུར་པ་དགུ་སྒྲུབ་དགུ་གཏོར་དང་བཅས་དུས་མཆོད་བཙུགས། སྐབས་དེར་གྲྭ་ཚང་ནི་ཉུག་སྨད་ཚང་དང་། འཕྲུལ་མདའ་མན་ཆད་དང་ཙ་མདའི་ཞབས་ཡན་ཆུ་ཉིན་སྲིབ་ན་ཡོད་པའི་སྡེ་བ་རྣམས་སྦྱིན་བདག་ཡིན།

དགོན་པ་འདི་དར་ཞིང་རྒྱས་པའི་དུས་སུ་དགོངས་པ་རྫོགས། དེ་རྗེས་སང་སང་སྐུ་སྐྱེ་བསོད་ནམས་དངོས་གྲུབ་ཀྱིས་བསྟན་པའི་འགན་བཞེས། བསྟན་པ་ཧ་ཅང་དར་བའི་དུས་སུ་སོག་པོའི་དམག་གིས་བཅོམ་ནས་དགོན་གནས་ཉམས། སྐབས་དེར་ཡང་སྐུ་སྐྱེ་དང་རྒྱལ་ཚབ་གདུང་གཏེར་ཆེན་ནམ་མཁའ་བཀྲ་ཤིས་གཉིས་ཀྱིས་དགོན་པ་སླར་གསོ་བྱས་ཀྱང་དགོན་པ་ཆེར་མ་རྒྱས། གཏེར་ཆེན་ཁོང་གིས་ནི་འཇིག་རྟེན་ཆོས་བརྒྱད་ཀྱི་བྱ་བ་དོར་ནས། གནས་ངེས་མེད་དུ་བརྟུལ་ཞུགས་ཀྱི་སྤྱོད་པ་བསྐྱངས་ནས་དབུས་གཙང་ཕྱོགས་སུ་བྱོན། དེ་རྗེས་གེ་འཕན་བྱམས་པ་སྐུ་ཆེན་གྱིས་བསྟན་པའི་འགན་བཞེས། དེ་རྗེས་གེ་[page 326] འཕན་གྱི་དཔོན་པོ་འགྲོ་མགོན་གྱིས་བསྟན་པའི་འགན་བཞེས། ཁོང་གྲུབ་པའི་དབང་ཕྱུག་གི་རྣལ་འབྱོར་པ་ཆེན་པོ་ཡིན་སྟབས་འཇིག་རྟེན་ཆོས་བརྒྱད་རླུང་ལ་བསྐུར། སྒྲུབ་པ་ཁོ་ན་ལྷུར་ལེན་མཛད་པ་མ་གཏོགས། དགོན་པའི་དུས་མཆོད་རྟེན་བཞེངས་སོགས་ལ་འགན་བཞེས་ཆེར་མ་མཛད། ཁོང་དང་དུས་མཉམ་རྒྱལ་ཚབ་གདོང་སྤྲུལ་ཀུན་བཟང་འོད་འབར་གྱིས་འགན་བཞེས། ཁོང་ནི་གཏེར་དང་གསུང་ཆོས་སྒྲུབ་སྡེ་སྐོར་སོགས་ལ་མངའ་བརྙེས་པའི་གཏེར་ཆེན་ཡིན། ད་ལྟ་གསུམ་ཆོས་པོད་སུམ་བཅུ་ཙམ་བཞུགས། དེ་མིན་བསྟན་པའི་འགན་བཞེས་ཀྱི་བླ་སྤྲུལ་རྣམས། སྲས་ལྷ་དབང་ནོར་བུ། ཁང་རྒན་སྤྲུལ་སྐུ། དུར་མདའ་སྤྲུལ་སྐུ། དཀྱིལ་སྔོན་དབོན་རྒན། གྲོང་སྟོད་བཞད་པ། ཅོག་སྟེང་མཁྱེན་སྤྲུལ་བ་གདོང་ཐུབ་པ། ཨ་སུག་སྤྲུལ་སྐུ་གྲོལ་ལོ་རིག་འཛིན་གཞན་ཕན་མཐའ་ཡས་སམ་བྱམས་སྤྲུལ། གདོང་སྤྲུལ་སྐུ་པད་ཐོ། རིག་ཐོ། ནོར་བཟང་། རྒྱ་རོང་གཏེར་ཆེན་རིག་བདེ། སྤྲུལ་སྐུ་རིག་འཛིན་བློ་གྲོས། དབོན་སྤྲུལ་དཀོན་མཆོག་ཆོས་དར། གདོང་སྤྲུལ་ཚེ་དབང་རིག་འཛིན་དབོན་པོ་བདེ་ལེགས་མགོན་པོ། སྤྲུལ་སྐུ་མི་ཕམ་གཏེར་མཛོད། ཆོས་འབངས་སོགས་ཀྱིས་གནའ་སྔ་མོ་ནས་ད་བར་བསྟན་པ་དང་དགོན་པའི་འགན་བཞེས་པ་མ་ཚད་གདན་རབས་ཉི་ཤུ། རེ་རེ་བཞིན་ལོ་རྒྱུས་མ་དཔེ་ཡོད་ཀྱང་ཡི་གེ་མང་དོགས་ནས་མ་བྲིས། རིག་གནས་གསར་བརྗེ་ཆེན་པོའི་སྐབས་དགོན་པ་དང་ལྷ་རྟེན་ཐམས་ཅད་མི་མངོན་པའི་དབྱིངས་སུ་ཐིམ་མོ། དེ་ནས་སླར་ཡང་ཆོས་ལུགས་རང་མོས་ཀྱིས་སྲིད་ཇུས་འོག་ཏུ་གསེར་རྟ་རྫོང་མི་དམངས་སྲིད་གཞུང་གིས་མཆོག་མཆན་ཐོབ། སྤྱི་ལོ་༡༩༨༢ལོ་ལ་ཆོས་སྒོ་ཕྱེས་ནས་སྤྲུལ་སྐུ་རིག་འཛིན་བློ་གྲོས་དང་རྒྱ་རོང་གཏེར་ཆེན་རིག་བདེ་གཉིས་ཀྱིས་གཙོ་འགན་ཁུར་ནས། གྲྭ་རྒན་རྣམས་ཀྱང་དགེ་སྐོས་དང་སྤྱི་པ་ལ་བསྐོས། ཐོག་མར་དུང་འཁོར་དང་འཁོར་ཆུང་རྣམས་གསར་བཞེངས་བྱས། དེ་ནས་བཀའ་བསྟན་གཉིས་དང་དཀྱིལ་འཁོར་གྱི་དྲྭ་ཆས་གདུགས་རྒྱལ་མཚན་བླ་བྲེ་ཀ་འཕན། རྔ་རག་དུང་དངུལ་གླིང་སིལ་སྙན་སྦུབ་ཆལ་མཁར་རྔ་དུང་ཆེན་སོགས་མཆོད་ཆ། ཡིག་ཆ། གདན་ཆ་སོགས་དང་གཙུག་ལག་ཁང་སླར་གསོ་བྱས། ཚེས་བཅུའི་ཡོ་བྱས་གོས་བེར་སོགས་དང་། སྒྲུབ་ཁང་གི་ཁང་བ་སླར་གསོ་བྱེད་སྐོར་ལ། ཁོང་གཉིས་ཀྱི་གཟུགས་སྐུའི་མཛད་པ་རེ་ཞིག་རྫོགས་པའི་ཚུལ་བསྟན། དེ་ནས་ཟུར་བླ་གདོང་སྤྲུལ་ཚེ་རིང་དང་དབན་སྤྲུལ་བདེ་ལེགས་མགོན་པོ་གཉིས་ཀྱིས་འགན་ཁུར་ནས་ཚེས་བཅུའི་ཁྲོ་འབག་གོས་བེར། དེ་མིན་ཡོ་བྱས་ཆ་ཚང་སོགས་དང་། བཤད་གྲྭ་སྒྲུབ་གྲྭ་ཚེས་བཅུའི་ནང་འཚོགས་ཕྱི་འཆམ། ཕུར་བ་དགུ་སྒྲུབ། ཉག་ཕུར་སྒྲུབ་ཆེན། བསྙེན་གནས་ཆ་བརྒྱད། དབྱར་གནས་སོགས་གྲྭ་རྒན་རྣམས་ལ་བརྟེན་ནས་དུས་མཆོད་ཆ་ཚང་བཙུགས་ཡོད། དེ་མིན་དཀོན་མཆོག་ཆོས་དར་མཆོག་གིས། བྱམས་པ་རིན་པོ་ཆེའི་སྐུ་གདུང་རྒྱུ་གསེར་དངུལ་ལས་བྱས་པའི་མཆོད་རྟེན་དང་། གནམ་ཆོས་བཀའ་འབུམ། དུང་འཁོར་སོགས་སྐུ་གསུང་ཐུག་རྟེན་རྒྱ་ཆེར་བཞེངས་པ་དང་། དུས་མཆོད་སོགས་ལ་རོགས་སྐྱོབ་ཆེར་མི་དམན་པ་བྱས། ཁོང་རྒྱལ་ཁབ་ཀྱི་ལས་བྱེད་པ་ཡིན་པས། ད་སྐབས་གསེར་རྫོང་ན་བཞུགས་ཡོད། ཅེས་པའང་རབ་བྱུང་བཅུ་བདུན་པའི་ཆུ་མོ་བྱ་ལོ་ལ་དགོན་གཞུང་[page 327] གིས་བྲིས་པ་ལྟར་བྱ་ཚེ་རིང་གིས་བསྒྲིགས་པ་དགེའོ།

ས་མིང་ཚིག་མཛོད་མིག་བཤར།

རྒྱལ་པོ་སྲོང་བཙན་སྒམ་པོས་ལྷ་ཅིག་ཀོང་ཇོ་མཚོ་ཡི་པདྨོ་བཙུན་མོ་རུ་ཁབ་ཏུ་བཞེས་སྐབས། ལྷ་ཅིག་སྐུ་འཁོར་ཞབས་འབྲངས་དང་བཅས་པ་བོད་ལ་ཕེབས་པའི་ལམ་ཞོར་དུ་བོད་ཀྱི་སའི་དཔྱད་ལེགས་པར་གཟིགས་ནས་ཡང་འདུལ་གྱི་གཙུག་ལག་ཁང་གི་ཁོངས་སུ་གཏོགས་པའི་འཕྲུལ་སྟེང་ལྷ་ཁང་དེ་ཉིད་བཞེངས་པ་ཡིན་ཞེས་པའི་ལོ་རྒྱུས་ལ་གཞིག་ན། དུས་རབས་བདུན་པའི་ནང་དུ་ཡུན་རིང་གི་ལོ་རྒྱུས་དང་བྱིན་རླབས་ཀྱི་དགེ་མཚན་ལྡན་པའི་ལྷ་ཁང་ཞིག་བཏབ་པར་ངེས་སོ། དུས་རབས་བཅུ་གཉིས་པའི་ནང་འགྲོ་མགོན་ཆོས་རྒྱལ་འཕགས་པ་དང་ཀརྨ་པཀྵི་རང་བྱུང་རྡོ་རྗེ་སོགས་གནས་དེར་ཞབས་ཀྱིས་བཅགས་ཤིང་ལྷ་ཁང་ཞིག་གསོ་དང་རབ་ཏུ་གནས་པ་སོགས་མཛད་པར་གྲགས། རབ་བྱུང་བདུན་པ་ཡས་མས་སུ་ལྷ་ཁང་དེའི་ཉེ་འདབས་སོ་བོན་དགོན་ཞིག་བཏབ། དགོན་པ་ཐོག་མར་ཕྱག་འདེབས་མཁན་སུ་ཡིན་མི་གསལ། དགོན་པ་དེར་བོན་པོའི་སྐུ་རྟེན་རེ་ཟུང་དེང་སང་མིག་མཐོང་ལག་ཟིན་དུ་མཇལ་རྒྱུ་ཡོད། དེའི་རྗེས་རབ་བྱུང་བཅུ་གཅིག་པའི་ནང་སྒོ་ཆེན་བླ་མ་ཤེས་རབ་རིན་ཆེན་གྱིས་དུང་དཀར་མོ་རྒྱང་གྲགས་ཞིག་རང་གི་སྐུ་ཚ་ཨུ་རྒྱན་བསོད་ནམས་ལ་གནང་ནས། ཁྱེད་ཀྱི་མཚན་སྙན་གཡུ་འབྲུག་ལྟར་གྲགས་ཏེ་དགོན་པ་བཅུ་དྲུག་འདེབས་དགོས་པའི་རྟེན་འབྲེལ་ཡོད་ཞེས་ལུང་བསྟན་པ་ལྟར། བླ་མ་དབུ་རྒྱན་བསོད་ནམས་མདོ་སྨད་གསེར་ཁོག་གི་འཕྲུལ་སྣང་དགོན་པར་བྱོན་སྐབས་ཁོང་ཉིད་ཐུགས་དགྱེས་པའི་ཚུལ་གྱིས་འདིར་ས་མིག་ཅིག་ཡོད་འདུག་པས་ཆོས་སྐྱོང་ལ་འཕྲིན་བཅོལ་བྱེད་དགོས་གསུངས་པར། འཕྲུལ་ཟུར་ཤེས་རབ་འོད་ཟེར་གྱིས་འོ་མ་ཞིག་ཁྱེར་འོང་བས་རྟེན་འབྲེལ་ལེགས་པར་འགྲིགས་པར་བརྟེན། ཁང་རྩེག་གཉིས་ཅན་གྱི་ལྷ་ཁང་རྟེན་དང་བརྟེན་པ་བཅས་བསྐྱར་དུ་གསར་བཞེངས་མཛད་དེ་ལྟས་བཟང་པོ་དུ་མ་དང་བཅས་ཏེ་རབ་གནས་ལེགས་པར་བྱས་ཤིང་ཐུབ་བསྟན་འཕེལ་རྒྱས་གླིང་ཞེས་མཚན་གསར་དུ་གསོལ། ཆོས་བརྒྱུད་རྙིང་མ་དཔལ་ཡུལ་བར་བསྒྱུར་བས་སྒོ་ཆེན་དགོན་པའི་དགོན་ལག་བཅུ་དྲུག་གི་འགོ་མ་ཡིན་པར་ངེས། ཁོང་ཉིད་ཀྱིས་དུང་དཀར་མོ་རྒྱང་གྲགས་དེ་འང་དགོན་པར་གནང་ནས་གྲུབ་བརྙེས་ཀྱི་ས་མཐོར་གཤེགས་པའི་བླ་མ་པདམ་རྒྱལ་མཚན་བསྟན་པའི་རྒྱལ་ཚབ་ཏུ་མངའ་གསོལ་ཏེ་ཆོས་བརྒྱུད་སྤེལ། དེ་ལྟར་གཡུ་ཁོག་བྱ་བྲལ་ཆོས་དབྱིངས་རང་གྲོལ་དང་ལྕགས་སྐོང་གཏེར་ཆེན་བདུད་འཇོམས་གླིང་བ་དབལ་ཤུལ་དཔོན་བླ་བསོད་ནམས་ནོར་བུ། མདོ་མང་གཏེར་ཆེན་རྡོ་རྗེ་བདེ་ཆེན་གླིང་བ་སོགས་ཀྱིས་ཞབས་ཀྱིས་བཅགས་ཤིང་བྱིན་གྱིས་བརླབས་བའི་གདན་ས་ཁྱད་པར་ཅན་དེར་བླ་རབས་རིམ་བྱོན་གྱི་མཚན་ཙམ་འགོད་ན། མགོ་ལོག་བར་བཞེས་སྤྲུལ་སྐུ། བསོད་ནམས་རྡོ་རྗེ། བསོད་ནམས་མཐུ་སྟོབས། མཚམས་པ་ཡེ་ཤེས། གསང་[page 328] སྔགས་བསྟན་འཛིན། བླ་མ་འགྱུར་མེད། སྒོ་ཆེན་མཁན་པོ་སོགས་བྱོན་ནས་བསྙུང་གནས་དང་སྐུ་གསུམ་སྒྲུབ་པ། ཞི་ཁྲོ་རྔ་ཆོགསྔོན་འགྲོ་རྩ་རླུང་། རྫོགས་ཆེན་སོགས་ཀྱི་ཆོས་བརྒྱུད་ཟམ་མ་ཆད་པར་སྤེལ། གཞན་ཡང་དགོན་པ་དེའི་སྐུ་གསུང་ཐུགས་རྟེན་སྐོར་ལ་མཛད་པ་བཅུ་གཉིས་དང་རྒྱན་དྲུག་ཕྱོགས་གཉིས། གུ་རུ་མཚན་བརྒྱད། རྒྱལ་ཆེན་སྡེ་བཞི་སོགས་ཀྱི་སྐུ་རྟེན་དང་། རྒྱལ་བའི་བཀའ་འགྱུར་རིན་པོ་ཆེ་དང་དེའི་དགོངས་འགྲེལ་བསྟན་འགྱུར། རིན་ཆེན་གཏེར་མཛོད། ཀློང་ཆེན་མཛོད་བདུན་སོགས་གསུང་རྟེན་དང་མཆོད་རྟེན་དང་སྦུབ་ཆིལ་འཁར་རྔ་སོགས་དགོན་པ་གཞན་རྣམས་དང་འདྲ་བའི་རིན་ཐང་གཞལ་དུ་མེད་པ་དུ་མ་ཞིག་ཡོད་ཀྱང་དམངས་གཙོ་བཅོས་བསྒྱུར་དང་རིག་གནས་གསར་བརྗེའི་སྐབས་སུ་གོང་ལེན་དང་གཏོར་བརླག་བཏང་ཚར། དེང་སང་མདོ་མང་མཁན་པོ་དེ་པས་གཙོ་འགན་བཞེས་ཏེ་ལྷ་ཁང་དགོན་པ་དང་བཅས་པ་ཞིག་གསོ་དང་རྟེན་གྱི་གཙོ་བོ་ཐུབ་པ་ཉེ་སྲས་བརྒྱད་དང་གུ་རུའི་སྐུ་རྟེན་བཅས་འདག་བཟོ་སྤུས་ལེགས་མཐོ་ཚད་ཁྲི་ཙེ་བཅོ་ལྔ་ལྷག་ཙམ་ཡོད་པ་ཞིག་གསོ་གྲུབ་ནས་བླ་སར་སུམ་ཅུ་ལྷག་ཙམ་གྱིས་བསྙུང་གནས་དང་དགུ་སྒྲུབ། དབྱར་གནས་སོགས་ཀྱི་དུས་མཆོད་འཚོགས་བཞིན་བཞུགས་སོ།།

ས་མིང་ཚིག་མཛོད་མིག་བཤར།

སང་སང་དབུ་རྒྱན་དང་ས་སྐྱོང་མི་ཡི་དབང་པོ་དབལ་ཤུལ་རབ་བརྟན་གཉིས་བླ་དཔོན་ཉི་ཟླ་ཟུང་དུ་འབྲེལ་ཏེ་ལྷ་འབངས་ཡོངས་ཀྱི་བདག་རྐྱེན་ལ་བརྟེན་ནས། བོད་རབ་བྱུང་བཅུ་གཅིག་པའི་ཟད་པ་མེ་སྟག་（༡༦༨༦）ལོར་གཙུག་ལག་ཁང་རྟེན་དང་བརྟེན་པ་གསར་བཞེངས་དང་། རྒྱལ་བ་དཔལ་ཡུལ་བའི་རང་ལུགས་ལྟར་དུས་དྲན་ཚེས་བཅུ་ཆེན་མོ་དང་རུ་ཆོས་གསུམ་སོགས་བཙུགས་ཏེ་ཆོས་སྡེ་ཆེན་པོ་འདི་ཉིད་ཐོག་མར་ཕྱག་བཏབ་པོ། ས་མིང་དགོན་པར་བཏགས་ཏེ་དུང་དཀར་དགོན་དུ་གྲགས། དགོན་པ་འདི་ནི་དབལ་ཤུལ་དཔོན་ཚང་གི་ཕ་དགོན་དང་ལྷོ་དགོན་བཅུ་གསུམ་གྱི་འགོ་མ་ཡིན་པས་རྒྱུ་མཚན་གྱིས་གསེར་ཐར་གྱི་དགོན་སྡེ་ཐམས་ཅད་ཀྱི་ཐོབ་ཐང་གི་ཆེ་བ་ཡིན་ནོ།

དེ་ནས་རབ་བྱུང་བཅུ་གཉིས་པའི་ཆུ་ལུག་（༡༧༠༣）ལོར་རྗེ་འདི་ཉིད་ཀྱི་སྐུ་ཚ་དབོན་པོ་རྣམ་གཉིས་ལ་གསེར་ཁྲི་གཏད་དེ་མ་འོངས་ལུང་བསྟན་སོགས་ཞིབ་རྒྱས་སུ་གནང་ནས་གཟུགས་སྐུ་ཞི་བའི་དབྱིངས་སུ་གཤེགས། དེ་ནས་གདན་རབས་བཞི་ཡི་རྗེས་རབ་བྱུང་བཅུ་གསུམ་པའི་ཆུ་བྱ་（༡༧༥༣）ལོར་པདྨ་ཚེ་དབང་བསྟན་འཛིན་ནས་སྐུ་གསུང་ཐུགས་ཀྱི་རིམ་པ་རྣམས་རྒྱ་བལ་བོད་སོགས་ནས་སྤྱན་དྲངས་ཏེ་རྟེན་གྱི་གཙོ་བོ་རུ་མངའ་གསོལ། སྒྲུབ་གྲྭ་གསར་དུ་བཙུགས། དེ་རྗེས་སང་སང་དབོན་པོ་གུ་རུ་འོད་ཟེར་དང་པདྨ་འགྲོ་འདུལ་རྡོ་རྗེ་གཉིས་བྱོན། རྗེས་མས་རང་རྫོང་གི་གྲ་གྲ་དགོན་དང་། མགོ་ལོག་བན་ནག་དགོན་གཉིས་ཕྱག་འདེབས་བྱས་ཏེ་ཚེ་དང་སྒྲུབ་པ་མཉམ་པར་མཛད་དོ།། [page 329] དེ་རྗེས་སང་སང་དབོན་པོ་སྟོན་པ་དང་ཡོན་ཏན་རྒྱ་མཚོ། རྡོ་རྗེ་དཔལ་དབྱིངས་སོགས་ཀྱི་རིང་ལ་རྒྱལ་དབལ་ཡུལ་བའི་རིང་ལུགས་ལྟར་ཞིང་ཁམས་དང་སྒྲ་སྦྱངས། རྨི་ལམ་དང་མུན་ཁང་སོགས་ནང་ཆོས་ལ་བཅད་རྒྱར་གྱི་སྲོལ་བཏོད་དེ་བཤད་པ་དང་སྒྲུབ་པའི་བསྟན་པ་སྔར་ལས་ཀྱང་རྒྱས།

གདན་རབས་བཅུ་གཉིས་པ་དབོན་པོ་ཐེག་མཆོག་རྡོ་རྗེ་དང་། པདྨ་རྡོ་རྗེ། ལྷུན་གྲུབ་རྡོ་རྗེ། ལྷ་སྲས་བསོད་ནམས་ནོར་བུ་རྣམས་དུས་མཉམ་དུ་བྱོན། སྔ་མས་རང་རྫོང་གི་མཆོད་རྟེན་དགོན་དང་། འཛམ་ཐང་གི་རུ་ནང་དགོན་གཉིས་ཕྱག་འདེབས་བྱས། རྗེས་མས་ཡབ་མེད་ཀྱིས་ཕྱག་བཞེས་བཞིན་དགེ་བཅུའི་ཁྲིམས་སྲོལ་དམ་འཛིན་བྱས་ཏེ་གསེར་རྣམ་རྒྱལ་མཆོད་རྟེན་ཆེན་མོ་བཞེངས། དགོན་པའི་བྱང་འདྲེན་གྱི་འགན་ལོ་བཅུ་གཉིས་ལ་བཞེས་ནས་གར་དབྱངས་ཐིག་གསུམ་དང་། འབུད་བརྡུང་དཀོལ་གསུམ། བཅའ་ཡིག་ཚོགས་གཏམ་སོགས་འཐུས་ཚང་དུ་བཏང་། སེར་ཤུལ་མཁན་པོ་ངག་དབང་གདན་དྲངས་ཏེ་དབྱར་གནས་བཙུགས། སྐབས་འདིར་（༡༩༣༧）དམར་དམག་ཁག་གཅིག་དགོན་འདིར་སླེབས་ནས་དཔལ་འབྱོར་ལ་གྱོང་གུན་ཚབས་ཆེན་ཐེབས་པ་སོགས་གཞན་ལས་ཤེས་པར་བྱའོ། ་དེ་རྗེས་སང་སྤྲུལ་ངེས་དོན་རྒྱ་མཚོའི་རིང་ལ་བླ་མ་པདྨ་བདེ་ཆེན་དང་། ལྷ་སྲས་བསོད་ནམས་སྙན་གྲགས་སོགས་བླ་དཔོན་མངའ་ཐང་རབ་ཏུ་རྒྱས་པས་ལྷ་ཁང་ཀ་བ་རིང་ཐུང་དྲུག་བཅུ་ཅན་ལ་ནང་རྟེན་ཞི་བ་བཞི་བཅུ་རྩ་གཉིས། འབར་བ་ཁྲག་འཐུང་ལྔ་བཅུས་མཚོན་སྐུ་གསུང་ཐུགས་རྟེན་མང་བས་བྱུར་བུར་བཀང་། དབེན་པོ་དགེ་འདུན་རྒྱ་མཚོ། རོག་སྤྲུལ་པདམ་རྡོ་རྗེ། རྟ་སྤྲུལ་འཇིགས་མེད་དབང་པོ་སོགས་གསེར་ཁྲིར་མངའ་གསོལ་བྱས། ཁྱད་པར་གདན་རབས་དྲུག་པ་པདྨ་ཚེ་དབང་བསྟན་འཛིན་གྱི་རིང་འདུས་པ་སྟོང་གསུམ་ལྷག་ལ་འདུལ་མངོན་སྡེ་གསུམ་དང་། ཀློང་ཆེན་མཛོད་བདུན། ཡབ་བཞི་སོགས་ཀུན་མཁྱེན་རོང་ཀློང་རྣམ་གཉིས་ཀྱི་གསུང་དང་། གཞན་ཡང་སྔ་འགྱུར་བཀའ་གཏེར་གྱི་གཞུང་ལ་འཆད་ཉན་དང་། ཕྱག་རྫོགས་སྤེལ་མ་ཉམས་ལེན་གཙོ་བོར་བཏོན་ནས་སྒོམ་གྲྭ་བཙུགས་ཏེ་དགོན་འདིར་རྒྱལ་བསྟན་དཀར་པོ་ཡུག་གཅིག་གིས་མཛེས་པར་བྱསནས་གདན་རབས་བཅུ་གཅིག་པ་ཡན་ལ་ཆོས་བརྒྱུད་འཛིན་པ་ཁོ་ནས་མཁན་ཁྲི་བསྐྱངས། གདན་རབས་བཅུ་གཉིས་པ་ནས་དཔལ་ཤུལ་མཁན་པོ་དམ་ལོ། བཙན་ནེ་མཁན་པོ་འཇིགས་མེད་བདེ་ཆེན། དཀོན་མཆོག་བློ་གྲོས་སོགས་མཁས་པ་དུ་མ་བྱོན་ནས་མཁན་ཁྲི་བསྐྱངས། འཆད་ཉན་གྱི་གཞུང་ནི། གདན་རབས་བཅུ་གཅིག་པ་ཡན་ལ་སྔ་འགྱུར་བཀའ་གཏེར་གྱི་གཞུང་རྣམས་གཙོ་བོར་བྱས་ནས་གཞན་ཆོས་ཚུལ་ཀུན་ལ་ཐོས་བསམ་དང་། གདན་རབས་བཅུ་གཉིས་པ་ནས་སྔ་འགྱུར་རོང་ཀློང་རྣམ་གཉིས་ཀྱི་གསུང་དང་ཀུན་མཁྱེན་འཇམ་དབྱངས་བཞད་པའི་ཡིག་ཆ་གཙོ་བོ་རུ་བཟུང་ཐོས་བསམ་མཛད་སྲོལ་སྣང་ངོ་།།

དུས་མཆོད་རྒྱུན་སྲོལ་ནི་ལོ་འཁོར་གཅིག་ལ། བོད་ཟླ་དང་པོའི་ཚེས་ལྔ་ནས་བཟུང་སྨན་བླ་དང་གནས་བརྟན་ཕྱག་མཆོད། སྤྱོད་འཇུག་བསྔོ་ལེའུ་སོགས་གྱི་མཆོད་པ་ཉིན་གསུམ་ལ་འཚོགས། ཚེས་བཅོ་ལྔ་ནས་སུམ་ཅུའི་བར་དགེ་སློང་མ་དཔའ་མོའི་ལུགས་ཀྱི་བསྙེན་གནས་སྡོམ་པ་སེར་སྐྱ་ཡོངས་ཀྱིས་བཞེས། [page 330] བོད་ཟླ་གསུམ་པའི་ཚེས་གཅིག་ནས་བཅུའི་བར་ཐུགས་སྒྲུབ་གསང་འདུས་ཀྱི་དུས་མཆོད་ལ་གཏེར་སྟོན་གུ་རུ་ཆོས་དབང་གི་དག་སྣང་ལྟར་སྨིན་གླིང་གི་ཕྱག་སྲོལ་དང་། བྱང་པའི་ཕྱག་སྲོལ་གནམ་ཆོས་ཀྱིས་ཟུར་བརྒྱན་ཏེ་གར་འཆམ་ཉིན་གཉིས། བོད་ཟླ་ལྔ་པའི་ནང་མགོན་པོའི་སྤྱི་སྲུང་ཉིན་བདུན་དང་། བོད་ཟླ་དྲུག་པའི་ཚེས་བཅོ་ལྔ་ནས་དབྱར་གནས། བོད་ཟླ་བཅུ་པ་ནས་ཞག་བརྒྱ་ལ་བློ་སྦྱོང་གི་རིམ་པ་སྔོན་འགྲོ། སྤྱོད་འཇུག་སོགས་འདུས་སྡེ་ཡོངས་རྫོགས་ལའོ། གཞན་ཡང་བོད་ཟླ་བཅུ་གཅིག་པའི་ཚེས་བཅོ་ལྔ་ནས་ཟླ་གཅིག་ལ་སྐུ་གསུམ་སྒྲུབ་པ། བདེ་ཆེན་ཞིང་སྒྲུབ་ཉིན་བདུན། བོད་ཟླ་བཅུ་གཉིས་པའི་ཚེས་བཅོ་ལྔ་ནས་ཟླ་གཅིག་ལ། སྔོན་འགྲོ། རྩ་རླུང་། རྫོགས་ཆེན་བཅས་ཀྱི་ཁྲིད་ཕུར་བ་དགུ་སྒྲུབ་བཅས་བླ་གྲྭ་དྲུག་ཅུ་མན་ཆད་ཀྱིས་འཚོགས་པ་ཡོད་དོ།

ཆོས་སྡེ་འདི་ཡི་བཤད་སྒྲུབ་ཀྱི་འཛུགས་རྟེན་ཡོན་གྱི་འབྱུང་ཁུངས་ནི་གདན་རབས་དང་པོ་ནས་བཟུང་མི་དབང་རབ་བརྟན་སོགས་རྒྱལ་རབས་རིམ་བྱོན་ལ་འབངས་དང་བཅས་པས་ཡོན་སྦྱར་ཏེ་གཙུག་ལག་ཁང་རྟེན་དང་བརྟེན་པ་བཞེངས་པའི་མཐུན་རྐྱེན་བསྒྲུབས། སང་སྤྲུལ་པདྨ་ཚེ་དབང་བསྟན་འཛིན་དང་སང་སྤྲུལ་ངེས་དོན་རྒྱ་མཚོ་སོགས་ཀྱི་རིང་ལ་རྒྱ་བལ་འབྲུག་བོད་དང་བཅས་པའི་དད་ལྡན་ཀུན་གྱིས་གཙུག་ལག་ཁང་རྟེན་དང་བརྟེན་པ་ཉམས་བཟོ་དང་གསར་བཞེངས་བྱེད་པའི་མཐུན་རྐྱེན་བསྒྲུབས། དགེ་འདུན་པའི་འཚོ་བ་ནི་བསོད་སྙོམས་ལ་བརྟེན་པ་ཙམ་ལས་ཟས་གོས་གནས་མལ་གྱིས་སྤྲོས་པ་མཛད་སྲོལ་མེད། མཆོད་ཐེབས་ནི། ཐོག་མར་བླ་བྲང་ཁག་གིས་འཛུགས་རྟེན་ཅུང་རེ་ཕུལ་ཏེ་ལྷ་སྡེ་ལས་དཔོན་ཁག་ཆེ་ཆུང་སོ་སོ་དང་འབྱོར་ལྡན་ཡོན་བདག་རེ་ཟུང་བརྐོས་ནས་བོད་ཟླ་གསུམ་པའི་དུས་མཆོད་ཚེས་བཅུ་ཆེན་མོ་འཚོགས། དུས་མཆོད་གཞན་རྣམས་དགོན་པ་གཞུང་དང་རང་ཁ་རང་གསོ་ཡིན། འགན་བཞེས་པའི་གོ་རིམ་ནི་གདན་རབས་རིམ་བྱོན་གྱིས་དགོན་པའི་ཆོས་སྲིད་གཉིས་ཀ་སྐྱོང་བ་དང་། དེ་འོག་མཁན་རབས་རྣམས་ཀྱིསབཤད་སྒྲུབ་ཀྱི་བསྟན་པ་སྐྱོང་བའི་གཙོ་བོ་མཛད། དེ་འོག་ཆོས་ཁྲིམས་དང་དབུ་མཛད་ལས་སློབ་སོགས་ཀྱིས་དུས་མཆོད་དང་དགོན་པ་སྤྱི་ཡི་འགན་ལོ་གསུམ་རེར་བཞེས་སྲོལ་ཡོད་དོ།

དེང་གི་གནས་ཚུལ་རགས་ཙམ་ནི། དེ་ལྟར་རྒྱལ་བསྟན་སྤྱི་དང་བྱེ་བྲག་སྔ་འགྱུར་བསྟན་པའི་ཉིང་ཁུ་རང་ལུགས་དཔལ་ཡུལ་བའི་འཁོར་ལོ་གསུམ་གྱི་ཕྲིན་ལས་སྒྱུ་སྐར་གྱི་ཕྲེང་བའི་དབུས་ན་རི་བོང་འཛིན་པའི་དཀྱིལ་འཁོར་ལྟར་མངོན་པར་མཐོ་ཡང་དོན་བཞིའི་འགུལ་སྐྱོད་དང་། རིག་གནས་གསར་བརྗེའི་དབང་གིས་ཆུ་ལྷའི་ཕང་པར་ཡིབ་ནས་གཙུག་ལག་ཁང་རྟེན་དང་བརྟེན་པ་རྡོ་ཕུང་ཞིག་ལས་མ་ལྷག་པར་བགྲང་བྱ་ཉག་མ་བཅུ་ཕྲག་གསུམ་ལྷག་སོང་བས་གནའ་རྫས་རིག་དངོས་ཐམས་ཅད་ཀྱི་མིང་ཙམ་ཡང་འཚོལ་མི་ཐུབ་པའི་གནས་སུ་གྱུར་པ་ནི་བོད་ཁམས་སྤྱི་དང་མཚུངས་ཕྱིར་མ་སྤྲོས་སོ།།

དེང་ཆོས་ལྡན་བོད་འབངས་ཡོངས་ལ་དད་པའི་རང་དབང་གི་ཉི་གཞོན་ཤར་སྐབས་གདན་ས་འདིའི་སྔར་གྱི་མཁན་སྤྲུལ་ཕལ་མོ་ཆེ་མི་བཞུགས་མོད་ཐུགས་བསྐྱེད་དུས་སུ་སྨིན་པ་དཔོན་པོ་དགེ་འདུན་རྒྱ་མཚོ་[page 331] མཆོག་ནི་རབ་བྱུང་བཅུ་དྲུག་པའི་ཤིང་ཕག་ལོར་མདོ་སྨད་གསེར་ཐང་དུ་སྐུ་འཁྲུངས། དགུང་གྲངས་བརྒྱད་ཀྱི་ཐོག་སང་སྤྲུལ་ངེས་དོན་རྒྱ་མཚོས་གསེར་ཁྲི་མངའ་གསོལ་བྱས། རིམ་བཞིན་སང་སྤྲུལ་ངེས་དོན་རྒྱ་མཚོ། མཆོག་སྤྲུལ་ཆོས་ཀྱི་ཟླ་བ། ཚེ་ཤུལ་སྤྲུལ་སྐུ་རིག་པའི་ཁུ་བྱུག་སོགས་བཤེས་གཉེན་དུ་བསྙེན་ནས་སྔོན་འགྲོ་རྩ་རླུང་རྫོགས་ཆེན་རྒྱབ་ཆོས་དང་བཅས་རང་ལུགས་དཔལ་ཡུལ་བའི་ཟབ་དོན་གྱི་ཉིང་ཁུ་རྣམས་ཉམས་བཞེས་མཛད། བླ་མ་རྣམས་ཀྱིས་པད་ཞྭ་དང་གསེར་བུམ་སོགས་གཏད་དེ་ཆོས་སྡེ་ཆེན་པོ་འདི་སྐྱོང་བཞིན་པའི་སྐབས་དུས་འགྱུར་ཆེན་པོ་བྱུང་ནས་མི་ལོ་བཅུ་ཕྲག་གཉིས་ལྷག་ལ་དགོན་འདིར་གཏོར་བླག་ཏུ་གྱུར།

སླར་ཡང་རྒྱལ་བསྟན་ཡང་དར་འདིར་མཆོག་སྤྲུལ་པདྨ་རྡོ་རྗེ་དང་ཁོང་རྣམ་གཉིས་ཀྱིས་རྨ་སྤྲུལ་ཆོས་ཀྱི་ཉི་མ་སྔར་གྱིས་དགོན་གནས་སུ་གདན་དྲངས་ཏེ་ཁོང་གིས་ཞལ་བཀོད་བཞིན་འདུ་ཁང་དང་གཙུག་ལག་ཁང་རྟེན་དང་བརྟེན་པ་གསར་བཞེངས་དང་། དུང་གླིང་རོལ་མོ་ཆ་ཚང་། འཕན་གདུགས་རྒྱལ་མཚན་གར་ཆས་སོགས་ཡོ་བྱད་ཐམས་ཅད་ལེགས་པར་གྲུབ་སྟེ་དུས་མཆོད་རྣམས་ལེགས་པར་གྲུབ་ཟིན་ནས་ལོ་ལྟར་རི་བཞིན་སེར་སྐྱ་ཡོངས་ལ་བདེ་ཆེན་ཞིང་སྒྲུབ་སོགས་འཚོགས་བཞིན་མཆིས། མཁན་རིན་པོ་ཆེ་དཀོན་མཆོག་བློ་གྲོས་ཀྱིས་རབ་ཏུ་བྱུང་བའི་སྡེ་བཙུགས་ཏེ་བཤད་སྒྲུབ་ཀྱི་བསྟན་པ་བསྐྱངས་ནས་དགོན་འདིར་རྒྱུན་སྡོད་བཤད་གྲྭ་བ་སུམ་ཅུ་དང་སྒྲུབ་གྲྭ་བ་བཅུ་བཅས་དང་རང་གྲྭ་སུམ་བརྒྱ་ལྷག་ཡོད་པ་བཅས་སོ།།

ས་མིང་ཚིག་མཛོད་མིག་བཤར།

དགོན་པ་ཐོག་མར་འདེབས་པ་པོ་ནི་འབོས་བློ་ལྡན་ཤེས་རབ་ཀྱི་སྤྲུལ་བའི་རྣམ་རོལ་དུ་གྲགས་པ་འཇིགས་མེད་དཔའ་བོ་རྡོ་རྗེར་མཁའ་འགྲོ་བརྡ་ལུང་ལྟར་ས་འོམ་བུའི་རྔམས་རམ་དཀྱིལ་ལུང་དུ་བོད་རབ་བྱུང་བཅུ་བཞི་པའི་དགའ་བ་ཞེས་པ་ཆུ་ཕོ་འབྲུག་གི་ལོར་རི་ཁྲོད་ཅིག་གསར་བཏབ་མཛད། བུ་སློབ་མང་དུ་འདུས་ནས་རྫོགས་པ་ཆེན་པོ་སྙིང་ཐིག་གི་བཀའ་སྲོལ་སྤྱི་དང་ཁྱད་པར་རིག་འཛིན་འཇའ་ཚོན་སྙིང་པོའི་གཏེར་ཆོས་དང་རིག་འཛིན་ཉི་མ་གྲགས་པའི་གཏེར་ཆོས་སོགས་ཟབ་གཏེར་གྱི་དབང་ལུང་ཁྲིད་མན་ངག་དང་བཅས་པའི་ཆོས་ཁྲིད་ཟབ་མོ་སྤེལ་བའི་སྲོལ་ལེགས་པར་བཙུགས་རྫོགས་ཆེན་དགོན་པའི་དགོན་ལག་ཏུ་གྱུར། རྫོགས་ཆེན་རྩེ་ལས་སྣ་ཚོགས་རང་གྲོལ་དང་སྒོ་གཏེར་རིག་འཛིན་ནོར་བུ་གཉིས་བསྟན་པའི་རྒྱལ་ཚབ་ཏུ་མངའ་གསོལ། ཁོང་རྣམ་གཉིས་ཀྱི་སྐུ་རིང་ལ་ཡོང་བདག་གི་འབྱོར་པ་བགྱིས་ཏེ་འདུ་ཁང་རྟེན་དང་བརྟེན་པ་བཅས་བཞེངས། རྒྱལ་བསྟན་རིན་པོ་ཆེ་འཛིན་སྐྱོང་སྤེལ་གསུམ་གྱི་འཕྲིན་ལས་ཀྱི་རྒྱུན་བསྲིངས་ཏེ་བཤད་སྒྲུབ་ཀྱི་བསྟན་པ་ཉིན་མོ་ལྟར་གསལ་བར་མཛད་དོ།

[page 332] གདན་རབས་གཉིས་པ་འཇིགས་མེད་དཔའ་བོ་རྡོ་རྗེའི་ཡང་སྲིད་ཟིལ་གནོན་སྐྱེས་མཆོག་དང་རྫོགས་ཆེན་རྩེ་ལས་སྣ་ཚོགས་རང་གྲོལ་གྱི་ཡང་སྲིད་པདྨ་ཐུབ་བསྟན་རྣམ་རྒྱལ། སྒོ་གཏེར་རིག་འཛིན་ནོར་བུའི་ཡང་སྲིད་ཀུན་བཟང་འོད་ཟེར། གཏེར་སྟོན་བདུད་འཇོམས་རྡོ་རྗེའི་དག་སྣང་ཡེ་ཤེས་དྲྭ་བའི་སྟོད་ཆ་ལས། ཡུལ་དེ་དང་མི་རིང་ཉེ་བའི་སཿདཔལ་ཨ་རྱ་དྰེ་ཝའི་རྣམ་རོལ་གརཿཁོང་དགེ་བཙུན་ཐོག་གི་མིང་ཅན་འབྱུངཿཞེས་ལུང་བསྟན་པ་ལྟར། དཔལ་ཨརྱ་དྰེ་ཝེའི་སྤྲུལ་བའི་རྣམ་རོལ་ཨ་དྲིས་མཁན་པོ་ཐོགས་མེད། དབོན་པོ་ཨུ་རྒྱན་ཉི་མ་མཐུ་དཔལ་སོགས་མཁས་གྲུབ་གསེར་རིའི་ཕྲེང་བ་བར་མ་ཆད་པར་རིམ་གྱིས་བྱོན་ནས་གྲུབ་དབང་རྫོགས་པ་ཆེན་པོ་སྙིང་ཐིག་གི་བཀའ་སྲོལ་ཡོངས་རྫོགས་ཀྱི་དབང་ལུང་ཁྲིད་གསུམ་གྱི་ཆོས་རྒྱུན་ཟམ་མ་ཆད་པར་སྤེལ་བས་གསང་སྔགས་ཀྱི་བསྟན་པ་ཡར་ཚེས་ཟླ་བ་གཞོན་ནུའི་རྗེས་སུ་བསྙེགས།

གདན་རབས་གསུམ་པ་པདྨ་ཐུབ་བསྟན་རྣམ་རྒྱལ་གྱི་ཡང་སྲིད་གྲྭ་ཡབ་རྫོགས་སྤྲུལ་དང་དབོན་པོ་ཨུ་རྒྱན་ཉི་མའི་ཡང་སྤྲུལ་ཚེ་འཕེལ། ཆེ་བའི་རིག་འཛིན་ཆེན་པོ་ཡང་སྤྲུལ་རྫོགས་ཆེན་རིག་ཆུང་། སྐྱེས་མཆོག་མ་སྤྲུལ་ཡོན་ཏན་རྒྱ་མཚོ། དབོན་པོ་དགེ་སྟོབས། མཁན་པོ་བློ་གྲོས་བཟང་པོ། མཁན་པོ་རིག་ལོ་སོགས་མཁས་ཤིང་གྲུབ་པའི་གོ་འཕང་མཐོན་པོར་གཤེགས་པའི་སྐྱེས་ཆེན་དུ་མས་ཞབས་ཀྱིས་བཅགས་ནས་གདན་ས་བསྐྱངས་ཏེ། དཀྱིལ་ལུང་བཤད་སྒྲུབ་ཆོས་འཁོར་གླིང་གི་བཤད་སྒྲུབ་ཀྱི་བསྟན་པ་སླར་ཡང་ཇེ་རྒྱས་སུ་གཏོང་བའི་རྣམ་པར་དཀར་བའི་མཛད་འཕྲིན་བཟང་པོ་ཕྱོགས་ཀྱི་བུ་མོ་མཐའ་རུ་འཛེགས། གསུང་ལས་སྐྱེས་པའི་བུ་སློབ་ནམ་མཁའི་སྐར་ཚོགས་བཞིན་བྱུང་བར་གྲགས།

དེ་ལྟར་སྐྱེས་ཆེན་དམ་པ་རིམ་བྱོན་གྱིས་བཞེངས་པའི་རྟེན་དང་བརྟེན་པའི་གྲངས་ཀ་རགས་བསྡུས་ཙམ་ཞིག་བཀོད་ན། འདུ་ཁང་གཅིག་དང་སྒྲུབ་ཁང་གཅིག་ཡོད། རྟེན་གྱི་གཙོ་བོ་ནི་གསེར་ཟངས་ལས་གྲུབ་པའི་ཐུབ་པ་གཙོ་འཁོར་གསུམ་གནས་བརྟན་བཅུ་དྲུག་མཁན་སློབ་ཆོས་གསུམ། རིགས་གསུམ་མགོན་པོ། ཚེ་ལྷ་རྣམས་གསུམ། ཀུན་མཁྱེན་ཡབ་སྲས་ཀྱི་སྐུ་སོགས་མཆིས་སོ། སྟོན་པའི་སྐྱེ་རབས་དང་བདེ་ཆེན་ཞིང་བཀོད། སྒྲོལ་མ་ཉེར་གཅིགགུ་རུ་མཚམ་བརྒྱད་རྒྱལ་ཆེན་སྡེ་བཞི་སོགས་ཀྱི་རས་གཞི་དང་ཞལ་ཐང་དུ་མ་མཆིས་སོ། བཀའ་གདམས་མཆོད་རྟེན་དང་མཆོད་རྟེན་ཆ་བརྒྱད་སོགས་ཀྱང་མཆིས་སོ། རྒྱལ་བའི་བཀའ་འགྱུར་དང་དགོངས་འགྲེལ་བསྟན་བཅོས། རིན་ཆེན་གཏེར་མཛོད། ཀློང་ཆེན་མཛོད་བདུན། སེམས་ཀློང་མན་ངག་གི་སྡེ་བཅོ་བརྒྱད་དང་། ཀློང་དགུ་མན་ངག་རྒྱུད་སྡེ་བཅུ་བདུན་སོགས་མང་།

དུས་ཀྱི་འཕོ་འགྱུར་ཆེན་པོའི་ཀླུང་ནག་དྲག་ཏུ་འཚུབ་པས་གངས་ལྗོངས་རྒྱལ་བའི་བསྟན་པ་བཤད་སྒྲུབ་ཀྱི་སྦྲང་ཆར་སིབ་སིབ་ཏུ་འཇོ་བའི་ཆུ་འཛིན་ཕྱོགས་ཀྱི་མཐའ་རུ་སྤྱུགས་པ་དང་སྦྲགས། ཆོས་སྡེ་འདིའི་དགོན་པ་གཞན་དང་འདྲ་བའི་སྤུས་ཀ་གཙང་ལ་བཟོ་སྒྲོས་ལེགས་པའི་རིན་ཐང་གཞལ་དུ་མེད་པའི་སྐུ་གསུང་ཐུགས་རྟེན་དང་མཆོད་རྫས་རོལ་མོ་སོགས་ཚང་མ་གོང་ལེན་དང་གཏོར་བརླགས་སོང་ཚར། འདུ་ཁང་གྲྭ་ཤག་དང་བཅས་པ་ཞིག་ཤུལ་ས་ཕུང་རྡོ་ཕུང་ཙམ་དུ་གྱུར། དུས་རབས་ཉི་ཤུའི་ལོ་རབས་བརྒྱད་ཅུ་[page 333] བའི་ནང་གངས་ལྗོངས་རྒྱལ་བསྟན་ཉམས་གསོ་བྱེད་ཆོག་པའི་གོ་སྐབས་བཟང་པོ་ཤར་མ་ཐག་ཟིལ་གནོན་བཻ་རོ་དང་གྲྭ་རྒན་འགས་འདུ་ཁང་དང་བྱང་ཆུབ་མཆོད་རྟེན། སྒྲུབ་ཁང་རྟེན་དང་བརྟེན་པ་བཅས་བསྐྱར་དུ་བཞེངས་ཏེ་དཀྱིལ་ལུང་བཤད་སྒྲུབ་ཆོས་འཁོར་གློང་གི་སྔ་སྲོལ་ཆོས་རྒྱུན་སྤེལ་བའི་འཕྲིན་ལས་ཀྱི་དབུ་བཙུགས། ཆོས་སྡེ་འདིའི་སྔོན་གྱི་སྤྲུལ་སྐུ་རྣམས་མི་བཞུགས་སྟབས། ཟིལ་གནོན་བཻ་རོའི་སྲས་ཆེ་བ་བྱང་ཆུབ་རྡོ་རྗེ་བསྟན་པའི་རྒྱལ་ཚབ་ཏུ་མངའ་གསོ་（སྤྱིར་དགོན་པ་འདིའི་སྤྲུལ་སྐུ་ཡང་སྲིད་ངོས་འཛིན་ཚུལ་ནི་སྔོན་གྱི་ལུགས་སྲོལ་ལྟར་ན་རྫོགས་ཆེན་རིན་པོ་ཆེ་ལ་སྤྲུལ་སྐུ་འདས་འཁྲུངས་ཀྱི་ལུང་བསྟན་ཞུས་ནས་ཡང་སྲིད་ངོས་འཛིན་བྱས་པའི་སྲོལ་ཆགས་ཡོད་མོད། འོན་ཀྱང་དེང་སང་ལག་ལེན་དེ་དོན་ཐོག་ཏུ་འཁྱོལ་མེད）ཁོང་ཉིད་གཙོ་བྱས་པའི་བླ་གྲྭ་བཞི་བཅུ་ལྷག་ཙམ་གྱིས་ཐུགས་མཐུན་ཁྲིམས་གཙང་གིས་སྒོ་ནས་དཀྱིལ་ལུང་བཤད་སྒྲུབ་ཆོས་འཁོར་གླིང་གི་སྔ་སྲོལ་གྱི་འོག་མིན་ཚོགས་ཆེན་འདུས་པའི་སྒྲུབ་མཆོད་དང་གཞི་གསུམ་ཆོ་གདུས་དྲན་ཚེས་བཅུ་ཆེན་མོ་སོགས་ལོ་འཁོར་མོའི་དུས་མཆོད་ཚང་མ་འཚོགས་བཞུགས་སོ།།

ས་མིང་ཚིག་མཛོད་མིག་བཤར།

ཆོས་སྡེ་འདི་ཐོག་མར་ཕྱག་སྡེབ་པ་པོ་ནི། རྡོ་གྲུབ་སྐུ་ཕྲེང་དང་པོ་འཇིགས་མེད་འཕྲིན་ལས་འོད་ཟེར་ཡིན། ཁོང་ནི་བོད་རབ་བྱུང་བཅུ་གཉིས་པའི་ཁྲོ་བོ་ཞེས་པ་ཤིང་མོ་གླང་གི་ལོར་ལྟས་བཟང་པོ་བཅས་ཏེ་སྐུ་འཁྲུངས། ཆུང་དུས་ནས་དཔལ་ཡུལ་ཀརྨ་བཀྲ་ཤིས། ཞི་ཆེན་འགྱུར་མེད་ཀུན་བཟང་རྣམ་རྒྱལ་ཀཿཐོག་དྲི་མེད་ཞིང་སྐྱོང་། རྗེ་དཔོན་པདྨ་ཀུན་གྲོལ་རྣམ་རྒྱལ། རྫོགས་ཆེན་སྐུ་ཕྲེང་གསུམ་པ་ངེས་དོན་བསྟན་འཛིན་བཟང་པོ་སོགས་མཁས་བཙུན་བཟང་པོའི་རྣམ་ཐར་གྱི་ཡང་རྩེར་སོན་པའི་སྐྱེས་ཆེན་དམ་པ་བཅུ་ཕྲག་དུ་མའི་ཞབས་ཀྱི་པདམོ་ཡུན་རིང་བསྙེན་ནས་སུམ་རྟགས་དག་གསུམ་སོགས་ཐུན་མོང་གི་རིག་གནས་དང་གསང་སྔགས་སྔ་འགྱུར་བའི་བཀའ་གཏེར་སོགས་གསན་བསམ་སྒོམ་སྒྲུབ་ཀྱིས་ཐུགས་ཉམས་སུ་བསྟར། དེ་ནས་ལྷ་ལྡན་དུ་སྔོན་རྗེས་སུ་ཐེངས་བཞིར་བྱོན་ནས་ཐོག་མར་གྲུབ་ཆེན་དམ་ཆོས་དབང་ཕྱུག་བླ་མར་བསྟེན་ནས་ཀློང་ཆེན་མཛོད་བདུན་དང་སྙིང་ཏིག་སྐོར་སོགས་ཟབ་ཆོས་མང་དུ་གསན་ཏེ་རྫོགས་ཆེན་གངས་ཁྲོད་གོང་མ་བདེ་བ་ཆེན་པོའི་སྒྲུབ་ཕུག་ཏུ་མི་ལོ་བདུན་གྱི་རིང་རྩེ་གཅིག་སྒྲུབ་པ་ལ་ལྷ་ལྡན་དུ་ཐེངས་རྗེས་མར་བྱོན་སྐབས་རིག་འཛིན་ཆེན་པོ་འཇིགས་མེད་གླིང་བར་ཐུན་མིན་གྱི་རྩ་བའི་བླ་མར་བསྙེན་ནས་སྙིང་ཐིག་གི་ཟབ་ཆོས་མང་དུ་གསན།

དེ་ནས་ཡར་ལུང་པདྨ་བཀོད་པའི་རྩ་གསུམ་མཁའ་འགྲོའི་འདུ་གླིང་གི་གདན་རབས་བསྐྱངས་ཚུལ་མདོར་བསྡུས་ཞིག་བརྗོད་པ་ན། རབ་བྱུང་བཅུ་བཞི་པའི་ཉི་སྒྲོན་བྱེད་ཅེས་པའི་ཤིང་ཕོ་སྤྲེལ་གྱི་（༡༨༢༤）[page 334] ལོར་རྡོ་གྲུབ་སྐུ་ཕྲེང་གཉིས་པ་འཇིག་མེད་ཕུན་ཚོགས་འབྱུང་གནས་ངོ་མཚར་བའི་ལྟས་དུ་མ་དང་བཅས་ཏེ་སྐུ་འཁྲུངས། ས་སྐྱའི་གསེར་བུམ་དཀྲུགས་ནས་རྡོ་གྲུབ་འཇིགས་མེད་འཕྲིན་ལས་འོད་ཟེར་ཀྱི་ཡང་སྲིད་དུ་ངོས་བཟུང་ནས་བྲག་ཆེན་ཡར་ཀླུང་དགོན་བའི་གསེར་ཁྲིར་མངའ་གསོལ། ཁོང་ཉིད་ཀྱིས་མདོ་མཁྱེན་རྩེ་ཡེ་ཤེས་རྡོ་རྗེ་སོགས་མཁས་གྲུབ་སྐྱེས་ཆེན་དུ་མའི་ཞབས་ཀྱི་པདྨོ་སྤྱི་གཙུག་ཏུ་བསྙེན། སྔ་འགྱུར་བཀའ་གཏེར་སྤྱི་དང་བྱེ་བྲག་འོད་གསལ་རྫོགས་པ་ཆེན་པོར་གསན་བསམ་སྒོམ་སྒྲུབ་མཐར་ཆགས་སུ་མཛད་དེ་མཁས་པའི་ཡང་རྩེར་སོན། ཆོས་སྡེ་འདིའི་ལུང་གི་བསྟན་པ་འཆད་ཉན་དང་རྟོགས་པའི་བསྟན་པ་སྒོམ་སྒྲུབ་ཀྱི་སྡེ་སོ་སོར་མུ་མཐུད་རྒྱུན་ཆགས་སུ་བསྐྱངས་ཏེ་འཁོར་ལོ་གསུམ་གྱི་འཕྲིན་ལས་མི་ནུབ་པའི་རྒྱུན་བསྲིངས་པས་མཛད་འཕྲིན་ནམ་མཁའ་དང་མཉམ་པར་བྱས་སོ། རང་བྱུང་དེའི་དཀྱིལ་ཙམ་དུ་གཙང་ཆེན་དངོས་གྲུབ་དཔལ་འབར་གླིང་གི་འདུ་ཁང་རྟེན་དང་བརྟེན་པ་བཅས་སྐྱབས་རྗེ་དམ་པ་ཉིད་ཀྱི་འཕྲིན་ལས་ལས་བྱུང་། བགྲང་བྱ་སོ་བདུན་ལ་ཕེབས་སྐབས་སྡེ་བཞི་དགེ་བཅུ་ལ་དབང་སྒྱུར་བའི་ས་སྐྱོང་མི་ཡི་དབང་པོ་ལྕགས་རྒྱལ་པོས་ཆེད་མངགས་ཕོ་ཉ་བཏང་ནས་གདན་ཤུ་ལྟར་བསྐུ་འཁོར་ཞབས་འབྲིང་དང་བཅས་པ་དར་མདོ་རུ་ཆིབས་ཁ་བསྒྱུར་སྐབས་དེར་དར་མདོར་འབྲུམ་ནད་ཀྱིས་མི་འབོར་ཆེན་ཤི་བཞིན་ཡོད་པའི་རྐྱེན་ངན་སོགས་བཟློག་པས། རྒྱལ་པོ་ཆབ་འབངས་དང་བཅས་པ་ངོ་མཚར་ནས་དབུ་བླར་མཆོད་ཅིང་བསྙེན་བཀུར་བྱས། དགུང་གྲངས་སོ་བདུན་ལ་ཕེབས་སྐབས་སུ་དར་མདོ་རུ་གཟིམ་ཁྲི་མཐའ་ཅན་དུ་གྱུར། དེ་ནས་རྡོ་གྲུབ་སྐུ་ཕྲེང་གསུམ་པ་འཇིགས་མེད་བསྟན་པའི་ཉི་མ་ནི། རྫོགས་ཆེན་མི་འགྱུར་ནམ་མཁའ་རྡོ་རྗེས་ལྕགས་གོང་བུའི་སྣོད་བཟང་སྤར་བུའི་མཛེས། ཅེས་ལྕགས་བོང་ལ་འཁྲུངས་རྒྱུ་དང་། ཡབ་ཡུམ་བཅས་ངོས་འཛིན་གསལ་བར་ལུང་བསྟན་པོ་བཞིན། ཡབ་བདུད་འཇོམས་རྡོ་རྗེ་གྲོད་ལོད་རྩལ་དང་ཡུམ་ཊཱཀྐིའི་རིགས་བསོད་ནམས་མཚོ་གཉིས་ཀྱི་སྲས་སུ་རབ་བྱུང་བཅུ་བཞི་པའི་ཁྲོ་བོ་ཞེས་པ་ཤིང་མོ་གླང་གི་（༡༨༦༥）ལོར་ངོ་མཚར་བའི་ལྟས་དུ་མ་དང་བཅས་ཏེ་འཁྲུངས། དགུང་ལོ་བདུན་ལ་སླེབས་དུས་ཡི་གེ་འབྲི་ཀློག་བསླབ། དེ་ནས་རྫ་དཔལ་སྤྲུལ་ཨུ་རྒྱན་འཇིགས་མེད་ཆོས་ཀྱི་དབང་པོ་སོགས་མདུན་ནས་ཁྲིད་ཡིག་ཀུན་བཟང་བླ་མའི་ཞལ་ལུང་དང་། སྤྱོད་འཇུག་སོགས་ལ་གསན་སྦྱང་མཛད། བླ་མ་བློ་ཁོ། གནམ་མཚོའི་བླ་མ་ཆོས་འཁོར། གནུབས་ཟུར་སྤྲུལ་སྐུ་དགེ་འདུན་ནོར་བུ་སོགས་མཁས་གྲུབ་གསེར་རིའི་ཕྲེང་བ་ལྟར་བྱོན་ཏེ་གདན་ས་བསྐྱངས་ཏེ་གདན་རབས་འགའ་སོང་རྗེས་སུ་རྡོ་གྲུབ་སྐུ་ཕྲེང་བཞི་པ་རིག་འཛིན་བསྟན་པའི་ཉི་མས་གདན་ས་བསྐྱངས། སྤྱིར་རྡོ་གྲུབ་སྐུ་ཕྲེང་བཞི་པ་ལ་སྐུ་གསུང་ཐུགས་ཀྱི་སྤྲུལ་སྐུ་གསུམ་དུ་གྲགས་པའི་ཐུགས་སྤྲུལ་རིག་འཛིན་བསྟན་པའི་ཉི་མ་ནི། རབ་བྱུང་བཅུ་དྲུག་པའི་དཀར་པོ་ཞེས་པ་ས་སྦྲུལ་（༡༩༢༩）ལོར་ཡུམ་ལ་ངོ་མཚར་བའི་རྨི་ལམ་དང་སྦྲ་གུར་ཐོག་ཏུ་འཇའ་ཚོན་སྣ་ལྔའི་གུར་ཁྱིམ་ཕུབ་པ་སོགས་ལྟས་བཟང་པོ་དུ་མ་དང་བཅས་འཁྲུངས། ཞིག་སྐོར་བླ་མ་ཡོངས་འཛིན་དུ་བསྙེན་ནས་ཡི་གེ་འབྲི་ཀློག་སོགས་བརྡ་སྤྲོད་ཙམ་གྱིས་ཚེགས་མེད་དུ་མཁྱེན། དགུང་ལོ་བརྒྱད་ཀྱི་སྟེང་མ་ཎི་བླ་མ་པདྨ་སིདྡྷིས་[page 335] རྡོ་གྲུབ་སྐུ་ཕྲེང་གསུམ་པ་འཇིགས་མེད་བསྟན་པའི་ཉི་མའི་ཡང་སྲིད་དུ་ངོས་བཟུང་ནས་རྡོར་དྲིལ་དང་དར་གོས་སོགས་གྱ་ནོམ་པ་གནང་། དེ་ནས་རྒྱལ་ཟླ་བའི་གཟའ་སྐར་འཕྲོད་སྦྱོར་ལེགས་པའི་ཉིན་ཞིག་ཏུ་ཡར་ལུང་པདམ་བཀོད་རྩ་གསུམ་མཁའ་འགྲོའི་འདུ་གླིང་གི་གསེར་ཁྲིར་མངའ་གསོལ། དགུང་ལོ་བཅོ་བརྒྱད་ལ་ཕེབས་སྐབས་དགོན་པའི་བསྟབ་བདག་གི་འགན་ཡོངས་སུ་བཞེས་ཏེ་མཁན་པོ་ཤེར་གྲགས་དང་མཁན་པོ་དམ་ཚིག་མཐར་ཕྱིན་སོགས་དང་མཉམ་དུ་གདན་ས་བསྐྱངས་ཏེ་བཤད་སྒྲུབ་འཁོར་ལོ་གཉིས་ལྡན་གྱི་རྒྱུན་བསྐྱངས་ནས། འོད་གསལ་རྫོགས་པ་ཆེན་པོའི་དབང་ལུང་ཁྲིད་ཀྱི་རྒྱུད་སྤེལ་བས་གསེར་ཡུལ་སྟོད་སྨད་བར་གསུམ་དང་། ཤར་རེབ་གོང་། ཏྲེ་ཧོར། སང་ཁྲི་ལ་ཁ། སོག་པོ་སོགས་ས་ཁུལ་དུ་གསུང་ལས་སྐྱེས་པའི་ཞལ་སློབ་སྟོང་ཕྲག་ལ་ཉེ་བ་བསྐྱངས་ཏེ་དེང་གི་བར་དུ་ཞབས་པད་བརྟན་བཞིན་པ་འདིའོ།

དགོན་འདི་ཆགས་ནས་བཟུང་སྐྱེས་ཆེན་དམ་པ་རིམ་བྱོན་གྱིས་བཞེངས་པའི་རྟེན་དང་བརྟེན་པའི་གྲངས་ཀ་རགས་ཙམ་བཀོད་ན། དེ་ཡང་གཙུག་ལག་ཁང་ཆེན་པོ་གཅིག་བཤད་གྲྭ་དང་སྒྲུབ་གྲྭ་ཁང་། གྲྭ་ཤག་རྒྱ་ཕྲག་ལ་ཉེ་བ་བཅས་མཆིས། ནང་རྟེན་གྱི་གཙོ་བོ་ནི་རྡོ་གྲུབ་སྐུ་ཕྲེང་དང་པོའི་འཕྲིན་ལས་ལས་བྱུང་བའི་མདོ་ཁམས་སུ་སྐད་གྲགས་ལྡན་པའི་གུ་རུ་རིན་པོ་ཆེའི་སྐུའི་ཐུགས་ཀར་དུས་རྟག་ཏུ་དྲོད་ཡོད་པ་གཅིག་དང་སྟོན་པ་གཙོ་འཁོར་གསུམ། འོད་དཔག་མེད། མི་འཁྲུགས་པ། གནས་བརྟན་བཅུ་དྲུགའཇམ་པའི་དབྱངས། སྤྱན་རས་གཟིགས། མཁན་སློབ་ཆོས་གསུམ་སོགས་གྱི་གཏེར་མ་ལི་མ་འཇིམ་སྐུ་བཅས་བཞུགས་གསེར་དངུལ་དང་སྔོན་གྱི་བྲིས་རྙིང་གི་སྐྱེས་རབས་དཔག་བསམ་ཁྲི་ཤིང་། སྐྱེ་རབས་སོ་བཞི་པ། གུ་རུ་མཚན་བརྒྱད། སྒྱུ་འཕྲུལ་ཞི་ཁྲོ་ལྷ་ཚོགས། རྒྱལ་ཆེན་སྡེ་བཞི། རིགས་དྲུག་ཆགས་ཚུལ་སོགས་ཀྱི་རས་གཞི་དང་ཐང་ཁ་མང་དུ་འཆིས། བཀའ་འགྱུར་དང་བསྟན་འགྱུར། རྙིང་མ་རྒྱུད་འབུམ། རིན་ཆེན་གཏེར་མཛོད། ཀློང་ཆེན་མཛོད་བདུན། དཔལ་སྤྲུལ་གསུང་འབུམ། རྫོགས་ཆེན་སྐུ་ཕྲེང་རིམ་བྱོན་གྱི་གསུང་འབུམ། གདན་ས་དེ་ཉིད་དུ་བྱོན་པའི་རྡོ་གྲུབ་སྐུ་ཕྲེང་རིམ་བྱོན་གྱི་གསུང་འབུམ་ཆ་ཚང་སོགས་བཞུགས། བཀའ་གདམས་མཆོད་རྟེན་དང་མཆོད་རྟེན་ཆ་བརྒྱད་སོགས་དང་རིན་ཐང་གཞལ་དུ་དཀའ་བའི་གྲ་ཧོར་ཤང་ཤང་རྒྱ་བལ་སོགས་ཀྱི་སྦུབ་ཆལ། འཁར་རྔ། དྲིལ་བུ་སོགས་དང་། རྒྱུ་གསེར་དངུལ་ལས་གྲུབ་ཅིང་རིན་ཆེན་སྣ་ལྔའི་ཕྲ་ཚོམ་བཏབ་པའི་རྒྱ་གླིང་དང་དུང་དཀར། རྐང་གླིང་། མཆོད་ཀོང་སོགས་དང་། བཟོ་སྒྲོས་མཛེས་ལ་སྤུས་ཀ་ལེགས་པའི་འཕན་གདུགས་རྒྱལ་མཚན་འཆམ་གོས་འབག་དང་བཅས་པ་སོགས་མཆོད་ཆས་དང་གཏོར་ཆས་འཆམ་ཆས་བཅས་ཆ་ཚང་པར་བཞུགས་ཡོད་དོ།

དགོན་པ་རྒྱུན་འཇགས་སུ་གྱུར་པའི་ཚེས་དུས་མཆོད་འཚོགས་ཚུལ་མདོར་བསྡུས་ཞིག་བརྗོད་ན། རྡོ་གྲུབ་སྐུ་ཕྲེང་བཞི་པ་རིག་འཛིན་བསྟན་པའི་ཉི་མས་གསར་བཞག་མཛད་པའི་རིག་འཛིན་འདུས་པའི་ཚེས་བཅུ་འཆམ་དང་བཅས་པ་ཧོར་ཟླ་གཉིས་པའི་ཚེས་གཅིག་ཉིན་ནས་འཚོགས་རྒྱུ་དང་། ཧོར་ཟླ་བཞི་པའི་ཚེས་བརྒྱད་ནས་བཟུང་སྨྱུང་གནས་ཆ་བརྒྱད། ཧོར་ཟླ་དྲུག་པའི་ཚེས་བརྒྱད་ལ་བསངས་མཆོད་དང་[page 336] གསོལ་ཀཧོར་ཟླ་དྲུག་པའི་ཚེས་བཅོ་ལྔ་ནས་བཟུང་ཟླ་བ་ཆེད་གཉིས་རིང་ལ་དབྱར་གནས། ཧོར་ཟླ་བརྒྱད་པའི་ཚེས་བརྒྱད་ཉིན་ནས་ཀར་གླིང་ཞི་ཁྲོའི་སྤྱི་བསྲུང་། ཧོར་ཟླ་བཅུ་པའི་ཚེས་བརྒྱད་ཉིན་ནས་རྒྱུད་ལུགས་ཕུར་བའི་དགུ་སྒྲུབ། ཧོར་ཟླ་བཅུ་གཅིག་པའི་ཚེས་བརྒྱད་ཉིན་ནས་ཟླ་བ་གཅིག་གི་རིང་ལ་སྐུ་གསུམ་སྒྲུབ་པ། གཞན་ཡང་རྒྱུན་ཆགས་སུ་བཤད་སྒྲུབ་གྲྭ་དང་ཆོས་སྐྱོང་ལ་འཕྲིན་ལས་རྒྱུན་དུ་བཅོལ་བ་མཆིས་སོ།

ཆོས་སྡེ་འདི་འཛུགས་སྐྲུན་བྱས་པ་སོགས་ཀྱི་ཡོན་གྱི་འབྱུང་ཁུངས་ནི། རྡོ་གྲུབ་ཆེན་འཇིགས་མེད་འཕྲིན་ལས་འོད་ཟེར་གྱི་སྐུ་རིང་ལ་མདོཁམས་སྟོད་སྨད་རྒྱལ་མོ་ཚ་བ་རོང་སོགས་ཀྱི་ས་གཞི་སྐྱོང་བའི་མི་ཆེན་སྦྱིན་བདག་མང་པོས་ཡོན་བདག་གི་འབྱོར་བ་འགྱིས་ཏེ་གཙུག་ལག་ཁང་རྟེན་དང་བརྟེན་པ་བཅས་བཞེངས་པའི་མཐུན་རྐྱེན་བསྒྲུབས། ཉིད་ཀྱི་སྐུ་ཕྲེང་ཕྱི་མ་རིམ་བྱོན་གྱི་བསྟན་བདག་གི་འགན་བཞེས་ཏེ་བཤད་སྒྲུབ་གྲྭ་དང་དགོན་གཞུང་བཅས་སྐྱོང་བའི་སྐུ་རིང་ལ་ཆོས་སྐོར་སྨད་མ་དགོན་པའི་ལྷ་སྡེ་རུ་གྱུར་ནས་དགོན་པའི་བཤད་སྒྲུབ་འཛུགས་རྟེན་དང་ཚོགས་པའི་གཏོང་སྒོ་སོགས་ལ་མཆོད་ཐེབས་གང་ལེགས་སྦྱར་བའི་སྲོལ་ཆགས་སོ།། དགེ་འདུན་པའི་འཚོ་བ་ནི་སྤྱིར་བཏང་ཙམ་ལས་སྤྲོས་པ་ཆེར་མཛད་པའི་སྲོལ་ཡེ་ནས་མ་མཆིས། དགོན་པའི་དུས་མཆོད་འཚོགས་པར་གཏོང་སྒོ་ལས་ཐོག་གི་དགེ་བསྐོས་དང་གཉེར་བ་རྒྱ་ཆེའི་དད་ལྡན་འབངས་མི་བཅས་ཀྱིས་ཐུན་མོང་དུ་མཆོད་ཐེབས་སྦྱར་བའི་སྲོལ་ལགས་སོ།

རིག་གནས་གསར་བརྗེ་དང་ངོ་རྒོལ་བཞི་བ་ཞེས་པའི་དུས་ཀྱི་འཕོ་འགྱུར་ཆེན་པོ་བྱུང་སྐབས་ཆོས་སྡེ་འདིར་བོད་ཁམས་ཕལ་མོ་ཆེ་དང་མཚུངས་པའི་བཤད་སྒྲུབ་ཀྱི་རྣམ་པ་ཐམས་ཅད་སྟོང་སྟེ་མིང་གི་ལྷག་མར་གྱུར་ཅིང་རྟེན་དང་བརྟེན་པ་དང་འདུ་ཁང་གྲྭ་ཤག་དང་བཅས་པ་རྩ་བརླགས་སུ་སོང་སྟེ་ཞིག་ཤུལ་ས་ཕུང་རྡོ་ཕུང་ཙམ་ལས་མེད་པར་གྱུར། ལོ་རབས་བརྒྱད་པའི་ནང་ཆོས་ལྡན་བོད་འབངས་ཀྱི་དད་པའི་རང་དབང་སྤྲིན་གསེབ་ཀྱི་ཉི་མ་ཤར་མ་ཐག་གདན་ས་འདིའི་གདན་རབས་བཞི་པ་རིག་འཛིན་བསྟན་པའི་ཉི་མ་སྙིགས་དུས་སྐྱེ་དགུ་ཡོངས་ཀྱི་གཙུག་རྒྱན་ནི། དུས་འགྱུར་ཆེན་པོའི་སྐབས་འགལ་རྐྱེན་དང་བར་ཆད་གང་གིས་ཀྱང་མ་ཚུགས་པར་འཚོ་ཞིང་གཞེས་ལ་གངས་ལྗོངས་རྒྱལ་བསྟན་ཉམས་གསོ་བྱེད་ཆོག་པའི་སྐབས་དང་འབྲེལ། སྤྲུལ་སྐུ་བསྟན་འཛིན་རྒྱ་མཚོ་དང་ཆོས་སྐྱོང་རང་འཁོར་དུ་ཡོད་པའི་མཆོག་གཙང་བསོད་ཆོས་སོགས་དང་མཉམ་དུ་ཡར་ལུང་དགོན་པའི་རྟེན་དང་བརྟེན་པ་བཅས་བཞེངས། སྐུ་གསུང་ཐུགས་རྟེན་རྙིང་བ་ཐུབ་པ་ཤར་ལི་མ་དང་གཏེར་ནས་བཏོན་པའི་གནམ་ལྕགས་ཕུར་བུ། རྡོ་གྲུབ་སྐུ་ཕྲེང་གསུམ་པའི་ཕྱག་དྲིལ་སོགས་རྟེན་དུ་བཞགདགོན་པའི་བཤད་སྒྲུབ་གྲྭ་སོ་སོར་བཙུགས་ཏེ་བླ་རབས་གོང་མས་བཀྲལ་བའི་ཆོས་རྒྱུད་མ་ལུས་པ་བཤད་སྒྲུབ་འཁོར་ལོ་གཉིས་ལྡན་གྱི་མཐའ་འཁྱོངས་བར་མཛད་པ་མ་ཟད་སླར་ཡང་（༡༩༩༤ལོར）ལྗོངས་འདིར་དཀོན་པའི་ངོ་མཚར་བའི་འདུ་ཁང་ཆེན་མོ་ཞིག་བཞེངས་བཞིན་པ་དང་། བླ་གྲྭ་བརྒྱ་ཕྲག་ཙམ་གྱིས་སྔར་གྱི་དུས་མཆོད་རྣམས་འཚོགས་བཞིན་མཆིས། ཞེས་པ་འདིའང་དུང་དཀར་གསང་སྔགས་སྨིན་གྲོལ་གླིང་གི་གྲྭ་གཟུགས་འཛིན་པ་དགུང་ལོས་བྲིས་པ་མངྒ་ལམ།

ས་མིང་ཚིག་མཛོད་མིག་བཤར།

[page 337] ཆོས་སྡེ་འདི་ཐོག་མར་ཕྱག་འདེབས་པ་པོ་ནི་སྨད་མདོ་ཁམས་ཀྱི་མཁས་གྲུབ་ཆེན་པོ་རྗེ་འཇིགས་མེད་འཕྲིན་ལས་འོད་ཟེར་གྱི་ཡང་སྤྲུལ་འཇིགས་མེད་ཕུན་ཚོགས་འབྱུང་གནས་ཀྱིས་བོད་རབ་བྱུང་བཅུ་བཞི་པའི་ཆུ་ཁྱི་（༡༨༥༢）ལོ་ཀློང་ཆེན་སྙིང་ཐིག་གི་བསྟན་པའི་གཞི་བཙུགས་ཏེ་འདུ་ཁང་རྟེན་དང་བརྟེན་པ་གསར་བཞེངས་བྱས། རྗེ་འདི་ཉིད་རབ་བྱུང་བཅུ་བཞི་པའི་ཤིང་སྤྲེལ་༡༨༢༤ལོར་ཡབ་བོ་ཆུང་ཆོས་འཕེལ་དང་ཡུམ་ཨ་ཕང་བཟའ་མཚོ་མོ་གཉིས་ཀྱི་སྲས་སུ་འཁྲུངས། རབ་བྱུང་བཅུ་བཞི་པའི་ཤིང་ཁྱི་༡༨༦༤ལོར་སྐུ་གཤེགས་སོ།།

གདན་རབས་དང་མཁན་རབས་རིམ་བྱོན་གྱིས་བཤད་སྒྲུབ་ཀྱི་བསྟན་པ་སྤེལ་ཚུལ་ནི། གཏེར་ཆེན་སངས་རྒྱས་གླིང་བའི་སྤྲུལ་པའི་རྣམ་རོལ་ཀློང་ཆེན་སྙིང་ཐིག་གི་ཆོས་བདག་རྡོ་གྲུབ་རིན་པོ་ཆེའི་སྐུ་ཕྲེང་གསུམ་པ་འཇིགས་མེད་བསྟན་པའི་ཉི་མ་ནི་རྫོགས་ཆེན་པ་མི་འགྱུར་ནམ་མཁའི་རྡོ་རྗེས། ལྕགས་གོང་བུའི་སྣོད་བཟང་སྦར་བུ་མཛེསཿཅེས་ལྕགས་ཀོང་ལ་འཁྲུངས་རྒྱུ་དང་ཡབ་ཡུམ་བཅས་ངོས་འཛིན་གསལ་བར་ལུང་བསྟན་པ་བཞིན། ཡབ་ལྕགས་ཀོང་བདུད་འཇོམས་རྡོ་རྗེ་དང་ཡུམ་ཌཱཀྐིའི་རིགས་ཅན་བསོད་ནམས་མཚོ་གཉིས་ཀྱི་སྲས་སུ་རབ་བྱུང་བཅུ་བཞི་པའི་ཁྲོ་བོ་ཞེས་པ་ཤིང་མོ་གླང་གི་༡༨༦༥ལོར་སྐུ་འཁྲུངས། སྐྱབས་རྗེ་དམ་པ་ཉིད་གདན་ས་འདི་ལ་ཆེས་མཛད་རྗེས་རྨད་དུ་བྱུང་ནས་རབ་བྱུང་བཅོ་ལྔའི་ཟད་པ་མི་སྟག་ལོར་༡༩༢༦གཟུགས་སྐུའི་བཀོད་པ་རེ་ཞིག་ཆོས་དབྱིངས་སུ་བསྡུས་པའི་ཚུལ་བསྟན་ནོ། རྡོ་གྲུབ་ཉིད་ཀྱི་སྐུ་ཕྲེང་ཕྱི་མ་མཆོག་སྤྲུལ་རྣམ་གསུམ་ལས་ཕྲིན་ལས་ཀྱི་སྤྲུལ་པ་ཐུབ་བསྟན་འཕྲིན་ལས་དཔལ་བཟང་པོ་གདན་ས་དེར་བྱོན། ཁོང་སྐུ་ཆུང་དུས་ནས་མཁྱེན་རབ་ཀྱི་རྩལ་རྫོགས་པས་ཡི་གེ་འབྲི་ཀློག་དུ་མ་མཁྱེན། གྲུབ་དབང་སྐུ་ཕྲེང་རིམ་བྱོན་གཙོར་གྱུར་ཁྲི་རབས་བཅུ་ཕྲག་ལྷག་དང་མཁན་ཆེན་རྣམ་བཞི་གཙོར་གྱུར་བའི་མཁན་རབས་བཅུ་ཕྲག་ལྷག་ཙམ་གདན་ས་ཁྱད་པར་ཅན་དེར་རིན་ཆེན་གསེར་རིའི་ཕྲེང་བ་ཚར་དུ་དངར་བ་བཞིན་བྱོན་ནས་ལམ་བསླབ་པ་གསུམ་གྱི་ཉམས་ལེན། ལུང་སྡེ་སྣོད་གསུམ་གྱི་འཆད་ཉན། འཁོར་ལོ་གསུམ་གྱི་བྱ་བ་རྒྱལ་བསྟན་དཀར་པོ་ཡུག་གཅིག་གིས་མཛེས་པར་བྱས་སོ། ཡོངས་གྲགས་སུ་དགོན་པའི་ཐོག་མར་ཕྱག་འདེབས་པ་པོའི་མཚན་དགོན་པར་བཏགས་ནས་རྡོ་གྲུབ་ཆེན་དགོན་ཟེར།

ལྔ་བ་དགོན་པ་འདིར་ལོ་འཁོར་མོར་རྒྱུན་འཇགས་སུ་གྱུར་བའི་ཚེས་དུས་མཆོད་ནི། སྔ་འགྱུར་བསྟན་པའི་སྙིང་པོའི་མདོ་རྒྱུད་སེམས་གསུམ་ལས། མདོ་འོག་མིན་ཚོགས་ཆེན་འདུས་བ་དང་། རྒྱུད་སྒྱུ་འཕྲུལ་དྲྭ་བ་ཞི་བ་འབྲིང་པོའི་ལུགས་ཀྱི་སྒྲུབ་མཆོད་ཆེན་མོ། དཔལ་ཆེན་ཕུར་བ་རྡོ་རྗེ་གཞོན་ནུའི་བཀའ་གཏེར་ཟུང་འཇུག་གི་སྒྲུབ་ཆེན། གུ་རུའི་དུས་དྲན་མཆོད་པ། བླ་མ་གསང་བ་འདུས་པའི་སྒོ་ནས་ཚེས་བཅུ་དུས་[page 338] མཆོད་ཆེན་མོ། དབྱར་ཆོས་དང་དགུན་ཆོས། ཆོས་སྐྱོང་རྒྱུན་གསོལ་བྱས་པ་སོགས་མཆིས་སོ།།

གྲྭ་ཚང་ཁག་དང་དགེ་འདུན་པའི་ཞལ་གྲངས་མདོ་ཙམ་སྨྲོས་ན། སྤྱིར་དགོན་པ་འདིར་གླིང་བཞི་ཡོད་དེ་བཤད་གྲྭ་ཐོས་བསམ་གླིང་དང་། སྒྲུབ་གྲྭ་པདྨ་འོད་གླིང་། རིག་གནས་རྨད་བྱུང་བློ་གསལ་གླིང་། གྲྭ་ཚང་གཞུང་དང་བཅས་སོ། དགེ་འདུན་པའི་ཞལ་གྲངས་ནི་ཕྱི་ཁྲི་གྲྭ་དང་བར་སྟོང་གྲྭ། ནང་གྲྭ་ཉིས་བརྒྱ་ལྔ་བཅུ་ཡོད། དུས་མཆོད་ཆེན་མོ་རྣམས་སུ་སྟོང་གྲྭ་འཚོགས་པར་སྣང་ངོ་།།

དགོན་པ་འདིར་རྒྱུ་འབྱོར་ཡོན་བདག་ཇི་ལྟར་བགྱིས་ཚུལ་མདོ་བསྡུས་ཙམ་བརྗོད་ན། སྤྱིར་དགོན་པ་དེའི་བསྟན་བདག་རྡོ་གྲུབ་སྐུ་ཕྲེང་རིམ་བྱོན་གྱི་སྐུ་རིང་ལ་དབུས་ཕྱོགས་ཀྱི་སྲིད་སྐྱོང་ཚེ་སྨོན་གླིང་བ་དང་སྡེ་བ་ལྷ་རྒྱ་རི། འབྲི་གུང་སོགས་དང་། ཤར་ཕྱོགས་ཀྱི་གོང་མ་ཆེན་པོ་ཆན་ལུང་རྒྱལ་པོ། སོག་པོ་ཆིང་ལྦང་རྒྱལ་པོ། ཁམས་ཕྱོགས་གྱི་སྡེ་དགེ་རྒྱལ་པོ། གླིང་ཚང་རྒྱལ་པོ། ལྕགས་ལ་རྒྱལ་པོ། ཚ་ཁོ་ཁག་གསུམ་གྱི་རྒྱལ་པོ་སོགས་ཀྱི་སྔོན་རྗེས་སུ་ཡོན་བདག་བགྱིས་ཏེ་དགོན་པའི་བཤད་སྒྲུབ་འཛུགས་རྟེན་དང་ཚོགས་པའི་གཏོང་སྒོ་སོགས་ལ་མཐུན་རྐྱེན་ལེགས་པར་བསྒྲུབས། གཞན་ཡང་དགོན་པའི་བསྟན་བདག་རིམ་བྱོན་གྱི་འགན་བཞེས་འོགདགོན་པའི་ལྷ་སྡེ་ཡོངས་ཀྱི་མཆོད་ཐེབས་སྤེལ་བའི་སྲོལ་ཡང་ཡོད་པར་ངེས་སོ།།

དེང་གི་གནས་ཚུལ་ནི་ངོ་རྒོལ་བཞི་པ་དང་རིག་གནས་གསར་བརྗེ་ཞེས་པའི་སྐབས་བོད་ཁམས་ཕལ་མོ་ཆེ་དང་མཚུངས་པའི་བཤད་སྒྲབ་ཀྱི་རྣམ་པ་སྟོང་ཞིང་གཙུག་ལག་ཁང་གྲྭ་ཤག་དང་བཅས་པ་མིང་གི་ལྷག་མར་གྱུར། རིན་ཐང་ཞལ་དུ་དཀའ་བའི་གནའ་རྫས་རིག་དངོས་མཐའ་དག་གོང་ལེན་དང་གཏོར་བརླགས་སོང་ཚར། དེང་དུས་བཟང་གི་ཉི་གཞོན་སྤྲིན་གསེབ་ནས་ཤར་མ་ཐག་སྙིགས་དུས་བསྟན་པའི་སྒྲོན་མེ་ཚ་སྤྲུལ་པདྨ་རྡོ་རྗེའི་སྤྲུལ་པའི་རྣམ་རོལ་ཏུ་གྲགས་པའི་པདྨ་ཐེག་མཆོག་བསྟན་པའི་རྒྱལ་མཚན་དང་ཀློང་སྤྲུལ་རིག་འཛིན་འཇའ་ལུས་སྤྲུལ་སྐུ་ཀློང་ཡངས། མཆོག་སྤྲུལ་འཇིགས་མེད་འོད་གསལ་སོགས་ཀྱིས་གངས་ལྗོངས་རྒྱལ་བསྟན་ཉམས་གསོ་བྱེད་ཆོག་པའི་སྐབས། རྡོ་གྲུབ་ཆེན་དོན་གསང་ཆེན་དངོས་གྲུབ་དཔལ་འབར་གླིང་གི་གཙུག་ལག་ཁང་རྟེན་དང་བརྟེན་པ་བཅས་བཞེངས་ནས་རྒྱལ་བསྟན་མར་མེ་སྣུམ་ཟད་ལྟ་བུར་ཉམས་གསོ་ལགས་པར་མཛད་དེ་འོད་གསལ་རྫོགས་པ་ཆེན་པོ་གསང་བ་སྙིང་ཐིག་གི་བཀའ་གཏེར་ཆོས་ཀྱི་རྒྱུན་སྲོལ་མ་ལུས་ཉམས་པ་སླར་གསོ་དང་མ་ཉམས་གོང་འཕེལ་གཏོང་བ་སོགས་ཕྱོགས་གང་ཐད་ནས་མཛད་རྗེས་ཆེན་པོ་གནང་བཞིན་བཞུགས་པ་མ་ཟད་ཀློང་སྤྲུལ་རིག་འཛིན་འཇའ་ལུས་རྡོ་རྗེ་བོད་ཀྱི་སྒྱུ་རྩལ་རྨད་བྱུང་རྣམ་ཐར་སྣ་ཚོགས་ཀྱི་འཁྲབ་གཞུང་གསར་བཞག་བྱས་པ་དེ་སླར་ཡང་བསྐྱར་གསོ་མཛད་པ་སོགས་དགེ་འདུན་པ་ཡོངས་རྫོགས་ཀྱི་ཐུགས་མཐུན་ཁྲིམས་གཙང་གི་སྒོ་ནས་མོས་མཐུན་གྱི་མཛད་སྤྱོད་ཁོ་ནར་འབད་འབུངས་བྱེད་བཞིན་པ་ལགས་སོ། ཞེས་པའང་ཆོས་སྡེ་འདི་ཉིད་ཀྱི་སྨིན་གྲོལ་བདུད་རྩིའི་རྒྱ་མཚོ་ལ་ལོངས་སྤྱོད་པའི་སྐལ་བཟང་ཐོབ་པ་དགུང་ལོས་སྡུད་བསྒྲིགས་བྱས་པ་བཀྲ་ཤིས།

ས་མིང་ཚིག་མཛོད་མིག་བཤར།

[page 339] དེ་ཡང་སྙན་ལུང་དགོན་ཞེས་བྱ་བ་རབ་བྱུང་བཅུ་གསུམ་པའི་མེ་སྦྲུལ་（སྤྱི་ལོ་༡༧༩༧）ལ་བུ་ཆུང་བླ་མ་གསང་སྔགས་བྱ་བ་སྤྱིར་དམ་པའི་ཡོན་ཏན་དུ་མ་དང་ལྡན་པ། དེ་ཉིད་ནི་ཆོས་སྡེ་འདི་ཐོག་མར་ཕྱག་འདེབས་མཛད་པ་པོ་ཡིན་ནོ། དེ་རྗེས་རབ་བྱུང་བཅོ་ལྔ་བའི་ཐོག་མ་མེ་ཡོས་ལོའི་མགོ་ཚ་མཆོག་སྤྲུལ་རིན་པོ་ཆེའི་དགོན་པ་འདི་སྡེ་འཕྲུལ་དུ་གནས་སྤོས་མཛད་ན་དགེ་མཚན་དུ་མ་ལྡན་ཚུལ་གྱི་འབྱུང་འགྱུར་ལུང་བསྟན་པ་ལྟར་གྲྭ་སྡེ་ཡོངས་རྫོགས་ཀྱིས་དང་ལེན་མཛད་ནས་གཙུག་ལག་ཁང་གསར་བཞེངས་དང་། གྲྭ་ཁང་ཡང་ཉི་ཤུ་ཙམ་གྲུབ། དུས་མཆོད་དང་བཅའ་ཡིག་སོགས་གསར་འཇོག་བྱས་ནས་ཅུང་ཟད་ཡར་རྒྱས་དང་གོང་འཕེལ་དུ་འགྲོ་བའི་སྐབས་བླ་གྲྭ་ཆེ་ཤོས་འགའ་ཐུགས་གྲོས་མ་མཐུན་པའི་རྐྱེན་གྱིས་དགོན་པ་ཕྱོགས་གཉིས་སུ་གྱུར་ཏེ་འཐོར་ལ་ཉེ་བའི་སྐབས་སུ་ཀཿཐོག་རྨོག་སྤྲུལ་ཕྱོགས་ཀྱི་གླང་པོས་བཀའ་ཡིག་འབྱོར་ཏེ་དགོན་པ་སྤོ་མི་ཆོག་པ་དང་བསྟན་པའི་བདག་པོ་གཞུ་ཆེན་མཁར་དམར་གླིང་གི་བླ་སྤྲུལ་གང་རུང་རེས་བྱེད་དགོས་པའི་བཀའ་ནན་བཟློག་མེད་བརྩལ་བས་མངའ་བདག་ཉང་གི་གདུང་རིགས་གདུང་རབས་ཞེ་དགུའི་བར་གྲུབ་ཐོབ་བར་མ་ཆད་དུ་བྱོན་པའི་གདུང་སྲས་གཞུ་ཆེན་ནམ་སྤྲུལ་འཇིགས་མེད་འོད་གསལ་རྡོ་རྗེ་བྱོན་ནས་སྔ་གྱི་དགོན་གནས་རང་སོར་བཞག་སྟེ་གཞུ་ཆེན་སྐྱབས་མགོན་རིག་འཛིན་འཇམ་དཔལ་རྡོ་རྗེ་ཆེད་དུ་གདན་དྲངས་ཁོང་རྣམ་གཉིས་ཀྱི་དགོན་པའི་བསྟན་བདག་གི་འགན་ཡུན་རིང་དུ་བཞེས་ནས་མཛད་རྗེས་བླ་ན་མེད་པ་བཞགརིག་འཛིན་བདུད་འདུལ་རྡོ་རྗེ་དང་ཀློང་གསལ་སྙིང་པོ་གཉིས་ཀྱི་ཟབ་གཏེར་གྱི་གཙོས་སྔ་འགྱུར་རིག་འཛིན་བརྒྱུད་པའི་བཀའ་སྲོལ་གྱི་རྒྱུན་སྤེལ་ཏེ་རྒྱལ་བའི་བསྟན་པ་རིན་པོ་ཆེ་བཤད་སྒྲུབ་ལས་གསུམ་གྱིས་བསྐྱངས་བས་དར་རྒྱས་ཆེན་པོ་བྱུང་བ་ཡིན་ནོ།། དེ་ནས་བཟུང་གཞུ་ཆེན་དང་སྟག་རྩེ་གང་རུང་གིས་བླ་སྤྲུལ་རེས་མོ་མཛད་ནས་དགོན་འདིར་བཞུགས་ཏེ་བསྟན་དགོན་སྐྱོང་བའི་བཀའ་དྲིན་བསམ་བརྗོད་ལས་འདས་པར་གྱུར། གཞན་ཡང་བུ་ཆུང་བླ་ན་སངས་རྒྱས་རྒྱ་མཚོ་དང་ཨ་སྐྱབས་མཁན་པོ་འཇིགས་མེད་སོགས་ཀྱིས་བཤད་པ་དང་སྒྲུབ་པའི་སྒོ་ནས་བསྟན་དགོན་ཡུན་རིང་པོར་བསྐྱངས་པས་བླ་གྲྭ་ཀུན་ཐུགས་ཡིད་གཅིག་འདྲེས་སུ་གྱུར། དེ་ནས་བཟུང་ཕན་ཚུན་མི་མཐུན་པའི་བསམ་སྦྱོར་ངང་གིས་ཞི་ནས་རྒྱལ་བ་ཀཿཐོག་པའི་རིང་ལུགས་དྲི་མ་མེད་པའི་བཤད་སྒྲུབ་ཀྱི་རྒྱུན་བསྐྱང་བའི་སྲོལ་བཟང་ད་ལྟའི་བར་གནས་སོ།། རབ་བྱུང་བཅུ་དྲུག་པའི་ཉག་མ་བཅུ་དགུ་པ་ས་སྐྱོང་ཞེས་པ་ཤིང་བྱའི་གནམ་ལོ་གསར་ཚེས་ཀྱི་སྐབས། གསང་བདག་དཔའ་བོ་ཆོས་དབྱིངས་རྡོ་རྗེ་དགོན་གནས་འདིར་ཕེབས་ནས་ལོ་གསར་གྱི་དུས་སྟོན་ལ་རོལ་ཏེ་ཐུགས་ཤིན་ཏུ་མཉེས་པའི་ཚུལ་བསྟན་སླད་ནས་བསྟན་འགྲོའི་དོན་ཆེན་འགྲུབ་པའི་རྟེན་འབྲེལ་དུ་གཟིམས་གུར་མལ་ཆས་བཅས་བཞག་ནས་རང་ཡུལ་དུ་ཕེབས་པས་དེང་སང་རྗེ་[page 340] འདིའི་གསང་གསུམ་གྱི་ཕྲིན་ལས་གནས་འདིར་ཆེས་དར་བར་མཆིས་སོ། རྦ་བྱུང་བཅུ་དྲུག་པའི་ཉག་མ་སུམ་ཅུ་པ་གདོང་ངན་ཞེས་པ་མེ་སྤྲེལ་（སྤྱི་ལོ༡༩༥༦）ལ་རྡོ་གྲུབ་རིན་པོ་ཆེ་རིག་འཛིན་འཇའ་ལུས་རྡོ་རྗེའམ་མཚན་ཡོངས་གྲགས་ལ་རྡོ་གྲུབ་རིག་ལོ་དགོན་འདིར་བྱོན་ནས་བཀྲ་ཤིས་པའི་རྫས་མཆོག་རྙེད་དཀའ་བ་དང་དཀར་གཡས་འཁྱིལ་གྱི་མཚོན་སྐུ་གསུང་ཐུགས་རྟེན་དང་ཕྱག་རྫས་དུ་མ་གནང་ནས་མྱུར་དུ་བདུད་པ་མཆོད་རྟེན་ཞིག་བཞེངས་ན་མ་འོངས་པ་ན་བསྟན་འགྲོའི་དོན་རླབས་ཆེན་འབྱུང་བར་ལུང་བསྟན་པ་ལྟར་བུ་ཆུང་རུ་གསར་མའི་གྲྭ་འབངས་ཡོངས་རྫོགས་དང་སྙན་དགོན་གྱི་བླ་གྲྭ་ཀུན་གྱིས་དང་ལེན་མཛད་ནས་བདུད་འདུལ་མཆོད་རྟེན་ཆེ་ཆུང་གཉིས་ངོ་མཚར་བའི་ལྟས་དུ་མ་དང་བཅས་ཏེ་ལེགས་གྲུབ་བྱུང་། དེ་རྗེས་གཞུ་ཆེན་བཻ་རོ་མི་འགྱུར་ཡེ་ཤེས་རྡོ་རྗེ་དང་གཞུ་ཆེན་སྤྲུལ་སྐུ་ཀུན་བཟང་ཉི་མ་གཉིས་ནས་འདིར་བྱོན་ནས་རྒྱལ་བསྟན་གྱི་སྙིང་པོ་བཤད་སྒྲུབ་གཉིས་ལ་འདུས་པར་གཟིགས་ནས་བཤད་གྲྭ་དང་སྒྲུབ་གྲྭ་གསར་འཇོག་གནང་ནས་རྒྱལ་བསྟན་གྱི་བ་དན་ལྷབ་ལྷུབ་ཏུ་གཡོ་བཞིན་དུས་འགྱུར་བར་དུ་གནས་སོ།།

རྒྱུན་འཇགས་དུས་མཆོད་ཀྱི་རིམ་པ་ནི་ལོ་གཅིག་ལ། སྙུང་གནས་ཞག་བརྒྱད། རྡོར་སེམས་ཟླ་སྒྲུབ། སྒྲོལ་མའི་དུས་མཆོད། དབྱར་གནས་ཟླ་བ་གཅིག་དང་ཕྱེད། བདེ་ཆེན་ཞིང་སྒྲུབ་ཉིན་བཅོ་ལྔ། དགུན་ཆོས་ཞག་བརྒྱ། བདུད་འདུལ་གྱི་ཕུར་པ་དགུ་སྒྲུབ། དད་ལྡན་སེར་སྐྱ་ཐུན་མོངས་ལ་མ་ཎི་ཞག་བརྒྱ་བཅས་ཡུན་རིང་གི་བར་རྒྱུན་འཇགས་སུ་གྱུར་རོ།། ཆོས་སྡེ་འདིའི་སྒྲིག་སྲོལ་གྱི་གཙོ་བོ་ནི་སྔོན་བྱོན་རིག་འཛིན་བརྒྱུད་པའི་ཕྱག་སྲོལ་དང་མཐུན་པར་རབ་ཏུ་བྱུང་བ་རྣམས་ཀྱིས་དམ་ཆོས་འདུལ་བ་དང་མཐུན་པར་ཚུལ་ཁྲིམས་རྣམ་པར་དག་པའི་གཞི་བཟུང་སྟེ་སྤོང་ཀློག་གི་བྱ་ལ་གཞོལ་བ་དང་། སྔགས་པ་རྣམས་ཀྱིས་སྒོ་གསུམ་དཀྱིལ་འཁོར་གསུམ་གྱི་འཁྱེར་སོ་ལས་མི་འདའ་བ་དང་། འབྲིང་བསྐྱེད་རིམ་གྱི་གནས་དང་མ་བྲལ་བའི་སྒོ་ནས་བསྙེན་བསྒྲུབ་ལས་གསུམ་ལ་འབད་ནས་གྲུབ་རྟགས་མངོན་དུ་གྱུར་བ་དང་། ཐ་ན་ཡང་དགེ་སྡིག་གི་ལས་འབྲས་ཁྱད་དུ་མི་གསོད་པར་སྤང་བླང་གི་རྣམ་བཞག་ལ་ཐུགས་གཟབ་མཛད་ནས་དགེ་སྒྲུབ་སྡིག་སྤངས་བགྱིས་ཏེ་སྔ་འགྱུར་ཆོས་སྡེ་ཆེན་པོ་ཀ་ཐོག་པའི་བདུད་ཀློང་རྣམ་གཉིས་ཀྱི་ཟབ་གཏེར་གྱི་གཙོས་འབྲེལ་ཡོད་སྒྲུབ་སྡེ་རྣམས་དམ་པ་གོང་མའི་ཕྱག་བཞེས་ཀྱི་ཟུར་ཙམ་ཡང་མ་ཉམས་པར་འབུད་བརྡུང་བཀྲོལ་གསུམ་གར་དབྱངས་བཅའ་རྒྱུད་དང་མཐུན་པས་ཁུངས་དང་ལྡན་པ། སྤུས་ལྡན་སྒྲོས་གཙང་བས་ཀུན་གྱི་དང་པ་འདྲེན་པ་དང་། མདོར་ན་འདུས་སྡེ་རྣམས་ཐུགས་མཐུན་ཁྲིམས་གཙང་གི་ངང་ནས་རྒྱལ་བསྟན་འཁོར་ལོ་གསུམ་གྱི་ཕྲིན་ལས་མི་ནུབ་པར་ཡུན་རིང་དུ་གནས་པའི་ཐབས་བཟང་ལ་འབད་དགོས་པ་བཅས་སོ། ད་ནི་སྙན་དགོན་དང་གཞུ་ཆེན་སོགས་ཀྱི་བླ་སྤྲུལ་རྣམས་ཀྱིས་སྐྱེ་རྒུའི་བསོད་ནམས་བསགས་པའི་རྟེན་དུ་བཞེངས་པའི་སྐུ་གསུང་ཐུགས་རྟེན་དང་དགོན་པའི་རྒྱན་ཆས་སོགས་རྣམ་གྲངས་རགས་ཙམ་བཀོད་ན། ལྷ་ཁང་ཆེ་ཆུང་གཉིས་འདུ་ཁང་གཅིགགྲྭ་ཁང་སུམ་ཅུ་ཙམ། རྒྱལ་བའི་བཀའ་འགྱུར་རིན་པོ་ཆེ་དང་དེའི་དགོངས་འགྲེལ་གྱི་བསྟན་འགྱུར། རྙིང་མ་རྒྱུད་འབུམ་དང་མཛོད་བདུན་[page 341] ཡ་བཞི་སྒྲུབ་ཡིག་སྣ་མང་བཅས་པོད་ལྔ་བརྒྱ་ལྷག་དང་། རྟེན་གཙོ་ཐུབ་པ་གཙོ་འཁོར་དང་། མཁན་སློབ་ཆོས་གསུམ། མཆོད་རྟེན་དང་དུང་འཁོར། བཟོ་རྩལ་མཛེས་ཁྱད་གཞན་གྱིས་འགྲན་དཀའ་བའི་ཐང་ཁ་བཅུ་ཕྲག་འགའ་དང་། དུང་གླིང་རྔ་རོལ་སྦུབ་ཆལ་སོགས་དང་དར་གདུགས་རྒྱལ་མཚན་སོགས་དུ་མ་ཞིག་དང་དགེ་འདུན་པའི་ཞལ་གྲངས་ཀྱང་བཅུ་ཕྲག་དགུ་ལ་ཉེ་བར་སླེབས་མཚམས་སུ་སྤྱི་མཐུན་ལས་ཀྱི་ཡོ་ལང་གིས་རྟེན་དང་བརྟེན་པའི་རིག་དངོས་མཐའ་དག་མི་མངོན་པའི་དབྱིངས་སུ་རྒྱས་བཏབ་སྟེ་མིང་གི་ལྷག་མར་བྱས་ཏེ་ལྷ་ཁང་དང་གྲྭ་ཤག་ཞིག་རལ་དུ་གྱུར་ནས་བགྲང་བྱ་སུམ་ཅུའི་ཡུན་ལ་ཕུག་རོན་དང་ལྕོང་ཀའི་སྡོད་གནས་སུ་གྱུར་ཏོ། དེ་ནས་རབ་བྱུང་བཅུ་དྲུག་པའི་དྲག་པོ་ཞེས་པ་ལྕགས་སྤྲེལ་（༡༩༨༠）ནས་གངས་ལྗོངས་ཀྱི་ཁྱོན་ཡོངས་ལ་ཆོས་དད་རང་མོས་ཀྱི་ཇུས་བཟང་རབ་སྙན་དབྱར་རྔའི་ང་རོ་བསྒྲགས་པ་དང་དུས་མཚུངས་སུ་གཞུ་ཆེན་ནམ་སྤྲུལ་འཇིགས་མེད་འོད་གསལ་རྡོ་རྗེའི་ཡང་སྲིད་མཆོག་སྤྲུལ་འཇིགས་མེད་ཕུན་ཚོགས་དང་། ཨ་ཕང་གཏེར་ཆེན་ཆོས་དབྱིངས་རྡོ་རྗེའི་གདུང་རིགས་ཀྱི་མྱུ་གུ་ཟབ་གཏེར་རྒྱ་མཚོའི་ལྡེའུ་མིག་ཊཱཀྐིའི་གཙོ་བོ་ཏ་རེ་ལྷ་མོ། གནུབས་གཟུར་བླ་མ་གསར་སྔགས་སྒྲུབ་མཆོག་གི་སྤྲུལ་སྐུ་ཟབ་ལམ་རྫོགས་ཆེན་གྱི་རྣལ་འབྱོར་བ་མཁན་ཆེན་བློ་གྲོས་ཀྱི་དངོས་སློབ་གཙོ་བོ་མཁྱེན་སྤྲུལ་རིག་འཛིན་ཉི་མ་བཅས་ཀྱིས་གཙོ་འགན་བཞེས་པའི་བདག་རྐྱེན་དང་། བུ་ཆུང་རུ་གསར་མའི་དད་ལྡན་མང་ཚོགས་ཀྱི་མཐུན་རྐྱེན་དང་ཞབས་ཏོག་མི་དམན་པ་ལ་བརྟེན་ནས་འདུ་ཁང་ཆེན་མོ་གཅིག་དང་། ལྷ་ཁང་ཆུང་བ་གཅིགརྟེན་གཙོ་ཟངས་གསེར་གྱི་ཨོ་རྒྱན་སྐུ་བརྙན་སྤྱི་ཁྲི་གཅིག་ལྷག་ཙམ་དང་གཞན་སྨན་འདམ་གྱི་སྐུ་རྟེན་དུ་མ་དང་ལི་མ་དང་གཏེར་མའི་རིགས་ཀྱི་གསེར་སྐུ་བཅུ་ཕྲག་འགའ་ལྷག་དང་ལི་གསར་གྱི་གསེར་སྐུ་ཅི་མང་ཐང་ཁ་གསར་རྙིང་གི་རིགས་བཅུ་ཕྲག་ལྔ་ཙམ་དང་། རྒྱལ་བའི་བཀའ་འགྱུར་དང་བསྟན་འགྱུར་རིན་ཆེན་གཏེར་མཛོད། སྔ་འགྱུར་བཀའ་མའི་སྐོར། གཏེར་ཁ་གསར་རྙིང་དུ་མའི་རྒྱུད་ཡིག་དང་སྒྲུབ་ཡིག་བཅས་མདོར་ན་པོ་ཏི་ཆིག་སྟོང་ལྷག་ཙམ་དང་། རྒྱུ་གསེར་དངུལ་ལ་རིན་ཆེན་གཟི་བྱུར་གྱི་ཕྲ་ཚོམ་གྱིས་སྤྲས་པའི་མཆོད་རྟེན་ཆེ་ཆུང་བཅོ་ལྔ། དུང་འཁོར་ཁང་ཆེ་ཆུང་བཞི། དུང་གླིང་སོགས་རོལ་མོ་ཆ་བཞི་ཙམ་གྲུབ་ནས་བླ་གྲྭ་བཅུ་ཕྲག་ལྷག་གིས་སྔར་གྱི་དུས་མཆོད་རྣམས་དང་རི་ཁྲོད་བཤད་གྲྭ་སྒྲུབ་གྲྭ་བཅས་བཙུགས་ཟིན་པར་མ་ཟད་ལྕགས་གཏེར་ཀུན་བཟང་ཉི་མའི་གདུང་སྲས་མཆོག་སྤྲུལ་པདམ་ཐེག་ལོའི་ཕྲིན་ལས་ཉི་གཞོན་གསར་བའི་འཛུམ་རླབས་ཀྱི་མཐུས་དགྲ་བླའི་རྒྱལ་པོ་གེ་སར་ནོར་བུ་དགྲ་འདུལ་གྱི་རྟོགས་བརྗོད་རྟ་རྒྱུག་ནོར་བུ་ཆ་བདུན་དང་མངའ་རིའི་གསེར་རྫོང་རིང་མོ་བཅས་ཀྱི་རྣམ་ཐར་ཟློས་གར་ཚོགས་པ་གསར་འཛུགས་བྱས་ཏེ་རྒྱན་ཆས་དང་ཡོ་སྤྱད་རྣམས་ཀྱང་རིན་ཐང་ལྡན་ལ་སྤུས་གཙང་བ་འཁྲབ་མཁན་རྣམས་གར་དགུའི་ཉམས་འགྱུར་དང་ལྡན་པ་སོགས་མདོར་ན་གསེར་ལྗོངས་མི་དམངས་ཀྱིས་བསྔགས་བརྗོད་ཀྱི་མེ་ཏོག་འཐོར་བཞིན་པའི་སྐབས་ལགས། ཅེས་སྙན་ལུང་ཐེག་ཆེན་ཆོས་འཁོར་གླིང་གི་མཛད་རྣམ་མདོར་བསྡུས་སུ་བཀོད་པ་ནི་ཁམས་གནུབས་རིགས་ཀྱི་རྒྱུད་དུ་སྐྱེས་པའི་ཆོས་གཟུགས་འཆང་བ་དཀོན་མཆོག་[page 342] བཀྲ་ཤིས་ཀྱིས་ཕྲལ་བྲིས་བགྱིས་པ་དགེ་གྱུར་ཅིག

ས་མིང་ཚིག་མཛོད་མིག་བཤར།

བོད་རབ་བྱུང་བཅུ་གསུམ་པའི་དཀྱིལ་ཙམ་དུ་བྱ་བཏང་རྣལ་འབྱོར་བའི་ཐར་ལམ་འཚོལ་སའི་སྒྲུབ་སྒར་（སྦྲ་གར་ཡིན་པ་）ཞིག་ཐོག་མར་ཕྱག་བཏབ་ཡོད་པར་ངེས། དེ་ལྟར་སྒྲུབ་སྒར་（སྦྲ་གར་）དེ་ཐོག་མར་ཕྱག་འདེབས་པ་པོ་ནི། བག་འ་བླ་མ་མདོ་སྔགས་ཡིན། ཁོང་ས་ཆ་ངེས་མེད་དུ་གྲྭ་སར་བྱོན་ནས་སྔ་འགྱུར་བསྟན་པའི་སྒྲོན་མེ་འཇུ་མི་ཕམ་འཇམ་དབྱངས་རྣམ་རྒྱལ་རྒྱ་མཚོ་སོགས་མཁས་གྲུབ་ཀྱི་བླ་མ་དུ་མའི་ཞབས་ཀྱི་པདྨོ་སྤྱི་གཙུག་ཏུ་བླངས་ཏེ། སྔ་འགྱུར་རྡོ་རྗེ་ཐེག་པའི་ཆོས་སྐོར་མདོ་སྔགས་ལམ་གྱི་རིམ་པར་བརྩོན་པ་ལྷུར་བླངས་ཏེགངས་ལྗོངས་མཁས་གྲུབ་གཉིས་ལྡན་གྱི་སྐྱེས་ཆེན་འབུམ་ཕྲག་དུ་མ་བཞུགས་པའི་གྲལ་མཐའ་སོན་པར་མཛད། སྟོང་ཟའི་ཨ་བོས་རྣམ་རྒྱལ་དང་ཨ་བོས་འཕན་ཁོ་སོགས་ཀྱིས་མཆོད་གནས་སུ་བཀུར་ཏེ། སྒྲུབ་སྒར་（སྦྲ་སྒར་）ཞིག་འདེབས་དགོས་པའི་བསྐུལ་མ་ཡང་ཡང་ཕུལ་བ་དང་ཡོན་བདག་གི་མཐུན་རྐྱེན་སྤེལ་བ་སོགས་སྔོན་འགྲོའི་ཆ་རྐྱེན་སྦྱར་བར་བརྟེན་ནས། ཐོག་མར་སྒྲུབ་སྒར་（སྦྲ་སྒར་）ཞིག་ཕྱག་བཏབ་པར་མཛད་དེ། སྒོམ་སྒྲུབ་ཁོ་ནར་ཕྱག་བཞེས་གཙོ་བོ་མཛད་པའི་སྒྲུབ་བསྟན་གཏིང་ཚུགས་པར་སྤེལ། དེ་རྗེས་སྟོང་ཟ་སྡེ་བའི་ཡོན་བདག་གི་འབྱོར་བ་ཕུན་སུམ་ཇེ་ཚོགས་སུ་སོང་སྟབས། སྒྲུབ་སྒར་（སྦྲ་སྒར་）དེ་ཇེ་རྒྱས་སུ་སོང་། རིམ་བཞིན་ཁང་བརྩེགས་མཆོད་རྟེན་དང་འཁོར་ཁང་སོགས་ལུས་ཅན་བསོད་ནམས་བསགས་པའི་རྟེན་སྐལ་དུ་བཞེངས་པར་མཛད། དེ་ནས་རིམ་བཞིན་འདུས་སྡེ་ཇེ་མང་དུ་སོང་ནས་དུས་མཆོད་ཚོགས་པའི་སྲོལ་བཙུགས་ཏེ། བོད་རབ་བྱུང་བཅུ་བཞི་པའི་མཇུག་ཏུ་བག་འ་བླ་མ་མདོ་སྔགས་དང་རྒྱམ་ཤེས་བླ་མ་ཆོས་འཕེལ་སོགས་ཀྱིས་གཙོ་འགན་ཐུགས་ཉམས་སུ་བཞེས་ཏེ། རྣམ་རྒྱལ་འབུམ་ལུང་དགོན་པའི་འདུ་ཁང་རྟེན་དང་བརྟེན་པ་གསར་བཞེངས་མཛད། སྐབས་དེར་ཨ་བོས་རྣམ་རྒྱལ་གྱིས་འབུམ་ཞིག་རྡོ་ལ་བརྐོས་ནས་ལུང་པ་དེའི་མདོ་རུ་བཞག་པས་འབུམ་ལུང་དགོན་ཞེས་གྲགས་པ་ཡིན། དགོན་པ་དེར་མཚན་གཞན་ཐུབ་བསྟན་པདམོ་བཞད་པའི་དགའ་ཚལ་ལྷག་བསམ་ནོར་བུའི་འཁྲི་ཤིང་གླིང་ཞེས་བཤད་སྲོལ་མཆིས་སོ།

དེ་ནས་སྤྲུལ་སྐུ་སྐུ་ཕྲེང་རིམ་བྱོན་གདན་ས་བསྐྱང་ཚུལ་རགས་བསྡུས་ཤིག་འགོད་པ་ལ། དགོན་པའི་གདན་རབས་དང་པོ་བག་འ་བླ་མ་དགུང་ལོ་བགྲེས་པོར་གྱུར་བའི་སྐབས་ཁོང་གིས་རྒྱམ་ཤུལ་བླ་མ་ཆོས་འཕེལ་དང་དགེ་བསྐོས་བླ་མ་ཚེ་རིང་རྣམ་གཉིས་ལ་བསྟན་པ་གཏད་ཅིང་གདན་རབས་འཛིན་པར་མངའ་གསོལ། ཁོང་རྣམ་གཉིས་ཀྱིས་གདན་སར་བསྐྱངས་ཏེ་དགོན་པ་དེར་དུས་མཆོད་འགའ་གསར་དུ་བཙུགས་པའི་སྲོལ་རྒྱུན་སྤེལ་བ་སོགས་མཛད་འཕྲིན་རབ་ཏུ་རྒྱས། དེའི་རྗེས་སུ་སྟོང་ཟ་འགྱུར་མེད་བདེ་ཆེན་དང་[page 343] བག་འ་བླ་མའི་ཡང་སྲིད་སྐྱེ་ཕྲེང་གཉིས་པ་ཐུབ་བསྟན་མཁྱེན་རབ་འོད་ཟེར། བསོད་རིག་སོགས་ཀྱིས་གདན་སར་རེས་མོས་སུ་བསྐྱངས་པའི་སྐབས་སུ་གཞི་ཆེན་མ་འདས་སྤྲུལ་སྐུ་བློ་བཟང་དྲི་མེད་བསྟན་འཛིན་སྐུ་འཁོར་ཞབས་འབྲང་དང་བཅས་པ་ས་དེར་ཆིབས་ཁ་བསྒྱུར་བར། སྐྱབས་རྗེ་དམ་པ་དེ་ཉིད་ཀྱིས་འབུམ་ལུང་དགོན་པར་པདྨ་འོད་འབར་གྱི་ཚེས་བཅུ་དང་ཐུགས་རྗེ་ཆེན་པོའི་ལོ་སྒྲུབ་སོགས་གསར་དུ་བཙུགས་པ་ནས་བཟུང་། རྣམ་རྒྱལ་འབུམ་ལུང་དགོན་པའི་ཆོ་གའི་ཕྱག་བཞེས་ཕལ་ཆེར་རིམ་བཞིན་ཀཿཐོག་དགོན་པའི་ཆོས་རྒྱུད་ལས་མཆེད་པའི་རགས་བཀྲམ་དགོན་པའི་ཕྱག་བཞེས་ལྟར་གྱུར་བ་མ་ཟད། དགོན་མགོ་རགས་བཀྲམ་བྱམས་པ་གླིང་ལ་ཕུལ་（འབུམ་ལུང་དགོན་པའི་གྲྭ་ས་རགས་བཀྲམ་དུ་འགྲོ་བའི་སྲོལ་ཆགས་ཡོད་པ་རེད）བས་རགས་བཀྲམ་དགོན་པའི་བུ་དགོན་དུ་གྱུར། གཞན་ཡང་དགོན་པ་དེར་གྲུབ་པའི་དབང་ཕྱུག་ཨ་འདྲེས་མཐའ་ཡས་དང་བླ་མ་པད་རྡོར། བླ་མ་སུམ་བསྲུང་། ཞིང་ལྷའི་བླ་མ་བརྩོན་འགྲུས། བླ་མ་འཇིགས་བསོ། འབར་རེས་བླ་མ་པདམ། སྟོང་ཟའི་བླ་མ་མཐུ་སྟོབས། བླ་མ་ཆོས་འཁོར། སྟོང་ཟའི་བླ་མ་ཁྲོ་ཚང་། སྤྲུལ་སྐུ་དཔལ་ལྡན། བླ་མ་དྲི་དབང་། བླ་མ་སྟོབས་ལྡན་སོགས་མུ་ཏིག་བསྟར་ལ་བརྒྱས་འདྲ་བྱོན་ཞིང་གདན་རབས་གོང་མའི་ཕྱག་སྲོལ་མ་ལུས་མུ་མཐུས་ཇེ་རྒྱས་སུ་སྤེལ་བའི་འཕྲིན་ལས་མཐར་ཆགས་སུ་མཛད་ཡོད་པར་ངེས་སོ། དེ་ཡང་དགོན་པ་དེ་ཆགས་ནས་བགྲང་ཆ་ཉག་མ་དེ་དག་གི་རིང་ལ་སྤྲུལ་སྐུ་སྐྱེ་ཕྲེང་རིམ་བྱོན་དང་བླ་རབས་རིམ་བྱོན་གྱིས་བཞེངས་པའི་རྟེན་བརྟེན་པ་དང་ཚེས་དུས་མཆོད། ཡོན་གྱི་འབྱུང་ཁུངས། ཡུལ་དགོན་གཞན་དང་འབྲེལ་ཚུལ་སོགས་རགས་རིམ་ཞིག་འགོད་ན། འདུ་ཁང་གཅིག་དང་དཔེ་མཛོད་ཁང་གཅིག་སྒྲུབ་གྲྭ་ཁང་གཅིགགྲྭ་ཤག་བཞི་བཅུ་ལྷག་ཙམ། མཆོད་རྟེན་ཆེ་ཆུང་ལྔ། དུང་འཁོར་གསུམ། ཁང་བརྩེགས་མཆོད་རྟེན་གཅིག་སོགས་མཆིས་སོ། ནང་རྟེན་སྐོར་ལ་སངས་རྒྱས་འོད་སྲུང་གི་ཚེམས་དང་ཤཱཀྱ་ཐུབ་པའི་རིང་བསྲེལ་སོགས་ཀྱི་ཟུང་འཇུག་བྱས་ཡོད་པའི་གསེར་ཟངས་ལས་གྲུབ་པའི་རྗེ་བཙུན་བྱམས་པ་མགོན་པོའི་སྐུ་ལུས་ཚད་མ་གཅིག་དང་། སྟོན་པ་གཙོ་འཁོར་གསུམ། ཛམ་ལྷ་སོགས་ཀྱི་ལི་མ་དང་གཏེར་མའི་གཏེར་སྐུ་འགའ་བཞུགས་པ། རྒྱུ་འཇིམ་བཟོ་ལས་གྲུབ་པའི་གུ་རུ་སྣང་སྲིད་ཟིལ་གནོན་མ། ཐུགས་རྗེ་ཆེན་པོ་（ཕྱག་བཞི་པ་）རྡོ་རྗེ་སེམས་དཔའ། རྣམ་རྒྱལ་མ། གྲུབ་ཆེན་ཐང་སྟོང་རྒྱལ་པོ། ཆོས་སྐྱོང་གི་ལྷ་ཚོགས་མང་དུ་བཞུགས་པ་དང་། གཞན་ཡང་སྔོན་གྱི་བྲིས་རྙིང་དང་གསེར་དངུལ་གྱིས་བྲིས་པའི་བདེ་ཆེན་ཞིང་ཐང་དང་ཉེ་བའི་སྲས་བརྒྱད། རྡོར་སེམས། སྟོང་ཐང་། གུ་རུ་མཚན་བརྒྱད་ཀྱི་གསེར་ཐང་སོགས་མཆིས་སོ། གསུང་རྟེན་སྐོར་ལ་གསེར་བྲིས་ཀྱི་བཀའ་བསྟན་བཅོས་དང་གསེར་འོད་ས་བཅུ་མ། གཟུངས་འདུས། སོགས་དང་སྣག་བྲིས་ཀྱི་རྙིང་མ་རྒྱུད་འབུམ། རིན་ཆེན་གཏེར་མཛོད། གསང་སྔགས་རྒྱུད་ཀྱི་གཞུང་སྣ་ཚོགས་སོགས་མང་དུ་བཞུགས་སོ། མཆོད་ཆའི་སྐོར་ལ་སྦུ་ཆལ་དང་འཁར་རྔ། དུང་། རྒྱ་གླིང་། གདུགས་འཕན་རྒྱལ་མཚན་དང་། གོས་ཆེན་འཐག་བཟོ་ལས་གྲུབ་པའི་མཆོད་པའི་ལྷ་མོ་བཅུ་[page 344] དྲུག་དང་རྒྱལ་སྲིད་སྣ་བདུན། བཀྲ་ཤིས་རྟགས་བརྒྱད་སོགས་དགོན་གཞན་དང་ཕལ་ཆེ་མཚུངས་པར་མཆིས་སོ། དགོན་པ་དེའི་ལོ་འཁོར་མོར་རྒྱུན་འཇགས་སུ་གྱུར་ཡོད་པའི་དུས་མཆོད་ནི། གཞི་ཆེན་མ་འདས་སྤྲུལ་སྐུ་བློ་བཟང་དྲི་མེད་བསྟན་འཛིན་གྱིས་གསར་འཛུགས་བྱས་པའི་པདམ་འོད་འབར་གྱི་ཚེས་བཅུ་དང་ཐུགས་རྗེ་ཆེན་པོ་གཙོ་བོར་བྱས་པའི་ཞིང་སྒྲུབ་དང་དབྱར་གནས། སྟག་ཟླའི་སྤྱི་སྲུང་། སྨྱུང་གནས། སྟོན་ཁའི་སྤྱི་སྲུང་། དགུ་གཏོར་སོགས་འཚོགས་རྒྱུ་མཆིས་སོ། དགོན་པའི་སྒྲུབ་སྡེ་འཛུགས་རྟེན་དང་ཚོགས་པའི་གཏོང་སྒོ་སོགས་ཡོན་གྱི་འབྱུང་ཁུངས་ནི། དགོན་པ་དེ་ཐོག་མར་ཕྱག་བཏབ་པའི་སྐབས་ནས་ཨ་བོས་རྣམ་རྒྱལ་དང་ཨ་བོས་འཕན་ཁོ་སོགས་ཀྱི་ཡོན་བདག་གིས་མཐུན་རྐྱེན་སྦྱར་བ་ནས་བཟུང་། སྟོང་ཟ་སྡེ་བ་རིམ་བཞིན་དགོན་པའི་ལྷ་སྡེ་རུ་གྱུར་ཏེ། སྒྲུབ་གྲྭའི་འཛུགས་རྟེན་དང་ཚོགས་དུས་མཆོད་ལ་མཆོད་ཐེབས་གང་ལེགས་སྤེལ་བའི་རྒྱན་སྲོལ་ཆགས། གཞན་ཡང་དགོན་པའི་སྤྲུལ་སྐུ་རིམ་བྱོན་དང་བླ་མ་ཆེ་ཁག་དག་གིས་དགོན་པའི་འཛུགས་སྐྲུན་དང་རྟེན་བཞེངས། སྒྲུབ་གྲྭ་བ། ཚེས་དུས་མཆོད་སོགས་ལ་དམིགས་གསལ་གཏོང་སྒོ་མཛད་པའི་ལུགས་སྲོལ་ཡོད་པར་ངེས་སོ། དགེ་འདུན་པའི་འཚོ་བ་ནི་བསོད་སྙོམས་ཙམ་ལ་བརྟེན་ཡོད་པར་སེམས་སོ། དགོན་པ་དེ་ཡུལ་དགོན་གཞན་དང་འབྲེལ་ཚུལ་ནི། གཞི་ཆེན་མ་འདས་སྤྲུལ་སྐུ་བློ་བཟང་དྲི་མེད་བསྟན་འཛིན་དགོན་པ་དེར་ཕྱག་ཕེབས་ནས་བཟུང་སྟེ། རྟམ་རྒྱལ་འབུམ་ལུང་དགོན་པའི་དགོན་འགོ་རགས་བཀྲམ་བྱམས་པ་གླིང་དུ་ཕུལ་བ་དང་བླ་གྲྭ་རྣམས་རགས་བཀྲམ་དགོན་དུ་གྲྭ་སར་བྱོན་ནས་གར་དབྱངས་ཐིག་གསུམ་བཅའ་འབུད་བརྡུང་གསུམ་སོགས་ཀྱི་ཆོ་གའི་ཕྱག་བཞེས་སློབ་པར་མཛད་པའི་མ་བུ་དགོན་གྱི་འདྲེས་ཟབ་ཤོན་ཏུ་ཆེའོ།

དགོན་བའི་དེང་གི་གནས་ཚུལ་མདོར་བསྡུས་ཤིག་འགོད་པ་ལ། དུས་ཀྱི་ཟིང་འཁྲུགས་ཆེན་པོ་བྱུང་སྐབས་བོད་ཁམས་ཕལ་ཆེ་དང་མཚུངས་ཏེ་འདུ་ཁང་རྟེན་དང་བརྟེན་པ་ཐམས་ཅད་ཞིག་སྟེ་ས་ཕུང་རྡོ་ཕུང་ཙམ་ལས་མེད་པར་གྱུར་ཕྱིས་སུ་ཏང་གི་མི་རིགས་སྲིད་ཇུས་དང་ཆོས་ལུགས་སྲིད་ཇུས་ཀྱི་ཉི་མའི་དཀྱིལ་འཁོར་སླར་ཡང་ཤར་རིའི་ཕྲག་གོང་ནས་ཤར་བ་དང་། བོད་རབ་བྱུང་བཅུ་དྲུག་པ་ཁྲག་སྐྱུག་ཅེས་པ་ཆུ་མོ་ཕག་གི་ལོར་（༡༩༨༣）གོང་རིམ་སྲིད་གཞུང་གིས་དགོན་པར་ཉམས་གསོ་བྱེད་ཆོག་པའི་ཆོག་མཆན་གནང་སྟེ་དམིགས་གསལ་གྱི་གྲོན་དངུལ་ཆེད་གཏོང་བྱས་པའི་སྔོན་འགྲའི་མཐུན་རྐྱེན་བཟང་པོར་བརྟེན་ནསསྔོན་གྱི་ཐུགས་བསྐྱེད་བཟང་པོ་དུས་སུ་སྨིན་པའི་སྙིགས་དུས་བསྟན་པའི་སྒྲོན་མེ་སྤྲུལ་སྐུ་ཐུབ་བསྟན་རབ་རྒྱས་མཆོག་གིས་གཙོ་འགན་ཐུགས་ཉམས་སུ་བཞེས་ཏེ། རིམ་བཞིན་དུང་འཁོར་དང་མཆོད་རྟེན། གྲྭ་ཤགསྒྲུབ་གྲྭ་ཁང་། ཚོགས་ཆེན་འདུ་ཁང་སོགས་སྐྱང་བཞེངས་བྱེད་པའི་འཕྲིན་ལས་ཀྱི་དབུ་བཙུགས་ཏེ་ལེགས་པར་གྲུབ་ནང་རྟེན་གཙོ་བོ་འགའ་ཡང་བཞེངས་པར་མཛད། མིག་སྔགས་དགོན་པ་དེར་མཆོག་སྤྲུལ་ཐུབ་བསྟན་རབ་རྒྱས་དབུར་བཞུགས་པའི་སྤྲུལ་སྐུ་བསྟན་འཛིན་འགྱུར་མེད་དང་སྤྲུལ་སྐུ་མདོ་སྔགས། སྤྲུལ་སྐུ་དཔལ་རྡོར། དགེ་སྐོས་བླ་མ་ཆོས་འཕེལ་སོགས་ཀྱི་གཙོ་བྱས་པའི་དགེ་འདུན་པ་བཅུ་ཕྲག་ལྔ་ལ་ཉེ་པ་ཙམ་[page 345] གྱིས་ཐུགས་མཐུན་ཁྲིམས་གཙང་གི་སྒོ་ནས། རྣམ་རྒྱལ་འབུམ་ལུང་དགོན་པའི་ལྔ་སྲོལ་གྱི་ཆོ་གའི་ཕྱག་བཞེས་མ་ལུས་ཉམས་པ་སླར་གསོ་དང་མ་ཉམས་གོང་འཕེལ་གཏོང་བའི་ཆོས་མཐུན་གྱི་མཛད་སྤྱོད་གནང་མུས་སུ་མཆིས་པ་ལགས་སོ།

ས་མིང་ཚིག་མཛོད་མིག་བཤར།

བོད་རབ་བྱུང་བཅུ་གསུམ་པའི་འགལ་བ་ཞེས་པ་ས་མོ་གླང་གི་ལོར་ཆོས་སྡེ་ཐོག་མར་ཆགས་སོ།། གནས་ཕྱོགས་དེར་དགོན་པ་ཐོག་མར་ཕྱག་འདེབས་པ་པོ་ནི། ཤར་རྒྱལ་བ་ཀཿཐོག་དགོན་གྱི་བསྟན་པའི་བདག་པོ་གཏེར་ཆེན་བདུད་འདུལ་རྡོ་རྗེ་སོགས་ཀྱི་སྤྲུལ་བའི་རྣམ་རོལ་དུ་གྲགས་པ། ཀཿཐོག་དྲི་མེད་ཞིང་སྐྱོང་གིས་རབ་བྱུང་བཅུ་གསུམ་པའི་འགོ་ཙམ་མདོ་སྨད་ས་ཡི་ཐིག་ལེ་གསེར་རྟར་གནས་མཇལ་དུ་ཆིབས་བསྒྱུར་གནང་སྐབས། ཚོ་བ་སང་དགེ་དང་། ཁམས་ཚང་། སང་སང་གསུམ་གྱི་དབུ་བླར་གྱུར་ནས་མཆོད་གནས་དམ་པར་གྱུར་བས། བླ་མས་ས་མིག་ཡག་པོ་ཞིག་བླངས་ནས་ཁྱོད་ཤོག་གསུམ་གྱིས་གནས་འདིར་དགོན་པ་ཞིག་ཐོབས་དང་མཁས་གྲུབ་སྐྱེས་ཆེན་རྒྱུན་མི་ཆད་པར་འབྱུང་ཞེས་ལུང་བསྟན་ལྟར་སང་སང་དཔོན་པོ་རྡོར་ཁོ་དང་ཁམས་ཚང་དཔོན་པོ་རིན་ཆེན་སོགས་ཀྱིས་དགོན་པ་བཞེངས་རྒྱུའི་འགན་དང་དུ་བཞེས་ནས་སྟག་རྩེ་བསམ་གྲུབ་ཆོས་འཁོར་གླིང་གི་གཙུག་ལག་ཁང་རྟེན་དང་བརྟེན་པ་བཅས་ཐོག་མར་ཕྱག་བཏབ་སྟེ་རབ་གནས་ཀྱི་མེ་ཏོག་ཡང་ཡང་འཐོར་བར་མཛད། དགོན་པ་ཐོག་མར་བཞེངས་སྐབས་རྒྱབ་རི་ངོ་གྱེན་དུ་སྟག་གཉིས་རྩེ་གར་བསྒྱུར་ནས་འགྲོ་བཞིན་ཡོད་སྟབས་དགོན་པའི་མིང་ལ་སྟག་རྩེ་བསམ་འགྲུབ་ཆོས་འཁོར་གླིང་ཞེས་ཆགས་པར་གྲགས།

འདིའི་གདན་རབས་ཇི་ལྟར་བྱོན་ཚུལ་རགས་བསྡུས་ཞིག་བཀོད་ན། སྤྱིར་གཞུ་ཆེན་དོན་ཁག་གསུམ་གྱི་བསྟན་བདག་བླ་མ་གཅིག་གིས་གདན་སར་བསྐྱངས་པའི་རྒྱུན་སྲོལ་དེང་སང་གི་བར་དུ་ཆགས་ཡོད། ཀཿཐོག་དགོན་གྱི་ཆོས་ཀྱི་རྗེ་བོ་དམ་གཙང་བྱམས་གསུམ་གྱི་སློབ་བརྒྱུད་ལས་གྱེས་པའི་གྲུབ་ཆེན་ཐང་སྟོང་རྒྱལ་པོའི་སྤྲུལ་པའི་རྣམ་རོལ་གཞུ་ཆེན་སྐྱབས་དགོན་རིན་པོ་ཆེ་རིག་འཛིན་འཇམ་དཔལ་རྡོ་རྗེས་གཞུ་ཆེན་དགོན་ཁག་གསུམ་གྱི་བསྟན་བདག་གི་འགན་ཡོངས་སུ་བཞེས་ནས་ཆོས་སྡེ་འདིའི་བཤད་སྒྲུབ་འཁོར་ལོ་གཉིས་ལྡན་གྱི་ཆོས་རྒྱུན་བསྲིངས་ནས་རྒྱལ་བསྟན་རིན་པོ་ཆེའི་རྒྱལ་བསྟན་རིན་པོ་ཆེའི་ཉིན་མོ་ལྟར་གསལ་བར་མཛད་དེ་གདན་ས་བསྐྱངས། ཁོང་སྐུ་ན་ཆུང་དུས་ནས་ཀཿཐོག་རྨོག་ཚ་འཇིགས་བྲལ་ཆོས་དབྱིངས་རྡོ་རྗེ་སོགས་མཁས་ཤིང་གྲུབ་བརྙེས་ཀྱི་ས་མཐོར་གཤེགས་པའི་གང་ཟག་དུ་མའི་ཞབས་ཀྱི་པདྨོ་སྤྱི་གཙུག་ཏུ་མཉེས་པ་གསུམ་གྱི་སྒོ་ནས་ཡུན་རིང་དུ་བསྟེན། ཐོས་བསམ་སྒོམ་གསུམ་ལ་འབད་པ་ལྷོད་མེད་དུ་མཛད་དེ་གཞུང་ལུགས་རྒྱ་མཚོ་ལྟ་བུའི་ཕ་རོལ་དུ་སོན། སྣང་སྲིད་དབང་དུ་བསྡུ་ལ་སྡེ་བརྒྱད་བྲན་དུ་བཀོལ་བའི་གཞུང་ཆེན་གུ་རུ་བསྟན་[page 346] འཛིན་དང་གཞུ་ཆེན་བཻ་རོ་བསོད་ནམ་ས་མཁས་གྲུབ། ཁོང་ཉིད་ཀྱི་སློབ་མ་གཞུ་ཆེན་ཨ་པང་སྤྲུལ་སྐུ་བཤད་སྒྲུབ་བསྟན་པའི་ཉི་མ། ཁོང་ནི་རྫ་དཔལ་སྤྲུལ་རིན་པོ་ཆེ་འཇིགས་མེད་ཆོས་ཀྱི་དབང་པོ་དང་། སྐུ་མཆོག་དགེ་མིང་གཞན་ཕན་མཐའ་ཡས་སོགས་ཀྱི་སྐུ་མདུན་ནས་སྔ་འགྱུར་བཀའ་གཏེར་སྤྱི་དང་བྱེ་བྲག་རྒྱལ་བ་ཀ་ཐོག་ཆོས་ཀྱི་རྒྱུན་སྲོལ་མ་ལུས་པའི་དབང་ལུང་ཁྲིད་སྨིན་གྲོལ་རྒྱབ་རྟེན་དང་བཅས་པར་གསན་བསམ་སྒོམ་པ་མཐར་ཕྱིན་ནས་མཁས་ཤིང་གྲུབ་པའི་དབང་ཕྱུག་ཆེན་པོར་གྱུར། སྐུ་མཆོག་དགེ་མིང་གཞན་ཕན་མཐའ་ཡས་ལས་བསྙེན་པར་རྫོགས། གསུང་ལས་སྐྱེ་བའི་བུ་སློབ་སྐར་ཚོགས་ལྟ་བུ་འདུས་ནས་ངུར་སྨྲིག་རྒྱ་མཚན་འཆང་བའི་འདུལ་བསྟན་གྱི་རྨང་གསར་དུ་གཏིང་བ་སོགས་ཆོས་སྡེ་འདིའི་བཤད་སྒྲུབ་ཀྱི་བསྟན་པ་བསྐྱངས་པར་བཀའ་དྲིན་བླ་ན་མ་མཆིས་སོ། བསྟན་པ་རིན་པོ་ཆེ་འཛིན་སྐྱོང་སྤེལ་གསུམ་ཇི་ལྟར་གནང་ཚུལ་ནི། བོད་གངས་ཅན་ལྗོངས་ཀྱི་ཆོས་སྡེ་ཕལ་མོ་ཆེ་དང་མཚུངས་པའི་དགོན་པ་ཐོག་མར་ཆགས་པའི་སྐབས་ནས་ཐུན་མོང་གི་རིག་གནས་དང་མདོ་ཕྱོགས་ཀྱི་བཤད་པ་གཙོ་བོར་མཛད་སའི་བཤད་གྲྭ་དང་རྒྱུད་སྡེ་ཕྱི་ནང་ཉམས་ལེན་གྱི་སྒྲུབ་པ་གཙོ་བོར་མཛད་སར་སྒྲུབ་གྲྭའི་སྲོལ་ལེགས་པར་ཚུགས་ཏེ་དམ་པ་གོང་མའི་ཕྱག་སྲོལ་མ་ལུས་པར་ཚིག་གི་བཤད་པ། དོན་གྱི་དགོངས་འགྲེལ། སྙིང་པོ་ཉམས་ལེན་གྱི་སྲོལ་མུ་མཐུད་རྒྱུན་ཆགས་སུ་འཁྱོངས་བཞིན་ཡོད་པ་ལགས་སོ།

དགོན་པ་འདི་ཆག་ནས་བགྲང་བྱ་ཉག་མ་སུམ་བརྒྱ་ཉེར་བཞིའི་རིང་སྐྱེས་ཆེན་ལམ་པ་རིམ་བྱོན་གྱིས་བཞེངས་པའི་རྟེན་དང་བརྟེན་པ་གྲངས་ཀ་རགས་བསྡུས་ཙམ་འགོད་ན། གཙུག་ལག་ཁང་གཅིག་དང་བཤད་གྲྭ་ཁང་། སྒྲུབ་གྲྭ་ཁང་། གྲྭ་ཤག་མང་བོ་བཅས་མཆིས། ནང་རྟེན་གྱི་གཙོ་བོ་ཐུབ་པ་གངས་ཅན་རྒྱ་མཚོ་དང་། བདེ་གཤེགས་མཆེད་བརྒྱད། མི་འཁྲུགས་པ། འོད་དཔག་མེད། ཐུགས་རྗེ་ཆེན་པོ། ཚེ་ལྷ་རྣམ་གསུམ་སྒྲོལ་མ་སྔོ་ལྗང་། གུ་རུ་མཚན་བརྒྱད། སྒྱུ་འཕྲུལ་ཞི་ཁྲོ་ལྷ་ཚོགས། ཕུར་བ་རྡོ་རྗེ་གཞོན་ནུ། ཀཿཐོག་དྲི་མེད་ཞིང་སྐྱོང་སོགས་ཀྱི་གཏེར་མ་དང་ལི་མའི་གསེར་སྐུ་དང་འཇིམ་སྐུ་མང་དུ་བཞུགས། གསེར་བྲིས་དང་བྲིས་རྙིང་གི་སྐྱེས་རབས་བཞི་པ་དང་འཕགས་པ་གནས་བརྟན་བཅུ་དྲུགབདེ་ཆེན་ཞིང་ཐང་། མཁན་སློབ་ཆོས་གསུམ། རྒྱལ་ཆེན་སྡེ་བཞི། འགྲོ་བ་རིགས་དྲུག་གི་ཆགས་ཚུག་སོགས་ཀྱི་རས་གཞི་དང་ཐང་ཁ་བཅུ་ཕྲག་འགའ་དང་། རྒྱལ་བའི་བཀའ་འགྱུར་རིན་པོ་ཆེ་དང་དེའི་དགོངས་འགྲེལ་བསྟན་འགྱུར། རིན་ཆེན་གཏེར་མཛོད། ཆགས་མེད་རིན་པོ་ཆེའི་གསུང་འབུམ། ཀཿཐོག་མཁན་པོ་ནུས་ལྡན་གྱི་མཁས་འཇུག་འགྲེལ་ཆེན་སོགས་གསུང་འབུམ་དང་། བཀའ་གདམས་མཆོད་རྟེན་དང་སྐུ་གདུང་མཆོད་རྟེན་སོགས་ཐུགས་རྟེན་དང་། རིན་ཐང་ལྡན་པའི་སྦུབ་ཆལ་དང་འཁར་རྔ། སིལ་སྙན། རྒྱ་གླིང་། རྐང་གླིང་། བུམ་པ། མཆོད་སྐོང་། མཎྜལ། སྤོས་ཕོར། ཀ་འཕན། གདུགས། རྒྱལ་མཚན་སོགས་མཆོད་པའི་ཡོ་བྱད་དང་། གཞན་ཡང་ཁྱད་མཚར་ཆེ་བའི་གོས་ཆེན་ཆུ་བྲག་གི་བེར་ཆ་ཉེར་ལྔ་འབག་དང་བཅས་པ་སོགས་ཀྱང་བཞུགས་ཡོད་དོ།།

[page 347] དགོན་པ་འདིར་རྒྱུན་འཇགས་སུ་གྱུར་བའི་ལོ་འཁོར་མོའི་དུས་མཆོད་ནི་ཧོར་ཟླ་དང་པོའི་ནང་ཐུགས་རྗེ་ཆེན་པོ་འགྲོ་བ་ཀུན་གྲོལ་གྱི་སྒྲུབ་མཆོད་ཉིན་བརྒྱད། ཧོར་ཟླ་གཉིས་པར་མཆོད་པ་ཉིན་གསུམ། ཧོར་ཟླ་བཞི་པར་པདམ་འོད་འབར་གྱི་ཚེས་བཅུ་གར་འཆམ་དང་བཅས་ཉིན་བརྒྱད། ཧོར་ཟླ་ལྔ་བར་རབ་གནས་ཉིན་གསུམ། ཧོར་ཟླ་དྲུག་པའི་ཟླ་དཀྱིལ་ནས་ཟླ་བ་ཕྱེད་གཉིས་རིང་དབྱར་གནས། ཧོར་ཟླ་བརྒྱད་པར་སྟོན་གསོལ་ཉིན་བཞི། ཧོར་ཟླ་བཅུ་གཉིས་པའི་ཚེས་བཅོ་ལྔ་ཉིན་ནས་ཕུར་བ་ཟླ་སྒྲུབ། ཆོས་སྐྱོང་རྒྱུན་བཅོལ་བྱེད་པ་སོགས་མཆིས་སོ། ཆོས་སྡེ་འདིའི་བཤད་སྒྲུབ་འཛུགས་རྟེན་དང་འཚོགས་པའི་གཏོང་སྒོ་ཡོན་གྱི་འབྱུང་ཁུངས་ནི་དགོན་པ་འདི་ཐོག་མར་བཞེངས་སྐབས་ནས་དགའ་འབྲོག་དང་ཁ་ཤས། ཁྱུག་ཤེས། རྐང་རྩ་སོགས་ཚོ་ཤོག་གི་ཡོན་བདག་བགྱིས་ཏེ་དགོན་པའི་མཆོད་ཐེབས་སུ་སྦྲེལ་ནས་དགོན་པའི་རྟེན་བཞེངས་པ་དང་དུས་མཆོད་སོགས་སྤེལ་བར་མཐུན་རྐྱེན་ལེགས་པར་བསྒྲུབས། རྗེས་སུ་དུས་ཀྱི་འཕོ་འགྱུར་གྱི་དབང་གིས་དགའ་འབྲོག་ཚོ་བ་དགོན་པའི་ལྷ་སྡེ་རུ་གྱུར་པ་མ་གཏོགས་གཞན་ཚོ་བ་རྣམས་དགོན་པ་འདིར་གྲྭ་རྒྱུན་ཙམ་ལས་མེད་པར་གྱུར། གཞན་ཡང་དགོན་པའི་བསྟན་བདག་རིམ་བྱོན་གྱིས་དགོན་གཞུང་སྤྱིའི་འགན་བཞེས་འོགལས་ཐོག་གི་སྤྱི་གཉེར་དང་དགེ་བསྐོས་ཀྱིས་ལོ་གསུམ་རེར་རེས་མོས་ཀྱི་མཆོད་ཐེབས་སྤེལ་བའི་སྲོལ་ཆགས། དགེ་འདུན་པའི་འཚོ་བ་ནི་ཟས་ནོར་ཙམ་ལས་ཕུགས་ནོར་འཆང་བ་སོགས་ཀྱི་སྤྲོས་པ་ཆེས་མཛད་པའི་སྲོལ་མེད།

དེང་གི་གནས་ཚུལ་ནི་རྒྱལ་བསྟན་ཉི་མ་ནུབ་རིའི་ཕག་ཏུ་ཆས་ནས་བགྲང་བྱ་སུམ་ཅུའི་རིང་ལ་དགོན་པ་འདི། རང་ཡུལ་གསེར་རྟས་ཡུལ་གྲུའི་དགོན་པ་ཡོངས་རྫོགས་དང་མཚུངས་པར་གྱུར། དེང་དད་ལྡན་བོད་འབངས་ཀྱི་དད་པའི་རང་དབང་སྤྲིན་གསེབ་ཀྱི་ཉི་མ་ཤར་མ་ཐག་གཞུ་ཆེན་སྐྱབས་དགོན་རིག་འཛིན་འཇམ་དཔལ་རྡོ་རྗེའི་སྤྲུལ་པའི་རྣམ་རོལ་དུ་གྲགས་པའི་སྤྲུལ་སྐུ་དབང་པོ་དང་དབོན་པོ་ཐུབ་ཆོས། བླ་མ་ཡོན་བཟང་སོགས་ཀྱིས་གངས་ལྗོངས་རྒྱལ་བསྟན་ཉམས་གསོ་བྱེད་ཆོག་པའི་སྐབས། དགོན་རྩ་ལག་སླར་གསོའི་ཕྲིན་ལས་ཀྱི་དབུ་བཙུགས་ཏེ་གཞུ་ཆེན་དགོན་ཁག་གསུམ་གྱི་ཡ་གྱལ་སྟག་རྩེ་བསམ་གྲུབ་ཆོས་འཁོར་གླིང་གི་རྟེན་དང་བརྟེན་པ་བཅས་བཞེངས། དགེ་འདུན་པ་བརྒྱ་ཕྲག་ལ་ཉེ་བ་ཙམ་གྱིས་སྔར་སྲོལ་དུས་མཆོད་འཆམ་དང་བཅས་རྨང་གཞི་ཙམ་ཚུགས། དེ་ནས་གཞུ་ཆེན་ཕན་བདེ་ཆོས་ཀྱིས་ཉི་མའི་ཡང་སྲིད་སྐྱེ་ཕྲེང་སྤྲུལ་སྐུ་དཔལ་ལྡན་གདན་སར་བྱོན་ནས་ཀཿཐོག་དགོན་པའི་བཀའ་གཏེར་ཆོས་ཀྱི་རྒྱུན་སྲོལ་མ་ལུས་འཛིན་སྐྱོང་སྤེལ་བའི་བཤད་སྒྲུབ་ཀྱི་རྒྱུན་བསྐྱངས་པ་དང་ཆབས་ཅིག་ད་སྐབས་ཕྱི་རྒྱལ་དུ་ཞབས་པད་བརྟན་བཞིན་པའི་གཞུ་ཆེན་དཔོན་སྤྲུལ་བསྟན་པའི་རྒྱལ་མཚན་དང་ཨུ་རྒྱན་བསྟན་སྲུང་རྣམ་གཉིས་ཀྱིས་དགོན་པའི་འཛུགས་སྐྲུན་བཤད་སྒྲུབ་འཛུགས་རྟེན་སོགས་ཕྱོགས་གང་ཐད་ནས་མཐུན་རྐྱེན་གང་འཚམ་སྦྱར་བ་སོགས་ཀྱི་སྟག་རྩེ་དགོན་པའི་སྔར་སྲོལ་བཤད་སྒྲུབ་ལས་ཀྱིས་འཛུགས་པར་འབད་འབུངས་བྱེད་པ་སོགས་ཆོས་མཐུན་གྱི་མཛད་སྤྱོད་གནང་མུས་སུ་མཆིས་པ་ལགས་སོ།།

ས་མིང་ཚིག་མཛོད་མིག་བཤར།

[page 348] བོད་རབ་བྱུང་བཅུ་གཉིས་པ་རྣམ་འབྱུང་ཞེ་པ་ས་ཕོ་འབྲུག་གི་ལོར་（༡༦༨༨）ཆོས་སྡེ་འདི་ཐོག་མར་ཕྱག་བཏབ་པར་ངེས་སོ། དེ་ཉིད་ཐོག་མར་ཕྱག་འདེབས་ཚུལ་རགས་རིམ་ཞིག་འགོད་ན། ཀ་ཐོག་གསེར་ཁྲི་ལྔའི་ཡ་གྱལ་ཕྱག་ཚ་ཀུན་བཟང་ངེས་དོན་དབང་པོས་ཐོག་མར་ཕྱག་བཏབ་པ་ཡིན་ནོ་ཞེས་ངག་རྒྱུན་མང་དུ་མཆིས་ཀྱང་། ཡོངས་གྲགས་སུ་གྲུབ་པའི་དབང་ཕྱུག་ཆེན་པོ་མངའ་བདག་ཉིང་གི་གདུང་རྒྱུད་གླང་བཞག་ཨུ་རྒྱན་ལྷུན་འགྲུབ་ཀྱིས་ཕྱག་བཏབ་པར་ངེས་སོ། ཁོང་ནི་བོད་རབ་བྱུང་བཅུ་གཅིག་པའི་ནང་འཁོར་དུ་གྲུབ་དབང་གུ་རུ་རྡོ་རྗེའི་སྲས་སུ་ངོ་མཚར་བའི་ལྟས་བསམ་གྱིས་མི་ཁྱབ་པ་དང་བཅས་ཏེ་སྐུ་བལྟམས། སྐུ་ན་ཕྲ་མོའི་དུས་ནས་རིམ་བཞིན་གྲུབ་བརྙེས་ཆོས་དབང་རྒྱ་མཚོ་དང་རྣལ་འབྱོར་ཨུ་རྒྱན་བསྟན་འཛིན། ཕྱག་ཚ་ཀུན་བཟང་ངེས་དོན་དབང་པོ། གྲུབ་དབང་ནམ་མཁའ་རྒྱ་མཚོ་སོགས་མཁས་དང་གྲུབ་པའི་གོ་འཕང་མཐོན་པོར་གཤེགས་པའི་སྐྱེས་ཆེན་དུ་མའི་ཞབས་པད་སྤྱི་གཙུག་ཏུ་བསྙེན་ནས་མདོ་སྔགས་རིག་གནས་དང་བཅས་པར་གསན་བསམ་གྱི་སྤྱན་རས་ཤིན་ཏུ་ཡངས་ཤིང་རང་དང་གཞན་གྱི་གྲུབ་པའི་མཐའ་རྒྱ་མཚོ་ལྟ་བུའི་ཕ་རོལ་དུ་སོན་པར་མཛད། ཁྱད་པར་དུ་དགོངས་པ་ཟང་ཐལ་དང་ཕྱག་རྫོགས་དབུ་གསུམ་གཙོ་བོར་གྱུར་བའི་འོད་གསལ་རྫོགས་པ་ཆེན་པོ་ཁྲེགས་ཆོད་ཐོས་པ་རང་གྲོལ་མྱུར་ལམ་ཡང་གསང་བླ་ན་མེད་པའི་སྐོར་གྱི་མན་ངག་ཟབ་མོ་སྙན་ནས་སྙན་དུ་བརྒྱུད་པ་ལྟར་ཐུགས་ཉམས་སུ་བཞེས་པ་ལ་བརྟེན་ནས་ལམ་རྟགས་འབྲས་བུའི་ཡོན་ཏན་མངོན་དུ་གྱུར།

བོད་རབ་བྱུང་བཅུ་གཉིས་པ་རྣམ་འབྱུང་ཞེས་པ་ས་ཕོ་འབྲུག་གི་ལོར་（༡༦༨༨）རགས་བཀྲམ་བྱམས་པ་གླིང་གི་འདུ་ཁང་རྟེན་དང་བརྟེན་པ་ཐོག་མར་ཕྱག་བཏབ་པར་མཛད་དེ་དགོན་པའི་གཡས་ཕྱོགས་སུ་བྲག་རྡོའི་བྱམས་པ་རང་གྲུབ་ཏུ་ཡོད་པར་རགས་བཀྲམ་ཏུ་སྒྲུབ་རྒྱུད་ཤིང་རྟ་བརྒྱད་ཀྱི་ནང་ཚན་གསང་སྔགས་སྔ་འགྱུར་བསྟན་པའི་སྲོག་ཤིང་ཤར་རྒྱལ་བ་ཀཿཐོག་དགོན་པའི་ཆོས་ཀྱི་རྒྱུན་སྲོལ་མ་ལུས་པར་ཚིག་གི་བཤད་པ་དང་དོན་གྱི་དགོངས་འགྲེལ། སྙིང་པོ་ཉམས་བཞེས་ཀྱི་ཕྲིན་ལས་ཁོར་ཡུག་ཏུ་བསྲིངས་པའི་བཤད་སྒྲུབ་ཀྱི་སྲོལ་ལེགས་པར་བཙུགས་ཏེ་གཞི་ཆེན་ཐེག་མཆོག་བསྟན་འཛིན་དང་བླ་མ་གསང་བདག་སོགས་གདན་ཚབ་ཏུ་མངའ་གསོལ་བར་མཛད།

གདན་རབས་རིམ་བྱོན་ནི། གཞི་ཆེན་ཐེག་མཆོག་བསྟན་འཛིན་དང་བླ་མ་གསང་བདག་གཉིས་ཀྱི་རྗེས་སུ་སྐྱབས་དགོན་བསོད་ནམས་དཔལ་ལྡན་ནམ་རིག་འཛིན་འཇམ་དཔལ་རྡོ་རྗེ་གདན་སར་བྱོན། སྐྱབས་རྗེ་དམ་པ་དེ་ཉིད་ཀྱིས་སྨིན་གླིང་གཏེར་ཆེན་འགྱུར་མེད་རྡོ་རྗེའི་ཆོས་སྐོར་ལས། བཀའ་བརྒྱད་ཁྲོ་བོ་རོལ་བའི་[page 349] སྒྲུབ་མཆོད་དབྱངསརོལ་ལྟ་བཅས་དག་སྣང་མར་གྲགས་པའི་བདུན་སྒྲུབ་དང་། མཆོག་གཏེར་གུ་རུ་ཆོས་ཀྱི་དབང་ཕྱུག་གི་བླ་མ་གསང་འདུས་ལྟར་དམར་འཆམ་དང་སྦྲགས་པའི་རིག་འཛིན་ཀློང་གསལ་སྙིང་པོའི་གཏེར་བྱོན་ཡང་ཟབ་བླ་མ་པདྨ་འོད་འབར་གྱི་གཞུང་བསྲིང་ནས། ཚེས་བཅུ་དུས་དྲན་ཆེན་མོ་གར་ཐིག་དབྱངས་སོགས་རྒྱས་སྤྲོས་ཀྱི་དགུ་སྒྲུབ་ཆེན་མོ་དེ་དག་རྒྱུད་དང་མཐུན་ཞིང་གྲུབ་ཆེན་གྱི་ཕྱག་བཞེས་རྣམ་པར་དག་པའི་རྒྱུན་བཙུགས། དེ་ནས་རིམ་བཞིན་ཨུ་རྒྱན་ནོར་བུ་དང་གུ་རུ་བསྟན་འཛིན། མངའ་བདག་དཔལ་མགོན་བཀྲ་ཤིས། གཞི་ཆེན་ཡིད་བཞིན་དབང་རྒྱལ། གཞི་ཆེན་སྤྲུལ་སྐུ་མི་འགྱུར་ཚེ་དབང་ནོར་བུ། རྒྱལ་ཚབ་པདྨ་མཐུ་སྟོབས་རྣམརྒྱལ། གཞི་ཆེན་དབོན་སྤྲུལ། སངས་རྒྱས་བཀྲ་ཤིས། ཀུན་བཟང་ཨུ་རྒྱན་ཐེག་མཆོགབཻ་རོ་མཁས་གྲུབ་བསྟན་འཛིན། མདོ་སྔ་གས་བསྟན་པའི་རྒྱལ་མཚན། བཻ་རོ་མ་འདས་སྤྲུལ་སྐུ་བློ་བཟང་དྲི་མེད་བསྟན་འཛིན། འཇམ་དཔལ་ཕན་བདེ་བཟང་པོ། བཤད་སྒྲུབ་བསྟན་པའི་ཉི་མ། བཻ་རོ་ཨུ་རྒྱན་བསྟན་སྲུང་། དཔོན་པོ་གང་ཤར་རང་གྲོལ། སྤྲུལ་སྐུ་ཁམས་གསུམ་དབང་རྒྱལ། རྒྱལ་སྲས་ཉི་ཟླ་བཟང་པོ། དབོན་པོ་བློ་ལྡན་ཤེས་རབ། གཞི་སྤྲུལ་ཀུན་བཟང་ཉི་མ་མཁྱེན་རབ་དབང་ཕྱུགདབོན་སྤྲུལ་ཐུབ་བསྟན་ལུང་རྟོགས་རྒྱ་མཚོ། བཻ་རོ་མི་འགྱུར་ཡེ་ཤེས་རྡོ་རྗེ་སོགས་སྐྱེས་ཆེན་དམ་པ་གསེར་གྱི་ལྷུན་པོ་ཚར་དུ་དངར་བ་ཞིན་བྱོན་ནས་གདན་ས་བསྐྱངས་པར་མཛད་དེ་ལུང་རྟོགས་བཤད་སྒྲུབ་ཀྱི་བསྟན་པ་རིན་པོ་ཆེ་འཛིན་སྐྱོང་སྤེལ་པའི་ཆོས་རྒྱུན་ཟམ་མ་ཆད་པར་གནང་བ་ལགས་སོ།།

དེ་ལྟར་རགས་བཀྲམ་བྱམས་པ་གླིང་གི་ལུང་གི་བསྟན་པ་འཆད་ཉན་དང་རྟོགས་པའི་བསྟན་པ་སྒོམ་སྒྲུབ་ཀྱི་ཚུལ་ཇི་ལྟར་གནང་བ་ནི། བཻ་རོ་མཁས་གྲུབ་བསྟན་འཛིན་གྱི་རགས་པའི་སྐུ་ལུས་མདོར་བར་སྤྲུལ་བར་གྲགས་པའི་གཞི་ཆེན་མ་འདས་སྤྲུལ་སྐུ་བློ་བཟང་དྲི་མེད་བསྟན་འཛིན་ནམ་མཆོག་སྤྲུལ་བསོད་ནམས་དོན་གསལ་གྱིས། རགས་བཀྲམ་བྱམས་པ་གླིང་གི་གཙུག་ལག་ཁང་རྒྱ་བསྐྱེད་གཏོང་བ་དང་བཤད་དང་སྒྲུབ་སྡེ་སོ་སོར་བཙུགས་པ། གསེར་ཁང་སོགས་སྐུ་གསུང་ཐུགས་རྟེན་མང་པོ་བཞེངས་པ། མཆོད་པའི་ཡོ་བྱད་དུ་མ་གསར་བཞག་མཛད་པ་སོགས་དང་། གཞན་ཡང་སྐྱབས་རྗེ་དམ་པ་ཉིད་ཀྱིས་རྒྱུད་སྡེ་ཕྱི་ནང་ཀུན་དང་ཁྱད་པར་སྨིན་གླིང་གཏེར་ཆེན་ཨུ་རྒྱན་གཏེར་བདག་གླིང་བའི་རྡོར་སེམས་སྒྲུབ་སྡེ་ཉེར་ལྔ་འཁོར་ལོ་མཚམས་བཅད་རྒྱ་ཅན་དང་། ལོ་ཆེན་ཆོས་དཔལ་བཟང་པོས་ཕྱོགས་བསྒྲིགས་བྱས་པའི་ཞི་ཁྲོ་སྡིག་སྒྲིབ་རྣམ་སྦྱངས་ཟླ་སྒྲུབ། བདུད་འདུལ་གྱི་ཆོས་སྐོར། ཀློང་གསལ་སྙིང་པོའི་ཆོས་སྐོར། གནམ་ཆོས་ཀྱི་སྐོར། ཀརྨ་གླིང་པའི་ཞི་ཁྲོ་དང་སྙིང་ཐིག་སོགས་ཀྱི་ཆོས་སྐོར། འབུམ་ལྔ་བགས་པ། རླུང་སྦྱངས་པ་སོགས་རྫོགས་ཆེན་གྱི་ཁྲིད་ཉན་སྒོམ། མ་ཎི་སྒྲུབ་སྡེ་སོགས་སྨིན་གྲོལ་ཉམས་སུ་བསྟར་བའི་སྒྲུབ་པའི་ཕྱག་བཞེས་གཙོ་བོར་གནང་པའི་སྒྲུབ་སྡེ་གསར་དུ་བཙུགས་པ་དང་། རྫ་སེར་ཤུལ་དགོན་པའི་ལྔ་རིག་སྨྲ་བའི་དབང་ཕྱུག་མཁན་ཆེན་རྡོ་རྗེ་འཆང་བློ་བཟང་དཔལ་འབྱོར་ཆོས་སྡེ་དེ་ཉིད་དུ་གདན་དྲངས་ཏེ་མདོ་ཕྱོགས་ཀྱི་བཤད་པའི་ཆོས་རྒྱུན་གཙོ་བོར་སྤེལ་བ་ནས་བཟུང་། བཤད་གྲྭའི་མཁན་པོ་ལ་ཁ་ཤུལ་མཁན་པོ་ངག་དབང་དང་ཨ་སྐྱབས་[page 350] མཁན་པོ་བསོད་ནམས་རིག་འཛིན། རྡོ་བའི་མཁན་པོ་ཆོས་ཉིད་རང་གྲོལ། སྟོང་དཔོན་བླ་མ་དགའ་གྲོལ། འགོ་ཤུལ་མཁན་པོ་མདོ་སྔགས་ལུང་རིག་རྒྱ་མཚོ། ཁ་ཤུལ་མཁན་པོ་ལུང་རྟོགས་བསྟན་པ་རྒྱ་མཚོ། ཏུག་ཚ་མཁན་པོ་ལུང་རྟོགས་རྒྱལ་མཚན། རྫ་བ་མཁན་པོ་འཇམ་དཔལ་གྲགས་པ་སོགས་མཁས་གྲུབ་ཀྱི་ཡོན་ཏན་མཆོག་ཏུ་མངའ་བའི་མཁན་ཆེན་མུ་ཏིག་བསྟར་ལ་བརྒྱུས་པ་བཞིན་བྱོན་ནས་འདུལ་བ་གཞི་གསུམ་གཙོ་བོར་གྱུར་བའི་སྡོམ་གསུམ་དང་རྒྱལ་སྲས་ལག་ལེན། ཀུན་བཟང་བླ་མའི་ཞལ་ལུང་། སྤྱོད་འཇུག་སོགས་ཀྱི་འཆད་ཉན་བར་མ་ཆད་པར་ཕྱག་བཞེས་རྣམ་པར་ལག་པའི་རྒྱུན་བསྐྱངས། ཁྱད་པར་དུ་མདོ་སྔགས་རིག་གནས་དང་བཅས་པའི་ཤེས་བྱའི་ལྷ་ལམ་ཡངས་པོར་བགྲོད་པ་ལ་མི་འཇིགས་པའི་རྡོ་རྗེ་གཤོག་པའི་སྤོབས་པ་མཆོག་ཏུ་བརྙེས་པའི་མཁན་པོ་ལེགས་བཤད་རྒྱ་མཚོ་ནི། བོད་རབ་བྱུང་བཅོ་ལྔ་བ་དམར་སེར་ཅན་ཞེས་པ་མེ་མོ་སྤྲུལ་གྱི་ལོར་（༡༩༡༧）ཡབ་སང་སང་ཀུན་བདེ་ཡི་སྲས་སུ་མཚན་དཔེའི་མེ་ཏོག་བཞད། སྐུ་ན་ཕྲ་མོའི་དུས་ནས་གཞི་ཆེན་མ་འདས་རིན་པོ་ཆེ་བློ་བཟང་དྲི་མེད་བསྟན་འཛིན་དང་བླ་མ་བློ་བཟང་དཔལ་འབྱོར། སེ་ར་སྤྲུལ་སྐུ་ཐུབ་དབང་འོད་ཟེར་རྒྱ་མཚོ། རྫ་བ་མཁན་པོ་འཇམ་དཔལ་གྲགས་པ་སོགས་ཀྱི་མདུན་ནས་ཡི་གེ་འབྲི་ཀློག་བསླབ་པ་དང་སྔོན་འགྲོའི་ཆོས་བཅུ། སྡོམ་གསུམ་རྣམ་ངེས། སྤྱོད་འཇུགབྱང་ཆུབ་ལམ་རིམ་སོགས་ལ་གསན་བསམ་ལེགས་པར་མཛད། ཕྱིས་སུ་བླ་བྲང་བཀྲ་ཤིས་འཁྱིལ་དང་ལྷ་ལྡན་འབྲས་སྤུངས་སོགས་སུ་གྲ་སར་བྱོན་ནས་དགེ་བཤེས་ངག་དབང་ལེགས་ལྡན་དང་འཇམ་དབྱངས་ཕུན་ཚོགས། ཡོངས་འཛིན་ཕུར་ལྕོག་བྱམས་པ་རིན་པོ་ཆེ་སོགས་གསེར་གྱི་ལྷུན་པོར་ཉི་ཟེར་འཕྲོས་འདྲའི་དགེ་བའི་བཤེས་གཉེན་དུ་མའི་ཞབས་ཀྱི་པདྨོ་སྤྱི་གཙུག་ཏུ་མཉེས་པ་གསུམ་གྱི་སྒོ་ནས་ཡུན་རིང་དུ་བསྙེན་ནས། གུང་རུ་ཆོས་འབྱུང་དང་འཇམ་དབྱངས་བཞད་པའི་ཡིག་ཆ་གཙོ་བོར་གྱུར་བའི་གཞུང་བཀའ་པོད་ལྔ་ལ་མུ་མཐུད་རྒྱུན་ཆགས་ཀྱིས་འབད་འབུངས་ལྷོད་མེད་བྱས་མཐར། ལྷ་ལྡན་དུ་གྲངས་མེད་འདུས་སྡེ་སྐར་ཚོགས་ལྟ་བུའི་དབུས་སུ་གཞུང་བཀའ་པོད་ལྔའི་དམ་བཅའ་བཞག་པས་དགེ་བཤེས་ལྷ་རམས་པའི་མཚན་ཐོབ་བླངས་ཏེ་རང་ཡུལ་མདོ་སྨད་གསེར་ལྗོངས་ཡུལ་གྲུའི་རགས་བཀྲམ་བྱམས་པ་གླིང་དུ་གསེར་ཞལ་བསྒྱུར་ནས་མཁན་པོའི་འགན་ཁྲི་བཞེས་ཤིང་ཆོས་སྡེ་དེའི་བཤད་སྒྲུབ་འཁོར་ལོ་གཉིས་ལྡན་གྱི་ཕྲིན་ལས་ཁོར་ཡུག་ཏུ་བསྲིངས་པའི་བྱེད་པོ་གཅིག་ཏུ་ངེས་པའི་སྐབས། དུས་ཀྱི་ཟིང་འཁྲུགས་དང་འཕོ་འགྱུར་ཆེན་པོ་བྱུང་བའི་རྐྱེན་གྱིས་སྐྱབས་རྗེ་དམ་པ་ཉིད་ལ་འགལ་རྐྱེན་དང་བར་ཆད་གང་མང་འཕྲད་ན་ཡང་། ཕྱི་འདུལ་ཁྲིམས། ནང་བྱང་སེམས། གསང་བ་སྔགས་ཀྱི་ཉམས་བཞེས་ལ་གནོད་པ་སྤུ་ཙམ་མ་ཐུབ་ཅིང་ཕྱིས་སུ་གངས་ལྗོངས་རྒྱལ་བསྟན་ཉམས་གསོ་བྱེད་ཆོག་པའི་སྐལ་བཟང་ཉི་མ་ཤར་བ་དང་མཁན་རིན་པོ་ཆེ་ལེགས་བཤད་རྒྱ་མཚོས་རགས་བཀྲམ་བྱམས་པ་གླིང་གི་བཤད་དང་སྒྲུབ་པའི་བསྟན་པ་ལ་ཉམས་པ་སླར་གསོ་དང་མ་ཉམས་གོང་སྤེལ་བྱས་ཏེ་གདན་རབས་གོང་མའི་ཕྱག་སྲོལ་མ་ལུས་པར་བསླབ་པ་གསུམ་གྱི་ཉམས་ལེན་དང་སྡེ་སྣོད་གསུམ་གྱི་འཆད་ཉན། འཁོར་ལོ་གསུམ་གྱི་བྱ་བ་སྤེལ་ནས་རིས་མེད་འགྲོ་བ་ཡོངས་ལ་རང་[page 351] རང་བློ་འཚམ་པའི་སྣ་ཚོགས་ཆོས་ཆར་ཕབ་པ་ཟླ་རྒྱད་སྟོང་སྨད་བར་གསུམ་གྱི་སེར་སྐྱ་མང་ཚོགས་ཡོངས་ཀྱི་མགྲིན་གཅིག་ཏུ་བསྔགས་བརྗོད་ཀྱི་མེ་ཏོག་འཐོར།

དགོན་པ་དེ་ཆགས་ནས་བགྲང་བྱ་ཉག་མ་སུམ་བརྒྱ་ལ་ཟིན་པར་ཉེ་བའི་རིང་ལ་བླ་རབས་དང་མཁན་རབས་རིམ་བྱོན་གྱིས་བཞེངས་པའི་རྟེན་དང་བརྟེན་པ་གྲངས་ཀ་རགས་བསྡུས་ཤིག་འགོད་ན། བཟོ་བཀོད་ལེགས་ཤིང་སྒྲོས་གཙང་ལ་སྤུས་ཀ་བཟང་བའི་ཀ་བ་རིང་ཐུང་བརྒྱད་བཅུ་ཅན་གྱི་གཙུག་ལག་ཁང་གཅིག་དང་བཤད་སྒྲུབ་གྲ་ཁང་གཉིས་ཏེ་འདུ་ཁང་ཆེ་ཆུང་གསུམ། སྤྱི་གཉེར་ཁང་གཅིགགྲ་ཤག་བརྒྱད་ཅུ་ལྷག་ཙམ། ཁང་བརྩེགས་མཆོད་རྟེན། དུང་འཁོར་སོགས་མང་དུ་མཆིས་སོ། འདུ་ཁང་གི་འོག་དུ་སྒྲོན་མའི་སྐུ་（འཇིམ་བཟོ）སྟོང་ཕྲག་གཅིག་སོགས་བཞུགས། བར་ཁང་དུ་སྒྱུ་འཁྲུལ་ཁང་དང་རྒྱུད་སྡེ་ཁང་། ལི་མ་ཁང་། དཔེ་མཛོད་ཁང་སོགས་མཆིས། སྟེང་ཁང་དུ་རྒྱུ་ཟངས་གསེར་ལས་གྲུབ་ཅིང་རིན་ཆེན་སྣ་ཚོགས་ཀྱིས་ཕྲ་ཚོམ་བཏབ་པའི་ལྷ་ལྡན་ཇོའི་ཚད་དང་མཉམ་པའི་ཐུབ་པ་གཅིག་དང་བྱིས་པ་ལོ་བརྒྱད་ཀྱི་ཚན་དང་མཉམ་པའི་ཉན་ཐོས་མཆོག་ཟུང་གཉིས། གྲུ་གང་གི་ཚད་ཙམ་གྱི་ཐུབ་པ་རྡོ་གདན་མ་（གཏེར་མ）། གྲུ་གང་སོར་གསུམ་གྱི་ཚད་ཙམ་གྱི་བདེ་གཤེགས་མཆེད་བརྒྱད། ཉེ་བའི་སྲས་བརྒྱད་སོགས་མཆིས་སོ། གཞན་ཡང་མཁའ་སྤྱོད་མ་ཡབ་ཡུམ་དང་གནས་བརྟན་བཅུ་དྲུགགུ་རུ་མཚན་བརྒྱད། རྗེ་ཡབ་སྲས་གསུམ། མཁན་སློབ་ཆོས་གསུམ། མཁའ་འགྲོ་ཡེ་ཤེས་མཚོ་རྒྱལ་སོགས་ཀྱི་གསེར་སྐུ་（གཏེར་མ་དང་ལི་མ）སྟོང་ཕྲག་ལྷག་ཙམ་དང་། རྒྱུ་འཇིམ་བཟོ་ལས་གྲུབ་པའི་ཞི་བ་བཞི་བཅུ་རྩ་གཉིས་དང་འབར་བ་ཁྲག་འཐུང་ལྔ་བཅུ། གྲུབ་ཆེན་ཐང་སྟོང་རྒྱལ་པོ། མཁའ་འགྲོ་རྣམ་གཉིས། སེང་གདོང་ཡབ་ཡུམ། དུར་བདག་ཡབ་ཡུམ། ལེགས་ལྡན་ཚོགས་ཀྱི་བདག་པོ། དམ་ཅན་རྡོ་རྗེ་ལེགས་པ། སྔགས་གསང་ཨེ་ཀ་ཛ་ཌི། རྣམ་སྲས། གནོད་སྦྱིན་ཙེ་འུ་དམར། གཉན་ཆེན་ཐང་ལྷ་སོགས་ཤིན་ཏུ་མང་ངོ་། རྒྱུ་གསེར་དངུལ་ལས་གྲུབ་ཅིང་གཟི་བྱུར་སྤོས་ཤེལ་གཡུ་སོགས་རིན་ཆེན་སྣ་ལྔའི་ཕྲ་ཚོམ་བཏབ་པའི་རིག་འཛིན་འཇམ་དཔལ་རྡོ་རྗེ་དང་དཔོན་པོ་ཨུ་རྒྱན་ཆེ་མཆོགགཞི་ཆེན་མ་འདས་རིན་པོ་ཆེ་བློ་བཟང་དྲི་མེད་བསྟན་འཛིན་སོགས་ཀྱི་རྩེག་ཕྱེད་ཙམ་གྱི་སྐུ་གདུང་དང་། མཆོད་རྟེན་ཆ་བརྒྱད་སོགས་མཆིས་སོ།

དེ་ཡང་རགས་བཀྲམ་བྱམས་པ་གླིང་གི་ཚེས་དུས་མཆོད་འཚོགས་ཚུལ་འགོད་པ་ལ། དུས་ཚིགས་བཞིའི་བདག་ཉིད་དུ་གྱུར་བའི་ལོ་འཁོར་མོ་ཡུག་གི་དུས་མཆོད་ནི། ཧོར་ཟླ་དང་པོའི་ནང་བསང་རྔན་ཆེན་མོ་དང་། ནང་བསྐྱེད་རྫོགས་དང་འབྲེལ་བའི་བཀའ་བརྒྱད་ཁྲོ་བོ་རོལ་བའི་སྒྲུབ་མཆོད་འོག་མིན་ཚོགས་ཆེན་འདུས་པའི་རྩ་འཆམ་དང་སྦྲགས་པའི་ཚེས་བཅུ་དུས་དྲན་ཆེན་མོ་ཟླ་གཅིག་གི་རིང་འཚོགས་རྒྱུ་དང་། ཧོར་ཟླ་བཞི་པའི་ནང་སྤྱོད་འཇུག་མཆོད་པ། ཧོར་ཟླ་དྲུག་པའི་ཚེས་བཅོ་ལྔ་ནས་ཟླ་ཕྱེད་གཉིས་ཀྱི་རིང་ལ་དབྱར་གནས། ཧོར་ཟླ་དགུ་པའི་ནང་ནས་བཅུ་གཅིག་པའི་བར་དགུན་ཆོས་（སྔོན་འགྲོ་དང་རྩ་རླུང་། རྫོགས་ཆེན）ཧོར་ཟླ་བཅུ་གཉིས་པའི་ཟླ་མཇུག་ལ་ཚེ་བདག་དུས་དགྲའི་དབང་པོ་བསྒྲལ་འཆམ་དང་[page 352] སྦྲགས་པའི་དགུ་གཏོར། གཞན་ཡང་རྡོར་སེམས་ལོ་སྒྲུབ་དང་མ་ཎི་ཟླ་སྒྲུབ། གསོལ་ཀ་རྒྱུན་འདོན་སོགས་གསུང་འདོན་འགྲིག་དང་ཕྱག་རྒྱ་ལག་འགྲིག་གི་དུས་མཆོད་མང་དུ་མཆིས་སོ། རྒྱ་ཆེའི་དགེ་འདུན་པའི་གྲངས་ཀ་ནི་མང་མཐའ་སྟོང་ཕྲག་གཅིག་ལྷག་ཙམ་དང་ཉུང་མཐའ་ལྔ་བརྒྱ་ཙམ་ཡོད། རགས་བཀྲམ་བྱམས་པ་གླིང་གི་བཤད་སྒྲུབ་གྲྭ་དང་རྒྱུན་སྲོལ་ཆགས་ཡོད་པའི་ཚེས་དུས་མཆོད་རྣམས་ཀྱི་ཡོན་བདག་གྱི་འབྱུང་ཁུངས་ནི། གཞི་ཆེན་སྐྱབས་མགོན་བསོད་ནམས་དཔལ་ལྡན་ནམ་རིག་འཛིན་འཇམ་དཔལ་རྡོ་རྗེས་གདན་སར་བསྐྱངས་པའི་སྐུ་དུས་སུ་སང་སང་དང་ཏུག་ཚ། ཀེ་འཕེན། ལ་རྒྱ། ཁ་ཤུལ་སོགས་ལྡེ་བའི་ཡོན་བདག་བགྱིས་ཏེ་མཐུན་རྐྱེན་དང་ཞབས་ཏོག་གང་ལེགས་བསྒྲུབས་པ་ནས་བཟུང་སྡེ་བ་དེ་དག་དགོན་པའི་ལྷ་འབངས་སུ་རྒྱུན་གཏན་དུ་གྱུར་ནས་དུས་མཆོད་ཐེབས་སུ་སྤེལ་བའི་རྒྱུན་སྲོལ་ཆགས། དགེ་འདུན་པའི་འཚོ་བ་ནི་སྔོན་གྱི་ལུགས་སྲོལ་ལྟར་བསོད་སྙོམས་ཟས་གོས་གནས་མལ་ཙམ་ལས་ཕུགས་ནོར་རྒྱ་ཆེར་འཆང་བའི་སྲོལ་མ་ཆགས། གཞན་ཡང་གདུང་རྒྱུད་གཅིག་པའི་སྤྲུལ་སྐུ་སྐུ་ཕྲེང་རིམ་བྱོན་གྱིས་བསྟན་བདག་གིས་འགན་བཞེས་འོགདགོན་པ་དང་སྡེ་བ་སྤྱི་ལ་སེམས་དཀར་ཞིང་ལུགས་ཀྱི་བྱ་བཞག་ལ་རྣམ་དཔྱོད་ཡངས་པའི་དགེ་འདུན་པ་རྣམས་དགོན་པའི་ལས་ཐོག་གི་དགེ་སྐོས་དང་ཕྱག་མཛོད། གཉེར་བ། སྤྱི་བ་སོགས་རེས་མོས་སུ་བསྐོ་བཞག་བྱས་ཏེ་དགོན་པའི་ནང་ཁུལ་དུ་དགེ་འདུན་དམངས་གཙོའི་རྩ་འཛུགས་ཡོད་པར་བྱས་ཏེ་རང་རང་གི་ལས་འགན་ཐོག་འབབ་འབྲེལ་གྱི་དབང་ཆ་བཞེས་པའི་རྒྱུན་སྲོལ་ཡོད་པ་མ་ཟད། སྡེ་བའི་ནང་ཁུལ་གྱི་དུད་ཚང་འབྱོར་ཤོས་རྣམས་སྤྱི་ཆེན་དང་དུད་ཚོང་དབུལ་ཕྱུག་མཉམ་པ་རྣམས་སྤྱི་འབྲིང་། དུད་ཚོང་དབུལ་ཤོས་རྣམས་སྤྱི་ཆུང་ངུ་བསྐོ་བཞག་བྱས་ཏེ་དགོན་གཞུང་ལ་ཚོགས་པའི་སྟོང་སྒོ་སྤྲོད་པའི་ལུགས་སྲོལ་རྒྱུན་འཇགས་སུ་གྱུར་ཏོང་།

རགས་བཀྲམ་བྱམས་པ་གླིང་ནི་གཏེར་ཆེན་ཀློང་གསལ་སྙིང་པོའི་སྲས་ཀྱི་གཙོ་བོ་གཞི་ཆེན་གླང་བཞག་ཨུ་རྒྱན་ལྷུན་གྲུབ་ནས་ད་ལྟའི་བར་བླ་རབས་དང་གདུང་རབས་གཅིག་པའི་བླ་རབས་རིམ་བྱོན་གྱིས་གདན་སར་བསྐྱངས་པས་གཞི་ཆེན་དགོན་ཁག་གསུམ་པོ་སྐྱིད་སྡུག་གཅིག་ཅིང་དགོན་པ་ནང་ཕན་ཚུན་བླ་སྤྲུལ་རྣམས་བྱོན་རིས་དང་བཞུགས་རིས་མཛད་པ་སོགས་ཀྱི་འབྲེལ་ཟབ་ཤིན་ཏུ་ཆེ་བར་མ་ཟད། དགེ་རྩེ་བཀྲ་དགོན་གྱི་ཕྱག་ཚ་གོང་མ་རིན་པོ་ཆེ་དང་ཀུན་བཟང་ཉི་མ་སོགས་བཞུགས་སྐབས་གཞི་ཆེན་དགོན་ཁག་གསུམ་པོ་གང་ལ་ཉམས་ཆག་བྱུང་ན་བརྩེ་གཤིགས་ལྷག་པར་མཛད་པ་སོགས་ཀྱི་རྒྱུན་སྲོལ་ཆགས་ཡོད་པར་གཞིགས་ན་རགས་བཀྲམ་བྱམས་པ་གླིང་ནི། དགེ་རྩ་བཀྲ་ལེགས་དགོན་དང་གཞི་ཆེན་མཁར་དམར་དགོན་གཉིས་ཀྱི་བུ་དགོན་དུ་གཏོགས་ཡོད་པར་སྙམ། གཞི་ཆེན་དགོན་ཁག་གསུམ་པོའི་ཆོས་བརྒྱུད་ལས་མཆེད་པའི་སློབ་ཚོགས་ཀྱིས་བཏབ་པའི་བུ་དགོན་ནི་གཉན་ལུང་དགོན་དང་སྟག་ཐོག་དགོན། མུ་ར་དགོན། ཕྱག་ཆུང་དགོན། བརྡ་ཚང་དགོན། གསང་རུ་དགོན། ཨ་བསོད་དགོན། འབུམ་ལུང་དགོན་（དགོན་འགོ་ཕུལ་བ）གང་སྤ་སྒར། རླུང་ཤར་སྒར། ལུང་ཧོབ་རི་ཁྲོད་སོགས་དགོན་ལག་ཆེ་ཕྲ་མང་[page 353] དུ་བཏབ་སྟེ་ཤར་རྒྱལ་བ་ཀཿཐོག་དགོན་པའི་བཤད་སྒྲུབ་ཆོས་ཀྱི་རྒྱུན་སྲོལ་མ་ལུས་ཟམ་མ་ཆད་པར་སྤེལ་བ་ལགས་སོ།།

སྐྱེ་དགུ་བསོད་ནམས་དམན་པས་མཉམ་མེད་ཟས་གཙང་སྲས་པོ་ལས་བརྒྱུད་པའི་ལུང་རྟོགས་བཤད་སྒྲུབ་ཀྱི་བསྟན་པ་རིན་པོ་ཆེའི་ཉི་མའི་དཀྱིལ་འཁོར་ཆུ་ལྷའི་འཕང་བར་ཡིབ་ནས་མི་ལོ་བཅུ་ཕྲག་གསུམ་ཙམ་གྱི་རིང་ལ་བོད་ཁམས་ཕལ་མོ་ཆེ་དང་མཚུངས་པའི་བཤད་སྒྲུབ་ཀྱི་རྣམ་པ་ཐམས་ཅད་སྟོང་ཞིང་གཙུག་ལག་ཁང་གྲྭ་ཤག་དང་བཅས་པ་ཞིག་རལ་མིང་མེད་དུ་སོང་། ཕྱིས་སུ་ཆོས་དད་རང་མོས་ཀྱི་ཇུས་བཟང་གི་ཉི་མ་གཞོན་ནུའི་འོད་ཀྱི་རླབས་ཞགས་སླར་ཡང་ཆིལ་ཆིལ་དུ་འཚེར་སྟེ། དད་ལྡན་བོད་འབངས་སྤྱིའི་སྐྱེད་ཚལ་གྱི་ལྡུམ་ར་རུ་ཆོས་ལུགས་ཀྱི་བྱེད་སྒོ་སྤེལ་ཆོག་པའི་འདབ་སྟོང་གསར་དུ་དགོད་པའི་སྔོང་འགྲོའི་མཐུན་རྐྱེན་བཟང་པོ་སྩོལ་བ་དང་། སྤྱི་ལོ་༡༩༨༣ལོར་ས་གནས་སྲིད་གཞུང་གིས་ཆོས་སྡེ་དེ་ཉམས་གསོ་བྱེད་ཆོག་པའི་ཆོག་མཆན་གནང་བའི་གོ་སྐབས་དང་འབྲེལ་ཏེ། གཞི་ཆེན་མ་འདས་རིན་པོ་ཆེ་བློ་བཟང་དྲི་མེད་བསྟན་འཛིན་གྱི་ཡང་སྲིད་ནམ་མཁའི་སྙིང་པོ་དང་། ག་བཞི་དཔོན་པོ་བློ་ལྡན་ཤེས་རབ་ཀྱི་ཡང་སྲིད་ཐུབ་བསྟན། གཞི་ཆེན་སྐྱབས་དགོན་རིན་པོ་ཆེའི་ཡང་སྲིད་ཟོད་པ་རྒྱ་མཚོ། མཁས་གྲུབ་བསྟན་འཛིན་གྱི་ཡང་སྲིད་བཻ་རོ། གཞི་ཆེན་འཇིགས་མེད་དབང་རྒྱལ་གྱི་སྐུའི་སྲས་གཞི་ཆེན་འཇིགས་མེད་དཔལ་བཟང་། དགེ་བའི་བཤེས་གཉེན་ཆེན་པོ་ལེགས་བཤད་རྒྱ་མཚོ། མི་འགྱུར་ཡེ་ཤེས་རྡོ་རྗེ། རྒྱལ་ཚབ་བསོད་ནམས་གྲགས་པ། ཏུག་ཚའི་བླ་མ་ཐུབ་བསྟན་ཤེས་རབ། ཨ་བོས་བྱང་ཆུབ་རྒྱ་མཚོ། ཏུག་ཚའི་ཕྱོགས་ཀྱི་གླང་པོ། ཉག་རོང་ཚུལ་ཁྲིམས་བཟང་པོ། གསེར་ཏོག་འཇིགས་མེད་ཕུན་ཚོགས། རུ་ཤུལ་ལྷུན་པོ། སྟོང་དཔོན་རྣམ་མཁྱེན། འགྲོ་ཕན་བཟང་པོ། གཏེར་སྟོན་པདྨ། ཚེ་རིང་ཆོས་ལོ། ཏུག་ཚའི་ཨེ་དགའ། རྔ་ཟ་རིག་ནོར་སོགས་ཀྱིས་རྡོག་རྩ་གཅིག་སྒྲིམ་བྱས་ཏེ་ནུས་ཤུགས་མཉམ་འདོན་གྱི་སྒོ་ནས་རང་རང་གི་ནུས་པ་ཆེ་ཆུང་དང་འབྱོར་བའི་ཆ་རྐྱེན་ལ་གཞི་བཟུང་ཐོགརགས་བཀྲམ་བྱམས་པ་གླིང་བསྐྱར་བཞེངས་བྱེད་པའི་རྨང་རྐང་ལེགས་པར་བཙུགས་ཏེ། རིམ་བཞིན་འཁོར་ཁང་དང་མཆོད་རྟེན། གྲ་ཤགབཤད་སྒྲུབ་གྲྭ་ཁང་། སྤྱི་གཉེར་ཁང་། གཙུག་ལག་ཁང་སོགས་བསྐྱར་བཞེངས་ལེགས་པར་གྲུབ་པ་མ་ཟད། སྐུ་གསུང་ཐུགས་རྟེན་ཆེ་ཤོས་རྣམས་ཧ་ལམ་སྔར་བཞིན་བཞེངས་པར་མཛད་དེ་མིག་སྔར་འདུས་སྡེ་གཉིས་བརྒྱ་ལྷག་ཙམ་གྱིས་རགས་བཀྲམ་བྱམས་པ་གླིང་གི་སྔར་སྲོལ་ལྟར་གྱི་བཤད་དང་སྒྲུབ་པའི་ཕྱག་སྲོལ་མ་ལུས་པ་ཉམས་པ་སླར་གསོ་དང་མ་ཉམས་གོང་སྤེལ་གཏོང་བའི་ཆོས་མཐུན་གྱི་མཛད་སྤྱོད་གནང་མུས་སུ་མཆིས་པ་ལགས་སོ།།

ས་མིང་ཚིག་མཛོད་མིག་བཤར།

གསང་སྔགས་ཀྱི་རྒྱལ་པོ་སོ་ཟུར་གནུབས་གསུམ་དང་ཉང་བདག་ཡབ་སྲས་ཀྱི་ཆོས་རྒྱུད་ལས་མཆེད་[page 354] པའི་དཔལ་ཡུལ་རྣམ་རྒྱལ་བྱང་ཆུབ་གླིང་གི་ཆོས་རྒྱུད་དང་། ཤར་རྒྱལ་བ་ཙོང་ཁ་བ་ཆེན་པོ་བློ་བཟང་གྲགས་པ་ཡབ་སྲས་ཀྱི་ཆོས་རྒྱུད་འདྲེས་མར་སྤེལ་བའི་ལྷོ་དགོན་གསུམ་གྱི་ཡ་གྱལ། རྩང་མདའ་དགོན་པའི་བུ་དོན་ཆེ་ཤོས་ཀྱི་གྲས་སུ་གཏོགས་པའི་དཔལ་སེ་ར་ཐེག་ཆེན་ཆོས་འཁོར་གླིང་ནི་སེ་ར་ལུང་བ་རུ་བོད་རབ་བྱུང་བཅུ་གཉིས་པ་མེ་ཞེས་པ་མེ་ཕོ་འབྲུག་གི་ལོར་（༡༧༣༦）འདུ་ཁང་རྟེན་དང་བརྟེན་པ་བཅས་ཐོག་མར་ཕྱག་བཏབ། ཕྱིས་སུ་བོད་རབ་བྱུང་བཅོ་ལྔ་པའི་རྣམ་འབྱུང་ཞེས་པ་ས་ཕོ་འབྲུག་གི་ལོ་（༡༨༦༨）ཨ་པོས་བསོད་རྒན་སྤྲུལ་སྐུ་སྣ་ཚོགས་རང་གྲོལ་གྱིས་གདན་ས་བསྐྱངས་པའི་སྐབས་སུ། ས་ཕྱོགས་དུ་མའི་ཡོན་བདག་གི་འབྱོར་བ་ཕུན་སུམ་ཚོགས་པ་རྒྱས་པའི་མཐུན་རྐྱེན་ལ་བརྟེན། གནས་ཕྱོགས་དེ་རུ་དགོན་པ་སྤོས་ནས་དཔལ་སེ་ར་ཐེག་ཆེན་ཆོས་འཁོར་གླིང་གི་བཤད་དང་སྒྲུབ་པའི་བསྟན་པ་ཡར་ཚེས་ཟླ་གཞོན་གྱི་དཔལ་ལ་འཁུ་བ་ཞིག་བྱུང་ངོ་།།

དེ་ལྟར་མཁས་བཙུན་བཟང་པོའི་ཡོན་ཏན་གྱིས་ཕྱུག་པའི་སྐྱེས་ཆེན་དམ་པ་མུ་ཏིག་བསྟར་ལ་བརྒྱུས་པ་བཞིན་བྱོན་ཞིང་ཞབས་ཀྱིས་བཅགས་ནས་བྱིན་གྱིས་རླབས་པའི་གདན་ས་ཁྱད་པར་ཅན་དེ་ཉིད་ཐོག་མར་ཕྱག་འདེབས་པ་པོ་ནི། ཨ་བོས་ཚུལ་ཁྲིམས་བློ་གྲོས་སམ་མཇིགས་མེད་དགའ་བའི་བློ་གྲོས་དང་འབུམ་ཤུལ་བླ་མ་བསོད་ནམས། ཨ་བོས་བླ་མ་བློ་བཟང་འོད་ཟེར་བཅས་ཀྱི་མཛད་འཕྲིན་རྣམ་པར་དག་པའི་རྒྱུ་ལས་བྱུང་བར་ངེས་སོ།།_（ཁོང་རྣམ་པ་གསུམ་པོ་ཨ་བོས་ཚོ་ཤོག་བཅུ་བཞིའི་ནང་དུ་སྐུ་འཁྲུངས་པ་ཡིན་པར་ངག་རྒྱུན་དུ་བཤད། ）བླ་མ་དེ་གསུམ་པོ་ཐོག་མར་དཔལ་ཡུལ་རྣམ་རྒྱལ་བྱང་ཆུབ་གླི་དུ་གྲ་སར་བྱོན་ནས་སྤྲུལ་སྐུ་ཀརྨ་ཆོས་དཔལ་དང་ཀརྨ་དོན་དན་སོགས་མཁས་གྲུབ་གཉིས་ལྡན་གྱི་སྐྱེས་ཆེན་དུ་མའི་ཞབས་པད་སྤྱི་གཙུག་ཏུ་མཉེས་པ་གསུམ་གྱིས་སྒོ་ནས་ཡུན་རིང་དུ་བསྙེན་ཏེ་རྒྱལ་བའི་གསུང་རབས་སྤྱི་དང་། ཁྱྱད་པར་དུ་གནམ་ཆོས་མི་འགྱུར་རྡོ་རྗེ་དང་རིག་འཛིང་ཀརྨ་ཆགས་མེད། རརྣ་གླིང་བའི་ཆོས་སྐོར་སོགས་ཟབ་གཏེར་གཙོ་བོར་གྱུར་བའི་དབང་ལུང་མན་ངག་མང་པོ་རྫོགས་པར་གསན་ནས་ཕྱི་བསྐྱེད་རྫོགས་ལ་བརྟན་ཆ་ཐོབ་པ་དང་། ནང་རྩ་ཐིག་རླུང་གསུམ་ལ་རང་དབང་འབྱོར་པ་སོགས་མདོར་ན་མཁས་བཙུན་བཟང་གསུམ་གྱི་རྣམ་པར་ཐར་བའི་གྲགས་སྙན་ཅུང་ཆེ་བར་གྱུར་ཏེ། རང་ཡུལ་གསེར་ལྗོངས་དགའ་མའི་ལྟོ་བ་རུ་ཞབས་ཟུང་གསེར་གྱི་འཁོར་ལོ་བསྒྱུར་སྐབས། སྤྲུལ་སྐུ་ཀརྨ་ཆོས་དཔལ་གྱིས་ཐུགས་དགྱེས་པའི་ཚུལ་གྱིས་རིག་འཛིན་ཆེན་པོ་ཀུན་བཟང་ཤེས་རབ་ཀྱི་དབུ་ཞྭ་གནང་ནས་དཔལ་སེ་ར་ཆོས་འཁོར་གླིང་ཕྱག་བཏབ་མཛད་དེ། རྒྱལ་བ་དཔལ་ཡུལ་བའི་རང་ལུགས་འཛིན་པ་ཕྱོགས་ཀུན་ཏུ་དར་སྤེལ་གཏོང་དགོས་པའི་ཐུགས་སྐུལ་ཡང་ཡང་གནང་བར་བརྟེན། ཁོང་རྣམ་པ་གསུམ་པོ་རང་ཡུལ་གསེར་ཐང་ལྗོངས་ཀྱི་སྟོད་ཕྱོགས་སུ་ཆིབས་ཁ་བསྒྱུར་ཏེ་ས་སྐྱོང་མི་ཡི་དབང་པོ་ཁ་ཤུལ་རྒྱ་གར་བཀྲ་ཤིས་ལ་སེ་ར་ལུང་པར་དགོན་སར་བསླང་བ་དང་ཆབས་ཅིག་ཏུ། སྟོད་འབུམ་ཤུལ་ཤོག་དྲུག་ཨ་བོས་ཕ་སྒོ་བདུད་ཚོ་ཤོག་བཅུ་བཞིའི་ཡོན་བདག་གི་འབྱོར་བ་ཅུང་རྒྱས་པས་དཔལ་སེ་ར་ཐེག་ཆེན་ཆོས་འཁོར་གླིང་གི་འདུ་ཁང་རྟེན་དང་བརྟེན་པ་[page 355] ཐམས་ཅད་ཐོག་མར་གསར་བཞེངས་མཛད་དེ་བཤད་སྒྲུབ་ཀྱི་སྡེ་སོ་སོར་བཙུགས། ས་མིང་དགོན་པར་བཏགས་པས་སེ་ར་དགོན་པར་གྲགས། རྗེས་སི་རྟགས་དང་རྟེན་འབྲེལ་དུ་མའི་དབང་གིས་ཨ་བོས་ཚུལ་ཁྲིམས་བློ་གྲོས་དང་འབུམ་ཤུལ་བླ་མ་བསོད་ནམས། ཨ་བོས་བླ་མ་བློ་བཟང་འོད་ཟེར། སང་སང་བླ་མ་པདྨ་སྦྱིན་པ། སང་ཤུལ་བླ་མ་བསོད་ནམས་བཀྲ་ཤིས། སྒྲུབ་བླ་བྱམས་པ། བླ་མ་ཏིང་འཛིན་སོགས་ཀྱི་མགྲིན་གཅིག་ཏུ་རྩེད་མདའ་དགོན་པར་དགོན་མགོ་ཕུལ་བར་འབྲེལ། ས་སྐྱོང་མི་ཡི་དབང་པོ་རྩང་མདའ་རྡོ་རྗེ་ཐར་གྱིས་ཆོས་སྡེ་དེ་ཉིད་ལ་དམིགས་གསལ་གྱི་གཟིགས་སྐྱོང་གནང་སྟེ་ཨ་བོས་འབུམ་ཤུལ་བླ་མ་བསོད་ནམས་དགོན་པའི་བསྟན་བདག་ཏུ་མངའ་གསོལ་མཛད་པ་ནས་བཟུང་དཔལ་སེ་ར་ཐེག་ཆེན་ཆོས་འཁོར་གླིང་གི་བཤད་པ་དང་སྒྲུབ་བའི་ཆོས་ཀྱི་རྒྱུན་སྲོལ་མ་ལུས་བ་དེང་གི་བར་དུ་རྒྱུན་འཇགས་སུ་གྱུར་ཡོད་པ་ནི། སྐྱབས་རྗེ་དམ་པ་དེ་རྣམས་ཀྱི་གཞལ་དུ་མེད་པའི་བཀའ་དྲིན་གྱི་ཕུང་པོ་ཉག་གཅིག་ལས་བྱུང་བའོ།

དེ་ནས་སྐྱེ་ཕྲེང་རིམ་བྱོན་གྱིས་གདན་རབས་ཇི་ལྟར་བསྐྱངས་ཚུལ་ནི་འབུམ་ཤུལ་བླ་མ་བསོད་ནམས་ཀྱི་ཡང་སྲིད་སྐྱེ་ཕྲེང་བཞི་པ་ཨ་བོས་བསོད་རྒན་སྤྲུལ་སྐུ་སྣ་ཚོགས་རང་གྲོལ་གྱིས་ཞལ་སྔ་ནས་ངེད་ཅག་གསུམ་དགོན་པའི་བསྟན་བདག་རེད། ངའི་རྩ་བའི་བླ་མ་རིན་ཕྲེང་དང་། ཁྱེད་ངའི་སློབ་མ་ཡིན་པས་བླ་སློབ་རེས་མོས་བྱས་ནས་འོང་བ་ཡིན་ཞེས་གསུང་པ་ལྟར་ཨ་བོས་བླ་མ་ཚུལ་ཁྲིམས་བློ་གྲོས་སམ་འཇིགས་མེད་དགའ་བའི་བློ་གྲོས་ཀྱི་ཡང་སྲིད་ཀྱི་སྐྱེ་ཕྲེང་གཉིས་པ་སྒོ་འཛུགས་དགའ་སོགས་འཇིགས་དགའ་སྐྱེ་ཕྲེང་རིམ་བྱོན་དང་། འབུམ་ཤུལ་བླ་མ་བསོད་ནམས་ཀྱི་ཡང་སྲིད་སྐྱེ་ཕྲེང་གཉིས་པ་བསོད་རྒན་པདྨ་མཐོང་གྲོལ་སོགས་བསོད་རྒན་སྐྱེ་ཕྲེང་རིམ་བྱོན། ཨ་བོས་བླ་མ་བློ་བཟང་འོད་ཟེར་གྱི་ཡང་སྲིད་སྐྱེ་ཕྲེང་གཉིས་པ་སྤྲུལ་སྐུ་རིན་ཆེན་ཕྲེང་བ་སོགས་རིན་ཕྲེང་སྐྱེ་ཕྲེང་རིམ་བྱོན་བཅས་ཀྱིས་དཔལ་སེ་ར་ཐེག་ཆེན་ཆོས་འཁོར་གླིང་གི་ལུང་རྟོགས་བཤད་སྒྲུབ་ཀྱི་བསྟན་པ་རིན་པོ་ཆེ་གྲུབ་མཐའ་གསར་རྙིང་སྤེལ་མའི་སྒོ་ནས་རེས་མོས་སུ་བསྐྱངས་ཏེ། འཆད་རྩོད་རྩོམ་གསུམ་དང་བཤད་སྒྲུབ་ལས་གསུམ། འཛིན་སྐྱོང་སྤེལ་གསུམ་གྱི་འཕྲིན་ལས་ཀྱི་རྒྱུན་བསྲིངས་ནས་ཆོས་རྒྱུད་ཟམ་མ་ཆད་པ་གནང་བ་ཡིན། ཁོང་རྣམ་པ་ཚོས་དམིགས་གསལ་གྱིས་གདན་རབས་ཇི་ལྟར་བསྐྱངས་ཚུལ་ནི་རང་ཉིད་ཀྱི་རྣམ་ཐར་དུ་གསལ་ལོ།།

དེ་ལྟར་དཔལ་སེ་ར་ཐེག་ཆེན་གླིང་གི་མཁན་རབས་རིམ་བྱོན་དང་བཤད་སྒྲུབ་ཀྱི་བསྟན་པ་ཇི་ལྟར་སྤེལ་ཚུལ་རགས་རིམ་ཞིག་འགོད་ན། སང་སང་རྩིས་པ་པདྨ་སྦྱིན་པ་དང་སང་སང་ཁྱུའུ་རྒྱ། སང་སང་དབང་ཆེན་དགེ་ལེགས། བླ་མ་བྱམས་པ་ཆོས་དར་སོགས་སང་སང་བླ་རབས་བཅུ་གསུམ་དང་། སང་ཤུལ་པདྨ་ལྷུན་གྲུབ་སོགས་སང་ཤུལ་བླ་རབས་བཅོ་ལྔ། རྒྱ་རོང་བླ་མ་ཆོས་དར་སོགས་རྒྱ་རོང་བླ་རབས་བཞི། རོག་བཟའི་བླ་མ་དྲི་མེད་སོགས་མཁས་བཙུན་བཟང་པོའི་ཡོན་ཏན་གྱི་ས་མཐོར་གཤེགས་པའི་གསེར་གྱི་ལྷུན་པོ་ཚར་དུ་དངར་བ་བཞིན་བྱོན་ཡོད་པ་རེ་རེ་བཞིན་རྣམ་ཐར་དང་ལོ་རྒྱུས་འགོད་མི་ནུས། འོན་ཀྱང་[page 356] ཆོས་སྡེ་དེ་ཐོག་མར་བཏབ་པ་ནས་བཟུང་ཨ་བོས་བླ་མ་བློ་བཟང་འོད་ཟེར་དང་སང་སང་རྩིས་པ་པད་སྦྱིན། སང་ཤུལ་བླ་མ་ལྷུན་གྲུབ་སོགས་ཀྱིས་རིམ་བཞིན་མཁན་པོའི་འགན་ཁྲི་བཞེས་ཏེ། གནམ་ཆོས་མི་འགྱུར་རྡོ་རྗེ་དང་རིག་འཛིན་ཀརྨ་ཆགས་མེད་སོགས་གྱི་གསུང་ཆོས་ཡོངས་རྫོགས་གཙོ་བོར་གྱུར་བའི་རྒྱུད་སྡེ་ཕྱི་ནང་གསང་སྔགས་ཟབ་པའི་གཏེར་གྱི་དབང་ལུང་མན་ངག་གི་ཁྲིད་རྒྱུན་སྤེལ་བ་དང་། ཁྱད་པར་དུ་འབུམ་ཤུལ་བླ་མ་བསོད་ནམས་ཀྱི་ཡང་སྲིད་སྐྱེ་ཕྲེང་བཞི་པ་དཔལ་ཤུལ་བསོད་རྒན་སྤྲུལ་སྐུ་སྣ་ཚོགས་དང་ཨ་བོས་བླ་མ་བློ་བཟང་འོད་ཟེར་གྱི་ཡང་སྲིད་སྐྱེ་ཕྲེང་གསུམ་པ་ཐུབ་དབང་འོད་ཟེར་རྒྱ་མཚོ་གཉིས་ཀྱིས་དཔལ་སེ་ར་ཐེག་ཆེན་ཆོས་འཁོར་གླིང་གི་བསྟན་བདག་གི་འགན་བཞེས་པ་ནས་བཟུང་སྟེ། ཆོས་ཀྱི་སྡེ་ཆེན་པོ་དེ་ཡི་བཤད་དང་སྒྲུབ་པའི་བསྟན་པ་དབྱར་མཚོ་འཕྱུར་བ་ལྟར་བྱུང་ངོ་།།

སྐྱབས་རྗེ་དམ་པ་དེ་རྣམ་གཉིས་ཀྱིས་དཔལ་སེ་ར་ཐེག་ཆེན་ཆོས་འཁོར་གླིང་གི་བཤད་དང་སྒྲུབ་པའི་ཆོས་ཀྱི་བྱ་བཞག་སྤེལ་བར་སོ་སོར་དམིགས་བསལ་གྱི་ཐུགས་འཁུར་ཟབ་བཞེས་གནང་སྟེ། དབལ་ཤུལ་བསོད་རྒན་སྤྲུལ་སྐུ་སྣ་ཚོགས་རང་གྲོལ་གྱིས་གསེར་ཡུལ་སྟོད་སྨད་བར་གསུམ་ལ་སྙན་གྲགས་ཀྱི་བ་དན་མངོན་པར་མཐོ་བའི་ས་སྐྱོང་མི་ཡི་དབང་པོ་དབལ་ཤུལ་བཀའ་རྡོར་དང་། སྟོད་འབུམ་ཤུལ་ཤོག་དྲུག་གིས་ཀུན་བཟང་མཆོད་པའི་སྤྲིན་གྱི་སྣ་དྲངས་ཏེ་གསེར་དངུལ་སོགས་རིན་པོ་ཆེ་དང་གོས་ཕྲུག་དཀོར་ནོར་འཛད་མེད་ཀྱི་ཡོན་བདག་གི་མཐུན་རྐྱེན་ཆེས་ཆེར་སྦྱར་བར་བརྟེན། སྔར་གྱི་སེ་ར་དགོན་པ་དེ་ལྷ་དང་བླ་མ། མ་དང་མཁའ་འགྲོའི་བརྡ་ལུང་དང་དགོས་གལ་དུ་མའི་དབང་གིས་སྙི་ལུང་ཁྲོས་ཁྲི་ལ་ཁར་སྤོས་ཏེ། གཙུག་ལག་ཁང་རྟེན་དང་བརྟེན་པ་རྨང་ལེགས་པར་བཏིངས་ནས་བཞེངས་པར་སྔར་ལས་ལྷག་པར་གྲུབ། དེར་བརྟེན་གདན་རབས་གོང་མའི་ཕྱག་སྲོལ་མ་ལུས་པའི་ཕྲིན་ལས་ཁོར་ཡུག་ཏུ་བསྲིངས་པ་དང་དུས་མཚུངས་སུ། གཏེར་ཆེན་བདུད་འཇོམས་གླིང་བའི་ཟབ་གཏེར་བསྒོམ་སངས་རྒྱས་ཀྱི་གཏེར་གསར་སྒྲུབ་གྲྭ་གསར་དུ་བཙུགས་ཏེ། སྒྲུབ་པའི་ཕྱག་བཞེས་གཙོ་བོར་སྤེལ་བས། ལྔ་རིག་སྨྲ་བའི་མཁས་པའི་དབང་པོ་ཐུབ་དབང་འོད་ཟེར་གྱི་མཚོ་ཡིས་སྡེ་དེ་ཉིད་དུ་ཀུན་མཁྱེན་འཇམ་དབྱངས་བཞད་པའི་ཡིག་ཆ་གཙོ་བོར་གྱུར་པའི་གཞུང་བཀའ་པོད་ལྔ་ལ་འཆད་ཉན་གྱི་སྲོལ་རྒྱུན་ལེགས་པར་བཙུགས་ཏེ་མདོ་ཕྱོགས་ཀྱི་བཤད་པ་གཙོ་བོར་སྤེལ་བ་ནས་བཟུང་། དཔལ་སེ་ར་ཐེག་ཆེན་ཆོས་འཁོར་གླིང་གི་བཤད་པ་དང་སྒྲུབ་པའི་བསྟན་པ་དེ་གསང་སྔགས་སྔ་འགྱུར་བ་དང་། རི་བོ་དགའ་ལྡན་པའི་གྲུབ་མཐའ་འདྲེས་མར་སྤེལ་བའི་སྲོལ་རྒྱུན་བཟང་པོ་གཏན་འཇགས་སུ་གྱུར། དེའི་སྐབས་སུ་ཁོང་རྣམ་གཉིས་ལ་གསུལ་ལས་སྐྱེས་བུ་སློབ་སྟོང་ཕྲག་ལས་བརྒལ་བ་བྱུང་བར་གྲགས། དེ་ནས་རིམ་བཞིན་དགེ་བཤེས་བློ་བཟང་དཔལ་ཡོན་དང་ཡལ་ཁ་བསོད་ནམས་ཚེ་རིང་། དགེ་བཤེས་ཚུལ་ཁྲིམས་ཤེས་རབ། ཀ་དག་རིག་པའི་དོན་རྟོགས། མཁན་པོ་ཚུལ་ཁྲིམས་བཟང་པོ། མཁན་པོ་བསྟན་པའི་རྒྱལ་མཚན། མཁན་པོ་བློ་བཟང་རྒྱ་མཚོ། ཐུབ་དབང་བློ་བཟང་འོད་ཟེར་སོགས་མཁས་གྲུབ་གཉིས་ལྡན་གྱི་སྐྱེས་ཆེན་དམ་པ་མུ་ཏིག་བསྟར་ལ་བརྒྱུས་པ་བཞིན་གདན་སར་[page 357] བྱོན་ཞིང་མི་འཇིགས་གདོང་ལྔས་བཏེགས་པའི་ཆོས་ཁྲིའི་བདག་པོ་མཛད་དེ། གདན་རབས་གོང་མའི་ཕྱག་སྲོལ་མ་ལུས་མུ་མཐུད་དུ་བསྐྱངས་པས་རྫོགས་ཆེན་དཔལ་སྤྲུལ་རིན་པོ་ཆེའི་ཆོས་འབྱུང་འབེལ་གཏམ་ལས་ཆོས་ཐེག་དགུ་འཛོམས་པས་སངས་རྒྱས་ཀྱི་བསྟན་པའི་ལུང་ཚང་བ། གྲུབ་མཐའ་ང་ཁྱོད་ཀྱི་ཕྱོགས་རིས་མེད་པས་བསྟན་པ་ཐམས་ཅད་གཅིག་ཏུ་འདུས་པ་ཞེས་གསུངས་པ་ལྟར་གྱུར་ཏེ། རྒྱལ་བ་ཤཱཀྱ་ཐུབ་པའི་བསྟན་པ་རིན་པོ་ཆེ་རིས་སུ་མ་ཆད་པའི་ལུང་རིག་གི་བཤད་པ་དང་། ཆོ་གའི་ཕྱག་ལེན། སྙིང་པོ་ཉམས་བཞེས་ཀྱི་འཛིན་སྐྱོང་སྤེལ་བའི་ཆོས་རྒྱུན་ཟམ་མ་ཆད་པར་གནང་བར་རིག་པའི་སྤྱན་ཟུང་གསལ་ལ་བློ་གྲོས་ཀྱི་པདྨོ་རྒྱས་པ་རྣམས་ཀྱིས་མགྲིན་གཅིག་ཏུ་བསྔགས་པར་གྱུར་བར་ལགས་སོ། ཁྱད་པར་ཉེ་བའི་དུས་ཀྱི་ནང་མཁས་པའི་དབང་པོ་གྲགས་པ་རྒྱ་མཚོ་གདན་སར་བྱོན།། བོད་རབ་བྱུང་བཅུ་དྲུག་པའི་ཀུན་འཛིན་ཞེས་པ་ས་ཕོ་བྱི་པའི་（༡༩༤༨）གནམ་ལོ་གསེ་ཚེས་ལ་བླ་གྲང་བཀྲ་ཤིས་འཁྱིལ་དུ་གྲ་སར་བྱོན་ནས་ཐོག་མར་ལྷ་སྨོན་པ་ཡེ་ཤེས་ཚུལ་ཁྲིམས་རྩ་བའི་བླ་མར་བསྙེན་ནས་དགེ་སློང་གི་སྡོམ་པ་མནོས། མཚན་དུ་གྲགས་པ་རྒྱ་མཚོ་གསོལ། དེ་ནས་རིམ་གྱིས་བླ་མ་དེ་དང་དགེ་བཤེས་བསྟན་འཛིན། ཡོངས་འཛིན་དཀོན་མཆོག་བསམ་གྲུབ། བདེ་ཐང་པ་བློ་བཟང་ཆོས་ཀྱི་ཉི་མ། གཞན་ཕན་འཕྲིན་ལས་རྒྱ་མཚོ་སོགས་མཁས་ཆེན་དུ་མའི་ཞབས་རྡུལ་སྤྱི་བོར་བླངས་ཏེ། མངོན་པ་མཛོད་དང་ཕར་ཕྱིན་མཐའ་དཔྱོད་མཆན་སྦྲགས་མ། དབུ་མ་ལ་འཇུག་པ། རིམ་ལྔ་གསལ་བའི་སྒྲོན་མེ། རྒྱུད་འགྲེལ་སྦས་དོན་ཀུན་གསལ། སྔགས་རིམ་ཆེན་མོ་སོགས་ལ་གསན་བསམ་རྒྱ་ཆེར་མཛད། དགུང་ལོ་ཉེར་དྲུག་བཞེས་པའི་སྐབས་སུ་དུས་ཀྱི་ཟིང་འཁྲུགས་ཆེན་པོ་བྱུང་སྟེ་རྗེ་ཉིད་ལ་འགལ་རྐྱེན་བར་ཆད་གང་མང་འཕྲད་ན་ཡང་། ཕྱིས་སུ་གངས་ལྗོངས་རྒྱལ་བསྟན་ཉམས་གསོ་བྱེད་ཆོག་པའི་གོ་སྐབས་དང་འབྲེལ་ནས། སྐྱབས་རྗེ་དམ་པ་ཉིད་ཀྱིས་སེ་ར་དགོན་པའི་མཁན་པོའི་འགན་ཁྲི་བཞེས་ཏེ། སྔོན་རྗེས་སུ་དགེ་ཚུལ་སློང་ཉིས་བརྒྱ་ལྷག་ལ་སྡོམ་པ་གནང་པ་སོགས་འདོན་ཆ་ཕལ་ཆེའི་ལུང་གསུང་པ། སྨན་ལྷ་བདེ་གཤེགས་མཆེད་བརྒྱད་དང་འཇིགས་བྱེད་དཔའ་བོ་གཅིག་པ་སོགས་འདོན་ཆ་ཕལ་ཆེའི་ལུང་གསུམ་པ། དབྱར་གནས་མཁན་པོར་བཞེས་ཏེ་ལམ་གཙོ་རྣམ་གསུམ་དང་འདུལ་བ་མདོ་རྩ་བ། བསྡུས་གྲྭ། རྒྱལ་སྲས་ལག་ལེན། སྨན་གྱི་རྒྱུད་བཞི་སོགས་ཀྱི་འཆད་ཉན་སྤེལ་ཏེ་བགྲང་བྱ་ཉག་མ་གསུམ་སོང་རྗེས་སུ། སླར་ཡང་ཆོས་སྡེ་ཆེན་པོ་བླ་བྲང་བཀྲ་ཤིས་འཁྱིལ་དུ་གྲྭ་སར་བྱོན་ཏེ་འཇམ་དབྱངས་རྒྱ་མཚོ་དང་ཁྲི་ཆེན་དགེ་འདུན་རྒྱ་མཚོ། འཇམ་དབྱངས་ཉི་མ། དམུ་དགེ་བསམ་གཏན་སོགས་བཤེས་གཉེན་དུ་མ་སྤྱི་གཙུག་ཏུ་བསྙེན་ནས་བརྡ་སྤྲོད་ཚིག་སྦྱོར་དང་སྙན་ངགམངོན་བརྗོད། རྩིས་དཀར་ནག་སོགས་ཐུན་མོང་གི་རིག་གནས་དང་། འདུལ་མཛོད་དབུ་ཕར་སོགས་ཐུན་མིན་ནང་དོན་རིག་པ་ལ་སྦྱངས་པ་གཏིང་ཕྱིན་པར་མཛད་དེ། མཁས་པའི་གྲགས་སྙན་མདོ་སྨད་ཡུལ་དུ་ཁྱབ་པར་བྱས་ནས། རང་ཡུལ་གསེར་ལྗོངས་སྙི་སྟོད་ཕྱོགས་སུ་ཞབས་ཟུང་གསེར་གྱི་འཁོར་ལོ་བསྒྱུར་ཞིང་དཔལ་སེ་ར་ཐེག་ཆེན་ཆོས་འཁོར་གླིང་དུ་སུམ་རྟགས་དག་གསུམ་དང་སྙན་ངག་དབྱངས་ཅན་དགྱེས་གླུ། སྡོམ་གསུམ་[page 358] ་རྣམ་ངེས། གུང་ཐང་འདུལ་སྡོམ། བློ་སྦྱོང་། སྤྱོད་འཇུགབསེ་བསྡུས་གྲ་སོགས་ཀྱི་འཆད་ཉན་སྤེལ་ཏེ་ཞབས་པད་བརྟན་བཞིན་དུ་བཞུགས་སོ།།

དེ་ལྟར་བགྲང་བྱ་ཉག་མ་ཉིས་བརྒྱ་ལྔ་བཅུ་ང་བརྒྱད་ཀྱི་རིང་ལ་སྤྲུལ་སྐུ་སྐྱེ་ཕྲེང་རིམ་བྱོན་དང་བླ་རབས་རིམ་བྱོན་གྱིས་ལུས་ཅན་ཡོངས་ཀྱི་བསོད་ནམས་དགེ་བའི་ས་བོན་བསྐྲུན་པའི་ཞིང་ས་རུ་སྐུ་གསུང་ཐུགས་རྟེན་གྱི་མཚན་ཐོ་རགས་བསྡུས་ཤིག་འགོད་ན། གཙུག་ལག་ཁང་ཆེ་ཆུང་གསུམ་དང་ལྷ་ཁང་བཞི། གྲྭ་ཤག་གཉིས་བརྒྱ་དང་ཞེ་བདུན། དུང་འཁོར། མཆོད་རྟེན་སོགས་མང་དུ་མཆིས་སོ།

ནང་རྟེན་ལ་རྒྱུ་གསེར་ཟངས་ལས་གྲུབ་ཅིང་རིན་ཆེན་སྣ་ལྔའི་ཕྲ་ཚོམ་བཏབ་པའི་ཁང་རྩེག་གཅིག་ཅན་གྱི་གུ་རུ་གཙོ་འཁོར་གསུམ་དང་། མིའི་ལུས་ཚད་ཅན་གྱི་རྡོར་སེམས་（ལི་མ）མིའི་ལུས་ཚད་མའི་དངུལ་དཀར་གྱི་རྗེ་ཙོང་ཁ་བ། གཞན་ཡང་ཐུབ་པ་དང་གནས་བརྟན་བཅུ་དྲུགགྲུབ་ཆེན་བརྒྱད་ཅུ། ཉེ་བའི་སྲས་ཆེན་བརྒྱད། ཚེ་ལྷ་རྣམ་གསུམ། མཁན་སློབ་ཆོས་གསུམ། མར་མི་དྭགས་གསུམ། རྗེ་ཡབ་སྲས་གསུམ། བླ་རབས་གོང་མའི་སྐུ་དམར་གདུང་སོགས་ཀྱི་ལི་མ་དང་གཏེར་མའི་གསེར་སྐུ་ལྔ་བརྒྱ་ལྷག་ཙམ་དང་། རྒྱུ་འཇིམ་བཟོ་ལས་གྲུབ་པའི་སྟོན་པ་གཙོ་འཁོར་གསུམ་དང་འོད་དཔག་མེད། རྣམ་རྒྱལ་མ། ཐུགས་རྗེ་ཆེན་པོ། གུ་རུ་མཚན་བརྒྱད་སོགས་མང་དུ་མཆིས་སོ། སྔོན་གྱི་བྲིས་རྙིང་དང་གསེར་དངུལ་གྱིས་བྲིས་པའི་སངས་རྒྱས་སྟོང་སྐུ་ཆ་བཞི། མཛད་པ་བཅུ་གཉིས། རིགས་གསུམ་མགོན་པོ། ཚེ་ལྷ་རྣམ་གསུམ། རྗེ་ཡབ་སྲས་གསུམ། དཔལ་མགོན་བདུན་ཅུ། རྒྱལ་ཆེན་སྡེ་བཞི་སོགས་ཤིན་ཏུ་མང་པོ་བཞུགས། གསུང་རྟེན་ལ་རྒྱལ་བའི་བཀའ་འགྱུར་རིན་པོ་ཆེ་ཆ་ལྔ་དང་བསྟན་འགྱུར་ཆ་ལྔ། རིན་ཆེན་གཏེར་མཛོད་ཆ་གཉིས། ཀློང་ཆེན་མཛོད་བདུན་བཅས་ཆ་ཚང་དང་། གཞན་ཡང་རོང་ཟོམ་ཆོས་བཟང་དང་རྗེ་ཙོང་ཁ་པ། འཇུ་མི་ཕམ་འཇམས་དབྱངས་རྣམ་རྒྱལ་རྒྱ་མཚོ། གནམ་ཆོས་མི་འགྱུར་རྡོ་རྗེ། རིག་འཛིན་ཀརྨ་ཆགས་མེད། རཏྣ་གླིང་བ། ཀུན་མཁྱེན་འཇམ་དབྱངས་བཞད་པ་སྐུ་ཕྲེང་རིམ་བྱོན། རྫོགས་ཆེན་དཔལ་སྤྲུལ། ཀོང་སྤྲུལ་ཡོན་ཏན་རྒྱ་མཚོ། རྗེ་ཞྭ་དམར་བ། གཏེར་ཆེན་བདུད་འཇོམས་གླིང་བ་སོགས་ཀྱི་གསུང་འབུམ་མཆིས་སོ། མཆོད་པའི་ཡོ་བྱད་སྐོར་ལ་རིན་ཐང་གཞལ་དུ་མེད་པའི་སྦུབ་ཆིལ་དང་འཁར་རྔ། སིལ་སྙན། དྲིལ་བུ། སྤོས་ཕོར་（རྒྱ་ཧོར་གྲ་བལ་ཤང）སོགས་དང་རྒྱུ་ཟངས་རག་ལས་གྲུབ་ཅིང་གསེར་དངུལ་གཟི་བྱུར་སྤོས་ཤེལ་གཡུ་སོགས་ཕྲ་ཚོམ་བཏབ་པའི་རྒྱ་གླིང་དང་རྐང་གླིང་། དུང་། བུམ་པ། མཆོད་ཀོང་། མཎྜལ་སོགས་ཤིན་ཏུ་མང་ངོ་། གཞན་ཡང་རིན་ཐང་ཅན་གྱི་ཟ་འོག་ལས་གྲུབ་པའི་གདུགས་དང་རྒྱལ་མཚན། ཀ་འཕན། དཀྱིལ་འཁོར་རྒྱན་ཆས། བླ་བྲེས། ཕྲག་ཁེབས་སོགས་མང་པོ་དང་གོས་ཆེན་ཆུ་བྲག་གི་བེར་བརྒྱད་ཅུ་སོགས་འཆམ་གོས་འབག་དང་བཅས་ཆ་ཚང་བར་བཞུགས་ཡོད་བར་ལགས་སོ།།

དེ་ནས་དཔལ་སེ་ར་ཐེག་ཆེན་ཆོས་འཁོར་གླིང་དུ་རྒྱུན་འཇགས་སུ་གྱུར་ཡོད་པའི་ལོ་འཁོར་མོའི་དུས་མཆོད་རགས་ཙམ་ཞིག་འགོད་ན། ཧོར་ཟླ་གཉིས་པའི་ཚེས་བཅོ་ལྔ་ཉིན་ནས་བཟུང་ཉིན་བདུན་གྱི་རིང་ལ་[page 359] སྒྲུབ་མཆོད་འོག་མིན་ཚོགས་ཆེན་འདུས་པ་བཀའ་བརྒྱད་ཁྲོ་བོ་རོལ་བའི་མཆོད་པའི་ལྷ་མོ་བཅུ་དྲུག་དང་ཀུན་ཐུབ་ཀོང་རུས་འཆམ་དང་བཅས་པ་དང་། ཧོར་ཟླ་གསུམ་པའི་ཚེས་གཅིག་ནས་བཅུའི་བར་ཚེས་བཅུ་ཧོར་ཟླ་ལྔ་པའི་ནང་ཉིན་བདུན་གྱི་རིང་ལ་བསང་གསོལ་བྱེད་དེ་ཡུལ་ལྷ་གཞི་བདག་མཆོད་པ། ཧོར་ཟླ་དྲུག་པའི་ཚེས་བཅོ་ལྔ་ཉིན་ནས་ཟླ་བ་ཕྱེད་གཉིས་ཀྱི་རིང་ལ་དབྱར་གནས་འཚོགས་རྒྱུ། ཧོར་ཟླ་དགུ་པའི་ཚེས་བཅུ་དྲུག་དང་ཧོར་ཟླ་བཅུ་པའི་ཚེས་བཅུ་དྲུག་ཉིན་གཉིས་སོ་སོར་འདས་མཆོད། ཧོར་ཟླ་བཅུ་པའི་ཚེས་ཉེར་ལྔ་ཉིན་ནས་ཉིན་གསུམ་ལ་དགའ་ལྡན་ལྔ་མཅྒོད། ཧོར་ཟླ་བཅུ་པའི་ཚེས་བཅོ་ལྔ་ཉིན་ནས་བཟུང་ཞག་བརྒྱའི་རིང་ལ་སྐུ་གསུམ་སྒྲུབ་པ། ཧོར་ཟླ་བཅུ་གཉིསཔའི་ཚེས་ཉེར་དྲུག་ཉིན་ནས་ཚེས་གསུམ་ཅུ་ཉིན་གྱི་བར་དགུ་གཏོར་བཅས་མཆིས་སོ། གཞན་ཡང་དགོན་པར་རྒྱུན་སྡོད་ཀྱི་འདུལ་འཛིན་པ་ཡོངས་ཀྱིས་ཉིན་རྟག་པར་སྒྲོལ་མ་ཚར་ལྔ་བཅུ་དང་བཟང་སྤྱོད། ཚེ་གཟུངས། བསམ་ལྷུན་སོགས་ཞལ་འདོན་སྐོང་ཚོགས་བྱེད་པ་དང་དགོན་ཁང་དུ་གསོལ་ཁ་རྒྱུན་འདོན་བྱེད་པའི་རྒྱུན་སྲོལ་ཆགས་ཡོད་པ་ལགས་སོ།།

དེ་ཡང་དཔལ་སེ་ར་ཐེག་ཆེན་ཆོས་འཁོར་གླིང་གི་བཤད་སྒྲུབ་ཀྱི་བསྟན་པ་འཛིན་སྐྱོང་སྤེལ་གསུམ་དང་ཚེས་དུས་མཆོད་འཚོགས་པའི་གཏོང་སྒོ་སོགས་ཡོན་གྱི་འབྱུང་ཇི་ལྟར་ཡིན་ཚུལ་རགས་རིམ་ཞིག་འགོད་ན། ཨ་བོས་ཚུལ་ཁྲིམས་བློ་གྲོས་སམ་འཇིགས་མེད་དགའ་བའི་བློ་གྲོས་དང་འབུམ་ཤུལ་བླ་མ་བསོད་ནམས། ཨ་བོས་བླ་མ་བློ་བཟང་འོད་ཟེར་རྣམས་ཀྱིས་གདན་ས་བསྐྱངས་པའི་སྐུ་དུས་སུ་སྟོད་འབུམ་ཤུལ་ཤོག་གི་དཔོན་པོ་ཁ་ཤུལ་རྒྱ་གར་བཀྲ་ཤིས་འཁོར་འབངས་དང་བཅས་པས་མཐུན་རྐྱེན་ཀུན་ཏུ་བཟང་པོ་མཆོད་པའི་སྤྲིན་གྱི་སྤྲོས་པ་ལ་བརྟེན་ནས། གཙུག་ལག་ཁང་རྟེན་དང་བརྟེན་པ་གསར་དུ་བཞེངས་ཏེ་འཆད་ཉན་གྱི་སྡེ་བཙུགས། དེ་ནས་བཟུང་སྟེ་སྟོད་འབུམ་ཤུལ་ཤོག་དྲུག་ཨ་བོས་ཕ་སྒོ་བདུན། ཆོ་ཤོག་བཅུ་བཞི་དགོན་པའི་ལྷ་སྡེ་རུ་གྱུར། བོད་རབ་བྱུང་བཅོ་ལྔ་པའི་རྣམ་འབྱང་ཞེས་པ་ས་ཕོ་འབྲུག་གི་ལོར་（༡༨༦༨）དཔལ་ཤུལ་བསོད་རྒན་སྤྲུལ་སྐུ་སྣ་ཚོགས་རང་གྲོལ་གྱིས་སེ་ར་དགོན་པ་སྙི་ལུང་ཆོས་ཁྲི་ལ་ཁར་གནས་སྤོ་བྱེད་པའི་སྐབས་སུ་གསེར་ལྗོངས་ཧྲིལ་པོར་མངའ་དབང་བསྒྱུར་བའི་ས་སྐྱོང་མི་ཡི་དབང་པོ་དབལ་ཤུལ་བཀའ་རྡོར་མགོན་པོས་མཆོད་ཡོན་དུ་བཀུར་ནས་དགོན་པ་གནས་སྤོ་དང་བཤད་སྒྲུབ་འཛུགས་རྟེན་གྱི་ཐད་ལ་འོད་ཤིང་འཚམ་པའི་མཐུན་རྐྱེན་དང་ཞབས་ཏོག་མི་དམན་པར་མཛད། རྗེས་སུ་ཆོས་སྡེ་དེའི་ཚོགས་དུས་མཆོད་ཆེ་ཤོས་ཀྱི་གཏོང་སྒོ་རྣམས་སྟོད་འབུམ་ཤུལ་ཤོག་དྲུག་གིས་ཐུན་མོང་དུ་མཐུན་རྐྱེན་སྦྱར་བའི་རྒྱུན་སྲོལ་ཆགས་པ་དང་། བཤད་སྒྲུབ་གྲྭ་ཁག་ད་ཚོགས་དུས་མཆོད་ཆུང་ཤོས་རྣམས་ཀྱི་གཏོང་སྒོ་ནི་དགོན་པའི་སྤྲུལ་སྐུ་སྐྱེ་ཕྲེང་རིམ་བྱོན་དང་ལས་ཐོག་གི་དགེ་སྐོས་དང་སྤྱི་བ། གཉེར་པ་སོགས་ཀྱིས་མཉམ་དུ་སྦྱར་བའི་ལུགས་སྲོལ་རྒྱུན་འཇགས་སུ་གྱུར། གཞན་ཡང་དགོན་པ་དེ་ལ་སྤྲུལ་སྐུ་སྐྱེ་ཕྲེང་རིམ་བྱོན་གྱིས་བསྟན་བདག་གི་འགན་བཞེས་གནང་འོགདགོན་པའི་དགེ་འདུན་པ་ཡོངས་རྫོགས་ཀྱིས་གཉེར་བ་དང་སྤྱི་བ། དགེ་སྐོས། མཆོད་དཔོན། དབུ་མཛད་སོགས་ཀྱི་ལས་འགན་རེ་རེ་བཞིན་ལོ་ལྔ་རེར་ཁུར་[page 360] དགོས་པའི་སྲོལ་རྒྱུན་གཏན་འཁེལ་བྱས་ཡོད་པ་རེད། དགེ་འདུན་པའི་འཚོ་བ་ནི་རྒྱལ་བ་ཤཱཀྱ་ཐུབ་པའི་རྗེས་སུ་བྲང་བའི་འདུལ་འཛིན་པ་ཕལ་མོ་ཆེ་དང་མཚུངས་ཏེ་བསོད་སྙོམས་ལ་བརྟེན་པ་ཙམ་ལས་དམིགས་བསལ་གྱི་འཚོ་བ་སྤྱད་སྟངས་མེད་དོ།།

དགོན་པ་དེ་ཡུལ་དགོན་གཞན་དང་དགོན་ལག་གི་འབྲེལ་འདྲིས་དམ་ཟབ་ཡོད་ཚུལ་རགས་རིམ་ཞིག་བརྗོད་པ་ལ། གོང་དུ་བཤད་པ་ལྟར་རྟེན་འབྲེལ་དུ་མའི་དབང་གིས་དགོན་མགོ་རྩ་མདའ་དགོན་པར་ཕུལ་བས་རྩ་མདའ་དགོན་པ་ནི་ད་སྐབས་བྲག་སྒོ་རྫོང་གི་མངའ་ཁོངས་ཆགས་ཡོད། རྩ་མདམ་དགོན་པའི་བུ་དགོན་ཆེ་ཤོས་ཀྱི་གྲས་སུ་གཏོགས་ཏེ་རྩ་མདའ་རྡོ་རྗེ་སོགས་ཀྱིས་སེ་ར་དགོན་པ་ལ་དམིགས་བསལ་གཟིགས་སྐྱོང་གནང་ཡོད་པར་བཤད། གཞན་ཡང་སེ་ར་དགོན་པའི་ཆོས་རྒྱུད་དང་སློབ་རྒྱུད་ལས་མཆེད་པའི་སློབ་ཚོགས་ཀྱི་ཕྱག་བཏབ་པའི་དགོན་པ་ནི། དཔལ་སེ་ར་ཐེག་ཆེན་ཆོས་འཁོར་གླིང་གི་ཆོས་སྡེ་དེ་དང་ཕུའུ་དགོན་པ་གཉིས་ནི། སྟོད་འབུམ་ཤུལ་ཤོག་ཨ་བོས་ཕ་སྒོ་བདུན་ཚོ་ཤོག་བཅུ་བཞིའི་ཐུན་མོང་གི་དགོན་པ་ཡིན་སྟབས། དགོན་པར་རྟེན་བཞེངས་སོགས་ཕྱོགས་གང་ཐད་ཀྱི་འཛུགས་སྐྲུན་དང་བཤད་སྒྲུབ་ཆོས་ཀྱི་རྒྱུན་སྲོལ་སྤེལ་རྒྱུ་དེ་དགོན་པ་གཉིས་ཀྱི་བསྟན་བདག་རིམ་བྱོན་དང་། མཁན་རབས་རིམ་བྱོན་གྱིས་རོས་མོས་སུ་ཐུགས་ཁུར་ཟབ་བཞེས་གནང་བའི་རྒྱུན་སྲོལ་ཆགས་ཡོད་པ་སོགས་ཀྱི་ཕན་ཚུན་འབྲེལ་ཟབ་ཤིན་ཏུ་ཆེ་བ་ཡིན་པར་ངེས། ཡང་བོད་རབ་བྱུང་བཅུ་བཞི་པའི་དགའ་བ་ཞེས་པ་ཆུ་ཕོ་འབྲུག་གི་ལོར་（༡༨༣༢）ཨ་བོས་ཚུལ་ཁྲིམས་བློ་གྲོས་སམ་འཇིགས་མེད་དགའ་བའི་བློ་གྲོས་ཀྱི་ཡང་སྲིད་སྐུ་ཕྲེང་གཉིས་པ་སྒོ་འཛུ་འཇིགས་དགའ་དང་སང་ཤེས་པདྨ་རྡོ་རྗེ་རྣམ་གཉིས་ཀྱིས་མཚོ་སྔོན་དུ་（ད་སྐབས་འགོ་ལོག་ཁུལ་པདྨ་རྫོང་གི་མངའ་ཁོངས་སུ་ཆགས་ཡོད）རྨར་བུ་ཚལ་དགོན་ཕྱག་བཏབ་ཅིང་རྟེན་དང་བརྟེན་པ་བཅས་གསར་བཞེངས་མཛད་དེ་ཆོས་རྒྱུད་དང་སློབ་རྒྱུད་སྤེལ་བ་དང་། བོད་རབ་བྱུང་བཅུ་དྲུག་པ་ཁྲོ་བོ་ཞེས་པ་ཤིང་མོ་གླང་གི་ལོར་（༡༩༨༥）ལྕགས་རྐོང་གསང་སྔགས་འགྲོ་འདུལ་གླིང་བའམ་སྤྲུལ་སྐུ་དྲི་མེད་འོད་ཟེར་གྱི་ཡང་སྲིད་སེ་ར་ཡང་སྤྲུལ་རིན་པོ་ཆེ་ཚུལ་ཁྲིམས་རྒྱ་མཚོ་མཆོག་གིས་དཔལ་ཡུལ་ཁྲོ་མཐའ་རུ་ཡ་ཆེན་དགོན་པའམ་བསམ་གཏན་ཆོས་འཁོར་གླིང་ཕྱག་བཏབ་མཛད་དེ་ཆོས་རྒྱུད་སློབ་རྒྱུད་སྤེལ་ཡོད་པ་རེད།

དེང་སང་གི་གནས་ཚུལ་མདོར་བསྡུས་ཤིག་འགོད་ན། ངོ་རྒོལ་བཞི་པ་དང་རིག་གནས་གསར་བརྗེ་ཞེས་པའི་སྐབས་སུ་དཔལ་སེ་ར་ཐེག་ཆེན་ཆོས་འཁོར་གླིང་གི་བཤད་སྒྲུབ་ཀྱི་རྣམ་པ་ཐམས་ཅད་གཏོར་ཞིང་འདུ་ཁན་རྟེན་དང་བརྟེན་པ་ཚང་མ་མིང་གི་ལྷག་མར་གྱུར། རིན་ཐང་གཞལ་དུ་མེད་པའི་གནའ་རྫས་རིག་དངོས་མཐའ་ལ་གཏོར་བརླག་དང་གྱོང་གུད་ཚབས་ཆེན་ཐེབས་ཏེ་སྐྱོ་གདུང་གི་མཆི་མ་ལྷུང་བའི་གནས་སུ་གྱུར་ཡོད་པ་རེད། ཕྱིས་སུ་གངས་ལྗོངས་རྒྱལ་བསྟན་ཉམས་གསོ་བྱེད་ཆོག་པའི་ཇུས་བཟང་གི་ཉི་མའི་དཀྱིལ་འཁོར་སླར་ཡང་སྤྲིན་གསེབ་ནས་ཤར་བ་དང་། སྤྱི་ལོ་༡༩༨༢ལོར་དཀར་མཛེས་རང་སྐྱོང་ཁུལ་མི་དམངས་སྲིད་གཞུང་གིས་སེ་ར་དགོན་པ་ཉམས་གསོ་བྱེད་ཆོག་པའི་ཆོག་མཆན་གནང་བ་སོགས་ཀྱི་སྔོན་[page 361] འགྲོའི་མཐུན་རྐྱེན་བཟང་པོར་བརྟེན། སྔོན་གྱི་ཐུགས་བསྐྱེད་བཟང་པོ་དུས་སུ་སྨིན་པའི་ལྔ་མདོ་སྙིགས་མའི་དུས་ཀྱི་སྒྲོན་མེ། གསང་སྔགས་འགྲོ་འདུལ་གླིང་པའམ་སྤྲུལ་སྐུ་དྲི་མེད་འོད་ཟེར་གྱི་ཡང་སྲིད་སེ་ར་ཡང་སྤྲུལ་རིན་པོ་ཆེ་ཚུལ་ཁྲིམས་རྒྱ་མཚོ་མཆོག་གི་སྣེ་ཁྲིད་འོགསྟོད་འབུམ་ཤུལ་ཤོག་དྲུག་གི་སེར་སྐྱ་འབངས་མི་ཡོངས་རྫོགས་ཀྱི་ཧུར་བརྩོན་རང་བཞིན་གྱིས་ནུས་ཤུགས་མཉམ་འདོན་བྱས་ཏེ། དཔལ་སེ་ར་ཐེག་ཆེན་ཆོས་འཁོར་གླིང་དུ་རིམ་བཞིན་འཁོར་ཁང་དང་མཆོད་རྟེན། གྲྭ་ཤགབཤད་སྒྲུབ་གྲྭ་ཁང་། ཚོགས་ཆེན་འདུ་ཁང་། དགོན་པའི་མཐའ་འཁོར་གྱི་ལྕགས་རི་ལ་སོགས་པ་ཉམས་གསོ་བྱེད་པའི་རྣམ་དཀར་དགེ་བའི་འཕྲིན་ལས་ཀྱི་དབུ་བཙུགས་ཏེ་དུས་ཚོད་རིང་བོ་མ་འགོར་བའི་དགོན་པའི་ཕྱི་ཁོག་ཆ་ཚང་སྔར་བཞིན་གྲུབ། ནང་རྟེན་གྱི་ཐད་ལ་ཐོག་མར་སྤྲུལ་སྐུ་རིན་པོ་ཆེའི་ཕྱག་རྒྱུ་ཁོ་ནའི་འགྲོ་སོང་བྱས་པའི་རྒྱུ་གསེར་ཟངས་ལས་གྲུབ་ཅིང་རིན་ཆེན་སྣ་ལྔའི་ཕྲ་ཚོམ་བཏབ་པའི་སྤྲུལ་སྐུ་ཐུབ་དབང་འོད་ཟེར་རྒྱ་མཚོའི་སྐུ་གདུང་མཆོད་རྟེན་དང་གསེར་སྐུ་ཆེ་ཆུང་བཅོ་ལྔ་（ཚང་མ་ལི་མ་དང་གཏེར་མ་ཡིན）དགོན་པར་རྟེན་བཞག་མཛད་པ་མ་ཟད། དགོན་པའི་བཤད་སྒྲུབ་ཀྱི་བསྟན་པ་སྐྱར་གསོ་བྱེད་པར་རྨང་རྐང་ལེགས་པར་བཏིངས། གཞན་ཡང་ཆོས་ཉིད་དོན་རྟོགས་ཀྱི་ཡང་སྲིད་བསོད་ནམས་ཆོས་འཛིན་རྒྱ་མཚོ་དང་པད་ལྡིས་ཀྱི་ཡང་སྲིད་བསོད་ནམས་ཟླ་བའི་དབང་པོ། སྤྲུལ་སྐུ་ཐུབ་དབང་བློ་བཟང་འོད་ཟེར་བཅས་རིམ་བཞིན་གདན་སར་བྱོན་ཏེ། རང་རང་གི་འབྱོར་བའི་ཆ་རྐྱེན་དང་ནུས་ཤུགས་ཆེ་ཆུང་དང་བསྟུན་ནས་དགོན་པར་རྒྱུ་ཟངས་རག་ལས་གྲུབ་ཅིང་རིན་ཆེན་སྣ་ཚོགས་ཀྱི་ཕྲ་ཚོམ་བཏབ་པའི་གུ་རུ་གཙོ་འཁོར་གསུམ་དང་གུ་རུ་སྟོང་ཐང་། ཟངས་མདོག་དཔལ་རི། འཇིམ་བཟོ་བྱས་པའི་སྟོན་པ་གཙོ་འཁོར་གསུམ། དུས་གསུམ་སངས་རྒྱས། རྗེ་ཡབ་སྲས་སོགས་མང་དུ་གསར་བཞེངས་མཛད་པ་དང་། སེ་ར་དགོན་པའི་ལོ་འཁོར་མོའི་ཚེས་དུས་མཆོད་རྣམས་དང་བཤད་སྒྲུབ་ཆོས་ཀྱི་བསྟན་པའི་མཆད་ཉན་རྣམས་གདན་རབས་གོང་མའི་ཕྱག་བཞེས་མ་ལུས་པ་སྐྱར་འཛུགས་མཛད་དེ་དགེ་བཤེས་གྲགས་པ་རྒྱ་མཚོ་དཔལ་བཟང་པོ་དང་མཁན་པོ་བློ་བཟང་རྒྱ་མཚོ། མཁན་པོ་བློ་དཔལ། སྤྲུལ་སྐུ་ཐུབདབང་བློ་བཟང་འོད་ཟེར། མཁྱེན་སྤྲུལ་སོགས་ཀྱིས་རིམ་བཞིན་མཁན་པའི་འགན་བཞེས་ཤིང་འཆད་རྩོད་རྩོམ་པ་དང་ཐོས་བསམ་སྒོམ་པའི་ཆོས་ཀྱི་འཁོར་ལོ་བསྐོར་བར་མཛད་དེ། འདུས་སྡེ་རྒྱ་ཕྲག་བཞི་ལ་ཉེ་བ་ཙམ་གྱིས་ཐུགས་མཐུན་ཁྲིམས་གཙང་གི་སྒོ་ནས་ཆོས་འཐུན་གྱི་མཛད་སྤྱོད་གནང་མུས་སུ་མཆིས་པ་ལགས་སོ།།

ས་མིང་ཚིག་མཛོད་མིག་བཤར།

རྡོ་སྟོད་ཏྲ་ཏྲ་དགོན་ནམ་ཨོ་རྒྱན་ཐེག་ཆེན་ཆོས་འཁོར་གླིང་ནི་བོད་རབ་བྱུང་བཅུ་བཞི་པའི་དཀྱིལ་སྟོད་ཙམ་ལ་པདྨ་འགྲོ་འདུལ་རྡོ་རྗེའམ་མཚན་ཡོངས་གྲགས་ལ་ཏྲ་ཏྲ་སྐུ་ཆེན་ཞེས་བྱ་བ་དང་བུ་ཆུང་ཆུ་[page 362] དཀར་མ་གཉིས་ཡོན་མཆོད་ཀྱི་འབྲེལ་བ་དམ་པོར་གྱུར་ཚེ་ཐོག་མར་ཕྱག་བཏབ་མཛད། ཁོང་རབ་བྱུང་བཅུ་གསུམ་པའི་དཀྱིལ་སྨད་ཙམ་ལ་སྐུ་བལྟམས། སྐུ་ན་ཤིན་ཏུ་ཕྲ་བའི་སྐབས་ནས་ཡི་གེ་འབྲི་ཀློག་སོགས་ལ་སྦྱངས། ཕྱིས་སུ་ཕྲ་དགེ་སློང་སོགས་ཀྱི་གཙོས་ཆོས་སྤྱན་དང་ལྡན་པ་དུ་མ་ཞིག་ཐུགས་སྲས་ཀྱི་སློབ་བུར་གྱུར། དྲེགས་སྙེགས་ལྷུན་པོ་ལྟར་མཐོ་བའི་ཨ་སྐྱོངས་ཀྱི་དཔོན་རིགས་ཕལ་མོ་ཆེའི་དབུས་ཡི་མཆོད་གནས་སུ་གྱུར། འདིའི་སྐབས་སུ་རང་གྲྭ་ལྔ་བཅུ་ཙམ་དང་ཕྱོགས་སོ་སོ་ནས་ཕེབས་པའི་སློབ་མ་སུམ་རྒྱ་ལྷག་འདུ་མྱོང་བར་གྲགས། བཟོ་བཀོད་དང་མཛེས་བྱད་སོགས་ཤིན་ཏུ་ལེགས་པའི་གཙུག་ལག་ཁང་གསར་བཞེངས་དང་རྟེན་གཙོ་ཟངས་གསེར་ལས་གྲུབ་པའི་མཁན་སློབ་ཆོས་གསུམ་མཐོ་ཚད་སྤྱི་ཁྲི་གཅིག་ལྷག་ཙམ་དང་། རྒྱ་གར་འཕགས་ཡུལ་ནས་སྤྱན་དྲངས་པའི་ཙནྡན་སྤྲུལ་སྙིང་གི་རྒྱུ་ལས་གྲུབ་པའི་རྡི་རྗེ་འཇིགས་བྱེད་དང་གཟའ་བདུད་རཱ་ཧུ་ལའི་སྐུ་བརྙན་གསོན་ཉམས་ལྡན་པ་བྱིན་རླབས་ཀྱི་འོད་ཟེར་འབར་བ་དང་། ཚ་ཤོད་སྒྲོལ་མ་གསུང་འབྱོན་མ་དང་གུ་རུ་ང་འདྲ་མ་གཉིས་ཀྱི་གཙོ་ལི་མ་དང་གཏེར་མའི་གསེར་སྐུ་བཅུ་ཕྲག་གཉིས་ལྷག་དང་། སྟོན་པ་མཉམ་མེད་ཤཱཀྱའི་རྒྱལ་པོའི་སྐྱེས་རབས་དཔག་བསམ་འཁྲི་ཤིང་དང་གུ་རུ་མཚན་རྒྱས་ཀྱི་སྐུ་བརྙན་གསེར་ཐང་མི་ཉུང་བ་དང་དངུལ་གྱི་མཆོད་རྟེན་ལ་གསེར་གྱི་པ་ཏྲ་དང་གསེར་གེ་སོགས་གྱི་མཛེས་པར་རྒྱན་པའི་སྐུ་གདུང་ཆ་གཉིས། གསུང་རྟེན་རྒྱལ་བའི་བཀའ་འགྱུར་རོ་ཅོག་དེའི་དགོངས་འགྲེལ་བསྟན་འགྱུར་བོད་ཉིད་བརྒྱ་ལྷག་རིན་ཆེན་གཏེར་མཛོད་ཆེན་མོ་དང་གཞན་གཏེར་ཆེན་རནྡ་གླིང་བ་དང་གནམ་ཆོས་སྤྲུལ་སྐུ་མི་འགྱུར་རྡོ་རྗེའི་གསུང་འབུམ་ཡིག་མཁན་མཁས་པའི་ལག་རྩལ་ལས་བྱུང་བ་ཆ་གཉིས། ཀློང་ཆེན་མཛོད་བདུན་སོགས་ཀུན་མཁྱེན་ངག་གི་དབང་པོའི་སྔགས་རྫོགས་ཀྱི་སྐོར་ཆ་བཅུ་རེ་བཅས་མདོར་ན་པོད་ཆོག་སྟོང་ལྷག་ཙམ་དང་དགོན་པའི་ཉེ་འདབས་སུ་གང་ཟག་ལེགས་ལམ་ལ་བློ་ཁ་ཕྱོགས་པ་རྣམས་ཀྱི་རྒྱུད་ལ་ཐར་བའི་བག་ཆགས་འཇོག་སླད་མཆོད་རྟེན་གཉིས། དུང་འཁོར་དགུ། འཁོར་ཆུང་རྒྱ་ཕྲག་ལྷགསྐལ་བཟང་དང་ཐར་རྡོ་སོགས་ཀྱི་རྡོ་འབུམ་མི་ཉུང་བ་ཞིག་མཆིས། དུས་མཆོད་ཀྱང་རཏྣའི་ཕུར་བ་བླ་མེད་ཡང་གསང་དོན་གྱི་སྙིང་པོའི་དགུ་སྒྲུབ། ཞིང་སྒྲུབ། སྒྲུབ་མཆོད། དབྱར་ནས་སོགས་ཀྱང་སྲོལ་བཙུགས་ཏེ་བཤད་སྒྲུབ་ཀྱི་བསྟན་པ་ཅུང་དར་བར་གྲགས། དེ་རྗེས་གདན་རབས་གཉིས་པ་གྲུབ་ཐོབ་ལྕགས་སྣ་ཅན་གྱི་རྣམ་སྤྲུལ་རྒྱལ་སྲས་རིག་བཟང་དང་གདན་རབས་གསུམ་པ་ལུགས་གཉིས་ཀྱི་མཁྱེན་སྤྱན་ཡངས་པ་དབོན་དགོན་དབང་། གདན་རབས་བཞི་པ་སྒྲ་སྒྱུར་མར་བའི་སྐུ་སྲས་མདོ་སྡེ་འབུམ་གྱི་རྣམ་སྤྲུལ་པདྨ་མདོ་སྔགས་བསྟན་འཛིན། གདན་རབས་ལྔ་བ་དབོན་པོ་བདེ་བཟང་ད་ལྟ་བསྟན་བདག་གི་འགན་བཞེས་པ་སྤྲུལ་སྐུ་ཇུ་རུ་དང་དབོན་པོ་ངག་དབང་གཉིས་ཀྱི་བར་དུ་རྒྱལ་བ་དབལ་ཡུལ་བའི་ཆོས་རྒྱུད་འཛིན་པའི་གྲུབ་བརྙེས་རིག་འཛིན་གསེར་རིའི་ཕྲེང་བ་ཚལ་དུ་དངར་བ་ལྟ་བུ་བྱོན། གཞན་གདན་རབས་སུམ་འཐུས་པའི་བླ་མ་བསྟན་དགོན་ལ་བྱ་བ་རླབས་ཆེན་སྒྲུབ་མཁན་དབོན་པོ་བྱང་ཆུབ་བཟང་པོ། གྲྭ་སྤྲུལ་བསོད་ནམས་རྡོ་རྗེ། བླ་མ་ཨོ་རྒྱན་ཉི་མ། སྐལ་བཟང་ཉི་མ། དབོན་པོ་[page 363] སངས་རྒྱས་བསྟན་འཛིན་སོགས་མཛད་རྗེས་འགྲན་ཟླ་དང་བྲལ་བ་དུ་མ་བྱུང་། ད་ལྟ་དུས་ཀྱི་འཕོ་འགྱུར་གྱི་དབང་གིས་སྔར་གྱི་མཁས་གྲུབ་རིམ་བྱོན་གྱིས་བཞེངས་པའི་རྟེན་དང་བརྟེན་པའི་རིག་དངོས་མཐའ་དག་ཞིག་ཟིན་ཀྱང་གསེར་ལྗོངས་ཀྱི་ཆོས་སྡེ་གཞན་རྣམས་དང་མཚུངས་པ་རྒྱལ་བསྟན་ཉམས་གསོ་བྱེད་ཆོག་པའི་གོ་སྐབས་དང་འབྲེལ་སྤྲུལ་སྐུ་ཇུ་རུ་དང་དབོན་པོ་ངག་དབང་རྣམ་གཉིས་ཀྱི་ཐུགས་ཁུར་ཆེར་བཞེས་མཛད་ནས་གཙུག་ལག་ཁང་དང་རྟེན་གཙོ་ཟངས་གསེར་གྱི་མཁན་སློབ་ཆོས་གསུམ་ལེགས་སྦྱང་གྲུབ་པ་དང་དགེ་འདུན་ཞལ་གྲངས་ཉེར་ལྔ་ཙམ་གྱིས་དབྱར་གནས་དགུ་སྒྲུབ་དུས་མཆོད་བཅས་འཚོགས་ཏེ་རྒྱལ་བ་དཔལ་ཡུལ་བའི་བསྟན་པ་ལ་ཞབས་འདེགས་ཅི་ལྕོག་སྒྲུབ་བཞིན་པའི་སྐབས་ལགས། ཅེས་ཏྲ་ཏྲ་དགོན་པའི་ལོ་རྒྱུས་མདོར་བསྡུས་འདི་གནུབས་ཀྱི་གྲྭ་དཀོན་མཆོག་བཀྲ་ཤིས་ཀྱིས་བྲིས་པའོ།།

ས་མིང་ཚིག་མཛོད་མིག་བཤར།

བོད་རབ་བྱུང་བཅུ་བཞི་པའི་བག་མེད་ཅེས་པ་ཆུ་མོ་གླང་གི་ལོར་（༡༨༥༣）རི་ཁྲོད་གཅིག་ཐོག་མར་ཕྱག་བཏབ་པར་མཛད་དེ་སྒྲུབ་རྐང་ཚུགས་སོ།། དེ་ལྟར་དགོན་པ་དེ་ཐོག་མར་ཕྱག་འདེབས་པ་པོ་ནི། ཨ་བོ་བླ་མ་བསྟན་འཛིན་དར་རྒྱས་ཡིན། ཇི་ལྟར་བཏབ་པའི་ཚུལ་ནི། དམ་པ་དེ་ཉིད་ཀྱིས་ཐོག་མར་སྙི་སྟོད་ཐང་དཀར་བའི་རྡོ་འབུམ་གྱི་ཉེ་འདབས་སུ་རི་ཁྲོད་ཅིག་ཕྱག་བཏབ་པར་མཛད། དེའི་རྗེས་སུ་སྟོང་ཟ་དང་ཁྲོམ་ཟ། དགེ་རྩེ་ཚང་། འབུམ་ཤུལ། ཨ་བོས་ཞོ། རོག་བཟའ། གོས་ཚ་སོགས་སྡེ་བས་རིམ་བཞིན་ཡོན་བདག་བགྱིས་པ་དང་། ཕྱོགས་ཀྱི་སྐྱེས་ཆེན་མང་པོས་གནས་དེ་རུ་དགོན་པ་ཞིག་འདེབས་དགོས་པའི་ཞལ་བཀོད་ཡང་ཡང་གནང་བར་བརྟེན། སྐྱབས་རྗེ་ཉིད་དབུར་བཞུགས་པའི་བླ་མ་རྟོགས་ལྡན་དང་བླ་མ་བཀྲ་རྣམ། བླ་མ་ཚུལ་ཁྲིམས། བླ་མ་ཀན་བསྟན། སང་སང་བླ་མ་ཆོས་གྲགས་སོགསཀྱི་རང་རང་གི་ཕྱག་རྫས་དང་ནུས་པ་ཆེ་ཆུང་ལ་གཞི་བཟུང་ཐོགསྙིའི་ཐང་དཀར་མའི་རྡོ་འབུམ་གྱི་ཉེ་འདབས་དུ་རིམ་བཞིན་འཁོར་ཁང་ཆེ་ཆུང་མང་པོ་དང་། མཆོད་རྟེན་སྣ་ཚོགས། འདུ་ཁང་སོགས་བཞེངས་པར་མཛད། དེའི་རྗེས་བླ་མ་ཀ་དག་རིག་པའི་དོན་རྟོགས་དང་སྒོ་འཛིན་རྟོགས་ལྡན་འདས་ཆུང་། སྤྲུལ་སྐུ་ཡུམ་ཆེན། བླ་མ་མཁའ་སྤྱོད། བླ་མ་ནོར་གྲོས། བླ་མ་ཉི་མ། དགེ་སློང་རིན་ཆེན་བཀྲ་ཤིས། བླ་མ་དགེ་ལེགས། བླ་མ་གསལ་སྟོང་། སང་སང་དབང་ཆེན་དགེ་ལེགས། སང་སང་བླ་མ་བྱམས་པ་ཆོས་དར། སང་སང་སྐུ་རྒྱབ་བསོད་ནམས་རིན་ཆེན། སང་སང་འཁམ་ཐར་ཚེ་རིང་། སང་སང་གུ་རུ་བཟང་པོ། སང་སང་དཔོན་པོ་འཇིགས་མེད་བསྟན་པའི་ཉི་མ། བླ་མ་འདས་ཆུང་། སྐུ་ཚ་འཕན་ཁོ། ཨ་བོས་བླ་མ་ཀརྨ་བསྟན་འཛིན། སྤྲུལ་སྐུ་གདུགས་ལོ། སྤྲུལ་སྐུ་ཚེ་འཛིན། ཞོ་བསྲུངས་པ། སྤྲུལ་སྐུ་འོད་ཟེར་བཟང་པོ། སྤྲུལ་སྐུ་བསྟན་འཛིན་རྒྱ་མཚོ། སང་སང་སྤྲུལ་སྐུ་འཇིགས་བྲལ་བསོད་ནམས་སོགས་བླ་མ་སྐྱེས་ཆེན་དམ་པ་མང་དུ་བྱོན་[page 364] ཞིང་རྒྱུད་སྡེ་ཕྱི་ནང་ཀུན་གྱི་སློབ་རྒྱུད་དང་ཁྱད་པར་དུ་འཁོར་བར་འཆིང་བྱེད་ཀྱི་བདུད་བཞི་པོ་སེམས་ཀྱི་སྙེགས་རྟོགས་ངར་འཛིན་ཁོ་ནའི་སྟེང་དུ་གཅོད་པར་བྱེད་པའི་གཅོད་ཀྱི་ཁྲིད་དང་། ཐུགས་རྗེ་ཆེན་པོ་སྡུག་བསྔལ་རང་གྲོལ་གྱི་དབང་ལུང་གི་རྒྱུན། ཡེ་ཤེས་བླ་མའི་ཁྲིད་རྒྱུན། སྨྱུང་གནས་ཆོ་གའི་སྲོལ་རྒྱུན་སོགས་ལེགས་པར་སྤེལ་ཏེ་སྒྲུབ་པའི་བསྟན་པ་ཉིན་མོ་བཞིནགསལ་བར་མཛད་དོ།།

དེ་ནས་དགོན་པ་དེ་ཆགས་ནས་བགྲང་བྱ་ཉག་མ་བརྒྱ་དང་དོན་དགུའི་རིང་ལ་སྤྲུལ་སྐུ་དང་བླ་མ་སྐྱེས་ཆེན་རིམ་བྱོན་གྱི་སྐུ་གསུང་ཐུགས་རྟེན་བཞེངས་པའི་གྲངས་ཀ་རགས་ཙམ་ཞིག་འགོད་པ་ལ། གཙུག་ལག་ཁང་གཅིག་དང་ནང་རྟེན་ལ་ཨ་བོས་བླ་མ་བསྟན་འཛིན་དར་རྒྱས་ཀྱི་སྐུ་དམར་གདུང་མཆོད་རྟེན་དང་ཐུགས་རྗེ་ཆེན་པོ་བཅུ་གཅིག་ཞལ་གྱི་བཞེངས་སྐུ་（ལི་མ）། ཐུབ་སྐུ་（ལི་མ）ཚེ་དཔག་མེད་ཀྱི་སྐུ་（རྒྱ་ནག་ལི་མ）ཐུབ་པ་ཉན་ཐོས་མ་（རྒྱ་གར་ཤར་ལི་མ）རྗེ་བཙུན་སྒྲོལ་མ་（ལི་མ་）ཕྱག་ན་རྡོ་རྗེ་ཞི་བའི་ཆ་བྱད་ཅན་（ལི་མ）། འཇམ་དཔལ་དབྱངས་ལི་མ་སོགས་དང་། རྒྱུ་ཟངས་གསེར་ལས་གྲུབ་པའི་ཐུབ་པ། གུ་རུ། རྣམ་སྲས་སོགས་མང་དུ་བཞུགས་པ་དང་རྒྱུ་འཇིམ་བཟོ་ལས་གྲུབ་པའི་གུ་རུ་མཚན་རྒྱས་སོགས། ཐུགས་རྗེ་ཆེན་པོ་དང་མཁན་སློབ་ཆོས་གསུམ་སོགས་ཀྱི་ཞལ་ཐང་། སང་སང་བླ་རབས་འགའི་སྐུ་གདུང་སོགས་མང་དུ་མཆིས་སོ། གསུང་རྟེན་སྐོར་ལ་རྒྱལ་བའི་བཀའ་བསྟན་བཅོས་ཆ་ལྔ་དང་རྙིང་མ་རྒྱུད་འབུམ། ཀློང་ཆེན་མཛོད་བདུན། རིན་ཆེན་གཏེར་མཛོད་སོགས་རྒྱ་བོད་མཁས་གྲུབ་མང་པོའི་གཞུང་འགྲེལ། ཡབ་རྗེ་བླ་མའི་གསུང་འབུམ་སོགས་བཞུགས་ཡོད། གཞན་ཡང་ཐར་མདོ་དང་སྡིག་བཤགས། ཡབ་རྗེ་བླ་མའི་རྣམ་ཐར་བཅས་ཀྱི་པར་ཤིང་སོགས་མཆིས་སོ། ཐུགས་རྟེན་སྐོར་ལ་མཆོད་རྟེན་སྣ་ཚོགས་འོད་འབར་མཆོད་རྟེན་དང་ཁང་བཙེགས་མཆོད་རྟེན། མཆོད་རྟེན་ཆ་བརྒྱད་སོགས་དང་འཁོར་ཆེ་ཆུང་མང་པོ་བཀའ་བསྟན་བཅོས་ཀྱི་དུང་འཁོར་དང་སྨན་བླ་དུང་འཁོར། ཡིག་བརྒྱ་དུང་འཁོར། ཚེ་གཟུངས་ཚེ་བསྙེན་གྱི་དུང་འཁོར། མ་ཎི་དུང་འཁོར་སོགས་མཆིས་སོ། མཆོད་པའི་ཡོ་བྱད་སྐོར་ལ་རྒྱ་ཧོར་གྲ་བལ་ཤང་ཤང་གི་སྦུབ་ཆོལ་དང་འཁར་རྔ། སྤོས་ཕོར་སོགས་དང་། གསེར་དངུལ་གྲ་མའིརྒྱ་གླིང་ཆ་གཉིས་དང་དུང་ཆེན་ཆ་གཉིས། དུང་དཀར་དངུལ་གཤོག་ཕྲ་ལྡན་ཅན་ཆ་གཉིས། དྲིལ་བུ། རྐང་གླིང་སོགས་རོལ་ཆ་མང་དུ་བཞུགས་སོ།། འཕན་གདུགས་རྒྱལ་མཚན་སོགས་ཀྱང་དགོན་སྡེ་གཞན་དང་ཕལ་ཆེ་མཚུངས་པར་མཆིས་སོ།།

དེ་ཡང་དགོན་པ་དེའི་ལོ་འཁོར་མོའི་ཚེས་དུས་མཆོད་འཚོགས་ཚུལ་དང་ཡོན་བདག་ཇི་ལྟར་བགྱིས་ཚུལ། ཡུལ་དགོན་གཞན་དང་འབྲེལ་ཚུལ་སོགས་མདོ་བསྡུས་འགོད་པ་ལ། དགོན་པ་དེར་རྒྱུན་འཇགས་སུ་ཡོད་པའི་ཚེས་དུས་མཆོད་ནི། ཕུར་བ་ཟླ་སྒྲུབ་དང་ཡིག་བརྒྱ་ཟླ་བསྒྲུབ། བར་དོ་དྲུག་ཁྲིད། དབྱར་གནས། བདེ་ཆེན་ཞིང་བསྒྲུབ། སྨྱུང་གནས། རྡོར་སེམས་ཞག་བརྒྱ། གསོལ་ཀ་ཉིན་བཞི། ནང་ཆོས་ཡོངས་རྫོགས་ཀྱི་ཆོ་གའི་ཕྱག་བཞེས་མ་ལུས་དེང་གི་བར་དུ་ལུས་ཅན་བསོད་ནམས་བསགས་པའི་ཞིང་ས་རུ་མཆིས་སོ། ཨ་བོས་བླ་མ་བསྟན་འཛིན་དར་རྒྱས་གྱིས་འོམ་རོང་ཐོ་སྒང་དུ་རི་ཁྲོད་ཅིག་ཕྱག་བཏབ་མཛད་པའི་དུས་[page 365] ནས་བཟུང་ཨ་བོས་ཕ་སྒོ་བདུད་ཚོ་ཤོག་བཅུ་བཞིའི་སྟོང་ཟ་དང་ཁྲོམ་ཟ། འབུམ་ཤུལ། དགེ་རྩ་སང་སང་། གོས་རྩ། རོག་བཟའ་སོགས་སྡེ་བས་ཡོན་བདག་བགྱིས་ཏེ་དགོན་པར་མཐུན་རྐྱེན་སྦྱར་པར་བརྟེན། རིམ་བཞིན་སྡེ་པ་དེ་དག་དགོན་པའི་ལྷ་སྡེ་རུ་གྱུར་ནས་དུས་མཆོད་ཆེ་ཤོས་རྣམས་ཀྱི་ཚོགས་པའི་གཏོང་སྒོ་སྦྱར་སྲོལ་ཆགས་པ་དང་། ཚོགས་དུས་མཆོད་ཆུང་ཤོས་རྣམས་ཀྱི་གཏོང་སྒོ་ནི་དགོན་པའི་སྤྲུལ་སྐུ་རིམ་བྱོན་དང་བླ་མ་རིམ་བྱོན་གྱིས་མཐུན་རྐྱེན་སྦྱར་བའི་སྲོལ་ཡོད་པ། དགེ་འདུན་པའི་འཚོ་བ་ནི་བསོད་སྙོམས་ལ་བརྟེན་ྤའོ།། དགོན་པ་དེ་ཐོག་མར་ཆགས་སྐབས་རྩང་མདའ་དགོན་པའི་ཆོས་བརྒྱུད་ལས་མཆེད་པའི་སློབ་ཚོགས་ཀྱིས་ཕྱག་བཏབ་པའི་དགོན་སྡེ་དུ་མ་ཞིག་ཡོད་པའི་ནང་གསེས་ཤིག་ཡིན་པ་དང་། ཕྱིས་སུ་སེ་ར་དགོན་པ་དང་དགོན་པ་དེ་གཉིས་ཀྱི་ལྷ་སྡེ་གཅིག་པ་དང་། དགོན་པ་ནང་ཕན་ཚུན་བླ་སྤྲུལ་རྣམས་བྱོནརེས་དང་བཞུགས་རེས་མཛད་པ་སོགས་ཀྱི་འབྲེལ་ཟབ་ཤིན་ཏུ་ཆེ་བས་སེ་ར་དགོན་པའི་བུ་དགོན་དུ་གྱུར་ཏོང་།

རིག་གནས་གསར་བརྗེ་ཡི་ཆར་སྤྲིན་ལང་ལོང་དུ་དཀྲིགས་པའི་གསེབ་ལས་གྲལ་རིམ་ཐབས་རྩོད་ཀྱི་ཐོག་སེར་དྲག་ཏུ་འབབས་པར་བརྟེན། འོམ་རུང་ཕུའུ་དགོན་བདེ་ཆེན་གླིང་གི་ཆོས་སྡེ་ལ་བོད་ཁམས་ཕལ་མོ་ཆེ་དང་མཚུངས་པར་རྟེན་དང་བརྟེན་པ་ཐམས་ཅད་མིང་གི་ལྷག་མར་གྱུར། རྡོ་འབུམ་དང་མཆོད་རྟེན། འཁོར་ཁང་སོགས་ལ་གཏོར་བརླག་དང་གྱིང་གུན་ཚབས་ཆེན་ཐེབས། ཕྱིས་སུ་གངས་ལྗོངས་རྒྱལ་བསྟན་ཉམས་གསོ་བྱེད་ཆོག་པའི་གོ་སྐབས་དང་། གསེར་ཐང་རྫོང་མི་དམངས་སྲིད་གཞུང་གིས་བོད་རབ་བྱུང་བཅུ་དྲུག་པ་ཁྲག་སྐྱུག་ཅེས་པ་ཆུ་མོ་ཕག་གི་ལོར་（༡༩༨༣）ཕུའུ་དགོན་བདེ་ཆེན་གླིང་ཉམས་གསོ་བྱེད་ཆོག་པའི་ཆོག་མཆན་གནང་བའི་སྔོན་འགྲོའི་ཆ་རྐྱེན་ལ་བརྟེན་ནས། དབོན་པོ་ཤེར་འོད་ཀྱིས་དགོན་རྩ་ལག་སླར་གསོའི་ཕྲིན་ལས་ཀྱི་དབུ་བཙུགས་ཏེ་འོམ་ལུང་ཕུའུ་དགོན་བདེ་ཆེན་གླིང་གི་འདུ་ཁང་བསྐྱར་བཞེངས་པའི་ལས་འགན་ཐུགས་ཉམས་སུ་བསྟར་བ་དང་། སྐྱབས་རྗེ་ཉིད་ཀྱི་ཕྱག་རྫས་ཀྱིས་བླུས་པའི་ཨ་བོས་བླ་མའི་སྐུ་གདུང་སོགས་རྟེན་རྙིང་དགོན་པར་བཞག་པར་མཛད་དོ། དེའི་རྗེས་སུ་སང་སང་དབོན་པོ་འཇིགས་མེད་བསྟན་པའི་ཉི་མ་དང་ཨ་བོས་བླ་མ་འཕྲིན་ལས་ཀྱི་སྤྲུལ་སྐུ་བསྟན་འཛིན་རྒྱ་མཚོ། ཀརྨ་བསྟན་འཛིན་གྱི་སྤྲུལ་སྐུ་འོད་ཟེར་བཟང་པོ། ཞོ་བསྲུང་པ། བསྟན་པ་ཡར་འཕེལ། སྤྲུལ་སྐུ་ཚེ་འཛིན། བླ་མ་ཨོ་རྒྱན་སྐྱབས་སོགས་ཀྱི་ཧུར་བརྩོན་རང་བཞིན་གྱི་ནུས་ཤུགས་མཉམ་དུ་བཏོན་ཏེ། ཕྱོགས་གཅིག་ནས་ལུས་ཅན་བསོད་ནམས་བསགས་པའི་ཞིང་སའི་གཙུག་ལག་ཁང་རྒྱ་བསྐྱེད་གཏོང་བ་དང་། ཕྱོགས་གཞན་གཅིག་ནས་སྔ་སྲོལ་ཆོས་ཀྱི་རྒྱུན་སྲོལ་（ཚེས་དུས་མཆོད་དང་གཅོད་ཁྲིད། སྨྱུང་གནས། སྔར་མེད་གསར་དུ་བཙུགས་པའི་འདུལ་བ་གཞི་གསུམ་གྱི་བཤད་ཁྲིད་སོགས། ）མ་ལུས་ཉམས་པ་སླར་གསོ་དང་མ་ཉམས་གོང་འཕེལ་གཏོང་བའི་མཛད་འཕྲིན་ཟུང་འབྲེལ་བྱས་ཏེ་དགེ་འདུན་པ་བརྒྱ་ཕྲག་ལ་ཉེ་བ་ཙམ་གྱིས་ཐུགས་མཐུན་ཁྲིམས་གཙང་གི་སྒོ་ནས་ཆོས་མཐུན་གྱི་མཛད་སྤྱོད་གནང་མུས་སུ་མཆིས་པ་ལགས་སོ།

ས་མིང་ཚིག་མཛོད་མིག་བཤར།

[page 366] དགོན་འདེ་ནི་ཁམས་གཙང་གཏེར་སྟོན་གྱིས་བོད་རབ་བྱུང་བཅོ་ལྔ་བའི་ནང་ཚན་ཞིག་ལ་ཕྱག་བཏབ་པར་འཛད་པ་སྟེ་སྔོན་ནག་སྒར་ཞིག་ཡིན། དེ་རྗེས་རིམ་བཞིན་ཕྱུག་ཤུལ་སེམས་ཉིད་རྡོ་རྗེ་དང་། མཁན་བདེ་ལྡན། མཁན་མགྲོན་པོ་ཚེ་རིང་སོགས་ཀྱིས་གདན་ས་འདི་རྒྱུན་བསྐྱངས་ནས་སྔོན་འགྲོ་བློ་སྦྱོང་སོགས་ཀྱི་ཁྲིད་དང་། དུས་མཆོད་ཞི་ཁྲོ་སྒྲུབ་ཆེན་མགོན་པོ་ཟླ་སྒྲུབ་སོགས་ཀྱི་རྒྱུན་བཙུགས། དེ་ནས་བར་སྐབས་ཞིག་ཏུ་རིག་གནས་གསར་བརྗེ་ཆེན་པོའི་གནོད་འཚེས་དགོན་འདི་ཡང་ཉམས་རྒུད་སྣ་ཚོགས་བྱུང་བས་མིང་གི་ལྷག་མ་ཙམ་དུ་གྱུར། ཡིན་ནའང་སྔོན་བྱོན་རྒྱལ་བ་རྣམས་ཀྱི་ཐུགས་བསྐྱེད་སྨོན་ལམ་དང་བགྲང་ཡས་སེམས་ཅན་རྣམས་ཀྱི་སྔོན་བསགས་བསོད་ནམས་མ་ཟད་པའི་སྟོབས་ཀྱིས། སླར་ཡང་བོད་རབ་བྱུང་བཅུ་དྲུག་པའི་ལྕགས་བྱ་ལོར། རྫོང་མི་དམངས་སྲིད་གཞུང་གིས་དགོན་འདི་སླར་གསོ་བྱེད་པའི་ཆོག་མཆན་ཐོབ་པ་དང་། འཇིགས་མེད་ཕུན་ཚོགས་མཆོག་གི་བཀའ་བཞིན་དུ་ལྷ་ལུང་དཔལ་རྡོར་གྱི་ཡང་སྲིད་འཛིན་པ་བླ་མ་ཚེ་ལྡན་མཆོག་ནས་སྐུ་ཚེགས་འོ་རྒྱལ་ལ་མ་ལྟས་པར་བསྐྱར་གསོ་བྱེད་མགོ་བརྩམས་ཤིང་། སྐབས་དེར་དགོན་པའི་འགན་འཁུར་བ་གཙོ་བོ་བསོད་ནམས་རྒྱལ་མཚན་སོགས་ཀྱིས། དབལ་ཤུལ་ཚེ་སྒྲུབ་མགོན་དང་ཡེ་ཤེས་རྡོ་རྗེ་སྐུ་ཞིང་ཨརྱ་གསུམ་ལ་གསེར་འབྲོང་རིའི་ངོས་ནས་སྔ་གྱི་དགོན་ས་དེ་གནང་དགོས་ཚུལ་གྱི་ཞུ་བ་ཕུལ་སྐབས། ཁོང་རྣམས་ཀྱིས་རྗེས་སུ་ཡི་རངས་ཀྱི་སྒོ་ནས་དགོན་ས་ཚུལ་བཞིན་དུ་གནང་སྟེ་ཕྱིས་སུ་མི་འགྱུར་བའི་བདེན་རྟགས་སུ་ཕྱག་ཡིག་ཕྱག་ཐམ་བཅས་ཏེ་གནང་། སླར་ཡང་༡༩༨༧ལོར། མཁན་འཇིགས་མེད་ཕུན་ཚོགས་མཆོག་དང་དབལ་ཤུལ་ཚེ་སྒྲུབ་མགོན་སྤུན་གཉིས་བཅས་གྲོས་མཐུན་མགྲིན་གཅིག་ཏུ་བསྟན་པ་དང་འགྲོ་བ་ཆེད་དུ་གསེར་འབྲོང་རིའི་ངོས་སུ་སྒྲུབ་ཁང་དང་ལྷ་ཁང་བཅས་བཞེངས་ཆོག་ཞེས་ཆོག་མཆན་ཐོབ། སྐབས་ཀྱི་ཡི་གེ་པ་ས་བོའི་གུ་རུས་བྱས་ནས་སླར་ཡང་ཕྱག་ཡིག་ཕྱག་ཐམ་པ་བཅས་གནང་།

བོད་རབ་བྱུང་བཅུ་བདུན་པའི་ཐོག་མ་མེ་ཡོས་ལོར། སྐྱབས་རྗེ་འཇིགས་མེད་ཕུན་ཚོགས་མཆོག་ནས་དགོན་འདིར་ཞབས་བསྟན་རྟག་བརྟན་གླིང་ཞེས་མཚན་གྱི་ཅོད་པན་གསོལ། དགོན་འདི་ཉིད་གསར་སྐྲུན་བྱེད་སྐབས་གཞན་གྱི་ལག་རྩལ་བ་བཟོ་རིག་ཆེད་གཉེར་ཅན་གྱི་མི་སྣ་མང་ཙམ་ཞིག་གདན་ཞུས་མཛད་ནས། རིམ་བཞིན་ཇོ་སེར་སོ་སོར་འདུ་བའི་གཙུག་ལག་ཁང་གཉིས་དང་འབྱོན་སྒྲོས་ལེགས་པའི་ཁང་བརྩེགས་མཆོད་རྟེན་བཅས་བཞེངས་ནས་ལེགས་གྲུབ་བྱུང་། འདུ་ཁང་དེ་ཀའི་སྟེང་དུ་སྤེན་རྒྱན་སོགས་སྔར་སྤོལ་བཞིན་བྱས་པ་དང་། ཁྱད་པར་ཇོ་མོ་འདུ་བའི་གཙུག་ལག་ཁང་གི་ནང་རྟེན་གཙོ་བོ་ནི། བཀའ་བརྒྱད་བསྐྱེད་རྫོགས་རྒྱས་པ་ལྟར་གྱི་འཇིམ་སྐུ་མི་ཡི་ལུས་ཚད་ཙམ་ཡོད་པ། དེའི་འཁོར་ན་སྟོན་པ་དང་། གུ་རུ་རྡོ་རྗེ་གྲོ་ལོད། རྡོར་སེམས། པཎ་ཆེན་བི་མ་མི་ཏྲ་སོགས་བཞུགས་པ་དང་། གྱང་ངོས་སུ་ཚོན་མདངས་[page 367] རྣམ་པར་བཀྲ་བའི་ལྡེབས་བྲིས་རྡོ་རྗེ་སེམས་དཔའ་སྟོང་སྐུ་བཅས་མཆིས་པ། གྲྭ་བ་འདུ་བའི་གཙུག་ལག་ཁང་དུ། ཟངས་གསེར་ལས་གྲུབ་པའི་གུ་རུ་གཙོ་འཁོར་གསུམ་སོགས་ཁྱོན་སྐུ་རྟེན་ཁྱད་པར་ཅན་བཅུ་བདུན་ཙམ་དང་། གསུང་རབས་ཀྱི་སྐོར། རྒྱལ་བའི་བཀའ་འགྱུར་རིན་པོ་ཆེ་དང་། བསྟན་འགྱུར་རིན་པོ་ཆེ། ཀློང་ཆེན་མཛོད་བདུན། རྙིང་མ་རྒྱུད་འབུམ། རིན་ཆེན་གཏེར་མཛོད་དེ་གསུང་འབུམ་གྱི་སྐོར་སོགས་འཕགས་བོད་པཎ་གྲུབ་རྣམས་ཀྱི་གསུང་རབ་བོད་མང་པོར་བཞུགས། ཁང་བཙེགས་མཆོད་རྟེན་དུ་ནང་རྟེན་གཙོ་བོ་ནི། འཇིམ་ལས་གྲུབ་པའི་མཁན་སློབ་ཆོས་གསུམ་སོགས་བྱིན་རྟེན་མང་དུ་བཞུགས་པ། ནང་ལོག་གི་གྱང་ངོས་སུ་ལྡེབས་བྲིས་གུ་རུ་མཚན་བརྒྱད་ལ་རྗེ་འབངས་ཉེར་ལྔས་བསྐོར་བ་བཅས་བཞུགས། དགོན་པའི་ཉེ་འཁོར་དུ་མ་ཎི་དང་ས་ཏྭ་ཡིག་བརྒྱ་སོགས་ཀྱི་འཁོར་ཆུང་སུམ་བརྒྱ་ལྷག་དང་། རྡོར་སེམས་ཀྱི་འཁོར་ལོ་ཆེན་མོ་བཅས་ཡོད། དུས་མཆོད་ཀྱི་སྐོར་ནི། ལོ་བསྟུད་མར་དབྱར་གནས་དང་ཚེ་བཅུ། བཀའ་བརྒྱད་སྒྲུབ་ཆེན། ཉག་ཕུར་དགུ་སྒྲུབ་སོགས་ཀྱི་ཕྱག་བཞེས་ཡོད། དེ་ལ་མཆོད་པའི་ཡོ་བྱད། དར་གདུགས་འཕན་གསུམ། དུང་གླིང་རོལ་མོ་སོགས་ཆ་མང་དུ་མཆིས་པའི་ནང་ཁྱད་འཕགས་ཅན། གསེར་གླིནཧ་ཆ་གཅིགགསེར་མཆོད་ཆ་ཚང་། མཁར་རྔ་གཉིས་བཅས་ཡོད། དགོན་དེར་ད་ལྟ་དངོས་ཡོད་ཇོ་སེར་བརྒྱ་དང་ལྔ་བཅུ། བླ་སྤྲུལ་བརྒྱད། མཁན་པོ་གཉིས། རྒྱུན་བཞུགས་གྲྭ་བ་ལྔ་བཅུ། གྲྭ་ཁང་དྲུག་བཅུ་བཅས་ཡོད་བཤད་གྲྭར་གྲྭ་བ་ལྔ་བཅུ་ཙམ་རྒྱུན་དུ་བཞུགས་ནས་མདོ་སྔགས་རིག་གནས་དང་བཅས་བཤད་ཁྲིད་བཙུགས། སྒྲུབ་གྲར་ལོ་རེར་གྲྭ་བ་བཅུ་དང་ཉི་ཤུའི་བར་བཞུགས་ནས་སྒྲུབ་པ་ཉམས་ལེན་ལ་གཞོལ། ད་ལན་དགོན་པའི་དོ་དམ་ཁང་གི་མི་སྣ་དྲུང་ཡིག་གཅིག་དང་། རྩིས་པ་གཅིག དངུལ་གཉེར་བ་གཅིག བདག་གཉེར་བ་གཅིག ཀྲུའུ་རིན་རྒན་གཞོན་གཉིས་བཅས་ཁྱོན་མི་སྣ་ལྔ་ཡོད། དགོན་འདིའི་གྲུབ་མཐའ་ནི་གཙོ་བོ་སྔ་འགྱུར་རྙིང་མའི་རྗེས་སུ་འབྲང་བའོ། མདོར་ན་དགོན་འདིར་བཤད་སྒྲུབ་ཀྱི་བསྟན་པ་དར་ཚུལ། དབལ་ཤུལ་དཔོན་བླའི་བདེ་སྡུག་ལེགས་ཉེས་ཀྱི་ལུང་བསྟན་ལས། སྨུག་རིའི་གདོང་ལ་མེ་ཏོག་ཙམ་པ་ཀའི། མདངས་ལྡན་འོད་ཀྱིས་སེམས་ཅན་ཀུན་ལ་ཁྱབ། མདོ་སྔགས་བསྟན་པའི་ཀ་རྫོགས་སྙིང་གསུམ་དང་། རྡོ་རྗེ་བྲག་དང་ས་སྐྱ་ཅོ་ནང་དགེའི། བསྟན་པ་ཐམས་ཅད་གཞི་ཡི་བདག་པོ་ཡིན། མདོ་སྔགས་བསྟན་དང་སངས་རྒྱས་སྨན་བླ་ཡི། འགྲོ་རྣམས་བདེ་ལ་འགོད་པའི་ཉི་མ་ཤར། ཅེས་དང་། དཔའ་བོ་ཆོས་དབྱིངས་རྡོ་རྗེའི་འཇམ་དཔལ་རིལ་བུའི་ཁ་བྱང་ལ་སྨུག་པོའི་རི་ལ་སྒྲུབ་པའི་རྒྱལ་མཚན་འཛུགས་ཅེས་སོགས་གསུང་པ་བཞིན་ད་ལྟ་བཤད་སྒྲུབ་ཀྱི་བསྟན་པ་ཉི་མ་ཤར་བ་བཞིན་ཤིན་ཏུ་དར་བར་གྱུར་ཏོང་།

ས་མིང་ཚིག་མཛོད་མིག་བཤར།

དགོན་པ་འདི་ནི་གཡུང་ཤུལ་གསུང་མཆོག་རྡོ་རྗེས་བོད་རབ་བྱུང་བཅོ་ལྔ་པའི་ལྕགས་ལུག་（༡༨༧༢）[page 368] ལོར་ཕྱག་བཏབ། འདུ་ཁང་དང་ལྷ་ཁང་མགོན་ཁང་སོགས་ལ་ནང་རྟེན་ཟངས་གསེར་གྱི་སྟོན་པ་མཉམ་མེད་ཐུབ་དབང་གི་སྐུ་མི་ཚད་མ་གཙོ་འཁོར་གསུམ། སྨན་འདམ་ལས་གྲུབ་པའི་ཆོས་ལོངས་སྤྲུལ་གསུམ། ཆོས་སྐྱོང་ཡོངས་རྫོགས་ཀྱི་འདྲ་སྐུ། རྒྱལ་བའི་བཀའ་འགྱུར་ཆེན་མོ། སྐུ་གདུང་ཆ་བརྒྱད་སོགས་གཙུག་ལག་ཁང་རྟེན་དང་བརྟེན་པ་གསར་དུ་བཞེངས། གཞན་ཡང་དུང་འཁོར་དང་། རྒྱལ་བའི་བཀའ་འགྱུར་གྱི་རྡོ་འབུམ་དང་མཆོད་རྟེན་ཆེ་ཆུང་ཉེར་གཅིག་ཙམ་བཞེངས།

དགོན་པའི་མཚན་དོན་ནི། དགོན་འདི་ཐོག་མར་འདེབས་སྐབས་མདོ་སྡེ་བསྐལ་བ་བཟང་པོའི་དབུ་བཞེས་ཚེ་བཀྲ་ཤིས་པའི་དགེ་མཚན་མང་པོ་བྱུང་བས། བརྡ་ཚང་བསྐལ་བཟང་དགོན་གྲགས། དེ་རྗེས་རིག་འཛིན་བདུད་འདུལ་རྡོ་རྗེའི་སྐུ་ཕྲེང་གཉིས་པ་ཁྲག་འཐུང་བདུད་འཇོམས་རྡོ་རྗེས་ཐུབ་ཆེན་གསེར་ཁང་དང་བཀའ་དང་བསྟན་བཅོས་སོགས་གསར་བཞེངས་དང་ཟབ་ཆོས་གསང་བསྐོར་བཞི་དང་། མཁའ་འགྲོ་འབུམ་གྱི་སྙིང་ཁྲག་སོགས་ཆོས་ཁྲིད་ཀྱི་སྐོར་བཅས་ཟབ་གཏེར་པོད་ཉི་ཤུ་ལྷག་གཏན་ལ་ཕབས་ཏེ་འཁོར་སློབ་འདུས་སྡེ་རྒྱ་མཚོ་ལྟ་བུ་ལ་སྨིན་གྲོལ་ཆོས་ཀྱི་འཁོར་ལོ་བར་མེད་དུ་བསྐོར། ཕུར་བ་བདེ་གཤེགས་སྙིང་པོའི་དགུ་སྒྲུབ་བཙུགས་ཏེ་རྒྱལ་བའི་ལུང་རྟོགས་ཀྱི་བསྟན་པ་མི་ནུབ་པའི་རྒྱུན་བསྲིངས།

དེ་ནས་མཁྱེན་སྤྲུལ་འཛམ་གླིང་དབང་རྒྱལ་དང་མི་ཕམ་རྡོ་རྗེ་གཉིས་ཀྱི་རིང་ལ་རྒྱལ་བ་ཀཿཐོག་པའི་རིང་ལུགས་ལྟར་བོད་ཟླ་གསུམ་པར་པདྨ་འོད་འབར་གྱི་སྒྲུབ་པ་ནང་ཚོགས་ཉིན་བཅུ་དང་གར་འཆམ་དང་སྦྲགས་ཉིན་གཉིས། ཟླ་བཞི་པར་བདེ་ཆེན་ཞིང་སྒྲུབ་ཉིན་བཅུ་དང་སྦྲགས་སེར་སྐྱ་ཡོངས་ཀྱིས་བསྙེན་གནས་འཚོགས་རྒྱུ། ཟླ་ལྔ་བར་སྒྱུ་འཕྲུལ་ཞི་བའི་གར་འཆམ་ཀུན་ཐུབ་བཅས་རབ་གནས་ཉིན་བཞི། དབྱར་གནས་དང་བཅའ་ཡིག་ཚོགས་གཏམ་སོགས་གསར་འཇོགས་བྱས་སོ།།

དེ་རྗེས་སྤྲུལ་སྐུ་དྲི་མེད་འོད་ཟེར་གྱི་རིང་ལ་རྒྱུ་གསེར་དངུལ་ལས་གྲུབ་ཅིང་རིན་པོ་ཆེ་སྣ་ཚོགས་པའི་ཕྲ་ཚོམ་ཅན་གྱི་ཡབ་རྗེ་བླ་མའི་སྐུ་གདུང་མཆོད་རྟེན་དང་མཁའ་འགྲོ་རྣམས་ཀྱི་སྐུ་གདུང་མཆོད་རྟེན་གསུམ། ཡིག་བརྒྱའི་དུང་འཁོར་ཆེ་བ་གཅིག་ལ་འཁོར་ཆུང་ཉེར་ལྔས་བསྐོར་བ་དང་བཅས་བཞེངས། ཡབ་རྗེ་བླ་མའི་ཟབ་གཏེར་མཁའ་འགྲོ་གསང་བའི་གབ་ཐིགའོད་གསལ་ཐུགས་ཀྱི་ཐེག་ལེ། ཟབ་གསང་མཁའ་འགྲོའི་སྙིང་ཐིག་སོགས་ལ་གཏེར་སྐོར་གསུམ་དང་། དག་སྣང་ཡེ་ཤེས་དྲྭ་བ། ཟབ་ཆོས་དགོངས་པ་ཀློང་རྡོལ། ཆོས་ཉིད་ནམ་མཁའི་ཀློང་མཛོད་སོགས་དགོངས་གཏེར་རྣམས་རྣམ་པ་གཉིས་སུ་བགྲངས་བས་ཟབ་ཆོས་གསང་བ་སྐོར་བཞི་དང་། སྔོན་འགྲོ། བསྐྱེད་རིམ་གསལ་བྱེད་དཀྱིལ་འཁོར་ཀུན་གྱི་ལྡེ་མིག་འོད་གསལ་གབ་ཐིགརྡོ་རྗེ་གར་གྱི་རྣམ་རོལ་ཐབས་མཆོག་མྱུར་ལམ་སྙིང་པོ། གནས་ལུགས་རབ་བྱུང་གི་རྒྱུད། ཤེས་རིག་རྡོ་རྗེ་རྣོན་པོའི་རྒྱུད། གསང་བདག་རྒྱུད། གསང་སྔགས་རྡོ་རྗེ་ཐེག་པའི་ཡང་ཞུན་དངོས་ཞེན་རེ་དོག་གཅོད་པའི་གདམས་པ་གནད་ལུགས་རང་ཞལ་སྤྲོད་པའི་མན་ངག་ཟབ་མོ། རང་བཞིན་རྫོགས་པ་ཆེན་པོའི་རང་ཞལ་སྔོན་དུ་བྱེད་པ་མ་བསྒོམ་སངས་རྒྱས། ཀ་དག་རྫོགས་པ་ཆེན་པོའི་ཀློང་[page 369] མཛོད་ཟབ་མོ་དགོངས་བརྡ་སྙན་རྒྱུད་ཚིག་རྫོགས་མན་ངག་བཀའ་རྒྱ་མ། འོད་གསལ་ཐིག་ལེ་སྒྲུབ་པ་མཁའ་འགྲོ་འབུམ་གྱི་སྙིང་ཁྲག་སོགས་པོད་ཉི་ཤུ་ལས་ཆ་མི་ཚང་བའི་རིགས་ཡང་གཏེར་དུ་དྲངས། འདོན་འགྲིགས་དང་བཅའ་འགྲིགས་སོགས་བསྒྲིགས་ཏེ་བཀའ་ལུང་དབང་ཁྲིད་ཀྱི་རྒྱུད་བསྐྱངས་དབུས་ལྷ་ལྡན་ནས་ཤར་རྒྱ་རོང་བར་འཁོར་སློབ་ཀྱི་གདུལ་བྱ་རྒྱས། ཟབ་གཏེར་མ་བསྒོམ་སངས་རྒྱས་ཀྱི་སྒྲུབ་སྡེ་གསར་འཛུགས་བྱས། དེ་རྗེས་རིགས་སྲས་རྡོ་རྗེ་དགྲ་འདུལ་གྱི་རིང་ལ་ཀློང་ཆེན་མཛོད་བདུན་དང་ཡབ་རྗེ་བླ་མའི་གསུང་བདེ་ཆེན་ཞིང་སྒྲུབ་ཀྱི་བཀའ་ལུང་དབང་ཁྲིད་དུ་མས་འཁོར་སློབ་རྒྱ་མཚོ་ལྟ་བུ་བསྐྱངས་ཏེ་འཁོར་ལོ་གསུམ་གྱི་ཕྲིན་ལས་མི་ནུབ་ཀུན་ཏུ་དར་བ་བྱས། དེ་ནས་རྫོང་གཏེར་ཀུན་བཟང་ཉི་མ་དང་རྒྱལ་སྲས་བསོད་ནམས་ལྡེ་བཙན་དགོན་པ་སྐྱབས་སོགས་ཀྱིས་བསྟན་སྲིད་བསྐྱངས་ཏེ་བཤད་སྒྲུབ་འཁོར་ལོ་གཉིས་ལྡན་གྱི་སྒོ་ནས་རྒྱལ་བའི་བསྟན་པ་རིན་པོ་ཆེ་གཅེས་པར་བསྐྱངས།

དྲུག་པ་ཆོས་སྡེ་འདི་ཡི་ཡོན་གྱི་འབྱུང་ཁུངས་སོགས་ནི། ལྷ་སྡེ་རྟ་ཤུལ་གོང་མ་དང་། མགོ་ལོག་ཁ་གསུམ་སོགས་དད་ལྡན་ཡོན་བདག་གིས་མཐུན་རྐྱེན་སྒྲུབ་པ་དང་། དབུ་མཛད་དང་ཆོས་ཁྲིམས་སོགས་ལོ་གསུམ་རེར་བསྐོ་སྲོལ་ཡོད། མ་དགོན་སྟག་རྩེ་དགོན་དང་བུ་དགོན་རླུང་ཤར་དང་ནེ་གྲོ་སྟག་ཚང་། ལུང་ཧོབ་རུ་ཁྲོད། སྨར་མདོ་བཀྲ་ཤིས་དགའ་འཁྱིལ་སོགས་དང་། གཞན་ཡང་བདུད་འཇོམས་ཡང་སྤྲུལ་རིན་པོ་ཆེས་ཕྱག་བཏབ་ཀྱི་དགོན། རྒྱ་གར་གྱི་ཀ་ལི་ཀ་ཏ་དང་། བཀའ་བློན་སྦུགཤྲྀ་གྷུ་རུ། བལ་ཡུལ་དང་འབྲུག་པ། ཕ་རིན་སི། ཨ་མི་རི་ཀ་སོགས་སུ་མང་ངོ་། སྤྱི་ལོ་（༡༩༥༠）སྐོར་ལ་རང་གྲྭ་བརྒྱ་ཕྲག་ཙམ་ཡོད།

སླར་ཡང་རྒྱལ་བསྟན་ཡང་དར་གྱི་ཉི་གཞོན་གསལ་མ་ཐག་རིགས་སྲས་རྟ་མགྲིན་དབང་རྒྱལ། པདྨ་དབང་ལོ། དབོན་པོ་དགོན་པོ་སྐྱབས། ཚེ་སྒྲུབ་སྐྱབས། གཏེར་སྟོན་བསམ་རྒྱས། ཨ་བླ་སོགས་ཀྱིས་འདུ་ཁང་དང་ལྷ་ཁང་། མགོན་ཁང་དང་སྒྲུབ་ཁང་འཁོར་ཁང་སོགས་གསར་བཞེངས་བྱས་ཏེ། གུ་རུ་མཚན་བརྒྱད་ཀྱི་སྐུ་འབགཟངས་གསེར་གྱི་གུ་རུ་གཙོ་འཁོར་གསུམ། སྐུ་གདུང་མཆོད་རྟེན་སྤྱི་ཁྲི་གསུམ་ཅན་སོགས་ལ་རིན་ཆེན་སྣ་ཚོགས་ཀྱི་ཕྲ་ཅན་དང་། རྒྱལ་བའི་བཀའ་འགྱུར་ཆེན་མོ་སོགས་རིས་མེད་དམ་པ་རྣམས་ཀྱིས་གསུང་པོད་སྟོང་ལྷག་དང་འཁོར་ཆེན་བདུན་ལ་འཁོར་ཉེར་ལྔས་བསྐོར་བ། དུང་གླིང་རོལ་མོ་རྔ་ཆེན་སོགས་རོལ་ཆས་དང་། གསེར་བུམ་སྤོས་ཕོར་མཎྜལ་གཏོར་སོགས་མཆོད་པའི་ཡོ་བྱད། བེར་འབག་སོགས་འཆམ་གོས། དར་གདུགས་འཕན་གསུམ་དཀྱིལ་འཁོར་གྲྭ་ཆས་སོགས་ལེགས་པར་གྲུབ་སྟེ་མཁན་སྤྲུལ་བླ་གྲྭ་བརྒྱད་ཅུ་ལྷག་གིས་སྔ་སྲོལ་དུས་མཆོད་དང་བཤད་སྒྲུབ་ཀྱི་བསྟན་པ་སྐྱོང་བཞིན་མཆིས་སོ།།

ས་མིང་ཚིག་མཛོད་མིག་བཤར།

དགོན་པ་འདི་ནི་གྲུབ་པའི་ཁྱུ་མཆོག་ཆེན་པོ་འདས་རྒན་སྟོན་འདྲེས་ཀྱིས་བོད་རབ་བྱུང་བཅུ་དྲུག་[page 370] པའི་ལོ་རབས་བཞི་བཅུ་བའི་ནང་དུ་རིམ་བཞིན་རྡོ་འབུམ་དང་མཆོད་རྟེན། འཁོར་ཁང་སོགས་བཞེངས། དེ་ནས་ཡོན་བདག་གིས་འབྱོར་བ་ཅུང་རྒྱས་པའི་མཐུན་རྐྱེན་ལ་བརྟེན་ནས་ནག་སྒར་རམ་སྦྲ་གར་ཞིག་ཐོག་མར་ཕྱག་བཏབ་མཛད་དེ་གསང་སྔ་གས་རྡོ་རྗེ་ཐེག་པའི་རྒྱུད་སྡེ་ཕྱི་ནང་གི་སྒོམ་སྒྲུབ་ཉམས་བཞེས་ལ་རིག་པ་རྩེ་གཅིག་ཏུ་གཞོལ་བའི་ཚེ་དང་སྒྲུབ་པ་མཉམ་པའི་རྣལ་འབྱོར་བའི་བརྟུལ་ཞུགས་འཛིན་པ་མང་དུ་བྱུང་བར་གྲགས་སོ།།

དགོན་པ་དེར་གདུང་རྒྱུད་གཅིག་པའི་བླ་རབས་བྱོན་ཚུལ་དང་དགོན་པ་འདེབས་ཚུལ་རགས་རིམ་ཞིག་འགོད་ན། སྤྱི་བཏང་འདས་རྒན་དཔོན་པོ་སྟོན་འདྲེས་ཡན་ལ་གདུང་རྒྱུད་གཅིག་ཅིང་ཚེ་དང་སྒྲུབ་པ་མཉམ་པའི་བླ་རབས་མང་དུ་བྱོན་ཡོད་པར་ངེས་ཀྱང་དེ་དག་ནི་ཚེ་གཅིག་ལ་སྒྲུབ་པ་གཞོལ་བའི་གྲུབ་ཐོབ་ཤ་སྟག་ཡིན་པ་དང་ཐུན་མོང་གདུལ་བྱའི་དོན་དུ་མཛད་འཕྲིན་སྤེལ་མེད་སྟབས་བླ་རབས་རིམ་བྱོན་གྱི་མཚན་གྱི་གྲངས་ཀ་ཙམ་ལས་འགོད་མི་ནུས་སོ། མདོ་ཁམས་ས་ཡི་ཁྱོན་འདིར་གྲགས་སྙན་ཆེ་བའི་འདས་ལོག་བསོད་ནམས་བཟང་པོ་ནི། དགུང་ལོ་དྲུག་ཅུ་སོན་སྐབས་འདས་ལོག་ཏུ་བྱོན་ནས་འགྲོ་དོན་བསམ་གྱིས་མི་ཁྱབ་པ་མཛད་པས་དགེ་རྩེ་འདས་རྒན་ཟ་ཚང་ཞེས་མཚན་གྱི་སྙན་པ་ཡོངས་སུ་གྲགས་སོ། སྐྱབས་རྗེ་ཉིད་ཀྱིས་གདུལ་བྱ་ལྷག་མ་འདྲེན་པའི་ཆེད་དུ་གསུང་ཆོས་པོད་ཆེན་གཅིག་ཤུལ་བཞག་ཏུ་ཡོད་པ་ནི་མཐོང་ཐོས་དྲན་རེག་གི་ཡུལ་དུ་མཆིས་སོ། དེའི་ཡན་ཆོད་ལ་བླ་རབས་བཞི་ལྔ་ཙམ་སོང་ཡོད་ཅེས་ངག་རྒྱུན་དུ་སྨྲས། དེ་ནས་འདས་ལོག་བསོད་ནམས་བཟང་པོའི་གདུང་རྒྱུད་ལས་མཆེད་པའི་བླ་མ་བསྟན་འཕེལ་དང་བླ་མ་དབུས་ལུ། དབོན་པོ་ཨ་མི་དྰེ་བ། དབོན་པོ་ཆོས་ལུ། དབོན་པོ་དབུ་རྒྱན་བསྟན་འཛིན། （དེའང་འདས་ལོག་ཏུ་བྱོན་པར་གྲགས）དབོན་པོ་དོམ་བཟང་། བླ་མ་དབང་རྒྱལ། བླ་མ་དབུ་རྒྱན་ཆེ་མཆོགདབོན་པོ་ཆོས་འཛིན། དབོན་པོ་གུར་ཚེ་སོགས་སྒོམ་སྒྲུབ་ཀྱི་རིག་པ་ལ་རྩེ་གཅིག་ཏུ་གསོལ་བས་འཇའ་ལུས་རྔུལ་ཕྲན་ལ་དེངས་པར་ཉེ་བའི་རྣལ་འབྱོར་བ་མང་དུ་བྱུང་། དེའི་རྗེས་སུ་འདས་རྒན་དབོན་པོ་སྟོན་འདྲེས་གདན་སར་བྱོན་ནས་ཡོན་བདག་རྣམས་ཀྱིས་མཐུན་རྐྱེན་ལེགས་པོར་སྦྱར་བ་དང་བསྟུན་ཏེ་རིམ་གྱིས་རྡོ་འབུམ་དང་མཆོས་རྟེན། འཁོར་ཁང་སོགས་གསར་བཞེངས་མཛད་པ་དང་ཐུན་མོང་གདུལ་བྱའི་དོན་དུ་སྒོམ་སྒྲུབ་ཀྱི་ཉམས་བཞེས་གཙོ་བོར་བསླབ་པའི་ནག་སྒར་རམ་སྦྲ་སྒར་ཞིག་ཐོག་མར་ཕྱག་བཏབ་མཛད་དེ་གནས་མཆོག་དེར་ཆོས་བཤད་སྒྲུབ་ཀྱི་རྨང་གཏིང་ཚུགས་པར་བཙུགས་ཏེ་བཀའ་བརྒྱད་སྒྲུབ་ཆེན་དང་བཅོ་འཁྲུགས་བཅོས། ཕུར་བ་དགུ་སྒྲུབ། སོས་ཀའི་སྤྱི་བསྲུང་མགོན་པོ། སྟོན་ཁའི་སྤྱི་བསྲུང་ཐོས་གྲོལ་སྟོང་མཆོད། སྐུ་གསུམ་བསྒྲུབ་པ་སོགས་ལོ་འཁོར་མོའི་ཚེས་དུས་མཆོད་ཀྱི་རྒྱུན་སྲོལ་ལེགས་པར་བཙུགས་ནས་དེང་གི་བར་དུ་རྒྱུན་འཇགས་སུ་གྱུར་ཡོད་པ་ལགས་སོ།

འདས་རྒན་དབོན་པོ་སྟོན་འདྲེས་ནི་བོད་རབ་བྱུང་བཅོ་ལྔ་བའི་ཁྲག་སྐྱུག་ཅེས་པ་ཆུ་མོ་ཕག་གི་ལོར་༡༩༢༣ཡབ་ཁམ་ཚང་པད་བདེ་དང་ཡུམ་ཨ་བོས་བཟའ་བསོད་མཚོ་གཉིས་ཀྱི་སྲས་སུ་འཁྲུངས། དགུང་ལོ་[page 371] ཆུང་ངུའི་དུས་ནས་གཞན་ལས་ལྷག་པའི་ཁྱད་ཆོས་མང་དུ་ཚང་ཞིང་བྱམས་དང་སྙིང་རྗེ་བཅོས་མིན་དུ་རྒྱུད་ལ་མངའ་བ་ཞིག་ཡིན་པར་བཤད། ཁང་དམར་ན་མདོ་དགོན་པའི་འདུ་ཁང་རྟེན་དང་བརྟེན་པ་རྣམས་ཐོག་མར་ཁོང་ཉིད་ཀྱི་མཛད་འཕྲིན་རྣམ་པར་དག་པའི་རྒྱུ་ལས་བྱུང་ངོ་།།

དགོན་པ་དེའི་ནང་རྟེན་གྱི་གཙོ་བོ་ལ་རྒྱུ་ཟངས་གསེར་ལས་གྲུབ་པའི་དུས་གསུམ་སངས་རྒྱས་དང་གུ་རུ་གཙོ་འཁོར་གསུམ། གནས་བརྟེན་བཅུ་དྲུགའོད་དཔག་མེད། ཐུབ་པ་ལི་མ་སོགས་དང་རྒྱུ་འཇིམ་བཟོ་ལས་གྲུབ་པའི་གུ་རུ་མཚན་བརྒྱད་དང་ཐུགས་རྗེ་ཆེན་པོ། ཚེ་དཔག་མེད། སྒྲོལ་མ་སོགས་བཞུགས། གཞན་ཡང་རྒྱུ་དངུལ་སྲང་ལྔ་བརྒྱ་ལྷག་གིས་གྲུབ་ཅིང་རིན་ཆེན་སྣ་ཚོགས་ཀྱིས་ཕྲ་ཚོམ་བཏབ་པའི་འདས་ལོག་བསོད་ནམས་བཟང་པོའི་སྐུ་གདུང་རྩེག་ཚད་མ་དང་དངུལ་གྱི་མཆོད་རྟེན་ལྔ། སངས་རྒྱས་སྟོང་སྐུའི་གསེར་ཐང་སོགས་ཞལ་ཐང་མང་ཙམ་དང་། རྒྱལ་བའི་བཀའ་བསྟན་འགྱུར་གཙོ་བོར་གྱུར་བའི་ཀློང་ཆེན་མཛོད་བདུན་དང་མི་ཕམ་བཀའ་འབུམ། བརྒྱད་སྟོང་སོགས་དང་། མཆོད་པའི་ཡོ་བྱད་སྐོར་ལ་འཛམ་གླིང་འབྲུག་གྲགས་སོགས་སྦུབ་ཆིལ་ཆ་མང་ཙམ་དང་དུང་དམར། རྒྱ་གླིང་། རྐང་གླིང་། སིལ་སྙན། དྲིལ་བུ། མཆོད་ཀོང་། འཁར་རྔ་སོགས་དགོན་པ་གཞན་དང་ཕལ་ཆེ་མཚུངས་པར་མཆིས་སོ།།

ལོ་རབས་ལྔ་བཅུའི་ནང་དུ་དུས་ཀྱི་ཟིང་འཁྲུགས་ཆེན་པོ་བྱུང་སྐབས་དད་ལྡན་མང་ཚོགས་ཡོངས་ཀྱི་ཡིད་ཀྱི་འཁྲི་ཤིང་ལྟར་གྱུར་བའི་སྒྲུབ་སྒར་དེ་མིང་གི་ལྷག་མར་གྱུར་ཏེ་མཆོད་རྟེན་དང་དུང་འཁོར་སོགས་ཀྱང་ཞིག་ཤུལ་ས་ཕུང་རྡོ་ཕུང་དུ་གྱུར། ཕྱིས་སུ་ཏང་གི་མི་རིགས་སྲིད་ཇུས་དང་ཆོས་ལུགས་སྲིད་ཇུས་ལག་བསྟར་དངོས་འཇུག་བྱས་པས་གངས་ལྗོངས་རྒྱལ་བསྟན་ཉམས་གསོ་བྱེད་ཆོག་པའི་གོ་སྐབས་དང་བོད་རབ་བྱུང་བཅུ་དྲུག་པ་ཟད་པ་ཞེས་པ་མེ་སྟག་ལོར་༡༩༨༦རྫོང་མི་དམངས་སྲིད་གཞུང་གིས་དགོན་པ་དེ་སྐྱར་གསོ་བྱེད་ཆོག་པའི་ཆོག་མཆན་གནང་བའི་སྔོན་འགྲོའི་མཐུན་རྐྱེན་བཟང་པོ་བསྩལ་བར་བརྟེན། བླ་མ་དབང་གྲགས་རྒྱ་མཚོ་དང་ཉག་རེས་བླ་མ་གོ་ཆ། སོག་ཁོལ་བླ་མ་གནས་ལོ། བླ་མ་དགའ་རྡོར། བླ་མ་གསོ་ལོ་སོགས་ཀྱིས་ཐུན་མོང་དུ་ནུས་ཤུགས་མཉམ་འདོན་བྱས་ཏེ་གདན་ས་དེའི་བརྟེན་པ་བསྐྱར་གསོ་བྱེད་རྒྱུའི་ཕྲིན་ལས་ཀྱི་དབུ་བཙུགས་ནས་རིམ་བཞིན་དུ་འཁོར་ཁང་དང་མཆོད་རྟེན། གྲྭ་ཤགའདུ་ཁང་སོགས་བཞེངས་ཏེ་སྔར་ལས་ལྷག་པར་གྲུབ་ཟིན་པ་མ་ཟད་སྐུ་གསུང་ཐུགས་རྟེན་གཙོ་བོ་འགའ་ཡང་བཞེངས་པས་གསར་གྲུབ་བྱུང་། དགོན་པ་དེ་ནི་སི་ཁྲོན་གསེར་ཐར་རྫོང་དང་མཚོ་སྔོན་དར་ལག་རྫོང་གཉིས་ཀྱི་ས་མཚམས་ཕུའུ་ཤང་གི་མངའ་ཁོངས་སུ་ཆགས་ཡོད། མིག་སྔར་འདུས་སྡེ་བཞི་བཅུ་ལྷག་ཙམ་གྱིས་དབྱར་དགུན་དུས་མཆོད་རེ་ཟུང་ཙམ་འཚོགས་ནས་བཞུགས་ཡོད་པ་མ་ཟད་དགོན་པ་དེར་རྒྱལ་ཁབ་ཀྱིས་སྤྲུལ་སྐུ་ཡང་སྲིད་ངོས་འཛིན་བྱེད་ཆོག་པའི་ཆོག་མཆན་གནང་བར་བརྟེན། རྒྱ་ཆེའི་དགེ་འདུན་པ་དང་དད་ལྡན་མང་ཚོགས་ཡོངས་ཀྱིས་རྡོག་རྩ་ཅིག་སྒྲིམ་གྱིས་སྒོ་ནས་ལོ་རྒྱུས་ཀྱི་གོམས་སྲོལ་ལྡན་པའི་བྱེད་ཐབས་སྤྱད་དེ་འདས་རྒན་དབོན་པོ་སྟོན་འདྲེས་ཀྱི་ཡང་སྲིད་འཚོལ་ཞིབ་བྱེད་བཞིན་པའི་སྒང་ཡིན།

ས་མིང་ཚིག་མཛོད་མིག་བཤར།

[page 372] གཞུ་ཆེན་མཁར་མར་དགོན་ནི་བོད་རབ་བྱུང་བཅུ་གཉིས་པའི་ནང་ཐོག་མར་གདན་ས་དཀར་མཛེས་ཀྱི་གཞུ་ཆེན་མཁར་མར་ལུང་པ་རུ་བཏབ་པས་གནས་སམ་གདན་སའི་རྒྱུ་མཚན་གྱིས་མཚན་ཡང་དེ་ལྟར་གྲགས་སོ།། བོད་རབ་བྱུང་བཅུ་བདུན་པའི་ལྕགས་ལུག་ལོར་（༡༩༨༡）གྲུབ་དབང་ནམ་མཁའ་རྒྱ་མཚོས་གཞུ་གནས་བསྟན་པའི་ལྟེ་བ་དེ། གཡའ་ལུང་ཞེས་གནས་དེ་ཀ་ལེགས་ཞེས་དང་། འབྲུག་པ་རིན་པོ་ཆེས་དུས་མི་འགྱངས་བར་གནས་འདིར་སྡེ་ཆེན་པོ་ཞིག་ཆགས་པའི་སྐབས། དགོན་གནས་གཡའ་ལུང་འབུམ་རྩེགས་ཆོས་ཁྲིའི་ཐང་དུ་གནས་སྤོས་ན་དགེ་འདུན་གྱི་སྡེ་ལྷག་པར་འཕེལ་བར་འགྱུར་རོ་ཞེས་གསུངས་པ་ལ་བརྟེན། གསེར་གླིང་འབུམ་རྩིགས་ཆོས་ཁྲིའི་ལ་ཁར་གནས་སྤོ་བྱསང་།

གླིང་བཞག་ཨོ་རྒྱན་ལྷུན་གྲུབ་བྱ་བ། ཁོང་སྐུ་ཆུང་ངུའི་དུས་ནས་ཐེག་པ་ཆེན་པོའི་རིགས་སད་སྟོབས་ཀྱིས་བྱམས་དང་སྙིང་རྗེས་ཐུགས་རྒྱུད་ཕྱུགཡི་གེ་སྦྱོར་ཀློག་སོགས་ལ་སྦྱངས། རིམ་གྱིས་ཀཿཐོག་གྲུབ་དབང་ནམ་མཁའ་རྒྱ་མཚོའི་ཞབས་པདྨོར་སྤྱི་བོར་བླངས་ཏེ་བླ་མར་བསྙེན་ནས་དབང་ལུང་མན་ངག་དུ་མ་ནོད། དཔོན་སློབ་མཇལ་བ་ཙམ་གྱིས་ཐུགས་དགོངས་དབྱེར་མེད་དུ་གྱུར་ཏེ་རྫོགས་པ་ཆེན་པོ་རང་སྣང་རིས་མེད་ཀྱི་ལྟ་བ་མངོན་དུ་གྱུར། དེ་ནས་སྐུ་མཚམས་ལ་དམ་རྒྱར་བཞུགས་སྐབས་རྨི་ལམ་འོད་གསལ་གྱི་སྣང་ངོར་འཕགས་པ་སྤྱན་རས་གཟིགས་ཀྱིས་ཁྱེད་གཞི་ཆེན་མཁར་མར་གླིང་དུ་ཕེབས་ནས་བསྙེན་སྒྲུབ་མཛོད་དང་དངོས་གྲུབ་ཐོབ་པ་ལ་གེགས་དང་ཉེར་འཚེ་བྲལ་ལོ་ཞེས་ལུང་བསྟན་ཐོབ་པ་ལྟར་མི་རིང་བར་བྱོན་ཚེ། ཀི་ཤའི་སྒོམ་ཆེན་ཞེས་དགོངས་པའི་རྩལ་ཆེན་རྫོགས་ཤིང་རི་བྲག་ཟང་ཐལ་དུ་བྱོན་ནུས་པའི་གྲུབ་ཐོབ་དམ་པ་ཞིག་གནས་ཏེར་བཞུགས་པ་དེ་ཡི་རྨི་ལམ་ལ་གནས་དེར་འོད་ལྡན་གྱི་དྷཱིཿཡིག་ལས་འོད་ཟེར་ཕྱོགས་གསུམ་དུ་ཆད་པ་དང་། འོད་ཟེར་དེ་རྣམས་ལས་འོད་ཟེར་སྣ་ཚོགས་སྤྲོ་བ་རྨིས་པ་སོགས་གཞུ་ཆེན་དང་ཀར་བཀྲམ་སྟག་རྩེ་དགོན་སོགས་དགོན་ལག་མང་དུ་རྒྱས་པའི་རྟེན་འབྲེལ་འགྲིགས་པའི་རྟགས་མཚན་རྨིས། ནང་པར་མདུན་གཡོག་པ་རྣམས་ལ་དེ་རིང་མགྲོན་ཅི་ཙམ་ཡོང་བ་ངའི་མདུན་དུ་དྲོངས་ཤོག་ཅེས་གསུངས་པ་ལྟར། ཉི་ཤར་སྐབས་གླིང་བཞག་ཨོ་རྒྱན་ལྷུན་གྲུབ་བྱོན་ནས་མདུན་གཡོག་གྲྭ་འཁོར་རྣམས་ཀྱིས་བསུ་བ་རྒྱ་ཆེན་བྱས་ཏེ་བླ་མའི་མདུན་དུ་གདན་དྲངས་ནས་དཔོན་སློབ་གཉིས་ཀྱི་ཐུགས་དགྱེས་པའི་ངང་གསོལ་སྟོན་མཆོད་བཞིན་གསུང་གླིང་ཞིབ་རྒྱས་སུ་གནང་། དེ་ནས་གླིང་བཞག་ཨོ་རྒྱན་ལྷུན་གྲུབ་ཀྱིས་ཁོང་ལ་གནས་འདིར་སྒྲུབ་ཁང་ཆུང་ངུ་ཞིག་གི་ས་གནང་ངམ་ཞུས་ཚེ། ཀི་ཤའི་སྒོམ་ཆེན་གྱིས་ཐུགས་སྤྲོ་ཞིང་ཞལ་འཛུམ་པ་དང་བཅས་པའི་ངང་ནས་ལེགས་སོ།། ཁྱེད་ལ་སྒྲུབ་ཁང་གི་གནས་མ་ཟད་དགོན་གནས་དང་བཅས་པའི་ས་དང་མཐུན་རྐྱེན་སྒྲུབ་ངེས་ཡིན་ཞེས་ཁས་བླངས། གཞན་ཡང་གནས་འདིར་ཁྱེད་[page 373] ཀྱིས་དགོན་པ་ཞིག་ཕྱག་བཏབ་ན་དགོན་ལག་མང་དུ་རྒྱས་པའི་རྟེབ་འབྲེལ་བཟང་པོ་ཁོང་ལ་རྨི་ལམ་བྱུང་ཚུལ་སོགས་ཞུས། ཁོང་གིས་བགྲང་བྱ་ཉག་མ་བཅུ་གསུམ་ལ་སྐུ་མཚམས་མཛད། བདེ་གཤེགས་སྒྲུབ་པ་བཀའ་བརྒྱད་ཀྱི་ལྷ་བདུན་བརྒྱ་ཉེར་ལྔས་ཞལ་གཟིགས། རྡོ་རྗེའི་ཆོས་སྐྱོང་བའི་སྲུང་མ་རྣམས་བྲན་དུ་འཁོལ་ཏེ་མཆོག་དང་ཐུན་མོང་གི་དངོས་གྲུབ་བརྙེས། གཞི་ཆེན་མཁར་མར་གླིང་གི་རྟེན་དང་བརྟེན་པའི་གཙུག་ལག་ཁང་གསར་བཞེངས་བྱས། མཆོག་ཚང་དང་རྙི་བ་སོགས་ཀྱི་དགེ་འདུན་གྱི་སྡེ་རྣམས་བསྡུས་ཏེ་འདུས་པ་བརྒྱ་ཕྲག་ལྷག་ཙམ་བྱུང་། བཤད་གྲྭ་དང་སྒྲུབ་གྲྭ་སོགས་ལེགས་པར་བཙུགས་ཏེ་ལུང་དང་རྟོགས་པའི་བསྟན་པ་རིན་པོ་ཆེ་མི་ནུབ་ཀུན་ཏུ་དར་བར་བྱས། གདུལ་བྱ་རྟག་འཛིན་ཅན་གྱི་ངོར་རེ་ཞིག་མཚན་བཟང་གི་བཀོད་པ་ཆོས་དབྱིངས་སུ་བསྡུས་སོ།

སྐུ་ཕྲེང་གཉིས་པར་སྐུ་ཡི་སྤྲུལ་སྐུ་རིག་འཛིན་འཇམ་དཔལ་རྡོ་རྗེ། གསུང་གི་སྤྲུལ་སྐུ་ཨོ་རྒྱན་ནོར་བུ། ཐུགས་ཀྱི་སྤྲུལ་སྐུ་ཐེག་མཆོག་བསྟན་འཛིན། ཡོན་ཏན་གྱི་སྤྲུལ་སྐུ་གུ་རུ་བསྟན་འཛིན་བཅས་བྱོན་པ་ལས། སྔ་མ་རིག་འཛིན་འཇམ་དཔལ་རྡོ་རྗེ་མཆོག་ནི་སྔ་འགྱུར་ཆོས་སྡེ་ཆེན་པོ་ཁམས་ཀཿཐོག་རྡོ་རྗེ་གདན་སོགས་གནས་ཆེན་གདན་ས་རྣམས་སུ་བྱོན་ནས་རྨོག་སྤྲུལ་ནམ་མཁའ་ཆོས་དབང་སོགས་སྐྱེས་ཆེན་དམ་པ་མུ་ཏིག་བཏར་ལ་བརྒྱུས་པ་ལྟ་བུ་རྣམས་མཉེས་པ་གསུམ་གྱི་སྒོ་ནས་ཡུན་རིང་དུ་བསྙེན། ཁྱད་པར་རྡོ་གྲུབ་ཆེན་འཇིགས་མེད་ཕྲིན་ལས་འོད་ཟེར་གྱིས་རྒྱལ་ཐབས་སྤྱི་བླུག་གི་དབང་བསྐུར་བསྩལ་བས་ཐུགས་རྒྱུད་དགོངས་པའི་བྱིན་རླབས་འཕོས་ཏེ་རྡོ་རྗེ་སློབ་དཔོན་དང་ལྟ་དགོངས་མཉམ། སློབ་ཆེན་རྡོ་རྗེའི་མིང་ཅན་བཅུ་གསུམ་ལས་རིག་འཛིན་འཇམས་དཔལ་རྡོ་རྗེ་ཞེས་བྱ་བ། གཞུ་ཆེན་དགོན་སྡེ་གསུམ་གྱི་བསྟན་པའི་བདག་པོ་གཅིག་ཏུ་གྱུར་ནས་འཁོར་ལོ་གསུམ་གྱི་ཕྲིན་ལས་མི་ནུབ་པའི་རྒྱུན་བསྲིངས་ཏེ་ལྗོངས་འདིར་རྒྱལ་བསྟན་དཀར་པོ་ཡུག་གཅིག་གིས་མཛེས་པར་བྱས་སོ།

དེ་ནས་དམ་པ་དེ་དག་གིས་བཞེངས་པའི་སྐུ་གསུང་ཐུགས་རྟེན་གྱི་བཞུགས་བྱང་ནི། སྐུ་ཡི་རྟེན་ལ་ལི་མ་སུམ་ཅུ་དང་། ཟངས་གསེར་གྱི་དབུ་རྒྱན་རིན་པོ་ཆེ་གཙོ་འཁོར་གསུམ། དུས་གསུམ་སངས་རྒྱས། ལྟུང་བཤགས་ལྷ་གྲངས། ཐང་སྟོང་རྒྱལ་པོ། རྡོ་རྗེ་སེམས་དཔའ་བརྩེགས་གཅིག་ཅན། དངུལ་གྱི་གྲུབ་པའི་སྒྲོལ་མ་མི་ཚད་མ། གནས་བརྟན་བཅུ་དྲུག་གི་སྐུ། གསེར་ཐང་བཅུ་ཕྲག་ལྷག་བཅས་བཞུགས་སོ།། གསུང་གི་རྟེན་ལ་རིན་ཆེན་དང་པོས་བྲིས་པའི་བཀའ་དང་བསྟན་བཅོས། འབུམ་གསུམ། དངུལ་གྱིས་བྲིས་པའི་རྙིང་རྒྱུད་ཆ་གཅིགམཚལ་སྣག་གིས་བྲིས་པའི་བཀའ་བསྟན་ལྔ། རིན་ཆེན་གཏེར་མཛོད། བདུད་ཀློང་རྣམ་གཉིས་ཀྱི་ཆོས་ཚན་ཡོངས་རྫོགས་སོགས་བཞུགས།

ཐུགས་རྟེན་རིན་པོ་ཆེའི་སྐོར་ལ། གླིང་བཞག་ཨུ་རྒྱན་གྱི་སྐུ་དམར་གདུང་དང་མཆོད་རྟེན་ཆ་བརྒྱད་བཅས་བཞུགས། གཞན་ཡང་རྒྱ་ཧོར་ཏྭ་བལ་སོགས་ཀྱི་རོལ་མོ་སོགས་བཞི་བཅུ། གསེར་གླིང་དུང་སོགས་གསེར་མཆོད་ཆ་བཅིག དངུལ་མཆོད་ཆ་གཅིག གསེར་འབག་དགུ་བཅུ་སོགས་འབག་དང་བེར་དར་[page 374] གདུགས་རྒྱལ་མཚན། དཀྱོལ་འཁོར་གྲྭ་ཆས། གདན་རིང་། བཞུགས་ཁྲི་སོགས་ཀུན་གྱིས་ཡིད་སྨོན་བྱེད་པའི་གནའ་དངོས་མང་པོ་བཞུགས་པ་ལས་རེ་ཟུང་དེང་སང་ཡོད་པ་བཅས་སོ།།

དུས་མཆོད་སྐོར་ལ། ཧོར་ཟླ་དང་པོའི་ནང་ཐུགས་རྗེ་ཆེན་པོ་འགྲོ་བ་ཀུན་སྒྲོལ་གྱི་སྒྲུབ་མཆོད་ཉིན་བརྒྱད། བོད་ཟླ་གཉིས་པར་མཆོད་པ་ཉིན་གསུམ། ས་ག་ཟླ་བར་པདྨ་འོད་འབར་གྱི་ཚེས་བཅུ་གར་འཆམ་བཅས་ཉིན་བརྒྱད། གླང་ཟླའི་རབ་གནས་ཉིན་གསུམ། འབྲུག་ཟླའི་ནང་སྟོན་གསོལ་ཉིན་བཞི། ལུག་ཟླའི་ཚེས་བཅོ་ལྔ་ནས་ཕུར་བ་ཟླ་སྒྲུབ་བཅས་སོ།།

ཆོད་སྡེ་འདིའི་ཡོན་གྱི་འབྱུང་ཁུངས་སོགས་ནི། ལྷ་སྡེ་ཡིན་པའི་མཆོག་ཚང་དང་རྙི་བ་སོགས་དད་ལྡན་ཡོན་བདག་ཁག་གིས་རང་རྟོག་གིས་ཕུལ་བའི་དངོས་རྫས་ཀྱིས་ལྷ་ཁང་གསར་བཞེངས་དང་ཉམས་གསོ་ཚོགས་པའི་གཏོང་སྒོ་སོགས་བྱ། མདོ་སྔགས་རིག་གཞུང་ཀུན་ལ་སྦྱང་པ་མཐར་སོན་པ་དང་། ཚུལ་འཆལ་གྱི་དྲི་མ་ཆ་ཙམ་གྱིས་མ་གོས་པའི་ལྡན་གྲོལ་ཡོན་ཏན་གཉིས་དང་ལྡན་ན་མཁན་ཁྲིར་མངའ་གསོལ། ཆོ་གའི་ཕྱག་ལེན་དང་གདངས་ལྟ་དབྱངས་འབུད་དཀྲོལ་སོགས་ལ་མཁས་པའི་རིགས་ཡིན་ཚེ་བྱང་འདྲེན་ཆེན་མིའི་མཚན་གསོལ། དཀྱིལ་འཁོར་གྱི་ཐིག་ཚད་དང་བཟོ་རྩལ་སོགས་ལ་མཁས་ཚེ་མཆོད་དཔོན་གྱི་མཚན་གསོལ་བ་ལགས།།_དེ་ལྟར་སྔ་འགྱུར་ཐེག་དགུའི་ཡང་བཅུད་ཤར་རྒྱལ་བ་ཀཿཐོག་པའི་རིང་ལུགས་དྲི་མ་མེད་པའི་ཕྲིན་ལས་མི་ནུབ་པའི་རྒྱུན་བཟང་ན་ཡང་སྤྱི་མཐུན་ལས་ཀྱི་དབང་དང་ལུགས་སྲོལ་ངན་པས་བགྲང་བྱ་ཉག་མ་སུམ་ཅུ་ཙམ་ལ་རྟེན་དང་བརྟེན་པ་ཕལ་ཆེར་བརླགས་ཟིན། དང་གི་ཆོས་དད་རང་མོས་ཀྱི་གོ་སྐབས་དང་བསྟུན་ནས་འདུ་ཁང་གསར་བཞེངས་དང་གྲྭ་ཁང་ལྔ་བཅུ་ཙམ་གྲུབ་ནས་དགེ་འདུན་པ་བརྒྱ་ཕྲག་ལྷག་གྱིས་ཕྱི་སོསོར་ཐར་བའི་སྡོམ་པ། ནང་བྱང་ཆུབ་སེམས་པའི་བསླབ་བྱ། གསང་བ་སྔགས་ཀྱི་དམ་ཚིག་སོགས་ཚུལ་བཞིན་ཉམས་སུ་བཞེས་ནས་བླ་གྲྭ་ཀུན་ཐུགས་མཐུན་ཁྲིམས་གཙང་གི་སྒོ་ནས་སྔ་སྲོལ་དུས་མཆོད་འཛུགས་པ་སོགས་ཆོས་མཐུན་གྱི་མཛད་སྤྱོད་གནང་བ་ལ་འབད་བཞིན་མཆིས་པ་ལགས་སོ།།

ས་མིང་ཚིག་མཛོད་མིག་བཤར།

ཆོས་སྡེ་འདི་ནི་ཡི་དམ་གུ་རུ་དྲག་པོས་ཀའུའི་བླ་མ་དོན་ཡོད་གྱིས་རབ་བྱུང་བཅུ་གཅིག་པའི་ནང་ཐོག་མར་རི་ཁྲོད་ཞིག་བཏབ་པར་གྲགས། དེ་རྗེས་གསེར་ལྷ་རྩེ་ཡེ་ཤེས་སེང་གེས་བཀའ་ལུང་ལྟར། འདུ་ཁང་དང་ལྷ་ཁང་། ཡི་དམ་གུ་རུ་དྲག་པོ་དང་མ་གཟའ་དམ་གསུམ་སོགས་གཙུག་ལག་ཁང་རྟེན་དང་བརྟེན་པ་གསར་དུ་བཞེངས། དགོན་འདི་ནི་དཔལ་ཡུལ་རྣམ་རྒྱལ་བྱང་ཆུབ་གླིང་གི་ཆོས་སྡེ་ལས་གྱེས་པའི་དགོན་ལག་ཀུན་གྱི་ཡང་རྩེ་གསེར་ལྷ་རྩེ་དགོན་གསང་སྔགས་རབ་བརྟན་གླིང་གི་ཆོས་སྡེ་ལས་འཕྲོས་པར་ངེས་སོ།།[page 375] རྒྱའུ་གདོང་དགོན་ཞེས་པའི་མཚན་དོན་ནི། གསེར་ཀླུང་ཆུ་བོ་དལ་འབབ་ཀྱི་གཡས་དྲུང་། རྒྱའུ་ཐང་ཟེར་བའི་ལྷ་རི་སེང་གེ་དཀར་མོའི་གདོང་འདྲར་ཆགས་ཡོད་པས་དེ་ལྟར་གྲགས་སོ།། དེ་ནས་བླ་མ་པདྨ་ཚུལ་ཁྲིམས་བྱོན་ནས་དུང་འཁོར་ཆེ་བ་གཅིག་ལ་ཡི་དམ་གུ་རུ་དྲག་པོའི་འཁོར་ཆུང་དྲུག་བཅུ་ཙམ་གྱིས་བསྐོར་བ་དང་། མདོ་སྡེ་བསྐལ་བ་བཟང་པོའི་རྡོ་འབུམ་ལྔ་བཞེངས། དེ་རྗེས་སོག་གེ་བླ་མ་ཡང་དག་ནི་ཡི་དམ་གུ་རུ་དྲག་པོའི་སྐུ་མཚམས་ལ་བཞུགས་ནས་རྩ་བཉེན་དུང་གསུམ་ལྗགས་བཟླས་མཛད་པས་ལྷག་པའི་ལྷས་ཞལ་གཟིགས་ལུང་བསྟན་དབུགས་དབྱུང་སོགས་མཛད། དེ་ནས་ཤ་ཚང་བླ་མ་ཨོ་རྒྱན་བསྟན་འཛིན་གྱི་སྐུ་རིང་ལ་སྔོན་འགྲོ། རྩ་རླུང་། རྫོགས་ཆེན་སོགས་རུ་ཆོས་གསུམ་ཉམས་བཞེས་མཐར་མ་ཕྱིན་པར་ཚོགས་པར་འཚོགས་མི་ཆོག་པའི་ཁྲིམས་དང་། སྒྲུབ་གྲྭ་ལོ་མཚམས་སོགས་གསར་འཛུགས་བྱས་ཏེ་འཁོར་ལོ་གསུམ་གྱི་ཕྲིན་ལས་སྤེལ་བས་ཚེ་དང་སྒྲུབ་པ་མཉམ་པའི་སློབ་མ་མང་དུ་བྱོན་ནོ།། དེ་རྗེས་བླ་མ་ཀརྨ་བསྟན་འཛིན་གྱིས་རྒྱལ་བའི་བཀའ་འགྱུར་ཆེན་མོ་དང་རིན་ཆེན་གཏེར་མཛོད་སོགས་རིས་མེད་དམ་པ་ཀུན་གྱི་གསུང་པོ་ཏི་སྟོང་ལྷག་ཙམ་བཞེངས། དེ་རྗེས་དབོན་པོ་ཤེས་རབ་མེ་འབར་དང་བླ་མ་ལྷུན་གྲུབ་གཉིས་བྱོན་ནས་སྐུ་རྟེན་ཨོ་རྒྱན་རིན་པོ་ཆེ་ལི་མ་སུམ་ཅུ། གསུང་རྟེན་པོ་ཏི་དྲུག་ཅུ། ཐུགས་རྟེན་བཟང་གསེར་གྱི་མཆོད་རྟེན་སོགས་བཞེངས་སོ། དེ་རྗེས་དབོན་པོ་བསོད་ནམས་ཆོས་དབྱིངས་དང་ཨོ་རྒྱན་ཐབས་མཁས་གཉིས་བྱོན་ནས་འཁོར་ལོ་གསུམ་གྱི་ཕྲིན་ལས་དུས་འགྱུར་གྱི་བར་གསལ་བར་བྱས་སོ།། དུས་མཆོད་སྐུ་གསུམ་སྒྲུབ་པ། རཏྣ་གླིང་བའི་ཕུར་བ་སོགས་མང་ངོ་།།

ས་མིང་ཚིག་མཛོད་མིག་བཤར།

རབ་བྱུང་བཅུ་གཅིག་པའི་མཇུག་ཏུ་ཐོག་མར་བཏབ། དགོན་པ་འདིའི་ཕྱག་འདེབས་པ་པོའི་མཚན་ལ་སྐུ་མཆོག་བླ་མ་དབུ་རྒྱན་ནོར་བུ་ཞུ། ཐོག་མར་འདེབས་སྐབས་ཀྱི་གྲུབ་མཐའ་སྔ་འགྱུར་རྙིང་མའི་ནང་ཚན་དཔལ་ཡུལ་བ་ཡིན་ཡང་ཕྱིས་སུ་ཁམས་གསུམ་ཆོས་ཀྱི་རྒྱལ་པོ་གཏེར་ཆེན་བདུད་འཇོམས་གླིང་བ་དང་རིག་འཛིན་ཀུན་བཟང་ཉི་མ་སོགས་བྱོན་ནས་དེ་དག་གི་ཟབ་གཏེར་གྱི་སྨིན་གྲོལ་དར་སྤེལ་བྱུང་བས་གཏེར་ཁ་གསར་རྙིང་སྤེལ་མ་དར། བག་སྟེང་དགོན་ཞེས་པའི་མཚན་དོན་ནི། མདོ་ཁམས་དམར་རྫ་སྒང་གི་ས་ཡི་ཆར། གསེར་རྟ་ལྗོངས་ཀྱི་བག་སྟེར་ཟེར་བའི་གནས་དེར་ཆགས་ཡོད་པས་མིང་དེ་ལྟར་གྲགས་སོ།། མཚན་དངོལ་ལ་བཀྲ་ཤིས་དར་རྒྱས་གླིང་ཞུ། དེ་རྗེས་བླ་མ་དགྲ་བཅོམ། ཀུན་བཟང་བསྟན་འཛིན། ཚུལ་ཁྲིམས་དྲི་མེད། སྲས་མཆོག་ཡིད་བཞིན་དབང་རྒྱལ། གཏེར་ཆེན་བདུད་འཇོམས་གླིང་བའི་སློབ་ཆེན་འཇའ་ལུས་བ་བཅུ་གསུམ་ནང་ནས་སྤྲུལ་སྐུ་ཤེས་རབ་འོད་གསལ། སྤྲུལ་སྐུ་རིག་རྣམ་སོགས་བྱོན་ནས་གཏེར་ཆེན་རཏྣ་གླིང་བ་དང་། གནམ་ཆོས་ཀར་གླིང་ཞི་ཁྲོ་སོགས་ཀྱི་དབང་ལུང་ཁྲི་མན་ངག་དང་བཅས་[page 376] པའི་ཟབ་དོན་གདམས་པའི་བདུད་རྩི་བསྩལ་ཏེ་བསྟན་པ་བསྐྱངས། རབ་བྱུང་བཅུ་དྲུག་པའི་སྐོར་ལ་ཨོ་རྒྱན་པདྨའི་རྒྱལ་ཚབ་རིག་འཛིན་ཀུན་བཟང་ཉི་མ་བྱོན་ནས་ཁོང་ཉིད་ཀྱི་ཟབ་གཏེར་ལས་ཐུགས་རྗེ་ཆེན་པོ་དྲི་མེད་པདྨ་དཀར་པོའི་སྒྲུབ་མཆོད་གར་འཆམ་བཅས་ཀྱི་སྲོལ་བཙུགས། དེ་སྐབས་དགོན་འདིར་གཙུག་ལག་ཁང་དང་འདུ་ཁང་ཆེ་ཆུང་གསུམ་དང་། གསེར་སྐུ་ལི་མ་གཏེར་མ་རྟེན་རྙིང་སོགས་བཅུ་ཕྲག་གསུམ་ལྷག་དང་། རྒྱལ་བའི་བཀའ་འགྱུར་ཆེན་མོ་དང་། གནམ་ཆོས་མི་འགྱུར་རྡོ་དྗེ་དང་གཏེར་སྟོན་རཏྣ་གླིང་བ་སོགས་ཀྱི་གསུང་ཡོངས་རྫོགས་བཞུགས། གཞན་ཡང་གནམ་ལྕགས་ཀྱི་ཕུར་བ་དང་། མཆོད་རྟེན་ཆ་བརྒྱད། དུང་འཁོར་བཅས་བཞུགས་པ་ལགས། ཆོས་ཀྱི་མཛད་སྒོ་ལོ་མཚམས་དང་། སྐུ་གསུམ་སྒྲུབ་པ། གསང་འདུས་སྒྲུབ་ཆེན། ཐུགས་ཆེན་པདྨ་དཀར་པོ་སྒྲུབ་མཆོད་གར་འཆམ་བཅས་དང་། ཐོས་གྲོལ། བསྙུང་གནས་སོགས་ཡང་ངོ་།།

ས་མིང་ཚིག་མཛོད་མིག་བཤར།

དགོན་པ་དེ་ཕྱག་འདེབས་མཛད་པའི་དུས་ནི་རབ་བྱུང་བཅོ་ལྔ་པའི་ལྕགས་འབྲུག་སྤྱི་ལོ་༡༨༨༠ལོར་ཕྱག་བཏབ། རི་ཁྲོད་དེའི་འདེབས་པ་པོ་ནི་བདུད་འཇོམས་རྡོ་རྗེ་སྟེ་ཁོང་ནི་རབ་བྱུང་བཞི་པའི་ཤིང་མོ་ལུག་གི་ལོའི་བྱ་ཟླའི་ཚེས་བཅུ་ལ་གསེར་ཐང་ཡར་ཆེན་དུ་འཁྲུངས། སྐུ་ཚེ་ཧྲིལ་པོར་བསྟན་འགྲོར་བརྩོན་པས་སྐལ་ལྡན་གྱི་སྐྱེས་བོ་གྲངས་མེད་པ་སྨིན་གྲོལ་གྱི་ལམ་ལ་བཀོད་པ་དང་། དགུང་གྲངས་ཞི་དྲུག་ལ་སླེབས་པ་རབ་ཚེས་ལྕགས་འབྲུག་དབྱར་ཟླ་འབྲིང་པོའི་ཚེས་གསུམ་ཉིན་གསེར་ལྗོངས་བླ་མ་རུང་དུ་བྱོན་ནས་རི་ཁྲོད་འདི་ཕྱག་བཏབ་མཛད་དོ། བཤད་སྒྲུབ་ཀྱི་སྲོལ་བཙུགས་ཚུལ་ནི། དེ་ནས་བཟུང་འཁོར་སློབ་ཀྱི་འདུ་བའང་འཕེལ། མཚན་སྙན་གྱི་གྲགས་པའང་རྒྱས་ཏེ་བསྟན་འགྲོའི་དོན་རླབས་པོ་ཆེ་བྱུང་བ་ཡིན་ནོ། དེ་དུས་སུ་བྱ་བྲལ་ཆོས་དབྱིངས་རང་གྲོལ་སོགས་རྣལ་འབྱོར་གྱི་དབང་ཕྱུག་མང་དུ་བྱོན།

དེང་གི་ལོ་རྒྱུས་ནི་ཆོས་སྡེ་འདི་ཉིད་ཉམས་གསོ་མཛད་པའི་དམིགས་ཡུལ་དང་དུས་ནི། སྤྱི་ལོ་༡༩༨༠ལོའི་སྤྲེལ་ཟླའི་ཚེས་བཅུ་ལ་འཇིགས་མེད་ཕུན་ཚོགས་འདིར་བྱོན་ནས་བཤད་གྲྭ་དང་སྒྲུབ་གྲྭ་ཆུང་ངུ་ཞིག་བཙུགས་ཏེ་ཁོང་གཅིག་པུའི་ཞལ་སྔ་ནས་ཀྱིས་མདོ་སྔགས་རིག་གཞུང་དང་བཅས་པ་བཤད་བཀའ་བསྩལ་ཏོ།

བཤད་སྒྲུབ་ཀྱི་བསྟན་པ་སླར་ཡང་དར་ཚུལ་ནི། དེ་ཡང་སློབ་གླིང་འདི་ལ་སློབ་གཞུང་དཀྱུས་མ་དང་། མཚན་ཐ་དད་དང་། རིགས་ཐ་དད་པ་གསུམ་དུ་དབྱེ་ཡོད་ལ། དང་པོ་ལ་ཐུན་མོང་རིག་གནས་ཀྱི་འཛིན་གྲྭ། མཚན་ཉིད་འཛིན་གྲྭ། རྒྱུད་སྡེའི་འཛིན་གྲྭ་གསུམ་ཡོད། དང་པོ་ལའང་སྒྲ་རིག་པའི་འཛིན་གྲྭ་དང་། ཚད་མ་རིག་པའི་འཛིན་གྲྭ་སོགས་ཡོད། གཉིས་པ་མཚན་ཉིད་འཛིན་གྲྭ་ལ་མཛོད་དང་། འདུལ་བ་ཕར་ཕྱིན། དབུ་མའི་འཛིན་གྲྭ་སྟེ་བཞི་ཡོད། གསུམ་པ་རྒྱུད་སྡེའི་འཛིན་གྲྭ་ལ་བློ་སྦྱོང་དང་། གཞུང་བཤད། [page 377] མན་ངག་གི་འཛིན་གྲྭ་སྟེ་གསུམ་ཡོད་དོ། དེ་དག་གིས་སྒྲ་ཚད་སོགས་ནས་མདོ་སྔགས་བཀའ་བསྟན་སྤྱི་དང་བྱེ་བྲག་ཏུ་སྔ་འགྱུར་པའི་མདོ་རྒྱུད་ཀྱི་བཤད་པ་རྩལ་ཏུ་གྲུབ་མཐའ་གཙང་མའི་རང་རྐང་འཛུགས་པར་བྱེད་དོ། བློ་སྦྱོང་འཛིན་གྲྭས་སྔོན་འགྲོའི་བློ་ལྡོག་རྣམ་བཞི་ནས་ཐུན་མིན་གྱི་སྔོན་འགྲོའི་བར་གྱིས་རྒྱུད་སྦྱོང་ཞིང་འབུམ་ལྔ་ཚད་ལྡན་བསོག་རྒྱུ་དང་། མན་ངག་འཛིན་གྲྭས་འོད་གསལ་རྫོགས་པ་ཆེན་པོ་གཙོ་བོར་གྱུར་པའི་རྡོ་རྗེ་ཐེག་པའི་མན་ངག་ཟབ་མོ་རྣམས་ལ་ཉམས་བཞེས་ཀྱིས་སྙིང་པོའི་སྒྲུབ་པ་ཁོ་ན་ལ་གཞོལ། དེ་ཡང་གླིང་འདིར་ཐོག་མར་འབྱོར་ཚེ་ཚུལ་ཁྲིམས་རྣམ་པར་དག་པ་གཞིར་བཅས་པའི་སྟེང་། སུམ་རྟག་སྙན་ངག་ནས་སྔོན་འགྲོ་བློ་སྦྱོང་དང་། འདུལ་གཞུང་ནང་བརྩམས་ཏེ་གཞུང་བཀའ་པོད་ལྔ་དང་། མདོ་རྒྱུ་སེམས་གསུམ་བཅས་ལ་མཐར་གྱིས་སློབ་གཉེར་བྱེད། ལོ་རེ་བཞིན་ལོ་མཇུག་ཏུ་འཆད་རྩོད་རྩོམ་གསུམ་གྱི་རྒྱུགས་དང་། བགྲོ་གླེང་དམ་བཅའ། ཡིག་ཐོག་དང་ངག་ཐོག་གཉིས་ཀའི་འདྲི་རྒྱུགས། བློ་རྒྱུགས་བཅས་ཟླ་བ་གཉིས་ལྷག་གི་རིང་ལ་འཛིན་གྲྭ་སོ་སོར་རྒྱུགས་ལེན་ནན་པོ་བྱེད། དེ་ལྟར་ལོ་བཅུ་གཉིས་ཀྱི་རྗེས་སུ་རབ་ཀྱིས་མདོ་སྔགས་རིག་གཞུང་དང་བཅས་པ། འབྲིང་གི་གཞུང་བཀའ་པོད་ལྔ་དང་། སྔགས་ཕྱོགས་འགའ་ཞིག་དང་། ཐ་མས་གཞུང་ཆེ་ཆུང་བཅའུ་སྟེང་ནས་རྒྱུགས་ལེགས་པར་འཕྲོད་ན། སློབ་གྲྭའི་མཚན་ཐོག་ནས་མཐར་ཕྱིན་ལག་ཁྱེར་སྤྲད་དེ་མཁན་པོ་རབ་འབྱིང་ཐ་མ་གསུམ་དུ་མངའ་གསོལ་རྒྱུ་ཡིན་ནོ།།

གཉིས་པ་མཚན་ཐ་དད་པའི་སློབ་ཚོགས་ནི། དཔའ་མོའི་གླིང་གསུམ་སྟེ། ལྷན་སྐྱེད་ཆོས་སྐུའི་གླིང་། ཞིང་སྐྱེས་སྤྲུལ་སྐུའི་གླིང་། སྔགས་སྐྱེས་ལོངས་སྐུའི་གླིང་། འདི་རྣམས་ནི་འདུལ་གཞུང་ལས་གསུངས་པ་བཞིན་དགེ་འདུན་པ་ཚོགས་ལས་རྒྱང་གྲགས་གཅིག་ཙམ་གྱི་ཕ་རོལ་ན་ཡོད།

དེ་ལ་འཛིན་གྲྭ་གོང་འོག་གཉིས་ལས་འོག་མ་པ་དག་གིས་འབྲི་ཀློག་སྦྱོང་། གོང་མ་རྣམས་ཀྱི་འཛིན་གྲྭའི་རིམ་པ་ནི་སློབ་གཞུང་དཀྱུས་མ་དང་མཚུངས། འདི་རྣམས་ལ་འདུལ་གཞུང་ནས་བཤད་པའི་མཚན་ཉིད་དང་ལྡན་པའི་གནས་བརྟན་དག་བསྐོ་བཞག་བྱས་ཏེ་ཐོས་བསམ་སྒོམ་པ་ལ་བར་མེད་དུ་བརྩོན། གླིང་གསུམ་པོའི་དགོན་པ་དག་ནི་མཁའ་འགྲོ་མི་འགྱུར་དཔའ་གྱི་སྒྲོལ་མའི་རྣམ་སྤྲུལ་རྗེ་བཙུན་མ་མུཾ་མཚོ་ཉིད་ཡིན་ནོ།། གསུམ་པ་རིགས་ཐ་དད་པའི་སློབ་ཚོགས་ནི། རྒྱ་ནག་དང་སོག་པོ་སོགས་མི་རིགས་ཐ་དད་པའི་སློབ་མ་རྣམས་ཏེ་རྒྱ་ནག་གི་སྐམ་ས་ཆེན་མོའི་ཞིང་ཆེན་ཉི་ཤུ་ལྷག་ཙམ་ནས་ལྷག་པའི་བཙུན་པ་བཙུན་མ་བརྒྱ་དང་ལྔ་བཅུ་ཙམ་ཞིག་གིས་རྒྱུན་དུ་བོད་ཀྱི་སྐད་ཡིག་སྦྱོང་བ་དང་། རྒྱ་ནག་གི་སྐད་ཐོག་ནས་བོད་བརྒྱུད་ཀྱི་ཆོས་ལ་འཆད་ཉན་དང་སྒོམ་སྒྲུབ་ལ་བརྩོན། གཞན་ཡང་རྒྱ་ནག་གི་གྲོང་ཁྱེར་པེ་ཅིན། ཧྲེང་ཧེ། ཐན་ཅུན། ནན་ཅུན། ཧྲིན་ཀྲིན། ཀྭང་ཀྲོའུ། སོའུ་ཀྲོའུ་སོགས་ནས་ཤཱཀྱའི་དགེ་བསྙེན་མང་པོ་དག་མེ་ཏོག་ལ་བུང་བ་འཁོར་བ་བཞིན་དཀའ་ཚེགས་གང་ལའང་མི་འཛེམས་གནས་འདིར་འོང་ནས་དམ་པའི་ཆོས་ཀྱི་བགོ་སྐལ་ནོད་པར་བྱེད། དེ་དག་ལས་བརྒྱ་ཆ་སུམ་ཅུ་ལྷག་ཅིག་ནི་སློབ་གྲྭ་ཆེན་མོ་ནས་མཐར་ཕྱིན་པའི་མཐོ་རིམ་ཤེས་ཡོན་པ་ཁོ་ན་ཡིན་ནོ། དེ་བཞིན་དུ་ཨ་རི་དང་། ཤིན་ཅ་པོ། ཁྲོ་ཤན། རྒྱ་གར། [page 378] འབྲུག་དང་ཧིན་དྷི་ཉི་ཞུ་ཡ་སོགས་ཕྱི་རྒྱལ་གྱི་སློབ་གཉེར་བ་དག་ཀྱང་སྔ་ཕྱིར་འདི་གར་འོང་སྟེ་སློབ་གཉེར་མཛད་དོ།།

བསྟན་བདག་དང་དགེ་སྐོས་སོགས་ནི། རྗེ་འཇིགས་མེད་ཕུན་ཚོགས་དཔལ་བཟང་པོས་དབུ་མཛད་གཞན་འཛིན་གྲྭ་སོ་སོའི་མཁན་པོ་རྣམས་ཀྱིས་རྒྱལ་བསྟན་རིན་པོ་ཆེ་བཤད་དང་སྒྲུབ་པས་འཛིན་སྐྱོང་སྤེལ་བའི་བྱ་བ་བདག་གིར་མཛད་དོ། གཞན་གཞུང་སྤྱིའི་ལས་གཉེར་བ་མི་བཅུ་ལྷག་དང་། ཁྲིམས་གཙང་། ཐུགས་མཐུན། སྤོང་ཀློག་གི་བྱ་བར་ལྷོད་མེད་དུ་བརྩོན་དགོས་པའི་ཁྲིམས་གསུམ་པོ་དེར་འགལ་མིན་རྟོག་པའི་དགེ་སྐོས་མི་གསུམ་བཅུ་ལྷག་དང་། སློབ་གཉེར་དོ་དམ་ཚོགས་པ་མི་ཉི་ཤུ་ལྷག་དང་། དཔལ་འབྱོར་ལས་གཉེར་པ་མི་ཉི་ཤུ་ཙམ་དང་། གཞན་ཡང་སྨན་པ། རྩིས་གཉེར་པ། གཙང་སྦྲ་བ། བྱང་འདྲེན་པ། མཆོད་དཔོན་སོགས་ཀྱང་བདམས་ཏེ་སྐོ་བར་བྱེད་དོ།

གཙུག་ལག་ཁང་སོགས་ནི། དགེ་འདུན་པ་ཚོགས་ལ་མི་ཉིས་སྟོང་ཙམ་ཤོང་བའི་གཙུག་ལག་ཁང་། མཚན་ཐ་དད་པ་རྣམས་བཙུན་མོ་སུམ་སྟོང་ཙམ་ཤོང་བའི་འདུ་ཁང་དང་། རིགས་ཐ་དད་པ་རྣམས་ལ་སློབ་མ་ལྔ་བརྒྱ་ཙམ་ཤོང་བའི་སློབ་གཉེར་ཁང་། ཐུན་མོང་དུ་དགེ་འདུན་ཁྲི་གཅིག་ཙམ་བཞུགས་སུ་རུང་བའི་ཀུན་དགའ་ར་བ་དང་། དཔལབསམ་ཡས་གཙུག་ལག་ཁང་ཉམས་གསོས་ཀྱི་སྣ་སེལ་དུ་བཞེངས་པའི་ལྷ་ཁང་བཅས་སྐྲུན་ཡོད། དཔེ་མཛོད་ཁང་དུ་བཀའ་འགྱུར་རོ་ཅོག་དང་། གྲུབ་མཐའ་སོ་སོའི་མཁས་གྲུབ་རྣམས་ཀྱི་གསུམ་འབུམ་སོགས་བཞུགས་ལ། པར་ཁང་དུ་ཆོས་རྗེས་འཇིགས་མེད་ཕུན་ཚོགས་དཔལ་བཟང་པོའི་གསུང་འབུམ་གཏམ་ཚོགས་སྐོར་དང་། གཞུང་འགྲེལ་དང་མན་ངག་སྐོར་བཅས་ཀྱི་པར་ཤིང་བཞུགས། གྲྭ་ཁང་སུམ་སྟོང་དུ་ཉེ་བ་ཡོད། རྒྱུན་བཞུགས་དགེ་འདུན་གྱི་གྲངས་ཀྱང་དེ་ཙམ་ཡིན་ནོ།།

དུས་མཆོད་རྒྱུན་སྲོལ། ཟླ་རེའི་ཡར་ངོའི་ཚེས་བཅུ་ལ་མི་ཕམ་རིན་པོ་ཆེའི་རྒྱུན་ལུགས་འཇམ་དཔལ་གྱི་ཚོགས་མཆོད། ཚེས་ཉེར་ལྔ་ལ་ལས་གླིང་གཏེར་བྱོན་མཚོ་རྒྱལ་ཐུགས་སྒྲུབ་རེ་དང་། ཡར་ངོ་དང་མར་ངོའི་ཚེས་བཅོ་ལྔ་ལ་ཀུན་གཟིགས་མི་ཕམ་པའི་སྨན་ལྷའི་མཆོད་ཆོག་དང་། དུས་ངེས་ཅན་དུ་བྱ་བའི་མཐུན་པའི་གསོ་སྦྱོང་དང་། གཞན་ཆོས་སྐྱོང་གི་གསོལ་མཆོད་རྒྱུན་ཆགས་པ་ཙམ་ལས་ཆེར་མེད།

འཚོ་རྐྱེན་དང་གཏོང་སྒོའི་ཡོན་གྱི་འབྱུང་གནས་ནི་སོ་སོའི་ཁྱིམ་མི་རྣམས་དང་། སྦྱིན་བདག་གཞན་རྣམས་ཀྱིས་རང་མོས་ཀྱིས་ཕུལ་བའི་རྫས་དང་། ཕྱི་རྒྱལ་ནས་ཀྱང་མཐུན་རྐྱེན་ཅི་རིགས་པ་སྦྱོར་བཞིན་ཡོད་པ་རྣམས་སོ།།

[page 379]

ས་མིང་ཚིག་མཛོད་མིག་བཤར།

[page 380] དང་པོ། ཐོག་མར་ཕྱག་འདེབས་པའི་ཚུལ། ད་ལྟ་སི་ཁྲོན་ཞིང་ཆེན་དཀར་མཛེས་བོད་རིགས་རང་སྐྱོང་ཁུལ་ཆ་ཕྲེང་རྫོང་འོག་གི་བསམ་འཕེལ་གླིང་ཞེས་པའི་དགོན་པ་ཆེ་ཤོས་འདི་ནི་སོག་པོའི་དམག་དཔུང་གིས་རྒྱབ་སྐྱོར་ལ་བརྟེན། བླ་མ་སྤང་སྒོང་རིན་པོ་ཆེ་མཆོག་གིས་རབ་བྱུང་བཅུ་གཅིག་པའི་ཆུ་རྟ་སྤྱི་ལོ་༡༦༦༢ལ་ཕྱག་འདེབས་མཛད་པ་ཡིན།

དེའང་དགའ་ལྡན་ཕོ་བྲང་གི་སྲིད་དབང་ཚུགས་མ་ཚར་སྔོན། བོད་ཀྱི་སྲིད་དབང་བཀའ་རྒྱུད་པའི་བཟུང་ཡོད་པས། གཙང་རྒྱ་སྡེ་སྲས་དང་བེ་རུ་དོན་ཡོད་སོགས་ཀྱིས་དགེ་ལུགས་པའི་ཆོས་ལ་ངན་སེམས་ཚབས་ཆེན་བྱེད། སོག་པོའི་གུ་ཤྲི་བསྟན་འཛིན་ཆོས་ཀྱི་རྒྱལ་པོས་སྤྱི་ལོ་༡༦༤༡ནས་སྤྱི་ལོ་༡༦༤༢ལོར་སོག་དམག་དྲངས་ནས་ཤར་དར་རྩེ་མདོ་དང་ནུབ་ལ་དྭགས་བར་དུ་གཙང་བ་ཀརྨ་བསྟན་སྐྱོང་དང་བར་ཁམས་བེ་རུ་དོན་ཡོད་དམག་དང་བཅས་པ་ཚར་བཅད་དེ་བོད་ཁམས་ཡོངས་རྫོགས་དབང་དུ་བསྡུས་ནས་སྲིད་དབང་ཐམས་ཅད་རྒྱལ་དབང་ལྔ་པ་ངག་དབང་བློ་བཟང་རྒྱ་མཚོ་ལ་ཕུལ། དེ་བརྟེན་ནས་དགེ་ལུགས་པའི་ཆོས་རྒྱ་བསྐྱེད་གཏོང་བའི་སྐབས་དེར། ཆ་ཕྲེང་ཡུལ་ན་ཡོད་པའི་དགེ་ལུགས་དགོན་པ་གཉིས་ལ། བཀའ་རྙིང་དགོན་པ་༡༡༣ཡོད་པ་དེ་དག་གིས་ཕྲག་དོག་གིས་སྡོད་མི་ཆགས་པ་བྱེད་པས། བླ་མ་སྤང་སྒོང་རིན་པོ་ཆེདང་གྲྭ་བ་དྲུག་ལྷ་སར་བྲོས་བྱོལ་དུ་བྱིན་ཏེ་རྒྱལ་དབང་ལྔ་པ་ལ་ཆ་ཕྲེང་དགེ་ལུགས་དགོན་པ་གཉིས་ཀྱི་གནས་ཚུལ་དང་ཡུལ་དེ་ན་དགེ་ལུགས་པའི་ཆོས་སྤེལ་བའི་རེ་འདུན་སོགས་ཞིབ་ཕྲ་ཞུས་པས། གུ་ཤྲིས་བསྟན་འཛིན་ཆོས་ཀྱི་རྒྱལ་པོས་རང་གི་ཚ་བོ་མཁའ་འགྲོ་བསྟན་སྐྱོང་དམག་དཔོན་དུ་བསྐོས་ནས། སོག་དམག་ཁག་ཅིག་ཆ་ཕྲེང་སོགས་མདོ་ཁམས་སྨད་ཕྱོགས་སུ་བཏང་ནས་ཕྲེང་ཡུལ་མི་ཐམས་ཅད་བཙན་ཤེད་ཀྱིས་དམག་གི་དབང་དུ་བསྡུས། ད་ལྟའི་བསམ་འཕེལ་གླིང་གི་དགོན་ས་དེ་དཀའ་རྒྱུད་དགོན་པ་ཆེ་ཤོས་མཛེས་པོ་རྒྱ་བྱ་དགོན་ཟེར་བའི་དགོན་ས་ཐོགཆ་ཕྲེང་གི་དགོན་ལྷག་བརྒྱ་དང་བཅུ་གསུམ་རྡོག་རྩ་གཅིག་ཏུ་སྒྲིལ་ནས་དགེ་ལུགས་དགོན་པ་བསམ་འཕེལ་གླིང་བཏབ་པ་ཡིན་ནོ།

གཉིས་པ། གནད་བས་རགས་རིམ། དེའང་རིམ་བཞིན་དམ་པ་རིན་པོ་ཆེ་སྤང་སྒང་དབོན་སློབ་ནས་ད་ལྟའི་ལ་གག་ཡང་སྲིད་མཆོག་སྤྲུལ་བློ་བཟང་འཇིགས་མེད་ཟླ་བའི་བར་ཆ་ཕྲེང་བསམ་གཏན་གླིང་ལ་གདན་རབས་བརྒྱད་དང་། ཁྲི་བྱང་རིན་པོ་ཆེའི་བླ་རབས་བཅོ་བརྒྱད། གནས་ནང་རིན་པོ་ཆེ་བླ་རབས་བཞི། སྟོར་སྐོར་རིན་པོ་ཆེའི་བླ་རབས་སྔ་ཕྱི་གཉིས་བཅས་སྐྱེ་ཆེན་དམ་པ་མང་པོའི་རྣམ་ཐར་རྒྱས་པར་མཆིས་ཀྱང་། འདིར་ཡི་གེ་མང་བར་འཇིགས་ནས་མི་སྤྲོ། དེའང་ཆ་ཕྲེང་བསམ་འཕེལ་གླིང་དགོན་པའི་དགོན་བདག་བླ་མ་སྤང་སྒང་དཔོན་རིན་པོ་ཆེའི་གདན་རབས་སྐུ་ཕྲེང་བརྒྱད་དེ། [page 381] སྐུ་ཕྲེང་དང་པོ་ནི། རྒྱལ་བ་ཙོང་ཁ་བ་ཡབ་སྲས་གསུམ་གྱི་ནང་ནས་མཁས་གྲུབ་རིན་པོ་ཆེའི་ཐུགས་ཀྱི་སྐྱེས་བརྒྱུད་ཞིག་ཡིན་ཟེར།

སྐུ་ཕྲེང་གཉིས་པ་ནི། བླ་མ་ཨ་དབྱངས་ཆོས་གྲགས་རྒྱ་མཚོ་ཞུ་བ་དེ་ཡིན། བླ་མ་དེས་ཡུལ་འདབ་བར་ཡོང་ནས་ཆ་ཕྲེང་ནགས་ཚང་ཞེས་པའི་ཡུལ་འདི་ལ་དགེ་ལུགས་པའི་དགོན་པ་བེ་ཡ་དགོན་གསར་དུ་བཏབ། བླ་མ་དེ་ཡུལ་སྤང་སྒང་ཞེས་པ་དེར་ཕེབས་སྐབས། ཡུལ་དེ་མཛེས་སྡུག་ལྡན་པ་ཞིག་ཏུ་སྣང་ནས་དེར་ཡུན་རིང་བཞུགས་པས། བླ་མ་སྤང་སྒང་དཔོན་སློབ་ཞེས་པའི་མཚན་ཀྱང་དེ་དུས་བྱུང་བ་འདྲ།

སྐུ་ཕྲེང་གསུམ་པ་ནི། འབྲོག་སྤང་སྒང་དཔོན་སློབ་རིན་པོ་ཆེ་བློ་བཟང་རྣམ་རྒྱལ་ཞུ་བ་དེ་ཡིན། སྐུ་ཆུང་ངུ་དུས་ནས་ཆོས་ཕྱོགས་ལ་དགའ་ཞིང་དགེ་ཚུལ་སློང་གི་སྡོམ་པ་བཞེས། ལྷ་སར་ཕེབས་ནས་ལོ་མང་གསན་བསམ་མཛད་པས། དགུང་པོ་ཉི་ཤུ་རྩ་བདུན་ལ་དགེ་བཤེས་མཚན་རྟགས་གནང་ནས་སྙན་གྲགས་ཀུན་ཏུ་ཁྱབ། ཡུལ་ཆ་ཕྲེང་ལ་ལོག་རྗེས། རི་བོ་དགའ་ལྡན་པའི་སྲོལ་གསར་དུ་བཙུགས། དགེ་ལུགས་དགོན་པ་གདུང་ནག་དགོན་དང་མགོ་རྩ་དགོན་གཉིས་གསར་དུ་བཏབ། རྗེ་མཆོག་ལྔ་པའི་སྐུ་རབས་སུ། སོག་དམག་གི་སྟོབས་ཤུགས་ལ་བརྟེན་ནས་ཆ་ཕྲེང་ཡུལ་གྱི་དགོན་ལྷག་བརྒྱ་དང་བཅུ་གསུམ་ཕྱོགས་གཅིག་ཏུ་བསྡུས་ནས། བོད་རབ་བྱུང་བཅུ་གཅིག་པའི་ཆུ་རྟ་ལོར་ཆ་ཕྲེང་ནོར་བུ་བསམ་འཕེལ་གླིང་ཞེས་དགོན་པ་འདི་ཉིད་གསར་དུ་བཏབ།

སྐུ་ཕྲེང་བཞི་པ་ནི། བླ་མ་འབྲོག་འ་ཀག་དགེ་བཤེས་ཞུ་བ་དེ་ཡིན། སྐུ་ཕྲེང་ལྔ་པ་ནི། འབྲོག་སྒྲུབ་པ་ཞུ་བ་དེ་ཡིན། བླ་དེ་ཉིད་འཁོར་བའི་བདག་འཛིན་ཐམས་ཅད་སྤང་ནས་ཚེ་གཅིག་སྒྲུབས་པ་མཛད་པས་མིང་ཀྱང་དེ་ལྟར་ཐོབ། སྐུ་ཕྲེང་དྲུག་པ་ནི། སོས་ར་དཔལ་མཆོག་རིན་པོ་ཆེ་ཡིན། སྐུ་ཕྲེང་བདུན་པ་ལ་ཀག་རིན་པོ་ཆེ་བློ་བཟང་ཐུབ་བསྟན་ཟླ་བ་མཆོག་ནི། སྤྱི་ལོ༤༠༢ལོ་བོད་ཆུ་སྟག་ལོར་ཆ་ཕྲེང་ཆ་གོང་མ་ཐང་བསྟན་ལ་ཀག་ཁྱིམ་ཚང་ལ་རྟགས་མཚན་བཟང་པོ་དང་བཅས་སྐུ་འཁྲུངས། ཆུང་དུས་ནས་ཆོས་ཕྱོགས་ཀྱི་བྱ་བ་མང་དུ་མཁྱེན། ཆ་ཕྲེང་དགོན་སྡེ་དམངས་ཚང་མས་སྤང་སྒང་དགེ་བཤེས་རིན་པོ་ཆེའི་སྐུ་བརྒྱུད་སོས་ར་དཔལ་མཆོག་རིན་པོ་ཆེའི་ཡང་སྲིད་དུ་ངོས་བཟུང་། སྐྱབས་རྗེ་ཡོངས་འཛིན་ཁྲི་བྱང་བློ་བཟང་ཡེ་ཤེས་བསྟན་འཛིན་རྒྱ་མཚོ་མཆོག་གིས་ལ་ཀག་ལ་ལྷ་སར་ཕེབས་ཤོག་གསུང་བའི་བཀའ་ལྟར། ལྷ་སར་ཕེབས་ནས་གདན་ས་ཆེན་པོ་དགའ་ལྡན་དུ་ཐོས་བསམ་སྒོམ་གསུམ་ལ་སྦྱང་བརྩོན་བྱས། མཁས་པའི་སྙན་གྲགས་རྒྱས། ཡུལ་ཆ་ཕྲེང་ལ་ལོག་ནས་དགེ་ལུགས་པའི་བསྟན་པ་རྒྱ་བསྐྱེད་བཏང་། དེའི་དུས། ཆ་ཕྲེང་བསམ་འཕེལ་གླིང་དགོན་པ་དེ་སྟོབས་འབྱོར་མངའ་ཐང་ལྡན་ཞིང་དགེ་འདུན་གྱི་གྲངས་ཀྱང་འཕེལ་རྒྱས་སོང་ཏེ། དགེ་འདུན་ཞལ་གྲངས་གཉིས་སྟོང་ཙམ་བཞུགས། གྲྭ་ཤག་ཡང་ལྔ་བརྒྱ་ཙམ་ཡོད་པའི་ལོ་རྒྱུས་མཆིས། གཙུག་ལག་ཁང་ཁ་ཤས་བཞེངས་ཤིང་། སྐུ་གསུང་ཐུགས་རྟེན་རིན་གོང་དང་བྲལ་བ་མང་པོ་བཞེངས། བླ་མ་ཟོངས་རིན་པོ་ཆེ་མཚན་ཉིད་མཁན་པོ་གདན་དྲངས་ནས། མཚན་ཉིད་གྲྭ་ཚང་སློབ་གྲྭ་གསར་དུ་[page 382] བཙུགས་པས། མཚན་ཉིད་སྦྱོང་མཁན་ལོ་ཆུང་གྲྭ་བ་གཉིས་བརྒྱ་ཙམ་བྱུང་བའི་ལོ་རྒྱུད་སོགས་ད་ལྟ་ཆ་ཕྲེང་མི་རྒན་རྣམས་ལ་བཤད་རྒྱུན་འདུག

སྤྱི་ལོ་༡༩༥༡ཙམ་ལ་ཏང་ཀྲུང་དབྱང་གི་ལས་བྱེད་མི་ཉུང་ཤས་ཞིག་ཆ་ཕྲེང་ལ་འབྱོར་དུས། ལ་ཀག་རིན་པོ་ཆེས་ཏང་གི་ལས་དོན་ལ་རྒྱབ་སྐྱོར་གང་ཐོབ་བྱེད་པས། སྲིད་གཞུང་གིས་ལས་བྱེད་ཀྱི་མཚན་གནས་ཕུལ། གོ་གནས་ཀྱང་ཇི་མཐོར་སོང་ཏེ། མདོ་ཁམས་སྨད་ལྷོར་བརྒྱད་ཀྱི་དབུ་ཡོན་ལྷན་ཁང་གི་ཀྲུའུ་རིན་རྒན་པའི་གོ་གནས་བཞེས་ནས། དཀར་མཛེས་ཁུལ་གྱི་དབུ་ཁྲིད་ཆེན་པོར་གྱུར། ཁམས་སྨན་ཕྱོགས་ཀྱི་སྤྱི་ཚོགས་བདེ་འཇགས་ཡོང་བ་ལ་བྱས་རྗེས་ཆེན་པོ་བཞག་ཡོད། སྤྱི་ལོ་༡༩༥༨ལོར་བོད་ས་ཁྱི་ཟླ་དྲུག་པའི་ཚེས་བཅོ་ལྔ་ཉིན་བསམ་འཕེལ་གླིང་ནས་དགོངས་པ་ཆོས་དབྱིངས་སུ་གཤེགས་སོ།། སྐུ་ཕྲེང་བརྒྱད་པ་ནི། ད་ལྟ་རྒྱ་གར་ན་བཞུགས་པའི་ལ་ཀག་རིན་པོ་ཆེའི་ཡང་སྲིད་མཆོག་སྤྲུལ་བློ་བཟང་འཇིགས་མེད་བསྟན་འཛིན་ཟླ་བ་མཆོག་ཡིན།

སྐྱབས་རྗེ་ཁྲི་བྱང་རྡོ་རྗེ་འཆང་གི་སྐུ་ཕྲེང་བཅོ་བརྒྱད་པ། སྐྱབས་རྗེ་ཡང་སྲིད་བསྟན་འཛིན་བློ་བཟང་ཡེ་ཤེས་རྒྱ་མཚོ་མཆོག་ཡིན་ནོ།

བསམ་འཕེལ་གླིང་དགོན་པའི་བླ་མ། གནས་ནང་རིན་པོ་ཆེའི་སྐུ་རབས་ཀྱི་སྐོར། སྐུ་ཕྲེང་དང་པོ་བློ་བཟང་རྣམ་རྒྱལ་མཆོག་ཡིན། གཉིས་པ་གནས་ནང་སྐུ་ཞབས་ཐུབ་བསྟན་ཉི་མ་མཆོག་ཡིན། གསུམ་པ་གནས་ནང་མཆོག་སྤྲུལ་བློ་བཟང་འཇམ་དཔལ་མཆོག་ཡིན། བཞི་པ་མཆོག་སྤྲུལ་བློ་བཟང་མཐའ་ཡས་རྣམ་རྒྱལ་དོན་གྲུབ་མཆོག་ནི་ད་ལྟ་རྒྱ་གར་དུ་བཞུགས་འདུག་གོ།

གསུམ་པ། སྐུ་གསུང་ཐུགས་རྟེན་སྐོར། དགོན་འདི་ཆགས་ནས་བགྲང་བྱ་སུམ་བརྒྱ་ལྷག་གི་རིང་ལ་སྐྱེས་ཆེན་དམ་པ་རིམ་བྱོན་གྱིས་བཞེངས་པའི་རྟེན་དང་བརྟེན་པའི་གྲངས་དང་བཀོད་པ་འདི་ཙམ་མོ་ཞེས་སྨྲ་མི་ནུས་ཀྱང་ལ་ཀག་རིན་པོ་ཆེ་ཐུབ་བསྟན་ཟླ་བ་མཆོག་གི་སྐུ་རིང་ལ་དངོས་སུ་བཞུགས་པའི་མཚན་ཐོ་ཙམ་འགོད་པར་བྱ་སྟེ། དེའང་བསམ་འཕེལ་གླིང་དགོན་པ་ལ་རྗེ་ཁང་བརྩེགས་གསུམ་ཅན་གཅིག་དང་། ཚེ་དཔག་མེད་ལྷ་ཁང་བརྩེགས་གསུམ་ཅན་གཅིགཚོགས་ཁང་བརྩེགས་གསུམ་ཅན་གཅིགཇ་ཁང་ཅིགཔར་ཁང་གཅིགབླ་བྲང་ཁང་གཅིག་དང་གྲྭ་ཤག་ལྔ་བརྒྱ་ཙམ་དང་བཅས་བཞུགས། རྗེ་ལྷ་ཁང་ནང་རྒྱུད་ཟངས་གསེར་ལས་གྲུབ་པའི་ཚད་འདོམ་དྲུག་ཅན་གྱི་རྗེ་ཡབ་སྲས་གསུམ་གཙོ་གྱུར་བའི་སྐུ་རྟེན་མང་པོ་དང་། ལ་ཀག་རིན་པོ་ཆེས་འགན་བཞེས་ནས་བཞེངས་པའི་དངུལ་གྱི་མཆོད་རྟེན་གཟི་བྱུ་རུས་རྒྱན་པའི་ཚད་འདོམ་གཉིས་ཙམ་ཅན་སོགས་མཆིས། ཚོགས་ཁང་ནང་ཟངས་གསེར་ལས་གྲུབ་པའི་རྗེ་བཙུན་བྱམས་པའི་སྐུ་ཚད་འདོམ་དྲུག་དང་ཇོ་བོ་ཤཱཀྱ་མུ་ནེའི་སྐུ་ཚད་འདོམ་དྲུག་ཅན་རྗེ་ཡབ་སྲས་གསུམ་གྱི་གསེར་གདུང་མི་ལུས་ཅན། གནས་ནང་རིན་པོ་ཆེའི་གསེར་གདུང་མི་ལུས་ཅན་སོག་བཞུགས། ཚེ་དཔག་མེད་ལྷ་ཁང་ནང་ཟངས་གསེར་ལས་གྲུབ་པའི་ཚེ་དཔག་མེད། སྒྲོལ་མ་དཀར་པོ་བཅས་འདོམ་དྲུག་གི་ཚད་དུ་བཞུགས། [page 383] གཞན་གསེར་སྐུ་བརྒྱ་ལྷག་ཙམ། ས་སྐུ་གསུམ་བརྒྱ་ཙམ། དཔག་བསམ་ཁྲི་ཤིང་། ཙོང་ཁ་བརྒྱད་ཅུ། འཕགས་པ་གནས་བརྟན་བཅུ་དྲུག་ལ་སོགས་པའི་ཐང་ག་ཉིས་བརྒྱ་ལྷག་སོགས་སྐུ་རྟེན་མང་དུ་བཞུགས་སོ། གསུང་རྟེན་ཡང་རྒྱལ་པའི་བཀའ་འགྱུར་དང་བསྟན་འགྱུར། རྒྱལ་བ་ཙོང་ཁ་པའི་གསུང་འབུམ་ཆ་ཚང་། གངས་ཅན་མཁས་པའི་དབང་པོ་མང་པོའི་གསུང་འབུམ་ཚང་མ་བསྡོམས་ན་པོད་སྟོང་གཅིག་ལྷག་བཞུགས་སོ།། དེ་དུས་བླ་མ་གྲྭ་པའི་གྲངས་ཀྱང་གཉིས་སྟོང་ཙམ་བཞུགས། མཆོད་པའི་ཡོ་བྱད་ནི་འཁར་རྔ། སིལ་སྙན། སྦུ་ཆལ་སོགས་ལི་རྙིང་བརྒྱ་ལྷག་ཙམ་དང་། རྒྱ་གླི་དང་དུང་སོགས་གསེར་དངུལ་ཟངས་རག་གི་རྒྱུ་བྱས་པར་གཟི་དང་བྱུ་རུ་གཡུ་སྤོས་ཤེལ་སོགས་ཀྱི་ཕྲ་དང་ལྡན་པའི་རོལ་མོ་བཅུ་ཕྲག་འགའ་བཅས་དང་རིན་གོང་གཞལ་དཀའ་བའི་མཆོད་ཆས་དང་། གཏོར་ཆས་འཕན་གདུགས་དང་འཆམ་གོས་བརྒྱ་དང་ལྔ་བཅུ་ཙམ་དང་། གསེར་འབག་དངུལ་འབག་འདམ་ཀྱི་འབག་བཅས་ཁྱོན་བསྡོམས་ཉིས་བརྒྱ་ཙམ་བཞུགས་པ་ལགས་སོ།།

བཞི་པ། དུས་མཆོད་རྒྱུན་སྲོལ། བོད་ཟླ་དང་པོ་ལ་དགོན་པའི་བླ་སེར་ཀུན་འདུས་ནས་མཆོད་པ་ཉིན་ཉི་ཤུ་རྩ་གཅིག་འཚོགས་དགོས། ཚོགས་མཇུག་ལ་རྗེ་བཙུན་བྱམས་པའི་ཆོས་འཁོར་སྐོར་དགོས། བོད་ཟླ་གཉིས་པ་ལ་ཀུན་རིག་མཆོད་གཏེར་ཉིན་བརྒྱད་ལ་འཚོགས་དགོས། བོད་ཟླ་གསུམ་པ་ལ་མགོན་སྐྱབས་ལྔའི་མཆོད་གཏོར་ཉིན་དྲུག་འཚོགས་ནས་གདུགས་དཀར་གཏོར་ཆེན་རྒྱག་དགོས། བོད་ཟླ་བཞི་པ་ལ་དགེ་འདུན་ཞལ་གྲངས་སུམ་བརྒྱ་ཙམ་གྱིས་གསང་འདུས་ཚོགས་དགོས། བོད་ཟླ་ལྔ་པ་ལ་བདེ་འཇིགས་ཉིན་བརྒྱད་ལ་འཚོགས་དགོས། བོད་ཟླ་དྲུག་པ་ལ་དབྱར་ཁས་ལེན་ཉིན་བཞི་བཅུ་ཞེ་ལྔ་ཙམ་འཚོགས་དགོས། བོད་ཟླ་བདུན་པ་ལ་རབས་གནས་ཆེན་པོ་ཉིན་བདུན་འཚོགས་དགོས། བོད་ཟླ་བཅུ་པ་ལ་དགའ་ལྡན་ལྔ་མཆོད་ཉིན་གསུམ། བོད་ཟླ་བཅུ་གཅིག་ལ་དགེ་འགྲུབ་ཚོགས་ནས་འབག་འཆམ་གཏོར་རྒྱབ་བྱེད་དགོས། དེ་དུང་དགོན་པ་ནང་རྒྱུན་བཞུགས་པའི་བླ་སེར་རྣམས་ཉིན་རེར་ཐེངས་གསུམ་ལ་འཚོགས་དགོས་ཞིང་ཟླ་སོ་སོའི་ཚེས་བཅོ་ལྔ་དང་གསུམ་བཅུ་ལ་སྤྱི་གཞུང་མཆོད་དགའ་འཚོགས། ཚེས་གསུམ་ལ་གནས་བརྟན་ཕྱག་མཆོད་འཚོགས། ཚེས་ཉེར་དགུ་ལ་སྐང་གསོ་དྲུག་ཅུ་སོགས་ཀྱང་འཚོགས་རྒྱུ་མཆིས་སོ།།

ལྔ་བ། ད་ལྟའི་གནས་ཚུལ། དེ་ལྟར་རི་བོ་དགའ་ལྡན་པའི་དགོན་པ་འདི་ཉིད་བོད་ཁམས་དགོན་སྡེ་ཕལ་མོ་ཆེ་དང་མཚུངས་པར་ངོ་རྒོལ་བཞི་པ་དང་རིག་གནས་གསར་བརྗེའི་སྐབས་ཐམས་ཅད་སྟོང་ཞིང་བརླགས། གཙུག་ལག་ཁང་དང་གྲྭ་ཤག་དང་བཅས་པའི་འཇིག་ཤུལ་ས་ཕུང་དང་རྡོ་ཕུང་ཙམ་ལས་མེད་པར་གྱུར། དེང་གངས་ལྗོངས་རྒྱལ་བསྟན་ཉམས་གསོ་ཆོག་པའི་སྐབས་དགོན་པ་སླར་གསོའི་ཕྲིན་ལས་བཙུགས་ཏེ་གཙུག་ལག་ཁང་རྟེན་དང་བརྟེན་པ་བཞེངས། རྗེ་ཡབ་སྲས་གསུམ་གཙོ་གྱུར་པའི་སྐུ་གསུང་ཐུགས་རྟེན་མང་པོ་བཞེངས་ཞིང་། སྔོན་གྱི་མཆོད་རྫས་སོགས་ཡོད་པ་རྣམས་དད་ལྡན་འགས་རང་མོས་ཀྱིས་ཕུལ་བ་དང་། ཁྲི་བྱང་ཚང་གི་གསེར་གདུང་གཟི་བྱུ་རུ་གཡུ་སྤོས་ཤེལ་གྱིས་རྒྱན་པ་ཆེན་པོ་ཞིག་[page 384] བཞེངས། དགེ་འདུན་ལྔ་བརྒྱ་དྲུག་བཅུ་ཙམ་གྱིས་སྔར་སྲོལ་དུས་མཆོད་འཆམ་དང་བཅས་པ་རྨང་བཞི་ཙམ་ཚུགས། གྲྭ་ཤག་ཀྱང་སུམ་ཅུ་ལྷག་བཞེངས་ཏེ། ཕྱོགས་གང་ཐད་ལ་མཛད་རྗེས་ཆེན་པོ་གནང་བཞིན་བཞུགས་སོ།།

ས་མིང་ཚིག་མཛོད་མིག་བཤར།

ཆ་ཕྲེང་རྫོང་ས་གོང་རི་ཞིང་དགོན་འདི་ཕྱག་འདེབས་པ་པོ་ནི་ཡུལ་འདབ་པ་ལ་ཡོང་བའི་བླ་མ་དྲི་མེད་བྱང་ཆུབ་ཞུ་བདེ་ཡིན། རབ་བྱུང་བཅུ་གཉིས་པའི་འགོ་ཙམ་ལ་ཆ་ཕྲེང་བསམ་འཕེལ་གླིང་དགོན་པའི་ཡན་ལག་གི་ཚུལ་དུ་བཞེངས། ཡུལ་དེའི་བླ་གྲྭ་ཐམས་ཅད་བསམ་འཕེལ་གླིང་དགོན་པའི་ཁུངས་ཡིན་ཞིང་ཆོས་སྤྱོད་ཀྱི་བྱ་བ་ཐམས་ཅད་བསམ་འཕེལ་གླིང་དགོན་དུ་བྱེད་དགོས། སྔར་དགོན་པ་དེའི་ནང་དམ་པ་རྣམས་ཀྱི་སྐུ་གསུང་ཐུགས་རྟེན་དང་མཆོད་ཆས་རོལ་མོ་སོགས་སྤུས་གཙང་བ་དང་རིན་ཐང་ཆེ་བ་དུ་མ་ཡོད་ཀྱང་དུས་ཀྱིས་དབང་གིས་ཐམས་ཅད་གཏོར་བརླགས་སོང་ཚར། དེང་སྐབས་རྒྱལ་ཁབ་ཀྱིས་རོགས་སྐྱོར་དང་ཆོས་དད་མང་ཚོགས་ཀྱིས་བརྩོན་པ་ལ་བརྟེན་ནས། རྗེ་ལྷ་ཁང་ཐོག་གསུམ་ཅན་གཅིགཚོགས་ཁང་གཅིགཇ་ཁང་གཅིག་བཅས་བཞེངས་ཞིང་། ནང་ལའང་རྗེ་ཡབ་སྲས་གསུམ་གྱི་གཙོ་གྱུར་བའི་སྐུ་གསུང་ཐུགས་རྟེན་མང་པོ་བཞེངས་ནས་གོང་གྲོང་བའི་སྐུ་རིམ་བྱེད་སའི་ལྷ་ཁང་གི་ཚུལ་དུ་གནས་ཡོད་དོ།།

ས་མིང་ཚིག་མཛོད་མིག་བཤར།

ཆ་ཕྲེང་རྫོང་གི་མངའ་ཁོངས་ཟས་པ་བདེ་ཆེན་དགོན་པ་འདི་ཕྱག་འདེབས་པ་པོའི་མཚན་ལ་གཙང་ཆུང་ཀུན་དགའ་རྒྱལ་མཚན་ཞུ། རབ་བྱུང་དྲུག་པའི་དཀྱིལ་ཙམ་ལ་ཐོག་མར་བཏབ་པ་འདྲ། ཐོག་མར་འདེབས་སྐབས་ཀྱི་གྲུབ་མཐའ་ནི་རྙིང་མ་ཡིན་ཀྱང་ཕྱིས་ས་སྐྱ་རུ་བསྒྱུར་ཞིང་། རབ་བྱུང་བཅུ་གཅིག་པའི་དཀྱིལ་ཙམ་ལ་དགེ་ལུགས་སུ་བསྒྱུར་བ་ཡུལ་དེར་གནས་པའི་རྒན་རྒོན་རྣམས་ལ་བཤད་རྒྱུན་འདུགབོད་ཀྱི་ཆོས་ལུགས་ཁག་འཕེལ་འགྲིབ་ཀྱི་ལོ་རྒྱུས་ལ་བརྟག་ཀྱང་དོན་དུ་གནས། ཡུལ་འདི་ན་རིག་འཛིན་གླང་སེར་ཞེས་པའི་བླ་མ་སྐད་གྲགས་ཅན་ཞིག་འཁྲུངས་མྱོང་། ད་ལྟ་བླ་མ་དེའི་ཡང་སྲིད་ལི་ཐང་དགའ་མི་གླིང་ན་བཞུགས་པའི་ཨ་ཁྱུང་རིན་པོ་ཆེ་ཡིན་ཟེར། བཅིངས་གྲོལ་མ་བཏང་སྔོན་གྱི་དགོན་བདག་ནི་བུ་ཡབ་སྤྲུལ་སྐུ་ཚུལ་ཁྲིམས་རྒྱ་མཚོ་ཞེས་པའི་བླ་མ་དེ་ཡིན། བླ་མ་དེ་སྤྱི་ལོ་༡༩༨༦ལོར་སྐུ་གཤེགས། སྐབས་དེར་དགོན་པ་ནང་དགེ་འདུན་པ་ཞལ་གྲངས་བཞི་བཅུ་ལྷག་ཙམ་མཆིས། སྔར་སྐུ་གསུང་ཐུགས་རྟེན་དང་རོལ་མོ་སོགས་དགོན་པ་གཞན་དང་འདྲ་བ་སྤུས་གཙང་པ་དང་། རིན་ཐང་ཆེ་བ་དུ་མ་ཡོད་ཀྱང་ངོ་རྒོལ་བཞི་དང་རིག་གནས་གསར་བརྗེའི་སྐབས་ཡོངས་རྫོགས་གོང་ལེན་དང་གཏོར་བརླག་སོང་ཚར།

[page 385] དེང་སང་ཆོས་དད་རང་མོས་ཀྱི་སྲིད་ཅུས་ལག་བསྟར་ཡང་དག་བྱེད་ཅིང་། རྒྱལ་ཁབ་ཀྱིས་གནང་བའི་སླར་གསོ་རྒྱ་སྒོར་སྟོང་གཉིས་ལྷག་དང་ཆོས་དད་མང་ཚོགས་ཀྱིས་ཕུལ་བ་བཅས་ལ་རྟེན་ནས། གཙུག་ལག་ཁང་ཞིག་དང་ཇ་ཁང་ཞིག་བཞེངས་ཟིན། རྟེན་གཙོ་རྗེ་ཡབ་སྲས་གསུམ་དང་སྐུ་རྟེན་དང་ཐང་ག་མང་པོ་བཞེངས། བཀའ་འགྱུར། བསྟན་འགྱུར། འབུམ་སོགས་གསུང་རྟེན་མང་པོ་གྲྭ་ཤག་བཅུ་གཅིག་ནང་བླ་སེར་ཉི་ཤུ་རྩ་བརྒྱད་ཀྱིས་དབྱར་དགུན་དུས་མཆོད་གཉིས་ཙམ་རེ་འཚོགས་བཞིན་བཞུགས་སོ།།

ས་མིང་ཚིག་མཛོད་མིག་བཤར།

ཆ་ཕྲེང་རྫོང་གི་ཁོངས་གཏོགས་ནགས་ཚང་བེ་ཡ་དགོན་འདི་ཕྱག་འདེབས་པ་པོ་ནི། སྤང་སྒང་དཔོན་སློབ་རིན་པོ་ཆེའི་སྐུ་ཕྲེང་གཉིས་པ། རྫ་ཨ་དབྱངས་ཆོས་གྲགས་རྒྱ་མཚོ་ཞུ་བ་དེ་ཡིན། རབ་བྱུང་བཅུ་པའི་དུས་མཇུག་ཙམ་ལ་གསར་དུ་བཏབ། བླ་མ་འདི་ཉིད་སྐུ་འཁྲུངས་ས་ཆ་ཕྲེང་ཡིན་ཀྱང་ཡབ་ཡུམ་གཉིས་འདབ་པ་ཡིན། དེ་དུས་དགོན་པའི་རྟེན་གཙོ་རྒྱལ་བ་བྱམས་པ། སྤྱན་རས་གཟིགས་ཕྱག་སྟོང་སྤྱན་སྟོང་སོགས་འདོན་རམ་པ་ལྷ་བཟོ་གདན་ནས་སྐུ་རྒྱུ་ཙནྡ་ཤིང་ལ་ཐོག་ཚད་རེ་ལྷག་ཙམ་བཞེངས་ཡོད། སྲུང་མ་དམ་ཅན་དང་ལྷ་མོ་ཡིན། བླ་མ་དེའི་ཕྱག་ལ་རྒྱ་གར་ན་ལཎྚ་ནས་བཞེངས་པའི་ལི་སྐུ་ཐུབ་དབང་གསུང་བྱོན་མ་ཞིག་བྱུང་བ་དགོན་པའི་རྟེན་གཙོར་བརྩི། རྗེས་ཆ་ཕྲེང་ཡུལ་གྱི་དགོན་ལྷག་བརྒྱད་ཅུ་གསུམ་བསྡོམས་ནས་བསམ་འཕེལ་གླིང་དགོན་པ་གསར་དུ་བཏབ་པས། དགོན་པ་ཡོངས་བསམ་འཕེལ་གླིང་གི་གྲས་དུ་འདུས་པས། དགོན་ཤུལ་ཙམ་དུ་ལུས། ད་ལྟའང་གྲོང་བའི་ལྷ་ཁང་ཚུལ་དུ་གནས་སོ།།

ས་མིང་ཚིག་མཛོད་མིག་བཤར།

སངས་རྒྱས་བསྟན་པའི་གནས་འདི་སྔོན་ཆུ་བཟང་དོན་ཞེས་པའི་དགོན་ཤུལ་ཐོག་གསར་དུ་བཏབ་པའི་དགེ་ལུགས་ལྷ་ཁང་ཙམ་ཡིན་ཀྱང་། ཆ་ཕྲེང་མངའ་འོག་ཏུ་མཆིས་པའི་ལྷ་ཁང་སྐད་གྲགས་ཅན་ཞིག་ཡིན། ལྷ་ཁང་འདི་ནི་སྔོན་དུས་ཀརྨ་པ་རང་བྱུང་རྡོ་རྗེ་སོགས་ཕེབས་ནས་བཀའ་རྒྱུད་པའི་བསྟན་པ་ཤིན་ཏུ་དར་ཆེ་བ་ཞིག་བྱུང་བའི་སྐབས་སུ་བླ་མ་ཞིག་གིས་ཕྱག་བཏབ་པའི་ཆུ་བཟང་དགོན་ཞེས་སྙན་གྲགས་ཀུང་ཏུ་ཁྱབ་པའི་དགོན་པ་དེ་དུས་ཕྱིས་དགོན་རོར་སོང་བའི་ཤུལ་ཏུ། རབ་བྱུང་བཅུ་གསུམ་པའི་དུས་མཇུག་ཙམ་ལ་དགའ་ལྡན་ཁྲི་ཐོག་དྲུག་ཅུ་རེ་དགུ་པ་བྱང་ཆུབ་ཆོས་འཕེལ་གྱིས་བསྐུལ་བ་ལྟར་མདོང་གསུམ་ཆུ་ཕར་རིགས་ཀྱི་གྲོང་ཚོགས་ལྔའི་མི་སེར་གྱི་ཐོག་མར་ཕྱག་བཏབ་པས། མིང་ཀྱང་རིགས་ལྔ་ལྷ་ཁང་ཞེས་བཏགས་མྱོང་། བསམ་འཕེལ་གླིང་དགོན་པའི་བུ་དགོན་ཡིན། ཁྲི་བྱང་ཆུབ་ཆོས་འཕེལ་ནས་རྒྱུད་པའི་ཁྲི་བྱང་སྐུ་རབས་རིམ་བྱོན་གྱིས་བདག་པོར་བྱེད་པའི་ལྷ་ཁང་གྲགས་ཅན་ཞིག་གོཡུལ་དེའི་དགེ་[page 386] འདུན་པ་རྣམས་ལྷ་ཁང་འདིར་ཁང་ཚན་ཚོགས་པ་མ་གཏོགས་ཚོགས་ཆེན་པོ་སོགས་ཐམས་ཅད་བསམ་འཕེལ་གླིང་དགོན་པར་ཚོགས་འགྲོ་དགོས། སྔར་སྐུ་གསུང་ཐུགས་རྟེན་དང་མཆོད་ཆས་རོལ་མོ་སོགས་དགོན་པ་གཞན་དང་འདྲ་བར་སྤུས་གཙང་བ། ཆ་ཚང་བ་ཡོད་ཀྱང་ངོ་རྒོལ་བཞི་དང་རིག་གནས་གསར་བརྗེའི་སྐབས་ཡོངས་རྫོགས་གོང་ལེན་དང་གཏིར་བརླག་སོང་ཚར།

དེང་སང་ཆོད་དད་རང་མོས་ཀྱི་སྲིད་ཇུས་དང་རྒྱལ་ཁབ་གྱི་རྒྱབ་སྦྱོར། ཆོད་དད་མང་ཚོགས་ཀྱི་འབུལ་བར་བརྟེན་ནས། གཙུག་ལག་ཁང་གཅིགཇ་ཁང་གཅིགགཉེར་ཁང་གཅིགསྲུང་མ་ཁང་གཅིག་བཅས་སླར་གསོ་བྱས། བཀའ་འགྱུར་དང་། འབུམ། ཁྲི་བྱང་གསུང་འབུམ་སོགས་གསུང་རྟེན་དང་། རྗེ་ཡབ་སྲས་གསུམ་གྱི་གཙོ་གྱུར་བའི་འདམ་སྐུ་དང་ཐང་ཀ་སོགས་མང་པོ་བཞེངས་ཚར་རོ།།

ས་མིང་ཚིག་མཛོད་མིག་བཤར།

ཆ་ཕྲེང་རྫོང་འོག་གི་ལྡེང་ཐང་དགོན་པ་འདི་ཕྱག་འདེབས་པ་པོ་ཀཿཐོག་པ་དྲུང་དབང་མཁས་གྲུབ་ཡེ་ཤེས་རྒྱལ་མཚན་ཡིན། ཐོག་མར་འདེབས་སྐབས་ཆོས་ལུགས་ནི་ཤར་རྒྱལ་བ་ཀཿཐོག་པ་ཡིན། དྲུང་དབང་མཁས་གྲུབ་ཡེ་ཤེས་ཀྱི་ལམ་རིམ་འགྲེལ་བཤད་མུ་ཏིག་ཕྲེང་བ་དང་ཕྱག་ཆེན་མན་ངག་རྒྱ་མཚོའི་ཁྲིད་ཡིག་སོགས་པོད་མང་པོ་ཡོད་རབས་བཤད། ཁོང་གི་འཁྲུངས་ཡུལ་ནི་ལྡིང་པོ་ནང་གཞལ་པོ་ཟེར་བ་གདུང་རྒྱུད་མ་ཉམས་པར་ཡོད་ད་ལྟའང་ཐང་དགོན་གྱི་གྲྭ་བ་ཡིན་ཡང་བསྟན་བདག་བྱས་སྲོལ་ཡོད། དེ་རྗེས་སུ་ཕག་མཚོ་རི་ཁྲོད་འདེབས་མི་གྲུབ་ཆེན་པདྨ་དབང་ཆེན་གྱི་དུས་སུ་ཆོས་ལུགས་འཇའ་ཚོན་དུ་མཛད། དེའི་ཡང་སྲིད་མང་པོ་ཕེབས། གསང་སྔགས་བསྟན་པའི་ཉི་མའི་དུས་དགོན་གཉིས་དང་རི་ཁྲོད་གཉིས་ཕྱོགས་འདུས་དགོན་པ་གཅིག་ཏུ་འདུ། ཀློང་གསལ་དང་འཇའ་ཚོན་གྱི་ཆོ་ག་མཛད་བཞིན་ཡོད། དགོན་པར་ཕྱོགས་སོ་སོར་ཕེབས་ནས་ཡུན་རིང་པོར་ཆོས་ལུགས་སུ་བཞུགས་པ། སྒྲུབ་པ་ཨོ་རྒྱན་རྡོ་རྗེ། པདྨ་འཕྲིན་ལས་དབང་ཕྱུགགྲུབ་ཐོག་ཆོས་སྐུ་རྡོ་རྗེ། སྒོམ་ཆེན་ནོར་བུ་དབང་རྒྱལ། ཏ་ཧོར་འགྱུར་མེད་ཡེ་ཤེས་རྡོ་རྗེ་སོགས་དང་། འབའ་གྲུབ་དགོན་པའི་སྤི་བདག་རྒྱ་གར་ལྡིང་རི་བོ་རྒྱལ་པདྨ་ལེགས་ལྡན་དང་ཡང་ལྡེབ་འ་དགེ་ཚང་དུ་གྲུབ་དགོན་གྱི་སྤྱི་བདག་སོག་པོ་གོང་མའི་དབུ་བླ་མཛད་པ་མཚན་ཐེག་མཆོག་བསྟན་པའི་རྒྱལ་མཚན་ཞུ་བ་བཅས་སྐུ་འཁྲུངས་མྱོང་ངོ་། སྔར་སྐུ་གསུང་ཐུགས་རྟེན་དང་རོལ་མོ་སོགས་དགོན་པ་གཞན་དང་འདྲ་བར་སྤུས་གཙང་བ་དང་། རིན་ཐང་ཆེ་བ་མང་པོ་ཡོད་ཀྱང་དུས་ཀྱིས་དབང་གིས་འཇིག་སོང་ངོ་། དེང་སང་གཙུག་ལག་ཁང་ཞིག་གསོ་དང་རྟེན་གཙོ་བོ་མཁན་སློབ་ཆོས་གསུམ་གྱི་ལྷ་ཆེན་དང་སྐུ་ཉུང་ངུ་མང་ཙམ་བཞེངས་ཟིན། དུས་མཆོད་རྒྱུན་སྲོལ་ཁགཟླ་བ་དང་པོར་སྨྱུང་གནས་ཆ་གཉིས། བཞི་པར་ཀར་གླིང་ཞི་ཁྲོ། བདུན་པར་མགོན་པོ་བདུན་སྒྲུབ་དང་གུ་དྲག་བདུན་སྒྲུབ། བཅུ་[page 387] པར་བཀའ་བརྒྱད། གསང་སྔགས་ཀྱིས་སྒོ་ནས་དགུ་གཏོར་ཆེན་མོ་གར་འཆམ་རྒྱས་པ་བཅས་བྱེད་བཞིན་ཡོད། སྔོན་མ་བླ་གྲྭ་ཞལ་གྲངས་བརྒྱ་ཙམ་ཡོད། ད་ལྟ་ཞལ་གྲངས་ལྔ་བཅུ་ཙམ་ཡོད་པ་ཀུན་ཀྱང་ཐུགས་མཐུན་ཁྲིམས་གཙམ་གིས་སངས་རྒྱས་བསྟན་པ་དར་སྤེལ་བཞིན་མཆིས་སོ།།

ས་མིང་ཚིག་མཛོད་མིག་བཤར།

ཆ་ཕྲེང་རྫོང་འོག་གི་ནགས་རམ་སྒམ་སྤང་སྒང་དགོན་འདི་ཉིད་ཕྱག་འདེབས་པ་པོ་འབྲོག་སྤང་སྒང་དཔོན་སློབ་རིན་པོ་ཆེ་བློ་བཟང་རྣམ་རྒྱལ་ཡིན། མདུང་ནགས་དགོན་འབྲོག་པ་ཨ་རྒྱས་ཚང་གི་ཁྱིམ་ནང་དུ་བལྟས་བཟང་པོ་དང་བཅས་སྐུ་འཁྲུངས་པ་ཡིན། ཆུང་དུས་ནས་ལྷ་སར་ཕེབས། གདན་ས་ཆེན་པོ་དགའ་ལྡན་ཤར་རྩེ་རྡོ་ཁང་ལ་བཞུགས་ནས་དགེ་ཚུལ་སློང་གི་སྡོམ་པ་བཞེས། མཚན་བློ་བཟང་རྣམ་རྒྱལ་གསོལ། ལོ་མང་པོར་གསན་བསམ་ཐོས་པ་མཛད་ནས་དགུང་གྲངས་ཉི་ཤུ་རྩ་བདུན་ལ་དགེ་བཤེས་ཀྱི་མཚན་རྟགས་ཐོབ། ཆ་ཕྲེང་ཡུལ་ལ་ལོག་རྗེས་མདུང་ནགས་དགོན་ལ་ཕེབས་ནས་རི་བོ་དགའ་ལྡན་པའི་བསྟན་པའི་སྲོལ་ཐོག་མ་ཆ་ཕྲེང་ཡུལ་ལ་གསར་དུ་བཙུགས། མདུང་ནགས་དགོན་འབྲོག་སྤང་རིའི་སྒང་ལ་གསར་དུ་བཏབ་པའི་སྤང་སྒང་དགོན་པ་འདི་ཉིད་ཡིན། དགོན་པ་འདིའི་ཡན་ལག་མགོ་རྫ་དགོན་པ་ཡང་གསར་དུ་བཏབ། རྗེས་སུ་བླ་མ་འདི་ཉིད་ལྷ་སར་ཕེབས། ལྷ་ས་མར་སོག་དམག་ཁྲིད་ནས་ཆ་ཕྲེང་ཡུལ་མི་ཐམས་ཅད་དབང་དུ་བསྡུས་ནས། ཆ་ཕྲེང་ཡུལ་གྱི་དགོན་ལྷག་བརྒྱ་དང་བཅུ་གསུམ་ནོར་བུ་གཅིག་སྒྲིལ་ནས་ཆ་ཕྲེང་བསམ་འཕེལ་གླིང་དགོན་པ་གསར་དུ་བཏབ་པ་དེ། སྤང་སྒང་དགོན་ལས་བྱུང་ཞིང་འཕེལ་རྒྱས་བྱུང་པ་རེད། སྤང་སྒང་དགོན་པ་བསམ་འཕེལ་གླིང་དགོན་དུ་ཕྱོགས་གཅིག་བསྡོམས་པས། རྗེས་སུ་ས་རྡོ་ཡིས་གང་བའི་དགོན་རོ་ཙམ་དུ་ལྷགད་ལྟ་ཆོས་དད་མང་ཚོགས་ཀྱི་དགོན་པའི་ཐོག་ལ་ལྷ་ཁང་ཆེན་པོ་ཞིག་བཞེངས་ཞིང་རྟེན་ཀྱང་། མང་པོ་བཞེངས་པས། ད་ལྟ་དགོན་པའི་ཁོངས་ལ་མ་གཏོགས་ཀྱང་། ནགས་རམ་སྒམ་གྲོང་བའི་སྐུ་རིམ་བྱེད་སའི་ལྷ་ཁང་གི་ཚུལ་དུ་བཞུགས་ཡོད།

ས་མིང་ཚིག་མཛོད་མིག་བཤར།

ཆ་ཕྲེང་རྫོང་གི་སྒྲོ་མདོག་རི་ཤུལ་ཨོ་རྒྱན་བསམ་གཏན་གླིང་འདི་ཐོག་མར་འདེབས་པ་པོ་ནི། ཀཿནམ་མཁའ་དཔལ་དང་དྲུང་དབང་དྲག་རྒྱ་མཚོ་གཉིས་ཡིན་ཞེས་ཟེར་སྲོལ་ཡོད། སྒྲོ་མདོག་པ་ནམ་མཁའ་དཔལ་གྱི་འཁྲུངས་ཡུལ་ནི་སྒྲོ་མདོག་ཡིན། ཁོང་ནི་ཤེས་བྱའི་མཁྱེན་རྒྱ་ཆེ་ཞིང་གསང་སྙིང་གི་འགྲེལ་ཆེན་ཌིཀྐ་དངུལ་དཀར་མེ་ལོང་དང་ཐུགས་ཐིག་སོགས་ཀྱི་འགྲེལ་པ་པོད་བདུན་ཡོད་པར་གྲགས། དགོན་པ་འདིའི་ནང་དུ་ཞུགས་པ་སྐྱབས་མགོན་ལྷ་སའི་རྒྱལ་བ་སྐུ་ཕྲེང་བཅུ་པ་གནོད་སྦྱིན་ཆེན་པོའི་བཀའ་ལུང་ལས་[page 388] ཡུལ་སྒྲོ་མདངས་འདྲ་བའི་གནས་སྟོད་དུ། ཤིང་རྩ་བ་གཅིག་ལ་རྩེ་མོ་བདུན། ཁྱིམ་གཟིམས་ཁང་ཟེར་བ་དེ་ཉིད་དུ། སྐྱབས་ཀུན་འདུས་ཆེན་པོ་དེ་ན་ཡོད། ཞེས་གསུང་བ་བཞིན་ད་ལྟའང་སྐུ་རྒྱུད་མ་ཉམས་པ་གཟིམས་ཁང་ཟེར་བ་ཡོད་པ་དང་། འབྲུ་ཤཱཀྱ་དགེ་བཤེས་ཡང་དགོན་འདིར་གདན་ས་མཛད་ནས་ཞུགས། འབའ་གྲུབ་དགོན་གྱི་བསྟན་བདག་བླ་མ་རྒྱ་གར་ཞུ་བ་བཅས་ཡང་ཕེབས་མྱོང་། ལི་ཐང་གི་སྐྱབས་མགོན་གྱི་སྐུ་རབས་དང་པོ། ལྷ་སའི་རྒྱལ་བ་སྐུ་ཕྲེང་བཅུ་གཅིག་པའི་ཡང་སྲིད་དུ་མཚན་དྲངས་ལས་འཁྲུངས་ཡུལ་སྒྲོ་མདངས་ཨ་ཕྱེ་ཚང་དུ་མཚན་ངག་དབང་བློ་བཟང་ཡེ་ཤེས་བསྟན་པའི་རྒྱལ་མཚན་གསོལ་བ་སྒྲོ་མདངས་སྐྱབས་མགོན་ནམ་ར་སྟག་སྐྱབས་མགོན་ཟེར། དེའི་ཡང་སྲིད་ཡང་ཡབ་ཚང་དེ་ཉིད་དུ་མཚན་ངག་དབང་ལུང་རྟོགས་བསྟན་འཛིན་ཕྲིན་ལས་དཔལ་བཟང་པོར་གསར་མའི་མཁས་པ་ཆེན་པོར་གྲགས། ར་སྟག་ཤོག་དྲུག་བཞུགས་བས་ཤོག་དྲུག་སྐྱབས་མགོན་ཟེར། དེ་ནས་རི་ཐང་བཞུགས་པས་ལི་ཐང་སྐྱབས་མགོན་ཟེར་རོ། དེ་གཉིས་ཀྱང་དགོན་འདི་ནང་ཞུགས་ནས་བཞུགས། གཞན་རི་ཁྲོད་བླ་མ་ཆོས་ཁྲི་རྫོགས་ཆེན་བྱང་ཆུབ་ཆོས་འཕེལ་དང་། དེའི་ཡང་སྲིད་ཚུལ་ཁྲིམས་བཟང་པོ་གཉིས་འབའ་དཔལ་ལྡན་ལྷ་རི་བླ་མ་འགྲོ་འདུལ་རྒྱ་མཚོ་སྐུ་རབས་གཉིས། འབའ་སྤུན་གསུམ་འཇང་གོ་བོ་དགོན་སྤར་མཁན་བླ་མ་སྐུ་རབས་ལྔ་པ་འགྲོ་འདུལ་དཔའ་བོ་རྡོ་རྗེ་དང་། བདུན་པ་བཤད་སྒྲུབ་ཆོས་ཀྱི་ཉི་མའང་ཀརྨ་ལེགས་གྲུབ་གཉིས་བཅས་ཀྱང་འཁྲུངས་ས་སོ། དགོན་པའི་སྐུ་རྟེན་ཁྱད་དུ་འཕགས་པ། མི་མ་ཡིན་ཟེར་སྲོལ་མཛོ་མོ་དཀར་པོ་གཉིས་གར་འོང་ཆ་མེད་འོང་ནས་ལུང་མདའ་ནས་བྲག་ངོས་ལ་སྣའི་རླུང་བཏང་བས་ཆུ་བོ་ཡན་ལག་བརྒྱད་ལྡན་ཞིག་བབས་པས་ད་ལྟའང་ཡོད། ཁོང་གཉིས་ཀྱི་རྒྱབ་ཏུ་ཤར་ལི་ལས་གྲུབ་པའི་རྒྱལ་བ་རིགས་ལྔ་དང་ཐུབ་དབང་བཅས་སྐུའི་ཚད་དབྱིབས་བྱིས་པ་ལོ་བརྒྱད་ཙམ་མཐོང་གྲོལ་ཆེན་མོར་ཕྱོགས་སོ་སོར་ནས། རི་ཤུལ་དགོན་གྱི་གསེར་སྐུ་མཇལ་འགྲོ་དགོས་དེ་མཇལ་ནས་མི་ལུས་དོན་ལྡན་ཡིན་ཟེར་སྲོལ་ཡོད། གཞན་སྐུ་གསུང་ཐུགས་རྟེན་མཆོད་ཆས་རོལ་མོ་རིན་ཐང་ཆེ་པ་གྲངས་ལས་འདས་པ་བཞུགས་ཡོད་ཀྱང་དུས་ཀྱི་དབང་གིས་འཇིག་སོང་། དགོན་པའི་སྒྲུབ་མཆོད་དུས་བཞི་ཆག་མེད་ཡོད། དགེ་འདུན་པའི་འཚོ་བའི་མཆོད་ཐེབས་ནི། ལི་ཐང་སྡེ་བ་དང་། འབའ་སྡེ་བའི་སྒྲུབ་མཆོད་གཉིས་ཞུས་རབས་དང་། གཞན་གཉིས་བླ་སྤྲུལ་ཁག་གི་རྒྱུ་ནོར་ཐེབས་ཕུལ་བ་ཡོད་པ། སྔོན་བླ་གྲྭ་བརྒྱ་ལྷག་ཙམ་གྲྭ་ཤག་དང་། མཁན་པོ་དབུ་མཛད། དགེ་སྐོས་བཅས་ཆོས་འདུལ་བ་བཞིན་མཛད་བཞིན་ཡོད། དེང་སང་རྒྱལ་བསྟན་ཉམས་གསོ་ཆོག་པའི་སྐབས་སུ་གོ་སྤར་མཁན་མཆོག་སྤྲུལ་བདུན་པ་ཀརྨ་ལེགས་གྲུབ་ཀྱིས་རྒྱུ་ནོར་སྤྲས་ནས་གཙུག་ལག་ཁང་རྟེན་དང་རྟེན་པ་དང་། སྔར་སྲོལ་ལྟར། བོད་ཟླ་དང་པོ་སྨོན་ལམ་ནང་བཀའ་འགྱུར་ཞལ་ཕྱེ་དང་བྱང་གཏེར་ཕུར་པ་སྒྲུབ་ཆེན་བདུན་ཕྲག་དང་། ཟླ་བཞི་པར་སྨྱུང་གནས་ཆ་བརྒྱད། ཟླ་བ་དྲུག་པར་གུ་རུ་ཆོས་དབང་གིས་བླ་མ་གསང་འདུལ་སོགས་ཀྱི་སྒོ་ནས་ཚེས་བཅུ་ཆེན་མོ་གར་འཆམ་རྒྱས་པ་བྱས་ནས་བདུན་ཕྲག་གཅིགཟླ་བ་དགུ་པར་གཤེན་རྗེ་ཚེ་བདག་གཏོར་ཟློག་དགུ་གཏོར་སྐུ་འཆམ་རྒྱས་པ་བྱེད་བཞིན་ཡོད། [page 389] ད་ལྟ་བླ་གྲྭ་ལྔ་བཅུ་ཙམ་ཀུན་ཀྱང་ཐུགས་མཐུན་ཁྲིམས་གཙང་སྒོ་ནས་བྱང་བའི་སྔར་སྲོལ་ཕྱི་སོ་ཐར་ནང་བྱང་སེམས་གསང་བ་རིག་འཛིན་སྔགས་ཀྱི་ཉམས་བཞེས་དང་བཅས་ཆོས་མཐུན་མཛད་སྤྱོད་གནང་མུལ་སུ་མཆིས་པ་ལགས་སོ།།

ས་མིང་ཚིག་མཛོད་མིག་བཤར།

དཀར་མཛེས་བོད་རིགས་རང་སྐྱོང་ཁུལ་ཆ་ཕྲེང་རྫོང་གི་ཆར་གཏོགས་ཟུར་མགོ་བསྟན་རྒྱས་གླིང་དགོན་པ་འདི་ནི། བོད་རབ་བྱུང་དྲུག་པའི་དཀྱིལ་ཙམ་ལ་སྡེ་དགེའི་བླ་མ་སྤོང་རིན་པོ་ཆེ་བསོད་ནམས་འོད་ཟེར་ཞུ་བ་དེ་ཡུལ་ཟུང་མགོ་རི་ཁྲོད་བཏབ། ཡུལ་འདིའི་མི་སེར་རྣམས་ལ་ཆོས་བཤད་པར་གྲྭ་པའང་མང་དུ་བསྡུ་བས་རིམ་བཞིན་དགོན་པར་གྱུར། རྗེས་སུ་འགྱུར་མེད་ཡེ་ཤེས་རྡོ་རྗེས་གཙུག་ལག་ཁང་སོགས་བཞེངས་ཞིང་བསྟན་རྒྱས་གླིང་ཞེས་གསོལ། དགོན་པའི་དགོན་བདག་སྤོང་རིན་པོ་ཆེ་འདི་ཉིད་བརྩི་སྲོལ་འདུགད་ལྟའི་བར་དུ་སྤོང་རིན་པོ་ཆེ་སྐུ་ཕྲེང་བརྒྱད་བྱོན། དེའང་སྐུ་ཕྲེང་དང་པོ་ནི་བསོད་ནམས་འོད་ཟེར། སྐུ་ཕྲེང་གཉིས་པའི་མཚན་མི་གསལ། སྐུ་ཕྲེང་གསུམ་པ་ཨ་མྱེས་ཨ་བཟང་། སྐུ་ཕྲེང་བཞི་པ་རིག་འཛིན་པད་མ་གླིང་བ། སྐུ་ཕྲེང་ལྔ་པ་རིག་འཛིན་པདྨ་འགྱུར་མེད། སྐུ་ཕྲེང་དྲུག་པའི་མཚན་མི་གསལ། སྐུ་ཕྲེང་བདུན་པ་པདྨ་མཐུ་སྟོབས་དབང་ཕྱུགསྐུ་ཕྲེང་བརྒྱད་པ་ནི་ད་ལྟ་བཞུགས་པའི་སྦོང་རིན་པོ་ཆེ་ཚེ་དབང་བསྟན་འཛིན་མཆོག་ཡིན་ནོ། རབ་བྱུང་བཅུ་གཅིག་པའི་དཀྱིལ་ཙམ་ལ་ཆ་ཕྲེང་དུ་སོག་དམག་ཡོང་ནས་ཆ་ཕྲེང་ཡུལ་མི་ཐམས་ཅད་དབང་དུ་བསྡུས་ཞིང་། ཆ་ཕྲེང་གི་དགོན་ལྷག་བརྒྱ་ལྷག་བཅོམ་ནས་བསམ་འཕེལ་གླིང་བཏབ་པའི་ལོ་རྒྱུས་མཆིས་ཀྱང་གནས་འདིར་ཆགས་ཉམས་དང་གྱོད་གུད་ཅི་ཙམ་བྱུང་བ་མི་གསལ། དགོན་འདིར་སྐྱེས་ཆེན་དམ་པ་མི་འགྱུར་གསེར་གྱི་རྡོ་རྗེ། ཤོག་དྲུག་སྐྱབས་དགོན་རིན་པོ་ཆེ། འཇམ་དབྱངས་མཁྱེན་བརྩེ་དབང་པོ། མཁན་པོ་ཚུལ་ཁྲིམས་དཔལ་ལྡན་སོགས་དུ་མ་བྱོན་མྱོང་། དགོན་པ་འདི་ཕྱག་བཏབ་པ་ནས་བཟུང་དགོན་པའི་མཁན་པོ་ཀཿཐོག་དགོན་ནས་བཏང་སྲོལ་ཡོད། དགོན་པ་འདི་ཀཿཐོག་དགོན་པའི་བུ་དགོན་ཡིན་ནོ། དགོན་འདི་ཆགས་པ་ནས་བཟུང་ཉེ་བའི་རིང་སྐྱེས་ཆེན་དམ་པ་རྣམས་ཀྱིས་བཞེངས་པའི་རྟེན་དང་རྟེན་པའི་གྲངས་དང་བཀོད་པ་འདི་ཙམ་མོ་ཞེས་སྨྲ་མི་ནུས། ངོ་རྒོལ་བཞི་པ་དང་རིག་གནས་གསར་བརྗེའི་སྐབས་སུ་གོང་ལེན་དང་གཏོར་བརླག་སོང་ཚར། དེ་དུས་ཁང་ཆེན་གསུམ་ལ་བླ་གྲྭའང་བརྒྱ་ལྷག་ཙམ་བཞུགས། དེང་སང་རྒྱལ་བསྟན་ཉམས་གསོ་ཆོག་པའི་སྐབས་སུ་རྒྱ་ཆེ་མང་ཚོགས། རྒྱལ་ཁབ། སྦོང་རིན་པོ་ཆེ་ཚེ་དབང་བསྟན་སོགས་སྐྱེས་ཆེན་དམ་པ་ལ་སོགས་པའི་རྒྱབ་སྐྱོར་འོགསྔར་སྲོལ་ལྟར། བོད་ཟླ་དང་པོ་ལ་ལོ་གསར་སྤྱོད་འཇུག་མཆོད་པ་འཚོགས། བོད་ཟླ་བཞི་པ་ཞི་ཁྲོ་ཟླ་གཙག་འཚོགས། ཟླ་བ་དྲུག་པ་ལ་ཆོ་འཕྲུལ་འཚོགས་ཞིང་ཚེས་བཅུ་པ་ལ་རི་ཁྲོད་ཞེས་པའི་[page 390] སྒྲུབས་མཆོད་འཚོགས་ནས་དགུ་གཏོར་གར་འཆམ་རྒྱུན་སྲོལ་བྱེད་བཞིན་ཡོད། ད་ལྟ་བླ་གྲྭ་བཞི་བཅུ་ཙམ་གྱིས་སྦྱིན་བདག་དུད་གྲངས་གཉིས་བརྒྱ་ལྷག་གི་འབུལ་བ་དང་། རང་ཁ་རང་གསོའི་ཐབས་ལ་རྟེན་ནས་ཐུགས་མཐུན་ཁྲིམས་གཙང་དང་ཐོས་བསམ་སྒོམ་གསུམ་གྱིས་སྒོ་ནས་སངས་རྒྱས་བསྟན་པ་འཕེལ་བཞིན་ནོ།།

[page 391]

ས་མིང་ཚིག་མཛོད་མིག་བཤར།

[page 392] གྲུབ་པ་དགོན་ཨོ་རྒྱན་ཐེག་མཆོག་གླིང་ནི་མདོ་སྨད་སྤོ་འབོར་སྒང་གི་ཆར་གཏོགས་རི་ཡོན་ཡ་རུ་སྒང་གི་ནུབ་བྱང་མཚམས་ཏེ། འབའ་རྫོང་མཐིལ་ལས་སྤྱི་ལེ་བརྒྱ་དང་ལྔ་བཅུ་ང་གསུམ་གྱི་སར་བཏབ་ཡོད།

རྒྱ་གར་གྱི་གྲུབ་ཆེན་ར་ཁྲིད་བཀྲ་ཤིས་ཆོས་ཀྱི་དབང་ཕྱུག་ཅེས་བྱ་བ་གནས་ངེས་མེད་དུ་སྒྲུབ་པ་མཛད་ཅིང་རྒྱལ་ཁམས་འགྲིམ་བཞིན་ཕྱོགས་འདིར་ཞབས་སོར་བཀོད་དེ། ད་ལྟའི་དགོན་ཆགས་ཡུལ་དང་ཉེ་སར་རྫུ་འཕྲུལ་གྱིས་བཏོན་པའི་ཆུ་མིག་གྲུབ་ཆུ་ཞེས་སུ་གྲགས་པར་རི་ཁྲོད་བཏབ་སྟེ་སྒོམ་སྒྲུབ་མཛད། རབ་བྱུང་བདུན་པའི་མེ་འབྲུག་ལོ་ནས་ཆུ་ཁྱིའི་བར་ལ་རི་ཁྲོད་དགོན་དུ་བསྒྱུར། ཐོག་མའི་རི་ཁྲོད་དེ་ཤིང་གྲོ་བ་སྡོང་པོ་གཅིག་ཡོད་པའི་སར་བཏབ་ཡོད་པས་གྲོ་བ་དགོན་ཞེས་བརྗོད། ཕྱིས་སུ་སྐལ་བཟང་བདུད་འདུལ་རྡོ་རྗེའི་སྐབས་སུ་དགོན་འདིར་གྲུབ་ཐོབ་རྒྱུན་མི་ཆད་ཅེས་ལུང་བསྟན་ནས་གྲུབ་པ་དགོན་དུ་མཚན་གསོལ། དགོན་འདི་བཏབ་ནས་ད་བར་ལོ་ལྔ་བརྒྱ་དང་ལྔ་བཅུ་ལྷག་ཙམ་ཕྱིན། ཀརྨ་པ་དུས་གསུམ་མཁྱེན་པ་ཀཾ་པོ་གནས་སུ་བཞུགས་སྐབས་རྒྱ་གར་གྲུབ་ཆེན་འདིས་ཀྱང་གནས་འབྲེལ་བྱས་ཚུལ་ལ་དཔགས་ན་དེ་ལས་ཀྱང་ལོ་ཉིས་བརྒྱ་ལྷག་གིས་སྔ་བར་མངོན། ཐོག་མར་ཆོས་བརྒྱུད་ཀཾ་ཚང་བཀའ་བརྒྱུད་ཡིན། བླ་མའི་མཚན་དུ་སྐུ་ཞབས་རྒྱ་གར་ཞེས་ཞུ། ཕྱིས་གོང་ས་ལྔ་པ་ཆེན་པོའི་སྐུ་དུས་སུ། ཆོས་རྒྱལ་བཀྲ་ཤིས་སྟོབས་རྒྱལ་གྱི་གདུང་བརྒྱུད། གཙང་ཐེག་མཆོག་གླིང་གི་དབུ་མཛད། མངོན་ཤེས་ལ་ཐོགས་པ་མེད་པ་རྒྱུད་གྲྭ་ཀུན་ཏུ་མཚན་སྙན་གྱི་རྫ་རྔ་རིང་དུ་བརྡུང་བ་མཚན་ལ་ངག་དབང་བསྟན་པ་རབ་རྒྱས་ཞེས་ཞུ་བ་ཞིག་བཞུགས་པ་དེར། ལྔ་པ་ཆེན་པོ་ཟིལ་གནོན་དྲག་རྩལ་རྡོ་རྗེ་དང་འོག་མིན་སྨིན་གྲོལ་གླིང་གི་གཏེར་ཆེན་རིག་འཛིན་གཏེར་བདག་གླིང་པ་ཟུང་གིས་ཇ་འཁོར་དྲུག་ཅུའི་གནང་སྦྱིན་བསྩལ་ནས་ལྷ་རམས་པ་བསྟན་པ་རབ་རྒྱས་ཞེས་མཚན་གསོལ། དེ་ནས་ལྔ་བ་ཆེན་པོས། ཁྱོད་ཀྱི་གདུལ་བྱ་མདོ་སྨད་དུ་ཡོད་གསུངས་བ་ལྟར་ཁམས་ཕྱོགས་སུ་བྱོན། དཔལ་ལྡན་སྔགས་ཀྱི་སྲུང་མ་ཨེ་ཀ་ཛ་ཊཱིས་ཁྱོད་ཀྱི་ལས་སྐལ་རི་ཡོན་རྫོང་གྲོ་བ་དགོན་དུ་ཡོད་ཅེས་ལུང་བསྟན་པ་བཞིན། གཞི་བདག་མང་པོས་བསུ་བ་དང་བཅས་གྲོ་བ་དགོན་དུ་ཕེབས། སྐུ་ཞབས་རྒྱ་གར་རིན་པོ་ཆེས་གདན་ས་ཕྱེད་ཀ་ཁོང་ལ་ཕུལ། དེའི་དུས་སུ་གྲོ་བ་དགོན་གསར་དུ་སྤོས་ནས་གོང་སྨོས་དགེ་མཚན་དུ་མས་སྤྲོས་པའི་ས་དེར་ཕྱག་བཏབ། མཚན་དུ་ཨོ་རྒྱན་ཐེག་མཆོག་གླིང་ཞེས་གསོལ་ནས་རིམ་བཞིན་སྔ་འགྱུར་རྡོ་བྲག་ཆེན་པོའི་རིང་ལུགས་སྤེལ། རྗེ་འདི་ཉིད་ཀྱི་རིང་དགོན་ཁག་བཅུ་གསུམ་གྱི་བླ་ཆེན་དུ་གྱུར་ནས། བྱ་ལ་བཀོད་དགོན། ལྷ་ཚངས་དགོན། སྤོ་རྨོག་ལྕོག་དགོན། ཡུན་ནན་ཞིང་ཆེན་གྱི་མངའ་ཞབས་སུ་ཆགས་པའི་གཏོར་རོང་ཡོན་ཏན་གྲྭ་ཚང་། ས་དམ་ལ་ཤོད་དགོན། སྡེ་རོང་རྫོང་རྡོ་བཅངས་དགོན། ཤིང་འཁར་དགོན་སོགས་སུ་བསྐྱེད་རྫོགས་ཀྱི་བསྟན་པ་སྤེལ། དངོས་སློབ་ཁྲི་ཕྲག་[page 393] ཙམ་སྨིན་གྲོལ་ལ་བཀོད་ནས་མཐར་དགུང་ལོ་གྱ་བཞི་པར་གཤེགས་སོ།།

རྒྱ་ནག་སྐུ་སྐྱེ་རིམ་བྱོན་ནི། སྐུ་ཕྲེང་དང་པོ་ལྷ་རམས་པ་བསྟན་པ་རབ་རྒྱས། སྐུ་ཕྲེང་གཉིས་པ་ཐེག་མཆོག་བསྟན་པའི་རྒྱལ་མཚན་མཆོག་ནི། ཕྱག་ཕྲེང་རྫོང་གི་ལྡིང་པོ་འ་དགེ་ཚང་དུ་ས་གླང་ལོར་སྐུ་འཁྲུངས། སྐུ་ན་ཆུང་དུས་ནས་མཐུ་དང་རྫུ་འཕྲུལ་ལ་མངའ་བརྙེས་ཏེ་སོག་པོ་ཇུན་གར་གྱི་དམག་དཔུང་བཅོམ་པ་སོགས་གྲུབ་པའི་མཚན་མ་བསམ་ཡུལ་ལས་འདས། དེའི་དུས་རྒྱ་ནག་ཕྱོགས་སུ་ཆར་མེད་ཐན་པས་རབ་ཏུ་གདུང་ཚེ། གོང་མ་ཁང་ཤིས་ཀྱིས་བླ་མ་འདིའི་མཚན་སྙན་གྲགས་གསན་པས་ཆེད་དུ་བང་མི་ཉེར་དགུ་བཏང་ནས་གདན་ཞུས་ལྟར་རྒྱ་ནག་ཏུ་ཆིབས་བསྒྱུར་གནང་ནས། བྱང་གཏེར་ཕུར་བའི་སྒོ་ནས་དྲག་པོའི་སྦྱིན་བསྲེགས་སོགས་ཀྱིས་ཆར་པ་ཉིན་བདུན་ཕབ་སྟེ་སྐྱེ་རྒུ་མཐའ་དག་དགེ་བའི་དཔལ་ལ་སྦྱར། གོང་མའི་དབུ་བླ་མཛད་ནས་ཐུགས་བཞེད་ཡོངས་སུ་བསྐངས། གསེར་གྱི་མཎྜལ་གྱིས་སྣ་དྲངས་ཏེ་སྐུ་གསུང་ཐུགས་རྟེན་མང་པོ་དང་། ས་ཆ་ཡུལ་གཞིས། ཞིང་པ། འབྲོག་ར་སོགས་མང་པོ་ཕུལ་ནས་ཧོ་ཐོག་ཐུའི་གོ་ས་ཕུལ། ཕྱིར་གྲུབ་དགོན་དུ་ཕེབས་ནས་དགོན་པ་རྒྱ་བསྐྱེད་བཏང་ནས་གྲྭ་ཤག་བཞི་བཅུ་ལྷག་གསར་དུ་བཞེངས། དགོན་པའི་ཡོང་སྒོ་ལ་རྩིས་གཉེར་ལེགས་པོར་མཛད། ལས་ཁུངས་བཞི་བཙུགས་ཏེ་འགན་འཛིན་བཞི་བསྐོ་བཞག་གནང་། དགོན་པའི་བཀའ་སློང་དང་ཚོང་འབྲེལ་སོགས་གཉེར་བ་དང་། དགེ་བཟང་ལས་ཁུངས་བཙུགས་ཏེ་དགོན་སྤྱིའི་འགན་དང་གྱོད་གཞི་ཆེ་ཕྲ་ཀུན་ལ་རྟོག་ཞིབ་བྱེད་དུ་བཅུག་པ་སོགས་བསྟན་འགྲོའི་དོན་རླབས་པོ་ཆེ་མཛད་ནས་སྐུའི་བཀོད་པ་བསྡུས་པར་གྲགས། སྐུ་ཕྲེང་འདི་ནས་བཟུང་སྐྱེ་ཕྲེང་རིམ་བྱོན་ལ་རྒྱ་ནག་སྐུ་ཞབས་ཞེས་འབོད་སྲོལ་བྱུང་། སྐུ་ཕྲེང་གསུམ་པ་འཇང་རྒྱལ་པོའི་སྲས་ཡིན། མཚན་ལ་སྐལ་བཟང་གསང་སྔགས་བསྟན་འཛིན་ཞུ། སྐུ་ཡོན་ཆེ་བ་དང་གྲུབ་པའི་རྟགས་མཚན་མངོན་དུ་གྱུར་ནས་དགུང་ལོ་སོ་གསུམ་ལ་ཕེབས་སྐབས་མྱ་ངན་ལས་འདས། སྐུ་ཕྲེང་བཞི་པ་སྐལ་བཟང་འཇིགས་མེད་ཆོས་གྲགས་མཆོག་ནི་དར་མདོ་ལྕགས་ལ་རྒྱལ་པོའི་སྲས་སུ་སྐུ་འཁྲུངས། ཐོས་བསམ་ལ་བརྩོན་པ་ཆེར་བསྐྱེད། ལྷ་སར་ལན་བཞི་ཕེབས། གཙུག་ལག་ཁང་དང་རི་ཁྲོད་གསར་དུ་བཏབ་ནས་ཞལ་སློབ་མང་དུ་བསྐྱངས་སོ།།

སྐུ་ཕྲེང་ལྔ་པ་སྐལ་བཟང་བདུད་འདུལ་རྡོ་རྗེ། དར་མདོ་ལྕགས་ལ་རྒྱལ་པོའི་བཀའ་བློན་དུ་གཏོགས་པ་འོད་གསལ་སྐྱབས་ཚང་དུ་སྐུ་འཁྲུངས། གྲུབ་དགོན་གྱི་ཆོས་ཁྲི་ལ་ཞབས་སོར་བཀོད་ནས་མཁས་པའི་བྱ་བ་གསུམ་གྱིས་དུས་འདས་པར་མཛད། བཅུ་ཕྲག་རིག་པའི་གནས་ལ་བློ་གྲོས་ཀྱི་འཇུག་པ་རབ་ཏུ་ཡངས། ཁྱད་པར་དུ་གསོ་བ་རིག་པ་དང་རྩིས་དཀར་ནག རྒྱ་ཡིག་བཅས་ལ་ཧ་ཅང་མཁས། བརྩམས་ཆོས་སུ་སྐར་རྩིས་དང་། སྙན་འགྲེལ་བརྡ་དག་སོགས་ཤིན་ཏུ་མང་། སྒྱུར་ཡིག་ཐང་སན་བླ་མའི་རྣམ་ཐར་དང་། བསང་ཡིག གསོལ་ཁ རོལ་ཆིག དབང་ཆོག རབ་གནས་བསྡུས་པ། ལས་བྱང་སོགས་གསང་སྔགས་སྒྲུབ་པའི་ཆ་ལག་མང་དུ་མཛད་པ་རྣམས་ད་བར་མཐོང་ཆོས་སུ་མཆིས། སྐུ་ཕྲེང་དྲུག་པ་ཡང་དར་མདོ་འོད་གསལ་སྐྱབས་ཚང་དུ་སྐུ་འཁྲུངས། མཚན་ལ་ཐུབ་བསྟན་གསང་སྔགས་བསྟན་པ་རབ་འཕེལ་ཞུ། [page 394] རྟོགས་པའི་རྩལ་རྫོགས་ཤིང་འཆད་རྩོད་རྩོམ་གསུམ་ལ་རང་དབང་ཐོབ་པ་ཞིག་གོ སྐུ་ཕྲེང་བདུན་པ་ཐུབ་བསྟན་གསང་སྔགས་འགྱུར་མེད་རྒྱ་མཚོ་མཆོག་ནི། སླར་ཡང་འོད་གསལ་སྐྱབས་ཚང་གི་སྲས་སུ་སྐུ་འཁྲུངས། གདན་ས་ཆེན་པོ་འོག་མིན་ཐུབ་བསྟན་རྡོ་རྗེ་བྲག་གི་ཚོགས་ཆེན་མཁན་པོ་མཛད། རྒྱལ་བསྟན་སྤྱི་དང་ཁྱད་པར་སྔ་འགྱུར་རྡོ་རྗེ་ཐེག་པའི་བསྟན་པའི་སྲོག་ཤིང་དུ་གྱུར་ནས་འཕྲིན་ལས་མཐར་རྒྱས་སོ། སྐུ་ཕྲེང་བརྒྱད་པ་ཐུབ་བསྟན་མདོ་སྔགས་བསྟན་འཛིན་མཆོག་ནི། སྨར་ཁམས་སྤོམ་མདའ་དཔོན་སྟོབས་རྒྱལ་གྱི་སྲས་སུ་སྐུ་བལྟམས། འོན་ཀྱང་གདུལ་བྱའི་བསོད་ནམས་དམན་པས་སྐུ་ན་ཕྲ་མོར་གཤེགས། སྐུ་ཕྲེང་དགུ་པ་གསང་སྔགས་བསྟན་པའི་སྒྲོན་མེ་མཆོག་ནི། ཕྱག་ཕྲེང་རྫོང་འོག་ལྡིང་པོ་རི་བོ་ཚང་གི་སྲས་སུ་འཁྲུངས། ཆུང་ངུ་ནས་གཤེགས་སོ། གོང་དུ་གྲུབ་དགོན་གྱི་བསྟན་བདག་ཟུང་ལས་སྐུ་ཞབས་རྒྱ་ནག་སྐོར་ཅུང་ཟད་ཞུས་ཟིན་ཏོ།

སྐུ་ཕྲེང་དང་པོ་གྲུབ་ཆེན་ར་ཁྲིད་བཀྲ་ཤིས་ཆོས་ཀྱི་དབང་ཕྱུག་གོང་དུ་སོང་། སྐུ་ཕྲེང་གཉིས་པ་མཚོ་ནག་གངས་རྭར་སྐུ་འཁྲུངས། འབའ་ལི་རྒྱལ་གསུམ་གྱིས་གཙོས་པའི་མདོ་སྨད་བསྟན་འགྲོའི་སྤྱི་དཔལ་དུ་བཞུགས་པ་ཞིག་གོ སྐུ་ཕྲེང་གསུམ་པ་བསྟན་པའི་ཉི་མ་མཆོག་ནི། འབའ་ཐང་རྫོང་ཁོངས་རྫོང་རྩ་རྩེ་རོག་ཡ་གྲོང་ཚང་ལ་འཁྲུངས། དགུང་ལོ་ང་དགུ་བཞུགས་ཏེ་འབྱུང་བ་བཞི་ལ་དབང་བསྒྱུར་བ་ཞིག་བྱུང་ངོ་། སྐུ་ཕྲེང་བཞི་པ་རྒྱལ་ཚབ་པདྨ་ལེགས་ལྡན་མཆོག་ནི། ཕྱག་ཕྲེང་རྫོང་ལྡིང་པོ་རི་བོ་ཚང་དུ་སྐུ་འཁྲུངས། མདོ་སྔགས་ཟུང་འབྲེལ་གྱིས་འཕྲིན་ལས་ཕྱོགས་བཅུར་རྒྱས་ནས་རྟེན་བཞེངས་ཀྱང་མང་དུ་མཛད་དོ། སྐུ་ཕྲེང་ལྔ་པ་པདྨ་རྡོ་རྗེ་ཐོག་འབེབས་མཆོག་ནི། སྡེ་རོང་རྫོང་ཁོངས་ཨོཾ་བརྒྱ་གནས་ཞབས་གླ་པ་ཡུལ་གྱི་རྫིང་ཁ་ཚང་དུ་སྐུ་འཁྲུངས། འབའ་ལི་རྒྱལ་སོགས་སུ་གྲུབ་རྟགས་ཡ་མ་ཟུང་བསྟན་ནས་དད་ལྡན་གྱི་བློ་ཁ་ཆོས་ལ་བསྒྱུར། སྐུ་ཕྲེང་དྲུག་པ་པདྨ་འཕྲིན་ལས་མཆོག་ནི། ཕྱག་ཕྲེང་རྫོང་ཞབས་སྒྲོ་མདོག་ལྕགས་ར་ཚང་དུ་སྐུ་བལྟམས། སྐུ་གཞོན་ནུའི་དུས་ནས་རྫུ་འཕྲུལ་གྱིས་གྲུབ་ཆུ་བཏོན་པ་སོགས་ས་རྡོ་ཤིང་གསུམ་ལ་ཐོགས་པ་མེད་པ་ཞིག་གོ སྐུ་ཕྲེང་བདུན་པ་དར་མདོ་ལྕགས་ལ་རྒྱལ་པོའི་སྲས་སུ་འཁྲུངས། ལྷ་སར་ལན་གསུམ་ཕེབས། གནས་ཆེན་ཙ་རི་དང་། རྒྱ་ནག་རི་བོ་རྩེ་ལྔ། རི་བོ་བྱ་རྐང་། རོང་བཙན་ཁ་བ་དཀར་པོ་སོགས་སུ་སྒྲུབ་པ་མཛད་པས་གྲུབ་པ་ཐོབ། སྐུ་ཕྲེང་བརྒྱད་པ་འབྲི་ཆུ་ཁའི་དུད་ཚང་ཞིག་ཏུ་སྐུ་འཁྲུངས་ནས་སྟར་ག་སྟེང་དུ་དགོན་པ་ཞིག་གི་བླ་མ་མཛད་ནས་བཞུགས་སོ།། སྐུ་ཕྲེང་དགུ་པའི་མཚན་ལ་རྒྱ་སྐད་དུ་ཏོན་བྱང་ཞན་མཆོག་ནི། ཡུན་ནན་ཞིང་ཆེན་ཁོངས་ཧོ་ཆེན་འོག་མིན་གནས་འོག་ཏུ་སྐུ་འཁྲུངས། སྐུ་ན་ཕྲ་མོའི་དུས་བོད་ཀྱི་བླ་མ་མང་པོ་ཡུལ་དེར་གནས་སྐོར་ལ་ཕེབས་སྐབས། མཇལ་མ་ཐག་ཁོང་གིས་བོད་སྐད་ཀྱིས་ང་འབའ་གྲུབ་པ་དགོན་གྱི་བླ་མ་རྒྱ་གར་ཡིན་ཞེས་གསུངས། དེ་ནས་ཡར་གདན་དྲངས་ནས་ཆོས་ཁྲིར་མངའ་གསོལ། རྒྱ་བོད་སྐད་ཡིག་གཉིས་ལ་བྱང་ཆུབ་པར་གྱུར། གོ་མིན་ཏང་གི་ཡཱིན་ཀྲང་སྲོན་ཁོ་དང་། ཏེ་ཚོན་བྱང་གཉིས་ཀྱིས་ཁོང་ལ་གྲུབ་པ་དགོན་པའི་ཕྱག་མཛོད་ཆེན་མོའི་ཕྱག་ཐམ་ཕུལ། ཅང་ཅེ་ཧྲིས་ཁོང་[page 395] ལ་བླ་ཆེན་ཧོ་ཐོག་ཐུའི་རག་ཐམ་བསྩལ། དེའི་ཕྱིར་ཀུན་གྱིས་ཏོན་བྱང་ཞན་ལ་རྒྱལ་བ་སྐུ་ཞབས་ཞེས་ཀྱང་ཞུའོ། གཞན་ཡང་མཆོག་སྤྲུལ་བཅུ་གཅིག་ཡོད་པ་རྣམས་ཀྱང་བསྟན་པའི་རྒྱན་མཆོག་ཤ་སྟག་གོ

དགོན་འདིའི་ལོ་འཁོར་མོའི་སྒྲུབ་མཆོད་གཙོ་བོ་ནི། བོད་ཟླ་དང་པོར་སྨོན་ལམ་ཞག་བདུན་ཕྲག་གསུམ་དང་། ས་ག་ཟླ་བར་མ་ཎི་བུམ་པ་ཞག་ཉེར་གཅིག ཟླ་ལྔ་པར་རྒྱལ་དབང་པདྨའི་དུས་མཆོད་དང་ཚེས་བཅུ་འཆམ་དང་བཅས་པ་ཞག་ཉི་ཤུ། ཟླ་བ་བཅུ་གཅིག་པར་དགུ་གཏོར་འཆམ་བཅས་ཉིན་བདུན་ཕྲག་གསུམ་འཚོག་རྒྱུ་དང་། གཞན་ཡང་ཟླ་བཅུ་གཅིག་པར་ཞབས་བརྟན་ཚོགས་ཆེན་དང་། གྲོ་བཞིན་ཟླ་བར་བཅོམ་ལྡན་རྡོ་རྗེ་ཕུར་པའི་སྒྲུབ་མཆོད་སོགས་ཀྱང་མཛད་སྲོལ་ཡོད། སྒྲུབ་མཆོད་དེ་དག་འཆམ་དང་བཅས་པའི་རྒྱུན་ཐམས་ཅད་ནི་བྱང་པ་རྡོ་བྲག་ཆེན་མོའི་རིང་ལུགས་ཀྱི་དལ་འབབ་ལས་བྱུང་བ་ཤ་སྟག་ཡིན་གཤིས། གྲུབ་དགོན་དང་ཆོས་འབྲེལ་ཆེས་ཟབ་པ་མ་ཟད། དར་མདོ་རྡོ་རྗེ་བྲག་ཀྱང་འདིའི་ཆོས་བརྒྱུད་ལས་བྱུང་བས་ཆོས་ཀྱི་འབྲེལ་བ་ཟབ་པོ་ཡོད་དོ།

དགོན་འདིར་དམངས་གཙོ་བཅོས་བསྒྱུར་གོང་ཙམ་ལ། འདུ་ཁང་ཀ་གྱ་བཞི་མའི་ཁྱོན་དང་ལྡན་པ་ཞིག་ཡོད། ནང་རྟེན་དུ་ཨོ་རྒྱན་རིན་པོ་ཆེའི་སྐུ་ཐོག་བརྩེགས་གསུམ་ཅན་དང་། གུ་རུ་མཚན་བརྒྱད། རྗེ་འབངས་ཉེར་ལྔ་སོགས་ཀྱི་འདམ་སྐུ། དུར་ཁྲོད་ཆས་བརྒྱད་དང་། ཐུབ་པ་རིགས་དྲུག ཞི་ཁྲོ་དམ་པ་རིགས་བརྒྱའི་ལྡེབས་རིས་སོགས་སྐུ་རྟེན་བྱིན་ཅན་དུ་མ་དང་། ཨོ་རྒྱན་ལྷ་ཁང་ཀ་བ་ཉེར་བཞི་མའི་ནང་དུ་ཨོ་རྒྱན་རིན་པོ་ཆེ་གསུང་བྱོན་མ་མི་ཚད་ཙམ་དང་། ཀརྨ་པའི་སྐུ་ཕྲེང་རིམ་བྱོན་གྱི་སྐུ་བརྙན་སོགས་ཡོད། རིག་འཛིན་ལྷ་ཁང་དུ་གསེར་ཟངས་ལས་གྲུབ་པའི་ཨོ་རྒྱན་ཆེན་པོའི་སྐུ་ཐོག་བརྩེགས་མ་གཙོ་བོར་གྱུར་བའི་སྐུ་རྟེན་རིགས་སྣ་ཚོགས། སྤྱན་རས་གཟིགས་ལྷ་ཁང་དང་ཇོ་ཁང་དུ་གསེར་ཟངས་ལས་གྲུབ་པའི་ཐུགས་རྗེ་ཆེན་པོ་དང་། དངུལ་གྱི་མཆོད་རྟེན། བྱམས་ཁང་དུ་བྱམས་ཆེན་ཐོག་གཉིས་ཙམ་སོགས་སྐུ་རྟེན་གསར་རྙིང་བྱིན་ཅན་དང་། གྲུབ་མཐའ་རིས་མེད་ཀྱི་བླ་རབས་སོགས་ཀྱང་སྔར་བྲིས་སྲོལ་ཡོད། ལྡེབས་རིས་དང་ཞལ་ཐང་རིགས་ནི་ཤིན་ཏུ་མང་ངོ་། དགོན་འདིར་གསུང་རྟེན་གཙོ་བོ་རྒྱལ་བའི་བཀའ་འགྱུར་དང་བསྟན་འགྱུར་ཆ་ཚང་། འབུམ་ཆ་ཚང་། བྱང་རྒྱུད་ཀྱི་བཀའ་གཏེར་ཆ་ཚང་དང་། རིན་ཆེན་གཏེར་མཛོད། བླ་རབས་ཁག་གི་བརྩམས་ཆོས་སོགས་ཀྱིས་མཚོན་པོད་མང་པོར་མཆིས་སོ། ཐུགས་རྟེན་དགེ་འདུན་གྱི་ཞལ་གྲངས་ནི་རིམ་པར་འཕེལ་ཏེ་བདུན་བརྒྱའི་ཚད་དུ་གླེང་བ་བྱུང་། གཞན་གཏེར་སྦུག་སོགས་རོལ་ཆས་རིགས་སྣ་ཚོགས་དང་། འཕན་གདུགས་གཏོར་ཆས་ཡོ་བྱད་སོགས་དང་། ཞལ་འབག་དང་འཆམ་ཆས་རིགས་སོགས་རིན་ཐང་གཞལ་དཀའ་བ་མང་པོ་ཡོད་དོ།།

འགན་བཞེས་པའི་གོ་རིམ་དང་འཚོ་བའི་འབྱུང་ཁུངས། དགོན་འདིའི་བསྟན་པའི་གསལ་བྱེད་ཆེན་པོ་ནི་མཆོག་སྤྲུལ་ཟུང་ཡིན། དེའི་འོག་ཏུ་སྤྲུལ་སྐུ་གཞན་བཅུ་གཅིག་གིས་དགོན་པའི་མཁན་པོ་ལོ་གསུམ་རེའི་རེས་བྱས་ནས་མཛད་དགོས། དགེ་འདུན་ཡོངས་ཀྱི་འདུལ་ཁྲིམས་ཀྱི་བདག་པོ་ནི་དགེ་སྐོས། ཐིག་རྡུལ་[page 396] ཚོན་ཆོ་ག་ཕྱག་བཞེས་ཕུལ་དུ་བྱུང་བ་གཉིས་ལ་དབུ་མཛད་རྒན་གཞོན་གྱི་མཚན་གསོལ་ཏེ། ཚོགས་ཀྱི་འདོན་པ་སྐུལ་བ་པོའོ། ཕྱག་མཛོད་ཀྱང་གསུམ་རེའི་རེས་བྱས་ནས་དགོན་པའི་དཔལ་འབྱོར་གྱི་འགན་བདག་གོ གཉེར་པ་དང་སྤྱི་བཟུང་སོགས་ནི་ཕྱག་མཛོད་འོག་གི་ལས་ཚན་ནོ། གཞན་ཡང་དགོན་འདིར་ཁང་ཚན་བརྒྱད་ཡོད་དེ། ཡར་ཕུད་གཞལ་ཡས་ཁང་ཚན་དང་། རི་ཤུལ་སྔགས་པ་ཁང་ཚན། ཛེ་བོ་བསམ་གཏན་ཁང་ཚན། ཕྱི་སོང་བདུད་འཇོམས་ཁང་ཚན། གཏོར་རོང་རང་བྱུང་ཁང་ཚན། འབྲི་རྒྱུད་ནོར་བུ་ཁང་ཚན། མདོ་རྫོང་ཟིལ་གནོན་ཁང་ཚན། གེ་སྨད་བསྟན་སྲུང་ཁང་ཚན་དང་ཕྱོགས་འདུས་གཅིག་བཅས་ཡུལ་སྡེ་བཅོ་ལྔའི་ཁང་ཚན་བརྒྱད་པོ་ནི་གདམ་བསྐོས་བྱེད་པའི་སྤྱི་གཟུང་ལྔས་འགོ་འཛིན་དགོས་པར་གྲགས་སོ། ཡུལ་སྡེའི་དད་འབུལ་དང་། ས་ཞིང་བོགས་ལེན། ཚོང་ཉེར་ཇི་ཐོབ་ལ་བརྟེན་ནས་ལོ་འཁོར་མོའི་ཚོགས་མཆོད་སོགས་མཛད་རྒྱུ་ཡིན་ནོ།

དེང་གི་གནས་ཚུལ། དེ་ལྟར་མདོ་སྨད་ཡུལ་གྱི་བྱང་རྡོ་བྲག་ཆེན་པོའི་རིང་ལུགས་འཛིན་པའི་གདན་ས་གཙོ་བོ་དེའང་རེ་ཞིག་སྐྱེ་འགྲོའི་བསོད་ནམས་ཀྱི་སྐལ་བ་ཕྲ་བས། ངོ་རྒོལ་བཞི་པ་སོགས་ཀྱི་སྐབས་སུ་རྟེན་དང་བརྟེན་པ་ཐམས་ཅད་འབྱུང་བ་བཞིའི་ཟས་སུ་སྦྱོར། དེང་སང་ཆོས་སྤྱོད་ཀྱི་སྐལ་བཟང་སླར་ཡང་གྲུབ་སྟེ། རབ་བྱུང་བཅུ་དྲུག་པའི་ཆུ་ཁྱི་ལོར་དགེ་སྦྱོང་ཐུབ་བསྟན་གྱིས་ཐུགས་དྭངས་བའི་པད་དཀར་ལྷག་པར་བཞད་ནས་སྔར་གྱི་དགོན་ས་དང་ཉེ་བར་འདུ་ཁང་ཀབ་བརྒྱད་ཅུ་མའི་ཁྱོན་ལྡན་ཞིག་དང་མགོན་ཁང་ཀ་བ་བཅུ་དྲུག་མ། རུང་ཁང་། གྲྭ་ཤག་བཅུ་བཅས་ནང་རྟེན་དང་བཅས་པ་ཆེ་ལོང་ཙམ་གྲུབ་ཟིན་པར་མ་ཟད། ཤིང་ཕྲུག་སྣ་ཚོགས་ཀྱང་མུའུ་བརྒྱ་ལྷག་ཙམ་བཙུགས་ཡོད། འོན་ཀྱང་འབྱུང་བའི་དགྲས་འཚེ་བ་ཆེ་བར་བརྩམས་པས། ས་སྦྲུལ་ལོར་སླར་དགོན་པ་རྙིང་པའི་ཆགས་ཤུལ་ཐོག་ཏུ་སྤོས་ནས། འདུ་ཁང་ཀ་བ་བརྒྱད་ཅུ་མ་དང་། རུང་ཁང་ཀ་བ་ཉི་ཤུ་མ། མགོན་ཁང་ཀ་བ་ཉི་ཤུ་མ། ཇ་ཁང་ཀ་ཞེ་དྲུག་མ་བཅས་བཞེངས་གྲུབ། གྲྭ་ཤག་བཅུ་ཕྲག་ཁ་ཤས་བཞེངས་དང་བཞེངས་བཞིན་པ་མཆིས། ནང་རྟེན་དུ་སྔར་གྱི་སྐུ་འདྲ་དང་སྐུ་ཐང་རིགས་འགའ་ལུས་ཡོད་པ་ལས་གསར་བཞེངས་སུ་མ་གྲུབ། རབ་རྒྱལ་ཆུ་བྱ་ལོར་སྐྱེ་འགྲོ་ཡོངས་ཀྱི་དཔལ་ལས་གྲུབ་པའི་རྒྱ་ནག་སྐུ་ཞབས་གསེར་ཁྲིར་མངའ་གསོལ། ཉེ་ཆར་ཤེས་བྱ་རིག་པའི་གནས་ལ་གསན་བསམ་མཛད་བཞིན་པ་མཆིས། དགོན་པའི་ནང་དུ་གྲྭ་བ་བརྒྱ་དང་ཉི་ཤུ་ཙམ་འདུས་ནས་ལོ་འཁོར་མོའི་སྒྲུབ་མཆོད་སོགས་ཕལ་ཆེར་སྔར་ལྟར་མཆིས་སོ།།

ས་མིང་ཚིག་མཛོད་མིག་བཤར།

འབའ་ལྷོ་སྡེ་གཙང་ཆེན་རོང་དུ་བཏབ་ཡོད་པའི་ལྷ་རི་བཀྲ་ཤིས་ཆོས་གླིང་འདིའི་ཕྱག་འདེབས་པ་པོའི་མཚན་ལ་ཁྱབ་བརྡལ་ལྷུན་གྲུབ་ཞུ། རེ་ཞིག་སྔོན་གྱི་སྨོན་ལམ་དང་བག་ཆགས་བཟང་པོའི་ལས་འཕྲོ་[page 397] སད་དེ། དགུང་ལོ་ཞེ་ལྔར་འབའ་རྩེ་ར་གཏེར་ཆེན་པདྨ་ཆོས་རྒྱལ་གྱི་དྲུང་དུ་སྤྱི་ཕུད་འབུལ། ཟབ་ཆོས་འདུས་པ་སྐོར་གསུམ་གྱི་དབང་ལུང་ཁྲིད་གསུམ་མཐར་ཕྱིན་པར་ཞུ། དབུས་སུ་བྱོན་ནས་སྨིན་གྲོལ་གླིང་དུ་རབ་བྱུང་གི་བསྙེན་རྫོགས་བསྒྲུབས། བདེ་གཤེགས་སྒྲུབ་པ་བཀའ་བརྒྱད་གཙོས་པའི་དབང་ལུང་མང་པོ་ཞུས་ནས་ཀཿཐོག་ཏུ་ཕེབས། སྐྱབས་རྗེ་དྲི་མེད་ཞིང་སྐྱོང་མདུན་ནས་ཕྱག་རྫོགས་ཀྱི་ཁྲིད་ཞུས། རྗེ་ཉིད་ཀྱིས་གཙང་ཆེན་རོང་དུ་གཏེར་གསར་སྤེལ་བའི་དགོན་པ་ཞིག་འདེབས་དགོས་པར་བཀའ་སྩལ་པ་ལྟར། གཙང་ཆེན་རོང་དུ་ལོག་ནས་དགེ་མཚན་རྣམ་པར་བཀྲ་བའི་ས་ཆ་དེར། རབ་བྱུང་བཅུ་གསུམ་པའི་ས་མོ་ཕག་གི་ལོར་དགོན་ཆུང་ཀ་བ་དགུ་ཁྱོན་ལྡན་ཞིག་བཏབ་ནས་གྲྭ་བ་ལྔ་ཙམ་འདུས། དེའི་རྗེས་སུ་ཁོང་གི་སྐུ་ཕྲེང་གཉིས་པ་དང་གསུམ་པས་བསྐྱངས་ཀྱང་ཕྱོགས་རིས་ཅན་གྱི་དུག་རླངས་ཕོག་སྟེ་ཚུགས་ཟིན་ཞིག་མ་བྱུང་། སྐུ་ཕྲེང་བཞི་པ་སྐལ་བཟང་འགྲོ་འདུལ་རྒྱ་མཚོའི་སྐབས་སུ་ནག་སྐྱབས་ཕུག་ཅེས་པའི་ལུང་པར་སྤོས། འདུ་ཁང་སོགས་རྟེན་དང་བརྟེན་པ་གསར་དུ་བཞེངས། དེའི་རྗེས་པདྨ་ཉིན་བྱེད་དབང་པོས་ཇ་ཁང་ཞིག་དང་གྲྭ་ཤག་བཅོ་ལྔ་ཙམ་གསར་དུ་བསྐྲུན་ནས་གྲྭ་པའང་བདུན་ཅུ་ཉེ་བར་འདུས་སྐབས། དུག་གསུམ་གྱིས་སྨྱོ་བའི་སྐྱེ་བོ་འགས་སྐུ་བགྲོངས། དེའི་རྗེས་སྐུ་ཕྲེང་དྲུག་པ་ཐུབ་བསྟན་གསང་སྔགས་བསྟན་འཛིན་གྱིས་བསྟན་བདག་བཟུང་། དེའི་རྗེས་སུ་སྐུའི་སྐྱེ་བ་མ་བཞེས་ཏེ་རི་ཁྲོད་བླ་མ་རྣམས་ཀྱིས་བསྟན་རྒྱུན་སྐྱོང་། བཅོས་བསྒྱུར་མ་བྱེད་གོང་དགོན་པ་འདིར་འདུ་ཁང་དང་གྲྭ་ཤག་ཉེར་ལྔ་ཙམ་ཡོད། ནང་རྟེན་གཙོ་བོ་ལི་གསར་ལས་གྲུབ་པའི་ཨོ་རྒྱན་གཙོ་འཁོར་གསུམ་དང་། ཀཿཐོག་ནས་གདན་དྲངས་པའི་ཇོ་བོ་མི་ཚད་ཙམ་དང་། བཀའ་འགྱུར་དང་རིན་ཆེན་གཏེར་མཛོད། ཟབ་ཆོས་བླ་མ་དགོངས་འདུས་པོད་བཅུ་གསུམ། སྨིན་གླིང་ཟབ་གཏེར་རིག་འཛིན་ཐུགས་ཐིག་དང་། ཟབ་དོན་སྙིང་པོ་བདེ་གཤེགས་ཀུན་འདུས། རྡོར་སེམས་ཐུགས་སྒྲུབ་ཡང་སྙིང་ཀུན་འདུས་སོགས་ཕྱག་བསྟར་མ་དང་པར་མ་མང་ཙམ་མཆིས། གསེར་ཟངས་ལས་བསྐྲུན་པའི་མཆོད་རྟེན་དང་། མཆོད་ཆས་སུ་སྦུག་སིལ་འཆམ་ཆས་སོགས་འགངས་ཆེན་མང་པོ་དང་། རི་ཁྲོད་བླ་མ་བཞི་དང་བཅས་དགེ་འདུན་གྱི་ཞལ་གྲངས་ཀྱང་བདུན་བཅུ་ལྷག་ཙམ་མཆིས་ཀྱང་ཕྱིས་སུ་འགུལ་སྐྱོད་ཀྱི་སྐབས་སུ་མིང་གི་ལྷག་མར་གྱུར། དེང་སང་ཆོས་ཀྱི་བདུད་རྩིར་རོལ་བའི་སྐལ་བཟང་སླར་ཡང་རྙེད་ནས། རབ་བྱུང་བཅུ་དྲུག་པའི་ཆུ་ཕག་ལོར་གསར་དུ་འདུ་ཁང་ཀ་བ་ཁྱོན་བཞི་བཅུ་མ་དང་། དུང་འཁོར་ཁང་གཉིས། ཇ་ཁང་ཀ་བ་ཉི་ཤུ་མ་གཅིག གྲྭ་ཤག་དགུ་ཙམ་བཞེངས་གྲུབ་ནས་གྲྭ་བ་བཞི་བཅུ་ཞེ་ལྔ་འདུས། སྨན་འདམ་ལས་གྲུབ་པའི་སློབ་དཔོན་གཙོ་འཁོར་གསུམ་དང་། ལྡེའུ་སྨི་ཉག་བཀྲ་ཤིས་ཀྱིས་ཡོན་བདག་བཟུང་ནས་ལྷ་ས་ནས་གདན་དྲངས་བའི་ཟངས་གསེར་ལས་གྲུབ་པའི་གུ་རུ་ཆེན་པོའི་སྐུ་ཐོག་བརྩེགས་གཅིག་ཙམ་དང་། ལྡེའུ་དཔའ་འཛོམ་ནོར་བུ་དང་བླ་མ་པདྨ་ཚེ་རིང་གཉིས་ཀྱིས་ལྷ་ལྡན་ནས་གདན་དྲངས་པའི་གུ་རུ་སྐུ་ཁྲུ་དོ་ཙམ་གཉིས་སོགས་སྐུ་གསུང་ཐུགས་རྟེན་དུ་མ་ལྡན་ལ། དགེ་སློང་བཀྲ་ཤིས་དང་བླ་མ་པདྨ་ཚེ་རིང་གཉིས་ཀྱིས་ཐུགས་བསྐྱེད་མཛད་ནས་མཁན་པོ་དང་དགེ་སྐོས་དབུ་མཛད་[page 398] སོགས་སྔར་གྱི་སྲོལ་བཞིན་རབ་བྱུང་སྔ་ཕྱི་ལ་བརྟེན་ནས་མཛད་རྒྱུ་དང་། སྔར་བཞིན་ཟླ་དྲུག་པར་ཚེས་བཅུ་དང་། བདུན་པར་བཀའ་བརྒྱད། བཅུ་པར་བླ་རབས་བུམ་པ། བཅུ་གཉིས་པར་དགུ་གཏོར་དང་འཆམ་གྱི་སྲོལ་ཀཿཐོག་དང་ཉེ་བར་མཛད་ནས། ལྡེའུ་དང་གཙང་ཆེན་རོང་སྡེ་ཕྱེད་གཉིས་ཀྱིས་ཡོན་བདག་བྱས་ནས་འཚོགས་དགོས་སོ།།

ས་མིང་ཚིག་མཛོད་མིག་བཤར།

འབའ་སྡེའི་ནུབ་བྱང་མཚམས་སུ་རྫོང་མཐིལ་ལས་སྤྱི་ལེ་བདུན་བརྒྱད་ཙམ་གྱི་གནམ་བསྐོས་ཞེས་པའི་ཡུལ་སྡེའི་སྟོད་དུ་བཏབ་ཡོད། གནམ་བསྐོས་ཞེས་མིང་བཏགས་དོན་ནི། ངག་སྒྲོས་སུ་དགོན་འདིའི་བླ་རབས་གསུམ་གནམ་བསྐོས་གོང་མ་ཚང་གི་དབུ་བླར་ཕེབས་ནས་བླ་རབས་རིམ་བྱོན་དུ་རྒྱ་བླ་དང་། གོང་མས་ཆེ་བརྗོད་ཀྱིས་དགོན་པར་གནམ་བསྐོས་ཞེས་པའི་མཚན་གསོལ། ཡུལ་མིང་ཡང་དེའི་ཤུགས་ལས་བྱུང་བར་སྙམ། བཤད་སྒྲོས་སུ་དགོན་འདིའི་ཕྱག་འདེབས་པ་པོ་ནི་རྒྱ་བླ་དགེ་ལེགས་རང་གྲོལ་ཞེས་པ་དེ་ཡིན། བཏབ་པའི་དུས་ཚོད་མ་ངེས། དེའི་རྗེས་སུ་ཆོས་ཀྱི་དབང་ཕྱུག དེ་ནས་རྒྱ་ནག་ཡང་སྲིད། དེ་ནས་སྤྲུལ་སངས་རྒྱས། བླ་མ་ཨ་ཚང་། བཀྲ་ཤིས་ཉི་མ་སྟོབས་ལྡན། འགྱུར་མེད་བསྟན་འཛིན། འགྱུར་མེད་ཐུབ་བསྟན་རྣམ་རྒྱལ་སོགས་བླ་སྤྲུལ་མང་དུ་བྱོན། དེའི་ནང་ནས་སྔར་གྱི་བླ་རབས་འགྲན་ཟླ་དང་བྲལ་བ་བཅུ་གསུམ་བྱོན་མྱོང་སྟེ། འཇམ་དབྱངས་མཁྱེན་བརྩེའི་དབང་པོའི་གངས་ཅན་བོད་ཡུལ་དུ་བྱོན་པའི་གསང་སྔགས་གསར་རྙིང་གི་གདན་རབས་མདོར་བསྡུས་ངོ་མཚར་པདྨོའི་དགའ་ཚལ་ཞེས་བྱ་བ་ལས། མདོ་སྨད་འབའ་ཡུལ་དུ་རྡོར་བྲག་གི་རིང་ལུགས་འཛིན་པ་གྲུབ་པ་དགོན་དང་། རྒྱ་བླ་རབས་བཅུ་གསུམ་གྱི་གདན་ས་གནམ་བསྐོས་གསང་སྔགས་ཆོས་གླིང་སོགས་དེང་སང་ཡང་དར་རྒྱས་ཆེ་ཙམ་ཡོད། ཞེས་པ་ལྟར་རོ། དེ་མིན་རྒྱ་བླ་བཀྲ་ཤིས་རྣམ་གསུམ་སོགས་མཁས་ཤིང་གྲུབ་པའི་རྟགས་ཅན་དུ་མ་བྱོན། དེ་དག་ལས་བླ་རབས་གསུམ་རྒྱ་ནག་གོང་མའི་དབུ་བླར་ཕེབས་མྱོང་བར་མ་ཟད། བླ་རབས་གཅིག་བལ་པོ་རྒྱལ་པོའི་དབུ་བླར་ཡང་བྱོན་མྱོང་བར་གྲགས། བླ་རབས་དེ་དག་གི་རིང་ལ་སྨད་དུ་རྒྱ་སྟག་འབྲུག་གསུམ་ཞེས་མདོ་སྨད་འབའ་ཡུལ་ཕྱོགས་སུ་རྒྱ་བླ་གནམ་བསྐོས་ཚང་། སྟག་བླ་བྱང་དཀར་དགོན། འབྲུག་བླ་བསམ་གཏན་དགོན་གསུམ་འགྲན་ཟླ་དང་བྲལ་བ་བྱུང་། ཕྱིས་སུ་བསྟན་པ་ཅུང་ཉམས་ནས་དགྲ་ཇག་སོགས་ཀྱིས་འཚེ་བས་གྱོང་རྒུད་མང་དུ་ཐེབས། སྔར་དགོན་འདིའི་གཙུག་ལག་ཁང་སོགས་འཛུགས་སྐྲུན་ལ་དར་རྒུད་མང་དུ་བྱུང་ཡོད་མོད། བཅོས་བསྒྱུར་མ་བྱེད་གོང་ཙམ་དུ། དགོན་འདིར་འདུ་ཁང་ཀ་བ་ཞེ་བརྒྱད་མ་གཅིག གསང་སྔགས་ཕོ་བྲང་ཀ་བཞི་བཅུ་མ། ཕུར་པ་ཁང་ཀ་བ་ཉི་ཤུ་མ། བཀའ་བརྒྱད་ཁང་ཀ་བ་བཅོ་ལྔ་མ་སོགས་ཡོད། ནང་རྟེན་གཙོ་བོ་ཇོ་བོ་ནམ་མཁའ་བཀྲ་ཤིས་མི་ཚད་ཙམ་དང་། ཇོ་བོ་གསུང་གྲགས་མ། སྒྲོལ་མ་ལྕགས་[page 399] སྒྲོགས་མ། ཇོ་བོ་འཇའ་གཟུགས་མ་སོགས་སྐུ་འདྲ་རིན་ཐང་བྲལ་བ་ཆེས་རྙིང་པའི་རིགས་བརྒྱ་ཕྲག་ཁ་ཤས་དང་། ཐམས་ཅད་མཁྱེན་པ་ལྔ་པ་རིན་པོ་ཆེ་འི་ཕྱག་རྒྱ་ཡོད་པའི་ཞལ་ཐང་བརྒྱ་ཕྲག་གཉིས་ཙམ། གསུང་རྟེན་དུ་རྒྱལ་བའི་བསྟན་འགྱུར་སོགས་དང་། རྙིང་མའི་གསུང་འབུམ་ཁག་སོགས་གྲངས་གཞལ་དུ་མེད་པ་ཡོད། ཐུགས་རྟེན་དགེ་འདུན་བརྒྱད་ཅུ་ཙམ་འདུས། དེ་མིན་སྦུག་སྟོང་གསུམ་འབྲུག་གྲགས་ཆེ་ཆུང་གཉིས། སིལ་གནམ་ལྕགས་དབང་མོ། དུང་བྱེ་མ་རང་གྲགས་སོགས་ཀྱི་གཙོས་པའི་ཆོས་སྤྱོད་ཡོ་བྱད་རྣམས་ཡུལ་དགོན་ཀུན་དུ་སྙན་པའི་བ་དན་བསྒྲེངས་པས། གནའ་རྫས་ཀྱི་བང་མཛོད་དུ་ཀུན་གྱི་ཞལ་མཐུན། དེ་ལྟར་རྡོར་བྲག་གི་རིང་ལུགས་འཛིན་པའི་གདན་ས་འདིར་ཕྱིས་སུ་སྨིན་གྲོལ་གླིང་པའི་བཀའ་ལུང་ཡང་རྒྱས་པར་དར།

དགོན་པའི་སྒྲུབ་མཆོད་གཙོ་བོ་ནི་ཚེས་བཅུ་འཆམ་དང་བཅས་པ་ཞག་བདུན། གུ་རུ་བུམ་སྒྲུབ་ཞག་དགུ བཀའ་བརྒྱད་ཞག་དགུ ཚེ་ཆོག་ཞག་དགུ ཕུར་པ་ཞག་བཞི། ཞི་ཁྲོ་ཞག་ལྔ། གཉིས་ཚོགས་ཞག་བཞི་བཅས་འཚོགས་རྒྱུ་དང་། ཚོགས་ཀྱི་གཏོང་སྒོའི་འབྱུང་ཁུངས་ནི་དགོན་རང་གི་ས་ཞིང་ལ་བརྟེན་པ་དང་། གདམ་སྡེ་དང་། ཁྲུང་། གནམ་བསྐོས། ལྷག་པ། ལོ་བུད་སོགས་ཡུལ་སྡེ་བཅུ་ལྷག་གི་ཡོན་བདག་བཟུང་ནས་འཚོགས་དགོས། དགོན་འདིའི་བདག་རྐྱེན་ལས་བྱུང་བའི་དགོན་ལག་ནི་ཐང་ཡོན་དགོན། དཔལ་དུས་མགོ་དགོན། ཤྭ་བ་རི་ཁྲོད། སྒོར་བུ་ཀམ་མདའ་དགོན་སོགས་ཡོད། གཞན་ཡང་རྩེ་ར་དགོན་དང་། སྤུང་རི་དགོན། བྱང་དཀར་དགོན་སོགས་དང་ཆོས་འབྲེལ་ཆེས་ཟབ་བོ། དེ་ལྟར་སྔ་འགྱུར་བའི་གདན་ས་དེའང་ངོ་རྒོལ་བཞི་པ་སོགས་ཀྱི་སྐབས་སུ་རྟེན་དང་བརྟེན་པ་ཐམས་ཅད་མིང་གི་ལྷག་མར་གྱུར། དེང་སང་སྔར་གྱི་དགོན་ས་དང་ཉེ་བར་འདུ་ཁང་ཀ་བ་བཞི་བཅུ་ཞེ་བརྒྱད་མ་ཞིག་ཕྱི་ཁོག་ཙམ་གྲུབ་མོད། བླ་མ་དང་། དགེ་འདུན་གྱི་སྡེ་མེད་པས། བསྟན་པའི་རྒྱུན་ཤིན་ཏུ་ཉག་ཕྲ་བར་མཆིས་སོ།། །།

ས་མིང་ཚིག་མཛོད་མིག་བཤར།

འབའ་རྩེ་ར་དགོན་སྨིན་གྲོལ་གསང་སྔགས་ཆོས་གླིང་ནི། འབའ་རྫོང་མཐིལ་ལས་སྤྱི་ལེ་སུམ་ཅུ་ཙམ་ཏེ་འདམ་ཆེན་རྩེ་རའི་ཉེ་འདབས་སུ་བཏབ་ཡོད་གཤིས་རྩེ་ར་དགོན་དུ་གྲགས། ཐོག་མར་དགོན་འདི་ཕྱག་འདེབས་པ་པོ་ནི་ཀརྨ་དུས་གསུམ་མཁྱེན་པ་ཡིན་པར་གྲགས། ཀརྨ་སྐུ་ཕྲེང་དང་པོ་དུས་གསུམ་མཁྱེན་པ་བྱོན་ནས་གནས་བཟུང་སྟེ་དགོན་དང་པོར་བཏབ་རྗེས་འདིར་ཕེབས་ནས། གཡུ་མཚོ་སྔོན་མོ་ཁའི་སྒྲུབ་ཕུག་ནང་སྐུ་མཚམས་ཡུན་རིང་བཞུགས། རབ་བྱུང་གསུམ་པའི་དཀྱིལ་ཙམ་དུ་རི་ཁྲོད་དགོན་པའི་ཚུལ་དུ་ཕྱག་བཏབ། དེའི་རྗེས་ཀརྨ་པཀྴི་བྱོན་ནས་བསྟན་པ་སྤེལ། དེའི་འཕྲོས་རང་བྱུང་རྡོ་རྗེ་བྱོན་ནས་སྦྱོར་དྲུག་ཆོས་དྲུག་སོགས་ཀྱི་སྨིན་ཁྲིད་རྒྱས་པར་སྩལ། མཚོ་ཁར་ཞབས་རྗེས་འཇོག་པ་དང་། བཞུགས་ཁྲི་[page 400] སོགས་གསལ་པོ་ཡོད། དེའི་རྗེས་སྒྲུབ་བརྒྱུད་འཛིན་པའི་བླ་རབས་མང་དུ་བྱོན་སའི་མཚན་དང་རྣམ་ཐར་རགས་བསྡུས་རྣམས་གདན་རབས་གསལ་བའི་མེ་ལོང་ནང་བཞུགས་ཀྱང་། རིག་གནས་གསར་བརྗེའི་དུས་སུ་འཐོར་བརླག་སོང་བས་ཇི་བཞིན་ཞུ་ཐབས་བྲལ། རྗེས་སུ་ཀརྨ་བདུན་པ་ཆོས་གྲགས་རྒྱ་མཚོ་བྱོན། དེའི་ཡན་ཀརྨ་བཀའ་བརྒྱུད་ཀྱི་བསྟན་པ་འཛིན་པའི་སྐབས་སོ།

སྐབས་ཞིག་ཏུ་འབྲུག་པདྨ་དཀར་པོ་བྱོན་ནས་བསམ་གཏན་ལྷུན་གྲུབ་དགོན་བཏབ་པ་ནས་བཟུང་འབྲུག་པའི་ཆོས་བརྒྱུད་ཀྱང་སྤེལ་བར་གྲགས། དེའི་རྗེས་རྒྱལ་བ་མཆོག་དབྱངས་ཀྱིས་ཉིན་གཅིག་ལ་ལྷ་ཁང་ཀ་བ་བཞི་མ་དང་། ཐུབ་པ་དགུང་ལོ་བརྒྱད་པའི་ཚད་ཡིན་གསུང་བའི་འདམ་སྐུ་ངོ་མཚར་ཅན་ཞིག་བཞེངས། དགུན་དཀྱིལ་ས་ཐམས་ཅད་ལ་མེ་ཏོག་སྣ་ཚོགས་བཀྲ་བ། ཆབ་རོམ་རྣམས་ཞུ་ནུས་པའི་དྲོད་འཕེལ། འཇའ་ཚོན་གྱི་གུར་ཕུབ་པ་དང་མེ་ཏོག་པདྨ་འདབ་བརྒྱད་ཀྱི་ཆར་བབས། དེ་ནས་སྒྲུབ་མཆོད་སོགས་ཕལ་ཆེ་རརྙིང་མར་གྱུར། ཁོང་གི་ཟབ་གཏེར་རྟ་མགྲིན་དབང་ཆེན་དྲེགས་འདུལ། གུ་དྲག་གནམ་ལྕགས་མེ་འཁོར། ཐུགས་རྗེ་ཆེན་པོ་ནོར་བུ་རྒྱན་ཕྲེང་། བླ་སྒྲུབ་འོད་ཀྱི་དྲྭ་བ་སོགས་ཀྱི་སྒྲུབ་མཆོད་བཙུགས། གཏེར་སྲུང་ཀླུ་བདུད་མགོ་དགུ། ལྷ་མོ་རྡོ་རྗེ་གནོད་སྦྱིན། བཙན་རྒོད་མ་ར་སྲོག་ཟན་སོགས་ཀྱི་མགོན་ཁང་དང་། མགོན་བླ་འཇོག་པ་སོགས་མཛད། ཁོང་ལ་སྲས་གསུམ་མངའ་བའི་ཆེ་བ་དྲི་མེད་ཞིང་སྐྱོང་དེའང་སྐུ་ཚེའི་སྨད་ཙམ་དུ་རྩེ་ར་དགོན་དུ་བྱོན་ནས། གཡུ་མཚོ་ཁར་སྐུ་མཚམས་ཡུན་རིང་བཞུགས། སྲས་འབྲིང་བ་རྟ་མགྲིན་དབང་ཆེན་ནི་བསད་པ་གསོ་ནུས་པའི་གྲུབ་མཆོག་དམ་པ་ཞིག་སྟེ། ཁོང་རྒྱ་ནག་གོང་མའི་དབུ་བླར་བྱོན་ནས། གོང་མས་ཞིང་པ་བརྒྱད་ཅུ་དང་གསེར་ཡིག་གསེར་ཐང་ཕུལ། སམ་ལུང་གཤིས་ཀྱི་བླ་བྲང་གསར་དུ་བཞེངས། དགོན་འདིའི་ཆོས་བདག་ནི་རྒྱ་བླ་གནས་བསྐོས་ཚང་ལགས་གཤིས། རྒྱ་ལྷུན་གྲུབ་དང་། དབང་གྲགས་རྒྱ་མཚོ། བསོད་ནམས་ཆོས་ཀྱི་དབང་ཕྱུག་གསུམ་ནི་རྩེ་ར་དགོན་དང་གནམ་སྐོས་གཉིས་ཀྱི་དབང་ཁྲིད་ཀྱི་བདག་རྐྱེན་དུ་གྱུར། དེ་ནས་ཧ་ར་དམ་ཆོས། པདྨ་འོད་གསལ། བསམ་གཏན་དབང་ཕྱུག དགེ་འདུན་རྒྱ་མཚོ། ཤེས་རབ་ཆོས་འཕེལ། བསྟན་འཛིན་དབང་ཕྱུག ཀརྨ་རྡོ་རྗེ། ཡོངས་འཛིན་སྨོན་ལམ་གྲགས་པ། བླ་མ་ཨ་འཕྲིན། སྤྲུལ་བླ་གཡང་། སྤྲུལ་པདྨ་རྣམ་རྒྱལ་བར་བྱོན་ནས་འཁོར་ལོ་གསུམ་གྱི་བྱ་བས་རྒྱལ་བསྟན་ཉིན་མོ་ལྟར་གསལ་བར་མཛད་དོ། ངོ་རྒོལ་བཞི་པའི་གོང་ཙམ་དུ་དགོན་འདིར་གྲྭ་བ་ཁྱོན་ལྔ་བཅུ་ཙམ་དང་། དགོན་པའི་རྟེན་དང་བརྟེན་པ་ཡང་རང་རྐང་ཟིན་པ་ཡོད་ཀྱང་ལས་འགུལ་གྱི་སྐབས་སུ་ཕལ་ཆེར་བརླགས། ད་ལྟ་འདུ་ཁང་གསར་པ་ཞིག་བཞེངས་གྲུབ་ནས། ནང་རྟེན་དུ་སྟོན་པ་དང་། གུ་རུ། འཇམ་དབྱངས། སྒྲོལ་མ་སྤྱན་རས་གཟིགས་སོགས་གསེར་སྐུ་གསར་པའི་གྲས་དང་། ཐུབ་པ་གནས་བཅུ། གུ་རུ་གཙོ་འཁོར་དང་མཚན་བརྒྱད། སྒྲོལ་མ་ཉེར་གཅིག དབང་ཆེན་དྲེཊ་འདུལ། གནམ་ལྕགས་མེ་འཁོར་བཅས་རས་ཐང་གཞི་མིག་གང་རེ་གཙོས་སྐུ་རྟེན་གསར་རྙིང་རིགས་དང་། གསུང་རྟེན་དུ་རྒྱལ་བའི་བཀའ་འགྱུར་ཆ་གཅིག འབུམ་དུམ་པ་ཆ་ཚང་། མདོ་བསྐལ་[page 401] གསེར་གསུམ་སོགས་དང་། ཐུགས་རྟེན་དགེ་འདུན་བཞི་བཅུ་ལྷག་འདུས་ཤིང་། དགོན་བདག་ཐུགས་བསྟན་བཤད་སྒྲུབ་ཆོས་འཕེལ་ཞབས་པད་བརྟན་བཞིན་པར་མཆིས། གཞན་ཡང་མ་ནི་དང་སིདྷིའི་དུང་འཁོར་ཁང་། གཉེར་ཁང་། མགོན་ཁང་། ཇ་ཁང་སོགས་ལེགས་པར་གྲུབ་ཅིང་། པདྨ་ཆོས་རྒྱལ་གྱིས་ཡ་མི་མཚོ་རྒན་ནས་གཏེར་ལེན་པའི་དབང་ཆེན་དྲེཌ་འདུལ་གྱི་ཡོན་ཏན་གྱི་རྟེན་སྦུག་ཆལ་བཛྲ་རྟ་སྐད། འཕགས་འཚོ་སྒྲ་དབྱངས། གནམ་ལྕགས་ཀྱི་ཕུར་པ་གཏེར་མ་གཅིག རྟ་མགྲིན་དབང་ཆེན་གྱི་ཆིབས་རྟའི་དབུ་གཙུག་ནས་འཁྲུངས་པའི་རྟ་ཡི་རྭ་ཅོ་སོགས་མཆོད་ཆས་རིགས་ཀྱང་མི་ཉུང་བ་ཙམ་ཡོད་དོ།། དགེ་སྐོས་དང་སྤྱི་པ། དབུ་མཛད། མཆོད་དཔོན་སོགས་ནི་ལས་ཚན་ནོ།། ཚོགས་པའི་གཏོང་སྒོའི་འབྱུང་ཁུངས་ནི་སྤྱི་ན་མི་བཞིས་སྡེ་སྤྱིའི་དཀར་སྡོམ་དང་འབྲུ་སྡོམ་ཚམ་ལ་བརྟེན་ནས་ཚེས་བཅུར་ཚེ་སྒྲུབ་རྡོ་རྗེ་རྒྱ་གྲམ་ཞག་བཅུ་དང་། དྲག་པོ་གནམ་ལྕགས་མེ་འཁོར་ཞག་བཅུ་གསུམ་བཅས་འཚོག་དགོས་པ་ལགས་སོ།།

ས་མིང་ཚིག་མཛོད་མིག་བཤར།

འབའ་སྡེའི་བྱང་ཕྱོགས་རྫོང་མཐིལ་ལས་སྤྱི་ལེ་དགུ་བཅུ་ཙམ་གྱི་ས་སྟེ་གླིང་གཤིས་ཡ་སོར་བཏབ་ཡོད་པས་ས་མིང་དགོན་པར་བཏགས་ནས་ཡོངས་གྲགས་སུ་ཡ་སོ་དགོན་ཞེས་འབོད། གནས་དེར་ཞོག་མ་གྲུབ་དབང་པདྨ་ཆོས་རྒྱལ་གྱི་སྲས་དྲི་མེད་ཞིང་སྐྱོང་གིས་ས་བསླང་དང་ས་འདུལ་མཛད་པར་གྲགས། གཙུག་ལག་ཁང་དང་པོ་ཕྱག་འདེབས་པ་པོ་ནི་སྟག་བླ་ཡོན་ཏན་རྒྱ་མཚོ་ཞེས་པ་སྟེ། ཁོང་གིས་རབ་བྱུང་བཅུ་གཉིས་པའི་མེ་མོ་སྦྲུལ་གྱི་ལོར་གཙུག་ལག་ཁང་རྟེན་དང་བརྟེན་པ་བཞེངས། དེ་ནས་བྲོ་བླ་པདྨ། བོ་ཁ་བླ་མ་སོགས་རིམ་པར་བྱོན་ནས་སྔ་འགྱུར་བའི་བསྟན་པ་བསྐྱངས་མོད། བཤད་སྒྲུབ་ཀྱི་སྲོལ་ཆེར་མ་བྱུང་སྟེ་གྲྭ་པ་ཐམས་ཅད་ཁྱིམ་ཐབ་འཛིན་པ་དང་གཉིས་སུ་མེད། དེ་ནས་རྫོགས་ཆེན་མཁན་ཆེན་པདྨ་བཛྲ་བྱོན་ནས་འདུལ་བ་གཞི་གསུམ་གྱི་ཕྱག་བཞེས་སྤེལ་ཏེ་མ་དགོན་བུ་དགོན་གྱི་འབྲེལ་བ་བཙུགས། བླ་མ་དམ་པ་ཡོན་ཏན་བཟང་པོ་སོགས་སྐྱེས་ཆེན་དམ་པ་འགའ་བྱོན་ནས་བླ་མ་སངས་རྒྱས་ཕུན་སུམ་ཚོགས་དང་བླ་མ་ཚེ་བརྟན་རྡོ་རྗེ་བར་བླ་རབས་བཅུ་གསུམ་ཙམ་བྱོན། ཁྱད་པར་དུ་བླ་མ་ཡོན་ཏན་བཟང་པོ་ནི་དགོན་པའི་ཉེ་འདབས་ཚཱ་ལུར་སྐུ་འཁྲུངས། མཁན་ཆེན་པད་རྡོར་དང་རྫ་དཔལ་སྤྲུལ། འཇམ་དབྱངས་མཁྱེན་བརྩེའི་དབང་པོ་སོགས་སྐྱེས་ཆེན་དུ་མ་ལ་བསྟེན་ནས་ཐུན་མིན་གྱི་ཆོས་སྐོར་རྣམས་ལ་སྦྱངས་པ་མཐར་ཕྱིན་པར་མཛད། དབེན་གནས་ཀུན་ཏུ་སྒྲུབ་པའི་རྒྱལ་མཚན་བཙུགས་པས་མཁས་ཤིང་གྲུབ་པའི་ཕ་མཐར་ཕྱིན། ཁོང་གི་བརྩམས་ཆོས་སུ་སྡོམ་གསུམ་དཀའ་འགྲེལ་དང་གཞི་བཅུ་དང་བརྒལ་ལན། བསྟོད་ཚོགས་སོགས་པོ་ཏི་ཆེན་པོ་གཉིས་ཡོད། ཁོང་ཉིད་ཀྱིས་ཕྱག་ལས་མཛད་པའི་སྒྱུ་འཕྱུལ་ཞི་ཁྲོ་དང་ཐུགས་རྗེ་ཆེན་པོ། རྡོ་རྗེ་སེམས་དཔའི་དཀྱིལ་འཁོར་བཞི་ནི་མཁས་བཞི་ནི་མཁས་པ་ཀུན་གྱིས་བསྟོད་བསྔགས་ཀྱི་མེ་ཏོག་རབ་ཏུ་འཐོར་ནས་[page 402] སྐྱེ་འགྲོ་ཀུན་གྱི་འདྲེན་བྱེད་ཀྱི་དཔལ་དུ་གྱུར། དགོན་པའི་གྱང་ངོས་སུ་བྲིས་པའི་ལྡེབས་རིས་དང་ཐང་ཁ་སོགས་ནི་དགོན་འདིའི་རྟེན་གཙོ་བོར་གྱུར། ཁོང་གིས་སྐུ་ཚེའི་སྨད་ཙམ་སྔར་གྱི་གཙུག་ལག་ཁང་ཆེར་བསྐྱེད་མཛད་ནས་སྐུ་ཚེ་ཧྲིལ་པོ་མདོ་སྔགས་སྨིན་གྲོལ་གྱི་འཁོར་ལོས་དུས་འདའ་སྟེ། མཐར་གཟུགས་སྐུ་ཆོས་དབྱིངས་སུ་གྲོལ་བའི་རྟགས་སུ་མེ་ཏོག་གི་ཆར་འབེབས་པ་དང་། དྲི་བཟང་ཕྱོགས་བཅུར་འཐུལ་ནས་སྐུ་གདུང་ལས་རྗེ་བཙུན་སེང་གེ་དབང་ཕྱུག་གི་སྐུ་མཐོ་གང་ཙམ་འཁྲུངས་པ་སྐྱེ་འགྲོ་ཡོངས་ཀྱི་བསོད་ནམས་ཀྱི་བཅུད་དུ་གྱུར། དགོན་འདིར་འདུ་པ་ཀ་བ་བརྒྱད་ཅུ་མའི་ཁྱོན་ལྡན་ཞིག་དང་གྲྭ་ཤག་བརྒྱ་ཙམ་ཡོད། ནང་རྟེན་དུ་གོང་སྨོས་པ་དག་མ་ཟད། འཇམ་དབྱངས་དང་ཇོ་བོ་སྐུ་ཁྱད་འཕགས་ཅན། བི་མའི་ཕྱག་བཟོ་མཁའ་འགྲོ་པུ་ཥ་སིངྷའི་རུས་རྒྱན། གཏེར་བདག་གླིང་པའི་སྐུ་ཚབ་ང་འདྲ་མ། འཕགས་པ་ཕྱག་ན་པདྨོའི་ལི་སྐུ་ལུས་ཚད་མ་སོགས་དང་། གསུང་རྟེན་དུ་བླ་མ་ཡོན་ཏན་བཟང་པོའི་རྩོམ་ཆོས་པར་ཤིང་དང་བཅས་པ། བཀའ་འགྱུར་བུབས་སྔ། བསྟན་འགྱུར་བུབས་གཉིས། ཡ་བཞི། མཛོད་བདུན། ཀུན་མཁྱེན་ཡབ་སྲས་ཀྱི་བཀའ་འབུམ་སོགས་བཀའ་གཏེར་གྱི་ཆོས་སྐོར་མང་དུ་ཡོད། གཞན་ཡང་མདོ་བསྐལ་གསེར་གསུམ། ཐར་མདོ་སོགས་ཀྱི་པར་ཤིང་དང་། ཐར་འཁོར་སོགས་དང་འཁོར་ལོའི་གདུགས་དཀར་སོགས་ཇོ་དར་གྱི་སྤར་ཡང་དུ་ཡོད། རོལ་ཆེན་རྟ་མིག་ཆེ་ཆུང་བསོད་ནམས་དབྱངས་སྙན་དང་། ཤར་གསེར་གླིང་སོགས་ཁྱད་འཕགས་ཀྱི་རོལ་སིལ་བཅོ་ལྔ་གཙོར་གྱུར་བའི་མཆོད་རྫས་འགངས་ཆེན་མང་མང་དུ་མཆིས། དགེ་འདུན་ནི་ཉིས་བརྒྱ་ལོངས་ཙམ་ཡོད། སྒྲུབ་མཆོད་གཙོ་བོ་ནི། རྡོར་སེམས་དང་། ཐོས་གྲོལ། ཚོགས་ཆེན་བུམ་སྒྲུབ། ཚོགས་ཆེན་འདུས་པ། བཀའ་རྒྱུད་སྒྲུབ་མཆོད་དོང་སྦྲུག སྐུ་གསུམ་ཞི་ཁྲོ། ཁྲོ་རོལ། མགོན་པོ་བཅས་ཞག་བདུན་ཕྲག་ཏེ་འཚོག་རྒྱུ་དང་། དགོངས་འདུས་ཞག་ལྔ་དང་འཇམ་དཔལ་མཚོད་ཆོག་ཉིན་གསུམ་བཅས་དད་ལྡན་གྱི་འབུལ་བ་དང་དགོན་པ་རང་གི་ས་ཞིང་ལོ་ཏོག་ལ་རྟེན་ནས་འཚོགས་པའི་རྒྱུན་མཆིས། ཚོགས་ཆེན་འདུས་པ་ལ་གར་འཆམ་དང་ཁྲོ་རོལ་ལ་ཟོར་འཆམ། དྲག་འཆམ་ལ་གཤིན་རྗེ་སོགས་ཡོད། སྒྲུབ་གྲྭ་རི་ར་རི་ཁྲོད་དུ་ཇོ་སེར་བདུན་ཅུ་ཙམ་ཡོད། མཚོ་ཕུ་དགོན་ཡང་བདག་བཟུང་བྱེད་དེ་གནས་འཚོགས། བདེ་ཆེན་བཤད་གྲྭ་རུ་ཇོ་སེར་བཅོ་བརྒྱད་ཙམ་དང་། ཙ་འདྲ་ཕུག་ཏུ་གྲྭ་ཉི་ཤུ་ཙམ་བཞུགས་པ་དེ་དག་ཏུ་བླ་མ་ཡོན་ཏན་སྤྲུལ་སྐུ། བླ་མ་ཚེ་རིང་མགོན་གྱི་སྤྲུལ་བསྟན་འཛིན་རྒྱལ་མཚན། བླ་མ་ཀའི་སྤྲུལ་ཚེ་རིང་ལྷུན་གྲུབ། བླ་མ་བསྟན་འཛིན་གྱི་སྤྲུལ་འོད་ཟེར་སོགས་བཞུགས་ནས་འཁོར་ལོ་གསུམ་གྱི་བྱ་བས་དུས་འདའ། ངོ་རྒོལ་བཞི་དང་རིག་གནས་གསར་བརྗེའི་སྐབས་སུ་ཐམས་ཅད་བརླགས། དེང་སྐབས་ཆོས་ཀྱི་སྒོ་འཕར་ཡངས་པར་འབྱེད་དེ་སྤྲུལ་སྐུ་སྨིན་དྲུག་རྡོ་རྗེས་གཙོ་འགན་བཞེས་ཏེ། འདུ་ཁང་སྔར་ལྷག་ཡོད་པ་དེ་ཉིད་ཉམས་གསོ་ཆེ་ལོང་ཙམ་བྱས། ནང་རྟེན་དུ་ཐུབ་པ་ཇོ་ལུགས་མ་དང་མཁན་སློབ་ཆོས་གསུམ། བྱམས་པ། འཇམ་དབྱངས་སོགས་ཀྱི་འདམ་སྐུ་ལེགས་པར་གྲུབ། གྲྭ་བ་ལྔ་བཅུ་ཙམ་འདུས་ནས། སྒྲུབ་མཆོད་དུ་མ་ཎི་བུམ་སྒྲུབ་དང་།

[page 403] ཐོས་གྲོལ། སྐུ་གསུམ་ཆོ་ག་སྤྱི་གཏོར་བཅས་ཞག་བདུན་རེ་དང་། ཁྲོ་རོལ་ཞག་ལྔ་བཅས་ཁྱོན་ཞག་བཞི་བཅུ་ཙམ་འཆོག་རྒྱུའི་རྒྱུན་འཛུགས། གཞན་དགོན་འདིའི་སྒྲུབ་གྲྭ་རི་ར་རི་ཁྲོད་དུ་དགེ་ཚུལ་སློང་མ་ཚུལ་ལྡན་དྲུག་ཅུ་ཙམ་དང་། ཙ་འདྲ་རི་ཁྲོད་དུ་གྲྭ་བཅོ་ལྔ་ཙམ་གྱིས་འཆད་ཉན་ལ་འབད་བཞིན་མཆིས། དེ་དག་འཆག་པའི་ཡོན་གྱི་འབྱུང་ཁུངས་ནི་དགོན་འདིའི་མངའ་འོག་གི་དུད་ཚང་ཉིས་བརྒྱ་ཙམ་གྱིས་དད་ཡོན་དང་ཚེ་འདས་ཀྱི་ཆེད་འབུལ་ལ་བརྟེན་ནས་འཚོག་དགོས་སོ༎ ༎

ས་མིང་ཚིག་མཛོད་མིག་བཤར།

ཆོས་གླིང་དགོན་ནི་འབའ་བྱང་སྡེ་རྫོང་མཇལ་ལས་སྤྱི་ལེ་བདུན་ཅུ་ལྷག་བརྒལ་པའི་ས་སྟེ་སྒང་རི་མཚོ་ནག་གངས་རར་བཏབ་ཡོད་པས་གངས་ར་དགོན་ཡང་ཟེར། དགོན་འདི་ཐོག་མར་ཕྱག་འདེབས་པ་པོ་ནི་ངག་སྒྲོས་སུ་ཀརྨ་པ་སྐུ་ཕྲེང་གསུམ་པ་རང་བྱུང་རྡོ་རྗེ་རྒྱ་ནག་ཏུ་ཕེབས་ནས་ཕྱིར་རང་ཡུལ་དུ་བྱོན་སྐབས་སུ་བཞེངས་ཞེས་ཟེར་སྲོལ་ལ་གཞིགས་ན་རང་བྱུང་དྲུག་པའི་འགོ་ཙམ་དུ་ཕྱག་བཏབ་པར་ངེས། དེ་ནས་རིམ་བཞིན་དགེ་འདུན་གྱི་སྡེ་སྤེལ་ཏེ་བདེ་མཆོག་དང་ཐུགས་རྗེ་ཆེན་པོ་རྒྱལ་བ་རྒྱ་མཚོ་སོགས་ཀྱི་སྒྲུབ་མཆོད་བཙུགས། རྩ་རླུང་སྒོམ་པའི་སྒོམ་གྲྭ་སོགས་ཀྱང་བཙུགས་པར་གྲགས། ཕྱིས་སུ་རྙིང་མའི་བཀའ་གཏེར་གྱི་སྨིན་གྲོལ་དར་ནས་རྙིང་དགོན་དུ་གྱུར། བསྟན་འཛིན་གྱི་སྐྱེས་མཆོག་ནི་བེ་རི་གྲུབ་སྲས་དང་། གྲོང་བྱང་ཆུང་ཆོས་ཀྱི་ཉི་མ། སྤུན་རྔལ་རས་དཀར། རིག་འཛིན་སྟག་ཤམ་རྡོ་རྗེ། བླ་མ་ཨ་བྱང་། གངས་ར་རྗེ་བཙུན་ཨ་ཚེ། གངས་སྤྲུལ་ཨོ་རྒྱན་ཆོས་འཛིན་སོགས་ནི་དགོན་པའི་བླ་བརྒྱུད་གཙོ་བོ་ཡིན། སྔར་སྐུ་གསུང་ཐུགས་རྟེན་དང་མཆོད་ཆས་རོལ་མོ་འཆམ་གོས་སོགས་དགོན་གཞན་དང་འདྲ་བ་རིན་ཐང་གཞལ་དུ་མེད་པ་ཡོད་ཀྱང་ངོ་རྒོལ་བཞི་པ་སོགས་འགུལ་བསྐྱོད་ཀྱི་སྐབས་སུ་ཐམས་ཅད་བརླགས། དེང་སང་ཆོས་ཀྱི་སྒོ་འཕར་སླར་ཡང་ཕྱེ་ནས་དགོན་པའི་འདུ་ཁང་སྔར་གྱི་དགོན་ས་རྙིང་པ་དང་ཉེ་བའི་སར་ཐེངས་འགའ་སྤོས་ནས་ཕྱི་ཁོག་ཙམ་གྲུབ། སྐུ་གསུང་ཐུགས་རྟེན་དང་རོལ་ཆས་མཆོད་ཆས་སོགས་ཀྱང་རང་རྐང་ཚུགས་པ་གྲུབ། གྲྭ་བ་སུམ་ཅུ་ཙམ་གྱི་དགུ་གཏོར་སོགས་དད་ལྡན་ཡོན་བདག་རྣམ་པའི་དད་རྫས་མང་ཉུང་ལ་བརྟེན་ནས་འཚོག་དགོས་སོ།།

ས་མིང་ཚིག་མཛོད་མིག་བཤར།

འབའ་གླིང་གཤིས་ཊཾ་མཚོ་ཕུ་དགོན་ནི་འབའ་རྫོང་ལས་སྤྱི་ལེ་བརྒྱ་དང་བཅུ་ལྷག་སྤགས་པའི་འབའ་སྡེའི་ས་གནས་ཀྱི་ཆུ་འགོར་ཆགས་ཡོད། སྔར་ཆོས་སྡེ་དགོན་ནས་ཟངས་གསེར་ལས་གྲུབ་པའི་གསེང་གཡབ་རི་དྭགས་ཆོས་འཁོར་སོགས་ཀྱང་དགོན་འདིར་ཕུལ་མྱོང་བར་གྲགས། དགོན་འདིའི་མཚན་དོན་ནི། [page 404] གནས་མཚོ་དྭངས་གཙང་ཡིད་དུ་འོང་བའི་ཕུར་གནས་ཡོད་པས་མཚོ་ཕུ་དགོན་ཞེས་འབོད། ཀཿཐོག་སི་ཏུའི་ཕྱག་མཚན་ཟིན་ཐོ་ཞིག་ཏུ་ལྷོར་གྱི་དགོན་ལག་གི་གྲས་སུ་དགོན་འདི་རྩིས་ཡོད་པར་གཞིགས་ན། ཀཿཐོག་སི་ཏུའི་སྐུ་དུས་ཙམ་ལ་ཀཿཐོག་དགོན་པའི་དགོན་ལག་ཡིན་པར་ངེས། གནས་འདིར་གཙུག་ལག་ཁང་མ་བཏབ་གོང་ཙམ་ལ་ཀཿཐོག་དམ་པ་བདེ་གཤེགས་རིན་པོ་ཆེའི་དངོས་སློབ་ལུང་བསྟན་ཐོབ་པའི་བུ་བཞིའི་ཡ་གྱལ་གྲུབ་ཐོབ་མ་ཎི་རིན་ཆེན་གནས་འདིར་སྒྲུབ་པ་མཛད་ཅིང་། དེའི་རྗེས་སུ་དྲུང་ནམ་མཁའ་རྒྱ་མཚོ་གནས་འདིར་ཞབས་ཀྱི་བཅགས་ཏེ་གཙུག་ལག་ཁང་དང་པོ་ཕྱག་འདེབས། སྒྲུབ་བརྒྱུད་ཀྱི་བསྟན་པ་ཤིན་ཏུ་རྒྱས་པར་དར། དེའི་འཕྲོས་གཏེར་ཆེན་རིག་འཛིན་ཀློང་གསལ་སྙིང་པོས་རྫ་རྔ་དང་དུང་དཀར་སོགས་གཏེར་ཟོག་མང་དུ་བཞེས་པའི་ཤུལ་མང་པོ་ཡང་མཐོང་ཆོས་སུ་མཆིས། གཙུག་ལག་ཁང་དེ་རྐྱེན་དབང་གི་རྒུད་པས་ཞིག་པར་གྱུར་རྗེས་གྲུབ་ཆེན་ཆོས་དབྱིངས་རང་གྲོལ་གྱིས་འདུ་ཁང་རྟེན་དང་བརྟེན་པ་བཅས་གསར་དུ་བཞེངས་ནས་བསྟན་པ་སླར་ཡང་རྒྱས་པར་སྤེལ། དེ་ཡང་ཅུང་ཉམས་པར་གྱུར་ཚེ་མཆོག་སྤྲུལ་རིན་པོ་ཆེ་གསང་མཚན་དཔལ་གྱི་རྡོ་རྗེ་སྐུ་མཆེད་ཕེབས་ནས་བསྟན་པའི་གསལ་བྱེད་ཆེན་པོར་གྱུར། དེ་སླར་ཡང་རྐྱེན་དབང་གིས་ཉམས་པས་ཡ་སོ་དགོན་པས་བདག་ཏུ་བཟུང་ནས་དབྱར་གནས་དང་། ཕུར་སྒྲུབ་དོང་སྤྲུགས་སོགས་འཛུགས། དགོན་འདིར་སྐུ་རྟེན་གཙོ་བོ་རིག་འཛིན་ཀློང་གསལ་ཉིད་ཀྱིས་བཞེངས་པའི་ཀློང་གསལ་གསུང་འབྱོན་ང་འདྲ་མ་དང་། ལི་མ་ལས་གྲུབ་པའི་སྟོན་པའི་སྐུ་ཆེན། གསུང་རྟེན་དུ་རྙིང་རྒྱུད་དང་། བཀའ་འགྱུར་བུབས་གསུམ། བསྟན་འགྱུར། ཀུན་མཁྱེན་ཡབ་སྲས་ཀྱི་བཀའ་འབུམ། བདུད་ཀློང་གཉིས་ཀྱི་ཆོས་འཁོར་སོགས་ཡོད། ཐུགས་རྟེན་དུ་དྲུང་ནམ་མཁའ་རྒྱ་མཚོའི་སྐུ་གདུང་མཆོད་རྟེན་ཆེན་པོ་དང་། འདུ་ཁང་། བླ་བྲང་། གཉེར་ཁང་། གྲྭ་ཤག་ཉི་ཤུ་ཙམ་ཡོད་པ་དེ་དག་ནི་བཞི་རྒོལ་སོགས་ཀྱི་སྐབས་སུ་མིང་གི་ལྷག་མར་གྱུར། དེང་དུས་ཆོས་ཀྱི་ཉི་མ་སླར་ཡང་གནས་འདིར་འཕྲོས་ནས། བླ་མ་སྒྲོལ་མ་ཚེ་རིང་མཆོག་གི་ཐུགས་བསྐྱེད་འོགའདུ་ཁང་ཆེ་ལོང་ཙམ་དང་གྲྭ་ཤག་བཞི་བཅུ་ཞེ་བཞི་ལེགས་པར་གྲུབ་ཟིན། གྲྭ་བཙུན་སུམ་ཅུ་སོ་ལྔ་ཙམ་འདུས་ཐོག་རྫོགས་ཆེན་ནས་མཁན་པོ་གདན་དྲངས་ཏེ་འཁོར་ལོ་གསུམ་གྱི་མཛད་འཕྲིན་སྤེལ་བཞིན་པ་ལགས་སོ།།

ས་མིང་ཚིག་མཛོད་མིག་བཤར།

རྡོར་དགེ་བྲག་དཀར་སེང་གེ་དགོན་ནི་འབའ་བྱང་སྡེ་རྡོར་དགེ་ཞེས་རྫོང་མཐིལ་ལས་སྤྱི་ལེ་བདུན་ཅུ་ལྷག་སྤགས་པའི་ས་སྟེ། བྲག་དཀར་པོ་གདོང་ལྔ་འགྱིང་འདྲ་ཞིག་གི་མདུན་དུ་བཏབ་ཡོད་པས་བྲག་དཀར་སེང་གེ་དགོན་ཞེས་གྲགས། དགོན་འདི་མཚོ་ཕུ་དགོན་པའི་དགོན་ལག་ཡིན་གཤིས། ཀཿཐོག་སི་ཏུ་རིན་པོ་ཆེའི་ཕྱག་མཚན་ཟིན་ཐོ་ཞིག་ཏུ་ལྷོ་ཕྱོགས་དགོན་ལག་གི་གྲས་སུའང་དགོན་འདི་བགྲངས་ཡོད། དགོན་[page 405] འདིའི་ཕྱག་འདེབས་པ་པོ་ནི་གྲུབ་ཆེན་ཆོས་དབྱིངས་རང་གྲོལ་གྱི་སློབ་མ། གྲུབ་པའི་རྟགས་མཚན་གྱི་ཕ་རོལ་ཏུ་ཕྱིན་པ་ཀརྨ་རྡོ་རྗེ་ཞེས་པའི་བླ་མ་འདི་ཉིད་ཡིན་ཞིང་། དེའི་འཕྲོས་དགེ་རྩེ་འགྱུར་མེད་ཚེ་དབང་མཆོག་སྒྲུབ་ཀྱི་སློབ་མ་ཀརྨ་སྐྱབས། དེ་ནས་བེ་རི་མཆོག་སྤྲུལ་གྱི་སློབ་མ་ཀརྨ་ཆོས་དཔལ་སོགས་རིམ་པར་བྱོན་ནས་དགོན་པའི་བླ་མ་བརྒྱུད་པ་གཙོ་བོར་གྱུར། དེའི་རྗེས་སུ་རྨ་རྒོད་འཆི་མེད་རྣམ་རྒྱལ་གྱིས་སྨྱུང་གནས་ལྷ་ཁང་ཞིག་ཀྱང་བཏབ། ་སྦྱོར་དྲུག་སྤྲུལ་སྐུ་དང་སྤུན་གསུམ་སྤྲུལ་སྐུསོགས་བླ་མ་འགའ་བྱུང་ཡང་བསྟན་པ་ཆེར་མ་དར། བཅོས་བསྒྱུར་མ་བྱེད་གོང་དུ་དགོན་འདིར་གྲྭ་བ་གསུམ་བཅུ་ལྷག་དང་། དེ་མིན་སྐུ་གསུང་ཐུགས་རྟེན་རིགས། མཆོད་ཆས་འཆམ་གོས་རོལ་ཆས་སོགས་རང་རྐང་ཚུགས་པ་ཡོད་ཀྱང་ཐམས་ཅད་ངོ་རྒོལ་བཞི་པ་སོགས་ཀྱི་སྐབས་སུ་མིང་གི་ལྷག་མ་ཙམ་དུ་གྱུར།

དེང་སང་ཆོས་སྒོ་ཕྱེ་ནས། མཆོག་སྤྲུལ་རིག་འཛིན་རྡོ་རྗེ་མཆོག་སྟེ། ཀཿཐོག་གྲུབ་ཆེན་མ་ཎི་རིན་ཆེན་གྱི་གདུང་བརྒྱུད། རྟ་མགྲིན་ཤེས་རབ་རྒྱལ་མཚན་སོགས་བླ་རབས་བཅོ་བརྒྱད་བྱོན་ཡོད་པ་འདི་ཉིད་རང་ལོ་བཅུ་གཅིག་ནས་རྡོར་དགེ་དོན་དུ་བཅགས་ཏེ། ཐོག་མཐའ་བར་གསུམ་དུ་དགོན་འདིར་ཐུགས་བསྐྱེད་རྒྱ་ཆེར་གནང་ནས་དེང་སྔར་གྱི་དགོན་རྙིང་མདའ་རྒྱང་གང་ཙམ་གྱི་སར་སྤོས་ནས་འདུ་ཁང་ཀ་རིང་བཞི་ཅན་ཞིག་ཕྱེ་ཁོག་ཙམ་གྲུབ་ཟིན། ནང་རྟེན་དུ་བླ་མ་ཉིད་ཀྱིས་བདག་རྐྱེན་མཛད་དེ་ཐང་ཀ་སྤུས་ལེགས་སུམ་བཅུ་ལྷག་དང་། བཀའ་བསྟན་འགྱུར་ཆ་རེ། གཞན་ཡང་འཆམ་གོས་ལྔ་བཅུ་ཙམ་དང་རོལ་ཆས་སོགས་ཆོས་སྤྱོད་ཀྱི་ཡོ་བྱད་ཆ་ཚང་གྲུབ་ཡོད། གྲྭ་བ་བརྒྱ་དང་གསུམ་འདུས་པ་ཐམས་ཅད་འབའ་འཇོལ་བླ་མཆོག་སྤྲུལ་མདུན་ནས་དགེ་ཚུལ་གྱི་སྡོམ་པ་ལེགས་པར་མནོས་བཅུགསྒྲུབ་མཆོད་དུ་སྨིན་གླིང་རྡོར་སེམས་ཞག་བདུན་དང་། བཀའ་བརྒྱད་བདེ་གཤེགས་སྙིང་པོའི་གཏོར་བཟློག་ཞག་བདུན། དགུ་གཏོར་གཤིན་རྗེ་ཚེ་བདག་གི་འཆམ་བདུན་སྒྲུབ་རེ་ལེགས་པར་བཙུགས། སྒྲུབ་མཆོད་དེ་དག་གི་གདངས་དབྱངས་སོགས་ནི་སྨིན་གླིང་གི་ལུགས་དྲི་མ་མེད་པ་བྱང་དཀར་དགོན་ནས་བརྒྱུད་དེ་སྤེལ། ཚོགས་པའི་གཏོང་སྒོའི་འབྱུང་ཁུངས་ནི་རྡོར་དགེ་གཙོས་པའི་དད་ལྡན་ཡུལ་སྡེའི་དད་རྫས་ཁོ་ན་ལ་བརྟེན་ནས་འཚོག་དགོས་སོ།།

ས་མིང་ཚིག་མཛོད་མིག་བཤར།

འབའ་མཐིལ་ལས་སྤྱི་ལེ་བཞི་བཅུ་ལྷག་སྤགས་པའི་སར། གནས་ཡུལ་དང་འབྲེལ་ནས་མིང་བཏགས་པ་ཞིག་ཡིན། དེའི་སྒྲ་བཤད་ནི་སྐྱེས་བུའི་རྩོལ་བས་ཆེད་དུ་སྤུང་པ་ལྟ་བུ་ངོས་གཟར་ལ་དཔངས་མཐོ་བ་རི་བོ་གཞན་ལས་འབུར་དུ་ཐོན་པ་དང་། སྐྱེ་བོ་ཕལ་གྱི་བགྲོད་ལམ་དང་བྲལ་བས་ན་དེ་ལྟར་བརྗོད། སྤུང་དི་དགོན་འདི་འདེབས་པ་པོ་ནི་ཀརྨ་པའི་སྐུ་ཕྲེང་གཉིས་པ་ཀརྨ་པཀྴི་ཡིན། དེའང་ཆོས་བྱུང་མཁས་པའི་དགའ་སྟོན་ལས། རྗེ་འདི་ཉིད་ཤར་ཕྱོགས་སྤུང་རིའི་གཞི་བདག་གིས་སྤྱན་དྲངས་ཏེ་རི་འདི་ཉེ་བའི་གནས་[page 406] ཡིན་པའི་ཕོ་བྲང་གདབ་པར་ཞུས། འཕྲིན་ལས་ལ་བསྐུལ་བའི་ལུང་བསྟན་དུ་མ་བྱུང་ནའང་ཐུགས་ཅུང་ཟད་ཀྱང་མ་གཡོས་པར་ལོ་བཅུ་གཅིག་ཏུ་ཏིང་ངེ་འཛིན་པ་བཞུགས། ཞེས་གསུང་པ་ལྟར་སྐབས་དེའི་རྗེས་ཙམ་སྟེ་རབ་བྱུང་བཞི་པའི་དཀྱིལ་ཙམ་དུ་ཐོག་མར་དགོན་པའི་རྟེན་དང་བརྟེན་པ་བཅས་བཞེངས། ཀརྨ་པ་སྐུ་ཕྲེང་བདུན་པ་ཆོས་གྲགས་རྒྱ་མཚོའི་བར་དུ་ཀརྨ་སྐུ་ཕྲེང་རིམ་བྱོན་གྱིས་བསྐྱངས། ལྷག་པར་དུ་རབ་བྱུང་ལྔ་པའི་ཆུ་ཡོས་ལོར་ཀརྨ་པ་སྐུ་ཕྲེང་གསུམ་པ་རང་བྱུང་རྡོ་རྗེ་རོང་བཙན་ཁ་བ་དཀར་པོ་དང་ཀམ་པོ་གནས་ནང་དུ་ཕེབས་སྐབས་གནས་འདིར་ཞབས་ཀྱིས་བཅགས་ཤིང་ཞག་བཞུགས་མཛད་དེ། དད་ལྡན་སྐྱ་སེར་མང་པོ་དང་། སྤུང་རིའི་ཉེ་བསྐོར་མཚམས་སྒྲུབ་ཉམས་བཞེས་ལ་བརྩོན། སྨིན་གྲོལ་གྱི་མཛད་རྗེས་རྒྱ་ཆེར་སྤེལ། ཕྱིས་དུ་བཅྷོད་ཡོན་མཉམ་བསྒྲིགས་ཀྱིས་སྔ་སོའི་ཕོ་བྲང་གཞི་ལས། ཀ་རིང་བརྒྱད་ཅན་གྱི་འདུ་ཁང་གཙང་ཁང་སྦྲེལ་མ་དང་། ཕྱག་ཁང་དང་བླ་བྲང་སྦྲེལ་མ། མཐའ་འཁོར་ལྕགས་རི་བཅས་གསར་སྐྲུན་བྱས། རབ་བྱུང་བརྒྱད་པའི་དཀྱིལ་ཙམ་ལ་ཀརྨ་སྐུ་ཕྲེང་བདུན་པ་ཆོས་གྲགས་རྒྱ་མཚོ་ཁམས་ཕྱོགས་སུ་འགྲོ་དོན་སྐྱོང་སྐབས་སྤུང་རིར་ཕེབས་ནས་ད་བར་ཀརྨ་པའི་ཆུ་མིག་ཏུ་གྲགས་པ་དེ་བཏོན། ཆོས་ཀྱི་འཁོར་ལོ་བསྐོར། བན་བོན་སྐྱ་སེར་སྨིན་པར་མཛད། སྒྲུབ་པ་པོ་མང་དུ་འདུས། དགོན་སྡེའི་སྐྱ་སེར་མང་པོསམགྲིན་གཅིག་ཏུ་གྲུབ་ཆེན་པཀྴིའི་གདན་ས་འདིར་ཅུང་བཞུགས་མཛད་རྒྱུའི་གསོལ་བ་ཡང་ཡང་བཏབ། རོང་བཙན་ཁ་བ་དཀར་པོ་ནས་སླར་སྤུང་རི་འཁོར་སྐབས་དགོན་སྡེའི་རྒན་སོང་དག་གིས་དགོན་དུ་གདན་དྲངས་ཤིང་། དད་ལྡན་སྐྱ་སེར་ཇི་སྙེད་ཀྱིས་སྨྲེ་ངག་འདོན་ཏེ། ཉམ་ཐག་ངེད་ཅག་ལ་རེ་ས་དང་སྐྱབས་གནས་ཁྱེད་ལས་མེད་པས་ད་ལན་མི་བོར་བར་བཀའ་དྲིན་སྐྱོང་ཞེས་གསོལ་བ་སྙིང་ཐག་པ་ནས་བཏབ་པ་དེར། ཁོང་བསྟན་འགྲོའི་དོན་དུ་གཞན་སར་སྐྱོད་དགོས་ཀྱང་། སྙིགས་མའི་སེམས་ཅན་མི་བསྲུན་ཅིང་ལྔ་བདེའི་འགྲོ་བ་རྣམས་ལྷག་པར་འདུལ་དཀའ་བར་དགོངས་ནས་རང་ཉིད་བཞུགས་པ་དང་ཁྱད་མེད་ཀྱི་གསུང་སྤྲུལ་ཞིག་འཇུག་ཅེས་དབུགས་དབྱུང་ངོ་། ད་བར་ཚུར་མཐོང་གི་སྣང་བར་སྤུང་དགོན་གྱི་བསྟན་བདག་གསུང་སྤྲུལ་སྐུ་ཕྲེང་རིམ་བྱོན་ནི་ཀརྨ་པའི་གསུང་གི་འཕྲིན་ལས་ཀྱི་བདག་རྐྱེན་ཡིན་པ་སྔར་གདན་རབས་པོད་ཆེན་དུ་གསལ་ཚུལ་གྲྭ་བགྲེས་ལ་ལའི་ངག་སྒྲོས་ལས་བྱུང་ངོ་།།

གསུང་སྤྲུལ་རིམ་བྱོན་གྱིས་དགོན་འདིར་བཤད་སྒྲུབ་ཀྱི་རྒྱལ་མཚན་བསྒྲེངས་ཚུལ། ཀར་ལུགས་སྐབས་ཀྱི་གསུང་སྤྲུལ་སྐྱེ་ཕྲེང་རྣམས་ནི། སྐུ་ཕྲེང་དང་པོའི་མཚན་ལ་མཁས་གྲུབ་རྒྱ་མཚོ། ཁོང་ནི་ཁམས་བྱང་འབྲོག་རྫ་ཆུ་ཁར་ཡ་མཚན་གྱི་རྟགས་དུ་མ་དང་བཅས་སྐུ་བལྟམས། རབ་བྱུང་བསྙེན་པར་རྫོགས། དགེ་བའི་བཤེས་གཉེན་དུ་མ་བསྟེན་ཏེ་གནས་ངེས་མེད་འགྲིམ་ཞིང་ཁྱད་པར་དབུས་གཙང་ཕྱོགས་སུ་བསྟན་འགྲོའི་དོན་རྒྱ་ཆེར་མཛད། གསུང་རབ་སྐུ་ཕྲེང་གཉིས་པ་རྒྱལ་བ་ཤཱཀྱ་ཚེ་རིང་། ཁོང་ཉག་རོང་ཨ་སྒོང་ཚང་དུ་སྐུ་བལྟམས། སྤུང་དགོན་གྱི་གསེར་ཁྲིར་མངའ་གསོལ། ལྷ་ཁང་བཞེངས་ནས་སྐྱེ་འགྲོ་ཡོངས་ཀྱི་མཆོད་སྡོང་ཆེན་པོ་བསྐྲུན། མཁས་བཙུན་བཟང་གསུམ་གྱི་ཡོན་ཏན་བགྲངས་མཐའ་ཡས་པས་བརྒྱན་[page 407] ཞིང་བསྟན་འགྲོའི་དོན་ལ་འབད་དེ་བཞུགས་སྐབས། སོག་པོས་ཀར་ལུགས་དགེར་ལུགས་སུ་སྒྱུར་ནས་དབང་ལུང་ཁྲིད་སོགས་ཀྱི་རྒྱུན་པ་ཉམས། སོག་པོ་གོང་མའི་བློ་སྣ་བསྒྱུར་ཆེད་ཁ་བ་དཀར་པོའི་མེ་ལོང་གངས་ཁྲོད་ཀྱི་ལྷ་ཁང་རྣམས་སྐྱོང་ནས་གྲྭ་སློབ་བདུན་ཙམ་བྱོན་སོང་། དེའི་སྐྱེ་འགྲོ་ཐམས་ཅད་ལ་སྨིན་གྲོལ་གྱི་དོན་མཛད་ཅིང་། སོག་པོ་གོང་མས་མཐོང་སར་ཕེབས་ནས་སྐུ་སྟོད་ལ་མེ་འབར་སྐུ་སྨད་ལ་ཆུ་འབྲུག་པའི་རྫུ་འཕྲུལ་ཡ་མ་ཟུང་བསྟན་པས་གོང་མ་ཡིད་བསྒྱུར་ཏེ། ཐུགས་ལ་ཅི་བབ་ཞུ་ཚེ་ཀར་ལུགས་དགེ་ལ་བསྒྱུར་བ་སླར་ཚུལ་བསྒྱུར་དགོས་གསུངས་ཀྱང་། ད་རྒྱལ་པོས་སྨྲ་བ་ལན་གཅིག་ཡིན་པས་སླར་བསྒྱུར་བ་བདག་གིས་རྔོ་མི་ཐོགས་ཀྱང་ལྕང་སྐྱ་དང་ཁ་ཤས་སོགས་འདི་ཕྱོགས་ཀྱི་ཀར་ལུགས་ཆེ་ཕྲ་མི་བསྒྱུར་ཞིང་གསར་དུ་དགོན་ཆེན་བདུན་བཞེངས་རྒྱུའི་ཁས་བླངས་ཤིང་། བོད་དུ་སྒྱུར་འཕྲོ་ལུས་པ་རྣམས་ཀྱང་སྡོད་ཆོག་ཅིང་ཁྱེད་རང་གིས་གསར་དུ་ཇི་ཙམ་བཞེངས་པ་དང་ཆོས་ལུགས་སླར་སྒྱུར་པ་སོགས་ཇི་ལྟར་འགྲུབ་ན་དེ་ལྟར་མཛད་ཆོག་པའི་བཀའ་ཡིག་གསེར་ཐམ་ཆིབས་རྟ་ཆིབས་སྒ་གནང་བར་བཞེངས་ནས་ཡུས་ནན་ནས་ཡར་བྱོན། སྤུང་དགོན་དུ་ཕེབས་ནས་ཀར་ལུགས་ཀྱི་བསྟན་པ་འཛིན་སྐྱོང་སྤེལ་གསུམ་མཛད་མཐར་བགྲངས་བྱ་ལྔ་བཅུ་ང་བརྒྱད་ལ་གཤེགས་སོ།། སྐུ་ཕྲེང་གསུམ་པ་ཚེ་ཚོགས་གསུང་རབས་རྒྱ་མཚོ། ཁོང་ནི་སྡེ་དགེའི་སྨད་དུ་སྐུ་འཁྲུངས་ཤིང་། སྤུང་རི་དགོན་དུ་ཁྲིར་བཏོན། སྐུ་ཕྲེང་བཞི་པ་གསུང་རབ་འཕྲིན་ནས་རྒྱ་མཚོ་མཆོག་ནི། རྗེ་གོང་མའི་སློབ་མ་འཆད་རྩོད་རྩོམ་གསུམ་གྱི་མཆོག་གྱུར་རིན་ཆེན་ཕུན་ཚོགས་ལ་མཉེས་པ་གསུམ་གྱིས་བསྟེན་ནས་བསྙེན་རྫོགས་དང་དབང་ལུང་ཁྲིད་གང་དགོས་ནོད། རྡོ་རྗེ་ཕག་མོ་ཞལ་གཟིགས་ཏེ་མཆོག་གི་དངོས་གྲུབ་ཐོབ། བརྟུལ་ཞུགས་ཀྱི་སྤྱོད་པ་དུར་ཁྲོད་ཆུ་མིག་འདྲེ་འགོང་པོ་སོགས་སེམས་ཅན་ལ་གནོད་འཚེ་སེལ་བ་ལ་སྤྱོད་པས་འགྲོ་དོན་རྒྱ་ཆེར་མཛད། དར་མདོ་ཕྱོགས་ལ་ཆོས་ཀྱི་འཁོར་ལོ་རྒྱ་ཆེར་བསྐོར། མཐར་དགུང་ལོ་ལྔ་བཅུ་ང་ལྔ་སྟེང་གཤེགས་སོ།། གསུང་རབ་སྐུ་ཕྲེང་ལྔ་པ་གསུང་རབ་དོན་རྟོགས་རྒྱ་མཚོ་ནི། ཡང་ཉག་རོང་ཨ་སྒོང་ཚང་དུ་སྐུ་བལྟམས། མཚོ་ཕུ་སྒྲུབ་ཆེན་ཆོས་དབྱིངས་རང་གྲོལ་ལས་ཕྱག་རྫོགས་སྤྱི་དང་བྱེ་བྲག་མན་ངག་སྡེ་ཞུས། དབང་དང་གདམས་ངག་ཀྱང་ཐོབ། རྒྱལ་རོང་སྒོང་གསུམ་ཕྱོགས་ནས་གྲུབ་ཆེན་ཆོས་དབྱིངས་རང་གྲོལ་བསུ་མི་བྱུང་ཡང་ཉིད་ཕེབས་མ་ཐུབ་པས་གསུང་རབ་དོན་རྟོགས་རྒྱ་མཚོ་དང་རྒྱལ་སྲས་ཨོ་རྒྱན་བསྟན་འཕེལ་གཉིས་འགྲོ་དགོས་པའི་བཀའ་བསྩལ། དེ་གཉིས་ཀྱིས་ལྷ་ཁང་བརྒྱ་རྩ་རེ་བཞེངས་རྒྱུའི་ཁས་བླངས་ནས་བྱོན། གནས་ཆེན་ཁ་བ་དཀར་པོའི་ནང་ཕྱོགས་སུ་གསུང་རབ་མཆོག་སྤྲུལ་གྱིས་དུས་གསུམ་སངས་རྒྱས་གཙོ་བོར་གྱུར་བའི་ལྷ་ཁང་བརྒྱ་རྩ་བཞེངས། མེ་ལོང་ཡང་ཁྲོད་དུ་ཤཱཀྱ་ཐུབ་པའི་ལྷ་ཁང་བཞེངས་སྐབས། ཀླུ་རྒྱལ་འཇོག་པོ་མི་སྐྲ་དཀར་པོ་ཞིག་ཏུ་དངོས་སུ་སྤྲུལ་ནས་བཅོམ་ལྡན་འདས་ཀྱིས་ཀླུ་ཡུལ་དུ་སྐུ་ཚབ་གནང་བའི་ཐུབ་པ་གངས་ཆེན་མཚོ་ཞེས་པ་འདིས་འགྲོ་དོན་ཆེན་པོ་འབྱུང་བས་ཁྱེད་ལ་འབུལ་ཅིང་། ཁྱེད་ཀྱི་འགྲོ་དོན་མི་འདྲ་བ་ཞིག་འབྱུང་བར་འགྱུར་ཞུས་ནས་མི་སྣང་བར་གྱུར། འཇའ་ཁྲ་ལུ་དགོན་དང་ཆུ་འདུ་ལྷ་ཁང་སོགས་ཉིད་ཀྱིས་བཀའ་[page 408] སྩལ་བ་ལྟར་རྟེན་བཞེངས་ཤིན་ཏུ་མང་པོ་བྱས་ནས། རང་དགོན་དུ་འབྱོན། མཐར་དགུང་ལོ་བདུན་ཅུ་དོན་བདུན་སྟེང་སྐུ་རྐྱེན་དབང་དུ་གཤེགས། སྐུ་ཕྲེང་དྲུག་པའི་མཚན་ལ་བསྐལ་བཟང་བསྟན་འཛིན་གསོལ། ཁོང་ནི་ཀྲམ་ཁོག་ཏུ་སྡེ་གཞུང་གཞོན་ཆེན་ཚང་ལ་སྐུ་འཁྲུངས། སྐུ་གོང་མའི་ཆོས་སྤྱོད་ཡོ་བྱད་ཏིལ་འབྲུ་ཙམ་མེད་སྟབས་སྡེ་དགེ་རྒྱལ་པོས་ཤར་ཕྱོགས་སྤུང་རི་ནི་བསྟན་འགྲོ་སྤྱི་དང་སྒོམ་སྒྲུབ་ཀྱི་བླ་ཤིང་ཡིན་པ་དང་། སློབ་དཔོན་པདྨ་འབྱུང་གནས་དང་ཀརྨ་པཀྴི་གཉིས་ཀས་ལུང་བསྟན་མཐུན་པ་ཡིན་གསུང་ནས་གྲྭ་སློབ་བདུན་གྱི་གསོལ་ཐེབ་དུ་ཞིང་ས་ཉོས་ནས་གནང་ངོ་། རྙིང་ལུགས་སྐབས་ཀྱི་གསུང་སྤྲུལ་སྐུ་ཕྲེང་དག་ནི་གསུང་རབ་སྐུ་ཕྲེང་བདུན་ཐུབ་བསྟན་རྒྱལ་མཚན་ནམ་ཀརྨ་བཤད་སྒྲུབ་ཆོས་ཀྱི་སེང་གེའམ་ཚེ་དབང་ལྷུན་གྲུབ་རྒྱ་མཚོ་མཆོག་ནི། ཨོ་རྒྱན་བདུད་འདུལ་གླིང་པ་ཞེས་སྙན་པའི་གྲགས་པས་དབུས་གཙང་ཁམས་ཕྱོགས་ཀུན་ནས་ཁྱབ་ཅིང་། དགུང་ལོ་ལྔ་ལ་གསུང་སྤྲུལ་དུ་ངོས་འཛིན་གནང་། ལོ་བཅུ་གཅིག་ལ་སྤུང་ཁྲིར་འདོན། དེ་ནས་ཨ་འཛོམ་འབྲུག་རྒན་ཡབ་དང་བཅས་མཉེས་པ་གསུམ་གྱི་བསྟེན་ནས་བཀའ་གཏེར་གསར་རྙིང་གི་དབང་ལུང་ཁྲིད་གསུམ་དང་སྦྱོང་བརྩོན་སྣ་ཚོགས་པ་བྱས། དགུང་ལོ་བཅུ་དྲུག་ལོར་བྱང་དགོན་དུ་མཁན་པོ་ལོ་གསུམ་མཛད། དེ་ཕན་ཆད་དགུང་ཚགས་གཅིག་མ་གཏོགས་ཇ་ཚ་སོགས་སྤང་ནས་ལོ་ཉེར་ལྔར་སོང་། དབྱར་ཟླ་གསུམ་དང་སྟོན་ཟླ་གསུམ་ལ་སྤུང་རི་དགོན་སྔར་བཞེངས་པའི་རྨང་གཞིའི་སྟེང་རྒྱ་བསྐྱེད་བགྱིས་པ་ལ་ཡུལ་མི་སྟོང་གསུམ་བཅོལ། ཉིན་མོ་མིའི་བཞེངས་པ་འདྲ་བ་ལ་མཚན་མོ་ལྷ་འདྲེས་རྩེགས་པ་ཀུན་གྱིས་མཐོང་། བཀའ་བརྒྱད་ཀྱི་གཞལ་ཡས་ཁང་དང་ལྷ་འཁོར་ཡོངས་རྫོགས་གྱང་ངོས་སུ་འབུར་དོད་དུ་བཞེངས། ཆེ་མཆོག་བདུད་རྩི་ཡོན་ཏན་གྱི་སྒྲུབ་ཆེན་འཛུགས། དེའི་ལྷ་འཁོར་ཡོངས་རྫོགས་ཀྱི་འཆམ་དང་མཚན་བརྒྱན་སོགས་ཚེས་བཅུའི་འཆམ་རང་རྐང་ཚུགས་པ་ཡབ་གཏེར་ཆེན་ཉིད་ཀྱི་དག་སྣང་བཞིན་བཙུགས། དེ་ནས་བཟུང་ཀརྨ་པའི་ཆོས་བརྒྱུད་ཟམ་མ་ཆད་པའི་གདན་ས་ཞིག་ནས་ཨོ་རྒྱན་བདུད་འདུལ་གླིང་པའི་གཏེར་གསར་ཟབ་ཆོས་སྨིན་གྲོལ་རྒྱ་མཚོའི་དབང་ལུང་ཁྲིད། སྒྲུབ་མཆོད། འཆམ་དབྱངས་རོལ་མོ་སོགས་ཐམས་ཅད་རང་རྐང་ཚུགས་པའི་རྙིང་དགོན་ཞིག་ཏུ་གྱུར། དགུང་ཟླ་གསུམ་དང་དཔྱིད་ཟླ་གསུམ་ལ་བཀའ་བརྒྱུད་སྒྲུབ་པ་ལོ་ངོ་བདུན་བྱས་མཐར། ཡབ་རྗེ་དང་གྲུབ་ཆེན་བརྒྱད་བཅུ་སོགས་དངོས་ཉམས་རྨི་ལམ་དུ་མཇལ་ཞིང་དབང་ལུང་འཆད་པ་སོགས་དཔེ་དཀོན་རྣམས་གསོ་བའི་དུས་ལ་བབས་ཞེས་པོད་བརྒྱ་དང་བཞིའི་ཁྲིད་ལུང་གནང་། རིགས་ལྔའི་ཕྱག་མཚན་གྱི་ཆར་བབ་པ་ཀུན་གྱི་ལན་མང་མཇལ། རང་ལོ་སུམ་ཅུ་སོ་བཞི་ལ་འོད་གསལ་ནང་དང་ཉམས་དངོས་རྨི་ལམ་དུ་བཀའ་བརྒྱད་ཀྱི་དཀྱིལ་འཁོར་ཡོངས་རྫོགས་ལན་མང་མཇལ། རྫོགས་རིམ་རླུང་ཁྲིད་བསྒོམ་པས་བླ་སློབ་ཐམས་ཅད་ལ་མེ་འབར་བ་ཀུན་གྱིས་མཐོང་། དགུང་ལོ་སོ་བརྒྱད་ལ་སྒྲུབ་པར་གཞོལ་མཐར། གྲུབ་དགོན་དུ་བྱོན་ནས་བསྟན་པ་ཉམས་རྒུད་གསོ་ཚུལ་གྱི་ཀུན་བཟང་དགོངས་པ་ཟང་ཐལ་གྱི་དབང་ཁྲིད་བཅས་གནང་། བྱང་དགོན་དུ་རྙིང་མའི་བརྒྱུད་འབུམ་བཅས་གསུངས་སོ།།[page 409] དགོན་པའི་འགན་བཞེས་པའི་གོ་རིམ་ནི། སྔར་ཀརྨ་པཀྴིའི་སྐུ་རིང་ནས་གསུང་སྤྲུལ་དྲུག་པ་ཡན་ཆད་ཀྱི་ལུང་དང་རྟོགས་པའི་ཆོས་འཆད་ཉན་སྒོམ་སྒྲུབ་བྱེད་ཚུལ་སོགས་བཀོད་ཡོད་པའི་ཆོས་འབྱུང་རྣམས་རིག་གནས་གསར་བརྗེའི་སྐབས་ཐོར་ཤོར་བ་དང་། ངག་སྒྲོས་ལས་ཀྱང་ཆེས་མི་སྣང་བས་འདིར་གསལ་པོ་ཞིག་འཁོད་མི་ཐུབ། འདིར་གསུང་སྤྲུལ་བདུན་པ་ཐུབ་བསྟན་རྒྱལ་མཚན་སྐུ་རིང་ལ་ལུང་གི་ཆོས་འཆད་ཉན་བྱེད་པར་སྨྱོ་ཤུལ་མཁན་པོ་ཨ་ཁྲིམས་གདན་དྲངས་ཏེ། སྡོམ་གསུམ་དང་སྤྱོད་འཇུགབྱམས་ཆོས་སྡེ་ལྔ། རྒྱན་རྣམ་གཉིས་སོགས་མི་ལོ་བདུན་ཙམ་འཆད་ཉན་བྱས། དེའི་རྗེས་རྒྱལ་སོག་སྤྲུལ་སྐུ་པད་འགྱུར་མཁན་པོ་མཛད་ནས། དབུ་མ་རིགས་ཚོགས་ལྔ་ལོ་གསུམ་ལ་འཆད་ཉན་མཛད། སྒྲུབ་གྲྭ་ཞིག་ཡོད་པར་སྒོམ་སྒྲུབ་བྱེད་དུས་བསྐྱེད་རིམ་ཟུང་འཇུག་སྙེ་མ་ལ་བརྟེན། བསྒྲུབ་བའི་ཆོས་བཀའ་བརྒྱད་དང་ལོ་གྲངས་བསྒད་གྲྭ་མཉམ་པ་ཡིན་ནོ། དགོན་འདིའི་བསྟན་པའི་བདག་པོ་ནི་གསུང་སྤྲུལ་སྐུ་ཕྲེང་རིམ་བྱོན་ཡིན་པས་གོང་དུ་བཤད་ཟིན། དེའི་འོག་ཏུ་ལོ་གསུམ་རེའི་མོས་བྱེད་པའི་མཁན་པོ་དང་། དེའི་འོག་ཏུ་དགེ་བསྐོས། གླིང་སྲུང་། དགེ་གཡོག་ཕྱག་མཛོད་དང་སྤྱི་པ་སོགས་ནི་ལས་ཚན་ནོ།།

དགོན་འདིའི་ལོ་འཁོར་མོའི་སྒྲུབ་མཆོད་ནི། སྒྲུབ་པ་བདུན་དང་། ལོ་རེའི་ནང་འཆམ་གཉིས་ཐིག་སོགས་སྦྱོང་བརྩོན་ཟླ་གཅིག་དང་དབྱར་གནས་ཟླ་གཅིག་ཧྲིལ་པོ་འདུག་དགོས། སྒྲུབ་མཆོད་བདུན་ནི། དགུ་གཏོར་བཀའ་བརྒྱད་བདུན་ཕྲག་གཅིགཆོས་དབང་གཏེར་བྱོན་བུམ་སྒྲུབ་བདུན་ཕྲག་གཅིག་བཀའ་མའི་ཆོས་ཁག་བཅུ་དྲུག་བདུན་ཕྲག་གཅིགརྡོར་སེམས། བླ་སྒྲུབ། ཚེས་བཅུ། བདུད་རྩི་སྨན་སྒྲུབ་ཞི་ཁྲོ་བཅས་བདུན་ཕྲག་རེ་འཚོག་དགོས་སོ། ཆོས་སྡེ་འདིའི་སྒྲུབ་རྟེན་དང་ཚོགས་ཀྱི་གཏོང་སྒོ་སོགས་ཡོན་གྱི་འབྱུང་ཁུངས་ནི། ཀརྨ་པཀྴི་ནས་གསུང་སྤྲུལ་སྐུ་ཕྲེང་བདུན་པ་ཡན་ཆད་ཡུལ་ལྗོངས་སྡེ་ཤོག་བདུན་པོ་གཙོས་པའི་ཡུལ་མི་རྣམས་ཀྱིས་དད་འབུལ་དང་། ཐུབ་བསྟན་རྒྱལ་མཚན་མཆོག་གི་སྐུ་རིང་ལ་ས་རྒོད་ཉོས་ནས་རྨོས་འདེབས་བྱས་པ་དང་། ཕྱུགས་ཟོག་བརྒྱ་ལྷག་ཙམ་ཡོད་པ་སོགས་ལ་བརྟེན་ནས་དགོན་པའི་སྒྲུབ་མཆོད་འཚོག་སྲོལ་མཆོས་སོ།།

དེང་གི་གནས་ཚུལ། དེ་ལྟར་སྤུང་རིའི་གདན་ས་དེ་ཉིད་ཀྱང་རྒྱལ་བསྟན་ཉིན་བྱེད་རེ་ཞིག་སྒྲ་གཅན་བུ་མོའི་ལྟོ་བར་ལྷུང་བའི་བར་སྐབས་ཞིག་ལ། བགེགས་རྐྱེན་གྱིས་རྟེན་དང་བརྟེན་པ་ཡོངས་རྫོགས་མི་དམིགས་པའི་རྒྱས་བཏབ་ཟིན། དེང་སྐབས་སུ་གངས་ཅན་ལྗོངས་སུ་བསྟན་དགོན་སླར་གསོའི་སྒོ་འཕར་གསར་དུ་འབྱེད་པའི་དུས་འདིར། ཉམ་ཆུང་འགྲོ་བའོ་དོན་དུ་མཆོག་སྤྲུལ་བརྒྱད་པ་འདི་ཉིད་བྱོན་ཏེ་ཡུལ་ཀུན་དགེ་ལ་བཀོད། འཕེལ་རྒྱས་གླིང་ཆགས་ཤུལ་དུ་འདུ་ཁང་ཀ་བ་བརྒྱད་བཅུ་ཅན་ཞིག་གསར་དུ་བཞེངས་ནས་ལྡེབས་བྲིས་ཤིང་ཚོན་དང་བཅས་པ་ལེགས་པར་གྲུབ། ད་ལྟ་གསུང་སྤྲུལ་ཉིད་དང་མཁན་པོ་སོགས་ཀྱིས་ཐུགས་རྒྱ་ཆེ་རུ་བསྐྱེད་དེ། འདུ་ཁང་རྙིང་པ་ཉམས་གསོ་དང་། དུང་འཁོར་ཁང་། བླ་བྲང་། སྤྱི་ཁང་། རྔ་ཁང་། གྲྭ་ཤག་ཉི་ཤུ་ལྷག་གྲུབ་ཟིན། ནང་རྟེན་དུ་སྐུ་རྟེན་མདོ་སྔགས་གཉིས་ཟངས་གསེར་[page 410] ཅན་ཁྲུ་བཅུ་གསུམ་རེ་དང་། ལི་གསར་གྱི་སྐུ་འདྲ་ཁྱོན་སུམ་ཅུ། གསར་སྐུ་རྙིང་པའི་རིགས་སུམ་ཅུ་ཙམ་ཡོད། གསེར་བཞེངས་ཞལ་ཐང་བརྒྱ། གསུང་རྟེན་དུ། བཀའ་འགྱུར་བུབས་གསུམ། བསྟན་འགྱུར་ཆ་གཅིགམི་ཕམ་བཀའ་འབུམ། འཇིགས་གླིང་བཀའ་འབུམ། ཀུན་མཁྱེན་མཛོད་བདུན། གཏེར་གསར་ཆོས་སྐོར་སོགས་དང་། ཐུགས་རྟེན་དུ་རྡོར་དྲིལ་ཆ་བརྒྱད་ཅུ། བཀའ་གདམས་མཆོད་རྟེན་ལྔ། དགེ་འདུན་ཉིས་བརྒྱ་ཙམ་འདུས་ཐོག་ཡུལ་སྡེའི་དད་ཡོན་ལ་བརྟེན་ནས་སྒྲུབ་པ་བཞི་ཙམ་འཚོག་བཞིན་མཆིས། གཞན་ཡང་དུང་དང་རྒྱ་གླིང་། དུང་དཀར་དང་རྐང་གླིང་སོགས་རོལ་ཆས་དང་། དར་དང་འཕེན་གདུགས། འཆམ་ཆས་སོགས་ཀྱང་ཆ་ཚང་གྲུབ་པ་ལགས་སོ།།

ས་མིང་ཚིག་མཛོད་མིག་བཤར།

གནས་ཞོལ་ཆོས་གླིང་འདི་ནི་མདོ་སྨད་འབའ་ཡུལ་གྱི་བྱང་ཕྱོགས། གླིང་གཤིས་ཆོས་སྒེར་ཞེས་འབའ་མཐིལ་ལ་སྤྱི་ལེ་བརྒྱད་ཅུ་གྱ་བདུན་ཙམ་སྤགས་པའི་ས་ཆར། སྔར་རིག་འཛིན་ཀློང་གསལ་སྙིང་པོ་དང་རྒྱལ་སྲས་ཨོ་རྒྱན་བསྟན་འཕེལ་ཡུལ་དེར་བྱོན་ནས། གནས་འགོར་གཙུག་ལག་ཁང་རྟེན་དང་བརྟེན་པ་བཞེངས་པའི་ཤུལ་ཡང་འདུག་གོ། དགོན་འདིའི་ཕྱག་འདེབས་པ་པོ་ནི། དྷཱིཿམདའ་ཀརྨའམ་ཨོ་རྒྱན་བདུད་འདུལ་གླིང་པ་ཡིན། ཁོང་ནི་དྷཱིཿཡིག་གི་རང་བྱོན་ཡོད་པའི་ལུང་པའི་མདའ་སྟེ་དྷཱིཿམདའ་ཞེས་པའི་ཡུལ་དུ། ཡབ་དགོན་པོ་དོན་གྲུབ་དང་ཡུམ་བསོད་ནམས་ལྷ་མོ་གཉིས་ཀྱི་སྲས་སུ་རབ་བྱུང་བཅུ་བཞི་པའི་ས་བྱ་ལོར་སྐུ་བལྟམས། ཆུང་དུས་ནས་བྱིས་པའི་སྤྱོད་ཡུལ་འདས་ཤིང་། བྱང་དགོན་སྤྲུལ་བའི་སྐུ་མཆོག་བསྟན་འཛིན་ནོར་བུའི་བསུན་ནས་སྡོམ་གསུམ་རིམ་པར་ནོས། བཀའ་གཏེར་དུ་མའི་སྨིན་དབང་དང་བསྐྱེད་རྫོགས་ཀྱི་ཁྲིད་སྐོར་མང་དུ་གསན། ཀཿཐོག་སི་ཏུ་སོགས་མཁས་གྲུབ་དམ་པ་དུ་མར་བསྟེན་ནས་མདོ་སྔགས་ཀྱི་ཆོས་སྤྱི་དང་། ཁྱད་པར་སྔ་འགྱུར་རྙིང་མའི་འོད་གསལ་རྫོགས་པ་ཆེན་པོའི་མན་ངག་མཐར་ཕྱིན་པར་ཞུས། རབ་བྱུང་བཅུ་གསུམ་པའི་མགོ་ཙམ་དུ་གནས་ཞོལ་དགོན་རྟེན་དང་བརྟེན་པ་བཞེངས། རབ་གནས་དུས་མཁའ་ལ་འཇའ་འོད་ཀྱི་གུར་ཕུབ་པ་དང་། མེ་ཏོག་གི་ཆར་འབེབས་པ་སོགས་ངོ་མཚར་སྨད་དུ་བྱུང་བའི་རྟགས་མཚན་མངོན། རྗེ་ཉིད་སྐུ་ཚེ་ཧྲིལ་པོ་སྨིན་གྲོལ་གྱི་འཁོར་ལོས་དུས་འདའ་སྟེ། རང་ལོ་དོན་གསུམ་ལ་ཞི་བར་གཤེགས་པའི་ཚུལ་བསྟན།

དགོན་འདིར་ལུང་རྟོགས་ཀྱི་ཆོས་འཆད་ཉན་དང་སྒོམ་སྒྲུབ་མཛད་ཚུལ་ནི། ཐོག་མར་ཨོ་རྒྱན་བདུད་འདུལ་གླིང་པའི་སྐབས་ནས་བཤད་སྒྲུབ་ཀྱི་སྲོལ་རྒྱུན་ལེགས་པར་ཚུགས་ཏེ། གནས་ཞོལ་འདིའི་གྲྭ་པའི་རླུང་ར་ནང་བླ་གྲྭ་ལྔ་བཅུ་ཙམ་དང་ཇོ་མོའི་རླུང་ར་ནང་ཇོ་མོ་བརྒྱ་ཕྲག་གཉིས་ཙམ་ཡོད། རྩེ་རིས་ཆོས་སྒར་ནང་བླ་གྲྭ་བརྒྱད་བཅུ་ཙམ་དང་། ཇོ་མོ་ལྔ་བརྒྱ་ལས་མི་ཉུང་ཞིང་ཚུལ་ཁྲིམས་དག་ལྡན་པ་ཤ་སྟག་མཆིས། [page 411] གཞན་ཡང་ལེ་ལོ་ཅན་འབད་མེད་དུ་གྲོལ་བ་ཀ་དག་ཁྲེགས་ཆོད། བརྩོན་འགྲུས་ཅན་འབད་བཅས་སུ་གྲོལ་བ་ལྷུན་གྲུབ་ཐོད་བརྒལ་གྱི་ཁྲིད་རྣམས་དང་ཉམས་ལེན་སྒྲུབ་པ་ཟུང་དུ་སྦྱར་ནས་གྲུབ་པའི་རྟགས་ཐོན་པ་མཐའ་ཡས་པར་བྱུང་། ཨོ་རྒྱན་བདུད་འདུལ་གླིང་པའི་སྐུ་སྲས་ལྔ་ལས། སྲས་གཉིས་པ་མི་འགྱུར་གསེར་གྱི་རྡོ་རྗེ་བྱང་དགོན་གྱི་བསྟན་པའི་བདག་པོར་མངའ་གསོལ། རྗེས་སུ་འདི་ཉིད་ཀྱི་གནས་ཞོལ་དགོན་འདིའི་བཤད་སྒྲུབ་ཀྱི་འཁོར་ལོ་ལེགས་པར་བསྐྱངས་ཏེ་བཤད་གྲྭ་བ་བརྒྱད་བཅུ་དང་སྒྲུབ་གྲྭ་བ་ལྔ་བཅུ་ཙམ་ལ་ཕྱག་ཕོགས་གནང་། སྒྲུབ་གྲྭའི་ལྷ་ཁང་རྟེན་དང་བརྟེན་པ་དང་། གྲྭ་ཤག་ཉིས་ཐོག་ཅན་བརྒྱ་ཁག་ཙམ་གསར་དུ་བཞེངས་ནས་གྲྭ་ལྔ་བཅུ་ལྷག་ཙམ་གྱི་རྙིང་མའི་བཀའ་གཏེར་གསར་རྙིང་རྣམས་ཀྱི་ཡི་དམ་རྒྱུད་སྡེ་བཞི་དྲུག་གི་བསྙེན་སྒྲུབ་ཟབ་མོ་མཐར་ཕྱིན་པར་མཛད་པའི་སྒྲུབ་གྲྭ་གསར་འཛུགས་བྱེད་དེ་བྱང་དགོན་གྱི་མཁན་སྤྲུལ་རིམ་པས་བསྐྱངས།

ཨོ་རྒྱན་བདུད་འདུལ་གླིང་པས་བཞེངས་པའི་འདུ་ཁང་ཆེན་པོ་འདི་ཉིད་ནི་ཕྱེད་བླ་བྲང་དང་ཕྱེད་ལྷ་ཁང་། ཐོག་ཁང་དུ་དཔར་ཁང་ཡིན་པར་གྲགས། ལྷ་ཁང་ནང་དུ་བཀའ་བརྒྱད་དཔལ་དགུ་གཙོ་གྱུར་པའི་ཆོས་འཁོར་ཡོངས་རྫོགས་ཀྱི་ལྷ་རྣམས་བྲིས་སྐུ་དང་འདམ་སྐུ་བཞེངས་པ་དང་། ཨོ་རྒྱན་སྐུ་མཐོང་པ་རང་གྲོལ་སོགས་མང་ཙམ་བཞེངས། གསུང་རྟེན་དུའང་བཀའ་བརྒྱད་དཔལ་དགུའི་ཆོས་འཁོར་ཡོངས་རྫོགས་དང་མདོ་སྔགས་རིག་གནས་ཀྱི་ཕྱག་པོད་ཀྱང་དུ་མར་མཆིས། གྲྭ་ཤག་བརྒྱ་ཕྲག་དགའ་ཡོད་པ་རྣམས་ཀྱི་འདུ་ཁང་དང་བཤད་སྒྲུབ་ཁང་རྣམས་མཐའ་ནས་ལེགས་པར་བསྐོར། ཆོས་འཁོར་སྐོར་དུས་དགེ་ཚུལ་མ་སྟོང་ཕྲག་གསུམ་ཙམ་དང་། གྲྭ་བཙུན་བརྒྱ་ཕྲག་དགའ་འདུས་ནས་ཆོས་ཀྱི་དགའ་ཚལ་ཆེན་པོར་གྱུར།

བཀའ་བརྒྱད་དཔལ་དགུ་པའི་སྒྲུབ་མཆོད་གཏོར་ཟློག་དང་བཅས་པ་དང་། ཡང་དག་སྒྲུབ་ཆེན། ཚོགས་འབུམ་ཐེར། ཟླ་བ་བྱུང་རིམ་གྱི་ཚེས་བཅུར་བླ་སྒྲུབ་དང་། སྒྲོལ་ཆོག་གི་ཚོགས་བསྐང་། ཕྱི་དྲོར་གཅོད་སྒར་དང་གསུར་སོགས་དགོངས་འདོན་ཉིན་རེ་བཞིན་དང་། དབྱར་དུས་སུ་གཙོ་བོ་ལུང་གི་ཆོས་འཆད་ཉན་བྱེད་པ། དགུན་དུས་སུ་རྟོགས་པའི་ཆོས་ཉམས་སྒྲུབ་ཀྱི་སྤེལ། ལར་སྟོན་ཁར་ཟླ་གཅིག་ཙམ་རེ་མ་གཏོགས་ཆོས་འཆད་ཉན་སྒོམ་སྒྲུབ་ཀྱི་དུས་འདའ་བའོ།

དེང་གི་གནས་ཚུལ། དེ་ལྟར་སྙན་པའི་བ་དན་རིང་དུ་བསྒྲེང་བའི་གདན་ས་འདི་ཡང་ནོ་རྒོལ་བཞི་པ་དང་རིག་གནས་གསར་བརྗེའི་དུས་སུ་རྟེན་དང་བརྟེན་པ་ཐམས་ཅད་མིང་གི་ལྷག་མར་གྱུར། དེང་སང་ཆོས་སྒོ་སླར་ཡང་འབྱེད་ནས། སྤུལ་པདྨ་ཕྱོགས་ལས་རྣམ་པར་རྒྱལ་སྡེ་དཔལ་བཟང་པོ་ཞེས་མཁས་མཆོག་དམ་པ་འདི་ཉིད་ཀྱིས་ཡོན་བདག་བཟུང་ནས་ལྷ་ཁང་དང་བླ་བྲང་གསར་དུ་བཞེངས། ལྷ་ཁང་ནང་དུ་ལྷ་བཟོ་མཁས་མཆོག་འཇམ་དཔལ་རྡོ་རྗེ་གདན་དྲངས་ནས་ཐུབ་པ་ཇོ་ལུགས་མ་དང་། གུ་རུ་མཚོ་སྐྱེས་རྡོ་རྗེ། སྤྱན་རས་གཟིགས། པདྨ་གཙུག་ཏོག་གསུམ་ཐོག་ཚད་ཕྱེད་གཉིས་དྲག་ཙམ་དང་། ཁང་ཐོག་གི་མགོན་ཁང་ནང་དུ་མགོན་པོ་ཚོགས་བདག་གི་སྐུ་ཐོག་བཙེགས་གཅིག་ཙམ་དང་། འདྲ་སྐུ་ཁང་དུ་བདུད་འདུལ་[page 412] གླིང་པའི་འདྲ་སྐུ་ལུས་ཚད་མ་བཅས་ཤིན་ཏུ་སྒྲོས་ཉམས་ཅན་བཞེངས་གྲུབ་ནས། ད་དུང་འདྲ་སྐུ་བཅོ་ལྔ་ཙམ་དང་ལྡེབས་རིས་སོགས་ཀྱི་ཉེར་བསྡོམས་ལ་བརྩོན་བཞིན་པ་ལགས་སོ།། །།

ས་མིང་ཚིག་མཛོད་མིག་བཤར།

འབའ་ཐང་རྫོང་གི་བྱང་ཕྱོགས་སུ་སྤྱི་ལེ་བརྒྱད་བཅུ་ལྷག་གི་སར། བྱང་དཀར་ཞེས་པའི་རི་བོ་པད་དཀར་སྤུངས་འདྲའི་ཐོག་བཏབ་ཡོད། དགོན་འདིའི་ཕྱག་འདེབས་པ་པོའི་མཚན་ལ་སྟག་བླ་ཨ་ཁ་ཛོ་ལྡིང་ངམ་པདྨ་ཛོ་ལྡིང་ཞུ། ཁོང་ནི་རབ་བྱུང་བཅོ་ལྔ་པའི་ས་བྱ་ལོར་ངོ་མཚར་བའི་ལྟས་སྣ་ཚོགས་དང་བཅས་སྐུ་བལྟམས། གནས་ནང་དགོན་དུ་གསན་སྦྱངས་མཛད། རང་པོ་ཉེར་བཞི་པ་ཆུ་སྤྲེལ་ལོར་དབུས་སུ་སྐྱོད་དེ་མཚུར་ཕུ་དགོན་པས་རྒྱལ་བ་རང་བྱུང་རྡོ་རྗེ་ལས་རྫོགས་ཆེན་སྙིང་ཐིག་དང་། ཕྱག་ཆེན་བསྲེས་པའི་སྣང་བ་སེམས་སུ་ངོ་སྤྲོད་པའི་ཁྲིད་ཞུས་ནས་གནས་མཆོག་ཡོངས་གྲགས་རྣམས་སུ་སྒོམ་སྒྲུབ་བྱེད་པས་སྣང་སེམས་དབྱེར་མེད་དུ་འདྲེས་ཏེ་གྲུབ་པའི་གོ་འཕང་མཐོན་པོར་གཤེགས། ཁོང་གྲུབ་མཐའ་རྙིང་མ་ལགས་གཤིས། ཕ་ཆོས་མཁའ་འགྲོའི་སྙིང་ཏིག་གི་དབང་ཁྲིད་ཟབ་རྒྱས་ཤྭ་བན་རྒྱལ་སྲས་ལེགས་པའི་དྲུང་ནས་ཞུས་ཏེ་རང་ཡུལ་དུ་ལོགའབྲོང་ཀོ་དང་དཔལ་ཆེན་སྐུ་ལྷའི་ཕ་རིར། ཤེལ་འཕང་ཞེ་པའི་གནས་སུ་སྒོམ་བསྒྲུབས་ལོ་མང་མཛད། རབ་བྱུང་དྲུག་པའི་ཤིང་རྟ་ལོར་ཕག་མོ་གྲུབ་པས་བོད་ཀྱི་སྲིད་དབང་ཐོག་མར་བཟུང་པའི་དུས་སུ། གཙུག་ལག་ཕྱིའི་བཀོད་པ་དང་ནང་གི་རྟེན་གསུང་རྣམས་རིམ་བཞིན་ལེགས་པར་གྲུབ། （འབའ་ཐང་རྫོང་གི་ལོ་རྒྱུས་དེབ་ཐེར་ལས་དགོན་འདི་འདེབས་པའི་དུས་ཚོད་དེ་ལས་ལོ་བཞི་བཅུ་ཙམ་སྔ）གདན་རབས་རགས་རིམ་ནི་དེའང་སྟག་བླ་ཨ་ཁ་ཛོ་ལྡིང་ནས་བཟུང་། སྤྲུལ་སྐུ་བསྟན་འཛིན་ཕུན་ཚོགས་བར་སྟག་བླའི་བླ་རབས་བཅོ་བརྒྱད་བྱོན་ཡོད་པར་གྲགས་ཀྱང་། རེ་རེ་བཞིན་བགྲང་དུ་མེད། གཤམ་དུ་བླ་སྤྲུལ་སྤེལ་མའི་མཚན་ཙམ་རིམ་བཞིན་བཀོད་ན། སྟག་བླ་མའི་སྤྲུལ་སྐུ་ཐོག་མ་ནི་གྲུབ་པའི་དབང་ཕྱུག་རྒྱལ་བ་བཀྲ་ཤིས་རྒྱལ་མཚན་ཡིན། དེའི་འཕྲོས་སྟག་བླ་བྱང་ཆུབ་སེམས་དཔའ། སྟག་བླ་ཆོས་ཀྱི་གྲགས་པ། སྟག་བླ་པདྨ་ཆོས་འཕེལ། སྟག་བླ་འཇིགས་མེད་དཔའ་བོ། སྟག་བླ་འཇམས་དབྱངས་རྒྱ་མཚོ། སྟག་བླ་བྱང་ཆུབ་བློ་གྲོས། དེའི་རྗེས་མཁས་གྲུབ་ཆེན་པོ་སྟག་བླ་པདྨ་མ་ཏི་བྱོན་ཏེ་གསང་སྔགས་རྙིང་མའི་དབང་ལུང་གི་རྒྱུན་དཀོན་ཅིང་གཙོ་ཆེ་བ་ཕལ་མོ་ཆེའི་སྨིན་གྲོལ་རྒྱས་པར་སྩལ། དེའི་སློབ་མ་ཀཿཐོག་དགེ་རྩེ་དང་པོ་རིག་འཛིན་ཚེ་དབང་ནོར་བུ་ཞེས་མཚན་བརྗོད་པར་དཀའ་བ་འདེ་ཉིད་ཀྱང་བྱང་དགོན་འདིར་ལོ་གཉིས་ལ་རྒྱལ་ཚབ་མཁན་པོར་མངའ་གསོལ་ཏེ་བསྟན་པ་བསྐྱངས་ནས་བཀའ་གཏེར་བཤད་ཁྲིད་ཀྱི་ཕྱག་རྗེས་རྨད་བྱུང་སྩལ། དེའི་རྗེས་མ་ཏིའི་དངོས་སློབ་དམ་པ་སྟག་བླ་སྔགས་ནས་ཞེ་སྡང་རྡོ་རྗེ་ཞེས་དྲག་པོ་མངོན་སྤྱོད་ཀྱི་བཀའ་བབ་དེ་ཉིད་ཀྱང་ཁོང་གིས་བཀའ་བཞིན་ལོ་གཉིས་སུ་བསྟན་པ་བསྐྱངས། དེ་ནས་པདྨ་མ་[page 413] ཏིའི་སྤྲུལ་སྐུ་སྟག་བླ་པདྨ་བློ་ལྡན། དེའི་འཕྲོས་སྟག་བླ་མདོ་རྒྱུད་རྒྱ་མཚོ། སྔ་མའི་ཡང་སྲིད་མགོན་པོ་ལྷུན་གྲུབ་རྒྱ་མཚོ། དེའི་ཡང་སྲིད་རོང་བླ་རྟ་མགྲིན་མགོན་པོ། དེའི་ཡང་སྲིད་ཆེ་སྐྱབས་ཞེས་སྐུ་ན་ཕྲ་མོ་ནས་གཤེགས། དེའི་སྐབས་སུ་བསྟན་པ་རེ་ཞིག་རྒུད་པའི་དབང་དུ་གྱུར་ཏེ་དགོན་སྡེའི་འདུ་ཁང་ཡང་ཞིག་རལ་དུ་གྱུར། དེ་ནས་རྫོང་ལུང་དཔོན་སྐོར་གྱི་ཚ་བོ་ཡེ་ཤེས་རྒྱ་མཚོ་འཁྲུངས། འཇང་བླ་བསྟན་འཕེལ་གྱི་གོང་གི་སྤྲུལ་སྐུར་ངོས་འཛིན་ནས་རེ་ཞིག་ན་སོན་དུས། རྫོང་མགོན་རྒྱལ་མཚན་ཞེས་པའི་ཁྲི་ཆེན་གླིང་གཤིས་སུ་བྱོན་ནས་བྱང་དགོན་གྱི་འདུ་ཁང་གསར་དུ་བཞེངས་དགོས་པའི་སྦྱིན་བདག་རྫོང་མགོན་ལ་བྱེད་དགོས་པའི་བཀའ་ཕེབས་པ་དང་ཆབས་གཅིག་རོང་སྟོན་པདམ་བདེ་ཆེན་གླིང་པས་ཀྱང་བྱང་དགོན་དུ་ཁང་གསར་དུ་བཞེངས་དགོས་པའི་ལུང་བསྟན་གྱི་གསུང་ཤོག་གནང་བ་ཞལ་མཐུན་པར་གྱུར་ནས། རབ་བྱུང་བཅུ་གཅིག་པ་མེ་མོ་སྦྲུལ་གྱི་ལོ་ནས་བཟུང་སྟག་བླ་ཡེ་ཤེས་རྒྱ་མཚོས་སྔར་ལས་ཆེས་ཆེར་ལྷག་པའི་འདུ་ཁང་དང་བཤད་གྲྭའི་ཁང་སོགས་བཀོད་པ་ཤིན་ཏུ་རྒྱ་ཆེ་བ་ཞིག་ཐུགས་བསྐྱེད་དང་སྙིང་སྟོབས་མཚུངས་ཟླས་དབེན་པའི་མཐུས་རིམ་བཞིན་རྟེན་དང་བརྟེན་པ་ལེགས་པར་གྲུབ་ནས་ཆོས་པ་བཞི་བརྒྱ་ཙམ་དུ་འཛོམས། མདོ་སྔགས་ཀྱི་བསྟན་པ་འཛིན་པ་ནི་མང་དུ་བཞུགས་ཀྱང་། གཞི་གསུམ་གྱི་ཕྱག་བཞེས་རྒྱས་པ་ཞིག་མ་དར་ཚེ། རུ་དམ་རྫོགས་ཆེན་ནས་སྔ་འགྱུར་བསྟན་པའི་གསལ་བྱེད་ཆེན་པོ་རྒྱལ་སྲས་གཞན་ཕན་མཐའ་ཡས་གདན་དྲངས་ཏེ། འདུས་པ་ཕལ་མོ་ཆེར་དགེ་ཚུལ་སློང་གི་སྡོམ་པ་གནང་། འདུལ་བ་གཞི་གསུམ་གྱི་ཕྱག་ལེན་རྒྱས་པར་འཛུགས། དེའི་རྗེས་སྤྲུལ་སྐུ་སངས་རྒྱས་བསྟན་འཛིན་བྱོན་ནས། བྱང་དགོན་ཐུབ་ཆེན་ཁང་རྟེན་དང་བརྟེན་པ་གསར་དུ་བཞེངས། རྒྱལ་སྲས་གཞན་ཕན་མཐའ་ཡས་ནས་མཁན་པོ་བྲག་འགྱུར་མེད་ཚེ་དབང་བར་དམ་ཆོས་འཛིན་པའི་མཁན་རབས་དྲུག་བཅུ་ཐམ་པ་བྱུང་།

དགོན་འདིར་བཤད་སྒྲུབ་ཀྱི་རྒྱལ་མཚན་སྔར་ནས་ལེགས་པར་བཙུགས་ཡོད་མོད། སྐབས་འདིར་མཆོག་སྤྲུལ་རིན་པོ་ཆེ་མི་འགྱུར་གསེར་གྱི་རྡོ་རྗེའི་སྐུ་དུས་སུ་བཤད་སྒྲུབ་ཀྱི་བྱ་བ་མཛད་ཚུལ་རགས་ཙམ་གླེང་ན། ཐོག་མར་མདོ་སྔགས་ཆོས་ཀྱི་ཉི་མའམ་བྱང་སྤྲུལ་མི་འགྱུར་གསེར་གྱི་རྡོ་རྗེ་ནི་དྷིཿམདའ་ཞེས་པའི་ཡུལ་དུ། ཡབ་གཏང་ཆེན་དཔལ་གྱི་སེངྒེའི་རྣམ་འཕྲུལ་ཨོ་རྒྱན་བདུད་འདུལ་གླིང་པའམ་ཀརྨ་ཆོས་ཀྱི་གོ་ཆ་དང་། ཡུམ་ཨོ་རྒྱན་ཡབ་ཡུམ་གྱི་སྲས་སུ་འཁྲུངས། རིམ་པར་བཤེས་གཉེན་མང་དུ་བསྟེན་ནས་རིག་གནས་ཕལ་མོ་ཆེ་དང་། མཚན་ཉིད་ཀྱི་གཞུང་རྣམས་གསན་སྦྱོང་མཛད། ཀཿཐོག་སི་ཏུ་རིན་པོ་ཆེ་ལས་སྨད་འདུལ་གྱི་རྒྱུན་གསན་ནས་བསྙེན་པ་རྫོགས་ཞིང་སྡོམ་པ་གསུམ་གྱིས་ཐུགས་རྒྱུད་ཡོངས་སུ་བསྐངས། ཁྱད་པར་དུ་སི་ཏུ་མཆོག་གི་བདུན་ནས་བློ་སྦྱོང་སྔོན་འགྲོ་སྐོར་དང་། སྲོལ་གཉིས་ཀྱི་བྱང་སྡོམ་འབོག་ཆོག་རྡོར་བྲག་མདོ་དབང་ཆེན་མོ་དང་། སྨིན་གླིང་མདོ་དབང་། སྒྱུ་འཕྲུལ་ཞི་ཁྲོ་སོགས་ཀྱི་གཙོས་སྔ་འགྱུར་བཀའ་མའི་དབང་ལུང་ཡོང་རྫོགས་ནོད་པ་དང་། རྒྱལ་བའི་བཀའ་དང་བསྟན་འགྱུར་གྱི་ལུང་བཞུགས་རིགས་དང་། རྙིག་མའི་རྒྱུད་འབུམ། ཁམས་ལུགས་མདོ་རྒྱུད་སེམས་ཀྱི་སྨིན་གྲོལ་གྱི་ལུང་བཅས་དང་། [page 414] གཏེར་ཆོས་ཕལ་མོ་ཆེའི་དབང་ལུང་། ལྷག་པར་དུ་མཁན་ཆེན་ངག་གི་དབང་པོའམ་རྡོ་རྗེ་གཟི་བརྗིད་རྩལ་གྱི་བདུན་ནས་རིན་ཆེན་གཏེར་མཛོད་ཆེན་པོ་ཀློང་ཆེན་སྙིང་ཐིག་གི་མན་ངག་ཐུན་མིན་སྙན་རྒྱུད་རིན་པོ་ཆེ་ཞེས་པ་སོགས་ཟབ་ཆོས་རྒྱ་མཚོ་ལྟ་བུའི་དབང་ལུང་ལ་མངའ་དབང་འབྱོར་བའི་དེད་དཔོན་ཆེན་པོ་འདི་ཉིད་ཀྱིས། རྗེ་གོང་མ་རྣམས་ཀྱི་འཕྲིན་ལས་རྒྱུན་སྐྱོང་ཕྱིར། བཤད་གྲྭའི་ལྷ་ཁང་རྟེན་དང་བརྟེན་པ་བཅས་ལེགས་པར་བཞེངས་ཤིང་། འཆད་ཉན་སྒོམ་སྒྲུབ་མཛད། རྗེ་འདི་ཉིད་ཀྱི་རིང་གནས་ཞོལ་དགོན་པར་ཡང་བདག་སྐྱོང་ཚད་མེད་གནང་ནས། ལྷ་ཁང་རྟེན་དང་བརྟེན་པ་བཅས་དང་། སྒར་ཤག་ཉིས་བརྩེགས་ཅན་བརྒྱ་ལྷག་ཙམ་ལེགས་པར་བཞེངས། འདིར་གྲྭ་པ་ལྔ་བཅུ་ཙམ་གྱིས་རྙིང་མའི་བཀའ་གཏེར་གསར་རྙིང་རྣམས་ཀྱི་ཡི་དམ་རྒྱུད་སྡེ་བཞི་དྲུག་གི་བསྙེན་སྒྲུབ་ཟབ་མོ་ཚར་དུ་ཕྱིན་པར་མཛད་པའི་སྒྲུབ་གྲྭ་བཙུགས་ནས་བཤད་སྒྲུབ་ཟུང་འབྲེལ་གྱི་ཆོས་འཁོར་རིང་དུ་བསྐོར་རོ།།

མཆོག་སྤྲུལ་བསྟན་འཛིན་ནོར་བུའི་སྐུ་དུས་ཀྱི་ལོ་འཁོར་མོའི་སྒྲུབ་མཆོད་ནི། བོད་ཟླ་དང་པོར་ཐུགས་རྗེ་ཆེན་པོའི་ཡོངས་འདུས་བདུན་སྒྲུབ། བོད་ཟླ་གཉིས་པར་ཟབ་ལམ་བདེ་གཤེགས་ཀུན་འདུན་བདུན་སྒྲུབ། བོད་ཟླ་གསུམ་པར་དོང་སྤྲུགས་ཁྲོམ་སྤྲུགས་རྣམས་བདུན་སྒྲུབ་དང་། ཟླ་བཞི་པར་བཀའ་བརྒྱད་བདུན་སྒྲུབ། ཟླ་བ་ལྔ་པར་བཀའ་མའི་ཆོ་ག་ཉིན་ཚོགས་དགུ་དང་བཅས་པ། བོད་ཟླ་དྲུག་པར་ཚེས་བཅུ་བདུན་སྒྲུབ། བདུན་པར་ལྷ་བསང་ཉིན་བདུན། ཟླ་བདུན་པ་ནས་བརྒྱད་པ་གཉིས་ལ་དབྱར་གནས་ཟླ་གཅིགཟླ་དགུ་པར་སྤྱི་གཏོར་ཁྲོ་བོ་རོལ་པའི་དམར་ཆེན་གཏོར་ཟློག་བདུན་སྒྲུབ། ཡུལ་སྤྱིའི་མགོན་པོ་བདུན་སྒྲུབ། ཟླ་བཅུ་གཉིས་པར་དགུ་གཏོར་ཉིན་བཅུ་བཞི་བཅས་འཚོགས་སོ། གཞན་ཡང་བཀའ་མའི་རབ་གནས་དགེ་ལེགས་འདོད་འཇོ་ལོ་གསུམ་རེར་ཚད་ལྡན་རེ་འཚོགས་རྒྱུ། ཚེས་བཅུ་དང་དགུ་གཏོར་སྐབས་སུ་དམིགས་བསལ་གྱི་འཆམ་ཐུན་མིན་གྱི་ཁྱད་ཆོས་དུ་མར་ལྡན་གཤིས། ཀཿཐོག་སི་ཏུ་རིན་པོ་ཆེས་ཀྱང་འཆམ་སྦྱང་བཏང་ནས་ཀཿཐོག་ཏུ་འཛུགས་པ་དང་མཁན་རིན་པོ་ཆེན་སྨྱོ་ཤུལ་ངག་ཆུང་གིས་ཀྱང་བྱང་དགོན་ནས་མཁན་ཚུལ་ཁྲིམས་དཔལ་ལྡན་དང་། བོ་ཐར། བསོད་ནམས་ཆོས་བཟང་། དཔོན་སློབ་གསུམ་གདན་དྲངས་ནས་ལོ་ཕྱེད་ལྷག་ཙམ་བླ་མ་གསང་འདུས་ཀྱི་འཆམ་སྦྱང་རྣམས་དང་། ཉང་གཏེར་བཀའ་བརྒྱད་ཀྱི་སྒྲུབ་ཆེན་དང་སྦྲེལ་བའི་སྨན་སྒྲུབ་གསང་ཆེན་མྱུར་ལམ་སོགས་ཀྱི་ཕྱག་བཞེས་ཆེ་ཕྲ་རྣམས་དཔྱིས་ཕྱིན་པར་སྦྱངས་ནས། ཚེས་བཅུ་དང་སྨན་སྒྲུབ་ཆེན་མོ་གསར་དུ་འཛུགས་པར་མཛད་པ་སོགས་ཀྱིས་ཀྱང་དགོན་འདིའི་ཆོ་ག་ཕྱག་ལེན་དང་། གར་ཐིག་དབྱངས་སོགས་ཚད་དུ་ལོངས་པར་ཡོད་པ་རྟོགས་སླའོ།

ངོ་རྒོལ་བཞི་པ་སོགས་ལས་འགུལ་མ་བྱེད་གོང་དུ་དགོན་འདིར་མཆོག་སྤྲུལ་བསྟན་འཛིན་ཕུན་ཚོགས་གཙོ་བོར་གྱུར་པའི་སྤྲུལ་སྐུ་རྣམ་རྒྱལ། བརྒྱ་གཡང་། བསོད་ནམས་དཔའ་ལྡན། བསོད་ནམས་སྦྱིན་པ་བཅས་བླ་སྤྲུལ་ལྔ་ཡོད། དེའི་འོག་ཏུ་མཁན་པོ་ལོ་གསུམ་རེའི་རེས་བྱས་ནས་མཛད་རྒྱུ་དང་། ལོ་གཉིས་རེའི་རེས་བྱས་པའི་དགེ་བསྐོས་ནི་བཅའ་ཡིག་ཆེན་པོའི་བདག་པོ་སྟེ། དགོན་པའི་འདུལ་ཁྲིམས་དོ་དམ་བྱེད་པོ་ཡིན་[page 415] ནོ། དེའི་འོག་ཏུ་གླིང་སྲུང་གཉིས་ནི་དགེ་བསྐོས་ཀྱི་ཕྱག་གཡོག་ཡིན་འདོན་རྟ་དབྱངས་སོགས་ཕ་རོལ་ཏུ་བྱིན་པ་ནི་དབུ་མཛད་དམ་བྱང་འདྲེན་པ་ཆེན་པོའོ། དེ་མིན་དགེ་གཡོག་གསུམ་དང་གཉེར་པ་བདུན་ནི་དགོན་པའི་དཔལ་འབྱོར་ཐོག་གི་གཏོང་སྒོ་དང་། ས་ཞིང་གི་བོཊ་ལེན། ཚོང་གཉེར་ཇི་ཐུབ་སོགས་ཀྱི་འགན་ཡོད་ལས་ཚན་ནོ། དགོན་འདིའི་ཡོན་གྱི་འབྱུང་ཁུངས་གཙོ་བོ་ནི། དགོན་རང་གིས་ས་ཞིང་མུའུ་ཆིག་སྟོང་ཉིས་བརྒྱ་ཐོག་བོཊ་ལེན་པ་དང་། དྷིཿམདའ་སོགས་བརྒྱ་ཤོག་ལྔའི་ཡོན་བདག་རྣམས་ཀྱིས་དད་འབུལ་སོགས་ལ་བརྟེན་ནས་ལོ་འཁོར་མོའི་སྒྲུབ་མཆོད་མཛད་དགོས་སོ།།

དེ་ལྟར་མདོ་སྨད་ཡུལ་གྱི་སྔ་འགྱུར་བའི་གདན་ས་ཆེན་བོ་དིའང་ཆག་སྒོ་བྱུང་བའི་སྐབས་སུ། རྟེན་དང་བརྟེན་པ་ཕལ་མོ་ཆེ་མིང་གི་ལྷག་མར་གྱུར། དེང་སང་ཆོས་ཀྱི་སྒོ་འཕར་ཡངས་པར་ཕྱེ་བའི་བསྐལ་བཟང་གི་དུས་འདིར། སྔར་འདུ་ཁང་སོགས་ཅུང་ལྷག་ཡོད་པ་རྣམས་ཉམས་གསོ་དང་། གསར་བསྐྲུན་བྱེད་པར་བརྟེན། དེང་འདུ་ཁང་གསར་རྙིང་གསུམ་དང་། ཇ་ཁང་། མཛོད་ཁགགྲྭ་ཤག་ཁ་ཤས་དང་། ཟངས་མདོག་དཔལ་རིའི་གཞལ་མེད་ཁང་ཐོག་བརྩེགས་ལྔ་ཙམ་ཞིག་ཀྱང་བཞེངས་ཡོད། དེ་དག་གི་ནང་རྟེན་གཙོ་བོ་ནི་ཟངས་གསེར་ལས་གྲུབ་པའི་ཨོ་རྒྱན་རིན་པོ་ཆེ་ཐོག་བརྩེགས་བཞི་ཙམ་ཞིག་དང་། དེ་མིན་སྐུ་གསར་རྙིང་། ཞལ་ཐང་། མཆོད་ཆས་འཆམ་ཆས་སོགས་ཀྱང་སྔར་ཅུང་ཟད་ལྷག་ཡོད་ཐོགདེང་སང་གསར་དུ་ཡང་ཁ་ཤས་སྒྲུབ་ཡོད། གྲྭ་པ་ཁྱོན་བརྒྱ་དང་བདུན་བཅུ་ལྷག་གིས་ལོ་འཁོར་མོར་ཡོན་བདག་རྣམས་ཀྱིས་དད་འབུལ་ཡོན་རྫས་ལ་བརྟེན་ནས་ཐུགས་ཆེན་བུམ་སྒྲུབ་དང་། བཀའ་བརྒྱད། ཚེས་བཅུ། སྤྱི་གཏེར། དགུ་གཏོར་འཆམ་བཅས་ཁྱོན་ཉིན་ཞག་ལྔ་བཅུ་ལྷག་འཚོག་བཞིན་མཆིས་སོ།།

ས་མིང་ཚིག་མཛོད་མིག་བཤར།

ཐོག་མར་དགོན་འདི་བཟུང་ཚ་རིན་ཆེན་སྒང་དུ་བཏབ། དེའི་རྗེས་སུ་སྲའོ་སླ་ང་སྒང་དུ་སྤོས། དེའི་རྗེས་སུ་འཇོང་འདུལ་ཞེས་པའི་སར་སླར་ཡང་སྤོས་པར་གོ་བོ་རོང་བསམ་གྲུབ་དགོན་གསར་ཐུབ་བསྟན་ཉི་ཤར་གླིང་དུ་གྲགས། འཇོང་འདུལ་ཞེས་པའི་ས་དེ་ནི་གོ་བོ་རོང་སྡེའི་ཁོངསས་གཏོགས། འབྲི་ཆུའི་ནུབ་ངོགས་དེང་སྨར་ཁམས་རྫོང་ཞབས་སུ་ཡོད་པ་སྟེ། འབའ་ཡུལ་མཐིལ་ལས་སྤྱི་ལེ་བརྒྱད་ཅུ་སྤགས་པའི་སར་ཆགས་ཡོད། དགོན་འདིའི་ཕྱག་འདེབས་པ་པོ་ལ་འཆད་ཚུལ་མི་འདྲ་བ་གཉིས་སྟེ། གཅིག་ནི་སྡེ་སྲིད་སངས་རྒྱས་རྒྱ་མཚོའི་བཻ་སེར་ལས། གོ་བོ་རོང་རིན་ཆེན་སྒང་ནི། གོ་བོ་དཔོན་བོ་རིན་མཆོག་པས་བཏབ་ཀྱང་ལྗངས་ཞབས་དང་ཁད་ཉེ་བས་ཚུགས་ཟིན་ཞིག་མ་བྱུང་། ཞེས་གསུང་པ་ལྟར་གོ་བོ་དཔོན་པོ་རིན་མཆོག་པས་བཏབ་པར་བཤད་པའི་ལུགས་ཤིག་དང་། སྔར་གྱི་དགོན་པའི་ཡིག་རྙིང་རྟ་མགོ་ཅན་ཞེས་པ་དང་ཡུལ་དགོན་གྱི་རྒན་རབས་རྣམས་ཀྱི་ངག་སྒྲོས་ལས། འཇམ་དབྱངས་ཆོས་རྗེ་བཀྲ་ཤིས་དཔལ་ལྡན་[page 416] པས་བཀའ་བསྩལ་བ་ལ་བརྟེན་ནས། ཁོང་གི་ཞལ་སློབ་གོ་བོ་དཔོན་པོ་བཀྲ་ཤིས་སེང་གེ་ཡུལ་འདི་ཕྱོགས་སུ་བྱོན་ཏེ། རབ་བྱུང་བདུན་པའི་ཤིང་ཡོས་ལོར། འབྲི་ཆུ་ཤར་ནུབ་གཉིས་ཀྱི་ཀར་དགོན་བཅུ་གསུམ་སྟེ། འུག་མདའ་ཉི་རགས་དགོན། ཤམ་ཐབས་དགོན། བྱང་གླིང་དགོན། ཉ་མགོ་བྲག་དགོན། རྐ་སྟེང་སླ་ང་དགོན། ནཊ་མགོ་སྟེང་དུས་སྤོས་བྱང་ཆུབ་གླིང་། སྐུན་བ་སྤོ་ཙང་དགོན། ས་རིས་གཤིས་གོ་འབུད་དགོན། དམ་སྟེང་གངས་དཀར་གླིང་། ཟུར་བདེ་དུང་རང་དགོན། གོ་ཛ་གཤིས་གནམ་སྟེང་དགོན། ཆུ་སྦད་དགོན་ས་སྒོང་། བཟང་ཚྭ་རིན་ཆེན་དགོན་བཅས་གཅིག་ཏུ་བསྡོམས་ནས་བཟང་ཚྭ་རིན་ཆེན་སྒང་དུ་ཕྱག་བཏབ་མཛད་ཀྱང་ལྗགས་ཞབས་དང་ཁད་ཉེ་བའི་ཚུགས་ཟིན་ཞིག་མ་བྱུང་། ཞེས་པའི་ལུགས་ཀྱང་བྱུང་ངོ་། ཕྱིས་སུ་རིན་ཆེན་སྒང་ནས་སོ་བ་ནང་སླ་ང་སྒང་དུ་སྤོས། དེར་ཡང་རྐུན་ཇག་གི་འཚེ་བ་ཆེ་བ་དང་། འབྲི་ཆུའི་ནུབ་ངོགས་འཇོང་འདུལ་ཞེས་པའི་སར་མཚན་ལྟས་བཟང་པོ་བྱུང་སྟེ། བཻ་སེར་ལས། ཕྱིས་དཀོན་མཆོག་བཀྲ་ཤིས་ཀྱིས་དགོན་གནས་གསར་སུ་སྤོས་པར་བསམ་གྲུབ་དགོན་གསར་དུ་གྲགས། ཞེས་གསུང་པ་ལྟར། དཔལ་ལྡན་འབྲས་སྤུངས་པའི་དབྱིབས་བཀོད་ལ་དཔེ་བྱས་དེ་བཏབ། གོ་བོ་རོང་བསམ་གྲུབ་དགོན་གསར་ཐུབ་བསྟན་ཉི་ཤར་གླིང་དུ་གྲགས་སོ།།

གདན་རབས་སོགས་ཀྱི་སྐོར་ལ་དཔྱད་གཞིའི་ཡིག་རྙིང་མེད་པས་གསལ་ཆ་ཚང་བ་ཞིག་བརྗོད་དཀའ་མོད། བཻ་སེར་ལས། རྗེ་བླ་མའི་བཀའ་བཞིན་གཟེར་ཆེན་པ་རྣམ་རྒྱལ་ཚེ་རིང་གིས་བན་ཁྲལ་གསར་བསྡུས་ངོས་དར་རྒྱས་སུ་བྱས། བླ་མར་ཡོན་ཏན་ཕུན་ཚོགས་བསྐོས། དེ་ནས་རིམ་བཞིན་དོན་གྲུབ་ཚེ་རིང་། བཀྲ་ཤིས་ཆོས་འཕེལ། བློ་བཟང་རབ་བརྟན། བྱམས་པ་བཀྲ་ཤིས། གསའ་ནང་པ་བློ་བཟང་རྒྱལ་མཚན། ད་ལྟ་ངག་དབང་བསྟན་འཕེལ། གཞིས་དགོན་སྔགས་ལུགས་རྒྱུད་སྨད་དང་ཉེ། གྲྭ་རྒྱུན་བློ་གསལ་གླིངདང་བྱང་རྩེར་འགྲོ། གྲྭ་པ་ཉིས་བརྒྱ་དང་སུམ་ཅུ་སྐོར། ཞེས་གསུངས་པ་ལྟར་བྱུང་ཞིང་། ལྷག་པར་དུ་དགོན་པ་འདིའི་བསྟན་བདག་ཏུ་གྱུར་པ་ནི་བྱེ་མ་མཆོག་སྤྲུལ་སྐུ་ཕྲེང་རིམ་བྱོན་ཡིན་ཏེ། སྐུ་ཕྲེང་དང་པོ་གོ་བོ་དཔོན་པོ་བཀྲ་ཤིས་སེང་གེ་དང་། གཉིས་པ་དཀོན་མཆོག་བཀྲ་ཤིས་མཆོགགསུམ་པ་བེ་བཀྲ་དཔོན་སློབ་དཔལ་ལྡན་རྒྱ་མཚོ། བཞི་པ་བློ་བཟང་འཇམ་དཔལ་རྒྱ་མཚོ། ལྔ་པ་མཁས་གྲུབ་གྲགས་པ་དབང་ཕྱུགདྲུག་པ་གྲགས་པ་ལེགས་བཤད་རྒྱ་མཚོ། བདུན་པ་བློ་བཟང་ཀུན་མཁྱེན་དཔལ་བཟང་པོ། བརྒྱད་པ་བློ་བཟང་དཔལ་ལྡན་ཡེ་ཤེས་བསྟན་པའི་རྒྱལ་མཚན། དགུ་པ་ལྷ་སའི་ཉེ་གནས་ཚལ་གུང་ཐང་དུ་འཁྲུངས་པ་སྐུ་ན་ཆུང་ངུ་ནས་གཤེགས། བཅུ་པ་རྒྱ་ནག་ཡཱ་ཀྲུའུ་ཞེས་པའི་སར་བལྟམས་ཀྱང་ཡུན་རིང་མ་འཚོ། བཅུ་གཅིག་པ་ཐུབ་བསྟན་ཡེ་ཤེས་ཚོགས་བསྟན་འཛིན་རྒྱ་མཚོ་བཅས་ནི་ཡུལ་དགོན་གཉིས་ཀྱི་འདྲེན་མཆོག་གཅིག་པུར་གྱུར། གཞན་ཡང་ཏཱ་བླ་མ་ཞེས་པ་རྒྱ་ནག་ཡུལ་གྱི་སྐྱེ་འགྲོ་མང་པོ་ནད་རིམས་ལས་བསྐྱབས་པས། གོང་མ་ཆེན་པོ་ནས་གནང་སྦྱིན་ཚད་མེད་པ་ཐོབ་པ་འདིས་ཀྱང་དགོན་འདི་ལ་སྐུ་གསུང་ཐུགས་རྟེན་སོགས་ཀྱི་བཀའ་དྲིན་བླ་ན་མཐོ། དེ་མིན་ཆོས་སྲིད་གཉིས་ཀྱི་མཛད་རྗེས་སྤེལ་བའི་དམ་པ་དུ་མར་བྱོན་ཡོད་མོད། [page 417] གོ་རིམ་ལྡན་པ་ཞིག་བརྗོད་བཀའོ།

འགན་བཞེས་ཀྱི་གོ་རིམ་དང་ཡོན་གྱི་འབྱུང་ཁུངས། དགོན་འདིའི་བསྟན་པའི་བདག་པོ་ནི་བྱེ་མ་སྐུ་སྐྱེ་རིམ་བྱོན་ཡིན་པ་གོང་དུ་གསལ། དེའི་འོག་ཏུ་དགེ་བཤེས་ཁག་གིས་ལོ་གསུམ་རེའི་རེས་བྱས་ནས་མཁན་པོ་མཛད་དགོས། མཁན་པོ་རིམ་བྱོན་ལ་གོང་གསལ་གོ་བོ་དཔོན་པོ་བཀྲ་ཤིས་སེང་གེ་ནས་བཟུང་མདའ་ཟུར་གྱི་གོ་གནས་ཡོད་པས་ཡུལ་དགོན་གཉིས་ཀྱི་ལུགས་ཟུང་གི་བདག་པོར་གྱུར། དེའི་འོག་ཏུ་བླ་ཚབ་གཅིག་ཡོད། དགེ་སྐོས་ནི་མིང་བྱུང་གི་གོ་རིམ་བཞིན་ལོ་རེའི་རེས་བྱས་ནས་དགོན་པའི་བཅའ་ཡིག་ཆེན་པོ་ལག་བསྟར་མཛད་པ་པོ་ཡིན། དེ་མིན་གཉེར་པ་གཉིས་དང་། གཏད་གཉེར་དྲུག་མ་བྱན་སོགས་ནི་ལས་སྣེ་ཁག་སྟེ། ལོ་འཁོར་མོའི་ནང་དུ་གྲྭ་པ་རེ་ལ་ཕོག་འབྲུ་ཁལ་བདུན་རེ་དང་། ཆོས་མཐུན་སོ་སོའི་སྐབས་ཀྱི་ཉིན་བཟུང་གཏོང་སྒོ་དང་། ལོ་དུས་སོ་སོའི་མཆོད་པ། ཟླ་དུས་གཏང་རག་སོགས་ཀྱི་དུས་འདའ་བར་བྱེད་དགོས། ཆོ་གའི་ཕྱག་ལེན་དང་འདོན་རྟེ་དབྱངས་ཕུལ་དུ་ཕྱིན་པ་ལ་དབུ་མཛད་ཆེན་པོ་ཞེས་མཚན་གསོལ། དེ་འི་འོག་ཏུ་དབུ་མཛད་གཞོན་པ་ཞིག་ཀྱང་ཡོད། དགོན་དེའི་འོག་ཏུ་ཁྱོན་གོ་བོ་རོང་སྡེ་ཁག་བཅུ་བདུན་འདུས་པ་ལས་ཁྲལ་འཇལ་དུད་ཚང་ཉིས་བརྒྱ་ལྔ་བཅུ་ང་དྲུག་ཡོད། དེ་དག་གི་འབྲུ་མར་གྱི་ཁྲལ་དང་། ཡོན་བདག་རྣམ་གྱི་དད་འབུལ། དགོན་པ་རང་ནས་ཀྱང་ཚོང་འཁོར་ཇི་ཐུབ་དང་། འབྲུ་དངུལ་བོཊ་བཏང་བྱས་པར་བརྟེན་ནས་ལོ་འཁོར་ཡོངས་ཀྱི་ཚོགས་པའི་གཏོང་སྒོ་མཛད་དགོས་སོ། དགོན་འདིའི་ལོ་འཁོར་མོའི་དུས་མཆོད་རྒྱུན་སྲོལ་སྐོར་རགས་ཙམ་གླེང་ན། ཟླ་དང་པོའི་ཚེས་གཅིག་ལ་ཚེ་གཏོད་དང་འབྲེལ་བའི་ལྷ་མོའི་བཤགས་གཏོར་རྒྱས་པ་གཅིག་འབུལ་སྲོལ་ཡོད། ཚེས་གསུམ་ནས་ཚེས་དྲུག་བར་གནས་བརྟེན་བཅུ་དྲུག་གི་ཞལ་ཐང་ལེགས་པར་བཤམས་ནས་གནས་བརྟན་ཆོ་ག་ཚོགས་དགོས། ཚེས་བཅུ་ནས་བཅུ་གསུམ་བར་རྣམ་རྒྱལ་ཆོ་ག་ཚེས་བཅུ་གསུམ་ནས་བཟུང་ཚེས་བཅུ་དྲུག་བར་སྨོན་ལམ་ཆེན་པོ་ཉིན་བཞིའི་རིང་། ཆོས་སྤྱོད་དང་འདོན་རྟ་དབྱངས་སོགས་དཔལ་ལྡན་འབྲས་སྤུངས་པའི་སྔར་སྲོལ་དང་གཅིག་གྱུར་རང་ཡོད་པར་གྲགས། ཚེས་བཅོ་ལྔ་ཉིན་བཅོ་ལྔ་མཆོད་པ་གཟབ་རྒྱས་གཤམསསྲོལ་ཡོད། ཚེས་ཉི་ཤུ་ལྔ་ནས་གནམ་གང་བར་བྱ་ཚོགས་བསྐང་གསོ་ཆེན་པོ་དང་། ཉི་ཤུ་བདུན་ནས་ཉེར་དགུ་བར་གོས་སྐུ་ཆེན་པོ་བཤམས་ནས་དགུ་གཏོར་ཆེན་པོའི་གར་འཆམ་བཅས་མཛད་དེ། ཚེས་ཉེར་དགུའི་ཕྱི་དྲོ་གཏོར་རྒྱག་བྱེད་དགོས། ཟླ་གཉིས་པའི་ཚེས་དགུ་ནས་བཅུ་གཅིག་བར་ལས་སྣེ་གསར་དཀོད་དང་། རྩིས་སྤྲོད་ལེན་བྱ་དགོས། སྐབས་སུ་རྩོད་དཔང་དུ་མཁན་པོ་དང་བླ་ཚབ། དྲུང་ཡིགདགེ་སྐོས་སོགས་ཕེབས་ནས་དོ་དམ་ཧ་ཅང་ཆེན་པོ་བྱེད་སྲོལ་ཡོད། ཚེས་བཅོ་ལྔར་ཏཱ་བླ་མས་འབུལ་བཞག་བྱེད་པའི་ནང་རྟེན་དང་མཆོད་ཆས་རྣམས་དམིགས་བསལ་གྱི་རྩིས་སྤྲོད་ལེན་བྱ་དགོས། ཟླ་གཉིས་པའི་ཉི་ཤུ་བདུན་ནས་བཟུང་བཞི་པའི་ཚེས་གཅིག་བར་རྗེ་ཡབ་སྲས་གསུམ་དང་། རྒྱལ་བ་པཎ་ཆེན་རིམ་བྱོན་གྱི་ཞལ་ཐང་བཤམས་ནས་ཇོ་ཆེན་དང་ཇོ་ཆུང་འཚོག་དགོས། དེའི་རིང་གཙོ་བོ་མ་༨ཎི་དུང་ཕྱུར་བསགས་ཏེ་རིལ་བུ་སྒྲུབ་པ་དང་། ཇོ་ཆུང་ཞག་ཉི་[page 418] ཤུའི་རིང་རིལ་བསྲེལ་བུམ་སྒྲུབ་བྱེད་དེ། དམིགས་བརྩེ་མའི་ཐོག་ནས་བུམ་སྒྲུབ་བྱེད་སྲོལ་འདུགཟླ་བཞི་པའི་ཚེས་གཉིས་ལ་ས་ག་ཟླ་བ་ཡི་ཆོ་ག་མཛད་པ་དང་། ཚེས་བཞི་ནས་བཅོ་ལྔའི་བར་མཛད་བརྒྱ་དཔག་བསམ་ཁྲི་ཤིང་གི་ཞལ་ཐང་ལེགས་པར་བཤམས་ནས་འཇིགས་བྱེད་ལྷ་བཅུ་གསུམ་གྱི་བདག་འཇུག་ཆེན་པོ་མཛད་དེ། ཉིན་ཐ་མར་ཞི་རྒྱས་དབང་གསུམ་གྱི་སྦྱིན་བསྲེགས་དང་། རྡུལ་ཚོན་བཅས་པ་ཆ་ཚང་སྒྲུབ་སྲོལ་མཆིས། བཅུ་དྲུག་ནས་གོ་བོ་རོང་ཡུལ་དགོན་སྤྱོའི་ཞབས་རིམ་དང་། ཕྱི་ཉིན་ཀླུ་ཐེབས་དང་བསྟུན་ཏེ་ཆུ་མིག་གཉའ་མ་ཞེས་པའི་སར། ཀླུ་མཆོད་དང་བསང་གསོལ། བཀྲ་ཤིས་གསོ་སྦྱོང་བྱ་སྟེ། ཉིན་གང་པོའི་གཏོང་སྒོ་མ་བྱན་གཉིས་ཀྱིས་ཞུ་དགོས། ཟླ་དྲུག་པའི་ཚེས་བཅུ་བཞི་ནས་བརྒྱད་པའི་ཚེས་གསུམ་བར་དབྱར་མཆོད་ཆེན་མོ། ནང་གསེས་དྲུག་པའི་ཚེས་བཅོ་ལྔ་ནས་ཉེར་ལྔ་བར་བདེ་མཆོག་ལྷ་དྲུག་བཅུ་རྩ་གཉིས་ཀྱི་ཞལ་ཐང་ཆེ་ཆུང་རྣམས་བཤམ་ཏེ་བདེ་མཆོག་བདག་འཇུག་མཐར་རྡུལ་ཆོན་དང་བཅས་མཛད་རྒྱུ། དེའི་རིང་གི་ཉིན་བཟུང་དང་གཏོར་སྒོ་གཉེར་པ་གཉིས་ནས་ཞུ་དགོས། དེའི་འཕྲོས་སུ་ཞག་གསུམ་རིང་གསང་འདུས་ཚོགས་རྒྱུ་སྟ་གོན་མཛད་ནས། ཉི་ཤུ་དགུ་དང་གསུམ་བཅུ་ཉིན་གཉིས་ལ་ཟླ་གསོལ་བསྐང་གསོ། བདུན་པའི་ཚེས་གཅིག་ཉིན་གཡའ་རྟེན་སྟེང་ཞེས་པའི་སར་གཞི་བདག་ལ་བསང་གསོལ་བྱས་ནས། ཚེས་གསུམ་ནས་བཅུ་གསུམ་བར་གསང་འདུས་སྐུ་ཐང་ཆེ་ཆུང་རྣམས་ལེགས་པར་བཤམས་ནས་གསང་འདུས་བདག་འཇུག་སྦྱིན་བསྲེགས་དང་བཅས་འཚོག་རྒྱུ་དང་། ཚེས་བཅུ་བཞི་ནས་བཅུ་དྲུག་ཉིན་གཉིས་སུ་རབ་གནས་དགེ་ལེགས་ཆར་འབེབས་དང་། སྦྱིན་བསྲེག་གཉིས་ཀྱི་གཏོང་སྒོ་གཉེར་པ་གཉིས་ནས་ཞུ་དགོས། ཉི་ཤུ་གསུམ་ཉིན་ནས་བཟུང་ཉིན་བདུན་རིང་བསྐང་གསོ་ཆེན་པོ་འཚོག་རྒྱུ། གཞན་ཡང་ཟླ་བ་དྲུག་པའི་ཚེས་བཅོ་ལྒ་ཉིན་དབྱར་གྱི་སྦྱོར་ཆོག བཅུ་དྲུག་ཉིན་གྱི་སྔ་དྲོ་དབྱར་ཁས་ལེན། ཟླ་བདུན་པའི་ཚེས་ཉེ་དགུ་ཉིན་དབྱར་དགག་དབྱེ། ཟླ་བརྒྱད་པའི་ཚེས་གཉིས་ནས་སྟ་གོན་བྱེད་དེ་ཚེས་གསུམ་ནས་དྲུག་བར་ཆབ་ཞུགས་ཏེ། དེའི་རིང་གོ་བོ་རོང་འཐུས་མི་དྲུག་ནས་གཏོང་སྒོ་ཕུན་སུམ་ཚོགས་པར་བྱེད་སྲོལ་ཡོད ཟླ་བཅུ་པའི་ཉི་ཤུ་བཞི་ནས་བཅུ་གཅིག་པའི་ཚེས་བཞི་བར་ལྔ་མཆོད་ཆེན་མོ། ཁྱད་པར་དུ་ཚེས་ཉེར་ལྔར་རྗེ་བདག་ཉིད་ཆེན་པོ་དགོངས་རྫོགས་དུས་སུ་དམིགས་བསལ་གྱི་ཞལ་ཐང་བཀྲམ་པ་དང་། ཞལ་འདོན དགུང་དྲོ་ཚོགས་འཁོར མཆོད་ཕྲེང་སོགས་རྒྱ་ཆེར་བྱེད་སྲོལ་ཡོད ལྔ་མཆོད་མཇུག་ཏུ་ཡོན་བདག་རྣམས་ཀྱི་གཏོང་སྒོ་བཏང་ནས་ཉིན་ཚོགས་མཛད་སྲོལ་ཡང་མཆིས་པ་དེ་ཡན་ནི་དགོན་པའི་སྒྲུབ་མཆོད་སྐོར་རོ། དེང་གི་གནས་ཚུལ། དེ་ལྟར་རྗེ་བདག་ཉིད་ཆེན་པོའི་རིང་ལུགས་དྲི་མ་མེད་འཛིན་སྐྱོང་བྱེད་པའི་གདན་ས་འདི་ཡང་སྐྱེ་འགྲོའི་བསོད་ནམས་ཕྲ་བས ངོ་རྒོལ་བཞི་པ་ཞེས་པའི་སྐབས་སུ་རྟེན་དང་བརྟེན་པ་ཐམས་ཅད་བརླགས དེང་སང་སྐུ་སྐྱེ་འཇོལ་བླ་རིན་པོ་ཆེས་གཙོ་གྱུར་བའི་བགྲེས་སོང་འགས་ཐུགས་བཤེས་ཚད་མེད་གནང་སྟེ། སྔར་གྱི་དགོན་ས་རྙིང་པ་སླ་ང་སྒང་ཞེས་པའི་སར སྡེ་ཁག་སོ་སོ་ནས་ངལ་རྩོལ་ཚད་མེད་བརྒྱུད་དེ་རིམ་བཞིན་འདུ་ཁང་དང་། རུང་ཁང་། གཉེར་ཁང་། གྲྭ་ཤག་འགའ་ཤས་[page 419] བཅས་རྒྱ་བསྐྱེད་བྱེད་དེ། གྲྭ་ཡང་གྲངས་དྲུག་བཅུ་རེ་གཉིས་ཙམ་འདུས་ནས། གོ་བོ་རོང་སྡེ་ཁག་སོ་སོ་ནས་དད་འབུལ་འབྲུ་དངུལ་སོགས་ལ་བརྟེན་ཏེ། སྔར་གྱི་ཚོགས་སྲོལ་ཇི་ཡོད་ཉམས་མེད་ཙམ་དུ་ཚོགས་བཞིན་པ་མཆིས། ཁྱད་པར་དུ་གོ་བོ་རོང་སྐྱ་སེར་ཡོངས་ཀྱིས་རེ་སྐུལ་ཞུས་པ་དང་། སྐྱབས་མགོན་འཇོལ་བླ་རིན་པོ་ཆེའི་བཀའ་དྲིན་ལ་བརྟེན་ནས། བེ་བཀྲ་དགེ་བཤེས་བསྟན་འཛིན་རྒྱ་མཚོ་མཆོག་སྐུ་ངལ་ཁྱད་དུ་སེལ་ནས་རང་ཡུལ་དུ་ལོག་སྟེ། རྒྱ་གར་ནས་སྐུ་གསུང་ཐུགས་རྟེན་གསུང་མང་པོ་ཞིག་སྤྱན་དྲངས་པར་མ་ཟད། དགོན་པ་འཛིན་སྐྱོང་དང་། གྲ་ཁང་རྒྱ་བསྐྱེད། རྟེན་གསུང་གསར་བཞེངས་སོགས་ལ་ཐུགས་བཞེས་རྨ་མེད་འཆང་བར་བརྟེན། ཡུལ་དགོན་གཉིེས་ཀ་བཀའ་དྲིན་བླ་ན་འཕགས་སོ།

ས་མིང་ཚིག་མཛོད་མིག་བཤར།

དགོན་འདིའི་ཕྱག་འདེབས་པ་པོ་ནི་གྲུ་བ་དགེ་བཤེས་དགེ་འདུན་ཆོས་འཕེལ་ཞེས་པ་དེ་ཡིན། ཁོང་ནི་འབའ་གྲུ་བ་བརྒྱ་དཔོན་ཚང་དུ་སྐུ་བལྟམས། དབུས་ཕྱོགས་སུ་བྱོན་ནས་འབྲས་སྤུངས་གོ་བོ་ཁང་ཚན་དུ་བཞགས། ཕྱིས་སུ་རང་ཡུལ་དུ་ལོག་ནས་རབ་བྱུང་བཅུ་བཞི་པའི་མཇུག་ཙམ་དུ་དགོན་འདི་བཏབ་པར་གྲགས། རྗེ་འདི་ཉིད་ཀྱི་སྐུ་དུས་སུ་དམ་པའི་ཆོས་ཀྱི་འཁོར་ལོ་བསྐོར་ཚུལ་སོགས་ནི་དཔྱད་གཞི་དབེན། སྐབས་ཞིག་དགོན་འདིར་ཕྱག་ཕྲེང་ལྡེང་པོའི་ཇག་པས་བཅོམ་ནས་ཉམས་གུད་ཆེན་པོ་ཐེབས་ཡོད་པར་བཤད་ལ། གྲུ་བ་དགེ་བཤེས་ཀྱི་གསུང་འབུམ་པོད་གཅིག་ཡོད་པ་ཡང་དེའི་སྐབས་སུ་བརླགས། ཕྱིས་སུ་འབའ་ཆོས་སྡེ་དགོན་པས་བདག་ཏུ་བཟུང་ནས་བླ་མ་ཁག་གི་རི་ཁྲོད་དུ་གྱུར་པ་མ་ཟད། འབའ་ཆོས་སྡེ་དགོན་པའི་དབྱར་ཐ་མ་དགོན་འདིར་སྐྱེལ་སྲོལ་ཡང་འདུག་དེའི་དུས་སུ་འདུ་ཁང་ཀ་བ་སོ་ལྔ་མའི་ཁྱོན་ལྡན་དང་། མགོན་ཁང་། རུང་ཁང་གྲྭ་ཤག་བཅས་ཁྱོན་བཅུ་ཙམ་ཡོད། ནང་རྟེན་གཙོ་བོ་རྗེ་ཡབ་སྲས་གསུམ་གྱི་འདྲ་སྐུ་དང་། གྲུ་བ་དགེ་བཤེས་ཉིད་ཀྱི་ཐུགས་དམ་གྱི་རྟེན་ཙན་དན་ལས་གྲུབ་པའི་གསང་འདུས་སྐུ་ཁྲུ་གང་ཙམ་དང་། དགེ་བཤེས་ཉིད་ཀྱི་སྨན་སྐུ། སྤྱན་རས་གཟིགས་ཀྱི་སྐུ། རྒྱལ་བའི་བཀའ་འ་གྱུར་དང་བསྟན་འགྱུར། མཆོད་ཆས་རིགས་སོགས་འགངས་ཆེན་ཡོད་ཀྱང་ངོ་རྒོད་ལ་བཞི་པ་སོགས་ཀྱི་སྐབས་སུ་ཐམས་ཅད་བརླགས། དེང་སང་སྐྱེ་བོ་ཡོངས་ཀྱི་བསོད་ནམས་ཀྱིོ་ཉི་མ་སླར་ཡང་ཤར་ནས། འདུ་ཁང་ཀ་བ་ཉི་ཤུ་མའི་ཁྱོན་ལྡན་ཞིག་དང་། བླ་བྲང་གཅིག་བཅས་གསར་བཞེངས་གྲུབ། རྟེན་གཙོ་ལ་སྤྱན་རས་གཟིགས་ཕྱག་སྟོང་སྤྱན་སྟོང་སྐུ་གཅིག་དང་། རྗེ་ཡབ་སྲས་གསུམ་གྱི་སྐུ། གྲུ་བ་དགེ་བཤེས་ཉིད་ཀྱི་འདྲ་སྐུ་གསར་དུ་བཞེངས་ཟིན། འོན་ཀྱང་གྲྭ་བའི་ཞལ་གྲངས་ཧ་ཅང་ཉུང་བའི་རྐྱེན་གྱིས་སྒྲུབ་མཆོད་སོགས་རང་རྐང་ཚུགས་པ་ཞིག་ད་བར་མ་བྱུང་ངོ་།།

ས་མིང་ཚིག་མཛོད་མིག་བཤར།

[page 420] ཐོག་མར་དགོན་འདི་ཀར་དགོན་ཡིན་པར་གྲགས། ཕྱིས་སུ་དགེ་ལྡན་པའི་རིང་ལུགས་བསྐྱངས་མོད་འདེབས་པ་པོ་དང་དུས་ཚིགས་སོིགས་མ་ངེས། སྐབས་ཤིག་མདོ་སྨད་ཡུལ་གྱི་ལྷ་སྐལ་དུ་གྲགས་པའི་གྲུབ་ཐོབ་ན་སེ་རིན་ཆེན་སམ་སངས་རྒྱས་རིན་ཆེན་ཞེས་མཚན་སྙན་གྱི་རྫ་རྔ་རིང་དུ་བརྔུང་བ། གྲུབ་ཆེན་གྱི་རྣམ་ཐར་སྐྱོང་བ་འདི་ཉིད་ཀྱིས་འགྲོ་དོན་འདི་ཕྱོགས་སུ་གཟིགས་ནས་བྱོན་པར་གྲགས། དགོན་འདིའི་མཚན་དུ་སྔོ་གཅུ་དགོན་ཞེས་འབོད་དོན་ནི། དམངས་ཁྲོད་ཀྱི་ངག་སྒྲོས་སུ། གྲུབ་རྗེ་དམ་པ་འདི་ཉིད་ཡུལ་དེར་ཐོག་མར་ཞབས་ཀྱིས་བཅགས་དུས་མ་སྨད་གཉིས་ཀྱིས་བཅགས་དུས་མ་སྨད་གཉིས་ཀྱིས་རྩྭ་གཅུ་བ་དང་འཕྲད། གྲུབ་རྗེས་རྟེན་འབྲེལ་རྟགས་པའི་ཆེད་དུ་མ་སྨད་གཉིས་ཀྱིས་ཅི་བྱེད་ཞཆས་ལན་གསུམ་དྲིས་ལན་དུ། སྔོ་གཅུ་བ་ཡིན་ཞེས་ཟེར་བས། རྟེན་འབྲེལ་མ་བྱུང་སྔོ་གཅུ་སྒང་དུ་འབོད། དེ་ནས་ས་མིང་དགོན་ལ་བཏགས་ནས་སྔོ་གཅུ་དགོན་དུ་གྲགས། གྲུབ་མཆོག་དམ་པ་འདི་ཉིད་ཀྱི་སྐུ་དུས་སུ་དགོན་འདིར་འཁོར་ལོ་གསུམ་གྱི་བྱ་བ་སྐྱོང་ཚུལ་ནི་བརྗོད་ཐབས་བྲལ། ཕྱིས་སུ་གྲུབ་རྗེ་ཉིད་སྐུ་མྱ་ངན་ལས་འདས་ཏེ། ཁོང་གི་སྐུ་གདུང་ལ་ཞལ་བ་གསོལ་ནས་སྐྱེ་འགྲོ་ཡོངས་ཀྱི་དད་རྟེན་དུ་འགྱུར་པའི་འདྲ་སྐུ་ཞིག་བཞེངས། རྗེ་ཉིད་ཀྱི་མཚན་སྙན་མ་ཧཱ་ཅི་ནའི་ཡུལ་ཚུན་ཆད་དུ་ནས། གོང་མས་འདི་ཕྱོགས་སུ་བཟོ་བོ་བཏང་ནས་གཙུག་ལག་ཁང་རྒྱ་ལུགས་ལྟར་དུ་བསྐྲུན་ཡོད་པ་ངག་སྒྲོས་ལས་སྣང་བ་མ་ཟད། སྔར་རྒྱ་བཟོས་བསྐྲུན་པའི་ས་ཕག་དམར་པོ་ཆག་གྲུམ་དུ་སོང་བ་དེང་སང་ཡང་རེ་གཉིས་ཙམ་མཐོང་ཆོས་སུ་མཆིས། གཞན་ཡང་མན་ཆིན་གོང་མ་ཅ་ཆིན་དང་ཀང་ཞུའུ་གཉིས་ཀྱི་སྐབས་སུ་གནང་བའི་ཤིང་གི་གླེགས་བྱང་གསེར་བྲིས་མ་གཉིས་དེང་སང་ཡང་མིན་གི་བདུད་རྩིར་གྱུར་པར་བརྟེན། རྒྱ་ནག་སྲིད་འཛིན་ཁག་གིས་ཀྱང་དགོན་འདིར་རོགས་སྐྱོང་ཆེན་པོ་ཡོད་པར་རྟོགས་སླ། དགོན་འདིར་བཤད་སྒྲུབ་ཀྱི་བསྟན་པ་དར་སྤེལ་བྱུང་ཚུལ་ནི་བརྗོད་ཐབས་དབེན་པའི་གནས་སུ་མཆིས། ཕྱིས་སུ་འབའ་ཆོས་སྡེ་དགོན་པས་དགོན་འདིར་མཆོད་བཤམས་བྱེད་མཁན་དགེ་སློང་རེ་གཏོང་སྲོལ་ཡོད་པ་ལས་དགེ་འདུན་གྱི་སྡེ་རང་རྐང་ཟིན་པ་ཞིག་མ་བྱུང་། སྐབས་ཞིག་ཕྱག་ཕྲེང་ལྡིང་པོའི་ཇག་པས་བཅོམ་པར་གྲགས་ཀྱང་། གྲུབ་ཐོབ་ཀྱི་སྐུ་གདུང་ལ་སྐྱོན་མ་ཐེབས་ཏེ། གཞན་གྱོང་གུད་ཅི་ཙམ་ཕོག་པར་མི་གསལ། ངོ་རྒོལ་བཞི་པ་སོགས་ལས་འགུལ་མ་སྤེལ་གོང་དགོན་འདིར་འདུ་ཁང་ཀ་བ་ཉི་ཤུ་རྩ་ལྔ་མའི་ཁྱོན་ལྡན་དང་། གྲུབ་ཐོབ་ཀྱི་འདྲ་སྐུ་ཁང་ཀ་བ་བཅུ་དྲུག་སྤྲེལ་མ་ཞིག་ཡོད། དེའི་གཡོན་ཟུར་རྡོ་འབུམ་ཐོག་བརྩེགས་གཅིག་གྲུབ་ཐོབ་ཀྱི་སྒྲུབ་ཕུག་དང་སྦྲེལ་མ་ཞིག་ཡོད། དགོན་འདིེིའིནང་རྟེན་དུ་གྲུབ་ཐོབ་ཀྱི་འདྲ་སྐུ་གསུང་བྱོན་མ་མིའི་ལུས་ཚད་ཙམ་དང་། གྲུབ་ཐོབ་ཉིད་ཀྱི་ཐུགས་དམ་གྱི་རྟེན་ཙན་དན་ལས་གྲུབ་ཆེན་ཐང་སྟོང་པའི་སྐུ་མཐོ་གང་[page 421] ཙམ་དན་ལས་གྲུབ་པའི་སྤྱན་རས་གཟིགས་བཞེངས་སྐུ་ཁྲུ་གང་ལྡན་པ། རྗེ་ཡབ་སྲས་གསུམ་སྨན་འདམ་ལས་གྲུབ་པ་དང་། བྱམས་པ་ལུས་ཚད་མ། སྤྱན་རས་གཟིགས་ཕྱག་སྟོང་སྤྱན་སྟོང་། ལྡེབས་རིས་དང་ཐང་ཀ་ཡང་དྭངས་བ་འདྲེན་པ་ཡོད། འབུམ་རྒྱས་འབྲིང་སྡུས་གསུམ་གསེར་བྲིས་མ་དང་། རྣམ་རྒྱལ་མཆོད་རྟེན་ཁྱད་འཕགས་ཅན་མཆོད་ཆས་སོགས་ཀྱང་འགངས་ཆེན་མང་དུ་མཆིས་ཀྱང་། དུས་ཕྱིས་དུ་ངོ་རྒོལ་བཞི་པ་སོགས་ཀྱི་སྐབས་སུ་ཐམས་ཅད་བརླགས། དེང་སང་ཆོས་ཀྱི་བསྐལ་པ་བཟང་གི་དུས་འདིར། དགོན་པའི་གཙུག་ལག་ཁང་སྔར་དང་མཉམ་པ་ཞིག་ཕྱི་ཁོག་གྲུབ་ཟིན། ནང་རྟེན་གཙོ་བོ་གྲུབ་ཐོབ་ཀྱི་འདྲ་སྐུ་གཅིག་དང་སྟོན་པའི་སྨན་སྐུ་གཅིག་བཞེངས་གྲུབ། གཞན་ཡང་དགོན་པའི་གཡོན་ཟུར་དུ་མཆོད་རྟེན་ཐོག་བརྩེགས་གཅིག་ཙམ་བཞེངས་ཟིན། སྔར་བཞིན་ཡུལ་གྲུ་ཀུན་ནས་གྲུབ་ཐོབ་ཀྱི་འདྲ་སྐུ་མཇལ་མཁན་མི་ཉུང་བ་ཡོད་ཀྱང་ལམ་ཐག་རིང་ཞིང་། ཡོན་བདག་གི་དུད་གྲངས་དགུ་ཙམ་ལས་མེད་པ་དང་། གྲྭ་པའང་གཅིག་ཀྱང་མེད་པས། ཐམས་ཅད་མི་སྐྱ་རྣམས་ཀྱི་འགོ་འཛིན་བྱེད་ནས་མཆོད་བཤམས་དང་སྤྱི་རིམ་སྒྲུབ་དགོས་པ་ལགས།

ས་མིང་ཚིག་མཛོད་མིག་བཤར།

རབ་བྱུང་བཅུ་བཞི་པའི་མེ་བྱ་ལོར་དཔལ་སྙན་བཀྲ་ཤིས་ཀྱིས་ཕྱག་བཏབ། དེའི་དུས་སུ་གྲྭ་པ་བདུན་ལས་མེད་པར་གྲགས། རྫིང་མཛོད་དགོན་འདིའི་མཚན་དོན་ནི། དགོན་པ་དང་པོ་བཏབ་དུས་ཉེ་བའི་ཆུ་རྫིང་ཆེན་པོ་ཞིག་ཆུས་གང་བར་རྟེན་འབྲེལ་བརྩིས་ཏེ་དེ་ལྟར་མཚན་གསོལ། རིམ་བཞིན་དད་ལྡན་ཡོན་བདག་ཇེ་མང་དུ་གྱུར་བ་དང་། བྲིན་སྨད་ཡུལ་དུ་དྲོ་གྲང་སྙོམས་པ་སོགས་ལ་གཟིགས་ཏེ། རྫ་ཕྲ་རི་སྒྲོལ་མ་གཡས་བསྐུམས་གཡོན་བརྐྱངས་ཀྱི་རང་བཞིན་ཅན། དེའི་ཞབས་གཡས་པའི་པུས་མོ་ལྟ་བུའི་སྒང་ཞིག་གི་ཐོག་ཏུ་སྤོས། དེའི་འཕྲོས་བྱམས་པ་སྦྱིན་མཛད་ཀྱིས་རྒྱ་བསྐྱེད་བཏང་ནས། གྲྭ་པའི་ཞལ་གྲངས་ཀྱང་བརྒྱ་ལས་བརྒལ་བ་བྱུང་། དགོན་པའི་འགན་བཞེས་ཀྱི་གོ་རིམ་དང་གདན་རབས། དགོན་འདིེའི་བསྟན་བདག་ནི་ཟངས་གླིང་སྐུ་སྐྱེ་རིམ་བྱོན་ཡིན་ཡང་། དེའི་སྐྱེ་ཕྲེང་སོ་སོའི་མཚན་སོགས་དཔྱད་གཞི་མེད་པས་བརྗོད་ཐབས་བྲལ། དེའི་འོག་ཏུ་མཁན་པོ་རིམ་བྱོན་ནི་འབའ་ཆོས་སྡེ་དགོན་པས་བཏང་སྲོལ་ཡོད་ཀྱང་ཕྱིས་སུ་ཆོས་སྡེ་དགོན་པ་མེས་འཇིག་རྗེས། རྫིང་མཛོད་གྲྭ་ཚང་རང་ནས་ལོ་གསུམ་རེའི་རེས་བྱས་ནས་མཁན་པོ་བསྐོ་བཞག་བྱེད་དགོས། དགེ་འདུན་གྱི་འདུལ་ཁྲིམས་ཀྱི་བདག་པོ་ལ་དགེ་སྐོས་ཞེས་པའི་མཚན་གསོལ་ཏེ་ལོ་རེའི་རེས་བྱས་ནས་བསྐོ་རྒྱ། ལོ་གསུམ་རེའི་བྱས་པའི་ཕྱག་སྦུག་ནི་དགོན་པའི་ཚོགས་ཀྱི་གཏོང་སྒོ་དང་ཚོང་གཉེར་སོགས་དཔལ་འབྱོར་གྱི་འགན་གཙོ་བོ་བཞེས་མཁན་ཡིན། འདོན་རྟ་དབྱངས་ཆོ་[page 421] ག་ཕྱག་བཞེས་སོགས་བྱང་ཆུབ་པ་ལ་དབུ་མཛད་ཀྱི་ཐ་སྙད་སྦྱར། དགོན་འདིའི་མཁན་རབས་སོགས་བརྗོད་ཐབས་བྲལ་ཡང་། གཟིགས་འགག་རབ་བརྟན་རྒྱ་མཚོ། དབྱེ་མོ་བླ་མ། དགེ་བཤེས་འོད་ཟེར། ཐུབ་བསྟན་ཉི་མ། སྤྲུལ་ཨུ་རྒྱན་ཆོས་འཕེལ། ཨ་འབུམ་བླ་མ། ཡེ་ཤེས་དགའ་བ། བསྟན་འཛིན་ཀླུ་སྒྲུབ་སོགས་མཁས་གྲུབ་དུ་མ་བྱོན་ནས་གདན་ས་འདི་འཛིན་སྐྱོང་ཚད་མེད་གནང་ཡོད།

སྐུ་གསུང་ཐུགས་རྟེན། རབ་བྱུང་བཅུ་དྲུག་པའི་ས་འབྲུག་ལོ། མིན་གོ་ལོ་བཅུ་བདུན་ལ་དགོན་པས་གོ་མིན་ཏང་གི་འབྲུ་ཁྲལ་ལ་བརྒོལ་བ་ན། འབའ་སྡོད་རྫུས་དམག་ཅུན་ཉེར་བཞི་པའི་ཐོན་ཀྲང་མཱ་ཁྲེང་ལུང་(马成龙)ཞེས་པ་དེས་དཔུང་ཁྲིད་དེ་སྐོར་བཅོམ་བྱས་ནས། གྱོང་གུད་ཆེན་པོ་ཐེབས་ཏེ་ཕྱིས་སུ་གཞི་ནས་ཉམས་གསོ་བྱུང་ཐུབ་ཡོད་པ་རེད། མེ་བྱི་ལོའི་དབྱར་དུས་སུ། ཧོ་ལོང་གིས་གཙོ་ཁྲིད་གནང་བའི་རྒྱང་སྐྱོད་དམར་དམག་འབའ་ཁུལ་དུ་སྐྱོད་སྐབས། དགོན་པས་འབྲུ་མར་སོགས་ཀྱིས་རྒྱབ་སྐྱོར་ཆེན་པོ་གནང་ཡོད་པ་འབའ་ཐང་རྫོང་ལོ་རྒྱུས་དེབ་ཐེར་ལས་གསལ། སྤྱི་ལོ་ང་དྲུག་ལོར་དགོན་འདིར་འདུ་ཁང་ཆེ་ཆུང་གཉིས་དང་། གྲྭ་ཤག་ཉིས་བརྒྱ་བདུན་ཅུ། གཞན་ཡང་བྱམས་ཁང་དང་། སྟོད་མཆོད་ཁང་སོགས་ཡོད། དེ་དག་ལས་ནང་རྟེན་གཙོ་བོ་ནི། བྱམས་པ་དང་མི་འཁྲུགས་པ། འཇིགས་བྱེད། གདུགས་དཀར་སོགས་སྐུ་ཆེན་ཐོག་བརྩེགས་གཅིག་གཉིས་ཙམ་དང་། སྟོན་པའི་སྐུ་དང་ཉེ་བའི་སྲས་ཆེན་བརྒྱད་ཀྱི་སྐུ། སྤྱན་རས་གཟིགས། རྗེ་ཡབ་སྲས་གསུམ། འཕགས་པའི་གནས་བརྟན་བཅུ་དྲུག་སོགས་ལི་གསར་ལས་གྲུབ་པའི་འདྲ་སྐུའི་རིགས་དང་། ཚེམ་དྲུབ་ཀྱི་ཞལ་ཐང་སོགས་ཞལ་ཐང་གི་རིགས། གཞན་ཡང་རྒྱལ་བའི་བཀའ་དང་བསྟན་བཅོས་སོགས་ཀྱང་པོད་དུ་མ་ཡོད། དེ་མིན་སིལ་སྦུག་རོལ་ཆས་སྐོར་དང་། འཕེན་གདུགས་སོགས་མཆོད་ཆས་རིགས་སོགས་ཀྱང་རིན་ཐང་གཞལ་དུ་མེད་པར་མཆིས། དགེ་འདུན་ཁྱོན་སུམ་བརྒྱ་ཙམ་ཡོད་པ་ལས། རྒྱུན་གནས་གྲྭ་པའང་བརྒྱ་ཙམ་ཡོད་དོ།།

སྒྲུབ་མཆོད་རྒྱུན་སྲོལ་དང་ཡོན་གྱི་འབྱུང་ཁུངས། དགོན་འདིའི་ལོ་འཁོར་མོའི་ནང་གི་སྒྲུབ་མཆོད་ནི། བོད་ཟླ་དང་པོར་སྨོན་ལམ་ཆེན་པོ་ཞག་ཉི་ཤུ་རྩ་གཅིག་དང་། ས་ག་ཟླ་བར་མ་ཎི་བུམ་སྒྲུབ། འཇིགས་བྱེད་དབང་ཆོག་ཁྱོན་ཉིན་བཅོ་ལྔ། དྲུག་པའི་བཅོ་ལྔ་ནས་བདུན་པའི་གནམ་གང་བར་དབྱར་གནས། བརྒྱད་པའི་ཉི་ཤུ་གཅིག་ནས་གནམ་གང་བར་དབྱར་མཆོད་ཆེན་མོ། བཅུ་པར་དགའ་ལྡན་ལྔ་མཆོད་ཞག་བདུན། བཅུ་གཉིས་པར་ལོ་གསར་སྨོན་ལམ་ཞག་བདུན་བཅས་ཚོགས་དགོས། དམིགས་བསལ་དུ་དབྱར་མཆོད་ཀྱི་སྐབས་སུ་འཆམ་རིམ་པ་ཁག་དང་། གཏོར་རྒྱག་བྱེད་དགོས། དེའི་འཆམ་གྱི་སྲོལ་ནི་ལྷ་ལྡན་བརྟན་རྒྱས་གླིང་གྲྭ་ཚང་ལ་དཔེ་བཅད་པར་གྲགས། དགོན་པའི་འཚོ་བའི་འབྱུང་ཁུངས་ནི་གཙོ་བོ་གཙང་ཆེན་རོང་དང་དབྲིན་པོ་གྲོང་སྡེ་གཉིས་ལ་བོགས་ལེན་ཞིང་པ་ཡོད་པ་མ་ཟད། ད་དུང་རྫོང་རྩ་དང་ཤོད་པོ། འཕྲང་པོ། ཛེལ་སྨད། ར་བསུ་གྲོང་སྡེ་བཅས་ལའང་ཡོན་བདག་ཡོད་པ་དང་། སྒོ་ཕྱུགས་ཀྱང་ཉིས་བརྒྱ་དྲུག་ཅུ་ལྷག་ཡོད་པར་བརྟེན། གཙོ་བོ་དགོན་པ་རང་གི་ས་ཞིང་བོགས་ལེན་དང་འབུལ་ཡོན་བཅས་ཀྱི་ལོ་[page 423] འཁོར་མོའི་ཚོགས་ཀྱི་བཏང་སྒོ་མཛད་དགོས་སོ།། དེང་གི་གནས་ཚུལ། ཞྭ་སེར་ཅོད་པཎ་འཆང་པའི་གདན་ས་འདིར་ཡང་། ངོ་རྒོལ་བཞི་པ་རིག་གནས་གསར་བརྗེའི་སྐབས་སུ་ཆག་སྒོ་ཆེན་པོ་བྱུང་སྟེ། རྟེན་དང་བརྟེན་པ་བཅས་ཐམས་ཅད་མིང་གི་ལྷག་མར་སོང་། དེང་སང་ཆོས་ཀྱི་སྒོ་འཕང་ཡངས་པར་ཕྱེ་ནས། སྔར་གྱི་དགོན་ས་རྙིང་པའི་ཐོག་འདུ་ཁང་ཀ་བ་བརྒྱད་ཅུའི་ཁྱོན་ལྡན་ཞིག་དང་། རྗེ་ལྷ་ཁང་། རུང་ཁང་སོགས་གསར་དུ་བཞེངས་པ་དང་། ནང་རྟེན་དུ་སྟོན་པའི་སྐུ་ཐོག་བརྩེགས་གཉིས་ཙམ་དང་། རྗེ་ཡབ་སྲས་གསུམ་གྱི་འདྲ་སྐུ་སོགས་ལེགས་པར་བཞེངས་གྲུབ་ཀྱང་། འདིར་ས་ཁྱོན་ཆུང་བ་དང་ཆུ་ཡང་དཀོན་པོར་སོང་སྟབས། སླར་ཡང་སྤང་ལམ་མར་ཁུ་སྟེང་ཞེས་པའི་སར་གསར་དུ་སྤོས་ནས། འདུ་ཁང་ཀ་བ་བརྒྱ་དང་ཉེར་དྲུག་མའི་ཁྱོན་ལྡན་ཐོག་བརྩེགས་གཅིག་དང་། རྗེ་ལྷ་ཁང་ཀ་བ་བཅུ་དྲུག་མ། གྲྭ་ཤག་དྲུག རུང་ཁང་གཅིག་བཅས་ཆེ་ལོང་ཙམ་གྲུབ་སྟེ། དད་ལྡན་གྱིས་ཡོན་འབུལ་ལ་རྟེན་ནང་བརྟེན་གསར་བཞེངས་སོགས་ཀྱི་སྟ་གོན་རྒྱ་ཆེར་མཛད་བཞིན་པ་མཆིས་སོ།།

ས་མིང་ཚིག་མཛོད་མིག་བཤར།

རབ་བྱུང་བཅུ་བཞི་པའི་ལྕགས་འབྲུག་ལོར། འབའ་སྡེ་བའི་འོག་གི་ཞབས་ཞུ་བ་དྲུག་ཅུས་སྡེ་རོང་རྫོང་ཁོངས་ཀྱི་སྣང་བཟང་དགོན་མེས་བསྲེགས་པར་འགྱོད་བཤགས་བྱས་ཏེ་སྐྱ་སེར་སྡེ་འབངས་བསྐུལ་ཏེ་བཏབ་པར་གྲགས། ཀོང་ཞུའུ་ཁྲི་ལོ་སོ་གཅིག་པར་맢탷죽쪮튻쓪 ཀྲོབ་འར་ཧྥུང་럡གིས་འབའ་ཆོས་སྡེ་དགོན་པའི་རྟེན་དང་བརྟེན་པ་ཐམས་ཅད་མེས་བསྲེགས་རྗེས། རི་སྟོད་ལྷ་ཁང་འདི་ཉིད་འབའ་བརྒྱ་ཤོག་དང་འབྲི་ནག་བརྒྱ་ཤོག་གཉིས་ཀྱིས་རྒྱ་བསྐྱེད་མཛད་དེ། གྲྭ་ཤག་དྲུག་ཅུ་གསར་དུ་བསྐྲུན། ཆོས་སྡེ་དགོན་པའི་སྒྲུབ་མཆོད་ཡོངས་རྫོགས་འདིར་འཚོགས་ནས་ཁྱོན་ལོ་ངོ་བཅོ་བརྒྱད་སོང་། དེའི་རྗེས་ཆོས་སྡེ་དགོན་ཉམས་གསོ་གྲུབ་ནས། རི་སྟོད་དགོན་རྨྱུང་གནས་ལྷ་ཁང་དུ་གྱུར། རབ་བྱུང་བཅུ་དྲུག་པའི་ཆུ་སྟག་ལོར་འབའ་ཆོས་སྡེ་བའི་ཚབ་བྱེད་དེ་སྲུང་སྐྱོབ་དགོན་པའི་ཁོངས་སུ་བཞག རིག་གནས་གསར་བརྗེ་ཆེན་པོའི་རིང་འདུ་ཁང་ཕྱི་ཁོག་ཙམ་ལས་ལྷག་མེད་དུ་གྱུར། ལྕགས་སྤྲེལ་ལོར་ཆོས་སྒོ་ཕྱེ་ནས་འཇོལ་བླ་མཆོག་སྤྲུལ་དང་དད་ལྡན་སེར་སྐྱ་ཡོངས་ཀྱིས་རེ་བཅོལ་ལྟར་སླར་ཆོས་སྡེ་དགོན་པའི་ཚབ་བྱེད་ནས་རྟེན་དང་བརྟེན་པ་ཐམས་ཅད་ཉམས་གསོ་ཐོབ། དེ་ནས་གྲྭ་ཤག་དྲུག་དང་། འདུ་ཁང་གཅིག གྲྭ་པ་བརྒྱ་དང་དྲུག་ཅུ་ཙམ་འདུས། ནང་རྟེན་དུ་སྟོན་པ་གཙོ་འཁོར་གསུམ་དང་སྤྱན་རས་གཟིགས་ཕྱག་སྟོང་སྤྱན་སྟོང་། རྣལ་འབྱོར་མའི་སྐུ། འབའ་ལ་ཁ་སྐུ་གོང་མའི་འདྲ་སྐུ་སོགས་བཞེངས་ཡོད། རབ་བྱུང་བཅུ་བདུན་པའི་ས་སྦྲུལ་ལོར་ཆོས་སྡེ་དགོན་པའི་དགོན་ས་རྙིང་པ་ཐག་བཅད་བྱུང་སྟེ་དེར་སྤོས་པ་ནས་བཟུང་། རི་སྟོད་དགོན་འདི་སླར་ཡང་འབའ་སྤྱིའི་རྨྱུང་གནས་ལྷ་ཁང་དུ་གྱུར་ཏོང་།

ས་མིང་ཚིག་མཛོད་མིག་བཤར།

[page 424] དགོན་འདི་ནི་པད་དཀར་འཆང་བ་ལྔ་པ་ཆེན་པོའི་བཀའ་ལྟར་རབ་བྱུང་བཅུ་གཅིག་པའི་ས་མོ་ཕག་གི་ལོར། དཔལ་ལྡན་བློ་གསལ་གླིང་པའི་བཀོད་པ་ལ་དཔེ་བཅད་དེ་ཤུག་པའི་ལྕགས་རིས་སྐོར་བའི་འཇང་རྫོང་ཆགས་ཤུལ་ཐོག་ཏུ་བཏབ་ཡོད། ཆེད་གཉེར་གྱི་དགོན་འཛིན་སློབ་དཔོན་འཕེན་པོ་ངག་དབང་རྒྱ་མཚོ་སོགས་བཏང་། དེའི་ཚེ་གདམ་ལྡི་ལ་བརྒྱ་དཔོན། གྲུ་བ་ཆོས་བློ་བཟང་། གཞི་མགོ་བུ་ཚེ་རིང་། རྩེ་གསུམ་བནྡི་རྣམ་རྒྱལ་བཅས་མི་ཆེན་བཞི་ཡིས་ཕྱོགས་བཞིར་རྡོ་བཞི་བསླངས། ལྷ་སྡེ་མི་སྡེ་ཀུན་གྱིས་བསོད་ནམས་ཀྱི་མཆོད་སྡོང་བསྐྲུན་པར་ཅི་ནུས་ཀྱི་ཞབས་འདེབས་ཞུས་པས། དགོན་གནས་རྟེན་དང་བརྟེན་པ་བཅས་ལེགས་པར་གྲུབ། དགོན་མིང་དུ་འབའ་ཆོས་སྡེ་དགའ་ལྡན་ཕན་བདེ་གླིང་ཞེས་གསོལ། དམ་ཆོས་འདུལ་བ་དང་མཐུན་པའི་བཅའ་ཡིག་ཆེན་མོ། ཆོས་ཕྱོགས་མཐུན་འགྱུར་སོགས་ཀྱང་སྩལ། དེ་མོ་སྤྲུལ་སྐུ་ངག་དབང་དགེ་ལེགས་ཀྱིས་རབ་ཏུ་གནས་པའི་ཆོ་ག་མཛད། བཻ་སེར་ལས། སྨད་མདོ་ཁམས་ཞིང་དང་འདྲ་བའི་སའི་ཆ་འབའ་ལྷུན་འགྲུབ་རབ་བརྟན་ས་ཕག་ལོར་ཚུགས་པ་དགའ་ལྡན་ཕན་བདེ་གླིང་། ཐོ་བཙུན་རྣམས་ཀྱི་བར་མ་རབ་བྱུང་སྒྲུབ་པའི་མཁན་པོ་དེ་མོ་སྤྲུལ་པའི་སྐུ་ངག་དབང་དགེ་ལེགས་ཀྱིས་མཛད། ཐོག་མའི་སློབ་དཔོན་འཕེན་པོ་ངག་དབང་རྒྱ་མཚོ། དེ་ནས་སེ་ར་ཤར་སངས་རྒྱས་འཕྲིན་ལས། ལྡིང་ཁ་བློ་བཟང་ལྷུན་གྲུབ་ད་ལྟར་དོག་སྡེ་བློ་བཟང་བསྟན་པ། བདེ་གསང་སོགས་སྔགས་ལུགས་ཀྱི་ཕྱག་ལེན་རྒྱུད་སྨད་པར་ཉེ། གྲྭ་རྒྱུན་ཕ་ར་གོ་བོ་སོགས་ངེས་མེད་དུ་འགྲོ། གྲྭ་པ་སུམ་བརྒྱ་བཅུ་སྐོར། ཞེས་གསུངས་སོ།།

ཡུལ་འདིའི་སྐྱེ་འགྲོའི་སྤྱི་མཐུན་གྱི་ཚོགས་གཉིས་ཕྲ་བས། རང་བྱུང་དང་ཟིང་འཁྲུགས་མང་བའི་རྐྱེན་གྱིས། བསྟན་སྐྱོང་གི་མཁན་རབས་དང་བླ་རབས་ཀྱི་རིམ་པ། ཁྱད་པར་དུ་ཡུལ་འདིའི་མེ་ཏོག་གང་ལ་ཕོག་པའི་ལྷ་སྐལ་ནི་འབའ་ལཱ་ཁ་ཀླུ་དབང་རྒྱལ་པོ་འདི་ཉིད་ཡིན། རྗེ་འདི་ཉིད་ཀྱི་སྐྱེ་ཕྲེང་རིམ་བྱོན་ནི། དང་པོ་འཕགས་པ་མ་འགག་པ། གཉིས་པ་སློབ་དཔོན་སངས་རྒྱས་གསང་བ། གསུམ་པ་གྲུབ་ཆེན་ཤིང་སྟག་པ། བཞི་པ་ཨ་བཀྲ་བན་ཡང་། ལྔ་པ་མགོ་ལོག་བསོད་ནམས་རྒྱལ་མཚན་ཡན་ཆོད་ནི་ཡུལ་འདིར་ནང་བའི་གྲུབ་མཐའ་མ་ཕྱེ་གོང་ཙམ་ཡིན་པ་དང་། དྲུག་པ་སྲས་དར་མ་མདོ་སྡེ། བདུན་པ་གཏེར་ཕུ་གསང་སྔགས་སྡོང་པོ། བརྒྱད་པ་གྲོང་དགེ་ཧ་དགའ་རིན་ཆེན། དགུ་པ་བདེ་ཆེན་བཟང་པོ་རྡོ་རྗེ། བཅུ་པ་ཀརྨ་ངག་བདེ་སྤྲུལ་སྐུ། བཅུ་གཅིག་པ་སྟག་མགོ་བླ་མ་ཀརྨ་བསྟན་འཛིན་དབང་ཕྱུག བཅུ་གཉིས་པ་སྟག་མགོ་བླ་མ་ཆོས་གྲུབ་སྤེན་པ་བཅས་ནི་བཀའ་བརྒྱུད་ཀྱི་བླ་མ་ཡིན། བཅུ་གསུམ་པ་ཝང་ཆེན་ཞེས་པ་ངག་དབང་བློ་བཟང་དཔལ་ལྡན། བཅུ་བཞི་པ་མགོན་དཀར་བློ་བཟང་ཆོས་གྲུབ། བཅོ་ལྔ་པ་དགོན་དཀར་བློ་བཟང་རྣམ་རྒྱལ། བཅུ་དྲུག་པ་སྤྲུལ་སྐུ་འཇམ་དབྱངས་གྲགས་པ། བཅུ་བདུན་པ་སྐལ་བཟང་ཐུབ་བསྟན་དབང་ཕྱུག བཅོ་བརྒྱད་པ་ངག་དབང་དམ་ཆོས། བཅུ་དགུ་པ་ངག་དབང་བློ་བཟང་བསྟན་[page 425] པའི་སྒྲོན་མེ་མཁྱེན་རབ་འཕྲིན་ལས་རྒྱ་མཚོ། དེང་གི་ཉི་ཤུ་པ་ངག་དབང་བློ་བཟང་བསྟན་པའི་རྒྱལ་མཚན་འདིའི་བར་སྐྱེ་ཕྲེང་ཉི་ཤུ་བྱུང་ཞིང་། དཔེར་ན་ལཱ་ཁ་བླ་མའི་སྐྱེ་ཕྲེང་ཞིག་དར་མདོ་རྒྱའི་དཔོན་པོ་ཞིག་ནས་དབུ་ཐེངས་དགུ་བཅད་ཀྱང་ཐེངས་དགུ་འཁྲུངས་བྱུང་བས། རྒྱ་མི་ཚོས་ཅུག་ཐུ་བླ་མ་ཞེས་དབུ་དགུ་བླ་མ་རུ་གྲགས། དར་མདོ་ཆུ་རུད་ཀྱི་གནོད་པ་ཆེ་བས་ཁོང་གི་སྐུ་གདུང་བཞག་པས་ཆུའི་གནོད་པ་བཟློག་དེང་སང་དར་མདོ་ལྷ་མོ་རྩེ་རུ་དེའི་འདྲ་སྐུ་ཡང་མཇལ་རྒྱུ་ཡོད་པར་གྲགས། དེ་ལྟ་བུའི་སོ་སྐྱེས་དཔག་དཀའ་བའི་མཛད་སྤྱོད་རྣམས་ནི་བརྗོད་ཀྱིས་ག་ལ་ལངས། གཞན་ཡང་གཉའ་ངོས་བླ་མ། འཇོལ་བླ་མ། མགར་ཐར་བླ་མ། མདའ་རྭ་མཁན་ཟུར། བྱང་རྩེ་བླ་མ། མོ་གཏོར་བླ་མ། བར་སྒོ་བླ་མ། མདོ་ཤོད་བླ་མ་སོགས་སྐྱེ་འགྲོ་ཡོངས་ཀྱི་སྐྱབས་རྗེ་དུ་མ་བྱོན།

དགོན་འདི་མེས་འཇིག་སྟེ་སླར་ཉམས་གསོ་བྱེད་ཚུན་ཆད་མཁན་རབས་བཅུ་གསུམ་ཙམ་བྱོན། རབ་བྱུང་བཅུ་གཉིས་པའི་ཆུ་སྟག་ལོར་འབའ་ཡུལ་དུ་ས་གཡོ་ཆེན་པོ་ཞིག་བྱུང་ཡོད་མོད། དགོན་འདིར་འཇིག་ཆག་ཇི་ཙམ་སོང་བ་མི་གསལ། རབ་བྱུང་བཅོ་ལྔ་པའི་ལྕགས་རྟ་ལོའི་ཟླ་གསུམ་པའི་ཚེས་བཅུ་གཅིག་ཉིན་སླར་ས་གཡོ་ཆེན་པོ་བྱུང་སྟེ། དགོན་པ་རྟེན་དང་བརྟེན་པ་བཅས་ཐམས་ཅད་འཇིག་པར་གྲགས། རབ་བྱུང་བཅོ་ལྔ་པའི་ཤིང་སྦྲུལ་ལོར་འབའ་སྡེའི་སྐྱ་སེར་ཚང་མས་བོད་སྡོད་བློན་པོ་ཧྥོང་ཆོན་(凤全)འབའ་རུ་སྡོད་པ་ལ་ངོ་རྒོད་བྱས་ནས་མཐར་ཧྥོང་ཆོན་གཙོས་མི་ལྔ་བཅུ་ལྷག་ལྔ་ལམ་དུ་བཏང་། དེའི་རྐྱེན་གྱིས་ཀྲོ་འོར་ཧྥུང་(赵尔丰)འབའ་རུ་སླེབས་ནས། འབར་སྡེ་བ་དང་ཆོས་སྡེ་དགོན་པའི་མཁན་པོ་གཙོ་གྱུར་བའི་སྐྱ་སེར་དུ་མ་སྐུ་བབྲོངས། དགོན་པ་རྟེན་དང་བརྟེན་པ་བཅས་ཐམས་ཅད་ཀྱང་འབྱུང་བ་མེའི་ཟས་ལ་སྦྱོར། རབ་བྱུང་བཅོ་ལྔ་པའི་ཆུ་ཁྱི་ལོར་ལཱ་ཁ་སྐུ་སྐྱེ་བཅུ་དགུ་པ་ངག་དབང་བློ་བཟང་བསྟན་པའི་སྒྲོན་མེ་མཁྱེན་རབ་འཕྲིན་ལས་རྒྱ་མཚོ་མཆོག་ལྷ་ས་ནས་འབའ་རུ་ལོག སི་ཁྲོན་གྱི་ས་མཚམས་སྐུ་སྲུང་དཔོན་ཁྲིན་ཞ་ཉིན་(陈遐宁)ལ་རེ་བ་བཅོལ་ནས་འདུ་ཁང་གསར་དུ་བསྐྲུན་ཆོག་པའི་གནང་བ་ཐོབ། ཤིང་གླང་ལོར་ཞིས་ཁམས་ཞིང་ཆེན་གྱི་དམག་སྡོད་ས་སློག་བློན་པོ་ལི་(刘成勋)ཁྲིན་ཞུན་གྱིས་ཆོག་མཆན་གནང་བ་ལྟར་གྲྭ་ཤག་གསར་དུ་བསྐྲུན། རབ་བྱུང་བཅུ་དྲུག་པའི་ཤིང་ཕག་ལོར་ཞིས་ཁམས་ཞིང་ཆེན་སྲིད་གཞུང་གི་ཀྲུའུ་ཞི་ལུའུ་ཝུན་ཧོས་ཀྱིས་གནང་བ་ལྟར་དགོན་ས་ཡོངས་རྗོགས་ལག་ཏུ་སོན་པ་རེད། ལྕགས་སྦྲུལ་ལོར་གོ་མིན་ཏང་ཀྲུང་དབྱང་རྒྱུགས་སྤྲོད་ཁང་གི་ཡོན་ཀྲང་(考试院长)ཏེ་ཁྲོ་ཞན་(戴传贤)གྱིས་དགོན་འདིར་ཁང་ཉིན་སི་(康宁寺)ཞེས་པའི་སྒོ་བྱང་ཞིག་སྩལ་བ་ནས་བཟུང་། དགོན་འདིའི་རྒྱ་མིང་དུ་ཁམས་ལིང་སི་ཞེས་གྲགས།

རབ་བྱུང་བཅུ་དྲུག་པ་མེ་ཕག་ལོར་དགོན་པའི་རྟེན་དང་བརྟེན་པ་བཅས་གསར་བཞེངས་གྲུབ། གོང་གསལ་ལྟར་དགོན་འདིར་ཆགས་འཇིག་མང་དུ་བྱུང་བས། དགོན་པའི་སྔར་ཡོད་ཀྱི་སྐུ་གསུང་ཐུགས་རྟེན་སོགས་ཀྱི་སྐོར་ནི་གསལ་པོར་བརྗོད་ཐབས་བྲལ་མོད། དམངས་གཙོ་བཅོས་བསྒྱུར་གོང་ཙམ་དུ། ཤུག་[page 426] པས་སྐོར་བའི་དགོན་ས་ཁྱོན་མུའུ་དྲུག་ཅུ་ཡོད། འདུ་ཁང་ཀ་བ་བརྒྱ་དང་ལྔ་བཅུ་མའི་ཁྱོན་ལྡན་ཞིག་དང་། ལྷ་ཆེན་ཁང་ཀ་བ་དགུ་བཅུ་གོ་དྲུག་མ། ཕྱག་སྦུག་ཁང་དང་། བླ་བྲང་། གྲྭ་ཤག་ཁྱོན་ཉིས་སྟོང་ལྷག་ཙམ་སོགས་དབྱིབས་བཀོད་ཡིད་དབང་འཕྲོག་པར་མཆིས། སྐུ་རྟེན་གཙོ་བོར་ཙན་དན་ལས་གྲུབ་པའི་ཇོ་བོ་གསུང་བྱོན་མ་ཁྲུ་དོ་ཙམ་གཅིག་དང་། རྒྱ་གར་ཤར་ལི་ལས་གྲུབ་པའི་བྱམས་པ་ཆོས་འཁོར་མ། ཐུབ་དབང་ཚུལ་ཁྲིམས་འབར། རྗེ་ཡབ་སྲས་གསུམ། གནས་བརྟན་བཅུ་དྲུག སྨན་འདམ་ལས་གྲུབ་པའི་བྱམས་ཆེན་ཐོག་བརྩེགས་གཉིས་ཙམ་དང་། ཇོ་བོ་རྗེ། སྟོ་པའི་སྐུ། རྗེ་ཡབ་སྲས་གསུམ། རྒྱལ་དབང་བཅུ་གསུམ་པ་དང་། ལཱ་ཁ་སྐུ་སྐྱེ་བཅུ་དགུ་པའི་འདྲ་སྐུ། རྗེའི་སྐུ་འདྲ་འབུམ་ཐེར་སོགས་སྐུར་འདྲའི་རིགས་དང་། གསང་བདེ་འཇིགས་གསུམ་སོགས་ཡི་དམ་དང་། གོས་སྐུ་ཆེན་པོ་སོགས་ཞལ་ཐང་དང་ལྡེབས་རིས་ཀྱང་མང་དུ་ཡོད་དོ། གསུང་རྟེན་དུ་བཀའ་འགྱུར་གསེར་བྲིས་མ་བུབས་གཅིག་དང་། རྗེ་རིན་པོ་ཆེའི་གསུང་འབུམ་གཙོ་བོར་གྱུར་པའི་གྲུབ་མཐའ་ཁག་གི་གསུང་ཆོས་སོགས་པོད་དུ་མར་མཆིས་སོ། ཐུགས་རྟེན་དུ་དགེ་འདུན་གྱི་ཞལ་གྲངས་ཀྱང་ཆིག་སྟོང་བརྒྱད་བརྒྱའི་ཚད་དུ་གླེང་། གཞན་ཡང་དགོན་པའི་ཟུར་དུ་མ་ཎི་ཁང་དང་། རྡོ་འབུམ་ཆེན་པོ། བདུད་འདུལ་མཆོད་རྟེན་ཡང་བཞེངས་ཡོད། དེ་མིན་རྔ་སྦུག་དུང་རྒྱ་གླིང་སོགས་རོལ་ཆས་དང་། ཧོར་ཏིང་སོགས་མཆོད་ཆས་ཀྱང་འགངས་ཆེན་དུ་མ་ཡོད་པར་གྲགས། ཁྱད་པར་སྔར་རྒྱལ་མཆོག་བདུན་པ་བསྐལ་བཟང་རྒྱ་མཚོས་རྩེ་ཕོ་བྲང་ངོས་གོས་སྐུ་ཆེན་མོ་གསུམ་ནས་གཅིག་འབའ་ཆོས་སྡེ་གྲྭ་ཚང་ལ་གནང་བར་གྲགས་ཀྱང་སྔར་དགོན་པ་མེས་འཇིག་པའི་སྐབས་སུ་བརླག། དགོན་པའི་ཡོན་གྱི་འབྱུང་ཁུངས་ནི། གཙོ་བོ་དགོན་རང་ལ་དབང་བའི་ས་ཞིང་མུའུ་ཆིག་སྟོང་དྲུག་བརྒྱ་ཐོག་བོགས་ལེན་བྱེད་པ་དང་། དགོན་པར་ཁྲལ་དུད་སུམ་བརྒྱ་དང་ལྔ་བཅུ་ཡོད། ཡོན་བདག་དད་ལྡན་དུད་ཁྱིམ་འབྲི་ཆུ་ཤར་ནུབ་གཉིས་སུ་ཁྱབ། དེ་མིན་རྟ་ཁལ་ཉིས་བརྒྱ་དང་བཅུ། ཕྱུགས་ཟོག་ཉིས་བརྒྱ་ལྔ་བཅུ། ནོར་ལུག་དྲུག་བརྒྱ་ལྷག་ཡོད། ཁྱད་པར་དུ་ལྔ་པ་རིན་པོ་ཆེ་སོགས་ཀྱི་སྐབས་སུ་དགོན་འདིར་གཟིགས་སྐྱོང་ཚད་མེད་གནང་སྟེ་ཕྱག་ཕོགས་མཐུན་རྐྱེན་སོགས་སྩལ་ཡོད་པར་དགའ་ལྡན་ཆོས་འབྱུང་བཻཌཱུརྱ་སེར་པོ་ལས། འབའ་ཆོས་སྡེར་ལོ་འཁོར་དུ་དགེ་འདུན་སུམ་བརྒྱ་སྐོར་རེ་ཡོད་ལ་ཕོགས་སྣོན་བཅས་ཟླ་རེར་མཁར་རུའི་འབྲུ་ཁལ་རེ་དང་ཉིན་ལྟར་བཞེས་ཐུག་འཕར་མ་རེ། ཆོ་འཕྲུལ་དང་ས་ག་ཟླ་བ་སོ་སོར་བཀའ་འགྱུར་རོ་ཅོག་འགྲོ་གང་ཆེ་སྒྲོག་པའི་ཇ་ཐུག་སོགས་གསུང་སྒྲོག་པ་དཔེ་འགྲེ། ཞེས་དང་། བོད་ཀྱི་ལོ་རྒྱུས་ཀུན་དགའ་མེ་ལོང་ལས། མེ་སྦྲུལ་(1677)ལོ་འབའ་ཆོས་སྡེ་དགོན་ལ་ཕོགས་ཐོབ་སྔར་ཡོད་ཐོག་འཕར་སྣོན་ཆོས་གཞིས་གསར་སྣོན་མཛད། ཅེས་གསུངས་སོ། ཁང་ཤིས་ཁྲི་ལོ་ང་བརྒྱད་པར་(1719)ཡོ་ཀྲུང་ཆིས་(岳钟琪)ཀྱིས་དམག་ཁྲིད་དེ་བོད་དུ་ཕྱིན་སྐབས། ཆོས་སྡེ་དགོན་གྱི་ལཱ་ཁ་སྐུ་སྐྱེ་དཔལ་ངག་དབང་གིས་ཕྱ་མོ་ཐིག་པའི་དྲིན་དུ། ལོ་ལྟར་ཟླ་གསུམ་པར་དངུལ་སྲང་ལྔ་བརྒྱ་ཆོས་སྡེ་དགོན་པར་ཕུལ། མིང་གོ་ལོ་སོ་གཅིག་པར་(1942)ཅང་ཅེན་ཧྲིས་དགོན་འདིར་དངུལ་སྒོར་ཉིས་ཁྲི་ཕུལ་བ་སོགས་ལ་[page 427] གཞིགས་ན་སྲིད་འཛིན་རིམ་པ་ཁག་གིས་ཀྱང་དགོན་འདིར་མཐོང་ཆེན་མཛད་པ་རྟོགས་སླའོ།

དགོན་པའི་འགན་བཞེས་པའི་གོ་རིམ་དང་དགོན་གཞན་དང་འབྲེལ་བ། ཡུལ་དགོན་གཉིས་ཀྱི་བསྟན་པའི་བདག་པོ་ནི་འབའ་ལཱ་ཁ་བླ་མ་སྟེ། ཁོང་གི་རྣམ་ཐར་རགས་བསྡུས་གོང་དུ་སོང་། དེའི་འོག་ཏུ་གཉའ་ངོས་བླ་མ། འཇོལ་བླ་མ་སོགས་བླ་སྤྲུལ་ཁག་དང་། ལྷ་ས་ནས་རང་དགོན་དུ་ཕེབས་པའི་དགེ་བཤེས་ཁག་གིས་ལོ་གསུམ་རེའི་རེས་བྱས་ནས་མཁན་པོ་མཛད་རྒྱུ། དགེ་སྐོས་ནི་མཚན་ཐོའི་གོ་རིམ་ལ་བརྟེན་ནས་ལོ་རེའི་རེས་བྱས་ནས་འདུལ་བ་ཁྲིམས་ཀྱི་བདག་པོའོ། དེའི་འོག་ཏུ་ཕྱག་རོགས་གླིང་སྲུང་གཉིས་རེ་ཡོད། དབུ་མཛད་ནི་འདོན་རྟ་དབྱངས་དང་ཆོ་ག་ཕྱག་ལེན་ལ་ཕུལ་དུ་ཕྱིན་པའོ། མཆོད་གཏོར་གྱི་བཟོ་རྩལ་ལ་མཁས་པའི་མཆོད་འབུལ་གྱི་ལས་གཉེར་བ་ལ་མཆོད་དཔོན་ཆེན་པོའི་མཚན་གསོལ། དེའི་འོག་མཆོད་དཔོན་དཀྱུས་མ་འགའ་ཡོད། དད་ལྡན་ཆོས་སྡེ་བརྒྱ་ཤོག་བརྒྱད་ལས་ཕྱག་སྦུག་བརྒྱད་སྐོས་ནས་དགོན་ནང་དཔལ་འབྱོར་ཐོག་གི་དོ་དམ་པ་ཡིན། སྤྱི་བཟུང་གཉིས་ནི་དགོན་པའི་ཚོང་གཉེར་དང་རྒྱུ་རྫས་སྐྱེལ་འདྲེན་སྐོར་གྱི་འགན་ཡོད་མི་སྣའོ། འཆམ་རྩལ་ཕུལ་དུ་ཕྱིན་པ་ཆོས་རྒྱལ་འཆམ་མཁན་ལ་འཆམ་དཔོན་གྱི་མཚན་གསོལ། དེ་ནི་འཆམ་ཁག་ཡོངས་ཀྱི་གཙོ་འགན་ལས་ཚན་ནོ།། དགོན་འདིའི་བདག་རྐྱེན་ལས་བྱུང་བའི་དགོན་ལག་ནི། རི་སྟོད་དགོན། རྫིང་མཛོད་དགོན། གྲུབ་འབྱུང་དགོན། མོ་ཏོག་དགོན་སོགས་འབྲི་ཆུ་ཤར་ནུབ་གཉིས་ལས་དགོན་ཁག་དུ་མ་ཡོད་པར་གྲགས། དེ་མིན་གོ་བོ་དགོན་གསར་སོགས་དང་ཆོས་བརྒྱུད་ཅིག་པས། ཆོས་འབྲེལ་ཆེས་ཟབ་མོ་ཡོད་དོ།།

དེང་གི་གནས་ཚུལ། དེ་ལྟར་རྗེ་བདག་ཉིད་ཆེན་པོའི་རིང་ལུགས་འཛིན་པའི་གདན་ས་དེའང་སྐྱེ་འགྲོ་ཡོངས་ཀྱི་བསོད་ནམས་ཕྲ་སྟེ། རབ་བྱུང་བཅུ་དྲུག་པའི་མེ་སྤྲེལ་ལོའི་ཟླ་གསུམ་པར་ཟིང་འཁྲུགས་བྱུང་སྟེ། དགོན་པའི་རྟེན་དང་བརྟེན་པ་ཕལ་ཆེར་གནམ་གྲུས་གཏོར། དམངས་གཙོ་བཅོས་བསྒྱུར་དང་ངོ་རྒོལ་བཞི་པའི་སྐབས་སུ་དེ་བས་ཀྱང་གྱོང་རྒུད་ཆེན་པོ་ཐེབས་ཏེ་དགོན་པ་མིང་ཙམ་དུ་གྱུར། ལྕགས་བྱི་ལོ་ནས་རབ་བྱུང་བཅུ་བདུན་པའི་ཤིང་གླང་ལོར་དགོན་པའི་ས་ཁྱོན་ཐོག་འབྲིང་རིམ་སློབ་གྲྭ་དང་སྨན་ཁང་། དགེ་འོས་སློབ་གྲྭ་སོགས་ལས་ཁུངས་བཅུ་ལྷག་ཙམ་བསྐྲུན། ཆོས་སྒོ་ཕྱེ་ནས་རི་སྟོད་དགོན་དུ་ཆོས་སྡེ་དགོན་པའི་མཚན་གསོལ་ནས་དགོན་རྙིང་གི་ཚབ་བྱེད། མེ་སྟག་ལོར་ཀུན་གཟིགས་པཎ་ཆེན་མཆོག་འབའ་རུ་ཕེབས་ནས་འཇོལ་བླ་མཆོག་སྤྲུལ་གཙོ་གྱུར་བའི་སྐྱ་སེར་ཡོངས་ཀྱིས་རེ་བཅོལ་ལྟར་སྔར་གྱི་དགོན་ས་མུའུ་བཅུ་དྲུག་ལྷག་དགོན་རང་ལ་ཕྱིར་སྤྲོད། རིམ་བཞིན་དགོན་པ་ཉམས་གསོ་མཛད་ནས་རི་སྟོད་ནས་དགོན་རྙིང་ཐོག་ཏུ་སྤོས། དེང་སང་འདུ་ཁང་དང་བྱམས་ཁང་འདྲེས་མ་ཀ་བ་བརྒྱ་དང་ལྔ་བཅུ་མའི་ཁྱོན་ལྡན་དེ་ཉིད་ཉམས་གསོ་གྲུབ། གསར་དུ་རུང་ཁང་དང་། གྲྭ་ཤག་བདུན་ཅུ་ཐམ་པ་སོགས་མཆོག་སྤྲུལ་འཇོལ་བླ་རིན་པོ་ཆེའི་ཐུགས་བཞེས་རྨ་མེད་ལས་བྱུང་། ནང་རྟེན་དུ་མཆོག་སྤྲུལ་འཇོལ་བླ་རིན་པོ་ཆེས་ཡོན་བདག་བཟུང་ནས་རྒྱ་གར་ནས་གདན་དྲངས་པའི་ཚེ་དཔག་མེད་སྟོང་སྐུ་དང་། རྗེ་ཡབ་སྲས་གསུམ་གྱི་སྐུ་སོགས་ན་[page 428] བཟའ་ཞལ་གསེར་དང་བཅས་པ་དང་། འབའ་པ་སྐལ་བཟང་ལགས་ཀྱིས་ཡོན་བདག་བཟུང་ནས་བཞེངས་པའི་བྱམས་ཆེན་སྐུ་ཐོག་བརྩེགས་གཉིས་ཅན་ན་བཟའ་དང་བཅས་པ། གཞན་ཡང་བལ་པོ་ནས་གདན་དྲངས་པའི་སྒྲོལ་མ་ཉེར་གཅིག་བྱམས་པ་མཐོང་གྲོལ་མ། ཐུབ་པ་གཙོ་འཁོར་གསུམ་སྐུ་འདྲའི་རིགས་དུ་མ་དང་། རྗེ་ཡབ་སྲས་གསུམ། སྟོན་པ་གཙོ་འཁོར། ལྷ་མོ། འཇིགས་བྱེད། མི་འཁྲུགས་པ་སོགས་ཐང་ཁ་ཆེ་ཆུང་སྣ་ཚོགས་པ། བཀའ་བསྟན་འགྱུར་དང་གསུང་འབུམ་སྐོར་དང་། དགེ་འདུན་ཁྱོན་སུམ་བརྒྱ་ལྷག་འདུས་ཤིང་སྒྲུབ་མཆོད་སོགས་སྔར་སྲོལ་དང་ཕལ་ཆེར་མཐུན། དེ་མིན་སིལ་སྦུག་དང་རྔ་རྡུང་། འཆམ་གོས་དང་ཞལ་འབག་གདུགས་འཕན་དང་རྒྱལ་མཚན། གཞན་ཡང་ཏིང་ཀོང་སོགས་མཆོད་པའི་ཡོ་བྱད་ཀྱང་དུ་མར་མཆིས་སོ། དེ་དག་ནི་དགོན་རང་གི་ཚོང་གཉེར་དང་ཡོན་བདག་རྣམ་པའི་དད་འབུལ་ལ་བྱུང་བ་ཤ་སྟག་གོ ང་།

ས་མིང་ཚིག་མཛོད་མིག་བཤར།

རྫོང་མཐིལ་ལས་སྤྱི་ལེ་སུམ་ཅུ་ལྷག་སྤགས་པའི་ས་སྟེ། མོ་ཏོག་ཞེས་པའི་སྡེའི་མདའ་རུ་བཏབ་ཡོད་པས་ཡུལ་མིང་དགོན་དུ་བཏགས་ནས་མོ་ཏོག་དགོན་ཞེས་འབོད། དགོན་འདིའི་ཕྱག་བཏབ་པ་པོ་མ་ངེས། དགོན་དེའང་དང་པོ་སྒང་རི་མཚོ་ནག་ཁོག་གི་གནས་གསེབ་ཏུ་བཏབ་ནས་དགོན་ཤུལ་དེང་སང་ཡང་ཡོད། རྗེས་སུ་མོ་ཏོག་ཏུ་སྤོས་པར་གྲགས། ངག་སྒྲོལ་ལས་འབའ་ཆོས་སྡེ་དགོན་པའི་རྗེས་སུ་བཏབ་པར་གྲགས་ཀྱང་འདེབས་ལོ་སོགས་ནི་མ་ངེས། རབ་བྱུང་བཅོ་ལྔ་པའི་ལྕགས་རྟ་ལོར་འབའ་ཁུལ་དུ་ས་གཡོ་ཆེན་པོ་བྱུང་སྟེ། དགོན་འདིར་ཡང་གྱོང་གུད་ཚད་མེད་ཐེབས་ཡོད་པར་གྲགས། དགོན་འདིའི་མཁན་རབས་སོགས་ངག་རྒྱུན་ཙམ་ཡང་མེད་མོད། སྐབས་ཤིག་མཁན་ཟུར་དཀོན་མཆོག་སྦྱིན་པ་ཞེས་མཁས་བཙུན་བཟང་གསུམ་གྱིས་རང་རྒྱུད་ཕྱུག་པའི་བླ་མ་དེ་ཉིད་བྱོན་ནས་དགོན་འདི་བསྐྱངས། དེའི་སྤྲུལ་སྐུའི་མཚན་མི་གསལ། དེའི་སྤྲུལ་སྐུ་བློ་བཟང་བསྟན་འཕེལ་བར་སྐུ་རབས་གསུམ་བྱུང་ནས་ཡུལ་དགོན་གཉིས་ཀྱི་མཆོད་སྡོང་གཅིག་པུར་གྱུར། ཡོངས་གྲགས་སུ་མོ་ཏོག་སྐུ་ཞབས་ཞེས་ཞུས། བཅོས་བསྒྱུར་སོགས་འགུལ་བསྐྱོད་མ་བྱེད་གོང་དགོན་འདིར་མོ་ཏོག་སྐུ་ཞབས་གཙོ་བོར་གྱུར་པའི་དགེ་བཤེས་གཅིག འབྲུ་གཉེར་དང་སྤྱི་པ། མགོན་བླ། དབུ་མཛད་སོགས་ནི་ལས་ཚན་ནོ། མཁན་པོ་ལོགས་སུ་མེད་དེ་ལོ་གཅིག་གི་སྒྲུབ་མཆོག་ཕལ་མོ་ཆེ་ཆོས་སྡེ་དགོན་ནང་དུ་འཚོག་དགོས། རང་དགོན་དུ་དགའ་ལྡན་ལྔ་མཆོད་དང་། སེང་གདོང་མ་གཉིས་ལས་ཚོགས་སྲོལ་མེད། དེའི་དུས་དགོན་འདིར་འདུ་ཁང་དང་རུང་ཁང་། མགོན་ཁང་། སྤྱི་ཁང་། ལྔ་མཆོད་ལྷ་ཁང་དང་། གྲྭ་ཤག་བཞི་བཅུ་ཙམ་ཡོད། ནང་རྟེན་གཙོ་བོ་སྟོན་པའི་སྐུ་ཁྱད་འཕགས་གཅིག་དང་། རིན་ཆེན་འབྱུང་ལྡན་ཞེས་པའི་ཇོ་བོ་གཅིག སྤྱན་རས་གཟིགས་སྨན་སྐུ་ངོ་མཚར་[page 429] ཅན་སོགས་སྐུ་རྟེན་རིགས་དུ་མ་དང་། བཀའ་བསྟན་འགྱུར་སོགས་གསུང་རྟེན་སྐོར། བཀའ་གདམས་མཆོད་རྟེན་སོགས་ཐུགས་ཀྱི་རྟེན་དང་། སྦུག་ལི་བརྒྱ་མ། ཧོ་ཏིང་མི་མགོ་ཁ་སྤྲོད་སོགས་དགོན་གཞན་དང་འདྲ་བ་རིན་ཐང་གཞལ་དུ་མེད་པ་མཆིས་ཀྱང་ངོ་རྒོལ་བཞི་པ་སོགས་འགུལ་བསྐྱོད་ཀྱི་སྐབས་སུ་ཐམས་ཅད་འབྱུང་བ་བཞིའི་ཟས་སུ་སྦྱོར། དེང་སང་ཆོས་ཀྱི་ཉི་མ་སླར་ཡང་གངས་རིའི་གསེབ་ཏུ་འཕྲོ་ནས། དགོན་འདིར་འདུ་ཁང་དང་སྤྱི་ཁང་སོགས་སྔར་ལྟར་གསར་བཞེངས་གྲུབ། ནང་རྟེན་གཙོ་བོ་ཇོ་བོ་རིན་ཆེན་འབྱུང་ལྡན་དང་ཚེ་དཔག་མེད་སོགས་སྐུ་རྙིང་གྲས་དང་། རྗེ་ཡབས་སྲས་གསུམ་གྱི་སྐུསོགས་གསར་བཞེངས་རིགས། བཀའ་བསྟན་འགྱུར་བུབས་རེ། རྒྱུད་པ་བླ་མ་ཉི་མ་རྒྱལ་མཚན་མཆོག་གི་གསེར་གདུང་མཆོད་རྟེན་སོགས་ཡོད། མོ་ཏོག་སྐུ་སྐྱེ་བཞི་པ་བློ་བཟང་བསྟན་འཛིན་ཀུན་མཁྱེན་ནི་དེང་རྒྱ་གར་དུ་སློབ་གཉེར་མཛད་བཞིན་མཆིས། དགོན་ནང་དུ་གྲྭ་བ་ཁྱོན་ལྔ་བཅུ་ཙམ་གྱིས་སྔར་ལྟར་དགུ་གཏོར་སོགས་ཆོས་སྡེ་དགོན་དང་། ལྔ་མཆོད་དང་སེང་གདོང་གཉིས་ཁྱོན་ཞག་ཉི་ཤུ་ལྷག་ཙམ་སྤྱི་པ་སོགས་ཀྱིས་འགོ་འཛིན་བྱས་ནས། གླིང་ཁ་བརྒྱ་ཤོག་གཙོ་གྱུར་པའི་ཡོན་བདག་རྣམས་ཀྱིས་དད་འབུལ་ཡོན་ནོར་ལ་བརྟེན་ནས་འཚོག་དགོས་པར་མཆིས་སོ།།

ས་མིང་ཚིག་མཛོད་མིག་བཤར།

དགོན་པ་འདི་ཕྱག་འདེབས་པ་པོ་ནི་རྗེ་བཙུན་ཕྱག་ན་པདྨོ་བསམ་བཞིན་དུ་མིའི་རྣམ་པར་རོལ་བའི་འབྲུག་པདྨ་དཀར་པོ་ཡིན། ཁོང་གི་སྐུ་ཚེའི་སྨད་ཙམ་ལ་བཞེངས་པའི་ངག་སྒྲོས་ལ་གཞིགས་ན་རབ་བྱུང་བཅུ་པའི་འགོ་ཙམ་ལ་བཏབ་པར་ངེས། དེའང་གཏེར་སྟོན་དུ་མས་ཟབ་གཏེར་མང་དུ་བཞེས་པའི་ཆོས་འཕེལ་བྲག་ཙིཏྟ་གནམ་དུ་སློང་བ་ལྟ་བུ་དེ་ཉིད་རྒྱབ་རི་བྱས་ནས། རྡོ་སྦལ་པ་ཉལ་པ་འདྲ་བར་ལྷ་ཁང་བཞེངས་དགོས་པའི་ལུང་བསྟན་དང་མཐུན་པར་རི་ཁྲོད་དགོན་པའི་ཚུལ་དུ་བཏབ་ནས་མཚན་དུ་ཆོས་འཕེལ་རི་ཁྲོད་ཅེས་ཞུས། ཆོས་འཕེལ་བྲག་དང་འཇང་རི་སྨུག་པོ། ཡ་མི་མཚོ་རྒན་རྣམས་ཀྱི་བསང་ཡིག་དང་། འབྲུག་པའི་བཀའ་སྲུང་རྣམས་ཀྱི་གསོལ་བསྡུས་སོགས་ཀྱི་མཐར། པདྨ་དཀར་པོས་ཆོས་འཕེལ་རི་ཁྲོད་དུ་བྲིས་ཞེས་བཀོད་ཡོད་པ་ད་ལྟའང་ཡིག་རྙིང་དག་ཏུ་སྣང་། དེ་ནས་རིམ་བཞིན་སློབ་ཚོགས་འཕེལ་ཏེ་དགོན་པར་ཆགས། མཚན་དུ་བསམ་གཏན་ལྷུན་གྲུབ་དགོན་ཞེས་གསོལ། འབྲུག་པའི་ཆོས་སྐོར་གྱི་སྨིན་གྲོལ་རྒྱ་ཆེར་དར། མགོན་ཁང་དུ་འབྲུག་པའི་ཆོས་སྲུང་ཡོངས་རྫོགས་ཀྱི་འདམ་སྐུ་བཞེངས། བདག་བསྐྱེད་དང་སྤྲེལ་བའི་བསྐང་གསོལ་དུམ་གཅིག་བསྒྲིགས་པ་སོགས་རྩམ་ཆོས་ཀྱང་མང་དུ་མཛད། ཁོང་གི་སློབ་ཚོགས་ཤིན་ཏུ་རྒྱས་པའི་ནང་ཚན་གཞི་མགོ་སྒང་ཞེས་པའི་གནས་སུ་འཁྲུངས་པའི་གྲུབ་ཆེན་པད་སྒ་ལོ་ཟེར་བ་དེའང་འབྲུག་པའི་ཆོས་བརྒྱུད་ལས་གྲུབ་པ་བརྙེས་གཤིས། དགོན་འདིའི་བླ་མ་བརྒྱུད་པའི་མཆོག་[page 430] ཏུ་གྱུར། དེའི་འཕྲོས་ངག་དབང་ཀུན་དགའ་བསྟན་འཛིན་དེ་ཉིད་ཀྱང་འབྲུག་པདྨ་དཀར་པོའི་དངོས་སློབ་ཏུ་གྱུར་ནས་བདེ་མཆོག་གི་སྨིན་གྲོལ་རྣམས་ལེགས་པར་མནོས། ཁོང་གི་དགོན་ཆུང་གསར་དུ་རྒྱ་བསྐྱེད་མཛད་ནས་བཀའ་དྲིན་བསྐྱངས། དེའི་འཕྲོས་སུ་རིམ་པ་བཞིན་ཀརྨ་ཆོས་འཕེལ། བསམ་གཏན་བསྟན་འཛིན། ཆོས་ཉིད་རང་གྲོལ། དབང་ཕྱུག་རྡོ་རྗེ། བརྩོན་འགྲུས་བཟང་པོ། བསྟན་འཛིན་དཔལ་བཟང་། ཀུན་དགའ་འོད་ཟེར། ཤེས་རབ་འོད་ཟེར། དེ་ནས་རེ་ཞིག་གྲྭ་རྒན་རྣམས་ཀྱིས་མགོ་འཛིན་བྱེདཔ་ལས་བླ་མ་མེད་པའི་དུས་ཀྱང་ཡུན་རིང་ཞིག་བྱུང་། དེའི་རྗེས་འབའ་རྟོགས་ལྡན་པདྨའམ་དཔོན་པདྨ་ཚེ་རིང་། རྟོགས་ལྡན་པདྨའི་ཡང་སྲིད་ཁྲོ་ཟུར་གྲུབ་ཆེན་སྤྲུལ་སྐུས་ངོས་འཛིན་པ་སྤྲུལ་དྲི་མེད། བླ་མ་སྒྲོལ་མ་ཚེ་རིང་། ཉག་གཏེར་བསམ་གཏན་གླིང་པ། ཀརྨ་དཔལ་འབྱོར་བར་བྱོན་ནས་སངས་རྒྱས་ཀྱི་བསྟན་པ་རིན་པོ་ཆེ་འཛིན་སྐྱོང་སྤེལ་བའི་མཛད་པ་བླ་ན་མཐོ། ཐོག་མར་དགོན་པ་འདེབས་སྐབས་ཀྱི་གྲུབ་མཐའ་ནི་འབྲུག་པ་བཀའ་བརྒྱུད་ཡིན་ཡང་ཕྱིས་སུ་རྙིང་མའི་བཀའ་གཏེར་གྱི་སྨིན་གྲོལ་ཡང་སྤེལ་བས་བཀའ་རྙིང་གྲུབ་མཐའ་འདྲེས་མར་གྱུར། ངག་དབང་ཀུན་དགའ་བསྟན་འཛིན་སོགས་ཀྱི་དུས་སུ་རྒྱ་སྟག་འབྲུག་གསུམ་ཞེས་ཏེ། རྒྱ་བླ་གནམ་བསྐོས་ཚང་དང་། སྟག་བླ་བྱང་དཀར་དགོན། འབྲུག་བླ་བསམ་གཏན་དགོན་གསུམ་མདོ་ཁམས་སྨད་ཀྱི་ཕྱོགས་སུ་གྲགས་ཆེ་བར་བྱུང་། དེའི་རྗེས་ཀྱི་བླ་མ་རྣམས་ཀྱང་ཀར་ལུགས་དགེ་ལ་བསྒྱུར་བའི་གོང་ཙམ་དུ། འབའ་ལཱ་ཁ་སྐུ་ཞབས་ཞེས་བཀའ་བརྒྱུད་པའི་བླ་མ་དམ་པར་སྐུ་རབས་མང་པོ་བྱོན་པ་དེ་དང་། ཤར་སྤུང་རིའི་ཀརྨ་གསུང་རབ་སྤྲུལ་སྐུ་ཞེས་པའི་གྲུབ་དབང་རིམ་བྱོན་རྣམས་དང་ཕན་ཚུན་བསྟན་པ་སྤེལ་རེས་བྱས། དགོན་འདིར་ནང་རྟེན་གཙོ་བོ། དགོངས་འདུས་དཀྱིལ་འཁོར་དགུ་རྫོགས་ཀྱི་ཐང་ཀ་དང་འདྲ་སྐུ། ཆོས་སྐོར་ཡོངས་རྫོགས། ཞི་ཁྲོ་དམ་པ་རིགས་བརྒྱའི་ཆོས་སྐོར་ཡོངས་རྫོགས་ཡོད་པར་གྲགས། གྲྭ་བ་སུམ་ཅུ་ཙམ་གྱིས་ལོ་འཁོར་མོར། སྤྱི་ཆོག་ཞག་བཞི་ཞི་ཁྲོ་བདུན་སྒྲུབ་དང་སྤྱིའི་རྨྱུང་གནས། ཚེས་བཅུ་བདུན་སྒྲུབ་དང་དགོན་པའི་རྨྱུང་གནས། མགོན་པོ་བདུན་ཅུ་རྩ་ལྔའི་ཆོ་ག་བདུན་སྒྲུབ། རྟ་མགྲིན་བདུན་སྒྲུབ། བཀའ་བརྒྱད་འདུས་ཆེན་བདུན་སྒྲུབ་སོགས་ཡུལ་སྡེའི་དད་འབུལ་ལ་བརྟེན་ནས་འཚོག་དགོས། སྐབས་ཤིག་ཆོས་ཀྱི་ཉི་མ་ནུབ་རིར་ཡལ་ནས་གཙུག་ལག་ཁང་རྟེན་དང་བརྟེན་པ་བཅས་མིང་གི་ལྷག་མར་གྱུར། དེང་སང་དགོན་པ་གསར་དུ་ཀ་བ་བཞི་བཅུའི་འདུ་ཁང་ལེགས་པར་གྲུབ་ཅིང་། ཤིང་ཚོན་ལེགས་པར་གསོལ། སྤྱི་ཁང་དང་མགོན་ཁང་སོགས་ཀྱང་བཞེངས་གྲུབ། ནང་རྟེན་དུ་སྐུ་གསུང་ཐུགས་རྟེན་དང་། རོལ་ཆས་དང་མཆོད་ཆས་རིགས་ཀྱང་མང་ཙམ་གྲུབ། དེང་སང་གྲྭ་བ་ཉི་ཤུ་འདུས་ནས། དགེ་སྐོས། དབུ་མཛད། མཆོད་དཔོན་དང་། སྤྱིའི་དོ་དམ་མགོ་འཛིན་སོགས་ལས་ཚན་དུ་མ་བཀོད་ནས་ལོ་གཅིག་ཏུ་ཁྱོན་ཞག་མ་བཅུ་ལྷག་འཚོག་པ་དང་། དད་འབུལ་གྱི་འབྱོར་བ་ལ་བརྟེན་ནས་ནང་རྟེན་འདམ་སྐུ་བཞེངས་རྒྱུའི་ཉེར་བསྡོགས་བྱེད་བཞིན་པར་མཆིས་སོ།།

[page 431]

ས་མིང་ཚིག་མཛོད་མིག་བཤར།

[page 432] དེ་ཡང་སྤོ་འབོར་སྒང་གི་སའི་ཆར་གཏོགས་སྔོན་འབའ་གཞུང་གི་སྡེ། དེང་སང་སྡེ་རོང་རྫོང་གི་མངའ་ཞབས་སུ། རིགས་གསུམ་མགོན་པོས་གནས་རིར་ཆགས་བཏབ་ཡོད་པའི་རྡོ་བཅངས་བཀྲ་ཤིས་གླིང་ནི་སྟག་ལུང་བཀའ་བརྒྱུད་པའི་ཆོས་བརྒྱུད་འཛིན་སྐྱོང་གདའ།

དགོན་འདི་ཕྱག་འདེབས་པ་པོའི་མཚན་ལ་སྒོམ་ཆེན་ཆོས་དབྱིངས་ལྷུན་གྲུབ་ཞུ། སྒོམ་ཆེན་དེ་ཨ་བྲག་ཕྱག་བཞི་བྷན་ནང་སྒོམ་མཛད་པའི་སྐབས་ཤིག་ཏུ། ནགས་བྱི་གཅིག་ཚེ་ཐར་བཏང་ནས་དགོན་ས་བཙལ་མངགས་པ། ཆུ་མིག་ཞིག་གི་ཁར་རྔོན་པ་གཅིག་གི་སྙིར་ཐེབས་ནས་སྲོག་འཕངས་པ། རྔོན་པ་སྐྲག་ནས་སྒོམ་ཆེན་མདུན་དུ་སྡིག་པ་བཤགས་སུ་གསོལ། སྒོམ་ཆེན་གྱིས་དགོན་ས་རྙེད་པའི་རྟགས་ཡིན། ཁྱོད་སྐྲག་པ་མི་དགོས་གསུངས། དེ་ནས་རབ་བྱུང་བཞི་པའི་མེ་ཕག་ལོར། ཆུ་མིག་སྟེང་དུ་དགོན་པ་བཏབ་པས་ཆུ་མིག་དགོན་དུ་གྲགས་པ་བཅས་ཀྱི་བཤད་སྲོལ་འདུག ཀརྨ་དུས་གསུམ་མཁྱེན་པའི་ཞབས་སུ་གཏུགས་ཏེ་ཀརྨ་བཀའ་བརྒྱུད་ཀྱི་གྲུབ་མཐའ་བསྐྱངསང་།

སྐུ་ཕྲེང་གཉིས་པ་མཉམ་ཉིད་ཆོས་ཀྱི་བཀྲ་ཤིས། གསུམ་པ་དགེ་ལེགས་ཆེན་པོ། བཞི་པ་བཀྲ་ཤིས་དཔལ་འབར། བླ་མ་འདི་རྒྱ་ནག་ཏུ་བྱོན་ལ་རྒྱ་ནག་གོང་མས་གསུང་ཤོག་གནང་ལུགས་ཀྱི་བཤད་སྲོལ་མཆིས། ལྔ་པ་བཀྲ་ཤིས་དར་རྒྱས། དྲུག་པ་བཀྲ་ཤིས་དཔལ་ལྡན། བདུན་པ་ངག་དབང་བཀྲ་ཤིས་དཔལ་འབར་ཞུ་བ་ནི། ཆུ་མིག་དགོན་གྱི་གཡོན་དུ་མདངས་སྟེང་ཞེས་པའི་སར་སྐུ་བལྟམས། སྐུ་ན་ཆུང་ངུ་ནས་གདན་སར་ཞབས་སོར་བཀོད་དེ་ཁྲི་ལ་མངའ་གསོལ། མདོ་སྔགས་ཀུན་ལ་དབང་བསྒྱུར་བའི་རྟོགས་ལྡན་གྱི་བླ་མ་ཞིག་ཡིན། རབ་བྱུང་བཅུ་གཉིས་པར་སོག་པོ་ཇུན་དཀར་གྱི་དམག་ཆེན་བོད་དུ་དྲངས་ནས། བཀའ་ཐམས་ཅད་དགེ་རུ་བསྒྱུར། ཆུ་མིག་དགོན་པ་ཡང་དགེ་ལུགས་སུ་བསྒྱུར་རྩིས་བྱེད། བླ་མ་ངག་དབང་བཀྲ་ཤིས་དཔལ་འབར་གྱིས། རང་ཉིད་ཀྱི་བསྟན་པའི་རབ་ལྟར་འགྱུར་ལྡོག་སྤུ་ཙམ་མེད་ཅེས་གསུངས་ཏེ། རྡོ་དཀར་ནག་གསུམ་བཅངས་ནས་བཞག་པ་སོགས་ཀྱི་གྲུབ་རྟགས་མང་པོ་བསྟན་པས། དགེ་ལུགས་སུ་བསྒྱུར་མ་ཐུབ་པར་ལུས། རྡོ་དཀར་ནག་གསུམ་ལ་ཕྱག་རྗེས་མངོན་པ་དགོན་པའི་རྟེན་དུ་གྱུར་པ་དེ་དེང་སང་མངོན་མཇལ་དུ་ཡོད། དགོན་པའི་མཚན་ཡང་རྡོ་བཅངས་བཀྲ་ཤིས་གླིང་ཞེས་པར་གྲགས། བླ་མ་ངག་དབང་བཀྲ་ཤིས་དཔལ་འབར་གཤེགས་ཁར་ཞལ་ཆེམས་བཞག་ནས། སྟག་ལུང་ཆོས་འབྱུང་བརྒྱུད་པ་བཙལ་དགོས་གསུངས། སྐུ་ཕྲེང་བརྒྱད་པ་བླ་མ་དབང་པོ་དགའ་བ། དགུང་ལོ་བཅུ་གཉིས་ཐོག་ལྷ་སར་བྱོན་ནས་སྟག་ལུང་དགོན་པར་ལོ་སུམ་ཅུའི་རིང་ནཱ་རོ་ཆོས་དྲུག་སོགས་སྟག་ལུང་ཆོས་[page 433] བརྒྱུད་གསན་བསམ་རྒྱ་ཆེར་མཛད། ཆིབས་བསྒྱུར་གནང་ནས་ཕྱིར་རང་དགོན་དུ་བྱོན་རྗེས། བཀའ་ལུགས་བསྒྱུར་ནས་སྟག་ལུང་བཀའ་བརྒྱུད་ཀྱི་རིང་ལུགས་འཛིན་སྐྱོང་སྤེལ་གསུམ་མཛད་དེ། གར་འཆམ་རོལ་དབྱངས་ཆོ་ག་ཕྱག་ལེན་ཀུན་སྟག་ལུང་དགོན་དང་ཁྱད་མེད་དུ་གྱུར། དེ་ཕན་ཆད་གྲྭ་སའང་སྟག་ལུང་དགོན་པར་འགྲོ་དགོས་པའི་སྲོལ་བཙུགས་པ་བཅས་མཛད་རྗེས་ཤིན་ཏུ་ཆེ། དགུ་པ་དབང་པོ་ཚེ་དབང་། བཅུ་པ་བླ་མ་སྤྲོས་བྲལ། སྐུ་ཕྲེང་བཅུ་གཅིག་པ་བླ་མ་བཀྲ་ཤིས་དཔང་མཆོག་ཞུ་བ་དེ་ཡི་སྐབས་སུ་འབའ་སྡེ་བ་གཞུང་གི་དཔོན་པོ་ལ་མིག་ནད་དྲག་པོ་ཞིག་ཐེབས་ལ། ག་སར་སྨན་པ་མཁས་པ་གདན་ནས་བཅོས་ཀྱང་མ་ཕན། མཐའ་མ་བླ་མ་བཀྲ་ཤིས་དཔང་མཆོག་གདན་དྲངས་ཏེ་བཅོས་བཅུག་པས། མིག་ནད་རིམ་གྱིས་སོས་པ་འབའ་དཔོན་གྱིས་དྲིན་གཞལ་བའི་ཆེད་དུ་གོས་ཆེན་དང་ཆོས་ཆས་མང་པོ་ཕུལ་བ་མ་ཟད་སྨན་འོག རྒྱ་སྤྱོད། རྣ་མོང་། རྒྱལ་བྱིན། ཟུང་། བྱ་རྫོང་སོགས་ཡོན་བདག་སྡེ་ཞིང་དང་བཅས་པ་རྡོ་བཅངས་དགོན་ལ་གནང་། དེ་ནས་དགོན་པ་ཡང་དར་རྒྱས་སུ་ཡོང་། བླ་མ་འདི་ཡིས་གསུངས་རྩོམ་ཀྱང་མང་པོ་སྤེལ། དེང་སང་ཀ་རྩོམ་ཐོར་བུ་བ་འགའ་ཞིག་མ་གཏོགས་མཇལ་རྒྱུ་མེད། བཅུ་གཉིས་པ་ཚུལ་ཁྲིམས་དཔལ་བཟང་། བཅུ་གསུམ་པ་གྲགས་པ་རྒྱལ་མཚན། བཅུ་བཞི་པ་མཁྱེན་རབ་དཔའ་བོ་བཅས། གཞན་དགོན་པ་འདིར་སྤྲུལ་སྐུ་ཆོས་ཀྱི་སྒྲ་དབྱངས་ཞེས་པ་སྐུ་རབས་དགུ་ཟིན་པ་ཞིག་ཡོད་པ་དེ་དམངས་གཙོ་བསྒྱུར་བཅོས་གོང་ནས་འདས་སོང་། ད་དུང་སྤྲུལ་སྐུ་ཆོས་ཀྱི་འབྱུང་གནས་ཞེས་སྐུ་རབས་བཅུ་ཟིན་པ་ཞིག་ཡོད་ལ། དེའི་ཡང་སྲས་ཁྲི་ལ་མངའ་གསོལ་ནས་བཞུགས་ཡོད། རྡོ་བཅངས་དགོན་གྱི་སྤྲུལ་སྐུ་དེ་གསུམ་སྐུ་གསུང་ཐུགས་སྤྲུལ་གྱི་བཤད་སྲོལ་ཞིག་མཆིས། དགོན་པ་འདིས་བཤད་སྒྲུབ་སྤེལ་ཚུལ་ནི། སྒོམ་ཉམས་རྟོགས་སྤེལ་བྱེད་ཀྱི་རི་ཁྲོད་དང་སྒྲུབ་ཕུག་འགའ་ཡང་མཆིས། གྲགས་ཅན་དུ་བླ་མ་ཆོས་ཀྱི་འབྱུང་གནས་ཀྱི་སྒྲུབ་ཕུགས། བླ་མ་དེས་སྒྲུབ་ཕུག་ཏུ་ལོ་དྲུག་ལྷག་དཀའ་བ་སྤྱད་ནས་འབྲས་བུ་མངོན་དུ་ཐོན་པའི་ལོ་རྒྱུས་ཡོད། ཐུན་མོང་པའི་རིག་གནས་གསོ་རིག་དང་བརྡ་སྤྲོད་རིག་པ་སོགས་ཁྲིད་སྦྱོང་གི་སྲོལ་ཡོད་དེ། སྨན་དང་དག་ཡིག་ངག་སྒྲོན་སོགས་སྦྱོང་མྱོང་བའི་བླ་རྒན་འགའ་དེང་སང་ཡང་ཞལ་བཞུགས་ཡོད་པ་བཅས།

འཁྲུག་རྩོད་དང་ཉམས་རྒུད་ཕྱིན་པར་རགས་ཙམ་བཀོད་པ་ནི། རབ་བྱུང་བཅོ་ལྔ་པར། བླ་མ་ཚུལ་ཁྲིམས་དཔལ་བཟང་གི་སྐུ་དུས་སུ། པུ་མདོ་དེང་སང་སྡེ་རོང་གི་ཤང་ཞིག མངའ་བདག་འདོད་དཔོན་གྱིས། རྡོ་བཅངས་དགོན་གྱི་ཡོན་བདག་སྡེ་སྨན་འོག་འཕྲོག་དབང་བྱེད་དགོས་བསམ་ལ། དམག་བཏང་ནས་དགོན་པར་མེ་བརྒྱབ། གནམ་ཆུ་འབབ་པས་གནོད་སྐྱོན་མ་ཐེབས། རྒྱ་སྤྱོད་ཅེས་པའི་སར་མངའ་བདག་དམག་དཔུང་གིས་གྲྭ་པ་གཉིས་ཁང་སྟོང་ཞིག་ཏུ་ཆུ་བཀག་བརྒྱབ། དགོན་པས་སྦྲང་འབུ་ངན་པ་བཏང་ནས་དམག་དཔུང་བཤིག་པར་བྱེད། མངའ་བདག་གི་དམག་མི་ཁན་ལ་སྦྲང་འབུལ་མདུང་བརྒྱབ་ནས། གདོང་མིག་ཀུན་སྐྲང་ནས་ཉིན་ཞག་བདུན་ལྷག་མ་སོས་པས། དགོན་པའི་འཐབ་ཡར་མི་འོངས་པ། [page 434] སྨན་འོག་ཡོན་བདག་ཀྱང་འཕྲོག་དབང་མ་བཏུག་དེའི་རྗེས་སུ་ཡུན་ནན་སྟོང་བ་རོང་གིས་དགོན་པར་དགྲ་བརྒྱབ་ལ་གནོད་སྐྱོན་ཆེ་ཆུང་དང་། རྡོ་བཅངས་དགོན་པའི་སྡེ་ཡོན་བདག་མང་པོ་ཞིག་ཀྱང་སྣང་བཟང་དགོན་པས་དབང་དུ་གྱུར་པ། དེ་དག་གི་རྒྱུ་མཚན་དང་དུས་ཚིགས་གསལ་པོ་སོགས་ཞིབ་ཕྲ་མ་ངེསང་།

དགོན་པ་འདིའི་རྟེན་དང་བརྟེན་པ་བཀོད་པ་རགས་རིམ་ནི། སྤྱན་རས་གཟིགས་ཕྱག་སྤྱན་སྟོང་གི་ལྷ་ཁང་། གུ་རུ་མཚན་བརྒྱད་ཀྱི་ལྷ་ཁང་། རྡོ་རྗེ་འཆང་ཆེན་པོའི་ལྷ་ཁང་། སངས་རྒྱས་སྟོང་སྐུའི་ལྷ་ཁང་། བླ་མ་གྲགས་པ་རྒྱལ་མཚན་གྱི་སྐུ་གདུང་ཁང་། འདུ་ཁང་། སྤྱི་ཁང་། མགོན་ཁང་། ཇ་ཁང་། གྲྭ་ཤག་བཅུ་བདུན་བཅས་ཀྱི་འདུ་ཁང་དུ་སངས་རྒྱས་མར་མེ་མཛད་ཀྱི་སྐུ་བརྙན་ཁང་བརྩེགས་གསུམ་དུ་རེག་པ་དང་། གཡས་གཡོན་དུ་སངས་རྒྱས་ཤཱཀྱ་ཐུབ་དང་བྱམས་པ། བར་མཚམས་སུ་སངས་རྒྱས་སྟོང་སྐུ་བཅས་བཞེངས་བཞུགས་མངའ། ལྷ་ཁང་དུ་སོ་སོའི་ལྷ་གཙོ་འཁོར་དང་བཅས་བཞེངས། སིལ་སྙན་དང་སྦུག་ཆལ་བཀའ་རྒྱ་མ་སིལ་སྙན་དགུང་བསྙལ་གླིང་མནན་མ། སྦུག་འབྲུག་གྲགས་མ་གསུམ། རྒྱ་ནག་མ་གསུམ་བཅས་ཡོད། བཀའ་གདམས་མཆོད་རྟེན་གཉིས། རྣམ་རྒྱལ་མཆོད་རྟེན་ཁྲུ་གང་མ་གཉིས། རྒྱལ་པོ་ཨ་ཤྭ་ཀས་སྨོན་ལམ་སྟོབས་ཀྱིས་གྲུབ་པའི་མཆོད་རྟེན། གཟི་བྱུ་རུས་འཕྲས་མཛེས་པ་དངུལ་གྱི་མཆོད་རྟེན། དེ་བཞིན་དུ་དུང་། རྒྱ་གླིང་། རྒྱ་ནག་སྤོས་ཁྲོ། གསེར་སྐུ། རྐང་གླིང་། གདུགས་རྒྱལ་མཚན། ཞལ་ཐང་། གསུང་སྐུའི་ཐད་དུ་བཀའ་བསྟན་འགྱུར་གསུང་རབས་བསྟན་བཅོས། འདོན་ཆས་སྤར་ཤིང་སོགས་རེ་རེ་བཞིན་བརྗོད་དུ་མི་ལང་ངོ་།

དེ་ལྟར་རྟེན་དང་བརྟེན་པ་བཞེངས་པའི་ཡོན་གྱི་འབྱུང་ཁུངས་ནི། ཡོན་བདག་གི་འབུལ་འཇོག དང་ཆོས་ཞིང་གི་འོང་སྒོ་བཅས། དགེ་འདུན་པའི་འཚོ་ཆས་ནི་རང་ཁྱིམ་པས་སྤྲད་པ་དང་བསོད་སྙོམས་མཛད་དགོས། ཡུལ་དགོན་གཞན་དང་འབྲེལ་བ་ནི། དགོན་པ་འདི་དང་ཤིང་འཁར་དགོན་གཉིས་གྲུབ་མཐའ་གཅིག་པས་འབྲེལ་འདྲིས་ཤིན་ཏུ་ཆེ། བླ་མ་བཀྲ་ཤིས་དབང་མཆོག་གི་སྐུ་དུས་སུ། དགོན་གཉིས་ཀྱི་གྲྭ་བཙུན་ཀུན་དགུ་གཏོར་སྐབས་རྡོ་བཅངས་དགོན་དུ་དགུན་ཚོགས་དང་། སྟག་ཟླ་བུམ་སྒྲུབ་སྐབས་ཤིང་འཁར་དགོན་དུ་དབྱར་ཚོགས་བཅས་ཀྱི་སྲོལ་ཆགས། གཞན་ཡང་དགོན་འདི་ནི་རྙིང་མ་བྱང་གཏེར་རིང་ལུགས་འཛིན་པའི་འབའ་གྲུབ་པ་དགོན་པའི་ཁང་ཚན་ཡ་གྱལ་དུ་བརྩིས་ལ། དེ་ཕྱིར་གྲུབ་དགོན་གཽ་དགོན་དང་ཡང་འབྲེལ་འདྲེས་ཆེན་པོ་ཡོད་དེ། སྤར་མཁན་དྲུག་པ་ཆོས་ཀྱི་ཉི་མ་མཆོག་གིས་རྡོ་བཅངས་དགོན་ལ་གུ་རུ་མཚན་བརྒྱད་ཀྱི་ཞལ་ཐང་སོགས་གནང་མྱོང་བ། སྒར་རྗེ་སྤྲུལ་སྐུ་གསང་སྔགས་བསྟན་འཛིན་མཆོག་གིས་ཀྱང་ཁོང་གི་ཞལ་སློབ་འགྱུར་མེད་བློ་བཟང་རྡོ་བཅངས་དགོན་དུ་བསམ་ལྷུན་བུམ་སྒྲུབ་སོགས་དབང་ལུང་ཅི་རིགས་པ་སྤེལ་མངགས་པ་བཅས། རོལ་དབྱངས་ཕྱག་སྲོལ་ཀུན་གྲུབ་དགོན་དང་ཁྱད་མེད་དུ་གྱུར། དེང་སང་དགེ་འདུན་པ་རྣམས་ཀྱིས་སྒྲིབ་སྦྱོང་སེམས་ཁྲིད་སོགས་ནི་སྤར་མཁན་སྤྲུལ་སྐུ་བཤད་སྒྲུབ་ཆོས་ཀྱི་ཉི་མའི་སྐུ་མདུན་དུ་ཞུ་བ་བཅས། ཡིན་ནའང་དུས་ནམ་ཙམ་ནི་གྲུབ་དགོན་གྱི་ཁང་ཚན་དུ་གྱུར་པ་སོགས་[page 435] ཞིབ་ཕྲ་མ་ངེས། ཡང་བཀའ་ཕྱག་ཆུ་བོ་གཉིས་འདྲེས་སྟག་ལུང་པ་ཞེས་གསུངས་བཞིན། བཀའ་བརྒྱུད་དང་རྙིང་མ། དགེ་ལུགས་པ་སོགས་གྲུབ་མཐའ་མི་འདྲ་བའི་ཆོ་ག་ཅི་རིགས་པ་སྒྲུབ་ྤའོ།།

དགོན་པ་འདིའི་གྲྭ་ཚང་དུ། མཁན་པོ། དབུ་མཛད། དགེ་སྐོས། དཀོས་གཉེར། མགོན་བླ་སོགས་སྒྲིག་ཁུངས་རིམ་པ་ཞིག་ཆགས་ཡོད། འདུས་སྡེ་འདིར་བཅིངས་འགྲོལ་མ་གཏང་གོང་སྤྲུལ་སྐུ་དགེ་འདུན་པ་དང་བཅས་ལྔ་བཅུ་ལྷག་ཡོད། ཆོས་དད་ཡོན་བདག་དུད་གྲངས་བདུན་ཅུ་བཅས་སོ།

་དེ་ནས་ངོ་རྒོལ་བཞི་དང་རིག་གསར་སྐབས། བོད་ཡུལ་དགོན་པ་ཕལ་མོ་ཆེ་དང་འདྲ་བར། བཤད་སྒྲུབ་ཀྱི་རྣམ་པ་ཐམས་ཅད་སྟོང་། རྟེན་དང་བརྟེན་པ་ཀུན་གོང་ལེན་དང་གཏོར་བརླགས་སུ་སོང་ལ། དགོན་པ་གྱང་རལ་ཁང་སྟོང་དུ་གྱུར། དེ་ནས་ཡང་དག་པའི་ཆོས་ལུགས་སྲིད་ཇུས་དོན་འཁྱོལ་བྱུང་རྗེས། རབ་བྱུང་བཅུ་དྲུག་པའི་ཆུ་ཁྱི་ལོར་ཉམས་གསོ་ཆོག་པའི་སྐབས་དང་བསྟུན་ནས། གཽ་སྤྲུལ་བཤད་སྒྲུབ་ཆོས་ཀྱི་ཉི་མས་ཐུགས་འཁུར་ཆེན་པོ་མཛད་པར་བརྟེན། མཁན་པོ་འོད་ཟེར་རྡོ་རྗེ་གཙོས་པའི་སྐྱ་སེར་ཀུན་གྱིས་ཧུར་ཐག་གིས་ཉམས་གསོ་བྱས་ཏེ། འདུ་ཁང་། བཀའ་འགྱུར་ལྷ་ཁང་། ཇ་ཁང་། མགོན་ཁང་། དུང་འཁོར། མཆོད་རྟེན། འབུམ་པ་སོགས་རིམ་བཞིན་གྲུབ་ལ། འདུ་ཁང་དུ་རྡོ་རྗེ་འཆང་ཆེན་པོ། སངས་རྒྱས་ཤཱཀྱ་ཐུབ་པ། ཨོ་རྒྱན་རིན་པོ་ཆེ། ཨོ་རྒྱན་ལི་ཁྲི་གླིང་པ། མགོན་པོ་ཕྱག་བཞི། སྟག་ལུང་ཐང་པ་བཀྲ་ཤིས་དཔལ་འབར་སོགས་ཀྱི་སྐུ་བརྙན་བཞེངས་ཡོད། བཀའ་བསྟན་འགྱུར་སོགས་མཆོད་ཆ་རབ་དང་རིམ་པའི་སྒོ་ནས་བསླུས་འཇོག་ཡོད། ལྷ་ས་སྟག་ལུང་དགོན་པར་གྲྭ་ཚོགས་སྐོར་གཅིག་གྲྭ་སར་བཏང་ལ། སྟག་ལུང་དགོན་པས་སྔར་བཞིན་རོགས་སྐྱོར་མཛད་པ། དེང་སང་དགོན་པ་འདིའི་ཁ་འོག་ཏུ་ཡོན་བདག་དུད་གྲགས་དགུ་བཅུ་དང་། བླ་གྲྭ་དང་བཅས་པ་ཞལ་གྲངས་སུམ་ཅུ་བཞུགས་པ་ཀུན་གྱིས་དཀར་པོ་དགེ་བའི་ཆོས་ལ་བརྩོན་བཞིན་གདའ། དགོན་པ་འདིས་ལོ་དུས་ཀྱི་སྒྲུབ་མཆོད་ཕལ་ཆེར་སྔར་སྲོལ་རྒྱུན་འཛིན་ཐུབ་པར་བྱུང་ལ། ཟླ་དང་པོའི་ཚེས་གཅིག་ནས་བཅུའི་བར་ཀུན་རིག་ཆོ་ག་དང་། ཟླ་བཞི་པའི་ཚེས་གཅིག་ནས་བཅུ་བདུན་བར་ཞི་ཁྲོ་བཀའ་འགྱུར། ཀུན་རིག་ཆོ་ག བདེ་མཆོག བསམ་ལྷུན། ཟླ་བདུན་པའི་ཚེས་གཅིག་ནས་བཅུ་བདུན་བར་མ་ཎི་བུམ་སྒྲུབ། ཀུན་རིག་ཆོ་ག ཟླ་བཅུ་གཅིག་པའི་ཚེས་གཅིག་ནས་བཅུ་བདུན་བར་གསང་གནས་ཆོས་གསུམ། བླ་མ་མོད་པ། ཀུན་རིག་ཆོ་ག བོད་ཟླ་བཅུ་གཉིས་པའི་ཚེས་ཉེར་གཉིས་ནས་ཉེར་དགུའི་བར་མགོན་པོ་དགུ་གཏོར་བཅས་ལགས་སོ།། །།

ས་མིང་ཚིག་མཛོད་མིག་བཤར།

དེ་ཡང་སྔོན་ཚེ་རྒྱལ་བ་ཀརྨ་པ་ཆོས་རྗེ་དུས་གསུམ་མཁྱེན་པས་གནས་ཆེན་ཀཾ་པོ་གངས་ཀྱི་བར་སྒྲུབ་པ་མཛད་ཅིང་བཞུགས་སྐབས། དེ་ཉིད་ཀྱི་ཞབས་ལ་གཏུགས་པ་ཀརྨ་ངེས་ལྡན་ཞུ་བ་ཞིག་གིས་མདོ་ཁམས་[page 436] སྒང་དྲུག་གི་ནང་ཚན་སྤོ་འབོར་སྒང་གི་ཆར་གཏོགས། དེང་སང་སྡེ་རོང་རྫོང་གི་མངའ་ཞབས་སུ་སྤུན་གསུམ་ཞེས་པའི་ས་ཆ་ཡི་ཤེལ་རྭ་སྒང་དུ་དགོན་པ་དང་པོ་ཕྱག་བཏབ་མཛད། དགོན་པ་བཞེངས་པའི་སྐབས་སུ་བྱ་གོ་བོ་ཡིས་ལྡིང་འཁོར་བརྒྱབ་བས་གཽ་དགོན་ཞེས་མཚན་ཐོགས། དགོན་པ་ལ་གཉའ་དགོན་དང་འོག་དགོན་སོགས་གཙུག་ལག་ཁང་མང་པོ་བཞེངས། དེ་དུས་ཆོས་བརྒྱུད་ནི་ཀརྨ་བཀའ་བརྒྱུད་ཡིན། སྒྲུབ་བརྒྱུད་དེ་འཛིན་སྐྱོང་སྤེལ་གསུམ་གྱིས་ཡུལ་ཕྱོགས་འདི་དཀར་འབྱམས་སུ་བཏང་། དེ་ནས་བཟུང་ཚེ་དང་སྒྲུབ་པ་སྙོམས་པའི་སྐྱེས་མཆོག་དམ་པ་སུམ་ཅུ་ལྷག་བྱོན་པར་གྲགས་ཀྱང་ཞིབ་ཕྲ་མ་ངེས།

དགོན་འདིའི་བསྟན་བདག་ཏུ་གྱུར་པ་ནི་བླ་མ་གཉིས་ཏེ་སྐུ་རབས་བདུན་ཟིན་པའི་སྤར་མཁན་སྤྲུལ་སྐུ་དང་སྐུ་རབས་བཅུ་བཞི་ཟིན་པའི་སྒར་རྗེ་སྤྲུལ་སྐུའོ། དེ་ཡང་སྤར་མཁན་སྤྲུལ་སྐུ་སྐུ་ཕྲེང་དང་པོ་ནི་གྲུབ་དགོན་གྱིས་སྡེ་དགེ་ནས་གདན་དྲངས་པའི་སྤར་མཁན་སྐུ་ཡོན་ཅན་ཞིག་གཽ་དགོན་དུ་བླ་མར་མངགས། སྐུ་ཕྲེང་གཉིས་པ་གནས་ཆེན་ཨོཾ་བརྒྱའི་གཡོན་ཟུར་ནགས་ཤང་དགོན་པ་སྟེང་ཞེས་པའི་སར་སྐུ་འཁྲུངས། གསུམ་པ་སྤར་མཁན་སྒོམ་ཆེན། བཞི་པ་ཚེ་དབང་ནོར་བུ། ལྔ་པ་འཆི་མེད་མགོན་པོ། དྲུག་པ་ཆོས་ཀྱི་ཉི་མ། བླ་མ་འདིས་གྲུབ་དོན་གནས་པདྨོ་བཀོད་ལ་གནས་སྐོར་དང་སྦྲགས་ཏེ་གཞི་སྤོས་ནས་སོང་ཤུལ། གྲུབ་དགོན་གྱི་ཆོས་སྲོལ་མིང་ཙམ་ཡང་མེད་པར་གྱུར་དུས་བདག་བཟུང་མཛད། དགོན་དུ་བྱང་ལུགས་ཀྱི་ཆོ་ག་ཕྱག་ལེན་གར་དབྱངས་རོལ་འཆམ་སོགས་ཉམས་གསོ་གནང་། མཁན་པོ་ལོ་བདུན་མཛད་དེ། གྲུབ་དགོན་དང་གཽ་དགོན་གཉིས་དགོན་མ་བུའི་ཚུལ་དུ་སྡོམ་བརྩོན་བསྟན་པའི་མཛེས་རྒྱན་གྱིས་གཞི་གསུམ་ཆོ་ག་རྣམ་དག་ཉམས་བཞེས་བཅས་མཛད་པ་ཤིན་ཏུ་ཆེ། བདུན་པ་ཀརྨ་ལེགས་གྲུབ་བམ་བཤད་སྒྲུབ་ཆོས་ཀྱི་ཉི་མ་མཆོག་ནི། རབ་བྱུང་བཅུ་དྲུག་པའི་མེ་བྱི་ལོར་སྔོན་ལི་ཐང་སྡེ། དེང་སང་ཕྱག་ཕྲེང་རྫོང་འོག་སྒྲོ་འདོག་ཅེས་པའི་ཡུལ་དུ་སྐུ་འཁྲུངས། སྔོན་རྗེས་སུ་སྤྲུལ་སྐུ་སྙན་གྲགས། སྒར་རྗེ་སྤྲུལ་སྐུ་གསང་སྔགས་བསྟན་འཛིན། བཱ་གནས་རིན་པོ་ཆེ་སོགས་བླ་མ་དུ་མ་བསྟེན། སྒར་རྗེ་སྤྲུལ་སྐུའི་སྔོན་གྱི་སྐྱེས་རབས་རྣམ་ཐར་རྣམས་ནི་ཡིག་ཆ་དང་ངག་རྒྱུན་ཁུངས་ཐུབ་མེད་པས་རེ་ཞིག་ཞུ་ཐབས་བྲལ། ཀུན་ལ་གསལ་བའི་སྒར་རྗེ་བཅུ་གསུམ་པ་གསང་སྔགས་བསྟན་འཛིན་མཆོག་ནི། རབ་བྱུང་བཅོ་ལྔ་པའི་མེ་སྦྲུལ་ལོར་ཡུལ་འབྲོག་མོ་ཕྱ་ཅན་སྒང་དུ་སྐུ་བལྟམས། གདན་སར་ཞབས་སོར་བཀོད་ནས་བཟུང་སྤར་མཁན་དྲུག་པ་ཆོས་ཀྱི་ཉི་མ་དགེ་རྒན་དུ་བསྟེན། དེ་ནས་ཡར་དབུས་ཕྱོགས་སུ་རྡོ་རྗེ་བྲག་ཏུ་སློབ་གཉེར་ལ་ཕེབས། གདན་ས་དེ་ཉིད་དུ་མཁན་པོ་ལོ་གཉིས་དང་། གྲུབ་དགོན་དུ་མཁན་པོ་ལོ་གསུམ་མཛད། གདན་ས་གཽ་དགོན་དུ་བཤད་སྒྲུབ་ཀྱི་མཛད་པ་སྤེལ། སྐུ་ཚེ་སྨད་དུ་སྡེ་དགེའི་སྤར་ཁང་དུ་བཀའ་བསྟན་འགྱུར་ཞུས་དག་མཛད་པར་ཕེབས་པ་བཅས་བླ་མ་ཁོང་ནི་ཕྱི་ནང་རིག་པའི་གནས་ཀུན་སྦྱངས་ཤིང་བྱང་ཆུབ་པས། ཐོས་བསམ་སྒོམ་གསུམ་གྱི་ཡོན་ཏན་རྩེར་སོན་པ། འཆད་རྩོད་རྩོམ་གསུམ་ལ་འགྲན་པའི་ཟླ་དང་བྲལ་བ། མཁས་བཙུན་བཟང་གསུམ་འཛོམས་པའི་བླ་མ་དེའི་མཚན་སྙན་ཉམས་དང་དབུས་ཕྱོགས་ཀུན་ལ་ཁྱབ་པའོ། དེའི་ཡང་[page 438] སྲས་དཔལ་ལྡན་ལེགས་བཤད་མཆོག་ནི་རྒྱ་ཡིག་བོད་ཡིག དབྱིན་ཡིག་བཅས་ཡིག་རིགས་མང་པོ་ལ་སྤྱངས་པ་དེ་ཉིད་ཀྱང་། རབ་བྱུང་བཅུ་བདུན་པའི་ས་ཕག་ལོའི་ལྷ་བབས་དུས་ཆེན་དུ་ཁྲི་ལ་མངའ་གསོལ་ནས་འཕྲིན་ལས་སྤེལ་བཞིན་ཡོད།

དེ་ལྟར་བླ་མ་འདི་གཉིས་ཀྱི་སྐུ་ཕྲེང་རིམ་བྱོན་དུ་གདན་ས་བསྐྱངས་ནས་ལུང་གི་བསྟན་པ་འཆད་ཉན་དང་རྟོགས་པའི་བསྟན་པ་སྒོམ་སྒྲུབ་བཅས་ཀྱིས་རྒྱལ་བསྟན་སྤེལ་ཚུལ་ནི། སྔོན་གྱི་ལོ་རྒྱུས་དཔེ་ཆ་དང་བླ་མའི་རྟོགས་བརྗོད་ཀུན་ནི་མིང་གི་ལྷག་མ་ཙམ་དུ་གྱུར་པས་ཞིབ་ཕྲ་མ་ངེས། འདིར་སྒར་རྗེ་གསང་སྔགས་བསྟན་འཛིན་དང་སྤར་མཁན་བཤད་སྒྲུབ་ཆོས་ཀྱི་ཉི་མ་ཡི་སྐུ་དུས་སུ་བཤད་སྒྲུབ་སྤེལ་ཚུལ་རགས་ཙམ་བཀོད་པ་ནི། སྒར་རྗེ་བཅུ་གསུམ་པ་གསང་སྔགས་བསྟན་འཛིན་མཆོག་གྲུབ་དགོན་དུ་མཁན་པོ་བཞེས་དུས། ཁོང་གིས་བྲག་འགོ་བཱཿགནས་རྡོ་རྗེ་འཆང་དབང་མཚན་བརྗོད་པར་དཀའ་བ་མདོ་སྔགས་བཤད་སྒྲུབ་རྒྱལ་མཚན་གཙོས་པའི་བཤད་གྲྭ་བ་བཅུ་བདུན་གྲུབ་དགོན་དུ་སྤྱན་དྲངས་ཏེ། གྲུབ་དགོན་མ་ལག་དང་བཅས་པའི་སྤྲུལ་སྐུ་ཆེ་ཆུང་ཀུན་གཏེར་སྟོན་གཉིས་ཟུང་གི་ཆོས་གཞུང་ལུང་། འདུས་པ་མདོ་དབང་ནས་བཟུང་དབང་ཁྲིད་ཐོབ་ཡིག་ཏུ་བཀོད་པ་ལྟར་ཞུས། བཱ་གནས་ཚང་གི་སྐུ་མདུན་དུ་སེམས་ཁྲིད་དང་། ཡང་ཏིག་གཅེས་སྒྲོན་གྱི་ཁྲིད་སོགས་ཞུ་བའི་སྐུལ་མ་གནང་། ཡང་ཀཿཐོག་དགོན་པའི་དྲི་མེད་ཨ་བྷན་རིན་པོ་ཆེ་སྤྱན་དྲངས་ཏེ་རིན་ཆེན་གཏེར་མཛོད་ཀྱི་དབང་ལུང་སྤེལ། གསན་ས་གཽ་དགོན་དུ་ཕྱི་ནང་གི་རིག་ནས་མང་པོ་ལྗགས་ཁྲིད་གནང་། གཽ་སྤྲུལ་བཤད་སྒྲུབ་ཆོས་ཀྱི་ཉི་མ་དང་ཧ་ར་དགོན་པའི་སྤྲུལ་སྐུ། རི་ཤུལ་ཆོས་ཁྲི་སྤྲུལ་སྐུ། ལྷ་ས་རྫ་ཡུལ་སྤྲུལ་སྐུ། གནས་ཆེན་ཨོཾ་བརྒྱ་དགོན་པའི་སྤྲུལ་སྐུ་བྱམས་པ་རྒྱལ་མཚན། ཕྱག་ཕྲེང་བསམ་གཏན་རི་ཁྲོད་ཀྱི་སྤྲུལ་སྐུ་རྒྱལ་མཚན་སོགས་སྐྱེས་བུ་དམ་པ་དང་། གྲྭ་བཙུན་དགེ་མ་མང་པོ་ཞལ་སློབ་ཏུ་བསྐྱངས། རླུང་ཁྲིད་ཀྱི་སྲོལ་ཚུགས། གསུང་རྩོམ་སྐོར་ལ་ཤུགས་ལྡན་གྱི་ལོ་རྒྱུས། ཐོབ་ཡིག་ཀུན་བཟང་ཡིད་ཀྱི་དགའ་སྟོན། བྱང་གཏེར་ཆོ་གའི་ཟིན་བྲིས། གཡུང་མགོན་ལས་བྱང་། མནན་སྲེག་འཕངས་གསུམ་གྱི་ཆོག་ཁྲིགས། དག་ཡིག་སོགས་དུ་མ་སྤེལ་བ་བཅས་འཆད་རྩོད་རྩོམ་གསུམ་གྱིས་རྒྱལ་བསྟན་ཉི་མ་ལྟར་གསལ་བར་མཛད། སྤར་མཁན་བདུན་པ་བཤད་སྒྲུབ་ཆོས་ཀྱི་ཉི་མས། སངས་རྒྱས་བསྟན་པ་སྣུམ་ཟད་མར་མེ་ལྟར་ཤིན་ཏུ་ཉམས་དམས་སུ་གྱུར་པའི་དུས་སུ། བྱང་གཏེར་ལུགས་ཀྱི་གར་འཆམ་རོལ་དབྱངས། ཆོ་ག་ཕྱག་སྲོལ་ཀུན་ཉམས་གསོ་འཕེལ་རྒྱས་མཛད། གྲྭ་བཙུན་ཀུན་ལ་འབྲི་ཀློག་ཡན་ཆད་ལྗགས་ཁྲིད་གནང་། སྔོན་འགྲོ་ཁྲིད་ཡིག་དང་བྱང་གཏེར་ཆོས་ཀྱི་ཟབ་མོ་མན་ངག་ཀུན་ཁྲིད་ལུང་སྤེལ། སྒྲུབ་པའང་ཚུགས། དགོངས་པ་ཟབ་གཏེར་སོགས་དབང་ལུང་ཆེ་རིམ་ཆུང་ཁག་ཅི་རིགས་པ་ཞིག་སྤེལ། གྲྭ་བཙུན་དང་དགེ་མ་སྐྱ་བོ་བཅས་ཆོས་ཞུ་བརྒྱ་ཕྲག་ལྷག་སྐྱོང་། བཤད་སྒྲུབ་ཀྱི་འཕྲིན་ལས་ཕྱོགས་མཐར་སྤེལ། གཞན་ཡང་ད་ལྟ་སི་ཁྲོན་ཞིང་ཆེན་བོད་ཡིག་སློབ་གྲྭར་དགེ་རྒན་བཞེས་པའི་སྒར་རྗེ་བཅུ་བཞི་པ་དཔལ་ལྡན་ལེགས་བཤད་མཆོག་གིས་ཀྱང་དགོངས་གསེང་སྐབས་དང་བསྟུན་ནས་སྤྱོད་འཇུག རྒྱལ་[page 438] སྲས་ལག་ལེན། ཀུན་བཟང་བླ་མའི་ཞལ་ལུང་། བསྐྱེད་རིམ་ཟུང་འཇུག་ཉི་མ་སོགས་གསུངས་ཁྲིད་གནང་། །བླ་མ་འདི་གཉིས་ཀྱི་སྐུ་ཕྲེང་རིམ་བྱོན་དུ་སྒོམ་སྒྲུབ་བྱེད་པའི་སྒྲུབ་ཕུག་དང་རི་ཁྲོད་མང་པོ་ཞིག་དར་ཆགས་སུ་བྱུང་བ། གཙོ་བོ་ནི་འཇང་སྟོང་བ་ཆུ་མྱིག་རི་ཁྲོད། དེར་བཅིངས་འགྲོལ་མ་གཏང་གོང་དགེ་མ་བཞི་བཅུ་ལྷག་ཡོད་ལ། སྤྲུལ་སྐུ་དཔལ་ལྡན་ཞེས་པ་ཞིག་ཀྱང་བཞུགས། ཚོགས་ཁང་དང་དུང་འཁོར། ཤག་དང་མཚམས་ཁང་ཉི་ཤུ་ལྷག་བཅས་ཡོད་པ། དེ་བཞིན་དུ་འབུམ་གྲགས་རི་ཁྲོད། སྒེག་ར་སྟེང་རི་ཁྲོད། མི་སྐུལ་ལུང་གི་རི་ཁྲོད་སོགས་དེ་དག་ཏུ་བཤད་སྒྲུབ་རྒྱ་ཆེ་སྤེལ་ནས། འབྲས་བུ་མངོན་དུ་ཐོན་པའི་གང་ཟག་ཕོ་མོའང་མང་པོ་བྱོན་མྱོང་། སྒྲུབ་ཕུག་གྲགས་ཅན་དུ་སྤར་མཁན་བླ་མ་དང་སྒར་རྗེ་བླ་མ་རྣམ་གཉིས་ཀྱི་སྒྲུབ་ཕུགས། བླ་མ་འདི་གཉིས་ཀྱིས་སྒྲུབ་ཕུག་ཏུ་དཀའ་བ་སྤྱད་པ་དང་གདུལ་བྱ་བསྐྱངས་པའི་ལོ་རྒྱུས་མང་པོ་ཡོད་ྤའོ།།

དགོན་པ་འདི་བཀའ་ལུགས་སུ་བསྒྱུར་ཚུལ་ནི། རབ་བྱུང་བརྒྱད་པ་ཡས་མས་ཙམ། སྤར་མཁན་བཞི་པ་མཆོག་སྤྲུལ་ཚེ་དཔང་ནོར་བུ་ཡིས་བཀའ་ལུགས་སུ་བསྒྱུར་ནས་བྱང་ཟང་ཟང་ལྷ་བྲག་གི་རྐེད་ནས་རིག་འཛིན་ཆེན་པོ་རྒོད་ཀྱི་ལྡེམ་འཕྲུ་ཅན་གྱིས་གཏེར་ནས་བཞེས་པའི་བྱང་གཏེར་རིང་ལུགས་འཛིན་སྐྱོང་སྤེལ་གསུམ་མཛད། གཽ་དགོན་ཡང་འབའ་གྲུབ་པ་དགོན་གྱི་ཁང་ཚན་དུ་བྱས་ནས་ཆོ་ག་ཕྱག་བཞེས་ཀུན་གྲུབ་དགོན་དང་ཁྱད་མེད་དུ་གྱུར། གྲྭ་སའང་ལྷ་ས་རྡོ་རྗེ་བྲག་ཏུ་འགྲོ་དགོས་པའི་སྲོལ་འཙུགས། གཞན་དགོན་པ་འདིའི་དགོན་ལག་ཏུ་ནགས་ཡུལ་དགོན། དུང་སྟོད་དགོན། བཀོད་རྒྱས་དགོན་སོགས་བཏབ་མྱོང་མོད། དེ་དག་ཆགས་འཇིག་གི་དུས་ཚིགས་སོགས་གསལ་བོ་མ་ངེས། དགོན་པ་སྤོ་བཞེངས་དང་དར་རྒུད་བྱུང་ཚུལ་རགས་ཙམ་ནི། ཤེལ་རྭ་སྒང་ནས་ཡོས་རི་གངས་ཨ་བོའི་ཕུགས་སུ་སྤོ་བཞེངས་མཛད། དེའི་སྔོན་དུ་རྔ་བརྡུང་བརྒྱད་བཅུ་སོགས་དར་རྒྱས་ཡོང་བར་གྲགས། དེ་དུས་རྫོང་རྩ་མཛེས་མཛེས་གྲྭ་ཚང་དང་འཁྲུག་རྩོད་བྱུང་ལ། དགོན་པ་མེ་ཡིས་བསྲེགས་ཟམ་ལྟག་དང་རྩི་ཐང་གཡང་དྲུང་ཐང་། བྱིའུ་ར་ཐང་། གཡང་འདུས་བཅས་ཡོན་བདག་སྡེ་ལྔ་མཛེས་མཛེས་གྲྭ་ཚང་གིས་འཕྲོག་དབང་བྱས། སྤར་མཁན་ལྔ་པ་འཆི་མེད་མགོན་པོས་དངུལ་རྭ་ཐང་ཀླུ་ཡི་གྲུ་ཁུག་ཏུ་དགོན་པ་གསར་བཞེངས་མཛད། འབའ་སྡེ་བས་ཆོས་ཞིང་ཞིང་པ་བཅུ་གསུམ་དང་སྤྱི་འབྲོག་འབྲོག་ཁག་བཅས་གནང་སྦྱིན་སྤྲད། གཙུག་ལག་ཁང་སོགས་རྟེན་དང་བརྟེན་པ་མང་པོ་བཞེངས། དཔལ་འབྱོར་གྱི་ཐད་ཀྱང་ཕུན་སུམ་ཚོགས་ལ་དགོན་པ་དར་རྒྱས་བྱུང་བ། དེ་ནས་རབ་བྱུང་བཅོ་ལྔ་པའི་ལྕགས་སྤྲེལ་ལོར། རྒྱུ་མཚན་གང་གི་ཕྱིར་མ་ངེས་ལ། ཕྱག་ཕྲེང་རྟ་པ་ཕྱོགས་བརྒྱད་ཀྱིས་དགྲ་བརྒྱབ་ནས། ཡོན་བདག་གི་ཁང་པ་ཐམས་ཅད་བསྲེགས། ཁལ་མ་ཐམས་ཅད་བཤས་བཙོང་བྱས། སྟར་ཕུང་ཐམས་ཅད་བཅད། དགོན་པའི་ཆོས་ཆས་མང་པོ་ཞིག་ཀྱང་འཕྲོག་བརླངས་སུ་གྱུར་པས་དགོན་པ་ཉམས་དམས་སུ་གྱུར། དེ་ནས་སྒར་རྗེ་བཅུ་གསུམ་པ་གསང་སྔགས་བསྟན་འཛིན་གྱིས་ཤེལ་རྭ་ཐང་དུ་གཽ་དགོན་གསར་དུ་བཞེངས། གཙུག་ལག་ཁང་སོགས་རྟེན་དང་བརྟེན་པ་བཅས་བཞེངས། དགོན་པ་སླར་[page 439] ཡང་ཉམས་གསོ་འཕེལ་རྒྱས་ཡོང་། དེ་དུས་སུའང་ཡོན་བདག་བྱེད་པ་ངན་པ་འགའ་ཞིག་གིས་གྱོད་སློང་ནས་དགོན་པར་འཁེལ་ཏེ། སྣང་བཟང་དགོན་དང་དམག་འཛིང་དགོས་པར་གྱུར། མཐའ་མ་འབའ་དཔོན་ཐལ་ཀྲང་ཅེས་པ་དེས་གྱོད་འདུམ་བསྒྲིགས་བགྱིས་ནས་བདེ་འཇག་སུ་གྱུར།

རྟེན་དང་བརྟེན་པའི་བཀོད་པ་རགས་རིམ་ནི། མགོན་ཁང་དང་འདུ་ཁང་། ལྷ་ཆེན་ཁང་། བླ་བྲང་། བཀའ་འགྱུར་ཁང་། དུང་འཁོར། རྒས་གསུམ་ཚོགས་འདུ་ཁང་། ཆུ་རྫིང་ཁང་། གྲྭ་ཤག་དགུ་བཅུ་ལྷག་བཅས་ཀྱི་ལྷ་ཆེན་ཁང་དུ་སློབ་དཔོན་པད་འབྱུང་གི་སྐུ་བརྙན་ཐོག་བརྩེགས་གསུམ་དུ་སླེབས་པ་དང་། ཚེ་ལྷ་རྣམ་གསུམ། ཉེ་བའི་སྲས་ཆེན་བརྒྱད་སོགས་བཞེངས་ཡོད། དེ་བཞིན་དུ་སྦུག་ཆལ་སིལ་སྙན་བཀའ་རྒྱ་མ་སྦུག་ཚངས་རབ། རྒྱ་ནག་ལས་དྲངས་པའི་ཏ་མིང་(大明)སྦུག སྦུག་བསོ་ས། ཁང་འབར་གྲྭ་སྦུག རྒྱ་ནག་མཚོ་དབྱངས། སྤར་མཁན་སྒྲ་དབྱངས། སྤར་མཁན་སིལ་སྙན། གསེར་དང་དངུལ་གྱི་དུང་། རྒྱ་གླིང་། སྤོས་ཁྲོ་དངུལ་གྱི་མཆོད་རྟེན་གཟི་བྱུ་རུས་འཕྲས་མཛད་པ། གསེར་སྐུ་འཁར་རྔ། བཀའ་བསྟན་འགྱུར། གདུགས་རྒྱལ་མཚན། ཞལ་ཐང་རྩིས་ཆེན་ཞི་ཁྲོ་དང་པདྨ་བཀའ་ཐང་དགོན་པའི་འདོན་ཆས་ཀྱི་སྤར་ཤིང་བཅས་སྐུ་གསུང་ཐུགས་རྟེན་དུ་མ་ལྡན། དད་ལྡན་གྱིས་རང་གི་སྲོག་བཞིན་སྦས་པའི་མཆོད་ཆ་འགའ་ཞིག་ནི་སྤྲུལ་སྐུ་བཤད་སྒྲུབ་ཆོས་ཀྱི་ཉི་མས་སྐུལ་མ་གནང་བ་ལྟར་ཡར་དགོན་པ་ལ་འབུལ་འཇོག་ཡོད། ཕལ་ཆེར་ནི་རིག་གསར་སྐབས་གོང་ལེན་དང་གཏོར་བརླགས་སུ་སོང་།། དེ་ལྟར་རྟེན་དང་བརྟེན་པ་བཞེངས་པའི་ཡོན་གྱི་འབྱུང་ཁུངས་ནི། ཡོན་བདག་གི་འབུལ་བ་དང་། བཀའ་སློང་། ཆོས་ཞིང་འབྲོག་པའི་འོང་སྒོ་སོགས་ཡིན། དགེ་འདུན་པའི་འཚོ་ཆས་ནི་བསོད་སྙོམས་དགོས།། དགོན་པ་འདིའི་གྲྭ་ཚང་དུ་མཁན་པོ། དབུ་མཛད། དགེ་སྐོས། སྤྱན་གཟིགས་པ། ཁང་གཉེར། ལས་སྣ་བ་དང་། བླ་བྲང་ནང་དུ་ཕྱག་མཛོད། གསོལ་དཔོན། གཟིམ་གཡོག ཚོང་དཔོན། ལག་རྡོ་སོགས་ཀྱི་སྲོལ་ཆགས། དམངས་གཙོ་བསྒྱུར་བཅོས་མ་གཏོང་གོང་དུ་འདུས་སྡེ་འདིར་སྤྲུལ་སྐུ་གཉིས་དང་དགེ་འདུན་པ་ཞལ་གྲངས་བརྒྱ་དང་ལྔ་བཅུ་དང་། ཡོན་བདག་ཁྱིམ་དུད་བརྒྱ་ལྷག་ཡོད་པ་བཅས། དེ་ལྟར་རིག་གནས་གསར་བརྗེ་ཆེན་པོའི་སྐབས་བོད་ཡུལ་དགོན་པ་ཕལ་མོ་ཆེ་དང་འདྲ་བ་བཤད་སྒྲུབ་ཀྱི་རྣམ་པ་ཐམས་ཅད་སྟོང་། རྟེན་དང་བརྟེན་པ་ཀུན་བརླགས། ཐ་ན་གཙུག་ལག་ཁང་གྲྭ་ཤག་དང་བཅས་པ་རྡོ་ཕུང་ས་ཕུང་ཙམ་དུ་གྱུར། ཡང་དག་པའི་ཆོས་ལུགས་སྲིད་ཇུས་དོན་འཁྱོལ་བྱུང་རྗེས། རབ་བྱུང་བཅུ་དྲུག་པའི་ཤིང་བྱི་ལོར། སྤྲུལ་སྐུ་བཤད་སྒྲུབ་ཆོས་ཀྱི་ཉི་མས་དད་ལྡན་མི་དམངས་ལ་བརྟེན་ནས། སླར་ཡང་དངུལ་རྭ་ཐང་ཀླུ་ཡི་གྲུ་ཁུག་ཅེས་པའི་དགོན་རྙིང་སར་གདན་ས་གཽ་ཨོ་རྒྱན་བདུད་འདུལ་གླིང་གསར་བཏབ་མཛད། འདུ་ཁང་དང་མགོན་ཁང་། ལྷ་ཆེན་ཁང་། དུང་འཁོར། མཆོད་རྟེན། རུང་ཁང་། བླ་བྲང་སོགས་རབ་དང་རིམ་པ་ཞིག་འགྲུབ་པའི་ལྷ་ཆེན་ཁང་དུ་སངས་རྒྱས་བྱམས་པ། ཨོ་རྒྱན་རིན་པོ་ཆེ། རིགས་གསུམ་མགོན་པོ་སོགས་བཞེངས་ཡོད། དངུལ་གྱི་མཆོད་རྟེན་གཟི་བྱུ་རུས་འཕྲས་མཛེད་པ། གུ་རུ་མཚན་བརྒྱད་ཀྱི་ཞལ་ཐང་། [page 440] བཀའ་བསྟན་འགྱུར་སོགས་སྐུ་གསུང་ཐུགས་རྟེན་ཀུན་སྤྲུལ་སྐུ་བཤད་སྒྲུབ་ཆོས་ཀྱི་ཉི་མའི་ཕྱག་སོར་ནས་རེ་རེ་བཞིན་བཞེངས་པ་བཅས་ཉམས་གསོ་ལེགས་པོ་བྱུང་ཡོད། འདུས་སྡེ་འདིས་ལོ་དུས་ཀྱི་སྒྲུབ་མཆོད་ཕལ་ཆེར་སྔར་སྲོལ་རྒྱུན་འཛིན་ཐུབ་ལ། ཟླ་དང་པོའི་ཚེས་བཅུ་གཉིས་ནས་བཅུ་དགུའི་བར་ཚེ་སྒྲུབ། ཟླ་བ་གཉིས་པའི་ཚེས་ཉེར་གཉིས་ནས་ཉེར་དགུའི་བར་ཞི་ཁྲོའི་སྒྲུབ་མཆོད། ཟླ་ལྔ་པའི་ཚེས་བརྒྱད་ནས་བཅོ་ལྔའི་བར་ཚེས་བཅུའི་དུས་མཆོད་གར་འཆམ། ཟླ་བ་དྲུག་པའི་ཚེས་ཉེར་གཉིས་ནས་ཉེར་དགུའི་བར་སྟག་ཟླ་ཕོར་བུའི་སྒྲུབ་ཆེན། ཟླ་བ་བཅུ་པའི་ཚེས་ཉེར་གཉིས་ནས་ཉེར་དགུ་བར་དགུ་གཏོར་བཀའ་བརྒྱད་སྒྲུབ་པ་གར་འཆམ་བཅས། དེང་སང་འདུས་སྡེ་འདིར་སྤྲུལ་སྐུ་གཉིས་དང་དགེ་འདུན་པ་བཅས་པའི་བརྒྱ་ཐམ་པ་བཞུགས་པ་ཀུན་གྱིས་རྒྱལ་བའི་བཀའ་དང་བསྟུན་ཅི་ནུས་ཀྱིས་ཆོས་ལ་འབད་བཞིན་པ་དང་། ཡོན་བདག་ཁྱིམ་དུད་ཉིས་བརྒྱ་ལྔ་བཅུ་ཡིས་བསྙེན་བཀུར་ཞུ་བའོ།

ས་མིང་ཚིག་མཛོད་མིག་བཤར།

དེ་ཡང་སྤོ་འབོར་སྒང་གི་སའི་ཆར་གཏོགས། དེང་སང་སྡེ་རོང་རྫོང་གི་མངའ་ཞབས་སུ་ཀུ་ཤོད་ཞེས་པའི་སར་ཡོད་པའི་ཤིང་འཁར་དགོན་ནི་སྟག་ལུང་བཀའ་བརྒྱུད་པའི་ཆོས་བརྒྱུད་འཛིན་ལ། དགོན་འདིའི་ཕྱག་འདེབས་པ་པོས་མཚན་ལ་བྱང་ཆུབ་རྒྱ་མཚོ་ཞུ་བ།། དེ་ཡང་སྔོན་ཚེ་ཀུ་ཤོད་ཡུལ་ཕྱོགས་འདི་ལ་དགོན་པ་སྟེང་། ཁམས་གསར་སྟེང་། རི་ཀྱོག་སྒ་བ། བུད་རི་བཅས་ས་གནས་བཞི་ལ་ཀརྨ་བཀའ་བརྒྱུད་པའི་གྲུབ་མཐའ་འཛིན་པའི་དགོན་པ་ཆུང་ཆུང་བཞི་བཏབ་ཡོད་ལ། གྱང་ཆག་དང་འབུམ་པའི་རྗེས་སོགས་དེང་སང་ཡང་མཇལ་དུ་གདའ། འོན་ཀྱང་དེ་དག་འདེབས་བཞེངས་པའི་དུས་ཚིགས་སོགས་ཞིབ་ཕྲ་མ་ངེས།།

རབ་བྱུང་དྲུག་པའི་ཤིང་བྱི་ལོར། ཀུ་ཤོད་འདོད་དཔོན་ཚེ་དབང་རྒྱ་མཚོས་ཡོན་བདག་བགྱིས་ཏེ། ལྷ་ས་སྟག་ལུང་དགོན་པ་ལས་བྱོན་པའི་བླ་མ་བྱང་ཆུབ་རྒྱ་མཚོས། ཀརྨ་པའི་དགོན་པ་བཞི་དེ་གཅིག་ཏུ་བསྡོམས་ནས་རི་ཀྱོག་སྒ་ཁ་ཞེས་པའི་སར་དགོན་པ་ཕྱག་བཏབ་བཞེངས། བླ་མ་བྱང་ཆུབ་རྒྱ་མཚོའི་ཤིང་གི་འཁར་བ་ཞིག་ཡོད་པ་དེ་དགོན་པར་རྟེན་དུ་བཞག་པས་དགོན་པའི་མཚན་ཡང་ཤིང་འཁར་བྱང་ཆུབ་གླིང་དུ་གྲགས། སྟག་ལུང་བཀའ་བརྒྱུད་པའི་ཆོས་བརྒྱུད་འཛིན་སྐྱོང་སྤེལ་བར་མཛད། དེ་ཕན་ཆད་གྲྭ་སའང་ལྷ་ས་སྟག་ལུང་དགོན་པར་འགྲོ་དགོས་པའི་ཕྱག་སྲོལ་བཙུགསང་།

དགོན་པ་འདིའི་བསྟན་བདག་ཏུ་གྱུར་པ་ཤིང་འཁར་སྤྲུལ་སྐུ་ནི་སྐུ་རབས་དྲུག་ཟིན་པ། སྐུ་ཕྲེང་དང་པོ་ནི་ཡུན་ནན་སྟོང་བ་རོང་གོང་སངས་ཞེས་པའི་ཡུལ་ལས་བྱོན་བའི་རྣལ་འབྱོར་བ་ཞིག་ཡིན་ལ། མཚན་དུ་སྒོམ་ཆེན་བདེ་གཤེགས་ཞུ་བ། གཉིས་པ་ཀརྨ་བསྟན་སྐྱོང་། གསུམ་པ་བདེ་ལེགས་དཔལ་བཟང་། བཞི་[page 441] པ་ཐུབ་བསྟན་དར་རྒྱས། ལྔ་པ་ཏ་ར་ན་ཐ་ཞུ་བ་དེ་རབ་བྱུང་བཅོ་ལྔ་པའི་ཤིང་འབྲུག་ཀུ་ཤོད་སྟོད་རྩི་ཡུལ་སྡེར། སྐུ་ན་ཆུང་དུས་ནས་གདན་སར་ཞབས་སོར་བཀོད། གདན་ས་དེར་དབུ་མཛད་སོགས་ཀྱི་འགན་བཞེས་མྱོང་། ཆིབས་བསྒྱུར་གནང་ནས་རང་དགོན་དུ་བཤད་སྒྲུབ་ཀྱི་འཕྲིན་ལས་སྤེལ། སྐུ་ཕྲེང་དྲུག་པ་འགྱུར་མེད་བསྟན་འཛིན་ཏེ་ཐུབ་བསྟན་ཆོས་ཀྱི་ཉི་མ་ནི་རྫོང་དཔོན་གཞོན་པ་དང་སྲིད་གྲོས་ཀྲུའུ་ཞི་གཞོན་པ་སོགས་ཀྱི་འགན་བཞེས་ནས་བཞུགས་ཡོད། དགོན་འདི་ལ་ཆུ་སོགས་འབྱུང་བཞི་ཡིས་གནོད་སྐྱོན་ཐེབས་ནས་སྤོ་བཞེངས་ཐེངས་མང་པོ་ཞིག་མཛད་དགོས་པ་བྱུང་། རི་ཀྱོག་སྒ་ཁ་ནས་རི་ཀྱོག་སྒང་། དེ་ནས་ནགས་གཟིག་ཧོ། ཤག་སྟོད། དགོན་པ་ཤག་སྟོད་དུ་བཞེངས་ཡོད་པའི་སྐབས་སུ། རྒྱུ་མཚན་གང་གི་ཕྱིར་མ་ངེས། སྣང་བཟང་དགོན་དང་འཁྲུག་རྩོད་ཡོང་ནས། མཐར་གྲོང་འབར་དགེ་བཤེས་ཞེས་པ་དེས་མེ་བརྒྱབ་སྟེ་དགོན་པ་ལྷག་མེད་དུ་བསྲེགས། དེ་ནས་ཤག་སྨད་དུ་དགོན་གསར་བཞེངས་མཛད། དེར་ཆུ་དཀོན་ཅིང་ས་གུ་དོག་པས་ཤག་གཞོང་དུ་སྤོ་བཞེངས་བགྱིས། དེ་དུས་སུའང་ཡུན་ནན་སྟོང་བ་རོང་གིས་དགྲ་བརྒྱབ་ནས་དགོན་པ་ལ་ཡང་གྱོང་རྒུད་ཉུང་ཙམ་ཐེབས་པ། མཐར་བླ་མ་ཏྰ་ར་ན་ཐས་གྱོད་འདུམ་སྒྲིག་མཛད་དེ་བདེ་འཇགས་སུ་གྱུར།

དགོན་པ་འདི་དང་རྡོ་བཅངས་དགོན་གཉིས་གྲུབ་མཐའ་གཅིག་པས་འབྲེལ་འདྲིས་ཤིན་ཏུ་ཆེ། ཤིང་འཁར་སྤྲུལ་སྐུ་སྐུ་ཕྲེང་གོང་མ་གསུམ་དུས་ཕལ་ཆེར་མཚམས་བསྙེན་པ་སྒྲུབ་པས། དགོན་པའི་ཆོ་ག་ཕྱག་སྲོལ་ཀུན་རྡོ་བཅངས་བླ་མ་བཀྲ་ཤིས་དབང་མཆོག་གིས་འགོ་འཇུ་མཛད། དགོན་གཉིས་ཀྱི་གྲྭ་བཙུན་ཀུན་དགུ་གཏོར་སྐབས་རྡོ་བཅངས་དགོན་དུ་དགུན་ཚོགས་དང་། སྟག་ཟླ་བུམ་སྒྲུབ་སྐབས་ཤིང་འཁར་དགོན་དུ་དབྱར་ཚོགས་ཀྱི་སྲོལ་འཛུགས། གཞན་ཡང་དགོན་འདིས་སྣང་བཟང་དགོན་ལ་འབྲུ་ཁེལ་ཉུང་ཙམ་ཞིག་མཇལ་དགོས་པ་དང་། སྣང་བཟང་དགོན་པས་ཀྱང་ཤིང་འཁར་དགོན་གྱི་རྟེན་བཞེངས་ལ་རོགས་སྐྱོར་བྱས་པ་སོགས་ཀྱི་ལོ་རྒྱུས་ཡོད་ཀྱང་ཞིབ་ཕྲ་མ་རྙེད༎

དགོན་པའི་ཕྱི་ཡི་དོན་སྐོར་འདོད་དཔོན་ཚང་ལ་ཐག་བཅད་པའི་དབང་ཆ་ལྡན། གཞན་ཡང་ཆོས་ཞིང་ཞིང་ཁག་བདུན་དང་འབྲུ་ཁྲེལ་སོགས་ཀྱི་འོང་སྒོའང་ཡོད་པ། གྲྭ་ཚང་དུ་མཁན་པོ། དབུ་མཛད། དགེ་སྐོས། གཉེར་པ། ལས་སྣ་སོགས་ཀྱི་སྲོལ་བཙུགས། བཅིངས་འགྲོལ་སྔོན་དུ་འདུས་སྡེ་འདིར་དགེ་འདུན་པ་ཞལ་གྲངས་བདུན་ཅུ་དོན་གསུམ་དང་ཡོན་བདག་དུད་གྲངས་བདུན་ཅུ་དོན་ལྔ་ཡོད་པའོ༎

རིག་གནས་གསར་བརྗེ་ཆེན་པོའི་སྐབས་དགོན་པ་གཏོར་བརླགས་སུ་སོང་ལ། སངས་རྒྱས་བསྟན་པའང་རེ་ཞིག་སྟོང་པར་གྱུར། ཡང་དག་པའི་ཆོས་ལུགས་སྲིད་ཇུས་དོན་འཁྱོལ་བྱུང་རྗེས། རབ་བྱུང་བཅུ་དྲུག་པའི་ཆུ་སྦྲུལ་ལོར་ཉམས་གསོ་བསྐྱར་བཞེངས་བགྱིས་ཏེ། འདུ་ཁང་། མགོན་ཁང་། དུང་འཁོར། མཆོད་རྟེན། རུང་ཁང་། གྲྭ་ཤག་བཅས་འགྲུབ་པའི་འདུ་ཁང་དུ། སྟག་ལུང་ཐང་པ་ཡབ་སྲས་གསུམ། [page 442] རྡོ་རྗེ་འཆང་སློབ་དཔོན་པད་འབྱུང་། སངས་རྒྱས་ཤཱཀ་ཐུབ། བྱམས་པ་སོགས་བཞེངས་ཡོད། འདུ་ཁང་ཐོག་ཏུ་གན་ཇི་ར། རི་དྭགས་ཆོས་འཁོར། རྒྱལ་མཚན་སོགས་གསར་བསྐྲུན་བཅས། ཟླ་དུས་སྒྲུབ་མཆོད་ཕལ་ཆེར་སྔར་སྲོལ་རྒྱུན་འཛིན་ཐུབ་ལ། ཟླ་བ་བཅུ་གཉིས་པའི་ཚེས་ཉེར་ལྔ་ནས་ཕྱི་ལོའི་ཟླ་དང་པོའི་ཚེས་བཅུ་གཅིག་བར་དགུ་གཏོར་ཚོགས་མཆོད། ས་ག་ཟླ་བའི་ཚེས་བཅུ་བཞི་ནས་ཟླ་ལྔ་པའི་ཚེས་གཅིག་བར་ཚེས་བཅུ་ནས་ཉེར་བདུན་བར་སྟག་ཟླ་མ་ཎི་བུམསྒྲུབ་སྒྲོན་ཆོས་སྟོང་མཆོད། གར་འཆམ་གཏོར་བརྒྱབ་བཅས་སོ། དེང་སང་འདུས་སྡེ་འདིར་སྤྲུལ་སྐུ་དགེ་འདུན་པ་དང་བཅས་བཞི་བཅུ་ཞེ་བཞི་བཞུགས་པ་ཀུན་གྱིས་སངས་རྒྱས་བསྟན་པ་དང་བསྟུན་ཅི་ནུས་སུ་མཛད་བཞིན་ཡོད། ཡོན་བདག་དུད་གྲངས་བརྒྱ་དང་དྲུག་ཅུ་ཐམ་པས་ཞབས་ཕྱི་བགྱིད་གང་ཐུབ་བཅས་སོ༎

ས་མིང་ཚིག་མཛོད་མིག་བཤར།

སྤོ་འབོར་སྒང་གི་སའི་ཆར་གཏོགས་སྡེ་རོང་ཞེས་པར་གནས་མཆོག་ཨོཾ་བརྒྱའི་ཞེས་གནས་དེར་བཏབ་པའི་དགོན་གྱི་བྱུང་བ་ཆེ་ལོང་ཞིག་གླེང་ན། བཀྲ་ཤིས་བྱི་ཆགས་པའི་གནས་དེར་དགོན་པ་ཐོག་མར་ཕྱག་འདེབས་པ་པོ་ནི། གྲུབ་ཐོབ་ཤཱཀྱ་བསྟན་འཛིན་ཞུ་བ། ཁོང་བསོད་སྙོམས་པའི་ཚུལ་གྱིས་གནས་མཆོག་ཏུ་ཕེབས་ཏེ་ཕྱག་བཏབ་པར་གྲགས་ནའང་མཛད་རྣམ་ཞིབ་ཕྲ་མ་རྙེད། དགོན་བཏབ་པའི་ལོ་ནི་རབ་བྱུང་བརྒྱད་པའི་ས་ཕག་ལོ་ཡིན་པར་བཤད་པའི་སྒྲོས་ཤིག་འདུག

གྲུབ་ཐོབ་དེའི་སྐུ་ཕྲེང་གཉིས་པ་དཀོན་མཆོག་ཚེ་དབང་། གསུམ་པ་དཀོན་མཆོག་ཚུལ་ཁྲིམས། བཞི་པ་དཀོན་མཆོག་སྦྱིན་པ་བཅས་ཀྱི་སྐུ་རིང་དུ་སྔ་འགྱུར་རྙིང་མའི་གྲུབ་མཐའ་བསྐྱངས། ཀཿཐོག་རྡོ་རྗེ་གདན་གྱི་ཆོས་བརྒྱུད་ཡིན། རིག་འཛིན་ཀློང་གསལ་རྡོ་རྗེ་སྙིང་པོ་གནས་འདིར་ཞབས་སོར་བཀོད་ཅིང་གནས་ཡིག་ཀྱང་ལྡེབ་གྲངས་སོ་ལྔ་ཅན་ཞིག་མཛད་མྱོང་ཡང་རིག་གསར་སྐབས་མེད་པར་གྱུར། ཀཿཐོག་དགོན་གྱིས་བྱ་མས་བྱིའུ་གསོ་བ་ལྟར་དཔེ་ཆ་དང་ཆོས་ཆས་ལྷ་སྐུ་རྟེན་གསུམ་མང་དག་གནང་།

སྐུ་ཕྲེང་ལྔ་པ་དཀོན་མཆོག་བསྟན་སྐྱོང་གི་སྐུ་དུས་སུ། འཇང་ཡུལ་དུ་སྐུ་བལྟམས་པའི་འབྲི་གུང་སྤྲུལ་སྐུ་དོན་གྲུབ་ཆོས་ཀྱི་རྒྱལ་པོ་གནས་ཆེན་ཨོཾ་བརྒྱར་ཕེབས། བླ་མ་དཀོན་མཆོག་བསྟན་སྐྱོང་གིས་དགེ་རྒན་དུ་བསྟེན་ནས་མཉམ་དུ་ཡར་ལྷ་ས་འབྲི་གུང་དགོན་པར་ཆིབས་བསྒྱུར་གནང་། བླ་མ་དཀོན་མཆོག་བསྟན་སྐྱོ་གིས་བགྲང་བྱ་གསུམ་ལྷག་གི་རིང་ལ་འབྲི་གུང་བཀའ་བརྒྱུད་ཀྱི་ཆོས་ལ་ཐུགས་འགྲུས་དྲག་པོར་མཛད་པས་ཤིན་ཏུ་མཁས་པར་གྱུར། ཕྱིར་རང་དགོན་དུ་ཕེབས་ནས་འབྲི་གུང་བཀའ་བརྒྱུད་དུ་བསྒྱུར། འབྲི་གུང་དགོན་དུ་ཨོཾ་བརྒྱའི་དགོན་གྱིས་ཁང་ཚན་བཟུང་ནས་དེ་ཕྱིན་ཆད་གྲྭ་སའང་དེར་འགྲོ་བའི་སྲོལ་ཆགས། བླ་[page 443] མ་དེའི་སྐུ་དུས་སུ་འཆད་ཉན་དང་སྒོམ་སྒྲུབ་ཀྱིས་ལུང་རྟོགས་ཀྱི་བསྟན་པ་སྤེལ། ཟངས་མདོག་དཔལ་རིའི་རྐེའུ་ཚང་དུ་ལོ་དྲུག་དཀའ་བ་སྤྱད་པས་ཕུག་པའི་མིང་ཡང་བླ་མ་དཀོན་མཆོག་བསྟན་སྐྱོང་གི་སྒྲུབ་ཕུག་ཏུ་ཆགས། ཁོང་གི་རང་རྣམ་དང་གནས་ཡིག་སོགས་གསུང་རྩོམ་ལྡེབ་བརྒྱ་ལྷག་ཡོད་ཀྱང་དེང་སང་མིང་ཙམ་དུ་གྱུར། བླ་མ་དེས་གཏེར་མང་པོ་བཏོན་པ་ལས་རྡོ་རྗེ་ཕག་མོའི་མགོ་དང་དུང་དཀར་སོགས་ད་དུང་མཇལ་རྒྱུ་ཡོད། དེའི་སྐུ་དུས་སུ་འབའ་སྡེ་བ་གཞུང་དང་ཡང་འབྲེལ་འདྲིས་ཆེ་སྟེ། བླ་མར་བསྐོ་བཞག་གི་ཡི་གེ་གནང་ཞིང་ཡོན་བདག་ཀྱང་མང་པོ་ཕུལ་བས་དགོན་པ་དར་རྒྱས་བྱུང་བའོ༎ སྐུ་ཕྲེང་དྲུག་པ་དཀོན་མཆོག་བསྟན་རྒྱས་དང་། བདུན་པ་དཀོན་མཆོག་བསྟན་འཛིན་བཅས་ཀྱི་སྐུ་རིང་དུ། སྣང་བཟང་དགོན་དང་མ་འགྲིག་པས། སྣང་བཟང་དགོན་གྱིས་སྔོན་རྗེས་སུ་དམག་ཐེངས་གཉིས་བཏང་ནས། བཀའ་བསྟན་འགྱུར་གཙོས་པའི་གསུང་རབ་གླེག་བམ་མཆོད་ཆས་དག་དང་ཡོན་བདག་ཕལ་མོ་ཆེར་བཅས་འཕྲོག་བརླགས་ཤོར་བས། དགོན་པ་ཤིན་ཏུ་ཉམས་ཉེས་པར་གྱུར༎ སྐུ་ཕྲེང་བརྒྱད་པ་དཀོན་མཆོག་བརྩོན་འགྲུས། དགུ་པ་དཀོན་མཆོག་ཆོས་འཕེལ། བཅུ་པ་དཀོན་མཆོག་ཤེས་བྱ་བཅས་ཀྱི་སྐུ་རིང་ལ་རིམ་བཞིན་དུ་ཉམས་གསོ་དར་རྒྱས་ཡོང་བའོ༎ བཅུ་གཅིག་པ་བླ་མ་དཀོན་མཆོག་བསྟན་འཛིན་ནི། འབྲི་གུང་དགོན་དུ་གྲྭ་སར་ཞུགས་ནས་བགྲང་བྱ་གསུམ་ཙམ་གསན་བསམ་མཛད། མར་རང་ཡུལ་དུ་བྱོན་པ་ནི་དངམས་གཙོ་བསྒྱུར་བཅོས་དང་འཁེལ། རྗེས་སུ་སྡེ་རོང་རྗོང་ཆབ་སྲིད་གྲོས་མོལ་ཨུ་ཡོན་ལྷན་ཁང་དུ་འགན་བཞེས། མཐར་རབ་བྱུང་བཅུ་དྲུག་པའི་ས་ཕག་ལོར་སྐུ་གཤེགས་པའོ༎

གཞན་དགོན་པ་འདིར་སྤྲུལ་སྐུ་ཀུན་མཆོག་ཚུལ་ཁྲིམས་ཞེས་པ་སྐུ་རབས་ལྔ་ཟིན་པ་ཞིག་ཡོད་པ་དེ་བཅིངས་འགྲོལ་མ་བཏང་གོང་ནས་འདས། ད་དུང་སྤྲུལ་སྐུ་བྱམས་པ་ཚུལ་ཁྲིམས་ཞེས་པ་སྐུ་རབས་བདུན་དུ་ཟིན་པ་ཞིག་ད་ལྟ་ཞལ་བཞུགས་པ་དེས་རེ་ཞིག་དགེ་ལུགས་པའི་གྲུབ་མཐའ་འཛིན་ནས་སྣང་བཟང་དགོན་དུ་བཞུགས་པ། ཡང་གནས་འདི་ནི་ཉམས་རྟོགས་མ་སྐྱེས་པ་རྣམས་བསྐྱེད་པར་བྱེད། སྐྱེས་པ་ཐམས་ཅད་གོང་ནས་གོང་དུ་འཕེལ་བ་སོགས་ཀྱི་བྱིན་རླབས་ཁྱད་པར་ཅན་ཡིན་པས། ཁོར་ཡུག་ཏུ་རྣལ་འབྱོར་དམ་ཚིག་སྲུང་བ་རྣམས་ཀྱི་སྒྲུབ་ཕུག་དང་རི་ཁྲོད་མང་དག་གདའ། ཁྱད་པར་དུ་དགོན་པའི་གཡོན་སྟོད་ཀྱི་རི་ཁྲོད་དུ་ཨ་མྱེས་སྔགས་ཙ་སྟེ་རིག་འཛིན་པདྨ་ཆོས་ལེགས་ཞེས་པ་མི་ལ་རས་ཅན་གྱི་རྣམ་འཕྲུལ་དུ་གྲགས་པའི་རྣལ་འབྱོར་བ་ཞིག་བྱོན་མྱོང་སྟེ། རྣལ་འབྱོར་དེས་དམ་པའི་ཆོས་ཕྱོགས་ལ་དཀའ་བ་སྤྱད་པའི་རྣམ་ཐར་རང་གནང་མ་ཞིག་དེང་སང་མཇལ་དུ་ཡོད་ལ། ལ་ལར་ངུ་བྲོ་བ། ལ་ལར་དགའ་བྲོ་བ་ཞིག་མི་ལ་རས་པའི་རྣམ་ཐར་ཇི་བཞིན་པ་ཞིག་མཆིས། མི་ལ་རས་ཆུང་གི་སྐྱེ་མཐར་གྲགས་པའི་པདྨ་ཆོས་གྲགས་སོགས་དུ་མ་བསྐྱངས། རྣལ་འབྱོར་པ་ཁོང་ནི་གསོ་རིགས་ཐུན་མོང་པའི་རིག་གནས་ཀུན་ལ་ཡང་མཁས་པ་ཕུལ་དུ་བྱུང་བ། ཁོང་གི་གསོ་རིག་སྐོར་གྱི་གསུང་རྩོམ་ཐོར་བུ་བ་འགའ་ཞིག་ཡུན་ནན་བྱང་སྤྲུལ་ཚུལ་ཁྲིམས་རྒྱ་མཚོས་གསོ་རིག་ཟིན་བཅུད་ཅེས་བསྡུས་ནས་པར་བསྐྲུན་ཡོད་པ་བཅས།

[page 444] དགོན་ཐོག་མར་ཕྱག་བཏབ་ནས་ལོ་བརྒྱ་ལྷག་སོང་བའི་བར་དུ་བཞེངས་པའི་རྟེན་དང་བརྟེན་པའི་དཀར་ཆག་རགས་རིམ་ནི། གུ་རུ་མཚན་བརྒྱད་ཀྱི་ལྷ་ཁང་། སྤྱན་རས་གཟིགས་ཕྱག་སྟོང་སྤྱན་སྟོང་གི་ལྷ་ཁང་། སློབ་དཔོན་མཚོ་སྐྱེས་རྡོ་རྗེའི་ལྷ་ཁང་། སློབ་དཔོན་གསུང་འབྱོན་མའི་ལྷ་ཁང་། སློབ་དཔོན་མཐོང་བ་རང་གྲོལ་དགུང་ལོ་བཅུ་དྲུག་གི་ཚད་ཀྱི་ལྷ་ཁང་། དཀོན་མཆོག་ཚེ་དབང་གི་གདུང་འབུམ་ཁང་། བླ་མ་དཀོན་མཆོག་བསྟན་སྐྱོང་གི་གདུང་འབུམ་ཁང་། སྤྱི་ཁང་། མགོན་ཁང་། ཇ་ཁང་། གྲྭ་ཤག་སུམ་བཅུ་ལྷག་བཅས། གསེར་སྐུ་སྟོན་པའི་སྐུ་མི་ལུས་མ་གཅིག་ཁྲུ་གང་མ་བཞི། གུ་རུ་སྐུ་ཁྲུ་གང་མ་གཉིས། མཁའ་འགྲོ་ཡེ་ཤེས་མཚོ་རྒྱལ་དང་ལྷ་ཅམ་མནྜ་ར་བའི་སྐུ་ཁྲུ་གང་མ་རེ་རེ། རྡོ་རྗེ་འཆང་ཆེན་པོ་ཁྲུ་དོ་ཅན་གཅིག་དངུལ་གྱི་བཀའ་གདམས་མཆོད་རྟེན་གཉིས། ཟངས་གསེར་ལས་གྲུབ་པའི་མཆོད་རྟེན་གཉིས་ཚད་གཅིག དངུལ་གྱི་མཆོད་རྟེན་མི་ལུས་མ་གཟི་དང་བྱི་རུས་འཕྲས་མཛེས་པ་གཅིག དངུལ་གྱི་མཆོད་རྟེན་ཁྲུ་དོ་ཅན་བདུན། གེ་སར་གྱི་ཁྲབ་རྨོག་གདའ་གཞུ་སོགས་དང་། རྒྱ་ནག་སྦུག་ཆལ་ཆེ་ཆུང་གཉིས། བྲག་སྦུག་རབ་བརྟན་ཆ་གཉིས། གླིང་བཞི་གླིང་ཕྲན་བརྒྱད་ཀྱི་རི་མོ་མངོན་པར་དོད་པའི་སྦུག་ཆལ་ཆ་གཅིག སིལ་སྙན་ནམ་མཁའ་འབྲུག་སྒྲ་སོགས་འགང་ཅན་མང་པོ་ཡོད། སྔོན་བླ་མ་ཐུགས་རྗེ་དབང་ཕྱུག་དགོན་ནང་ཕེབས་ཚེ་སྦུག་ཆལ་གྱི་སྒྲ་སྙན་གསན་ནས་གླིང་བཞི་གླིང་ཕྲན་བརྒྱད་ཀྱི་རི་མོ་ཅན་གྱི་སྤུག་ཆལ་དེ་གཟིགས་རྗེས་ཐུགས་ཧ་ལས་ནས་སྤུག་ཆལ་འདི་ནི་དགོན་པ་འབྲིང་ཙམ་གཅིག་གི་རིན་ཙམ་འདུག་ཅེས་གསུངས་པར་གྲགས། གཞན་སྤུག་ཆལ་མཛོ་བརྒྱ་མ་གཉིས་ཡོད་དེ། ཆ་རེར་མཛོ་བརྒྱ་རེའི་རིན་ཡོད་ཟེར། འོན་ཀྱང་ཤིན་ཏུ་ཡིད་ཕམ་པ་ལ་མཆོད་ཆ་སོགས་འགངས་ཅན་དེ་ཀུན་ངོ་རྒོལ་བཞི་དང་རིག་གསར་སྐབས་བརླགས༎

དེ་ལྟར་སྔོན་བྱུང་མདོ་ཙམ་ཞུས་ནས་ད་ནི་དེང་གི་གནས་ཚུལ་རགས་བསྡུས་བཀོད་ན། བོད་ཁམས་དགོན་སྡེ་ཕལ་མོ་ཆེ་དང་མཚུངས་པར་ངོ་རྒོལ་བཞི་དང་རིག་གསར་སྐབས་སུ་བཤད་སྒྲུབ་ཀུན་སྟོང་ཞིང་། རྟེན་དང་བརྟེན་པ་ཐམས་ཅད་བརླགས་ནས་ལོ་སུམ་ཅུ་ཙམ་སོང་། རབ་བྱུང་བཅུ་དྲུག་པའི་ཆུ་ཁྱི་ལོར་ཡུལ་འདིར་ཡང་ཆོས་ལུགས་སྲིད་ཇུས་ཀྱི་ཉི་འོད་འཕྲོས་པས་མི་དམངས་སྲིད་གཞུང་གིས་སྔོན་རྗེས་སུ་སྒོར་ཁྲི་གཅིག་དང་གཉིས་སྟོང་གནང་བ་དང་། གོོ་དགོན་པའི་སྤྲུལ་སྐུ་བཤད་སྒྲུབ་ཆོས་ཀྱི་ཉི་མས་ཐུགས་འཁུར་ཆེན་པོ་མཛད་པར་བརྟེན། བྲག་སྒོ་དགེ་སློང་དཀོན་མཆོག་ཚེ་དབང་གཙོ་འཛིན་པའི་དགེ་འདུན་པ་དང་དད་ལྡན་ཡོན་བདག་བཅས་ཀྱིས་ཧུར་ཐག་གིས་ཉམས་གསོ་བྱས་ཏེ། འདུ་ཁང་མགོན་ཁང་། ཇ་ཁང་། དུང་འཁོར་བཅས་འགྲུབ་པའི་འདུ་ཁང་དུ་མཁན་སློབ་ཆོས་གསུམ་དང་ལྷ་ཅམ་མནྜ་ར་བ། མཁའ་འགྲོ་ཡེ་ཤེས་མཚོ་རྒྱལ། ཕག་མོ་གྲུབ་པ། འབྲི་གུང་སྐྱོབ་པ་རིན་པོ་ཆེ་སོགས་ཀྱི་སྐུ་བརྙན་གཉིས་ཀྱིས་འབྲི་གུང་པའི[page 445] དཔེ་ཆ་མང་པོ་གནང་། དགོན་གྱི་སྔོན་རྗེས་སུ་འབྲི་གུང་མཐིལ་དགོན་པར་གྲྭ་ཚོགས་སྐོར་གཉིས་བཏང་ལ། དེ་ནས་འབྲི་གུང་ལུགས་ཀྱི་དཔེ་ཆ་པོད་ཉི་ཤུ་ལྷག་དང་། གསེར་སྐུ། གྲྭ་པ་ཚོར་ཆོས་གོས་རྣམ་གསུམ་བཅས་གནང་ནས་སྔོན་དུས་བཞིན་ཐུགས་འཁུར་དང་རོགས་སྐྱོར་མཛད། དགོན་པས་ཀྱང་བཀའ་འགྱུར་སོགས་བསླུས་ཡོད། ཡོན་བདག་དུད་གྲགས་བརྒྱ་དང་དགེ་འདུན་པ་བཞི་བཅུ་ཞེ་ལྔ་བཅས་ཀྱིས་སྒྲུབ་བརྒྱུད་བསྟན་པའི་རྒྱལ་མཚན་སྒྲེང་བཞིན་མཆིས༎

དགོན་འདིའི་ལོ་དུས་ཀྱི་སྒྲུབ་མཆོད་ཕལ་ཆེར་སྔར་སྲོལ་རྒྱུན་འཛིན་ཐུབ་ལ། ཟླ་གཉིས་པའི་ཚེས་བཅུ་ནས་ཉི་ཤུའི་བར་བསམ་ལྷུན་བུམ་སྒྲུབ་དང་། བཞི་པའི་ཚེས་དགུ་ནས་ཉེར་ལྔའི་བར་སྨྱུང་གནས་ཆོ་ག་བདུན་པའི་ཚེས་བཅུ་ནས་ཉེར་ལྔ་གཉིས་ལ་ཆོས་ཚོགས་ཅི་རིགས་པ་སྤེལ་བ་བཅས་རེ་ཞིག་དེ་ཙམ་གྱིས་མཇུག་རྫོགས་པར་བྱས། ༎

ས་མིང་ཚིག་མཛོད་མིག་བཤར།

རབ་བྱུང་གསུམ་པའི་ཆུ་སྦྲུལ་ལོར་རྒྱལ་སྤྲུལ་པདྨ་རྣམ་རྒྱལ་ཞུ་བ་དེ་ཡིས། སྤོ་འབོར་སྒང་གི་ཆར་གཏོགས། སྔོན་འབའ་སྡེ་བ་གཞུང་གི་མངའ་ཁོངས། དེང་སང་སྡེ་རོང་རྫོང་གི་མངའ་ཞབས་སུ་སྤུན་གསུམ་ཞེས་པའི་ས་ཆ་ཡི་གཞི་གཡག་སྒང་དུ་རི་བོ་སྤུན་གསུམ་དགོན་ཞེས་ཕྱག་བཏབ་མཛད། ཀཿཐོག་དགོན་པའི་དགོན་ལག་ནང་དུ་ཆགས་ཏབ་སྔ་བ་ཞིག་ཡིན། དེ་ནས་རབ་བྱུང་བཅུ་གཅིག་པའི་ཡས་མས་ཙམ་ཡུལ་འདི་གར་རི་བོ་དགེ་ལུགས་པའི་གྲུབ་མཐའ་སྐྱོང་བའི་རྒྱ་བྱ་དགོན་ཞེས་པ་ཞིག་ཡོད་ལ། དེ་དང་གྲུབ་མཐའ་སྐོར་རྩོད་འཁྲུག་བྱུང་ནས་དགོན་པ་གཉིས་ཀ་མེ་ཡིས་བསྲེགས། དེ་ནས་རིགས་གསུམ་མགོན་པོའི་གནས་རིའི་སར་དགོན་པ་གསར་བཞེངས་མཛད། དགོན་པ་བཏབ་པའི་སར་རྩི་ཤིང་དཔལ་འབར་མང་པོ་སྐྱེས་ཡོད་པས། སངས་རྒྱས་བསྟན་པ་དཔལ་འབར་ལྟར་དར་རྒྱས་ཡོང་བར་རྟེན་འབྲེལ་གྱིས་དགོན་པའི་མཚན་ཡང་དཔལ་འབར་བསམ་གཏན་གླིང་ཞེས་གྲགས། དེ་དུས་ལུང་ཟིན་ཆོས་ཉིད་རྒྱ་མཚོ་ཁྲིར་ཕེབས། རིག་འཛིན་ཀློང་གསལ་རྡོ་རྗེ་སྙིང་པོས། ཀཿཐོག་དགོན་པའི་ཆོས་སྡེ་ཉམས་གསོ་འཕེལ་རྒྱས་མཛད། དཔལ་འབར་དགོན་པས་ཀྱང་ཀློང་གསལ་གཏེར་ཆོས་འཛིན་སྐྱོང་སྤེལ་བར་བགྱིས། བསྟན་བདག་ཏུ་གྱུར་པ་ལུང་ཟིན་ཆོས་ཉིད་རྒྱ་མཆོ་སྐུ་ཕྲེང་གཉིས་པ་ནམ་མཁའ་རིན་ཆེན་སོགས་སྐུ་རབས་བཅུ་གསུམ་དུ་ཟིན། ཀུན་ལ་གསལ་བའི་སྐུ་ཕྲེང་བཅུ་གསུམ་པ་ཐུབ་བསྟན་རྒྱ་མཚོ་མཆོག་ནི་རབ་བྱུང་བཅོ་ལྔ་པའི་ས་རྟ་ལོར་ཕྱག་ཕྲེང་ས་གང་བ་ཞེས་པའི་ཡུལ་དུ་སྐུ་བལྟམས། དགུང་ལོ་བཞི་ཐོག་ཏུ་གདན་སར་[page 446] ཞབས་སོར་བཀོད། བླ་མ་སྙན་གྲགས་ཞེས་པའི་སྐུ་མདུན་དུ་འབྲི་ཀློག་སྦྱངས། དགུང་ལོ་ཉི་ཤུ་ཐོག་ཁམས་ཀཿཐོག་དགོན་དུ་སློབ་གཉེར་ལ་ཕེབས། མཁན་པོ་ཡེ་ཤེས་འབྱོར་ལྡན་དང་མཁན་པོ་གང་ལི་སོགས་བླ་མ་མང་པོ་བསྟེན། མཁས་པའི་རྩེར་སོན་ལ་གདན་ས་དེར་མཁན་པོ་ལོ་གསུམ་བཞུགས། དགུང་ལོ་ཉེར་དགུ་ཐོག་ཆིབས་བསྒྱུར་གནང་ནས། དཔལ་འབར་དགོན་པར་བཤད་སྒྲུབ་ཀྱི་འཕྲིན་ལས་སྤེལ། དད་ཅན་འགྲོ་བ་མང་དག་སྨིན་གྲོལ་བཀོད། གནས་ཡིག་སོགས་གསུང་འབུམ་ཡང་འགའ་ཞིག་སྤེལ་བ་བཅས། གཞན་ཡང་དགོན་འདིར་སྒོམ་བསྙེན་བླ་མ་ལེགས་གྲུབ་དང་བླ་མ་བསོད་ནམས་དཔལ་ལྡན་གྱི་ཡང་སྲས་སྤྲུལ་པའི་སྐུ་ཡི་མཚན་ཐོབ་བསོད་ནམས་ཆོས་འཕེལ་དང་རྟ་མགྲིན་རྣམ་གཉིས་ཀྱིས་སངས་རྒྱས་བསྟན་པ་དང་བསྟུན་ཅུ་ནུས་སུ་མཛད་བཞིན་བཞུགས།

ཡང་དགོན་འདིར་ཚུལ་འཆལ་གྱི་དྲི་ཙམ་ཡང་མ་གོས་པར་དགེ་སློང་འདུལ་བ་འཛིན་པ་ཆོས་འཕེལ་ཞུ་བ་ཞིག་བྱོན་མྱོང་སྟེ། སྐུ་ན་ཆུང་དུས་ནས་ཁམས་སྡེ་དགེའི་ཕྱོགས་སུ་སློབ་གཉེར་ལ་ཕེབས་ནས། འཇམ་དབྱངས་མཁྱེན་བརྩེ་དབང་པོ་གཙོས་པའི་སྨན་རྒན་བཅུ་ཕྲག་ལྷག་བསྟེན་ཏེ། སྨན་རྩིས་སོགས་ལ་ཤིན་ཏུ་མཁས་པར་གྱུར། འབའ་ཟླ་ཁ་བླ་མ་སོགས་ཀྱི་སྙང་གཞི་དྲག་པོ་ཀུན་བཅོས་པའི་མཛད་རྣམ་བརྗོད་དུ་མི་ལངས་བ་ཡོད། འདོད་ཡོན་ཅི་རིགས་པར་མི་ཆགས་པ། རྟག་པར་མཚམས་བསྙེན་སྒྲུབ་ལ་དཀའ་བ་སྤྱད་པ། སྨན་སྔགས་ཀྱི་བསྙེན་པ་ལོངས་བ། ནག་རྩིས་སོགས་ཀྱི་ཆོ་ག་ལག་ལེན་ལ་མཁས་པ། སྨན་རྩིས་ཀྱི་གསུངས་རྩོམ་སྤེལ་བ་དང་། སྨན་ཕྲུག་བསྐྱངས་བ་སོགས་འགྲོ་དོན་རྒྱ་ཆེར་མཛད་པ། ཤིན་ཏུ་ཡིད་ཕམ་ཆེ་བ་ནི་རིག་གསར་སྐབས་ལྷ་འདྲེ་གདོན་བགེགས་ཀྱི་གྲལ་དུ་བཞག་ནས་བཀྲོངས་པའོ༎

དགོན་པ་འདིས་བཤད་སྒྲུབ་སྤེལ་ནས་རྒྱལ་བསྟན་དར་རྒྱས་སུ་མཛད་པའི་ལོ་རྒྱུས་མང་པོ་ཡོད་ཀྱང་། སྔོན་གྱི་ལོ་རྒྱུས་ཡིག་ཆ་དང་བླ་མའི་རྣམ་ཐར་སོགས་མེད་པས་ཞུ་ཐབས་བྲལ། འདིར་ཀུན་ལ་གསལ་བའི་དཔལ་འབར་སྤྲུལ་སྐུ་སྐུ་ཕྲེང་བཅུ་གསུམ་པ་ཐུབ་བསྟན་རྒྱ་མཚོའི་སྐུ་དུས་སུ་བཤད་སྒྲུབ་སྤེལ་ཚུལ་རགས་ཙམ་ནི། སྤྲུལ་སྐུ་ཐུབ་བསྟན་རྒྱ་མཚོ། ཀཿཐོག་དགོན་ནས་ཚུར་བྱོན་རྗེས། རབ་བྱུང་བཅུ་དྲུག་པའི་ས་བྱི་ལོར། དགེ་འདུན་པ་ཀུན་ཀློག་འདོན་སྦྱོང་བའམ། སྒྲིབ་སྦྱངས། མཚམས་བསྙེན་སྒྲུབ་བཅས་དགུན་བཅའ་ཟླ་གཅིག་འདུག་དགོས་པའི་སྲོལ་འཛུགས། ལྕགས་སྟག་ལོར་ཀཿཐོག་དགོན་པའི་དྲི་མེད་ཨ་བྷན་རིན་པོ་ཆེ་སྤྱན་དྲངས་ནས་ཉིན་ཞག་བཞི་བཅུ་ལྷག་གདམས་ངག་མཛོད་ཀྱི་དབང་ལུང་སྤེལ། ལྕགས་ཡོས་ལོར་སྤྲུལ་སྐུ་ཐུབ་བསྟན་རྒྱ་མཚོས་ཁོང་རྣམ་པས་རིག་འཛིན་བདུད་འདུལ་རྡོ་རྗེ་དང་ཀློང་གསལ་རྡོ་རྗེ་སྙིང་པོའི་ཆོས་འཁོར་དབང་ལུང་བཙུགས་ནས། དད་ཅན་ཕོ་མོ་ཀུན་དབང་ལུང་གི་བྱིན་རླབས་ཐེབས་པར་མཛད། གཏེར་ཆོས་མང་པོ་ཞིག་ཁྲིད་ལུང་སྤེལ། སྡིངས་མོ་སྒར་ཕུག་སྤྲུལ་སྐུ་དང་། དཔལ་གཞོལ་སྤྲུལ་སྐུ། ཕྱག་ཕྲེང་བསམ་གཏན་རི་ཁྲོད་ཀྱི་སྤྲུལ་སྐུ་འཇིགས་མེད་སོགས་གཙོས་པའི་ཞལ་སློབ་ཆོས་ཞུ་ལྔ་བཅུ་ལྷག་བསྐྱངས་བ་སོགས་ཀྱིས་རྒྱལ་བསྟན་དར་རྒྱས་ཅི་ནུས་སུ་བཏང་། སྒོམ་གྲྭའི་ཚུལ་ཙམ་དུ་མགོ་སྟོད་རི་ཁྲོད་[page 447] ཅེས་པ་ཞིག་མཆིས་ལ། ཚོགས་ཁང་། མཆོད་རྟེན་མཚམས་ཁང་སུམ་ཅུ་བཅས་ལྡན་པར་དགེ་བ་བཞི་བཅུ་ལྷག་བཞུགས་ཡོད། དེར་དཔལ་འབར་སྤྲུལ་སྐུ་སྐུ་ཕྲེང་རིམ་བྱོན་གྱིས་སྒོམ་ཉམས་ལེན་དང་གདུལ་བྱ་བསྐྱངས་བ། དགོན་པའི་གཡས་སྟོད་དུ་སྒྲུབ་ཕུག་མང་པོ་བདོག་ལ། འབྲས་བུ་མངོན་དུ་ཐོན་པའི་བླ་མ་ལེགས་གྲུབ་དང་བསོད་ནམས་དཔལ་ལྡན་སོགས་བྱོན་མྱོང་།

རབ་བྱུང་བཅོ་ལྔ་པའི་ལྕགས་སྤྲེལ་ལོར། རྒྱུ་མཚན་གང་གི་ཕྱིར་མ་ངེས་ལ། ཕྱག་ཕྲེང་རྟ་པ་ཕྱོགས་བརྒྱད་ཀྱིས་དགྲ་བརྒྱབ་ནས། ཡོན་བདག་གི་ཁང་པ་ཐམས་ཅད་བསྲེགས། ཤིང་ཕུང་འབྲས་བུ་ཅན་ཀུན་བཅད། ཁལ་མ་ཕལ་ཆེར་བཤས་བཙོང་བྱས། དགོན་པའི་བཀའ་བསྟྣ་འགྱུར་སོགས་འཕྲོག་བརླགས་ཤོར་པས་ཉམས་ཆགས་ཆེན་པོ་ཐེབས།

རབ་བྱུང་བཅུ་དྲུག་པའི་ཤིང་ཕག་ལོར། （དམར་དམག）ཡུལ་ཕྱོགས་འདི་ལ་བརྟོལ་ཏེ། དགོན་པས་སྣེ་ལེན་ཟབ་རྒྱས་མཛད་པ་སོགས་ཀྱི་དོན་སྐོར་ཞིབ་ཕྲ་རྒྱ་ཡིག་བརྐོས་བྲིས་པའི་རྡོ་རིང་ཞིག་བསླངས་ཡོད་ལ། རིག་གསར་སྐབས་མེད་པར་བཏང་།

སྐུ་གསུང་ཐུགས་རྟེན་བཞེངས་ཚུལ་རགས་ཙམ་ཞུ་རྒྱུ་ནི། འདུ་ཁང་ལྷ་ཆེན་ཁང་། མགོན་ཁང་། བླ་བྲང་། དུངའཁོར་གཉིས། རུང་ཁང་། གྲྭ་ཤག་བདུན་ཅུ་བཅས་བཞེངས་པའི་ལྷ་ཆེན་ཁང་དུ། སྟོན་པ་གཙོ་འཁོར་གསུམ་མཁན་སློབ་ཆོས་གསུམ། རིགས་གསུམ་མགོན་པོ། ཚེ་ལྷ་རྣམ་གསུམ་རིག་འཛིན་ཀློང་གསལ་ཆེན་པོ། སྤྱན་རས་གཟིགས་ཕྱག་སྟོང་སྤྱན་སྟོང་། ཀུན་མཁྱེན་ཀློང་ཆེན་རབ་འབྱམས། གནས་བརྟན་བཅུ་དྲུག་སོགས་བཞེངས། བྱམས་པ་ལྷ་ཁང་དུ་རྒྱལ་བ་བྱམས་པ་ཁང་བརྩེགས་གསུམ་དུ་རེག་པ་དང་། ཚེ་དཔག་མེད་ལྷ་ཁང་དུ་སངས་རྒྱས་ཚེ་དཔག་མེད་གཙོ་འཁོར་བཅས་བཞེངས་ཡོད༎

གསེར་ཟངས་ཀྱིས་བཞེངས་པའི་དཔལ་འབར་སྤྲུལ་སྐུ་ཕྲེང་བཅུ་གཉིས་པ་བླ་མ་སྐལ་བཟང་འཕྲིན་ལས་རྣམ་རྒྱལ་གྱི་སྐུ་གདུང་ཁང་། གསེར་ཟངས་ཀྱིས་བཞེངས་པའི་གན་ཇི་ར་རྒྱལ་མཚན། རི་དྭགས་ཆོས་འཁོར། གསེར་འབགས་བཅུ་གསུམ། འཛམ་གླིང་ཕྱེད་བཞག མཧཱ་པཎྚི་ཏ་སི་ཏུ་ཆོས་ཀྱི་རྒྱ་མཚོས་གནང་བའི་སི་ཏུ་སྦུག་ཆལ། སིལ་སྙན་བཀའ་རྒྱབ་མ་ནམ་མཁའ་འབྲུག་གྲགས། སྔོན་ཀཿཐོག་དགོན་པའི་བླ་མ་ཞིག་གིས་སིལ་སྙན་དེ་གཟིགས་རྗེས་ཀཿཐོག་ཏུ་འང་སིལ་སྙན་དེ་ལྟར་ཤིན་ཏུ་དཀོན་གསུངས་པར་གྲགས། རྒྱ་ནག་གོང་མས་གནང་བའི་རྒྱ་ཡིག་མངོན་པའི་ཞྭ་ཆུང་ཉེར་ལྔ་སོགས་དེ་བཞིན་དུ་གསེར་དངུལ་གྱི་རྒྱ་གླིང་། གསེར་སྐུ། དུང་། སྤོས་ཁྲོ། འཁར་རྔ། ཞལ་ཐང་རྩིས་ཆེན་སོགས་དུ་མ་དང་ལྡན། ཤིན་ཏུ་ཕངས་པ་ཞིག་ལ་སི་ཏུ་སྦུག་ཆལ་སོགས་མཆོད་ཆ་འགའ་ཞིག་མ་གཏོགས་ཕལ་ཆེར་རིག་གསར་སྐབས་གཏོར་བརླགས་སུ་ཟིན༎

དགོན་པ་འདིར་སྤར་ཁང་ཞིག་ཀྱང་མཆིས་ལ། རིག་འཛིན་བདུད་འདུལ་རྡོ་རྗེ་སྤེལ་བའི་གཏེར་[page 448] ཆོས་པོད་བཅུ་གསུམ་དང་། པདྨ་བཀའ་ཐང་གཟུངས་བསྡུས། བརྒྱད་སྟོང་། གསེར་འོད། བསྐལ་བཟང་མདོ། དགོན་པའི་འདོན་ཆ་བཅས་ཀྱི་སྤར་ཤིང་མང་པོ་ཡོད། རིག་གསར་སྐབས་དམར་སྲུང་དམག་ཉི་ཤུ་ལྷག་དགོན་པར་ཟླ་གཅིག་ཙམ་བཅའ་སྡོད་སྐབས་འབུད་ཤིང་བྱ་ས་ནས་ཐལ་བར་བརླག།

དགོན་པ་འདི་ལ་ཆོས་ཞིང་ཞིག་ཁག་བཅོ་ལྔ་ཡོད་པ་དེའི་ཡོང་སྒོ་དང་ཡོན་བདག་གོ་འབུལ་བ་ཀུན་རྟེན་དང་བརྟེན་པ་བཞེངས་པའི་མཐུན་རྐྱེན་དུ་བསྒྲུབས། དགེ་འདུན་པའི་འཚོ་ཆོས་ཀུན་བསོད་སྙོམས་སློང་བྱེད་དགོས། དགོན་པ་འདིའི་ལོ་དུས་ཀྱི་སྒྲུབ་མཆོད་ནི། ཟླ་བ་བཅུ་གཉིས་པའི་ཚེས་ཉེར་དགུ་ནས་ཕྱི་ལོ་ཟླ་བ་དང་པོའི་ཚེས་ལྔ་བར་བླ་མ་གསང་འདུས་དང་སྨིན་གྲོལ་གླིང་པ་ཉིན་བདུན་དང་། ཟླ་དང་པོའི་ཚེས་བཅུ་གསུམ་ནས་ཚེས་བཅོ་ལྔའི་བར་སྨྱུང་གནས། ཟླ་གཉིས་པའི་ཚེས་བཅུ་གཉིས་ནས་བཅུ་དགུའི་བར་གུ་དྲག་བུམ་སྒྲུབ། ས་ག་ཟླ་བའི་ཚེས་བརྒྱད་བཅོ་ལྔའི་བར་ཀར་གླིང་ཞི་ཁྲོ། ཟླ་དྲུག་པའི་ཚེས་བདུན་ནས་བཅུ་གསུམ་བར་ཚེས་བཅུའི་སྒྲུབ་མཆོད་བླ་མ་གསང་འདུས། ཟླ་འདིའི་ཚེས་ཉེར་གཉིས་ནསཉེར་དགུའི་བར་སྟག་ཟླའི་བུམ་སྒྲུབ། ཟླ་བ་བཅུ་པའི་ཚེས་བཅུ་གཉིས་ནས་བཅུ་དགུའི་བར་ཞི་ཁྲོ་འདེབས་མཆོད། ཟླ་བ་བཅུ་གཅིག་པའི་ཚེས་ཉེར་གཉིས་ནས་ཉེར་དགུའི་བར་དགུ་གཏོར་གར་འཆམ་བཀའ་བརྒྱད་སྒྲུབ་པ་བཅས་སོ། འདུས་སྡེ་འདིར་བཅིངས་འགྲོལ་མ་བཏང་གོང་དུ་སྤྲུལ་སྐུ་དགེ་འདུན་པ་དང་བཅས་བརྒྱ་དང་སུམ་ཅུ་མཆིས། གྲྭ་ཚང་དུའང་མཁན་པོ། དབུ་མཛད། དགེ་སྐོས། མགོན་བླ། དཀོར་གཉེར། སྤྱན་རས་གཟིགས་པ་སོགས་ཀྱི་སྒྲིག་རིམ་ཞིག་སྲོལ་བཙུགས།

དེང་སང་གི་གནས་ཚུལ་ནི། ཆོས་ལུགས་སྲིད་ཇུས་ལག་ལེན་བསྟར་རྗེས། རབ་བྱུང་བཅུ་དྲུག་པའི་ཤིང་བྱི་ལོར་ཉམས་གསོ་བསྐྱར་བཞེངས་བགྱིས་ཏེ། འདུ་ཁང་མགོན་ཁང་དུངའཁོར། མཆོད་རྟེན། རུང་ཁང་གྲྭ་ཤག་བཅས་འགྲུབ་པའི་འདུ་ཁང་དུ། སྟོན་པ་གཙོ་འཁོར་གསུམ། མཁན་སློབ་ཆོས་གསུམ། རིགས་གསུམ་མགོན་པོ། རིག་འཛིན་ཀློང་གསལ་ཆེན་པོ་བཅས་བཞེངས་ཡོད། ཉམས་གསོི་བྱེད་པར་སྤྲུལ་སྐུ་ཚེ་དབང་བསྟན་འཛིན་དང་། བ་དགུ་སྤྲུལ། གོོ་སྤྲུལ་བཤད་སྒྲུབ་ཆོས་ཀྱི་ཉི་མ་བཅས་ཀྱི་དཔེ་ཆ་དང་མཆོད་ཆ་མང་པོ་གནང་བ་སོགས་ཕྱོགས་སོ་སོའི་ཐད་དུ་ཐུགས་འཁུར་ཆེན་པོ་མཛད་པ། ཀཿཐོག་དགོན་དུ་སྔོན་རྗེས་སུ་གྲྭ་པ་ཉི་ཤུ་ལྷག་སློབ་གཉེར་ལ་མངགས་པ། ཀཿཐོག་དགོན་པའི་རྨོག་ཚ་སྤྲུལ་སྐུ་སོགས་ཀྱིས་དགེ་འདུན་པ་བརྒྱད་བཅུ་གྱ་གཉིས་དང་། ཡོན་བདག་དུད་གྲངས་བརྒྱ་དང་བརྒྱད་བཅུ་གྱ་ལྔ་བཅས་ཀྱིས་དམ་པའི་ཆོས་ཕྱོགས་ལ་འབད་བརྩོན་ལྷོད་མེད་བྱེད་པའོ༎

ས་མིང་ཚིག་མཛོད་མིག་བཤར།

[page 449] དེ་ཡང་སྤོ་འབོར་སྒང་གི་སའི་ཆར་གཏོགས། སྔོན་འབའ་སྡེའི་ཁུལ། དེང་སང་སྡེ་རྫོང་གི་མངའ་ཞབས་སུ། ཁམས་ཕྱོགས་རི་བོ་དགེ་ལུགས་པའི་གྲུབ་མཐའ་འཛིན་སྐྱོང་བའི་དགོན་ཆེན་བཅུ་གསུམ་གྱི་ཡ་གྱལ། སྣང་བཟང་དགའ་ལྡན་འཕེལ་རྒྱས་གླིང་ཞེས་ཡོངས་སུ་གྲགས་པ་ནི། རབ་བྱུང་བཅུ་པའི་མེ་ལུག་ལོར་བཏབ། དགོན་པ་འདི་དང་ཐོག་ཕྱག་འདེབས་པ་པོ་ནི་བ་སྒང་སྤྲུལ་སྐུ་སྟེ་ཇ་རྩི་ཞེས་པའི་སར་རི་བོ་དགེ་ལུགས་པའི་གྲུབ་མཐའ་འཛིན་སྐྱོང་བའི་དགོན་པ་ཞིག་འདེབས་བཞེངས་མཛད། དེར་ས་རྩུབ་ཆེ་བ་སོགས་ཀྱིས་གཏེར་རོང་སྟེང་ཞེས་པའི་སར་སྤོ་བཞེངས་མཛད། དགོན་པའི་མཚན་ཡང་ལུང་སྟེང་དགོན་དུ་གྲགས། གདན་ས་དེར་ཕྱག་དཀར་བླ་མས་བཤད་སྒྲུབ་ཀྱི་འཕྲིན་ལས་སྤེལ་ཏེ། འཇམ་མགོན་བླ་མ་ཙོང་ཁ་བ་ཡི་བསྟན་པ་ཉིན་མོ་ལྟར་གསལ་བར་མཛད། དགེ་འདུན་པའང་ཞལ་གྲངས་སུམ་བརྒྱ་ལྷག་བཞུགས་པའི་དགོན་ཆེན་ཞིག་ཏུ་གྱུར། ལུང་སྟེང་དགོན་པ་གདན་ས་མཐིལ་དུ་བཏབ་ནས་བགྲང་བྱ་ཉེར་ལྔ་སོང་རྗེས། བྱི་བས་མར་མེ་ཀོང་འགྱེལ་ནས་འདུ་ཁང་ལྷག་མེད་དུ་བསྲེགས། རྒྱུན་པར་ས་འགུལ་ཡོང་བ། ཆུ་དཀོན་ཅིང་རླུང་འཚུབ་ཆེ་བ་སོགས་འབྱུང་བཞིས་རྐྱེན་ངན་ཐེབས་ནས་ཡང་སྤོ་བཞེངས་མཛད་ནས་མཚན་དུ་ཁ་དཀར་དགོན་འབོད༎

དེང་སྐབས་བྲག་དཀར་སྤྲུལ་སྐུ་བློ་བཟང་དར་རྒྱས་དགའ་ལྡན་དགོན་པར་སྦྱངས་པ་མཐའ་ཆགས་སུ་གྱུར་ནས་མཁན་པའི་གོ་འཕང་ཐོབ། ཆིབས་བསྒྱུར་གནང་ནས་ཁ་དཀར་དགོན་ནས་ཁ་དཀར་དགོན་གྱི་རྒྱབ་རིའི་བྲག་དཀར་རི་ཁྲི་དུ་བཤད་སྒྲུབ་སྤེལ་ནས་བཞུགས་རབ་བྱུང་བཅུ་གཅིག་པའི་འགོ་ཙམ་དུ། རྒྱལ་དབང་ལྔ་བ་བློ་བཟང་རྒྱ་མཚོ་མཆོག་གིས་ཁོང་གི་ཞལ་སློབ་ཆོས་རྗེ་ངག་དབང་ཕུན་ཚོགས་ལྷ་དབང་ཕྱོགས་ལས་རྣམ་རྒྱལ་ལ་དགེ་ལུགས་པའི་གྲུབ་མཐའ་འཛིན་པའི་ཧོར་ཁག་དགོན་སྡེ་བཅུ་གསུམ་འདེབས་པའི་ཆེད་འགན་དཀྲིས་ནསབཏང་། བྲག་དཀར་སྤྲུལ་སྐུ་སྐབས་བཟང་པོ་དེ་དང་བསྟུན་ནས། རབ་བྱུང་བཅུ་གཅིག་པའི་ཆུ་ལུག་ལོར་ཁ་དཀར་དགོན་པ་གཞིར་བྱས་ནས། དགོན་ཆུང་བརྒྱ་དང་བརྒྱད་གཅིག་ཏུ་བསྡོམས་ནས་དགོན་པ་རླབས་པོ་ཆེ་ཞིག་བཏབ། དགོན་པའི་མཚན་ཡང་སྣང་བཟང་དགའ་ལྡན་འཕེལ་རྒྱས་གླིང་ཞེས་སུ་གྲགས་ཧོར་ཁག་དགོན་སྡེ་བཅུ་གསུམ་ནང་གི་དགོན་ཁག་ཆེ་ཞིག་ཡིན། གཞན་ཡང་སྡེ་སྲིད་སངས་རྒྱས་རྒྱ་མཚོ་སྐུ་དངོས་སུ་སྣང་བཟང་དགོན་དུ་ཕེབས་ནས་དགོན་ཆུང་བརྒྱ་རྩ་བརྒྱད་བསྡོམས་བཞེངས་མཛད་པར་[page 450] ཐུགས་འཁུར་ཆེན་པོ་གནང་བའི་བཤད་སྲོལ་ཞིག་མཆིས་ལ། སྣང་བཟང་དགོན་ཇོ་ཁང་གི་གྱང་ལྡེབ་ཏུ་ཁོང་རྣམ་པའི་སྐུ་བརྙན་ཞིག་ཀྱང་བཞེངས་ཡོད་ྤའོ།།

གདན་རབས་རགས་རིམ་ནི། གདན་ས་འདའི་བསྟན་པའི་བདག་པོ་ནི་བ་སྒང་སྤྲུལ་སྐུ་དང་བྲག་དཀར་སྤྲུལ་སྐུ་རྣམ་གཉིས་ཏེ། བ་སྒང་སྤྲུལ་སྐུ་སྐུ་རབས་བདུན་དུ་ཟིན། སྐུ་ཕྲེང་གོང་མ་རྣམས་ཀྱི་རྣམ་ཐར་ཞིང་ཕྲ་ཐབས་བྲལ། སྐུ་ཕྲེང་དྲུག་པ་བློ་བཟང་དཔལ་ལྡན་བྱམས་པ་རྒྱལ་མཚན་མཆོག་ནི་རབ་བྱུང་བཅོ་ལྔ་པའི་ཤིང་འབྲུག་ལོར་གཉི་རིར་སྐུ་བལྟམས། དགུང་ལོ་བཅུ་གཅིག་སྐབས་གདན་སར་ཞབས་སོར་བཀོད་དེ། བ་སྒང་ལྔ་པའི་ཡང་སྲིད་དུ་ངོས་བཟུང་། དགུང་ལོ་བཅོ་ལྔ་སྐབས་སེ་ར་དགོན་དུ་བྱོན་ནས་སློབ་གཉེར་ལོ་ཉེར་གསུམ་མཛད། དགེ་བཤེས་ཀྱི་གོ་འཕང་ཐོབ། ཕྱིར་སྣང་བཟང་དགོན་དུ་བྱོན་ནས་བཤད་སྒྲུབ་ཀྱི་མཛད་པ་རྒྱ་ཆེར་སྤེལ། ཤི་གསོན་གྱི་དད་རྫས་ཅི་རིགས་པར་མི་ཆགས་པ། སྐུ་གསུང་ཐུགས་རྟེན་དུ་མ་བཞེངས་འཇོག་པ་བཅས། བྲག་དཀར་སྤྲུལ་སྐུ་བློ་བཟང་ཐུབ་བསྟན་བརྩོན་འགྲུས་རིན་ཆེན་སོགས་སྐུ་རབས་བདུན་ཟིན་ལ། མཛད་རྣམ་ཞིབ་ཕྲ་མ་རྙེད།

རྒྱལ་ཁམས་སྤྲུལ་སྐུ་ཞེས་པ་དགའ་ཁྲི་རབས་ཉེར་ལྔ་པ་ཆོས་རྗེ་དཔལ་འབྱོར་རྒྱ་མཚོ་དེ་མཁས་གྲུབ་དགེ་ལེགས་དཔལ་བཟང་པོའི་སྐྱེ་བརྒྱུད་དུ་གྲགས་ལ། མཁས་གྲུབ་རྗེའི་ཕྱག་སྦུག་དང་ཞལ་འདོན་བརྒྱད་སྟོང་གསེར་བྲིས་སོགས་སྐུ་ཕྲེང་རིམ་བྱོན་ངོས་བཟུང་མཛད་པའི་རྟེན་ཁྱད་པར་བ་ཡིན། རིག་པའི་གནས་ཀུན་ལ་གསན་བསམ་ཕྱོགས་མེད་མཛད་པའི་མཁས་པ་པཎྚི་ཏ་ཁོང་རྒྱལ་དབང་བཞི་པའི་ཡོངས་འཛིན་མཛད་མྱོང་བར་གྲགས། བོད་སྡེ་བ་གཞུང་གིས་ཁྲི་ཟུར་ཁོང་འཇམ་མགོན་ཆོས་རྒྱལ་ཙོང་ཁ་བ་ཡི་བསྟན་པ་དར་རྒྱས་ཡོང་ཆེད་ཆེད་དུ་འགན་དཀྲིས་ནས་སྣང་བཟང་དགོན་དུ་མངགས་པས། རྒྱལ་ཁམས་སྤྲུལ་སྐུའམ་གཞུང་སྤྲུལ་ཞེས་མཚན་གསོལ། སྤྲུལ་སྐུ་ཁོང་གི་སྐུ་ཕྲེང་རིམ་བྱོན་དུ་བཤད་སྒྲུབ་སྤེལ་བའི་མཛད་རྣམ་མང་དག་ཡོད་ཀྱང་། བླ་ཡིག་སོགས་སྔོན་གྱི་ལོ་རྒྱུས་ཡིག་ཆ་ཀུན་མེད་པར་བཏང་ཟིན་པས་བླ་རབས་སོགས་ཞིབ་མོ་བགྲང་བར་དཀའ། ཀུན་ལ་གསལ་བའི་རྒྱལ་ཁམས་སྤྲུལ་སྐུ་ངག་དབང་བློ་བཟང་བསྟན་པའི་རྒྱལ་མཚན་ནི། རབ་བྱུང་བཅུ་དྲུག་པའི་མེ་ཡོས་ལོར་འབའ་ར་སྲིད་ཡུལ་སྡེར་སྐུ་བལྟམས། སྐུ་ན་ཆུང་དུ་ནས་དགའ་ལྡན་དུ་སློབ་གཉེར་ལ་ཕེབས། དགུང་ལོ་ཉི་ཤུ་སྐབས་ཆིབས་བསྒྱུར་གནང་ནས་སྣང་བཟང་དགོན་དུ། འཇིགས་བརྒྱད་དཔལ་བོ་རྒྱས་པ་གདུགས་དཀར་སོགས་དབང་ལུང་ཆོས་འཁོར་སྤེལ། གསེར་ཟངས་ལས་གྲུབ་པའི་རྗེ་རིན་པོ་ཆེ་སྐུ་ཚད་མ་དང་། ཞལ་ཐང་གསེར་བྲིས་སོགས་སྐུ་གསུང་ཐུགས་རྟེན་དུ་མ་བཞེངས་པ་བཅས།

ཁང་གསར་སྤྲུལ་སྐུ་སྐུ་རབས་བཞི་ཟིན་པ། སྐུ་ཕྲེང་དང་པོ་སྡེ་རོང་རི་བ་ཡུལ་སྡེའི་ཁང་གསར་དུད་ཚང་དུ་སྐུ་བལྟམས་པས། ཁང་གསར་སྤྲུལ་སྐུ་ཞེས་མཚན་ཐོགས། སྐུ་ན་ཆུང་ངུ་ནས་འབྲས་སྤུངས་བློ་གསལ་གླིང་དུ་སློབ་གཉེར་ལ་ཕེབས། འབྲས་སྤུངས་གྲྭ་ཚང་གི་མཁན་པོའི་འཕངས་ཐོབ། ཁོང་གི་ཞབས་[page 451] མཐིལ་དུ་དུང་དཀར་རང་བྱོན་ཡོད་དེ་ཞབས་མི་བདེ་བས། ཀུན་གྱིས་མཁན་པོ་ཞ་ཀྱོག་ཅེས་མཚན་གསོལ། དེ་སྐབས་ལྷ་ས་རུ་བཞི་ལ་ཆར་ཐིགས་གཅིག་ཀྱང་མི་བབས་པས་རྩི་ཤིང་ནགས་ཚལ་ཕལ་ཆེར་སྐམ་པར་གྱུར། བླ་མ་མང་པོས་ཆར་སློང་སྒྲུབ་མཆོད་མཛད་ཀྱང་མ་འབབ། མཐའ་མ་བོད་བདེ་བ་གཞུང་གིས་མངགས་བཅོལ་ལྟར། མཁན་པོ་ཞ་ཀྱོག་གིས་མར་མར་གཅིག་སྦར་ནས་རྒྱ་མཚོའི་གཏིང་དུ་བྱོན་ནས་ཆར་སློང་བ། ཡུལ་ཕྱོགས་ཀུན་དུ་གཟའ་འཁོར་གཅིག་ལྷག་ཆར་པ་འབབ་ཏུ་བཅུག དེ་བཞིན་དུ་ཤ་ཁོག་གསོན་འགྲོ་སོགས་ཀྱི་གྲུབ་རྟགས་མང་པོ་བསྟན། བོད་གཞུང་གིས་བྱ་དགའ་གནང་བའི་རལ་གྲི་རང་དཀར་ཡོལ་སོགས་གནའ་རྫས་ཁྱད་པར་བ་ཀུན་བཅིངས་འགྲོལ་མ་བཏང་གོང་ལ་ཡོད་ཀྱང་། རིག་གསར་སྐབས་བོར་བརླགས་སུ་སོང་། གང་ལྟར་མཁན་པོ་ཞ་ཀྱིག་ཅེས་པ་ལྷ་ས་རུ་བཞུ་ལ་མཚན་སྙན་གྲགས་པའི་རྟོགས་ལྡན་གྱི་བླ་མ་ཞིག་ཡིན། སྐུ་ཕྲེང་གཉིས་པ་དང་གསུམ་པ་མ་ངེས། བཞི་པ་བྱམས་པ་ཚུལ་ཁྲིམས་ཞུ་བ། དེང་སང་འཕགས་པའི་ཡུལ་དུ་བོད་ཡིག་སློབ་གྲྭ་ཞིག་གི་གཙོ་འགན་བཞེས་ནས་བཞུགས། ཤོད་པ་སྤྲུལ་སྐུ་ནི་རྒྱུད་གྲྭ་སྟོད་སྨད་གཉིས་ནང་གི་རྒྱུད་སྟོད་ཕྱག་འདེབས་པོ་རྗེ་བཙུན་ཀུན་དགའ་དོན་གྲུབ་ཀྱི་སྐྱེ་རྒྱུད་ཡིན། རྗེ་འདི་ཉིད་ཀྱིས་ར་མོ་ཆེ་དགོན་པ་སོགས་བསྐྱངས་པའི་མཛད་རྣམ་མང་དག་ཡོད་ཀྱང་། ཡི་གེ་མང་དོགས་ནས་མ་བཀོད། འདིར་སྤྲུལ་སྐུ་ཁོང་གི་སྐུ་ཕྲེང་བརྒྱད་བགྲང་དུ་ཡོད། སྐུ་ཕྲེང་དང་པོ་སྟོད་ཡུལ་སྡེའི་ཤོད་པ་ཞེས་པའི་ཁྱིམ་ཚང་དུ་སྐུ་བལྟམས། མཚན་དབང་འབར་ཞུ་བ། ལྷ་སར་སློབ་གཉེར་ལ་ཕེབས་ཏེ་སྦྱངས་པ་མཐར་ཕྱིན་ནས། རྒྱུད་སྟོད་གྲྭ་ཚང་གི་མཁན་པོ་མཛད་པས། སྐུ་ཕྲེང་གཉིས་པ་བཟོ་སྒང་ཁང་གཉེར་ཚང་དུ་བལྟམས། གསུམ་པ་གསོལ་སྟེང་སྒང་དམིགས་བསལ་ཚང་། བཞི་པ་ཁ་བཅངས་ནང་ཚང་། ལྔ་པ་སྣང་བཟང་ཉིད་འགོག་ཐང་ཚང་། དྲུག་པ་ཤུལ་སྟོད་གྱང་སྒང་ཚང་། བླ་མ་འདིས་རིགས་ལྔ་སྟོད་གཡོགས་སོགས་ལྷ་གོས་དང་དངུལ་གྱི་མཆོད་རྟེན། དངུལ་གྱི་དུང་། རྒྱ་གླིང་རྐང་གླིང་སོགས་རྟན་བཞེངས་མང་པོ་མཛད། བདུན་པ་བོད་ལྗོངས་གཞིས་ཁ་རྩེའི་ཡུལ་སྡེ་ཞིག་ཏུ་བལྟམས། མཚན་སོགས་ཞིབ་ཕྲ་མ་ངེས། བརྒྱད་པ་སྐལ་ལྡན་ཆོས་ཀྱི་རྒྱ་མཚོ་མཆོག་ནི་སྣང་བཟང་དགོན་པའི་ཆོས་སྡེ་ཉམས་གསོལ་མཛད་རྗེས་ཤིན་ཏུ་ཆེ་བས་ཁོང་གི་རྣམ་ཐར་རགས་ཙམ་འགོད་པ་སྟེ། ཁོང་ནི་རབ་བྱུང་བཅུ་དྲུག་པའི་མེ་ཕག་ལོར་བོད་ལྗོངས་ཕན་པོའི་ཡུལ་དུ་སྐུ་བལྟམས། དགུང་ལོ་དྲུག་ཐོག་སྣང་བཟང་གདན་སར་ཞབས་སོར་བཀོད། དགུང་ལོ་བརྒྱད་ཐོག་ཁྲི་ལ་མངའ་གསོལ་བ། དེ་ལོར་སེ་ར་དགོན་དུ་བྱོན་ནས་ལོ་དགུ་ལྷག་སློབ་གཉེར་མཛད། རིག་གསར་སྐབས་ལྷ་འདྲེ་གདོན་བགེགས་ཀྱི་གྲལ་དུ་བཞག་ནས་བཙོན་ཁང་དུ་ལོ་ཉི་ཤུ་བཀག་པ། རབ་བྱུང་བཅུ་དྲུག་པའི་ཆུ་ཁྱི་ལོར་ཕྱིར་སྣང་བཟང་དགོན་དུ་བྱོན་ནས་བཟུང་། དངུལ་གྱི་མཆོད་རྟེན་གཟི་བྱུ་རུས་འཕྲས་མཛེས་པ། ཤེས་ལི་ལས་གྲུབ་པའི་རྒྱལ་བ་བྱམས་པ་ཁྲུ་གང་ཅན། རིགས་ལྔ་སྟོད་གཡོགས། ཞལ་ཐང་། དངུལ་ཀོང་། གྲལ་གདན་གདུགས་རྒྱལ་མཚན། དཔེ་ཆ་སོགས་སྐུ་གསུམ་ཐུགས་རྟེན་ཆེ་རིམ་ཆུང་གྲལ་མང་པོ་བ་ཞེས་འཇོག་དང་། ལོ་དུས་ཀྱི་སྒྲུབ་མཆོད། ཆོ་[page 452] ག་ཕྱག་ལེན་ཀུན་སྔར་སྲོལ་ལྟར་ཉམས་གསོ། དོན་གྲུབ་གླིང་དང་སྣང་བཟང་དགོན་སོགས་ཀྱི་དགེ་འདུན་པ་སུམ་བརྒྱ་ཡས་མས་ཞིག་ལ་དགེ་སློང་གི་འདུལ་ཁྲིམས་སྡོམ་པ་གནང་། དབང་ལུང་ཅི་རིགས་པ་སྤེལ་བ་བཅས། འཇམ་མགོན་ཆོས་རྒྱལ་ཙོང་ཁ་བའི་བསྟན་པ་གསེར་སྦྱངས་བཙོང་མ་ལྟ་བུ་འདི་ཉིད་ལུགས་སྲོལ་དྲི་མེད་པ་དེ་སླར་ཡང་དར་རྒྱས་ཡུན་རིང་དུ་གནས་པའི་འཕྲིན་ལས་ཕྱོགས་མཐར་སྤེལ་ནས་བསྟན་འགྲོའི་དཔལ་དུ་བཞུགས་ཡོད།

དེ་བཞིན་དུ་བློ་བཟང་དཔལ་ལྡན་སོགས་སྟག་འབར་སྤྲུལ་སྐུའི་སྐྱེ་ཕྲེང་། བློ་བཟང་བརྩོན་འགྲུས་བསྟན་པ་ཕུན་ཚོགས་སོགས་ཟུང་སྤྲུལ་སྐུའི་སྐྱེ་ཕྲེང་། དགའ་ལྡན་ཁྲི་རབས་བདུན་བཅུ་དོན་དགུ་པ་བློ་བཟང་སྦྱིན་པ་སོགས་དཔལ་དགོན་སྤྲུལ་སྐུའི་སྐྱེ་ཕྲེང་། རོང་ཤོད་དར་ར་མཁན་སྤྲུལ། གཟའ་སྟེང་མཁན་སྤྲུལ། ཁ་རི་སྒང་ཤར་རྩེ་མཁན་སྤྲུལ། རྐ་གཡང་མཁན་སྤྲུལ། རྩིས་རྒན་མཁྱེན་རབ་སྤྲུལ་སྐུ་སོགས་ཀྱི་སྐྱེ་ཕྲེང་རིམ་བྱོན་གྱིས་གདན་ས་བསྐྱངས་ནས་འཁོར་ལོ་གསུམ་གྱི་ཕྲིན་ལས་མི་ནུས་པའི་རྒྱུན་བསྲིངས་པའི་མཛད་རྣམ་རྨད་དུ་བྱུང་བ་ཡོད་ཀྱང་། ཡི་གེ་མང་བར་བསམ་ནས་མ་བྲིསང་།

གཞན་ཡང་ཡར་གྲོང་དགེ་བཤེས་དགེ་ལེགས་རྒྱ་མཚོ་ཞུ་བ་དེས་ལམ་རིམ་སྐྱེས་བུ་ཆུང་ངུའི་རྣམ་བཞག་སྐོར་གྱི་འགྲེལ་བ་སོགས་གསུང་འབུམ་ཡོད། དེ་བཞིན་དུ་ཇ་རྩི་གྲོང་འགོ་དགེ་བཤེས། རྩེ་རི་དགེ་བཤེས། འབུམ་བཅིངས་དགེ་བཤེས། ཡུལ་པོ་དགེ་བཤེས་བྱམས་པ་ཡེ་ཤེས། གཉའ་ཕྱུག་དགེ་ཤེས་སོགས་ཐོས་བསམ་སྒོམ་གསུམ་གྱི་ཡོན་ཏན་ཕྱུག་པ། འཆད་རྩོད་རྩོམ་གསུམ་གྱི་འགྲན་པའི་ཟླ་དང་བྲལ་བའི་དགེ་བཤེས་ཆེ་རིམ་ཆུང་ཁག་བརྒྱ་ལྷག་བྱོན་མྱོང་།

དེ་ལྟར་སྐྱེས་བུ་དམ་པ་དེ་དག་གི་སྐུ་རིང་ལ་ལུང་གི་བསྟན་པ་འཆད་ཉན་དང་རྟོགས་པའི་བསྟན་པ་སྒོམ་སྒྲུབ་མཛད་ཚུལ་རེ་རེ་བཞིན་བཀོད་མ་ནུས། འདིར་བ་སྒང་སྤྲུལ་སྐུ་བློ་བཟང་དཔལ་ལྡན་བྱམས་རྒྱལ་མཚན་གྱི་སྐུ་དུས་སུ་རྒྱལ་བ་ཙོང་ཁ་བའི་བསྟན་པའི་སྐྱོང་སྤེལ་གསུམ་ཇི་ལྟར་གནང་བའི་ཚུལ་ནི། གདན་ས་སེ་ར་ལུགས་ལྟར་དབྱར་ཆོས་ཟླ་གཅིག་དང་། དགུན་ཆོས་ཟླ་གཅིག་གི་སྲོལ་ཚུགས། བློ་ཡངས་པ་རྣམས་ལམ་རིམ་བསྐྱེད་རྫོགས་སོགས་ཐོས་བསམ་སྒོམ་གསུམ་དང་། གཞོན་གྲལ་རྣམས་ཀྱིས་ཆོ་ག་ཕྱག་ལེན་དཀྱིལ་འཁོར་བྲིས་ཐིག འདོན་རྟ་དབྱངས་ལ་སློབ་ཅིང་། ཆོས་སྤྱོད་རྟ་དབྱངས་རྣམས་འབྲས་སྤུངས་ལུགས་དང་། སྔགས་ཕྱོགས་ཀྱི་དབྱངས་རྔ་ཆིང་ཀུན་རྒྱུད་སྟོད་ལུགས་ལྟར་གཞི་གསུམ་གྱི་ཕྱག་ལེན་སྤེལ། ཆོས་རར་དགག་སྒྲུབ་སོགས་མཚན་ཉིད་རིག་པས་བློ་སྦྱོང་བ་བཅས་དར་ཆགས་སུ་བྱུང་། ནོར་བུ་སྒང་ད་སྒོམ་གྲྭ་བཙུགས་ནས་སྒོམ་སྒྲུབ་ལ་དཀའ་བ་སྤྱད་པའི་དགེ་སློང་འདུལ་བ་འཛིན་པ་མང་པོ་བྱོན་མྱོང་། སྣང་བཟང་དགོན་སྡེ་དང་ཆབ་མདོ། ཡུན་ནན་སྟོང་བ་རོང་། ལུགས་བུ་སྟེང་དགོན་སོགས་ཡུལ་གྲུ་ཆོས་སྡེ་མང་པོར་ཐུགས་རྗེ་ཆེན་པོའི་དབང་། ཕྱག་གྲོལ་ཀུན་མཁྱེན་དབང་། གདུགས་དཀར་དབང་། རྟ་མགྲིན་དབང་། ཕྱག་རྡོར་འཁོར་ལོའི་དབང་སོགས་མང་དུ་སྤེལ། དད་ཅན་འགྲོ་བ་མཐའ་དག་དབང་[page 453] ལུང་བྱིན་རླབས་རྒྱས་ཐེབས་པར་མཛད། བ་སྒང་རིན་པོ་ཆེས་ལམ་རིམ་ཆེན་མོའི་དབང་ལུང་སྤེལ་བ་བཅས་ཆོས་འཁོར་རྒྱུན་ཆི་ཆད་པ་བསྐོར་བའོ།

ཡུལ་དགོན་གཞན་དང་འབྲེལ་བ་ནི། སེ་འབྲས་དགའ་གདན་ས་གསུམ་དུ་ཁང་ཚན་སོ་སོ་ཡོད་དེ་སེར་བྱེད་ལྭ་ཁང་ཚན། དགའ་ཤེལ་ཕོར་ཁང་ཁངཚན། འབྲས་ཕོར་ཁང་ཚན། གཙང་བཀྲ་ཤོས་ལྷུན་པོར་རྒྱ་ཁང་ཚན། དགེ་འདུན་པ་ཀུན་གདན་ས་དེ་དག་ཏུ་གྲྭ་ས་ཅི་རིགས་པ་འགྲོ་འགྲོ་དགོས་པའི་སྲོལ་ཆགས། དགོན་ལག་ཏུ་རྫོང་རྩ་མཛེས་གྲྭ་ཚང་ཡོད་ལ། དགུན་ཆོས་སྐབས་སྣང་བཟང་དགོན་དང་དབྱར་ཆོས་སྐབས་མཛེས་མཛེས་དགོན་དུ་ཆོས་ཚོགས་འབགས་འཆམ་སོགས་མཉམ་མཛད་པའི་སྲོལ་ཡོད། དགཕན་གཉིས་ཀྱི་སྒྲིག་ཡིག་ཆེན་པོ་གཅིག་ལ་བརྟེན་ཏེ། མཛེས་མཛེས་དགོན་གྱི་དགེ་སྐོས་བསྐོ་བརྗེའང་སྣང་བཟང་དགོན་དུ་བྱེད་དགོས་པ་བཅས། གཞན་ཡང་ཡུན་ནན་བདེ་ཆེན་དོན་གྲུབ་གླིང་། ལུགས་བུ་སྟེང་དགོན། ཆ་ཕྲེང་བསམ་འཕེལ་གླིང་བཅས་དང་ཡང་འབྲེལ་འདྲིས་ཡོད་པའོ།།

ཆོས་སྡེ་འདི་ལ་ལོ་རྒྱུས་ཐོག་ཉམས་ཆགས་བར་ཆད་ཐེངས་གསུམ་བྱུང་མྱོང་སྟེ། ཐེངས་དང་པོ་གཡའ་ཀྲུའུ་ཏུའུ་ཐེ་(གཡའ་ཀྲུའུ་དེང་སང་གཡའ་ཨན་ས་ཁུལ་དང་ཏུའུ་ཐེ་ནི་དཔོན་མིང་)ཡིས་དམག་བརྒྱབ་པ། རྒྱུ་མཚན་དང་དུས་ཚིགས་སོགས་ཞིབ་ཕྲ་མ་ངེས། རབ་བྱུང་བཅོ་ལྔ་པའི་ལྕགས་ཕག་ལོར་སྤྱི་ལོ་ཆིག་སྟོང་དགུ་བརྒྱ་བཅུ་གཅོག་ལོར། ཆིན་རྒྱལ་གོང་མའི་བློན་ཆེན་ཀྲའོ་ཨར་ཧྥུང་གིས། ས་དབང་ལམ་ལུགས་འཕྲོག་སྟེ། ཆེན་གོང་མའི་ལམ་ལུགས་སུ་བསྒྱུར་དུས། དེའི་དམག་དཔུང་གིས་སྣང་བཟང་དགོན་པར་དགྲ་བརྒྱབ་སྟེ། གྲྭ་པ་ཉེར་དགུ་བསད་པ་དང་། འདུ་ཁང་ལྷག་མེད་དུ་བསྲེགས་པ། དམག་དཔུང་ཡང་དགོན་པར་ཡུན་རིང་ཙམ་བཅའ་སྡོད་བྱས་པ་བཅས། སངས་རྒྱས་བསྟན་པ་ལ་བར་ཆེད་ཆེན་པོ་བགྱིས་པ། དེའུ་རྗེས་སུ་གོན་མིན་ཏང་གི་དམག་དཔུང་ཅུན་ཉེར་བཞི་པ་ཡི་ཐོན་ཀྲང་མཱ་ཚན་ལོང་ཞེས་པ་དེས་འབའ་དང་སྡེ་རོང་གི་ཇག་དཔོན་ཀུན་བསྡོམས་ནས་དགོན་པར་དགྲ་བརྒྱབ་སྟེ། མཆོད་ཆ་དང་གྲྭ་ཤག་འགའ་བོར་བརླགས་སུ་སོང་བ་བཅས། གཞན་དང་ཡུལ་དགོན་གཞན་ཡང་འཁྲུག་རྩོད་ཉུང་ཙམ་ཡོང་མྱོང་ལ་འདིར་མ་བཀོད།

ཆོས་སྡེ་འདིའི་སྐུ་གསུང་ཐུགས་རྟེན་བཞེངས་ཚུལ་རགའ་ཙམ་བཀོད་པ་ནི། འདུ་ཁང་དང་། ཇོ་ཁང་། ལྷ་མོ་ཁང་། ཚེ་དཔག་མེད་ལྷ་ཁང་། འཕགས་པ་གནས་བརྟན་བཅུ་དྲུག་གི་ལྷ་ཁང་། བཙན་ཁང་གཉའ་འོག། དཡང་འཁོར། རུང་ཁང་། བླ་བྲང་བདུན། གྲྭ་ཤག་བརྒྱ་དང་སུམ་བཅུ་ལྷག་བཞུགས་ལ། དེ་ཡང་འདུ་ཁང་དུ་རྗེ་ཡབ་སྲས་གསུམ་གྱི་བཞེངས་སྐུ་ཁང་བརྩེགས་གསུམ་དུ་རེག་པ་དང་། དེ་བཞིན་སྟོན་པ་གཙོ་འཁོར་གསུམ། བྱམས་ཆོས་ཆོས་རྒྱལ། འཇམ་དབྱངས་ཆོས་རྒྱལ། ཚེ་དཔག་མེད། ཕྱག་ན་རྡོ་རྗེ་སོགས་དང་། ཇོ་ཁང་དུ་ཇོ་བོ་དང་། སངས་རྒྱས་བྱམས་པ། འོད་དཔག་མེད། སྤྱན་[page 454] རས་གཟིགས་ཕྱག་སྟོང་སྤྱན་སྟོང་སོགས་བཞེངས་བཞུགས་མངའ། ལྷ་ཁང་སོ་སོར་ལྷ་གཙོ་འཁོར་དང་བཅས་པ་དང་། བཙན་ཁང་དུ་ཀརྨ་པ་དུས་གསུམ་མཁྱེན་པ་སོགས་བཞེངས་བཞུགས་ཡོད།

ཉིད་དགུ་ཐང་ཚོང་དཔོན་རྒྱ་ནག་སྐད་ཀྱོག་ཅེས་པ་དེས་བཞེངས་པའི་ཕལ་ཆེར་གསེར་ལས་གྲུབ་པའི་ཇོ་བོ་གསུངའབྱོན་མ་བྱིས་ལོའི་ཚད། ཙན་དན་དམར་པོ་ལས་གྲུབ་པའི་ཇོ་བོ་ལོ་ཀེ་ཤྭ་ར་སྐུ་ཚད་མ་སོགས། བ་སྒང་སྤྲུལ་སྐུ། བྲག་དཀར་སྤྲུལ་སྐུ། ཁང་གསར་སྤྲུལ་སྐུ་སོགས་ཀྱིས་བཞེངས་པའི་དངུལ་གྱི་མཆོད་རྟེན་གཟི་བྱུ་རུར་འཕྲས་མཛེས་པབརྒྱད། སྦུག་བསྟན་འཛིན་ཆོས་དབྱངས། རྒྱལ་བ་ལྔ་བ་ཆེན་པོའི་ཕྱག་རྗེས་མངོན་པའི་ཉིད་མགུ་ཐང་སྦུག། ཀུ་ཤོད་སྦུག། སྟག་འབར་སྦུག། སྡེ་རིང་འབྲུག་སྦུག། དུད་འགོ་སྦུག་སོགས་སྦུག་ཆལ་བཀའ་རྒྱ་མ། རྐ་གཡང་སིལ་སྙན། སྒེག་བཟང་སིལ་སྙན། ལེགས་བཤད་བདེ་བ་སོགས་སིལ་སྙན་བཀའ་རྒྱ་མ། དུང་འཕེལ་གླིང་འབྲུག་གྲགས། ཕྲག་དཀར་དུང་། ཤོད་པ་དངུལ་དུང་སོགས་དང་། བ་སྒང་སེར་གླིང་། ཤོད་པ་དངུལ་གླིང་སོགས་དུང་དང་རྒྱ་གླིང་བཀའ་རྒྱ་མ། གསེར་སྐུ་དོན་ཡོད་ཞགས་པ། སྒྲོལ་མ་སུང་བྱོན་མ་སོགས་རྩིས་ཆེན་དུ་མ་དང་ལྡན་པ། བ་སྒང་སྤྲུལ་སྐུས་བཞེངས་པའི་སྟོན་པ་གཙོ་འཁོར་གསུམ་གྱི་གོས་ཆེན་ཚེམ་དྲུབ་མ་ཤིན་དུ་སྤོས་ལེགས་པའི་ཐང་མོ་ཆེ་ཞིག་ཡོད་ལ། དགུན་ཆོས་སྐབས་འདུ་ཁང་ཐོགས་བརྩེགས་གསུམ་པའི་ཐོག་ནས་རིན་ཐང་བྲལ་བའི་ཚེབ་དྲུབ་ཀྱི་ཐང་མོ་ཆེ་དེ་བཤམས་སྟོན་མཛད་དེ་གར་འཆམ་རོལ་དབྱངས་སོགས་ཀྱི་སྒྲུབ་མཆོད་བགྱིད་པང་།

རབ་བྱུང་བཅུ་དྲུག་པའི་ཤིང་ཕག་ལོར་རྒྱ་ཕིབས་ཆེན་པོ་གཉིས་བརྡུང་བཞེངས་ལ། རྒྱ་ཕིབས་དེ་གཉིས་ལ་གསེར་དྭངས་མ་གསེར་སྲང་སུམ་བརྒྱ་ལྷག་གི་མཚོན་རྩི་ཡོད། བཟོ་རྩལ་གྱི་ཆུ་ཚད་དང་རིན་ཐང་ཆེས་མཐོ་དང་ལྡན་པ་ཞིག་ཡིན། གསུང་བཀའ་བསྟན་འགྱུར། རྗེ་ཙོང་ཁ་བའི་གསུམ་འབུམ་སོགས་དམ། རྒྱུན་སྤྱོད་འདོན་ཆས་ཀྱི་སྤར་ཤིང་མང་པོ་ཡོད་ལ། རྒྱ་ཕིབས་གཅིག་ཕྱིར་རྙེད་པ་མ་གཏོགས་སྐུ་གསུང་ཐུགས་རྟེན་ཀུན་ངོ་རྒོལ་བཞི་དང་རིགས་གསར་གོང་ལེན་དང་གཏོར་བརླགས་སུ་ཟིན།། ཆོས་སྡེ་འདིའི་གྲྭ་ཚང་དུ་མཁན་པོ། དབུ་མཛད། དགེ་བསྐོས། མཆོད་རྫས་འགན་པ། སྒྲུབ་མཆོད་ཁག་གི་ལས་སྣེ་བ། དཀོར་གཉེར་ལྷ་གཡོག། ཇ་མ་སོགས་སྒྲིག་ཁུངས་རིམ་པ་ཞིག་དར་ཆགས་ཡོད། དགོན་པ་ལ་ཞིང་འབྲོག་ཁག་ཀྱང་འགའ་ཞིག་གདའ། དགེ་འདུན་པའི་འཚོ་ཆས་ཕལ་ཆེར་ཁྱིམ་པས་སྤྲད་པ། འགའ་ཞིག་གིས་བུན་བསྐྱེད་ཀྱི་བྱ་བའང་བསྒྲུབས་པ། འདུས་སྡེ་འདིར་བཅིངས་འགྲོལ་མ་བཏང་གོང་དུ་སྤྲུལ་སྐུ་བཅུ་གསུམ་དང་དགེ་བཤེས་ཉེར་གསུམ་བཅས་དགེ་སདུན་པ་ཞལ་གྲངས་ཆིག་སྟོང་སུམ་བརྒྱ་ལྷག་བཞུགས་ཡོད། ཆེས་སྡེ་དུད་གྲངས་ཉིས་སྟོང་ཙམ་གྱིས་ཞབས་ཕྱིར་བགྱིད་གང་ཐུབ་བཅས།

དེ་ལྟར་རིག་གནས་གསར་བརྗེ་ཆེན་པོ་སྐབས་བཤད་སྒྲུབ་ཀྱི་རྣམ་པ་ཐམས་ཅད་སྟོང་། རྟེན་དང་བརྟེན་པ་ཀུན་བརླགས། ཐ་ན་གཙུག་ལག་ཁང་གྲྭ་ཤག་དང་བཅས་པ་ས་ཕུང་རྡོ་ཕུང་ལས་མེད་པར་གྱུར་ཏེ། [page 455] བྱ་བྱིའུ་ཙམ་དུ་ལུས། ཡང་དག་པའི་ཆོས་ལུགས་སྲིད་ཇུས་དོན་འཁྱོལ་བྱུང་རྗེས། རབ་བྱུང་བཅུ་དྲུག་པའི་ཆུ་སྦྲུལ་ལོར་ཉམས་གསོ་ཚོག་པའི་སྐབས་དང་བསྟུན་ནས་སླར་གསོའི་འཕྲིན་ལས་དབུ་ཚུགས་ཏེ། འདུ་ཁང་། ཇོ་ཁང་། སྲུང་མ་ཁང་། ཚོགས་འདུ་ཁང་། ཇ་ཁང་། དུང་འཁོར། བླ་བྲང་གསུམ། གྲ་ཤག་ལྔ་བཅུ་བཅས་གྲུབ་པའི་འདུ་ཁང་དུ་རྗེ་གཡབ་སྲས་གསུམ། རིགས་གསུམ་མགོན་པོ། ཚེ་ལྷ་རྣམ་གསུམ་གདུགས་དཀར། རྒྱལ་བ་བྱམས་པ། ཇ་རྩི་ཕྱག་དཀར་མ། བྲག་དཀར་བླ་མ་སོགས་བཞེངས་པའི་དངུལ་གྱི་མཆོད་རྟེན་གཟི་བྱུ་རུས་འཕྲས་མཛེས་པ་ལྔ། ཇོ་ཁང་དུའང་སྔ་ལྟར་ཅི་རིགས་པ་ཞིག་བཞེངས་གྲུབ་མངའ། གདན་ས་འདི་ཉིད་ཉམས་གསོ་བྱེད་པར་རྒྱལ་ཁབ་ཀྱིས་རོགས་དངུལ་སྒོར་མོ་ཁྲི་སུམ་ཅུ་གནང་བ། དཔག་ཤིད་རྒྱལ་ཁབ་ཏུ་བཞུགས་པའི་མཁས་པའི་དབང་པོ་རྭ་བཟང་ཐ་ལྕོག་དགེ་བཤེས་རིན་ཆེན་ཚུལ་ཁྲིམས་མཆོག་གིས་སྒོར་མོ་ཁྲི་ལྔ་གནང་བ། ཅི་ལེགས་སྤྲུལ་སྐུ་ཆོས་ཀྱ་རྒྱ་མཚོ་ཡིས་ཕྱོགས་མང་པོའི་ཐད་དུ་ཐུགས་འཁུར་རོགས་སྐྱོར་མཛད་པ་སོགས། དེང་སང་གདན་ས་འདིའི་ཁ་འོག་ཏུ་ཡོན་བདག་དུད་གྲངས་ཉིས་སྟོང་ཆིག་བརྒྱ་ལྷག་ཡོད། སྤྲུལ་སྐུ་གསུམ་དགེ་བཤེས་དང་བཅས་པའི་དགེ་འདུན་ཞལ་གྲངས་བཞི་བརྒྱ་དང་བདུན་ཅུ་དོན་གསུམ་བཞུགས་པ་ཀུན་གྱིས་སྔར་སྲོལ་དུ་མཆོད་འཆམ་དང་བཅས་པ་མ་ཉམས་པ་སྤེལ་ཏེ། ཟླ་བ་བཅུ་གཅིག་པའི་ཚེས་བཅོ་ལྔ་ནས། དགུན་ཆོས་ཆེན་མོའི་ཆོས་ར་ཟླ་བ་གཅིག། བསྐང་གསོ་ཉིན་གཅིག། དེ་ནས་དགུ་གཏོར་ཆེན་མོ་ཚོགས་པ། ཟླ་དང་པོའི་ཚེས་བརྒྱད་ནས་སྨོན་ལམ་དང་ཚོགས་མཆོད། སངས་རྒྱས་ཀྱི་བསྟན་པ་བསྟན་འཛིན་དང་བཅས་པ་ལ་ལོག་པར་འཁུར་བའི་བསམ་སྦྱོར་ངན་པ་རྣམས་ཞི་ཕྱིར་ལྕགས་མཁར་དང་། མགོན་པོའི་གཏེར་ཆེན་རེས་མོས། ཟླ་བ་གསུམ་པའི་ཚེས་ལྔ་ནས་རྒྱལ་བའི་བཀའ་བསྟན་འགྱུར་གསུང་སྒྲོག་དང་། འཇིགས་བྱེད་བདེ་མཆོག་གཉིས་ཀྱི་ས་ཆོག་རྡུལ་མཚོན་བདག་འཇུག་སྦྱིན་སྲེག་བཅས། ཟླ་བཞི་པའི་ཚེས་བཅུ་གཉིས་ཚུན་ལ་གྲུབ་པར་བྱེད། ཟླ་བ་དྲུག་པའི་ཚེས་བཅུ་གསུམ་ནས་ཆོས་ཐོགས་ལ། ཚེས་བཅོ་ལྔ་ནས་དབྱར་ཆོས་ཚུལ་ཤིང་བཞེས་པ་དང་དཔལ་གསང་བ་འདུས་པའི་ས་ཆོག་རྡུལ་ཚོན་བདག་སྦྱིན་སྲེག་བཅས་པའི་མཇུག་ཏུ་བསྐང་གསོ་ཉིན་གསུམ། ཟླ་བཅུ་པའི་ཚེས་ཉེར་གསུམ་ནས་བཞི་མཆོད་དང་ལྔ་མཆོད་ཆེན་མོ་ཚོགས་པ། མཇུག་ཏུ་བསྐང་གསོ་གཏོར་རྒྱག་དང་བཅས་པ། གཞན་ཡང་བཅོ་བརྒྱད་མཆོད་པ་སོགས་ཡོངས་གྲགས་ཀྱི་དུས་ཆེན་སོ་སོར་སྒྲུབ་མཆོད་མཛད་པ་བཅས་ལགས་སོ།།

[page 456]

ས་མིང་ཚིག་མཛོད་མིག་བཤར།

[page 457] ཐོག་མའི་གྲུབ་མཐའ་སྒྱུར་པ་པོའི་མཚན་ལ་ཨྰ་ར་ཆོས་རྗེ་ཟེར། རབ་བྱུང་བཅུ་པའི་སྟོད་ཙམ་ནས་ད་ལྟའི་བར་དཔལ་ལྡན་ས་སྐྱ་བའི་གྲུབ་མཐའ་འཛིན་པ་ཤ་སྟག་གོ། སྔོན་དུ་ཀརྨ་བཀའ་བརྒྱུད་པའི་དགོན་པ་ཞིག་ཆགས་ནས་བགྲང་བྱ་བརྒྱད་ལྷག་ཙམ་འདས་ཞེས་ངག་རྒྱན་ལ་དེ་ལྟར་བརྗོད། དེའི་སྐབས་ཀྱི་ཡི་གེ་ཚང་མ་ཤིང་གྲོ་ག་དང་ཏ་ལའི་ལོ་མ་ལ་བྲིས་པའང་ཕྱིས་སུ་མཐོང་རྒྱུ་ཡོད་ཟེར་བའི་དེ་ལ་དཔྱད་ན་ལོ་རྒྱུས་རིང་བའི་རྗེས་དཔག་ཐུབ་པོ། སླད་ནས་གྲུབ་མཐའ་ས་སྐྱར་བསྒྱུར་མཁན་ཨྰ་ར་ཆོས་རྗེས་མཆོག་ནི་རྒྱ་གར་ནས་བོད་དུ་བྱོན་ཡོང་བའི་བླ་མ་ཞིག་ཡིན། མཐར་ཁམས་བརྒྱད་ཟིལ་དུ་ཕེབས་པས་ཀརྨ་བཀའ་རྒྱུད་པའི་དགོན་པ་ཞིག་ས་སྐྱའི་གྲུབ་མཐར་བསྒྱུར་བའི་དགོན་པ་དེ་ཨྰ་ར་དགོན་ཞེས་གྲགས། དེ་ནས་བླ་མའི་མཚན་དགོན་མིང་དུ་བཏགས་པ་ཡིན། གང་ཉིད་ཀྱིས་གདུལ་བྱ་རྣམས་འདུལ་བའི་ཆེད་དུ་གྲུབ་པའི་རྟགས་ཁྱད་མཚར་ཅན་མང་པོ་ད་ལྟའང་མཇལ་རྒྱུ་ཡོད། ཆུ་ལོག་ཁེ་ཞེས་བྱའི་ས་ཆ་དེར་བྲག་སྲིན་མོ་འདུལ་བའི་རྟགས་སུ་ཁོང་གི་རྐང་གླིང་བྲག་ལ་རྒྱབ་པའི་རྗེས་དང་། ནོ་ཀ་ལུང་པ་ཞེས་བྱའི་ས་ཆ་དེར་ཁོང་གི་སྒྲུབ་ཕུག་ཡོད་པའི་ས་དེར་ཀྱེ་རྡོར་གྱི་སྐུ་དང་དུང་དཀར་སོགས་མཇལ་རྒྱུ་ཡོད། དེའི་ཉེ་འདབས་ཀྱི་བྲག་ཐོག་ཏུ་ཆིབས་རྗེས་ཡང་མཇལ་རྒྱུ་ཡོད། བླ་མའི་གསུང་ཆོས་ལ་པོ་ཏི་ཆེན་པོ་ཞིག་ཡོད་པ་ད་ལྟ་མི་བཞུགས་ལ། མཐར་དབུ་སྐྲ་དང་ཕྱག་གསེར་མ་གཏོགས་སྐུ་ལུས་ཀྱི་ངོ་བོ་མི་འགྱུར་མཉམ་ཉིད་གཞི་དབྱིངས་གདོད་མའི་ཆོས་སྐུ་ངང་ཡས། ཁོང་གི་ཡང་གིག་བླུས་ཀྱང་འགྲོ་དོན་ཆེར་མ་རྒྱས། བྱམས་པ་རབ་འབྱམས་ཞེས་པའི་དགེ་ཤེས་ཞིག་ཡོད་པ་དེས་བཤད་གྲྭ་ཞིག་བཙུགས་མྱོང་ཟེར། ཁྲིད་བྱའི་གཞུང་ལུགས་སོགས་ཅི་ཡིན་གསལ་པོར་ཤེས་མཁན་མི་འདུག། ཆོ་ག་ཕྱག་ལེན་སོགས་བསླབ་པ་ཡང་ཡིན་ཟེར་འདུག། དམངས་གཙོ་བཅོས་སྒྱུར་སྔོན་དུ་དགོན་པའི་གཞི་ཁྱོན་ཀ་བ་བཅུ་དྲུག་གི་ཚད་དང་། ཇ་ཁང་། སྤྱི་པ་ཁང་། གྲྭ་ཤག་ཁང་བཅུ་གསུམ་བཅཟ་ཡོད། བླ་སེར་གྱི་གྲངས་ནི་བླ་མ་བཅུ་གཅིག། སེར་མོ་བ་བཅུ་དགུ། མཁན་པོ་དང་དགེ་སྐོས་རེ་རེ་ཡོད། སྤྱི་པ་མི་གཉིས་རེ་བཅས་ཡོད། སྐུ་གསུང་ཐུགས་བརྟེན་གྱི་སྐོར། འཇིམ་ལས་བྱས་པའི་སྐུ་ཆེ་ཆུང་དུ་མ། ལི་སྐུ་ཆེ་ཆུང་བརྒྱ། ཐང་ཀ་ཆེ་བ་གཉིས། བཀའ་འགྱུར་གཙོས་གླེགས་བམ་པོད་བཞི་བརྒྱ་དང་བདུན། དངུལ་གྱི་ཤན་པའི་རྒྱ་གླིང་གཅིག། མཁར་རྔ་ངཞི། ལྷུང་བཟེད་ཉི་ཤུ། དུང་ཆ་ལྔ། རྔ་ཆེ་ཆུང་བཅོ་ལྔ། བདུན་ཚར་ཆ་ཉི་ཤུ། རྐོང་བུ་སུམ་བརྒྱ་ལྔ་བཅུ། འཆམས་གོས་ཆ་ཚང་གསུམ་བཅས་ཐམས་བཅད་ཀྱང་རིག་གསར་སྐབས་བརླག་ཚར། བླ་སེར་ཚང་མ་ཡང་ཁྱིམ་པའི་སྤྱོད་པ་ཅན་དུ་གྱུར།

དུས་མཆོད་ཀྱི་སྐོར། བོད་ཟླ་བཅུ་པའི་ཚེས་བཅུ་ནས་ཚེས་ལྔ་བར་སྒྲུབ་མཆོད་འཚོགས། བོད་ཟླ་[page 458] བཅུ་གཅིག་པའི་ཚེས་བཅོ་ལྔ་ལ་བླ་མའི་འདས་མཆོད་འཚོགས། བོད་ཟླ་བཞི་བའི་ནང་སྨྱུང་གནས་དང་མ་ཎི། མདོ་མང་པོ་དང་ཕལ་པོ་ཆེ་ཞལ་འདོན་བྱེད་པའོ། དུས་ཆོད་ཚོགས་པའི་རྐང་རྩ་ནི། དགོན་པའི་ཆོས་ཞིང་ཁལ་སོ་བདུན་དང་གྲངས་ཆུང་བརྒྱད་（37.88）ཀྱི་སྟོན་ཐོག་གི་འོང་སྒོ་དང་སྤྱི་པ་མི་གཉིས་ཀྱིས་ཚོང་གཉེར་གྱི་འོང་སྒོ་དང་། དད་འབུལ་བཅས་ལ་བརྟེན་ནས་འཚོགས། དེང་གི་གནས་ཚུལ་ཞར་བྱུང་དུ་བརྗོད་ན། གཙུག་ལག་ཁང་ཀ་བ་བཅུ་དྲུག་གི་རྒྱ་ཁྱོན་དང་། ཇ་ཁང་གཅིག། དུང་འཁོར་ཁང་གཅིག། གྲ་ཤག་ཁང་བཞི་བཅས་ཡོད། དགེ་འདུན་པའི་གྲངས་ནི་བླ་གྲྭ་བཅུ་གསུམ་ཙམ་ཡོད། རྟེན་གྱི་གཙོ་བོ་ངོར་ཆེན་རྡོ་རྗེ་འཆང་གི་འཇིམ་གསོ་སྐུ་དང་པད་མ་འབྱུང་གནས་ཀྱི་འདམ་སྐུ་ཆེ་ཆུང་གཉིས། བླ་མས་སྐུ་ཚེ་གང་བོར་བསྣམས་པའི་རྡོར་དྲིལ་དང་། རྡོ་རྗེ་འཆང་གི་སྐུ་གཙོས་ལི་སྐུ་བཅུ་གཉིས། རྒྱལ་བའི་བཀའ་འགྱུར་ཚར་གཅིག། འབུམ་ཚར་གཉིས་བཅས་སོ། དུང་དཀར་དངུལ་ཤན་མ་ཆ་གཅིག་ཡོད་པ་འདི་རྟེན་བྱིན་རླབས་ཅན་ཞིག་ཏུ་བརྩི་སྲོལ་ཡོད། སྔོན་རྐུན་མ་ཞིག་གིས་ཁྱེར་ཡོང་བས་ཨྰ་ར་དགོན་དུ་ཐོན་སྐབས། ཁོ་ཚོས་དུང་འདི་བླུ་བ་ཡིན་ཞེས་བྲིས་ཚེ། བླ་མས་གསུངས་རྒྱུར་དོ་ནུབ་དུང་འདིའི་མགོ་ཐུར་དུ་བསྐོར་ལ་ཞོགས་དང་རྟགས་ཁྱད་པར་ཅན་ཡོད་ན་བླུ་རྒྱུ་ཡིན་གསུང་བས། ཕྱིར་ཉིན་དུང་གི་མགོ་ཡར་ལ་འཁོར་ཡོད་པས་བླུས་པར་གྲགས། དེ་ནི་ཤིན་ཏུ་འགངས་ཆེན་ཞིག་ཏུ་བརྩི་སྲོལ་ཡོད། ཁ་དཔེར་ཡང་། ཨཱ་ར་མི་མཇལ་ཚོགས་དུང་མཇལ་ཞེས་གྲགས། སྦུག་ཆལ་ཆ་བཞི། སིལ་སྙན་ཆ་གསུམ། རྒྱ་གླིང་ཆ་གཉིས། དུང་ཆེན་ཆ་བཞི། དྲིལ་བུ་ཚར་ལྔ་བཅུ། མཁར་རྔ་ཚར་ལྔ། རྔ་བཅུ། ཤིང་དཔར་གྱི་སྐོར་རྡོ་རྗེ་གཅོད་པའི་དར་ལྕོག་གི་པར་ཤིང་། གུ་རུ་མཚན་བརྒྱད་ཀྱི་པར་ཤིང་། ས་པཎ་སྐུའི་པར་ཤིང་བཅས་ཡོད། བར་སྐབས་ཤིག་ནས་བརྒྱད་ཟིལ་དགོན་གྱི་གྲྭ་དམག་གིས་ཨཱ་ར་དགོན་གྱི་རྒྱུ་རྫས་དང་རྟེན་སོགས་འཕྲོག་བཅོམ་བྱས་པས། བཀའ་གདམས་ཆོད་རྟེན་ཞིག་ཡོད་པ་དེ་ནམ་མཁར་འཕུར་ནས་མ་བརྙེད་པ་དང་རྡོ་རྗེ་འཆང་གི་སྐུ་འདིས་ཀྱང་རྟགས་རྫུ་འཕྲུལ་བསྟན་པས་འཁྱེར་མ་ཐུབ་པའི་མཐར་ཕྱག་གསོར་བཅད་ནས་ཁྱེར་སོང་བ་ཡིན་ཞེས་གྲགས། དེར་ཕྱག་སོར་མེད་པའི་རྡོར་འཆང་གི་སྐུ་དང་བཀའ་གདམས་མཆོད་རྟེན་གཉིས་ད་ལྟའང་མཇལ་རྒྱུ་ཡོད་འདུག

ད་ལྟའི་ཚོགས་དུས་མཆོད་ཀྱི་མ་རྩ་ནི་སྦྱིན་བདག་དུད་གྲངས་སུམ་བརྒྱ་ཙམ་གྱིས་དད་འབུལ་ལ་བརྟེན་ནས་ཚོགས་བཞིན་ཡོད། ལོ་གཅིག་གི་ནང་འབྲུ་ནས་དང་ཤོག་སྒོར་གཉིས་བསྡོམས་པའི་སྒོར་སུམ་སྟོང་ཙམ་གྱི་ཡོང་སྒོ་ཡོད།

ས་མིང་ཚིག་མཛོད་མིག་བཤར།

[page 459] ས་སྔགས་རོང་ཞེས་བྱ་བའི་ས་ཆ་དེ་ན་གསེར་རི་དགོན་ཆགས་ཡོད། དགོན་འདིའི་ཕྱག་འདེབས་པ་པོའི་མཚན་ལ་ཀོ་རོ་བདེ་བ་བློ་གྲོས་ཞུ། ཨྰ་ར་དགོན་པའི་བུ་དགོན་ཡིན་པས་གྲུབ་མཐའ་ནི་ས་སྐྱར་གཏོགས། རབ་བྱུང་གི་དུས་ཚིགས་གསལ་པོར་མ་ངེས། སྔོན་མ་ལྷ་ཁང་དང་ཇ་ཁང་སོགས་ཡོད། དམངས་གཙོ་བཅོས་བསྒྱུར་སྐབས་ཚང་མ་བརླག་ནས་ད་ལྟ་ཉམས་གསོ་བྱེད་མ་ཐུབ་པར་ལུས། དེང་སང་གྲྭ་བ་དྲུག་དང་སྔོན་གྱི་ཁྲི་བ་ངག་དབང་ཐེག་ཆེན་བཅས་ད་ལྟར་ཞལ་བཞུགས།

ས་མིང་ཚིག་མཛོད་མིག་བཤར།

དགོན་པ་འདིའི་ཆགས་ཡུལ་ནི་ཡུལ་ལྷ་ཟེ་ཙོ་རྡོ་རྗེ་བློ་གྲོས་ཞེས་བྱ་བའི་མདུན་དུ་ས་གཞི་དབེན་ཞིང་ཉམས་དགའ་བའི་རྩི་ཤིང་ནགས་ཚལ་གྱིས་ཕྱུག་པའི་དབུས་སུ་དགོན་པ་འདི་ཆགས་ཤིང་། དགོན་པ་འདི་ཕྱག་འདེབས་པ་པོའི་མཚན་ལ་གངས་རི་བསྟན་པའི་ཉི་མ་ཞུ། ཁོང་གི་སྐུ་ཡུལ་ནི་ལྷ་ལྡན་ཡིན་ཅིང་བསྟན་པ་དམ་འགྲོ་བའི་དོན་དུ་རང་ཡུལ་བསྐྱུར་ནས་གཞན་ཕྱོགས་འགྲིམས་པས། མཐར་ཁམས་བརྒྱད་ཟིལ་གནོན་དུ་ཕེབས་པའི་ཁོང་གིས་དགོན་པ་ཞིག་འདེབས་དགོས་དགོངས་ནས་ས་འཚོལ་བ་ན། ཆོ་ལོ་ཞེས་བྱ་བའི་ས་ཆ་དེར་བྱོན་པའི་ས་གཟིགས་མཛད་སྐབས། ད་ལྟའི་དགོནགནས་དེར་སླེབས་པ་ན་ཀེང་རུས་འགའ་ཞིག་གིས་བྲོ་གར་འཁྲབ་པ་མཐོང་བས་རྟེན་འབྲེལ་ལེགས་པར་དགོངས་ནས། དགོན་པ་འདིར་འདེབས་དགོས་གསུངས་བས་རབ་བྱུང་བཅུ་པའི་（1567）འགོ་ཙམ་ལ་ཐོག་མར་བཏབ་ཟེར། རྩོད་གྲྭ་མཐར་ཕྱིན་རྗེས་གྲྭ་ས་འབྲས་སྤུངས་སུ་འགྲོ་སྲོལ་ཡོད། དེ་ཙམ་མ་གཏོགས་ལོ་རྒྱུས་ཀྱི་དཔྱད་གཞི་དང་ལོ་རྒྱུས་སྨྲ་མཁན་གྱི་མི་སྣ་ཤིན་ཏུ་དཀོན་སྟབས་ཆེར་འབྲི་རྒྱུ་མ་རྙེད། གངས་དཀར་རིན་པོ་ཆེ། བ་ལངས་སྐུ་ཞབས། སྐྱིད་ལེགས་སྐུ་ཞབས་སོགས་བླ་ཆེན་དུ་མ་དགོན་འདིར་ཕེབས་པའི་ཆོས་ཚོགས་རྒྱ་ཆེར་སྤེལ་བའི་ལོ་རྒྱུས་ཡོད། བར་སྐབས་ཤིག་དགོན་པ་ལ་མེ་ཡིས་འཇིགས་པ་དང་ཆབ་ཕྲེང་དམག་གིས་བཅོམ་པའི་རྒྱུ་རྫས་དང་གསེར་སྐུ་ཚང་མ་འཕྲོག་བཅོམ་བྱས་ཟེར།

འཁྲུངས་རབ་བཅུ་གསུམ་སྟེ། གངས་རི་བསྟན་པའི་ཉི་མ། དེའི་ཡང་སྤྲུལ་སངས་ཡི་ཤེས། དེའི་ཡང་སྤྲུལ་བློ་བཟང་ཡི་ཤེས། དེའི་ཡང་སྤྲུལ་ཁམས་པོ་རིག་འཛིན། དེའི་ཡང་སྤྲུལ་བསྟན་འཛིན་ཉི་མ། དེའི་ཡང་སྤྲུལ་སྐྱས་སྐྱ་ཞབས་དྲུང་། དེའི་ཡང་སྤྲུལ་བློ་ངག་བཟང་བ། དེའི་ཡང་སྤྲུལ་བློ་བཟང་ཤེས་རབ། དེའི་ཡང་སྤྲུལ་རིན་ཆེན་བཟང་པོ། དེའི་ཡང་སྤྲུལ་ཡེ་ཤེས་འཕྲིན་ལས། [page 460] དེའི་ཡང་སྤྲུལ་བློ་བཟང་སྐལ་བཟང་ཆོས་ཀྱི་རྒྱལ་མཚན། དེའི་ཡང་སྤྲུལ་ཐུབ་བསྟན་རྒྱལ་མཚན་མཆོག་ནི་དེང་སང་དགོན་པའི་བསྟན་བདག་ཏུ་གྱུར་བས། དགོན་པ་སྐྱར་བཞེངས་སོགས་ཀྱི་བྱ་བ་ཁོང་གིས་བསྒྲུབས། བསྟན་པ་རབ་རྒྱས་སོགས་དགེ་བཤེས་བརྒྱད་ཙམ་བྱོན་མྱོང་བས་མཛད་རྣམ་འབྲི་རྒྱུ་མ་རྙེད།

བཅོས་བསྒྱུར་སྔོན་གྱི་གནས་ཚུལ། གཙུག་ལག་ཁང་ཀ་བ་ཉེར་བཞིའི་རྒྱ་ཁྱོན་དང་། ལྷ་རམས་ལྷ་ཁང་། སྨྱུང་གནས་ལྷ་ཁང་། ཇ་ཁང་། སྤྱི་པ་ཁང་། ཁང་ཚན་བཅུ་གསུམ་བཅས་ཡོད། དེར་བཞུགས་པའི་གྲྭ་བ་ལྔ་བརྒྱ་ལྷག་གི་ཁར་ལོངས་ཤིང་། བསྟན་བདག། ཁྲི་པ། དགེ་བསྐོས། སྤྱི་པ་སོགས་སོགས་ཀྱི་འོས་འགན་ཞེས་པའི་སྲོལ་ཡང་ཡོད། སྐུ་བརྟེན་ཡབ་སྲས་གསུམ་གྱི་འདམ་སྐུ་དང་། གསེར་ཟངས་ལས་སྐྲུན་པའི་ཇོ་བོ་དང་བྱམས་སྐུ་བཅས་བཞུགས། ལི་སྐུ་བརྒྱ་དང་ཉི་ཤུ་ལྷག། སྨན་འདམ་ལས་བྱས་པའི་སྐུ་ཆུང་བ་བརྒྱ་ལྷག། སྲུང་མ་རིགས་བརྒྱད་འདམ་སྐུ་སོགས་བཞུགས་ལ། ཐུགས་རྟེན་དུ། ལི་མའི་བཀའ་གདམས་མཆོད་རྟེན་ཆེ་ཆུང་གཉིས། སྐུ་དམར་གདུང་གཅིག་བརྩིས་པའི་སྐུ་གདུང་ལྔ་ཡོད། གསུང་རྟེན་དུ། རྒྱལ་བའི་བཀའ་འགྱུར་ཚར་གཅིག་དང་། བསྟན་འགྱུར་ཚར་གཅིག། འབུམ་ཆ་གཉིས། རྗེ་ཡབ་སྲས་གསུམ་གྱི་གསུང་འབུམ་ཆ་ཚང་། གཞན་ཡང་ཆོ་ག་འདོན་ཆོག་སོགས་ཤིན་ཏུ་མང་། རྗེའི་ཐང་མོ་ཆེ་གཅིག། སྟོན་པའི་ཐང་མོ་ཆེ་གཅིག། བྱམས་པའི་ཐང་མོ་ཆེ་གཅིག། དམ་ཅན་ཆོས་རྒྱལ་གྱི་ཐང་ཀ་གཅིག། སྐུ་སྐྱེ་གཉིས་པའི་རིང་ལ་རྒྱ་ནག་གོང་མས་བསྩལ་བའི་ཐམ་ཀ་དང་། བླ་བྲང་ཁང་གི་ཐམ་ཀ། གྲྭ་ཚང་གི་ཐམ་ཀ་བཅས་ཡོད། ས་ཞིང་ཁལ་དྲུག་ཅུ་རེ་བདུན་དང་གྲངས་ཆུང་བརྒྱད་ཀྱི་ས་རྒྱ་དང་། རྩ་ས་རྒྱ་དཔང་གྲུ་བཞི་མ་སྨི་ཁྲི་གཅིག་དང་ལྔ་བརྒྱའི་རྒྱ་ཁྱོན་དང་། གནག་ཕྱུགས་བརྒྱ་དང་ཉི་ཤུ་ལྷག། ནོར་བུ་དུད་ཁ་ལྔ་ལ་ཤེ་བཏང་བ་དང་འཚོ་སྐྱོང་བྱེད་བཅུག་ཡོད་གཞན་ཡང་དུད་གྲངས་ཉིས་སྟོང་བཞི་བརྒྱ་ལྷག་གིས་དད་འབུལ་བཅས་ལ་བརྟེན་ནས་ཚོགས་དུས་མཆོད་སོགས་དགོན་པའི་མཛད་སྒོ་སྤེལ་བ་ལགས་སོ། རིག་གསར་སྐབས་རྙིང་བཞི་འདོར་བ་དང་གསར་བཞི་འཛུགས་དགོས་ཞེས་པའི་རྩ་དོན་ལ་བརྟེན་ནས་ཐམས་ཅད་བརླག་སོང་།

དེང་གི་གནས་ཚུལ། གཙུག་ལག་ཁང་ཀ་བ་ཉེར་བཞིའི་རྒྱ་ཁྱོན་དང་། ཇ་ཁང་གཅིག། སྤྱི་པ་ཁང་གཅིག གྲྭ་ཤག་བཅུ། སྤྲུལ་སྐུ་གཅིག གྲྭ་བ་སུམ་ཅུ་ཙམ་ཡོད། ནང་རྟེན་དུ་རྗེས་ཡབ་སྲས་གསུམ་གྱི་འཇིམ་སྐུ་དང་རྗེ་རིན་པོ་ཆེའི་འཇིམ་སྐུ་ཆུང་བ་གཅིག ཟངས་རག་གིས་བླུག་པའི་གསེར་སྐུ་བཅུ་བཞི། སྲུང་མ་བསེ་ཁྲབ་ཅན་དང་ཤུགས་ལྡན་གཉིས་ལྷ་ས་ནས་གདན་དྲངས། བསང་ཡིག་རྙིང་བ་ཞིག་ཡོད་འདུག འདིའི་རྩོམ་པ་པོ་བེེ་རོ་ཙ་ན་ཡིན་ཟེར། རྩོམ་གཤིས་ཀྱི་ཚིག་སྒྲོས་སོགས་ལ་བལྟས་ན་སྔར་གྱི་མཁས་པ་ཆེན་པོ་ཞིག་གིས་བརྩམས་པ་ལགས་སྙམས། རྒན་པོ་འགའ་ངག་རྒྱུན་ལྟར་རྡོ་རྗེ་རིག་འཛིན་གྱིས་བྲིས་པའོ།།

ས་མིང་ཚིག་མཛོད་མིག་བཤར།

[page 461] སྒྲུབ་གནས་འདིའི་སྒོ་འབྱེད་པ་པོའི་མཚན་ལ་ལ་དཀར་བསྟན་པའི་རྒྱལ་མཚན་ཞུ། རབ་བྱུང་དགུ་པའི་(1516)སྟོད་ཙམ་ལ་སྒྲུབ་ཕུག་འདིར་ལྷ་ཁང་ཆུང་བ་ཞིག་གསར་དུ་བཏབ་ཟེར། ཁོང་ནི་གཙང་མེ་རུ་དགོན་ནས་ཕེབས་ཡོང་། ཁམས་བརྒྱད་ཟིལ་དུ་ཕེབས་པའི་ཐོག་མར་སྡེ་ལེ་གྲོང་ཞེས་བྱ་བ་དེར་མ་ཡུམ་དང་ལྷན་དུ་བཞུགས། དེ་ནས་བྱ་རྐོས་རྡོ་ཡན་ཞེས་བྱའི་ས་ཆ་དེར་ཆོས་ཚོགས་སྤེལ་བའི་ལྷ་ཁང་ཆུང་ངུ་ཞིག་བཏབ། ཉིན་ཞིག་ཁོང་གིས་ཚོགས་མཆོད་ཀྱི་སྐབས་སུ་མཆོད་པ་གསུམ་བཅས་ཚར་བ་དེ་བྱ་ཁྭ་ཏ་ཞིག་འཕུར་འོང་ནས་ཆོསམཔ་དེ་ཁྱེར་བས། དེའི་རྗེས་བཅད་སོང་བས་ལུང་པ་དེའི་སྐེད་ཙམ་ཞིག་གི་བྲག་ཕུག་ཅིག་ཏུ་བཞག་པ་མཐོང་བས་དེར་སྒྲུབ་ཉམས་ལེན་བྱེད་པའི་རྟེན་འབྲེལ་འགྲིགས། གནས་ཆེན་རི་བོ་བྲག་དཀར་ཞེས་པ་དེ་འདིར་མཆིསགསུངས་ནས་བླ་མའི་ཐུགས་ཤིན་ཏུ་མཉེས་པར་གྱུར། གནམ་ས་འགས་པ་ལྟ་བུའི་སྒྲ་ཆེན་པོ་བྱུང་བ་དང་ལྷན་དུ་མི་རྒོད་ཀྱང་མེད་པར་གྱུར། སྒྲུབ་ཕུག་རྒྱ་བརྐྱེད་ཀྱི་མཚམས་ཀྱང་དེ་ནས་ལུས། སྔོན་གྱི་དམ་བཅའ་དང་འགལ་སྟབས་བླ་མའི་ཐུགས་ཁྲོས་ནས་མ་ཡི་ཐོག་ཏུ་བྲག་རྡོ་ནར་རིང་ཞིག་འཕང་བས་མ་ལ་མ་ཕོག་པར་རྡོ་བྲག་ལ་ཟུག་པས་ད་ལྟའང་མཐོང་རྒྱུ་ཡོད། རྡོ་དེའི་ཁྱད་མཚར་ནི་ལག་པ་གཉིས་ཀྱིས་བསྒུལ་ཡང་འགུལ་མི་ཐུབ་མཛུབ་མོ་གཅིག་གིས་བསྒུལ་ཡང་འགུལ་ཐུབ་ལ། ཡང་རྡོ་གཅིག་འཕང་བས་ཕ་བོང་ཞིག་ལ་རྒྱབ་པའི་ཤུལ་རྗེས་ངོ་མཚར་བ་ཞིག་ཡོད། ཕ་བོང་འདིའི་འོག་ཏུ་གྲུབ་ཆུ་ཞིག་ཡོད་པ་དེ་འཐུང་ན་ནད་དེའི་བདག་པོ་ནི་མ་ཅིག་སྲིད་པ་རྒྱལ་མོ་ཡིན། འགྲོ་མགོན་ཚེ་དབང་རིག་འཛིན་གྱི་གཏེར་དུ་བཏོན་པའི་ཡི་དམ་ཕྱི་ནང་གསང་གསུམ་གྱི་རྟེན་ཡོད་པ་དང་། ཕྱག་ཞབས་ཀྱི་རྗེས་དང་རང་བྱུང་གི་སྐུ་བརྙན་དུ་མ་འཇལ་རྒྱུ་ཡོད་པ་ཅིང་། དེར་ལྷ་ཁང་ཀ་བ་བཞིའི་རྒྱ་ཁྱོན་ཅན་ཞིག་ཡོད་པ་དེའི་ཀ་བ་བཞི་པོ་གནས་ཆེན་ཕོ་བྲང་ལྔ་བརྩེགས་ནས་མི་རྒོབ་ཀྱི་ཁྱེར་ཡོང་ཟེར། ནང་རྟེན་དུ་མཉམ་མེད་ཤེས་རབ་རྒྱལ་མཚན་གྱི་འཇིམ་སྐུ་གཅིག་མ་གཏོགས་གཞན་སྐུ་གསུང་ཐུགས་རྟེན་དང་མཆོད་ཆས་སོགས་རྒྱས་པ་འདིར་མི་བཞུགས། འདི་ནི་སྒྲུབ་པ་ཉམས་ལེན་གཙོ་བོ་བྱེདཔའི་སྒྲུབ་གནས་ཞིག་ཡིན། སྒོམ་ཉམས་ལེན་བྱེད་པའི་བླ་མ་རྒྱུན་པ་ཆད་པར་བཞུགས་སྲོལ་ཡོད། དམངས་གཙོ་བཅོས་སྒྱུར་སྐབས་ནས་བཟུང་ལྷ་ཁང་འདི་མེད་པར་གྱུར་བའི་རེ་ཞིག་སྟོང་བར་གྱུར། 1982ལོར་ཁུལ་རིམ་པའི་ཆོག་མཆན་ཐོབ་པའི་སླར་གསོ་བྱས་པའི་དགོན་པའི་གྲལ་དུ་བརྩིས་ཡོད་ཅིང་། དོན་འདི་སྒྲུབ་པ་ཉམས་ལེན་བྱེད་སའི་སྒྲུབ་གནས་ཤིག་ཡིན་པ་ལས་དགོན་པའི་ཆ་རྐྱེན་དང་མ་ལྡན་ནོ། དེང་སྐབས་ལྷ་ཁང་ཆུང་བ་ཞིག་དང་རྣམ་པར་རྒྱལ་བའི་འདམ་སྐུ་གཅིག་བཞེངས་ཡོད། འབྲས་ལུང་དགོན་པས་བདག་སྲུང་བྱེད་བཞིན་ཡོད། རྒན་པོ་འགའི་ངག་རྒྱུན་ལྟར་རྡོ་རྗེ་རིག་འཛིན་གྱིས་བྲིས།

ས་མིང་ཚིག་མཛོད་མིག་བཤར།

[page 462] བོན་པོ་གྲོང་ཞེས་བྱ་བའི་ས་ཆ་དེར་ཆགས་པའི་འབྲས་ལུང་དགོན་ནི་ཨ་དཀོན་སངས་རྒྱས་ངོ་བོ་ཁོང་གིས་རབ་བྱུང་བཅུ་པའི་འགོ་ཙམ་ཞིག་ཏུ་འབྲས་ལུང་དགོན་དེར་ཐོག་མར་བཏབ་ལ། གྲུབ་པའི་མཐའ་ནི་གནའ་ནས་དེང་གི་བར་བོན་གཡུང་དྲུང་གི་བསྟན་པ་འཛིན་པ་ཤ་སྟག་གོ། ཁོང་ནི་ལ་དཀར་བསྟན་པའི་རྒྱལ་མཚན་གྱི་ཡང་སྤྲུལ་དུ་ངོས་བཟུང་བའི་གྲུབ་པ་བརྙེས་པའི་བླ་མ་ཆེན་པོ་ཞིག་ཡིན་སྟབས། དགོན་པ་དེའི་ཉེ་འདབས་སུ་ཕྱག་ཞབས་ཀྱི་རྗེས་དང་ཆིབས་རྗེས་སོགས་རྟགས་ངོ་མཚར་ཅན་ད་ལྟའང་མངོན་སུམ་དུ་མཐོང་རྒྱུ་ཡོད། གཞན་ཡང་སྐུ་ན་གཞོན་པའི་དུས་སུ་ཐོས་པ་སློབ་གཉེར་གྱི་ཆེད་དུ་གཙང་སྨན་རི་དགོན་དུ་གྲྭ་སར་ཕེབས་ནས་མདོ་སྔགས་རིག་གནས་དང་བཅས་པ་མཁས་པར་སླབ་ནས་མཐར་རང་ཡུལ་དུ་ལོག་ནས་བསྟན་པ་དང་འགྲོ་བའི་དོན་མཐའ་ཡས་པ་མཛད་ཅིང་། དེའི་ཡང་སྤྲུལ་བྲག་འགོ་བསྟན་པ་བློ་གྲོས། དེའི་ཡང་སྤྲུལ་འགྲོ་མགོན་བསྟན་པ་བློ་གྲོས། དེའི་ཡང་སྤྲུལ་ངག་དབང་མ། དེའི་ཡང་སྤྲུལ་བོས་ནུས་རྒྱ་མ། དེའི་ཡང་སྤྲུལ་བྱ་ཁྲོས་སྐལ་བཟང་གྲགས་པ། འདི་ཡན་གྱི་སྐུ་ཕྲེང་ཚང་མ་སྐུ་ན་གཞོན་པའི་དུས་སུ་གཙང་སྨན་རི་དགོན་དུ་གྲྭ་སར་ཕེབས་མྱོང་བ་ཤ་སྟག་གོ། ད་ལྟའི་སྐུ་ཕྲེང་བརྒྱད་པ་རིག་འཛིན་རྒྱ་མཆོག་ནི། རོང་བྲག་རྫོང་དུ་སྐུ་འཁྲུངས་པའི་ཉག་རོང་བླ་མ་གཤེན་བསྟན་མཐར་རྒྱས་ཀྱིས་བྱ་ཁྲོད་སྐལ་བཟང་གྲགས་པའི་ཡང་སྤྲུལ་དུ་ངོས་བཟུང་། ཁོང་སྐུ་ན་ཆུང་བའི་དུས་ནས་བོད་རྒྱ་གཉིས་ཀྱི་ཡིག་རིགས་བསླབ་ཅིང་། སླད་ནས་སི་ཁྲོན་ཞིང་ཆེན་ནང་བསྟན་སློབ་གྲྭ་སོགས་བརྒྱུད་ནས་སློབ་གཉེར་གྱི་བྱ་བ་རྒྱ་ཆེར་མཛད། ད་ཆ་ཁོང་འབྲས་ལུང་དགོན་པའི་བསྟན་བདག་ཏུ་གྱུར་ཡོད་ནའང་། དགོན་པ་འདི་སྐྱར་བཟོ་བྱེད་ཐུབ་མེད་པའི་དོན་ལ་ཁོང་གིས་ཐུགས་ཁུར་ཆེར་བཞེས་ཀྱི་ཕྱག་ལས་གནང་བཞིན་མཆིས། བར་སྐབས་ཤིག་ན། བརྒྱད་ཟིལ་དགོན་པས་གྲྭ་དམག་ཕུད་ནས་འབྲས་ལུང་དགོན་པའི་རྒྱུ་ནོར་དང་ས་ཞིང་འཕྲོག་བཅོམ་བྱས། དེར་མ་ཟད་དགོན་པའི་ལྷ་ཁང་ཐོག་ཏུ་གསེར་གྱི་བྱ་ཁྱུང་ཟུང་གཅིག་ཡོད་པ་དེ་འཕྲོག་པར་ཁྱེར་ནས། སླར་ཡང་ཕྱིར་ཁྱེར་ཡོང་བ་དང་ཡང་སྐྱར་ཕྱིར་འཕྲོག་ནས་བྱ་ཁྱུང་གིརྐང་བ་ལྕགས་ཐག་གིས་བསྒྲོགས་ནས་བྱ་ཁྱུང་གི་ཁ་འབྲས་ལུང་དགོན་དུ་ཕྱོགས་ནས་ཡོད་ཟེར་སྲོལ་འདུག། འདིའི་དུས་ཚིགས་སོགས་གསལ་བོར་མ་ངེས།

བཅོས་བསྒྱུར་སྔོན་གྱི་གནས་ཚུལ་ནི། གཙུག་ལག་ཁང་ཀ་བ་བཅོ་བརྒྱད་ཀྱི་རྒྱ་ཁྱོན་དང་། སྤྱི་པ་ཁང་། ཇ་ཁང་། སྒྲུབ་གྲྭ་ཁང་། བླ་བྲང་ཁང་། འཁོར་ཁང་། ཆུ་ཁོར་ཁང་གཉིས། གྲྭ་ཁང་སུམ་ཅུ་ལྷག་བཅས་ཡོད། དགེ་འདུན་པའི་གྲངས་ནི་བརྒྱ་དང་ལྔ་བཅུ་ཙམ་ཡོད། ཁྲི་བ་དང་དགེ་སྐོས་སྤྱི་པ་བཅས་ཀྱི་ལས་སྣེ་བ་ཡང་ཡོད། ནང་རྟེན་དུ། སྟོན་པ་གཤེན་རབ་གཙོ་སྐུ་དང་། རྣམ་པར་རྒྱལ་བའི་སྐུ། རྒྱལ་བ་མཉ་མེད་ཆེན་པོའི་སྐུ། བྱང་མའིསྐུ། སྤྱན་རས་བྱང་མའི་སྐུ། མཛད་པ་བཅུ་གཉིས་ཀྱི་སྐུ། ཕྱག་[page 463] སྟོང་འཁོར་ལོའི་སྐུ། རྗེ་དྲན་པ་ཡབ་སྲས་གསུམ་གྱི་སྐུ་སོགས་རྒྱུ་སྨན་འདམ་ལས་བསྐྲུན་པ་དང་ལི་སྐུ་དྲུག་བཅས་སོ། རྒྱལ་པོ་བྱ་ཁྲི། དམག་སྲུང་མ། བཙན་བཅས་ཀྱི་འདྲ་སྐུ་ཡང་འདམ་ལས་བྱས་པའོ། གསེར་དངུལ་ལས་བྲིས་པའི་འབུམ་ཆ་གཉིས། རྒྱལ་བའི་འགྱུར་གཅིག རྟེན་སྒམ་གཅིག བླ་མ་རིམ་བྱོན་གྱི་སྐུ་གདུང་ལྔ། དུང་དཀར་ཆེ་ཆུང་དྲུག རྒྱ་གླིང་དངུལ་ཤན་མ་ཆ་གཅིག རྒྱ་གླིང་རག་སྤྲས་མ་ཆ་གཅིག སྦུག་ཆ་ལ་ཆེ་ཆུང་བཞི་ཆ་བཅུ། གདུགས། རྒྱལ་མཚན། ཀ་འཕན་སོགས་ཆ་ཚང་། མཎྜལ་ཆ་ཚང་། དངུལ་གྱི་བདུན་ཚར་ཆ་གཉིས། དངུལ་གྱི་རྐོང་བུ་ཆ་གཉིས། རྡོ་རྗེ་དྲིལ་བུ་ཆ་གཅིག་བཅས་སྟེ་རོལ་ཆས་སོ། དེ་མིན་དངུལ་སྒོར་ཆིག་སྟོང་ལྷག་དང་། དངུལ་བཅུ་ཁུག་མ་དང་ལྔ་བཅུ་ཁུག་ཆེ་ཆུང་སུམ་ཅུ་ལྷག་ཡོད་པ་དེ་ཡང་བརླག་ཟིན། ཚོགས་དུས་མཆོད་ནི། བོད་ཟླ་དང་པོའི་ཚེས་བཅུ་གསུམ་ནས་ཉིན་ལྔ་བར་རྨྱུང་གནས་ཚོགས། བོད་ཟླ་བཅུ་པའི་ཚེས་གཅིག་ནས་བཅུ་དགུ་བར་སྟག་ལྷའི་སྒྲུབ་མཆོད་ཚོགས། བོད་ཟླ་བཞི་པའི་ཚེས་གཅིག་ནས་ཀུན་རིག་དང་སྨན་ལྷ་སོགས་ཀྱི་ཆོ་ག་བཅས་ཚོགས་སྲོལ་ཡོད། དུས་མཆོད་སོགས་འཚོགས་པའི་རྐང་རྩ་ནི་ཆོས་ཞིང་ཁལ་བཅུ་གཅིག་ལྷག་གི་ས་ཁྱོན་དང་། རྒྱུ་སྦྱོར་ཡོན་གྱི་བདག་པོ་དུད་གྲངས་སུམ་བརྒྱ་ལྷག་གིས་དད་འབུལ་ལ་བརྟེན་ནས་ཚོགས།

ད་ལྟའི་གནས་ཚུལ་ནི། འབྲས་ལུང་དགོན་འདིར་གོང་རིམ་གྱིས་ཆོག་མཆན་མ་ཐོབ་པས་ད་ལྟ་སྐྱར་གསོ་བྱེད་ཐུབ་མེད། སྔར་གྱི་ལྷ་ཁང་ཞིག་རལ་དུ་གྱུར་བའི་རྩིག་རོ་མ་གཏོགས་གཞན་ཅི་ཡང་མཐོང་རྒྱུ་མི་འདུག ཡུལ་དགོན་གཉིས་ཀྱི་བླ་སྤྲུལ་དང་གྲྭ་བ་མི་སེར་ཚང་མས་དགོན་པ་འདི་སྐྱར་གསོ་བྱེད་ཆོག་པའི་རེ་བ་ཆེན་པོ་འདོན་བཞིན་ཡོད། གནས་སྐབས་ཙམ་གྱི་ཚོགས་དུས་མཆོད་ཚོགས་པ་ནི་རི་བོ་ལྷ་ཁང་མི་རྒོད་སྒྲུབ་ཕུག ཞེས་པ་དེ་ཡིན། དེ་ནི་སྔར་བླ་མ་གཅིག་གིས་སྒྲུབ་པ་ཉམས་ལེན་བྱེད་ས་ན་དེང་སང་འབྲས་ལུང་དགོན་པའི་བླ་གྲྭ་བཞི་བཅུ་ལྷག་གིས་ཚོགས་དུས་མཆོད་ཀྱི་མཛད་སྒོ་སྤེལ་བ་ལགས། སྐུ་གསུང་ཐུགས་རྟེན་དང་མཆོད་ཆས་སོགས་གང་གི་ཐད་ནས་བལྟས་ཀྱང་འཕེལ་རྒྱས་འགྲོ་ཐུབ་མེད། ད་ཡོད་སྐུ་གསུང་ཐུགས་རྟེན་ནི། རྣམ་པར་རྒྱལ་བའི་འདམ་སྐུ་གཅིག རྒྱུ་ཟངས་རག་ལས་བསྐྲུན་པའི་སྐུ་ཆུང་བ་བཅུ་གསུམ། ཁམས་ཆེན་པོད་བཅུ་དྲུག ཉི་མ་དགུ་ཤར་པོད་གཉིས། ཀུན་རིག་ཆོ་ག་པོད་གཅིག་བཅས་སོ། དུས་མཆོད་ནི་བོད་ཟླ་དང་པོའི་ནང་བསྐང་གསོལ་གཏོང་བ་དང་རྨྱུང་གནས་ཚོགས། བོད་ཟླ་བཞི་པའི་ནང་དབྱར་གནས་ཚོགས། བོད་ཟླ་བཅུ་པའི་ནང་དབལ་གསས་སྒྲུབ་པ་སོགས་ཚོགས། སྤྲུལ་སྐུ་རིག་འཛིན་རྒྱ་མཚོ་དང་བླ་མ་ཉི་མ་རྒྱལ་མཚན་གྱི་ཞལ་རྒྱུན་ལྟར་རྡོ་རྗེ་རིག་འཛིན་གྱིས་བྲིས་པ་དགེའོ།

[page 464]

ས་མིང་ཚིག་མཛོད་མིག་བཤར།

[page 465] གནས་གསར་དགོན་ནམ་གནས་གསར་ཨོ་རྒྱན་ལྷ་ཁང་དུའང་འབོད་ལ། དེང་ཐོག་སློབ་དཔོན་ཆེན་པོ་བཻ་རོ་ཙ་ན་གནས་འདིར་བྱོན། ས་ཆ་དེ་ཀའི་མི་ཡ་མ་བཀྲ་ཤིས་བྱ་བས་ཡོན་བདག་བྱས་ཏེ་གནས་མདུན་སྒྲུབ་ཕུག་ཏུ་བཞུགས་པས། དུས་དེ་ནས་བཟུང་གནས་ཆེན་ཟངས་མདོག་དཔལ་རིའམ། ཁོང་ཡུལ་ས་ཕྱོགས་སུ་གཏོགས་པས་ཁོང་ཡུལ་ཟངས་མདོག་དཔལ་རིར་གྲགས་པ་བྱུང་།

རབ་བྱུང་བཅུ་གསུམ་པའི་ནང་ཙམ་ན། བླ་མ་གསང་སྔགས་བྱ་བ་ས་ཆ་འདིར་འཁྲུངས། ཐོག་མར་མཁར་ཞབ་ཏུ་ལྷ་ཁང་རྟེན་བཅས་བཞེངས་པས་དེར་རྟེན་གྱི་གཙོ་བོ་གུ་རུ་རིན་པོ་ཆེས་གསུང་འབྱོན་ནས་ལུང་བསྟན་ཐོབ། བླ་མས་ཚུལ་དེ་རྫོགས་ཆེན་རིན་པོ་ཆེ་དང་། གནས་ནང་ཨོ་རྒྱན་ཕུན་ཚོགས། བཞག་ར་མཚམས་པ། ཁོང་ཡུལ་མཚམས་པ་རྣམས་ལ་ཐུགས་བརྟག་ཞུས་པར། ས་ཕྱོགས་མིན་གྱི་བླ་མ་བཞིས་དུས་གཅིག་ལ་འཕྲིན་ལན་འབྱོར་ནས་དགོངས་པ་གཅིག་དང་དབྱངས་གཅིག་ཏུ་གྱུར་བས། སྟག་ལོ་ཟླ་བ་བཞི་པའི་ཚེས་བཅོ་ལྔ་ལ་གནས་ཆེན་ཟངས་མདོག་དཔལ་རིར་སླར་གནས་བདག་བྱེད་ཅིང་། འདིར་ཁོལ་ཡུལ་རི་ནག་ཅེས་བཻ་རོའི་གནས་ཁྱད་པར་ཅན་གཞན་ཡང་ཡོད་པས། ཁོང་ཡུལ་གནས་གསར་ཞེས་ཕྱིས་དེ་ལྟར་འབོད་པ་བྱུང་། རིམ་བཞིན་ཨ་མྱེ་རིག་འཛིན། ཨ་མྱེ་ཚུལ་ཁྲིམས། གནས་ནང་སྤྲུལ་སྐུ། སྤྲུལ་སྐུ་དངོས་གྲུབ་བཅས་བླ་རབས་བཞི་ཙམ་བརྒྱུད་ཅིང་མཁར་ཞབ་དགོན་པ་ཡང་ལྷན་དུ་སྐྱོང་ལ། ཕལ་ཆེར་རབ་བྱུང་བཅོ་ལྔའི་སྐོར་ནས་རི་ཁྲོད་ལ་རྒྱ་སྐྱེད་མཛད་དེ་དར་རྒྱས་ཆེ་ཙམ་བྱུང་བར་མངོནང་།

དགོན་པ་འདི་རྙིང་མ་ས་ཕྱོགས་ཀྱི་མཁར་ཞབ་མཁར་སྟེང་ཚོ་པ་གཉིས་སྤྱིའི་ཐུན་མོང་ཡིན་ལ། ཚོ་པ་དེ་གཉིས་ལྕགས་ལ་རྒྱལ་པོས་ཨ་མྱེ་གསང་སྔགས་ལ་ཕུལ་བས། རྗེས་མ་རྣམས་སུའང་བཞི་རྒོལ་ལ་ཐུག་གི་བར་རྒྱལ་ཁྲལ་མི་དགོས་པར་དགོན་པར་དབང་བ་དང་། དགོན་པ་རང་གི་ས་ཞིང་མོའུ་བཅུ་གཉིས་ཙམ་ཡང་ཡོད། བླ་སེར་བཅུ་སྐོར་རེ་བཞུགས་ཤིང་གཙོ་བོ་གནས་ལ་འཛིན་ཡང་། མཁར་ཞབ་ཀྱི་དགོན་ཡང་གུ་རུ་གསུང་འབྱོན་མ་རྩེགས་གཅིག་ཅན་སོགས་རྟེན་བཅས་ལ་ཞབས་ཏོག་འབུལ་ཞིང་། ཟླ་བ་དང་པོའི་ཚེས་གསུམ་ལ་གུ་དྲག་གཏོར་རྒྱག་སོགས་ཡོད། དགོན་པ་འདི་རྟའུ་གནས་ནང་དགོན་གྱི་དགོན་ལག་ཡིན་ཞིང་། གསང་སྔགས་སྔ་འགྱུར་བྱང་གཏོར་ལུགས་སུ་མཛད་པས། དབུས་རྡོ་བྲག་དགོན་དུ་གྲྭ་སར་འགྲིམ། མ་རི་དར་དཀར་རྩེ་དགོན་དང་། ཡས་རི་དགོན། གླིང་པ་དགོན། འདི་གསུམ་དོན་ལག་ཏུ་གཏོགས་པས་ཟླ་བ་གསུམ་པའི་སྒྲུབ་མཆོད་སོགས་ལ་འཚོགས་ཞུགས་མཛད་པ་ཡིན་ཡང་། ས་ཁྱི་ལོའི་བཞི་རྒོལ་ནས་དེ་ཚོ་ཀུན་མདང་སུམ་རྨི་ལམ་གྱི་རྗེས་སུ་བསྙེགས་ནས། དེང་ལོ་བདུན་ཙམ་གྱི་རིང་བླ་སེར་བདུན་བརྒྱད་སྐོར་དང་། དད་དམངས་ཀྱི་འབད་པས་གཞི་འཛུགས་གསར་བཞེངས་ཅུང་ཙམ་རེ་དང་། མཧཱ་སྐྱིད་ལུང་[page 466] དགོན་པའི་བླ་མ་འཇམ་དབྱངས་འདིར་ཕེབས་ཏེ་བཞེངས་བཞག་གང་མང་ཡང་མཛད་དོ།།

ས་མིང་ཚིག་མཛོད་མིག་བཤར།

མ་རིའི་དར་དཀར་རྩེ་དགོན་ནི་ཁོང་ཡུལ་གནས་གསར་གྱི་དགོན་ལག་ཏུ་གཏོགས་ཤིང་། ཆོས་ཁ་སྔ་འགྱུར་བྱང་ལུགས་སུ་མཛད། ཕལ་ཆེར་གནས་གསར་དགོན་གྱི་བླ་མ་ཞིག་གིས་རབ་བྱུང་བཅོ་ལྔའི་ནང་ཞིག་ལ་ཕྱག་བཏབ་གནང་ཡང་། ད་ལྟ་གསལ་ཆ་ཅན་ཤེས་པ་མ་བྱུང་། གནས་གསར་སྤྲུལ་སྐུ་དངོས་གྲུབ་ཀྱང་འདིར་འཁྲུངས་པ་ཡིན། དགོན་པ་འདི་ཆུ་ཕུག་དང་གུར་དཀར། མ་རི་སྟེ་ཚོ་པ་གསུམ་སྤྱིའི་ཐུན་མོང་ཡིན་ཞིང་། ཟླ་བ་དང་པོའི་ཚེས་བཅུ་དྲུག་ནས་འཚོགས་པ་ཡོད་ལ། ལྷག་པར་དུ་ཟླ་བ་གཉིས་པའི་ཚེས་གཅིག་ནས་རབ་གནས་ཆེན་མོ་འཚོགས་ཤིང་། མ་རི་ཚོ་གསུམ་གྱི་ཁ་རྒན་གཞོན་མེད་པས་ཆོས་སྟོན་དང་སྦྲག་ནས་ཉིན་དུ་མར་འཁྲབ་སྟོན་རྒྱ་ཆེར་བྱེད། རབ་གནས་འཚོགས་པ་ནི་ཆོས་སྟོན་དེ་དམངས་ཚོགས་རང་བཞིན་གྱི་དུས་སྟོན་ཞིག་ཏུའང་རིམ་གྱིས་ཆགས་པ་ཡིན། སེར་མོ་བ་རྣམས་ཀྱང་འཚོགས་འདི་དང་འདི་ལྟ་བུ་ལས་རྒྱུན་བཞུགས་མཛད་པ་དཀོན། སོ་སོའི་ལས་ཞོར་དུ་སྐུ་རིམ་འདྲ་བ་སྒྲུབས་ནས་འཚོགས་པའི་གཏོང་སྒོ་སོགས་ལ་འབད་དོ།། གུར་དཀར་གྲོང་གི་རྒྱབ་རི་བྱམས་པའི་གནས་ལ། བྲག་ངོས་སུ་རྡོ་དཀར་གྱི་བྱམས་པ་མི་ཚད་ཙམ་རང་བྱོན་ངོ་མཚར་བ་དང་། གནས་ནང་སྒྲུབ་ཕུག་ཆེན་པོ་མི་ཉིས་བརྒྱ་ཙམ་ཤོང་བ། གནས་འགོ་ན་བཻ་རོའི་ཞབས་རྗེས་སོགས་ངོ་མཚར་རང་བྱུང་གི་བཀོད་པ་བསམ་ཡུལ་ལས་འགོང་བ་ཡོད་པས། མི་རབས་ནས་མི་ཐོག་མང་པོའི་བར་དད་ལྡན་སྐྱེ་བུས་མཇལ་སྐོར་གྱི་རྒྱུན་མི་འཆད་པར། ད་ལྟའི་རོང་བྲག་དང་། བཙན་ལྷ། དར་མདོ་སྟེ། རྫོང་གསུམ་ཁོངས་ཀྱི་མི་འདུ་བ་ཡོད། དེ་ཡང་སྔོན་མཆོད་རྟེན་ཞིག་གནས་དེར་ཡོད་པ། རྗེས་སུ་རབ་བྱུང་བཅུ་དྲུག་པའི་སྟོད་ཙམ་ནས་དགོན་པ་ཆུང་ངུ་ཡང་བཞེངས་ནས་དར་དཀར་རྩེའི་ཡན་ལག་ལྟ་བུར་གྱུར་མོད། བཞི་རྒོལ་ལ་འདི་དང་བཅས་པའི་དར་དཀར་རྩེ་ཕྱི་ནང་རྟེན་བཅས་མི་རྟག་རྒྱུ་མའི་དཔེ་མཚོན་དུ་གྲུབ། དེང་ས་ག་ཟླ་བའི་ཚེས་བཅུ་ལ་བྱམས་པ་རང་བྱོན་མཇལ་སྐོར་བྱེད་པ་མི་རྒྱ་ཚོ་དུ་མ་འདུ་བ་དང་། ནམ་རྒྱུན་ཡང་གནས་སྐོར་བ་མང་ངོ་།།

ས་མིང་ཚིག་མཛོད་མིག་བཤར།

དགོན་པ་འདིའི་ཐོག་མ་ནི་བྲག་ངན་གནས་འདི་ཡིན་ལ། སྔོན་སློབ་དཔོན་བཻ་རོ་ཙ་ན་ཉིད་ཀྱིས་སྒྲུབ་པ་མཛད་ཅིང་བྱིན་གྱིས་བརླབས། དེར་རིམ་བཞིན་གསང་སྔགས་སྔ་འགྱུར་གྱི་རིག་པ་འཛིན་པ་ཆེན་པོ་རྣམས་མཚམས་སྒྲུབ་མཛད་དེ། རི་ཁྲོད་བཏབ་པ་རྒྱས་རུ་ཕྱིན། གཙུག་ལག་ཁང་རྟེན་བཅས་བཞུགས་སུ་གསོལ་ནས་དགེ་འདུན་པའི་སྡེ་ཡང་ཚུགས། ཅི་ཞིག་ན་རིའི་སྟེང་ར་ས་བྱ་བར་ར་ས་བྱང་ཆུབ་གླིང་དུ་[page 467] གྲགས་པའི་དཔལ་ལྡན་ས་སྐྱའི་དགོན་པ་ཆེན་པོ་བྱུང་། བར་ལམ་སྙན་པ་འཕེལ་ཏེ་ཡུལ་སྡེ་མང་པོའི་བླ་སེར་འདིར་འདུས། བྲག་ངན་གྱི་བླ་མ་རྣམས་ཀྱང་གདན་དྲངས། འོན་ཏེ་འདིར་བླ་མ་ཚོ་མཁྱེན་རྟོགས་ཀྱིས་འཕགས་པས་བྲག་ངན་ལ་མ་དགོན་ཡང་བརྩི། རྗེས་སུ་ར་ས་ཉམས་ནས་སླར་རི་ཁྲོད་འཛིན་པས། གཡར་བླ་སེང་གེ་རིན་བྱ་བ་ཁྲི་ཐོག་ཏུ་སེང་གེར་སྤྲུལ་པ་མཛད་པ་སོགས། གསང་སྔགས་རྙིང་མའི་རིག་པ་འཛིན་པ་ཆེན་པོ་དེས་རབ་བྱུང་བཅོ་ལྔའི་མེ་ཡོས་ལོ་ཙམ་ལ་རྡོ་འགོ་དགོན་བཏབ་པ་ཡིན།།

རྡོ་འགོ་དགོན་ནི། རོང་བཞིའི་རོང་མཆོག་ཤར་རྒྱལ་མོ་རོང་གི་དབུས་ཕྱོགས། གནས་མཆོག་རྒྱལ་མོ་དམུ་རྡོའི་ལྷོ་ངོས་ཕུ་རོང་སྟེང་བྱ་བར་ཆགས་ལ། ཕྱོག་བཞི་བྲག་གི་རི་བོས་བརྗིད་ཆགས་པར་བསྐོར་བའི་ཁོར་ཡུག་ཤིང་ནགས་ཀྱི་ཚལ་དང་། གྲོང་སྡེ་ས་ཞིང་གིས་མཛེས་པར་བརྒྱན་པ་ན། སྔོན་གཙུག་ལག་ཁང་རྟེན་བཅས་ལ། འཆམ་ར་དང་ཡན་ལག་གྲྭ་ཤག་གིས་བསྐོར་ནས། དགེ་འདུན་པ་ལྔ་བཅུ་ཙམ་ལ་འཕེལ་བ་ཡང་བྱུང་། སྐབས་དེ་རྣམས་སུའང་རི་ཁྲོད་ན་བླ་མ་དྲགས་ཤོས་རེ་བཞུགས་ནས་གཙོ་བོར་འཛིན། བཀའ་བསྟན་སོགས་རྟེན་གསུམ་ཡང་བཟང་ཆེ། དེའི་ངང་བཅོས་བསྒྱུར་སྔོན་ཙམ་ནའང་བླ་སེར་བཅུ་སྐོར་བཞུགས།

སྔོན་མའི་དུས་མཆོད་རྣམས་ནི། བོད་ཟླ་དང་པོའི་ཚེས་གཅིག་ནས་ལོ་གསར་སྤྱོད་འཇུག་མཆོད་པ་འཚོགས། དུས་རྒྱུན་དུ་རྒྱལ་ཆེན་སྐུ་ལྔའི་བསྐང་གསོལ་དང་ཞལ་འདོན་བྱེད། ཟླ་བ་བཞི་པའི་ནང་ཆོས་ཐོག་འཚོགས། ཟླ་བ་ལྔ་པའི་ཉི་ཤུ་ལྔ་ལ་འདས་མཆོད་འཚོགས། ཟླ་བ་བརྒྱད་པ་ཆོས་ཐོག་འཚོགས། ཟླ་བ་དགུ་པར་བསྙུང་གནས། ལོ་མཇུག་གི་དགུ་གཏོར་ཆེན་མོའི་སྐབས་འཆར་རྒྱག་པ་དང་། མཇུག་ཏུ་སེར་སྐྱ་ཕོ་མོ་ཀུན་སྐོར་བྲོ་འཁྲབ་པ་སོགས་དགའ་སྟོན་རྒྱ་ཆེར་བྱེད། བཏང་སྒོ་དེ་དག་ཀྱང་ཕལ་ཆེར་སྔོན་བླ་རབས་རྣམས་སུ་ཡུལ་གྱི་དཔོན་པོས་བསྩལ་བའི་ཁྱིམ་དུད་དུ་མ་ཆོས་སྡེར་ཡོད་པས་ལོ་ལྟར་རང་གི་ཡོང་འབབ་ཡོ་པ་དང་། མངའ་འོག་སྡེ་འབངས་ཉིས་བརྒྱ་ལྷག་གིས་རང་མོས་སུ་སྦྱིན་བདག་བྱེད་པའོ།།

ས་མིང་ཚིག་མཛོད་མིག་བཤར།

གསང་སྔགས་བསྟན་རྒྱས་གླིང་ངམ་ས་བླ་དགོན་དུའང་གྲགས་པ་ནི། ཐོག་མ་གྲུབ་ཐོབ་བདེ་འབྱུང་བྱ་བས་ཕྱག་བཏབ་མཛད་པའི་གསང་སྔགས་སྔ་འགྱུར་བྱང་གཏེར་ལུགས་སུ་བྱེད་ཅིང་། དབུས་རྡོ་བྲག་དགོན་དུ་གྲྭ་སར་འགྲོ། བཞི་རྒོལ་བར་ཕྱི་ནང་རྟེན་གསུམ་རྣམས་ཆ་ལྡན་དང་། བླ་སེར་ཉི་ཤུ་ཡས་མས་ལ་འཚོགས་གཏོང་སྒོ་སོགས་ཀྱི་གཞིར་གྱུར་བའི་མཛོ་ས་བཅུ་གཅིག་གི་ས་ཞིང་། ལོ་ལྟར་འབྲུ་རིགས་རྒྱ་མ་ལྔ་སྟོང་ཙམ་གྱི་ཡོང་འབབ་ཡོད། བཞེངས་པའི་ཐོག་མ་རབ་བྱུང་བཅུ་གཅིག་པའི་ས་ལུག་ཡིན་པར་བཤད་སྲོལ་འདུག་ཀྱང་། གང་ལྟར་གྲུབ་ཐོབ་བདེ་འབྱུང་ནས། གྲུབ་ཐོབ་རྒྱ་མཚོ་དང་། གྲུབ་ཐོབ་བསྟན་འཛིན་[page 468] གྲགས་པ། གྲུབ་ཐོབ་དར་རྒྱས། གྲུབ་ཐོབ་བློ་བཟང་། གྲུབ་ཐོབ་ལེགས་སྦྱིན། གྲུབ་ཐོབ་རིན་ཆེན། རི་ཁྲོད་པ་འོག་མཁར་མཚམས་པ། བསྐོར་ཁྲི་མཚམས་པ། ཐུབ་བསྟན་ངེས་དོན། དགའ་སྔོན་མཚམས་པ། གར་ཅན་མཚམས་པ་བཅས་བླ་རབས་བཅུ་གཉིས་ཙམ་བརྒྱུད་འདུག་པ་ལྟར་ན། ལོ་ངོ་གསུམ་བརྒྱ་ཙམ་སོང་འདུག་སྙམ། དུས་ཕྱིས་ཀྱི་འཚོགས་ཆོས་ཐོག་རྣམས་ཀྱང་། ཟླ་བ་དང་པོར་སྨོན་ལམ་ཉིན་གསུམ། ཟླ་བ་གཉིས་པར་ཕུར་བའི་སྒྲུབ་པ་ཉིན་གསུམ། ཟླ་བ་བཞི་པར་བསྙུང་གནས་ཉིན་གསུམ། ཟླ་བ་དྲུག་པར་ཚེ་སྒྲུབ་ཉིན་གསུམ། ཟླ་བ་བདུན་པར་ཐུགས་སྒྲུབ་ཉིན་གསུམ། ཟླ་བ་བརྒྱད་པར་བསྙུང་གནས་ཉིན་གཉིས། ཟླ་བ་དགུ་པར་ལྷ་བབ་དུས་ཆེན་ཉིན་གཅིག ཟླ་བ་བཅུ་པར་ལྔ་མཆོད་ཉིན་གསུམ། ཟླ་བ་བཅུ་གཅིག་པར་ཕུར་པའི་སྒྲིབ་པ་དང་ཚེ་བདག་ཉིན་གསུམ། ཟླ་བ་བཅུ་གཉིས་པར་ཐུག་སྒྲུབ་བཅས་འཚོགས་སྲོལ་ཡོད་ལ། ད་ལྟ་སླར་མཉམ་ལས་ཀྱི་སྤྱི་ཁང་ལས་ཕྱིར་ཐོབ་པ་དང་། ཤིང་གླིང་ལོ་ནས་བཟུང་ཕྱི་ནང་གསོས་བཞེངས་གང་འཚམས་རེ་བགྱིས་ཏེ། བླ་སེར་བཅུ་ལྷག་གིས་འཚོགས་ཆོས་རྒྱུན་འཛུག་པར་བྱེད།།

ས་མིང་ཚིག་མཛོད་མིག་བཤར།

སློབ་དཔོན་བཻ་རོ་ཙ་ན་མཆོག་གིས་ཤར་རྒྱལ་མོ་རོང་དུ་འགྲོ་དོན་སྐྱོང་བའི་རྣམ་ཐར་ལ། འདིར་ཡང་སྟོང་དགུ་འབྲུ་སྨིན་ཕྱོགས་ཀྱི་གནས་འགོ་དང་སྤང་མིག ར་ཙོ་འདི་སྟེ། ཉིན་ལམ་གྱིས་ཆོད་ཙམ་གྱི་ས་གནས་མི་འདྲ་བ་གསུམ་ལ། ཉིན་གཅིག་གི་ནང་སོ་སོར་མཆོད་རྟེན་བརྒྱ་རྩ་བརྒྱད་རེ་བཞེངས་པར་གྲགས་པ་ཡིན་ལ། དེ་ལྟར་སློབ་དཔོན་ཉིད་ཀྱི་ཕྱག་བསྟར་མ་མཆོད་རྟེན་བརྒྱ་རྩ་བརྒྱད་གནས་འདིར་བཞུགས་པས། ཕྱོགས་མིན་གྱི་མི་རྣམས་མཇལ་འབུལ་དང་། ཕྱག་སྐོར་གྱི་རྒྱུན་མི་འཆད་པར་མི་རབས་ནས་མི་ཐོག་ཏུ་བརྒྱུད་ཅིང་། རིམ་བཞིན་ལོ་རྒྱུས་ཀྱི་འཕེལ་རིམ་དང་བསྟུན་ནས་ཡར་དར་བྱུང་། ཕལ་ཆེར་རབ་བྱུང་བཅུ་གསུམ་པའི་ནང་ཙམ་ནས། ཕྱི་མཆོད་རྟེན་གྱི་བཀོད་པའི་གཙུག་ལག་ཁང་ལ་ནང་དུ་རྟེན་གསུམ་ཆ་ལྡན་བཞུགས་སུ་གསོལ། གཞན་དུང་འཁོར་བཅས་ལ་བླ་སེར་བཅུ་སྐོར་གྱིས་ཞབས་ཏོག་འབུལ་བ། ས་མིང་ལས་དྲངས་ཏེ་ར་ཙོ་དགོན་དུ་གྲགས་པ་བྱུང་།། ཟླ་བ་གསུམ་པའི་ཚེས་བརྒྱད་ལ་དགོན་སྟོན་རབ་གནས་ཡིན་ཞིང་། བཻ་རོ་ཙ་ན་དངོས་སུ་བྱོན་པར་བཤད། སྟོད་སྨད་ཀྱི་ཚོ་ཤོག་རྣམས་འདུས་ནས། སྐོར་བྲོ་ལ་འཁྲབ་བསྡུར། རྒྱན་གོས་ལ་བཟང་བསྡུར་བྱེད་པ་སོགས་དགའ་སྟོན་རྒྱས་སྤྲོས་བཅས་ཡོད། དེ་མིན་བདུན་པའི་ཚེས་བཅུ་དང་། བརྒྱད་པའི་བཅོ་ལྔ་ལ་ཞི་ཁྲོའི་འཚོགས་པ་ཡང་ཡོད། དེ་ལྟར་གནས་ཁྱད་པར་ཅན་གྱི་གྲགས་པས་དད་དམངས་ཀྱི་འདུ་བ་རྒྱ་ཆེ་ཞིང་། ཟང་ཟིང་གི་མཆོད་འབུལ་དང་། སྐྱབས་བཅོལ་ཡོན་འབུལ་ཐོབ་པས་རྟེན་བཞག་དང་མཆོད་མེ། འཚོགས་པ་བྱེད་པའི་གཞི་འཛིན་པ་ཡིན་ཡང་། ངོ་རྒོལ་བཞི་པའི་འགུལ་བསྐྱོད་ལ་དེ་དག་ཀུན་ཡེ་མེད་རྩ་གཏོར་དུ་བཏང་ནས། མི་ལོ་སྟོང་དུ་བཏོད་པའི་[page 469] ལག་རྗེས་དུས་ཡུན་སྐད་ཅིག་ཙམ་ལ་བརླག་པར་གྱུར། སླར་ཡང་གཙུག་ལག་ཁང་སྔར་ལུག་སུ་བཞེངས་ནས་རྟེན་བཞུགས་བཅས། བན་བོན་གྱི་བླ་སེར་ལྔ་ཙམ་ཡང་ཡོད་དེ། སློབ་དཔོན་བཻ་རོའི་མཆོད་རྟེན་ཕྱག་བསྟར་མ་དེ་ཚོ་ནི་སྟོང་བའི་འོད་སྐུར་མཇལ་བའི་སྐབས་ལ་བབ་པའོ།།

ས་མིང་ཚིག་མཛོད་མིག་བཤར།

དེའུ་འབྲུར་དགོན་ནི་རྟ་དམག་རིའི་རྟ་དམག་གྲོང་ན་ཡོད་ཅིང་། སྔོན་སློབ་དཔོན་བཻ་རོ་ཙ་ནས་གནས་འདིར་དགོན་པ་ཞིག་བཞེངས་བར་བཤད་ལ། གང་ལྟར་སྔ་མོ་ཞིག་ནས་སྔ་འགྱུར་རྙིང་མའི་ལྟ་སྒོམ་སྤྱོད་པའི་རིང་ལུགས་ལ་གནས་ཤིང་། ད་ལྟའི་བར་བརྒྱུད་པ་མ་ཉམས་པའི་ཁྱིམ་པ་སྔགས་རིགས་རྣམས་དེ་ཀར་ལུས། ཅི་ཞིག་ན་རི་ཞོལ་གྱི་མུ་ལྡན་བྱ་བར་ཡང་རྙིང་མའི་དགོན་ཆུང་ཞིག་བྱུང་ནས། གཉིས་ཀའང་རྟ་དམག་ཚོ་པའི་ཆོས་ཀྱི་བྱེད་སྒོ་སྤེལ་ཡུལ་དུ་གྱུར་པ་མ་ཟད་ཚོ་སྤྱིའི་རྟེན་འབྲེལ་གྱི་མཛད་སྒོ་གཞན་ཡང་ཡོད། རབ་བྱུང་བཅུ་གསུམ་པའི་སྐོར་ནས་ཕྱོགས་འདིར་དཔལ་ལྡན་ས་སྐྱའི་བསྟན་པ་དར་བས། དགོན་པ་འདི་ཡང་ར་ས་བྱང་ཆུབ་གླིང་གི་དགོན་ལག་ཆོས་ཀ་ས་སྐྱ་བྱེད་པ་བྱུང་། ཚེ་པ་གཅིག་ལ་དགོན་པ་གཉིས་ཞབས་ཏོག་དཀའ་བས། རབ་བྱུང་བཅོ་ལྔའི་ནང་ཙམ་ན་དེའུ་འབུར་གཅིག་པུ་གཙོ་བོར་བྱས་ནས་རིམ་བཞིན་རྒྱ་སྐྱེད་ཀྱང་ཞུས། བཞི་རྒོལ་བར་རྟེན་བཅས་ཆ་ལྡན་བཞུགས་ནས། མང་དུས་བླ་སེར་ཉི་ཤུ་ལོངས་པ་དང་། བཅོས་བསྒྱུར་སྐོར་ཡང་བཅུ་ཙམ་ལ་གནས། གྲྭ་ས་གཙང་རོར་དགོན་ལ་འགྲོ། མི་རྗེས་དགོན་དང་ར་ཙོ་དགོན། ཀུན་འགྲོ་དགོན་རྣམས་ལ་མདའ་འབྲེལ་བཟང་ཞིང་། ཕན་ཚུན་འཚོགས་ཞུག་འདྲ་བྱེད་པར། ཟླ་བ་གསུམ་པའི་ཚེས་བདུན་ནས་ཉིན་གསུམ་འདིར་དགོན་སྟོན་རབ་གནས་ཡིན་པས། འཚོགས་འབག་འཆམ་དང་དགའ་སྟོན་རྒྱས་པ་ཡོད། བརྒྱད་པའི་བཅུ་གསུམ་ནས་ཉིན་གསུམ་བསྙུང་གནས་འཚོགས་པ་སོགས་ཆོས་ཐོག་རྣམས་ཀྱང་། ཚོ་པ་སྤྱིས་གཉེར་བ་དང་། དགོན་པར་ཡོན་ཁའི་ཡོང་འབབ་སོགས་ལས་འཚོགས། ད་ལྟ་ནི་གཙུག་ལག་ཁང་ཕྱི་ཁོག་ལུས་ཙམ་བྱུང་བ་དེ། ཤིང་ཤུག་པའི་ནགས་ཀླུང་གིས་མཛེས་པར་འཁྱུད་པའི་དབུས་ན། ཞབས་ཏོག་ཞན་པའི་བགྲེས་པོའི་ཉམས་ཅན་དུ་ལུས་ཏེ། སྔོན་མའི་ལྡེབས་རིས་ངོ་མཚར་བ་རྣམས་གསལ་ལ་མི་གསལ་བའི་ངང་། སྔགས་རིགས་ཁྱིམ་པར་བཞུགས་པ་ཚོས་སླར་ཡང་བདག་པོ་བྱེད་དོ།།

ས་མིང་ཚིག་མཛོད་མིག་བཤར།

འདི་ཡང་སློབ་དཔོན་བཻ་རོས་བྱིན་གྱིས་བརླབས་པའི་གནས་ཁྱད་པར་ཅན་ཡིན་ཞིང་། རི་དེའུའི་རྩེ་ན་སློབ་དཔོན་གྱིས་ཇ་བསྐོལ་བའི་ཐབ་རྡོ་ཡིན་ཟེར་བའི་རྡོ་ཕ་བོང་སུམ་ཚུགས་སུ་ཡོད་ཅིང་། སྒྲུབ་ཕུག་[page 470] ཀྱང་ཡོད། རྗེས་སུ་འཁོར་གླིང་ན་བཞུགས་པའི་དུང་འཁོར་ཆུས་འཇིག་པ་གནས་འདིར་སྤོས། མཆོད་རྟེན་བཞེངས་པས། སྤོས་རྩེ་ཞེས་སྤོས་ནས་ཐོན་པའི་མཆོད་རྟེན་གྱི་དོན་ལ་ཟེར་བ་རྗེས་སུ་ས་མིང་ཡང་དེ་ལྟར་ཆགས། དུས་རབས་ནས་དུས་རབས་མང་པོ་ཞིག་དད་ལྡན་ཕོ་མོའི་མཇའ་སྐོར་གྱི་རྒྱུན་མི་འཆད་པར། རིམ་བཞིན་སྐྱེ་ཆེན་དམ་པ་མང་པོའི་ཐུགས་ཡིད་ཆགས་པར་བྱས་ཏེ། རབ་བྱུང་བཅུ་དྲུག་པའི་སྟོད་ཙམ་ན་རྒྱ་བླ་མ་ཞེ་ཡོང་ཧ་བྱ་བས་ཐུགས་གཙོ་བཞེས་པའི་འོག མི་སེར་གྱིས་མཐུ་རྐྱེན་སྦྱར་ཏེ་དགོན་པ་འདི་བཞེངས། གསང་སྔགས་སྔ་འགྱུར་ལུགས་སུ་ལྟ་སྒོམ་ཉམས་ལེན་བྱེད་པའི་རྒྱ་བོད་བླ་སེར་དུ་མ་བཞུགས་པ་བཞི་རྒོལ་སྐབས་གཏོར་ཡང་། ཡུན་མི་རིང་བར་དད་དམངས་སྐུ་འཇམ་ཀྱིས་ཆོས་ཕྱོགས་ཀྱི་འགུལ་བསྐྱོད་སྤེལ། རྒྱ་བླ་མ་ཡང་ཙོ་ཏའོ་བྱ་བས་བུ་སློབ་མཁྱེན་ཡོན་ཅན་དུ་མའང་བསྐྱངས་ནས། ད་ལྟ་ནི་རྒྱ་བོད་ཀྱི་བླ་སེར་བརྒྱད་ཙམ་གྱིས་དགོན་དང་སྒྲུབ་ཕུབ་གསོས་ནས་མཚམས་བསྙེན་ལ་བཞུགས་པས། དད་དམངས་ཀྱི་མཇལ་སྐོར་ཞུ་བ་ཡང་མང་ངོ་།།

ས་མིང་ཚིག་མཛོད་མིག་བཤར།

སྔོན་ས་འདི་སྐོར་གཅིག་ན་དགོན་པ་ནི་མེད་པར། འཁོར་འཁོར་གླིང་ན་དུང་འཁོར་ཞིག་བཞུགས་པས་འཁོར་གླིང་ས་མིང་ཡང་དེ་ནས་ཐོག དེར་དུང་འཁོར་གྱི་ཞབས་ཏོག་ཞུ་བའི་བླ་མ་མི་ཚང་གཅིག་བཅས་ཡོད་པར། དུང་འཁོར་སྲུང་སྐྱོབ་བྱེད་པའི་བླ་མ་ཡིན་པས། སྲུང་སྐྱོབ་བླ་མར་འབོད་པའི་བླ་རབས་ཀྱང་དུ་མ་བརྒྱུད། རྗེས་སུ་འཁོར་གླིང་ན་ཆུས་འཇིག་པས་ཡར་སྤོས་རྩེ་བྱ་བར་བསྐྱལ་ཏེ་མཆོད་རྟེན་ཞིག་བཞེངས་བར་མཛད་ཀྱང་། སྲུང་སྐྱོབ་བླ་རྒྱུད་ཀྱི་ཞིང་ཞུང་བླ་མ་བྱ་བས་དགོན་པ་ཞིག་འདེབས་པའི་ཐུགས་དགོངས་བཞེས་ཏེ། དམུ་རྡོ་ནས་ལྷ་སར་ཐེངས་གཉིས་ཕྱག་སྐོར་ཞུས། སླར་སྤོས་རྩེ་ནས་འཕོས་པ་ཀུན་འགྲོ་དགོན་འདི་བཞེངས། ད་ལྟའི་ལ་རྒྱབ་དང་གོ་ཙོང་ཚོ་པ་གཉིས་སྤྱིའི་ཐུན་མོང་ཡིན་ཞིང་། དུས་ནི་ཕལ་ཆེར་རབ་བྱུང་བཅུ་བཞི་པའི་དཀྱིལ་ཙམ་ཡིན། གསང་སྔགས་སྔ་འགྱུར་གྱི་བསྟན་པའི་གཞི་རུ་གནས་པའི་བླ་སེར་བཅུ་སྐོར་དང་། རྟོགས་པ་ཟབ་བཞེས་ཀྱི་སྲུང་སྐྱོབས་བླ་མ་བརྒྱུད་པས་བདག་སྐྱོང་མཛད། རིམ་བཞིན་དུང་འཁོར་དང་བཅས་པའི་ཕྱི་ནང་ཆ་འཛོམ་བཞུགས་ནས། ཡོན་འབབ་བྱུང་བ་སོགས་ཀྱིས་ཟླ་བ་གསུམ་པའི་ཚེས་དགུ་ལ་རབ་གནས་ཆེན་མོ་འཚོགས་པ་སོགས་བསྟན་འགྲོའི་སྐུ་རིམ་ལ་འབད་པ་ཡོད་དེ། བཞི་རྒོལ་ལ་མེར་བཏང་ཐོག་གསོ་བའི་མཐུན་རྐྱེན་མ་འགྲིགང་།།

ས་མིང་ཚིག་མཛོད་མིག་བཤར།

སྤྱིར་སྔ་མའི་དགོན་ཁག་རྣམས་སྒྲུབ་པ་གཙོ་བོར་བྱེད་པས། དབེན་ཁྲོད་ས་འགོལ་པོ་ན་ཡོད་པ་མང་[page 471] ཆེ་ལ། འདིར་ཡང་གནའ་སྔ་མོ་ཞིག་ནས་སྟོང་དགུ་ཁ་ལུང་བྱ་བ། དེང་གི་གནས་འདི་ནས་ཉིན་ཕྱེད་ལྷག་གི་ལམ་གྱི་རི་སུལ་ཞིག་ན་ཡོད་པ། སྤྲུལ་སྐུ་དཔལ་ལྡན་འཇིགས་མེད་བྱ་བས་ཐོག་མར་བཏབ། སླད་ཀྱི་བླ་རབས་ལྔ་ཙམ་ན། སྤྲུལ་སྐུ་སྨོན་ལམ་རྒྱལ་མཚན་བྱ་བས་མཐོ་ལམ་དུ་སྤོས་ནས་བཞེངས། དེ་ནས་ཀྱང་ཡུན་རིང་ཙམ་ནས་བླ་མ་ས་མཁར་གྲགས་པ་བྱ་བ། མགར་ཐར་བ་སྨད་ནས་བྱོན་ཏེ་རི་ཁྲོད་སྒང་ལ་བཏབ། སླར་ཡང་བླ་མ་དམ་མུ་འཛི་རྒྱལ་མཚན་བྱ་བས་ཕུག་ལེགས་སུ་སྤོས། དེ་དག་ཀུན་གསང་སྔགས་སྔ་འགྱུར་ལུགས་ཁོ་ནར་བརྒྱུད་ཅིང་། རིམ་བཞིན་མར་རྒྱ་ཤོད་གྲོང་སྡེ་དང་ཉེ་བར་བཅར་བས། སྐབས་དེ་ཙམ་ནི་ཆུ་ཆེན་དམག་འཁྲུག་གི་ཡོ་ལང་དང་ཐུག་ཅིང་། དགོན་པ་རྒྱ་དམག་གིས་བླང་ནས་བཙན་རྫོང་བྱས་པ་རབ་བརྟན་དམག་གིས་ལྷན་དུ་མེ་ལ་བསྲེག།

དེ་ནས་བཟུང་སྟོང་དགུ་སྤྱི་ལ་དབང་བའི་དགོན་པ་བཞེངས་རྒྱུས་མ་འགྲིག་ནས། གྲོང་ཚོ་སོ་སོར་ལྷ་ཁང་ཆུང་ངུ་རེ་བཞེངས་པའི་མགོ་བརྩམས་ཏེ། མོ་ཏི་ལྷ་ཁང་དང་། དེའུ་དེའུ་དབུ་ལྷ་ཁང་། ཐོག་ཐོག་ལྷ་ཁང་། སྒོ་བླ་སྒྲོལ་མ་ལྷ་ཁང་བཅས་བཞིར་འཕྲོས། ཕལ་ཆེར་སོ་སོར་བཟུང་ནས་མི་ལོ་བརྒྱ་ཡས་མས་ཀྱི་རབ་བྱུང་བཅོ་ལྔའི་ཆུ་ལུག་ལོ་ལ་ཐུབ་བསྟན་ཕན་བདེ་གླིང་དགོན་པ་གསར་དུ་བཏབ། སླར་ཡང་སྟོང་དགུ་སྤྱིའི་དགོན་དུ་གྱུར་ཏེ། གཞན་བཞི་ཀ་དགོན་ལག་ཏུ་གྲུབ་ཅིང་། འཚོགས་པ་རྣམས་སུ་འཚོགས་ཞུགས་བྱེད་པ་དང་། བླ་སེར་ཕར་ཆེར་འདི་ལ་བཞུགས་གནས་མཛད་པས། གཞན་དགོན་ཆུང་རྣམས་ཚོ་པ་སོ་སོས་བསྙུང་གནས་སྲུང་བ་དང་། དགོན་སྟོན་རབ་གནས་ལ་ཕན་བདེ་དགོན་གྱི་གྲྭ་ཚང་གདན་འདྲེན་ཞུ། མདོར་ན་འདིར་ཡང་རྟེན་གསུམ་དང་མཆོད་དངོས་རྩ་ཆེ་བ་མང་ཞིང་ཆ་ལྡན་བཞི་རྒོལ་བར་བཞུགས་པ་དང་། དགེ་འདུན་པ་བཞི་བཅུ་སྐོར་གྱིས་ལོ་ལྟར་ཆོས་ཐོག་ཆེན་པོ་ལྔ་སོགས་བསྟན་འགྲོའི་སྐུ་རིམ་མཛད་དེ། དད་དམངས་ཀྱི་མཆོད་འབུལ་ཆུད་ཟོས་སུ་མི་འགྲོ་བར་འབད། དགོན་པར་ས་ཞིང་ཡང་ཡོད་པར་འདུག་སྟེ། བླ་སེར་མང་ཆེའི་འཚོ་བ་རང་ཁྱིམ་ལ་བརྟེན་པ་དང་། གཞན་དུ་གཏོ་སྐུ་རིམ་འདྲ་བྱོན་ནས་སྒེར་གྱི་ཡོང་འབབ་སྒྲུབ་པ་ཡིན། དེང་བསྟན་པ་བསྐྱར་དར་གྱི་སྐབས་འདིར་ཡང་། བླ་སེར་བཅུ་ལྷག་དང་དད་དམངས་ཀྱི་འབད་པས་དགོན་པར་ཉམས་གསོ་དང་རྟེན་བཞུགས་ཞུས་ནས་ལོ་བཅུ་ཙམ་གྱི་རིང་ནི་སླར་ཡང་སོས་ཀྱི་སྐབས་སོ།། །།

ས་མིང་ཚིག་མཛོད་མིག་བཤར།

ངེས་དོན་སྒྲུབ་སྡེ་གླིང་ངམ་ས་མིང་ལྟར་འོ་དྷི་དགོན་ཞེས་ཡོངས་གྲགས་ལྟར་འབོད་པ་ཡིན། ཕལ་ཆེར་རབ་བྱུང་བཅོ་ལྔའི་སྟོད་ཙམ་ནས་སྒོ་ཁྱོ་བླ་མ་ཆུ་འབྱུག་བྱ་བས་ཕྱག་བཏབ་མཛད། དགོན་གནས་ཐོག་མར་དགའ་བ་ལྗོངས་བྱ་བར་ཡོད། མ་ཧཱ་སྐྱིད་ལུང་དགོན་པའི་དགོན་ལག་སྔ་འགྱུར་རྙིང་མའི་ཀློང་ཆེན་[page 472] སྙིང་ཐིག་གི་ཆོས་རྒྱུད་འཛིན། སྒོ་ཁྱོ་བླ་མ་དེ་དགེ་རྒྱལ་དབུ་བླ་ཡང་མཛད་ལ། མཆོད་རྟེན་བ་མིག་མཚོ་ཁར་ཆར་སློང་ཚེ་མཚོ་གླང་བཏུལ་ནས་ཕྱིས་རྟེན་སྒམ་ན་མཚོ་གླིང་རྭ་མཇལ་རྒྱུ་ཡོད་པ་སོགས་སྔགས་ནུས་བཟང་བར་གྲགས། སྒོ་ཁྱོ་བླ་མས་དགའ་བ་ལྗོངས་སུ་དགོན་པ་བཏབ་པའི་རྗེས་ཙམ་ན། སྒོ་འཛི་གཏེར་སྟོན་གསང་སྔགས་གླིང་པ་ཡང་གནས་བྱོན་ནས་དགོན་པ་ཆུང་ངུ་ཞིག་བཏབ་ཏེ། ཐུགས་རྗེ་ཆེན་པོ་སྡུག་བསྔལ་རང་གྲོལ་གྱི་བུམ་སྒྲུབ་ཅིག་ཚུགས་ན་བཟང་ཚུལ་ལུང་བསྟན་ཡང་། སྒོ་གཏེར་ཁྲོ་སྐྱབས་ལ་བགྲོས་ཏེ། ལི་གཙང་ཕྱོགས་སུ་ཕེབས་དགོས་བྱུང་ཞིང་དགོན་སྟོང་ལ་ལུས་དང་། ས་དེར་ལམ་འགག་དང་སྡེ་མཚམས་སུ་སོང་གཤིས་ཅག་ཆོམ་གྱི་འཇིགས་པས་རྐྱེན་བྱས། རབ་བྱུང་བཅོ་ལྔའི་ལྕགས་གླིང་ལོ་མར་འོ་དྷི་འདིར་སྤོས་པ་ཡིན།

འོ་དྷི་ནི་དྲོ་གྲང་ཆ་སྙོམས་ལ་ཡུལ་འབྲོག་ཁ་འཛོམ་ཞིང་། སྤང་ནགས་འདྲེས་མའི་རི་ལྗོངས་ཡིད་དུ་འོང་བ་ཡོད། སྔོན་སློབ་དཔོན་བེེ་རོ་ཙ་ནས་ལུང་པ་འདིར་སྲོན་མོ་དམ་འོག་ཏུ་མཛད་པའི་གྲུབ་རྟགས་ངོ་མཚན་ཅན་ད་ལྟའི་བར་མཇལ་རྟོགས་ཐུབ་པ་ཡང་། མགོ་མ་ས་ཆ་འདི་ནས་སྲིན་མོ་བདས་པས་དབུ་བདས་ཞེས་ས་མིང་ཆགས་པའི་བཤད་སྲོལ་ཡོད། སྒོ་ཁྱོ་བའི་འཕྲོ་ནས་སྨར་ཤོད་པ་དམ་ཆོས་སམ། དཀོན་མཆོག་ཚུལ་ཁྲིམས་ཞེས་རྫོགས་ཆེན་དུ་མཁན་པོར་ཐོག་པ། སྒོ་ཁྱོབའི་སྐྱེས་མཐར་ཡང་ཞུ་བས་གདན་སར་མཛད། དེ་སྐོར་དུ་བླ་སེར་ཉི་ཤུ་ཟིན་པ་དང་། རྟེན་བཅས་ཆ་ལྡན་བཞུགས་པ། རབ་བྱུང་བཅོ་ལྔའི་མེ་འབྲུག་ལོ་རྒྱ་ཉེར་བཞིའི་དམག་དཔུང་གིས་བཅོམ། བླ་སེར་རྣམས་ཡུལ་འབུད་བྱས་ནས། ལོ་དྲུག་བདུན་ཙམ་ལ་མུར་ཧ་དང་། བཙུན་ལྷ། རྒྱལ་འཕགས་སོགས་སུ་ཡུལ་གྱར། རྗེས་སུ་སླར་གསོས་ཀྱང་བླ་སེར་བཅུ་བཅོ་ལྔ་ལས་བརྒལ་བ་མེད་དོ། དེ་ལྟར་སྔོན་ཞིག་ནས་ཟླ་བ་བཞི་པར་བསྙུང་གནས་དང་། བརྒྱད་པའི་ཚེས་བཅུ། བརྒྱད་པ་དེའི་བཅུ་བཞི་ནས་བཅུ་དྲུག་བར་མ་ཎི་བུམ་སྒྲུབ། ཟླ་བ་བཅུ་གཉིས་པར་དགུ་ཆེན་བཅས་དུས་མཆོད་བཞི་ཙམ་གྱི་རྒྱུན་སྐྱོང་། དུས་ཕྱིས་ཀྱང་མ་དགོན་དུ་བླ་མ་དཔལ་འབྱོར་སོགས་ཀྱིས་བསྩལ་བའི། ཐུབ་པའི་གསེར་ཐང་མདོ་མཁྱེན་བརྩེའི་ཕྱག་ནས་མ་རྩེགས་འབྱམས་ཅན་སོགས་ནང་རྟེན་ཡང་སླར་བཞུགས་སུ་གསོལ། དགོན་པ་དང་ནང་རྟེན་བཞེངས་པ་ལ་བླ་སེར་ཚོས་མགོ་བསྡུ་ཞིང་ཆོས་ཐེབས་སློང་བ་དང་། མི་སེར་ཡང་རང་མོས་གང་ལྩོགས་སུ་འབྲེལ་འཇོག་བྱེད་ལ། བླ་སེར་རྣམས་འཚོགས་པ་ནམ་ཡོད་ལས། རྒྱུན་གྱི་འཚོ་བ་སོ་སོས་རང་ཁྱིམ་ལ་སྐྱེལ། བཞི་རྒོལ་སྐབས་དགོན་ནང་ཐམས་ཅད་བརླག་གཙུག་ལག་ཁང་ཐོག་ཕབ་སྟེ་ལོ་སུམ་ཅུ་ཉེ་བ་ཞིག་ལ་ར་ཁང་སོགས་བྱས། ཆུ་ཁྱི་ལོ་ནས་ལོ་བཅུ་གསུམ་ཙམ་གྱི་རིང་བསྐྱར་གསོའི་ཞབས་ཏོག་ལ་ཞུགས་ནས། བླ་སེར་བཅུ་ཙམ་གྱིས་ཚེས་བཅུ་བུམ་སྒྲུབ། དགུ་ཆེན་ཏེ་དུས་ཆེན་གསུམ་གྱི་འཚོགས་པའི་རྒྱུན་བཙུགས། ནང་རྟེན་རྣམས་ཀྱང་ཆ་ཙམ་གྲུབ་པར་བགྱིས་སོ།།

ས་མིང་ཚིག་མཛོད་མིག་བཤར།

[page 473] དགོན་འདི་ཉིད་བཞུགས་པའི་གནས་ནི། སྔོན་རྒྱལ་རོང་རྒྱལ་ཁག་བཅོ་བརྒྱད་དུ་གྲགས་པའི་ནང་ཚན། རྒྱལ་རོང་དགེ་བཤེས་རྒྱལ་པོ་ཞེས་བྱ་བའི་མངའ་ཁོངས་སུ་གཏོགས་ཤིང་། དེང་གི་སྐབས་རོང་བྲག་རྫོང་དགེ་བཤེས་དེམ་པ་རུ་ཅེས་བྱ་སྟེ། གནས་དེ་ནི་དྲོ་གྲང་སྙོམས་ཤིང་རོང་འབྲོག་གཉིས་ཀའི་ཟས་རིགས་ཕུན་སུམ་ཚོགས་པ་དང་། ཁམས་བླ་བསྟན་འཛིན་གྲགས་པ་དང་། ཧོར་བླ་ཀུན་བཟང་གཞན་ཕན་ཨ་བུ་མཆོག་སྤྲུལ་སོགས་མཁས་གྲུབ་ཀྱི་སྐྱེས་ཆེན་ཡང་དུ་མ་འཁྲུགས་ཤིང་། བཀྲ་ཤིས་པ་རྟགས་མཚན་དུ་མ་ལྡན་པ་སོགས་ཡུལ་གྱི་དགེ་མཚན་མཐའ་དག་གིས་མངོན་པར་བརྗིད་པའི་གནས་མཆོག་དམ་པ་དེར་བཞུགས་ཤིང་། སྔོན་ཆད་ཡུལ་དེར་སྐྱབས་རྗེ་ཡེ་ཤེས་རྡོ་རྗེ་ཡེ་ཤེས་རྡོ་རྗེ་ཁོང་གི་རྩྭར་ཆེན་པོ་ཞིག་ཡོད་ཅིང་། རྩྭ་ར་དེའི་ནང་དུ་སྐྱབས་རྗེའི་བཞུགས་ཁྲི་རང་བྱོན་ཞིག་ཀྱང་འདུག་སྐབས་ཤིག་སྐྱབས་རྗེས་ལྕག་ཚན་རྩྭ་ར་དེའི་ནང་དུ་ལུས་སོང་བས་རྩེ་མོ་གར་བསྟན་ཡོད་པ་དེར་དགོན་པ་ཞིག་བཞེངས་པའི་རྟེན་འབྲེལ་བསྒྲིགས་ནས། རབ་བྱུང་བཅུ་བཞི་པའི་དཀྱིལ་ཙམ་དུ་སྐྱབས་རྗེས་ཡུལ་དེར་དགོན་པ་ཞིག་བཏབ་ནས་མཚན་འོད་གསལ་བཤད་སྒྲུབ་གླིང་དུ་གསོལ་ལོ། སྐྱབས་རྗེ་ཡེ་ཤེས་རྡོ་རྗེའི་རྣམ་ཐར་ནི་རང་དགོན་གྱི་མ་དགོན་མ་ཧྰ་སྐྱེད་ལུང་དགོན་པའི་ལོ་རྒྱུས་སྐབས་གསལ་བས་འདིར་བཀོད་མེད་དོ། སྐྱབས་རྗེས་དགོན་པ་འདི་ཉིད་བཞེངས་གྲུབ་རྗེས་ཁོང་གི་དངོས་སློབ་དམ་པ། ཨ་མདོ་མགོ་ལོག་གི་ཕྱོགས་སུ་སྐུ་འཁྲུངས་པའི་མགོ་ལོག་སྟོབས་ལྡན་བྱ་བ་དེ་དགོན་དཔོན་དུ་བསྐོ་བཞག་གནང་བས། ཁོང་སྐུ་མ་གཤེགས་ཀྱི་བར་དུ་དགོན་དེར་བཞུགས་ནས་འགྲོ་དོན་བསྐྱངས། སྐྱབས་རྗེའི་དངོས་སློབ་མདོ་དྲེ་མེད་གྲགས་པ་གནས་དེར་ཡུན་རིང་དུ་བཞུགས་ཤིང་དགོན་དེའི་ཉེ་འདབས་སུ་མཚམས་ཁང་ཞིག་ཀྱང་བཏབ་ནས་དེར་གཟིགས་སྐྱོང་གནང་། བླ་མ་མཆོད་པའི་ཆོ་ག་ཀུན་མཆོད་པའི་སྤྲིན་གྱི་ཁང་བཟང་ཞེས་བྱ་བ་ལྡེབ་འབྲེང་བྱས་པའི་ལྡེབ་གྲངས་བརྒྱ་ལྷག་ཡོད་པའི་གསུང་པོད་ཅིག་འདུག་པའང་ཕལ་ཆེར་དགོན་དེར་ཡུན་རིང་བཞུགས་ཤིང་ཡུལ་དེའི་གཞི་བདག་སོགས་སྡེ་བརྒྱད་དྲག་རྩལ་ཅན་རྣམས་ལ་དགོན་དེ་གཉེར་དུ་གཏད་དེ་བསང་གསོལ་གྱི་བཀའ་གསུང་ཡང་དུ་མ་རྩོམ་པར་མཛད། གཞན་ཡང་དེའི་སྐལ་ལྡན་མང་པོ་རྗེས་སུ་བཟུང་བའི་དངོས་སློབ། ཀློང་ཆེན་རོལ་བ་རྩལ་གྱི་ཡང་སྲིད་དུ་གྲགས་ཅིང་དེམ་ཡུལ་དུ་སྐུ་འཁྲུངས་པའི་མཆོག་སྤྲུལ་ཨ་བུ་ཚང་ཡང་གནས་དེར་ཡུན་རིང་དུ་བཞུགས་ཤིང་ལྗགས་རྩོམ་གནང་བའི་གསུང་ཆོས་སྐོར་ཡང་ཁ་ཤས་འདུག་སྐྱབས་རྗེས་དགོན་དེ་བཞེངས་གྲུབ་རྗེས་ཁོང་ནི་སྐབས་སུ་དགོན་དེར་གཟིགས་སྐོར་ཙམ་རེར་བྱོན་པ་ལས་ཡུན་རིང་དུ་མ་བཞུགས་མོད། འོན་ཀྱང་ཁོང་གི་ཐུགས་བསྐྱེད་སྨོན་ལམ་གྱི་མཐུ་དང་། ཁོང་གི་དངོས་[page 474] སློབ་དུ་མ་དང་། ཁྱད་པར་མདོ་སྒར་གྱི་སྤུལ་སྐུ་རྣམ་གསུམ་གོང་དུ་བཤད་པ་བཞིན་དགོན་རིང་བཞུགས་ཤིང་། དགོན་དེར་བཤད་སྒྲུབ་ཀྱི་བསྟན་པ་སྤེལ་པར་མཛད་པ་སོགས་ཀྱི་སྟོབས་ཀྱིས་དགོན་དེ་དར་ཞིང་རྒྱས་པར་གྲུར་ཏོ།།

སྔོན་ལས་ཀྱི་དབང་དང་། འདུས་བྱས་ཀྱི་ཆོས་ཉིད་བཅས་ཀྱིས། བོད་རབ་བྱུང་བཅོ་ལྔ་པའི་སྨད་ཙམ་ན་ཡུལ་རིང་དེར་འཁྲུགས་ཟིང་དྲག་པོ་བྱུང་ངོ་།། རབ་བྱུང་བཅོ་ལྔ་པའི་མཇུག་ཙམ་དང་། རབ་བྱུང་བཅུ་དྲུག་པའི་མགོ་ཙམ་དུ་ཨ་བུ་མཆོག་སྤྲུལ་རི་ག་འཛིན་ངེས་དོན་རྒྱ་མཚོ་དང་། མགོ་ལག་པ་སྟོབས་ལྡན་རྡོ་རྗེའི་ཡང་སྲིད་བླ་མ་ཀུན་མཁྱེན་ཚང་རྣམ་པ་གཉིས་ཀྱིས་དབུ་མཛད་དེ། གཙུག་ལག་ཁང་དེ་སྔོན་ལས་ལྷག་པ་ཞིག་གསར་བསྐྲུན་བྱས་ནས་བཤད་སྒྲུབ་ཀྱི་བསྟན་པ་སྔོན་ལྟར་རྒྱས་པར་མཛད་དེ། སྐབས་དེ་དུས་ཞིག་ནས་ཉེ་གནས་འབྲོག་སྡེ་ལྗེབ་ཉ་བ་ཡང་འདིར་འཚོགས་པར་བྱེད་དོ།།

ཆོས་ལུགས་ནི། སྔོན་ནས་བཟུང་སྔ་འགྱུར་རོ། དུས་མཆོད་ནི། བླ་མ་མཆོད་པ་ཉིན་བཅོ་ལྔ། རྒྱུད་ཕུར་གྱི་སྒྲུབ་པ་ཉིན་གསུམ། དགུ་ཆེན་གཉིན་བཅོ་(བཀའ་བརྒྱད་དཔའ་ཆེན་)མདོ་དྲེ་མེད་གྲགས་པའི་འདས་མཆོད་(མཁའ་འགྲོ་བདེ་ཆེན་རྒྱལ་མོ་)ཉིན་གཉིས། བསྙེན་གནས་ཉིན་གཉིས་བཅས་སྔོན་ནས་ཡོད་པ་དང་། དེང་སྐབས་གསར་དུ་བསྣན་པ། མཎྡལ་བཞི་པའི་ཆོ་ག་ཉིན་གཅིག་གེ་སར་སྒྲུབ་པ་ཉིན་བཞི་བཅས་སོ།། གར་འཆམ་ནི། བླ་མ་མཆོད་པའི་སྐབས་སུ། གསེར་སྐྱེམས་དང་། གིང་ཀུན་ཐུབ། ནང་འཆམ་རྩེ་གསུམ། མཆོད་པའི་ལྷ་མོ་བཅུ་དྲུག་བཅས་དང་། དགུ་ཆེན་སྐབས་སུ། གསེར་སྐྱེམས་དང་། གིན་ཀུན་ཐུབ་དང་། བྱ་རོག་དང་འུག་པ་དང་། སྒྲོལ་གིང་དང་། ཤྭ་བ་དང་། ཟོར་འཆམ་བཅས་སོ།།

སྐུ་གསུང་ཐུགས་རྟེན་ནི། སྔོན་ཆད་སྐུ་རྟེན་གསེར་སྐུ་ལི་མ་གྲུ་གང་བ་དྲུག་དང་། སྨན་འདམ་ལས་བཟོས་པའི་ཇོ་བོ་ཤྰཀྱ་མུ་ནེ་རྒྱན་དྲུག་དང་བཅས་པ་དང་། གུ་རུ་རིན་པོ་ཆེ་སྣང་སྲིད་ཟོལ་གནོན་དང་། ཀུན་མཁྱེན་ཀློང་ཆེན་རབ་འབྱམས་དང་། རིག་འཛིན་འཇིགས་མེད་གླིང་པ་དང་། སྐྱབས་མགོན་ཡེ་ཤེས་རྡོ་རྗེ་ང་འདྲ་མ་དང་། མ་གཟའ་དམ་གསུམ་སོགས་དང་། བླ་མ་མཆོད་པའི་ཚོགས་ཞིང་གི་ཐང་མོ་ཆེ་སོགས་བྲིས་ཐང་གི་རིགས་སུམ་ཅུ་ལྷག་ཙམ་བཅས་ཡོད་ལ། གསུང་རྟེན་སྐོར། བཀའ་བསྟན་དང་། གསུང་འབུམ་ཁ་ཤས་སྐོར་བཅས་ཡོད་ཅིང་ཐུགས་རྟེན་ནི། རིན་བྲལ་གྱི་རོལ་མོ་ལྔ་དང་། དུང་དམར་རྒྱ་གླིང་། དངུལ་དཀར་གྱི་བདུན་ཚར་སོགས་མཆོད་ཆས་ཆ་ཚང་ཞིག་ཡོད་ཀྱང་། རིག་གནས་གསར་བརྗེ་ཆེན་པོའི་སྐབས་སུ་གཙུག་ལག་ཁང་གི་ཕྱི་ཁོག་ཙམ་མ་གཏོག་ཐམས་ཅད་གཏོར་བརླག་རུ་གྱུར་ཏོ།།

རྗེས་སོར་སླར་ཡང་གཙུག་ལག་ཁང་ལ་ཉམས་གསོ་བྱས་ཤིང་། སྨན་འདམ་ལས་བཟོས་པའི་སྐུ་རྟེན་སྔོན་ཆད་ཅི་ཡོད་ཐམས་ཅད་སླར་ཡང་བཞེངས། གསེར་སྐུ་སྔོན་ཆད་ཀྱི་གསེར་སྐུ་རྣམས་ལས་གཅིག་ལྷག་པ་དེ་ར་ཆ་བ་བཀྲ་ཤིས་ལགས་ཀྱིས་རྙེད་ནས་དགོན་པར་ཕུལ་བ་དེ་ཙམ་དང་། ཐང་སྐུ་ཡང་ཁ་ཤས་ཙམ་[page 475] ལས་འབྲི་བའི་ཆ་རྐྱེན་མ་ལྡན། གསུང་རྟེན་ནི། བཀའ་འགྱུར་དང་། འཇིགས་གླིང་བོད་དགུ། སྙིང་ཐིག་ཡ་བཞི། མཛོད་བདུན་སོགས་བཞུགས། ཐུགས་རྟེན་ཡང་སྔོན་ཆད་ལྟ་བུའི་རྩ་ཆེན་མེད་ཀྱང་། དུང་རྒྱ་གླིང་སོགས་མཆོད་ཆས་ཆ་ཚང་ཡོད། གྲྭ་སེར་ནི། སྔོན་ཆད་ཉི་ཤུ་ལྷག་ཡོད་ཅིང་། དེང་སྐབས་སུམ་ཅུ་ཙམ་ཡོད་དོ། དེ་ཡང་སྔོན་ཆད་སྐྱབས་མགོན་སྐྱབས་མགོན་ཡེ་ཤེས་རྡོ་རྗེས་རྫི་རིགས་བླ་མ་པདྨ་ལ་དགོན་པ་འདི་ལ་གཟིགས་སྐྱོང་གནང་དགོས་པའི་བཀའ་ཕབ་པས། ཁོང་གི་ཚ་བོ་བླ་མ་རིག་རྒྱམ། དེའི་ཚ་བོ་སྣང་ཆུང་གཡུ་སྟག་གི་རྣམ་སྤྲུལ་བླ་མ་རྒྱལ་མཚན། དེའི་ཚ་བོ་བླ་མ་གཡུལ་རྒྱལ་བཅས་ཀྱིས་དགོན་པ་འདི་ལ་ཐུགས་ཁུར་དང་། གཟིགས་སྐྱོང་བླ་མ་མེད་པ་ཕུལ་བས། ཁོང་རྣམས་ནི་དགོན་པ་འདི་ལ་ཧ་ཅང་བཀའ་དྲིན་ཆེ་བའོ།

འདིར་ཡང་འཚོགས་གཏོང་སྒོའི་ཡོང་ཁུངས་གཙོ་བོ་ཡོན་འབུལ་ལས་ཐོབ་དགོས་ཤིང་། བླ་སེར་ཚོའི་རྒྱུན་གྱི་འཚོ་བ་ནི་རང་ཁྱིམ་ལ་བརྟེན་པའོ།།

ས་མིང་ཚིག་མཛོད་མིག་བཤར།

དགོན་འདི་ནི་རོང་བྲག་རྫོང་གཡར་ར་འབྲོག་སྡེའི་བཀྲ་ཤིས་གནས་རྫོང་ཕྱུག་མོ་རུ་ཆགས་ཡོད། དེ་ཡང་ཕལ་ཆེར་རབ་བྱུང་བཅོ་ལྔའི་སྟོད་ཕྱོགས་ཙམ་ན་རྫོགས་ཆེན་དགོན་པའི་མཆོག་སྤྲུལ་དགེ་མང་རིན་པོ་ཆེ་གནས་དེར་བྱོན་ནས་འཕགས་མཆོག་ཐུགས་རྗེ་ཆེན་པོའི་སྒྲུབ་ཕུག་ཏུ་སྒྲུབ་ཕུག་ཏུ་སྒྲུབ་པ་མཛད་དེ་དེར་སྐུ་གསུང་ཐུགས་རྟེན་དང་མཆོད་ཆས་ཁ་ཚང་ཞིག་བཞག ནམ་ཞིག་ན་གནས་འདིར་བདག་པོ་བྱེད་པའི་སྐྱེས་བུ་དམ་པ་ཞིག་འབྱོན་པར་འདུག དེ་དུས་གནས་འདིར་དར་ཆ་ཆེ་རུ་འགྲོ་བར་མ་ཟད་གནས་འདིའི་ཉེ་འདབས་སུ་དགོན་པ་ཞིག་ཀྱང་འདེབས་པར་འགྱུར་རོ་ཞེས་འབྱུང་འགྱུར་གྱི་ལུང་ཡང་གསལ་བར་བསྟནང་།

དེ་རྗེས་མི་རིང་བ་ན་མདོ་མང་དགོན་པའི་བླ་མ་ཁྱེའུ་ཆུང་ལོ་ཙྰ་བའི་རྣམ་པར་སྤྲུལ་པ་སྟེ། རུས་གེ་འཕེན་གྱི་རྒྱུད་དུ་འཁྲུངས་པའི་བླ་མ་ཆོས་དབྱིངས་འགྱུར་མེད་བྱང་ཆུབ་རྡོ་རྗེའམ་ཡོངས་གྲགས་སུ་འཚམས་པ་འཇམ་དབྱངས་སུ་འབོད་པའི་སྐྱེས་ཆེན་དེ་གནས་དེར་བྱོན་ནས་སྒྲུབ་པ་མཛད་ཅིང་། མཚན་བཀྲ་ཤིས་ཆོས་གླིང་དུ་འབོད་པའི་གཙུག་ལག་རྟེན་དང་བརྟེན་པ་བཅས་ཡུལ་དེའི་སྐྱེ་འགྲོ་ཀུན་གྱི་དཔལ་དུ་བསྐྲུན་ནོ། བླ་མ་ཁོང་ནི་གནས་དེར་ཚེ་འཚམས་སུ་བཞུགས་ནས་མཐར་གཟུགས་སྐུའི་བཀོད་པ་ཡང་གནས་དེ་ནས་ཆོས་དབྱིངས་སུ་བསྡུས་སོ།། གཙུག་ལག་ཁང་འདིའི་སྔོན་དུའང་ཡུལ་འདིར་དགོན་པ་ཞིག་ནི་ཡོད་ངེས་སུ་འདུག་སྟེ། ས་མིང་དུ་དགོན་རྙིང་ཤུལ་ཞེས་བཏགས་པ་ཡོད་ཅིང་། དེར་དངོས་གནས་ས་འོག་ཏུ་རྩིག་པའི་ཤུལ་སོགས་ཀྱང་འདུག འོན་ཀྱང་དེ་དུས་ནམ་ཙམ་བཞེངས། ཆོས་ལུགས་གང་ཞིག་ཡིན་སོགས་ནི་གསལ་བོར་ཤོད་རྒྱུ་ཡོད་མཁན་མི་འདུག་ཀྱང་རྩིག་པ་རྣམས་ས་འོག་ཏུ་ནུབ་ཡོད་པ་སོགས་[page 476] ལ་བརྟགས་ཚེ་དུས་ཡུན་ཤིན་ཏུ་རིང་པོ་སོང་བ་གསལ་བོར་རྟོགས་ནུས། ད་དུང་དགོན་རྙིང་ཡོད་པའི་ཉེ་འདབས་རྣམས་སུ་ས་འོག་ནས་དོན་པའི་རྡོ་འགའི་ངོས་སུ་གཡུང་དྲུང་བོན་གྱི་མ་དྲི་མུ་ཡེ་བརྐོས་ཡོད་པས་དེར་བརྟགས་ཚེ་གཡུང་དྲུང་བོན་གྱི་ཆོས་ལུགས་ཀྱི་དགོན་པ་ཞིག་ཡིན་ནམ་སྙམ་མོ།།

བཀྲ་ཤིས་ཆོས་གླིང་དགོན་པ་འདི་སྐྲུན་པའི་སྐབས་ཙམ་མདོ་མང་གཏེར་ཆེན་ཞེས་བྱ་བ་ཟབ་དོན་སྙིང་པོའི་ལུང་ལས། རྒྱལ་མཆོག་སྐུ་དང་ལོ་ཆེན་བཻ་རོའི་གསུང ནམ་མཁའི་སྙིང་པོའི་ཐུགས་ཀྱི་སྤྲུལ་པ་མཆོག བཛྲ་སུ་ཁ་བྷོ་ཏྲ་ཞེས་བྱ་འབྱུང་ཞེས་ལུང་ལས་བསྔགས་པའི་གཏེར་ཆེན་རྡོ་རྗེ་བདེ་ཆེན་གླིང་པ་དེ་ཉིད་གནས་དེར་བྱོན་ནས་འདས་ལོག་གི་ཚུལ་གྱི་དཔལ་རི་པདྨ་འོད་གླིང་དུ་གུ་རུ་རིན་པོ་ཆེ་ཡབ་ཡུམ་གྱི་དྲུང་ལ་ཕེབས་པ་སོགས་ངོ་མཚར་རྒྱ་མཚོའི་རོལ་གར་བསྒྱུར། དེ་དུས་མདོ་མང་དགོན་པའི་དགོན་ལག་ཏུ་གྱུར་ཡོད་ཅིང་། ཆོ་ག་རྣམས་ཀྱང་མདོ་མིང་དགོན་པའི་སྲོལ་རྒྱུན་ཇི་བཞིན་ནོ། མཐར་དུས་འཁྲུགས་དབང་གིས་དགོན་པ་དེ་མེས་ཚིག་ནས་ལོ་ཤས་རིང་སྟོང་བར་གྱུར་ཏོང་།

དེ་རྗེས་བླ་མ་གཟན་དཀར་རམ་སྐྱབས་རྗེ་པདྨ་དངོས་གྲུབ་རོལ་བའི་རྡོ་རྗེས་དགོན་པ་བཞེངས་དགོས་པའི་བཀའ་བྱུང་ཞིང་། ཁོང་གིས་ཞལ་བཀོད་དང་སྐུ་ཚབ་བཏང་ནས་དགོན་པ་དེ་སྔར་ལས་ལྷག་པའི་ཀ་བ་བཅུ་དྲུག་དང་ལྡན་པ་ཞིག་བཞེངས། དེ་རྗེས་ཆོ་ག་ཕྱག་ལེན་ཡང་མདོ་མང་དགོན་དང་སྐྱིད་ལུང་དགོན་གྱི་སྲོལ་རྒྱུན་ཟུང་འབྲེལ་དུ་གྱུར་ཏོ། མཐར་རིག་གནས་གསར་བརྗེ་ཆེན་པའི་སྐབས་སུ་དགོན་པ་འདིས་ཀྱང་འདུས་བྱས་ཀྱི་རང་མཚང་བསྟན་ནས་སྐུ་གསུང་ཐུགས་རྟེན་དང་བཅས་པ་ཐམས་ཅད་མི་མངོན་པའི་དབྱིངས་སུ་ནུབ་པར་གྱུར་ཏོང་།

སླར་ཡང་དེང་སྐབས་བསྟན་པ་ཡང་དར་གྱི་སྐབས་འདིར་མདོ་མང་དགོན་པའི་མཆོག་སྤྲུལ་གཡང་ཐང་རིན་པོ་ཆེ་དང་། མ་ཧྰ་སྐྱིད་ལུང་དགོན་པའི་སྐྱབས་རྗེ་གཟན་དཀར་མཆོག་སྤྲུལ་ཐུབ་བསྟན་ཉི་མ་རིན་པོ་ཆེ་གཉིས་ཀྱིས་ཞལ་གསུང་ཐུགས་བློ་སྩལ་བ་བཞིན། གཙུག་ལག་ཁང་ཞིག་གསོ་དང་སྐུ་གསུང་ཐུགས་རྟེན་ཉམས་གསོ་བཅས་བྱེད་བཞིན་པའི་སྐབས་ཡིན་ནོ། དགོན་འདིར་བླ་སེར་བཞི་བཅུ་ལྷག་ཙམ་ཡོད།།

དུས་མཆོད་ནི། རབ་བྱུང་རྣམས་ཀྱིས་དབྱར་གནས་ཟླ་བ་ཕྱེད་གཉིས་གྱི་བར་འཚོགས་རྒྱུ་དང་། བླ་སེར་ཡོངས་རྫོགས་ཀྱིས་དགུན་བཅའ་ཟླ་བ་གཅིག་ལ་འཚོགས་རྒྱུ། དགུ་ཆེན་གཉིན་བདུན་ལ་འཚོགས་རྒྱུ་དང་། སེར་སྐྱ་འདུས་ནས་ཧོར་ཟླ་བཅུ་བའི་ཚེས་མགོ་ནས་བཟུང་ཞག་བདུན་རིང་ཉིན་མཚན་ཐུན་བཟུང་བའི་སྒོ་ནས་ཚིག་བདུན་གསོལ་འདེབས་བྱེ་བ་གཅིག་རེ་འགྲོ་ངེས་དང་། ཚེས་བཅུ་དང་ཉེར་ལྔའི་བར་དུས་མཆོད་རྒྱུན་མི་འཆད་པར་འཚོགས་རྒྱུ་བཅས་ཡིན་ནོ།། ཆོས་ལུགས་ནི་སྔོན་ཡང་རྙིང་མ་ཡིན་ལ་ད་ལྟའང་གསང་སྔགས་རྙིང་མ་བ་ལགས་སོ།།

[page 477] དགོན་པ་བཞེངས་པ་དང་། འཚོགས་ཆོས་རྣམས་སྡེ་སྤྱིས་གཉེར་བ་དང་དགོན་སྤྱིས་གཉེར་བ་གཉིས་ལས། དགོན་སྤྱིའི་བཏང་སྒོའི་ཡོང་ཁུངས་གཙོ་བོ་ཡོན་འབུལ་ལས་བྱུང་ངོ་།

ས་མིང་ཚིག་མཛོད་མིག་བཤར།

གཙུག་ལག་ཁང་འདི་ཐོག་མར་ཕྱག་འདེབས་པ་པོ་ནི། བླ་མ་དགོངས་པ་འདུས་པའི་ལུང་བསྟནབཀའ་རྒྱ་མ་སོགས་རྡོ་རྗེའི་ལུང་གིས་ལན་གཅིག་མིན་པར་ཡང་ཡང་བསྔགས་ཤིང་། ཀུན་མཁྱེན་དྲི་མེད་འོད་ཟེར་གྱི་ཞལ་གཟིགས་ཤིང་ཡེ་ཤེས་ཀྱི་སྐུས་རྗེས་སུ་བཟུང་ནས་དགོངས་པ་བྱིན་གྱིས་བརླབས། ཀུན་མཁྱེན་འཇིགས་མེད་གླིང་པ་ཞེས་སྐུའི་སྲིད་དེ་མ་ཐག་པ་མདོ་མཁྱེན་བརྩེ་ཡེ་ཤེས་རྡོ་རྗེ་མཆོག་ཡིན་པ་སྟེ། ཐང་ལྷ་དང་། ཡུམ་རིགས་རུས་ཀྱིས་མངོན་པར་མཐོ་བའི་ཆོས་སྐོར་བསོད་ནམས་འཕན་ཞེས་བྱ་དེའི་བཙུན་མོ་དམ་པ་ཚེ་དབང་སྨན་གཉིས་ཀྱི་སྲས་སུ་རབ་བྱུང་བཅུ་གསུམ་པའི་ལྕགས་སྤྲེལ་ལོའི་སྨིན་དྲུག་ཟླ་བའི་ཚེས་བཅོ་ལྔའི་ཉི་ཤར་དུས་སུ་སྐུ་བལྟམས། བལྟམས་མ་ཐག་ནས་ཞབས་རྡོ་རྗེའི་སྐྱིལ་ཀྲུང་མཛད་ཅིང་དབྱངས་གསལ་སྒྲ་དག་པར་གསུངས། སྡེ་དགེའི་ལྷ་ལུང་གདོང་དུ་རྡོ་གྲུབ་དབང་གིས་ཞེ་རྫོགས་བླ་སྤྲུལ་རྣམས་ལ་ཀུན་མཁྱེན་ཡབ་སྲས་ཀྱི་གསུང་འབུམ་རྒྱ་མཚོའི་དབང་ལུང་གནང་སྐབས། བླ་མའི་སྐུ་ལ་གཟིགས་སྣང་ཁྱད་པར་ཅན་དང་། མ་གཟའ་དམ་གསུམ་གྱིས་དངོས་གཟུགས་བསྟན། སྡེ་དགེའི་ལྷ་ལུང་ཁུག་ཏུ་རྒྱལ་མོ་ཡུམ་སྲས་བློན་འཁོར་དང་། གདན་ས་ཚེ་རིང་ལྗོངས་དང་། འབྲི་གུང་ནས་སྐུ་དྲག་དཔོན་འཁོར་བཅས་ཕེབས་པ་གདོང་འཛོམས་པའི་ལུང་དང་། ཁམས་དབུས་ཀྱི་བླ་མ་མི་དཔོན་དུ་མ་འདུས་པར་གོང་མའི་རྟེན་དང་སྐུ་ཆས་ངོས་འཛིན་མཛད་པ་ཀུན་མཐུན་པར་སོང་བས། ཀུན་མཁྱེན་འཇིགས་མེད་གླིང་པའི་ཡང་སྲིད་འཁྲུལ་མེད་དུ་ཡིད་ཆེས། དེར་མི་དང་མི་མིན་གྱིས་བསུ་བ་རྒྱ་ཆེན་པོ་དང་བཅས་བོད་དབུས་སུ་ཆིབས་བསྐྱོད། ཁྱད་པར་འབྲི་གུང་བ་དང་སྐུ་ཕྲེང་དུ་མར་ཡབ་སྲས་དང་ཆོས་འབྲེལ་ཡང་ཟབ་པས་འབྲི་གུང་ཡང་རི་སྒང་དུ་ཁྲི་སྟོན་རྒྱས་པར་མཛད། ལྷ་རྩེའི་ཕོ་བྲང་དུ་བཞུགས་བསྟན་སྲུང་གཟས་ཞལ་བསྟན། གོང་མའི་གསུང་དང་མཐུན་པར་གཙང་ཐེག་མཆོག་གླིང་དུ་འབྱོན་པར་བསྐུལ་ཡང་རྗེ་ཉིད་སྐུ་ན་ཕྲ་བ་དང་འབྲི་གུང་དང་ཁམས་པ་དབང་ཆེ་བ་བཤོལ། ཀུན་མཁྱེན་གོང་མའི་དབོན་འོད་ཟེར་གྱིས་གོང་མའི་མགུལ་ཕུར་དང་ཐུགས་དམ་རྟེན་ཐུབ་པ་གྲོང་ཁྱེར་མ་བཅས་ཕུལ། རྡོ་གྲུབ་དབོན་འཇིགས་བྱང་ལས་ཀློག་བསླབ། སླར་ཡང་ཡང་རི་སྒང་དུ་བཀའ་བརྒྱད་སྒྲུབ་ཆེན་དུས་མཆོད་སྟེང་ཕེབས། གནོད་སྦྱིན་ཁང་དུ་གནོད་སྦྱིན་ཆེན་པོས་དངོས་གཟུགས་བསྟན་ནས་ཞབས་ཏོག་སྒྲུབ་པར་ཁས་བླངས། ཕོ་བྲང་རྫོང་གསར་དུ་ཕེབས། ཞབས་དྲུང་མདུན་དྲང་སྲོང་ལོ་ཀྲིའི་དབང་རིག་གཏད་གསན། སླར་འབྲི་གུང་ཡང་རི་སྒར་དུ་ཞབས་དྲུང་རྗེས་ནྰ་རོ་ཆོས་དྲུག་གི་ཁྲིད་གནང་སྐབས་སྟོང་མི་ལ་རས་མཇལ་ཞིང་ཆོས་བསྟན་པ་[page 478] གསན། ཁམས་ཉིང་རྫེང་ཁྲི་བས་དམ་ཆོས་བསྟན་གཉིས་དགོངས་གཅིག་གི་འགྲེལ་བཤད་ཞིབ་རྒྱས་གནང་བའི་ཚེ། སྐྱབས་རྗེས་ཚིག་དོན་ཀུན་ཐུགས་སུ་ཆུད་དེ་དགོང་མོར་གཞན་ལ་འཆད་ལ་འཆད་ཐུབ་བས་ཀུན་ངོ་མཚར་ལ་བཀོད། འདི་དུས་དགུང་གྲངས་བཅུ་བཞེས། མཚུར་ཕུའི་རྒྱལ་ཚབ་མདུན་ནས་གཡུ་ཐོགས་བཀའ་འབུམ་ཆ་ཚང་། ཀརྨ་ཞྭ་ནག་གསུང་འབུམ་སྐོར། སྒོམ་པོའི་གསུང་འབུམ། དྲག་ཤད་དབང་ལུང་སོགས་གསན། ཞབས་དྲུང་མདུན་ཏྣའི་གསུམང་འབུམ། གཤིན་རྗེའི་སྐོར། འབྲི་གུང་བསྟན་སྲུང་ཡོངས་རྫོགས་ཀྱི་དབང་ལུང་། འཇམ་དབྱངས་དཀར་པོའི་རྗེས་གནང་། ཀོང་པོ་རྩེ་ལེ་སྤྲུལ་སྐུའི་མདུན་རྩེ་ལེ་སྣ་ཚོགས་རང་གྲོལ་བཀའ་འབུམ། ལྷ་བཙུན་ནམ་མཁའ་འཇིགས་མེད་བཀའ་འབུམ། མཁྱེན་བརྩེའི་བཀའ་འབུམ་ཁ་ཤས་བཅས་ཀྱི་དབང་ལུང་གསན། ཏི་སྒྲིར་གནས་མཇམ་ཕེབས་པས་སྒྲུབ་ཁང་དུ་གུ་རུ་སྨད་སྨད་སམ་བྷ་ཝའི་ཞལ་གཟིགས་ཤིང་བྱིན་གྱིས་བརླབས། སླ་ཡར་རི་སྒར་དུ་བྱོན། ལྕགས་སྟག་ལོར་རྫོང་གསར་དུ་བཀའ་བརྒྱད་བདེར་འདུས་དབང་ལུང་། བཀའ་བརྒྱུད་གསེར་ཕྲེང་གི་རྣམ་ཐར་གྱི་ལུང་། ཀློང་སྙིང་དབང་ལུང་། ནི་གུ་ཆོས་དྲུག་གི་དབང་ལུང་བཅས་རྒྱལ་སྲས་རིན་པོ་ཆེ་སོགས་ཀྱི་མདུན་ནས་གསན། སྟོན་དགུན་འཚམས་སུ་ཚེ་རིང་ལྗོངས་སུ་ཕེབས་ལམ་བསམ་ཡས་གཟིགས་པས་སྔོན་གནས་རྗེས་སུ་དྲན། དེས་ནས་གདན་ས་མཐིལ་ཟངས་རི་མཁར་དམར་རྩེ་ཐང་སོགས་བརྒྱུད། གདན་ས་ཚེ་རིང་ལྗོངས་སུ་ཕེབས་དེར་རྒྱལ་ཡུམ་སྒྲོལ་དཀར། དབོན་འོད་ཟེར་རྣམ་གཉིས་དང་། མོན་འབྲུག་གཡོ་རུ་སོགས་ནས་ཀུན་མཁྱེན་རྗེས་སློབ་ཚོགས་བགྲངས་ཀྱིས་མི་ལངས་པ་རྣམས་ཀྱང་དེར་འདུས་ཏེ་མཇལ་འཕྲད་ཀྱི་དགའ་སྟོན་མཛད། གཏེར་ཆེན་ཤེས་རབ་འོད་ཟེར་གདན་ས་དཔལ་རིང་ཕེབས། རྗེ་རཏྣའི་གཏེར་བྱོན་ཞི་ཁྲོ་དགོངས་པ་ཡང་ཟབ་ཀྱི་དབང་བསྐུར། རིམ་བརྒྱུད་ཡར་ལུང་ཤེལ་བྲག་ཏུ་ཕེབས། གུ་རུའི་སྐུ་ཚབ་མཇལ་བས་ཐུགས་ཀའི་འོད་འཕྲོས་སྐྱབས་རྗེའི་ཐུགས་ཀར་ཐིམ། བསམ་ཡས་གཡའ་མ་ལུང་དུ་བྱོན། ཀློང་ཆེན་རོལ་བ་རྩལ་གྱིས་ཚེ་དབང་སོགས་ཕུལ། སླར་འབྲི་གུང་རྫོང་གསར་དུ་ཕེབས། ཁམས་ནས་རྡོ་གྲུབ་བཀའ་ལྟར་མར་བྱོན་རྩིས་ཀྱིས་ལྷ་ལྡན་དུ་ཕེབས། སྡེ་བ་གཞུང་ལ་དགོངས་ཞུས་མཛད། མཛད། མཁན་པའི་གོ་གནས་རྒྱལ་ཚབ་དེ་མོ་རིན་པོ་ཆེས་གནང་། འབྲི་གུང་རྫོང་ནས་ཁམས་སུ་ཆིབས་བསྐྱོད་གནང་། ལམ་བར་དུ་ཡབ་ཐང་ལྷ་ཉིད་མན་ལ་ལམ་དུ་བྱོན་ཏེ། བུ་ཁྱོད་ཁམས་སུ་འགྲོ་བར་ཡི་དམ་སྐྱོ། ལས་ཀྱིས་འབྲེལ་བའི་བླ་མ་བཞུགས་པའི་དྲུང་ནས་ཆོས་དང་ཆོས་གདམས་པ་མ་ལུས་ཞུས་དང་དོན་ཆེ་ཞེས་ཞུས་པས། འབྲི་གུང་སྐྱབས་མགོན་རྣམ་གཉིས་དང་བྲལ་བའི་ཐུགས་སྐྱོ་སངས། དར་ལུང་ཉག་ཅེས་པར་སླེབས་ཚེ་མེ་ཏོག་གི་ཆར་དང་རོལ་མོའི་སྒྲ་བཅས་བཞི་བདག་གཉན་པོ་གཡུ་རྩེས་དངོས་སུ་བསུས། མགོ་ལོག་དང་གསེར་ཐར་བརྒྱུད་བླ་མའི་གདན་སར་ཡབ་སྲས་ཞལ་འཛོམས། སྨད་ཆོས་གྲགས་ཞེས་པ་སློབ་དཔོན་དུ་བསྐོས། རང་ལུགས་སློབ་སྦྱོང་མཛད། རྗེ་ཉིད་དགུང་གྲངས་བཅུ་དྲུག་བཞེས་པའི་ཤིང་ཕག་ལོར་རྡོ་གྲུབ་དབང་གིས་དགོས་པ་ལྔ་ཡོད་པར་གཟིགས་ནས་སླར་ལྷ་ལྡན་ཕྱོགས་སུ་བྱོན་པར་བསྐུལ་བ་བཞིན་བླ་མའི་དྲུང་ནས་ལམ་ཞུགས་[page 479] མཛད། འབྲི་ཆའི་རྫ་བར་གྲུ་ཁར་ཕེབས་ལམ་ར་ཉག་གི་སྒར་དུ་བྱོན། གྲུབ་པའི་དབ་ཕྱུག་གི་མཛད་པར་ཅུང་ཟད་ཐེ་ཚོམ་པའི་ཚུལ་བཅས་ཚུལ་རྟ་མགྲིན་གྱི་དབང་དང་ཚེ་དབང་དང་ཚེ་དབང་གནང་བར་ཞུས་ཚེ་བཀའ་བཀྱོན་དྲག་པོ་དང་ཆབ་ཅིག་མེ་མདའ་ཟངས་རྡེལ་ཅན་རྗེའི་ཐུགས་ཀར་གཏད་དེ་འཕངས་པས་སྐུ་ལ་གནོད་པ་མེད་སྟེང་དགོངས་པའི་བྱིན་རླབས་སྤར། ཟངས་རྡེལ་ལས་རྟ་མགྲིན་གྱི་སྐུ་དོད། དུ་བ་གསོལ་བ་ཕྱག་སོར་གྱི་རྩེར་ཕྱུར་ཞིང་ཞལ་ཆབ་བདུད་རྩིར་བསྒྱུར་བ་སོགས་རྫུ་འཕྲུལ་རོལ་མོའི་བཀོད་པས་བར་ཆད་ཀྱང་བསལ་ནས་དགོས་པ་དང་པོ་གྲུབ། དེ་ནས་རིམ་བརྒྱུད་འབྲི་གུང་བའི་ཕེབས་བསུ་འབྱོར། ཕོ་བྲང་རྫོང་གསར་དུ་སྐྱབས་མགོན་རྣམ་གཉིས་དང་མཇལ་འཕྲད་མཛད། དེ་ནས་བསམ་ཡས་སུ་བྱོན། བྱང་ཆུབ་ཆེན་པོའི་མདུན་མཎྡལ་འབུལ་རྫོགས་ནས་བར་ཁང་གཡུ་ཞལ་འབར་བར་བཞུགས་པར་ཡེ་ཤེས་ཀྱི་མཁའ་འགྲོ་མས་ཁང་སྟེང་དུ་ཁྲིདརྣང་སྐུ་དེ་དངོས་སུ་གྱུར་ནས་ཤེལ་གྱི་ཤོག་དྲིལ་བདུན་སོགས་ཀྱི་དབང་དང་ལུང་བསྟན་བཅས་གནང་བས་དགོས་པ་གཉིས་པ་གྲུབ། མཆིམས་ཕུའི་མཚོ་རྒྱལ་གསང་ཕུག་ཏུ་བསྙེན་སྒྲུབ་མཛད་པས་གུ་རུ་ཡབ་ཡུམ་གྱི་ཞལ་གཟིགས་ཤིང་ཐུགས་ཀའི་འོད་ཀྱིས་གནས་ཁང་ཁྱབ། ཁྱད་པར་ཞག་བདུན་གྱི་ཐོ་རེངས་ཁར་རྫུ་འཕྲུལ་གྱིས་བདེ་བྱེད་བརྩེགས་པར་ཕེབས། མཁའ་འགྲོའི་གསང་མཛོད་ཆེན་མོར་རྡོར་སེམས་ཡབ་ཡུམ་གྱིས་དབང་རྫོགས་པར་བསྐུར། ཟབ་རྒྱས་དགོངས་པའི་དངོས་གྲུབ་བརྙེས་པས་དགོས་པ་གསུམ་པ་གྲུབ། བསམ་ཡས་དཀོར་མཛོད་གླིང་དུ་ཕེབས་པས་ཆོས་སྐྱོང་ཐོག་བབ་ཀྱིས་སྒོ་ཕྱེས། ནང་དུ་བྱོན་ནས་ལྷ་འདྲེས་ཆོ་འཕྲུལ་ཟིལ་གྱིས་མནན། ཚར་ཚད་མཐའ་རྫོགས་ཆེ་ཆོས་སྐྱོང་གིས་སྤོས་རོལ་བཅས་བསུས་ཤིང་བླ་རྡོ་གཏད་དེ་བྲན་དུ་ཁས་བླངས་པས་དགོས་པ་བཞི་པ་གྲུབ། ཚེ་རིང་ལྗོངས་སུ་ཕེབས། དཔལ་རིར་མཚོ་རྒྱལ་སྤྲུལ་སྐུའི་མདུན་གྲོལ་ཐིག་གི་དབང་ལུང་ཞལ་ཁྲིད། གཏེར་ཆེན་ཤེས་རབ་འོད་ཟེར་བཀའ་འབུམ་རྣམས་གསན། ཤེལ་བྲག་ཏུ་ཕེབས་པས་སྐུ་ཚབ་ཀྱིས་ཞལ་འཛུམས། ལྕེ་བཙུན་སེང་གེ་དབང་བསྐུར་ལུང་བསྟན་ལྟར་ཕྱིར་ནངས་གསེར་དམར་ལས་གྲུབ་པའི་ཨོ་རྒྱལ་སྲིན་ཐོད་མ་སོགས་གཏེར་ནས་བཞེས་པས་དགོས་པ་ལྔ་བ་གྲུབ། སླར་འབྲི་གུང་དུ་ཕེབས་ནས་རྒྱལ་སྲས་རིན་པོ་ཆེའི་མདུན་ཀུན་མཁྱེན་གོང་མ་ལས་བརྒྱུད་པའི་འདུས་མདོའི་དབང་གསན། ཞབས་དྲུང་མདུན་ཁྲོ་ཆུ་དུག་སྡོང་། འཆར་ཀ་བཅས་ཀྱི་དབང་ལུང་། མ་ཅིག་གྲུབ་རྒྱལ་གྱི་ཚེ་དབང་བཅས་གསན། སླར་ཁམས་སུ་ཆིབས་བསྐྱོད་དེ་རྡོ་གྲུབ་དྲུང་དུ་བྱོན། ཀུན་མཁྱེན་གོང་མའི་ཞལ་རྒྱུན་རྒྱུད་གསང་སྙིང་དཔེ་ཐོག་ནས་ཚིག་ཁྲོད་དང་། འགྲེལ་བ་ཕྱོགས་བཅུའི་མུན་སེལ་གྱི་ལུང་བཀའ་གཏད་བཅས་གསན། བླ་མའི་བཀའ་ལྟར་ཀཿཐོག་ཏུ་བྱོན་ལྔ་རིག་སྨྲ་བའི་གཙུག་རྒྱན་དགེ་རྩེ་མཧྰ་པཎྚི་ཏའི་དྲུང་ནས་འདུས་མདོའི་དབ་ང་རྒྱས། དབུ་མ་དང་གྲུབ་མཐའི་རྣམ་དབྱེ། དཀྱེལ་འཁོར་སྤྱིའི་རྣམ་བཞག་ཐིག་ཚོན་བློས་བསླང་གི་ཞལ་ཁྲོད། བཀའ་བརྒྱད་རྣམ་གསུམ་[page 480] དབང་ལུང་། གསང་སྙིང་བཀའ་འགྲེལ་མི་འདྲ་བ་བཅུ་གཅིག་གི་ལུང་། གཞན་ཡང་ཀ༔དམ་པའི་བཀའ་འབུམ་ཐོར་བུ། དགེ་རྩེའི་བཀའ་འབུམ་ཆ་ཚང་། མན་ངག་ཐོར་བུ་བཅས་པ་གསན་སྦྱངས་མཛད། འགྲེལ་བཤད་ཕྱག་བཞེས་དང་བཅས་པར་ཕུལ་དུ་ཕྱིན། ཞིང་སྐྱོང་དང་། རྨོག་མདུན་བདུད་ཀློང་ཆོས་སྐོར་ཆ་ཚང་དང་། དག་སྣང་སྐོར་བཅས་གསན། རྒྱ་རོང་དགོན་དུ་ཚེ་དབང་ཆོས་གྲུབ་མདུན་རྫོགས་ཆེན་མཁའ་འགྲོ་སྙིང་ཐིག་དང་། གསང་བ་སྙིང་གི་ཐིག་ཟུང་འབྲེལ་གྱི་སྨིན་ཁྲིད། ཉི་གྲགས་ཆོས་སྐོར་དབང་ལུང་། རྫོགས་ཆེན་རྒྱུད་བཅུ་བདུན། སྨིན་གླིང་བཀའ་འབུམ་ཐོར་བུ། བླ་མ་དགོངས་འདུས་ཀྱི་དབང་། མ་གཟའ་དམ་གསུམ་སྲོག་གཏད་དང་། གཉེར་གཏད་སོགས་གནང་། གི་ལུང་བླ་མ་འཇིགས་མེད་ངོ་མཚར་དྲུང་ནས་རྙིང་མ་རྒྱུད་འབུམ་ལུང་གསན་ཚེ་འོད་གསལ་སྣང་བར་བི་མས་རྒྱུད་འགྲེལ་མཛད་པ་ཐུགས་སུ་ཆུད། བཀའ་ལུང་གཏད་རྒྱ་བཅས་རྫོགས་པར་གསན། རྨ་སྟོད་དུ་རྫོགས་ཆེན་རིན་པོ་ཆེ་དང་རྗེ་ཉིད་སོགས་ཕེབས་སྐབས་འོད་གསལ་གྱི་ངོར་ལྷ་མོ་དངུལ་དཀར་སྒྲོལ་མས་ཕོ་བྲང་དུ་གདན་དྲངས། གེ་སར་སྐྱེ་བུ་ཆེན་པོ་མི་སྨུག་སྒྲུང་ཞྭ་མནབས་པ་མཇལ། འདི་དུས་རྟེན་འབྲེལ་དུས་བབས་ལྟར་པདྨ་རྒྱལ་པོའི་ཆོས་སྐོར་དག་སྣང་གི་ཚུལ་དུ་ཕབ། དབུ་རྒྱལ་ཁ་མདོ་རྒྱལ་བོ་གདུག་པ་ཅན་ཞིག་དམ་ལ་བཏགས། ལྭ་བ་པ་ཡི་བརྟུལ་ཞུགས་སྐྱོང་བའི་དུས་ལ་བབས་པས་སྒར་གྱི་དགོངས་པོ་གང་ཡོད་ཕྱེད་མར་བགོ།

ཕྱེད་འབྲི་གུང་བའི་ཕྱག་ཏུ་བསྐུར། ཕྱེད་བླ་མར་ཕུལ་ནས་དགོངས་བཞེད་གསོལ་བས་དགོས་གནང་ཐོབ། ལྕང་ལོ་ཆས་སོགས་བྱིན་རླབས་མཛད། མི་ལོ་ཕྱེད་གཉིས་བར་ཆས་གོས་འདི་ལྟར་མཛོད་དང་། ཕྱིས་སྤྱོད་པ་གསར་བ་ཞིག་ངོམས་ཡོང་ཞེས་ལུང་བསྟན་ཡང་གནང་བ་བཞིན། ལྕང་ལོ་གོས་དཀར་འཆང་བའི་ཚུལ་མཛད་པས་དཔའ་བོ་མཁའ་འགྲོ་དགྱེས་པའི་བྲོ་གར་གྱིས་ས་གསུམ་གཡོས། སླར་རྡོ་གྲུབ་རྗེས་མཁའ་འགྲོ་ཡང་ཏིག་གི་དབང་ལུང་གནང་བའི་སྐབས་མཚན་སྣང་འོད་གསལ་གྱི་ངོེར་ཀུན་མཁྱེན་དྲི་མེད་འོད་ཟེར་གྱིས་ཡང་ཏིག་ཆེན་མོའི་དོན་ཁྲིད་མཛད་པ་བཟུང་འབྲེལ་དུ་བྱུང་། ཡང་ཁྲིད་ཡིག་ཡེ་ཤེས་བླ་མའི་སྨིན་ཁྲིད་ཞག་བརྒྱ་ཕྲག་ཏུ་གནང་སྐབས་སུ་མུན་པའི་རྣལ་འབྱོར་ཐབས་ཀྱི་ལམ་མཆོག་རིག་པ་གཅེར་མཐོང་སོགས་གདམས་ཟབས་དཔག་ཏུ་མེད་པ་གནང་། སྐྱབས་རྗེ་འདི་ལ་ལྷག་པའི་ལྷ་དང་ཡེ་ཤེས་ཀྱི་མཁའ་འགྲོ་དུ་མས་ཞལ་གཟིགས་ཤིང་གདམས་ཟབ་ངོ་སྤྲད་དཔག་མེད་གནང་བ་དང་། གོང་སྨོས་དམ་པ་རྣམས་དང་། ཁྱད་པར་རིག་འཛིན་ཆེན་པོ་འཇིགས་བྲལ་གླིང་བའི་ཐུགས་སྲས་ཀུན་གྱི་བསྟན་པའི་སྙིང་པོ་རང་བཞིན་རྫོགས་པ་ཆེན་པོའི་བཤད་བརྒྱུད། སྙན་བརྒྱུད། མན་ངག་གི་བདུད་རྩིིས་ཐུགས་རྒྱུད་བུམ་པ་བཟང་པོ་ཡོངས་སུ་གཏམས། དགོངས་པའི་བྱིན་རླབས་འཕོས་པས་གྲུབ་པའི་ས་མཐོར་གཤེགས་ཏེ་རྟོགས་གྲོལ་དུས་མཉམ་དུ་གྱུར། བླ་མ་ཤིན་ཏུ་དགྱེས་ཏེ་གཏད་རྒྱ་སྨོན་ལམ་ཞལ་གདམས་ལུང་བསྟན་བཅས་ལྷག་ལུས་མེད་པར་གནང་། གཞན་དོན་དུས་ལ་བབ་པས་དེ་ཕྱོགས་ཀྱི་འདུས་པ་མང་པོ་དང་། དགོན་གྱི་གྲྭ་ཚང་རྣམས་ལ་ཀློང་སྙིང་། [page 481] གྲོལ་ཐིག སེམས་ཀློང་མན་ངག་སྡེ་བཅས་ཀྱི་དབང་ལུང་རྣམ་རྟེན་འབྲེལ་གྱི་སྒོིོི་ཡིན་པས་ཉིད་ཀྱིས་མཛོད་ཅེས་བླ་མས་ཞལ་བཀོད་ལྟར་གྲུབ་པར་མཛད། བླ་མར་དགོངས་པ་ཞུས་ཏེ་སྤང་གི་ཚུལ་གྱིས་རོལ་བཟའ་དཔལ་དགེ་དང་། ལྷག་བསམ་རབ་དཀར་སོགས་ཁྲོ་སྐྱབས་སུ་བྱོན། ཐུགས་རྗེ་ཆེན་པོའི་སྐུ་རང་བྱོན་གྱི་ཞལ་མཇལ་མ་ཐག་ཡི་གེ་དྲུག་མ་ལན་གསུམ་གསུངས་པ་ཀུན་གྱིས་ཐོས། སྨོན་ལམ་མཛད་པས་མཐུན་འགྱུར་མཛད། ཉམས་འུར་བའི་ཚུལ་གྱིས་མི་མིན་ནག་ཕྱོགས་རྣམས་ཚར་བཅད་དེ་ཡུལ་དེ་དགེ་བར་མཛད། རིམ་བཞིན་རྫོང་འགག་སྟོད། བླ་མ་དགོན། ཨ་ཆོག་དགོན། མཛོད་དགེ་ཐང་སྐོར་བརྒྱུད་རྡི་ཚ་ཐང་དུ་ཨ་མྱེས་དམུར་རི་ཞེས་པར་སངས་རྒྱས་སྟོང་སྐུ་རང་བྱོན་ཡོད་པའི་གནས་སྒོ་ཕྱེས། ཡུལ་དེའི་བསོད་ནམས་ཀྱི་ཞིང་མཆོག་ཏུ་གྱུར། བླ་བྲང་བཀྲ་ཤིས་འཁྱིལ་དུ་གཉན་ཁྲོད་མཐས་རྫོགས། དམ་སྲིད་གདུག་པ་ཅན་བཏུལ། མཚོ་སྙིང་མཧཱ་དེ་ཝར་གནས་འབྲེལ་མཛད། སླར་རེབ་གོང་འཇའ་མོ་ཐང་དུ་བྱོན། གཞན་ངོར་འབྲུམ་བཞེས་ཚུལ་བསྟན། འོད་གསལ་གྱི་སྣང་བར་ཞིང་དུ་མ་ཉུལ་ཞིང་ཆོས་དང་གདམས་པ་གསན། ཁྱད་པར་རྔ་ཡབ་པདྨ་འོད་དུ་གུ་རུའི་དྲུང་དུ་དབང་བཞི་རྫོགས་པར་ཐོབ། སྐད་རིགས་ཀྱང་དུ་མ་མཁྱེན། སྐབས་འདིར་མི་མིན་དཔག་ཏུ་མེད་པའི་དོན་མཛད། ལྕགས་སྦྲུལ་ལོེར་རྗེ་བླ་མ་ཞིང་དུ་གཤེགས་པའི་གདུང་མཆོད་འབུལ་བར་མགོ་ལོག་བརྒྱུད་རྡོ་གྲུབ་གདན་སར་ཕེབས་ནས་གདུང་མཆོད་ཀྱི་མཛད་པ་ལེགས་པོར་གྲུབ་ཞིང་། མཐོང་ཐོས་དྲན་རེག་པས་གདུལ་བྱ་རྗེས་སུ་འཛིན་ཕྱིར་སྡེ་དགེར་ཕེབས། སླར་རུ་དམ་རྫོགས་ཆེན་དགོན་དུ་ཕེབས་དུས་རྗེ་ཉིད་ཀྱིས་དཔལ་ཆས་སྐུར་འཆང་བ་གཟིགས་པས་རྫོགས་ཆེན་རིན་པོ་ཆེས་གྲུབ་པའི་དབང་ཕྱུག་ཆེན་པོར་གཟེངས་བསྟོད་ཆེར་མཛད། སླར་རྫ་སྟོད་དུ་ཕེབས་ནས་རྗེ་རྒྱལ་བའི་མྱུ་གུ་དང་མཇལ་འཕྲད་མཛད། རྫ་རྒྱལ་འཕན་པོའི་རི་ངོེར་ར་ཉག་སྲས་ཆུང་དང་ཉིད་ཟུང་གིས་ནག་ཕྱོགས་བསྐྲད་ཅིང་ཟོ་དོེར་རང་གནས་སུ་བཀོད། སྣང་སེམས་རང་དབང་ཐོབ་པས་དཔལ་ཤ་བ་རི་བའི་བརྟུལ་ཞུགས་བསྐྱངས་ཤིང་མགོ་ལོག་ཕྱོགས་སུ་ཕེབས། བསད་པ་གསོ་བ་སོགས་གྲུབ་པའི་རྟགས་མཚན་ཅིེར་ཡང་ངོམས། ཁྲོ་སྐྱབས་སུ་ཐུགས་རྗེ་ཆེན་པོའི་སྐུ་རྟེན་དྲུང་སྡུག་བསྔལ་རང་གྲོལ་གྲུབ་པ་མཛད་པས་སྐུ་རྟེན་བཞད་ཅིང་བདུད་རྩི་ཁོལ། སླར་བཀྲ་ཤིས་ཐང་དུ་སྟོན་འཁོར་འཛོམས། ཡུལ་གཞིར་སྨད་སྙིང་པོ་སོགས་འདུས་པ་བརྒྱ་ཕྲག་ལ་སྔོན་འགྲོ་དང་། རྩ་རླུང་ཁྲིད་ཞག་བརྒྱར་མཛད། དབེན་པར་ཚོགས་འཁོར་མཛད་པས་ཐུན་མོང་དང་ཐུན་མིན་གྱི་རྟགས་མཚན་ཁྱད་པར་ཅན་བྱུང་ཞིང་ཡེ་ཤེས་ཀྱི་ཌཱཀི་རྣམས་ཀྱིས་གྲུབ་པའི་དབང་ཕྱུག་གི་མཚན་གྱིས་མངའ་གསོལཡང་ཡང་མཛད། ཆོས་ཁྲིད་རྫོགས་ནས་ཀློང་སྙིང་གི་དབང་ལུང་ཁ་ཤས་མཛད། སླར་འཛིར་ཀ། མདོ་ལོག་སྟོད་སྨད། གཙང་སྟོད་སྨད་གཡུ་ཁོག་སོགས་མདོ་ཁམས་ཀྱི་ཡུལ་དུ་མར་བླ་མ་རྣམས་ལ་བོགས་འདོན། དད་ལྡན་རྣམས་ལ་ཆོས་འབྲེལ། གཞན་མཐོང་ཐོས་རེག་པ་ཀུན་ཀྱང་དོན་ལྡན་མཛད། སླར་སྡེ་དགེའི་ཕྱོགས་སུ་ཕེབས། ཀུན་མཁྱེན་གོང་མ་དང་རྡོ་གྲུབ་དངོས་སློབ་སོགས་ལ་ཆོས་འབྲེལ་སོགས་གནང་། རྫ་སྟོད་དུ་འཇིགས་མེད་[page 482] རྒྱལ་བའི་མྱུ་གུས་བར་ཆད་བསལ་ཞིང་དབང་དང་གདམས་པ་ཁྱད་པར་ཅན་གནང་། མགོ་ལོག་ཏུ་རྡོར་རྫོང་གནས་སུ་བསྙེན་སྒྲུབ་མཛད་པས་སྐུ་གེགས་བཟློག གནས་པདྨ་རི་མཐོར་སེང་ལུའི་སྒོམ་ཁང་ཁྲ་མོར་མ་ཅིག་གྲུབ་པའི་རྒྱལ་མོས་ཚེ་དབང་བསྐུར། རྒྱལ་རོང་ཕུན་ཚོགས་རྫོངས་གི་རྒྱལ་པོ་ཚེ་དབང་ལྷུན་གྲུབ་གསང་ཚུལ་གྱིས་རྗེས་སུ་བཟུང་། དགེ་བཤེས་རྒྱལ་གསར་གསར་སྐྱེས་བྱུང་བ་བཏུལ། ཆུ་འབྲུག་ལོའི་ཟླ་བ་དང་པོའི་ཚེས་ཉེར་ལྔ་ལ་དམ་པ་རྒྱ་གར་དང་། མ་ཅིག་གི་ཞལ་གཟིགས། གླེགས་བམ་སྤྱི་བོར་བཞག་ནས་བཀའ་གཏད་མཛད། དགུན་དེར་སྐྱིད་ལུང་དགོན་གསར་སྐྲུན་དུ་འདུས་པ་བརྒྱ་ལྷག་ཙམ་ལ། སྔོན་འགྲོ་རྩ་རླུང་གི་ཁྲོད་དང་། ཀློང་སྙིང་དབང་ལུང་། བླ་མ་ཁ་ཤས་ལ་ཡེ་ཤེས་བླ་མའི་ཁྲིད་བཅས་བྱས། ཆུ་སྤྲུལ་ལོར་གནས་དེར་རི་ཁྲོད་གསར་ཏུ་བཏབ་པར་ཊྰ་ཀི་དང་མི་མ་ཡིན་རྣམས་ནས། འོད་གསལ་ཉམས་ཀྱི་སྣང་བར་མཁའ་དབྱིངས་ཀློང་སྒྲོམ་སྨུག་པོ་འབྱེད་པའི་རྟེན་གྱི་སྣ་ཁ་བསྒྲིགས། སླར་སྐུ་ཉིད་ཀྱི་རང་དགོན་སྐྱིད་ལུང་དགོན་ཏུ་བྱོན། སྨད་མཁའ་འགྲོའི་སྐོར་སོགས་གསང་ཚུལ་གྱིས་ཐུགས་གཏེར་ཕྱི་ཆོས་ཁ་ཤས་ཕབ། མེ་སྤྲེལ་ལོར་བཞག་བྲའི་རི་ཁྲོད་དུ་མཁའ་འགྲོ་ཡང་ཏིག་གི་སྨིན་གྲོལ་གྱི་འཕར་ཕྱེས་པས་ཕལ་བའི་བློ་ཡུལ་དུ་ཤོང་དཀའ་བའི་ངོ་མཚར་གྱི་ལྟས་དུ་མ་བྱུང་། ཤིང་སྤྲུལ་ལོར་གཡུ་རྩེའི་དྲེགས་ཚོགས་བསུ་མར་ཐོག་ནས་མགོ་ལོག་ཏུ་བྱོན། གཡུ་རྩེའི་སྔོ་མཚོའི་འགྲམ་དུ་ཞག་བདུན་སྒྲུབ་པ་མཛད། རྫུ་འཕྲུལ་གྱི་བཀོད་པ་དུ་མས་མི་དང་མི་མ་ཡིན་པའི་དོན་མཛད། མེ་རྟ་ལོར་དགོངས་གཏེར་ནམ་མཀའ་མཛོད་ཀྱི་ཆོས་སྡེ་ཡང་གསང་ཐུགས་ཀྱི་ཐིག་ལེ་ཟབ་པ་ཀུན་གྱི་མཐར་ཐུག་ཡེ་ཤེས་ཊྰཀིའི་གཅེས་ནོར་གང་ཞིང་འདིའི་སྐལ་ལྡན་གྱི་གདུལ་བྱ་རྒྱ་མཚོའི་དཔལ་དུ་སྣང་བར་མཛད། གཉེར་མཛིན་ཆོས་ཀྱི་བདག་མོས་གཏེར་སྒྲུབ་མཛད་པས་ས་གཡོས། རི་ངུར། ཆུ་རླུང་གིས་སྔགས་སྒྲ་སྒྲོགས། སྒྲུབ་ཁང་མེ་འོད་འཕྲོ་བ་སོགས་ཐུན་མོང་དང་ཐུན་མིན་གྱི་རྟགས་མཚན་མང་པོ་བྱང་། རྒྱལ་རོང་གནས་ཆེན་དམུ་རྡོའི་རྫུ་འཕྲུལ་ཕུག་ཏུ་སྒྲུབ་པ་མཛད། སྙིང་རྟེན་དགོན་དང་དེའི་ཕྱོགས་ཀྱི་དད་ལྡན་ཀུན་མོས་བློ་མཚམས་པའི་ཆོས་ཀྱིས་བསྐྱངས། ལུག་ལོར་བཞག་བྲའི་རི་ཁྲོད་དུ་ཤྲི་སེང་ཧའི་ཞལ་གཟིགས་ཤིང་གདམས་ངག་བསྟན་ནོ།། ས་སྤྲེལ་ལོར་ཐངས་དང་རྫུ་འཕྲུལ་སྣ་ཚོགས་ཀྱིས་གཏུམ་པོ་ཉག་སྐེད་དཔོན་གྱི་སྣང་བ་བསྒྱུར་ཞིང་དད་པར་མཛད། མི་ཉག་སེང་གེ་རི་དང་གངས་དཀར་སོགས་མི་མིན་གྱི་འཁོར་དུ་མ་ལ་ཐུགས་ཐིག་གི་ཆོས་འཁོར་བསྐོར། ཁྲོ་སྐྱབས་ཝོ་ཟི་ཨ་བོར་བླ་མ་ཉིད་ཧེ་རུ་ཀའི་རྣམ་པས་ཞལ་གཟིགས། གཡི་ཁོག་ཏུ་འཕགས་མཆོག་ཀླུ་དབང་རྒྱལ་པོས་སྨན་གྱི་ཞལ་ཕྲུ་གཏོར་བས་སྙུན་དྭངས། ཀ༔མཆོག་དགོན་གྱི་ཚེས་བཅུའི་དུས་ཤིག་ལ་གུ་རུ་སྟོན་འཁོར་གྱིས་ཞལ་གཟིགས་ཤིང་བྱིན་གྱིས་བརླབས། ས་སྤྲེལ་ལོ་ནས་བཟུང་མི་ཉག ཉག་རོང་། རྒྱལ་མོ་[page 483] རོང་སའི་ཆར་གཏོགས་པ་ཀུན་དང་། ཟུང་ཆུ་ཕྱོགས་སོགས་སུ་ཕེབས་ཏེ་སྐལ་ལྡན་རྣམས་ལ་དབང་ལུང་སྨིན་ཁྲིད། དད་ལྡན་རྣམས་ལ་རང་སྐལ་འཚམས་པའི་པའི་ཆོས་འབྲེལ། གཞན་ཡང་མཐོང་ཐོས་དྲན་རེག་གི་འབྲེལ་བས་གདུལ་བྱ་འདྲེན་པའི་དུས་བབ་ལྟར་མཛད་པ་བསྐྱངས། མེ་སྤྲུལ་ལོར་ཁམས་ཀྱི་ཙྰ་རི་དྲའམ་གཉན་པོ་གཡུ་རྩེས་བསུ་བ་བྱུང་བ་ལྟར་རྒྱལ་རོང་ཚེ་བརྟན་གླིང་ནས་སྟོད་ཕྱོགས་སུ་ཕེབས་ལམ་ས་མཆོག རྔ་ཁོག་སྟོད་སྨད། རྡོ་ཡུལ་མགོ་ལོག་སྟོད་སྨད་བར་གསུམ་སོགས་སུ་ཕེབས། གསོན་གཤིན་འབྲེལ་བས་བསྡུས་པ་ཀུན་གང་གི་ཐུགས་བསྐྱེད་དང་། སྨོན་ལམ་མཐུ་བཙན་པོས་ཕན་བདེའི་གོ་སར་དབུག་དབྱུང་བར་མཛད་ཅིང་། ནག་པོའི་ཕྱོགས་སུ་གཏོགས་པ་རྣམས་གསན་སྤར། དམ་འོག་བཙུད་པ་སོགས་མི་དང་མི་མིན་གྱི་འགྲོ་དོན་དཔག་མེད་མཛད། ས་ཕོ་རྟའི་སྟོད་རྨ་སྟོད་དུ་ཕེབས། རྒྱུ་སྟོད་ཅེས་པའི་སར་རྨ་རི་སྤྲུལ་པའི་གཞི་བདག་ཀུན་འདུས། གཙོ་མོ་དངུལ་དཀར་སྒྲོལ་མས་མེ་ཏོག་གི་སིལ་མ་འཐོར་བཞིན་གེ་སར་སྐྱེས་བུའི་ཆོས་སྒྲུང་གསུང་བའི་དུས་བབ་ཀྱི་བསྐུལ་མ་མཛད། དེ་ནས་རྨ་སྟོད་ནས་མགོ་ལོག་ཏུ་ཕེབས། རྒྱུ་སྟོད་ཅེས་པའི་སར་རྨ་རི་སྤྲུལ་པའི་གཞི་བདག་ཀུན་འདུས། གཙོ་བོ་དངུལ་དཀར་སྒྲོལ་མའི་མེ་ཏོག་གི་སིལ་མ་འཐོར་བཞིན་གེ་སར་སྐྱེས་བུའི་ཆོས་སྒྲུང་གསུང་བའི་དུས་བབ་ཀྱི་བསྐུལ་མ་མཛད། དེ་ནས་རྨ་སྟོད་ནས་མགོ་ལོག་ཏུ་ཕེབས། ལམ་བར་དུ་འཁོད་པའི་གདུལ་བྱ་རྣམས་ཀྱི་རེ་བ་བསྐངས། གཡུ་རྩེའི་གནས་ནང་དུ་ཕེབས། ཉིན་པར་ཡུལ་ལ་རྩེད་འཇོར་རོལ། མཚན་སྣང་ས་སྤྱོད་རིན་ཆེན་བཀོད་མཛེས་རྣམ་པར་རོལ་བར་ཧེ་རུ་ཀའི་སྒྲུབ་པ་མཛད། གུ་རུ་ཤྲི་སང་བི་མ་རྣམས་གསུམ་འཁོར་རྒྱ་མཚོ་དང་བཅས་པ་དེར་འདུས། ཆོས་བདག་མོ་འོད་ལུང་དང་ཞལགདམས་བཅས་གནང་། ཡུལ་དེའི་མི་དང་མི་མིན་གྱི་གདུལ་བྱ་མཆོག་དམན་ཀུན་སྐལ་བ་མཆོག་ལ་བཀོད། རྒྱལ་རོང་ས་མང་རྒྱལ་པོའི་ཕེབས་བསུ་འབྱོར་བ་ལྟར་མགོ་ལོག་ནས་མྱུར་སྟབས་ཀྱིས་ཚེ་བརྟན་གླིང་དུ་ཕེབས། འདི་ནས་བཟུང་རྒྱལ་རོང་རྒྱལ་ཁག་བཅོ་བརྒྱད་ཀྱི་དབུའི་མཆོད་གནས་སུ་གྱུར་ནས་རྒྱལ་ཁག་བཅོ་བརྒྱད་ཀྱི་བླ་མ་མི་དཔོན། སེར་སྐྱ་མཆོག་དམན་ཕལ་ཆེར་ཐུན་མོང་དང་ཐུན་མིན་གྱི་ཆོས་ཚུལ་རྒྱ་མཚོས་སྨིན་གྲོལ་ལ་བཀོད། གཞན་ཡང་གདུལ་བྱ་རང་རང་གི་མོས་བློར་མཐན་པར་སྣ་ཚོགས་མཛད་པས་མི་དང་མི་མིན་གྱི་གདུལ་བྱ་དཔག་མེད་རྗེས་སུ་བཟུང་། ཁྱད་པར་ཁྲོ་སྐྱབས་རྒྱལ་པོ་ནམ་མཁའ་གཙོས་མི་དང་མི་མིན་ཤ་ཟ་མཁའ་འགྲོའི་རིགས་གྱུར་ཆོས་གྲལ་དུ་འདུས་ཏེ་ཁྲིད་ཡིག་ཆེན་མོ་གསུངས་པའི་ཚེ་ནག་ཕྱོགས་ཀྱི་ཆོ་འཕྲུལ་ཡང་ཆེར་བྱུང་སྐབས་རྒྱལ་ཟླར་ཡར་ཚེས་ལ་གུ་རུ་རཀྴ་ཐོད་ཕྲེང་རྩལ་འཁོར་ཁྲོ་བོ་ཁྲོ་མོ་སྲིན་པྲི་དམག་དང་སྤྲུལ་བའི་ཕོ་ཉ་སྣ་ཚོགས་དང་བཅས་པས་ལྷ་སྲིན་མ་རུང་བ་རྣམས་འགུགསབསྒྲལ་སྤར་བ་དང་དམ་འོག་ཏུ་བཙུད་དེ་བར་ཆད་མཐའ་དག་ཞི་བར་མཛད། བླ་མའི་བྱིན་རླབས་བཙན་ཐབས་སུ་ཞུགས་པས་གདམས་ངག་དེ་དག་གིས་རྒྱུད་གྲོལ་ཏེ་རིག་འཛིན་གྱི་གྲལ་དུ་བཀོད། རེ་དྲུག་བཞེས་པའི་ཤིང་གླང་ལོར་རྟེན་འབྲེལ་དུས་སུ་བབ་པས་སྙིང་ཐིག ཡང་ཏིག་ཆེན་མོ་[page 484] སོགས་གདུལ་བྱའི་སྐལ་བ་དང་འཚམས་པར་སྨིན་གྲོལ་གདམས་པའི་ཆོས་ཆར་ཕབས། གཞན་ཡང་བརྟུལ་ཞུགས་ཀྱི་སྤྱོད་པ་སྣ་ཚོགས་པས་ལས་ཅན་རྣམས་ཀྱི་རྒྱུད་བཙན་ཐབས་སུ་གྲོལ་བའང་བགྲངས་ཀྱི་མི་ལངས་ཤིང་། བཟང་ངན་འབྲེལ་བས་བསྡུས་པ་ཀུན་མཐུན་དང་ལྡན་པར་མཛད། དགུང་གྲངས་རེ་བདུན་བཞེས་པའི་མེ་སྟག་ལོར་དར་མདོར་ཕེབས། ཚོང་འདུས་དང་སྲམདོ་རྣམས་སུ་བཞུགས་ཤིང་མཐོང་ཐོས་མ་འོངས་གདུལ་བྱར་འགྱུར་བའི་ཐུགས་བསྐྱེད་ཁྱད་པར་ཅན་གྲུབ་པར་མཛད། དབོ་ཟླའི་ཉི་ཤུ་ལ་ཆོས་སྐུའི་བཞུགས་སྟངས་བཅས་གཟུགས་སྐུའི་བཀོད་པ་རེ་ཞིག་ཆོས་སྐུའི་དབྱིངས་སུ་བསྡུས། འོད་དང་། ས་གཡོ་བ་དང་། འཇའ་ཁ་ཏོག་སྣ་ཚོགས་པ་དབྱིབས་གྱེན་འགྲེངས། རྩིབ་ཤར། ཟླུམ་པོ། ལྷམ་པ་སོགས་ཀྱིས་ནམ་མཁའ་ཁྱབ། གདུང་ཞུགས་ལ་ཕུལ་ནས་ཞལ་ཕྱེས་པས་གདུང་ཆེན་ཅོ་ཀའི་སྒོ་ང་ཙམ་ཁ་ཏོག་ལྔ་ལྡན་གཅིག་དང་། གཞན་གདུང་དང་རིང་བསྲེལ་བསམ་གྱིས་མི་ཁྱབ་པ་འགྲོ་བའི་བསོད་ནམས་ཀྱི་ཞིང་དུ་བཞག་གོ

དེ་ལྟར་གྲུབ་དབང་ཡེ་ཤེས་རྡོ་རྗེ་ཉིད་ནས་མ་མཧྰ་སྐྱིད་ལུང་དགོན་གསང་སྔགས་ཆོས་སྡེ་གླི་དགོན་པ་ཕྱག་བཏབ་གནང་ཞིང་གདན་ས་དངོས་མཛད་དེ། ཐུགས་གཏེར་ཟབ་མོའི་ཡང་སྙིང་གི་སྒྲུབ་རྒྱུན་ཚུགས་ཏེ། ཊ་ཀི་མ་བློ་གསལ་དབང་མོ་དང་། མད་སྒར་སྤྲུལ་སྐུ་རྣམ་གསུམ། མདོ་སྒར་སྤྲུལ་སྐུ་ཆོས་གྲགས་སོགས་དགོན་པ་འདིའི་ཕྱི་ནང་གསང་གསུམ་ལ་རང་བདག་མཛད་ནས། སྐུ་རབས་ཕྲེང་བ་རྣམས་སུ་བཀའ་དྲིན་ེཆ་བ་བྱུང་ངོང་།

བཤད་སྒྲུབ་ཀྱི་སྲོལ་ཚུགས་ཚུལ། དབེན་གནས་གངས་རི་ཐོད་དཀར་གཉིས་པའི་གནས་མཆོག་དེར་གཙུག་ལག་ཁང་རྟེན་དང་བརྟེན་པ་བཅས་བཀོད་ལེགས་ཕུན་སུམ་ཚོགས་པར་བཞེངས་ནས་ལུང་རྟོགས་ཀྱི་བསྟན་པ་རིན་པོ་ཆེ་འཆད་ཉན་བྱེད་པའི་དགེ་འདུན་མང་ཚོགས་འདུས་པའི་དར་རྒྱས་སུ་མཛད། ཀླུའི་ཕོ་བྲང་གི་སྟེང་དུ་བསྒྲུབ་ཁང་། ལྷ་ཁང་རྟེན་དང་བཅས་པ་གསར་བཞེངས་མཛད་ནས། སྤོང་བ་བསམ་གཏན་གྱི་འཁོར་ལོའི་སྒྲུབ་རྒྱུན་བཙུགས། རིག་གསུམ་མགོན་པོའི་གནས་རིའི་ཉེ་འདབས་ན་ཨོ་རྒྱན་མཁའ་སཔྱོད་མདོ་ཞེས་པའི་དབེན་གནས་ཉམས་དགའ་ཞིག་ཡོད་པ་དེ་རུ་བྱོན་ནས། དབེན་གནས་པའི་འདི་རུ་ཁོང་གི་རི་ཁྲོད་ཞིག་འདེབས་དགོས་པས། ས་གཞི་གང་ལེགས་གྲྭ་བ་ཞིག་ལ་ལྟོས་དང་གསུངས། གྲྭ་བས་ཕག་རྒོད་ཞིག་གིས་ས་སློག་པར་མཐོང་ནས་བླ་མ་ལགས་ཕ་ཀི་ན་ཕག་རྒོད་ཞིག་གིས་ས་སློག་གྱིན་འདུག་ཞུས། དེ་རྡོ་རྗེ་ཕག་མོའི་ས་གདུལ་མཛད་པ་རེད་གསུངས་ནས་རི་ཁྲོད་སྤྱོད་ལམ་བཞི་ཤོང་བ་ཞིག་དེར་བཏབས། ཡང་དེར་ལྷ་ཁང་རྟེན་དང་བཅས་པ་ཞིག་གསར་བཞེངས་མཛད་ནས། ཚེ་བཅུ་ཉེར་ལྔའི་དུས་མཆོད་ཆད་མེད་ཀྱི་རྒྱུན་སྲོལ་གསར་བསྐཏུན་མཛད། སློབ་མ་བསྐྱང་ཚུལ་ནི། པད་མའི་ཚལ་དུ་བུང་བའི་ཚོགས་ཀུན་ངང་གིས་འདུ་བ་བཞིན་ཕྱོགས་མཐའ་དག་ནས་འདུས་པའི་བླ་སྤྲུལ་དང་། སྐྱེ་བོ་ཕོ་མོ་ཀུན་ལ་རང་རང་དང་འཚམས་པའི་དམ་ཆོས་བདུད་རྩིའི་ཆོས་སྐལ་གྱིས་ཤིས་རྒྱུད་ཚིམ་པར་མཛད་པ་དང་། [page 485] མ་ཚད་གཟུགས་ཅན་གཟུགས་མེད་ཀྱིི་འགྲོ་བ་དཔག་ཏུ་མེད་པས་བླ་མའི་བཞུགས་གནས་ཀུན་གང་བར་གནས་པ་སོགས་སློབ་བུ་རེ་ཟུང་གིས་མིག་གི་ལམ་དུ་མངོན་སུམ་ཏུ་མཐོང་བར་གདའ་འོ། ཁོང་གི་སློབ་ཆེན་སྔོན་སྦྱང་གི་གང་ཟག་ནུབ་སངས་རྒྱས་ཡེ་ཤེས་ཀྱི་རྣམ་འཕྲུལ། སྟག་རང་བླ་མ་སངས་རྒྱས་ཡེ་ཤེས། སྟག་རང་རྡོ་རྗེ་ཚེབརྟན་སོགས་སྐྱེ་མཆོག་དམ་པ་རྣམས་ནི་བླ་མའི་དགོངས་པ་དང་དབྱེར་བ་སྒྲུབ་འབྲས་མངོན་དུ་གྱུར་པ་ཡང་དུ་མ་བྱུང་བ་ལགས་སོ། མ་ཚད་རྐུན་ཇག་རྔོན་གསུམ་སོགས་མི་དགེ་བའི་ལས་ཀུན་རྒྱུན་གཅོད་པའི་ཕྱིར་ཏུ། ལི་གཙང་མན་ཆད་མི་ཉག་ཡན་ཆད། ཤར་རྒྱལ་མོ་རུང་དང་། རྟའུ་ཚུན་ཆོད་གཞན་དོན་ལྷུར་ལེན་གྱིས་གང་དུ་བྱོན་རུང་། ཞབས་ཐད་ཁོ་ནར་བྱོན་པ་ལས་ཆིབ་རྟ་སོགས་གཏན་ནས་ཆིབ་པར་མི་གནང་། ཉིན་ལམ་མང་པོའི་བར་ཏུ་བསྒྲོད་དགོས་པ་སོགས་ཀྱང་སྐད་ཅིག་གཅིག་གིས་བྱོན་པ་སོགས་ངོ་མཚར་བའི་རྗུ་འཕྲུལ་བསྟན་པ་ནི་བསམ་གྱི་མི་ཁྱབ་པ་ཡོད་དོ། ། ཁོང་བླ་སློབ་ཀུན་ཀྱིས་དབེན་པའི་གནས་སུ་བསྒྲུབས་པའི་རྒྱལ་མཚན་ཁོ་ན་བཙགས་པ་ལས་འདིར་སྣང་གི་བྱ་བ་ཆེད་དུ་མི་འཛིན་པར་གྲུབ་ཆེན་ཡེ་ཤེས་རྡོ་རྗེའི་སྐྱེ་འཕྲང་ཡིན་རུང་ཕྱོགས་མེད་ཀྱི་རྒྱལ་ཁམས་འགྲིམ་ནས་རིས་མེད་ཀྱི་བསྟན་འགྲོའི་ལས་དོན་གང་ཆེར་བྱོན་པ་ལས། དགོན་ཁག་གཞན་གྱི་བླ་སྤྲུལ་རྣམས་ཀྱི་མཛད་སྤྱོད་ལྟར་རང་དགོན་ཆེད་དུ་བཟུང་བར་ཡང་མི་མཛད་པའི་ཕྱིར་ན། དགོན་དང་རྟེན་སོགས་གསར་བསྐྲུན་ཆེས་ཆེར་མི་སྣང་བ་ནི་དེ་ཀས་ལགས་སོ།།

དུས་མཆོད་ནི་བོད་ཟླ་བཅུ་གཉིས་པའི་ནང་། བཀའ་བརྒྱད་ཀྱི་སྒྲུབ་ཁག་དང་། སེང་གདོང་གི་སྒྲུབ་ཁག་བཅས་ཉིན་བདུན་གྱི་བར་དུ་འཚོགས་ནས་གཏོར་རྒྱག་བཅས་དང་། ཟླ་བ་དྲུག་པའི་ནང་རིག་འདུས། ཡུམ་ཀ། དཔལ་ཆེན། ཐུགས་སྒྲུབ་བཅས་སྒྲུབ་མཆོད་ཀྱི་སྒྲུབ་ཁག་བཞི་རྒྱུན་འཛུགས་མཛད་དོ། སྐྱབས་རྗེ་གཟན་དཀར་གྱིས། འོད་ཟེར་ཅན་མའི་སྒྲུབ་པ་ཞག་བདུན། ཟླ་བ་གཉིས་པའི་ནང་དགུན་བཅའ་ཟླ་བ་གསུམ་བར་སྤྱོད་འཇུག་ཁྲིད་སྦྱང་དང་། གྲུབ་དབང་གི་གདུང་མཆོད་བླ་མ་མཆོད་པ། ཟླ་བ་བཞི་པའི་ནང་བསྙུང་གནས་དང་དམ་སྐོང་བཅས་ཉིན་ལྔ། ཟླ་བ་བརྒྱད་པའི་ནང་ཐུགས་རྗེ་ཆེན་པོ་སྡུག་བསྔལ་རང་གྲོལ་གྱི་ཆོ་ག་ལ་བརྟེན་ནས་མ་ཎི་བུམ་སྒྲུབ་ཞག་བདུན། ཟླ་བ་དང་པོའི་ནང་གནམ་སྟོང་དང་ཚེ་གཅིག་ལ་སྐྱབས་འགྲོ་མཆོད་པ་བཅས་དང་། གར་གོས་ཆ་བཞི། རིག་ལྔ་དང་གཙག་གཏོར་བཅས་གསེར་དངུལ་ལས་གྲུབ་པའི་རིན་ཐང་ཆེ་བ་ཅན་ནོ། རྗེས་སོར་ཨ་བུ་རིག་འཛིན་ངེས་དོན་རྒྱ་མཚོས་ཧོར་ཟླ་དྲུག་པའི་ཚེ་བཅུའི་གར་འཆམ་གསར་བཞག་ནི། རྡོ་རྗེ་བྲག་གི་གར་འཆམ་ལྟར་བླངས་ནས་གསེར་སྐྱེམ་པ་བཅུ་བཞི། ཀེང་རིས་བཞི། ཀུན་ཐུབ་བཞི། ཀིང་ཆེན་བཅུ་དྲུག ཁྲོ་བོ་ཁམས་གསུམ་ཟིལ་གནོན་བཅས་བཅུ་གཅིག གུ་རུ་མཚན་བརྒྱད། དཔའ་བོ་བཞི། དཔའ་མོ་བཞི། གྲི་བཙན། གཟའ་མཆོག གྲོ་བཙན། གྲོ་སྤྲུལ། སེང་སྤྲུལ། རྒྱ་ནག་ཧ་ཤང་། ལྷག་མ་བཞི། ཨ་ཙ་ར་གཉིས་བཅས་ཀྱི་འཆམ་གོས་ཡང་རྒྱ་གསར་གྱི་འཆམ་གོས་དང་[page 486] གོས་ཆེན་རིན་ཐང་ཆེ་བ་ཅན་ཤ་སྟག་གོ། སྨན་འདམ་ལས་བྱས་པའི་འབག་མགོ་ལ་གསེར་ཆབ་ཀྱིས་བསྒྲོས་ཉམས་དང་ལྡན་པ་བཅས་ཡིན་ནོ།།

བཤད་གྲྭའི་ནང་རྟེན་ནི། གུ་ར་སྣ་སྲིད་ཟིལ་གནོན། མཚན་བརྒྱད་ཀྱི་ཞལ་ཐང་སོགས་བཅོ་ལྔ། དཔེ་ཆ་པོད་ཏི་བརྒྱ་དང་བཅུ་གསུམ། རོལ་མོ། སིལ་སྙན། གཏོར་ཆ་སོགས་མཆོད་ཆས་ཁ་ཚང་ཡོད། མཁའ་སྤྱོད་མདོར་སྔར་གཙག་ལག་ཁང་ནང་། རྟེན་གུ་རུ། སྒྲོལ་མ། ཀུན་མཁྱེན་ཀློང་ཆེན་པ། རིག་འཛིན་འཇིགས་མེད་གླིང་པ། བླ་མ་གཟན་དཀར་གྱི་སྐུ་འདྲ། གསེར་ཟངས་ཀྱི་མགར་བའི་གྲུ་གང་རེ་བ་གཡུ་བྱུར་གྱི་ཕྲས་རྒྱན་བཀོད་ཅན། བླ་མ་གཟན་དཀར་གྱི་སྐུ་གདུང་མཆོད་རྟེན་ཆ་བརྒྱད། གུ་རུའི་སྐྱེ་རབས་ཀྱི་ཞལ་ཐང་། ཀ༔ཐོག་སིདྡྷི་ཆོས་ཀྱི་འབྱུང་གནས་རྟེན་གྱི་སྒམ་ལས་བྱུང་བའི་གསེར་ཟངས་ལས་གྲུབ་པའི་ལྷ་བརྒྱ་གཏོར་གཅིག་ལ་རྒྱན་ཕྲ་གཡུ་བྱུར་གྱིས་བཀོད་པ་ཅན། རག་གསེར་ལས་གྲུབ་པའི་ཚེ་བུམ་གྱི་ཁ་བརྒྱན་ཀྱི་ནང་དུ་བྱུ་རུའི་ཚེ་དཔག་མེད་ཀྱི་སྐུ་ཚོན་གང་བ་ཙམ་གྱིས་ཕྲ་བྱེད་པ། གཞན་ཡང་གཏོར་ཆ་བྲན་ཐུར། བདུན་ཚར། སྨན་རག སྨན་མཆོད། ནས་བཟེད། ཡུང་བཟེད། ཕུད་རྐོང་། ཕུད་རྐོང་གི་གདན་ཁྲ། དབང་མེ་སོགས་ཐམས་ཅད་གསེར་དངུལ་ལས་གྲུབ་པ་ཤ་སྟག་དང་། རོལ་མོ་སིལ་སྙན། གཞན་ཡང་མཆོད་རྫས་དུ་མ་ཡོད་དོ། བླ་མའི་རི་ཁྲོད་ནང་། མཁན་སློབ་ཆོས་གསུམ། དཔེ་ཆ་འདོན་ཆ་སྐོར་ཡང་གྲངས་མང་བཞིགས།

ཡོན་གྱི་འབྱུང་ཁུང་དང་། ལས་འགན་བཞེས་ཚུལ་ནི། སྔོན་ཡིན་ན་ཆོས་དད་ཅན་གྱི་དངོས་རྫས་ཆེ་ཆུང་ཇི་ཕུལ་ཡང་། དགེ་འདུན་པ་རྣམས་ཀྱི་འཚོ་བའི་ཆ་རྐྱེན་ལ་བགོ་རྒྱུའི་རྒྱུན་སྲོལ་ཡོད་པ་དང་། དུས་མཆོད་ཀྱིས་དགེ་འདུན་པའི་གསོལ་ཆས་སོགས་ཀྱང་སྤྱི་པ་བསྐོསནས། ཚོང་དང་བུན་སྐྱེད་སོགས་ཀྱི་གྲ་བསྒྲིགས་བྱེད་རྒྱུ་མཛད་ནའང་། བླ་མ་གཟན་དཀར་བྱོན་ནས་བཟུང་ཚོང་བུན་སྐྱེད་ཀྱི་སྒོ་ནས་བསྒྲུབ་པའི་འཚོ་བ་དེ་ནི་སྡིག་མེད་ཆོས་མཐུན་གྱི་ཁ་ཟས་ཞིག་ཏུ་མི་འགྲོ་འདུག་པས། དེའི་དོན་མི་འདུག་གསུངས་ནས་རྒྱུན་བཅད་དེ། ཡང་རྟག་དྲིལ་འཕངས་ནས་སུ་བབས་ཀྱི་མི་བརྒྱད་རེའི་ཇི་འབྱོར་གྱིས་དགེ་འདུན་པ་རྣམས་ལ་འཚོ་བ་དེ་ལྟ་བུའི་སྒོ་ནས་སྦྱར་བ་ལེགས་སོ།།

དེང་སང་རང་རེ་དགོན་ནི། ཆོས་ལྡན་ཡོན་བདག་རྣམས་ཀྱིས་ཡོན་ཁ་ཇི་ཙམ་ཕུལ་བ་དེ་ཉིད་ཆོས་ཁྲིམས་གཉིས་དང་། ལས་བསྒོ་བ་གཉིས། ཇ་མ་བཅས་མི་ལྔས་ཉར་ཚགས་འགན་ཁུར་བྱེད་ནས། དགོན་པ་ལ་བསྐྱལ་གསོ་དང་དགེ་འདུན་པ་རྣམས་ལ་དུས་མཆོད་ཀྱི་གསོལ་ཆས་སོགས་དེ་ཀས་མཛད་པ་མ་གཏོགས་དགོན་ཁག་གཞན་དང་དགེ་ཁག་གཞན་དང་འདྲ་བའི་སྤྱི་རྫས་དང་ཚོང་ཁང་སོགས་གང་ཡང་མེད་ལ། དེང་སང་འཚོ་བ་སོགས་གང་ཐད་ནས་ཡར་རྒྱས་སུ་སོང་བའི་ཕྱིར་ན་ཡོན་ཇི་ཐོན་ཡང་དགོན་གཞུང་ཁོ་ནའི་འགྲོ་སོང་བྱེད་པ་ལས་དགེ་འདུན་པ་རྣམས་ཀྱི་སྟོང་སྐར་གཅིག་ཙམ་ཡང་བགོ་བྱ་བྱེད་པའི་སྲོལ་རྒྱུན་སོགས་གང་ཡང་བཞག་པ་མེད་པ་ལགས་སོ།།

[page 487] དེང་གི་གནས་ཚུལ། དེ་ལྟར་གྲུབ་བརྒྱའི་གཙུག་གི་རྒྱན་གྱུར་གྲུབ་དབང་ཡེ་ཤེས་རྡོ་རྗེ་ཞེས་མཚན་གྱི་སྙན་གྲགས་སྲིད་པ་གསུམ་ན་ལྷང་ངེར་གྲགས་པ་དེ་ཉིད་ཀྱིས་བཞེངས་པའི་ཟངས་མདོག་དཔལ་རི་གཉིས་པ་ཡིན་ཞེས་ཉིད་ཀྱི་རྡོ་རྗེའི་ཚིག་གིས་ཞལ་གྱིས་བཞེས་པའི་དགོན་ཆེན་དེ་ཉིད་ལའང་བསམ་སྦྱོར་ངན་པས་མེ་ལ་བསྲེག་རྒྱུ་སོགས་ཕྱོགས་གང་ཐད་ནས་ངན་རྩོམ་པར་བྱས་རུང་། སྔོན་གྲུབ་དབང་གི་ཐུགས་བསྐྱེད་ལས། གནོད་འཚེ་མ་བྱུང་བ་མ་གཏོགས་གཞན་སྐྱེས་ཕྲེང་གསེར་རི་ལྟ་བུ་རིམ་བྱོན་གྱི་དམ་པ་རྣམས་ཀྱིས་བཞེངས་པའི་རྟེན་གཙུག་ལག་ཁང་དང་། བརྟེན་པ་སྐུ་གསུང་ཐུགས་རྟེན། ལྷ་ཆ་མཆོད་རྫས་འཕན་གདུགས་ཡོ་བྱད། འཆམ་གོས། འབག་མགོ། གདན་དང་ཚོགས་ཟངས། འདྲེན་ཁྲ་སོགས་མཁོ་བའི་ཡོ་བྱད་གང་ཡོད་ཐམས་ཅད། གཞན་གྱི་དགོན་ཁག་རྣམས་དང་བསྡུར་ན། རྒྱ་མཚོའི་སྦལ་བ་དང་། ཁྲོན་པའི་སྦལ་བ་གཉིས་ཀྱི་ལོ་རྒྱུས་དང་མཚུངས་ནའང་། རང་ཚོད་དང་བསྟུན་པའི་དགོན་ཆེན་འདིའི་ཡོ་བྱད་སོགས་ཇི་བཤད། མ་ཚད་བཤད་གྲྭ། སྒྲུབ་གྲྭ་དུང་འཁོར་ལྷ་ཁང་། མཁའ་སྤྱོད་མདོའི་ལྷ་ཁང་། བླ་མའི་རི་ཁྲོད་སོགས་ཀྱི་ནང་དུ་རྟེན་གསུམ་གང་ཡོད་དང་དངོས་རྫས་ཇི་ཡོད་ཐམས་ཅད་མེར་བསྲེག་པ་དང་། བདག་ཏུ་བཟུང་ནས་དངོས་རྫས་ཁྱེར་བ་སོགས་བསམ་ངན་གྱི་སྒོ་ནས་གཏོར་བརླག་ཤུལ་མེད་དུ་བཏང་ཚུལ་ལ་བསམ་ན་ཡིད་སྐྱོ་བའི་གནས་སུ་གྱུར་མོད་ཀྱང་སྔོན་ལས་དུས་སུ་སྨིན་པ་དང་། མི་རྟག་སྒྱུ་མའི་རང་མཚང་ངོམ་པ་ལ་སུས་ཀྱང་བསྙད་དུ་མི་ནུས་པར་ལགས་སོ།།

སླར་ཡང་བསྟན་པའི་ཉི་མ་སྤྲིན་གསེབ་ནས་ཤར་བའི་རྟེན་འབྲེལ་དུ། གྲུབ་དབང་ཡེ་ཤེས་རྡོ་རྗེའི་བཞུགས་ཁྲི་དང་། མདུན་ལྕོག་དཀྱིལ་འཁོར་ཐིག་རྩ་ལྡན་པའི་གཞི་གཅིག དཀྱིལ་འཁོར་གྱི་གདད་ཁྲི་གཅིག་དང་བཅས་ལུས་པ་དང་། ཆོས་ལྡན་གྱི་གང་ཟག་རྣམས་ཀྱིས་ཉར་ཚགས་བྱས་ནས། སླར་དགོན་གཞུང་ལ་ཚུར་ཕུལ་བ་ནི། རོལ་རྙིང་གཅིག སྙིང་ཐིག་རྩ་གསུམ་གྱི་ཙག་པོད་ཁ་ཚང་། བདུན་ཚར་ཆ་གཉིས་ཟངས་དང་དངུལ་གྱི་པ་ཏྲས་སྤྲས་པའི་སྤོས་ཕོར་གཅིག་བཅས་ལུས་པར་འདུག་གོང་།

བསྟན་པའི་ཉི་མ་ནུབ་རིའི་ཕྱོགས་སུ་ཉེ་ནའང་། སྔོན་བྱོན་དམ་པ་རྣམས་ཀྱི་ཐུགས་སྨོན་དང་། སླར་ཡང་ཏང་གི་ཆོས་དད་རང་མོས་ལམ་སྲོལ་བཏོད་པས་དགོན་དང་། བཤད་གྲྭ། སྒྲུབ་གྲྭ། དུས་མཆོད། གར་འཆམ་སོགས་སྔར་རང་རང་གི་ཆོས་ལུགས་དང་མཐུན་པར་བསྐྱར་གསོ་དང་རྒྱུན་སྲོལ་བརྟན་འཛུགས་བྱེད་ཆོག་པའི་བཀའ་གསུང་ཉི་མའི་འོད་སྣང་ཅན་སྤྱི་བོར་ཕེབས་པ་ལ་བརྟེན་ནས་སྐྱིད་ལུང་གསང་སྔགས་ཆོས་སྡེ་གླིང་གི་བསྟན་པའི་མངའ་བདག སྐྱབས་རྗེ་རིན་པོ་ཆེ་ཐུབ་བསྟན་ཉི་མ་དང་། མཆོག་སྤྲུལ་རིག་ཆུང་ཚང་ཁོང་རྣམ་གཉིས་ཀྱིས་ཐུགས་བློ་དང་། ཞལ་བཀོད་ཇི་ལྟར་གནང་བ་བཞིན་དུ། དད་ལྡན་གྱི་སྐྱེ་བོ་ཕོ་མོ་ཀུན་གྱིས་རང་མོས་ཀྱི་སྒོ་ནས་དངོས་རྫས་ཇི་འབྱོར་དང་། ལུས་ཀྱི་དཀའ་ཚག་སོགས་དཔག་ཏུ་མེད་པའི་མཐུན་སྐྱེན་གནང་བ་ལ་བརྟེན་ནས། སྔར་གྲུབ་དབང་ཡེ་ཤེས་རྡོ་རྗེའི་ཕྱག་བཏབས་ཀྱི་མདོ་ཁང་ཆེན་མོ་ལའང་། ལྷ་ཁང་ནང་གི་ཕྱོགས་བཞི་དང་། སྒོ་ཤུབས། སྟེང་ཁང་སོགས་ཐམས་ཅད་ཀྱི་ནང་དུ་མེ་[page 488] ཆེན་སྦར་ནས་བསྲེག་པར་བརྩམས་ནའང་ཡང་། གྲུབ་དབང་ཀྱིས་ཞལ་ནས། ང་ཡི་དགོན་འདི་འབྱུང་བཞིའི་གནོད་པས་མི་ཚུགས་ཀྱང་། མཐར་གཤིན་རྗེའི་རོ་ཁང་དུ་འགྱུར་འགྲོ་གསུངས་པ་དང་། ཁོང་གི་ཐུགས་བསྐྱེད་བླ་ན་མེད་པའི་སྟོབས་ཀྱིས་མི་ཡིས་གནོད་པས་མ་ཚུགས་ཀྱང་། ཅུང་ཟད་ཉམས་པ་རྣམས་ཞིག་གསོས་ལེགས་པར་བྱས་ནས། རྟེན་གསུམ་གསར་བཞེངས་ཀྱི་སྐུ་རྟེན་སྨད་འདམ་ལས་བྱས་པའི་ཇོ་བོ་གཙོ་འཁོར་གསུམ། གུ་རུ་གཙོ་འཁོར་གསུམ། གྲུབ་དབང་ཡེ་ཤེས་རྡོ་རྗེའི་སྐུ་འདྲ། སྤྱན་རས་གཟིགས། གྲུབ་ཆེན་ཐང་རྒྱལ། རྗེ་བཙུན་སྒྲོལ་སྐུ། ཀུན་མཁྱེན་ཀློང་ཆེན་རབ་འབྱམས། རིག་འཛིན་འཇིགས་མེད་གླིང་པ་བཅས་དང་། ཀུན་དགའ་ར་བའི་མཐོངས་སུ་གོས་ཐང་གིས་བཀང་བ་བཅས་བཞུགས་སོ།། གསུང་རྟེན་ནི། བཀའ་བསྟན་གཉིས་བཞུགས་སོ། སྟེང་ཁང་གྲུབ་དབང་གི་གཟིམ་མལ་ནང་། སྐུ་རྟེན་ཁྲག་འཐུང་ཧེ་རུ་ཀ་དཔལ་ཀུན་མཁྱེན་འཇིགས་གླིང་གི་ཕྱག་དྲིལ་གྱི་གཟུང་གཞུག་བྱས་པ་དང་། གུ་རུ་བདེ་བ་ཆེན་པོ། སྐྱེས་མཆོག་ནོར་བུ་དགྲ་འདུལ་ཞི་བ་བཅས་དང་། གསུང་རྟེན། རྙིང་མ་རྒྱུད་འབུམ། ཀློང་ཆེན་མཛོད་བདུན། ཡ་བཞི་དང་དུམ་གཉིས་སོགས་བཞུགས། མགོན་ཁང་ནང་སྙིང་ཐིག་རྩ་གསུམ་གྱི་སྐུ་དང་བཀའ་སྲུང་ཡོངས་རྫོགས་ཀྱི་སྐུ་རྣམས་བཞུགས། སྒོ་ཤུབས་ནང་དུ། རས་གཞི་ལ་ལྷ་བཟོའི་མཚན་རིག་བྱས་པའི་སངས་ཀྱི་ཆོ་འཕྲུལ་ཆེན་མོ་རྒྱལ་ཆེན་སྡེ་བཞི། སྐྱབས་རྗེ་ཐུབ་བསྟན་ཉི་མས་བརྩམ་པའི་ཀུན་བཟང་འཁོར་ལོ། གཉེན་ཆེན་ཐང་ལྷས་གཙོའི་ཡུལ་སྐྱོངས་ཀྱི་གཞི་བདག་བཅས་བཞུགས་སོ། ལྷ་ཁང་གི་མཐའ་བསྐོར་དུ་འཁོར་ལོ་དང་དུང་འཁོར་གྱིས་བསྐོར་བ་ཡིན་ལ། དགོན་གྱི་དུང་འཁོར་གྱི་ལྷ་ཁང་དང་། དུང་འཁོར་བཞི་བཅས་སྔར་ཤུལ་དུ་གསེར་བསྐྲུན་བྱས་ཡོད།

དུས་མཆོད་ནི། ཟླ་བ་དང་པོའི་ནང་བླ་མ་མཆོད་པ་ཉིན་གཉིས། བཞི་པའི་ནང་དམ་སྐོང་དང་བསྙུང་གནས་བཅས་ཉིན་ལྔ། དྲུག་པའི་ནང་སྒྲུབ་མཆོད་ནི། སྙིང་ཐིག་རྩ་གསུམ་དང་ཐུགས་བསྒྲུབ་བཅས་སྒྲུབ་ཁག་བཞི་བོ་གྲྭ་ཚང་ཡོངས་རྫོགས་ཀྱི་ཉིན་བདུན་དང་། ཚེ་བཅུའི་གར་འཆམ་ནི་རྡོ་རྗེ་བྲག་དགོན་གྱི་གར་འཆམ་ལྟར་སྔོན་གྱི་འཆམ་བརྗེད་པ་རྣམས་ཕྱོགས་མིན་གྱི་སློབ་དཔོན་གདན་ཞུ་བྱས་ནས། སླར་རང་སོར་ཏུ་ཆུད་པར་བྱས་པའོ འདོན་དབྱངས་འབུད་དཀྲོལ་སོགས་ཀྱང་སྒར་ལུགས་ཀྱི་སྦྱང་བ་སྔོན་སོང་གི་སྐྱེ་བུ་རྣམས་ཤེས་པར་བྱས་ཏེ་རང་ཚུགས་ཐུབ་པར་གྱུར་ཏོ། བརྒྱད་པའི་ནང་བུམ་སྒྲུབ་ཉིན་བདུན། དགུ་པའི་ནང་དགུ་ཆེན་བཀའ་བརྒྱད། སེང་གདོང་། འོད་ཟེར་ཅན་མའི་སྒྲུབ་པ། གཏོར་རྒྱག་དང་བཅས་ཉིན་བདུན་བར་དུ་ཚོགས་པར་མཛད་དོ།།

སྔར་མེད་གསར་དུ་གར་ཆམ་ཡར་རྒྱས་སུ་སོང་བ་ནི། སྐྱེས་མཆོག་ནོར་བུ་དགྲ་འདུལ་གྱིས་གཙོའི་དགྲ་བླ་བཅུ་གསུམ། ལྷ་ཆེན་ཚངས་པ་དཀར་པོ་སོགས་གླིང་ལྷ་རྣམས་དང་། སེང་ལྕམ་འབྲུག་མོ་སོགས་མོ་སྨན་བདུན། རྒྱ་ཚ་ཞལ་དཀར་སོགས་དཔའ་ཐུལ་རྣམས། གླིང་གི་རྟ་རྒྱུག་དང་། མངའ་རིས་གསེར་རྫོང་། འགྲོ་བ་བཟང་མོའི་རྣམ་ཐར། ཨ་སྟག་ཀླུ་མོའི་རྣམ་ཐར། དྲི་མེད་ཀུན་ལྡན་གྱི་རྣམ་ཐར། མཁན་[page 489] སློབ་ཆོས་གསུམ་གྱི་རྣམ་ཐར་སོགས་ངོ་མཚར་གྱི་གར་འཆམ་དུ་མ་བཞག་པར་མཛད་དོ། དེ་རྣམས་ཀྱི་འཆམ་གོས་ཡང་རིན་ཐང་ཆེ་བ་ཤ་སྟག་གིས་བཟོ་གྲུབ་བྱས་པ་ལགས་སོ།།

མཁའ་སྤྱོད་མདོར་གསར་བཞེངས་ནི། སྔར་བླ་མའི་རི་ཁྲོད་གསར་སྐྲུན་དང་། ནང་རྟེན་མཁན་སློབ་ཆོས་གསུམ། སྔར་ལྷ་ཁང་ཤུལ་དུ་ཡང་ལྷ་ཁང་གསར་བཞེངས་བྱས་ནས། ནང་རྟེན་གུ་རུ་གཙོ་འཁོར་གསུམ། རྩ་བ་གསུམ་དང་གུ་རུ་མཚན་བརྒྱད། ཨེ་ཀ་ཙ་ཌི་བླ་མ་གཟན་དཀར་གྱི་འདྲ་སྐུ་བཅས་དང་། གོས་ཐང་ཀྱི་རང་གཞི་བདུན་ཚར་སོགས་མཆོད་ཆ་ཁ་ཚང་བཅས་སོ། བླ་མ་གཟན་དཀར་གྱི་དངོས་སློབ་རྡོ་གཡུ་ཐོག་དགོན་གྱི་བླ་མ་བྱ་བྲལ་ལམ་བྱང་ཆུབ་རྡོ་རྗེ་དེ་ཉིད་ཀྱིས་བླ་མའི་གདན་ས་སྐྱོང་བའི་ཕྱིར་ཏུ་མཁས་སྤྱོད་མདོར་བྱོན་ནས་ལོ་གསུམ་བར་ཏུ་སྐུ་མཚམས་ལ་བཞུགས། ཡུལ་མི་ཀུན་ལ་དགེ་བསྐུལ་རྒྱ་ཆེན་གནང་། ཁོང་སྐུ་མཚམས་གྲོལ་རྗེས་རྩ་བའི་བླ་མའི་ཡང་སྤྲུལ་ཐུབ་བསྟན་ཉི་མའི་མདུན་དེར་བྱོན་སྐབས། སྐྱབས་རྗེ་ཐུབ་བསྟན་ཉི་མའི་ཞལ་ནས་མཁའ་སྤྱོད་མདོར་མི་རིགས་གྱི་རིག་གནས་གོང་འཕེལ་འགྲོ་བའི་ཆེད་དུ་མདོ་རྒྱུད་ཆོས་མཛོད་ཆེན་མོ་ཞེས་པའི་དཔེ་མཛོད་ཁང་ཞིག་བཞེངས་དགོས་ཞེས་གསུངས་པ་ལྟར། མཆོག་སྤྲུལ་རིན་པོ་ཆེ་རིག་ཆུང་ཚང་དང་། སྐྱབས་རྗེ་བླ་མ་བྱ་བྲལ་ཁོང་རྣམ་གཉིས་ཀྱིས་ཐུགས་བློ་དང་ཞལ་བཀོད་མི་སེར་ལ་བསྐུལ་སློང་སོགས་ཐུགས་ཁུར་རྒྱ་ཆེན་པོ་གནང་པ་ལ་བརྟེན་ནས། བླ་མ་བྱ་བྲལ་ནས་སྒོར་མོབདུན་སྟོང་ལྷག་ཙམ་དང་། མི་སེར་ཀུན་གྱི་རང་མོས་ཀྱི་སྒོ་ནས་དངོས་རྫས་ཇི་འབྱོར་ཕུལ་བ་མ་ཟད། དཀའ་སྤྱད་དང་ལེན་ཀྱིས་རོགས་སྐྱོར་དཔག་མེད་ཏུ་མེད་པར་གནང་བ་ལ་གཞི་བཅོལ་ནས་དཔེ་མཛོད་ལྷ་ཁང་གི་སྟེང་ཁང་དུ་བོད་རྒྱ་དབྱིན་གསུམ་སོགས་ཀྱི་དཔེ་ཆ་བཞུགས་གནས་དང་། འོག་ཁང་དུ་པར་ཤིང་སྣ་ཚོགས་ཀྱི་བཞུགས་གནས་བཅས་གྲུབ་པར་མ་ཟད། གྲུབ་དབང་ཡེ་ཤེས་རྡོ་རྗེའི་གདུང་རིགས་ལ་འཁྲུངས་ཤིང་། ཌཱ་ཀི་བློ་གསལ་དབང་མོ་ཡང་སྤྲུལ་སྲས་མོ་ཟླ་གསལ་ཚང་གིས་མཚོན་རིན་སྒོར་བདུན་བརྒྱ་ལྷག་ཙམ་གནང་ནས། ལྷ་བཟོ་མངག་རྒྱུ་སོགས་ཀྱིས་བརྩེ་གཟིགས་དཔག་ཏུ་མེད་པར་མཛད་ནས་མཚོན་རིས་བཀྲག་མདངས་དང་ལྡན་པས་ལྷ་ཁང་ཕྱི་ནང་ཀུན་ལ་ལེགས་པར་བཀོད་དོ། དེ་ཡི་ནང་དུ་སྐུ་རྟེན་ནི་སྐྱབས་རྗེ་ཐུབ་བསྟན་ཉི་མའི་ཞལ་བཀོད་ལྟར། སློབ་དཔོན་བེེ་རོ་ཙ་ནའི་སྐུ་གཅིག་པུ་ཉིད་དོ། གསུང་རྟེན་ནི་རིན་ཆེན་གཏེར་མཛོད། ཀློང་ཆེན་མཛོད་བདུན། སྔ་འགྱུར་བཀའ་མ། པཎ་ཆེན་ཤཱཀྱ་མཆོག་ལྡན་གྱི་བཀའ་འབུམ། འཇམ་དབྱངས་མཁྱེན་བརྩེ་དབང་པོའི་བཀའ་འབུམ། རྫ་དཔལ་སྤྲུལ་གྱི་བཀའ་འབུམ། གླག་བླ་ཆོས་འགྲུབ་ཀྱི་བཀའ་འབུམ། སྙིང་ཐིག་དུམ་གཉིས་སོགས་དང་། གཞན་བོད་རྒྱ་དབྱིན་གསུམ་སོགས་གསར་སྐྲུན་དཔེ་ཚོགས་རྣམས་ཀྱང་དངོས་འབྱོར་གྱིས་གང་ལྕོགས་ལྟར་བླུ་འདྲེན་བྱས་བཞིན་པའོ། དགོན་འདིའི་ཉེ་གནས་སུ་ཡོད་པའི་བཤད་གྲྭ་གངས་རི་ཐོད་དཀར་གཉིས་པ་ཞེས་པའི་གནས་མཆོག་དེ་ཉིད་དུ། སྔར་བཤད་གྲྭ་ལྷ་ཁང་དང་གྲྭ་ཤག་བཅས་བཞུགས་པ། དེ་ནི་ད་དུང་དངོས་རྫས་ཀྱིས་ཆ་རྐྱེན་དམན་ཕྱིར་རེ་ཞིག་བཏང་སྙོམས་སུ་འཇོག་རྒྱུ་ལས་གསར་སྐྲུན་བྱེད་རྒྱུ་[page 490] མ་བྱུང་ངོ་།

ས་མིང་ཚིག་མཛོད་མིག་བཤར།

དགོན་པ་འདིའི་ཐོག་མ་ནི། ཕལ་ཆེར་རབ་བྱུང་བཅུ་བཞི་པའི་ནང་ཙམ་ནས་སྙུང་གནས་ལྷ་ཁང་ཆུ་ངུ་ཞིག་འབྲུ་སྨིན་གྲོང་དབུས་སུ་ཡོད་ལ། དེང་གི་སློབ་ཆུང་དེར་ཡིན། རིམ་བཞིན་རྒྱ་བསྐྱེད་དེ་འཁོར་ཁང་གིས་བསྐོར། དུང་འཁོར་ཆེན་པོ་ཡང་བཞེངས། འོན་ཀྱང་ས་ཆ་འདི་དར་མདོར་བརྒྱུད་པའི་ལམ་འགག་ཡིན་པས། རྒྱ་དམག་གིས་ལམ་ཞོར་གཙེས་པ་ལ་བྱོལ་ཆེད། རབ་བྱུང་བཅུ་དྲུག་པའི་མེ་གླིང་ལོར་རང་སྡེའི་བླ་མ་ཨ་ཐོ་ཡེ་ཤེས་དང་། གཡུ་ཁོག་ནས་ཕེབས་པའི་ཧོར་བླ་རིག་འཕེལ་བཅས་ཐུགས་གཙོར་མཛད་ནས་ཡར་རི་ངོས་ལ་སྤོས་ཏེ་ད་ལྟའི་དགོན་གནས་འདི་གསར་བཟུང་བྱས།

དགོན་པའི་བདག་པོ་བླ་མ་འཇིགས་བྲལ་གཞོན་ནུའམ། འཇིགས་བྲལ་ཡེ་ཤེས་རྡོ་རྗེ་དང་། འཇིགས་གཞོམ་ཞེས་ཀྱང་བྲིས་སྣང་ལ། ཁོང་ནི་ད་ལྟའི་མཚོ་སྔོན་པོའི་ཕྱོགས་ཀྱི་མི་ཡིན་ཞིང་། རྒྱ་ནག་རི་བོ་བྱ་རྐང་སོགས་སུ་ཡུན་རིང་མཚམས་བསྙེན་མཛད་ནས། སླར་ཡང་ཤར་གནས་མཆོག་རྒྱལ་མོ་དམུ་རྡོའི་མཚན་སྙན་གྱི་གྲགས་པས་བསུས་པ་ལྟར་དེར་ལོ་ཤས་མཚམས་སྒྲུབ་མཛད་དེ་རིམ་བཞིན་རང་དགོན་དུ་གདན་འཇགས། དགོན་པའི་བདག་པོ་གནང་ཞིང་དགོན་སྡེ་ཀུན་བཀའ་དྲིན་ཆེན་པོས་བསྐྱངས། ལྗགས་རྩོམ་གནང་བའི་འཕོ་ལུང་དང་། གསོལ་བསྡུས་སོགས་གསུང་ཐོར་བུ་སྙན་ཆ་ཅན་ལྡེབ་ཉི་ཤུ་སྐོར་དེ་མཇལ་རྒྱུ་ཡོད་པ་དང་། ཕུར་སྒྲུབ་ཞིག་ཀྱང་ཡོད་པར་གྲགས་པ་ད་ལྟ་མི་བཞུགས། ཁོང་རབ་བྱུང་བཅུ་དྲུག་པའི་ས་གླིང་ལོར་གཤེགས་ནས་མགར་ཐར་བ་སྨད་དུ་ཡང་སྲིད་འཁྲུངས་པ་ནི། ད་ལྟ་གདོན་པའི་བདག་པོ་མཛད་བཞིན་པའི་མཆོག་སྤྲུལ་ནམ་མཁའ་འོད་ཟེར་འདི་ཡིན་ནོ།

དགོན་པ་འདིའི་ཆོས་ཁ་སྔགས་རྙིང་མའི་ཀློང་ཆེན་སྙིང་ཐིག་ཡིན་ཞིང་། ད་ལྟ་འདོན་ཆ་བྱང་ནི་དེ་གར་ལུས་ཀྱང་། བླ་མ་འཇིགས་བྲལ་གཞོན་དུ་དེས་བདུད་འཇོམ་ཡང་བརྟེན་པར་རྗེས་སུ་ཅུང་འདྲེས་ཡོད་ཚོད་ཟླ་བ་དང་པོའི་ཚེས་བཅུ་ནས་ཚེ་དབང་ཉིན་གསུམ་དང་། བཞི་པའི་བཅུ་གཅིག་ནས་བསྙུང་གནས་ཉིན་གསུམ། ལྔ་པའི་བཅུ་གསུམ་ནས་རི་བསང་ཉིན་གསུམ་ཛ། བཅུ་གཉིས་པའི་ཚེས་བཅུ་གསུམ་ནས་སེང་གདུང་སྒྲུབ་པ་ཉིན་གསུམབཅས་ཆོས་ཐོག་ཆེན་པོ་འཚོགས་ཤིང་། དེ་ལ་དགོན་སྤྱིས་གཉེར་སྒྲུབ་བྱེད་པ་དང་། དད་དམངས་ཀྱི་ཡོན་འབུལ་བྱུང་བས་གཏོང་སྒོའི་གཞི་བྱེད། དེ་མིན་ཕྱིའི་དགོན་པའི་བཀོད་ལེགས་མཛེས་ཤིང་། ནང་གི་རྟེན་གསུམ་གྲ་འགྲིག་ཅིང་སྐུས་ཀ་བཟང་བ་ཡོད་པ་ལ། བཞི་རྒོལ་སྐབས་གཡོན་ལྷུང་ཤོག་ཁག་གིས་རྩ་མེད་དུ་འཇིགས་ཅིང་། བླ་སེར་རྣམས་ཀྱང་མི་འོས་པའི་རྡུང་བརྡེག་ཚད་མེད་མྱང་དགོས་བྱུང་། ཆིག་སྟོང་དགུ་བརྒྱ་གྱ་བཞི་པ་བོད་རབ་བྱུང་བཅུ་དྲུག་པའི་ཤིང་བྱ་ལོ་ནས་གོང་རིམ་ལ་[page 491] ཡར་ཞུ་ཕུལ་ཏེ། མི་སེར་རང་མོས་ཀྱིས་དགོན་པ་བསྐྱར་གསོ་ཞུ་རྒྱུའི་མགོ་བརྩམས་ཏེ་ད་བར་ཕྱི་ནང་འཛོམ་ཙམ་དང་། མཆོག་སྤྲུལ་རིན་པོ་ཆེ་ནམ་མཁའ་འོད་ཟེར་དབུ་བཞུགས་པའི་བླ་སེར་བཅུ་སྐོར་ཡོད་དོ།།

ས་མིང་ཚིག་མཛོད་མིག་བཤར།

གསང་སྔགས་རབ་བརྟན་གླིང་ནི་ཤར་རྒྱལ་མོ་དམུ་རྡོའི་གནས་མདུན་ཡིན་ཞིང་། དམུ་རྡོར་བསང་གསོལ་གཏོང་བ་དང་། མཐའ་སྐོར་མི་ནུས་པ་རྣམས་མདུན་དུ་མཇལ་ཕྱག་འབུལ་བ་སོགས་གནས་མཆོག་ཉིང་དང་ལྷན་ཅིག་ཏུ་འཕྲིན་ལས་ཕྱོགས་བཅུར་རྒྱས། ཕལ་ཆེར་རབ་བྱུང་བཅུ་གཅིག་སྐོར་ཞིག་གནས་མདུན་རྡོ་ཕ་བོང་སེང་གེའི་མགོ་འདྲའི་ཐར་དམུ་རྡོའི་ཕོ་ལྷ་མཆོད་པའི་གཙུག་ལག་ཁང་རྟེན་བཅས་ཡང་བཞེངས་ནས། ཟླ་བ་བདུན་པའི་ཚེས་བཅུ་སོགས་ལ་སྟེང་འོག་གི་བླ་མ་རྣམས་མཆོད་གསོལ་བྱེད་ཅིང་གཞན་ཡང་གྲུབ་མཐའི་དབྱེ་དབྱེད་མེད་པར་ཕྱོགས་མིན་གྱི་བླ་སྤྲུལ་མི་དཔོན་གྲགས་ཅན་དང་། དད་དམངས་གནས་འཇལ་བའི་རྒྱུན་མི་འཆད་པར། འདི་ནས་ཡར་ནོར་བུ་ཕུག་སོགས་སློབ་དཔོན་བེེ་རོ་ཙ་ན་ཉིད་དང་། རྒྱལ་མོ་གཡུ་སྒྲ་སྙི་པོའི་བཞུགས་གནས་སྒྲུབ་ཕུག་སོགས་ཡ་མཚན་གྲུབ་པའི་གཟིགས་སྣང་བསམ་གྱིས་མི་ཁྱབ་པ་རྣམས་མཇལ་སྐོར་ཞུ་བ་དང་། རྒྱལ་མོ་གཡུ་སྒྲ་སྙིང་པོའི་འཁྲུངས་ཡུལ་བྲག་ངན་གྲོང་དང་ཡང་ཉེ་བ་ཡོད། དེ་ལྟར་སློབ་དཔོན་བེེ་རོས་རྒྱལ་མོས་དམུ་རྡོའི་གནས་སྒོ་འབྱེད་པ་ནས་བཟུང་། ལོ་ངོ་སྟོང་གི་རིང་མི་རབས་ནས་མི་ཐོག་བརྒྱུད་པའི་རབ་བྱུང་བཅུ་དྲུག་པའི་མེ་བྱ་ལོའི་བཞི་རྒོལ་འགུལ་བསྐྱོད་ལ་འདི་ཡང་ཉམས་པར་བྱས་ནས། སླར་ཤིང་བྱ་ལོ་ལ་གསོལ། ད་ལྟ་དམུ་རྡོར་ཕྱི་སྒོ་འབྱེད་པའི་ལྟེ་བར་བཟུང་ནས་ལོ་ལྟར་བདུན་པའི་ཚེས་བཅུ་ལ་དམུ་རྡོའི་འཁྲུངས་སྐར་དུས་སྟོན་གྱི་འགུལ་བསྐྱོད་རྒྱ་ཆེན་པོ་སྤེལ་ཞིང་། འདུས་པ་ཁྲི་ཕྲག་གི་མཇལ་འབུལ་ཞུ་བ་ཡོད། འདིར་དགོན་པ་ཡོད་ནས་ཀྱང་གཏན་འཁེལ་བའི་རྒྱུན་གྲྭ་དང་། སྡེ་འབངས་སོགས་མེད་ལ། དེ་བཞིན་ས་ཞིང་དང་འབྲོག་ཁྱིམ་ལྟ་བུ་བདག་ཏུ་བཟུང་བའང་མེད་པར། དད་དམངས་གིས་མཇལ་བའི་མཆོད་རྫས་རྣམས་ཆུད་ཟོས་སུ་མུ་འགྲོ་བར། དུས་དང་ཡུལ་མ་ངེས་པའི་ལྷ་གཉེར་བ་རེ་མི་ཆད་པ་ཡོད་དོ།། །།

ས་མིང་ཚིག་མཛོད་མིག་བཤར།

སྔོན་སློབ་དཔོན་བེེ་རོ་ཙ་ན་ཤར་རྒྱལ་མོ་ཚ་བ་རོང་དུ་ཆིབས་བསྒྱུར་ནས། བྲག་སྟེང་ཆུ་ལུ་ཕྱོགས་ཀྱི་ད་ལྟའི་ཕུན་ཚོགས་གླིང་དུ་ཕེབས་པ་དང་། བཟང་གསུམ་གྱི་རྟེན་འབྲེལ་ཡེ་ཤེས་ཀྱི་ཐུགས་ཀློང་ནས་རྡོལ་ཏེ། མ་འོངས་པ་ན་གནས་འདིར་བསྟན་པའི་གཞི་མ་དགེ་འདུན་གྱི་སྡེ་འབྱུང་བར་འགྱུར་རོ་ཞེས་ལུང་དུ་བསྟན་[page 492] ཞིང་ས་དེར་ཆུ་མེད་པས། དེ་དག་གི་འཐུང་ཆུ་ཡིན་གསུངས་ནས་ཆུ་གཏེར་ཞིག་ཀྱང་བཏོན་པ་བཞིན། རྗེས་སུ་སྙིགས་མའི་འགྲོ་མགོན་ཙོང་ཁ་བ་ཆེན་པོའི་སློབ་མ་ནམ་མཁའི་སྐར་ཚོགས་ལྟ་བུའི་ནང་ནས། ཁྱད་དུ་འཕགས་པའི་བུ་ཆེན་སྔ་ཚལ་བཞིར་གྲགས་པའི་ཡ་གྱལ། ཚ་ཁོ་ངག་དབང་གྲགས་པའི་དཔལ་དེ་ཉིད་ཀྱིས་རྒྱལ་རོང་དུ་དགོན་པ་བརྒྱ་རྩ་བརྒྱད་བཞེངས་ནས། བརྒྱ་རྩ་བརྒྱད་ལ་གཅིག་གིས་མ་ཚང་བའི་བརྒྱ་དང་བདུན་པ་འདི་ཡིན་པར་གྲགས་ཤིང་། བཀྲ་ཤིས་ཕུན་སུམ་ཚོགས་པའི་ངང་མཇུག་གྲུབ་པར་ཡོད་པས་མཚན་ཡང་དེ་ལྟར་གསོལ། ཚ་ཁོ་མཁན་ཆེན་དེ་རབ་བྱུང་བདུན་པའི་ལྕགས་བྱི་ལོར་རྗེ་བདག་ཉིད་ཆེན་པོ་དང་ཞལ་གྱེས་ནས་ཕེབས་པ་ལྟར་བརྩིས་པས། དགོན་པ་འདི་ཡང་རབ་བྱུང་བདུན་པའི་མཇུག་ཙམ་ལ་ཕྱག་བཏབ་གནང་བ་དང་། ད་བར་ཕལ་ཆེར་མི་ལོ་ལྔ་བརྒྱ་དྲུག་ཅུ་ཡས་མས་ཞིག་གི་རིང་ལ་རི་བོ་དགེ་ལྡན་པའི་བསྟན་པའི་རིང་ལུགས་དྲི་མ་མེད་པ་འཛིན་སྐྱོང་སྤེལ་བའི་བཤད་སྒྲུབ་ཀྱི་སྡེ་ཆེན་པོར་གྱུར། མདོ་ལུགས་ཐམས་ཅད་བློ་གསལ་གླིང་། སྔགས་ལུགས་ཐམས་ཅད་རྒྱུད་སྨད་དེ། མདོ་སྔགས་ཟུང་འབྲེལ་གྱི་བརྒྱུད་ལུགས་ཆ་ཚང་བ། བསྟན་རྒྱས་གླིང་གི་འཆམ་དང་། བརྡུང་འབུད་དཀྲོལ་གསུམ་རྣམས་ཆ་ཤས་ལྷ་བསྟན་དང་། དགོན་པ་རང་གི་ཁྱད་ཆོས་ཐུན་མིན་ཁྱད་འཕགས་ཀྱི་རང་བཞིན་ལྡན་པའང་མང་ངོ་།།

ངག་དབང་གྲགས་པས་རྗེའི་གྲོང་སྡེའི་བླ་མ་ཁྲི་ཕུག་ངག་དབང་དར་རྒྱས་ལ་གཏད། དེ་ནས་ཡུན་རིང་ཞིག་བླ་རབས་ཇི་ལྟར་བརྒྱུད་པ་མ་ངེས་ཤིང་། ཕལ་ཆེར་མི་ལོ་སུམ་བརྒྱ་ལྷག་འདས་པའི་རབ་བྱུང་བཅུ་གསུམ་པའི་ནང་སྐོར་ཞིག་ནས་ལྷ་ཚེས་མཁན་པོ་ཡེ་ཤེས་ལྷུན་གྲུབ་བྱ་བས་གདན་ས་བསྐྱངས། ཁོང་ནི་དབང་གྲགས་ཆེ་ལ་རྒྱལ་པོས་ཀྱང་ཕྱག་བྱ་བར་བཤད། དགོན་ཞིང་དང་རྩྭ་ཁལ་བསྡུ་བ་སོགས་ཡོད་པ་དང་། སྤྱིར་སྔོན་མའི་དགོན་ཁག་རྣམས་དེ་ཙམ་གྱི་རྒྱ་ཆེ་རྒྱས་སྤྲོས་མིན་པས། འདིར་ཡང་བླ་མ་འདིའི་སྐུ་རིང་ལ་གཞི་ནས་རྒྱ་བསྐྱེད་ཅིང་། དགེ་འདུན་པའི་གྲངས་ཡང་ཉིས་བརྒྱ་ལྷག་ལ་འཕེལ། རེ་ཞིག་རྒྱལ་རོང་དུ་དགེ་ལྡན་བསྟན་པ་རྒྱ་ཁྱབ་ཏུ་ཕྱིན་པ་དང་། ཆུ་ཆེན་ལྷ་སྟེང་དགོན་པ་དེ་ཡང་དར་བའི་སྒང་ཡིན་པས། ཕུན་ཚོགས་གླིང་དང་བཅས་པའི་དགོན་ཁག་མང་པོ་ཞིག་མངའ་འོག་ཏུ་འདུ་ཞིང་མ་དགོན་དུ་གྱུར་ཡོད་ལ། སྤྱིར་བཏང་གྲྭ་ས་ཆེ་ཁག་རྣམས་ལས། གཙོ་ཆེར་འབྲས་བློ་གླིང་དུ་སློབ་གཉེར་གྲྭ་རྒྱུན་སྤེལ་བས། དེར་སྔོན་རྗེས་སུ་དགེ་བཤེས་མཚན་གསོལ་བ་ཡང་བཅུ་ཕྲག་དུ་མ་ཞིག་བྱུང་ནས་དགོན་པ་འདིར་བདག་སྐྱོང་མཛད་ཅིང་། བཅོས་བསྒྱུར་ལ་ཐུག་གི་བར་དུའང་། དགེ་ལྡན་བྱང་དཀྱིལ་གྲྭ་ཚང་གི་དགེ་བཤེས་དང་། རྗེས་སུ་པེ་ཅིན་ཡོང་ཧོ་ཀོང་གི་མཁན་པོར་ཕེབས་པའི་ཀ་ལིའི་དགེ་བཤེས་ཐུབ་བསྟན་དམ་ཆོས་སོགས། དགེ་བའི་བཤེས་གཉེན་རབས་དང་རིམ་པས་གདན་ས་སྐྱོང་བར་མཛད་དོ།། ནམ་རྒྱུན་ཆོས་ཐོག་མང་པོ་བསྐོར་ཏེ། ཡུལ་གྲུ་ལ་ནད་མུག་འཁྲུག་རྩོད། སད་སེར་བཙའ་ཐན་རྣམས་མི་འབྱུང་བ་དང་། རྒྱལ་འབངས་ཡོངས་ལ་བདེ་སྐྱིད་ཀྱི་རིམ་གྲོས་འབད་དེ། ལོ་འཁོར་མར་གཏན་འཁེལ་བའི་ཆོས་ཐོག་རྣམས་ཀྱང་། ཟླ་བ་དང་པོ་ཆོ་འཕྲུལ་ཟླ་བར། ཉིན་བདུན་ཆོས་སྤྱོད་མཛད། ཚེས་བཅུ་གསུམ་ཉིན་གུར་གུ་ཆེན་[page 493] མོ་བཤམ། འཆམ་རྒྱུགས་ལེན། ཚེས་བཅུ་བཞི་ཉིན་སྐུ་འཆམ་དང་དྲུག་ཅུ་མའི་གཏོར་བརྒྱག་ཡིན། ཚེས་བཅོ་ལྔའི་ཉིན་བྱམས་པ་སྐོར་བཅས་གདན་འདྲེན་བྱེད་སྲོལ་ཡོད། ཟླ་བ་གཉིས་པར་ཚོགས་ཆོས་ཉིན་བཅུ། ཟླ་བ་གསུམ་པར་ཚོགས་ཆོས་ཉིན་བདུན། ཟླ་བ་བཞི་པར་བསྙེན་གནས་ཆ་གཅིག་དང་། ཉིན་གསུམ་ཕྱི་མའི་ཚེས་བཅུ་དྲུག་ལ་བླ་མ་མཆོད་པའི་ཚོགས། ཟླ་བ་ལྔ་པར་དབྱར་གསོ་ཉིན་བདུན། དྲུག་པའི་བཅོ་ལྔ་ནས་བདུན་པའི་སུམ་ཅུའི་བར་དབྱར་གནས། ཟླ་བ་བརྒྱད་པར་སྟོན་ཆོས་ཉིན་བདུན། སེང་གདོང་མའི་གཏོར་རྒྱག ཟླ་བ་དགུ་པར་ཉིན་བཅོ་ལྔ་ལ་གདུགས་དཀར་གཏོར་ཆེན། ཟླ་བ་བཅུ་བར་ཉིན་བཅུ་སྨན་བླ། སྨོན་ལམ། ལྔ་མཆོད་བཤད་པ། བླ་མ་མཆོད་པའི་ཚོགས། ཟླ་བ་བཅུ་གཅིག་པར་ཉིན་བདུན་ཀུན་རིག ཟླ་བ་བཅུ་གཉིས་པར་ཉིན་བཅུ་བདག་འཇུག ཉི་ཤུ་དགུའི་ཉིན་དགུ་གཏོར་བཅས་དང་། ཟླ་རེའི་བཅུ་བཞི་གསོ་སྦྱོང་དང་བཅོ་ལྔ་གསོ་སྦྱོང་། སྐབས་འགར་བཀྲ་ཤིས་གསོ་སྦྱོང་སོགས་མཛད་ཚུལ་ཡོད།

དགོན་པ་འདི་ལ་ཉམས་རྒྱུད་ཆེན་པོ་ཐང་གཉིས་བྱུང་བ་སྟེ། གཅིག་ནི་རབ་བྱུང་བཅུ་དྲུག་པའི་ཤིང་ཕག་ལོར་བཟོ་ཞིང་དམར་དམག་འདིར་བརྒྱུད་དེ་དགོན་པའི་ནང་བཅོམ། གྲྭ་ཤག་རྣམས་གཏོར་སྐྱོན་དུ་བཏང་། བླ་སེར་རྣམས་ཡུལ་འབུད་བཏང་བ་དང་། གཉིས་པ་དེས་ཁྱི་ལོའི་བཞི་རྒོལ་ནས་ཁྱོན་ཡོངས་ཀྱི་ཉམས་སྐྱོན་ཐེབས་ཤིང་། མེ་རྟ་ལོའི་རིག་གསར་ལ་རིན་པོ་ཆེ་འདི་ཉིད་སྟོན་རླུང་གིས་དེད་པ་ལྟ་བུ་ལོ་ཉི་ཤུ་ཉེ་བ་ཞིག་སོང་། དེང་བསྟན་པ་བསྐྱར་དར་ལ་སླར་ཡང་འབྲས་བློ་གླིང་གི་བླ་མ་རྒྱུགས་ལེན་པ་དང་། རྒྱལ་སྤྲུལ་སྡེ་དྲུག་སྐུ་ཐོག་བཞི་པ་འཇམ་དཔལ་སྐལ་བཟང་དཔལ་བཟང་པོ་མཆོག་གི་ཡོངས་འཛིན། དགེ་བཤེས་ཐུབ་བསྟན་མཐར་ཕྱིན་མཆོག་དབུ་བཞུགས་ཐོག རྗེའི་གྲོང་ཀོ་འོ་དགེ་སློང་བསྟན་འཛིན་རྒྱལ་མཚན་དང་། ལ་དབྱིངས་ཕུ་ཅོ་རབ་འབྱམས་པ་བསྟན་འཛིན་ལེགས་བཤད་གཉིས་ཀྱིས་གཙོ་འགན་བཞེས་པ་དང་ཆབས་ཅིག འཕགས་ཡུལ་དུ་བཞུགས་པའི་ཨ་བཙན་དགེ་བཤེས་བློ་བཟང་ཆོས་ལྡན། འཕགས་ཡུལ་དུ་བཞུགས་པའི་རྗེའི་གྲོང་ཆེན་སྔགས་རམས་པ་རྣམ་རྒྱལ་དཀོན་མཆོག དེ་བཞིན་བོད་ལྗོངས་ལྷ་རི་རྫོང་མི་དམངས་འཐུས་ཚོགས་ཀྱི་རྒྱུན་ལས་དང་། སྲིད་གཞུང་དོན་གཅོད་ཁང་གི་ཀྲུའུ་རིན། རིག་སློབ་ཅུས་ཀྲང་བཅས་ཡིན་པའི་རྗེའི་གྲོང་ཆུང་ཏ་ཐུབ་བསྟན་དབྱིག་གཉེན་བཅས་ཀྱིས་གཟིགས་རྟོགས་རྒྱ་ཆེར་མཛད་པའི་འོག་དད་ལྡན་མང་ཚོགས་ཀྱིས་འབད་བརྩོན་ལ་བརྟེན་ནས། རབ་ལོ་དགུ་བརྒྱ་ང་བདུན་པ་ཆུ་ཕག་ལོ་ནས་བཟུང་དགེ་འདུན་པ་སུམ་ཅུ་ཙམ་སླར་ཡང་བཞུགས་ཤིང་། ནང་དུ་རྟེན་གསུམ་གང་འཚམ་རེ་བཞེངས་པ་དང་། བསྙེན་གནས་དང་། སྨོན་ལམ། ལྔ་མཆོད་རྣམས་ཀྱི་གཙོས་པའི་དུས་མཆོད་མཚོན་པ་ཡང་འཚོགས་པ་ལས། སྔོན་མའི་རྟེན་གསུམ་རྩ་ཆེ་བ་དེ་ཚོའི་ཚབ་ཡོང་བ་ནི་རྙེད་ཐབས་བྲལ་ཞིང་། སྔོན་དགོན་སྤྱི་དང་དགོན་ཞིང་ལ་གཙོ་བོར་བརྟེན་པའི་བཏང་སྒོའི་ཡོང་ཁུངས་ཡང་ད་ལྟ་མེད་པས་སོ།། སྤྱིར་དགོན་ཞིང་མ་བརྩིས་པའི་དགོན་གླིང་ཕལ་ཆེར་སྨིས་གྲུ་བཞི་མ་ཆིག་སྟོང་ཙམ་ཡོད་ཅིང་། བཞི་རྒོལ་ལ་ཐུག་གི་བར་ཡང་དགེ་འདུན་པ་བརྒྱད་ཅུ་སྟོད་ཅིག་འཚོ་སྡོད་ཀྱི་ས་རྒྱ་ཡོད་ལ། ད་ལྟ་མི་ཁྱིམ་རྣམས་གང་[page 494] ནས་གྲོང་སྡེ་ཕལ་བར་ཆགས། གྲྭ་ཤག་རང་བདག་བྱེད་པའང་རིན་ཆེན་པོ་སྤྲད་ནས་ཉོ་བར་བྱེད་དོ།། དེ་ལྟར་བླ་མ་རྣམ་རྒྱལ་དཀོན་མཆོག་གིས་གྲོས་སྐུལ་གནང་བ་དང་། དགེ་བསྐོས་ངག་དབང་དོན་གྲུབ་ཀྱི་བཀོད་སྒྲིག་བཞིན། ཏབ་དབྱེ་ཐུབ་བསྟན་དབྱིག་གཉེན་ནས་བསྒྲིག་པ་ལ་གཞི་བཅོལ་ནས་བྲིས་པའོ།། །།

ས་མིང་ཚིག་མཛོད་མིག་བཤར།

ཐེག་ཆེན་གསང་སྔགས་གླིང་ནི་པ་བམ་ར་སྐོར་བྱ་བར་ཡོད་པས། པ་བམ་དགོན་ནམ། པ་བམ་ར་སྐོར་དགོན་ཡང་ཟེར་ཏེ། ར་སྐོར་ཞེས་པ་སྔོན་རྒྱལ་པོའི་ར་མ་འཚོ་སའི་ར་བར་བཞེངས་པ་ཡང་བཤད། འོན་ཏེ་དགོན་པའི་ཐོག་མ་སྔོན་ཙ་ཁོ་བྱ་བར་ཡོད་ཅིང་། དེར་རྐྱེན་གང་ཞིག་ལས་ཆུའི་ཕ་རིའི་དགོན་པ་བྱ་བར་སྤོས། སྐབས་དེ་རྣམས་སུ་དགོན་པ་ཆེན་པོ་རང་ཡིན་ཚོད་མི་འདུག་ལ། ཙ་ཁོར་ཐོག་མའི་གྲུབ་མཐའང་གཞན་ཞིག་ཡིན་པར་སྣང་བ་ལ། བརྒྱུད་རིམ་དེ་དེང་སུ་ལ་མ་ངེས་ཤིང་། དགོན་པར་ནི་དགེ་ལུགས་ཡིན། རྗེས་སུ་དེར་བླ་མ་ཞིག་པ་བམ་རྒྱལ་སྲས་འཁྲུངས། བླ་ནས་རྒྱལ་དབང་བཅུ་གཅིག་པ་ཉིད་ཀྱིས་སྐུ་བདག་བཅས། དགེ་བཤེས་ལྷ་རས་པར་ཐོན། མཁན་ཆེན་འཇམ་དབྱས་རྡོ་རྗེའམ་རྗེ་གྲགས་རིན་པོ་ཆེར་ཞུ་བ་བྱུང་། ཁོང་ནི་རྒྱལ་སྲས་གསུམ་གྱི་འབྲིང་པོ་དང་། གཅེན་རྒྱལ་སར་གསོལ་ནས། གཅུང་བྲག་སྟེང་རྒྱལ་པོར་བྱིན་པར། གཅེན་པོ་སྐུ་གཤེགས་པས་འབངས་རྣམས་མཁན་ཆེན་འཇམ་དབྱངས་རྡོ་རྗེ་རྒྱལ་སར་བྱོན་པའི་རེ་ཞུ་བཏོན་པ་ལ། འོ་ན་ཁྱེད་ཅག་རྡོ་དཀར་པོའི་གཙུག་ལག་ཁང་ཞིག་བཞེངས་བར་གྱིས་ཤིག་གསུངས་པ་ལྟར། ཕ་རིའི་དགོན་པ་དེ་ཆུས་འཇིག་ཉེན་སོགས་ཀྱིས། རབ་བྱུང་བཅུ་བཞི་པའི་མཇུག་ཙམ་ལ་ད་ལྟའི་གནས་འདིར་སྤོས་ནས་ཐུགས་ཆེན་གསང་སྔགས་གླིང་དགོན་པ་གསར་དུ་བསྐྲུན། སྐུ་ཐོག་རྣམས་སུ་གདན་སར་མཛད་དེ། རིམ་བཞིན་དགེ་འདུན་པ་སུམ་བརྒྱ་ལྷག་འཕེལ། ནང་དུ་སྟོབས་འབྱོར་ལྡན་ཞིང་། ཕྱི་རུ་མཛད་འཕྲིན་རྒྱས་པའི་དགེ་ལྡན་བསྟན་པའི་སྒྲུབ་སྡེ་ཆེན་པོར་གྱུར་ཏེ། གཙུག་ལག་ཁང་གི་འཁོར་ཡུག་བཟོ་བཀོད་རྣམས་ད་ལྟར་ལུ་པ་ཙམ་གྱིས་ཀྱ་ཡ་མཚན་སྐྱེད། ལྷག་པར་དུ་སྐྱབས་མགོན་སྐུ་ཐོག་དང་པོ་དང་། བཞི་པའི་སྐབས་ཡར་རྒྱས་ཆེན་པོ་བྱུང་། སྐུའི་སྐྱེ་ཕྲེང་བཞི་པ་འཇམ་དབྱངས་བསྟན་འཛིན་མཆོག་ལུགས་གཉིས་ཀྱི་གཟིགས་པ་ཡངས་བས། སྔ་གཞུག་ཏུ་ཀྲུང་གོའི་གོ་མིན་ཏང་གོ་ཏ་འཐུས་མི་དང་། པ་བམ་རྒྱལ་པོ་གཤེགས་པས་རྒྱལ་ས་ཡང་བསྐྱངས་ལ། རོང་བྲག་རྫོང་ཐང་དང་པོའི་རྫོང་དཔོན། དཀར་མཛེས་ཁུལ་རིག་སློབ་ཁྲུའུ་ཀྲང་། ཁུལ་སྲིད་གྲོས་ཀྱི་གཙོ་བཞུགས་གཞོན་པ་བཅས་མཛད། སྔོན་སྐུ་ཐོག་དང་པོ་ཉིད་རྒྱལ་རྒྱུད་དུ་སོང་གཤིས། བླ་ནས་བདག་རྐྱེན་ཆེན་པོས་དགོན་ཞིང་མཛོ་ས་སུམ་ཅུའི་སྐལ་བ་ཕོག་པའང་ཡོད་ལ། འདི་སྐབས་དུད་ཁྱིམ་བདུན་བརྒྱ་ལྷག་གིས་ལོ་ལྟར་འབྲུ་འབོ་དོ་རེ་དགོས་པ་དང་། པ་བམ་སྟོང་སྡེའི་ད་ལྟའི་ཤིང་གཉིས་ཀྱི་ཁྱབ་ཁོངས་སུ་མི་ཁྱིམ་གཅིག་ལ་བུ་[page 495] གཉིས་ཡན་བྱུང་ཚེ། བུ་གཅིག་དགོན་པར་གཏོང་དགོས་པའི་བཀས་བཅད་མཛད་པ་སོགས་དབང་ཆོད་ཆེ། རབ་ལོ་བརྒྱད་བརྒྱ་གྱ་བརྒྱད་པ་ཤིང་སྟག་ལོ་དགོན་པའི་རྒྱ་བསྐྱེད་ཅིང་། བར་ལམ་དགེ་འདུན་པའི་ཞལ་གྲངས་བྲི་བར་གྱུར་པ་ཡང་སླར་བརྒྱ་སུམ་ཅུ་ཙམ་དུ་འཕེལ་ཏེ། བཅོས་བསྒྱུར་ལ་ཐུག་དུས་ཀྱང་བརྒྱད་ཅུའི་ཁར་ལོངས་པ་བྱུང་།

ལོ་ལྟར་ཟླ་བ་དང་པོའི་ཚེས་དྲུག་ནས་བཅོ་ལྔའི་བར་སྨོན་ལམ་ཆེན་མོ་འཚོགས་པ་དང་། ཟླ་བ་བཞི་པར་བསྙེན་གནས་ཉིན་གསུམ། དྲུག་པར་བུམ་སྒྲུབ་ཉིན་གསུམ། བདུན་པའི་བཅོ་ལྔ་ནས་བརྒྱད་པ་ཧྲིལ་པོར་དབྱར་གནས། བཅུ་པའི་ཉེར་གསུམ་ནས་ཉེར་ལྔ་ལ་ཉི་ཤུ་ལྔ་མཆོད་འཚོགས་པ་བཅས་གཏན་ཁེལ་བ་དང་། གཏན་ཁེལ་བ་མ་ཡིན་པའི་ཆོས་ཐོག་དང་བཏང་སྒོ་རྣམས་སུ། དགོན་སྤྱི་ནས་འགྲོ་སོང་གཏོང་བ་དང་། སྨོན་ལམ་སོགས་རྒྱལ་པོས་སྦྱིན་བདག་མཛད། འདིར་དགེ་འདུན་པའི་འཚོ་བ་ཡང་གཞན་ལས་བཟང་བ་ཡིན་པས། རོང་བྲག་རྫོང་གཅིག་གི་དགོན་པར་རྒྱུན་སྡོད་ཀྱི་གྲྭ་པ་མང་ཤོས་འདིར་ཡིན་ཞིང་། སྤྱིའི་གྲྭ་གྲངས་ཀྱི་བརྒྱ་ཆའི་དྲུག་ཅུ་རེ་དྲུག་ལ་ཟིན། དེ་ལྟར་བསྟན་པའི་བདག་པོ་དང་ཡུལ་གྱི་རྒྱལ་པོའི་བར་འབྲེལ་བ་དམ་དུ་ཆགས་པས་དགོན་པ་འདིའི་མངའ་ཐང་ལྷག་པར་ཆེང་།

རྟེན་གསུམ་དང་མཁོ་སྤྱོད། མཆོད་པའི་ཡོ་བྱད་རྣམས་གཞན་ལས་གྲ་འགྲིག་ལ་སྤུས་དག་པ་སྟེ། ཐུབ་སྐུ་ལི་མ་ཁྲུ་དོ་ཅན་ཆེས་རྩ་ཆེར་གྲགས་པ་བཅས། གསེར་ཟངས་དང་། སྨན་འདམ། བྲིས་ཐང་སོགས་གྲངས་ཀྱིས་མི་ལང་བའི་སྐུ་རྟེན་རྣམས་དང་། བཀའ་བསྟན་སོགས་སུ་རྟེན། གཟུང་སྡེ་ལྔ་སོགས་བཞུགས་པའི། པར་ཤིང་གིས་གང་བའི་པར་ཁང་ཡང་ཡོད། དུས་བཟང་གཤོ་སྟེ་དུ་བཟང་མཁར་རྔ་བྱ་བ་ལོ་གཅིག་ལ་ཐང་གཅིག་རྡུང་ཆོག་པ། དལ་བུས་བརྡུང་ན་ལ་འགོ་ནས་ལུང་ཁོག་བར་ཚོར་ཐུབ་པ་དང་། གཞན་བྱུ་རུའི་རྒྱལ་མོ་ལག་ཡ་མི་ཆ་ཚད་ཀྱི་ལག་པ་ཙམ་ལྔ་དང་། རྟ་མཆོག་གི་རྭ། སྦྲུལ་གྱི་རྣ་བ། གླང་པོ་ཆེའི་མཆེ་བ་ཆ་དུ་མ་སོགས་རིན་པོ་ཆེའི་རིགས་བསམ་གྱིས་མི་ཁྱབ་པ་ཡོད་ལ། མདོར་ན་དེང་སྐབས་ཀྱང་རྒྱལ་ཁབ་ཀྱིས་དགོན་པ་འདིར་གཟིགས་པ་རྒྱ་ཆེར་མཛད་ནས། རང་རྫོང་དུ་སྲུང་སྐྱོབས་བྱེད་པའི་དགོན་པར་བཞག་ཅིང་། གཞན་དང་མི་འདྲ་བའི་བདག་རྐྱེན་དུ་མི་དམངས་དངུལ་སྒོར་ཁྲི་ཉི་ཤུ་བསྩལ་ནས། རབ་ལོ་དགུ་བརྒྱ་ང་བདུན་པ་ཤིང་བྱི་ལོ་ནས་བཟུང་ད་ཡོད་བླ་སེར་སུམ་ཅུ་ལྷག་དང་། དད་ལྡན་མང་ཚོགས་ཀྱི་འབད་བརྩོན་ལ་བརྟེན། སླར་ཉམས་གསོ་ཞུས་དང་ཞུ་མུས་ཡིན་ཡང་། རབ་བྱུང་བཅུ་དྲུག་པའི་ཤིང་ཕག་ལོ་བཟོ་ཞིང་དམར་དམག་གིས་དགོན་པ་འདི་ཐང་གཅིག་གཏོར་ཏེ། གྲྭ་ཤག་རྣམས་མེར་བསྲེག གཙུག་ལག་ཁང་མེ་བཏང་བ་བསྐྱབས་ཐུབ་པ་བྱུང་། སླར་བཞི་རྒོལ་ནས་རིག་གསར་སྐབས་རྟེན་བཅས་ཡུལ་མེད་ཤོར། འཚོགས་ཁང་ཆེན་མོ་ཡང་ཐོག་ཕབ། ཐ་ན་དགོན་འདེབས་པའི་ཐོག་མར་འཇུག་པར་བྱས་པའི་མཐའི་ཤུག་སྡོང་ཆེན་པོ་བཅུ་གཉིས་ཡོད་པ་ཡང་། ད་ལྟ་གསུམ་ལས་མ་ལྷག་པར་བཅད་པས། ཕ་རབས་བུ་རྒྱུད་དུ་བསགས་པའི་ཁྱད་ནོར་དེ་ཚོའི་འཚབ་ཡོང་བ་ནི་ནམ་ཡང་རྙེད་པར་མི་འགྱུར་ཏེ། དངོས་ཡོད་[page 496] རྒྱུ་ཚེགས་ཀྱིས་འབྱོར་ལུགས་ལྟར་ཕྱི་ནང་རྟེན་བཞག་དང་། སྨོན་ལམ་དང་ལྔ་མཆོད་མཚོན་ཙམ་རེ་འཚོགས་པ་བཅས་སོ།།

ས་མིང་ཚིག་མཛོད་མིག་བཤར།

འདས་པའི་ལོ་ཉིས་བརྒྱ་སོ་བརྒྱད་ཀྱི་སྔོན་རོལ་ཏེ། ཆུ་ཆེན་དམག་འཁྲུག་གི་གོང་ཙམ་ན་གནས་འདིར་བོན་པའི་དགོན་པ་ཞིག་ཡོད་ལ། བཙན་ལྷ་རྒྱལ་པོས་བདག་ཏུ་མཛད་ཅིང་། དགེ་འདུན་པ་བརྒྱ་ཚོ་དུ་མ་ཡོད་སྐད། རབ་བྱུང་བཅུ་གསུམ་པའི་མེ་གླང་ལ། རབ་བརྟན་རྒྱལ་པོ་དང་བསྡེབས་པའི་ཆུ་ཆེན་དམག་འཁྲུག་ལ་ཕམ་ཁ་བྱུང་། དགོན་པ་ཡང་ལྷན་ཅིག་ཏུ་ཉམས། འོན་ཀྱང་ཚ་ཁོ་ངག་དབང་གྲགས་པས་གནས་འདིར་མཆོད་རྟེན་ཞིག་བཞེངས་པའི་ཞལ་བཀོད་མཛད། ཉིད་ཀྱི་ཕྱག་རྗེས་བྲག་ལ་བཞག་པ་དེང་མཇལ་རྒྱུ་ཡོད་པས་མཆོད་རྟེན་ས་ཞེས་ས་མིང་ཆགས་ལ། ཕྱིས་དགོན་པ་བཏབས་པས་ཀྱང་མཆོད་རྟེན་དགོན་དུ་ཐོགས་ནས། དགོན་པ་འདི་ཚ་ཁོ་བས་བཞེངས་པའི་བརྒྱ་རྩ་བརྒྱད་ཀྱི་གྲས་སུ་བརྩི་སོགས་ཟེར་བའོ།

སྤྱི་ལོ་ཆིག་སྟོང་བརྒྱད་བརྒྱ་བཅུ་དགུ་པ། བོད་རབ་བྱུང་བཞི་པའི་ཡོས་ལོ་ཤོག་དཔོན་ཆེན་པོ་ང་རོ་སྐལ་བཟང་དང་། དར་མདོ་ལྕགས་རྒྱལ་གྱིས་བཙུན་མོ་ཆུན་མས་བདག་རྐྱེན་སྦྱར་ཏེ། འབྲས་ལུང་ཚོ་པ་བཅོ་བརྒྱད་ཀྱི་མགོ་དཔོན་རྣམས་ལྷན་ཅིག་ཏུ། མི་ཁོངས་སྤྲོ་སྣང་ནས་ཡིན་ཞིང་འབྲས་སྤོང་ནས་ཐོན་པའི་དགེ་བཤེས་བློ་བཟང་སངས་རྒྱས་ཀྱིས་གཙོ་ཁྲིད་མཛད་དེ། རི་བོ་དགེ་ལྡན་ལུགས་ཀྱི་སྒྲུ་སྡེ་ཆེན་པོ་མཆོད་རྟེན་དགོན་འདིའི་གཞི་བཞག ཐོག་མའི་བླ་སེར་བདུན་ཙམ་ནས་རིམ་བཞིན་འཕེལ་ཏེ། རབ་བྱུང་བཅོ་ལྔའི་མགོ་ཡས་མས་ནས་དྲུག་ཅུ་ཙམ་ལ་ཟིན་པ་དང་། སྐབས་དེ་ཙམ་ནས་བོད་རྒྱལ་པོ་མཁྱེན་རབ་དབང་ཕྱུག་དང་། བྱམས་རྩེ་བློ་བཟང་མཁས་གྲུབ་སོགས་ཀྱི་གདན་སར་མཛད་པས། ཤོག་དཔོན་ཆེན་པོ་ང་རོ་ས་རྒྱལ་གྱིས་མཐུན་རྐྱེན་མཛད་དེ་དགོན་པའི་རྒྱ་བརྐྱེད་པ་ནི་ད་ལྟའི་རྒྱ་ཁྱོན་འདི་ཡིན་ལ། དེ་དུས་དགེ་འདུན་པ་བཞི་བརྒྱ་ལྔ་བརྒྱ་ཙམ་དུ་ལོངས་བར་བྲིས་འདུག་ཀྱང་། ཕལ་ཆེར་འཚོགས་ཆེན་རྣམས་སུ་སྟོད་སྨད་དགོན་ལག་གི་འཚོགས་ཞུགས་བཅས་བརྩིས་པ་འདྲ། རབ་བྱུང་བཅོ་ལྔའི་ཆུ་བྱི་ལོ་ནས་པ་ཅོ་པའོ་ཏོང་གིས་འཇིགས་པས་དགེ་འདུན་པའི་ཞལ་གྲངས་ཡང་ཉིས་བརྒྱ་ཙམ་ལ་བྲི་ཞིང་། བརླག་སྐྱོན་ཆེར་ཐེབས། དེ་ནས་ཁྲི་རབས་གསུམ་ལ་ལོ་ཉི་ཤུ་ཙམ་ནས་ལ་སྟེང་སྐུ་ཕྱོགས་མཁྱེན་རབ་འཇམ་དབྱངས་དར་རྒྱས་ཀྱིས་ལོ་གསུམ་གདན་ས་བསྐྱངས་པར། ནང་རྐྱེན་གྱིས་ཕྱིར་དགའ་ལྡན་ཕུན་ཚོགས་གླིང་ལ་བཞུགས་ནས་བཅོས་བསྒྱུར་བྱས།

དགོན་པ་འདིའི་ཚོགས་བཏང་སྒོ་སོགས་ཀྱི་འབྱུང་ཁུངས་ནི་དད་དམངས་ཀྱི་འབུལ་བཞེས་དང་། [page 497] ཚོ་པ་བཅོ་བརྒྱད་ནས་ཁྲལ་འབུལ་ཡང་ཡོད་ལ། སླད་ནས་ཤོག་དཔོན་གྱིས་སྐེར་བཞེས་མཛད་པའི་ཞིང་མཛོས་ཉིས་བརྒྱ་ཙམ་དང་བཅས་ལོ་ལྟར་འབྲུ་རིགས་རྒྱ་མ་བཞི་ཁྲི་ཙམ་དང་། འབྲོག་ཁྲིམ་གཉིས་ཀྱིས་ཕྱུགས་ཟོག་བརྒྱ་ལྔ་བཅུར་མར་རྒྱ་མ་སུམ་བརྒྱ་ལྷག་གི་ཡོང་འབབ་ཡོད་པ་ཡིག་ཆར་གསལ། སྔོན་ཡིན་ན་དེང་གི་རོང་བྲག་རྫོང་དང་། བཙན་ལྷ་རྫོང་གཉིས་ཀྱི་ཚོ་བ་བཅོ་བརྒྱད་སྤྱིའི་ཐུན་མོང་ཡིན་ཞིང་། སྙན་པའི་གྲགས་པ་ཆེ་ལ། སྤྲོ་སྣང་གླིང་ཆེན་དགོན་དང་། བཙན་ལྷའི་གསན་དཀར་དགོན་ཡང་འདིའི་དགོན་ལག་ཏུ་བརྩི་བ་དང་། ལ་སྟེང་གི་དགའ་ལྡན་ཕུན་ཚོགས་གླིང་དང་། མེ་ལུང་ཆུ་མདོ་དགོན། པ་སྤར་ཧྲ་ལ་དགོན། འབྲས་ལུང་སྟོད་སྨད་ཀྱི་གཉིས་བཅས་དགོན་ལག་ཏུ་གཏོགས་པས། དུས་མཆོད་ཆེན་པོ་རྣམས་སུ་འཚོགས་ཞུགས་དགོས་པ་ཡིན། དེ་ལྟར་སྔོན་མའི་ཆོས་ཐོག་བཏང་སྒོ་ཡང་། ཟླ་བ་དང་པོ་སྨོན་ལམ་ཆེན་མོ། ཚེས་དགུ་ནས་བཅུ་བདུན་བར་ཚོགས་པ་དང་། ཟླ་བ་གཉིས་པར་ཉིན་བཅུ་ཙམ་བྱང་ཆུབ་སྨོན་ལམ། ཟླ་བ་ཞི་པར་བསྙུང་གནས། དབྱར་ཟླ་བ་གཅིག་ཕྱེད་ལ་དབྱར་གནས། བཅུ་པའི་ལྔ་མཆོད་བཅས་འཚོགས་ཆེ་གྲས་ལས། གཞན་ལོ་ལྟར་འཚོགས་ཐེང་བཅུ་གསུམ་རེ་འཚོགས་རྒྱུ་ཡོད་པ་ལ། ཉིན་བརྒྱད་དང་བདུན་སོགས་བཅོས་བསྒྱུར་སྔོན་ཙམ་ལའང་ཡིན་པ་ཕྱོགས་བྲིས་བྱས་འདུག་གོ

དགོན་པ་འདི་རྒྱལ་མོ་དམུ་རྡོའི་རི་ལག་གཡོན་རྒྱུད་ཀྱི། རྒྱབ་རི་གླང་པོ་ཆེའི་སྣ་ལྗག་སྐྱོང་བའི་དབུས་ན་ཆགས་ཤིང་། བཙན་ལྷ་ཆུ་བོ་མདུན་ན་གཡས་སྐོར་དུ་འབབ་པ། ཁོར་ཡུག་ཕྱོགས་ཀུན་གྲྭ་ཤག་བརྒྱ་ཚེ་གཅིག་ལྷག་གིས་བརྗིད་ཆགས་པར་བསྐོར་ནས། གཙུག་ལག་ཁང་ནང་དུ་ཀ་རིང་བཞི། ཀ་ཐུང་ཉེར་བཞིས་འདེགས་པའི་བཟོ་རྩལ་བཀོད་པ་ངོ་མཚར་ཅན་ཡོད་ཀྱང་། བཞི་རྒོལ་ལ་རྟེན་གསུང་དང་དངོས་རྫས། ཕྱིའི་གྲྭ་ཁང་རྣམས་བཅོམ་ནས། གཙུག་ལག་ཁང་ཡང་ཉམས་སྐྱོན་ཆེར་བཏང་ཐོག ཞབས་ཏོག་མེད་པར་མི་ལོ་སུམ་ཅུ་ཉེ་བ་ལུས་པས་བགྲེས་ཉམས་ཆེར་ཐོན། བསྐྱར་དུ་བཏོད་པའི་ལག་རྗེས་ཡང་ཆེར་མི་གསལ། ཆུ་ཕག་ལོ་ནས་སླར་རང་བདག་ཏུ་ཐོབ་ཅིང་། ད་ལྟ་བླ་སེར་ཉི་ཤུ་ཙམ་བཞུགས་སོ།། །།

ས་མིང་ཚིག་མཛོད་མིག་བཤར།

པ་སྤར་ཧྲ་ལ་དགོན་ནི། རོང་བྲག་རྫོང་དང་བཙན་ལྷ་རྫོང་གཉིས་འབྲེལ་མཚམ་གྱི་པ་སྤར་བྱ་བར་ཡོད་ཅིང་། དམུ་རྡོའི་སྟོད་རྒྱུད་གཡོན་ལག་གི་ཕྱི་སྐོར་ལམ་ཡང་ཡིན། རབ་བྱུང་བཅུ་བཞི་པའི་མཇུག་ཙམ་ལ་ཧྲ་ལ་བླ་མ་བྱ་བས་ཕྱག་བཏབ་མཛད་ཅིང་། ཧྲ་ལ་ཞེས་ཁང་མིང་ལས་མཚན་དངོས་མི་གསལ་མོད། དགོན་པར་ཡང་འདེབས་པ་པོའི་མཚན་ཟུར་ལས་དྲངས་ཏེ་ཧྲ་ལ་དགོན་ནམ། ས་མིང་ལྟར་པ་སྤར་དགོན་དུའང་འབོད། བླ་མ་དེ་ས་གནས་དེ་ཀའི་མི་ད་ལྟའི་ཆང་རིགས་སུ་གཏོགས་པ་ཡིན་ལ། མཆོད་རྟེན་དགོན་པའི་དགོན་ལག་ཀྱང་ཡིན་པས། ཁོང་ཡང་ཐོག་མའི་གྲྭ་རྒྱུན་དེ་ཡིན་ཚོད། དུས་ཕྱིས་ཀྱང་ཏ་ཟོས་[page 498] དགེ་བཤེས་སོགས་བོད་དང་ཆང་རིགས་ཀྱི་བླ་སེར་ཉི་ཤུ་ཙམ་དང་། བཞི་རྒོལ་བར་ཕྱི་ནང་རྟེན་བཅས་ཆ་ལྡན་དུ་བཞུགས། ཟླ་བ་དང་པོའི་སྨོན་ལམ་དང་། བཞི་པའི་བསྙུང་གནས། དགུ་པར་ལྷ་བབ་ཚོགས་མཆོད། བཅུ་པར་ལྔ་མཆོད་བཅས་ཆོས་ཐོག་རྣམས་བསྐོར་ཏེ། དེ་དག་ཀྱང་དད་དམངས་ཀྱི་ཡོན་འབུལ་ལ་བརྟེན་ནས་བཏང་སྒོ་བྱེད་པ་ལས། བླ་སེར་ཕལ་ཆེར་རང་ཁྱིམ་ལ་བརྟེན་ནས་འཚོ། སླར་ལྕགས་ལུག་ལ་སྤྱི་གཉེར་ཁང་ནས་ཕྱིར་ཐོབ་སྟེ། ཉམས་གསོའི་མགོ་ཚུགས་པ་དང་། བླ་སེར་བདག་གཉེར་བ་བཞི་ལྔ་ཙམ་ཡོད་དོ།། །།

ས་མིང་ཚིག་མཛོད་མིག་བཤར།

འདིར་ཡོངས་གྲགས་སུ་འབྲས་སྟོད་དགོན་ཞེས། འབྲས་ལུང་སྟོད་ན་ཡོད་པས་ས་མིང་ལྟར་འབོད་ལ། ཤར་རོང་ཏ་ཡོང་ནག་ཅེས། ཤར་རོང་ནི་དགོན་སའི་མིང་ཡིན་པ་དང་། ཏ་ཡོང་ནག་ཅེས་དགོན་མིང་དུ་འབོད་སྲོལ་ཡོད། དེ་ཡང་བོད་གཞུང་གིས་གོར་དམག་རྒོལ་བར། ཤོག་དཔོན་ང་རོ་ས་རྒྱལ་པས་རྒྱལ་རོང་དམག་ཁྲིད་དེ་གཡུལ་སར་དཔའ་ཞིང་། རྩེ་ཞོལ་གྱི་རྡོ་རིང་བསླངས་པའི་གཟེངས་རྟགས་སུ་གནང་བ་རྒྱ་ཆེར་ཐོབ། གསེར་སྐུ་གྲགས་ཅན་བཞི་རྒོལ་བར་དགོན་པ་འདིར་ཞུགས་པ་ཡང་སྐབས་དེར་ཐོབ་པས། རབ་བྱུང་བཅོ་ལྔའི་ནང་ཞིག་ནས་རྟེན་རེ་རྣམས་བཞུགས་སའི་དགོན་པ་འདི་བཞེངས། ཤོག་དཔོན་ས་རྒྱལ་འདི་ས་མཆོད་རྟེན་དགོན་རྒྱ་སྐྱེད་ཀྱང་ཞུས་པས། དེ་སྐོར་ཞིག་ཡིན་ལ། གཞན་རྟེན་གསུམ་སྤུས་དག་བཞུགས་པ་དང་། བླ་སེར་བཅུ་སྐོར་ཡོད་དེ། བླ་སེར་རྣམས་ཕལ་ཆེར་མཆོད་རྟེན་དགོན་དུ་སྡོད་ཅིང་། མ་དགོན་ཡང་དེ་ཡིན། འདིར་ལོ་ལྟར་བསྙུང་གནས་ཆེན་མོའི་སྐབས་མི་སེར་སུམ་བརྒྱ་སྐོར་ལ་བསྙུང་སྡོམ་གནང་བ་སོགས་བྱེད། རྗེས་སུ་བཞི་རྒོལ་ལ་བཤིག་ནས། ད་ལྟ་མཉམ་ལས་ཀྱི་སྤྱི་ཁང་ཞིག་ན་སྐབས་སྐབས་སུ་མི་སེར་རྣམས་བསྙུང་གནས་འདྲ་འཚོགས་པར་བྱེད་དོ། དེ་ལྟར་དགོན་པ་ལ་ནི་ཤོག་དཔོན་རང་ནས་བདག་སྐྱོང་ཆེན་པོ་ཡོད་ལ། བླ་སེར་རྣམ་འདིར་ཆེར་མི་བཞུགས་པས། བསྙུང་གནས་སོགས་འཚོགས་པའི་བཏང་སྒོ་ཡང་ཚོ་པ་སྤྱིས་གཉེར་བྱེད་དོ།། །།

ས་མིང་ཚིག་མཛོད་མིག་བཤར།

དགོན་པ་འདི་དེང་ཐོག་རྒྱལ་མོ་དམུ་རྡོའི་དབུ་རྩེའི་གཡས་ཟུར་གྱི་ཚེ་རིང་ལབ་རྩེ་བྱ་བར་ཡིན་ཟེར། དེར་རི་སྐེད་དུ་མར་སྤོས་ནས། ད་ལྟ་ཡང་དགོན་པ་ཐང་ཞེས་ས་མིང་དང་། དགོན་ཤུལ་ཡོད། སྐབས་དེ་དག་ཏུ་ཕལ་ཆེར་གསང་སྔགས་སྔ་འགྱུར་ལུགས་སུ་བྱེད་ལ། རྐྱེན་ཅིའི་ཕྱིར་འཇིག་པར་གྱུར་སོགས་ནི་མ་ངེས། ཕྱིས་རབ་བྱུང་བཅོ་ལྔའི་ནང་ཞིག་ནས། སྨོན་ར་གཡུ་ལྗོངས་སུ་གྲགས་པའི་ད་ལྟའི་ལ་སྟེང་འདིར་[page 499] བཞེངས། མཆོད་རྟེན་དགོན་པའི་དགོན་ལག་དགེ་ལུགས་སུ་བྱེད་ཅིང་། དགེ་འདུན་པ་ཉི་ཤུ་ཙམ་འཕེལ། འབྲས་བློ་གླིང་དུ་སྔ་གཞུག་དགེ་བཤེས་བཞི་ཙམ་བྱུང་ནས་གདན་ས་བསྐྱངས། སྤྱིར་ལ་སྟེ་ཚོ་པ་གོང་འོག་གཉིས་ལས་འདི་གོང་མའི་ཡིན་ལ། ལ་སྟེང་འོག་མའི་དགོན་པ་དང་ས་མིག་གཅིག་ལ་ལྷན་དུ་ཡོད་ཅིང་། ལོ་ངོ་དྲུག་ཅུའི་སྔོན་གྱི་རབ་བྱུང་བཅུ་དྲུག་པའི་མེ་སྦྲུལ་ལ་བཟོ་ཞིང་དམར་དམག་གིས་དོན་ཁག་གཉིས་ནང་བཅོམ་ནས། བཞི་རྒོལ་ལའང་ལྷན་དུ་རྩ་མེད་བཏང་། ད་ལྟ་ཕུན་ཚོགས་གླིང་བསྐྱར་གསོ་ཞུས་ཏེ། དགོན་ཁག་གཉིས་གཞི་རྡུང་གིས་དེར་བླ་གྲྭ་བཅུ་གཅིག་ཙམ་བཞུགས་ནས། སྔོན་མའི་དུས་མཆོད་རྣམས་ལས། ཟླ་བ་དང་པོའི་སྨོན་ལམ་ཚེས་གསུམ་ནས་བཅོ་ལྔ། བཞི་པའི་བསྙུང་གནས་ཉིན་གསུམ། བདུན་པར་སྟོང་མཆོད་ཉིན་གསུམ། དགུ་པའི་ལྷ་བབ་དུས་ཆེན། བཅུ་པའི་ལྔ་མཆོད་ཉིན་གསུམ་བཅས་གཞི་ཚུགས་ཙམ་དང་། ཟླ་བ་གསུམ་པའི་སྒྲུབ་པ་ཉིན་གསུམ་དང་། དྲུག་པའི་བཅོ་ལྔ་ནས་བདུན་པའི་བཅོ་ལྔའི་བར་དབྱར་གནས་ཟླ་བ་གཅིག བརྒྱད་པར་བདག་འཇུག་སྦྱིན་སྲེག་ཉིན་གསུམ་རྣམས་ད་དུང་ཚུགས་མ་ཐུབ། སྔོན་དགའ་ལྡན་ཕུན་ཚོགས་གླིང་འདིར་སྒེར་དབང་གི་ས་ཞིང་སྨུའུ་བཅོ་བརྒྱད་ཙམ་ཡང་ཡོད་ཅིང་། ས་ཡོས་ལོ་ནས་སྐུ་ཕྱོགས་མཁྱེན་རབ་འཇམ་དབྱངས་དར་རྒྱས་མཆོག་གིས་གདན་ས་བསྐྱངསང་།

ས་མིང་ཚིག་མཛོད་མིག་བཤར།

སྔོ་རབ་བྱུང་བཅུ་གཅིག་པའི་ནང་ཙམ་ནས་མདའ་མདོའི་ཕ་རི་དགོན་དེར་ལུང་པ་འདིའི་སྟོད་སྨད་གཅིག་གྱུར་ལྟར་ཡོད་པས། རི་བ་མུ་ཅི་སྐོར་ཡང་དེ་ལས་མ་འདས། ཕ་རི་དགོན་དེར་ས་ཆ་འདིའི་མི་འབྲས་སྤུངས་ནས་ཐོན་པའི་དགེ་བཤེས་ཁྲི་པ་སྒོ་ལི་དགེ་བཤེས་དང་། གློ་ཉི་དགེ་བཤེས་ཞེས་ཁྱིམ་མིང་ལྟར་འབོད་པ་ད་ལྟ་ཡང་ཁྱིམ་རྒྱུད་དེ་གར་ལུས། སྐབས་དེར་ཕ་རི་དགོན་དེ་ཉམས་པས། དགེ་བཤེས་གཉིས་བཅས་རང་ཁྱིམ་ལ་ལོག་ཅིང་། རབ་བྱུང་གསུམ་པའི་ནང་ཙམ་ལ་ར་ཟིའིའོ་བྱ་བར་རི་ཁྲོད་བཏབ་པས་དགོན་པའི་ཐོག་མ་བྱུང་། དེ་ནས་ཡུན་རིང་ཙམ་ན། མུ་ཙིའི་ལུང་མདོའི་ར་དབུ་བྱ་བར་དགོན་པ་བཏབ་ཏེ་ར་དབུ་དགོན་དུ་འབོད། རི་བ་མུ་ཙི་ཚོ་པ་གཉིས་ཐུན་མོང་དུ་བྱས། ཇོ་བོ་སོགས་རྟེན་གསུམ་དེར་དྲངས། རབ་བྱུང་བཅོ་ལྔའི་མཇུག་ཙམ་ལ་རྒྱ་ཉེར་བཞིའི་དམག་གིས་མེར་བསྲེག་པས་ཕྱིར་རི་ཁྲོད་ལ་ལོག དེར་ལོ་ཉི་ཤུ་ལྷག་འདས་པའི་རབ་བྱུང་བཅུ་དྲུག་པའི་ནང་སླར་བའི་ཕ་རིའི་བ་ཡོ་བྱ་བར། རྟེན་བརྟེན་པར་བཅས་པའི་དགོན་པ་གསར་དུ་བཞེངས། དེ་ཡང་ལོ་བཅོ་ལྔ་ཙམ་ནས་བཞི་རྒོལ་ལ་ཐུག་པས། རྒྱ་ནག་ལས་ཁང་གིས་མེར་བརྒྱབ་ནས་ཤུལ་བཟུང་།

སྔོན་བླ་སེར་ཉི་ཤུ་ཡས་མས་སུ་གནས་ཤིང་། འབྲས་སྤུངས་སོགས་སུ་དགེ་བཤེས་མཚན་གསོལ་བ་ཡང་། ལུང་ཉི་དགེ་བཤེས། ལ་ལྟོ་དགེ་བཤེས། བསྟན་པ་དགེ་བཤེས། གློ་ཉི་ཚང་ལ་དགེ་བཤེས་གཉིས། [page 500] ཨ་ཅ་དགེ་བཤེས། སྒོ་ལི་དགེ་བཤེས། ཨ་ཏོ་རྟོགས་ལྡན། རྒྱུད་རིམ་པ་ཨུ་སྐྱབས་དགེ་བཤེས། དགུ་ཉ་སྔགས་རམས་པ་སོགས་སྔ་གཞུག་མང་ཙམ་བྱོན་པས། མུ་ཙི་འདིར་དགེ་བཤེས་བཅུ་གཅིག་ཙམ་བྱོན་ཟེར། རྗེས་སུ་ཡ་ར་དགོན་དེ་མ་དགོན་དུ་གྱུར་ལ། སྤྱིར་ས་ཆ་འདིར་རྙིང་མ་དང་བོན་པོ་ཡང་ཡོད་པས། ཕལ་ཆེར་ཐོག་མའི་ཆོས་ལུགས་འདི་ཚོ་ཡིན་པ་འདུག་ལ། དུས་ཕྱིས་ཡང་རང་མོས་ལྟར་ལྷན་དུ་འཚོགས་པ་ཡིན། དེ་ལྟར་བླ་མ་བཟང་ཤོས་ཚོར་དད་དམངས་ཀྱི་འབུལ་བ་ཡང་ཐོབ་པ་དང་། ཕར་ཡོན་བདག་གི་སྐུ་རིམ་མཛད་པ་སོགས་ལས་དགོན་པའི་ཡོང་འབབ་ཀྱང་སྒྲུབ་ལ། བླ་སེར་དཀྱུས་མ་རྣམས་ནི་མང་ཆེར་རང་ཁྱིམ་གྱི་ལས་ལ་ཞུགས་ནས་འཚོ་རྟེན་ཡོང་བ་དང་། དགོན་པའི་འཚོགས་ཆེ་ཆུང་ལ་བཞུགས་པ་དེ་ཡིན། དུས་མཆོད་གཙོ་བོ་ནི། སྨོན་ལམ་དང་། བསྙུང་གནས། ལྔ་མཆོད་གསུམ་ཡིན་ལ། ད་ལྟ་ནི་སྔར་གྱི་རི་ཁྲོད་ན་ལྷ་ཁང་ཆུང་དུ་བཞེངས་ཏེ། མར་ངོའི་ཚེས་བཅུ་རྣམས་སུ་སྡེ་མི་སེར་རང་མོས་རང་གྲོ་བྱས་ནས། གུ་རུ་སིངྔྷི་བསགས་པ་དང་། ཟླ་བ་བཞི་པར་བསྙུང་གནས་ཉིན་གཉིས་བཅས་འཚོགསང་།

ས་མིང་ཚིག་མཛོད་མིག་བཤར།

བཀྲ་ཤིས་རིན་ཆེན་གླིང་ནི་ཐོག་མའི་དགོན་ས་ཡ་ར་ས་ཆ་ན་ཡོད་པས། ཡ་ར་དགོན་དུའང་གྲགས་ལ། སྔོན་རབ་བྱུང་བཅུ་གཅིག་ཙམ་ནས་ལུང་པ་འདིའི་སྟོད་སྨད་ཕལ་ཆེར་མདའ་མདོའི་ཕ་རི་དགོན་དུ་གཏོགས་ཤིང་། དགེ་བཤེས་སྨད་སྡེའི་ས་ཆ་འདི་སྐོར་ཀུན་དེར་འགྲོ། ས་ཆ་འདིའི་ཁར་ཆུ་གྲོང་གི་དགེ་བཤེས་ཁྲུ་ཅུ་ཁྲི་བ་བྱ་བ་ཡང་། ཕ་རི་དགོན་པའི་ཁྲི་པ་གྲགས་ཅན་ཞིག་ཡིན། རྗེས་སུ་ཕ་རི་དགོན་དེ་ཉམས་ནས་ཡུལ་སྡེ་སོ་སོའི་བླ་སེར་རྣམས་ལོག རབ་བྱུང་བཅོ་ལྔའི་མེ་གླིང་ལོ་ཙམ་ལ་བཀྲ་ཤིས་རིན་ཆེན་གླིང་དགོན་པ་འདི་ཡ་ར་ས་ཆར་ཐོག་མར་བསྐྲུན། དེ་སྐོར་དགེ་འདུན་པ་བཞི་བཅུ་ཙམ་དང་། དགེ་བཤེས་དུ་མ་བྱོན་ནས་རོང་མིའི་སྨད་སྡེར་གྲགས་པ་བྱུང་ཡང་། དགོན་པ་བཞེངས་ནས་ལོ་སུམ་ཅུ་སོ་དྲུག་ལོན་པའི་ཆུ་གླིང་ལོ་ཉི་ཤུ་རྩ་བཞིའི་དམག་གིས་མེར་བསྲེག བླ་སེར་རྣམས་ཡུལ་འབུད་བཏང་ཞིང་ལོ་གཅིག་ལྷག་གི་རིང་དེ་ལྟར་ལུས། ཤིང་ཡོས་ལོ་སླར་ཁི་ལི་ཁྲི་པ་བྱ་བའི་དགེ་བཤེས་ཀྱིས་ཐབས་མཁས་ཐུགས་རྗེའི་མཛད་པ་རྒྱ་ཆེན་པོས། སྐབས་དེའི་དགེ་བཤེས་སྨད་སྡེའི་དཔོན་པོ། མོ་བའི་རྒྱ་མཚོ་ནོར་བུ་བྱ་བ་ཆོས་ཁ་བོན་དུ་མཛད་པར་ཡང་བཀའ་བསྐོར་ཏེ། ལྗོ་ཉོའི་བསྟན་པ་གཡུང་དྲུང་བྱ་བ་དང་། ཁི་ལི་ཁྲི་པ་ཉིད་ཀྱིས་ཐུགས་གཙོ་གནང་ཞིང་། ཁོ་བྱ་བར་བཞེངས། རིམ་བཞིན་ཡར་དར་དུ་ཕྱིན་པས་དགེ་འདུན་པ་བརྒྱད་ཅུ་སྟོད་ལ་འཕེལ། དགོན་ས་སྨིས་གྲུ་བཞི་མ་བཞི་སྟོང་ཙམ་ལ། གྲྭ་ཤག་བརྒྱ་སུམ་ཅུ་ཙམ་གྱིས་བསྐོར་བའི་ཁོར་ཡུག་རྒྱ་ཆེ་ཞིང་། འཆམ་ར་ཞེས་ཤིང་ནགས་ཀྱི་གླིང་ཁ་དང་། མིའུ་བརྒྱ་བརྒྱ་ལྷག་གི་ས་ཞིང་བཅས་དཀར་ནག་ཟས་རིགས་ཀྱི་ཡོང་འབབ་དགེ་འདུན་པའི་འཚོ་བ་ཡང་བཟང་། གཞན་དགོན་[page 501] སྤྱིའི་གཉེར་བའི་རྟ་དྲེལ་སོགས་ཀྱང་ཡོད་ལ། མང་དུ་བྱམས་ཆེན་རྣམ་གསུམ་སོགས་སྐུ་རྟེན་དང་། ལྷ་ས་ནས་གདན་དྲངས་པའི་བཀའ་བསྟན་ཟུང་གིས་གཙོས་གསུང་རྟེན། རོལ་ཆེན་ཆ་བཅུ་བདུན་དང་། སིལ་སྙན་དྲུག་སོགས་ཐུགས་རྟེན་དང་མཆོད་པའི་ཡོ་བྱད་རིན་ཐང་ཅན་མང་། ལྷག་པར་དུ་དགོན་ས་འདིར་སྤོས་པའི་འཕྲོས་ཙམ་ན། རང་དགོན་གྱི་རི་དབུ་ཁྲི་པ་བྱ་བས་དགེ་རྒྱལ་ཚེ་དབང་ལྷུན་གྲུབ་ལ་སྲས་དྲུག་སྲས་མོ་གཅིག་བཅས་བདུན་ཡོད་པའི། རྒྱལ་སྲས་དྲུག་གི་ཆེ་བ་སྲས་པོ་རྒྱལ་མཚན་ཁྲི་པར་གདན་དྲངས་སྐུ་ན་ཕྲ་མོ་ནས་འབྲས་བློ་གླང་དུ་སློབ་གཉེར་ལ་ཞུགས་པས། མཚན་ཉིད་དང་རིག་གནས་སྤྱི་ལ་གཟིགས་པ་རྒྱ་ཆེ། སླར་ནས་དགོན་དཔོན་ལ་བཞུགས་པས། བླ་མ་ནང་སོ་ཞེས་མཚན་སྙན་གྱི་གྲགས་པ་ཆེ་ཡང་། ཁོང་ནི་རིགས་དང་ཡོན་ཏན་གྱི་དྲེགས་པ་པོར་བའི་དམ་པའི་ངང་ཚུལ་ལ་གནས་ཤིང་། རྒྱུ་ནོར་ལ་ཆོག་ཤེས་མཛད་པས་དེ་འདྲའི་བླ་བྲང་སྟོབས་འབྱོར་ཅན་མིན་ཡང་། སྐབས་དེར་ཁོང་གི་རིགས་རུས་ཡོན་ཏན་གང་ཅིར་སྐྱེ་བོ་རྣམས་ཡིད་འཇོག་ཆེ་ཞེང་། དགོན་པ་འདིའི་ཁ་རྗེ་དབང་ཐང་ལ་ཐད་གར་ཤུགས་ཐེབས་པ་ཡིན། ས་ཁྱི་ལོའི་བཞི་སྒོལ་ལ་འདུས་བྱས་མི་རྟག་པའི་ཆོས་ཅན་གྱི་རང་མཚང་སྒྲེན་པོ་བྱུང་ནས་ཉམས་སྐྱོན་དང་བཅས་པའི་གཙུག་ལག་ཁང་མཉམ་ལས་ཀྱི་ཁྲིམས་འོག་ཏུ་གཤེགས།

དེ་ལྟར་སྔ་རབས་རྣམས་སུ་དགེ་ཤེས་ཁོ་ན་ཡང་འདིར་མང་དུ་བྱོན་ཞིང་། ཕ་རིའི་དགོན་ནས་བཟུང་རང་དགོན་དུ་ཁྲི་པ་སོགས་མཛད་པ་ལས་གཞན། ཆུ་ཆེན་ལྷ་སྟེང་དགོན་དང་། མགར་ཐར་དགོན་རྣམས་སུ་ཁྲི་འཛིན་པའང་བྱུང་། ས་འདི་ཕྱོགས་ཀྱི་སྤྱི་འགྲོས་ལྟར། དགེ་ལྟན་རིང་ལུགས་འཛིན་པ་རྣམས་འབྲས་བློ་གླིང་རྒྱལ་རོང་ཁང་ཚན་ལ་གྲྭ་རྒྱུན་སྤེལ་ས་གཙོ་བོ་བྱེད། དེ་བཞིན་ལོ་ལྟར་གཏན་ཁེལ་དུ་འཚོགས་པའི་ཆོས་ཐོག་རྣམས་ཀྱང་། ཟླ་བ་དང་པོའི་སྨོན་ལམ། བཞི་པའི་བསྙུང་གནས། ལྔ་པ་ལ་དབྱར་གསོ། དྲུག་པ་ལ་ཚེས་བཅུ། དགུ་པ་ལ་ལྷ་བབ་དུས་མཆོད། བཅུ་པ་ལ་ལྔ་མཆོད་བཅས་ཡིན་པས། ད་ཆ་སླད་ནས་ལོ་བཅུ་ཙམ་གྱི་རིང་ལ། དགོན་པར་ཉམས་གསོ་དང་། རྟེན་གསུམ་གསར་བཞུགས་ལ་འབད་པས་འཐུས་ཙམ་དང་། བླ་སེར་ཉི་ཤུ་ལྷག་གིས་སྔོན་མའི་དུས་མཆོད་ཚོའི་དོད་པོ་ཡང་འཚོགས་པར་བྱེད་དོ།། ང་།

ས་མིང་ཚིག་མཛོད་མིག་བཤར།

དེང་ཐོག་ལོ་ཆེན་བཻ་རོ་ཙ་ན་རྒྱལ་རོང་དུ་ཕེབས་ནས་སྤྲོ་སྣང་འདིར་ཡང་། མཆོད་རྟེན་བཞེངས་པ་དང་། ཕྱོགས་བཞིའི་བྲག་ལ་སྐུ་རྗེས་དང་། ཕྱག་རྗེས། ཞབས་རྗེས་སོགས་གྲུབ་རྟགས་ཡ་མ་ཟུང་གིས་ཡུལ་འདིའི་འགྲོ་བ་རྣམས་དམ་པའི་ཆོས་ཀྱི་གདུལ་ཞིང་དུ་བཀོད། སླད་ནས་མི་ལོ་སུམ་བརྒྱ་ཙམ་འདས་[page 502] པའི་སྤྱི་ལོའི་དུས་རབས་བཅུ་པ་སྐོར་ནས། སྤྲོ་སྣང་སྡེ་ཚོགས་ཧེ་ཚོགས་ནག་པོ་ཆེན་པོ་ཞེས་པས་ཆུ་བར་ཆོས་འཁོར་གླིང་དགོན་པ་གསར་དུ་བཏབ་པ་ཡིན་པས། ཆོས་ལུགས་ས་སྐྱར་བྱེད་པ་བྱུང་། རྗེ་བཙུན་གྲགས་པ་རྒྱལ་མཚན་རྒྱ་ནག་གོང་མའི་དབུ་བླ་མཛད་པ་དང་། སེང་གེ་རྒྱལ་མཚན། འདུལ་བ་རྒྱལ་མཚན་སྟོན་པ་རྒྱལ་མཚན་བཅས་རྒྱལ་རྣམ་བཞིར་གྲགས་པ་རྣམས་གདན་རབས་བརྒྱུད་པ་ལ། དགོན་གནས་མཐོ་དྲག་པ་སོགས་ཀྱིས་སྲིད་གསུམ་གོང་མ་གླིང་དུ་སྤོས། རབ་བྱུང་དྲུག་པའི་ནང་ཚ་ཁོ་ངག་དབང་གྲགས་པས་རྒྱལ་རོང་དུ་དགོན་པ་བརྒྱ་རྩ་བརྒྱད་བཞེངས་བས་ཁོང་གི་ཞལ་བཀོད་ལྟར་མཁས་གྲུབ་རྗེའི་རྣམ་སྤྲུལ་རྗེ་གྲུབ་པའི་དབང་ཕྱུག་དགེ་བཤེས་བློ་བཟང་སངས་རྒྱས་ཀྱིས་གླིང་ཆེན་ཆོས་གླིང་དགོན་པ་གསར་དུ་བཏོད་དེ། དེ་ནས་བཟུང་ཆོས་ལུགས་དགེ་ལྡན་དུ་བྱེད་པ་བྱུང་ལ། གླིང་ཆེན་ཆོས་གླིང་དགོན་པའམ་མཆོག་རི་བོ་དཔལ་འཁོར་ལོ་སྡོམ་པའི་ཕོ་བྲང་། རྫ་བྲག་སྤང་ནགས་འཐབ་པའི་རི་བོ་ལ། སྐུ་གསུང་ཐུགས་ཀྱི་སྒྲུབ་གནས་རྟགས་མཚན་ཁྱད་པར་ཅན་བརྒྱ་རྩ་བརྒྱད་སོགས་མཇལ་རྒྱུ་ཡོད་པ་ལ་ཆུ་བཞི་མདོ་བཞིའི་དབུས་སུ། ཕྱི་འཁོར་རི་བོ་དྲུག་ཅུ་རྩ་བཞིས་བརྗིད་ཆགས་པར་བསྐོར་བ། གཡས་ཕྱོགས་སུ་བཙན་ལྷ་ཆུ་བོ་འབབ་ཅིང་། གཡོན་ན་གྲུབ་ཆེན་ཐང་སྟོང་རྒྱལ་པོའི་གནས་རི། མདུན་དུ་དུང་དཀར་གཡས་འཁྱིལ་གྱི་གནས་རི་དུང་གི་ཁ་ནས་རང་བྱུང་གཏེར་ཆུ་འབབ་པ། རྒྱང་བལྟས་བྲག་རི་དམར་པོལ་རྗེ་བློ་བཟང་གྲགས་པའི་སྐུ་རང་བྱོན་མཇལ་རྒྱུ་ཡོད་པ་ཡིན་ནོ།།

དགོན་པ་འདིའི་གདན་རབས་ལོ་རྒྱུས་སུ། དགའ་ལྡན་ཁྲི་རིན་པོ་ཆེ་བློ་བཟང་སྨོན་ལམ་སོགས་མཁས་བཙུན་གྲུབ་པའི་དགེ་བའི་བཤེས་གཉེན་མང་པོ་ཞིག་ཡོད་པ་ཡིན་ཏེ། སོ་སོའི་མཛད་རྣམ་དང་བྱོན་རིམ་ངེས་གསལ་དཀའ་ཡང་ཕྱོགས་ཕམ་སྨོས་ན། མཁན་ཆེན་འཇམ་དབྱངས་ཡར་འཕེལ་ནི། གྲྭ་ས་རྒྱས་པ་དང་བློ་གསལ་གླིང་། འབྲས་སྤུང་བླ་སྤྱི། རྒྱ་ནག་རི་བོ་རྩེ་ལྔ་བཅས་ཀྱི་མཁན་པོ་མཛད་ནས། གོང་མ་ཆན་ལུང་གིས་གསེར་གྱི་ཐམ་ག་རྒྱ་མ་བཞི་ཅན་ཕྱག་རྟེན་ཕུལ་བ་དང་། ཁོང་ལྷ་སྟེང་དགོན་དང་རང་དགོན་གྱི་མཁན་པོ་ཡང་མཛད་ལ། གཞན་མཁན་ཆེན་བློ་བཟང་ཆོས་ལྡན་དང་། བློ་བཟང་ཉི་མ་བཅས་མཁན་རྣམ་གསུམ་རྒྱ་ནག་གོང་མའི་དབུ་བླ་མཛད་པ་རེད།

བླ་མ་རིན་པོ་ཆེ་བློ་བཟང་ཤེས་རབ་ནི་སྤྲོ་སྣང་གྲོང་ཚོགས་ཧེ་ཡུལ་དུ་འཁྲུངས། ཆུང་དུ་ནས་དགོན་པར་ཡི་གེ་བསླབ་སྟེ། རྗེས་སུ་ལྷ་སར་མཚན་ཉིད་ལ་མཁས་པར་སྦྱང་ནས་དགེ་བཤེས་བཏང་། བོད་རྒྱལ་བདེ་མོ་རིན་པོ་ཆེའི་ཡོངས་འཛིན་མཛད་དེ། དཔལ་ལྡན་རྒྱུད་སྨད་གྲྭ་ཚང་ལ་ཞུགས། ཉིན་ཞིག་རྩེ་དྲུང་ཞིག་གི་མ་རྒན་ལ་ནད་ཕོག་ནས་སྨན་བཅོས་ཅི་འདྲ་བྱས་ཀྱང་ཕན་ནུས་མེད་སྟབས། རྩེ་དྲུང་གིས་གྲྭ་ཚང་ལས་སྣ་ལ་ཆོས་ཀློག་པ་ཞིག་མངག་རོགས་ཞུས། གྲྭ་ཚང་དབུ་མཛད་ཀྱིས་བློ་བཟང་ཤེས་རབ་མངག་པར། ཁོང་གིས་ནད་པ་ལ་ཞག་བདུན་ལས་ཚེ་མེད་པ་མཁྱེན་ནས་ཞག་གསུམ་ལྷུང་བ་བཤགས་པ་བསགས་ནས་[page 503] དགོན་དུ་ལོག་པས། དེར་ཞག་བཞིའི་དེར་ཞག་བཞིའི་མཚམས་མ་རྒན་ཤི། རྩེ་དྲུང་གྲྭ་ཚ་ལྔ་བརྒྱའི་དབུས་ནས་ལྷུང་བ་བཤགས་པ་ལས་འདོན་མི་པ་སུ་ཡིན་ཞེས་འཚོགས་གཏམ་བཏང་བས། བློ་བཟང་ཤེས་རབ་གུས་པས་ཡར་ལང་ནས་ང་ཡིན་ཞེས། རང་མོས་སུ་དགོན་པའི་སྐྱེད་སྡུག་ལས་ཕྱིར་ཐོན། གྲྭ་རོགས་རྣམས་བཞུགས་ཞུ་ཕུལ་ཡང་དགོན་སྤྱིའི་འགྲིག་ལམ་ལ་ལྷོད་སྐྱོན་འོང་བར་དགོངས་ནས་རི་ཁྲོད་བྲག་ཕུག་ཏུ་མཚམས་ལ་བཞུགས། པཎ་ཆེན་སྐུ་ཕྲེང་ལྔ་པ་བཀྲས་ལྷུན་ནས་ལྷ་སར་ཕེབས་ལམ་དུ་རི་ཁྲོད་གཤམ་ལ་ཁྱོག་བྱམ་ནས་ཕྱེར་བྱོན་ཏེ་ཉིད་ཀྱི་ཆོས་གོས་ཕུལ། འདི་ཇོ་བོ་རྗེ་དཔལ་ལྡན་ཨ་ཏི་ཤའི་རྣམ་སྤྲུལ་སྐུ་རློན་པ་ཡིན་ཞེས་ངོས་འཛིན་གནང་། དེ་ནས་བཟུང་བཀྲ་ཤྲིས་ལྷུན་པོའི་དགོན་པར་དབང་གནང་ཞིང་། རྗེས་སུ་ཡང་སྲིད་ངོས་འཛིན་ཆོག་པའི་ཆོག་མཆན་ཐོབ་ཡོད།

རྒྱལ་དབང་སྐུ་བཅུ་གཅིག་པ་མགར་ཐར་དུ་འཁྲུངས་པར་བཤད་ཀྱང་གྲྭ་མང་གི་ལྟ་ལུགས་འདྲ་མིན་གྱིས་ངོས་འཛིན་ཞུ་བ་མམ་རྙེད། སྐབས་དེར་བླ་མ་རིན་པོ་ཆེ་བློ་བཟང་ཤེས་རབ་ལྷ་ས་ནས་ཕ་ཡུལ་ཕེབས་ཞོར་མགར་ཐར་བརྒྱུད། འཛིན་གྲྭ་གཅིག་པའི་བློ་བཟང་སར་དགོན་ནང་དུ་ཞུགས་པར་མ་གནང་ནས། རྒྱལ་དབང་འཁྲུངས་པའི་ཁྱིམ་པ་ཡིན་པས་ཞབས་ཏོགས་ཡག་པོ་གྱིས་ཤོག་ཅེས་བློ་བཟང་ལ་བཀའ་བསྩལ་ནས་ངོས་འཛིན་ཞུས་པས། མི་རིང་བར་ལྷ་ས་ནས་ངོས་འཛིན་ཞུས་པ་ཡིན།

བློ་བཟང་ཤེས་རབ་ཕ་ཡུལ་དུ་ཕེབས་ནས་དུང་དཀར་རི་ཁྲོད་དུ་མཚམས་ལ་བཞུགས་ནས། ཁོའི་ཞབས་ཕྱི་རྣམས་ཀྱིས་མི་གོ་བར་སྤྲུལ་པ་མཛད་ནས་དགེ་རྒན་བློ་བཟང་ཤེས་རབ་མཇལ་དུ་འོང་། རྟ་ནག་བཞོན་པ་ཞིག་རི་ཁྲོད་ལ་ཕྱིན་སོང་བ་དེར་མི་རྣམས་ཀྱིས་མཐོང་ཞིང་། དེ་སྔོན་དུ་བླ་མས་བཁྱེན་ནས། མགྲོན་པོ་ཞིག་སླེབས་འོང་རྒྱུ་ཡོད་པས་ཇ་བསྐོལ་དགོས་གསུངས། དེར་དཔོན་སློབ་ཞལ་འཛོམ་ནས་གསུང་གླེང་མཛད་པ་དང་། བླ་མས་བདེ་མོ་རིན་པོ་ཆེས་རྒྱ་ནག་གོང་མར་ཅི་ལྟར་ལན་འདེབས་དགོས་པ་རྣམས་བཀའ་བསྩལ། དེ་ལྟར་བླ་མ་རིན་པོ་ཆེ་བློ་བཟང་ཤེས་ཀྱི་ཡང་སྲིད་སླར་ཡང་འཁྲུངས་པ་ཡིན་ཏེ། རང་དགོན་དུ་གདན་འཇགས་མ་བྱུང་ནས། འདིའི་སྔོན་དཀར་མཛེས་ཁུལ་ཆོས་ལུགས་ནང་བསྟན་མཐུན་ཚོགས་ཀྱི་ཚོགས་གཙོ་སྐྱིད་ལེགས་ཆོས་ཀྱི་རྒྱ་མཚོ་མོག་ནི་བླ་མ་རིན་ཆེ་བློ་བཟང་ཤེས་རབ་ཀྱི་ཡང་སྤྲུལ་ཡིན་ནོ།།

ཁྲི་ཆེན་བློ་བཟང་སྨོན་ལམ་ནི་སྤྲོ་སྣང་ཟེ་ཁུར་བྲག་ཁ་པ་ལ་འཁྲུངས། ཁོང་དགུང་ལོ་ཉེར་དགུའི་བར་ཞིང་པ་ངལ་རྩོལ་པ་ཞིག་གི་ཚུལ་དུ་བཞུགས་ནས། དེར་གློ་བུར་དུ་ཐུགས་ཐག་ཆོད་ནས་གྲྭ་སར་བྱོན། སྦྱང་བརྩོན་དྲག་པོས་དཔེ་ཆ་གཟིགས་ཀྱང་། གྲྭ་སའི་ཁྲིམས་སྒྲིག་ལམ་བཙན་པ་དང་དགེ་རྒན་བཙན་པས་སློབ་སྦྱོང་དང་འཚོ་བའི་དཀའ་ངལ་གྱིས་སྐབས་གཅིག་ཕ་ཡུལ་ལ་ལོག་གྲབ་བྱས། གྲྭ་སའི་ཉེ་འདབས་སུ་འབུ་གྲོག་མ་ཞིག་རྩྭ་ཕུང་ལ་འཛེགས་པ་གཟིགས། ཡར་སྐེད་ཙམ་ལ་སླེབས་དུས་མར་ལྷུང་ཡང་། སླར་[page 504] ཐེང་མ་གསུམ་དེ་ལྟར་བྱས་པས་རྩྭ་རྩེར་སླེབས་སོང་བས། འབུ་གྲོག་མ་འདིས་ཀྱང་སྙིང་རུས་བྱས་ནས་མཐར་ཕྱིན་ན། ང་འཇིག་རྟེན་མི་ལུས་ཐོབ་པ་དོན་མེད་དུ་འགྲོ་མི་རུང་དགོངས་ནས་ཡང་བསྐྱར་ཞུགས། མཚན་ཉིད་ལ་སྦྱང་བས་མཁས་པར་ཕྱིན། དཔལ་འབྱོར་དཀའ་ངལ་ཡོད་སྟབས་དགེ་བཤེས་གཏོང་སྒོ་མི་ནུས་སྙམ་པའི་ཐུགས་ཁྲལ་བྱུང་བས་ཁ་ཆེའི་ཚོང་པ་གཉིས་སླེབས་ནས་རས་ཐུམ་ཞིག་བཅོལ། ཁྱེད་ཀྱིས་ལྟ་ཙམ་བྱེད་རོགས་དང་ད་ལྟ་སླེབ་ཡོང་ཟེར། ཡུན་རིང་བསྒུག་ཀྱང་ལེན་མཁན་མ་བྱུང་། རས་ཐུམ་ཁུར་ནས་སུ་མཐོང་ལ་དྲིས་ཀྱངབདག་པོ་བྱེད་མཁན་མི་འདུག་དེ་ནས་ལྷ་ལ་གསུང་བརྟག་ཞུས་པས། རས་ཐུམ་འདི་ཁྱོད་ལ་སྲུང་མས་དངོས་གྲུབ་གནང་བ་ཡིན་པས་བདག་པོ་གྱིས་ཤོག་ཅེས། རྗེས་སུ་དགེ་བཤེས་གཏོང་སྒོ་བསམ་གྱིས་མི་ཁྱབ་པ་བཏང་ནས། དགའ་ལྡན་ཁྲི་རབས་དྲུག་ཅུ་རེ་བཞི་པའི་གསེར་གྱི་སྟེགས་བུ་ལ་འཛེགས་ནས་ལོ་བརྒྱད་ཁྲི་བཟུང་ངོ་།།

དེ་ལྟར་གཞན་ཡང་བླ་མ་གཞུང་ལེན་པ་དགེ་བཤེས་བློ་བཟང་སངས་རྒྱས་དང་། དགེ་བཤེས་བློ་བཟང་འཇམ་དབྱངས། དགེ་བཤེས་འཇམ་དབྱངས་ལེགས་བཤད། དགེ་བཤེས་འཇམ་དབྱངས་སྦྱིན་པ། དགེ་བཤེས་བློ་བཟང་དགེ་ལེགས། དགེ་བཤེས་བློ་བཟང་བཟོད་པ། དགེ་བཤེས་ཡེ་ཤེས་དབང་ལྡན། དགེ་བཤེས་ཡེ་ཤེས་བསོད་ནམས། དགེ་བཤེས་ཡེ་ཤེས་བསྟན་འཕེལ། དགེ་བཤེས་ངག་དབང་ཡེ་ཤེས། དགེ་བཤེས་ཡེ་ཤེས་དབང་ལྡན། སྤྲུལ་སྐུ་མཁྱེན་རབ་འཇམ་དབྱངས་དར་རྒྱས། ངག་དབང་ཡར་འཕེལ་རྩེའི་ཁྲི་སྡེ་ཕྱག་མཛོད་བྱས་རྣམས་ཏེ། དགོན་པ་འདི་ནས་བྱོན་པའི་མཁས་བཙུན་གྲུབ་པའི་སྐྱེས་ཆེན་བསམ་གྱིས་མི་ཁྱབ་པ་རྣམས་སོ།།

འཇིགས་བྱེད་མགོན་ཆོས་ལྷ་མོ་རྣམ་སྲས། བླ་མ་རིམ་བྱོན་གྱི་སྐུ་འདྲ། བཀའ་གདམས་མཆོད་རྟེན་གཉིས། ཞལ་ཐང་ཆེ་ཆུང་གསར་རྙིང་བརྒྱ་བཅུ་ཙམ། གསུང་རྟེན་དགོན་རྙིང་ནས་དྲངས་པའི་དབུ་ཅན་བྲི་མའི་བཀའ་བསྟན་ཆ་ཚང་། ལྷ་ས་ནས་དྲངས་པའི་བཀའ་འགྱུར་པར་མ། རྗེ་ཡབ་སྲས་སོགས་བོད་ཀྱི་མཁས་པ་མང་པོ་ཞིག་གི་གསུང་འབུམ་ཡང་བཞུགས། དེ་མིན་མཆོད་པའི་ཡོ་བྱད་ཧོར་ཤང་རྒྱ་བལ་སོལས་ཀྱི་རྔ་ཆལ་སིལ་སྙན་རྣམས་དང་། རབ་རྒྱ་གླིང་འདུགས་འཕན་འཕུར་ཚུན་རིན་ཐང་ཆེ་ལ་སྤུས་ག་ལྡན་པ་ཡོད་ཀྱང་། བཞི་རྒོལ་དང་རིག་གས་སྐབས་གོང་ལེན་གཏོར་བརླག་ཏུ་ཤོར་ནས། བརྒྱད་ཅུ་གྱ་གསུམ་ལོ་གཞི་ནས་བསྐྱར་གསོ་ལ་ཞུགས་ཏེ། དགེ་སློང་ཡེ་ཤེས་བརྩོན་འགྲུས་སོགས་ད་ཡོད་བླ་སེར་ཚོའི་འབད་པ་དང་། དད་ལྡན་མང་ཚོགས་ཀྱིས་མཐུན་རྐྱེན་བསྒྲུབས་པས་རྟེན་གསུམ་མཁོ་སྤྱོད་རྣམས་མཚོན་ཙམ་འཛོམ་ཞིང་། ཆོས་ཐོག་འགའ་རེ་ཞིག་འཚོགས་པའི་མགོ་བརྩམས་ཡོད་དོ།།

དུས་མཆོད་རྒྱུན་སྲོལ། ཟླ་བ་དང་པོའི་ཚེས་བརྒྱད་ནས་བཅོ་ལྔའི་བར་དུ་སྨོན་ལམ་ཆེན་མོ་ཚོགས་རྒྱུ་དང་། ཟླ་བ་གཉིས་པའི་ཚེས་བཅུ་གཅིག་ནས་བཅུ་གསུམ་བར་ཀུན་རིག་ཆོས་ཐོག་དང་། ཡང་ཟླ་བ་གཉིས་པའི་ཚེས་བཅུ་དྲུག་ནས་བཅུ་དགུའི་བར་དུ་མགོན་པོ་གཏོར་ཆེན། ཟླ་བ་གསུམ་པའི་ཚེས་ཉི་ཤུ་དྲུག་[page 505] ནས་ཉེར་དགུའི་བར་སྒྲུབ་པ་འཚོགས་ཤིང་འབག་འཆམ་ཡོད། ཟླ་བ་བཞི་པའི་ཚེས་བཅོ་བརྒྱད་ལ་གནས་བརྟན་ཕྱག་མཆོད་དང་། ཟླ་བ་ལྔ་བའི་ཚེས་གཅིག་ནས་བཅོ་ལྔའི་བར་དུ་སྒྲོལ་མ་ཆོས་ཐོག་ཟླ་བ་དྲུག་པའི་ཚེས་བཞི་ལ་བདེན་བཞིའི་ཆོས་འཁོར། ཟླ་བ་དྲུག་པའི་ཚེས་བཅོ་ལྔ་ནས་ཟླ་བ་བདུན་པའི་ཚེས་སུམ་ཅུའི་བར་དབྱར་གནས། ཟླ་བ་བརྒྱད་པའི་ཚེས་གཅིག་ནས་ལྔའི་བར་དུ་ཟློས་གར་ལྷ་མོ་འཆམ། བརྒྱད་པའི་ཚེས་བཅུ་གཅིག་ནས་བཅུ་དྲུག་བར་དུ་སྨྱུང་གནས་ཆ་གཉིས། ཟླ་བ་དགུ་བའི་བཅུ་དགུ་ནས་ཉི་ཤུ་གཅིག་བར་དུ་སྨན་བླའི་ཆོ་ག་ཉི་ཤུ་གཉིས་ལ་ལྷ་བབ་དུས་ཆེན། དགུ་བའི་ཉེར་གསུམ་ནས་ཉེར་དགུའི་བར་དུ་ཉི་ལོག་སྐུ་རིམ། ཟླ་བ་བཅུ་བའི་ཚེས་ཉེར་གཉིས་ནས་ཉེར་ལྔའི་བར་དུ་ལྔ་མཆོད། ཟླ་བ་བཅུ་གཅིག་པའི་ཚེས་བཅུ་གསུམ་བཅུ་བཞི་ལ་དགེ་བཤེས་བློ་བཟང་སངས་རྒྱས་ཀྱི་འདས་མཆོད། ཉེར་དྲུག་ནས་ཉེར་དགུའི་བར་དུ་ཆོས་རྒྱལ་ཆོས་ཐོག་སོགས་འཚོགས་ཤིང་། ཟླ་བ་གཉིས་པའི་ནང་འཚོགས་རྒྱུ་མེད་ལོ་གཅིག་ལ་བསྡོམས་པས་ཉིན་གྲངས་བརྒྱ་དང་ཉེར་ལྔར་འཚོགས་ཡོད་དོ།།

དུས་མཆོད་དང་འཚོགས་ཡོན་གྱི་འབྱུང་ཁུངས། སྤྲོ་སྣང་སྡེ་བའི་ཞིང་ཁྱིམ་ཡོངས་ལས། བུ་རྒྱུ་སོགས་མེད་པའི་མི་ཧྲེང་ཚེ་ལས་འདས་པའི་ནོར་རྫས་ཅུང་ཡོད་པ་གྲྭ་ཚང་ལ་བསྔོ་རྟེན་དུ་ཕུལ་བ་དང་། དད་ལྡན་སྦྱིན་བདག་པོ་མོ་རྣམས་ཀྱིས་སྐྱབས་བསྔོ་སོགས་སུ་ཕུལ་བའི་རྒྱུ་ནོར་འདྲ་མིན་སྣ་ཚོགས་ལས་འབྱུང་དགོས་ཤིང་། གཉེར་ཁང་ནང་གི་ལས་གྲྭ་པ་གཉིས་ནས་གསུམ་གྱིས། ལོ་གཉིས་སམ་གསུམ་གྱིས། ལོ་གཉིས་སམ་གསུམ་བར་རེས་སྐོར་བྱ་བ་དང་། དགེ་བསྐོས། དགོན་གཉེར། མགོན་ཁང་བ་བཅས་ཀྱང་གྲྭ་པ་རྒན་གཞོན་གྱི་རིམ་པ་ལྟར་རེས་སྐོར་བྱེད་རྒྱུ་ཡིན། གཉེར་བའི་ལས་འགན་གཙོ་བོ། ཡོང་སྒོ་དང་འགྲོ་སོང་སོགས་རྩིས་ལེན་བྱེད་པའོ།།

ས་མིང་ཚིག་མཛོད་མིག་བཤར།

བྲག་སྟེང་གཡུང་དྲུང་དར་རྒྱས་གླིང་ནི། ཐོག་མར་བླ་མ་སངས་རྒྱས་གླིང་པ་བྱ་བས་ཕྱག་བཏབ་ཏུ་མཛད་པའི་གཡུང་དྲུང་བོན་གྱི་བསྟན་པའི་སྒྲུབ་སྟེ་ཞིག་ཡིན་ལ། བླ་མ་སངས་རྒྱས་གླིང་པ་ནི་ཁྱུང་པོ་ནས་ཕེབས་ཤིང་། བོན་གསར་མའི་སྲོལ་འབྱེད་ཀྱི་སྤྲུལ་སྐུ་རྣམ་བཞིའི་ཡ་གྱལ། ཆུ་ཆེན་ལྷ་སྟེང་དགོན་འདེབས་པ་པོ་ཡང་ཡིན་པར་གྲགས། ངག་རྒྱུན་དུ་རབ་བརྟན་རྒྱལ་པོ་དབང་ཤེད་ཆེ་བས། དར་རྒྱས་གླིང་འདི་ལྷ་སྟེང་གི་ནང་ལ་ཚུད་པ་ཞིག་ལས་མི་ཆོག་བྱས་པར། ལས་བཟོ་བས་གོ་ལོག་ཏུ་ཤོར་ནས། དར་རྒྱས་གླིང་ནི་ལྷ་སྟེང་དགོན་ནང་ལ་ཚུད་པ་ཞིག་བྱས་སོ་ཟེར་བ་སོགས་ལ་བརྟན་ན། ཆུ་ཆེན་དམག་འཁྲུགས་གི་སྔོན་ཞིག་ནས་དགོན་པ་འདི་ཡོད་ཅིང་། གཞི་ཅུང་ཟད་ཆེན་བ་ཡིན་པའང་ཤེས་ཐུབ། རྗེས་སུ་ལྷ་སྟེང་དགེ་ལུགས་སུ་བསྒྱུབ་ཏེ་དབང་གྲགས་ཆེར་རྒྱས་སྐབས་ཀྱང་། འདིར་གཤེན་ལུགས་གཉུག་མར་ལུས་པས་མི་འོས་པའི་བརྙན་བཅོལ་ཚད་མེད་ཐེབས་འདུག་ལ་བར་ལམ་དར་རྒྱས་གླིང་འདིར་སྡོད་མི་ཚུགས་པར།

[page 506] བླ་གྲྭ་མང་ཆེན་རང་ཁྱིམ་ལ་ལོག་ཅི་ཞིག་ན་སོ་སོའི་གྲོང་སྡེ་རྣམས་སུ་བསྙེན་གནས་སོགས་འཚོགས་སའི་ལྷ་ཁང་ཆུང་ངུ་ཡང་བཞེངས་པ་སྟེ། དེ་དག་ནི། ཤན་ཅོའི་གཙུག་ལག་རྩེ་དང་། ལོ་སྟོན་ཁོག་ན་རྡ་སྒོ་དགོན། ཤ་ཅོ་ན་འབོར་ཏོ་དགོན་པ། ཆུ་ཆེན་རྫོང་མ་ལེ་ཁ་ཁ་ཅོ་བྱ་བ་ན་ཞི་བ་ས་ལེ་དགོན་པ། ཝིན་ཁྲོན་རྫོང་འོ་ལུང་ན་དགོན་པ་ཞིག་ནས། གཡུང་དྲུང་བོན་ལུགས་ཀྱི་སྒྲུབ་རྒྱུན་འཛིན་ཞིང་། ཏུ་ཕྱག་བླ་མ་དང་། མཚམས་པ་དགེ་བཤེས་སོགས་བསྟན་འཛིན་དམ་པ་གང་མང་ཞིག་བྱོན་འདུག་མོད། དུས་སྐྱོན་གྱི་མེས་ལོ་རྒྱུས་ཀྱི་ཤོག་ལྷེ་སྦར་ནས། བདེན་དོན་གྱི་ཡིག་འབྲུ་མི་མངོན་ནོ།།

སྔོན་མའི་དགོན་རྙིང་དེ་རྒྱལ་མོ་དངུལ་ཆུའི་གཡས་འགྲམ་གྱི། ཆོས་དུང་དཀར་པོ་འཕྲེད་ལ་བསྙལ་འདྲའི་ས་དབྱིབས་སུ་ཆགས་ཤིང་། མདུན་གྱི་ཆུ་གཞུང་ན། ཉ་དང་། སྦལ་བ་ལྟ་བུའི་གླིང་བར་གཉིས་བཅས། ཉ་སྦལ་དུང་གསུམ་དུ་གྲགས་པ་སོགས་ཡོད་ལ། རབ་བྱུང་བཅུ་དྲུག་པའི་ལྕགས་འབྲུག་ལོ་དགོན་པ་མེ་ལ་ཤོར། སླར་ཧོར་ཁོག་ནས་རྒྱལ་སྤྲུལ་བྱ་བ་བྱོན་པ་དང་། རྒྱལ་པོ་ཉི་མ་དབང་ལྡན་གྱིས་བདག་རྐྱེན་མཛད་དེ། ལྕགས་སྤྲུལ་ལ་སྔར་གྱི་ས་མལ་ལས་ཡར་ལམ་ཐོག་ཏུ་སྤོས། ད་ལྟའི་གཞི་འདི་གསར་བསྒྲུན་བྱས་པ་ལ། མི་རིང་བའི་ལོ་ངོ་བཅུ་བདུན་ཙམ་ནས་བཞི་རྒོལ་ལ་ཐུག་པས་ནང་རྟེན་དངོས་ཆས་ཀུན་རྩ་མེད་བཏང་། གཙུག་ལག་ཁང་མགོ་བཅད་རྔ་ཟླུམ་བཞི་རྒོལ་ལ་ཐུག་པས། ནང་རྟེན་དངོས་ཆས་ཀུན་རྩ་མེད་བཏང་། གཙུག་ལག་ཁང་མགོ་བཅད་རྔ་ཟླུམ་ཞིག་མིང་གི་ལྷག་མ་མ་སྟོང་ཙམ་དུ་ལུས། སླར་ཡང་ཡང་ལྡན་གྱི་དུས་དང་འགྲོགས་པའི་ཤིང་གླིང་འདི་ནས་བཟུང་། ཉམས་གསོ་ཞུ་བའི་གོམས་པ་ཐོག་མར་སྤོས་ནས། གཞིའི་གྲྭ་ཉ་ངོ་བླ་མ་ཚུལ་ཁྲིམས་ཡེ་ཤེས་དང་། དགེ་ཚུལ་ཁྲིམས་རྣམ་དག་སོགས་བླ་སེར་ཉི་ཤུ་ཙམ་དང་། ལྷ་ལྡན་དུ་བཞུགས་པའི་བསྟན་པ་དབང་རྒྱལ་ལགས་ཀྱིས་བཞེངས་བཞག་གང་མང་གནང་བ་བཅས། ཕྱི་ནང་བསྐྱར་གསོ་ལ་འབད་དེ་ཡོད་དོ།།

བཅིང་གྲོལ་སྔོན་སྒྲུབ་པ་བ་བཞི་བཅུ་ཞེ་དགུ་དང་། དམངས་གཙོ་བཅོས་བསྒྱུར་སྐབས་ཀྱང་སུམ་ཅུ་ལྷག་ཡིན་པ་ཡིག་ཆར་གསལ། དགོན་སྤྱིའི་རྟེན་གསུམ་མཁོ་སྤྱོད་རྣམས་རྒྱ་ཆེར་ཡོད་ཅིང་། ལོ་ཧྲིལ་པོའི་ཚོགས་བཏང་སྒོ་རྣམས་ཀྱང་། ཧོར་ཟླ་དང་པོའི་ཚེས་བཞི་ལྔ་ལ་མཉམ་མེད་དུས་ཆེན་གྱི་ཚོགས་ཉིན་གཉིས། ཚེས་བཅུ་བཞི་བཅོ་ལྔ་ལ་སྟོན་པའི་དུས་ཆེན། ཧོར་ཟླ་གསུམ་པའི་ཚེས་གཅིག་ནས་བཅོ་ལྔའི་བར་བསྐྱེད་རིམ་གྱི་ཕུར་བའི་སྒྲུབ་པ་དང་། ཕུར་བའི་སྒྲུབ་པ་འཚོགས། ཚེས་བཅུ་གཉིས་སེར་ཕྲེང་གིས་རྒྱལ་པོར་ཕེབས་བསུ་རྒྱ་ཆེར་ཡང་ཞུ། ཚེས་བཅུ་གསུམ་ཉིན་ཆོས་རར་སྟ་གོན་བྱས་ནས། ཐང་མོ་ཆེ་གདན་འདྲེན་བཅས་བཤམ། མདུན་དུ་སྐུ་གསུང་ཐུགས་ཡོན་ཏན་འཕྲིན་ལས་ཀྱི་རྟེན་རྫས་རྣམས་དང་། གསེར་དངུལ་རིན་པོ་ཆེའི་ཉེར་སྤྱོད་ལྔའི་ཆོད་པ་འབུལ། གདན་རིང་གདན་ཐུང་གི་གྲལ་བཀོད་དེ་ཁྲི་པ་སྤྱན་འདྲེན་དང་། ཕྱི་དྲོ་འཚམ་གུར་ཆེན་མོར་འཆམ་བྱེད། བཅུ་བཞིའི་ཉིན་སྔ་དྲོ་ནས་བླ་མ་གདན་འདྲེན་ཞིང་། འཆམ་[page 507] མགོ་ཚུགས་ཏེ། ཐོག་མར་རྒྱལ་མར་རྒྱལ་ཆེན་བཞི་དང་། ཐོད་སྐམ་བཞི་མིན་བྷ་ཆེན་མོ་བཞི། ཤ་བ་གཉིས་འབྲུག་མགོ་ཅན་གཉིས་བཅས་དང་། དེ་ནས་འཆམ་ཆེན་ལ། ཕུར་བའི་ལྷ་བཅུ་དང་། སྲིད་པ་རྒྱལ་མོ། བཙན་གྱི་རྒྱལ་པོ་སོགས་འཆམ་དགོས། ཧོར་ཟླ་བཞི་པའི་བཅུ་བཞི་དང་བཅོ་ལྔ་ལ་བསྙུང་གནས། བདུན་པའི་ཚེས་བཅུ་ལ་དམུ་རྡོའི་བསང་མཆོད་དང་། མཆོད་རྟེན་རབ་གནས་འཚོགས། དེ་ལྟར་འཚོགས་ཆོས་ར་རྣམས་སུ་རྒྱལ་པོས་བླ་ནས་སྦྱིན་བདག་མཛད་པའང་ཡོད་ལ་དགོན་སྤྱི་དང་དགོན་ཞིང་། འབུལ་རྫས་བཞེས་པ་རྣམས་ནི་ཚོགས་བཏང་སྒོའི་འབྱུང་ཁུངས་གཙོ་བོ་ཡིན་པ་དང་། བླ་སེར་ཕལ་ཆེའི་རྒྱུན་གྱི་འཚོ་བ་ནི་རང་ཁྱིམ་ལ་མང་ཙམ་བརྟེན་དགོས་སོ།། །།

ས་མིང་ཚིག་མཛོད་མིག་བཤར།

གྲུབ་ཐོབ་བླ་བྲང་དགོན་པ་ནི་སྔོན་གྲུབ་ཐོབ་བསྟན་པའི་རྒྱལ་མཚན་གྱི་གདན་སར་མཛད་པའི་བྲག་དཀར་གཡང་དྲུང་རི་མོ་བྱ་བའི་སྒྲུབ་གནས་ཡིན་ཞིང་། སྤྲོ་སྣང་བླ་བྲང་གི་རི་ལྗོངས་སུ་ཡོད་ལ། གྲུབ་ཐོབ་ཆེན་པོ་རྣམས་ཀྱི་མཚན་སྙན་གྱི་གཟི་བརྗིད་ལས། རྒྱ་ཆེ་བའི་དགོན་སྡེ་དང་གྲངས་མང་བའི་དགེ་འདུན་པས་བརྒྱན་པ་ནི་མིན་ཏེ། བོད་མཐའ་དབུས་སུ་གཡུང་དྲུང་བསྟན་པའི་བཤད་སྒྲུབ་ཀྱི་གཞི་ཆེན་པོའི་གྲགས་པ་ཐོབ། ལྷག་པར་དུ་དཀར་མཛེས་དང་རྔ་བ་ཁུལ་གཉིས་ཀྱི་དད་དམངས་ཚོས་ཡིད་འཇོག་ཚད་མེད་བྱེད།

དེ་ཡང་གྲུབ་ཐོབ་བསྟན་པའི་རྒྱལ་མཚན་ནི། སྤྲོ་སྣང་ལ་སྟེང་དུ་སྐུ་འཁྲུངས་ཤིང་། ཡབ་ཁྲོ་བོ་རྒྱལ་མཚན་ཞེས་སྔོན་ནསསྔགས་རིགས་ནུས་ལྡན་གྱི་རྒྱུད་ལས་བྱོན་པ་དང་། ཡུམ་ཤེས་རབ་ལྷ་མོ་གཉིས་ལ་སྲས་གསུམ་གྱི་ཆ་ཐུང་ཡིན། སྐུ་འཁྲུངས་བའི་ཉིན་ཐོག་མ་ནས་གསུང་འབྱོན་པར། མི་རྣམས་བཟང་ངན་གྱི་གླེང་བ་སྣ་ཚོགས་བྱས་པས། སླར་ལོ་དགུར་ལྐུག་པོའི་ཚུལ་དུ་བཞུགས། ཆུང་ངུ་ནས་རིག་མི་གཅིག་ཅིང་། རང་ཉིད་གཅིག་པུ་སྔ་དགུང་བར་རྩེ་འགྲོ། རྒྱབ་ལོགས་ནགས་ཀླུང་གི་ཆུ་མིག་ན་ཉ་མགོ་སྤྲུལ་མཇུག་ཅན་གྱི་བྱིས་པ་མང་པོ་དང་ལྷན་དུ་རྩེ་བ་ཡབ་ཀྱི་མཐོང་། ལུ་ཤོར་བར་ཀླུ་རྣམས་དཀྲོགས་ནས་ཆུ་མིག་ལ་ཐིམ། བྱིས་པས་ཡབ་ལ་ད་དུང་དུས་ལ་མ་བབ་པས་ཁྱོད་ཅུང་སྔ་སོང་། དེ་མིན་ན་འགྲོ་དོན་དེ་ལས་ཆེ་བ་ཡོང་ཞེས་དེ་ནས་གསུང་འབྱོན། དེར་ཡབ་ལས་ཡི་གེ་བསླབ་པར་བློ་སྟོབས་ཆེ་བས་མཁྱེན། དགུང་ལོ་བཅུ་གཉིས་པར་ཡབ་ལས་དགོངས་པ་བཞེས་ནས་དབུས་ལ་ཆས། ཡུལ་ལྷ་གཞི་བདག་གི་སྐྱེལ་མ་དང་བཅས་གཙང་ཕྱོགས་སུ་རྒྱ་དུང་ཉི་མ་འོད་ཟེར་བྱ་བའི་མཚམས་པ་བླ་མ་ལོ་གསུམ་བརྟེན། རྟོགས་པ་མཉམ་ཞིང་ལུང་བསྟན་ཐོབ་ནས། ད་ནི་ཁྱོད་ཀྱི་འགྲོ་དོན་སྐྱོང་བའི་དུས་ལ་བབ་པས། ཁྱོད་ཀྱང་ང་བཞིན་རི་ཁྲོད་འཛིན་པ་ལས་འདུ་འཛིའི་གྲོང་ལ་སྡོད་པ་མིན། ཕ་ཡུལ་གྱི་རི་ན་བྲག་དཀར་གཡུང་དྲུང་རི་[page 508] མོ་བྱ་བ་སྒྲུབ་གནས་མཛོད་ཅིག་ཅེས། སླར་ཡུལ་ལྷ་གཞི་བདག་གིས་བསུ་མ་བཅས་བྱང་ཕྱོགས་བརྒྱུད་ནས་གཞན་གྲོགས་བླ་མ་གཉིས་བཅས་ཕེབས་ཏེ། མཚོ་སྔོན་པོར་གྲུབ་རྟགས་ཀྱིས་བཅད། མཚོ་སྙིང་མ་ཧ་དེ་བ་ནས་ཞག་བདུན་བཞུགས་པ་སོགས་མཛད་ནས་རང་ཡུལ་དུ་བྱོན། བླ་མའི་ལུང་བསྟན་བཞིན་བྲག་དཀར་གཡུང་དྲུང་རི་མོ་ལ་སྒྲུབ་གནས་བཏབ་ཏེ་རྒྱལ་རོང་རྒྱལ་ཁག་བཅོ་བརྒྱད་དུ་དབུའི་མཆོད་གནས་སུ་གྱུར། གནས་འདིར་ལོ་གསུམ་བསྡད་ན་དབུས་སྐོར་མི་དགོས་པར་གཡུང་དྲུང་བོན་གྱི་བླ་ཚད་ལ་ལོངས་ཐུབ་པ་སོགས་ཁམས་དབུས་ཀྱི་ཐོན་པོའི་གྲྭ་ས་ཆེ་ཁག་ཞིག་ལ་བརྩིས་ཡོད། བརྒྱུད་པ་འདིར་བླ་རབས་སུམ་ཅུ་སོགས་བཤད་ཚུལ་འདུག་མོད། བརྒྱུད་འདེབས་ལྟར་གཡུང་དྲུང་བསྟན་པའི་ཉི་མ་ཡན་བླ་རབས་ཉེར་གཉིས་ཀྱི་མཚན་གསལ་ལ། ཁྲི་རབས་བཅུ་པ་རྒྱལ་བ་བློ་གྲོས་འདི་ཆུ་ཆེན་དམག་འཁྲུག་དང་དུས་མཚུངས་བཞུགས་པས། ད་བར་མི་ལོ་གསུམ་བརྒྱ་ཉེ་བ་ཞིག་བརྩིས་ན། དེ་ཡན་གྱི་བཏབ་ནས་ལོ་བདུན་བརྒྱ་མི་བརྒལ་སྙམ། གཞན་དུ་ཡིག་ཆར་དགོན་པ་བཞེངས་ནས་ལོ་ཉིས་བརྒྱ་ཙམ་བྲིས་པ་ཡང་། ཁྲི་རབས་བཅུ་པ་དེ་ནས་བདག་རྐྱེན་ཡང་བཟང་བ་འོག་ཏུ་གསལ་བ་ལྟར། རབ་བྱུང་བཅུ་བཞིའི་མགོ་ཙམ་ནས་རི་ཁྲོད་རྒྱ་བསྐྱེད་དེ་དགོན་པ་དངོས་བྱུང་བ་འདྲ། དེ་ལྟར་གདན་རབས་བཅུ་པ་རྒྱལ་བ་བློ་གྲོས་སྐབས་དགེ་ལུགས་པ་རྣམས་གྲུབ་མཐའི་ཞེན་དབང་གིས། མན་ཇིའི་གོང་མ་ཆན་ལུང་ལ་དབྱེན་བསྒྲན་པས། གོང་མའི་བཀས་པེ་ཅིང་ལ་དག་གསལ་དུ་བྱོན་དགོས་བྱུང་། གོང་མ་ཡིད་ཆེས་ལ་བཀོད་དེ་བླ་མར་བཞུགས་གསོལ་ཞུས། དགོན་སྡེ་གྲྭ་ཚང་སོགས་འབུལ་བ་མ་བཞེས་པར། མཚམས་ཤག་ཆུང་ངུ་ཞིག་ལ་བཞུགས་ས་ནས་མི་རིང་བར་དེར་སྐུ་གཤེགས། སྐུ་གདུང་ཕྱིར་གདན་སར་བསྐྱལ། ས་གནས་སྲིད་གཞུང་ལ་བཀའ་ཕབས་ཏེ། དགོན་པ་དེ་ལ་ཁ་གཡར་གང་གིས་ཀྱང་གནོད་སྐྱོན་གཏོང་མི་ཆོག་ཅིང་། སྡེ་འབངས་ཁོལ་པ་འབུལ་རྒྱུ་སོགས་ལས། སྡེ་འབངས་རྒྱ་ཆེན་རྣམས་མ་བཞེས་ནས་ཁོལ་པ་ཁྱིམ་དུད་དྲུག་ཙམ་གྱི་ལོ་ཧྲིལ་པོའི་རྩ་ཤིང་གི་ཁ་ཐོན་པར་བྱེད༎

སྐུ་ཐོག་ཉེར་གཉིས་སུ་བརྒྱུད་པའི་ཐ་མ་ནི་སྐུ་ཕྱོགས་གཡུང་དྲུང་བསྟན་པའི་ཉི་མ་ཡིན་ལ། ཁོང་ཡང་སྤྲོ་སྣང་ལ་སྟེང་དུ་འཁྲུངས་ནས། རབ་བྱུང་བཅུ་དྲུག་པའི་མེ་ཡོས། སྐུ་ཉིད་དགུང་གྲངས་བརྒྱད་པར་ཁྲི་ལ་བཀོད། དགུང་གྲངས་བཅུ་བཞི་པར་དབུས་སུ་སྤྱོད། ལོ་བརྒྱད་རིང་ལ་གཙང་སྨན་རིའི་མཁན་པོ་སོགས་མཛད་དེ་སླར་གདན་སར་འཁོད། རོང་བྲག་ཁོངས་སུ་སྔོན་ཚོ་པ་ཉེར་བཞིར་གྲགས་པའི་དགོན་སྡེའི་ཆེ་ཆུང་དགུ་ཙམ་གྱིས་བདག་པོ་མཛད་ཅིང་། དར་མདོ་རྫོང་གི་ཁོང་ཡུལ་དང་། འགུ་ཐང་། བཙན་ལྷ་རྫོང་གི་ས་ཁུལ་ཕལ་ཆེ་བའི་མཆོད་གནས་མཛད་དེ། རྫོང་གསུམ་ཁོངས་ཀྱི་ཆེ་དགུ་རྣམས་ཀྱང་ཕུ་དུད་པར་བྱེད་དོ༎

དེ་ལྟེར་གྲུབ་ཐོབ་བླ་མ་བརྒྱུད་པའི་ཕྱི་ནང་གསང་གསུམ་གྱི་རྣམ་ཐར་ལ་སྐྱེ་དགུ་རྣམས་བུང་བ་སྤྲིན་གྱི་[page 509] ཚོགས་བཞིན་འདུ་ཞིང་། དངོས་འབྱོར་ཡིད་ཀྱི་མཆོད་འབུལ་རྒྱ་ཆེན་པོས། བླ་རབས་ཕྲེང་བ་རྣམས་སུ་བསགས་པའི་ཕྱི་ནང་རྟེན་གསུམ་དང་། གསེར་དངུལ་རིན་པོ་ཆེའི་མཆོད་རྫས་ཡོ་བྱད་རྣམས་གྲ་འགྲིག་ཅིང་སྤུས་དག་པ། རིན་ཐང་ཆེ་བ་ཤ་སྟག་ཡིན་ལ། བླ་མ་ཕྱག་མཛོད་བཅས་མི་དྲུག་བདུན་ཙམ་ལས་མི་བརྒལ་ཡང་། ས་ཞིང་མོས་བརྒྱད་ཅུ་ལྷག་ཁོལ་བ་ཁྱིད་དུད་དྲུག་བཅས་རང་བདག་བྱེད་ཅིང་། གཞན་འདིར་སློབ་གཉེར་ལ་སྡོད་པ་དང་དམངས་རང་མོས་ཀྱིས་ཡོན་འབུལ་ལས་ཐོབ་པའི་ཤ་མར་འབྲུ་སྣའི་ཡོང་འབབ་རྒྱ་ཆེན་པོ་ཡོད་པས། དད་རྫས་ཆུད་ཟོས་སུ་མི་འགྲོ་བར་ལོ་ལྟར་ཆོས་ཐོག་ཐང་མ་ཉེར་གཅིག་ཙམ་ལ། ཉིན་བརྒྱ་ང་བདུན་རེ་འཚོགས་པ་སོགས་རྣམ་དཀར་གྱི་མཛད་པ་སྤེལ་ཡང་། མེ་སྤྲུལ་ལོ་བཟོ་ཞིང་དམར་དམག་གིས་བརླག་སྐྱོན་ཆེར་བཏབ་ཐོག ཤིང་སྤྲུལ་ལོའི་བཞི་རྒོལ་ལ་ཕྱི་ནང་རྩ་བ་ནས་བཅོམ། སྐུ་ཕྱོགས་གཡུང་དྲུང་ཉི་མ་ཡང་མ་ཉེས་ཁ་གཡོག་གི་ཁྲིམ་སལ་སྦྱར། བ་སྨད་ཤ་པོའི་གཤིས་ཁྲིམས་ཁང་དུ་བཀྲོངས། ལྕགས་ཡོས་ལོ་མེ་སྐྱོན་གྱི་འཁོར་ཡུག་རི་ལྗོངས་དང་བཅས་པ་ཡང་བསྲེག་པས། ད་ནི་ཆིན་རྒྱལ་རབས་ལ་བསླངས་པའི་རྡོའི་རྒྱལ་སྒོ་དེ་ཤུལ་ལ་ལུས་ཙམ་མོ༎

ས་མིང་ཚིག་མཛོད་མིག་བཤར།

དཔག་བསམ་ལྷུན་གྲུབ་གླིང་ངམ་ཡོངས་གྲགས་སུ་ཝ་ལོ་དགོན་དུའང་འབོད་ལ། ཝ་ལོ་ནི་ས་མིང་ཡིན་ཞིང་། སྦ་ལུང་ཞེས་ཀླུའི་ཕོ་བྲང་གི་སྟེང་ན་ཆགས་པའི་དོན་དུ་བཤད། རབ་བྱུང་བཅུ་གཉིས་པའི་ས་གླིང་ལོ་ཙམ་ལ་སྐུ་ཕྱོགས་དམ་པས་ཕྱག་བཏབ་མཛད་ཅིང་། ཁོང་ནི་མཁས་གྲུབ་གཉིས་ལྡན་གྱི་སྐྱེས་ཆེན་ཞིག་ཡིན་ནས། དགོན་པ་འདེབས་པའི་སྐབས་རྣམས་སུའང་དབུ་ཞའི་ཐོག་ཕྱག་ཕྲེང་བཞག་ནས་ཁོང་ནམ་རྒྱུན་བཞེས་ཆང་ལ་རོལ་བར། དད་ལོག་ཅན་སུན་འབྱིན་པའི་ཕྱིར་མཉམ་མེད་གསེར་ཁྲིར་སྟག་ལ་སྤྲུལ་བ་སོགས་བཤད་ལ། རྒྱལ་རོང་ཁྲོ་སྐྱབས་ཡན་གྱི་ཆོས་མཇལ་ཞུ་ཞིང་། ཝ་མོ་སྨན་རི་གཉིས་པའི་གྲགས་པ་བྱུང་།།

སྐུའི་སྐྱེ་ཕྲེང་གཉིས་པ་སྐུ་ཕྱོགས་ཉི་མ་ནི། དགེ་རྒྱལ་གྱི་སྲས་སུ་འཁྲུངས་ཤིང་རྒྱལ་པོ་ཀུན་དཀའ་བྱ་བ་དང་སྐུ་མཆེད་ཡིན་ཡང་། སྲས་གཉིས་ཆུང་ངུའི་སྐུ་རྩེད་སྐབས་ཀུན་དགས་ཉི་མ་མེ་ཐབ་ལ་མནན་ནས་མ་བཏང་བར། ཉི་མས་ཀུན་དགའི་འབྲས་བུ་ནས་བཟུང་སྟེ་རབས་ཆད་དུ་བྱས་པ་སོགས་བཤད་ཚུལ་མང་ཡང་། མདོར་ན་གྲུབ་མཐའི་སྡང་ཞེན་སོགས་ལས་ཆོས་སྲིད་ཀྱི་རྩོད་གླེང་གང་མང་ཞིག་བྱུང་འདུག་སྐབས་དེར་མདའ་མདོའི་ཕ་རི་དགོན་པ་ཞེས་དགེ་ལུགས་དགོན་ཆེན་ཞིག་ཡོད་པ་ཁག་མཐོ་ལ། སྤུན་རྒྱལ་པོ་ཡང་དེ་དང་བརྡུངས་པས། སྤྲུལ་ཉི་མ་ཝ་ལོ་དགོན་དུ་མ་ཚུགས་ནས་གསང་ཆེན་རི་ཁྲོད་ཀྱང་སྐབས་ཤིག་བཟུང་། སླར་བོན་འཛུགས་ཀྱི་དགོན་པ་ཆེན་པོ་གསར་བསྐྲུན་བྱས་པ་སོགས་ནི་སྐབས་དེར་གསལ།

[page 510] སྤྲུལ་ཉི་མ་དེར་མགལ་པུ་སྤུ་ཕྱོགས་དང་། ཁོང་ཡུལ་སྐུ་ཕྱོགས། ཨ་འགའ་སྐུ་ཕྱོགས་གསུམ་སོ་སོར་ཡང་སྲིད་དུ་བྱས་པ་ཡིན་ལ། མགལ་པུས་གདན་ས་ཡང་སྐབས་གཅིག་བསྐྱངས་ནས་སླར་མདོ་བཞི་མོ་དགོན་དུ་བཞུགས། དེང་ཁོང་གི་ཡང་སྲིད་སྐུ་ཕྱོགས་གཡུང་དྲུང་བློ་གསལ་ཡང་ཞལ་བཞུགས་བཞིན་པ་དང་། འདིར་རབ་བྱུང་བཅོ་ལྔའི་མེ་འབྲུག་ལ་རྒྱ་ཉེར་བཞིའི་མཐའ་དམག་གིས་དགོན་པ་མེར་བསྲེག་པས་ཉམ་ཐག་པར་ལུས་པ། གཞི་རིས་ནས་ཕེབས་པའི་བླ་མ་ཚེ་དབང་གིས་གསོལ། གདན་ས་བསྐྱངས་བར་མགལ་པུ་ཡང་གདན་ས་གཅིག་ལ་མཇགས་པའི་ཚུལ་དུ་ཐོན་པ་ཡིན། གཞི་རིས་བླ་མ་ཚེ་དབང་ལ་ཡང་སྤྲུལ་དུ་ཚེ་དབང་སྐུ་ཆུང་ངམ་མདོ་ལོ་སྤྲུལ་སྐུ་བྱོན། དེ་ནས་བཞི་རྒོལ་ལ་ཐུག་པས་ཁོང་ཡང་ཁྲིམས་འོག་ཏུ་གཤེགས།

དེ་ལྟར་སྤྲུལ་སྐུ་རྣམ་གཉིས་སྐབས་ནི་དགོན་པ་དར་བའི་སྒང་ཡིན་པས། རྟེན་གསུམ་རྩ་ཆེན་དང་དངོས་འབྱོར་གང་མང་ཅིག་ཉི་ཤུ་རྩ་བཞིའི་སྐབས་བཅོམ་ཡང་། སྙིང་སྟོབས་ཅན་འགས་སྲོག་དང་བརྗེས་པའི་བྱམས་སྐུ་དང་། སྐུ་ཕྱོགས་དམ་པའི་གཏེར་མར་གྲགས་པའི་རོལ་མོ་གཡུང་དྲུང་མ་དང་། ཧ་སང་མ་རྣམས་བཞི་རྒོལ་བར་ལུས་དེང་ཧ་སང་མ་དེ་ཡོད། རྗེས་སུ་ཚེ་དབང་སྐུ་ཆེན་རིང་ལ་ཡང་དར་རྒྱ་ཆེར་བྱུང་། དགེ་རྒྱལ་དབུའི་མཆོད་གནས་མཛད་ཅིང་སྟོད་སྨད་ཀྱི་དགོན་སྡེ་གཞན་ལས་ཁག་མཐོ། དུས་མཆོད་ཆེ་ཤོས་རྣམས་སུ་དེ་དག་གི་འཚོགས་ཞུགས་ཀྱང་དགོས། གུར་དགུའི་མཚོ་ཁ་ཡན་གྱི་ས་ལ་དབང་། ཕྱིས་ཅུང་ཉམས། བླ་སེར་ཡང་སྔོན་མང་རབས་འདུག་པ་བཅོས་བསྒྱུར་སྐོར་སུམ་ཅུ་ཙམ་ལ་བབ། གཞན་ཡང་རོལ་མོ་གྲོང་ཁྱེར་དགུ་རིན། གསེར་སྒ་རིན་ཆེན་རྒྱན་ཆ་(སྤྲུལ་ཉི་མའི་ཆིབས་སྒ)སོགས་རིན་ཐང་བྲལ་བའི་ཁྱད་ནོར་དང་རྟེན་གསུམ་གྲངས་མང་ཡང་། ས་ཕག་ལོའི་བཞི་རྒོལ་ལ་ཐམས་ཅད་མི་མངོན་པའི་དབྱིབས་སུ་སྦས་ནས། གཙུག་ལག་ཁང་ཡང་ཕག་ཁང་ནས་མཉམ་ལས་ཀྱི་མཛོད་ཁང་བར་འདི་མ་བྱས་བྱ་བ་མེད་པ་ཞིག་བརྒྱུད་དེ། དེང་རྡུལ་ཁྲོད་ནས་བཏོན་ཙམ་དུ་ལོ་བཅུ་ཙམ་སོང་ཞིང་། བླ་སེར་བཅུ་ཙམ་བཞུགས། དེ་ལྟེར་ཟླ་བ་དང་པོའི་ཚེས་བདུན་ནས་བཅུ་དགུའི་བར་སྨོན་ལམ་དང་། ཟླ་བ་བཞི་པའི་བཅུ་ནས་བཅོ་བརྒྱད་ལ་བསྙུང་གནས། ཟླ་བ་བདུན་ནས་བཅུ་དགུའི་བར་སྨོན་ལམ་བར་དང་། ཟླ་བ་བཞི་པའི་བཅུ་ནས་བཅོ་བརྒྱད་ལ་བསྙུང་གནས། ཟླ་བ་བདུན་པར་རྣམ་རྒྱལ་སྟོང་མཆོད་དངོས་གཞི་ཉིན་བདུན་འཚོགས་པ་བཅས་ནི་སྔོན་གྱི་དུས་མཆོད་ཆེན་པོ་རྣམས་སོ༎ ༎

ས་མིང་ཚིག་མཛོད་མིག་བཤར།

འདོད་དགུ་ཕུན་ཚོགས་གླིང་ངམ། མདོ་བཞི་མོ་དགོན་ཞེས་མདོ་བཞི་གཡུང་དྲུང་གི་རི་མོར་ཁྱིལ་བའི་དབུས་ན་ཆགས་ཤིང་། རབ་བྱུང་བཅུ་གཉིས་པའི་ནང་ཤིང་སྤྲེལ་ལོ་ཙམ་ལ་ནང་སོ་གཡུང་[page 511] དྲུང་བསྟན་འཛིན་བྱ་བས་ཕྱག་བཏབ་མཛད། བླ་མ་གཡུང་དྲུང་བསྟན་འཛིན་ནི་དགེ་རྒྱལ་གྱི་ནང་སོ་བླ་མ་ཡིན་ཞིང་། འདི་ནས་བླ་མ་ཚེ་དབང་གྲགས་པ་དང་། སྐུ་ཕྱོགས་དམ་པ། བླ་མ་རྒྱལ་བ། གཞི་རེས་བླ་མ་ཨ་ཁུ་ཚེ་དབང་། བླ་མ་ཡེ་ཤེས་འོད་ཟེར། བླ་མ་གཞན་ཕན། བླ་མ་གཡུང་དྲུང་བློ་གསལ་བར་བླ་མ་མང་པོ་བྱོན་ཞིང་གདན་ས་མཛད་མྱོང་བར་བཤད། འོན་ཏེ་མགོན་པ་འདི་ཝ་ལོ་དགོན་པའི་དགོན་ལག་ཏུ་གཏོགས་ཤེང་བླ་མ་རྣམས་ཀྱང་ཕལ་ཆེར་དེའི་ཡིན༎

འདིར་ཡང་དགོན་པ་གཞན་དང་འདྲ་བའི་རྟེན་གསུམ་དང་དངོས་རྫས་གྲ་འགྲིག་པར་ཡོད་ཅིང་། ཕལ་ཆེར་བླ་སེར་ལྔ་བཅུ་སྐོར་རྒྱུན་གྲྭ་ཡིན་ཡང་། རབ་བྱུང་བཅོ་ལྔའི་མཇུག་ཙམ་ན་རྒྱ་ཉེར་བཞིའི་མཐའ་དམག་གིས་ཐེངས་གཅིག་བརླགས་ནས། དེ་སོས་ཙམ་དུ་ཤིང་ཕག་ལོ་བཟོ་ཞིང་དམར་དམག་གིས་བཅོམ། གྲྭ་ཁང་རྣམས་མེ་ལ་བརྒྱབ་ནས་གཙུག་ལག་ཁང་ཡང་ཉམས་སྐྱོན་དུ་བྱས་པ། མགལ་པུ་སྤུ་ཕྱོགས་ཀྱིས་འགན་གཙོ་གནང་ཞིང་བསྐྱར་གསོ་ཞུས་ཀྱང་། སླར་ཁྱི་ལོའི་བཞི་རྒོལ་ལ་རྩ་མེད་བྱས་ནས་དགོན་ཤུལ་ཡང་ཤང་སྲིད་གཞུ་གིས་བཟུ། ཤིང་བྱ་ལོ་གཞི་ནས་དགོན་ས་གསར་བཟུང་གིས་བསྐྱར་བཞེངས་བགྱི་ཁུལ་དུ་ད་བར་རྟེན་གསུམ་རྣམས་མཚོན་ཙམ་འཛོམས། བླ་སེར་ཡང་ཤི་ཤུ་ཙམ་བཞུགས་སོ།།

སྔོན་ཡིན་ན་ཟླ་བ་དང་པོའི་ཚེས་དགུ་ནས་བཅོ་ལྔའི་བར་སྨོན་ལམ། བཞི་པའི་བཅུ་གསུམ་ནས་བཅོ་ལྔར་བསྙུང་གནས། ལྔ་བའི་ནང་ཉིན་བདུན་ཙམ་གདུགས་དཀར་དང་། ཉིན་བཞི་ལ་ཞི་ཁྲོའི་འཚོགས་པ་ཡོད། བརྒྱད་པའི་ཚེས་གཅིག་ནང་གསུམ་ལ་རྩ་གསུམ་གྱི་འཚོགས་པ་བཅས་གཏན་འཁེལ་བ་དང་། གཞན་གཏན་ཁེལ་མིན་པའི་འདོན་བྱ་ཐོན་པ་སོགས་ལ་འཚོགས་རྒྱུ་ཡང་ཡོད། བླ་སེར་རྣམས་རྒྱུན་གྱི་འཚོ་བ་ནི་ཕལ་ཆེར་རང་ཁྱིམ་ལ་བརྟེན་ཞིང་། ལས་ཀ་ཡང་འདྲ་བར་བྱེད། འཚོགས་པའི་བཏང་སྒོ་ལ་དགོན་ཞིང་མོས་ཉི་ཤུ་ཙམ་ཡོད་པ་དང་། གཞན་འབུལ་རྫས་བསགས་པ་དང་། དགོན་སྤྱིས་བསྒྲུབ་པ་བཅས་སོ།། །

ས་མིང་ཚིག་མཛོད་མིག་བཤར།

གཡུང་དྲུང་བདེ་ཆེན་གླིང་ངམ་ལྔ་སྟག་བདེ་ཆེན་གླིང་ཞེས་ཀྱང་འབོད་ལ། དགོན་པ་འདིའི་དབང་རིས་སུ་སྟོད་ཀྱི་ལྔ་ཤོག་ཁག་ལྔ་དང་། སྨད་ཀྱི་སྟག་གསུམ་ཞེས་དེ་གཉིས་ཀྱི་བསྡུས་མིང་ལས་སྔ་སྟག་ཅེས་དགོན་མིང་གི་ཐོག་མར་སྦྱར་ལ། དགོན་སའི་མིང་ལས་བཅའ་རྡོ་ལོ་དོན་དུའང་འབོད་པ་ཡིན། དེ་ཡང་སྔོན་ལྔ་སྟག་སོ་སོར་ལྷོ་ནུབ་དགོན་དང་། ནས་རྫོང་དགོན་གཉིས་སྒེར་བདག་ཡིན་ལ། ཕྱིས་བོན་འཛུགས་དགོན་ཉམས་ནས། སྐུ་ཕྱོགས་ཉི་མའི་ཡང་སྲིད་ཨ་འགའ་སྐུ་ཕྱོགས་ས་ཆ་འདིའི་བ་ཇོ་བྱ་བར་འཁྲུངས། སྟག་གསུམ་པ་བེ་ཙེ་རྟོགས་ལྡན་གྱིས་ངོས་འཛིན་མཛད་དེ། ཁོང་སྐུ་ནར་སོན་པའི་རབ་བྱུང་བཅུ་བཞི་པའི་ས་ལུག་ལོ་ཙམ་ལ་གཡུམ་དྲུང་བདེ་ཆེན་གླིང་དགོན་པ་འདི་བཏབ། དེ་ནི་ལྔ་སྟག་ཐུན་མོང་[page 512] གི་དགོན་པར་གྱུར་ནས་ཕྱོགས་གཅིག་ཏུ་དེར་འཚོགས། དགོན་ཆུང་གཉིས་ཀྱང་དགོན་ལག་གི་ཚུལ་ཏུ་གཉེར་བ་བརྐོ་བཞག་མཛད་པ་ལས། བླ་སེར་ཕལ་ཆེར་བཅའ་རྡོ་ལོར་སྡོད། དེར་ཨ་འགའ་སྐུ་ཕྱོགས་ཏེ་སྐུ་སྔ་མའི་གྱོད་རྙིང་སློང་བར་དར་མདོར་བྱོན་པས། དགོངས་ཐོག་ལ་མ་ཁེལ་ཐོག་རྒྱས་སྐུ་ལ་བདོ་བ་མཁྱེན་ནས། མགར་ཐར་དང་རྟའུ་བརྒྱུད་གཡུ་ཁོག་ཆུ་བར་ཁོག་མར་མདའ་ཕེབས་ལམ་དུ། གཙོ་བོ་ཟམ་ཁར་ཆིབས་ལས་བཀྲོངས།

ཨ་འགའ་སྐུ་ཕྱོགས་ཏེ་སླར་ཡང་འཁྲུངས་བ་ནི་སྐུ་ཕྱོགས་གཡུང་དྲུང་ཐོག་མེད་ཉིད་ཡིན་ལ། སྟག་གསུམ་གྱི་ཚ་ཟི་བྱ་བའི་ཁྱིམ་ལ་འཁྲུངས་ཤིང་། གཞི་རིས་བླ་མ་ནམ་མཁའ་བསམ་འགྲུབ་ཀྱིས་ངོས་འཛིན་གནང་བ་ཡིན། ཨ་འགའ་གཤེགས་པའི་འཕྲོས་ཞིག་ནས་དགོན་པ་ཡང་མེར་ཤོར་བས། སླར་སྐུ་ཐོག་གཉིས་པར་སྔར་གྱི་ས་མལ་ལས་ཡར་ཟུར་དུ་སྤོས་ནས་བཞེངས་བ་རིག་གསར་ཡོད་པ་དེ་ཡིན་ལ། དེང་ཡང་གཞི་དེར་བཟུང་། སྐུ་ཕྱོགས་ཨ་འགའི་རིང་ལ་དགེ་འདུན་པ་མང་བར་གྲགས་ཤིང་། བོན་འཛུགས་ཀྱི་རྟེན་དངོས་རྣམས་ཁོང་ཡུལ་སྐུ་ཕྱོགས་དང་། ཨ་འགའ་སྐུ་ཕྱོགས་ཟུང་གིས་ཕལ་ཆེར་བདག་པར་མཛད་པས། རྗེས་སུ་དགོན་པ་མེར་ཤོར་སྐབས་ཀྱང་ཉར་ཐུབ་ད་ལྟའི་རྒན་པ་ཚོས་མཐོང་བ་ཡོད་མོད། དེ་དང་བཅས་པའི་སྐུ་ཐོག་གསུམ་རིང་ལ་བསྒྲུབས་པའི་རྟེན་གསུམ་དང་དངོས་རྫས་ཅི་སྙེད་བཞི་རྒོལ་ལ་གཙང་དག་བཏང་། དེ་སྐོ་བླ་སེར་བཞི་བཅུ་ལྷག་བཞུགས་པ་དང་། ཞིང་འབྲོག་དུད་གྲངས་བཅོ་ལྔ་ཙམ་དབང་བའི་བླ་བྲང་བཅས་སྐུ་ཕྱོགས་གཡུང་དྲུང་ཐོག་མེད་ཉིད་ཀྱང་། ཞིང་འབྲོག་དུད་གྲངས་དྲུག་ཅུ་བརྒལ་ནས་ཁྲིམས་འོག་ལ་ཕེབས་དགོས་བྱུང་ཞིང་དེར་གཤེགསང་།

དགོན་པ་འདིའི་མ་དགོན་སྔོན་མའི་བླ་ཐོག་ཚོའི་གདན་ས་ཡིན་ཕྱིན་ཝ་ལོ་དགོན་པར་བྱེད་ལ། འདི་སྐོར་གྱི་དགོན་ཁག་གཞན་དང་འདྲ་བར་གྲྭ་སར་གཙང་སྨན་རིར་འགྲོན། དེ་ལྟར་གྱི་ཆོས་ཐོག་རྣམས་ཀྱང་། ཟླ་བ་དང་པོའི་སྨོན་ལམ་ཉིད་ལྔ་ལ་ཕུར་ནག་སྒྲུབ་པ། ཟླ་བ་དྲུག་པར་ཉིན་བཞི་ལ་ཞི་ཁྲོ། ཟླ་བ་བདུན་པའི་ནང་ཉིན་གསུམལ་རྣམ་རྒྱལ་སྒྲུབ་པ། ཟླ་བ་བཅུ་པར་ཉིན་བཞི་ལ་ཕུར་ནག་སྒྲུབ་པ་བཅས་ཡིན་ལ། གཞན་སྐབས་སྐབས་སུ་བསྐང་བརྒྱ་ཚོགས་བརྒྱ་སོགས་བྱེད་དོ། དེང་སླར་ཡང་བསྐྱར་གསོའི་ལས་ལ་ཞུགས་ནས་ལོ་བཅུ་སྐོར་སོང་ལ། བླ་སེར་བཅུ་ལྷག་དང་། ལྷག་པར་དུ་སྐུ་ཕྱོགས་ཉི་མ་ནས་མགལ་པུ་སྐུ་ཕྱོགས་ལ་བརྒྱུད་པའི་སྐྱེས་ཕྲེང་གསུམ་པ། སྐུ་ཕྱོགས་གཡུང་དྲུང་བློ་གསལ་མཆོག་ཞལ་བཞུགས་ཤིང་། དགོན་པ་འདིའི་ཕྱི་ནང་གསང་གསུམ་ལ་བདག་སྐྱོང་གནང་བཞིན་པའོ༎ ༎

ས་མིང་ཚིག་མཛོད་མིག་བཤར།

བོན་འཇུག་དགོན་ནི་རབ་བྱུང་བཅུ་གསུམ་པའི་ནང་ཙམ་ལ་སྐུ་ཕྱོགས་ཉི་མ་འོད་གསལ་གྱིས་ཕྱག་[page 513] བཏབ་མཛད་ཅིང་། སྐབས་དེར་མིང་གྲགས་ཡོད་པའི་བོན་པོའི་དགོན་པ་ཞིག་ཡིན༎ དེ་ཡང་སྐུ་ཕྱོགས་ཉི་མ་འོད་གསལ་ནི་དགེ་རྒྱལ་གྱི་སྲས་སུ་འཁྲུངས་ཤིང་། སྐུ་ཕྱོགས་དམ་པའི་ཡང་སྤྲུལ་དུ་ངོས་བཟུང་ནས། ཝ་ལོ་དགོན་པའི་ཁྲི་རབས་གཉིས་པ་མཛད། འོན་རེ་སྤུན་རྒྱལ་པོ་ཀུན་དགའ་དང་ནང་མ་འཆམས་པར་ཝ་མོ་དགོན་ནས་ཐོན་ཏེ། དེ་ལྟའི་རོང་བྲག་རྫོང་ཐོག་གི་ཆུའི་ཕ་རིའི་སྔོན་ཆུ་བྱ་གླིང་དུ་གྲགས་པར་བོན་འཛུགས་དགོན་པ་བཏབ། ཁོང་མཐུ་ནུས་དང་མཁྱེན་པ་ཆེ་བས་སྐབས་དེའི་བྲག་འགོའི་དཔོན་དང་ཡང་འབྲེལ་བ་དམ་ཟབ་ཆགས། ཡུན་མི་རིང་བའི་དུས་ནས་དར་རྒྱས་ཆེར་བྱུང་། ཐག་ཉེ་རིང་གི་བོན་པོའི་དགོན་པ་མང་པོ་ཞིག་འདིར་མ་དགོན་བཅོལ་བ་སོགས་སྙན་པའི་གྲགས་པ་ས་ཁྱང་རྡོ་ཁྱབ་ཏུ་འགྲོ་བའི་སྒང་ཙམ་ན། སྐབས་དེར་ཆུ་ཆེན་དམག་འཁྲུག་གི་དུག་རྒྱུན་དང་འགྲོགས་པའི་གྲུབ་མཐའི་སྡང་ཞེན་གྱི། ལྷ་སྟེང་དགོན་པ་དབང་དྲེགས་ཆེ་ཞིང་དགེ་ཕྱོས་ཀྱི་གཡོན་སྦྱོར་ལས། སྐུ་ཕྱོགས་ཉི་མ་དར་མདོར་རྒྱལ་ཁྲིམས་ལ་ཁྲིད་དེ་སྐུ་གཤེགས། དེར་ཡང་སྐུ་གཤེགས་ས་ཨ་ཅ་ཁ་བ་བྱ་བའི་ཁྱིམ་དུ་བཞུགས་ནས་རྗེས་སུ་སྐུ་གདུང་ཡང་གཡག་རའི་བོན་དགོན་ཆུང་ངུ་ཞིག་ལ་དྲངས་བར་བཤད། སྐུ་ཕྱོགས་ཉི་མ་དེར་ཁོང་ཡུལ་སྐུ་ཕྱོག་དང་། ཨ་འགའ་སྐུ་ཕྱོགས། མགལ་པུ་སྐུ་ཕྱོགས་གསུམ་འཁྲུངས་ཡང་། བོན་འཛུགས་སྐྱོང་བ་ནི་མེད་ཅིང་། མི་རིང་བའི་ལོ་བཅོ་ལྔ་ཙམ་ནས་བོན་འཛུགས་དགོན་པ་དེ་རིམ་གྱིས་ཉམས། རྟེན་དངོས་རྣམས་ཁོང་ཡུལ་སྐུ་ཕྱོགས་གཉིས་ནས་མང་ཆེར་བསྒོས་ལ། གཞན་དགོན་ཁག་རྣམས་སུའང་དྲངས་སོ།། དགོན་པ་དར་བའི་སྐབས་སུ་ནི་ཁོང་རྒྱལ་སྲས་དང་སྤྲུལ་སྐུ་གཉིས་ཆར་ཡིན་པས་དབང་ཐང་ཆེ་བ་དང་། སྐབས་དེའི་བྲག་འགོའི་དཔོན་པོ་སོགས་མི་དཔོན་དུ་མའི་གཟིགས་སྐྱོངས་ཆེན་པོ་ཐོབ་ཡོད་པ་མངོན་ནོ༎ ༎

ས་མིང་ཚིག་མཛོད་མིག་བཤར།

དེ་ཡང་གནས་འགོ་ཞེས་པ་ནི། ཇི་སྐད་དུ་རྙིང་མ་ཤིང་སྒོ་ཡན་ཆོད་དང་། རོང་ཏག་པོ་ལ་མན་ཆོད་སློབ་དཔོན་བེེ་རོས་བྱིན་གྱིས་བརླབས་པའི་གནས་རྒྱུད་གཅིག་ཏུ་ངེས་ཤིང་། ངེའི་གནས་འགོ་ནི་འདིའོ་ཞེས་ས་མིང་དུའང་ཆགས་པ་ཡིན་ལ། གཞན་ཡང་སློབ་དཔོན་ཉིད་ཀྱིས་སྟེང་ལྷའི་ཡུལ་དུ་མཆོད་རྟེན་བརྒྱ་རྩ་བརྒྱད་དང་། འོག་ཀླུའི་ཡུལ་དུ་བརྒྱ་རྩ་བརྒྱད། བར་མིའི་ཡུལ་དུ་བརྒྱ་རྩ་བརྒྱད་བཅས་བཞེངས་པའི། བར་མིའི་ཡུལ་གྱི་དེ་ཡིན་པར་གྲགས་པའི་མཆོད་རྟེན་ཕྱག་བསྟར་མ་བརྒྱ་རྩ་བརྒྱད་ཀྱང་བཞི་རྒོལ་བར་འདིར་བཞུགས་ནས། དེང་སླར་ཡང་མང་ཙམ་གསོས་འདུག དེ་ལྟར་ཁྱད་དུ་འཕགས་པའི་གནས་མཆོག་དམ་པ་ནི། ནགས་ཚལ་གྱིས་མཐའ་འཁྱུད་པའི་དབུས་ན་སྤང་ཐང་ཡངས་ཤིང་རྒྱ་ཆེ་བ། ཕུ་ན་གངས་དང་རྫ་རི། མདའ་ན་སྤང་དང་ནགས་རི། ཕྱོགས་བཞི་དྲེགས་ཚོགས་འཛིན་གྱིས་བསྐོར་བའི་འཁོར་[page 514] ཡུག་ཉམས་དགའ་བ་ཡོད། ཕལ་ཆེར་རབ་བྱུང་བཅུ་བཞི་པའི་ནང་ཙམ་ལ་དགོན་པ་བཏབ་ནས་གཡུང་དྲུང་བོན་དུ་བྱེད་པ་བྱུང་ལ། དགོན་འདེབས་པ་པོ་སྤྲོ་སྣང་གྲུབ་ཐོབ་བླ་བྲང་གི་གྲུབ་ཐོབ་བསྟན་པའི་རྒྱལ་མཚན་ཡིན་ཟེར་བ་ལྟར་ནས་རབ་བྱུང་ལྔ་པ་ཡས་མས་ནས་འདིར་རི་ཁྲོད་ལྟ་བུ་བྱུང་འདྲ། གང་ལྟར་གྲུབ་ཐོབ་བླ་བྲང་རང་ཡང་དེ་སྐབས་རི་ཁྲོད་དཀྱུས་མ་ཞིག་ཏུ་མཛད་ན། འདིར་ཡང་དགོན་པ་ཆེན་པོ་རང་མིན་པར་སྣང་། དེ་སྟེ་གྲུབ་ཐོབ་བླ་བྲང་དེ་འདིའི་མ་མགོན་ཡིན་ཞིང་། སྐུ་ཐོག་བརྒྱུད་པ་རྣམས་སུ་ཁྲི་ཚབ་གཏོང་བ་སོགས་བདག་སྐྱོང་བརྩེ་གཟིགས་ཆེ་བ་ཡོད། དགོན་པ་འདི་ནི་སྟོང་དམག་ཚོ་ཤོག་གི་ཡིན་ལ། སྔོན་ཡུལ་སྡེ་རྒྱ་ཆེར་ཡོད་པས་བླ་སེར་ཡང་ཁྱིམ་པ་སྔགས་རིགས་གཙོ་བོར་གྱུར་པ་བརྒྱད་ཅུ་ཙམ་ལོངས་པའི་སྐབས་ཀྱང་བྱུང་སྟེ། རྗེས་སུ་བཟོ་ཞིང་དམར་དམག་གིས་བཅོམ་ནས་བླ་སེར་རྣམས་གསོད་འདོན་ཅི་རིགས་སུ་བཏང་བས་ཉི་ཤུ་ཙམ་དུའང་བྲི། སྔོན་ནི་ཟླ་བ་དང་པོའི་ཚེས་ལྔ་ནས་ཉིན་གསུམ་མཉམ་མེད་དུས་ཆེན། བཅུ་བཞི་བཅོ་ལྔ་སྨོན་ལམ། ཟླ་བ་བཞི་པའི་བཅོ་ལྔ་ནས་ཉིན་གསུམ་བསྙུང་གནས། ཟླ་བ་བརྒྱད་པའི་ཚེས་གཅིག་ནས་ཉིན་གསུམ་རབ་གནས་སོགས་འཚོགས་བཏང་སྒོ་དང་། ཕྱི་ནས་རྟེན་བཅས་དགོན་པ་གཞན་དང་འདྲ་བའི་ཆ་ལྡན། སྤུས་དག་རིན་ཐང་ཅན་ཡིན་པ་ལ། བཞི་རྒོལ་སྐབས་རྩ་མེད་བཏང་ནས་མཛུབ་མོ་འཛུག་ས་མེད་པར་ལུས་པའི་སྐབས། ས་འབྲུག་ལོ་སླར་ཡང་ཨ་མདོ་སྣང་ཞིག་ནས་ཕེབས་པའི་བསྟན་པའི་རྒྱལ་མཚན་གྱིས་གཙོས་བླ་སེར་བཅུ་སྐོར་དང་། དད་དམངས་ཀྱི་འབད་པས་ཉམས་གསོས་གང་འཚམས་བགྱིས་ཏེ་ཡོད་དོ། དེ་ཡང་གནའ་སྔ་མོ་ནས་འཚོགས་བཏང་སྒོ་ནམས་ཡོན་འབུལ་ཐོབ་པ་དང་། དགོན་སྤྱིས་བསྒྲུབས་པ་ལས། བླ་སེར་ཚོའི་རྒྱུན་གྱི་འཚོ་བ་ནི་སོ་སོའི་འབད་པ་ལ་བརྟེན་ནས་འབྱུང་དགོས་སོ། ༎

ས་མིང་ཚིག་མཛོད་མིག་བཤར།

ཁྱུང་ལུང་དགོན་ནམ་ཁྱུང་དགོན་ནི། དང་པོ་བྲག་སྟེང་ཁོངས་ནགས་སྤང་བཀྲ་འབྲེལ་ཞིག་ཡིན་པར་བཤད། དེའི་སྐབས་བོད་ཁོངས་ན་ཁྱུང་པོ་རྒྱལ་བརྒྱུད་ཅིག་འཁྱམས་བསྐོར་བྱོན་སྟེ་བྲག་སྟེང་ཁྱུང་ཤམ་འདིར་སླེབས་པར་བཤད། དེ་ནས་རྒྱལ་པོ་ནགས་དཀྱིལ་སྤང་སྒང་དུ་ཕེབ་སྟེ་བཞུགས་སྐབས་ཐུགས་ཤིན་ཏུ་དགྱེས་ཕྱིར་སྨོན་ལམ་ཞིག་འདེབས། ཕྱག་ན་སྟག་རྐང་ཤིང་གི་དབྱུག་པ་སྐམ་པོ་སྤང་དཀྱིལ་ཆུ་མིག་[page 519] འགྲམ་དུ་བཙུགས། ས་འདི་ཕྱིས་སུ་ཆགས་གནས་ཤིག་འཛོམ་ན་ཡལ་ག་རྒྱས་ཤིག་གསུངས་སྟེ་བྱོན་རྗེས་དབྱུག་པ་དེ་ཡལ་ག་རྒྱས། རྒྱལ་པོ་ཉིད་ལ་རྨི་ལམ་བཟང་ནས་རོང་ཁོག་ཏུ་འཁོར་ནས་བྲག་སྟེང་ཁུངས་མར་ཡོ་གྲོང་དུ་བཞུགས་ཏེ་རྒྱལ་པོ་འཛིན་ནོ། དེ་སྐབས་བོད་ཕྱོགས་གཙང་ཁོངས་གཤིན་དར་གླིང་ནས་བླ་མ་ཨ་ལྕོ་ཚུལ་འཆད་ཞིག་བྱོན་ཏེ་དང་པོ་བྲག་ཕུག་ལ་བཞུགས་གནས་མཛད་པའོ། བླ་མ་ལ་ཞབས་བཅགས་སྦྱིན་བདག་ནི་མུར་ཡོར་བཞུགས་པའི་རྒྱལ་པོས་ཞུས། བླ་མ་དེ་ཉིད་ཀྱིས་སློབ་དཔོན་མཛད་ནས་གཤེན་ལུགས་ལྟར། མདོ་སྔགས་ཟུང་འབྲེལ་གྱི་བོན་གསུངས་སོ།།

ཁྱུང་ལུང་དགོན་འདི་གོང་གསལ་བླ་མ་དེ་ཉིད་ཀྱིས་ས་འདིར་རི་ཁྲོད་ཅིག་འདེབས་པས་རྟེན་འབྲེལ་འགྲིགས་ལུགས་བཤད། ཁྱུང་ལུང་དགོན་ངོས་ཐོག་མར་འདེབས་ལོ་ནི་རབ་བྱུང་ལྔ་པའི་ནང་ཚན་མེ་གླང་ལོར་ཡིན་པར་སྣང་། ཁྱུང་པོ་ནས་བྱོན་པའི་རྒྱལ་བོར་གཏུགས་ཏེ་སྦྱིན་བདག་ཞུ་ཞོར་ནགས་རྣམས་གཅད་བྲེགས་ཏེ་རི་ཁྲོད་ཀྱང་བརྩིགས། རྒྱལ་ས་ཡང་ཁྱུང་ཤམ་སྤོ་ཡོང་ཞིང་མེད་ཡང་ཁྱུང་ཤམ་སྟག་མོ་རྫོང་བཏགས་སོ་ཞེས་བཤད་དོ།། ཁྱུང་ལུང་འདི་ཡི་མིང་ཁྱུང་ལུང་དགོན་པ་རྒྱལ་བོས་མཚན་གསོལ། ཕྱག་འདེབས་པ་བླ་མས་ཁྱུང་ལུང་རྣམ་རྒྱལ་ལྷ་རྩེ་གླིང་ཞེས་གྲགས་སོ།། ཁྱུང་དགོན་འདི་ཡི་ཐོག་མར་གྲུབ་མཐའ་གཡུང་དྲུང་གཙང་མ་གཙུག་ཕུད་ཀྱི་སྡོམ་ཁྲིམས་བསྲུང་། བོན་བརྒྱུད་མདོ་སྔགས་ཟུང་སྦྲེལ་བོན་འཁོར་སྐོར། ཁྱུང་ལུང་འདི་རྒྱལ་པོས་བདག་གཉེར་ཡིན་ཀྱང་བླ་མ་རེ་བྱོན་དུས་ཕྱག་བླ་ཨ་གསལ་གྱི་བླ་བྲང་བུ་སྒང་བླ་བྲང་ཞེས་པ་ཞིག་ཡོད། དགོན་ཞིང་ཡང་མུའུ་བཅུ་ཙམ་ཡོད་དེའི་ཞིང་ལས་མི་ཁྱིམ་དུད་ཚང་བཅུ་ཙམ་ཡོད་རབས་ཀྱང་བཤད། དེའི་རྗེས་ལེ་ཨ་བ་ཀུན་གྲོལ་ཞེས་བྱ་བའི་བླ་མའི་བླ་བྲང་ཞིག་ཡོད་པར་དགོན་ཞིང་མུའུ་བཅོ་ལྔ་ཙམ་ཡོད་པས་ཞིང་ལས་པའང་དུད་ཚང་བཅུ་ཡོད་པར་བཤད། བླ་བྲང་གི་མཁར་རིང་ད་དུང་ཧྲིལ་བོ་ཡོད། བླ་བྲང་གཉིས་དང་དགོན་ཞིང་། དགོན་གཡོགས་དང་བཅས་པ་བླ་མ་རེ་རྫོགས་རྗེས་ག་ལེར་གཅིག་ཏུ་བསྡུས་པའི་ལོ་རབས་གཅིག་བརྒྱུད་གཉིས་མཐུད་ཀྱི་གསལ་པོ་བཤད་རྒྱུན་འདུག དགོན་པ་འདིར་རྐྱེན་གཞན་གྱིས་སྔོན་གཏོར་བརླག་སོང་རབས་མེད་ཀྱང་། ས་ཕྱོགས་འདིའི་དགོན་པ་གཞན་དང་འདྲ་བར་ང་དགུ་ལོར་རྩ་གཏོར་བཏང་།

ཁྱུང་ལུང་དགོན་པའི་བླ་མའི་གདན་རབས། དང་པོ་གཤེན་ཚང་བླ་མ་རི་ཁྲོད་པའི་གདུང་གསོབ་ཕྱག་བླ་ཨ་གསལ། དེའི་གདུང་གསོབ་ཕྱག་བླ་དབང་རྒྱལ། དེའི་སྐབས་རྒྱལ་པོ་ཀུན་དགའ་ནོར་བུས་བཀའ་སྐྱོང་ཁང་བརྩེགས་དྲུག་མཐོ་བ་ཞིག་བཞེངས། རྒྱལ་པོའི་བདག་མོ་རབ་བརྟན་རྒྱལ་པོའི་སྲས་མོ་བསོད་ནམས་མཚོ་ཡིན་ཏེ། སྲས་མོ་འཁྲུངས་བས་སྲས་མོ་ཉིད་ཟུར་བཞུགས་མཛད་སྐབས་ཁྱུང་ལུང་དུ་སྤོས་ཏེ་སྒྲིབ་སྦྱང་མཛད། གྲྭ་པ་གང་ཡོད་ཀུན་ལ་རྒྱུན་ཟས་ཆད་མེ་སྦྱིན། ཁོང་ཉིད་འདའ་ཁར་ཞལ་ཆེམ་འདུ་ཁང་ཞིག་བཞེངས་དགོས་གསུངས་ནས་འདས། རྒྱལ་པོས་ཀྱང་དེ་བཞིན་བསྒྲུབ་དགོས་དགོངས་ནས་ཕྱག་[page 520] བླ་དབང་རྒྱལ་དང་གསུང་གྲོས་མཛད་དེ་འདུ་ཁང་བཞེངས་པའོ། ཕྱག་བླ་དབང་རྒྱལ་རྒྱལ་ཚབ་ལེ་ཨ་བ་ཀུན་གྲོལ། དེའི་རྒྱལ་ཚབ་ནང་སོ་དཀན་དགའ། དེའི་རྗེས་སུ་གནམ་བྱེ་བླ་མ་ཚུལ་ལྡན་ཤེས་རབ་ཟེར། དེའི་རྗེས་ནང་སོ་བློ་བཟང་། དེའི་རྗེས་གནམ་ཡང་ཤེས་རབ་ཟེར། དེའི་རྗེས་ནང་སོ་བསྟན་འཛིན་དབང་རྒྱལ། དེའི་རྗེས་སྒོམ་ཐར་རྣལ་འབྱོར་པ་ཤེས་རབ་འོད་ཟེར། དེའི་རྗེས་གུ་དེ་གནམ་ཡང་བླ་མ་སྨན་རི་བླ་བརྒྱུད་ཨང་གཉིས་པ་གཡུང་དྲུང་གཙུག་དབང་ཕུད་དྲུང་རིམ་པ་ཡང་ཡིན་ནོ། དེའི་རྗེས་གདུང་རྒྱུད་པ་ཚུལ་ཁྲིམས་རྒྱལ། དེའི་རྗེས་དེའི་བརྒྱུད་འཛིན་པ་བླ་མ་ཕུན་ཚོགས་འོད་ཟེར། དེའི་རྗེས་དེའི་བརྒྱུད་འཛིན་པ་བསྟན་འཛིན་སྙན་གྲགས་བར་དུ་གདན་རབས་རགས་ཙམ་ཞུབ་ལས། ལོ་མང་སོང་རྐྱེན་བླ་མ་གདན་རབས་མང་དུ་ཕྱིན་ཡོད་ཀྱང་ཀུན་གྱི་མཚན་གྲངས་ཞུ་གསོལ་དཀའོ།

དགོན་འདིར་སྔོན་བྱོན་བླ་མ་དམ་པ་མང་དུ་བཞུགས་ཀྱང་གསུང་འབུམ་ཡོད་མེད་ནི་ཡིག་ཆ་ཐམས་ཅད་བཤིགས་རྐྱེན་ཆེ་བས་འདི་ཡིན་ཞུ་རྒྱུ་མི་འདུག་ལགས། འོན་ཏེ་ཁོང་རྣམས་ཀྱི་སྐུ་ཐོག་རེ་དང་རྒྱལ་པོའི་སྐུ་ཐོག་རེར་བཞེངས་པའི་བཀའ་གསུང་རབ་ནི་བཀའ་འགྱུར་བསྟན་འགྱུར་ལ་སོགས་རྒྱུད་སྡེ་ཟབ་མོ། ཆབ་དཀར་ནག་རྒྱུད་ཀྱི་བོན་ལས་ཟབ་པའི་བོན་ཤེས་པ་བཅུ་གཉིས་དང་མདོས་རིགས་བཅས་ཀྱི་ཡི་གེ་པོ་ཏི་བཞི་བརྒྱ་ལྷག་ཡོད་པ་དང་། དེ་ནང་ཚན་མན་ངག་རྫས་སྦྱོར་གསང་རྒྱ་ཅན་པོ་ཏི་གཅིག་གཞན་ཡང་རིག་གནས་ཡིག་ཆ་བཅས་མང་དུ་ཡོད། དགོན་འདིར་སྔར་སྒྲུབ་གྲྭའམ་རྩོད་གྲྭ་མེད་ཀྱང་གནམ་ཟླ་དུས་བཞིར་བསྙེན་སྒྲུབ་མི་ཆད་པ་བྱས་ཡོད།།_ཁྱུང་ལུང་འདི་བླ་བྲང་གསུམ་གཅིག་བསྡུས་གྱུར་བའི་མ་དགོན་རེད། གྲྭ་ས་ནི་གཙང་བཀྲ་ཤིས་སྨན་རི་ཡིན་པས་གྲྭ་ས་ལུགས་ཞེས་གྲགས་ཏེ་གཤེན་དང་བྲ་ལུགས་དར་བའོ།

ཁྱུང་ལུང་དགོན་འདི་ཡི་བསྟན་བདག་སྤྲུལ་སྐུ་བཞུགས་རབས་ནི་མེད། རྒྱལ་པོའི་བླ་བརྒྱུད་ནང་སོ་རེ་བཞུགས་ན་དེས་བདག དེ་ལྟར་མ་བཞུགས་ན་རྒྱལ་པོས་བདག་གཉེར་མཛད་ཅིང་བླ་མ་ཁྲི་པ་ཡོན་ཏན་དང་གདུང་བརྒྱུད་པ་ཡོད་ན་དེ་ལ་བསྐོས། དེ་མེད་ན་ཕལ་བའི་ནང་ནས་སྡོམ་པ་དང་ཡོན་ཏན་གཉིས་ལྡན་ཅན་ཐུགས་འདོད་དེར་ཁྲི་པར་བསྐོས། དགེ་བསྐོ་ནི་ཁྲིམས་བཙན་སྲུང་ནུས་དེ་ལ་དབང་ཆ་འཛིན་པར་བསྐོས། ཐོབ་ཐང་ནི་བོན་ཆོས་ཁྲིམས་བཅའ་ཡིག་ལྟར་བཀོད་དབང་ཡོད་པའོ། ཁྱུང་ལུས་དགོན་འདིའི་གཞི་ཁྱོན་ཕིན་ཧྥེང་ཉིས་བརྒྱ་དང་བརྒྱད། བཀའ་སྐྱོང་ཁང་བརྩེག་དྲུག་ལ་གཞི་ཁྱོན་ཕིན་ཧྥེང་དྲུག་ཅུ་རེ་ལྔ་སྤྱི་ཁང་། དཔར་ཁང་། མཛོད་ཁང་། གྲྭ་ཤག་སུམ་ཅུ་ཐམ་པ་ཡོད་ཀྱང་དགོན་གཞི་རྒྱ་ཁྱོན་དུ་ཐེ་གཏོགས་སོ།།

དགོན་འདིར་རྟེན་གྱི་གཙོ་བོ་ནི་ཡུམ་ཆེན་ཐུགས་རྗེ་བྱམས་མའི་སྐུ་འདྲ་རྒྱབ་ཡོལ་རྣ་དྲུག་དང་བཅས་པར་མཐོ་བརྩེག་ཕྱེད་གཉིས་མཐོ་བ། ཡང་ཕྱག་སྟོང་འཁོར་ལོའི་སྐུ་འདྲ་ཁྲུ་གསུམ་པ། མཉམ་མེད་ཆེན་པོའི་སྐུ་འདྲ་ཁྲུ་ཕྱེད་གཉིས་ཡོད་པ། རྣམ་སྲས་སེང་བཞོན་སྐུ་འདྲ་མཐོ་ཕྱེད་གཉིས་སོགས་མང་ངོ་།། ཁྱུང་ལུང་འདིར་སྒྲུབ་མཆོད་དང་དུས་མཆོད་རྒྱུན་སྲོལ་སྐོར། བོད་ཟླ་དང་པོའི་ཚེ་ལྔ་ནས་ཚེས་བརྒྱད་བར་དུ་[page 521] མཉམ་མེད་དུས་ཆེན་འཚོགས་སྐབས་རྒྱལ་པོས་སྦྱིན་བདག་ཞུ་ཕྱིར་ཚོགས་ཤིང་ཁུར་རི་ཤོག་ཁ་གཉིས་སུ་བགོས་ཏེ་ཁུར་ཡོད་དགོས། བླས་གཡོག་ཀྱང་རྒྱལ་པོའི་ཞབས་འབྲང་ཡིན་ཚད་འདུས་ཞབས་འདེགས་ཉིན་བསྒྲུབ་དགོས། བོད་ཟླ་གཉིས་པར་བཏང་སྒོ་ཞག་བཅོ་ལྔ་བཏང་བའི་རྒྱལ་པོས་མ་རྩ་བཞག་པའི་ཕྱིར་གཉེར་ཁག་གིས་བཏང་སྒོ་དགོསལ། བོད་ཟླ་གསུམ་པར་བསྐྱེད་རིམ་དུས་ཆེན་འཚོགས་དགོས། ཕུར་པའི་སྒྲུབ་པ་ཚོགས་གྲོལ་འཕྲོར་གཤེན་ལུགས་ཕུར་འཆམ་ཉིན་འཚོགས་ཡོད། བོད་ཟླ་བཞི་བར་སྨྱུང་གནས་ཉིན་འཚོགས་ཡོད། བོད་ཟླ་བདུན་པར་གནས་སར་བསྐྱོད་ནས་ཚོགས་བརྒྱ་ཉིན་གཅིག་འཚོགས་ཡོད་ཁྱི་ཟླ་༡༠ཚེས་དུས་ཆེན་རྩིས་པ་ཡིན། བོད་ཟླ་ལྔ་པར་སྣང་སྟོན་ཟླ་བ་རྒྱལ་མཚན་དུས་མཆོད་ཉིན་གཅིག་ཡོད། བར་དུ་བརྗེད་པར་བོད་ཟླ་ལྔ་པར་ཞི་ཁྲོ་ཚོགས་མཆོད་དང་ཚེས་དུས་ཆེན་ཤེས་རབ་དགུ་འཆམ་དང་ཁྱོན་དུ་བསྒྲུབ་མཆོད་འཚོགས་སྐབས་སྦྱིན་བདག་རེས་མང་ཇ་བཏང་བ་ཕུད་ནས། སྤྱི་སོས་བཏང་སྒོ་གཏང་དགོས།

ཁྱུང་ལུང་དགོན་པའི་གཏོང་སྒོའི་འབྱུང་ཁུངས་ནི་གོང་གསལ་བླ་བྲང་གཉིས་ཁྱུང་ལུང་དུ་བསྡུས་པའི་དགོན་ཞིང་མུའུ་བཞི་བཅུ་ཡོད་པ་དགོན་ཞིང་ཞིང་ལས་ཁོལ་བ་སྔར་དུད་ཆང་བརྒྱ་ལྷག་ཡོད་ཀྱང་། བརླག་སྐྱོན་དང་ཉམས་རྒུད་ཀྱིས་རིམ་བཞིན་དུད་ཚང་བཅུ་ཙམ་ལ་བབ་ནས། ད་ལྟ་ནི་མི་སེར་དྲིན་གྱིས་སླར་ཕྱོགས་ཙམ་གསོལ། དགོན་པ་འདིའི་སྔར་བཞུགས་དགེ་འདུན་པ་ཞལ་གྲངས་སུམ་ཅུ་ལས་ཆག་པ་དང་། དགེ་མ་དགེ་ཕྲུག་སྐྱིད་སྡུག་ལ་འཛུལ་ཚད་བཞི་བཅུ་ཙམ་ཡོད། དེང་སང་ནི་བླ་སེར་བཅུ་གསུམ་ཙམ་དང་། ཁྱིམ་པར་སྔགས་རིགས་རྣམས་ཀྱང་བཞུགས་པ། བསྐྱབས་འོག་པ་ཡང་དུད་ཚང་བརྒྱ་དྲུག་ཅུ། མི་གྲངས་བརྒྱད་བརྒྱ་ཙམ་ཡོད་དོ།། །།

ས་མིང་ཚིག་མཛོད་མིག་བཤར།

གཡུང་དྲུང་ཆུ་འཁོར་གླིང་ནི་རབ་བྱུང་བཅུ་བཞི་པའི་ནང་བཞེངས་ནས་བཅོས་བསྒྱུར་སྔོན་ཙམ་ནས་[page 516] མེ་ལ་ཤོར་བའི་བོན་པོའི་དགོན་པ་ཞིག་སྟེ། ཆུ་འདུའི་ད་ལྟའི་ཤིང་སྲིད་གཞུང་ཡོད་ས་དེ་ཡིན་ཞིང་། སྔོན་དར་སྐབས་བླ་སེར་བཞི་བཅུ་ལྔ་བཅུ་ཙམ་དང་། འདིར་བླ་མ་གྲུབ་ཐོབ་ཀུན་ལྡན་བསོད་ནམས་བློ་གྲོས་ཞེས། རྗེས་སུ་གཙང་སྨན་རིར་མཁན་ཆེན་ཤེས་རབ་དགོངས་རྒྱན་དུ་གྲགས་ཤིང་། དེང་ཡང་དེར་ཁོང་གི་སྐུ་གདུང་བཞེངས་ཡོད་ཟེར། མཁན་ཆེན་ཤེས་རབ་དགོངས་རྒྱན་ཁོང་དགུང་གྲངས་ཞེ་ལྔར་སྐུ་གཤེགས་ནས་ལུང་པ་འདིའི་སོག་པོ་བྱ་བར་འཁྲུངས། འགྲོ་མགོན་ཤེས་རབ་གཡུང་དྲུང་དུ་གྲགས་པ་བྱུང་། ཁོང་ཡང་དགུང་གྲངས་ཞེ་ལྔར་བཞུགས་ཏེ་སྐུ་འཇའ་ལུས་དེངས་ཟེར། འདི་ཡང་སྤྲོ་སྣང་གྲུབ་ཐོག་བླ་བྲང་གི་དགོན་ལག་ཏུ་གཏོགས་ཤིང་། ཅི་ཞིག་ན་དབུས་སྐོར་ལ་རྒྱུ་ཚེགས་ཀྱིས་མི་ཕེར་བ་རྣམས་བླ་བྲང་དགོན་དུ་ལོ་གསུམ་བསྡད་པས་ཆོག་པའང་བྱས། དེ་མིན་འདི་ལ་དགོན་ལག་གསུམ་ཡང་ཡོད་དེ། ཞི་བ་ལྷ་བཀྲ་ཤིས་གླིང་། མཁར་ཐོག་སྨན་རྒྱལ་གླིང་། འགྲོ་ཕན་གཡུང་དྲུང་གླིང་བཅས་སོ། དེ་ལྟར་དགོན་པ་འདི་ཉམས་པའི་དུས་ཅུང་སྔ་ཞིང་། ད་ཡང་བདག་ཏུ་མཛད་མེད་རྐྱེན་བླ་སེར་ཚོའི་འཚོ་བ་དང་། འཚོགས་བཏང་སྒོ་སོགས་ངེས་པ་མ་བྱུང་ཡང་། ཕལ་ཆེར་འདི་སྐོར་གྱི་དགོན་སྡེ་གཞན་ཚོ་དང་ཕྱོགས་འདྲ་བའ།། །།

ས་མིང་ཚིག་མཛོད་མིག་བཤར།

གཡུང་དྲུང་བདེ་ལྡན་གླིང་ནི་དེང་ཐོག་སོག་པོའི་རི་རྩེ་དང་ཉེ་བའི་ཤ་བ་མཚོ་ཁ་བྱ་བ་ན་ཡོད་ཅིང་། དེར་ད་ལྟ་དགོན་ཤུལ་གྱང་ཧྲུལ་ཡོད། སྐབས་དེར་དུས་ཅུང་སྔ་བར་མངོན་ཏེ་བྱེ་བྲག་ངེས་པ་མ་བྱུང་། རྗེས་སུ་རྒྱུ་རྐྱེན་གང་ཞིག་ལས་བླ་མ་གདན་ཁྲི་བྱ་བར་མར་སྤོས། དགོངས་རྩེ་གཡུང་དྲུང་ཚུལ་ཁྲིམས་བྱ་བ་གཙང་སྨན་རིར་ཡང་བླ་བྲང་ཡོད་པ་དེ་གདན་སར་བཞུགས་ཚེ། ནུབ་གཅིག་བླ་མའི་ཞབས་ལྷམ་ཝས་ཁྱེར། རི་ཞོལ་རྔུལ་ཆུའི་འགྲམ་གྱི་ད་ལྟའི་ཕྱེ་འབུར་དུ་བཞག་པས། རྟེན་འབྲེལ་དེར་འགྲིགས་ཏེ་རབ་བྱུང་བཅུ་གསུམ་པའི་མཇུག་ཙམ་ལ་གདན་ས་དེར་སྤོས། དེ་ཡང་སྔོན་ས་ཆ་དེར་ཕྱེ་མའི་དེའུ་འབུར་མཆོད་རྟེན་འདྲ་བ་ལྔ་ཙམ་ཡོད་པས་ཕྱེ་འབུར་ཞེས་ས་མིང་ཆགས་ལ། རྫེས་དགོན་པར་ཡང་ཕྱེ་འབུར་གཡུང་དྲུང་གླིང་ངམ། ཕྱེ་འབུར་དགོན་དུའང་གྲགས་པ་བྱུང་། སྔ་གཞུག་ཏུ་གཡུང་དྲུང་བོན་ལུགས་མཛད་དོ།།

སྔོན་དགེ་འདུན་པ་དྲུག་ཅུ་བདུན་ཅུ་ཙམ་བཞུགས། སྤྲོ་སྣང་གྲུབ་ཐོབ་བླ་བྲང་ཡང་སྔོན་འདི་ལས་འཕྲོས་པའི་དགོན་ལག་ཏུ་བརྩི་ཡང་། སླད་ནས་ཕར་གྲྭ་ས་སོགས་མཛད་དེ་མ་དགོན་དུ་བརྟེན་པར་བཤད། རབ་བྱུང་བཅོ་ལྔའི་མཇུག་ས་རྟ་ལོ་ལ་པ་ཅོ་པའོ་དུང་བྱ་བས་ཐང་གཅིག་བཅོམ་ནས། སླར་ཉི་ཤུ་རྩ་བཞིའི་རྒྱ་དམག་དང་དམར་དམག་རྙིང་པའི་འཁྲུག་རྩོད་ཀྱི་ཉམས་སྐྱོན་ཆེན་པོ་བྱུང་། རིམ་བཞིན་བླ་སེར་ཡང་ཉི་ཤུ་ཁ་ལྷག་ཏུ་བྲི། མཐར་བཞི་རྒོལ་ལ་རྩ་མེད་བཏང་བ་ཡིན། དེ་ལྟར་མི་ལོ་སུམ་ཅུ་ལྷག་འདས་པའི་ན་ཉིན་ལོའི་ཤིང་ཁྱི་ལ་གཞི་ནས་གཙུག་ལག་ཁང་བསྐྱར་དུ་གྲུབ། རྟེན་བཞེངས་ཡང་ཕྲན་བུ་བྱས་དང་བྱེད་[page 517] མུས་སོ། སྤྱིར་འདི་སྐོར་གྱི་དགོན་པ་ཆེ་ཤེས་ཤིག་ལ་བརྩི་ཞིང་། སྔོན་རྟེན་གསུམ་སོགས་བཟང་པོ་འདུག་སྟེ། རོལ་མོ་རྐྱང་པ་ཡང་ཆ་སུམ་ཅུ་ལྷག་ཡོད་པས། གཞན་ཞིབ་ཏུ་ངེས་པ་མི་འདུག་ཀྱང་། ཕྱི་ནང་སྟོབས་འབྱོར་ཅན་འདུག་པར་མངོན། ད་ལྟ་ནི་ཅི་ཡང་མ་ལུས། སྔོན་མའི་འཚོགས་པ་རྣམས་ཀྱང་། ཟླ་བ་དང་པོའི་མཉམ་མེད་དུས་ཆེན་དང་སྟོན་པའི་དུས་ཆེན། ཟླ་བ་གསུམ་པའའི་སྒྲུབ་མཆོད། ཟླ་བ་ལྔ་པའི་རྣམ་རྒྱལ་གཡང་སྒྲུབ། ཟླ་བ་བདུན་པའི་ཚེས་བཅུ། ཟླ་བ་བརྒྱད་པའི་བསྙུང་གནས་སོགས་སོ།། དེ་ལྟར་འཚོགས་པ་རྣམས་སུ་དགོན་སྤྱི་ནས་བཏང་སྒོ་བྱེད་ཅིང་། འབྱོར་ལྡན་སྦྱིན་བདག་གི་མཆོད་འབུལ་ལས་ཐོབ་པ་གཞིར་གྱུར། གཞན་བླ་སེར་ཚོའི་རྒྱུན་གྱི་འཚོ་བ་ནི་རང་ཁྱིམ་ལ་བརྟེན་པ་དང་། རང་གི་ནུས་པས་སྒྲུབ་པ་གཙོ་བོར་མཛད་དོ།། །།

ས་མིང་ཚིག་མཛོད་མིག་བཤར།

སྔོན་སོག་པོ་སྟག་བཙན་ནས་ཡར་རི་རྩེ་དང་ཉེ་བའི་སྤང་ནང་བྱ་བར་བན་བོན་ཕྱོགས་གཅིག་ཏུ་འཚོགས་པའི་དགོན་པ་ཞིག་ཡོད་ཅིང་། བླ་སེར་ཡང་བདུན་ཅུ་ཙམ་བཞུགས། དེར་གྲོང་དང་རིང་ཆེ་བ་སོགས་ལས་རབ་བྱུང་བཅོ་ལྔའི་ནང་ཞིག་ནས་བན་བོན་སོ་སོར་མར་སྤོས་ན། བོན་དགོན་ཏེ་འགུ་ཡ་བྱ་བར་བཏབ། འདིའི་ཐུགས་གཙོར་སྤྲུལ་སྐུ་ཉི་མ་རྒྱལ་མཚན་བྱ་བ་བཞུགས་པ་སྤྲོ་སྣང་གྲུབ་ཐོབ་བླ་བྲང་གི་བླ་རབས་ལས་བྱུང་བའི་ཉི་མ་རྒྱལ་མཚན་ཏེ་མིན་ནམ་སྙམ་པས། དེ་ལྟར་ན་འགུ་ཡ་ནས་མར་ཕུ་གུ་ལུང་ལ་སྤོ་ཚེ་སྤྲོ་སྣང་བླ་བྲང་གི་བླ་རབས་གཞུག་མ། གྲུབ་ཐོབ་གཡུང་དྲུང་ཉི་མས་ཞལ་གཙོ་གནང་བའི་བར་བླ་རབས་གཉིས་སོང་བ་ཡིན། གང་ལྟར་འདི་ཡང་སྤྲོ་སྣང་གྲུབ་ཐོབ་བླ་བྲང་གི་དགོན་ལག་ཏུ་གཏོགས་ཤིང་། ཅི་ཞིག་ན་འགུ་ཡ་ནས་ཀྱང་ས་དཔྱད་སོགས་མ་འཚམ་པས། རབ་བྱུང་བཅུ་དྲུག་པའི་ཤིང་བྱ་ལོ་སྤྲོ་སྣང་བླ་བྲང་གི་གྲུབ་ཐོབ་གཡུང་དྲུང་ཉི་མའི་ཞལ་ཁྲིད་འོག་མར་ཕུ་གུ་ལུང་བྱ་བར་སྤོས་ནས་བདེ་ལྡན་ནོར་བུ་གླིང་ཞེས་གྲགས་པ་བྱུང་། རྟེན་བཅས་ཆ་འཛོམས་ཤིང་། བླ་སེར་ཉི་ཤུ་སྟོད་ཙམ་རང་གི་རྒྱུན་གྱི་འཚོ་བ་སྒྲུབ་ཞོར་དུ་དགོན་པར་ཞབས་ཏོག་འབུལ་བ་དང་། དད་དམངས་ཀྱིས་ཡོན་འབུལ་བ་ལ་སྐུ་རིམ་གྱིས་འབད་དེ། དེའི་ངང་དུ་ལོ་བཅུ་གསུམ་ཙམ་ནས་བཞི་རྒོལ་ལ་ཐུག་སྟེ་རྩ་མེད་སོང་། སླང་ཡང་ལོ་ཉི་ཤུ་རྩ་ལྔ་སོང་བའི་ཆུ་ཕག་ལོ་ནས་གཙུག་ལག་ཁང་བསྐྱར་དུ་གསོས། རྟེན་བཞག་བཅས་དང་བླ་སེར་ཡང་བཅུ་དྲུག་ཙམ་བཞུགསང་།

ས་མིང་ཚིག་མཛོད་མིག་བཤར།

སྤྱིར་དགོན་པ་འདིའི་ཐོག་མ་ནི་ད་ལྟའི་རོང་བྲག་རྫོང་ཐོག་དང་ཉེ་བའི་རྫ་ཚིག་བྱ་བར་ཆགས་པས། [page 518] རྫ་ཚིག་གཡུང་དྲུང་གླིང་ཞེས་སུ་གྲགས། ཐོག་མར་རྫ་བོའི་རིག་པ་རང་ཤར་བྱ་བས་ཕྱག་བཏབ་གནང་ཞིང་གྲྭ་ཚང་བཞི་བཅུ་ཙམ་བཞུགས། དེ་ཡང་རྫ་བོའི་རིག་པ་རང་ཤར་ཏེ་ཕུ་རོང་སྟེང་གི་ཉ་འཛི་ཞེས་པའི་ཁྱིམ་ལ་འཁྲུངས། ཉ་འཛི་བུ་ཞི་ཞེས་ཆུང་དུས་ར་ལུག་གི་རྫི་བོ་བྱས་ཀྱང་། གྲུབ་རྟགས་ལ་མངའ་བརྙེས་ཤིང་། ར་མགོ་ལུག་ལ་སྦྱར་བ་དང་། ལུག་མགོ་ར་ལ་སྦྱར་བ་བྱས་པར། ཡབ་ཀྱི་བཀའ་བཀྱོན་ཕོག་པ་དེས་རྐྱེན་བྱས། ལྷ་ས་སོགས་སུ་མཇལ་སྐོར་དང་ཆོས་ཞུས་ཏེ་རྟོགས་པ་མཐོར་འདེགས་ཀྱིས་སླར་ལོག་ཚེ། རྫ་ཚིག་གཡུང་དྲུང་གླིང་འདི་བཏབ་པ་ཡིན། སྐབས་འདིའི་དུས་ངེས་པ་ཆན་ཞིག་མི་འདུག་སྟེ། མི་ལོ་སུམ་བརྒྱ་ཙམ་ནི་སོང་བར་སེམསང་།

རྗེས་སུ་རྫ་ཚིག་འདི་ས་མདོ་ལམ་འགག་ཡིན་རྐྱེན། ཉི་ཤུ་རྩ་བཞིའི་རྒྱ་དམག་དང་དམར་དམག་རྙིང་པའི་འཁྲུག་རྩོད་ཀྱིས་གཙེས་པས་མ་ཚུགས་པར། རབ་བྱུང་བཅུ་དྲུག་པའི་ལྕགས་སྤྲུལ་ལོ་ཙམ་ལ་ཕུ་རོང་སྟེང་སྤང་མིག་བྱ་བར་སྤོས། དེར་ཡང་ལོ་བདུན་ཙམ་ནས་སྟོད་སྨད་གྲྭ་ཚང་ཞལ་མི་མཐུན་པ་སོགས་ལས་སླར་ཡང་སྤོས། རབ་བྱུང་བཅུ་དྲུག་པའི་ས་བྱི་ལོ་ཉག་རོང་ནས་ཕེབས་པའི་ཨ་གཡུང་རིན་པོ་ཆེས་བློན་ར་འདིར་བཞེངས་བར་མཛད། མཚན་ཡང་མི་ཕམ་རྣམ་རྒྱལ་གླིང་གསར་དུ་གསོལ། མཁན་ཆེན་ཤེས་རབ་བསྟན་འཛིན་སོགས་གྲྭ་ཚང་ཉི་ཤུ་ལྷག་དང་། གཙུག་ལག་ཁང་མདུན་ན་གྲྭ་ཤག་གིས་བསྐོར་བའི་ཆོས་ར། ཞིང་གྲོང་དང་ཤིང་ནགས་ཀྱིས་བརྒྱན་པའི་ཁོར་ཡུག་ཉམས་སུ་དགའ་བ། ནང་དུ་གསེར་སྐུ་བརྒྱ་རྩ་བརྒྱད་དང་དྲེའུ་བཅུ་གཅིག་རིན་དུ་གྲགས་པའི་གཤང་བཟང་པོ་སོགས། རྟེན་རྫས་འཆམ་གོས་ཡོ་བྱད་རྣམས་ཆ་ལྡན་སྤུས་དག་བཞུགས་པ་དང་། འཚོགས་ཆོས་ཐོག་ལ་མི་སེར་གྱི་ཡོན་འབུལ་གཙོ་བོར་གྱུར་བའི་བཏང་སྒོ་བྱེད་ཅིང་། གཞན་དགོན་སྤྱིའི་ཡོང་འབབ་དང་བསྟུན་པའི་རྟེན་བཞེངས་སོགས་ཀྱང་བྱེད། བླ་སེར་ཕལ་ཆེར་ནི་རང་ཁྱིམ་ལ་མང་ཆེར་བརྟེན་པའི་འཚོ་བ་སྐྱེལ། བཞི་རྒོལ་ནས་དགོན་ནང་གཙང་ལེན་བྱས་པས་ལུས་པ་མེད་ཅིང་། གཙུག་ལག་ཁང་ཡང་མཉམ་ལས་ཀྱི་སྤྱི་ཁང་ལ་བཀོལ་བས་མ་འགྱེལ་ཙམ་བྱུང་བ། ས་འབྲུག་ལོ་ནས་སླར་ཉམས་གསོ་དང་རྟེན་བཞུགས་བརྩམས། ཨ་གཡུང་སླར་སྔ་གཞུག་ཐེངས་གཉིས་ཕེབས་ཏེ། བཀའ་སློབ་དང་གནང་སྦྱིན་མཛད་པའི་འོག་ཕྱི་ནང་ཡང་དུ་འཛོམས་ཙམ་བྱུང་བ་ཡིན་ལགས།།

ས་མིང་ཚིག་མཛོད་མིག་བཤར།

འཇམ་དབྱངས་ལྷ་ཁང་ནི་སྡོང་དགུའི་བརྒྱ་འབངས་ན་ཡོད་ཅིང་། གཡུང་དྲུང་བོན་གྱི་བསྟན་ཞབས་ཏུ་མི་རབས་ནས་མི་རྒྱུད་མང་པོ་ཞིག་བརྒྱུད་མྱོང་ཡང་། བརྒྱུད་པ་དེ་ལྡན་གྱི་བྱུང་རིམ་ཞིབ་ཏུ་སྨྲ་མི་ནུས། འོན་ཏེ་རི་ཁྲོད་ཙམ་ནི་མི་ལོ་སྟོང་གི་སྔོན་ནས་ཡོད་ཅིང་། སློབ་དཔོན་བེེ་རོ་ཙ་ན་གནས་འདིར་ཞབས་ཀྱི་བཅག་ནས། འདི་ན་ཡོད་པའི་བླ་མ་རི་ཁྲོད་པས་བསུ་བ་མ་ཞུ་བར། སློབ་དཔོན་གྱིས་རི་ཁྲོད་མདུན་གྱི་རྡོ་ལ་ཞབས་རྗེས་བཞག་པ་ད་ལྟ་མཇལ་རྒྱུ་ཡོད། དགོན་འདིར་བརྒྱུད་པའི་བླ་རབས་བརྒྱད་སོགས་སུ་བཤད་པ་ནི་ཕལ་ཆེར་རབ་བྱུང་བཅུ་བཞི་པའི་ནང་ཙམ་ན་རི་ཁྲོད་བསྐྱེད་དེ་དགོན་པ་དངོས་བྱུང་བ་ནས་བརྩིས་པའི་ཁྲོ་སྐྱབས་པ་དེ་ནི་ཐོག་མར་རྒྱ་སྐྱེད་མཛད་མཁན་ཡིན་པ་འདྲ། བླ་མ་དེ་གསུམ་ཀའི་སྐུ་པུར་ད་ལྟ་[page 515] དགོན་པའི་རྒྱབ་ལོགས་ན་མཇལ་རྒྱུ་ཡོད། རིམ་བཞིན་བརྒྱ་འབངས་ཚོ་བགོང་འོག་ཏུ་འདི་ལས་འཕྲོས་པའི་བསྙུང་གནས་ལྷ་ཁང་ཆུང་ངུ་དང་དུང་འཁོར་སོགས་བཞེངས་ཏེ། གཙོ་བོ་འཇམ་དབྱངས་ལྷ་ཁང་ནི་ཕྱིའི་ཐུན་མོང་ཡིན་ཞིང་། སྔོན་བླ་སེར་ཉི་ཤུ་ལྷག་ལ་ཁྱིམ་དུད་བདུན་ཙམ་དང་། དགོན་ཞིང་མོས་ཉི་ཤུ་ཙམ་དབང་བར་མཛད་ནས། རྟེན་བརྟེན་པར་བཅས་སྤུས་ལྡན་བཞུགས་པ་ཉི་ཤུ་རྩ་བཞིའི་རྒྱ་དམག་དང་། དམར་དམག་རྙིང་བའི་འཁྲུག་རྩོད་ཀྱི་གཙེས་པས། སླར་བླ་སེར་ཡང་བཅུ་ཙམ་ལ་བྲི། བཞི་རྒོལ་ལ་དགོ་ཆེ་ཆུང་ཀུན་ཕྱི་ནང་མེད་པར་བཅོམ་ནས། ད་ལྟ་སླར་ཡང་བརྒྱ་འབངས་ཚོ་པ་གོང་འོག་གི་རྒད་པོ་སུམ་ཅུ་ཙམ་རང་མོས་ཀྱིས་འཇམ་དབྱངས་ལྷ་ཁང་དེ་སྔར་ཤུལ་ལ་ཆུང་ངུ་ཞིག་གསོས། ཤིང་གླིང་ལོ་ནས་མགོ་བརྩམས་ཏེ་ད་བར་ལོ་བཅུ་གཅིག་ཙམ་སོང་། སྤྱིར་ཟླ་བ་གཉིས་བཞི་བདུན་པ་སོགས་ལ། ཚེས་བཅུ་སོགས་སྔོན་མའི་འཚོགས་པ་མང་ཡང་། ད་སྐབས་ཀྱང་ཟླ་བ་རེའི་ནང་བསྙུང་གནས་ཉིན་གཉིས་རེ་འདུག་པ་ཡོད་དོ༎ ༎

ས་མིང་ཚིག་མཛོད་མིག་བཤར།

ཧྲ་ཁོ་དགོན་ནི་ལ་རྒྱབ་རིའི་རི་བ་བྱ་བར་ཡོད་པའི་བོན་དགོན་ཞིག་ཡིན། དུས་ནི་ཆུ་ཆེན་དམག་འཁྲུག་གི་སྔོན་ཞིག་ནས་ཡོད་པས། སྐབས་དེར་སྟོད་སྨད་ཀྱི་བོན་དགོན་རྣམས་མང་དུ་འཇིག་པ་འདིར་བླ་མ་ཚོ་སྔགས་ནུས་བཟང་བས་བཞི་རྒོལ་བར་ཉམས་ཉེས་མ་བྱུང་ཟེར། རབ་བྱུང་བཅུ་བཞི་པའི་ནང་ཞིག་ལ་རྒྱ་སྐྱེད་ཀྱང་བཏབ་བ་འདྲ་ལ། དགོན་པའི་འཁྲིས་སུ་རྫོང་མཁར་རྩེགས་ལྔ་པ་ཞིག་ཀྱང་འགྱེལ་ལ་ཁད་དུ་ད་དུང་ལུས། འདི་ཡང་སྔོན་ནང་དུ་ལྷ་ཁང་དང་། རྩེ་ནས་བསང་གཏོང་ས། མཐའ་འཁོར་ལོས་བསྐོར་བ་ཡིན་འདུག བླ་སེར་ནི་ལྔ་དྲུག་ཙམ་ལས་སྔོན་ཡང་མང་རབས་མི་འདུག་སྟེ། རི་བའི་ཝ་བ་ཅན་སོགས་བླ་མ་བཟང་པོ་སྔ་གཞུག་ཏུ་བྱོན། དེ་དག་གཙང་སྨན་རི་སོགས་སུ་གྲྭ་ས་གཅོད་ཅིང་། དགོན་པ་འདིར་བསགས་པའི་རྟེན་བཞུགས་བཟང་པོ་ཞུས། ཟླ་བ་བདུན་པའི་ཚེས་བཅུའི་སྐབས་ཁྱིམ་དུད་སུམ་ཅུ་ལྷག་གི་སེར་སྐྱ་རྒན་གཞོན་ཀུན་ཆོས་ཀྱི་གླེགས་རྣམས་ཁུར་ནས་རི་སྐོར་བྱེད་པ་ཡང་ཡོད། གཞན་ཟླ་བ་གཉིས་པའི་བཅོ་ལྔ་ལ་སྒྲུབ་པ་འཚོགས་པ་དང་། ཟླ་བ་བཞི་པའི་བསྙུང་གནས་སོགས་འཚོགས་ཆོས་རའི་སྐབས་འགར་འབག་འཆམ་འདྲ་བྱེད་ཅིང་། འཆམ་གོས་སྤུས་ལེགས་ཆ་བཅུ་ལྷག་དང་། དགོན་ཞིང་བཅས་ཁྱིམ་དུད་གཅིག་དབང་བར་རྒྱལ་ཁྲལ་ཡང་མི་དགོས་པ་བཅས་སོ༎ ༎

[page 522]

ས་མིང་ཚིག་མཛོད་མིག་བཤར།

[page 523] དགོན་པའི་སྔོན་ལ་རི་འགོ་ལོགས་ལོགས་ཁྱད་པར་ཅན་ཞིག་ཡོད་པའི་གནས་རི་དེིའི་མིང་དགོན་པ་ལ་ཐོགས་པས་རི་ལོགས་དགོན་པ་ཞེས་བྱའོ། རབ་བྱུང་གསུམ་པའི་ཤིང་བྱི་ལོ་(སྤྱི་ལོ་༡༢༠༤)ལ་བླ་མ་གཏེར་སྟོན་འཆི་མེད་རྡོ་རྗེ་ཚང་གིས་དགོན་པ་བཏབ། དགོན་པའི་ཆགས་ཡུལ་དེ་རྒྱབ་རི་གཞིག་བདག་དང་མདུན་རི་ཟླུམ་པོ་མཐའ་ཐམས་ཅད་ནགས་ཚལ་གྱི་སྐོར་ཡོད་པའི་ས་ཆ་ཞིག་ཡིན། དགོན་འདིའི་མ་དགོན་ནི་རི་ཁུག་དགོན་པ་ཡིན། གྲུབ་མཐའ་ནི་གནའ་ནས་ད་ལྟའི་བར་ས་སྐྱ་བ་ཡིན། བླ་རབས་ཉི་ཤུ་རྩ་གསུམ་ཡོད། གཏེར་སྟོན་འཆི་མེད་རྡོ་རྗེ་(འདིའི་བར་གྱི་བླ་མ་མང་ཆེ་ཞིག་འཇང་དམག་གིས་གནོད་འཚེ་ཐེབས་པས་གསལ་ཆ་མི་འདུག)རི་ཁུག་དར་རྒྱས། བླ་མ་བསོད་ནམས་བཟང་པོ། ཤ་སྦུ་ཀ་བཅུ། ཝམ་འབྲིང་བླ་མ། བློ་བཟང་དཔལ་ལྡན། དཔལ་ལྡན་རྒྱལ་མཚན། ཁང་རྗེས་ཟླ་བ། སངས་རྒྱས་བསྟན་འཛིན། བློ་གྲོས་ཆོས་འཕེལ། ངག་དབང་སེངྒེ། འཇམ་དབྱངས་ལེགས་བཤད། ཆོས་གྲགས། ངག་དབང་བསྟན་འཛིན། བཀྲ་ཤིས་ཀུན་དགའ། དབང་ཕྱུག་རབ་བརྟན། ཟུར་བ་རབ་བརྟན། བསོད་ནམས་རྒྱ་མཚོ། འཇམས་དབྱངས་འོད་ཟེར། ཚེ་དབང་བསྟན་འཛིན། སྤྲུལ་དམག། ཆོས་མཛད། དཔལ་ལྡན་རྡོ་རྗེ། བླ་མ་དམ་ཆོས། འགན་འཁུར་མཁན་སྐོར། བསྟན་བདག་གཅིག ཁྲི་བ་གཅིག་(སྔོན་ཆད་རི་ཁུག་ནས་ཁྲི་པ་གཏོང་དགོས)དབུ་མཛད་གཅིག དགེ་སྐོས་གཅིག། ཕྱག་མཛོད་གཅིག མགོན་བླ་གཅིག གཉེར་པ་གཉིས། མཆོད་དཔོན་གཉིས། གྲྭ་པ་སུམ་ཅུ་ཡོད། ཁང་པའི་འཛུགས་སྐྲུན་སྐོར། གཙུག་ལག་ཁང་གཅིག་དང་། གཉེར་ཁང་གཅིག ཇ་ཁང་གཅིག བླ་བྲང་ཁང་གཅིག གྲྭ་ཤག་བཞི། མགྲོན་ཁང་གཅིག ཁང་ཚན་བཞི་ཡོད།

སྐུ་གསུང་ཐུགས་རྟེན་སྐོར་ལ་འདམ་ལས་བཟོས་པའི་གུ་རུ་གཙོ་འཁོར་གསུམ། མར་མེ་མཛད་གཅིག ཐུབ་པ་གཅིག འཇམ་དབྱངས་གཅིག སྲུང་མའི་སྐུ་ཆ་ཚང་བ་གཅིག གསེར་སྐུ་ཆེ་ཆུང་ཉི་ཤུ་རྩ་ལྔ། ཞལ་ཐང་ཆེ་ཆུང་སུམ་ཅུ་སོ་གཅིག ཐང་མོ་ཆེ་ཀ་ཐག་གསུམ་ཅན་གཅིག་བཀའ་འགྱུར་གཅིག གསེར་བྲིས་དངུལ་བྲིས་ཀྱི་བཀའ་འགྱུར་གཅིག འབུམ་ཚར་གཅིག སྐུ་གདུང་མཆོད་རྟེན་གཅིག་བཀའ་གདམས་མཆོད་རྟན་གཅིག་བཅས་ཡོད་ཡོད།། གནའ་རྫས་རྩ་ཆེན་སྐོར། སྦུག་ཆལ་རྩ་ཆེན་གཉིས། རྒྱ་ནག་ཆུ་འཁོར་ཆར་ཕབས་ཟེར་བ་གཅིག གུ་གུ་ཤའི་སྡེར་མ་གཅིག དངུལ་ལས་གྲུབ་པའི་སྤྱན་རས་གཟིགས་གཅིག དུང་དཀར་རང་གྲགས་གཅིག རིན་ཆེན་ཟླུམ་རི་ཟེར་བ་གཅིག མཆོད་ཆ་དང་རོལ་ཆས་སྐོར། ལི་དང་ཟངས་ལས་གྲུབ་པའི་ཏིང་ཕོེེར་ཆ་དྲུག བུམ་པ་ཆ་གཉིས། ནང་མཆོད་ཆ་གཉིས། མཎྜལ་ཆ་གཅིག གདུགས་སོགས་མཆོད་རྫས་ཆ་ཚང་བ་གཅིག དུང་ཆོས་ཆ་ཚང་བ་གཉིས། སྦུག་ཆལ་ཆ་བརྒྱད། [page 524] སིལ་སྙན་ཆ་གཅིག རྡོར་དྲིལ་ཆ་བརྒྱད། ལག་རྔ་ཆ་དྲུག མཆོད་རྔ་གཉིས། རྒྱ་གླིང་ཆ་གཉིས། རྐང་གླིང་ཆ་གཉིས། དུང་ཆེན་ཆ་གསུམ། འཁར་རྔ་གཅིག་བཅས་ཡོད།

དུས་མཆོད་འཚོགས་རྒྱུ་ལ་དབྱར་ཆོས་དང་དགུན་ཆོས་སྐབས་སུ་འབག་འཆམ་རྒྱག་རྒྱུ་དང་བཅས་པ་ཡོད། བསང་གསོལ་སྐབས་བསང་དར་དང་མགོན་དར་ཕྱར་དགོས། དཔལ་འབྱོར་གྱི་ཡོང་ཁུངས་ནི། ཆོས་ཞིང་ཁལ་ཉིས་བརྒྱ་བཞི་བཅུ་དང་སྦྱིན་བདག་ཚོའི་འབུལ་བ་ལ་འཚོ་བ་བརྟེན་དགོས། སྦྱིན་བདག་གི་དུད་གྲངས་དྲུག་ཅུ་ཡོད། ཐབ་ཆ་དང་དངོས་རྫས་རིགས་འགའི་སྐོར། ཚོགས་ཟངས་ཆེ་ཆུང་བདུན། སྐྱོག་ཆེ་ཆུང་བཅུ་གཉིས། སྡེར་མ་བཅུ་བཞི། ཆུ་ཟོམ་སུམ་ཅུ་སོ་གསུམ། གདན་རིང་དགུ་ཡོད་པ་དག་རྗེས་སུ་ངོ་རྒོལ་བཞིས་གཏོར་བརླག་བཏང་། དེང་སང་གི་གནས་ཚུལ། དེང་སྐབས་འདུ་ཁང་དང་། སྲུང་མ་ཁང་། གཉེར་ཁང་། ཇ་ཁང་། བླ་བྲང་ཁང་། ཁང་ཚན་བཞི་བཅས་བཞེངས་ཡོད། ལྷ་ཁང་ནང་དུ་གུ་རུ་གཙོ་འཁོར་གསུམ་དང་། འོད་དཔག་མེད་གཅིག ཐུབ་སྐུ་གཅིག་སྲུང་མའི་སྐུ་གསུམ། ཐང་ག་བཅོ་ལྔ། ཞལ་འབག་ཉི་ཤུ་རྩ་ལྔ། བཀའ་འགྱུར་གཅིག འབུམ་ཚར་གསུམ་བཅས་འཛོམས་ཡོད། མཆོད་རོལ་ཆ་ཚང་བ་དང་དུས་མཆོད་ཀྱང་སྔར་ལྟར་ཚུགས་ཟིན། སྦྱིན་བདག་གི་དུད་གྲངས་ནི་བརྒྱད་ཅུ་གྱ་དྲུག་ཡོད། གྲྭ་པ་སུམ་ཅུ་སོ་ལྔ་འདུག་ད་སྐབས་འགན་ཁུར་མཁན་གཙོ་བོ་ནི་ཐབས་མཁས་དང་རིན་ཆེན་བློ་གྲོས་བཅས་ཀྱིས་དགོན་པའི་གཙོ་སྐྱོང་གནང་བཞིན་པའོ།།

ཞེས་པ་འདི་ནི་རི་ལོགས་བླ་མ་མཁས་གྲུབ་ཀྱི་ངག་རྒྱུན་ལྟར་རིག་བསྟན་གྱིས་བྲིས་པ་དགེའོ།

ས་མིང་ཚིག་མཛོད་མིག་བཤར།

སྦྱར་བ་དགོན་པ་ཟེར་བའི་རྒྱུ་མཚན་ནི་ས་ཆ་དེར་སྦྱར་བ་ཤིང་ཞེས་པ་ཞིག་སྐྱེས་ཡོད་པའི་ཤིང་སྡོང་དེ་བཅད་ནས་ཤུལ་དུ་དགོན་པ་བཞེངས་པར་སྦྱར་བ་དགོན་པ་ཞེས་མིང་ཐོགས་སོ།། རབ་བྱུང་བཅུ་གཉིས་པའི་ལྕགས་བྱི་ལོ་(1720)ལ་བྱ་འོང་བླ་མ་བསྟན་པས་ས་གནས་དེར་དགོན་པ་བཏབ། གྲུབ་མཐའ་ས་སྐྱ་བ་ཡིན། བླ་རབས་བཅུ་གཅིག་ཡོད་པ། བླ་མ་བསྟན་པ། ངག་དབང་བྱམས་པ། ཨ་འོ་བླ་མ། སྒྲོལ་མགོན་བླ་མ། འབའ་རྒྱང་བླ་མ། བསོ་རྒན་བླ་མ། མ་རེ་བླ་མ། ཨོ་རྒྱན་བླ་མ། ཐ་དག་བླ་མ་ཚེ་འཕེལ། བླ་མ་གྲགས་པ། འགན་ཁུར་སྐོར། བསྟན་བདག་གཅིག ཁྲི་བ་གཅིག་དབུ་མཛད་གཅིག དགེ་སྐོས་གཅིག ཕྱག་མཛོད་གཉིས། མགོན་བླ་གཅིག གཉེར་པ་གཅིག གྲྭ་པ་སུམ་ཅུ་ཡོད། ཁང་བའི་འཛུགས་སྐྲུན་སྐོར། འདུ་ཁང་གཅིག གཉེར་ཁང་གཅིག ཇ་ཁང་གཅིག མགོན་ཁང་གཅིག གྲྭ་ཤག་བཅུ་གཅིག་བཅས་ཡོད།

སྐུ་གསུང་ཐུགས་རྟེན་གྱི་སྐོར་ས་སྐྱའི་གོང་རྣམ་ལྔ་དང་། རྗེ་ཡབ་སྲས་གསུམ། ཇོ་བོ་གཅིག གུ་རུ་ཞིག སྤྱན་རས་གཟིགས་ཕྱག་སྟོང་སྤྱན་སྟོང་། བྱམས་པ། རིགས་གསུམ་མགོན་པོ་བཅས་ནི་འདམ་སྐུ་[page 525] ལས་གྲུབ་པ་ཡིན། གསེར་སྐུ་བཅུ། ཐང་ག་ཆེ་ཆུང་བཅུ་གསུམ། བཀའ་བསྟན་ཆ་གཅིག བརྒྱད་སྟོང་ཚར་ལྔ། འབུམ་ཚར་གསུམ། མཆོད་རྟེན་གཅིག་སོགས་མང་པོ་ཡོད་དོ།། གནའ་རྫས་རྩ་ཆེན་ཞིག་ལ་ཚོགས་ཟངས་ཡག་པོ་ཞིག་ཡོད། མཆོད་ཆ་དང་རོལ་ཆས་སྐོར། ཏིང་ཕོར་ཆེ་ཆུང་བརྒྱད། བུམ་པ་ཆ་གཉིས། ནང་མཆོད་གཅིག མཎྜལ་ཆ་གཅིག དངུལ་ཀོང་གཅིག ཀོང་ཆུང་བརྒྱ་མཆོག་གཅིག་གདུགས་རྒྱལ་མཚན་བ་དན་ཀ་འཕན་བཅས་ཆ་ཚང་བ་གཅིག་དུང་ཆོས་ཆ་གཅིག དུང་གཉིས། སྦུག་ཆལ་ཆ་ལྔ། སིལ་སྙན་གཅིག རྡོར་དྲིལ་ཆ་བདུན། ཌ་མ་རུ་བདུན། ལག་རྔ་ལྔ། མཆོད་རྔ་བཞི། རྐང་གླིང་ཆ་གཉིས། རྒྱ་གླིང་ཆ་གཅིག དུང་ཆེན་ཆ་གཅིག་བཅས་ཡོད།

དུས་མཆོད་ཆོས་འཚོགས་སྐོར། ལོ་རེར་ཟླ་བ་དང་པོའི་ནང་སྨོན་ལམ་ཉིན་བཅོ་ལྔ། ཟླ་བ་བཞི་པའི་ནང་སྒྲུབ་མཆོད་ཉིན་བཅོ་ལྔ། དབྱར་ཁ་བསྐང་གསོལ་ཉིན་བཅུ། ཟླ་བ་བཅུ་གཉིས་པའི་ནང་དགུ་གཏོར་ཉིན་གསུམ་བཅས་འཚོགས་སྲོལ་ཡོད། དགོན་པ་འདིའི་མ་དགོན་ནི་མི་འགྱུར་དགོན་ཡིན། སྦྱིན་བདག་དུད་གྲངས་སུམ་ཅུ་སོ་གསུམ་ཡོད། ངོ་རྒོལ་བཞི་སྐབས་དགོན་པ་རྩ་མེད་དུ་བཏང་།

དེང་སང་གི་གནས་ཚུལ། བླ་མ་གྲགས་པས་གཙོ་འགན་བཞེས་ས་འདུ་ཁང་དང་། སྲུང་མ་ཁང་། ཇ་ཁང་གཉེར་ཁང་བཅས་དང་སྨན་འདམ་གྱི་སྐུ་གོང་མ་རྣམ་ལྔ། ཇོ་བོ། རིགས་གསུམ་མགོན་པོ། གུ་རུ། བྱམས་པ་བཅས་བཞེངས་ཡོད། གཞན་ཡང་བཀའ་བསྟན་གཉིས་དང་འབུམ་ཚར་གསུམ། བརྒྱད་སྟོང་དང་གཟུངས་འདུས་བཀའ་ཐང་སོགས་མང་པོ་བླུས་ཡོད། མཆོད་རོལ་དང་ཆོས་འཚོགས་བཅས་ཆ་ཚང་བ་ཡོད། སྦྱིན་བདག་གི་དུད་གྲངས་བརྒྱད་ཅུ་གྱ་གཉིས་ཡོད། གྲྭ་པ་ཉི་ཤུ་རྩ་དགུ་ཡོད། ད་སྐབས་འགན་ཁུར་མཁན་བླ་མ་ཚེ་འཕེལ་དང་བློ་བཟང་ཚེ་རིང་བཅས་ཡིན། ཞེས་པ་འདི་ནི་ངག་དབང་དགེ་འདུན་སོགས་ཀྱི་ངག་རྒྱུན་ལྟར་རིག་བསྟན་གྱིས་བྲིས་པ་དགེའོ།། །།

ས་མིང་ཚིག་མཛོད་མིག་བཤར།

མཚོ་སྔོན་དགོན་པ་ཞེས་པའི་དོན་ནི་དགོན་པའི་མདུན་ན་མཚོ་མདོག་ཧ་ཅང་སྔོན་པོ་ཞིག་ཡོད་པས་མིང་དེ་ལྟར་ཐོགས་སོ། ས་ཆ་དེར་སའི་སྲུང་བཞི་དང་ནགས་ཚལ་སོགས་ཡག་པོ་འཛོམས་ཡོད། རབ་བྱུང་བཞི་པའི་ལྕགས་སྤྲེལ་ལོ་(1260)ལ་བླ་མ་འཇམ་དབྱངས་ཕུན་ཚོགས་ཚང་གིས་དགོན་པ་བཏབ། རྗེས་སུ་དགོན་པ་བསྐྱར་འདེབས་བྱེད་མཁན་ཆོས་རྒྱལ་བེ་ཝང་ཀ་བཅུ་ཚང་ཡིན་ཟེར མ་དགོན་ནི་མི་འགྱུར་དོན་པ་ཡིན། གྲུབ་མཐའ་ནི་ས་སྐྱ་པ་རེད། བླ་རབས་ཉི་ཤུ་རྩ་གསུམ་ཡོད་པ། བླ་མ་འཇམ་དབྱངས་ཕུན་ཚོགས། (བེ་ཝང་ཀ་བཅུ)ཡར་འཕེལ་སྤྲུལ་སྐུ། བླ་མ་བློ་བཟང་། ཀུན་དགའ་སངས་རྒྱས། ཀུན་དགའ་ཚུལ་ཁྲིམས། བླ་མ་བསྟན་འཛིན། ཁང་གསར་དགེ་འདུན། བླ་མ་དགེ་འདུན་རྒྱ་མཚོ། བླ་མ་ཤེས་རབ་[page 526] དཔལ་ལྡན། བླ་མ་ཐུབ་བསྟན། བླ་མ་རྒྱལ་མཚན། བསྟན་འཛིན་འོད་ཟེར། ངག་དབང་ཕུན་ཚོགས། ཨ་ཉར་ཨོ་རྒྱན། ཐབས་མཁས། གཞན་ཕན། དམ་ཆོས་བཟང་པོ། བླ་མ་ཤ་རྒྱག རིན་ཆེན་དཔལ་བཟང་། བླ་མ་དྲི་མེད། བླ་མ་ཆོས་བཟང་། ངག་དབང་དཔལ་བཟང་། མཁས་གྲུབ་རྒྱ་མཚོ་དང་ཉེར་གསུམ་མོ། འགན་ཁུར་མཁན་སྐོར། བསྟན་བདག་གཅིག་དང་། ཁྲི་བ་གཅིག དབུ་མཛད་གཉིས། དགེ་སྐོས་གཉིས། ཕྱག་མཛོད་གཉིས། མགོན་བླ་གཅིག གཉེར་པ་གཉིས། མཆོད་དཔོན་གཉིས། གྲྭ་པ་ལྔ་བཅུ་ང་བདུན་ཙམ་བཅས་ཡོད། ཁང་པའི་འཛུགས་སྐྲུན་སྐོར། གཙུག་ལག་ཁང་གཉིས། གཉེར་ཁང་གཅིག ཇ་ཁང་གཅིག བླ་བྲང་ཁང་གཉིས། གྲྭ་ཤག་དགུ།

སྐུ་གསུང་ཐུགས་རྟེན་སྐོར། སྨན་འདམ་ལས་གྲུབ་པའི་སྟོན་པ་གཙོ་འཁོར་གསུམ། གུ་རུ་གཙོ་འཁོར་གསུམ། ཚེ་དཔག་མེད་གསུང་འབྱོན་མ་གཅིག སྲུང་མ་གུར་མགོན་ཆ་ཚང་བ། ས་པཎ་སྐུ་གཅིག རིགས་གསུམ་མགོན་པོ། གསེར་སྐུ་ཆེ་ཆུང་བཅོ་བརྒྱད། ཐང་ག་ཆེ་ཆུང་དྲུག་ཅུ་ལྷག་ཡོད། ཙན་དན་གྱི་དཔལ་ལྡན་ལྷ་མོའི་སྐུ་གཅིག ཐང་མོ་ཆེ་གཅིག བཀའ་བསྟན་ཆ་གཅིག གསེར་དངུལ་གྱི་བྲིས་པའི་འབུམ་ཚར་གཉིས། སྐུ་གདུང་མཆོད་རྟེན་གསེར་དངུལ་གྱིས་རྒྱན་པ་གཅིག་ས་རྡོའི་མཆོད་རྟེན་གཉིས་བཅས་ཡོད། གནའ་རྫས་གཙོ་བོའི་གལ་ཆེན་སྐོར། སྦུག་ཆལ་གཅིག་དང་། རྡོར་དྲིལ་ཆ་གཅིག དུང་དཀར་རྩ་ཆེན་གཅིག་བཅས་ཡོད། མཆོད་ཆ་དང་རོལ་ཆས་སྐོར། ཏིང་ཕོར་ཆ་ལྔ། བུམ་པ་ཆ་གཉིས། ནང་མཆོད་ཆ་གཉིས། མཎྚལ་ཆ་གསུམ། གསེར་ཀོང་གཅིག དངུལ་ཀོང་བདུན། གདུགས་དང་རྒྱལ་མཚན་བ་དན་ཀ་འཕན་བཅས་ཆ་ཚང་བ་ཡོད། དུང་ཆ་གཉིས། དུང་ཆོས་ཆ་ཚང་ཆ་གཉིས། སྦུག་ཆལ་ཆ་དགུ། སིལ་སྙན་ཆ་གཅིག རྡོར་དྲིལ་ཆ་ལྔ། ལག་རྔ་ཆ་བརྒྱད། མཆོད་རྔ་ཆ་གསུམ། རྐང་གླིང་ཆ་གཉིས། རྒྱ་གླིང་ཆ་གཉིས། དུང་ཆེན་ཆ་གཉིས། འཁར་རྔ་གཅིག་ཡོད། དུས་མཆོད་དང་སྒྲུབ་མཆོད་ཀྱི་ཆོས་ཚོགས་སྐོར་ལ་དབྱར་ཆོས་དང་དགུན་ཆོས། འབག་འཆམ་བཅས་ཆ་ཚང་བ་ཡོད། བསང་གསོལ་འདོན་སྐབས་མགོན་དར་དང་བསང་དར་ཕྱར་དགོས། དཔལ་འབྱོར་གྱི་འོང་ཁུངས་ནི་ཆོས་ཞིང་ཅུང་ཟད་དང་དད་འབངས་ཀྱི་སྐྱབས་འཇུག་ཞུ་རྟེན་ལ་བརྟེན་དགོས། སྦྱིན་བདག་གི་དུད་གྲངས་དྲུག་ཅུ་ཙམ་ཡོད། ཐབ་ཆས་སོགས་ཀྱི་སྐོར། ཚོགས་ཟངས་ཆེ་ཆུང་བརྒྱད། ཆུ་ཟོམ་སོ་གཅིག སྐྱོགས་བཅུ་གཅིག གདན་རིང་དགུ། རྗེས་སུ་ངོ་རྒོལ་བཞིས་དགོན་པ་རྩ་མེད་བཏང་ངོ་།།

དེང་སང་གི་གནས་ཚུལ། ད་སྐབས་འདུ་ཁང་དང་། སྲུང་མ་ཁང་། གཉེར་ཁང་། ཟ་ཁང་། དུང་འཁོར་ཁང་གཅིག་བཅས་བཞེངས་ཡོད། ནང་དུ་སྐུ་གསུང་ཐུགས་རྟེན་སྐོར་ལ་འདམ་ལས་བཟོས་པའི་གུ་རུ་གཙོ་འཁོར་གསུམ་དང་ཐང་ག་བརྒྱད། བཀའ་འགྱུར་ཚར་གཅིག འབུམ་ཚར་གཅིག བཀའ་ཐང་དང་གཟུངས་བརྒྱད་སྟོང་བཅས་ཡོད། མཆོད་རོལ་དང་མཆོད་རྫས་ཆ་ཚང་བ་ཡོད། ཆོས་འཚོགས་དང་འཆམ་འབག་བཅས་ཅུང་ཟད་འཛོམས་ཡོད། སྦྱིན་བདག་གི་དུད་གྲངས་བརྒྱ་དང་སུམ་ཅུ་ལྷག་ཡོད། གྲྭ་[page 527] པ་ཉི་ཤུ་རྩ་ལྔ་ཡོད། དེང་སྐབས་འགན་ཁུར་མཁན་ནི་བླ་མ་ལུང་རིགས་དང་བླ་མ་འཇིགས་མེད། བླ་མ་འཇམ་དཔལ་སོགས་ཀྱིས་གཙོ་བོར་བྱས་ཏེ་ཡོད་དོ། ཞེས་པ་འདི་ནི་བླ་མ་བློ་བཟང་དང་གསང་སྔགས་གཉིས་ཀྱི་ངག་རྒྱུན་ལྟར་རིག་བསྟན་གྱིས་བྲིས་པ་དགེའོ།། །།

ས་མིང་ཚིག་མཛོད་མིག་བཤར།

ལས་སྨོན་དགོན་ཞེས་པའི་རྒྱུ་མཚན་ནི་དགོན་པ་ཆགས་སའི་ས་མིང་ལ་ལས་སྨོན་ཟེར་བའི་རྐྱེན་གྱིས་ས་མིང་དེ་དགོན་པ་ལ་བཏགས་པ་ཡིན། རབ་བྱུང་གསུམ་པའི་ཤིང་ཡོས་ལོ་ལ་(1195) བླ་མ་མཐུ་སྟོབས་རྡོ་རྗེས་བཏབ། ས་དཔྱད་སྐོར་ཕུན་གསུམ་ཚོགས་ཤིང་ལྟ་ན་སྡུག་པ་ཞིག་ཡོད་དོ། མིང་གི་རྣམ་གྲངས་ལ་འགྲ་ལས་སྨོན་དགོན། ལས་སྨོན་ཆོས་འཁོར་གླིང་བཅས་དང་། གྲུབ་མཐའ་ནི་གནའ་ནས་ད་བར་དུ་ས་སྐྱ་བ་ཡིན། བླ་རབས་བཅུ་གཉིས་ཡོད་པ་དེ་རེ་རེ་ནས་ཤེས་འདོད་ན་འགྲ་ཡང་ལྡན་དགོན་པའི་ལོ་རྒྱུས་ན་གསལ་བས་དེར་གཟིགས་རོགས་ཞུ། དགོན་པ་འདིའི་མ་དགོན་ཡང་ལྡན་དགོན་པ་ཡིན་ནོ། འགན་ཁུར་མཁན་སྐོར། བསྟན་བདག་ནི་མཐུ་སྟོབས་རྡོ་རྗེ་སོགས་ཡིན། ཁྲི་བ་དམ་ཆོས་རྒྱལ་མཚན་བཅས་སོ། དབུ་མཛད་གཉིས། དགེ་སྐོས་གཉིས། ཕྱག་མཛོད་གཉིས། མགོ་བླ་གཅིག གྲྭ་པ་ཉི་ཤུ་ཙམ་ཡོད། དགོན་འདིའི་སྦྱིན་བདག་གི་དུད་གྲངས་ཉིས་བརྒྱ་ལྷག་ཙམ་ཡོད། ས་ཁྱོན་ཆེ་ཆུང་ཁལ་ཉིས་བརྒྱ་བཞི་བཅུ་ལྷག་ཡོད། ཁང་བའི་འཛུགས་སྐྲུན་སྐོར། འདུ་ཁང་གཅིག གཉེར་ཁང་གཅིག ཇ་ཁང་གཅིག བླ་བྲང་ཁང་གཅིག མགོན་ཁང་གཅིག གྲྭ་ཤག་སུམ་ཅུ། ཐབ་ཆས་སྐོར་ཚོགས་ཟངས་གཉིས། ཆུ་ཟོམ་ལྔ། ཟོ་ཁྲ་བཅུ། ཟངས་རག་གི་སྐྱོགས་ཆ་བཅུ། སྡེར་མ་ལྔ་བཅས་ཡོད། སྐུ་གསུང་ཐུགས་རྟེན་སྐོར། རྡོར་སེམས་ཀྱི་སྐུ་ཁྱད་པར་ཅན་གཅིག ཞི་ཁྲོ་དམ་པ་རིགས་བརྒྱ། སྟོན་པའི་སྐུ་གཅིག བཀའ་བསྟན་ཆ་གཅིག མཛོད་བདུན་ཚར་གཅིག ས་རྙིང་གཉིས་ཀྱི་འདོན་ཆ་སྐོར་ཆ་ཚང་བ་གཅིག ས་རྡོའི་མཆོད་རྟེན་ཆ་བརྒྱད་གཅིག རྟེན་གཙོ་གསེར་བྲིས་ཀྱི་ཐང་མོ་ཆེ་གཅིག ས་རྡོའི་མཆོད་རྟེན་ཆ་བརྒྱད་གཅིག རྟེན་གཙོ་གསེར་བྲིས་ཀྱི་ཐང་མོ་ཆེ་གཅིག མཆོད་ཆ་དང་རོལ་ཆས་སྐོར། ཏིང་ཕོར་ཆ་བཅུ། བུམ་པ་ཆ་ལྔ། ནང་མཆོད་ཆ་ལྔ། མཎྜལ་ཆ་གསུམ། དངུལ་ཀོང་ཆ་ལྔ། ཀོང་ཆུང་བརྒྱ་མཆོད་གཅིག གདུགས་རྒྱལ་མཚན་བ་དན་ཀ་འཕན་བཅས་ཆ་ཚང་བ་གཅིག དུང་ཆ་བཞི། དུང་ཆོས་དང་གཟུངས་ཐག་རྡོ་རྗེ་ཆ་གསུམ། སྦུག་ཆལ་ཆ་བཅུ། སིལ་སྙན་ཆ་གསུམ། རྡོར་དྲིལ་ཆ་ཉི་ཤུ། ཌ་མ་རུ་ཆ་ལྔ། ལག་རྔ་ཆ་བཅུ། མཆོད་རྔ་ཆ་བཞི། རྐང་གླིང་ཆ་གསུམ། རྒྱ་གླིང་ཆ་གཉིས། དུང་ཆེན་ཆ་གཉིས། འཁར་རྔ་གཉིས། དུས་མཆོད་དང་འབག་འཆམ་སྐོར། སྨོན་ལམ་ཉིན་བཅོ་ལྔ་འཚོགས་དགོས། དཀོན་མཆོག་སྤྱི་འདུས་ཉིན་ལྔ། བསྙུང་གནས་ཆ་བརྒྱ། བཅའ་རྡུང་འབུད་གསུམ་སྦྱོང་བརྡར་ཟླ་བ་གཅིག་ལ་བྱེད་དགོས། བཤད་གྲྭ་མེད། སྒྲུབ་གྲྭ་ལ་མཚམས་[page 528] བསྙེན་སྒྲུབ་རྒྱ་ཆེན་མཛད་སྲོལ་ཡོད་ཟེར། དཔལ་འབྱོར་གྱི་འོང་ཁུངས་ནི། མི་སེར་དད་ལྡན་ཚོས་ཕུལ་བའི་རྒྱུ་རྫས་མ་གཏོགས་གཞན་ཅི་ཡང་མེད། ངོ་རྒོལ་བཞི་དང་རིག་གནས་གསར་བརྗེ་བཅས་ཀྱིས་གཏོར་བཤིག་ཚབས་ཆེན་ཐེབས་ནས་དགོན་པ་རྩ་མེད་དུ་བཏང་། ད་ལྟ་གྲྭ་པ་ཉེར་ལྔ་ཙམ་ཡོད་ཀྱང་འདུ་ཁང་སོགས་ལས་མ་ཐུབ་ཅིང་ཆ་རྐྱེན་ཤིན་ཏུ་ཞན།

ས་མིང་ཚིག་མཛོད་མིག་བཤར།

ཐུབ་པ་དགོན་ཞེས་མིང་དུ་ཐོགས་པའི་རྒྱུ་མཚན་ནི་དགོན་པ་འདེབས་པ་པོའི་བླ་མའི་མིང་དགོན་པ་ལ་བཏགས་པའི་ཡིན་ནོ། རབ་བྱུང་བདུན་པའི་མེ་ཡོས་(སྤྱི་ལོ1387)ལ་བླ་མ་ཐུབ་པ་རྟོགས་ལྡན་ཚང་གིས་བཏབས། དགོན་པའི་མིང་ལ་ཐུབ་པ་དགོན་དང་། ཐུབ་དགོན་ནོར་བུ་གླིང་ཡང་ཟེར། སྔར་གྱི་གྲུབ་མཐའ་ནི་ཇོ་ནང་བ་ཡིན་པར་གྲགས། དེང་སང་གྲུབ་མཐའ་ས་སྐྱ་ཡིན། ཁྲི་རབས་གསུམ་ཡོད་པ། ཨ་ར་རྗེས་བླ་མ་རིན་ཆེན་བཟང་པོ། མི་འགྱུར་མགོན་པོའི་བླ་མ་ངག་དབང་། ཨ་ཚང་བླ་མ་ཀུན་དགའ་ཚུལ་ཁྲིམས་གསུམ་པོ་ཡིན།

འགན་ཁུར་མཁན་སྐོར། བསྟན་བདག་གཅིག དབྱར་གནས་མཁན་པོ་གཅིག དབུ་མཛད་གཅིག དགེ་སྐོས་གཅིག ཕྱག་མཛོད་གཅིག་གཉེར་པ་གཉིས། མགོན་བླ་གཅིག མཆོད་དཔོན་གཅིག གྲྭ་པ་བཞི་བཅུ་ཙམ་ཡོད། ཕྱིའི་འཛུགས་སྐྲུན་སྐོར། འདུ་ཁང་གཅིག གཉེར་ཁང་གཉིས། ཇ་ཁང་གཅིག སྤྱན་རས་གཟིགས་ཕྱག་སྟོང་སྤྱན་སྟོང་ཡོད་པ་གཅིག་གི་ལྷ་ཁང་། མ་ཎི་དུང་འཁོར་གཉིས། བླ་བྲང་ཁང་གཅིག་མགོན་ཁང་གཅིག གྲྭ་ཤག་ཉེར་གཉིས་ཡོད། སྐུ་གསུང་ཐུགས་རྟེན་སྐོར། བྱམས་པ་གསེར་ཟངས་ལས་གྲུབ་པ་ཁང་བརྩེགས་གཅིག་ཅན་གཅིག ཇོ་བོ་གཅིག སྟོན་པ་གསེར་ཟངས་ལས་གྲུབ་པ་གཅིག ཐུབ་པ་རྟོགས་ལྡན་གྱི་སྐུ་གདུང་གསེར་ཟངས་ལས་གྲུབ་པ་གཅིག སྨན་འདམ་སྐུ་ཆེ་ཆུང་བཞི་བཅུ་ཙམ་དང་གསེར་སྐུ་ཆེ་ཆུང་བཞི་བཅུ་ཡོད། ཐང་ག་ཆེ་ཆུང་དྲུག་ཅུ། མགོན་ཁང་ནང་ལ་སྲུང་མའི་སྐུ་ཆ་ཚང་བ་བཅས་བཞེངས་ཡོད། བཀའ་བསྟན་ཆ་གཅིག གསེར་དངུལ་གྱིས་བྲིས་མ་འབུམ་ཀ་ཐག་དོ་ཡོད་པ་གཅིག དེ་མིན་འབུམ་ཆ་གཅིག ས་སྐྱའི་འདོན་ཆ་ཆ་ཚང་བ་དང་དེ་མིན་དཔེ་ཆ་མང་ཙམ་ཡོད། བཀའ་གདམས་མཆོད་རྟེན་ཆ་ལྔ་དང་། ས་རྡོའི་མཆོད་རྟེན་བཞི་ཡོད། རྟེན་རྩ་ཆེན་སྐོར། གསེར་སྐུ་གཅིག སྦུག་ཆལ་འཛམ་གླིང་གཡས་བཞག་ཟེར་བ་གཅིག ས་དེར་དགོན་པ་འདེབས་པ་པོའི་གྲུབ་ཆུ་དང་ཞབས་རྗེས་སྐུ་རྗེས་སོགས་མང་ཙམ་ཡོད། དགུན་ཁ་འཁྱགས་རོམ་མེད་པའི་ལུང་ཆུང་དང་ཁ་བ་མི་འབབ་སའི་རྡོ་བཅས་ངོ་མཚར་ཆེ་བ་དུ་མ་ཡོད། མཆོད་ཆ་དང་རོལ་ཆས་སྐོར། ཏིང་ཕོར་ལི་དང་དངུལ་ཟངས་བཅས་ཀྱི་གྲུབ་པ་ཆ་ལྔ་བཅུ། བུམ་པ་ཆ་བཅུ། ནང་མཆོད་ཆ་བཅུ་མཎྜལ་ཆ་བདུན། དངུལ་ཀོང་ཆེ་ཆུང་བཅོ་ལྔ། ཀོང་[page 529] བུ་ཆུང་བ་བརྒྱ་མཆོད་གསུམ། གདུགས་རྒྱལ་མཚན་བ་དན་ཀ་འཕན་བཅས་ཆ་ཚང་བ་གཉིས། དུང་ཆ་གཉིས། དུང་ཆོས་དང་གཟུངས་ཐག་རྡོ་རྗེ་ཆ་ལྔ། སྦུག་ཆལ་ཆ་བཅོ་ལྔ། སིལ་སྙན་ཆ་གསུམ། རྡོར་དྲིལ་ཆ་གསུམ། ལག་རྔ་བཅུ་གཅིག མཆོད་རྔ་ཆ་གཅིག རྐང་གླིང་ཆ་བཞི། རྒྱ་གླིང་གསེར་དངུལ་ལས་གྲུབ་པ་ཆ་གསུམ། དུང་ཆེན་ཆ་གཉིས་ཡོད། ཆོས་འཚོགས་དང་འབག་འཆམ་སྐོར། དབྱར་གནས། ཀྱཻ་རྡོར་སྒྲུབ་མཆོད། རྒྱུན་ཇ། དགུན་ཆོས་བཅས་ཀྱི་སྲོལ་ཡོད། བཤད་གྲྭ་དང་སྒྲུབ་གྲྭ་ནི་མེད། རང་དགོན་གྱི་མ་དགོན་ནི་གཙང་ངོ་རུ་དགོན་པ་ཡིན།

དཔལ་འབྱོར་གྱི་འོངས་ཁུངས་ནི་དད་ལྡན་གྱིས་རྒྱུ་རྫས་འབུལ་བ་དང་དགོན་པའི་ས་ཞིང་ལ་བརྟེན་དགོས། དགོན་པའི་འོག་གི་སྡེ་བའི་དུད་གྲངས་སུམ་བརྒྱ་ཙམ་ཡོད། སྐྱེས་ཆེན་དམ་པ་འདིར་སུ་དང་སུ་བྱོན་མྱོང་ཡོད་ཁ་གསལ་མེད། པར་ཤིང་མང་ཙམ་ཡོད་ཀྱང་སྔར་དགོན་པ་མེས་བསྲེགས་ནས་མེད་པར་སོང་། རྗེས་སུ་ཀྱཻ་རྡོར་དཀྱིལ་འཁོར་གྱི་པར་ཤིང་དང་མ་ཎི་པར་ཤིང་སོགས་ཡོད། ངོ་རྒོལ་བཞིས་གཏོར་བཤིག་བྱས་ནས་དགོན་པ་འདི་རྩ་མེད་དུ་སོང་། དེང་སང་གི་གནས་ཚུལ། འདུ་ཁང་གཅིག ཇ་ཁང་གཅིག དུང་འཁོར་གཅིག དགོན་ཁང་གཅིག གྲྭ་ཤག་ཉི་ཤུ་ཡོད། སྨན་འདམ་སྐུ་ཆེ་ཆུང་ཉི་ཤུ། གསེར་སྐུ་ཆེ་ཆུང་བཅུ་གསུམ། ཐང་ག་ཆེ་ཆུང་བཅོ་ལྔ། ཤིང་གི་མཆོད་རྟེན་གཉིས་དང་ས་རྡོའི་མཆོད་རྟེན་གཉིས། མཆོད་ཆ་དང་རོལ་ཆས་སྐོར་ཆ་ཚང་བ་གཅིག བཀའ་བསྟན་ཆ་གཅིག འབུམ་ཆ་གཅིག ས་སྐྱའི་བཀའ་འབུམ་ཚར་གཅིག འདོན་ཆ་དང་ཆོས་འཚོགས་སྐོར་ཡང་ཁ་ཤས་འཛོམས་ཡོད། འགན་ཁུར་ལས་འཛིན་དག་ཀྱང་འཐུས་ཚང་ཡོད་ཅིང་། གྲྭ་པ་སུམ་ཅུ་ཡོད། དགོན་པའི་སྦྱིན་བདག་གི་དུད་གྲངས་ཉིས་བརྒྱ་ཙམ་ཡོད། འཇམ་དབྱངས་གྲགས་པ་དང་བསོད་ནམས་རིག་འཛིན་ཀུན་དགའ་འོད་ཟེར་སོགས་ཀྱིས་གཙོར་བྱས་སྐྱ་སེར་ཡོངས་ཀྱི་འབད་བརྩོན་ལ་བརྟེན་ནས་རྟེན་བཞེངས་བྱས་དང་བྱེད་བཞིན་པ་ཡིན་ནོ།། དགོན་པའི་ལོ་རྒྱུས་ལོ་ངོ་དྲུག་བརྒྱ་དང་བརྒྱད་སོང་ཟིན། ཞེས་པ་འདི་ནི་བླ་མ་བསོད་ནམས་རིག་འཛིན་དང་གྲྭ་པ་ཀུན་དགའ་འོད་ཟེར་གཉིས་ཀྱི་ངག་རྒྱུན་ལྟར་རིག་བསྟན་གྱིས་བྲིས་སོ།། །།

ས་མིང་ཚིག་མཛོད་མིག་བཤར།

རི་ཁྲོད་དགོན་པ་ཟེར་བའི་རྒྱུ་མཚན་ནི་སྔོན་ཆད་བསོད་ནམས་རྗེས་ས་ཆ་དེར་རི་ཁྲོད་ཅིག་བཏབ་པ། རྗེས་སུ་ཨ་ཧོ་ལྕང་ར་དཔོན་སློབ་ཚང་གིས་རི་ཁྲོད་དེ་བཤིག་ནས་ཤུལ་དུ་དགོན་པ་ཞིག་བཏབ་པ་ལ་རི་ཁྲོད་དགོན་ཞེས་ཟེར་རོ།།

རབ་བྱུང་དགུ་བའི་ཤིང་ཡོས་ལོ་(1555)ལ་དགོན་པ་གསར་དུ་བཞེངས། བེ་ཤིང་དང་སྒྲོན་མ་ཤིང་གཉིས་ཀྱི་བར་དུ་བྲག་རིའི་སྒང་ལ་དགོན་པ་དེ་ཆགས་ཡོད། གྲུབ་མཐའ་གནའ་ནས་ད་ལྟའི་བར་དུ་ས་སྐྱ་[page 530] བ་ཡིན། མ་དགོན་མི་འགྱུར་དགོན་པ་ཡིན། བླ་རབས་བདུན་ཡོད་པ། བསོད་ནམས་རྗེ། ལྕང་ར་དཔོན་སློབ། དཔལ་ལྡན། ཉག་རོང་བསྟན་འཛིན། དམ་ཆོས། བློ་བཟང་། ཆོས་བཟང་བཅས་སོ།། འགན་ཁུར་མཁན་སྐོར། བསྟན་བདག་གཅིག དབུ་མཛད་གཅིག དགེ་སྐོས་གཅིག མཆོད་དཔོན་གཉིས། ཕྱག་མཛོད་གཅིག མགོན་བླ་གཅིག གཉེར་པ་གཅིག གྲྭ་པ་ཉི་ཤུ་རྩ་དྲུག་བཅས་ཡོད། ཁང་པའི་འཛུགས་སྐྲུན་སྐོར། འདུ་ཁང་གཅིག གཉེར་ཁང་གཅིག ཇ་ཁ་གཅིག སྲུང་མ་ཁ་གཅིག གྲྭ་ཤག་བཅུ་བཅས་ཡོད། སྐུ་གསུང་ཐུགས་རྟེན་སྐོར། ཤིང་ལས་བཟོས་པའི་བྱམས་པའི་སྐུ་གཅིག སྨན་འདམ་ལས་གྲུབ་པ་མར་མེ་མཛད་ཀྱི་སྐུ་ཆེ་བ་གཅིག ཐུབ་སྐུ་གཅིག་གནས་བརྟན་བཅུ་དྲུག མི་ལ་རས་པ། གུ་རུའི་སྐུ་གཅིག་གསེར་སྐུ་གཅིག ཐང་ག་ཆེ་ཆུང་སྒམ་གང་། འབུམ་ཆ་གཉིས། གཟུངས་འདུས་སོགས་དཔེ་ཆ་མང་ཙམ། རྒྱ་བ་དཔལ་ལྡན་གྱིས་ཕུལ་བའི་བཀའ་གདམས་མཆོད་རྟེན་བཅས་ཡོད་དོ།། མཆོད་ཆ་དང་རོལ་ཆས་སྐོར། ཏིང་ཕོར་ཆ་ལྔ། བུམ་པ་ཆ་གསུམ། ནང་མཆོད་ཆ་གསུམ། མཎྜལ་ཆ་གཉིས། དངུལ་ཀོང་ལྔ། ཀོང་ཆུང་བརྒྱ་མཆོད་གཅིག གདུགས་རྒྱལ་མཚན་བ་དན་ཀ་ཕན་བཅས་ཆ་ཚང་བ་གཅིག དུང་ཆེ་ཆུང་བཞི། དུང་ཆོས་དང་གཟུངས་ཐག་རྡོ་རྗེ་ཆ་གཉིས། སྦུག་ཆལ་ཆ་བརྒྱད། སིལ་སྙན་ཆ་གཅིག རྡོར་དྲིལ་ཆ་བཅོ་ལྔ། ཌ་མ་རུ་ཆ་གཉིས། ལག་རྔ་གཉིས། མཆོད་རྔ་བཞི། འཁར་རྔ་གཅིག རྐང་གླིང་ཆ་བཞི། ཟངས་གསེར་ལས་གྲུབ་པའི་རྒྱ་གླིང་ཆ་གཉིས། དུང་ཆེན་ཆ་གཅིག ཆོས་ཚོགས་དང་དུས་མཆོད་སྐོར། དབྱར་ཆོས་དང་དགུན་ཆོས་འཆམ་དང་བཅས་པ་ཡོད། བཤད་སྒྲུབ་ཀྱི་སློབ་གྲྭ་ནི་མེད། དཔལ་འབྱོར་གྱི་འོངས་ཁུངས་ནི་མི་སེར་ཚོས་ཕུལ་བའི་དངོས་རྫས་རྣམས་ཡིན། སྦྱིན་བདག་དུད་ཁའི་གྲངས་དྲུག་ཅུ་ལྷག་ཙམ་ཡོད། ངོ་རྒོལ་བཞིའི་སྐབས་གཏོར་བརླག་བཏང་ཟིན།

དེང་སང་གི་གནས་ཚུལ། ཕྱིའི་འཛུགས་སྐྲུན་ལ་འདུ་ཁང་དང་སྲུང་མ་ཁང་། གཉེར་ཁང་། ཇ་ཁང་བཅས་གྲུབ་ཡོད། སྐུ་གསུང་ཐུགས་རྟེན་ཁ་ཤས་དང་། མཆོད་རོལ་དང་མཆོད་རྫས་ཆ་ཚང་གཅིག་བཅས་འཛོམས་ཡོད། དུས་མཆོད་ཚོགས་རྒྱུ་ལ་དབྱར་ཆོས་དང་དགུན་ཆོས་འཆམ་བཅས་ཡོད། སྦྱིན་བདག་གི་དུད་གྲངས་ནི་བརྒྱད་ཅུ་ཡོད། གྲྭ་པ་བཅོ་བརྒྱད་ཡོད། འགན་ཁུར་མཁན་གཙོ་བོ་བླ་རྒན་ཆོས་བཟང་དང་། གཞན་རོགས་རམ་པ་ཚེ་བརྟན་པདྨ་བཅས་ཀྱིས་འགན་བཞེས་བཞིན་ཡོད། ཅེས་པ་འདི་ནི་ཆོས་བཟང་དང་པདྨ་རྡོ་རྗེ་གཉིས་ཀྱི་ངག་རྒྱུན་ལྟར་རིག་བསྟན་གྱིས་བྲིས་པའོ།། །།

ས་མིང་ཚིག་མཛོད་མིག་བཤར།

འགྲ་དུང་འཁོར་དགོན་ཞེས་པའི་རྒྱུ་མཚན་ནི་སྔར་ས་འདི་ལ་དུང་འཁོར་ཞིག་ཡོད་པ་རྗེས་སུ་དེར་དགོན་པ་ཆགས་པ་ལ་འགྲ་དུང་འཁོར་དགོན་ཞེས་བཏགས། རབ་བྱུང་བདུན་པའི་ཤིང་ཕག་ལོ་(1395)ལ་[page 531] བླ་མ་ཨོ་རྒྱན་ཆོས་དཔལ་གྱིས་བཏབ་པ་ཡིན། དགོན་པའི་མིང་གི་རྣམ་གྲངས་ལ་དུང་འཁོར་དགོན། དགོན་མཛོད་དགོན་བཅས་ཟེར་རོ། གྲུབ་མཐའ་ནི་ས་སྐྱ་པ་ཡིན་ཞིང་གནའ་ནས་ད་བར་དུ་གྲུབ་མཐའ་གཞན་དུ་བསྒྱུར་མ་མྱོང་། བླ་རབས་བཅུ་གཉིས་ཡོད་པ་འགྲ་ཡང་ལྡན་དགོན་དང་ཁྱད་པར་མེད་པས་དེའི་ལོ་རྒྱུས་ལ་གཟིགས་ན་གསལ། གདན་ས་འདིར་སྐྱེས་ཆེན་དམ་པ་ལས་སྤྲུལ་སྐུ་དང་དཀོན་མཆོག་སངས་རྒྱས་སོགས་བླ་མ་མང་ཙམ་བྱོན་མྱོང་། འགན་ཁུར་མཁན་སྐོར། བསྟན་བདག་ཨོ་རྒྱན་ཆོས་དཔལ། དབུ་མཛད་གཅིག དགེ་སྐོས་གཅིག མགོན་བླ་གཅིག ཕྱག་མཛོད་གཉིས། གྲྭ་པ་ཉི་ཤུ་ཡོད། གཞན་དགོན་པའི་སྦྱིན་བདག་དུད་གྲངས་བརྒྱ་ལྷག་ཙམ་ཡོད། འཛུགས་སྐྲུན་སྐོར། གཙུག་ལག་ཁང་གཅིག ཇ་ཁང་གཅིག གཉེར་ཁང་གཅིག མགོན་ཁང་གཅིག མགྲོན་ཁང་གཅིག གྲྭ་ཤག་བཅུ་གཅིག ཐབ་ཆས་སྐོར། ཚོགས་ཟངས་གཉིས། ཟོ་ཁྲ་ལྔ། སྡེར་མ་བརྒྱད། སྐྱོགས་ཆེ་ཆུང་བདུན། གཞན་གདན་རིང་ཆ་གཉིས། སྐུ་གསུང་ཐུགས་རྟེན་སྐོར། སྤྱན་རས་གཟིགས་ཞལ་གཅིག་ཕྱག་བཞི་བ་གཅིག སྟོན་པའི་སྐུ་གཅིག གསེར་སྐུ་དང་ཐང་ཀ་ཆེ་ཆུང་འགའ་ཤས། འབུམ་ཚར་གཅིག འདོན་ཆ་སྐོར་ཉུང་ཙམ་མ་གཏོགས་མེད། མཆོད་རྟེན་གཉིས། མཆོད་ཆ་དང་རོལ་ཆའི་སྐོར། ཏིང་ཕོར་ཆ་གཉིས། བུམ་པ་ཆ་གསུམ། ནང་མཆོད་ཆ་གཉིས། མཎྜལ་ཆ་གསུམ། དངུལ་ཀོང་ཆ་གཉིས། ཀོང་བུ་ཆུང་བ་བརྒྱ་མཆོད་གཅིག གདུགས་རྒྱལ་མཚན་བ་དན་ཀ་འཕན་བཅས་ཆ་ཚང་བ་ཡོད་དོ། དུང་ཆ་གསུམ། དུང་ཆོས་དང་གཟུགས་ཐག་རྡོ་རྗེ་ཆ་གཅིག སྦུག་ཆལ་ཆ་ལྔ། སིལ་སྙན་ཆ་གཉིས། རྡོར་དྲིལ་ཆ་བཅུ། ཌ་མ་རུ་ཆ་ལྔ། མཆོད་རྔ་གཉིས། རྐང་གླིང་ཆ་གཉིས། རྒྱ་གླིང་ཆ་གཉིས། དུང་ཆེན་ཆ་གཅིག

ཆོས་འཚོགས་དང་འཆམ་རྒྱག་རྒྱུའི་སྐོར། དགུན་ཆོས་ཉིན་བཅུ། སྒྲུབ་ཁག་གཉིས། བསྙུང་ནས་ཆ་གསུམ། བཤད་གྲྭ་དང་སྒྲུབ་གྲྭ་ནི་མེད་ཟེར། མ་དགོན་ནི་འགྲ་ཡང་ལྡན་དགོན་ཡིན། དཔལ་འབྱོར་གྱི་འོང་ཁུངས་ནི་དད་རྫས་འབུལ་བའོ། དགོན་པའི་སྦྱིན་བདག་གི་དུད་གྲངས་བརྒྱ་ལྷག་ཙམ་ཡོད། གཞན་པར་ཤིང་ནི་མ་ཎིའི་ཇོ་དར་དང་། རྡོར་གཅོད་པར་ཤིང་གཉིས་མ་གཏོགས་མེད། རྗེས་སུ་ངོ་རྒོལ་བཞི་དང་རིག་གནས་གསར་བརྗེ་ཆེན་པོས་བརླགས་ནས་མེད་པར་བྱས་ཟིན། འདུ་ཁང་གཅིག སྲུང་མ་ཁང་གཅིག ཇ་ཁང་གཅིག གྲྭ་ཤག་བཅུ། གཉེར་ཁང་གཅིག དུང་འཁོར་ཁང་གཅིག སྨན་འདམ་གྱི་ལྷ་ཆེ་ཆུང་བཅོ་ལྔ། ཆོས་འཚོགས་དང་འཆམ་རྒྱག་རྒྱུ་བཅས་ཅུང་ཟད་ཙམ་འཛོམས་ཡོད། གསེར་སྐུ་མཐོ་བཅོ་ལྔ་ཅན་གཅིག བཀའ་བསྟན་ཆ་གཅིག མཆོད་རྟེན་གཉིས། མཆོད་ཆ་དང་རོལ་ཆ་སྐོར་ཆ་ཚང་བ་གཅིག ཚོགས་ཟངས་གཅིག གྲྭ་པ་ཉི་ཤུ་རྩ་ལྔ། དགོན་པའི་སྦྱིན་བདག་དུད་གྲངས་བརྒྱ་དང་ལྔ་བཅུ་ལྷག་ཡོད། དགོན་པ་འདི་ལ་དུས་རྒྱུན་གཟིགས་སྐྱོང་མཛད་མཁན་གཙོ་བོ་ནི་སྤྲུལ་སྐུ་ཐུབ་བསྟན་དང་མཁྱེན་བརྩེ་ནོར་བུ། ཨ་ཧོར་ཕུར་བ་སོགས་དང་གྲྭ་པ་རྣམས་དང་དད་ལྡན་གྱི་མི་སེར་ཕོ་མོ་ཚོས་རོགས་རམ་དང་རྒྱབ་སྐྱོར་བྱས་དང་བྱེད་བཞིན་ཡོད་དོ། གནའ་ནས་ད་བར་དུ་ལོ་དྲུག་བརྒྱ་སོང་ཟིན། ཞེས་པ་འདི་ནི་ཨ་ཧོ་ཕུར་[page 532] པའི་ངག་རྒྱུན་ལྟར་བྲིས་པའོ།། །།

ས་མིང་ཚིག་མཛོད་མིག་བཤར།

གཟིངས་འགུལ་དགོན་པ་ཟེར་དགོས་པའི་རྒྱུ་མཚན་ནི་དགོན་པ་ཆགས་སྟངས་དེ་གྲུ་གཟིངས་ཤིག་འགུལ་ནས་འགྲོ་བ་དང་འདྲ་བའི་སྒོ་ནས་མིང་དུ་བཏགས། རབ་བྱུང་གསུམ་པའི་ལྕགས་ཁྱི(1190)ལོ་ལ་མཉམ་མེད་དྭགས་པོ་ཚང་གིས་བཏབ། ས་ཆ་ཡང་ཕུན་སུམ་ཚོགས་པ་ཞིག་ཡིན། དགོན་པའི་མིང་གི་རྣམ་གྲངས་ནི། གཟིངས་འགུལ་དགོན་པ། དར་ཕོ་དགོན། སྤྲུལ་རྫོང་ཤུལ་དགོན་པའང་ཟེར། དགོན་པ་འདི་ཐེངས་གསུམ་ཙམ་དུ་སྤར་མྱོང་། གྲུབ་མཐའ་ནི་སྤྱི་ལོ་(1310)ཡན་ཆད་ལ་བཀའ་བརྒྱུད་པ་ཡིན་ཡང་རྗེས་སུ་གྲུབ་མཐའ་ས་སྐྱ་བ་ལ་བསྒྱུར། གྲུབ་མཐའ་བསྒྱུར་མཁན་ནི་འཇམ་དབྱངས་བཀྲ་ཤིས་ཕུན་ཚོགས་ཡིན། མཁན་རབས་ཉི་ཤུ་རྩ་བདུན་ཡོད། ཀུན་དགའ་ཉི་མ། བཟང་པོ། ཡེ་ཤེས་བཀྲ་ཤིས། པདྨ་བརྩོན་འགྲུས། དཔལ་ལྡན་ཡར་འཕེལ། བཟང་པོ་ཆུང་བ། ཚུལ་ཁྲིམས། ངག་དབང་ཆོས་འཕེལ། ངག་དབང་ཕུན་ཚོགས། ངག་དབང་ཆོས་འཕེལ་ཆུང་བ། ཆོས་དབྱིངས། སངས་རྒྱས་བསྟན་འཛིན། པདྨ་ཡེ་ཤེས། དགེ་འདུན་བསྟན་འཛིན། བྱ་ཉི་ཆོས་འཕེལ། ཀུན་དགའ། ངག་དབང་ཆོས་འཕེལ། བསྟན་འཕེལ། ཡེ་ཤེས་རྒྱལ་མཚན། ཟླ་བ་རྒྱ་མཚོ་བཅས་དང་། འགན་ཁུར་མཁན་སྐོར། བསྟན་བདག་ནི་གོང་གི་བླ་རབས་རྣམས་ཡིན། དབུ་མཛད་གཅིག དགེ་སྐོས་གཉིས། ཕྱག་མཛོད་གཉིས། མགོན་བླ་གཅིག མཆོད་དབོན་གཉིས། གྲྭ་པ་དྲུག་ཅུ་ཡོད། ཁང་བའི་འཛུགས་སྐྲུན་སྐོར། གཙུག་ལག་ཁང་གཅིག གཉེར་ཁང་གཅིག ཇ་ཁང་གཅིག བླ་བྲང་ཁང་གཅིག སྲུང་མ་ཁང་གཅིག མགྲོན་ཁང་གཅིག དུང་འཁོར་ཁང་གཅིག གྲྭ་ཤག་སུམ་ཅུ་སོ་ལྔ། སྐུ་གསུང་ཐུགས་རྟེན་སྐོར། སྨན་འདམ་སྐུ་ཆེ་ཆུང་བཞི་བཅུ་ལྷག་ཙམ། གསེར་སྐུ་ཆེ་ཆུང་ཉི་ཤུ་ལྷག ཐང་ཀ་ཆེ་ཆུང་བརྒྱ་ལྷག་ཙམ། བཀའ་འགྱུར་དང་བསྟན་འགྱུར་ཆ་ཚང་བ་གཅིག འདོན་ཆ་སྐོར་ཆ་ཚང་བ་གཅིག དེ་མིན་དཔེ་ཆ་མང་པོ་བཅས་ཡོད།

ས་རྡོའི་མཆོད་རྟེན་གཉིས། བཀའ་གདམས་མཆོད་རྟེན་ཆ་བརྒྱད་གཅིག་བཅས་ཡོད། གསེར་ཏོག་ཤིན་ཏུ་ལེགས་པོ་ཞིག བླ་མ་སྐལ་བཟང་ཆོས་གྲགས་ཀྱིས་ཕུལ་བའི་རྒྱ་གླིང་ཤིན་ཏུ་བཟང་པོ་ཞིག་དང་དུང་དཀར་དངུལ་ཤན་མ་གཉིས། མི་འགྱུར་སྤྲུལ་སྐུས་ཕུལ་པའི་སིལ་སྙན་སྐད་གྲགས་ཅན་གཅིག ཡང་ནོར་བུ་མེ་འབར་མ་གཅིག གདུང་རུས་ཁྱད་འཕགས་གཅིག་པར་ཤིང་མི་ཉུང་བ་བཅས་ཡོད། མཆོད་ཆ་དང་རོལ་ཆའི་སྐོར། ཏིང་ཕོར་ཆ་བཅོ་ལྔ། བུམ་པ་ཆ་བཞི། ནང་མཆོད་གཉིས། མཎྜལ་ཆ་གཅིག གསེར་ཀོང་ཆེ་བ་གཅིག ཀོང་ཆུང་བརྒྱ་མཆོད་གསུམ། ཀོང་བུ་ཆེ་བ་ཆ་ལྔ། གདུགས་རྒྱལ་མཚན་བ་དན་ཀ་འཕན་བཅས་ཆ་ཚང་བ་གཅིག དུང་ཆ་གཉིས། སྦུག་ཆལ་ཆ་ལྔ། སིལ་སྙན་གཅིག རྡོར་དྲིལ་ཆ་ལྔ། ཌ་[page 533] མ་རུ་ཆ་ལྔ། ལག་རྔ་བཅོ་ལྔ། མཆོད་རྔ་ཆ་གཉིས། ཏིང་ཤགས་ཆ་གཉིས། རྐང་གླིང་ཆ་གཉིས། རྒྱ་གླིང་ཆ་གཉིས། དུང་ཆེན་ཆ་གཅིག་བཅས་ཡོད། ཐབ་ཆས་ཚོགས་བཟང་བཞི། ཆུ་ཟོམ་ལྔ། ཆོས་གྲྭ་འཚོགས་རྒྱུ་དང་འཆམ་རྒྱག་རྒྱུའི་སྐོར། དབྱར་གནས་ཀྱི་རྡོར་སེམས་སྒྲུབ་མཆོད་དགུན་ཆོས། རྒྱུན་ཆ་སོགས་འཆམ་དང་བཅས་པ་འཚོགས་རྒྱུ་ཡོད། བཤད་གྲྭ་དང་སྒྲུབ་གྲྭ་ནི་མེད་མ་དགོན་ནི་མི་འགྱུར་དགོན་ཡིན། མཚམས་བསྙེན་སྒྲུབ་བྱེད་མཁན་བླ་མང་ཙམ་ཡོད། དཔལ་འབྱོར་གྱི་འོངས་ཁུངས་ནི་ཡོན་བདག་རྣམས་ཀྱིས་འབུལ་བ་དང་ས་ཞིང་ཅུང་ཟད་རྨོ་རྒྱུ་བཅས་ལ་བརྟེན་ནས་འཚོ་བ་སྐྱེལ་དགོས། སྦྱིན་བདག་གི་དུད་གྲངས་ནི་སུམ་བརྒྱ་ལྷག་ཙམ་ཡོད། དམངས་གཙོ་བཅོས་བསྒྱུར་སྐབས་གནོད་ཚེ་ཚབས་ཆེན་ཐེབས་ནས་མེད་པར་བྱས་ཟིན། དེང་སང་གི་གནས་ཚུལ་ནི། འདུ་ཁང་གཅིག ཇ་ཁང་གཅིག་གཉེར་ཁང་གཅིག སྲུང་མ་གཅིག སྣེ་ལན་ཁང་མཐོ་རིམ་འདུག་ས་གཅིག གྲྭ་ཤག་ཉི་ཤུ་རྩ་བདུན། བླ་བྲང་ཁང་གཅིག གྲྭ་པ་སུམ་ཅུ་ཐམ་པ། སྦྱིན་བདག་གི་དུད་གྲངས་ནི་བཞི་བརྒྱ་ཡོད། སྨན་འདམ་སྐུ་དང་གསེར་སྐུ་ཐང་ག་བཅས་མང་ཙམ་ཞིག་ཡོད། མཆོད་ཆ་དང་རོལ་སོགས་ཆ་ཚང་བ་ཡོད། མཆོད་པ་དང་འབབ་འཆམ་བཅས་མི་ཉུང་བ་འཛོམས་ཡོད། བཀའ་བསྟན་ཆ་གཅིག་དང་འབུམ་གཅིག་འདོན་ཆ་ཆ་ཚང་བ་གཅིག་དང་གཞན་མཆོདརྟེན་གཉིས། དུང་འཁོར་ཁང་ཤིན་ཏུ་ཡག་པོ་གཅིག་རྒྱབ་ཡོད་དགོན་པ་བཏབ་ནས་ད་བར་ལོ་བརྒྱ་དང་ལྔ་སོང་། ད་སྐབས་ཀྱི་འགན་ཁུར་མཁན་གཙོ་བོ་ནི་ཡེ་ཤེས་རྒྱལ་མཚན་དང་ཟླ་བ་རྒྱལ་མཚན། བློ་བཟང་། ཆོས་འཕེལ་སོགས་ཀྱིས་གཙོ་བོར་བྱས་ནས་གྲྭ་པ་དང་མི་སེར་བཅས་ཀྱི་རོགས་རམ་གང་མང་བྱས་པ་ལ་བརྟེན་ནས་བསྟན་བཞེངས་བྱས་དང་བྱེད་བཞིན་པ་ཡིན་ནོ།།

ཞེས་པ་འདི་ནི་རིག་འཛིན་གྱི་ངག་རྒྱུན་ལ་བརྟེན་ནས་རིག་བསྟན་གྱིས་བྲིས་པ་དགེའོ།། །།

ས་མིང་ཚིག་མཛོད་མིག་བཤར།

ཉག་ཆུ་ཁའི་མདོ་སྟོད་དགོན་པ་ནི་རབ་བྱུང་གསུམ་པའི་ཤིང་ཡོས་ལོ་(1795)ལ་དགེ་སློང་ཤྰཀྱ་དར་རྒྱས་ཚང་གིས་བཏབ། ས་ཆ་དེར་སྔོན་བྱོན་གོང་མ་རྣམས་ཀྱི་གྲུབ་ཆུ་དང་གྲུབ་རྟགས་སྒྲུབ་ཕུག་བཅས་ངོ་མཚར་ཅན་མང་པོ་མཇལ་རྒྱུ་ཡོད། མ་དགོན་རི་ཁུག་དགོན་པ་ཡིན། གྲུབ་མཐའ་ནི་ས་སྐྱ་པ་རེད། ཁྲི་པ་རི་ཁུག་དགོན་པས་བཏང་ནས་ལོ་གསུམ་རེ་བཞུགས་དགོས། འཛུགས་བསྐྲུན་སྐོར་ལ་བྱམས་ཁང་གཅིག་དང་གཉེར་ཁང་གསུམ། སྤྱི་ཁང་བཞི། མཛོད་ཁང་གཅིག འབྲུ་ཁང་ལྔ། བཤད་གྲྭ་ཁང་ལ་ཁང་པ་བརྒྱད། པར་ཤིང་ཁང་བརྒྱད་ཡོད་པ། གྲྭ་ཤག་བཞི་བཅུ་ཡོད། འགན་ཁུར་མི་སྣའི་སྐོར། བསྟན་བདག་གཅིག་དང་ཁྲི་པ་གཅིག དགེ་སྐོས་གཅིག དབུ་མཛད་གཅིག མགོན་བླ་གཅིག གཉེར་པ་གསུམ། ཕྱག་མཛོད་གཉིས། གྲྭ་པ་བཞི་བཅུ་ཡོད། མཆོད་ཆ་དང་རོལ་མོའི་སྐོར། ནང་མཆོད་གཉིས། བུམ་པ་[page 534] ཆ་གསུམ། མན་དྲལ་ཆ་ལྔ། གདུགས་རྒྱལ་མཚན་བ་དན་ཀ་འཕན་བཅས་ཆ་ཚང་བ་དང་། རྡོར་དྲིལ་ཆ་བདུན། ཌ་མ་རུ་ལྔ། ལག་རྔ་བཅུ། མཆོད་རྔ་གཉིས། དུང་ཆ་གཅིག རྒྱ་གླིང་ཆ་གཉིས། རྐང་གླིང་ཆ་གཉིས། སིལ་སྙན་ཆ་གཉིས། སྦུག་ཆལ་གཉིས། འཁར་རྔ་གཅིག་བཅས་ཡོད། སྐུ་གསུང་ཐུགས་རྟེན་ནི་སྤྱན་རས་གཟིགས་ཁང་བརྩེགས་གཅིག་ཅན་གཅིག་སྟོན་པ། འཇམ་དབྱངས་བྱམས་པ། གནས་བརྟན་བཅུ་དྲུག། ས་པཎ། ས་ཆེན་ཀུན་དགའ་སྙིང་པོ། འགྲོ་མགོན་ཆོས་འཕགས། མར་མེ་མཛད། གུ་རུ་གཙོ་འཁོར་གསུམ། སྒྲོལ་མའི་སྐུ་དངཞལ་ཐང་གསེར་རྒྱབ་ཡོད་པ་བཅོ་བརྒྱད། མཐུ་རྩལ་ཆེ་བའི་སྲུང་མ་རྒྱལ་པོ་བེར་དཀར་བཅས་སྲུང་མའི་སྐོར་ཆ་ཚང་། གསེར་དངུལ་གྱི་བྲིས་པའི་བཀའ་བསྟན་སོགས་ཀ་ཐག་དོ་དང་སྣག་ཚས་བྲིས་པའི་དཔེ་ཀ་ཐག་གང་བཅས་བཞུགས། གསེར་སྐུ་ཆེ་ཆུང་བཅུ་གཅིག་དགེ་སློང་ཤྰཀྱ་དར་རྒྱས་གྱི་སྐུ་གདུང་མཆོད་རྟེན། རྣམ་རྒྱལ་མཆོད་རྟེན། བཀའ་གདམས་མཆོད་རྟེན་བཅས་ཡོད། རྟེན་རྩ་ཆེན་གནའ་རྫས་སྐོར་ནི་སིལ་སྙན་གཏེར་མ་གཉིས། འཁར་རྔ་གསེར་རྩི་ཅན་གཅིག། སེར་བཀག་འཁོར་ལོ་གཅིག། གཞན་དངོས་རྫས་འགའ་ཤས་ནི་ཞལ་འབག་སུམ་ཅུ། གསེར་རྒྱ་མ་བརྒྱད་དངུལ་མགོ་རྒན་སྟོང་གཅིག་བརྒྱ་ཡོད། ཟངས་གསེར་ལས་མགར་བའི་མན་དྲལ་དང་གསེར་ཏོག་ཡོད། ཚོགས་ཟངས་བདུན། འབྲུ་རིགས་རྒྱ་མ་ཁྲི་དགུ། གདན་རིང་གསུམ། སྒྲུབ་མཆོད་དང་དུས་མཆོད་ནི་དབྱར་ཆོས་དང་དགུན་ཆོས་འཆམ་རྒྱག་རྒྱུ་བཅས་ཡོད། ཟླ་བ་ཞི་པའི་ནང་བཀའ་འགྱུར་ཞལ་ཕྱེ་དགོས་དཔལ་འབྱོར་གྱི་ཐོན་ཁུངས་ནི་ཆོས་ཞིང་ཁལ་བཅུ་བཞིའི་ས་དང་འབྲོག་ཁག་གཉིས། སྦྱིན་བདག་གི་དུད་གྲངས་བརྒྱ་དང་གྱ་ལྔའི་འབུལ་བ་བཅས་ཡིན། རྗེས་སུ་དུས་དབང་གིས་རྩ་མེད་བཏང་ངོ་།།

དེང་སང་གི་གནས་ཚུལ། འདུ་ཁང་དང་སྲུང་མ་ཁང་གཉེར་ཁང་བླ་བྲངགྲྭ་ཤག་བཅས་རྒྱབ་ཡོད། ནང་རྟེན་སྨན་འདམ་སྐུ་འདྲ་བཅུ་གཅིག གསེར་སྐུ་གཉིས། ཐང་ག་བཅུ། བཀའ་བསྟན་གཉིས། མཆོད་རྟེན་གཅིག་མཆོད་རོལ་དུས་མཆོད་སོགས་འཛོམས་བཞིན་ཡོད། སྤྱིན་བདག་གི་དུད་གྲངས་དྲུག་ཅུ་རེ་གསུམ་དང་གྲྭ་པ་བཅུ་དྲུག་ཡོད། ད་སྐབས་འགན་ཁུར་མཁན་གཙོ་བོ་རྒྱ་མ་ཐར་དང་མགོན་པོ་འཇམ་དབྱངས་ཕུན་ཚོགས་སོགས་ཡིན། ཞེས་པ་འདི་ནི་པད་འདབ་གྲོང་ནས་བྲིས་པ་དགེའོ།།

ས་མིང་ཚིག་མཛོད་མིག་བཤར།

གནའ་སྔོན་མ་རྩེ་ལྷ་དགོན་ཞེས་བཤད་སྲོལ་ཡོད་ཀྱང་རྗེས་སུ་ལྷ་འབྲི་དགོན་ལ་བསྒྱུར་བ་འདྲའོ། རབ་བྱུང་ལྔ་བའི་མེ་སྟག་ལོ་(1326)ལ་འཇམ་དབྱངས་ཤེས་རབ་རྡོ་རྗེས་དགོན་པ་བཏབ། དགོན་པའི་མིང་གི་རྣམ་གྲངས་ནི། ཐུབ་བསྟན་རི་བོ་འཕེལ་གླིང་། ལྷ་འབྲི་དགོན་པ་མདོ་སྔགས་བསྟན་དར་གླིང་། སྟོང་གསུམ་གྱི་འབྲི་རབ་འཕེལ་གླིང་། གྲུབ་མཐའ་ནི་ས་སྐྱ་བ་ཡིན། སྔོན་མ་གྲུབ་མཐའ་བཀའ་[page 535] བརྒྱུད་པ་ཡིན་ཡང་རྗེས་སུ་ས་སྐྱ་ལ་བསྒྱུར་ཟེར། བླ་རབས་དགུ་བྱོན་མྱོང་། རེ་རེ་ནས་ཤེས་མཁན་མེད། འགན་ཁུར་མཁན་སྐོར། བསྟན་བདག་གཉིས་དང་། ཁྲི་པ་གཅིགདབུ་མཛད་གཉིས། དགེ་སྐོས་གཅིག ཕྱག་མཛོད་གཉིས། མགོན་བླ་གསུམ། གཉེར་པ་གཉིས། གྲྭ་པ་བརྒྱད་བརྒྱ་ལྷག་བཅས་ཡོད།།

ཁང་བའི་འཛུགས་བསྐྲུན་སྐོར། གཙུག་ལག་ཁང་ཀ་བ་ཉི་ཤུ་རྩ་གཉིས་ཅན་གཅིག་དང་གསེར་ཁང་གཅིག ཇ་ཁང་གཉེར་ཁང་བརྒྱད། དཔེ་མཛོད་ཁང་གཅིག མགྲོན་ཁང་གཅིག བླ་བྲང་ཁང་གཅིག ཁང་ཚན་བཅུ་གཉིས། གྲྭ་ཤག་བཞི་བཅུ་ཞེ་དྲུག་བཅས་ཡོད། སྐུ་གསུང་ཐུགས་རྟེན་སྐོར། སྟོན་སྐུ་ཁྱད་འཕགས་གཅིག་དབྱངས་གསུང་བྱོན་མ་གཅིག ཟངས་སེར་ལས་གྲུབ་པའི་ལམ་འབྲས་བླ་རྒྱུད་ཆ་ཚང་གཅིག མི་ཉག་སྤྲུལ་པའི་ལྷ་མགར་གྱིས་མགར་གྱིས་མགར་བའི་བྱམས་པ་གསུང་བྱོན་མ་གཅིག རྗེ་ཉིད་ཀྱིས་ཕྱག་བཟོས་གཡག་རོང་རྣམ་གཉིས། དགོན་པོ་སོགས་ལྷ་སྐུ་མང་པོ་ཡོད། ཞལ་ཐང་ཆེ་ཆུང་བརྒྱ་ཅུ་ཡོད། གསེར་དངུལ་གྱི་བྲིས་པའི་བཀའ་བསྟན་གཉིས། གསུང་འབུམ་པོད་བདུན་བརྒྱ་ལྷག་ཡོད། སྐུ་གདུང་ཆ་བརྒྱད་ཆ་གཉིས། བཀའ་གདམས་མཆོད་རྟེན་བརྒྱད་དང་ཟངས་གསེར་ལས་མཆོད་བརྟེན་བཅུ་ཕྲག་མང་པོ་ཡོད། རྟེན་གཙོ་གནའ་རྫས་རྩ་ཆེན་སྐོརལྷ་འབྲིའི་ཚོགས་དུང་ཁྱད་པར་ཅན་གཅིག ཡང་བྱམས་ཆེན་གསུང་བྱོན་མ་གཅིག མཆོད་ཆས་དང་རོས་ཆས་སྐོར། ཏིང་ཕོར་ཆ་བཅུ་བཞི། བུམ་པ་ཆ་བཅུ་གཉིས། ནང་མཆོད་ཆ་བཅུ་དྲུག མཎྡལ་ཆ་བཞི། གསེར་ཀོང་ཆ་བརྒྱད། དངུལ་ཀོང་ཆ་བརྒྱད་དང་ཉི་ཤུ། གདུགས་རྒྱལ་མཚན་པ་དན་ཀ་འཕན་བཅས་ཆ་དྲུག་ཡོད། དུང་ཆོས་ཆ་དགུ། སྦུག་ཆལ་ཆ་བརྒྱད། དུང་ཆ་བཅུ་གཉིས། སིལ་སྙན་ཆ་བཅུ། རྡོར་དྲིལ་ཆ་བརྒྱད། ཌ་མ་ཆ་དྲུག ལག་རྔ་བདུན། མཆོད་རྔ་བཅུ་དྲུག རྐང་གླིང་ཆ་བརྒྱད། རྒྱ་གླིང་ཆ་བཞི། དུང་ཆེན་ཆ་དྲུགཆོས་ར་འཚོགས་རྒྱུའི་སྐོར། དབྱར་ཆོས་དང་དགུན་ཆོས། དབྱར་གནས་ཟླ་གཅིག་ཕྱེད། སྒྲུབ་མཆོད་འཆམ་དང་བཅས་པ་ཡོད། མ་དགོན་ས་སྐྱ་དགོན་ཡིན། དཔལ་འབྱོར་གྱི་ཐོན་ཁུངས་ནི། འབྲོག་པ་ཞིང་ལས་སྦྱིན་བདག་གི་འབུལ་བ་བཅས་ཡིན། སྦྱིན་བདག་གི་དུད་གྲངས་ལྔ་བརྒྱ་ཡོད། གདན་ས་འདིར་སྐྱེས་ཆེན་ཤཱཀྱ་རིན་ཆེན་དང་པཎ་ཆེན་བསོད་ནམས་དཔལ། རིན་ཆེན་བློ་གྲོས་སོགས་མང་ཙམ་བྱོན་མྱོང་བར་བཤད། རྗེས་སུ་ངོ་རྒོལ་བཞི་དང་རིག་གསར་སྐབས་སུ་དགོན་པ་གཏོར་བརླག་བཏང་ངོ་།

དེང་སང་གི་གནས་ཚུལ། འདུ་ཁང་དང་མགོན་ཁང་གཉེར་ཁང་ཇ་ཁང་བླ་བྲང་ཁང་དུང་འཁོར་ཁང་གྲྭ་ཤག་བཅུ་དྲུག་ཁང་ཚན་བཅུ་གཉིས་བཅས་ལས་ཚར་ཡོད། སྐུ་གསུངས་ཐུགས་རྟེན་ཅུང་ཟད་དང་མཆོད་རོལ་ཆོས་ར་འཚོགས་རྒྱུ་བཅས་ཕྱོགས་ཙམ་འཛོམས་ཡོད། སྦྱིན་བདག་གི་དུད་གྲངས་ལྔ་བརྒྱ་ལྷག་ཡོད། ད་སྐབས་འགན་གཙོ་བོ་ཁུར་མཁན་ནི་མཁན་པོ་འཇིགས་མེད་ཉིད་དང་གཞན་བསོད་ནམས་དབང་ཕྱུག་དང་བཀྲ་ཤིས་དབང་འདུས་ཀརྨ། པདྨ་དབང་ཆེན། ཀུན་དགའ་ཚེ་རིང་བཅས་ཡིན་ནོ།

[page 536] ཞེས་པ་འདི་ནི་ཉག་ཆུ་བློ་བཟང་དང་རིག་བསྟན་གཉིས་ཀྱིས་གཞན་གྱི་ངག་རྒྱུན་ལྟར་བྲིས་པ་དགེའོ།

ས་མིང་ཚིག་མཛོད་མིག་བཤར།

འགྲ་ཡང་ལྡན་དགོན་པ་ཞེས་པའི་མིང་བཏགས་པའི་རྒྱུ་མཚན་ནི། ས་དེའི་ཡུལ་ལུང་གི་མིང་ལ་ཡང་ལྡན་ཞེས་པའི་རྐྱེན་གྱིས་འགྲ་ཡང་ལྡན་ཞེས་པའི་མིང་དེ་དགོན་པ་ལ་སྦྱར་ནས་བཏགས་སོ། བོད་རབ་བྱུང་ལྔ་པའི་ཆུ་ལུག་ལོར་（1283）གྲུབ་ཐོབ་དགེ་འདུན་འོད་ཟེར་གྱིས་བཏབ།

གྲུབ་མཐའ་ནི་སྔོན་ཀརྨ་བཀའ་བརྒྱུད་ཀྱི་བརྒྱུད་པ་བཀའ་བརྒྱུད་པ་ཡིན་ཡང་ཕྱིས་སུ་ཧོར་ཇུན་གར་གྱི་དམག་གིས་གནོད་འཚེར་སྐྲག་ནས་ས་སྐྱ་པ་མི་ཉག་ཀ་བཞི་དགོན་པ་ལ་མགོ་བཏགས། གྲུབ་མཐའ་ས་སྐྱ་པ་ལ་བསྒྱུར། མཛད་རྗེས་ཆེ་བའི་བླ་རབས་བཅུ་གཉིས་ཡོད་པ། གྲུབ་ཐོབ་དགེ་འདུན་འོད་ཟེར། དཔལ་ལྡན་རྒྱ་མཚོ། འཇིགས་མེད་ཐེག་མཆོག་རྡོ་རྗེ། འཇིགས་མེད་འཕྲིན་ལས་འོད་ཟེར། ཐེག་མཆོག་ཆོས་ཀྱི་ཉི་མ། དགའ་རབ་བསྟན་པའི་ཉི་མ། ཨ་བོ་ཀུན་བཟང་། བླ་བྲང་དཔལ་ལྡན་ཕུན་ཚོགས། དམ་ཆོས་རིན་ཆེན། ཀླུ་སྐྱབས་འོད་གསལ་སྙིང་པོ། འཇིགས་མེད་མཐུ་སྟོབས་རྡོ་རྗེ། ད་ལྟའི་མཁྱེན་བརྩེ་ནོར་བུ་བཅས་བཅུ་གཉིས་ཡོད། གཞན་ཡང་མཛད་རྗེས་ཅན་གྱི་བླ་སྤྲུལ་མང་པོ་བྱོན་མྱོང་། འགན་ཁུར་སྐོར། བསྟན་བདག་ནི་གོང་གི་བླ་རབས་རྣམས་ཀྱི་རིམ་པ་བཞིན་དུ་བྱས། དབུ་མཛད་གཉིས། དགེ་སྐོས་གཉིས། ཁྲི་བ་གཉིས། ཕྱག་མཛོད་གཉིས། མཆོད་དཔོན་གཉིས། ཕྱག་མཛོད་གཅིག ཁང་ཚན་རྒན་པ་ཟེར་བ་བཅུ་ཡོད། སྔར་གྲྭ་པའི་གྲངས་ཀ་ཉིས་བརྒྱ་དང་བཅུ་ཡོད་ཅིང་། ད་ལྟ་གྲྭ་བའི་གྲངས་ལ་སུམ་ཅུ་སོ་གསུམ་ཡོད་དོ།། འཛུགས་སྐྲུན་སྐོར། གཙུག་ལག་ཁང་ཆེ་ཆུང་བཞི་ཡོད། གསེར་ཁང་གཅིག གཉེར་ཁང་གཅིག ཇ་ཁང་གཅིག ཕྱག་མཛོད་ཁང་གཅིག སྲུང་མ་ཁང་གཅིག བླ་བྲང་ཁང་གཅིག མགྲོན་ཁང་གཅིག ཀུན་དགའ་ར་བ་གཅིག་དང་གྲྭ་ཤག་ཉི་ཤུ་ལྷག་ཅས་ཡོད།

སྐུ་གསུང་ཐུགས་རྟེན་སྐོར། རྒྱ་གར་ནས་གདན་དྲངས་འོང་བའི་དུས་གསུམ་སངས་རྒྱས་གཅིགཀརྨ་པཀྵུའི་སྐུ་གཅིག ས་སྐྱ་གོང་མ་རྣམ་ལྔ། གནས་བརྟན་བཅུ་དྲུག ཐོག་བརྩེགས་གཅིག་ཅན་གྱི་རྒྱལ་བ་བྱམས་པ་གཅིག གསེར་ཟངས་ལས་གྲུབ་པའི་ས་སྐྱའི་གོང་མ་རྣམ་ལྔའི་སྐུ་ལྔ། ཞལ་ཐང་ཆེ་ཆུང་བརྒྱ། བཀའ་བསྟན་ཆ་གཅིག ས་སྐྱའི་བཀའ་འབུམ། ངོར་ཆེན་བཀའ་འབུམ། ས་སྐྱའི་འདོན་ཆ་ཆ་ཚང་། གསེར་བྲིས་དངུལ་བྲིས་ཀྱི་སྒྲུབ་ཐབས་ཀུན་འདུས། རྒྱུད་སྡེ་ཀུན་འདུས་བཅས་ཡོད། བཀའ་གདམས་མཆོད་རྟེན་ཆ་བཅུ། གནའ་རྫས་རྟེན་གཙོ་སྐོར། རྫ་ཇ་ཞེས་པའི་རྟེན་ཁྱད་འཕགས་གཅིག འགྲོ་མགོན་ཆོས་འཕགས་ཀྱི་ཆིབས་སྒ། ཀརྨ་ཞྭ་དམར་ནག་གཏེར་སྒྲོམ་གཅིག སྦུབ་ཆལ་ཤང་ཤང་ཟེར་བ་གཅིག སིལ་སྙན་མ་ཎི་མ་ཆ་གཅིག་བཅས་ཡོད། མཆོད་ཆ་དང་རོལ་ཆས་སྐོར། ལི་ཡི་ཏིང་ཕོར་ཆེ་ཆུང་ཆ་བཅུ། [page 537] བུམ་པ་ཆ་བཅོ་ལྔ། ནང་མཆོད་ཆ་དྲུག་མཎྜལ་ཆ་ལྔ། གསེར་གྱི་ཀོང་བུ་ཆ་བརྒྱད། དངུལ་ཀོང་ཆ་དྲུག གདུགས་དང་རྒྱལ་མཚན་བ་དན་ཀ་འཕན་བཅས་ཆ་ཚང་བ་གཅིག དུང་ཆ་དྲུག དུང་ཆོས་དང་བཟུང་ཕག་རྡོ་རྗེ་ཆ་དྲུག སྦུག་ཆལ་ཆ་བཞི་བཅུ། སིལ་སྙན་ཆ་བཞི། རྡོར་དྲིལ་ཆ་སུམ་ཅུ། ཌ་མ་རུ་ལྔ། ལག་རྔ་ཆ་བཅོ་ལྔ། མཆོད་རྔ་ཆ་བཞི། རྐང་གླིང་ཆ་དྲུག རྒྱ་གླིང་ཆ་གཉིས། དུང་ཆེན་ཆ་གཉིས། འཁར་རྔ་རྩ་ཆེན་བཞི་བཅས་མཆོད་རོལ་ཆ་ཚང་བ་ཡོད།

དུས་མཆོད་གར་འཆམ་སྐོར། ཟླ་བ་ལྔ་པའི་ཆོས་ར་དབྱར་ཆོས་ཉིན་བཅོ་ལྔ། ཀྱཻ་རྡོར་སྒྲུབ་མཆོད་ཉིན་བརྒྱད། ཟླ་བ་དགུ་པའི་ནང་དགུན་ཆོས་ཉིན་བཅོ་ལྔ། དབྱར་གནས་བཅས་འཚོགས་རྒྱུ་འཆམ་དང་བཅས་པ་ཡོད། གྲྭ་ས་ནི་དགོན་གཙང་ངོ་རུ་དགོན་པ་ཡིན། དཔལ་འབྱོར་འོང་ཁུངས་ནི། དད་རྫས་འབུལ་བ་ལ་བརྟེན་ནས་འཚོ་རྟེན་བྱེད་བཞིན་ཡོད། ས་ཁྱོན་ཆེ་ཆུང་དགོན་པར་དབང་བའི་ས་ནི་གཞི་འདོམ་ལྔ་བརྒྱ་ཙམ་ཡོད། དགོན་པའི་མངའ་འོག་གི་སྦྱིན་བདག་བྱེད་མཁན་གྱི་དུད་གྲངས་དྲུག་བརྒྱ་ཡོད། གདན་ས་འདིར་སྐྱེས་ཆེན་དམ་པ་སུ་དང་སུ་བྱོན་མྱོང་གི་སྐོར། ཕྱག་འཚལ་བླ་མ་དམ་ཆོས། ཞིང་རྩེ་དཀོན་མཆོག་སངས་རྒྱས། པ་ལས་སྤྲུལ་སྐུ་ཐུབ་བསྟན་རྒྱལ་མཚན་སོགས་སྐྱེས་ཆེན་དུ་མ་བྱོན་མྱུང་། རྗེས་སུ་དམངས་གཙོ་བཅོས་སྒྱུར་དང་རིག་གནས་གསར་བརྗེས་གནོད་འཚེ་ཚབས་ཆེན་བྱས་ནས་དགོན་པ་མེད་བརླག་སོང་།

དེང་སང་གི་གནས་ཚུལ། སྤྱི་ལོ་（1984）ལོ་ལ་བསྟན་བདག་མཁྱེན་རྩེ་ནོར་བུ་དང་ཐུབ་བསྟན། ཕྱག་མཛོད་ཕུར་བ་བཅས་ཀྱིས་གཙོ་བོ་བྱས་ནས་གྲྭ་པ་ཚོ་དང་མི་སེར་བཅས་ཀྱིས་རོགས་རམ་ལ་བསྟེན་ནས་གཙུག་ལག་ཁང་གཅིག་དང་མགོན་ཁང་། ཇ་ཁང་། གསེར་ཁང་། དུང་འཁོར་ཁང་བཅས་བཞེངས་ཚར་བར་མ་ཟད་དུས་མཆོད་ཀྱང་ཁ་ཤས་འཚོགས་རྒྱུ་འཛོམས་ཡོད། མཆོད་རྟེན་གསེར་ཟངས་ལས་གྲུབ་པ་མཐོ་བདུན་ཅན་ལྔ། རས་གཞི་ཐང་ག་ཆེ་ཆུང་ཉི་ཤུ་རྩ་ལྔ་ཙམ་ཡོད། ཐང་མོ་ཆེ་གཅིག ཀ་འཕན། གདུགས། རྒྱལ་མཚན། མཆོད་ཁེབས་བཅས་ཆ་ཚང་བ་ཡོད། རོལ་མོ་དང་། མཆོད་ཆ་ཆ་ཚང་བ་གཅིག གཞན་ཡང་གདན་རིང་ཆ་ལྔ་ཡོད། ཚོགས་ཟངས་གཉིས། གྲྭ་པ་སུམ་བཅུ་སོ་གསུམ། དགོན་པའི་མངའ་འོག་གི་སྡེ་པའི་དུད་གྲངས་བདུན་བརྒྱ་ལྷག་ཙམ་ཡོད། དགོན་པ་བཏབ་ནས་ད་ལྟའི་བར་དུ་ལོ་བདུན་བརྒྱ་དང་བཅུ་གཉིས་སོང་ཟིན། དགོན་པ་འདིའི་བུ་དགོན་གཉིས་ཡོད་པ། འགྲ་ལས་སྨོན་དགོན་པ་དང་འགྲ་དུང་འཁོར་དགོན་གཉིས་ཡིན།

ཞེས་པ་འདི་ཨ་ཧོར་ཕུར་བའི་ངག་རྒྱུན་ལྟར་བྲིས་པ་དགེའོ།། །།

ས་མིང་ཚིག་མཛོད་མིག་བཤར།

[page 538] རབ་བྱུང་བཅུ་བཞི་པའི་ལྕགས་སྤྲུལ་ལོ་（1821）ལ་རི་ཁུག་གི་བླ་མ་ཞིག་གིས་དགོན་པ་བཏབ། གྲུབ་མཐའ་ནི་ས་སྐྱ་བ་ཡིན། མ་དགོན་ནི་རི་ཁུག་དགོན་པ་རེད། ས་ཆ་དེའི་མིང་རྒྱུ་མཚན་ཅི་ཤེས་མཁན་མེད། བླ་རབས་དུ་བྱོན་ཡང་མི་ཤེས། ཁང་པའི་འཛུགས་བསྐྲུན་སྐོར། འདུ་ཁང་གཅིག གཉེར་ཁང་གཅིག ཇ་ཁང་གཅིག་བཅས་ཁང་པ་འགའ་ཞིག་ཡོད་ཟེར། འགན་ཁུར་མཁན་མི་སྣའི་སྐོར། བསྟན་བདག་གཅིག་དང་། ཁྲི་པ་གཅིག དབུ་མཛད་གཅིག དགེ་སྐོས་གཅིག ཕྱག་མཛོད་གཅིག མགོན་བླ་གཅིག གཉེར་པ་གཅིག གྲྭ་པ་ལྔ་བཅུ་ཡོད། སྐུ་གསུང་ཐུགས་རྟེན་སྐོར། སྨན་འདམ་སྐུ་འགའ་ཤས་དང་ཐང་ཆེ་ཆུང་བཅུ། གསེར་སྐུ་བརྒྱད། བཀའ་འགྱུར་ཚར་གཅིག འབུམ་ཆ་གཅིག མཆོད་རྟེན་བརྒྱད་བཅས་ཡོད། མཆོད་ཆ་དང་རོལ་ཆས་སྐོར། ཏིང་ཕོར་ཆ་གསུམ། བུམ་པ་ཆ་གཅིག ནང་མཆོད་གཅིག མཎྜལ་གཅིག དངུལ་ཀོང་གཅིག གདུགས་གཅིག བ་དན་གཅིག དུང་གསུམ། དུང་ཆོས་ཆ་གཅིག སྦུག་ཆལ་ཆ་དྲུག སིལ་སྙན་ཆ་གཅིག རྡོར་དྲིལ་ཆ་གཅིག ཌ་མ་རུ་ཆ་གཅིག ལག་རྔ་ལྔ། མཆོད་རྔ་གཅིག རྐང་གླིང་ཆ་གཉིས། རྒྱ་གླིང་ཆ་གཉིས། དུང་ཆེན་ཆ་གཅིག ཆོས་ར་འཚོགས་རྒྱུ་དགུ་པའི་ནང་ཉིན་བདུན་ཡོད། དཔལ་འབྱོར་གྱི་འོང་ཁུངས་ནི། མི་སེར་དད་ལྡན་ཚོའི་འབུལ་བ་དང་ཁྱིམ་ཚང་གི་རོགས་སྐྱོར་བཅས་ལ་བརྟེན་ནས་འཚོགས། སྦྱིན་བདག་འབྲོག་སྡེ་གསུམ་དང་ཞིང་སྡེ་གཅིག་ཡོད། རྗེས་སུ་ངོ་རྒོལ་བཞི་དང་རིག་གནས་གསར་བརྗེས་གཏོར་བརླག་གཏང་།

དེང་སང་གི་གནས་ཚུལ། འདུ་ཁང་གཅིག་དང་སྲུང་མ་ཁང་གཅིག གཉེར་ཁང་ཇ་ཁང་དུང་འཁོར་ཁང་བཅས་བཞེངས་ཡོད། སྐུ་གསུངས་ཐུགས་བརྟེན་སྐོར། གོང་མ་རྣམ་ལྔ་དང་སྟོན་སྐུ་གཅིག གུ་རུ་གཙོ་འཁོར་གསུམ། བཀའ་བསྟན། འབུམ་ཆ་གཉིས། གཞན་བཀའ་འབུམ་འགའ་དང་མཆོད་རོལ་ཆ་ཚང་བ་ཆོས་ར་འཚོགས་རྒྱུ་བཅས་ཅུང་ཟད་འཛོམས་ཡོད། སྦྱིན་བདག་གི་དུད་གྲངས་དྲུག་ཅུ་རེ་དྲུག་ཡོད། གྲྭ་པ་བཅུ་དྲུག་ཡོད། ད་སྐབས་འགན་ཁུར་མཁན་མཁན་པོ་དཔལ་ལྡན་དབང་ཕྱུག་དང་ཀུན་དགའ་རྒྱལ་མཚན་བཅས་ཡིན།

ཞེས་པ་འདི་ནི་ཉག་ཆུ་བློ་བཟང་གི་ངག་སྒྲོས་ལྟར་རིག་བསྟན་གྱིས་བྲིས་པའོ།།

ས་མིང་ཚིག་མཛོད་མིག་བཤར།

རི་རྒྱ་དགོན་པ་ཞེས་པའི་དོན་ནི་ས་ཆའི་མིང་ལ་རི་རྒྱ་ཞེས་པ་ཞིག་གི་ཐོག་ཏུ་ཆགས་ཡོད་པའི་ཕྱིར་ན་རི་རྒྱ་དགོན་ཞེས་བྱའོ། རབ་བྱུང་བཅུ་གསུམ་པའི་ཤིང་ཡོས་ལོ་(སྤྱི་ལོ1795)ལ་དགེ་བཤེས་བྱམས་པ་ཕུན་[page 539] ཚོགས་ཚང་གིས་བཏབ། དགོན་པའི་མིང་གི་རྣམ་གྲངས་ལ་རི་རྒྱ་དགོན་པ། སོག་ལོག་དགོན་པ་བཅས་ཟེར། གྲུབ་མཐའ་ནི་དགེ་ལུགས་པ་ཡིན། བླ་རབས་བཞི་ཡོད་པ། དགེ་བཤེས་བྱམས་པ་ཕུན་ཚོགས། སྐལ་བཟང་བྱམས་པ་ཕུན་ཚོགས། ཁྲི་དཔོན་བླ་མ། མཁན་པོ་ཞིག་གི་ཡང་སྤྲུལ་ད་དུང་འཚོལ་མ་ཐུབ། མཁན་རབས་གཉིས་ཡོད་པ། སོག་ལོག་བླ་མ། སྤྲུལ་སྐུ་དགེ་བཤེས་བྱམས་པ་ཕུན་ཚོགས་གཉིས་སོ།། འགན་འཁུར་མཁན་སྐོར་ལ་བསྟན་བདག་སོག་ལོག་བླ་མ་ཡིན། དབུ་མཛད་གཅིག དགེ་སྐོས་གཅིག མཆོད་གཡོག་གཉིས། ཕྱག་མཛོད་གཅིག གཉེར་པ་གཅིག འགན་ཁུར་མཁན་དེ་དག་ནི་ལོ་གསུམ་རེ་སོང་མཚམས་སུ་བརྗེ་ལེན་བྱེད་དགོས། གྲྭ་པ་ལྔ་བཅུ་ང་ལྔ་ཡོད།

དགོན་པའི་ཕྱིའི་འཛུགས་སྐྲུན་སྐོར། གཙུག་ལག་ཁང་གཅིག ཇ་ཁང་གཅིག བླ་བྲང་ཁང་གཅིག མགྲོན་ཁང་གཅིག སྲུང་མ་ཁང་གཅིག ལྷ་ཁང་གཅིག གྲྭ་ཤག་བཅུ། ནང་གི་སྐུ་གསུང་ཐུགས་རྟེན་སྐོར། སྐུ་རྟེན་ཁང་བརྩེགས་གཉིས་ཅན་གྱི་རྒྱལ་བ་བྱམས་པའི་སྐུ་གཅིག ཁང་བརྩེགས་གཅིག་གི་མཐོ་ཚད་ཅན་གྱི་ཇོ་བོ་གཅིག ཁང་བརྩེགས་གཅིག་གི་མཐོ་ཚད་ཅན་གྱི་སྤྱན་རས་གཟིགས་ཕྱག་སྟོང་སྤྱན་སྟོང་གཅིག སྨན་འདམ་ལས་གྲུབ་པའི་རྗེའི་སྐུ་དང་ཇོ་བོ་རྗེ། ཚེ་ལྷ་རྣམ་གསུམ། བླ་སྐུ་གཉིས་བཅས་བཞེངས་ཡོད། གསེར་སྐུ་ཆེ་ཆུང་བཅོ་ལྔ། ཐང་ག་ཆེ་ཆུང་བརྒྱད་ཅུ་བཅས་དང་། གསུང་རྟེན་རྒྱལ་བའི་བཀའ་འགྱུར་ཚར་གཅིག གསེར་དངུལ་གྱི་བྲིས་མ་འབུམ་ཆ་གཅིག ཡང་གསེར་དངུལ་གྱི་བྲིས་མ་བརྒྱད་སྟོང་ཚར་གཅིག འདོན་ཆ་ཡོངས་རྫོགས་ཚར་གཅིག ཐུགས་རྟེན་བཀའ་གདམས། མཆོད་རྟེན་ཆ་གཅིག ས་རྡོ་ལས་གྲུབ་པའི་མཆོད་རྟེན་གསུམ་བཅས་བཞུགས་སུ་གསོལ་ཡོད།

གནའ་རྫས་རྟེན་གཙོ་གལ་ཆེན་སྐོར། སྦུག་ཆལ་ཆེ་ཆུང་གཉིས། བྱམས་པའི་སྐུ་ཁྱད་འཕགས་གཅིག ཁྲི་དཔོན་གྱི་ཐུགས་དམ་གྱི་རྟེན་གསེར་སྐུ་སྤྱན་རས་གཟིགས་ཕྱག་བཞི་བ་གཅིག་བཅས་དང་། མཆོད་ཆ་དང་རོལ་ཆས་སྐོར། ཏིང་ཕོར་ཆ་བཅུ་གསུམ། བུམ་པ་ཆ་གསུམ། ནང་མཆོད་ཆ་ལྔ། མཁར་རྔ་ཆ་གསུམ། དངུལ་ཀོང་ཆ་བཅོ་ལྔ། ཀོང་བུ་ཆུང་བ་བརྒྱ་མཆོད་གསུམ། གདུགས་དང་རྒྱལ་མཚན། བ་དན། ཀ་འཕན་བཅས་ཆ་ཚང་བ་གཅིག དུང་ཆ་གསུམ། དུང་ཆོས་དང་གཟུངས་ཐག་རྡོ་རྗེ་ཆ་གཅིག སྦུག་ཆལ་ཆ་ཉི་ཤུ་རྩ་ལྔ། སིལ་སྙན་ཆ་གཉིས། རྡོར་དྲིལ་ཆ་བཅུ། ཌ་མ་རུ་ཆ་གསུམ། ལག་ལྔ་ཆ་གསུམ། མཆོད་རྔ་ཆ་གཉིས། རྐང་གླིང་ཆ་བཞི། རྒྱ་གླིང་ཆ་གཉིས། དུང་ཆེན་ཆ་གཉིས་བཅས་ཡོད། བཤད་གྲྭ་དང་སྒྲུབ་གྲྭ་མེད། མ་དགོན་ནི་ལི་ཐང་དགོན་པ་ཡིན། དཔལ་འབྱོར་གྱི་འོང་ཁུངས་ནི། དགོན་པའི་མ་དངུལ་གཞན་ལ་བུན་བསྐྱེད་བཏང་བ་དང་དད་ལྡན་དག་གིས་འབུལ་བ་ཕུལ་བ་བཅས་ལ་རྟེན་དགོས་ཤིང་། སྦྱིན་བདག་གི་དུད་གྲངས་ཉི་ཤུ་ལྷག་ཙམ་ཡོད། གནས་འདིར་སྐྱེས་ཆེན་དམ་པ་ཁྲི་བྱང་རིན་པོ་ཆེ་དང་ལྕང་སྐྱ་བ་རོལ་བའི་རྡོ་རྗེ་བཅས་བླ་མ་མང་ཙམ་གྱིས་ཞབས་ཀྱིས་བཅགས་མྱོང་། དེང་སང་གི་གནས་ཚུལ། འདུ་ཁང་གཅིག ཇ་ཁང་གཅིག སྲུང་མ་ཁང་གཅིག གཉེར་ཁང་གཅིག ལྷ་ཁང་གཅིག གྲྭ་ཤག་བརྒྱད། [page 540] སྨན་འདམ་ལས་གྲུབ་པའི་ཁང་བརྩེགས་གཉིས་ཅན་གྱི་བྱམས་པའི་སྐུ་གཅིག སྤྱན་རས་གཟིགས་ཕྱག་སྟོང་སྤྱན་སྟོང་གི་སྐུ་གཅིག སྤྱན་རས་ཟིགས་ཕྱག་བཞི་བ་གཅིག ཐང་ག་བཞི་བཅུ་ཞེ་གསུམ། གསེར་སྐུ་ཆེ་ཆུང་བཅུ། ཡང་སྨན་འདམ་སྐུ་ཆེ་ཆུང་བཅོ་ལྔ་བཅས་ཡོད།

དགོན་པ་བཏབ་ནས་ད་ལྟའི་བར་དུ་ལོ་ངོ་ཉིས་བརྒྱ་སོང་།

དེང་སྐབས་འགན་ཁུར་འཁན་གཙོ་བོ་ཨ་ཚོགས་དང་། ཚེ་འཕེལ། བློ་བཟང་། ངག་དབང་བྱམས་པ་བཅས་དང་གཞན་དགེ་འདུན་པ་རྒན་གཞོན་རྣམས་དང་། དད་ལྡན་སྐྱ་སེར་ཀུན་གྱིས་རོགས་ལྡན་དང་རྒྱབ་སྐྱོར་ལ་བརྟེན་ནས་གྲུབ་འབྲས་གཡུར་དུ་ཟ་བ་ཐོབ་བཞིན་པའོ།། །།

ཞེས་པ་འདི་ནི་བླ་མ་བློ་བཟང་གྱི་ངག་རྒྱུན་ལྟར་རིག་བསྟན་གྱིས་བྲིས་པ་དགེའོ།། །།

ས་མིང་ཚིག་མཛོད་མིག་བཤར།

བྲག་དཀར་དགོན་ཞེས་པའི་རྒྱུ་མཚན་ནི་ས་ཆ་འདིར་རིན་ཆེན་བྲག་དཀར་ཆོས་འབྱུང་གནས་རི་ཧ་ཅང་ངོ་མཚར་དང་ལྡན་པ་ཞིག་ཡོད་པས་མིང་དེ་ལྟར་བཏགས་སོ། རབ་བྱུང་བཅུ་བཞི་པའི་ཤིང་ལུག་ལོ་(སྤྱི་ལོ1835)ལ་བྱ་བྲལ་བསམ་པ་དོན་གྲུབ་ཚང་གིས་དགོན་པ་གསར་དུ་བཏབ། ས་ཆ་ནི་དགོན་པའི་ལྷོ་ཕྱོགས་སུ་ནགས་རི་ཆེན་པོ་གཡུ་འབྲུག་སྔོན་མོ་གནམ་ལ་མཆོང་བ་ལྟ་བུ་དང་། དཀྱིལ་དུ་བྲག་དཀར་པོ་དོམ་གྱི་སྙིང་དཀར་ཕྱེས་པ་ལྟ་བུ། གཡས་སུ་ཕུན་ཚོགས་ཆོས་ཀྱི་གླིང་བ། གཡོན་དུ་བཀྲ་ཤིས་དར་རྒྱས་གླིང་། རྒྱབ་ཏུ་དཀྱིལ་འཁོར་སྟེང་། མདུན་དུ་ཏིང་འཛིན་བྲག་རི། རྒྱབ་རི་ཆོས་ལ་སྒང་ཞེས་བྱའོ། སྔར་དགོན་འདིའི་གྲུབ་མཐའ་བཀའ་གདམས་ཡིན་ཡང་ཕྱིས་སུ་རི་བོ་དགེ་ལྡན་པའི་གྲུབ་མཐའ་ལ་བསྒྱུར། ད་ལྟའང་གྲུབ་མཐའ་དགེ་ལུགས་པ་ཡིན། བླ་རབས་གསུམ་ཡོད། གཅིག་བྱ་བྲལ་བསམ་པ་དོན་གྲུབ་ཡིན། གཉིས་དེའི་ཡང་སྲིད་བློ་བཟང་ཕུན་ཚོགས། གསུམ་བློ་བཟང་ཕུན་ཚོགས་ཀྱི་ཡང་སྲིད་དེང་སང་གི་མཚམས་པ་བླ་མ་ཡོན་ཏན་ཕུན་ཚོགས་ཡིན། ཁོང་གི་ལོ་རྒྱུས་ཅུང་ཙམ་ཞུས་ན་དགུང་ལོ་བཅུ་དགུ་ཐོག་རབ་ཏུ་བྱུང་། ཉེར་གསུམ་ཐོག་སྔགས་ཆོག་ཞལ་འདོན་ཡོངས་རྫོགས་ཐུགས་ཐོག་ནས་དགོན་པ་ལ་རྒྱུགས་སྤྲད་སྐུ་གོང་མའི་གདན་ས་ལ་སློབ་མ་སུམ་ཅུ་ཙམ་ཁྲིད་ནས་གདན་ས་བསྐྱངས། ཉེར་བརྒྱད་ཐོག་སློབ་མ་སེར་སྐྱ་ཕོ་མོ་བརྒྱ་དང་ཉི་ཤུ་ཙམ་ཁྲིད་ནས་ཐམས་ཅད་ཀྱི་རྐྱང་ཕྱག་འཚལ་ནས་ལྷ་ས་ལ་ཁྲིད་ནས་སོང་བར་མ་ཚད་བོད་ཀྱི་གནས་དང་རྒྱ་གར་བལ་བོ་བཅས་ལ་གནས་མཇལ་ཕུན་སུམ་ཚོགས་པ་མཛད་ནས་ཞོར་དུ་སློབ་མ་མང་པོ་བློ་ཁ་ཆོས་ལ་བསྒྱུར་བས་ཁོང་ནི་རྒྱལ་གཅེས་ཆོས་གཅེས་ཀྱི་མི་སྣའི་གྲས་སུ་ཚུད་ཡོད།

འགན་ཁུར་མཁན་སྐོར། བསྟན་བདག་གཅིག ཁྲི་བ་གཅིག དབུ་མཛད་གཅིག མགོན་བླ་གཅིག དགེ་སྐོས་གཅིག ཕྱག་མཛོད་གཅིག གཉེར་པ་གཉིས། འགན་ཁུར་མཁན་རྣམས་ནི་ལོ་གསུམ་སོང་རྗེས་[page 541] བརྗེ་རེས་བྱེད་སྲོལ་ཡོད། གྲྭ་པ་སུམ་ཅུ་ལྷག་ཙམ་ཡོད། ཁང་པའི་འཛུགས་སྐྲུན་སྐོར། གཙུག་ལག་ཁང་གཅིག གསེར་ཁང་གཅིག གཉེར་ཁང་གཅིག ཇ་ཁང་གཅིག གྲྭ་ཤག་བཅོ་ལྔ་ཡོད། སྐུ་གསུང་ཐུགས་རྟེན་སྐོར། རྗེ་ཡབ་སྲས་གསུམ་གྱི་གསེར་སྐུ། ཇོ་སྟོན་རྗེ་གསུམ་སྨན་འདམ་སྐུ་གསུམ། ཞལ་ཐང་ཆེ་ཆུང་བཅོ་ལྔ་ཡོད། བཀའ་འགྱུར་ཆ་གཅིག རྗེ་ཡབ་སྲས་གསུམ་གྱི་གསུང་འབུམ་ཆ་ཚང་གཅིག ཤིང་ལས་བྱས་པའི་མཆོད་རྟེན་ཆ་བརྒྱད་གཅིག ས་རྡོའི་མཆོད་རྟེན་ཆ་བརྒྱད་གཅིག་བཅས་ཡོད་དོ།།

རྟེན་གཙོ་རྩ་ཆེན་སྐོར། གསེར་དངུལ་ལས་གྲུབ་པའི་མཎྜལ་ཆ་གཅིག དངུལ་གྱི་ཆུ་གཏོར་གཏོང་ས་ཁྱད་པར་ཅན་གཅིག མཆོད་ཆ་དང་རོལ་ཆས་སྐོར། ཏིང་ཕོར་ཆ་བཅུ་གཅིག བུམ་པ་ཆ་གཉིས། ནང་མཆོད་ཆ་གཅིག མཎྜལ་ཆ་གཅིག དངུལ་ཀོང་ཆ་གཉིས། མཆོད་མེ་ཆུང་བ་བརྒྱ་མཆོད་ལྔ། གདུགས་རྒྱལ་མཚན་བ་དན་ཀ་འཕན་སོགས་མཆོད་རྫས་ཆ་ཚང་བ་ཡོད། དུང་ཆོས་ཆ་ཚང་གཅིག དུང་ཆ་གཅིག སྦུག་ཆལ་ཆ་བརྒྱད། སིལ་སྙན་ཆ་གཅིག རྡོལ་དྲིལ་ཆ་གསུམ། ཌ་མ་རུ་ཆ་གསུམ། ལག་རྔ་ཆ་ལྔ། མཆོད་ལྔ་ཆ་གཅིག རྐང་གླིང་ཆ་གཅིག རྒྱ་གླིང་ཆ་གཅིག དུང་ཆེན་ཆ་གཅིག ཆོས་ར་འཚོགས་རྒྱུ་ནི་ཐང་དཀར་མའི་དགོན་པ་དང་འདྲ། འཆམ་རྒྱག་སྲོལ་མེད། སློབ་གྲྭ་ནི་བཤད་གྲྭ་མེད་ཀྱང་སྒྲུབ་གྲྭ་ཞིག་ཡོད། དགོན་འདིའི་མ་དགོན་ནི་ལི་ཐང་དགོན་པ་ཡིན། དཔལ་འབྱོར་གྱི་འོང་ཁུངས་ནི་དགོན་འདིའི་སྦྱིན་བདག་ཚོའི་འབུལ་བ་ཁོ་ན་ཡིན་ནོ།། སྦྱིན་བདག་གི་དུད་གྲངས་ནི་ཉིས་བརྒྱ་དང་ལྔ་བཅུ་ཡོད། གདན་ས་འདིར་སྐྱེས་ཆེན་དམ་པ། བྱ་བྲལ་པདྨ་རིག་འཛིན་དང་དགེ་བཤེས་རྒྱ་མཚོ། དགེ་བཤེས་བསྟན་པ་བློ་གྲོས་བཅས་སྐྱེས་ཆེན་མང་ཙམ་བྱོན་ཡོད། རྗེས་སུ་ངོ་རྒོལ་བཞིས་གཏོར་བརླག་བཏང་ནས་ཤུལ་མེད་བྱས།

དེང་སང་གི་གནས་ཚུལ། འདུ་ཁང་དང་སྲུང་མ་ཁང་གཉེར་ཁང་ཇ་ཁང་བླ་བྲང་ཁང་བཅས་བཞེངས་ཡོད། སྐུ་གསུང་ཐུགས་རྟེན་སྐོར་ལ་གསེར་སྐུ་ལྔ་བཅུ་ཙམ་དང་བཀའ་འགྱུར་ཆ་གཅིག་ཤིང་གི་མཆོད་རྟེན་བཅས་བཞུགས། མཆོད་རོལ་དང་མཆོད་རྫས་ཆ་ཚང་བ་གཅིག་འཛོམས་པར་མ་ཟད། ཆོས་ར་འཚོགས་རྒྱུའང་འགའ་ཤས་ཐོན་ཡོད། སྦྱིན་བདག་གི་དུད་གྲངས་སུམ་བརྒྱ་ཡོད། གྲྭ་པ་ལྔ་བཅུ་ཡོད། དེང་སྐབས་འགན་འཁུར་མཁན་མཚམས་པ་བླ་མ་ཡོན་ཏན་ཕུན་ཚོགས་དང་བཀྲ་ཤིས་ཕུན་ཚོགས་བྱམས་པ་རྒྱ་མཚོ་ཚེ་རིང་ནོར་བུ་བཅས་ཡིན་ནོ།།

ཞེས་པ་འདི་ནི་ཟླ་སྤེལ་དང་རིག་བསྟན་གཉིས་ཀྱིས་གཞན་གྱི་ངག་རྒྱུན་ལྟར་ཞིབ་པར་བྲིས་པ་དགེའོ།

ས་མིང་ཚིག་མཛོད་མིག་བཤར།

བཀྲ་ཤིས་འཇམ་དབྱངས་དགོན་ཞེས་པའི་དོན་ནི་རྟེན་འབྲེལ་གྱི་མིང་ཁྱད་པར་བ་ཞིག་ཡིན་ཟེར་བ་[page 542] ལས་གཞན་འགྲེལ་བཤད་རྒྱག་རྒྱུ་མི་འདུག་གོ། དགོན་པ་འདི་རབ་བྱུང་བཅུ་གཅིག་པའི་ས་ལུག་ལོ་ལ་(སྤྱི་ལོ1679ལོ)དགེ་སློང་ངག་དབང་དཔལ་ལྡན་གྱིས་བཏབ། ས་དེར་ནགས་ཚལ་དང་རི་དྭགས་ཀྱི་རིགས་འདྲ་མིན་སྣ་ཚོགས་ཡོད། རྒྱབ་རི་སེངྒེ་དཀར་མོ་འགྱིང་འདྲ་དང་། མདུན་རི་གླང་ཆེན་འགྱིང་འདྲ། གྲུབ་རྟགས་ཀྱི་ཞབས་རྗེས་ཕྱག་རྗེས་དང་ཕ་དམ་པའི་རྐང་གླིང་གི་རྗེས་སོགས་གྲུབ་རྟགས་ངོ་མཚར་དུ་མ་ཡོད་དོ།

གྲུབ་མཐའ་ནི་དགེ་ལུགས་པ་ཡིན། མ་དགོན་ནི་སྐྱིད་ལེགས་དགོན་པ་ཡིན། མཁན་པོ་ནི་མ་དགོན་གྱིས་གཏོང་སྲོལ་ཡོད། ཁང་པ་འཛུགས་སྐྲུན་གྱི་སྐོར། གཙུག་ལག་ཁང་གཉིས་དང་སྲུང་མ་ཁང་བསྙུང་གནས་ལྷ་ཁང་། བླ་བྲང་ཁང་བརྩེགས་གཉིས་ཅན་གཅིག ཇ་ཁང་། གཉེར་ཁང་གྲྭ་ཤག་བཅས་ཡོད། འགན་ཁུར་སྐོར། བསྟན་བདག ཁྲི་བ། དགེ་སྐོས། ཕྱག་མཛོད་གཉེར་པ། མཆོད་དཔོན། མགོན་བླ། གྲྭ་པ་སུམ་ཅུ་ལྷག་ཙམ་ཡོད། སྐུ་གསུང་ཐུགས་རྟེན་སྐོར། སྨན་འདམ་ལས་བཟོས་པའི་བྱམས་པ། སྒྲོལ་མ། རིགས་གསུམ་མགོན་པོ། ཚེ་ལྷ་རྣམ་གསུམ། རྗེ་སྐུ་སྟོང་ཕྲག་གཅིག གསེར་སྐུ་བཅུ། ཞལ་ཐང་བརྒྱད་ཅུ། རྗེ་སྐུ་ཐང་མོ་ཆེ་ཐོག་བརྩེགས་གཉིས་ཅན་གཅིག བཀའ་འགྱུར། འབུམ་སོགས་གཞན་དཔེ་ཆ་པོད་བདུན་ཅུ་ཙམ་དང་རྣམ་རྒྱལ་མཆོད་རྟེན་བཞི་བཅས་ཡོད།

མཆོད་ཆ་དང་རོལ་ཆ་སྐོར། གནའ་རྫས་རྩ་ཆེན་སྦུག་ཆལ་འཛམ་གླིང་གཡས་བཞགས་ཟེར་བ་གཅིག སིལ་སྙན་ཆ་གཉིས། འཁར་རྔ་གཅིག རྒྱ་ནག་དྲིལ་བུ་གཅིག ཏིང་ཤག་དུང་ཆ་གཅིག དུང་ཆེན་ཆ་གཉིས། རྐང་གླིང་ཆ་གཉིས། རྒྱ་གླིང་ཆ་གཉིས། གདུགས་རྒྱལ་མཚན་བ་དན་འཕན་བཅས་ཆ་ཚང་བ་ཡོད་དོ།།

དཔལ་འབྱོར་གྱི་ཐོན་ཁུངས་ནི། ཆོས་ཞིང་ས་ཁལ་བཞི་བཅུ་ཞེ་གཉིས་ལྷག་ཙམ་དང་དེའི་སྟེང་དུ་སྦྱིན་བདག་གི་འབུལ་བ་བཅས་ཡིན། སྦྱིན་བདག་གི་དུད་གྲངས་ནི་བརྒྱ་ལྷག་ཙམ་ཡོད།

ཆོས་ར་འཚོགས་རྒྱུའི་སྐོར། དབྱར་གནས། དགུན་ཆོས། འཆམ་རྒྱག་རྒྱུ་དང་བཅས་པ་སྔོན་སྲོལ་བཞིན་ཡོད། ལོ་རེའི་ཟླ་བ་གསུམ་པའི་ཚེས་བཅོ་ལྔ་ལ་མི་སྟོང་ཕྲག་ལྷག་འདུས་ནས་མཛད་སྒོ་ཤིན་ཏུ་ཆེན་པོ་ཞིག་ཡོད། རྗེས་སུ་ངོ་རྒོལ་བཞིའི་སྐབས་སུ་དགོན་པ་རྩ་མེད་དུ་བཏང་ངོ་།།

དེང་སང་གི་གནས་ཚུལ། གཙུག་ལག་ཁང་དང་གཉེར་ཁང་། ཇ་ཁང་། སྲུང་མ་ཁང་། སྐྱིད་ལེགས་སྐུ་ཞབས་གཟིམ་ཤག་བཅས་རྒྱབ་ཚར། སྐུ་གསུང་ཐུགས་རྟེན་དང་མཆོད་ཆ་རོལ་མོ་མཚོད་རྫས་ཆ་ཚང་བ་འཛོམས་ཡོད། དགེ་སློང་ངག་དབང་དཔལ་ལྡན་གྱི་སྐུ་འདྲ་ཁྱད་པར་ཅན་ཞིག་བཞེངས་ཡོད། གྲྭ་པ་དྲུག་ཡོད། སྦྱིན་བདག་གི་དུད་གྲངས་བཞི་བཅུ་ཞེ་བཞི་ལྷག་འདུག་གོ དེང་སང་འགན་ཁུར་མཁན་གཙོ་བོ་ནི་ཐུབ་བསྟན་ཆོས་འཕེལ་སོགས་ཡིན་ནོ།

ཞེས་པ་འདི་ནི་དཔེ་འཛིན་རོང་གི་བླ་མ་ཐུབ་བསྟན་གྱི་ངག་སྒྲོས་ལྟར་རིག་བསྟན་གྱིས་བྲིས་པའོ།།[page 543]

ས་མིང་ཚིག་མཛོད་མིག་བཤར།

སྤང་གདོང་དགོན་པ་ཞེས་པའི་དོན་ནི་སྤང་གདོང་ཞིག་གི་སྟེང་དུ་ཆགས་ཡོད་པས་ན་སྤང་གདོང་དགོན་ཞེས་བྱའོ། རབ་བྱུང་བཅུ་པའི་ཤིང་ལུག་ལོ་(1495)ལ་སྒོ་སོག་མཁན་རྒན་ཚང་གིས་དགོན་པ་བཏབ། གྲུབ་མཐའ་ནི་སྔོན་བོན་པོ་ཡིན་ཡང་ཕྱིས་སུ་ཡུལ་དེར་དགེ་ལུགས་པ་དར་སྒང་ཅིག་ལ་བོན་དགོན་མེ་ཤོར་ནས་མེད་པར་བྱས། གྲུབ་ཐའ་དགེ་ལུགས་པ་ལ་བསྒྱུར་རོ།། བླ་རབས་ནི་སྒོ་སོག་མཁན་རྒན་སྐུ་ཕྲེང་རིམ་བྱོན་རྣམས་ཡིན། ཡུལ་དེར་བླ་མ་རྩ་ཆེན་མང་པོ་བྱོན་མྱོང་འདུག འགན་ཁུར་མཁན་སྐོར། བསྟན་བདག་གཅིག ཁྲི་པ་གཅིག མགོན་བླ་གཅིག དབུ་མཛད་གཅིག དགེ་སྐོས་གཉིས། ཕྱག་མཛོད་གཅིག གཉེར་པ་གཉིས། མཆོད་དཔོན་གཉིས། གྲྭ་པ་སུམ་ཅུ་སོ་དགུ་ཡོད། ཁང་བའི་འཛུགས་སྐྲུན་སྐོར། གཙུག་ལག་ཁང་གཅིག གཉེར་ཁང་གཅིག ཇ་ཁང་གཅིག བླ་བྲང་ཁང་གཅིག མགོན་ཁང་གཅིག མགྲོན་ཁང་གཅིག གྲྭ་ཤག་སུམ་ཅུ་ལྷག་ཡོད།

སྐུ་གསུང་ཐུགས་རྟེན་སྐོར། འདམ་སྐུ་བཅོ་ལྔ་ཡོད། གསེར་སྐུ་ལྔ་ཡོད། ཐང་མོ་ཆེ་གཅིག བཀའ་འགྱུར་ཆ་གཅིག འབུམ་ཚར་གཉིས། གསུང་འབུམ་སྐོར་པོད་བརྒྱ་ལྷག་ཙམ་ཡོད། ས་རྡོ་ལས་གྲུབ་པའི་མཆོད་རྟེན་ཆེན་པོ་གཅིག་དང་ཆུང་བ་བཞི་ཡོད། རྟེན་གཙོ་གནའ་རྫས་རྩ་ཆེན་སྐོར། དུང་དཀར་ཆ་གཅིག་དང་ཡ་ཞིག་ཡོད། མཁའ་འགྲོ་ཡེ་ཤེས་མཚོ་རྒྱལ་གྱི་སྐུ་གསུང་འབྱོན་མ་གཅིག མཆོད་ཆ་དང་རོལ་ཆས་སྐོར། ཏིང་ཕོར་ཆ་བཅུ། བུམ་པ་ཆ་ལྔ། ནང་མཆོད་ཆ་གསུམ། ཀོང་བུ་ཆ་ཉི་ཤུ། གདུགས་རྒྱལ་མཚན་བཅས་མཆོད་རྫས་ཆ་ཚང་བ། དུང་ཆོས་ཆ་གསུམ། དུང་ཆ་ལྔ། རྡོར་དྲིལ་ཆ་བཞི། ཌ་མ་རུ་ཆ་བཞི། སྦུག་ཆལ་ཆ་བཅུ་གཅིག སིལ་སྙན་ཆ་གཉིས། ལག་རྔ་ཆ་གཉིས། མཆོད་རྔ་ཆ་གཅིག རྐང་གླིང་ཆ་གཅིག རྒྱ་གླིང་ཆ་གཅིག དུང་ཆེན་ཆ་གཅིག ཆོས་ར་འཚོགས་རྒྱུ་སྐོར། ཟླ་བ་བདུན་པའི་ནང་ལྷ་གསོ་འཚོགས་དགོས། ཟླ་བ་བརྒྱད་པའི་ནང་བཟང་སྤྱོད་འདོན་དགོས། གཞན་མ་དགོན་ནི་ལི་ཐང་དགོན་པ་རེད། དཔལ་འབྱོར་གྱི་ཐོན་ཁུངས་ནི་ཆོས་ཞིང་དང་ཚོང་ལས་སྦྱིན་བདག་གི་འབུལ་བ་བཅས་ཡིན། སྦྱིན་བདག་གི་དུད་གྲངས་ཉིས་བརྒྱ་ལྷག་ཙམ་ཡོད། རྗེས་སུ་ངོ་རྒོལ་བཞིས་རྩ་མེད་བཏང་ངོ་།།

དེང་སང་གི་གནས་ཚུལ། འདུ་ཁང་དང་སྲུང་མ་ཁང་གཉེར་ཁང་ཇ་ཁང་བླ་བྲང་ཁང་གྲྭ་ཤག་ཉི་ཤུ་བཅས་ལས་ཚར་ཡོད། སྐུ་གསུང་ཐུགས་རྟེན་དང་མཆོད་རྫས་མཆོད་ཆ་རོལ་ཆ་བཅས་ཅུང་ཙམ་འཛོམས་ཡོད། ཆོས་ར་འཚོགས་རྒྱུ་དབྱར་ཆོས་དང་དགུན་ཆོས་འཆམ་དང་བཅས་པ་ཐོན་ཡོད། སྦྱིན་བདག་གི་དུད་གྲངས་ལྔ་བཅུ་ཡོད། གྲྭ་པ་སུམ་ཅུ་ཙམ་ཡོད།

ཅེས་པ་འདི་ནི་བླ་མ་ཐུབ་བསྟན་གྱི་ངག་སྒྲོས་ལྟར་བྲིས་པའོ།། །།[page 544]

ས་མིང་ཚིག་མཛོད་མིག་བཤར།

དགོན་གསར་དགོན་ཞེས་པའི་རྒྱུ་མཚན་ནི་གྲུབ་ཆེན་ས་རྭ་འབུམ་གྱིས་གུར་ཀུམ་སྟེང་དང་སྒོ་མཛོ་སྟེང་། གླིང་སྟེང་གསུམ་ལ་དགོན་པ་གསུམ་བཏབ་ཡོད། དེའི་རྗེས་སུ་གཙང་ཆོས་ཀུན་དགའ་རྒྱལ་མཚན་གྱིས་དགོན་པ་གསུམ་དེ་གཅིག་ཏུ་བསྡུས་ནས་དགོན་པ་གསར་པ་ཞིག་བཏབ་པ་ཡིན་པས་དགོན་གསར་དགོན་ཞེས་བྱའོ། བོད་རབ་བྱུང་དྲུག་པའི་ས་ཁྱི་ལོར་(སྤྱི་ལོ1358)གཙང་ཆོས་ཀུན་དགའ་རྒྱལ་མཚན་གྱིས་བཏབ། མཛད་རྗེས་ཅན་གྱི་སྐྱེས་བུ་རིམ་བྱོན་ལ། བླ་རབས་བཞི་ཡོད་པ། གྲུབ་ཆེན་ས་རྭ་འབུམ། གཙང་ཆོས་ཀུན་དགའ་རྒྱལ་མཚན། པཎ་ཆེན་བསྟན་པའི་ཉི་མ། སྒོ་སོག་རིན་པོ་ཆེ་བཅས་ཡིན། འགན་ཁུར་པ། བསྟན་བདག་གྲུབ་ཐོབ་རྭ་འབུམ་ཡིན། མཁན་པོ་གཅིག དབུ་མཛད་གཅིག དགེ་སྐོས་གཅིག ཕྱག་མཛོད་བཞི། གཉེར་པ་གསུམ། མཆོད་དཔོན་གཅིག མཆོད་གཡོག་བཞི་དང་། དགེ་འདུན་པའི་གྲངས་ཀ་ལྔ་བརྒྱ་དང་ལྔ་བཅུ་ཡོད། འཛུགས་སྐྲུན་སྐོར། ཚོགས་ཁང་ཀ་བ་བརྒྱད་ཅུ་ཅན་གཅིག ཇ་ཁང་གཅིག གཉེར་ཁང་གཅིག ཁང་ཚན་གསུམ། གྲྭ་ཤག་དྲུག་ཅུ། མགོན་ཁང་གཅིག་བཅས་ཡོད། ཐབ་ཆས་སྐོར། ཚོགས་ཟུངས་དྲུག ཟོ་ཁྲ་སུམ་ཅུ། སྐྱོགས་བཅུ། ཆུ་ཟོམ་ལྔ། སྡེར་མ་བརྒྱད་བཅས་ཡོད། འཚོ་བའི་རྟེན་གཞི། དགོན་རང་ཉིད་ལ་ས་ཞིང་མུའུ་བརྒྱ་དང་ང་བཅུ་ལྷག་ཡོད། འབྲོག་པའི་ཐོག་ལ་ཕྱུགས་ཟོག་མུ་ཉུང་བ་ཙམ་ཡོད། ད་དུང་ཚོང་ལས་བྱས་པ་དང་དད་ལྡན་གྱི་འབུལ་བ་བཅས་ལ་བརྟེན་དགོས། འོག་སྡེའི་དུད་གྲངས་ཆིག་སྟོང་ཉི་ཤུ་ལྷག་ཙམ་ཡོད།

སྐུ་གསུང་ཐུགས་རྟེན་སྐོར། སྨན་འདམ་སྐུ་བྱམས་པ་ཁང་ཐོག་བརྩེགས་གཉིས་ཅན་གཅིག རྗེ་རིན་པོ་ཆེའི་སྐུ་གསེར་ཟངས་ལས་གྲུབ་པའི་བྱམས་པ་བརྩེགས་གཉིས་ཅན་གཅིག སྤྱན་རས་གཟིགས། ཇོ་བོའི་སྐུ་ཁང་བརྩེགས་གཅིག་ཅན་གཅིག གོང་གི་བླ་རབས་བཞིའི་སྐུ་བརྙན་རེ་རེ། རྒྱ་ནག་ལི་མའི་ཇོ་བོ་མཐོ་བཅོ་བརྒྱད་ཅན་གཅིག གསེར་སྐུ་རྙིང་པ་བརྒྱ། རག་གི་སྟོན་སྐུ་དྲུག་བརྒྱ། སྲུང་མ་ཁང་དུ་འཇིགས་བྱེད་དང་དམ་ཅན་གཉིས། ཞལ་ཐང་ཉིས་བརྒྱ། གོས་སྐུ་གཅིག བཀའ་འགྱུར་ཚར་གཉིས། བསྟན་འགྱུར་ཚར་གཅིག གསེར་དངུལ་ལས་བྲིས་པའི་འབུམ་ཚར་བཞི། ས་དགེའི་འདོན་ཆ་ཚང་བ་ཡོད། བཀའ་གདམས་མཆོད་རྟེན་ཆ་གསུམ། ས་རྡོ་ལས་བཞེངས་པའི་མཆོད་རྟེན་གཅིག་བཅས་ཡོད། གནའ་རྫས་ཀྱི་རྟེན་གཙོ་གལ་ཆེན་སྐོར། སྦུག་ཆལ་འཛམ་གླིང་གཡས་བཞག་ཟེར་བ་གཅིག དམ་ཅན་གྱི་ཐང་ག་ཁྱད་འཕགས་ཅན་གཅིག དུང་དཀར་རང་གྲགས་གཅིག སིལ་སྙན་བྱ་ཤང་ཤང་གིས་ཁྱེར་ཡོང་བ་གཅིག་བཅས་བསམ་ཡུལ་ལས་འདས་པའི་རྟེན་ཁྱད་པར་ཅན་མང་ཡང་དེང་སང་ཐམས་ཅད་ཤེས་མཁན་མི་འདུག མཆོད་ཆ་དང་རོལ་ཆའི་སྐོར། ཏིང་ཕོར་ཉིས་བརྒྱ་ལྷག གསེར་དངུལ་རག་ཟངས་ལས་གྲུབ་པའི་བུམ་པ་ཆ་བཅུ། ནང་མཆོད་བཅུ། མཎྜལ་ཆ་ལྔ། དངུལ་ལས་གྲུབ་པའི་ཐོད་པ་ལྔ། དངུལ་ཀོང་ཆ་གསུམ། རྒྱ་[page 545] ཕིབས་དང་རྒྱལ་མཚན་བ་དན་ཀ་འཕན་སོགས་དུ་མ་ཡོད། དུང་ཆོས་དང་གཟུངས་ཐག་རྡོ་རྗེ་ཆ་བཅུ་ཡོད། དུང་ཆ་གཅིག དུང་ཆེན་ཆ་བཞི། རྒྱ་གླིང་ཆ་བརྒྱད། སྦུབ་ཆལ་བརྒྱ་དང་སུམ་ཅུ། རྐང་གླིང་ཆ་དྲུག སིལ་སྙན་ཆ་ལྔ། རྡོར་དྲིལ་ཆ་ཉིས་བརྒྱ། ཌ་མ་རུ་ཆ་ལྔ་བཅུ། གཞན་ཡང་གདན་རིང་ཆ་བརྒྱད། གདན་ཁ་གང་མ་སུམ་བརྒྱ་བཅས་ཡོད།

དུས་མཆོད་སྐོར། ཟླ་བ་དང་པོའི་ཚེས་བརྒྱད་ནས་ཚེས་བཅུ་དྲུག་བར་དུ་སྨོན་ལམ་འཚོགས་རྒྱུ་དང་། ཟླ་བ་གཉིས་པའི་ཚེས་གཅིག་ནས་ཉི་ཤུའི་བར་དུ་ཁང་ཚན་འཚོགས། ཟླ་བ་གསུམ་པའི་ཚེས་བཅོ་ལྔ་ནས་ཉེར་དྲུག་བར་དུ་མི་འཁྲུགས་པའི་སྒྲུབ་མཆོད། ཚེས་ཉེར་བདུན་ལ་ལས་གནས་བསྐོས་བཞག་བྱེད་དགོས། ཟླ་བ་གསུམ་པའི་ཚེས་སུམ་ཅུ་ནས་ཟླ་བ་བཞི་བའི་ཚེས་བཅུ་དྲུག་བར་དུ་བསྙུང་གནས་འདུག་དགོས། བཞི་པའི་ཚེས་བཅུ་བདུན་ལ་མགོན་པོའི་གཏོར་ཆེན། ཉི་ཤུ་བཞི་ལ་བཀའ་འགྱུར་ཞལ་ཕྱེ་དང་འཇིགས་བྱེད་ཀྱི་ཐིག་རྡུལ་ཚོན། ཟླ་བ་ལྔ་པའི་ཚེས་གཅིག་ནས་བཅུའི་བར་དུ་འཇིགས་བྱེད་སྒྲུབ་མཆོད། ཚེས་བཅུ་གཅིག་ནས་ཉི་ཤུའི་བར་དུ་མ་ཎི་དུང་སྒུབ་དང་བདེ་མཆོག་གི་རྡུལ་ཚོན། ཚེས་ཉེར་གཅིག་ནས་ཟླ་དྲུག་པའི་ཚེས་གཉིས་བར་དུ་བདེ་མཆོག་སྒྲུབ་མཆོད། ཚེས་གསུམ་ལ་རི་བསང་རླུང་རྟ་དང་དབྱར་མཐོང་དགའ་སྟོན། ཚེས་ལྔ་ནས་བརྒྱད་བར་དུ་རབ་གནས་དགེ་ལེགས་ཆར་འབེབས་འཚོགས། ཚེས་བཅོ་ལྔ་ནས་དབྱར་གནས་ཟླ་གཅིག་ཕྱེད། དབྱར་ཆོས་ཀྱི་སྐབས་སུ་གསང་འདུས་སྒྲུབ་མཆོད་དང་ལྷ་མོའི་གཏོར་ཆེན་གྱི་ཆོ་ག་བཅས་དང་། ཟླ་བ་བརྒྱད་པའི་ཚེས་གཅིག་ནས་བཟུང་ཀུན་རིགས་སྒྲུབ་མཆོད་ཟླ་བ་གཅིག་འཚོགས་དགོས། ཟླ་བ་དགུ་པའི་ནང་མགོན་དཀར་བུམ་སྒྲུབ་དང་ལྷ་གསོལ། ཟླ་བ་བཅུ་པའི་ཚེས་ཉེར་གསུམ་ནས་ཉེར་བདུན་བར་དུ་དགའ་ལྡན་ལྔ་མཆོད། ཡང་འདི་ཟླའི་ཉེར་བཞི་དང་ཉེར་ལྔ། ཉེར་དྲུག་བཅས་ལ་འབག་འཆམ་དང་ཕྱི་དྲོ་སྒྲུབ་གཏོར་གཏོང་། ཟླ་བ་བཅུ་གཅིག་པའི་ནང་ཆོས་མཚམས། ཟླ་བ་བཅུ་གཉིས་པའི་ཚེས་ཉེར་གཅིག་ནས་ཉེར་དགུའི་བར་དུ་སྤྱི་གཏོར་འཚོགས་རྒྱུ་བཅས་ནི་སྔོན་གྱི་མཐོང་བ་བརྒྱུད་པའི་ཕྱག་སྲོལ་ཡིན་ནོ།། གདན་ས་འདིར་བྱོན་མྱོང་བའི་སྐྱེས་ཆེན་དམ་པའི་སྐོར། ཤོག་དྲུག་སྐྱབས་མགོན་དང་ཁྲི་བྱང་རིན་པོ་ཆེ་སོགས་བླ་སྤྲུལ་སྐྱེས་ཆེན་མང་ཙམ་གྱིས་ཞབས་ཀྱིས་བཅག་བྱིན་རླབས་གནང་མྱོང་ངོ་།། རིག་གནས་དར་ཚུལ་དང་མ་དགོན་དང་བུ་དགོན་དུ་ཡོད་སྐོར། བཤད་གྲྭ་དང་སྒྲུབ་གྲྭ་ནི་མེད། བུ་དགོན་ཀ་ར་ཤུལ་གྱི་སྔར་དུང་འཁོར་ཞིག་གི་ཤུལ་དུ་ད་ལྟ་ལྷ་ཁང་ཆུང་བ་བརྩེགས་གཉིས་ཅན་གཅིག་བཞེངས་ཡོད། མ་དགོན་ནི་ལི་ཐང་དགོན་ཡིན་ནོ།། དཔལ་འབྱོར་གྱི་ཡོངས་ཁུངས་སྐོར། གནའ་ས་ཞིང་དང་འབྲོག་ལས་ཚོང་སོགས་ལ་བསྟེན་ནས་རང་ཁ་རང་སྤེལ་བྱས། ད་ལྟ་ནི་མི་སེར་གྱི་འབུལ་བ་ཁོ་ནས་འཚོ་བ་སྐྱེལ་བཞིན་ཡོད། གནའ་དང་ད་ལྟའི་དགེ་འདུན་པའི་གྲངས་ཀའི་སྐོར་ནི། གནའ་སྔ་མོ་གྲྭ་པ་ལྔ་བརྒྱ་དང་ལྔ་བཅུ་ཡོད། དེང་སང་གྲྭ་པ་བདུན་ཅུ་དོན་བརྒྱད་ཡོད། པར་ཤིང་ལ་གསོལ་ཀའི་པར་ཤིང་ཆ་ཚང་བ་གཅིག་ཡོད། དེ་རྗེས་ངོ་རྒོལ་བཞི་དང་རིག་གནས་གསར་བརྗེས་གཏོར་བཤིག་ཚབས་ཆེན་བྱས་ནས་དགོན་པ་གྱང་རལ་[page 546] ཞིག་ཏུ་གྱུར།

དེང་དུས་ཀྱི་གནས་ཚུལ། ཚོགས་ཁང་ཉམས་གསོ་ལེགས་པོ་བྱས་ཡོད། ཇ་ཁང་གཅིག མགོན་ཁང་གཅིག བཀའ་བསྟན་ཁང་གཅིག གྲྭ་ཤག་སུམ་ཅུ་བཅས་བཞེངས་ཡོད། སྐུ་གསུང་ཐུགས་རྟེན་སྐོར་ལ། སྨན་སྐུ་བྱམས་པ་ཐོག་བརྩེགས་གཉིས་ཅན་གཅིག རྗེ་རིན་པོ་ཆེ་དང་སྤྱན་རས་གཟིགས། ཇོ་བོ་ཐོག་བརྩེགས་ཅན་གཅིག རག་གི་སྟོན་སྐུ་དྲུག་བརྒྱ་ཡོད། སྲུང་མ་ཁང་ན་འཇིགས་བྱེད་དང་དམ་ཅན་གྱི་སྐུ་བཞེངས་ཡོད། ཞལ་ཐང་ཉི་ཤུ། གོས་སྐུ་གཅིག བཀའ་འགྱུར་ཚར་གཉིས། བསྟན་འགྱུར་ཚར་གཅིག འབུམ་ཆ་བཞི། མཆོད་རྟེན་ཁ་ཤས་བཅས་བཞེངས་ཡོད། ཆོས་ར་འཚོགས་རྒྱུའི་སྐོར། གསང་བདེ་འཇིགས་གསུམ་གྱི་སྒྲུབ་མཆོད་དང་བསྙུང་གནས། ལྔ་མཆོད་འབག་འཆམ་དང་བཅས་པ་ཚུགས་ཡོད། མཆོད་ཆ་དང་རོལ་མོ་སྐོར་ཆ་ཚང་བ་གཅིག ཚོགས་ཟངས་གསུམ་ཡོད། འོག་གི་སྡེ་བ་དང་དད་ལྡན་འཚོ་བ་སྦྱོར་མཁན་སྦྱིན་བདག་ནི་ཤང་ཁག་ལྔའི་དུད་གྲགས་ཙམ་ཡོད། འགན་ཁུར་མཁན་སྐོར་ལ་མཁན་པོ་གཅིག སྤྲུལ་སྐུ་གཅིག སློབ་དཔོན་གཅིག དབུ་མཛད་གཅིག དགེ་སྐོས་གཅིག དགེ་གཡོག་གཅིག མཆོད་དཔོན་གཅིག་བཅས་ཞལ་བཞུགས། སྤྲུལ་སྐུ་ཡོན་ཏན་ཕུན་ཚོགས་ཚང་གིས་དགེ་རྒན་མཛད་ནས་མཚན་ཉིད་དང་དག་ཡིག་བཅས་སློབ་གྲྭ་བ་རྣམས་ལ་ཁྲིད་བཞིན་ཡོད། དགོན་པ་བཏབ་ནས་ད་ལྟའི་བར་དུ་ལོ་དྲུག་བརྒྱ་དང་སུམ་ཅུ་སོ་བདུན་སོང་།

ཅེས་པ་འདི་ནི་དགོན་པའི་དགེ་འདུན་སྤྱི་དང་བྱེ་བྲག་ཏུ་འགན་ཁུར་གཞོན་པ་ཨ་དོན་བཅས་ལ་དྲིས་ནས་བོད་རབ་བྱུང་བདུན་པའི་ཤིང་ཕག་ལོར་(སྤྱི་ལོ་1995)ལོའི་ཟླ་བ་བརྒྱད་པའི་ཚེས་ཉེར་བདུན་ལ་ཉག་ཆུ་ཁ་ནས་རིག་བསྟན་གྱིས་བྲིས་པ་དགེའོ།། །།

ས་མིང་ཚིག་མཛོད་མིག་བཤར།

ཐང་དཀར་དགོན་ཞེས་པའི་ཐང་དཀར་གྱི་དོན་ནི་ཤོག་དྲུག་སྐྱབས་མགོན་ངག་དབང་བློ་བཟང་བསྟན་འཛིན་འཕྲིན་ལས་ཀྱི་ཞལ་ནས་བཀྲ་ཤིས་ཐང་དཀར་པད་འདབ་རྒྱས་པའི་སྟེང་ཞེས་གསུངས་པ་ལྟར་ཐང་དཀར་ཞེས་པ་ནི་རྒྱལ་མཆོག་བདུན་པ་ཆེན་པོ་ལི་ཐང་དུ་འཁྲུངས་དུས། མ་ཡུམ་གྱིས་རྒྱབ་ཏུ་ཁུར་ནས་ལྟོ་སློང་སར་སོང་སྟེ་ཐང་འདིར་སླེབས་པའི་ཚེ་བུ་ཆུང་ས་ཆ་འདིར་བཞག་ནས་མ་ཡུམ་ལྟོ་སློང་དུ་སོང་སྐབས་སུ། གློ་བུར་དུ་ཆར་པ་བབས་པར་མ་ཡུམ་གྱིས་ཆར་གྱིས་བུ་ལ་གནོད་ཡོང་སྙམ་ནས་མགྱོགས་པར་བུ་རྩར་སླེབས་དུས་བྱ་ཐང་དཀར་རྒོད་པོ་ཞིག་གིས་གཤོག་པའི་ནང་དུ་བཞག་ཏེ་སྲུང་སྐྱོབ་བྱེད་བཞིན་ཡོད་པ་མཐོང་བས་ཕྱིས་སུ་མིང་དེ་ལྟར་ཐོགས་སོ།། བོད་རབ་བྱུང་བཅུ་གཅིག་པའི་ཤིང་སྟག་ལོ་ལ་(1674)དགའ་ལྡན་ཁྲི་ཆེན་ང་བཞི་པ་ངག་དབང་མཆོག་ལྡན་གྱིས་གུར་དཀར་པོའི་དགོན་པ་གྲྭ་ཚང་གི་མགོ་[page 547] བཙུགས་པར་མཛད། ཁོང་གིས་གུར་དཀར་པོའི་དགོན་པ་བརྒྱ་དང་བཅུ་གསུམ་བཏབ་པའི་ཡ་གྱལ་གཅིག་ཡིན།

གྲུབ་མཐའ་གནའ་ནས་ད་ལྟའི་བར་དུ་དགེ་ལུགས་པ་ཡིན། དགོན་པའི་མིང་གི་རྣམ་གྲངས་སྐོར། ཨོ་ཐོག་གྲྭ་ཚང་། གཙང་ཤུལ་དགོན། དགའ་ལྡན་བཀྲ་ཤིས་གླིང་། ཐང་དཀར་དགོན། ཁམས་ནཱ་ལེནྡྲ་ཐེག་ཆེན་བྱང་ཆུབ་ཆོས་གླིང་བཅས་སོ།། བླ་རབས་སྐོར་ནི་ཁྲི་ཆེན་ངག་དབང་མཆོག་ལྡན་ནི་རྭ་སྒྲེང་སྐུ་ཕྲེང་དང་པོ་དང་རྒྱལ་མཆོག་སྐུ་ཕྲེང་བདུན་པ་ཆེན་པོའི་ཡོངས་འཛིན་ཡིན། གཙང་ཤུལ་སྐུ་ཕྲེང་དང་པོ་འཕྲིན་ལས་དམ་ཆོས། སྐུ་ཕྲེང་གཉིས་པ་འཕྲིན་ལས་བློ་ཆོས། སྐུ་ཕྲེང་གསུམ་པ་ངག་དབང་སྐལ་བཟང་འཕྲིན་ལས། དགེ་བའི་བཤེས་གཉེན་ཨ་དམ་ཕུན་ཚོགས་ཀྱི་སྐུ་ཕྲེང་གཉིས་པ་རྗེ་བཙུན་བསྟན་འཛིན་བདེ་ལེགས་ཐུབ་བསྟན་ཆོས་ཀྱི་ཉི་མ་དཔལ་བཟང་པོ་མཆོག་ཡིན། དགེ་བའི་བཤེས་གཉེན་ཡེ་ཤེས་བློ་གྲོས་ཀྱི་སྐུ་ཕྲེང་གཉིས་པ་དམ་ཆོས་ཡེ་ཤེས། དགེ་བཤེས་རབ་བརྟན་བསམ་འཕེལ་གྱི་སྐུ་ཕྲེང་གཉིས་པ་བསྟན་འཛིན་ཐེག་མཆོག དགེ་བཤེས་རབ་བརྟན་བསམ་འཕེལ་གྱི་སྐུ་ཕྲེང་གཉིས་པ་བསྟན་འཛིན་ཐེག་མཆོག དགེ་བཤེས་འཕྲིན་ལས་མཁས་བཙུན་གྱི་སྐུ་ཕྲེང་གཉིས་པ་རབ་ཆུང་མ། སྐུ་ཕྲེང་གསུམ་པ་བློ་བཟང་བསྟན་འཛིན། སྐུ་ཕྲེང་བཞི་པ་དགེ་བཅུ་ཡར་འཕྲེལ། སེར་ཤུལ་དགེ་བཤེས་ཀྱི་སྐུ་ཕྲེང་གསུམ་པ་བསྟན་འཛིན་དམ་ཆོས། ངག་དབང་བདེ་ལེགས་ཀྱི་ཡང་སྲིད་དམ་ཆོས་ཉི་མ། ཁམས་སྤྲུལ་བསྟན་པའི་ཉི་མའི་ཡང་སྲིད་བློ་བཟང་དབང་ཕྱུག ཞྭ་ཆེར་སྤེལ་བཀའ་འགྱུར་རིན་པོ་ཆེའི་སྐུ་ཕྲེང་གསུམ་པ་ཚུལ་ཁྲིམས་རྒྱ་མཚོ་བཅས་སོ།།

མཁན་རབས་ཀྱི་སྐོར། གཙང་ཤུལ་དགེ་བཤེས་འཕྲིན་ལས་དམ་ཆོས། དུར་ར་བླ་མ་བརྩོན་འགྲུས་ཕུན་ཚོགས། ཀྱ་རྒན་དགེ་བཤས་རབ་ཡངས་རྒྱ་མཚོ། ཨ་ཚབ་དགེ་བཤེས་བློ་བཟང་དམ་ཆོས། དུར་ར་བླ་མ་མཐུ་སྟོབས་ཉི་མ། དེ་ནས་ཨ་དམ་ཕུན་ཚོགས། བླ་མ་འདིས་འདུལ་བ་གཞི་གསུམ་གྱི་ཆོ་གའི་དབུས་བཙུགས་པར་མཛད། ཁོང་ནི་མདོ་སྔགས་གཉིས་ཀྱི་བསྟན་པ་ལ་བཀའ་དྲིན་ཤིན་ཏུ་ཆེ། དགེ་བཤེས་ཡེ་ཤེས་བློ་གྲོས། གཙང་ཤུལ་སྐུ་ཕྲེང་གཉིས་པ་འཕྲིན་ལས་བློ་གྲོས། དགེ་བཤེས་ཕུན་ཚོགས་རྒྱལ་མཚན། སྤྲུལ་སྐུ་རབ་བརྟན་བསམ་འཕེལ། བློ་བཟང་འགྱུར་མེད། ཏིང་འཛིན་ཨ་བློ། སེར་ཤུལ་དགོན་མ་བསྡུས། སྐལ་བཟང་དམ་ཆོས། སྤྲུལ་སྐུ་བློ་བཟང་བསྟན་འཛིན་བཅས་ཡིན་ནོ།། དུས་ཕྱིས་ཆོས་སྒོ་ཕྱེས་ནས་མཁན་རབས་རྣམས་ནི་ཁྲི་ཐོག་ཚེ་འཕེལ། བློ་བཟང་བྱམས་པ། དམ་ཆོས་ཚེ་འཕེལ། བླ་མ་ཨ་ཚོ། གཙང་ཤུལ་སྐུ་ཕྲེང་གསུམ་པ་ཚྭ་སྟག་དགེ་ལེགས་རྒྱ་མཚོ། སྐལ་བཟང་འཕྲིན་ལས། ཨ་ཁུ་དམ་ཆོས། དགེ་བཤེས་བློ་བཟང་མགོན་པོའི་བར་དུ་ཡིན། ས་གནས་འདིར་སྐྱེས་ཆེན་དམ་པས་ཞབས་ཀྱིས་བཅགས་ཚུལ། རྒྱལ་པ་སྐལ་བཟང་རྒྱ་མཚོ། ཁྲི་ཆེན་ངག་དབང་མཆོག་ལྡན། ཏྲེ་ཧོར་སྐྱབས་མགོན། གདན་མ་སྟོང་ལྡན་རིན་པོ་ཆེ། ལྕང་སྐྱ་རོལ་བའི་རྡོ་རྗེ། ཤོག་དྲུག་སྐྱབས་མགོན་སྐུ་ཕྲེང་ཐོག་མ་ངག་དབང་བློ་བཟང་བསྟན་འཛིན་[page 548] འཕྲིན་ལས་བཅས་བྱོན་མྱོང་། ཏྲེ་ཧོར་སྐྱབས་མགོན་ཚང་གིས་དུས་འཁོར་དབང་ཆེན་གནང་སྐབས་རྣམ་རྒྱལ་མཆོད་རྟེན་ཞིག་ཀྱང་བཞེངས་ཡོད། འགན་ཁུར་གྱི་མི་སྣའི་སྐོར། བསྟན་བདག་མཁན་པོ་གཅིག ཁྲི་བ་གཅིག དབུ་མཛད་གཅིག དགེ་སྐེས་གཅིག མཆོད་གཡོག་གཅིག ཕྱག་མཛོད་གཅིག མགོན་བླ་གཅིག ལོ་གཉིས་རེའི་མཚམས་ནས་གོང་གི་འགན་ཁུར་རྣམས་བརྗེ་ལེན་བྱེད་དགོས། གྲྭ་པ་ཆིག་སྟོང་ལྷག་ཙམ་ཡོད། སྦྱིན་བདག་གི་སྡེ་བའི་དུད་གྲངས་ཆིག་སྟོང་ཙམ་ཡོད། འཛུགས་སྐྲུན་སྐོར། འདུ་ཁང་ནི་གུར་ཆེན་ཞིག་དང་། གྲྭ་ཤག་གི་ཚབ་གུར་ཆུང་བརྒྱ་ལྷག་ཙམ་ཡོད། སྐུ་གསུང་ཐུགས་རྟེན་སྐོར། གསེར་ཟངས་ལས་གྲུབ་པའི་བྱམས་པ་མགོན་པོའི་སྐུ་སྤྱི་ཁྲི་གང་ཅན་གཅིག དེ་མིན་གསེར་སྐུ་ཉིས་བརྒྱ། གསེར་ནག་གིས་བྲིས་པའི་དུས་འཁོར་གྱིོ་ཞལ་ཐང་གཅིག གསེར་དངུལ་གྱི་བྲིས་པའི་བཀའ་བསྟན་ཆ་གཉིས་བཅས་ཡོད། མཆོད་རྟེན་ཆ་བརྒྱད་གཅིག་ཡོད། རྩོད་གྲྭ་གཅིག་ཡོད་ཅིང་སྒྲུབ་པ་གྲྭ་ཚང་ནི་མེད། གྲྭ་ས་འགྲོ་ས་ནི་གདན་ས་གསུམ་ཡིན། དཔལ་འབྱོར་གྱིོ་འོང་ཁུངས། གནའ་ནས་ད་ལྟའི་བར་དུ་དད་ལྡན་སྦྱིན་བདག་ཚོས་འབུལ་བ་ལ་བརྟེན་དགོས། ས་ཁྱོན་ནི་དགོན་པ་འདི་བཏབ་སའི་ཐང་རྒྱ་ཡོངས་ཡིན་ནོ།། མཆོད་ཆ་དང་རོལ་ཆས་སྐོར། དངུལ་བུམ་བཅུ། དངུལ་གྱི་ཐོབ་བུ་བཅུ་གསུམ། དབང་རྫས་ཆ་ཚང་བཅུ་གསུམ། སྦུག་ཆལ་ཆ་བརྒྱ་དང་ལྔ་བཅུ། གསེར་གྱི་ར་མ་ལུག་ཅན་གྱི་རྒྱ་གླིང་ཆ་གཅིག སྤོས་ཕོར་ཆ་གཅིག རྫོང་བ་དཔོན་ཚང་གིས་བཞག་པའི་ཨ་རིའི་རྒྱ་གསེར་ལས་གྲུབ་པའི་སྤོས་གོས་ཆ་གཅིག དུང་ཆེན་ཆ་གསུམ། གསེར་ཀོང་ཆ་གཅིག དངུལ་ཀོང་ཆ་ལྔ། ནང་མཆོད་ཆ་བཞི། རིགས་ལྔ་ཨོ་ཐོག་དཔོན་པོ་ཚང་གི་བཞག་པའི་གཞི་གསེར་དངུལ་གྱི་མཐོང་ཕྱེ་མ་ཆ་སྡེར་ལྔ། གོས་ཆེན་སྣ་ཚོགས་ལས་གྲུབ་པའི་རྒྱལ་མཚན་ཆ་བཅོ་ལྔ། བ་དན་ཉེར་གཅིག དགེ་བཤེས་རབ་བསྟན་གྱིས་ཕུལ་བའི་མཛད་བརྒྱ་དང་། དཔག་བསམ་འཁྲི་ཤིང་ཐང་ག་ལྔ་བཅུའི་གཙོའི་ཐག་ག་ཆེ་ཆུང་བཞི་བརྒྱ། གཞན་ཚོགས་ཟངས་ཆུ་ཟོམ་བཅུ་གསུམ་ཤོང་བ་གསུམ། གདན་རིང་ཆེ་ཆུང་སུམ་ཅུ་བཅས་ཡོད་མོད་ཀྱང་། རྗེས་སུ་ངོ་རྒོལ་བཞི་དང་རིག་གནས་གསར་བརྗེ་བཅས་ཀྱིས་གུར་དཀར་པོའི་དགོན་པ་མེད་པར་བཏང་།

དེང་སང་གི་གནས་ཚུལ། སྔར་མེད་གསེར་བཞེངས་སྐོར་ལ་ཚོགས་ཆེན་འདུ་ཁང་གཅིག སྲུང་མ་ཁང་གཅིག ཇོ་ཁང་གཅིག སྨན་ཁང་གཅིག དུང་འཁོར་ཁང་གཅིག གཟིམ་ཆུང་གཅིག ཚོགས་ཆེན་ཁང་གཅིག གྲྭ་ཤག་བརྒྱ་བཅས་ཀྱི་ཕྱིའི་འཛུགས་སྐྲུན་དང་། ཤོག་སྒོར་ཁྲི་ཚོ་བཞི་བཅུས་བཞེངས་པའི་ཇོ་བོའི་སྐུ་རིན་པོ་ཆེ་ཕྲ་ཅན་གཅིག ཞལ་ཐང་ཆེ་ཆུང་དྲུག་ཅུ། སྨན་འདམ་ལས་གྲུབ་པའི་སྐུ་ཆེ་ཆུང་བརྒྱ་དང་སུམ་ཅུ། གསེར་སྐུ་ཆེ་ཆུང་བརྒྱ་དང་བཅུ། ཤིང་ལས་གྲུབ་པའི་སྐུ་འདྲ་ཆེ་ཆུང་བརྒྱ་དང་སུམ་ཅུ། བཀའ་འགྱུར་ཆ་བཞི། བསྟན་འགྱུར་ཆ་གཉིས། དགེ་ཕྱོགས་ཀྱི་འདོན་ཆ་ཡོངས་རྫོགས་དང་དེ་མིན་དཔེ་ཆའི་འགྲེལ་བ་མང་ཙམ་དང་། མཆོད་རྟེན་ཆེ་ཆུང་བཅུ་གཉིས་བཅས་ཀྱི་རྟེན་བཞེངས་གསར་དུ་གྲུབ་པོ། མཆོད་ཆ་དང་རོལ་ཆས་ཆ་ཚང་གཅིག་ཀྱང་གསར་དུ་གྲུབ་ཟིན། དུས་མཆོད་སྐོར་ལ། དབྱར་ཆོས་དང་[page 549] དགུན་ཆོས་ཀྱི་སྲོལ་ཡང་ཚུགས་ཡོད་དོ༎ རྩོད་གྲྭར་རིག་གནས་ཀྱང་སློབ་ཁྲིད་བྱེད་འགོ་ཚུགས་ཡོད། གྲྭ་པ་བདུན་བརྒྱ་ལྷག་ཙམ་ཡོད། དགོན་པའི་མངའ་འོག་གི་སྦྱིན་བདག་གི་དུད་གྲངས་ལྔ་བརྒྱ་དང་ཉི་ཤུ་ཙམ་ཡོད་དགོན་པ་བཏབ་ནས་ད་བར་ལོ་གསུམ་བརྒྱ་ཉེར་གཅིག་སོང་ཟིན། དགོན་པ་བཞེངས་མཁན་གྱི་འགན་ཁུར་གཙོ་བོ་བྱེད་མཁན་ནི་ཨ་དམ་ཕུན་ཚོགས། མཁན་པོ་བློ་བཟང་མགོན་པོ། སྐུ་ཞབས་དགེ་བཅུ་ཡར་འཕེལ། ཚེ་རྡོ། མཁས་བསྟན། ཚེ་རྣམས་བཅས་གཙོ་བྱས་པའི་སྐྱ་སེར་དགོན་སྡེ་ཡོངས་ཀྱི་ནུས་མཐུ་ཆིག་སྒྲིལ་གྱིས་ད་ལྟ་དགོན་པ་འདི་བཞེངས་ཟིན་པ་ཡིན།

ཞེས་རབ་བྱུང་བཅུ་བདུན་པའི་ཤིང་ཕག་ལོ་ལ་སྐུ་ཞབས་དགེ་བཅུ་ཡར་འཕེལ་དང་དགེ་བཤེས་བློ་བཟང་བཅས་ལ་ཞིབ་འདྲི་བྱས་ནས་རིག་བསྟན་གྱིས་ཉག་ཆུ་ཁའི་ཨོ་ཐོག་དགོན་ནས་བྲིས་པའོ༎ ༎

ས་མིང་ཚིག་མཛོད་མིག་བཤར།

རྣམ་རྒྱལ་གླིང་དགོན་པ་ཞེས་པའི་མིང་བཏགས་དོན་ནི་གངས་དཀར་སྤྲུལ་སྐུས་རྟེན་འབྲེལ་གྱི་དབང་གིས་མིང་དུ་བཏགས་པ་ཡིན་ནོ༎ དགོན་པ་མ་བཏབ་པའི་སྔོན་ལ་ས་དེར་ཡིད་ལྷུང་ཤུལ་གྱི་བླ་མ་ཡོན་ཏན་རྒྱ་མཚོའི་མཚམས་ཁང་ཞིག་ཡོད། རབ་བྱུང་བཅུ་དྲུག་པའི་ཆུ་ལུག་ལོ་(1943)ལ་འཇང་གི་བླ་མ་ཟླ་བ་བཟང་པོས་གངས་དཀར་སྤྲུལ་སྐུའི་བཀའ་བཞིན་ས་དེར་དགོན་པ་ཞིག་བཏབ། ཁོང་གི་མཚན་ལ་ཡུལ་མི་རྣམས་ཀྱིས་འཇང་བ་བླ་མ་ཟེར། གྲུབ་མཐའ་ནི་གནའ་ནས་ད་བར་དུ་བཀའ་བརྒྱུད་པ་རང་ལུགས་སྐྱོང་མཁན་ཁོ་ན་ཡིན། འགན་འཁུར་མཁན་ནི། བླ་རབས་གཉིས་ཡོད་པ། བླ་མ་ཟླ་བ་བཟང་པོ་དང་ངག་དབང་ཆོས་གྲགས་གཉིས་ཡིན། དབུ་མཛད་གཅིག དགེ་སྐོས་གཅིག ཕྱག་མཛོད་གཅིག གནའ་སྔ་མོ་གྲྭ་པ་སུམ་ཅུ་སོ་གསུམ་ཡོད། དེང་སང་གྲྭ་པ་བཅུ་གསུམ་མ་གཏོགས་མེད། ཁང་པའི་འཛུགས་སྐྲུན་སྐོར། གཙུག་ལག་ཁང་གཅིག། གཉེར་ཁང་གཅིག ཇ་ཁང་གཅིག བླ་བྲང་ཁང་གཅིག སྲུང་མ་ཁང་གཅིག གྲྭ་ཤག་བཅོ་ལྔ།

སྐུ་གསུང་ཐུགས་རྟེན་སྐོར། བྱམས་པ་ཁང་བརྩེགས་གཉིས་ཅན་གཅིག སྨན་འདམ་ལས་བཟོས་པའི་འོད་དཔག་མེད་གཙོ་འཁོར་གསུམ་མཐོ་ཚད་ཁང་བརྩེགས་གཅིག་ཅན་གཅིག སྨན་འདམ་ལས་གྲུབ་པའི་རྟ་མགྲིན་དང་། རིགས་གསུམ་མགོན་པོ། ཚེ་ལྷ་རྣམ་གསུམ། མཁན་སློབ་ཆོས་གསུམ། མགོན་པོ་ཕྱག་བཞི་པ་གཅིག ཕྱག་དྲུག་པ་གཅིག དམ་ཅན། དཔལ་ལྡན་ལྷ་མོ། མགོན་པོ་བེར་ནག་གཅིག མགོན་དཀར། མར་མི་དྭགས་གསུམ་བཅས་ཀྱི་སྐུ་རྟེན་ཡོད། གསེར་སྐུ་གསུམ། ཞལ་ཐང་བཅུ། བཀའ་བསྟན་ཆ་གཅིག འབུམ་ཆ་གཅིག བཀའ་བརྒྱུད་པའི་བླ་མ་དག་གི་རྣམ་ཐར་ཁ་ཤས། བཀའ་བརྒྱུད་པའི་འདོན་ཆ་ཡོངས་རྫོགས། དེ་མིན་པདྨ་བཀའ་ཐང་སོགས་ཡིག་ཆ་མང་ཙམ་ཡོད། ཟངས་གསེར་ལས་གྲུབ་པའི་[page 550] བཀའ་གདམས་མཆོད་རྟེན་ཆ་བརྒྱད་བཅས་ཡོད།

གནའ་རྫས་རྩ་ཆེན་སྐོར། རྒྱ་གླིང་ཆ་གཅིག རག་དུང་ཆ་གཅིག མཆོད་ཆ་དང་རོལ་ཆས་སྐོར། ཏིང་ཕོར་ཆེ་ཆུང་ཆ་བཅུ། བུམ་པ་ཆ་བདུན། ནང་མཆོད་ཆ་བཅུ། མཎྜལ་ཆ་གཉིས། མ དངུལ་ཀོང་ཆ་བཅུ། ཀོང་བུ་ཆུང་བ་བརྒྱ་དང་ལྔ་བཅུ། དུང་ཆ་གཉིས་དང་ཡ་གཅིག དུང་ཆོས་དང་གཟུངས་ཐག་རྡོ་རྗེ་ཆ་གཅིག སྦུག་ཆལ་ཆ་གསུམ། སིལ་སྙན་ཆ་གཉིས། རྡོར་དྲིལ་ཆ་ལྔ། ཌ་མ་རུ་ཆ་ལྔ། ལག་རྔ་ཆ་ལྔ། མཆོད་རྔ་ཆ་གཉིས། རྐང་གླིང་ཆ་དྲུག རྒྱ་གླིང་ཆ་གཉིས། དུང་ཆེན་ཆ་གཅིག་བཅས་ཡོད་དོ།། དུས་མཆོད་ཀྱི་སྐོར། ཟླ་རེ་བཞིན་དུ་ཆོས་བཅུ་དང་ལོ་རེ་ལ་བསྙུང་གནས་ཆ་བརྒྱད། སྨོན་ལམ་ཆོ་ག་ཉིན་གསུམ། ལོ་རེའི་ལོ་མཇུག་ལ་དགུ་གཏོར་འཚོགས་རྒྱུའི་སྲོལ་ཀ་བཅས་ཡོད། འཆམ་གོས་དང་འབག་མགོ་རིགས་ལྔ། ཞྭ་ནག་བཅས་ཆ་བཅུ་རེ་ཡོད། དཔལ་འབྱོར་འོང་ཁུངས་སྐོར། མི་སེར་གྱི་དད་རྫས་ཁོ་ན་ལ་བརྟེན་ནས་འཚོ་བ་སྐྱེལ་དགོས། དགོན་པའི་འོག་གི་སྦྱིན་བདག་གི་སྡེ་པའི་དུད་གྲངས་ལྔ་བཅུ་ཡོད། སྐྱེས་ཆེན་དམ་པ་བླ་མ་དང་གངས་དཀར་སྤྲུལ་སྐུ་སོགས་སྐྱེས་ཆེན་མང་པོ་བྱོན་མྱོང་། བཤད་གྲྭ་དང་སྒྲུབ་གྲྭ་ནི་མེད། མ་དགོན་ནི་ཁམས་སུ་གྲགས་དགོན་པ་ཡིན། （གངས་དཀར་དགོན་）དེ་རྗེས་ངོ་རྒོལ་བཞིས་གཏོར་བཤིག་བྱས་ནས་དགོན་པ་གྱང་རལ་ཞིག་ཏུ་གྱུར། དགོན་པ་འདི་བཏབ་ནས་ད་ལྟའི་བར་དུ་ལོ་ལྔ་བཅུ་ང་གཉིས་སོང་ཟིན།

དེང་སང་གི་གནས་ཚུལ་སྐོར། འདུ་ཁང་བརྩེགས་གསུམ་ཅན་གཅིག ལྷ་ཁང་བརྩེགས་གཉིས་ཅན་གཅིག ཇ་ཁང་བརྩེགས་གཉིས་ཅན་གཅིག གྲྭ་ཤག་དྲུག བཀའ་བསྟན་གཉིས་ཚར་རེ། འབུམ་ཆ་གཅིག ས་རྡོའི་མཆོད་རྟེན་གཉིས། དུང་འཁོར་གཅིག འདོན་ཆ་དང་མཆོད་ཆ་རོལ་ཆ་བཅས་ཆ་ཚང་བ་གཅིག དུས་མཆོད་ཁ་ཤས་འཚོགས་རྒྱུ་འཛོམས་ཡོད། དགོན་པའི་འོག་གི་སྦྱིན་བདག་གྲོང་པ་བདུན་གྱི་དུད་གྲངས་བཞི་བརྒྱ་ལྷག་ཙམ་ཡོད། གྲྭ་པ་གྲངས་བཅུ་གསུམ་ཙམ་ལས་མེད། གོང་གི་དགོན་པ་དང་རྟེན་བཞེངས་བྱེད་མཁན་གཙོ་བོ་ཆོས་ཉིད་བསམ་གཏན་དང་དོན་གྲུབ། བསམ་གྲུབ་བཅས་ཀྱི་བསྟན་བཞེངས་མཛད་དང་མཛད་བཞིན་པ་ཡིན་ནོ།

ཞེས་པ་འདི་ནི་རྒན་པ་ཡེ་ཤེས་རྒྱ་མཚོའི་ངག་རྒྱུན་ལྟར་རིག་བསྟན་བྲིས་པའོ།། །།

ས་མིང་ཚིག་མཛོད་མིག་བཤར།

དགོན་མིང་རྟེན་འབྲེལ་གྱི་སྒོ་ནས་བླ་མ་གངས་དཀར་རིན་པོ་ཆེས་མིང་བཏགས་པ་ཞིག་ཡིན་ཟེར་རབ་བྱུང་བཅུ་དྲུག་པའི་ལྕགས་སྦྲུལ་ལོ་ལ་（1941）བླ་མ་ཡོན་ཏན་རྒྱ་མཚོས་དགོན་ས་བཏབ། དགོན་མིང་རྒྱས་པ་ལ་བཤད་སྒྲུབ་ཕུན་ཚོགས་གླིང་། བསྡུས་པ་ལ་ཕུན་ཚོགས་གླིང་ཟེར་བ་ནི། གྲུབ་མཐའ་གནའ་[page 551] ནས་ད་ལྟའི་བར་དུ་བཀའ་བརྒྱུད་པ་ཡིན། བླ་རབས་གསུམ་ཡོད་དེ། ཡོན་ཏན་རྒྱ་མཚོ་དང་བསམ་གཏན་རྒྱ་མཚོ་གཉིས་ནི་བླ་རབས་གཅིག་ཏུ་བརྩི་དགོས། བླ་མ་འོད་ཟེར། བསམ་གཏན་བཟང་པོའོ། འགན་ཁུར་མཁན་སྐོར་ནི། བསྟན་བདག་ནི་ཡོན་ཏན་རྒྱ་མཚོ་དང་འོད་ཟེར་གཉིས། དབུ་མཛད་གཅིག དགེ་སྐོས་གཅིག ཕྱག་མཛོད་གཅིག མགོན་བླ་གཅིག གཉེར་པ་གཅིག མཆོད་དཔོན་གཅིག ལྷ་གཉེར་གཅིག གྲྭ་པ་སུམ་ཅུ་སོ་ལྔ་ཙམ། གོང་གི་དབུ་མཛད་སོགས་འགན་ཁུར་མཁན་རྣམས་ནི་ལོ་གསུམ་རེའི་ནང་ནས་བརྗེ་ལེན་བྱེད་སྲོལ་ཡོད། བླ་མ་གངས་དཀར་ཚང་གི་འཚེམ་དྲུབ་མའི་བཀྲ་ཤིས་རྟགས་བརྒྱད་དང་མཆོད་པའི་ལྷ་མོ་བཅུ་དྲུག་རྒྱལ་སྲིད་སྣ་བདུན་བཅས་གནང་སྦྱིན་ཐོབ་མྱོང་། འཛུགས་བསྐྲུན་སྐོར། འདུ་ཁན་གཅིག ཇ་ཁང་གཅིག གཉེར་ཁང་གཅིག བྱམས་པའི་ལྷ་ཁང་གཅིག བླ་བྲང་ཁང་གཅིག གྲྭ་ཤག་ཉར་ལྔ་ཡོད།

སྐུ་གསུང་ཐུགས་རྟེན་སྐོར། སྨན་འདམ་ལས་གྲུབ་པའི་བྱམས་པ་ཐོག་བརྩེགས་གསུམ་ཅན་གཅིག སྤྱན་རས་གཟིགས་ཐོག་བརྩེགས་གཅིག་ཅན་གཅིག འོད་དཔག་མེད་གཙོ་འཁོར་གསུམ་ཐོག་བརྩེགས་གཅིག་ཅན་གཅིག མར་མི་དྭགས་གསུམ་གྱི་སྐུ་ལས་ཚད་མ་གཅིག་ཚེ་ལྷ་རྣམ་གསུམ། རིགས་གསུམ་མགོན་པོ། རྗེ་ཡབ་སྲས་གསུམ་ཉེ་བའི་སྲས་ཆེན་བརྒྱད་འདོམ་པ་གང་ཅན་རེ་རེ་བཅས་དང་དེ་བཞིན་སངས་རྒྱས་སྨན་ལྷ་དང་ཀུན་རིགས་ཀྱི་ལྷ་རྣམ་པར་སྣང་མཛད། རྒྱལ་ཆེན་སྡེ་བཞི། འཛམ་ལྷ་རིགས་ལྔ། མ་མགོན་མགར་གསུམ། མགོན་པོ་ལེགས་ལྡན་ཕྱག་བཞི་པ། མགོན་པོ་ཕྱག་དྲུག་པ། མགོན་དཀར། གུར་གྱི་མགོན་པོ། གུ་རུ་གཙོ་འཁོར་གསུམ། རྡོ་རྗེ་གྲོ་ལོད། ཞིང་སྐྱོང་ཡབ་ཡུམ། གསེར་སྐུ་ཆེ་ཆུང་བདུན་ཙམ། ཐང་ཁ་ཆེ་ཆུང་ཉི་ཤུ་ལྷག་ཙམ། བཀའ་བསྟན་ཚར་རེ་རེ། རིན་ཆེན་གཏེར་མཛོད་ཚར་གཅིག གསེར་བྲིས་དང་དངུལ་བྲིས་ཅན་གྱི་བརྒྱད་སྟོང་དང་གཟུངས་འདུས། པད་མ་བཀའ་ཐང་། ཀླུ་འབུམ། ཉི་ཁྲི་དེ་མིན་འདོན་ཆ་ཆ་ཚང་བ་ཞིག གཞུང་ཆེན་བཅུ་གསུམ་ཆ་གཉིས། བཀའ་འདམས་མཆོད་རྟེན་བླ་མ་ཡོན་ཏན་རྒྱ་མཚོའི་ཐུགས་ཆེན་ཁྱད་འཕགས་གཅིག་བཅས་ཡོད། མཆོད་ཆ་དང་རོལ་ཆའི་སྐོར། ཏིང་ཕོར་ཆ་བརྒྱ། བུམ་པ་ཆ་བཞི། ནང་མཆོད་ཆ་བཞི། མཎྜལ་ཆ་གཉིས། ཀོང་བུ་བརྒྱ་མཆོད་གཅིག གཞན་ཀོང་བུ་ལྔ་བཅུ། གདུགས་རྒྱལ་མཚན་བ་དན་ཀ་འཕན་བཅས་ཆ་ཚང་བ་གཅིག སྦུག་ཆལ་ཆ་བཞི། སིལ་སྙན་ཆ་གསུམ། རྡོར་དྲིལ་བཅུ། ཌ་མ་རུ་ཆ་བཅུ། རིགས་ལྔ་བཅུ། ཞལ་འབག་ཆ་བཅུ། ལག་རྔ་ཆ་ལྔ། མཆོད་རྔ་གཉིས། རྐང་གླིང་ཆ་གསུམ། རྒྱ་གླིང་ཆ་གཉིས། དུང་ཆེན་ཆ་གཅིག དུང་ཆ་གཅིག་དང་ཡ་སོགས་ཁྲོ་ཆེ་ཆུང་ལྔ། གདན་རིང་ཆ་གསུམ་བཅས་ཡོད། དུས་མཆོད་དང་གར་འཆམ་སྐོར། ཟླ་བ་དང་པོའི་ནང་ལ་སྨོན་ལམ་མཆོད་པ་ཉིན་ལྔ། ཟླ་བ་བཞི་པའི་ནང་ལ་བསྙུང་གནས་ཆ་བརྒྱད། ཟླ་རེར་ཚེས་བཅུ་ཉིན་རེ། ཟླ་བ་བཅུ་གཉིས་པའི་ནང་དགུ་གཏོར་དང་འཆམ་རྒྱག་རྒྱུ་དང་བཅས་པ་ཉིན་བདུན་ཡོད། སྐྱེས་ཆེན་དམ་པ་རྫ་ཁ་བླ་མ་དང་བྱ་རོག་བླ་མ་བསྟན་པའི་ཉི་མ། བླ་མ་ཤེས་རབ། བླ་མ་ཟླ་བ་[page 552] བཟང་པོ་སོགས་སྐྱེས་ཆེན་དུ་མ་བྱོན་མྱོང་། བཤད་བསྒྲུབ་ཀྱི་སློབ་གྲྭ་ནི་མེད། དཔའ་འབྱོར་གྱི་འོང་ཁུངས་ནི། སྦྱིན་བདག་དུད་གྲངས་ལྔ་བཅུ་ལྷག་ཙམ་ཡོད། ངོ་རྒོལ་བཞིས་གནོད་འཚེ་ཚབས་ཆེན་ཐེབས་ནས་གཏོར་བརླག་བྱས་ནས་མེད་པར་བཏང་ངོ་།།

དེང་སང་གི་གནས་ཚུལ། ད་སྐབས་དགོན་པ་དེ་ས་ཕུང་རྡོ་ཕུང་ཙམ་མ་གཏོགས་མེད། དགོན་པ་བཏབ་ནས་ད་ལྟའི་བར་དུ་ལོ་ལྔ་བཅུ་ང་བཞི་སོང་ཟིན། ཅེས་པ་འདི་ནི་ཡེ་ཤེས་རྒྱ་མཚོའི་ངག་རྒྱུན་ལྟར་རིག་བསྟན་གྱིས་བྲིས་པ་དགེའོ།། །།

ས་མིང་ཚིག་མཛོད་མིག་བཤར།

ལྡིར་གྲགས་དགོན་ཟེར་བའི་དོན་ནི་ས་དེར་རྐང་པས་བརྡུ་ཚེ་ལྡིར་སྒྲ་ངོ་མཚར་ཞིག་གྲགས་པས་ལྡིར་གྲག་དགོན་པ་ཞེས་བྱའོ། རབ་བྱུང་བཅུ་དྲུག་པའི་ཆུ་རྟ་ལོ་（1942）ལ་བརྩོན་འགྲུས་མཐར་ཕྱིན་ཚང་གིས་དགོན་པ་བཏབ། དགོན་པ་ཡོད་སའི་རི་ནི་གནས་ཆེན་ཕོ་བྲང་ལྔ་བརྩེགས་དང་སྤྱན་རས་གཟིགས་ཀྱི་རི་རྒྱུད་དང་འབྲེལ་ཡོད། དགོན་མིང་ལ་གངས་དཀར་ཆོས་ལྡན་དར་རྒྱས་གླིང་ཡང་ཟེར། གྲུབ་མཐའ་བཀའ་བརྒྱུད་པ་ཡིན། མ་མགོན་ནི་ཁམས་སུ་གྲགས་དགོན་པ་ཡིན། བླ་རབས་གཉིས་ཡོད། བརྩོན་འགྲུས་མཐར་ཕྱིན། ཤེས་རབ་ཕུན་ཚོགས། འགན་ཁུར་མཁན་སྐོར། བསྟན་བདག་གཅིག ཁྲི་པ་གཅིག དབུ་མཛད་གཅིག དགེ་སྐོས་གཅིག ཕྱག་མཛོད་གཅིག མཆོད་དཔོན་གཅིག གཉེར་པ་གཅིག གྲྭ་པ་བདུན་བཅུ་ཡོད། ཁང་པའི་འཛུགས་བསྐྲུན་སྐོར། གཙུག་ལག་ཁང་གཅིག སྲུང་མ་ཁང་གཅིག གཉེར་ཁང་གཅིག ཇ་ཁང་གཅིག བླ་བྲང་ཁང་གཅིག དུང་འཁོར་ཁང་གཅིག་བཅས་ཡོད།

སྐུ་གསུང་ཐུགས་རྟེན་སྐོར། བྱམས་པ་བརྩེགས་ཕྱེད་གསུམ་ཅན་གཅིག་དང་། སྤྱན་རས་གཟིགས། ཕྱག་རྡོར། སྟོན་པ། གུ་རུའི་སྐུ་གཅིག་བཅས་འདམ་སྐུ་ཡིན། གསེར་སྐུ་བཅུ། ཐང་ག་བཅུ་གཅིག གུ་རུའི་ཐང་མོ་ཆེ་གཅིག གསེར་དངུལ་གྱི་བྲིས་པའི་འབུམ་ཆ་གཅིག དངུལ་བྲིས་ཀྱི་བརྒྱད་སྟོང་དང་གཟུངས་འདུས་སོགས་ཡོད། གསེར་ཟངས་ཀྱི་མཆོད་རྟེན་གཅིག ཡུལ་དེའི་དགེ་ལུགས་པའི་ཐག་འགོ་དགོན་པ་ཞེས་པ་དེ་འཐོར་སྐབས་མཆོད་ཆ་སོགས་བླ་མ་བརྩོན་འགྲུས་མཐར་ཕྱིན་ཚང་ལ་ཕུལ། མཆོད་རོལ་སྐོར། ཏིང་ཕོར་ཆ་བརྒྱད། བུམ་པ་ཆ་གཉིས། ནང་མཆོད་ཆ་གསུམ། མཎྜལ་ཆ་གཉིས། དངུལ་ཀོང་ཆ་གཉིས། ཀོང་ཆུང་བརྒྱ་མཆོད་གཉིས། གདུགས་རྒྱལ་མཚན་བ་དན་ཀ་འཕན་བཅས་ཆ་ཚང་བ་གཅིག དུང་ཆོས་ཆ་གཉིས། ལག་རྔ་ཆ་གཅིག མཆོད་རྔ་ཆ་གཉིས། རྐང་གླིང་ཆ་གཉིས། རྒྱ་གླིང་ཆ་གཉིས། དུང་ཆེན་ཆ་གཅིག ཆོས་ར་འཚོགས་རྒྱུའི་སྐོར། དབྱར་ཆོས་དགུན་ཆོས་འཆམ་དང་བཅས་པ་ཡོད། [page 553] བཤད་སྒྲུབ་སློབ་གྲྭ་ནི་མེད། དཔའ་འབྱོར་ཐོན་ཁུངས་ནི་སྦྱིན་བདག་གི་འབུལ་བ་ཁོ་ན་ཡིན། སྦྱིན་བདག་གི་དུད་གྲངས་བརྒྱ་ལྷག་ཙམ་ཡོད། རྗེས་སུ་ངོ་རྒོལ་བཞིའི་སྐབས་སུ་དགོན་པ་གཏོར་བརླག་བཏང་།

དེང་སང་གི་གནས་ཚུལ། འདུ་ཁང་གཅིག་དང་སྲུང་མ་ཁང་བཤད་གྲྭ་ཐོག་བརྩེགས་གཉིས་ཅན་གཅིག སྤྲུལ་སྐུ་ལ་གཟིམ་ཤག་བརྩེགས་གཉིས་ཅན་གཅིགགཉེར་ཁང་དུང་འཁོར་ཁང་བཅས་རྒྱབ་ཡོད། བླ་མ་བརྩོན་འགྲུབ་མཐར་ཕྱིན་གྱི་ཡང་སྲིད་སྤྱི་ལོ་1995ལོར་རང་ཁུལ་གྱིས་ཐག་བཅད་ནས་ཁྲི་སྟོན་བྱས། སྐུ་གསུང་ཐུགས་རྟེན་དང་མཆོད་རྫས་མཆོད་ཆ་རོལ་ཆས་འཆམ་གོས་ཆོས་ར་འཚོགས་རྒྱུ་བཅས་ཆ་ཚང་བ་ཞིག་འཛོམས་ཡོད། གྲྭ་པ་སུམ་ཅུ་ཡོད་ཅིང་སྦྱིན་བདག་གི་དུད་གྲངས་བརྒྱ་དང་བཞི་བཅུ་ཞེ་གཉིས་ཡོད། ད་སྐབས་འགན་ཁུར་མཁན་གཙོ་བོ་ནི་བླ་མ་ཤེས་རབ་ཚང་དང་མཁན་པོ་རྡོར་རྗེ་བཅས་གྱིས་འགན་ཞེས་བཞིན་ཡོད་དོ།།

ཞེས་པ་འདི་ནི་མཁན་རྡོ་རྗེའི་ངག་སྒྲོས་ལྟར་རིག་བསྟན་གྱིས་བྲིས་སོ།།

ས་མིང་ཚིག་མཛོད་མིག་བཤར།

ཕག་མོ་རི་ཞེས་པའི་རྒྱུ་མཚན་ནི། ཇི་སྐད་དུ། དེ་འོག་གྲུབ་ཆེན་རྡོ་རྗེ་ཕག་མོ་བས། གནས་ལ་མངའ་གསོལ་རྡོ་རྗེ་ཕག་མོ་བསྒྲུབས། དངོས་སུ་འགྲུབ་ཅིང་རྡོ་རྗེ་ཕག་མོ་ཡིས། རྫུ་འཕྲུལ་ལྟད་མོ་ཕག་ནག་གཡག་རྒོད་ཙམ། ཀུན་གྱི་མཐོང་ཞིང་ཕག་ནག་ལོ་རྒྱུས་བརྗོད། དེ་ཚེ་ཕག་མོ་རི་ཞེས་མིང་དུ་བཏགས།། ཞེས་གསུངས་པ་ལྟར་བར་བྱས་སོ། རབ་བྱུང་གསུམ་པའི་ཤིང་བྱི་ལོ་（1204）ལ་གྲུབ་ཐོབ་ཞིག་པོ་ཉི་མ་རྡོ་རྗེས་དགོན་པ་འདི་གསར་དུ་བཏབ། ཁོང་ནི་ལྷ་ལུང་དཔལ་རྡོར་གྱི་རྣམ་སྤྲུལ་ཡིན། འཁྲུངས་ཡུལ་འགོ་ལོག་རྨ་ཆུ་ཁ་ཡིན་པར་གྲགས། དེ་ཡང་། རི་བོ་རྩེ་ལྔར་བྱོན་ནས་འཇམ་དབྱངས་བསྒྲུབས། དགོན་པའི་མིན་གི་རྣམ་གྲངས་ནི་ཕག་མོ་རི་དགོན་པ་དང་། ཕག་མོ་དགོན་ཆོས་འཁོར་དར་རྒྱས་གླིང་ཟེར་བ་བཅས་ཡིན།

གྲུབ་མཐའ་བསྒྱུར་ཚུལ་དང་དགོན་ཁག་སོ་སོར་གྱེས་ཚུལ་སྐོར། སྔོན་དགོན་འདིའི་གྲུབ་མཐའ་འབྲུག་པ་བཀའ་བརྒྱུས་ཡིན་པ་ལ་རབ་བྱུང་བཅོ་ལྔའི་འགོར་བྲག་བླ་མ་ཚང་མཁན་པོ་ཡིན། དེ་རྗེས་བླ་མ་ཚེ་རིང་གྲྭ་སར་གཙང་ངོ་རུ་དགོན་དུ་བྱོན་ནས་སླར་རང་དགོན་ལ་ལོག་རྗེས་ས་སྐྱའི་ལུགས་བཟུང་བས་བྲག་བླ་མ་དང་བླ་མ་ཚེ་རིང་གཉིས་མ་མཐུན་ནས་གྲྭ་ཚང་ཚོགས་ཁག་གཉིས་སུ་གྱེས་རྗེས་སུ་རབ་བྱུང་བཅོ་ལྔའི་དཀྱིལ་ཙམ་ལ་བྲག་མཁན་པོ་འདས་ནས་གྲུབ་མཐའ་ས་སྐྱ་པ་ལ་བསྒྱུར། སྐབས་དེ་ལ་ལྕགས་རྒྱལ་མོ་ང་ཤུ་མ་ཞེས་པ་དེ་འདིར་གནས་མཇལ་ལ་འོང་སྐབས་བསམ་གཏན་བར་དོའི་གནས་སྒོའི་ནང་དུ་ཐོགས་ཏེ་ཞག་བདུན་བར་དུ་བཀགས། རྒྱལ་པོ་བཙན་ཤེད་ཆེ་བས་གནས་སྒོ་བྲག་རི་གཙབ་ནས་བྲག་ལ་ཁྲག་བབས་[page 554] དུས་ཕག་སྐད་ངུར་སྒྲ་བཏོན། ཅི་བྱ་གཏོལ་མེད་དུ་གྱུར་ནས་ཕག་མོ་རི་དགོན་པ་ཡང་སྐྱར་དུ་གསར་བཞེངས་བྱེད་རྒྱུའི་ཁས་བླངས་མ་ཐག་ཏུ་གནས་སྒོའི་རྒྱལ་མོ་བུད་ཐུབ་པར་གྲགས། དེ་ནས་ལྕགས་ལས་སྦྱིན་བདག་བྱས་ནས་གཙུག་ལག་ཁང་ཀ་བ་བཅུ་དྲུག་ཅན་གཅིག་བཞེངས། དེ་རྗེས་རིང་སྤྲུལ་སྐུ་ཞེས་པ་དེ་དཀར་མཛེས་ཕྱོགས་ནས་མར་བྱོན་ཕག་མོ་རི་དགོན་ནང་དུ་བཞུགས་སྐབས། བླ་མ་རྙིང་ཤུགས་ཤས་ཆེ་བས་བླ་མ་ཚེ་རིང་དང་ཡང་མ་མཐུན་ནས་དགོན་པ་ཁག་གཉིས་སུ་གྱེས། རྡོ་རིང་སྤྲུལ་སྐུའི་ཧོ་རྒྱ་སྒང་ཟེར་བའི་ས་གནས་དེར་རྙིང་དགོན་ཞིག་བཏབ། ཕག་མོ་རི་དགོན་ལ་གནོད་པ་ཚབས་ཆེན་བྱས་པས་བླ་མ་ཚེ་རིང་ཐུགས་ཁྲོས་ནས་མཐུ་བྱས་ནས་རྡོ་རིང་སྤྲུལ་སྐུ་ཀུན་བཟང་གི་འཁྲུངས་ཡུལ་ནི་ཨོ་རོང་བཤིས་པ་ཡབ་རྡོ་རིང་སྤྲུལ་སྐུ་དང་ཡུམ་རྣམ་རྒྱལ་ལྷ་མི་གཉིས་ལ་རབ་བྱུང་བཅོ་ལྔ་པའི་ཆུ་འབྲུག་ལོར་སྐུ་འཁྲུངས། དགུང་ལོ་སུམ་ཅུའི་ཐོག་དགོན་པའི་ཁྲི་པའི་བྱེད་ཞོར་དུ་ཁམས་ཀྱི་མཁས་དབང་མི་ཉག་གངས་དཀར་སྤྲུལ་སྐུ་གདན་འདྲེན་ལན་གསུམ་ཙམ་ཞུས་ནས་རིག་པའི་གནས་སྤྱི་ལ་ཐོས་བསམ་གྱིས་སྒྲོ་འདོགས་བཅད། བླ་མ་གངས་དཀར་ཚང་གི་སློབ་ཆེན་ཞིག་ཏུ་གྱུརནས་སྐབས་སེར་གྱུར་ནས་སྐབས་དེར་གྲུབ་མཐའ་སླར་ཡང་བཀའ་བརྒྱུད་པ་ལ་བསྒྱུར་ཏེ་ད་བར་དེ་མུས་སུ་གནས། སྐབས་ཤིག་ལ་ཧོར་ཇུན་གར་གྱི་དམག་གིས་མི་ཉག་གི་དགོན་ཁག་མང་པོ་བཅོམ་ནས་གྱོང་གུན་ཚབས་ཆེན་ཐེབས་ཡོད་ཀྱང་ཅི་ཙམ་གཏོར་བརླག་སོང་ཡོད་མི་གསལ། གཞན་ཕག་མོ་རི་དགོན་པིའ་ཉེ་གནས་འགའ་ཞིག་གི་གནས་ཚུལ་ནི། འགི་ཝང་དགོན། མགར་ཚེར་དགོན། སེར་ར་འབའ་དགོན། འགྲོ་མགོན་དགོན། མ་མགོན་དགོན། སྤྲུལ་པ་དགོན་བཅས་ནི་ཇུན་གར་དམག་གིས་གཏོར་བཤིག་བྱས་ནས་ད་ལྟ་ཡང་གྱང་རལ་མ་གཏོགས་མེད།

དགོན་པའི་འགན་ཁུར་མཁན་མི་སྣའི་སྐོར། ཁྲི་བ་གཅིག། དབུ་མཛད་གཅིག། དགེ་སྐོས་ཅིག། མཆོད་དཔོན་ཅིག། ཕྱག་མཛོད་གཅིག། དགེ་འདུན་པའི་ཞལ་གྲངས་བརྒྱ་དང་ཉི་ཤུ་ཡོད། འཛུགས་སྐྲུན་སྐོར། གཙུག་ལག་ཁང་གཅིག། གསེར་ཁང་གཅིག། གཉེར་ཁང་གཅིག། ཇ་ཁང་གཅིག། བླ་བྲང་ཁང་ཅིག། མགྲོན་ཁང་གཉིས། སྐུ་གསུང་ཐུགས་རྟེན་ཅི་ཡོད་སྐོར། གྲུབ་ཐོབ་རིམ་བྱོན་གྱི་བྱིན་གྱིས་བརླབས་པའི་གསེར་ཟངས་ལས་གྲུབ་པའི་བྱམས་སྐུ་ལས་ཚད་མ་གཅིག། ལི་མའི་རྡོ་རྗེ་འཆང་དང་སྒྲོལ་དཀར་སོགས་གསེར་སྐུ་བདུན་ཅུ་ལྷག་ཙམ་ངར། རྨ་སེ་རྟོགས་ལྡན་གྱི་བཞེངས་པའི་སྨན་འདམ་སྐུ་བརྒྱ། གསེར་ལས་བྲིས་པའ་བཀའ་འགྱུར་ཚར་གཅིག་སྐུ་རྒྱུ་ལི་མ་ལས་གྲུབ་པའ་བཀའ་གདམས་འོད་འབར་མཆོད་རྟེན་ལུས་ཚད་ཅན་གསུམ། ཞལ་ཐང་ཆེ་ཆུང་བརྒྱ་དང་ཉི་ཤུ། མཆོད་ཆ་དང་རོལ་ཆས་སྐོར། ཏིང་ཆ་བཅུ། བུམ་པ་ཆ་གཉིས། ནང་མཆོད་ཆ་གཉིས། མཎྜལ་ཆ་གཉིས། གསེར་ཀོང་དང་དངུལ་ཀོང་ཆ་གཉིས། [page 555] གདུགས་རྒྱལ་མཚན་བ་དན་ཀ་འཕན་བཅས་ཆ་ཚང་གཅིག་དང་མི་ཉག་གངས་དཀར་སྤྲུལ་སྐུས་གནང་བའི་མཆོད་རྫས་མང་པོ་ཡོད། དུང་ཆོས་དང་གཟུགས་ཐག་རྡོ་རྗེ་ཆ་གཉིས། དུང་ཆ་གཉིས། སིལ་སྙན་ཆ་ལྔ། རྡོར་དྲིལ་ཆ་གཉིས། ཌ་མ་རུ་ཆ་གཉིས། སྦུག་ཆལ་ཆ་བཅུ། མཆོད་རྔ་ཆ་གསུམ་ལག་རྔ་ཆ་བཅུ། སྐང་གླིང་ཆ་གཉིས། རྒྱ་གླིང་ཆ་གཉིས། དུང་ཆེན་ཆ་གཉིས།

དུས་མཆོད་དང་འབག་འཆམ་སྐོར། དབྱར་གནས་མགོན་པོ་ཕྱག་བཞི་པའི་གཏོར་བཟླག། རྡོ་རྗེ་རྣལ་འབྱོར་མའི་ཆོ་ག། མགོན་པོ་བེར་ནག་གི་གཏོར་ཟློག། བདེ་ཆེན་ཞིང་སྒྲུབ། གངས་དཀར་བཤད་སྒྲུབ། ཆོས་ཀྱི་སེང་གེས་རྡོ་རྗེ་རྣལ་འབྱོར་དཀྱིལ་འཁོར་ཞལ་ཕྱེས། ནག་པོ་ལྕམ་དྲལ་སྒྲུབ་པ་ཡང་དག་བཙུགས། ཚོགས་གར་དང་ནི་མགོན་པོ་གར་འཆམ་བཙུགས་ཞེས་གསུངས་སོ། བཤད་སྒྲུབ་ཀྱི་སློབ་གྲྭ་ནི་མེད། མ་དགོན་ནི་གངས་དཀར་དང་དཔལ་སྤུངས་བཅས་ལ་འགྲོ་སྲོལ་ཡོད། གཞན་ཡང་སྐྱེས་ཆེན་དམ་པ་གོང་ཞུས་ལྟར་མང་པོ་བྱོན་ནས་གདན་ས་འདིར་བཞུགས་མྱོང་ངོ་། དཔལ་འབྱོར་གྱི་འོང་ཁུངས་སྐོར། སྐུ་རིམ་ཞབས་བརྟན་གྱི་ཡོན་འབུལ་དད་ལྡན་སྦྱིན་བདག་དག་ལ་བརྟེན་དགོས་སོ། གནའ་སྔ་མོའི་སྦྱིན་བདག་གི་དུད་གྲངས་ཉིས་བརྒྱ་ལྷག་ཙམ་ཡོད།

དེ་ལྟར་གནས་ཆེན་ཕག་རི་དགོན་པ་འདིར་གྲུབ་ཐོབ་རིམ་བྱོན་གྱིས་སྐྱོང་བའི་དགོན་པ་འདི་ལ་ངོ་རྒཽལ་བཞིས་སྐབས་སུ་ཐ་ན་གཙུག་ལག་ཁང་དང་གྲྭ་ཤག་བཅས་མེད་བརླག་ཏུ་ཤོར། མི་ཉག་གངས་དཀར་རིན་པོ་ཆེའི་དངོས་སློབ་མཁན་པོ་རོང་པ་ཕུན་ཚོགས་ནོར་བུ་ནི་དུས་དབང་གི་བར་ཆད་གང་མང་བྱས་ཀྱང་མ་ཐུབ་མ་བསྟན་པ་ཉམས་པ་སླར་གསོ་བྱེད་སྐབས་སྔོན་གྱི་ཐུགས་བསྐྱེས་བཟང་པོ་དུས་སུ་སྨིན་པས་ཁོང་ཉིད་དང་རོང་པ་ཕུན་ཚོགས་དར་རྒྱས་སོགས་ཀྱིས་འགན་འཁུར་གཙོ་བོ་བྱས་ནས་གཙུག་ལག་ཁང་རྟེན་དང་བཅས་པ་བཞེངས། མི་ཉག་མཁན་པོ་ཆོས་གྲགས་གདན་དྲངས་ནས་འདུལ་བ་གཞི་གསུམ་གྱི་ཆོ་གའི་དབུ་བཙུགས། མཁན་པོ་ཕུན་ཚོགས་ནོར་བུ་དགུང་གྲངས་དོན་བཞིའི་ཐོག་རབ་བྱུང་བཅུ་བདུན་པའི་ས་འབྲུག་ལོའི་ཧོར་ཟླ་དགུ་པའི་ཚེས་དྲུག་ཉིན་གྱི་སྔ་མོར་སྐུ་གཤེགས་མ་ཐག་ཏུ་ནམ་མཁའ་ལ་འཇའ་སྤྲིན་གྱི་གུར་ཕུབ་པ་སོགས་ལྟས་བཟང་དུ་མ་བྱུང་། དེའི་རྒྱུན་འཛིན་རོང་པ་དཔལ་ཆེན་རབ་བྱུང་བཅུ་བདུན་པའི་ཆུ་སྤྲེལ་ལོའི་ཧོར་ཟླ་བཅུ་གཉིས་པའི་ཚེས་ཉེར་གཅིག་ཉིན་སྐུ་གཤེགས་དེ་རྗེས་རོང་པ་རིག་འཛིན་དང་ངག་དབང་ཆོས་གྲགས། དམ་ཆོས། ཨོ་རྒྱན་ནོར་བུ། ཁང་གསར་མགོན་པོ། རོང་པ་ཕུན་ཚོགས་དར་རྒྱས་བཅས་ཀྱིས་འགན་ཁུར་ནས་དགེ་འདུན་བཞི་བཅུ་ཞེ་ལྔ་ཙམ་འཚོགས་རྒྱུ་འཛོམས་ཡོད། རྟེན་བཞེངས་སྐུ་གསུང་ཐུགས་རྟེན་ཅུང་ཟད་དང་ཁང་བའི་སྐོར་བཅས་ཆ་ཚང་བ་ཞིག་དང་། མཆོད་རོལ་སྐོར་ཡང་ཆ་ཚང་གཅིག་བླུས་ཡོད། དུས་མཆོད་དང་སྒྲུབ་མཆོད་འབག་འཆམ་སྐོར་ནི་རྣལ་འབྱོར་མའི་སྒྲུབ་མཆོད། མ་མགོན་ལྕམ་དྲལ་གྱི་གཏོར་ཟློག ཟོར་འཆམ་གཏོར་རྒྱག བསང་དགྲ་བླ། དབྱར་གནས། མགོན་པོ་བྱ་རོག་གི་གཏོར་རྒྱག་བཅས་ཡོད། དགོན་པ་བཏབ་ནས་ད་བར་དུ་ལོ་གྲངས་བདུན་བརྒྱ་དང་དགུ་བཅུ་གོ་[page 556] གཅིག་སོང་ཟིན། དེང་སྐབས་སྦྱིན་བདག་གི་དུད་གྲངས་ནི་དྲུག་བརྒྱ་ལྔ་བཅུ་ཡིན་ནོ།།

ཞེས་པ་འདི་ནི་རོང་པ་རིན་འཛིན་དང་རིག་བསྟན་གཉིས་ཀྱིས་བྲིས་པའོ།།

ས་མིང་ཚིག་མཛོད་མིག་བཤར།

སྨིན་གྲོལ་དགོན་ཞེས་པའི་མིང་བཏགས་དོན་ནི། ས་འདི་གནས་རྩ་ཆེན་ཞིག་ཡིན་པས་གང་ཟག་སུས་འབྲེལ་བ་བྱས་ན་རང་རྒྱུད་སྨིན་པར་བྱེད་ནུས་པའི་རྟེན་འབྲེལ་གྱི་མིང་ཞིག་གསོལ་ཡོད་པས་ཆ་ནས་མཚན་དེ་ལྟར་ཐོགས་སོ། རབ་བྱུང་བདུན་པའི་ཆུ་སྤྲེལ་ལོར་(1392) བླ་མ་དགེ་འདུན་འོད་ཟེར་གྱིས་བཏབ། གྲུབ་མཐའ་ནི་གནའ་ནས་ད་ལྟའི་བར་དུ་གསང་སྔགས་རྙིང་མ་དང་མཛད་རྗེས་ཅན་གྱི་བླ་རབས་བཅུ་གཅིག་ཡོད།

འགན་ཁུར་མཛད་མཁན་ལ་བསྟན་བདག་གཅིག ཁྲི་བ་གཅིག དབུ་མཛད་གཅིག དགེ་སྐོས་གཉིས། མཆོད་དཔོན་གཉིས། ཕྱག་མཛོད་གཉིས་བཅས་ཡོད་པ། འགན་ཁུར་མཁན་རྣམས་ལོ་གསུམ་རེའི་མཚམས་སུ་བརྗེ་ལེན་མཛད་སྲོལ་ཡོད། གནའ་གྲྭ་པ་བརྒྱ་དང་དྲུག་ཅུ་ཡོད། དེང་སང་གྲྭ་བ་བཞི་བཅུ་ཞེ་བརྒྱད་ཡོད་དོ།

འཛུགས་སྐྲུན་སྐོར། གཙུག་ལག་ཁང་གཉིས་ཡོད། གཙུག་ལག་ཁང་གཅིག་གནའ་སྔོན་མའི་དགོན་ཤུལ་ལ་དེང་སང་བར་སྟོད་ཤང་གི་སློབ་གྲྭ་ཆུང་བ་ཞིག་རྒྱབ་ཡོད། གསེར་ཁང་གཅིག གཉེར་ཁང་གཅིག དཔེ་མཛོད་ཁང་གཅིག ཇ་ཁང་གཅིག བླ་བྲང་ཁང་གཉིས། གྲྭ་ཤག་བཞི་བཅུ་ཞེ་གསུམ། དཔལ་འབྱོར་གྱི་འོང་ཁུངས་སྐོར། གནའ་སྔ་མོ་དང་ད་ལྟའི་བར་དུ་མི་སེར་དད་ལྡན་གྱི་སྦྱིན་བདག་རྣམས་ལ་བརྟེན་ནས་འོང་དགོས། གདན་ས་འདིར་སྐྱེས་ཆེན་དམ་པ་བཱཿགནས་ཡང་སྤྲུལ་དང་གནས་ནང་སྤྲུལ་སྐུ་སོགས་མང་ཙམ་བྱོན་མྱོང་། ཐབ་ཆས་སྐོར་ལ་ཚོགས་ཟངས་དྲུག་དང་། སྐྱོགས་ཆ་བཅུ། ཟོ་ཁྲ་བཞི་བཅུ་ཞེ་ལྔ། སྡེར་མ་ཉིས་བརྒྱ། ཆུ་ཟོམ་ལྔ་བཅས་ཡོད་དོ།།

སྐུ་གསུང་ཐུགས་རྟེན་སྐོར། སྐུ་རྟེན་ནི། སྨན་འདམ་ལས་བཟོས་པའི་གུ་རུའི་སྐུ་ཁང་བརྩེགས་གཅིག་ཅན་གཉིས་ཡོད། རྒྱལ་བ་བྱམས་པ་ཁང་བརྩེགས་གཅིག་ཅན་གཉིས། མཁན་སློབ་ཆོས་གསུམ་ཆ་གཉིས་ཡོད། ཞལ་གཅིག་ཕྱག་བཞིའི་སྤྱན་གཟིགས་ཆ་གཉིས། སྤྱན་རས་གཟིགས་ཕྱག་སྟོང་སྤྱན་སྟོང་སྐུ་ཆེ་བ་གཉིས། སྒྲོལ་མའི་སྐུ་གཉིས། དཔལ་ལྡན་ལྷ་མོའི་སྐུ་ཆ་ཚང་བ་གཉིས། མགོན་པོ་གཅིག གཤིན་རྗེ་ཚེ་བདག་གི་སྐུ་གཉིས། གསེར་སྐུ་ཆེ་ཆུང་ཚང་མ་དྲུག་ཅུ་རེ་ལྔ་དང་། ཞལ་ཐང་ཆེ་ཆུང་ཐམས་ཅད་དྲུག་ཅུ་ལྷག་ཡོད།

གནའ་རྫས་རྟེན་གཙོ་རྩ་ཆེན་སྐོར། གསེར་ཟངས་ལས་གྲུབ་པའི་གུ་རུའི་སྐུ་གསུང་འབྱོན་མ་གཅིག [page 557] གྲུབ་ཆེན་ཞིག་གིས་གནང་བའི་དུང་དཀར་ཁྱད་འཕགས་ཅན་གཅིག་ཡོད། མཆོད་ཆ་དང་རོལ་མོའི་སྐོར། ཏིང་ཕོར་ཆེ་ཆུང་བཅུ། བུམ་པ་བདུན། ནང་མཆོད་བདུན། མཎྜལ་ཆ་བཅུ། དངུལ་ཀོང་བཅུ་བཞི། ཀོང་བུ་ཉི་ཤུ། གདུགས་རྒྱལ་མཚན་བ་དན་ཀ་འཕན་བཅས་ཆ་ཚང་བ་ཆ་གསུམ་ཡོད། དུང་ཆོས་དང་གཟུངས་ཐག་རྡོ་རྗེ་ག་བུ་མ་བཅས་ཆ་ལྔ་ཡོད། སྦུག་ཆལ་ཆ་ལྔ་བཅུ། སིལ་སྙན་ཆ་ལྔ། རྡོར་དྲིལ་ཆ་ལྔ། ཌ་མ་རུ་ཆ་ལྔ། དུང་ཆེན་ཆ་གཉིས། འཁར་རྔ་ཆ་གཉིས། རྐང་དུང་ཆ་དྲུག རྒྱ་གླིང་ཆ་ལྔ་བཅས་ཡོད་དོ།།

ཆོས་ཚོགས་འབག་འཆམ་སྐོར། ཞི་ཁྲོ་དམ་པ་རིགས་བརྒྱའི་འབག་འཆམ་ཆ་ཚང་གཅིག དབྱར་གནས། སྒྲུབ་མཆོད་ཉིན་བཅུ། བསྙུང་གནས་ཉིན་བཅུ་དྲུག ཞིང་སྒྲུབ་ཉིན་བཅུ། གུ་དྲག་སྒྲུབ་མཆོད་ཉིན་བཅུ་འཆམ་དང་བཅས་པ་ཡོད་དོ།།

གྲྭ་ས་འགྲོ་སའི་མ་དགོན་ནི་གནས་ནང་དགོན་དང་མདོ་རྡོ་རྗེ་བྲག་གཉིས་ཡིན། བཤད་གྲྭ་དང་སྒྲུབ་གྲྭ་དགོན་འདིར་བཙུགས་ཐུབ་མ་མྱོང་། གནའ་དང་ད་ལྟའི་དགེ་འདུན་པའི་གྲངས་དུ་བཞུགས་སྐོར། སྔོན་ཆད་བླ་གྲྭ་བརྒྱ་དང་བཅུ་ཡོད། དེང་སང་འདིར་གྲྭ་པ་བཞི་བཅུ་ཞེ་བརྒྱད་ཡོད། རིག་གསར་སྐབས་དུས་དབང་གིས་དགོན་པ་གཏོར་བརླག་ཚབས་ཆེན་ཐེབས་ནས་མེད་པར་སོང་།

དེང་སང་གི་གནས་ཚུལ། སྤྱི་ལོ་1984 ལོ་ལ་བླ་མ་ས་རྒོད་ཚང་གིས་གཙོ་བོར་བྱས་ནས་སྐྱ་སེར་ཡོངས་ཀྱི་མཐུ་ལ་བརྟེན་ནས། གཙུག་ལག་ཁང་ཀ་རིང་གཉིས་དང་ཀ་ཐུང་བཅུ་ཅན་གཅིག ཇ་ཁང་གཅིག སྲུང་མ་ཁང་། དུང་འཁོར་ཁང་། གྲྭ་ཤག་བཅུ་གཅིག་བཅས་བཞེངས་གྲུབ། སྨན་འདམ་གྱི་སྐུ་སྟོན་པ་གཙོ་འཁོར་གསུམ་ཅན་གཅིག་གུ་རུ་གཙོ་འཁོར་གསུམ་ཅན་གཅིག སྒྲོལ་སྐུ་ཆེ་ཆུང་གསུམ། ཀུན་མཁྱེན་ཀློང་ཆེན་པ་གཅིག རྡོར་སེམས་ཀྱི་སྐུ་གཅིག སྤྱན་རས་གཟིགས་ཀྱི་སྐུ་གཅིག དཔལ་ལྡན་ལྷ་མོ་གཅིག མགོན་པོ་གཅིག ཕྱག་རྡོར་གཅིག ཞལ་ཐང་བརྒྱད། གསེར་སྐུ་བཅོ་ལྔ། བཀའ་བསྟན་གཅིག ཟངས་རག་གི་མཆོད་རྟེན་ཆ་གཅིག མཆོད་རོལ་སྐོར་ལ་བདུན་ཚར་ཆ་ལྔ། མཚན་ཐུབ་ཀོང་བུ་ཉི་ཤུ། ཀོང་བུ་ཆུང་བ་བརྒྱ་མཆོད་གཅིག མཆོད་རོལ་ཆ་ཚང་བ་གཅིག་བཅས་དང་། ཐབ་ཆས་སྐོར་ལ་ཚོགས་ཟངས་གཉིས། སྐྱོགས་ཉི་ཤུ་བཅས་ཡོད་དོ། ད་སྐབས་དགོན་པའི་སྦྱིན་བདག་གི་དུད་གྲངས་བརྒྱ་དང་བརྒྱད་ཅུ་ཡོད། བླ་མ་ཨ་རྒོད་ཚང་ནི་དགོན་པ་དང་ཡུལ་ལུང་ལ་ཤིན་ཏུ་བཀའ་དྲིན་ཆེན་པོ་ཞིག་ཡིན་ནོ། གནའ་ནས་ད་ལྟའི་བར་དུ་ལོ་དྲུག་བརྒྱ་དང་གསུམ་སོང་ཟིན།